EPISODE 20- “A Truly Positive Outlook”

Written by ADONG Lucy Judith

SCENE I

LOCATION: TITUS AND BETTY’S HOME-NIGHT

B/G SFX: DISTANT CARS DRIVING BY

CHARACTERS: TITUS, BETTY

MILDRED: (AS NARRATOR) Kiwaco ni pe tye ot ma pe cwer.Ka ineno ki woko itamo ni Titus gini Betty gubedo jo ma bedo pe ki peko.Titus timo tic me lenyo nyonyo cok ki kama dano kuru iye taxi.Betty kono cato i dukan dok gin aryo ni ka iribo cene maginongo kacel,cii twero miyo gi kacel ki nyar gi Michele kwo mayot ka iporo ki pa jo mukene i Bukulu.Ento kwo gi onongo pe ber tutwal kit ma ineno gi kwede….…

SFX: CLOTHES HANGERS AND BOXES FALLING. BETTY IS SEARCHING THROUGH CLOTHES, TITUS IS ALREADY ON THE BED

BETTY: (ON MIC) Aaac!.

TITUS: (OFF MIC) Betty itye ka timo ngo?Bin ika butu.

BETTY: Omyero ayub bongo pa Michele ,wek pe oyel wiya diki.

TITUS: (AWAY FROM MIC) Abi konyi diki odiko.Bin dong ika butu.

BETTY: Enoni aye gin ma iwaco nino ducu.Ka diki oo ci ilaaro cito i tic kit ma itimo i nino ducu ni ‘cawa okato,lucatwil tye ka kura’

TITUS: Dong itye ka ywayo bongi ma iketto gi ataa ikabedo ducu.

BETTY: (SHE STARTS PICKING UP THE CLOTHES SHE HAS DROPPED) Pe amito cako yenyo uniform ki sokci pa Michele odiko ma omyero ayube wek aoo itic con.

TITUS: Itye ka para nono.

BETTY: Latin anyaka wa obi donyo i P. 1, Titus. Pe amito obed ki lworo onyo wiye onywene.

TITUS: Angeyo atir ni enoni pe obi time.1

BETTY: Ingeyo nining ni obitime kumeno?En onongo omyero ocak kwan i ceng baraja ento pe anongo kare idog tic.

TITUS: Pe ikok kumeno,latona,Angeyo atir ni en pwod pe okeng jami mapol.En pwud tye i P.1 keken.

BETTY: (SIGHS, SHE MOVES TO BED) Meno obedo aloka loka madit ite, Titus. I nino ne me acaki!En pe obi yee ni aweke…I gang kwan madit kumeno.

TITUS: (BOTH ON MIC) Kwo tye ki lworo.Ento en obi ngii iye,en anyaka ma ryek .Bin dong wek wanin oo.

SFX: BED SQUEAKING

BETTY: Abyeko ni itye ka waco lok adaa. (YAWNS) Lakodi longe ni obi neka oo,Timo jami pa Michele med ki tic.

TITUS: Betty, latona,pe ineno ni pol jo ot ma mwaka gi rom kwed wa dong gitye ki lutino 2 onyo 3?

BETTY: Lubanga na! Ma an atye ka winyo twon oolo ki gwoko Michele!

TITUS: (GIGGLES) Longe ni obibalo kare ne ki temo neki.Anyomo dako ma kome tek.

BETTY: I lok adaa Titus,atye ki lworo.Macocoki anongo aburu pi lakodi lon-nge ni.

TITUS: Dong aniang,lato na.Ento teme pe me tamo ne tutwal.Dong itye maber ,pe kumeno?

BETTY: Eyo dok amito obed kumeno.

TITUS: (SIGHS) Ikine kare ni ibedo ka gale kono ka timo ngo dok ibino ika butu ma nongo cawa dong okato.

BETTY: Tic pa dako pe tum wang ma jami weng otum.

TITUS: Angeyo ,cii ngo ma otimo kwo wa me butu ma yam wa tye kwede ni.

BETTY: Ojoone,pe dok rac tutwal.Miti aye nen dwong ikomi.

TITIUS: Pi in keken. (THEY LAUGH)

BETTY: Kit ma omyero obed kwede.

