buki di prensa karnaval 2013
DESCRIPTION
karnaval 2013TRANSCRIPT
1
2
11.. GGEENNEERRAALL
1.1 Invitashon Rueda di prensa Pag. 5
1.2 Programa pa Konferensha di prensa Pag. 6
1.3 Letra di Jingle di promoshon Pag. 7 - 8
1.4 Palabra di Minister di Kultura Pag. 9
1.5Palabra di Presidente di AMAK Pag.10-11
1.6 Festival di Tumba riba Facebook Pag. 12
1.7Dedikashon di Festival di Tumba 2013 Pag. 13
1.8 Kuríkulo di esun ku ta dediká FT2012 Pag.14-20
3
22.. AAKKTTIIVVIIDDAATTNNAANN FFEESSTTIIVVAALL DDII TTUUMMBBAA 22001133
2.1 Kriterionan pa skohe Tumba Pag. 21 - 22
2.2 Inskripshon Pag.22-24
2.3 Entrega di letra Pag. 25
2.4 Sound chèk Pag.25
2.5 Siman di Festival di Tumba Pag. 25 - 26
2.6 Junior Tumbafestival & More 2013 Pag 27 - 35
2.7 Preliminar Pag. 35
2.8Bispu di gran final Pag. 36
2.9 Gran Final Pag. 36 - 37
2.10 Entrega di Premio Pag. 38
2.11 Puntonan di atenshon Pag. 38 - 40
33.. AASSPPEEKKTTOONNAANN LLOOGGÍÍSSTTIIKKOO
3.1 Infrastruktura Pag. 41
3.2 Sekshonnan durante FT 2013 Pag. 41-42
3.3 Tualet Pag. 43
3.4 Preparashon general Pag. 43
3.5 Preis di entrada Pag. 43 – 44
3.6 Luga di parker Pag. 44
3.7 Seguridat Pag. 44 – 45
4
3.8 Konsumo Pag. 45 – 46
3.9 Karnet/Badj pa kolaborador Pag. 46 - 47
3.10 Aspektonan Tékniko Pag. 47-48
3.11 Transmishon Pag. 48 – 49
3.12 Promoshon Pag. 49 - 50
4. BRANDING PARTNERS Pag. 51 - 59
5. OTRO SPONSERNAN KU A KOPERA Pag. 60 - 62
6. FECHANAN IMPORTANTE Pag. 63
7.PROMOSHON INTERNASHONAL Pag. 64
8. LISTA DI GANADÓNAN 1971-2012 Pag. 65 - 67
8. INSTRUKSHON DI HURADO 2013 Pag. 69 - 81
9. REGLANAN PA FESTIVAL 2013 Pag. 82 - 91
5
11.. GGEENNEERRAALL 1.1 INVITASHON RUEDA DI PRENSA
6
1.2 PROGRAMA PA RUEDA DI PRENSA
6:45 pm: Ta kuminsá risibí invitadonan
7:00 pm: Inisio Ofisial kanto di Rei di Tumba 2012 Amos Balentien
7:05 pm Jingle di Festival di Tumba
7:07 pm: Ta duna palabra na Minister enkargá ku Kultura den Gobièrnu
di Kòrsou, Sra. Rubia Bitorina
7:10 pm Palabra di Presidente di AMAK, Sr. Manfred “Feco” Gomes
7:25 pm Ta duna palabra na representante di Branding Partnernan (+/-
3 minüt )
1. KFC/Pizza Hut/ Subway
2. Polar
3. UTS
4. Fatum
5. MCB
6. Refineria Isla
7:40 pm Pregunta di Prensa
8:00 pm: Klousura programa ofisial
Ta keda un ratu huntu pa dal un salú pa habri aña 2013
7
1.3 JINGLE TUMBA
Ban apoyá nos Tumba
Intro
Ban apoyá nos tumba
Ban sostené nos tumba
E magno evento kultural
Pueblo kompleto ta sostené 3x
Honor na nos Festival di Tumba
Un magno evento kultural
Nos artistanan tin kapasidat
Pa krea muzik di kalidat
Nos evento a krusa frontera
Nos muzik ta hopi apresiá
Tur esnan ku ta kontribuí
Ta pone Kòrsou sobresalí
Koro
Di nos e ta ban sostené Ban apoyá nos tumba
8
Un magno evento kultural
Ku tumbanan di kalidat
Ban asistí i aploudí
Danki na nos spònsernan
Na pueblo den totalidat
Ripití :Intro
Kompositor letra i melodia : Manfred Feko Gomes
Kanto: Igmar La Reine
Areglo i grabashon: Gregory J. Colina
8-1-2011
9
1.4 PALABRA MINISTER RUBIA BITORINA
Esnan ku no por yega , danki na teknologia moderno, por disfrutá di esaki via di radio i televishon.
Nos tur ku ta sigui e evento di Festival di Tumba di aserka mester atmití ku un desaroyo positivo a tuma lugá durante último añanan i spesialmente pa loke ta trata e avanse musikal .
Banda di e parti ku festival di Tumba ta duna posibilidat na nos kompositornan, intérpretenan i tur músiko pa demostrá nan talento musikal, e ta un instrumento importante pa promoshon di nos Isla den eksterior.
Hinter pueblo di Kòrsou ta den espektativa kada aña pa mira ta kua ta e temanan i e kontenido di e tumbanan nobo. Ta bon pa nos menshoná aki ku e profundidat di letra ta un aspekto ku a bai hopi dilanti i na hopi okashon e komposishonnan por sirbi komo un estímulo pa un mihó suidodania. E letranan di e tumba ganador di 2012 a indiká e importansia ku nos tur ku ta biba riba e pida baranka aki mester uni ku otro, pa asina ei nos por logra mas pa nos pais.
Mi ta deseá tur esnan envolví den organisashon ku e tremendo festival aki ku ya ta bai pa su di 43 edishon tur klase di éksito i un palabra tambe hopi éksito na tur esnan ku ta bai tuma parti na festival di Tumba 2013.
Kòrsou su festival di Tumba ta grandi di bèrdat.
Komo Minister di Kultura i Edukashon, mi
ke deseá pueblo di Kòrsou un felis aña
2013 i un aña bendishoná, ku riba tereno di
Kultura i Enseñansa, konhuntamente nos
por logra un adelanto.
Temporada di karnaval 2013 e aña aki ta
hopi kòrtiku i dentro di poko un di e
aktividatnan Kultural mas grandi di Kòrsou
ku ta festival di Tumba, ta ba tuma lugá
10
1.5 PALABRA DI PRESIDENTE MANFRED “FEKO” GOMEZ
FESTIVAL DI TUMBA 2013 UN AKTIVIDAT SERIO NA NIVEL I CONTENIDO
PROFUNDO
Festival di tumba awen di ata un evento musikal hopi grandi, no solamente pa
lokual ta trata e interés di parti di pueblodi Korsou pa e evento aki, sino pa lokual
ta e nivel musikal ku positivamente a ser influencia pa tur nos musikonan ku a
studia musika na nivel mas haltu.
Tur genero i estilo di musika ront undu ta konose nan desaroyo un ke otro
influencia pa modernisashon di musika. Avanse nan teknologiko manera
programanan komputarisa ku ta un medio indispensabel pa e areglistanan, ta
fasilita e trabou, pero na e mes un momento e ta eksihi ku e musiko arreglista
kompositor ta sigui studia pa keda al tanto di e ultimo desaroyonan.
Na prome luga un felis aña 2013 yen di
benshon i ku tur kos lo kana na deseo di tur
esnan k uta biba e baranka presioso aki.
Temporada di karnmaval ta hopi kortiku e
aña aki i esei ta nifika tambe ku tur e
aktividatnan relashona ku Festival dfi Tumba
2013 ta bai kai hopi tempran. Durante ultimo
añanan, nos musikonan i kompositornan a
bira hopi konsiente ku no por warda titu tira
pa ban kuminsa pensa riba karnaval.
Mas tempran bo kuminsa prepara pa Festival
di Tumba, mas grandi e posibilidat ta ku lo bo
por logra eksito.
11
Festival di Tumba, ban da di festival Un Kant opa Korsou, ta e uniko dos
eventonan k uta duna oportunidat na tantu e musiko, kompositor, arreglista i
kantante pa dermostra nan avansenan musikal den obranan musikal nobo.
Ta pesei Korsou mester ta orgulloso di ta e país, porta chikitu na tamayto riba
mapa mundial, pero grandi na talentonan musikal.
Festival di Tumba 2013 ta bai konose algún kambionan pa lokual ta
programashon, pero tambe pa e parti di set up. Kontrali na e ultimo tres añanan,
e aña aki nos ta bai konose un Festival di Tumba k uta kluminsa djadumingu 20 di
yanuari i termina djabierne 25 di yanuari 2013.
Durante evaluashonnan di nos direktiva i riba komentarionan ku nos a risibi, e
desishon a kai ku e Junior Tumba Show ku e aña aki ta karga e nomber di Junior
Tumba festival & More, lo tuma luga djadumingu dia 20 di yanuari, sigui pa e
dianan preliminar, 21,22 i 23 di yanuari, 24 di yanuari lo ta e fecha kaminda ta bai
presenta mantel i na final saka orden di aparishon di gruponan musikal finalista i
djabierne 25 di yanuari lo ta e gran final.
Festival di Tumba komo un festival di kansion, ta un di e poko eventonan na
mundu ku a mantene su mes durante un periodo di 42 aña. Esaki a bira posibel
ku esfuersonan riba nivel di organisashonnan i riba nivel di produkshon ku un gran
sosten di nos medionan di publisidat.
Un faktor ku a kontribui durante ultimo añanan pa mantene e festival tumando na
kuenta e subida drastikio di gastunan, ta e envolvimentu di branding partners i
tambe e parti di Pay Per View.
Direktiva di AMAK Ta hopi satisfecho ku e interes ku miembronan a demostra
durante ultimo reunionnan, ku den un forma kritiko, pero konstrutivo, ta
aportando na festival di Tumba sigui krese i bira kada aña mas grandi.
