المزامير قبطي صعيدي - wordpress.com · ⲡⲉⲧϫⲓⲛϭⲟⲛⲥ...

Sahidic Psalms

Psalm 1

1 ⲛⲁⲓⲁⲧϥ ⲙⲡⲣⲱⲙⲉ ⲉⲧⲉ ⲙⲡⲉϥⲃⲱⲕ ϩⲙ ⲡϣⲟϫⲛⲉ ⲛⲛⲁⲥⲉⲃⲏⲥ

ⲙⲡⲉϥⲁϩⲉⲣⲁⲧϥ ϩⲓ ⲧⲉϩⲓⲏ ⲛⲛⲣⲉϥⲣⲛⲟⲃⲉ ⲙⲡⲉϥϩⲙⲟⲟⲥ ϩⲛ ⲧⲕⲁⲑⲉⲇⲣⲁ

ⲛⲛⲗⲟⲓⲙⲟⲥ

2 ⲁⲗⲗⲁ ⲉⲣⲉⲡⲉϥⲟⲩⲱϣ ϣⲟⲟⲡ ϩⲙ ⲡⲛⲟⲙⲟⲥ ⲙⲡϫⲟⲉⲓⲥ ⲁⲩⲱ

ϥⲛⲁⲙⲉⲗⲉⲧⲁ ⲙⲡⲉϥⲛⲟⲙⲟⲥ ⲙⲡⲉϩⲟⲟⲩ ⲙⲛ ⲧⲉⲩϣⲏ

3 ϥⲛⲁⲣⲑⲉ ⲙⲡϣⲏⲛ ⲉⲧⲣⲏⲧ ϩⲓϫⲛ ⲙⲙⲁ ⲛϩⲁⲧⲉ ⲛⲙⲙⲟⲟⲩ ⲡⲁⲓ ⲉⲧⲛⲁϯ

ⲙⲡⲉϥⲕⲁⲣⲡⲟⲥ ϩⲙ ⲡⲉϥⲟⲩⲟⲉⲓϣ ⲛⲛⲉϥϭⲱⲃⲉ ⲛⲁⲥⲣⲟϥⲣⲉϥ ⲁⲛ ϩⲱⲃ ⲛⲓⲙ

ⲉⲧϥⲛⲁⲁⲁⲩ ⲛⲁⲥⲟⲟⲩⲧⲛ

4 ⲛⲧⲁⲓ ⲁⲛ ⲧⲉ ⲑⲉ ⲛⲛⲁⲥⲉⲃⲏⲥ ⲛⲧⲁⲓ ⲁⲛ ⲧⲉ ⲑⲉ ⲁⲗⲗⲁ ⲉⲩⲛⲁⲣⲑⲉ

ⲙⲡϣⲟⲉⲓϣ ⲉϣⲁⲣⲉ ⲡⲧⲏⲩ ⲑⲗⲟϥ ⲉⲃⲟⲗ ϩⲓϫⲙ ⲡϩⲟ ⲙⲡⲕⲁϩ

5 ⲉⲧⲃⲉ ⲡⲁⲓ ⲙⲙⲛⲁⲥⲉⲃⲏⲥ ⲛⲁⲧⲱⲟⲩⲛ ϩⲛ ⲧⲉⲕⲣⲓⲥⲓⲥ ⲟⲩⲇⲉ ⲣⲉϥⲣⲛⲟⲃⲉ ϩⲛ

ⲧⲥⲩⲛⲁⲅⲱⲅⲏ ⲛⲛⲇⲓⲕⲁⲓⲟⲥ

6 ϫⲉ ⲡϫⲟⲉⲓⲥ ⲥⲟⲟⲩⲛ ⲛⲧⲉϩⲓⲏ ⲛⲛⲇⲓⲕⲁⲓⲟⲥ ⲧⲉϩⲓⲏ ⲇⲉ ⲛⲛⲁⲥⲉⲃⲏⲥ ⲛⲁϩⲉ

ⲉⲃⲟⲗ

Psalm 2

ⲧⲱⲇⲏ ⲛⲇⲁⲩⲉⲓⲇ

1 ⲁϩⲣⲟⲟⲩ ⲛϩⲉⲑⲛⲟⲥ ⲁⲩϫⲓⲥⲉ ⲛϩⲏⲧ ⲁⲛⲗⲁⲟⲥ ⲙⲉⲗⲉⲧⲁ

http://www.crosswire.org/study/fulllibrary.jsp?show=SahidicBible

http://www.crosswire.org/study/passagestudy.jsp?key=Psalms+1%3A1#cv







ⲛϩⲉⲛⲡⲉⲧϣⲟⲩⲉⲓⲧ

2 ⲁⲩⲁϩⲉⲣⲁⲧⲟⲩ ⲛϭⲓ ⲛⲣⲣⲱⲟⲩ ⲙⲡⲕⲁϩ ⲁⲩⲱ ⲁⲛⲁⲣⲭⲱⲛ ⲥⲱⲟⲩϩ ⲉⲩⲙⲁ

ⲛⲟⲩⲱⲧ ⲉϯⲟⲩⲃⲉ ⲡϫⲟⲉⲓⲥ ⲙⲛ ⲡⲉϥⲭⲥ ⲇⲓⲁⲯⲁⲗⲙⲁ

3 ⲙⲁⲣⲛⲥⲱⲗⲡ ⲛⲛⲉⲩⲙⲣⲣⲉ ⲛⲧⲛⲛⲟⲩϫⲉ ⲙⲡⲉⲩⲛⲁϩⲃ ⲉⲃⲟⲗ ϩⲓϫⲱⲛ

4 ⲡⲉⲧⲟⲩⲏϩ ϩⲛ ⲙⲡⲏⲩⲉ ⲛⲁⲥⲱⲃⲉ ⲛⲥⲱⲟⲩ ⲁⲩⲱ ⲡϫⲟⲉⲓⲥ ⲛⲁⲕⲟⲙϣⲟⲩ

5 ⲧⲟⲧⲉ ϥⲛⲁϣⲁϫⲉ ⲛⲙⲙⲁⲩ ϩⲛ ⲧⲉϥⲟⲣⲅⲏ ⲛϥϣⲧⲣⲧⲱⲣⲟⲩ ϩⲙ

ⲡⲉϥϭⲱⲛⲧ

6 ⲁⲛⲟⲕ ⲇⲉ ⲁⲩⲕⲁⲑⲓⲥⲧⲁ ⲙⲙⲟⲓ ⲛⲣⲣⲟ ⲉⲃⲟⲗ ϩⲓⲧⲟⲟⲧϥ ⲉϫⲛ ⲥⲓⲱⲛ

ⲡⲉϥⲧⲟⲟⲩ ⲉⲧⲟⲩⲁⲁⲃ

7 ⲉⲉⲓϫⲱ ⲙⲡⲟⲩⲉϩⲥⲁϩⲛⲉ ⲙⲡϫⲟⲉⲓⲥ ⲡⲉϫⲉⲡϫⲟⲉⲓⲥ ⲛⲁⲓ ϫⲉ ⲛⲧⲟⲕ ⲡⲉ

ⲡⲁϣⲏⲣⲉ ⲁⲛⲟⲕ ⲁⲓϫⲡⲟⲕ ⲙⲡϩⲟⲟⲩ ⲙⲙⲟⲟⲩ

8 ⲁⲓⲧⲉⲓ ⲙⲙⲟⲟⲩ ϯⲛⲁⲁⲁⲕ ⲛϩⲉⲛϩⲉⲑⲛⲟⲥ ⲉⲧⲉⲕⲕⲗⲏⲣⲟⲛⲟⲙⲓⲁ ⲁⲩⲱ

ⲡⲉⲕⲁⲙⲁϩⲧⲉ ϣⲁ ⲁⲣⲏϫϥ ⲙⲡⲕⲁϩ

9 ⲕⲛⲁⲙⲟⲟⲛⲉ ⲙⲙⲟⲟⲩ ϩⲛ ⲟⲩϭⲉⲣⲱⲃ ⲙⲡⲉⲛⲓⲡⲉ ⲛⲅⲟⲩⲟϣϥⲟⲩ ⲛⲑⲉ

ⲛⲟⲩϩⲛⲁⲁⲩ ⲛⲕⲉⲣⲁⲙⲉⲩⲥ

10 ⲧⲉⲛⲟⲩ ϭⲉ ⲛⲣⲣⲱⲟⲩ ϯϩⲧⲏⲧⲛ ϫⲓⲥⲃⲱ ⲧⲏⲣⲧⲛ ⲛⲉⲧⲕⲣⲓⲛⲉ ⲙⲡⲕⲁϩ

11 ⲁⲣⲓϩⲙϩⲁⲗ ⲙⲡϫⲟⲉⲓⲥ ϩⲛ ⲟⲩϩⲟⲧⲉ ⲛⲧⲉⲧⲛⲧⲉⲗⲏⲗ ⲛⲁϥ ϩⲛ ⲟⲩⲥⲧⲱⲧ

12 ϭⲗϫ ⲧⲏⲩⲧⲛ ⲛⲧⲉⲥⲃⲱ ⲙⲏⲡⲟⲧⲉ ⲛⲧⲉⲡϫⲟⲉⲓⲥ ⲛⲟⲩϭⲥ ⲛⲧⲉⲧⲛϩⲉ ⲉⲃⲟⲗ

ϩⲓ ⲧⲉϩⲓⲏ ⲛⲧⲉϥⲙⲛⲧⲙⲉ ⲉⲣϣⲁⲛⲡⲉϥϭⲱⲛⲧ ⲙⲟⲩϩ ϩⲛ ⲟⲩϭⲉⲡⲏ

ⲛⲁⲓⲁⲧⲟⲩ ⲛⲟⲩⲟⲛ ⲛⲓⲙ ⲉⲧⲕⲱ ⲛϩⲧⲏⲩ ⲉⲣⲟϥ












13

Psalm 3

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲛⲧⲉⲣⲉϥⲡⲱⲧ ϩⲏⲧϥ ⲛⲁⲃⲉⲥⲁⲗⲱⲙ ⲡⲉϥϣⲏⲣⲉ

2 ⲡϫⲟⲉⲓⲥ ⲉⲧⲃⲉ ⲟⲩ ⲁⲩⲁϣⲁⲓ ⲛϭⲓ ⲛⲑⲗⲓⲃⲉ ⲙⲙⲟⲓ ⲁϩⲁϩ ⲧⲱⲟⲩⲛ ⲉϩⲣⲁⲓ

ⲉϫⲱⲓ

3 ⲟⲩⲛϩⲁϩ ϫⲱ ⲙⲙⲟⲥ ⲛⲧⲁⲯⲩⲭⲏ ϫⲉ ⲙⲙⲛⲧϥⲟⲩϫⲁⲓ ⲛⲛⲁϩⲣⲙ

ⲡⲉϥⲛⲟⲩⲧⲉ ⲇⲓⲁⲯⲁⲗⲙⲁ

4 ⲛⲧⲟⲕ ⲇⲉ ⲡϫⲟⲉⲓⲥ ⲛⲧⲕ ⲡⲁⲣⲉϥϣⲟⲡⲧ ⲉⲣⲟⲕ ⲛⲧⲕ ⲡⲁⲉⲟⲟⲩ ⲁⲩⲱ ⲉⲧϫⲓⲥⲉ

ⲛⲧⲁⲁⲡⲉ

5 ϩⲛ ⲧⲁⲥⲙⲏ ⲁⲓϫⲓ ϣⲕⲁⲕ ⲉϩⲣⲁⲓ ⲉⲡϫⲟⲉⲓⲥ ⲁϥⲥⲱⲧⲙ ⲉⲣⲟⲓ ⲉⲃⲟⲗ ϩⲙ

ⲡⲉϥⲧⲟⲟⲩ ⲉⲧⲟⲩⲁⲁⲃ ⲇⲓⲁⲯⲁⲗⲙⲁ

6 ⲁⲛⲟⲕ ⲇⲉ ⲁⲓⲛⲕⲟⲧⲕ ⲁⲩⲱ ⲁⲓⲱⲃϣ ⲁⲓⲧⲱⲟⲩⲛ ϫⲉ ⲡϫⲟⲉⲓⲥ ⲡⲉⲧⲛⲁϣⲟⲡⲧ

ⲉⲣⲟϥ

7 ⲛϯⲛⲁⲣ ϩⲟⲧⲉ ⲁⲛ ϩⲏⲧⲟⲩ ⲛϩⲉⲛⲧⲃⲁ ⲛⲗⲁⲟⲥ ⲉⲩϯⲟⲩⲃⲏⲓ ⲙⲡⲁⲕⲱⲧⲉ

8 ⲧⲱⲟⲩⲛ ⲡϫⲟⲉⲓⲥ ⲙⲁⲧⲟⲩϫⲟⲓ ⲡⲁⲛⲟⲩⲧⲉ ϫⲉ ⲛⲧⲟⲕ ⲁⲕⲡⲁⲧⲁⲥⲥⲉ ⲛⲟⲩⲟⲛ

ⲛⲓⲙ ⲉⲧⲟ ⲛϫⲁϫⲉ ⲉⲣⲟⲓ ⲉϫⲓⲛϫⲏ ⲛⲟⲃϩⲉ ⲛⲛⲣⲉϥⲣⲛⲟⲃⲉ ⲁⲕⲟⲩⲟϣⲃⲟⲩ

9 ⲡⲁⲡϫⲟⲉⲓⲥ ⲡⲉ ⲡⲟⲩϫⲁⲓ ⲁⲩⲱ ⲡⲉⲕⲟⲩⲱϣ ⲉϫⲙ ⲡⲉⲕⲗⲁⲟⲥ

Psalm 4

1 ⲉⲡϫⲱⲕ ⲉⲃⲟⲗ ϩⲛ ⲛⲉⲥⲙⲟⲩ ⲡⲉⲯⲁⲗⲙⲟⲥ ⲛⲧⲱⲇⲏ ⲛⲇⲁⲩⲉⲓⲇ

2 ϩⲙ ⲡⲧⲣⲁⲱϣ ⲉϩⲣⲁⲓ ⲉⲣⲟⲕ ⲁⲕⲥⲱⲧⲙ ⲉⲣⲟⲓ ⲡⲛⲟⲩⲧⲉ ⲛⲧⲁⲇⲓⲕⲁⲓⲟⲥⲩⲛⲏ













ϩⲛ ⲧⲁⲑⲗⲓⲯⲓⲥ ⲁⲕⲟⲩⲱϣⲥ ⲛⲁⲓ ⲉⲃⲟⲗ ϣⲛϩⲧⲏⲕ ⲉϫⲱⲓ ⲛⲅⲥⲱⲧⲙ

ⲡⲛⲟⲩⲧⲉ ⲉⲡⲁϣⲗⲏⲗ ⲇⲓⲁⲯⲁⲗⲙⲁ

3 ⲛϣⲏⲣⲉ ⲛⲛⲣⲱⲙⲉ ϣⲁ ⲧⲛⲁⲩ ⲛⲉⲧⲛϩⲏⲧ ϩⲟⲣϣ ⲉⲣⲱⲧⲛ ⲉⲧⲃⲉ ⲟⲩ

ⲧⲉⲧⲛⲙⲉ ⲙⲡⲡⲉⲧϣⲟⲩⲉⲓⲧ ⲧⲉⲧⲛϣⲓⲛⲉ ⲛⲥⲁ ⲡϭⲟⲗ

4 ⲉⲓⲙⲉ ϫⲉ ⲁⲡϫⲟⲉⲓⲥ ϯⲉⲟⲟⲩ ⲙⲡⲉϥⲡⲉⲧⲟⲩⲁⲁⲃ ⲁⲡϫⲟⲉⲓⲥ ⲥⲱⲧⲙ ⲉⲣⲟⲓ ϩⲙ

ⲡⲧⲣⲁⲱϣ ⲉϩⲣⲁⲓ ⲉⲣⲟϥ

5 ⲛⲟⲩϭⲥ ⲙⲡⲉⲣⲣ ⲛⲟⲃⲉ ⲙⲕⲁϩ ⲛϩⲏⲧ ⲉϫⲛ ⲛⲉⲧⲉⲧⲛϫⲱ ⲙⲙⲟⲟⲩ ϩⲛ

ⲛⲉⲧⲛϩⲏⲧ ϩⲓϫⲛ ⲛⲉⲧⲛⲙⲁ ⲛⲛⲕⲟⲧⲕ

6 ϣⲱⲱⲧ ⲛⲟⲩⲑⲩⲥⲓⲁ ⲛⲇⲓⲕⲁⲓⲟⲥⲩⲛⲏ ⲛⲧⲉⲧⲛϩⲉⲗⲡⲓⲍⲉ ⲉⲡϫⲟⲉⲓⲥ

ⲇⲓⲁⲯⲁⲗⲙⲁ

7 ϩⲁϩ ⲛⲉⲧϫⲱ ⲙⲙⲟⲥ ϫⲉ ⲛⲓⲙ ⲡⲉⲧⲛⲁⲥⲁⲃⲟⲛ ⲉⲛⲁⲅⲁⲑⲟⲛ ⲁϥⲟⲩⲱⲛϩ

ⲉⲃⲟⲗ ⲉϫⲱⲛ ⲛϭⲓ ⲡⲟⲩⲟⲉⲓⲛ ⲙⲡⲉⲕϩⲟ ⲡϫⲟⲉⲓⲥ

8 ⲁⲕϯ ⲛⲟⲩⲟⲩⲛⲟϥ ⲉⲡⲁϩⲏⲧ ⲁⲩⲁϣⲁⲓ ⲉⲃⲟⲗ ϩⲙ ⲡⲉⲩⲕⲁⲣⲡⲟⲥ ⲙⲡⲉⲥⲟⲩⲟ

ⲙⲛ ⲡⲏⲣⲡ ⲙⲛ ⲡⲛⲉϩ

9 ⲁⲛⲟⲕ ⲇⲉ ϩⲛ ⲟⲩⲉⲓⲣⲏⲛⲏ ϩⲓ ⲟⲩⲥⲟⲡ ϯⲛⲁⲛⲕⲟⲧⲕ ⲛⲧⲁⲱⲃϣ ϫⲉ ⲛⲧⲟⲕ

ⲙⲁⲩⲁⲁⲕ ⲡϫⲟⲉⲓⲥ ⲁⲕⲧⲣⲁⲟⲩⲱϩ ϩⲛ ⲟⲩϩⲉⲗⲡⲓⲥ

Psalm 5

1 ⲉⲡϫⲱⲕ ⲉⲃⲟⲗ ϩⲁ ⲧⲉⲧⲛⲁⲕⲗⲏⲣⲟⲛⲟⲙⲉⲓ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ

2 ⲥⲱⲧⲙ ⲡϫⲟⲉⲓⲥ ⲉⲛⲁϣⲁϫⲉ ⲉⲓⲙⲉ ⲉⲡⲁⲁϣⲕⲁⲕ ⲉⲃⲟⲗ

3 ϯϩⲧⲏⲕ ⲉⲡⲉϩⲣⲟⲟⲩ ⲙⲡⲁⲥⲟⲡⲥ ⲡⲁⲣⲣⲟ ⲁⲩⲱ ⲡⲁⲛⲟⲩⲧⲉ ϫⲉ ⲉⲓⲛⲁϫⲓ











ϣⲕⲁⲕ ⲉϩⲣⲁⲓ ⲉⲣⲟⲕ ⲡϫⲟⲉⲓⲥ ⲙⲡⲛⲁⲩ ⲛϩⲧⲟⲟⲩⲉ

4 ⲕⲛⲁⲥⲱⲧⲙ ⲉⲡⲉϩⲣⲟⲟⲩ ⲙⲡⲛⲁⲩ ⲛϩⲧⲟⲟⲩⲉ ϯⲛⲁⲟⲩⲱⲛϩ ⲛⲁⲕ ⲉⲃⲟⲗ

ⲧⲁⲛⲁⲩ

5 ϫⲉ ⲛⲧⲕ ⲟⲩⲛⲟⲩⲧⲉ ⲉⲡⲉϥⲟⲩⲉϩ ⲁⲛⲟⲙⲓⲁ ⲁⲛ ⲁⲩⲱ ⲡⲉⲧⲟ ⲙⲡⲟⲛⲏⲣⲟⲥ

ⲛⲁϭⲱ ϩⲁϩⲧⲏⲕ ⲁⲛ

6 ⲟⲩⲇⲉ ⲙⲡⲁⲣⲁⲛⲟⲙⲟⲥ ⲛⲁⲙⲟⲩⲛ ⲉⲃⲟⲗ ⲁⲛ ⲙⲡⲉⲙⲧⲟ ⲉⲃⲟⲗ ⲛⲛⲉⲕⲃⲁⲗ

ⲁⲕⲙⲉⲥⲧⲉ ⲟⲩⲟⲛ ⲛⲓⲙ ⲉⲧⲣ ϩⲱⲃ ⲉⲧⲁⲛⲟⲙⲓⲁ

7 ⲕⲛⲁⲧⲁⲕⲟ ⲛⲟⲩⲟⲛ ⲛⲓⲙ ⲉⲧϫⲱ ⲙⲡϭⲟⲗ ⲡϫⲟⲉⲓⲥ ϥⲱⲧⲉ ⲉⲃⲟⲗ

ⲛⲟⲩⲣⲱⲙⲉ ⲛⲥⲛⲟϥ ⲁⲩⲱ ⲛⲕⲣⲟϥ

8 ⲁⲛⲟⲕ ⲇⲉ ϩⲙ ⲡⲁϣⲁⲓ ⲙⲡⲉⲕⲛⲁ ϯⲛⲁⲃⲱⲕ ⲉϩⲟⲩⲛ ⲉⲡⲉⲕⲙⲁ ⲉⲧⲟⲩⲁⲁⲃ

ⲧⲁⲟⲩⲱϣⲧ ⲛⲛⲁϩⲣⲙ ⲡⲉⲕⲣⲡⲉ ⲉⲧⲟⲩⲁⲁⲃ ϩⲛ ⲧⲉⲕϩⲟⲧⲉ

9 ϫⲓ ⲙⲟⲉⲓⲧ ϩⲏⲧ ⲡϫⲟⲉⲓⲥ ϩⲛ ⲧⲉⲕⲇⲓⲕⲁⲓⲟⲥⲩⲛⲏ ⲉⲧⲃⲉ ⲛⲁϫⲁϫⲉ ⲥⲟⲟⲩⲧⲛ

ⲛⲉⲧⲉⲕϩⲓⲏ ⲙⲡⲁⲙⲧⲟ ⲉⲃⲟⲗ

10 ϫⲉ ⲙⲙⲛⲙⲉ ϣⲟⲟⲡ ϩⲛ ⲧⲉⲩⲧⲁⲡⲣⲟ ⲡⲉⲩⲗⲁⲥ ⲙⲛ ⲡⲉⲩϩⲏⲧ ϣⲟⲩⲉⲓⲧ

ⲟⲩⲧⲁⲫⲟⲥ ⲉϥⲟⲩⲏⲛ ⲧⲉ ⲧⲉⲩϣⲟⲩⲱⲃⲉ ⲟⲩⲙⲁⲧⲟⲩ ⲛϩⲟϥ ⲧⲉⲧϩⲁ

ⲛⲉⲩⲥⲡⲟⲧⲟⲩ ⲁⲩⲣⲕⲣⲟϥ ϩⲛ ⲛⲉⲩⲗⲁⲥ

11 ⲕⲣⲓⲛⲉ ⲙⲙⲟⲟⲩ ⲡⲛⲟⲩⲧⲉ ⲙⲁⲣⲟⲩϩⲉ ⲉⲃⲟⲗ ϩⲛ ⲛⲉⲩϣⲟϫⲛⲉ ⲕⲁⲧⲁ

ⲡⲁϣⲁⲓ ⲛⲛⲉⲩⲙⲛⲧϣⲁϥⲧⲉ ϥⲟⲧⲟⲩ ⲉⲃⲟⲗ ϫⲉ ⲁⲩϯ ⲛⲟⲩϭⲥ ⲛⲁⲕ ⲡϫⲟⲉⲓⲥ

12 ⲙⲁⲣⲟⲩⲉⲩⲫⲣⲁⲛⲉ ⲛϭⲓ ⲟⲩⲟⲛ ⲛⲓⲙ ⲉⲧⲛⲁϩⲧⲉ ⲉⲣⲟⲕ ⲥⲉⲛⲁⲧⲉⲗⲏⲗ ϣⲁ

ⲉⲛⲉϩ ⲛⲥⲉⲟⲩⲱϩ ϩⲛ ⲟⲩϩⲉⲗⲡⲓⲥ ⲛⲥⲉϣⲟⲩϣⲟⲩ ⲙⲙⲟⲟⲩ ⲛϩⲏⲧⲕ ⲛϭⲓ










ⲟⲩⲟⲛ ⲛⲓⲙ ⲉⲧⲙⲉ ⲙⲡⲉⲕⲣⲁⲛ

13 ϫⲉ ⲛⲧⲟⲕ ⲕⲛⲁⲥⲙⲟⲩ ⲡⲇⲓⲕⲁⲓⲟⲥ ⲡϫⲟⲉⲓⲥ ⲛⲑⲉ ⲛⲟⲩϩⲟⲡⲗⲟⲛ ⲛⲟⲩⲱϣ

ⲡⲉⲛⲧⲁⲕⲁⲁϥ ⲛⲕⲗⲟⲙ ⲉϫⲱⲛ

Psalm 6

1 ⲉⲡϫⲱⲕ ⲉⲃⲟⲗ ϩⲛ ⲛⲉⲥⲙⲟⲩ ϩⲁ ⲡⲙⲉϩϣⲙⲟⲩⲛ ⲡⲉⲱⲁⲗⲙⲟⲥ ⲛⲇⲁⲩⲉⲓⲇ

2 ⲡϫⲟⲉⲓⲥ ⲙⲡⲣϫⲡⲓⲟⲓ ϩⲙ ⲡⲉⲕϭⲱⲛⲧ ⲟⲩⲇⲉ ⲙⲡⲣϯⲥⲃⲱ ⲛⲁⲓ ϩⲛ

ⲧⲉⲕⲟⲣⲅⲏ

3 ⲛⲁ ⲛⲁⲓ ⲡϫⲟⲉⲓⲥ ϫⲉ ⲁⲛⲅ ⲟⲩⲁⲥⲑⲉⲛⲏⲥ ⲙⲁⲧⲁⲗϭⲟⲓ ⲡϫⲟⲉⲓⲥ)ϫⲉ

ⲁⲛⲁⲕⲉⲉⲥ ϣⲧⲟⲣⲧⲣ

4 ⲁⲩⲱ ⲁⲧⲯⲩⲭⲏ ϣⲧⲟⲣⲧⲣ ⲉⲙⲁϣⲟ ⲛⲧⲟⲕ ⲇⲉ ⲡϫⲟⲉⲓⲥ ϣⲁⲛⲧⲉ ⲟⲩ

ϣⲱⲡⲉ

5 ⲕⲟⲧⲕ ⲡϫⲟⲉⲓⲥ ⲙⲁⲧⲟⲩϫⲉ ⲧⲁⲯⲩⲭⲏ ⲙⲁⲧⲁⲛϩⲟⲓ ⲡϫⲟⲉⲓⲥ ⲉⲧⲃⲉ ⲡⲉⲕⲛⲁ

6 ϫⲉ ⲙⲛ ⲡⲉⲧⲉⲓⲣⲉ ⲙⲡⲉⲕⲙⲉⲉⲩⲉ ϩⲛ ⲛⲉⲧⲙⲟⲟⲩⲧ ⲛⲓⲙ ⲇⲉ ⲡⲉⲧⲛⲁⲟⲩⲱⲛϩ

ⲛⲁⲕ ⲉⲃⲟⲗ ϩⲛ ⲁⲙⲛⲧⲉ

7 ⲁⲓϩⲓⲥⲉ ϩⲙ ⲡⲁⲁϣⲁϩⲟⲙ ϯⲛⲁϫⲱⲕⲙ ⲙⲡⲁϭⲗⲟϭ ⲕⲁⲧⲁ ⲟⲩϣⲏ

ⲟⲩϣⲏ ϯⲛⲁϩⲱⲣⲡ ⲙⲡⲁⲡⲣⲏϣ ϩⲛ ⲛⲁⲣⲙⲉⲓⲟⲟⲩ

8 ⲁⲡⲁⲃⲁⲗ ϣⲧⲟⲣⲧⲣ ⲉⲃⲟⲗ ϩⲙ ⲡⲣⲓⲙⲉ ⲁⲓⲱⲥⲕ ϩⲛ ⲛⲁϫⲓϫⲉⲩⲉ ⲧⲏⲣⲟⲩ

9 ⲥⲁϩⲉ ⲧⲏⲩⲧⲛ ⲉⲃⲟⲗ ⲙⲙⲟⲓ ⲟⲩⲟⲛ ⲛⲓⲙ ⲉⲧⲣ ϩⲱⲃ ⲉⲧⲁⲛⲟⲙⲓⲁ ϫⲉ

ⲁⲡϫⲟⲉⲓⲥ ⲥⲱⲧⲙ ⲉⲡⲉϩⲣⲟⲟⲩ ⲙⲡⲁⲣⲓⲙⲉ

10 ⲁⲡϫⲟⲉⲓⲥ ⲥⲱⲧⲙ ⲉⲡⲁⲥⲟⲡⲥ ⲁⲡϫⲟⲉⲓⲥ ϣⲉⲡ ⲡⲁϣⲗⲏⲗ ⲉⲣⲟϥ












11 ⲉⲩⲉϫⲓϣⲓⲡⲉ ⲛⲥⲉϣⲧⲟⲣⲧⲣ ⲉⲙⲁⲧⲉ ⲛϭⲓ ⲛⲁϫⲁϫⲉ ⲧⲏⲣⲟⲩ

ⲙⲁⲣⲟⲩⲕⲟⲧⲟⲩ ⲉⲡⲁϩⲟⲩ ⲛⲥⲉϫⲓϣⲓⲡⲉ ⲉⲙⲁⲧⲉ ϩⲛ ⲟⲩϭⲉⲡⲏ

Psalm 7

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲡⲉⲛⲧⲁϥϫⲟⲟϥ ⲉⲡϫⲟⲉⲓⲥ ϩⲁ ⲛϣⲁϫⲉ ⲛⲭⲟⲩⲥⲉⲓ

ⲡϣⲏⲣⲉ ⲛⲓⲉⲙⲉⲛⲉⲓ

2 ⲡϫⲟⲉⲓⲥ ⲡⲁⲛⲟⲩⲧⲉ ⲁⲓⲛⲁϩⲧⲉ ⲉⲣⲟⲕ ⲙⲁⲧⲟⲩϫⲟⲓ ⲉⲟⲩⲟⲛ ⲛⲓⲙ ⲉⲧⲡⲏⲧ

ⲛⲥⲱⲓ ⲁⲩⲱ ⲛⲅⲛⲁϩⲙⲉⲧ

3 ⲙⲏⲡⲟⲧⲉ ⲛϥⲧⲱⲣⲡ ⲛⲧⲁⲯⲩⲭⲏ ⲛⲑⲉ ⲛⲟⲩⲙⲟⲩⲓ ⲙⲙⲛ ⲡⲉⲧⲥⲱⲧⲉ ⲁⲩⲱ

ⲙⲙⲛ ⲡⲉⲧⲛⲟⲩϩⲙ

4 ⲡϫⲟⲉⲓⲥ ⲡⲁⲛⲟⲩⲧⲉ ⲉϣϫⲉ ⲁⲓⲣ ⲡⲁⲓ ⲉϣϫⲉ ⲟⲩⲛϫⲓⲛϭⲟⲛⲥ ϩⲛ ⲛⲁϭⲓϫ

5 ⲉϣϫⲉ ⲁⲓⲧⲱⲱⲃⲉ ⲛⲛⲉⲧⲧⲱⲱⲃⲉ ⲛⲁⲓ ⲛϩⲉⲛⲡⲉⲑⲟⲟⲩ ⲉⲓⲉϩⲉ ⲉⲃⲟⲗ ϩⲓⲧⲛ

ⲛⲁϫⲁϫⲉ ⲉⲓϣⲟⲩⲉⲓⲧ

6 ⲛⲧⲉⲡϫⲁϫⲉ ⲡⲱⲧ ⲛⲥⲁ ⲧⲁⲯⲩⲭⲏ ⲛϥⲧⲁϩⲟⲥ ⲛϥϩⲱⲙ ⲙⲡⲁⲱⲛϩ

ⲉϩⲣⲁⲓ ⲉⲡⲕⲁϩ ⲛϥⲧⲣⲉ ⲡⲁⲉⲟⲟⲩ ϣⲱⲡⲉ ϩⲙ ⲡⲉⲭⲟⲩⲥ ⲇⲓⲁⲯⲁⲗⲙⲁ

7 ⲧⲱⲟⲩⲛ ⲡϫⲟⲉⲓⲥ ϩⲛ ⲧⲉⲕⲟⲣⲅⲏ ϫⲓⲥⲉ ϩⲛ ⲛϩⲁⲏ ⲛⲛⲁϫⲁϫⲉ ⲧⲱⲟⲩⲛ ϩⲙ

ⲡⲟⲩⲉϩⲥⲁϩⲛⲉ ⲛⲧⲁⲕϩⲱⲛ ⲙⲙⲟϥ

8 ⲁⲩⲱ ⲟⲩⲛ ⲟⲩⲥⲩⲛⲁⲅⲱⲅⲏ ⲛⲗⲁⲟⲥ ⲛⲁⲕⲱⲧⲉ ⲉⲣⲟⲕ ⲁⲩⲱ ϩⲁ ⲧⲁⲓ ⲕⲟⲧⲕ

ⲉⲩϫⲓⲥⲉ

9 ⲡϫⲟⲉⲓⲥ ⲛⲁⲕⲣⲓⲛⲉ ⲛⲛⲗⲁⲟⲥ ⲕⲣⲓⲛⲉ ⲙⲙⲟⲓ ⲡϫⲟⲉⲓⲥ ⲕⲁⲧⲁ ⲧⲁⲇⲓⲕⲁⲓⲟⲥⲩⲛⲏ

ⲁⲩⲱ ⲕⲁⲧⲁ ⲧⲁⲙⲛⲧⲃⲁⲗϩⲏⲧ ⲉϩⲣⲁⲓ ⲉϫⲱⲓ











10 ⲙⲁⲣⲉⲥⲱϫⲛ ⲛϭⲓ ⲧⲡⲟⲛⲏⲣⲓⲁ ⲛⲛⲣⲉϥⲣⲛⲟⲃⲉ ⲁⲩⲱ ⲕⲛⲁⲥⲟⲟⲩⲧⲛ

ⲉⲡⲇⲓⲕⲁⲓⲟⲥ ⲡⲛⲟⲩⲧⲉ ⲡⲉⲧϩⲩⲇⲁⲍⲉ ⲛⲛϩⲏⲧ ⲙⲛ ⲛⲉϭⲗⲟⲟⲧⲉ

11 ⲟⲩⲙⲉ ⲧⲉ ⲧⲁⲃⲟⲏⲑⲓⲁ ⲛⲛⲁϩⲣⲙ ⲡⲛⲟⲩⲧⲉ ⲡⲉⲧⲛⲟⲩϩⲙ ⲛⲛⲉⲧⲥⲟⲩⲧⲱⲛ

ϩⲙ ⲡⲉⲩϩⲏⲧ

12 ⲡⲛⲟⲩⲧⲉ ⲟⲩⲕⲣⲓⲧⲏⲥ ⲙⲙⲉ ⲡⲉ ⲛϫⲱⲱⲣⲉ ⲛϩⲁⲣϣϩⲏⲧ ⲉⲛϥⲛⲁⲉⲓⲛⲉ ⲁⲛ

ⲛⲧⲉϥⲟⲣⲅⲏ ⲙⲙⲏⲛⲉ

13 ⲉⲧⲉⲧⲛⲧⲙⲕⲉⲧⲧⲏⲩⲧⲛ ϥⲛⲁϫⲱⲣ ⲛⲧⲉϥⲥⲏϥⲉ ⲛϥⲥⲱⲙⲛⲧ ⲛⲧⲉϥⲡⲓⲧⲉ

ⲁϥⲥⲃⲧⲱⲧⲥ

14 ⲁϥⲥⲟⲃⲧⲉ ⲛϩⲏⲧⲥ ⲛϩⲉⲛⲥⲕⲉⲩⲏ ⲙⲙⲟⲩ ⲛⲉϥⲥⲟⲧⲉ ⲁϥⲧⲁⲙⲓⲟⲟⲩ

ⲛⲛⲉⲧⲟⲩⲛⲁⲣⲟⲕϩⲟⲩ

15 ⲉⲓⲥ ϩⲏⲏⲧⲉ ⲁⲡϫⲓⲛϭⲟⲛⲥ ϯⲛⲁⲁⲕⲉ ⲁϥⲱ ⲙⲡϩⲓⲥⲉ ⲁϥϫⲡⲉ ⲧⲁⲛⲟⲙⲓⲁ

16 ⲁϥϣⲉⲕⲧ ⲟⲩϣⲏⲓ ⲁϥϭⲣⲏ ⲙⲙⲟϥ ϥⲛⲁϩⲉ ⲉϩⲣⲁⲓ ⲉⲡⲉϩⲓⲉⲓⲧ

ⲛⲧⲁϥⲧⲁⲙⲓⲟϥ

17 ⲡⲉϥϩⲓⲥⲉ ⲛⲁⲕⲟⲧϥ ⲉϫⲛ ⲧⲉϥⲁⲡⲉ ⲁⲩⲱ ⲡⲉϥϫⲓⲛϭⲟⲛⲥ ⲛⲏⲩ ⲉϫⲛ ⲧⲙⲏⲧⲉ

ⲛϫⲱϥ

18 ϯⲛⲁⲟⲩⲱⲛϩ ⲉⲃⲟⲗ ⲙⲡϫⲟⲉⲓⲥ ⲕⲁⲧⲁ ⲧⲉϥⲇⲓⲕⲁⲓⲟⲥⲩⲛⲏ ⲁⲩⲱ

ϯⲛⲁⲯⲁⲗⲗⲉⲓ ⲉⲡⲣⲁⲛ ⲙⲡϫⲟⲉⲓⲥ ⲡⲉⲧϫⲟⲥⲉ

Psalm 8

1 ⲉⲡϫⲱⲕ ⲉⲃⲟⲗ ϩⲁ ⲛⲉϩⲣⲱⲧ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ

2 ⲡϫⲟⲉⲓⲥ ⲡⲉⲛϫⲟⲉⲓⲥ ⲛⲑⲉ ⲛⲟⲩϣⲡⲏⲣⲉ ⲡⲉ ⲡⲉⲕⲣⲁⲛ ϩⲙ ⲡⲕⲁϩ ⲧⲏⲣϥ ϫⲉ












ⲁⲡⲉⲕⲥⲁ ϫⲓⲥⲉ ⲉⲧⲡⲉ ⲛⲙⲡⲏⲩⲉ

3 ⲁⲕⲥⲟⲃⲧⲉ ⲛⲟⲩⲥⲙⲟⲩ ⲉⲃⲟⲗ ϩⲛ ⲣⲱⲟⲩ ⲛⲛϣⲏⲣⲉ ϣⲏⲙ ⲙⲛ ⲛⲉⲧϫⲓ ⲉⲕⲓⲃⲉ

ⲉⲧⲃⲉ ⲛⲉⲕϫⲁϫⲉ ⲃⲱⲗ ⲉⲃⲟⲗ ⲛⲟⲩϫⲁϫⲉ ⲙⲛ ⲟⲩⲣⲉϥϫⲓⲕⲃⲁ

4 ϫⲉ ϯⲛⲁⲛⲁⲩ ⲉⲙⲡⲏⲩⲉ ⲛⲉϩⲃⲏⲩⲉ ⲛⲛⲉⲕⲧⲏⲏⲃⲉ ⲡⲟⲟϩ ⲙⲛ ⲛⲥⲓⲟⲩ ⲛⲁⲓ

ⲛⲧⲟⲕ ⲛⲧⲁⲕⲥⲙⲛⲥⲛⲧⲉ ⲙⲙⲟⲟⲩ

5 ⲟⲩ ⲡⲉ ⲡⲣⲱⲙⲉ ϫⲉ ⲕⲉⲓⲣⲉ ⲙⲡⲉϥⲙⲉⲉⲩⲉ ⲏ ⲡϣⲏⲣⲉ ⲙⲡⲣⲱⲙⲉ ϫⲉ ⲕϭⲓⲛⲉ

ⲙⲡⲉϥϣⲓⲛⲉ

6 ⲁⲕⲧⲥⲃⲕⲟϥ ⲛⲟⲩⲕⲟⲩⲓ ⲡⲁⲣⲁ ⲛⲁⲅⲅⲉⲗⲟⲥ ⲟⲩⲉⲟⲟⲩ ⲙⲛ ⲟⲩⲧⲁⲓⲟ ⲁⲕⲁⲁⲩ

ⲛⲕⲗⲟⲙ ⲉϫⲱϥ

7 ⲁⲕⲕⲁⲑⲓⲥⲧⲁ ⲙⲙⲟϥ ⲉϫⲛ ⲛⲉϩⲃⲏⲩⲉ ⲧⲏⲣⲟⲩ ⲛⲛⲉⲕϭⲓϫ ⲁⲕⲕⲁ ⲛⲕⲁ ⲛⲓⲙ

ϩⲁ ⲛⲉϥⲟⲩⲉⲣⲏⲧⲉ

8 ⲛⲉⲥⲟⲟⲩ ⲙⲛ ⲛⲉϩⲟⲟⲩ ⲧⲏⲣⲟⲩ ⲁⲩⲱ ⲛⲕⲉⲧⲃⲛⲟⲟⲩⲉ ⲛⲧⲥⲱϣⲉ

9 ⲙⲛ ⲛϩⲁⲗⲁⲧⲉ ⲛⲧⲡⲉ ⲙⲛ ⲛⲧⲃⲧ ⲛⲑⲁⲗⲁⲥⲥⲁ ⲙⲛ ⲛⲉⲧⲙⲟⲟϣⲉ ϩⲓ

ⲛⲉϩⲓⲟⲟⲩⲉ ⲛⲛⲉⲑⲁⲗⲁⲥⲥⲁ

10 ⲡϫⲟⲉⲓⲥ ⲡⲉⲛϫⲟⲉⲓⲥ ⲛⲧϩⲉ ⲛⲟⲩϣⲡⲏⲣⲉ ⲡⲉ ⲡⲉⲕⲣⲁⲛ ϩⲙ ⲡⲕⲁϩ ⲧⲏⲣϥ

Psalm 9

1 ⲉⲡϫⲱⲕ ⲉⲃⲟⲗ ϩⲁ ⲛⲉⲑⲏⲡ ⲙⲡϣⲏⲣⲉ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ

2 ϯⲛⲁⲟⲩⲛϩ ⲛⲁⲕ ⲉⲃⲟⲗ ⲡϫⲟⲉⲓⲥ ϩⲙ ⲡⲁϩⲏⲧ ⲧⲏⲣϥ ϯⲛⲁϫⲱ

ⲛⲛⲉⲕϣⲡⲏⲣⲉ ⲧⲏⲣⲟⲩ

3 ϯⲛⲁⲟⲩⲛⲟϥ ⲛⲧⲁⲧⲉⲗⲏⲗ ⲉϩⲣⲁⲓ ⲛϩⲏⲧⲕ ϯⲛⲁⲯⲁⲗⲗⲉⲓ ⲉⲡⲉⲕⲣⲁⲛ












ⲡⲉⲧϫⲟⲥⲉ

4 ϩⲙ ⲡⲧⲣⲉ ⲡⲁϫⲁϫⲉ ⲕⲟⲧϥ ⲉⲡⲁϩⲟⲩ ⲥⲉⲛⲁϭⲃⲃⲉ ⲛⲥⲉϩⲉ ⲙⲡⲉⲕⲙⲧⲟ

ⲉⲃⲟⲗ

5 ϫⲉ ⲁⲕⲉⲓⲣⲉ ⲙⲡⲁϩⲁⲡ ⲙⲛ ⲡⲁⲕⲃⲁ ⲁⲕϩⲙⲟⲟⲥ ϩⲓ ⲡⲉⲕⲑⲣⲟⲛⲟⲥ ⲡⲉⲧⲕⲣⲓⲛⲉ

ⲛⲧⲇⲓⲕⲁⲓⲟⲥⲩⲛⲏ

6 ⲁⲕⲉⲡⲓⲧⲩⲙⲁ ⲛⲛϩⲉⲑⲛⲟⲥ ⲁϥⲧⲁⲕⲟ ⲛϭⲓ ⲡⲁⲥⲉⲃⲏⲥ ⲁⲕϥⲉⲧ ⲡⲉⲩⲣⲁⲛ

ⲉⲃⲟⲗ ϣⲁ ⲉⲛⲉϩ ⲁⲩⲱ ϣⲁ ⲉⲛⲉϩ ⲛⲉⲛⲉϩ

7 ⲁⲛⲥⲏϥⲉ ⲙⲡϫⲁϫⲉ ⲱϫⲛ ⲉⲡⲧⲏⲣϥ ⲁⲕϣⲟⲣϣⲣ ⲛⲙⲡⲟⲗⲟⲥ ⲁⲡⲉⲩⲣ

ⲡⲙⲉⲉⲩⲉ ⲧⲁⲕⲟ ϩⲛ ⲟⲩⲱⲛϩ ⲉⲃⲟⲗ

8 ⲡϫⲟⲉⲓⲥ ϣⲟⲟⲡ ϣⲁ ⲉⲛⲉϩ ⲁϥⲥⲟⲃⲧⲉ ⲙⲡⲉϥⲑⲣⲟⲛⲟⲥ ϩⲛ ⲟⲩϩⲁⲡ

9 ⲛⲧⲟϥ ⲡⲉⲧⲛⲁⲕⲣⲓⲛⲉ ⲛⲧⲟⲓⲕⲟⲩⲙⲉⲛⲏ ϩⲛ ⲟⲩⲇⲓⲕⲁⲓⲟⲥⲩⲛⲏ ϥⲛⲁⲕⲣⲓⲛⲉ

ⲛⲛⲗⲁⲟⲥ ϩⲛ ⲟⲩⲥⲟⲟⲩⲧⲛ

10 ⲁⲡϫⲟⲉⲓⲥ ϣⲱⲡⲉ ⲙⲙⲁ ⲙⲡⲱⲧ ⲙⲡϩⲏⲕⲉ ⲛⲃⲟⲏⲑⲟⲥ ϩⲙ ⲡⲉⲟⲩⲉⲓϣ

ⲛⲧⲉⲑⲗⲓⲯⲓⲥ

11 ⲙⲁⲣⲟⲩϩⲉⲗⲡⲓⲍⲉ ⲉⲣⲟⲕ ⲛϭⲓ ⲟⲩⲟⲛ ⲛⲓⲙ ⲉⲧⲥⲟⲟⲩⲛ ⲙⲡⲉⲕⲣⲁⲛ ϫⲉ

ⲙⲡⲉⲕⲕⲱ ⲛⲥⲱⲕ ⲛⲛⲉⲧϣⲓⲛⲉ ⲛⲥⲱⲕ ⲡϫⲟⲉⲓⲥ

12 ⲯⲁⲗⲗⲉⲓ ⲉⲡϫⲟⲉⲓⲥ ⲡⲉⲧⲟⲩⲏϩ ϩⲛ ⲥⲓⲱⲛ ϫⲱ ⲛⲛⲉϥϩⲃⲏⲩⲉ ϩⲛ ⲛϩⲉⲑⲛⲟⲥ

13 ϫⲉ ⲉϥϣⲓⲛⲉ ⲁϥⲣ ⲡⲙⲉⲉⲩⲉ ⲛⲛⲉⲩⲥⲛⲱⲱϥ ⲁⲩⲱ ⲙⲡϥⲣ ⲡⲱⲃϣ

ⲙⲡⲁϣⲕⲁⲕ ⲛⲛϩⲏⲕⲉ

14 ⲛⲁ ⲛⲁⲓ ⲡϫⲟⲉⲓⲥ ⲁⲛⲁⲩ ⲉⲡⲁⲑⲃⲃⲓⲟ ⲉⲃⲟⲗ ϩⲛ ⲛⲁϫⲁϫⲉ ⲡⲉⲧϫⲓⲥⲉ ⲙⲙⲟⲓ












ⲉⲃⲟⲗ ϩⲛ ⲙⲡⲩⲗⲏ ⲙⲡⲙⲟⲩ

15 ϫⲉⲕⲁⲥ ⲉⲓⲉϫⲱ ⲛⲛⲉⲕⲥⲙⲟⲩ ⲧⲏⲣⲟⲩ ϩⲛ ⲙⲡⲩⲗⲏ ⲛⲧϣⲉⲉⲣⲉ ⲛⲥⲓⲱⲛ

ϯⲛⲁⲧⲉⲗⲏⲗ ⲉϫⲙ ⲡⲉⲕⲟⲩϫⲁⲓ

16 ⲁⲩⲧⲱⲗⲥ ⲛϭⲓ ⲛϩⲉⲑⲛⲟⲥ ϩⲙ ⲡⲧⲁⲕⲟ ⲛⲧⲁⲩⲁⲁϥ ϩⲙ ⲡⲉⲓ ⲡⲁϣ

ⲛⲧⲁⲩϩⲱⲡϥ ⲙⲁⲣⲟⲩϭⲱⲡⲉ ⲛⲧⲉⲩⲟⲩⲉⲣⲏⲧⲉ

17 ⲡϫⲟⲉⲓⲥ ⲟⲩⲟⲛϩ ⲉⲃⲟⲗ ⲉϥⲉⲓⲣⲉ ⲛⲛϩⲁⲡ ⲙⲁⲣⲟⲩϭⲱⲡⲉ ⲙⲡⲣⲉϥⲣⲛⲟⲃⲉ

ϩⲛ ⲛⲉϩⲃⲏⲩⲉ ⲛⲛⲉϥϭⲓϫ ⲧⲱⲇⲏ ⲇⲓⲁⲯⲁⲗⲙⲁ

18 ⲙⲁⲣⲉ ⲛⲣⲉϥⲣⲛⲟⲃⲉ ⲕⲟⲧⲟⲩ ⲉⲁⲙⲛⲧⲉ ⲛϩⲉⲑⲛⲟⲥ ⲧⲏⲣⲟⲩ ⲉⲧⲣ ⲡⲱⲃϣ

ⲙⲡⲛⲟⲩⲧⲉ

19 ϫⲉ ⲛⲥⲉⲛⲁⲣ ⲡⲱⲃϣ ⲁⲛ ⲙⲡϩⲏⲕⲉ ϣⲁⲃⲟⲗ ⲑⲩⲡⲟⲙⲟⲛⲏ ⲙⲡⲉⲃⲓⲏⲛ ⲛⲁϩⲉ

ⲉⲃⲟⲗ ⲁⲛ ϣⲁ ⲡⲧⲏⲣϥ

20 ⲧⲱⲟⲩⲛ ⲡϫⲟⲉⲓⲥ ⲙⲡⲣⲧⲣⲉ ⲡⲣⲱⲙⲉ ϭⲙϭⲟⲙ ⲙⲁⲣⲟⲩⲕⲣⲓⲛⲉ ⲛⲛϩⲉⲑⲛⲟⲥ

ⲙⲡⲉⲕⲙⲧⲟ ⲉⲃⲟⲗ

21 ⲥⲙⲓⲛⲉ ⲛⲁⲩ ⲡϫⲟⲉⲓⲥ ⲛⲟⲩⲣⲉϥⲥⲙⲛⲛⲟⲙⲟⲥ ⲙⲁⲣⲉ ⲛϩⲉⲑⲛⲟⲥ ⲧⲏⲣⲟⲩ ⲉⲓⲙⲉ

ϫⲉ ϩⲉⲛⲣⲱⲙⲉ ⲛⲉ ⲇⲓⲁⲯⲁⲗⲙⲁ

22 ⲉⲧⲃⲉ ⲟⲩ ⲡϫⲟⲉⲓⲥ ⲁⲕⲟⲩⲉ ⲛⲥⲁⲃⲟⲗ ⲙⲙⲟⲛ ⲁⲕⲱⲃϣⲕ ϩⲙ ⲡⲉⲩⲟⲩⲉⲓϣ

ⲛⲛⲉⲑⲗⲓⲯⲓⲥ

23 ϩⲙ ⲡⲧⲣⲉ ⲡⲁⲥⲉⲃⲏⲥ ϫⲓⲥⲉ ⲙⲙⲟϥ ϣⲁⲣⲉ ⲡϩⲏⲕⲉ ϫⲉⲣⲟ ⲥⲉⲛⲁϭⲟⲡⲟⲩ ϩⲛ

ⲛⲉⲩϣⲟϫⲛⲉ ⲉⲧⲟⲩⲙⲉⲉⲩⲉ ⲉⲣⲟⲟⲩ

24 ϫⲉ ⲡⲣⲉϥⲣⲛⲟⲃⲉ ⲥⲉⲧⲁⲉⲓⲟ ⲙⲙⲟϥ ϩⲛ ⲛⲉⲡⲓⲑⲩⲙⲓⲁ ⲛⲧⲉϥⲯⲩⲭⲏ ⲁⲩⲱ











ⲡⲉⲧϫⲓⲛϭⲟⲛⲥ ⲥⲉⲥⲙⲟⲩ ⲉⲣⲟϥ

25 ⲁⲡⲣⲉϥⲣⲛⲟⲃⲉ ϯ ⲛⲟⲩϭⲥ ⲙⲡϫⲟⲉⲓⲥ ⲕⲁⲧⲁ ⲡⲁϣⲁⲓ ⲛⲧⲉϥⲟⲣⲅⲏ

ⲛϥⲛⲁϣⲓⲛⲉ ⲁⲛ ⲙⲡⲛⲟⲩⲧⲉ ⲙⲡⲉϥⲙⲧⲟ ⲉⲃⲟⲗ ⲁⲛ

26 ⲛⲉϥϩⲓⲟⲟⲩⲉ ⲥⲟϣϥ ⲛⲟⲩⲟⲉⲓϣ ⲛⲓⲙ ⲁϥϥⲓ ⲛⲛⲉⲕϩⲁⲡ ⲙⲡⲉϥⲙⲧⲟ ⲉⲃⲟⲗ

ϥⲛⲁⲣ ϫⲟⲉⲓⲥ ⲉⲛⲉϥϫⲁϫⲉ ⲧⲏⲣⲟⲩ

27 ⲁϥϫⲟⲟⲥ ⲅⲁⲣ ϩⲙ ⲡⲉϥϩⲏⲧ ϫⲉ ⲛϯⲛⲁⲕⲓⲙ ⲁⲛ ϫⲓⲛ ⲟⲩϫⲱⲙ ϣⲁ

ⲟⲩϫⲱⲙ ⲁϫⲛ ⲡⲉⲑⲟⲟⲩ

28 ⲡⲁⲓ ⲉⲣⲉ ⲧⲉϥⲧⲁⲡⲣⲟ ⲙⲉϩ ⲛⲥⲁϩⲟⲩ ϩⲓ ⲥⲓϣⲉ ϩⲓ ⲕⲣⲟϥ ⲟⲩϩⲓⲥⲉ ⲙⲛ

ⲟⲩⲙⲕⲁϩ ⲡⲉⲧϩⲁ ⲡⲉϥⲗⲁⲥ

29 ϥϩⲙⲟⲟⲥ ϩⲛ ⲙⲙⲁ ⲛϭⲱⲣϭ ⲙⲛ ⲛⲣⲙⲙⲁⲟ ⲁⲩⲱ ϩⲛ ⲙⲙⲁ ⲉⲧϩⲏⲡ

ⲉⲙⲟⲩⲟⲩⲧ ⲛⲟⲩⲁⲧⲛⲟⲃⲉ ⲉⲣⲉ ⲛⲉϥⲃⲁⲗ ϭⲱϣⲧ ⲉⲡϩⲏⲕⲉ

30 ϥϭⲟⲣϭ ϩⲛ ⲟⲩⲡⲉⲧϩⲏⲡ ⲛⲑⲉ ⲛⲟⲩⲙⲟⲩⲓ ϩⲙ ⲡⲉϥⲃⲏⲃ ⲉⲧⲱⲣⲡ ⲛⲟⲩϩⲏⲕⲉ

ϩⲙ ⲡⲧⲣⲉϥⲥⲟⲕϥ ϥⲛⲁⲑⲃⲃⲓⲟϥ ϩⲛ ⲧⲉϥϭⲟⲣϭⲥ

31 ϥⲛⲁⲡⲁϩⲧϥ ⲛϥϩⲉ ϩⲙ ⲡⲧⲣⲉϥⲣ ϫⲟⲉⲓⲥ ⲛⲛϩⲏⲕⲉ

32 ⲁϥϫⲟⲟⲥ ⲅⲁⲣ ϩⲙ ⲡⲉϥϩⲏⲧ ϫⲉ ⲁⲡⲛⲟⲩⲧⲉ ⲣ ⲡⲱⲃϣ ⲁϥⲕⲧ ⲉⲡⲉϥϩⲟ

ⲉⲃⲟⲗ ⲉⲧⲙϭⲱϣⲧ ⲉⲡⲧⲏⲣϥ

33 ⲧⲱⲟⲩⲛ ⲡϫⲟⲉⲓⲥ ⲙⲁⲣⲉⲥϫⲓⲥⲉ ⲛϭⲓ ⲧⲉⲕϭⲓϫ ⲙⲡⲣⲣ ⲡⲱⲃϣ ⲛⲛϩⲏⲕⲉ

34 ⲉⲧⲃⲉ ⲟⲩ ⲁⲡⲁⲥⲉⲃⲏⲥ ϯ ⲛⲟⲩϭⲥ ⲙⲡⲛⲟⲩⲧⲉ ⲁϥϫⲟⲟⲥ ⲅⲁⲣ ϩⲙ ⲡⲉϥϩⲏⲧ

ϫⲉ ⲛⲅⲛⲁϣⲓⲛⲉ ⲁⲛ

35 ⲕⲛⲁⲩ ϫⲉ ⲛⲧⲟⲕ ⲉⲧϯⲛϩⲧⲏⲕ ⲉⲩϩⲓⲥⲉ ⲙⲛ ⲟⲩϭⲱⲛⲧ ⲉⲧⲣⲉⲩⲧⲁⲁⲩ












ⲉϩⲣⲁⲓ ⲉⲛⲉⲕϭⲓϫ ⲉⲣⲉ ⲡϩⲏⲕⲉ ⲛⲁⲛⲟϫϥ ⲉⲣⲟⲕ ⲛⲧⲟⲕ ⲉⲧⲃⲟⲏⲑⲉⲓ

ⲉⲡⲟⲣⲫⲁⲛⲟⲥ

36 ⲟⲩⲱϣϥ ⲙⲡⲉϭⲃⲟⲓ ⲙⲡⲣⲉϥⲣⲛⲟⲃⲉ ⲙⲛ ⲡⲡⲟⲛⲏⲣⲟⲥ ⲥⲉⲛⲁϣⲓⲛⲉ ⲛⲥⲁ

ⲡⲉϥⲛⲟⲃⲉ ⲛⲥⲉⲧⲙϩⲉ ⲉⲣⲟϥ ⲉⲧⲃⲏⲏⲧϥ

37 ⲡϫⲟⲉⲓⲥ ⲛⲁⲣⲣⲣⲟ ϣⲁ ⲉⲛⲉϩ ⲁⲩⲱ ϣⲁ ⲉⲛⲉϩ ⲛⲉⲛⲉϩ ⲛϩⲉⲑⲛⲟⲥ

ⲧⲉⲧⲛⲁϥⲱⲧⲉ ⲉⲃⲟⲗ ϩⲙ ⲡⲉϥⲕⲁϩ

38 ⲁⲡϫⲟⲉⲓⲥ ⲥⲱⲧⲙ ⲉⲡⲟⲩⲱϣ ⲛⲛϩⲏⲕⲉ ⲁⲡⲉϥⲙⲁⲁϫⲉ ϯϩⲧⲏϥ ⲉⲡⲥⲟⲡⲥ

ⲙⲡⲉⲩϩⲏⲧ

39 ⲉⲕⲣⲓⲛⲉ ⲙⲡⲟⲣⲫⲁⲛⲟⲥ ⲙⲛ ⲡⲉⲧⲑⲃⲃⲓⲏⲩ ϫⲉ ⲛⲛⲉ ⲡⲣⲱⲙⲉ ⲟⲩⲱϩ

ⲉⲧⲟⲟⲧϥ ⲉϣⲟⲩϣⲟⲩ ⲙⲙⲟϥ ϩⲓϫⲙ ⲡⲕⲁϩ

40

Psalm 10

1 ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲁⲓⲛⲁϩⲧⲉ ⲉⲡϫⲟⲉⲓⲥ ⲛⲁϣ ⲛϩⲉ

ⲧⲉⲧⲛⲁϫⲟⲟⲥ ⲛⲧⲁⲯⲩⲭⲏ ϫⲉ ⲡⲱⲱⲛⲉ ⲉⲃⲟⲗ ⲉϫⲛ ⲛⲧⲟⲟⲩ ⲛⲑⲉ ⲛⲟⲩϫⲁϫ

2 ϫⲉ ⲉⲓⲥ ⲛⲣⲉϥⲣⲛⲟⲃⲉ ⲁⲩⲥⲱⲙⲛⲧ ⲛⲧⲉⲩⲡⲓⲧⲉ ⲁⲩⲥⲟⲃⲧⲉ ⲛⲛⲉⲩⲥⲟⲧⲉ

ⲉⲡⲉⲩϩⲛⲁⲁⲩ ⲛϯⲥⲟⲧⲉ ⲉⲛⲉϫ ⲥⲟⲧⲉ ϩⲙ ⲡϩⲱⲡ ⲛⲛⲉⲧⲥⲟⲩⲧⲱⲛ ϩⲙ

ⲡⲉⲩϩⲏⲧ

3 ϫⲉ ⲛⲉⲛⲧⲁⲕⲥⲃⲧⲱⲧⲟⲩ ⲁⲩⲧⲁⲩⲟⲟⲩ ϩⲣⲁⲓ ⲡⲇⲓⲕⲁⲓⲟⲥ ⲇⲉ ⲛⲧⲁϥⲣ ⲟⲩ

4 ⲡϫⲟⲉⲓⲥ ϩⲙ ⲡⲉϥⲣⲡⲉ ⲉⲧⲟⲩⲁⲁⲃ ⲡϫⲟⲉⲓⲥ ⲉⲣⲉ ⲡⲉϥⲑⲣⲟⲛⲟⲥ ϩⲛ ⲧⲡⲉ

ⲛⲉϥⲃⲁⲗ ϭⲱϣⲧ ⲉϫⲛ ⲧⲟⲓⲕⲟⲩⲙⲉⲛⲏ ⲛⲉϥⲃⲟⲩϩⲉ ϫⲛⲟ ⲛⲛϣⲏⲣⲉ ⲛⲛⲣⲱⲙⲉ










5 ⲡϫⲟⲉⲓⲥ ⲛⲁϫⲛⲉ ⲡⲇⲓⲕⲁⲓⲟⲥ ⲙⲛ ⲡⲁⲥⲉⲃⲏⲥ ⲡⲉⲧⲙⲉ ⲇⲉ ⲙⲡϫⲓⲛϭⲟⲛⲥ

ϥⲙⲟⲥⲧⲉ ⲛⲧⲉϥⲯⲩⲭⲏ ⲙⲁⲩⲁⲁϥ

6 ϥⲛⲁϩⲱⲟⲩ ⲉϫⲛ ⲛⲣⲉϥⲣⲛⲟⲃⲉ ⲛϩⲉⲛⲡⲁϣϥ ⲟⲩⲕⲱϩⲧ ⲙⲛ ⲟⲩⲑⲏⲛ ⲙⲛ

ⲟⲩⲡⲛⲉⲩⲙⲁ ⲛϩⲁⲧⲏⲩ ⲧⲉ ⲧⲙⲉⲣⲓⲥ ⲙⲡⲉⲩϫⲱ

7 ϫⲉ ⲟⲩⲇⲓⲕⲁⲓⲟⲥ ⲡⲉ ⲡϫⲟⲉⲓⲥ ⲁⲩⲱ ⲁϥⲙⲉⲣⲉ ⲧⲇⲓⲕⲁⲓⲟⲥⲩⲛⲏ ⲁⲡⲉϥϩⲟ ⲛⲁⲩ

ⲉⲡⲥⲟⲟⲩⲧⲛ

8

Psalm 11

1 ⲉⲡϫⲱⲕ ⲉⲃⲟⲗ ϩⲁ ⲡⲙⲉϩϣⲙⲟⲩⲛ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ

2 ⲙⲁⲧⲟⲩϫⲟⲓ ⲡϫⲟⲉⲓⲥ ϫⲉ ⲁⲡⲉⲧⲟⲩⲁⲁⲃ ⲱϫⲛ ϫⲉ ⲁⲙⲙⲛⲧⲙⲉ ⲥⲃⲟⲕ ⲉⲃⲟⲗ

ϩⲛ ⲛϣⲏⲣⲉ ⲛⲛⲣⲱⲙⲉ

3 ⲁⲡⲟⲩⲁ ⲡⲟⲩⲁ ϣⲁϫⲉ ⲛϩⲉⲛⲡⲉⲧϣⲟⲩⲉⲓⲧ ⲛⲛⲁϩⲣⲙ ⲡⲉⲧϩⲓⲧⲟⲩⲱϥ

ϩⲉⲛⲥⲡⲟⲧⲟⲩ ⲛⲕⲣⲟϥ ϩⲛ ⲟⲩϩⲏⲧ ⲁⲩⲱ ⲁϥϣⲁϫⲉ ϩⲙ ⲡⲉϥϩⲏⲧ

4 ⲡϫⲟⲉⲓⲥ ⲛⲁϥⲱⲧⲉ ⲉⲃⲟⲗ ⲛⲥⲡⲟⲧⲟⲩ ⲛⲓⲙ ⲛⲕⲣⲟϥ ⲁⲩⲱ ⲟⲩⲗⲁⲥ ⲛⲣⲉϥϫⲉ

ⲛⲟϭ ⲛϣⲁϫⲉ

5 ⲛⲉⲛⲧⲁⲩϫⲟⲟⲥ ϫⲉ ⲧⲛⲛⲁϫⲓⲥⲉ ⲙⲡⲉⲛⲗⲁⲥ ⲛⲉⲛⲥⲡⲟⲧⲟⲩ ϩⲉⲛ ⲉⲃⲟⲗ

ϩⲓⲧⲟⲟⲧⲛ ⲛⲉ ⲛⲓⲙ ⲡⲉⲧⲟ ⲛϫⲟⲉⲓⲥ ⲉⲣⲟⲛ

6 ⲉⲧⲃⲉ ⲧⲧⲁⲗⲁⲓⲡⲱⲣⲓⲁ ⲛⲛϩⲏⲕⲉ ⲙⲛ ⲡⲁϣⲁϩⲟⲙ ⲛⲛⲉⲃⲓⲏⲛ ⲡⲉϫⲉ ⲡϫⲟⲉⲓⲥ

ϫⲉ ⲧⲉⲛⲟⲩ ϯⲛⲁⲧⲱⲟⲩⲛ ϯⲛⲁⲕⲱ ⲉϩⲣⲁⲓ ⲛⲟⲩⲟⲩϫⲁⲓ ⲛⲧⲁⲡⲁⲣⲣⲏⲥⲓⲁⲍⲉ

ⲙⲙⲟⲓ ⲛϩⲏⲧ











7 ⲛϣⲁϫⲉ ⲙⲡϫⲟⲉⲓⲥ ϩⲉⲛϣⲁϫⲉ ⲉⲩⲟⲩⲁⲁⲃ ⲛⲉ ⲟⲩϩⲁⲧ ⲉϥⲡⲏⲥⲉⲉϥⲥⲟⲧⲡ

ⲉⲁⲩⲧⲃⲃⲟϥ ϩⲙ ⲡⲕⲁϩ ⲛⲥⲁϣϥ ⲛⲥⲟⲡ

8 ⲛⲧⲟⲕ ⲇⲉ ⲡϫⲟⲉⲓⲥ ⲕⲛⲁϩⲁⲣⲉϩ ⲉⲣⲟⲛ ⲁⲩⲱ ⲕⲛⲁⲧⲟⲩϫⲟⲛ ⲉⲃⲟⲗ ϩⲛ

ⲧⲉⲓⲅⲉⲛⲉⲁ ϣⲁ ⲉⲛⲉϩ

9 ⲛⲁⲥⲉⲃⲏⲥ ⲛⲁⲙⲟⲟϣⲉ ⲉⲩⲥⲟⲟⲩϩ ⲕⲁⲧⲁ ⲡⲉⲕϫⲓⲥⲉ ⲁⲕⲧⲁϣⲉ ⲛϣⲏⲣⲉ

ⲛⲛⲣⲱⲙⲉ

Psalm 12

1 ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ

2 ϣⲁ ⲧⲛⲁⲩ ⲡϫⲟⲉⲓⲥ ⲕⲛⲁⲣ ⲡⲁⲱⲃϣ ϣⲁⲃⲟⲗ ϣⲁ ⲧⲛⲁⲩ ⲕⲛⲁⲕⲱⲧⲉ

ⲙⲡⲉⲕϩⲟ ⲛⲥⲁⲃⲟⲗ ⲙⲙⲟⲓ

3 ϣⲁ ⲧⲛⲁⲩ ϯⲛⲁⲕⲱ ⲛϩⲉⲛϣⲟϫⲛⲉ ϩⲛ ⲧⲁⲯⲩⲭⲏ ϩⲉⲛⲗⲩⲡⲏ ϩⲙ ⲡⲁϩⲏⲧ

ⲙⲡⲉϩⲟⲟⲩ ϣⲁ ⲧⲛⲁⲩ ⲡⲁϫⲁϫⲉ ⲛⲁϫⲓⲥⲉ ⲙⲙⲟϥ ⲉϩⲣⲁⲓ ⲉϫⲱⲓ

4 ⲕⲟⲧⲕ ⲥⲱⲧⲙ ⲉⲣⲟⲓ ⲡϫⲟⲉⲓⲥ ⲡⲁⲛⲟⲩⲧⲉ ⲁⲣⲓⲟⲩⲟⲉⲓⲛ ⲉⲛⲁⲃⲁⲗ ⲙⲏⲡⲟⲧⲉ

ⲛⲧⲁⲱⲃϣ ⲉⲡⲙⲟⲩ

5 ⲙⲏⲡⲟⲧⲉ ⲛⲧⲉ ⲡⲁϫⲁϫⲉ ϫⲟⲟⲥ ϫⲉ ⲁⲓϭⲙϭⲟⲙ ⲉⲣⲟϥ ⲛⲉⲧⲑⲗⲓⲃⲉ ⲙⲙⲟⲓ

ⲛⲁⲧⲉⲗⲏⲗ ⲉⲓϣⲁⲛⲕⲓⲙ

6 ⲁⲛⲟⲕ ⲇⲉ ⲁⲓϩⲉⲗⲡⲓⲍⲉ ⲉⲡⲉⲕⲛⲁ ⲡⲁϩⲏⲧ ⲛⲁⲧⲉⲗⲏⲗ ⲉϫⲙ ⲡⲉⲕⲟⲩϫⲁⲓ

ϯⲛⲁϫⲱ ⲉⲡϫⲟⲉⲓⲥ ⲡⲉⲛⲧⲁϥⲣ ⲡⲉⲧⲛⲁⲛⲟⲩϥ ⲛⲁⲓ ⲁⲩⲱ ϯⲛⲁⲯⲁⲗⲗⲉⲓ

ⲉⲡⲣⲁⲛ ⲙⲡϫⲟⲉⲓⲥ ⲡⲉⲧϫⲟⲥⲉ

Psalm 13










1 ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲡⲉϫⲉ ⲡⲁⲧϩⲏⲧ ϩⲙ ⲡⲉϥϩⲏⲧ ϫⲉ

ⲙⲙⲛ ⲛⲟⲩⲧⲉ ϣⲟⲟⲡ ⲁⲩⲧⲁⲕⲟ ⲁⲩⲥⲱⲱϥ ϩⲛ ⲛⲉⲩⲙⲉⲉⲩⲉ ⲙⲙⲛ ⲡⲉⲧⲉⲓⲣⲉ

ⲛⲟⲩⲙⲛⲧⲭⲣⲏⲥⲧⲟⲥ ⲙⲙⲛ ⲟⲩⲟⲛ ϣⲁϩⲣⲁⲓ ⲉⲟⲩⲁ

2 ⲁⲡϫⲟⲉⲓⲥ ϭⲱϣⲧ ⲉⲃⲟⲗ ϩⲛ ⲧⲡⲉ ⲉϫⲛ ⲛϣⲏⲣⲉ ⲛⲛⲣⲱⲙⲉ ⲉⲛⲁⲩ ϫⲉ ⲟⲩⲛ

ⲗⲁⲁⲩ ⲛⲥⲁⲃⲉ ⲉϥϣⲓⲛⲉ ⲛⲥⲁ ⲡⲛⲟⲩⲧⲉ

3 ⲁⲩⲣⲓⲕⲉ ⲉⲃⲟⲗ ⲧⲏⲣⲟⲩ ⲁⲩⲣ ⲁⲧϣⲁⲩ ϩⲓ ⲟⲩⲥⲟⲡ ⲙⲙⲛ ⲡⲉⲧⲉⲓⲣⲉ

ⲛⲟⲩⲙⲛⲧⲭⲣⲏⲥⲧⲟⲥ ⲙⲛ ⲟⲩⲟⲛ ϣⲁϩⲣⲁⲓ ⲉⲟⲩⲁ ⲟⲩⲧⲁⲫⲟⲥ ⲉϥⲟⲩⲏⲛ ⲧⲉ

ⲧⲉⲩϣⲟⲩⲱⲃⲉ ⲁⲩⲣ ⲕⲣⲟϥ ϩⲛ ⲛⲉⲩⲗⲁⲥ ⲟⲩⲙⲁⲧⲟⲩ ⲛϩⲟϥ ⲧⲉ ⲧϩⲁ

ⲛⲉⲩⲥⲡⲟⲧⲟⲩ ⲉⲣⲉ ⲧⲉⲩⲧⲁⲡⲣⲟ ⲙⲉϩ ⲛⲥⲁϩⲟⲩ ϩⲓ ⲥⲓϣⲉ ⲛⲉⲩⲟⲩⲉⲣⲏⲧⲉ

ϭⲉⲡⲏ ⲉⲡⲉⲛⲥⲛⲟϥ ⲉⲃⲟⲗ ⲟⲩⲟⲩⲱϣϥ ⲙⲛ ⲟⲩⲧⲁⲗⲁⲓⲡⲱⲣⲓⲁ ⲛⲉⲧϩⲓ

ⲛⲉⲩϩⲓⲟⲟⲩⲉ ⲧⲉϩⲓⲏ ⲛⲧⲉⲓⲣⲏⲛⲏ ⲙⲡⲟⲩⲥⲟⲩⲱⲛⲥ ⲛⲧϩⲟⲧⲉ ⲙⲡⲛⲟⲩⲧⲉ

ⲙⲡⲉⲙⲧⲟ ⲛⲛⲉⲩⲃⲁⲗ ⲉⲃⲟⲗ ⲁⲛ

4 ⲙⲏ ⲛⲥⲉⲛⲁⲉⲓⲙⲉ ⲧⲏⲣⲟⲩ ⲁⲛ ⲛϭⲓ ⲛⲉⲧⲣ ϩⲱⲃ ⲉⲧⲁⲛⲟⲙⲓⲁ ⲛⲉⲧⲟⲩⲱⲙ

ⲙⲡⲁⲗⲁⲟⲥ ϩⲛ ⲟⲩϩⲣⲉ ⲛⲟⲉⲓⲕ ⲙⲡⲟⲩⲉⲡⲓⲕⲁⲗⲉⲓ ⲙⲡϫⲟⲉⲓⲥ

5 ⲁⲩⲣ ϩⲟⲧⲉ ⲙⲙⲁⲩ ϩⲛ ⲟⲩϩⲟⲧⲉ ϩⲙ ⲡⲙⲁ ⲉⲧⲉ ⲙⲙⲛ ϩⲟⲧⲉ ⲛϩⲏⲧϥ ϫⲉ

ⲡⲛⲟⲩⲧⲉ ϩⲛ ⲟⲩⲅⲉⲛⲉⲁ ⲛⲇⲓⲕⲁⲓⲟⲥ

6 ⲁⲧⲉⲧⲛϯϣⲓⲡⲉ ⲙⲡϣⲟϫⲛⲉ ⲙⲡϩⲏⲕⲉ ⲡϫⲟⲉⲓⲥ ⲇⲉ ⲡⲉ ⲧⲉϥϩⲉⲗⲡⲓⲥ

7 ⲛⲓⲙ ⲡⲉⲧⲛⲁϯ ⲉⲃⲟⲗ ϩⲛ ⲥⲓⲱⲛ ⲙⲡⲟⲩϫⲁⲓ ⲙⲡⲓⲥⲣⲁⲏⲗ ϩⲙ ⲡⲧⲣⲉ ⲡϫⲟⲉⲓⲥ

ⲕⲧⲉ ⲧⲇⲓⲭⲙⲁⲗⲱⲥⲓⲁ ⲙⲡⲉϥⲗⲁⲟⲥ ϥⲛⲁⲧⲉⲗⲏⲗ ⲛϭⲓ ⲓⲁⲕⲱⲃ ⲛϥⲟⲩⲛⲟϥ

ⲛϭⲓ ⲡⲓⲥⲣⲁⲏⲗ








Psalm 14

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲡϫⲟⲉⲓⲥ ⲛⲓⲙ ⲡⲉⲧⲛⲁⲟⲩⲱϩ ϩⲙ ⲡⲉⲕⲙⲁⲛϣⲱⲡⲉ

ⲏ ⲛⲓⲙ ⲡⲉⲧⲛⲁⲙⲧⲟⲛ ⲙⲙⲟϥ ϩⲙ ⲡⲉⲕⲧⲟⲟⲩ ⲉⲧⲟⲩⲁⲁⲃ

2 ⲡⲉⲧⲙⲟⲟϣⲉ ⲡⲉ ⲉⲧⲟⲩⲁⲁⲃ ⲉⲧⲣ ϩⲱⲃ ⲉⲧⲇⲓⲕⲁⲓⲟⲥⲩⲛⲏ ⲉϥϣⲁϫⲉ ⲛⲧⲙⲉ

ϩⲙ ⲡⲉϥϩⲏⲧ

3 ⲡⲁⲓ ⲉⲧⲉ ⲙⲡϥⲣⲕⲣⲟϥ ϩⲙ ⲡⲉϥⲗⲁⲥ ⲟⲩⲇⲉ ⲙⲡϥⲣⲡⲉⲧϩⲟⲟⲩ

ⲙⲡⲉⲧϩⲓⲧⲟⲩⲱϥ ⲙⲡϥϫⲓ ⲛⲟⲩⲛⲟϭⲛⲉϭ ⲛⲛⲉⲧϩⲏⲛ ⲉⲣⲟϥ

4 ⲟⲩⲟⲛ ⲛⲓⲙ ⲉⲧⲟ ⲙⲡⲟⲛⲏⲣⲟⲥ ⲥⲟϣϥ ⲙⲡⲉϥⲙⲧⲟ ⲉⲃⲟⲗ ⲉϥϯⲉⲟⲟⲩ ⲇⲉ

ⲛⲛⲉⲧⲣ ϩⲟⲧⲉ ϩⲏⲧϥ ⲙⲡϫⲟⲉⲓⲥ ⲉϥⲱⲣⲕ ⲙⲡⲉⲧϩⲓⲧⲟⲩⲱϥ ⲉⲛϥϥⲱϭⲉ

ⲙⲙⲟϥ ⲁⲛ

5 ⲙⲡϥϯ ⲙⲡⲉϥϩⲁⲧ ⲉⲙⲏⲥⲉ ⲉⲙⲡϥϫⲓ ⲇⲱⲣⲟⲛ ⲉϫⲛ ⲛⲉⲧⲟⲩⲁⲁⲃ ⲡⲉⲧⲉⲓⲣⲉ

ⲛⲛⲁⲓ ⲛϥⲛⲁⲕⲓⲙ ⲁⲛ ϣⲁ ⲉⲛⲉϩ

6

Psalm 15

1 ⲧⲉⲥⲧⲏⲗⲟⲅⲣⲁⲫⲓⲁ ⲛⲇⲁⲩⲉⲓⲇ ϩⲁⲣⲉϩ ⲉⲣⲟⲓ ⲡϫⲟⲉⲓⲥ ϫⲉ ⲁⲓⲕⲁϩⲧⲏⲓ

ⲉⲣⲟⲕ

2 ⲁⲓϫⲟⲟⲥ ⲙⲡϫⲟⲉⲓⲥ ϫⲉ ⲛⲧⲕ ⲡⲁϫⲟⲉⲓⲥ ϫⲉ ⲛⲅⲣⲭⲣⲓⲁ ⲁⲛ ⲛⲁⲁⲅⲁⲑⲟⲛ

3 ⲁϥⲟⲩⲟⲛϩϥ ⲉⲃⲟⲗ ⲛⲛⲉⲧⲟⲩⲁⲁⲃ ⲉⲧϩⲙ ⲡⲉϥⲕⲁϩ ⲛⲉϥⲟⲩⲱϣ ⲧⲏⲣⲟⲩ

ϣⲟⲟⲡ ϩⲣⲁⲓ ⲛϩⲏⲧⲟⲩ

4 ⲁⲛⲉⲩϣⲱⲛⲉ ⲁϣⲁⲓ ϩⲣⲁⲓ ⲛϩⲏⲧⲟⲩ ⲙⲛⲛⲥⲁ ⲛⲁⲓ ⲁⲩϣⲧⲟⲣⲧⲣ

ⲛⲛⲁⲥⲱⲟⲩϩ ⲉϩⲟⲩⲛ ⲛⲛⲉⲩⲥⲩⲛⲁⲅⲱⲅⲏ ⲉⲃⲟⲗ ϩⲛ ϩⲉⲛⲥⲛⲟϥ ⲟⲩⲇⲉ ⲛⲛⲁⲣ











ⲡⲙⲉⲉⲩⲉ ⲛⲛⲉⲩⲣⲁⲛ ⲉⲃⲟⲗ ϩⲛ ⲛⲁⲥⲡⲟⲧⲟⲩ

5 ⲡϫⲟⲉⲓⲥ ⲡⲉ ⲧⲙⲉⲣⲓⲥ ⲛⲧⲁⲕⲗⲏⲣⲟⲛⲟⲙⲓⲁ ⲙⲛ ⲡⲁϫⲱ ⲛⲧⲟⲕ ⲡⲉⲧϯ ⲛⲁⲓ

ⲛⲧⲁⲕⲗⲏⲣⲟⲛⲟⲙⲓⲁ

6 ⲁϩⲉⲛⲥⲛⲁⲩϩ ϩⲉ ⲉϩⲣⲁⲓ ⲉϫⲱⲓ ϩⲛ ⲛⲉⲧⲁⲙⲁϩⲧⲉ ⲕⲁⲓⲅⲁⲣ

ⲧⲁⲕⲗⲏⲣⲟⲛⲟⲙⲓⲁ ⲧⲁϫⲣⲏⲩ ⲛⲁⲓ

7 ϯⲛⲁⲥⲙⲟⲩ ⲉⲡϫⲟⲉⲓⲥ ⲡⲉⲛⲧⲁϥⲧⲥⲁⲃⲟⲓ ⲉⲧⲓ ⲇⲉ ϣⲁ ⲧⲕⲉⲟⲩϣⲏ

ⲛⲁϭⲗⲟⲧⲉ ⲛⲁⲡⲁⲓⲇⲉⲩⲉ ⲙⲙⲟⲓ

8 ⲛⲉⲓⲛⲁⲩ ⲉⲡϫⲟⲉⲓⲥ ⲙⲡⲁⲙⲧⲟ ⲉⲃⲟⲗ ⲛⲟⲩⲟⲉⲓϣ ⲛⲓⲙ ϫⲉ ϥϩⲓ ⲟⲩⲛⲁⲙ

ⲙⲙⲟⲓ ϫⲉ ⲛⲛⲁⲕⲓⲙ

9 ⲉⲧⲃⲉ ⲡⲁⲓ ⲁⲡⲁϩⲏⲧ ⲉⲩⲫⲣⲁⲛⲉ ⲁⲩⲱ ⲁⲡⲁⲗⲁⲥ ⲧⲉⲗⲏⲗ ⲉⲧⲓ ⲇⲉ

ⲧⲁⲕⲉⲥⲁⲣⲝ ⲛⲁⲟⲩⲱϩ ϩⲛ ⲟⲩϩⲉⲗⲡⲓⲥ

10 ϫⲉ ⲛⲛⲉⲕⲕⲱ ⲛⲧⲁⲯⲩⲭⲏ ϩⲛ ⲁⲙⲛⲧⲉ ⲟⲩⲇⲉ ⲛⲛⲉⲕϯ ⲙⲡⲉⲕⲡⲉⲧⲟⲩⲁⲁⲃ

ⲉⲛⲁⲩ ⲉⲡⲧⲁⲕⲟ

11 ⲁⲕⲟⲩⲱⲛϩ ⲛⲁⲓ ⲉⲃⲟⲗ ⲛⲛⲉϩⲓⲟⲟⲩⲉ ⲙⲡⲱⲛϩ ⲕⲛⲁϫⲟⲕⲧ ⲉⲃⲟⲗ

ⲛⲟⲩⲟⲩⲛⲟϥ ⲙⲛ ⲡⲉⲕϩⲟ ⲟⲩⲙⲧⲟⲛ ⲡⲉⲧϩⲛ ⲧⲉⲕⲟⲩⲛⲁⲙ ϣⲁⲃⲟⲗ

Psalm 16

1 ⲡⲉϣⲗⲏⲗ ⲛⲇⲁⲩⲉⲓⲇ ⲡϫⲟⲉⲓⲥ ⲥⲱⲧⲙ ⲉⲧⲁⲇⲓⲕⲁⲓⲟⲥⲩⲛⲏ ϯϩⲧⲏⲕ

ⲉⲡⲁⲥⲟⲡⲥ ϫⲓⲥⲙⲏ ⲉⲡⲁϣⲗⲏⲗ ϩⲛ ϩⲉⲛⲥⲡⲟⲧⲟⲩ ⲁⲛ ⲛⲕⲣⲟϥ

2 ⲉⲣⲉ ⲡⲁϩⲁⲡ ⲉⲓ ⲛⲁⲓ ⲙⲡⲉⲕⲙⲧⲟ ⲉⲃⲟⲗ ⲉⲣⲉ ⲛⲁⲃⲁⲗ ⲛⲁⲩ ⲉⲡⲥⲟⲟⲩⲧⲛ

3 ⲁⲕⲇⲟⲕⲓⲙⲁⲍⲉ ⲙⲡⲁϩⲏⲧ ⲁⲕϭⲙ ⲡⲁϣⲓⲛⲉ ⲛⲧⲉⲩϣⲏ ⲁⲕⲡⲁⲥⲧ ⲙⲡⲉⲕϩⲉ











ⲉϫⲓⲛϭⲟⲛⲥ ⲛϩⲏⲧ

4 ϫⲉ ⲛⲛⲉ ⲧⲁⲧⲁⲡⲣⲟ ϫⲱ ⲛⲛⲉϩⲃⲏⲩⲉ ⲛⲛⲣⲱⲙⲉ ⲉⲧⲃⲉ ⲛϣⲁϫⲉ

ⲛⲛⲉⲕⲥⲡⲟⲧⲟⲩ ⲁⲓϩⲁⲣⲉϩ ⲉⲛⲉϩⲓⲟⲟⲩⲉ ⲉⲧⲛⲁϣⲧ

5 ⲁⲓⲥⲟϥⲧⲉ ⲛⲛⲁⲧⲁϭⲥⲉ ϩⲛ ⲛⲉⲕϩⲓⲟⲟⲩⲉ ϫⲉⲕⲁⲥ ⲛⲕⲉⲩⲕⲓⲙ ⲛϭⲓ ⲛⲁⲧⲁϭⲥⲉ

6 ⲁⲛⲟⲕ ⲁⲓϫⲓ ϣⲕⲁⲕ ⲉⲃⲟⲗ ϫⲉ ⲁⲕⲥⲱⲧⲙ ⲉⲣⲟⲓ ⲡⲛⲟⲩⲧⲉ ⲣⲓⲕⲉ

ⲙⲡⲉⲕⲙⲁⲁϫⲉ ⲉⲣⲟⲓ ⲛⲅⲥⲱⲧⲙ ⲉⲛⲁϣⲁϫⲉ

7 ⲙⲁⲣⲟⲩⲣϣⲡⲏⲣⲉ ⲛⲛⲉⲕⲛⲁ ⲡⲉⲧⲛⲟⲩϩⲙ ⲛⲛⲉⲧϩⲉⲗⲡⲓⲍⲉ ⲉⲣⲟⲕ ⲛⲁϩⲙⲉⲧ

ϩⲛ ⲧⲉⲕⲟⲩⲛⲁⲙ ⲉⲛⲉⲧⲁϩⲉⲣⲁⲧⲟⲩ ⲟⲩⲃⲏⲓ

8 ϩⲁⲣⲉϩ ⲉⲣⲟⲓ ⲛⲧϩⲉ ⲛⲟⲩⲕⲉⲕⲉ ⲛⲃⲁⲗ ⲕⲛⲁⲣ ϩⲁⲓⲃⲉⲥ ⲉⲣⲟⲓ ϩⲛ ⲑⲗⲓⲃⲉⲥ

ⲛⲛⲉⲕⲧⲛϩ

9 ⲙⲡⲉⲙⲧⲟ ⲉⲃⲟⲗ ⲛⲛⲁⲥⲉⲃⲏⲥ ⲛⲁⲓ ⲉⲛⲧⲁⲩⲙⲟⲕϩⲧ ⲁⲛⲁϫⲁϫⲉ ⲁⲙⲁϩⲧⲉ

ⲛⲧⲁⲯⲩⲭⲏ

10 ⲁⲩϩⲱϫⲡ ⲙⲡⲉⲩⲱⲧ ⲁⲧⲉⲩⲧⲁⲡⲣⲟ ϣⲁϫⲉ ϩⲛ ⲟⲩⲙⲛⲧϫⲁⲥⲓϩⲏⲧ

11 ⲉⲩⲛⲟⲩϫⲉ ⲙⲙⲟⲓ ⲉⲃⲟⲗ ⲧⲉⲛⲟⲩ ⲁⲩⲕⲱⲧⲉ ⲉⲣⲟⲓ ⲁⲩⲕⲱ ⲛⲛⲉⲩⲃⲁⲗ ⲉⲣⲓⲕⲉ

ϩⲙ ⲡⲕⲁϩ

12 ⲁⲩⲉⲓⲱⲣⲙ ⲛⲥⲱⲓ ⲛⲧϩⲉ ⲛⲛⲓⲙⲟⲩⲉⲓ ⲉⲧⲥⲃⲧⲱⲧ ⲉⲩⲡⲁϩⲥ ⲁⲩⲱ ⲛⲧϩⲉ

ⲛⲛⲓⲙⲁⲥ ⲙⲙⲟⲩⲓ ⲉⲧϣⲟⲟⲡ ϩⲛ ⲛⲓⲙⲁ ⲉⲧϩⲏⲡ

13 ⲧⲱⲟⲩⲛ ⲡϫⲟⲉⲓⲥ ⲁⲣⲓϣⲟⲣⲡ ⲉⲣⲟⲟⲩ ⲛⲅⲧⲁⲩⲟⲟⲩ ⲉϩⲣⲁⲓ ⲛⲉϩⲙ

ⲧⲁⲯⲩⲭⲏ ⲉⲧⲟⲟⲧϥ ⲙⲡⲁⲥⲉⲃⲏⲥ

14 ⲧⲥⲏϥⲉ ⲛⲛϫⲁϫⲉ ⲉⲃⲟⲗ ϩⲛ ⲧⲉⲕϭⲓϫ ⲡϫⲟⲉⲓⲥ ϥⲱⲧⲉ ⲙⲙⲟⲟⲩ ⲉⲃⲟⲗ












ϩⲓϫⲙ ⲡⲕⲁϩ ⲡⲟϣⲟⲩ ϩⲙ ⲡⲉⲩⲱⲛϩ ⲙⲁⲣⲉ ϩⲏⲧⲟⲩ ⲥⲉⲓ ⲛⲛⲉⲕⲡⲉⲧϩⲏⲧ

ⲁⲩⲙⲉϩ ϩⲏⲧⲟⲩ ⲛⲁϥ ⲛϣⲉ ⲁⲩⲕⲁ ⲡⲥⲉⲉⲡⲉ ⲛⲛⲉⲩϣⲏⲣⲉ

15 ⲁⲛⲟⲕ ⲇⲉ ϩⲛ ⲟⲩⲇⲓⲕⲁⲓⲟⲥⲩⲛⲏ ϯⲛⲁⲟⲩⲱⲛϩ ⲉⲃⲟⲗ ⲙⲡⲉⲕϩⲟ ϯⲛⲁⲥⲉⲓ

ϩⲙ ⲡⲧⲣⲉ ⲡⲉⲕⲉⲟⲟⲩ ⲟⲩⲱⲛϩ ⲉⲃⲟⲗ

Psalm 17

1 ⲉⲡϫⲱⲕ ⲉⲃⲟⲗ ⲛⲇⲁⲩⲉⲓⲇ ⲡϩⲙϩⲁⲗ ⲙⲡϫⲟⲉⲓⲥ ⲛϣⲁϫⲉ ⲛⲧⲉⲓⲱⲇⲏ

ⲉⲛⲧⲁϥϫⲟⲟⲩ ⲉⲡϫⲟⲉⲓⲥ ϩⲙ ⲡⲉϩⲟⲟⲩ ⲉⲛⲧⲁ ⲡϫⲟⲉⲓⲥ ⲛⲁϩⲙⲉϥ ⲉⲃⲟⲗ

ϩⲓⲧⲛ ⲛⲉϥϫⲁϫⲉ ⲧⲏⲣⲟⲩ ⲁⲩⲱ ⲉⲃⲟⲗ ϩⲓⲧⲛ ⲥⲁⲟⲩⲗ ⲡⲉϫⲁϥ ϫⲉ

2 ϯⲛⲁⲙⲉⲣⲓⲧⲓⲕ ⲡϫⲟⲉⲓⲥ ⲧⲁϭⲟⲙ

3 ⲡϫⲟⲉⲓⲥ ⲡⲉ ⲡⲁⲧⲁϫⲣⲟ ⲙⲛ ⲡⲁⲛⲟⲩϩⲙ ⲡⲁⲛⲟⲩⲧⲉ ⲡⲉ ⲡⲁⲃⲟⲏⲑⲟⲥ

ϯⲛⲁⲛⲁϩⲧⲉ ⲉⲣⲟϥ ⲧⲁⲛⲁϣⲧⲉ ⲡⲉ ⲁⲩⲱ ⲡⲧⲁⲡ ⲙⲡⲁⲟⲩϫⲁⲓ

ⲡⲁⲣⲉϥϣⲱⲡⲧ ⲉⲣⲟϥ

4 ⲉⲓⲥⲙⲟⲩ ϯⲛⲁⲉⲡⲓⲕⲁⲗⲉⲓ ⲙⲡϫⲟⲉⲓⲥ ⲁⲩⲱ ϯⲛⲁⲟⲩϫⲁⲓ ⲉⲃⲟⲗ ϩⲛ

ⲛⲁϫⲁϫⲉ

5 ⲁⲛⲛⲁⲁⲕⲉ ⲙⲡⲙⲟⲩ ⲁⲙⲁϩⲧⲉ ⲙⲙⲟⲓ ⲙⲙⲟⲟⲩ ⲛⲥⲱⲣⲙ ⲛⲧⲁⲛⲟⲙⲓⲁ

ⲁⲩϣⲧⲣⲧⲱⲣⲧ

6 ⲁⲛⲛⲁⲁⲕⲉ ⲛⲁⲙⲛⲧⲉ ⲁⲙⲁϩⲧⲉ ⲙⲙⲟⲓ ⲁⲙⲡⲁϣ ⲙⲡⲙⲟⲩ ⲣϣⲟⲣⲡ ⲉⲣⲟⲓ

7 ϩⲙ ⲡⲧⲣⲁⲑⲗⲓⲃⲉ ⲁⲓⲱϣ ⲉϩⲣⲁⲓ ⲉⲡϫⲟⲉⲓⲥ ⲁⲓϫⲓ ϣⲕⲁⲕ ⲉϩⲣⲁⲓ

ⲉⲡⲁⲛⲟⲩⲧⲉ ⲁϥⲥⲱⲧⲙ ⲉⲡⲁϩⲣⲟⲟⲩ ⲉⲃⲟⲗ ϩⲙ ⲡⲉϥⲣⲡⲉ ⲉⲧⲟⲩⲁⲁⲃ

ⲁⲩⲱ ⲡⲁⲁϣⲕⲁⲕ ⲙⲡⲉϥⲙⲧⲟ ⲉⲃⲟⲗ ⲛⲁⲃⲱⲕ ⲉϩⲟⲩⲛ ⲉⲛⲉϥⲙⲁⲁϫⲉ









8 ⲁⲡⲕⲁϩ ⲕⲓⲙ ⲁⲩⲱ ⲁϥⲥⲧⲱⲧ ⲁⲛⲥⲛⲧⲉ ⲛⲛⲧⲟⲟⲩ ϣⲧⲟⲣⲧⲣ ⲁⲩⲕⲓⲙ ϫⲉ

ⲁⲡⲛⲟⲩⲧⲉ ⲛⲟⲩϭⲥ ⲉⲣⲟⲟⲩ

9 ⲁⲩⲕⲁⲡⲛⲟⲥ ⲉⲓ ⲉϩⲣⲁⲓ ϩⲛ ⲧⲉϥⲟⲣⲅⲏ ⲁⲩⲕⲱϩⲧ ⲙⲟⲩϩ ⲙⲡⲉϥⲙⲧⲟ

ⲉⲃⲟⲗ ⲁϩⲉⲛϫⲃⲃⲉⲥ ϫⲉⲣⲟ ⲉⲃⲟⲗ ⲙⲙⲟϥ

10 ⲁϥⲣⲉⲕⲧ ⲧⲡⲉ ⲁϥⲉⲓ ⲉⲡⲉⲥⲏⲧ ⲉⲣⲉ ⲟⲩϭⲟⲥⲙ ϩⲁ ⲛⲉϥⲟⲩⲉⲣⲏⲧⲉ

11 ⲁϥⲁⲗⲉ ⲉϩⲣⲁⲓ ⲉϫⲛ ⲛⲉⲭⲉⲣⲟⲩⲃⲓⲛ ⲁϥϩⲱⲗ ⲉϫⲛ ⲛⲧⲛϩ ⲛⲛⲧⲏⲩ

12 ⲁϥⲕⲱ ⲛⲟⲩⲕⲁⲕⲉ ⲛⲗⲓⲕⲧϥ ⲉⲣⲉⲧⲉϥⲕⲏⲛⲏ ⲕⲱⲧⲉ ⲉⲣⲟϥ ⲟⲩⲙⲟⲟⲩ ⲉϥϩⲏⲡ

ϩⲛ ⲛⲉⲕⲗⲟⲟⲗⲉ ⲛⲁⲏⲣ

13 ⲉⲃⲟⲗ ⲙⲡⲟⲩⲟⲩⲉⲓⲛ ⲁⲛⲉⲕⲗⲟⲟⲗⲉ ⲥⲓⲛⲉ ⲙⲡⲉϥⲙⲧⲟ ⲉⲃⲟⲗ ⲟⲩⲭⲁⲗⲁⲍⲁ

ⲙⲛ ϩⲉⲛϫⲃⲃⲉⲥ ⲛⲕⲱϩⲧ

14 ⲁⲡϫⲟⲉⲓⲥ ϯϩⲣⲟⲩⲃⲃⲁⲓ ⲉⲃⲟⲗ ϩⲛ ⲧⲡⲉ ⲁⲡⲉⲧϫⲟⲥⲉ ϯⲛⲧⲉϥⲥⲙⲏ

15 ⲁϥⲧⲛⲛⲉⲩ ϩⲉⲛⲥⲟⲧⲉ ⲁϥϫⲟⲟⲣⲟⲩ ⲉⲃⲟⲗ ⲁϥⲧⲁϣⲉ ⲛⲉⲃⲣⲏϭⲉ

ⲁϥϣⲧⲣⲧⲱⲣⲟⲩ

16 ⲁⲩⲟⲩⲱⲛϩ ⲉⲃⲟⲗ ⲛϭⲓ ⲛⲡⲏⲅⲏ ⲛⲙⲙⲟⲟⲩ ⲁⲩϭⲱⲗⲡ ⲉⲃⲟⲗ ⲛϭⲓ ⲛⲥⲛⲧⲉ

ⲛⲧⲟⲓⲕⲟⲩⲙⲉⲛⲏ ⲉⲃⲟⲗ ⲛⲧⲉⲕⲉⲡⲓⲧⲓⲙⲓⲁ ⲡϫⲟⲉⲓⲥ ⲉⲃⲟⲗ ⲙⲡⲛⲓϥⲉ

ⲙⲡⲉⲡⲛⲉⲩⲙⲁ ⲛⲧⲉⲕⲟⲣⲅⲏ

17 ⲁϥⲧⲛⲛⲟⲟⲩ ⲉⲃⲟⲗ ϩⲙ ⲡϫⲓⲥⲉ ⲁϥϫⲓⲧ ⲁϥϣⲟⲡⲧ ⲉⲣⲟϥ ⲉⲃⲟⲗ ϩⲛ

ϩⲉⲛⲙⲟⲟⲩ ⲉⲛⲁϣⲱⲟⲩ

18 ϥⲛⲁⲧⲟⲩϫⲁⲓ ⲉⲃⲟⲗ ϩⲛ ⲛⲁϫⲁϫⲉ ⲛϫⲱⲱⲣⲉ ⲁⲩⲱ ⲉⲃⲟⲗ ϩⲛ

ⲛⲉⲧⲙⲟⲥⲧⲉ ⲙⲙⲟⲓ ϫⲉ ⲁϥϭⲙϭⲟⲙ ⲉϩⲟⲩⲉ ⲉⲣⲟⲓ












19 ⲁⲩⲣ ϩⲁⲣⲱⲓ ⲙⲡⲉϩⲟⲟⲩ ⲙⲡⲁⲙⲕⲁϩ ⲁⲡϫⲟⲉⲓⲥ ϣⲱⲡⲉ ⲛⲁⲓ ⲛⲧⲁϫⲣⲟ

20 ⲁϥⲛⲧ ⲉⲃⲟⲗ ⲉⲩⲟⲩⲟⲥⲧⲛ ϥⲃⲁⲧⲟⲩϫⲁⲓ ϫⲉ ⲁϥⲟⲩⲁϣⲧ ϥⲛⲁⲛⲁϩⲙⲉⲧ

ⲉⲃⲟⲗ ϩⲛ ⲛⲁϫⲁϫⲉ ⲛϫⲱⲱⲣⲉ ⲁⲩⲱ ⲉⲃⲟⲗ ϩⲛ ⲛⲉⲧⲙⲟⲥⲧⲉ ⲙⲙⲟⲓ

21 ⲡϫⲟⲉⲓⲥ ⲛⲁⲧⲱⲱⲉ ⲛⲁⲓ ⲕⲁⲧⲁ ⲧⲁⲇⲓⲕⲁⲓⲟⲥⲩⲛⲏ ⲁⲩⲱ ϥⲛⲁⲧⲟⲩⲉⲓⲟ ⲛⲁⲓ

ⲕⲁⲧⲁ ⲡⲧⲃⲃⲟ ⲛⲛⲁϭⲓϫ

22 ϫⲉ ⲁⲓϩⲁⲣⲉϩ ⲉⲛⲉϩⲓⲟⲟⲩⲉ ⲙⲡϫⲟⲉⲓⲥ ⲁⲩⲱ ⲙⲡⲓⲣϣⲁϥⲧⲉ ⲉⲡⲁⲛⲟⲩⲧⲉ

23 ϫⲉ ⲛⲉϥϩⲁⲡ ⲧⲏⲣⲟⲩ ⲙⲡⲁⲙⲧⲟ ⲉⲃⲟⲗ ⲁⲩⲱ ⲛⲉϥⲇⲓⲕⲁⲓⲱⲙⲁ ⲙⲡⲓⲥⲁ

ϩⲱⲟⲩ ⲉⲃⲟⲗ ⲙⲙⲟⲓ

24 ϯⲛⲁϣⲱⲡⲉ ⲉⲓⲟⲩⲁⲁⲃ ⲛⲙⲙⲁϥ ϯⲛⲁϩⲁⲣⲉϩ ⲉϥⲟⲓ ⲉⲃⲟⲗ ϩⲛ

ⲧⲁⲁⲛⲟⲙⲓⲁ

25 ⲁⲩⲱ ⲡϫⲟⲉⲓⲥ ⲛⲁⲧⲟⲩⲉⲓⲟ ⲛⲁⲓ ⲕⲁⲧⲁ ⲧⲁⲇⲓⲕⲁⲓⲟⲥⲩⲛⲏ ⲁⲩⲱ ⲕⲁⲧⲁ

ⲡⲧⲃⲃⲟ ⲛⲛⲁϭⲓϫ ⲙⲡⲉⲙⲧⲟ ⲉⲃⲟⲗ ⲛⲛⲉϥⲃⲁⲗ

26 ⲕⲛⲁⲟⲩⲟⲡ ⲙⲛ ⲡⲉⲧⲟⲩⲁⲁⲃ ⲁⲩⲱ ⲕⲛⲁⲣ ⲁⲧⲛⲟⲃⲉ ⲙⲛ ⲟⲩⲣⲱⲙⲉ

ⲛⲁⲧⲛⲟⲃⲉ

27 ⲕⲛⲁⲣⲥⲱⲧⲡ ⲙⲛ ⲟⲩⲥⲱⲧⲡ ⲁⲩⲱ ⲕⲛⲁϭⲱⲱⲙⲉ ⲙⲛ ⲡⲉⲧϭⲟⲟⲙⲉ

28 ϫⲉ ⲛⲧⲟⲕ ⲕⲛⲁϫⲓⲥⲉ ⲙⲡⲗⲁⲟⲥ ⲉⲧⲑⲃⲃⲓⲏⲩ ⲁⲩⲱ ⲕⲛⲁⲑⲃⲃⲓⲟ ⲛⲛⲃⲁⲗ

ⲛⲛⲁϫⲁⲥⲓϩⲏⲧ

29 ϫⲉ ⲛⲧⲟⲕ ⲉⲧⲣⲟⲩⲟⲩⲉⲓⲛ ⲉⲡⲁϩⲏⲃⲥ ⲡϫⲟⲉⲓⲥ ⲡⲁⲛⲟⲩⲧⲉ ⲕⲣ ⲟⲩⲟⲉⲓⲛ

ⲉⲡⲁⲕⲁⲕⲉ

30 ϫⲉ ϯⲛⲁⲛⲟⲩϩⲙ ⲛϩⲏⲧⲕ ⲉⲩⲙⲁ ⲛⲥⲟⲟⲛⲉ ⲁⲩⲱ ϩⲙ ⲡⲁⲛⲟⲩⲧⲉ













ϯⲛⲁⲟⲩⲱⲧⲃ ⲛⲟⲩⲥⲟⲃⲧ

31 ⲡⲁⲛⲟⲩⲧⲉ ⲧⲉϥϩⲓⲏ ⲟⲩⲁⲁⲃ ⲛϣⲁϫⲉ ⲙⲡϫⲟⲉⲓⲥ ⲡⲟⲥⲉ ⲧⲛⲁϣⲧⲉ ⲡⲉ

ⲛⲟⲩⲛ ⲛⲓⲙ ⲉⲧϩⲉⲗⲡⲓⲍⲉ ⲉⲣⲟϥ

32 ϫⲉ ⲛⲓⲙ ⲡⲉ ⲛⲟⲩⲧⲉ ⲛⲃⲗ ⲙⲡⲉⲛϫⲟⲉⲓⲥ ⲏ ⲛⲓⲙ ⲡⲉ ⲡⲛⲟⲩⲧⲉ ⲛⲃⲗ

ⲙⲡⲉⲛⲛⲟⲩⲧⲉ

33 ⲡⲛⲟⲩⲧⲉ ⲉⲧⲙⲟⲩⲣ ⲙⲙⲟⲓ ⲛⲟⲩϭⲟⲙ ⲁⲕⲕⲁ ⲧⲁϩⲓⲏ ⲉⲥⲟⲩⲁⲁⲃ

34 ⲡⲉⲧⲥⲟⲃⲧⲉ ⲛⲛⲁⲟⲩⲉⲣⲏⲧⲉ ⲛⲧϩⲉ ⲛⲛⲁ ⲛⲓⲉⲉⲓⲟⲩⲗ ⲉϥⲧⲁϩⲟ ⲙⲙⲟⲓ ⲉⲣⲁⲧ

ⲉϫⲛ ⲛⲁϫⲓⲥⲓⲉⲉⲩ

35 ⲉϥⲧⲥⲁⲃⲥ ⲛⲛⲁϭⲓϫ ⲉⲡⲡⲟⲗⲉⲙⲟⲥ ⲁⲕⲕⲱ ⲛⲛⲁϭⲃⲟⲓ ⲙⲡⲓⲧⲉ ⲛϩⲟⲙⲛⲧ

36 ⲁⲕϯ ⲛⲁⲓ ⲛⲟⲩⲛⲁϣⲧⲉ ⲛⲟⲩϫⲁⲓ ⲧⲉⲕⲟⲩⲛⲁⲙ ⲧⲉⲛⲧⲁⲥϣⲟⲡⲧ ⲉⲣⲟⲥ

ⲧⲉⲕⲥⲃⲱ ⲧⲉⲛⲧⲁⲥⲥⲁϩⲱⲓ ϣⲁⲃⲟⲗ ⲧⲉⲕⲥⲃⲱ ⲧⲉⲛⲧⲁϯⲥⲃⲱ ⲛⲁⲓ

37 ⲁⲕⲟⲩⲉϣⲥ ⲛⲁⲧⲁϭⲥ ⲉⲃⲟⲗ ϩⲁⲣⲁⲧ ⲁⲩⲱ ⲙⲡⲉ ⲛⲁⲧⲁϭⲥⲉ ϭⲃⲃⲉ

38 ϯⲛⲁⲡⲱⲧ ⲛⲥⲁ ⲛⲁϫⲁϫⲉ ⲛⲧⲁⲧⲁϩⲟⲟⲩ ⲁⲩⲱ ⲛⲛⲁⲕⲧⲟⲓ ⲉⲙⲡⲟⲩⲱϫⲛ

39 ϯⲛⲁⲗⲟϫϩⲟⲩ ⲛⲥⲉⲧⲙϭⲙϭⲟⲙ ⲛⲁϩⲉⲣⲁⲧⲟⲩ ⲥⲉⲛⲁϩⲉ ϩⲁ

ⲛⲁⲟⲩⲉⲣⲏⲧⲉ

40 ⲁⲕⲙⲟⲣⲧ ⲛⲟⲩϭⲟⲙ ⲉⲡⲡⲟⲗⲉⲙⲟⲥ ⲁⲕⲧⲁⲩⲟ ⲉⲡⲉⲥⲏⲧ ϩⲁⲣⲁⲧ

ⲛⲛⲉⲧⲧⲱⲟⲩⲛ ⲧⲏⲣⲟⲩ ⲉϩⲣⲁⲓ ⲉϫⲟⲓ

41 ⲁⲕϯ ⲛⲛⲁϫⲁϫⲉ ϩⲁ ⲛⲁⲟⲩⲉⲣⲏⲧⲉ ⲁⲕϥⲱⲧⲉ ⲉⲃⲟⲗ ⲛⲛⲉⲧⲙⲟⲥⲧⲉ ⲙⲙⲟⲓ

42 ⲁⲩϫⲓ ϣⲕⲁⲕ ⲉⲃⲟⲗ ⲁⲩⲱ ⲛⲉ ⲙⲛ ⲡⲉⲧⲛⲟⲩϩⲙ ⲉϩⲣⲁⲓ ⲉⲡϫⲟⲉⲓⲥ ⲁⲩⲱ

ⲙⲡϥⲥⲱⲧⲙ ⲉⲣⲟⲟⲩ













43 ϯⲛⲁⲧⲣⲉⲩⲡⲁⲕⲉ ⲛⲧϩⲉ ⲛⲟⲩϣⲟⲉⲓϣ ⲛⲁϩⲣⲛ ⲟⲩⲧⲏⲩ ϯⲛⲁⲟⲥϭⲟⲩ ⲛⲧϩⲉ

ⲛⲟⲩⲙⲉ ⲛϩⲓⲣ

44 ⲕⲛⲁⲧⲟⲩϫⲟⲓ ⲉⲃⲟⲗ ϩⲛ ⲛⲟⲩⲱϩⲙ ⲙⲡⲁⲗⲟⲁⲥ ⲁⲩⲱ ⲕⲛⲁⲕⲁⲑⲓⲥⲧⲁ

ⲙⲙⲟⲓ ⲛⲁⲡⲉ ⲛⲛϩⲉⲑⲛⲟⲥ ⲡⲗⲁⲟⲥ ⲉⲧⲉ ⲙⲡⲓⲥⲟⲩⲱⲛϥ ⲁϥⲣϩⲙϩⲁⲗ ⲛⲁⲓ

45 ⲁϥⲥⲱⲧⲙ ⲛⲥⲱⲓ ϩⲛ ⲟⲩⲥⲱⲧⲙ ⲙⲙⲁⲁϫⲉ ⲁⲛϣⲏⲣⲉ ⲛϣⲙⲙⲟ ϫⲓϭⲟⲗ

ⲉⲣⲟⲓ

46 ⲁⲛϣⲏⲣⲉ ⲛϣⲙⲙⲟ ⲣⲁⲥ ⲁⲩⲣϭⲁⲗⲉ ⲉⲃⲟⲗ ϩⲛ ⲛⲉⲩϩⲓⲟⲟⲩⲉ

47 ⲡϫⲟⲉⲓⲥ ⲟⲛϩ ⲁⲩⲱ ϥⲥⲙⲁⲙⲁⲁⲧ ⲛϭⲓ ⲡⲁⲛⲟⲩⲧⲉ ⲙⲁⲣⲉϥϫⲓⲥⲉ ⲛϭⲓ

ⲡⲛⲟⲩⲧⲉ ⲙⲡⲁⲟⲩϫⲁⲓ

48 ⲡⲛⲟⲩⲧⲉ ⲉⲧϯ ⲛⲁⲓ ⲛϩⲉⲛϫⲓⲕⲃⲁ ⲡⲉⲛⲧⲁϥϩⲩⲡⲟⲧⲁⲥⲥⲉ ⲛϩⲉⲛⲗⲁⲟⲥ

ϩⲁⲣⲁⲧ

49 ⲡⲁⲣⲉϥⲛⲁϩⲙⲉⲧ ⲉⲃⲟⲗ ϩⲛ ⲛⲁϫⲁϫⲉ ⲛⲣⲉϥⲛⲟⲩϭⲥ ⲕⲛⲁϫⲁⲥⲧ ⲉⲃⲟⲗ ϩⲛ

ⲛⲉⲧⲧⲱⲟⲩⲛ ⲉϩⲣⲁⲓ ⲉϫⲱⲓ ⲕⲛⲁⲛⲁϩⲙⲉⲧ ⲉⲃⲟⲗ ϩⲓⲧⲛ ⲟⲩⲣⲱⲙⲉ

ⲕϫⲓⲛϭⲟⲛⲥ

50 ⲉⲧⲃⲉ ⲡⲁⲓ ϯⲛⲁⲟⲩⲱⲛϩ ⲛⲁⲕ ⲉⲃⲟⲗ ⲡϫⲟⲉⲓⲥ ϩⲛ ⲛϩⲉⲑⲛⲟⲥ ⲁⲩⲱ

ϯⲛⲁⲯⲁⲗⲗⲉⲓ ⲉⲡⲉⲕⲣⲁⲛ

51 ⲡⲉⲧϫⲓⲥⲉ ⲛⲛⲉⲩϫⲁⲓ ⲙⲡⲉϥⲣⲣⲟ ⲉⲧⲉⲓⲣⲉ ⲛⲟⲩⲛⲁ ⲙⲛ ⲡⲉϥⲭⲣⲏⲥⲧⲟⲥ

ⲇⲁⲩⲉⲓⲇ ⲙⲛ ⲡⲉϥⲥⲡⲏⲣⲙⲁ ϣⲁ ⲉⲛⲉϩ

Psalm 18












2 ⲙⲡⲏⲩⲉ ϫⲱ ⲙⲡⲉⲟⲟⲩ ⲙⲡⲛⲟⲩⲧⲉ ⲁⲩⲱ ⲡⲉⲥⲧⲉⲣⲉⲱⲙⲁ ϫⲱ ⲙⲡⲧⲁⲙⲓⲟ

ⲛⲛⲉϥϭⲓϫ

3 ⲡⲉϩⲟⲟⲩ ϫⲱ ⲛⲟⲩϣⲁϫⲉ ⲙⲡⲉϩⲟⲟⲩ ⲧⲉⲩϣⲏ ϫⲱ ⲛⲟⲩⲥⲟⲟⲩⲛ ⲛⲧⲉⲩϣⲏ

4 ⲛϩⲉⲛⲁⲥⲡⲉ ⲁⲛ ⲛⲉ ⲁⲩⲇⲉ ⲛϩⲉⲛϣⲁϫⲉ ⲁⲛ ⲛⲉ ⲉⲛⲥⲉⲛⲁⲥⲱⲧⲙ ⲁⲛ

ⲉⲡⲉⲩϩⲣⲟⲟⲩ

5 ⲁⲡⲉⲩϩⲣⲟⲟⲩ ⲉⲓ ⲉⲃⲟⲗ ⲉϫⲙ ⲡⲕⲁϩ ⲧⲏⲣϥ ⲁⲩⲱ ⲁⲛⲉⲩϣⲁϫⲉ ⲡⲱϩ ϣⲁ

ⲛⲉⲕⲣⲱⲟⲩ ⲛⲧⲟⲓⲕⲟⲩⲙⲉⲛⲏ ⲁϥⲕⲱ ⲙⲡⲉϥⲙⲁ ⲛϣⲱⲡⲉ ϩⲙ ⲡⲣⲏ

6 ⲁⲩⲱ ⲛⲧⲟϥ ⲉϥⲟ ⲛⲧϩⲉ ⲛⲟⲩⲛⲩⲙⲫⲓⲟⲥ ⲉϥⲛⲏⲩ ⲉⲃⲟⲗ ϩⲙ ⲡⲉϥⲙⲁ

ⲛϣⲉⲗⲉⲉⲧ ϥⲛⲁⲧⲉⲗⲏⲗ ⲛⲧϩⲉ ⲛⲟⲩⲅⲓⲅⲁⲥ ⲉⲡⲱⲧ ⲛⲧⲉϥϩⲓⲏ

7 ϫⲓ ⲛⲁⲣⲏϫⲥ ⲛⲧⲡⲉ ⲡⲉ ⲡⲉϥⲙⲁ ⲛⲉⲓ ⲉⲃⲟⲗ ⲁⲩⲱ ϣⲁ ⲁⲣⲏϫⲥ ⲛⲧⲡⲉ ⲡⲉ

ⲡⲉϥⲙⲁ ⲛⲃⲱⲕ ⲉϩⲟⲩⲛ ⲙⲛ ⲡⲉⲧⲛⲁϣϩⲱⲃ ⲉⲧⲉϥϩⲙⲙⲉ

8 ⲡⲛⲟⲙⲟⲥ ⲙⲡϫⲟⲉⲓⲥ ⲟⲩⲁⲁⲃ ⲉϥⲕⲧⲟ ⲛⲛⲉⲯⲩⲭⲏ ⲧⲙⲛⲧⲙⲛⲧⲣⲉ

ⲙⲡϫⲟⲉⲓⲥ ⲛϩⲟⲧ ⲉⲥⲧⲥⲁⲃⲟ ⲛⲛⲕⲟⲩⲓ

9 ⲛⲇⲓⲕⲁⲓⲱⲙⲁ ⲙⲡϫⲟⲉⲓⲥ ⲥⲟⲩⲧⲱⲛ ⲉⲩⲉⲩⲫⲣⲁⲛⲉ ⲙⲡϩⲏⲧ ⲧⲉⲛⲧⲟⲗⲏ

ⲙⲡϫⲟⲉⲓⲥ ⲟⲩⲟⲩⲟⲉⲓⲛ ⲧⲉ ⲉⲥⲣ ⲟⲩⲟⲉⲓⲛ ⲉⲛⲃⲁⲗ ⲛⲛⲕⲟⲩⲓ

10 ⲑⲟⲧⲉ ⲙⲡϫⲟⲉⲓⲥ ⲟⲩⲁⲁⲃ ⲉⲥϣⲟⲟⲡ ϣⲁ ⲉⲛⲉϩ ⲛⲉⲛⲉϩ ⲛϩⲁⲡ ⲙⲡϫⲟⲉⲓⲥ

ϩⲉⲛⲙⲉ ⲛⲉ ⲉⲩⲧⲙⲁⲉⲓⲏⲩ ϩⲓ ⲟⲩⲥⲟⲡ

11 ⲛⲉϥⲟⲩⲱϣ ⲥⲟⲧⲡ ⲉⲡⲛⲟⲩⲃ ⲙⲛ ⲡⲱⲛⲉ ⲙⲙⲉ ⲉⲧⲛⲁϣⲱϥ ⲁⲩⲱ ⲥⲉϩⲟⲗϭ

ⲉⲡⲉⲃⲓⲱ ⲙⲛ ⲡⲙⲟⲩⲗϩ

12 ⲕⲁⲓⲅⲁⲣ ⲡⲉⲕϩⲙϩⲁⲗ ϩⲁⲣⲉϩ ⲉⲣⲟⲟⲩ ϩⲙ ⲡⲧⲣⲉϥϩⲁⲣⲉϩ ⲇⲉ ⲉⲣⲟⲟⲩ












ⲟⲩⲧⲟⲩⲉⲓⲟ ⲡⲉ ⲉⲛⲁϣⲱϥ

13 ⲛⲓⲙ ⲡⲉⲧⲛⲁⲉⲓⲙⲉ ⲉⲙⲡⲁⲣⲁ ⲡⲧⲱⲙⲁ ⲧⲃⲃⲟⲓ ⲡϫⲟⲉⲓⲥ ⲉⲛⲁⲡⲉⲧϩⲏⲡ

14 ϯⲥⲟ ⲉⲡⲉⲕϩⲙϩⲁⲗ ⲉⲃⲟⲗ ϩⲛ ⲛϣⲙⲟ ⲉⲩⲧⲙⲣ ϫⲟⲉⲓⲥ ⲉⲣⲟⲓ ϯⲛⲁϣⲱⲡⲉ

ⲉⲓⲟⲩⲁⲁⲃ ⲁⲩⲱ ϯⲛⲁⲧⲃⲃⲟ ⲉⲃⲟⲗ ϩⲛ ⲟⲩⲛⲟϭ ⲛⲛⲟⲃⲉ

15 ⲛϣⲁϫⲉ ⲛⲧⲁⲧⲁⲡⲣⲟ ⲛⲁϣⲱⲡⲉ ⲉⲩⲥⲙⲟⲩ ⲁⲩⲱ ⲧⲙⲉⲗⲉⲧⲏ ⲙⲡⲁϩⲏⲧ

ⲛⲟⲩⲟⲉⲓϣ ⲛⲓⲙ ⲙⲡⲉⲕⲙⲧⲟ ⲉⲃⲟⲗ ⲡϫⲟⲉⲓⲥ ⲡⲁⲃⲟⲏⲑⲟⲥ ⲁⲩⲱ

ⲡⲁⲣⲉϥⲥⲱⲧⲉ

Psalm 19

1 ⲉⲡϫⲱⲕ ⲉⲃⲟⲗ ⲛⲉⲯⲁⲗⲙⲟⲥ ⲛⲇⲁⲩⲉⲓⲇ

2 ⲉⲣⲉⲡϫⲟⲉⲓⲥ ⲥⲱⲧⲙ ⲉⲣⲟⲕ ϩⲙ ⲡⲉϩⲟⲟⲩ ⲛⲧⲉⲕⲑⲗⲓⲯⲓⲥ ⲉϥⲉⲣⲛⲁϣⲧⲉ ⲉⲣⲟⲕ

ⲛϭⲓ ⲡⲣⲁⲛ ⲙⲡⲛⲟⲩⲧⲉ ⲛⲓⲁⲕⲱⲃ

3 ⲉϥⲉⲧⲛⲛⲟⲟⲩ ⲛⲁⲕ ⲛⲟⲩⲃⲟⲏⲑⲓⲁ ⲉⲃⲟⲗ ϩⲙ ⲡⲉⲧⲟⲩⲁⲁⲃ ⲁⲩⲱ ⲉϥⲉϣⲟⲡⲕ

ⲉⲣⲟϥ ⲉⲃⲟⲗ ϩⲛ ⲥⲓⲱⲛ

4 ⲉϥⲉⲣ ⲡⲙⲉⲉⲩⲉ ⲛⲧⲉⲕⲑⲩⲥⲓⲥ ⲧⲏⲣⲥ ⲉⲣⲉ ⲛⲉⲕϭⲗⲓⲗ ϣⲱⲡⲉ ⲛⲁϥ ⲉⲩⲕⲓⲱⲟⲩ


5 ⲉϥⲉϯ ⲛⲁⲕ ⲕⲁⲧⲁ ⲡⲉⲕϩⲏⲧ ⲛϥϫⲱⲕ ⲉⲃⲟⲗ ⲙⲡⲉⲕϣⲟϫⲛⲉ ⲧⲏⲣϥ

6 ⲧⲛⲛⲁⲧⲉⲗⲏⲗ ⲉϫⲙ ⲡⲉⲕⲟⲩϫⲁⲓ ⲁⲩⲱ ⲧⲛⲛⲁⲁⲓⲗⲓ ϩⲙ ⲡⲣⲁⲛ

ⲙⲡⲉⲛⲛⲟⲩⲧⲉ ⲉⲣⲉ ⲡϫⲟⲉⲓⲥ ϫⲱⲕ ⲉⲃⲟⲗ ⲛⲛⲉⲕⲇⲓⲧⲏⲙⲁ ⲧⲏⲣⲟⲩ

7 ⲧⲉⲛⲟⲩ ⲁⲓⲉⲓⲙⲉ ϫⲉ ⲁⲡϫⲟⲉⲓⲥ ⲧⲟⲩϫⲉ ⲡⲉϥⲭⲣⲏⲥⲧⲟⲥ ⲉϥⲉⲥⲱⲧⲙ ⲉⲣⲟⲕ

ϩⲙ ⲡⲉϥⲡⲉⲧⲟⲩⲁⲁⲃ ⲉⲣⲉ ⲡⲟⲩϫⲁⲓ ⲛⲧⲉⲕⲟⲩⲛⲁⲙ ϩⲛ ϩⲉⲛϭⲟⲙ











8 ⲛⲁⲓ ϩⲛ ϩⲉⲛϩⲁⲣⲙⲁ ⲁⲩⲱ ⲛⲉⲓⲕⲟⲟⲩⲉ ϩⲛ ϩⲉⲛϩⲧⲱⲱⲣ ⲁⲛⲟⲛ ⲇⲉ

ⲉⲛⲁⲓⲁⲓⲁⲓ ϩⲙ ⲡⲣⲁⲛ ⲙⲡϫⲟⲉⲓⲥ ⲡⲉⲛⲛⲟⲩⲧⲉ

9 ⲛⲧⲟⲟⲩ ⲁⲩϭⲗⲟⲙⲗⲙ ⲁⲩⲱ ⲁⲩϩⲉ ⲁⲛⲟⲛ ⲇⲉ ⲁⲛⲧⲱⲟⲩⲛ ⲁⲩⲱ

ⲁⲛⲥⲟⲟⲩⲛ

10 ⲡϫⲟⲉⲓⲥ ⲛⲁϩⲙ ⲡⲉⲕⲣⲣⲟ ⲁⲩⲱ ⲛⲅⲥⲱⲧⲙ ⲉⲣⲟⲛ ϩⲙ ⲡⲉϩⲟⲟⲩ ⲉⲧⲛⲛⲁⲱϣ

ⲉϩⲣⲁⲓ ⲉⲣⲟⲕ

Psalm 20


2 ⲡϫⲟⲉⲓⲥ ⲡⲣⲣⲟ ⲛⲁⲉⲩⲫⲣⲁⲛⲉ ϩⲛ ⲧⲉⲕϭⲟⲙ ⲁⲩⲱ ϥⲛⲁⲧⲉⲗⲏⲗ ⲉⲙⲁⲧⲉ

ϩⲙ ⲡⲉⲕⲟⲩϫⲁⲓ

3 ⲁⲕϯ ⲛⲁϥ ⲙⲡⲟⲩⲱϣ ⲙⲡⲉϥϩⲏⲧ ⲁⲩⲱ ⲙⲡⲕϩⲟⲩⲣⲱⲱϥ ⲙⲡⲥⲟⲡⲥ

ⲛⲛⲉϥⲥⲡⲟⲧⲟⲩ

4 ϫⲉ ⲁⲕⲧⲣⲉϥⲣϣⲟⲣⲡ ϩⲛ ⲛⲉⲥⲙⲟⲩ ⲛⲧⲉⲕⲙⲛⲧⲭⲣⲏⲥⲧⲟⲥ ⲇⲓⲁⲯⲁⲗⲙⲁ

ⲁⲕⲕⲱ ⲛⲟⲩⲕⲗⲟⲙ ⲉϫⲛ ⲧⲉϥⲁⲡⲉ ⲉⲃⲟⲗ ϩⲛ ⲟⲩⲱⲛⲉ ⲙⲙⲉ

5 ⲁϥⲁⲓⲧⲉⲓ ⲙⲙⲟⲕ ⲛⲟⲩⲱⲛϩ ⲁⲕⲧⲁⲁϥ ⲛⲁϥ ⲟⲩⲁϣⲏ ⲛϩⲟⲟⲩ ϣⲁ ⲉⲛⲉϩ

ⲁⲩⲱ ϣⲁ ⲉⲛⲉϩ ⲛⲉⲛⲉϩ

6 ⲟⲩⲛⲟϭ ⲡⲉ ⲡⲉϥⲉⲟⲟⲩ ϩⲙ ⲡⲉⲕⲟⲩϫⲁⲓ ⲕⲛⲁⲕⲱ ⲉϫⲱϥ ⲛⲟⲩⲉⲟⲟⲩ ⲙⲛ

ⲟⲩⲥⲁ

7 ϫⲉ ⲕⲛⲁϯ ⲛⲁϥ ⲛⲟⲩⲥⲙⲟⲩ ϣⲁ ⲉⲛⲉϩ ⲛⲉⲛⲉϩ ⲕⲛⲁⲉⲩⲫⲣⲁⲛⲏ ⲙⲙⲟϥ ϩⲛ

ⲟⲩⲣⲁϣⲉ ⲙⲛ ⲡⲉⲕϩⲟ











8 ϫⲉ ⲡⲣⲣⲟ ϩⲉⲗⲡⲓⲍⲉ ⲉⲡϫⲟⲉⲓⲥ ⲁⲩⲱ ⲛⲛⲉϥⲕⲓⲙ ϩⲙ ⲡⲛⲁ ⲙⲡⲉⲧϫⲟⲥⲉ

9 ⲉⲩⲉϩⲉ ⲉⲧⲉⲕϭⲓϫ ϩⲛ ⲛⲉⲕϫⲁϫⲉ ⲧⲏⲣⲟⲩ ⲉⲣⲉⲧⲉⲕⲟⲩⲛⲁⲙ ϩⲉ ⲉⲟⲩⲟⲛ ⲛⲓⲙ

ⲉⲧⲙⲟⲥⲧⲉ ⲙⲙⲟⲕ

10 ⲉⲕⲉⲗⲁⲁⲩ ⲛⲧϩⲉ ⲛⲟⲩⲧⲣⲓⲣ ⲛⲕⲱϩⲧ ⲉⲩⲟⲩⲟⲉⲓϣ ⲙⲡⲉⲕⲙⲧⲟ ⲉⲃⲟⲗ

ⲡϫⲟⲉⲓⲥ ⲡϫⲟⲉⲓⲥ ⲕⲛⲁϣⲧⲣⲧⲱⲣⲟⲩ ϩⲛ ⲧⲉⲕⲟⲣⲅⲏ ⲛⲧⲉ ⲟⲩⲥⲁⲧⲉ ⲟⲩⲟⲙⲟⲩ

11 ⲕⲛⲁⲧⲁⲕⲟ ⲙⲡⲉⲩⲕⲁⲣⲡⲟⲥ ⲉⲃⲟⲗ ϩⲙ ⲡⲕⲁϩ ⲁⲩⲱ ⲡⲉⲩⲥⲡⲉⲣⲙⲁ ⲉⲃⲟⲗ

ϩⲛ ⲛϣⲏⲣⲉ ⲛⲛⲣⲱⲙⲉ

12 ϫⲉ ⲁⲩⲣⲓⲕⲉ ⲉⲣⲟⲕ ⲛϩⲉⲛⲡⲉⲧϩⲟⲟⲩ ⲁⲩⲙⲉⲉⲩⲉ ⲉϩⲉⲛϣⲟϫⲛⲉ

ⲉⲛⲥⲉⲛⲁϣⲧⲁϩⲟⲟⲩ ⲉⲣⲁⲧⲟⲩ ⲁⲛ

13 ϫⲉ ⲕⲛⲁϫⲱ ⲙⲙⲟⲟⲩ ⲉⲧⲣⲉⲩϩⲟⲙⲟⲩ ⲕⲛⲁⲥⲟⲃⲧⲉ ⲙⲡⲉⲩϩⲟ ϩⲛ

ϩⲉⲛⲥⲉⲉⲡⲉ

14 ϫⲓⲥⲉ ⲡϫⲟⲉⲓⲥ ϩⲛ ⲧⲉⲕϭⲟⲙ ⲧⲛⲛⲁϫⲱ ⲧⲛⲯⲁⲗⲗⲉⲓ ⲛⲛⲉⲕϭⲟⲙ

Psalm 21

1 ⲉⲡϫⲱⲕ ⲉⲃⲟⲗ ϩⲁ ⲡϯⲧⲟⲟⲧϥ ⲙⲡⲛⲁⲩ ⲛϩⲧⲟⲟⲩⲉ ⲡⲉⲯⲁⲗⲙⲟⲥ

ⲛⲇⲁⲩⲉⲓⲇ

2 ⲡⲛⲟⲩⲧⲉ ⲡⲁⲛⲟⲩⲧⲉ ⲙⲁϯϩⲧⲏⲕ ⲉⲣⲟⲓ ⲉⲧⲃⲉ ⲟⲩ ⲁⲕⲁⲁⲧ ⲛⲥⲱⲕ ⲥⲉⲟⲩⲏⲩ

ⲉⲃⲟⲗ ⲙⲡⲁⲟⲩϫⲁⲓ ⲛϭⲓ ⲛϣⲁϫⲉ ⲛⲙⲡⲁⲣⲁⲡⲧⲱⲙⲁ

3 ⲡⲁⲛⲟⲩⲧⲉ ϯⲛⲁⲱϣ ⲉϩⲣⲁⲓ ⲉⲣⲟⲕ ϩⲙ ⲡⲉϩⲟⲟⲩ ⲛⲅⲧⲙⲥⲱⲧⲙ ⲉⲣⲟⲓ ϩⲛ

ⲧⲉⲩϣⲏ ⲛⲥⲧⲙϣⲱⲡⲉ ⲛⲁⲓ ⲛⲟⲩⲙⲛⲧⲁⲧϩⲏⲧ

4 ⲛⲧⲟⲕ ⲇⲉ ⲉⲕⲟⲩⲏϩ ϩⲛ ⲛⲉⲧⲟⲩⲁⲁⲃ ⲡⲧⲁⲉⲓⲟ ⲙⲡⲓⲥⲣⲁⲏⲗ












5 ⲛⲧⲁⲛⲉⲛⲉⲓⲟⲧⲉ ⲛⲁϩⲧⲉ ⲉⲣⲟⲕ ⲁⲩⲛⲁϩⲧⲉ ⲁⲩⲱ ⲁⲕⲛⲁϩⲙⲟⲩ

6 ⲁⲩⲱϣ ⲉϩⲣⲁⲓ ⲉⲣⲟⲕ ⲁⲩⲟⲩϫⲁⲓ ⲁⲩϩⲉⲗⲡⲓⲍⲉ ⲉⲣⲟⲕ ⲙⲡⲟⲩϫⲓϣⲓⲡⲉ

7 ⲁⲛⲟⲕ ⲇⲉ ⲁⲛⲅ ⲟⲩϥⲛⲧ ⲁⲛⲅ ⲟⲩⲣⲱⲙⲉ ⲁⲛ ⲉⲓⲟ ⲛⲛⲟϭⲛⲉϭ ⲛⲛⲣⲱⲙⲉ

ⲛⲥⲱϣϥ ⲙⲡⲗⲁⲟⲥ

8 ⲟⲩⲟⲛ ⲛⲓⲙ ⲉⲧⲛⲁⲩ ⲉⲣⲟⲓ ⲁⲩⲕⲱⲙϣ ⲛⲥⲱⲓ ⲁⲩϣⲁϫⲉ ϩⲛ ⲛⲉⲩⲥⲡⲟⲧⲟⲩ

ⲁⲩⲕⲓⲙ ⲛⲛⲉⲩⲁⲡⲏⲩⲉ ⲁⲩⲱ ⲡⲉϫⲁϥ

9 ϫⲉ ⲁϥⲛⲁϩⲧⲉ ⲉⲡϫⲟⲉⲓⲥ ⲙⲁⲣⲉϥⲛⲁϩⲙⲉϥ ⲙⲁⲣⲉϥⲧⲟⲩϫⲟϥ ⲉϣϫⲉ

ⲁϥⲟⲩⲁϣϥ

10 ϫⲉ ⲛⲧⲟⲕ ⲡⲉⲛⲧⲁⲕⲛⲧ ⲉⲃⲟⲗ ϩⲛ ⲑⲏ ⲛⲧⲕ ⲧⲁϩⲉⲗⲡⲓⲥ ϫⲓⲛ ⲉⲓϫⲓ ⲉⲕⲓⲃⲉ

ⲛⲧⲛ ⲧⲁⲙⲁⲁⲩ

11 ⲁⲓⲛⲟϫⲧ ⲉⲣⲟⲕ ϫⲓⲛⲉⲓ ϩⲛ ⲧⲟⲟⲧⲉ ϫⲓⲛⲉⲓ ⲛϩⲏⲧⲥ ⲛⲧⲁⲙⲁⲁⲩ ⲛⲧⲕ

ⲡⲁⲛⲟⲩⲧⲉ

12 ⲙⲡⲣⲟⲩⲉ ⲙⲙⲟⲓ ϫⲉ ⲟⲩⲛ ⲟⲩⲑⲗⲓⲯⲓⲥ ϩⲏⲛ ⲉⲣⲟⲓ ϫⲉ ⲛϥϣⲟⲟⲡ ⲁⲛ ⲛϭⲓ

ⲡⲉⲧⲃⲟⲏⲑⲓⲁ

13 ⲁⲩⲙⲏⲏϣⲉ ⲙⲙⲁⲥⲉ ⲕⲱⲧⲉ ⲉⲣⲟⲓ ⲁϩⲉⲛⲙⲁⲥⲉ ⲉⲩⲥⲁⲛⲁϣⲧ ⲁⲙⲁϩⲧⲉ

ⲙⲙⲟⲓ

14 ⲁⲩⲟⲩⲱⲛ ⲛⲣⲱⲟⲩ ⲉⲣⲟⲓ ⲛⲧϩⲉ ⲛⲛⲓⲙⲟⲩⲓ ⲉⲧⲧⲱⲣⲡ ⲉⲧⲗϩⲏⲙ ⲁⲓⲡⲱⲛ

ⲛⲧϩⲉ ⲛⲟⲩⲙⲟⲩ ⲁⲩϫⲱⲱⲣⲉ ⲉⲃⲟⲗ ⲛϭⲓ ⲛⲁⲕⲉⲉⲥ ⲧⲏⲣⲟⲩ

15 ⲁⲡⲁϩⲏⲧ ⲣⲑⲉ ⲛⲛⲓⲙⲟⲩⲗϩ ⲉϥⲃⲱⲗ ⲉⲃⲟⲗ ⲛⲧⲙⲏⲧⲉ ⲛϩⲏⲧ

16 ⲁⲧⲁϭⲟⲙ ϣⲟⲟⲩⲉ ⲛⲧϩⲉ ⲛⲛⲓⲃⲗϫⲉ ⲁⲡⲁⲗⲁⲥ ϭⲱⲗϫ ⲉⲧⲁϣⲟⲩⲱⲃⲉ













ⲁⲩⲱ ⲁⲕϫⲓⲧ ⲉϩⲣⲁⲓ ⲉⲡⲉⲭⲟⲩⲥ ⲙⲡⲙⲟⲩ

17 ⲁⲥⲕⲱⲧⲉ ⲉⲣⲟⲓ ⲛϭⲓ ⲟⲩⲁⲧⲟ ⲛⲟⲩϩⲟⲣ ⲁⲩⲥⲩⲛⲁⲅⲱⲅⲏ ⲙⲡⲟⲛⲏⲣⲟⲥ

ⲁⲙⲁϩⲧⲉ ⲙⲙⲟⲓ ⲁⲩⲉϥⲧ ⲧⲟⲟⲧ ⲙⲛ ⲣⲁⲧ ϯⲛⲁϫⲱ ⲛⲛⲉⲕϣⲡⲏⲣⲉ ⲧⲏⲣⲟⲩ

18 ⲁⲩⲱⲡ ⲉⲃⲟⲗ ⲛⲛⲁⲕⲉⲉⲥ ⲧⲏⲣⲟⲩ ⲛⲧⲟⲟⲩ ⲇⲉ ⲁⲩϯϩⲧⲏⲩ ⲁⲩⲉⲓⲙⲉ ⲉⲣⲟⲓ

19 ⲁⲩⲡⲉϣ ⲛⲁϩⲟⲉⲓⲧⲉ ⲉϫⲱⲟⲩ ⲁⲩⲉⲛⲓⲙ ⲉⲧⲁϩⲃⲥⲱ

20 ⲛⲧⲟⲕ ⲇⲉ ⲡϫⲟⲉⲓⲥ ⲙⲡⲣⲧⲣⲉ ⲧⲉⲕⲃⲟⲏⲑⲓⲁ ⲟⲩⲉ ⲙⲙⲟⲓ ϯϩⲧⲏⲕ ⲉϣⲟⲡⲧ

ⲉⲣⲟⲕ

21 ⲙⲁⲧⲟⲩϫⲉ ⲧⲁⲯⲩⲭⲏ ⲉⲧⲥⲏϥⲉ ⲁⲩⲱ ⲧⲁⲙⲛⲧϣⲣ ⲛⲟⲩⲱⲧ ⲉⲧϭⲓϫ

ⲛⲛⲓⲟⲩϩⲟⲟⲣ

22 ⲙⲁⲧⲟⲩϫⲟⲓ ⲉⲧⲧⲁⲡⲣⲟ ⲙⲡⲙⲟⲩⲓ ⲁⲩⲱ ⲡⲁⲑⲃⲃⲓⲟ ⲉⲛⲧⲁⲡ ⲛⲛⲁⲛⲓⲧⲁⲡ

ⲛⲟⲩⲱⲧ

23 ϯⲛⲁϫⲱ ⲙⲡⲉⲕⲣⲁⲛ ⲛⲛⲁⲥⲛⲏⲩ ϯⲛⲁⲥⲙⲟⲩ ⲉⲣⲟⲕ ⲛⲧⲙⲏⲧⲉ ⲛⲧⲉⲕⲕⲗⲏⲥⲓⲁ

24 ⲛⲉⲧⲣ ϩⲟⲧⲉ ϩⲏⲧϥ ⲙⲡϫⲟⲉⲓⲥⲥⲙⲟⲩ ⲉⲣⲟϥ ⲡⲉⲥⲡⲉⲣⲙⲁ ⲧⲏⲣϥ ⲛⲓⲁⲕⲱⲃ

ϯⲉⲟⲟⲩ ⲛⲁϥ ⲙⲁⲣⲟⲩⲣ ϩⲟⲧⲉ ϩⲏⲧϥ ⲛϭⲓ ⲡⲉⲥⲡⲉⲣⲙⲁ ⲧⲏⲣϥ

ⲙⲡⲓⲥⲣⲁⲏⲗ

25 ϫⲉ ⲙⲡϥⲥⲱϣϥ ⲟⲩⲇⲉ ⲙⲡϥⲙⲉⲥⲧⲉ ⲡⲥⲟⲡⲥ ⲙⲡϩⲏⲕⲉ ⲟⲩⲇⲉ ⲙⲡϥⲕⲱⲧⲉ

ⲙⲡⲉϥϩⲟ ⲥⲁⲃⲟⲗ ⲙⲙⲟⲓ ⲁⲩⲱ ϩⲙ ⲡⲧⲣⲁⲱϣ ⲉϩⲣⲁⲓ ⲉⲣⲟϥ ⲁϥⲥⲱⲧⲙ

ⲉⲣⲟⲓ

26 ⲉⲣⲉ ⲛⲁⲧⲙⲁⲓⲟ ϩⲁϩⲧⲏⲕ ϩⲛ ⲟⲩⲛⲟϭ ⲛⲉⲕⲕⲗⲏⲥⲓⲁ ϯⲛⲁϯ ⲛⲛⲁϣⲗⲏⲗ

ⲙⲡⲉⲙⲧⲟ ⲉⲃⲟⲗ ⲛⲟⲩⲟⲛ ⲛⲓⲙ ⲉⲧⲣ ϩⲟⲧⲉ ϩⲏⲧϥⲛⲁⲃⲉⲥⲁⲗⲱⲙ











27 ⲛϩⲏⲕⲉ ⲛⲁⲟⲩⲱⲙ ⲛⲥⲉⲥⲉⲓ ⲁⲩⲱ ⲥⲉⲛⲁⲥⲙⲟⲩ ⲉⲡⲁϫⲟⲉⲓⲥ ⲛϭⲓ ⲛⲉⲧϣⲓⲛⲉ

ⲛⲥⲱϥ ϥⲛⲁⲱⲛϩ ⲛϭⲓ ⲡⲉⲩϩⲏⲧ ϣⲁ ⲉⲛⲉϩ ⲛⲉⲛⲉϩ

28 ⲥⲉⲛⲁⲣ ⲡⲙⲉⲉⲩⲉ ⲛⲥⲉⲕⲟⲧⲟⲩ ⲉⲡϫⲟⲉⲓⲥ ⲛϭⲓ ⲛⲉⲕⲣⲱⲟⲩ ⲧⲏⲣⲟⲩ ⲙⲡⲕⲁϩ

ⲛⲥⲉⲟⲩⲱϣⲧ ⲙⲡⲉϥⲙⲧⲟ ⲉⲃⲟⲗ ⲛϭⲓ ⲙⲡⲁⲧⲣⲓⲁ ⲧⲏⲣⲟⲩ ⲛⲛϩⲉⲑⲛⲟⲥ

29 ϫⲉ ⲧⲁⲡϫⲟⲉⲓⲥ ⲧⲉ ⲧⲙⲛⲧⲉⲣⲟ ⲛⲧⲟϥ ⲉⲧⲟ ⲛϫⲟⲉⲓⲥ ⲉϫⲛ ⲛϩⲉⲑⲛⲟⲥ ⲧⲏⲣⲟⲩ

30 ⲁⲩⲟⲩⲱⲙ ⲁⲩⲱ ⲁⲩⲟⲩⲱϣⲧ ⲛϭⲓ ⲛϫⲱⲱⲣⲉ ⲧⲏⲣⲟⲩ ⲙⲡⲕⲁϩ

ⲥⲉⲛⲁⲡⲁϩⲧⲟⲩ ⲙⲡⲉϥⲙⲧⲟ ⲉⲃⲟⲗ ⲛϭⲓ ⲉⲧⲃⲏⲕ ⲧⲏⲣⲟⲩ ⲉⲡⲉⲥⲏⲧ ⲉⲡⲕⲁϩ

ⲧⲁⲯⲩⲭⲏ ⲟⲛϩ ⲛⲁϥ

31 ⲁⲩⲱ ⲡⲁⲥⲡⲉⲣⲙⲁ ⲛⲁⲣϩⲙϩⲁⲗ ⲛⲁϥ ⲥⲉⲛⲁϫⲱ ⲉⲡϫⲟⲉⲓⲥ ⲛϭⲓ ⲧⲅⲉⲛⲉⲁ

ⲉⲧⲛⲏⲩ

32 ⲥⲉⲛⲁϫⲱ ⲉⲡϫⲟⲉⲓⲥ ⲛϭⲓ ⲧⲅⲉⲛⲉⲁ ⲉⲧⲛⲏⲩ ⲥⲉⲛⲁϫⲱ ⲛⲧⲉϥⲇⲓⲕⲁⲓⲟⲥⲩⲛⲏ

ⲙⲡⲗⲁⲟⲥ ⲉⲧⲟⲩⲛⲁϫⲡⲟϥ ⲡⲉⲛⲧⲁⲡϫⲟⲉⲓⲥ ⲧⲁⲙⲓⲟϥ

Psalm 22

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲡϫⲟⲉⲓⲥ ⲡⲉⲧⲙⲟⲟⲛⲉ ⲙⲙⲟⲓ ⲛϥⲛⲁⲧⲣⲁϣⲱⲱⲧ

