SIGNOS MEYIS

1. BABA EYIOBE

REZO:

A la lecume nelecun nilecun ni koche, imán pororó, dímbele di agogo,

adifafun achinimá.

SUYERE: Achinimá, achinimá, iku funibuyema,

achinimá, achinimá, iku funibuyema.

2. BABA OYEKUN MEYI

REZO:

Ariku madagua, oyosin pororó, poro yajú, oni babalawo, adifafun obe.

SUYERE: Iku yemiló, iku yemiló yere, aron yemiló, aron yemiló yere.

3. BABA IWORI MEYI

REZO:

Oyiki yiki mayo mayo adifafun obereré kokoró, yevé lampe Changó.

SUYERE: Boro titi kokolode, boro titi kokolode,

boro titi kokolode, boro titi kokolode.

4. BABA ODI MEYI

REZO:

Achamarú madima, iku kodima, chen kuerimo adikotu ale, adifafun eya

tuto, oti molorubo, ni kaferefun Yemaya.

SUYERE: Atí motí motiré, mama yiki, mama yiki,

atí motí motiré, mama yiki, mama yiki.

5. BABA IROSO MEYI

ACCION:

Se abren los ojos con los dedos de las manos.

REZO:

Abari taní aguandala osha, afefe koriña kosi mala, adifafun Olokun

yegua Osun, ni adifafun eshu.

SUYERE: Olofin loriyeo, modupue olorun,

Olofin loriyeo, modupue olorun

6. BABA OJUANI MEYI

ACCION:

Se traquean los dedos de la mano derecha hacia arriba.

REZO:

Iku fawa pororó aguiti ifa, mama forosile ifa, ni kaferefun alakema, ni

kaferefun Obatala.

SUYERE: Agangara omo olodumare, agangara omo olodumare, ariku

lowao, omo olodumare, agangara omo olodumare.

7. BABA OBARA MEYI

ACCION:

Se hace como si se estuviera cargando un bebé.

REZO:

Eye bara, oni bara, kikate awo, adifafun Olokun ni kaferefun elekete.

SUREYE: Obara do kikate, afeyu weye kikate awo,

obara do kikate, afeyu weye kikate awo

8. BABA OKANA MEYI

ACCION:

Se cruzan los dedos de las manos tres veces.

REZO:

Chakuto ma chaguala oyó, fetambe di seran oyó, fotan akuko.

SUYERE: Eshi bi akata shureo, eshi akata shureo, eshi bi akata

shureo.

9. BABA OGUNDA MEYI

ACCION:

Se hace como si se estuviera sacando punta de un dedo con otro.

REZO:

Keteye onche iya ifa ni kaferefun a la iboru, a la iboya, a la ibocheche,

Ochanlá Odudua.

SUREYE: Erosi, baba karele, baba karele, magulenguo awo.

Erosi, baba karele, baba karele, magulenguo awo.

10. BABA OSA MEYI

ACCION:

Se echa viento para atrás tres veces con las manos hacia arriba, luego se

manda a parar a la persona y se le dice que se limpie con el Ebbo

mientras el Awo canta el suyere del sarayeye.

REZO:

Orunla di fayoko, lodafun oke, baba froche froche, abragara ni cofa

nibala adifafun Agallú ni Oyá, ni kaferefun Obatala, ni kaferefun

Shangó, adifafun eu, ni kaferefun sarayeye.

SUYERE: Sarayeye baku unlo sarayeye iku unlo.

Sarayeye baku unlo sarayeye aron unlo.

Sarayeye baku unlo sarayeye eyo, ofo unlo

11. BABA IKA MEYI

ACCION:

Se cierra el tablero y se echa ache al Ebbo.

REZO:

Ika ni ika obete meyi guayo koko ifa, ni kaferefun elebute.

SUYERE: Mama yokota, mama yokota, oromi mama yokota,

oromi. Mama yokota, mama yokota, oromi mama yokota,

oromi. Adifafun elebute.

12. BABA OTRUPON MEYI

ACCION:

Se echa miel de abeja al Ebbo.

REZO:

Baba Otropun Meyi gekua jei atoro toro chequere ni papo olwo pami,

oyubona pami, adifafun oñi.

SUYERE: Oñiñi lachoro ñio, oñiñi lachoro ñio, oñiñi lachoro ñio,

oñiñi lachoro ñio, oñi ferula choro egun, oñiñi lachoro ñio.

13. BABA OTURA MEYI

ACCION:

Se traquean los dedos de la mano derecha hacia arriba.

REZO:

Asegunda ifa imale adifafun moresungo ifa, ni kaferefun nangareo, sala

malekun, malekun sala, ni kaferefun Shango.

SUYERE: Nangare nangare, nangareo, ifa imale, nangareo, olorun

imale, nangareo.

14. BABA IRETE MEYI

ACCION:

Se tocan las dos rodillas con los puños cerrados de lado del dedo

meñique.

REZO:

Eyele embere akarore ifa kaferefun aproye, omo Oshun, omo Orunmila,

adifafun ariku manigua.

SUREYE: Ariku manigua, ariku manigua, oniki baku odideo, awo

ariku manigua, Oche minie, oche minie.

Ariku manigua, ariku manigua, oniki baku odideo, awo

ariku manigua.

15. BABA OSHE MEYI

ACCION:

Se pasan las manos tres veces por la cabeza.

REZO:

Oshe moloku moloku cuñó loshe adifafun akatambo, yalorde mayao

SUYERE: Chen chen olokuo, yalode mayao

Chen chen olokuo, yalode mayao

16. BABA OFUN MEYI

ACCION:

Se vira la cara hacia la izquierda y hacia la derecha.

REZO:

Efun mafun egun, ni kaferefun Oshanlá, ni kaferefun Odudua.

SUYERE: Baba fururu, ere ereo, okañeñe eleri ibo, eleri ifa oba

sibasao, eyi borere basibao, eru aye awao, eyawa lourn, lese

kan.