Pueblo di Kòrsou danki pa e sosten i konfiansa durante tur e añanan tras di lomba
i nos ta sigui konta ku boso!
12
1.7 FESTIVAL DI TUMBA RIBA FACEBOOK
Asosiashon di Músiko i Artista di Kòrsou ta bai ku tempu i ta hasi mas tantu uso
di e teknologianan moderno di komunikashon ku tin.
Banda ku nos tin e wèpsait. www.asosiashondimusiko.com , den 2012, nos ta
hasi uso di tambe di Facebook pa komuniká ku nos pueblo.
Tur hende por bai riba Facebook i like Festival di Tumba i asina lo keda na altura di
tur loke ku nos a bin ta hasi pa Festival di Tumba 2013.
Esnan ku “like” Festival di Tumba riba facebook, tin chèns di gana premionan
interesante di Tumba 2013.
Riba e wèpsait di AMAK tin hinter e historia di Festival di Tumba, for di su
komienso te awor aki.
Banda di esaki, nos ta alkansabel na [email protected] komo e e-
mail kaminda nos ta alkansabel.
13
1.8 DEDIKASHON DI FESTIVAL DI TUMBA 2013
Manera a bira un tradishon, for di 1982, tur aña, Asosiashon di Músiko i Artista di
Kòrsou ta dediká Festival di Tumba na un persona òf instituto ku atraves di años a
hasi su mes meritorio den desaroyo di Festival di Tumba.
Punto di salida pa yega na e nombramentu ofisial ta ku e persona o instituto por
ta un músiko o un persona o instansia ku di un òf otro forma ta relashoná ku nos
Festival di Tumba.
Pues un músiko, persona o instansia ku a hasi hopi riba tereno musikal, pero ku
no ta direktamente relashoná ku Festival di Tumba, no ta bini na remarke pa risibí
e honor aki.
Mayoria biaha ta skohe pa duna e persona o instansia e honor aki na bida. Den e
kaso di aña pasa, esei no a tuma lugá, ya ku e kuater personahenan di felis
memoria, ku a haña e honor póstumo, tabata hendenan hopi yega na Festival di
Tumba, pero ku diripiente a pasa pa mihó bida.
Pa lokual ta trata e aña aki, manera kustumber direktiva a presentá algun
nominado i finalmente e desishon a kai den forma unánime ku Festival di Tumba
2013 ta keda dediká na:
RROOMMEEOO HHEEIIJJEE
14
1.9 KURIKULO DI ROMEO HEIJE
ROMEO HEIJE
Su eksperenshanan musikal i su aporte na Tumba di Karnaval
Nòmber: Romeo Raymond Heije
Fecha di nasementu:
24 Mart 1950; den bario di Marchena. Despues e famia a muda
bai biba den kas di polis na Kas Chikitu.
Tata: Guillaume Joseph Heije - nasé na Sürnam (1917). El a fayesé na
aña 1977.
Mama: Elisabeth Reina Wanga - nasé na Bonaire (1921). Reina ta na
bida ahinda i aña pasá a kumpli 91 aña di edat.
I Müzik i kanto den bida di Romeo (edat ± 6 pa 22 aña)
Infansia (edat ± 6 pa11 aña)
- na “lagere school” Mgr. Nieuwindt College Romeo tabata den e kor di skol. E tempu
ei tabata skol di fraternan;
- na edat di 8 aña el a kuminsá bai “padvinderij”. El a kuminsá komo “welp” i a sigui
subi den e diferente rangonan di e organisashon. Komo miembro di “Verkennerij”
grupo Pius X ku tabata reuní na e “lagere school” Pius College na Wishi, el a siña
toka diferente instrumento. El a siña toka tròmpèt, drùm, kitara i tambe a siña kanto
serka e.o. nan lider sr. Richard Thodé;
- Suplando “hoorn” el a bai reforsá “verkennerij” St. Paulus-groep na Steenrijk den
drumband di “ Katholieke Verkenners” .
15
Hubentut (edat ± 12 pa 18 aña)
- na St. Thomas College (MULO-school) Romeo tabata den e “Schoolband” huntu ku
e.o. Randy Wiel, Stanley Betrian, Melvin Cijntje i Elco Gonet. Nan tabata ensayá
despues di skol i tabata presentá na aktividatnan di e skol so;
- el a toka tambe den grupo di aguinaldo ( aña 1967) “Los Brilliantes”;
- e temporada aki Romeo a tuma lès di müzik serka sr. Flip Ridderstap, q.e.p.d., di
St. Vincentiusharmonie;
- el a sera konosí i práktika kanto ku e método Bel Canto.
Adolesensia (edat ± 18 pa 22 aña)
- Romeo a kuminsá toka den “beatband”, Los Dandy’s, huntu ku e.o. Silvio
Koeiman, Darell Balentina, Oswin Nicia i Humphrey Leocadia. Romeo tabata toka
bas i kanta. Karel Thielman, Lesly Daal, Egmar Balentina i Edmar Wiske tambe a
yega di kanta den e banda;
- El a toka guitara Bass i a kanta tambe den e bandaThe Blues, huntu ku Melvin
Bernabela, Freddy Grovell i Franklin;
- E banda The Blues despues a kambia di mènedjer i di nòmber i tabata yama The
Magic Stars. E banda aki a yega di kompañá diferente artistanan di eksterior ku a
bin presentá na Kòrsou, den diskoteka “the Pussycat”;
- Romeo a partisipá diferente biaha den festivalnan di kanto di Romoldo Hanst, den
teatro West-end i di Dugo Schenker. E tempu ei el a haña e “bijnaam” “The New
Tom Jones”, dor ku e tabata interpretá e piesanan di e kantante ei di un manera ek-
sepshonal i su bos mes tambe tabata impreshoná tur hende;
- For di e temporada aki Romeo mes tabata sòru pa buska i haña informashon tokan-
te tokamentu di bass, pa e praktiká su akortnan i asina ei kada bes e dominá e ins-
trumènt mas mihó.
II Envolvimentu ku tumba di Karnaval (23 aña di edat te aworaki)
Despues di e período di “ beatband” Romeo a bai militá i/òf yuda den diferente
combo/banda.
El a kuminsá den Super Special Combo. Despues ela bai militá den Indis-cutible
Super Dynamic komo direktor musikal, bahista i kantante. Tambe el a toka, kanta i
dirgí den Doble R Super Special Stars.
16
El a komponé diferente piesa. Mayoria di nan ta balada. Su promé dos kompo-
sishonnan tabata “Maria“ i “La última súplica” den Super Special Combo.
Orkesta Delight tambe ta un di e combo/bandanan popular ku Romeo a dirigi, kanta i
toka aden.
E temporada aki e tabata haña instrukshon musikal mas avansá serka sr. Errol “El
Toro” Colina. E mes tambe tabata buska informashon for di bukinan di instrukshon
musikal, pa asina e mehorá su habilidatnan di kanta, toka i komponé.
Den e período aki tambe el a dediká hopi tempu i a duna hopi atenshon na festival di
tumba di karnaval:
1973 -1975:
- Na aña 1973 Romeo a tuma parti pa promé biaha na Festival di tumba di
Karnaval. E tempu ei e tabata den e agrupashon Super Special Combo kaminda el
a toka bass i tabata korista.
17
- Romeo a yuda diferente otro agrupashon musikal ku nan komposihon di tumba di
karnaval, dor di aportá na letra, areglo, koro i dor di kompañamentu ku bass.
1975 - 1979:
- Den luna di mart 1975 Romeo a bai dirihí Indiscutible Super Dynamic.
Den e agrupashon aki Romeo a partisipá komo areglista, bahista i korista. E tabata
envolví tambe den letra i mύsika di e diferente tumbanan di e agrupashon aki.
- E temporada aki tambe Romeo a yuda diferente otro agrupashon musikal ku nan
komposishon di tumba di karnaval, dor di aportá na letra, areglo, koro i kompaña-
mentu ku bass. Entre otro, La Perfecta, Combo Magic Fire i La Tremenda.
- E banda (Indiscutible Super Dynamic) a presentá gratuitamente na kasnan di
hende grandi, pa animá nan fiestanan di karnaval.
1979 -1982:
- Den agrupashon Super Special Stars Romeo tabata atrobe bahista, areglista,
korista i tambe direktor musikal.
- Romeo a areglá i dirihí, na aña 1980, e promé tumba ku Gibi Doran a partisipá kuné
den Festival di Tumba Grandi. E título ta “Bin ban gosa kuné”.
- Aki tambe Romeo a yuda diferente otro agrupashon musikal ku nan komposihon di
tumba di karnaval, dor di aportá na letra, areglo, koro i kompañamentu ku bass.
1982 - 1988:
- Romeo a sigui yuda diferente agrupashon musikal ku nan komposihon di tumba di
karnaval, dor di aportá na letra, areglo, koro i kompañamentu ku bass. Entre otro:
Boy Dap i su Exploshon Latina i agrupashon musikal Name.
1988 - 1995:
- Romeo a studia i traha na Hulanda.
1996 te ku awe:
18
- Diferente agrupashon musikal a i ta aserká Romeo pa e yudanan ku letra, mύsika,
areglo, koro i kompañamentu riba bass.
- Den e período aki, komo kordinadó di aktividat na Kas pa Hubentut, Romeo i Fren-
sel Sambre a yuda den organisashon di festival di tumba di karnaval pa internatnan
na Kòrsou. Alabes el a komponé un piesa pa su internat, Kas pa Hubentut, partisipá
na e festival kuné. Titulo di e piesa ta “Prinsipio”. Ku e piesa aki e hoben Marvin
Martina a sali Rèi di Tumba.
- Romeo ta miembro di Orkesta General (pa festival di tumba) komo korista. Manera
boso sa funshon di e orkesta aki ta pa kompañá kantantenan, ku no tin òf no por
haña un agrupashon musikal, pa presentá nan tumba durante festival.
- Romeo a kanta koro tambe pa e.o. agrupashonnan ERA i Muziekschool Maria Cor-
nelia.
- Pa festival di Tumba Hubenil, ku akompañamentu di Doble Klásiko, Romeo a yuda
guia e koro di mucha i e mes tambe a kanta koro.
