bletËt e kaltra · 2020. 8. 29. · bletËt e kaltra 7 fuqishëm kohërat dhe përjetimet,...

BLETËT E KALTRA

1

ADEM ZAPLLUZHA

BLETËT E KALTRA

ADEM ZAPLLUZHA

2

Redaktor:

Lulzim LOGU

Recensent:

Lulzim LOGU

Lektor:

Veli Veliu

Piktura në ballinë :

Besim Lutolli - Beci

BLETËT E KALTRA

3

ADEM ZAPLLUZHA

BLETËT E KALTRA

Shtëpia botuese

TRENDI

Prishtinë 2020

ADEM ZAPLLUZHA

4

BLETËT E KALTRA

5

Lulzim LOGU

E KALTRA BEFASUESE E

ZAPLLUZHES...

Kur befas feks ajo drita e mugët e

pragmbrëmjes, ndjen etjen e pashmangshme

të kujtimeve, mallëngjimin e të shkuarës dhe

lojën ëndërrimtare të dëshirave të fshehta,

ende të parealizuara, mallin për çdo gjë të

dashur dhe të shtrenjtë tënden. Dhe kthehesh

kah poezia, ai arti më ngulmues, siç e ka

përcaktuar aq mirë Tomas Eliot. Sidomos

nga poezia e ngjeshur e mesazhit, plot me

figuracion dhe dendësi ndjenje njerëzore, ku

suvalët e dashurisë dhe trillet e natyrës

mbarten në shpirtin si shqiponjë të poetit të

kudondodhur, i ri, apo i vjetër në moshë, por

jo në krijimtari dhe përpjekjen drejt të

përkryerës.

Adem Zaplluzha, poeti mitik për nga numri i

veprave të shkruara, por edhe nga historia

sfiduese për të bashkëjetuar deri në vdekje

me aromën e letrës së librit dhe makinës së

shkrimit, duke dashur të sendërtojë një

identitet gjithmonë e më ndryshe, pavarësisht

ADEM ZAPLLUZHA

6

muzgut të jetës, vjen me sprovën e parë me

trevargëshin.

Ka përvojën e gjatë si krijues, egon e

patjetërsueshme për të garuar me kohën dhe

trillet e saj, me zhvillimet dhe ritmet e

shpejta letrare, guximin e pa tkurrur në

tavolinën e punës dhe përballjen e çuditshme

me konkurrencën e egër, kur energjia po

mpikset, gjunjët po dridhen dhe nga pak sytë

po shqimen...

E lakmueshme dhe e admirueshme kjo

përpjekje me këtë libër, i 181-ti me radhë. Ka

patos, ndjenjë të njomë, motive të freskëta,

mesazhe të matura dhe argumente bindëse të

aparatit figurativ, strukturë solide letrare,

kërkim modest, por këmbëngulës kah bota e

çuditshme dhe aq joshëse e haikut:

Kur atdheu im dëneste

Dielli i fëmijërisë

Fundosej në perëndim ...

Fati i atdheut dhe i individit, në këtë rast i

vetë poetit, shkrirë në historinë e

dhimbshme, por krenare të kombit, alternuar

mrekullisht në fatin e luleve dhe stinëve së

bashku. Një kombinim përkëdhelës, që e

mban në peshojë krejt brendinë e librit, lidh

BLETËT E KALTRA

7

fuqishëm kohërat dhe përjetimet, ndjenjat

dhe rrëfimet aq të shpeshta të këtij trualli

marramendës:

Ti nuk ishe askund

Bletët e kaltra

Puthnin lulezjarret ...

Luleshqiponjat, luletogëzat, lulevathët,

aguliçet...

Një herbarium lulesh të pragut të vet, të

vendlindjes, sinonim i ringjalljes së atdheut,

por dhe mburojë simbolike e muzgut të jetës

si dhe prelud drithërues i ngjarjeve

madhështore historike, nga ku përcaktohet e

ardhmja dhe drita prijëse e horizontit të këtij

shekulli. Nën fokusin poetik të poetit, i cili

ka jetuar stinët e veta dhe të atdheut të vet

dhe tash i ngazëllyer nga fati i afruar, plot

shpresë dhe ngazëllim, nxiton të jetësojë

shpirtin fisnik poetik:

I pyeta luleborat

Asnjëra nuk njihte

Aromën e përjetësisë ...

ADEM ZAPLLUZHA

8

Thjeshtësi në motive, por kohezion në trajtim

figurativ, befasi të këndshme në gjetjet

poetike, ngrohtësi e mjedisit ku burojnë aq të

frymëzuara ritmet e përthyera të vargjeve,

harmoni lehtësisht e ndjeshme e kuptimit

ideor dhe afinitet që krijohet aq natyrshëm

me lexuesin, teksa i drejtohet atij

drejtpërdrejt, si miq të kahershëm. Duke

dashur të jetë kaq pranë tij, nuk ndërlikohet

në stil, nuk ka sforcime, trevargëshi e gjen

shpejt vendin në kujtesën emocionale të çdo

kategorie lexuesish, pavarësisht moshës apo

gjendjes së tij shpirtërore.

Një libër i çastit, një përpjekje e parë, por

plotësisht serioze dhe e merituar kah

përqafimi i haikut si gjini, një derë e hapur

meritueshëm për libra të tjerë të suksesshëm:

Kur hyre

Në sekretin e luleve

U shndërrove në rrënjë...

Adem Zaplluzha ja ka arritur të hyjë në

sekretin e haikut dhe po dëshiron me ngulm

të jetë një fije rrënje

MARS 2019

BLETËT E KALTRA

9

1.

Në çerdhen e kujtesës

Mbiu zambaku

Pranverë çeli në mua

2.

E diela në kornizë

Kambanorja

Si patriark hyri në meshë

3.

Kur atdheu dëneste

Dielli i fëmijërisë

Fundosej në perëndim

ADEM ZAPLLUZHA

10

4.

Ujiti luletogëzat fushave

Kurrë s’është vonë

Të jesh argat i huaj

5.

Diellit të atdheut

Ia ktheu shpinën

Iku në perëndim

6.

S’ishe askund

Bletët e kaltra

Puthnin lulezjarret

BLETËT E KALTRA

11

7.

Kur shkyçën yjet

Nga shpirti i qiriut

Fluturon drita

8.

Në përflakjen qiellore

Rrënja e jaseminit

Përjeton metamorfozë

9.

