Газеталöн номерыс лöсьöтöм Пермскöй крайись народдэзлöн национальнöй йитöттэз зорöтöм понда целевöй Программалöн рамкаэзын.

январь 22 лун 2015год №3(225)

КОМИ-ПЕРМЯККЕЗЛÖН ОКРУЖНÖЙ ГАЗЕТА

Газеталöн медодзза номер петiс светö февраль 19 лунö 2010 годö.

мöдöдз листбок вылын

мöдöдз листбок вылын

ЭЗЫСЬ (СЕРЕБРЯНÖЙ) ГÖТРАСЬÖМ

куимöт листбок вылын

Павел Флоренский (1882г.) философ,

учёнöй;

Сергей Эйзенштейн (1898 г.) режиссёр,

кинотеоретик;

Лев Ландау (1908г.) физик;

Александр Мень (1935г.) гижись-богослов;

Валентина Талызина (1935г.) актриса;

Георгий Боос (1963 г.) политик.

Январь 27 лунö чöвтiсö Ленинградлiсь блокада (1944). Вежалун керöм «О днях воинской славы (памятных днях России» Федеральнöй законöн, кöдö примитiс Государственнöй Дума февраль дасöт лунö 1995 годö.

Январь 27 лунö сизимдас (70) год вотöдз (1945) Советская Армия освободитiс Освенцим гитлеровскöй концлаге-рись узниккезöс.

Юöртчам нiя морттэз дынö, киннэз асьныс керисö подписка «Кама кытшын»

газета вылö тавося джын год кежö.

Корам ыстыны абонементтэз Редакцияö адрес сьöртi: Кудымкар, Пермяцкая улица, 47, каб.122. (газета), нето пыртö асьныт.

Январь 31 лунö, 13.00, лоас и беспроигрышнöй лоторея, сiйöн корам,

кин вермас, локны Розыгрыш вылö. Быдыс, кин локтас залö, мунас шедтöм

призöн.

ЫДЖЫТ ЛУН КЕЖÖ КУДЫМКАРЫН ЛОАС ЗВОННИЦА

нварь 20 лунö Кудымкарскöй районлöн администрцияись ЗАГС-ын чулалiс тöдчана событие. Кыдз гижлiс ни газета, бытшöм

традицияöн лоис порйöтны гозъяэзлiсь уна годдэз сьöрна öтласа олöмлiсь юбилейнöй датаэз – 25, 50 год да ыджыт-жык лыда событиеэз.

Сiдз, январь 20 лунö басöка мöдöтöм залын торжественнöя чулалiс Кудымкарскöй районын Степановскöй поселеннёись Вера Геннадьевна да Виктор Юрьевич Пироговвез гозъяöс гöтрасьöмсянь кыкдас вит (25) год сьöрна öтлаын олöмöн поздравляйтöм. Кыдз и пыр овлö (былись чулалан) регистрация коста, гозъяыс гижсисö акттэз гижöм сьöртi юбилейнöй книгаын да козьналiсö öтамöдлö эзысь (серебрянöй) чунькыт-шшез. Шоныт да одзланься оланын радейтöм, öтамöдöс вежöртöм кöсйисö юбиляр гозъялö нылöн аймаммез, роднöй морттэз, нельки гöтрасьöм коста-ся свидетеллез, кöдна вöлöмась нылöн регистрация коста 20.01.1990 годö. Быдöнныс мöдiсö пантасьны Пирогов гозъялöн витдас (50) годся юбилей коста. Вöлiсö и шуда синваэз, окасьöм, козиннэз да дзоридззезöн басöкся-басöк букеттэз.

Лада Созонова

ЭЗЫСЬ (СЕРЕБРЯНÖЙ) ГÖТРАСЬÖМ

КАМА кытшынE-mail: kytshyn@mail.ru

Я

КЫДЗ ЧЕЛЯДЬ ГОРТÖ ПЫРЫШТЛİЫДЖЫТ ЛУН КЕЖÖ КУДЫМКАРЫН ЛОАС ЗВОННИЦА

ТÖДЧАНА ДАТАЭЗЛÖН КАЛЕНДАРЬ. Январь.