Atenshon spesial:
- Romeo ta un di e kantantenan ku tabata kanta koro pa diferente agrupa-shon musi-
kal durante festival. Riba e mesun anochi bo tabata miré riba esenario den diferente
ϋniform.
19
- Na hopi okashon Romeo a interpretá himno di Kòrsou, sea na apertura òf riba e
ύltimo dia di festival. E motibu ta, ku semper Asosiashon di Mύsiko a puntré pa e ta
“standby” por si akaso algu sosodé.
III Otro aktividatnan riba tereno musikal
Festivalnan di kanto:
Tur e stèn Romeo a partisipá na diferente festival di Kanto:
- Un di su promé premionan den kanto tabata 2do premio di Bunny’s Club di, e tempu
ei, Hotel Trupial Inn;
- 3 biaha ganador apsoluto di Festival “Bos di oro di Kòrsou”, entre añanan 1973 -
1975;
- Na 1975 mihó bos di Caribe na e Festival Internacional de la Voz y la canción de
Puerto Rico”;
- Na 1977 ganador 1e lugá pa bos i na di 3 lugá pa kansion, na e Festival di Puerto
Rico. Título di e kansion tabata “More and more”, komponé dor di Errol Colina;
- na aña 1987 ganador festival di OTI di Antias. Un piesa kantá duo huntu ku su ru-
man muhé Rose Heije. Nan a representá Kòrsou na e festival Internacional di OTI
na Lisboa, Portugal;
- Ganador di Gospel Song Festival (Kòrsou);
- 2 biaha ganador di Gospel International festival (ùltimo tabata na Seru di orashon);
- C.B.U. Golden Award. - Romeo a representá Kòrsou na Barbados. C.B.U. ta Carib-
bean Broadcasting Union, pues un asosiashon di kompanianan di televishon di dife-
rente país den Karibe. Telecuraçao tambe tabata forma parti di dje.
Lès di müzik:
- Di añanan 1983 pa 1987 Romeo tabata kordinadó di skol di müzik di Banda’bou.
Lèsnan tabata tuma lugá e.o. den e barionan Westpunt, Soto, Barber, Willibrordus i
Dokterstuin;
- E tempu ei Romeo tabata dosente tambe di müzik na e skolnan Infosodo i Emmas-
chool;
20
- Romeo a studia 3 aña na Conservatorium di Arnhem Hulanda den e spesialisashon
di “schoolmuziek en zang”;
- Di aña 1996 pa 2000 Romeo tabata kordinadó di e proyekto sosial-musikal na inter-
nat Kas pa Hubentut (antes San Fernando na Soto).
- El a duna tambe lès di kanto i di kor na kor di Misa Adventista di Banda bou i kor di
Misa Katóliko na Soto;
- Di 1999 - 2004 el a tren e koro di ALM / DCA, kor New Horizon, huntu ku Desmond
Gordon;
- Durante algun aña ela duna lès na Akademia Pedagógiko (1997-2002) i na SIFMA;
- Aktualmente e ta duna lès di kuatro, bass i kanto na Buurtcentrum Souax. Tantu
teoría komo práktika.
Kanto:
- Romeo ta promé tenor i korista di Orkesta Nashonal di Kòrsou;
- E sa kanta tambe komo invitado den “Doble Klásiko” i otro agrupashonnan musikal;
- Regularmente e ta haña petishon pa kanta na fiestanan di hasiment’i aña, kasa-
mentu, aktividatnan sosial di hende grandi i hasta na entiero. Ta invité tambe regu-
larmente pa presentashonnan na Hulanda.
Riba dia 22 di Novèmber 2010, dia di Santa Cicilia, AMAK (Asosiashon di músiko i
artista di Kòrsou) a otorgá Romeo un “pin” di mérito pa tur su aktividatnan desplegá riba
tereno musikal.
21
22.. AAKKTTIIVVIIDDAATTNNAANN DDII FFEESSTTIIVVAALL
DDII TTUUMMBBAA 22001133
2.1 KRITERIANAN PA SKOHE E TUMBA GANADOR
Festival di tumba ta un festival di Kansion. Den un Festival di Kansion, e lokual ku
ta mas importante ta e komposishon.
Un komposishon ta konsistí di diferente parti importante. E aspektonan mas
importante ta Letra i Melodia, pero e parti di entonashon tambe ta un parti
integral di e totalidat.
Durante último 21 añanan den Farándula Internashonal, nan tambe a inkorporá e
parti di entonashon den e totalidat di aspektonan ku e kuerpo di hurado mester
tene kuenta ku n’e na momentu ku ta bai definí un komposishon ganadó.
Den nos festival di tumba, aspektonan ku ta importante ta:
1. Letra i Melodia (ku tin e peso di mas grandi)
2. Ritmo i Areglo
3. Ambiente den kaya
E parti di entonashon ta forma parti di e sekshon mas importante ku ta Letra i
Melodia. Ta bon pa nos menshoná ku hasta músikonan partisipante tin biaha ta
interpretá uso di e reglanan den un forma inkorekto.
Tur aña di nobo nos ta splika ku kualkier un dje aspektonan ya menshoná, por
influensia e puntuashon final i konsekuentemente e tumba ganadó.
22
Hopi biaha nos ta pensa ku si un hende gana den letra, ta e mester tin e tumba
ganadó. Si nos rasoná di e forma aki, nos ta eliminá tur e aspektonan manera
melodia, entonashon, ritmo i areglo.
Pues si nos tin un letra masha bunita ku por sali ganador den kualkier
kompetensia di poesia, no nesesariamente mester gana den un kompetensia di
músika, kaminda ta importante pa e letranan bon aki ta sostené pa bon melodia,
bon areglo i bon entonashon.
Ta pa e motibu ei tambe a introdusí e premio Mihó Letra, pa duna balor i
importansha na e letra, ku no nesesariamente mester ta e tumba ganadó. Ta
bon pa menshoná tambe ku deskuento di puntonan di sanshon tambe por
afektá e resultado.
2.2 INSKRIPSHON
Un dje prome aktividatnan despue konferensha di prensa ta Inskripshon pa
festrival di Tumba ku e Aña aki ta tuma luga djaudmingu 13 di yanuari entre 2 or
pa 6 or di atardi.
Dia di inskripshon a bira un aktividat k uta hala hopi atenshon di e publiko, ya ku
tur hende ta wardando pa mira ken ta bai participa, ku kua agrupashon musikal
etc etc.
E evento aki durante ultimo añanan a bira un evento popular, kaminda medionan
di prensa, direktiva di AMAK, Branding Partners i Musikonan ta akudi pa asina ei
formalisa e partisipashon na e gran evento aki.
Tumando na cuenta ku e interés di medionan pa kubri e vento aki ta kresiendo
debi ku banda di medionan local, tin diferente medionan for di e.o. Aruba k uta
bin kubri e evento, a hasi necesario pa por kresa un espasio mas grandi pa
ubikashon di especialmente e medionan kuy ta transmiti.
E inskripshon di e aña aki ta parse di bira hopi interesante ku partisipasdhon di
algún artista hopi popular ku antes no a yega di tuma parti di Festival di Tumba,
23
Aunke e tempo uta kortiku, direktiva ta konta riba un bon partisipashon ku por
kubre especialmente e tres dianan preliminar.
Pa stimula partisipashon, e aña aki Reunion General a bai di acuerdo ku e
proposishon di direktiva pa duna un aporte adishonal na gruponan ku no ta
klasifika yuda kubri e gastunan haltu mará na partisipashon na festival di Tumba.
E instripshpon ta kuminsa 2 or enpunto ku un apertura oficial na enkargo di
Minister di Kultura, sigui pa palabranan kotiku di Minister di Kultura, Presidente
di AMAK i Presidente di Hurado.
Manera tabata e kaso ultimo añanan aki, Emerys Consulting i su crew profesional
lo perkura pa digitalisa e inskripshon.
Aspektonan importante ku partisipantenan mester tene cuenta ku ne ta konforme
nos reglanan, kada agrupashon musikal por kompaña maksimalmente 6
komposishon. Un interprete por kanta unikamente 1 komposishon, mientras e
kmpositornan por inskripbi kuantu komposishon ku nan ke.
Inskriposhon por tuma luga sea dor di e líder di manda, e kompositor o e
interprete, pero ta necesario ku esun k uta inskribi tin un komprobante k uta
demostra ku e ta outorisá pa inskribi.
Ta bon pa menshona aki ku reunión general a desaproba sierto gruponan ku no ta
tuma e inskripshon na serio, esta nan ta inskribi sin nunca nan ta participa. E
personal ku ta enkarga ku inskripshon lo haña instrukshon pa no aksepta
inskripshon di sigur un grupo ku pa ultimo añan tas bin inskribi sin nunca ta
participa. Tipo di akshonnan asina ta trese un desbalansa den e programashon.
Entre 2 or pa 6 or radio emisora,a, representantenan di media skibi i televishon, lo
entrevista partisipantenan. Ta bon pa nos bisa aki k uta importante pa no warda
te na ultimo momento pa inskribi, pa motkibu ku e ora ei no ta sigur ku bo ta haña
e espasio di entrevista serka e medionan, ya k uta un eskoho e medionan mester
hasi na e momenmtu ei di esnan k unan ke entrevista.
24
Si ta nesesareio pa 4 or di atardi, direktiva lo tene un Minis Konferensha pa duna
ultimo detayesnan.
Pa 6 or di atardi, Prome Minister di korsou lo tei presente pa anunsia siere di
inskripshon. Seguidamente un grup musikal lo entretene esnan presente i pa 7 or
di anochi lo anunsia tur esnan ku a inskribi i digitalmente lo saka e fecha i orden di
aparishon.
Pa lokual ta trata e sekuensia di e diferente komposishonnan, por entreganan sea
dia entrega di letra, si no por anununsia esaki durante e anochinan preliminar
después di e mini konferensha 7 or di anochi.
