bakı - 2018tedris.taxes.gov.az/assets/upload/files/təlim... · 2018-10-30 · 3 1. büdcənin...
TRANSCRIPT
1
Azərbaycan Respublikası Vergilər Nazirliyinin
Tədris Mərkəzi
“Dövlət büdcəsi. Vergi daxilolmalarının büdcə gəlirlərində rolu”
mövzusu üzrə
TƏLİM MATERİALI
Dinləyicilər Müsabiqə yolu ilə vergi orqanlarına staj müddətinə işə qəbul
edilən əməkdaşlar;
Təhsilalma forması əyani;
Tədris müddəti 2 saat;
Müəllif Qarayev İmran Əliyar oğlu, kafedra müdiri.
Tədrisin məqsədi - mövzunun tədrisinin məqsədi dinləyicilərin büdcə sistemi
haqqında Azərbaycan Respublikasının Qanunu ilə yaxından tanış olması, Azərbaycan
Respublikasının büdcə sistemi, büdcə siyasəti haqqında biliklərə yiyələnməsi və vergi
daxilolmalarının büdcə gəlirlərində rolunun müəyyənləşdirilməsindən ibarətdir.
Bakı - 2018
2
MÜNDƏRİCAT
1. Büdcənin iqtisadi məzmunu
2. Büdcə siyasətinin nəzəri əsasları
3. Büdcə təsnifatı
4. Dövlətin büdcə siyasəti
5. Büdcə sistemi haqqında Azərbaycan Respublikasının Qanunu
6. Dövlət büdcəsinin gəlirləri
7. Dövlət və vergi daxilolmaları
8. Büdcə siyasətinin təkmilləşdirilməsi
9. Azərbaycan Respublikasının 2018-cı ilin dövlət büdcəsi
10. Nəzarət sualları
11. Müstəqil öyrənmək üçün tapşırıqlar
12. Ədəbiyyat
3
1. Büdcənin iqtisadi məzmunu
Tarixən ''budget'' məvhumu ingilis mənşəli söz olub çanta, torba mənasında
işlənmişdir. XVIII əsrdən etibarən maliyyə kateqoriyası kimi leksikona daxil olmuş, məna
etibarilə xəzinə sözünə yaxın olmuşdur.
Büdcə – Azərbaycan Respublikasının müvafiq dövlət hakimiyyəti və özünüidarəetmə
orqanları vasitəsilə dövlətə və bələdiyyələrə məxsus vəzifə və funksiyaları yerinə yetirmək
üçün lazım olan pul vəsaitinin yığılması və istifadə olunması üçün əsas maliyyə sənədidir.
Büdcə vasitəsilə dövlət və bələdiyyə orqanları öz üzərilərinə düşən vəzifə və
funksiyaları yerinə yetirir. Belə ki, dövlət büdcə vəsaiti hesabına idarəetmə aparatını və
ordunu saxlayır, sosial-mədəni tədbirləri həyata keçirir, iqtisadiyyatı tənzimləyir və inkişaf
etdirir.
Büdcə dövlətin və bələdiyyələrin əsas maliyyə planı olmaqla, dövlət hakimiyyəti və
bələdiyyə orqanlarına onların fəaliyyətini yerinə yetirməyə imkan verir. Büdcə dövlətin
maliyyə vəziyyətini əks etdirir və buna əsasən ölkədə vergi siyasətini müəyyən edir. Büdcə
ölkədə milli gəlirin və Ümumi daxili məhsulun (ÜDM) yenidən bölgüsünü həyata keçirir, pul
vəsaitləri fondlarının xərc istiqamətlərini müəyyənləşdirir, iqtisadiyyatın dövlət tərəfindən
tənzimlənməsini həyata keçirir.
Büdcə maliyyə münasibətlərini əks etdirən tarixi iqtisadi kateqoriyadır. Onun
yaranması və inkişafı dövlətin yaranması və formalaşması ilə bilavasitə əlaqədədir. Dövlət
büdcədən özünün funksiyalarının həyata keçirmək üçün əsas iqtisadi alət kimi istifadə
edərək, eyni zamanda iqtisadi və sosial siyasəti də həyata keçirir.
Büdcə iqtisadi kateqoriya kimi maliyyə sisteminin tərkib hissəsidir, pul münasibətlərini
təzahür etdirir və maliyyənin funksiyalarını özündə əks etdirir.
Büdcə aşağıdakı funksiyaları həyata keçirir:
ümumi daxili məhsulun yenidən bölüşdürülməsi;
iqtisadiyyatın dövlət tənzimlənməsi və həvəsləndirilməsi;
dövlətin sosial siyasətinin həyata keçirilməsinin maliyyə təminatı;
mərkəzləşdirilmiş pul vəsaitləri fondlarının yaradılması və istifadəsi üzərində
nəzarət.
Büdcə vasitəsilə ÜDM-un yenidən bölgüsü eyni vaxtda həyata keçirilən və bir-biri ilə
sıx əlaqədə olan ikitərəfli prosesdir:
- büdcənin gəlirlərinin yaradılması;
- büdcə vəsaitlərinin istifadəsi (büdcənin xərcləri).
4
Büdcə gəlirləri - Azərbaycan Respublikasının, Naxçıvan Muxtar Respublikasının və
yerli özünüidarəetmə orqanlarının müvafiq qanunvericilik aktları ilə müəyyən olunmuş
qaydada dövlət büdcəsinə, Naxçıvan Muxtar Respublikasının büdcəsinə və yerli
büdcələrə daxil olan vergilər, rüsumlar, digər ödənişlər və daxilolmalardır.
Büdcə gəlirlərinin yaranması prosesində, ictimai istehsal prosesində yeni yaranan
ÜDM-un bir hissəsinin dövlətin və bələdiyyələrin xeyrinə məcburi yenidən bölüşdürülməsi
baş verir. Bununla dövlətlə və bələdiyyə orqanları ilə vergi ödəyiciləri arasında maliyyə
münasibətləri yaranır.
2. Büdcə siyasətinin nəzəri əsasları
Dövlət öz funksiyalarını yerinə yetirmək üçün lazımi miqdarda maliyyə vəsaitini
səfərbərliyə almalı və istifadə etməlidir ki, bu da əsasən büdcə vasitəsilə həyata keçirilir.
Büdcə mexanizmi vasitəsilə maliyyə vəsaitinin toplanması və istifadəsi zamanı dövlətlə
hüquqi və fiziki şəxslər arasında müəyyən maliyyə münasibətləri əmələ gəlir. Həmin
maliyyə münasibətləri dövlətin maliyyə-büdcə siyasəti vasitəsilə tənzimlənir.