2

TITUS: Ingeyo ba latona,Nen calo omyero wanong latin mukene…ki dok bene dong aool ki tic ki condom idye wor weng.

BETTY: Cii ngo madong imito wa tim?

TITUS: (GRABBING HER) Wacit wek wa winy mit pa kwo.

BETTY: Ingeyo maber ni omyero wa tii ki condom ikare ducu.

TITUS: Angeyo .Ento ikare mukene…….

BETTY: Sssh. Ingeyo ni pe wa twero.Wan watye ki kwidi jonyo.Wiyi poo ikom gin ma daktar owaco.Ni wa twero kobo two ikin wa ka wa butu imit labongo genge.

SFX: MUSIC TRANSITION UP AND SLOWLY FADES OUT

SCENE II

LOCATION: TITUS AND BETTY’S LIVING ROOM-MORNING

B/G SFX: SOFT RADIO MUSIC, DISTANT CARS DRIVING BY

CHARACTERS: TITUS, BETTY, MICHELE

SFX: CLATTERING CUTLERY, SEVERAL MOVEMENTS

BETTY: (APPROACHING MIC) Dano ducu dong gutyeko nongo cam me odiko?

TITUS: Atyeko, jal.Apwoyo.

MICHELE: An bene, mumy.

BETTY: (ON MIC) Gam ene Michele, Eni me acama icawa me yweyo.Pe ipar ibi nongo jami mapol ma yomo cwinyi kunu.

MICHELE: Cii ka gu buura kono, mummy?

BETTY: Pe i par lapal cwinya,Pe tye ngat ma obi buuri,iwinyo.

TITUS: Lapal cwinya,ineno war gumboot-ta kamo?

BETTY: Iot butu.

MICHELE: Daddy sweater na.

3

TITUS: (MOVING FROM MIC) Kur kong manok Michele,Wek akwany gumboot -ta.

BETTY: Michele lapal cwinya, Ngo marac ki Sweater ni?

MICHELE: Amito daddy okonya ki ruku ne.

TITUS: (OFF MIC) Pe aneno gi, lato na.

BETTY: (CALLING OUT) Ite kitanda.

TITUS: (OFF MIC) Aneno gi.Apwoyo.

BETTY: Wek akonyi ki ruku sweater, Michele.

MICHELE: Ku,Amito Daddy.

TITUS: (MOVING TOWARD MIC) Ber dong abino en, Michele. Ngo ma oweko icido wangi kumeno?

BETTY: En mito ikonye ki ruku sweater ne.

TITUS: (ON MIC) Michele, Imito wa ruk sweater wa ma tye iye gum ni.?

MICHELE: Eyo, Daddy.

TITUS: Ber, bin kany wek daddy okonyi.

SFX: PHONE ALARM.

TITUS: Jal,cawa oromo me munyo yat ARV.

BETTY: Apwoyo,ki kodi longe ma atye iye ni ,onongo wiya romo wil oo.

SFX: POURING WATER IN GLASS

BETTY: (SWALLOWING) Kakare Michele, wa citi. Pe amito igale inino ni madit me acaki. (TO TITUS) Apwoyo tutwal ni tin pe ingweco iweka.

TITUS: An laco ma gwoko lokke.Acikke me konyi,pe akonyi?

BETTY: Apwoyo bedo laco ma gwoko lokke. (TEASING) Pi tyen me acel.

TITUS: Hey,uyaa jal! Ingeyo ni enoni pe obedo lok adaa.Ikare ducu agwoko cikke na.!

BETTY: Ber tutwal,Apwoyo,nen calo atye ki jami mapol me atima….…

4

TITUS: Wiyi pe owil ni tin ceng adek.

BETTY: Ah! Kacokke pa gurup wa tye tin!

TITUS: Cii dong ibi cito kunu.?

BETTY: Abitemo ,lapal cwinya.Wacit dong. (CALLING TO MICHELE) Michele, Bin.…

MICHELE: (COMING ONTO MIC) Abino, mama. Bye bye, daddy!

TITUS: Bye bye, Michele malaika na. (TO BETTY) Ibibedo kunu adaa?

BETTY: (MOVING FROM MIC) Abitemo.Lacen.bin, Michele!

SFX: MUSIC TRANSITION UP AND FADES.