S’ra shi

Nga petalet e trëndafilta

Lind mjegulla e kuqe

ADEM ZAPLLUZHA

12

10.

Kur qante Drini

Në pashpresë

Binin anijet e vdekura

11.

Te taverna e braktisur

Në portin e fëmijërisë

Vallëzonin molat kadifenjtë

12.

Nga kujtesa e erës

Dielli adoleshent

Shkundi mjegullat

BLETËT E KALTRA

13

13.

Zhapik i uritur

Nën selvitë e shkulura

Kafshonte luleshurdha

14.

Atë ditë s’ra shi

Në ullukët e qytetit

Pikonte dhembja

15.

Kur çelin luletaçet

Fluturat e kaltra

Përjetojnë metamorfozë

ADEM ZAPLLUZHA

14

16.

Mbi përmendore

Një lule e fishkur

Përbuzte plumbat

17.

Fillim pranvere

Gjethet e molisura

Parakalojnë kalldrëmit

18.

Vetëm të dielave

Në qytezën e mistereve

Zgjohen lulekambanat

BLETËT E KALTRA

15

19.

S’është hera e parë

Gjithmone ndjej

Buzeqeshje luletokëzash

20.

Në lagjen time

Mallkuan lumin

Valët fundosen në kujtesë

21.

Dje rigonte shiu

Nga retë e plumbta

Pikonte shtreza

ADEM ZAPLLUZHA

16

22.

Kur hyre

Në sekretin e luleve

U shndërrove në rrënjë

23.

Para se të takoj

Kurrë nuk kam ndjerë

Aromë kaq madhështore

24.

Pëllumbi gushëkuq

Si fryma fluturoi

Mbi lëndinat e lulevathëve

BLETËT E KALTRA

17

25.

Mes gjetheve

Pema e kujtesës

Kishte aromë dashurie

26.

Mot i lig

Asnjë jasemin s’çeli

Në shuplakat e erës

27.

Ishte fundi

Kur pashë gjunjëzimin

I stinës së vdekur

ADEM ZAPLLUZHA

18

28.

Përpos harresës

Nuk ulen zogjtë

Në kujtesën e jaseminit

29.

Si trëndafili i fishkur

Te portat e drunjta

U shtang dita

30.

Dëgjoj klithmat

E luleve

Stepem nga vigmat

BLETËT E KALTRA

19

31.

Lulëzonte rrapi

Si fëmijët lazdruar

Këpusnim gonxhet e ditës

32.

Kosat vringëllijnë

I tërë luadhi

Pa lulenuse

33.

Ishe shpresa e fundit

Kur në kartolinë

Lexuam emrin tënd

ADEM ZAPLLUZHA

20

34.

Këtu çelin lulemëllagat

Pranvera gjithmonë

Ka aromë dashurie

35.

Po s’erdhe sonte

Stina vdes

Në rrënjët e lulekambanave

36.

Pasi mungove

Kalërova në vetmi

Të gjitha ëndrrat

BLETËT E KALTRA

21

37.

Dy herë qan njeriu

Në lindje

Dhe perëndim

38.

I pyeta luleborat

Asnjëra nuk njihte

Aromën e përjetësisë

39.

Mrekulli që s’jemi lule

Do na këpusnin

Për shëmtimin e vazove

ADEM ZAPLLUZHA

22

40.

Në kohëra shirash

Mjegullat zhvishen

Si nuset në gjerdek

41.

Kur zbritët nga pema

Në Iliri

Piqeshin deshët në hell

42.

Jemi bijtë e zjarrit

U lindëm

Nga lulezjarri

BLETËT E KALTRA

23

43.

Na bekuan engjëjt

vetëmbrojtjen mësuam

Nga perënditë

44.

Më duket se gabimisht

I hapëm dyert

Pretarëve të lirisë

45.

Kur zogu i shenjtë

Doli nga hiri

Si kërthi ngazëllehej dielli

ADEM ZAPLLUZHA

24

46.

Në kopshtin me zymbyla

Rritej

Manaferra e egër

47.

Rrugëve të qumështit

Si delet e bardha

Kullosnin yjet

48.

Për të qenë njeri

Mbill

Një lule prej guri

BLETËT E KALTRA

25

49.

Ajo s’ishte sirenë

Por një lulekadife

Në kopshtin e dashurisë

50.

Vetëm lulet e marsit

Mbartin

Polenin e pranverës

51.

Nëse humbin kujtimet

Pikëlluese

Në horizont vdes gjelbërimi

ADEM ZAPLLUZHA

26

52.

S’kam fije shprese

Në kujtimet e mia

Vdiq pranvera

53.

Ti dhe lulenurja

Një duet i përkryer

Në shpirtin e gjelbërimit

54.

Mëngjes

Mes aromës së gjelbërimit

Humbas orientimin

BLETËT E KALTRA

27

55.

Nga kaktusi

Pema në shtrojerë

Kërkon një gotë buzëqeshje

56.

Mes nesh

Dilema hamletjane

Të jesh apo të mos jesh lule

57.

Kur ishim të vegjël

Në sqepat e pëllumbave

Mbillnim aguliçe

ADEM ZAPLLUZHA

28

58.

Një zot e di

Nga e marrin lulenuset

Aromën delikate

59.

Unë s’isha askund

Kur nga mjegullat

Si kardinalë zbritën narcisët

60.

Nuk është çudi

Nëse në brendinë e pasqyrës

Mbinë trëndafilat

BLETËT E KALTRA

29

61.

Nëse s’lind dielli

S’është e domosdoshme

Të abortojë qielli

62.

Ti s’paske të dytë

Ua merr bukurinë

Të gjitha luleve

63.

Hiç më larg se dje

Në rrënjët e zambakëve

Takova hijen time

ADEM ZAPLLUZHA

30

64.

Kur i humba

Shqisat e të nuhaturit

Eliksirin e gjeta te lulet

65.

Nëse vonohet pranvera

Prapëseprapë

Çelin zambakët e Prizrenit

66.

Në ballkon

Çelin zymbylat

Gjemba trëndafilash të egra

BLETËT E KALTRA

31

67.

Nga ferri i luftës

Doli pëllumb

Me një gjethe dafine

68.

Mbi buzët e fishkura

Të pranverës

Galoponte trëndafili i egër

69.

Nuk di ishte lule

Apo mollë në degë

Mbase dukej si shegë

ADEM ZAPLLUZHA

32

70.

Duke numëruar pranverat

Lulevjeshta

U fishk para kohe

71.