Dövlətin büdcə siyasəti ilə əlaqədar bir-neçə konsepsiya vardır. Birinci konsepsiyanın
mahiyyəti ondan ibarətdir ki, büdcə hər il tarazlaşdırılmalıdır. Son zamanlaradək milli
iqtisadiyyatın sabit inkişaf etdirilməsini təmin edən büdcə, maliyyə siyasətinin məqsədini
ifadə edən və hər il tarazlaşdırılan büdcə hesab edilirdi. Lakin bu problemi bir qədər
dərindən və hərtərəfli nəzərdən keçirsək aydın olacaq ki, belə büdcə dövlətin fiskal
siyasətinin səmərəliyini ya tamamilə aradan qaldırır, yaxud da onu azaldır. Bunu yaxşı
başa düşmək üçün bu vəziyyəti nəzərdən keçirək. Tutaq ki, iqtisadiyyatda uzunmüddətli
işsizlik hökm sürür və əhalinin gəlirləri gündən-günə azalır. Aydın məsələdir ki, bu zaman
vergilər hesabına büdcəyə daxilolmalar azalacaqdır. Hökumət, büdcəni tarazlaşdırmaq
üçün ya vergi dərəcələrini qaldırmalı, ya dövlət xərclərini ixtisar etməli, yaxud da onları bir-
biri ilə əlaqələndirməlidir. Lakin bunlar ümumi tələbin daha da azalmasına səbəb ola bilər.
Büdcə siyasəti ilə əlaqədar ikinci konsepsiyanın mahiyyəti ondan ibarətdir ki, büdcə
hər il yox, iqtisadi tsiklin gedişində tarazlaşdırılmalıdır. Bu konsepsiyanın məntiqi cəhətdən
Maliyyə-büdcə siyasəti – hər bir konkret tarixi dövrdə cəmiyyətin idarə edilməsi,
iqtisadi-sosial və siyasi vəzifələrinin həyata keçirilməsi məqsədilə dövlətin
mərkəzləşdirilmiş və qeyri mərkəzləşdirilmiş pul vəsaiti fondlarının yaradılması və
məqsədəuyğun istifadəsi ilə əlaqədar olaraq həyata keçirdiyi tədbirlər sistemindən
ibarətdir.
5
əsaslandırılması olduqca sadədir. Belə ki, istehsalın azalmasının qarşısını almaq üçün
hökumət vergiləri azaldır və dövlət xərclərini artırır, yəni şüurlu surətdə müvəqqəti olaraq
büdcə kəsirinin artmasına şərait yaradır. İstehsalda yüksəlişə nail olunduqda vergilər
artırılır, dövlət xərcləri isə ixtisar olunur. Büdcədə əmələ gələn müsbət qalıqdan, istehsal
azaldığı dövrdə meydana çıxan kəsirin “örtülməsi” üçün istifadə edilir. Beləliklə, dövlət bu
cür siyasət yeritməklə iqtisadi tsiklin müxtəlif mərhələlərində büdcəni tarazlaşdırır.
Bu konsepsiyanı reallaşdırdıqda meydana çıxan başlıca problem ondan ibarətdir ki,
iqtisadi tsikldə azalma və yüksəliş, müddətlərinə görə eyni olmurlar. Məsələn, istehsalın
uzun müddətli azalma meyli qısa müddətli yüksəliş dövrü ilə əvəz oluna bilər. İstehsal
azaldığı dövrdə əmələ gələn büdcə kəsiri və dövlət borcu yüksəliş dövründə əldə edilən
çox da böyük olmayan müsbət qalıqla örtülmür. Bu isə o deməkdir ki, büdcədə vaxtaşırı
kəsir əmələ gəlir.
Dövlət büdcəsi dövlətin funksiyalarının yerinə yetirilməsi ilə əlaqədar olan xərclərin
maliyyələşdirilməsini təmin edir. Dövlət maliyyəsinin növbəti həlqəsi büdcədənkənar
məqsədli dövlət fondlarıdır. Büdcədənkənar fondlar həm sosial, həm də istehsal xarakterli
olurlar. Büdcədənkənar fondlar ciddi təyinata malikdir. Onların yaradılmasında başlıca
məqsəd əhaliyə sosial xidmətin genişləndirilməsi, infrastruktur sahələrin inkişafının
stimullaşdırılması, iqtisadiyyatın aparıcı sahələrinin əlavə vəsaitlə təmin edilməsi və s.
ibarətdir.
Dövlət büdcəsi iqtisadiyyatın və sosial sferanın inkişafının təmin edilməsində mühüm
alətdir. Onun köməyi ilə dövlət milli gəlirin bölüşdürülməsini təmin etməklə, ictimai
istehsalın strukturunu dəyişdirir, təsərrüfatçılığın nəticələrinə təsir edir.
Dövlət büdcəsi gəlir və xərclər bölməsindən ibarətdir. Gəlir bölməsində müəssisə və
təşkilatlardan, əhalidən və s. kateqoriyalardan alınan müxtəlif növ vergilər və digər gəlirlər,
xərclər hissəsində isə milli iqtisadiyyatın, sosial-mədəni tədbirlərin, idarəetmənin
maliyyələşdirilməsi və sair xərclər göstərilir. İqtisadiyyatın tənzimlənməsi üçün büdcə
mexanizmindən istifadə edilməsi dövlətin sərəncamında olan pul vəsaitinin manevr etmək
vasitəsilə həyata keçirilir. O, ictimai istehsalın sürət və proporsiyalarını məqsədyönlü təsir
etməyə imkan verir.
Azərbaycan Respublikasının dövlət büdcəsi dövlətin mərkəzləşdirilmiş pul vəsaitləri
fondlarının yaradılması və istifadəsinin əsas maliyyə planıdır.
Dövlət büdcəsi dövlətin başlıca gəlir və xərclərini özündə birləşdirir.
6
3. Büdcə təsnifatı
.
Hələ XIX əsrin əvvəllərində rus iqtisadçısı M.Speranskiy özünün "Maliyyə planı"nda
xərclərin təsnifatını yaratmışdır.
Dövlət xərclərinin ixtisar edilməsi bu qaydalara əsaslanırdı: zəruri xərcləri saxlamaq,
faydalıları sonraya saxlamaq, artıq xərcləri isə kənara qoymaq. Əlbəttə, bu prinsip I
Aleksandrın hökmranlığı dövrdə Rusiyadan büdcə kəsirinin büdcə xərclərində 85%-ə
çatdığı bir şərait üçün nəzərdə tutulmuşdur.
Xərclər təsnifatını yaradarkən M.Speranskiy bü bölgünü 5 meyara ayırmışdır:
Birinci meyar – idarəetmə növünə görə. Yəni burada idarəetmə orqanına xərclərin
nəzərdə tutulduğu göstərilir. Belə bölgü inzibati mənsubiyyətinə uyğun olaraq maliyyə
vəsaitlərinin bölgüsünü nəzərdə tutur.
İkinci meyar – zərurilik səviyyəsinə görə. Bu halda xərclər zəruri, faydalı, artıq,
faydasız xərclərə bölünür. Faydalı xərclər o zaman zəruri olar ki, onlar xalq təsərrüfatı
sahələrinin inkişafına sərf edilmiş olsun.
Üçüncü meyar – xərclərin məkanlığına görə. Burada xərclərin ümumdövlət və yerli
əhəmiyyətli olması nəzərdə tutulur. Ümumdövlət xərcləri dövlət büdcəsindən, yerli
əhəmiyyətli xərclər isə yerli büdcələrdən maliyyələşdirilməlidir.
Dördüncü meyar – xərclərin müddətliyidir. Bu xərclər adi və fövqəladə xərclərə
bölünür. Heç bir adi xərc fövqəladə xərclərə kifayət edə bilməz. Fövqəladə hallar üçün
nəzərdə tutulan vəsaitlər hazırda ehtiyat fondundan ödənilir.