SCENE III

LOCATION: TITUS AND BETTY’S HOME-EVENING

B/G SFX: SOFT RADIO MUSIC

CHARACTERS: TITUS, BETTY

SFX: DOOR OPENING

TITUS: (ON MIC, SIGHS) Lubanga na ,kit nino ango ni.

BETTY: (SLIGHTLY OFF MIC) Ber cawa dong oromo.I aa kwene?

TITUS: Aaa kwene! An aye omyero apenyi kumeno.

BETTY: (MOVING TOWARD MIC) Omyero ipenya?Abedo kany ka timo jami.In aye pwud idonyo iot kumbedi.

TITUS: Aaa i kacoke wa me gurup i TASO ma wiyi bene owil oo iye.

BETTY: (ON MIC, REMEMBERING) Oh Ku! Enoni!

TITUS: Kakare,Enoni.Atimo mingo me bito lumemba ni dako na tye iyo kabino.Ngo ma otimi.?

BETTY: Tima kica jal!Wiya owil oo matwal,ki dok i lok adaa ,pe anongo cawa.

TITUS: Onongo omyero inong cawa.I cikke.5

BETTY: Angeyo,ento agale ki aa idog tic dok acito ka gamo Michele i gang kwan,alwoke ki timo jami mukene weng.

TITUS: (SIGHS) Nino ne me acel obedo nining?

BETTY: Latin na oneno can,ool tutwal,Pwud akete aketa ika butu.

TITUS: Inino me lacen itwero goo na cim onyo icwala kwena macek ni pe ibi bino.

BETTY: Tima kica.Wiya owil matwal ikom kacokke.

TITUS: Kadibed kumeno-kec oketta oo.

BETTY: (GIGGLES) Cam-mi tye kuca iwi meja.

TITUS: Mmm.Ngwece kur…

SFX: CHAIR SQUEAKING, CLATTERING CUTLERY

TITUS: (WHILE EATING) Wabedo ki jo manyen tin i kacokke.

BETTY: Ikare weng jo manyen bedo tye, Titus.

TITUS: Pe bedo calo jo eni,Gin pwud gunongo latin gi me acel cocoki.

BETTY: Gin weng gitye ki kwidi jonyo?

TITUS: Eyo,dok enoni pe en aye gin awura ma tye iye.

BETTY: Oh,Ngo kono?

TITUS: (CHEWING AND SWALLOWING FAST) The baby is HIV negative.

BETTY: Itye ka waco lok adaa?

TITUS: Ingeyo ni twere, Betty. Dok bene amito latin.

BETTY: Lokke miya lworo, Titus.

TITUS: Itye ka waco ni dong pe imito nongo latin matwal?

BETTY: Enoni pe en aye gin ma atye ka waco ne,in bene ingeyo.Awaco ni abi tamo pire ,inino mo acel,ento pe kumbedi.

TITUS: Awene kono dong?

BETTY: Pe angeyo.Pingo ipenya kumeno.? 6

TITUS: Pien winye calo itye ka weyo lokke.

BETTY: Atye ki lworo, Titus. Ka latin wa tye ki kwidi jonyo kono?

TITUS: Jo aryo ni gubedo ka tic ki yo me lago nywal?

BETTY: Jo mene ni?

TITUS: Jo ma gubino i kacoke wa ni,ma gitye ki latin ma pe ki kwidi jonyo.

BETTY: Pe aniang.Lago nywal konyo igengo kobo pa kwidi jonyo ikom latin.Gin pe gitye katic ki yat lajin kwidi jonyo ARV?

TITUS: Pe Angeyo.

BETTY: In ingeyo ngo?

TITUS: Otime keken ni gin gubedo ka tic ki yat lago nywal cii gukuru wang daktar oniango gi ni kwidi matye ikom gin nok.Cii en ojuku munyu yat lago nywal ka dong onongo latin…….

BETTY: (FRUSTRATED) Wa pwoyo lubanga ni pe ibedo lacoo lok angeya;Kono onongo ibedo lacoc ma pe niango dano .Itye ka waco ngo?

TITUS: Pe atye ka niang lok ma itye ka waco ne.

BETTY: Uh-oh, lok eni obitero wa kwene? Awinyo calo pe atye ka maro gin ma itamo ni.