Nuk isha i pari

Por as i fundit

Kur më zuri dimri

72.

Te varret e evgjitëve

Një luledielli

Zgjonte yjet e përgjumur

BLETËT E KALTRA

33

73.

Sonte s’kam kohë

Në kujtesën time

Protestojnë ullinjtë e shkulur

74.

Sa herë mbolla

Një luleqershi

Pranvera zgjohej herët

75.

Në demokraci

Në vend të luleve

Mbinë ferrat me gjemba

ADEM ZAPLLUZHA

34

76.

Ti s’ishe në tokë

As në qiell

Kur vdisnin luletaçet

77.

Sa herë puthe

Kaktusin e egër

Nga gjuha pikonte qelb

78.

Kur më zuri gjumi

Nga zhgjëndrra shkula

Lulet e kopshtit ëndërrimtar

BLETËT E KALTRA

35

79.

Ne ishim viktimë

Në kujtesën tonë

Mbollëm pranverën

80.

Kur vdiq lulexixëllonja

Syzat e errëta

Shikonin eklipsin e hënës

81.

Pas dy moteve

Dy trëndafila të bardhë

Dolën nga vezët e ngjyrosura

ADEM ZAPLLUZHA

36

82.

Ishte pranverë e hershme

Kur në shpirtin e acarit

U zgjua stuhia

83.

Pas kafshimit të mollës

Në vend të krimbit

Doli gjarpri

84.

Unë dhe luleshtrydhja

Këndonim në duet

Serenatën e shiut

BLETËT E KALTRA

37

85.

Pas një shtreze

Të padukshme

Më plagosën plumbat e vesës

86.

Kur ti ishe alfa

Kurse unë omega

Në degë piqej shega

87.

Sa herë frynte stuhia

Në lulet e manaferrave

Buzëqeshte qershia

ADEM ZAPLLUZHA

38

88.

Për t’u zgjuar në zhgjëndërr

Nga nata e trëndafiltë

Shtrydha ëndrrat

89.

Ende është herët

Lulet e qershisë

Kurrë s’piqen në vjeshtë

90.

Nga shiu i vakët

Dhe pranvera e hershme

Më janë thinjur flokët

BLETËT E KALTRA

39

91.

Ti ishe larg rrapeve

Kur nën degët e qershisë

Qante atdheu

92.

Nuk më besoi askush

Si somnambul eca

Nëpër kujtesën e trëndafilave

93.

Kur fishken pranverat

Brenda kornizave

Dënesin ikonat

ADEM ZAPLLUZHA

40

94.

Dy fate

Në filxhanin e kafesë

I ziu dhe fati i i bardhë

95.

Ky shekull i çrregulluar

I preu në gjysmë

Sythat e trëndafilave

96.

Nga një pështymë

U thanë përgjithmonë

Zymbylat në kopsht

BLETËT E KALTRA

41

97.

Afër kolonadave

Të heshtura

Qante një përmendore

98.

Në mes dy epitafeve

Varr i vithisur

Këtu s’paska njeri

99.

Te akaciet

Dhe trëndafilat e egra

Fshihet puthja e imagjinuara

ADEM ZAPLLUZHA

42

100.

Në majë të aguliçes

Rritej narcisi

Bletët pa nektar

101.

Kur binte shi

Mungonte heshtja

Dita përpëlitej në metastazë

102.

Zëzëllimë varri

Dëgjohej në mua

Në hapësirë s’pushonin thirrmat

BLETËT E KALTRA

43

103.

Asnjë njeri

Në arenën e pranverës

Gladiatori shkulte narcisët

104.

Pasha besën

E dashurinë

Ti s’erdhe në ëndrrën time

105.

Kot i thirra shirat

Tërë kohën

Derdheshin mjegullat

ADEM ZAPLLUZHA

44

106.

Na mallkonin plakat

Folshi me gishta

Tani flasim me aguliçet

107.

Shkoi pranvera

Vjeshta e begatë

I shëmbëllen dimrit

108.

Si lulediellin

E dua lulemëllagën

Era bisedon me degët

BLETËT E KALTRA

45

109.

Sa herë mungoj

Në vetveten time

Thërras lulexixëllonjat

110.

Me një krehër

Prej mjegulle

Rregulloj qerpikët e hënës

111.

Kur lindi dielli

Shiu i pranverës

Lau lulenuset e pikëlluara

ADEM ZAPLLUZHA

46

112.

Askush nuk di

Më mirë se era

Si erëmojnë trëndafilat

113.

Kjo natë e përgjumur

S’paska kohë

Për mbjelljen e ëndrrave

114.

S’deshi të ujiste

Një lule në vazo

E dënuan me heshtje

BLETËT E KALTRA

47

115.

Derisa luledielli

Abortonte në vazo

Hëna lindte në perëndim

116.

Kot i thirrëm shirat

Në shkretëtirë

Vërshimi mëkonte kaktuset

117.

Mbase ishte vonë

Në vazon e thyer

Qante një bretkosë

ADEM ZAPLLUZHA

48

118.

Nën çatinë e stinës

Ishin lëruar

Fushat e mjellmave

119.

S’kisha asnjë lule

Nga gishtat e luletaçes

Pikonte stina

120.

Unë vazo druri

Ti lulenusja

Një duet e përsosur

Prishtinë, 18 mars 2019

BLETËT E KALTRA

49

121.

Kur zgjohen shqisat

Në qetësi dëgjojmë

Muzikën e luleve

122.

Në metrikën e pemëve

Zgjohet jerm

Agimi i përgjumur

123.

Ma falni një lule

Nëse doni

T’ua dhuroj botën

ADEM ZAPLLUZHA

50

124.

Nën tingujt e muzikës

Si foshnja fle

Luleshpatëza

125.

Ti ishe hije

Nga pasqyra fluturuan

Zogjtë e trëndafiltë

126.

Pas i shkulim aguliçet

Me lotin trishtues

I pastruam sytë

BLETËT E KALTRA

51

127.

Sa herë ika

Nga ëndrra ime

Përfundova në ferr

128.

Kjo buzëqeshje e trëndafiltë

Vetëm njëherë zgjohet

Te rrënjët e luleshqerrës

129.

Nga lotët e luleve

Derdhen shirat

Era dënes në kuartet

ADEM ZAPLLUZHA

52

130.

Fjolla e dëborës

Në rrënjët e aguliçeve

Strehoi acarin

131.

Unë dhe gota

Do dehemi sonte

Me dashurinë e lulemëllagës

132.