Beşinci meyar – sabitlik. Xərclərin ümumi həcmi daimi və dəyişkən ola bilər.
Bu cür təsnifatı qəbul edib xərclər üzrə maddələrin növlərinə görə elə qruplaşdırmaq
olar ki, hər bir xərc növünə görə onların idarə edilməsi, zəruriliyi, məkanlığı, müddətliliyi və
sabitliyi təmin edilmiş olsun.
Azərbaycan Respublikasının Maliyyə Nazirliyi 1993-cü ildə büdcə gəlirləri və
xərclərinin funksional, iqtisadi və inzibati (təşkilatlar üzrə) təsnifatını hazırlanmışdır. Həmin
dövrdə Azərbaycan Respublikasında qəbul edilmiş və hazırda fəaliyyətdə olan, üç növə
bölünən xərclər üzrə büdcə təsnifatı müəyyənləşdirilmişdir:
– funksional, dövlətin əsas funksiyalarının həyata keçirilməsi üçün büdcə vəsaitlərinin
səviyyələr üzrə qruplaşdırılmasıdır;
– iqtisadi, bütün səviyyəli büdcələrin iqtisadi məzmununa görə qruplaşdırılmasıdır;
– təşkilati, dövlət büdcəsi vəsaitlərinin baş sərəncamçılar arasında bölüşdürülməsi
üzrə qruplaşdırılmasıdır.
7
Vahid büdcə təsnifatının strukturu və tərkibi Azərbaycan Respublikasının Maliyyə
Nazirliyi tərəfindən Beynəlxalq Valyuta Fondunun Dövlət Maliyyə Statistikasının tərtibi
qaydaları (A Manual on Goverment Finance Statistics) adlı sənədində əks edilən
beynəlxalq standartlara əsasən müəyyən edilir.
Qeyd etdiyimiz kimi, Azərbaycan Respublikası dövlət büdcəsinin təsnifatı fəaliyyət
göstərir və bu təsnifatın strukturuna aşağıdakılar daxildir:
1. Azərbaycan Respublikası dövlət büdcəsi gəlirlərinin təsnifatı;
2. Azərbaycan Respublikasının dövlət büdcəsi xərclərinin funksional təsnifatı;
3. Azərbaycan Respublikası dövlət büdcəsi xərclərinin iqtisadi təsnifatı;
4. Azərbaycan Respublikası dövlət büdcəsinin daxili və xarici maliyyələşdirmə
mənbələrinin təsnifatı;
5. Azərbaycan Respublikası dövlət daxili və xarici borcunun növləri üzrə
maliyyələşdirmənin təsnifatı;
6. Azərbaycan Respublikası dövlət büdcəsi xərclərini təşkilatlar üzrə təsnifatı;
Azərbaycan Respublikası dövlət büdcəsi gəlirlərinin təsnifatı müxtəlif səviyyəli
büdcələrin gəlirlərinin qruplaşmasını təşkil edir və müxtəlif səviyyəli büdcələrin gəlirlərinin
formalaşması mənbəyini müəyyən edən Azərbaycan Respublikasının qanunvericilik
aktlarına əsaslanır.
Gəlirlər bölməsi onların mənbələri və alınması qruplarına görə konkret gəlir növlərini
birləşdirir.
Gəlirlər 4 bölməyə bölünürlər:
1. ''Vergilərdən daxilolmalar'' bölməsinə aşağıdakı köməkçi bölmələr daxildir:
gəlirlərdən (mənfəətdən) vergilər;
məcburi dövlət sosial sığorta haqları;
əmək haqqı fonduna və işçi qüvvəsinə vergilər (ehtiyat);
mülkiyyətdən vergi;
mal və xidmətlərdən alınan daxili vergilər;
xarici iqtisadi fəaliyyətlə bağlı vergilər (gəlirlər);
Öz növbəsində köməkçi bölmələr konkret vergi növlərinə və rüsumlarına bölünürlər.
Məsələn, mülkiyyətdən vergilərə daxildir:
torpaq vergisi;
əmlak vergisi;
hədiyyələrdən və vərəsə qalan əmlakdan vergi;
qiymətli kağızlarla əməliyyatlardan vergi.
2. ''Vergi olmayan gəlirlər'' bölməsinə aşağıdakı köməkçi bölmələr daxildir:
8
mülkiyyətdən və sahibkarlıq fəaliyyətindən gəlirlər;
inzibati tədiyyələr və rüsumlar;
cərimə və sanksiyalar üzrə daxilolmalar;
dövlət idarəçiliyi daxilində dövlət qulluqçularının sosial təminat və təqaüd fondlarına
ayırmalar;
vergi olmayan sair daxilolmalar.
3. ''Əsaslı gəlirlər'' bölməsinə (kod 3) aşağıdakı köməkçi bölmələr daxildir:
əsaslı vəsaitlərin özəlləşdirilməsi;
dövlətin maddi ehtiyatlarının satışından daxilolmalar;
torpağın və qeyri-maddi aktivlərin satışından daxilolmalar;
qeyri-rəsmi mənbələrdən əsaslı ödənişlər (transferlər);
4. ''Rəsmi qaydada alınan vəsaitlər (transferlər)'' bölməsinə aşağıdakı köməkçi
bölmələr daxildir:
xaricdən alınan vəsaitlər ;
digər səviyyəli büdcələrdə alınan vəsaitlər.1
4. Dövlətin büdcə siyasəti Dövlətin büdcə siyasəti dedikdə, büdcənin gəlir və xərclərinin, habelə büdcə kəsirinin
idarə edilməsi ilə əlaqədar olaraq dövlətin həyata keçirdiyi tədbirlər nəzərdə tutulur.
Dövlətin büdcə siyasəti Azərbaycan Respublikasının Konstitusiyası ilə, ”Büdcə
sistemi haqqında” Azərbaycan Respublikasının Qanunu ilə, ayrı-ayrı hakimiyyət
orqanlarının büdcə prosesi sahəsində funksiyalarını və səlahiyyətlərini ifadə edən digər
qanunvericilik aktları ilə müəyyən edilir. Büdcə siyasətini yalnız büdcə prosesinə aid etmək
olmaz. Büdcə siyasəti haqqında qanun hər bir dövlət hakimiyyəti orqanının büdcə
prosesindəki funksiyalarını dəqiq ifadə edir.
Dövlətin maliyyə siyasətinin tərkib hissəsi kimi büdcə siyasətinin işlənib
hazırlanmasında dövlət hakimiyyətinin qanunverici və icraedici həlqələri iştirak edir. Müasir
dövrdə Azərbaycan Respublikasının inkişaf xüsusiyyətləri şəraitində cari dövr perspektiv
üçün ölkənin iqtisadi siyasətinin, o cümlədən maliyyə-büdcə siyasətinin əsas
istiqamətlərinin müəyyən edilməsində Respublika Prezidenti aparıcı rol oynayır.