Konforme e desishon di Reunion general, e tres gruponan musikal popular lo
aktua riba e diferente dianan preliminar komo ultimo grupo musikal. E
agrupadshon ku a akompaña Rei di Tumba 2012, lo actual riba e di tres dia
preliminar komo ultimo grupo musikal i lo entretene e puelbiko te ora e hurado
bini ku e anunsio di e 30 finalistanan.
E dia di inskripshon lo termina pa 9or di anchi
25
2.3 ENTREGA DI LETRA
Por entregá letra for di dia di inskripshon.
Sinembargo esnan ku ta deseá esei tin oportunidat pa entregá letra te ku djaweps
17di yanüari 2013, pa 8’or di anochi na Curaçao Festival Center.
Ta bon remarká ku e letranan mester ta:
1. CD òf “memory stick”, na ofisina di Curaçao Festival Center.
2. Via e-mail [email protected]
Si ta necesario, pa 8 or di anochi direktiva di AMAK lo tene un knferensha di
prensa, pa splika e ultimo detayesnan.
Ta publiká e listanan ofisial djasabra 19 di yanüari 2013 den medionan di
komunikashon. Konforme regla 3.2 riba e anochi aki ta saka órden di aparishon di
e kantantenan.
2.4 SOUND CHEK
Manera ya a bira un kustumber, ultimo añanan ta hasi un chekeo di tantu e
efektonan di lus komo zonmido un dia prome ku e festival. Komo ku siman di
Tumba e aña aki ta kuminsa djadumingu dia 20 di yanuari, den konsulta ku
Massive Sound Productions, lo hasi e chekeo di sonido riba djasabra 19 di
yanuari. E ora eksaktro ku e chekeo di sonido aki lo tuma luga lo keda anunsia
djaweps 17 di yanuari 2013.Massive ta tuma na su enkargo pa aserka un
agrupashon musikal ku lo participa na e chekeo di sonido aki.
2.5 SIMAN DI FESTIVAL DI TUMBA 2013
E aña aki Festival di Tumba ta bai konose un kambio den
programashon. Pa ultimo 3 añanan e Junior Tumba Show a tuma luga
después di Festival di Tumba, pero e eksperiensia di esaki ta ku después
26
di kulminashon di festival doi Tumba, tur hende ta kansa i tin un
kantidsat di aktividat di karnaval.
Ta pa e motibu ei, direktiva di AMAK i IPFM den etsrecho kolaborashon
ku su branding partnernan, a disidi di pone e Junior Tumba festival riba
djadumingu dia 20 di yanuari, bispu di e dianan di festival di Tumba.
Esaki ta duna tur esnan k uta interesa pa for di djadumingu bin disfruta
di e ambiente dio festival Center i kaminda riba e anochi ei sonido,
efecto di lus i tur trabou infrastruktural ya ta regla.
Djadumingu 20 di yanuari 2013 Junior Tumba Festival & More
Djaluna 21 di yanüari 2013 promé anochi di Festival di Tumba
Djamars 22 di yanüari 2013 di dos anochi di Festival di Tumba
Djarason 23 di yanuari 2013 di tres anochi di Festival di Tumba
Djabierne 25 di yanuari Gran Final di Festival di Tumba
27
2.6. JUNIOR TUMBA FESTIVAL & MORE 2013
Un pida historia.
Prinsipio di ougùstùs 2005, Instituto pa Formashon Musikal, despues di hopi
lucha, a inisiá ku e proyekto pa formashon musikal den barionan, habitá pa
famianan ménos pudiente na Kòrsou, pa duna hóbennan for di 8 aña oportunidat
pa haña lès grátis.
Ya despues di 4 aña, a resultá ku tin hopi talentonan den e barionan aki, ku no por
a studia muzik pa motibunan finansiero, pero ku realmente tin e kapasidat pa
yega leu riba tereno musikal.
Debi na resultadonan positivo di e lèsnan den bario, na ougùstùs 2009 a forma
dos orkesta for di e alumnonan mas avansá di e proyekto, e ya konosí Junior All
Star Orchestra. E promé prueba di e talento musikal di e hóbennan aki, a tuma
lugá durante e promé Junior tumba show riba 30 di yanüari 2010 den Curaçao
Festival Center.
E Junior tumbafestival & more 2013 pues, ta un kontinuashon di Junior
tumbashow, ku a inisiá na aña 2010. E promé junior tumbashow manera ya
menshoná, a tuma lugá djasabra 30 di yanüari 2010 dilanti di un bon públiko ku a
bin animá e hóbennan.
28
Promé ku e fecha aki, e hóbennan di Junior All Star, despues di un preparashon di
apénas 6 luna, a presentá riba e stage nobo , ( ainda sin dak) , pa kompañá rei di
tumba 2009, Tico Balentien, ku e tumba Bahia, durante e konferensha di prensa
dia 5 di yanüari , pa festival di tumba 2010.
Miembronan di prensa i e invitadonan presente a keda impreshoná, pa e nivel di
presentashon di e hóbennan di Junior All Star.
E presentashon di promé tumbashow, kaminda e hóbennan di dos orkesta di
Junior All Star, a toka i kanta e mihó hitnan durante 40 aña festival di tumba
(1971- 2009), a resultá un éksito enorme.Tantu esnan den Festival Center, komo
esnan na kas, a keda realmente impreshoná. Tabatin músiko ku no por a kontené
nan lágrimanan. E hit di anochi aki tabata ora Tico Balentien den forma
espontáneo a subi stage i kanta e tumba Bahia.
E di dos Junior Tumbashow a tuma lugá djasabra 5 di febrüari 2011 den Curaçao
Festival Center, i na e okashon ei a inkluí tambe algun otro género, i asina e
nòmber a bira Junior Tumbashow & more. E show aki tambe a resultá eksitoso, i
tabata un transmishon direkto di Tele Curaçao. Dos orkesta di Junior All Star a
toka hitnan di último 40 aña i algun otro género. Durante di e show aki tabatin
presentashon di Mr.Saab ku Dinosaurus i Farley Lourens ku e número Los Laga
bai, kompañá pa Junior All Star Orchestra.
E di tres festival di Junior Tumbashow & more a tuma lugá, djasabra 4 di febrüari
2012 den Curaçao Festival Center.
E aña aki tabatin 3 orkesta ku a presentá den e show interpretando hitnan di 40
aña tumba i algun hit di diferente género i estilo di muzik. Durante e show Irving
Jano a keda kompañá pa Junior All Star ku e númeronan Jandoret i Den Arka,
miéntras ku Farley Lourens a kanta Los Laga Bai. E show aki tambe a resultá un
éksito rotundo.
Den evaluashon di e aktividat a bin dos punto importante dilanti:
29
� Mester organisá e aktividat promé, ku festival di tumba, ya ku despues di final di festival di tumba, tur hende ta kansá, i tur konsentrashon ta riba jumpup.
� A yega e momento pa e hóbennan di Junior All Star kompañá komposishonnan nobo. Konsekuentemente e elemento di kompetensia mester keda inkluí den e festival.
Tim di maneho a studia e puntonan di evaluashon, i a yega na e desishon, ku
Junior tumbafestival ta tuma lugá djadumingu 20 di yanüari, den Curaçao festival
Center.
Meta di Junior Tumba festival & more.
1. Krea e posibilidat pa e hóbennan di Junior All Star, tantu e hóben músikonan komo e intérpretenan, toka i kanta komposishonnan nobo na nivel musikal haltu. Esaki ta relashoná ku e studiantenan di I.p.F.M. a yega den e fase, ku nan
mester por hasi e parti musikal aki, kaminda den un tempu rasonabel, lesa
e músika i interpretá e parti di kanto den diferente bos.
2. Traha riba un relevo profeshonal di músikonan hóben, i garantisá kontinuashon di nos festival den futuro.
Programa:
Junior tumba festival & more ta bai bira un aktividat grandi, ku presentashon di e
di dos grupo musikal popular , manera Gio Fuertisimo, i Grupo Danza den
showtime, ku un artista invitá hopi popular, miéntras e parti mas importante di e
anochi aki lo bira presentashon di 3 Junior All Star orchestra, kompañando dies
tumba nobo, 5 número di diferente género.
30
Ta bon pa menshoná ku tur e komposishonnan ta na nivel haltu di kontenido,
melodia i areglo. E programa ta lo siguiente:
18.00:
Himno di Kòrsou na enkargo di Junior Allstar & SIngers
Presentashon di Grupo Dansa, ku e artista invitá Hunnely.
19.00: Presentashon di Junior All Star ku dos número di
Warm Up.
Presentashon di 5 número di género variá.
( komposishonnan nobo)
Presentashon di 10 tumba
(Komposishonnan Nobo ).
Presentashon di ganadornan.
21.00. Presentashon di Gio Fuertisimo.
22.00: Klousura.
31
NÒMBER DI PARTISIPANTENAN/KANSIONNAN /ORKESTA:
TITULO GENERO KANTANTE KOMPOSITOR ORKESTA AREGLO
1 . Mi Baiskel Tumba Germain
Alberto
M.Gomes Gedion Gedion/Toro
2. Kokoyoko Tumba Myeisha Otto M.Gomes Borrel Borrel
3. Papiamentu Tumba Hermes
Polanko
M.Gomes Gedion Gedion/Toro
4. Kunuku Tumba Shakir Ersilia R.Samson Gedion Gedion/Toro
5. Orkan Tumba .....Aitatus Bibi Goneth Gedion Gedion/Toro
6.Fiesta Tumba Queena
Bonafasia
M.Gomes Borrel Borrel
7.Biba bon Tumba Kendrickson
Daal
M.Gomes Gedion Gedion/Toro
8. Korsou a yega Tumba Christie-Ann
Mercera
N.Alberto N.Alberto Toro/Jackson
9.Insektonan
mobilisa
Tumba Lyd-Xandra
Gabriela
N.Alberto N.Alberto Toro/Jackson
10 .Ta nos ta bai
dirigi
Tumba Christally
Cijntje
Borrel Borrel Borrel
TITULO GENERO KANTANTE KOMPPOSITO
R
ORKESTA AREGLO
1. Pa nos bailé Merengue May –Lize
Stuart
M.Gomes Gedion Hildward/Gedion/T
oro
2. Awa Ritmo
Kombina
Shereany
Martis
M. Gomes Gedion Gedion/Toro
3.Alegria Bossa Nicole Lew
Jen Tai
R.Samson Borrel Borrel Dopwell
32
4. Liber D’Angelo De
Olivieira
W-J. Gomes Borrel Borrel Dopwell
5.Lanta Korsou Seu Kendra Daal N.Alberto N.Alberto Alberto/Toro
Orkestanan
Jackson 2 tumba 1 general
Gedion 5 tumba 3 general
Borrel 3 tumba 1 general
Total 10 tumba 5 general
PREPARASHON:
Pa por duna e públiko un espektákulo na nivel, Instituto pa Formashon Musikal a
kuminsá for di sèptèmber ku e preparashonnan.