ⲁⲛ ⲛⲗⲁⲁⲩ

2 ⲁϥⲧⲣⲁⲟⲩⲱϩ ϩⲛ ⲟⲩⲙⲁ ⲛⲟⲩⲟⲧⲟⲩⲉⲧ ⲁⲥⲁⲛⲟⲩϣⲧ ϩⲓϫⲛ ⲟⲩⲙⲟⲟⲩ

ⲛⲙⲧⲟⲛ

3 ⲁϥⲕⲧⲉ ⲧⲁⲯⲩⲭⲏ ⲁϥϫⲓ ⲙⲟⲉⲓⲧ ϩⲏⲧ ϩⲓ ⲛⲉϩⲓⲟⲟⲩⲉ ⲛⲧⲇⲓⲕⲁⲓⲟⲥⲩⲛⲏ

ⲉⲧⲃⲉ ⲡⲉϥⲣⲁⲛ

4 ⲕⲁⲛ ⲉⲓϣⲁⲛⲙⲟⲟϣⲉ ⲛⲧⲙⲏⲧⲉ ⲛⲧϩⲁⲓⲃⲉⲥ ⲙⲡⲙⲟⲩ ⲛϯⲛⲁⲣ ϩⲟⲧⲉ ⲁⲛ











ϩⲏⲧⲟⲩ ⲛⲙⲡⲉⲧϩⲟⲟⲩ ϫⲉ ⲛⲧⲟⲕ ⲕϣⲟⲟⲡ ⲛⲙⲙⲁⲓ ⲡⲉⲕϣⲗⲉϩ ⲙⲛ

ⲡⲉⲕϭⲉⲣⲱⲃ ⲛⲧⲟⲟⲩ ⲛⲉⲛⲧⲁⲩⲥⲉⲡⲥⲱⲡⲧ

5 ⲁⲕⲥⲟϥⲧⲉ ⲛⲟⲩⲧⲣⲁⲡⲉⲍⲁ ⲙⲡⲁⲙⲧⲟ ⲉⲃⲟⲗ ⲙⲡϩⲟⲧ ⲉⲃⲟⲗ ⲛⲛⲉⲧⲑⲗⲓⲃⲉ

ⲙⲙⲟⲓ ⲁⲕⲧⲉϩⲥ ⲧⲁⲁⲡⲉ ⲛⲟⲩⲛⲉϩ ⲁⲩⲱ ⲡⲉⲕϫⲱ ⲉϥⲧⲁϩⲉ ⲛⲧϩⲉ

ⲙⲡⲉⲧⲁⲙⲁϩⲧⲉ

6 ⲡⲉⲕⲛⲁ ⲛⲁⲡⲱⲧ ⲛⲥⲱⲓ ⲛⲛⲉϩⲟⲟⲧ ⲧⲏⲣⲟⲩ ⲙⲡⲁⲱⲛϩ ⲉⲧⲃⲉ ϫⲉ ⲁⲓⲟⲩⲱϩ

ϩⲙ ⲡⲏⲓ ⲙⲡϫⲟⲉⲓⲥ ⲛϩⲉⲛϩⲟⲟⲩ ⲉⲛⲁϣⲱⲟⲩ

Psalm 23

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲛⲥⲟⲩ ⲁ ⲛⲛⲥⲁⲃⲃⲁⲧⲟⲛ ⲡⲁϫⲟⲉⲓⲥ ⲡⲉ ⲡⲕⲁϩ

ⲙⲛ ⲡⲉϥϫⲱⲕ ⲉⲃⲟⲗ ⲧⲟⲓⲕⲟⲩⲙⲉⲛⲏ ⲙⲛ ⲛⲉⲧⲟⲩⲏϩ ⲧⲏⲣⲟⲩ ϩⲣⲁⲓ ⲛϩⲏⲧⲥ

2 ⲛⲧⲟϥ ⲁϥⲥⲙⲛⲥⲛⲧⲉ ⲙⲙⲟⲥ ϩⲓϫⲛ ⲛⲉⲑⲁⲗⲁⲥⲥⲁ ⲁⲩⲱ ⲁϥⲥⲃⲧⲱⲧⲥ

ϩⲓϫⲛ ⲛⲓⲉⲣⲱⲟⲩ

3 ⲛⲓⲙ ⲡⲉⲧⲛⲁⲃⲱⲕ ⲉϩⲣⲁⲓ ⲉⲡⲧⲟⲟⲩ ⲙⲡϫⲟⲉⲓⲥ ⲏ ⲛⲓⲙ ⲛⲉⲧⲛⲁⲁϩⲉⲣⲁⲧϥ

ϩⲙ ⲡⲙⲁ ⲙⲡⲉϥⲧⲃⲃⲟ

4 ⲡⲉⲧⲟⲩⲁⲁⲃ ϩⲛ ⲛⲉϥϭⲓϫ ⲡⲉ ⲉϥⲧⲃⲃⲏⲩ ϩⲙ ⲡⲉϥϩⲏⲧ ⲉⲙⲡϥϫⲓ

ⲛⲧⲉϥⲯⲩⲭⲏ ⲉϫⲛ ⲟⲩⲙⲛⲧⲉⲡⲣⲁ ⲉⲙⲡϥⲱⲣⲕ ⲙⲡⲉⲧϩⲓⲧⲟⲩⲱϥ ϩⲛ

ⲟⲩⲕⲣⲟϥ

5 ⲡⲁⲓ ⲛⲁϫⲓ ⲛⲟⲩⲥⲙⲟⲩ ⲉⲃⲟⲗ ϩⲓⲧⲙ ⲡϫⲟⲉⲓⲥ ⲁⲩⲱ ⲟⲩⲛⲁ ⲉⲃⲟⲗ ϩⲓⲧⲙ

ⲡⲛⲟⲩⲧⲉ ⲡⲉϥⲥⲱⲧⲏⲣ

6 ⲧⲁⲓ ⲧⲉ ⲧⲅⲉⲛⲉⲁ ⲛⲛⲉⲧϣⲓⲛⲉ ⲛⲥⲁ ⲡϫⲟⲉⲓⲥ ⲛⲉⲧϣⲓⲛⲉ ⲛⲥⲁ ⲡϩⲟ









ⲙⲡⲛⲟⲩⲧⲉ ⲛⲓⲁⲕⲱⲃ ⲇⲓⲁⲯⲁⲗⲙⲁ

7 ϥⲓ ⲛⲛⲉⲧⲛⲡⲩⲗⲏ ⲉϩⲣⲁⲓ ⲛⲁⲣⲭⲱⲛ ⲛⲧⲉⲧⲛϫⲓⲥⲉ ⲉϩⲣⲁⲓ ⲙⲡⲩⲗⲏ ⲛϣⲁ

ⲉⲛⲉϩ ⲧⲁⲣⲉϥⲉⲓ ⲉϩⲟⲩⲛ ⲛϭⲓ ⲡⲣⲣⲟ ⲙⲡⲉⲟⲟⲩ

8 ⲛⲓⲙ ⲡⲉ ⲡⲉⲓⲣⲣⲟ ⲙⲡⲉⲟⲟⲩ ⲡϫⲟⲉⲓⲥ ⲡⲉ ⲡⲇⲩⲛⲁⲧⲟⲥ ⲉⲧⲧⲁϫⲣⲏⲩ ⲡϫⲟⲉⲓⲥ

ⲡⲉⲧⲉ ⲟⲩⲛϭⲟⲙ ⲙⲙⲟϥ ϩⲙ ⲡⲡⲟⲗⲉⲙⲟⲥ ⲇⲓⲁⲯⲁⲗⲙⲁ

9 ϥⲓ ⲛⲛⲉⲧⲛⲡⲩⲗⲏ ⲉϩⲣⲁⲓ ⲛⲁⲣⲭⲱⲛ ⲛⲧⲉⲧⲛϫⲓⲥⲉ ⲉϩⲣⲁⲓ ⲙⲡⲩⲗⲏ ⲛϣⲁ

ⲉⲛⲉϩ ⲧⲁⲣⲉϥⲉⲓ ⲉϩⲟⲩⲛ ⲛϭⲓ ⲡⲣⲣⲟ ⲙⲡⲉⲟⲟⲩ

10 ⲛⲓⲙ ⲡⲉ ⲡⲉⲓⲣⲣⲟ ⲙⲡⲉⲟⲟⲩ ⲡϫⲟⲉⲓⲥ ⲛⲛϭⲟⲙ ⲛⲧⲟϥ ⲡⲉ ⲡⲣⲣⲟ ⲙⲡⲉⲟⲟⲩ

Psalm 24

1 ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲡϫⲟⲉⲓⲥ ⲁⲓϥⲓ ⲛⲧⲁⲯⲩⲭⲏ

ⲉϩⲣⲁⲓ ⲉⲣⲟⲕ ⲡⲁⲛⲟⲩⲧⲉ

2 ⲁⲓⲕⲁϩⲧⲏⲓ ⲉⲣⲟⲕ ⲙⲡⲣⲧⲣⲁϫⲓϣⲓⲡⲉ ⲟⲩⲇⲉ ⲙⲡⲣⲧⲣⲉ ⲛⲁϫⲁϫⲉ ⲥⲱⲃⲉ

ⲛⲥⲱⲓ

3 ⲕⲁⲓⲅⲁⲣ ⲟⲩⲟⲛ ⲛⲓⲙ ⲉⲧϩⲩⲡⲟⲙⲉⲓⲛⲉ ⲉⲣⲟⲕ ⲛⲥⲉⲛⲁϫⲓϣⲓⲡⲉ ⲁⲛ ⲉⲩⲉϫⲓϣⲓⲡⲉ

ⲛϭⲓ ⲛⲉⲧⲁⲛⲟⲙⲉⲓ ⲉⲡϫⲓⲛϫⲏ

4 ⲡϫⲟⲉⲓⲥ ⲙⲁⲧⲁⲙⲟⲓ ⲉⲛⲉⲕϩⲓⲟⲟⲩⲉ ⲁⲩⲱ ⲛⲅⲧⲥⲁⲃⲟⲓ ⲉⲛⲉⲕⲙⲁ ⲙⲙⲟⲟϣⲉ

5 ϫⲓ ⲙⲟⲉⲓⲧ ϩⲏⲧ ϩⲛ ⲧⲉⲕⲙⲉ ⲁⲩⲱ ⲛⲅⲧⲥⲁⲃⲟⲓ ϫⲉ ⲛⲧⲟⲕ ⲡⲉ ⲡⲛⲟⲩⲧⲉ

ⲡⲁⲥⲱⲧⲏⲣ ⲁⲩⲱ ϯⲛⲁϩⲩⲡⲟⲙⲉⲓⲛⲉ ⲉⲣⲟⲕ ⲙⲡⲉϩⲟⲟⲩ ⲧⲏⲣϥ

6 ⲁⲣⲓⲡⲙⲉⲉⲩⲉ ⲛⲛⲉⲕⲙⲛⲧϣⲁ ⲛϩⲧⲏϥ ⲡϫⲟⲉⲓⲥ ⲁⲩⲱ ⲛⲉⲕⲛⲁ ϫⲉ ⲥⲉϣⲟⲟⲡ

ϫⲓⲛ ⲉⲛⲉϩ











7 ⲛⲛⲟⲃⲉ ⲛⲧⲁⲙⲛⲧⲕⲟⲩⲓ ⲙⲛ ⲛⲁⲙⲛⲧⲁⲧⲥⲟⲟⲩⲛ ⲙⲡⲣⲣ ⲡⲙⲉⲉⲩⲉ

ⲁⲣⲓⲡⲙⲉⲉⲩⲉ ⲛⲧⲟⲕ ⲕⲁⲧⲁ ⲡⲁϣⲁⲓ ⲙⲡⲉⲕⲛⲁ ⲉⲧⲃⲉ ⲧⲉⲕⲙⲛⲧⲭⲣⲏⲥⲧⲟⲥ

ⲡϫⲟⲉⲓⲥ

8 ⲟⲩⲭⲣⲏⲥⲧⲟⲥ ⲁⲩⲱ ⲉϥⲥⲟⲩⲧⲱⲛ ⲡⲉ ⲡϫⲟⲉⲓⲥ ⲉⲧⲃⲉ ⲡⲁⲓ ϥⲛⲁϯⲥⲃⲱ

ⲛⲛⲉⲧⲣ ⲛⲟⲃⲉ ϩⲓ ⲧⲉϩⲓⲏ

9 ϥⲛⲁϫⲓ ⲙⲟⲉⲓⲧ ϩⲏⲧⲟⲩ ⲛⲛⲣⲙⲣⲁϣ ϩⲛ ⲟⲩϩⲁⲡ ϥⲛⲁⲧⲥⲁⲃⲉ ⲛⲣⲙⲣⲁϣ

ⲉⲛⲉϥϩⲓⲟⲟⲩⲉ

10 ⲛⲉϩⲓⲟⲟⲩⲉ ⲧⲏⲣⲟⲩ ⲙⲡϫⲟⲉⲓⲥ ϩⲉⲛⲛⲁ ⲛⲉ ϩⲓ ⲙⲉ ⲛⲛⲉⲧϣⲓⲛⲉ ⲛⲥⲁ

ⲧⲉϥⲙⲛⲧⲙⲛⲧⲣⲉ

11 ⲉⲧⲃⲉ ⲡⲉⲕⲣⲁⲛ ⲡϫⲟⲉⲓⲥ ⲕⲁ ⲡⲁⲛⲟⲃⲉ ⲛⲁⲓ ⲉⲃⲟⲗ ϫⲉ ϥⲟϣ ⲅⲁⲣ

12 ⲛⲓⲙ ⲡⲉ ⲡⲣⲱⲙⲉ ⲉⲧⲣ ϩⲟⲧⲉ ϩⲏⲧϥ ⲙⲡϫⲟⲉⲓⲥ ϥⲛⲁⲥⲙⲛ ⲛⲟⲙⲟⲥ ⲛⲁϥ ϩⲓ

ⲧⲉϩⲓⲏ ⲉⲛⲧⲁϥⲟⲩⲁϣⲥ

13 ⲧⲉϥⲯⲩⲭⲏ ⲛⲁϣⲱⲡⲉ ϩⲛ ϩⲉⲛⲁⲅⲁⲑⲟⲛ ⲡⲉϥⲥⲡⲉⲣⲙⲁ ⲛⲁⲕⲗⲏⲣⲟⲛⲟⲙⲉⲓ

ⲙⲡⲕⲁϩ

14 ⲡϫⲟⲉⲓⲥ ⲡⲉ ⲡⲧⲁϫⲣⲟ ⲛⲛⲉⲧⲣ ϩⲟⲧⲉ ϩⲏⲧϥ ⲁⲩⲱ ⲡⲣⲁⲛ ⲙⲡϫⲟⲉⲓⲥ

ⲡⲁⲛⲉⲧⲣ ϩⲟⲧⲉ ϩⲏⲧϥ ⲡⲉ ⲁⲩⲱ ⲉⲧⲁⲙⲟⲟⲩ ⲉⲧⲉϥⲇⲓⲁⲑⲏⲕⲏ

15 ⲉⲣⲉⲛⲁⲃⲁⲗ ⲉⲓⲟⲣⲙ ⲛⲟⲩⲟⲉⲓϣ ⲛⲓⲙ ⲉⲡϫⲟⲉⲓⲥ ϫⲉ ⲛⲧⲟϥ ⲡⲉⲧⲛⲁⲧⲉⲕⲙ

ⲛⲁⲟⲩⲉⲣⲏⲧⲉ ⲉⲃⲟⲗ ϩⲙ ⲡⲡⲁϣ

16 ϭⲱϣⲧ ⲉϩⲣⲁⲓ ⲉϫⲱⲓ ⲛⲅⲛⲁ ⲛⲁⲓ ϫⲉ ⲁⲛⲅ ⲟⲩϣⲏⲣⲉ ⲛⲟⲩⲱⲧ ⲁⲩⲱ ⲁⲛⲅ

ⲟⲩϩⲏⲕⲉ ⲁⲛⲟⲕ











17 ⲁⲛⲉⲑⲗⲓⲯⲓⲥ ⲙⲡⲁϩⲏⲧ ⲟⲩⲱϣⲥ ⲉⲃⲟⲗ ⲁⲛⲓⲧ ⲉⲃⲟⲗ ϩⲛ ⲛⲁⲁⲛⲁⲅⲕⲏ

18 ⲁⲛⲁⲩ ⲉⲡⲁⲑⲃⲃⲓⲟ ⲙⲛ ⲡⲁϩⲓⲥⲉ ⲛⲅⲕⲱ ⲉⲃⲟⲗ ⲛⲛⲁⲛⲟⲃⲉ ⲧⲏⲣⲟⲩ

19 ⲁⲛⲁⲩ ⲉⲛⲁϫⲁϫⲉ ϫⲉ ⲁⲩⲟⲩⲱϣⲥ ⲉⲃⲟⲗ ⲁⲩⲱ ⲁⲩⲙⲉⲥⲧⲱⲓ ϩⲛ

ⲟⲩⲙⲟⲥⲧⲉ ⲛϫⲓⲛϭⲟⲛⲥ

20 ϩⲁⲣⲉϩ ⲉⲧⲁⲯⲩⲭⲏ ⲛⲅⲧⲟⲩϫⲟⲓ ⲙⲡⲣⲧⲣⲁϫⲓϣⲟⲡⲉ ϫⲉ ⲁⲓϩⲉⲗⲡⲓⲍⲉ

ⲉⲣⲟⲕ

21 ⲛⲃⲁⲗϩⲏⲧ ⲙⲛ ⲛⲉⲧⲥⲟⲩⲧⲱⲛ ⲁⲩⲧⲟϭⲟⲩ ⲉⲣⲟⲓ ϫⲉ ⲁⲓϩⲩⲡⲟⲙⲉⲓⲛⲉ ⲉⲣⲟⲕ

ⲡϫⲟⲉⲓⲥ

22 ⲡⲛⲟⲩⲧⲉ ⲥⲉⲧ ⲡⲓⲥⲣⲁⲏⲗ ⲉⲃⲟⲗ ϩⲛ ⲛⲉϥⲑⲗⲓⲯⲓⲥ ⲧⲏⲣⲟⲩ

Psalm 25

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲕⲣⲓⲛⲉ ⲙⲙⲟⲓ ⲡϫⲟⲉⲓⲥ ϫⲉ ⲁⲛⲟⲕ ⲁⲓⲙⲟⲟϣⲉ ϩⲛ

ⲧⲁⲙⲛⲧⲃⲁⲗϩⲏⲧ ⲁⲩⲱ ⲉⲓⲕⲱ ⲛϩⲧⲏⲓⲉ ⲡϫⲟⲉⲓⲥ ⲛϯⲛⲁⲕⲓⲙ ⲁⲛ

2 ⲇⲟⲕⲓⲙⲁⲍⲉ ⲙⲙⲟⲓ ⲡϫⲟⲉⲓⲥ ⲛⲅⲡⲉⲓⲣⲁⲍⲉ ⲙⲙⲟⲓ ⲡⲓⲥⲉ ⲛⲛⲁϭⲗⲟⲧⲉ ⲙⲛ

ⲡⲁϩⲏⲧ

3 ϫⲉ ⲡⲉⲕⲛⲁ ⲙⲡⲉⲙⲧⲟ ⲛⲛⲁⲃⲁⲗ ⲉⲃⲟⲗ ⲁⲩⲱ ⲁⲓⲣⲁⲛⲁⲕ ϩⲛ ⲧⲉⲕⲙⲉ

4 ⲙⲡⲓϩⲙⲟⲟⲥ ⲙⲛ ⲟⲩⲥⲩⲛϩⲉⲇⲣⲓⲟⲛ ⲉϥϣⲟⲩⲉⲓⲧ ⲁⲩⲱ ⲛⲛⲁⲃⲱⲕ ⲉϩⲟⲩⲛ

ⲙⲛ ⲛⲣⲉϥⲣⲛⲟⲃⲉ

5 ⲁⲓⲙⲉⲥⲧⲉ ⲧⲥⲟⲟⲩϩⲥ ⲛⲛⲉⲧⲟ ⲙⲡⲟⲛⲏⲣⲟⲥ ⲁⲩⲱ ⲛⲛⲁϩⲙⲟⲟⲥ ⲙⲛ

ⲛⲁⲥⲉⲃⲏⲥ

6 ϯⲛⲁⲉⲓⲱ ⲛⲛⲁϭⲓϫ ϩⲛ ⲛⲉⲧⲟⲩⲁⲁⲃ ⲧⲁⲕⲱⲧⲉ ⲉⲡⲉⲕⲑⲩⲥⲓⲁⲧⲏⲣⲓⲟⲛ













ⲡϫⲟⲉⲓⲥ

7 ⲉⲥⲱⲧⲙ ⲉⲡⲉϩⲣⲟⲟⲩ ⲙⲡⲉⲕⲥⲙⲟⲩ ⲉϫⲱ ⲛⲛⲉⲕϣⲡⲏⲣⲉ ⲧⲏⲣⲟⲩ

8 ⲡϫⲟⲉⲓⲥ ⲁⲓⲙⲉⲣⲉ ⲡⲥⲁ ⲙⲡⲉⲕⲏⲓ ⲙⲛ ⲡⲙⲁ ⲛϣⲱⲡⲉ ⲙⲡⲉⲕⲉⲟⲟⲩ

9 ⲙⲡⲣⲧⲁⲕⲟ ⲛⲧⲁⲯⲩⲭⲏ ⲙⲛ ⲛⲁⲥⲉⲃⲏⲥ ⲁⲩⲱ ⲡⲁⲱⲛϩ ⲙⲛ ϩⲉⲛⲣⲱⲙⲉ

ⲛⲥⲛⲟϥ

10 ⲛⲁⲓ ⲉⲣⲉⲧⲁⲛⲟⲙⲓⲁ ϩⲛ ⲛⲉⲩϭⲓϫ ⲁⲧⲉⲩⲟⲩⲛⲁⲙ ⲙⲟⲩϩ ⲛⲇⲱⲣⲟⲛ

11 ⲁⲛⲟⲕ ⲇⲉ ⲁⲓⲙⲟⲟϣⲉ ϩⲛ ⲧⲁⲙⲛⲧⲃⲁⲗϩⲏⲧ ⲥⲱⲧⲉ ⲙⲙⲟⲓ ⲛⲅⲛⲁ ⲛⲁⲓ

12 ⲁⲧⲁⲟⲩⲉⲣⲏⲧⲉ ⲅⲁⲣ ⲁϩⲉⲣⲁⲧⲥ ϩⲙ ⲡⲥⲟⲟⲩⲧⲛ ϯⲛⲁⲥⲙⲟⲩ ⲉⲣⲟⲕ

ⲡϫⲟⲉⲓⲥ ϩⲛ ⲛⲉⲕⲕⲗⲏⲥⲓⲁ

Psalm 26

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲉⲙⲡⲁⲧⲟⲩⲧⲁϩⲥϥ ⲡϫⲟⲉⲓⲥ ⲡⲉ ⲡⲁⲟⲩⲟⲉⲓⲛ ⲙⲛ

ⲡⲁⲥⲱⲧⲏⲣ ⲉⲓⲛⲁⲣ ϩⲟⲧⲉ ϩⲏⲧϥ ⲛⲛⲓⲙ ⲡϫⲟⲉⲓⲥ ⲡⲉⲧⲛⲁϣⲧⲉ ⲙⲡⲁⲟⲩϫⲁⲓ

ⲉⲓⲛⲁⲣ ϭⲱⲃ ϩⲏⲧϥ ⲛⲛⲓⲙ

2 ϩⲙ ⲡⲧⲣⲉⲩϩⲱⲛ ⲉϩⲟⲩⲛ ⲉⲣⲟⲓ ⲛϭⲓ ⲛⲉⲧⲙⲟⲩⲕϩ ⲙⲙⲟⲓ ⲉⲟⲩⲱⲙ

ⲛⲛⲁⲥⲁⲣⲝ ⲛⲉⲧⲑⲗⲓⲛⲉ ⲙⲙⲟⲓ ⲙⲛ ⲛⲁϫⲁϫⲉ ⲛⲧⲟⲟⲩ ⲁⲩϭⲃⲃⲉ ⲁⲩϩⲉ

3 ⲕⲁⲛ ⲉⲣϣⲁⲛⲟⲩⲙⲗⲁϩ ⲥⲱⲣ ⲉⲣⲟⲓ ⲙⲡⲁϩⲏⲧ ⲛⲁⲣ ϩⲟⲧⲉ ⲁⲛ ⲕⲁⲛ

ⲉⲣϣⲁⲛⲟⲩⲡⲟⲗⲉⲙⲟⲥ ⲧⲱⲟⲩⲛ ⲉϫⲱⲓ ϩⲙ ⲡⲁⲓ ⲁⲛⲟⲕ ϯⲛⲁⲕⲁϩⲧⲏⲓ

4 ⲟⲩϩⲱⲃ ⲛⲟⲩⲱⲧ ⲡⲉⲛⲧⲁⲓⲇⲓⲧⲉⲓ ⲙⲙⲟϥ ⲛⲧⲙ ⲡϫⲟⲉⲓⲥ ⲡⲁⲓ ⲡⲉϯϣⲓⲛⲉ

ⲛⲥⲱϥ ⲉⲧⲣⲁⲟⲩⲱϩ ϩⲙ ⲡⲏⲓ ⲙⲡϫⲟⲉⲓⲥ ⲛⲛⲉϩⲟⲟⲩ ⲧⲏⲣⲟⲩ ⲙⲡⲁⲱⲛϩ

ⲉⲧⲣⲁⲛⲁⲩ ⲉⲡⲟⲩⲛⲟϥ ⲙⲡϫⲟⲉⲓⲥ ⲉϭⲙⲡϣⲓⲛⲉ ⲙⲡⲉϥⲗⲁⲟⲥ











5 ϫⲉ ⲁϥϩⲟⲡⲧ ϩⲛ ⲧⲉϥⲥⲕⲏⲛⲏ ϩⲙ ⲡⲉϩⲟⲟⲩ ⲛⲙⲡⲉⲧϩⲟⲟⲩ ⲁϥⲣϩⲁⲓⲃⲉⲥ

ⲉⲣⲟⲓ ϩⲙ ⲡⲡⲉⲧϩⲏⲡ ⲛⲧⲉϥⲥⲕⲏⲛⲏ ⲁϥϫⲁⲥⲧ ϩⲛ ⲟⲩⲡⲉⲧⲣⲁ

6 ⲧⲉⲛⲟⲩ ⲉⲓⲥ ϩⲏⲏⲧⲉ ⲁϥϫⲓⲥⲉ ⲛⲧⲁⲁⲡⲉ ⲉϫⲛ ⲛⲁϫⲁϫⲉ ⲁⲓⲕⲱⲧⲉ ⲁⲓϣⲱⲱⲧ

ϩⲛ ⲧⲉϥⲥⲕⲏⲛⲏ ⲛⲟⲩⲑⲩⲥⲓⲁ ⲛⲥⲙⲟⲩ ϯⲛⲁϫⲱ ⲛⲧⲁⲯⲁⲗⲗⲉⲓ ⲉⲡϫⲟⲉⲓⲥ

7 ⲥⲱⲧⲙ ⲡϫⲟⲉⲓⲥ ⲉⲡⲉϩⲣⲟⲟⲩ ⲛⲧⲁⲓⲱϣ ⲉⲃⲟⲗ ⲙⲙⲟϥ ⲛⲁ ⲛⲁⲓ ⲡϫⲟⲉⲓⲥ

ⲛⲅⲥⲱⲧⲙ ⲉⲣⲟⲓ

8 ⲛⲧⲁ ⲡⲁϩⲏⲧ ϣⲁϫⲉ ⲉⲣⲟⲕ ⲁϥϣⲓⲛⲉ ⲛⲥⲁ ⲡⲉⲕϩⲟ ⲡⲉⲕϩⲟ ⲡϫⲟⲉⲓⲥ

ϯⲛⲁϣⲓⲛⲉ ⲛⲥⲱϥ

9 ⲙⲡⲣⲕⲱⲧⲉ ⲙⲡⲉⲕϩⲟ ⲥⲁⲃⲟⲗ ⲙⲙⲟⲓ ⲙⲡⲣⲣⲁⲧⲕ ⲉⲃⲟⲗ ⲙⲡⲉⲕϩⲙϩⲁⲗ

ϩⲙ ⲟⲩⲟⲣⲅⲏ ϣⲱⲡⲉ ⲛⲁⲓ ⲛⲃⲟⲏⲑⲟⲥ ⲙⲡⲣⲧⲥⲧⲟⲓ ⲉⲃⲟⲗ ⲙⲡⲣⲕⲁⲁⲧ

ⲛⲥⲱⲕ ⲡⲛⲟⲩⲧⲉ ⲡⲁⲥⲱⲧⲏⲣ

10 ϫⲉ ⲁⲡⲁⲉⲓⲱⲧ ⲙⲛ ⲧⲁⲙⲁⲁⲩ ⲕⲁⲁⲧ ⲛⲥⲱⲟⲩ ⲡϫⲟⲉⲓⲥ ⲇⲉ

ⲡⲉⲛⲧⲁϥϣⲟⲡⲧ ⲉⲣⲟϥ

11 ⲥⲙⲛ ⲛⲟⲙⲟⲥ ⲛⲁⲓ ⲡϫⲟⲉⲓⲥ ϩⲛ ⲧⲉⲕϩⲓⲏ ⲁⲩⲱ ⲛⲅϫⲓ ⲙⲟⲉⲓⲧ ϩⲏⲧ ϩⲛ

ⲟⲩϩⲓⲏ ⲉⲥⲥⲟⲩⲧⲱⲛ ⲉⲧⲃⲉ ⲛⲁϫⲁϫⲉ

12 ⲙⲡⲣⲧⲁⲁⲧ ⲉⲧⲟⲟⲧⲟⲩ ⲛⲛⲉⲯⲩⲭⲏ ⲛⲛⲉⲧⲑⲗⲓⲃⲉ ⲙⲙⲟⲓ ϫⲉ ⲁⲩⲧⲱⲟⲩⲛ

ⲉⲣⲟⲓ ⲛϭⲓ ϩⲉⲛⲙⲛⲧⲣⲉ ⲛϫⲓⲛϭⲟⲛⲥ ϫⲓϭⲟⲗ ⲉⲣⲟϥ ⲟⲩⲁⲁϥ

13 ϯⲡⲓⲥⲧⲉⲩⲉ ⲉⲛⲁⲩ ⲉⲛⲁⲅⲁⲑⲟⲛ ⲙⲡϫⲟⲉⲓⲥ ϩⲙ ⲡⲕⲁϩ ⲛⲛⲉⲧⲟⲛϩ

14 ϯⲛⲁϩⲩⲡⲟⲙⲉⲓⲛⲉ ⲉⲡϫⲟⲉⲓⲥ ϫⲣⲟ ⲁⲩⲱ ⲙⲁⲣⲉⲡⲉⲕϩⲏⲧ ⲧⲱⲕ

ⲛⲅϩⲩⲡⲟⲙⲉⲓⲛⲉ ⲉⲡϫⲟⲉⲓⲥ











Psalm 27

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲁⲓϫⲓ ϣⲕⲁⲕ ⲉϩⲣⲁⲓ ⲉⲣⲟⲕ ⲡϫⲟⲉⲓⲥ ⲡⲁⲛⲟⲩⲧⲉ

ⲙⲡⲣⲕⲁⲣⲱⲕ ⲉⲣⲟⲓ ⲙⲏⲡⲱⲥ ⲛⲅⲕⲁⲣⲱⲕ ⲉⲣⲟⲓ ⲧⲁⲣ ⲧϩⲉ ⲛⲛⲉⲧⲃⲏⲕ ⲉⲡⲉⲥⲏⲧ

ⲉⲡϣⲏⲓ

2 ⲥⲱⲧⲙ ⲉⲡⲉϩⲣⲟⲟⲩ ⲙⲡⲁⲥⲟⲡⲥ ϩⲙ ⲡⲧⲣⲁⲥⲉⲡⲥⲱⲡⲕ ⲛⲧⲁϥⲓ ⲛⲛⲁϭⲓϫ

ⲉϩⲣⲁⲓ ⲉⲡⲉⲕⲣⲡⲉ ⲉⲧⲟⲩⲁⲁⲃ

3 ⲙⲡⲣⲥⲉⲕ ⲧⲁⲯⲩⲭⲏ ⲙⲛ ⲛⲣⲉϥⲣⲛⲟⲃⲉ ⲁⲩⲱ ⲙⲡⲣⲧⲁⲕⲟⲓ ⲙⲛ ⲛⲉⲧⲣ ϩⲱⲃ

ⲉⲧⲁⲛⲟⲙⲓⲁ ⲛⲉⲧϣⲁϫⲉ ϩⲛ ⲟⲩⲉⲓⲣⲏⲛⲏ ⲙⲛ ⲛⲉⲧϩⲓⲧⲟⲩⲱⲟⲩ

ⲉⲣⲉⲙⲡⲉⲧϩⲟⲟⲩ ϩⲛ ⲛⲉⲩϩⲏⲧ

4 ϯⲛⲁⲩ ⲕⲁⲧⲁ ⲛⲉⲩϩⲃⲏⲩⲉ ⲁⲩⲱ ⲕⲁⲧⲁ ⲧⲡⲟⲛⲏⲣⲓⲁ ⲛⲛⲉⲩⲙⲉⲉⲩⲉ ⲩⲱⲱⲃⲉ

ⲛⲁⲩ ⲕⲁⲧⲁ ⲛⲉϩⲃⲏⲩⲉ ⲛⲛⲉⲩϭⲓϫ ϯⲛⲁⲩ ⲙⲡⲉⲩⲧⲟⲩⲉⲓⲟ

5 ϫⲉ ⲙⲡⲟⲩⲉⲓⲙⲉ ⲉⲛⲉϩⲃⲏⲩⲉ ⲛⲛⲉϥϭⲓϫ ⲕⲛⲁϣⲣϣⲱⲣⲟⲩ ⲛⲅⲧⲙⲕⲟⲧⲟⲩ

6 ⲡϫⲟⲉⲓⲥ ⲥⲙⲁⲙⲁⲁⲧ ϫⲉ ⲁϥⲥⲱⲧⲙ ⲉⲡⲉϩⲣⲟⲟⲩ ⲙⲡⲁⲥⲟⲡⲥ

7 ⲡϫⲟⲉⲓⲥ ⲡⲉ ⲡⲁⲃⲟⲏⲑⲟⲥ ⲁⲩⲱ ⲧⲁⲛⲁϣⲧⲉ ⲛⲧⲁ ⲡⲁϩⲏⲧ ⲕⲁϩⲧⲏϥ ⲉⲣⲟϥ

ⲁⲓⲣ ϩⲟⲧⲉ ⲁⲧⲁⲥⲁⲣⲝ ϯⲟⲩⲱ ϯⲁⲛⲉⲝⲟⲙⲟⲗⲟⲅⲉⲓ ⲛⲁϥ ϩⲙ ⲡⲁ ⲟⲩⲱϣ

8 ⲡϫⲟⲉⲓⲥ ⲡⲉ ⲡⲧⲁϫⲣⲟ ⲙⲡⲉϥⲗⲁⲟⲥ ⲁⲩⲱ ⲧⲛⲁϣⲧⲉ ⲡⲉ ⲛⲛⲉⲩϫⲁⲓ

ⲙⲡⲉϥⲭⲣⲏⲥⲧⲟⲥ

9 ⲙⲁⲧⲟⲩϫⲉ ⲡⲉⲕⲗⲁⲟⲥ ⲛⲅⲥⲙⲟⲩ ⲉⲧⲉⲕⲕⲗⲏⲣⲟⲛⲟⲙⲓⲁ ⲛⲅⲙⲟⲟⲛⲉ ⲙⲙⲟⲟⲩ

ⲛⲅϫⲁⲥⲧⲟⲩ ϣⲁ ⲉⲛⲉϩ

Psalm 28










1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲉⲃⲟⲗ ϩⲛ ⲧⲉϩⲓⲏ ⲛⲧⲉⲥⲕⲏⲛⲏ ⲁⲛⲉⲓⲛⲉ ⲙⲡϫⲟⲉⲓⲥ

ⲛϣⲏⲣⲉ ⲙⲡⲛⲟⲩⲧⲉ ⲁⲛⲉⲓⲛⲉ ⲙⲡϫⲟⲉⲓⲥ ⲛϩⲉⲛϣⲏⲣⲉ ⲛϭⲟⲓⲗⲉ ⲁⲛⲉⲓ

ⲟⲩⲧⲁⲉⲓⲟ ⲙⲛ ⲟⲩⲧⲓⲙⲏ ⲙⲡϫⲟⲉⲓⲥ

2 ⲁⲛⲉⲓ ⲟⲩⲉⲟⲟⲩ ⲙⲡⲉϥⲣⲁⲛ ⲟⲩⲱϣⲧ ⲙⲡϫⲟⲉⲓⲥ ϩⲛ ⲧⲉϥⲁⲩⲗⲉ ⲉⲧⲟⲩⲁⲁⲃ

3 ⲧⲉⲥⲙⲏ ⲙⲡϫⲟⲉⲓⲥ ϩⲓϫⲛ ⲙⲙⲟⲟⲩ ⲁⲡⲛⲟⲩⲧⲉ ⲙⲡⲉⲟⲟⲩ ⲱϣ ⲉⲃⲟⲗ

ⲡϫⲟⲉⲓⲥ ϩⲓϫⲛ ϩⲉⲛⲙⲟⲟⲩ ⲉⲛⲁϣⲱⲟⲩ

4 ⲧⲉⲥⲙⲏ ⲙⲡϫⲟⲉⲓⲥ ϩⲛ ⲟⲩϭⲟⲙ ⲧⲉⲥⲙⲏ ⲙⲡϫⲟⲉⲓⲥ ϩⲛ ⲟⲩⲙⲛⲧⲛⲟϭ

5 ⲧⲉⲥⲙⲏ ⲙⲡϫⲟⲉⲓⲥ ⲉϥⲟⲩⲱϣϥ ⲛⲛⲕⲉⲇⲣⲟⲥ ⲡϫⲟⲉⲓⲥ ⲛⲁⲟⲩⲱϣϥ

ⲛⲛⲕⲉⲇⲣⲟⲥ ⲙⲡⲗⲓⲃⲁⲛⲟⲛ

6 ⲛϥⲧⲣⲉⲩⲣϣϩⲓϭ ⲙⲛⲡⲗⲓⲃⲁⲛⲟⲥ ⲛⲧϩⲉ ⲙⲡⲙⲁⲥⲉ ⲁⲩⲱ ⲡⲙⲉⲣⲓⲧ ⲉϥⲟ

ⲛⲧϩⲉ ⲛⲟⲩϣⲏⲣⲉ ⲙⲙⲟⲛⲟⲅⲉⲣⲟⲥ

7 ⲧⲉⲥⲙⲏ ⲙⲡϫⲟⲉⲓⲥ ⲉϥⲟⲩⲱϣϥ ⲛⲟⲩϣⲁϩ ⲛⲁⲥⲧⲉ

8 ⲧⲉⲥⲙⲏ ⲙⲡϫⲟⲉⲓⲥ ⲉⲥⲕⲓⲙ ⲉⲧⲉⲣⲏⲙⲟⲥ ⲡϫⲟⲉⲓⲥ ⲛⲁⲕⲓⲙ ⲉⲧⲉⲣⲏⲙⲟⲥ

ⲛⲕⲁⲇⲏⲥ

9 ⲧⲉⲥⲙⲏ ⲙⲡϫⲟⲉⲓⲥ ⲉⲥⲥⲟⲃⲧⲉ ⲛⲛⲉⲉⲓⲟⲩⲗ ⲁⲩⲱ ϥⲛⲁϭⲱⲗⲡ ⲉⲃⲟⲗ ⲛⲙⲙⲁ

ⲛϣⲏⲛ ⲟⲩⲟⲛ ⲛⲓⲙ ⲉⲧϩⲙ ⲡⲉϥⲣⲡⲉ ϫⲱ ⲙⲡⲉϥⲉⲟⲟⲩ

10 ϣⲁⲣⲉ ⲡϫⲟⲉⲓⲥ ⲉⲓⲛⲉ ⲙⲡⲕⲁⲧⲁⲕⲗⲩⲥⲙⲟⲥ ⲁⲩⲱ ⲛϥⲧⲣⲉϥϩⲙⲟⲟⲥ ϫⲉ

ⲡϫⲟⲉⲓⲥ ⲛⲁⲣⲣⲟ ϣⲁ ⲉⲛⲉϩ

11 ⲡϫⲟⲉⲓⲥ ⲛⲁϯϭⲟⲙ ⲙⲡⲉϥⲗⲁⲟⲥ ⲡϫⲟⲉⲓⲥ ⲛⲁⲥⲙⲟⲩ ⲉⲡⲉϥⲗⲁⲟⲥ ϩⲛ

ⲟⲩⲉⲓⲣⲏⲛⲏ












Psalm 29

1 ⲉⲡϫⲱⲕ ⲉⲃⲟⲗ ⲛⲉⲯⲁⲗⲙⲟⲥ ⲛⲧⲱⲇⲏ ⲙⲡϫⲓⲁⲉⲓⲕ ⲙⲡⲏⲓ ⲛⲇⲁⲩⲉⲓⲇ

2 ϯⲛⲁϫⲁⲥⲧⲓ ⲡϫⲟⲉⲓⲥ ϫⲉ ⲁⲕϣⲟⲡⲧ ⲉⲣⲟⲕ ⲁⲩⲱ ⲙⲡⲕⲉⲩⲫⲣⲁⲛⲉ

ⲛⲛⲁϫⲁϫⲉ ⲉϫⲱⲓ

3 ⲡϫⲟⲉⲓⲥ ⲡⲁⲛⲟⲩⲧⲉ ⲁⲓϫⲓ ϣⲕⲁⲕ ⲉϩⲣⲁⲓ ⲉⲣⲟⲕ ⲁⲕⲧⲁⲗϭⲟⲓ

4 ⲡϫⲟⲉⲓⲥ ⲁⲕⲛ ⲧⲁⲯⲩⲭⲏ ⲉϩⲣⲁⲓ ϩⲛ ⲁⲙⲛⲧⲉ ⲁⲕⲧⲟⲩϫⲟⲓ ⲉⲃⲟⲗ ϩⲛ

ⲛⲉⲧⲃⲏⲕ ⲉⲡⲉⲥⲏⲧ ⲉⲡϣⲱⲓ

5 ⲯⲁⲗⲗⲉⲓ ⲉⲡϫⲟⲉⲓⲥ ⲛⲉϥⲡⲉⲧⲟⲩⲁⲁⲃ ⲛⲧⲉⲧⲛⲟⲩⲱⲛϩ ⲉⲃⲟⲗ ⲙⲡⲣ

ⲡⲙⲉⲉⲩⲉ ⲙⲡⲉϥⲟⲩⲟⲡ

6 ϫⲉ ⲟⲩⲛ ⲟⲩⲟⲣⲅⲏ ϩⲙ ⲡⲉϥϭⲱⲛⲧ ⲁⲩⲱ ⲟⲩⲱⲛϩ ϩⲙ ⲡⲉϥⲟⲩⲱϣ ⲡⲣⲓⲙⲉ

ⲛⲁϣⲱⲡⲉ ⲉⲣⲟⲩϩⲉ ⲛⲧⲉ ⲡⲧⲉⲗⲏⲗ ϣⲱⲡⲉ ⲉϩⲧⲟⲟⲩⲉ

7 ⲁⲛⲟⲕ ⲇⲉ ⲁⲓϫⲟⲟⲥ ϩⲙ ⲡⲁⲟⲩⲱⲱⲗⲉ ϫⲉ ⲛϯⲛⲁⲕⲓⲙ ⲁⲛ ϣⲁ ⲉⲛⲉϩ

8 ⲡϫⲟⲉⲓⲥ ϩⲙ ⲡⲉⲕⲟⲩⲱϣ ⲁⲕϯ ⲛⲟⲩϭⲟⲙ ⲉⲡⲁⲥⲁⲁ ⲁⲕⲕⲧⲉ ⲡⲉⲕϩⲟ ⲇⲉ

ⲉⲃⲟⲗ ⲁⲓϣⲱⲡⲉ ⲉⲓϣⲧⲣⲧⲱⲣ

9 ⲉⲓⲛⲁϫⲓ ϣⲕⲁⲕ ⲉϩⲣⲁⲓ ⲉⲡϫⲟⲉⲓⲥ ⲧⲁⲥⲟⲡⲥ ⲙⲡⲁⲛⲟⲩⲧⲉ

10 ⲟⲩ ⲡⲉ ⲡϩⲏⲩ ⲙⲡⲁⲥⲛⲟϥ ϩⲙ ⲡⲧⲣⲁⲃⲱⲕ ⲉⲡⲉⲥⲏⲧ ⲉⲡⲧⲁⲕⲟ ⲙⲏ

ⲉⲣⲉⲡⲉⲭⲟⲩⲥ ⲛⲁⲉⲝⲟⲙⲟⲗⲟⲅⲉⲓ ⲛⲁⲕ ⲙⲏ ⲉϥⲛⲁϫⲱ ⲛⲧⲉⲕⲙⲉ

11 ⲁⲡϫⲟⲉⲓⲥ ⲥⲱⲧⲙ ⲁϥⲛⲁ ⲛⲁⲓ ⲁⲡϫⲟⲉⲓⲥ ϣⲱⲡⲉ ⲛⲁⲓ ⲛⲃⲟⲏⲑⲟⲥ

12 ⲁⲕⲕⲧⲉ ⲡⲁⲛⲉϩⲡⲉ ⲛⲁⲓ ⲁⲩⲫⲣⲁⲛⲉ ⲁⲕⲡⲉϩ ⲧⲁϭⲟⲟⲩⲛⲉ ⲁⲕⲙⲟⲣⲧ

ⲛⲟⲩⲟⲩⲛⲟϥ













13 ϫⲉ ⲉⲣⲉⲧⲁⲟⲩⲛⲁⲙ ⲥⲙⲟⲩ ⲉⲣⲟⲕ ⲛⲧⲁⲧⲙⲙⲕⲁϩ ⲛϩⲏⲧ ⲡϫⲟⲉⲓⲥ

ⲡⲁⲛⲟⲩⲧⲉ ϯⲛⲁⲉⲝⲟⲙⲟⲗⲟⲅⲉⲓ ⲛⲁⲕ ϣⲁ ⲉⲛⲉϩ

Psalm 30

1 ⲉⲡϫⲱⲕ ⲉⲃⲟⲗ ⲙⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲛⲧⲉ ⲡⲡⲱϣⲥ

2 ⲁⲓⲕⲁϩⲧⲏⲓ ⲉⲣⲟⲕ ⲡϫⲟⲉⲓⲥ ⲙⲡⲣⲧⲣⲁϫⲓϣⲓⲡⲉ ϣⲁ ⲉⲛⲉϩ ⲛⲁϩⲙⲉⲧ

ⲛⲅⲧⲟⲩϫⲟⲓ ϩⲛ ⲧⲉⲕⲇⲓⲕⲁⲓⲟⲥⲩⲛⲏ

3 ⲣⲓⲕⲉ ⲙⲡⲉⲕⲙⲁⲁϫⲉ ⲉⲣⲟⲓ ⲛⲅϭⲉⲡⲏ ⲉⲧⲟⲩϫⲟⲓ ϣⲱⲡⲉ ⲛⲁⲓ ⲉⲩⲛⲟⲩⲧⲉ

ⲛⲛⲁϣⲧⲉ ⲁⲩⲱ ⲟⲩⲏⲓ ⲉⲙⲁⲙⲡⲱⲧ ⲉⲧⲟⲩϫⲟⲓ

4 ϫⲉ ⲛⲧⲟⲕ ⲡⲉ ⲡⲁⲧⲁϫⲣⲟ ⲁⲩⲱ ⲡⲁⲙⲁ ⲙⲡⲱⲧ ⲉⲧⲃⲉ ⲡⲉⲕⲣⲁⲛ ⲕⲛⲁϫⲓ

ⲙⲟⲉⲓⲧ ϩⲏⲧ ⲁⲩⲱ ⲛⲅⲥⲁⲛⲟⲩϣⲧ

5 ⲕⲛⲁⲛⲧ ⲉⲃⲟⲗ ϩⲛ ⲧⲉⲓϭⲟⲣϭⲥ ⲉⲛⲧⲁⲩϩⲟⲡⲥ ⲉⲣⲟⲓ ϫⲉ ⲛⲧⲟⲕ ⲡⲉ

ⲧⲁⲛⲁϣⲧⲉ

6 ϯⲛⲁϭⲟⲓⲗⲉ ⲙⲡⲁⲡⲛⲉⲩⲙⲁ ⲉⲛⲉⲕϭⲓϫ ⲁⲕⲥⲱⲧⲉ ⲙⲙⲟⲓ ⲡϫⲟⲉⲓⲥ ⲡⲛⲟⲩⲧⲉ

ⲛⲧⲙⲉ

7 ⲁⲕⲙⲉⲥⲧⲉ ⲛⲉⲧϩⲁⲣⲉϩ ⲉⲙⲡⲉⲧϣⲟⲩⲉⲓⲧ ⲉⲡϫⲓⲛϫⲏ ⲁⲛⲟⲕ ⲇⲉ ⲁⲓⲕⲁϩⲧⲏⲓ

ⲉⲡϫⲟⲉⲓⲥ

8 ϯⲛⲁⲧⲉⲗⲏⲗ ⲧⲁⲉⲩⲫⲣⲁⲛⲉ ⲉϫⲙ ⲡⲉⲕⲛⲁ ϫⲉ ⲛⲧⲟⲕ ⲁⲕϭⲱϣⲧ ⲉϫⲙ

ⲡⲁⲑⲃⲃⲓⲟ ⲁⲩⲱ ⲁⲕⲧⲟⲩϫⲉ ⲧⲁⲯⲩⲭⲏ ⲉⲃⲟⲗ ϩⲛ ⲛⲁⲁⲛⲁⲅⲕⲏ

9 ⲁⲩⲱ ⲙⲡⲕⲧⲁⲁⲧⲉ ⲉⲧⲟⲟⲧϥ ⲙⲡϫⲁϫⲉ ⲁⲕⲧⲁϩⲉ ⲛⲁⲟⲩⲉⲣⲏⲧⲉ ⲉⲣⲁⲧⲟⲩ











ϩⲛ ⲟⲩⲟⲩⲟⲥⲧⲛ

10 ⲛⲁ ⲛⲁⲓ ⲡϫⲟⲉⲓⲥ ϫⲉ ϯⲑⲗⲓⲃⲉ ⲁⲡⲁⲃⲁⲗ ϣⲧⲟⲣⲧⲣ ϩⲙ ⲡⲉⲕϭⲱⲛⲧ ⲁⲩⲱ

ⲧⲁⲯⲩⲭⲏ ⲙⲛ ϩⲏⲧⲧ

11 ⲁⲡⲁⲁϩⲉ ⲱϫⲛ ϩⲛ ⲟⲩⲙⲕⲁϩ ⲛϩⲏⲧ ⲁⲩⲱ ⲛⲁⲣⲙⲡⲟⲟⲩⲉ ϩⲛ

ϩⲉⲛⲁϣⲁϩⲟⲙ ⲁⲧⲁϭⲟⲙ ϭⲃⲃⲉ ϩⲛ ⲟⲩⲙⲛⲧϩⲏⲕⲉ ⲁⲩⲱ ⲁⲩϣⲧⲟⲣⲧⲣ

ⲛϭⲓ ⲛⲁⲕⲉⲉⲥ

12 ⲁⲓϣⲱⲡⲉ ⲛⲛⲟϭⲛⲉϭ ⲡⲁⲣⲁⲛⲁϫⲁϫⲉ ⲧⲏⲣⲟⲩ ⲁⲩⲱ ⲛⲛⲉⲧϩⲓⲧⲟⲩⲱⲓ

ⲉⲙⲁⲧⲉ ⲁⲩⲱ ⲛϩⲟⲧⲉ ⲛⲛⲉⲧⲥⲟⲟⲩⲛ ⲙⲙⲟⲓ ⲛⲧⲛⲁⲩ ⲉⲣⲟⲓ ⲁⲩⲟⲩⲉ

ⲛⲥⲁⲃⲟⲗ ⲙⲙⲟⲓ

13 ϫⲉ ⲁⲩⲣ ⲡⲱⲃϣ ϩⲛ ⲛⲉⲩϩⲏⲧ ⲛⲧϩⲉ ⲛⲛⲓⲕⲱⲱⲥ ⲁⲓⲣ ⲧϩⲉ ⲛⲟⲩϩⲛⲁⲁⲩ

ⲉⲁϥⲥⲱⲣⲙ

14 ϫⲉ ⲁⲓⲥⲱⲧⲙ ⲉⲡⲥⲱϣϥ ⲛϩⲁϩ ⲉⲩⲟⲩⲏϩ ϩⲙ ⲡⲁⲕⲱⲧⲉ ϩⲙ

ⲡⲧⲣⲉⲩⲥⲱⲟⲩϩ ϩⲓ ⲟⲩⲥⲟⲡ ⲉⲣⲟⲓ ⲁⲩϣⲟϫⲛⲉ ⲉϫⲛ ⲧⲁⲯⲩⲭⲏ

15 ⲁⲛⲟⲕ ⲇⲉ ⲁⲓⲕⲁϩⲧⲏⲓ ⲉⲣⲟⲕ ⲡϫⲟⲉⲓⲥ ⲁⲓϫⲟⲟⲥ ϫⲉ ⲛⲧⲟⲕ ⲡⲉ ⲡⲁⲛⲟⲩⲧⲉ

16 ⲉⲣⲉ ⲛⲁⲕⲗⲏⲣⲟⲥ ϩⲛ ⲛⲉⲕϭⲓϫ ⲙⲁⲧⲟⲩϫⲟⲓ ⲉⲧϭⲓϫ ⲛⲛⲁϫⲁϫⲉ ⲙⲛ ⲛⲉⲡⲏⲧ

ⲛⲥⲱⲓ

17 ⲟⲩⲉⲛϩ ⲡⲉⲕϩⲟ ⲉⲃⲟⲗ ⲉϫⲙ ⲡⲉⲕϩⲙϩⲁⲗ ⲙⲁⲧⲟⲩϫⲟⲓ ϩⲙ ⲡⲉⲕⲛⲁ

18 ⲡϫⲟⲉⲓⲥ ⲙⲡⲣⲧⲣⲁϫⲓϣⲓⲡⲉ ϫⲉ ⲁⲓⲱϣ ⲉϩⲣⲁⲓ ⲉⲣⲟⲕ ⲉⲩⲉϫⲓϣⲓⲡⲉ ⲛϭⲓ

ⲛⲁⲥⲉⲃⲏⲥ ⲁⲩⲱ ⲛⲥⲉϫⲓⲧⲟⲩ ⲉⲁⲙⲛⲧⲉ

19 ⲙⲁⲣⲟⲩⲣ ⲙⲡⲟ ⲛϭⲓ ⲛⲉⲥⲡⲟⲧⲟⲩ ⲛⲕⲣⲟϥ ⲛⲉⲧϫⲱ ⲛⲟⲩⲁⲛⲟⲙⲓⲁ ⲉϩⲟⲩⲛ











ⲉⲡⲇⲓⲕⲁⲓⲟⲥ ϩⲛ ⲟⲩⲙⲛⲧϫⲁⲥⲓϩⲏⲧ ⲙⲛ ⲟⲩⲥⲱϣϥ

20 ϫⲉ ⲛⲁϣⲉ ⲡⲁϣⲁⲓ ⲛⲧⲉⲕⲙⲛⲧⲭⲣⲏⲥⲧⲟⲥ ⲡϫⲟⲉⲓⲥ ⲧⲁⲓ ⲉⲛⲧⲁⲕϩⲟⲡⲥ

ⲛⲛⲉⲧⲣ ϩⲟⲧⲉ ϩⲏⲧⲕ ⲁⲕⲧⲟϣⲥ ⲛⲛⲉⲧϩⲉⲗⲡⲓⲍⲉ ⲉⲣⲟⲕ ⲙⲡⲉⲙⲧⲟ ⲉⲃⲟⲗ

ⲛⲛϣⲏⲣⲉ ⲛⲛⲣⲱⲙⲉ

21 ⲕⲛⲁϩⲟⲡⲟⲩ ϩⲙ ⲡⲡⲉⲧϩⲏⲧ ⲙⲡⲉⲕϩⲟ ⲉⲡⲉϣⲧⲟⲣⲧⲣ ⲛⲛⲣⲱⲙⲉ

ⲕⲛⲁⲣϩⲁⲓⲃⲉⲥ ⲉⲣⲟⲟⲩ ϩⲛ ⲟⲩϩⲁⲓⲃⲉⲥ ⲉⲡⲟⲩⲱϩⲙ ⲛϩⲉⲛⲗⲁⲥ

22 ⲡϫⲟⲉⲓⲥ ⲥⲙⲁⲙⲁⲁⲧ ϫⲉ ⲁϥϯⲉⲟⲟⲩ ⲙⲡⲉϥⲛⲁ ⲉϩⲣⲁⲓ ⲉϫⲱⲓ ϩⲛ

ⲟⲩⲡⲟⲗⲓⲥ ⲉⲥⲧⲁϫⲣⲏⲩ

23 ⲁⲛⲟⲕ ⲇⲉ ⲁⲓϫⲟⲟⲩ ϩⲛ ⲧⲁⲉⲕⲥⲧⲁⲥⲓⲥ ϫⲉ ⲙⲉ ϣⲁⲕⲁⲓϩⲉ ⲉⲃⲟⲗ ⲛⲛⲁϩⲣⲛ

ⲛⲉⲕⲃⲁⲗ ⲉⲧⲃⲉ ⲡⲁⲓ ⲁⲕⲥⲱⲧⲙ ⲉⲡⲉⲥϩⲣⲟⲟⲩ ⲙⲡⲁⲥⲟⲡⲥ ϩⲙ ⲡⲧⲣⲁⲱϣ

ⲉϩⲣⲁⲓ ⲟⲩⲃⲏⲕ

24 ⲙⲉⲣⲉ ⲡϫⲟⲉⲓⲥ ⲛⲉϥⲡⲉⲧⲟⲩⲁⲁⲃ ⲧⲏⲣⲟⲩ ϫⲉ ⲉⲣⲉⲡϫⲟⲉⲓⲥ ϣⲓⲛⲉ ⲛⲥⲁ

ⲙⲙⲛⲧⲙⲉ ⲁⲩⲱ ϥⲛⲁⲧⲟⲩⲉⲓⲟ ⲛⲛⲉⲧϫⲟⲥⲉ ⲛϩⲏⲧ ⲉⲙⲁⲧⲉ

25 ϫⲣⲟ ⲛⲧⲉ ⲡⲉⲧⲛϩⲏⲧ ϭⲙϭⲟⲙ ⲟⲩⲟⲛ ⲛⲓⲙ ⲉⲧϩⲉⲗⲡⲓⲍⲉ ⲉⲡⲁϫⲟⲉⲓⲥ

Psalm 31

1 ⲡⲁ ⲧⲙⲛⲧⲣⲙⲛϩⲏⲧ ⲛⲇⲁⲩⲉⲓⲇ ⲛⲁⲓⲁⲧⲟⲩ ⲛⲛⲉⲛⲧⲁⲩⲕⲱ ⲉⲃⲟⲗ

ⲛⲛⲉⲩⲁⲛⲟⲙⲓⲁ ⲙⲛ ⲛⲉⲛⲧⲁⲩϩⲱⲃⲥ ⲉⲃⲟⲗ ⲉϫⲛ ⲛⲉⲩⲛⲟⲃⲉ

2 ⲛⲁⲓⲁⲧϥ ⲙⲡⲣⲱⲙⲉ ⲉⲧⲉ ⲙⲡϫⲟⲉⲓⲥ ⲛⲁⲣ ⲛⲟⲃⲉ ⲉⲣⲟϥ ⲁⲛⲟⲩⲇⲉ

ⲉⲙⲛⲕⲣⲟϥ ϩⲛ ⲧⲉϥⲧⲁⲡⲣⲟ

3 ϫⲉ ⲁⲓⲕⲁⲣⲱⲓ ϫⲉ ⲁⲛⲁⲕⲉⲉⲥ ⲣⲁⲥ ϩⲙ ⲡⲧⲣⲁϫⲓ ϣⲕⲁⲕ ⲉⲃⲟⲗ ⲙⲡⲉϩⲟⲟⲩ










ⲧⲏⲣϥ

4 ϫⲉ ϩⲙ ⲡⲉϩⲟⲟⲩ ⲙⲛ ⲧⲉⲩϣⲏ ⲁⲧⲉⲕϭⲓϫ ϩⲣⲟϣ ⲉϩⲣⲁⲓ ⲉϫⲱⲓ ⲁⲓⲕⲧⲟⲓ

ⲉⲩⲧⲁⲗⲁⲓⲡⲱⲣⲓⲁ ϩⲙ ⲡⲧⲣⲁⲧⲱⲗⲥ ⲛⲧϩⲉ ⲛⲛⲓϣⲟⲛⲧⲉ ⲇⲓⲁⲯⲁⲗⲙⲁ

5 ⲁⲓϫⲱ ⲙⲡⲁⲛⲟⲃⲉ ⲙⲡⲓϩⲉⲡ ⲧⲁⲁⲛⲟⲙⲓⲁ ⲁⲓϫⲟⲟⲥ ϫⲉ ϯⲛⲁϫⲉ ⲡⲁⲛⲟⲃⲉ

ⲉⲧϯ ⲟⲩⲃⲏⲓ ⲉⲡϫⲟⲉⲓⲥ ⲁⲩⲱ ⲛⲧⲟⲕ ⲡⲉⲧⲛⲁⲕⲱ ⲉⲃⲟⲗ ⲛⲧⲙⲛⲧϣⲁϥⲧⲉ

ⲙⲡⲁϩⲏⲧ ⲇⲓⲁⲯⲁⲗⲙⲁ

6 ⲉⲣⲉ ⲟⲩⲟⲛ ⲛⲓⲙ ⲉⲧⲟⲩⲁⲁⲃ ⲛⲁϣⲗⲏⲗ ⲉⲣⲟⲕ ϩⲁ ⲧⲁⲓ ⲙⲡⲉⲟⲩⲟⲉⲓϣ

ⲉⲧⲥⲃⲧⲱⲧ ⲡⲗⲏⲛ ϩⲛ ⲟⲩⲕⲁⲧⲁⲕⲗⲩⲥⲙⲟⲥ ⲙⲙⲟⲟⲩ ⲉⲛⲁϣⲱϥ

ⲛⲥⲉⲛⲁϣϩⲱⲛ ⲉⲣⲟϥ ⲁⲛ

7 ⲛⲧⲟⲕ ⲡⲉ ⲡⲁⲙⲁ ⲙⲡⲱⲧ ⲉⲃⲟⲗ ϩⲛ ⲧⲉⲑⲗⲓⲯⲓⲥ ⲉⲧⲕⲱⲧⲉ ⲉⲣⲟⲓ

ⲡⲁⲧⲉⲗⲏⲗ ⲥⲟⲧⲧ ⲉⲃⲟⲗ ϩⲛ ⲛⲉⲧϩⲙ ⲡⲁⲕⲱⲧⲉ ⲇⲓⲁⲯⲁⲗⲙⲁ

8 ϯⲛⲁⲧⲁⲙⲟⲕ ⲛⲧⲁⲧⲥⲁⲃⲟⲕ ⲉⲧⲉϩⲓⲏ ⲉⲧⲕⲛⲁⲃⲱⲕ ⲛϩⲏⲧⲥ ϯⲛⲁⲧⲁϫⲣⲉ

ⲛⲁⲃⲁⲗ ⲉϩⲣⲁⲓ ⲉϫⲱⲕ

9 ⲙⲡⲣⲣⲑⲉ ⲛⲛⲓϩⲧⲟ ⲙⲛ ⲛⲓⲙⲁⲥⲡⲟⲣⲕ ⲉⲧⲉⲙⲛⲧⲟⲩ ⲙⲛⲧⲥⲁⲃⲉ ⲥⲱⲕ

ⲛⲛⲟⲩⲟⲟϭⲉ ⲛⲛⲉⲧⲉ ⲛⲥⲉϩⲏⲛ ⲉⲣⲟⲕ ⲁⲛ ϩⲛ ⲟⲩⲭⲁⲗⲓⲛⲟⲥ ⲙⲛⲟⲩϣⲧⲟϥ

10 ϩⲁϩ ⲛⲉ ⲙⲙⲁⲥⲧⲓⲝ ⲙⲡⲣⲉϥⲣⲛⲟⲃⲉ ⲡⲛⲁ ⲇⲉ ⲛⲁⲕⲱⲧⲉ ⲉⲛⲉⲧϩⲉⲗⲡⲓⲍⲉ


11 ⲛⲇⲓⲕⲁⲓⲟⲥ ⲉⲩⲫⲣⲁⲛⲉ ⲉϫⲙ ⲡϫⲟⲉⲓⲥ ⲛⲧⲉⲧⲛⲧⲉⲗⲏⲗ ⲛⲧⲉⲧⲛϣⲟⲩϣⲟⲩ

ⲙⲙⲱⲧⲛ ⲧⲏⲣⲧⲛ ⲛⲉⲧⲥⲟⲩⲧⲱⲛ ϩⲙ ⲡⲉⲩϩⲏⲧ

Psalm 32









1 ⲉⲇⲁⲩⲉⲓⲇ ⲛⲇⲓⲁⲕⲁⲓⲟⲥ ⲧⲉⲗⲏⲗ ⲙⲡϫⲟⲉⲓⲥ ⲉⲣⲉⲡⲉⲥⲙⲟⲩ ⲡⲣⲉⲡⲉⲓ

ⲛⲛⲉⲧⲥⲟⲩⲧⲱⲛ

2 ⲟⲩⲱⲛϩ ⲉⲃⲟⲗ ⲙⲡϫⲟⲉⲓⲥ ϩⲛ ⲟⲩⲕⲓⲑⲁⲣⲁ ⲯⲁⲗⲗⲉⲓ ⲉⲣⲟⲫ ϩⲛ

ⲟⲩⲯⲁⲗⲧⲏⲣⲓⲟⲛ ⲙⲙⲏⲧ ⲛⲕⲁⲡ ϫⲱ ⲉⲣⲟⲫ ⲛⲟⲩϫⲱ ⲛⲃⲣⲣⲉ

3 ⲯⲁⲗⲗⲉⲓ ⲉⲣⲟϥ ⲕⲁⲗⲱⲥ ϩⲛ ⲟⲩ ⲗⲟⲩⲗⲁⲓ

4 ϫⲉ ⲡϣⲁϫⲉ ⲙⲡϫⲟⲉⲓⲥ ⲥⲟⲩⲧⲱⲛ ⲁⲩⲱ ⲛⲉϥϩⲃⲏⲩⲉ ⲧⲏⲣⲟⲩ ϣⲟⲟⲡ ϩⲛ

ⲟⲩⲡⲓⲥⲧⲓⲥ

5 ϥⲙⲉ ⲛⲧⲙⲛⲧⲛⲁ ⲙⲛ ⲡϩⲁⲡ ⲡⲕⲁϩ ⲧⲏⲣϥ ⲙⲉϩ ⲙⲡⲛⲁ ⲙⲡϫⲟⲉⲓⲥ

6 ⲁⲩⲱ ϩⲙ ⲡⲉϥϣⲁϫⲉ ⲛⲧⲁ ⲙⲡⲏⲟⲩ ⲉⲧⲁϫⲣⲟ ⲁⲩⲱ ⲛⲉⲩϭⲟⲙ ⲧⲏⲣⲟⲩ

ϩⲙ ⲡⲉⲡⲛⲉⲩⲙⲁ ⲛⲣⲱϥ

7 ⲡⲉⲧⲥⲱⲟⲩϩ ⲛⲙⲙⲟⲟⲩ ⲛⲑⲁⲗⲁⲥⲥⲁ ⲛⲧϩⲉ ⲛⲛⲓⲁⲥⲕⲟⲥ ⲡⲉⲛⲧⲁϥⲕⲱ

ⲛⲛⲛⲟⲩⲛ ϩⲛ ⲛⲉⲩⲁϩⲱⲱⲣ

8 ⲙⲁⲣⲉ ⲡⲕⲁϩ ⲧⲏⲣϥ ⲣ ϩⲟⲧⲉ ϩⲏⲧϥ ⲙⲡϫⲟⲉⲓⲥ ⲙⲁⲣⲉ ⲙⲁ ⲛⲓⲙ ⲥⲫⲱⲧ

ϩⲏⲧϥ ⲙⲛ ⲟⲩⲟⲛ ⲛⲓⲙ ⲉⲧⲟⲩⲏϩ ⲛϩⲏⲧⲟⲩ

9 ϫⲉ ⲛⲧⲟϥ ⲡⲉⲛⲧⲁϥϫⲟⲟⲥ ⲁⲩϣⲱⲡⲉ ⲛⲧⲁϥ ⲡⲉⲛⲧⲁϥϩⲱⲛ ⲁⲩⲥⲱⲛⲧ

10 ⲡϫⲟⲉⲓⲥ ⲛⲁϫⲱⲱⲣⲉ ⲉⲃⲟⲗ ⲙⲡϣⲟϫⲛⲉ ⲛⲛϩⲉⲑⲛⲟⲥ ϥⲛⲁⲁⲑⲉⲧⲉⲓ

ⲛⲙⲙⲉⲉⲩⲉ ⲛⲛⲗⲁⲥ ⲁⲩⲱ ϥⲛⲁⲁⲑⲉⲧⲉⲓ ⲛⲛϣⲟϫⲛⲉ ⲛⲛⲁⲣⲭⲱⲛ

11 ⲡϣⲟϫⲛⲉ ⲛⲧⲟϥ ⲙⲡϫⲟⲉⲓⲥ ϣⲟⲟⲡ ϣⲁ ⲉⲛⲉϩ ⲡⲙⲉⲉⲩⲉ ⲙⲡⲉϥϩⲏⲧ ϫⲓⲛ

ⲟⲩϫⲱⲙ ϣⲁ ⲟⲩϫⲱⲙ

12 ⲛⲁⲓⲁⲧϥ ⲙⲡϩⲉⲑⲛⲟⲥ ⲉⲡⲡϫⲟⲉⲓⲥ ⲡⲉ ⲡⲉϥⲛⲟⲩⲧⲉ ⲡⲗⲁⲟⲥ ⲉⲛⲧⲁⲡϫⲟⲉⲓⲥ













ⲥⲟⲧⲡϥ ⲉⲩⲕⲗⲏⲣⲟⲛⲟⲙⲓⲁ ⲛⲁϥ

13 ⲁⲡϫⲟⲉⲓⲥ ϭⲱϣⲧ ⲉⲃⲟⲗ ϩⲛ ⲧⲡⲉ ⲉⲛⲁⲩ ⲛϣⲏⲣⲉ ⲛⲛⲣⲱⲙⲉ ⲧⲏⲣⲟⲩ

14 ⲉⲃⲟⲗ ϩⲙ ⲡⲉϥⲙⲁ ⲛϣⲱⲡⲉ ⲉⲧⲯⲃⲧⲱⲧ ⲁϥϭⲱϣⲧ ⲉϫⲛ ⲛⲉⲧⲟⲩⲏϩ

ⲧⲏⲣⲟⲩ ϩⲙ ⲡⲕⲁϩ

15 ⲡⲉⲛⲧⲁϥⲡⲗⲁⲥⲥⲉ ⲙⲁⲩⲁⲁϥ ⲛⲛⲉⲩϩⲏⲧ ⲡⲉⲧⲉⲓⲙⲉ ⲉⲛⲉⲩϩⲃⲏⲩⲉ ⲧⲏⲣⲟⲩ

16 ⲙⲙⲛ ⲟⲩⲣⲣⲟ ⲛⲁⲩⲟⲩϫⲁⲓ ⲉⲧⲃⲉ ⲧⲉϥⲛⲟϭ ⲛϭⲟⲙ ⲁⲩⲱ ⲙⲛ ⲟⲩϫⲱⲱⲣⲉ

ⲛⲁⲛⲟⲩϩⲙ ϩⲙ ⲡⲁϣⲁⲓ ⲛⲧⲉϥⲛⲟⲙⲧⲉ

17 ⲙⲙⲛ ⲟⲩϩⲧⲟ ⲛϩⲟⲧⲉ ⲉⲩⲟⲩϫⲁⲓ ⲛϥⲛⲁⲟⲩϩⲙ ⲁⲛ ϩⲙ ⲡⲁϣⲁⲓ

ⲛⲧⲉϥϭⲟⲙ

18 ⲉⲓⲥ ⲛⲃⲁⲗ ⲙⲡϫⲟⲉⲓⲥ ϭⲱϣⲧ ⲉϫⲛ ⲛⲉⲧⲣ ϩⲟⲧⲉ ϩⲏⲧϥ ⲛⲉⲧⲕⲱ ⲛϩⲧⲏⲩ

ⲉⲡⲉϥⲛⲁ

19 ⲉⲧⲟⲩϫⲉ ⲛⲉⲩⲯⲩⲭⲏ ⲉⲃⲟⲗ ϩⲙ ⲡⲙⲟⲩ ⲁⲩⲱ ⲉⲥⲁⲛⲟⲩϣⲟⲩ ϩⲙ

ⲡϩⲃⲱⲱⲛ

20 ⲧⲉⲛⲯⲩⲭⲏ ⲛⲁϩⲩⲡⲟⲙⲉⲓⲛⲉ ⲉⲡϫⲟⲉⲓⲥ ϫⲉ ⲡⲉⲛⲃⲟⲏⲑⲟⲥ ⲡⲉ ⲁⲩⲱ

ⲧⲉⲛⲛⲁϣⲧⲉ ⲡⲉ

21 ϫⲉ ⲉⲣⲉ ⲡⲉⲛϩⲏⲧ ⲛⲁⲉⲩⲫⲣⲁⲛⲉ ⲛϩⲏⲧϥ ⲁⲩⲱ ⲛⲧⲁⲛⲛⲁϩⲧⲉ ϩⲙ

ⲡⲉϥⲣⲁⲛ ⲉⲧⲟⲩⲁⲁⲃ

22 ⲉⲣⲉ ⲡⲉⲕⲛⲁ ⲡϫⲟⲉⲓⲥ ϣⲱⲡⲉ ⲉϫⲱⲛ ⲕⲁⲧⲁ ⲧϩⲉ ⲉⲧⲁⲛϩⲉⲗⲡⲓⲍⲉ ⲉⲣⲟⲕ

Psalm 33

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲛⲧⲉⲣⲉϥϣⲓⲃⲉ ⲙⲡⲉϥϩⲟ ⲙⲡⲉⲙⲧⲟ ⲉⲃⲟⲗ