Ölkənin iqtisadi inkişafının və sosial sabitliyin təmin edilməsi məqsədi ilə Respublika
Prezidenti dövlətin iqtisadi və sosial siyasətinin əsas istiqamətlərini müəyyən edir. Buna
əsasən dövlətin Respublika hökuməti dövlətin maliyyə-büdcə siyasətini həyata keçirmək
1 Qeyd: vergilərdən daxilolmalar (bölmə 1) + vergi olmayan gəlirlər (bölmə 2) = CARİ GƏLİRLƏR. Cari gəlirlər + əsaslı gəlirlər (bölmə 3) + rəsmi qaydada alınan vəsaitlər (bölmə 4) = ÜMUMİ GƏLİRLƏR.
9
üçün müvafiq qanun layihələrini hazırlayır və müzakirə və qəbul üçün Milli Məclisə təqdim
edir.
Həyata keçiriləcək büdcə siyasəti respublikada maliyyə sabitliyinin saxlanılmasını,
inflyasiyanın aşağı salınmasını təmin etməklə, genişlənməkdə olan islahatların
sürətlənməsinə təkan verməlidir. Bu zaman islahatların ilkin nəticəsi kimi əhalinin
aztəminatlı təbəqələrinin sosial müdafiəsi təmin olunmalıdır. Bu məqsədlə büdcə
siyasətində aşağıdakı istiqamətlərin həyata keçirilməsi nəzərdə tutulmalıdır:
büdcə proqnozları iqtisadi cəhətdən tam əsaslandırılmalı, vergilərin real yığılma imkanları düzgün qiymətləndirilməlidir;
büdcənin gəlir və xərcləri düzgün tarazlaşdırılmalı;
qeyri-neft sektorunda iqtisadi inkişafa nail olmaqla, büdcə gəlirlərinin yığım əmsalının artımını təmin etmək;
vergi borclarının azaldılması istiqamətində lazımı işlər görmək;
vergitutma bazasının genişləndirilməsi, vergidən yayınma hallarının qarşısının alınması və vergi nəzarətinin gücləndirilməsi məqsədilə vergi qanunvericiliyini təkmilləşdirmək;
vergitutma bazasının genişləndirilməsi və vergidən yayınma hallarının qarşısının alınması məqsədilə bəzi fəaliyyət növlərinə yalnız sadələşdirilmiş vergini tətbiq etmək;
dövlət mülkiyyətinin özəlləşdirilməsinin sürətləndirilməsi hesabına özəlləşdirmədən daxilolmaların artımına nail olmaq;
təyinatı üzrə əlavə dəyər vergisindən azadolmaların qanunla müəyyən edilməsinə nail olmaq;
büdcə xərclərində əhalinin sosial müdafiəsi və sosial təminata, səhiyyəyə, təhsilə, elmə, tikintiyə və s. sosial yönümlü məqsədlərə ayrılan vəsaitlər artırmaq;
dövlət büdcəsi kəsirinin strukturunun təkmilləşdirilməsi işini davam etdirmək;
büdcə kəsirini inflyasiya yaratmayan mənbələr hesabına maliyyələşdirmək;
dövlət qısa, orta və uzun müddətli istiqrazlarının buraxılması ilə qiymətli kağızlar bazarını daha da inkişaf etdirmək, dövriyyədə olan artıq pul kütləsinin daha səmərəli şərtlərlə cəlb edilməsi məqsədi ilə investor şəbəkəsini genişləndirmək, bu kağızlara olan tələbatı artırmaqla, normal rəqabət prinsipləri əsasında faiz dərəcələrinin tənzimlənməsinə nail olmaq.
10
5. Büdcə sistemi haqqında Azərbaycan Respublikasının Qanunu
”Büdcə sistemi haqqında” Azərbaycan Respublikasının Qanunu büdcə sisteminin
təşkilinin, büdcələrin tərtibi, təsdiqi, icrası və onların icrasına nəzarətin təşkilati,
hüquqi və iqtisadi əsaslarını, habelə dövlət büdcəsi ilə büdcədənkənar dövlət fondlarının,
yerli büdcələrin qarşılıqlı əlaqələrinin əsas prinsiplərini müəyyən edir.
Büdcə sistemi haqqında Azərbaycan Respublikasının qanunvericiliyi Azərbaycan
Respublikası Konstitusiyasından, bu Qanundan, bu Qanuna müvafiq olaraq hər büdcə ili
üzrə qəbul edilən dövlət büdcəsi haqqında qanundan, digər qanunlardan və normativ
hüquqi aktlardan, habelə Azərbaycan Respublikasının tərəfdar çıxdığı beynəlxalq
müqavilələrdən ibarətdir.
Azərbaycan Respublikasında büdcə sistemini Azərbaycan Respublikasının dövlət
büdcəsi (bundan sonra—dövlət büdcəsi), Naxçıvan Muxtar Respublikasının büdcəsi və
yerli büdcələr təşkil edir.
Qanunda istifadə olunan əsas anlayışlar. Büdcə sistemi haqqında Azərbaycan
Respublikasının Qanunun məqsədləri üçün aşağıdakı anlayışlardan istifadə olunur:
büdcə ili - yanvar ayının 1-dən dekabr ayının 31-dək olan bir illik dövrü əhatə edir
büdcə - Azərbaycan Respublikasının müvafiq dövlət hakimiyyəti və özünüidarəetmə
orqanları vasitəsi ilə dövlətə və bələdiyyələrə məxsus vəzifə və funksiyaları yerinə
yetirmək üçün lazım olan pul vəsaitinin yığılması və istifadə olunması üçün əsas
maliyyə sənədidir
büdcə təsnifatı - dövlət büdcəsinin, Naxçıvan Muxtar Respublikasının büdcəsinin,
yerli büdcələrin və büdcədənkənar dövlət fondlarının gəlirlərinin, xərclərinin və
maliyyələşmə mənbələrinin funksional, iqtisadi, inzibati və digər prinsiplər əsasında
qruplaşdırılmasıdır
büdcədənkənar dövlət fondları - qanunvericiliyə uyğun olaraq dövlət tərəfindən
hüquqi şəxs qismində təsis edilmiş və dövlət büdcəsindən kənar müstəqil büdcəyə
malik olan məqsədli dövlət maliyyə fondlarıdır
icmal büdcə - dövlət büdcəsinin, Naxçıvan Muxtar Respublikasının büdcəsinin
(büdcədənkənar əməliyyatlar da daxil olmaqla) və büdcədənkənar dövlət
fondlarının gəlir və xərclərini funksional və iqtisadi təsnifata uyğun paraqraflar
səviyyəsində əks etdirən maliyyə sənədidir
11
büdcə kəsiri (defisit) - büdcə xərclərinin gəlirlərlə təmin olunmayan məbləğidir
büdcə artıqlığı (profisit) - büdcə gəlirlərinin büdcə xərclərindən artıq olan məbləğidir
dövlət büdcəsinin kassa icrası - büdcə gəlirlərinin büdcəyə daxilolmasını və
xərclərinin büdcə təsnifatına uyğun olaraq xəzinədarlıq vasitəsi ilə ünvanlı
istifadəsini təmin edən icra mexanizmidir
büdcə ssudaları - dövlət büdcəsinin mərkəzləşdirilmiş xərclərindən Naxçıvan
Muxtar Respublikasının büdcəsinə, yerli büdcələrə və hüquqi şəxslərə, yerli
büdcələrdən bələdiyyə təşkilatlarına qaytarılmaq şərti ilə il ərzində müəyyən
müddətə verilən maliyyə vəsaitidir
dotasiya - dövlət büdcəsindən Naxçıvan Muxtar Respublikasının büdcəsinə və yerli