TITUS: Ibi maaro eni.Wa twero nongo latin acel onyo aryo.

BETTY: Pe angeyo ka enoni obedo tam maber, Titus.

TITUS: Pe kumbedi.Marom ki jo enoni,wan bene watwero tic ki yo me lago nywal pi tutunu.

BETTY: Ento Titus…

TITUS: Ento ngo, latona?

BETTY: Pe angeyo…winye calo…

TITUS: PERFECT.En aye gin ma wa mito.

BETTY: Teloke ni omyero wa muny yat ARV kacel ki tic ki yo me lago nywal ma wok i yat amunya onyo atuca.Enoni pe kelo peko?

7

TITUS: (STUTTERS)Pe…Pe angeyo.

BETTY: Awaci ni itwero bedo lacoo lok angeya ma rac.

TITUS: Ento abedo wego ma kite ber.

BETTY: Aol oo ki lok kom gini, Titus.

TITUS: Ber, Ento omyero walok iye lacen.

SFX: MUSIC TRANSITION UP AND FADES OUT.

SCENE IV

LOCATION: TITUS AND BETTY’S BEDROOM-EVENING

B/G SFX: SOFT RADIO MUSIC

CHARACTERS: TITUS, BETTY

TITUS/BETTY: LAUGHING

BETTY: Cii owaco ki lapwony ni,’daddy ‘en aye ngeyo ruku ita sweater na.

TITUS: (LAUGHING) Cii dong gutimo gin ango?

BETTY: Gu lwonga i cukul.Ikare ma aoo kunu,en onongo tye ka koko pi ruku sweater ne ento pe yee ki ngat mo keken me ruku ikome.

TITUS: En wiye tek calo wii miine.

BETTY: An wiya pe tek.

TITUS: Kumeno do, in bene ingeyo.

BETTY: Wiya kono dok tek nining?

TITUS: Ikare ducu ibedo ka diiyo lok kom jami mogo.

BETTY: Calo ngo?

TITUS: lapoore,ni omyero wa tii ki condom.

BETTY: Dok icako lokke.

TITUS: Omyero wa lok iye Betty.

8

BETTY: Angeyo kit ma iol kwede ki tic ki condom,ento pe ageno tic ki yo me lago nywal,rubu yat amunya onyo me tucce ki yat amunya ARV...

TITUS: Pingo kono?

BETTY: Ka okelo peko kono?Ka wa juku tic ki condom cii wa poko two ikin wa kono?

TITUS: Cii dong imito wa tim ngo?

BETTY: Pingo pe wa wek jami obed kit ma tye kwede ni?Keje onyo eni aye yo Ma imito tic kwede me bwola wek ayac oo.?

TITUS: (RAISING HIS VOICE)Icako waco enoni nining? Gin ma atye ka waco ne keken aye ni tye yo mukene mapol ma wa twero temo gi.

BETTY: Dok aniang enoni…

TITUS: Ku pe iniang,ikare ducu nongo itye ka weyo lok.

BETTY: Pe obedo weyo lok,gubedo kom lok adaa.

TITUS: Omyero wacit iot yat ka niang lokke maber,Betty.

BETTY: Ingeyo ni pe atye ki cawa.Jami ma omyero atim ki Michele pol dok….

TITUS: Michele tye igang kwan inino ducu,dok en dong twero gwoke kene.

SFX: PHONE ALARM

BETTY: (SIGHS) Cawa oromo pi munyu yat ARV wa.

SFX: WATER POURING IN GLASS, SWALLOWING

TITUS: Nen kong Betty,diki ceng abic,in itiyo pi nucu nino keken.

BETTY: Cii imito wacit iot yat!

TITUS: Wek kong wa winy lok ma aa kibot Nurse Mildred. Wek en otit botwa jami weng ma itye ka paro ne malube ki ribbo munyu yat ARV ki tic ki yo me lago nywal.

BETTY: (COLDLY) Ber.Pe atwero kuru tum cabit.Omyero kong aywee.SFX:MUSIC TRANSITION UP AND SLOWLY FADES OUT.

9

SCENE V

LOCATION: HEALTH CENTRE-AFTERNOON

B/G SFX: DISTANT CRIES OF CHILDREN

CHARACTERS: NURSE MILDRED, BETTY, TITUS

TITUS: Obedo gin ma timo ne tek tutwal ka itamo, Nurse Mildred.

