aralin 3.2 broadcast
TRANSCRIPT
Aralin 3.2: Ang Broadcast Media: Mekanismo
ng Pagbabago at Pag-unlad ng
Kulturang Pilipino
I. Panimula at Mga Pokus na Tanong:
Ayon sa Encyclopedia, ang paghahatid ng mga impormasyon sa mamamayan
sa pamamagitan ng radyo at telebisyon ay maituturing na broadcast media. Mula noon hanggang sa kasalukuyan, hindi maitatangging malaki ang papel na ginagampanan nito sa lipunang ating ginagalawan.
Sino nga ba ang hindi nakikinig sa radyo upang mapakinggan ang paboritong awitin o kaya naman ay malaman ang mahahalagang anunsiyo mula sa PAGASA? Sino nga ba ang hindi nanonood ng telebisyon upang malaman ang mga kaabang-abang na tagpo sa paboritong telenobela o kaya’y malaman ang mahahalagang balita sa nakalipas na araw? Tunay ngang bahagi na ng ating buhay ang broadcast media.
Ngunit paano nga ba nakatutulong ang broadcast media sa pagpapalaganap
ng kulturang popular? Paano nagagamit ang radyo at telebisyon sa pagpapaigting ng kamalayang panlipunan ng mga mamamayan ng isang bansa? Ang kasagutan sa mga tanong na ito ang ating tutuklasin sa pamamagitan ng mga gawain sa araling ito.
II. Ang Mga Aralin at Ang Saklaw ng mga Ito
Sa araling ito ay tutuklasin ang sumusunod na paksa:
Aralin 3.2 : Ang Broadcast Media: Mekanismo ng Pagbabago at Pag-unlad ng Kulturang Pilipino
A. Panitikan: Komentaryong Panradyo/
Dokumentaryong Pantelebisyon B. Wika: Mga Ekspresiyong Nagpapakilala s
Konsepto
ng Pananaw/ Mga Ekspresiyong Nagpapakilala ng Kaugnayang Lohikal
III. Mga Inaasahang Kasanayan Narito ang mga kaalaman at kasanayang malilinang sa iyo sa pagtalakay mo sa
araling ito:
Aralin
Broadcast Media mekanismo
Ng Pagbabago
At Pag-unlad
Ng Kulturang Pilipino
Mga Kasanayang Pampagkatuto Pag-unawa sa Napakinggan Napauunlad ang kasanayan sa mapanuring pakikinig/panonood
Napag-iiba ang katotohanan sa mga hinuha, opinyon at personal na interpretasyon ng nagsasalita at ng nakikinig
Napag-iiba ang katotohanan (facts) sa mga hinuha (inferences), opinyon at personal na interpretasyon ng nagsasalita at ng nakikinig/nanonood
Nailalahad ang mga pagkiling (biases,prejudices) at sariling interes ng nagsasalita
Naisasaayos ang mga ideya o impormasyon mula sa teksto o diskursong napakinggan/napanood
Nailalahad sa sariling pamamaraan ang napakinggang mga pahayag, mensahe at teksto
Pag-unawa sa Binasa Napauunlad ang kakayahang umunawa sa binasang teksto sa pamamagitan ng pagkilala sa:
Naiisa-isa ang mga positibo at negatibong pahayag
Napagsasama-sama ang magkakasalungat na mga ideya
Nakikilala ang tono ng teksto sa tulong ng mga tiyak na bahagi nito
Nakagagawa ng mga gawaing magpapatunay sa mapanuring pagbasa sa teksto
Nakapagbibigay ng impresyon sa teksto kaugnay ng:
- paksa/tema - layon - gamit ng mga salita
Pagsasalita Nakapagpapahayag nang wasto ng mga pag-aalinlangan/pag-aatubili/pasubali Nailalahad nang maayos ang pansariling pananaw,opinyon at saloobin Pagsulat Naisasaalang-alang ang mga kakailanganin sa pagsulat ng isang dokumentaryong panradyo
Nakapipili ng isang napapanahong paksa
Nakapagtatala ng mga kinakailangang impormasyon
Nakabubuo ng maayos na balangkas
Nababanggit nang wasto ang may akda, personalidad, organisasyong nagbibigay kredibilidad sa mga kaisipang ipinapahayag
Nagagamit ang mga ekspresiyong nagpapakilala ng konsepto ng pananaw
Nagagamit ang mga ekspresiyong nagpapakilala ng kaugnayang lohikal
Tatas Nagpapakita ng kaalaman sa pagkakaiba ng pormal at impormal na Filipino pasalita man o pasulat Nasusuri ang mahalagang detalye ng napakinggang impormasyon Napagtitimbang-timbang kung ang napakinggan ay may kabuluhan at kredibilidad Nakikipagkomunikasyon gamit ang wikang Filipino batay sa hinihingi ng pagkakataon/sitwasyon Pananaliksik Nalilikom ang mga kakailanganing impormasyon mula sa iba’t ibang pinagkukunang sanggunian Nailalahad nang maayos ang nalikom na mga impormasyon sa isinagawang pananaliksik Nagagamit ang diksyunaryo at iba pang kagamitang sanggunian sa aklatan/internet
IV. Konseptuwal na Balangkas
Narito ang konseptuwal na balangkas ng araling ito
Marahil ay nananabik ka nang simulan ang araling ito. Simulan na natin ang pagtuklas ng mga bagong kaalaman!
Broadcast Media: Mekanismo ng Pagbabago
at Pag-unlad ng Kulturang Pilipino
RADYO TELEBISYON
Panitikan: Komentaryong
Panradyo
Wika: Mga Ekspresyong Nagpapakilala ng
Konsepto ng Pananaw
Panitikan: Dokumentaryong
Pantelebisyon
Wika: Mga Ekspresyong Nagpapakilala ng
Kaugnayang Lohikal
Dokumentaryong Panradyo/ Dokumentaryong Pantelebisyon
V. Panimulang Pagtataya
Ang bahaging ito ang makapag-uugnay sa iyo sa mga bagay na dapat mong malaman kaugnay ng Aralin 2 sa modyul na ito. Gumamit ng sagutang papel sa
pagsagot ng puzzle. Unawain at limiin ang isinaad na mga datos upang maibigay
ang tamang sagot. Bilugan ang mga letrang bumubuo sa tamang sagot sa bawat bilang. Kopyahin at gawin ito sa papel.
1. Naghahatid ng balita at mga programang nakaaliw at kawili-wili.
2. Isang palabas na maaring maging daan upang maimulat ang mamamayan sa katotohanan ng buhay sa kaniyang paligid.
3. Maaaring maghatid ng balita, talakayan at impormasyon sa bayan man
o sa nayon.
4. Isa sa mga naihahatid ng radyo na nagdudulot ng aliw sa marami.
5. Maaring marinig o mapanood ang mga ito maging sa radyo o telebisyon.
T E L E B I S Y O N M V
L M N H I E A Y O A U M
E J O S H I D I E T S U
L I R A B A L I T A I S
E C A C R I S T Y S K A
O M A R I C A R R O A K
D O K U M E N T A R Y O
Mahusay! Marahil nananabik ka nang ipagpatuloy ang iyong pag-aaral. Nais
kong ipakilala sa iyo ang broadcast media sa pamamagitan ng pag-anyaya sa iyo sa
patuloy na pagbasa ng araling ito. Tara na!