ПОЧЁТНÖЙ ЗВАННЁ

Талуння лунö чужисö:

Январь 31 лунö лоас приззэзлöн

розыгрыш

Кама кытшынянварь 22 лун 2015

№3 (225)2

ЫДЖЫТ ЛУН КЕЖÖ КУДЫМКАРЫН ЛОАС ЗВОННИЦА

Юсьвинскöй район

ПОЧЁТНÖЙ ЗВАННЁТöдчана событие шогмис Юсьвинскöй муниципальнöй район да сы территория вылын олiссез

понда. Районiсь Земскöй Собраннёлöн решеннё сьöртi Людмила Петровна Гуляева да Николай Александрович Быков получитiсö районлöн 90-годся юбилей кежö вылын званнё

«Почётный гражданин Юсьвинского муниципального района».

Людмила Петровна уналö тöдса морт не только районаныс, но и быдсöн Коми-Пермяцкöй округ пась-та. Сiя получитiс филологическöй об-разованнё Пермскöй государственнöй педагогическöй институтiсь коми-пермяцко-русскöй отделеннё вылын. Быдöс оланыс и уджыс сылöн сетöмöсь медколаналö – челядь велöтöмлö. Школаын уджавтöн, сiя велöтiс челядьсö тöдны коми, роч кыввез да литератураэз, а ны пыр воспитывайтiс велöтчиссезас честность да рам характер, чужан му дынö радейтöм да мортлiсь медвылын качествоэз, кыдз гуманизм, öтамöдöс вежöртöм да быд морт дынö терпен-нё. Людмила Петровна уджалiс кык год сьöрна Кудымкарскöй районын да куимдас нёль год сьöрна ас районас. 36 годся öтласа стажись 18 год вöлi Крохалёвскöй школаын веськöтлiсьöн. Этасся, Людмила Гуляеваöс тöдöны кыдз гижисьöс. Сiя гижö лирическöй да гражданскöй шыа кывбуррез ыджыт-тэз понда, неыджыт рассказзэз да кыв-буррез челядь понда, сьылöтö ассис земляккесö, юсьвинскöй мусö, Пармасö

коми-пермяцкöй да роч кыввез вылын. Сылöн унагодся челядькöт уджалан опыт сетö бура тöдны не только нылiсь ассяма характеррез, но и быдкодь си-туацияэз, кöдна лоöны висьттэз понда интереснöй сюжеттэзöн. А эшö Людми-ла Петровна пыр участвуйтö районлöн общественнöй уджын.

Николай Александрович тожö тöдса не только ас районас, но и быдöс округ пасьта, кыдз «Заря бу-дущего» колхозiсь медбур юралiсь. Сельскохозяйственнöй производство зорöтöмын успеххез понда да унагод-ся удж понда Николай Александрович вöлi наградитöм Почет нима орденöн, «За преобразование Нечернозёмья РСФСР» медальöн, сылö присвоитöм почётнöй званнё «Заслуженный работ-ник сельского хозяйства».

Н.А. Быков уна год сьöрна вöлi районнöй Советлöн, округись Законодательнöй Собраннёлöн да областнöй законодательнöй Собраннёлöн депутатöн. Сы веськöтлöм увтын колхоз вöлi медодзза местаэзын районын да и округын, босьтлiс вылын результаттэз сю вöдитöмын, животно-водствоын.

Колö висьтавны, что Л.П.Гуляева, Н.А. Быков – вылын гражданскöй пози-цияа морттэз. Социальнöй сфераын да сельскохозяйственнöй производство-ын асланыс уджöн, делоэзöн пуктiсö ыджыт пай да колисö тöдчана визь

Юсьвинскöй район зорöтöмын. Вылын наградаöн Тiянöс, бур

морттэз! «Кама кытшын» ре-дакцияись уджалiссезсянь да лыддьöтiссезсянь примитö сьöлöмсянь висьталöм кöсйöммез: бур здоровье, шуд да колана удж районныт зоралöм понда!