Pasha diellin

E pasha qiellin

Marrëzisht dashuruam

BLETËT E KALTRA

53

133.

Ishin dymbëdhjetë narcis

Nga xhelozia

Njëri shkuli vetveten

134.

Nëse s’je lule

As unë

Nuk jam copë deltine

135.

Befasisht hyra

Në baladën e luleshebojës

Rrënjët bisedonin me kujtesën

ADEM ZAPLLUZHA

54

136.

Sa herë hapet

Një temë mikluese

Çelin luleshpatat

137.

Kur pranverës

I fishken luleshqiponjat

Dimrit i rriten pantallonat

138.

Ishim bijtë e kohës

Mbase humbëm veten

Në aromën e borzilokut

BLETËT E KALTRA

55

139.

Herë je diell

E herë hënë

Kurrë luleyll

140.

Një numër imagjinar

Nuk është lulevjeshte

S’është as dashuri

141.

Mes lulesyrit dhe poezisë

Qëndron krenar

Aroma e metaforës

ADEM ZAPLLUZHA

56

142.

Sonte është herët

Kurse nesër vonë

Të pajtohesh me vetveten

143.

Ti s’ishe askund

Kur stuhia përtypte

Aromën e kujtimeve

144.

Një poezi e mirë

Si një lule aromatike

Në liqenin e mjellmave

BLETËT E KALTRA

57

145.

Nga degët e mushmollës

Shartova fjalën

Befasisht mbiu lulezjarri

146.

Sa herë bie shi

Zgjohen nga kllapia

Luletogëzat e fjetura

147.

Jam në udhëtim

Sot s’kam kohë

Me trëndafilat

ADEM ZAPLLUZHA

58

148.

S’paskam etje

Sillmani luleshebojën

Ta ringjall kujtesën

149.

Nga shuplakat e gjetheve

Fluturuan në mëngjes

Ëndrrat e zgjuara

150.

Vetëm kjo mbretëri

E aromave

Mund të krahasohet me lulet

BLETËT E KALTRA

59

151.

Kur era troket

Në dritaret e mbyllura

Zgjohen jargavanët

152.

Në vazot e trishtimeve

Në vend të luleshebojës

Mbolla kujtimet

153.

Me aromë lulesh

Nga të gjitha anët

Frynte era

ADEM ZAPLLUZHA

60

154.

Nga rrënjët e lulevjeshtës

Me dashuri shtrydha

Kafenë e mëngjesit

155.

Sot s’jam vetëm

Në ëndrrën time vijnë

Me qindra luleshqiponja

156.

Kur teshtijnë lulevathët

Gurët ëndërrimtarë

Zgjohen nga gjumi

BLETËT E KALTRA

61

157.

Nëpër fusha aromatike

Mëngjeseve herët

Galopojnë kuajt e fëmijërisë

158.

Nga fustanet

E motrave binjake

Shkunden dashuritë e stinës

159.

Kjo kohë asnjanëse

Në syzet e një vashe

Mbeti pa ëndrra

ADEM ZAPLLUZHA

62

160.

Në lëngun e luleshtrydhes

Qenkan fundosur

Stinët e gjetheve

161.

Nëse fluturat hapin

Kapakët e dritareve

Pranvera troket në shpirt

162.

Isha mes dy stinëve

Një stinë pa lulesyri

Ku t’i kërkoj ëndrrat e mia

BLETËT E KALTRA

63

163.

Sa herë trokas

Në dyert e epitafeve

Hapën portat e parajsës

164.

Sërish vazoja pa luleshpatëz

Si ta ëndërroj stinën

Në mote të liga

165.

Shtatë herë

Mbolla nga shtatë lule

Herën e tetë u dorëzova

ADEM ZAPLLUZHA

64

166.

Kur s’ka të reshura

I pyes mjegullat

Për udhën e shirave

167.

Nëse mungojnë lulezjarret

Sa shumë turpërohet

Liqeni i zymbyleve

168.

Sonte s’pata gjumë

Në qepallat e yjeve

I numëroja luleshebojat

BLETËT E KALTRA

65

169.

Në faqet e abetares

Tridhjetë e gjashtë lulesheboja

S’fishken nga dhembja

170.

Ti ishe një tregim

Hyjnor mes lulevathëve

Lulja ime e paçmuar

171.

Mbete gjithmonë e njëjtë

Lule e pakëputur

Mes stuhisë së acartë

ADEM ZAPLLUZHA

66

172.

Le të vonohet pranvera

Tërë qenia e jote

I shëmbëllen luletogëzës

173.

Deri në agullimë

Sonte do trokas

Në portat e aromave

174.

S’ka lidhje

Nëse i mbyll dyert

Dritaret janë të hapura

BLETËT E KALTRA

67

175.

Nga qerpiku yt

Huazova një lulesy

Vazoja ngashërente

176.

Nëse shkyçen qirinjtë

Lulevilja i mbyll sytë

S’duron dot errësirën

177.

Në lotin e vesës

U përmbytën aguliçet

Fund tragjik

ADEM ZAPLLUZHA

68

178.

Përse kaq lot o Zot

Kush t’i lëndoi rrënjët

Moj luletogëz

179.

Degët e jargavanit

Me gjethe të thara

Hijet ngarendin nëpër ara

180.

Kot preferoja heshtjen

Muzika e luleve

Ringjallte të vdekurin

BLETËT E KALTRA

69

181.

Kur çel lulevjeshta

Nëpër hapësirat e ngrysura

Hapen portat e qiellit

182.

Shtatë herë sot

Mohove lulen

Rrënja ta zuri frymëmarrjen

183.

Në darkën e fundit

Mungonte një lugë

Mbi tavolinë derdhej drita

ADEM ZAPLLUZHA

70

184.

Cili djall

Na hyri në shpirt

E harruam diellin

185.

Kjo stuhi e acartë

E kjo lule e fishkur

Qenkan motër e vëlla

186.

S’ këndove asnjëherë

Në vend teje

Këndonte toka deltinore

BLETËT E KALTRA

71

187.

Kur pranvera abdikoi

Nga majat e zambakëve

Ikën zogjtë

188.

Varri pa njeri

Mbi gjethe të fishkura

Notonte arkivoli

189.

Qenkan vonuar stinët

Nga pikëllimi

S’çeli lulevedra

ADEM ZAPLLUZHA

72

190.

Kjo muzikë e lashtë

Zbret nga trëndafilat

Galdojnë rrënjët

191.