ⲛⲁⲭⲓⲙⲉⲗⲉⲭ ⲁϥⲕⲁⲁϥ ⲉⲃⲟⲗ ⲁϥⲃⲱⲕ

2 ϯⲛⲁⲥⲙⲟⲩ ⲉⲡϫⲟⲉⲓⲥ ⲛⲟⲩⲟⲉⲓϣ ⲛⲓⲙ ⲛⲟⲩⲟⲉⲓϣ ⲛⲓⲙ ⲡⲉϥⲥⲙⲟⲩ ϩⲛ ⲣⲱⲓ

3 ⲧⲁⲯⲩⲭⲏ ⲛⲁϫⲓⲧⲁⲉⲓⲟ ϩⲙ ⲡϫⲟⲉⲓⲥ ⲙⲁⲣⲉ ⲛⲣⲙⲣⲁϣ ⲥⲱⲧⲙ

ⲛⲥⲉⲟⲩⲛⲟϥ

4 ϫⲓⲥⲉ ⲛⲙⲙⲁⲓ ϩⲙ ⲡϫⲟⲉⲓⲥ ⲁⲩⲱ ⲛⲧⲉⲧⲛϫⲓⲥⲉ ⲙⲡⲉϥⲣⲁⲛ ϩⲓ ⲟⲩⲥⲟⲡ

5 ⲁⲛⲟⲕ ⲁⲓϣⲓⲛⲉ ⲛⲥⲁ ⲡϫⲟⲉⲓⲥ ⲁϥⲥⲱⲧⲙ ⲉⲣⲟⲓ ⲁⲩⲱ ⲁϥⲧⲟⲩϫⲟⲓ ⲉⲃⲟⲗ ϩⲛ

ⲛⲁⲙⲁ ⲛϭⲟⲓⲗⲉ ⲧⲏⲣⲟⲩ

6 ϯ ⲙⲡⲉⲧⲛⲟⲩⲟⲓ ⲉⲣⲟϥ ⲛⲧⲉⲧⲛⲣ ⲟⲩⲟⲉⲓⲛ ⲁⲩⲱ ⲛⲉⲧⲛϩⲟ ⲛⲉⲩϫⲓϣⲓⲟⲉ

7 ⲡⲁⲓ ⲡⲉ ⲡϩⲏⲕⲉ ⲛⲧⲁϥⲱϣ ⲉⲃⲟⲗ ⲁⲡϫⲟⲉⲓⲥ ⲥⲱⲧⲙ ⲉⲣⲟϥ ⲁⲩⲱ

ⲁϥⲧⲟⲩϫⲟϥ ϩⲛ ⲛⲉϥⲑⲗⲓⲯⲓⲥ ⲧⲏⲣⲟⲩ

8 ϣⲁⲣⲉ ⲡⲁⲅⲅⲉⲗⲟⲥ ⲙⲡϫⲟⲉⲓⲥ ⲕⲱⲧⲉ ⲉⲛⲉⲧⲣ ϩⲟⲧⲉ ϩⲏⲧϥ ⲛϥⲛⲁϩⲙⲟⲩ

9 ϫⲓ ϯⲡⲉ ⲛⲉⲧⲛⲉⲓⲙⲉ ϫⲉ ⲡϫⲟⲉⲓⲥ ϩⲟⲗϭ ⲛⲁⲓⲁⲧϥ ⲙⲡⲣⲱⲙⲉ

ⲉⲧⲛⲁϩⲉⲗⲡⲓⲍⲉ ⲉⲣⲟϥ

10 ⲁⲓⲣ ϩⲟⲧⲉ ⲛϩⲏⲧϥ ⲙⲡϫⲟⲉⲓⲥ ⲛⲉϥⲡⲉⲧⲟⲩⲁⲁⲃ ϫⲉ ⲙⲛ ϭⲣⲱϩ ϣⲟⲟⲡ

ⲛⲛⲉⲧⲣ ϩⲟⲧⲉ ⲛϩⲏⲧϥ

11 ⲁⲛⲣⲙⲙⲁⲟ ⲣϩⲏⲕⲉ ⲁⲩⲱ ⲁⲩϩⲕⲟ ⲛⲉⲧϣⲓⲛⲉ ⲇⲉ ⲛⲥⲁ ⲡϫⲟⲉⲓⲥ

ⲛⲥⲉⲛⲁϣⲱⲱⲧ ⲁⲛ ⲛⲁⲅⲁⲑⲟⲛ ⲛⲓⲙ ⲇⲓⲁⲯⲁⲗⲙⲁ

12 ⲁⲙⲏⲓⲧⲛ ⲛⲁϣⲏⲣⲉ ⲛⲧⲉⲧⲛⲥⲱⲧⲙ ⲉⲣⲟⲓ ⲧⲁϯⲥⲃⲱ ⲛⲏⲧⲛ ⲛⲧϩⲟⲧⲉ

ⲙⲡϫⲟⲉⲓⲥ

13 ⲛⲓⲙ ⲡⲉ ⲡⲣⲱⲙⲉ ⲉⲧⲟⲩⲉϣ ⲡⲱⲛϩ ⲉⲧⲙⲉ ⲛⲛⲁⲩ ⲉⲛⲉϩⲟⲟⲩ ⲉⲧⲛⲁⲛⲟⲩⲟⲩ













14 ⲙⲁⲧⲁⲗϭⲉ ⲡⲉⲕⲗⲁⲥ ⲉⲃⲟⲗ ϩⲛ ⲙⲡⲉⲧϩⲟⲟⲩ ⲁⲩⲱ ⲛⲉⲕⲥⲡⲟⲧⲟⲩ

ⲉⲧⲙϫⲱ ⲛⲟⲩⲕⲣⲟϥ

15 ⲣⲁⲕⲧⲕ ⲉⲃⲟⲗ ⲙⲡⲡⲉⲧϩⲟⲟⲩ ⲛⲅⲉⲓⲣⲉ ⲙⲡⲡⲉⲧⲛⲁⲛⲟⲩϥ ϣⲓⲛⲉ ⲛⲥⲁ

ϯⲣⲏⲛⲏ ⲛⲅⲡⲱⲧ ⲛⲥⲱⲥ

16 ϫⲉ ⲉⲣⲉ ⲛⲃⲁⲗ ⲙⲡϫⲟⲉⲓⲥ ϭⲱϣⲧ ⲉϫⲛ ⲛⲇⲓⲕⲁⲓⲟⲥ ⲁⲩⲱ ⲛⲉϥⲙⲁⲁϫⲉ

ⲉⲩⲣⲟⲕⲉ ⲉⲡⲉⲩⲥⲟⲡⲥ

17 ⲉⲣⲉ ⲡϩⲟ ⲇⲉ ⲙⲡϫⲟⲉⲓⲥ ϭⲱϣⲧ ⲉϫⲛ ⲛⲉⲧⲉⲓⲣⲉ ⲛⲙⲡⲉⲧϩⲟⲟⲩ ⲉϥⲱⲧⲉ

ⲙⲡⲉⲩⲣ ⲡⲙⲉⲉⲩⲉ ⲉⲃⲟⲗ ϩⲓϫⲙ ⲡⲕⲁϩ

18 ⲁⲛⲇⲓⲕⲁⲓⲟⲥ ϫⲓ ϣⲕⲁⲕ ⲉⲃⲟⲗ ⲁⲡϫⲟⲉⲓⲥ ⲥⲱⲧⲙ ⲉⲣⲟⲟⲩ ⲁⲩⲱ

ⲁϥⲧⲟⲩϫⲟⲟⲩ ϩⲛ ⲛⲉⲩⲑⲗⲓⲯⲓⲥ ⲧⲏⲣⲟⲩ

19 ⲡⲡϫⲟⲉⲓⲥ ϩⲏⲛ ⲉϩⲟⲩⲛ ⲉⲛⲉⲧⲟⲩⲟϣϥ ϩⲙ ⲡⲉⲩϩⲏⲧ ⲁⲩⲱ ϥⲛⲁⲧⲁⲛϩⲉ

ⲛⲉⲧⲑⲃⲃⲓⲏⲩ ϩⲙ ⲡⲉⲩⲡⲛⲉⲩⲙⲁ

20 ⲛⲁϣⲱⲟⲩ ⲛⲉⲑⲗⲓⲯⲓⲥ ⲛⲛⲓⲇⲓⲕⲁⲓⲟⲥ ⲁⲩⲱ ⲡϫⲟⲉⲓⲥ ⲛⲁⲛⲁϩⲙⲟⲩ ⲛϩⲏⲧⲟⲩ

ⲧⲏⲣⲟⲩ

21 ⲡϫⲟⲉⲓⲥ ⲛⲁϩⲁⲣⲉϩ ⲉⲛⲉⲩⲕⲉⲉⲥ ⲧⲏⲣⲟⲩ ⲛⲛⲉ ⲟⲩⲁ ⲟⲩⲱϣϥ ⲉⲃⲟⲗ

ⲛϩⲏⲧⲟⲩ

22 ⲡⲙⲟⲩ ⲛⲧⲟⲟⲩ ⲛⲛⲣⲉϥⲣⲛⲟⲃⲉ ϩⲟⲟⲩ ⲁⲩⲱ ⲛⲉⲧⲙⲟⲥⲧⲉ ⲙⲡⲇⲓⲕⲁⲓⲟⲥ ⲛⲁⲣ

ⲛⲟⲃⲉ

23 ⲡϫⲟⲉⲓⲥ ⲛⲁⲥⲱⲧⲉ ⲛⲛⲉⲯⲩⲭⲏ ⲛⲛⲉϥϩⲙϩⲁⲗ ⲁⲩⲱ ⲛⲛⲉⲩⲣ ⲛⲟⲃⲉ ⲛϭⲓ

ⲟⲩⲟⲛ ⲛⲓⲙ ⲉⲧϩⲉⲗⲡⲓⲍⲉ ⲉⲣⲟϥ











Psalm 34

1 ⲡⲁⲇⲁⲩⲉⲓⲇ ϯϩⲁⲡ ⲡϫⲟⲉⲓⲥ ⲉⲛⲉⲧϫⲓ ⲙⲙⲟⲓ ⲛϭⲟⲛⲥ ⲙⲓϣⲉ ⲙⲛ

ⲛⲉⲧⲙⲓϣⲉ ⲛⲙⲙⲁⲓ

2 ⲁⲙⲁϩⲧⲉ ⲛⲟⲩϩⲟⲡⲗⲟⲛ ⲙⲛ ⲟⲩⲑⲩⲣⲱⲛ ⲛⲅⲧⲱⲟⲩⲛ ⲉⲃⲟⲏⲑⲉⲓ ⲉⲣⲟⲓ

3 ⲡⲱϩⲧ ⲛⲟⲩⲥⲏϥⲉ ⲛⲅϩⲟϫⲡⲟⲩ ⲙⲡⲉⲙⲧⲟ ⲉⲃⲟⲗ ⲛⲛⲉⲧⲑⲗⲓⲃⲉ ⲙⲙⲟⲓ

ⲁϫⲓⲥ ⲛⲧⲁⲯⲩⲭⲏ ϫⲉ ⲁⲛⲟⲕ ⲡⲉ ⲡⲟⲩⲥⲱⲧⲏⲣ

4 ⲙⲁⲣⲟⲩϫⲓϣⲓⲡⲉ ⲛⲥⲉⲟⲩⲱⲗⲥ ⲛϭⲓ ⲟⲩⲟⲛ ⲛⲓⲙ ⲉⲧϣⲓⲛⲉ ⲛⲥⲁ ⲧⲁⲯⲩⲭⲏ

ⲙⲁⲣⲟⲩⲕⲟⲧⲟⲩ ⲉⲡⲁϩⲟⲩ ⲛⲥⲉϫⲓϣⲓⲡⲉ ⲛϭⲓ ⲛⲉⲧⲙⲉⲉⲩⲉ ⲉⲣⲟⲓ

ⲉϩⲉⲛⲡⲉⲧϩⲟⲟⲩ

5 ⲙⲁⲣⲟⲩϣⲱⲡⲉ ⲛⲧϩⲉ ⲛⲛⲓϣⲟⲉⲓϣ ⲙⲡⲉⲙⲧⲟ ⲉⲃⲟⲗ ⲙⲡⲧⲏⲩ

ⲉⲣⲉⲡⲁⲅⲅⲉⲗⲟⲥ ⲙⲡϫⲟⲉⲓⲥ ⲑⲗⲓⲃⲉ ⲙⲙⲟⲟⲩ

6 ⲙⲁⲣⲉⲧⲉⲩϩⲓⲏ ⲣⲕⲁⲕⲉ ⲛⲥⲥⲗⲁⲁⲧⲉ ⲛⲁⲩ ⲉⲣⲉⲡⲁⲅⲅⲉⲗⲟⲥ ⲙⲡϫⲟⲉⲓⲥ ⲡⲏⲧ

ⲛⲥⲱⲟⲩ

7 ϫⲉ ⲁⲩϣⲱⲡⲉ ⲏ ⲁⲩϩⲱⲡ ⲉⲣⲟⲓ ⲛⲟⲩϭⲟⲣϭⲥ ⲉⲡϫⲓⲛϫⲏ ⲉⲡⲉⲩⲧⲁⲕⲟ

ⲁⲩⲛⲟϭⲛⲉϭ ⲛⲧⲁⲯⲩⲭⲏ ⲉⲡϫⲓⲛϫⲏ

8 ⲙⲁⲣⲉ ⲟⲩϭⲟⲣϭⲥ ⲉⲓ ⲛⲁⲩ ⲉⲛⲥⲉⲥⲟⲟⲩⲛ ⲙⲙⲟⲥ ⲁⲛ ⲁⲩⲱ ⲡⲡⲁϣⲉ

ⲛⲧⲁⲩϩⲟⲡϥ ⲙⲁⲣⲉϥϭⲟⲡⲟⲩ ϩⲣⲁⲓ ϩⲛ ⲧϭⲟⲣϭⲥ ⲥⲉⲛⲁⲁϩⲉ ϩⲣⲁⲓ

ⲛϩⲏⲧⲥ

9 ⲧⲁⲯⲩⲭⲏ ⲛⲧⲟⲥ ⲛⲁⲧⲉⲗⲏⲗ ⲉϫⲙ ⲡϫⲟⲉⲓⲥ ⲁⲩⲱ ⲥⲛⲁⲟⲩⲟⲛϥ ⲉϫⲙ

ⲡⲉϥⲟⲩϫⲁⲓ










10 ⲛⲁⲕⲉⲉⲥ ⲧⲏⲣⲟⲩ ⲛⲁϫⲟⲟⲥ ϫⲉ ⲡϫⲟⲉⲓⲥ ⲙⲛ ⲡⲉⲧϣⲉⲓⲛⲉ ⲙⲙⲟⲕⲡⲉⲧⲛⲟⲩϩⲙ

ⲛⲟⲩϩⲏⲕⲉ ⲉⲃⲟⲗ ϩⲛ ⲧϭⲓϫ ⲛⲛⲉⲧϫⲟⲟⲣ ⲉⲣⲟϥ ⲟⲩϩⲏⲕⲉ ⲙⲛ ⲟⲩⲉⲃⲓⲏⲛ

ⲉⲃⲟⲗ ϩⲓⲧⲛ ⲛⲉⲧⲧⲱⲣⲡ ⲙⲙⲟϥ

11 ⲁⲩⲧⲱⲟⲩⲛ ⲉⲣⲟⲓ ⲛϭⲓ ϩⲉⲛⲙⲛⲧⲣⲉ ⲛϫⲓϭⲟⲛⲥ ⲁⲩϫⲛⲟⲩⲓ ⲉⲛⲉⲧⲉ ⲛϯⲥⲟⲟⲩⲛ

ⲙⲙⲟⲩ ⲁⲛ

12 ⲁⲩⲧⲱⲱⲃⲉ ⲛⲁⲓ ⲛϩⲉⲛⲡⲉⲧϩⲟⲟⲩ ⲉⲡⲙⲁ ⲛϩⲉⲛⲡⲉⲧⲛⲁⲛⲟⲩⲟⲩ ⲁⲩⲱ

ⲟⲩⲙⲛⲧⲁⲧϣⲏⲣⲉ ⲛⲧⲁⲯⲩⲭⲏ

13 ⲁⲛⲟⲕ ⲇⲉ ϩⲙ ⲡⲧⲣⲉⲩⲉⲛⲱⲭⲗⲉⲓ ⲛⲁⲓ ⲁⲓϯϩⲓⲱⲱⲧ ⲛⲟⲩϭⲟⲟⲩⲛⲉ

ⲛⲉⲓⲑⲃⲃⲓⲟ ⲛⲧⲁⲯⲩⲭⲏ ϩⲛ ⲟⲩⲛⲏⲥⲧⲓⲁ ⲁⲩⲱ ⲡⲁϣⲗⲏⲗ ⲛⲁⲕⲟⲧϥ ⲉϩⲣⲁⲓ

ⲉⲕⲟⲩⲟⲩⲛⲧ

14 ⲛⲉⲓⲣⲁⲛⲁⲕ ⲛⲧϩⲉ ⲙⲡⲉⲧϩⲓⲧⲟⲩⲱⲓ ⲙⲛ ⲟⲩⲥⲟⲡ ⲛⲉⲓⲑⲃⲃⲓⲏⲩ ⲛⲧϩⲉ

ⲙⲡⲉⲧⲣϩⲏⲃⲉ ⲁⲩⲱ ⲡⲉⲧⲟⲕⲙ

15 ⲁⲩⲥⲱⲟⲩϩ ⲉⲣⲟⲓ ⲁⲩⲱ ⲁⲩⲉⲩⲫⲣⲁⲛⲉ ⲁϩⲉⲛⲙⲁⲥⲧⲓⲝ ⲥⲱⲟⲩϩ ⲉⲣⲟⲓ ⲁⲩⲱ

ⲛⲡⲓⲉⲓⲙⲉ ⲁⲩϫⲱⲱⲣⲉ ⲉⲃⲟⲗ ⲁⲩⲱ ⲙⲡⲟⲩⲙⲕⲁϩ ⲛϩⲏⲧ

16 ⲁⲩⲡⲉⲓⲣⲁⲍⲉ ⲙⲙⲟⲓ ⲁⲩⲕⲱⲙϣ ⲛⲥⲱⲓ ϩⲛ ⲟⲩⲕⲱⲙϣ ⲁⲩϩⲣⲟϫⲣⲉϫ

ⲛⲛⲉⲩⲛⲟⲃⲉ ⲉϩⲣⲁⲓ ⲉϫⲱⲓ

17 ⲡϫⲟⲉⲓⲥ ⲉⲕⲛⲁϭⲱϣⲧ ⲧⲛⲁⲩ ⲧⲁϩⲉ ⲧⲁⲯⲩⲭⲏ ⲉⲣⲁⲧⲥ ⲉⲃⲟⲗ ϩⲙ

ⲡⲉⲩϣⲟϫⲛⲉ ⲉⲧϩⲟⲟⲩ ⲧⲁⲙⲛⲧϣⲏⲣⲉ ⲛⲟⲩⲱⲧ ⲉⲃⲟⲗ ϩⲓⲧⲛ ⲛⲙⲟⲩⲓ

18 ϯⲛⲁⲟⲩⲱⲛϩ ⲛⲁⲕ ⲉⲃⲟⲗ ⲡϫⲟⲉⲓⲥ ϩⲛ ⲟⲩⲛⲟϭ ⲛⲉⲕⲕⲗⲏⲥⲓⲁ ϯⲛⲁⲥⲙⲟⲩ

ⲉⲣⲟⲕ ϩⲛ ⲟⲩⲗⲁⲟⲥ ⲉϥⲟϣ










19 ⲙⲡⲣⲧⲣⲉⲩⲣⲁϣⲉ ⲙⲙⲟⲓ ⲛϭⲓ ⲛⲉⲧⲟ ⲛϫⲁϫⲉ ⲉⲣⲟⲓ ϩⲛ ⲟⲩϫⲓⲛϭⲟⲛⲥ

ⲛⲉⲧⲙⲟⲥⲧⲉ ⲙⲙⲟⲓ ⲛϫⲓⲛϫⲏ ⲉⲧϫⲱⲣⲙ ⲛⲛⲉⲩⲃⲁⲗ

20 ϫⲉ ⲛⲉⲩϫⲱ ⲙⲉⲛ ⲛⲁⲓ ⲛϩⲉⲛϣⲁϫⲉ ⲛⲉⲓⲣⲏⲛⲏ ⲉⲩⲙⲉⲉⲩⲉ ⲇⲉ ⲉϩⲉⲛⲕⲣⲟϥ ϩⲛ

ⲟⲩⲟⲣⲅⲏ

21 ⲁⲩⲟⲩⲱⲛ ⲛⲣⲱⲟⲩ ⲉϩⲣⲁⲓ ⲉϫⲱⲓ ⲁⲩⲱ ⲡⲉϫⲁⲩ ϫⲉ ⲉϩⲉ ⲉϩⲉ ⲁⲛⲙⲉϩ

ⲉⲓⲁⲧⲛ ⲙⲙⲟϥ

22 ⲁⲕⲛⲁⲩ ⲡϫⲟⲉⲓⲥ ⲙⲡⲣⲕⲁⲣⲱⲕ ⲡϫⲟⲉⲓⲥ ⲙⲡⲣⲟⲩⲉ ⲙⲙⲟⲓ

23 ⲧⲱⲟⲩⲛ ⲡϫⲟⲉⲓⲥ ϯϩⲧⲏⲕ ⲉⲡⲁϩⲁⲡ ⲡⲁⲛⲟⲩⲧⲉ ⲁⲩⲱ ⲡⲁϫⲟⲉⲓⲥ ⲉⲡⲁⲕⲃⲁ

24 ⲕⲣⲓⲛⲉ ⲙⲙⲟⲓ ⲕⲁⲧⲁ ⲉⲕⲇⲓⲁⲓⲟⲥⲩⲛⲏ ⲡϫⲟⲉⲓⲥ ⲡⲁⲛⲟⲩⲧⲉ ⲙⲡⲣⲧⲣⲉⲩⲣⲁϣⲉ

ⲙⲙⲟⲓ

25 ⲙⲡⲣⲧⲣⲉⲩϫⲟⲟⲥ ϩⲙ ⲡⲉⲩϩⲏⲧ ϫⲉ ⲕⲁⲗⲱⲥ ⲛⲧⲉⲛⲯⲩⲭⲏ ⲁⲩⲱ

ⲙⲡⲣⲧⲣⲉⲩϫⲟⲟⲥ ϫⲉ ⲁⲛⲟⲙⲕϥ

26 ⲉⲩⲉϫⲓϣⲓⲡⲉ ⲛⲥⲉⲟⲩⲱⲗⲥ ϩⲓ ⲟⲩⲥⲟⲡ ⲛϭⲓ ⲛⲉⲧⲣⲁϣⲉ ⲉϫⲛ ⲛⲁⲡⲉⲧϩⲟⲟⲩ

ⲙⲁⲣⲟⲩϯ ϩⲓⲱⲟⲩ ⲛⲟⲩϣⲓⲡⲉ ⲙⲛ ⲟⲩⲟⲩⲱⲗⲥ ⲛϭⲓ ⲛⲉⲧϫⲉⲛⲟⲥ ⲛϣⲁϫⲉ

ⲉϩⲣⲁⲓ ⲉϫⲱⲓ

27 ⲙⲁⲣⲟⲩⲧⲉⲗⲏⲗ ⲛⲧⲟⲟⲩ ⲛⲥⲉⲟⲩⲛⲟϥ ⲛϭⲓ ⲛⲉⲧⲟⲩⲉϣ ⲧⲁⲇⲓⲕⲁⲓⲟⲥⲩⲛⲏ

ⲛⲥⲉϫⲟⲟⲥ ⲛⲟⲩⲟⲉⲓϣ ⲛⲓⲙ ϫⲉ ⲉⲣⲉⲡϫⲟⲉⲓⲥ ⲁⲓⲁⲓ ⲛⲉⲧⲟⲩⲉϣ ϯⲣⲏⲛⲏ

ⲙⲡⲉⲓϩⲙϩⲁⲗ

28 ⲁⲩⲱ ⲡⲁⲗⲁⲥ ⲛⲁⲧⲉⲗⲏⲗ ϩⲛ ⲧⲉⲕⲇⲓⲕⲁⲓⲟⲥⲩⲛⲏ ⲙⲛ ⲡⲉⲕⲧⲁⲉⲓⲟ

ⲙⲡⲉϩⲟⲟⲩ ⲧⲏⲣϥ











Psalm 35

1 ⲉⲡϫⲱⲕ ⲉⲃⲟⲗ ⲛⲇⲁⲩⲉⲓⲇ ⲡϩⲙϩⲁⲗ ⲙⲡϫⲟⲉⲓⲥ

2 ⲡⲡⲁⲣⲁⲛⲟⲙⲟⲥ ϫⲱ ⲙⲙⲟⲥ ϩⲙ ⲡⲉϥϩⲏⲧ ϫⲉ ϯⲛⲁⲣ ⲛⲟⲃⲉ ⲛⲑⲟⲧⲉ

ⲙⲡⲛⲟⲩⲧⲉ ⲙⲡⲉⲙⲧⲟ ⲛⲛⲉϥⲃⲁⲗ ⲉⲃⲟⲗ ⲁⲛ

3 ϫⲉ ⲁϥⲣⲕⲣⲟϥ ⲙⲡⲉϥⲙⲧⲟ ⲉⲃⲟⲗ ⲉϩⲉ ⲉⲧⲉϥⲁⲛⲟⲙⲓⲁ ⲁⲩⲱ ⲛϥⲙⲟⲥⲧⲉ

4 ⲛϣⲁϫⲉ ⲛⲣⲱϥ ⲟⲩⲁⲛⲟⲙⲓⲁ ⲧⲉ ⲙⲛ ⲟⲩⲕⲣⲟϥ ⲙⲡϥⲟⲩⲱϣ ⲉⲥⲟⲩⲛ

ⲡⲡⲉⲧⲛⲁⲛⲟⲩϥ ⲉⲁⲁϥ

5 ⲛⲉϥⲙⲉⲉⲩⲉ ⲉⲩⲁⲛⲟⲙⲓⲁ ϩⲓ ⲧⲉϥϭⲗⲟϭ ⲁϥⲁϩⲉⲣⲁⲧϥ ϩⲓ ϩⲓⲏ ⲛⲓⲙ

ⲉⲧϩⲟⲟⲩ ⲧⲕⲁⲕⲓⲁ ⲇⲉ ⲙⲡϥⲙⲉⲥⲧⲱⲥ

6 ⲡϫⲟⲉⲓⲥ ⲉⲣⲉ ⲡⲉⲕⲛⲁ ϩⲛ ⲧⲡⲉ ⲁⲩⲱ ⲧⲉⲕⲙⲉ ⲡⲏϩ ϣⲁ ⲛⲉⲕⲗⲟⲟⲗⲉ

7 ⲉⲣⲉ ⲧⲉⲕⲇⲓⲕⲁⲓⲟⲥⲩⲛⲏ ⲟ ⲛⲧϩⲉ ⲛⲛⲧⲟⲟⲩ ⲙⲡⲛⲟⲩⲧⲉ ⲉⲣⲉⲛⲉⲕϩⲁⲡ ⲟ

ⲛⲧϩⲉ ⲙⲡⲛⲟⲩⲛ ⲉⲧⲛⲁϣⲱϥ ⲛⲣⲙⲱⲙⲉ ⲙⲛ ⲛⲧⲃⲛⲟⲟⲩⲉ ⲕⲛⲁⲧⲟⲩϫⲟⲟⲩ

ⲡϫⲟⲉⲓⲥ

8 ⲛⲑⲉ ⲉⲛⲧⲁⲕⲧⲁϣⲉ ⲡⲉⲕⲛⲁ ⲡⲛⲟⲩⲧⲉ ⲉⲣⲉⲛϣⲏⲣⲉ ⲛⲛⲣⲱⲙⲉ ⲛⲁϩⲉⲗⲡⲓⲍⲉ

ϩⲁ ⲧϩⲁⲓⲃⲉⲥ ⲛⲛⲉⲕⲧⲛϩ

9 ⲥⲉⲛⲁⲥⲉⲓ ⲉⲃⲟⲗ ϩⲙ ⲡⲥⲉⲟ ⲙⲡⲉⲕⲏⲓ ⲛⲅⲧⲥⲟⲟⲩ ⲙⲡⲉⲭⲉⲓⲙⲁⲣⲣⲟⲥ

ⲛⲧⲉⲕⲧⲣⲩⲫⲏ

10 ϫⲉ ⲉⲣⲉ ⲧⲡⲏⲅⲏ ⲙⲡⲱⲛϩ ϩⲁⲧⲏⲕ ϩⲣⲁⲓ ϩⲙ ⲡⲉⲕⲟⲩⲟⲉⲓⲛ ⲧⲛⲛⲁⲛⲁⲩ

ⲉⲩⲟⲩⲟⲉⲓⲛ

11 ⲡⲉⲣϣ ⲡⲉⲕⲛⲁ ⲉⲃⲟⲗ ⲛⲛⲉⲧⲥⲟⲟⲩⲛ ⲙⲙⲟⲕ ⲁⲩⲱ ⲧⲉⲕⲇⲓⲕⲁⲓⲟⲥⲩⲛⲏ












ⲛⲛⲉⲧⲥⲟⲩⲧⲱⲛ ϩⲛ ⲡⲉⲩϩⲏⲧ

12 ⲙⲡⲣⲧⲣⲉ ⲟⲩⲟⲩⲉⲣⲏⲧⲉ ⲛϫⲁⲥⲓϩⲏⲧ ⲉⲓ ⲛⲁⲓ ⲁⲩⲱ ⲙⲡⲣⲧⲣⲉ ⲧϭⲓϫ

ⲛⲣⲉϥⲣⲛⲟⲃⲉ ⲕⲓⲙ ⲉⲣⲟⲓ

13 ϫⲉ ⲛⲧⲁⲩϩⲉ ⲙⲙⲁⲩ ⲛϭⲓ ⲛⲉⲧⲣ ϩⲱⲃ ⲉⲧⲁⲛⲟⲙⲓⲁ ⲁⲩⲧⲁⲕⲟ

ⲛⲥⲉⲛⲁϣϭⲙϭⲟⲙ ⲁⲛ ⲉⲁϩⲉⲣⲁⲧⲟⲩ

Psalm 36

1 ⲛⲇⲁⲩⲉⲓⲇ ⲙⲡⲣⲕⲱϩ ⲉⲛⲉⲧⲟ ⲙⲡⲟⲛⲏⲣⲟⲥ ⲟⲩⲇⲉ ⲙⲡⲣⲕⲟϩ ⲉⲛⲉⲧⲉⲓⲣⲉ

ⲛⲧⲁⲟⲛⲙⲓⲁ

2 ϫⲉ ⲛⲑⲉ ⲛⲟⲩⲭⲟⲣⲧⲟⲥ ⲥⲉⲛⲁϣⲟⲟⲩⲉ ϩⲛ ⲟⲩϭⲉⲡⲏ ⲁⲩⲱ ⲛⲧϩⲉ

ⲛⲛⲓⲟⲩⲟⲟⲧⲉ ⲉⲧⲟⲩⲉⲧⲟⲩⲱⲧ ⲥⲉⲛⲁⲥⲣⲟϥⲣⲉϥ ϩⲛ ⲟⲩϭⲉⲡⲏ

3 ϩⲉⲗⲡⲓⲍⲉ ⲉⲡϫⲟⲉⲓⲥ ⲛⲅⲉⲓⲣⲉ ⲛⲟⲩⲙⲛⲧⲭⲣⲏⲥⲧⲟⲥ ⲛⲅⲟⲩⲱϩ ϩⲓϫⲙ ⲡⲕⲁϩ

ⲛⲥⲉⲙⲟⲟⲛⲉ ⲙⲙⲟⲕ ϩⲓϫⲛ ⲧⲉϥⲙⲛⲧⲣⲙⲙⲁⲟ

4 ⲥⲁⲛⲟⲩϣⲕ ⲙⲡϫⲟⲉⲓⲥ ⲧⲁⲣⲉϥϯ ⲛⲁⲕ ⲛⲛⲁⲓⲧⲏⲙⲁ ⲙⲡⲉⲕϩⲏⲧ

5 ⲟⲩⲉⲛϩ ⲧⲉⲕϩⲓⲏ ⲉⲡϫⲟⲉⲓⲥ ⲛⲅϩⲉⲗⲡⲓⲍⲉ ⲉⲣⲟϥ ⲁⲩⲱ ϥⲛⲁⲉⲓⲣⲉ ⲛⲁⲕ

6 ϥⲛⲁⲉⲓⲛⲉ ⲉⲃⲟⲗ ⲛⲧⲉⲕⲇⲓⲕⲁⲓⲟⲥⲩⲛⲏ ⲛⲧϩⲉ ⲙⲡⲟⲩⲟⲉⲓⲛ ⲁⲩⲱ ⲛⲉⲕϩⲁⲡ

ⲛⲧϩⲉ ⲙⲡⲟⲩ ⲙⲙⲉⲉⲩⲉ

7 ϩⲩⲡⲟⲧⲁⲥⲥⲉ ⲙⲡϫⲟⲉⲓⲥ ⲁⲩⲱ ⲛⲅⲥⲉⲡⲥⲱⲡϥ ⲙⲡⲣⲕⲱϩ ⲉⲡⲉⲧⲥⲟⲩⲧⲱⲛ

ϩⲙ ⲡⲉϥⲱⲛϩ ϩⲛ ⲟⲩⲣⲱⲙⲉ ⲉϥⲉⲓⲣⲉ ⲙⲙⲡⲁⲣⲁⲛⲟⲙⲓⲁ

8 ⲥⲁϩⲱⲕ ⲉⲃⲟⲗ ⲛⲧⲟⲣⲅⲏ ⲛⲅⲕⲱ ⲛⲥⲱⲕ ⲙⲡϭⲱⲛⲧ ⲙⲡⲣⲕⲱϩ ϩⲟⲥⲧⲉ

ⲉⲣⲡⲟⲛⲏⲣⲟⲥ











9 ϫⲉ ⲛⲉⲧⲟ ⲙⲡⲟⲛⲏⲣⲟⲥ ⲥⲉⲛⲁϥⲟⲧⲟⲩ ⲉⲃⲟⲗ ⲛⲉⲧϩⲩⲡⲟⲙⲉⲓⲛⲉ ⲇⲉ ⲉⲡϫⲟⲉⲓⲥ

ⲛⲧⲟⲟⲩ ⲛⲉⲧⲛⲁⲕⲗⲏⲣⲟⲛⲟⲙⲉⲓ ⲙⲡⲕⲁϩ

10 ⲉⲧⲓ ⲕⲉⲕⲟⲩⲓ ⲡⲉ ⲛⲧⲉⲧⲙⲡⲣⲉϥⲣⲛⲟⲃⲉ ϣⲱⲡⲉ ⲛⲅϣⲓⲛⲉ ⲛⲥⲁ ⲡⲉϥⲙⲁ

ⲛⲅⲧⲙϩⲉ ⲉⲣⲟϥ

11 ⲛⲣⲙⲣⲁϣ ⲛⲧⲟⲟⲩ ⲛⲁⲕⲗⲏⲣⲟⲛⲟⲙⲉⲓ ⲙⲡⲕⲁϩ ⲁⲩⲱ ⲥⲉⲛⲁⲥⲁⲛϣ ϩⲛ

ⲟⲩⲁϣⲏ ⲛⲉⲓⲣⲏⲛⲏ

12 ⲡⲣⲉϥⲣⲛⲟⲃⲉ ⲛⲁϯ ϩⲧⲏϥ ⲉⲡⲇⲓⲕⲁⲓⲟⲥ ⲛϥϩⲣⲟϫⲣⲉϫ ⲛⲛⲉϥⲟⲃϩⲉ ⲉϫⲱϥ

13 ⲡϫⲟⲉⲓⲥ ⲇⲉ ⲛⲁⲥⲱⲃⲉ ⲛⲥⲱϥ ϫⲉ ϥϭⲱϣⲧ ϫⲉ ⲡⲉϥϩⲟⲟⲩ ⲛⲏⲩ

14 ⲁⲛⲣⲉϥⲣⲛⲟⲃⲉ ⲧⲱⲕⲙ ⲛⲧⲉⲩⲥⲏϥⲉ ⲁⲩⲥⲱⲙⲛⲧ ⲛⲧⲉⲩⲡⲓⲧⲉ ⲉⲧⲁⲩⲟ

ⲉϩⲣⲁⲓ ⲛⲟⲩϩⲏⲕⲉ ⲙⲛ ⲟⲩⲉⲃⲓⲏⲛ

15 ⲉⲕⲱⲛⲥ ⲛⲛⲉⲧⲥⲟⲩⲧⲱⲛ ϩⲙ ⲡⲉⲩϩⲏⲧ ⲉⲣⲉⲧⲉⲩⲥⲏϥⲉ ⲃⲱⲕ ⲉϩⲟⲩⲛ

ⲉⲡⲉⲩϩⲏⲧ ⲁⲩⲱ ⲛⲧⲉ ⲛⲉⲩⲥⲟⲧⲉ ⲟⲩⲱϣϥ

16 ⲛⲁⲛⲟⲩ ⲟⲩⲕⲟⲩⲓ ⲙⲡⲇⲓⲕⲁⲓⲟⲥ ⲉϩⲟⲩⲉ ⲉⲩⲙⲛⲧⲣⲙⲙⲁⲟ ⲉⲛⲁϣⲱⲥ

ⲛⲛⲣⲉϥⲣⲛⲟⲃⲉ

17 ϫⲉ ⲛⲉϭⲃⲟⲓ ⲛⲛⲣⲉϥⲣⲛⲟⲃⲉ ⲛⲁⲟⲩⲱϣϥ ⲡϫⲟⲉⲓⲥ ⲇⲉ ⲧⲁϫⲣⲟ ⲛⲛⲇⲓⲕⲁⲓⲟⲥ

18 ⲡϫⲟⲉⲓⲥ ⲥⲟⲟⲩⲛ ⲛⲛⲉϩⲓⲟⲟⲩⲉ ⲛⲛⲉϥⲡⲉⲧⲟⲩⲁⲁⲃ ⲁⲩⲱ ⲧⲉⲩⲕⲗⲏⲣⲟⲛⲟⲙⲓⲁ

ⲛⲁϣⲱⲡⲉ ϣⲁ ⲉⲛⲉϩ

19 ⲛⲥⲉ ⲛⲁϫⲓϣⲓⲡⲉ ⲁⲛ ϩⲛ ⲟⲩⲟⲉⲓϣ ⲉϥϩⲟⲟⲩ ⲁⲩⲱ ⲥⲉⲛⲁⲥⲉⲓ ϩⲛ ⲛⲉϩⲟⲟⲩ

ⲙⲡϩⲉⲃⲱⲱⲛ

20 ϫⲉ ⲛⲣⲉϥⲣⲛⲟⲃⲉ ⲛⲁⲧⲁⲕⲟ ⲛϫⲁϫⲉ ⲙⲡϫⲟⲉⲓⲥ ϩⲙ ⲡⲧⲣⲉⲩϫⲓ ⲉⲟⲟⲩ













ⲛⲥⲉϫⲓⲥⲉ ϩⲛ ⲟⲩⲱϫⲛ ⲁⲩⲱϫⲛ ⲛⲧϩⲉ ⲛⲟⲩⲕⲁⲡⲛⲟⲥ

21 ϣⲁⲣⲉ ⲡⲣⲉϥⲣⲛⲟⲃⲉ ϫⲓ ⲉϫⲱϥ ⲛϥⲧⲙⲧⲁⲁⲩ ϣⲁⲣⲉⲡⲇⲓⲁⲕⲓⲟⲥ ⲇⲉ

ϣⲛϩⲧⲏϥ ⲁⲩⲱ ⲛϥϯ

22 ϫⲉ ⲛⲉⲧⲥⲙⲟⲩ ⲉⲣⲟϥ ⲛⲁⲕⲗⲏⲣⲟⲛⲟⲙⲉⲓ ⲙⲡⲕⲁϩ ⲛⲉⲧⲥⲁϩⲟⲩ ⲇⲉ ⲙⲙⲟϥ

ⲥⲉⲛⲁϥⲟⲧⲟⲩ ⲉⲃⲟⲗ

23 ⲉⲣⲉⲛⲉϩⲓⲟⲟⲩⲉ ⲙⲡⲣⲱⲙⲉ ⲥⲟⲩⲧⲱⲛ ϩⲓϫⲙ ⲡϫⲟⲉⲓⲥ ⲁⲩⲱ ϥⲛⲁⲟⲩⲉϣ

ⲧⲉϥϩⲓⲏ

24 ⲉⲣϣⲁⲛ ⲡⲇⲓⲕⲁⲓⲟⲥ ϩⲉⲛϥ ⲛⲁϣⲧⲟⲣⲧⲣ ⲁⲛ ⲇⲉ ϫⲉ ⲡϫⲟⲉⲓⲥ ϯⲛⲧⲟⲟⲧϥ

25 ⲛⲉⲓⲟ ⲛⲕⲟⲩⲓ ⲡⲉ ⲁⲩⲱ ⲁⲓⲣϩⲗⲗⲟ ⲙⲡⲓⲛⲁⲩ ⲉⲇⲓⲕⲁⲓⲟⲥ ⲉⲁϥⲕⲁⲁϥ ⲛⲥⲱϥ

ⲟⲩⲇⲉ ⲡⲉϥⲥⲡⲉⲣⲙⲁ ⲉϥϣⲓⲛⲉ ⲛⲥⲁ ⲟⲉⲓⲕ

26 ⲙⲡⲉϩⲟⲟⲩ ⲧⲏⲣϥ ϣⲁϥⲛⲁ ⲁⲩⲱ ⲛϥϯ ⲁⲩⲱ ⲡⲉϥⲥⲡⲉⲣⲙⲁ ⲛⲁϣⲱⲡⲉ

ⲉⲩⲥⲙⲟⲩ

27 ⲥⲁϩⲱⲕ ⲉⲃⲟⲗ ⲙⲡⲡⲉⲧⲛⲁⲛⲟⲩϥ ⲛⲅⲟⲩⲱϩ ϣⲁ ⲉⲛⲉϩ ⲛⲉⲛⲉϩ

28 ϫⲉ ⲡϫⲟⲉⲓⲥ ⲙⲉ ⲙⲡϩⲁⲡ ⲁⲩⲱ ϥⲛⲁⲕⲱ ⲁⲛ ⲛⲥⲱϥ ⲛⲛⲉϥⲡⲉⲧⲟⲩⲁⲁⲃ

ⲥⲉⲛⲁϩⲁⲣⲉϩ ⲉⲣⲟⲟⲩ ϣⲁ ⲉⲛⲉϩ ⲥⲉⲛⲁⲣ ⲡϩⲁⲡ ⲛⲛⲉⲧⲟⲩⲁⲁⲃ ⲁⲩⲱ

ⲡⲉⲥⲡⲉⲣⲙⲁ ⲛⲛⲁⲥⲉⲃⲏⲥ ⲥⲉⲛⲁϥⲟⲧϥ ⲉⲃⲟⲗ

29 ⲛⲇⲓⲕⲁⲓⲟⲥ ⲛⲁⲕⲗⲏⲣⲟⲛⲟⲙⲉⲓ ⲙⲡⲕⲁϩ ⲁⲩⲱ ⲥⲉⲛⲁⲟⲩⲱϩ ϩⲓϫⲱϥ ϣⲁ

ⲉⲛⲉϩ ⲛⲉⲛⲉϩ

30 ⲧⲧⲁⲡⲣⲟ ⲙⲡⲇⲓⲕⲁⲓⲟⲥ ⲛⲁⲙⲉⲗⲉⲧⲁ ⲛⲧⲥⲟⲫⲓⲁ ⲁⲩⲱ ⲡⲉϥⲗⲁⲥ ⲛⲁϫⲱ

ⲙⲡϩⲁⲡ











31 ⲡⲛⲟⲙⲟⲥ ⲙⲡⲉϥⲛⲟⲩⲧⲉ ϩⲙ ⲡⲉϥϩⲏⲧ ⲁⲩⲱ ⲛⲉϥⲧⲁϭⲥⲉ ⲛⲁⲥⲗⲁⲁⲧⲉ ⲁⲛ

32 ⲡⲣⲉϥⲣⲛⲟⲃⲉ ϯⲛϩⲧⲏϥ ⲉⲡⲇⲓⲕⲁⲓⲟⲥ ⲁⲩⲱ ϥϣⲓⲛⲉ ⲛⲥⲁ ⲙⲟⲟⲩⲧϥ

33 ⲛⲛⲉⲡϫⲟⲉⲓⲥ ⲇⲉ ⲧⲁⲁϥ ⲉϩⲣⲁⲓ ⲉⲛⲉϥϭⲓϫ ⲁⲩⲱ ⲛⲛⲉϥⲧϭⲁⲉⲓⲟϥ

ⲉϥϣⲁⲛϫⲓϩⲁⲡ ⲛⲙⲙⲁϥ

34 ϩⲩⲡⲟⲙⲓⲛⲉ ⲉⲡϫⲟⲉⲓⲥ ⲛⲅϩⲁⲣⲉϩ ⲉⲧⲉϥϩⲓⲏ ⲁⲩⲱ ϥⲛⲁϫⲁⲥⲧⲕ

ⲉⲧⲣⲉⲕⲕⲗⲏⲣⲟⲛⲟⲙⲉⲓ ⲙⲡⲕⲁϩ ⲕⲛⲁⲛⲁⲩ ⲉⲛⲣⲉϥⲣⲛⲟⲃⲉ ⲉⲩⲛⲁϥⲟⲧⲟⲩ

ⲉⲃⲟⲗ

35 ⲁⲓⲛⲁⲓ ⲉⲡⲁⲥⲉⲃⲏⲥ ⲉϥϫⲓⲥⲉ ⲙⲙⲟϥ ⲁⲩⲱ ⲉϥⲧⲱⲟⲩⲛ ⲉϩⲣⲁⲓ ⲛⲧϩⲉ

ⲛⲛⲕⲉⲇⲣⲟⲥ ⲙⲡⲗⲓⲃⲁⲛⲟⲥ

36 ⲁⲓⲥⲁⲁⲧϥ ⲁⲩⲱ ⲁϥⲱϫⲛ ⲁⲓϣⲓⲛⲉ ⲛⲥⲁ ⲡⲉϥⲙⲁ ⲙⲡⲓϩⲉ ⲉⲣⲟϥ

37 ϩⲁⲣⲉϩ ⲉⲧⲙⲛⲧⲃⲁⲗϩⲏⲧ ⲛⲅⲛⲁⲩ ⲉⲡⲥⲟⲟⲩⲧⲛ ϫⲉ ⲟⲩⲛ ⲟⲩϣⲱϫⲡ

ϣⲟⲟⲡ ⲙⲡⲣⲱⲙⲉ ⲛⲣⲉϥⲣⲉⲓⲣⲏⲛⲏ

38 ⲙⲡⲁⲣⲁⲛⲟⲙⲟⲥ ⲇⲉ ⲛⲧⲟⲟⲩ ⲥⲉⲛⲁϥⲟⲧⲟⲩ ⲉⲃⲟⲗ ϩⲉ ⲟⲩⲥⲟⲡ ⲛϣⲱϫⲡ

ⲛⲛⲁⲥⲉⲃⲏⲥ ⲥⲉⲛⲁⲧⲁⲕⲟⲟⲩ

39 ⲉⲣⲉⲡⲟⲩϫⲁⲓ ⲇⲉ ⲛⲛⲇⲓⲕⲁⲓⲟⲥ ⲛⲧⲙⲡϫⲟⲉⲓⲥ ⲁⲩⲱ ⲧⲉⲩⲛⲁϣⲧⲉ ⲡⲉ ϩⲙ

ⲡⲉⲟⲩⲟⲉⲓϣ ⲛⲧⲉⲩⲑⲗⲓⲯⲓⲥ

40 ⲡϫⲟⲉⲓⲥ ⲛⲁⲃⲟⲏⲑⲉⲓ ⲉⲣⲟⲟⲩ ⲁⲩⲱ ϥⲛⲁⲧⲟⲩϫⲟⲟⲩ ⲉⲃⲟⲗ ϩⲓⲧⲛ

ⲛⲣⲉϥⲣⲛⲟⲃⲉ ⲁⲩⲱ ⲛϥⲛⲁϩⲙⲟⲩ ϫⲉ ⲁⲩϩⲉⲗⲡⲓⲍⲉ ⲉⲣⲟϥ

Psalm 37

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲉⲩⲣ ⲡⲙⲉⲉⲩⲉ ⲉⲧⲃⲉ ⲡⲁⲥⲁⲃⲃⲁⲧⲟⲛ












2 ⲡϫⲟⲉⲓⲥ ⲙⲡⲣϫⲡⲓⲟⲉⲓ ϩⲙ ⲡⲉⲕϭⲱⲛⲧ ⲟⲩⲇⲉ ⲙⲡⲣϯⲥⲃⲱ ⲛⲁⲓ ϩⲛ


3 ϫⲉ ⲁⲛⲉⲕⲥⲟⲧⲉ ⲧⲣⲧⲱⲣⲧ ⲁⲩⲱ ⲁⲕⲧⲁϫⲣⲟ ⲛⲧⲉⲕϭⲓϫ ⲉϩⲣⲁⲓ ⲉϫⲱⲓ

4 ⲙⲛⲧⲁⲗϭⲟ ϩⲛ ⲧⲁⲥⲁⲣⲝ ⲙⲡⲉⲙⲧⲟ ⲉⲃⲟⲗ ⲛⲧⲉⲕⲟⲣⲅⲏ ⲙⲛ ⲉⲓⲣⲏⲛⲏ

ϣⲟⲟⲡ ⲛⲛⲁⲕⲉⲉⲥ ⲛⲁϩⲣⲛ ⲛⲁⲛⲟⲃⲉ

5 ϫⲉ ⲁⲛⲁⲁⲛⲟⲙⲓⲁ ϫⲓⲥⲉ ⲉⲧⲁⲁⲡⲉ ⲁⲩϩⲣⲟϣ ⲉϩⲣⲁⲓ ⲉϫⲱⲓ ⲛⲧϩⲉ

ⲛⲟⲩⲉⲧⲡⲱ ⲉⲥϩⲟⲣϣ

6 ⲁⲩⲕⲛⲟⲥ ⲁⲩⲱ ⲁⲩⲗⲟϥⲗⲉϥ ⲛϭⲓ ⲛⲁⲥⲁϣ ⲙⲡⲉⲙⲧⲟ ⲉⲃⲟⲗ

ⲛⲧⲁⲙⲛⲧⲁⲧϩⲏⲧ

7 ⲁⲓⲧⲁⲗⲁⲓⲡⲱⲣⲉⲓ ⲁⲩⲱ ⲁⲓⲱⲗⲕ ϣⲁⲃⲟⲗ ⲛⲉⲓⲙⲟⲟϣⲉ ⲡⲉ ⲉⲓⲟⲕⲙ


8 ϫⲉ ⲁⲧⲁⲯⲩⲭⲏ ⲙⲟⲩϩ ⲛⲛⲟϭⲛⲉϭ ⲁⲩⲱ ⲙⲛⲧⲁⲗϭⲟ ϣⲟⲟⲡ ϩⲛ

ⲧⲁⲥⲁⲣⲝ

9 ⲁⲓⲙⲕⲁϩ ⲁⲩⲱ ⲁⲩⲑⲃⲃⲓⲟ ⲉⲙⲁⲧⲉ ⲁⲓϫⲓ ϣⲕⲁⲕ ⲉⲃⲟⲗ ϩⲙ ⲡⲁϣⲁϩⲟⲙ

ⲙⲡⲁϩⲏⲧ

10 ⲧⲁ ⲉⲡⲓⲑⲩⲙⲓⲁ ⲧⲏⲣⲥ ⲙⲡⲉⲕⲙⲧⲟ ⲉⲃⲟⲗ ⲡϫⲟⲉⲓⲥ ⲁⲩⲱ ⲙⲡⲉ ⲡⲁϣⲁϩⲟⲙ

ⲙⲡⲁϩⲏⲧ ϩⲱⲡ ⲉⲣⲟⲕ

11 ⲁⲡⲁϩⲏⲧ ϣⲧⲟⲣⲧⲣ ⲁⲧⲁϭⲟⲙ ⲕⲁⲁⲧ ⲛⲥⲱⲥ ⲁⲩⲱ ⲡⲟⲩⲟⲉⲓⲛ ⲛⲛⲁⲃⲁⲗ

ⲡⲉⲓⲕⲉ ⲛⲙⲙⲁⲓ ⲁⲛ

12 ⲛⲁϣⲃⲉⲉⲣ ⲙⲛ ⲛⲉⲧϩⲓⲧⲟⲩⲱⲓ ⲁⲩϩⲱⲛ ⲉϩⲟⲩⲛ ⲉⲣⲟⲓ ⲁⲩⲁϩⲉⲣⲁⲧⲟⲩ












ⲁⲩⲱ ⲛⲉⲧϩⲏⲛ ⲉⲣⲟⲓ ⲁⲩⲁϩⲉⲣⲁⲧⲟⲩ ⲙⲡⲟⲩⲉ

13 ⲁⲩϫⲓⲛϭⲟⲛⲥ ⲛϭⲓ ⲛⲉⲧϣⲓⲛⲉ ⲛⲥⲁ ⲧⲁⲯⲩⲭⲏ ⲁⲩⲱ ⲛⲉⲧϣⲓⲛⲉ ⲛⲥⲁ

ϩⲉⲛⲡⲉⲧϩⲟⲟⲩ ⲉⲣⲟⲓ ⲁⲩⲕⲱ ⲛϩⲉⲛⲡⲉⲧϣⲟⲩⲉⲓⲧ ⲁⲩⲙⲉⲗⲉⲧⲁ ⲛⲟⲩⲕⲣⲟϥ


14 ⲁⲛⲟⲕ ⲇⲉ ⲛⲉⲓⲁϣⲉ ⲡⲉ ⲉⲃⲟⲗ ϩⲓⲧⲟⲟⲧⲟⲩ ⲁⲩⲱ ⲁⲓⲣ ⲧϩⲉ ⲛⲟⲩⲁⲗ

ⲉⲙⲉϥⲥⲱⲧⲙ ⲁⲩⲱ ⲛⲧϩⲉ ⲛⲟⲩⲙⲡⲟ ⲉⲙⲉϥⲟⲩⲱⲛ ⲛⲣⲱϥ

15 ⲁⲓⲣⲑⲉ ⲛⲟⲩⲣⲱⲙⲉ ⲉⲛϥⲥⲱⲧⲙ ⲁⲛ ⲁⲩⲱ ⲉⲙⲛϫⲡⲓⲟ ϩⲛ ⲧⲉϥⲧⲁⲡⲣⲟ

16 ⲁⲓⲛⲁϩⲧⲉ ⲉⲣⲟⲕ ⲛⲧⲟⲕ ⲉⲧⲛⲁⲥⲱⲧⲙ ⲉⲣⲟⲓ ⲡϫⲟⲉⲓⲥ ⲡⲁⲛⲟⲩⲧⲉ

17 ϫⲉ ⲁⲓϫⲟⲟⲥ ϫⲉ ⲙⲏⲡⲟⲧⲉ ⲛⲧⲉⲛⲁϫⲁϫⲉ ⲣⲁϣⲉ ⲙⲙⲟⲓ ϩⲙ ⲡⲧⲣⲉ

ⲛⲁⲟⲩⲉⲣⲏⲧⲉ ⲕⲓⲙ ⲁⲩϫⲉ ⲛⲟϭ ⲛϣⲁϫⲉ ⲉϩⲣⲁⲓ ⲉϫⲱⲓ

18 ϫⲉ ⲁⲛⲟⲕ ϯⲥⲃⲧⲱⲧ ⲉϩⲉⲛⲙⲁⲥⲧⲓⲅⲝ ⲁⲩⲱ ⲡⲁⲙⲕⲁϩ ⲙⲡⲉⲕⲙⲧⲟ ⲉⲃⲟⲗ

ⲛⲟⲩⲟⲉⲓϣ ⲛⲓⲙ

19 ϫⲉ ϯⲛⲁϫⲱ ⲁⲛⲟⲕ ⲛⲧⲁⲁⲛⲟⲙⲓⲁ ⲁⲩⲱ ϯⲛⲁϥⲓⲣⲟⲟⲩϣ ϩⲁ ⲡⲁⲛⲟⲃⲉ

20 ⲛⲁϫⲁϫⲉ ⲛⲧⲟⲟⲩ ⲟⲛϩ ⲁⲩⲱ ⲥⲉϭⲙϭⲟⲙ ⲉϩⲟⲩ ⲉⲣⲟⲓ ⲁⲩⲟⲩⲱϣⲥ ⲉⲃⲟⲗ

ⲛϭⲓ ⲛⲉⲧⲙⲟⲥⲧⲉ ⲙⲙⲟⲓ ϩⲛ ⲟⲩϫⲓⲛϭⲟⲛⲥ

21 ⲛⲉⲧⲧⲱⲱⲃⲉ ⲛⲁⲓ ⲛϩⲉⲛⲡⲉⲧϩⲟⲟⲩ ⲉⲡⲙⲁ ⲛϩⲉⲛⲡⲉⲧⲛⲁⲛⲟⲩⲟⲩ ⲁⲩϯ

ϣⲧⲟⲩⲏⲧ ⲉⲣⲟⲓ ⲉⲃⲟⲗ ϫⲉ ⲁⲓⲡⲱⲧ ⲛⲥⲁ ⲧⲇⲓⲕⲁⲓⲟⲥⲩⲛⲏ ⲁⲩⲛⲟϫⲧ ⲉⲃⲟⲗ

ⲡⲙⲉⲣⲓⲧ ⲛⲧϩⲉ ⲛⲟⲩⲣⲉϥⲙⲟⲟⲩⲧ ⲉϥⲃⲏⲧ

22 ⲙⲡⲣⲕⲁⲁⲧ ⲛⲥⲱⲕ ⲡϫⲟⲉⲓⲥ ⲡⲁⲛⲟⲩⲧⲉ ⲙⲡⲣⲥⲁϩⲱⲕ ⲉⲃⲟⲗ ⲙⲙⲟⲓ

23 ϯϩⲧⲏⲕ ⲉⲧⲁⲃⲟⲏⲑⲓⲁ ⲡϫⲟⲉⲓⲥ ⲡⲛⲟⲩⲧⲉ ⲙⲡⲁⲟⲩϫⲁⲓ












Psalm 38

1 ⲉⲡϫⲱⲕ ⲉⲃⲟⲗ ⲛⲓⲇⲓⲑⲟⲩⲛ ⲧⲱⲇⲏ ⲛⲇⲁⲩⲉⲓⲇ

2 ⲁⲓϫⲟⲟⲥ ϫⲉ ϯⲛⲁϩⲁⲣⲉϩ ⲉⲛⲁϩⲓⲟⲟⲩⲉ ⲉⲧⲙⲣ ⲛⲟⲃⲉ ϩⲙ ⲡⲁⲗⲁⲥ ⲁⲓⲕⲱ

ⲛⲟⲩϩⲁⲣⲉϩ ϩⲓⲣⲛ ⲣⲱⲓ ϩⲙ ⲡⲧⲣⲉ ⲡⲣⲉϥⲣⲛⲟⲃⲉ ⲁϩⲉⲣⲁⲧϥ ⲙⲡⲁⲙⲧⲟ

ⲉⲃⲟⲗ

3 ⲁⲓⲣⲙⲡⲟ ⲁⲓϣⲧⲟⲣⲧⲣ ⲁⲓⲑⲃⲃⲓⲟ ⲁⲩⲱ ⲁⲓⲕⲁⲣⲱⲓ ⲉⲃⲟⲗ ϩⲛ ⲛⲁⲁⲅⲁⲑⲟⲛ

ⲁⲩⲱ ⲁⲡⲁⲥⲁϣ ⲣⲃⲣⲣⲉ ⲉⲣⲟⲓ

4 ⲁⲡⲁϩⲏⲧ ϩⲙⲟⲙ ϩⲙ ⲡⲁⲥⲁ ⲛϩⲟⲩⲛ ⲁⲩⲱ ⲟⲩⲛ ⲟⲩⲕⲱϩⲧ ⲛⲁⲙⲟⲩϩ ϩⲛ

ⲧⲁⲙⲉⲗⲉⲧⲏ ⲁⲓϣⲁϫⲉ ϩⲙ ⲡⲁⲗⲁⲥ

5 ϫⲉ ⲙⲁⲧⲁⲙⲟⲓ ⲡϫⲟⲉⲓⲥ ⲉⲧⲁϩⲁⲏ ⲁⲩⲱ ⲧⲏⲛⲉ ⲛⲛⲁϩⲟⲟⲩ ϫⲉ ⲟⲩⲏⲣ ⲧⲉ

ϫⲉ ⲉⲓⲉⲉⲓⲙⲉ ϫⲉ ⲉⲓϣⲁⲁⲣ ⲛⲟⲩ

6 ⲉⲓⲥ ϩⲏⲏⲧⲉ ⲁⲕⲧⲣⲉ ⲛⲁϩⲟⲟⲩ ⲣⲁⲥ ⲁⲩⲱ ⲉⲣⲉⲡⲁⲧⲁϫⲣⲟ ⲟ ⲛⲧϩⲉ

ⲛⲗⲁⲁⲩ ⲙⲡⲉⲕⲙⲧⲟ ⲉⲃⲟⲗ ⲡⲗⲏⲛ ⲡⲧⲏⲣϥ ϣⲟⲩⲉⲓⲧ ⲣⲱⲙⲉ ⲛⲓⲙ ⲉⲧⲟⲛϩ


7 ⲙⲉⲛⲧⲟⲓϭⲉ ⲉⲣⲉⲡⲣⲱⲙⲉ ⲙⲟⲟϣⲉ ϩⲛ ⲟⲩϩⲉⲓⲕⲱⲛ ⲡⲗⲏⲛ ⲉϥϣⲧⲣⲧⲱⲣ

ⲉⲡϫⲓⲛϫⲏ ϥⲥⲱⲟⲩϩ ⲉϩⲟⲩⲛ ⲛϥⲥⲟⲟⲩ ⲁⲛ ϫⲉ ⲉϥⲥⲱⲟⲩϩ ⲙⲙⲟⲟⲩ ⲛⲛⲓⲙ

8 ⲧⲉⲛⲟⲩ ⲛⲓⲙ ⲡⲉ ⲧⲁϩⲩⲡⲟⲙⲟⲛⲏⲙⲏ ⲙⲡϫⲟⲉⲓⲥ ⲁⲛ ⲡⲉ ⲁⲩⲱ ⲡⲁⲧⲁϫⲣⲟ

ⲙⲏ ⲉϥϩⲁⲧⲏⲕ ⲁⲛ

9 ⲙⲁⲧⲟⲩϫⲟⲓ ⲉⲃⲟⲗ ϩⲛ ⲛⲁⲁⲛⲟⲙⲓⲁ ⲧⲏⲣⲟⲩ ⲁⲕϯ ⲙⲙⲟⲓ ⲛⲛⲟϭⲛⲉϭ

ⲛⲛⲓⲁⲧϩⲏⲧ










10 ⲁⲓⲣⲙⲡⲟ ⲙⲡⲓⲟⲩⲱⲛ ⲛⲣⲱⲓ ϫⲉ ⲛⲧⲟⲕ ⲡⲉⲛⲧⲁⲕⲧⲁⲙⲓⲟⲉⲓ

11 ⲥⲟⲟϩⲉ ⲛⲛⲉⲕⲙⲁⲥⲧⲓⲝ ⲛⲥⲁⲃⲟⲗ ⲙⲙⲟⲓ ⲉⲃⲟⲗ ⲅⲁⲣ ϩⲛ ⲧϭⲟⲙ ⲛⲧⲉⲕϭⲓϫ

ⲁⲛⲟⲕ ⲁⲓⲱϫⲛ

12 ⲁⲕⲡⲁⲓⲇⲉⲩⲉ ⲙⲡⲣⲱⲙⲉ ϩⲛ ϩⲉⲛϫⲡⲓⲟ ϩⲁ ⲧⲉϥⲁⲛⲟⲙⲓⲁ ⲁⲕⲃⲱⲗ ⲉⲃⲟⲗ

ⲛⲧⲉϥⲯⲩⲭⲏ ⲛⲧϩⲉ ⲛⲛⲓϩⲁⲗⲟⲩⲥ ⲡⲗⲏⲛ ⲣⲱⲙⲉ ⲛⲓⲙ ⲉⲧⲟⲛϩ ϣⲧⲣⲧⲱⲣ


13 ⲥⲱⲧⲙ ⲉⲡⲁϣⲗⲏⲗ ⲙⲛ ⲡⲁⲥⲟⲡⲥ ϫⲓⲥⲙⲏ ⲉⲛⲁⲣⲙⲉⲓⲏ ⲙⲡⲣⲕⲁⲣⲱⲕ ⲉⲣⲟⲓ

ϫⲉ ⲁⲛⲅ ⲟⲩⲣⲙⲛϭⲟⲓⲗⲉ ϩⲙ ⲡⲕⲁϩ ⲁⲩⲱ ⲉⲓϭⲁⲗⲱⲟⲩ ⲕⲁⲧⲁ ⲧϩⲉ

ⲛⲛⲁⲉⲓⲟⲧⲉ ⲧⲏⲣⲟⲩ

14 ⲃⲱϣ ⲛⲁⲓ ϫⲉ ⲉⲓⲉⲙⲧⲟⲛ ⲙⲙⲟⲓ ⲉⲙⲡⲁϯⲃⲱⲕ ⲧⲁⲧⲙⲥⲟⲧⲧ ⲉϣⲱⲡⲉ

Psalm 39


2 ϩⲛ ⲟⲩϩⲩⲡⲟⲙⲟⲛⲏ ⲁⲓϩⲩⲡⲟⲙⲉⲓⲛⲉ ⲉⲡϫⲟⲉⲓⲥ ⲁϥϯϩⲧⲏϥ ϣⲉⲟⲓ ⲁⲩⲱ

ⲁϥⲥⲱⲧⲙ ⲉⲡⲁⲥⲟⲡⲥ

3 ⲁϥⲛⲧ ⲉϩⲣⲁⲓ ϩⲙ ⲡϣⲏⲓ ⲛⲧⲧⲁⲗⲁⲓⲡⲱⲣⲓⲁ ⲙⲛ ⲡⲟⲙⲉ ⲛⲧⲗⲟⲉⲓϩⲉ

ⲁϥⲧⲁϩⲉ ⲛⲁⲟⲩⲉⲣⲏⲧⲉ ⲉⲣⲁⲧⲟⲩ ϩⲓϫⲛ ⲟⲩⲡⲉⲧⲣⲁ ⲁϥⲧⲁϩⲉ

ⲛⲁⲟⲩⲉⲣⲏⲧⲉ ⲉⲣⲁⲧⲟⲩ ⲁⲩⲱ ⲁϥⲥⲟⲟⲩⲧⲛ ⲛⲛⲁⲧⲁϭⲥⲉ

4 ⲁϥⲛⲟⲩϫⲉ ⲉⲣⲱⲓ ⲛⲟⲩϫⲱ ⲛⲃⲣⲣⲉ ⲟⲩⲥⲙⲟⲩ ⲙⲡⲉⲛⲛⲟⲩⲧⲉ ⲟⲩⲛ ϩⲁϩ

ⲛⲁⲛⲁⲩ ⲛⲥⲉⲣ ϩⲟⲧⲉ ⲁⲩⲱ ⲛⲥⲉϩⲉⲗⲡⲓⲍⲉ ⲉⲡϫⲟⲉⲓⲥ

5 ⲛⲁⲓⲁⲧϥ ⲙⲡⲣⲱⲙⲉ ⲉⲡⲣⲁⲛ ⲙⲡϫⲟⲉⲓⲥ ⲡⲉ ⲧⲉϥϩⲉⲗⲡⲓⲥ ⲁⲩⲱ











ⲉⲙⲡϥϭⲱϣⲧ ⲉϫⲛ ϩⲉⲛⲡⲉⲧϭⲟⲩⲉⲓⲧ ⲙⲛ ϩⲉⲛⲙⲁⲛⲓⲁ ⲛϭⲟⲗ

6 ⲛⲧⲟⲕ ⲡϫⲟⲉⲓⲥ ⲡⲛⲟⲩⲧⲉ ⲁⲕⲧⲁϣⲉ ⲛⲉⲕϣⲡⲏⲣⲉ ⲁⲩⲱ ⲙⲛ ⲡⲉⲧⲉⲓⲛⲉ ⲙⲙⲟⲕ

ϩⲛ ⲛⲉⲕⲙⲉⲉⲩⲉ ⲁⲓϫⲟⲟⲩ ⲁⲓⲧⲁⲟⲩⲟⲟⲩ ⲁⲓⲁϣⲁⲓ ⲉϩⲟⲩⲛ ⲉⲟⲩⲏⲡⲉ

7 ⲟⲩⲑⲩⲥⲓⲁ ⲙⲛ ⲁⲩⲡⲣⲟⲥⲫⲟⲣⲁ ⲙⲡⲕⲟⲩⲁϣⲟⲩ ⲟⲩⲥⲱⲙⲁ ⲇⲉ

ⲁⲕⲥⲃⲧⲱⲧϥ ⲛⲁⲓ ⲛⲉϭⲗⲓⲗ ⲙⲛ ⲛⲉϣⲁⲩⲧⲁⲁⲩ ϩⲁ ⲛⲟⲃⲉ ⲙⲡⲕⲟⲩⲁϣⲟⲩ

8 ⲧⲟⲧⲉ ⲁⲓϫⲟⲟⲥ ϫⲉ ⲉⲓⲥ ϩⲏⲏⲧⲉ ϯⲛⲏⲩ ϥⲥⲏϩ ϩⲛ ⲟⲩⲕⲉⲫⲁⲗⲓⲥ ⲛϫⲱⲱⲙⲉ

ⲉⲧⲃⲏⲏⲧⲧ

9 ⲉⲧⲣⲁⲉⲓⲣⲉ ⲡⲁⲛⲟⲩⲧⲉ ⲡⲁⲛⲟⲩⲧⲉ ⲙⲡⲉⲕⲟⲩⲱϣ ⲁⲩⲱ ⲡⲉⲕⲛⲟⲙⲟⲥ ϩⲛ

ⲧⲙⲏⲧⲉ ⲙⲡⲁϩⲏⲧ

10 ⲁⲓⲉⲩⲁⲅⲅⲉⲗⲓⲍⲉ ⲛⲟⲩⲇⲓⲕⲁⲓⲟⲥⲩⲛⲏ ϩⲛ ⲟⲩⲛⲟϭ ⲛⲉⲕⲕⲗⲏⲥⲓⲁ ⲉⲓⲥ ϩⲏⲏⲧⲉ

ⲛⲛⲁⲕⲱⲗⲩ ⲛⲛⲁⲥⲡⲟⲧⲟⲩ ⲡϫⲟⲉⲓⲥ ⲛⲧⲟⲕ ⲉⲛⲧⲁⲕⲉⲓⲙⲉ

11 ⲉⲧⲁⲇⲓⲕⲁⲓⲟⲥⲩⲛⲏ ⲙⲡⲓϩⲱⲡ ⲛⲧⲉⲕⲙⲉ ϩⲙ ⲡⲁϩⲏⲧ ⲁⲩⲱ ⲁⲓϫⲱ

ⲙⲡⲉⲕⲟⲩϫⲁⲓ ⲙⲡⲓϩⲱⲡ ⲙⲡⲉⲕⲛⲁ ⲁⲩⲱ ⲧⲉⲕⲙⲉ ⲉⲩⲥⲩⲛⲁⲅⲱⲅⲏ ⲉⲛⲁϣⲱⲥ

12 ⲛⲧⲟⲕ ⲇⲉ ⲡϫⲟⲉⲓⲥ ⲙⲡⲣⲧⲣⲉ ⲛⲉⲕⲙⲛⲧϣⲁⲛϩⲧⲏϥ ⲟⲩⲉ ⲙⲙⲟⲓ ⲡⲉⲕⲛⲁ ⲙⲛ

ⲧⲉⲕⲙⲉ ⲛⲉⲛⲧⲁⲩϣⲟⲡⲧ ⲉⲣⲟⲟⲩ ⲛⲟⲩⲟⲉⲓϣ ⲛⲓⲙ

13 ϫⲉ ⲁⲩⲁⲙⲁϩⲧⲉ ⲙⲙⲟⲓ ⲛϭⲓ ϩⲉⲛⲡⲉⲧϩⲟⲟⲩ ⲉⲙⲛⲧⲟⲩ ⲏⲡⲉ ⲁⲩⲧⲁϩⲟⲓ

ⲛϭⲓ ⲛⲁⲁⲛⲟⲙⲓⲁ ⲙⲡⲓϣϭⲙϭⲟⲙ ⲉⲛⲁⲩ ⲉⲃⲟⲗ ⲁⲩⲁϣⲁⲓ ⲉϩⲟⲩⲉ ⲛϥⲱ

ⲛⲧⲁⲁⲡⲉ ⲁⲩⲱ ⲁⲡⲁϩⲏⲧ ⲕⲁⲁⲧ ⲛⲥⲱϥ

14 ⲡϫⲟⲉⲓⲥ ⲁⲣⲓϩⲛⲁⲕ ⲉⲧⲟⲩϫⲟⲓ ⲡϫⲟⲉⲓⲥ ϯϩⲧⲏⲕ ⲉⲃⲟⲏⲑⲉⲓ ⲉⲣⲟⲓ

15 ⲉⲩⲉϫⲓϣⲓⲡⲉ ⲛⲥⲉⲟⲩⲱⲗⲥ ϩⲓ ⲟⲩⲥⲟⲡ ⲛϭⲓ ⲛⲉⲧϣⲓⲛⲉ ⲛⲥⲁ ⲧⲁⲯⲩⲭⲏ











ⲉⲧⲁⲕⲟⲥ ⲉⲩⲉⲕⲟⲧⲟⲩ ⲉⲡⲁϩⲟⲩ ⲛⲥⲉⲟⲩⲱⲗⲥ ⲛϭⲓ ⲛⲉⲧⲟⲩⲉϣ

ϩⲉⲛⲡⲉⲧϩⲟⲟⲩ ⲉⲣⲟⲓ

16 ⲙⲁⲣⲟⲩϫⲓϣⲓⲡⲉ ⲛⲧⲉⲩⲛⲟⲩ ⲛϭⲓ ⲛⲉⲧϫⲱ ⲙⲙⲟⲥ ⲛⲁⲓ ϫⲉ ⲉⲩⲅⲉ ⲉⲩⲅⲉ

17 ⲉⲩⲉⲧⲉⲗⲏⲗ ⲛⲥⲉⲉⲩⲫⲣⲁⲛⲉ ⲉϩⲣⲁⲓ ⲉϫⲱⲕ ⲛϭⲓ ⲟⲩⲟⲛ ⲛⲓⲙ ⲉⲧϣⲓⲛⲉ ⲛⲥⲱⲕ

ⲡϫⲟⲉⲓⲥ ⲁⲩⲱ ⲛⲥⲉϫⲟⲟⲥ ⲛⲟⲩⲟⲉⲓϣ ⲛⲓⲙ ϫⲉ ⲙⲁⲣⲉⲡϫⲟⲉⲓⲥ ⲁⲓⲁⲓ ⲛⲉⲧⲙⲉ

ⲙⲡⲣⲕⲟⲩϫⲁⲓ ⲛⲟⲩⲉⲓϣ ⲛⲓⲙ

18 ⲁⲛⲟⲕ ⲇⲉ ⲁⲛⲅ ⲟⲩϩⲏⲕⲉ ⲁⲛⲅ ⲟⲩⲉⲃⲓⲏⲛ ⲡϫⲟⲉⲓⲥ ⲡⲉ ⲡⲁⲣⲟⲩⲟϣ ⲛⲧⲟⲕ ⲡⲉ

ⲡⲁⲃⲟⲏⲑⲟⲥ ⲁⲩⲱ ⲧⲁⲛⲁϣⲧⲉ ⲡⲁⲛⲟⲩⲧⲉ ⲙⲡⲣⲱⲥⲕ

Psalm 40


2 ⲛⲁⲓⲁⲧϥ ⲙⲡⲣⲱⲙⲉ ⲉⲧⲛⲁϯϩⲧⲏϥ ⲉⲟⲩϩⲏⲕⲉ ⲙⲛ ⲟⲩⲉⲃⲓⲏⲛ ⲡϫⲟⲉⲓⲥ

ⲛⲁⲧⲟⲩϫⲟϥ ϩⲛ ⲟⲩϩⲟⲟⲩ ⲙⲡⲟⲛⲏⲣⲟⲛ

3 ϥⲛⲁϩⲁⲣⲉϩ ⲉⲣⲟϥ ⲛϥⲧⲁⲛϩⲟϥ ⲛϥⲙⲁⲕⲁⲣⲓⲍⲉ ⲙⲙⲟϥ ϩⲓϫⲙ ⲡⲕⲁϩ

ⲁⲩⲱ ⲛⲛⲉϥⲧⲁⲁϥ ⲉⲧⲟⲟⲧϥ ⲙⲡⲉϥϫⲁϫⲉ

4 ⲡϫⲟⲉⲓⲥ ⲛⲁⲃⲟⲏⲑⲉⲓ ⲉⲣⲟϥ ϩⲓϫⲙ ⲡⲉϭⲗⲟϭ ⲙⲡⲉϥⲙⲕⲁϩ ⲁⲕⲕⲧⲟ

ⲙⲡⲉϥⲙⲁ ⲛⲛⲕⲟⲧⲕ ⲧⲏⲣϥ ϩⲙ ⲡⲉϥϣⲱⲛⲉ

5 ⲁⲛⲟⲕ ⲁⲓϫⲟⲟⲥ ϫⲉ ⲡϫⲟⲉⲓⲥ ⲛⲁ ⲛⲁⲓ ⲙⲁⲧⲁⲗϭⲉ ⲧⲁⲯⲩⲭⲏ ϫⲉ ⲁⲓⲣ ⲛⲟⲃⲉ

ⲉⲣⲟⲕ

6 ⲁⲛⲁϫⲁϫⲉ ϫⲱ ⲉⲣⲟⲓ ⲛϩⲉⲛⲡⲉⲧϩⲟⲟⲩ ϫⲉ ⲉϥⲛⲁⲙⲟⲩ ⲧⲛⲁⲩ ⲛⲧⲉ

ⲡⲉϥⲣⲁⲛ ⲧⲁⲕⲟ










7 ⲁⲩⲱ ⲛⲉϥⲃⲏⲕ ⲉϩⲟⲩⲛ ⲉⲛⲁⲩ ⲉϥϫⲱ ⲛϩⲉⲛⲡⲉⲧϣⲟⲩⲉⲓⲧ ⲁⲡⲉϥϩⲏⲧ

ⲥⲱⲟⲩϩ ⲛⲁϥ ⲉϩⲟⲩⲛ ⲛⲟⲩⲁⲛⲟⲙⲓⲁ ⲛⲉϥⲙⲟⲟϣⲉ ⲉⲃⲟⲗ ⲉϥϣⲁϫⲉ ⲉⲣⲟⲓ

8 ⲛⲉⲩⲕⲁⲥⲕⲥ ⲉⲣⲟⲓ ⲧⲏⲣⲟⲩ ⲛϭⲓ ⲛⲁϫⲁϫⲉ ϩⲓ ⲟⲩⲥⲟⲡ ⲛⲉⲩⲙⲉⲉⲩⲉ ⲉⲣⲟⲓ


9 ⲁⲩⲥⲙⲓⲛⲉ ⲛⲟⲩϣⲁϫⲉ ⲙⲡⲁⲣⲁⲛⲟⲙⲟⲛ ⲉⲣⲟⲓ ⲙⲏ ⲡⲉⲧⲛⲕⲟⲧⲕ ⲙⲉⲩⲟⲩⲱϩ

ⲉⲧⲟⲟⲧϥ ⲉⲧⲱⲟⲩⲛ

10 ⲕⲁⲓⲅⲁⲣ ⲡⲣⲱⲙⲉ ⲛⲧⲁⲉⲓⲣⲏⲛⲏ ⲛⲉⲓⲕⲱ ⲛϩⲧⲏⲓ ⲉⲣⲟϥ

11 ⲡⲉⲧⲟⲩⲱⲙ ⲟⲉⲓⲕ ⲛⲙⲙⲁⲓ ⲁϥϥⲓ ⲙⲡⲉϥϯⲃⲥ ⲉϩⲣⲁⲓ ⲉϫⲱⲓ ⲛⲧⲟⲕ ⲇⲉ

ⲡϫⲟⲉⲓⲥ ⲛⲁ ⲛⲁⲓ ⲛⲅⲧⲟⲩⲛⲟⲥⲧ ⲧⲁⲧⲱⲱⲃⲉ ⲛⲁⲩ

12 ϩⲙ ⲡⲁⲓ ⲁⲓⲉⲓⲙⲉ ϫⲉ ⲁⲕⲟⲩⲁϣⲧ ϫⲉ ⲛⲛⲉ ⲡⲁϫⲁϫⲉ ⲣⲁϣⲉ ⲙⲙⲟⲓ

13 ⲁⲛⲟⲕ ⲇⲉ ⲁⲕϣⲟⲡⲧ ⲉⲣⲟⲕ ⲉⲧⲃⲉ ⲧⲁⲙⲛⲧⲃⲁⲗϩⲏⲧ ⲁⲩⲱ ⲁⲕⲧⲁϫⲣⲟⲓ

ⲙⲡⲉⲕⲙⲧⲟ ⲉⲃⲟⲗ ϣⲁ ⲉⲛⲉϩ

14 ϥⲥⲙⲁⲙⲁⲁⲧ ⲛϭⲓ ⲡϫⲟⲉⲓⲥ ⲡⲛⲟⲩⲧⲉ ⲙⲡⲓⲥⲣⲁⲏⲗ ϫⲓⲛ ⲉⲛⲉϩ ϣⲁ ⲉⲛⲉϩ

ⲉϥⲉϣⲱⲡⲉ ⲉϥⲉϣⲱⲡⲉ

Psalm 41

1 ⲉⲡϫⲱⲕ ⲉⲃⲟⲗ ⲛⲧⲙⲛⲧⲣⲙⲛϩⲏⲧ ⲛⲛϣⲏⲣⲉ ⲛⲕⲟⲣⲉ

2 ⲛⲑⲉ ⲉⲧⲉⲣⲉ ⲟⲩⲉⲉⲓⲟⲩⲗ ⲙⲉ ⲛϭⲱ ϩⲓϫⲛ ϩⲉⲛϩⲟⲛⲃⲉ ⲙⲙⲟⲟⲩ ⲧⲁⲓ ⲧⲉ

ⲧϩⲉ ⲉⲧⲉⲣⲉⲧⲁⲯⲩⲭⲏ ⲙⲉ ⲛⲉⲓ ⲉⲣⲁⲧⲕ ⲡⲛⲟⲩⲧⲉ

3 ⲁⲧⲁⲯⲩⲭⲏ ⲉⲓⲃⲉ ⲙⲡⲛⲟⲩⲧⲉ ⲉⲧⲟⲛϩ ϫⲉ ⲉⲓⲛⲏⲩ ⲧⲛⲁⲩ ⲧⲁⲟⲩⲱⲛϩ

ⲉⲃⲟⲗ ⲙⲡϩⲟ ⲙⲡⲁⲛⲟⲩⲧⲉ












4 ⲁⲛⲁⲣⲙⲉⲓⲟⲟⲩⲉ ϣⲱⲡⲉ ⲛⲁⲓ ⲛⲟⲉⲓⲕ ⲙⲡⲉϩⲟⲟⲩ ⲙⲛ ⲧⲉⲩϣⲏ ϩⲙ

ⲡⲧⲣⲉⲩϫⲟⲟⲥ ⲛⲁⲓ ⲙⲙⲏⲛⲉ ϫⲉ ⲉϥⲧⲱⲛ ⲡⲉⲕⲛⲟⲩⲧⲉ

5 ⲛⲁⲓ ⲁⲓⲣⲡⲉⲩⲙⲉⲉⲩⲉ ⲁⲓⲡⲱϩⲧ ⲛⲧⲁⲯⲩⲭⲏ ⲉϩⲣⲁⲓ ⲉϫⲱⲓ ϫⲉ ϯⲛⲏⲩ

ⲉⲃⲟⲗ ϩⲓⲧⲛ ⲟⲩⲙⲁ ⲛⲥⲕⲏⲛⲏ ⲛϣⲡⲏⲣⲉ ϣⲁ ⲡⲏⲓ ⲙⲡⲛⲟⲩⲧⲉ ϩⲛ ⲟⲩⲥⲙⲏ

ⲛⲧⲉⲗⲏⲗ ϩⲓ ⲟⲩⲱⲛϩ ⲉⲃⲟⲗ ⲛϩⲣⲟⲟⲩ ⲙⲡⲉⲧⲣϣⲁ

6 ⲉⲧⲃⲉ ⲟⲩ ⲧⲉⲗⲩⲡⲉⲓ ⲧⲁⲯⲩⲭⲏ ⲁⲩⲱ ⲉⲧⲃⲉ ⲟⲩ ⲧⲉϣⲧⲟⲣⲧⲣ ⲙⲙⲟⲓ

ϩⲉⲗⲡⲓⲍⲉ ⲉⲡⲛⲟⲩⲧⲉ ϫⲉ ϯⲛⲁⲟⲩⲱⲛϩ ⲛⲁϥ ⲉⲃⲟⲗ ⲡⲟⲩϫⲁⲓ ⲙⲡⲁϩⲟ ⲡⲉ


7 ⲁⲧⲁⲯⲩⲭⲏ ϣⲧⲟⲣⲧⲣ ⲛϩⲏⲧⲧ ⲉⲧⲃⲉ ⲡⲁⲓ ϯⲛⲁⲣ ⲡⲉⲕⲙⲉⲉⲩⲉ ⲡϫⲟⲉⲓⲥ

ϩⲙ ⲡⲕⲁϩ ⲙⲡⲓⲟⲣⲇⲁⲛⲏⲥ ⲙⲛ ϩⲉⲣⲙⲱⲛ ⲉⲃⲟⲗ ϩⲙ ⲡⲧⲟⲟⲩ ϣⲏⲙ

8 ⲡⲛⲟⲩⲛ ⲛⲁⲱϣ ⲟⲩⲃⲉ ⲡⲛⲟⲩⲛ ⲉⲡⲉϩⲣⲟⲟⲩ ⲛⲛⲉⲕⲕⲁⲧⲁϩⲣⲁⲕⲧⲏⲥ

ⲛⲉⲕⲣⲟⲟⲩϣ ⲧⲏⲣⲟⲩ ⲙⲛ ⲛⲉⲕϩⲟⲉⲓⲙ ⲁⲩⲉⲓ ⲉϩⲣⲁⲓ ⲉϫⲱⲓ

9 ⲡϫⲟⲉⲓⲥ ⲛⲁϩⲱⲛ ⲙⲡⲉϥⲛⲁ ⲙⲡⲉϩⲟⲟⲩ ⲛϥⲟⲩⲟⲛϩϥ ⲉⲃⲟⲗ ⲛⲧⲉⲩϣⲏ

ⲉⲣⲉⲡⲁϣⲗⲏⲗ ⲛⲧⲟⲟⲧ ⲉⲡⲛⲟⲩⲧⲉ ⲙⲡⲁⲱⲛϩ

10 ϯⲛⲁϫⲟⲟⲥ ⲙⲡⲁⲛⲟⲩⲧⲉ ϫⲉ ⲛⲧⲕ ⲡⲁⲣⲉϥϣⲟⲡⲧ ⲉⲣⲟⲕ ⲉⲧⲃⲉ ⲟⲩ ⲁⲕⲣ

ⲡⲁⲱⲃϣ ⲉⲧⲃⲉ ⲟⲩ ϯⲙⲟⲟϣⲉ ⲉⲓⲟⲕⲙ ϩⲙ ⲡⲧⲣⲉϥⲑⲗⲓⲃⲉ ⲙⲙⲟⲓ ⲛϭⲓ

ⲡⲁϫⲁϫⲉ

11 ϩⲙ ⲡⲧⲣⲉⲩⲗⲱϫϩ ⲛⲛⲁⲕⲉⲉⲥ ⲁⲩⲛⲉϭⲛⲟⲩϭⲧ ⲛϭⲓ ⲛⲉⲧⲑⲗⲓⲃⲉ ⲙⲙⲟⲓ

ϩⲙ ⲡⲧⲣⲉⲩϫⲟⲟⲥ ⲛⲁⲓ ⲙⲙⲏⲛⲉ ϫⲉ ⲉϥⲧⲱⲛ ⲡⲉⲕⲛⲟⲩⲧⲉ

12 ⲉⲧⲃⲉ ⲟⲩ ⲧⲁⲯⲩⲭⲏ ⲧⲉⲗⲩⲡⲉⲓ ⲁⲩⲱ ⲉⲧⲃⲉ ⲟⲩ ⲧⲉϣⲧⲟⲣⲧⲣ ⲙⲙⲟⲓ












Psalm 42

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲕⲣⲓⲛⲉ ⲙⲙⲟⲓ ⲡⲛⲟⲩⲧⲉ ⲛⲅⲣ ⲡⲁϩⲁⲡ ⲉⲃⲟⲗ ϩⲛ

ⲟⲩϩⲉⲑⲛⲟⲥ ⲉϥϫⲁϩⲙ ⲙⲁⲧⲟⲩϫⲟⲓ ⲉⲃⲟⲗ ϩⲛ ⲟⲩⲣⲱⲙⲉ ⲛϫⲓⲛϭⲟⲛⲥ ⲁⲩⲱ

ⲛⲕⲣⲟϥ

2 ϫⲉ ⲛⲧⲟⲕ ⲡⲉ ⲡⲛⲟⲩⲧⲉ ⲡⲁⲧⲁϫⲣⲟ ⲉⲧⲃⲉ ⲟⲩ ⲁⲕⲕⲁⲁⲧ ⲛⲥⲱⲕ ⲁⲩⲱ ⲉⲧⲃⲉ

ⲟⲩ ϯⲙⲟⲟϣⲉ ⲉⲓⲟⲕⲙ ϩⲙ ⲡⲧⲣⲉ ⲡⲁϫⲁϫⲉ ⲑⲗⲓⲃⲉ ⲙⲙⲟⲓ ϩⲙ

ⲡⲧⲣⲉⲩⲗⲱϫϩ ⲛⲛⲁⲕⲉⲉⲥ ⲁⲩⲛⲉϭⲛⲟⲩϭⲧ ⲛϭⲓ ⲛⲁϫⲁϫⲉ

3 ⲙⲁⲧⲛⲛⲟⲟⲩ ⲙⲡⲉⲕⲟⲩⲟⲉⲓⲛ ⲙⲛ ⲧⲉⲕⲙⲉ ⲛⲧⲟⲟⲩ ⲛⲉⲛⲧⲁⲩϫⲓ ⲙⲟⲉⲓⲧ ϩⲏⲧ

ⲁⲩⲛⲧ ⲉϫⲙ ⲡⲉⲕⲧⲟⲟⲩ ⲉⲧⲟⲩⲁⲁⲃ ⲁⲩⲱ ⲉⲛⲉⲕⲙⲁ ⲛϣⲱⲡⲉ

4 ϯⲛⲁⲃⲱⲕ ⲉϩⲟⲩⲛ ⲛⲛⲁϩⲣⲙ ⲟⲉⲑⲩⲥⲓⲁⲧⲏⲣⲓⲟⲛ ⲙⲡⲛⲟⲩⲧⲉ ⲛⲛⲁϩⲣⲙ

ⲡⲛⲟⲩⲧⲉ ⲉⲧⲉⲩⲫⲣⲁⲛⲉ ⲛⲧⲁⲙⲛⲧϣⲏⲣⲉ ϣⲏⲙ ϯⲛⲁⲟⲩⲱⲛϩ ⲛⲁⲕ ⲉⲃⲟⲗ

ⲡⲁⲛⲟⲩⲧⲉ ϩⲛ ⲟⲩⲕⲓⲑⲁⲣⲁ

5 ⲉⲧⲃⲉ ⲟⲩ ⲧⲉⲗⲑⲡⲉⲓ ⲧⲁⲯⲩⲭⲏ ⲁⲩⲱ ⲉⲧⲃⲉ ⲟⲩ ⲧⲉϣⲧⲟⲣⲧⲣ ⲙⲙⲟⲓ



6

Psalm 43

1 ⲉⲡϫⲱⲕ ⲉⲃⲟⲗ ⲛⲛϣⲏⲣⲉ ⲛⲕⲟⲣⲉ ⲡⲉⲯⲁⲗⲙⲟⲥ ⲛⲧⲙⲛⲧⲣⲙⲛϩⲏⲧ








2 ⲡⲛⲟⲩⲧⲉ ⲁⲛⲥⲱⲧⲙ ϩⲛ ⲛⲉⲛⲙⲁⲁϫⲉ ⲛⲉⲛⲉⲓⲟⲧⲉ ⲁⲩⲧⲁⲙⲟⲛ ⲉⲡϩⲱⲃ

ⲛⲧⲁⲕⲁⲁϥ ϩⲛ ⲛⲉⲩϩⲟⲟⲩ ϩⲛ ⲛⲉϩⲟⲟⲩ ⲛϣⲟⲣⲡ

3 ⲁⲧⲉⲕϭⲓϫ ϥⲱⲧⲉ ⲉⲃⲟⲗ ⲛϩⲉⲛϩⲉⲑⲛⲟⲥ ⲁⲕⲧⲟϭⲟⲩ ⲁⲕⲑⲙⲕⲟ ⲛϩⲉⲛⲗⲁⲟⲥ

ⲁⲕⲛⲟϫⲟⲩ ⲉⲃⲟⲗ

4 ⲛⲧⲁⲩⲕⲗⲏⲣⲟⲛⲟⲙⲉⲓ ⲅⲁⲣ ⲁⲛ ⲙⲡⲕⲁϩ ϩⲛ ⲧⲉⲩⲥⲏϥⲉ ⲁⲩⲱ ⲙⲡⲉⲩϭⲃⲟⲓ

ⲁⲛ ⲡⲉⲛⲧⲁϥⲧⲟⲩϫⲟⲟⲩ ⲁⲗⲗⲁ ⲧⲉⲕⲟⲩⲛⲁⲙ ⲧⲉ ⲙⲛ ⲡⲉⲕϭⲃⲟⲓ ⲁⲩⲱ

ⲡⲟⲩⲟⲉⲓⲛ ⲙⲡⲉⲕϩⲟ ϫⲉ ⲁⲕⲟⲩⲁϣⲟⲩ

5 ⲛⲧⲟⲕ ⲡⲉ ⲡⲁⲣⲣⲟ ⲁⲩⲱ ⲡⲁⲛⲟⲩⲧⲉ ⲡⲉⲧϩⲱⲛ ⲛⲛⲉⲩϫⲁⲓ ⲛⲓⲁⲕⲱⲃ

6 ϩⲣⲁⲓ ⲛϩⲏⲧⲕ ⲧⲛⲛⲁⲕⲱⲛⲥ ⲛⲛⲉⲛϫⲁϫⲉ ⲁⲩⲱ ϩⲙ ⲡⲉⲕⲣⲁⲛ ⲧⲛⲛⲁⲥⲱϣϥ

ⲛⲛⲉⲧⲧⲱⲟⲩⲛ ⲉϫⲱⲛ

7 ⲛⲛⲉⲓⲕⲱ ⲅⲁⲣ ⲁⲛ ⲛϩⲧⲏⲓ ⲉⲧⲁⲡⲓⲧⲉ ⲁⲩⲱ ⲛⲧⲁⲥⲏϥⲉ ⲁⲛ ⲧⲉⲧⲛⲁϫⲟⲩϫⲟⲓ

8 ⲁⲕⲧⲟⲩϫⲟⲛ ⲅⲁⲣ ⲉⲃⲟⲗ ϩⲓⲧⲛ ⲛⲉⲧⲑⲗⲓⲃⲉ ⲙⲙⲟⲛ ⲁⲩⲱ ⲁⲕϯϣⲓⲡⲉ

ⲛⲛⲉⲧⲙⲟⲥⲧⲉ ⲙⲙⲟⲛ

9 ϩⲣⲁⲓ ϩⲙ ⲡⲉⲛⲛⲟⲩⲧⲉ ⲧⲛⲛⲁϫⲓ ⲧⲁⲉⲓⲟ ⲙⲡⲉϩⲟⲟⲩ ⲧⲏⲣϥ ⲁⲩⲱ

ⲧⲛⲛⲁⲉⲝⲟⲙⲟⲗⲟⲅⲉⲓ ⲙⲡⲉⲕⲣⲁⲛ ϣⲁ ⲉⲛⲉϩ ⲇⲓⲁⲯⲁⲗⲙⲁ

10 ⲧⲉⲛⲟⲩ ⲇⲉ ⲁⲕⲥⲁϩⲱⲛ ⲉⲃⲟⲗ ⲁⲕϯϣⲓⲡⲉ ⲛⲁⲛ ⲁⲩⲱ ⲛⲅⲛⲏⲩ ⲁⲛ ⲉⲃⲟⲗ

ϩⲛ ⲛⲉⲛϭⲟⲙ

11 ⲁⲕⲕⲧⲟⲛ ⲉⲡⲁϩⲟⲩ ⲡⲁⲣⲁ ⲛⲉⲛϫⲁϫⲉ ⲁ ⲛⲉⲧⲙⲟⲥⲧⲉ ⲙⲙⲟⲛ ⲧⲟⲣⲡⲛ ⲛⲁⲩ

12 ⲁⲕⲧⲁⲁⲛ ⲛⲧϩⲉ ⲛⲛⲓⲉⲥⲟⲟⲩ ⲉϣⲁⲩⲟⲩⲟⲙⲟⲩ ⲁⲩⲱ ⲁⲕϫⲟⲟⲣⲛ ⲉⲃⲟⲗ ϩⲛ

ⲛϩⲉⲑⲛⲟⲥ












13 ⲁⲕϯ ⲙⲡⲉⲕⲗⲁⲟⲥ ⲁϫⲛ ⲁⲥⲟⲩ ⲁⲩⲱ ⲛⲉ ⲙⲛ ⲙⲏⲏϣⲉ ϩⲛ ⲛⲉⲛⲗⲟⲩⲗⲁⲓ

14 ⲁⲕⲕⲱ ⲙⲙⲟⲛ ⲛⲛⲟϭⲛⲉϭ ⲛⲛⲉⲧϩⲓⲧⲟⲩⲱⲛ ⲛⲕⲱⲙϣ ⲁⲩⲱ ⲛⲥⲱⲃⲉ ⲛⲛⲉⲧ

ⲙⲡⲉⲛⲕⲱⲧⲉ

15 ⲁⲕⲕⲱ ⲙⲙⲟⲛ ⲉⲩⲡⲁⲣⲁⲃⲟⲗⲏ ⲛⲛϩⲉⲑⲛⲟⲥ ⲁⲩⲱ ⲛⲕⲓⲙ ⲛⲁⲡⲉ ⲛϩⲉⲛⲗⲁⲟⲥ

16 ϫⲉ ⲡⲁϣⲓⲡⲉ ⲙⲡⲁⲙⲧⲟ ⲉⲃⲟⲗ ⲙⲡⲉϩⲟⲟⲩ ⲧⲏⲣϥ ⲁⲩⲱ ⲡϣⲓⲡⲉ ⲙⲡⲁϩⲟ

ⲁϥϩⲱⲃⲥ ⲉⲃⲟⲗ ⲉϫⲱⲓ

17 ⲉⲃⲟⲗ ⲙⲡⲉϩⲣⲟⲟⲩ ⲙⲡⲉⲧⲛⲟϭⲛⲉϭ ⲙⲛ ⲡⲉⲧⲡⲁⲣⲁⲕⲁⲗⲉⲓ ⲙⲡⲉⲙⲧⲟ

ⲉⲃⲟⲗ ⲙⲡϫⲁϫⲉ ⲙⲛ ⲡⲉⲧⲇⲓⲱⲕⲉ

18 ⲛⲁⲓ ⲧⲏⲣⲟⲩ ⲁⲩⲉⲓ ⲉϩⲣⲁⲓ ⲉϫⲱⲛ ⲙⲡⲛⲣⲡⲉⲕⲱⲃϣ ⲁⲩⲱ ⲙⲡⲛϫⲓⲛϭⲟⲛⲥ

ϩⲛ ⲧⲉⲕⲇⲓⲁⲑⲏⲕⲉ

19 ⲁⲩⲱ ⲙⲡⲉⲡⲉⲛϩⲏⲧ ⲥⲁϩⲱϥ ⲉⲡⲁϩⲟⲩ ⲁⲕⲣⲓⲛⲉ ⲛⲛⲉⲛϩⲓⲟⲟⲩⲉ ⲉⲃⲟⲗ ϩⲛ

ⲧⲉⲕϩⲓⲏ

20 ϫⲉ ⲁⲕⲑⲃⲃⲓⲟⲛ ϩⲛ ⲟⲩⲙⲁ ⲛⲙⲕⲁϩ ⲁⲩⲱ ⲁⲥϩⲟⲃⲥⲛ ⲛϭⲓ ⲧϩⲁⲓⲃⲉⲥ

ⲙⲡⲙⲟⲩ

21 ⲉϣϫⲉ ⲁⲛⲣⲡⲟⲃϣ ⲙⲡⲣⲁⲛ ⲙⲡⲉⲛⲛⲟⲩⲧⲉ ⲉϣϫⲉ ⲁⲛⲡⲉⲣϣ ⲛⲉⲛϭⲓϫ ⲉⲃⲟⲗ

ⲉⲩⲛⲟⲩⲧⲉ ⲛϣⲙⲙⲟ

22 ⲙⲏ ⲙⲡⲛⲟⲩⲧⲉ ⲁⲛ ⲡⲉⲧⲛⲁϣⲓⲛⲉ ⲛⲥⲁ ⲛⲁⲓ ⲛⲧⲟϥ ⲅⲁⲣ ⲉⲧⲥⲟⲟⲩⲛ

ⲉⲛⲉⲧϩⲏⲡ ⲙⲡϩⲏⲧ

23 ϫⲉ ⲉⲧⲃⲏⲏⲧⲕ ⲥⲉⲙⲟⲩⲟⲩⲧ ⲙⲙⲟⲛ ⲙⲡⲉϩⲟⲟⲩ ⲧⲏⲣϥ ⲁⲩⲟⲡⲛ ⲛⲧϩⲉ

ⲛⲛⲓⲉⲥⲟⲟⲩ ⲉⲕⲟⲛⲥⲟⲩ












24 ⲧⲱⲟⲩⲛ ⲡϫⲟⲉⲓⲥ ⲉⲧⲃⲉ ⲟⲩ ⲕⲛⲕⲟⲧⲕ ⲧⲱⲟⲩⲛ ⲙⲡⲣⲕⲁⲁⲛ ⲥⲱⲕ ϣⲁⲃⲟⲗ

25 ⲉⲧⲃⲉ ⲟⲩ ⲁⲕⲕⲧⲉ ⲡⲉⲕϩⲟ ⲉⲃⲟⲗ ⲁⲕⲣ ⲡⲱⲃϣ ⲛⲧⲉⲛⲙⲛⲧϩⲏⲕⲉ ⲙⲛ

ⲧⲉⲛⲑⲗⲓⲯⲓⲥ

26 ϫⲉ ⲁⲧⲉⲛⲯⲩⲭⲏ ⲑⲃⲃⲓⲟ ϣⲁ ⲡⲕⲁϩ ⲁϩⲏⲧⲛ ⲧⲱϭⲉ ⲉⲡⲉⲥⲏⲧ

27 ⲧⲱⲟⲩⲛ ⲃⲟⲏⲑⲉⲓ ⲉⲣⲟⲛ ⲡϫⲟⲉⲓⲥ ⲁⲩⲱ ⲛⲅⲥⲟⲧⲛ ⲉⲧⲃⲉ ⲡⲉⲕⲣⲁⲛ

Psalm 44

1 ⲉⲡϫⲱⲕ ⲉⲃⲟⲗ ⲉⲧⲃⲉ ⲛⲉⲧⲛⲁϣⲓⲃⲉ ⲛⲛϣⲏⲣⲉ ⲛⲕⲟⲣⲉ ⲉⲩⲙⲛⲧⲣⲙⲛϩⲏⲧ

ⲧⲱⲇⲏ ϩⲁ ⲡⲙⲉⲣⲓⲧ

2 ⲁⲡⲁϩⲏⲧ ⲧⲁⲩⲟ ⲉⲃⲟⲗ ⲛⲟⲩϣⲁϫⲉ ⲉⲛⲁⲛⲟϥ ϯⲛⲁϫⲱ ⲁⲛⲟⲕ ⲛⲛⲁϩⲃⲏⲩⲉ

ⲙⲡⲣⲣⲟ ⲡⲁⲗⲁⲥ ⲟⲩⲕⲁϣ ⲛⲅⲣⲁⲙⲙⲁⲧⲉⲩⲥ ⲡⲉ ⲛⲣⲉϥϭⲉⲡⲏ ⲉϥⲥϩⲁⲓ

3 ⲉⲛⲉⲥⲱϥ ϩⲙ ⲡⲉϥⲥⲁ ⲡⲁⲣⲁ ⲛϣⲏⲣⲉ ⲛⲛⲣⲱⲙⲉ ⲁⲧⲉⲭⲁⲣⲓⲥ ⲡⲱⲛ ⲉⲃⲟⲗ

ϩⲓ ⲛⲉⲕⲥⲡⲟⲧⲟⲩ ⲉⲧⲃⲉ ⲡⲁⲓ ⲁⲡⲛⲟⲩⲧⲉ ⲥⲙⲟⲩ ⲉⲣⲟⲕ ϣⲁ ⲉⲛⲉϩ

4 ⲙⲟⲣⲕ ⲛⲧⲉⲕⲥⲏϥⲉ ⲉϫⲙ ⲡⲉⲕⲙⲏⲣⲟⲥ ⲡⲉⲧⲉⲟⲩⲛϭⲟⲙ ⲙⲙⲟϥ ϩⲙ ⲡⲉⲕⲥⲁ

ⲙⲛ ⲡⲉⲕⲁⲛⲁⲓ

5 ⲛⲅⲥⲱⲙⲛⲧ ⲛⲅⲥⲟⲟⲩⲧⲛ ⲛⲅⲣⲣⲣⲟ ⲉⲧⲃⲉ ⲧⲙⲉ ⲙⲛ ⲧⲙⲛⲧⲣⲙⲣⲁϣ ⲙⲛ

ⲧⲇⲓⲕⲁⲓⲟⲥⲩⲛⲏ ⲁⲩⲱ ⲧⲉⲕⲟⲩⲛⲁⲙ ⲛⲁϫⲓ ⲙⲟⲉⲓⲧ ϩⲏⲧⲕ ϩⲛ ⲟⲩϣⲡⲏⲣⲉ

6 ⲛⲉⲕⲥⲟⲧⲉ ⲧⲏⲙ ⲡⲉⲧⲉⲟⲩⲛϭⲟⲙ ⲙⲙⲟϥ ϩⲙ ⲡϩⲏⲧ ⲛⲛϫⲁϫⲉ ⲙⲡⲣⲣⲟ

ⲛⲗⲁⲟⲥ ⲛⲁϩⲉ ϩⲁⲣⲁⲧⲕ

7 ⲡⲉⲕⲑⲣⲟⲛⲟⲥ ⲡⲛⲟⲩⲧⲉ ϣⲟⲟⲡ ϣⲁ ⲉⲛⲉϩ ⲛⲉⲛⲉϩ ⲟⲩϭⲉⲣⲱⲃ ⲛⲥⲟⲟⲩⲧⲛ ⲡⲉ

ⲡϭⲉⲣⲱⲃ ⲛⲧⲉⲕⲙⲛⲧⲉⲣⲟ












8 ⲁⲕⲙⲉⲣⲉ ⲧⲇⲓⲕⲁⲓⲟⲥⲩⲛⲏ ⲁⲕⲙⲉⲥⲧⲉ ⲡϫⲓⲛϭⲟⲛⲥ ⲉⲧⲃⲉ ⲡⲁⲓ ⲁϥⲧⲁϩⲕ ⲛϭⲓ

ⲡⲛⲟⲩⲧⲉ ⲡⲉⲕⲛⲟⲩⲧⲉ ⲛⲟⲩⲛⲉϩ ⲛⲧⲉⲗⲏⲗ ⲡⲁⲣⲁ ⲛⲉⲧϩⲓⲧⲟⲩⲱⲕ

9 ⲟⲩϣⲁⲗ ⲙⲛ ⲟⲩⲥⲧⲁⲕⲧⲏ ⲙⲛ ⲟⲩⲕⲁⲥⲓⲁ ⲉⲃⲟⲗ ϩⲛ ⲛⲉⲕϩⲟⲓⲧⲉ ⲉⲃⲟⲗ ϩⲛ

ⲛⲉⲗⲉⲫⲁⲛⲧⲓⲛⲟⲛ ⲉⲧⲧⲁⲉⲓⲏⲩ ⲉⲛⲧⲁⲩⲉⲩⲫⲣⲁⲛⲉ ⲙⲙⲟⲕ ⲛϩⲏⲧⲟⲩ

10 ⲛϭⲓ ⲛϣⲉⲉⲣⲉ ⲛⲛⲉⲣⲣⲱⲟⲩ ϩⲙ ⲡⲉⲕⲧⲁⲉⲓⲟ ⲁⲧⲣⲣⲱ ⲁϩⲉⲣⲁⲧⲥ ϩⲓ

ⲟⲩⲛⲁⲙ ⲙⲙⲟⲕ ϩⲛ ⲟⲩϩⲃⲥⲱ ⲉⲥⲟⲛⲉⲓ ⲉⲡⲛⲟⲩⲃ ⲉⲥϭⲟⲟⲗⲉ ⲉⲥⲟ ⲛⲁⲩⲉⲓ

ⲛⲁⲩⲁⲛ

11 ⲥⲱⲧⲙ ⲧⲁϣⲉⲉⲣⲉ ⲛⲧⲉⲛⲁⲩ ⲛⲧⲉⲣⲓⲕⲉ ⲙⲡⲟⲩⲙⲁⲁϫⲉ ⲛⲧⲉⲣ ⲡⲱⲃϣ

ⲙⲡⲟⲩⲗⲁⲟⲥ ⲙⲛ ⲡⲏⲓ ⲙⲡⲟⲩⲉⲓⲱⲧ

12 ϫⲉ ⲁⲡⲣⲣⲟ ⲉⲡⲓⲑⲩⲙⲉⲓ ⲉⲡⲟⲩⲥⲁϫⲉ ⲛⲧⲟϥ ⲡⲉ ⲡⲟⲩϫⲟⲉⲓⲥ

13 ⲥⲉⲛⲁⲟⲩⲱϣⲧ ⲛⲁϥ ⲛϭⲓ ⲛϣⲉⲉⲣⲉ ⲛⲧⲩⲣⲟⲥ ϩⲛ ϩⲉⲛⲇⲱⲣⲟⲛ ⲥⲉⲛⲁⲥⲟⲡⲥ

ⲙⲡⲉⲕϩⲟ ⲛϭⲓ ⲛⲣⲙⲙⲁⲟ ⲙⲡⲕⲁϩ

14 ⲡⲉⲟⲟⲩ ⲧⲏⲣϥ ⲛⲧϣⲉⲉⲣⲉ ⲙⲡⲣⲣⲟ ⲛⲉⲥⲉⲃⲱⲛ ⲉⲥϭⲟⲟⲗⲉ ⲛϩⲉⲛⲗⲟⲟⲩ

ⲛⲛⲟⲩⲃ ⲉⲩⲟ ⲛⲁⲩⲉⲓ ⲛⲁⲩⲁⲛ

15 ⲥⲉⲛⲁϫⲓ ⲛϩⲉⲛⲡⲁⲣⲑⲉⲛⲟⲥ ⲙⲡⲣⲣⲟ ϩⲓ ⲡⲁϩⲟⲩ ⲙⲙⲟⲥ ⲥⲉⲛⲁⲉⲓⲛⲉ ⲛⲁⲕ

ⲛⲛⲉⲧϩⲓⲧⲟⲩⲱⲥ

16 ⲥⲉⲛⲁⲛⲧⲟⲩ ϩⲛ ⲟⲩⲟⲩⲛⲟϥ ⲥⲉⲛⲁⲛⲧⲟⲩ ϩⲛ ⲟⲩⲧⲉⲗⲏⲗ ⲉⲡⲉⲣⲡⲉ ⲙⲡⲣⲣⲟ

17 ⲉⲡⲙⲁ ⲛⲛⲟⲩⲉⲓⲟⲧⲉ ⲁϩⲉⲛϣⲏⲣⲉ ϣⲱⲡⲉ ⲛⲉ ⲁⲩⲱ ⲧⲉⲛⲁⲕⲁⲑⲓⲥⲧⲁ

ⲙⲙⲟⲟⲩ ⲛⲁⲣⲭⲱⲛ ⲉϫⲙ ⲡⲕⲁϩ ⲧⲏⲣϥ

18 ⲛⲥⲉⲣ ⲡⲙⲉⲉⲩⲉ ⲙⲡⲟⲩⲣⲁⲛ ϩⲛ ⲅⲉⲛⲉⲁ ⲛⲓⲙ ϩⲓ ⲅⲉⲛⲉⲁ ⲉⲧⲃⲉ ⲡⲁⲓ ⲛⲗⲁⲟⲥ












ⲛⲁⲉⲝⲟⲙⲟⲗⲟⲅⲉⲓ ⲛⲁⲕ ϣⲁ ⲉⲛⲉϩ ⲁⲩⲱ ϣⲁ ⲉⲛⲉϩ ⲛⲉⲛⲉϩ

Psalm 45

1 ⲉⲡϫⲱⲕ ⲉⲃⲟⲗ ϩⲁ ⲛϣⲏⲣⲉ ⲛⲕⲟⲣⲉ ϩⲁ ⲛⲉⲧϩⲏⲡ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ

2 ⲡⲉⲛⲛⲟⲩⲧⲉ ⲡⲉ ⲡⲉⲛⲙⲁ ⲙⲡⲱⲧ ⲁⲩⲱ ⲧⲉⲛϭⲟⲙ ⲡⲉⲛⲃⲓⲏⲑⲟⲥ ϩⲛ

ⲛⲉⲛⲑⲗⲓⲯⲓⲥ ⲉⲛⲧⲁⲩⲧⲁϩⲟⲛ ⲉⲙⲁⲧⲉ

3 ⲉⲧⲃⲉ ⲡⲁⲓ ⲛⲧⲛⲛⲁⲣ ϩⲟⲧⲉ ⲁⲛ ϩⲙ ⲡⲧⲣⲉⲡⲕⲁϩ ϣⲧⲟⲣⲧⲣ ⲛⲧⲉ ⲛⲧⲟⲟⲩ

ⲡⲱⲱⲛⲉ ⲉⲃⲟⲗ

4 ⲁⲩⲱϣ ⲉⲃⲟⲗ ϩⲛ ⲛϩⲏⲧ ⲛⲛⲉⲑⲁⲗⲁⲥⲥⲁ ⲁⲩⲱ ⲁⲩϣⲧⲟⲣⲧⲣ ⲛϭⲓ

ⲛⲉⲩⲙⲟⲟⲩ ⲁⲛⲧⲟⲟⲩ ϣⲧⲟⲣⲧⲣ ϩⲛ ⲧⲉϥϭⲟⲙ ⲇⲓⲁⲯⲁⲗⲙⲁ

5 ⲙⲙⲁ ⲙⲙⲟⲟⲛⲉ ⲙⲡⲉⲓⲉⲣⲟ ⲛⲁⲉⲩⲫⲣⲁⲛⲉ ⲛⲧⲡⲟⲗⲓⲥ ⲙⲡⲛⲟⲩⲧⲉ

ⲁⲡⲉⲧϫⲟⲥⲉ ⲧⲃⲃⲉ ⲡⲉϥⲙⲁ ⲛϣⲱⲡⲉ

6 ⲡⲛⲟⲩⲧⲉ ϩⲛ ⲧⲉⲥⲙⲏⲧⲉ ⲁⲩⲱ ⲛⲥⲛⲁⲕⲓⲙ ⲁⲛ ⲡⲛⲟⲩⲧⲉ ⲛⲁⲃⲟⲏⲑⲉⲓ ⲉⲣⲟⲥ

ⲙⲡⲛⲁⲩ ⲛϩⲧⲟⲟⲩⲉ

7 ⲁⲛϩⲉⲑⲛⲟⲥ ϣⲧⲟⲣⲧⲣ ⲁⲙⲙⲛⲧⲉⲣⲟ ⲣⲓⲕⲉ ⲁϥϯ ⲛⲧⲉϥⲥⲙⲏ ⲁⲡⲕⲁϩ ⲕⲓⲙ

8 ⲡϫⲟⲉⲓⲥ ⲛⲛϭⲟⲙ ⲛⲙⲙⲁⲛ ⲡⲉⲛⲣⲉϥϣⲟⲡⲛ ⲉⲣⲟϥ ⲡⲉ ⲡⲛⲟⲩⲧⲉ ⲛⲓⲁⲕⲱⲃ


9 ⲁⲙⲏⲓⲧⲛ ⲁⲛⲁⲩ ⲉⲛⲉϩⲃⲏⲩⲉ ⲙⲡⲛⲟⲩⲧⲉ ⲛⲉϣⲡⲏⲣⲉ ⲛⲧⲁϥⲁⲁⲩ ϩⲓϫⲙ

ⲡⲕⲁϩ

10 ⲉϥϥⲓ ⲛⲙⲡⲟⲗⲉⲙⲟⲥ ϣⲁ ⲁⲣⲏϫϥ ⲙⲡⲕⲁϩ ϥⲛⲁⲟⲩⲱϣϥ ⲛⲟⲩⲡⲓⲧⲉ ⲁⲩⲱ

ⲛϥϩⲟⲣⲃⲥ ⲟⲩϩⲟⲡⲗⲟⲛ ⲙⲛ ⲟⲩⲑⲑⲣⲱⲛ ϥⲛⲁⲣⲟⲕϩⲟⲩ ϩⲛ ⲟⲩⲕⲱϩⲧ











11 ⲥⲣϥⲉ ⲛⲧⲉⲧⲛⲛⲁⲩ ϫⲉ ⲁⲛⲟⲕ ⲡⲉ ⲡⲛⲟⲩⲧⲉ ϯⲛⲁϫⲓⲥⲉ ϩⲛ ⲛϩⲉⲑⲛⲟⲥ

ϯⲛⲁϫⲓⲥⲉ ϩⲙ ⲡⲕⲁϩ

12 ⲡϫⲟⲉⲓⲥ ⲡⲛⲟⲩⲧⲉ ⲛⲛϭⲟⲙ ⲛⲙⲙⲁⲛ ⲡⲉⲛⲣⲉϥϣⲟⲡⲛ ⲉⲣⲟϥ ⲡⲉ ⲡⲛⲟⲩⲧⲉ

ⲛⲓⲁⲕⲱⲃ

Psalm 46

1 ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ϩⲁ ⲛϣⲏⲣⲉ ⲛⲕⲟⲣⲉ

2 ⲛϩⲉⲑⲛⲟⲥ ⲧⲏⲣⲟⲩ ϫⲁⲕ ⲛⲛⲉⲧⲛϭⲓϫ ϯⲗⲟⲩⲗⲁⲓ ⲙⲡⲛⲟⲩⲧⲉ ϩⲛ

ⲟⲩϩⲣⲟⲟⲧ ⲛⲧⲉⲗⲏⲗ

3 ϫⲉ ⲡϫⲟⲉⲓⲥ ϫⲟⲥⲉ ⲟⲩϩⲟⲧⲉ ⲡⲉ ⲟⲩⲛⲟϭ ⲛⲣⲣⲟ ⲡⲉ ⲉϫⲉⲙ ⲡⲕⲁϩ ⲧⲏⲣϥ

4 ⲁϥⲑⲃⲃⲓⲟ ⲛⲛⲗⲁⲟⲥ ⲛⲁⲛ ⲁⲩⲱ ⲛϩⲉⲑⲛⲟⲥ ϩⲁ ⲛⲉⲛⲟⲩⲉⲣⲏⲧⲉ

5 ⲁϥⲥⲱⲧp ⲛⲁⲛ ⲛⲧⲉϥⲕⲗⲏⲣⲟⲛⲟⲙⲓⲁ ⲡⲁⲛⲁⲓ ⲛⲓⲁⲕⲱⲃ ⲡⲉⲛⲧⲁϥⲙⲉⲣⲓⲧϥ


6 ⲁⲡⲛⲟⲩⲧⲉ ⲃⲱⲕ ⲉϩⲣⲁⲓ ϩⲛ ⲟⲩⲗⲟⲩⲗⲁⲓ ⲡϫⲟⲉⲓⲥ ϩⲛ ⲟⲩϩⲣⲟⲟⲩ

ⲛⲥⲁⲗⲡⲓⲝ

7 ⲯⲁⲗⲗⲉⲓ ⲉⲡⲉⲛⲛⲟⲩⲧⲉ ⲯⲁⲗⲗⲉⲓ ⲯⲁⲗⲗⲉⲓ ⲉⲡⲉⲛⲣⲣⲟ ⲯⲁⲗⲗⲉⲓ

8 ϫⲉ ⲡⲣⲣⲟ ⲙⲡⲕⲁϩ ⲧⲏⲣϥ ⲡⲉ ⲡⲉⲛⲛⲟⲩⲧⲉ ⲯⲁⲗⲗⲉⲓ ⲉⲣⲟϥ ϩⲛ

ⲟⲩⲙⲛⲧⲣⲙⲛϩⲏⲧ

9 ⲁⲡϫⲟⲉⲓⲥ ⲣⲣⲣⲟ ⲉϫⲛ ⲛϩⲉⲑⲛⲟⲥ ⲧⲏⲣⲟⲩ ⲁⲡⲛⲟⲩⲧⲉ ϩⲙⲟⲟⲥ ϩⲓ

ⲡⲉϥⲑⲣⲟⲛⲟⲥ ⲉⲧⲟⲩⲁⲁⲃ

10 ⲛⲁⲣⲭⲱⲛ ⲛⲛⲗⲁⲟⲥ ⲁⲩⲥⲱⲟⲩϩ ⲉϩⲟⲩⲛ ⲙⲛ ⲡⲛⲟⲩⲧⲉ ⲛⲁⲃⲣⲁⲁⲙ ϫⲉ













ⲁⲛϫⲱⲱⲣⲉ ⲙⲡⲕⲁϩ ⲛⲧⲉ ⲡⲛⲟⲩⲧⲉ ϫⲓⲥⲉ ⲉⲙⲁⲧⲉ

Psalm 47

1 ⲧⲱⲇⲏ ⲡⲉⲯⲁⲗⲙⲟⲥ ⲛⲛϣⲏⲣⲉ ⲛⲕⲟⲣⲉ ⲛⲥⲟⲩ ⲥⲛⲁⲩ ⲛⲛⲥⲁⲃⲃⲁⲧⲟⲛ

ⲡⲛⲁⲩ ⲛⲥⲩⲛⲁⲅⲉ ⲡⲉⲡⲣⲟⲕⲓⲙⲉⲛⲟⲛ

2 ⲟⲩⲛⲟϭ ⲡⲉ ⲡϫⲟⲉⲓⲥ ⲁⲩⲱ ϥⲥⲙⲁⲙⲁⲁⲧ ⲉⲙⲁⲧⲉ ϩⲛ ⲧⲡⲟⲗⲓⲥ

ⲙⲡⲉⲛⲛⲟⲩⲧⲉ ϩⲙ ⲡⲉϥⲧⲟⲟⲩ ⲉⲧⲟⲩⲁⲁⲃ

3 ⲉϥⲟⲩⲉⲥⲧⲱⲛ ϩⲙ ⲡⲧⲉⲗⲏⲗ ⲉⲡⲕⲁϩ ⲧⲏⲣϥ ⲛⲧⲟⲟⲩ ⲛⲥⲓⲱⲛ ⲛⲉⲧϫⲟⲥⲉ

ⲛⲧⲉⲡⲉⲙϩⲓⲧ ⲧⲡⲟⲗⲓⲥ ⲙⲡⲛⲟϭ ⲛⲣⲣⲟ

4 ⲡⲛⲟⲩⲧⲉ ⲛⲁⲟⲩⲱⲛϩ ⲉⲃⲟⲗ ϩⲛ ⲛⲉⲥⲙⲁ ⲉⲧⲧⲁⲉⲓⲏⲩ ⲉϥϣⲁⲛϯ ⲧⲟⲟⲧⲥ

5 ϫⲉ ⲉⲓⲥ ϩⲏⲏⲧⲉ ⲁⲛⲉⲥⲣⲣⲱⲟⲩ ⲥⲱⲟⲩϩ ⲉϩⲟⲩⲛ ⲁⲩⲉⲓ ⲉⲩⲙⲁ ⲛⲟⲩⲱⲧ

6 ⲛⲧⲟⲟⲩ ⲁⲩⲛⲁⲩ ⲛⲧⲉⲓϩⲉ ⲁⲩⲣϣⲡⲏⲣⲉ ⲁⲩϣⲧⲟⲣⲧⲣ ⲁⲩⲕⲓⲙ

7 ⲁⲩⲥⲧⲱⲧ ⲧⲁϩⲟⲟⲩ ⲙⲙⲁⲩ ⲛⲧϩⲉ ⲛⲛⲛⲁⲁⲕⲉ ⲛⲧⲉⲧⲛⲁⲙⲓⲥⲉ

8 ϩⲛ ⲟⲩⲧⲏⲩ ⲛϭⲟⲛⲥ ϥⲛⲁⲟⲩⲱϣϥ ⲛⲛⲉϫⲏⲩ ⲛⲑⲁⲣⲥⲓⲥ

9 ⲕⲁⲧⲁ ⲑⲉ ⲉⲛⲧⲁⲛⲥⲱⲧⲙ ⲧⲁⲓ ⲟⲛ ⲧⲉ ⲧϩⲉ ⲉⲛⲧⲁⲛⲛⲁⲩ ϩⲛ ⲧⲡⲟⲗⲓⲥ

ⲙⲡϫⲟⲉⲓⲥ ⲛⲛϭⲟⲙ ϩⲛ ⲧⲡⲟⲗⲓⲥ ⲙⲡⲉⲛⲛⲟⲩⲧⲉ ⲁⲡⲛⲟⲩⲧⲉ ⲥⲙⲛⲥⲛⲧⲉ

ⲙⲙⲟⲥ ϣⲁ ⲉⲛⲉϩ ⲇⲓⲁⲯⲁⲗⲙⲁ

10 ⲛⲉⲛⲙⲉⲉⲩⲉ ⲉⲣⲟⲕ ⲡⲛⲟⲩⲧⲉ ϫⲉ ⲡⲉⲕⲛⲁ ϩⲛ ⲧⲙⲏⲧⲉ ⲙⲡⲉⲕⲗⲁⲟⲥ

11 ⲕⲁⲧⲁ ⲡⲉⲕⲣⲁⲛ ⲡⲛⲟⲩⲧⲉ ⲧⲁⲓ ⲟⲛ ⲧⲉ ⲧϩⲉ ⲙⲡⲉⲕⲕⲉⲥⲙⲟⲩ ⲉϫⲛ ⲁⲣⲏϫϥ

ⲙⲡⲕⲁϩ ⲉⲣⲉⲧⲉⲕⲟⲩⲛⲁⲙ ⲙⲉϩ ⲛⲇⲓⲕⲁⲓⲟⲥⲩⲛⲏ

12 ⲙⲁⲣⲉϥⲉⲩⲫⲣⲁⲛⲉ ⲛϭⲓ ⲛⲧⲟⲟⲩ ⲛⲥⲓⲱⲛ ⲁⲩⲱ ⲙⲁⲣⲟⲩⲧⲉⲗⲏⲗ ⲛϭⲓ













ⲛϣⲉⲉⲣⲉ ⲛϯⲟⲩⲇⲁⲓⲁ ⲉⲧⲃⲉ ⲛⲉⲕϩⲁⲡ ⲡϫⲟⲉⲓⲥ

13 ⲕⲱⲧⲉ ⲉⲥⲓⲱⲛ ⲛⲧⲉⲧⲛϩⲱⲗϭ ⲉⲣⲟⲥ

14 ϣⲁϫⲉ ϩⲛ ⲛⲉⲥⲟⲩⲟⲙⲧⲉ ⲕⲱ ⲛⲛⲉⲧⲛϩⲏⲧ ⲉⲧⲉⲥϭⲟⲙ ⲁⲩⲱ ⲛⲧⲉⲧⲛⲡⲱϣ

ⲛⲛⲉⲧⲧⲁⲉⲓⲏⲩ ⲛⲧⲁⲥ ϫⲉⲕⲁⲥ ⲉⲧⲉⲧⲛⲉϫⲟⲟⲩ ⲉⲕⲉⲅⲉⲛⲉⲁ

15 ϫⲉ ⲡⲁⲓ ⲡⲉ ⲡⲛⲟⲩⲧⲉ ⲡⲉⲛⲛⲟⲩⲧⲉ ϣⲁ ⲉⲛⲉϩ ⲁⲩⲱ ϣⲁ ⲉⲛⲉϩ ⲛⲉⲛⲉϩ

ⲛⲟⲧϥ ⲡⲉⲧⲛⲁⲙⲟⲟⲛⲉ ⲙⲙⲟⲛ ϣⲁ ⲉⲛⲉϩ

Psalm 48

1 ⲉⲡϫⲱⲕ ⲉⲃⲟⲗ ⲛⲛϣⲏⲣⲉ ⲛⲕⲟⲣⲉ ⲡⲉⲯⲁⲗⲙⲟⲥ

2 ⲥⲱⲧⲙ ⲉⲛⲁⲓ ⲛϩⲉⲑⲛⲟⲥ ⲧⲏⲣⲟⲩ ϫⲓⲥⲙⲏ ⲛⲉⲧⲟⲩⲏϩ ⲧⲏⲣⲟⲩ ϩⲛ

ⲧⲟⲓⲕⲟⲩⲙⲉⲛⲏ

3 ⲛⲉϫⲡⲟ ⲙⲡⲕⲁϩ ⲁⲩⲱ ⲛϣⲏⲣⲉ ⲛⲛⲣⲱⲙⲉ ⲛⲣⲙⲙⲁⲟ ϩⲓ ⲟⲩⲥⲟⲡ ⲙⲛ

ⲛϩⲏⲕⲉ

4 ⲧⲁⲧⲁⲡⲣⲟ ⲛⲁϫⲱ ⲛⲟⲩⲥⲟⲫⲓⲁ ⲁⲩⲱ ⲧⲙⲉⲗⲉⲧⲏ ⲙⲡⲁϩⲏⲧ

ⲛⲟⲩⲙⲛⲧⲣⲙⲛϩⲏⲧ

5 ϯⲛⲁⲣⲓⲕⲉ ⲙⲡⲁⲙⲁⲁϫⲉ ⲉⲩⲡⲁⲣⲁⲃⲟⲗⲏ ϯⲛⲁⲟⲩⲱⲛ ⲙⲡⲁⲡⲣⲟⲃⲗⲏⲙⲁ

ϩⲛ ⲟⲩⲯⲁⲗⲧⲏⲣⲓⲟⲛ

6 ⲉⲓⲛⲁⲣ ϩⲟⲧⲉ ϫⲉ ⲟⲩ ϩⲛ ⲟⲩϩⲟⲟⲩ ⲙⲟⲛⲏⲣⲟⲛ ⲧⲁⲛⲟⲙⲓⲁ ⲙⲡⲁϯⲃⲥ

ⲛⲁⲕⲱⲧⲉ ⲉⲣⲟⲓ

7 ⲛⲉⲧⲛⲁϩⲧⲉ ⲉⲧⲉⲩϭⲟⲙ ⲉⲧϣⲟⲩϣⲟⲩ ⲙⲙⲟⲟⲩ ⲉϫⲙ ⲡⲁϣⲁⲓ

ⲛⲧⲉⲩⲙⲛⲧⲣⲙⲙⲁⲟ











8 ⲛⲥⲉⲛⲁⲥⲱⲧⲉ ⲁⲛ ⲛⲟⲩⲥⲟⲛ ⲙⲙⲛ ⲟⲩⲣⲱⲙⲉ ⲛⲁ ⲥⲱⲧⲉ ⲛϥⲛⲁϯ ⲁⲛ

ⲙⲡⲛⲟⲩⲧⲉ ⲉⲛⲧⲉϥϣⲃⲃⲓⲱ

9 ⲁⲩⲱ ⲧⲁⲥⲟⲩ ⲙⲡⲥⲱⲧⲉ ⲛⲧⲉϥⲯⲩⲭⲏ ⲁϥϩⲓⲥⲉ ϣⲁ ⲉⲛⲉϩ

10 ϥⲛⲁⲱⲛϩ ϣⲁⲃⲟⲗ ϫⲉ ⲛϥⲛⲁⲛⲁⲩ ⲁⲛ ⲉⲡⲧⲁⲕⲟ

11 ⲉϥϣⲁⲛⲛⲁⲩ ⲉⲛⲥⲟⲫⲟⲥ ⲉⲩⲙⲟⲩⲛ ⲡⲁⲧϩⲏⲧ ⲙⲛ ⲡⲁⲣⲥⲃⲱ ⲛⲁⲧⲁⲕⲟ ϩⲓ

ⲟⲩⲥⲟⲡ ⲥⲉⲛⲁⲕⲱ ⲛⲧⲉⲩⲙⲛⲧⲣⲙⲁⲟ ⲛϩⲉⲛⲕⲟⲟⲩⲉ

12 ⲁⲩⲱ ⲛⲉⲩⲧⲁⲫⲟⲥ ⲛⲉ ⲛⲉⲩⲏⲓ ϣⲁ ⲉⲛⲉϩ ⲛⲉⲩⲙⲁ ⲛϣⲱⲡⲉ ϫⲓⲛ ⲟⲩϫⲱⲙ

ϣⲁ ⲟⲩϫⲱⲙ ⲁⲩⲉⲡⲓⲕⲁⲗⲉⲓ ⲛⲛⲉⲩⲣⲁⲛ ⲉϩⲣⲁⲓ ⲉϫⲛ ⲛⲉⲩⲕⲁϩ

13 ⲟⲩⲣⲱⲙⲉ ⲉϥϩⲛ ⲟⲩⲧⲁⲉⲓⲟ ⲉⲙⲡϥⲉⲓⲙⲉ ⲉⲣⲟϥ ⲁⲩⲛⲟϫϥ ⲙⲛ ⲛⲧⲃⲛⲟⲟⲩⲉ

ⲛⲁⲧⲉⲓⲙⲉ ⲁϥⲉⲓⲙⲉ ⲙⲙⲟⲟⲩ

14 ⲧⲁⲓ ⲧⲉ ⲧⲉⲩϩⲓⲏ ⲉⲥⲉⲣϫⲣⲟⲡ ⲛⲁⲩ ⲙⲛⲛⲥⲁ ⲛⲁⲓ ⲥⲉⲛⲁⲥⲙⲟⲩ ϩⲛ ⲣⲱⲟⲩ


15 ⲁϥⲕⲁⲁⲩ ⲛⲧϩⲉ ⲛϩⲉⲛⲉⲥⲟⲟⲩ ϩⲛ ⲁⲙⲛⲧⲉ ⲡⲙⲟⲩ ⲡⲉⲧⲙⲟⲟⲛⲉ ⲙⲙⲟⲟⲩ

ⲁⲩⲱ ⲥⲉⲛⲁⲣ ϫⲟⲉⲓⲥ ⲉⲣⲟⲟⲩ ⲛϭⲓ ⲛⲉⲧⲥⲟⲩⲧⲱⲛ ⲙⲡⲛⲁⲩ ⲛϩⲧⲟⲟⲩⲉ

ⲧⲉⲩⲃⲟⲏⲑⲉⲓⲥ ⲛⲁⲱⲥⲕ ϩⲛ ⲁⲙⲛⲧⲉ ⲁⲩϥⲟⲧⲟⲩ ⲉⲃⲟⲗ ϩⲙ ⲡⲉⲩⲉⲟⲟⲩ

16 ⲡⲗⲏⲛ ⲡⲛⲟⲩⲧⲉ ⲛⲁⲥⲱⲧⲉ ⲛⲧⲁⲯⲩⲭⲏ ⲉⲃⲟⲗ ϩⲛ ⲧϭⲓϫ ⲛⲁⲙⲛⲧⲉ

ⲉϥϣⲁⲛϫⲓⲧ ⲇⲓⲁⲯⲁⲗⲙⲁ

17 ⲙⲡⲣⲣ ϩⲟⲧⲉ ⲉⲣϣⲁⲛⲟⲩⲣⲱⲙⲉ ⲣⲣⲙⲙⲁⲟ ⲁⲩⲱ ⲉⲣϣⲁⲛⲡⲉϥⲉⲟⲟⲩ ⲁϣⲁⲓ

ⲙⲛ ⲡⲁ ⲡⲉϥⲏⲓ

18 ϫⲉ ϩⲙ ⲡⲧⲣⲉϥⲙⲟⲩ ⲛⲉϥⲛⲁϫⲓⲧⲟⲩ ⲧⲏⲣⲟⲩ ⲁⲛ ⲟⲩⲇⲉ ⲙⲡⲉϥⲉⲟⲟⲩ












ⲛⲁⲃⲱⲕ ⲁⲛ ⲉⲡⲉⲥⲏⲧ ⲛⲙⲙⲁϥ ⲙⲛ ⲡⲁ ⲡⲉϥⲏⲓ

19 ϫⲉ ⲧⲉϥⲯⲩⲭⲏ ⲛⲁϫⲓⲥⲙⲟⲩ ϩⲙ ⲡⲉϥⲱⲛϩ ϥⲛⲁⲟⲩⲱⲛϩ ⲛⲁⲕ ⲉⲃⲟⲗ

ⲉⲕϣⲁⲛⲣ ⲡⲉⲧⲛⲁⲛⲟⲩϥ ⲛⲁϥ

20 ϥⲛⲁⲃⲱⲕ ⲉϩⲟⲩⲛ ϣⲁ ⲡϫⲱⲙ ⲛⲛⲉϥⲉⲓⲟⲧⲉ ⲛϥⲛⲁⲛⲁⲩ ⲁⲛ ⲉⲡⲟⲩⲟⲉⲓⲛ ϣⲁ

ⲉⲛⲉϩ

21 ⲡⲣⲱⲙⲉ ⲉϥϩⲛ ⲟⲩⲧⲁⲉⲓⲟ ⲉⲙⲡϥⲉⲓⲙⲉ ⲉⲣⲟϥ ⲁⲩⲧⲛⲧⲱⲛϥ ⲉⲛⲧⲃⲛⲟⲟⲩⲉ

ⲛⲁⲧⲉⲓⲙⲉ ⲁϥⲉⲓⲛⲉ ⲙⲙⲟⲟⲩ

Psalm 49

1 ⲡⲉⲯⲁⲗⲙⲟⲥ ⲛⲁⲥⲁⲫ ⲡⲛⲟⲩⲧⲉ ⲛⲛⲛⲟⲩⲧⲉ ⲡϫⲟⲉⲓⲥ ⲁϥϣⲁϫⲉ ⲁⲩⲱ

ⲁϥⲙⲟⲩⲧⲉ ⲉⲡⲕⲁϩ ⲉⲃⲟⲗ ϩⲛ ⲙⲙⲁ ⲛϣⲁ ⲙⲡⲣⲏ ϣⲁ ⲡⲉϥⲙⲁ ⲛϩⲱⲧⲡ

2 ⲉⲣⲉⲡⲁⲛⲁⲓ ⲙⲡⲉϥⲥⲁ ϣⲟⲟⲡ ϩⲛ ⲥⲓⲱⲛ ⲡⲛⲟⲩⲧⲉ ⲛⲏⲩ ϩⲛ ⲟⲩⲟⲩⲱⲛϩ

ⲉⲃⲟⲗ ⲁⲩⲱ ⲡⲉⲛⲛⲟⲩⲧⲉ ⲛⲁⲕⲁⲣⲱϥ ⲁⲛ

3 ⲟⲩⲛ ⲟⲩⲕⲱϩⲧ ⲛⲁⲙⲟⲩϩ ⲙⲡⲉϥⲙⲧⲟ ⲉⲃⲟⲗ ⲁⲩⲱ ⲟⲩⲛⲟϭ ⲛϩⲁⲧⲏⲩ ϩⲙ

ⲡⲉϥⲕⲱⲧⲉ

4 ϥⲛⲁⲙⲟⲩⲧⲉ ⲉⲧⲡⲉ ⲉϩⲣⲁⲓ ⲁⲩⲱ ⲡⲕⲁϩ ⲉⲃⲟⲗ ϩⲙ ⲡϫⲓⲥⲉ ⲉⲇⲓⲁⲕⲣⲓⲛⲉ

ⲙⲡⲉϥⲗⲁⲟⲥ

5 ⲥⲱⲟⲩϩ ⲛⲁϥ ⲉϩⲟⲩⲛ ⲛⲉϥⲡⲉⲧⲟⲩⲁⲁⲃ ⲛⲉⲧⲥⲙⲓⲛⲉ ⲛⲧⲉϥⲇⲓⲁⲑⲏⲕⲏ ⲉϫⲛ

ϩⲉⲛⲑⲩⲥⲓⲁ

6 ⲙⲡⲏⲩⲉ ⲛⲁϫⲱ ⲛⲧⲉϥⲇⲓⲕⲁⲓⲟⲥⲩⲛⲏ ⲁⲩⲱ ϩⲛ ⲧϩⲁⲏ ⲛⲛⲉϩⲟⲟⲩ ⲡⲛⲟⲩⲧⲉ

ⲛⲁⲙⲉϣⲧ ⲧϩⲓⲉⲣⲟⲩⲥⲁⲗⲏⲙ ⲙⲛ ⲟⲩϩⲏⲃⲥ ϫⲉ ⲡⲛⲟⲩⲧⲉ ⲟⲩⲕⲣⲓⲧⲏⲥ ⲡⲉ











7 ⲥⲱⲧⲙ ⲡⲁⲗⲁⲟⲥ ⲧⲁϣⲁϫⲉ ⲙⲛ ⲡⲓⲥⲣⲁⲏⲗ ⲧⲁⲣⲙⲛⲧⲣⲉ ⲛⲁⲕ ⲁⲛⲟⲕ ⲡⲉ

ⲡⲛⲟⲩⲧⲉ ⲡⲉⲕⲛⲟⲩⲧⲉ

8 ⲛⲉⲓⲛⲁϫⲡⲓⲟⲕ ⲁⲛ ⲉϫⲛ ⲛⲉⲕⲑⲩⲥⲓⲁ ⲛⲉⲕϭⲗⲓⲗ ⲙⲡⲁⲙⲧⲟ ⲉⲃⲟⲗ ⲛⲟⲩⲟⲉⲓϣ

ⲛⲓⲙ

9 ⲛⲛⲁϫⲓ ⲙⲁⲥⲉ ⲉⲃⲟⲗ ϩⲙ ⲡⲉⲕⲏⲓ ⲟⲩⲇⲉ ϭⲓⲉ ⲉⲃⲟⲗ ϩⲛ ⲛⲉⲕⲟϩⲉ

10 ϫⲉ ⲛⲟⲩⲓ ⲧⲏⲣⲟⲩ ⲛⲉ ⲛⲉⲑⲏⲣⲓⲟⲛ ⲙⲡⲉⲇⲣⲩⲙⲟⲥ ⲛⲧⲃⲛⲟⲟⲩⲉ ⲉⲧϩⲓ ⲛⲧⲟⲟⲩ

ⲙⲛ ⲛⲉϩⲟⲟⲩ

11 ϯⲥⲟⲟⲩⲛ ⲛⲛϩⲁⲗⲁⲧⲉ ⲧⲏⲣⲟⲩ ⲛⲧⲡⲉ ⲁⲩⲱ ⲡⲥⲁ ⲛⲧⲥⲱϣⲉ ⲛⲙⲙⲁⲓ

12 ⲉⲓϣⲁⲛϩⲕⲟ ⲛⲛⲁϫⲟⲟⲥ ⲛⲁⲕ ⲧⲱⲓ ⲅⲁⲣ ⲧⲉ ⲧⲟⲓⲕⲟⲩⲙⲉⲛⲏ ⲙⲛ ⲡⲉⲥϫⲱⲕ

ⲉⲃⲟⲗ

13 ⲙⲏ ⲉⲓⲛⲁⲟⲩⲉⲙ ⲁϥⲙⲙⲁⲥⲉ ⲏ ⲉⲓⲛⲁⲥⲉ ⲥⲛⲟϥ ⲛϭⲓⲉ

14 ϣⲱⲱⲧ ⲛⲛⲁϩⲣⲙ ⲡⲛⲟⲩⲧⲉ ⲛⲟⲩⲑⲩⲥⲓⲁ ⲛⲥⲙⲟⲩ ⲛⲫϯ ⲛⲛⲉⲕϣⲗⲏⲗ

ⲙⲡⲉⲧϫⲟⲥⲉ

15 ⲛⲅⲉⲡⲓⲕⲁⲗⲉⲓ ⲙⲙⲟⲓ ϩⲙ ⲡⲉϩⲟⲟⲩ ⲛⲧⲉⲕⲑⲗⲓⲯⲓⲥ ⲁⲩⲱ ϯⲛⲁⲧⲟⲩϫⲟⲕ

ⲛⲅϯⲉⲟⲟⲩ ⲛⲁⲓ ⲇⲓⲁⲯⲁⲗⲙⲁ

16 ⲡⲉϫⲉ ⲡⲛⲟⲩⲧⲉ ⲙⲡⲣⲉϥⲣⲛⲟⲃⲉ ϫⲉ ⲉⲧⲃⲉ ⲟⲩ ⲛⲧⲟⲕ ⲕϣⲁϫⲉ ϩⲛ

ⲛⲁⲇⲓⲕⲁⲓⲱⲙⲁ ⲁⲩⲱ ⲕϫⲓ ⲛⲧⲁⲇⲓⲁⲑⲏⲕⲏ ϩⲓⲧⲛ ⲣⲱⲕ

17 ⲛⲧⲟⲕ ⲇⲉ ⲁⲕⲙⲉⲥⲧⲉ ⲧⲉⲥⲃⲱ ⲁⲩⲱ ⲁⲕⲛⲟⲩϫⲉ ⲛⲛⲁϣⲁϫⲉ ϩⲓ ⲡⲁϩⲟⲩ

ⲙⲙⲟⲕ












18 ⲉⲕϣⲁⲛⲛⲁⲩ ⲉⲩⲣⲉϥϫⲓⲟⲩⲉ ⲛⲉⲕⲡⲏⲧ ⲛⲙⲙⲁϥ ⲁⲩⲱ ⲛⲉⲕⲕⲱ ⲛⲧⲉⲕⲧⲟ ⲙⲛ

ⲛⲛⲟⲉⲓⲕ

19 ⲁⲧⲉⲕⲧⲁⲡⲣⲟ ⲧⲁϣⲉ ⲕⲁⲕⲓⲁ ⲁⲩⲱ ⲁⲡⲉⲕⲗⲁⲥ ϭⲗⲟⲙⲗⲙ ⲛⲟⲩϫⲓⲛϭⲟⲛⲥ

20 ⲛⲅϩⲙⲟⲟⲥ ⲉⲕⲕⲁⲧⲁⲗⲁⲗⲉⲓ ⲛⲥⲁ ⲡⲉⲕⲥⲟⲛ ⲁⲩⲱ ⲛⲉⲕⲕⲁ ⲥⲕⲁⲛⲇⲁⲗⲟⲛ

ⲛⲥⲁ ⲡϣⲏⲣⲉ ⲛⲧⲉⲕⲙⲁⲁⲩ

21 ⲁⲕⲣ ⲛⲁⲓ ⲁⲓⲕⲁ ⲣⲱⲓ ⲁⲕⲙⲉⲉⲩⲉ ⲉⲩⲁⲛⲟⲙⲓⲁ ϫⲉ ⲉⲓⲛⲁϣⲱⲡⲉ ⲛⲧⲉⲕϩⲉ

ϯⲛⲁϫⲡⲓⲟⲕ ⲧⲁⲧⲁϩⲟⲟⲩ ⲉⲣⲁⲧⲟⲩ ⲙⲡⲉⲕⲙⲧⲟ ⲉⲃⲟⲗ

22 ⲉⲓⲙⲉ ϭⲉ ⲉⲛⲁⲓ ⲛⲉⲧⲣ ⲡⲱⲃϣ ⲙⲡⲛⲟⲩⲧⲉ ⲙⲏⲡⲟⲧⲉ ⲛϥⲧⲱⲣⲡ

ⲛϥⲧⲙϣⲱⲡⲉ ⲛϭⲓ ⲡⲉⲧⲛⲟⲩϩⲙ

23 ⲟⲩⲑⲩⲥⲓⲁ ⲛⲥⲙⲟⲩ ⲧⲉⲧⲛⲁϯⲉⲟⲟⲩ ⲛⲁⲓ ⲁⲩⲱ ⲉⲣⲉⲧⲉϩⲓⲏ ⲙⲙⲁⲩ

ⲉⲧⲟⲩⲁⲁⲃ ⲉϯⲛⲁⲧⲥⲁⲃⲟⲕ ⲉⲣⲟⲥ ⲡⲟⲩϫⲁⲓ ⲙⲡⲛⲟⲩⲧⲉ

Psalm 50


2 ϩⲙ ⲡⲉⲧⲣⲉ ⲛⲁⲑⲁⲛ ⲡⲉⲡⲣⲟⲫⲏⲧⲏⲥ ⲉⲓ ⲛⲁϥ ⲛⲧⲉⲣⲉϥⲃⲱⲕ ⲉϩⲟⲩⲛ ϣⲁ

ⲃⲏⲣⲥⲁⲃⲉⲉ

3 ⲛⲁ ⲛⲁⲓ ⲡⲛⲟⲩⲧⲉ ⲕⲁⲧⲁ ⲡⲉⲕⲛⲟϭ ⲛⲛⲁ ⲕⲁⲧⲁ ⲡⲁϣⲁⲓ ⲛⲛⲉⲕⲙⲛⲧϣⲁⲛ

ϩⲧⲏϥ ϥⲱⲧⲉ ⲉⲃⲟⲗ ⲙⲡⲁⲛⲟⲃⲉ

4 ⲉⲓⲁⲁⲧ ⲉⲙⲁⲧⲉ ⲉⲃⲟⲗ ϩⲛ ⲧⲁⲁⲛⲟⲙⲓⲁ ⲁⲩⲱ ⲛⲅⲧⲃⲃⲟⲓ ⲉⲃⲟⲗ ϩⲙ

ⲡⲁⲛⲟⲃⲉ

5 ϫⲉ ϯⲥⲟⲟⲩⲛ ⲁⲛⲟⲕ ⲛⲧⲁⲁⲛⲟⲙⲓⲁ ⲁⲩⲱ ⲡⲁⲛⲟⲃⲉ ⲙⲡⲁⲙⲧⲟ ⲉⲃⲟⲗ













6 ⲛⲧⲁⲣ ⲛⲟⲃⲉ ⲉⲣⲟⲕ ⲙⲁⲩⲁⲁⲕ ⲁⲓⲣ ⲡⲉⲧϩⲟⲟⲩ ⲙⲡⲉⲕⲙⲧⲟ ⲉⲃⲟⲗ ϫⲉⲕⲁⲥ

ⲉⲕⲉⲧⲙⲁⲉⲓⲟ ⲥⲛ ⲛⲉⲕϣⲁϫⲉ ⲛⲅϫⲣⲟ ϩⲙ ⲡⲧⲣⲉⲕϯϩⲁⲡ ⲉⲣⲟⲓ

7 ⲉⲓⲥ ϩⲏⲏⲧⲉ ⲅⲁⲣ ⲛⲧⲁⲩⲱⲱ ⲙⲙⲟⲓ ϩⲛ ϩⲉⲛⲁⲛⲟⲙⲓⲁ ⲁⲩⲱ

ⲛⲧⲁⲧⲁⲙⲁⲁⲩ ϫⲓⲟⲩⲱ ⲙⲙⲟⲓ ϩⲛ ϩⲉⲛⲛⲟⲃⲉ

8 ⲉⲓⲥ ϩⲏⲏⲧⲉ ⲅⲁⲣ ⲁⲕⲙⲉⲣⲉ ⲧⲙⲉ ⲛⲉⲧϩⲏⲡ ⲙⲛ ⲛⲉⲧⲉ ⲛⲥⲉⲟⲩⲱⲛϩ ⲉⲃⲟⲗ

ⲁⲛ ϩⲛ ⲧⲉⲕⲥⲟⲫⲓⲁ ⲁⲕⲟⲩⲟⲛϩⲟⲩ ⲛⲁⲓ ⲉⲃⲟⲗ

9 ⲕⲛⲁϭⲉϣϭⲱϣⲧ ⲛⲟⲩϩⲩⲥⲥⲟⲡⲟⲛ ⲉⲃⲟⲗ ϩⲙ ⲡⲉϥⲥⲛⲟϥ ⲙⲡϣⲉ ⲧⲁⲧⲃⲃⲟ

ⲕⲛⲁϫⲟⲕⲙⲉⲧ ⲉⲃⲟⲗ ⲛϩⲏⲧϥ ⲁⲩⲱ ϯⲛⲁⲟⲩⲃⲁϣ ⲛϩⲟⲩⲉ ⲉⲩⲭⲓⲱⲛ

10 ⲕⲛⲁⲧⲣⲁⲥⲱⲧⲙ ⲉⲩⲧⲉⲗⲏⲗ ⲙⲛ ⲟⲩⲟⲩⲛⲟϥ ⲥⲉⲛⲁⲧⲉⲗⲏⲗ ⲛϭⲓ ⲛⲕⲉⲉⲥ

ⲉⲧⲑⲃⲃⲓⲏⲩ

11 ⲕⲧⲉ ⲡⲉⲕϩⲟ ⲛⲥⲁⲃⲟⲗ ⲛⲛⲁⲛⲟⲃⲉ ⲁⲩⲱ ⲛⲁⲁⲛⲟⲙⲓⲁ ⲧⲏⲣⲟⲩ ϥⲟⲧⲟⲩ

ⲉⲃⲟⲗ

12 ⲟⲩϩⲏⲧ ⲉϥⲟⲩⲁⲁⲃ ⲥⲟⲛⲧϥ ⲛϩⲏⲧⲧ ⲡⲛⲟⲩⲧⲉ ⲁⲩⲱ ⲟⲩⲡⲛⲉⲩⲙⲁ

ⲉϥⲟⲩⲧⲱⲛ ⲙⲁⲣⲉϥⲣⲃⲣⲣⲉ ⲙⲡⲁⲥⲁⲛϩⲟⲩⲛ

13 ⲙⲡⲣⲛⲟϫⲧ ⲉⲃⲟⲗ ⲙⲡⲉⲕϩⲟ ⲁⲩⲱ ⲡⲉⲕⲡⲛⲉⲩⲙⲁ ⲉⲧⲟⲩⲁⲁⲃ ⲙⲡⲣϥⲓⲧϥ


14 ⲙⲁ ⲛⲁⲓ ⲙⲡⲧⲉⲗⲏⲗ ⲙⲡⲉⲕⲟⲩϫⲁⲓ ⲁⲩⲱ ⲛⲅⲧⲁϫⲣⲟⲓ ϩⲛ ⲟⲩⲡⲛⲉⲩⲙⲁ

ⲛϩⲏⲅⲉⲙⲟⲛⲓⲕⲟⲛ

15 ϯⲛⲁⲧⲥⲁⲃⲉ ⲛⲓⲁⲛⲟⲙⲟⲥ ⲉⲛⲉⲕϩⲓⲟⲟⲩⲉ ⲁⲩⲱ ⲛⲁⲥⲉⲃⲏⲥ ⲛⲁⲕⲟⲧⲟⲩ ⲉⲣⲟⲕ











16 ⲙⲁⲧⲟⲩϫⲟⲓ ⲉⲃⲟⲗ ϩⲛ ϩⲉⲛⲥⲛⲟϥ ⲡⲛⲟⲩⲧⲉ ⲡⲛⲟⲩⲧⲉ ⲙⲡⲁⲟⲩϫⲁⲓ

ⲡⲁⲗⲁⲥ ⲛⲁⲧⲉⲗⲏⲗ ⲛⲧⲉⲕⲇⲓⲕⲁⲓⲟⲥⲩⲛⲏ

17 ⲡϫⲟⲉⲓⲥ ⲕⲛⲁⲟⲩⲱⲛ ⲛⲛⲁⲥⲡⲟⲧⲟⲩ ⲛⲧⲉⲧⲁⲧⲁⲡⲣⲟ ϫⲱ ⲙⲡⲉⲕⲥⲙⲟⲩ

18 ϫⲉ ⲉⲛⲉⲕⲟⲩⲉϣ ⲑⲩⲥⲓⲁ ⲛⲉⲓ ⲛⲁϯⲡⲉ ⲙⲉⲕⲟⲩⲉϣ ϭⲗⲓⲗ

19 ⲧⲉⲑⲩⲥⲓⲁ ⲙⲡⲛⲟⲩⲧⲉ ⲡⲉ ⲟⲩⲡⲛⲉⲩⲙⲁ ⲉϥⲟⲩⲟϣϥ ⲟⲩϩⲏⲧ ⲉϥⲟⲩⲟϣϥ

ⲟⲩϩⲏⲧ ⲉϥⲟⲩⲟϣϥ ⲁⲩⲱ ⲉϥⲑⲃⲃⲓⲏⲩ ⲙⲡⲛⲟⲩⲧⲉ ⲛⲁⲧⲥⲧⲟϥ ⲉⲃⲟⲗ ⲁⲛ

20 ⲁⲣⲓ ⲡⲉⲧⲛⲁⲛⲟⲩϥ ⲡϫⲟⲉⲓⲥ ϩⲙ ⲡⲉⲕⲟⲩⲱϣ ⲛⲥⲓⲱⲛ ⲁⲩⲱ ⲙⲁⲣⲟⲩⲕⲱⲧ

ⲛⲛⲥⲟⲃ ⲅ ⲛⲧϩⲓⲉⲣⲟⲩⲥⲁⲗⲏⲙ

21 ⲧⲟⲧⲉ ⲕⲛⲁⲟⲩⲉϣ ϩⲉⲛⲑⲩⲥⲓⲁ ⲛⲇⲓⲕⲁⲓⲟⲥⲩⲛⲏ ϩⲉⲛⲧⲁⲗⲟ ⲙⲛ ϩⲉⲛϭⲗⲓⲗ

ⲧⲟⲧⲉ ⲥⲉⲛⲁⲧⲁⲗⲉ ϩⲉⲛⲙⲁⲥⲉ ⲉϫⲛ ⲛⲉⲕⲑⲩⲥⲓⲁⲥⲧⲏⲣⲓⲟⲛ

Psalm 51

1 ⲉⲡϫⲱⲕ ⲉⲃⲟⲗ ⲛⲧⲙⲛⲧⲣⲙⲛϩⲏⲧ ⲛⲇⲁⲩⲉⲓⲇ

2 ϩⲙ ⲡⲧⲣⲉ ⲇⲱⲏⲕ ⲡⲓⲇⲟⲩⲙⲁⲓⲟⲥ ⲉⲓ ⲛϥϫⲟⲟⲥ ⲛⲥⲁⲟⲩⲗ ϫⲉ ⲁⲇⲁⲩⲉⲓⲇ ⲉⲓ

ⲉⲡⲏⲓ ⲛⲁⲃⲓⲙⲉⲗⲉⲭ

3 ⲁϩⲣⲟϥ ϥϣⲟⲩϣⲟⲩ ⲙⲙⲟϥ ⲛϭⲓ ⲡⲇⲩⲛⲁⲧⲟⲥ ϩⲛ ⲧⲕⲁⲕⲓⲁ ⲙⲡⲉϩⲟⲟⲩ

ⲧⲏⲣϥ

4 ⲁⲡⲉⲕⲗⲁⲥ ⲙⲉⲗⲉⲧⲁ ⲛⲟⲩϫⲓⲛϭⲟⲛⲥ ⲛⲧϩⲉ ⲛⲟⲩⲧⲟⲕ ⲉϥⲧⲏⲙ ⲁⲕⲉⲓⲣⲉ

ⲛⲟⲩⲕⲣⲟϥ

5 ⲁⲕⲙⲉⲣⲉ ⲡⲡⲉⲧϩⲟⲟⲩ ⲉϩⲟⲩⲉ ⲡⲡⲉⲧⲛⲁⲛⲟⲩϥ ⲡϫⲓⲛϭⲟⲛⲥ ⲉϩⲟⲩⲉ ⲛϣⲁϫⲉ

ⲛⲧⲇⲓⲕⲁⲓⲟⲥⲩⲛⲏ












6 ⲁⲕⲙⲉⲣⲉ ⲛϣⲁϫⲉ ⲧⲏⲣⲟⲩ ⲙⲡⲱⲙⲥ ⲟⲩⲗⲁⲥ ⲕⲣⲟϥ

7 ⲉⲧⲃⲉ ⲡⲁⲓ ⲁⲡⲛⲟⲩⲧⲉ ϣⲣϣⲱⲣⲕ ϣⲁⲃⲟⲗ ⲉϥⲉϥⲟϭⲕ ⲁⲩⲱ ⲛϥⲡⲟⲟⲛⲉⲕ

ⲉⲃⲟⲗ ϩⲙ ⲡⲉⲕⲙⲁ ⲛϣⲱⲡⲉ ⲁⲩⲱ ⲧⲉⲕⲛⲟⲩⲛⲉ ⲉⲃⲟⲗ ϩⲙ ⲡⲕⲁϩ

ⲛⲛⲉⲧⲟⲛϩ ⲇⲓⲁⲯⲁⲗⲙⲁ

8 ⲥⲉⲛⲁⲛⲁⲩ ⲛϭⲓ ⲛⲇⲓⲕⲁⲓⲟⲥ ⲛⲥⲉⲣ ϩⲟⲧⲉ ⲛⲥⲉⲥⲱⲃⲉ ⲉϩⲣⲁⲓ ⲉϫⲱϥ

ⲛⲥⲉϫⲟⲟⲥ

9 ϫⲉ ⲉⲓⲥ ⲟⲩⲣⲱⲙⲉ ⲙⲡⲉϥⲕⲁ ⲡⲛⲟⲩⲧⲉ ⲛⲁϥ ⲛⲃⲟⲏⲑⲟⲥ ⲁⲗⲗⲁ

ⲁϥϩⲉⲗⲡⲓⲍⲉ ⲉϫⲙ ⲡⲁϣⲁⲓ ⲛⲧⲉϥⲙⲛⲧⲣⲙⲙⲁⲟ ⲁⲩⲱ ⲁϥϭⲙϭⲟⲙ

ⲉϩⲣⲁⲓ ⲉϫⲙ ⲡⲉϥⲡⲉⲧϣⲟⲩⲉⲓⲧ

10 ⲁⲛⲟⲕ ⲇⲉ ⲉⲓⲟ ⲛⲧϩⲉ ⲛⲟⲩⲃⲱ ⲛϫⲟⲉⲓⲧ ϩⲁ ⲡⲉⲥⲟⲩⲧⲁϩ ϩⲙ ⲡⲏⲓ

ⲙⲡⲛⲟⲩⲧⲉ ⲁⲓϩⲉⲗⲡⲓⲍⲉ ⲉⲡⲛⲁ ⲙⲡⲛⲟⲩⲧⲉ ϣⲁ ⲉⲛⲉϩ ⲁⲩⲱ ϣⲁ ⲉⲛⲉϩ

ⲛⲉⲛⲉϩ

11 ϯⲛⲁⲟⲩⲱⲛϩ ⲛⲁⲕ ⲉⲃⲟⲗ ϣⲁ ⲉⲛⲉϩ ϫⲉ ⲁⲕⲉⲓⲣⲉ ⲛⲁⲓ ⲁⲩⲱ

ϯⲛⲁϩⲩⲡⲟⲙⲉⲓⲛⲉ ⲉⲡⲉⲕⲛⲁ ϫⲉ ⲟⲩⲭⲣⲏⲥⲧⲟⲥ ⲡⲉ ⲙⲡⲉⲙⲧⲟ ⲉⲃⲟⲗ

ⲛⲛⲉⲕⲡⲉⲧⲟⲩⲁⲁⲃ

Psalm 52

1 ⲉⲡϫⲱⲕ ⲉⲃⲟⲗ ϩⲁ ⲙⲁⲉⲗⲗⲉⲑ ⲧⲙⲛⲧⲣⲙⲛϩⲏⲧ ⲛⲇⲁⲩⲉⲓⲇ

2 ⲡⲉϫⲉ ⲡⲁⲧϩⲏⲧ ϩⲙ ⲡⲉϥϩⲏⲧ ϫⲉ ⲙⲛ ⲛⲟⲩⲧⲉ ϣⲟⲟⲡ ⲁⲩⲧⲁⲕⲟ ⲁⲩⲣⲃⲟⲧⲉ

ϩⲛ ⲛⲉⲩⲁⲛⲟⲙⲓⲁ ⲙⲛ ⲡⲉⲧⲉⲓⲣⲉ ⲛⲟⲩⲙⲛⲧⲭⲣⲏⲥⲧⲟⲥ ⲙⲛ ⲟⲩⲟⲛ ϣⲁ ⲉϩⲣⲁⲓ

ⲉⲟⲩⲁ









3 ⲁⲡⲛⲟⲩⲧⲉ ϭⲱϣⲧ ⲉⲃⲟⲗ ϩⲛ ⲧⲡⲉ ⲉϫⲛ ⲛϣⲏⲣⲉ ⲛⲛⲣⲱⲙⲉ ⲉⲛⲁⲩ ϫⲉ ⲟⲩⲛ

ⲗⲁⲁⲩ ⲛⲣⲙⲛϩⲏⲧ ⲉϥϣⲓⲛⲉ ⲛⲥⲁ ⲡⲛⲟⲩⲧⲉ

4 ⲁⲩⲣⲓⲕⲉ ⲉⲃⲟⲗ ⲧⲏⲣⲟⲩ ⲁⲩⲣ ⲁⲧϣⲁⲩ ϩⲓ ⲟⲩⲥⲟⲡ ⲙⲛ ⲡⲉⲧⲉⲓⲣⲉ

ⲛⲟⲩⲙⲛⲧⲭⲣⲏⲥⲧⲟⲥ ⲙⲛ ⲟⲩⲟⲛ ϣⲁ ⲉϩⲣⲁⲓ ⲉⲟⲩⲁ

5 ⲙⲏ ⲛⲥⲉⲛⲁⲉⲓⲙⲉ ⲧⲏⲣⲟⲩ ⲁⲛ ⲛϭⲓ ⲛⲉⲧⲣ ϩⲱⲃ ⲉⲧⲁⲛⲟⲙⲓⲁ ⲛⲉⲧⲟⲩⲱⲙ

ⲙⲡⲁⲗⲁⲟⲥ ⲛⲟⲩϩⲣⲉ ⲛⲟⲉⲓⲕ ⲙⲡⲟⲩⲉⲡⲓⲕⲁⲗⲉⲓ ⲙⲡⲛⲟⲩⲧⲉ

6 ⲥⲉⲛⲁⲣ ϩⲟⲧⲉ ⲙⲙⲁⲩ ϩⲛ ⲟⲩϩⲟⲧⲉ ⲙⲡⲙⲁ ⲉⲧⲉⲙⲛ ϩⲟⲧⲉ ⲛϩⲏⲧϥ ϫⲉ

ⲁⲡⲛⲟⲩⲧⲉ ϫⲉⲣⲉ ⲛⲕⲉⲉⲥ ⲉⲃⲟⲗ ⲛⲛⲣⲉϥⲁⲣⲉⲥⲕⲉ ⲛⲣⲱⲙⲉ ⲁⲩϫⲓϣⲓⲡⲉ ϫⲉ

ⲁⲡⲛⲟⲩⲧⲉ ⲥⲟϣϥⲟⲩ

7 ⲛⲓⲙ ⲡⲉⲧⲛⲁϯ ⲉⲃⲟⲗ ϩⲛ ⲥⲓⲱⲛ ⲙⲡⲟⲩϫⲁⲓ ⲙⲡⲓⲥⲣⲁⲏⲗ ϩⲙ ⲡⲧⲣⲉ ⲡϫⲟⲉⲓⲥ

ⲕⲧⲟ ⲛⲧⲁⲓⲭⲙⲁⲗⲱⲥⲓⲁ ⲙⲡⲉϥⲗⲁⲟⲥ ϥⲛⲁⲧⲉⲗⲏⲗ ⲛϭⲓ ⲓⲁⲕⲱⲃ ⲛϥⲟⲩⲛⲟϥ

ⲛϭⲓ ⲡⲓⲥⲣⲁⲏⲗ

Psalm 53


2 ϩⲙ ⲡⲧⲣⲉ ⲛⲍⲉⲓⲫⲁⲓⲟⲥ ⲉⲓ ⲛⲥⲉϫⲟⲟⲥ ⲛⲥⲁⲟⲩⲗ ϫⲉ ⲉⲓⲥ ⲇⲁⲩⲉⲓⲇ ϩⲏⲡ

ϩⲁⲧⲏⲛ

3 ⲙⲁⲧⲟⲩϫⲟⲓ ⲡⲁⲛⲟⲩⲧⲉ ϩⲙ ⲡⲉⲕⲣⲁⲛ ⲁⲩⲱ ⲕⲣⲓⲛⲉ ⲙⲙⲟⲓ ϩⲛ ⲧⲉⲕϭⲟⲙ

4 ⲡⲁⲛⲟⲩⲧⲉ ⲥⲱⲧⲙ ⲉⲡⲁϣⲗⲏⲗ ϫⲓ ⲥⲙⲏ ⲉⲛϣⲁϫⲉ ⲛⲣⲱⲓ

5 ϫⲉ ⲁϩⲉⲛϣⲙⲙⲟ ⲧⲱⲟⲩⲛ ⲉϩⲣⲁⲓ ⲉϫⲱⲓ ⲁϩⲉⲛϫⲱⲱⲣⲉ ϣⲓⲛⲉ ⲛⲥⲁ

ⲧⲁⲯⲩⲭⲏ ⲙⲡⲟⲩⲕⲁ ⲡⲛⲟⲩⲧⲉ ⲙⲡⲉⲩⲙⲧⲟ ⲉⲃⲟⲗ ⲇⲓⲁⲯⲁⲗⲙⲁ











6 ⲉⲓⲥ ϩⲏⲏⲧⲉ ⲅⲁⲣ ⲡⲛⲟⲩⲧⲉ ⲛⲁⲃⲟⲏⲑⲉⲓ ⲉⲣⲟⲓ ⲁⲩⲱ ⲡϫⲟⲉⲓⲥ ⲡⲉ ⲡⲣⲉϥϣⲱⲡ

ⲉⲣⲟϥ ⲛⲧⲁⲯⲩⲭⲏ

7 ϥⲛⲁⲕⲧⲉ ⲙⲡⲉⲧϩⲟⲟⲩ ⲛⲛⲁϫⲁϫⲉ ϥⲟⲧⲟⲩ ⲉⲃⲟⲗ ϩⲛ ⲧⲉⲕⲙⲉ

8 ϯⲛⲁϣⲱⲱⲧ ⲛⲁⲕ ⲉϩⲛⲁⲓ ϯⲛⲁⲟⲩⲱⲛϩ ⲉⲃⲟⲗ ⲙⲡⲉⲕⲣⲁⲛ ⲡϫⲟⲉⲓⲥ ϫⲉ

ⲛⲁⲛⲟⲩϥ

9 ϫⲉ ⲁⲕⲧⲟⲩϫⲟⲓ ⲉⲃⲟⲗ ϩⲛ ⲑⲗⲓⲯⲓⲥ ⲛⲓⲙ ⲁⲩⲱ ⲁⲡⲁⲃⲁⲗ ⲙⲉϩ ⲉⲓⲁⲧϥ

ⲛⲛⲁϫⲁϫⲉ

Psalm 54

1 ⲉⲡϫⲱⲕ ⲉⲃⲟⲗ ϩⲛ ⲛⲥⲙⲟⲩ ⲛⲧⲙⲛⲧⲣⲙⲛϩⲏⲧ ⲛⲇⲁⲩⲉⲓⲇ

2 ⲥⲱⲧⲙ ⲡⲛⲟⲩⲧⲉ ⲉⲡⲁϣⲗⲏⲗ ⲁⲩⲱ ⲡⲣⲟⲃϣⲕ ⲉⲡⲁⲥⲟⲡⲥ

3 ϯϩⲧⲏⲕ ⲉⲣⲟⲓ ⲁⲩⲱ ⲛⲅⲥⲱⲧⲙ ⲉⲣⲟⲓ ⲁⲓⲗⲑⲡⲉⲓ ϩⲙ ⲡⲁϣⲥⲛϩⲏⲧ ⲁⲩⲱ

ⲁⲓϣⲧⲟⲣⲧⲣ

4 ⲉⲃⲟⲗ ϩⲙ ⲡⲉϩⲣⲟⲟⲩ ⲙⲡⲁϫⲁϫⲉ ⲙⲛ ⲧⲉⲑⲗⲓⲯⲓⲥ ⲙⲡⲣⲉϥⲣⲛⲟⲃⲉ ϫⲉ

ⲁⲩⲣⲓⲕⲉ ⲉϫⲱⲓ ⲛⲟⲩⲁⲛⲟⲙⲓⲁ ⲁⲩⲱ ⲛⲉⲩⲛⲟϭⲥ ⲉⲣⲟⲓ ϩⲛ ⲟⲩⲟⲣⲅⲏ

5 ⲁⲡⲁϩⲏⲧ ϣⲧⲟⲣⲧⲣ ⲛϩⲏⲧ ⲁⲩⲱ ⲁⲧϩⲟⲧⲉ ⲙⲡⲙⲟⲩ ϩⲉ ⲉϩⲣⲁⲓ ⲉϫⲱⲓ

6 ⲟⲩϩⲟⲧⲉ ⲙⲛ ⲟⲩⲥⲧⲱⲧ ⲁⲩⲉⲓ ⲉϩⲣⲁⲓ ⲉϫⲱⲓ ⲁⲩⲱ ⲁⲩⲕⲁⲕⲉ ϩⲟⲃⲥⲧ

7 ⲁⲓϫⲟⲟⲥ ϫⲉ ⲛⲓⲙ ⲡⲉⲧⲛⲁϯ ⲛⲁⲓ ⲛϩⲉⲛⲧⲛϩ ⲛⲧϩⲉ ⲛⲛⲓϭⲣⲟⲟⲙⲡⲉ

ⲧⲁϩⲱⲗ ⲉⲃⲟⲗ ⲧⲁⲙⲧⲟⲛ ⲙⲙⲟⲓ ⲇⲓⲁⲯⲁⲗⲙⲁ

8 ⲉⲓⲥ ϩⲏⲏⲧⲉ ⲁⲓⲟⲩⲉ ⲉⲓⲡⲏⲧ ⲁⲓϣⲱⲡⲉ ϩⲓ ⲡϫⲁⲓⲉ

9 ⲛⲉⲓϭⲱϣⲧ ⲉⲃⲟⲗ ϩⲏⲧϥ ⲙⲡⲉⲧⲛⲟⲩϩⲙ ⲙⲙⲟⲓ ⲉⲃⲟⲗ ϩⲛ ⲧⲙⲛⲧϩⲏⲧ














ϣⲏⲙ ⲙⲛ ⲧϩⲁⲧⲉⲩ

10 ⲟⲙⲥⲟⲩ ⲡϫⲟⲉⲓⲥ ⲁⲩⲱ ⲛⲅⲡⲱϣ ⲛⲛⲉⲩⲗⲁⲥ ϫⲉ ⲁⲓⲛⲁⲩ ⲉⲩⲁⲛⲟⲙⲓⲁ ⲙⲛ

ⲟⲩⲁⲛⲧⲓⲗⲟⲅⲓⲁ ϩⲛ ⲧⲡⲟⲗⲓⲥ

11 ⲙⲡⲉϩⲟⲟⲩ ⲙⲛ ⲧⲉⲩϣⲏ ⲥⲉⲛⲁⲕⲱⲧⲉ ⲉⲣⲟⲥ ϩⲓϫⲛ ⲛⲉⲥⲥⲟⲃⲧ ⲟⲩⲁⲛⲟⲙⲓⲁ

ⲙⲛ ⲟⲩϩⲓⲥⲉ ⲛⲉⲧϩⲛ ⲧⲉⲥⲙⲏⲧⲉ

12 ⲁⲩⲱ ⲡϫⲓⲛϭⲟⲛⲥ ⲡⲉⲧϩⲛ ⲧⲉⲥⲙⲏⲧⲉ ⲁⲩⲱ ⲙⲡϥⲱϫⲛ ϩⲛ ⲛⲉⲥⲡⲗⲁⲧⲓⲁ

ⲛϭⲓ ⲡϫⲓⲙⲏⲥⲉ ⲙⲛ ⲡⲉⲕⲣⲟϥ

13 ϫⲉ ⲉⲛⲉⲡϫⲁϫⲉ ⲡⲉⲛⲧⲁϥⲛⲉϭⲛⲟⲩϭⲧ ⲛⲉⲓⲛⲁϥⲉⲓ ⲉⲣⲟⲓ ⲡⲉ ⲁⲩⲱ

ⲉⲛⲉⲡⲉⲧⲙⲟⲥⲧⲉ ⲙⲙⲟⲓ ⲡⲉⲛⲧⲁϥϫⲉ ⲛⲟϭ ⲛϣⲁϫⲉ ⲉϩⲣⲁⲓ ⲉϫⲱⲓ

ⲛⲉⲓⲛⲁϩⲟⲡⲧ ⲉⲣⲟϥ ⲡⲉ

14 ⲛⲧⲟⲕ ⲇⲉ ⲡⲣⲱⲙⲉ ⲉⲧⲛⲏⲩ ϩⲙ ⲡⲁϩⲏⲧ ⲛⲁⲛⲟϭ ⲉϯⲥⲟⲟⲩⲛ ⲙⲙⲟϥ

15 ⲡⲁⲓ ⲉⲛⲉϥⲟⲩⲱⲙ ⲛⲙⲙⲁⲓ ϩⲉⲛϭⲓ ⲛⲟⲩⲱⲙ ⲛⲉⲛⲙⲟⲟϣⲉ ⲡⲉ ϩⲙ ⲡⲏⲓ

ⲙⲡⲛⲟⲩⲧⲉ ϩⲓ ⲟⲩⲥⲟⲡ

16 ⲉⲣⲉⲡⲙⲟⲩ ⲉⲓ ⲉϩⲣⲁⲓ ⲉϫⲱⲟⲩ ⲙⲁⲣⲟⲩⲃⲱⲕ ⲉⲡⲉⲥⲏⲧ ⲉⲁⲙⲛⲧⲉ ⲉⲩⲟⲛϩ ϫⲉ

ⲟⲩⲡⲟⲛⲏⲣⲓⲁ ⲧⲉⲧϩⲛ ⲛⲉⲩⲙⲁ ⲛϣⲱⲡⲉ ϩⲛ ⲧⲉⲥⲙⲏⲧⲉ

17 ⲁⲛⲟⲕ ⲇⲉ ⲁⲓϫⲓ ϣⲕⲁⲕ ⲉϩⲣⲁⲓ ⲉⲡⲛⲟⲩⲧⲉ ⲁⲡϫⲟⲉⲓⲥ ⲥⲱⲧⲙ ⲉⲣⲟⲓ

18 ϯⲛⲁϣⲁϫⲉ ⲙⲡⲛⲁⲩ ⲛⲣⲟⲩϩⲉ ⲁⲩⲱ ϩⲧⲟⲟⲩⲉ ⲙⲛ ⲡⲛⲁⲩ ⲙⲙⲉⲉⲣⲉ

ϯⲛⲁϫⲟⲟⲩ ⲁⲩⲱ ϥⲛⲁⲥⲱⲧⲙ ⲉⲡⲁϩⲣⲟⲟⲩ

19 ⲛϥⲥⲱⲧⲉ ⲛⲧⲁⲯⲩⲭⲏ ϩⲛ ⲟⲩⲉⲓⲣⲏⲛⲏ ⲉⲃⲟⲗ ϩⲛ ⲛⲉⲧϩⲏⲛ ⲉⲣⲟⲓ ϫⲉ ⲛⲉ

ⲟⲩⲟⲛ ϩⲁϩ ⲛⲙⲙⲁⲓ ⲡⲉ











20 ⲡⲛⲟⲩⲧⲉ ⲛⲁⲥⲱⲧⲙ ⲛϥⲑⲃⲃⲓⲟⲟⲩ ⲡⲉⲧϣⲟⲟⲡ ϩⲁ ⲧϩⲏ ⲛⲛⲓⲉⲛⲉϩ

ⲇⲓⲁⲯⲁⲗⲙⲁ ⲙⲛⲧⲟⲩ ϣⲃⲃⲓⲱ ⲅⲁⲣ ⲁⲩⲱ ⲙⲡⲟⲩⲣ ϩⲟⲧⲉ ϩⲏⲧϥ


21 ⲁϥⲥⲟⲟⲩⲧⲛ ⲧⲉϥϭⲓϫ ⲉⲃⲟⲗ ⲉⲧⲟⲩⲉⲓⲟ ⲁϥⲥⲱϣϥ ⲛⲧⲉϥⲇⲓⲁⲑⲏⲕⲏ

22 ⲁⲩⲡⲱϣ ⲉⲃⲟⲗ ϩⲛ ⲧⲟⲣⲅⲏ ⲙⲡⲉϥϩⲟ ⲁⲩⲱ ⲁϥϩⲱⲛ ⲉϩⲟⲩⲛ ⲛϭⲓ

ⲡⲉϥϩⲏⲧ ⲁⲛⲉϥϣⲁϫⲉ ⲕⲛⲛⲉ ⲉϩⲟⲩⲉ ⲟⲩⲛⲉϩ ⲁⲩⲱ ⲛⲧⲟⲟⲩ ⲉⲩⲟ ⲛⲧϩⲉ

ⲛϩⲉⲛⲥⲟⲧⲉ

23 ⲛⲉϫ ⲡⲉⲕⲣⲟⲟⲩϣ ⲉⲡϫⲟⲉⲓⲥ ⲁⲩⲱ ⲛⲧⲟϥ ϥⲛⲁⲥⲁⲛⲟⲩϣⲕ ⲛϥⲛⲁⲕⲁ

ⲡⲇⲓⲕⲁⲓⲟⲥ ⲁⲛ ⲉⲕⲓⲙ ϣⲁ ⲉⲛⲉϩ

24 ⲛⲧⲟⲕ ⲇⲉ ⲡⲛⲟⲩⲧⲉ ⲕⲛⲁϫⲓⲧⲟⲩ ⲉⲡⲉⲥⲏⲧ ⲉⲡϣⲏⲓ ⲙⲡⲧⲁⲕⲟ ϩⲉⲛⲣⲱⲙⲉ

ⲛⲥⲛⲟϥ ⲁⲩⲱ ⲛⲕⲣⲟϥ ⲛⲛⲉⲩⲣ ⲡⲙⲉⲉⲩⲉ ⲛⲛⲉⲩϩⲟⲟⲩ ⲁⲛⲟⲕ ⲇⲉ ϯⲛⲁⲛⲁϩⲧⲉ

ⲉⲣⲟⲕ ⲡϫⲟⲉⲓⲥ

Psalm 55

1 ⲉⲡϫⲱⲕ ⲉⲃⲟⲗ ϩⲁ ⲡⲗⲁⲟⲥ ⲉⲛⲧⲁϥⲟⲩⲉ ⲉⲃⲟⲗ ϩⲛ ⲛⲉⲧⲟⲩⲁⲁⲃ

ⲡⲉⲛⲧⲁⲇⲁⲩⲉⲓⲇ ⲥⲁϩϥ ⲉⲧⲉⲥⲧⲏⲗⲏ ⲛⲧⲉⲣⲟⲩⲁⲙⲁϩⲧⲉ ⲙⲙⲟϥ ⲛϭⲓ

ⲛⲁⲗⲗⲟⲫⲩⲗⲟⲥ ϩⲛ ⲅⲉⲑ

2 ⲛⲁ ⲛⲁⲓ ⲡϫⲟⲉⲓⲥ ϫⲉ ⲁⲩⲣⲱⲙⲉ ⲕⲁⲧⲁⲡⲁⲧⲉⲓ ⲙⲙⲟⲓ ⲁⲩⲑⲗⲓⲃⲉ ⲙⲙⲟⲓ

ϩⲙ ⲡⲡⲟⲗⲉⲙⲟⲥ ⲙⲡⲉϩⲟⲟⲩ ⲧⲏⲣϥ

3 ⲁⲛⲁϫⲓϫⲉⲉⲩ ϩⲱⲙ ⲉϫⲱⲓ ⲙⲡⲉϩⲟⲟⲩ ⲧⲏⲣϥ ϫⲉ ⲛⲁϣⲉ ⲛⲉⲧϯⲟⲩⲃⲏⲓ ϩⲛ

ⲟⲩⲁϣⲏ ⲛϩⲟⲟⲩ









4 ⲛϯⲛⲁⲣ ϩⲟⲧⲉ ⲁⲛ ⲁⲛⲟⲕ ⲉⲓⲛⲁϩⲧⲉ ⲉⲣⲟⲕ

5 ϯⲛⲁⲧⲁⲉⲓⲟ ⲛⲛⲁϣⲁϫⲉ ϩⲙ ⲡⲁⲛⲟⲩⲧⲉ ⲙⲡⲉϩⲟⲟⲩ ⲧⲏⲣϥ ⲁⲓⲛⲁϩⲧⲉ

ⲉⲡⲛⲟⲩⲧⲉ ⲛϯⲛⲁⲣ ϩⲟⲧⲉ ⲁⲛ ϫⲉ ⲉⲣⲉⲥⲁⲣⲝ ⲛⲁⲣ ⲟⲩ ⲛⲁⲓ

6 ⲁⲩϥⲱⲧⲉ ⲛⲛⲁϣⲁϫⲉ ⲙⲡⲉϩⲟⲟⲩ ⲧⲏⲣϥ ⲉⲣⲉⲛⲉⲩⲙⲉⲉⲩⲉ ⲧⲏⲣⲟⲩ ϣⲟⲟⲡ

ⲉϩⲟⲩⲛ ⲉⲣⲟⲓ ⲉⲡⲡⲉⲧϩⲟⲟⲩ

7 ⲥⲉⲛⲁϭⲟⲓⲗⲉ ⲛⲥⲉϩⲱⲡ ⲛⲧⲟⲟⲩ ⲥⲉⲛⲁϩⲁⲣⲉϩ ⲉⲡⲁϯⲃⲥ ⲕⲁⲧⲁ ⲧϩⲉ

ⲉⲛⲧⲁⲩϩⲩⲡⲟⲙⲉⲓⲛⲉ ⲉⲧⲁⲯⲩⲭⲏ

8 ⲉⲕⲉⲧⲁⲛϩⲟⲟⲩ ϩⲁ ⲗⲁⲁⲩ ⲡⲛⲟⲩⲧⲉ ⲕⲛⲁⲧⲁⲩⲟ ⲉϩⲣⲁⲓ ⲛⲛϩⲉⲑⲛⲟⲥ ϩⲛ


9 ⲁⲓϫⲱ ⲛⲁⲕ ⲛⲛⲁϩⲃⲏⲩⲉ ⲁⲕⲕⲱ ⲛⲛⲁⲣⲙⲉⲓⲟⲟⲩⲉ ⲙⲡⲉⲕⲙⲧⲟ ⲉⲃⲟⲗ ⲛⲧϩⲉ

ⲟⲛ ϩⲙ ⲡⲉⲕⲉⲣⲏⲧ

10 ⲛⲁϫⲓϫⲉⲉⲩ ⲛⲁⲕⲟⲧⲟⲩ ⲉⲡⲁϩⲟⲩ ⲙⲡⲉϩⲟⲟⲩ ⲉϯⲛⲁⲱϣ ⲉϩⲣⲁⲓ ⲉⲣⲟⲕ ⲉⲓⲥ

ϩⲏⲏⲧⲉ ⲁⲓⲉⲓⲙⲉ ϫⲉ ⲛⲧⲟⲕ ⲡⲉ ⲡⲁⲛⲟⲩⲧⲉ

11 ϯⲛⲁⲥⲙⲟⲩ ⲉⲡⲁⲛⲟⲩⲧⲉ ϩⲙ ⲡⲁϣⲁϫⲉ ϯⲛⲁⲥⲙⲟⲩ ϩⲙ ⲡⲁϣⲁϫⲉ

ⲉⲡⲁⲛⲟⲩⲧⲉ

12 ⲁⲓϩⲉⲗⲡⲓⲍⲉ ⲉⲡⲛⲟⲩⲧⲉ ⲛϯⲛⲁⲣ ϩⲟⲧⲉ ⲁⲛ ϫⲉ ⲉⲣⲉⲣⲱⲙⲉ ⲛⲁⲣ ⲟⲩ ⲁⲓ

13 ⲡⲛⲟⲩⲧⲉ ⲉⲣⲉⲛⲉⲣⲏⲧ ⲛϩⲏⲧ ⲉϯⲛⲁⲧⲁⲁⲩ ϯⲛⲁⲥⲙⲟⲩ ⲉⲣⲟⲕ

14 ϫⲉ ⲁⲕⲧⲟⲩϫⲉ ⲧⲁⲯⲩⲭⲏ ⲉⲃⲟⲗ ϩⲙ ⲡⲙⲟⲩ ⲁⲩⲱ ⲛⲁⲟⲩⲉⲣⲏⲧⲉ

ⲉⲡⲉⲥⲗⲁⲁⲧⲉ ⲉⲧⲣⲁⲣⲁⲛⲁϥ ⲙⲡⲛⲟⲩⲧⲉ ⲙⲡⲉⲙⲧⲟ ⲉⲃⲟⲗ ϩⲙ ⲡⲟⲩⲟⲉⲓⲛ

ⲛⲛⲉⲧⲟⲛϩ












Psalm 56

1 ⲉⲡϫⲱⲕ ⲉⲃⲟⲗ ⲙⲡⲣⲧⲁⲕⲟ ⲛⲇⲁⲩⲉⲓⲇ ⲧⲉⲥⲧⲏⲗⲟⲅⲣⲁⲫⲓⲁ ϩⲙ

ⲡⲧⲣⲉϥⲡⲱⲧ ⲙⲡⲉⲙⲧⲟ ⲉⲃⲟⲗ ⲛⲥⲁⲟⲩⲗ ⲉⲡⲉⲙϩⲁⲁⲩ

2 ⲛⲁ ⲛⲁⲓ ⲡⲛⲟⲩⲧⲉ ⲛⲁ ⲛⲁⲓ ϫⲉ ⲁⲧⲁⲯⲩⲭⲏ ⲛⲁϩⲧⲉ ⲉⲣⲟⲕ ⲁⲩⲱ

ϯⲛⲁⲛⲁϩⲧⲉ ϩⲁ ⲧϩⲁⲓⲃⲉⲥ ⲛⲛⲉⲕⲧⲛϩ ϣⲁⲛⲧⲉⲧⲁⲁⲛⲟⲙⲓⲁ ⲥⲁⲁⲧⲧ

3 ϯⲛⲁϫⲓ ϣⲕⲁⲕ ⲉϩⲣⲁⲓ ⲉⲡⲛⲟⲩⲧⲉ ⲉⲧϫⲟⲥⲉ ⲡⲛⲟⲩⲧⲉ ⲡⲉⲛⲧⲁϥⲣ

ⲡⲉⲧⲛⲁⲛⲟⲩϥ ⲛⲁⲓ

4 ⲁⲡϫⲟⲉⲓⲥ ⲧⲛⲛⲟⲟⲩ ⲉⲃⲟⲗ ϩⲛ ⲧⲡⲉ ⲁϥⲧⲟⲩϫⲟⲓ ⲁϥϯ ⲛⲛⲉⲧϩⲱⲙ ⲉϫⲱⲓ

ⲉⲩⲛⲟϭⲛⲉϭ ⲇⲓⲁⲯⲁⲗⲙⲁⲁⲡⲛⲟⲩⲧⲉ ⲧⲛⲛⲉⲩ ⲡⲉϥⲛⲁ ⲙⲛ ⲧⲉϥⲙⲉ

5 ⲁϥⲛⲉϩⲙ ⲧⲁⲯⲩⲭⲏ ⲁⲓⲛⲕⲟⲧⲕ ⲉⲓϣⲧⲣⲧⲱⲣ ⲛⲧⲙⲏⲧⲉ ⲛϩⲉⲛⲙⲁⲥ

ⲙⲙⲟⲩⲓ ⲛⲛⲁϫϩⲉ ⲛⲛϣⲏⲣⲉ ⲛⲛⲣⲱⲙⲉ ϩⲉⲛϩⲟⲡⲗⲟⲛ ⲛⲉ ϩⲓ ⲥⲟⲧⲉ ⲁⲩⲱ

ⲡⲉⲩⲗⲁⲥ ⲟⲩⲥⲏϥⲉ ⲧⲉ ⲉⲥⲧⲏⲙ

6 ϫⲓⲥⲉ ⲙⲙⲟⲕ ⲡⲛⲟⲩⲧⲉ ⲉϩⲣⲁⲓ ⲉϫⲛ ⲙⲡⲏⲩⲉ ⲁⲩⲱ ⲡⲉⲕⲉⲟⲟⲩ ⲉϩⲣⲁⲓ ⲉϫⲙ

ⲡⲕⲁϩ ⲧⲏⲣϥ

7 ⲁⲩⲥⲟⲃⲧⲉ ⲛⲟⲩϭⲟⲣϭⲣⲥ ⲉⲛⲁⲟⲩⲉⲣⲏⲧⲉ ⲁⲩⲱ ⲁⲩⲕⲉⲗϫ ⲧⲁⲯⲩⲭⲏ

ⲁⲩϣⲓⲕⲉ ⲛⲟⲩϩⲓⲉⲓⲧ ⲙⲡⲁⲙⲧⲟ ⲉⲃⲟⲗ ⲁⲩⲱ ⲁⲩⲉⲓ ϩⲁⲣⲟϥ ⲇⲓⲁⲯⲁⲗⲙⲁ

8 ⲡⲛⲟⲩⲧⲉ ⲡⲁϩⲏⲧ ⲥⲃⲧⲱⲧ ⲡⲁϩⲏⲧ ⲥⲃⲧⲱⲧ ϯⲛⲁϫⲱ ⲧⲁⲯⲁⲗⲗⲉⲓ

ⲉⲣⲟⲕ

9 ⲧⲱⲟⲩⲛ ⲉϩⲣⲁⲓ ⲡⲁⲉⲟⲟⲩ ⲧⲱⲟⲩⲛ ⲡⲉⲯⲁⲗⲧⲏⲣⲓⲟⲛ ⲙⲛ ⲧⲕⲓⲑⲁⲣⲁ

ϯⲛⲁⲧⲱⲟⲩⲛ ⲙⲡⲛⲁⲩ ⲛϣⲱⲣⲡ










10 ⲧⲁⲉⲝⲟⲙⲟⲗⲟⲅⲉⲓ ⲛⲁⲕ ⲡϫⲟⲉⲓⲥ ϩⲛ ⲛⲉⲓⲗⲁⲟⲥ ϯⲛⲁⲯⲁⲗⲗⲉⲓ ⲉⲣⲟⲕ

11 ϫⲉ ⲁⲡⲉⲕⲛⲁϫⲓⲥⲉ ϣⲁ ϩⲣⲁⲓ ⲉⲙⲡⲏⲩⲉ ⲁⲩⲱ ⲧⲉⲕⲙⲉ ϣⲁ ϩⲣⲁⲓ

ⲉⲛⲉⲕⲗⲟⲟⲗⲉ

12 ϫⲓⲥⲉ ⲙⲙⲟⲕ ⲉϫⲛ ⲙⲡⲏⲩⲉ ⲡⲛⲟⲩⲧⲉ ⲁⲩⲱ ⲡⲉⲕⲉⲟⲟⲩ ⲉϩⲣⲁⲓ ⲉϫⲙ ⲡⲕⲁϩ

ⲧⲏⲣϥ

Psalm 57

1 ⲉⲡϫⲱⲕ ⲉⲃⲟⲗ ⲙⲡⲣⲧⲁⲕⲟ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲡⲉⲛⲧⲁϥⲥⲁϩϥ