VI. Yugto ng Pagkatuto
Alamin
Mahilig ka bang makinig ng radyo o manood ng telebisyon? Kung oo ang iyong sagot, isa ka sa maraming tumatangkilik ng broadcast media.
GAWAIN 3.2.a: Paborito Ko!
Isulat mo sa loob ng larawan ng telebisyon ang iyong kinagigiliwang palabas, at sa loob naman ng larawan ng radyo ang iyong paboritong pinakikinggang programa. Ipaliwanag mo rin ang mga dahilan kung bakit mo pinanonood o pinakikingggan ang mga programang iyong nabanggit.
Mula sa gawaing ito, ating napatunayan na bahagi na ng ating buhay ang pakikinig ng radyo at panonood ng telebisyon. Ngunit paano nga ba nito nabago ang ating kultura at panitikan? Ano ang gampanin ng mga midyum na ito sa pagpapaigting ng kamalayan ng mamamayan sa mahahalagang kaganapan sa ating lipunan?
Paboritong Palabas sa Telebisyon: _________________________________ Dahilan Kung Bakit Kinagigiliwan: ___________________________________________________________________________________________________
Paboritong programa sa Radyo:
___________________
Dahilan Kung Bakit Kinagigiliwan:
_______________________________________
GAWAIN 3.1.b: Alam Ko ‘Yan!
Alamin muna natin ang lawak ng iyong kaalaman kaugnay ng paksang ating tatalakayin. Isulat mo sa mga talahanayan ang mga kaisipang alam mo na, nais mong malaman at ang paraan kung paano ito matututuhan. Sagutin mo naman ang huling hanay sa katapusan ng pag-aaral mo sa araling ito upang iyong maitala ang mga kaisipang iyong natutuhan. Gayahin ang pormat sa sagutang papel.
Talaga namang mayroon kang pagnanais na matuto! Binabati kita! Ipagpatuloy mo ang ganyang gawi upang ikaw ay magtagumpay! Sa katapusan ng araling ito, inaasahang makikibahagi ka sa paglikha ng iskrip ng isang komentaryong panradyo o kaya naman sa paglikha ng isang dokumentaryong pantelebisyon. Huwag kang mag-alala. Matututuhan mo ang iba’t ibang mahalagang kaalaman upang maging handa ka sa pagsasagawa ng mga gawaing ito.
Paunlarin
Sa bahaging ito, bigyan muna natin ng pansin ang radyo bilang isa sa mga midyum ng komunikasyon na naglalayong magbahagi ng mga kaganapan ng mundo sa mas malawak na sakop nito. Sa modyul na ito, matutuklasan mo ang gampanin ng radyo bilang gabay sa kamalayang panlipunan.
Broadcast Media: Mekanismo ng
Pagbabago at Pag-unlad ng Kulturang
Pilipino
Ano ang ALAM ko na?
Ano ang NAIS kong MALAMAN?
Paano ko ito MATUTUTUHAN?
Ano ang aking NATUTUHAN?
GAWAIN 3.2.c: RADYOrific Ang Hatid
Tuklasin mo kung gaano na kalawak ang iyong kaalaman sa araling ito. Gamit ang arrow ikonekta ang mga pahayag na may kaugnayan sa radyo sa larawang nasa gitna. Nasa loob ng malilit na kahon ang nasabing mga pahayag. Gawin sa iyong sagutang papel. Gayahin ang pormat.
Binabati kita sa mga tamang sagot na iyong nakuha! Ipagpatuloy mo ang iyong sigla sa pagsagot! Mapalalalim ang iyong kaalaman kaugnay ng gampanin ng radyo sa pagkakaroon ng kamalayang panlipunan ng mamamayan. Matututuhan mo rin kung paano makasusulat ng isang komentaryong panradyo gamit ang iba’t ibang konsepto ng pananaw. Sa ibaba ay mababasa mo ang ilang mga gabay na tanong na maaaring makatulong sa iyo upang maging lubos ang iyong pag-unawa sa araling ito.
Madali mo bang natukoy ang kahalagahan ng radyo? Masasabi mo bang malaki ang naging bahagi ng kasalukuyang anyo ng radyo bilang midyum ng pagpapalaganap panitikang popular? Ipaliwanag.
Mahusay ang iyong ginawang pagpapaliwanag. Ngayon naman nais kong punan mo ang kasunod na tsart. Unahing sagutin ang tatlong naunang kolum, ang KWH. Sasagutin lamang ang huling kolum, na L pagkatapos na mapag-aralan ang araling ito.
naghahatid ng mga
talakayan/pulso ng
bayan
nagpalabas ng
variety show
nagpapalabas
ng teledrama
naghahatid ng
musika
naghahatid ng
napapanahong
balita
nagpapalabas ng
pelikula
nagbibigay ng
opinyon kaugnay
ng isang paksa
nagpapahatid ng
mga panawagan
nakikinig ng
mga awit
nagpapakilala ng
isang produkto
K W H L
Ano ang alam mo na?
Ano ang nais mong malaman?
Paano mo makikita ang nais
mong maunawaan?
Ano ang iyong natutuhan/
naunawaan?
Sa bahaging ito ng aralin, nais kong basahin at unawain mo ang mga
komentaryong panradyo. Unawain ang mga bagay sa likod ng isang isyung tumatalakay sa lipunang iyong ginagalawan, ang Freedom of Information Bill” bilang pokus ng isang komentaryong pagtalakay sa radyo, gayundin ang pakikinig sa isang programang panradyo na komentaryo ang lapat.
Narito ang isang bahagi ng pagtatalakayan sa radyo.
KOMENTARYONG PANRADYO KAUGNAY NG FREEDOM OF INFORMATION
BILL (FOI)
Announcer: Mula sa Bulwagang Pambalitaan ng DZYX, narito ang inyong
pinagkakatiwalaang mamamahayag sina Roel Magpantay at
Macky Francia at ito ang Kaboses Mo.
Roel: Magandang umaga sa inyong lahat!
Macky: Magandang umaga partner!
Roel: Partner, talaga namang mainit na isyu ngayon yang Freedom of
Information Bill na hindi maipasa-pasa sa Senado.
Macky: Oo nga partner. Naku, sabi nga ng iba, kung ang FOI ay
Freedom Of Income eh malamang nagkukumahog pa ang mga
politiko na ipasa iyan kahit pa nakapikit !
Roel: Sinabi mo pa, partner!
Macky: Ano ba talaga yang FOI na ‘yan partner?
Roel: Sang-ayon sa seksyon 6 ng Panukalang batas na ito eh bibigyan ng
kalayaan ang publiko na makita at masuri ang mga opisyal na
transaksiyon ng mga ahensya ng gobyerno.
Macky: Naku! Delikado naman pala ‘yan! Eh di magdiriwang na ang mga
tsismosa at pakialamero sa Pilipinas. Isyu dito, isyu doon na
naman yan! Demanda dito, demanda doon!