Pasha ty

E pasha beharin

Ti je e vetmja luleshpatë

192.

Mbase dheu kishte këmbë

Vraponte udhëve

Si kalorësit apokaliptikë

BLETËT E KALTRA

73

193.

Kur u fundosa

Në rrënjët e rrapeve

Takova lulen e fëmijërisë

194.

S’folëm asnjë fjalë

Me shpatën e erës

U nakatosën ullinjtë

195.

Si shtreza binte shi

Mbase ishin shqyer

Kazanët e qiellit

ADEM ZAPLLUZHA

74

196.

Sivjet sundon thatësira

Asnjë lule shege

S’mbolla në kujtesë

197.

Në natën e kërshëndellave

Në brigjet e Lumëbardhit

Dënesin urat

198.

Një lule egër

Mes mjegullave

Këndon psalmet hyjnore

BLETËT E KALTRA

75

199.

Kur erdhën të huajt

Kuptuam

Sa shumë i dashuronim lulet

200.

Nëse këndesi i egër

Zbret nga degët

Agullimës i del gjumi

201.

Kot trokita mbrëmë

Në xhamat e manushaqeve

Si kërthi flinte manaferra

ADEM ZAPLLUZHA

76

202.

Sonte s’është fillimi

As fundi i dashurisë

Do i grisim herbariumet

203.

Po të ishte ndryshe

Dielli do lindte

Disa herë në ditë

204.

Do mbjell një lule

E cila

S’fishket nga dhembja

BLETËT E KALTRA

77

205.

Mes mimozave të kujtesës

Ky luadh aq i vogël

E aq i madh

206.

Mbase i ngjan lulesyrit

Në çdo behar

Ringjallesh si natyra

207.

Kishe shumë besim

I besove luleyllit

Lulja ime e kujtimit

ADEM ZAPLLUZHA

78

208.

Dy herë fisnik njeriu

Kur dashuron

Dhe kur dhuron një lule

209.

Unë pata frikë

Ti nuhatje zymbylin

Me shtatë gjemba

210.

Nuk di

A thua vallë ishte lule

Ose vetëm një kujtim

BLETËT E KALTRA

79

211.

S’kërkova asgjë tjetër

Vetëm të duket lule

Në vazon e kujtimeve

212.

Kudo që mbin

Në tokë, ajër ose ujë

Vetëm të quhet lule

213.

Ti nuk fjete

Deri vonë në agim

Doje herbariumin tim

ADEM ZAPLLUZHA

80

214.

Ndoshta që nesër

Shkon

Kush do i ujis lulet

215.

Në unazën e heshtjes

I vura në gjumë

Aromat e dynjasë

216.

Nën akacien e vjetër

Dy pëllumba

Grisën astarin e pranverës

BLETËT E KALTRA

81

217.

Nata e gjatë

Ngarkuar me dhembje

Ndjen shtërzime yjesh

218.

Mjaft më

Kjo ngufatje gjethesh

Çmendi përroin e fëmijërisë

219.

Ishte koha e ikjeve

Si mund t’i puthi

Këto gjemba të dashurisë

ADEM ZAPLLUZHA

82

220.

Ti s’ishe askund

Mes dy varkave

Çmenden dallgët

221.

Udhëtimin deri në hënë

Mund ta bësh

Vetëm në ëndrrën e luleve

222.

Nga rrënja

Deri te gjethet

Shtrihet vera e dashurisë

BLETËT E KALTRA

83

223.

Kur ke një lulezjarri

Pesha e dhembjes

Shtatë herë zvogëlohet

224.

Mjaftë më

Trishtimet më erdhën

Në majë të hundës

225.

Vetëm një lulezjarr

Ajo e dashurisë

Shëron dhembjet

ADEM ZAPLLUZHA

84

226.

Disa mure

Katër lule të bardha

Pushojnë në ëndrrën e dhomës

227.

Ti s’këndove asnjëherë

Për ty kënduan lulet

E agimit të kaltër

228.

Dua të them jo

Por kjo aromë shpirti

Më zgjon në çdo kohë

BLETËT E KALTRA

85

229.

Ishte acar i paparë

Nga zemra e akullit

Lindi buzëqeshja

230.

Kur më zgjoi heshtja

Lulja ëndërronte

Fillimin e pranverës

231.

Nuk di a thua vallë

Dashurojmë lulet

Ose vetveten

ADEM ZAPLLUZHA

86

232.

Arrita deri në fund

Rrënja e dashurisë

Ishte mes mjegullave

233.

Në fund të udhës

Nga lashtësitë e yjeve

Derdhet poleni

234.

Këputet degë e fundit

Jargavani ka mbetur

Pa asnjë gonxhe

BLETËT E KALTRA

87

235.

Befasisht erdhi mëngjesi

Mbretëresha u përkulet

Morfologjisë së gjetheve

236.

Jashtë bie shi

Kurse brenda acar

Pranvera vonohet për dy stinë

237.

Rruga ishte e gjatë

Kur në parajsë

Kishin vdekur lulet

ADEM ZAPLLUZHA

88

238.

Në çastin vendimtar

Kur ia behe ti

Pas teje vinte luleylli

239.

Pusho pakës

Pusho e dashur

Merr frymë si aguliçja

240.

Tani më është vonë

Gjethet u dorëzuan

Arkivolit të kujtesës Prishtinë, 19 mars 2019

BLETËT E KALTRA

89

Adem Zaplluzha u lind më 1943 në Prizren,

shkollën fillore dhe të mesme i kreu në vendlindje,

ndërsa Akademinë Pedagogjike në Prishtinë. Një

kohë punoi si mësues nëpër fshatrat Studençan të

Therandës (ish Suharekës) dhe Hoça e qytetit, afër

Prizrenit. Ndërkohë punësohet si përkthyes në

Korporatën Energjetike të Kosovës. Me shkrime,

kryesisht me poezi ,filloi të merret që nga mosha e

fëmijërisë. Rrugën letrare e nisi me vjershën e parë

për fëmijë të cilën e botoi në revistën “Pionieri”, më

1957. Si i punësuar në Korporatën Energjetike të

Kosovës bashkë me shokët e punës dhe pendës

themeloi grupin letrar “Lulëkuqet e Kosovës”. Në

kuadër të punës së këtij grupi letrar qe botuar

përmbledhja “Ngjyra e kohës”, në të cilën u përfshi

një numër i konsideruar i poezive të tij. Krahas

krijimeve të publikuara në revistat për fëmijë, botoi

edhe një serë shkrimesh nëpër gazetat e kohës që

dilnin në Prishtinë dhe Shkup. Është anëtar i Lidhjes

së Shkrimtarëve të Kosovës, prezent në disa

antologji dhe në librin “Kosova letrare” të poeteshës

Monica Mureshan.