A intensivá e lèsnan di teoria i sòlfeo, pa di e forma ei prepará e hóbennan, pa nan
por interpretá e areglonan difísil, sin mayor difikultat.
Ademas di e lèsnan aki, e hóbennan ku ta toka instrumentonan rítmiko, tambe a
haña preparashonnan spesial.
Den luna di òktober a inisiá ku ensayonan di algun número nobo, i a kontinuá ku e
repertorio den novèmber i desèmber, kaminda práktikamente tur e
komposishonnan nobo a keda ensayá, ku e 3 orkestanan sin brass.
Na prinsipio di yanüari, konforme un plan di ensayo, lo ensayá ku e orkesta
kompleto.
33
REGLANAN DI JUNIOR TUMBA FESTIVAL & MORE.
1.Tur kansion mester ta nobo.
2. Partisipashon ta posibel den dos kategoria:
a. Ritmo di Tumba;
b. Genero variá:
3. Partisipantenan ta ser kompañá pa 3 orkesta di Junior
All Star:
a. Orkesta bou di direkshon di Gedion Chandler; b. Orkesta bou di direkshon di Borrel Dopwell; c. Orkesta bou di direkshon di Norman Jackson Alberto;
4. Por tin aspektonan di karnaval den e número, pero esaki no ta nesesario.
5. E kontenido di e piesanan, por tin karakter, edukativo,chistoso, o aspektonan
karnavalesko.
6. Un kuerpo di hurado lo husga letra ( 35%) melodia( 35 %), i entonashon ( 30
%).
7. Lo tin premio atraktivo i di balor edukativo pa kada kategoria:
Hurado lo saka number 1, 2 i 3 den kategoria di tumba
I number 1 i 2 den kategoria variá.
8. E ganadornan di kada kategoria lo bira e rei òf reina di
Junior All Star orchestra i lo presentá den tur aktividat ofisial na Kòrsou i .o.
eksterior durante 2013.
9. E ganadornan lo presentá na final di e programa.
10. Lo tin solamente 1 presentashon di tur e kantantenan.
34
KARCHI DI ENTRADA
Pa Junior Tumbafestival & more lo bai solamente 1 sekshon. Karchi pa adulto lo ta
f 20,-, i pa mucha te ku 12 aña e preis lo ta F 10,- Lo aserka skolnan, i
kompanianan pa kumpra karchi. Skolnan ku kumpra un kantidat lo haña un
deskuento spesial.
Karchi lo ta na benta: Na 24 uur uit de muur Beep Beep Rio Canario, Inter Alfa ,
Festival Center i partisipantenan.
PREMIONAN:
Komo ku e proyekto aki ta forma parti di e proyekto di e akademia di músika di
nos Instituto pa Formashon Musikal, e aspekto di premiashon tambe mester
kuadra ku e filosofia di e instituto aki. Pues e aspekto di premiashon tambe ta
kuadra ku e filosofia menshoná.
Naturalmente ta bai tin banda di e premionan konvenshonal , manera
trofeo,premionan edukashonal i musikal. Tur partisipante lo haña oportunidat pa
haña formashon musikal grátis serka nos músikonan profeshonal.
Pa e músikonan hóben di e 3 orkestanan lo bai tin premionan pa e músiko mas
destaká, e músiko mas disiplina, premio estímulo. Premionan lo keda entrega riba
un fecha despues di festival di tumba.
PATROSINADONAN
Esnan ku ta sostené Junior Tumba festival & more ta:
Brandingpartners:
UTS
Fatum
MCB
35
Maltin Polar
Refineria Isla
Hucor N.V.
Spònser:
Licores Maduro ( SPA)
Inter Alfa
General Catering Services
Amak
Massive
2.7. PRELIMINAR
Tur anochi 7’or ta tene un enkuentro ku prensa den Klave pa duna e último
detayenan. E programa mes ta kuminsá 8’or en punto ku nos himno nashonal.
Si e kantidat di tumba repartí riba e dianan preliminar ta ménos di 25 e
agrupashonnan musikal por toka un wòrmòp.
E promé agrupashon musikal konforme regla semper mester toka un piesa pa hasi
e ahustenan final pa loke ta trata mekser.
Na final di e di tres anochi preliminar (djarason 23 di yanuari 2013), na momentu
ku hurado retirá, lo tin música di ERA wardando desishon di hurado.
Direktiva di AMAK a hasi un apelashon riba e Kuerpo Ehekutivo di Hurado i esnan
enkargá ku prosesamentu di e datonan pa mas tardá denter di 20 minüt entregá e
resultado.
Ta bon pa remarka ku si ta necesario pa programashon, riba e prome anochi por
tin presentashon di un grupo di show.
36
2.8 BISPU DI GRAN FINAL
Djaweps 24 di yanuari 2013, direktiva di AMAK den koperashon ku e Branding
Partnernan, ta tene su di dos konferensha di prensa 6:30 pm di atardi ku
transmishon dirèkt di tantu televishon komo radio emisoranan lokal.
Durante e konferensha di prensa aki ta presentá e Mantel i Korona pa ganadó di
Tumba 2013 i tambe ta saka órden di aparishon di agrupashonnan musikal.
E gruponan musikal ku tin nan órden di presentashon di nan intérpretenan por
anunsiá esaki mesora. Esnan ku no por anunsiá e sekuensia tin oportunidat pa
hasié durante e mini konferensha di prensa djabièrnè 25 di yanuari 2013 pa 7’or
di anochi.
NO TA PERMITÍ pa duna sekuensia via telefòn ni tampoko via personanan ku NO
ta outorisá. E asuntu aki a kousa hopi konfushon i malkontentu ku n’e den pasado
ora algu no a bai bon. Tuma bon nota ku NO TA PERMITÍ kambio di sekuensia.
Esnan ku violá e regla aki ta keda sanshoná konforme Artíkulo 3.4 di nos
Reglamentu.
2.9 GRAN FINAL
Djabièrnè 25 di yanuari 2013 pa 7’or di anochi ta tene un mini konferensha di
prensa den “Den Klave”. Aki ta duna último detaye di e gran anochi aki i tin
oportunidat pa representantenan di agrupashonnan musikal ku ainda no a hasi
anunsio di nan sekuensia, hasi esaki. E promé agrupashon musikal mester ta kla
pa toka wòrmòp 19:45. NO TA DESVIÁ di esaki! Ta pèrmití pa e demas
agrupashonnan musikal toka un wòrmòp kòrtiku di 2 minüt
Durante e anochi final tin transmishon pa Ulanda, St. Maarten, Internet Live
Streaming i Pay Per View.
8’or en punto maestro di seremonia ta anunsiá interpretashon di himno di
Kòrsou. Despues di esei Presidente di AMAK ta hiba palabra.
Maestro di seremonia ta anunsiá e promé TUMBA di e promé agrupashon
musikal. Despues e programa ta sigui ku presentashon di tur e finalistanan.
37
Despues di presentashon di e último tumba partisipante ta tuma lugá e parti di
seremonia ku Minister di Kultura, Presidente di AMAK i Romeo Heye, na kende a
dediká Festival di Tumba 2013.
Despues di e homenahe, Amos Balentin, Rei di Tumba 2012 ta kanta su tumba
“Un humilde piedra” komo despedida.
Miéntras tantu e resultado final mester ta kla pa entregá di premionan riba
tarima kuminsá.
Maestro di seremonia ta invitá Presidente di Hurado, Presidente di AMAK i Promé
Minister di Kòrsou i Minister di Kultura pa bin riba tarima pa entrega di premio.
Ta anunsiá e 12 finalistanan ku ta bai riba CD.
Esaki no ta den órden di puntuashon. Despues ta anunsiá e 10 finalistanan ku
mayor puntuashon.
Ta anunsiá premio pa:
1. Mihó areglonan
2. Tumba Chistoso
3. Premio Bèti Doran i
4. Tumba original
For di e 10 finalistanan aki ta anunsiá e 5 nan ku mayor puntuashon. Djei ta pasa
pa e sekuensia di 5, 4,3,2,1.
Despues di koronashon di Rei/Reina di Tumba e ganadó ta bolbe kanta e tumba
ganadó. Despues di e Festival ta sigui un mini konferensha di prensa den “Den
Klave “. Ta entregá solamente trofeo di Gobièrnu di Kòrsou i di AMAK na e
Rei/Reina di Tumba. E otro finalistanan ta risibí nan trofeo i premio djamars 29 di
yanuari 2013.
38
2.10. ENTREGA DI PREMIO
Djamars 29 di yanuari 2013 ta entrega premio riba “Plenchi di Ambiente” entre 7’
or pa 9’or di anochi. Manera semper tin aparte di trofeo, premionan atraktivo
disponibel di parti di Wimco. Lo tin premio tambe di UTS Ta bon menshoná ku ta
solamente nr. 1 te nr. 10 ta risibí premio. Nr. 11 i 12 ta bini riba CD
2.11. PUNTONAN DI ATENSHON
Publikashon di Obra prome ku festival
Komo ku festival di Tumba ta un Festival di kansion, un dje reglanan basiko ta ku
no por publika e komposishon partisipante prome ku e dianan di festival. Aña
pasa tabata tin kaso kaminda por a nota ku ta tin algun komposishon ku a keda
publika via di Youtube. Esaki ta estriktamente prohibi i manera ta para den
reglanan, si esaki tuma luga lo sankshona e komposishon enkuestion.