büdcələrə onların gəlir və xərclərini tənzimləmək məqsədi ilə əvəzsiz verilən
maliyyə vəsaitidir
qrant - daxili və xarici mənbələr hesabına əvəzsiz verilən məqsədli maliyyə
yardımıdır
subvensiya - məqsədli maliyyələşdirmənin həyata keçirilməsi üçün dövlət
büdcəsindən Naxçıvan Muxtar Respublikasının büdcəsinə və yerli büdcələrə
verilən, lakin həmin məqsəd üçün və ya müəyyən edilmiş müddətdə istifadə
edilmədikdə geri qaytarılan maliyyə vəsaitidir
subsidiya - dövlət büdcəsindən Naxçıvan Muxtar Respublikasının büdcəsinə, yerli
büdcələrə və hüquqi şəxslərə əvəzsiz verilən maliyyə vəsaitidir
məqsədli büdcə fondları - dövlət büdcəsi, Naxçıvan Muxtar Respublikasının büdcəsi
və yerli büdcələrin tərkibində konkret tədbirlərin həyata keçirilməsi üçün formalaşan
və istifadə edilən pul vəsaitidir
sekvestr - dövlət büdcəsi, Naxçıvan Muxtar Respublikasının büdcəsi və yerli
büdcələrin , həmçinin dövlət büdcəsinin kəsirinin (defisitin) maliyyələşmə
mənbələri üzrə daxilolmalar yerinə yetirilmədikdə, müdafiə olunmuş xərc
maddələri istisna olmaqla, büdcə ilinin qalan ayları üzrə xərclərin müəyyən
olunmuş qaydada ixtisarıdır
12
Dövlət büdcəsinin icrası prosesində dövlət büdcəsinin gəlirləri və onun kəsirinin
maliyyələşdirilməsi üzrə faktiki daxilolmalar müəyyən olunmuş rüblük göstəricilərdən
kənarlaşdıqda, dövlət büdcəsinin icrasında ahəngdarlığın, habelə onun gəlirləri və xərcləri
arasında tarazlığın pozulması təhlükəsi yarandıqda dəyişikliklər aparılmaqla aradan
qaldırılması mümkün olmadıqda, qanunvericilik təşəbbüsü qaydasında və Azərbaycan
Respublikası Konstitusiyasının 109-cu maddəsinin 2-ci bəndi nəzərə alınmaqla, may
ayının 15-dən tez və oktyabr ayının 15-dən gec olmayaraq cari ilin dövlət büdcəsinə
yenidən baxılması barədə Azərbaycan Respublikasının Milli Məclisi qarşısında məsələ
qaldırıla bilər.
Dövlət büdcəsinin icrası prosesində dövlət büdcəsinin gəlirləri və onun kəsirinin
maliyyələşdirilməsi üzrə faktiki daxilolmalar cari ilin ilk 6 ayının nəticəsinə görə müəyyən
olunmuş göstəricilərdən 30 faiz az olduqda, qanunvericilik təşəbbüsü qaydasında və
Azərbaycan Respublikası Konstitusiyasının 109-cu maddəsinin 2-ci bəndi nəzərə
alınmaqla oktyabr ayının 15-dən gec olmayaraq Azərbaycan Respublikasının Milli Məclisi
qarşısında dövlət büdcəsinə yenidən baxılaraq sekvestr tətbiq olunması barədə məsələ
qaldırılır.
Dövlət büdcəsinin icrası barədə rüblük hesabatlarda büdcənin gəlirləri üzrə faktiki
daxilolmalar həmin dövr üçün təsdiq edilmiş göstəricilərdən 20 faiz az olduqda həmin
hesabatlar Azərbaycan Respublikası Milli Məclisinin müvafiq komitələrində müzakirə edilir.
Dövlət büdcəsində, Naxçıvan Muxtar Respublikasının büdcəsində və yerli büdcələrdə
nəzərdə tutulmayan xərclər, habelə dövlət və yerli əhəmiyyətli tədbirlərin həyata
1• əmək haqqı;
2• əmək haqqına üstəlik;
3• pensiya, başqa sosial müavinətlər və ödənişlər;
4• dövlətin daxili və xarici borclarına xidmətlə bağlı xərclər;
5
• hər il üçün dövlət büdcəsi haqqında qanuna uyğun olaraq müdafiə olunması zəruri sayılan digər maddələr üzrə xərclər.
müdafiə olunan xərc maddələri - büdcə ili ərzində maliyyələşdirilməsinə sekvestr
tətbiq olunmayan, qanunvericiliklə müəyyən edilmiş büdcə xərcləridir
13
keçirilməsi üçün dövlət büdcəsinin, Azərbaycan Respublikası Prezidentinin, Naxçıvan
Muxtar Respublikası büdcəsinin və yerli büdcələrin məbləği müəyyən edilən ehtiyat
fondları yaradıla bilər.
Dövlət büdcəsinin Ehtiyat Fondunun vəsaitinin həcmi dövlət büdcəsi gəlirlərinin 5
faizindən artıq olmamaqla, əvvəlki ildə bu Fondun xərcinin faktiki icrası nəzərə alınmaqla
müəyyən edilir.
Azərbaycan Respublikası Prezidentinin Ehtiyat Fondunun vəsaitinin həcmi dövlət
büdcəsi gəlirlərinin 2 faizindən çox olmamaqla müəyyən edilir. Bu Fondun vəsaiti
ölkənin sosial-iqtisadi həyatında mühüm əhəmiyyət kəsb edən tədbirlərə yönəldilir.
Növbəti büdcə ili üzrə dövlət büdcəsi Azərbaycan Respublikasının Milli Məclisində
cari ilin dekabr ayının 20-dən gec olmayaraq qanunla təsdiq edilir.
6. Dövlət büdcəsinin gəlirləri Azərbaycan Respublikası dövlət büdcəsinin məqsədi ölkənin iqtisadi, sosial və digər
strateji proqramlarının və problemlərinin həlli, dövlətin funksiyalarının həyata keçirilməsi
üçün qanunvericiliklə müəyyən edilmiş qaydada maliyyə vəsaitinin toplanmasını və
istifadəsini təmin etməkdir. Azərbaycan Respublikasının dövlət büdcəsi mərkəzləşdirilmiş
gəlir və xərclərdən, yerli gəlir və xərclərdən ibarətdir.
büdcə gəlirləri - Azərbaycan Respublikasının, Naxçıvan Muxtar Respublikasının
və yerli özünüidarəetmə orqanlarının müvafiq qanunvericilik aktları ilə müəyyən
olunmuş qaydada dövlət büdcəsinə, Naxçıvan Muxtar Respublikasının büdcəsinə
və yerli büdcələrə daxil olan vergilər, rüsumlar, digər ödənişlər və daxilolmalardır
büdcə xərcləri - büdcə təsnifatına uyğun olaraq dövlət büdcəsindən, Naxçıvan
Muxtar Respublikasının büdcəsindən və yerli büdcələrdən qanunvericiliklə nəzərdə
tutulan tələbatı ödəmək üçün ayrılan vəsaitdir
mərkəzləşdirilmiş gəlir - dövlət büdcəsində müəyyən edilən normativlərə uyğun
olaraq dövlət büdcəsi gəlirlərindən yerli gəlirlər çıxıldıqdan sonra formalaşan gəlirdir
mərkəzləşdirilmiş xərc - büdcə təsnifatına uyğun olaraq dövlət büdcəsində
nəzərdə tutulan müvafiq orqanların fəaliyyətinin və tədbirlərin maliyyələşdirilməsi ilə
bağlı xərclərdir
14
7. Dövlət büdcəsi və vergi daxilolmaları
2017-ci ildə dövlət büdcəsinin gəlirləri 16 milyard 766,0 milyon manat proqnoza
qarşı 16 milyard 516,7 milyon manat və ya proqnoz 98,5 faiz yerinə yetirilmişdir.