Roel: Eh ano naman ang masama, partner? Sa ganang akin, hindi ba’t
dapat naman talaga na walang itinatago ‘yang mga politikong
‘yan dahil sila ay ibinoto at nagsisilbi sa bayan.
Macky: Sa isang banda kasi partner maaring maging “threat” daw yan
sa mahahalagang desisyon ng lahat ng ahensya ng pamahalaan.
Masasabi mo bang malaki ang naging bahagi ng kasalukuyang anyo ng radyo bilang midyum ng pagpapalaganap ng panitikang popular? Ipaliwanag.
Roel: Sa tingin ko partner eh makatutulong pa nga yan dahil
magiging mas maingat sila sa pagdedesisyon at matatakot ang
mga corrupt na opisyal.
Macky: Eh pano yan partner? Ayon kay Quezon Representative
LorenzoTañada III, ‘pag hindi pa naipasa ang FOI bago mag-
Pasko eh mukhang tuluyan na itong maibabasura.
Roel: Naku! Naloko na!
Hinalaw at isinulat nina Cyrus Magpantay at Maricar Francia mula sa:
http://politikangpinoy.wordpress.com/2012/09/ Gabay na Tanong
Ano ang mga bagay na nakapukaw sa iyong isipan habang binabasa ang mga pahayag mula sa binasang halaw na pagtatalakayan sa radyo? GAWAIN 3.2.d : Radyopinyon
Basahin ang mga pahayag ng mga komentarista. Alin sa mga ito ang nagsasaad ng positibo at negatibong pananaw? Isulat sa bituin ang positibo at sa bilog ang negatibo. Gawin sa iyong sagutang papel.
GAWAIN 3.2.e : Radyomentaryo Bilang bahagi ng iyong gawain nais kong i-klik mo ang alin man sa mga link sa loob ng bilog. Makinig ng ilang napapanahong mga balita.
Para sa mga walang Internet sa klase, maaaring makinig sa radyo sa anomang estasyon sa AM o kaya ay basahin ang kasunod na teksto na kuwentuhang media.
Ang komentaryong panradyo ayon kay Elena
Botkin – Levy, Koordineytor, ZUMIX Radio; ay ang
pagbibigay ng oportunidad sa kabataan na maipahayag
ang kanilang mga opinyon at saloobin kaugnay sa isang
napapanahong isyu, o sa isang isyung kanilang napiling
talakayan at pagtuunan ng pansin. Ang pagbibigay
opinyon ayon kay Levy ay makatutulong nang malaki
upang ang kabataan ay higit na maging epektibong
tagapagsalita. Ayon pa rin sa kaniya, ang unang
hakbang upang makagawa ng isang mahusay at
epektibong komentaryong panradyo ay ang
pagkakaroon ng malawak na kaalaman sa pagsulat ng
isang sanaysay na naglalahad ng opinyon o pananaw.
http://www.tv5.com.ph/ click radyo5 http://www.interaksyon.com/article/42031/teodoro-l--locsin-jr---why-theyre-afraid-
of-foi
tunein.com/radio/Radyo-Patrol-630-s14674/
radioonlinenow.com/2011/02/25/listen-to-92-3-news-fm-online/
Tandaan : Habang ikaw ay nakikinig, sikapin
mong magtala ng iba’t ibang detalye tungkol sa:
1) Pamagat ng paksang tinalakay;
2) Mga batayan ng mga salaysay, at 3) Mga aral na natutuhan
Mga Gabay na Tanong:
1. Tungkol saan ang iyong napakinggan?
2. Paano naging malinaw at kapani-paniwala ang mga pahayag ng mga
komentarista?
3. Paano nagiging makabuluhan ang isang komentaryo?
KUWENTUHANG MEDIA
Posted by Online Balita on Jun 2nd, 2012
Nakatutuwang makakuwentuhan ang mga kasapi at pinuno ng media sa
okasyon ng kaarawan ng magaling na coordinator na si Liza Carreon sa isang forum
na kung tawagin ay TUESDAY CLUB sa Pasig City. Magagaling, matatalas at
analitikal ang kanilang mga pananaw sa halos lahat ng isyu o pangyayari sa ating
bansa, gaya ng mga usapin ng Panatag Shoal at ni CJ Renato Corona.
Kabilang sa media people na nakausap ko at nakapalitan ng kuro-kuro ay sina
Manila Bulletin Editor-in-Chief Cris “Jun” Icban; Butch Raquel, GMA vice president for
communications; BizNews Asia Magazine Editor-in-Chief Tony Lopez, Tony Katigbak
(chairman ng Tuesday Club); Bong Osorio ng ABS-CBN, ex-MMDA Chairman Bayani
Fernando at ex-Marikina City Mayor Marides Fernando; ex-Graphic editor Manuel
BAGO MAKASULAT NG ISANG DOKUMENTARYONG PANRADYO
NARITO ANG MGA DAPAT TANDAAN
Magsaliksik ng mga impormasyon
Huwag kalimutang banggitin ang mga personalidad na binanggit sa
mga detalye upang ipakita ang kredibilidad ng iyong isinulat
Magkaroon ng malinaw na pagpapasiya sa paksa
Almario; columnist Boo Chanco; Pandan, Catanduanes Mayor Resty de Quiroz,
dating reporter ng DZRH, at iba pa.
Sa ganitong pagtitipon, hindi masasayang ang iyong oras dahil bukod sa
tawanan, biruan at kumustahan, nakapupulot ka ng matatalino, magaganda at
sariwang opinyon, analisis at personal na paniniwala na kontra o katig sa isang
kontrobersiyal na personalidad o usapin. Ang Club na ito ay ipinundar ng yumaong
sina Max Soliven at Art Borjal.
Binigwasan ng China si US State Secretary Hillary Clinton dahil sa remarks
nito tungkol sa gusot sa West Philippine Sea (South China Sea) na rito ay lantarang
dinuduro ng dambuhalang bansa ang sisiw na Pilipinas sa Panatag Shoal. Ayon kay
Hillary, lumalabis ang China sa pag-angkin nito sa nasabing karagatan kontra sa
ipinahihintulot ng United Nations Convention on the Law of the Sea (UNCLOS).
Nagbabala ang China na hindi dapat makialam ang US sa usaping ito. Well,
maliwanag ang pahiwatig ni Ms. Clinton na tiyak na susugod ang US forces para
tulungan ang ating bansa sa sandaling ganap na salakayin at agawin ng China ang
Bajo de Masinloc.
Sa kabila ng pagbatikos at pagsalungat ng mga makakaliwang grupo na
sagad-hanggang-langit ang galit at pag-ayaw sa United States, walang magagawa o
masusulingan ang Pilipinas kundi ang humingi ng tulong (kahit hindi diretsahan) o
sumandal sa puwersa ng bansa ni Uncle Sam laban sa alinmang dayuhang lakas na
ookupa at manduduro sa atin.
Mga Gabay na Tanong
1. Anong napansin mo sa mga pahayag mula sa tekstong iyong binasa o sa mga pahayag na iyong napakinggan?
2. May mga salita bang ginamit ang may-akda o ang mamamahayag upang maging susi sa paglalahad ng mga detalye?
3. Batay sa teksto, paano inilahad ang bahaging ginampanan ng radyo bilang
salik ng panitikang popular sa pag-unlad ng kasalukuyang lipunan?