ⲉⲧⲉⲥⲧⲏⲗⲏ

2 ⲉϣϫⲉ ⲛⲁⲙⲉ ⲧⲉⲧⲛϫⲱ ⲛⲧⲇⲓⲕⲁⲓⲟⲥⲩⲛⲏ ⲕⲣⲓⲛⲉ ⲙⲡⲥⲟⲟⲩⲧⲛ ⲛϣⲏⲣⲉ

ⲛⲛⲣⲱⲙⲉ

3 ⲕⲁⲓⲅⲁⲣ ⲧⲉⲧⲛⲣ ϩⲱⲃ ϩⲛ ⲡⲉⲧⲛϩⲏⲧ ⲉϩⲉⲛⲁⲛⲟⲙⲓⲁ ϩⲓϫⲙ ⲡⲕⲁϩ

ⲛⲉⲧⲛϭⲓϫ ϭⲗⲟⲙⲗⲙ ϩⲛ ϩⲉⲛϫⲓⲛϭⲟⲛⲥ

4 ⲁⲛⲣⲉϥⲣⲛⲟⲃⲉ ⲣ ϣⲙⲙⲟ ϫⲓⲛ ϩⲛ ⲧⲟⲟⲧⲉ ⲁⲩⲡⲗⲁⲛⲁ ϫⲓⲛ ϩⲛ ⲧϩⲏ

ⲁⲩϫⲱ ⲛϩⲉⲛϭⲟⲗ

5 ⲟⲩⲛ ⲟⲩϭⲱⲛⲧ ⲙⲙⲟⲟⲩ ⲛⲧϩⲉ ⲙⲡⲁⲡϩⲟϥ ⲛⲧϩⲉ ⲛⲟⲩϩⲟϥ ⲛⲁⲗ

ⲉϥϣⲧⲁⲙ ⲛⲛⲉϥⲙⲁⲁϫⲉ

6 ⲉⲙⲉϥⲥⲱⲧⲙ ⲉⲡⲉϩⲣⲟⲟⲩ ⲛⲛⲉⲧⲙⲟⲩⲧⲉ ⲉⲣⲟϥ ⲁⲩⲱ ⲉⲩⲡⲁϩⲣⲉ ⲉⲩⲉⲓⲣⲉ

ⲙⲙⲟϥ ϩⲓⲧⲛ ⲟⲩⲥⲟⲫⲟⲥ

7 ⲡⲛⲟⲩⲧⲉ ⲛⲁⲟⲩⲱϣϥ ⲛⲛⲉⲩⲟⲃϩⲉ ϩⲛ ⲣⲱⲟⲩ ⲁⲡϫⲟⲉⲓⲥ ⲟⲩⲱϭⲡ

ⲛⲛⲛⲁϫϩⲉ ⲛⲙⲙⲟⲩⲓ











8 ⲁϥⲥⲟϣϥⲟⲩ ⲛⲧϩⲉ ⲛⲟⲩⲙⲟⲟⲩ ⲉϥⲥⲱⲕ ϥⲛⲁⲥⲱⲙⲛⲧ ⲛⲧⲉϥⲡⲓⲧⲉ

ϣⲁⲛⲧⲟⲩⲣ ϭⲱⲃ

9 ⲥⲉⲛⲁⲱϫⲛ ⲛⲧϩⲉ ⲛⲟⲩⲙⲟⲩⲗϩ ⲉⲁϥⲃⲱⲗ ⲉⲃⲟⲗ ⲁⲩⲕⲱϩⲧ ϩⲉ ⲉϩⲣⲁⲓ

ⲉϫⲱⲟⲩ ⲙⲡⲟⲩⲛⲁⲩ ⲉⲡⲣⲏ

10 ⲉⲙⲡⲁⲧⲟⲩⲉⲓⲙⲉ ⲉⲛⲉⲩϣⲟⲛⲧⲉ ⲧⲉϩⲣⲁⲙⲛⲟⲥ ⲛⲧϩⲉ ⲛⲛⲉⲧⲟⲛϩ

ϥⲛⲁⲉⲙⲕⲧⲏⲩⲧⲛ ϩⲛ ⲟⲩⲟⲣⲅⲏ

11 ⲡⲇⲓⲕⲁⲓⲟⲥ ⲛⲁⲉⲩⲫⲣⲁⲛⲉ ⲉϥϣⲁⲛⲛⲁⲩ ⲉⲡϫⲓⲕⲃⲁ ⲛⲛⲁⲥⲉⲃⲏⲥ ϥⲁⲛⲁⲉⲓⲱ

ⲛⲛⲉϥϭⲓϫ ϩⲙ ⲡⲉⲥⲛⲟϥ ⲙⲡⲣⲉϥⲣⲛⲟⲃⲉ

12 ⲁⲩⲱ ⲡⲣⲱⲙⲉ ⲛⲁϫⲟⲟⲥ ϫⲉ ⲉⲓⲉⲟⲩⲛⲧⲉ ⲡⲇⲓⲕⲁⲓⲟⲥ ⲕⲁⲣⲡⲟⲥ ⲉⲓⲉ ⲡⲛⲟⲩⲧⲉ

ϣⲟⲟⲡ ⲡⲉⲧⲕⲣⲓⲛⲉ ⲙⲙⲟⲟⲩ ϩⲙ ⲡⲕⲁϩ

Psalm 58

1 ⲉⲡϫⲱⲕ ⲉⲃⲟⲗ ⲙⲡⲣⲧⲁⲕⲟ ⲡⲉⲛⲧⲁϥⲥⲁϩϥ ⲉⲧⲉⲥⲧⲏⲗⲏ ⲉⲇⲁⲩⲉⲓⲇ

ⲛⲧⲉⲣⲉⲥⲁⲟⲩⲗ ϫⲟⲟⲩ ⲉϩⲁⲣⲉϩ ⲉⲡⲉϥⲏⲓ ⲉⲙⲟⲟⲩⲧϥ

2 ⲡⲛⲟⲩⲧⲉ ⲙⲁⲧⲟⲩϫⲟⲓ ⲉⲛⲁϫⲁϫⲉ ⲥⲱⲧⲉ ⲙⲙⲟⲓ ⲉⲃⲟⲗ ϩⲛ ⲛⲉⲧⲧⲱⲟⲩⲛ

ⲉϩⲣⲁⲓ ⲉϫⲱⲓ

3 ⲛⲁϩⲙⲉⲧ ⲉⲛⲉⲧⲣ ϩⲱⲃ ⲉⲧⲁⲛⲟⲙⲓⲁ ⲛⲅⲧⲟⲩϫⲟⲓ ⲉⲃⲟⲗ ϩⲓⲧⲛ ⲛⲓⲣⲱⲙⲉ

ⲛⲥⲛⲟϥ

4 ϫⲉ ⲉⲓⲥ ϩⲏⲏⲧⲉ ⲁⲩϭⲱⲣϭ ⲉⲧⲁⲯⲩⲭⲏ ⲁⲩⲉⲓ ⲉϩⲣⲁⲓ ⲉϫⲱⲓ ⲉⲩⲧⲁϫⲣⲏⲩ

ⲡϫⲟⲉⲓⲣ ⲛⲧⲁⲁⲛⲟⲙⲓⲁ ⲁⲛ ⲧⲉ ⲙⲡⲁⲛⲟⲃⲉ ⲁⲛ ⲡⲉ

5 ⲁⲓⲡⲱⲧ ⲁϫⲛ ⲁⲛⲟⲙⲓⲁ ⲁⲩⲱ ⲁⲓⲥⲟⲟⲩⲧⲛ ⲧⲱⲟⲩⲛ ⲛⲅⲧⲱⲙⲛⲧ ⲉⲣⲟⲓ











ⲛⲅⲛⲁⲩ

6 ⲛⲧⲟⲕ ⲡϫⲟⲉⲓⲥ ⲡⲛⲟⲩⲧⲉ ⲛⲛϭⲟⲙ ⲡⲛⲟⲩⲧⲉ ⲙⲡⲓⲥⲣⲁⲏⲗ ϯϩⲧⲏⲕ

ⲉϭⲙⲡϣⲓⲛⲉ ⲛⲛϩⲉⲑⲛⲟⲥ ⲧⲏⲣⲟⲩ ⲙⲡⲣϣⲛϩⲧⲏⲕ ⲉϫⲛ ⲟⲩⲟⲛ ⲛⲓⲙ ⲉⲧⲣ

ϩⲱⲃ ⲉⲧⲁⲛⲟⲙⲓⲁ ⲇⲓⲁⲯⲁⲗⲙⲁ

7 ⲥⲉⲛⲁⲕⲟⲧⲟⲩ ⲉⲣⲟⲩϩⲉ ⲛⲥⲉϩⲕⲟ ⲛⲧϩⲉ ⲛⲛⲉⲩϩⲟⲟⲣ ⲛⲥⲉⲕⲱⲧⲉ ⲉⲧⲡⲟⲗⲓⲥ

8 ⲉⲓⲥ ϩⲏⲏⲧⲉ ⲛⲧⲟⲟⲩ ⲥⲉⲛⲁϣⲁϫⲉ ϩⲛ ⲧⲉⲩⲧⲁⲡⲣⲟ ⲉⲣⲉⲟⲩⲥⲏϥⲉ ϩⲟ

ⲛⲉⲩⲥⲡⲟⲧⲟⲩ ϫⲉ ⲛⲓⲙ ⲡⲉⲛⲧⲁϥⲥⲱⲧⲙ

9 ⲛⲧⲟⲕ ⲡϫⲟⲉⲓⲥ ⲡⲉⲧⲛⲁⲥⲱⲃⲉ ⲛⲥⲱⲟⲩ ⲕⲛⲁⲥⲱϣϥ ⲛϩⲉⲑⲛⲟⲥ ⲛⲓⲙ

10 ⲉⲓⲛⲁϩⲁⲣⲉϩ ⲉⲡⲁⲧⲁϫⲣⲟ ϩⲏⲧⲏⲕ ϫⲉ ⲛⲧⲕ ⲡⲁⲛⲟⲩⲧⲉ ⲡⲁⲣⲉϥϣⲟⲡⲧ

ⲉⲣⲟⲕ

11 ⲡⲁⲛⲟⲩⲧⲉ ⲡⲉϥⲛⲁ ⲛⲁⲣϣⲟⲣⲡ ⲉⲣⲟⲓ ⲡⲛⲟⲩⲧⲉ ⲛⲁⲧⲣⲁⲙⲉϩⲉⲓⲁⲧ

ⲛⲛⲁϫⲓϫⲉⲉⲩ

12 ⲙⲡⲣⲙⲟⲟⲩⲧⲟⲩ ⲙⲏⲡⲟⲧⲉ ⲛⲥⲉⲣ ⲡⲱⲃϣ ⲙⲡⲉⲕⲣⲁⲛ ϫⲟⲟⲣⲟⲩ ⲉⲃⲟⲗ ϩⲛ

ⲧⲉⲕϭⲟⲙ ⲛⲅⲛⲧⲟⲩ ⲉⲡⲉⲥⲏⲧ ⲡϫⲟⲉⲓⲥ ⲧⲁⲛⲁϣⲧⲉ

13 ⲡⲛⲟⲃⲉ ⲛⲧⲉⲩⲧⲁⲡⲣⲟ ⲡϣⲁϫⲉ ⲛⲛⲉⲩⲥⲡⲟⲧⲟⲩ ⲙⲁⲣⲟⲩϭⲟⲡⲟⲩ ϩⲛ

ⲧⲉⲩⲙⲛⲧϫⲁⲥⲓϩⲏⲧ ⲥⲉⲛⲁϫⲟ ⲛⲧⲉⲩϩⲁⲏ ⲉⲃⲟⲗ ϩⲙ ⲡⲉⲩⲥⲁϩⲟⲩ

14 ⲙⲛ ⲡⲉⲩϫⲓϭⲟⲗ ⲙⲛ ⲧⲟⲣⲅⲏ ⲛⲧϩⲁⲏ ⲛⲥⲉⲧⲙϣⲱⲡⲉ ⲁⲩⲱ ⲥⲉⲛⲁⲉⲓⲙⲉ ϫⲉ

ⲡⲛⲟⲩⲧⲉ ⲛⲓⲁⲕⲱⲃ ⲡⲉⲧⲟ ⲛϫⲟⲉⲓⲥ ⲉϫⲛ ⲛⲉⲕⲣⲱⲟⲩ ⲙⲡⲕⲁϩ ⲇⲓⲁⲯⲁⲗⲙⲁ

15 ⲥⲉⲛⲁⲕⲧⲟⲟⲩ ⲉⲣⲟⲩϩⲉ ⲛⲥⲉⲕⲟ ⲛⲧϩⲉ ⲛⲛⲉⲩϩⲟⲟⲣ ⲛⲥⲉⲕⲱⲧⲉ ⲉⲧⲡⲟⲗⲓⲥ

16 ⲛⲧⲟⲟⲩ ⲇⲉ ⲥⲉⲛⲁϫⲱⲱⲣⲉ ⲉⲃⲟⲗ ⲉⲟⲩⲱⲙ ⲉϣⲱⲡⲉ ⲇⲉ ⲉⲩⲧⲙⲥⲉⲓ












ⲥⲉⲛⲁⲕⲣⲙ

17 ⲁⲛⲟⲕ ⲇⲉ ϯⲛⲁϫⲱ ⲛⲧⲉⲕϭⲟⲙ ⲁⲩⲱ ϯⲛⲁⲧⲉⲗⲏⲗ ϩⲙ ⲡⲉⲕⲛⲁ ⲙⲡⲛⲁⲩ

ⲛϩⲧⲟⲟⲩⲉ ϫⲉ ⲁⲕϣⲱⲡⲉ ⲛⲁⲓ ⲛⲣⲉϥϣⲟⲡⲧ ⲉⲣⲟⲕ ⲁⲩⲱ ⲛⲙⲁ ⲙⲡⲱⲧ

ⲙⲡⲉϩⲟⲟⲩ ⲛⲧⲁⲑⲗⲓⲯⲓⲥ

18 ⲛⲧⲕ ⲡⲁⲃⲟⲏⲑⲟⲥ ⲉⲓⲛⲁⲯⲁⲗⲗⲉⲓ ⲉⲣⲟⲕ ϫⲉ ⲛⲧⲟⲕ ⲡⲉ ⲡⲛⲟⲩⲧⲉ

ⲡⲁⲣⲉϥϣⲟⲡⲧ ⲉⲣⲟⲕ ⲡⲁⲛⲟⲩⲧⲉ ⲡⲁⲛⲁ

19

Psalm 59

1 ⲉⲡϫⲱⲕ ⲉⲃⲟⲗ ⲛⲛⲉⲧⲛⲁϣⲓⲃⲉ ⲛⲕⲉⲥⲟⲡ ⲧⲉⲥⲧⲏⲗⲟⲅⲣⲁⲫⲓⲁ ⲛⲇⲁⲩⲉⲓⲇ

ⲉⲧⲇⲓⲁⲇⲟⲭⲏ

2 ⲛⲧⲉϥⲣⲱⲕϩ ⲛⲧⲉⲙⲉⲥⲟⲡⲟⲧⲁⲙⲓⲁ ⲛⲧⲥⲩⲣⲓⲁ ⲙⲛ ⲧⲥⲩⲣⲓⲁ ⲛⲥⲱⲩⲃⲁⲗ

ⲁⲩⲱ ⲁϥⲕⲧⲟϥ ⲛϭⲓ ⲓⲱⲁⲃ ⲁϥⲡⲁⲧⲁⲥⲥⲉ ⲛϯⲇⲟⲩⲙⲁⲓⲁ ϩⲙ ⲡⲉⲓⲁ

ⲛⲛⲉϩⲙⲟⲩ ⲙⲛ ⲧⲥⲛⲟⲟⲩⲥ ⲛϣⲟ

3 ⲡⲛⲟⲩⲧⲉ ⲁⲕⲕⲁⲁⲛ ⲛⲥⲱⲕ ⲁⲕϣⲣϣⲱⲣⲛ ⲁⲕⲛⲟⲩϭⲥ ⲁⲩⲱ ⲟⲛ ⲁⲕϣⲛϩⲧⲏⲕ

ⲉϫⲱⲛ

4 ⲁⲕⲛⲟⲉⲓⲛ ⲙⲡⲕⲁϩ ⲁⲕϣⲧⲣⲧⲱⲣϥ ⲙⲁⲧⲁⲗϭⲉ ⲛⲉϥⲟⲩⲱϣϥ ⲧⲏⲣⲟⲩ ϫⲉ

ⲁϥⲕⲓⲙ

5 ⲁⲕⲧⲥⲁⲃⲉ ⲡⲉⲕⲗⲁⲟⲥ ⲉϩⲉⲛϩⲃⲏⲩⲉ ⲉⲩⲛⲁϣⲧ ⲁⲕⲧⲥⲟⲛ ⲛⲟⲩⲏⲣⲡ ⲛⲙⲕⲁϩ

ⲛϩⲏⲧ

6 ⲁⲕϯ ⲛⲟⲩⲙⲁⲉⲓⲛ ⲛⲛⲉⲧⲣ ϩⲟⲧⲉ ϩⲏⲧⲕ ⲉⲧⲣⲉⲩⲡⲱⲧ ϩⲁ ⲧϩⲉ ⲛⲟⲩⲥⲟⲧⲉ










7 ϫⲉⲕⲁⲥ ⲉⲣⲉⲛⲉⲕⲙⲉⲣⲓⲧ ⲛⲟⲩϩⲙ ⲙⲁⲧⲟⲩϫⲟⲓ ϩⲛ ⲧⲉⲕⲟⲩⲛⲁⲙ ⲛⲅⲥⲱⲧⲙ

ⲉⲣⲟⲓ ⲇⲓⲁⲯⲁⲗⲙⲁ

8 ⲁⲡⲛⲟⲩⲧⲉ ϣⲁϫⲉ ϩⲙ ⲡⲉϥⲡⲉⲧⲟⲩⲁⲁⲃ ϫⲉ ϯⲛⲁⲧⲉⲗⲏⲗ ⲧⲁⲡⲉϣ

ⲥⲓⲕⲓⲙⲁ ⲧⲁⲉⲡ ⲡⲉⲓⲁ ⲛⲛⲉⲥⲕⲏⲛⲏ

9 ⲡⲱⲓ ⲡⲉ ⲅⲁⲗⲁⲁⲇ ⲡⲱⲓ ⲡⲉ ⲙⲁⲛⲁⲥⲥⲏ ⲉⲫⲣⲁⲓⲙ ⲡⲉ ⲡⲧⲁϫⲣⲟ ⲛⲧⲁⲁⲡⲉ

ⲓⲟⲩⲇⲁⲥ ⲡⲉ ⲡⲁⲣⲣⲟ

10 ⲙⲱⲁⲃ ⲡⲉ ⲡⲗⲉⲃⲏⲥ ⲛⲧⲁϩⲉⲗⲡⲓⲥ ϯⲛⲁⲥⲟⲟⲩⲧⲛ ⲙⲡⲁⲧⲟⲟⲩⲉ ⲉϫⲛ

ϯⲇⲟⲩⲙⲁⲓⲁ ⲛⲧⲁ ⲛⲁⲗⲗⲟⲫⲩⲗⲟⲥ ϩⲩⲡⲟⲧⲁⲥⲥⲉ ⲛⲁⲓ

11 ⲛⲓⲙ ⲡⲉⲧⲛⲁϫⲓⲧⲧ ⲉⲧⲡⲟⲗⲓⲥ ⲉⲧⲕⲧⲏⲩ ⲛⲓⲙ ⲡⲉⲧⲛⲁϫⲓ ⲙⲟⲉⲓⲧ ϩⲏⲧ ϣⲁ

ϯⲇⲟⲩⲙⲁⲓⲁ

12 ⲙⲏ ⲛⲧⲟⲕ ⲁⲛ ⲡⲉ ⲡⲛⲟⲩⲧⲉ ⲛⲧⲁⲕⲕⲁⲁⲛ ⲛⲥⲱⲕ ⲉⲛⲅⲛⲏⲩ ⲁⲛ ⲉⲃⲟⲗ

ⲡⲛⲟⲩⲧⲉ ϩⲛ ⲛⲉⲛⲙⲏⲏϣⲉ

13 ⲡϫⲟⲉⲓⲥ ⲙⲁ ⲛⲁⲛ ⲛⲟⲩⲃⲟⲏⲑⲓⲁ ϩⲛ ⲛⲉⲛⲑⲗⲓⲯⲓⲥ ⲁⲩⲱ ⲡⲟⲩϫⲁⲓ

ⲙⲡⲣⲱⲙⲉ ϣⲟⲩⲉⲓⲧ

14 ϩⲙ ⲡⲉⲛⲛⲟⲩⲧⲉ ⲧⲛⲛⲁⲣ ⲟⲩϭⲟⲙ ⲁⲩⲱ ⲛⲧⲟϥ ⲡⲉⲧⲛⲁⲥⲱϣϥ

ⲛⲛⲉⲧⲑⲗⲓⲃⲉ ⲙⲙⲟⲛ

Psalm 60

1 ⲉⲡϫⲱⲕ ⲉⲃⲟⲗ ϩⲛ ⲛⲉⲥⲙⲟⲩ ⲛⲇⲁⲩⲉⲓⲇ

2 ⲡⲛⲟⲩⲧⲉ ⲥⲱⲧⲙ ⲉⲡⲁⲥⲟⲡⲥ ϯϩⲧⲏⲕ ⲉⲡⲁϣⲗⲏⲗ

3 ϫⲓⲛ ⲁⲣⲏϫϥ ⲙⲡⲕⲁϩ ⲁⲓϫⲓ ϣⲕⲁⲕ ⲉϩⲣⲁⲓ ⲉⲣⲟⲕ ϩⲙ ⲡⲧⲣⲉ ⲡⲁϩⲏⲧ ⲙⲕⲁϩ












ⲁⲕϫⲁⲥⲧ ϩⲛ ⲟⲩⲡⲉⲧⲣⲁ ⲁⲕϫⲓ ⲙⲟⲉⲓⲧ ϩⲏⲧ

4 ϫⲉ ⲁⲕϣⲱⲡⲉ ⲛⲁⲓ ⲛϩⲉⲗⲡⲓⲥ ⲙⲡⲩⲣⲅⲟⲥ ⲉϥϫⲟⲟⲣ ⲙⲡⲉⲙⲧⲟ ⲉⲃⲟⲗ

ⲙⲡϫⲁϫⲉ

5 ϯⲛⲁϭⲟⲓⲗⲉ ⲉⲡⲉⲕⲙⲁ ⲛϣⲱⲡⲉ ϣⲁ ⲉⲛⲉϩ ϯⲛⲁϫⲓ ϩⲁⲓⲃⲉⲥ ϩⲁ ⲧϩⲁⲓⲃⲉⲥ

ⲛⲛⲉⲕⲧⲛϩ ⲇⲓⲁⲯⲁⲗⲙⲁ

6 ϫⲉ ⲛⲧⲟⲕ ⲡⲛⲟⲩⲧⲉ ⲁⲕⲥⲱⲧⲙ ⲉⲡⲁϣⲗⲏⲗ ⲁⲕϯ ⲛⲧⲉⲕⲕⲗⲏⲣⲟⲛⲟⲙⲓⲁ

ⲛⲛⲉⲧⲣ ϩⲟⲧⲉ ϩⲏⲧϥ ⲙⲡⲉⲕⲣⲁⲛ

7 ϩⲛ ⲟⲩϩⲟⲟⲩ ⲉⲃⲟⲗ ϩⲛ ⲟⲩϩⲟⲟⲩ ϥⲛⲁⲟⲩⲱϩ ϩⲛ ⲛⲣⲙⲡⲟⲟⲩⲉ ⲙⲡⲉϥⲣⲣⲟ

ϣⲁ ⲡⲉϩⲟⲟⲩ ⲛⲟⲩϫⲱⲙ ϣⲁ ⲟⲩϫⲱⲙ

8 ϥⲛⲁⲙⲟⲩⲛ ⲉⲃⲟⲗ ϣⲁ ⲉⲛⲉϩ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ⲡⲉϥⲛⲁ ⲙⲛ

ⲧⲉϥⲙⲉ ⲛⲓⲙ ⲡⲉⲧⲛⲁϣⲓⲛⲉ ⲛⲥⲱⲟⲩ

9 ⲧⲁⲓ ⲧⲉ ⲧϩⲉ ⲉϯⲛⲁⲯⲁⲗⲗⲉⲓ ⲉⲡⲉⲕⲣⲁⲛ ⲡⲛⲟⲩⲧⲉ ϣⲁ ⲉⲛⲉϩ ⲛⲉⲛⲉϩ

ⲉⲧⲣⲁϯ ⲛⲛⲁⲉⲧⲣⲏⲧ ϩⲛ ⲟⲩϩⲟⲟⲩ ⲉⲃⲟⲗ ϩⲛ ⲟⲩϩⲟⲟⲩ

Psalm 61

1 ⲉⲡϫⲱⲕ ⲉⲃⲟⲗ ϩⲁ ⲓⲇⲓⲑⲟⲩⲛ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ

2 ⲙⲏ ⲉⲣⲉⲧⲁⲯⲩⲭⲏ ⲛⲁϩⲩⲡⲟⲧⲁⲥⲥⲉ ⲁⲛ ⲙⲡⲛⲟⲩⲧⲉ ⲉⲣⲉⲡⲁⲟⲩϫⲁⲓ ⲅⲁⲣ

ϩⲁⲧⲏϥ

3 ⲛⲁⲓ ⲅⲁⲣ ⲛⲧⲟϥ ⲡⲉ ⲡⲛⲟⲩⲧⲉ ⲡⲁⲥⲱⲧⲏⲣ ⲡⲁⲣⲉϥϣⲟⲡⲧ ⲉⲣⲟϥ ⲛϯⲛⲁⲕⲓⲙ

ⲁⲛ ⲉⲡⲉϩⲟⲩⲟ

4 ϣⲁ ⲧⲛⲁⲩ ⲧⲉⲧⲛⲧⲱⲟⲩⲛ ⲉϫⲙ ⲡⲣⲱⲙⲉ ⲧⲉⲧⲛϩⲱⲧⲃ ⲧⲏⲣⲧⲛ ⲛⲧϩⲉ











ⲛⲟⲩϫⲟ ⲉⲁⲥⲣⲓⲕⲉ ⲁⲩⲱ ⲟⲩϫⲟⲗϫⲗ ⲉⲁϥⲟⲩⲱⲗⲥ

5 ⲡⲗⲏⲛ ⲁⲩϫⲓ ϣⲟϫⲛⲉ ⲉⲕⲱ ⲛⲥⲱⲟⲩ ⲛⲧⲁⲧⲓⲙⲏ ⲁⲩⲡⲱⲧ ϩⲓ ⲟⲩⲥⲟⲡ ϩⲙ

ⲡϭⲟⲗ ⲛⲉⲩⲥⲙⲟⲩ ⲡⲉ ϩⲛ ⲧⲉⲩⲧⲁⲡⲣⲟ ⲉⲩⲥⲁϩⲟⲩ ϩⲙ ⲡⲉⲩϩⲏⲧ


6 ⲡⲗⲏⲛ ⲧⲁⲯⲩⲭⲏ ϩⲩⲡⲟⲩⲁⲥⲥⲉ ⲙⲡϫⲟⲉⲓⲥ ⲉⲣⲉⲧⲁϩⲩⲡⲟⲙⲟⲛⲏ ⲅⲁⲣ

ϩⲁⲧⲏϥ

7 ϫⲉ ⲛⲧⲟϥ ⲡⲉ ⲡⲛⲟⲩⲧⲉ ⲡⲁⲥⲱⲧⲏⲣ ⲡⲁⲣⲉϥϣⲟⲡⲧ ⲉⲣⲟϥ ⲛϯⲛⲁⲕⲓⲙ ⲁⲛ

8 ⲉⲣⲉⲡⲁⲟⲩϫⲁⲓ ϩⲓ ⲡⲁⲛⲟⲩⲧⲉ ⲁⲩⲱ ⲡⲁⲉⲟⲟⲩ ⲡⲉ ⲡⲛⲟⲩⲧⲉ ⲛⲧⲁⲃⲟⲏⲑⲓⲁ

ⲧⲁϩⲉⲗⲡⲓⲥ ⲡⲉ ⲡⲛⲟⲩⲧⲉ

9 ⲛⲁϩⲧⲉ ⲉⲣⲟϥ ⲥⲩⲛⲁⲅⲱⲅⲏ ⲛⲓⲙ ⲛⲗⲁⲟⲥ ⲡⲱϩⲧ ⲛⲛⲉⲧⲛϩⲏⲧ ⲙⲉϥⲙⲧⲟ

ⲉⲃⲟⲗ ⲇⲁⲓⲯⲁⲗⲙⲁ ⲡⲛⲟⲩⲧⲉ ⲡⲉ ⲡⲉⲛⲃⲟⲏⲑⲟⲥ

10 ⲡⲗⲏⲛ ⲛϣⲏⲣⲉ ⲛⲛⲣⲱⲙⲉ ϣⲟⲩⲉⲓⲧ ϩⲉⲛⲛⲟⲩϫ ⲛⲉ ⲛϣⲏⲣⲉ ⲛⲛⲣⲱⲙⲉ ϩⲛ

ⲛⲛⲁϩⲃⲉϥ ⲛϫⲓⲛϭⲟⲛⲥ ⲛⲧⲟⲟⲩ ϩⲓ ⲛⲉⲩⲉⲣⲏⲩ ⲉⲃⲟⲗ ϩⲛ ⲧⲙⲛⲧⲉⲡⲣⲁ

11 ⲙⲡⲣⲛⲁϩⲧⲉ ⲉϫⲓⲛϭⲟⲛⲥ ⲙⲡⲣⲕⲁϩⲧⲏⲧⲛ ⲉⲧⲱⲣⲡ ⲟⲩⲙⲛⲧⲣⲙⲙⲁⲟ

ⲉⲥϣⲁⲛⲉⲓ ⲙⲡⲣⲕⲁϩⲧⲏⲧⲛ ⲉⲣⲟⲥ

12 ⲡⲛⲟⲩⲧⲉ ⲁⲩϣⲁϫⲉ ⲛⲟⲩⲥⲟⲡ ⲁⲓⲥⲉⲧⲙ ⲛⲁⲓ ⲛⲥⲉⲡⲥⲛⲁⲩ ϫⲉ ⲡⲁⲙⲁϩⲉⲧ

ⲡⲁⲡⲛⲟⲩⲧⲉ ⲡⲉ

13 ⲁⲩⲱ ⲡⲱⲕ ⲡϫⲟⲉⲓⲥ ⲡⲉ ⲡⲛⲁ ϫⲉ ⲛⲧⲟⲕ ⲡⲉⲧⲛⲁϯ ⲙⲡⲟⲩⲁ ⲕⲁⲧⲁ

ⲛⲉϥϩⲃⲏⲩⲉ

Psalm 62










1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ϩⲙ ⲡⲧⲣⲉϥϣⲱⲡⲉ ϩⲙ ⲡϫⲁⲓⲉ ⲛϯⲇⲟⲩⲙⲁⲓⲁ

2 ϯϣⲱⲣⲡ ⲙⲙⲟⲓ ⲉⲣⲟⲕ ⲡⲛⲟⲩⲧⲉ ⲡⲁⲛⲟⲩⲧⲉ ⲁⲧⲁⲯⲩⲭⲏ ⲉⲓⲃⲉ ⲙⲙⲟⲕ

ⲁⲩⲱ ⲁⲧⲁⲥⲁⲣⲝ ⲃⲱⲗ ⲉⲃⲟⲗ ϩⲛ ⲟⲩⲕⲁϩ ⲛϫⲁⲓⲉ ⲛⲁⲧⲙⲟⲟϣⲉ

ⲉⲙⲛⲙⲟⲟⲩ ⲛϩⲏⲧϥ

3 ⲧⲁⲓ ⲧⲉ ⲑⲉ ⲛⲧⲁⲓⲟⲩⲱⲛϩ ⲛⲁⲕ ⲉⲃⲟⲗ ϩⲙ ⲡⲡⲉⲧⲟⲩⲁⲁⲃ ⲉⲛⲁⲩ

ⲉⲧⲉⲕϭⲟⲙ ⲙⲛ ⲡⲉⲕⲉⲟⲟⲩ

4 ϫⲉ ⲡⲉⲕⲛⲁ ⲥⲟⲧⲡ ⲉϩⲟⲩⲉ ϩⲉⲛϭⲓⲛⲱⲛϩ ⲛⲁⲥⲡⲟⲧⲟⲩ ⲛⲁⲥⲙⲟⲩ ⲉⲣⲟⲕ

5 ⲧⲁⲓ ⲧⲉ ⲑⲉ ⲉϯⲛⲁⲥⲙⲟⲩ ⲉⲣⲟⲕ ϩⲙ ⲡⲁⲱⲛϩ ⲁⲩⲱ ϯⲛⲁϥⲓ ⲛⲛⲁϭⲓϫ

ⲉϩⲣⲁⲓ ϩⲙ ⲡⲉⲕⲣⲁⲛ

6 ⲉⲣⲉⲧⲁⲯⲩⲭⲏ ⲥⲉⲓ ⲉⲃⲟⲗ ϩⲛ ⲟⲩⲟⲩⲱⲧ ⲙⲛ ⲟⲩⲕⲛⲛⲉ ϩⲉⲛⲥⲡⲟⲧⲟⲩ

ⲛⲧⲉⲗⲏⲗ ⲛⲁⲥⲙⲟⲩ ⲉⲡⲉⲕⲣⲁⲛ

7 ⲉⲓϣⲁⲛⲣ ⲡⲉⲕⲙⲉⲉⲩⲉ ϩⲓϫⲙ ⲡⲁϭⲗⲟϭ ⲛⲉⲓⲙⲉⲗⲉⲧⲁ ⲉⲣⲟⲕ ⲙⲡⲛⲁⲩ

ⲛϣⲱⲣⲡ

8 ϫⲉ ⲁⲕϣⲱⲡⲉ ⲛⲁⲓ ⲛⲃⲟⲏⲑⲟⲥ ⲁⲩⲱ ϯⲛⲁⲧⲉⲗⲏⲗ ϩⲁ ⲧϩⲁⲓⲃⲉⲥ

ⲛⲛⲉⲕⲧⲛϩ

9 ⲁⲧⲁⲯⲩⲭⲏ ⲧⲟϭⲥ ⲉⲣⲟⲕ ⲧⲉⲕⲟⲩⲛⲁⲙ ⲧⲉⲛⲧⲁⲥϣⲟⲡⲧ ⲉⲣⲟⲥ

10 ⲛⲧⲟⲟⲩ ⲇⲉ ⲁⲩϣⲓⲛⲉ ⲛⲥⲁ ⲧⲁⲯⲩⲭⲏ ⲉⲡϫⲓⲛϫⲏ ⲥⲉⲛⲁⲃⲱⲕ ⲉϩⲟⲩⲛ ϩⲁ

ⲡⲉⲥⲏⲧ ⲙⲡⲕⲁϩ

11 ⲥⲉⲛⲁⲧⲁⲁⲩ ⲉϩⲣⲁⲓ ⲉⲛϭⲓϫ ⲛⲧⲥⲏϥⲉ ⲥⲉⲛⲁϣⲱⲡⲉ ⲛⲧⲟ ⲛⲃⲁϣⲟⲣ

12 ⲡⲣⲣⲟ ⲇⲉ ⲛⲁⲉⲩⲫⲣⲁⲛⲉ ⲉϫⲙ ⲡⲛⲟⲩⲧⲉ ϥⲛⲁϫⲓⲧⲁⲉⲓⲟ ⲛϭⲓ ⲟⲩⲟⲛ ⲛⲓⲙ













ⲉⲧⲱⲣⲕ ⲙⲙⲟϥ ϫⲉ ⲁⲥⲧⲱⲛ ⲛϭⲓ ⲧⲧⲁⲡⲣⲟ ⲛⲛⲉⲧϣⲁϫⲉ ϩⲛ ⲟⲩϫⲓⲛϭⲟⲛⲥ

Psalm 63


2 ⲡⲁⲛⲟⲩⲧⲉ ⲥⲱⲧⲙ ⲉⲡⲁϩⲣⲟⲟⲩ ϩⲙ ⲡⲧⲣⲁⲥⲉⲡ ⲉⲥⲱⲡⲕ ⲛⲉϩⲙ ⲧⲁⲯⲩⲭⲏ

ⲉⲧϩⲟⲧⲉ ⲙⲡϫⲁϫⲉ

3 ⲁⲕⲣϩⲁⲓⲃⲉⲥ ⲉⲣⲟⲓ ⲉⲧⲥⲟⲟⲩϩⲥ ⲛⲛⲉⲧⲟ ⲙⲡⲟⲛⲏⲣⲟⲥ ⲉⲃⲟⲗ ϩⲙ ⲡⲙⲏⲏϣⲉ

ⲉⲧⲣ ϩⲱⲃ ⲉⲧⲁⲛⲟⲙⲓⲁ

4 ⲛⲁⲓ ⲉⲛⲧⲁⲩⲧⲱⲙ ⲛⲛⲉⲩⲗⲁⲥ ⲛⲧϩⲉ ⲛⲛⲓⲥⲏϥⲉ ⲁⲩⲥⲱⲙⲛⲧ ⲛⲧⲉⲩⲡⲓⲧⲉ

ⲉⲩϩⲱⲃ ⲉϥⲥⲁϣⲉ

5 ⲉⲧⲣⲉⲩⲛⲉϫ ⲥⲟⲧⲉ ϩⲛ ⲟⲩϩⲱⲡ ⲉⲡⲉⲧⲟⲩⲁⲁⲃ ⲥⲉⲛⲁⲛⲟⲩϫⲉ ⲉⲣⲟϥ ϩⲛ

ⲟⲩϣⲥⲛⲉ ⲛⲥⲉⲧⲙⲣ ϩⲟⲧⲉ

6 ⲁⲩⲧⲁϫⲣⲟ ⲛⲁⲩ ⲛⲟⲩϣⲁϫⲉ ⲉⲣϩⲟⲟⲩ ⲁⲩϫⲟⲟⲥ ⲉϩⲱⲡ ⲛϩⲉⲛⲡⲁϣ

ⲁⲩϫⲟⲟⲥ ϫⲉ ⲛⲓⲙ ⲡⲉⲧⲁⲛⲁⲩ ⲉⲣⲟⲛ ⲁⲩⲱ ϥⲛⲁⲥⲟⲩⲱⲛϥ

7 ⲁⲩϩⲟⲧϩⲉⲧ ⲛϩⲉⲛⲁⲛⲟⲙⲓⲁ ⲁⲩⲱ ϫⲛ ⲉⲩϩⲟⲧϩⲧ ⲡⲛⲟⲩⲧⲉ ⲛⲁⲙⲟϣⲧⲟⲩ

ⲡⲣⲱⲙⲉ ⲛⲁϯ ⲡⲉϥⲟⲩⲟⲓ ϩⲛ ⲟⲩϩⲏⲧ ⲉϥϩⲏⲡ

8 ⲛⲉϥϫⲓⲥⲉ ⲛϭⲓ ⲡϫⲟⲉⲓⲥ ⲡⲁⲛⲟⲩⲧⲉ ⲁⲛⲉⲩⲡⲗⲏⲅⲏ ϣⲱⲡⲉ ⲛⲥⲟⲧⲉ ⲛϣⲏⲣⲉ

ϣⲏⲙ

9 ⲁⲩⲱ ⲛⲁⲩⲗⲁⲥ ⲣ ϭⲱⲃ ⲛϩⲏⲧⲟⲩ ⲁⲩϣⲧⲟⲣⲧⲣ ⲧⲏⲣⲟⲩ ⲛϭⲓ ⲛⲉⲧⲛⲁⲩ

ⲉⲣⲟⲟⲩ

10 ⲁⲩⲱ ⲁⲣⲱⲙⲉ ⲛⲓⲙ ⲣ ϩⲟⲧⲉ ⲁⲩⲕⲱ ⲛⲛⲉϩⲃⲏⲩⲉ ⲙⲡⲛⲟⲩⲧⲉ ⲁⲩⲉⲓⲙⲉ











ⲉⲛⲉϥⲧⲁⲙⲓⲟ

11 ϥⲛⲁⲉⲩⲫⲣⲁⲛⲉ ⲛϭⲓ ⲡⲇⲓⲕⲁⲓⲟⲥ ⲉϫⲙ ⲡϫⲟⲉⲓⲥ ⲛϥⲛⲁϩⲧⲉ ⲉⲣⲟϥ ⲁⲩⲱ

ⲥⲉⲛⲁϫⲓ ⲧⲁⲉⲓⲟ ⲛϭⲓ ⲟⲩⲟⲛ ⲛⲓⲙ ⲉⲧⲥⲟⲩⲧⲱⲛ ϩⲙ ⲡⲉⲩϩⲏⲧ

Psalm 64

1 ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲧⲱⲇⲏ ⲉⲇⲁⲩⲉⲓⲇ ⲛⲓⲉⲣⲏⲙⲓⲁⲥ ⲙⲛ

ⲓⲉⲍⲉⲕⲓⲏⲗ ⲉⲃⲟⲗ ϩⲙ ⲡϣⲁϫⲉ ⲙⲡⲙⲁ ⲛϭⲟⲓⲗⲉ ⲉⲩⲛⲏⲩ ⲉⲃⲟⲗ

2 ⲉⲣⲉⲡⲥⲙⲟⲩ ⲡⲣⲉⲡⲉⲓ ⲛⲁⲕ ⲡⲛⲟⲩⲧⲉ ϩⲛ ⲥⲓⲱⲛ ⲁⲩⲱ ⲉⲩⲛⲁϯ ⲛⲁⲕ

ⲛⲛⲉⲩⲉⲣⲏⲧ ϩⲛ ⲧϩⲓⲉⲣⲟⲩⲥⲁⲗⲏⲙ

3 ⲥⲱⲧⲙ ⲉⲡⲉⲛϣⲗⲏⲗ ⲉⲣⲉⲟⲩⲛ ⲛⲓⲙ ⲛⲏⲩ ⲉⲣⲁⲧⲕ

4 ⲁⲛϣⲁϫⲉ ⲛⲛⲁⲛⲟⲙⲟⲥ ϭⲙϭⲟⲙ ⲉⲣⲟⲛ ⲁⲩⲱ ⲛⲧⲟⲕ ⲉⲧⲛⲁⲕⲱ ⲉⲃⲟⲗ

ⲛⲛⲉⲛⲙⲛⲧϣⲁϥⲧⲉ

5 ⲛⲁⲓⲁⲧϥ ⲙⲡⲉⲛⲧⲁⲕⲥⲟⲧⲡϥ ⲁⲕϣⲟⲡϥ ⲉⲣⲟⲕ ϥⲛⲁⲟⲩⲱϩ ϩⲛ ⲛⲉⲕⲁⲩⲗⲏ

ⲧⲛⲛⲁⲥⲉⲓ ⲉⲃⲟⲗ ϩⲛ ⲛⲁⲅⲁⲑⲟⲛ ⲙⲡⲉⲕⲏⲓ ⲡⲉⲕⲣⲡⲉ ⲟⲩⲁⲁⲃ ⲁⲩϣⲡⲏⲣⲉ ⲡⲉ

ϩⲛ ⲧⲇⲓⲕⲁⲓⲟⲥⲩⲛⲏ

6 ⲥⲱⲧⲙ ⲉⲣⲟⲛ ⲡⲛⲟⲩⲧⲉ ⲡⲉⲛⲥⲱⲧⲏⲣ ⲧϩⲉⲗⲡⲓⲥ ⲛⲛⲉⲕⲣⲱⲟⲩ ⲧⲏⲣⲟⲩ

ⲙⲡⲕⲁϩ

7 ⲁⲩⲱ ⲛⲉⲧϩⲛ ⲑⲁⲗⲁⲥⲥⲁ ⲉⲧⲟⲩⲏⲩ ⲡⲉⲧⲥⲟⲃⲧⲉ ⲙⲛⲧⲟⲟⲩ ϩⲛ ⲧⲉϥϭⲟⲙ

ⲉⲧⲙⲏⲣ ϩⲛ ⲟⲩϭⲟⲙ

8 ⲡⲉⲧϣⲧⲟⲣⲧⲣ ⲙⲡⲟⲩⲱϣⲥ ⲛⲑⲁⲗⲁⲥⲥⲁ ⲉⲧⲁϣⲏ ⲙⲡⲉϩⲣⲟⲟⲩ

ⲛⲛⲉⲥϩⲟⲉⲓⲙ










9 ⲥⲉⲛⲁϣⲧⲟⲣⲧⲣ ⲛϭⲓ ⲛϩⲉⲑⲛⲟⲥ ⲛⲥⲉⲣ ϩⲟⲧⲉ ⲛϭⲓ ⲛⲉⲧⲟⲩⲏϩ ϩⲛ ⲛⲉⲕⲣⲱⲟⲩ

ϩⲏⲧⲟⲩ ⲛⲛⲉⲕⲙⲁⲉⲓⲛ ⲕⲛⲁϯ ⲟⲩⲛⲟϥ ⲛⲛⲉϩⲓⲟⲟⲩⲉ ⲉϩⲧⲟⲟⲩⲉ ⲙⲛ ⲣⲟⲩϩⲉ

10 ⲁⲕϭⲙ ⲡϣⲓⲛⲉ ⲙⲡⲕⲁϩ ⲁⲕⲧⲣⲉϥϯϩⲉ ⲁⲕⲧⲁϣⲉ ⲁⲁϥ ⲛⲣⲙⲙⲁⲟ

ⲁⲡⲉⲓⲉⲣⲟ ⲙⲡⲛⲟⲩⲧⲉ ⲙⲟⲩϩ ⲙⲙⲟⲟⲩ ⲁⲕⲥⲟⲃⲧⲉ ⲛⲧⲉⲩϩⲣⲉ ϫⲉ ⲡⲁⲓ ⲡⲉ

ⲡⲉⲩⲥⲟⲃⲧⲉ

11 ⲙⲁⲣⲉⲛⲉϥⲧⲗⲟⲙ ϯϩⲉ ⲙⲁⲧⲁϣⲉ ⲛⲉϥϭⲣⲱⲱϭ ϥⲛⲁⲉⲩⲫⲣⲁⲛⲉ ϩⲛ

ⲛⲧⲉⲗϯⲗⲉ ⲉϥϯⲟⲩⲱ

12 ϥⲛⲁⲥⲙⲟⲩ ⲉⲡⲉⲕⲗⲟⲙ ⲛⲧⲉⲣⲟⲙⲡⲉ ⲛⲧⲉⲕⲙⲛⲧⲭⲣⲏⲥⲧⲟⲥ ⲛⲥⲱϣⲉ

ⲛⲁⲟⲩⲱⲱⲗⲉ

13 ⲛⲧⲟⲟⲩ ⲛⲧⲉⲣⲏⲙⲟⲥ ⲛⲁⲟⲩⲣⲟⲧ ⲛⲧⲉ ⲛⲥⲓⲃⲧ ⲙⲟⲣⲟⲩ ⲙⲡⲧⲉⲗⲏⲗ

14 ⲛⲧⲉ ⲛⲉⲓⲁ ⲧⲁϣⲉ ⲡⲉⲩⲥⲟⲩⲟ ⲁⲛⲟⲉⲓⲗⲉ ⲛⲉⲥⲟⲟⲩ ⲣⲱⲧ ⲥⲉⲛⲁϫⲓ ϣⲕⲁⲕ

ⲉⲃⲟⲗ ⲕⲁⲓⲅⲁⲣ ⲥⲉⲛⲁⲥⲙⲟⲩ

Psalm 65

1 ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲧⲱⲇⲏ ⲛⲧⲁⲛⲁⲥⲧⲁⲥⲓⲥ ⲡⲕⲁϩ ⲧⲏⲣϥ

ϯⲗⲟⲩⲗⲁⲓ ⲙⲡⲛⲟⲩⲧⲉ

2 ⲯⲁⲗⲗⲉⲓ ⲉⲡⲉϥⲣⲁⲛ ϯⲥⲟⲟⲩ ⲙⲡⲉϥⲥⲙⲟⲩ

3 ⲁϫⲓⲥ ⲙⲡⲛⲟⲩⲧⲉ ϫⲉ ϩⲉⲛϩⲟⲧⲉ ⲛⲉ ⲛⲉⲕϩⲃⲏⲩⲉ ϩⲙ ⲡⲁϣⲁⲓ ⲛⲧⲉⲕϭⲟⲙ

ⲥⲉⲛⲁϫⲓ ϭⲟⲗ ⲉⲣⲟⲕ ⲛϭⲓ ⲛⲉⲕϫⲁϫⲉ

4 ⲡⲕⲁϩ ⲧⲏⲣϥ ⲙⲁⲣⲟⲩⲟⲩⲱϣⲧ ⲛⲁⲕ ⲛⲥⲉⲯⲁⲗⲗⲉⲓ ⲉⲣⲟⲕ

ⲙⲁⲣⲟⲩⲯⲁⲗⲗⲉⲓ ⲉⲡⲉⲕⲣⲁⲛ ⲡⲉⲧϫⲟⲥⲉ ⲇⲓⲁⲯⲁⲗⲙⲁ











5 ⲁⲙⲏⲓⲧⲛ ⲛⲁϣⲏⲣⲉ ⲛⲧⲉⲧⲛⲛⲁⲩ ⲉⲛⲉϩⲃⲏⲩⲉ ⲙⲡⲛⲟⲩⲧⲉ ⲉϥϯ ϩⲟⲧⲉ ϩⲛ

ⲛⲉϥϣⲁϫⲛⲉ ⲉϩⲟⲩⲉ ⲛϣⲏⲣⲉ ⲛⲛⲣⲱⲙⲉ

6 ⲡⲉⲧⲕⲧⲟ ⲛⲑⲁⲗⲁⲥⲥⲁ ⲉⲡⲡⲉⲧϣⲟⲩⲱⲟⲩ ⲥⲉⲛⲁⲙⲟⲟϣⲉ ⲛⲣⲁⲧⲟⲩ ϩⲙ

ⲡⲉⲓⲉⲣⲟ ϩⲙ ⲡⲙⲁ ⲉⲧⲙⲙⲁⲩ ⲧⲛⲛⲁⲉⲩⲫⲣⲁⲛⲉ ⲉϩⲣⲁⲓ ⲉϫⲱϥ

7 ⲡⲉⲧⲟ ⲛϫⲟⲉⲓⲥ ⲉⲡⲁⲓⲱⲛ ϩⲛ ⲧⲉϥϭⲟⲙ ⲉⲣⲉⲛⲉϥⲃⲁⲗ ϭⲱϣⲧ ⲉϫⲛ

ⲛϩⲉⲑⲛⲟⲥ ⲛⲉⲧϯ ⲛⲟⲩϭⲥ ⲙϥⲣⲧⲣⲉⲩϫⲓⲥⲉ ⲙⲙⲟⲟⲩ ϩⲣⲁⲓ ⲛϩⲏⲧⲟⲩ


8 ⲛϩⲉⲑⲛⲟⲥ ⲥⲙⲟⲩ ⲉⲡⲉⲛⲛⲟⲩⲧⲉ ⲛⲧⲉⲧⲛⲧⲣⲉⲩⲥⲱⲧⲙ ⲉⲡⲉϩⲣⲟⲟⲩ

ⲙⲡⲉϥⲥⲙⲟⲩ

9 ⲡⲉⲛⲧⲁϥⲕⲱ ⲛⲧⲁⲯⲩⲭⲏ ⲉⲩⲱⲛϩ ⲙⲡϥⲕⲁ ⲛⲟⲩⲉⲣⲏⲧⲉ ⲉⲕⲓⲙ

10 ϫⲉ ⲁⲕⲇⲟⲕⲓⲙⲁⲍⲉ ⲙⲙⲟⲛ ⲡⲛⲟⲩⲧⲉ ⲁⲕⲡⲓⲥⲉ ⲙⲙⲟⲛ ⲛⲧϩⲉ ⲉϣⲁⲩⲡⲓⲥⲉ

ⲙⲡϩⲁⲧ

11 ⲁⲕϫⲓⲧⲛ ⲉϩⲟⲩⲛ ⲉⲡⲡⲁϣ ⲁⲕⲕⲱ ⲛⲟⲩⲑⲗⲓⲯⲓⲥ ⲙⲡⲉⲛⲙⲧⲟ ⲉⲃⲟⲗ

12 ⲁⲕⲧⲁⲗⲟ ⲛϩⲉⲛⲣⲱⲙⲉ ⲉϫⲛ ⲛⲉⲛⲁⲡⲏⲩⲉ ⲁⲛⲉⲓ ⲉⲃⲟⲗ ϩⲓⲧⲛ ⲟⲩⲕⲱϩⲧ ⲙⲛ

ⲟⲩⲙⲟⲟⲩ ⲁⲕⲛⲧ ⲉⲃⲟⲗ ⲉⲩⲙⲁ ⲛⲙⲧⲟⲛ

13 ϯⲛⲁⲃⲱⲕ ⲉϩⲟⲩⲛ ⲉⲡⲉⲕⲏⲓ ϩⲛ ϩⲉⲛϭⲗⲓⲗ

14 ϯⲛⲁϯ ⲛⲁⲕ ⲛⲛⲁⲉⲣⲏⲧ ⲉⲛⲧⲁⲛⲁⲥⲡⲟⲧⲟⲩ ⲡⲟⲣϫⲟⲩ ⲉⲁⲧⲁⲧⲁⲡⲣⲟ ϫⲟⲟⲩ

ϩⲙ ⲡⲁⲑⲃⲃⲓⲟ

15 ϯⲛⲁⲧⲁⲗⲟ ⲛⲁⲕ ⲉϩⲣⲁⲓ ⲛϩⲉⲛϭⲗⲓⲗ ⲉⲩⲕⲓⲱⲟⲩ ϯⲛⲁⲧⲁⲗⲟ ⲛⲁⲕ ⲉϩⲣⲁⲓ

ⲛϩⲉⲛⲙⲁⲥⲉ ⲙⲛ ϩⲉⲛϭⲓⲉ ⲙⲛ ⲟⲩϣⲟⲩϩⲏⲛⲉ ⲛⲟⲉⲓⲗⲉ ⲇⲓⲁⲯⲁⲗⲙⲁ












16 ⲟⲩⲟⲛ ⲛⲓⲙ ⲉⲧⲣ ϩⲟⲧⲉ ϩⲏⲧϥ ⲙⲡⲛⲟⲩⲧⲉ ⲁⲙⲏⲓⲧⲛ ⲥⲱⲧⲙ ⲧⲁϫⲱ ⲛⲏⲧⲛ

ⲛⲛⲉⲛⲧⲁ ⲡϫⲟⲉⲓⲥ ⲡⲁⲛⲟⲩⲧⲉ ⲁⲁⲩ ⲙⲧⲁⲯⲩⲭⲏ

17 ⲁⲓⲱϣ ⲉϩⲣⲁⲓ ⲉⲣⲟϥ ϩⲛ ⲧⲁⲧⲁⲡⲣⲟ ⲁⲩⲱ ⲁⲓϫⲓⲥⲉ ⲛⲧⲁⲥⲙⲏ ϩⲙ

ⲡⲁⲗⲁⲥ

18 ⲉϣϫⲉ ⲁⲓⲛⲁⲩ ⲉϫⲓⲛϭⲟⲛⲥ ϩⲙ ⲡⲁϩⲏⲧ ⲙⲡⲣⲧⲣⲉ ⲡϫⲟⲉⲓⲥ ⲥⲱⲧⲙ ⲉⲣⲟⲓ

19 ⲉⲧⲃⲉ ⲡⲁⲓ ⲁⲡⲛⲟⲩⲧⲉ ⲥⲱⲧⲙ ⲉⲣⲟⲓ ⲁϥϯ ϩⲧⲏϥ ⲉⲡⲉϩⲣⲟⲟⲩ ⲙⲡⲁⲥⲟⲡⲥ

20 ϥⲥⲙⲁⲙⲁⲁⲧ ⲛϭⲓ ⲡⲛⲟⲩⲧⲉ ⲡⲉⲧⲉ ⲙⲡϥⲥⲁϩⲉ ⲡⲁϣⲗⲏⲗ ⲉⲃⲟⲗ ⲙⲙⲟϥ

ⲁⲩⲱ ⲡⲉϥⲛⲁ ⲉⲃⲟⲗ ⲙⲙⲟⲓ

Psalm 66

1 ⲉⲡϫⲱⲕ ⲉⲃⲟⲗ ϩⲛ ⲛⲉⲥⲙⲟⲩ ⲡⲉⲯⲁⲗⲙⲟⲥ ⲛⲧⲱⲇⲏ

2 ⲡⲛⲟⲩⲧⲉ ϣⲛϩⲧⲏⲕ ⲉϫⲱⲛ ⲛⲅⲥⲙⲟⲩ ⲉⲣⲟⲛ ⲙⲁⲣⲉⲡⲉⲕϩⲟ ⲣ ⲟⲩⲟⲉⲓⲛⲉ ⲉϩⲣⲁⲓ

ⲉϫⲱⲛ ⲇⲓⲁⲯⲁⲗⲙⲁ

3 ⲉⲧⲣⲉⲛⲉⲓⲙⲉ ⲉⲧⲉⲕϩⲓⲏ ϩⲙ ⲡⲕⲁϩ ⲁⲩⲱ ⲡⲉⲕⲟⲩϫⲁⲓ ϩⲛ ⲛϩⲉⲑⲛⲟⲥ ⲧⲏⲣⲟⲩ

4 ⲙⲁⲣⲟⲩⲟⲩⲱⲛϩ ⲛⲁⲕ ⲉⲃⲟⲗ ⲡⲛⲟⲩⲧⲉ ⲛϭⲓ ⲛⲗⲁⲟⲥ ⲡⲛⲟⲩⲧⲉ ⲙⲁⲣⲉⲛⲗⲁⲟⲥ

ⲧⲏⲣⲟⲩ ⲟⲩⲱⲛϩ ⲛⲁⲕ ⲉⲃⲟⲗ

5 ⲙⲁⲣⲉⲛϩⲉⲑⲛⲟⲥ ⲉⲩⲫⲣⲁⲛⲉ ⲛⲥⲉⲧⲉⲗⲏⲗ ϫⲉ ⲕⲛⲁⲕⲣⲓⲛⲉ ⲛⲛⲗⲁⲟⲥ ϩⲛ

ⲟⲩⲥⲟⲟⲩⲧⲛ ⲕⲛⲁϫⲓ ⲙⲟⲉⲓⲧ ϩⲏⲧⲟⲩ ⲛⲛϩⲉⲑⲛⲟⲥ ϩⲙ ⲡⲕⲁϩ ⲇⲓⲁⲯⲁⲗⲙⲁ

6 ⲙⲁⲣⲟⲩⲟⲩⲱⲛϩ ⲛⲁⲕ ⲉⲃⲟⲗ ⲛϭⲓ ⲛⲗⲁⲟⲥ ⲡⲛⲟⲩⲧⲉ ⲙⲁⲣⲉⲛⲗⲁⲟⲥ ⲧⲏⲣⲟⲩ

ⲟⲩⲱⲛϩ ⲛⲁⲕ ⲉⲃⲟⲗ

7 ⲡⲕⲁϩ ⲁϥϯ ⲙⲡⲉϥⲕⲁⲣⲡⲟⲥ ⲡⲉⲛⲛⲟⲩⲧⲉ ⲥⲙⲟⲩ ⲉⲣⲟⲛ













8 ⲥⲙⲟⲩ ⲉⲣⲟⲛ ⲡⲉⲛⲛⲟⲩⲧⲉ ⲁⲩⲱ ⲙⲁⲣⲟⲩⲣ ϩⲟⲧⲉ ϩⲏⲧⲕ ⲛϭⲓ ⲛⲉⲕⲣⲱⲟⲩ

ⲧⲏⲣⲟⲩ ⲙⲡⲕⲁϩ

Psalm 67

1 ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲧⲱⲇⲏ ⲛⲇⲁⲩⲉⲓⲇ

2 ⲙⲁⲣⲉ ⲡⲛⲟⲩⲧⲉ ⲧⲱⲟⲩⲛ ⲛⲧⲉ ⲛⲉϥϫⲁϫⲉ ϫⲱⲱⲣⲉ ⲉⲃⲟⲗ ⲛⲥⲉⲡⲱⲧ ⲛϭⲓ

ⲛⲉⲧⲙⲟⲥⲧⲉ ⲙⲙⲟϥ ⲙⲡⲉϥⲙⲧⲟ ⲉⲃⲟⲗ

3 ⲙⲁⲣⲟⲩⲱϫⲛ ⲛⲧϩⲉ ⲉϣⲁⲣⲉⲟⲩⲕⲁⲡⲛⲟⲥ ⲱϫⲛ ⲛⲧϩⲉ ⲛⲟⲩⲙⲟⲩⲗϩ

ⲉϣⲁϥⲃⲱⲗ ⲉⲃⲟⲗ ⲛⲛⲁϩⲣⲙ ⲡⲕⲱϩⲧ ⲙⲁⲣⲟⲩϩⲉ ⲉⲃⲟⲗ ⲛⲧⲉⲓϩⲉ ⲛϭⲓ

ⲛⲣⲉϥⲣⲛⲟⲃⲉ ⲛⲁϩⲣⲙ ⲡϩⲟ ⲙⲡⲛⲟⲩⲧⲉ

4 ⲙⲁⲣⲟⲩⲉⲩⲫⲣⲁⲛⲉ ⲛϭⲓ ⲛⲇⲓⲕⲁⲓⲟⲥ ⲛⲥⲉⲧⲉⲗⲏⲗ ⲙⲡⲉⲙⲧⲟ ⲉⲃⲟⲗ

ⲙⲡⲛⲟⲩⲧⲉ ⲙⲁⲣⲟⲩⲟⲩⲣⲟⲧ ϩⲛ ⲟⲩⲟⲩⲛⲟϥ

5 ϫⲱ ⲉⲡⲛⲟⲩⲧⲉ ⲛⲧⲉⲛⲯⲁⲗⲗⲉⲓ ⲉⲡⲉϥⲣⲁⲛ ⲥⲃⲉ ⲧⲉϩⲓⲏ ⲙⲡⲉⲛⲧⲁϥⲁⲗⲉ

ⲉϩⲣⲁⲓ ⲉϫⲛ ⲙⲙⲁ ⲛϩⲱⲧⲡ ⲡϫⲟⲉⲓⲥ ⲡⲉ ⲡⲉϥⲣⲁⲛ ⲥⲉⲛⲁϣⲧⲟⲣⲧⲣ

ⲙⲡⲉϥⲙⲧⲟ ⲉⲃⲟⲗ

6 ⲡⲉⲓⲱⲧ ⲛⲛⲟⲣⲫⲁⲛⲟⲥ ⲁⲩⲱ ⲡⲉⲕⲣⲓⲧⲏⲥ ⲛⲛⲉⲭⲏⲣⲁ ⲡⲛⲟⲩⲧⲉ ϩⲙ ⲡⲉϥⲙⲁ

ⲉⲧⲟⲩⲁⲁⲃ

7 ⲡⲛⲟⲩⲧⲉ ⲛⲁⲧⲣⲉ ⲛⲓⲥⲙⲟⲧ ⲛⲟⲩⲱⲧ ⲟⲩⲱϩ ϩⲛ ⲟⲩⲏⲓ ⲡⲉⲛⲧⲁϥⲉⲓⲛⲉ ⲉⲃⲟⲗ

ⲛⲛⲉⲧⲧⲟ ⲙⲡⲉⲓⲛⲉ ⲛϩⲟⲙⲛⲧ ϩⲛ ⲟⲩⲙⲛⲧϫⲱⲱⲣⲉ ⲙⲛ ⲛⲉⲧϯ ⲛⲟⲩϭⲥ

ⲉⲧⲟⲩⲏϩ ϩⲛ ⲛⲧⲁⲫⲟⲥ

8 ⲡⲛⲟⲩⲧⲉ ϩⲙ ⲡⲧⲣⲉⲕⲉⲓ ⲉⲃⲟⲗ ϩⲓⲧϩⲏ ⲙⲡⲉⲕⲗⲁⲟⲥ ϩⲙ ⲡⲧⲣⲉⲕⲉⲓ ⲉⲃⲟⲗ










ϩⲓⲧⲙ ⲡϫⲁⲓⲉ

9 ⲁⲡⲕⲁϩ ⲛⲟⲉⲓⲛ ⲕⲁⲓⲅⲁⲣ ⲁⲙⲡⲏⲩⲉ ϩⲱⲟⲩ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ

ⲛⲥⲓⲛⲁ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ ⲙⲡⲓⲥⲣⲁⲏⲗ

10 ⲕⲛⲁⲡⲱⲣϫ ⲛⲟⲩϩⲱⲟⲩ ⲉϩⲛⲁⲕ ⲡⲛⲟⲩⲧⲉ ⲛⲧⲉⲕⲕⲗⲏⲣⲟⲛⲟⲙⲓⲁ ⲁⲩⲱ

ⲁⲥϭⲃⲃⲉ ⲛⲧⲟⲕ ⲇⲉ ⲁⲕⲥⲃⲧⲱⲧⲥ

11 ⲛⲉⲧⲟⲛϩ ⲛⲧⲁⲕ ⲛⲁⲟⲩⲱϩ ϩⲣⲁⲓ ⲛϩⲏⲧⲥ ⲁⲕⲥⲟⲃⲧⲉ ⲙⲡϩⲏⲕⲉ ϩⲛ

ⲧⲉⲕⲙⲛⲧⲭⲣⲏⲥⲧⲟⲥ

12 ⲡϫⲟⲉⲓⲥ ⲛⲁϯ ⲛⲟⲩϣⲁϫⲉ ⲛⲛⲉⲧⲉⲩⲁⲅⲅⲉⲗⲓⲍⲉ ⲛⲧϭⲟⲙ ⲉⲧⲛⲁϣⲱⲥ

13 ⲡⲣⲣⲟ ⲛⲛϭⲟⲙ ⲙⲡⲙⲉⲣⲓⲧ ⲁⲩⲱ ⲡⲥⲁ ⲙⲡⲏⲓ ⲉⲡⲱϣ ⲛϩⲉⲛϣⲱⲗ

14 ⲉⲣϣⲁⲛⲧⲉⲧⲛⲛⲕⲟⲧⲕ ⲛⲧⲙⲏⲧⲉ ⲛⲛⲉⲕⲗⲏⲣⲟⲥ ϩⲛ ⲧⲛϩ ⲛϭⲣⲟⲟⲙⲡⲉ

ⲉⲩⲗⲁⲗⲱ ⲛϩⲁⲧ ⲁⲩⲱ ⲡⲕⲱⲧⲉ ⲛⲛⲉⲥⲛⲁϩⲃ ϩⲙ ⲡⲟⲩⲟⲧⲟⲩⲉⲧ

ⲙⲡⲛⲟⲩⲃ ⲇⲓⲁⲯⲁⲗⲙⲁ

15 ϩⲙ ⲡⲧⲣⲉ ⲡⲉⲧϩⲛ ⲙⲡⲏⲩⲉ ⲡⲱⲣϫ ⲛϩⲉⲛⲣⲣⲱⲟⲩ ⲉϩⲣⲁⲓ ⲉϫⲱⲥ

ⲥⲛⲁⲟⲩⲃⲁϣ ϩⲛ ⲥⲉⲗⲙⲱⲛⲉⲓ

16 ⲡⲧⲟⲟⲩ ⲙⲡⲛⲟⲩⲧⲉ ⲉⲧⲕⲓⲱⲟⲩ ⲡⲧⲟⲟⲩ ⲉⲧϫⲟⲥⲉ ⲡⲧⲟⲟⲩ ⲉⲧⲧⲏⲕ ⲡⲧⲟⲟⲩ

ⲉⲧⲕⲓⲱⲟⲩ

17 ⲉⲧⲃⲉ ⲟⲩ ⲧⲉⲧⲛⲙⲉⲉⲩⲉ ⲉⲛⲧⲟⲟⲩ ⲉⲧϫⲟⲥⲉ ⲛϩⲏⲧ ⲡⲧⲟⲟⲩ ⲡⲉ ⲡⲁⲓ

ⲉⲛⲧⲁⲡⲛⲟⲩⲧⲉ ⲟⲩⲱϣ ⲉⲟⲩⲱϣ ϩⲣⲁⲓ ⲛϩⲏⲧϥ ⲕⲁⲓⲅⲁⲣ ⲡϫⲟⲉⲓⲥ

ⲛⲁⲟⲩⲱϩ ⲛϩⲏⲧϥ ϣⲁⲃⲟⲗ

18 ⲡϩⲁⲣⲙⲁ ⲙⲡⲛⲟⲩⲧⲉ ⲟⲩⲧⲃⲁ ⲛⲕⲱⲃ ⲡⲉ ϩⲉⲛϣⲟ ⲛⲉ ⲉⲩⲣⲟⲟⲩⲧ ⲡϫⲟⲉⲓⲥ











ⲛϩⲏⲧⲟⲩ ϩⲛ ⲥⲓⲛⲁ ⲡⲉϥⲡⲉⲧⲟⲩⲁⲁⲃ

19 ⲁϥⲁⲗⲉ ⲉⲡϫⲓⲥⲉ ⲁϥⲁⲓⲭⲙⲁⲗⲱⲧⲉⲩⲉ ⲛⲟⲩⲁⲓⲭⲙⲁⲗⲱⲥⲓⲁ ⲁϥϯ

ⲛϩⲉⲛⲧⲁⲉⲓⲟ ⲛⲛⲣⲱⲙⲉ ⲕⲁⲓⲅⲁⲣ ⲉⲩⲟ ⲛⲁⲧⲛⲁϩⲧⲉ ⲡⲉ ⲉⲟⲩⲱϩ

20 ⲡϫⲟⲉⲓⲥ ⲡⲛⲟⲩⲧⲉ ⲉⲕⲥⲙⲁⲙⲁⲁⲧ ϣⲁ ⲉⲛⲉϩ ⲛⲉⲛⲉϩ ⲡϫⲟⲉⲓⲥ ⲡⲛⲟⲩⲧⲉ

ⲛⲛⲉⲛⲟⲩϫⲁⲓ ϥⲛⲁⲥⲟⲟⲩⲧⲛ ⲛⲁⲛ ⲇⲓⲁⲯⲁⲗⲙⲁ

21 ⲡⲉⲛⲛⲟⲩⲧⲉ ⲡⲉ ⲡⲛⲟⲩⲧⲉ ⲛⲧⲁⲛϩⲟ ⲁⲩⲱ ⲧⲁⲡϫⲟⲉⲓⲥ ⲧⲉ ⲧⲟⲑⲉ ⲛⲉⲓ ⲉⲃⲟⲗ

ⲙⲡⲙⲟⲩ

22 ⲡⲗⲏⲛ ⲡⲛⲟⲩⲧⲉ ⲛⲁⲟⲩⲱϣϥ ⲛⲧⲁⲡⲉ ⲛⲛⲉⲩϫⲓϫⲉⲉⲩ ⲁⲩⲱ ⲧⲙⲏⲧⲉ ⲛⲧⲁⲡⲉ

ⲛⲛⲉⲧⲙⲟⲟϣⲉ ϩⲛ ⲛⲉⲩⲛⲟⲃⲉ

23 ⲁⲡϫⲟⲉⲓⲥ ϫⲟⲟⲥ ⲉϥⲕⲱⲧⲉ ⲙⲙⲟϥ ⲉⲃⲟⲗ ϩⲛ ⲧⲃⲁⲥⲁⲛ ϫⲉ ϯⲛⲁⲕⲧⲟⲓ ϩⲛ

ⲛⲉⲧϣⲏⲕ ⲛⲑⲁⲗⲁⲥⲥⲁ

24 ϫⲉⲕⲁⲥ ⲉⲣⲉⲧⲉⲕⲟⲩⲉⲣⲏⲧⲉ ϫⲱⲗⲕ ϩⲛ ⲟⲩⲥⲛⲟϥ ⲁⲩⲱ ϥⲛⲁⲗⲱϫϩ ⲛϭⲓ

ⲡⲗⲁⲥ ⲛⲛⲉⲕⲟⲩϩⲟⲟⲣ ⲉⲃⲟⲗ ϩⲛ ⲛϫⲁϫⲉ ⲉⲧϯ ⲟⲩⲃⲏϥ

25 ⲁⲩⲛⲁⲩ ⲉⲛⲉⲕⲙⲁ ⲙⲙⲟⲟϣⲉ ⲡⲛⲟⲩⲧⲉ ⲙⲙⲁ ⲙⲙⲟⲟϣⲉ ⲙⲡⲁⲛⲟⲩⲧⲉ

ⲡⲣⲣⲟ ⲉⲧϩⲙ ⲡⲉⲧⲟⲩⲁⲁⲃ

26 ⲁⲩⲣϣⲟⲣⲡ ⲛϭⲓ ⲛⲁⲣⲭⲱⲛ ⲉⲩϩⲏⲛ ⲉϩⲟⲩⲛ ⲉⲛⲉⲧⲯⲁⲗⲗⲉⲓ ⲛⲧⲙⲏⲧⲉ

ⲛⲛϣⲉⲉⲣⲉ ϣⲏⲙ ⲛⲣⲉϥϫⲛϫⲛ

27 ⲥⲙⲟⲩ ⲉⲡⲛⲟⲩⲧⲉ ϩⲛ ⲛⲉⲕⲕⲗⲏⲥⲓⲁ ⲡϫⲟⲉⲓⲥ ⲉⲃⲟⲗ ϩⲛ ⲙⲡⲏⲅⲏ


28 ⲉϥⲙⲙⲁⲩ ⲛϭⲓ ⲃⲉⲛⲓⲁⲙⲉⲓⲛ ⲡⲕⲟⲩⲉⲓ ϩⲛ ⲧⲉⲕⲥⲧⲁⲥⲓⲥ ⲛⲁⲣⲭⲱⲛ ⲛⲓⲟⲩⲇⲁ











ⲙⲛ ⲛⲉⲩϩⲏⲅⲉⲙⲱⲛ ⲛⲁⲣⲭⲱⲛ ⲛⲍⲁⲃⲟⲩⲗⲱⲛ ⲛⲁⲣⲭⲱⲛ ⲛⲛⲉⲫⲑⲁⲗⲉⲓⲙ

29 ⲡⲛⲟⲩⲧⲉ ϩⲱⲛ ⲛⲧⲉⲕϭⲟⲙ ⲡⲛⲟⲩⲧⲉ ϯϭⲟⲙ ⲙⲡⲁⲓ ⲛⲧⲁⲕⲥⲃⲧⲱⲧϥ ⲛⲁⲛ

30 ⲛⲉⲣⲣⲱⲟⲩ ⲛⲁⲛ ⲇⲱⲣⲟⲛ ⲛⲁⲕ ⲉⲡⲉⲕⲣⲡⲉ ⲉⲧϩⲓⲉⲣⲟⲩⲥⲁⲗⲏⲙ

31 ⲡⲛⲟⲩⲧⲉ ⲉⲡⲓⲧⲓⲙⲁ ⲛⲛⲉⲑⲏⲣⲓⲟⲛ ⲙⲡⲙⲁ ⲛϣⲏⲛ ⲙⲛ ⲡⲙⲁ ⲛⲕⲁϣ

ⲧⲥⲩⲛⲁⲅⲱⲅⲏ ⲙⲙⲁⲥⲉ ϩⲛ ⲛⲃⲁϩⲥⲉ ⲙⲡⲗⲁⲟⲥ ⲉⲧⲙⲧⲥⲧⲟ ⲉⲃⲟⲗ

ⲛⲛⲉⲛⲧⲁⲩⲇⲟⲕⲓⲙⲁⲍⲉ ⲙⲙⲟⲟⲩ ϩⲙ ⲡϩⲁⲧ ⲁϥϫⲉⲣⲉ ⲛϩⲉⲑⲛⲟⲥ ⲉⲃⲟⲗ

ⲉⲧⲟⲩⲉϣ ⲡⲟⲗⲉⲙⲟⲥ

32 ⲟⲩⲛ ϩⲉⲛϥⲁⲓϣⲓⲛⲉ ⲛⲏⲩ ⲉⲃⲟⲗ ϩⲛ ⲕⲏⲙⲉ ⲛⲉϭⲟⲟϣ ⲛⲁⲣϣⲟⲣⲡ ⲛϯ

ⲛⲛⲉⲩϭⲓϫ ⲙⲡⲛⲟⲩⲧⲉ

33 ⲛⲣⲣⲱⲟⲩ ⲙⲡⲕⲁϩ ⲥⲙⲟⲩ ⲉⲡⲛⲟⲩⲧⲉ ⲯⲁⲗⲗⲉⲓ ⲉⲡϫⲟⲉⲓⲥ ⲇⲓⲁⲯⲁⲗⲙⲁ

34 ⲯⲁⲗⲗⲉⲓ ⲉⲡⲛⲟⲩⲧⲉ ⲡⲉⲛⲧⲁϥⲁⲗⲉ ⲉϩⲣⲁⲓ ⲉϫⲛ ⲧⲡⲉ ⲛⲧⲡⲉ ϩⲓ ⲡⲉⲉⲓⲃⲧ

ⲉⲓⲉⲛⲁⲩ ⲉⲩⲥⲙⲏ ⲛⲥⲙⲟⲩ ϩⲓ ⲡⲉϥϩⲣⲟⲟⲩ

35 ϯⲉⲟⲟⲩ ⲙⲡⲛⲟⲩⲧⲉ ⲧⲉϥⲙⲛⲧⲛⲟϭ ⲉϩⲣⲁⲓ ⲉϫⲙ ⲡⲓⲥⲣⲁⲏⲗ ⲁⲩⲱ

ⲧⲉϥϭⲟⲙ ⲉⲥϩⲛ ⲛⲉⲕⲗⲟⲟⲗⲉ

36 ⲟⲩϣⲡⲏⲣⲉ ⲡⲉ ⲡⲛⲟⲩⲧⲉ ϩⲛ ⲛⲉϥⲡⲉⲧⲟⲩⲁⲁⲃ ⲡⲛⲟⲩⲧⲉ ⲙⲡⲓⲥⲣⲁⲏⲗ ⲛⲧⲟϥ

ⲡⲉ ϯⲛⲁϯ ⲛⲟⲩϭⲟⲙ ⲙⲛ ⲟⲩⲧⲁϫⲣⲟ ⲙⲡⲉϥⲗⲁⲟⲥ ⲡⲛⲟⲩⲧⲉ ⲥⲙⲁⲙⲁⲁⲧ

Psalm 68

1 ⲉⲡϫⲱⲕ ⲉⲃⲟⲗ ϩⲁ ⲛⲉⲧⲛⲁϣⲓⲃⲉ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ

2 ⲡⲛⲟⲩⲧⲉ ⲙⲁⲧⲟⲩϫⲟⲓ ϫⲉ ⲁϩⲉⲛⲙⲟⲟⲩ ⲉⲓ ⲉϩⲟⲩⲛ ϣⲁ ⲧⲁⲯⲩⲭⲏ

3 ⲁⲓⲧⲱⲗⲥ ⲉⲧⲗⲟⲓϩⲉ ⲙⲡⲛⲟⲩⲛ ⲁⲩⲱ ⲙⲛϭⲟⲙ ⲁⲓⲉⲓ ⲉⲛⲉⲧϣⲏⲕ












ⲛⲑⲁⲗⲁⲥⲥⲁ ⲟⲩϩⲁⲧⲏⲩ ⲧⲉⲛⲧⲁⲥⲟⲙⲥⲧ

4 ⲁⲓϩⲓⲥⲉ ⲉⲓϫⲓ ϣⲕⲁⲕ ⲉⲃⲟⲗ ⲧⲁϣⲟⲩⲱⲃⲉ ⲧⲉⲛⲧⲁⲥϩⲱⲗ ⲁⲛⲁⲃⲁⲗ ⲱϫⲛ

ⲉⲓⲕⲱ ⲛϩⲏⲧⲏⲓ ⲉⲡⲛⲟⲩⲧⲉ

5 ⲁⲩⲁϣⲁⲓ ⲉϩⲟⲩⲉ ⲛϥⲱ ⲛⲧⲁⲁⲡⲉ ⲛϭⲓ ⲛⲉⲧⲙⲟⲥⲧⲉ ⲙⲙⲟⲓ ⲉⲡϫⲓⲛϫⲏ

ⲁⲩϭⲙϭⲟⲙ ⲛϭⲓ ⲛⲁϫⲁϫⲉ ⲛⲉⲧⲇⲓⲱⲕⲉ ⲙⲙⲟⲓ ϩⲛ ⲟⲩϫⲓⲛϭⲟⲛⲥ ⲛⲉⲧⲉ

ⲙⲡⲓⲧⲟⲣⲡⲟⲩ ⲁⲩϣⲁⲧ ⲙⲙⲟⲟⲩ

6 ⲡⲛⲟⲩⲧⲉ ⲛⲧⲟⲕ ⲉⲛⲧⲁⲕⲉⲓⲙⲉ ⲉⲧⲁⲙⲛⲧⲁⲧϩⲏⲧ ⲁⲩⲱ ⲛⲁⲛⲟⲃⲉ

ⲙⲡⲟⲩϩⲱⲡ ⲉⲣⲟⲕ

7 ⲙⲡⲣⲧⲣⲉⲩϫⲓ ϣⲓⲡⲉ ⲉⲧⲃⲏⲏⲧⲧ ⲛϭⲓ ⲛⲉⲧϩⲩⲡⲟⲙⲉⲓⲛⲉ ⲉⲣⲟⲕ ⲡϫⲟⲉⲓⲥ

ⲛⲛϭⲟⲙ ⲙⲡⲣⲧⲣⲉⲩⲟⲩⲱⲗⲥ ⲉⲧⲃⲏⲏⲧⲧ ⲛϭⲓ ⲛⲉⲧϣⲓⲛⲉ ⲛⲥⲱⲕ ⲡϫⲟⲉⲓⲥ

ⲡⲛⲟⲩⲧⲉ ⲙⲡⲓⲥⲣⲁⲏⲗ ⲡⲛⲟⲩⲧⲉ ⲛⲛϭⲟⲙ

8 ϫⲉ ⲉⲧⲃⲏⲏⲧⲕ ⲁⲓϥⲓ ⲉⲣⲟⲓ ⲛⲟⲩⲛⲟϭⲛⲉϭ ⲁⲡϣⲓⲡⲉ ϩⲱⲃⲥ ⲉⲣ ⲙⲡⲁϩⲟ

9 ⲁⲓⲣ ϣⲙⲙⲟ ⲉⲛⲁⲥⲛⲏⲩ ϣⲙⲙⲟ ⲉⲛϣⲏⲣⲉ ⲛⲧⲁⲙⲁⲁⲩ

10 ϫⲉ ⲡⲕⲱϩ ⲙⲡⲉⲕⲏⲓ ⲡⲉⲛⲧⲁϥⲟⲩⲟⲙⲧ ⲁⲛⲛⲟϭⲛⲉϭ ⲛⲛⲉⲧⲛⲟϭⲛⲉϭ ⲙⲙⲟⲕ

ϩⲉ ⲉϩⲣⲁⲓ ⲉϫⲱⲓ

11 ⲁⲓⲕⲱⲗϫ ⲛⲧⲁⲯⲩⲭⲏ ϩⲛ ⲟⲩⲛⲏⲥⲧⲓⲁ ⲁⲥϣⲱⲡⲉ ⲛⲁⲓ ⲉⲩⲛⲟϭⲛⲉϭ

12 ⲁⲓϯ ⲛⲟⲩϭⲟⲟⲩⲛⲉ ϩⲓⲱⲱⲧ ⲁⲓϣⲱⲡⲉ ⲛⲁⲩ ⲙⲡⲁⲣⲁⲃⲟⲗⲏ

13 ⲛⲉⲩϫⲓ ⲛϩⲣⲁⲩ ϩⲓⲱⲱⲧ ⲛϭⲓ ⲛⲉⲧϩⲙⲟⲟⲥ ⲛ ⲙⲡⲩⲗⲏ ⲛⲉⲩⲯⲁⲗⲗⲉⲓ ⲉⲣⲟⲓ

ⲛϭⲓ ⲛⲉⲧⲥⲱ ⲙⲡⲏⲣⲡ

14 ⲁⲛⲟⲕ ⲇⲉ ⲛⲉⲓϣⲗⲏⲗ ⲡⲉ ϩⲛ ⲧⲁⲯⲩⲭⲏ ⲉϩⲣⲁⲓ ⲉⲣⲟⲕ ⲡϫⲟⲉⲓⲥ ⲡⲉⲟⲩⲟⲉⲓϣ












ⲙⲡⲉⲧⲉϩⲛⲁⲕ ⲡⲉ ⲡⲛⲟⲩⲧⲉ ϩⲙ ⲡⲁϣⲁⲓ ⲙⲡⲉⲕⲛⲁⲥⲱⲧⲙ ⲉⲡⲁⲟⲩϫⲁⲓ ϩⲛ

ⲟⲩⲙⲉ

15 ⲙⲁⲧⲟⲩϫⲟⲓ ⲉϯⲟⲙⲉ ϫⲉ ⲛⲛⲁⲧⲱⲗⲥ ⲛϩⲏⲧⲥ ⲉⲓⲉⲟⲩϫⲁⲓ ⲉⲃⲟⲗ ϩⲛ

ⲛⲉⲧⲙⲟⲥⲧⲉ ⲙⲙⲟⲓ ⲁⲩⲱ ⲉⲃⲟⲗ ϩⲛ ⲡϣⲓⲕ ⲛⲙⲙⲟⲟⲩ

16 ⲙⲡⲣⲧⲣⲉ ⲟⲩⲃⲉⲣⲱ ⲙⲙⲟⲟⲩ ⲟⲙⲥⲧ ⲙⲡⲣⲧⲣⲉ ⲡⲛⲟⲩⲛ ⲟⲙⲕⲧ ⲙⲡⲣⲧⲣⲉ

ⲟⲩϣⲱⲧⲉ ⲁⲙⲁϩⲧⲉ ⲛⲣⲱⲥ ⲉϩⲣⲁⲓ ⲉϫⲱⲓ

17 ⲥⲱⲧⲙ ⲉⲣⲟⲓ ⲡϫⲟⲉⲓⲥ ϫⲉ ⲟⲩⲭⲣⲏⲥⲧⲟⲥ ⲡⲉ ⲡⲉⲕⲛⲁ ⲕⲁⲧⲁ ⲡⲁϣⲁⲓ

ⲛⲛⲉⲕⲙⲛⲧϣⲁⲛ ϩⲧⲏϥ ϭⲱϣⲧ ⲉϩⲣⲁⲓ ⲉϫⲱⲓ

18 ⲙⲡⲣⲕⲧⲉ ⲡⲉⲕϩⲟ ⲛⲥⲁⲃⲟⲗ ⲙⲡⲉⲕϩⲙϩⲁⲗ ϫⲉ ϯⲑⲗⲓⲃⲉ ⲥⲱⲧⲙ ⲉⲣⲟⲓ ϩⲛ

ⲟⲩϭⲉⲡⲏ

19 ϯϩⲧⲏⲕ ⲉⲧⲁⲯⲩⲭⲏ ⲛⲅⲥⲟⲧⲥ ⲛⲁϩⲙⲉⲧ ⲉⲧⲃⲉ ⲛⲁϫⲁϫⲉ

20 ⲛⲧⲟⲕ ⲅⲁⲣ ⲉⲧⲉⲓⲙⲉ ⲉⲡⲁⲛⲟϭⲛⲉϭ ⲙⲛ ⲡⲁϣⲓⲡⲉ ⲁⲩⲱ ⲡⲁⲟⲩⲱⲗⲥ

ⲛⲉⲧⲑⲗⲓⲃⲉ ⲙⲙⲟⲓ ⲧⲏⲣⲟⲩ ⲙⲡⲉⲕⲙⲧⲟ ⲉⲃⲟⲗ

21 ⲁⲡⲁϩⲏⲧ ϭⲱϣⲧ ⲉⲃⲟⲗ ϩⲏⲧϥ ⲛⲟⲩⲛⲟϭⲛⲉϭ ⲙⲛ ⲟⲩⲧⲁⲗⲁⲓⲡⲱⲣⲓⲁ

ⲁⲓϭⲱϣⲧ ⲉⲃⲟⲗ ϩⲏⲧϥ ⲙⲡⲉⲧⲛⲁⲗⲩⲡⲉⲓ ⲛⲙⲙⲁⲓ ⲙⲡⲓϭⲛⲧϥ ⲁⲩⲱ

ⲡⲉⲧⲛⲁⲥⲉⲗⲥⲱⲗⲧ ⲙⲡⲉⲓϩⲉ ⲉⲣⲟϥ

22 ⲁⲩϯ ⲛⲟⲩⲥⲓϣⲉ ⲉⲧⲁϩⲣⲉ ⲁⲩⲧⲥⲉⲓ ⲟⲩϩⲙϫ ϩⲙ ⲡⲁⲉⲓⲃⲉ

23 ⲙⲁⲣⲉ ⲧⲉⲩⲧⲣⲁⲡⲉⲍⲁ ϣⲱⲡⲉ ⲙⲡⲉⲩⲙⲧⲟ ⲉⲃⲟⲗ ⲉⲩϭⲟⲣϭⲥ ⲙⲛ

ⲟⲩⲡⲁϣ ⲁⲩⲱ ⲉⲩⲧⲱⲱⲃⲉ ⲙⲛ ⲟⲩⲥⲕⲁⲛⲇⲁⲗⲟⲛ

24 ⲙⲁⲣⲉ ⲛⲉⲩⲃⲁⲗ ⲣⲕⲁⲕⲉ ⲉⲧⲙⲛⲁⲩ ⲉⲃⲟⲗ ⲛⲅⲕⲗϫ ⲧⲉⲩϫⲓⲥⲉ ⲛⲥⲏⲩ ⲛⲓⲙ











25 ⲡⲱϩⲧ ⲉϩⲣⲁⲓ ⲉϫⲱⲟⲩ ⲛⲧⲉⲕⲟⲣⲅⲏ ⲁⲩⲱ ⲛϭⲱⲛⲧ ⲛⲧⲉⲕⲟⲣⲅⲏ

ⲙⲁⲣⲉϥⲧⲁϩⲟⲟⲩ

26 ⲙⲁⲣⲉ ⲡⲉⲩⲙⲁ ⲛϣⲱⲡⲉ ⲣϫⲁⲓⲉ ⲛϥⲧⲙϣⲱⲡⲉ ⲛϭⲓ ⲡⲉⲧⲟⲩⲏϩ ϩⲛ

ⲛⲉⲩⲙⲁ ⲛϣⲱⲡⲉ

27 ϫⲉ ⲡⲉⲛⲧⲁⲕⲡⲁⲧⲁⲥⲥⲉ ⲙⲙⲟϥ ⲁⲩⲇⲓⲱⲕⲉ ⲛⲥⲱϥ ⲁⲩⲱ ⲁⲩⲟⲩⲱϩ ⲉϩⲣⲁⲓ

ⲉϫⲙ ⲡⲉⲙⲕⲁϩ ⲙⲡⲉϥⲥⲁϣ

28 ⲟⲩⲉϩ ⲁⲛⲟⲙⲓⲁ ⲉϫⲛ ⲧⲉⲩⲁⲛⲟⲙⲓⲁ ⲁⲩⲱ ⲙⲡⲣⲧⲣⲉⲩⲉⲓ ⲉϩⲟⲩⲛ ϩⲛ

ⲧⲉⲕⲇⲓⲕⲁⲓⲟⲥⲩⲛⲏ

29 ⲙⲁⲣⲟⲩϥⲟⲧⲟⲩ ⲉⲃⲟⲗ ϩⲙ ⲡϫⲱⲱⲙⲉ ⲛⲉⲧⲟⲛϩ ⲙⲡⲣⲧⲣⲉⲩⲥϩⲁⲓⲥⲟⲩ ⲙⲛ

ⲛⲇⲓⲕⲁⲓⲟⲥ

30 ⲁⲛⲅ ⲟⲩϩⲏⲕⲉ ⲉϥⲣ ⲡⲕⲉⲙⲟⲕϩ ⲡⲟⲩϫⲁⲓ ⲙⲡⲉⲕϩⲟ ⲡⲛⲟⲩⲧⲉ

ⲡⲉⲛⲧⲁϥϣⲟⲡⲧ ⲉⲣⲟϥ

31 ϯⲛⲁⲥⲙⲟⲩ ⲉⲡⲣⲁⲛ ⲙⲡⲛⲟⲩⲧⲉ ϩⲛ ⲟⲩϩⲱⲇⲏ ϯⲛⲁϫⲓⲥⲉ ⲙⲙⲟϥ ϩⲛ

ⲟⲩⲥⲙⲟⲩ

32 ⲁⲩⲱ ϥⲛⲁⲣⲁⲛⲁϥ ⲙⲡⲛⲟⲩⲧⲉ ⲉϩⲟⲩⲉ ⲟⲩⲙⲁⲥⲉ ⲛⲃⲣⲣⲉ ⲉϥⲛⲉϫ ⲧⲁⲡ

ⲉⲃⲟⲗ ϩⲓ ⲓⲉⲓⲃ

33 ⲙⲁⲣⲉ ⲛϩⲏⲕⲉ ⲛⲁⲩ ⲛⲥⲉⲉⲩⲫⲣⲁⲛⲉ ϣⲓⲛⲉ ⲛⲥⲁ ⲡⲛⲟⲩⲧⲉ ⲧⲁⲣⲉ

ⲧⲉⲧⲙⲯⲩⲭⲏ ⲱⲛϩ

34 ϫⲉ ⲁⲡϫⲟⲉⲓⲥ ⲥⲱⲧⲙ ⲉⲛϩⲏⲕⲉ ⲁⲩⲱ ⲙⲡϥⲥⲉϣϥ ⲛⲉⲧⲧⲟ ⲙⲡⲉⲓⲛⲉ

ⲛϩⲟⲙⲛⲧ











35 ⲙⲁⲣⲉ ⲙⲡⲏⲩⲉ ⲙⲛ ⲡⲕⲁϩ ⲥⲙⲟⲩ ⲉⲡϫⲟⲉⲓⲥ ⲑⲁⲗⲁⲥⲥⲁ ⲙⲛ ⲛⲉⲧⲛϩⲏⲧⲥ

ⲧⲏⲣⲟⲩ

36 ϫⲉ ⲡⲛⲟⲩⲧⲉ ⲛⲁⲛⲟⲩϩⲙ ⲛⲥⲓⲱⲛ ⲁⲩⲱ ⲥⲉⲛⲁⲕⲱⲧ ⲙⲙⲡⲟⲗⲓⲥ

ⲛϯⲟⲩⲇⲁⲓⲁ ⲛⲥⲉⲟⲩⲱϩ ⲙⲙⲁⲩ ⲛⲥⲉⲕⲗⲏⲣⲟⲛⲟⲙⲉⲓ ⲙⲙⲟⲥ

37 ⲡⲉⲥⲡⲉⲣⲙⲁ ⲛⲛⲉϥϩⲙϩⲁⲗ ⲛⲁⲁⲙⲁϩⲧⲉ ⲙⲙⲟⲥ ⲁⲩⲱ ⲛⲉⲧⲙⲉ

ⲙⲡⲉϥⲣⲁⲛ ⲛⲁⲟⲩⲱϩ ⲛϩⲏⲧⲥ

Psalm 69

1 ⲉⲡϫⲱⲕ ⲉⲃⲟⲗ ⲉⲇⲁⲩⲉⲓⲇ ⲉⲩⲣ ⲡⲙⲉⲉⲩⲉ ⲉⲧⲣⲉⲡϫⲟⲉⲓⲥ ⲧⲁⲛϩⲟⲓ

2 ⲡϫⲟⲉⲓⲥ ⲡⲛⲟⲩⲧⲉ ϯϩⲧⲏⲕ ⲉⲧⲁⲃⲟⲏⲑⲓⲁ

3 ⲙⲁⲣⲟⲩϫⲓ ϣⲓⲡⲉ ⲛⲥⲉⲟⲩⲱⲗⲥ ⲛϭⲓ ⲛⲉⲧϣⲓⲛⲉ ⲛⲥⲁ ⲧⲁⲯⲩⲭⲏ

ⲙⲁⲣⲟⲩⲕⲟⲧⲟⲩ ⲉⲡⲁϩⲟⲩ ⲛⲥⲉϫⲓ ϣⲓⲡⲉ ⲛϭⲓ ⲛⲉⲧⲙⲉⲉⲩⲉ ⲉⲣⲟⲓ


4 ⲙⲁⲣⲟⲩⲕⲟⲧⲟⲩ ⲛⲧⲉⲩⲛⲟⲩ ⲛⲥⲉϫⲓ ϣⲓⲡⲉ ⲛϭⲓ ⲛⲉⲧϫⲱ ⲙⲙⲟⲥ ⲛⲁⲓ ϫⲉ ⲉⲩⲅⲉ

ⲉⲩⲅⲉ

5 ⲙⲁⲣⲟⲩⲧⲉⲗⲏⲗ ⲛⲥⲉⲟⲩⲛⲟϥ ⲉϫⲱⲕ ⲛϭⲓ ⲟⲩⲟⲛ ⲛⲓⲙ ⲉⲧϣⲓⲛⲉ ⲛⲥⲱⲕ

ⲛⲥⲉϫⲟⲟⲥ ⲙⲁⲣⲉ ⲡⲛⲟⲩⲧⲉ ϫⲓⲥⲉ ⲛⲉⲧⲙⲉ ⲙⲡⲉⲕⲟⲩϫⲁⲓ

6 ⲁⲛⲟⲕ ⲇⲉ ⲁⲛⲅ ⲟⲩϩⲏⲕⲉ ⲁⲛⲅ ⲟⲩⲉⲃⲓⲏⲛ ⲡϫⲟⲉⲓⲥ ⲃⲟⲏⲑⲉⲓ ⲉⲣⲟⲓ ⲛⲧⲕ

ⲡⲁⲃⲟⲏⲑⲟⲥ ⲁⲩⲱ ⲧⲁⲛⲁϣⲧⲉ ⲡϫⲟⲉⲓⲥ ⲙⲡⲣⲱⲥⲕ

7

Psalm 70











1 ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲡⲛⲟⲩⲧⲉ ⲡⲛⲟⲩⲧⲉ ⲁⲓⲛⲁϩⲧⲉ

ⲉⲣⲟⲕ ⲙⲡⲣⲧⲣⲁϫⲓ ϣⲓⲡⲉ ϣⲁ ⲉⲛⲉϩ

2 ⲙⲁⲧⲟⲩϫⲟⲓ ϩⲛ ⲧⲉⲕⲇⲓⲕⲁⲓⲟⲥⲩⲛⲏ ⲁⲩⲱ ⲛⲅⲛⲁϩⲙⲉⲧ ⲣⲓⲕⲉ

ⲙⲡⲉⲕⲙⲁⲁϫⲉ ⲉⲣⲟⲓ ⲛⲅⲧⲟⲩϫⲟⲓ

3 ϣⲱⲡⲉ ⲛⲁⲓ ⲉⲩⲛⲟⲩⲧⲉ ⲛⲛⲁϣⲧⲉ ⲁⲩⲱ ⲉⲩⲙⲁ ⲉϥⲧⲁϫⲣⲏⲩ ⲉⲧⲟⲩϫⲟⲓ ϫⲉ

ⲛⲧⲟⲕ ⲡⲉ ⲡⲁⲧⲁϫⲣⲟ ⲁⲩⲱ ⲡⲁⲙⲁ ⲙⲡⲱⲧ

4 ⲡⲁⲛⲟⲩⲧⲉ ⲙⲁⲧⲟⲩϫⲟⲓ ⲉⲧϭⲓϫ ⲙⲡⲣⲉϥⲣⲛⲟⲃⲉ ⲉⲃⲟⲗ ϩⲛ ⲧϭⲓϫ

ⲙⲡⲡⲁⲣⲁⲛⲟⲙⲟⲥ ⲙⲛ ⲡⲁⲥⲉⲃⲏⲥ

5 ϫⲉ ⲛⲧⲟⲕ ⲡϫⲟⲉⲓⲥ ⲡⲉ ⲧⲁϩⲩⲡⲟⲙⲟⲛⲏ ⲡϫⲟⲉⲓⲥ ⲛⲧⲕ ⲧⲁϩⲉⲗⲡⲓⲥ ϫⲓⲛ

ⲧⲁⲙⲛⲧⲕⲟⲩⲓ

6 ⲁⲓⲧⲁϫⲣⲟⲓ ⲉϫⲱⲕ ϫⲓⲛ ⲉⲓ ϩⲛ ⲧϩⲏ ⲛⲧⲟⲕ ⲁⲕⲛⲧ ⲉⲃⲟⲗ ϩⲛ ϩⲏⲧⲥ

ⲛⲧⲁⲙⲁⲁⲩ ⲉⲣⲉⲡⲁⲣ ⲡⲙⲉⲉⲩⲉ ⲛϩⲏⲧⲕ ⲛⲟⲩⲟⲉⲓϣ ⲛⲓⲙ

7 ⲁⲓϣⲱⲡⲉ ⲛⲧϩⲉ ⲛⲛⲓϩⲛⲉ ⲛⲟⲩⲙⲏⲏϣⲉ ⲛⲧⲟⲕ ⲡⲉ ⲡⲁⲃⲟⲏⲑⲟⲥ ⲁⲩⲱ

ⲡⲁⲧⲁϫⲣⲟ ⲛⲧⲕ ⲡⲁⲥⲱⲧⲏⲣ ⲡϫⲟⲉⲓⲥ

8 ⲁⲧⲁⲧⲁⲡⲣⲟ ⲙⲟⲩϩ ⲛⲥⲙⲟⲩ ϫⲉⲕⲁⲥ ϩⲙ ⲡⲉϩⲟⲟⲩ ⲧⲏⲣϥ ⲉⲓⲉⲥⲙⲟⲩ

ⲉⲡⲉⲟⲟⲩ ⲛⲧⲉⲕⲙⲛⲧⲛⲟϭ

9 ⲙⲡⲣⲛⲟϫⲧ ⲉⲃⲟⲗ ⲉⲩⲟⲩⲟⲉⲓϣ ⲙⲙⲛⲧϩⲗⲗⲟ ϩⲙ ⲡⲧⲣⲉ ⲧⲁⲯⲩⲭⲏ ⲱϫⲛ

ⲙⲡⲣⲕⲁⲁⲧ ⲛⲥⲱⲕ

10 ϫⲉ ⲁⲛⲁϫⲓϫⲉⲉⲩⲉ ϫⲉ ⲡⲉⲧϩⲟⲟⲩ ⲉⲣⲟⲓ ⲁⲩⲱ ⲛⲉⲧϩⲁⲣⲉϩ ⲉⲧⲁⲯⲩⲭⲏ

ⲁⲩϫⲓ ϣⲟϫⲛⲉ ⲉⲧⲁⲯⲩⲭⲏ ⲉⲩϫⲱ ⲙⲙⲟⲥ ϩⲓ ⲟⲩⲥⲟⲡ











11 ϫⲉ ⲁⲡⲛⲟⲩⲧⲉ ⲕⲁⲁϥ ⲛⲥⲱϥ ⲡⲱⲧ ⲛⲧⲉⲧⲛⲧⲁϩⲟϥ ϫⲉ ⲙⲛ

ⲡⲉⲧⲛⲁⲛⲁϩⲙⲉϥ

12 ⲡⲁⲛⲟⲩⲧⲉ ⲙⲡⲣⲟⲩⲉ ⲛⲥⲁⲃⲟⲗ ⲙⲙⲟⲓ ⲡⲁⲛⲟⲩⲧⲉ ϯϩⲧⲏⲕ ⲉⲧⲃⲟⲏⲑⲓⲁ

13 ⲙⲁⲣⲟⲩϫⲓ ϣⲓⲡⲉ ⲛⲥⲉⲱϫⲛ ⲛϭⲓ ⲛⲉⲧⲇⲓⲁⲃⲁⲗⲉ ⲛⲧⲁⲯⲩⲭⲏ

ⲙⲁⲣⲟⲩϭⲟⲟⲗⲟⲩ ⲛⲟⲩϣⲓⲡⲉ ⲙⲛ ⲟⲩⲱⲱⲗⲥ ⲛϭⲓ ⲛⲉⲧϣⲓⲛⲉ ⲛⲥⲁ

ϩⲉⲛⲡⲉⲧϩⲟⲟⲩ ⲉⲣⲟⲓ

14 ⲁⲛⲟⲕ ⲇⲉ ⲛⲟⲩⲟⲉⲓϣ ⲛⲓⲙ ϯⲛⲁⲛⲁϩⲧⲉ ⲉⲣⲟⲕ ⲡϫⲟⲉⲓⲥ ⲡⲁⲛⲟⲩⲧⲉ ⲁⲩⲱ

ϯⲛⲁⲟⲩⲱϩ ⲉϫⲙ ⲡⲉⲕⲥⲙⲟⲩ

15 ⲧⲁⲧⲁⲡⲣⲟ ⲃⲁϫⲱ ⲛⲧⲉⲕⲇⲓⲕⲁⲓⲟⲥⲩⲛⲏ ⲙⲛ ⲡⲉⲕⲟⲩϫⲁⲓ ⲙⲡⲉϩⲟⲟⲩ ⲧⲏⲣϥ

ϫⲉ ⲙⲡⲓⲥⲟⲩⲛ ⲛϩⲁⲧⲃⲉⲥ

16 ϯⲛⲏⲩ ⲉϩⲟⲩⲛ ϩⲛ ⲧⲉⲕϭⲟⲙ ⲡϫⲟⲉⲓⲥ ⲡⲛⲟⲩⲧⲉ ϯⲛⲁⲣ ⲡⲙⲉⲉⲩⲉ

ⲛⲧⲉⲕⲇⲓⲕⲁⲓⲟⲥⲩⲛⲏ ⲙⲁⲩⲁⲁⲕ

17 ⲡⲛⲟⲩⲧⲉ ⲁⲕⲧⲥⲁⲃⲟⲓ ϫⲓⲛ ⲧⲁⲙⲛⲧⲕⲟⲩⲓ ⲁⲩⲱ ϣⲁ ⲧⲉⲛⲟⲩ ϯⲛⲁϫⲱ

ⲛⲛⲉⲕϣⲡⲏⲣⲉ

18 ⲁⲩⲱ ϣⲁ ⲧⲁⲙⲛⲧϩⲗⲗⲟ ⲙⲛ ⲧⲁⲙⲛⲧⲛⲟϭ ⲙⲡⲣⲕⲁⲁⲧ ⲛⲥⲱⲕ

ϣⲁⲛϯϫⲱ ⲙⲡⲉⲕϭⲃⲟⲓ ⲛⲧⲅⲉⲛⲉⲁ ⲧⲏⲣⲥ ⲉⲧⲛⲏⲩ

19 ⲧⲉⲕϭⲟⲙ ⲙⲛ ⲧⲉⲕⲇⲓⲕⲁⲓⲟⲥⲩⲛⲏ ⲡⲙⲟⲩⲧⲉ ϣⲁ ⲛⲉⲧϫⲟⲥⲉ ⲙⲙⲛⲧⲛⲟϭ

ⲛⲧⲁⲕⲕⲁⲩ ⲡⲛⲟⲩⲧⲉ ⲛⲓⲙ ⲡⲉⲧⲛⲁϣⲓⲛⲉ ⲙⲙⲟⲕ

20 ⲛⲉⲑⲗⲓⲯⲓⲥ ⲛⲧⲁⲕⲧⲥⲁⲃⲟⲓ ⲉⲣⲟⲟⲩ ⲛϩⲁϩ ⲛⲥⲟⲡ ⲙⲛ ⲙⲡⲉⲧϩⲟⲟⲩ ⲁⲩⲱ

ⲁⲕⲕⲟⲧⲕ ⲁⲕⲧⲁⲛϩⲟⲓ ⲁⲕⲛⲧ ⲉϩⲣⲁⲓ ϩⲛ ⲛⲛⲟⲩⲛ ⲙⲡⲕⲁϩ











21 ⲁⲕⲧⲁϣⲉ ⲧⲉⲕⲙⲛⲧⲛⲟϭ ⲉϩⲣⲁⲓ ⲉϫⲱⲓ ⲁⲩⲱ ⲁⲕⲕⲟⲧⲕ ⲁⲕⲡⲁⲣⲁⲕⲁⲗⲉⲓ

ⲙⲙⲟⲓ

22 ⲕⲁⲓⲅⲁⲣ ⲁⲛⲟⲕ ⲡϫⲟⲉⲓⲥ ⲡⲁⲛⲟⲩⲧⲉ ϯⲛⲁⲟⲩⲱⲛϩ ⲉⲃⲟⲗ ⲛⲧⲉⲕⲙⲉ ϩⲛ

ⲛⲓⲗⲁⲟⲥ ϯⲛⲁⲯⲁⲗⲗⲉⲓ ⲉⲣⲟⲕ ϩⲛ ⲟⲩⲕⲓⲑⲁⲣⲁ ⲡⲉⲧⲟⲩⲁⲁⲃ ⲙⲡⲓⲥⲣⲁⲏⲗ

23 ⲥⲉⲛⲁⲧⲉⲗⲏⲗ ⲛϭⲓ ⲛⲁⲥⲡⲟⲧⲟⲩ ⲉⲓϣⲁⲛⲯⲁⲗⲗⲉⲓ ⲉⲣⲟⲕ ⲁⲩⲱ ⲧⲁⲯⲩⲭⲏ

ⲉⲛⲧⲁⲕⲥⲟⲧⲥ ⲉⲃⲟⲗ ϩⲛ ⲧϭⲓϫ ⲛⲛϫⲁϫⲉ

24 ⲉⲧⲓ ⲇⲉ ⲡⲁⲕⲉⲗⲁⲥ ⲛⲁⲙⲉⲗⲉⲧⲁ ⲛⲧⲉⲕⲇⲓⲕⲁⲓⲟⲥⲩⲛⲏ ⲙⲡⲉϩⲟⲟⲩ ⲧⲏⲣϥ

ϩⲟⲧⲁⲛ ⲉⲩϣⲁⲛϫⲓ ϣⲓⲡⲉ ⲛⲥⲉⲟⲩⲱⲗⲥ ⲛϭⲓ ⲛⲉⲧϣⲓⲛⲉ ⲛⲥⲁ ϩⲉⲛⲡⲉⲧϩⲟⲟⲩ

ⲉⲣⲟⲓ

Psalm 71

1 ⲉⲥⲟⲗⲟⲙⲱⲛ ⲡⲛⲟⲩⲧⲉϯ ⲡⲉⲕϩⲁⲡ ⲙⲡⲣⲣⲟ ⲁⲩⲱ ⲧⲉⲕⲇⲓⲕⲁⲓⲟⲥⲩⲛⲏ

ⲙⲡϣⲏⲣⲉ ⲙⲡⲣⲣⲟ

2 ⲉⲕⲣⲓⲛⲉ ⲙⲡⲉⲕⲗⲁⲟⲥ ϩⲛ ⲟⲩⲥⲟⲟⲩⲧⲛ ⲁⲩⲱ ⲛⲉⲕϩⲏⲕⲉ ϩⲛ ⲟⲩϩⲁⲡ

3 ⲙⲁⲣⲉⲛⲧⲟⲟⲩ ϫⲓ ⲛⲟⲩⲉⲓⲣⲏⲛⲏ ⲙⲡⲉⲕⲗⲁⲟⲥ ⲁⲩⲱ ⲛⲥⲓⲃⲧ

ⲛⲟⲩⲇⲓⲕⲁⲓⲟⲥⲩⲛⲏ

4 ϥⲛⲁⲕⲣⲓⲛⲉ ⲛⲛϩⲏⲕⲉ ⲙⲡⲗⲁⲟⲥ ⲛϥⲧⲟⲩϫⲟ ⲛⲛϣⲏⲣⲉ ⲛⲛⲉⲃⲓⲏⲛ ⲛϥⲑⲃⲃⲓⲟ

ⲙⲡⲣⲉϥϩⲓⲗⲁ

5 ⲛϥⲙⲟⲩⲛ ⲉⲃⲟⲗ ⲙⲛ ⲡⲣⲏ ⲁⲩⲱ ϩⲁ ⲧϩⲉ ⲙⲡⲟⲟϩ ⲛϩⲉⲛϫⲱⲙ ⲛϫⲱⲙ

6 ϥⲛⲏⲩ ⲉⲡⲉⲥⲏⲧ ⲛⲧϩⲉ ⲛⲟⲩϩⲱⲟⲩ ⲉϫⲛ ⲟⲩⲥⲟⲣⲧ ⲁⲩⲱ ⲛⲧϩⲉ ⲙⲡϩⲱⲟⲩ

ⲉⲧϩⲱⲟⲩ ⲉϫⲙ ⲡⲕⲁϩ











7 ⲛⲧⲉ ⲧⲇⲓⲕⲁⲓⲥⲟⲥⲩⲛⲏ ϯⲟⲩⲱⲛϩ ⲛⲉϥϩⲟⲟⲩ ⲁⲩⲱ ⲟⲩⲉⲓⲣⲏⲛⲏ ⲉⲥⲟϣ

ϣⲁⲛⲧⲟⲩϥⲓ ⲙⲡⲟⲟϩ

8 ⲛϥⲣ ϫⲟⲉⲓⲥ ϫⲓⲛ ⲑⲁⲗⲁⲥⲥⲁ ϣⲁ ⲑⲁⲗⲁⲥⲥⲁ ⲁⲩⲱ ϫⲓⲛ ⲡⲓⲉⲣⲟ ϣⲁ

ⲁⲣⲏϫⲥ ⲛⲧⲟⲓⲕⲟⲩⲙⲉⲛⲏ

9 ⲛⲉϭⲟⲟϣ ⲛⲁⲡⲁϩⲧⲟⲩ ⲙⲡⲉϥⲙⲧⲟ ⲉⲃⲟⲗ ⲁⲩⲱ ⲛⲉϥϫⲓϫⲉⲉⲩ ⲛⲁⲗⲱϫϩ

ⲙⲡⲕⲁϩ

10 ⲛⲉⲣⲣⲱⲟⲩ ⲛⲑⲁⲣⲥⲓⲥ ⲙⲛ ⲛⲛⲏⲥⲟⲥ ⲛⲁⲛ ⲇⲱⲣⲟⲛ ⲛⲁϥ

11 ⲛⲥⲉⲟⲩⲱϣⲧ ⲛⲁϥ ⲛϭⲓ ⲛⲉⲣⲣⲱⲟⲩ ⲧⲏⲣⲟⲩ ⲛϩⲉⲑⲛⲟⲥ ⲧⲏⲣⲟⲩ ⲛⲁⲣ

ϩⲙϩⲁⲗ ⲛⲁϥ

12 ϫⲉ ⲁϥⲛⲉϩⲙ ⲡϩⲏⲕⲉ ⲉⲃⲟⲗ ϩⲛ ⲧϭⲓϫ ⲙⲡϫⲱⲣⲉ ⲙⲛ ⲡⲉⲃⲓⲏⲛ ⲉⲧⲉ

ⲙⲛⲧϥ ⲃⲟⲏⲑⲟⲥ

13 ϥⲛⲁϯⲥⲟ ⲉⲩϩⲏⲕⲉ ⲙⲛ ⲟⲩⲉⲃⲓⲏⲛ ⲛϥⲧⲟⲩϫⲟ ⲛⲛⲉⲯⲩⲭⲏ ⲛⲛⲉⲃⲓⲏⲛ

14 ϥⲛⲁⲥⲱⲧⲉ ⲛⲛⲉⲩⲯⲩⲭⲏ ⲉⲃⲟⲗ ϩⲛ ⲧⲙⲏⲥⲉ ⲙⲛ ⲡϫⲓⲛϭⲟⲛⲥ ⲡⲉⲩⲣⲁⲛ

ⲧⲁⲉⲓⲏⲩ ⲙⲡⲉϥⲙⲧⲟ ⲉⲃⲟⲗ

15 ϥⲛⲁⲱⲛϩ ⲛⲥⲉϯ ⲛⲁϥ ⲙⲡⲛⲟⲩⲃ ⲛⲧⲁⲣⲁⲃⲓⲁ ⲛⲥⲉϣⲗⲏⲗ ⲉⲧⲃⲏⲏⲧϥ

ⲛⲟⲩⲟⲉⲓϣ ⲛⲓⲙ ⲥⲉⲛⲁⲥⲙⲟⲩ ⲉⲣⲟϥ ⲙⲡⲉϩⲟⲟⲩ ⲧⲏⲣϥ

16 ϥⲛⲁϣⲱⲡⲉ ⲛⲟⲩⲧⲁϫⲣⲟ ⲙⲡⲕⲁϩ ⲉϩⲣⲁⲓ ⲉϫⲛ ⲛⲧⲟⲟⲩ ⲡⲉϥⲕⲁⲣⲡⲟⲥ

ⲛⲁϫⲓⲥⲉ ⲉⲡⲗⲓⲃⲁⲛⲟⲥ ⲛⲥⲉ ϯⲟⲩⲱ ⲉⲃⲟⲗ ϩⲛ ⲧⲡⲟⲗⲓⲥ ⲛⲧϩⲉ

ⲙⲡⲉⲭⲟⲣⲧⲟⲥ ⲙⲡⲕⲁϩ

17 ⲡⲉϥⲣⲁⲛ ⲛⲁϣⲱⲡⲉ ⲉϥⲥⲙⲁⲙⲁⲁⲧ ϣⲁ ⲉⲛⲉϩ ⲡⲉϥⲣⲁⲛ ϣⲟⲟⲡ ϩⲁⲧϩⲏ












ⲙⲡⲣⲏ ⲥⲉⲛⲁϫⲓⲥⲙⲟⲩ ϩⲣⲁⲓ ⲛϩⲏⲧϥ ⲛϭⲓ ⲛⲉⲫⲩⲗⲏ ⲧⲏⲣⲟⲩ ⲙⲡⲕⲁϩ

ⲛϩⲉⲑⲛⲟⲥ ⲧⲏⲣⲟⲩ ⲛⲁⲙⲁⲕⲁⲣⲓⲍⲉ ⲙⲙⲟϥ

18 ϥⲥⲙⲁⲙⲁⲁⲧ ⲡϫⲟⲉⲓⲥ ⲡⲛⲟⲩⲧⲉ ⲡⲛⲟⲩⲧⲉ ⲙⲡⲓⲥⲣⲁⲏⲗ ⲡⲉⲧⲉⲓⲣⲉ

ⲛⲛⲓϣⲡⲏⲣⲉ ⲙⲁⲩⲁⲁϥ

19 ⲁⲩⲱ ϥⲥⲙⲁⲙⲁⲁⲧ ⲛϭⲓ ⲡⲣⲁⲛ ⲙⲡⲉϥⲉⲟⲟⲩ ϣⲁ ⲉⲛⲉϩ ⲁⲩⲱ ϣⲁ ⲉⲛⲉϩ

ⲛⲉⲛⲉϩ ⲡⲕⲁϩ ⲧⲏⲣϥ ⲛⲁⲙⲟⲩϩ ϩⲙ ⲡⲉϥⲉⲟⲟⲩ ⲉϥⲉϣⲱⲡⲉ ⲉϥⲉϣⲱⲡⲉ

20

Psalm 72

1 ⲁⲩⲱϫⲛ ⲛⲉⲥⲙⲟⲩ ⲛⲇⲁⲩⲉⲓⲇ ⲡϣⲏⲣⲉ ⲛⲓⲉⲥⲥⲁⲓ ⲡⲉⲯⲁⲗⲙⲟⲥ

ⲛⲁⲥⲁⲫⲟⲩⲁⲅⲁⲧⲟⲥ ⲡⲉ ⲡⲛⲟⲩⲧⲉ ⲙⲡⲓⲥⲣⲁⲏⲗ ⲛⲛⲉⲧⲥⲟⲩⲧⲱⲛ ϩⲙ

ⲡⲉⲩϩⲏⲧ

2 ⲁⲛⲟⲕ ⲇⲉ ⲡⲁⲣⲁ ⲟⲩⲕⲟⲩⲓ ⲁⲛⲁⲟⲩⲉⲣⲏⲧⲉ ⲕⲓⲙ ⲡⲁⲣⲁ ⲟⲩⲕⲟⲩⲓ

ⲁⲛⲁⲧⲁϭⲥⲉ ϫⲱⲱⲣⲉ ⲉⲃⲟⲗ

3 ϫⲉ ⲁⲓⲕⲱϩ ⲉⲛⲁⲛⲟⲙⲟⲥ ⲉⲓⲛⲁⲩ ⲉϯⲣⲏⲛⲏ ⲛⲛⲣⲉϥⲣⲛⲟⲃⲉ

4 ϫⲉ ⲙⲛ ⲙⲧⲟⲛ ϣⲟⲟⲡ ϩⲙ ⲡⲉⲩⲙⲟⲩ ⲁⲩⲱ ⲧⲁϫⲣⲟ ϩⲛ ⲧⲉⲩⲙⲁⲥⲧⲓⲝ

5 ⲛⲥⲉ ϩⲛ ϩⲓⲥⲉ ⲛⲣⲱⲙⲉ ⲁⲛ ⲛⲛⲉⲩⲙⲁⲥⲧⲓⲅⲟⲩ ⲙⲙⲟⲟⲩ ⲙⲛ ⲛⲣⲱⲙⲉ

6 ⲉⲧⲃⲉ ⲡⲁⲓ ⲁⲧⲉⲩⲙⲛⲧϫⲁⲥⲓϩⲏⲧ ϯ ϭⲟⲙ ⲛⲁⲩ ⲁⲩϭⲟⲟⲗⲟⲩ

ⲙⲡⲉⲩϫⲓⲛϭⲟⲛⲥ ⲙⲛ ⲧⲉⲩⲙⲛⲧϣⲁϥⲧⲉ

7 ⲡⲉⲩϫⲓⲛϭⲟⲛⲥ ⲛⲏⲩ ⲉⲃⲟⲗ ⲛⲧϩⲉ ⲉⲃⲟⲗ ϩⲙ ⲡⲉⲩⲱⲧ ⲁⲩⲉⲓ ⲉⲃⲟⲗ

ⲉⲩϣⲟϫⲛⲉ ϩⲙ ⲡⲉⲩϩⲏⲧ











8 ⲁⲩⲙⲉⲕⲙⲟⲩⲕⲟⲩ ⲁⲩϣⲁϫⲉ ϩⲛ ⲟⲩⲡⲟⲛⲏⲣⲓⲁ ⲁⲩϫⲱ ⲛⲟⲩϫⲓⲛϭⲟⲛⲥ

ⲉⲡϫⲓⲥⲉ

9 ⲁⲩϫⲓⲥⲉ ⲛⲧⲉⲩⲧⲁⲡⲣⲟ ⲉϩⲣⲁⲓ ⲉⲧⲡⲉ ⲁⲩⲱ ⲁⲡⲉⲩⲗⲁⲥ ⲉⲓ ⲉⲃⲟⲗ ϩⲙ

ⲡⲕⲁϩ

10 ⲉⲧⲃⲉ ⲡⲁⲓ ⲡⲁⲗⲁⲟⲥ ⲛⲁⲕⲟⲧϥ ⲉⲡⲉⲓⲙⲁ ⲛⲥⲉϭⲛ ϩⲉⲛϩⲟⲟⲩ ⲛⲁⲩ ⲉⲩϫⲏⲕ

ⲉⲃⲟⲗ

11 ⲡⲉϫⲁⲩ ϫⲉ ⲛⲁϣ ⲛϩⲉ ⲁⲡⲛⲟⲩⲧⲉ ⲉⲓⲙⲉ ⲁⲩⲱ ϫⲉ ⲟⲩⲛ ⲥⲟⲟⲩⲛ ϩⲙ


12 ⲉⲓⲥ ϩⲏⲏⲧⲉ ⲛⲁⲓ ⲛⲉ ⲛⲣⲉϥⲣⲛⲟⲃⲉ ⲉⲧⲣⲟⲟⲩⲧ ⲁⲩⲁⲙⲁϩⲧⲉ

ⲛⲧⲉⲩⲙⲛⲧⲣⲙⲙⲁⲟ ϣⲁ ⲉⲛⲉϩ

13 ⲁⲩⲱ ⲡⲉϫⲁⲓ ϫⲉ ⲛⲧⲁⲓⲧⲙⲁⲉⲓⲉ ⲡⲁϩⲏⲧ ⲛⲧⲟⲟⲩⲛ ⲉⲡϫⲓⲛϫⲏ ⲁⲓⲉⲓⲱ

ⲛⲛⲁϭⲓϫ ϩⲛ ⲛⲉⲧⲟⲩⲁⲁⲃ

14 ⲁⲓϣⲱⲡⲉ ⲉⲩⲙⲁⲥⲧⲓⲅⲟⲩ ⲙⲙⲟⲓ ⲙⲡⲉϩⲟⲟⲩ ⲧⲏⲣϥ ⲁⲩⲱ ⲡⲁϫⲡⲓⲟ

ⲙⲡⲛⲁⲩ ⲛϩⲧⲟⲟⲩⲉ

15 ⲉϣϫⲉ ⲁⲓϫⲟⲟⲥ ϫⲉ ϯⲛⲁϫⲟⲟⲥ ⲛⲧⲉⲓϩⲉ ⲉⲓⲥ ⲧⲅⲉⲛⲉⲁ ⲛⲛⲉⲕϣⲏⲣⲉ

ⲛⲧⲁⲓⲥⲙⲓⲛⲉ ⲛⲁⲥ

16 ⲁⲓⲙⲉⲉⲩⲉ ⲉⲥⲟⲩⲛ ⲡϫⲟⲉⲓⲥ ⲟⲩϩⲓⲥⲉ ⲡⲉ ⲡⲁⲓ ⲙⲡⲁⲙⲧⲟ ⲉⲃⲟⲗ

17 ϣⲁⲛϯⲃⲱⲕ ⲉϩⲟⲩⲛ ⲉⲙ ⲡⲉⲧⲟⲩⲁⲁⲃ ⲙⲡⲛⲟⲩⲧⲉ ⲉⲉⲓⲙⲉ ⲉⲛϩⲁⲉⲉⲩ

18 ⲡⲗⲏⲛ ⲛⲧⲁⲕⲙⲓⲛⲉ ⲛⲁⲩ ⲉⲧⲃⲉ ⲙⲙⲛⲧⲕⲣⲟϥ ⲁⲕⲧⲁⲟⲩⲟⲟⲩ ⲉϩⲣⲁⲓ ϩⲙ

ⲡⲧⲣⲉⲩϫⲁⲥⲧⲟⲩ












19 ⲛⲁϣ ⲛϩⲉ ⲁⲩⲣϫⲁⲓⲉ ϩⲛ ⲟⲩϣⲥⲛⲉ ⲁⲩⲱϫⲛ ⲁⲩⲧⲁⲕⲟ ⲉⲧⲃⲉ ⲛⲉⲩⲁⲛⲟⲙⲓⲁ

20 ⲛⲧϩⲉ ⲛⲧⲣⲁⲥⲟⲩ ⲛⲛⲉⲧⲧⲱⲟⲩⲛ ⲡϫⲟⲉⲓⲥ ⲕⲛⲁⲥⲉϣϥ ⲧⲉⲩϩⲉⲓⲕⲱⲛ ϩⲛ

ⲧⲉⲕⲡⲟⲗⲓⲥ

21 ϫⲉ ⲁⲡⲁϩⲏⲧ ⲉⲩⲫⲣⲁⲛⲉ ⲁⲩⲱ ⲁⲛⲁϭⲗⲟⲧⲉ ϣⲓⲃⲉ

22 ⲁⲛⲟⲕ ⲇⲉ ϯⲥⲟϣϥ ⲙⲡⲓⲉⲓⲙⲉ ⲁⲓⲣ ⲧϩⲉ ⲛⲛⲓⲧⲃⲛⲏ ⲛⲛⲁϩⲣⲁⲕ

23 ⲁⲛⲟⲕ ⲇⲉ ϯ ⲛⲙⲙⲁⲕ ⲛⲟⲩⲟⲉⲓϣ ⲛⲓⲙ ⲁⲕⲁⲙⲁϩⲧⲉ ⲛⲧⲁϭⲓϫ ⲛⲟⲩⲛⲁⲙ

24 ⲁⲕϫⲓ ⲙⲟⲉⲓⲧ ϩⲏⲧⲧ ϩⲙ ⲡⲉⲕϣⲟϫⲛⲉ ⲁⲕϣⲟⲡⲧ ⲉⲣⲟⲕ ϩⲛ ⲟⲩⲉⲟⲟⲩ

25 ⲟⲩ ⲅⲁⲣ ⲡⲉⲧⲉⲟⲩⲛⲧⲁⲉⲓϥ ϩⲛ ⲧⲡⲉ ⲁⲩⲱ ⲛⲧⲁⲓⲟⲩⲉϣ ⲟⲩ ⲛⲧⲟⲟⲧⲕ ϩⲙ

ⲡⲕⲁϩ

26 ⲁⲡⲁϩⲏⲧ ⲙⲛ ⲧⲁⲥⲁⲣⲝ ⲱϫⲛ ⲡⲛⲟⲩⲧⲉ ⲙⲡⲁϩⲏⲧ ⲁⲩⲱ ⲧⲁⲙⲉⲣⲓⲥ ϣⲁ

ⲉⲛⲉϩ ⲡⲉ ⲡⲛⲟⲩⲧⲉ

27 ϫⲉ ⲉⲓⲥ ϩⲏⲏⲧⲉ ⲛⲉⲧⲟⲩⲉ ⲛⲥⲁⲃⲟⲗ ⲙⲙⲟⲕ ⲛⲁⲧⲁⲕⲟ ⲁⲕϥⲱⲧⲉ ⲉⲃⲟⲗ

ⲛⲟⲩⲟⲛ ⲛⲓⲙ ⲉⲧⲟ ⲙⲡⲟⲛⲏⲣⲟⲥ ⲛⲛⲁϩⲣⲁⲕ

28 ⲁⲛⲟⲕ ⲇⲉ ⲟⲩⲁⲅⲁⲑⲟⲛ ⲛⲁⲓ ⲡⲉ ⲉⲧⲟϭⲧ ⲉⲡⲛⲟⲩⲧⲉ ⲉⲧⲣⲁⲕⲱ

ⲛⲧⲁϩⲉⲗⲡⲓⲥ ϩⲙ ⲡϫⲟⲉⲓⲥ ⲉϫⲱ ⲛⲛⲉⲕⲉⲣⲏⲧ ⲧⲏⲣⲟⲩ ϩⲛ ⲙⲡⲩⲗⲏ

ⲛⲧϣⲉⲉⲣⲉ ⲛⲥⲓⲱⲛ

Psalm 73

1 ⲧⲙⲛⲧⲣⲙⲛϩⲏⲧ ⲛⲁⲥⲁⲫ ⲉⲧⲃⲉ ⲟⲩ ⲡⲛⲟⲩⲧⲉ ⲁⲕⲕⲁⲁⲛ ⲛⲥⲱⲕ ϣⲁⲃⲟⲗ

ⲁϥⲛⲟⲩϭⲥ ⲛϭⲓ ⲡⲉⲕⲱⲛⲧ ⲉϫⲛ ⲛⲉⲥⲟⲟⲩ ⲙⲡⲉⲕⲟϩⲉ

2 ⲁⲣⲓⲡⲙⲉⲉⲩⲉ ⲛⲧⲉⲕⲥⲩⲛⲁⲅⲱⲅⲏ ⲛⲧⲁⲕϫⲡⲟⲥ ⲛⲁⲕ ϫⲓⲛ ⲛϣⲟⲣⲡ ⲁⲕⲥⲱⲧⲉ













ⲙⲡϭⲉⲣⲱⲃ ⲛⲧⲉⲕⲕⲗⲏⲣⲟⲛⲟⲙⲓⲁ ⲡⲉⲓⲧⲟⲟⲩ ⲛⲥⲓⲱⲛ ⲛⲧⲁⲕⲟⲩⲱϩ ϩⲣⲁⲓ

ⲛϩⲏⲧϥ

3 ϥⲓ ⲛⲛⲉⲕϭⲓϫ ⲉϩⲣⲁⲓ ⲉϫⲛ ⲛⲉⲩⲙⲛⲧϫⲁⲥⲓϩⲏⲧ ϣⲁⲃⲟⲗ ⲛⲉⲛⲧⲁⲡϫⲁϫⲉ

ⲡⲟⲛⲏⲣⲉⲩⲉ ⲙⲙⲟⲟⲩ ϩⲛ ⲛⲉⲕⲡⲉⲧⲟⲩⲁⲁⲃ

4 ⲉⲁⲩϣⲟⲩϣⲟⲩ ⲙⲙⲟⲟⲩ ⲛϭⲓ ⲛⲉⲧⲙⲟⲥⲧⲉ ⲙⲙⲟⲕ ⲛⲧⲙⲏⲧⲉ ⲙⲡⲉⲕϣⲁ

ⲁⲩⲕⲁ ⲛⲉⲩⲙⲁⲉⲓⲛ ⲁⲩⲱ ⲙⲡⲟⲩⲉⲓⲙⲉ

5 ⲕⲛⲁⲧⲁⲕⲟ ⲛⲧⲉⲩϩⲓⲏ ⲛⲉⲓ ⲉϩⲟⲩⲛ ⲙⲡⲉⲥⲏⲧ ⲉⲧⲡⲉ ⲁⲩϣⲱⲱⲧ ⲛⲛⲉⲥⲣⲟ ϩⲛ

ϩⲉⲛⲕⲉⲗⲉⲃⲓⲛ ⲛⲧϩⲉ ⲛϩⲉⲛϣⲏⲛ ϩⲛ ⲧⲥⲱϣⲉ

6 ⲁⲩⲧⲁⲩⲟⲥ ⲉϩⲣⲁⲓ ϩⲛ ⲟⲩⲕⲉⲗⲉⲃⲓⲛ ⲙⲛ ⲟⲩⲥⲟⲧⲃⲉϥ ϩⲓ ⲟⲩⲥⲟⲡ

7 ⲁⲩⲣⲱⲕϩ ⲙⲡⲉⲕⲡⲉⲧⲟⲩⲁⲁⲃ ϩⲛ ⲟⲩⲕⲱϩⲧ ⲁⲩⲧⲁⲩⲟ ⲉⲡⲉⲥⲏⲧ ⲙⲡⲙⲁ

ⲛϣⲱⲡⲉ ⲙⲡⲉⲕⲣⲁⲛ

8 ⲁⲧⲉⲩⲥⲩⲅⲅⲉⲛⲓⲁ ϩⲓ ⲟⲩⲥⲟⲡ ϫⲟⲟⲥ ϩⲙ ⲡⲉⲩϩⲏⲧ ϫⲉ ⲁⲙⲏⲓⲧⲛ ⲛⲧⲛϥⲓ

ⲛⲛϣⲁ ⲙⲡⲛⲟⲩⲧⲉ ϩⲓϫⲙ ⲡⲕⲁϩ

9 ⲙⲡⲛⲛⲁⲩ ⲉⲛⲉⲩⲙⲁⲉⲓⲛ ⲙⲛ ⲡⲣⲟⲫⲏⲧⲏⲥ ⲁⲩⲱ ϭⲉ ϥⲛⲁⲥⲟⲩⲱⲛ ⲛⲁⲛ

10 ϣⲁ ⲧⲛⲁⲩ ⲡⲛⲟⲩⲧⲉ ⲡϫⲁϫⲉ ⲛⲟϭⲛⲉϭ ϥϯ ⲛⲟⲩϭⲥ ⲙⲡⲉⲕⲣⲁⲛ ⲛϭⲓ

ⲡⲉⲧϯⲟⲩⲃⲏⲕ ϣⲁⲃⲟⲗ

11 ⲉⲧⲃⲉ ⲟⲩ ⲁⲕⲕⲧⲉ ⲧⲉⲕϭⲓϫ ϣⲁⲃⲟⲗ ⲁⲩⲱ ⲧⲉⲕⲟⲩⲛⲁⲙ ⲛⲧⲙⲏⲧⲉ

ⲛⲕⲟⲩⲟⲩⲛⲕ

12 ⲡⲉⲛⲛⲟⲩⲧⲉ ⲡⲉ ⲡⲉⲛⲣⲣⲟ ϫⲓⲛ ⲉⲛⲉϩ ⲁϥⲣ ϩⲱⲃ ⲉⲡⲉϥⲟⲩϫⲁⲓ ϩⲛ ⲧⲙⲏⲧⲉ

ⲙⲡⲕⲁϩ











13 ⲛⲧⲟⲕ ⲁⲕⲧⲁϫⲣⲉ ⲑⲁⲗⲁⲥⲥⲁ ϩⲛ ⲧⲉⲕϭⲟⲙ ⲛⲧⲟⲕ ⲁⲕⲟⲩⲉϣϥ ⲧⲁⲡⲉ

ⲛⲛⲉⲇⲣⲁⲕⲟⲛ ϩⲓϫⲙ ⲡⲙⲟⲟⲩ

14 ⲛⲧⲟⲕ ⲁⲕⲗⲉϫ ⲛⲁⲡⲏⲩⲉ ⲙⲡⲉⲇⲣⲁⲕⲟⲛ ⲁⲕϯ ⲙⲙⲟϥ ⲛϩⲣⲉ ⲛⲛⲗⲁⲟⲥ

ⲛⲛⲉϭⲟⲟϣ

15 ⲛⲧⲟⲕ ⲡⲉⲛⲧⲁⲕⲡⲉϩ ⲙⲡⲏⲅⲏ ⲙⲛ ⲙⲙⲟⲩ ⲛⲥⲱⲣⲙ ⲛⲧⲟⲕ ⲉⲛⲧⲁⲕⲧⲣⲉ

ⲛⲓⲉⲣⲱⲟⲩ ⲉⲧⲧⲁϫⲣⲏⲩ ϣⲟⲟⲩⲉ

16 ⲡⲱⲕ ⲡⲉ ⲡⲉϩⲟⲟⲩ ⲁⲩⲱ ⲧⲱⲕ ⲧⲉ ⲧⲉⲩϣⲏ ⲛⲧⲟⲕ ⲡⲉⲛⲧⲁⲕⲥⲃⲧⲉ ⲡⲟⲩⲟⲉⲓⲛ

ⲙⲛ ⲡⲣⲏ

17 ⲛⲧⲟⲕ ⲡⲉⲛⲧⲁⲕⲥⲃⲧⲉ ⲛⲧⲟϣ ⲧⲏⲣⲟⲩ ⲙⲡⲕⲁϩ ⲡϣⲱⲙ ⲙⲛ ⲡⲁⲏⲣ

ⲡⲉⲛⲧⲁⲕⲡⲗⲁⲥⲥⲉ ⲙⲙⲟⲟⲩ

18 ⲁⲣⲓⲡⲙⲉⲉⲩⲉ ⲙⲡⲉⲓⲥⲱⲛⲧ ⲛⲧⲁⲕ ⲡϫⲁϫⲉ ⲁϥⲛⲟϭⲛⲉϭ ⲙⲡϫⲟⲉⲓⲥ ⲟⲩⲗⲁⲟⲥ

ⲛⲁⲧϩⲏⲧ ⲁϥϯ ⲛⲟⲩϭⲥ ⲙⲡⲉϥⲣⲁⲛ

19 ⲟⲩⲯⲩⲭⲏ ⲉⲥⲟⲩⲱⲛϩ ⲛⲁⲕ ⲉⲃⲟⲗ ⲙⲡⲣⲧⲁⲁⲥ ⲛⲛⲉⲑⲏⲣⲓⲟⲛ ⲙⲡⲣⲣ ⲡⲱⲃϣ

ⲛⲛⲉⲯⲩⲭⲏ ⲛⲛϩⲏⲕⲉ ϣⲁⲃⲟⲗ

20 ϭⲱϣⲧ ⲉϩⲣⲁⲓ ⲉϫⲛ ⲧⲉⲕⲇⲓⲁⲑⲏⲕⲏ ϫⲉ ⲁⲩⲙⲟⲩϩ ⲛⲁⲛⲟⲙⲓⲁ ⲛϭⲓ ⲛⲏⲓ

ⲛⲛⲉⲧϫⲟⲟⲣⲉ ⲉⲃⲟⲗ ⲛⲧⲉ ⲡⲕⲁϩ

21 ⲙⲡⲣⲧⲣⲉ ⲡⲉⲧⲑⲃⲃⲓⲏⲩ ⲕⲟⲧϥ ⲉⲃⲟⲗ ⲉϥϫⲓ ϣⲓⲡⲉ ⲡϩⲏⲕⲉ ⲙⲛ ⲡⲉⲃⲓⲏⲛ

ⲛⲁⲥⲙⲟⲩ ⲉⲡⲉⲕⲣⲁⲛ

22 ⲧⲱⲟⲩⲛⲅ ⲡⲛⲟⲩⲧⲉ ⲛⲅϯ ϩⲁⲡ ⲉⲡⲁϩⲁⲡ ⲁⲣⲓⲡⲙⲉⲉⲩⲉ ⲛⲛⲉⲕⲛⲟϭⲛⲉϭ

ⲉⲧⲉⲣⲉ ⲡⲁⲧϩⲏⲧ ⲉⲓⲣⲉ ⲙⲙⲟⲟⲩ ⲙⲡⲉϩⲟⲟⲩ ⲧⲏⲣϥ











23 ⲙⲡⲣⲣ ⲡⲱⲃϣ ⲙⲡⲉϩⲣⲟⲟⲩ ⲛⲛⲉⲕϩⲙϩⲁⲗ ⲧⲙⲛⲧϫⲁⲥⲓϩⲏⲧ

ⲛⲛⲉⲧⲙⲟⲥⲧⲉ ⲙⲙⲟⲕ ⲁⲥⲉⲓ ⲉϩⲣⲁⲓ ϣⲁⲣⲟⲕ ⲛⲟⲩⲟⲉⲓϣ ⲛⲓⲙ

Psalm 74

1 ⲉⲡϫⲱⲕ ⲉⲃⲟⲗ ⲙⲡⲣⲧⲁⲕⲟ ⲡⲉⲯⲁⲗⲙⲟⲥ ⲛⲧⲱⲇⲏ ⲛⲁⲥⲁⲫ

2 ⲡⲛⲟⲩⲧⲉ ⲧⲛⲛⲁⲟⲩⲱⲛϩ ⲛⲁⲕ ⲉⲃⲟⲗ ⲧⲛⲛⲁⲟⲩⲱⲛϩ ⲛⲁⲕ ⲉⲃⲟⲗ

ⲛⲧⲛⲉⲡⲓⲕⲁⲗⲉⲓ ⲙⲡⲉⲕⲣⲁⲛ

3 ϯⲛⲁϫⲱ ⲛⲛⲉⲕϣⲡⲏⲣⲉ ⲉⲓϣⲁⲛϭⲙ ⲡⲟⲩⲟⲉⲓϣ ⲡϫⲟⲉⲓⲥ ⲁⲛⲟⲕ ϯⲛⲁⲕⲣⲓⲛⲉ

ⲙⲡⲥⲟⲟⲩⲧⲛ

4 ⲁⲡⲕⲁϩ ⲃⲱⲗ ⲉⲃⲟⲗ ⲙⲛ ⲛⲉⲧⲟⲩⲏϩ ⲧⲏⲣⲟⲩ ϩⲓϫⲱϥ ⲁⲛⲟⲕ ⲁⲓⲧⲁϫⲣⲉ

ⲛⲉϥⲥⲧⲩⲗⲟⲥ ⲇⲓⲁⲯⲁⲗⲙⲁ

5 ⲁⲓϫⲟⲟⲥ ⲛⲙⲡⲁⲣⲁⲛⲟⲙⲟⲥ ϫⲉ ⲙⲡⲣⲡⲁⲣⲁⲛⲟⲙⲉⲓ ⲁⲩⲱ ⲛⲣⲉϥⲣⲛⲟⲃⲉ ϫⲉ

ⲙⲡⲣϫⲓⲥⲉ ⲙⲡⲉⲧⲛⲧⲁⲡ

6 ⲙⲡⲣϫⲓⲥⲉ ⲙⲡⲉⲧⲛⲧⲁⲡ ⲉϩⲣⲁⲓ ⲉⲧⲡⲉ ⲙⲡⲣϣⲁϫⲉ ⲉⲡⲛⲟⲩⲧⲉ ϩⲛ

ⲟⲩϫⲓⲛϭⲟⲛⲥ

7 ϫⲉ ⲛϥⲥⲟϣϥ ⲁⲛ ϩⲓ ⲡⲉⲙⲛⲧ ⲟⲩⲇⲉ ⲉⲃⲟⲗ ϩⲛ ⲛⲧⲟⲟⲩ ⲛϫⲁⲓⲉ

8 ϫⲉ ⲟⲩⲕⲣⲓⲧⲏⲥ ⲡⲉ ⲡⲛⲟⲩⲧⲉ ϣⲁϥⲑⲃⲃⲓⲉ ⲡⲁⲓ ⲛϥϫⲉⲥⲧ ⲡⲁⲓ

9 ϫⲉ ⲟⲩⲛ ⲟⲩϫⲱ ϩⲛ ⲧϭⲓϫ ⲙⲡϫⲟⲉⲓⲥ ⲛⲏⲣⲡ ⲛⲁⲕⲣⲁⲧⲟⲛ ⲉϥⲙⲉϩ ⲉⲃⲟⲗ

ϩⲛ ⲣⲱϥ ϣⲁϥⲡⲱϩⲧ ⲉⲃⲟⲗ ϩⲙ ⲡⲁⲓ ⲉⲡⲁⲓ ϣⲁⲧⲙ ⲡⲉϥⲥⲟⲣⲙ

ⲉⲙⲡϥⲡⲱⲛ ⲉⲃⲟⲗ ⲥⲉⲛⲁⲥⲱ ⲛϭⲓ ⲛⲣⲉϥⲣⲛⲟⲃⲉ ⲧⲏⲣⲟⲩ ⲙⲡⲕⲁϩ

10 ⲁⲛⲟⲕ ⲇⲉ ϯⲛⲁⲧⲉⲗⲏⲗ ϣⲁ ⲉⲛⲉϩ ϯⲛⲁⲯⲁⲗⲗⲉⲓ ⲉⲡⲛⲟⲩⲧⲉ ⲛⲓⲁⲕⲱⲃ












ⲁⲛⲟⲕ ϯⲛⲁϫⲟⲟⲩ ϣⲁ ⲉⲛⲉϩ

11 ϯⲛⲁⲕⲱⲗϫ ⲛⲛⲧⲁⲡ ⲧⲏⲣⲟⲩ ⲛⲛⲣⲉϥⲣⲛⲟⲃⲉ ⲛⲧⲁⲡ ⲇⲉ ⲙⲡⲇⲓⲕⲁⲓⲟⲥ

ⲛⲁϫⲓⲥⲉ

Psalm 75

1 ⲉⲡϫⲱⲕ ⲉⲃⲟⲗ ϩⲛ ⲛⲉⲥⲙⲟⲩ ⲡⲉⲯⲁⲗⲙⲟⲥ ⲛⲧⲱⲇⲏ ⲛⲁⲥⲁⲫ

2 ⲡⲛⲟⲩⲧⲉ ⲟⲩⲟⲛϩ ⲉⲃⲟⲗ ϩⲛ ϯⲟⲩⲇⲁⲓⲁ ⲟⲩⲛⲟϭ ⲡⲉ ⲡⲉϥⲣⲁⲛ ϩⲙ

ⲡⲓⲥⲣⲁⲏⲗ

3 ⲁⲩⲱ ⲁⲡⲉϥⲙⲁ ⲛϣⲱⲡⲉ ϩⲛ ⲟⲩⲉⲓⲣⲏⲛⲏ ⲁⲩⲱ ⲡⲉϥⲙⲁ ⲛⲟⲩⲱϩ ϩⲛ ⲥⲓⲱⲛ

4 ϫⲉ ⲛⲧⲁϥⲟⲩⲟϣϥ ⲙⲙⲁⲩ ⲙⲡⲧⲁϫⲣⲟ ⲛⲙⲡⲓⲧⲉ ⲟⲩϩⲟⲡⲗⲟⲛ ⲙⲛ ⲟⲩⲥⲏϥⲉ

ⲙⲛ ⲟⲩⲡⲟⲗⲉⲙⲟⲥ ⲇⲓⲁⲯⲁⲗⲙⲁ

5 ⲕⲣ ⲟⲩⲟⲉⲓⲛ ⲛⲧⲟⲕ ϩⲛ ⲟⲩϣⲡⲏⲣⲉ

6 ⲁⲩϣⲧⲟⲣⲧⲣϥ ⲛϭⲓ ⲛⲁⲧϩⲏⲧ ⲧⲏⲣⲟⲩ ϩⲙ ⲡⲉⲩϩⲏⲧ ⲉⲃⲟⲗ ϩⲛ ⲛⲧⲟⲟⲩ

ⲛϣⲁ ⲉⲛⲉϩ ⲁⲩⲱⲃϣ ϩⲙ ⲡⲉⲩⲱⲃϣ ⲙⲡⲟⲩϭⲛ ⲗⲁⲁⲩ ϩⲛ ⲛⲉⲩϭⲓϫ ⲛϭⲓ

ⲛⲣⲱⲙⲉ ⲧⲏⲣⲟⲩ ⲛⲧⲙⲛⲧⲣⲙⲙⲁⲟ

7 ⲉⲃⲟⲗ ϩⲛ ⲧⲉⲕⲉⲡⲓⲧⲩⲙⲓⲁ ⲡⲛⲟⲩⲧⲉ ⲛⲓⲁⲕⲱⲃ ⲁⲩϫⲓ ⲣⲉⲕⲣⲓⲕⲉ ⲧⲏⲣⲟⲩ ⲛϭⲓ

ⲛⲉⲧⲧⲁⲗⲉ ⲉϩⲣⲁⲓ ⲉϫⲛ ⲛⲉϩⲧⲱⲱⲣ

8 ⲛⲧⲕ ⲟⲩϩⲟⲧⲉ ⲛⲓⲙ ⲡⲉⲧⲛⲁϣⲁϩⲉⲣⲁⲧϥ ⲟⲩⲃⲏⲕ ⲧⲉⲟⲣⲅⲏ ϣⲟⲟⲡ ϫⲓⲛ

ⲉⲛⲉϩ

9 ⲛⲧⲟⲕ ⲡϫⲟⲉⲓⲥ ⲁⲕⲧⲣⲉⲩⲥⲱⲧⲙ ⲉⲩϩⲁⲡ ⲉⲃⲟⲗ ϩⲛ ⲧⲡⲉ ⲡⲕⲁϩ ⲁϥⲣ

ϩⲟⲧⲉ ⲁϥϭⲱ











10 ϩⲙ ⲡⲧⲣⲉ ⲡⲛⲟⲩⲧⲉ ⲧⲱⲟⲩⲛ ϩⲛ ⲟⲩϩⲁⲡ ⲉⲛⲉϩⲙ ⲛⲣⲙⲣⲁϣ ⲧⲏⲣⲟⲩ

ⲙⲡⲕⲁϩ ⲇⲓⲁⲯⲁⲗⲙⲁ

11 ϫⲉ ⲡⲙⲉⲉⲩⲉ ⲛⲛⲣⲱⲙⲉ ⲛⲁⲟⲩⲱⲛϩ ⲛⲁⲕ ⲉⲃⲟⲗ ⲁⲩⲱ ⲡϣⲱϫⲡ ⲙⲡⲙⲉⲉⲩⲉ

ⲛⲁⲣϣⲁ ⲛⲁⲕ

12 ⲉⲣⲏⲧ ⲛⲧⲉⲧⲛⲧⲁⲁⲩ ⲙⲡϫⲟⲉⲓⲥ ⲡⲉⲛⲛⲟⲩⲧⲉ ⲟⲩⲟⲛ ⲛⲓⲙ ⲉⲧⲙⲡⲉϥⲕⲱⲧⲉ

ⲛⲁⲛ ⲇⲱⲣⲟⲛ ⲛⲁϥ

13 ⲡⲉⲧϯ ϩⲟⲧⲉ ⲁⲩⲱ ⲉⲧϥⲓ ⲙⲡⲉⲡⲛⲉⲩⲙⲁ ⲛⲛⲁⲣⲭⲱⲛ ⲡⲉⲧϯ ϩⲟⲧⲉ

ⲛⲛⲁϩⲣⲛ ⲛⲉⲣⲱⲟⲩ ⲧⲏⲣⲟⲩ ⲙⲡⲕⲁϩ

Psalm 76

1 ⲉⲡϫⲱⲕ ⲉⲃⲟⲗ ϩⲁ ⲓⲇⲓⲑⲟⲩⲛ ⲡⲉⲯⲁⲗⲙⲟⲥ

2 ⲁⲓϫⲓ ϣⲕⲁⲕ ⲉϩⲣⲁⲓ ϩⲛ ⲧⲁⲥⲙⲏ ⲉⲡϫⲟⲉⲓⲥ ϩⲛ ⲧⲁⲥⲙⲏ ⲉⲡⲛⲟⲩⲧⲉ ⲁⲩⲱ

ⲁϥϯ ϩⲧⲏϥ ⲉⲣⲟⲓ

3 ⲁⲓϣⲓⲛⲉ ⲛⲥⲁ ⲡϫⲟⲉⲓⲥ ⲙⲡⲉϩⲟⲟⲩ ⲛⲧⲁⲑⲗⲓⲯⲓⲥ ϩⲛ ⲛⲁϭⲓϫ ⲛⲧⲉⲩϣⲏ

ⲙⲡⲉⲕⲙⲧⲟ ⲉⲃⲟⲗ ⲁⲩⲱ ⲙⲡⲟⲩⲣ ϩⲁⲗ ⲙⲙⲟⲓ ⲧⲁⲯⲩⲭⲏ ⲙⲡⲥⲟⲩⲉϣ

ⲥⲗⲥⲱⲗⲥ

4 ⲁⲓⲣ ⲡⲙⲉⲉⲩⲉ ⲙⲡⲛⲟⲩⲧⲉ ⲁⲓⲉⲩⲫⲣⲁⲛⲉ ⲁⲓϫⲓ ϩⲣⲁⲓ ⲁϥⲣ ϩⲏⲧ ϣⲏⲙ ⲛϭⲓ

ⲡⲁⲡⲛⲉⲩⲙⲁ ⲇⲓⲁⲯⲁⲗⲙⲁ

5 ⲁⲛⲁⲃⲁⲗ ⲣ ⲧϩⲉ ⲛⲛⲟⲩⲣϣⲉ ⲁⲓϣⲧⲟⲣⲧⲣ ⲙⲡⲓϣⲁϫⲉ

6 ⲁⲓⲙⲉⲉⲩⲉ ⲉⲛⲉϩⲟⲟⲩ ⲛϣⲟⲣⲡ ⲁⲓⲣ ⲡⲙⲉⲉⲩⲉ ⲛⲛⲣⲙⲡⲟⲟⲩⲉ ⲛϣⲁ ⲉⲛⲉϩ

ⲁⲓⲙⲉⲗⲉⲧⲁ ⲙⲙⲟⲟⲩ











7 ⲁⲓϫⲓ ϩⲣⲁⲓ ⲙⲛ ⲡⲁϩⲏⲧ ⲛⲧⲉⲩϣⲏ ⲁⲩⲱ ⲁⲓϣⲧⲟⲣⲧⲣ ϩⲙ ⲡⲁⲡⲛⲉⲩⲙⲁ

8 ⲙⲏ ⲉⲣⲉⲡϫⲟⲉⲓⲥ ⲛⲁⲕⲁⲁⲛ ⲛⲥⲱϥ ϣⲁ ⲉⲛⲉϩ ⲁⲩⲱ ⲛϥⲧⲙⲧⲱⲧ ϭⲉ ⲛϩⲏⲧ

ⲛⲙⲙⲁⲛ

9 ⲏ ⲉϥⲛⲁϭⲱϫⲃ ⲙⲡⲉϥⲛⲁ ϣⲁⲃⲟⲗ ϫⲓⲛ ⲟⲩϫⲱⲙ ϣⲁ ⲟⲩϫⲱⲙ ⲏ

ⲉⲣⲉⲡⲛⲟⲩⲧⲉ ⲛⲁⲣ ⲡⲱⲃϣ ⲛϣⲛϩⲧⲏϥ

10 ⲏ ⲉϥⲛⲁⲁⲙⲁϩⲧⲉ ⲛⲛⲉϥⲙⲛⲧϣⲁⲛϩⲧⲏϥ ϩⲛ ⲡⲉϥⲟⲣⲅⲏ ⲇⲓⲁⲯⲁⲗⲙⲁ

11 ⲁⲩⲱ ⲡⲉϫⲁⲓ ϫⲉ ⲧⲉⲛⲟⲩ ⲁⲓⲁⲣⲭⲉⲓ ⲡⲁⲓ ⲡⲉ ⲡϣⲓⲃⲉ ⲛⲧⲟⲩⲛⲁⲙ


12 ⲁⲓⲣ ⲡⲙⲉⲉⲩⲉ ⲛⲛⲉϩⲃⲏⲩⲉ ⲙⲡϫⲟⲉⲓⲥ ϫⲉ ϯⲛⲁⲣ ⲡⲙⲉⲉⲩⲉ ⲛⲛⲉⲕϣⲡⲏⲣⲉ

ϫⲓⲛ ⲛϣⲟⲣⲡ

13 ⲧⲁⲙⲉⲗⲉⲧⲁ ⲛⲛⲉⲕϩⲃⲏⲩⲉ ⲧⲏⲣⲟⲩ ⲧⲁϫⲓ ϩⲣⲁⲓ ϩⲛ ⲛⲉⲕⲙⲉⲉⲩⲉ

14 ⲉⲣⲉ ⲧⲉⲕϩⲓⲏ ⲛⲉⲓ ⲉⲃⲟⲗ ⲡⲛⲟⲩⲧⲉ ϩⲙ ⲡⲉⲧⲟⲩⲁⲁⲃ ⲛⲓⲙ ⲡⲉ ⲡⲛⲟϭ

ⲛⲛⲟⲩⲧⲉ ⲛⲧϩⲉ ⲙⲡⲉⲛⲛⲟⲩⲧⲉ

15 ⲛⲧⲟⲕ ⲡⲉ ⲡⲛⲟⲩⲧⲉ ⲉⲧⲉⲓⲣⲉ ⲛⲛⲓϣⲡⲏⲣⲉ ⲙⲁⲩⲁⲁϥ ⲁⲕⲟⲩⲉⲛϩ ⲧⲉⲕϭⲟⲙ

ⲉⲃⲟⲗ ϩⲛ ⲛⲓⲗⲁⲟⲥ

16 ⲁⲕⲥⲱⲧⲉ ⲙⲡⲉⲕⲗⲁⲟⲥ ϩⲙ ⲡⲉⲕϭⲃⲟⲓ ⲛϣⲏⲣⲉ ⲛⲓⲁⲕⲱⲃ ⲙⲛ ⲓⲱⲥⲏⲫ


17 ⲁϩⲉⲛⲙⲟⲟⲩ ⲛⲁⲩ ⲉⲣⲟⲕ ⲡⲛⲟⲩⲧⲉ ⲁϩⲉⲛⲙⲟⲟⲩ ⲛⲁⲩ ⲉⲣⲟⲕ ⲁⲩⲣ ϩⲟⲧⲉ

ⲁⲩϣⲧⲟⲣⲧⲣ ⲛϭⲓ ⲛⲛⲟⲩⲛ ϩⲙ ⲡⲁϣⲁⲓ ⲙⲡⲉϩⲣⲟⲟⲩ ⲛⲙⲙⲟⲟⲩ

18 ⲁⲛⲉⲕⲗⲟⲟⲗⲉ ϯ ⲛⲧⲉⲩⲥⲙⲏ ⲕⲁⲓⲅⲁⲣ ⲛⲉⲕⲥⲟⲧⲉ ⲛⲁⲙⲟⲟϣⲉ













19 ⲡⲉϩⲣⲟⲟⲩ ⲛⲛⲉⲕϩⲣⲟⲩⲃⲃⲁⲓ ϩⲙ ⲡⲉⲧⲣⲟⲭⲟⲥ ⲁⲛⲉⲕⲉⲃⲣⲏϭⲉ ⲣ ⲟⲩⲟⲉⲓⲛ

ⲉⲧⲟⲓⲕⲟⲩⲙⲉⲛⲏ ⲁⲡⲕⲁϩ ⲕⲓⲙ ⲁⲩⲱ ⲁϥⲥⲧⲱⲧ

20 ⲉⲣⲉ ⲧⲉⲕϩⲓⲏ ϩⲛ ⲑⲁⲗⲁⲥⲁ ⲁⲩⲱ ⲛⲉⲕⲙⲁ ⲙⲙⲟⲟϣⲉ ϩⲛ ϩⲉⲛⲙⲟⲟⲩ

ⲉⲛⲁϣⲱⲟⲩ ⲁⲩⲱ ⲛⲥⲉⲛⲁⲥⲟⲩⲛ ⲛⲉⲕⲧⲁϭⲥⲉ ⲁⲛ

21 ⲁⲕϫⲓ ⲙⲟⲉⲓⲧ ϩⲏⲧϥ ⲙⲡⲉⲕⲗⲁⲟⲥ ⲛⲧϩⲉ ⲛϩⲉⲛⲉⲥⲟⲟⲩ ϩⲛ ⲧϭⲓϫ

ⲙⲙⲱⲩⲥⲏⲥ ⲙⲛ ⲁⲁⲣⲱⲛ

Psalm 77

1 ⲡⲉⲯⲁⲗⲙⲟⲥ ⲛⲧⲙⲛⲧⲣⲙⲛϩⲏⲧ ⲛⲁⲥⲁⲫ ϯϩⲧⲏⲧⲛ ⲡⲁⲗⲁⲟⲥ

ⲉⲡⲁⲛⲟⲙⲟⲥ ⲣⲉⲕⲧ ⲡⲉⲧⲛⲙⲁⲁϫⲉ ⲉⲡϣⲁϫⲉ ⲛⲧⲁⲧⲁⲡⲣⲟ

2 ϯⲛⲁⲟⲩⲱⲛ ⲛⲣⲱⲓ ϩⲛ ϩⲉⲛⲡⲁⲣⲁⲃⲟⲗⲏ ϯⲛⲁϫⲱ ⲛϩⲉⲛⲡⲣⲟⲃⲗⲏⲙⲁ ϫⲓⲛ

ϣⲟⲣⲡ

3 ⲛⲉⲛⲧⲁⲛⲥⲟⲧⲙⲟⲩ ⲁⲩⲱ ⲁⲛⲉⲓⲙⲉ ⲉⲣⲟⲟⲩ ⲡⲉⲛⲧⲁⲛⲉⲛⲉⲓⲟⲧⲉ ϫⲟⲟⲩ ⲉⲣⲟⲛ

4 ⲙⲡⲟⲩϩⲱⲡ ⲉⲛⲉⲩϣⲏⲣⲉ ⲉⲕⲉϫⲱⲙ ⲉⲩϫⲱ ⲛⲛⲉⲥⲙⲟⲩ ⲙⲡϫⲟⲉⲓⲥ ⲁⲩⲱ

ⲛⲉϥϭⲟⲙ ⲛⲃ ⲛⲉϣⲡⲏⲣⲉ ⲛⲧⲁϥⲁⲁϥ

5 ⲁⲩⲧⲁϩⲟ ⲉⲣⲁⲧϥ ⲛⲟⲩⲙⲛⲧⲣⲉ ϩⲛ ⲓⲁⲕⲱⲃ ⲁϥⲕⲱ ⲛⲟⲩⲛⲟⲙⲟⲥ ϩⲙ

ⲡⲓⲥⲣⲁⲏⲗ ⲡⲉⲛⲧⲁϥϩⲱⲛ ⲙⲙⲟϥ ⲉⲧⲟⲟⲧⲟⲩ ⲛⲛⲉⲛⲉⲓⲟⲧⲉ ⲉⲟⲩⲟⲛϩϥ ⲉⲃⲟⲗ

ⲛⲛⲉⲩϣⲏⲣⲉ

6 ϫⲉⲕⲁⲥ ⲉⲣⲉⲕⲉⲅⲉⲛⲉⲁ ⲉⲓⲙⲉ ⲛϣⲏⲣⲉ ⲉⲧⲟⲩⲛⲁϫⲡⲟⲟⲩ ⲛⲥⲉⲧⲱⲟⲩⲛ

ⲛⲥⲉϫⲟⲟⲩ ⲉⲛⲉⲩϣⲏⲣⲉ

7 ϫⲉⲕⲁⲥ ⲉⲩⲉⲕⲁ ⲧⲉⲩϩⲉⲗⲡⲓⲥ ϩⲓ ⲡⲛⲟⲩⲧⲉ ⲛⲥⲉⲧⲙⲣ ⲡⲱⲃϣ ⲛⲛⲉϩⲃⲏⲩⲉ











ⲙⲡⲛⲟⲩⲧⲉ ⲛⲥⲉϣⲓⲛⲉ ⲛⲥⲁ ⲛⲉϥⲉⲛⲧⲟⲗⲏ

8 ϫⲉⲕⲁⲥ ⲉⲛⲛⲉⲩϣⲱⲡⲉ ⲛⲧϩⲉ ⲛⲛⲉⲩⲉⲓⲟⲧⲉ ⲟⲩⲅⲉⲛⲉⲁ ⲉⲥϭⲟⲟⲙⲉ ⲉⲥϯ

ⲛⲟⲩϭⲥ ⲟⲩⲅⲉⲛⲉⲁ ⲉⲙⲡⲥⲥⲟⲩⲧⲛ ⲡⲉⲥϩⲏⲧ ⲉⲙⲡⲉ ⲡⲉⲥⲡⲛⲉⲩⲙⲁ

ⲧⲁⲛϩⲟⲩⲧϥ ⲙⲛ ⲡⲛⲟⲩⲧⲉ

9 ⲛϣⲏⲣⲉ ⲛⲉⲫⲣⲁⲓⲙ ⲉⲩⲥⲱⲙⲛⲧ ⲉⲩⲛⲁⲉϫ ⲥⲟⲧⲉ ⲁⲩⲕⲟⲧⲟⲩ ϩⲙ ⲡⲉϩⲟⲟⲩ

ⲙⲡⲡⲟⲗⲉⲙⲟⲥ

10 ⲙⲡⲟⲩϩⲁⲣⲉϩ ⲉⲧⲇⲓⲁⲑⲏⲕⲏ ⲙⲡⲛⲟⲩⲧⲉ ⲁⲩⲱ ⲙⲡⲟⲩⲟⲩⲱϣ ⲉⲙⲟⲟϣⲉ

ϩⲙ ⲡⲉϥⲛⲟⲙⲟⲥ

11 ⲁⲩⲣ ⲡⲱⲃϣ ⲛⲛⲉϥⲡⲉⲧⲛⲁⲛⲟⲩϥ ⲛⲧⲁϥⲧⲥⲁⲃⲉ ⲛⲉⲩⲉⲓⲟⲧⲉ ⲉⲣⲟⲟⲩ

ⲙⲡⲉⲩⲙⲧⲟ ⲉⲃⲟⲗ

12 ⲛⲉϣⲡⲏⲣⲉ ⲛⲧⲁϥⲁⲁϥ ϩⲙ ⲡⲕⲁϩ ⲛⲕⲏⲙⲉ ϩⲛ ⲧⲥⲱϣⲉ ⲛⲧϫⲁⲁⲛⲉ

13 ⲁϥⲡⲉϩ ⲑⲁⲗⲁⲥⲥⲁ ⲁϥⲛⲧⲟⲩ ⲉⲃⲟⲗ ⲁϥⲧⲁϩⲉ ⲙⲙⲟⲟⲩ ⲉⲣⲁⲧⲟⲩ ⲛⲧϩⲉ

ⲛⲟⲩⲁⲥⲕⲟⲥ

14 ⲁϥϫⲓ ⲙⲟⲉⲓⲧ ϩⲏⲧⲟⲩ ϩⲛ ⲟⲩⲕⲗⲟⲟⲗⲉ ⲙⲡⲉϩⲟⲟⲩ ⲁⲩⲱ ϩⲙ ⲡⲟⲩⲟⲉⲓⲛ

ⲙⲡⲕⲱϩⲧ ⲛⲧⲉⲩϣⲏ ⲧⲏⲣⲥ

15 ⲁϥⲡⲱϩ ⲛⲟⲩⲡⲉⲧⲣⲁ ϩⲓ ⲡϫⲁⲓⲉ ⲁϥⲧⲥⲟⲟⲩ ⲛⲧϩⲉ ⲙⲡⲛⲟⲩⲛ ⲉⲧⲛⲁϣⲱϥ

16 ⲁϥⲛ ⲙⲙⲟⲟⲩ ⲉⲃⲟⲗ ϩⲛ ⲟⲩⲡⲉⲧⲣⲁ ⲁⲩⲱ ⲁϥⲛ ⲙⲙⲟⲩⲉⲓⲛ ⲉⲡⲉⲥⲏⲧ

ⲛⲧϩⲉ ⲛϩⲉⲛⲉⲓⲉⲣⲱⲟⲩ

17 ⲁⲩⲟⲩⲱϩ ⲉⲧⲟⲟⲧⲟⲩ ⲉⲣ ⲛⲟⲃⲉ ⲉⲣⲟϥ ⲁⲩϯ ⲛⲟⲩϭⲥ ⲙⲡⲉⲧϫⲟⲥⲉ ϩⲛ

ⲟⲩⲙⲁ ⲉⲙⲛ ⲙⲟⲟⲩ ⲛϩⲏⲧϥ











18 ⲁⲩⲡⲉⲓⲣⲁⲍⲉ ⲙⲡⲛⲟⲩⲧⲉ ϩⲛ ⲛⲉⲩϩⲏⲧ ⲉⲧⲣⲉⲩⲁⲓⲧⲉⲓ ⲛϩⲉⲛϭⲓⲛⲟⲩⲟⲟⲙ

ⲛⲛⲉⲩⲯⲩⲭⲏ

19 ⲁⲩⲕⲁⲧⲁⲗⲁⲗⲉⲓ ⲙⲡⲛⲟⲩⲧⲉ ⲉⲩϫⲱ ⲙⲙⲟⲥ ϫⲉ ⲙⲏ ⲟⲩⲛϭⲟⲙ ⲙⲡⲛⲟⲩⲧⲉ

ⲉⲥⲃⲧⲉ ⲟⲩⲧⲣⲁⲡⲉⲍⲁ ϩⲓ ⲡϫⲁⲓⲉ

20 ⲉⲃⲟⲗ ϫⲉ ⲁϥⲡⲁⲧⲁⲥⲥⲉ ⲛⲟⲩⲡⲉⲧⲣⲁ ⲁⲩϣⲟⲩⲟ ⲛϭⲓ ϩⲉⲛⲙⲟⲟⲩ ⲁⲩⲱ

ⲁⲩⲥⲱⲕ ⲛϭⲓ ϩⲉⲛⲙⲟⲩ ⲛⲥⲱⲣⲙ ⲙⲏ ⲟⲩⲛϣϭⲟⲙ ⲙⲙⲟϥ ⲟⲛ ⲉϯ ⲟⲉⲓⲕ ⲛⲁⲛ

ⲏ ⲉⲥⲃⲧⲉ ⲟⲩⲧⲣⲁⲡⲉⲍⲁ ⲙⲡⲉϥⲗⲁⲟⲥ

21 ⲉⲧⲃⲉ ⲡⲁⲓ ⲁⲡϫⲟⲉⲓⲥ ⲥⲱⲧⲙ ⲁϥⲛⲟⲩϭⲥ ⲁⲩⲕⲱϩⲧ ⲙⲟⲩϩ ϩⲛ ⲓⲁⲕⲱⲃ

ⲁⲩⲟⲣⲅⲏ ⲉⲓ ⲉϩⲣⲁⲓ ⲉϫⲙ ⲡⲓⲥⲣⲁⲏⲗ

22 ϫⲉ ⲙⲡⲟⲩⲡⲓⲥⲧⲉⲩⲉ ⲉⲡⲛⲟⲩⲧⲉ ⲟⲩⲇⲉ ⲙⲡⲟⲩϩⲉⲗⲡⲓⲍⲉ ⲉⲡⲉϥⲟⲩϫⲁⲓ

23 ⲁⲩϩⲱⲛ ⲉⲧⲟⲟⲧⲟⲩ ⲛⲛⲉⲕⲗⲟⲟⲗⲉ ⲉⲧⲛⲧⲡⲉ ⲙⲙⲟⲟⲩ ⲁⲩⲱ ⲁϥⲟⲩⲱⲛ

ⲛⲛⲣⲟ ⲛⲧⲡⲉ

24 ⲁϥϩⲱⲟⲩ ⲛⲁⲩ ⲙⲡⲙⲁⲛⲛⲁ ⲉⲟⲩⲟⲙϥ ⲁϥϯ ⲛⲁⲩ ⲙⲡⲟⲉⲓⲕ ⲛⲧⲡⲉ

25 ⲡⲟⲉⲓⲕ ⲛⲛⲁⲅⲅⲉⲗⲟⲥ ⲁⲡⲣⲱⲙⲉ ⲟⲩⲟⲙϥ ⲁϥϫⲟⲟⲩ ⲛⲟⲩϩⲣⲉ ⲛⲁⲩ ⲉⲩⲥⲉⲓ

26 ⲁϥⲧⲟⲩⲛⲉⲥⲟⲩ ⲧⲟⲩⲣⲏⲥ ⲉⲃⲟⲗ ϩⲛ ⲧⲡⲉ ⲁϥⲉⲓⲛⲉ ⲛⲟⲩⲉⲙⲛⲧ ϩⲛ

ⲧⲉϥϭⲟⲙ

27 ⲁϥϩⲱⲟⲩ ⲉϫⲱⲟⲩ ⲛϩⲉⲛⲥⲁⲣⲝ ⲛⲧϩⲉ ⲙⲡϣⲟⲉⲓϣ ⲁⲩⲱ ϩⲉⲛϩⲁⲗⲁⲧⲉ

ⲉⲩϩⲏⲗ ⲛⲧϩⲉ ⲙⲡϣⲱ ⲛⲑⲁⲗⲁⲥⲥⲁ

28 ⲁⲩϩⲉ ⲉⲧⲙⲏⲧⲉ ⲛⲧⲉⲩⲡⲁⲣⲉⲙⲃⲟⲗⲏ ⲁⲩⲱ ⲡⲕⲱⲧⲉ ⲙⲡⲉⲩⲙⲁ ⲛϣⲱⲡⲉ

29 ⲁⲩⲟⲩⲱⲙ ⲁⲩⲥⲉⲓ ⲉⲙⲁⲧⲉ ⲁϥⲉⲓⲛⲉ ⲛⲁⲩ ⲙⲡⲉⲧⲟⲩⲟⲩⲁϣϥ













30 ⲙⲡⲟⲩⲣϭⲣⲱϩ ϩⲛ ⲧⲉⲩⲉⲡⲓⲑⲩⲙⲓⲁ ⲉⲧⲓ ⲉⲣⲉⲧⲉϩⲣⲉ ϩⲛ ⲣⲱⲟⲩ

31 ⲁⲧⲟⲣⲅⲏ ⲙⲡⲛⲟⲩⲧⲉ ⲉⲓ ⲉϩⲣⲁⲓ ⲉϫⲱⲟⲩ ⲁϥⲙⲟⲩⲟⲩⲧ ⲙⲡⲉⲩϩⲟⲩⲟ

ⲁϥⲧⲁⲩⲟ ⲉϩⲣⲁⲓ ⲛⲛⲥⲱⲧⲡ ⲙⲡⲓⲥⲣⲁⲏⲗ

32 ϩⲛ ⲛⲁⲓ ⲧⲏⲣⲟⲩ ⲁⲩⲣ ⲛⲟⲃⲉ ⲟⲛ ⲙⲡⲟⲩⲡⲓⲥⲧⲉⲩⲉ ϩⲛ ⲛⲉϥϣⲡⲏⲣⲉ

33 ⲁⲛⲉⲩϩⲟⲟⲩ ⲱϫⲛ ϩⲙ ⲡⲡⲉⲧϣⲟⲩⲉⲓⲧ ⲁⲩⲱ ⲛⲉⲩⲣⲟⲙⲡⲉ ϩⲛ ⲟⲩϭⲉⲡⲏ

34 ⲛⲧⲉⲣⲉϥⲙⲟⲩⲟⲩⲧ ⲛϩⲏⲧⲟⲩ ⲛⲧⲁⲑϣⲓⲛⲉ ⲛⲥⲱϥ ⲁⲩⲕⲧⲟⲟⲩ ⲁⲩϣⲟⲣⲡⲟⲩ

ⲉⲡⲛⲟⲩⲧⲉ

35 ⲁⲩⲣ ⲡⲙⲉⲉⲩⲉ ϫⲉ ⲡⲛⲟⲩⲧⲉ ⲡⲉ ⲡⲉⲩⲃⲟⲏⲑⲟⲥ ⲁⲩⲱ ⲡⲛⲟⲩⲧⲉ ⲉⲧϫⲟⲥⲉ ⲡⲉ

ⲡⲉⲩⲣⲉϥⲥⲱⲧⲉ

36 ⲁⲩⲙⲉⲣⲓⲧϥ ϩⲛ ⲧⲉⲩⲧⲁⲡⲣⲟ ⲁⲩϫⲓ ϭⲟⲗ ⲉⲣⲟϥ ϩⲙ ⲡⲉⲩⲗⲁⲥ

37 ⲡⲉⲩϩⲏⲧ ⲇⲉ ⲛⲉϥⲥⲟⲩⲧⲱⲛ ⲁⲛ ⲛⲙⲙⲁϥ ⲟⲩⲇⲉ ⲙⲡⲟⲩⲧⲁⲛϩⲟⲩⲧϥ ϩⲛ

ⲧⲉϥⲇⲓⲁⲑⲏⲕⲏ

38 ⲛⲧⲟϥ ⲇⲉ ⲟⲩϣⲁⲛϩⲧⲏϥ ⲡⲉ ⲁⲩⲱ ϥⲛⲁⲕⲱ ⲉⲃⲟⲗ ⲛⲛⲉⲩⲛⲟⲃⲉ

ⲛϥⲧⲙⲧⲁⲕⲟⲟⲩ ϥⲛⲁⲧⲁϣⲉⲕⲧⲟ ⲉⲃⲟⲗ ⲙⲡⲉϥϭⲱⲛⲧ ⲛϥⲛⲁϫⲉⲣⲟ ⲁⲛ

ⲛⲧⲉϥⲟⲣⲅⲏ ⲧⲏⲣⲥ

39 ⲁϥⲣ ⲡⲙⲉⲉⲩⲉ ϫⲉ ϩⲉⲛⲥⲁⲣⲝ ⲛⲉ ⲟⲩⲡⲛⲉⲩⲙⲁ ⲉϣⲁϥⲃⲱⲕ ⲡⲉ ⲉⲙⲉϥⲕⲟⲧϥ

40 ϩⲁϩ ⲛⲥⲟⲡ ⲁⲩϯ ϭⲱⲛⲧ ⲛⲁϥ ϩⲓ ⲡϫⲁⲓⲉ ⲁⲩϯ ⲛⲟⲩϭⲥ ⲛⲁϥ ϩⲛ ⲟⲩⲙⲁ

ⲉⲙⲛⲙⲟⲟⲩ ⲛϩⲏⲧϥ

41 ⲁⲩⲕⲧⲟⲟⲩ ⲟⲛ ⲁⲩⲡⲉⲓⲣⲁⲍⲉ ⲙⲡⲛⲟⲩⲧⲉ ⲁⲩϯ ⲛⲟⲩϭⲥ ⲙⲡⲡⲉⲧⲟⲩⲁⲁⲃ














42 ⲙⲡⲟⲩⲣ ⲡⲙⲉⲉⲩⲉ ⲛⲧⲉϥϭⲓϫ ⲙⲡⲉϩⲟⲟⲩ ⲉⲛⲧⲁϥⲥⲟⲧⲟⲩ ⲉⲃⲟⲗ ϩⲛ ⲧϭⲓϫ

ⲛⲛⲉⲧⲑⲗⲓⲃⲉ ⲙⲙⲟⲟⲩ

43 ⲛⲧϩⲉ ⲛⲧⲁϥ ⲕⲁ ⲛⲉϥⲙⲁⲉⲓⲛ ϩⲛ ⲕⲏⲙⲉ ⲛⲉϥϣⲡⲏⲣⲉ ϩⲛ ⲧⲥⲱϣⲉ

ⲛⲧϫⲁⲁⲛⲉ

44 ⲁϥⲕⲧⲟ ⲛⲛⲉⲩⲉⲓⲉⲣⲱⲟⲩ ⲉϩⲉⲛⲥⲛⲟϥ ⲁⲩⲱ ⲛⲉⲩⲙⲟⲩ ⲛⲃⲉⲉⲃⲉ ϫⲉ ⲛⲛⲉⲩⲥⲱ

45 ⲁϥϫⲟⲟⲩ ⲉϫⲱⲟⲩ ⲙⲡⲁϥⲛⲟⲩϩⲟⲣ ⲁϥⲟⲩⲟⲙⲟⲩ ⲁⲩⲱ ⲡⲉⲕⲣⲟⲩⲣ

ⲁϥⲧⲁⲕⲟⲟⲩ

46 ⲁϥϯ ⲙⲡⲉⲩⲕⲁⲣⲡⲟⲥ ⲙⲡⲕⲟⲟⲙϥ ⲁⲩⲱ ⲛⲉⲩϩⲓⲥⲉ ⲙⲡⲉϣⲁϫⲉ

47 ⲁϥⲙⲟⲩⲟⲩⲧ ⲛⲛⲉⲩⲃⲱ ⲛⲉⲗⲟⲟⲗⲉ ϩⲙ ⲡⲁⲗ ⲙⲡⲉ ⲁⲩⲱ ⲛⲉⲩⲛⲟⲩϩⲉ ϩⲙ

ⲡϫⲁϥ

48 ⲁϥϯ ⲛⲛⲉⲩⲧⲛⲟⲟⲩⲉ ⲙⲡⲁⲗ ⲙⲡⲉ ⲁⲩⲱ ⲛⲉⲧϣⲟⲟⲡ ⲛⲁⲩ ⲙⲡⲕⲱϩⲧ

49 ⲁϥϫⲟⲟⲩ ⲉϩⲣⲁⲓ ⲉϫⲱⲟⲩ ⲛⲧⲟⲣⲅⲏ ⲙⲡⲉϥϭⲱⲛⲧ ⲟⲩϭⲱⲛⲧ ⲙⲛ ⲟⲩⲟⲣⲅⲏ

ⲙⲛ ⲟⲩⲑⲗⲓⲯⲓⲥ ⲟⲩⲧⲁⲩⲟ ϩⲓⲧⲛ ⲛⲁⲅⲅⲉⲗⲟⲥ ⲙⲡⲟⲛⲏⲣⲟⲥ

50 ⲁⲩϫⲓ ⲙⲟⲉⲓⲧ ϩⲏⲧⲥ ⲛⲧⲉϥⲟⲣⲅⲏ ⲙⲡϥϯⲥⲟ ⲛⲉⲩⲯⲩⲭⲏ ⲉⲡⲙⲟⲩ ⲁⲩⲱ

ⲛⲉⲩⲧⲃⲛⲟⲟⲩⲉ ⲁϥⲧⲟⲩⲏⲧⲟⲩ ⲉⲡⲙⲟⲟⲩⲧⲟⲩ

51 ⲁϥⲡⲁⲧⲁⲥⲥⲉ ⲛϣⲣⲡ ⲙⲙⲓⲥⲉ ⲛⲓⲙ ⲛⲛⲣⲙⲛⲕⲏⲙⲉ ⲧⲁⲡⲁⲣⲭⲏ ⲛⲛⲉⲩϩⲓⲥⲉ

ϩⲛ ⲙⲙⲁ ⲛϣⲱⲡⲉ ⲛⲭⲁⲙ

52 ⲁϥⲡⲉⲛⲉ ⲡⲉϥⲗⲁⲟⲥ ⲉⲃⲟⲗ ⲛⲧϩⲉ ⲛϩⲉⲛⲉⲥⲟⲟⲩ ⲁϥⲛⲧⲟⲩ ⲉⲃⲟⲗ ϩⲓ ⲡϫⲁⲓ

ⲉⲛⲧϩⲉ ⲛⲟⲩⲟϩⲉ

53 ⲁϥϫⲓ ⲙⲟⲉⲓⲧ ϩⲏⲧⲟⲩ ϩⲛ ⲟⲩϩⲉⲗⲡⲓⲥ ⲁⲩⲱ ⲙⲡⲟⲩⲣ ϭⲱⲃ ⲁⲑⲁⲗⲁⲥⲥⲁ













ϩⲱⲃⲥ ⲉϫⲛ ⲛⲉⲩϫⲓϫⲉⲉⲩ

54 ⲁϥϫⲓⲧⲟⲩ ⲉϩⲟⲩⲛ ⲉⲡⲉϥⲧⲟⲟⲩ ⲉⲧⲟⲩⲁⲁⲃ ⲡⲉⲓⲧⲟⲟⲩ ⲛⲧⲁ ⲧⲉϥⲟⲩⲛⲁⲙ

ϫⲡⲟϥ ⲛⲁⲥ

55 ⲁϥⲛⲟⲩϫⲉ ⲛϩⲉⲛϩⲉⲑⲛⲟⲥ ⲉⲃⲟⲗ ϩⲁ ⲧⲉⲩϩⲏ ⲁϥϯ ⲕⲗⲏⲣⲟⲥ ⲛⲁⲩ ϩⲛ

ⲟⲩⲛⲟⲩϩ ⲛϯⲕⲗⲏⲣⲟⲥ ⲁϥϯ ⲛⲛⲉⲩⲙⲁ ⲛϣⲱⲡⲉ ⲉⲟⲩⲱϩ ⲛϩⲏⲧⲟⲩ

ⲛⲛⲉⲫⲩⲗⲏ ⲙⲡⲓⲥⲣⲁⲏⲗ

56 ⲁⲩⲱ ⲟⲛ ⲁⲩⲡⲉⲓⲣⲁⲍⲉ ⲁⲩϯ ⲛⲟⲩϭⲥ ⲙⲡⲛⲟⲩⲧⲉ ⲉⲧϫⲟⲥⲉ ⲙⲡⲟⲩϩⲁⲣⲉϩ

ⲉⲛⲉϥⲙⲛⲧⲙⲛⲧⲣⲉ

57 ⲁⲩⲥⲁϩⲱⲟⲩ ⲉⲃⲟⲗ ⲁⲩϣⲧⲟⲣⲧⲣ ⲛⲧϩⲉ ⲛⲛⲉⲩⲕⲉⲉⲓⲟⲧⲉ ⲁⲩⲕⲧⲟⲟⲩ

ⲉⲩⲡⲓⲧⲉ ⲉⲥϭⲟⲟⲙⲉ

58 ⲁⲩϯ ⲛⲟⲩϭⲥ ⲛⲁϥ ϩⲛ ⲛⲉⲩⲥⲓⲃⲧ ⲁⲩϯ ⲕⲱϩ ⲛⲁϥ ϩⲛ ⲛⲉⲩⲙⲟⲩⲛⲅ ⲛϭⲓϫ

59 ⲁⲡⲛⲟⲩⲧⲉ ⲥⲱⲧⲙ ⲁϥⲟⲃϣϥ ⲁϥⲥⲉϣϥ ⲡⲓⲥⲣⲁⲏⲗ ⲉⲙⲁⲧⲉ

60 ⲁϥⲕⲱ ⲛⲥⲱϥ ⲙⲡⲙⲁ ⲛϣⲱⲡⲉ ⲛⲥⲏⲗⲱⲙ ⲡⲉϥⲙⲁ ⲛⲧⲁϥⲟⲩⲱϩ ⲛϩⲏⲧϥ

ⲙⲛ ⲛⲣⲱⲙⲉ

61 ⲁϥϯ ⲛⲧⲉⲩϭⲟⲙ ⲉⲩⲁⲓⲭⲙⲁⲗⲱⲥⲓⲁ ⲁⲩⲱ ⲧⲉⲩⲙⲛⲧⲥⲱⲧⲡ ⲉⲧϭⲓϫ

ⲙⲡϫⲁϫⲉ

62 ⲁϥⲧⲟⲟⲧⲉ ⲙⲡⲉϥⲗⲁⲟⲥ ⲉϩⲟⲩⲛ ⲉⲧⲥⲏϥⲉ ⲁⲩⲱ ⲁϥⲟⲃϣϥ

ⲉⲧⲉϥⲕⲗⲏⲣⲟⲛⲟⲙⲓⲁ

63 ⲁⲡⲕⲱϩⲧ ⲟⲩⲱⲙ ⲛⲛⲉⲩϩⲣϣⲓⲣⲉ ⲁⲩⲱ ⲙⲡⲉ ⲛⲉⲩⲡⲁⲣⲑⲉⲛⲟⲥ ⲣϩⲏⲃⲉ

64 ⲁⲛⲉⲩⲟⲩⲏⲏⲃ ϩⲉ ϩⲛ ⲧⲥⲏϥⲉ ⲁⲩⲱ ⲙⲡⲉ ⲛⲉⲩⲭⲏⲣⲁ ⲣⲓⲙⲉ












65 ⲁⲡϫⲟⲉⲓⲥ ⲧⲱⲟⲩⲛ ⲛⲧϩⲉ ⲙⲡⲉⲧⲟⲃϣ ⲛⲧϩⲉ ⲛⲟⲩϫⲱⲱⲣⲉ ⲁϥϯϩⲉ ϩⲁ

ⲡⲏⲣⲡ

66 ⲁϥⲡⲁⲣⲁⲥⲥⲉ ⲛⲛⲉϥϫⲓϫⲉⲉⲩ ⲉⲡⲁϩⲟⲩ ⲁϥⲧⲁⲁⲩ ⲛⲛⲟϭⲛⲉϭ ⲛϣⲁ ⲉⲛⲉϩ

67 ⲁϥⲕⲱ ⲛⲥⲱϥ ⲙⲡⲙⲁ ⲛϣⲱⲡⲉ ⲛⲓⲱⲥⲏⲫ ⲙⲡϥⲥⲱⲧⲡ ⲛⲧⲉⲫⲩⲗⲏ

ⲛⲉⲫⲣⲁⲓⲙ

68 ⲁϥⲥⲱⲧⲡ ⲛⲧⲉⲫⲩⲗⲏ ⲛⲓⲟⲩⲇⲁ ⲡⲧⲟⲟⲩ ⲛⲥⲓⲱⲛ ⲡⲉⲛⲧⲁϥⲙⲉⲣⲓⲧϥ

69 ⲁϥⲕⲱⲧ ⲙⲡⲉϥⲙⲁ ⲉⲧⲟⲩⲁⲁⲃ ⲛⲧϩⲉ ⲙⲡⲁ ⲡⲧⲁⲡ ⲛⲟⲩⲱⲧ

ⲁϥⲥⲙⲛⲥⲛⲧⲉ ⲙⲙⲟϥ ϩⲓϫⲙ ⲡⲕⲁϩ ⲛϣⲁ ⲉⲛⲉϩ

70 ⲁϥⲥⲱⲧⲡ ⲛⲇⲁⲩⲉⲓⲇ ⲡⲉϥϩⲙϩⲁⲗ ⲁϥϫⲓⲧϥ ⲉⲃⲟⲗ ϩⲛ ⲛⲟϩⲉ ⲛⲉⲥⲟⲟⲩ

71 ⲁϥϥⲓⲧϥ ϩⲓⲡⲁϩⲟⲩ ⲛⲛⲉⲧⲙⲟⲥⲉ ⲉⲙⲟⲟⲛⲉ ⲛⲓⲁⲕⲱⲃ ⲡⲉϥⲗⲁⲟⲥ ⲁⲩⲱ

ⲡⲓⲥⲣⲁⲏⲗ ⲧⲉϥⲕⲗⲏⲣⲟⲛⲟⲙⲓⲁ

72 ⲁϥⲙⲟⲟⲛⲉ ⲙⲙⲟⲟⲩ ϩⲛ ⲧⲙⲛⲧⲃⲁⲗϩⲏⲧ ⲙⲡⲉϥϩⲏⲧ ⲁϥϫⲓ ⲙⲟⲉⲓⲧ

ϩⲏⲧⲟⲩ ϩⲛ ⲧⲙⲛⲧⲣⲙⲛϩⲏⲧ ⲛⲛⲉϥϭⲓϫ

Psalm 78

1 ⲡⲉⲯⲁⲗⲟⲙⲥ ⲛⲁⲥⲁⲫ ⲡⲛⲟⲩⲧⲉ ⲁϩⲉⲛϩⲉⲑⲛⲟⲥ ⲉⲓ ⲉϩⲟⲩⲛ

ⲉⲧⲉⲕⲕⲗⲏⲣⲟⲛⲟⲙⲓⲁ ⲁϥⲥⲱⲱϥ ⲙⲡⲉⲕⲣⲡⲉ ⲉⲧⲟⲩⲁⲁⲃ ⲁⲩⲕⲁ

ⲧϩⲓⲉⲣⲟⲩⲥⲁⲗⲏⲙ ⲛⲧϩⲉ ⲛⲟⲩⲙⲁ ⲛϩⲁⲣⲉϩ

2 ⲁⲩⲕⲁ ⲛⲉⲧⲙⲟⲟⲩⲧ ⲛⲛⲉⲕϩⲙϩⲁⲗ ⲛϩⲣⲉ ⲛⲛϩⲁⲗⲁⲧⲉ ⲛⲧⲡⲉ ⲛⲥⲁⲣⲝ

ⲛⲛⲉⲕⲡⲉⲧⲟⲩⲁⲁⲃ ⲛⲛⲉⲑⲏⲣⲓⲟⲛ ⲙⲡⲕⲁϩ

3 ⲁⲩⲡⲉϩⲧ ⲡⲉⲩⲥⲛⲟϥ ⲉⲃⲟⲗ ⲛⲧϩⲉ ⲛⲛⲓⲙⲟⲟⲩ ⲙⲡⲕⲱⲧⲉ












ⲛⲧϩⲓⲉⲣⲟⲩⲥⲁⲗⲏⲙ ⲁⲩⲱ ⲛⲉ ⲙⲙⲛ ⲡⲉⲧⲧⲱⲙⲥ ⲙⲙⲟⲟⲩ

4 ⲁⲛϣⲱⲡⲉ ⲛⲛⲟϭⲛⲉϭ ⲛⲛⲉⲧϩⲓⲧⲟⲩⲱⲛ ⲛⲕⲱⲙϣ ⲁⲩⲱ ⲛⲥⲱⲃⲉ ⲛⲛⲉⲧ

ⲙⲡⲉⲛⲕⲱⲧⲉ

5 ϣⲁ ⲧⲛⲁⲩ ⲡϫⲟⲉⲓⲥ ⲕⲛⲁⲛⲟⲩϭⲥ ϣⲁⲃⲟⲗ ⲡⲉⲕⲕⲱϩ ⲛⲁⲙⲟⲩϩ ⲛⲧϩⲉ

ⲛⲟⲩⲕⲱϩⲧ

6 ⲡⲱϩⲧ ⲛⲧⲉⲕⲟⲣⲅⲏ ⲉϫⲛ ⲛϩⲉⲑⲛⲟⲥ ⲉⲧⲉⲙⲡⲟⲩⲥⲟⲩⲱⲛⲅ ⲁⲩⲱ ⲉϫⲛ

ⲙⲙⲛⲧⲉⲣⲱⲟⲩ ⲉⲧⲉⲙⲡⲟⲩⲉⲡⲓⲕⲁⲗⲉⲓ ⲙⲡⲉⲕⲣⲁⲛ

7 ϫⲉ ⲁⲩⲟⲩⲱⲙ ⲛⲓⲁⲕⲱⲃ ⲁⲩⲱ ⲁⲩⲣ ⲡⲉϥⲙⲁ ⲛϫⲁⲓⲉ

8 ⲙⲡⲣⲣ ⲡⲙⲉⲉⲩⲉ ⲛⲛⲉⲛⲁⲛⲟⲙⲓⲁ ⲛϣⲟⲣⲡ ⲙⲁⲣⲉⲛⲉⲕⲙⲛⲧϣⲁⲛϩⲧⲏϥ

ⲧⲁϩⲟⲛ ϩⲛ ⲟⲩϭⲉⲡⲏ ϫⲉ ⲁⲛⲣ ϩⲏⲕⲉ ⲉⲙⲁⲧⲉ

9 ⲃⲟⲏⲑⲉⲓ ⲉⲣⲟⲛ ⲡⲛⲟⲩⲧⲉ ⲡⲉⲛⲥⲱⲧⲏⲣ ⲉⲧⲃⲉ ⲡⲉⲟⲟⲩ ⲙⲡⲉⲕⲣⲁⲛ ⲡϫⲟⲉⲓⲥ

ⲙⲁⲧⲟⲩϫⲟⲛ ⲛⲅⲕⲱ ⲉⲃⲟⲗ ⲛⲛⲉⲛⲁⲛⲟⲙⲓⲁ ⲉⲧⲃⲉ ⲡⲉⲕⲣⲁⲛ

10 ⲙⲏⲡⲟⲧⲉ ⲛⲥⲉϫⲟⲟⲥ ϩⲛ ⲛϩⲉⲑⲛⲟⲥ ϫⲉ ⲉϥⲧⲱⲛ ⲡⲉⲩⲛⲟⲩⲧⲉ

ⲙⲁⲣⲉϥⲟⲩⲱⲛϩ ⲉⲃⲟⲗ ϩⲛ ϩⲉⲛϩⲉⲑⲛⲟⲥ ⲙⲡⲉⲛⲙⲧⲟ ⲉⲃⲟⲗ ⲡϫⲓⲕⲃⲁ

ⲙⲡⲉⲥⲛⲟϥ ⲛⲛⲉⲕϩⲙϩⲁⲗ ⲉⲛⲧⲁⲩⲡⲁϩⲧϥ ⲉⲃⲟⲗ

11 ⲙⲁⲣⲉⲡⲁϣⲁϩⲟⲙ ⲛⲛⲉⲧⲧⲟ ⲙⲡⲉⲓⲛⲉ ⲛϩⲟⲙⲛⲧ ⲉⲓ ⲉϩⲟⲩⲛ ⲙⲡⲉⲕⲙⲧⲟ

ⲉⲃⲟⲗ ⲙⲁⲧⲟⲩϫⲟ ⲛⲛϣⲏⲣⲉ ⲛⲛⲉⲛⲧⲁⲩⲙⲟⲟⲩⲧⲟⲩ ⲕⲁⲧⲁ ⲧⲙⲛⲧⲛⲟϭ

ⲙⲡⲉⲕϭⲃⲟⲓ

12 ⲧⲱⲱⲃⲉ ⲛⲛⲉⲧϩⲓⲧⲟⲩⲱⲛ ⲛⲥⲁϣϥ ⲛⲕⲱⲃ ⲉϩⲣⲁⲓ ⲉⲕⲟⲩⲟⲩⲛⲟⲩ

ⲡⲉⲩⲛⲟϭⲛⲉϭ ⲙⲙⲟϥ ⲡϫⲟⲉⲓⲥ










13 ⲁⲛⲟⲛ ⲅⲁⲣ ⲁⲛⲟⲛ ⲡⲉⲕⲗⲁⲟⲥ ⲁⲩⲱ ⲛⲉⲥⲟⲟⲩ ⲙⲡⲉⲕⲟϩⲉ ⲧⲛⲛⲁⲟⲩⲱⲛϩ

ⲛⲁⲕ ⲉⲃⲟⲗ ϣⲁ ⲉⲛⲉϩ ⲧⲛⲛⲁϫⲱ ⲛⲛⲉⲕⲥⲙⲟⲩ ϣⲁ ⲟⲩϫⲱⲙ ⲙⲛ ⲟⲩϫⲱⲙ

Psalm 79

1 ⲉⲡϫⲱⲕ ⲉⲃⲟⲗ ϩⲁ ⲛⲉⲧⲛⲛⲁϣⲓⲃⲉ ⲡⲙⲛⲧⲣⲉ ⲛⲁⲥⲁⲫ ⲡⲉⲯⲁⲗⲙⲟⲥ ϩⲁ

ⲡⲁⲥⲥⲩⲣⲓⲟⲥ

2 ⲡⲉⲧⲙⲟⲟⲛⲉ ⲙⲡⲓⲥⲣⲁⲏⲗ ϯϩⲧⲏⲕ ⲡⲉⲧϫⲓ ⲙⲟⲉⲓⲧ ϩⲏⲧϥ ⲛⲓⲱⲥⲏⲫ ⲛⲧϩⲉ

ⲛⲛⲓⲉⲥⲟⲟⲩ ⲡⲉⲧϩⲙⲟⲟⲥ ⲉϩⲣⲁⲓ ⲉϫⲛ ⲛⲉⲭⲉⲣⲟⲩⲃⲓⲛ ⲟⲩⲟⲛϩⲕ ⲉⲃⲟⲗ

3 ⲙⲡⲉⲙⲧⲟ ⲉⲃⲟⲗ ⲛⲉⲫⲣⲁⲓⲙ ⲙⲛ ⲃⲉⲛⲓⲁⲙⲉⲓⲛ ⲙⲛ ⲙⲁⲛⲁⲥⲥⲏ ⲙⲁⲧⲟⲩⲛⲉⲥ

ⲧⲉⲕϭⲟⲙ ⲛⲅⲉⲓ

4 ⲉⲧⲟⲩϫⲟⲛ ⲡⲛⲟⲩⲧⲉ ⲙⲁⲕⲧⲟⲛ ⲟⲩⲱⲛϩ ⲉⲃⲟⲗ ⲙⲡⲉⲕϩⲟ ⲁⲩⲱ

ⲧⲛⲛⲁⲟⲩϫⲁⲓ

5 ⲡϫⲟⲉⲓⲥ ⲡⲛⲟⲩⲧⲉ ⲛⲛϭⲟⲙ ϣⲁ ⲧⲛⲁⲩ ⲕⲛⲟϭⲥ ⲉϫⲙ ⲡⲉϣⲗⲏⲗ

ⲛⲛⲉⲕϩⲙϩⲁⲗ

6 ⲕⲛⲁⲧⲙⲙⲟⲛ ⲛⲟⲩⲟⲉⲓⲕ ⲛⲣⲙⲉⲓⲏ ⲕⲛⲁⲧⲥⲟⲛ ⲛϩⲉⲛⲣⲙⲉⲓⲏ ϩⲛ ⲟⲩϣⲓ

7 ⲁⲕⲕⲱ ⲙⲙⲟⲛ ⲛⲟⲩⲱϩⲙ ⲛⲛⲉⲧϩⲏⲛ ⲉⲣⲟⲛ ⲁⲩⲱ ⲛⲉⲛϫⲓϫⲉⲉⲩ ⲁⲩⲗⲕ ϣⲁ

ⲛⲥⲱⲛ

8 ⲡⲛⲟⲩⲧⲉ ⲛⲛϭⲟⲙ ⲙⲁⲕⲧⲟⲛ ⲛⲅⲟⲩⲉⲛϩ ⲡⲉⲕϩⲟ ⲉⲃⲟⲗ ⲉϫⲱⲛ ⲛⲧⲛⲟⲩϫⲁⲓ


9 ⲁⲕⲡⲉⲉⲛⲉ ⲟⲩⲃⲱ ⲛⲉⲗⲟⲟⲗⲉ ⲉⲃⲟⲗ ϩⲛ ⲕⲏⲙⲉ ⲁⲕⲛⲟⲩϫⲉ ⲉⲃⲟⲗ

ⲛϩⲉⲛϩⲉⲑⲛⲟⲥ ⲁⲕⲧⲟϭⲥ











10 ⲁⲕϫⲓ ⲙⲟⲉⲓⲧ ϩⲁ ⲧⲉⲥϩⲏ ⲁⲕⲧⲉϭ ⲛⲉⲥⲛⲟⲩⲛⲉ ⲉⲡⲕⲁϩ ⲙⲟⲩϩ

11 ⲁⲧⲉⲥϩⲁⲓⲃⲉⲥ ϩⲃⲥ ⲛⲧⲟⲩⲉⲓⲏ ⲁⲩⲱ ⲁⲛⲉⲥϯⲟⲩⲱ ϩⲃⲥ ⲛⲡⲉⲇⲣⲟⲥ


12 ⲁⲥⲡⲣϣ ⲛⲉⲥϣⲗϩ ⲉⲃⲟⲗ ϣⲁ ⲑⲁⲗⲁⲥⲥⲁ ⲁⲩⲱ ⲛⲉⲥϯⲟⲩⲱ ϣⲁ ⲡⲉⲓⲉⲣⲟ

13 ⲉⲧⲃⲉ ⲟⲩ ⲁⲕϣⲣϣⲣ ⲡⲉⲥϫⲟⲗϫⲗ ⲁⲩⲱ ⲥⲉϫⲱⲱⲗⲉ ⲛϩⲏⲧⲥ ⲛϭⲓ ⲟⲩⲟⲛ