Është prezantuar në Leksikonin e Shkrimtarëve

Shqiptarë 1501-1990, nga Hasan Hasani, në

Leksikonin Shkrimtarët Shqiptarë për fëmijë 1872 -

1995 nga Odhise K. Grillo, si dhe në librin Portrete

Shkrimtarësh nga Demir Behluli, Prishtinë, 2002.

ADEM ZAPLLUZHA

90

Në maj të vitit 2013 Klubi i Artistëve dhe i

Shkrimtarëve të Durrësit ia ndau çmimin e karrierës

për kontributin e dhënë në letrat shqipe. Jeton dhe

krijon në Prishtinë.

BLETËT E KALTRA

91

BOTIME TË AUTORIT

1.“Puthje”, poezi, “Rilindja”, Prishtinë,1974.

2. “Ecjet e viteve të mëdha”, poezi, “Jeta e Re”,

Prishtinë 1995.

3. “Çamarrokët e Thepores”, poezi për fëmijë,

“Shkëndija”, Prishtinë 1996.

4.“Muret”, poezi, “Jeta e Re”, Prishtinë, 1997

5. “Morfologjia e dhembjes”, poezi, “Faik Konica”,

Prishtinë, 2000

6. “Ai vjen nesër”, poezi, Qendra e Kulturës, Klubi

letrar “Fahri Fazliu”, Kastriot, 2007

7. “Letër nga mërgimi”, poezi, Klubi letrar “Fahri

Fazliu” Kastriot, 2007

8. “Letër nga mërgimi 2 “ poezi, “Qendra e

Kulturës”, Klubi letrar , “Fahri Fazliu”, Kastriot

2007

9. “Udhëndarja”, poezi, “Qendra e Kulturës”, Klubi

letrar ,“Fahri Fazliu”, Kastriot , 2008

1o “Thirrje e gjakut”, poezi,”Qendra e Kulturës”,

Klubi letrar, “Fahri Fazliu”Kastriot 2008

11. “Asgjë sikur molla”, poezi, “Qendra e Kulturës”,

Klubi letrar “Fahri Fazliu”, Kastriot, 2009.

12. “Vesa në lotin tim”, poezi, “Qendra e Kulturës”,

Klubi letrar “Fahri Fazliu”, 2009,

13. “Puthja e gozhduar”, poezi, “Qendra e Kulturës”,

Klubi letrar, “Fahri Fazliu”, Kastriot , 2009.

ADEM ZAPLLUZHA

92

14. “Kashelasha në vargje”, poezi për fëmijë,”

Qendra e kulturës, Kastriot, 2009.

15. “Pema e bekuar”, E përkthyer, Rumani, 2010.

16. “Bajraktarët e vatanit”, poezi satirike, Klubi

letrar, ”Fahri Fazliu” Kastriot , 2010.

17. “Hijet e ndryshkura”, poezi,”Qendra e kulturës”,

Kastriot, 2010.

18.”Stuhi në Kutulishte”, poezi, ”Qendra e

kulturës”, Kastriot, 2010.

19. “Posa ikte nata”, poezi, “Qendra e kulturës “,

Kastriot, 2010.

20. “Loja e myshqeve”, poezi,”Qendra e kulturës”,

Kastriot, 2010.

21. ”Lumëbardhi dhe gjëma”, poezi,”Qendra e

kulturës”, Kastriot, 2010

22. “Metafora e heshtjes”, poezi, “Qendra e

kulturës”, Kastriot, 2010

23. ”Hyji në Prekaz”, poezi,”Qendra e Kulturës”,

Kastriot, 2010.

24. ”Sinorët e hinores”, poezi, Shoqata e

Shkrimtarëve, Kastriot 2010.

25. ”Don Kishoti dhe Rosinanti”, poezi, Shoqata e

Shkrimtarëve, Kastriot, 2010

26.”Zjarri i dashurisë”, poezi, Shoqata e


27. ”Kur likenet vallëzojnë”, poezi, Shoqata e

shkrimtarëve, Kastriot, 2010

28. “Ditari në vargje”, poezi, Shoqata e


29. “Tingujt që nuk përfundojnë”, poezi, Shoqata e

shkrimtarëve, Kastriot, 2010.