Tambe ta bon pa menshoná ku no ta posibel pa e grupo musikal enkuestion invita
hendenan pa bin wak nan ensayo. Si esaki sosode riba propio inisiativa di e
fanatikonan no ta problema.
Logo di Festival di Tumba 2013
Uso di e Logo Festival di Tumba 2013, ta un derecho eksklusivo di AMAK i e
Branding Partnernan i esnan outorisá di Festival di Tumba. Ta estriktamente
prohibí pa kualke hende òf instansia usa e logo aki. I sigur nos pa fin komersial. Si
esaki sosodé tòg lo e tin konsekuensia hurídiko pa esun(nan) ku a faya ku esaki.
39
Unifòrm di Banda
E branding partnernan pa Festival di Tumba 2013 ta duna un aporte finansiero
hopi importante pa realisashon di e magno evento aki. E aporte finansiero aki ta
duna nan e derechi eksklusivo riba tarima durante e dianan preliminar i final di
Festival di Tumba 2013.
Ta bon pa menshoná ku manera reglanan ta preskribí no ta permití unifòrmnan ku
riba dje NIUN logo komersial ku no ta di e branding partnernan i sigur no di e
kompetidornan.
E aporte finansiero menshoná ta na benefisio di tur partisipante na Festival di
Tumba 2013. UTS lo no saka imágen kompletu di esnan ku violá e palabrashonnan
aki.
PROMOSHON ILEGAL DURANTE DIANAN DI TUMBA
Ta bon konosí ku Festival di Tumba ta un evento hopi kostoso. Pa evitá ku kada
biaha tin oumentonan tin gastu ku mester kondusí na un oumento di preis di
karchi di entrada, direktiva di AMAK a opta pa buska otro alternativanan pa
generá entrada.
Den e kaso aki nos ta referí na Pay Per View i Branding Partnership.
Esnan ku ta konfirmá nan partisipashon na Festival di Tumba, ta hasi esei pagando
un suma haltu pa “Brand” nan produkto. Esaki ta nifiká ku e produktonan aki tin
un márgen amplio di eksklusividat.
Ta bon pa menshoná ku entradanan generá for di e forma di promoshon aki, ta na
benefisio di TUR músiko partisipante.
E entradanan aki ta un parti esensial den e totalidat di entradanan di Festival di
Tumba. Ta mas ku lógiko ku komo organisadó bo mester garantisá esnan ku ta
partisipá komo Branding Partner sierto bentahanan.
40
Ta bon pa nos bolbe menshoná ku p.e. no ta permití unifòrmnan di banda riba
stage, ku tin propagandanan ku ta kompetí ku un di e Branding Partnernan.
Solamente e Branding partnernan ta permití pa distribuí material di propaganda o
regalito durante dianan di Festival di Tumba.
Ta fásil pa un kompania ku no ta invertí komo Branding Partnernan, ku ta hasi uso
di promoshon ilegal durante nos máksimo evento kultural musikal.
Direktiva di AMAK lo aktua severamente kontra tur esnan ku lo trata via di un
akto ilegal, haña promoshon ku e no a paga pe!
CD
AMAK konforme konbenio ku UTS lo risib un master di e DVD ku tur e 30
finalistanan pa dokumentashon. AMAK riba propio gastu lo produsi un DVD pa
kada agrupashon musikal finalista.
Direktamente despues di Festival di Tumba 2013 ta produsí un CD ku e 12
finalistanan.
41
33.. AASSPPEEKKTTOONNAANN LLOOGGÍÍSSTTIIKKOO
3.1 INFRASTRUKTURA
Manera ta konosi, na aña 2010, CFC a hasi un invershon kuantioso ku
konstrukshon di un stedj nobo konforme normanan internashonal i a ekspande e
parti di tereno kubri pa asfalt.
Ta bon konosi tambe ku despues di Festival di Tumba, no tabata tin bastante
aktividat pa kubri tur e debenan relashona ku e invershonnan hasi. Aña pasa
tambe a konstrui pa e sekshon di platinum, un kanmtidat di tualet pa hende
nomber i hende muhe ku e aña aki pa prome biaha lo keda usa pa festival di
Tumba.
Pa e aña aki naturalmente lo pone atenshon na tur partinan ku mester haña un
touch up i lo bai tin invershonnan tambe pa e parti di artefaktonan elektriko ku
malechornan a bai ku ne.
3.2 SEKSHONNAN DURANTE DIANAN DI FESTIVAL DI TUMBA
Durandte reunion general, sala a sugeri pa duna e sekshonnan un nomber
relashona ku sitionan kaminda Festival di Tumba a tuma luga durante vários aña.
Asina pues e tres sekshonnan ku tradishonalmente durante festival di Tumba lo
karga e siguiente nombernan:
• Sekshon di Invitado A Cinelania
• Sekshon di Red Carpet ku ta kubri ¾ dilanti stage Roxy
• Sekshon di Prime One ku ta kubri ¼ dilanti stage pa nort
• Sekshon General SUBT
42
Sekshon di Invitado A Cinelandia
E sekshon aki ta únikamente pa personanan ku a risibí un invitashon pa presensia
festival di Tumba. Invitashon mas tantu ta bai pa instansianan ku a koperá ku
festival di Tumba. E karchinan, no ta karchinan ku ta na benta.
Sekshon di Red Carpet Roxy ku ta kubri 3/4 dilanti stage
E sekshon aki ta kuminsá kaminda Sekshon A di Invitado ta kaba. E ta kore pa
direkshon Nort i ta yega te ¾ dilanti di e stage grandi. Esnan ku paga pa bai den e
sekshon aki lo risibí tur dia un bebida. Den e sekshon aki tambe lo tin stul pa sinta
ariba. Durante último añanan aki ta un realidat ku e karchinan pa Red Carpet ta
kaba rápidamente. Lo tin servisio di Bar i na salida lo tin servisio di Kushina
PRIME ONE, SEKSHON DI VIP PA TUMBA 2013
Pa Festival di Tumba 2013 lo bai tin un sekshon di VIP nobo ku yama Prime One. E
sekshon aki lo bai ta un sekshon 'all in' ku lo konta tambe ku un parti di mesa i
stul, un parti pa bo baila i te hasta un lounge kaminda bo por sinta rilèks wak bo
Festival di Tumba i bebe un kòktel.
Tambe lo bo tin bo propio sekshon pa parker bo outo ku vigilancia asta un entrada
apart!. E sekshon di VIP aki lo ta na enkargo di Massive Productions.
Prijs pa karchi di Prime One lo ta Ang 800,00 inclusief OB pa festival di tumba
2013. Pa reservashon di e karchinan den e sekshon aki mester yama 4610253
Sekshon General SUBT
Tras di e tres sekshonnan mas dilanti lo tin sekshon general. Den e sekshon aki
tambe lo tin algun stul i posibilidat pa sinta riba e tribunanan. Lo tin servisio di
tres bar, dos kushina grandi i diferente stent di kuminda
43
3.3 TUALÈT
Tantu den sekshon general komo den sekshon di Red Carpet, lo hasi revishon
kompletu di tur tualèt. Banda di e tualètnan eksistente, lo tin tambe pòrtapòti
nan ku lo ser pone dor di Selikor.
Ta hasi un súplika di e públiko ku ta hasi uso di e tualètnan aki, pa no bende
kosnan grandi den e pochinan, pa evitá ku esaki nan ta verstòp i ku ta pone ku
mester saka nan for di uso.
3.4 PREPARASHON GENERAL
Manera ya a bira un kustumber, durante preparashonnan promé ku Festival di
Tumba, lo revisá portanan di entrada, lugá di parkeo, limpiesa paden i pafó di
tereno i kaminda ki ta nesesario lo haña un man di ferf tambe.
3.5 PREIS DI ENTRADA
AMAK a trata di mantené e preisnan mas abou posibel, ounke gastu an a subi. E
efekto di e oumento di OB tambe ta influensia oumento di gastunan pa tur
trabounan i servisionan ku ta tuma lugá durante festival di Tumba.
Sinembargo direktiva ku koperashon di Branding Partrners i Spònsernan a logra
pa mantené e siguiente preisnan di entrada:
1. pa sekshon general e preis ta Naf. 80,-- (ink OB) i
2. pa Red Carpet e preis ta Naf 330 florin pa tur kuater anochi, inkluso un
bebida. (ink OB)
3. Prime One Naf. 800,-- ( inkl O.B.)
Ta bon pa menshoná ku NO ta bende karchi separá/lòs ni lo no tin mas “gimmick”
Karchinan ta optenibel na:
Pòmp Station Jansen na Sta. Maria
44
� Beep Beep Rio Canario
� Curaçao Festival Center
� 24 uur uit de muur
� G.L. Jewerly
� Samson Saliña
Benta di karchi ta kuminsá entrante 8 di yanüari 2013. Ta bon pa menshoná ku
NO TA AKSEPTA NINGUN CHEK.
AMAK ta hopi gradesido ku Dewar’s White Label i Licores Maduro un biaha mas a
spònser tur e karchinan di entrada I ku e biaha aki atrobe ta diseñá na un forma
hopi kolorido. E karchinan di entrada aki tin sierto efektonan pa evitá
falsifikashon.
3.6 LUGÁ DI PARKER
Manera tradishon, Robuco ta pèrkurá pa e lugá pa stashoná outo, tantu pa parti
ost i wèst di Curaçao Festival Center. Parti west ta reserva pa Platinum Parking.
Pa yuda kubri e gastunan ta kobra un montante chikitu pa parker den e
sekshonnan aki. Ademas di e lugánan di parker aki, tin esnan privá na diferente
sitio den serkania di CFC. Den e lugánan di parker di CFC un hende por ta sigur ku
su outo ta bon kuidá. No ta rekomendabel pa parker hopi leu for di e kompleho.