ⲛⲓⲙ ⲉⲧⲙⲟⲟϣⲉ ϩⲛ ⲧⲉϩⲓⲏ

14 ⲁϩⲧⲁⲕⲟⲥ ⲛϭⲓ ⲟⲩⲣⲓⲣ ϩⲟⲟⲩⲧ ⲉⲃⲟⲗ ϩⲛ ⲧⲥⲱϣⲉ ⲁⲩⲱ ⲟⲩⲉⲓⲁϩⲟⲟⲩⲧ

ⲁϥⲙⲁⲛⲟⲩⲟⲩⲥ

15 ⲙⲁⲕⲧⲟⲛ ϭⲉ ⲡⲛⲟⲩⲧⲉ ⲛⲛϭⲟⲙ ⲛⲅϭⲱϣⲧ ⲉⲃⲟⲗ ϩⲛ ⲧⲡⲉ ⲛⲅⲛⲁⲩ

ⲛⲅϭⲙⲡϣⲓⲛⲉ ⲛⲧⲉⲓⲃⲱ ⲛⲉⲗⲟⲟⲗⲉ

16 ⲛⲅⲥⲃⲧⲱⲧⲥ ⲧⲁⲓ ⲉⲛⲧⲁⲧⲉⲕⲟⲩⲛⲁⲙ ⲧⲟϭⲥ ⲁⲩⲱ ⲉϫⲙ ⲡϣⲏⲣⲉ

ⲙⲡⲣⲱⲙⲉ ⲉⲛⲧⲁⲕⲧⲁϫⲣⲟϥ ⲛⲁⲕ

17 ⲉⲥⲣⲟⲕϩ ϩⲛ ⲟⲩⲕⲱϩⲧ ⲁⲩⲱ ⲉⲥϭⲣⲏ ⲥⲉⲛⲁⲧⲁⲕⲟ ⲉⲃⲟⲗ ϩⲛ ⲧⲉⲡⲓⲧⲏⲙⲓⲁ

ⲙⲡⲉⲕϩⲟ

18 ⲉⲣⲉⲧⲉⲕϭⲓϫ ϣⲱⲡⲉ ⲉϫⲙ ⲡⲣⲱⲙⲉ ⲛⲧⲉⲕⲟⲩⲛⲁⲙ ⲁⲩⲱ ⲉϫⲙ ⲡϣⲏⲣⲉ

ⲙⲡⲣⲱⲙⲉ ⲉⲛⲧⲁⲕ ⲧⲁϫⲣⲟϥ ⲛⲁⲕ

19 ⲁⲩⲱ ⲛⲛⲉⲛⲥⲁϩⲱⲛ ⲉⲃⲟⲗ ⲙⲙⲟⲕ ⲕⲛⲁⲧⲁⲛϩⲟⲛ ⲁⲩⲱ ⲧⲛⲛⲁⲉⲡⲓⲕⲁⲗⲉⲓ

ⲙⲡⲉⲕⲣⲁⲛ

20 ⲡϫⲟⲉⲓⲥ ⲡⲛⲟⲩⲧⲉ ⲛⲛϭⲟⲙ ⲙⲁⲕⲧⲟⲛ ⲛⲅⲟⲩⲉⲛϩ ⲡⲉⲕϩⲟ ⲉⲃⲟⲗ ⲉϫⲱⲛ

ⲛⲧⲛⲟⲩϫⲁⲓ












Psalm 80

1 ⲉⲡϫⲱⲕ ⲉⲃⲟⲗ ϩⲁ ⲛⲉϩⲣⲱⲧ ⲡⲉⲯⲁⲗⲙⲟⲥ ⲛⲁⲥⲁⲫ ⲙⲡϯⲟⲩ

ⲙⲡⲥⲁⲃⲃⲁⲧⲟⲛ

2 ⲧⲉⲗⲏⲗ ⲙⲡⲛⲟⲩⲧⲉ ⲡⲉⲛⲃⲟⲏⲑⲟⲥ ϯⲗⲟⲩⲗⲁⲓ ⲙⲡⲛⲟⲩⲧⲉ ⲛⲓⲁⲕⲱⲃ

3 ϫⲉ ⲛⲟⲩⲯⲁⲗⲙⲟⲥ ⲛⲧⲉⲧⲛϯ ⲛⲟⲩⲧⲩⲙⲡⲁⲛⲟⲛ ⲟⲩⲯⲁⲗⲧⲏⲣⲓⲟⲛ

ⲉϥⲛⲟⲧⲙ ⲙⲛⲟⲩⲕⲓⲑⲁⲣⲁ

4 ⲥⲁⲗⲡⲓⲍⲉ ⲛϩⲉⲛⲥⲁⲗⲡⲓⲅⲝ ϩⲛ ⲛⲥⲟⲩⲁ ⲙⲡⲉϩⲟⲟⲩ ⲉⲧⲟⲩⲟⲛϩ ⲉⲃⲟⲗ

ⲙⲡⲉⲛϣⲁ

5 ϫⲉ ⲟⲩⲡⲣⲟⲥⲧⲁⲅⲙⲁ ⲙⲡⲓⲥⲣⲁⲏⲗ ⲡⲉ ⲁⲩⲱ ⲟⲩϩⲁⲡ ⲡⲉ ⲙⲡⲛⲟⲩⲧⲉ

ⲛⲓⲁⲕⲱⲃ

6 ⲁϥⲕⲁⲁϥ ⲙⲙⲛⲧⲣⲉ ⲛⲓⲱⲥⲏⲫ ϩⲙ ⲡⲧⲣⲉϥⲉⲓ ⲉⲃⲟⲗ ϩⲙ ⲡⲕⲁϩ ⲛⲗⲏⲙⲉ

ⲁϥⲥⲱⲧⲙ ⲉⲩⲁⲥⲡⲉ ⲉⲛϥⲥⲟⲟⲩⲛ ⲙⲙⲟⲥ ⲁⲛ

7 ⲁϥⲕⲧⲟ ⲛⲧⲉϥϫⲓⲥⲉ ⲉⲃⲟⲗ ϩⲛ ⲟⲩⲉⲧⲡⲱ ⲛⲉϥϭⲓϫ ⲁⲩⲣ ϩⲙϩⲁⲗ ϩⲛ

ⲟⲩⲕⲟⲧ

8 ⲁⲕⲱϣ ⲉⲣⲟⲕ ϩⲙ ⲡⲡⲉⲧϩⲏⲡ ⲛⲟⲩϩⲁⲧⲏⲩ ⲁⲓⲇⲟⲕⲓⲙⲁⲍⲉ ⲙⲙⲟⲕ ϩⲓϫⲙ

ⲡⲙⲟⲟⲩ ⲛⲧⲁⲛⲧⲓⲗⲟⲅⲓⲁ ⲇⲓⲁⲯⲁⲗⲙⲁ

9 ⲥⲱⲧⲙ ⲡⲁⲗⲁⲟⲥ ⲧⲁϣⲉⲉⲣⲉ ⲛⲙⲙⲁⲕ ⲡⲓⲥⲣⲁⲏⲗ ⲧⲁⲣⲙⲛⲧⲣⲉ ⲛⲁⲕ

ⲉϣⲱⲡⲉ ⲉⲕϣⲁⲛⲥⲱⲧⲙ ⲉⲣⲟⲓ

10 ⲙⲙⲛⲛⲟⲩⲧⲉ ⲛⲃⲣⲣⲉ ⲛⲁϣⲱⲡⲉ ⲛϩⲏⲧⲕ ⲟⲩⲇⲉ ⲛⲛⲉⲕⲟⲩⲱϣⲧ ⲛⲛⲟⲩⲧⲉ

ⲛϣⲙⲙⲟ











11 ⲁⲛⲟⲕ ⲅⲁⲣ ⲡⲉ ⲡϫⲟⲉⲓⲥ ⲡⲉⲕⲛⲟⲩⲧⲉ ⲡⲉⲛⲧⲁϥⲛⲧⲕ ⲉϩⲣⲁⲓ ϩⲙ ⲡⲕⲁϩ

ⲛⲕⲏⲙⲉ ⲟⲩⲱⲛ ⲛⲧⲉⲕⲧⲁⲡⲣⲟ ⲧⲁⲙⲁϩⲥ

12 ⲙⲡⲉ ⲡⲁⲗⲁⲟⲥ ⲥⲱⲧⲙ ⲉⲧⲁⲥⲙⲏ ⲡⲓⲥⲣⲏⲗ ⲙⲡⲉϥϯ ϩⲧⲏϥ ⲉⲣⲟⲓ

13 ⲁⲓϫⲟⲟⲩⲥⲉ ⲕⲁⲧⲁ ⲛⲉⲡⲓⲑⲩⲙⲓⲁ ⲛⲛⲉⲩϩⲏⲧ ⲥⲉⲛⲁⲙⲟⲟϣⲉ ϩⲛ ⲛⲉⲩϩⲃⲏⲩⲉ

14 ⲉⲛⲉⲛⲧⲁⲡⲁⲗⲁⲟⲥ ⲥⲱⲧⲙ ⲛⲥⲱⲓ ⲡⲓⲥⲣⲁⲏⲗ ⲉⲛⲉⲛⲧⲁϥⲃⲱⲕ ϩⲓ ⲛⲁϩⲓⲟⲟⲩⲉ

15 ⲛⲉⲓⲛⲁⲑⲃⲃⲓⲟ ⲛⲛⲉⲩϫⲁϫⲉ ⲡⲉ ⲛⲟⲩⲉϣ ⲛⲗⲁⲁⲩ ⲁⲩⲱ ⲛⲉⲓⲛⲁⲉⲓⲛⲉ ⲛⲛⲁϭⲓϫ

ⲉϫⲛ ⲛⲉⲧⲑⲗⲓⲃⲉ ⲙⲙⲟⲟⲩ

16 ⲁⲛϫⲓϫⲉⲉⲩ ⲙⲡϫⲟⲉⲓⲥ ϫⲓϭⲟⲗ ⲉⲣⲟϥ ⲁⲩⲱ ⲡⲉⲩⲟⲩⲟⲉⲓϣ ⲛⲁϣⲱⲡⲉ ϣⲁ

ⲉⲛⲉϩ

17 ⲁϥⲧⲙⲙⲟⲟⲩ ⲉⲃⲟⲗ ϩⲙ ⲡⲱⲧ ⲙⲡⲉⲥⲟⲩⲟ ⲁϥⲧⲥⲓⲟⲟⲩ ⲛⲉⲃⲓⲱ ⲉⲃⲟⲗ ϩⲛ

ⲟⲩⲡⲉⲧⲣⲁ

Psalm 81

1 ⲡⲉⲯⲁⲗⲙⲟⲥ ⲛⲁⲥⲁⲫ ⲁⲡⲛⲟⲩⲧⲉ ⲁϩⲉⲣⲁⲧϥ ϩⲛ ⲧⲥⲩⲛⲁⲅⲱⲅⲏ ⲛⲛⲛⲟⲩⲧⲉ

ⲉϥϩⲛ ⲧⲙⲛⲧⲉ ⲇⲉ ϥⲛⲁϫⲛⲉ ⲛⲛⲟⲩⲧⲉ

2 ϫⲉ ϣⲁ ⲧⲛⲁⲩ ⲧⲉⲧⲛⲕⲣⲓⲛⲉ ⲙⲡϫⲓⲛϭⲟⲛⲥ ⲧⲉⲧⲛϫⲓ ⲙⲡϩⲟ ⲛⲛⲣⲉϥⲣⲛⲟⲃⲉ


3 ⲕⲣⲓⲛⲉ ⲙⲡⲟⲣⲫⲁⲛⲟⲥ ⲙⲛ ⲡϩⲏⲕⲉ ⲛⲧⲉⲧⲛⲧⲙⲁⲉⲓⲟ ⲙⲡⲉⲧⲑⲃⲃⲓⲏⲩ ⲙⲛ

ⲡⲉⲃⲓⲏⲛ

4 ⲙⲁⲧⲟⲩϫⲉ ⲡⲉⲃⲓⲏⲛ ⲙⲛ ⲡϩⲏⲕⲉ ⲛⲁϩⲙⲉϥ ⲉⲧϭⲓϫ ⲛⲛⲣⲉϥⲣⲛⲟⲃⲉ

5 ⲙⲡⲟⲩⲉⲓⲙⲉ ⲙⲡⲟⲩϭⲙ ⲡⲉⲩϩⲏⲧ ⲉⲩⲙⲟⲟϣⲉ ϩⲙ ⲡⲕⲁⲕⲉ ⲥⲉⲛⲁⲕⲓⲙ ⲛϭⲓ













ⲛⲥⲛⲧⲉ ⲙⲡⲕⲁϩ

6 ⲁⲛⲟⲕ ⲁⲓϫⲟⲟⲥ ϫⲉ ⲛⲧⲉⲧⲛ ϩⲉⲛⲛⲟⲩⲧⲉ ⲛⲧⲉⲧⲛ ⲛϣⲏⲣⲉ ⲙⲡⲉⲧϫⲟⲥⲉ

ⲧⲏⲣⲧⲛ

7 ⲉⲓⲥ ϩⲏⲏⲧⲉ ⲧⲉ ⲧⲉⲧⲛⲁⲙⲟⲩ ⲛⲧϩⲉ ⲛⲛⲣⲱⲙⲉ ⲁⲩⲱ ⲧⲉⲧⲛⲁϩⲉ ⲛⲧϩⲉ

ⲛⲟⲩⲁ ⲛⲛⲁⲣⲭⲱⲛ

8 ⲧⲱⲟⲩⲛⲅ ⲡⲛⲟⲩⲧⲉ ⲛⲅⲕⲣⲓⲛⲉ ⲙⲡⲕⲁϩ ϫⲉ ⲛⲧⲟⲕ ⲡⲉⲧⲛⲁϥⲱⲧⲉ ⲉⲃⲟⲗ

ⲛⲛϩⲉⲑⲛⲟⲥ ⲧⲏⲣⲟⲩ

Psalm 82

1 ⲧⲱⲇⲏ ⲡⲉⲯⲁⲗⲙⲟⲥ ⲛⲁⲥⲁⲫ

2 ⲡⲛⲟⲩⲧⲉ ⲡϫⲟⲉⲓⲥ ⲛⲓⲙ ⲡⲉⲧⲛⲁϣⲓⲛⲉ ⲙⲙⲟⲕ ⲙⲡⲣⲗⲁⲣⲱⲕ ⲡⲛⲟⲩⲧⲉ ⲟⲩⲇⲉ

ⲙⲡⲣϭⲱ

3 ϫⲉ ⲉⲓⲥ ⲛⲉⲕϫⲓϫⲉⲉⲩ ⲁⲩⲱϣ ⲉⲃⲟⲗ ⲁⲩⲱ ⲛⲉⲧⲙⲟⲥⲧⲉ ⲙⲙⲟⲕ ⲁⲩϫⲓⲥⲉ

ⲛⲧⲉⲩⲁⲡⲉ

4 ⲁⲩϫⲓ ϣⲟϫⲛⲉ ⲉϥϩⲟⲟⲩ ⲉϩⲟⲩⲛ ⲉⲡⲉⲕⲗⲁⲟⲥ ⲁⲩⲱ ⲁⲩⲙⲉⲉⲩⲉ ⲉϩⲟⲩⲛ

ⲉⲛⲉⲕⲡⲉⲧⲟⲩⲁⲁⲃ

5 ⲁⲩϫⲟⲟⲥ ϫⲉ ⲁⲙⲏⲓⲧⲛ ⲛⲧⲛϥⲟⲧⲟⲩ ⲉⲃⲟⲗ ϩⲛ ⲛϩⲉⲑⲛⲟⲥ ⲛϥⲧⲙϣⲱⲡⲉ

ϭⲉ ⲛϭⲓ ⲡⲣⲁⲛ ⲙⲡⲓⲥⲣⲁⲏⲗ

6 ⲁⲩϫⲓ ⲛⲟⲩϣⲟϫⲛⲉ ⲛⲟⲩⲱⲧ ϩⲓ ⲟⲩⲥⲟⲡ ⲁⲩⲥⲙⲓⲛⲉ ⲛⲟⲩⲇⲓⲁⲑⲏⲕⲏ ⲉⲣⲟⲕ

7 ⲛϭⲓ ⲡⲙⲁ ⲛϣⲱⲡⲉ ⲛⲛⲓⲇⲟⲩⲙⲁⲓⲟⲥ ⲙⲛ ⲛⲓⲥⲙⲁⲏⲗⲓⲧⲏⲥ ⲙⲱⲁⲃ ⲙⲛ

ⲛⲉⲃⲟⲗ ϩⲛ ⲁⲅⲁⲣ











8 ⲅⲉⲃⲁⲣ ⲙⲛ ⲁⲙⲙⲱⲛ ⲙⲛ ⲡⲁⲙⲁⲗⲏⲕ ⲙⲛ ⲛⲁⲗⲗⲟⲫⲩⲗⲟⲥ ⲁⲩⲱ

ⲛⲉⲧⲟⲩⲏϩ ϩⲛ ⲧⲩⲣⲟⲥ

9 ⲕⲁⲓⲅⲁⲣ ⲁⲥⲥⲟⲩⲣ ⲁϥϥⲓ ⲛⲙⲙⲁⲩ ⲁⲩϯⲧⲟⲟⲧⲟⲩ ⲙⲛ ⲛϣⲏⲣⲉ ⲛⲗⲱⲧ


10 ⲁⲣⲓ ⲧϩⲉ ⲛⲁⲩ ⲉⲛⲧⲁⲕⲁⲁⲥ ⲙⲙⲁⲇⲓϩⲁⲙ ⲙⲛ ⲥⲓⲥⲁⲣⲁ ⲁⲩⲱ ⲛⲧϩⲉ

ⲛⲓⲁⲃⲉⲓⲛ ϩⲙ ⲡⲉⲭⲉⲙⲁⲣⲣⲟⲥ ⲛⲕⲉⲓⲥⲱⲛ

11 ⲁⲩϥⲟⲧⲟⲩ ⲉⲃⲟⲗ ϩⲛ ⲟⲩⲙⲁ ⲉⲙⲛⲙⲟⲟⲩ ⲛϩⲏⲧϥ ⲁⲩϣⲱⲡⲉ ⲛⲧϩⲉ

ⲛⲛⲉⲓⲧ ⲛⲙⲡⲕⲁϩ

12 ⲕⲁ ⲛⲉⲩⲁⲣⲭⲱⲛ ⲛⲧϩⲉ ⲛⲱⲣⲉⲃ ⲙⲛ ⲍⲏⲃ ⲙⲛ ⲍⲉⲃⲉⲉ ⲙⲛ ⲥⲁⲗⲙⲁⲛⲁⲛ

ⲉⲩⲁⲣⲭⲱⲛ ⲧⲏⲣⲟⲩ

13 ⲛⲁⲓ ⲉⲛⲧⲁⲩϫⲟⲟⲥ ϫⲉ ⲙⲁⲣⲛⲕⲗⲏⲣⲟⲛⲟⲙⲉⲓ ⲛⲁⲛ ⲙⲡⲙⲁ ⲉⲧⲟⲩⲁⲁⲃ


14 ⲡⲁⲛⲟⲩⲧⲉ ⲕⲁⲁⲩ ⲛⲧϩⲉ ⲛⲟⲩⲧⲣⲟⲭⲟⲥ ⲛⲧϩⲉ ⲛⲟⲩⲣⲟⲟⲩⲉ ⲙⲡⲉⲙⲧⲟ

ⲉⲃⲟⲗ ⲙⲡⲧⲏⲩ

15 ⲛⲑⲉ ⲛⲟⲩⲕⲱϩⲧ ⲉϣⲁϥⲣⲱⲕϩ ⲛⲟⲩⲙⲁ ⲛϣⲏⲛ ⲁⲩⲱ ⲛⲧϩⲉ ⲛⲟⲩϣⲁϩ

ⲉϥⲣⲱⲕϩ ⲛϩⲉⲛⲧⲟⲟⲩ

16 ⲉⲕⲉⲡⲱⲧ ⲛⲥⲱⲟⲩ ⲛⲧⲉⲓϩⲉ ϩⲛ ⲧⲉⲕϩⲁⲧⲏⲩ ⲁⲩⲱ ⲉⲕⲉϣⲧⲣⲧⲱⲣⲟⲩ ϩⲛ


17 ⲙⲉϩ ⲛⲉⲩϩⲟ ⲛⲥⲱϣ ⲁⲩⲱ ⲥⲉⲛⲁϣⲓⲛⲉ ⲛⲥⲁ ⲡⲉⲕⲣⲁⲛ ⲡϫⲟⲉⲓⲥ

18 ⲙⲁⲣⲟⲩϫⲓ ϣⲓⲡⲉ ⲛⲥⲉϣⲧⲟⲣⲧⲣ ϣⲁ ⲉⲛⲉϩ ⲛⲉⲛⲉϩ ⲛⲥⲉⲟⲩⲱⲗⲥ ⲛⲥⲉⲧⲁⲕⲟ












19 ⲁⲩⲱ ⲙⲁⲣⲟⲩⲉⲓⲙⲉ ϫⲉ ⲡⲉⲕⲣⲁⲛ ⲡⲉ ⲡϫⲟⲉⲓⲥ ϫⲉ ⲛⲧⲟⲕ ⲙⲁⲩⲁⲁⲕ ⲡⲉ

ⲡⲉⲧϫⲟⲥⲉ ⲉϩⲣⲁⲓ ⲉϫⲙ ⲡⲕⲁϩ ⲧⲏⲣϥ

Psalm 83

1 ⲉⲡϫⲱⲕ ⲉⲃⲟⲗ ϩⲁ ⲛⲉϩⲣⲱⲧ ⲡⲉⲯⲁⲗⲙⲟⲥ ⲛⲛϣⲏⲣⲉ ⲛⲕⲟⲣⲉ

2 ⲉϣϫⲉ ϩⲉⲛⲙⲉⲣⲓⲧ ⲛⲉ ⲛⲉⲕⲙⲁ ⲛϣⲱⲡⲉ ⲡϫⲟⲉⲓⲥ ⲛⲛϭⲟⲙ

3 ⲁⲧⲁⲯⲩⲭⲏ ⲟⲩⲁϣⲟⲩ ⲁⲩⲱ ⲁⲥϣⲱⲥ ⲙⲛⲥⲁ ⲛⲉⲕⲁⲩⲗⲏ ⲡϫⲟⲉⲓⲥ

ⲁⲡⲁϩⲏⲧ ⲙⲛ ⲧⲁⲥⲁⲣⲝ ⲧⲉⲗⲏⲗ ⲉϫⲙ ⲡⲛⲟⲩⲧⲉ ⲉⲧⲟⲛϩ

4 ⲕⲁⲓⲅⲁⲣ ⲁⲩϫⲁϫ ϭⲛ ⲟⲩⲏⲓ ⲛⲁϥ ⲁⲩⲱ ⲁⲩϭⲙ ⲡϣⲁⲛ ϭⲛ ⲟⲩⲙⲁϩ ⲛⲁⲥ

ⲡⲙⲁ ⲉⲧⲥⲛⲁⲕⲁ ⲛⲉⲥϣⲏⲣⲉ ⲛϩⲏⲧϥ

5 ⲛⲉⲕⲑⲩⲥⲓⲁⲥⲧⲏⲣⲓⲟⲛ ⲡϫⲟⲉⲓⲥ ⲛⲛϭⲟⲙ ⲡⲁⲣⲣⲟ ⲁⲩⲱ ⲡⲁⲛⲟⲩⲧⲉ

6 ⲛⲁⲓⲁⲧⲟⲩ ⲛⲟⲩⲟⲛ ⲛⲓⲙ ⲉⲧⲟⲩⲏϩ ϩⲙ ⲡⲉⲕⲏⲓ ⲥⲉⲛⲁⲥⲙⲟⲩ ⲉⲣⲟⲕ ϣⲁ ⲉⲛⲉϩ

ⲛⲉⲛⲉϩ ⲇⲓⲁⲯⲁⲗⲙⲁⲛⲁⲓⲁⲧϥ ⲙⲡⲣⲱⲙⲉ ⲉⲧⲕⲛⲁϣⲟⲡϥ ⲉⲣⲟⲕ ⲡϫⲟⲉⲓⲥ

7 ⲁϥⲕⲱ ⲛϩⲉⲛⲙⲉⲉⲩⲉ ϩⲙ ⲡⲉϥϩⲏⲧ ⲉⲡⲉⲓⲁ ⲙⲡⲣⲓⲙⲉ ⲡⲙⲁ ⲉⲛⲧⲁϥⲥⲙⲛⲧϥ

ⲕⲁⲓⲅⲁⲣ ⲡⲉⲧⲥⲙⲛ ⲛⲟⲙⲟⲥ ⲛⲁϯ ⲛϩⲉⲛⲥⲙⲟⲩ

8 ⲥⲉⲛⲁⲙⲟⲟϣⲉ ⲉⲃⲟⲗ ϩⲛ ⲟⲩϭⲟⲙ ⲉⲩϭⲟⲙ ⲡⲛⲟⲩⲧⲉ ⲛⲛⲛⲟⲩⲧⲉ

ⲛⲁⲟⲩⲱⲛϩ ⲉⲃⲟⲗ ϩⲛ ⲥⲓⲱⲛ

9 ⲥⲱⲧⲙ ⲉⲡⲁϣⲗⲏⲗ ⲡϫⲟⲉⲓⲥ ⲡⲛⲟⲩⲧⲉ ⲛⲛϭⲟⲙ ϫⲓ ⲥⲙⲏ ⲉⲣⲟⲓ ⲡⲛⲟⲩⲧⲉ

ⲛⲓⲁⲕⲱⲃ ⲇⲓⲁⲯⲁⲗⲙⲁ

10 ⲁⲛⲁⲩ ⲡⲛⲟⲩⲧⲉ ⲧⲉⲛⲁϣⲧⲉ ⲛⲅϭⲱϣⲧ ⲉϫⲙ ⲡϩⲟ ⲙⲡⲉⲕⲭⲣⲏⲥⲧⲟⲥ

11 ϫⲉ ⲛⲁⲛⲟⲩ ⲟⲩϩⲟⲟⲩ ⲛⲟⲩⲱⲧ ϩⲛ ⲛⲉⲕⲁⲩⲗⲏ ⲉϩⲟⲩⲉ ϣⲟ ⲙⲡⲉⲩⲃⲟⲗ













ⲁⲓⲥⲟⲧⲡⲥ ⲛⲁⲓ ⲛϩⲟⲩⲟ ⲉⲧⲣⲉⲩⲛⲟϫⲧ ϩⲙ ⲡⲏⲓ ⲙⲡⲛⲟⲩⲧⲉ ⲉϩⲟⲩⲉ ⲟⲩⲱϩ

ϩⲛ ⲙⲙⲁ ⲛϣⲱⲡⲉ ⲛⲛⲣⲉϥⲣⲛⲟⲃⲉ

12 ϫⲉ ⲡϫⲟⲉⲓⲥ ⲡⲛⲟⲩⲧⲉ ⲙⲉ ⲙⲡⲛⲁ ⲙⲛ ⲧⲙⲉ ⲁⲩⲱ ϥⲛⲁϯ ⲛⲟⲩⲭⲁⲣⲓⲥ ⲙⲛ

ⲟⲩⲉⲟⲟⲩ ⲛⲉⲧⲙⲟⲟϣⲉ ϩⲛ ⲟⲩⲙⲛⲧⲃⲁⲗϩⲏⲧ ⲙⲡϫⲟⲉⲓⲥ ⲛⲁϥⲟϭⲟⲩ ⲁⲛ

ⲛⲛⲁⲅⲁⲑⲟⲛ

13 ⲡϫⲟⲉⲓⲥ ⲡⲛⲟⲩⲧⲉ ⲛⲛϭⲟⲙ ⲛⲁⲓⲁⲧϥ ⲙⲡⲣⲱⲙⲉ ⲉⲧⲛⲁϩⲉⲗⲡⲓⲍⲉ ⲉⲣⲟⲕ

Psalm 84

1 ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲛϣⲏⲣⲉ ⲛⲕⲟⲣⲉ

2 ⲡϫⲟⲉⲓⲥ ⲁⲕⲟⲩⲉϣ ⲡⲉⲕⲕⲁϩ ⲁⲕⲕⲧⲟ ⲛⲧⲁⲓⲭⲙⲁⲗⲱⲥⲓⲁ ⲛⲓⲁⲕⲱⲃ

3 ⲁⲕⲕⲱ ⲉⲃⲟⲗ ⲛⲛⲁⲛⲟⲙⲓⲁ ⲙⲡⲉⲕⲗⲁⲟⲥ ⲁⲕϩⲱⲃⲥ ⲉⲃⲟⲗ ⲉϫⲛ ⲛⲉⲩⲛⲟⲃⲉ

ⲧⲏⲣⲟⲩ ⲇⲓⲁⲯⲁⲗⲙⲁ

4 ⲁⲕⲧⲁⲗϭⲉ ⲧⲉⲕⲟⲣⲅⲏ ⲧⲏⲣⲥ ⲁⲕⲕⲧⲟⲕ ⲉⲃⲟⲗ ϩⲛ ⲧⲟⲣⲅⲏ ⲙⲡⲉⲕϭⲱⲛⲧ

5 ⲙⲁⲕⲧⲟⲛ ⲡⲛⲟⲩⲧⲉ ⲛⲛⲉⲛⲟⲩϫⲁⲓ ⲛⲅⲕⲧⲟ ⲙⲡⲉⲕϭⲱⲛⲧ ⲛⲥⲁⲃⲟⲗ ⲙⲙⲟⲛ

6 ⲙⲏ ⲉⲕⲛⲁⲛⲟⲩϭⲥ ⲉⲣⲟⲛ ϣⲁ ⲉⲛⲉϩ ⲏ ⲉⲕⲛⲁⲥⲱⲙⲛⲧ ⲛⲧⲉⲕⲟⲣⲅⲏ ϫⲓⲛ

ⲟⲩϫⲱⲙ ϣⲁ ⲟⲩϫⲱⲙ

7 ⲡⲛⲟⲩⲧⲉ ⲛⲧⲟⲕ ⲉⲕⲛⲁⲕⲟⲧⲕ ⲁⲩⲱ ⲛⲅⲧⲁⲛϩⲟⲛ ⲁⲩⲱ ⲡⲉⲕⲗⲁⲟⲥ

ⲛⲁⲉⲩⲫⲣⲁⲛⲉ ⲉϩⲣⲁⲓ ⲉϫⲱⲕ

8 ⲙⲁⲧⲥⲁⲃⲟⲛ ⲡϫⲟⲉⲓⲥ ⲉⲡⲉⲕⲛⲁ ⲁⲩⲱ ⲉⲕⲉϯ ⲛⲁⲛ ⲙⲡⲉⲕⲟⲩϫⲁⲓ

9 ϯⲛⲁⲥⲱⲧⲙ ϫⲉ ⲉⲣⲉⲡϫⲟⲉⲓⲥ ⲡⲛⲟⲩⲧⲉ ⲛⲁϫⲉ ⲟⲩⲛϩⲏⲧⲧ ϫⲉ ⲉϥⲛⲁϫⲱ

ⲛⲟⲩⲉⲓⲣⲏⲛⲏ ⲙⲡⲉϥⲗⲁⲟⲥ ⲁⲩⲱ ⲉϫⲛ ⲛⲉϥⲡⲉⲧⲟⲩⲁⲁⲃ ⲙⲛ ⲛⲉⲧⲕⲧⲟ












ⲙⲡⲉⲩϩⲏⲧ ⲉⲣⲟϥ

10 ⲡⲗⲏⲛ ⲡⲉϥⲟⲩϫⲁⲓ ϩⲏⲛ ⲉϩⲟⲩⲛ ⲉⲛⲉⲧⲣ ϩⲟⲧⲉ ϩⲏⲧϥ

11 ⲉⲧⲣⲉⲟⲩⲉⲟⲟⲩ ⲟⲩⲱⲛϩ ϩⲙ ⲡⲉⲛⲕⲁϩ ⲁⲡⲛⲁ ⲙⲛ ⲧⲙⲉ ⲧⲱⲙⲛⲧ

ⲉⲛⲉⲩⲉⲣⲏⲩ ⲁⲧⲇⲓⲕⲁⲓⲟⲥⲩⲛⲏ ⲙⲛ ϯⲣⲏⲛⲏ ϯⲡⲉⲓ ⲉⲣⲛ ⲛⲉⲩⲉⲣⲏⲩ

12 ⲁⲧⲙⲉ ϯⲟⲩⲱ ⲉⲃⲟⲗ ϩⲙ ⲡⲕⲁϩ ⲁⲩⲱ ⲁϯⲇⲓⲕⲁⲓⲟⲥⲩⲛⲏ ϭⲱϣⲧ ⲉⲃⲟⲗ

ϩⲛ ⲧⲡⲉ

13 ⲕⲁⲓⲅⲁⲣ ⲡⲉⲛⲛⲟⲩⲧⲉ ⲛⲁϯ ⲛⲟⲩⲙⲛⲧⲭⲣⲏⲥⲧⲟⲥ ⲁⲩⲱ ⲡⲉⲛⲕⲁϩ ⲛⲁϯ

ⲙⲡⲉϥⲕⲁⲣⲡⲟⲥ

14 ⲧⲇⲓⲕⲁⲓⲟⲥⲩⲛⲏ ⲛⲁⲙⲟⲟϣⲉ ϩⲁ ⲧⲉϥϩⲏ ⲁⲩⲱ ϥⲛⲁⲕⲱ ⲛⲛⲉϥⲧⲁϭⲥⲉ

ⲉⲩϩⲓⲏ

Psalm 85

1 ⲡϣⲗⲏⲗ ⲛⲇⲁⲩⲉⲓⲇ ⲡϫⲟⲉⲓⲥ ⲣⲉⲕⲧ ⲡⲉⲕⲙⲁⲁϫⲉ ⲛⲅⲥⲱⲧⲙ ⲉⲣⲟⲓ ϫⲉ

ⲁⲛⲟⲕ ⲁⲛⲅ ⲟⲩϩⲏⲕⲉ ⲁⲛⲅ ⲟⲩⲉⲃⲓⲏⲛ

2 ϩⲁⲣⲉϩ ⲉⲧⲁⲯⲩⲭⲏ ϫⲉ ϯ ⲟⲩⲁⲁⲃ ⲡⲛⲟⲩⲧⲉ ⲙⲁⲧⲟⲩϫⲉ ⲡⲉⲕϩⲙϩⲁⲗ

ⲉⲧϩⲉⲗⲡⲓⲍⲉ ⲉⲣⲟⲕ

3 ⲛⲁ ⲛⲁⲓ ⲡϫⲟⲉⲓⲥ ϫⲉ ⲁⲓϫⲓ ϣⲕⲁⲕ ⲉϩⲣⲁⲓ ⲉⲣⲟⲕ ⲙⲡⲉϩⲟⲟⲩ ⲧⲏⲣϥ

4 ⲉⲩⲫⲣⲁⲛⲉ ⲛⲧⲉⲯⲩⲭⲏ ⲙⲡⲉⲕϩⲙϩⲁⲗ ϫⲉ ⲁⲓϥⲓ ⲛⲧⲁⲯⲩⲭⲏ ⲉϩⲣⲁⲓ

ⲉⲣⲟⲕ ⲡϫⲟⲉⲓⲥ

5 ϫⲉ ⲛⲧⲟⲕ ⲡϫⲟⲉⲓⲥ ⲛⲧⲕ ⲟⲩⲭⲣⲏⲥⲧⲟⲥ ⲁⲩⲱ ⲛⲧⲕ ⲟⲩϩⲁⲕ ⲛⲁϣⲉ ⲡⲉⲕⲛⲁ

ⲉϫⲛ ⲟⲩⲟⲛ ⲛⲓⲙ ⲉⲧⲱϣ ⲉϩⲣⲁⲓ ⲟⲩⲃⲏⲕ











6 ⲡϫⲟⲉⲓⲥ ⲥⲱⲧⲙ ⲉⲡⲁϣⲗⲏⲗ ⲛⲅϯ ϩⲧⲏⲕ ⲉⲡⲉϩⲣⲟⲟⲩ ⲙⲡⲁⲥⲟⲡⲥ

7 ϩⲙ ⲡⲉϩⲟⲟⲩ ⲛⲧⲁⲑⲗⲓⲯⲓⲥ ⲁⲓϫⲓ ϣⲕⲁⲕ ⲉϩⲣⲁⲓ ⲉⲣⲟⲕ ϫⲉ ⲁⲕⲥⲱⲧⲙ ⲉⲣⲟⲓ

8 ⲙⲙⲛⲧ ⲡⲉⲧⲉⲓⲛⲉ ⲙⲙⲟⲕ ⲡϫⲟⲉⲓⲥ ϩⲛ ⲛⲛⲟⲩⲧⲉ ⲁⲩⲱ ⲙⲛ ⲟⲩⲟⲛ ⲕⲁⲧⲁ

ⲛⲉⲕϩⲃⲏⲩⲉ

9 ⲛϩⲉⲑⲛⲟⲥ ⲧⲏⲣⲟⲩ ⲉⲛⲧⲁⲕⲧⲁⲙⲓⲟⲩ ⲛⲏⲩ ⲛⲥⲉⲟⲩⲱϣⲧ ⲙⲡⲉⲕⲙⲧⲟ ⲉⲃⲟⲗ

ⲡϫⲟⲉⲓⲥ ⲛⲥⲉϯⲉⲟⲟⲩ ⲙⲡⲉⲕⲣⲁⲛ

10 ϫⲉ ⲛⲧⲟⲕ ⲟⲩⲛⲟϭ ⲉⲕⲉⲓⲣⲉ ⲛϩⲉⲛϣⲡⲏⲣⲉ ⲛⲧⲟⲕ ⲡⲉ ⲡⲛⲟϭ ⲛⲛⲟⲩⲧⲉ

ⲙⲁⲩⲁⲁϥ

11 ϫⲓ ⲙⲟⲉⲓⲧ ϩⲏⲧⲧ ⲡϫⲟⲉⲓⲥ ϩⲛ ⲧⲉⲕϩⲓⲏ ⲁⲩⲱ ϯⲛⲁⲃⲱⲕ ϩⲛ ⲧⲉⲕⲙⲉ

ⲙⲁⲣⲉⲡⲁϩⲏⲧ ⲉⲧⲫⲣⲁⲛⲉ ⲉⲧⲣⲁⲣ ϩⲟⲧⲉ ϩⲏⲧϥ ⲙⲡⲉⲕⲣⲁⲛ

12 ϯⲛⲁⲟⲩⲱⲛϩ ⲛⲁⲕ ⲉⲃⲟⲗ ⲡϫⲟⲉⲓⲥ ⲡⲛⲟⲩⲧⲉ ϩⲙ ⲡⲁϩⲏⲧ ⲧⲏⲣϥ ⲁⲩⲱ

ϯⲛⲁϯ ⲉⲟⲟⲩ ⲙⲡⲉⲕⲣⲁⲛ ⲛϣⲁ ⲉⲛⲉϩ

13 ϫⲉ ⲟⲩⲛⲟϭ ⲡⲉ ⲡⲉⲕⲛⲁ ⲉϩⲣⲁⲓ ⲉϫⲱⲓ ⲁⲩⲱ ⲁⲕⲧⲟⲩϫⲉ ⲧⲁⲯⲩⲭⲏ ⲉⲃⲟⲗ

ϩⲛ ⲁⲙⲛⲧⲉ ⲙⲡⲉⲥⲏⲧ ⲇⲓⲁⲯⲁⲗⲙⲁ

14 ⲡⲛⲟⲩⲧⲉ ⲁϩⲉⲛⲡⲁⲣⲁⲛⲟⲙⲟⲥ ⲧⲱⲟⲩⲛ ⲉϩⲣⲁⲓ ⲉϫⲱⲓ ⲁⲩⲱ ⲧⲥⲩⲛⲁⲅⲱⲅⲏ

ⲛⲛϫⲱⲱⲣⲉ ⲁⲥϣⲓⲛⲉ ⲛⲥⲁ ⲧⲁⲯⲩⲭⲏ ⲙⲡⲟⲩⲕⲁⲁⲕ ⲙⲡⲉⲩⲙⲧⲟ ⲉⲃⲟⲗ

15 ϫⲉ ⲛⲧⲟⲕ ⲡϫⲟⲉⲓⲥ ⲡⲛⲟⲩⲧⲉ ⲛⲧⲕ ⲟⲩϣⲁⲛϩⲧⲏϥ ⲁⲩⲱ ⲛⲧⲕ ⲟⲩⲛⲁⲏⲧ ⲛⲧⲕ

ⲟⲩϩⲁⲣϣϩⲏⲧ ⲉⲛⲁϣⲉ ⲡⲉϥⲛⲁ ⲁⲩⲱ ⲛⲧⲕ ⲟⲩⲙⲉ

16 ϭⲱϣⲧ ⲉϩⲣⲁⲓ ⲉϫⲱⲓ ⲛⲅⲛⲁ ⲛⲁⲓ ϯ ⲟⲩⲧⲁϫⲣⲟ ⲙⲡⲉⲕϩⲙϩⲁⲗ

ⲛⲅⲧⲟⲩϫⲟ ⲙⲡϣⲏⲣⲉ ⲛⲧⲉⲕϩⲙϩⲁⲗ












17 ⲁⲣⲓ ⲟⲩⲙⲁⲉⲓⲛ ⲛⲙⲙⲁⲓ ⲉⲩⲡⲉⲧⲛⲁⲛⲟⲩϥ ⲁⲩⲱ ⲙⲁⲣⲟⲩⲛⲁⲩ ⲛϭⲓ

ⲛⲉⲧⲙⲟⲥⲧⲉ ⲙⲙⲟⲓ ⲛⲥⲉϫⲓ ϣⲓⲡⲉ ϫⲉ ⲛⲧⲟⲕ ⲡϫⲟⲉⲓⲥ ⲁⲕⲃⲟⲏⲑⲉⲓ ⲉⲣⲟⲓ

ⲁⲕⲥⲉⲡⲥⲱⲡⲧ

Psalm 86

1 ⲡⲉⲯⲁⲗⲙⲟⲥ ⲛⲧⲱⲇⲏ ⲛⲛϣⲏⲣⲉ ⲛⲕⲟⲣⲉ ⲉⲣⲉⲛⲉϥⲥⲛⲧⲉ ϩⲛ ⲛⲧⲟⲟⲩ


2 ⲡϫⲟⲉⲓⲥ ⲙⲉ ⲛⲙⲡⲩⲗⲏ ⲛⲥⲓⲱⲛ ⲉϩⲟⲩⲉ ⲙⲙⲁ ⲛϣⲱⲡⲉ ⲧⲏⲣⲟⲩ ⲛⲓⲁⲕⲱⲃ

3 ⲁⲩϫⲱ ⲛϩⲉⲛⲧⲁⲉⲓⲟ ⲉⲧⲃⲏⲏⲧ ⲉⲧⲡⲟⲗⲓⲥ ⲙⲡⲛⲟⲩⲧⲉ ⲇⲓⲁⲯⲁⲗⲙⲁ

4 ϯⲛⲁⲣ ⲡⲙⲉⲉⲩⲉ ⲛϩⲣⲁⲁⲃ ⲙⲛ ⲃⲁⲃⲩⲗⲱⲛ ⲛⲉⲧⲥⲟⲟⲩⲛ ⲙⲙⲟⲓ ⲡϫⲟⲉⲓⲥ ⲉⲓⲥ

ⲛⲁⲗⲗⲟⲫⲩⲗⲟⲥ ⲙⲛ ⲧⲩⲣⲟⲥ ⲙⲛ ⲡⲗⲁⲟⲥ ⲙⲛ ⲛⲉϭⲟⲟϣ ⲛⲁⲓ

ⲉⲛⲧⲁⲩϣⲱⲡⲉ ⲙⲙⲁⲩ

5 ⲡⲣⲱⲙⲉ ⲛⲁϫⲟⲟⲥ ϫⲉ ⲧⲁⲙⲁⲁⲩ ⲥⲓⲱⲛ ⲁⲩⲱ ⲁⲣⲱⲙⲉ ϣⲱⲡⲉ ⲛϩⲏⲧⲥ

ⲛⲧⲟϥ ⲡⲉⲛⲧⲁϥⲥⲙⲛⲥⲛⲧⲉ ⲙⲙⲟⲥ ϣⲁ ⲉⲛⲉϩ

6 ⲡϫⲟⲉⲓⲥ ⲡⲉⲧϫⲟⲥⲉ ⲛⲁϣⲁϫⲉ ϩⲛ ⲧⲉⲅⲣⲁⲫⲏ ⲙⲙⲗⲁⲟⲥ ⲙⲛ ⲛⲁⲣⲭⲱⲛ ⲛⲁⲓ

ⲉⲛⲧⲁⲩϣⲱⲡⲉ ⲛϩⲏⲧⲥ

7 ϫⲉ ⲉⲣⲉⲡⲙⲁ ⲛϣⲱⲡⲉ ⲛⲛⲉⲧⲉⲩⲫⲣⲁⲛⲉ ⲧⲏⲣⲟⲩ ⲛϩⲏⲧⲉ

Psalm 87

1 ⲧⲱⲇⲏ ⲡⲉⲯⲁⲗⲙⲟⲥ ⲛⲛϣⲏⲣⲉ ⲛⲕⲟⲣⲉ ⲉⲡϫⲱⲕ ⲉⲃⲟⲗ ϩⲁ ⲙⲁⲉⲗⲗⲉⲑ

ⲉⲟⲩⲱϣⲃ ⲧⲙⲛⲧⲣⲙⲛϩⲏⲧ ⲛⲛⲁⲓⲙⲁ ⲛⲡⲓⲥⲣⲁⲏⲗⲓⲧⲏⲥ

2 ⲡϫⲟⲉⲓⲥ ⲡⲛⲟⲩⲧⲉ ⲙⲡⲁⲟⲩϫⲁⲓ ⲁⲓⲱϣ ⲉϩⲣⲁⲓ ⲙⲡⲉⲕⲙⲧⲟ ⲉⲃⲟⲗ











ⲙⲡⲉϩⲟⲟⲩ ⲙⲛ ⲧⲉⲩϣⲏ

3 ⲙⲁⲣⲉⲡⲁϣⲗⲏⲗ ⲉⲓ ⲉϩⲟⲩⲛ ⲙⲡⲉⲕⲙⲧⲟ ⲉⲃⲟⲗ ⲣⲓⲕⲉ ⲙⲡⲉⲕⲙⲁⲁϫⲉ

ⲡϫⲟⲉⲓⲥ ⲉⲡⲁⲥⲟⲡⲥ

4 ϫⲉ ⲁⲧⲁⲯⲩⲭⲏ ⲙⲟⲩϩ ⲙⲡⲉⲧϩⲟⲟⲩ ⲁⲡⲁⲱⲛϩ ϩⲱⲛ ⲉϩⲟⲩⲛ ⲉⲁⲙⲛⲧⲉ

5 ⲁⲩⲟⲡⲧ ⲙⲛ ⲛⲉⲧⲃⲏⲕ ⲉⲡⲉⲥⲏⲧ ⲉⲡϣⲏⲓ ⲁⲓⲣ ⲧϩⲉ ⲛⲟⲩⲣⲱⲙⲉ ⲉⲙⲛⲧϥ

ⲃⲟⲏⲑⲟⲥ ⲛⲉⲗⲉⲩⲑⲉⲣⲟⲥ ϩⲛ ⲛⲉⲧⲙⲟⲟⲩⲧ

6 ⲛⲧϩⲉ ⲛϩⲉⲛϩⲁⲧⲃⲉⲥ ⲉⲩⲛⲏϫ ⲉⲩⲛⲕⲟⲧⲕ ϩⲛ ⲛⲧⲁⲫⲟⲥ ⲛⲁⲓ ⲉⲧⲉ ⲙⲡⲕⲣ

ⲡⲉⲩⲙⲉⲉⲩⲉ ϭⲉ ⲁⲩⲱ ⲛⲧⲟⲟⲩ ⲁⲩⲧⲁⲕⲟ ⲉⲃⲟⲗ ϩⲛ ⲧⲉⲕϭⲓϫ

7 ⲁⲩⲕⲁⲁⲧ ϩⲛ ⲟⲩϣⲏⲓ ⲙⲡⲉⲥⲏⲧ ϩⲛ ϩⲉⲛⲕⲁⲕⲉ ⲙⲛ ⲧϩⲁⲓⲃⲉⲥ ⲙⲡⲙⲟⲩ

8 ⲁⲡⲉⲕϭⲱⲛⲧ ⲧⲁϫⲣⲟ ⲉϩⲣⲁⲓ ⲉϫⲱⲓ ⲁⲩⲱ ⲛⲉⲕⲣⲟⲟⲩϣ ⲧⲏⲣⲟⲩ ⲁⲕⲛⲧⲟⲩ

ⲉϩⲣⲁⲓ ⲉϫⲱⲓ ⲇⲓⲁⲯⲁⲗⲙⲁ

9 ⲁⲕⲧⲣⲉ ⲛⲉⲧⲥⲟⲟⲩⲛ ⲙⲙⲟⲓ ⲟⲩⲉ ⲙⲙⲟⲓ ⲁⲩⲕⲁⲁⲧ ⲛⲁⲩ ⲛⲃⲟⲧⲉ ⲁⲩⲧⲁⲁⲧ

ⲁⲩⲱ ⲙⲡⲓⲃⲱⲕ

10 ⲁⲡⲁⲃⲁⲗ ϭⲃⲃⲉ ⲉⲃⲟⲗ ϩⲛ ⲧⲁⲙⲛⲧϩⲏⲕⲉ ⲁⲓϫⲓ ϣⲕⲁⲕ ⲉϩⲣⲁⲓ ⲉⲡϫⲟⲉⲓⲥ

ⲙⲡⲉϩⲟⲟⲩ ⲧⲏⲣϥ ⲁⲓⲡⲉⲣϣ ⲛⲁϭⲓϫ ⲉϩⲣⲁⲓ ⲉⲣⲟⲕ

11 ⲙⲏ ⲉⲕⲛⲁⲣ ⲛⲉⲕϣⲡⲏⲣⲉ ϩⲛ ⲛⲉⲧⲙⲟⲟⲩⲧ ⲏ ⲛⲥⲁⲉⲓⲛ ⲛⲉⲧⲛⲁⲧⲱⲟⲩⲛ

ⲛⲥⲉⲉⲝⲟⲙⲟⲗⲟⲅⲉⲓ ⲛⲁⲕ

12 ⲙⲏ ⲉⲩⲛⲁϫⲱ ⲙⲡⲉⲕⲛⲁ ϩⲛ ⲛⲧⲁⲫⲟⲥ ⲁⲩⲱ ⲧⲉⲕⲙⲉ ϩⲣⲁⲓ ϩⲙ ⲡⲧⲁⲕⲟ

13 ⲙⲏ ⲉⲩⲛⲁⲉⲓⲙⲉ ⲉⲛⲉⲕϣⲡⲏⲣⲉ ϩⲙ ⲡⲕⲁⲕⲉ ⲁⲩⲱ ⲧⲉⲕⲇⲓⲕⲁⲓⲟⲥⲩⲛⲏ ϩⲛ

ⲟⲩⲕⲁϩ ⲉⲁⲕⲣ ⲡⲉϥⲱⲃϣ












14 ⲁⲛⲟⲕ ⲇⲉ ⲁⲓϫⲓ ϣⲕⲁⲕ ⲉϩⲣⲁⲓ ⲉⲣⲟⲕ ⲡϫⲟⲉⲓⲥ ⲁⲩⲱ ⲡⲁϣⲗⲏⲗ ⲛⲁⲧⲁϩⲟⲕ

ⲙⲡⲛⲟⲩ ⲛϣⲱⲣⲡ

15 ⲉⲧⲃⲉ ⲟⲩ ⲡϫⲟⲉⲓⲥ ⲕⲛⲁⲕⲱ ⲛⲥⲱⲕ ⲛⲧⲁⲯⲩⲭⲏ ⲙⲡⲣⲕⲱⲧⲉ ⲙⲡⲉⲕϩⲟ


16 ϫⲉ ⲁⲛⲅ ⲟⲩϩⲏⲕⲉ ⲁⲛⲟⲕ ⲉⲓ ϩⲛ ϩⲉⲛϩⲓⲥⲉ ϫⲓⲛ ⲧⲁⲙⲛⲧⲕⲟⲩⲓ ⲛⲧⲉⲣⲓϫⲓⲥⲉ

ⲇⲉ ⲁⲓⲑⲃⲃⲓⲟ ⲁⲩⲱ ⲁⲓⲧⲱⲟⲩⲛ

17 ⲁⲛⲉⲕⲟⲣⲅⲏ ⲉⲓ ⲉϩⲣⲁⲓ ⲉϫⲱⲓ ⲁⲛⲉⲕϩⲟⲧⲉ ϣⲧⲣⲧⲱⲣⲧ

18 ⲁⲩⲕⲱⲧⲉ ⲉⲣⲟⲓ ⲛⲧϩⲉ ⲛⲛⲓⲙⲟⲟⲩ ⲁⲩⲁⲙⲁϩⲧⲉ ⲙⲙⲟⲓ ϩⲓ ⲟⲩⲥⲟⲡ


19 ⲁⲕⲧⲣⲉ ⲛⲁϣⲃⲉⲉⲣ ⲟⲩⲉ ⲙⲙⲟⲓ ⲁⲩⲱ ⲛⲉⲧⲥⲟⲟⲩⲛ ⲙⲙⲟⲓ ⲉⲃⲟⲗ ϩⲛ

ⲧⲁⲧⲁⲗⲁⲓⲡⲱⲣⲓⲁ

Psalm 88

1 ⲧⲙⲛⲧⲣⲙⲛϩⲏⲧ ⲛⲛⲁⲓⲑⲁⲛ ⲡⲓⲥⲣⲁⲏⲗⲓⲧⲏⲥ

2 ϯⲛⲁϫⲱ ⲛⲛⲁ ⲙⲡϫⲟⲉⲓⲥ ϣⲁ ⲉⲛⲉϩ ϣⲁ ⲟⲩϫⲱⲙ ⲙⲛ ⲟⲩϫⲱⲙ ϯⲛⲁϫⲱ

ⲛⲧⲉⲕⲙⲉ ϩⲛ ⲧⲁⲧⲁⲡⲣⲟ

3 ϫⲉ ⲁⲕϫⲟⲟⲥ ϫⲉ ⲥⲉⲛⲁⲕⲱⲧ ⲛⲟⲩⲛⲁ ϣⲁ ⲉⲛⲉϩ ⲥⲉⲛⲁⲥⲟⲃⲧⲉ ⲛⲧⲉⲕⲙⲉ ϩⲛ

ⲙⲡⲏⲩⲉ

4 ⲁⲓⲥⲙⲓⲛⲉ ⲛⲟⲩⲇⲓⲁⲑⲏⲕⲏ ⲙⲛ ⲛⲁⲥⲱⲧⲡ ⲁⲓⲱⲣⲕ ⲛⲇⲁⲩⲉⲓⲇ ⲡⲁϩⲙϩⲁⲗ

5 ϫⲉ ϯⲛⲁⲥⲟⲃⲧⲉ ⲙⲡⲉⲕⲥⲡⲉⲣⲙⲁ ϣⲁ ⲉⲛⲉϩ ϯⲛⲁⲕⲱⲧ ⲙⲡⲉⲕⲑⲣⲟⲛⲟⲥ ϫⲓⲛ

ⲟⲩϫⲱⲙ ϣⲁ ⲟⲩϫⲱⲙ ⲇⲓⲁⲯⲁⲗⲙⲁ












6 ⲙⲡⲏⲩⲉ ⲛⲁⲟⲩⲱⲛϩ ⲉⲃⲟⲗ ⲛⲛⲉⲕⲙⲟⲓϩⲉ ⲡϫⲟⲉⲓⲥ ⲡⲁⲓ ⲅⲁⲣ ⲧⲉⲕⲙⲉ ϩⲛ

ⲛⲉⲕⲕⲗⲏⲥⲓⲁ ⲛⲛⲉⲧⲟⲩⲁⲁⲃ

7 ϫⲉ ⲛⲓⲙ ϩⲛ ⲛⲉⲕⲗⲟⲟⲗⲉ ⲡⲉⲧⲛⲁϣⲱϣ ⲟⲩⲃⲉ ⲡϫⲟⲉⲓⲥ ⲁⲩⲱ ⲛⲓⲙ

ⲡⲉⲧⲛⲁϣⲓⲛⲉ ⲙⲡϫⲟⲉⲓⲥ ϩⲛ ⲛϣⲏⲣⲉ ⲙⲡⲛⲟⲩⲧⲉ

8 ⲡⲛⲟⲩⲧⲉ ⲉⲧϫⲓ ⲉⲟⲟⲩ ϩⲙ ⲡϣⲟϫⲛⲉ ⲛⲛⲉⲧⲟⲩⲁⲁⲃ ⲟⲩⲛⲟϭ ⲡⲉ ⲁⲩⲱ

ⲟⲩϩⲟⲧⲉ ⲡⲉ ⲉϫⲛ ⲟⲩⲟⲛ ⲛⲓⲙ ⲉⲧⲙⲡⲉϥⲕⲱⲧⲉ

9 ⲡϫⲟⲉⲓⲥ ⲡⲛⲟⲩⲧⲉ ⲛⲛϭⲟⲙ ⲛⲓⲙ ⲡⲉⲧⲛⲁϣⲓⲛⲉ ⲙⲙⲟⲕ ⲛⲧⲕ ⲟⲩϫⲱⲱⲣⲉ

ⲡϫⲟⲉⲓⲥ ⲉⲣⲉⲧⲉⲕⲙⲉ ⲕⲱⲧⲉ ⲉⲣⲟⲕ

10 ⲛⲧⲟⲕ ⲉⲧⲟ ⲛϫⲟⲉⲓⲥ ⲉϫⲙ ⲡⲁⲙⲁϩⲧⲉ ⲛⲑⲁⲗⲁⲥⲥⲁ ⲡⲕⲓⲙ ⲛⲛⲉⲥϩⲟⲉⲓⲙ

ⲛⲧⲟⲕ ⲉⲧⲧⲣⲉϥϭⲱ

11 ⲛⲧⲟⲕ ⲉⲛⲧⲁⲕⲑⲃⲃⲓⲉ ⲡϫⲁⲥⲓϩⲏⲧ ⲛⲧϩⲉ ⲛⲟⲩϩⲱⲧⲃ ϩⲙ ⲡⲉϭⲃⲟⲓ

ⲛⲧⲉⲗϭⲟⲙ ⲁⲕϫⲱⲱⲣⲉ ⲉⲃⲟⲗ ⲛⲛⲉⲕϫⲁϫⲉ

12 ⲛⲟⲩⲕ ⲛⲉ ⲙⲡⲏⲩⲉ ⲁⲩⲱ ⲡⲱⲕ ⲡⲉ ⲡⲕⲁϩ ⲛⲧⲟⲕ ⲉⲛⲧⲁⲕⲥⲙⲛⲥⲛⲧⲉ

ⲛⲧⲟⲓⲕⲟⲩⲙⲉⲛⲏ ⲙⲛ ⲡⲉⲥϫⲱⲕ ⲉⲃⲟⲗ

13 ⲛⲧⲟⲕ ⲉⲛⲧⲁⲕⲥⲛⲧ ⲡⲉⲙϩⲓⲧ ⲙⲛ ⲑⲁⲗⲁⲥⲥⲁ ⲑⲁⲃⲱⲣ ⲙⲛ ϩⲉⲣⲙⲱⲛⲓⲉⲓⲙ

ⲛⲁⲧⲉⲗⲏⲗ ϩⲙ ⲡⲉⲕⲣⲁⲛ

14 ⲡⲱⲕ ⲡⲉ ⲡⲉϭⲃⲟⲓ ⲙⲛ ⲧϭⲟⲙ ⲙⲁⲣⲉⲧⲉⲕϭⲓϫ ⲧⲁϫⲣⲟ ⲛⲥϫⲓⲥⲉ ⲛϭⲓ

ⲧⲉⲕⲟⲩⲛⲁⲙ

15 ⲧⲁⲓⲇⲓⲕⲁⲓⲟⲥⲩⲛⲏ ⲙⲛ ⲡϩⲁⲡ ⲡⲉ ⲡⲥⲟⲃⲧⲉ ⲙⲡⲉⲕⲑⲣⲟⲛⲟⲥ ⲟⲩⲛⲁ ⲙⲛ

ⲟⲩⲙⲉ ⲛⲉⲧⲛⲁⲙⲟⲟϣⲉ ϩⲁ ⲧⲉⲕϩⲏ











16 ⲛⲁⲓⲁⲧϥ ⲙⲡⲗⲁⲟⲥ ⲉⲧⲥⲟⲟⲩⲛ ⲛⲟⲩⲗⲟⲩⲗⲁⲓ ⲡϫⲟⲉⲓⲥ ⲥⲉⲛⲁⲙⲟⲟϣⲉ ϩⲙ

ⲡⲟⲩⲟⲉⲓⲛ ⲙⲡⲉⲕϩⲟ

17 ⲁⲩⲱ ⲥⲉⲛⲁⲧⲉⲗⲏⲗ ϩⲙ ⲡⲉⲕⲣⲁⲛ ⲙⲡⲉϩⲟⲟⲩ ⲧⲏⲣϥ ⲁⲩⲱ ⲥⲉⲛⲁϫⲓⲥⲉ ϩⲛ


18 ϫⲉ ⲛⲧⲟⲕ ⲡⲉ ⲡϣⲟⲩϣⲟⲩ ⲛⲧⲉⲩϭⲟⲙ ⲡⲉⲛⲧⲁⲡ ⲛⲁϫⲓⲥⲉ ϩⲛ

ⲧⲉⲕⲇⲓⲁⲕⲓⲟⲥⲩⲛⲏ

19 ϫⲉ ⲡⲉⲛⲣⲉϥϣⲟⲡⲛ ⲉⲣⲟϥ ⲡⲉ ⲡϫⲟⲉⲓⲥ ⲡⲉⲧⲟⲩⲁⲁⲃ ⲙⲡⲓⲥⲣⲁⲏⲗ ⲡⲉ

ⲡⲉⲛⲣⲣⲟ

20 ⲧⲟⲧⲉ ⲁⲕϣⲁϫⲉ ϩⲛ ⲟⲩϩⲟⲣⲁⲥⲓⲥ ⲙⲛ ⲛⲉⲛϣⲏⲣⲉ ⲁⲕϫⲟⲟⲥ ϫⲉ ⲁⲓⲕⲱ

ⲛⲟⲩⲃⲟⲏⲑⲓⲁ ⲉϫⲛ ⲟⲩϫⲱⲱⲣⲉ ⲁⲓϫⲓⲥⲉ ⲛⲟⲩⲥⲱⲧⲡ ⲉⲃⲟⲗ ϩⲙ ⲡⲁⲗⲁⲟⲥ

21 ⲁⲓϭⲓⲛⲉ ⲛⲇⲁⲩⲉⲓⲇ ⲡⲁϩⲙϩⲁⲗ ⲁⲓⲧⲱϩⲥ ⲙⲙⲟϥ ⲙⲡⲁⲛⲉϩ ⲉⲧⲟⲩⲁⲁⲃ

22 ⲧⲁϭⲓϫ ⲧⲉⲧⲛⲁϯⲧⲟⲟⲧϥ ⲁⲩⲱ ⲛⲁϭⲃⲟⲓ ⲛⲁϯϭⲟⲙ ⲛⲁϥ

23 ⲙⲡϫⲁϫⲉ ⲛⲁϯϩⲏⲩ ⲁⲛ ⲛϩⲏⲧϥ ⲁⲩⲱ ⲙⲡϣⲏⲣⲉ ⲛⲧⲁⲛⲟⲙⲓⲁ ⲛⲁⲑⲙⲕⲟϥ

ⲁⲛ

24 ϯⲛⲁⲣⲱϩⲧ ⲛⲛⲉϥϫⲓϫⲉⲉⲩ ϩⲁ ⲧⲉϥϩⲏ ⲁⲩⲱ ϯⲛⲁⲟⲩⲱⲗⲥ ⲛⲛⲉⲧⲙⲟⲥⲧⲉ

ⲙⲙⲟϥ

25 ⲧⲁⲙⲉ ⲙⲛ ⲡⲁⲛⲁ ⲛⲙⲙⲁϥ ⲁⲩⲱ ⲡⲉϥⲧⲁⲡ ⲛⲁϫⲓⲥⲉ ϩⲙ ⲡⲁⲣⲁⲛ

26 ϯⲛⲁⲕⲱ ⲛⲧⲉϥϭⲓϫ ϩⲛ ⲑⲁⲗⲁⲥⲥⲁ ⲁⲩⲱ ⲧⲉϥⲟⲩⲛⲁⲙ ϩⲛ ⲛⲉⲓⲉⲣⲱⲟⲩ

27 ⲛⲧⲟϥ ϥⲛⲁⲙⲟⲩⲧⲉ ⲉⲣⲟⲓ ϫⲉ ⲛⲧⲟⲕ ⲡⲉ ⲡⲁⲉⲓⲱⲧ ⲡⲁⲛⲟⲩⲧⲉ ⲡⲉ

ⲡⲣⲉϥϣⲱⲡ ⲉⲣⲟϥ ⲙⲡⲁⲟⲩϫⲁⲓ













28 ⲁⲛⲟⲕ ⲇⲉ ϯⲛⲁⲕⲁⲁϥ ⲛϣⲣⲡ ⲙⲙⲓⲥⲉ ⲉϥϫⲟⲥⲉ ⲡⲁⲣⲁ ⲛⲉⲣⲱⲟⲩ ⲧⲏⲣⲟⲩ

ⲙⲡⲕⲁϩ

29 ϯⲛⲁϩⲁⲣⲉϩ ⲛⲁϥ ⲉⲡⲁⲛⲁ ϣⲁ ⲉⲛⲉϩ ⲁⲩⲱ ⲧⲁⲇⲓⲁⲑⲏⲕⲏ ⲛϩⲟⲧ ⲛⲁϥ

30 ϯⲛⲁⲕⲱ ⲙⲡⲉϥⲥⲡⲉⲣⲙⲁ ϣⲁ ⲉⲛⲉϩ ⲛⲉⲛⲉϩ ⲁⲩⲱ ⲡⲉϥⲑⲣⲟⲛⲟⲥ ⲛⲧϩⲉ

ⲛⲛⲉϩⲟⲟⲩ ⲛⲧⲡⲉ

31 ⲉⲣϣⲁⲛⲛⲉϥϣⲏⲣⲉ ⲕⲱ ⲛⲥⲱⲟⲩ ⲙⲡⲁⲛⲟⲙⲟⲥ ⲛⲥⲉⲧⲙⲃⲱⲕ ϩⲛ ⲛⲁϩⲁⲡ

32 ⲉⲩϣⲁⲛⲥⲱϣϥ ⲛⲛⲁⲇⲓⲕⲁⲓⲱⲙⲁ ⲛⲥⲉⲧⲙϩⲁⲣⲉϩ ⲉⲛⲁⲉⲛⲧⲟⲗⲏ

33 ϯⲛⲁϭⲙ ⲡϣⲓⲛⲉ ⲛⲛⲉⲩⲁⲛⲟⲙⲓⲁ ϩⲛ ⲟⲩϭⲉⲣⲱⲃ ⲁⲩⲱ ⲛⲉⲩⲛⲟⲃⲉ ϩⲛ

ϩⲉⲛⲙⲁⲥⲧⲓⲝ

34 ⲡⲁⲛⲁ ⲇⲉ ⲛⲛⲁⲥⲁϩⲱϥ ⲉⲃⲟⲗ ⲙⲙⲟⲟⲩ ⲟⲩⲇⲉ ⲛⲛⲁⲁⲑⲉⲧⲉⲓ ϩⲛ ⲧⲁⲙⲉ

35 ⲟⲩⲇⲉ ⲛⲛⲁϫⲱϩⲙ ⲛⲧⲁⲇⲓⲁⲑⲏⲕⲏ ⲁⲩⲱ ⲛⲛⲁⲁⲑⲉⲧⲉⲓ ⲛⲛⲉⲛⲧⲁⲩⲉⲓ

ⲉⲃⲟⲗ ϩⲛ ⲛⲁⲥⲡⲟⲧⲟⲩ

36 ⲁⲓⲱⲣⲕ ⲛⲟⲩⲥⲟⲡ ϩⲙ ⲡⲁⲡⲉⲧⲟⲩⲁⲁⲃ ϫⲉ ⲛⲛⲁϫⲓ ϭⲟⲗ ⲉⲇⲁⲩⲉⲓⲇ

37 ⲡⲉϥⲥⲡⲉⲣⲙⲁ ⲛⲁϣⲱⲡⲉ ϣⲁ ⲉⲛⲉϩ ⲁⲩⲱ ⲡⲉϥⲑⲣⲟⲛⲟⲥ ⲛⲧϩⲉ ⲙⲡⲣⲏ

ⲙⲡⲁⲙⲧⲟ ⲉⲃⲟⲗ

38 ⲛⲧϩⲉ ⲙⲡⲟⲟϩ ⲉⲧⲥⲃⲧⲱⲧ ϣⲁ ⲉⲛⲉϩ ⲉⲣⲉⲡⲙⲛⲧⲣⲉ ⲉⲧⲛϩⲟⲧ ϩⲛ ⲧⲡⲉ


39 ⲛⲧⲟⲕ ⲇⲉ ⲁⲕⲥⲱϣϥ ⲁⲕⲧⲁⲩⲟ ⲉϩⲣⲁⲓ ⲙⲡⲉⲕⲭⲣⲏⲥⲧⲟⲥ ⲁⲕⲕⲁⲁϥ ⲛⲥⲱⲕ

ⲡϫⲟⲉⲓⲥ

40 ⲁⲕϣⲟⲣϣⲣ ⲛⲧⲇⲓⲁⲑⲏⲕⲏ ⲙⲡⲉⲕϩⲙϩⲁⲗ ⲁⲕⲃⲱⲧⲉ ⲙⲡⲉϥⲧⲃⲃⲟ ⲉϩⲣⲁⲓ














ⲉⲡⲕⲁϩ

41 ⲁⲕⲧⲁⲩⲟ ⲉϩⲣⲁⲓ ⲛⲛⲉϥϫⲟ ⲧⲏⲣⲟⲩ ⲁⲕⲕⲱ ⲛⲛⲉϥⲙⲁ ⲉⲧϫⲟⲥⲉ ⲉⲩϩⲟⲧⲉ

42 ⲁⲩⲧⲱⲣⲡ ⲙⲙⲟϥ ⲛϭⲓ ⲟⲩⲟⲛ ⲛⲓⲙ ⲉⲧⲙⲟⲟϣⲉ ϩⲓ ⲧϩⲓⲏ ⲁϥϣⲱⲡⲉ

ⲛⲛⲟϭⲛⲉϭ ⲛⲛⲉⲧϩⲏⲛ ⲉⲣⲟϥ

43 ⲁⲕϫⲓⲥⲉ ⲧⲟⲩⲛⲁⲙ ⲛⲛⲉϥϫⲁϫⲉ ⲁⲕⲉⲩⲫⲣⲁⲛⲉ ⲛⲛⲉϥϫⲁϫⲉ ⲧⲏⲣⲟⲩ ⲉϩⲣⲁⲓ

ⲉϫⲱϥ

44 ⲁⲕⲕⲧⲟ ⲉⲃⲟⲗ ⲛⲧⲃⲟⲏⲑⲓⲁ ⲛⲧⲉϥⲥⲏϥⲉ ⲙⲡⲕϣⲟⲡϥ ⲉⲣⲟⲕ ϩⲙ ⲡⲡⲟⲗⲉⲙⲟⲥ

45 ⲁⲕⲃⲟⲗϥ ⲉⲃⲟⲗ ϩⲙ ⲡⲧⲃⲃⲟ ⲁⲕⲣⲱϩⲧ ⲙⲡⲉϥⲑⲣⲟⲛⲟⲥ ⲉϫⲙ ⲡⲕⲁϩ

46 ⲁⲕⲧⲥⲃⲕⲉ ⲛⲉϩⲟⲟⲩ ⲙⲡⲉϥⲑⲣⲟⲛⲟⲥ ⲁⲕⲡⲱϩⲧ ⲛⲟⲩϣⲓⲡⲉ ⲉϩⲣⲁⲓ ⲉϫⲱϥ


47 ϣⲁ ⲧⲛⲁⲩ ⲡϫⲟⲉⲓⲥ ⲕⲛⲁⲕⲟⲧⲕ ⲉⲃⲟⲗ ϣⲁⲃⲟⲗ ⲧⲉⲕⲟⲣⲅⲏ ⲛⲁⲙⲟⲩϩ

ⲛⲧϩⲉ ⲛⲟⲩⲕⲱϩⲧ

48 ⲁⲣⲓ ⲡⲙⲉⲉⲩⲉ ϫⲉ ⲛⲓⲙ ⲧⲉ ⲧⲁϩⲩⲡⲟⲥⲧⲁⲥⲓⲥ ⲙⲏ ⲅⲁⲣ ⲉⲡϫⲓⲛϫⲏ ⲁⲕⲥⲛⲧ

ⲛϣⲏⲣⲉ ⲧⲏⲣⲟⲩ ⲛⲛⲣⲱⲙⲉ

49 ⲛⲓⲙ ⲡⲉ ⲡⲣⲱⲙⲉ ⲉⲧⲛⲁⲱⲛϩ ⲛϥⲧⲙⲛⲁⲩ ⲉⲡⲙⲟⲩ ⲉⲧⲟⲩϫⲉ ⲧⲉϥⲯⲩⲭⲏ

ⲉⲃⲟⲗ ϩⲛ ⲧϭⲓϫ ⲛⲁⲙⲛⲧⲉ ⲇⲓⲁⲯⲁⲗⲙⲁ

50 ⲉⲩⲧⲱⲛ ⲛⲉⲕⲛⲁ ⲡϫⲟⲉⲓⲥ ⲛⲁⲣⲭⲁⲓⲟⲛ ⲛⲉⲛⲧⲁⲕⲱⲣⲕ ⲙⲙⲟⲟⲩ ⲛⲇⲁⲩⲉⲓⲇ

ϩⲛ ⲧⲉⲕⲙⲉ

51 ⲁⲣⲓⲡⲙⲉⲉⲩⲉ ⲡϫⲟⲉⲓⲥ ⲙⲡⲛⲟϭⲛⲉϭ ⲛⲛⲉⲕϩⲙϩⲁⲗ ϫⲉ ⲁⲕϣⲡⲧⲟⲟⲧ

ⲛⲟⲩⲙⲏⲏϣⲉ ⲛϩⲉⲑⲛⲟⲥ ϩⲛ ⲕⲟⲩⲟⲩⲛⲧ












52 ⲛⲁⲓ ⲉⲛⲧⲁ ⲛⲉⲕϫⲓϫⲉⲉⲩ ⲛⲉϭⲛⲟⲩϭⲟⲩ ⲡϫⲟⲉⲓⲥ ⲡⲉⲛⲧⲁⲩⲛⲟϭⲛⲉϭ ⲛϩⲏⲧϥ

ⲛⲧϣⲃⲉⲓⲱ ⲙⲡⲉⲕⲭⲣⲏⲥⲧⲟⲥ

53 ϥⲥⲙⲁⲙⲁⲁⲧ ⲡϫⲟⲉⲓⲥ ϣⲁ ⲉⲛⲉϩ ⲉϥⲉϣⲱⲡⲉ ⲉϥⲉϣⲱⲡⲉ

Psalm 89

1 ⲡⲉϣⲗⲏⲗ ⲙⲙⲱⲩⲥⲏⲥ ⲡⲣⲱⲙⲉ ⲙⲡⲛⲟⲩⲧⲉ ⲡϫⲟⲉⲓⲥ ⲁⲕϣⲱⲡⲉ ⲛⲁⲛ ⲙⲙⲁ

ⲙⲡⲱⲧ ϩⲛ ⲟⲩϫⲱⲙ ⲙⲛ ⲟⲩϫⲱⲙ

2 ⲉⲙⲡⲁⲧⲕⲧⲁϫⲣⲉ ⲛⲧⲟⲟⲩ ⲁⲩⲱ ⲛⲅⲡⲗⲁⲥⲥⲉ ⲙⲡⲕⲁϩ ⲙⲛⲧⲟⲓⲕⲟⲩⲙⲉⲛⲏ

ⲁⲩⲱ ϫⲓⲛ ⲉⲛⲉϩ ϣⲁ ⲉⲛⲉϩ ⲛⲧⲟⲕ ⲡⲉ

3 ⲙⲡⲣⲕⲧⲉ ⲡⲣⲱⲙⲉ ⲉⲩⲑⲃⲃⲓⲟ ⲁⲩⲱ ⲁⲕϫⲟⲟⲥ ϫⲉ ⲕⲉⲧⲧⲏⲩⲧⲛ ⲛϣⲏⲣⲉ

ⲛⲛⲣⲱⲙⲉ

4 ϫⲉ ϣⲟ ⲛⲣⲱⲙⲡⲉ ⲛⲛⲁϩⲣⲁⲕ ⲉⲩⲟ ⲛⲧϩⲉ ⲛⲟⲩϩⲟⲟⲩ ⲛⲟⲩⲱⲧ ⲛⲧϩⲉ ⲛⲥⲁϥ

ⲉⲛⲧⲁϥⲟⲩⲉⲓⲛⲉ ⲙⲛ ⲟⲩⲟⲩⲣϣⲉ ⲛⲧⲉⲩϣⲏ

5 ⲛⲉⲩⲣⲟⲙⲡⲉ ⲛⲁϣⲱⲡⲉ ⲛⲁⲩ ⲛⲥⲱϣϥ ⲥⲉⲛⲁⲥⲓⲛⲉ ⲉϩⲧⲟⲟⲩⲉ ⲛⲧϩⲉ

ⲛⲟⲩⲟⲩⲟⲧⲟⲩⲉⲧ

6 ⲥⲉⲛⲁϯⲟⲩⲱ ⲉϩⲧⲟⲟⲩⲉ ⲛⲥⲉⲥⲓⲛⲉ ⲛⲥⲉϩⲉ ⲙⲡⲛⲁⲩ ⲛⲣⲟⲩϩⲉ ⲛⲥⲉ ⲛϣⲟⲧ

ⲛⲥⲉϣⲟⲟⲩⲉ

7 ϫⲉ ⲁⲛⲱϫⲛ ϩⲛ ⲧⲉⲕⲟⲣⲅⲏ ⲁⲩⲱ ⲁⲛϣⲧⲟⲣⲧⲣ ϩⲙ ⲡⲉⲕϭⲱⲛⲧ

8 ⲁⲕⲕⲁ ⲛⲉⲛⲁⲛⲟⲙⲓⲁ ⲙⲡⲉⲕⲙⲧⲟ ⲉⲃⲟⲗ ⲁⲩⲱ ⲡⲉⲛⲟⲩⲉⲓϣ ⲙⲡⲉⲙⲧⲟ

ⲉⲃⲟⲗ ⲙⲡⲉⲕϩⲟ

9 ϫⲉ ⲁⲛⲉⲛϩⲟⲟⲩ ⲧⲏⲣⲟⲩ ⲱϫⲛ ⲁⲛⲱϫⲛ ϩⲛ ⲧⲉⲕⲟⲣⲅⲏ ⲁⲩⲙⲉⲗⲉⲧⲁ












ⲛⲛⲉⲛⲣⲙⲡⲟⲟⲩⲉ ⲛⲧϩⲉ ⲛⲛⲓϩⲁⲗⲟⲩⲥ

10 ⲛⲉϩⲟⲟⲩ ⲛⲛⲣⲙⲡⲟⲟⲩⲉ ⲉⲧⲛⲛϩⲏⲧⲟⲩ ϣϥⲉ ⲛⲣⲟⲙⲡⲉ ⲛⲉ ⲉϣⲱⲡⲉ ⲇⲉ

ⲉⲩϣⲁⲛⲣ ϩⲟⲩⲟ ϩⲙⲉⲛⲉ ⲡⲉϩⲟⲩⲟ ⲇⲉ ⲛⲛⲁⲓϩⲓⲥⲉ ⲡⲉ ϩⲓ ⲙⲕⲁϩ ϫⲉ

ⲁⲩⲙⲛⲧⲣⲙⲣⲁϣ ⲉⲓ ⲉϩⲣⲁⲓ ⲉϫⲱⲛ ⲁⲩⲱ ⲧⲛⲛⲁϫⲓ ⲥⲃⲱ

11 ⲛⲓⲙ ⲡⲉⲧⲥⲟⲟⲩⲛ ⲙⲡⲁⲙⲁϩⲧⲉ ⲛⲧⲉⲕⲟⲣⲅⲏ ⲁⲩⲱ ⲧϩⲟⲧⲉ ⲙⲡⲉⲕϭⲱⲛⲧ

ⲉⲱⲡ ⲛⲧⲉⲕⲟⲩⲛⲁⲙ

12 ⲟⲩⲱⲛϩ ⲉⲃⲟⲗ ⲛⲧⲉⲓϩⲉ ⲛⲛⲉⲧⲧⲥⲁⲃⲏⲩⲧ ⲉⲩⲥⲟⲫⲓⲁ ϩⲙ ⲡⲉⲩϩⲏⲧ

13 ⲕⲟⲧⲕ ⲡϫⲟⲉⲓⲥ ϣⲁ ⲧⲛⲁⲩ ⲛⲥⲉⲥⲉⲡⲥⲱⲡⲕ ⲉϫⲛ ⲛⲉⲕϩⲙϩⲁⲗ

14 ϫⲉ ⲁⲛⲙⲟⲩϩ ⲉⲃⲟⲗ ⲙⲡⲉⲕⲛⲁ ⲙⲡⲛⲟⲩ ⲛϣⲱⲣⲡ ⲛⲛⲉⲛϩⲟⲟⲩ ⲧⲏⲣⲟⲩ

ⲁⲩⲱ ⲁⲛⲧⲉⲗⲏⲗ ⲁⲛⲟⲩⲛⲟϥ

15 ⲉⲡⲙⲁ ⲛⲛⲉϩⲟⲟⲩ ⲉⲛⲧⲁⲕⲑⲃⲃⲓⲟⲛ ⲛⲣⲙⲡⲟⲟⲩⲉ ⲉⲛⲧⲁⲩⲛⲁⲩ ⲛϩⲏⲧⲟⲩ


16 ⲛⲅϭⲱϣⲧ ⲉϩⲣⲁⲓ ⲉϫⲛ ⲛⲉⲕϩⲙϩⲁⲗ ⲙⲛ ⲛⲉⲕϩⲃⲏⲩⲉ ⲛⲅϫⲓ ⲙⲟⲉⲓⲧ

ϩⲏⲧⲟⲩ ⲛⲛⲉⲩϣⲏⲣⲉ

17 ⲙⲁⲣⲉⲡⲟⲩⲉⲓⲛ ⲙⲡϫⲟⲉⲓⲥ ⲡⲉⲛⲛⲟⲩⲧⲉ ϣⲱⲡⲉ ⲉϩⲣⲁⲓ ⲉϫⲱⲛ ⲕⲁⲧⲁ

ⲛⲉϩⲃⲏⲩⲉ ⲛⲛⲉⲛϭⲓϫ ⲉⲕⲉⲥⲟⲩⲧⲱⲛⲛ ⲉⲣϣⲁⲛⲧⲉⲧⲛⲕⲉⲧ ⲧⲏⲩⲧⲛ ϩⲛ

ⲧⲡⲓⲥⲧⲓⲥ ϩⲙ ⲡⲟⲩⲟⲉⲓϣ ⲧⲏⲣϥ ⲉⲧⲉⲧⲛϩⲙ ⲡϫⲱⲱⲣⲉ ⲉⲃⲟⲗ

ⲧⲉⲧⲛⲁϣⲱⲡⲉ ⲁϫⲙ ⲡⲉⲧϩⲟⲟⲩ

Psalm 90

1 ⲡⲉⲥⲙⲟⲩ ⲛⲧⲱⲇⲏ ⲛⲇⲁⲩⲉⲓⲇ ⲡⲉⲧⲟⲩⲏϩ ϩⲛ ⲧⲃⲟⲏⲑⲓⲁ ⲙⲡⲉⲧϫⲟⲥⲉ










ϥⲛⲁϣⲱⲡⲉ ϩⲛ ⲧϩⲁⲓⲃⲉⲥ ⲙⲡⲛⲟⲩⲧⲉ ⲛⲧⲡⲉ

2 ϥⲛⲁϫⲟⲟⲥ ⲙⲡϫⲟⲟⲉⲓⲥ ϫⲉ ⲛⲧⲕ ⲡⲁⲣⲉϥϣⲟⲡⲧ ⲉⲣⲟϥ ⲁⲩⲱ ⲡⲁⲙⲁ ⲙⲡⲱⲧ

ⲡⲁⲛⲟⲩⲧⲉ ⲉⲓⲛⲁⲛⲁϩⲧⲉ ⲉⲣⲟϥ

3 ϫⲉ ⲛⲧⲟⲕ ⲡⲉⲧⲛⲁⲧⲟⲩϫⲟⲓ ⲉⲧϭⲟⲣϭⲥ ⲛⲛϭⲉⲣⲏϭ ⲁⲩⲱ ⲉⲩϣⲁϫⲉ

ⲉϥⲛⲁϣⲧ

4 ϥⲛⲁⲣ ϩⲁⲓⲃⲉⲥ ⲉⲣⲟⲕ ϩⲁ ⲧⲉϥⲙⲉⲥⲧϩⲏⲧ ⲁⲩⲱ ⲕⲛⲁⲛⲁϩⲧⲉ ϩⲁ

ⲛⲉϥⲧⲛϩ ⲧⲉϥⲙⲉ ⲛⲁⲕⲱⲧⲉ ⲉⲣⲟⲕ ⲛⲧϩⲉ ⲛⲛⲉⲓϩⲟⲡⲗⲟⲛ

5 ⲛⲅⲛⲁⲣ ϩⲟⲧⲉ ⲁⲛ ⲉⲩϩⲟⲧⲉ ⲛϭⲱⲣϩ ⲁⲩⲱ ϩⲏⲧϥ ⲛⲟⲩⲥⲟⲧⲉ ⲉϥϩⲏⲗ

ⲙⲡⲉϩⲟⲟⲩ

6 ϩⲏⲧϥ ⲛⲟⲩϩⲱⲃ ⲉϥⲙⲟⲟϣⲉ ϩⲙ ⲡⲕⲁⲕⲉ ⲉⲃⲟⲗ ϩⲛ ⲟⲩϩⲧⲟⲡ ⲙⲛ

ⲟⲩⲇⲁⲓⲙⲟⲛⲓⲟⲛ ⲙⲡⲛⲁⲩ ⲙⲙⲉⲉⲩⲉ

7 ⲟⲩⲛ ϣⲟ ⲛⲁϩⲉ ϩⲓ ϩⲃⲟⲩⲣ ⲙⲙⲟⲕ ⲁⲩⲱ ⲟⲩⲧⲃⲁ ϩⲓ ⲟⲩⲛⲁⲙ ⲙⲙⲟⲕ

ⲛⲥⲉⲛⲁϩⲱⲛ ⲇⲉ ⲉⲣⲟⲕ ⲁⲛ

8 ⲡⲗⲏⲛ ⲕⲛⲁⲙⲉϩ ⲉⲓⲁⲧⲕ ⲙⲙⲟⲟⲩ ⲛⲅⲛⲁⲩ ⲉⲡⲧⲱⲱⲃⲉ ⲛⲛⲣⲉϥⲣⲛⲟⲃⲉ

9 ϫⲉ ⲛⲧⲟⲕ ⲡϫⲟⲉⲓⲥ ⲡⲉ ⲧⲁϩⲉⲗⲡⲓⲥ ⲁⲕⲕⲱ ⲛⲁⲕ ⲙⲡⲉⲧϫⲟⲥⲉ ⲙⲙⲁ ⲛⲡⲱⲧ

10 ⲙⲙⲛ ⲡⲉⲧϩⲟⲟⲩ ⲛⲁϩⲱⲛ ⲉⲣⲟⲕ ⲙⲙⲛ ⲙⲁⲥⲧⲓⲝ ⲛⲁϩⲱⲛ ⲉϩⲟⲩⲛ

ⲉⲡⲉⲕⲙⲁ ⲛϣⲱⲡⲉ

11 ϫⲉ ϥⲛⲁϩⲱⲛ ⲉⲧⲟⲟⲧⲟⲩ ⲛⲛⲉϥⲁⲅⲅⲉⲗⲟⲥ ⲉⲧⲃⲏⲏⲧⲕ ⲉⲧⲣⲉⲩϩⲁⲣⲉϩ ⲉⲣⲟⲕ

ϩⲛ ⲛⲉⲕϩⲓⲟⲟⲩⲉ ⲧⲏⲣⲟⲩ

12 ⲛⲥⲉϥⲓⲧⲕ ⲉϫⲛ ⲛⲉⲩϭⲓϫ ⲙⲏⲡⲟⲧⲉ ⲛⲅϫⲱⲣⲡ ⲛⲧⲉⲕⲟⲩⲉⲣⲏⲧⲉ ⲉⲩⲱⲛⲉ












13 ⲕⲛⲁⲧⲁⲗⲉ ⲉϩⲣⲁⲓ ⲉϫⲛ ⲟⲩϩⲟϥ ⲙⲛ ⲟⲩⲥⲓⲧ ⲛⲅϩⲱⲙ ⲟⲩⲙⲟⲩⲓ ⲙⲛ

ⲟⲩⲇⲣⲁⲕⲟⲛ

14 ϫⲉ ⲁϥⲛⲁϩⲧⲉ ⲉⲣⲟⲓ ϯⲛⲁⲧⲟⲩϫⲟϥ ϯⲛⲁⲣ ϩⲁⲓⲃⲉⲥ ⲉⲣⲟϥ ϫⲉ ⲁϥⲥⲟⲩⲛ

ⲡⲁⲣⲁⲛ

15 ϥⲛⲁⲱϣ ⲉϩⲣⲁⲓ ⲉⲣⲟⲓ ⲁⲩⲱ ⲁⲛⲟⲕ ϯⲛⲁⲥⲱⲧⲙ ⲉⲣⲟϥ ϯⲛⲙⲙⲁϥ ϩⲛ

ⲧⲉϥⲑⲗⲓⲯⲓⲥ ⲁⲩⲱ ϯⲛⲁⲧⲟⲩϫⲟϥ ⲛⲧⲁϯ ⲉⲟⲟⲩ ⲛⲁϥ

16 ϯⲛⲁⲧⲁϣⲟϥ ⲛⲟⲩⲙⲏⲏϣⲉ ⲛϩⲟⲟⲩ ⲧⲁⲧⲥⲁⲃⲟϥ ⲉⲡⲁⲟⲩϫⲁⲓ

Psalm 91

1 ⲡⲉⲯⲁⲗⲙⲟⲥ ⲛⲧⲱⲇⲏ ⲙⲡⲉϩⲟⲟⲩ ⲙⲡⲥⲁⲃⲃⲁⲧⲟⲛ

2 ⲟⲩⲁⲅⲁⲑⲟⲛ ⲡⲉ ⲟⲩⲱⲛϩ ⲉⲃⲟⲗ ⲙⲡϫⲟⲉⲓⲥ ⲉⲯⲁⲗⲗⲉⲓ ⲉⲡⲉⲕⲣⲁⲛ


3 ⲉϫⲱ ⲙⲡⲉⲕⲛⲁ ⲙⲡⲛⲁⲩ ⲛϣⲱⲣⲡ ⲁⲩⲱ ⲧⲉⲕⲙⲉ ⲕⲁⲧⲁ ⲟⲩϣⲏ

4 ϩⲛ ⲟⲩⲯⲁⲗⲧⲏⲣⲓⲟⲛ ⲙⲙⲏⲧ ⲛⲕⲁⲡ ⲙⲛ ⲟⲩⲟⲩⲗⲗⲉ ⲛⲕⲓⲑⲁⲣⲁ

5 ϫⲉ ⲁⲕⲉⲩⲫⲣⲁⲛⲉ ⲙⲙⲟⲓ ⲡϫⲟⲉⲓⲥ ϩⲙ ⲡⲉⲕⲧⲁⲙⲓⲟ ⲁⲩⲱ ϯⲛⲁⲧⲉⲗⲏⲗ ϩⲛ

ⲛⲉϩⲃⲏⲩⲉ ⲛⲛⲉⲕϭⲓϫ

6 ⲛⲧϩⲉ ⲉⲛⲧⲁⲩⲁⲓⲁⲓ ⲛϭⲓ ⲛⲉⲕϩⲃⲏⲩⲉ ⲡϫⲟⲉⲓⲥ ⲁⲛⲉⲕⲙⲉⲉⲩⲉ ⲁϣⲁⲓ ⲉⲙⲁⲧⲉ

7 ⲙⲙⲛ ⲟⲩⲣⲱⲙⲉ ⲛⲁⲧϩⲏⲧ ⲛⲁⲉⲓⲙⲉ ⲉⲣⲟⲟⲩ ⲁⲩⲱ ⲛϥⲛⲁⲥⲟⲩⲱⲛⲟⲩ ⲁⲛ

ⲛϭⲓ ⲡⲉⲧⲉ ⲛⲟⲩⲥⲁⲃⲉ ⲁⲛ ⲡⲉ

8 ϩⲙ ⲡⲧⲣⲉ ⲛⲣⲉϥⲣⲛⲟⲃⲉ ϯⲟⲩⲱ ⲛⲧϩⲉ ⲛⲟⲩⲭⲟⲣⲧⲟⲥ ⲁⲩⲱ ⲁⲩⲣⲓⲕⲉ

ⲧⲏⲣⲟⲩ ⲛϭⲓ ⲛⲉⲧⲣ ϩⲱⲃ ⲉⲧⲁⲛⲟⲙⲓⲁ ϫⲉ ⲉⲩⲉϥⲟⲧⲟⲩ ⲉⲃⲟⲗ ϣⲁ ⲉⲛⲉϩ













ⲛⲉⲛⲉϩ

9 ⲛⲧⲟⲕ ⲇⲉ ⲡϫⲟⲉⲓⲥ ⲕϫⲟⲥⲉ ϣⲁ ⲉⲛⲉϩ

10 ϫⲉ ⲉⲓⲥ ⲛⲉⲕϫⲓϫⲉ ⲉⲩⲥⲉⲛⲁⲧⲁⲕⲟ ⲛⲥⲉϫⲱⲱⲣⲉ ⲉⲃⲟⲗ ⲛϭⲓ ⲟⲩⲟⲛ ⲛⲓⲙ ⲉⲧⲣ

ϩⲱⲃ ⲉⲧⲁⲛⲟⲙⲓⲁ

11 ⲛⲧⲉ ⲡⲁⲧⲁⲡ ⲛⲟⲩⲱⲧ ⲁⲩⲱ ⲧⲁⲙⲛⲧϩⲗⲗⲟ ϩⲛ ⲟⲩⲛⲉϩ ⲉϥⲕⲓⲱⲟⲩ

12 ⲁⲩⲱ ⲁⲡⲁⲃⲁⲗ ⲙⲉϩ ⲉⲓⲁⲧϥ ⲛⲛⲁϫⲁϫⲉ ⲁⲩⲱ ⲡⲁⲙⲁⲁϫⲉ ⲛⲁⲥⲱⲧⲙ

ϩⲁ ⲛⲉⲧⲧⲱⲟⲩⲛ ⲉϩⲣⲁⲓ ⲉϫⲱⲓ ⲁⲩⲱ ⲉⲧⲣⲡⲉⲧϩⲟⲟⲩ

13 ⲡⲇⲓⲕⲁⲓⲟⲥ ⲛⲁϫⲓⲥⲉ ⲛⲧϩⲉ ⲛⲟⲩⲃⲛⲛⲉ ⲁⲩⲱ ϥⲛⲁⲟⲩⲱϣⲥ ⲉⲃⲟⲗ ⲛⲧϩⲉ

ⲛⲧⲕⲉⲇⲣⲟⲥ ⲉⲧϩⲙ ⲡⲗⲓⲃⲁⲛⲟⲥ

14 ⲉⲩⲧⲏϭ ϩⲙ ⲡⲏⲓ ⲙⲡⲛⲟⲩⲧⲉ ⲥⲉⲛⲁϯⲟⲩⲱ ϩⲛ ⲛⲁⲩⲗⲏ ⲙⲡⲉⲛⲛⲟⲩⲧⲉ

15 ⲧⲟⲧⲉ ⲥⲉⲛⲁⲁϣⲁⲓ ϩⲛ ⲟⲩⲙⲛⲧϩⲗⲗⲟ ⲉⲥⲕⲓⲱⲟⲩ ⲛⲥⲉϣⲱⲡⲉ ⲉⲩⲙⲟⲧⲛ

ⲉϣⲁϫⲉ

16 ϫⲉ ⲡϫⲟⲉⲓⲥ ⲡⲉ ⲡⲉⲛⲛⲟⲩⲧⲉ ⲥⲟⲩⲧⲱⲛ ⲁⲩⲱ ⲙⲛ ϫⲓⲛϭⲟⲛⲥ ⲛϩⲏⲧϥ

Psalm 92

1 ⲡⲉⲥⲙⲟⲩ ⲛⲧⲱⲇⲏ ⲛⲇⲁⲩⲉⲓⲇ ϩⲁ ⲧϩⲏ ⲙⲡⲥⲁⲃⲃⲁⲧⲟⲛ ⲛⲧⲉⲣⲟⲩⲟⲩⲱϩ

ϩⲙ ⲡⲕⲁϩ ⲡϫⲟⲉⲓⲥ ⲁϥϯ ϩⲓⲱⲱϥ ⲛⲟⲩϭⲟⲙ ⲁϥⲙⲟⲣϥ ⲙⲙⲟⲥ ⲕⲁⲓⲅⲁⲣ

ⲁϥⲧⲁϫⲣⲟ ⲛⲧⲟⲓⲕⲟⲩⲙⲉⲛⲏ ⲛⲥⲛⲁⲕⲓⲙ ⲁⲛ

2 ⲡⲉⲕⲑⲣⲟⲛⲟⲥ ⲥⲃⲧⲱⲧ ϫⲓⲛ ⲉⲛⲉϩ ⲕϣⲟⲟⲡ ⲛⲧⲟⲕ ϫⲓⲛ ⲉⲛⲉϩ

3 ⲡϫⲟⲉⲓⲥ ⲁⲛⲓⲉⲣⲱⲟⲩ ⲧⲱⲟⲩⲛ ⲉϩⲣⲁⲓ ⲁⲛⲓⲉⲣⲱⲟⲩ ϥⲓ ⲉϩⲣⲁⲓ ⲛⲧⲉⲩⲥⲙⲏ

ⲉⲃⲟⲗ ⲙⲡⲉϩⲣⲟⲟⲩ ⲛⲙⲙⲟⲟⲩ ⲉⲧⲛⲁϣⲱⲟⲩ












4 ϩⲉⲛϣⲡⲏⲣⲉ ⲛⲉ ⲛϫⲓⲥⲉ ⲛⲑⲁⲗⲁⲥⲥⲁ ⲟⲩϣⲡⲏⲣⲉ ⲡⲉ ⲡϫⲟⲉⲓⲥ ϩⲛ ⲛⲉⲧϫⲟⲥⲉ

5 ⲁⲩⲧⲁⲛϩⲉⲧ ⲛⲉⲕⲙⲛⲧⲙⲛⲧⲣⲉ ⲉⲙⲁⲧⲉ ⲉⲣⲉⲡⲟⲩⲟⲡ ⲡⲣⲉⲡⲉⲓ ⲙⲡⲉⲕⲏⲓ

ⲡϫⲟⲉⲓⲥ ϣⲁ ϩⲉⲛϩⲟⲟⲩ ⲉⲩⲟⲩⲏⲩ

Psalm 93

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲙⲡⲉϥⲧⲟⲟⲩ ⲛⲛⲥⲁⲃⲃⲁⲧⲟⲛ ⲡⲛⲟⲩⲧⲉ

ⲛⲛϫⲓⲕⲃⲁ ⲡⲉ ⲡϫⲉⲟⲓⲥ ⲡⲛⲟⲩⲧⲉ ⲛⲛϫⲓⲕⲃⲁ ⲁϥⲡⲁⲣⲣⲏⲥⲓⲁⲍⲉ ⲙⲙⲟϥ

2 ϫⲓⲥⲉ ⲙⲙⲟⲕ ⲡⲉⲧⲕⲣⲓⲛⲉ ⲙⲡⲓⲕⲁϩ ⲧⲱⲱⲃⲉ ⲛⲟⲩⲧⲟⲩⲉⲓⲟ ⲛⲛϫⲁⲥⲓϩⲏⲧ

3 ϣⲁ ⲧⲛⲁⲩ ⲛⲣⲉϥⲣⲛⲟⲃⲉ ⲛⲁϣⲟⲩϣⲟⲩ ⲙⲙⲟⲟⲩ ⲥⲉⲛⲁⲟⲩⲱϣⲃ ⲛⲥⲉϣⲁϫⲉ

ⲛⲉⲧⲣ ϩⲱⲃ ⲉⲧⲁⲛⲟⲙⲓⲁ

4 ⲥⲉⲛⲁⲟⲩⲱϣⲃ ⲛⲥⲉϣⲁϫⲉ ϩⲛ ⲟⲩϫⲁⲥⲓϩⲏⲧ ⲥⲉⲛⲁϣⲁϫⲉ ⲧⲏⲣⲟⲩ ⲛϭⲓ

ⲛⲉⲧⲣ ϩⲱⲃ ⲉⲧⲁⲛⲟⲙⲓⲁ

5 ⲡϫⲟⲉⲓⲥ ⲁⲩⲑⲃⲃⲓⲉ ⲡⲉⲕⲗⲁⲟⲥ ⲁⲩⲱ ⲁⲩⲑⲙⲕⲉ ⲧⲉⲕⲕⲗⲏⲣⲟⲛⲟⲙⲓⲁ

6 ⲁⲩⲙⲟⲩⲟⲩⲧ ⲛⲟⲩⲭⲏⲣⲁ ⲙⲛ ⲟⲩⲡⲣⲟⲥⲏⲗⲩⲧⲟⲥ ⲁⲩϩⲉⲧⲃ ⲛⲟⲣⲫⲁⲛⲟⲥ

7 ⲁⲩⲱ ⲡⲉϫⲁⲩ ϫⲉ ⲙⲡϫⲟⲉⲓⲥ ⲛⲁⲛⲁⲩ ⲁⲛ ⲁⲩⲱ ⲛϥⲛⲁⲉⲓⲙⲉ ⲁⲛ ⲛϭⲓ

ⲡⲛⲟⲩⲧⲉ ⲛⲓⲁⲕⲱⲃ

8 ⲉⲓⲙⲉ ϭⲉ ⲛⲁⲧϩⲏⲧ ⲉⲧϩⲙ ⲡⲗⲁⲟⲥ ⲁⲩⲱ ⲛⲥⲟϭ ⲙⲡⲉⲧⲛϩⲏⲧ ϭⲉ

9 ⲉⲓⲉ ⲡⲉⲛⲧⲁϥⲧⲉϭ ⲡⲙⲁⲁϫⲉ ⲛϥⲥⲱⲧⲙ ⲁⲛ ⲏ ⲡⲉⲛⲧⲁϥⲡⲗⲁⲥⲥⲉ ⲙⲡⲃⲁⲗ

ⲛϥⲛⲁⲩ ⲉⲣⲱⲧⲛ ⲁⲛ

10 ⲡⲉⲧⲡⲁⲓⲇⲉⲩⲉ ⲛⲛⲓϩⲉⲑⲛⲟⲥ ⲉⲓⲉⲛϥ ⲛⲁϫⲡⲓⲟ ⲁⲛ ⲡⲉⲧⲧⲥⲁⲃⲟ ⲙⲡⲣⲱⲙⲉ

ⲉⲡⲥⲟⲩⲟⲛ













11 ⲡϫⲟⲉⲓⲥ ⲥⲟⲟⲩⲛ ⲛⲙⲙⲟⲕⲙⲉⲕ ⲛⲛⲣⲱⲙⲉ ϫⲉ ⲥⲉϣⲟⲩⲉⲓⲧ

12 ⲛⲁⲓⲁⲧϥ ⲙⲡⲣⲱⲙⲉ ⲉⲧⲕⲛⲁϯⲥⲃⲱ ⲛⲁϥ ⲡϫⲟⲉⲓⲥ ⲁⲩⲱ ⲛⲅⲧⲥⲁⲃⲟϥ ϩⲙ

ⲡⲉⲕⲛⲟⲙⲟⲥ

13 ⲉⲧⲣⲉϥϣⲱⲡⲉ ⲉϥⲥⲙⲟⲛⲧ ⲉⲃⲟⲗ ϩⲛ ⲛⲉϩⲟⲟⲩ ⲉⲧϩⲟⲟⲩ ϣⲁⲛⲧⲟⲩϣⲓⲕⲉ

ⲛⲟⲩϩⲓⲉⲓⲧ ⲉⲡⲣⲉϥⲣⲛⲟⲃⲉ

14 ϫⲉ ⲙⲡϫⲟⲉⲓⲥ ⲛⲁⲕⲱ ⲛⲥⲱϥ ⲁⲛ ⲙⲡⲉϥⲗⲁⲟⲥ ⲁⲩⲱ ⲛϥⲛⲁⲟⲃϣϥ ⲁⲛ

ⲉⲧⲉϥⲕⲗⲏⲣⲟⲛⲟⲙⲓⲁ

15 ϣⲁⲛⲧⲉ ⲧⲇⲓⲕⲁⲓⲟⲥⲩⲛⲏ ⲕⲟⲧⲥ ⲉⲩϩⲁⲡ ⲁⲩⲱ ⲉⲩϩⲏⲛ ⲉϩⲟⲩⲛ ⲉⲣⲟⲥ

ⲧⲏⲣⲟⲩ ⲛϭⲓ ⲛⲉⲧⲥⲟⲩⲧⲱⲛ ϩⲙ ⲡⲉⲩϩⲏⲧ ⲇⲓⲁⲯⲁⲗⲙⲁ

16 ⲛⲓⲙ ⲡⲉⲧⲛⲁⲧⲱⲟⲩⲛ ⲛⲙⲙⲁⲓ ⲉϫⲛ ⲙⲡⲟⲛⲏⲣⲟⲥ ⲏ ⲛⲓⲙ ⲡⲉⲧⲛⲁⲁϩⲉⲣⲁⲧϥ

ⲛⲙⲙⲁⲓ ⲉⲛⲉⲧⲣ ϩⲱⲃ ⲉⲧⲁⲛⲟⲙⲓⲁ

17 ⲛⲥⲁⲃⲏⲗ ϫⲉ ⲁⲡϫⲟⲉⲓⲥ ⲃⲟⲏⲑⲉⲓ ⲉⲣⲟⲓ ⲡⲁⲣⲁ ⲟⲩⲕⲟⲩⲓ ⲁⲧⲁⲯⲩⲭⲏ ⲟⲩⲱϩ

ϩⲛ ⲁⲙⲛⲧⲉ

18 ⲉⲓϣⲁⲛϫⲟⲟⲥ ϫⲉ ⲁⲧⲁⲟⲩⲉⲣⲏⲧⲉ ⲕⲓⲙ ⲡⲉⲕⲛⲁ ⲡϫⲟⲉⲓⲥ ⲡⲉ ϣⲁϥⲃⲟⲏⲑⲉⲓ

ⲉⲣⲟⲓ

19 ⲡϫⲟⲉⲓⲥ ⲕⲁⲧⲁ ⲡⲁϣⲁⲓ ⲛⲛⲉⲙⲕⲁϩ ⲉⲧϩⲙ ⲡⲁϩⲏⲧ ⲛⲉⲕⲥⲟⲗⲥⲗ

ⲛⲉⲛⲧⲁⲩⲉⲩⲫⲣⲁⲛⲉ ⲛⲧⲁⲯⲩⲭⲏ

20 ⲙⲏ ⲟⲩⲛ ⲑⲣⲟⲛⲟⲥ ⲛⲁⲛⲟⲙⲓⲁ ⲛⲁϭⲱ ϩⲁⲧⲏⲕ ⲟⲉⲧⲡⲗⲁⲥⲥⲉ ⲛⲟⲩϩⲓⲥⲉ ⲉϫⲛ

ⲟⲩⲟⲩⲉϩⲥⲁϩⲛⲉ

21 ⲥⲉⲛⲁϭⲱⲣϭ ⲉⲧⲁⲯⲩⲭⲏ ⲙⲡⲇⲓⲕⲁⲓⲟⲥ ⲛⲥⲉⲧϭⲁⲉⲓⲉ ⲟⲩⲥⲛⲟϥ ⲛⲁⲧⲛⲟⲃⲉ












22 ⲡϫⲟⲉⲓⲥ ⲁϥϣⲱⲡⲉ ⲛⲁⲓ ⲙⲙⲁ ⲙⲡⲱⲧ ⲁⲩⲱ ⲡⲛⲟⲩⲧⲉ ⲉⲩⲃⲟⲏⲑⲓⲁ

ⲛⲧⲁϩⲉⲗⲡⲓⲥ

23 ϥⲛⲁⲧⲱⲱⲃⲉ ⲛⲁⲩ ⲛⲉⲩⲁⲛⲟⲙⲓⲁ ⲁⲩⲱ ⲡϫⲟⲉⲓⲥ ⲡⲉⲛⲛⲟⲩⲧⲉ ⲛⲁⲧⲁⲕⲟⲟⲩ

ϩⲛ ⲧⲉⲩⲡⲟⲛⲏⲣⲓⲁ

Psalm 94

1 ⲡⲉⲥⲙⲟⲩ ⲛⲧⲱⲇⲏ ⲛⲇⲁⲩⲉⲓⲇ ⲁⲙⲏⲓⲧⲛ ⲛⲧⲛⲧⲉⲗⲏⲗ ⲙⲡϫⲟⲉⲓⲥ

ⲛⲧⲛϯⲗⲟⲩⲗⲁⲓ ⲙⲡⲛⲟⲩⲧⲉ ⲡⲉⲛⲟⲩϫⲁⲓ

2 ⲙⲁⲣⲛⲉⲓ ⲃⲟⲗ ϩⲏⲧϥ ϩⲛⲟⲩⲟⲩⲱⲛϩ ⲉⲃⲟⲗ ⲛⲧⲛϯⲗⲟⲩⲗⲁⲓ ⲛⲁϥ ϩⲛ

ϩⲉⲛⲯⲁⲗⲙⲟⲥ

3 ϫⲉ ⲟⲩⲛⲟϭ ⲡⲉ ⲡϫⲟⲉⲓⲥ ⲡⲉⲛⲛⲟⲩⲧⲉ ⲁⲩⲱ ⲟⲩⲛⲟϭ ⲛⲣⲣⲟ ⲡⲉ ⲉϫⲛ ⲛⲛⲟⲩⲧⲉ

ⲧⲏⲣⲟⲩ

4 ϫⲉ ⲉⲣⲉⲛⲉⲕⲣⲱⲟⲩ ⲧⲏⲣⲟⲩ ⲙⲡⲕⲁϩ ϩⲛ ⲧⲉϥϭⲓϫ ⲁⲩⲱ ⲛⲟⲩϥ ⲛⲉ ⲛϫⲓⲥⲉ

ⲛⲛⲧⲟⲟⲩ

5 ⲧⲱϥ ⲧⲉ ⲑⲁⲗⲁⲥⲥⲁ ⲁⲩⲱ ⲛⲧⲟϥ ⲡⲉⲛⲧⲁϥⲧⲁⲙⲓⲟⲥ ⲁⲩⲱ ⲛⲉϥϭⲓϫ

ⲛⲉⲛⲧⲁⲩⲡⲗⲁⲥⲥⲉ ⲙⲡⲡⲉⲧϣⲟⲩⲱⲟⲩ

6 ⲁⲙⲏⲓⲧⲛ ⲛⲧⲛⲟⲩⲱϣⲧ ⲛⲧⲛⲡⲁϩⲧⲛ ⲛⲁϥ ⲛⲧⲛⲣⲓⲙⲉ ⲙⲡⲉⲙⲧⲟ ⲉⲃⲟⲗ

ⲙⲡϫⲟⲉⲓⲥ ⲡⲉⲛⲧⲁϥⲧⲁⲙⲓⲟⲛ

7 ϫⲉ ⲛⲧⲟϥ ⲡⲉ ⲡⲉⲛⲛⲟⲩⲧⲉ ⲁⲩⲱ ⲁⲛⲟⲛ ⲁⲛⲟⲛ ⲡⲉϥⲗⲁⲟⲥ ⲁⲩⲱ ⲛⲉⲥⲟⲟⲩ

ⲛⲧⲉϥϭⲓϫ ⲙⲡⲟⲟⲩ ⲉⲧⲉⲧⲛϣⲁⲛⲥⲱⲧⲙ ⲉⲧⲉϥⲥⲙⲏ

8 ⲙⲡⲣϯ ⲛϣⲟⲧ ⲛⲛⲉⲧⲛϩⲏⲧ ⲛⲧϩⲉ ⲛⲛⲉϩⲟⲟⲩ ⲙⲡⲡⲉⲓⲣⲁⲥⲙⲟⲥ ϩⲛ











ⲧⲉⲣⲏⲙⲟⲥ

9 ⲉⲛⲧⲁ ⲛⲉⲧⲛⲉⲓⲟⲧⲉ ⲡⲉⲓⲣⲁⲍⲉ ⲛϩⲏⲧϥ ⲁⲩⲇⲟⲕⲓⲙⲁⲍⲉ ⲁⲩⲛⲁⲩⲉ

ⲛⲁϩⲃⲏⲩⲉ

10 ⲁⲓⲙⲉⲥⲧⲉ ⲧⲉⲓⲅⲉⲛⲉⲁ ⲛϩⲙⲉ ⲛⲣⲟⲙⲡⲉ ⲁⲩⲱ ⲁⲓϫⲟⲟⲥ ϫⲉ ⲥⲉⲡⲗⲁⲛⲁ

ⲛⲟⲩⲟⲉⲓϣ ⲛⲓⲙ ϩⲙ ⲡⲉⲩϩⲏⲧ ⲁⲩⲱ ⲛⲧⲟⲟⲩ ⲙⲡⲟⲩⲥⲟⲩ ⲛⲛⲁϩⲓⲟⲟⲩⲉ

11 ⲛⲧϩⲉ ⲛⲧⲁⲓⲱⲣⲕ ⲙⲙⲟⲥ ϩⲛ ⲧⲁⲟⲣⲅⲏ ϫⲉ ⲥⲉⲛⲏⲩ ⲉϩⲟⲩⲛ ⲉⲡⲁⲙⲁ

ⲛⲙⲧⲟⲛ

Psalm 95

1 ⲧⲱⲇⲏ ⲛⲇⲁⲩⲉⲓⲇ ⲉⲩⲛⲁⲕⲉⲧ ⲡⲏⲓ ⲙⲛⲛⲥⲁ ⲧⲁⲓⲭⲙⲁⲗⲱⲥⲓⲁ ϫⲱ

ⲉⲡϫⲟⲉⲓⲥ ⲛⲟⲩϫⲱ ⲛⲃⲣⲣⲉ ⲡⲕⲁϩ ⲧⲏⲣϥ ϫⲱ ⲉⲡϫⲟⲉⲓⲥ

2 ϫⲱ ⲉⲡϫⲟⲉⲓⲥ ⲛⲧⲉⲧⲛⲥⲙⲟⲩ ⲉⲡⲉϥⲣⲁⲛ ⲛⲧⲉⲧⲛⲧⲁϣⲉⲟⲉⲓϣ ⲙⲡⲉϥⲟⲩϫⲁⲓ

ϩⲛ ⲟⲩϩⲟⲟⲩ ⲉⲩϩⲟⲟⲩ

3 ⲛⲧⲉⲧⲛϫⲱ ⲙⲡⲉϥⲉⲟⲟⲩ ϩⲛ ⲛⲓϩⲉⲑⲛⲟⲥ ⲁⲩⲱ ⲛⲉϥϣⲡⲏⲣⲉ ϩⲛ ⲛⲓⲗⲁⲟⲥ

ⲧⲏⲣⲟⲩ

4 ϫⲉ ⲟⲩⲛⲟϭ ⲡⲉ ⲡϫⲟⲉⲓⲥ ⲁⲩⲱ ϥⲥⲙⲁⲙⲁⲁⲧ ⲉⲙⲁⲧⲉ ⲟⲩⲛⲟϭ ⲡⲉ ⲡⲁⲣⲁ

ⲛⲛⲟⲩⲧⲉ ⲧⲏⲣⲟⲩ

5 ϫⲉ ⲛⲛⲟⲩⲧⲉ ⲧⲏⲣⲟⲩ ⲛⲛϩⲉⲑⲛⲟⲥ ϩⲉⲛⲉⲓⲇⲱⲗⲟⲛ ⲛⲉⲛⲇⲁⲓⲙⲟⲛⲓⲟⲛ

ⲡϫⲟⲉⲓⲥ ⲇⲉ ⲛⲧⲟϥ ⲁϥⲧⲁⲙⲓⲉ ⲙⲡⲏⲩⲉ

6 ⲟⲩⲟⲩⲱⲛϩ ⲉⲃⲟⲗ ⲙⲛ ⲟⲩⲥⲁ ⲛⲉⲧⲙⲡⲉϥⲙⲧⲟ ⲉⲃⲟⲗ ⲟⲩⲟⲩⲟⲡ ⲙⲛ

ⲟⲩⲙⲛⲧⲛⲟϭ ⲛⲉⲧϩⲛ ⲛⲉϥⲡⲉⲧⲟⲩⲁⲁⲃ










7 ⲙⲡⲁⲧⲣⲓⲁ ⲛⲛϩⲉⲑⲛⲟⲥ ⲁⲛⲉⲓⲛⲉ ⲙⲡϫⲟⲉⲓⲥ ⲁⲛⲓⲟⲩ ⲉⲟⲟⲩ ⲙⲡϫⲟⲉⲓⲥ ⲙⲛ

ⲟⲩⲧⲓⲙⲏ

8 ⲁⲛⲓ ⲟⲩⲉⲟⲟⲩ ⲙⲡⲣⲁⲛ ⲙⲡϫⲟⲉⲓⲥ ϥⲓ ⲛⲛⲉⲧⲑⲩⲥⲓⲁ ⲛⲧⲉⲛⲃⲱⲕ ⲉϩⲟⲩⲛ

ⲉⲛⲉϥⲁⲩⲗⲏ

9 ⲟⲩⲱϣⲧ ⲙⲡϫⲟⲉⲓⲥ ϩⲛ ⲧⲉϥⲁⲩⲗⲏ ⲉⲧⲟⲩⲁⲁⲃ ⲙⲁⲣⲉⲡⲕⲁϩ ⲧⲏⲣϥ ⲕⲓⲙ


10 ⲁϫⲓⲥ ⲛⲛϩⲉⲑⲛⲟⲥ ϫⲉ ⲁⲡϫⲟⲉⲓⲥ ⲣ ⲣⲣⲟ ⲉⲃⲟⲗ ϩⲙ ⲡϣⲉ ⲕⲁⲓⲅⲁⲣ

ⲁϥⲧⲁϩⲟ ⲉⲣⲁⲧⲥ ⲛⲧⲟⲓⲕⲟⲩⲙⲉⲛⲏ ⲉⲛⲥ ⲛⲁⲕⲓⲙ ⲁⲛ ϥⲛⲁⲕⲣⲓⲛⲉ ⲛϩⲉⲛⲗⲁⲟⲥ

ϩⲛ ⲟⲩⲥⲟⲟⲩⲧⲛ ⲁⲩⲱ ⲛϩⲉⲑⲛⲟⲥ ϩⲛ ⲧⲉϥⲟⲣⲅⲏ

11 ⲙⲁⲣⲉⲙⲡⲏⲩⲉ ⲟⲩⲛⲟϥ ⲛⲧⲉ ⲡⲕⲁϩ ⲧⲉⲗⲏⲗ ⲑⲁⲗⲁⲥⲥⲁ ⲛⲁⲕⲓⲙ

ⲙⲡⲉⲥϫⲱⲕ ⲉⲃⲟⲗ ⲥⲉⲛⲁⲣⲁϣⲉ ⲛϭⲓ ⲛⲥⲱϣⲉ ⲙⲛ ⲛⲉⲧⲛϩⲏⲧⲟⲩ ⲧⲏⲣⲟⲩ

12 ⲧⲟⲧⲉ ⲥⲉⲛⲁⲧⲉⲗⲏⲗ ⲛϭⲓ ⲛϣⲏⲛ ⲧⲏⲣⲟⲩ ⲛⲧⲥⲱϣⲉ

13 ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ϫⲉ ϥⲛⲏⲩ ⲉⲕⲣⲓⲛⲉ ⲙⲡⲕⲁϩ ϥⲛⲁⲕⲣⲓⲛⲉ

ⲛⲧⲟⲓⲕⲟⲩⲙⲣⲛⲏ ϩⲛ ⲟⲩⲇⲓⲕⲁⲓⲟⲥⲩⲛⲏ ⲁⲩⲱ ⲛⲗⲁⲟⲥ ϩⲛ ⲧⲉϥⲙⲉ

Psalm 96

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲛⲧⲉⲣⲉⲡⲉϥⲕⲁϩ ⲥⲙⲓⲛⲉ ⲁⲡϫⲟⲉⲓⲥ ⲣⲣⲣⲟ

ⲙⲁⲣⲉⲡⲕⲁϩ ⲧⲉⲗⲏⲗ ⲙⲁⲣⲟⲩⲉⲩⲫⲣⲁⲛⲉ ⲛϭⲓ ⲛⲛⲏⲥⲟⲥ ⲉⲧⲛⲁϣⲱⲟⲩ

2 ⲟⲩⲕⲗⲟⲟⲗⲉ ⲙⲛ ⲟⲩϭⲟⲥⲙ ⲛⲉⲧⲙⲡⲉϥⲕⲱⲧⲉ ⲧⲇⲓⲕⲁⲓⲟⲥⲩⲛⲏ ⲙⲛ ⲡϩⲁⲡ

ⲡⲉ ⲡⲥⲟⲃⲧⲉ ⲙⲡⲉϥⲑⲣⲟⲛⲟⲥ

3 ⲟⲩⲕⲱϩⲧ ⲡⲉⲧⲛⲁⲙⲟⲟϣⲉ ϩⲁ ⲧⲉϥϩⲏ ⲛϥⲣⲱⲕϩ ⲛⲛⲉϥϫⲓϫⲉⲉⲩ











ⲙⲡⲉϥⲕⲱⲧⲉ

4 ⲁⲛⲉϥⲉⲃⲣⲏϭⲉ ⲣ ⲟⲩⲟⲉⲓⲛ ⲉⲧⲟⲓⲕⲟⲩⲙⲉⲛⲏ ⲁⲡⲕⲁϩ ⲛⲁⲩ ⲁϥⲧⲱⲧ

5 ⲁⲛⲧⲟⲟⲩ ⲃⲱⲗ ⲉⲃⲟⲗ ⲛⲧϩⲉ ⲛⲟⲩⲙⲟⲩⲗϩ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ

ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲙⲡⲕⲁϩ ⲧⲏⲣϥ

6 ⲁⲙⲡⲏⲩⲉ ϫⲱ ⲛⲧⲉϥⲇⲓⲕⲁⲓⲟⲥⲩⲛⲏ ⲁⲛⲗⲁⲟⲥ ⲧⲏⲣⲟⲩ ⲛⲁⲩ ⲉⲡⲉϥⲉⲟⲟⲩ

7 ⲥⲉⲛⲁϫⲓ ϣⲓⲡⲉ ⲧⲏⲣⲟⲩ ⲛϭⲓ ⲛⲉⲧⲟⲩⲱϣⲧ ⲛⲙⲙⲟⲩⲛⲅ ⲛϭⲓϫ

ⲛⲉⲧϣⲟⲩϣⲟⲩ ⲙⲙⲟⲟⲩ ϩⲛ ⲛⲉⲩⲉⲓⲇⲱⲗⲟⲛ ⲟⲩⲱϣⲧ ⲛⲁϥ ⲛⲉϥⲁⲅⲅⲉⲗⲟⲥ

ⲧⲏⲣⲟⲩ

8 ⲁⲥⲓⲱⲛ ⲥⲱⲧⲙ ⲁⲥⲉⲩⲫⲣⲁⲛⲉ ⲁⲛϣⲉⲉⲣⲉ ⲛϯⲟⲩⲇⲁⲓⲁ ⲧⲉⲗⲏⲗ ⲉⲧⲃⲉ

ⲛⲉⲕϩⲏⲡ ⲡϫⲟⲉⲓⲥ

9 ϫⲉ ⲛⲧⲟⲕ ⲡϫⲟⲉⲓⲥ ⲡⲉ ⲡⲉⲧϫⲟⲥⲉ ⲉϫⲙ ⲡⲕⲁϩ ⲧⲏⲣϥ ⲁⲕϫⲓⲥⲉ ⲉⲙⲁⲧⲉ

ⲉϩⲟⲩⲉ ⲛⲛⲟⲩⲧⲉ ⲧⲏⲣⲟⲩ

10 ⲛⲉⲧⲙⲉ ⲙⲡϫⲟⲉⲓⲥ ⲙⲉⲥⲧⲉ ⲧⲡⲟⲛⲏⲣⲓⲁ ϥⲛⲁϩⲁⲣⲉϩ ⲛⲧⲟϥ ⲉⲛⲉⲯⲩⲭⲏ

ⲛⲛⲉϥⲡⲉⲧⲟⲩⲁⲁⲃ ϥⲛⲁⲧⲟⲩϫⲟⲟⲩ ⲉⲧϭⲓϫ ⲛⲛⲣⲉϥⲣⲛⲟⲃⲉ

11 ⲁⲡⲟⲩⲟⲉⲓⲛ ϣⲁ ⲙⲡⲇⲓⲕⲁⲓⲟⲥ ⲁⲩⲱ ⲡⲟⲩⲛⲟϥ ⲛⲛⲉⲧⲥⲟⲩⲧⲱⲛ ϩⲙ

ⲡⲉⲩϩⲏⲧ

12 ⲛⲇⲓⲕⲁⲓⲟⲥ ⲉⲩⲫⲣⲁⲛⲉ ϩⲙ ⲡϫⲟⲉⲓⲥ ⲛⲧⲉⲛⲟⲩⲱⲛϩ ⲉⲃⲟⲗ ⲙⲡⲣ ⲡⲙⲉⲉⲩⲉ

ⲙⲡⲉϥⲟⲩⲟⲡ

Psalm 97

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ϫⲱ ⲉⲡϫⲟⲉⲓⲥ ⲛⲟⲩϫⲱ ⲛⲃⲣⲣⲉ ϫⲉ ⲡϫⲟⲉⲓⲥ ⲉⲓⲣⲉ











ⲛϩⲉⲛϣⲡⲏⲣⲉ ⲁⲥⲧⲟⲩϫⲟ ⲛⲁϥ ⲛϭⲓ ⲧⲉϥⲟⲩⲛⲁⲙ ⲁⲩⲱ ⲡⲉϥϭⲃⲟⲓ


2 ⲁⲡϫⲟⲉⲓⲥ ⲟⲩⲱⲛϩ ⲉⲃⲟⲗ ⲙⲡⲉϥⲟⲩϫⲁⲓ ⲁϥϭⲱⲗⲡ ⲉⲃⲟⲗ

ⲛⲧⲉϥⲇⲓⲕⲁⲓⲟⲥⲩⲛⲏ ⲙⲡⲉⲙⲧⲟ ⲉⲃⲟⲗ ⲛⲛϩⲉⲑⲛⲟⲥ

3 ⲁϥⲣ ⲡⲙⲉⲉⲩⲉ ⲙⲡⲉϥⲛⲁ ⲛⲓⲁⲕⲱⲃ ⲁⲩⲱ ⲧⲉϥⲙⲉ ⲙⲡⲏⲓ ⲙⲡⲓⲥⲣⲁⲏⲗ

ⲁⲛⲉⲕⲣⲱⲟⲩ ⲧⲏⲣⲟⲩ ⲙⲡⲕⲁϩ ⲛⲁⲩ ⲉⲡⲟⲩϫⲁⲓ ⲙⲡⲉⲛⲛⲟⲩⲧⲉ

4 ⲡⲕⲁϩ ⲧⲏⲣϥ ϯⲗⲟⲩⲗⲁⲓ ⲙⲡⲛⲟⲩⲧⲉ ϫⲱ ⲛⲧⲉⲧⲛⲧⲉⲗⲏⲗ

ⲛⲧⲉⲧⲛⲯⲁⲗⲗⲉⲓ ⲉⲣⲟϥ

5 ⲯⲁⲗⲗⲉⲓ ⲉⲣⲟϥ ϩⲛ ⲟⲩⲕⲓⲑⲁⲣⲁ ϩⲛ ⲟⲩⲕⲓⲑⲁⲣⲁ ⲙⲛ ⲟⲩϩⲣⲟⲟⲩ

ⲙⲯⲁⲗⲙⲟⲥ

6 ϩⲛ ϩⲉⲛⲥⲁⲗⲡⲓⲅⲝ ⲛϫⲁϩϫϩ ⲙⲛ ⲟⲩϩⲣⲟⲟⲩ ⲛⲥⲁⲗⲡⲓⲅⲝ ⲛⲧⲁⲡ

ϯⲛⲁⲗⲟⲩⲗⲁⲓ ⲙⲡⲉⲙⲧⲟ ⲉⲃⲟⲗ ⲙⲡⲣⲣⲟ ⲡϫⲟⲉⲓⲥ

7 ⲙⲁⲣⲉⲑⲁⲗⲁⲥⲥⲁ ⲕⲓⲙ ⲙⲛ ⲡⲉⲥϫⲱⲕ ⲉⲃⲟⲗ ⲧⲟⲓⲕⲟⲩⲙⲉⲛⲏ ⲙⲛ ⲛⲉⲧⲟⲩⲏϩ

ⲛϩⲏⲧⲥ

8 ⲛⲓⲉⲣⲱⲟⲩ ⲛⲁϫⲁⲕ ⲛⲛⲉⲩϭⲓϫ ϩⲓ ⲟⲩⲥⲟⲡ

9 ⲛⲧⲟⲟⲩ ⲛⲁⲧⲉⲗⲏⲗ ϫⲉ ⲉϥⲉⲓ ⲉⲕⲣⲓⲛⲉ ⲙⲡⲕⲁϩ ϥⲛⲁⲕⲣⲓⲛⲉ ⲛⲧⲟⲓⲕⲟⲩⲙⲉⲛⲏ

ϩⲛ ⲟⲩⲇⲓⲕⲁⲓⲟⲥⲩⲛⲏ ⲁⲩⲱ ϩⲉⲛⲗⲁⲟⲥ ϩⲛ ⲟⲩⲥⲟⲟⲩⲧⲛ

Psalm 98

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲡϫⲟⲉⲓⲥ ⲁϥⲣⲣⲟ ⲙⲁⲣⲉ ⲛⲗⲁⲟⲥ ⲛⲟⲩϭⲥ

ⲡⲉⲧϩⲙⲟⲟⲥ ⲉϩⲣⲁⲓ ⲉϫⲛ ⲛⲉⲭⲉⲣⲟⲩⲃⲓⲛ ⲙⲁⲣⲉ ⲡⲕⲁϩ ⲕⲓⲙ










2 ⲟⲩⲛⲟϭ ⲡⲉ ⲡϫⲟⲉⲓⲥ ϩⲛ ⲥⲓⲱⲛ ⲉϥϫⲟⲥⲉ ⲉϫⲛ ⲛⲗⲁⲟⲥ ⲧⲏⲣⲟⲩ

3 ⲙⲁⲣⲟⲩⲟⲩⲱⲛϩ ⲉⲃⲟⲗ ⲙⲡⲉⲕⲛⲟϭ ⲛⲣⲁⲛ ϫⲉ ⲟⲩϩⲟⲧⲉ ⲡⲉ ⲁⲩⲱ ϥⲟⲩⲁⲁⲃ

4 ⲁⲩⲱ ⲡⲧⲁⲉⲓⲟ ⲛⲟⲩⲣⲣⲟ ⲡⲉ ⲙⲉⲣⲉⲡϩⲁⲡ ⲛⲧⲟⲕ ⲁⲕⲥⲃⲧⲉ ⲡⲥⲟⲟⲩⲧⲛ ⲛⲧⲟⲕ

ⲡⲉⲛⲧⲁⲕⲣ ⲡϩⲁⲡ ⲙⲛ ⲧⲇⲓⲕⲁⲓⲟⲥⲩⲛⲏ ϩⲛ ⲓⲁⲕⲱⲃ

5 ϫⲉⲥⲧ ⲡϫⲟⲉⲓⲥ ⲡⲉⲛⲛⲟⲩⲧⲉ ⲛⲧⲉⲧⲛⲟⲩⲱϣⲧ ⲙⲡϩⲩⲡⲟⲡⲟⲇⲓⲟⲛ

ⲛⲛⲉϥⲉⲩⲉⲣⲏⲧⲉ

6 ϫⲉ ⲙⲱⲩⲥⲏⲥ ⲟⲩⲁⲁⲃ ⲙⲛ ⲁⲁⲣⲱⲛ ϩⲛ ⲛⲉϥⲟⲩⲏⲏⲃ ⲁⲩⲱ ⲥⲁⲙⲟⲩⲏⲗ ϩⲛ

ⲛⲉⲧⲉⲡⲓⲕⲁⲗⲉⲓ ⲙⲡⲉϥⲣⲁⲛ ⲁⲩⲱϣ ⲉϩⲣⲁⲓ ⲉⲡϫⲟⲉⲓⲥ ⲁⲩⲱ ⲛⲧⲟϥ ⲁϥⲥⲱⲧⲙ

ⲉⲣⲟⲟⲩ

7 ⲁϥϣⲁϫⲉ ⲛⲙⲙⲁⲩ ϩⲛ ⲟⲩⲥⲧⲩⲗⲟⲥ ⲛⲕⲗⲟⲟⲗⲉ ⲁⲩϩⲁⲣⲉϩ

ⲉⲛⲉϥⲙⲛⲧⲙⲛⲧⲣⲉ ⲁⲩⲱ ⲛⲉϥⲡⲣⲟⲥⲧⲁⲅⲙⲁ ⲉⲛⲧⲁϥⲧⲁⲁⲩ ⲛⲁⲩ

8 ⲡϫⲟⲉⲓⲥ ⲡⲉⲛⲛⲟⲩⲧⲉ ⲛⲧⲟⲕ ⲉⲛⲧⲁⲕⲥⲱⲧⲙ ⲉⲣⲟⲟⲩ ⲡⲛⲟⲩⲧⲉ ⲛⲧⲟⲕ

ⲉⲛⲧⲁⲕⲕⲱ ⲛⲁⲩ ⲉⲃⲟⲗ ⲁⲕⲉⲓⲣⲉ ⲙⲡⲉⲕⲃⲁ ⲛⲛⲉⲩϩⲃⲏⲩⲉ ⲧⲏⲣⲟⲩ

9 ϫⲉⲥⲧ ⲡϫⲟⲉⲓⲥ ⲡⲉⲛⲛⲟⲩⲧⲉ ⲛⲧⲉⲧⲛⲟⲩⲱϣⲧ ⲙⲡⲉϥⲧⲟⲟⲩ ⲉⲧⲟⲩⲁⲁⲃ ϫⲉ

ϥⲟⲩⲁⲁⲃ ⲛϭⲓ ⲡϫⲟⲉⲓⲥ ⲡⲉⲛⲛⲟⲩⲧⲉ

Psalm 99

1 ⲡⲉⲯⲁⲗⲟⲙⲥ ⲙⲡⲟⲩⲱⲛϩ ⲉⲃⲟⲗ ⲡⲕⲁϩ ⲧⲏⲣϥ ϯⲗⲟⲩⲗⲁⲓ ⲙⲡϫⲟⲉⲓⲥ

2 ⲁⲣⲓ ϩⲙϩⲁⲗ ⲙⲡϫⲟⲉⲓⲥ ϩⲛ ⲟⲩⲟⲩⲛⲟϥ ⲃⲱⲕ ⲉϩⲟⲩⲛ ⲙⲡⲉϥⲙⲧⲟ ⲉⲃⲟⲗ

ϩⲛ ⲟⲩⲧⲉⲗⲏⲗ

3 ⲉⲓⲙⲉ ϫⲉ ⲡϫⲟⲉⲓⲥ ⲛⲧⲟϥ ⲡⲉ ⲡⲉⲛⲛⲟⲩⲧⲉ ⲛⲧⲟϥ ⲡⲉⲛⲧⲁϥⲧⲁⲙⲓⲟⲛ ⲁⲛⲟⲛ ⲁⲛ












ⲡⲉ ⲁⲛⲟⲛ ⲡⲉϥⲗⲁⲟⲥ ⲁⲩⲱ ⲛⲉⲥⲟⲟⲩ ⲙⲡⲉϥⲟϩⲉ

4 ⲃⲱⲕ ⲉϩⲟⲩⲛ ⲉⲛⲉϥⲡⲩⲗⲏ ϩⲛ ⲟⲩⲧⲉⲗⲏⲗ ⲁⲩⲱ ⲉⲛⲉϥⲁⲩⲗⲏ

ⲛⲧⲉⲧⲛⲟⲩⲱⲛϩ ⲛⲁϥ ⲉⲃⲟⲗ ϩⲛ ϩⲉⲛⲥⲙⲟⲩ ⲛⲧⲉⲧⲛⲥⲙⲟⲩ ⲉⲡⲉϥⲣⲁⲛ ϫⲉ

5 ⲟⲩⲭⲣⲏⲥⲧⲟⲥ ⲡⲉ ⲡϫⲟⲉⲓⲥ ⲡⲉⲛⲛⲟⲩⲧⲉ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ ⲁⲩⲱ

ⲧⲉϥⲙⲉ ϣⲁ ⲟⲩϫⲱⲙ ⲙⲛ ⲟⲩϫⲱⲙ

Psalm 100

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ϯⲛⲁϫⲱ ⲉⲣⲟⲕ ⲡϫⲟⲉⲓⲥ ⲛⲟⲩⲛⲁ ⲙⲛ ⲟⲩϩⲁⲡ