Büdcənin xərcləri isə proqnoza nisbətən 98,1 faiz və yaxud 17 milyard 594,5 milyon
manat icra olunmuşdur.
Neft Fondundan 2017-ci ildə 6 milyard 100 milyon manat vəsait dövlət büdcəsinə
transfer edilmişdir ki, bu da 2016-cı illə müqayisədə 1 milyard 515 milyon manat və ya
19,9 faizi az olmuşdur.
Cədvəl 1. Dövlət büdcəsinin gəlirləri (2016-2017
Göstəricilər
(milyon manatla) 2016-cı il
2017-ci il 2016-cı illə
müqayisə,
faizlə Proqnoz İcra Faizlə
GƏLİRLƏR 17 501,2 16 766,0 16 516,7 98,5 94,4
o cümlədən
AR-nın Vergilər
Nazirliyi 7 015,6 7 645,0 6 973,5 91,2 99,4
AR-nın Dövlət
Gömrük Komitəsi 2 291,6 2 250,0 2 608,8 115,9 113,8
AR Dövlət Neft
Fondu 7 615,0 6 100,0 6 100,0 100,0 80,1
yerli gəlir - dövlət büdcəsində müəyyən edilən normativlər əsasında formalaşan
ayrı-ayrı şəhər və rayonlar üzrə gəlirdir
yerli xərc - büdcə təsnifatına uyğun olaraq maliyyələşdirilməsi yerli gəlirlər və
mərkəzləşdirilmiş gəlirlərdən ayrılan vəsait hesabına həyata keçirilən xərclərdir
15
Sair gəlirlər 579,0 771,0 834,4 108,2 144,1
1-ci cədvəlin məlumatlarında da büdcə daxilolmalarının strukturunda Neft
Fondundan transferlərin azaldığı müşahidə olunur. Belə ki, əgər 2016-cı ildə Neft
Fondundan transferlərin büdcə daxilolmalarında xüsusi çəkisi 43,5 faiz olmuşdursa, 2017-
ci ildə bu rəqəm 6,2 faiz bəndi azalaraq 36,9 faizə bərabər olmuşdur.
Diaqram 1. 2017-ci il üzrə dövlət büdcəsində daxilolmaların strukturu
2017-ci il ərzində dövlət büdcəsi xərclərinin 10 921,1 milyon manatı və ya 62,1 faizi
cari xərclərə, 5 153,5 milyon manatı və ya 29,3 faizi əsaslı xərclərə, 1 513,6 milyon
manatı və ya 8,6 faizi dövlət borcuna və öhdəliklərinə xidmətlə bağlı xərclərə
yönəldilmişdir. Dövlət büdcəsi xərclərinin 38,0 faizi və ya 6 690,8 milyon manatı sosial
təyinatlı xərclərin (əməyin ödənişi fondu, təqaüd və sosial müavinətlər, dərman və ərzaq
xərcləri) maliyyələşdirilməsinə yönəldilmişdir ki, bu da 2016-cı illə müqayisədə 453,7
milyon manat və ya 7,3 faiz çoxdur.
AR-nın Dövlət
Gömrük
Komitəsi
15,8%
AR Dövlət Neft
Fondu
36,9%Sair gəlirlər
5,1%
AR-nın Vergilər
Nazirliyi
42,2%
16
Dövlət büdcəsinin kəsiri 1 077,8 milyon manat və ya təsdiq olunan yuxarı həddən
97,2 milyon manat az olmuşdur.
Cədvəl 2. Dövlət büdcəsinin xərcləri barədə məlumat
2016-
cı il
2017-ci il
2016-ci il ilə
müqayisə
Göstəricilər
(milyon
manatla) Proqnoz İcra
Fərq
Məbləğlə Faizlə Məbləğlə Faizlə
XƏRCLƏR 17
742,4 17 941,0
17
594,5 -346,5 98,1 -147,9 -0,8
Kəsir
/Profisit -241,2 -1 175,0
-1
077,8
2017-ci ildə Vergilər Nazirliyi tərəfindən büdcəyə 7 milyard 645,0 milyon manat
proqnoza qarşı 6 milyard 973,5 milyon manat vəsaitin daxil olması təmin edilərək,
proqnoza 91,2 faiz əməl edilmişdir. Hesabat dövrü ərzində toplanılan vergilərin 5 milyard
189,5 milyon manatı və ya 74,4 faizi qeyri-neft sektorunun, 1 milyard 784,0 milyon manatı
və ya 25,6 faizi isə neft sektorunun payına düşür.
Cədvəl 3. Vergi daxilolmalarının icrası
İllər 2016-cı il 2017-ci il
Göstəricilər
(milyon manatla) Proqnoz İcra İcra faizi Proqnoz İcra
İcra
faizi
CƏMİ 7 010,0 7 015,6 100,1 7 645,0 6 973,5 91,2
O cümlədən
Neft sektoru 1 610,0 1 610,1 100,0 1 840,0 1 784,0 96,9
Qeyri-neft sektoru 5 400,0 5 405,5 100,1 5 805,0 5 189,5 89,4
17
Qeyri-neft sektoru üzrə daxilolmaların həcmi 2016-cı ilin müvafiq dövrünə nisbətən
4,0 faiz (216,0 milyon manat) azalmışdır.
2017-ci ildə vergi daxilolmalarının tədiyələr üzrə icrasını təhlil etdikdə görmək olar ki,
cəmi vergi daxilolmaları əsasən ƏDV (27,2 faiz) və mənfəət vergisi (32,8 faiz) hesabına
formalalaşmışdır. Eyni zamanda digər tədiyələrdə, xüsusilə gəlir vergisi ümumi vergi
daxilolmalarına da öz təsirini göstərmişdir.
Diaqram 2. Cəmi vergi daxilolmaları
ƏDV üzrə ödəmənin azalmasının əsas səbəbi gömrük sistemində şəffaflaşma
nəticəsində ƏDV depozit hesabından idxala görə ödənilən vəsaitin 2016-cı ilə nisbətən
2017-ci ildə artması və ödənilən ƏDV-nin əvəzləşdirilməsi olmuşdur. Eyni zamanda,
Azərenerji ASC-yə borcun ödənilməsi ilə bağlı ayrılmış vəsaitlər hesabına 2016-cı ildə
dövlət büdcəsinə ƏDV ödənişləri artmış və bunun nəticəsində 2017-ci ildə bu tədiyyə üzrə
Azərenerji ASC-nin dövlət büdcəsinə ödənişlərində 159,9 milyon manat azalma müşahidə
edilmişdir.