GAWAIN 3.2.f: Radyopormasyon Pagkatapos mong basahin at unawain ang mga pahayag sa binasang teksto, punan ang kasunod na kahon ng tamang mga impormasyon. Gawin sa papel.
Mga nagpapahayag ng impormasyon
Mga pahayag ng mga personalidad
Sariling pananaw
GAWAIN 3.2.g: Radyotik na mga Titik
Napansin mo ba ang mga salitang may salungguhit sa mga halimbawa ng iskrip panradyo na iyong binasa? Ang mga iyon ay tinatawag na”konsepto ng pananaw.”
Mula sa binasang teksto na Kwentuhang Media, Hanapin ang mga salitang tumutukoy sa mga konsepto ng pananaw. Isulat ang iyong sagot sa mga bilog. Gawin sa sagutang papel.
Ugnay-Wika
Narito ang ilan pang dagdag na kaalaman upang
lubos mong maunawaan kung ano ang tinatawag na
Konsepto ng Pananaw.
1. May mga ekspresiyong nagpapahayag ng konsepto ng pananaw. Kabilang
dito ang ayon/batay/para/sang-ayon sa/kay, ganoon din sa paniniwala/pananaw/akala
ko/ni/ng, at iba pa. Inihuhudyat ng mga ekspresyong ito ang iniisip, sinasabi o
paniniwalaan ng isang tao. Tulad nito:
Ayon/ Batay/ Sang-ayon sa 1987 Konstitusyon ng Pilipinas, ang Filipino
ang pambansang wika at isa sa mga opisyal na wika ng komunikasyon at
sistema ng edukasyon.
Sa paniniwala/ akala/ pananaw/ paningin/ tingin/ palagay ni/ ng
Pangulong Quezon, mas mabuti ang mala-impiyernong bansa na
pinamamahalaan ng mga Pilipino kaysa makalangit na Pilipinas na
pinamumunuan ng mga dayuhan.
Inaakala/ Pinaniniwalaan/ Iniisip kong hindi makabubuti kanino man ang
kanilang plano.
Sa ganang akin/ Sa tingin/ akala/palagay ko, wala nang gaganda pa sa
lugar na ito.
2. May mga ekspresiyong nagpapahiwatig ng pagbabago o pag-iiba ng paksa at/ o
pananaw, tulad ng sumusunod na halimbawa. Gayon man, mapapansing di tulad
ng naunang mga halimbawa na tumitiyak kung sino ang pinagmumulan ng
pananaw, nagpapahiwatig lamang ng pangkalahatang pananaw ang sumusunod
na halimbawa:
Sa isang banda/ Sa kabilang dako, mabuti na rin sigurong nangyari iyon
upang matauhan ang mga nagtutulog-tulugan.
Samantala, makabubuti sigurong magpahinga ka muna para makapag-isip ka
nang husto.
GAWAIN 8: RADYOMENTARYONG MAKABAGO
Mula sa mga gawaing iyong nabigyang-tugon mula sa simula ng araling ito, bigyang tugon ang tsart na kasunod sa bahagi ng L.
K
W
H
L
Pagkatapos mong maitala ang mga bagay na iyong natutuhan, nais ko naman na iyong bigyang-pansin ang mga bagay na nagdulot sa iyo ng maling pag-unawa. Hingin ang tulong ng iyong guro upang mas malawak at mas komprehensibo ang mga bagay na iyong natutuhan. Sa huli, gumawa ng isang komentaryong tumatalakay sa isang napapanahong isyu gaya ng Cyber Bullying, Child Protection Policy at Kalagayan ng Edukasyon sa Bansa. Gawin ito ayon sa hinihinging pamantayan.
1. Isang talatang sanaysay na nagbibigay puna o nagsasaad ng iyong
sariling pananaw.
2. Gamit ang mga salitang nagsasaad ng konsepto ng pananaw.
Subukin mo namang makagawa ng isang bagay na noong una’y inisip mong mga kilalang mamamahayag lamang sa radyo ang nakagagawa. Mula sa iyong naipong kaalaman sa mga nagdaang gawain, alam kong handa ka na.
Bilang Pangulo ng Interact Club ng inyong bayan; sa pamamagitan mo ay
inanyayahan kayong magpakita ng pagtatanghal ng isang programang panradyo
bilang pagbibigay-pugay sa isang “award winning radio broadcaster/
komentarista” na mula sa inyong bayan, nagdiriwang din siya ng kanyang ika-60,
kaarawan; kasabay ng pagdiriwang ng pagkakatatag ng Interact Club.
Tandaan: Ang panitikang popular ay may malaking kaugnayan sa
kulturang popular na ang mga bagay ay pawang gumagamit ng mga bagong
kasangkapan, imahe, diwa, at iba pang kaugnay na paksa, upang maitanghal
ang isang uri ng kulturang kakaiba sa dating nakagisnan ng mga Pilipino.
NARITO ANG MGA PAMANTAYAN SA PAGTATAYA NG GINAWANG PAGTATANGHAL NG ISANG PROGRAMANG PANRADYO
Pamantayan Napakahusay
4 Mahusay
3 Umuunlad
2 Nagsisimula
1 Kabuuang Marka
Masaklaw na paglalahad ng napapanahong impormasyon
Komprehensibo at makabuluhan ang napapanahong mga impormasyong inilalahad sa materyal alinsunod sa paksang itinatampok.
Masaklaw, makabuluhan at napapanahon ang mga impormasyong inilalahad sa materyal alinsunod sa paksang itinatampok.
Makabuluhan at napapanahon ang mga impormasyong inilalahad sa materyal alinsunod sa paksang itinatampok ngunit may mga detalyeng hindi nailahad na higit na makatutulong sa pagtatanghal
May makabuluhan at napapanahong mga impormasyong inilahad sa materyal ukol sa paksang itinatampok ngunit limitado ang mga ito.
Masining at maingat na paggamit ng wika
Natatangi ang paggamit ng wika ng kabataan nang higit pa sa inaasahang pamamaraan sa materyal.
Masining at maingat na nagamit ang wika ng kabataan sa kabuuang pagpapahayag sa nabuong materyal.
Masining at maingat na nagamit ang wika ng kabataan sa karamihan ng pahayag sa nabuong materyal.
Masining na ginamit ang wika ng kabataan sa karamihan ng pahayag sa nabuong materyal ngunit hindi maingat ang paggamit.
Mahusay na aspetong teknikal
Tipong propesyonal ang pagkakagawa sa materyal dahil sa husay ng pagtatagpi-tagpi ng mga elemento nito.
Taglay ang lahat ng kailangang elemento sa mabisang pagbuo ng materyal. Naipapamalas ang kahusayan sa teknikal na pagganap.
Taglay ang mga susing elemento sa mabisang pagbuo ng materyal at naipamalas ang angkop na teknikal na pagganap.
Naipamalas sa materyal ang minimal na antas ng pagtatagpi-tagpi ng elemento at teknikal na pagganap.
