An Dá PhadhraicLe

Johnny Chóil Mhaidhc

Bhí Dá Phádhraic I Ros Muc

Roimh an Éirí Amach

D’fhág Ó Conaire a theallach féin

Agus tháinig Pádhraic eile isteach

A d’fhan I mbothán tuí leis féin

Suite ar bhruach na locha

Aghaidh a dhorais leis an ngréin

Agus an doras eile leis na clocha

Chuaigh Pádhraic soir is Pádhraic siar,

Gach fear de réir a thréithe

Scríobh an Pádhraic thoir ar an áit thiar

Agus scríobh an Pádhraic thiar a smaointe

Scríobh Sean-Phádhraic na Seacht mbua

Seacht mbua an Éirí Amach

Leabhar nach scríobhfadh sé go deo

Múrach gur tháinig Pádhraic eile isteach

Scríobh Sean-Phádhraic na seacht mbua

Scríobh Mac Grianna an aiste

Ba í an leabhar féin an t-ochtú bua

Ach ba í an naoú bua an aiste

Scríobh an Piarsach the fool

Agus tugadh fool ar an bPádhraic eile

D’imigh Sean-Phádhraic leis ina charr

Agus asailín beag dubh

Aon phingin déag is leathphingin ina láimh

Ag scríobh is ag codladh amuigh

Moladh an bheirt sin théis a mbáis

Fear an phinn is fear an ghunna

Ach is moladh mairbh a bhí ann

An tráth a moltar daoine dona

Ach tiocfaidh lá nár tháinig fós

Fíneoidh feoil agus Iofaigh cónra

Cé go bhfuil Gaeil básaithe atá beo

Tá an Piarsach beo is Ó Conaire

Sé béal an Phiarsaigh féin a dúirt

‘Éire saor is Éire Gaelach’

Tá b’fhéidir ann go mbeidh sí saor

Ach le saol na saol na saol ní bheidh sí Gaelach

Is gleoite é teach an Phiarsaigh Innu

Ach tá teanga an Bhéarla ag leathnú

Dá gcoinneofaí a thír mar a theach

Ba dheise an thrí inniu í ag breathnú

An deireadh

ÓClíodhna Ní Niaidh

Agus Elaine Ní Niadh

7.02.12