2 ϯⲛⲁⲯⲁⲗⲗⲉⲓ ⲧⲁⲉⲓⲙⲉ ϩⲛ ⲧⲉϩⲓⲏ ⲛⲛⲉⲧⲟⲩⲁⲁⲃ ϫⲉ ⲉⲣⲉⲡϫⲟⲉⲓⲥ

ⲡⲛⲟⲩⲧⲉ ⲛⲏⲩ ϣⲁⲣⲟⲓ ⲧⲛⲁⲩ ⲛⲉⲓⲙⲟⲟϣⲉ ϩⲛ ⲧⲙⲛⲧⲃⲁⲗϩⲏⲧ ⲙⲡⲁϩⲏⲧ

ϩⲛ ⲧⲙⲏⲧⲉ ⲙⲡⲁⲏⲓ

3 ⲙⲡⲓⲕⲱ ⲛⲛⲁϩⲣⲁⲓ ⲛⲟⲩϩⲱⲃ ⲙⲡⲁⲣⲁⲛⲟⲙⲟⲛ ⲛⲉⲧⲉⲓⲣⲉ ⲙⲛ ⲡⲁⲣⲁⲃⲁⲥⲓⲥ

ⲁⲓⲙⲉⲥⲧⲱⲟⲩ ⲙⲡⲉϩⲏⲧ ⲉϥϭⲟⲟⲙⲉ ⲧⲱϭⲉ ⲉⲣⲟⲓ

4 ϩⲙ ⲡⲧⲣⲉ ⲡⲡⲟⲛⲏⲣⲟⲥ ⲣⲁⲕⲧϥ ⲉⲃⲟⲗ ⲙⲙⲟⲓ ⲙⲡⲓⲉⲓⲙⲉ

5 ⲁⲓⲛⲟⲩϫⲉ ⲉⲃⲟⲗ ⲙⲡⲉⲧⲕⲁⲧⲁⲗⲁⲗⲉⲓ ⲛϫⲓⲟⲩⲉ ⲛⲥⲁ ⲡⲉⲧϩⲓⲧⲟⲩⲱϥ

ⲙⲡⲓⲟⲩⲱⲙ ⲙⲛ ⲟⲩϫⲁⲥⲓⲃⲁⲗ ⲙⲛ ⲟⲩϩⲏⲧ ⲛⲁⲧⲥⲉⲓ

6 ⲉⲣⲉⲛⲁⲃⲁⲗ ϭⲱϣⲧ ⲉϫⲛ ⲛⲉⲧⲟⲩⲁⲁⲃ ⲙⲡⲕⲁϩ ⲉⲧⲣⲉⲩϩⲙⲟⲟⲥ ϩⲁⲧⲏⲓ

ⲡⲉⲧⲙⲟⲟϣⲉ ϩⲛ ⲧⲉϩⲓⲏ ⲛⲛⲉⲧⲟⲩⲁⲁⲃ ⲡⲉ ⲛⲉϥϣⲙϣⲉ ⲛⲁⲓ

7 ⲡⲉⲧⲉⲓⲣⲉ ⲛⲧⲙⲛⲧϫⲁⲥⲓϩⲏⲧ ⲛⲉϥⲟⲩⲏϩ ⲁⲛ ⲡⲉ ϩⲛ ⲧⲙⲏⲧⲉ ⲙⲡⲁⲏⲓ

ⲡⲉⲧϣⲁϫⲉ ϩⲛ ⲟⲩϫⲓⲛϭⲟⲛⲥ ⲛⲉⲙⲉⲓⲥⲟⲩⲧⲱⲛϥ ⲙⲡⲉⲙⲧⲟ ⲉⲃⲟⲗ ⲛⲛⲁⲃⲁⲗ

8 ⲙⲡⲛⲁⲩ ⲛϣⲱⲣⲡ ⲁⲓⲙⲟⲩⲟⲩⲧ ⲛⲛⲣⲉϥⲣⲛⲟⲃⲉ ⲧⲏⲣⲟⲩ ⲙⲡⲕⲁϩ











ⲉⲧⲣⲁϥⲱⲧⲉ ⲉⲃⲟⲗ ϩⲛ ⲧⲡⲟⲗⲓⲥ ⲙⲡϫⲟⲉⲓⲥ ⲛⲛⲉⲧⲉⲓⲣⲉ ⲧⲏⲣⲟⲩ ⲛⲧⲁⲛⲟⲙⲓⲁ

Psalm 101

1 ⲡⲉϣⲗⲏⲗ ⲙⲡϩⲏⲕⲉ ⲉϥϣⲁⲛⲙⲕⲁϩ ⲛϩⲏⲧ ⲛϥⲡⲱϩⲧ ⲙⲡⲉϥⲥⲟⲡⲥ

ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ

2 ⲡϫⲟⲉⲓⲥ ⲥⲱⲧⲙ ⲉⲡⲁϣⲗⲏⲗ ⲁⲩⲱ ⲙⲁⲣⲉⲡⲁⲁϣⲕⲁⲕ ⲉⲓ ϣⲁⲣⲟⲕ

3 ⲙⲡⲣⲕⲧⲉ ⲡⲉⲕϩⲟ ⲛⲥⲁⲃⲟⲗ ⲙⲙⲟⲓ ⲣⲉⲕⲧ ⲡⲉⲕⲙⲁⲁϫⲉ ⲉⲣⲟⲓ ⲙⲡⲉϩⲟⲟⲩ

ⲉϯⲛⲁⲑⲗⲓⲃⲉ ϭⲉⲡⲏ ⲥⲱⲧⲙ ⲉⲣⲟⲓ ⲙⲡⲉϩⲟⲟⲩ ⲉϯⲛⲁⲱϣ ⲉϩⲣⲁⲓ ⲟⲩⲃⲏⲕ

4 ϫⲉ ⲁⲛⲁϩⲟⲟⲩ ⲱϫⲛ ⲛⲧϩⲉ ⲛⲟⲩⲕⲁⲡⲛⲟⲥ ⲁⲩⲱ ⲛⲁⲕⲉⲉⲥ ⲁⲩϭⲱϭ ⲛⲧϩⲉ

ⲛⲟⲩⲱⲛⲉ

5 ⲁⲓϣⲱⲱϭⲉ ⲛⲧϩⲉ ⲛⲟⲩⲭⲟⲣⲧⲟⲥ ⲁⲩⲱ ⲁⲡⲁϩⲏⲧ ϣⲟⲟⲩⲉ ϫⲉ ⲁⲓⲣ

ⲡⲱⲃϣ ⲉⲟⲩⲱⲙ ⲙⲡⲁⲟⲉⲓⲕ

6 ⲉⲃⲟⲗ ⲙⲡⲉϩⲟⲟⲩ ⲙⲡⲁⲁϣⲁϩⲟⲙ ⲁⲡⲁⲕⲁⲥ ⲧⲱϭⲉ ⲉⲧⲁⲥⲁⲣⲝ

7 ⲁⲓⲣ ⲧϩⲉ ⲛⲟⲩϩⲣⲓⲙ ⲛⲧⲉ ⲡϫⲁⲓⲉ ⲁⲓϣⲱⲡⲉ ⲛⲧϩⲉ ⲛⲟⲩϥⲁⲓ ϩⲛ ⲟⲩⲏⲓ

8 ⲁⲓⲣ ⲟⲩϣⲏ ⲛⲣⲟⲉⲓⲥ ⲁⲓⲣ ⲧϩⲉ ⲛⲟⲩϫⲁϫ ϩⲓ ⲟⲩϫⲉⲛⲉⲡⲱⲣ ⲙⲁⲩⲁⲁϥ

9 ⲁⲛⲁϫⲓϫⲉⲉⲩ ⲛⲉϭⲛⲟⲩϭⲧ ⲙⲡⲉϩⲟⲟⲩ ⲧⲏⲣϥ ⲁⲩⲱ ⲛⲉⲧⲧⲁⲓⲟ ⲙⲙⲟⲓ

ⲛⲉⲩⲱⲣⲕ ⲙⲙⲟⲓ

10 ϫⲉ ⲁⲓⲟⲩⲉⲙ ⲕⲣⲙⲉⲥ ⲉⲡⲙⲁ ⲙⲡⲁⲟⲉⲓⲕ ⲁⲓⲕⲉⲣⲁ ⲙⲡⲉϯⲛⲁⲥⲟⲟϥ ϩⲓ ⲣⲙⲉⲓⲏ

11 ⲙⲡⲉⲕⲙⲧⲟ ⲉⲃⲟⲗ ⲛⲧⲉⲕⲟⲣⲅⲏ ⲙⲛ ⲡⲉⲕϭⲱⲛⲧ ϫⲉ ⲁⲕϥⲓⲧ ⲁⲕⲧⲁⲟⲩϫⲟⲓ

ⲉϩⲣⲁⲓ

12 ⲁⲛⲁϩⲟⲟⲩ ⲣⲓⲕⲉ ⲛⲧϩⲉ ⲛⲟⲩϩⲁⲓⲃⲉⲥ ⲁⲩⲱ ⲁⲓϣⲟⲟⲩⲧⲉ ⲛⲧϩⲉ













ⲛⲟⲩⲭⲟⲣⲧⲟⲥ

13 ⲛⲧⲟⲕ ⲇⲉ ⲡϫⲟⲉⲓⲥ ⲕϣⲟⲟⲡ ϣⲁ ⲉⲛⲉϩ ⲁⲩⲱ ⲡⲉⲕⲣ ⲡⲙⲉⲉⲩⲉ ϣⲁ ⲟⲩϫⲱⲙ

ⲙⲛ ⲟⲩϫⲱⲙ

14 ⲧⲱⲟⲩⲛ ⲛⲧⲟⲕ ⲛⲅϣⲛϩⲧⲏⲕ ϩⲁ ⲥⲓⲱⲛ ϫⲉ ⲁⲡⲉⲟⲩⲟⲉⲓϣ ϣⲱⲡⲉ

ⲛⲅϣⲛϩⲧⲏⲕ ϩⲁⲣⲟⲥ ϫⲉ ⲁⲡⲕⲁⲓⲣⲟⲥ ⲉⲓ

15 ϫⲉ ⲁⲛⲉⲕϩⲙϩⲁⲗ ⲟⲩⲉϣ ⲛⲉⲥⲱⲛⲉ ⲁⲩⲱ ⲥⲉⲛⲁϣⲛϩⲧⲏⲩ ϩⲁ ⲡⲉⲥⲕⲁϩ

16 ⲛⲧⲉⲛϩⲉⲑⲛⲟⲥ ⲣ ϩⲟⲧⲉ ϩⲏⲧϥ ⲙⲡⲣⲁⲛ ⲙⲡϫⲟⲉⲓⲥ ⲁⲩⲱ ⲛⲉⲣⲣⲱⲟⲩ

ⲙⲡⲕⲁϩ ϩⲏⲧϥ ⲙⲡⲉⲕⲉⲟⲟⲩ

17 ϫⲉ ⲡϫⲟⲉⲓⲥ ⲁⲛⲕⲉⲧ ⲥⲓⲱⲛ ⲛϥⲟⲩⲱⲛϩ ⲉⲃⲟⲗ ⲙⲡⲉϥⲉⲟⲟⲩ

18 ⲁϥϭⲱϣⲧ ⲉϫⲙ ⲡⲉϣⲗⲏⲗ ⲛⲛⲉⲧⲑⲃⲃⲓⲏⲩ ⲁⲩⲱ ⲙⲡϥⲥⲉϣϥ ⲡⲉⲩⲥⲟⲡⲥ

19 ⲙⲁⲣⲟⲩⲥⲉϩ ⲡⲁⲓ ⲉⲕⲉϫⲱⲙ ⲁⲩⲱ ⲡⲗⲁⲟⲥ ⲉⲧⲟⲩⲛⲁⲥⲟⲛⲧϥ ⲛⲁⲥⲙⲟⲩ


20 ϫⲉ ⲁϥϭⲱϣⲧ ⲉⲃⲟⲗ ⲉϫⲙ ⲡⲉϥϫⲓⲥⲉ ⲉⲧⲟⲩⲁⲁⲃ ⲡϫⲟⲉⲓⲥ ⲁϥϭⲱϣⲧ

ⲉⲃⲟⲗ ϩⲛ ⲧⲡⲉ ⲉϫⲙ ⲡⲕⲁϩ

21 ⲉⲥⲱⲧⲙ ⲉⲡⲁϣⲁϩⲟⲙ ⲛⲛⲉⲧⲙⲏⲣ ⲉⲃⲱⲗ ⲉⲃⲟⲗ ⲛⲛϣⲏⲣⲉ

ⲛⲛⲉⲛⲧⲁⲩⲙⲟⲟⲩⲧⲟⲩ

22 ⲉϫⲱ ⲙⲡⲣⲁⲛ ⲙⲡϫⲟⲉⲓⲥ ϩⲛ ⲥⲓⲱⲛ ⲁⲩⲱ ⲡⲉϥⲥⲙⲟⲩ ϩⲛ

ⲧϩⲓⲉⲣⲟⲩⲥⲁⲗⲏⲙ

23 ϩⲙ ⲡⲧⲣⲉ ⲛⲗⲁⲟⲥ ⲥⲱⲟⲩϩ ⲉⲩⲙⲁ ⲛⲟⲩⲱⲧ ⲁⲩⲱ ⲛⲉⲣⲣⲱⲟⲩ ⲣ ϩⲙϩⲁⲗ













24 ⲁϥⲟⲩⲱϣⲃ ⲛⲁϥ ϩⲛ ⲧϩⲓⲏ ⲛⲧⲉϥϭⲟⲙ ϫⲉ ϫⲱ ⲉⲣⲟⲓ ⲙⲡⲉⲥⲃⲟⲕ

ⲛⲛⲁϩⲟⲟⲩ

25 ⲙⲡⲣ ⲛⲧ ⲉϩⲣⲁⲓ ϩⲛ ⲧⲡⲁϣⲉ ⲛⲛⲁϩⲟⲟⲩ ⲁⲩⲱ ⲛⲉⲕⲣⲟⲙⲡⲉ ϩⲛ ⲟⲩϫⲱⲙ

ⲛⲛϫⲱⲙ

26 ϫⲓⲛ ⲧⲉϩⲟⲩⲉⲓⲧⲉ ⲛⲧⲟⲕ ⲡϫⲟⲉⲓⲥ ⲉⲛⲧⲁⲕⲥⲙⲛⲥⲛⲧⲉ ⲙⲡⲕⲁϩ ⲛⲉϩⲃⲏⲩⲉ

ⲛⲛⲉⲕϭⲓϫ ⲛⲉ ⲙⲡⲏⲩⲉ

27 ⲛⲧⲟⲟⲩ ⲥⲉⲛⲁϩⲉ ⲉⲃⲟⲗ ⲛⲧⲟⲕ ⲇⲉ ⲕϣⲟⲟⲡ ⲥⲉⲛⲁⲣ ⲁⲥ ⲧⲏⲣⲟⲩ ⲛⲧϩⲉ

ⲛⲟⲩϩⲟⲉⲓ ⲁⲩⲱ ⲕⲛⲁⲥⲉϩⲟⲩⲱⲟⲩ ⲛⲑⲉ ⲛⲟⲩⲣϣⲱⲛ ⲛⲥⲉϣⲓⲃⲉ

28 ⲛⲧⲟⲕ ⲇⲉ ⲛⲧⲟⲕ ⲟⲛ ⲡⲉ ⲁⲩⲱ ⲛⲉⲕⲣⲟⲙⲡⲉ ⲛⲁⲱϫⲛ ⲁⲛ

29 ⲛϣⲏⲣⲉ ⲛⲛⲉⲕϩⲙϩⲁⲗ ⲛⲁⲟⲩⲱϩ ϩⲓϫⲙ ⲡⲕⲁϩ ⲁⲩⲱ ⲡⲉⲩⲥⲡⲉⲣⲙⲁ

ⲛⲁⲥⲟⲟⲩⲧⲛ ϣⲁ ⲉⲛⲉϩ

Psalm 102

1 ⲡⲁⲇⲁⲩⲉⲓⲇ ⲧⲁⲯⲩⲭⲏ ⲥⲙⲟⲩ ⲉⲡϫⲟⲉⲓⲥ ⲁⲩⲱ ⲛⲉⲧϩⲙ ⲡⲁⲥⲁ ⲛϩⲟⲩⲛ

ⲧⲏⲣⲟⲩ ⲥⲙⲟⲩ ⲉⲡⲉϥⲣⲁⲛ ⲉⲧⲟⲩⲁⲁⲃ

2 ⲧⲁⲯⲩⲭⲏ ⲥⲙⲟⲩ ⲉⲡϫⲟⲉⲓⲥ ⲁⲩⲱ ⲙⲡⲣⲣ ⲡⲱⲃϣ ⲛⲛⲉϥⲧⲱⲱⲃⲉ ⲧⲏⲣⲟⲩ

3 ⲡⲉⲧⲕⲱ ⲛⲉ ⲉⲃⲟⲗ ⲛⲛⲟⲩⲁⲛⲟⲙⲓⲁ ⲧⲏⲣⲟⲩ ⲡⲉⲧⲧⲁⲗϭⲟ ⲛⲛⲟⲩϣⲱⲛⲉ

ⲧⲏⲣⲟⲩ

4 ⲡⲉⲧⲥⲱⲧⲉ ⲙⲡⲟⲩⲱⲛϩ ⲉⲃⲟⲗ ϩⲙ ⲡⲧⲁⲕⲟ ⲡⲉⲧϯ ⲛⲟⲩⲕⲗⲟⲙ ⲉϫⲱⲛ ⲛⲁ

ϩⲓ ⲙⲛⲧϣⲁⲛϩⲧⲏϥ

5 ⲡⲉⲧⲧⲥⲓⲟ ⲙⲡⲟⲩⲟⲩⲱϣ ⲛⲁⲅⲁⲑⲟⲛ ⲧⲟⲩⲙⲛⲧⲕⲟⲩⲓ ⲛⲁⲣ ⲃⲣⲣⲉ ⲛⲧϩⲉ












ⲛⲧⲁ ⲟⲩⲁⲉⲧⲟⲥ

6 ⲡϫⲟⲉⲓⲥ ⲡⲉⲧⲉⲓⲣⲉ ⲛϩⲉⲛⲙⲛⲧⲛⲁ ⲁⲩⲱ ⲡϩⲁⲡ ⲡⲉ ⲛⲟⲩⲟⲛ ⲛⲓⲙ ⲉⲧϫⲏⲩ

ⲛϭⲟⲛⲥ

7 ⲁϥⲟⲩⲉⲛϩ ⲛⲉϥϩⲓⲟⲟⲩⲉ ⲉⲙⲱⲩⲥⲏⲥ ⲛⲉϥⲟⲩⲱϣ ⲉⲛϣⲏⲣⲉ ⲙⲡⲓⲥⲣⲁⲏⲗ

8 ⲟⲩϣⲁⲛϩⲧⲏϥ ⲛⲛⲁⲏⲧ ⲡⲉ ⲡϫⲟⲉⲓⲥ ⲟⲩϩⲁⲣϣ ϩⲏⲧ ⲡⲉ ⲉⲛⲁϣⲉ ⲡⲉϥⲛⲁ

9 ⲛϥⲛⲁⲛⲟⲩϭⲥ ⲁⲛ ϣⲁⲃⲟⲗ ⲟⲩⲇⲉ ⲛϥⲛⲁϭⲱⲛⲧ ⲁⲛ ϣⲁ ⲉⲛⲉϩ

10 ⲛⲧⲁϥⲉⲓⲣⲉ ⲛⲁⲛ ⲁⲛ ⲕⲁⲧⲁ ⲛⲉⲛⲛⲟⲃⲉ ⲟⲩⲇⲉ ⲛⲧⲁϥⲧⲱⲱⲃⲉ ⲛⲁⲛ ⲁⲛ

ⲕⲁⲧⲁ ⲛⲉⲛⲁⲛⲟⲙⲓⲁ

11 ϫⲉ ⲕⲁⲧⲁ ⲡϫⲓⲥⲉ ⲛⲧⲡⲉ ⲉⲃⲟⲗ ϩⲙ ⲡⲕⲁϩ ⲁⲡϫⲟⲉⲓⲥ ⲧⲁϫⲣⲟ ⲡⲉϥⲛⲁ ⲉϫⲛ

ⲛⲉⲧⲣ ϩⲟⲧⲉ ϩⲏⲧϥ

12 ⲕⲁⲧⲁ ⲧϩⲏ ⲉⲧⲉⲣⲉⲡⲉⲉⲓⲃⲧ ⲟⲩⲏⲩ ⲙⲡⲉⲙⲛⲧ ⲁϥⲧⲣⲉ ⲛⲉⲛⲁⲛⲟⲙⲓⲁ ⲟⲩⲉ

ⲛⲥⲁⲃⲟⲗ ⲙⲙⲟⲛ

13 ⲛⲧϩⲉ ⲉϣⲁⲣⲉⲟⲩⲉⲓⲱⲧ ϣⲛϩⲧⲏϥ ϩⲁ ⲛⲉϥϣⲏⲣⲉ ⲁⲡϫⲟⲉⲓⲥ ϣⲛϩⲧⲏϥ ϩⲁ

ⲛⲉⲧⲣ ϩⲟⲧⲉ ϩⲏⲧϥ

14 ϫⲉ ⲛⲧⲟϥ ⲁϥⲉⲓⲙⲉ ⲉⲡⲉⲛⲡⲗⲁⲥⲙⲁ ⲁⲣⲓ ⲡⲙⲉⲉⲩⲉ ⲡϫⲟⲉⲓⲥ ϫⲉ ⲁⲛⲟⲛ

ⲟⲩⲕⲁϩ

15 ⲁⲩⲱ ⲛⲧϩⲉ ⲛⲟⲩⲭⲟⲣⲧⲟⲥ ⲛⲉ ⲛⲉϩⲟⲟⲩ ⲙⲡⲣⲱⲙⲉ ⲛⲧϩⲉ ⲛⲟⲩϩⲣⲏⲣⲉ

ⲛⲧⲥⲱϣⲉ ⲧⲁⲓ ⲧⲉ ⲧϩⲉ ⲉⲧϥⲛⲁϣⲟⲟⲩⲉ

16 ϫⲉ ⲁⲡⲉϥⲡⲛⲉⲩⲙⲁ ⲉⲓ ⲉⲃⲟⲗ ⲛϩⲏⲧϥ ⲁⲩⲱ ⲙⲉϥϣⲱⲡⲉ ⲁⲩⲱ

ⲙⲉϥⲧⲥⲧⲟϥ ⲉⲥⲟⲩ ⲙⲡⲉϥⲙⲁ












17 ⲡⲛⲁ ⲇⲉ ⲙⲡϫⲟⲉⲓⲥ ϫⲓⲛ ⲉⲛⲉϩ ϣⲁ ⲉⲛⲉϩ ⲡⲉ ⲉϫⲛ ⲛⲉⲧⲣ ϩⲟⲧⲉ ϩⲏⲧϥ

18 ⲁⲩⲱ ⲧⲉϥⲇⲓⲕⲁⲓⲟⲥⲩⲛⲏ ⲉϫⲛ ⲛϣⲏⲣⲉ ⲛⲛϣⲏⲣⲉ ⲛⲛⲉⲧϩⲁⲣⲉϩ

ⲉⲧⲉϥⲇⲓⲁⲑⲏⲕⲏ ⲁⲩⲱ ⲉⲧⲉⲓⲣⲉ ⲙⲡⲙⲉⲉⲩⲉ ⲛⲛⲉϥⲉⲛⲧⲟⲗⲏ ⲉⲁⲁⲩ

19 ⲁⲡϫⲟⲉⲓⲥ ⲥⲃⲧⲉ ⲡⲉϥⲑⲣⲟⲛⲟⲥ ϩⲛ ⲧⲡⲉ ⲁⲩⲱ ⲧⲉϥⲙⲛⲧⲉⲣⲟⲥ ⲛϫⲟⲉⲓⲥ ⲉϫⲛ

ⲟⲩⲟⲛ ⲛⲓⲙ

20 ⲥⲙⲟⲩ ⲉⲡϫⲟⲉⲓⲥ ⲛⲉϥⲁⲅⲅⲉⲗⲟⲥ ⲧⲏⲣⲟⲩ ⲛϫⲱⲱⲣⲉ ϩⲛ ⲧⲉⲩϭⲟⲙ ⲉⲧⲉⲓⲣⲉ

ⲙⲡⲉϥϣⲁϫⲉ ⲉⲥⲱⲧⲙ ⲉⲡⲉϩⲣⲟⲟⲩ ⲛⲛⲉϥϣⲁϫⲉ

21 ⲥⲙⲟⲩ ⲉⲡϫⲟⲉⲓⲥ ⲛⲉϥϭⲟⲙ ⲧⲏⲣⲟⲩ ⲛⲉϥϣⲙϣⲓⲧ ⲉⲧⲉⲓⲣⲉ ⲙⲡⲉϥⲟⲩⲱϣ

22 ⲥⲙⲟⲩ ⲉⲡϫⲟⲉⲓⲥ ⲛⲉϥϩⲃⲏⲩⲉ ⲧⲏⲣⲟⲩ ϩⲙ ⲙⲁ ⲛⲓⲙ ⲛⲧⲉϥⲙⲛⲧϫⲟⲉⲓⲥ

ⲧⲁⲯⲩⲭⲏ ⲥⲙⲟⲩ ⲉⲡϫⲟⲉⲓⲥ

Psalm 103

1 ⲡⲁ ⲇⲁⲩⲉⲓⲇ ⲧⲁⲯⲩⲭⲏ ⲥⲙⲟⲩ ⲉⲡϫⲟⲉⲓⲥ ⲡϫⲟⲉⲓⲥ ⲡϫⲟⲉⲓⲥ ⲡⲁⲛⲟⲩⲧⲉ

ⲁⲕⲣ ⲧϩⲉ ⲛⲙⲛⲧⲛⲟϭ ⲉⲙⲁⲧⲉ

2 ⲁⲕϯ ϩⲓⲱⲱⲕ ⲛⲟⲩⲟⲩⲱⲛϩ ⲉⲃⲟⲗ ⲙⲛⲟⲩⲥⲁ ⲡⲉⲛⲧⲁϥϭⲟⲟⲗⲉϥ

ⲙⲡⲟⲩⲟⲉⲓⲛ ⲛⲧϩⲉ ⲛⲟⲩϩⲟⲉⲓⲧⲉ ⲁϥⲡⲉⲣϣⲧ ⲉⲃⲟⲗ ⲡⲉ ⲛⲧϩⲉ ⲛⲟⲩϩⲃⲱ

3 ⲡⲉⲛⲧⲁϥⲃⲉϩⲛ ⲛⲉϥⲡⲉⲧϫⲟⲥⲉ ϩⲛ ⲟⲩⲙⲟⲟⲩ ⲉⲁϥⲕⲱ ⲛⲛⲉⲕⲗⲟⲟⲗⲉ

ⲉⲧⲣⲉϥⲁⲗⲉ ⲉϩⲣⲁⲓ ⲉϫⲱⲟⲩ ⲡⲉⲧⲙⲟⲟϣⲉ ⲉϫⲛ ⲛⲧⲛϩ ⲛⲛⲧⲏⲩ

4 ⲡⲉⲧⲧⲁⲙⲓⲟ ⲛⲛⲉϥⲁⲅⲅⲉⲗⲟⲥ ⲙⲡⲛⲁ ⲁⲩⲱ ⲛⲉϥⲗⲉⲓⲧⲟⲩⲣⲅⲟⲥ ⲛϣⲁϩ

ⲛⲥⲁⲧⲉ

5 ⲁϥⲥⲙⲛⲥⲛⲧⲉ ⲙⲡⲕⲁϩ ϩⲛ ⲟⲩⲱⲣϫ ⲛϥⲛⲁⲕⲓⲙ ⲁⲛ ϣⲁ ⲉⲛⲉϩ ⲛⲉⲛⲉϩ












6 ⲁϥϭⲟⲟⲗⲉϥ ⲙⲡⲛⲟⲩⲛ ⲛⲧϩⲉ ⲛⲟⲩⲣϣⲱⲛ ⲙⲙⲟⲟⲩ ⲛⲁⲁϩⲉⲣⲁⲧⲟⲩ ϩⲓϫⲛ

ⲛⲧⲟⲟⲩ

7 ⲥⲉⲛⲁⲡⲱⲧ ⲉⲃⲟⲗ ⲛⲧⲉⲕⲉⲡⲓⲧⲩⲙⲓⲁ ⲛⲥⲉⲣ ϭⲱⲃ ⲙⲡⲉϩⲣⲟⲟⲩ

ⲛⲛⲉⲕϩⲣⲟⲩⲃⲁⲓ

8 ⲛⲧⲟⲩⲉⲓⲏ ϫⲟⲥⲉ ⲛⲥⲟϣ ⲉϩⲟⲃⲉ ϩⲛ ⲛⲉⲩⲙⲁ ⲉⲛⲧⲁⲕⲥⲙⲛⲥⲛⲧⲉ ⲙⲙⲟⲟⲩ

ⲛⲁⲩ

9 ⲁⲕⲕⲱ ⲛⲁⲩ ⲛⲟⲩⲧⲱϣ ⲛⲛⲉⲩⲉϣ ⲥⲁⲁⲧϥ ⲟⲩⲇⲉ ⲛⲛⲉⲩⲉϣⲕⲟⲧⲟⲩ ⲉϩⲃⲥ

ⲡⲕⲁϩ

10 ⲡⲉⲧϫⲟⲟⲩⲛ ⲙⲡⲏⲅⲏ ϩⲛ ⲛⲉⲓⲁ ⲙⲙⲟⲟⲩ ⲛⲁⲙⲟⲟϣⲉ ϩⲛ ⲧⲙⲏⲧⲉ ⲛⲛⲧⲟⲟⲩ

11 ⲛⲥⲉⲧⲥⲟ ⲛⲛⲉⲑⲏⲣⲓⲟⲛ ⲧⲏⲣⲟⲩ ⲛⲧⲥⲱϣⲉ ⲛⲉⲓⲁϩⲟⲟⲩⲧ ϣⲁⲩϫⲓⲧⲟⲩ

ⲉⲡⲉⲩⲉⲓⲃⲉ

12 ϣⲁⲩⲟⲩⲱϩ ϩⲓϫⲱⲟⲩ ⲛϭⲓ ⲛϩⲁⲗⲁⲧⲉ ⲛⲧⲡⲉ ϣⲁⲩϯ ⲛⲧⲉⲩⲥⲙⲏ

ⲛⲧⲙⲏⲧⲉ ⲛⲙⲡⲉⲧⲣⲁ

13 ⲡⲉⲧⲧⲥⲟ ⲛⲛⲧⲟⲩⲉⲓⲏ ⲉⲃⲟⲗ ϩⲛ ⲛⲉϥⲡⲉⲧϫⲟⲥⲉ ⲡⲕⲁϩ ⲛⲁⲙⲟⲩϩ ⲉⲃⲟⲗ

ϩⲛ ⲛⲕⲁⲣⲡⲟⲥ ⲛⲛⲉϥϩⲃⲏⲩⲉ

14 ⲡⲉⲧϯ ⲟⲩⲱ ⲛⲟⲩⲭⲟⲣⲧⲟⲥ ⲛⲛⲧⲃⲛⲟⲟⲩⲉ ⲟⲩⲟⲩⲟⲧⲟⲩⲉⲧ

ⲛⲧⲙⲛⲧϩⲙϩⲁⲗ ⲛⲛⲣⲱⲙⲉ ⲉⲧⲁⲩⲉⲟⲉⲓⲕ ⲉⲃⲟⲗ ϩⲙ ⲡⲕⲁϩ

15 ⲁⲩⲱ ⲡⲏⲣⲡⲉ ⲉⲩⲫⲣⲁⲛⲉ ⲙⲡϩⲏⲧ ⲙⲡⲣⲱⲙⲉ ⲉⲧⲣⲉⲡⲉϥϩⲟ ⲟⲩⲣⲟⲧ ϩⲛ

ⲟⲩⲛⲉϩ ⲡⲟⲉⲓⲕ ⲡⲉⲧⲧⲁϫⲣⲟ ⲙⲡϩⲏⲧ ⲙⲡⲣⲱⲙⲉ

16 ⲥⲉⲛⲁⲥⲉⲓ ⲛϭⲓ ⲛϣⲏⲛ ⲛⲧⲥⲱϣⲉ ⲛⲕⲉⲇⲣⲟⲥ ⲙⲡⲗⲓⲃⲁⲛⲟⲥ ⲉⲛⲧⲁⲧⲟϭⲟⲩ












17 ⲉⲣⲉⲛϫⲁϫ ⲙⲥⲉ ⲛϩⲏⲧⲟⲩ ⲡⲏⲓ ⲙⲡⲉⲗϭⲱⲃ ϫⲟⲥⲉ ⲉⲣⲟⲟⲩ

18 ⲁⲕϯ ⲛⲧⲟⲟⲩ ⲉⲧϫⲟⲥⲉ ⲛⲛⲓⲉⲉⲓⲟⲩⲗ ⲙⲡⲉⲧⲣⲁ ⲙⲙⲁ ⲛⲡⲱⲧ

ⲛⲛⲥⲁⲣⲁϭⲱⲟⲩϣ

19 ⲁⲕⲕⲁ ⲡⲟⲟϩ ⲉϩⲉⲛⲟⲩⲟⲉⲓϣ ⲡⲣⲏ ⲁϥⲥⲟⲩⲛ ⲡⲉϥⲙⲁ ⲛϩⲟⲧⲡ

20 ⲁⲕⲕⲁ ⲡⲕⲁⲕⲉ ⲁⲧⲉⲩϣⲏ ϣⲱⲡⲉ ⲥⲉⲛⲁⲙⲟⲟϣⲉ ⲛϩⲏⲧⲥ ⲛϭⲓ ⲛⲉⲑⲏⲣⲓⲟⲛ

ⲧⲏⲣⲟⲩ ⲛⲧⲥⲱϣⲉ

21 ⲙⲙⲁⲥ ⲙⲙⲟⲩⲓ ⲉⲩⲗϩⲏⲙ ⲉⲧⲱⲣⲡ ⲉϣⲓⲛⲉ ⲛⲥⲁⲧⲉⲩϩⲣⲉ ⲉⲃⲟⲗ ϩⲓⲧ


22 ⲁⲡⲣⲏ ϣⲁ ⲁⲩⲥⲱⲟⲩϩ ⲉϩⲟⲩⲛ ⲁⲩⲛⲕⲟⲧⲕ ϩⲛ ⲛⲉⲩⲃⲏⲃ ⲁⲡⲣⲱⲙⲉ ⲉⲓ

ⲉⲃⲟⲗ ⲉⲡⲉϥϩⲱⲃ

23 ⲁⲩⲱ ⲧⲉϥⲉⲣⲅⲁⲥⲓⲁ ϣⲁ ⲡⲛⲁⲩ ⲛⲣⲟⲩϩⲉ

24 ⲛⲧϩⲉ ⲉⲛⲧⲁ ⲛⲉⲕϩⲃⲏⲩⲉ ⲁⲓⲁⲓ ⲡϫⲟⲉⲓⲥ ⲁⲕⲧⲁⲙⲟⲟⲩ ⲧⲏⲣⲟⲩ ϩⲛ

ⲟⲩⲥⲟⲫⲓⲁ ⲁⲡⲕⲁϩ ⲙⲟⲩϩ ⲉⲃⲟⲗ ϩⲙ ⲡⲉⲕⲥⲱⲛⲧ

25 ⲧⲉⲑⲁⲗⲁⲥⲥⲁ ϯⲛⲟϭ ⲉⲧⲟⲩⲟϣⲥ ⲉⲣⲉⲛϫⲁⲧϥⲉ ⲛϩⲏⲧⲥ ⲉⲧⲉⲙⲛ ⲧⲟⲩⲏⲡⲉ

ⲛⲓⲕⲟⲩⲓ ⲉⲧⲟⲛϩ ⲙⲛ ⲛⲓⲛⲟϭ

26 ⲉⲣⲉⲛⲉϫⲏⲩ ⲥϭⲏⲣ ⲛϩⲏⲧⲥ ⲉϥⲙⲙⲁⲩ ⲛϭⲓ ⲡⲉⲇⲣⲁⲕⲟⲛ ⲡⲁⲓ

ⲉⲛⲧⲁⲕⲡⲗⲁⲥⲥⲉ ⲙⲙⲟϥ ⲉⲥⲱⲃⲉ ⲙⲙⲟϥ

27 ⲉⲩϭⲱϣⲧ ⲉⲃⲟⲗ ϩⲏⲧⲕ ⲧⲏⲣⲟⲩ ⲉϯ ⲧⲉϩⲣⲉ ⲛⲁⲩ ⲙⲡⲉⲩⲟⲩⲟⲉⲓϣ

28 ⲉⲕϣⲁⲛϯ ⲛⲁⲩ ⲥⲉⲛⲁⲥⲱⲟⲩϩ ⲉϩⲟⲩⲛ ⲉⲕϣⲁⲛⲟⲩⲱⲛ ⲛⲧⲉⲕϭⲓϫ ⲥⲉⲛⲁⲥⲉⲓ

ⲧⲏⲣⲟⲩ ϩⲛ ⲧⲉⲕⲙⲛⲧⲭⲣⲏⲥⲧⲟⲥ













29 ⲉⲥϣⲁⲛⲕⲧⲟ ⲉⲃⲟⲗ ⲙⲡⲉⲕϩⲟ ⲥⲉⲛⲁϣⲧⲟⲣⲧⲣ ⲕⲛⲁϥⲓ ⲙⲡⲉⲩⲡⲛⲉⲩⲙⲁ

ⲛⲥⲉⲱϫⲛ ⲛⲥⲉⲕⲟⲧⲟⲩ ⲉⲡⲉⲩⲕⲁϩ

30 ⲕⲛⲁⲧⲛⲛⲟⲟⲩ ⲙⲡⲉⲕⲡⲛⲉⲩⲙⲁ ⲛⲥⲉⲥⲱⲛⲧ ⲛⲅⲣ ⲡϩⲟ ⲙⲡⲕⲁϩ ⲛⲃⲣⲣⲉ

ⲛⲕⲉⲥⲟⲡ

31 ⲙⲁⲣⲉⲡⲉⲟⲟⲩ ⲙⲡϫⲟⲉⲓⲥ ϣⲱⲡⲉ ϣⲁ ⲉⲛⲉϩ ⲡϫⲟⲉⲓⲥ ⲛⲁⲉⲩⲫⲣⲁⲛⲉ ⲉϫⲛ

ⲛⲉϥϩⲃⲏⲩⲉ

32 ⲡⲉⲧϭⲱϣⲧ ⲉϫⲙ ⲡⲕⲁϩ ⲉⲧⲣⲉϥⲥⲧⲱⲧ ⲡⲉϣⲁϥϫⲱϩ ⲉⲛⲧⲟⲟⲩ ⲛⲥⲉϯ

ⲕⲁⲡⲛⲟⲥ

33 ϯⲛⲁϫⲱ ⲉⲡϫⲟⲉⲓⲥ ϩⲙ ⲡⲁⲱⲛϩ ϯⲛⲁⲯⲁⲗⲗⲉⲓ ⲉⲡⲁⲛⲟⲩⲧⲉ ϩⲟⲥⲟⲛ

ϯϣⲟⲟⲡ

34 ⲡⲁϣⲁϫⲉ ⲛⲁϣⲱⲡⲉ ⲉϥϩⲟⲗϭ ⲛⲁϥ ⲁⲛⲟⲕ ⲇⲉ ϯⲛⲁⲉⲩⲫⲣⲁⲛⲉ ⲉϫⲙ

ⲡϫⲟⲉⲓⲥ ⲉⲣⲉⲛⲣⲉϥⲣⲛⲟⲃⲉ ⲱϫⲛ ϩⲓϫⲙ ⲡⲕⲁϩ

35 ⲁⲩⲱ ⲛⲁⲛⲟⲙⲟⲥ ϩⲱⲥⲧⲉ ⲉⲧⲙⲧⲣⲉⲩϣⲱⲡⲉ ⲧⲁⲯⲩⲭⲏ ⲥⲙⲟⲩ ⲉⲡϫⲟⲉⲓⲥ

36

Psalm 104

1 ⲁⲗⲗⲏⲗⲟⲩⲓⲁ ⲟⲩⲱⲛϩ ⲉⲃⲟⲗ ⲡϫⲟⲉⲓⲥ ⲛⲧⲉⲧⲛⲉⲡⲓⲕⲁⲗⲉⲓ ⲙⲡⲉϥⲣⲁⲛ

ⲛⲧⲉⲧⲛϫⲱ ⲛⲛⲉϥϩⲃⲏⲩⲉ ϩⲛ ⲛϩⲉⲑⲛⲟⲥ

2 ϫⲱ ⲉⲣⲟϥ ⲛⲧⲉⲧⲛⲯⲁⲗⲗⲉⲓ ⲉⲣⲟϥ ⲛⲧⲉⲧⲛϫⲱ ⲛⲛⲉϥϣⲡⲏⲣⲉ ⲧⲏⲣⲟⲩ

3 ⲛⲧⲉⲧⲛϫⲓ ⲧⲁⲉⲓⲟ ϩⲙ ⲡⲉϥⲣⲁⲛ ⲉⲧⲟⲩⲁⲁⲃ ⲙⲁⲣⲉⲡϩⲏⲧ ⲉⲧⲫⲣⲁⲛⲉ

ⲛⲛⲉⲧϣⲓⲛⲉ ⲛⲥⲁ ⲡϫⲟⲉⲓⲥ












4 ϣⲓⲛⲉ ⲛⲥⲁ ⲡϫⲟⲉⲓⲥ ⲛⲧⲉⲧⲛϭⲙϭⲟⲙ ϣⲓⲛⲉ ⲛⲥⲁ ⲡⲉϥϩⲟ ⲛⲟⲩⲟⲉⲓϣ ⲛⲓⲙ

5 ⲁⲣⲓⲡⲙⲉⲉⲩⲉ ⲛⲛⲉϥϣⲡⲏⲣⲉ ⲛⲧⲉϥⲁⲁⲩ ⲛⲉϥϩⲃⲏⲩⲉ ⲁⲩⲱ ⲛϩⲁⲡ

ⲛⲧⲉϥⲧⲁⲡⲣⲟ

6 ⲡⲉⲥⲡⲉⲣⲙⲁ ⲛⲁⲃⲣⲁϩⲁⲙ ⲛⲉϥϩⲙϩⲁⲗ ⲛϣⲏⲣⲉ ⲛⲓⲁⲕⲱⲃ ⲛⲉϥⲥⲱⲧⲡ

7 ⲛⲧⲟϥ ⲡⲉ ⲡϫⲟⲉⲓⲥ ⲡⲉⲛⲛⲟⲩⲧⲉ ⲛⲉϥϩⲁⲡ ϩⲙ ⲡⲕⲁϩ ⲧⲏⲣϥ

8 ⲁϥⲣ ⲡⲙⲉⲉⲩⲉ ⲛⲧⲉϥⲇⲓⲁⲑⲏⲕⲏ ϣⲁ ⲉⲛⲉϩ ⲡϣⲁϫⲉ ⲛⲧⲉϥϩⲱⲛ ⲙⲙⲟϥ

ⲉϣⲟ ⲛⲅⲉⲛⲉⲁ

9 ⲡⲉⲛⲧⲁϥⲥⲙⲛⲧϥ ⲙⲛ ⲁⲃⲣⲁϩⲁⲙ ⲁⲩⲱ ⲡⲉϥⲁⲛⲁϣ ⲙⲛ ⲓⲥⲁⲁⲕ

10 ⲁϥⲧⲁϩⲟϥ ⲉⲣⲁⲧϥ ⲛⲓⲁⲕⲱⲃ ⲙⲡⲟⲥⲧⲁⲅⲙⲁ ⲁⲩⲱ ⲡⲓⲥⲣⲁⲏⲗ

ⲉⲩⲇⲓⲁⲑⲏⲕⲏ ⲛϣⲁ ⲉⲛⲉϩ

11 ⲉϥϫⲱ ⲙⲙⲟⲥ ϫⲉ ϯⲛⲁϯ ⲛⲁⲕ ⲙⲡⲕⲁϩ ⲛⲭⲁⲛⲁⲁⲛ ⲛⲥⲕⲛⲟⲩϩ

ⲛⲧⲉⲧⲛⲕⲗⲏⲣⲟⲛⲟⲙⲓⲁ

12 ϩⲙ ⲡⲧⲣⲉⲩϣⲱⲡⲉ ⲉⲩⲥⲟⲃⲕ ϩⲛ ⲧⲉⲩⲏⲡⲉ ⲉⲩⲥⲟⲃⲕ ⲉⲩⲟ ⲛⲣⲙⲛϭⲟⲓⲗⲉ

ⲛϩⲏⲧϥ

13 ⲁⲩⲉⲓ ⲉⲃⲟⲗ ϩⲛ ⲟⲩϩⲉⲑⲛⲟⲥ ⲉⲩϩⲉⲑⲛⲟⲥ ⲁⲩⲱ ⲉⲃⲟⲗ ϩⲛ ⲕⲉⲙⲛⲧⲉⲣⲟ

ⲉⲕⲉⲗⲁⲟⲥ

14 ⲙⲡϥⲕⲁ ⲣⲱⲙⲉ ⲉϫⲓⲧⲟⲩ ⲛϭⲟⲛⲥ ⲁϥϫⲡⲓⲟ ⲉϩⲉⲛⲉⲣⲱⲟⲩ ⲉⲧⲃⲏⲧⲟⲩ

15 ϫⲉ ⲙⲡⲣϫⲱϩ ⲉⲛⲁⲭⲣⲏⲥⲧⲟⲥ ⲙⲡⲣ ⲡⲟⲣⲛⲏⲉⲩⲉ ϩⲛ ⲛⲁⲡⲣⲟⲫⲏⲧⲏⲥ

16 ⲁϥⲙⲟⲩⲧⲉ ⲉⲩϩⲉⲃⲱⲱⲛ ⲉϫⲙ ⲡⲕⲁϩ ⲁϥⲟⲩⲱϣϥ ⲙⲡⲧⲁϫⲣⲟ ⲙⲡⲟⲉⲓⲕ

17 ⲁϥϫⲉⲩ ⲟⲩⲣⲱⲙⲉ ϩⲁ ⲧⲉⲩϩⲏ ⲁⲩϯ ⲛⲓⲱⲥⲏⲫ ⲉⲃⲟⲗ ⲉⲩϩⲙϩⲁⲗ















18 ⲁⲩⲑⲃⲃⲓⲉ ⲛⲉϥⲟⲩⲉⲣⲏⲧⲉ ϩⲙ ⲡⲉⲓⲛⲉ ⲛϩⲟⲙⲛⲧ ⲁⲧⲉϥⲯⲩⲭⲏ ⲥⲉⲓⲛⲉ ϩⲛ

ⲟⲩⲡⲉⲛⲓⲡⲉ

19 ϣⲁⲛⲧⲉϥⲉⲓ ⲛϭⲓ ⲡⲉϥϣⲁϫⲉ ⲡϣⲁϫⲉ ⲙⲡϫⲟⲉⲓⲥ ⲡⲉⲛⲧⲁϥⲡⲁⲥⲧϥ

20 ⲁⲡⲣⲣⲟ ϫⲟⲟⲩ ⲁϥⲃⲟⲗϥ ⲉⲃⲟⲗ ⲡⲁⲣⲭⲱⲛ ⲛⲛⲗⲁⲟⲥ ⲁϥⲕⲁⲁϥ ⲉⲃⲟⲗ

21 ⲁϥⲕⲁⲑⲓⲥⲧⲁ ⲙⲙⲟϥ ⲛϫⲉⲓⲟⲥ ⲉϫⲙ ⲡⲉϥⲏⲓ ⲁⲩⲱ ⲛⲁⲣⲭⲱⲛ ⲙⲡⲉⲧⲛⲧⲁϥ

ⲧⲏⲣϥ

22 ⲉϯⲥⲃⲱ ⲛⲛⲉϥⲁⲣⲭⲱⲛ ⲛⲧⲉϥϩⲉ ⲁⲩⲱ ⲉⲧⲥⲁⲃⲉ ⲛⲉϥϩⲗⲗⲟ

23 ⲁⲡⲓⲥⲣⲁⲏⲗ ⲃⲱⲕ ⲉϩⲣⲁⲓ ⲉⲕⲏⲙⲉ ⲓⲁⲕⲱⲃ ⲁϥϭⲟⲓⲗⲉ ⲉⲡⲕⲁϩ ⲛⲭⲁⲙ

24 ⲁϥⲁⲩⲝⲁⲛⲉ ⲙⲡⲉϥⲗⲁⲟⲥ ⲉⲙⲁⲧⲉ ⲁϥϯϭⲟⲙ ⲛⲁϥ ⲉϩⲟⲩⲉ ⲛⲉϥϫⲓϫⲉⲉⲩ

25 ⲁϥⲕⲧⲉ ⲡⲉϥϩⲏⲧ ⲉⲙⲉⲥⲧⲉ ⲡⲉϥⲗⲁⲟⲥ ⲁⲩⲱ ⲉⲣⲕⲣⲟϥ ϩⲛ ⲛⲉϥϩⲙϩⲁⲗ

26 ⲁϥϫⲉⲩ ⲙⲱⲩⲥⲏⲥ ⲡⲉϥϩⲙϩⲁⲗ ⲙⲛ ⲁⲁⲣⲱⲛ ⲡⲉⲧⲁϥⲥⲟⲧⲡϥ

27 ⲁϥⲕⲱ ⲛϩⲏⲧⲟⲩ ⲛⲛϣⲁϫⲉ ⲛⲛⲉϥⲙⲁⲉⲓⲛ ⲁⲩⲱ ⲛⲉϥϣⲡⲏⲣⲉ ϩⲙ ⲡⲕⲁϩ

ⲛⲭⲁⲙ

28 ⲁϥϫⲟⲟⲩ ⲛⲟⲩⲕⲁⲕⲉ ⲁϥϩⲟⲃⲥⲟⲩ ⲁⲩⲱ ⲁϥϯ ⲛⲟⲩϭⲥ ⲛⲛⲉϥϣⲁϫⲉ

29 ⲁϥⲕⲧⲟ ⲛⲛⲉⲩⲙⲟⲟⲩ ⲉⲩⲥⲛⲟϥ ⲁⲩⲱ ⲁϥⲙⲟⲩⲟⲩⲧ ⲛⲛⲉⲩⲧⲃⲧ

30 ⲁⲡⲉⲩⲕⲁϩ ⲧⲁⲩⲟ ⲉϩⲣⲁⲓ ⲛϩⲉⲛⲕⲣⲟⲩⲣ ϩⲛ ⲛⲧⲁⲙⲓⲟⲛ ⲛⲛⲉⲩⲣⲣⲱⲟⲩ

31 ⲁϥϫⲟⲟⲥ ⲁϥⲉⲓ ⲛϭⲓ ⲡⲁϥ ⲛⲟⲩϩⲟⲣ ⲁⲩⲱ ⲡⲉϩⲗⲱⲙ ϩⲛ ⲛⲉⲩⲧⲟϣ ⲧⲏⲣⲟⲩ

32 ⲁϥⲕⲱ ⲛⲛⲉⲩϩⲱⲟⲩ ⲛⲁⲗ ⲛⲡⲉ ⲛⲕⲱϩⲧ ⲉϥⲙⲟⲩϩ ϩⲙ ⲡⲉⲩⲕⲁϩ

33 ⲁϥⲡⲁⲧⲁⲥⲥⲉ ⲛⲛⲉⲩⲃⲱ ⲛⲉⲗⲟⲟⲗⲉ ⲙⲛ ⲛⲉⲩⲃⲱ ⲛⲕⲛⲧⲉ

34 ⲁϥⲟⲩⲱϣϥ ⲛϣⲏⲛ ⲛⲓⲙ ⲛⲛⲉⲩⲧⲟϣ ⲁϥϫⲟⲟⲥ ⲁϥⲉⲓ ⲛϭⲓ ⲡⲉϣϫⲉ ⲁⲩⲱ


















ⲡⲉⲃⲣⲟⲩⲭⲟⲥ ⲉⲧⲉⲙⲛⲧϥ ⲏⲡⲉ

35 ⲁϥⲟⲩⲱⲙ ⲙⲡⲉⲭⲟⲣⲧⲟⲥ ⲧⲏⲣϥ ⲙⲡⲉⲩⲕⲁϩ

36 ⲁϥⲡⲁⲧⲁⲥⲥⲉ ⲛϣⲣⲡ ⲙⲙⲓⲥⲉ ⲛⲓⲙ ⲙⲡⲉⲩⲕⲁϩ ⲧⲁⲡⲁⲣⲭⲏ ⲛⲛⲉⲩϩⲓⲥⲉ

ⲧⲏⲣⲟⲩ

37 ⲁϥⲛⲧⲟⲩ ⲉⲃⲟⲗ ϩⲙ ⲡϩⲁⲧ ⲙⲛ ⲡⲛⲟⲩⲃ ⲛⲉ ⲙⲛⲡⲉⲧϭⲟⲟⲃ ϩⲛ

ⲛⲉⲩⲫⲩⲗⲏ

38 ⲁⲕⲏⲙⲉ ⲉⲩⲫⲣⲁⲛⲉ ϩⲙ ⲡⲉⲩⲉⲓ ⲉⲃⲟⲗ ϫⲉ ⲁⲧⲉⲩϩⲟⲧⲉ ⲉⲓ ⲉϩⲣⲁⲓ ⲉϫⲱⲟⲩ

39 ⲁϥⲡⲉⲣϣ ⲟⲩⲕⲗⲟⲟⲗⲉ ⲉⲃⲟⲗ ⲉⲣϩⲁⲓⲃⲉⲥ ⲉⲣⲟⲟⲩ ⲙⲛ ⲟⲩⲕⲱϩⲧ ⲉⲣ

ⲟⲩⲟⲉⲓⲛ ⲉⲣⲟⲟⲩ ⲛⲧⲉⲩϣⲏ

40 ⲁⲩⲁⲓⲧⲉⲓ ⲛϩⲉⲛⲁϥ ⲁⲥⲉⲓ ⲛⲁⲩ ⲛϭⲓ ⲟⲩϩⲏ ⲙⲡⲏⲣⲉ ⲁϥⲧⲥⲓⲟⲩ ⲙⲡⲟⲉⲓⲕ

ⲛⲧⲡⲉ

41 ⲁϥⲡⲱϩ ⲛⲟⲩⲡⲉⲧⲣⲁ ⲁϩⲉⲛⲙⲟⲟⲩ ϣⲟⲩⲟ ⲉⲃⲟⲗ ⲁϩⲉⲛⲉⲓⲉⲣⲱⲟⲩ ⲥⲱⲕ ϩⲛ

ϩⲉⲛⲙⲁ ⲉⲙⲛⲙⲟⲟⲩ ⲛϩⲏⲧⲟⲩ

42 ϫⲉ ⲁϥⲣ ⲡⲙⲉⲉⲩⲉ ⲙⲡⲉϥϣⲁ ϫⲉ ⲉⲧⲟⲩⲁⲁⲃ ⲉⲛⲧⲁϥⲥⲙⲛⲧϥ ⲙⲛ

ⲁⲃⲣⲁϩⲁⲙ ⲡⲉϥϩⲙϩⲁⲗ

43 ⲁϥⲛ ⲡⲉϥⲗⲁⲟⲥ ⲉⲃⲟⲗ ϩⲛ ⲟⲩⲧⲉⲗⲏⲗ ⲁⲩⲱ ⲛⲉϥⲥⲱⲧⲡ ϩⲛ ⲟⲩⲟⲩⲛⲟϥ

44 ⲁϥϯ ⲛⲁⲩ ⲛⲛⲉⲭⲱⲣⲁ ⲛⲛϩⲉⲑⲛⲟⲥ ⲁⲩⲕⲗⲏⲣⲟⲛⲟⲙⲉⲓ ⲛⲛϩⲓⲥⲉ ⲛⲛⲗⲁⲟⲥ

45 ϫⲉⲕⲁⲥ ⲉⲩⲉϩⲁⲣⲉϩ ⲉⲛⲉϥⲇⲓⲕⲁⲓⲱⲙⲁ ⲁⲩⲱ ⲛⲥⲉϣⲓⲛⲉ ⲛⲥⲁ ⲡⲉϥⲛⲟⲙⲟⲥ

Psalm 105

1 ⲁⲗⲗⲏⲗⲟⲩⲓⲁ ⲟⲩⲱⲛϩ ⲉⲃⲟⲗ ⲙⲡϫⲟⲉⲓⲥ ϫⲉ ⲟⲩⲭⲣⲏⲥⲧⲟⲥ ⲡⲉ ⲁⲩⲱ













ⲡⲉϥⲛⲁ ϣⲟⲟⲡ ϣⲁ ⲉⲛⲉϩ

2 ⲛⲓⲙ ⲡⲉⲧⲛⲁϫⲱ ⲛⲛϭⲟⲙ ⲙⲡϫⲟⲉⲓⲥ ⲛϥⲧⲣⲉⲩⲥⲱⲧⲙ ⲉⲛⲉϥⲥⲙⲟⲩ ⲧⲏⲣⲟⲩ

3 ⲛⲁⲓⲁⲧⲟⲩ ⲛⲛⲉⲧϩⲁⲣⲉϩ ⲉⲡϩⲁⲡ ⲉⲧⲉⲓⲣⲉ ⲛⲧⲇⲓⲕⲁⲓⲟⲥⲩⲛⲏ ⲛⲟⲩⲟⲉⲓϣ ⲛⲓⲙ

4 ⲁⲣⲓ ⲡⲉⲛⲙⲉⲉⲩⲉ ⲡϫⲟⲉⲓⲥ ϩⲙ ⲡⲟⲩⲱϣ ⲙⲡⲉⲕⲗⲁⲟⲥ ⲛⲅϭⲙ ⲡⲉⲛϣⲓⲛⲉ ϩⲙ

ⲡⲉⲕⲟⲩϫⲁⲓ

5 ⲉⲧⲣⲉⲛⲛⲁⲩ ϩⲛ ⲧⲙⲛⲧⲭⲣⲏⲥⲧⲟⲥ ⲛⲛⲉⲕⲥⲱⲧⲡ ⲛⲧⲛⲉⲩⲫⲣⲁⲛⲉ ϩⲙ

ⲡⲟⲩⲛⲟϥ ⲙⲡⲉⲕϩⲉⲑⲛⲟⲥ ⲉⲧⲣⲉⲛϫⲓ ⲧⲁⲉⲓⲟ ⲙⲛ ⲧⲉⲕⲕⲗⲏⲣⲟⲛⲟⲙⲓⲁ

6 ϫⲉ ⲁⲛⲣ ⲛⲟⲃⲉ ⲙⲛ ⲛⲉⲛⲉⲓⲟⲧⲉ ⲁⲛⲁⲛⲟⲙⲓⲁ ⲛϫⲓⲛϭⲟⲛⲥ

7 ⲛⲉⲛⲉⲓⲟⲧⲉ ⲙⲡⲟⲩⲉⲓⲙⲉ ⲉⲛⲉⲕϣⲡⲏⲣⲉ ϩⲛ ⲕⲏⲙⲉ ⲙⲡⲟⲩⲣ ⲡⲙⲉⲉⲩⲉ

ⲙⲡⲁϣⲁⲓ ⲙⲡⲉⲕⲛⲁ ⲁⲩϯ ⲛⲟⲩϭⲥ ⲉⲩⲛⲏⲩ ⲉϩⲣⲁⲓ ϩⲛ ⲧⲉⲣⲩⲑⲣⲁ

ⲑⲁⲗⲁⲥⲥⲁ

8 ⲁⲩⲱ ⲁⲩⲧⲟⲩϫⲟⲟⲩ ⲉⲧⲃⲉ ⲡⲉϥⲣⲁⲛ ⲉⲟⲩⲱⲛϩ ⲉⲃⲟⲗ ⲛⲧⲉϥϭⲟⲙ

9 ⲁϥⲉⲡⲓⲧⲏⲙⲁ ⲛⲧⲉⲣⲩⲑⲣⲁ ⲑⲁⲗⲁⲥⲥⲁ ⲁⲥϣⲟⲟⲩⲉ ⲁϥϫⲓ ⲙⲟⲉⲓⲧ ϩⲏⲧⲟⲩ

ϩⲛ ⲛⲛⲟⲩⲛ ⲛⲧϩⲉ ⲛⲟⲩϫⲁⲓⲉ

10 ⲁϥⲧⲟⲩϫⲟⲟⲩ ⲉⲧϭⲓϫ ⲛⲛⲉⲧⲙⲟⲥⲧⲉ ⲁⲩⲥⲟⲧⲟⲩ ⲉⲃⲟⲗ ϩⲛ ⲧϭⲓϫ

ⲙⲡϫⲁϫⲉ

11 ⲁⲡⲙⲟⲟⲩ ϩⲱⲃⲥ ⲉϫⲛ ⲡⲉⲧⲑⲗⲓⲃⲉ ⲙⲙⲟⲟⲩ ⲙⲡⲉⲟⲩⲁ ϣⲱϫⲡ ⲛϩⲏⲧⲟⲩ

12 ⲁⲩⲡⲓⲥⲧⲉⲩⲉ ϩⲛ ⲛⲉϥϣⲁϫⲉ ⲁⲩⲥⲙⲟⲩ ϩⲙ ⲡⲉϥⲥⲙⲟⲩ

13 ⲁⲩϭⲉⲡⲏ ⲉⲣ ⲡⲱⲃϣ ⲛⲛⲉϥϩⲃⲏⲩⲉ ⲙⲡⲟⲩϩⲩⲡⲟⲙⲉⲓⲛⲉ ϩⲙ ⲡⲉϥϣⲟϫⲛⲉ

14 ⲁⲩⲉⲡⲓⲑⲩⲙⲉⲓ ⲉⲩⲉⲡⲓⲑⲩⲙⲓⲁ ϩⲓ ⲡϫⲁⲓⲉ ⲁⲩⲡⲉⲓⲣⲁⲍⲉ ⲙⲡⲛⲟⲩⲧⲉ ϩⲛ














ⲟⲩⲙⲁ ⲉⲙⲛ ⲙⲟⲟⲩ ⲛϩⲏⲧϥ

15 ⲁϥϯ ⲛⲁⲩ ⲙⲡⲉⲧⲟⲩⲟⲩⲁϣϥ ⲁϥϫⲟⲟⲩ ⲛⲟⲩⲥⲉⲓ ⲛⲛⲉⲩⲯⲩⲭⲏ

16 ⲁⲩϯ ⲛⲟⲩϭⲥ ⲙⲙⲱⲩⲥⲏⲥ ϩⲛ ⲧⲡⲁⲣⲉⲙⲃⲟⲗⲏ ⲙⲛ ⲁⲁⲣⲱⲛ ⲡⲉⲧⲟⲩⲁⲁⲃ


17 ⲁⲡⲕⲁϩ ⲟⲩⲱⲛ ⲁϥⲱⲙⲕ ⲛⲇⲁⲑⲁⲛ ⲁϥϩⲱⲃⲥ ⲛⲧⲥⲩⲛⲁⲅⲱⲅⲏ ⲛⲁⲃⲓⲣⲱⲛ

18 ⲁⲩⲕⲱϩⲧ ⲙⲟⲩϩ ϩⲛ ⲧⲉⲩⲥⲩⲛⲁⲅⲱⲅⲏ ⲁⲩϣⲁϩ ⲣⲱⲕϩ ⲛⲛⲣⲉϥⲣⲛⲟⲃⲉ

19 ⲁⲩⲧⲁⲙⲓⲟ ⲛⲟⲩⲙⲁⲥⲉ ϩⲛ ⲭⲱⲣⲏⲃ ⲁⲩⲟⲩⲱϣⲧ ⲛⲛⲉⲩⲙⲟⲩⲛⲅ ⲛϭⲓϫ

20 ⲁⲩϣⲓⲃⲉ ⲙⲡⲉⲩⲉⲟⲟⲩ ϩⲛ ⲟⲩⲉⲓⲛⲉ ⲙⲙⲁⲥⲉ ⲉϣⲁϥⲟⲩ ⲙⲭⲟⲣⲧⲟⲥ ⲁⲩⲣ

ⲡⲱⲃϣ ⲙⲡⲛⲟⲩⲧⲉ ⲉⲧⲛⲟⲩϩⲙ ⲙⲙⲟⲟⲩ

21 ⲡⲉⲛⲧⲁϥⲉⲓⲣⲉ ⲛⲛⲓⲙⲛⲧⲛⲟϭ ϩⲛ ⲕⲏⲙⲉ ⲛⲓϣⲡⲏⲣⲉ ϩⲙ ⲡⲕⲁϩ ⲛⲭⲁⲙ

22 ϩⲉⲛϩⲟⲧⲉ ⲉϫⲛ ⲧⲉⲣⲩⲑⲣⲁ ⲑⲁⲗⲁⲥⲥⲁ

23 ⲁϥϫⲟⲟⲥ ⲉϥⲟⲧⲟⲩ ⲉⲃⲟⲗ ⲛⲥⲁ ⲃⲏⲗ ⲉⲙⲱⲩⲥⲏⲥ ⲡⲉϥⲥⲱⲧⲡ

ⲉⲛⲧⲁϥⲁϩⲉⲣⲁⲧϥ ϩⲙ ⲡⲟⲩⲱϣϥ ⲙⲡⲉϥⲙⲧⲟ ⲉⲃⲟⲗ ⲉⲕⲧⲟ ⲉⲃⲟⲗ

ⲛⲧⲉϥⲟⲣⲅⲏ ⲉⲧⲙϥⲟⲧⲟⲩ ⲉⲃⲟⲗ

24 ⲁⲩⲥⲉϣϥ ⲡⲕⲁϩ ⲉⲧⲛⲁⲛⲟⲩϥ ⲙⲡⲟⲩⲡⲓⲥⲧⲉⲩⲉ ⲉⲛⲉϥϣⲁϫⲉ

25 ⲁⲩⲕⲣⲙⲣⲙ ϩⲛ ⲛⲉⲩⲙⲁ ⲛϣⲱⲡⲉ ⲙⲡⲟⲩⲥⲱⲧⲙ ⲉⲡⲉϩⲣⲟⲟⲩ ⲙⲡϫⲟⲉⲓⲥ

26 ⲁϥϥⲓ ⲛⲧⲉϥϭⲓϫ ⲉϩⲣⲁⲓ ⲉϫⲱⲟⲩ ⲉⲣⲁϩⲧⲟⲩ ϩⲣⲁⲓ ϩⲛ ⲧⲉⲣⲏⲙⲟⲥ

27 ⲉⲣⲉϩⲧ ⲡⲉⲩⲥⲡⲉⲣⲙⲁ ϩⲛ ⲛϩⲉⲑⲛⲟⲥ ⲉϫⲟⲟⲣⲟⲩ ⲉⲃⲟⲗ ϩⲛ ⲛⲉⲭⲱⲣⲁ

28 ⲁⲩϣⲙϣⲉ ⲛⲃⲉⲉⲗⲫⲉⲅⲱⲣ ⲁⲩⲟⲩⲉⲙ ⲑⲩⲥⲓⲁ ⲛⲣⲣⲉϥⲙⲟⲟⲩⲧ

29 ⲁⲩϯ ⲛⲟⲩϭⲥ ⲛⲁϥ ϩⲛ ⲛⲉⲩϩⲃⲏⲩⲉ ⲁⲡϩⲉ ⲁϣⲁⲓ ϩⲣⲁⲓ ⲛϩⲏⲧⲟⲩ
















30 ⲁϥⲁϩⲉⲣⲁⲧϥ ⲛϭⲓ ⲫⲉⲛⲉⲉⲥ ⲁϥⲥⲟⲡⲥ ⲉϫⲱⲟⲩ ⲁⲩⲱ ⲁⲡⲟⲩⲱϣϥ ϭⲱ

31 ⲁⲩⲟⲡⲥ ⲉⲣⲟϥ ⲉⲩⲇⲓⲕⲁⲓⲟⲥⲩⲛⲏ ⲉⲩϫⲱⲙ ⲛⲛϫⲱⲙ ⲛϣⲁ ⲉⲛⲉϩ

32 ⲁⲩϯ ⲛⲟⲩϭⲥ ⲛⲁϥ ϩⲓϫⲙ ⲡⲙⲟⲟⲩ ⲛⲧⲁⲛⲧⲓⲗⲟⲅⲓⲁ ⲁⲩⲑⲙⲕⲉ ⲙⲱⲩⲥⲏⲥ

ⲉⲧⲃⲏⲏⲧⲟⲩ

33 ϫⲉ ⲁⲩϯ ⲛⲟⲩϭⲥ ⲙⲡⲉϥⲡⲛⲉⲩⲙⲁ ⲁϥϩⲱⲛ ⲉⲧⲟⲟⲧⲟⲩ ϩⲛ ⲛⲉϥⲥⲡⲟⲧⲟⲩ

34 ⲙⲡⲟⲩϥⲉⲧ ⲛϩⲉⲑⲛⲟⲥ ⲉⲃⲟⲗ ⲛⲧⲁ ⲡϫⲟⲉⲓⲥ ϫⲟⲟⲩ ⲛⲁⲩ

35 ⲁⲩⲧⲱϩ ⲙⲛ ⲛϩⲉⲑⲛⲟⲥ ⲁⲩϫⲓ ⲥⲃⲱ ⲉⲛⲉⲩϩⲃⲏⲩⲉ

36 ⲁⲩⲣ ϩⲙϩⲁⲗ ⲛⲛⲉⲩⲙⲟⲩⲛⲅ ⲛϭⲓϫ ⲁϥϣⲱⲡⲉ ⲛⲁⲩ ⲉⲩⲥⲕⲁⲛⲇⲁⲗⲟⲛ

37 ⲁⲩϣⲱⲱⲧ ⲛⲛⲉⲩϣⲏⲣⲉ ⲙⲛ ⲛⲉⲩϣⲉⲉⲣⲉ ⲛⲙⲡⲉⲧϣⲟⲩⲉⲓⲧ ⲁⲩⲡⲱϩⲧ

ⲉⲃⲟⲗ ⲛⲟⲩⲥⲛⲟϥ ⲛⲁⲧⲛⲟⲃⲉ

38 ⲡⲉⲩⲥⲛⲟϥ ⲛⲛⲉⲩϣⲏⲣⲉ ⲙⲛ ⲛⲉⲩϣⲉⲉⲣⲉ ⲛⲛⲇⲁⲓⲙⲟⲛⲓⲟⲛ ⲁⲩϣⲱⲱⲧ

ⲛⲙⲙⲟⲩⲛⲅ ⲛϭⲓϫ ⲛⲭⲁⲛⲁⲁⲛ ⲁⲩⲙⲉϩ ⲡⲕⲁϩ ⲛⲥⲛⲟϥ

39 ⲁⲩⲱ ⲁⲩⲥⲱⲱϥ ϩⲛ ⲛⲉⲩϩⲃⲏⲩⲉ ⲁⲩⲡⲟⲣⲛⲉⲩⲉ ϩⲛ ⲛⲉⲩⲙⲉⲉⲩⲉ ⲛϩⲏⲧ

40 ⲁⲡⲁϫⲟⲉⲓⲥ ϭⲱⲛⲧ ⲉⲡⲉϥⲗⲁⲟⲥ ⲁϥⲃⲉⲧ ⲧⲉϥⲕⲗⲏⲣⲟⲛⲟⲙⲓⲁ

41 ⲁϥⲧⲁⲁⲩ ⲉⲧⲟⲟⲧⲟⲩ ⲛⲛⲉⲩϫⲁϫⲉ ⲁⲛⲉⲧⲙⲟⲥⲧⲉ ⲙⲙⲟⲟⲩ ⲣ ϫⲟⲉⲓⲥ

ⲉⲣⲟⲟⲩ

42 ⲁⲛⲉⲩϫⲓϫⲉ ⲉⲩⲑⲗⲓⲃⲉ ⲙⲙⲟⲟⲩ ⲁⲩⲑⲃⲃⲓⲟ ϩⲁ ⲛⲉⲩϭⲓϫ

43 ⲁϥⲛⲁϩⲙⲟⲩ ⲛϩⲁϩ ⲛⲥⲟⲡ ⲛⲧⲟⲟⲩ ⲇⲉ ⲁⲩϯ ⲛⲟⲩϭⲥ ⲛⲁϥ ϩⲙ

ⲡⲉⲩϣⲟϫⲛⲉ ⲁⲩⲑⲃⲃⲓⲟ ϩⲛ ⲛⲉⲩⲁⲛⲟⲙⲓⲁ

44 ⲁϥⲛⲁⲩ ⲉⲣⲟⲟⲩ ϩⲙ ⲡⲧⲣⲉⲩⲑⲗⲓⲃⲉ
















45 ϩⲙ ⲡⲧⲣⲉϥⲥⲱⲧⲙ ⲉⲡⲉⲩⲥⲟⲡⲥ ⲁϥⲣ ⲡⲙⲉⲉⲩⲉ ⲛⲧⲉϥⲇⲓⲁⲑⲏⲕⲏ ⲁϥⲣ

ϩⲧⲏϥ ⲕⲁⲧⲁ ⲡⲁϣⲁⲓ ⲙⲡⲉϥⲛⲁ

46 ⲁⲩⲧⲁⲁⲩ ⲉϩⲉⲛⲙⲛⲧϣⲁⲛϩⲧⲏϥ ⲙⲡⲉⲙⲧⲟ ⲉⲃⲟⲗ ⲛⲟⲩⲟⲛ ⲛⲓⲙ

ⲉⲛⲧⲁⲩⲁⲓⲭⲙⲁⲗⲱⲧⲓⲍⲉ ⲙⲙⲟⲟⲩ

47 ⲙⲁⲧⲟⲩϫⲟⲛ ⲡϫⲟⲉⲓⲥ ⲡⲉⲛⲛⲟⲩⲧⲉ ⲛⲅⲥⲟⲟⲩ ϩⲛ ⲉϩⲟⲩⲛ ϩⲛ ⲛⲉⲛϫⲓϫⲉⲉⲩ

ⲉⲧⲣⲉⲛⲟⲩⲱⲛϩ ⲉⲃⲟⲗ ⲙⲡⲉⲕⲣⲁⲛ ⲉⲧⲟⲩⲁⲁⲃ ⲉⲧⲣⲉⲛϣⲟⲩϣⲟⲩ ⲙⲙⲟⲛ

ϩⲙ ⲡⲉⲕⲥⲙⲟⲩ

48 ϥⲥⲙⲁⲙⲁⲁⲧ ⲡϫⲟⲉⲓⲥ ⲡⲡⲉⲧⲟⲩⲁⲁⲃ ⲡⲛⲟⲩⲧⲉ ⲙⲡⲓⲥⲣⲁⲏⲗ ϫⲓⲛ ⲉⲛⲉϩ

ⲁⲩⲱ ϣⲁ ⲉⲛⲉϩ ⲁⲩⲱ ⲉϥⲉϫⲟⲟⲥ ⲛϭⲓ ⲡⲗⲁⲟⲥ ⲧⲏⲣϥ ϫⲉ ⲉϥⲉϣⲱⲡⲉ

ⲉϥⲉϣⲱⲡⲉ

Psalm 106

1 ⲁⲗⲗⲏⲗⲟⲩⲓⲁ ⲟⲩⲱⲛϩ ⲉⲃⲟⲗ ⲙⲡϫⲟⲉⲓⲥ ϫⲉ ⲟⲩⲭⲣⲏⲥⲧⲟⲥ ⲡⲉ ϫⲉ ⲟⲩϣⲁ

ⲉⲛⲉϩ ⲡⲉ ⲡⲉϥⲛⲁ

2 ⲙⲁⲣⲉⲛⲉⲛⲧⲁ ⲡϫⲟⲉⲓⲥ ⲥⲟⲧⲟⲩϫⲉ ⲡⲁⲓ ⲛⲉ ⲛⲧⲁϥⲥⲟⲧⲟⲩ ⲉⲃⲟⲗ ϩⲛ ⲧϭⲓϫ

ⲛⲛϫⲁϫⲉ

3 ⲁϥⲥⲟⲟⲩϩⲟⲩ ⲉϩⲟⲩⲛ ϩⲛ ⲛⲉⲭⲱⲣⲁ ⲉⲃⲟⲗ ϩⲙ ⲡⲉⲉⲓⲃⲧ ⲙⲛ ⲡⲉⲙⲛⲧ

ⲁⲩⲱ ⲡⲉⲙϩⲓⲧ ⲙⲛ ⲑⲁⲗⲁⲥⲥⲁ

4 ⲁⲩⲡⲗⲁⲛⲁ ϩⲓ ⲡϫⲁⲓⲉ ϩⲛ ⲟⲩⲙⲁ ⲉⲙⲛ ⲙⲟⲟⲩ ⲛϩⲏⲧϥ ⲙⲡⲟⲩϭⲛ ⲧⲉϩⲓⲏ

ⲛⲧⲡⲟⲗⲓⲥ ⲙⲡⲉⲩⲙⲁ ⲛϣⲱⲡⲉ

5 ⲉⲩϩⲕⲁⲉⲓⲧ ⲉⲩⲟⲃⲉ ⲁⲧⲉⲩⲯⲩⲭⲏ ⲱϫⲛ ⲛϩⲏⲧⲟⲩ










6 ⲁⲩϫⲓ ϣⲕⲁⲕ ⲉϩⲣⲁⲓ ⲉⲡϫⲟⲉⲓⲥ ⲁϥⲥⲱⲧⲙ ⲉⲣⲟⲟⲩ ϩⲙ ⲡⲧⲣⲉⲩϩⲱϣ

ⲁϥⲛⲁϩⲙⲟⲩ ⲉⲃⲟⲗ ϩⲛ ⲛⲉⲩⲁⲛⲁⲅⲕⲏ

7 ⲁϥϫⲓ ⲙⲟⲉⲓⲧ ϩⲏⲧⲟⲩ ⲉⲩϩⲓⲏ ⲉⲥⲥⲟⲩⲧⲱⲛ ⲉⲧⲣⲉⲩⲃⲱⲕ ⲉϩⲣⲁⲓ ⲉⲧⲡⲟⲗⲓⲥ

ⲙⲡⲙⲁ ⲛϣⲱⲡⲉ

8 ⲙⲁⲣⲟⲩⲟⲩⲱⲛϩ ⲉⲃⲟⲗ ⲙⲡϫⲟⲉⲓⲥ ⲛⲛⲉϥⲛⲁ ⲁⲩⲱ ⲛⲉϥϣⲡⲏⲣⲉ ⲛⲛϣⲏⲣⲉ

ⲛⲛⲣⲱⲙⲉ

9 ϫⲉ ⲁϥⲧⲥⲓⲟ ⲛⲟⲩⲯⲩⲭⲏ ⲉⲥϣⲟⲩⲉⲓⲧ ⲟⲩⲯⲩⲭⲏ ⲉⲥϩⲕⲁⲉⲓⲧ ⲁϥⲙⲁϩⲥ

ⲛⲁⲅⲁⲑⲟⲛ

10 ⲛⲉⲧϩⲙⲟⲟⲥ ϩⲙ ⲡⲕⲁⲕⲉ ⲙⲛ ⲧϩⲁⲓⲃⲉⲥ ⲙⲡⲙⲟⲩ ⲉⲧⲙⲏⲣ ϩⲛ

ⲟⲩⲙⲛⲧϩⲏⲕⲉ ⲙⲛ ⲡⲡⲉⲡⲓⲡⲉ

11 ϫⲉ ⲁⲩϯ ⲛⲟⲩϭⲥ ⲙⲡϣⲁϫⲉ ⲙⲡⲛⲟⲩⲧⲉ ⲁⲩϯ ϭⲱⲛⲧ ⲙⲡϣⲟϫⲛⲉ


12 ⲁⲡⲉⲩϩⲏⲧ ⲑⲃⲃⲓⲟ ϩⲛ ϩⲉⲛϩⲓⲥⲉ ⲁⲩⲣ ϭⲱⲃ ⲁⲩⲱ ⲛⲉ ⲙⲛ ⲡⲉⲧⲃⲟⲏⲑⲉⲓ

ⲉⲣⲟⲟⲩ

13 ⲁⲩϫⲓ ϣⲕⲁⲕ ⲉϩⲣⲁⲓ ⲉⲡϫⲟⲉⲓⲥ ϩⲙ ⲡⲧⲣⲉⲩϩⲱϣ ⲁϥⲛⲁϩⲙⲟⲩ ⲉⲃⲟⲗ ϩⲛ

ⲛⲉⲩⲁⲛⲁⲅⲕⲏ

14 ⲁϥⲛⲧⲟⲩ ⲉⲃⲟⲗ ϩⲙ ⲡⲕⲁⲕⲉ ⲙⲛ ⲧϩⲁⲓⲃⲉⲥ ⲙⲡⲙⲟⲩ ⲁⲩⲱ ⲁϥⲥⲱⲗⲡ

ⲛⲛⲉⲩⲙⲣⲣⲉ


ⲛⲛⲣⲱⲙⲉ











16 ϫⲉ ⲁϥⲟⲩⲱϣϥ ⲛϩⲉⲛⲡⲩⲗⲏ ⲛϩⲟⲙⲛⲧ ⲁϥϩⲱⲣⲃ ⲛϩⲉⲛⲙⲟⲭⲗⲟⲥ

ⲙⲡⲉⲛⲓⲡⲉ

17 ⲁϥϣⲟⲡⲟⲩ ⲉⲣⲟϥ ϩⲛ ⲧⲉϩⲓⲏ ⲛⲧⲉⲩⲁⲛⲟⲙⲓⲁ ⲛⲧⲁⲩⲑⲃⲃⲓⲟ ⲅⲁⲣ ⲉⲧⲃⲉ

ⲛⲉⲩⲁⲛⲟⲙⲓⲁ

18 ⲁⲡⲉⲩϩⲏⲧ ⲃⲉⲧ ϭⲓⲛⲟⲩⲱⲙ ⲛⲓⲙ ⲁⲩϩⲱⲛ ⲉϩⲟⲩⲛ ⲉⲙⲡⲩⲗⲏ ⲙⲡⲙⲟⲩ



20 ⲁϥϫⲟⲟⲩ ⲙⲡⲉϥϣⲁϫⲉ ⲁϥⲧⲁⲗϭⲟⲟⲩ ⲁϥⲧⲟⲩϫⲟⲟⲩ ⲉⲃⲟⲗ ϩⲛ ⲛⲉⲩϩⲓⲥⲉ


ⲛⲛⲣⲱⲙⲉ

22 ⲙⲁⲣⲟⲩϣⲱⲱⲧ ⲛⲟⲩⲑⲩⲥⲓⲁ ⲛⲥⲙⲟⲩ ⲛⲥⲉϫⲱ ⲛⲛⲉϥϩⲃⲏⲩⲉ ϩⲛ

ⲟⲩⲧⲉⲗⲏⲗ

23 ⲛϭⲓ ⲛⲉⲧⲃⲏⲕ ⲉⲡⲉⲥⲏⲧ ⲉⲑⲁⲗⲁⲥⲥⲁ ϩⲛ ⲛⲉⲩⲉϫⲏⲩ ⲉⲧⲣ ϩⲱⲃ ϩⲛ

ϩⲉⲛⲙⲟⲟⲩ ⲉⲛⲁϣⲱⲟⲩ

24 ⲛⲧⲟⲟⲩ ⲛⲉ ⲛⲧⲁⲩⲛⲁⲩ ⲉⲛⲉϩⲃⲏⲩⲉ ⲙⲡϫⲟⲉⲓⲥ ⲁⲩⲱ ⲛⲉϥϣⲡⲏⲣⲉ ϩⲛ

ⲡⲛⲟⲩⲛ

25 ⲁϥϫⲟⲟⲥ ⲁⲩⲡⲛⲉⲩⲙⲁ ⲛϩⲁⲧⲏⲩ ϣⲱⲡⲉ ⲁⲩⲱ ⲁⲩϫⲓⲥⲉ ⲛϭⲓ ⲛⲉⲥϩⲟⲉⲓⲙ

26 ϣⲁⲩⲃⲱⲕ ⲉϩⲣⲁⲓ ϣⲁ ⲙⲡⲏⲩⲉ ⲛⲥⲉⲉⲓ ⲉⲡⲉⲥⲏⲧ ϣⲁ ⲛⲛⲟⲩⲛ ⲁⲧⲉⲩⲯⲩⲭⲏ

ⲃⲱⲗ ⲉⲃⲟⲗ ϩⲛ ⲙⲡⲉⲧϩⲟⲟⲩ

27 ⲁⲩϣⲧⲟⲣⲧⲣ ⲁⲩⲕⲓⲙ ⲛⲧϩⲉ ⲙⲡⲉⲧⲧⲁϩⲉ ⲁⲧⲉⲩⲥⲟⲫⲓⲁ ⲧⲏⲣⲥ ⲱϫⲛ













ⲛϩⲏⲧⲟⲩ



29 ⲁϥⲡⲁⲧⲁⲥⲥⲉ ⲛⲧϩⲁⲧⲏⲩ ⲁⲥϣⲱⲡⲉ ⲛϭⲓ ⲟⲩϩⲏ ⲛⲧⲏⲩ ⲁⲛⲉⲥϩⲟⲉⲓⲙ ⲕⲁ

ⲣⲱⲟⲩ

30 ⲁⲩⲉⲩⲫⲣⲁⲛⲉ ϫⲉ ⲁⲩⲕⲁ ⲣⲱⲟⲩ ⲁϥϫⲓ ⲙⲟⲉⲓⲧ ϩⲏⲧⲟⲩ ϩⲛ ⲙⲙⲁ

ⲙⲙⲟⲟⲛⲉ ⲉⲧⲉϩⲛⲁⲩ


ⲛⲛⲣⲱⲙⲉ

32 ⲙⲁⲣⲟⲩϫⲁⲥⲧϥ ϩⲛ ⲧⲉⲕⲕⲗⲏⲥⲓⲁ ⲙⲡⲗⲁⲟⲥ ⲛⲥⲉⲥⲙⲟⲩ ⲉⲣⲟϥ ϩⲛ

ⲛⲕⲁⲑⲉⲇⲣⲁ ⲛⲛⲉⲡⲣⲉⲥⲃⲩⲧⲉⲣⲟⲥ

33 ⲁϥⲕⲱ ⲛϩⲉⲛⲉⲓⲉⲣⲱⲟⲩ ⲛϫⲁⲓⲉ ⲛⲟⲑⲉ ⲙⲙⲟⲟⲩ ⲉⲩⲉⲓⲃⲉ

34 ⲁϥⲣ ⲟⲩⲕⲁϩ ⲛⲣⲉϥϯⲕⲁⲣⲡⲟⲥ ⲙⲙⲗϩ ⲉⲧⲃⲉ ⲧⲕⲁⲕⲓⲁ ⲛⲛⲉⲧⲟⲩⲏϩ

ⲛϩⲏⲧϥ

35 ⲁϥⲕⲱ ⲛⲟⲩϫⲁⲓⲉ ⲉϩⲉⲛⲗⲓⲙⲛⲏ ⲙⲙⲟⲟⲩ ⲁⲩⲱ ⲟⲩⲕⲁϩ ⲉⲙⲛ ⲙⲟⲟⲩ

ⲛϩⲏⲧϥ ⲉϩⲉⲛⲟⲑⲉ ⲙⲙⲟⲟⲩ

36 ⲁϥⲧⲣⲉ ⲛⲉⲧϩⲕⲁⲉⲓⲧ ⲟⲩⲱϩ ⲛϩⲏⲧϥ ⲁϥⲥⲙⲛⲧϥ ⲙⲡⲟⲗⲓⲥ ⲙⲙⲁ ⲛⲟⲩⲱϩ

37 ⲁⲩϫⲟ ⲛϩⲉⲛⲥⲱϣⲉ ⲁⲩⲧⲱϭⲉ ⲛϩⲉⲛⲙⲁ ⲛⲉⲗⲟⲟⲗⲉ ⲁⲩⲧⲁⲩⲉ ⲕⲁⲣⲡⲟⲥ

ⲛⲅⲉⲛⲏⲙⲁ

38 ⲁϥⲥⲙⲟⲩ ⲉⲣⲟⲟⲩ ⲁⲩⲁϣⲁⲓ ⲉⲙⲁⲧⲉ ⲁⲩⲱ ⲙⲡϥⲧⲥⲃⲕⲟ ⲛⲛⲉⲩⲧⲃⲛⲟⲟⲩⲉ












39 ⲁⲩⲥⲗⲁⲁⲧⲉ ⲁⲩⲙⲕⲁϩ ⲉⲃⲟⲗ ⲙⲡⲗⲱϫϩ ⲛⲙⲡⲉⲧϩⲟⲟⲩ ⲁⲩⲱ ⲡϩⲓⲥⲉ

ⲙⲛ ⲡⲛⲟϭⲛⲉϭ

40 ⲁϥⲡⲱϩⲧ ⲛⲟⲩⲥⲱϣϥ ⲉϫⲛ ⲛⲁⲣⲭⲱⲛ ⲁϥⲡⲗⲁⲛⲁ ⲙⲙⲟⲟⲩ ϩⲛ ⲟⲩϫⲁⲓⲉ

ϩⲛ ⲟⲩϩⲓⲏ ⲁⲛ

41 ⲁϥⲃⲟⲏⲑⲉⲓ ⲉⲡⲉⲃⲓⲏⲛ ϩⲛ ⲧⲉϥⲙⲛⲧϩⲏⲕⲉ ⲁϥⲕⲁ ⲙⲡⲁⲧⲣⲓⲁ ⲛⲧϩⲉ

ⲛϩⲉⲛⲉⲥⲟⲟⲩ

42 ⲛⲉⲧⲥⲟⲩⲧⲱⲛ ⲛⲁⲛⲁⲩ ⲛⲥⲉⲉⲩⲫⲣⲁⲛⲉ ⲛⲧⲉ ⲁⲛⲟⲙⲓⲁ ⲛⲓⲙ ⲧⲱⲙ ⲣⲱⲥ

43 ⲛⲓⲙ ⲡⲉ ⲡⲥⲟⲫⲟⲥ ⲛϥϩⲁⲣⲉϩ ⲉⲛⲁⲓ ⲛⲥⲉⲉⲓⲙⲉ ⲉⲛⲛⲁ ⲙⲡϫⲟⲉⲓⲥ

Psalm 107

1 ⲧⲱⲇⲏ ⲙⲡⲉⲯⲁⲗⲙⲟⲥ ⲛⲇⲁⲩⲉⲓⲇ

2 ⲡⲛⲟⲩⲧⲉ ⲡⲁϩⲏⲧ ⲥⲃⲧⲱⲧ ⲡⲁϩⲏⲧ ⲥⲃⲧⲱⲧ ϯⲛⲁϫⲱ ⲧⲁⲯⲁⲗⲗⲉⲓ ϩⲙ

ⲡⲉⲕⲉⲟⲟⲩ

3 ⲧⲱⲟⲩⲛⲅ ⲡⲉⲯⲁⲗⲧⲏⲣⲟⲓⲛ ⲙⲛ ⲧⲕⲓⲑⲁⲣⲁ ϯⲛⲁⲧⲱⲟⲩⲛ ⲙⲡⲛⲁⲩ

ⲛϣⲱⲣⲡ

4 ⲧⲁⲟⲩⲱⲛϩ ⲛⲁⲕ ⲉⲃⲟⲗ ϩⲛ ⲛⲓⲗⲁⲟⲥ ⲡϫⲟⲉⲓⲥ ⲧⲁⲯⲁⲗⲗⲉⲓ ⲉⲣⲟⲕ ϩⲛ

ⲛⲓϩⲉⲑⲛⲟⲥ

5 ϫⲉ ⲟⲩⲛⲟϭ ⲡⲉ ⲡⲉⲕⲛⲁ ⲉϫⲛ ⲙⲡⲏⲩⲉ ⲁⲩⲱ ⲧⲉⲕⲙⲉ ⲡⲏϩ ϣⲁ ⲛⲉⲕⲗⲟⲟⲗⲉ

6 ϫⲓⲥⲉ ⲙⲙⲟⲕ ⲡⲛⲟⲩⲧⲉ ⲉϩⲣⲁⲓ ⲉϫⲛ ⲙⲡⲏⲩⲉ ⲁⲩⲱ ⲡⲉⲕⲉⲟⲟⲩ ⲉϫⲙ ⲡⲕⲁϩ

ⲧⲏⲣϥ

7 ϫⲉⲕⲁⲥ ⲉⲣⲉⲛⲉⲕⲙⲉⲣⲓⲧ ⲛⲟⲩϩⲙ ⲙⲁⲧⲟⲩϫⲟⲓ ϩⲛ ⲧⲉⲕⲟⲩⲛⲁⲙ ⲁⲩⲱ













ⲛⲅⲥⲱⲧⲙ ⲉⲣⲟⲓ

8 ⲁⲡⲛⲟⲩⲧⲉ ϣⲁϫⲉ ϩⲙ ⲡⲉϥⲣⲡⲉ ϫⲉ ϯⲛⲁϫⲓⲥⲉ ⲧⲁⲡⲉϣ ⲥⲓⲕⲓⲙⲁ ⲧⲁⲉⲡ

ⲡⲉⲓⲁ ⲛⲙⲙⲁ ⲛϣⲱⲡⲉ

9 ⲡⲱⲓ ⲡⲉ ⲅⲁⲗⲁⲁⲇ ⲡⲱⲓ ⲡⲉ ⲙⲁⲛⲁⲥⲥⲏ ⲉⲫⲣⲁⲓⲙ ⲡⲉ ⲡϣⲱⲡ ⲉⲣⲟϥ

ⲛⲧⲁⲁⲡⲉ ⲓⲟⲩⲇⲁⲥ ⲡⲉ ⲡⲁⲣⲣⲟ

10 ⲙⲱⲁⲃ ⲡⲉ ⲡⲗⲉⲃⲏⲥ ⲛⲧⲁϩⲉⲗⲡⲓⲥ ϯⲛⲁϩⲱⲙ ⲙⲡⲁⲧⲟⲟⲩⲉ ⲉϫⲛ

ϯⲇⲟⲩⲙⲓⲁ ⲛⲧⲁ ⲛⲁⲗⲗⲟⲫⲩⲗⲟⲥ ϩⲩⲡⲟⲧⲁⲥⲥⲉ ⲛⲁⲓ

11 ⲛⲓⲙ ⲡⲉⲧⲛⲁϫⲓ ⲙⲟⲉⲓⲧ ϩⲏⲧ ϣⲁ ϯⲇⲟⲩⲙⲁⲓⲁ ⲏ ⲛⲓⲙ ⲡⲉⲧⲛⲁϫⲓⲧⲧ ϣⲁ

ⲧⲡⲟⲗⲓⲥ ⲉⲧⲟⲣϫ

12 ⲙⲏ ⲛⲧⲟⲕ ⲁⲛ ⲡⲉ ⲡⲛⲟⲩⲧⲉ ⲛⲧⲁⲕⲕⲁⲁⲛ ⲛⲥⲱⲕ ⲁⲩⲱ ⲛⲅⲛⲏⲩ ⲁⲛ ⲉⲃⲟⲗ

ⲡⲛⲟⲩⲧⲉ ϩⲛ ⲛⲉⲛⲙⲏⲏϣⲉ

13 ⲙⲁ ⲛⲁⲛ ⲛⲟⲩⲃⲟⲏⲑⲓⲁ ϩⲛⲧⲉⲛⲑⲗⲓⲯⲓⲥ ϫⲉ ⲡⲟⲩϫⲁⲓ ⲙⲡⲣⲱⲙⲉ ϣⲟⲩⲉⲓⲧ

14 ⲧⲛⲛⲁⲣ ⲟⲩϭⲟⲙ ϩⲙ ⲡⲉⲛⲛⲟⲩⲧⲉ ⲁⲩⲱ ⲛⲧⲟϥ ⲡⲉⲧⲛⲁⲥⲱϣϥ ⲛⲛⲉⲛϫⲁϫⲉ

ⲧⲏⲣⲟⲩ

Psalm 108

1 ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲡⲛⲟⲩⲧⲉ ⲙⲡⲣⲕⲁ ⲣⲱⲕ

ⲉⲡⲁⲥⲙⲟⲩ

2 ϫⲉ ⲧⲧⲁⲡⲣⲟ ⲙⲛⲣⲉϥⲣⲛⲟⲃⲉ ⲙⲛ ⲧⲁⲡⲉⲕⲣⲟϥ ⲁⲩⲟⲩⲱⲛ ⲉϩⲣⲁⲓ ⲉϫⲱⲓ

ⲁⲩϣⲁϫⲉ ⲉⲣⲟⲓ ϩⲛ ⲟⲩⲗⲁⲥ ⲛⲕⲣⲟϥ

3 ⲁⲩⲕⲱⲧⲉ ⲉⲣⲟⲓ ϩⲛ ϩⲉⲛϣⲁϫⲉ ⲙⲙⲟⲥⲧⲉ ⲁⲩϯ ⲛⲙⲙⲁⲓ ⲉⲡϫⲓⲛϫⲏ ⲉⲡⲙⲁ











4 ⲛⲥⲉⲙⲉⲣⲓⲧⲧ ⲁⲩⲇⲓⲁⲃⲁⲗⲉ ⲙⲙⲟⲓ ⲁⲛⲟⲕ ⲇⲉ ⲛⲉⲓϣⲗⲏⲗ ⲡⲉ

5 ⲁⲩⲥⲙⲓⲛⲉ ⲛϩⲉⲛⲡⲉⲧϩⲟⲟⲩ ⲉⲣⲟⲓ ⲉⲡⲙⲁ ⲛϩⲉⲛⲡⲉⲧⲛⲁⲛⲟⲩⲟⲩ ⲁⲩⲱ

ⲟⲩⲙⲟⲥⲧⲉ ⲉⲡⲙⲁ ⲙⲡⲁⲙⲉ

6 ⲕⲁⲑⲓⲥⲧⲁ ⲙⲡⲣⲉϥⲣⲛⲟⲃⲉ ⲉϫⲱϥ ⲙⲁⲣⲉⲡⲇⲓⲁⲃⲟⲗⲟⲥ ⲁϩⲉⲣⲁⲧϥ ϩⲓ

ⲟⲩⲛⲁⲙ ⲙⲙⲟϥ

7 ϩⲙ ⲡⲧⲣⲉϥϫⲓϩⲁⲡ ⲙⲁⲣⲉϥⲉⲓ ⲉⲃⲟⲗ ⲉϥⲧϭⲁⲉⲓⲏⲩ ⲙⲁⲣⲉⲡⲉϥϣⲗⲏⲗ

ϣⲱⲡⲉ ⲛⲁϥ ⲉⲩⲛⲟⲃⲉ

8 ⲛⲧⲉ ⲛⲉϥϩⲟⲟⲩ ⲥⲃⲟⲕ ⲛⲧⲉⲕⲉⲟⲩⲁ ϫⲓ ⲛⲧⲉϥⲙⲛⲧⲉⲡⲓⲥⲕⲟⲡⲟⲥ

9 ⲙⲁⲣⲉⲛⲉϥϣⲏⲣⲉ ⲣ ⲟⲣⲫⲁⲛⲟⲥ ⲁⲩⲱ ⲧⲉϥⲥϩⲓⲙⲉ ⲛⲭⲏⲣⲁ

10 ϩⲛ ⲟⲩⲕⲓⲙ ⲙⲁⲣⲟⲩⲡⲉⲛⲉ ⲛⲉϥϣⲏⲣⲉ ⲉⲃⲟⲗ ⲛⲥⲉⲧⲱⲃϩ ⲙⲁⲣⲟⲩⲛⲟϫⲟⲩ

ⲉⲃⲟⲗ ϩⲛ ⲛⲉⲩⲏⲓ

11 ⲛⲧⲉⲡⲇⲁⲛⲓⲥⲧⲏⲥ ⲙⲉϣⲧ ⲡⲉⲧⲛⲧⲁϥ ⲧⲏⲣϥ ⲛⲧⲉϩⲉⲛϣⲙⲙⲟ ⲧⲉⲣⲡ

ⲛⲉϥϩⲓⲥⲉ

12 ⲙⲡⲣⲧⲣⲉϥϣⲱⲡⲉ ⲛⲁϥ ⲛϭⲓ ⲡⲉⲧⲛⲁϣⲟⲡϥ ⲉⲣⲟϥ ⲙⲡⲣⲧⲣⲉ ϣⲁⲛϩⲧⲏϥ

ϣⲱⲡⲉ ⲛⲛⲉϥⲟⲣⲫⲁⲛⲟⲥ

13 ⲙⲁⲣⲟⲩϥⲉⲧ ⲛⲉϥϣⲏⲣⲉ ⲉⲃⲟⲗ ⲛⲥⲉϥⲉⲧ ⲡⲉϥⲣⲁⲛ ⲉⲃⲟⲗ ϩⲛ ⲟⲩϫⲱⲙ

ⲛⲟⲩⲱⲧ

14 ⲛⲥⲉⲣ ⲡⲙⲉⲉⲩⲉ ⲛⲛⲁⲛⲟⲙⲓⲁ ⲛⲛⲉϥⲉⲓⲟⲧⲉ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ

ⲛⲥⲉⲧⲙϥⲱⲧⲉ ⲉⲃⲟⲗ ⲙⲡⲛⲟⲃⲉ ⲛⲧⲉϥⲙⲁⲁⲩ

15 ⲙⲁⲣⲟⲩϣⲱⲡⲉ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲛⲟⲩⲟⲉⲓϣ ⲛⲓⲙ ⲛⲥⲉϥⲉⲧ ⲡⲉϥⲣ













ⲡⲙⲉⲉⲩⲉ ⲉⲃⲟⲗ ϩⲓϫⲙ ⲡⲕⲁϩ

16 ⲉⲃⲟⲗ ϫⲉ ⲙⲡϥⲣ ⲡⲙⲉⲉⲩⲉ ⲉⲉⲓⲣⲉ ⲛⲟⲩⲛⲁ ⲁϥⲡⲱⲧ ⲛⲥⲁ ⲟⲩⲉⲃⲓⲏⲛ ⲙⲛ

ⲟⲩϩⲏⲕⲉ ⲙⲛ ⲡⲉⲧⲙⲟⲕϩ ⲛϩⲏⲧ ⲉⲙⲟⲟⲩⲧϥ

17 ⲁϥⲙⲉⲣⲉ ⲡⲥⲁϩⲟⲩ ⲉϥⲉⲉⲓ ⲛⲁϥ ⲙⲡϥⲟⲩⲉϣ ⲡⲉⲥⲙⲟⲩ ⲉϥⲉⲡⲱⲧ ⲉⲃⲟⲗ

ⲙⲙⲟϥ

18 ⲁϥϯ ⲡⲥⲁϩⲟⲩ ϩⲓⲱⲱϥ ⲛⲧϩⲉ ⲛⲟⲩϩⲟⲓⲧⲉ ⲁϥⲃⲱⲕ ⲉϩⲟⲩⲛ ⲉⲛⲉϥⲙⲁϩⲧ

ⲛⲧϩⲉ ⲛⲟⲩⲙⲟⲟⲩ ⲁⲩⲱ ⲛⲧϩⲉ ⲛⲟⲩⲛⲉϩ ϩⲛ ⲛⲉϥⲕⲉⲉⲥ

19 ⲙⲁⲣⲉϥϣⲱⲡⲉ ⲛⲁϥ ⲛⲧϩⲉ ⲙⲡϩⲟⲓⲧⲉ ⲉϣⲁϥϭⲟⲟⲗⲉϥ ⲙⲙⲟϥ ⲁⲩⲱ

ⲛⲧϩⲉ ⲛⲟⲩⲙⲟϫϩ ⲉϣⲁϥⲙⲟⲣϥ ⲙⲙⲟϥ ⲛⲟⲩⲟⲉⲓϣ ⲛⲓⲙ

20 ⲡⲁⲓ ⲡⲉ ⲡϩⲱⲃ ⲛⲛⲉⲧⲇⲓⲁⲃⲁⲗⲉ ⲙⲙⲟⲓ ϩⲁⲧⲙ ⲡϫⲟⲉⲓⲥ ⲁⲩⲱ ⲛⲉⲧϫⲱ

ⲛϩⲉⲛⲡⲉⲧϩⲟⲟⲩ ⲛⲥⲁ ⲧⲁⲯⲩⲭⲏ

21 ⲛⲧⲟⲕ ⲇⲉ ⲡϫⲟⲉⲓⲥ ⲡϫⲟⲉⲓⲥ ⲁⲣⲓⲣⲉ ⲛⲙⲙⲁⲓ ⲛⲟⲩⲛⲁ ⲉⲧⲃⲉ ⲡⲉⲕⲣⲁⲛ ϫⲉ

ⲟⲩⲭⲣⲏⲥⲧⲟⲥ ⲡⲉ ⲡⲉⲕⲛⲁ

22 ⲛⲁϩⲙⲉⲧ ϫⲉ ⲁⲛⲅ ⲟⲩϩⲏⲕⲉ ⲁⲩⲱ ⲁⲛⲅ ⲟⲩⲉⲃⲓⲏⲛ ϫⲉ ⲁⲡⲁϩⲏⲧ

ϣⲧⲟⲣⲧⲣ ⲙⲡⲁⲥⲁ ⲛϩⲟⲩⲛ

23 ⲁⲓⲗⲟ ⲛⲧⲙⲏⲧⲉ ⲛⲧϩⲉ ⲛⲟⲩϩⲁⲓⲃⲉⲥ ⲉⲁⲥⲣⲓⲕⲉ ⲁⲩⲛⲟϣⲡⲧ ⲉⲃⲟⲗ ⲛⲧϩⲉ

ⲛⲛⲉϣϫⲉ

24 ⲁⲛⲁⲡⲁⲧ ϭⲃⲃⲉ ⲉⲃⲟⲗ ϩⲛ ⲧⲁⲛⲏⲥⲧⲓⲁ ⲁⲧⲁⲥⲁⲣⲝ ϣⲓⲃⲉ ⲉⲧⲃⲉ ⲛⲉϩ

25 ⲁⲩⲱ ⲁⲛⲟⲕ ⲁⲓϣⲱⲡⲉ ⲛⲁⲩ ⲛⲛⲟϭⲛⲉϭ ⲁⲩⲛⲁⲩ ⲉⲣⲟⲓ ⲁⲩⲕⲓⲙ

ⲛⲛⲉⲩⲁⲡⲏⲩⲉ











26 ⲃⲟⲏⲑⲉⲓ ⲉⲣⲟⲓ ⲡϫⲟⲉⲓⲥ ⲡⲁⲛⲟⲩⲧⲉ ⲙⲁⲧⲟⲩϫⲟⲓ ⲕⲁⲧⲁ ⲡⲉⲕⲛⲁ

27 ⲛⲥⲉⲉⲓⲙⲉ ϫⲉ ⲧⲉⲕϭⲓϫ ⲧⲉ ⲧⲁⲓ ⲛⲧⲟⲕ ⲡϫⲟⲉⲓⲥ ⲁⲕⲧⲁⲙⲓⲟⲥ

28 ⲥⲉⲛⲁⲥⲁϩⲟⲩ ⲛⲧⲟⲕ ⲇⲉ ⲉⲕⲉⲥⲙⲟⲩ ⲛⲉⲧⲧⲱⲟⲩⲛ ⲉϩⲣⲁⲓ ⲉϫⲱⲓ ⲛⲁϫⲓ ϣⲓⲡⲉ

ⲡⲉⲕϩⲙϩⲁⲗ ⲇⲉ ⲛⲁⲉⲩⲫⲣⲁⲛⲉ

29 ⲙⲁⲣⲉⲛⲉⲧϯ ϣⲧⲟⲩⲏⲧ ⲉⲣⲟⲓ ϯ ϩⲓⲱⲟⲩ ⲙⲡϣⲓⲡⲉ ⲛⲥⲉϭⲟⲟⲗⲟⲩ ⲙⲙⲟϥ

ⲛⲧϩⲉ ⲛⲟⲩⲇⲓⲡⲗⲟⲉⲓⲥ

30 ϯⲛⲁⲟⲩⲱⲛϩ ⲉⲃⲟⲗ ⲙⲡⲁϫⲟⲉⲓⲥ ⲉⲙⲁⲧⲉ ⲁⲩⲱ ϯⲛⲁⲥⲙⲟⲩ ⲉⲣⲟϥ ϩⲛ

ⲧⲁⲧⲁⲡⲣⲟ ⲛⲧⲙⲏⲧⲉ ⲛⲟⲩⲙⲏⲏϣⲉ

31 ϫⲉ ⲁϥⲁϩⲉⲣⲁⲧϥ ϩⲓ ⲟⲩⲛⲁⲙ ⲙⲡϩⲏⲕⲉ ⲉⲛⲉϩⲙ ⲧⲁⲯⲩⲭⲏ ⲉⲛⲉⲧⲡⲏⲧ

ⲛⲥⲱⲓ

Psalm 109

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲡⲉϫⲉ ⲡϫⲟⲉⲓⲥ ⲙⲡⲁϫⲟⲉⲓⲥ ϫⲉ ϩⲙⲟⲟⲥ ϩⲓ

