Видови микроскопи Основниот апарат за работа во биолошка, медицинска, биохемиска или која било друга лабораторија е микроскопот. Микроскопот е многу прецизен инструмент, кој овозможува детално набљудување на мали или невидливи предмети и објекти, невидливи со голо око. Тоа се скапи инструменти, па затоа е неопходно со нив да се работи внимателно за да траат подолго и работата со нив да биде поефикасна. Зборот микроскоп доаѓа од зборовите (micros - мал и scopeo - гледање). Се смета дека микроскопот е пронајден кон крајот на XVI век од холандските браќа Захаријас и Ханс Јенсен, подоцна Левенхук го усовршил и се користел со ваков микроскоп за набљудување на различни микроорганизми. Современиот микроскоп е откриен кон крајот на XIX век. Денес постојат различни видови на микроскопи (поларизационен, фазноконтрастен, електронски, луминисцентен и др.). луоресцентниот микроскоп се употребува за набљудување на луорохромирани препарати т.е. препарати обоени со флуоросцентни бои. Фазно-контрастниот микроскоп овозможува микроскопирање на свежо, нефиксирано и необоено ткиво. Со посебно конструирани објективи и кондензатор се постигнува оптичка диференцијација на ткивата (фазен контраст), така што на микроскопската слика можат меѓусебно добро да се разликуваат детали кои имаат речиси еднаков индекс на прекршување на светлината.