Лада Созонова.

Таво, январь 16 лунö Кудымкарись Свято-Никольскöй соборö Украинаись локтісö ко-локоллэз (джынняннэз, сильканнэз). Но дасöтік кыла-пеля бронзовöй мывкыд сідз и кольччис сулавны вичку пыранін одзын. «Озö звонитö, нылöн шыыс кусö, оз паськав», – висьталіс Владимир Петровский.

Светлана Попова.

А р х а н г е л ь с к и с ь Богородицалöн Успеннё нима вичкуись старшöй зво-нарь, колокольнöй искус-ство сьöртi Академияись действительнöй член Влади-мир Марьянович Петровский Кудымкарын олö куим неде-ляся унажык ни. Сія локтіс миян карö Коми-Пермяцкöй округись благочиннöй Сергий Пийтер корöм сьöрті, медбы сувтöтны Свято-Никольскöй кафедральнöй соборын звонница, велöтны вичкуын уджаліссезöс тöдны горалöм, орсны звоннэз, кöдна вöлісö православнöй колокольнöй традицияэзын. «Колокольнöй звонын медтöдчанаэс ритм да характер, но он кö пук-ты ассит лов, нем оз пет», – öтік öмись шуöны Владимир

Марьяновичлöн велöтчиссез.Дасся унажык морт куим не-

деля сьöрна быд рытö кывзісö колоколлэзлöн история йылісь лекцияэз, велöтчисö звонит-ны тренажёррез вылын благо-вест, быдлунся, вежалунся, ва

святитан да мöдік перезвон-нэз. Кольччис сетны экзамен – иньдöтны-койыштны Кудым-кар пасьта югдöтан-ловзьöтан Ен шы. Но быдöс вылö Енлöн ки, кыдз горöтчис Свято-Никольскöй соборись насто-

ятель Сергий Пийтер, натьтö, колö эшö видзчисьыштны, мед колоколлэзкöт пантасьöм и нылöн Ен дынö вылын шы лоис быдöнным понда донажык.

Кудымкарись вичку весь-тын чожа лоас сэтшöм звонни-

ца, кытшöм колö собор понда. Ыджыт лун панытö Владимир Петровский эшö öтпыр локтас миян карö, медбы сувтöтны виль колоколлэзöн звонница.

Кама кытшынянварь 22 лун 2015

№3 (225)3

Крестнöй ход Косинскöй районiсьЧазево деревняын, 60-öй годдэз

КОНКУРС

КОМИ-ПЕРМЯЦКÖЙ ОКРУГЛÖН ОДЗЗА ОЛАНİСЬ

Молебен Косинскöй районiсь Подъячево деревняын, 60-öй годдэз

Мийö газетаын гижлiм ни сы йылiсь, что Син-томова деревняын (Кудымкарскöй район) оссис храм. А эшö эта, шуам сiдз, чапкöм дерев-няын эм… музей! Бы-лись, настоящöй музей, кытчö öктöмась коми-пермяклöн одзза оланiсь быдкодь дозмук и не только.

Елена Коньшина.

Храмын служба бöрсянь Любовь Васи-льевна Четина, кин отсöтöн шогмис С и н т о м о в а ы н Енлöн керку, локтыштiс бо-кам да ваш-кис пель вылö: «Елена Ива-новна, ме бы эшö мыйкö мыч-чала тiянлö. Адззö кынымкö минута да вет-лам жö öтiк местаö: тасянь неылын». Мунiм вит минута гöгöр. Виль храмсянь морт-туй вайöтiс чапкöм пöлiньтчöм керку дынö. Посöдз сьöртi

тöдчис: кöркö татöн олöмась зажиточнöйöсь. Басöкöсь вöлöмась и öшын наличниккез. А быдöс музейнöйыс öктöм керку пытшкас. Кöр ме пыри керкуас, бытьтö оськöвтi ас гортö. Веськыт ладорас гöбеч, кытöн меным бабö висьтасьлiс важ, мукöдпыр повзьöтчана висьттэз. Сы увтын – запан-ня, кöда вылын пукавтöн мийö челядьыскöт видзöтлiм телевизор. Латтянсёр вы-лын öшалöны половиккез да чышкöттэз. Веськыт лабич