Pagkapraktikal ng rekomendasyon
Ang mga inilahad na rekomendasyon ay nagmumungkahi ng kaisipang pangmatagalan sa kamalayan ng madla
Malinaw at kapaki-pakinabang para sa lahat ang inilahad na rekomendasyon.
Makabuluhan ang karamihan sa inilahad na rekomendasyon.
May mga rekomendasyong inilahad ngunit hindi malinaw ang inimumungkahing mga kaisipan.
Kabuuang Marka
Naging madali ba para sa iyo ang paggawa ng isang iskrip panradyo? Paano nito naimulat ang iyong isipan sa katotohanan ng buhay? Gawin sa papel.
SAGOT:
________________________________________________________________
______________________________________________________________________
______________________________________________________________________
______________________________________________________________________
______________________________________________________________________
______________________________________________________________________
______________________________________________________________________
_____________________________________.
Binabati kita sa iyong pagsasakatuparan ng mga gawain kaugnay ng iyong
pagtuklas ng mga kaalaman kaugnay ng radyo bilang isang midyum ng broadcast media. Ngayon naman, ating aalamin ang mahahalagang kaalaman tungkol sa isa pang midyum ng broadcast media, ang telebisyon.
Isa pang mahalagang midyum sa larangan ng
broadcast media at hindi maikakailang bahagi ng buhay ng bawat Pilipino ang telebisyon. Naging bahagi at sinasabing kasama nga sa daily routine ng mga Pilipino ang panonood ng mga palabas sa telebisyon simula sa paggising sa umaga sa mga morning show hanggang sa oras na bago matulog sa mga prime time na mga panoorin kabilang na ang mga teledrama, balita at mga dokumentaryong pantelebisyon.
Saglit mang nahinto ang pamamayagpag ng telebisyon noong panahon ng Batas Militar, sumibol naman ang mas matapang na anyo ng balita at talakayan sa mas makabuluhang gampanin ng telebisyon sa mamamayan. Unti-unting ipinakilala ang telebisyon bilang midyum sa paghahatid ng mahahalagang kaganapan sa bawat sulok ng bansa sa pamamagitan ng dokumentaryong pantelebisyon. Dito kinilala ang mga batikang mamamahayag na sina CheChe Lazaro, Abner Mercado, Jessica Soho, Howie Severino, Sandra Aguinaldo, Jay Taruc at Kara David at iba pa.
Nais mo rin bang maging isang sikat at pinagtitiwalaang dokumentaristang
gaya nila? Paano mo lilinangin ang iyong kakayahan?
Sa araling ito, tatalakayin naman natin ang ilang mga hakbang upang maging isa kang mahusay na dokumentarista sa telebisyon - kung papaanong ang bawat galaw ng tao sa tunay na buhay ay mabibigyang-kulay sa likod ng kamera, at kung paanong ang katotohanang ipinakikita ng isang dokumentaryong palabas sa telebisyon ay naihahatid sa kaalaman ng bawat mamamayan.
GAWAIN 3.2.1: Paborito Kong Palabas!
Simulan mong pag-aralan ang tungkol sa telebisyon sa pamamagitan ng
pagkilala sa mga programang pantelebisyon sa ibaba. Alin- ang pamilyar sa iyo? Pumili ng tatlo at isaayos ayon sa dalas ng iyong panonood. Ipaliwanag kung bakit.
Mahusay mong nakilala ang mga larawan, tunay ngang ikaw ay isang aktibong
kabataan at mulat sa kamalayan ng mga pangyayari sa iyong paligid.
GAWAIN 3.2.j: Gulong ng Buhay Telebisyon
Magbigay ka ng mga dahilan kung bakit mo pinanonood ang programang pantelebisyon.
PAMAGAT NG PROGRAMA DAHILAN KUNG BAKIT PINANONOOD
TV Patrol
ART Angel
Matanglawin TV Patrol
Rated K
Talentadong
Pinoy
Tween Hearts
i - Witness
XXX
Umagang Kay
Ganda
Weekend
Getaway
GAWAIN 3.2.k: Telembistiga
Pansinin ang mga pamagat ng palabas sa telebisyon na nakasulat sa kasunod
na mga kahon. Ibigay ang pagkakatulad nila.
Alam kong naging madali para sa iyo ang pagkilala at pagbibigay detalye sa mga larawan sa itaas. Oras na upang ipagpatuloy mo ang pag-unawa at pag-aaral ng araling ito.
Mga Gabay na Tanong
1. Ano-ano ang ipinakikita ng mga larawan?
2. Sino-sino ang tagapag-ulat sa mga programang nabanggit?
3. Paano nila tinatalakay ang kanilang mga paksa?
4. Ang telebisyon bilang salik ng panitikang popular ay maituturing bang isang
malaking impluwensya sa paghubog ng bagong kabataan? Pangatuwiranan.
Ano ang napansin mo sa iyong mga sagot? Tama! Mga pahiwatig na ikaw ay nakikisangkot sa mga usaping panlipunan gamit ang broadcast media tulad ng telebisyon. Ipagpatuloy mo ang pagtuklas ng karunungan sa susunod pang mga gawain. Nais kong bigyang-pansin mo ang bahaging ito ng aralin. Malaki ang maitutulong nito upang higit mong maunawaan ang kaugnayan ng naunang mga gawain sa mga susunod pa.
STORYLINE
KRUSADA
S. O. C. O.
INVESTIGATIVE DOCUMENTARIES
REEL TIME
REPORTER’S
NOTEBOOK
GAWAIN 3.2.l: Teleisipan ng Buhay Kung mayroon kang kompyuter at konesksyon sa internet, panoorin ang dokumentaryong “PAGPAG FOR SALE” SineTotoo ni Howie Severino na matatagpuan sa youtube. http://www.youtube.com/watch?v=5ERcIh2nJx0&feature=related.Kung wala nama’y
basahin mo ang blog para sa isang dokumentaryong pantelebisyon.
“Sa Gitna ng Dilim”
ni MiL Adonis
Kasalukuyan akong nasa high-school nang una kong mapanood ang
maituturing kong isa sa pinakamaimpluwensiyang bagay sa aking buhay. Ang
dokumentaryo ni Kara David na “Gamu- gamo
sa dilim” ang nagbukas sa mura kong pag-iisip
sa kahalagahan ng edukasyon at sa kung
paanong dapat ito’y pinahahalagahan.
Humanga ako sa dedikasyon ng mga
guro at higit sa lahat sa mga kabataan ng
mga taga Little Baguio dahil bagama’t kulong
sila sa rehas ng kahirapan at bulag sa dilim
ng kanilang mga landas ay patuloy silang
nagsusumikap, nangangarap at lumalaban upang maging mas maliwanag ang kanilang
kinabukasan.
Dahil sa inspirasyong idinulot sa aking puso ng dokumentaryong ito, nabago
ang aking naunang mga pangarap sa buhay.
Una kong hinangad na maging isang mahusay na inhenyero upang tuparin
ang naunsiyaming pangarap ng aking ama para sa kanyang sarili subalit, napalitan
ito ng higit na mataas na pangarap, pangarap na makatulong sa ibang tao at maging
boses at mata ng mga taong dapat pakinggan at dapat paglaanan ng higit na
atensyon.