2017-ci il üzrə qeyri-neft sektorunda tədiyələr üzrə daxilolmalar ƏDV, gəlir vergisi,
mədən vergisi, aksizlər və əmlak vergisi istisna olmaqla qalan bütün tədiyələr üzrə 2016-cı
ilə nisbətən artmışdır.
2.1
08
,2
1.9
83
,2
1.1
45
,7
53
2,2
50
,3
17
4,7
11
0,3
70
,0 30
3,8
10
5,6 43
1,6
1.8
95
,4
2.2
85
,8
1.0
40
,3
51
8,7
50
,4
17
8,6
11
1,1
99
,5 37
1,4
10
7,7
31
4,6
2.5
83
,0
2.3
20
,0
1.1
96
,0
55
4,0
50
,0
18
2,0
13
6,0
73
,0 38
0,0
11
2,0
32
1,0
2016 icra 2017 icra 2018 proqnoz
milyon manatla
18
Diaqram 3. Qeyri-neft vergi daxilolmaları
Diaqram 4. Cəmi, neft və qeyri-neft vergi daxilolmalarının dinamikası
1.8
21
,7
1.4
66
,0
1.1
45
,7
27
,1
18
,2
96
,2
1,6 70
,0 30
3,8
10
5,6 34
9,7
1.5
38
,5
1.6
91
,4
1.0
40
,3
20
,4
21
,4
92
,3
1,5 9
9,5 3
71
,4
10
7,7
20
5,1
2.3
06
,0
1.5
84
,0
1.1
96
,0
46
,0
35
,0
12
8,0
7,0 73
,0
38
0,0
11
2,0
16
0,0
2016 icra 2017 icra 2018 proqnoz
milyon manatla
2013 2014 2015 2016 2017
6.6
64
,0
7.1
13
,7
7.1
18
,2
7.0
15
,6
6.9
73
,5
3.7
61
,9
4.3
06
,5
5.0
28
,4
5.4
05
,5
5.1
89
,5
2.9
02
,1
2.8
07
,2
2 0
89
,8
1 6
10
,1
1 7
84
,0
milyon manatla
Cəmi vergi daxilolması Qeyri-neft vergi daxilolması Neft vergi daxilolması
19
Vergi orqanları tərəfindən 2017-ci il üzrə vergi daxilolmalarının proqnozunun icra
vəziyyəti 3-cüı cədvəldə göstərilişdir.
Cədvəl 3. Vergi daxilolmalarının 2016-2017-ci illər üzrə icrası və
2018-ci il üzrə proqnoz məlumatları
milyon manatla
İllər 2016-cı il 2017-ci il 2018-ci
il
Göstəricilər Proqnoz İcra Proqnoz İcra Proqnoz
CƏMİ 7 010,0 7 015,6 7 645,0 6 973,5 7 907,0
Neft sektoru 1 610,0 1 610,1 1 840,0 1 784,0 1 880,0
DNŞ 1 240,0 1 252,4 1 365,0 1 317,5 1 380,0
PSA mənfəət 370,0 383,9 475,0 522,9 500,0
Qeyri-neft sektoru 5 400,0 5 405,5 5 805,0 5 189,5 6 027,0
Bakı şəhəri üzrə cəmi 4 813,1 4 875,1 5 206,1 4 653,6 5 403,8
ƏVİ+ƏVD cəmi 586,9 600,8 598,9 626,3 623,2
2 saylı ƏVD 130,4 131,5 130,2 137,9 135,4
3 saylı ƏVİ 41,1 41,5 44,1 48,7 46,7
4 saylı ƏVİ 13,0 13,4 14,3 14,6 14,9
5 saylı ƏVİ 54,2 59,7 58,6 61,1 59,9
6 saylı ƏVİ 50,0 52,3 54,0 55,6 55,7
8 saylı ƏVİ 46,0 47,2 46,5 47,1 48,2
9 saylı ƏVİ 28,0 28,2 28,2 28,4 28,8
10 saylı ƏVİ 21,6 21,8 23,0 23,1 25,6
11 saylı ƏVD 83,0 84,4 74,2 74,9 76,6
12 saylı ƏVD 63,1 63,6 63,5 69,0 66,4
13 saylı ƏVİ 15,5 16,1 16,7 17,1 17,1
14 saylı ƏVİ 40,8 41,1 45,6 48,8 47,9
20
Vergi daxilolmalarını iqtisadiyyatın sahələri üzrə nəzərdən keçirsək, 2017-ci ildə
əvvəlki illə müqayisədə ən çox artım bank və sığorta, xidmət, tikinti və kənd təsərrüfatı
sahələrində olunmuşdur. Bu artım daha çox kənd təsərrüfatı sahəsində (48,1 faiz), bank
və sığorta sahəsində (27,1 faiz) və xidmət sahəsində (18,3 faiz) olmuşdur.
Cədvəl 4. İqtisadiyyatın sahələri üzrə vergi daxilolmaları barədə məlumat
milyon manatla
Göstəricilər 2016-cı il x/ç 2017-ci il x/ç Artım
məbləği
Artım
faizi
Cəmi 7 015,6 100,0 6 973,5 100,0 -42,1 -1,5
Sənaye 2 435,0 34,7 2 371,8 34,0 -63,2 -2,6
Xidmət 1 088,9 15,5 1 288,5 18,5 199,6 18,3
Tikinti 1 057,1 15,1 1 095,9 15,7 38,8 3,7
Ticarət 729,6 10,4 665,7 9,5 -63,9 -8,8
Rabitə 397,7 5,7 386,6 5,5 -11,1 -2,8
Nəqliyyat 327,5 4,7 313,4 4,5 -14,1 -4,3
Bank və sığorta 235,5 3,4 299,3 4,3 63,8 27,1
Kənd təsərrüfatı 12,0 0,2 17,8 0,3 5,8 48,1
Digər 732,4 10,4 534,5 7,7 -197,9 -27,0
4-cü cədvəldən göründüyü kimi fəaliyyət sahələri üzrə vergi daxilolmalarının əsas
hissəsini sənaye təşkil edir. Bununla yanaşı xidmət, tikinti və ticarətin də vergi
daxilolmalarında əhəmiyyətli xüsusi çəkisi vardır. Kənd təsərrüfatı məhsullarının
istehsalçıları mənfəət vergisi, ƏDV, sadələşdirilmiş vergi, əmlak vergisi və sahibkarlıq
fəaliyyəti ilə məşğul olan fiziki şəxslərin gəlir vergisindən azad olunduğu üçün bu
fəaliyyət sahəsi üzrə vergi daxilolmaları aşağıdır.