MILDRED: Aniang maber.An bene ikare mukene atiyo ma wiya wil oo,aoo gang ma cawa okato ento cwara Denis nen calo niang.

TITUS: Ento angeyo atir ni en obi oo kany oyot.Keken ni…

SFX: DOOR OPENS

TITUS: Oh en en. Betty!

BETTY: (APPROACHING MIC) Tima kica,agale pi konyo luwil wa ma odong.

MILDRED: Bino ni kany aye gin ma pire tek.waromo cako lok?

BET/TIT: (ON MIC) Kakare.

MILDRED: Mukwongo ,cwinya yom tutwal ni wun aryo ni wu mito cako tic ki yo me lago nywal.

BETTY: Apwoyo, Nurse Mildred. Titus tye ka tamo ne.

MILDRED: Pe in, Betty?

BETTY: Pe angeyo,pe aniang gin-ne maber.

MILDRED: Ber,pingo pe wun aryo ni kong ocak ki tita lok kom wu.

TITUS: Nurse Mildred, kit ma ingeyo ni,an wani Betty watye ki kwidi jonyo.Watye ki latin nyako acel;Michele.Amito latin mukene-ikare me anyim.Ento Betty en pe miti.

BETTY: Pe awaco kumeno, Titus.

TITUS: Ento ibedo ka tamo kumeno.

BETTY: Ineno,enoni aye peko ni,in pe iwaco lokka.

MILDRED: (TAKING CHARGE) Betty, Ngo ma itye ka waco ne?

10

BETTY: Ber, pwud pe ayube pi latin mukene.

TITUS: (TURNING TO BETTY) Betty tiyo tutwal…

BETTY: Pe aty ki cawa pi latin mukene.

MILDRED: Ento dong wutye ka tic ki yo me lago nywal,pe kumeno?

TITUS: Ku.

BETTY: Kakare, Titus. (TO MILDRED) Watiyo ki condoms, Nurse Mildred.

TITUS: (UNENTHUSIASTIC) Enoni lok adaa.Ikare ducu watiyo ki condom.

MILDRED: Kakare meno ber,pe kumeno? Atye ka waco ,kit ma kiciko wu kwede-Pien wun ducu wutye ki kwidi jonyo,omyero wutii ki condom ikare ducu.

BETTY: Ento Titus ool oo ki tic ki condom, Nurse Mildred.

TITUS: Pe ikare ducu.Ikare mogo.

MILDRED: Aniang.

BETTY: Dok Titus dong tye ka mito latin.

TITUS: Kur kong.Enoni pe en aye gin ma awaco. (TO MILDRED NOW) Awaco ki Betty ni amito latin kakare.Eyo amito.Ento ayee bene ni wa twero kuru pi mwaka acel.Enoni aye gin ma awaco,kumeno ku,Betty.?

BETTY: Pi pwoyo cwara,enoni aye gin ma owaco.

MILDRED: Cii dong obino bota pingo?

BETTY: Kakare, pe amito nongo iic,pwud pe ayube.

MILDRED: Itwero yac nining ka itye ka tic ki condom?

TITUS: Lok adaa tye ni pe watiyo kwede ikare ducu.Wabedo ki kare mogo ma pe watiyo kwede.

BETTY: Atye ki lworo.Pe amito koma obed lit,kadi bed Titus kome yot ikare ni.Angeyo atir ni wel kwidi matye ikome nok tutwal.

TITUS: Yat ARV ne tye katic maber, Nurse Mildred – Pi wan ducu.Dok wan ducu watye ki olang makok icim wa,ma poyo wi wa pi munyu yat ARV.

BETTY: Dok bene ngat acel acel poyo wii lawote.

11

MILDRED: Ber.Wek dong anen ka aromo niang lok wu.Wutiyo ki condom ipola kare.Pe imito ni Betty oyac pi kare mo manok.Wun ducu wutye bene ka munyu yat ARV ,Ento ikare mukene,pe wutiyo ki condom.

TITUS: Enoni weng obedo lok adaa.

BETTY: Lok atir, Nurse Mildred.

MILDRED: Pe dok imito nongo iic, Betty. Cii,dong imito tic ki yo mukene me lago nywal.