Nang tumuntong ako sa kolehiyo, kinuha ko ang kursong hindi inasahan ng
lahat na aking kukunin. Tangan-tangan ang pangarap at paniniwalang ibinigay sa
akin ng dokumentaryong “Gamu-gamo sa dilim”, kinuha ko ang kursong AB Mass
Communication.
Gusto kong sumilip sa lente ng camera, baka sakali, makita ko ang mga
bagay na hindi nakikita ng iba. Baka sakali, ang lipunang aking ginagalawan ay higit
kong makilala. Nais kong humawak ng panulat, baka sakali, sa mga letrang iguguhit
ko sa papel at mga kuwentong aking isusulat ay higit na maunawaan atmakikilala ng
mga tao ang kanilang mga sarili gayun din ang mga tao sa kanilang paligid. Gusto
ko, dumami ang mga katulad ni Myra, na sa gitna ng kahirapan, sa gitna ng walang
kasiguraduhang buhay at sa gitna ng kadiliman ng paligid ay pilit niyang nilampasan
ang lahat at naging isang ganap na tanglaw at liwanag.
Mga Gabay na tanong:
1. Ano-ano ang pumukaw sa iyong damdamin habang pinanonood ang dokumentaryo?
2. Bilang kabataan, anong masasabi mo sa mga pangyayaring ito sa iyong lipunan?
3. Anong gamapanin ng telebisyon ang ipinakita sa dokumentaryong ito? Narito naman ang mga dagdag kaalaman na dapat mong tandaan na alam
kong magagamit mo sa susunod na gawain:
Basahin at unawain mo ang ilang paraan upang tagumpay na maisakatuparan ang gagawing pananaliksik para sa isang dokumentaryo.
Gaya ng pelikula ang mga programang pantelebisyon ay
maituturing ding isang uri ng sining na nagsisilbing libangan at
gumigising sa isip at damdamin ng isang tao. Ito’y mahalaga at
mabisang sangay ng kabatirang panlipunan, pang-espirituwal,
pangkultura, pangmoralidad, pang-edukasyon at iba pa. Malaki ang
nagagawang impluwensiya nito sa katauhan ng isang nilalang. Ang mga
kaisipan, ugali, kabuluhan at pananaw ng isang nilikha ay maaaring
maimpluwensiyahan ng pinanonood na mga programa sa telebisyon.
Dokumentaryong Pantelebisyon – Mga palabas na naglalayong
maghatid ng komprehensibo at estratehikong proyekto na sumasalamin
sa katotohanan ng buhay at tumatalakay sa kultura at pamumuhay sa
isang lipunan.
BAGO SINIMULAN ANG PANANALIKSIK BASAHIN MUNA ANG MGA DAPAT TANDAAN SA PAKIKIPANAYAM UPANG MAISAKATUPARAN ANG PAGBUO
NG DOKUMENTARYONG PANTELEBISYON
1. PAGHAHANDA PARA SA PANAYAM
*Magpaalam sa taong gustong kapanayamin *Kilalanin ang taong kakapanayamin *Para sa karagdagang kaalaman i-klik ang kasunod na site http://www.careerandjobsearch.com/interview_checklist.htm
Mga Dapat Gawin Bago Magpanayam
Teknik sa Pakikipanayam
Bago Magpanayam
2. PAKIKIPANAYAM
*Maging magalang *Magtanong nang maayos. *Itanong ang lahat ng ibig malalam kaugnay ng paksa. *Makinig nang mabuti sa sagot ng kinakapanayam. http://www.careerandjobsearch.com/interview_checklist.htm
Teknik sa Pakikipanayam
Tagumpay sa Pakikipanayam
3. PAGKATAPOS NG PANAYAM *Magpasalamat.
*Iulat nang maayos ang nakuhang impormasyon sa panayam http://www.careerandjobsearch.com/post_interview.htm
Pagkatapos ng Panayam
GAWAIN 3.2.m: Telehanayan ng Kasagutan
Sa gawaing ito, ikaw mismo sa iyong sarili ang makapagtatala ng mga bagay na iyong natamo sa pag-aaral ng araling ito. Maging maingat at matapat ka sa pagtugon sa hinihingi nito. Gamit ang talaan ng paglalahat na nasa kabilang pahina nais kong sagutin mo ang unang apat na kolum, ang ikalimang kolum ay iyong sagutin sa pagtatapos mo sa kabuuan ng aralin kaugnay ng telebisyon.
Paksa: “Ang telebisyon ba bilang midyum ng panitikang popular ay may
Ugnay-Wika
malaking impluwensiya sa paghubog ng bagong kabataan?”
MGA NAUNA
NANG NALAMAN
MGA
NALAMAN AT NATUKLASAN
MGA PATUNAY NG NALAMAN
AT NATUKLASAN
KATANGGAP-TANGGAP NA
MGA KONDISYON
PAGLALAHAT
GAWAIN 3.2.n: Telementaryo Maraming makabuluhang kaisipan ang tinalakay sa dokumentaryong iyong napanood. Subukin mong dugtungan ang kasunod na mga pahayag upang makabuo ng kaisipang inilalahad nito. Gawin sa sagutang papel.
1. Dadalhin ang pagpag sa karinderya para ____________________.
2. Dahil _____________ kaya binubura sa isipan ang pinanggagalingan ng pagkain.
3. Nililinis nilang mabuti ang pagpag nang sa ganoo’y ______________.
4. Dahil sa inspirasyong idinulot sa aking puso ng dokumentaryong ito,
_________________________________________.
5. Tangan-tangan ang pangarap at paniniwalang ibinigay sa akin ng dokumentaryong “Gamu-gamo sa dilim,” __________________________.
Napansin mo ba ang pagkakatulad ng mga pahayag sa itaas? Ano ang iyong napuna? Tama, may mga salitang ginagamit upang makabuo ng mga ekspresiyong nagpapahayag ng kaugnayang lohikal. Narito pa ang karagdagang impormasyon hinggil sa mga ekspresiyong nagpapakita ng mga konseptong may kaugnayang lohikal.
MGA KONSEPTONG MAY KAUGNAYANG LOHIKAL
May mga konseptong higit na nagiging makahulugan kapag pinag-ugnay o
pinagsama. Halimbawa nito ang mga konseptong nagpapahayag ng relasyon o
kaugnayang lohikal tulad ng dahilan at bunga, layunin at paraan, paraan at
resulta, kondisyon at bunga o kinalabasan.
1. Dahilan at Bunga/ Resulta Nagpapahayag ng sanhi o dahilan ang dahilan ng isang pangyayari.
Nagsasabi naman ng bunga o kinalabasan ang resulta nito.
Tingnan ang halimbawang mga pangungusap na nagpapakita ng
relasyong dahilan/sanhi at resulta/ bunga. Pansinin ang mga pang-ugnay na
ginamit, gayon din ang padron ng pagsusunod-sunod ng mga konsepto.