BLETËT E KALTRA

93

3o.“Shtegu i mallit”, poezi, Shoqata e shkrimtarëve,

Kastriot, 2010

31. ”Korniza e thyer”’, Poezi, Shoqata e


32. “Zgjimi i gjëmës”, Poezi, Shoqata e

Shkrimtareve, Kastriot, 2010

33.“Vallja mistike”, Poezi, Shoqata e Shkrimtarëve,

Kastriot, 2010

34. ”Merre kodin”, Poezi për fëmijë, Shoqata e


35.“Letër atdheut” poezi, Shoqata e Shkrimtarëve,

Kastriot, 2011

36. “Tejdukshmëria e shiut”, Poezi, Shoqata e


37. “ Përtej teje”, poezi, Shoqata e Shkrimtarëve,

Kastriot, 2011

38. “Sa afër e sa larg”, poezi, Shoqata e


39. “Vallja e zanoreve”, Poezi, Shoqata e


40. “Ikja e eshtrave”, Poezi për të rritur, Shoqata e


41.”Kalorësit e mjegullave”, Poezi, Shoqata e


42. “Hingëllimat e shiut”, Poezi, Shoqata e


43. “Kur pemët i ndërrojnë këmishët”. Poezi,

Shoqata e Shkrimtarëve, Kastriot, 2012

44. “Mirëmëngjesi Imzot”, Poezi, Shoqata e


45. “Kafshimi i mikut”, Poezi satirike, Shoqata e


ADEM ZAPLLUZHA

94

46. “Atje tej maleve”, Poezi, Shoqata e shkrimtarëve

, Kastriot, 2012

47. “Heshtja që del në shesh,” Poezi, Shoqata e


48. “Portat e shpresës”, Poezi, Shoqata e


49. “Në dhomën time gjysmë të errët”, Poezi,


5o. “Kinse Lojë Shahu”, Poezi, Shoqata e


51. “ Për çdo dekadë nga një baladë “, Poezi,


52. “Fusha e mëllenjave”, Poezi, Shoqata e


53. “E kujt është kjo vetmi”, Poezi, Shoqate e


54. “Mos pyet për adresën e lumit”, Poezi, Shoqata e


55. “ Stoli në parkun vjetër” Poezi, Shoqata e


56. “Urori i stralltë”, poezi, Shoqata e shkrimtarëve,

Kastriot, 2012

57. “Po të mos ishte fjala”, Poezi, Shoqata e

shkrimtarëve, Kastriot,2012

58. “Thyerja e urave”, poezi, Shoqata e


59. “ Trokëllimat në gjumin e dallgëve”, Poezi,


60. “ Në flokët e dëborës”, poezi, Shoqata e


61. “Një grusht nostalgji”, Poezi, Shoqata e


BLETËT E KALTRA

95

62. “ Kur filluan të flasin njerëzit”, poezi, Shoqata e


63. “Kur stinët kapërcejnë fshehurazi”, poezi,


64. “ Lisi në rrënjët e veta” , Poezi, Shoqata e

shkrimtarëve, Kastriot 2012

65. “Eca ecëm dhe do ecim”, Poezi, Shoqata e


66. “Fëmijët e erës”, Poezi, Shoqata e shkrimtarëve,

Kastriot 2012

67. “ Çast në fund të stinës”, Poezi, Shoqata e


68. “Si të flas me drurët”, Poezi, Shoqata e


69, “ Më pëlqejnë mendimet e tua”, Poezi, Shoqata e

Shkrimtarëve, Kastriot , 2012

70. ”Andej dhe këndej kohës”, poezi, Shoqata e


71. “Zëri i heshtjes”, poezi, Shoqata e Shkrimtarëve,

Kastriot, 2012

72. “Kush i lexoi letrat prej erës”, poezi, Shoqata e


73. “ Fluturimi i korbave në netët pa hënë”, prozë

poetike, Shoqata e shkrimtarëve, Kastriot, 2012

74. “Koha e ime dhe koha e jote”, Poezi, Shoqata e


75.” Diku te një baladë”, Poezi, Shoqate e


76. “ Sonte çdo gjë po i përngjan lotëve”,Poezi,

Shoqata e shkrimtarëve, Kastriot, 2012

77 “ Ky def prej hëne”, Poezi, Shoqata e


ADEM ZAPLLUZHA

96

78.“Pyesni zogjtë në ikje ”,Poezi , Shtëpia botuese

“Fahri Fazliu”, Kastriot 2013

79 “ Fërfërimë gjethesh”, Poezi, Shtëpia botuese

“Fahri Fazliu”, Kastriot, 2013

80. “Refrene yjesh”, Poezi, Shtëpia botuese “Fahri

Fazliu”, Kastriot, 2013

81. “Te delta e mjellmave”, Poezi, Shtëpia botuese


82.“Rinjohja”, Poezi, Shoqata e Shkrimtarëve “Fahri

Fazliu”, Kastriot, 2013

83.“Diku në fund të një fillimi”, Poezi, Shoqata e

Shkrimtarëve, “Fahri Fazliu”, Kastriot, 2013

84.“Mëkati i hijes”, Poezi, Shoqata e Shkrimtarëve “

Fahri Fazliu”, Kastriot, 2013

85.“Një zog prej uji”, Poezi, Shoqata e Shkrimtarëve


86.”Asnjë fjalë nuk frymon”, Poezi, Shoqata e

Shkrimtarëve, “Fahri Fazliu”, Kastriot, 2014.

87.”Daullet e një nate”, Poezi, Shoqata e

shkrimtarëve “Fahri Fazliu”, Kastriot, 2014

88.”Sytë e gurtë të erës”, Poezi, Shoqata e

Shkrimtarëve “Fahri Fazliu”, Kastriot, 2014

89.”Kur dehen perënditë”, Poezi, Shoqata e


90. “Fjetëm njëqind shekuj” Prozë poetike, Shoqata

e Shkrimtarëve “Fahri Fazliu”, Kastriot, 2014.