вылын куйлö вурунöн тыртöм печкан. Сыкöт ордчöн пуктöм чöрс, дзик хозяйкаыс неважын торйöтчис печканкöт: мунiс

комö, нето петiс карчйöрö. Öшын вылö пуктöмась сьöктан, ордчöн – банiсь керöм бекöр. Уна бекöрпань син вылö усьöны

комын. Горöм пöдана горпöданöн. Залавка

дынын сулалö гыр, сэтöн жö кынымкö гырнич. Уна мый берся куйлö джад-жын. Но мый мед-донаыс комас,- этö

станок, кöда вылын кыйöны мича рöма

половиккез. Берся öктöм и чо-

мын. Вежöртана, быдöс этö колö адззывны. Кыдз юöртiс

ачыс Любовь Васильевнаыс, керку-музей корö ыджыт ре-монт: колö лöсьöтны öшыннэз, посöдз и сiдз одзлань. Инька надейтчö: оссис кö Синтомо-

ваын храм, лоас татöн и музей.

Фотографияэз ыстiсö Чазевскöй школаись велöтiссез – В.Е. Мартынова, Е.К. Салтанова.

КЫДЗ ЧЕЛЯДЬ ГОРТÖ ПЫРЫШТЛİВеськыт ладорас гöбеч, кытöн меным бабö висьтасьлiс важ,

мукöдпыр повзьöтчана висьттэз. Сы увтын – запання, кöда вылын пукавтöн мийö челядьыскöт видзöтлiм телевизор.

козьналöм Коми-Пермяцкöй округлöн öкмысдас (90) годся юбилейлö

«Кама кытшын» (В окружении Камы)-Коми-Пермяцкöй округлöн газета.Учредитель и лэдзись - Коньшина Елена Ивановна. Телефон - 4-43-13,

адрес: Кудымкарскöй район, Дёмина деревня, ул. Мира, 5.Регистрация йылiсь свидетельство – ПИ №ТУ 59 – 0412 сетöм Пермскöй крайöт массовöй

коммуникацияэзлöн да информационнöй технологияэзлöн связьлöн сфераын надзор сьöртiФедеральнöй службалöн Управленнёöн. Газеталöн индекс: 53324

Редакциялöн адрес: 619000, г. Кудымкар, ул. Пермяцкая, 47.

Газеталöн номер кырымпасалöм 21.01.2015 г.Печатьö кырымпаслöн кад: 12.00. график сьöртi 12:00, 21.01.2015 г.

факт сьöртi 12-00, 21.01.2015 г.

Газета петö öтпырись неделя вылын.Редакциялöн да гижиссезлöн мненнёыс не пыр

вермас вачкисьны.Публикацияэз понда, кöдна понда вештöм сьöм,

ответственность водö нылöн гижиссез вылö.Главнöй редактор Елена Коньшина.

Печатайтöм: ООО «Печатник»,Верещагино карын,

Октябрьская нима улица, 61.Газета ыжданас: кык печ. лист.Заказ №299 Тираж 2000 экз.

4

Галина Бачева

Öктiс да коми-пермяцкöй кыв вылын лöсьöтiс Аркадий Мошегов, Шерья посад.

6+

она ёрт, ме тöда, что тэ ку-ритан, но вер-ма висьтавны,

что куритöмыс – этö жагöник кулöм, кöр тэ асьтö жагöник сё виян и виян. Сига-рета – этö никотин, кöдасянь вермас кув-ны морт. Куритöмсянь вермасö лоны уна шогöттэз: язва, ту-беркулёз, рак и эшö

уна мöдiккез. Менам кыввез бöрсянь тэ мыйкö решитан, но самöй бурыс лоас, что тэ чапкан куритны и пондан за-нимайтчыны спортöн. Адззисьлытöдз!

Софья Коколева, 6 класс, Пелымскöй школа.