(nakaturo sa resulta ang arrow o palaso)
Nag-aaral siyang mabuti (dahilan + pang-ugnay+resulta) kaya/kaya naman natuto siya nang husto. Nag-aaral siyang mabuti. (dahilan + pu + resulta; may hinto dahil dito/Bunga nito/Tuloy sa pagitan ng dahilan at
resulta) natuto siya nang husto. Sapagkat/Pagkat/Dahil (pu + dahilan + resulta; may hinto nag-aral siyang mabuti pagkatapos ng dahilan) natuto siya nang husto. Natuto siya nang husto (resulta + pu + dahilan) sapagkat/pagkat/kasi/ dahil nag-aral siyang mabuti
Makikitang maipahahayag ang relasyong dahilan at bunga sa iba’t
ibang paraan. Ginagamit ang mga kawsatib na pang-ugnay na sapagkat,
dahil, dahilan sa at kasi sa pagsasabi ng dahilan o sanhi samantalang
naghuhudyat ng resulta o bunga ang mga pang-ugnay na kaya, kaya naman,
dahilan dito at bunga nito.
2. Paraan at Layunin
Ipinakikita ng relasyong ito kung paano makakamit ang isang layunin o
naiisipan sa tulong ng isang paraan. Tingnan ang halimbawa. Pansinin ang
mga pang-ugnay, pati na ang padron ng pagpapahayag ng relasyon.
(Nakatuon sa layunin ang arrow o palaso)
Upang/Para matuto nang husto, (pu + layunin + paraan nag-aaral siyang mabuti. May hinto pagkatapos ng
Layunin) Nag-aaral siyang mabuti upang /para/nang sa ganoo’y (paraan + pu + layunin) matuto nang husto.
Sa relasyong ito, ginagamit ang mga pang-ugnay na para, upang, o nang sa ganoon upang maihudyat ang layunin.
3. Paraan at Resulta
Nagpapakita ang relasyong ito kung paano nakukuha ang resulta. Sa
mga halimbawa, nakaturo sa resulta ang arrow.
Sa matiyagang pag-aaral, (paraan + resulta) nakatapos siya ng kaniyang kurso. Nakatapos siya ng kaniyang (resulta + paraan) kurso sa matiyagang pag-aaral.
Mapapansing walang ginamit na pang-ugnay sa relasyong ito. Inihuhudyat ng sa ang paraang ginamit upang makamit ang resulta.
4. Kondisyon at Bunga o Kinalabasan
Maihahayag ang relasyong ito sa dalawang paraan:Una, tumbalik o
salungat sa katotohanan ang kondisyon. Tingnan ang halimbawa kung saan
nakaturo sa bunga o kinalabasan ng arrow.
Kung nag-aaral ka lang nang mabuti, (pu + kondisyon + bunga) sana’y natuto ka nang husto. Natuto ka sana nang husto (bunga + pu + kondisyon) kung nag-aral kang mabuti. At ikalawa, haypotetikal ang kondisyon; tulad nito: Kapag/Sa sandaling/ basta’t (pu+ kondisyon + bunga) nag-aral kang mabuti, matututo ka nang husto.
Matututo ka nang husto (bunga + pu + kondisyon) kapag/ sa sandaling/ bastat nag-aral kang mabuti.
Sa unang paraan (salungat sa katotohanan ang kondisyon), ginamit ang pang-
ugnay na kung at karaniwan itong sinamahan ng sana upang maipakitang salungat
nga sa katotohanan ang bunga o kinalabasan. Sa ikalawa, ginamit ang kapag,
sandaling… o basta’t upang ipahayag na maaaring maganap ang isang pangyayari
kung isasagawa ang kondisyon.
GAWAIN 3.2.o: Sinematotohanang Kaganapan
Gamit ang mga salita o ekspresiyong nagpapakita ng mga ugnayang lohikal, sabihin ang kaisipang isinasaad ng bawat larawan. Gawin sa papel.
Pagkatapos mong makita ang mga larawan sa pahina sa itaas, sagutin mo
ang sumusunod na tanong.
1. Ano-ano ang ipinakikita ng mga larawan?
2. Paano tinatalakay ang kanilang mga paksa?
3. Nagsilbing daan ba ang mga larawan upang maimulat ka sa katotohanan ng mga kaganapan sa iyong lipunan?
Binabati kita, alam kong naging madali para sa iyo ang pagkilala at
pagbibigay-detalye sa mga larawan. Oras na upang ang mga natutuhan mo sa mga gawain sa araling ito ay mabigyan mo ng pagtataya.
kaisipan
kaisipan kaisipan
kaisipan
kaisipan
kaisipan
GAWAIN 3.2.p: DokPantele
Layunin mo sa gawaing ito na ilapat sa tunay na sitwasyon ang mahahalagang konsepto tungkol sa dokumentong pantelebisyon na iyong natutuhan. Basahin at unawain ang ipagagawa ko saiyo.
Sitwasyon:
Taon-taon ay idinaraos ang pagdiriwang para sa pagkakatatag ng inyong
lalawigan. Ngayong taon, naatasan ang inyong Samahang Pangkabataan ng
Lalawigan (SPL) upang magkaroon ng isang palabas sa gabi ng pagtatanghal. Bilang
Pangulo ng inyong samahan, ikaw ang naatasang manguna sa pagpapalabas na may
layuning maipabatid ang kasalukuyang kalagayan ng inyong lalawigan. Ito ay sa
pamamagitan ng dokumentaryong pantelebisyon. Ang dokumentaryong inyong
itatanghal ay dapat a) gumamit ang wika ng kabataan sa kaslukuyan, b) may mga
ekspresiyong nagpapakita ng mga konseptong may kaugnayang lohikal, at c) estilo
ayon sa halimbawang iyong nabasa o napanood at sa panlasa ng kabataang tulad
mo.
Magaling! Natapos na nating talakayin ang tungkol sa radyo at telebisyon, at natitiyak kong naunawaan mo na rin ang mahahalagang konsepto na nakapaloob sa araling ito. Para makatiyak ako, gawin mong muli ang sumusunod na gawain.
Pagnilayan at Unawain Sa bahaging ito, nais kong pagnilayan mo ang sumusunod na gawain
upang higit mong mapalalim ang iyong pag-unawa sa mahahalagang konsepto na
nakapaloob sa araling ito. Inaasahan ko na pagkatapos ng mga gawain, ang
lahat ng iyong maling akala o palagay ay naitama na dahil ito ang daan upang
mabisa mong mailipat sa tunay na sitwasyon ang mahahalagang konsepto na
iyong natutuhan. Ipaliwanag sa pamamagitan ng sumusunod na dayagram kung
paano nakatutulong ang Broadcast Media sa iba’t ibang kaparaanan sa ating
araw-araw na pamumuhay.