91.”Krakëllimat e natës”, Poezi, Shoqata e

shkrimtarëve “Fahri Fazliu”, Kastriot, 2014

92. “Ndjekësit e enigmave”, Poezi, Shoqata e


93. “Atdheu i paçmuar”Poezi, Shoqata e

Shkrimtarëve “ Fahri Fazliu”, Kastriot, 2014

BLETËT E KALTRA

97

94.”Psalm i harruar ”, Poezi, Shoqata e

Shkrimtarëve, “Fahri Fazliu”Kastriot 2014

95,”Për kë po bie moj kambanë”, Poezi Shoqata e


96. “Mbi flokët e ullukëve”, Poezi, Shoqata e

Shkrimtarëve “Fahri Fazliu” Kastriot 2014

97. “Menatë vijnë lejlekë”, Poezi, Shoqata e


98. “Loti i gotës së dehur” , Poezi, Shoqata e


99. “Stina asnjanëse”, Poezi, Shoqata e


100. “Dëneste bashkë me erën” Poezi, Shoqata e


101. “Druri i pikëlluar”, Poezi, Shoqata e


102. “Një grusht dashuri”, Poezi, Shoqata e


103. “Lëreni zërin tim”, poezi, Shoqata e


104. “Shi në qytetin tim”, Poezi, Shoqata e


105. “Si trenat e verbër ”, Poezi, Shoqata e


106. “Zjarri i malli tim ”, Poezi, Shoqata e


107. “Kur teshtin era”, Poezi, Shoqata e


108. “Mbi shpirtin e erës pagane”, Poezi, Shoqata e


ADEM ZAPLLUZHA

98

109. “Nëpër gjymtyrët e mjegullave”, Poezi,

Shoqata e Shkrimtarëve, “Fahri Fazliu”, Kastriot,

2014

110”Ajo nuk erdhi sonte” Poezi, Shtëpia Botuese

“TREND”, Prishtinë, 2015

111.“Një hënë e zhveshur”,Poezi, Shtëpia Botuese


112. “Nëpër plasaritjet e mureve”, Poezi, Shtëpia

Botuese “TREND”, Prishtinë, 2015

113.“Mes telave gjembor ”, Poezi, Shtëpia Botuese

“TREND” ,Prishtinë, 2015

114. “Të vizatosh një zog në mur”, Poezi, Shtëpia


115.” Nuk flenë as kuajt e dehur” Poezi,

Shtëpia Botuese “TREND”, Prishtinë, 2015

116.”Fluturojnë zogjtë e verbër ” Poezi,


117. “Një shi prej bryme” , Poezi,

Shtëpia Botuese “TREND” , Prishtinë, 2015

118. “Në prehrin e pemëve” Poezi,

Shtëpia Botuese “TREND” , Prishtinë, 2015

119. “Zëri i largët i shiut ”, Poezi


120. “Yjet e ngrira të kujtesës ” , Poezi, Shtëpia


121. “ Thirrmat e hijeve”, Poezi, Shtëpia

Botuese”TREND”, Prishtinë, 2015

122. “Dritaret e verbëta ”, Poezi, Shtëpia

Botuese”TREND”, Prishtinë, 2015

123 . “Përtej portave të mbyllura” , Poezi,


BLETËT E KALTRA

99

124. “Malli i etjes” Poezi, Shtëpia Botuese


125. “Kur qajnë pemët ”, Poezi,


126. “Të dielave në qytetin tim ”, Poezi, Shtëpia


127. “ Nëpër brigjet e kujtesës” Poezi,


128. “Rrugës qante një stërqok”, Poezi,


129. “Kali im prej bore” , Poezi, Shtëpia Botuese


130. “Përballë hijes së mollës ”, Poezi,

Shtëpia Botuese “TREND “, Prishtinë, 2016

131. “Jehu i zërave”, Poezi,


132. “Në kujtesën e pemëve ”, Poezi,

Shtëpia Botuese “TREND “, Prishtinë, 2016

133.“Më mirë një gjysmë ëndrre ”, Poezi, Shtëpia

Botuese “TREND “, Prishtinë, 2016

134.“Një dry prej dylli ” Poezi, Shtëpia Botuese

“TREND”, Prishtinë, 2016.

135.“ Në anën tjetër të mendjes”, Poezi, Shtëpia


136.“Sa shumë ethe pat dimri sivjet”, Poezi, Shtëpia


137. “Enigmat e kashelashave ”, Poezi, Shtëpia


138. “Nuk i them unë dot kësaj liri” , Poezi,


139. “Fluturat prej letre ”, Poezi,


ADEM ZAPLLUZHA

100

14O. “Fluturimi i gjinkallës”, Poezi, Shtëpia Botuese


141.“Kumritë prej deltine”, Poezi, Shtëpia Botuese

“TREND”, Prishtinë. 2016

142.“Më pritni te baladat e gurit”, poezi, Shtëpia

Botuese “TRENDI”, Prishtinë, 2017.

143.“Trenat këtu gjithmonë vonohen”, Poezi,

Shtëpia Botuese “TRENDI”, Prishtinë. 2017

144.“Lulëzojnë gjethet e ullinjve”, poezi, Shtëpia

Botuese “TRENDI”, Prishtinë, 2017

145.“Teatri antik i kujtesës”, Poezi, Shtëpia Botuese

“TRENDI”, Prishtinë. 2017

146.“Portreti i lirisë”, poezi, Shtëpia Botuese

TRENDI”, Prishtinë, 2017

147.“Një stinë delikate”, poezi,

Shtëpia Botuese TRENDI”, Prishtinë, 2017

148.“Te ullishtat e vjetra ”, Poezi, Shtëpia Botuese


149.“Ishim të lumtur si gjinkallat”,

poezi, Shtëpia Botuese TRENDI”, Prishtinë, 2017

150.“Pikëllimet e rrënjëve”, Poezi, Shtëpia Botuese


151.“Telat e shirave ” poezi, Shtëpia Botuese


152.“Një stuhi prej bryme”, Poezi, Shtëpia Botuese


153.“Sonte s’ka dashuri ” poezi, Shtëpia Botuese


154.“i shëmbëllente pluhurit kozmik”, Poezi,

Shtëpia Botuese “TRENDI”, Prishtinë. 2018

BLETËT E KALTRA

101

155.“Llamburite atdheu i plagosur” poezi, Shtëpia

Botuese TRENDI”, Prishtinë, 2018

156.“Gurët e pjekur shtatë herë” poezi, Shtëpia


157. “Kur të dalë nga kjo stinë” poezi, Shtëpia


158.“Ishin thyer te gjitha urat ” poezi, Shtëpia


159.“Gjethi i këputur në vjeshtë ” poezi, Shtëpia


16o.“Ti mundesh nëse do” poezi, Shtëpia Botuese


161.“Pëllumbat prej rrufeve”, poezi, Shtëpia


162. “Diku në zbrazëtinë e ndërgjegjes”, poezi,


163.“Retë e dendura të kujtesës ”, poezi, Shtëpia


164.“ Pak diell e shumë acar”, poezi, Shtëpia


165.“Kur kyçen yjet e harresës ”, poezi, Shtëpia


166.“Nga pragjet e shtëpive”, poezi, Shtëpia Botuese


167.“Fluturat e djegura ”, poezi, Shtëpia Botuese


168.“Përtej asaj peme”, poezi,


169.“ Kuajt e mjegullave”, poezi, Shtëpia Botuese


170.“Po të ishte ndryshe ”, poezi,


ADEM ZAPLLUZHA

102

171.“Kur kthehen zogjtë e shiut ”, poezi,


172.“Mes gishtave të hijes”, poezi,


173.“kush i theu xhamat e shiut”, poezi,


174.“Poemat e dhembjekrenarisë ”, poezi,


175.“Marsi i çmendur në dy kohës”, poezi,


176.“ Kur dënesin varret”, poezi,


177.“ Mos më uroni udhë të mbarë”, poezi,


178.“Nuk mjafton të kesh vetëm emër ”,

poezi,Shtëpia Botuese TRENDI”, Prishtinë, 2020

179.“Portat e mbyllura me dyllë ”, poezi,


180.“Deri në baladën tjetër ”, poezi,


181.“ Bleta e kaltër”, poezi,


BLETËT E KALTRA

103

ADEM ZAPLLUZHA

104

Katalogimi në botim – (CIP)

Biblioteka Kombëtare e Kosovës “Pjetër Bogdani”

821.18-1

Zaplluzha, Adem

Bletët e kaltra / Adem Zaplluzha. - Prishtinë :

Trendi, 2020. -

104 f. ; 21 cm.

ISBN 978-9951-757-43-0

BLETËT E KALTRA

105

bletËt e kaltra · 2020. 8. 29. · bletËt e kaltra 7 fuqishëm kohërat dhe përjetimet,...

Documents