– Этö тэнат пурт? Мыйлö сiя тэныт?– Тiян понда – Мы-ый???– Морт дынö, кöдалöн эм пурт, колö обращайтчы-

ны «Тi» вылö.

***Тöдсаэз челядь понда жырсö, кытöн олö нылöн

сизим годся (7-летний) зон, öддьöн образнöя шуöны – зонарник (сынарник).

***Миян депутаттэз öддьöн мудрöйöсь. Нiя медодз

сувтöтiсö налог материтчöм вылö, а сыбöрын кыкись содтiсö аслыныс зарплата.

***Ме пыр велöтча отир ошибкаэз вылын, кöднö нiя

керöны менам советтэз сьöртi.

***Вовочка пышшавлiс уроккез вылiсь. Кадсö чулöтiс

стройув вылын. И вит класс кончитöм бöрын сiйö сувтöтiсö прорабöн.

***Учöтсянь Вовочка мöдiс поступитны медицинскöй

институтö и лоны хирургöн. Но кöр быдмыштiс, то вежöртiс, что сы понда медбы вундавны отирöс, оз ков медицинскöй образованнё.

***Антитабачнöй закон примитöм бöрын депутаттэз

öнi куритны котрасьöны Кремль сайö.

***Полицейскöй ю берег вылын сибöтчис нывка

дынö, кöда чöвтчис и лöсьöтчö уськöтчыны юас.– Эстöн купайтчыны запретитöм! – А мыля тi сразу эд висьталö! Тi жö эстi ветлöтiт,

кöр ме чöвтчи?– А чöвтчыны запретыс абу.

ур лун, дона ёрт! Тэ тöдан, что уна куритiссез шогалöны туберкулёзöн. Если тэ куритан, ме тэныт сета бур совет: эн курит некöр. Куритiссезлöн пыр веж пиннез, лёгкоэзныс öддьöн слабöйöсь, веж

чужöм, нiя ёна кашляйтöны. Если бы тэ он ло сэтшöмöн и он бы шогав, сэк некöр эн курит, и эн пондöтчы куритны! Адззисьлытöдз!

Алёна Хомякова, 7 класс, Пелымскöй школа.

е обращайтча тэ дынö, дона ёрт! Тэ думай-тан, что куритны öнi модно? Конечно жö, абу. Тэ только аслат к у р и т а н ö н

виян асьтö. Кури-тансянь лоöны уна шогöттэз. Рак – этö öддьöн страшнöй шогöт, сысянь туйö даже кувны. А вер-мас лоны инфаркт или язва. Думай-тышт эта вылын. Адззисьлытöдз!

Диана Грибова, 7 класс,

Пелымскöй школа.

Кольччис месяцетш кад округлöн историческöй дата дынöдз. Бур тради-ция сьöртi, миян газета вежалун (празд-ник) локтанöдз пондас публикуйтны коми-пермяцкöй гижиссезлiсь кывбуррез Парма-му да коми йöзöс радейтöм йылiсь. Рочöн кö висьтавны « объяснение в любви малой родине».

Тэ менам Коми муö,Медшуда1, дона горт.Сьöлöмö оз ов, кулö,Ог кыв кöр коми гор. Кöвьясьö нюр туманын, Кöр лэбтö асыв юр.Öшынö ойöн самöм,Кытчöдз югöр оз сюр.

А петас шондi, омöн,И видз, и ыб, и рас, –Дзик сотчан дзирыт шомöн,Ольсалас гöрд шебрас. Туман кымöрö кайö,Öшынö оз ни сам.О, менам Коми крайö,Медшуда, ласков мам.

1 Шуд, медшуда – счастливый, самый счастливый.

январь 22 лун 2015 №3 (225)

Кама кытшын

АНЕКДОТТЭЗ

Письмо куритiсь ёртлö

***

ПУКСЬЫ ДА ВАКСЬЫ

К Ö В Д Ö М О КМиян гижиссезлöн творчество

Коми-Пермяцкöй округлöн 90-годся юбилей кежö

Б

ДМ