ⲟⲩⲛⲁⲙ ⲙⲙⲟⲓ ϣⲁ ⲛϯⲕⲱ ⲛⲛⲉⲕϫⲁϫⲉ ⲉⲩϩⲁⲡⲉⲥⲏⲧ ⲛⲛⲉⲕⲟⲩⲉⲣⲏⲧⲉ

2 ⲛⲧⲁ ⲡϫⲟⲉⲓⲥ ⲧⲛⲛⲟⲟⲩⲕ ⲛϭⲉⲣⲱⲃ ⲛϭⲟⲙ ϩⲛ ⲥⲓⲱⲛ ⲁⲩⲱ ⲕⲛⲁⲣ ϫⲟⲉⲓⲥ

ⲛⲧⲙⲏⲧⲉ ⲛⲉⲕϫⲁϫⲉ

3 ⲧⲉⲕⲁⲣⲭⲏ ⲛⲙⲙⲁⲕ ⲙⲡⲉϩⲟⲩⲟ ⲛⲧⲉⲕϭⲟⲙ ϩⲛ ⲛⲟⲩⲟⲉⲓⲛ ⲛⲛⲉⲧⲟⲩⲁⲁⲃ

ⲉⲃⲟⲗ ϩⲛ ⲧϩⲏ ⲁⲓϫⲡⲟⲕ ϩⲁⲧϩⲏ ⲙⲡⲥⲟⲩ ⲛⲧⲟⲟⲩⲉ

4 ⲁⲡϫⲟⲉⲓⲥ ⲱⲣⲕ ⲛϥⲛⲁⲣ ϩⲧⲏϥ ⲁⲛ ϫⲉ ⲛⲧⲟⲕ ⲡⲉ ⲡⲟⲩⲏⲏⲃ ϣⲁ ⲉⲛⲉϩ ⲕⲁⲧⲁ

ⲧⲁⲝⲓⲥ ⲙⲙⲉⲗⲭⲓⲥⲉⲇⲉⲕ

5 ⲡϫⲟⲉⲓⲥ ⲛⲁⲗⲱϫϩ ⲛϩⲉⲛⲉⲣⲱⲟⲩ ϩⲓ ⲟⲩⲛⲁⲙ ⲙⲙⲟⲕ ⲙⲡⲉϩⲟⲟⲩ












ⲛⲧⲉϥⲟⲣⲅⲏ

6 ϥⲛⲁⲕⲣⲓⲛⲉ ⲛⲛϩⲉⲑⲛⲟⲥ ⲛϥⲙⲁϩⲟⲩ ⲛϩⲱⲧⲃ ϥⲛⲁⲗⲱϫϩ ⲛⲉⲩⲁⲡⲏⲩⲉ

ϩⲓϫⲙ ⲡⲕⲁϩ ⲉⲧⲟϣ

7 ϥⲛⲁⲥⲉ ⲙⲟⲟⲩ ϩⲛ ⲟⲩⲙⲟⲩ ⲛⲥⲱⲣⲙ ϩⲓ ⲧⲉϩⲓⲏ ⲉⲧⲃⲉ ⲡⲁⲓ ϥⲛⲁϫⲓⲥⲉ

ⲛⲧⲁⲁⲡⲉ

Psalm 110

1 ⲁⲗⲗⲏⲗⲟⲩⲓⲁ ϯⲛⲁⲟⲩⲱⲛϩ ⲛⲁⲕ ⲉⲃⲟⲗ ⲡϫⲟⲉⲓⲥ ϩⲙ ⲡⲁϩⲏⲧ ⲧⲏⲣϥ ϩⲙ

ⲡϣⲟϫⲛⲉ ⲛⲛⲉⲧⲥⲟⲩⲧⲱⲛ ⲙⲛ ⲟⲩⲥⲩⲛⲁⲅⲱⲅⲏ

2 ϩⲉⲛⲛⲟϭ ⲛⲉ ⲛⲉϩⲃⲏⲩⲉ ⲙⲡϫⲟⲉⲓⲥ ⲉⲩⲙⲟϣⲧ ϩⲛ ⲛⲉϥⲟⲩⲱϣ ⲧⲏⲣⲟⲩ

3 ⲟⲩⲟⲩⲱⲛϩ ⲉⲃⲟⲗ ⲙⲛ ⲟⲩⲥⲁ ⲡⲉ ⲡⲉϥϩⲱⲃ ⲁⲩⲱ ⲧⲉϥⲇⲓⲕⲁⲓⲟⲥⲩⲛⲏ

ϣⲟⲟⲡ ϣⲁ ⲉⲛⲉϩ ⲛⲉⲛⲉϩ

4 ⲁϥⲧⲣⲉⲩⲣ ⲡⲙⲉⲉⲩⲉ ⲛⲛⲉϥϣⲡⲏⲣⲉ ⲟⲩⲛⲁⲏⲧ ⲡⲉ ⲡϫⲟⲉⲓⲥ ⲛϣⲁⲛϩⲧⲏϥ

5 ⲁϥϯ ⲛⲟⲩϩⲣⲉ ⲛⲛⲉⲧⲣ ϩⲟⲧⲉ ϩⲏⲧϥ ϥⲛⲁⲣ ⲡⲙⲉⲉⲩⲉ ⲛⲧⲉϥⲇⲓⲁⲑⲏⲕⲏ ϣⲁ

ⲉⲛⲉϩ

6 ⲁϥϫⲱ ⲛⲧϭⲟⲙ ⲛⲛⲉϥϩⲃⲏⲩⲉ ⲉⲡⲉϥⲗⲁⲟⲥ ⲉϯ ⲛⲁⲩ ⲛⲧⲉⲕⲗⲏⲣⲟⲛⲟⲙⲓⲁ

ⲛⲛϩⲉⲑⲛⲟⲥ

7 ⲧⲙⲉ ⲙⲛ ⲡϩⲁⲡ ⲛⲉ ⲛⲉϩⲃⲏⲩⲉ ⲛⲛⲉϥϭⲓϫ ⲛⲉϥⲉⲛⲧⲟⲗⲏ ⲧⲏⲣⲟⲩ ⲛϩⲟⲧ

8 ⲉⲩⲧⲁϫⲣⲏⲩ ϣⲁ ⲉⲛⲉϩ ⲛⲉⲛⲉϩ ⲉⲩⲧⲁⲙⲓⲏⲩ ϩⲛ ⲟⲩⲙⲉ ⲙⲛⲟⲩⲥⲟⲟⲩⲧⲛ

9 ⲁϥϫⲟⲟⲩ ⲛⲟⲩⲥⲱⲧⲉ ⲙⲡⲉϥⲗⲁⲟⲥ ⲁϥϩⲱⲛ ⲛⲧⲉϥⲇⲓⲁⲑⲏⲕⲏ ϣⲁ ⲉⲛⲉϩ

ⲡⲉϥⲣⲁⲛ ⲟⲩⲁⲁⲃ ⲁⲩⲱ ⲟⲩϩⲟⲧⲉ ⲡⲉ












10 ⲧⲁⲣⲭⲏ ⲛⲧⲥⲟⲫⲓⲁ ⲧⲉ ⲧϩⲟⲧⲉ ⲙⲡⲛⲟⲩⲧⲉ ⲛⲁⲛⲟⲩ ⲧⲙⲛⲧⲣⲙⲛϩⲏⲧ ⲇⲉ

ⲛⲟⲩⲟⲛ ⲛⲓⲙ ⲉⲧⲉⲓⲣⲉ ⲙⲙⲟⲥ ⲡⲉϥⲥⲙⲟⲩ ϣⲟⲟⲡ ϣⲁ ⲉⲛⲉϩ ⲛⲉⲛⲉϩ

Psalm 111

1 ⲁⲗⲗⲏⲗⲟⲩⲓⲁ ⲛⲁⲓⲁⲧϥ ⲙⲡⲣⲱⲙⲉ ⲉⲧⲣ ϩⲟⲧⲉ ϩⲏⲧϥ ⲙⲡϫⲟⲉⲓⲥ ⲁⲩⲱ

ⲉⲣⲉⲡⲉϥⲟⲩⲱϣ ϩⲛ ⲛⲉϥⲉⲛⲧⲟⲗⲏ ⲉⲙⲁⲧⲉ

2 ⲛⲉϥⲥⲡⲉⲣⲙⲁ ⲛⲁϭⲙϭⲟⲙ ϩⲙ ⲡⲕⲁϩ ⲧⲅⲉⲛⲉⲁ ⲛⲛⲉⲧⲥⲟⲩⲧⲱⲛ ⲛⲁϫⲓ

ⲥⲙⲟⲩ

3 ⲡⲉⲟⲟⲩ ⲙⲛ ⲧⲙⲛⲧⲣⲙⲙⲁⲟ ⲛⲉⲧϩⲙ ⲡⲉϥⲏⲓ ⲁⲩⲱ ⲧⲉϥⲇⲓⲕⲁⲓⲟⲥⲩⲛⲏ

ϣⲟⲟⲡ ϣⲁ ⲉⲛⲉϩ ⲛⲉⲛⲉϩ

4 ⲁⲡⲟⲩⲟⲉⲓⲛ ϣⲁ ϩⲙ ⲡⲕⲁⲕⲉ ⲛⲛⲉⲧⲥⲟⲩⲧⲱⲛ ⲟⲩⲛⲁⲏⲧ ⲛϣⲁⲛϩⲧⲏϥ

ⲛⲇⲓⲕⲁⲓⲟⲥ ⲡⲉ ⲡϫⲟⲉⲓⲥ ⲡⲛⲟⲩⲧⲉ

5 ⲡⲉⲭⲣⲏⲥⲧⲟⲥ ⲛⲣⲱⲙⲉ ⲡⲉ ⲡϣⲁⲛϩⲧⲏϥ ⲛⲣⲉϥϯ ϥⲛⲁⲟⲓⲕⲟⲛⲟⲙⲉⲓ

ⲛⲛⲉϥϣⲁϫⲉ ϩⲛ ⲟⲩϩⲁⲡ

6 ϫⲉ ϥⲛⲁⲕⲓⲙ ⲁⲛ ϣⲁ ⲉⲛⲉϩ ⲡⲇⲓⲕⲁⲓⲟⲥ ⲛⲁϣⲱⲡⲉ ⲛⲣ ⲡⲙⲉⲉⲩⲉ ϣⲁ ⲉⲛⲉϩ

7 ⲛϥⲛⲁⲣ ϩⲟⲧⲉ ⲁⲛ ϩⲏⲧϥ ⲛⲟⲩⲥⲟⲉⲓⲧ ⲉϥϩⲟⲟⲩ ⲡⲉϥϩⲏⲧ ⲥⲃⲧⲱⲧ

ⲉϩⲉⲗⲡⲓⲍⲉ ⲉⲡϫⲟⲉⲓⲥ

8 ⲡⲉϥϩⲏⲧ ⲧⲁϫⲣⲏⲩ ⲛϥⲛⲁⲣ ϩⲟⲧⲉ ⲁⲛ ϣⲁⲛⲧϥⲙⲉϩ ⲉⲓⲁⲧϥ ⲛⲛⲉϥϫⲓϫⲉⲉⲩ

9 ⲁϥϫⲱⲱⲣⲉ ⲉⲃⲟⲗ ⲁϥϯ ⲛⲛϩⲏⲕⲉ ⲧⲉϥⲇⲓⲕⲁⲓⲟⲥⲩⲛⲏ ϣⲟⲟⲡ ϣⲁ ⲉⲛⲉϩ

ⲛⲉⲛⲉϩ ⲁⲩⲱ ⲡⲉϥⲧⲁⲡ ⲛⲁϫⲓⲥⲉ ϩⲛ ⲟⲩⲉⲟⲟⲩ

10 ⲡⲣⲉϥⲣⲛⲟⲃⲉ ⲛⲁⲛⲁⲩ ⲛϥⲛⲟⲩϭⲥ ⲛϥϩⲣⲟϫⲣⲉϫ ⲛⲛⲉϥⲟⲃϩⲉ ⲛϥⲃⲱⲗ












ⲉⲃⲟⲗ ⲧⲉⲉⲡⲓⲑⲩⲙⲓⲁ ⲛⲛⲣⲉϥⲣⲛⲟⲃⲉ ⲛⲁⲧⲁⲕⲟ

Psalm 112

1 ⲁⲗⲗⲏⲗⲟⲩⲓⲁ ⲧⲉⲭⲟⲣⲉⲓⲥ ⲛϩⲙϩⲁⲗ ⲥⲙⲟⲩ ⲉⲡϫⲟⲉⲓⲥ ⲥⲙⲟⲩ ⲡⲣⲁⲛ


2 ⲉⲣⲉⲡⲣⲁⲛ ⲙⲡϫⲟⲉⲓⲥ ϣⲱⲡⲉ ⲉϥⲥⲙⲁⲙⲁⲁⲧ ϫⲓⲛ ⲧⲉⲛⲟⲩ ϣⲁ ⲉⲛⲉϩ

3 ⲁⲩⲱ ϫⲓⲛ ⲉⲛⲉϩ ϣⲁ ⲉⲛⲉϩ ϫⲓⲛ ⲡⲉⲉⲓⲃⲧ ϣⲁ ⲡⲉⲙⲛⲧⲥⲙⲟⲩ ⲉⲡⲣⲁⲛ


4 ⲡϫⲟⲉⲓⲥ ϫⲟⲥⲉ ⲉϫⲛ ⲛϩⲉⲑⲛⲟⲥ ⲧⲏⲣⲟⲩ ⲉⲣⲉⲡⲉϥⲉⲟⲟⲩ ϩⲛ ⲙⲡⲏⲩⲉ

5 ⲛⲓⲙ ⲡⲉⲧⲟ ⲛⲧϩⲉ ⲙⲡϫⲟⲉⲓⲥ ⲡⲉⲛⲛⲟⲩⲧⲉ

6 ⲡⲉⲧⲟⲩⲏϩ ϩⲛ ⲛⲉⲧϫⲟⲥⲉ ⲉⲧϭⲱϣⲧ ⲉϫⲛ ⲛⲉⲧⲑⲃⲃⲓⲏⲩ ϩⲛ ⲧⲡⲉ ⲁⲩⲱ

ϩⲓϫⲙ ⲡⲕⲁϩ

7 ⲡⲉⲧⲧⲟⲩⲛⲟⲥ ⲙⲡϩⲏⲕⲉ ϩⲓϫⲙ ⲡⲕⲁϩ ⲉⲧϫⲓⲥⲉ ⲟⲩⲉⲃⲓⲏⲛ ⲉⲃⲟⲗ ϩⲛ

ⲧⲕⲟⲡⲣⲓⲁ

8 ⲉⲑⲙⲥⲟϥ ⲙⲛ ⲛⲁⲣⲭⲱⲛ ⲙⲡⲉϥⲗⲁⲟⲥ

9 ⲡⲉⲧⲧⲣⲉ ⲟⲩⲁϭⲣⲏⲛ ⲟⲩⲱϩ ϩⲙ ⲡⲉⲥⲏⲓ ⲉⲥⲟ ⲙⲙⲁⲁⲩ ⲛϣⲏⲣⲉ ⲉⲥⲉⲩⲫⲣⲁⲛⲉ

Psalm 113

1 ⲁⲗⲗⲉⲗⲟⲩⲓⲁ ⲧⲉⲭⲟⲣⲉⲓⲁ ϩⲙ ⲡⲉⲓ ⲉⲃⲟⲗ ⲙⲡⲓⲥⲣⲁⲏⲗ ϩⲛ ⲕⲏⲙⲉ ⲡⲏⲓ

ⲛⲓⲁⲕⲱⲃ ⲉⲃⲟⲗ ϩⲙ ⲡⲗⲁⲟⲥ ⲛⲃⲁⲣⲃⲁⲣⲟⲥ

2 ⲁϯⲟⲩⲇⲁⲓⲁ ϣⲱⲡⲉ ⲛⲁϥ ⲛⲧⲃⲃⲟ ⲁⲡⲓⲥⲣⲁⲏⲗ ⲣ ϫⲟⲉⲓⲥ ⲉⲣⲟⲥ












3 ⲁⲑⲁⲗⲁⲥⲥⲁ ⲛⲁⲩ ⲁⲥⲡⲱⲧ ⲁⲡⲓⲟⲣⲇⲁⲛⲏⲥ ⲕⲟⲧϥ ⲉⲡⲁϩⲟⲩ

4 ⲁⲛⲧⲟⲟⲩ ⲥⲛⲁⲉⲓⲛ ⲛⲧϩⲉ ⲛⲛⲟⲉⲓⲗⲉ ⲁⲩⲱ ⲛⲥⲓⲃⲧ ⲛⲧϩⲉ ⲛϩⲉⲛϩⲓⲉⲓⲃ

ⲛⲉⲥⲟⲟⲩ

5 ⲁϩⲣⲟ ⲑⲁⲗⲁⲥⲥⲁ ϫⲉ ⲁⲡⲱⲧ ⲁⲩⲱ ⲛⲧⲟⲕ ⲡⲓⲟⲣⲇⲁⲛⲏⲥ ϫⲉ ⲁⲕⲕⲟⲧⲕ

ⲉⲡⲁϩⲟⲩ

6 ⲛⲧⲟⲟⲩ ϫⲉ ⲁⲧⲉⲧⲛⲥⲕⲓⲣⲧⲁ ⲛⲧϩⲉ ⲛⲛⲟⲉⲓⲗⲉ ⲁⲩⲱ ⲛⲥⲓⲃⲧ ⲛⲧϩⲉ

ⲛϩⲉⲛϩⲓⲉⲓⲃ ⲛⲉⲥⲟⲟⲩ

7 ⲁⲡⲕⲁϩ ⲕⲓⲙ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ

ⲛⲓⲁⲕⲱⲃ

8 ⲡⲉⲛⲧⲁϥⲕⲧⲟ ⲛⲧⲡⲉⲧⲣⲁ ⲉϩⲉⲛⲛⲟⲩⲧ ⲙⲙⲟⲟⲩ ⲁⲩⲱ ϯⲱⲛⲉ ⲉⲧⲛⲁϣⲧⲉ

ϩⲉⲛⲡⲏⲅⲏ ⲙⲙⲟⲟⲩ

9 ⲙⲡⲱⲣ ⲉⲣⲟⲛ ⲡϫⲟⲉⲓⲥ ⲙⲡⲱⲣ ⲉⲣⲟⲛ ⲁⲗⲗⲁ ϯⲉⲟⲟⲩ ⲙⲡⲉⲕⲣⲁⲛ ⲉϩⲣⲁⲓ

ⲉϫⲙ ⲡⲉⲕⲛⲁ ⲙⲛ ⲧⲉⲕⲙⲉ

10 ⲙⲏⲡⲟⲧⲉ ⲛⲧⲉ ⲛϩⲉⲑⲛⲟⲥ ϫⲟⲟⲥ ϫⲉ ⲉϥⲧⲱⲛ ⲡⲉⲩⲛⲟⲩⲧⲉ

11 ⲡⲉⲛⲛⲟⲩⲧⲉ ⲇⲉ ⲉϩⲣⲁⲓ ϩⲛ ⲙⲡⲏⲩⲉ ⲁⲩⲱ ϩⲓϫⲙ ⲡⲕⲁϩ ⲡⲉⲧϥⲟⲩⲁϣϥ

ⲧⲏⲣϥ ⲁϥⲁⲁϥ ⲁⲗⲗⲏⲗⲟⲩⲓⲁ

12 ⲛⲉⲓⲇⲱⲗⲟⲛ ⲛⲛϩⲉⲑⲛⲟⲥ ϩⲉⲛϩⲁⲧ ⲛⲉ ϩⲓ ⲛⲟⲩⲃ ϩⲉⲛϩⲃⲏⲩⲉ ⲛⲉⲛϭⲓϫ

ⲛⲣⲱⲙⲉ

13 ⲟⲩⲛ ⲃⲁⲗ ⲙⲙⲟⲟⲩ ⲛⲥⲉⲛⲁⲩ ⲉⲃⲟⲗ ⲁⲛ

14 ⲟⲩⲛ ⲙⲁⲁϫⲉ ⲙⲙⲟⲩ ⲛⲥⲉⲥⲱⲧⲙ ⲁⲛ ⲟⲩⲛ ⲧⲁⲡⲣⲟ ⲙⲙⲟⲟⲩ ⲛⲉⲩϣⲁϫⲉ













ϣⲁⲛⲧⲟⲩ ⲙⲙⲟⲟⲩ ⲛⲛⲉⲩϣⲱⲗⲙ

15 ⲛⲉⲩϭⲓϫ ⲙⲙⲟⲟⲩ ⲛⲛⲉⲩϭⲙϭⲟⲙ ⲛⲉⲩⲟⲩⲉⲣⲏⲧⲉ ⲙⲙⲟⲟⲩ ⲛⲛⲉⲩⲙⲟⲟϣⲉ

ⲛⲛⲉⲩⲙⲟⲩⲧⲉ ϩⲛ ⲧⲉⲩϣⲟⲩⲱⲃⲉ ⲙⲛ ⲡⲛⲉⲩⲙⲁ ⲅⲁⲣ ϩⲛ ⲣⲱⲟⲩ

16 ⲉⲩⲉⲣ ⲧⲉⲩϩⲉ ⲛϭⲓ ⲛⲉⲛⲧⲁⲩⲧⲁⲙⲓⲟⲟⲩ ⲙⲛ ⲟⲩⲟⲛ ⲛⲓⲙ ⲉⲧⲛⲁϩⲧⲉ ⲉⲣⲟⲟⲩ

17 ⲡⲏⲓ ⲙⲡⲓⲥⲣⲁⲏⲗ ⲁϥϩⲉⲗⲡⲓⲍⲉ ⲉⲡϫⲟⲉⲓⲥ ⲡⲉⲩⲃⲟⲏⲑⲟⲥ ⲡⲉ ⲁⲩⲱ

ⲧⲉⲩⲛⲁϣⲧⲉ ⲡⲉ

18 ⲡⲏⲓ ⲛⲁⲁⲣⲱⲛ ⲁϥϩⲉⲗⲡⲓⲍⲉ ⲉⲡϫⲟⲉⲓⲥ ⲡⲉⲩⲃⲟⲏⲑⲟⲥ ⲡⲉ ⲁⲩⲱ ⲧⲉⲩⲛⲁϣⲧⲉ

ⲡⲉ

19 ⲛⲉⲧⲣ ϩⲟⲧⲉ ϩⲏⲧϥ ⲙⲡϫⲟⲉⲓⲥ ⲁⲩϩⲉⲗⲡⲓⲍⲉ ⲉⲡϫⲟⲉⲓⲥ ⲡⲉⲩⲃⲟⲏⲑⲟⲥ ⲡⲉ

ⲁⲩⲱ ⲧⲉⲩⲛⲁϣⲧⲉ ⲡⲉ

20 ⲁⲡϫⲟⲉⲓⲥ ⲣ ⲡⲉⲛⲙⲉⲉⲩⲉ ⲁϥⲥⲙⲟⲩ ⲉⲣⲟⲛ ⲉϥⲉⲥⲙⲟⲩ ⲉⲡⲏⲓ ⲙⲡⲓⲥⲣⲁⲏⲗ

ⲉϥⲉⲥⲙⲟⲩ ⲉⲡⲏⲓ ⲛⲁⲁⲣⲱⲛ

21 ⲉϥⲉⲥⲙⲟⲩ ⲉⲟⲩⲟⲛ ⲛⲓⲙ ⲉⲧⲣ ϩⲟⲧⲉ ϩⲏⲧϥ ⲙⲡϫⲟⲉⲓⲥ ⲛⲕⲟⲩⲓ ⲙⲛ ⲛⲛⲟϭ

22 ⲡϫⲟⲉⲓⲥ ⲉϥⲉⲟⲩⲱϩ ⲉⲣⲟⲛ ⲙⲛ ⲛⲉⲛϣⲏⲣⲉ

23 ⲧⲛⲥⲙⲁⲙⲁⲁⲧ ⲁⲛⲟⲛ ⲡϫⲟⲉⲓⲥ ⲡⲉⲛⲧⲁϥⲧⲁⲙⲓⲉ ⲧⲡⲉ ⲙⲛ ⲡⲕⲁϩ

24 ⲧⲡⲉ ⲛⲧⲡⲉ ⲧⲁⲡϫⲟⲉⲓⲥ ⲧⲉ ⲁϥϯ ⲡⲕⲁϩ ⲇⲉ ⲛⲛϣⲏⲣⲉ ⲛⲛⲣⲱⲙⲉ

25 ⲛⲉⲧⲙⲟⲟⲩⲧ ⲁⲛ ⲛⲉⲧⲛⲁⲥⲙⲟⲩ ⲉⲣⲟⲕ ⲡϫⲟⲉⲓⲥ ⲟⲩⲇⲉ ⲟⲩⲟⲛ ⲛⲓⲙ ⲁⲛ

ⲉⲧⲃⲏⲕ ⲉⲡⲥⲏⲧ ⲉⲁⲙⲛⲧⲉ

26 ⲁⲗⲗⲁ ⲁⲛⲟⲛ ⲛⲉⲧⲟⲛϩ ⲛⲉⲧⲛⲁⲥⲙⲟⲩ ⲉⲡϫⲟⲉⲓⲥ ϫⲓⲛ ⲧⲉⲛⲟⲩ ϣⲁ ⲉⲛⲉϩ

Psalm 114













1 ⲁⲗⲗⲏⲗⲟⲩⲓⲁ ⲁⲓⲙⲉⲣⲉ ⲡⲁⲓ ϫⲉ ⲡϫⲟⲉⲓⲥ ⲛⲁⲥⲱⲧⲙ ⲉⲡⲉϩⲣⲟⲟⲩ

ⲙⲡⲁⲥⲟⲡⲥ

2 ϫⲉ ⲁϥⲣⲉⲕⲧ ⲡⲉϥⲙⲁⲁϫⲉ ⲉⲣⲟⲓ ϯⲛⲁⲱϣ ⲉϩⲣⲁⲓ ⲉⲣⲟϥ ϩⲛ ⲛⲁϩⲟⲟⲩ

3 ⲁⲩⲁⲙⲁϩⲧⲉ ⲙⲙⲟⲓ ⲛϭⲓ ⲛⲛⲁⲁⲕⲉ ⲙⲡⲙⲟⲩ ⲛⲕⲓⲛⲇⲩⲛⲟⲥ ⲛⲁⲙⲛⲧⲉ

ⲁⲩⲧⲁϩⲟⲓ ⲁⲓϭⲓⲛⲉ ⲛⲟⲩⲑⲗⲓⲯⲓⲥ ⲙⲛ ⲟⲩⲙⲟⲕϩⲥ

4 ⲁⲓⲉⲡⲓⲕⲁⲗⲉⲓ ⲙⲡⲣⲁⲛ ⲙⲡϫⲟⲉⲓⲥ ⲱ ⲡϫⲟⲉⲓⲥ ⲛⲉϩⲙ ⲧⲁⲯⲩⲭⲏ

5 ⲟⲩⲛⲁⲏⲧ ⲁⲩⲱ ⲟⲩⲇⲓⲕⲁⲓⲟⲥ ⲡⲉ ⲡϫⲟⲉⲓⲥ ⲁⲩⲱ ⲡⲉⲛⲛⲟⲩⲧⲉ ϣⲁϥⲛⲁ

6 ⲡϫⲟⲉⲓⲥ ⲡⲉⲧϩⲁⲣⲉϩ ⲉⲛϣⲏⲣⲉ ⲕⲟⲩⲓ ⲁⲓⲑⲃⲃⲓⲟ ⲁⲩⲱ ⲁⲡϫⲟⲉⲓⲥ ⲧⲟⲩϫⲟⲓ

7 ⲁⲧⲁⲯⲩⲭⲏ ⲕⲧⲟⲥ ⲉⲩⲙⲧⲟⲛ ϫⲉ ⲁⲡϫⲟⲉⲓⲥ ⲣ ⲡⲡⲉⲧⲛⲁⲛⲟⲩⲓ ⲛⲁⲓ

8 ϫⲉ ⲁϥⲛⲉϩⲙ ⲧⲁⲯⲩⲭⲏ ⲉⲃⲟⲗ ϩⲙ ⲡⲙⲟⲩ ⲛⲁⲃⲁⲗ ⲉⲃⲟⲗ ϩⲙ ⲡⲣⲓⲙⲉ

ⲛⲁⲟⲩⲉⲣⲏⲧⲉ ⲉⲡⲉⲥⲗⲁⲁⲧⲉ

9 ϯⲛⲁⲣ ⲁⲛⲁϥ ⲙⲡϫⲟⲉⲓⲥ ϩⲛ ⲧⲉⲭⲱⲣⲁ ⲛⲛⲉⲧⲟⲛϩ

10

11

12

13

14

15

16

17

18

Psalm 115

1 ⲁⲗⲗⲏⲗⲟⲩⲓⲁ




















2 ⲁⲓⲡⲓⲥⲧⲉⲩⲉ ⲉⲧⲃⲉ ⲡⲁⲓ ⲁⲓϣⲁϫⲉ ⲁⲛⲟⲕ ⲇⲉ ⲁⲓⲑⲃⲃⲓⲟ ⲉⲙⲁⲧⲉ

3 ⲁⲛⲟⲕ ⲁⲓϫⲟⲟⲥ ϩⲙ ⲡⲁⲡⲱϣⲥ ϫⲉ ⲣⲱⲙⲉ ⲛⲓⲙ ϩⲉⲛⲥⲁ ⲙⲙⲛⲧⲛⲟⲩϫ ⲛⲉ

4 ⲉⲓⲛⲁⲧⲉⲃⲉ ⲟⲩ ⲙⲡϫⲟⲉⲓⲥ ⲉⲡⲙⲁ ⲛⲛⲉⲛⲧⲁϥⲁⲁⲩ ⲛⲁⲓ ⲧⲏⲣⲟⲩ

5 ϯⲛⲁϫⲓ ⲛⲟⲩϫⲱ ⲛⲟⲩϫⲁⲓ ⲧⲁⲉⲡⲓⲕⲁⲗⲉⲓ ⲙⲡⲣⲁⲛ ⲙⲡϫⲟⲉⲓⲥ

6 ⲡⲙⲟⲩ ⲛⲛⲉⲧⲟⲩⲁⲁⲃ ⲙⲡϫⲟⲉⲓⲥ ⲧⲁⲉⲓⲏⲩ ⲙⲡⲉϥⲙⲧⲟ ⲉⲃⲟⲗ

7 ⲱ ⲡϫⲟⲉⲓⲥ ⲁⲛⲅ ⲡⲉⲕϩⲙϩⲁⲗ ⲁⲛⲅ ⲡϣⲏⲣⲉ ⲛⲧⲉⲕϩⲙϩⲁⲗ ⲁⲕⲥⲱⲗⲡ

ⲛⲛⲁⲙⲣⲣⲉ

8 ϯⲛⲁϣⲱⲱⲧ ⲛⲁⲕ ⲛⲟⲩⲑⲩⲥⲓⲁ ⲛⲥⲙⲟⲩ

9 ϯⲛⲁϯ ⲛⲛⲁⲉⲣⲏⲧ ⲙⲡϫⲟⲉⲓⲥ ϩⲛ ⲛⲁⲩⲗⲏ ⲙⲡⲏⲓ ⲙⲡⲉⲛⲛⲟⲩⲧⲉ ⲙⲡⲉⲙⲧⲟ

ⲉⲃⲟⲗ ⲙⲡⲗⲁⲟⲥ ⲧⲏⲣϥ

10 ϩⲛ ⲧⲟⲩⲙⲏⲧⲉ ⲛⲧϩⲓⲉⲣⲟⲩⲥⲁⲗⲏⲙ

11

12

13

14

15

16

17

18

19

Psalm 116

1 ⲁⲗⲗⲏⲗⲟⲩⲓⲁ ⲛϩⲉⲑⲛⲟⲥ ⲧⲏⲣⲟⲩ ⲥⲙⲟⲩ ⲉⲡϫⲟⲉⲓⲥ ⲛⲗⲁⲟⲥ ⲧⲏⲣⲟⲩ ⲥⲙⲟⲩ

ⲉⲣⲟϥ




















2 ϫⲉ ⲁⲡⲉϥⲛⲁⲧⲁϫⲣⲟ ⲉϫⲱⲛ ⲁⲩⲱ ⲧⲙⲉ ⲙⲡϫⲟⲉⲓⲥ ϣⲟⲟⲡ ϣⲁ ⲉⲛⲉϩ ⲛⲉⲛⲉϩ

Psalm 117

1 ⲁⲗⲗⲏⲗⲟⲩⲓⲁ ⲟⲩⲱⲛϩ ⲉⲃⲟⲗ ⲙⲡϫⲟⲉⲓⲥ ϫⲉ ⲟⲩⲭⲣⲏⲥⲧⲟⲥ ⲡⲉ ϫⲉ ⲟⲩϣⲁ


2 ⲙⲁⲣⲉⲡⲏⲓ ⲙⲡⲓⲥⲣⲁⲏⲗ ϫⲟⲟⲥ ϫⲉ ⲟⲩⲁⲅⲁⲑⲟⲥ ⲡⲉ ϫⲉ ⲟⲩϣⲁ ⲉⲛⲉϩ ⲡⲉ

ⲡⲉϥⲛⲁ

3 ⲙⲁⲣⲉⲡⲏⲓ ⲛⲁⲁⲣⲱⲛ ϫⲟⲟⲥ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

4 ⲙⲁⲣⲉⲟⲩⲟⲛ ⲛⲓⲙ ⲉⲧⲣ ϩⲟⲧⲉ ϩⲏⲧϥ ⲙⲡϫⲟⲉⲓⲥ ϫⲟⲟⲥ ϫⲉ ⲟⲩϣⲁ ⲉⲛⲉϩ ⲡⲉ

ⲡⲉϥⲛⲁ

5 ⲁⲓⲱϣ ⲉϩⲣⲁⲓ ⲉⲡϫⲟⲉⲓⲥ ϩⲛ ⲟⲩⲑⲗⲓⲯⲓⲥ ⲁϥⲥⲱⲧⲙ ⲉⲣⲟⲓ ⲉⲩⲟⲩⲱϣⲥ

ⲉⲃⲟⲗ

6 ⲡϫⲟⲉⲓⲥ ⲡⲉ ⲡⲁⲃⲟⲏⲑⲟⲥ ⲛϯⲛⲁⲣ ϩⲟⲧⲉ ⲁⲛ ϫⲉ ⲉⲣⲉⲣⲱⲙⲉ ⲛⲁⲣ ⲟⲩ ⲛⲁⲓ

7 ⲡϫⲟⲉⲓⲥ ⲡⲉ ⲡⲁⲃⲟⲏⲑⲟⲥ ϯⲛⲁⲙⲉϩ ⲉⲓⲁⲧⲧ ⲛⲛⲁϫⲁϫⲉ

8 ⲛⲁⲛⲟⲩ ⲛⲁϩⲧⲉ ⲉⲡϫⲟⲉⲓⲥ ⲉϩⲟⲩⲉ ⲛⲁϩⲧⲉ ⲉⲣⲱⲙⲉ

9 ⲛⲁⲛⲟⲩ ⲕⲁ ϩⲧⲏⲕ ⲉⲡϫⲟⲉⲓⲥ ⲉϩⲟⲩⲉ ⲕⲁ ϩⲧⲏⲕ ⲉⲁⲣⲭⲱⲛ

10 ⲁⲛϩⲉⲑⲛⲟⲥ ⲧⲏⲣⲟⲩ ⲕⲱⲧⲉ ⲉⲣⲟⲓ ⲁⲓⲃⲟⲟⲣⲟⲩ ϩⲙ ⲡⲣⲁⲛ ⲙⲡϫⲟⲉⲓⲥ

11 ϩⲛ ⲟⲩⲕⲱⲧⲉ ⲁⲩⲕⲱⲧ ⲉⲣⲟⲓ ⲁⲛⲟⲕ ⲇⲉ ⲁⲓⲃⲟⲟⲣⲟⲩ ϩⲙ ⲡⲣⲁⲛ ⲙⲡϫⲟⲉⲓⲥ

12 ⲁⲩⲕⲱⲧⲉ ⲉⲣⲟⲓ ⲛⲧϩⲉ ⲛⲛⲁϥ ⲛⲉⲃⲓⲱ ⲉⲩⲙⲟⲩⲗϩ ⲁⲩⲱ ⲁⲩⲙⲟⲩϩ ⲛⲧϩⲉ

ⲛⲟⲩⲕⲱϩⲧ ϩⲛ ϩⲉⲛϣⲟⲛⲧⲉ ⲁⲛⲟⲕ ⲇⲉ ⲁⲓⲃⲟⲟⲣⲟⲩ ϩⲙ ⲡⲣⲁⲛ ⲙⲡϫⲟⲉⲓⲥ

13 ⲁⲩⲧⲟϭ ⲛⲉⲧⲉⲧⲣⲁϩⲉ ⲁⲩⲱ ⲁⲡϫⲟⲉⲓⲥ ϯⲧⲟⲟⲧ















14 ⲧⲁϭⲟⲙ ⲁⲩⲱ ⲡⲁⲥⲙⲟⲩ ⲡⲉ ⲡϫⲟⲉⲓⲥ ⲁϥϣⲱⲡⲉ ⲛⲁⲓ ⲉⲩⲟⲩϫⲁⲓ

15 ⲡⲉϩⲣⲟⲟⲩ ⲙⲡⲧⲉⲗⲏⲗ ⲙⲛ ⲡⲟⲩϫⲁⲓ ϩⲛ ⲙⲙⲁ ⲛϣⲱⲡⲉ ⲛⲛⲇⲓⲕⲁⲓⲟⲥ

ⲁⲧⲟⲩⲛⲁⲙ ⲙⲡϫⲟⲉⲓⲥ ϫⲁⲥⲧ

16 ⲁⲧⲟⲩⲛⲁⲙ ⲙⲡϫⲟⲉⲓⲥ ⲣ ϭⲟⲙ

17 ⲛϯⲛⲁⲙⲟⲩ ⲁⲛ ⲁⲗⲗⲁ ϯⲛⲁⲱⲛϩ ⲧⲁϫⲱ ⲛⲛⲉϩⲃⲏⲩⲉ ⲙⲡϫⲟⲉⲓⲥ ϫⲉ

ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

18 ϩⲛ ⲟⲩϯⲥⲃⲱ ⲁⲡϫⲟⲉⲓⲥ ϯⲥⲃⲱ ⲛⲁⲓ ⲁⲩⲱ ⲙⲡϥⲧⲁⲁⲧ ⲉⲧⲟⲟⲧϥ

ⲙⲡⲙⲟⲩ

19 ⲁⲟⲩⲱⲛ ⲛⲁⲓ ⲛⲙⲡⲩⲗⲏ ⲛⲧⲇⲓⲕⲁⲓⲟⲥⲩⲛⲏ ϫⲉ ⲉⲓⲉⲉⲓ ⲉϩⲟⲩⲛ ⲛϩⲏⲧⲟⲩ

ⲧⲁⲟⲩⲱⲛϩ ⲉⲃⲟⲗ ⲙⲡϫⲟⲉⲓⲥ

20 ⲧⲁⲓ ⲧⲉ ⲧⲡⲩⲗⲏ ⲙⲡⲟⲉⲓⲥ ⲛⲇⲓⲕⲁⲓⲟⲥ ⲛⲉⲧⲛⲏⲩ ⲉϩⲟⲩⲛ ⲛϩⲏⲧⲥ

21 ϯⲛⲁⲟⲩⲱⲛϩ ⲛⲁⲕ ⲉⲃⲟⲗ ⲡϫⲟⲉⲓⲥ ϫⲉ ⲁⲕⲥⲱⲧⲙ ⲉⲣⲟⲓ ⲁⲩⲱ ⲁⲕϣⲱⲡⲉ

ⲛⲁⲓ ⲉⲩⲟⲩϫⲁⲓ

22 ⲡⲱⲛⲉ ⲉⲛⲧⲁⲛⲉⲧⲕⲱⲧ ⲧⲥⲧⲟϥ ⲉⲃⲟⲗ ⲡⲁⲓ ⲡⲉ ⲛⲧⲁⲫϣⲱⲡⲉ ⲉⲩⲁⲡⲉ

ⲛⲕⲕⲟϩ

23 ⲛⲧⲁ ⲡⲁⲓ ϣⲱⲡⲉ ⲉⲃⲟⲗ ϩⲓⲧⲙ ⲡϫⲟⲉⲓⲥ ⲁⲩⲱ ⲟⲩϣⲡⲏⲣⲉ ⲡⲉ ⲛⲛⲁϩⲣⲛ

ⲛⲉⲛⲃⲁⲗ

24 ⲡⲁⲓ ⲡⲉ ⲡϩⲟⲟⲩ ⲉⲛⲧⲁⲡϫⲟⲉⲓⲥ ⲧⲁⲙⲓⲟϥ ⲙⲁⲣⲛⲥⲱⲟⲩϩ ⲛⲧⲛⲧⲉⲗⲏⲗ

ⲛⲧⲛⲟⲩⲛⲟϥ ⲛϩⲏⲧϥ

25 ⲱ ⲡϫⲟⲉⲓⲥ ⲛⲁϩⲙⲛ ⲱ ⲡϫⲟⲉⲓⲥ ⲥⲙⲟⲩ ⲉⲣⲟⲛ













26 ϥⲥⲙⲁⲙⲁⲁⲧ ⲛϭⲓ ⲡⲉⲧⲛⲏⲩ ϩⲙ ⲡⲣⲁⲛ ⲙⲡϫⲟⲉⲓⲥ ⲁⲛⲥⲙⲟⲩ ⲉⲣⲱⲧⲛ ϩⲙ

ⲡⲏⲓ ⲙⲡϫⲟⲉⲓⲥ

27 ⲡⲛⲟⲩⲧⲉ ⲡϫⲟⲉⲓⲥ ⲁϥⲟⲩⲱⲛϩ ⲉⲣⲟⲛ ⲙⲁⲧⲁⲛϩⲟ ⲉⲣⲁⲧϥ ⲛⲟⲩϣⲁ ϩⲛ

ⲛⲉⲧⲃⲁϩⲛ ϣⲁϩⲣⲁⲓ ⲉⲛⲧⲁⲡ ⲙⲡⲉⲑⲩⲥⲓⲁⲥⲧⲏⲣⲓⲟⲛ

28 ⲛⲧⲕ ⲡⲁⲛⲟⲩⲧⲉ ⲉⲓⲛⲁⲟⲩⲱⲛϩ ⲛⲁⲕ ⲉⲃⲟⲗ ⲛⲧⲕ ⲡⲁⲛⲟⲩⲧⲉ ϯⲛⲁϫⲁⲥⲧⲕ

ϯⲛⲁⲟⲩⲱⲛϩ ⲛⲁⲕ ⲉⲃⲟⲗ ϫⲉ ⲁⲕⲥⲱⲧⲙ ⲉⲣⲟⲓ ⲁⲩⲱ ⲁⲕϣⲱⲡⲉ ⲛⲁⲓ

ⲉⲩⲟⲩϫⲁⲓ

29 ⲟⲩⲱⲛϩ ⲉⲃⲟⲗ ⲙⲡϫⲟⲉⲓⲥ ϫⲉ ⲟⲩⲭⲣⲏⲥⲧⲟⲥ ⲡⲉ ϫⲉ ⲟⲩϣⲁ ⲉⲛⲉϩ ⲡⲉ

ⲡⲉϥⲛⲁ

Psalm 118

1 ⲁⲗⲗⲏⲗⲟⲩⲓⲁ ⲁ – ⲁⲗⲉⲫ ⲛⲁⲓⲁⲧⲟⲩ ⲛⲛⲉⲧⲟⲩⲁⲁⲃ ϩⲓ ⲧⲉϩⲓⲏ

ⲛⲉⲧⲙⲟⲟϣⲉ ϩⲙ ⲡⲛⲟⲙⲟⲥ ⲙⲡϫⲟⲉⲓⲥ

2 ⲛⲁⲓⲁⲧⲟⲩ ⲛⲛⲉⲧⲙⲟⲩϣⲧ ⲛⲛⲣⲉϥⲙⲛⲧⲙⲛⲧⲣⲉ ⲉⲧϣⲓⲛⲉ ⲛⲥⲱϥ ϩⲙ

ⲡⲉⲩϩⲏⲧ ⲧⲏⲣϥ

3 ⲡⲉⲧⲣ ϩⲱⲃ ⲅⲁⲣ ⲁⲛ ⲉⲧⲁⲛⲟⲙⲓⲁ ⲛⲉⲛⲧⲁⲩⲃⲱⲕ ϩⲛ ⲛⲉϥϩⲓⲟⲟⲩⲉ

4 ⲛⲧⲟⲕ ⲁⲕϩⲱⲛ ⲉϩⲁⲣⲉϩ ⲉⲛⲉⲕⲉⲛⲧⲟⲗⲏ ⲉⲙⲁⲧⲉ

5 ⲛⲁⲛⲟⲩⲥ ⲉⲣⲉⲛⲁϩⲓⲟⲟⲩ ⲉⲛⲁⲥⲟⲟⲩⲧⲛ ⲉⲧⲣⲁϩⲁⲣⲉϩ ⲉⲛⲉⲕⲇⲓⲕⲁⲓⲱⲙⲁ

6 ⲛⲉⲓⲛⲁϫⲓ ϣⲓⲡⲉ ⲁⲛ ⲡⲉ ϩⲙ ⲡⲧⲣⲁϭⲱϣⲧ ⲉϫⲛ ⲛⲉⲕⲉⲛⲧⲟⲗⲏ

7 ϯⲛⲁⲟⲩⲱⲛϩ ⲛⲁⲕ ⲉⲃⲟⲗ ϩⲙ ⲡⲥⲟⲟⲩⲧⲛ ⲙⲡⲁϩⲏⲧ ϩⲙ ⲡⲧⲣⲁϫⲓ ⲥⲃⲱ

ⲉⲛϩⲁⲡ ⲛⲧⲉⲕⲇⲓⲕⲁⲓⲟⲥⲩⲛⲏ












8 ϯⲛⲁϩⲁⲣⲉϩ ⲉⲛⲉⲇⲓⲕⲁⲓⲱⲙⲁ ⲙⲡⲣⲕⲁⲁⲧ ⲛⲥⲱⲕ ⲉⲙⲁⲧⲉ

9 ⲃ – ⲃⲏⲑ ϩⲛ ⲟⲩ ⲉⲣⲉⲟⲩϣⲏⲣⲉ ϣⲏⲙ ⲛⲁⲥⲟⲟⲩⲧⲛ ⲛⲧⲉϥϩⲓⲏ ϩⲙ

ⲡⲧⲣⲉϥϩⲁⲣⲉϩ ⲉⲛⲉⲕϣⲁϫⲉ

10 ⲁⲓϣⲓⲛⲉ ⲛⲥⲱⲕ ϩⲙ ⲡⲁϩⲏⲧ ⲧⲏⲣϥ ⲙⲡⲣⲛⲟϫⲧ ⲉⲃⲟⲗ ⲛⲛⲉⲕⲉⲛⲧⲟⲗⲏ

11 ⲁⲓϩⲱⲡ ⲛⲛⲉⲕϣⲁϫⲉ ϩⲙ ⲡⲁϩⲏⲧ ϫⲉ ⲛⲛⲁⲣ ⲛⲟⲃⲉ ⲉⲣⲟⲕ

12 ⲕⲥⲙⲁⲙⲁⲁⲧ ⲡϫⲟⲉⲓⲥ ⲙⲁⲧⲥⲁⲃⲟⲓ ⲉⲛⲉⲕⲇⲓⲕⲁⲓⲱⲙⲁ

13 ⲁⲓϫⲱϩ ⲛⲛⲁⲥⲡⲟⲧⲟⲩ ⲛⲛϩⲁⲡ ⲧⲏⲣⲟⲩ ⲛⲧⲉⲕⲧⲁⲡⲣⲟ

14 ⲉⲓⲟⲩⲛⲟϥ ϩⲛ ⲧⲉϩⲓⲏ ⲛⲛⲉⲕⲙⲛⲧⲙⲛⲧⲣⲉ ⲛⲧϩⲉ ϩⲛ ⲙⲛⲧⲣⲙⲙⲁⲟ ⲛⲓⲙ

15 ϯⲛⲁϫⲓ ϩⲣⲁⲓ ϩⲛ ⲛⲉⲕⲉⲛⲧⲟⲗⲏ ⲧⲁⲙⲟⲩϣⲧ ⲛⲛⲉⲕϩⲓⲟⲟⲩⲉ

16 ϯⲛⲁⲙⲉⲗⲉⲧⲁ ⲛⲛⲉⲕⲇⲓⲕⲁⲓⲱⲙⲁ ⲧⲁⲧⲙⲣ ⲡⲱⲃϣ ⲛⲛⲉⲕϣⲁϫⲉ

17 ⲅ – ⲅⲓⲙⲁⲗ ⲧⲱⲱⲃⲉ ⲙⲡⲉⲕϩⲙϩⲁⲗ ϯⲛⲁⲱⲛϩ ⲧⲁϩⲁⲣⲉϩ

ⲉⲛⲉⲕϣⲁϫⲉ

18 ⲁⲟⲩⲱⲛ ⲛⲛⲁⲃⲁⲗ ⲧⲁⲛⲁⲩ ⲉⲛⲓϣⲡⲏⲣⲉ ⲉⲧϩⲙ ⲡⲉⲕⲛⲟⲙⲟⲥ

19 ⲁⲛⲟⲕ ⲉⲓⲟ ⲛⲣⲙⲛϭⲟⲓⲗⲉ ϩⲙ ⲡⲕⲁϩ ⲙⲡⲣ ϩⲱⲡ ⲉⲣⲟⲓ ⲛⲛⲉⲕⲉⲛⲧⲟⲗⲏ

20 ⲁⲧⲁⲯⲩⲭⲏ ⲉⲡⲓⲑⲩⲙⲉⲓ ⲉⲛⲉⲕϩⲁⲡ ⲛⲟⲩⲟⲉⲓϣ ⲛⲓⲙ

21 ⲁⲕⲉⲡⲓⲧⲓⲙⲁ ⲛⲛϫⲁⲥⲓϩⲏⲧ ⲥⲉⲥϩⲟⲩⲟⲣⲧ ⲛϭⲓ ⲛⲉⲧⲣⲓⲕⲉ ⲙⲙⲟⲟⲩ ⲉⲃⲟⲗ

ⲛⲛⲉⲕⲉⲛⲧⲟⲗⲏ

22 ϥⲓ ⲉⲃⲟⲗ ⲙⲙⲟⲓ ⲙⲡⲁⲛⲟϭⲛⲉϭ ⲙⲛ ⲡⲁⲥⲱϣϥ ϫⲉ ⲁⲓϣⲓⲛⲉ ⲛⲥⲁ

ⲛⲉⲕⲙⲛⲧⲙⲛⲧⲣⲉ

23 ⲕⲁⲓⲅⲁⲣ ⲁⲛⲁⲣⲭⲱⲛ ϩⲙⲟⲟⲥ ⲁⲩϣⲁϫⲉ ⲉⲣⲟⲓ ⲡⲉⲕϩⲙϩⲁⲗ ⲇⲉ

















ⲛⲉϥϫⲓⲛϩⲣⲁϥ ⲡⲉϩ ⲛⲛⲉⲕⲇⲓⲕⲁⲓⲱⲙⲁ

24 ⲕⲁⲓⲅⲁⲣ ⲛⲉⲕⲙⲛⲧⲙⲛⲧⲣⲉ ⲛⲉ ⲛⲁⲙⲉⲗⲉⲧⲏ ⲁⲩⲱ ⲛⲁϣⲟϫⲛⲉ ⲛⲉ

ⲛⲉⲕⲇⲓⲕⲁⲓⲱⲙⲁ

25 ⲇ – ⲇⲉⲗⲑ ⲁⲧⲁⲯⲩⲭⲏ ⲧⲱϭⲉ ⲉⲡⲕⲁϩ ⲙⲁⲧⲁⲛϩⲟⲓ ⲉⲧⲃⲉ ⲡⲉⲕϣⲁϫⲉ

26 ⲁⲓϫⲱ ⲛⲛⲁϩⲓⲟⲟⲩⲉ ⲁⲩⲱ ⲁⲕⲥⲱⲧⲙ ⲉⲣⲟⲓ ⲙⲁⲧⲥⲁⲃⲟⲓ

ⲉⲛⲉⲕⲇⲓⲕⲁⲓⲱⲙⲁ

27 ⲁⲩⲱ ⲛⲅⲧⲁⲙⲟⲓ ⲉⲧⲉⲕϩⲓⲏ ⲁⲩⲱ ϯⲛⲁϫⲓ ϩⲣⲁⲓ ϩⲛ ⲛⲉⲕϣⲡⲏⲣⲉ

28 ⲁⲧⲁⲯⲩⲭⲏ ⲣⲟⲩϣⲏ ⲛⲣⲟⲉⲓⲥ ⲉⲃⲟⲗ ϩⲙ ⲡⲁⲙⲕⲁϩ ⲛϩⲏⲧ ⲙⲁⲧⲁϫⲣⲟⲓ

ϩⲛ ⲛⲉⲕϣⲁϫⲉ

29 ⲥⲁϩⲉ ⲧⲉϩⲓⲏ ⲙⲡϫⲓⲛϭⲟⲛⲥ ⲉⲃⲟⲗ ⲙⲙⲟⲓ ⲁⲩⲱ ⲛⲅⲛⲁⲛⲁⲓ ϩⲙ


30 ϫⲉ ⲁⲓⲟⲩⲉϣ ⲧⲉϩⲓⲏ ⲛⲧⲉⲕⲙⲉ ⲁⲓⲕⲱ ⲛⲛⲉⲕϩⲁⲡ ϩⲁ ⲉⲓⲁⲧⲧ ⲁⲩⲱ ⲙⲡⲓⲣ

ⲡⲉⲩⲱⲃϣ

31 ⲁⲓⲧⲟϭⲧ ⲉⲛⲉⲕⲙⲛⲧⲙⲛⲧⲣⲉ ⲡϫⲟⲉⲓⲥ ⲙⲡⲣϯϣⲓⲡⲉ ⲛⲁⲓ

32 ⲁⲓⲡⲱⲧ ϩⲛ ⲧⲉϩⲓⲏ ⲛⲛⲉⲕⲉⲛⲧⲟⲗⲏ ⲛⲧⲉⲣⲉⲕⲟⲩⲱϣⲥ ⲉⲃⲟⲗ ⲙⲡⲁϩⲏⲧ

33 ⲉ – ⲏⲡ ⲥⲙⲛ ⲛⲟⲙⲟⲥ ⲛⲁⲓ ⲡϫⲟⲉⲓⲥ ϩⲓ ⲧⲉϩⲓⲏ ⲛⲛⲉⲕⲇⲓⲕⲁⲓⲱⲙⲁ ⲧⲁϣⲓⲛⲉ

ⲛⲥⲱⲟⲩ ⲛⲟⲩⲟⲉⲓϣ ⲛⲓⲙ

34 ⲙⲁⲧⲥⲁⲃⲟⲓ ⲧⲁⲙⲉϣⲧ ⲡⲉⲕⲛⲟⲙⲟⲥ ⲧⲁϩⲁⲣⲉϩ ⲉⲣⲟϥ ϩⲙ ⲡⲁϩⲏⲧ

ⲧⲏⲣϥ

35 ϫⲓ ⲙⲟⲉⲓⲧ ϩⲏⲧ ⲛⲧⲉϩⲓⲏ ⲛⲛⲉⲕⲉⲛⲧⲟⲗⲏ ϫⲉ ⲛⲧⲟⲥ ⲧⲉ ⲛⲧⲁⲓⲟⲩⲁϣⲥ













36 ⲣⲉⲕⲧ ⲡⲁϩⲏⲧ ⲉⲛⲉⲕⲙⲛⲧⲙⲛⲧⲣⲉ ⲁⲩⲱ ⲉⲡϫⲓⲛϭⲟⲛⲥ ⲁⲛ

37 ⲕⲧⲉ ⲛⲁⲃⲁⲗ ⲉⲃⲟⲗ ϫⲉ ⲛⲛⲉⲩⲛⲁⲩ ⲉⲡⲡⲉⲧϣⲟⲩⲉⲓⲧ ⲙⲁⲧⲁⲛϩⲟⲓ ϩⲛ

ⲧⲉⲕϩⲓⲏ

38 ⲙⲁⲧⲁϩⲉ ⲡⲉⲕϣⲁϫⲉ ⲙⲡⲉⲕϩⲙϩⲁⲗ ⲉⲧϫⲓ ⲉϩⲟⲩⲛ ⲉⲧⲉⲕϩⲟⲧⲉ

39 ϥⲓ ⲉⲃⲟⲗ ⲙⲙⲟⲓ ⲙⲡⲁⲛⲟϭⲛⲉϭ ⲉⲛⲧⲁⲓⲙⲉⲉⲩⲉ ⲉⲣⲟϥ ⲛⲉⲕϩⲁⲡ ⲅⲁⲣ

ϩⲟⲗϭ

40 ⲉⲓⲥ ϩⲏⲏⲧⲉ ⲁⲓⲟⲩⲉϣ ⲛⲉⲕⲉⲛⲧⲟⲗⲏ

41 ⲋ – ⲟⲩⲁⲩ ⲙⲁⲧⲁⲛϩⲟⲓ ϩⲛ ⲧⲉⲕⲇⲓⲕⲁⲓⲟⲥⲩⲛⲏ ⲛⲧⲉ ⲡⲉⲕⲛⲁ ⲉⲓ ⲉϩⲣⲁⲓ

ⲉϫⲱⲓ ⲡϫⲟⲉⲓⲥ ⲡⲟⲩϫⲁⲓ ⲙⲛⲡⲉⲕϣⲁϫⲉ

42 ⲧⲁⲟⲩⲉϣⲃ ⲟⲩϣⲁϫⲉ ⲛⲛⲉⲧⲛⲟϭⲛⲉϭ ⲙⲙⲟⲓ ϫⲉ ⲁⲓϩⲉⲗⲡⲓⲍⲉ


43 ⲙⲡⲣϥⲓ ⲡϣⲁϫⲉ ⲛⲧⲙⲉ ⲉⲃⲟⲗ ϩⲛ ⲣⲱⲓ ⲉⲡⲧⲏⲣϥ ϫⲉ ⲁⲓⲛⲁϩⲧⲉ

ⲉⲛⲉⲕϩⲁⲡ

44 ⲁⲩⲱ ϯⲛⲁϩⲁⲣⲉϩ ⲉⲡⲉⲕⲛⲟⲙⲟⲥ ⲛⲟⲩⲟⲉⲓϣ ⲛⲓⲙ ϣⲁ ⲉⲛⲉϩ ⲁⲩⲱ ϣⲁ

ⲉⲛⲉϩ ⲛⲉⲛⲉϩ

45 ⲛⲉⲓⲙⲟⲟϣⲉ ϩⲛ ⲟⲩⲟⲩⲱϣⲥ ⲉⲃⲟⲗ ϫⲉ ⲁⲓϣⲓⲛⲉ ⲛⲥⲁ ⲛⲉⲕⲉⲛⲧⲟⲗⲏ

46 ⲁⲩⲱ ⲛⲉⲓϣⲁϫⲉ ⲡⲉ ϩⲛ ⲛⲉⲕⲙⲛⲧⲙⲛⲧⲣⲉ ⲙⲡⲉⲙⲧⲟ ⲉⲃⲟⲗ ⲛⲛⲉⲣⲱⲟⲩ

ⲉⲛϯϣⲓⲡⲉ ⲁⲛ

47 ⲁⲩⲱ ⲛⲉⲓⲙⲉⲗⲉⲧⲁ ⲡⲉ ϩⲛ ⲛⲉⲕⲉⲛⲧⲟⲗⲏ ⲛⲁⲓ ⲉⲛⲉⲓⲙⲉ ⲙⲙⲟⲟⲩ ⲉⲙⲁⲧⲉ

48 ⲁⲓϥⲓ ⲛⲉⲓϫⲓ ⲛϩⲣⲁⲓ ⲉⲛⲉⲕⲉⲛⲧⲟⲗⲏ ⲉⲛⲧⲁⲓⲟⲩⲁϣⲟⲩ ⲁⲩⲱ ⲛⲉⲓϫⲓ ⲛϩⲣⲁⲓ














ⲡⲉ ϩⲛ ⲛⲉⲕⲇⲓⲕⲁⲓⲱⲙⲁ

49 ⲍ – ⲍⲁⲓ ⲁⲣⲓⲡⲙⲉⲉⲩⲉ ⲙⲡⲉⲕϣⲁϫⲉ ⲙⲡⲉⲕϩⲙϩⲁⲗ ⲉⲛⲧⲁⲓϩⲉⲗⲡⲓⲍⲉ

ⲉⲣⲟϥ

50 ⲡⲁⲓ ⲡⲉⲛⲧⲁϥⲥⲉⲡⲥⲱⲡⲧ ϩⲙ ⲡⲁⲑⲃⲃⲓⲟ ϫⲉ ⲁⲡⲉⲕϣⲁϫⲉ ⲧⲁⲛϩⲟⲓ

51 ⲛϫⲁⲥⲓϩⲏⲧ ⲁⲩⲡⲁⲣⲁⲛⲟⲙⲉⲓ ⲉⲙⲁⲧⲉ ⲙⲡⲓⲣⲁⲕⲧ ⲉⲃⲟⲗ ⲙⲡⲉⲕⲛⲟⲙⲟⲥ

52 ⲁⲓⲣ ⲡⲙⲉⲉⲩⲉ ⲛⲛⲉⲕϩⲁⲡ ϫⲓⲛ ⲉⲛⲉϩ ⲡϫⲟⲉⲓⲥ ⲁⲩⲱ ⲁⲓⲥⲟⲗⲥⲗ

53 ⲁⲩⲙⲕⲁϩ ⲛϩⲏⲧ ⲁⲙⲁϩⲧⲉ ⲙⲙⲟⲓ ⲉⲧⲃⲉ ⲛⲣⲉϥⲣⲛⲟⲃⲉ ⲉⲧⲕⲱ ⲛⲥⲱⲟⲩ

ⲙⲡⲉⲕⲛⲟⲙⲟⲥ

54 ⲉⲣⲉⲛⲉⲕⲇⲓⲕⲁⲓⲱⲙⲁ ϣⲟⲟⲡ ⲛⲁⲓ ⲙⲯⲁⲗⲙⲟⲥ ϩⲛ ⲡⲁⲙⲁ ⲛϭⲟⲓⲗⲉ

55 ⲁⲓⲣ ⲡⲙⲉⲉⲩⲉ ⲙⲡⲉⲕⲣⲁⲛ ⲛⲧⲉⲩϣⲏ ⲁⲓϩⲁⲣⲉϩ ⲉⲡⲉⲕⲛⲟⲙⲟⲥ

56 ⲛⲧⲁ ⲡⲁⲓ ϣⲱⲡⲉ ⲛⲁⲓ ϫⲉ ⲁⲓϣⲓⲛⲉ ⲛⲥⲁ ⲛⲉⲕⲇⲓⲕⲁⲓⲱⲙⲁ

57 ⲏ – ⲏⲑ ⲛⲧⲕ ⲧⲁⲙⲉⲣⲓⲥ ⲡϫⲟⲉⲓⲥ ⲁⲓϫⲟⲟⲥ ⲉϩⲁⲣⲉϩ ⲉⲡⲉⲕϣⲁϫⲉ

58 ⲁⲓⲥⲟⲡⲥ ⲙⲡⲉⲕϩⲟ ϩⲙ ⲡⲁϩⲏⲧ ⲧⲏⲣϥ

59 ⲛⲁⲛⲁⲓ ⲕⲁⲧⲁ ⲡⲉⲕϣⲁϫⲉ ϫⲉ ⲁⲓⲙⲉⲉⲩⲉ ⲉⲛⲉⲕϩⲓⲟⲟⲩⲉ ⲣⲉⲕⲧ

ⲛⲁⲟⲩⲉⲣⲏⲧⲉ ⲉⲛⲉⲕⲙⲛⲧⲙⲛⲧⲣⲉ

60 ⲁⲓⲥⲃⲧⲱⲧⲧ ⲙⲡⲓϣⲧⲟⲣⲧⲣ ⲉϩⲁⲣⲉϩ ⲉⲛⲉⲕⲉⲛⲧⲟⲗⲏ

61 ⲙⲙⲣⲣⲉ ⲛⲛⲣⲉϥⲣⲛⲟⲃⲉ ⲁⲩϭⲗⲟⲙⲗⲙ ⲉⲣⲟⲓ ⲙⲡⲓⲣ ⲡⲱϣⲃ


62 ⲛⲉϣⲁⲓⲧⲱⲟⲩⲛ ⲛⲧⲡⲁϣⲉ ⲛⲧⲉⲩϣⲏ ⲉⲟⲩⲱⲛϩ ⲉⲃⲟⲗ ⲛⲛϣⲁϫⲉ

ⲛⲧⲉⲇⲓⲕⲁⲓⲟⲥⲩⲛⲏ















63 ϯⲏⲡⲉ ⲟⲩⲟⲛ ⲛⲓⲙ ⲉⲧⲣ ϩⲟⲧⲉ ϩⲏⲧⲕ ⲁⲩⲱ ⲉⲧϩⲁⲣⲉϩ ⲉⲛⲉⲕⲉⲛⲧⲟⲗⲏ

64 ⲡⲕⲁϩ ⲙⲉϩ ⲙⲡⲉⲕⲛⲁ ⲡϫⲟⲉⲓⲥ ⲙⲁⲧⲥⲁⲃⲟⲓ ⲉⲛⲉⲕⲇⲓⲕⲁⲓⲱⲙⲁ

65 ⲑ – ⲧⲏⲑ ⲡϫⲟⲉⲓⲥ ⲁⲕⲉⲓⲣⲉ ⲛⲟⲩⲙⲛⲧⲭⲣⲏⲥⲧⲟⲥ ⲙⲛ ⲡⲉⲕϩⲙϩⲁⲗ

66 ⲡϫⲟⲉⲓⲥ ⲕⲁⲧⲁ ⲡⲉⲕϣⲁϫⲉ ⲙⲁⲧⲥⲁⲃⲟⲓ ⲉⲩⲙⲛⲧⲭⲣⲏⲥⲧⲟⲥ ⲙⲛ ⲟⲩⲥⲃⲱ

ⲙⲛ ⲟⲩⲥⲟⲟⲩⲛ ϫⲉ ⲁⲓⲡⲓⲥⲧⲉⲩⲉ ⲉⲛⲉⲕⲉⲛⲧⲟⲗⲏ

67 ⲁⲓⲣ ⲛⲟⲃⲉ ⲉⲙⲡⲁⲧⲕ ⲑⲃⲃⲓⲟⲉⲓ ⲉⲧⲃⲉ ⲡⲁⲓ ⲁⲓϩⲁⲣⲉϩ ⲉⲛⲉⲕϣⲁϫⲉ

68 ⲛⲧⲕ ⲟⲩⲭⲣⲏⲥⲧⲟⲥ ⲙⲁⲧⲥⲁⲃⲟⲓ ⲉⲛⲉⲇⲓⲕⲁⲓⲱⲙⲁ ϩⲛ ⲟⲩⲙⲛⲧⲭⲣⲏⲥⲧⲟⲥ

69 ⲁⲡϫⲓⲛϭⲟⲛⲥ ⲛⲛⲁϫⲁⲥⲓϩⲏⲧ ⲁϣⲁⲓ ⲉϩⲣⲁⲓ ⲉϫⲱⲓ ⲁⲛⲟⲕ ⲇⲉ ϯⲛⲁϣⲓⲛⲉ

ⲛⲥⲁ ⲛⲉⲕϩⲓⲟⲟⲩⲉ ϩⲙ ⲡⲁϩⲏⲧ ⲧⲏⲣϥ

70 ⲁⲡⲉⲩϩⲏⲧ ⲧⲱⲕ ⲛⲧϩⲉ ⲛⲟⲩⲉⲣⲏⲧⲉ ⲁⲛⲟⲕ ⲇⲉ ⲁⲓⲙⲉⲗⲉⲧⲁ


71 ⲛⲁⲛⲟⲩⲥ ⲛⲁⲓ ϫⲉ ⲁⲕⲑⲃⲃⲓⲟⲉⲓ ϫⲉ ⲉⲓⲉⲉⲓⲙⲉ ⲉⲛⲉⲕⲇⲓⲕⲁⲓⲱⲙⲁ

72 ⲛⲁⲛⲟⲩ ⲡⲛⲟⲙⲟⲥ ⲛⲁⲓ ⲛⲧⲉⲕⲧⲁⲡⲣⲟ ⲉϩⲟⲩⲉ ϩⲉⲛϣⲟ ⲛϩⲁⲧ ϩⲓ ⲛⲟⲩⲃ

73 ⲓ – ⲓⲱⲑ ⲛⲉⲕϭⲓϫ ⲛⲉⲛⲧⲁⲩⲡⲗⲁⲥⲥⲉ ⲙⲙⲟⲓ ⲁⲩⲧⲁⲙⲓⲟⲉⲓ ⲙⲁⲧⲥⲁⲃⲟⲓ

ⲧⲁⲉⲓⲙⲉ ⲉⲛⲉⲕⲉⲛⲧⲟⲗⲏ

74 ⲛⲉⲧⲣ ϩⲟⲧⲉ ϩⲏⲧⲕ ⲛⲁⲛⲁⲩ ⲉⲣⲟⲓ ⲛⲥⲉⲉⲩⲫⲣⲁⲛⲉ ϫⲉ ⲁⲓⲛⲁϩⲧⲉ


75 ⲁⲓⲉⲓⲙⲉ ⲡϫⲟⲉⲓⲥ ϫⲉ ⲟⲩⲇⲓⲕⲁⲓⲟⲥⲩⲛⲏ ⲛⲉ ⲛⲉⲕϩⲁⲕ ⲁⲩⲱ ⲛⲧⲁⲕⲑⲃⲃⲓⲟⲉⲓ

ϩⲛ ⲟⲩⲙⲉ

76 ⲙⲁⲣⲉⲡⲉⲕⲛⲁ ϣⲱⲡⲉ ⲉⲥⲗⲥⲱⲗⲧ ⲕⲁⲧⲁ ⲡⲉⲕϣⲁϫⲉ ⲙⲡⲉⲕϩⲙϩⲁⲗ















77 ⲙⲁⲣⲉⲛⲉⲕⲙⲛⲧϣⲁⲛϩⲧⲏϥ ⲧⲁϩⲟⲓ ⲧⲁⲱⲛϩ ϫⲉ ⲡⲉⲕⲛⲟⲙⲟⲥ

ⲡⲉⲧⲁⲙⲉⲗⲉⲧⲏ

78 ⲙⲁⲣⲉⲛϫⲁⲥⲓϩⲏⲧ ϫⲓ ϣⲓⲡⲉ ϫⲉ ⲁⲩⲁⲛⲟⲙⲉⲓ ⲉⲣⲟⲓ ϩⲛ ⲟⲩϫⲓⲛϭⲟⲛⲥ ⲁⲛⲟⲕ

ⲇⲉ ϯϫⲓ ϩⲣⲁⲓ ϩⲛ ⲛⲉⲕⲉⲛⲧⲟⲗⲏ

79 ⲙⲁⲣⲉⲛⲉⲧⲣ ϩⲟⲧⲉ ϩⲏⲧⲕ ⲕⲟⲧⲟⲩ ⲉⲣⲟⲓ ⲙⲛ ⲛⲉⲧⲥⲟⲟⲩⲛ ⲛⲛⲉⲕϣⲡⲏⲣⲉ

80 ⲙⲁⲣⲉⲡⲁϩⲏⲧ ⲟⲩⲟⲡ ϩⲛ ⲛⲉⲕⲇⲓⲕⲁⲓⲱⲙⲁ ϫⲉ ⲛⲛⲁϫⲓ ϣⲓⲡⲉ

81 ⲓⲁ – ⲭⲁⲫ ⲁⲧⲁⲯⲩⲭⲏ ϣⲱⲥⲙ ⲛⲥⲁ ⲡⲉⲕⲟⲩϫⲁⲓ ⲁⲓⲕⲁ ϩⲧⲏⲓ

ⲉⲡⲉⲕϣⲁϫⲉ

82 ⲁⲛⲁⲃⲁⲗ ⲱϫⲛ ⲉⲩϭⲱϣⲧ ⲛⲥⲁ ⲡⲉⲕϣⲁϫⲉ ⲉⲕⲛⲁⲥⲉⲡⲥⲱⲡⲧ ϩⲛ ⲁϣ

ⲛⲟⲩⲟⲉⲓϣ

83 ϫⲉ ⲁⲓⲣ ⲧϩⲉ ⲛⲟⲩⲁⲥⲕⲟⲥ ϩⲛ ⲟⲩϫⲁϥ ⲙⲡⲓⲣ ⲡⲱⲃϣ ⲛⲛⲉⲕⲇⲓⲕⲁⲓⲱⲙⲁ

84 ⲟⲩⲏⲣ ⲛⲉ ⲛⲉϩⲟⲟⲩ ⲙⲡⲉⲕϩⲙϩⲁⲗ ⲉⲕⲛⲁⲉⲓⲣⲉ ⲙⲡⲁϩⲁⲡ ⲧⲛⲁⲩ ⲉⲃⲟⲗ

ϩⲛ ⲛⲉⲧⲡⲏⲧ ⲛⲥⲱⲓ

85 ⲁⲙⲡⲁⲣⲁⲛⲟⲙⲟⲥ ϫⲱ ⲉⲣⲟⲓ ⲛϩⲉⲛⲙⲕⲁϩ ⲛϩⲏⲧ ⲁⲗⲗⲁ

ⲛⲧⲁⲓⲁⲛⲧⲉⲧϩⲉ ⲙⲡⲉⲕⲛⲟⲙⲟⲥ

86 ϩⲉⲛⲙⲉ ⲛⲉ ⲛⲉⲕⲉⲛⲧⲟⲗⲏ ⲧⲏⲣⲟⲩ ⲁⲩⲡⲱⲧ ⲛⲥⲱⲓ ϩⲛ ⲟⲩϫⲓⲛϭⲟⲛⲥ

ⲃⲟⲏⲑⲉⲓ ⲉⲣⲟⲓ

87 ⲡⲁⲣⲁ ⲟⲩⲕⲟⲩⲓ ⲁϥⲟⲧⲧ ⲉⲃⲟⲗ ϩⲙ ⲡⲕⲁϩ ⲁⲛⲟⲕ ⲇⲉ ⲙⲡⲓⲕⲱ ⲛⲥⲱⲓ


88 ⲙⲁⲧⲁⲛϩⲟⲓ ⲕⲁⲧⲁ ⲡⲉⲕⲛⲁ ⲁⲩⲱ ϯⲛⲁϩⲁⲣⲉϩ ⲉⲙⲙⲛⲧⲙⲛⲧⲣⲉ













ⲛⲧⲉⲕⲧⲁⲡⲣⲟ

89 ⲓⲃ – ⲗⲁⲃⲇ ⲡϫⲟⲉⲓⲥ ⲡⲉⲕϣⲁϫⲉ ⲙⲏⲛ ⲉⲃⲟⲗ ϩⲛ ⲧⲡⲉ

90 ϣⲁ ⲟⲩϫⲱⲙ ⲙⲛ ⲟⲩϫⲱⲙ ⲁⲩⲱ ⲧⲉⲕⲙⲉ ϣⲁ ⲉⲛⲉϩ ⲁⲕⲥⲙⲛⲧⲉ ⲙⲡⲕⲁϩ

ⲁⲩⲱ ϥⲙⲏⲛ ⲉⲃⲟⲗ

91 ⲉⲣⲉⲡⲉϩⲟⲟⲩ ⲙⲏⲛ ⲉⲃⲟⲗ ϩⲙ ⲡⲉⲕⲧⲱϣ ϫⲉ ⲛⲉⲕϩⲙϩⲁⲗ ⲧⲏⲣⲟⲩ ⲛⲉ

92 ⲛⲥⲁⲃⲏⲗ ϫⲉ ⲡⲉⲕⲛⲟⲙⲟⲥ ϣⲟⲟⲡ ⲛⲁⲓ ⲙⲙⲉⲗⲉⲧⲏ ⲛⲉⲓⲛⲁⲧⲁⲕⲟ ⲡⲉ ϩⲙ

ⲡⲁⲑⲃⲃⲓⲟ

93 ⲛϯⲛⲁⲣ ⲡⲱⲃϣ ⲁⲛ ϣⲁ ⲉⲛⲉϩ ⲛⲛⲉⲕⲇⲓⲁⲓⲱⲙⲁ ϫⲉ ⲛⲧⲁⲕⲧⲁⲛϩⲟⲓ

ⲡϫⲟⲉⲓⲥ ⲛϩⲏⲧⲟⲩ

94 ⲁⲛⲅ ⲡⲱⲕ ⲡϫⲟⲉⲓⲥ ⲙⲁⲧⲟⲩϫⲟⲓ ϫⲉ ⲁⲓϣⲓⲛⲉ ⲛⲥⲁ ⲛⲉⲕⲇⲓⲕⲁⲓⲱⲙⲁ

95 ⲁⲛⲣⲉϥⲣⲛⲟⲃⲉ ϩⲩⲡⲟⲙⲉⲓⲛⲉ ⲉⲣⲟⲓ ⲉⲧⲁⲕⲟⲓ ⲙⲡⲟⲩⲉⲓⲙⲉ

ⲉⲛⲉⲕⲙⲛⲧⲙⲛⲧⲣⲉ

96 ⲁⲓⲛⲁⲩ ⲉⲡϫⲱⲕ ⲛϩⲁⲏ ⲛⲓⲙ

97 ⲓⲅ – ⲙⲏⲙ ⲧⲉⲕⲉⲛⲧⲟⲗⲏ ⲟⲩⲱϣⲥ ⲉⲙⲁⲧⲉ ⲛⲧϩⲉ ⲉⲛⲧⲁⲓⲙⲉⲣⲉ ⲡⲉⲕⲣⲁⲛ

ⲡϫⲟⲉⲓⲥ ⲁⲥϣⲱⲡⲉ ⲛⲁⲓ ⲙⲙⲉⲗⲉⲧⲏ ⲙⲡⲉϩⲟⲟⲩ ⲧⲏⲣϥ

98 ⲁⲕⲧⲥⲁⲃⲟⲓ ⲉⲛⲉⲕⲉⲛⲧⲟⲗⲏ ⲉϩⲟⲩⲛ ⲉⲛⲁϫⲁϫⲉ ϫⲉ ⲥⲉϣⲟⲟⲡ ⲛⲁⲓ ϣⲁ

ⲉⲛⲉϩ

99 ⲁⲕⲧⲥⲁⲃⲟⲓ ⲉϩⲟⲩⲛ ⲉⲛⲉⲧⲧⲥⲁⲃⲟ ⲙⲙⲟⲓ ⲧⲏⲣⲟⲩ ϫⲉ ⲛⲉⲕⲙⲛⲧⲙⲛⲧⲣⲉ

ⲛⲉ ⲛⲁⲙⲉⲗⲉⲧⲏ

100 ϫⲉ ⲁⲓϣⲓⲛⲉ ⲛⲥⲁ ⲛⲉⲕⲉⲛⲧⲟⲗⲏ ⲁⲓⲥⲃⲟ ⲉϩⲟⲩⲉ ⲛϩⲗⲗⲟ ϫⲉ ⲁⲓϣⲓⲛⲉ ⲛⲥⲁ













ⲛⲉⲕⲙⲛⲧⲙⲛⲧⲣⲉ

101 ⲁⲓⲧⲱⲕⲙ ⲛⲛⲁⲟⲩⲉⲣⲏⲧⲉ ⲉⲃⲟⲗ ϩⲛ ϩⲓⲏ ⲛⲓⲙ ⲉⲧϩⲟⲟⲩ ϫⲉ ⲉⲓⲉϩⲁⲣⲉϩ


102 ⲙⲡⲓⲣⲁⲕⲧ ⲉⲃⲟⲗ ⲛⲛⲉⲕⲙⲛⲧⲙⲛⲧⲣⲉ ϫⲉ ⲛⲧⲟⲕ ⲁⲕⲥⲙⲛ ⲛⲟⲙⲟⲥ ⲛⲁⲓ

103 ⲁⲛⲉⲕϣⲁϫⲉ ϩⲗⲟϭ ϩⲛ ⲧⲁϣⲟⲩⲱⲃⲉ ⲉϩⲟⲩⲉ ⲟⲩⲉⲃⲓⲱ ϩⲛ ⲣⲱⲓ

104 ⲁⲓⲛⲟⲓ ⲛⲛⲉⲕⲉⲛⲧⲟⲗⲏ ⲉⲧⲃⲉ ⲡⲁⲓ ⲁⲓⲙⲉⲥⲧⲉ ϩⲓⲏ ⲛⲓⲙ ⲛϫⲓⲛϭⲟⲛⲥ ϫⲉ

ⲛⲧⲟⲕ ⲁⲕⲥⲙⲛ ⲛⲟⲙⲟⲥ ⲛⲁⲓ

105 ⲓⲇ – ⲛⲟⲩⲛ ⲡϩⲏⲃⲥ ⲛⲛⲁⲟⲩⲉⲣⲏⲧⲉ ⲡⲉ ⲡⲉⲕϣⲁϫⲉ ⲁⲩⲱ ⲡⲟⲩⲟⲉⲓⲛ ⲡⲉ

ⲛⲛⲁϩⲓⲟⲟⲩⲉ

106 ⲁⲓⲱⲣⲕ ⲁⲩⲱ ⲁⲓⲥⲙⲛⲧⲥ ⲉϩⲁⲣⲉϩ ⲉⲛϩⲁⲡ ⲛⲧⲉⲕⲇⲓⲕⲁⲓⲟⲥⲩⲛⲏ

107 ⲁⲓⲑⲃⲃⲓⲟ ⲉⲙⲁⲧⲉ ⲡϫⲟⲉⲓⲥ ⲙⲁⲧⲁⲛϩⲟⲓ ⲕⲁⲧⲁ ⲡⲉⲕϣⲁϫⲉ

108 ⲡϫⲟⲉⲓⲥ ⲟⲩⲉϣ ⲛⲉⲧϩⲛ ⲣⲱⲓ ⲁⲩⲱ ⲛⲅⲧⲥⲁⲃⲟⲓ ⲉⲛⲉⲕϩⲁⲡ

109 ⲧⲁⲯⲩⲭⲏ ϩⲛ ⲛⲁϭⲓϫ ⲛⲟⲩⲟⲉⲓϣ ⲛⲓⲙ ⲁⲩⲱ ⲙⲡⲓⲣ ⲡⲱⲃϣ


110 ⲁⲛⲣⲉϥⲣⲛⲟⲃⲉ ⲕⲱ ⲉⲣⲟⲓ ⲛⲟⲩⲡⲁϣ ⲁⲩⲱ ⲙⲡⲓⲣ ⲡⲱⲃϣ ⲛⲛⲉⲕⲉⲛⲧⲟⲗⲏ

111 ⲁⲓⲕⲗⲏⲣⲟⲛⲟⲙⲉⲓ ⲛⲛⲉⲕⲙⲛⲧⲙⲛⲧⲣⲉ ϣⲁ ⲉⲛⲉϩ ϫⲉ ⲛⲧⲉⲗⲏⲗ ⲛⲉ

ⲙⲡⲁϩⲏⲧ

112 ⲁⲓⲣⲓⲕⲉ ⲙⲡⲁϩⲏⲧ ⲉⲣ ⲛⲉⲕⲇⲓⲕⲁⲓⲱⲙⲁ ⲉⲩⲧⲱⲱⲃⲉ ⲉⲛⲉϩ

113 ⲓⲉ – ⲥⲁⲙⲭ ⲁⲓⲙⲉⲥⲧⲉ ⲙⲡⲁⲣⲁⲛⲟⲙⲟⲥ ⲁⲓⲙⲉⲣⲉ ⲡⲉⲕⲛⲟⲙⲟⲥ

114 ⲛⲧⲟⲕ ⲡⲉ ⲡⲁⲃⲟⲏⲑⲟⲥ ⲁⲩⲱ ⲡⲁⲣⲉϥϣⲟⲡⲧ ⲉⲣⲟϥ ⲁⲓⲛⲁϩⲧⲉ ⲉⲡⲉⲕϣⲁϫⲉ















115 ⲣⲉⲕⲧ ⲧⲏⲩⲧⲛ ⲉⲃⲟⲗ ⲙⲙⲟⲓ ⲛⲉⲧⲣ ⲡⲉⲧϩⲟⲟⲩ ⲁⲩⲱ ϯⲛⲁⲙⲟⲩϣⲧ

ⲛⲛⲉⲛⲧⲟⲗⲏ ⲙⲡⲁⲛⲟⲩⲧⲉ

116 ϣⲟⲡⲧ ⲉⲣⲟⲕ ⲕⲁⲧⲁ ⲡⲉⲕϣⲁϫⲉ ⲧⲁⲱⲛϩ ⲙⲡⲣϯ ϣⲓⲡⲉ ⲛⲁⲓ ⲉⲃⲟⲗ ϩⲙ

ⲡⲉϯ ϭⲱϣⲧ ⲉⲃⲟⲗ ϩⲏⲧϥ

117 ⲃⲟⲏⲑⲉⲓ ⲉⲣⲟⲓ ⲧⲁⲟⲩϫⲁⲓ ⲁⲩⲱ ⲧⲁⲙⲉⲗⲉⲧⲁ ⲛⲛⲉⲕⲇⲓⲕⲁⲓⲱⲙⲁ


118 ⲁⲕⲥⲉϣϥ ⲟⲩⲟⲛ ⲛⲓⲙ ⲉⲧⲥⲁϩⲏⲩ ⲉⲃⲟⲗ ⲛⲛⲉⲕⲇⲓⲕⲁⲓⲱⲙⲁ ϫⲉ

ⲟⲩϫⲓⲛϭⲟⲛⲥ ⲡⲉ ⲡⲉⲩⲙⲉⲉⲩⲉ

119 ⲁⲓⲉⲡ ⲛⲣⲉϥⲣⲛⲟⲃⲉ ⲧⲏⲣⲟⲩ ⲙⲡⲕⲁϩ ϫⲉ ⲥⲉⲡⲁⲣⲁⲃⲁ ⲉⲧⲃⲉ ⲡⲁⲓ

ⲁⲓⲙⲉⲣⲉ ⲛⲉⲕⲙⲛⲧⲙⲛⲧⲣⲉ ⲧⲏⲣⲟⲩ ⲛⲟⲩⲟⲉⲓϣ ⲛⲓⲙ

120 ⲉϥⲧ ⲛⲁⲥⲁⲣⲝ ⲉⲃⲟⲗ ϩⲛ ⲧⲉϥϩⲟⲧⲉ ⲛⲧⲁⲓⲣ ϩⲟⲧⲉ ⲅⲁⲣ ϩⲏⲧⲟⲩ

ⲛⲛⲉⲕϩⲁⲡ

121 ⲓⲋ – ⲁⲓⲛ ⲁⲕⲉⲓⲣⲉ ⲛⲟⲩϩⲁⲡ ⲙⲛ ⲟⲩⲇⲓⲕⲁⲓⲟⲥⲩⲛⲏ ⲙⲡⲣⲧⲁⲁⲧ ⲛⲛⲉⲧϫⲓ

ⲙⲙⲟⲓ ⲛϭⲟⲛⲥ

122 ϣⲉⲡ ⲡⲉⲕϩⲙϩⲁⲗ ⲉⲣⲟⲕ ⲉⲩⲁⲅⲁⲑⲟⲛ ⲙⲡⲣⲧⲣⲉ ⲛϫⲁⲥⲓϩⲏⲧ ϩⲓⲗⲁ ⲉⲣⲟⲓ

123 ⲁⲛⲁⲃⲁⲗ ⲥⲱϣⲙ ⲛⲥⲁ ⲡⲉⲕⲟⲩϫⲁⲓ ⲁⲩⲱ ⲛⲥⲁ ⲡϣⲁϫⲉ

ⲛⲧⲉⲕⲇⲓⲕⲁⲓⲟⲥⲩⲛⲏ

124 ⲁⲣⲓⲣⲉ ⲙⲛ ⲡⲉⲕϩⲙϩⲁⲗ ⲕⲁⲧⲁ ⲡⲉⲕⲛⲁ ⲁⲩⲱ ⲛⲅⲧⲥⲁⲃⲟⲓ


125 ⲁⲛⲅ ⲡⲉⲕϩⲙϩⲁⲗ ⲙⲁⲧⲥⲁⲃⲟⲓ ⲧⲁⲉⲓⲙⲉ ⲉⲛⲉⲕⲙⲛⲧⲙⲛⲧⲣⲉ












126 ⲡⲉⲟⲩⲟⲉⲓϣ ⲡⲉ ⲛⲣ ϩⲱⲃ ⲙⲡϫⲟⲉⲓⲥ ⲙⲁⲧⲥⲁⲃⲟⲓ ⲉⲡⲉⲕⲛⲟⲙⲟⲥ ⲁⲧϫⲉⲣⲉ

ⲡⲉⲕⲛⲟⲙⲟⲥ ⲉⲃⲟⲗ

127 ⲉⲧⲃⲉ ⲡⲁⲓ ⲁⲓⲙⲉⲣⲉ ⲛⲉⲕⲉⲛⲧⲟⲗⲏ ⲉϩⲟⲩⲉ ⲉⲡⲛⲟⲩⲃ ⲙⲛ ⲟⲩⲧⲟⲡⲁⲇⲓⲟⲛ

128 ⲁⲩⲱ ⲡⲁⲓ ϫⲉ ⲛⲉⲓⲥⲟⲩⲧⲱⲛ ϩⲛ ⲛⲉⲕⲉⲛⲧⲟⲗⲏ ⲧⲏⲣⲟⲩ ⲁⲓⲙⲉⲥⲧⲉ ϩⲓⲏ

ⲛⲓⲙ ⲛϫⲓⲛϭⲟⲛⲥ

129 ⲓⲍ – ⲫⲏ ϩⲉⲛϣⲡⲏⲣⲉ ⲛⲉ ⲛⲉⲕⲙⲛⲧⲙⲛⲧⲣⲉ ⲉⲧⲃⲉ ⲡⲁⲓ ⲁⲧⲁⲯⲩⲭⲏ

ⲙⲟϣⲧⲟⲩ

130 ⲡⲟⲩⲱⲛϩ ⲉⲃⲟⲗ ⲛⲛⲉⲕϣⲁϫⲉ ⲡⲉⲧⲣ ⲟⲩⲟⲉⲓⲛ ⲉⲣⲟⲓ ⲡⲉⲕⲛⲟⲙⲟⲥ

ⲡⲉⲧⲧⲥⲁⲃⲟ ⲛⲛⲓⲕⲟⲩⲓ

131 ⲁⲓⲟⲩⲱⲛ ⲛⲣⲱⲓ ⲁⲓⲥⲉⲕ ⲡⲛⲁ ⲛⲁⲓ ⲁⲓⲉⲡⲓⲑⲩⲙⲉⲓ ⲉⲛⲉⲕⲉⲛⲧⲟⲗⲏ

132 ϭⲱϣⲧ ⲉϩⲣⲁⲓ ⲉϫⲱⲓ ⲛⲅⲛⲁ ⲛⲁⲓ ⲕⲁⲧⲁ ⲡϩⲁⲡ ⲛⲛⲉⲧⲙⲉ ⲙⲡⲉⲕⲣⲁⲛ

133 ⲥⲟⲩⲧⲛ ⲛⲁⲧⲁϭⲥⲉ ⲕⲁⲧⲁ ⲡⲉⲕϣⲁϫⲉ ⲁⲩⲱ ⲙⲡⲣⲧⲣⲉⲗⲁⲁⲩ ⲛⲁⲛⲟⲙⲓⲁ

ⲣ ϫⲟⲉⲓⲥ ⲉϫⲱⲓ

134 ⲥⲟⲧⲧ ⲉⲗⲁ ⲛⲣⲱⲙⲉ ⲧⲁϩⲁⲣⲉϩ ⲉⲛⲉⲕⲉⲛⲧⲟⲗⲏ

135 ⲟⲩⲉⲛϩ ⲡⲉⲕϩⲟ ⲉⲃⲟⲗ ⲉϫⲙ ⲡⲉⲕϩⲙϩⲁⲗ ⲁⲩⲱ ⲛⲅⲧⲥⲁⲃⲟⲓ


136 ⲁⲛⲁⲃⲁⲗ ⲧⲁⲩⲟ ⲉϩⲣⲁⲓ ⲛϩⲉⲛⲟⲑⲉ ⲙⲙⲟⲟⲩ ⲉⲃⲟⲗ ϫⲉ ⲙⲡⲟⲩϩⲁⲣⲉϩ

ⲉⲡⲉⲕⲛⲟⲙⲟⲥ

137 ⲓⲏ – ⲥⲁⲇⲏ ⲛⲧⲕ ⲟⲩⲇⲓⲕⲁⲓⲟⲥ ⲡϫⲟⲉⲓⲥ ⲁⲩⲱ ⲡⲉⲕϩⲁⲡ ⲥⲟⲩⲧⲱⲛ

138 ⲁⲕϩⲱⲛ ⲛⲛⲉⲕⲙⲛⲧⲙⲛⲧⲣⲉ ⲛⲇⲓⲕⲁⲓⲟⲥⲩⲛⲏ ⲁⲩⲱ ⲙⲙⲉ ⲉⲙⲁⲧⲉ














139 ⲁⲡⲕⲱϩ ⲙⲡⲉⲕⲏⲓ ⲃⲟⲗⲧ ⲉⲃⲟⲗ ϫⲉ ⲁⲛⲁϫⲓϫⲉⲉⲩ ⲣ ⲡⲱⲃϣ


140 ⲡⲉⲕϣⲁϫⲉ ⲗⲟⲃϣ ⲉⲙⲁⲧⲉ ⲁⲩⲱ ⲡⲉⲕϩⲙϩⲁⲗ ϩⲁⲣⲉϩ ⲉⲣⲟϥ

141 ⲁⲛⲅ ⲟⲩⲕⲟⲩⲓ ⲁⲛⲟⲕ ⲉⲓⲣ ⲡⲕⲉⲥⲱϣϥ ⲙⲡⲓⲣ ⲡⲱⲃϣ ⲛⲛⲉⲕⲇⲓⲕⲁⲓⲱⲙⲁ

142 ⲧⲉⲕⲇⲓⲕⲁⲓⲟⲥⲩⲛⲏ ⲟⲩⲇⲓⲕⲁⲓⲟⲥⲩⲛⲏ ϣⲁ ⲉⲛⲉϩ ⲧⲉ ⲁⲩⲱ ⲟⲩⲙⲉ ⲡⲉ


143 ⲁⲩⲑⲗⲓⲯⲓⲥ ⲙⲛ ⲟⲩⲁⲛⲁⲅⲕⲏ ϩⲉ ⲉⲣⲟⲓ ϯⲛⲁⲙⲉⲗⲉⲧⲁ ⲛⲛⲉⲕⲉⲛⲧⲟⲗⲏ

144 ⲟⲩⲇⲓⲕⲁⲓⲟⲥⲩⲛⲏ ⲧⲉ ⲛⲉⲕⲙⲛⲧⲙⲛⲧⲣⲉ ϣⲁ ⲉⲛⲉϩ ⲙⲁⲧⲥⲁⲃⲟⲓ ⲧⲁⲱⲛϩ

145 ⲓⲑ – ⲕⲱⲫ ⲁⲓϫⲓ ϣⲕⲁⲕ ⲉⲃⲟⲗ ϩⲙ ⲡⲁϩⲏⲧ ⲧⲏⲣϥ ⲥⲱⲧⲙ ⲉⲣⲟⲓ ⲛⲧⲟⲕ

ⲡϫⲟⲉⲓⲥ ϯⲛⲁϣⲓⲛⲉ ⲛⲥⲁ ⲛⲉⲕⲇⲓⲕⲁⲓⲱⲙⲁ

146 ⲁⲓϫⲓ ϣⲕⲁⲕ ⲉⲃⲟⲗ ϫⲉ ⲙⲁⲧⲟⲩϫⲟⲓ ⲧⲁϩⲁⲣⲉϩ ⲉⲛⲉⲕⲙⲛⲧⲙⲛⲧⲣⲉ

147 ⲁⲓⲣϣⲟⲣⲡ ϩⲙ ⲡⲟⲩⲟⲉⲓϣ ⲁⲓϫⲓ ϣⲕⲁⲕ ⲉⲃⲟⲗ ϫⲉ ⲁⲓⲕⲁ ϩⲧⲏⲓ


148 ⲁⲛⲁⲃⲁⲗ ϣⲟⲣⲡⲟⲩ ⲉϩⲧⲟⲟⲩⲉ ⲉⲙⲉⲗⲉⲧⲁ ⲛⲛⲉⲕϣⲁϫⲉ

149 ⲥⲱⲧⲙ ⲉⲡⲁϩⲣⲟⲟⲩ ⲡϫⲟⲉⲓⲥ ⲕⲁⲧⲁ ⲡⲉⲕⲛⲁ ⲙⲁⲧⲁⲛϩⲟⲓ ⲕⲁⲧⲁ

ⲡⲉⲕϩⲁⲡ

150 ⲁⲩϩⲱⲛ ⲉⲣⲟⲓ ⲛϭⲓ ⲛⲉⲧⲡⲏⲧ ⲛⲥⲱⲓ ϩⲛ ⲟⲩⲁⲛⲟⲙⲓⲁ ⲁⲩⲟⲩⲉ ⲇⲉ ⲉⲃⲟⲗ


151 ⲕϩⲏⲛ ⲉϩⲟⲩⲛ ⲡϫⲟⲉⲓⲥ ⲁⲩⲱ ϩⲉⲛⲙⲉ ⲛⲉ ⲛⲉⲕⲉⲛⲧⲟⲗⲏ

152 ϫⲓⲛ ⲛϣⲟⲣⲡ ⲁⲓⲉⲓⲙⲉ ⲉⲃⲟⲗ ϩⲛ ⲛⲉⲕⲙⲛⲧⲙⲛⲧⲣⲉ ϫⲉ ⲁⲕⲥⲙⲛ ⲥⲛⲧⲉ















ⲙⲙⲟⲟⲩ ϣⲁ ⲉⲛⲉϩ

153 ⲕ – ⲣⲏⲥ ⲁⲛⲁⲩ ⲉⲡⲁⲑⲃⲃⲓⲟ ⲛⲅⲛⲁϩⲙⲉⲧ ϫⲉ ⲙⲡⲓⲣ ⲡⲱⲃϣ


154 ⲕⲣⲓⲛⲉ ⲙⲡⲁϩⲁⲡ ⲁⲩⲱ ⲛⲅⲥⲱⲧⲉ ⲙⲙⲟⲓ ⲙⲁⲧⲁⲛϩⲟⲓ ⲕⲁⲧⲁ ⲡⲉⲡϣⲁϫⲉ

155 ⲡⲟⲩϫⲁⲓ ⲟⲩⲏⲩ ⲛⲛⲣⲉϥⲣⲛⲟⲃⲉ ϫⲉ ⲙⲡⲟⲩϣⲓⲛⲉ ⲛⲥⲁ ⲛⲉⲕⲇⲓⲕⲁⲓⲱⲙⲁ

156 ⲛⲁϣⲉ ⲛⲉⲕⲙⲛⲧϣⲁⲛϩⲧⲏϥ ⲉⲙⲁⲧⲉ ⲡϫⲟⲉⲓⲥ ⲙⲁⲧⲁⲛϩⲟⲓ ⲕⲁⲧⲁ

ⲡⲉⲕϣⲁϫⲉ

157 ⲛⲁϣⲉ ⲛⲉⲧⲡⲏⲧ ⲛⲥⲱⲓ ⲉⲧⲑⲗⲓⲃⲉ ⲙⲙⲟⲓ ⲙⲡⲓⲣⲁⲕⲧ ⲉⲃⲟⲗ

ⲛⲛⲉⲕⲙⲛⲧⲙⲛⲧⲣⲉ

158 ⲁⲓⲛⲁⲩ ⲉⲛⲁⲧϩⲏⲧ ⲁⲓⲃⲱⲗ ⲉⲃⲟⲗ ϫⲉ ⲙⲡⲟⲩϩⲁⲣⲉϩ ⲉⲛⲉⲕϣⲁϫⲉ

159 ⲁⲩⲱ ϫⲉ ⲁⲓⲙⲉⲣⲉ ⲛⲉⲕⲉⲛⲧⲟⲗⲏ ⲙⲁⲧⲁⲛϩⲟⲓ ⲡϫⲟⲉⲓⲥ ϩⲙ ⲡⲉⲕⲛⲁ

160 ⲧⲉϩⲟⲩⲉⲓⲧⲉ ⲛⲛⲉⲕϣⲁϫⲉ ⲧⲉ ⲧⲙⲉ ⲛϩⲁⲡ ⲧⲏⲣⲟⲩ ⲛⲧⲉⲕⲇⲓⲕⲁⲓⲟⲥⲩⲛⲏ

ϣⲟⲟⲡ ϣⲁ ⲉⲛⲉϩ

161 ⲕⲁ – ⲥⲉⲛ ⲁⲛⲁⲣⲭⲱⲛ ⲡⲱⲧ ⲛⲥⲱⲓ ⲉⲡϫⲓⲛϫⲏ ⲁⲩⲱ ⲁⲡⲁϩⲏⲧ ϭⲃⲃⲉ

ϩⲏⲧⲟⲩ ⲛⲛⲉⲕϣⲁϫⲉ

162 ϯⲛⲁⲧⲉⲗⲏⲗ ⲉϫⲙ ⲡⲉⲕϣⲁϫⲉ ⲛⲧϩⲉ ⲙⲡⲉⲛⲧⲁϥϭⲛ ϩⲁϩ ⲛϣⲱⲗ

163 ⲁⲓⲙⲉⲥⲧⲉ ⲡϫⲓⲛϭⲟⲛⲥ ⲁⲩⲱ ⲁⲓϥⲟⲧϥ ⲡⲉⲕⲛⲟⲙⲟⲥ ⲇⲉ ⲁⲓⲙⲉⲣⲓⲧϥ

164 ⲁⲓⲥⲙⲟⲩ ⲉⲣⲟⲕ ⲛⲥⲁϣϥ ⲛⲥⲟⲡ ⲙⲡⲉϩⲟⲟⲩ ⲉϫⲛ ⲛϩⲁⲡ

ⲛⲧⲉⲕⲇⲓⲕⲁⲓⲟⲥⲩⲛⲏ

165 ⲟⲩⲛ ⲟⲩⲛⲟϭ ⲛⲉⲓⲣⲏⲛⲏ ⲛⲛⲉⲧⲙⲉ ⲙⲡⲉⲕⲣⲁⲛ ⲁⲩⲱ ⲙⲛⲧⲟⲩ














ⲥⲕⲁⲛⲇⲁⲗⲟⲛ

166 ⲛⲉⲓϭⲱϣⲧ ⲉⲃⲟⲗ ϩⲏⲧϥ ⲙⲡⲉⲕⲟⲩϫⲁⲓ ⲡϫⲟⲉⲓⲥ ⲁⲩⲱ ⲁⲓⲉⲓⲣⲉ


167 ⲁⲧⲁⲯⲩⲭⲏ ϩⲁⲣⲉϩ ⲉⲛⲉⲕⲙⲛⲧⲙⲛⲧⲣⲉ ⲁⲩⲱ ⲁⲓⲙⲉⲣⲓⲧⲟⲩ ⲉⲙⲁⲧⲉ

168 ⲁⲓϩⲁⲣⲉϩ ⲉⲛⲉⲕⲉⲛⲧⲟⲗⲏ ⲙⲛ ⲛⲉⲕϩⲁⲡ ϫⲉ ⲛⲁϩⲓⲟⲟⲩⲉ ⲧⲏⲣⲟⲩ

ⲙⲡⲉⲕⲙⲧⲟ ⲉⲃⲟⲗ ⲡϫⲟⲉⲓⲥ

169 ⲕⲃ – ⲑⲁⲩ ⲙⲁⲣⲉⲡⲁⲥⲟⲡⲥ ϩⲱⲛ ⲉϩⲟⲩⲛ ⲉⲣⲟⲕ ⲡϫⲟⲉⲓⲥ ⲡϫⲟⲉⲓⲥ

ⲙⲁⲧⲥⲁⲃⲟⲓ ⲕⲁⲧⲁ ⲡⲉⲕϣⲁϫⲉ

170 ⲙⲁⲣⲉⲡⲁⲧⲁⲉⲓⲟ ⲉⲓ ⲉϩⲟⲩⲛ ⲙⲡⲉⲕⲙⲧⲟ ⲉⲃⲟⲗ ⲙⲁⲧⲟⲩϫⲟⲓ ⲕⲁⲧⲁ

ⲡⲉⲕϣⲁϫⲉ

171 ⲛⲁⲥⲡⲟⲧⲟⲩ ⲛⲁϫⲱ ⲛⲟⲩⲥⲙⲟⲩ ⲉⲕϣⲁⲛⲧⲥⲁⲃⲟⲓ ⲉⲛⲉⲕⲇⲓⲕⲁⲓⲱⲙⲁ

172 ⲡⲁⲗⲁⲥ ⲛⲁⲧⲁⲩⲟ ⲛⲛⲉⲕϣⲁϫⲉ ϫⲉ ⲧⲇⲓⲕⲁⲓⲟⲥⲩⲛⲏ ⲛⲉ ⲛⲉⲕⲉⲛⲧⲟⲗⲏ

ⲧⲏⲣⲟⲩ

173 ⲙⲁⲣⲉⲧⲉⲕϭⲓϫ ϣⲱⲡⲉ ⲉⲡⲧⲟⲩϫⲟⲓ ϫⲉ ⲁⲓⲟⲩⲉϣ ⲛⲉⲕⲉⲛⲧⲟⲗⲏ

174 ⲁⲓⲙⲉⲣⲉ ⲡⲉⲕⲟⲩϫⲁⲓ ⲡϫⲟⲉⲓⲥ ⲁⲩⲱ ⲡⲉⲕⲛⲟⲙⲟⲥ ⲡⲉ ⲧⲁⲙⲉⲗⲉⲧⲏ

175 ⲧⲁⲯⲩⲭⲏ ⲛⲁⲱⲛϩ ⲛⲥⲥⲙⲟⲩ ⲉⲣⲟⲕ ⲁⲩⲱ ⲛⲉⲕϩⲁⲡ ⲛⲁⲃⲟⲏⲑⲉⲓ ⲉⲣⲟⲓ

176 ⲁⲓⲥⲱⲣⲙ ⲛⲧϩⲉ ⲛⲟⲩⲉⲥⲟⲟⲩ ⲉϥⲥⲟⲣⲙ ϣⲓⲛⲉ ⲛⲥⲁ ⲡⲉⲕϩⲙϩⲁⲗ ⲁⲩⲱ

ⲛⲅⲥⲱⲧⲙ ⲉⲣⲟⲓ ϫⲉ ⲙⲡⲓⲣ ⲡⲱⲃϣ ⲛⲛⲉⲕⲉⲛⲧⲟⲗⲏ

Psalm 119

1 ⲧⲱⲇⲏ ⲛⲛⲧⲱⲣⲧⲣ ⲁⲓϫⲓ ϣⲕⲁⲕ ⲉϩⲣⲁⲓ ⲉⲣⲟⲕ ⲡϫⲟⲉⲓⲥ ⲛⲧⲉⲣⲓϩⲱϣ ⲁⲩⲱ













ⲁⲕⲥⲱⲧⲙ ⲉⲣⲟⲓ

2 ⲡϫⲟⲉⲓⲥ ⲙⲁⲧⲟⲩϫⲉ ⲧⲁⲯⲩⲭⲏ ⲉⲃⲟⲗ ϩⲛ ϩⲉⲛⲥⲟⲧⲟⲩ ⲛϫⲓⲛϭⲟⲛⲥ ⲁⲩⲱ

ⲉⲃⲟⲗ ϩⲛ ⲟⲩⲗⲁⲥ ⲛⲕⲣⲟϥ

3 ⲉⲩⲛⲁϯⲟⲩ ⲛⲁⲕ ⲏ ⲛⲥⲉⲟⲩⲉϩ ⲟⲩ ⲉⲣⲟⲕ ⲛⲛⲁϩⲣⲙ ⲡⲗⲁⲥ ⲛⲕⲣⲟϥ

4 ⲛⲥⲟⲧⲉ ⲙⲡϫⲱⲱⲣⲉ ⲧⲏⲙ ⲙⲛ ⲛⲁⲛⲑⲣⲁⲝ ⲛⲧⲉ ⲡϫⲁⲓⲉ

5 ⲟⲩⲟⲓ ⲛⲁⲓ ϫⲉ ⲁⲡⲁⲙⲁ ⲛϣⲱⲡⲉ ⲟⲩⲉ ⲁⲓⲟⲩⲱϩ ϩⲛ ⲙⲙⲁ ⲛϣⲱⲡⲉ

ⲛⲕⲏⲇⲁⲣ

6 ⲁⲧⲁⲯⲩⲭⲏ ⲣⲣⲙⲛϭⲟⲓⲗⲉ ⲉⲙⲁⲧⲉ

7 ⲛⲉⲓⲟ ⲛⲉⲓⲣⲏⲛⲓⲕⲟⲥ ⲙⲛ ⲛⲉⲧⲙⲟⲥⲧⲉ ⲛϯⲣⲏⲛⲏ ⲉⲓϣⲁⲛϣⲁϫⲉ ⲛⲙⲙⲁⲩ

ϣⲁⲩϯ ⲟⲩⲃⲏⲓ ⲉⲡϫⲓⲛϫⲏ

Psalm 120

1 ⲧⲱⲇⲏ ⲛⲛⲧⲱⲣⲧⲣ ⲁⲓϥⲓ ⲛⲛⲁⲃⲁⲗ ⲉϩⲣⲁⲓ ⲉϫⲛ ⲛⲧⲟⲟⲩ ϫⲉ

ⲉⲣⲉⲧⲁⲃⲟⲏⲑⲓⲁ ⲛⲏⲩ ⲛⲁⲓ ⲧⲱⲛ

2 ⲉⲣⲉⲧⲁⲃⲟⲏⲑⲓⲁ ϣⲟⲟⲡ ⲉⲃⲟⲗ ϩⲓⲧⲙ ⲡϫⲟⲉⲓⲥ ⲡⲉⲛⲧⲁϥⲧⲁⲙⲓⲉ ⲧⲡⲉ ⲙⲛ

ⲡⲕⲁϩ

3 ⲙⲡⲣϯ ⲛⲧⲁⲟⲩⲉⲣⲏⲧⲉ ⲉⲩⲕⲓⲙ ⲟⲩⲧⲉ ⲙⲡⲣⲧⲣⲉ ⲡⲉⲧϩⲁⲣⲉϩ ⲉⲣⲟⲓ ϫⲓ

ⲣⲉⲕⲣⲓⲕⲉ

4 ⲉⲓⲥ ϩⲏⲏⲧⲉ ⲛⲛⲉϥϫⲓ ⲣⲉⲕⲣⲓⲕⲉ ⲟⲩⲇⲉ ⲛⲛⲉϥⲱⲃϣ ⲛϭⲓ ⲡⲉⲧⲣⲟⲉⲓⲥ ⲉⲡⲓⲥⲣⲁⲏⲗ

5 ⲡϫⲟⲉⲓⲥ ⲡⲉⲧⲛⲁϩⲁⲣⲉϩ ⲉⲣⲟⲕ ⲡϫⲟⲉⲓⲥ ⲡⲉ ⲧϩⲁⲓⲃⲉⲥ ⲉϫⲛ ⲧⲉⲕϭⲓϫ

ⲛⲟⲩⲛⲁⲙ












6 ⲙⲡⲣⲏ ⲛⲁϣⲟⲃϩⲕ ⲁⲛ ⲙⲡⲉϩⲟⲟⲩ ⲁⲩⲱ ⲡⲟⲟϩ ⲛⲧⲉⲩϣⲏ

7 ⲡϫⲟⲉⲓⲥ ⲛⲁϩⲁⲣⲉϩ ⲉⲣⲟⲕ ⲉⲡⲉⲧϩⲟⲟⲩ ⲛⲓⲙ ϥⲛⲁϩⲁⲣⲉϩ ⲉⲧⲉⲕⲯⲩⲭⲏ

8 ϥⲛⲁϩⲁⲣⲉϩ ⲉⲧⲉⲕϭⲓⲛⲉⲓ ⲉϩⲟⲩⲛ ⲙⲛ ⲧⲉⲕϭⲓⲛⲉⲓ ⲉⲃⲟⲗ ϣⲁ ⲉⲛⲉϩ ⲛⲉⲛⲉϩ

Psalm 121

1 ⲧⲱⲇⲏ ⲛⲛⲧⲱⲣⲧⲣ ⲁⲓⲉⲩⲫⲣⲁⲛⲉ ⲉϫⲛ ⲛⲉⲛⲧⲁⲩϫⲟⲟⲥ ⲛⲁⲓ ϫⲉ ⲧⲛⲛⲁⲃⲱⲕ

ⲉⲡⲏⲓ ⲙⲡϫⲟⲉⲓⲥ

2 ⲛⲉⲣⲉ ⲛⲉ ⲛⲟⲩⲉⲣⲏⲧⲉ ⲁϩⲉⲣⲁⲧⲟⲩ ϩⲛ ⲛⲟⲩⲁⲩⲗⲏ ⲧϩⲓⲉⲣⲟⲩⲥⲁⲗⲏⲙ

3 ⲧϩⲓⲉⲣⲟⲩⲥⲁⲗⲏⲙ ⲉⲩⲕⲱⲧ ⲙⲙⲟⲥ ⲛⲧϩⲉ ⲛⲟⲩⲡⲟⲗⲓⲥ ⲉⲣⲉⲧⲉ ⲉⲙⲉⲧⲟⲭⲏ ϩⲓ

ⲛⲉⲥⲉⲣⲏⲩ

4 ⲛⲧⲁⲛⲉⲫⲩⲗⲏ ⲅⲁⲣ ⲃⲱⲕ ⲉϩⲣⲁⲓ ⲉⲙⲁⲩ ⲛⲉⲫⲩⲗⲏ ⲙⲡϫⲟⲉⲓⲥ ⲡⲙⲛⲧⲣⲉ

ⲙⲡⲓⲥⲣⲁⲏⲗ ⲉⲟⲩⲱⲛϩ ⲉⲃⲟⲗ ⲙⲡⲉⲕⲣⲁⲛ ⲡϫⲟⲉⲓⲥ

5 ϫⲉ ⲛⲧⲁⲩϩⲙⲟⲟⲥ ⲙⲙⲁⲩ ⲛϭⲓ ϩⲉⲛⲑⲣⲟⲛⲟⲥ ⲉⲩϩⲁⲡ ϩⲉⲛⲑⲣⲟⲛⲟⲥ ⲉⲡⲏⲓ


6 ϣⲓⲛⲉ ⲛⲥⲁ ⲛⲉⲧϣⲟⲟⲡ ⲉⲩⲉⲓⲣⲏⲛⲏ ⲛⲧϩⲓⲉⲣⲟⲩⲥⲁⲗⲏⲙ ⲁⲩⲱ ⲟⲩⲟⲩⲣⲟⲧ

ⲛⲛⲉⲧⲙⲉ ⲙⲙⲟⲕ

7 ⲙⲁⲣⲉⲟⲩⲉⲓⲣⲏⲛⲏ ϣⲱⲡⲉ ϩⲛ ⲧⲉⲕϭⲟⲙ ⲁⲩⲱ ⲟⲩⲟⲩⲣⲟⲧ ϩⲛ ⲛⲉⲕⲟⲩⲟⲙⲧⲉ

8 ⲉⲧⲃⲉ ⲛⲁⲥⲛⲏⲩ ⲙⲛ ⲛⲉⲧϩⲓⲧⲟⲩⲱⲓ ⲛⲉⲓϫⲱ ⲇⲉ ⲛⲟⲩⲉⲓⲣⲏⲛⲏ ⲉⲧⲃⲏⲏⲧⲕ

9 ⲉⲧⲃⲉ ⲡⲏⲓ ⲙⲡϫⲟⲉⲓⲥ ⲡⲉⲛⲛⲟⲩⲧⲉ ⲁⲓϣⲓⲛⲉ ⲛⲥⲁ ϩⲉⲛⲁⲅⲁⲑⲟⲛ

Psalm 122

1 ⲧⲱⲇⲏ ⲛⲛⲧⲱⲣⲧⲣ ⲁⲓϥⲓ ⲛⲛⲁⲃⲁⲗ ⲉϩⲣⲁⲓ ⲉⲣⲟⲕ ⲡϫⲟⲉⲓⲥ ⲡⲉⲧⲟⲩⲏϩ ϩⲛ














ⲧⲡⲉ

2 ⲛⲧϩⲉ ⲛⲛⲃⲁⲗ ⲛⲛϩⲙϩⲁⲗ ⲉⲩϭⲱϣⲧ ⲉⲧⲟⲟⲧⲟⲩ ⲛⲛⲉⲩϫⲓⲥⲟⲟⲩⲉ ⲁⲩⲱ

ⲛⲧϩⲉ ⲛⲛⲃⲁⲗ ⲛⲟⲩϩⲙϩⲁⲗ ⲉⲧϭⲓϫ ⲛⲧⲉⲥϫⲟⲉⲓⲥ ⲡⲉⲛⲛⲟⲩⲧⲉ ϣⲁ

ⲛⲧϥϣⲛϩⲧⲏϥ ϩⲁⲣⲟⲛ

3 ⲛⲁ ⲛⲁⲛ ⲡⲟⲉⲓⲥ ⲛⲁ ⲛⲁⲛ ϫⲉ ⲁⲛⲙⲟⲩϩ ⲛⲥⲱϣϥ ⲉⲙⲁⲧⲉ

4 ϫⲉ ⲁⲧⲉⲛⲯⲩⲭⲏ ⲙⲟⲩϩ ⲉⲙⲁⲧⲉ ⲙⲁ ⲡⲛⲟϭⲛⲉϭ ⲛⲛⲉⲧⲥⲱϣϥ ⲁⲩⲱ

ⲡⲥⲱϣϥ ⲛⲛϫⲁⲥⲓϩⲏⲧ

Psalm 123

1 ⲧⲱⲇⲏ ⲛⲛⲧⲱⲣⲧⲣ ⲛⲥⲁⲃⲏⲗ ϫⲉ ⲡϫⲟⲉⲓⲥ ϣⲟⲟⲡ ⲛⲁⲛ ⲙⲁⲣⲉⲡⲓⲥⲣⲁⲏⲗ

ϫⲟⲟⲥ

2 ϫⲉ ⲛⲥⲁⲃⲏⲗ ϫⲉ ⲡϫⲟⲉⲓⲥ ϣⲟⲟⲡ ⲛⲁⲛ ϩⲙ ⲡⲧⲣⲉ ⲛⲣⲱⲙⲉ ⲧⲱⲟⲩⲛ ⲉϫⲱⲛ

3 ⲛⲉⲩⲛⲁⲟⲙⲕ ⲛⲉⲛⲟⲛϩ ⲡⲉ ϩⲙ ⲡⲧⲣⲉ ⲡⲉⲩϭⲱⲛⲧ ⲛⲟⲩϭⲥ ⲉϩⲣⲁⲓ ⲉϫⲱⲛ

4 ⲛⲉⲩⲛⲁⲟⲙⲕ ⲛⲉⲛⲟⲛϩ ⲡⲉ ⲉⲣⲉⲡⲙⲟⲟⲩ ⲛⲁⲟⲙⲥⲛ ⲡⲉ

5 ⲁⲧⲉⲛⲯⲩⲭⲏ ⲉⲓ ⲉⲃⲟⲗ ϩⲓⲧⲛ ⲟⲩⲙⲟⲩ ⲛⲥⲱⲣⲙ ⲛⲉⲣⲉⲧⲉⲛⲯⲩⲭⲏ ⲛⲏⲩ

ⲉⲃⲟⲗ ϩⲓⲧⲙ ⲡⲙⲟⲟⲩ ⲉⲧϣⲧⲣⲧⲱⲣ

6 ⲡϫⲟⲉⲓⲥ ⲥⲙⲁⲙⲁⲁⲧ ⲉⲧⲉⲙⲡϥⲧⲁⲁⲛ ⲛϩⲣⲉ ⲛⲛⲉⲩⲛⲁϫϩⲉ

7 ⲁⲧⲉⲛⲯⲩⲭⲏ ⲛⲟⲩϩⲙ ⲛⲧϩⲉ ⲛⲟⲩϫⲁϫ ⲉⲡⲡⲁϣ ⲛⲛϭⲉⲣⲏϭ ⲁⲡⲡⲁϣ

ⲟⲩⲱϣϥ ⲁⲩⲱ ⲁⲛⲟⲛ ⲁⲛⲛⲟⲩϩⲙ

8 ⲟⲩⲛⲃⲟⲏⲑⲓⲁ ϣⲟⲟⲡ ⲛⲁⲛ ϩⲙ ⲡⲣⲁⲛ ⲙⲡϫⲟⲉⲓⲥ ⲡⲉⲛⲧⲁϥⲧⲁⲁⲙⲉ ⲧⲡⲉ ⲙⲛ

ⲡⲕⲁϩ












Psalm 124

1 ⲧⲱⲇⲏ ⲛⲛⲧⲱⲣⲧⲣ ⲛⲉⲧⲛⲁϩⲧⲉ ⲉⲡϫⲟⲉⲓⲥ ⲉⲩⲟ ⲛⲧϩⲉ ⲙⲡⲧⲟⲟⲩ ⲛⲥⲓⲱⲛ

ⲡⲉⲧⲟⲩⲏϩ ϩⲛ ⲧϩⲓⲉⲣⲟⲩⲥⲁⲗⲏⲙ ⲛϥⲛⲁⲕⲓⲙ ⲁⲛ ϣⲁ ⲉⲛⲉϩ

2 ⲛⲧⲟⲟⲩ ⲙⲡⲉⲥⲕⲱⲧⲉ ⲁⲩⲱ ⲡϫⲟⲉⲓⲥ ⲙⲡⲕⲱⲧⲉ ⲙⲡⲉϥⲗⲁⲟⲥ ϫⲓⲛ ⲧⲉⲛⲟⲩ

ϣⲁ ⲉⲛⲉϩ

3 ϫⲉ ⲛϥⲛⲁⲕⲱ ⲁⲛ ⲙⲡϭⲉⲣⲱⲃ ⲛⲛⲣⲉϥⲣⲛⲟⲃⲉ ϩⲓϫⲙ ⲡⲉ ⲕⲗⲏⲣⲟⲥ

ⲛⲛⲇⲓⲕⲁⲓⲟⲥ ϫⲉⲕⲁⲥ ⲉⲛⲉⲛⲇⲓⲕⲁⲓⲟⲥ ⲥⲟⲩⲧⲛ ⲛⲉⲩϭⲓϫ ⲉⲃⲟⲗ ϩⲛ

ϩⲉⲛⲁⲛⲟⲙⲓⲁ

4 ⲡϫⲟⲉⲓⲥ ⲁⲣⲓ ⲡⲉⲧⲁⲛⲟⲩϥ ⲛⲛⲁⲅⲁⲑⲟⲥ ⲙⲛ ⲛⲉⲧⲥⲟⲩⲧⲱⲛ ϩⲙ ⲡⲉⲩϩⲏⲧ

5 ⲛⲉⲧⲣⲓⲕⲉ ⲇⲉ ⲙⲙⲟⲟⲩ ⲉⲃⲟⲗ ⲉⲛⲙⲛⲧⲥⲁ ⲛⲕⲟⲧⲥ ⲡϫⲟⲉⲓⲥ ⲛⲁⲛⲟⲩϫⲟⲩ ⲙⲛ

ⲛⲉⲧⲣ ϩⲱⲃ ⲉⲧⲁⲛⲟⲙⲓⲁ ϯⲣⲏⲛⲏ ⲉϫⲙ ⲡⲓⲥⲣⲁⲏⲗ

Psalm 125

1 ⲧⲱⲇⲏ ⲛⲛⲧⲱⲣⲧⲣ ϩⲙ ⲡⲧⲣⲉ ⲡϫⲟⲉⲓⲥ ⲕⲧⲟ ⲛⲧⲁⲓⲭⲙⲁⲗⲱⲥⲓⲁ

ⲙⲡⲉϥⲗⲟⲟⲥ ⲁⲛⲣ ⲧϩⲉ ⲛⲛⲉⲛⲧⲁⲩⲥⲗⲥⲱⲗⲟⲩ

2 ⲧⲟⲧⲉ ⲁⲧⲉⲛⲧⲁⲡⲣⲟ ⲙⲟⲩϩ ⲛⲣⲁϣⲉ ⲁⲩⲱ ⲡⲉⲛⲗⲁⲥ ⲛⲧⲉⲗⲏⲗ ⲧⲟⲧⲉ

ⲥⲉⲛⲁϫⲟⲟⲥ ϩⲛ ⲛϩⲉⲑⲛⲟⲥ ϫⲉ ⲁⲡϫⲟⲉⲓⲥ ⲧⲁϣⲉ ⲉⲓⲣⲉ ⲙⲛ ⲛⲁⲓ

3 ⲁⲡϫⲟⲉⲓⲥ ⲧⲁϣⲉ ⲉⲓⲣⲉ ⲛⲙⲙⲁⲛ ⲁⲛϣⲱⲡⲉ ⲉⲛⲉⲩⲫⲣⲁⲛⲉ

4 ⲡϫⲟⲉⲓⲥ ⲕⲧⲟ ⲛⲧⲉⲛⲁⲓⲭⲙⲁⲗⲱⲥⲓⲁ ⲛⲧϩⲉ ⲛⲟⲩⲙⲟⲩ ⲛⲥⲱⲣⲙ ⲙⲡⲣⲏⲥ

5 ⲛⲉⲧϫⲟ ⲉⲩⲣⲓⲙⲉ ⲥⲉⲛⲁⲱϩⲥ ϩⲛ ⲟⲩⲧⲉⲗⲏⲗ ⲛⲉⲩⲙⲟⲟϣⲉ ⲡⲉ ⲉⲩⲃⲏⲕ

ⲉⲩⲣⲓⲙⲉ ⲉⲩϥⲓ ⲛⲛⲉⲩⲉⲃⲣⲏⲩⲉ











6 ⲉⲩⲛⲏⲩ ⲇⲉ ⲥⲉⲛⲏⲩ ϩⲛ ⲟⲩⲧⲉⲗⲏⲗ ⲉⲩϥⲓ ⲛⲛⲉⲩⲕⲛⲁⲁⲩ

7

Psalm 126

1 ⲧⲱⲇⲏ ⲛⲛⲧⲱⲣⲧⲣ ⲛⲥⲟⲗⲟⲙⲱⲛ ⲉⲣⲉⲧⲙⲡϫⲟⲉⲓⲥ ⲕⲉⲧ ⲟⲩⲏⲓ ⲛⲧⲁⲛⲉⲧⲕⲱⲧ

ⲙⲙⲟϥ ϩⲓⲥⲉ ⲉⲡϫⲓⲛϫⲏ ⲉⲣⲉⲧⲙⲡϫⲟⲉⲓⲥ ϩⲁⲣⲉϩ ⲉⲩⲡⲟⲗⲓⲥ

ⲛⲧⲁⲡⲉⲧϩⲁⲣⲉϩ ⲉⲣⲟⲥ ⲣ ⲟⲩϣⲏ ⲛⲣⲟⲉⲓⲥ ⲉⲡϫⲓⲛϫⲏ

2 ⲉⲡϫⲓⲛϫⲏ ⲛⲏⲧⲛ ⲡⲉ ϣⲣⲡ ⲧⲏⲩⲧⲛ ⲧⲱⲟⲩⲛ ⲙⲛⲛⲥⲁ ⲧⲣⲉⲧⲛϩⲙⲟⲟⲥ

ⲛⲉⲧⲟⲩⲱⲙ ⲛⲟⲩⲉⲓⲕ ⲛⲙⲕⲁϩ ⲛϩⲏⲧ ⲉϥϣⲁⲛϯ ⲛⲟⲩϩⲓⲛⲏⲃ ⲛⲛⲉϥⲙⲉⲣⲓⲧ

3 ⲛϣⲏⲣⲉ ⲉⲓⲥ ⲧⲉⲕⲗⲏⲣⲟⲛⲟⲙⲓⲁ ⲙⲡϫⲟⲉⲓⲥ ⲉⲓⲥ ⲡⲃⲉⲃⲉ ⲙⲡⲕⲁⲣⲡⲟⲥ ⲛϩⲏⲧϥ

4 ⲛⲧϩⲉ ⲛϩⲉⲛⲥⲟⲧⲉ ϩⲛ ⲧϭⲓϫ ⲙⲡⲇⲩⲛⲁⲧⲟⲥ ⲧⲁⲓ ⲧⲉ ⲧϩⲉ ⲛⲛϣⲏⲣⲉ

ⲛⲛⲉⲛⲧⲁⲩⲛⲟϣⲡⲟⲩ ⲉⲃⲟⲗ

5 ⲛⲁⲓⲁⲧϥ ⲙⲡⲣⲱⲙⲉ ⲉⲧⲛⲁϫⲉⲕ ⲡⲉϥⲟⲩⲱϣ ⲉⲃⲟⲗ ⲛϩⲏⲧⲟⲩ ⲛⲥⲉⲛⲁϫⲓ

ϣⲓⲡⲉ ⲁⲛ ⲉⲩϣⲁⲛϣⲁϫⲉ ⲙⲛ ⲛⲉⲩϫⲁϫⲉ ϩⲛ ⲙⲡⲩⲗⲏ

Psalm 127

1 ⲧⲱⲇⲏ ⲛⲛⲧⲱⲣⲧⲣ ⲛⲁⲓⲁⲧⲟⲩ ⲛⲟⲩⲟⲛ ⲛⲓⲙ ⲉⲧⲣ ϩⲟⲧⲉ ϩⲏⲧϥ ⲙⲡϫⲟⲉⲓⲥ

ⲛⲉⲧⲙⲟⲟϣⲉ ϩⲛ ⲛⲉϥϩⲓⲟⲟⲩⲉ

2 ⲕⲛⲁⲟⲩⲱⲙ ⲛⲛⲕⲁⲣⲡⲟⲥ ⲛⲛⲉⲕϩⲓⲥⲉ ⲛⲁⲓⲁⲧⲕ ⲁⲩⲱ ⲡⲡⲉⲧⲛⲁⲛⲟⲩϥ

ⲛⲁϣⲱⲡⲉ ⲙⲙⲟⲕ

3 ⲧⲉⲕⲥϩⲓⲙⲉ ⲛⲁⲣ ⲧϩⲉ ⲛⲛⲉⲃⲱ ⲛⲉⲗⲟⲟⲗⲉ ⲉⲧⲣⲟⲟⲩⲧ ϩⲛ ⲛⲕⲗϫⲉ ⲙⲡⲉⲕⲏⲓ

ⲛⲉⲕϣⲏⲣⲉ ⲛⲧϩⲉ ⲛϩⲉⲛϫⲟⲉⲓⲧ ⲛⲧⲱϭⲉ ⲛⲃⲣⲣⲉ ⲙⲡⲕⲱⲧⲉ ⲛⲧⲉⲕⲧⲣⲁⲡⲉⲍⲁ











4 ⲉⲓⲥ ϩⲏⲏⲧⲉ ⲉϥⲛⲁϫⲓ ⲥⲙⲟⲩ ⲛⲧⲉⲓϩⲉ ⲛϭⲓ ⲡⲉⲧⲣ ϩⲟⲧⲉ ϩⲏⲧϥ ⲙⲡϫⲟⲉⲓⲥ

5 ⲉⲣⲉⲡϫⲟⲉⲓⲥ ⲥⲙⲟⲩ ⲉⲣⲟⲕ ⲉⲃⲟⲗ ϩⲛ ⲥⲓⲱⲛ ⲛⲅⲛⲁⲩ ⲉⲛⲁⲅⲁⲑⲟⲛ

ⲛⲧϩⲓⲉⲣⲟⲩⲥⲁⲗⲏⲙ ⲛⲛⲉϩⲟⲟⲩ ⲧⲏⲣⲟⲩ ⲙⲡⲉⲕⲱⲛϩ

6 ⲁⲩⲱ ⲛⲅⲛⲁⲩ ⲉⲛϣⲏⲣⲉ ⲛⲛⲉⲕϣⲏⲣⲉ ϯⲣⲏⲛⲏ ⲉϫⲙ ⲡⲓⲥⲣⲁⲏⲗ

Psalm 128

1 ⲧⲱⲇⲏ ⲛⲛⲧⲱⲣⲧⲣ ⲁⲩϯ ⲛⲙⲙⲁⲓ ⲛϩⲁϩ ⲛⲥⲟⲡ ϫⲓⲛ ⲧⲁⲙⲛⲧⲕⲟⲩⲓ

2 ⲙⲁⲣⲉⲡⲓⲥⲣⲁⲏⲗ ϫⲟⲟⲥ ⲁⲩϯ ⲛⲙⲙⲁⲓ ⲛϩⲁϩ ⲛⲥⲟⲡ ϩⲛ ⲧⲁⲙⲛⲧⲕⲟⲩⲓ

ⲕⲁⲓⲅⲁⲣ ⲙⲡⲟⲩϣϭⲙϭⲟⲙ ⲉⲣⲟⲓ

3 ⲛⲉⲣⲉⲛⲣⲉϥⲣⲛⲟⲃⲉ ⲙⲉⲉⲩⲉ ⲉⲣⲟⲓ ϩⲓⲡⲁϩⲟⲩ ⲙⲙⲟⲓ ⲁⲩⲧⲣⲉ ⲧⲉϩⲓⲏ

ⲛⲧⲉⲩⲁⲛⲟⲙⲓⲁ ⲟⲩⲉ

4 ⲟⲩⲇⲓⲕⲁⲓⲟⲥ ⲡⲉ ⲡϫⲟⲉⲓⲥ ⲁϥϣⲱⲱⲧ ⲛⲛⲙⲁⲕ ϩⲛ ⲛⲣⲉϥⲣⲛⲟⲃⲉ

5 ⲙⲁⲣⲉⲟⲩⲟⲛ ⲛⲓⲙ ⲉⲧⲙⲟⲥⲧⲉ ⲛⲥⲓⲱⲛ ϫⲓ ϣⲓⲡⲉ ⲛⲥⲉⲕⲟⲧⲟⲩ ⲉⲡⲁϩⲟⲩ

6 ⲙⲁⲣⲟⲩⲣ ⲧϩⲉ ⲛⲟⲩⲭⲟⲣⲧⲟⲥ ⲛϫⲉⲛⲉⲡⲱⲣ ⲛⲁⲓ ⲉⲛⲧⲁϥϣⲟⲟⲩⲉ ⲉⲙⲡⲁⲧⲟⲩ

ⲧⲟⲕⲙⲉϥ

7 ⲉⲙⲡⲉϥⲙⲉϩ ⲧϭⲓϫ ⲙⲡⲉⲧⲱϩⲥ ⲙⲙⲟϥ ⲉⲙⲡⲉ ⲡⲉⲧⲥⲱⲟⲩϩ ⲛⲛⲉϥⲕⲛⲁⲁⲩ

ⲙⲉϩ ⲡⲉϥⲁⲗⲟⲙ

8 ⲉⲙⲡⲉ ⲛⲉⲧⲡⲁⲣⲁⲅⲉ ϫⲟⲟⲥ ϫⲉ ⲡⲉⲥⲙⲟⲩ ⲙⲡϫⲟⲉⲓⲥ ⲉϥⲱⲧⲛ ⲁⲛⲥⲙⲟⲩ

ⲉⲣⲱⲧⲛ ϩⲙ ⲡⲣⲁⲛ ⲙⲡϫⲟⲉⲓⲥ

Psalm 129

1 ⲧⲱⲇⲏ ⲛⲛⲧⲱⲣⲧⲣ ⲁⲓϫⲓ ϣⲕⲁⲕ ⲉϩⲣⲁⲓ ⲉⲣⲟⲕ ⲡϫⲟⲉⲓⲥ ϩⲛ ⲛⲉⲧϣⲏⲕ













ⲡϫⲟⲉⲓⲥ ⲥⲱⲧⲙ ⲉⲡⲁϩⲣⲟⲟⲩ

2 ⲙⲁⲣⲉⲛⲉⲕⲙⲁⲁϫⲉ ϯϩⲧⲏϥ ⲉⲡⲉϩⲣⲟⲟⲩ ⲙⲡⲁⲥⲟⲡⲥ

3 ⲡϫⲟⲉⲓⲥ ⲉⲕϣⲁⲛϯϩⲧⲏⲕ ⲉⲁⲛⲟⲙⲓⲁ ⲛⲓⲙ ⲡⲉⲧⲛⲁϣⲁϩ ⲉⲣⲁⲧϥ

4 ϫⲉ ⲉⲣⲉⲡⲕⲱ ⲉⲃⲟⲗ ⲛⲧⲟⲟⲧⲕ ⲉⲧⲃⲉ ⲡⲉⲕⲣⲁⲛ ⲁⲓϩⲩⲡⲟⲙⲉⲓⲛⲉ ⲉⲣⲟⲕ ⲡϫⲟⲉⲓⲥ

5 ⲁⲧⲁⲯⲩⲭⲏ ϩⲩⲡⲟⲙⲉⲓⲛⲉ ⲉⲡⲉⲕϣⲁϫⲉ

6 ⲁⲧⲁⲯⲩⲭⲏ ϩⲉⲗⲡⲓⲍⲉ ⲉⲡϫⲟⲉⲓⲥ ϫⲓⲛ ϩⲧⲟⲟⲩⲉ ϣⲁ ⲣⲟⲩϩⲉ ⲙⲁⲣⲉ

ⲡⲓⲥⲣⲁⲏⲗ ϩⲉⲗⲡⲓⲍⲉ ⲉⲡϫⲟⲉⲓⲥ ϫⲓⲛ ⲧⲟⲩⲣϣⲉ ⲛϩⲧⲟⲟⲩⲉ

7 ϫⲉ ⲉⲣⲉⲡⲛⲁ ⲛⲧⲙ ⲡϫⲟⲉⲓⲥ ⲁⲩⲱ ⲟⲩⲛⲟⲩⲛⲟϭ ⲛⲥⲱⲧⲉ ϩⲁⲧⲏϥ

8 ⲁⲩⲱ ⲛⲧⲟϥ ⲡⲉⲧⲛⲁⲥⲉⲧ ⲡⲓⲥⲣⲁⲏⲗ ⲉⲃⲟⲗ ϩⲛ ⲛⲉϥⲁⲛⲟⲙⲓⲁ ⲧⲏⲣⲟⲩ

Psalm 130

1 ⲧⲱⲇⲏ ⲛⲛⲧⲱⲣⲧⲣ ⲡϫⲟⲉⲓⲥ ⲙⲡⲉⲛⲁϩⲏⲧ ϫⲓⲥⲉ ⲟⲩⲇⲉ ⲙⲡⲉⲛⲁⲃⲁⲗ

ϫⲁⲥⲧⲟⲩ ⲟⲩⲇⲉ ⲙⲡⲓⲙⲟⲟϣⲉ ⲙⲛ ⲛⲓⲛⲟϭ ⲟⲩⲇⲉ ⲙⲛ ⲛⲓϣⲡⲏⲣⲉ ⲉϩⲟⲩⲟ

ⲉⲣⲟⲓ

2 ⲉϣⲱⲡ ⲉⲙⲡⲓⲑⲃⲃⲓⲟⲓ ⲁⲗⲗⲁ ⲁⲓϫⲓⲥⲉ ⲛⲧⲁⲯⲩⲭⲏ ⲛⲧϩⲉ ⲙⲡⲉⲛⲧⲁⲩ

ⲟⲙϫϥ ⲉⲧⲉϥⲙⲁⲁⲩ ⲧⲁⲓ ⲧⲉ ⲧϩⲉ ⲙⲡⲧⲱⲱⲃⲉ ⲛⲧⲁⲯⲩⲭⲏ

3 ⲙⲁⲣⲉ ⲡⲓⲥⲣⲁⲏⲗ ϩⲉⲗⲡⲓⲍⲉ ⲉⲡϫⲟⲉⲓⲥ ϫⲓⲛ ⲧⲉⲛⲟⲩ ϣⲁ ⲉⲛⲉϩ

Psalm 131

1 ⲧⲱⲇⲏ ⲛⲛⲧⲱⲣⲧⲣ ⲡϫⲟⲉⲓⲥ ⲁⲣⲓ ⲡⲙⲉⲉⲩⲉ ⲛⲇⲁⲩⲉⲓⲇ ⲙⲛ

ⲧⲉϥⲙⲛⲧⲣⲙⲣⲁϣ ⲧⲏⲣⲥ












2 ⲛⲧϩⲉ ⲉⲛⲧⲁϥⲱⲣⲕ ⲙⲡϫⲟⲉⲓⲥ ⲁϥⲉⲣⲏⲧ ⲙⲡⲛⲟⲩⲧⲉ ⲛⲓⲁⲕⲱⲃ

3 ϫⲉ ⲛⲛⲁⲃⲱⲕ ⲉϩⲟⲩⲛ ⲉⲡⲙⲁ ⲛϣⲱⲡⲉ ⲙⲡⲁⲏⲓ ⲉⲁⲗⲉ ⲉϩⲣⲁⲓ ⲉϫⲙ

ⲡⲉⲡⲣⲏϣ ⲙⲡⲁϭⲗⲟϭ

4 ϫⲉ ⲛⲛⲁϯ ϩⲓⲛⲏⲃ ⲛⲛⲁⲃⲁⲗ ⲣⲉⲕⲣⲓⲕⲉ ⲛⲛⲁⲃⲟⲩϩⲉ ⲙⲧⲟⲛ ⲛⲛⲁⲥⲙⲁⲩ

5 ϣⲁⲛϯϭⲛ ⲟⲩⲙⲁ ⲙⲡϫⲟⲉⲓⲥ ⲟⲩⲙⲁ ⲛϣⲱⲡⲉ ⲙⲡⲛⲟⲩⲧⲉ ⲛⲓⲁⲕⲱⲃ

6 ⲉⲓⲥ ϩⲏⲏⲧⲉ ⲁⲛⲥⲱⲧⲙ ⲉⲣⲟϥ ϩⲛ ⲉⲫⲣⲁⲑⲁ ⲁⲛϭⲛⲧϥ ϩⲛ ⲧⲥⲱϣⲉ ⲛⲛϣⲏⲛ

7 ⲧⲛⲛⲁⲃⲱⲕ ⲉϩⲟⲩⲛ ⲉⲡⲉϥⲙⲁ ⲛϣⲱⲡⲉ ⲛⲧⲛⲟⲩⲱϣⲧ ϩⲙ ⲡⲙⲁ

ⲉⲛⲧⲁⲛⲉϥⲟⲩⲉⲣⲏⲧⲉ ϩⲁⲣⲁⲧⲟⲩ ϩⲓϫⲱϥ

8 ⲧⲱⲟⲩⲛ ⲡϫⲟⲉⲓⲥ ⲉⲡⲉⲕⲙⲁ ⲛⲙⲧⲟⲛ ⲛⲧⲟⲕ ⲙⲛ ⲧⲉⲕⲕⲓⲃⲱⲧⲟⲥ ⲉⲧⲟⲩⲁⲁⲃ

9 ⲛⲉⲕⲟⲩⲏⲏⲃ ⲛⲁϯ ϩⲓⲱⲟⲩ ⲛⲟⲩⲇⲓⲕⲁⲓⲟⲥⲩⲛⲏ ⲁⲩⲱ ⲛⲉⲕⲡⲉⲧⲟⲩⲁⲁⲃ

ⲛⲁⲧⲉⲗⲏⲗ

10 ⲉⲧⲃⲉ ⲇⲁⲩⲉⲓⲇ ⲡⲉⲕϩⲙϩⲁⲗ ⲙⲡⲣⲕⲧⲉ ⲡⲉⲕϩⲟ ⲉⲃⲟⲗ ⲙⲡⲉⲕⲭⲣⲏⲥⲧⲟⲥ

11 ⲁⲡϫⲟⲉⲓⲥ ⲱⲣⲕ ⲛⲇⲁⲩⲉⲓⲇ ϩⲛ ⲟⲩⲙⲉ ⲛⲛⲉϥⲁⲑⲉⲧⲉⲓ ⲙⲙⲟⲥ ϫⲉ

ϯⲛⲁⲑⲙⲥⲟ ⲉⲃⲟⲗ ϩⲙ ⲡⲕⲁⲣⲡⲟⲥ ⲛϩⲏⲧⲕ ⲉϫⲙ ⲡⲉⲕⲑⲣⲟⲛⲟⲥ

12 ⲉⲣϣⲁⲛⲛⲉⲕϣⲏⲣⲉ ϩⲁⲣⲉϩ ⲉⲧⲁⲇⲓⲁⲑⲏⲕⲏ ⲙⲛ ⲛⲁⲙⲛⲧⲙⲛⲧⲣⲉ ⲛⲁⲓ

ⲉϯⲛⲁⲧⲥⲁⲃⲟⲟⲩ ⲉⲣⲟⲟⲩ ⲛⲉⲩϣⲏⲣⲉ ⲡⲉ ⲛⲁϩⲙⲟⲟⲥ ϩⲓ ⲡⲉⲕⲑⲣⲟⲛⲟⲥ ⲛϣⲁ

ⲉⲛⲉϩ

13 ϫⲉ ⲁⲡϫⲟⲉⲓⲥ ⲥⲉⲧⲡ ⲥⲓⲱⲛ ⲁϥⲟⲩⲁϣⲥ ⲛⲁϥ ⲉⲩⲙⲁ ⲛⲟⲩⲱϩ

14 ⲡⲁⲓ ⲡⲉ ⲡⲁⲙⲁ ⲛϣⲱⲡⲉ ϣⲁ ⲉⲛⲉϩ ⲛⲉⲛⲉϩ ⲉⲓⲛⲁⲟⲩⲱϩ ⲛϩⲏⲧⲥ ϫⲉ

ⲁⲓⲟⲩⲁϣⲥ














15 ϩⲛ ⲟⲩⲥⲙⲟⲩ ϯⲛⲁⲥⲙⲟⲩ ⲉⲧⲉⲥⲭⲏⲣⲁ ⲛⲉⲥϩⲏⲕⲉ ϯⲛⲁⲧⲥⲓⲟⲟⲩ ⲛⲟⲉⲓⲕ

16 ⲛⲉⲥⲟⲩⲏⲏⲃ ϯⲛⲁϯ ϩⲓⲱⲟⲩ ⲛⲟⲩⲟⲩϫⲁⲓ ⲁⲩⲱ ⲛⲉⲥⲡⲉⲧⲟⲩⲁⲁⲃ ϩⲛ

ⲟⲩⲧⲉⲗⲏⲗ ⲥⲉⲛⲁⲧⲉⲗⲏⲗ

17 ϯⲛⲁϯ ⲟⲩⲱ ⲙⲙⲁⲩ ⲛⲟⲩⲧⲁⲡ ⲛⲇⲁⲩⲉⲓⲇ ⲁⲓⲥⲟⲃⲧⲉ ⲛⲟⲩϩⲏⲃⲥ

ⲙⲡⲁⲭⲣⲏⲥⲧⲟⲥ

18 ϯⲛⲁϯ ϩⲓⲱⲟⲩ ⲛⲛⲉϥϫⲁϫⲉ ⲛⲟⲩϣⲓⲡⲉ ⲡⲁⲟⲩⲟⲡ ⲇⲉ ⲛⲁϯⲟⲩⲱ ⲉϩⲣⲁⲓ

ⲉϫⲱϥ

Psalm 132

1 ⲧⲱⲇⲏ ⲛⲛⲧⲱⲣⲧⲣ ⲉⲓⲥ ϩⲏⲏⲧⲉ ⲟⲩ ⲡⲉⲧⲛⲁⲛⲟⲩϥ ⲏ ⲟⲩ ⲡⲉⲧⲛⲟⲧⲙ

ⲛⲥⲁⲧⲣⲉ ϩⲉⲛⲥⲛⲏⲩ ⲟⲩⲱϩ ϩⲛ ⲟⲩⲙⲁ ⲛⲟⲩⲱⲧ

2 ⲉⲩⲛⲁⲣ ⲧϩⲉ ⲙⲡⲥⲟϭⲛ ⲉⲧϩⲓϫⲛ ⲧⲁⲡⲉ ⲛⲁⲁⲣⲱⲛ ⲉⲧⲛⲏⲩ ⲉⲡⲉⲥⲏⲧ ⲉϫⲛ

ⲧⲉϥⲙⲟⲣⲧ ⲉⲧⲛⲏⲩ ⲉⲡⲉⲥⲏⲧ ⲉϫⲛ ⲛⲥⲱⲃⲉ ⲛⲛⲉϥϩⲟⲉⲓⲧⲉ

3 ⲉⲩⲛⲁⲣ ⲧϩⲉ ⲛϯⲱⲧⲉ ⲛⲁⲉⲣⲙⲱⲛ ⲉⲧⲛⲏⲩ ⲉⲡⲉⲥⲏⲧ ⲉϫⲛ ⲛⲧⲟⲟⲩ ⲛⲥⲓⲱⲛ ϫⲉ

ⲛⲧⲁ ⲡϫⲟⲉⲓⲥ ϩⲱⲛ ⲙⲙⲁⲩ ⲙⲡⲉϥⲥⲙⲟⲩ ⲟⲩⲱⲛϩ ϣⲁ ⲉⲛⲉϩ

Psalm 133

1 ⲧⲱⲇⲏ ⲛⲛⲧⲱⲣⲧⲣ ⲥⲙⲟⲩ ⲉⲡϫⲟⲉⲓⲥ ⲛϩⲙϩⲁⲗ ⲧⲏⲣⲟⲩ ⲙⲡϫⲟⲉⲓⲥ

ⲛⲉⲧⲁϩⲉⲣⲁⲧⲟⲩ ϩⲙ ⲡⲏⲓ ⲙⲡϫⲟⲉⲓⲥ ϩⲛ ⲛⲁⲩⲗⲏ ⲙⲡⲏⲓ ⲙⲡⲉⲛⲛⲟⲩⲧⲉ

2 ϥⲓ ⲛⲛⲉⲧⲛϭⲓϫ ⲉϩⲣⲁⲓ ϩⲛ ⲛⲉⲩϣⲟⲟⲩⲉ ⲉⲛⲉⲧⲟⲩⲁⲁⲃ ⲛⲧⲉⲧⲛⲥⲙⲟⲩ


3 ⲉⲣⲉⲡϫⲟⲉⲓⲥ ⲥⲙⲟⲩ ⲉⲣⲟⲕ ⲉⲃⲟⲗ ϩⲛ ⲥⲓⲱⲛ ⲡⲉⲛⲧⲁϥⲧⲁⲙⲓⲉ ⲧⲙⲉ ⲙⲛ ⲡⲕⲁϩ











Psalm 134

1 ⲁⲗⲗⲏⲗⲟⲩⲓⲁ ⲥⲙⲟⲩ ⲉⲡⲣⲁⲛ ⲙⲡϫⲟⲉⲓⲥ ⲛϩⲙϩⲁⲗ ⲥⲙⲟⲩ ⲉⲡϫⲟⲉⲓⲥ

2 ⲛⲉⲧⲁϩⲉⲣⲁⲧⲟⲩ ϩⲙ ⲡⲏⲓ ⲙⲡϫⲟⲉⲓⲥ ϩⲛ ⲛⲁⲩⲗⲏ ⲙⲡⲏⲓ ⲙⲡⲉⲛⲛⲟⲩⲧⲉ

3 ⲥⲙⲟⲩ ⲉⲡϫⲟⲉⲓⲥ ϫⲉ ⲟⲩⲭⲣⲏⲥⲧⲟⲥ ⲡⲉ ⲡϫⲟⲉⲓⲥ ⲯⲁⲗⲗⲉⲓ ⲉⲡⲉϥⲣⲁⲛ ϫⲉ

ϥⲛⲟⲧⲙ

4 ϫⲉ ⲁⲡϫⲟⲉⲓⲥ ⲉⲧⲡ ⲓⲁⲕⲱⲃ ⲛⲁϥ ⲡⲓⲥⲣⲁⲏⲗ ⲉⲩⲥⲟⲟⲩϩⲥ ⲛⲁϥ

5 ϫⲉ ⲁⲓⲉⲓⲙⲉ ⲁⲛⲟⲕ ϫⲉ ⲟⲩⲛⲟϭ ⲡⲉ ⲡϫⲟⲉⲓⲥ ⲁⲩⲱ ⲡⲉⲛϫⲟⲉⲓⲥ ⲡⲁⲣⲁ

ⲛⲛⲟⲩⲧⲉ ⲧⲏⲣⲟⲩ

6 ϩⲱⲃ ⲛⲓⲙ ⲉⲛⲧⲁⲡϫⲟⲉⲓⲥ ⲟⲩⲁϣⲟⲩ ⲁⲩⲁⲁⲩ ϩⲛ ⲧⲡⲉ ⲁⲩⲱ ϩⲙ ⲡⲕⲁϩ

7 ϩⲛ ⲛⲑⲁⲗⲁⲥⲥⲁ ⲙⲛ ⲛⲟⲩⲛ ⲡⲉⲛⲧⲁϥ ⲛⲛⲉⲕⲗⲟⲟⲗⲉ ⲉϩⲣⲁⲓ ϫⲓⲛ ⲁⲣⲏϫϥ

ⲙⲡⲕⲁϩ ⲁϥⲕⲁⲛ ⲉⲃⲣⲏϫⲉ ⲉⲩϩⲱⲟⲩ ⲡⲉⲛⲧⲁϥ ⲛⲛⲧⲏⲩ ⲉⲃⲟⲗ ϩⲛ

ⲛⲉⲩⲁϩⲱⲱⲣ

8 ⲡⲉⲛⲧⲁϥⲡⲁⲧⲁⲥⲥⲉ ⲛϣⲣⲡⲙⲓⲥⲉ ⲛⲓⲙ ⲛⲕⲏⲙⲉ ϫⲓⲛ ⲣⲱⲙⲉ ϣⲁ ⲧⲃⲛⲏ

9 ⲁϥϫⲟⲟⲩ ⲛϩⲉⲛⲙⲁⲓⲉⲛ ⲙⲛ ϩⲉⲛϣⲡⲏⲣⲉ ϩⲛ ⲧⲉⲙⲏⲧⲉ ⲛⲕⲏⲙⲉ ϩⲙ

ⲫⲁⲣⲁⲱ ⲙⲛ ⲛⲉϥϩⲙϩⲁⲗ ⲧⲏⲣⲟⲩ

10 ⲡⲉⲛⲧⲁϥⲡⲁⲣⲁⲥⲥⲉ ⲛϩⲉⲛϩⲉⲑⲛⲟⲥ ⲉⲛⲁϣⲱⲟⲩ ⲉⲁϥⲙⲟⲩⲟⲩⲧ

ⲛϩⲉⲛⲉⲣⲱⲟⲩ ⲉⲩⲧⲁϫⲣⲏⲩ

11 ⲥⲏⲱⲛ ⲡⲣⲣⲟ ⲛⲛⲁⲙⲟⲣⲣⲁⲓⲟⲥ ⲙⲛ ⲱⲅ ⲡⲣⲣⲟ ⲛⲧⲃⲁⲥⲁⲛ ⲙⲛ ⲛⲉⲣⲣⲱⲟⲩ

ⲧⲏⲣⲟⲩ ⲛⲭⲁⲛⲁⲁⲛ

12 ⲁϥϯ ⲡⲉⲩⲕⲁϩ ⲛⲕⲗⲏⲣⲟⲛⲟⲙⲓⲁ ⲙⲡⲓⲥⲣⲁⲏⲗ ⲡⲉϥⲗⲁⲟⲥ













13 ⲡϫⲟⲉⲓⲥ ⲡⲉⲕⲣⲁⲛ ϣⲟⲟⲡ ϣⲁ ⲉⲛⲉϩ ⲡⲉⲕⲣ ⲡⲙⲉⲉⲩⲉ ⲡϫⲟⲉⲓⲥ ϣⲁ ⲟⲩϫⲱⲙ

ⲙⲛ ⲟⲩϫⲱⲙ

14 ϫⲉ ⲡϫⲟⲉⲓⲥ ⲛⲁⲕⲣⲓⲛⲉ ⲙⲡⲉϥⲗⲁⲟⲥ ⲁⲩⲱ ⲥⲉⲛⲁⲥⲗⲥⲱⲗϥ ⲉϫⲛ

ⲛⲉϥϩⲙϩⲁⲗ

15 ⲛⲉⲓⲇⲱⲗⲟⲛ ⲛⲛϩⲉⲑⲛⲟⲥ ϩⲉⲛϩⲁⲧ ⲛⲉ ϩⲓ ⲛⲟⲩⲃ ϩⲉⲛϩⲃⲏⲩⲉ ⲛⲉ ⲛϭⲓϫ

ⲛⲣⲱⲙⲉ

16 ⲟⲩⲛ ⲃⲁⲗ ⲙⲙⲟⲟⲩ ⲙⲉⲩⲛⲁⲩ ⲉⲃⲟⲗ ⲟⲩⲛ ⲙⲁⲁϫⲉ ⲙⲙⲟⲟⲩ ⲛⲉⲩⲥⲱⲧⲙ

17 ⲣⲱⲟⲩ ⲙⲙⲟⲟⲩ ⲙⲉⲩϣⲁϫⲉ ϣⲁⲁⲛⲧⲟⲩ ⲙⲙⲟⲟⲩ ⲙⲉⲩϣⲱⲗⲙ ⲛⲉⲩϭⲓϫ

ⲙⲙⲟⲟⲩ ⲙⲉⲩϭⲙϭⲟⲙ ⲛⲉⲩⲟⲩⲉⲣⲏⲧⲉ ⲙⲙⲟⲟⲩ ⲙⲉⲩⲙⲟⲟϣⲉ

ⲙⲉⲩⲙⲟⲩⲧⲉ ϩⲛ ⲧⲉⲩϣⲟⲧⲱⲃⲉ ⲙⲛ ⲡⲛⲉⲩⲙⲁ ⲅⲁⲣ ϩⲛ ⲣⲱⲟⲩ

18 ⲉⲩⲉⲉⲓⲙⲉ ⲙⲙⲟⲟⲩ ⲛϭⲓ ⲛⲉⲛⲧⲁⲩⲧⲁⲙⲓⲟⲟⲩ ⲙⲛ ⲟⲩⲟⲛ ⲛⲓⲙ ⲉⲧⲛⲁϩⲧⲉ

ⲉⲣⲟⲟⲩ

19 ⲡⲏⲓ ⲙⲡⲓⲥⲣⲁⲏⲗ ⲥⲙⲟⲩ ⲉⲡϫⲟⲉⲓⲥ ⲡⲏⲓ ⲛⲗⲉⲩⲉⲓ ⲥⲙⲟⲩ ⲉⲡϫⲟⲉⲓⲥ

20 ⲡⲏⲓ ⲛⲁⲁⲣⲱⲛ ⲥⲙⲟⲩ ⲉⲡϫⲟⲉⲓⲥ ⲛⲉⲧⲣ ϩⲟⲧⲉ ϩⲏⲧϥ ⲙⲡϫⲟⲉⲓⲥ ⲥⲙⲟⲩ


21 ⲡϫⲟⲉⲓⲥ ⲥⲙⲁⲙⲁⲁⲧ ϩⲛ ⲥⲓⲱⲛ ⲡⲉⲧⲟⲩⲏϩ ϩⲛ ⲧϩⲓⲉⲣⲟⲩⲥⲁⲗⲏⲙ

Psalm 135

1 ⲁⲗⲗⲏⲗⲟⲩⲓⲁ ⲛⲧⲁⲓⲡⲁⲏ ⲟⲩⲱⲛϩ ⲉⲃⲟⲗ ⲙⲡϫⲟⲉⲓⲥ ϫⲉ ⲟⲩⲭⲣⲏⲥⲧⲟⲥ ⲡⲉ

ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

2 ⲟⲩⲱⲛϩ ⲉⲃⲟⲗ ⲙⲡⲛⲟⲩⲧⲉ ⲛⲛⲛⲟⲩⲧⲉ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ












3 *om. ⲟⲩⲱⲛϩ ⲉⲃⲟⲗ ⲙⲡϫⲟⲉⲓⲥ ⲛⲛϫⲟⲉⲓⲥ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

4 ⲡⲉⲛⲧⲁϥⲧⲁⲙⲓⲉ ⲛⲓϣⲡⲏⲣⲉ ⲙⲁⲩⲁⲁⲩ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

5 ⲡⲉⲛⲧⲁϥⲧⲁⲙⲓⲉ ⲙⲡⲏⲩⲉ ϩⲛ ⲟⲩⲙⲛⲧⲣⲙⲛϩⲏⲧ ϫⲉ ⲟⲩϣⲁ ⲉⲛⲉϩ ⲡⲉ

ⲡⲉϥⲛⲁ

6 ⲡⲉⲛⲧⲁϥⲥⲙⲛⲥⲛⲧⲉ ⲙⲡⲕⲁϩ ϩⲟϫⲙ ⲡⲙⲟⲟⲩ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

7 ⲡⲉⲛⲧⲁϥⲧⲁⲙⲓⲉ ⲛⲓⲛⲟϭ ⲛⲣⲉϥⲣ ⲟⲩⲟⲉⲓⲛ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

8 ⲡⲣⲏ ⲉⲧⲉⲝⲟⲩⲥⲓⲁ ⲙⲡⲉϩⲟⲟⲩ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

9 ⲡⲟⲟϩ ⲙⲛ ⲛⲥⲓⲟⲟⲩ ⲧⲉⲟⲩⲥⲓⲁ ⲛⲧⲉⲩϣⲏ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

10 ⲡⲉⲛⲧⲁϥⲡⲁⲧⲁⲥⲥⲉ ⲛⲕⲏⲙⲉ ⲙⲛ ⲛⲉⲩϣⲣⲡ ⲙⲙⲓⲥⲉ ϫⲉ ⲟⲩϣⲁ ⲉⲛⲉϩ ⲡⲉ

ⲡⲉϥⲛⲁ

11 ⲡⲉⲛⲧⲁϥⲙⲡⲓⲥⲣⲁⲏⲗ ⲉⲃⲟⲗ ϩⲛ ⲧⲉⲩⲙⲏⲧⲉ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

12 ϩⲛ ⲟⲩϭⲓϫ ⲉⲥϫⲟⲟⲣ ⲙⲛ ⲟⲩϭⲃⲟⲓ ⲉϥϫⲟⲥⲉ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

13 ⲡⲉⲛⲧⲁϥⲡⲉϣ ⲧⲉⲣⲩⲑⲣⲁ ⲑⲁⲗⲁⲥⲥⲁ ⲉϩⲉⲛⲧⲟ ϫⲉ ⲟⲩϣⲁ ⲉⲛⲉϩ ⲡⲉ

ⲡⲉϥⲛⲁ

14 ⲉⲁϥⲙⲡⲓⲥⲣⲁⲏⲗ ⲉⲃⲟⲗ ϩⲛ ⲧⲉⲥⲙⲏⲧⲉ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

15 ⲉⲁϥⲣⲱϩⲧ ⲙⲫⲁⲣⲁⲱ ⲙⲛ ⲧⲉϥϭⲟⲙ ⲉⲧⲉⲣⲩⲑⲣⲁ ⲑⲁⲗⲁⲥⲥⲁ ϫⲉ ⲟⲩϣⲁ


16 ⲡⲉⲛⲧⲁϥⲙ ⲡⲉϥⲗⲁⲟⲥ ⲉⲃⲟⲗ ϩⲙ ⲡϫⲁⲓⲉ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

ⲡⲉⲛⲧⲁϥⲛ ⲙⲙⲟⲟⲩ ⲉⲃⲟⲗ ϩⲛ ⲟⲩⲡⲉⲧⲣⲁ ⲉⲥⲛⲁϣⲧ ϫⲉ ⲟⲩϣⲁ ⲉⲛⲉϩ ⲡⲉ

ⲡⲉϥⲛⲁ















17 ⲡⲉⲛⲧⲁϥⲡⲁⲧⲁⲥⲥⲉ ⲛⲛⲓⲛⲟϭ ⲛⲣⲣⲟ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

18 ⲉⲁϥⲙⲟⲩⲟⲩⲧ ⲛϩⲉⲛⲣⲣⲱⲟⲩ ⲉⲩⲧⲁϫⲣⲏⲩ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

19 ⲥⲏⲱⲛ ⲡⲣⲣⲟ ⲛⲁⲙⲟⲣⲣⲁⲓⲟⲥ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

20 ⲱⲅ ⲡⲣⲣⲟ ⲛⲧⲃⲁⲥⲁⲛ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

21 ⲁϥϯ ⲡⲉⲩⲕⲁϩ ⲛⲕⲗⲏⲣⲟⲛⲟⲙⲓⲁ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

22 ⲛⲕⲗⲏⲣⲟⲛⲟⲙⲓⲁ ⲙⲡⲓⲥⲣⲁⲏⲗ ⲡⲉϥϩⲙϩⲁⲗ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

23 ⲁⲡϫⲟⲉⲓⲥ ⲣ ⲡⲉⲛⲙⲉⲉⲩⲉ ϩⲙ ⲡⲉⲛⲑⲃⲃⲓⲟ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

24 ⲁϥⲥⲟⲧⲛ ⲉⲃⲟⲗ ϩⲓⲧⲛ ⲛⲉⲛϫⲓϫⲉⲉⲩ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

25 ⲡⲉⲧϯ ϩⲣⲉ ⲛⲥⲁⲣⲝ ⲛⲓⲙ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ ⲟⲩⲱⲛϩ ⲉⲃⲟⲗ

ⲙⲡⲛⲟⲩⲧⲉ ⲛⲧⲡⲉ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

26 ⲟⲩⲱⲛϩ ⲉⲃⲟⲗ ⲙⲡϫⲟⲉⲓⲥ ⲛⲛϫⲟⲉⲓⲥ ϫⲉ ⲟⲩϣⲁ ⲉⲛⲉϩ ⲡⲉ ⲡⲉϥⲛⲁ

Psalm 136

1 ⲡⲁ ⲓⲉⲣⲏⲙⲓⲁⲥ ⲉⲛϩⲣⲁⲓ ϩⲓϫⲛ ⲛⲓⲉⲣⲱⲟⲩ ⲛⲧⲃⲁⲃⲩⲗⲱⲛ ⲁⲛϩⲙⲟⲟⲥ ⲉϩⲣⲁⲓ

ⲁⲛⲣⲓⲙⲉ ϩⲙ ⲡⲧⲣⲉⲛⲣ ⲡⲙⲉⲉⲩⲉ ⲛⲥⲓⲱⲛ

2 ⲁⲛⲓϣⲉ ⲛⲛⲉⲛⲟⲣⲅⲁⲛⲟⲛ ⲉⲛⲉⲥⲃⲱ ⲛⲧⲱⲣⲉ ϩⲛ ⲧⲉⲥⲙⲏⲧⲉ

3 ϫⲉ ⲛⲧⲁⲩ ϫⲛ ⲟⲩⲛ ⲙⲙⲁⲩ ⲛϭⲓ ⲛⲉⲧⲁⲓⲭⲙⲁⲗⲱⲧⲓⲍⲉ ⲙⲙⲟⲛ ⲉϩⲉⲛϣⲁϫⲉ

ⲛⲱⲇⲏ ⲁⲩⲱ ⲛⲉⲧϫⲓ ⲙⲙⲟⲛ ϫⲉ ϫⲱ ⲉⲣⲟⲛ ⲛⲟⲩⲥⲙⲟⲩ ⲟⲩϫⲱ ⲉⲃⲟⲗ ϩⲛ

ⲛⲱⲇⲏ ⲛⲥⲓⲱⲛ

4 ⲛⲁϣ ⲛϩⲉ ⲧⲛⲛⲁϫⲱ ⲛⲧⲱⲇⲏ ⲙⲡϫⲟⲉⲓⲥ ϩⲛ ⲟⲩⲕⲁϩ ⲛϣⲙⲙⲟ

5 ⲉⲓϣⲁⲛⲣ ⲡⲟⲩⲱⲃϣ ⲧϩⲓⲉⲣⲟⲩⲥⲁⲗⲏⲙ ⲉⲩⲉⲣ ⲡⲱⲃϣ ⲛⲧⲁⲟⲩⲛⲁⲙ
















ⲉⲣⲉⲡⲁⲗⲁⲥ ⲧⲱϭⲉ ⲉⲧⲁϣⲟⲩⲱⲃⲉ

6 ⲉⲓϣⲁⲛⲧⲙⲣ ⲡⲟⲩⲙⲉⲉⲩⲉ ⲉⲓϣⲁⲛⲧⲙⲕⲱ ⲛⲧϩⲓⲉⲣⲟⲩⲥⲁⲗⲏⲙ ϩⲛ ⲧⲁⲣⲭⲏ

ⲙⲡⲁⲛⲟⲩⲛⲟϥ

7 ⲁⲣⲓ ⲡⲙⲉⲉⲩⲉ ⲉⲡϫⲟⲉⲓⲥ ⲛⲛϣⲏⲣⲉ ⲛⲉⲇⲱⲙ ⲁⲩⲱ ⲡⲉⲟⲟⲩ

ⲛⲧϩⲓⲉⲣⲟⲩⲥⲁⲗⲏⲙ ⲛⲉⲧϫⲱ ⲙⲙⲟⲥ ϫⲉ ⲧⲁⲕⲟⲥ ϣⲁϩⲣⲁⲓ ⲉⲛⲉⲥⲥⲛⲧⲉ

8 ⲧϣⲉⲉⲣⲉ ⲛⲧⲃⲁⲃⲩⲗⲱⲛ ⲧⲧⲁⲗⲁⲓⲡⲱⲣⲟⲥ ⲛⲁⲓⲁⲧϥ ⲙⲡⲉⲧⲛⲁⲧⲱⲱⲃⲉ ⲛⲉ

ⲙⲡⲟⲩⲧⲱⲱⲃⲉ ⲛⲧⲁⲧⲟⲟⲃⲉϥ ⲁⲛ

9 ⲛⲁⲓⲁⲧϥ ⲙⲡⲉⲧⲛⲁⲁⲙⲁϩⲧⲉ ⲛⲛⲟⲩϣⲏⲣⲉ ⲛϥⲧⲟⲙⲥⲟⲩ ϩⲁⲧⲛ ⲧⲡⲉⲧⲣⲁ

Psalm 137

1 ⲡⲁⲍⲁⲭⲁⲣⲓⲁⲥ ⲉⲇⲁⲩⲉⲓⲇ ϯⲛⲁⲟⲩⲱⲛϩ ⲛⲁⲕ ⲉⲃⲟⲗ ⲡϫⲟⲉⲓⲥ ϩⲙ ⲡⲁϩⲏⲧ

ⲧⲏⲣϥ ϫⲉ ⲁⲕⲥⲱⲧⲙ ⲉⲛϣⲁϫⲉ ⲛⲧⲁⲧⲁⲡⲣⲟ ⲁⲩⲱ ϯⲛⲁⲯⲁⲗⲗⲉⲓ ⲉⲣⲟⲕ

ⲙⲡⲉⲙⲧⲟ ⲉⲃⲟⲗ ⲛⲛⲁⲅⲅⲗⲉⲟⲥ

2 ϯⲛⲁⲟⲩⲱϣⲧ ⲛⲛⲁϩⲣⲙ ⲡⲉⲕⲣⲡⲉ ⲉⲧⲟⲩⲁⲁⲃ ϯⲛⲁⲟⲩⲱⲛϩ ⲉⲃⲟⲗ

ⲙⲡⲉⲕⲣⲁⲛ ⲉϩⲣⲁⲓ ⲉϫⲙ ⲡⲉⲕⲛⲁ ⲙⲛ ⲧⲉⲕⲙⲉ ϫⲉ ⲁⲕϫⲁⲥⲧ ⲡⲉⲕⲣⲁⲛ

ⲉⲧⲟⲩⲁⲁⲃ ⲉϫⲛ ⲟⲩⲟⲛ ⲛⲓⲙ

3 ⲙⲡⲉϩⲟⲟⲩ ⲉϯⲛⲁⲱϣ ⲉϩⲣⲁⲓ ⲉⲣⲟⲕ ϭⲉⲡⲏ ⲛⲅⲥⲱⲧⲙ ⲉⲣⲟⲓ ⲕⲛⲁⲧⲁϣⲟⲓ ϩⲛ

ⲧⲁⲯⲩⲭⲏ ϩⲛ ⲟⲩϭⲟⲙ ⲉⲛⲁϣⲱⲥ

4 ⲙⲁⲣⲉⲛⲉⲣⲣⲱⲟⲩ ⲧⲏⲣⲟⲩ ⲙⲡⲕⲁϩ ⲟⲩⲱⲛϩ ⲛⲁⲕ ⲉⲃⲟⲗ ⲡϫⲟⲉⲓⲥ ϫⲉ

ⲁⲩⲥⲱⲧⲙ ⲉⲛϣⲁϫⲉ ⲛⲧⲁⲧⲁⲡⲣⲟ

5 ⲁⲩⲱ ⲙⲁⲣⲟⲩϫⲱ ⲛⲛⲱⲇⲏ ⲙⲡϫⲟⲉⲓⲥ ϫⲉ ⲟⲩⲛⲟϭ ⲡⲉ ⲡⲉⲟⲟⲩ ⲙⲡϫⲟⲉⲓⲥ










6 ϫⲉ ⲡϫⲟⲉⲓⲥ ϫⲟⲥⲉ ⲁⲩⲱ ϥϭⲱϣⲧ ⲉϫⲛ ⲛⲉⲧⲑⲃⲃⲓⲏⲩ ⲁⲩⲱ ϥⲛⲁⲩ

ⲉⲛⲉⲧϫⲟⲥⲉ ⲙⲡⲟⲩⲉ

7 ⲉⲓϣⲁⲛⲃⲱⲕ ⲉⲧⲙⲏⲧⲉ ⲛⲧⲉⲑⲗⲓⲯⲓⲥ ⲕⲛⲁⲧⲁⲛϩⲟⲓ ⲁⲕⲥⲟⲟⲩⲧⲛ ⲛⲧⲉⲕϭⲓϫ

ⲉⲧⲟⲣⲅⲏ ⲛⲛⲉⲕϫⲁϫⲉ ⲁⲩⲱ ⲁⲧⲉⲕⲟⲩⲛⲁⲙ ⲧⲁⲛϩⲟⲓ

8 ⲡϫⲟⲉⲓⲥ ⲛⲁϯ ϩⲁⲣⲟⲓ ⲡϫⲟⲉⲓⲥ ⲡⲉⲕⲛⲁ ϣⲟⲟⲡ ϣⲁ ⲉⲛⲉϩ ⲙⲡⲣⲕⲱ ⲛⲥⲱⲕ

ⲛⲛϩⲃⲏⲩⲉ ⲛⲛⲉⲕϭⲓϫ

Psalm 138

1 ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲡⲁⲍⲁⲭⲁⲣⲓⲁⲥ ϩⲙ ⲡϫⲱⲱⲣⲉ

ⲉⲃⲟⲗ ⲡϫⲟⲉⲓⲥ ⲁⲕⲇⲟⲕⲓⲙⲁⲍⲉ ⲙⲙⲟⲓ ⲁⲕⲥⲟⲩⲱⲛⲧ

2 ⲛⲧⲟⲕ ⲁⲕⲥⲟⲩⲛ ⲧⲁϭⲓⲛϩⲙⲟⲟⲥ ⲙⲛ ⲧⲁϭⲓⲛⲧⲱⲟⲩⲛ ⲁⲕⲉⲓⲙⲉ ⲛⲁⲙⲟⲕⲙⲉⲕ

ⲧⲏⲣⲟⲩ ⲙⲡⲟⲩⲉ

3 ⲁⲕϩⲟⲧϩⲧ ⲛⲧⲁϩⲓⲏ ⲙⲛ ⲧⲁϣⲃⲱ ⲁⲩⲱ ⲁⲕⲛⲁⲩ ⲉⲛⲁϩⲓⲟⲟⲩⲉ ⲧⲏⲣⲟⲩ

4 ϫⲉ ⲙⲛ ⲕⲣⲟϥ ϩⲙ ⲡⲁⲗⲁⲥ ⲉⲓⲥ ϩⲏⲏⲧⲉ ⲡϫⲟⲉⲓⲥ ⲛⲧⲟⲕ ⲁⲕⲉⲓⲙⲉ

ⲉⲛⲉⲧⲛⲁϣⲱⲡⲉ ⲙⲛ ⲛϣⲟⲣⲡ

5 ⲛⲧⲟⲕ ⲁⲕⲡⲗⲁⲥⲥⲉ ⲙⲙⲟⲓ ⲁⲩⲱ ⲁⲕⲕⲁ ⲧⲉⲕϭⲓϫ ϩⲓϫⲱⲓ

6 ⲁⲩⲣ ϣⲡⲏⲣⲉ ⲙⲡⲉⲕⲥⲟⲟⲩⲛ ⲛϩⲏⲧ ⲁⲩⲧⲁϫⲣⲟ ⲛϯⲛⲁϣϭⲙϭⲟⲙ ⲁⲛ

ⲉⲣⲟϥ

7 ⲉⲓⲛⲁⲃⲱⲕ ⲉⲧⲱⲛ ⲉⲃⲟⲗ ⲙⲡⲉⲕⲡⲛⲉⲩⲙⲁ ⲏ ⲉⲓⲛⲁⲡⲱⲧ ⲉⲧⲱⲛ ⲉⲃⲟⲗ

ⲙⲡⲉⲕϩⲟ

8 ⲉⲓϣⲁⲛⲃⲱⲕ ⲉϩⲣⲁⲓ ⲉⲧⲡⲉ ⲕⲙⲙⲁⲩ ⲉⲓϣⲁⲛⲃⲱⲕ ⲉⲡⲉⲥⲏⲧ ⲉⲁⲙⲛⲧⲉ












ⲕⲛⲙⲙⲁⲓ

9 ⲉⲓϣⲁⲛϫⲓ ⲛⲛⲁⲧⲛϩ ⲙⲡⲛⲁⲩ ⲛϣⲱⲣⲡ ⲧⲁⲟⲩⲱϩ ϩⲛ ⲁⲣⲏϫⲥ ⲛⲑⲁⲗⲁⲥⲥⲁ

ⲕⲁⲓⲅⲁⲣ ⲧⲉⲕϭⲓϫ ⲙⲙⲁⲩ

10 ⲧⲉⲕⲟⲩⲛⲁⲙ ⲛⲁϫⲓ ⲙⲟⲉⲓⲧ ϩⲏⲧⲧ ⲛⲥϣⲟϫⲡⲧ

11 ⲁⲓϫⲟⲟⲥ ⲛⲧⲟⲟⲩⲛ ϫⲉ ⲟⲩⲛ ⲟⲩⲕⲁⲕⲉ ⲛⲁϩⲟⲙⲛⲧ ⲁⲧⲉⲩϣⲏ ⲣ ⲟⲩⲟⲉⲓⲛ ϩⲛ

ⲧⲁⲧⲣⲩⲫⲏ

12 ϫⲉ ⲙⲛ ⲕⲁⲕⲉ ⲛⲁϩⲱⲡ ⲉⲣⲟⲕ ⲁⲩⲱ ⲧⲉⲩϣⲏ ⲛⲁⲣ ⲟⲩⲟⲉⲓⲛ ⲛⲧϩⲉ

ⲙⲡⲉϩⲟⲟⲩ ⲛⲧϩⲉ ⲙⲡⲉⲥⲕⲁⲕⲉ ⲧⲁⲓ ⲧⲉ ⲧϩⲉ ⲙⲡⲉⲥⲕⲉ ⲟⲩⲟⲉⲓⲛ

13 ϫⲉ ⲛⲧⲟⲕ ⲡϫⲟⲉⲓⲥ ⲕϫⲡⲟ ⲛⲁⲕ ⲛⲛⲁϭⲗⲟⲧⲉ ⲁⲩⲱ ⲁⲕϣⲟⲡⲧ ⲉⲣⲟⲕ ⲉⲃⲟⲗ

ϩⲛ ϩⲏⲧⲥ ⲛⲧⲁⲙⲁⲁⲩ

14 ϯⲛⲁⲟⲩⲱⲛϩ ⲛⲁⲕ ⲉⲃⲟⲗ ϫⲉ ⲁⲩⲧⲁⲛϩⲟⲩⲧⲧ ⲉⲙⲁⲧⲉ ϩⲉⲛϣⲡⲏⲣⲉ ⲛⲉ

ⲛⲉⲕϩⲃⲏⲩⲉ ⲉⲣⲉⲧⲁⲯⲩⲭⲏ ⲉⲓⲙⲉ ⲉⲣⲟⲟⲩ ⲉⲙⲁⲧⲉ

15 ϩⲛ ⲟⲩϩⲱⲡ ⲙⲡⲉ ⲡⲁⲕⲁⲥ ϩⲱⲡ ⲉⲣⲟⲕ ⲉⲛⲧⲁⲕⲧⲁⲙⲓⲟϥ ϩⲙ ⲡϩⲱⲡ ⲁⲩⲱ

ⲡⲁⲧⲁϫⲣⲟ ⲛⲛⲉⲧϩⲁⲡⲉⲥⲏⲧ ⲙⲡⲕⲁϩ

16 ⲁⲛⲉⲕⲃⲁⲗ ⲛⲁⲩ ⲉⲡⲁϣⲱⲱⲧ ⲥⲉⲛⲁⲥϩⲁⲓⲥⲟⲩ ⲧⲏⲣⲟⲩ ⲉⲡⲉⲕϫⲱⲱⲙⲉ

ⲥⲉⲛⲁⲙⲟⲩϩ ⲙⲡⲉϩⲟⲟⲩ ⲛⲅⲁⲓⲁⲓ ⲛϩⲏⲧⲟⲩ

17 ⲁⲛⲉⲕϣⲃⲉⲉⲣ ⲡⲛⲟⲩⲧⲉ ⲁⲓⲁⲓ ⲛⲛⲁϩⲣⲁⲓ ⲉⲙⲁⲧⲉ ⲁⲛⲉⲩⲁⲣⲭⲏ ϭⲙϭⲟⲙ

ⲉⲙⲁⲧⲉ

18 ϯⲛⲁⲟⲡⲟⲩ ⲛⲥⲉⲁϣⲁⲓ ⲉϩⲟⲩⲉ ⲡϣⲱ ⲁⲓⲧⲱⲟⲩⲛ ⲁⲩⲱ ⲟⲛ ϯⲛⲙⲙⲁⲕ

19 ⲡⲛⲟⲩⲧⲉ ⲉⲕϣⲁⲛⲙⲉⲩⲧ ⲛⲣⲉϥⲣⲛⲟⲃⲉ ⲛⲣⲱⲙⲉ ⲛⲥⲛⲟϥ ⲣⲉⲕⲧ ⲧⲏⲩⲧⲛ













20 ϫⲉ ⲡⲛⲟⲩⲧⲉ ⲛⲁϣⲁϫⲉ ⲉⲩⲙⲟⲕⲙⲉⲕ ⲥⲉⲛⲁϫⲓ ⲛⲛⲉⲕⲡⲟⲗⲓⲥ ⲉⲡϫⲓⲛϫⲏ

21 ⲛⲉⲧⲙⲟⲥⲧⲉ ⲙⲙⲟⲕ ⲡϫⲟⲉⲓⲥ ⲁⲓⲙⲉⲥⲧⲱⲟⲩ ⲁⲩⲱ ⲁⲓⲃⲱⲗ ⲉⲃⲟⲗ ⲉϫⲛ

ⲛⲉⲕϫⲁϫⲉ

22 ⲁⲓⲙⲉⲥⲧⲱⲟⲩ ⲛⲟⲩⲛⲟϭ ⲙⲙⲟⲥⲧⲉ ⲁⲩϣⲱⲡⲉ ⲛⲁⲓ ⲉϩⲉⲛϫⲁϫⲉ

23 ⲇⲟⲕⲓⲙⲁⲍⲉ ⲙⲙⲟⲓ ⲡⲛⲟⲩⲧⲉ ⲛⲅⲉⲓⲙⲉ ⲉⲡⲁϩⲏⲧ ϩⲉⲧⲁⲍⲉ ⲙⲙⲟⲓ ⲛⲅⲉⲓⲙⲉ

ⲉⲛⲁϩⲓⲟⲟⲩⲉ

24 ⲛⲅⲛⲁⲩ ϫⲉ ⲟⲩⲛϩⲓⲏ ⲛⲁⲛⲟⲙⲓⲁ ⲛϩⲏⲧⲧ ⲛⲅϫⲓ ⲙⲟⲉⲓⲧ ϩⲏⲧ ϩⲛ ⲟⲩϩⲓⲏ

ϣⲁ ⲉⲛⲉϩ

Psalm 139


2 ⲡϫⲟⲉⲓⲥ ⲛⲁϩⲙⲉⲧ ⲉⲩⲣⲱⲙⲉ ⲙⲡⲟⲛⲏⲣⲟⲥ ⲙⲁⲧⲟⲩϫⲟⲓ ⲉⲩⲣⲱⲙⲉ

ⲛⲣⲉϥϫⲓⲛϭⲟⲛⲥ

3 ⲛⲁⲓ ⲉⲛⲧⲁⲩⲙⲉⲉⲩⲉ ⲉϩⲉⲛⲕⲁⲕⲓⲁ ϩⲙ ⲡⲉⲩϩⲏⲧ ⲁⲩⲥⲣⲙ ⲗⲁⲥ ⲉⲃⲟⲗ


4 ⲁⲩⲧⲱⲙ ⲛⲛⲉⲩⲗⲁⲥ ⲛⲧϩⲉ ⲛⲛⲓϩⲟϥ ⲟⲩⲙⲁⲧⲟⲩ ⲛϩⲟϥ ⲧⲉⲧϩⲁ

ⲛⲉⲩⲥⲡⲟⲧⲟⲩ ⲇⲓⲁⲯⲁⲗⲙⲁ

5 ϩⲁⲣⲉϩ ⲉⲣⲟⲓ ⲡϫⲟⲉⲓⲥ ⲉⲧϭⲓϫ ⲙⲡⲣⲉϥⲣⲛⲟⲃⲉ ⲙⲁⲧⲟⲩϫⲟⲓ ⲉϩⲉⲛⲣⲱⲙⲉ

ⲛϫⲓⲛϭⲟⲛⲥ ⲛⲁⲓ ⲉⲛⲧⲁⲩⲙⲉⲉⲩⲉ ⲉϯⲥⲗⲁⲁⲧⲉ ⲛⲛⲁⲧⲁϭⲥⲉ

6 ⲁⲛϫⲁⲥⲓϩⲏⲧ ϩⲱⲡ ⲉⲣⲟⲓ ⲛⲟⲩⲡⲁϣ ⲁⲩⲥⲱⲙⲛⲧ ⲛϩⲉⲛⲛⲟⲩϩ ⲙⲡⲁϣ












ⲛⲛⲁⲟⲩⲉⲣⲏⲧⲉ ⲁⲩⲕⲱ ⲉⲣⲟⲓ ⲛϩⲉⲛϫⲣⲟⲡ ⲉⲩϩⲏⲛ ⲉϩⲟⲩⲛ ⲉⲧⲁϩⲓⲏ


7 ⲁⲓϫⲟⲟⲥ ⲙⲡϫⲟⲉⲓⲥ ϫⲉ ⲛⲧⲟⲕ ⲡⲉ ⲡⲁⲛⲟⲩⲧⲉ ⲡϫⲟⲉⲓⲥ ⲥⲱⲧⲙ ⲉⲡⲉϩⲣⲟⲟⲩ

ⲙⲡⲁⲥⲟⲡⲥ

8 ⲡϫⲟⲉⲓⲥ ⲡϫⲟⲉⲓⲥ ⲧϭⲟⲙ ⲙⲡⲁⲟⲩϫⲁⲓ ⲁⲕⲣ ϩⲁⲓⲃⲉⲥ ⲉⲣⲟⲓ ϩⲛ ⲟⲩϩⲟⲟⲩ

ⲙⲡⲟⲗⲉⲙⲟⲥ

9 ⲡϫⲟⲉⲓⲥ ⲙⲡⲣϯ ⲉⲃⲟⲗ ϩⲛ ⲧⲁⲉⲡⲓⲑⲩⲙⲓⲁ ⲛⲟⲩⲣⲉϥⲣⲛⲟⲃⲉ ⲁⲩⲙⲉⲉⲩⲉ

ⲉⲣⲟⲓ ⲙⲡⲣⲕⲁⲁⲧ ⲛⲥⲱⲕ ⲙⲏⲡⲟⲧⲉ ⲛⲥⲉϫⲓⲥⲉ ⲛϩⲏⲧ ⲇⲓⲁⲯⲁⲗⲙⲁ

10 ⲧⲁⲡⲉ ⲁⲧⲉⲩⲥⲟⲟⲩϩⲥ ⲡⲉ ⲡϩⲓⲥⲉ ⲛⲛⲉⲩⲥⲡⲟⲧⲟⲩ ⲉⲧⲛⲁⲕⲱⲧⲉ ⲉⲣⲟⲟⲩ

11 ⲟⲩⲛ ϩⲉⲛϫⲃⲃⲥ ⲛⲁϩⲉ ⲉϫⲱⲟⲩ ⲁⲩⲱ ⲕⲛⲁⲧⲁⲩⲟⲟⲩ ⲉϩⲣⲁⲓ ϩⲛ ⲟⲩⲕⲱϩⲧ

ⲛⲛⲉⲩⲉϣⲁϩ ⲉⲣⲁⲧⲟⲩ ϩⲛ ⲛⲉⲩⲧⲁⲗⲁⲓⲡⲱⲣⲓⲁ

12 ⲟⲩⲣⲱⲙⲉ ⲛⲁϣⲟⲉⲓϣ ⲛⲛⲉϥⲥⲟⲟⲩⲧⲛ ϩⲓϫⲙ ⲡⲕⲁϩ ⲟⲩⲣⲱⲙⲉ ⲛϫⲓⲛϭⲟⲛⲥ

ⲙⲡⲉⲧϩⲟⲟⲩ ⲛⲁϭⲱⲣϭ ⲉⲣⲟϥ ⲉⲧⲁⲕⲟϥ

13 ⲁⲓⲉⲓⲙⲉ ϫⲉ ⲡϫⲟⲉⲓⲥ ⲛⲁⲣ ⲡⲉⲕⲃⲁ ⲙⲡϩⲏⲕⲉ ⲙⲛ ⲡϩⲁⲡ ⲙⲡⲉⲃⲓⲏⲛ

14 ⲡⲗⲏⲛ ⲛⲇⲓⲕⲁⲓⲟⲥ ⲛⲁⲉⲝⲟⲙⲟⲗⲟⲅⲉⲓ ⲙⲡⲉⲕⲣⲁⲛ ⲛⲉⲧⲥⲟⲩⲧⲱⲛ ⲛⲁⲟⲩⲱϩ

ⲙⲛ ⲡⲉⲕϩⲟ

15

Psalm 140

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲁⲓϫⲓ ϣⲕⲁⲕ ⲉϩⲣⲁⲓ ⲉⲣⲟⲕ ⲡϫⲟⲉⲓⲥ ⲉⲱⲧⲙ ⲉⲣⲟⲓ

ϯϩⲧⲏⲕ ⲉⲡⲁϩⲣⲟⲟⲩ ϩⲙ ⲡⲧⲣⲁⲱϣ ⲉϩⲣⲁⲓ ⲉⲣⲟⲕ











2 ⲙⲁⲣⲉⲡⲁϣⲗⲏⲗ ⲥⲟⲟⲩⲧⲛ ⲛⲧϩⲉ ⲛⲟⲩϣⲟⲩ ϩⲏⲛⲉ ⲙⲡⲉⲕⲙⲧⲟ ⲉⲃⲟⲗ ⲡϥⲓ

ⲛⲛⲁϭⲓϫⲉ ⲉϩⲣⲁⲓ ⲛⲧϩⲉ ⲛⲟⲩⲑⲩⲥⲓⲁ ⲙⲡⲛⲁⲩ ⲛⲣⲟⲩϩⲉ

3 ⲡϫⲟⲉⲓⲥ ⲁⲕⲕⲱ ⲛⲟⲩϩⲁⲣⲉϩ ϩⲓⲣⲛ ⲣⲱⲓ ⲁⲩⲱ ⲟⲩⲣⲟ ⲉϥⲧⲁϫⲣⲏⲩ ϩⲛ

ⲛⲁⲥⲡⲟⲧⲟⲩ

4 ⲙⲡⲣⲣⲕ ⲡⲁϩⲏⲧ ⲉϩⲉⲛϣⲁϫⲉ ⲉⲩϩⲟⲟⲩ ⲉⲧⲣⲁϭⲛ ⲗⲟⲓϭⲉ ϩⲛ ϩⲉⲛⲛⲟⲃⲉ

ⲙⲛ ⲛⲣⲱⲙⲉ ⲉⲧⲉⲓⲣⲉ ⲛⲧⲁⲛⲟⲙⲓⲁ ⲁⲩⲱ ⲛⲛⲁϫⲓ ϣⲟϫⲛⲉ ⲙⲛ ⲛⲉⲩⲥⲱⲧⲡ

5 ⲡⲇⲓⲕⲁⲓⲟⲥ ⲛⲁⲡⲁⲓⲇⲉⲩⲉ ⲙⲙⲟⲓ ϩⲛ ⲟⲩⲛⲁ ⲁⲩⲱ ⲛϥϫⲡⲓⲟⲓ ⲙⲡⲣⲧⲣⲉ

ⲡⲛⲉϩ ⲇⲉ ⲛⲧⲟϥ ⲙⲡⲣⲉϥⲣⲛⲟⲃⲉ ⲧⲱϩⲥ ⲛⲧⲁⲁⲡⲉ ⲉⲧⲓ ⲉⲧⲓ ⲡⲁϣⲗⲏⲗ

ϩⲙ ⲡⲉⲩⲟⲩⲱϣ

6 ⲁⲩⲱⲙⲕ ⲛⲛⲱⲱⲣⲉ ⲙⲡⲕⲁϩ ϩⲁⲧⲛ ⲧⲡⲉⲧⲣⲁ ⲥⲱⲧⲙ ⲉⲛⲁϣⲁϫⲉ ϫⲉ

ⲁⲩϭⲙϭⲟⲙ ⲛⲧϩⲉ ⲙⲡⲟⲩⲙⲟⲧ ⲙⲡⲕⲁϩ ⲁⲩⲡⲱϩ ϩⲓϫⲙ ⲡⲕⲁϩ

7 ⲁⲛⲉⲛⲕⲉⲉⲥ ϫⲱⲱⲣⲉ ⲉⲃⲟⲗ ϩⲁ ⲧⲛⲁⲙⲛⲧⲉ

8 ϫⲉ ⲉⲣⲉⲛⲁⲃⲁⲗ ⲡϫⲟⲉⲓⲥ ϥⲏⲩ ⲉϩⲣⲁⲓ ⲉⲣⲟⲕ ⲁⲓϩⲉⲗⲡⲓⲍⲉ ⲉⲣⲟⲕ ⲙⲡⲣ ϥⲓ

ⲛⲧⲁⲯⲩⲭⲏ

9 ϩⲁⲣⲉϩ ⲉⲣⲟⲓ ⲉⲡⲡⲁϣ ⲛⲧⲁⲩⲧⲁϩⲟϥ ⲉⲣⲁⲧϥ ⲉⲣⲟⲓ ⲁⲩⲱ ⲉⲃⲟⲗ ϩⲛ

ⲛⲉⲥⲕⲁⲛⲇⲁⲗⲟⲛ ⲛⲛⲉⲧⲣ ϩⲱⲃ ⲉⲧⲁⲛⲟⲙⲓⲁ

10 ⲡⲣⲉϥⲣⲛⲟⲃⲉ ⲛⲁϩⲉ ϩⲙ ⲡⲉϥϣⲛⲉ ϯϣⲟⲟⲡ ⲁⲛⲟⲕ ⲙⲁⲩⲁⲁⲧ

ϣⲁⲛϯⲥⲁⲁⲧϥ

Psalm 141

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ











2 ⲁⲓϫⲓ ϣⲕⲁⲕ ⲉϩⲣⲁⲓ ϩⲛ ⲧⲁⲥⲙⲉ ⲡϫⲟⲉⲓⲥ ⲁⲓⲥⲟⲡⲥ ϩⲛ ⲧⲁⲥⲙⲏ ⲉϩⲣⲁⲓ


3 ϯⲛⲁⲡⲱϩⲧ ⲙⲡⲁϣⲗⲏⲗ ⲙⲡⲉϥⲙⲧⲟ ⲉⲃⲟⲗ ϯⲛⲁϫⲱ ⲛⲧⲁⲑⲗⲓⲯⲓⲥ


4 ϩⲙ ⲡⲧⲣⲉ ⲡⲁⲡⲛⲉⲩⲙⲁ ⲱϫⲛ ⲛϩⲏⲧ ⲁⲩⲱ ⲛⲧⲟⲕ ⲁⲕⲉⲓⲙⲉ ⲉⲛⲁϩⲓⲟⲟⲩⲉ

ⲁⲩϩⲱⲡ ⲉⲣⲟⲓ ⲛⲟⲩⲡⲁϣ ϩⲓ ⲧⲉϩⲓⲏ ⲉⲛⲧⲁⲓⲙⲟⲟϣⲉ ⲛϩⲏⲧⲥ

5 ⲁⲓϭⲱϣⲧ ϩⲓ ⲟⲩⲛⲁⲙ ⲙⲙⲟⲓ ⲉⲓⲛⲁⲩ ϫⲉ ⲙⲛ ⲡⲉⲧⲥⲟⲟⲩⲛ ⲙⲙⲟⲓ ⲙⲡⲓϭⲛ

ⲧϩⲉ ⲛⲣⲃⲟⲗ ⲁⲩⲱ ⲙⲛ ⲡⲉⲧϣⲓⲛⲉ ⲛⲥⲁ ⲧⲁⲯⲩⲭⲏ

6 ⲁⲓϫⲓ ϣⲕⲁⲕ ⲉϩⲣⲁⲓ ⲉⲣⲟⲕ ⲡϫⲟⲉⲓⲥ ⲁⲓϫⲟⲟⲥ ϫⲉ ⲛⲧⲕ ⲧⲁϩⲉⲗⲡⲓⲥ ⲧⲁⲙⲉⲣⲓⲥ

ϩⲙ ⲡⲕⲁϩ ⲛⲛⲉⲧⲟⲛϩ

7 ϯϩⲧⲏⲕ ⲉⲡⲉϩⲣⲟⲟⲩ ⲙⲡⲁⲥⲟⲡⲥ ϫⲉ ⲁⲓⲑⲃⲃⲓⲟ ⲉⲙⲁⲧⲉ ⲙⲁⲧⲟⲩϫⲟⲓ

ⲉⲛⲉⲧⲡⲏⲧ ⲛⲥⲱⲓ ϫⲉ ⲁⲩϭⲙϭⲟⲙ ⲉϩⲟⲩ ⲉⲣⲟⲓ

8 ⲁⲛⲉⲓⲛⲉ ⲛⲧⲁⲯⲩⲭⲏ ⲉⲃⲟⲗ ϩⲙ ⲡⲉϣⲧⲉⲕⲟ ⲉⲧⲣⲁⲟⲩⲱⲛϩ ⲉⲃⲟⲗ

ⲙⲡⲉⲕⲣⲁⲛ ⲡϫⲟⲉⲓⲥ ⲉⲣⲉⲛⲇⲓⲁⲕⲟⲥ ϭⲉⲉⲧ ⲉⲣⲟⲓ ϣⲁⲛⲧⲕⲧⲟⲩⲉⲓⲟ ⲛⲁⲓ

Psalm 142

1 ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲛⲧⲉⲣⲉⲡⲉϥϣⲏⲣⲉ ⲡⲱⲧ ⲛⲥⲱϥ ⲡϫⲟⲉⲓⲥ ⲥⲱⲧⲙ

ⲉⲡⲁϣⲗⲏⲗ ϫⲓ ⲥⲙⲏ ⲉⲡⲁⲥⲟⲡⲥ ϩⲛ ⲧⲉⲕⲙⲉ ⲥⲱⲧⲙ ⲉⲣⲟⲓ ϩⲛ


2 ⲛⲅⲧⲙⲉⲓ ⲉϩⲟⲩⲛ ⲉϫⲓ ϩⲁⲡ ⲙⲛ ⲡⲉⲕϩⲙϩⲁⲗ ϫⲉ ⲙⲛ ⲗⲁⲁⲩ ⲛⲣⲱⲙⲉ

ⲛⲁⲧⲙⲁⲉⲓⲟ ⲙⲡⲉⲕⲙⲧⲟ ⲉⲃⲟⲗ










3 ϫⲉ ⲁⲡϫⲁϫⲉ ⲡⲱⲧ ⲛⲥⲁ ⲧⲁⲯⲩⲭⲏ ⲁϥⲑⲃⲃⲓⲟ ⲙⲡⲁⲱⲛϩ ⲉϩⲣⲁⲓ ⲉⲡⲕⲁϩ

ⲁϥⲑⲃⲃⲓⲟⲓ ϩⲛ ϩⲉⲛⲙⲁ ⲛⲕⲁⲕⲉ ⲛⲧϩⲉ ⲛϩⲉⲛⲕⲱⲱⲥ ⲛϣⲁ ⲉⲛⲉϩ

4 ⲁⲩⲱ ⲁⲩⲗⲩⲡⲉⲓ ⲛϭⲓ ⲡⲁⲡⲛⲉⲩⲙⲁ ⲁⲡⲁϩⲏⲧ ϣⲧⲟⲣⲧⲣ ⲛϩⲏⲧ

5 ⲁⲓⲣ ⲡⲙⲉⲉⲩⲉ ⲛⲛⲉϩⲟⲟⲩ ⲛϣⲟⲣⲡ ⲁⲓⲙⲉⲗⲉⲧⲁ ⲛⲛⲉⲕϩⲃⲏⲩⲉ ⲧⲏⲣⲟⲩ

ⲁⲓⲙⲉⲗⲉⲧⲁ ⲛⲛⲉⲕϩⲃⲏⲩⲉ ⲛⲛⲉⲕϭⲓϫ

6 ⲁⲓⲡⲱⲣϣ ⲛⲛⲁϭⲓϫ ⲉϩⲣⲁⲓ ⲉⲣⲟⲕ ⲁⲧⲁⲯⲩⲭⲏ ⲣ ⲧϩⲉ ⲛⲛⲓⲕⲁϩ ⲉⲧⲟⲃⲉ

ⲛⲛⲁϩⲣⲁⲕ ⲇⲓⲁⲯⲁⲗⲙⲁ

7 ⲥⲱⲧⲙ ⲉⲣⲟⲓ ⲡϫⲟⲉⲓⲥ ϩⲛ ⲟⲩϭⲉⲡⲏ ϫⲉ ⲁⲡⲁⲡⲛⲉⲩⲙⲁ ⲱϫⲛ ⲙⲡⲣⲕⲱⲧⲉ

ⲙⲡⲉⲕϩⲟ ⲛⲥⲁⲃⲟⲗ ⲙⲙⲟⲓ ⲧⲁⲣ ⲧϩⲉ ⲛⲛⲉⲧⲃⲏⲕ ⲉⲡⲉⲥⲏⲧ ⲉⲡϣⲏⲓ

8 ⲙⲁⲣⲓⲥⲱⲧⲙ ⲉⲡⲉⲕⲛⲁ ⲙⲡⲛⲁⲩ ⲁⲓϩⲉⲗⲡⲓⲍⲉ ⲉⲣⲟⲕ ⲙⲁⲧⲁⲙⲟⲓ ⲡϫⲟⲉⲓⲥ

ⲉⲧⲉϩⲓⲏ ⲉϯⲛⲁⲃⲱⲕ ⲛϩⲏⲧⲥ ϫⲉ ⲁⲓϥⲓ ⲉϩⲣⲁⲓ ⲉⲣⲟⲕ ⲛⲧⲁⲯⲩⲭⲏ

9 ⲙⲁⲧⲟⲩϫⲟⲓ ⲉⲛⲁϫⲁϫⲉ ⲡϫⲟⲉⲓⲥ ϫⲉ ⲁⲓⲡⲱⲧ ⲉⲣⲁⲧⲕ

10 ⲙⲁⲧⲥⲁⲃⲟⲓ ⲉⲧⲣⲁⲣ ⲡⲉⲕⲟⲩⲱϣ ϫⲉ ⲛⲧⲟⲕ ⲡⲉ ⲡⲁⲛⲟⲩⲧⲉ ⲡⲉⲕⲡⲛⲉⲩⲙⲁ

ⲉⲧⲛⲁⲛⲟⲩϥ ⲛⲁϫⲓ ⲙⲟⲉⲓⲧ ϩⲏⲧ ϩⲛ ⲟⲩⲥⲟⲟⲩⲧⲛ

11 ⲕⲛⲁⲧⲁⲛϩⲟⲓ ⲉⲧⲃⲉ ⲡⲉⲕⲣⲁⲛ ⲡϫⲟⲉⲓⲥ ϩⲛ ⲧⲉⲕⲇⲓⲕⲁⲓⲟⲥⲩⲛⲏ ⲕⲛⲁ

ⲛⲧⲁⲯⲩⲭⲏ ⲉⲃⲟⲗ ϩⲛ ⲧⲉⲑⲗⲓⲯⲓⲥ

12 ⲕⲛⲁϥⲱⲧⲉ ⲉⲃⲟⲗ ⲛⲛⲁϫⲁϫⲉ ϩⲙ ⲡⲉⲕⲛⲁ ⲕⲁⲛⲧⲁⲕⲟ ⲟⲩⲟⲛ ⲛⲓⲙ

ⲉⲧⲑⲗⲓⲃⲉ ⲛⲧⲁⲯⲩⲭⲏ ϫⲉ ⲁⲛⲅ ⲡⲉⲕϩⲙϩⲁⲗ

Psalm 143

1 ⲡⲁⲇⲁⲩⲉⲓⲇ ⲛⲁϩⲣⲛ ⲅⲟⲗⲓⲁⲑ ϥⲥⲙⲁⲙⲁⲁⲧ ⲛϭⲓ ⲡϫⲟⲉⲓⲥ ⲡⲁⲛⲟⲩⲧⲉ












ⲡⲉⲧⲧⲥⲁⲃⲟ ⲛⲛⲁϭⲓϫ ⲉⲡⲉⲙⲗⲁϩ ⲛⲁⲧⲏⲏⲃⲉ ⲉⲩⲡⲟⲗⲉⲙⲟⲥ

2 ⲡⲁⲛⲁ ⲙⲛ ⲡⲁⲙⲁ ⲛⲡⲱⲧ ⲡⲁⲣⲉϥϣⲟⲡⲧ ⲉⲣⲟϥ ⲁⲩⲱ ⲡⲁⲛⲟⲩϩⲙ

ⲧⲁⲛⲁϣⲧⲉ ⲡⲉ ⲛⲧⲁⲓⲕⲁ ϩⲧⲏⲓ ⲉⲣⲟϥ ⲡⲉⲧϩⲩⲡⲟⲧⲁⲥⲥⲉ ⲙⲡⲗⲁⲟⲥ

ϩⲁⲣⲁⲧⲧ

3 ⲡϫⲟⲉⲓⲥ ⲟⲩ ⲡⲉ ⲡⲣⲱⲙⲉ ϫⲉ ⲁⲕⲟⲩⲟⲛϩⲕ ⲛⲁϥ ⲉⲃⲟⲗ ⲏ ⲡϣⲏⲣⲉ ⲙⲡⲣⲱⲙⲉ

ϫⲉ ⲕⲱⲡ ⲙⲙⲟϥ

4 ⲉⲣⲉⲡⲣⲱⲙⲉ ⲟ ⲛⲧϩⲉ ⲛϩⲉⲛⲡⲉⲧϣⲟⲩⲉⲓⲧ ⲉⲣⲉⲛⲉϥϩⲟⲟⲩⲟⲩ ⲉⲓⲛⲉ ⲛⲧϩⲉ

ⲛϩⲉⲛϩⲁⲓⲃⲉⲥ

5 ⲡϫⲟⲉⲓⲥ ⲣⲉⲕⲧ ⲉⲧⲡⲉ ⲛⲅⲉⲓ ⲉⲡⲉⲥⲏⲧ ϫⲱϩ ⲉⲛⲧⲟⲟⲩ ⲛⲥⲉϯ ⲕⲁⲡⲛⲟⲥ

6 ϩⲱⲟⲩ ⲛϩⲉⲛⲃⲃⲣⲏϭⲉ ⲛⲅϫⲟⲟⲣⲟⲩ ⲉⲃⲟⲗ ⲧⲃⲕⲉ ⲛⲉⲕⲥⲟⲧⲉ

ⲛⲅϣⲧⲣⲧⲱⲣⲟⲩ

7 ⲙⲁⲧⲛⲛⲟⲟⲩ ⲛⲧⲉⲕϭⲓϫ ⲉⲃⲟⲗ ϩⲙ ⲡϫⲓⲥⲉ ⲙⲁⲧⲟⲩϫⲟⲓ ⲛⲅⲛⲁϩⲙⲉⲧ

ⲉϩⲉⲛⲙⲟⲟⲩ ⲉⲛⲁϣⲱⲟⲩ ⲁⲩⲱ ⲉⲧϭⲓϫ ⲛⲛϣⲏⲣⲉ ⲛⲛϣⲙⲙⲟ

8 ⲧⲉⲩⲧⲁⲡⲣⲟ ⲁⲥϫⲱ ⲛϩⲉⲛⲡⲉⲧϣⲟⲩⲉⲓⲧ ⲁⲩⲱ ⲧⲉⲩⲟⲩⲛⲁⲙ ⲟⲩⲟⲩⲛⲁⲙ

ⲛϫⲓⲛϭⲟⲛⲥ ⲧⲉ

9 ⲡⲛⲟⲩⲧⲉ ϯⲛⲁϫⲱ ⲉⲣⲟⲕ ⲛⲟⲩϫⲱ ⲛⲃⲣⲣⲉ ϯⲛⲁⲯⲁⲗⲗⲉⲓ ⲉⲣⲟⲕ ϩⲛ

ⲟⲩⲯⲁⲗⲧⲏⲣⲓⲟⲛ ⲙⲙⲏⲧ ⲛⲕⲁⲡ

10 ⲡⲉⲧϯ ⲛⲟⲩⲟⲩϫⲁⲓ ⲛⲛⲉⲣⲣⲱⲟⲩ ⲡⲉⲧⲥⲱⲧⲉ ⲛⲇⲁⲩⲉⲓⲇ ⲡⲉϥϩⲙϩⲁⲗ

ⲉⲃⲟⲗ ϩⲛ ⲟⲩⲥⲏϥⲉ ⲉⲥϩⲟⲟⲩ

11 ⲛⲁϩⲙⲉⲧ ⲛⲅⲧⲟⲩϫⲟⲓ ⲉⲃⲟⲗ ϩⲛ ⲟⲩϣⲏⲣⲉ ⲛϣⲙⲙⲟ ⲁⲧⲉⲩⲧⲁⲡⲣⲟ ϫⲉ











ⲡⲉⲧϣⲟⲩⲉⲓⲧ ⲧⲉⲩⲟⲩⲛⲁⲙ ⲛϫⲓⲛϭⲟⲛⲥ ⲧⲉ

12 ⲛⲁⲓ ⲉⲣⲉⲛⲉⲩϣⲏⲣⲉ ⲟ ⲛⲧϩⲉ ⲛⲛⲓⲧⲱϭⲉ ⲛⲃⲣⲣⲉ ⲉⲛⲧⲁⲩⲧⲱⲕ ϩⲛ

ⲧⲉⲩⲙⲛⲧⲕⲟⲩⲓ ⲉⲣⲉⲛⲉⲩϣⲉⲉⲣⲉ ⲧⲥⲁⲛⲏⲩ ⲉⲩⲧⲁⲙⲓⲏⲩ ⲛⲧϩⲉ ⲛⲛⲓⲣⲡⲉ

13 ⲉⲣⲉⲛⲉⲩⲧⲁⲙⲓⲟⲛ ⲙⲉϩ ⲉⲩⲡⲏⲛ ⲉⲃⲟⲗ ϩⲙ ⲡⲁⲓ ⲉⲡⲁⲓ ⲛⲉⲩⲉⲥⲟⲟⲩ ⲉⲩϫⲡⲉ

ϩⲁϩ ⲉⲩⲟϣ ϩⲛ ⲛⲉⲩⲙⲁ ⲛⲉⲓ ⲉⲃⲟⲗ

14 ⲉⲣⲉⲛⲉⲩⲉϩⲟⲟⲩ ⲧⲏⲕ ⲙⲛ ⲧⲟⲩϩⲉ ⲛϫⲟⲟⲩ ⲇⲉ ϩⲓⲏ ⲛⲃⲱⲕ ⲉϩⲟⲩⲛ ⲉⲃⲟⲗ

ⲟⲩⲇⲉ ⲙⲛ ⲁϣⲕⲁⲕ ϩⲛ ⲛⲉⲩⲡⲗⲁⲧⲓⲁ

15 ⲁⲩⲙⲁⲕⲁⲣⲓⲍⲉ ⲙⲡⲗⲁⲟⲥ ⲉⲧⲉ ⲟⲩⲛⲧϥ ⲛⲁⲓ ⲛⲁⲓⲁⲧϥ ⲙⲡⲗⲁⲟⲥ

ⲉⲧⲉⲡϫⲟⲉⲓⲥ ⲡⲉ ⲡⲉϥⲛⲟⲩⲧⲉ

Psalm 144

1 ⲡⲉⲥⲙⲟⲩ ⲛⲇⲁⲩⲉⲓⲇ ϯⲛⲁϫⲁⲥⲧⲕ ⲡⲁⲛⲟⲩⲧⲉ ⲡⲁⲣⲣⲟ ϯⲛⲁⲥⲙⲟⲩ

ⲉⲡⲉⲕⲣⲁⲛ ϣⲁ ⲉⲛⲉϩ ⲁⲩⲱ ϣⲁ ⲉⲛⲉϩ ⲛⲉⲛⲉϩ

2 ϯⲛⲁⲥⲙⲟⲩ ⲉⲣⲟⲕ ⲙⲙⲏⲛⲉ ⲙⲙⲏⲛⲉ ⲧⲁⲥⲙⲟⲩ ⲉⲡⲉⲕⲣⲁⲛ ϣⲁ ⲉⲛⲉϩ ⲁⲩⲱ

ϣⲁ ⲉⲛⲉϩ ⲛⲉⲛⲉϩ

3 ⲟⲩⲛⲟϭ ⲡⲉ ⲡϫⲟⲉⲓⲥ ⲉϥⲥⲙⲁⲙⲁⲁⲧ ⲉⲙⲁⲧⲉ ⲁⲩⲱ ⲙⲛ ϣⲓ ⲛⲧⲉϥⲙⲛⲧⲛⲟϭ

4 ⲟⲩⲛ ⲟⲩϫⲱⲙ ⲙⲛ ⲟⲩϫⲱⲙ ⲛⲁⲥⲙⲟⲩ ⲉⲛⲉⲕϩⲃⲏⲩⲉ ⲁⲩⲱ ⲛⲥⲉϫⲱ

ⲛⲧⲉⲕϭⲟⲙ

5 ⲁⲩⲱ ⲥⲉⲛⲁϫⲱ ⲙⲡⲥⲁ ⲙⲡⲉⲟⲟⲩ ⲛⲧⲉⲕⲙⲛⲧⲛⲟϭ ⲥⲉⲛⲁϣⲁϫⲉ

ⲉⲛⲉⲕϣⲡⲏⲣⲉ

6 ⲁⲩⲱ ⲛⲥⲉϫⲱ ⲛⲧϭⲟⲙ ⲛⲛⲉⲕϩⲟⲧⲉ ⲛⲥⲉϣⲁϫⲉ ⲉⲧⲉⲕⲙⲛⲧⲛⲟϭ











7 ⲛⲥⲉⲧⲁⲩⲟ ⲙⲡⲉⲕⲣ ⲡⲙⲉⲉⲩⲉ ϩⲙ ⲡⲁϣⲁⲓ ⲛⲧⲉⲕⲙⲛⲧⲭⲣⲏⲥⲧⲟⲥ

ⲛⲥⲉⲧⲉⲗⲏⲗ ϩⲛ ⲧⲉⲕⲇⲓⲕⲁⲓⲟⲥⲩⲛⲏ

8 ⲟⲩϣⲁⲛϩⲧⲏϥ ⲛⲛⲁⲏⲧ ⲡⲉ ⲡϫⲟⲉⲓⲥ ⲟⲩϩⲁⲣϣϩⲏⲧ ⲡⲉ ⲉⲛⲁϣⲉ ⲡⲉϥⲛⲁ

9 ⲟⲩⲭⲣⲏⲥⲧⲟⲥ ⲡⲉ ⲡϫⲟⲉⲓⲥ ϩⲛ ϩⲱⲃ ⲛⲓⲙ ⲁⲩⲱ ⲛⲉϥⲙⲛⲧϣⲁⲛϩⲧⲏϥ ⲉϫⲛ

ⲛⲉϥϩⲃⲏⲩⲉ ⲧⲏⲣⲟⲩ

10 ⲙⲁⲣⲉⲛⲉⲕϩⲃⲏⲩⲉ ⲧⲏⲣⲟⲩ ⲡϫⲟⲉⲓⲥ ⲟⲩⲱⲛϩ ⲛⲁⲕ ⲉⲃⲟⲗ ⲁⲩⲱ

ⲛⲉⲕⲡⲉⲧⲟⲩⲁⲁⲃ ⲙⲁⲣⲟⲩⲥⲙⲟⲩ ⲉⲣⲟⲕ

11 ⲥⲉⲛⲁϫⲱ ⲙⲡⲉⲟⲟⲩ ⲛⲧⲉⲕⲙⲛⲧⲉⲣⲟ ⲥⲉⲛⲁϣⲁϫⲉ ⲉⲡⲉⲟⲟⲩ ⲛⲧⲉⲕϭⲟⲙ

12 ⲉⲧⲁⲙⲉ ⲛϣⲏⲣⲉ ⲛⲛⲣⲱⲙⲉ ⲉⲧⲉⲕϭⲟⲙ ⲁⲩⲱ ⲡⲉⲟⲟⲩ ⲛⲧⲁⲙⲛⲧⲛⲟϭ

ⲛⲧⲉⲕⲙⲛⲧⲉⲣⲟ

13 ⲧⲉⲕⲙⲛⲧⲉⲣⲟ ⲟⲩⲙⲛⲧⲉⲣⲟ ⲧⲉ ⲉⲥϣⲟⲟⲡ ϣⲁ ⲛⲓⲉⲛⲉϩ ⲧⲏⲣⲟⲩ ⲁⲩⲱ

ⲧⲉⲕⲙⲛⲧϫⲟⲉⲓⲥ ϣⲁ ϫⲱⲙ ⲛⲓⲙ ⲛϫⲱⲙ ⲟⲩⲡⲓⲥⲧⲟⲥ ⲡⲉ ⲡϫⲟⲉⲓⲥ ϩⲛ

ⲛⲉϥϣⲁϫⲉ ⲁⲩⲱ ϥⲟⲩⲁⲁⲃ ϩⲛ ⲛⲉϥϩⲃⲏⲩⲉ ⲧⲏⲣⲟⲩ

14 ⲡϫⲟⲉⲓⲥ ⲧⲁϫⲣⲟ ⲛⲟⲩⲟⲛ ⲛⲓⲙ ⲉⲧϩⲏⲩ ⲁⲩⲱ ϥⲧⲁϩⲟ ⲉⲣⲁⲧⲟⲩ ⲛⲟⲩⲟⲛ

ⲛⲓⲙ ⲉⲛⲧⲁⲩⲣⲁϩⲧⲟⲩ

15 ⲉⲣⲉⲛⲃⲁⲗ ⲛⲟⲩⲟⲛ ⲛⲓⲙ ϭⲱϣⲧ ⲉⲃⲟⲗ ϩⲏⲧⲕ ⲁⲩⲱ ⲛⲧⲟⲕ ⲉⲧⲛⲁϯϩⲣⲉ

ⲛⲁⲩ ⲙⲡⲉⲟⲩⲟⲉⲓϣ

16 ⲕⲛⲁⲟⲩⲱⲛ ⲛⲧⲉⲕϭⲓϫ ⲛⲅⲧⲥⲓⲟ ⲛⲟⲩⲟⲛ ⲛⲓⲙ ϩⲙ ⲡⲉⲕⲟⲩⲱϣ

17 ⲟⲩⲇⲓⲕⲁⲓⲟⲥ ⲡⲉ ⲡϫⲟⲉⲓⲥ ϩⲛ ⲛⲉϥϩⲓⲟⲟⲩⲉ ⲧⲏⲣⲟⲩ ⲁⲩⲱ ϥⲟⲩⲁⲁⲃ ϩⲛ

ⲛⲉϥϩⲃⲏⲩⲉ ⲧⲏⲣⲟⲩ












18 ⲡϫⲟⲉⲓⲥ ϩⲏⲛ ⲉϩⲟⲩⲛ ⲉⲟⲩⲟⲛ ⲛⲓⲙ ⲉⲧⲱϣ ⲉϩⲣⲁⲓ ⲟⲩⲃⲏϥ ⲟⲩⲟⲛ ⲛⲓⲙ

ⲉⲧⲱϣ ⲉϩⲣⲁⲓ ⲉⲣⲟϥ ϩⲛ ⲟⲩⲙⲉ

19 ϥⲛⲁⲣ ⲡⲟⲩⲱϣ ⲛⲟⲩⲟⲛ ⲛⲓⲙ ⲉⲧⲣ ϩⲟⲧⲉ ϩⲏⲧϥ ⲁⲩⲱ ϥⲛⲁⲥⲱⲧⲙ

ⲉⲡⲉⲩⲥⲟⲡⲥ ⲛϥⲧⲟⲩϫⲟⲟⲩ

20 ⲡϫⲟⲉⲓⲥ ⲛⲁϩⲁⲣⲉϩ ⲉⲟⲩⲟⲛ ⲛⲓⲙ ⲉⲧⲙⲉ ⲙⲙⲟϥ ⲁⲩⲱ ⲛⲁϥⲱⲧⲉ ⲉⲃⲟⲗ

ⲛⲛⲣⲉϥⲣⲛⲟⲃⲉ ⲧⲏⲣⲟⲩ

21 ⲧⲁⲧⲁⲡⲣⲟ ⲛⲁϫⲱ ⲙⲡⲉⲥⲙⲟⲩ ⲙⲡϫⲟⲉⲓⲥ ⲙⲁⲣⲉⲥⲁⲣⲝ ⲛⲓⲙ ⲥⲙⲟⲩ

ⲉⲡⲉϥⲣⲁⲛ ⲉⲧⲟⲩⲁⲁⲃ ϣⲁ ⲉⲛⲉϩ ⲁⲩⲱ ϣⲁ ⲉⲛⲉϩ ⲛⲉⲛⲉϩ

22

Psalm 145

1 ⲁⲗⲗⲏⲗⲟⲩⲓⲁ ⲡⲁ ⲁⲅⲅⲁⲓⲟⲥ ⲙⲛ ⲍⲁⲭⲁⲣⲓⲁⲥ ⲧⲁⲯⲩⲭⲏ ⲥⲙⲟⲩ


2 ϯⲛⲁⲥⲙⲟⲩ ⲉⲡϫⲟⲉⲓⲥ ϩⲙ ⲡⲁⲱⲛϩ ϯⲛⲁⲯⲁⲗⲗⲉⲓ ⲉⲡⲁⲛⲟⲩⲧⲉ ϩⲟⲥⲟⲛ

ϯϣⲟⲟⲡ

3 ⲙⲡⲣ ⲛⲁϩⲧⲉ ⲉⲁⲣⲭⲱⲛ ⲟⲩⲇⲉ ⲉϣⲏⲣⲉ ⲛⲣⲱⲙⲉ ⲛⲁⲓ ⲉⲧⲉⲙⲛⲧⲟⲩ ⲟⲩϫⲁⲓ

4 ϣⲁⲣⲉⲡⲉⲩⲡⲛⲉⲩⲙⲁ ⲉⲓ ⲉⲃⲟⲗ ⲛϩⲏⲧⲟⲩ ⲛⲥⲉⲕⲟⲧⲟⲩ ⲉⲡⲉⲕⲁϩ ϩⲙ

ⲡⲉϩⲟⲟⲩ ⲉⲧⲙⲙⲁⲩ ⲥⲉⲛⲁⲧⲁⲕⲟ ⲛϭⲓ ⲛⲉⲩⲙⲉⲉⲩⲉ ⲧⲏⲣⲟⲩ

5 ⲛⲁⲓⲁⲧϥ ⲙⲡⲉⲧⲉ ⲡⲉϥⲃⲟⲏⲑⲟⲥ ⲡⲉ ⲡⲛⲟⲩⲧⲉ ⲛⲓⲁⲕⲱⲃ ⲁⲩⲱ

ⲉⲣⲉⲧⲉϥϩⲉⲗⲡⲓⲥ ⲉϫⲙ ⲡϫⲟⲉⲓⲥ ⲡⲉϥⲛⲟⲩⲧⲉ

6 ⲡⲉⲛⲧⲁϥⲧⲁⲙⲓⲉ ⲧⲡⲉ ⲙⲛ ⲡⲕⲁϩ ⲧⲉⲑⲁⲗⲁⲥⲥⲁ ⲙⲛ ⲛⲉⲧⲛϩⲏⲧⲥ ⲧⲏⲣⲟⲩ












ⲡⲉⲧϩⲁⲣⲉϩ ⲉⲧⲉϥⲙⲉ ϣⲁ ⲉⲛⲉϩ

7 ⲉⲧⲉⲓⲣⲉ ⲙⲡϩⲁⲡ ⲛⲛⲉⲧϫⲏⲩ ⲛϭⲟⲛⲥ ⲡⲉⲧϯϩⲣⲉ ⲛⲛⲉⲧϩⲕⲁⲉⲓⲧ ⲡϫⲟⲉⲓⲥ

ⲛⲁⲃⲱⲗ ⲉⲃⲟⲗ ⲛⲛⲉⲧⲙⲏⲣ

8 ⲡϫⲟⲉⲓⲥ ⲛⲁⲥⲟⲟϩⲉ ⲉⲛⲉⲧϩⲏⲩ ⲡϫⲟⲉⲓⲥ ⲛⲁⲧⲥⲁⲃⲉ ⲛⲃⲗⲗⲉ ⲡϫⲟⲉⲓⲥ ⲙⲛ

ⲛⲛⲇⲓⲕⲁⲓⲟⲥ

9 ⲡϫⲟⲉⲓⲥ ϩⲁⲣⲉϩ ⲉⲛⲉⲡⲣⲟⲥⲏⲗⲩⲧⲟⲥ ϥⲛⲁϣⲱⲡ ⲉⲣⲟϥ ⲙⲡⲟⲣⲫⲁⲛⲟⲥ ⲙⲛ

ⲧⲉⲭⲏⲣⲁ ⲛϥⲧⲁⲕⲟ ⲛⲧⲉϩⲓⲏ ⲛⲛⲣⲉϥⲣⲛⲟⲃⲉ

10 ⲡϫⲟⲉⲓⲥ ⲛⲁⲣⲣⲣⲟ ϣⲁ ⲉⲛⲉϩ ⲡⲟⲩⲛⲟⲩⲧⲉ ⲥⲓⲱⲛ ⲛϣⲁ ⲟⲩϫⲱⲙ ⲙⲛ

ⲟⲩϫⲱⲙ

Psalm 146

1 ⲁⲗⲗⲏⲗⲟⲩⲓⲁ ⲥⲙⲟⲩ ⲉⲡϫⲟⲉⲓⲥ ϫⲉ ⲛⲁⲛ ⲟⲩⲯⲁⲗⲙⲟⲥ ⲡⲉⲥⲙⲟⲩ

ⲉϥϩⲏⲇⲁⲛⲉ ⲙⲡⲉⲛⲛⲟⲩⲧⲉ

2 ⲡϫⲟⲉⲓⲥ ⲡⲉⲧⲕⲱⲧ ⲛⲧϩⲓⲉⲣⲟⲩⲥⲁⲗⲏⲙ ⲉϥⲥⲱⲟⲩϩ ⲉϩⲟⲩⲛ ⲙⲡϫⲱⲱⲣⲉ

ⲉⲃⲟⲗ ⲙⲡⲓⲥⲣⲁⲏⲗ

3 ⲡⲉⲧⲧⲁⲗϭⲟ ⲛⲛⲉⲧⲟⲩⲟϣϥ ϩⲛ ⲡⲉⲩϩⲏⲧ ⲉⲧⲙⲟⲩⲣ ⲛⲛⲉⲩⲥⲁϣ

4 ⲡⲉⲧⲱⲡ ⲙⲡⲙⲏⲏϣⲉ ⲛⲛⲥⲓⲟⲩ ⲉⲧϯⲣⲁⲛ ⲉⲣⲟⲟⲩ ⲧⲏⲣⲟⲩ

5 ⲟⲩⲛⲟϭ ⲡⲉ ⲡϫⲟⲉⲓⲥ ⲁⲩⲱ ⲟⲩⲛⲟϭ ⲧⲉ ⲧⲉϥϭⲟⲙ ⲁⲩⲱ ⲙⲛ ϣⲓ

ⲛⲧⲉϥⲙⲛⲧⲣⲙⲛϩⲏⲧ

6 ⲡϫⲟⲉⲓⲥ ⲡⲉⲧϥⲓ ⲉϩⲣⲁⲓ ⲛⲛⲣⲙⲣⲁϣ ⲁⲩⲱ ⲉⲧⲑⲃⲃⲓⲟ ⲛⲛⲣⲉϥⲣⲛⲟⲃⲉ ϣⲁ

ⲡⲕⲁϩ











7 ⲁⲣⲓ ϩⲓϩⲏ ⲙⲡϫⲟⲉⲓⲥ ϩⲛ ⲟⲩⲱⲛϩ ⲉⲃⲟⲗ ⲯⲁⲗⲗⲉⲓ ⲉⲡⲉⲛⲛⲟⲩⲧⲉ ϩⲛ

ⲟⲩⲕⲓⲑⲁⲣⲁ

8 ⲡⲉⲛⲧⲁϥϭⲉⲗⲉⲧ ⲡⲉ ϩⲛ ϩⲉⲛⲕⲗⲟⲟⲗⲉ ⲡⲉⲛⲧⲁϥⲥⲃⲧⲉ ⲟⲩϩⲱⲟⲩ ⲙⲡⲕⲁϩ

ⲡⲉⲧϯ ⲟⲩⲱ ⲛⲟⲩⲭⲟⲣⲧⲟⲥ ϩⲛ ⲛⲧⲟⲟⲩ

9

10 ⲉⲧϯ ϩⲣⲉ ⲛⲛⲉⲩⲧⲃⲛⲟⲟⲩⲉ ⲙⲛ ⲙⲙⲁⲥ ⲛⲁⲃⲱⲕ ⲉⲧⲱϣ ⲉϩⲣⲁⲓ ⲉⲣⲟϥ

11 ⲙⲉϥⲟⲩⲱϣ ϩⲛ ⲧϭⲟⲙ ⲙⲡⲉϩⲧⲟⲛ ⲙⲉϥⲱⲕ ⲛϩⲏⲧ ϩⲛ ⲛⲥⲏϥⲉ ⲛⲣⲁⲧϥ

ⲙⲡⲣⲱⲙⲉ

Psalm 147

ⲉϩⲛⲉ ⲡϫⲟⲉⲓⲥ ϩⲛ ⲛⲉⲧⲣ ϩⲏⲧϥ ϩⲟⲧⲉ ⲙⲛ ⲛⲉⲧϩⲉⲗⲡⲓⲍⲉ ⲉⲡⲉϥⲛⲁ

1 ⲁⲗⲗⲏⲗⲟⲩⲓⲁ ⲡⲁ ⲁⲅⲁⲓⲟⲥ ⲙⲛ ⲍⲁⲭⲁⲣⲓⲁⲥ ⲧϩⲓⲉⲣⲟⲩⲥⲁⲗⲏⲙ ⲧⲁⲉⲓ

ⲉⲡϫⲟⲉⲓⲥ ⲥⲓⲱⲛ ⲥⲙⲟⲩ ⲉⲡⲟⲩⲛⲟⲩⲧⲉ

2 ϫⲉ ⲁϥⲧⲁϫⲣⲉ ⲙⲙⲟⲭⲗⲟⲥ ⲛⲛⲟⲩⲡⲩⲗⲏ ⲁϥⲥⲙⲟⲩ ⲉⲛⲟⲩϣⲏⲣⲉ ⲛϩⲏⲧⲉ

3 ⲡⲉⲛⲧⲁϥⲕⲱ ⲛⲛⲟⲩⲧⲟϣ ⲉⲩⲉⲓⲣⲏⲛⲏ ⲉⲁϥⲧⲥⲓⲟ ⲙⲡⲱⲧ ⲙⲡⲉⲥⲟⲩⲟ

4 ⲡⲉⲧϫⲟⲟⲩ ⲙⲡⲉϥϣⲁϫⲉ ⲉⲡⲕⲁϩ ⲡⲉϥϣⲁϫⲉ ⲛⲁⲡⲱⲧ ϩⲛ ⲟⲩϭⲉⲡⲏ

5 ⲡⲉⲧϯ ⲛⲟⲩⲭⲓⲱⲛ ⲛⲧϩⲉ ⲛⲟⲩⲥⲟⲣⲧ ⲉϥⲡⲁⲥⲥⲉ ⲙⲡⲛⲓϥ ⲛⲧϩⲉ ⲛⲟⲩⲕⲓⲙⲉⲥ

6 ⲉϫⲛⲟⲩϫⲉ ⲙⲡⲉⲕⲣⲩⲥⲧⲁⲗⲗⲟⲥ ⲛⲧϩⲉ ⲛⲟⲩⲯⲱⲙⲟⲥ ⲛⲓⲙ ⲡⲉⲧⲛⲁϣⲁϩ

ⲉⲣⲁⲧϥ ⲛⲛⲁϩⲣⲙ ⲡⲉϥϫⲁϥ

7 ⲡⲉϥⲧⲏⲩ ⲛⲁⲛⲓϥⲉ ⲛⲧⲉ ⲙⲙⲟⲟⲩ ϣⲟⲩⲟ

8 ⲡⲉⲧϫⲱ ⲙⲡⲉϥϣⲁϫⲉ ⲉⲓⲁⲕⲱⲃ ⲛⲉϥⲇⲓⲕⲁⲓⲱⲙⲁ ⲙⲛ ⲛⲉϥϩⲁⲡ ⲉⲡⲓⲥⲣⲁⲏⲗ














9 ⲙⲡϥⲉⲓⲣⲉ ⲛⲧⲉⲓϩⲉ ⲛϩⲉⲑⲛⲟⲥ ⲛⲓⲙ ⲁⲩⲱ ⲙⲡϥⲧⲁⲙⲟⲟⲩ ⲉⲛⲉϥϩⲁⲡ

10

11

12

13

14

15

16

17

18

19

20

Psalm 148

1 ⲁⲗⲗⲏⲗⲟⲩⲓⲁ ⲡⲁⲅⲅⲁⲓⲟⲥ ⲙⲛ ⲍⲁⲭⲁⲣⲓⲁⲥ ⲥⲙⲟⲩ ⲉⲡϫⲟⲉⲓⲥ ⲉⲃⲟⲗ ϩⲛ

ⲙⲡⲏⲩⲉ ⲥⲙⲟⲩ ⲉⲣⲟϥ ⲉⲃⲟⲗ ϩⲛ ⲛⲉⲧϫⲟⲥⲉ

2 ⲥⲙⲟⲩ ⲉⲣⲟϥ ⲛⲉϥⲁⲅⲅⲉⲗⲟⲥ ⲧⲏⲣⲟⲩ ⲥⲙⲟⲩ ⲉⲣⲟϥ ⲛⲉϥϭⲟⲙ ⲧⲏⲣⲟⲩ

3 ⲥⲙⲟⲩ ⲉⲣⲟϥ ⲡⲣⲏ ⲙⲛ ⲡⲟⲟϩ ⲛⲥⲓⲟⲩ ⲧⲏⲣⲟⲩ ⲙⲛ ⲛⲟⲩⲟⲉⲓⲛ ⲥⲙⲟⲩ ⲉⲣⲟϥ

4 ⲙⲡⲏⲩⲉ ⲛⲙⲡⲏⲩⲉ ⲥⲙⲟⲩ ⲉⲣⲟϥ ⲙⲁⲣⲉⲙⲙⲟⲟⲩ ⲉⲧϩⲛ ⲧⲡⲉ ⲛⲙⲡⲏⲩⲉ

ⲥⲙⲟⲩ ⲉⲡⲣⲁⲛ ⲙⲡϫⲟⲉⲓⲥ

5 ϫⲉ ⲛⲧⲟϥ ⲡⲉⲛⲧⲁϥϫⲟⲟⲥ ⲁⲩⲱ ⲁⲩϣⲱⲡⲉ ⲛⲧⲟϥ ⲡⲉⲛⲧⲁϥϩⲱⲛ ⲁⲩⲱ

ⲁⲩⲥⲱⲛⲧ

6 ⲁϥⲧⲁϩⲟⲟⲩ ⲉⲣⲁⲧⲟⲩ ϣⲁ ⲉⲛⲉϩ ⲁⲩⲱ ϣⲁ ⲉⲛⲉϩ ⲛⲉⲛⲉϩ ⲁϥⲕⲁⲁⲩ

ⲛⲟⲩⲡⲣⲟⲥⲧⲁⲅⲙⲁ ⲛⲛⲉⲩⲉⲓⲛⲉ



















7 ⲥⲙⲟⲩ ⲉⲡϫⲟⲉⲓⲥ ⲉⲃⲟⲗ ϩⲙ ⲡⲕⲁϩ ⲛⲉⲇⲣⲁⲕⲟⲛ ⲙⲛ ⲛⲛⲟⲩⲛ ⲧⲏⲣⲟⲩ

8 ⲡⲕⲱϩⲧ ⲧⲉⲭⲁⲗⲁⲥⲍⲁ ⲡⲉⲭⲓⲱⲛ ⲙⲛ ⲡⲉⲕⲣⲩⲥⲧⲁⲗⲗⲟⲥ ⲡⲉⲡⲛⲉⲩⲙⲁ

ⲛⲧϩⲁⲧⲏⲩ ⲉⲧⲉⲓⲣⲉ ⲙⲡⲉϥϣⲁϫⲉ

9 ⲛⲧⲟⲩⲉⲓⲏ ⲙⲛ ⲛⲥⲓⲃⲧ ⲧⲏⲣⲟⲩ ⲛϣⲏⲛ ⲉⲧϯⲕⲁⲣⲡⲟⲥ ⲙⲛ ⲛⲕⲉⲇⲣⲟⲥ

10 ⲛⲉⲑⲏⲣⲓⲟⲛ ⲙⲛ ⲛⲧⲃⲛⲟⲟⲩⲉ ⲧⲏⲣⲟⲩ ⲛϫⲁⲧϥⲉ ⲙⲛ ⲛϩⲁⲗⲁⲧⲉ

11 ⲛⲉⲣⲣⲱⲟⲩ ⲙⲛ ⲡⲕⲁϩ ⲙⲛ ⲗⲁⲟⲥ ⲛⲓⲙ ⲛⲁⲣⲭⲱⲛ ⲙⲛ ⲛⲣⲉϥϯϩⲁⲡ

ⲧⲏⲣⲟⲩ ⲙⲡⲕⲁϩ

12 ⲛϩⲣϣⲓⲣⲉ ⲙⲛ ⲙⲡⲁⲣⲑⲉⲛⲟⲥ ⲛϩⲗⲗⲟ ⲙⲛ ⲛϣⲏⲣⲉ ϣⲏⲙ

13 ⲙⲁⲣⲟⲩⲥⲙⲟⲩ ⲧⲏⲣⲟⲩ ⲙⲡⲣⲁⲛ ⲙⲡϫⲟⲉⲓⲥ ϫⲉ ⲁⲡⲉϥⲣⲁⲛ ϫⲓⲥⲉ ⲙⲁⲩⲁⲁϥ

ⲁⲩⲱ ⲡⲉϥⲟⲩⲱⲛϩ ⲉⲃⲟⲗ ⲉϫⲙ ⲡⲕⲁϩ ⲙⲛ ⲧⲡⲉ

14 ϥⲛⲁϫⲓⲥⲉ ⲙⲡⲧⲁⲡ ⲙⲡⲉϥⲗⲁⲟⲥ ⲡⲁⲓ ⲡⲉ ⲡⲉⲥⲙⲟⲩ ⲛⲛⲉϥⲡⲉⲧⲟⲩⲁⲁⲃ

ⲧⲏⲣⲟⲩ ⲛϣⲏⲣⲉ ⲙⲡⲓⲥⲣⲁⲏⲗ ⲡⲗⲁⲟⲥ ⲉⲧϩⲏⲛ ⲉⲣⲟϥ

Psalm 149

1 ⲁⲗⲗⲏⲗⲟⲩⲓⲁ ϫⲱ ⲉⲡϫⲟⲉⲓⲥ ⲛⲟⲩϫⲱ ⲛⲃⲣⲣⲉ ⲡⲉϥⲥⲙⲟⲩ ϩⲛ ⲧⲉⲕⲕⲗⲏⲥⲓⲁ

ⲛⲛⲉⲧⲟⲩⲁⲁⲃ

2 ⲙⲁⲣⲉⲡⲓⲥⲣⲁⲏⲗ ⲉⲩⲫⲣⲁⲛⲉ ⲉϫⲙ ⲡⲉⲛⲧⲁϥⲧⲁⲙⲓⲟϥ ⲙⲣⲉ ⲛϣⲏⲣⲉ ⲛⲥⲓⲱⲛ

ⲛⲧⲉⲗⲏⲗ ⲉϫⲙ ⲡⲉⲩⲣⲣⲣⲟ

3 ⲙⲁⲣⲟⲩⲥⲙⲟⲩ ⲉⲡⲣⲁⲛ ⲉⲡϫⲟⲉⲓⲥ ϩⲛ ⲟⲩⲭⲟⲣⲟⲥ ⲙⲁⲣⲟⲩⲯⲁⲗⲗⲉⲓ ⲉⲣⲟϥ

ϩⲛ ⲟⲩⲧⲩⲙⲡⲁⲛⲟⲛ ⲙⲛ ⲟⲩⲯⲁⲗⲧⲏⲣⲓⲟⲛ

4 ϫⲉ ⲉϩⲛⲉ ⲡϫⲟⲉⲓⲥ ϩⲙ ⲡⲉϥⲗⲁⲟⲥ ⲁⲩⲱ ϥⲛⲁϫⲓⲥⲉ ⲛⲛⲣⲙⲣⲁϣ ϩⲛ













ⲟⲩⲟⲩϫⲁⲓ

5 ⲛⲉⲧⲟⲩⲁⲁⲃ ⲛⲁϣⲟⲩϣⲟⲩ ⲙⲙⲟⲟⲩ ϩⲛ ⲟⲩⲉⲟⲟⲩ ⲁⲩⲱ ⲥⲉⲛⲁⲧⲉⲗⲏⲗ ϩⲓϫⲛ

ⲛⲉⲩϭⲗⲟϭ

6 ⲡϫⲓⲥⲉ ⲙⲡⲛⲟⲩⲧⲉ ϩⲛ ⲧⲉⲩϣⲟⲩⲱⲃⲉ ⲉⲣⲉϩⲉⲛⲥⲏϥⲉ ⲛϩⲟ ⲥⲛⲁⲩ ϩⲛ

ⲛⲉⲩϭⲓϫ

7 ⲉⲉⲓⲣⲉ ⲛⲟⲩⲕⲃⲁ ϩⲛ ⲛϩⲉⲑⲛⲟⲥ ϩⲉⲛϫⲡⲓⲟ ϩⲛ ⲛⲗⲁⲟⲥ

8 ⲉⲙⲟⲩⲣ ⲛϩⲉⲛⲉⲣⲱⲟⲩ ⲛϩⲉⲛⲡⲁⲓⲇⲁⲓⲥ ⲛⲉⲧϩⲁ ⲉⲟⲟⲩ ⲛⲧⲁⲩϩⲛ ϩⲉⲛⲉⲓⲛⲉ

ⲛϩⲟⲙⲛⲧ

9 ⲉⲉⲓⲣⲉ ⲛϩⲏⲧⲟⲩ ⲛⲟⲩϩⲁ ⲡⲉϥⲥⲏϩ ⲡⲁⲓ ⲡⲉ ⲡⲉⲟⲟⲩ ⲛⲛⲉϥⲡⲉⲧⲟⲩⲁⲁⲃ

ⲧⲏⲣⲟⲩ

Psalm 150

1 ⲁⲗⲗⲏⲗⲟⲩⲓⲁ ⲥⲙⲟⲩ ⲉⲡϫⲟⲉⲓⲥ ϩⲛ ⲛⲉϥⲡⲉⲧⲟⲩⲁⲁⲃ ⲥⲙⲟⲩ ⲉⲣⲟϥ ϩⲙ

ⲡⲉⲥⲧⲉⲣⲉⲱⲙⲁ ⲛⲧⲉϥϭⲟⲙ

2 ⲥⲙⲟⲩ ⲉⲣⲟϥ ϩⲙ ⲡⲧⲁϫⲣⲟ ⲛⲧⲉϥϭⲟⲙ ⲥⲙⲟⲩ ⲉⲣⲟϥ ϩⲙ ⲡⲁϣⲁⲓ

ⲛⲧⲉϥⲙⲛⲧⲛⲟϭ

3 ⲥⲙⲟⲩ ⲉⲣⲟϥ ϩⲛ ⲟⲩϩⲣⲟⲟⲩ ⲛⲥⲁⲗⲡⲓⲅⲝ ⲥⲙⲟⲩ ⲉⲣⲟϥ ϩⲛ ⲟⲩⲯⲁⲗⲧⲏⲣⲓⲟⲛ

ⲙⲛ ⲟⲩⲕⲓⲑⲁⲣⲁ

4 ⲥⲙⲟⲩ ⲉⲣⲟϥ ϩⲛ ⲟⲩⲧⲩⲙⲡⲁⲛⲟⲛ ⲙⲛ ⲟⲩⲭⲱⲣⲟⲥ ⲥⲙⲟⲩ ⲉⲡϫⲟⲉⲓⲥ ϩⲛ

ϩⲉⲛⲭⲟⲣⲧⲏ ⲙⲛ ϩⲉⲛⲟⲣⲅⲁⲛⲟⲛ

5 ⲥⲙⲟⲩ ⲉⲣⲟϥ ϩⲛ ϩⲉⲛϫⲓ ⲛⲉⲥⲉ ⲧⲟⲩⲥⲙⲏ ⲥⲙⲟⲩ ⲉⲣⲟϥ ϩⲛ ϩⲉⲛⲕⲩⲙⲃⲁⲗⲟⲛ











ⲛⲗⲟⲩⲗⲁⲓ

6 ⲙⲁⲣⲉ ⲛⲓϥⲉ ⲛⲓⲙ ⲥⲙⲟⲩ ⲉⲡⲣⲁⲛ ⲙⲡϫⲟⲉⲓⲥ ⲡⲉⲛⲛⲟⲩⲧⲉ ⲁⲗⲗⲏⲗⲟⲩⲓⲁ

Psalm 151

ⲡⲉⲯⲁⲗⲙⲟⲥ ⲛⲇⲁⲩⲉⲓⲇ

1 ⲡⲉⲯⲁⲗⲙⲟⲥ ⲛⲧⲁⲇⲁⲩⲉⲓⲇ ⲥⲁϩϥ ⲉⲧⲥⲟⲧϥ ⲉϥⲙⲡⲃⲟⲗ

ⲛⲧⲉⲡⲉⲛⲧⲉⲣⲉϥⲙⲓϣⲉ ⲙⲛ ⲅⲟⲗⲟⲁⲑ ⲛⲉ ⲁⲛⲅ ⲟⲩⲕⲟⲩⲓ ϩⲛ ⲛⲁⲥⲛⲏⲩ ⲉⲓⲥⲟⲃⲕ

ϩⲙ ⲡⲏⲓ ⲙⲡⲁⲉⲓⲱⲧ

2 ⲛⲁϭⲓϫ ⲁⲩⲧⲁⲙⲓⲟ ⲛⲟⲩⲟⲣⲁⲛⲟⲛ ⲛⲁⲧⲏⲏⲃⲉ ⲁⲩⲧⲱϣ ⲛⲟⲩⲯⲁⲗⲧⲏⲣⲓⲟⲛ

3 ⲛⲓⲙ ⲡⲉⲧⲛⲁϫⲓ ⲡⲟⲩⲱ ⲙⲡϫⲟⲉⲓⲥ ⲛⲧⲟϥ ⲡⲉ ⲡϫⲟⲉⲓⲥ ⲛⲧⲟϥ ⲉⲧⲥⲱⲧⲙ ⲉⲣⲟⲓ

4 ⲛⲧⲟϥ ⲡⲉⲛⲧⲁϥⲧⲛⲛⲟⲟⲩ ⲙⲡⲉϥⲁⲅⲅⲉⲗⲟⲥ ⲁϥϥⲓⲧ ϩⲛ ⲛⲉⲥⲟⲟⲩ ⲙⲡⲁⲉⲓⲱⲧ

ⲁϥⲧⲁϩⲥⲧ ⲙⲡⲛⲉϩ ⲙⲡⲉϥⲧⲱϩⲥ

5 ⲛⲁⲥⲛⲏⲩ ⲛⲉ ϩⲉⲛⲛⲟϭ ⲛⲉ ⲉⲛⲉⲥⲱⲟⲩ ⲁⲩⲱ ⲙⲡⲉⲡϫⲟⲉⲓⲥ ⲟⲩⲁϣⲟⲩ

6 ⲁⲓⲉⲓ ⲉⲃⲟⲗ ⲉⲧⲱⲙⲧ ⲉⲡⲁⲗⲗⲟⲫⲩⲗⲟⲥ ⲁⲩⲱ ⲁϥⲥⲁϩⲟⲩ ⲙⲙⲟⲓ ϩⲛ

ⲛⲉϥⲉⲓⲇⲱⲗⲟⲛ

7 ⲁⲛⲟⲕ ⲇⲉ ⲁⲓⲧⲉⲕⲙ ⲧⲉϥⲥⲏϥⲉ ⲛⲧⲟⲟⲧϥ ⲁⲓϥⲓ ⲛⲧⲉϥⲁⲡⲉ ⲁⲩⲱ ⲁⲓϥⲓ

ⲛⲟⲩⲛⲟϭⲛⲉϭ ⲉⲃⲟⲗ ϩⲛ ⲛϣⲏⲣⲉ ⲙⲡⲓⲥⲣⲁⲏⲗ ⲡϫⲱⲱⲙⲉ ⲛⲛⲉⲯⲁⲗⲙⲟⲥ










المزامير قبطي صعيدي - wordpress.com · ⲡⲉⲧϫⲓⲛϭⲟⲛⲥ...

Documents