BETTY: Pe amito mede ki tic ki yo mukene me lago nywal calo yat amunya onyo atuca,gwok onyo kelo peko mukene ka atiyo kwede kacel ki ARV.

MILDRED: Enoni pe twero time.Itwero munyu ARV dok imede ki tic ki yat amunya me lago nywal ki me atuca labongo kit peko mo……

TITUS: Ento pe tye yo me lago nywal mukene ma wa romo tic kwede, Nurse Mildred?

MILDRED: Tye yo ma kilwongo ni lagit-ma obedo plastic ki copper ma kirwako iot nyodo pa dako pi gengo yaco.

BETTY: Pe aniang lokke maber.

MILDRED: Amito waci adaa ,ni pe tye ki peko mo keken dok tic kwede yot.Ka kirwako maber,cii gengo tong laco me rwate ki tong dako dok romo bedo i kakare ni pi mwaka 12 kulu.

TITUS: Mwaka 12! Ento wa twero mito nywalo latin mukene i mwaka mabino.

MILDRED: Cii Betty twero dwogo bota,cii akwanyo oo,labongo kit peko mo dok Betty twero nongo iic odoco inge kwanyo lagit.

BETTY: Winye calo gin mayot.Kit ma kitimo kwede .Ento pe lit?

MILDRED: Iwinyo arem manok tutwal pi cawa mo manok nok inge rwako ne.Bedo calo arem ma iwinyo ikare ma nongo itye ka neno dwee.Ento rweny oo inge kare manok.

BETTY: Ikare me butu imit kono?

TITUS: Eyo,pe abi winyo arem ikare me butu imit ?dok bene pe twero poto oo?

MILDRED: Pe ibi winyo gin mo mapat, Titus. Dok kadi bed lagit-te twero poto ikare

12

mukene,ento enoni pe maro time.Genne tutwal.Itwero weko kikwanyo labongo peko mo dok itwero gamo iic labongo gale.

TITUS: Pe… an… ngeyo.

BETTY: Ngo marac , Titus? In aye imito ni wabin kany.Man dong cwinya tye iye ento in itye ka lworo.

TITUS: Amito keken ni Betty onong latin.

MILDRED: Winye calo omyero wun aryo ni kong wu nyam lokke maber.Pingo wun aryo ni kong pe odok cen otam lokke maber.Dok tim ber, tii wunu ki condom pi tutunu.Pe tye yo mukene maleyo ka wang condom.

TITUS: Ber.Apwoyo……

MILDRED: (AS NARRATOR) Ticca me leyo tam ki jo matye ki kwidi jonyo,ipola kare bedo ki lapeny matego onyo niango gi tek.Pi Betty gini Titus,obedo tek pien gin pe gubedo ka tic ki condom ikare ducu.Condom konyo jo matye ki kwidi jonyo me bedo ma komgi yot.Ento makato ducu,konyo i gengo yaco ma pe iyube iye. Gin maber iye en aye Betty gini Titus onongo dong gumoko pi lago nywal.Gin ma mite keken an aye mokko tam pi awene ma giromo nongo iya latin mukene,ki kit ma giromo gengo kwede yaco wang ma kare enoni oromo…..…

SCENE VI

LOCATION: TITUS AND BETTY’S BEDROOM-EVENING

B/G SFX: SOFT RADIO MUSIC

CHARACTERS: TITUS, BETTY

BETTY: Bed mot Titus lato na, Dong atyeko waci ni pe obedo gin mo.

TITUS: Idota inyim Nurse Mildred, Betty.

BETTY: Ku,pe adoti. Watye ki tam mapat pat.

TITUS: Pingo pe dong imede ki yo me lago nywal ‘matwal’ ki lagit?

BETTY: In pe ibedo ka winyo lok;En owaco ni wa romo kwanyo lagit ikare mo keken ma nongo dong wayube me nywalo latin.

13

TITUS: Oh ita dong oding oo,Ber tutwal!

BETTY: Eyo,an pe amito yat amunya me lago nywal.

TITUS: Dok an bene pe amito tic ki condom matwal.

