DOMINUS ET SERVI

Latn I-2

Prof. Paola Alarcn Hernndez

DOMINUS ET SERVISCAENA PRIMA

Personae: Iulius, dominusAemilia, dominaMedus, servus Iulii

Crumena Iulii magna est. Iulius crumenam magnam habet. In crumena Iulii pecunia est. Iulius pecuniam in crumena habet. In crumena Iulii multi nummi sunt.

Aemilia Iulium interrogat: "Quot nummi in crumena tua sunt?"

Iulius respondet: "In crumena mea centum nummi sunt".

Iulius pecuniam numerat: "Unus, duo, tres, quattuor, quinque, sex, septem, octo, novem, decem. Quid? Decem tantum

Iulius rursus pecuniam numerat: "Unus, duo, tres, quattuor, quinque, sex, septem, octo, novem, decem". Numerus nummorum non est centum, sed decem tantum. In crumena Iulii non multi, sed pauci nummi sunt.

Iulius: "Quid? In crumena mea non centum, sed tantum decem nummi sunt! Ubi sunt ceteri nummi? Ubi sunt servi mei?"

Medus: "Servus tuus Medus hic est".

Iulius servum suum Medum videt, Davum non videt. Medus ad-est. Davus non ad-est. Davus ab-est. Iulius et Aemilia et Medus ad-sunt. Davus ceteri-que servi ab-sunt.

Iulius: "Quid? Unus servus tantum ad-est! Ubi est Davus? Davum voca!"

Medus Davum vocat: "Dave!" sed Davus Medum non audit ne-que venit.

Medus rursus Davum vocat: "Da-a-ve! Veni!"

Davus venit. Iam duo servi ad-sunt.

SCAENA SECUNDA

Personae: Iulius, dominusAemilia, dominaMedus, Davus, servi IuliiDavus, qui dominum suum non videt, Medum interrogat: "Quid est, Mede?"

Medus: "St! Dominus hic est. Saluta dominum!"

Servus dominum salutat: "Salve, domine!"

Dominus servum salutat: "Salve, serve!"

Davus: "Quid est, magne domine?"

Iulius: "St! Tace, serve! Tace et audi!"

Servus tacet.

Iulius: "In crumena mea sunt decem tantum nummi. Ubi sunt ceteri nummi mei?"

Servus non respondet, servus tacet.

Aemilia: "Responde, serve! Dominus te interrogat!"

Davus respondet: "Pecunia tua hic non est. Interroga Medum!"

Iulius Medum interrogat: "Ubi sunt nummi mei, Mede?"

Medus nullum verbum respondet, Medus tacet.

Iulius rursus eum interrogat: "Ubi est pecunia mea? Responde, serve!"

Medus Davum accusat: "Pecunia tua in crumena Davi est. Davus pecuniam tuam habet":

Aemilia: "Audi, Dave: Medus te accusat!"

Davus: "Quem Medus accusat? me?

Iulius: "Tace, Mede! Servus, qui servum accusat, improbus est!"

Iulius Davum non accusat, sed interrogat: "Num pecunia mea in crumena tua est, Dave?"

Davus: Non est pecunia tua in crumena mea!"

Iulius: "Ubi est crumena tua?"

Davus: "Crumena mea hic est. Ecce crumena mea".

Iulius: "Crumenam in mensa pone!"

Davus crumenam in mensa ponit. Iam crumena Davi in mensa est. Iulius baculum suum in mensa ponit.

Davus: "Vide, domine: in crumena mea pecunia non est".

Iulius nullam pecuniam in crumena videt. In crumena Davi nulli nummi sunt. Crumena eius vacua est. Davus pecuniam domini non habet.

Iulius: "O!, servus meus pecuniam meam non habet. Davus bonus servus est. Ecce nummus tuus, Dave!"

Iulius unum nummum in crumena Davi ponit. Iam crumena Davi vacua non est: in crumena eius unus nummus est. Davus laetus est.

Iulius: "Sume crumenam tuam et discede, bone serve!"

Davus crumenam suam sumit et discedit.

Medus baculum, quod in mensa est, videt. Medus quoque discedit! Cur Medus discedit? Medus discedit, quia is pecuniam domini habet! Davus et Medus ab-sunt.

SCAENA TERTIA

Personae: Iulius, dominus

Aemilia, dominaIulius:"Davus bonus servus est. Is pecuniam meam non habet... Sed ubi est pecunia mea, Mede? Quis pecuniam meam habet?"

Medus non respondet.

Iulius: "Ubi est Medus? Cur non respondet?"

Aemilia: "Medus non respondet, quia ab-est. Nullus servus ad-est.

Iulius Medum vocat: "Mede, veni!" sed Medus, quia ab-est, eum non audit.

Iulius rursus vocat: "Me-e-de!! Veni, improbe serve!" Medus non venit.

Iulius: "Cur Medus non venit?"

Aemilia: "Medus non venit, quia is pecuniam tuam habet! Crumena eius vacua non est!" Aemilia ridet. Iulius iratus est - is non ridet!

Iulius: "Ubi est baculum meum?" Iulius baculum, quod in mensa est, non videt.

Aemilia: "Ecce baculum in mensa".

Iulius baculum suum sumit et discedit.

GRAMMATICA LATINA

VocativusMedus Davum vocat: "Dave!"

'Dave' vocativus est. Vocativus: -e (nominativus: -us).

Exempla: Mede, Dave, domine, serve, magne, bone.

Servus: "Salve, domine!" Dominus: "Salve, serve!" Davus: "Quid est, magne domine?" Iulius: "Tace, serve!" Iulius: "Ecce nummus tuus, Dave. Discede, bone serve!" Iulius Medum vocat: "Mede!"

ImperativusDominus: "Voca Davum!" Servus Davum vocat.

Dominus: "Tace et audi!" Servus tacet et audit.

Dominus: "Discede, serve!" Servus discedit.

Dominus imperat. Servus paret.

'Voca', 'tace', 'discede', 'audi' imperativi sunt. Imperativus: -a, -e, -e, -i-.

Exempla: 1. -a: voca, saluta, interroga. 2. -e: tace, responde, vide. 3. -e: pone, sume, discede. 4. -i: veni, audi.

Iulius imperat: "Voca Davum!" Medus Davum vocat. Medus: "Saluta dominum!" Davus dominum salutat. Davus: "Interroga Medum!" Iulius Medum interrogat.

Iulius imperat: "Tace, serve!" Servus tacet. Iulius: "Responde, serve!" Servus respondet. Davus: "Vide, domine!" Iulius videt.

Iulius imperat: "Pone crumenam in mensa!" Davus crumenam in mensa ponit. Iulius: Sume crumenam et discede!" Davus crumenam sumit et discedit.

Iulius imperat: "Tace et audi, serve!" Davus tacet et audit. Iulius: "Mede! Veni" Medus non venit. Iulius imperat. Davus paret. Medus non paret.