8. Büdcə siyasətinin təkmilləşdirilməsi
Dövlət büdcəsinin yeni sistemə uyğun olaraq təkmilləşdirilməsi üçün onun tərkibini
və büdcə siyasətini müəyyən etmək əsas şərtlərdən biridir. Bazar iqtisadiyyatı şəraitində
büdcə sisteminin tənzimlənməsi iki istiqamətdə aparılmalıdır :
21
Dövlət büdcəsinin layıhəsi hazırlanarkən ilk növbədə iqtisadi proqnozlaşdlrma
göstəriciləri hazırlanmalıdır. Bu zaman iqtisadiyyatın meylləri və inkişaf istiqamətləri əsas
götürülür.
9. Azərbaycan Respublikasının 2018-ci ilin dövlət büdcəsi
Azərbaycan Respublikasının 2018-cı il dövlət büdcəsinin gəlirləri 20 127 000,0 min
manat, xərcləri 20 905 700,0 min manat (o cümlədən, mərkəzləşdirilmiş gəlirləri 19 476
312 min manat, yerli gəlirləri 650 671,5 min manat, mərkəzləşdirilmiş xərcləri 20 18 1601
,0 min manat, yerli xərcləri 724 092,0 min manat) məbləğində təsdiq edilmişdir.
Azərbaycan Respublikasının 2017-cı il dövlət büdcəsinin gəlirləri 15 955 000,0 min
manat, xərcləri 16 600 000,0 min manat (o cümlədən, mərkəzləşdirilmiş gəlirləri 15 312
619 min manat, yerli gəlirləri 642 381,5 min manat, mərkəzləşdirilmiş xərcləri 15 881730 ,0
min manat, yerli xərcləri 642 381,0 min manat) məbləğində təsdiq edilmişdir.
10. Nəzarət sualları
1. Məcmu tələbin, məşğulluğun və gəlirin səviyyəsinə təsir etmək üçün dövlətin
xərclərdən, vergiqoymadan və borclanmadan istifadə edərək həyata keçirdiyi siyasət necə
adlanır?
2. Dövlətin mərkəzləşdirilmiş pul vəsaitləri fondlarının yaradılmasının əsas məqsədi
nədir?
3. Büdcənin gəlir və xərclərinin, habelə büdcə kəsirinin idarə edilməsi ilə əlaqədar
dövlət tərəfindən hansı tədbirlər həyata keçirilir?
1• birinci növbədə dövlət büdcəsi tarazlaşdırılmalı;
2
• ikincisi, büdcənin gəlir və xərcləri bazar iqtisadiyyatının tələblərinə uyğunlaşdırılmalıdır.
22
4. Dövlət büdcəsinin, Naxçıvan Muxtar Respublikasının büdcəsinin, yerli büdcələrin
və büdcədənkənar dövlət fondlarının gəlirlərinin, xərclərinin və maliyyələşmə mənbələrinin
funksional, iqtisadi, inzibati və digər prinsiplər əsasında necə qruplaşdırlır?
5. Qanunvericiliyə uyğun olaraq dövlət tərəfindən hüquqi şəxs qismində təsis edilmiş
və dövlət büdcəsindən kənar müstəqil büdcəyə malik olan məqsədli dövlət maliyyə fondları
necə adlanır?
6. Dövlət büdcəsinin mərkəzləşdirilmiş xərclərindən Naxçıvan Muxtar
Respublikasının büdcəsinə, yerli büdcələrə və hüquqi şəxslərə, yerli büdcələrdən
bələdiyyə təşkilatlarına qaytarılmaq şərti ilə il ərzində müəyyən müddətə verilən maliyyə
vəsaiti necə adlanır?
7. Məqsədli maliyyələşdirmənin həyata keçirilməsi üçün dövlət büdcəsindən
Naxçıvan Muxtar Respublikasının büdcəsinə və yerli büdcələrə verilən, lakin həmin
məqsəd üçün və ya müəyyən edilmiº müddətdə istifadə edilmədikdə geri qaytarılan
maliyyə vəsaiti necə adlanır?
8. Dövlət büdcəsindən Naxçıvan Muxtar Respublikasının büdcəsinə, yerli büdcələrə
və hüquqi şəxslərə əvəzsiz verilən maliyyə vəsaiti necə adlanır?
9. Konkret dövr üçün ölkədə maliyyə vəsaitlərinin yaranma mənbələri və istifadə
istiqamətləri barədə məlumatları özündə əks etdirən maliyyə sənədi necə adlanır?
10. Büdcə gəlirlərinin büdcəyə daxilolmasını və xərclərinin büdcə təsnifatına uyğun
olaraq xəzinədarlıq vasitəsi ilə ünvanlı istifadəsini təmin edən icra mexanizmi necə
adlanır?
11. Büdcə kəsiri hansı mənbələr hesabına maliyyəşir?
12. Büdcə gəlirlərinin büdcə xərclərindən artıq olan məbləği necə adlanır?
13. Dövlət büdcəsində müəyyən edilən normativlərə uyğun olaraq dövlət büdcəsi
gəlirlərindən yerli gəlirlər çıxıldıqdan sonra formalaşan gəlir necə adlanır?
14. Azərbaycan Respublikasının adından bağlanılmış müqavilələrin öhdəlikləri üzrə
ödənilməli olan borc necə adlanır?
15. Büdcə ili hansı dövrü əhatə edir?
11. Müstəqil öyrənmə üçün tapşırıqlar
1. Dövlət büdcəsinin icrasına nəzarəti həyata keçirən orqanlar haqqında;
2. Büdcədənkənar fondlar haqqında ətraflı məlumat.
3. "Azərbaycan Respublikasının 2018-cı il dövlət büdcəsi haqqında" Azərbaycan
Respublikasının Qanunu
23
4. "Azərbaycan Respublikasının 2017-cı il dövlət büdcəsi haqqında" Azərbaycan
Respublikası Qanununun tətbiqi barədə" Azərbaycan Respublikası Prezidentinin Fərmanı
5. "Azərbaycan Respublikasının 2016-ci il dövlət büdcəsi haqqında" Azərbaycan
Respublikasının Qanunu
6. "Azərbaycan Respublikasının 2016-ci il dövlət büdcəsi haqqında" Azərbaycan
Respublikası Qanununun tətbiqi barədə" Azərbaycan Respublikası Prezidentinin Fərmanı.
12. Ədəbiyyat
1. Azərbaycan Respublikasının Vergi Məcəlləsi
2. Azərbaycan Respublikasının Konstitusiyası.
3. ”Büdcə sistemi haqqında” Azərbaycan Respublikasının Qanun
4. “Azərbaycan Respublikasının 2016-cı il Dövlət Büdcəsi haqqında qanunu
5. “Azərbaycan Respublikasının 2017- ci il Dövlət Büdcəsi haqqında qanunu
6. “Azərbaycan Respublikasının 2018-ci il Dövlət Büdcəsi haqqında qanunu
7. Z.Vəliyev Büdcə sistemi . Bakı 2012
4. Bədəlov Ş.Ş., Məhərrəmov R.B., Qurbanov F.Ə. Büdcə sistemi. Bakı, 2003
9. Ələkbərov Ə.Ə. Azərbaycan Dövlətinin sosial-iqtisadi inkişafında vahid büdcə
sisteminin rolu. Bakı, 2005
10. http://www.maliyye.gov.az/