BETTY: Kong ikur . Nurse Mildred owaco ni omyero wa tii ki condom ikare ducu,pi gengo kobo two ikin wa.Dong ketto lagit-ta obi konyo,In ingeyo bene,ka wii wa owil.

TITUS: Cii dong,pe itye ka mito lago nywal keken wek pe inong latin mukene.?

BETTY: Ku! Ayee ni wa twero nongo latin mukene,ka wa tye ma kom wa yot;ka waromo nongo latin ma pe ki kwidi jonyo.I adaa amito wa nong latin mukene, Titus.

TITUS: Ento pe kombedi?

BETTY: Pe.I mwaka manyen. Atwero tic ki lagit pi mwaka acel ci ki kwanyo oo! Ka wan ducu pwud watye ma kom wa yot……

TITUS: (SIGHS, WHERE TO NOW?) Ber tutwal…

BETTY: LAUGHS

TITUS: Ngo matye ka yomo cwinyi tutwal, Betty?

BETTY: In layela tutwal.

TITUS: Pe kato in.

BETTY: En aye tyen lok ma oweko anyomi.

TITUS: Kakare,gin atima mukene odong iwiyi.

BETTY: Ma teloke ningo?

TITUS: Telokke ni-Ka imito lagit onyo kono ango,omyero kong ibita me cito bot Nurse Mildred odoco.

SFX: MUSIC TRANSITION UP AND FADES OUT.

SCENE VII

LOCATION: HEALTH CENTRE-MORNING

14

B/G SFX: DISTANT CRIES OF CHILDREN

CHARACTERS: NURSE MILDRED, BETTY, TITUS

SFX: DOOR OPENING AND CLOSING

MILDRED: Cii dong, Titus, Akeli dako manyen!

TITUS: Huh? Itye ka waco ngo?

MILDRED: Pe itye ka neno gin mapat ikom Betty?

TITUS: Ku .Pingo?

BETTY: Gwok onyo en cwinye tye ka cwer ni en pwud tye ki dako ne macon ni, Nurse Mildred.

TITUS: Cwinya pe ka cwer.Amaro dako na matek.Kit laco nago ma lubu kor dako ne cii bino kwede kacel iot yat me lago nywal…..

MILDRED: Obedo lok adaa, Titus, ibedo laco ma miyo lanyut maber.

TITUS: Cii ngo manyen dong?

BETTY: Kityeko ketto lagit ikoma.

TITUS: Adaa? Iwinyo nining?

BETTY: Awinyo arem manok ikare ma Nurse Mildred oketto,ento dong awinyo maber icawa ni.

MILDRED: Betty obi munyu yat me kweyo arem- Panadol tin, ento diki nongo dong arem otum oo. Ka arem omede ki oony pa remo bene,cii omyero en odwog cen bota,iwinyo?

TITUS: (ON MIC) Ber. Iwaco adaa ni pe omyero wabed ki par ?

MILDRED: Wun ducu omyero omede ki munyu yat ARV, dok tim ber pe owek tic ki condom…lagit –ti tye pi ‘’angola ngola mabino’.Dok ka dong oyube pi nongo latin me 2..cii dwog cen.

BETTY: Titus lapal cwinya.

TITUS: Eyo.

BETTY: Inge nywalo latin me aryo, omyero iyube pi tweyo tol wino nyodo.Pe tye nongo latin mukene kabisa.! (THEY LAUGH)

15

TITUS: Wabiloko iye ka kare ne obino lato na. (THEY LAUGH)

BETTY: Dong ineno gin ma akanyo, Nurse Mildred?

MILDRED: Aneno.Wun ducu otye ki gin maber matye katime ikin wu,Amaro ginne tutwal.Dok ageno ni abibedo ka neno wu wang mapol…

TITUS: Inge mwaka acel, Nurse Mildred!... Nongo kare me nongo latin wa me 2 dong oromo,ma nongo Betty odwogo pi kwanyo lagit!

MILDRED: (AS NARRATOR) Dok meno aye obedo lok kom Titus gini Betty,ma gitye ka bedo kacel ki kwidi jonyo.Ento lok komgi pol ma pe atwero tito ne weng lawang acel…kit ma obiwinyo kwede i dul me tuku wa mukene mabino anyim.

SFX: MUSIC TRANSITON UP AND SLOWLY FADES OUT.

OUTRO…

16