3.7 SEGURIDAT
Durante Festival di Tumba, seguridat ta un aspekto masha importante, tantu
paden komo pafó di Curaçao festival Center. Tur aña di nobo direktiva ta evaluá
funshonamentu di e kuerpo di seguridat, pa trata di oumentá e efisiensia di e
kuerpo aki.
45
E gastunan envolví a subi enormemente, pero komo ku Festival di Tumba ta un
festival di Kompetensia, kaminda e emoshonnan por ta mas haltu, mester tin un
kuerpo ku ta funshoná optimal. E echo ku tin diferente sekshonnan, e kuerpo di
seguridat mester pèrkurá pa den tur sekshonnan keda okupá pa esnan outorisá.
Lo tin kòntròl severo na entradanan di Curaçao Festival Center, pero tambe den e
diferente sekshonnan. Banda di e kuerpo di seguridat, direktiva di AMAK semper
ta konta ku gran koperashon di Kuerpo Polisial, Servisio di SKS i VKC.
Lo no tolerá ningun persona ku no ta atendé nan mes na reglanan di bon
komportashon i tambe na reglanan di organisashon.
Lo tin vigilansia tambe riba e lugánan di parkeo ku ta kai bou di Curaçao festival
Center. Pa hasi uso di e lugá nan aki ta kobra solamente f 7,50 i lo tin vigilansha
hinter e anochi pa garantisá ku anti sosialnan lo no por hasi daño na bo vehíkulo.
Banda di e lugánan di parkeo di Festival Center tin esnan privanan tambe ku por
hasi uso di dje. Ta bon pa atvertí tur esnan ku ta bishita festival di Tumba, pa no
parker na outo na lugánan alehá di Festival Center kaminda no tin vigilansia.
Ta bon tambe pa no laga aparatonan di balor manera kámara, laptop, blackberry
pa evitá ku esei nan ta duna anti sosialnan motibu nan pa destruí bo vehíkulo i bai
ku bo pertinensianan.
Reglanan di Curaçao festival Center ta keda vigente i na tur entrada ta kontrolá si
esnan ku ta bishita e festival no tin arma ni artefaktonan ku por usá komo arma.
Ta bon pa tambe pa tene kuenta ku no ta permití pa drenta ku NIUN sorto di
bebida ni otro tipo di konsumo den CFC.
3.8 KONSUMO
Konsumo durante festival di Tumba 2013 tambe ta algu masha importante. Un
Festival kaminda e bishitantenan ta pasa vários ora di dibertishon ta masha
importante.
46
Ta p’esei tur esnan ku bishita Festival di Tumba, den kua sekshon ku nan ta,
mester por gosa di un servisio optimal tantu pa loke ta trata bebida komo
kuminda.
Den e sekshon di Platinum ya kaba nos a menshoná ku aki ta un servisio kompletu
i pa loke ta trata e sekshon di Red Carpet, tambe nos a menshoná ku lo tin bar pa
konsumí di bibida den Red Carpet i djies na salida lo tin un kushina bon surti.
Pa lokual ta trata e sekshon general, lo tin tres bar grandi pa parti sùit, west i nort,
lo tin dos kushina grandi i lo tin 8 pa 10 tènt di kuminda i lo trata pa e tèntnan aki
ta mas variabel posibel.
E preisnan pa bebida i kuminda lo ser mantené mas abou posibel. Pa asina ei, e
bishitante por disfrutá di kuminda i bebida na preisnan faborabel.
Direktiva di AMAK a papia ku e operadornan pa e servisio ta mas optimal posibel,
esta ku mester tin sufisiente espasio pa por kumpra bebida i takianan pa kumpra
ficho.
3.9 KARNÈT/BEDJ PA KOLABORADORNAN I INSTANSIANAN
Pa fasilitá trabounan atministrativo ku ta hopi intensivo durante dianan promé ku
festival di Tumba, direktiva a introdusí un sistema nobo di karnèt. Ta trata aki di
un karnèt ku por kontrolá di forma elektróniko.
Por reaktivá e karnètnan nobo aki tur aña ora ku e miembro paga su
kontribushon. Ku e karnèt aki e miembro por pasa solamente na e entrada pa
músikonan parti ost di CFC.
Ta importante pa miembronan individual o dirigentenan di banda no warda te na
último ora pa atendé asuntu di nan karnèt. Tur miembro ku paga nan
kontribushon anual ku pa hopi aña a keda meskos por laga aktivá e karnètnan
korespondiente.
47
Miembronan temporal si mester traha un karnèt nobo tur aña i e karnèt aki ta
válido solamente pa temporada di Festival di Tumba di e aña en kuestion.
Manera pará den statuto, miembronan temporal o otro músikonan por apliká pa
miembresia te ku 30 di desèmber promé ku Festival di Tumba òf despues di
Festival di Tumba di e aña en kuestion.
Direktiva ta súplika tur miembro i dirigente di gruponan musikal pa akudí na
Curaçao Festival Center te ku 21 di yanüari 2013 pa atendé nan rekisitonan.
Ta bon pa menshoná aki tambe ku tur hende ku tin karnèt i ku trata di falsifik'é
ta haña sanshon i AMAK ta suspendé durante dos òf mas aña.
Konsekuentemente e no por pa partisipá na festival di tumba.
Ademas AMAK por kita e karnèt for di dje. No mester lubidá ku e karnèt ta
propiedat di AMAK. Durante e periodo di sanshon AMAK ta sak'é for di e sistema
di registrashon di manera ku ora swaip e tarheta e sistema NO TA REKONOSÉ.
3.10 ASPEKTONAN TÉKNIKO
3.10.1.Zonido
Durante reunion general, miembronan a ekspresá nan deseo pa haña aun un
kalidat di zonido mas haltu, dor di optimalisá esaki. E zonido ku ta keda produsí ta
bon i limpi, pero e partisipantenan ke sinti mas efekto ku ta keda produsí pa nan
agrupashon musikal den e produkshon final. Ta trata aki di aspektonan rítmiko i
tambe di harmonia, di bos i di instrumentonan di bientu.
Reunion General manera tur aña a instituí un komishon di zonido ku lo bai atendé
e asuntu aki ku esnan envolví.
Di parti di direktiva, nos ta hasi un apelashon riba e músikonan pa no kambia
sierto ahustenan riba e diferente instrumèntnan (amplfikadornan). Esaki tambe
ta okashoná sierto konfushonnan pa esnan ku ta responsabel pa meksmentu di e
zonido.
48
Un punto importante tambe ta pa nos agrupashonnan musikal, entrega un stadje
plan ( plan di tarima), pa asina ei esnan responsabel pa zonido por tene kuenta ku
e kantidat di instrumentonan ku bo ta bai hasi uso di dje.
Semper bai tambe ta asina ku kada agrupashon musikal su tékniko, por para
banda di e ingeniero di zonido prinsipal, pa duna sierto sugerensianan pa ku e
meksmentu.
Un punto masha importante tambe pa loke ta trata zonido ta ku hopi adelantá ta
kuminsá instalá e ekiponan di zonido den Curaçao Festival Center i tur aña e un
dia promé ku Festival di Tumba ta tuma lugá un sound chèk pa hasi e ahustenan
final.
Ta bon menshoná aki nan tambe ku Direktiva di AMAK tin un komishon di zonido
konsistiendo di Jean Carlo Hernandez, Aldrin Cornelia, Renard Hurtado i Gregory
Colina ku tin outoridat pa komuniká ku maneho di Massive Sound.
E kuerpo profeshonal di zonido bou di direkshon di e Ingeniero di zonido prinsipal
a hasi un bon trabou i nos ta sigur pa e si festival di tumba 2013 esaki ta meskos
òf asta mas mihó.
3.11.Transmishon
Transmishon di festival di Tumba ta eksistí for di kuminsamentu di añanan 70. Si
ántes tabata un òf dos emisora tabata transmití Festival di Tumba, awendia tin
sigur seis pa shete emisora ku ta interesá pa transmití tantu e preliminarnan
komo final.
Pa loke ta trata Tele Curaçao, AMAK tin un akuerdo ku UTS, kaminda Tele Curaçao
por transmití solamente e fecha final despues di wega di number Kòrsou. Esnan
ku ta aboná na TDS tin e posibilidat di haña e imágennan ya for di dianan
preliminar ku un zonido limpi limpi, Dolby Surround 5.1
Negoshinan ku ke hasi uso di e señalnan aki mester paga un tarifa spesial i ta bon
pa menshoná ku ta tin inspekshon i ta sanshoná tur esnan ku komersialisá e
transmishon sin outorisashon.
49
E pakete ku TDS ta ofresé ta kosta Naf. 125,-- pa 4 dia, ku transmishon bibu i
ripitishon durante di dia. Ta bon pa menshoná ku e kantidat di abonadonan ku a
apliká pa PPV gradualmente ta subi tur aña i e espektativa ta ku esaki e aña aki
tambe ta e kaso.
TRANSMISHON LIVE STRAMING PA MUNDU
Gastunan pa organisashon di e evento di Festival di Tumba ta sigui oumentá tur
aña mas I mas. Amak di su banda ta sigui buska tur manera pa por garantisá
kalidat I eksistensia di e evento aki.
Den e kuadro aki AMAK e aña aki ta bai ofresé Live Streaming Pay per view (PPV),
di manera ku tur hende rònt mundu por kumpra nan PPV I wak tur 4 anochi di
Festival di tumba.
Pues kontrali na añanan anterior ku ta via di TeleCuracao por a mira e streaming
riba e último anochi so, awor nos hendenan den eksterior por kumpra PPV I wak
meskos ku nos hendenan lokal por wak via di TDS.
Streaming di e anochinan preliminar di Festival di Tumba ta optenibel e aña aki
únikamente via di e sistema di streaming PPV. Tantu TeleCuracao komo radionan
lokal por stream solamente riba e anochi final.
E Streaming PPV pa tur e 4 anochinan di Tumba plùs ripitishon durante dia ta
kosta solamente $69, I por registrá I paga ku credit card via di e website di
TeleCuracao: www.telecuracao.com Esnan ku no tin fasilidat di Credit Card, por
registrá I paga tambe na TeleCuracao.