Ilipat
BROADCAST MEDIA
RADYO TELEBISYON
pagbibigay ng impormasyon
pagpapahayag ng mga pananaw at opinyon
pagpapabatid ng mga pangunahing suliranin
paglalatag ng mga solusyon sa mga pangunahing suliranin
aksiyong naisagawa/solusyon sa ipinahatid na mga suliranin (serbisyo publiko)
Buuin ang pahayag
Ang Broadcast Media ay nakatutulong sa ating araw-araw na
pamumuhay
sapagkat____________________________________________
___________________________________________________
___________________________________________________
___________________________________________________
____________________
Pagkakataon mo nang ilipat ang mahahalagang konsepto na iyong natutuhan sa araling ito. Alam kong kayang-kaya mo ito. Kung mayroon ka pang hindi nauunawaan, maaari mong tanungin ang iyong guro. Sa pamamagitan ng mga kasanayang iyong natutuhan mula sa mga aralin kaugnay ng broadcast media, tiyak kong matagumpay mong naisakatuparan ang mga gawaing iyong isinagawa! Alam kong nabatid mo rin ang papel na ginagampanan ng broadcast media sa paghahatid ng mahahalaga at napapanahong impormasyon na nagdudulot sa pagkakaroon ng kamalayang panlipunan ng mamamayan. Muli, subukin natin ang iyong galing at talino. Nasa ibaba ang isang gawaing tiyak kong kayang-kaya mong isakatuparan.
Isa kang mamamahayag o journalist/ broadcaster. Ikaw ay
naatasang magsaliksik kaugnay ng napapanahong isyu sa ating bansa.
Binigyan ka ng kalayaan na pumili kung ikaw ay lilikha ng iskrip
para sa isang komentaryong panradyo o kaya naman ay para maging
bahagi ng isang dokumentaryong pantelebisyon.
Para sa pagsasagawa ng komentaryong panradyo, kinakailangan
mong sumulat ng isang iskrip na magtatampok sa batuhan ng ideya at
komentaryo kaugnay ng iyong napiling paksa o isyu. Inatasan kang
manaliksik upang magkaroon ng wasto at mapanghahawakang
impormasyon mula sa mga personalidad na may kinalaman sa paksa o
isyu. Kinakailangang bumuo ka ng iskrip para sa dalawang
mamamahayag na siyang magbabasa nito sa isang programa sa radyo –
ang KABOSES.
Kung ikaw naman ay makikiisa sa Pagbuo ng Dokumentaryong
Pantelebisyon, kinakailangan mong makipanayam sa isang tao na
makapagbabahagi ng impormasyon o kaya naman ay may mahalagang
opinyon kaugnay ng paksa o isyung iyong napili. Ang iskrip na iyong
mabubuo ay magiging bahagi ng isang dokumentaryong ipalalabas sa
KABOSES Station Channel
Narito ang ilan sa mga isyu na maaaring maging paksa ng iyong komentaryong
panradyo o dokumentaryong pantelebisyon:
Dagdag na Taon sa Hayskul, Kailangan Pa Ba?
Ang mundo ba’y sadyang sa pera umiikot?
Pamahalaan, Lagi Bang Handa Sa Panahon ng Kalamidad?
Bagong teknolohiya sagot nga bas a pag-unlad?
Katangiang Pang-Multimedia
Gumamit ng mga
grapiko, video,
tunog, at iba pang
multimedia na
makatutulong
upang higit na
maging
makabuluhan ang
presentasyon.
Sumunod sa batas
kaugnay ng
copyright sa
paggamit ng
multimedia
features.
Gumamit ng
multimedia upang
maisagawa ang
presentasyon.
Sumunod sa batas
kaugnay ng
copyright sa
paggamit ng
multimedia
features.
Gumamit ng
multimedia upang
maisagawa ang
presentasyon,
ngunit may mga
pagkakataong
nalalayo sa tema.
Sumunod sa batas
kaugnay ng
copyright sa
paggamit ng
multimedia
features.
Di- gumamit ng multimedia
upang maisagawa ang
Presentasyon
Pagiging Malikhain
Ang presentasyon
ay ginamitan ng
kakaibang mga
likhang sining
upang mahikayat
ang mga
manonood,
makadaragdag sa
pagpapalabas ng
layunin at tema ng
paksa.
Ang presentasyon
ay ginamitan ng
kakaibang mga
likhang sining
upang mahikayat
ang mga
manonood.
Sinubukang
gamitan ng
kakaibang mga
likhang sining
upang mahikayat
ang mga
manonood.
Walang ginamit na
kakaibang mga likhang
sining upang mahikayat ang
mga manonood.
Pagtatanghal
Isulat ang matatapos mong iskrip sa isang bond paper. Tiyakin na malinis at
maayos ang pagkakasulat nito. Gagamitin sa pagtataya ng iyong gawa ang mga rubric
na ginamit sa pagtataya ng komentaryong panradyo at dokumentaryong
pantelebisyon sa naunang mga gawain.
Narito ang rubrik kung paano mamarkahan ang iyong produkto:
Rubrik para sa Multimedia Presentation
Pinakamahusay
4
Mahusay
3
Umuunlad
2
Nagsisimula
1
Nilalaman: Layunin
Ang presentasyon ay
may tiyak na layunin o
tema. Ang lahat ng
ipinakita rito ay may
tiyak na kaugnayan sa
layunin at lubhang
makabuluhan.
Ang presentasyon
ay may tiyak na
paksa, at may
kaugnayan ang
mga ipinakita rito
sa paksa.
May tiyak na paksa
ang presentasyon
ngunit ilang bahagi
lamang ang
nagpakita ng
kaugnayan sa
paksa.
Di malinaw na
naipakita ang paksa
at ang karamihan sa
bahagi ay walang
malinaw na
kaugnayan sa tema.
Nilalaman: Kongklusyon
Ginamit ko ang aking
natutuhan at mga dati
ng kaalaman upang
mailahad ang aking
pag-unawa sa mga
datos na nakalap.
Nakapaghinuha
ako nang maayos
na kongklusyon
mula sa mga datos
na nakalap.
Sa tulong ng iba,
nakapaghinuha
akong isang
magandang
kongklusyon.
Di naging madali
ang paghinuha ko
ng kongklusyon.
Binabati kita at matagumpay mong natugunan ang mga gawain sa Aralin 3.2. Ngayon ay inanyayahan kitang tayain ang natamo mong mga kaalaman at nalinang na kakayahan mula sa pagtalakay mo sa modyul na ito.
Pinaghandaang
mabuti ang bawat
linya at malinaw
na binigkas ang
bawat salita.
Naipakita ang
kabuluhan ng
paksa at tema
nito.
Pinaghandaang
mabuti ang bawat
linya at malinaw
na binigkas ang
bawat salita.
May mga ilang
pagkakataong
kinabahan habang
nagsasalita.
Di-napaghandaan ang
pagsasalita at pagganap.
VII. Pangwakas na Pagtataya
Punan ang mga patlang sa bawat bilang upang mabuo ang mga kaisipang isinasaad.
1. Nababatid ng mga mamamayan ang kasalukuyang kaganapan sa kaniyang
paligid sa pamamagitan ng _____________________________________.
2. Sa pamamagitan ng mga programa sa radyo,
______________________________________________________________
___________________.
3. Sa panonood ng mga dokumentaryong pantelebisyon, ang kabataan ay
___________________________________________________________.
Buong husay mong naisagawa ang Aralin 3.2. Handang-handa ka na para sa huling aralin ng modyul na ito. Pag-uusapan naman natin ang tungkol sa dokumentaryong pampelikula.