Ta sumamente rekomendabel pa no warda te último momento pa registrá I paga
ya komo ku e proseso aki ta tuma un tiki tempu. Pues pa garantisá ku bo no ta
pèrdè niun minüt di e gran Festival di Tumba, registrá for di awor na
www.telecuracao.com
50
Informá tur bo famia I konosínan rònt mundu di e posibilidat di Festival di Tumba
PPV, kaminda e aña aki por mira tur 4 anochi di e festival bibu I direkto rònt
mundu ! AMAK, TDS I TeleCuracao ta hasi esaki posibel p’abo !
3.12 PROMOSHON
Festival di Tumba, atraves di aña a bira un aktividat hopi popular i kerí den
pueblo. E festival aki ta e úniko festival na Kòrsou ku ta konsistí di mas ku 300
artista, ku ta kompetí ku otro.
Ta poko ta e lugánan na mundu ku tin un tipo di aktividat asina aki, pues tur esnan
ku di un forma òf otro ta envolví ku e Festival aki, mester aportá pa e magno
evento aki por keda mantené su mes na pia i sigui krese.
E éksito di e evento aki pa un gran parti a bira un realidat, danki na e nivel di nos
músika ku a sigui progresá, pero tambe na e promoshon i atenshon ku e evento
aki tin.
Den e parti di promoshon lokal, nos tin ku bisa ku enbèrdat tur e programanan na
radio, televishon i den medionan skibi, ta yuda konsientisá i lanta e interes di
pueblo den su totalidat. Naturalmente un evento popular i ku ta hala tantu
atenshon, ta lanta interes tambe serka komersio.
Den e kaso aki no ta tur esnan den komersio ku ta hasi uso di e evento pa propagá
na produkto ta aportá na e Festival, pero si ta hasi uso di promoshon ilegal di
festival di Tumba. AMAK lo kontrola tur promoshon ilegal durante Festival di
Tumba. Ta bon si pa menshoná ku programanan na emisoranan i na televishon
kaminda ta bolbe trese hitnan di pasado, pa un i tur por disfrutá di dje., ta yuda
stimula e interes pae Festival.
Direktiva di AMAK ta masha agradesido pa e trabou tremendo ku prensa a bin ta
hasi den parti di promoshon.
Den akuerdonan ku radio emisoranan, AMAK ta palabra un kantidat di spòtnan
na kada radio ku ta transmití pa promové e aktividat.
51
4.. PPAARRTTNNEERRNNAANN FFEESSTTIIVVAALL DDII
TTUUMMBBAA 22001133
52
53
54
55
56
57
58
59
60
55.. OOTTRROO SSPPOONNSSEERRNNAANN KKUU AA
KKOOPPEERRAA
1. Dewar’s White Label
2. Wimco
3. Selikor
4. General Catering Services
5. Coca Cola
6. Multi Post
7. Insel Air
8. Franky’s Chair & Table Rental
61
9. Funmiles
10. D.O.W.
11. EMERY Consulting
12. Basco NV
Danki tambe na
1. Medionan di Komunikashon
2. Top Flowers
3. SEDREKO
4. Tur nos músikonan partisipante i
Pueblo di Kòrsou
62
63
66..FFEECCHHAANNAANN IIMMPPOORRTTAANNTTEE
FFEESSTTIIVVAALL DDII TTUUMMBBAA 22001133
Djaluna 7 di yanüari Konferensha di prensa na Kòrsou
Djadumingu 13 di yanüari: Inskripshon pa festival di tumba 2013
Djamars 15 di yanüari Konferensha di prensa na Aruba
Djaweps 17 di yanüari Entrega di letra
Djasabra 19 di Yanüari Sound Chek
Djadumingu 20 di Yanuari Junior Tumba Festival and More
Djaluna 21 di yanüari Promé anochi Festival di Tumba
Djamars 22 di yanüari Di dos anochi Festival di Tumba
Djarason 23 di yanuari Di tres anochi festival di Tumba
Djaweps 24 di Yanuari Konferensha di prensa i órden finalista
Djabièrnè 25 di Yanuari Anochi Final Festival di Tumba
Djasabra 26 di yanuari (mardugá) Konferensha Prensa ku Rei/Reina Tumba
2013
Djamars dia 29 di Yanuari: Entrega di premio.
Tur kos ku tin di haber ku Festival di Tumba 2013, por manda esaki via di e e-
mail adrès [email protected]
64
7.PROMOSHON
INTERNASHONAL
Pa loke ta trata promoshon internashonal, AMAK ta kontentu di e koperashon ku
e ta risibí di Ofisina di Turismo (CTB) ku tas promové nos Festival na diferente Isla i
paisnan den Karibe, Latino Amérika. Di parti di AMAK tambe, tur aña di nobo ta
organisá un konferensha di prensa na Aruba.
Insel Air lo ta e liña área ofisial di festival di Tumba 2013. Direktiva di AMAK
despues di a negoshá ku Insel Air, a yega na e akuerdo ku durante kada anochi di
Festival di Tumba, nan lo rifa tres pasashi pa e públiko ku drenta e Festival Center.
Lo tin e personal di kabina di Insel Air ku lo duna tur hende un voucher ku number
ariba i nan lo tin chèns pa bira felis ganador di un pasashi pa un dje
destinashonnan di e kompania aéreo nashonal di Kòrsou.
65
8. LISTA DI REI/REINA DI TUMBA
1971 – 2012
Aña: Komposishon: Kantante: Kompositor: Agrupashon: Lokalidat:
1971 Bash’é Boy Dap Boy Dap Estrellas del Caribe Roxy
1972 Den Karnaval Erwin Kastaneer Erwin Kastaneer Sup. Combo Kastaneer Roxy
1973 Dal’é Kos Boy Dap Boy Dap Estrellas del Caribe Roxy
1974 Mand’é Boy Dap Boy Dap Estrellas del Caribe Roxy
1975 Bin bo bula aden Mr. Saab Rignald Recordino Super Special Combo Roxy
1976 Hak’é Edwin Thomas+ Edwin Thomasa+ Estrellas del Caribe Roxy
1977 Antifas di buriku Rene Samson Rene Samson Los Locos Samson Industriehal
1978 1,2,3, Fásil Mr. Saab Rignald Recordino Doble R.S.S.S. Cinelandia
1979 Sigui awor Boy Dap Boy Dap Explosion Latina S.U.B.T.
1980 Zjogorogo Harry Zimmerman Harry Zimmerman Casama S.U.B.T.
66
1981 Tur hende kompañ’é Boy Dap Boy Dap Explosion Latina S.U.B.T.
1982 Kologá Luti Samson Rene Samson Doble R.S.S.S. S.U.B.T.
1983 Un biaha mas Boy Dap Boy Dap Explosion Latina S.D.K.
1984 Habri Sera Gibi Doran Beti Doran Doble R. S.S.S. S.U.B.T.
1985 Despensa e ta bin Boy Dap Boy Dap Piña Colada S.U.B.T.
1986 Bon Fanátiko Efraim Gumbs Efraim Gumbs ENOS S.U.B.T.
1987 Kòrsou Mr. Babalu Nelson Schoop SI Dr. A. Maduro
1988 E barku yama Karnaval Wilson Frans Nelson Schoop Pimienta Dr. A. Maduro
1989 Waya pasa bai Boy Dap Boy Dap Arnell i Orkesta Dr. A. Maduro
1990 E Meresé Harry Zimmerman Harry Zimmerman ERA C.F.C.
1991 Pia pia man’é un trambia Elia Isenia Elia Isenia Turbo C.F.C.
1992 Bòlt’é blachi Boy Dap Boy Dap Gibi Explosivos C.F.C.
1993 Sobredósis di amor Urvin Yano Gibi Doran Gibi Explosivos C.F.C.
1994 Heé wak un bestia ei Mr. Saab Rignald Recordino Doble R. S.S.S. C.F.C.
1995 E baranka’ki defend’é Ike Jesurun Ike Jesurun Doble R.S.S.S. C.F.C.
1996 Den Gol Ike Jesurun Ike Jesurun Doble R.S.S.S. C.F.C.
1997 Klab’é Boy Dap Boy Dap Gibi i Orkesta C.F.C.
67
1998 Ten’é... sakudi’é Urvin Yano Gibi Doran Gibi i Orkesta C.F.C.
1999 Nos ta bibu Harry Zimmerman Harry Zimmerman Doble R. S.S.S. C.F.C.
2000 Dal’é klave Hendrick de Windt Marlon Conradus Pleasure/Chispa C.F.C.
2001 Much’i Otrabanda Izaline Calister Gibi Doran Gio Fuertisimo C.F.C.
2002 Awe Elia Isenia Elia Isenia Gio Fuertisimo C.F.C.
2003 Awor ta mi ora Farley Lourens Farley Lourens Chispa Band C.F.C.
2004 Ata Palabra Farley Lourens Farley Lourens Chispa Band C.F.C.
2005 Lòs Laga Bai Farley Lourens Farley Lourens Chispa Band C.F.C.
2006 Mi soño Reinir Lijfrock Axel Pikero No Game C.F.C.
2007 Karnaval Metamorfósis Tico Balentien Oko Dap ERA Outentiko C.F.C.
2008 Den bo brasa mi ke ta Hendrik de Windt Hendrik de Windt Rhydd’m C.F.C.
2009 Den Bahia Tico Balentien Oko Dap ERA Outentiko C.F.C.
2010 Mi pueblo a manda mi Elia Isenia Elia Isenia Gio Fuertisimo C.F.C.
2011 Para den mi Sapatu Hendrik de Windt Hendrik de Windt ERA Outentiko C.F.C.
2012 Un humilde piedra Amos Balentin Amos Balentin ERA Outentiko C.F.C.
2013 ????? ????? ?????? ?????? C.F.C.
68
AAMMBBIIEENNTTEE DDII FFEESSTTIIVVAALL DDII TTUUMMBBAA 22001122
69
IIINNNSSSTTTRRRUUUKKKSSSHHHOOONNN PPPAAA HHHUUURRRAAADDDOOO DDDIII
FFFEEESSSTTTIIIVVVAAALLL DDDIII TTTUUUMMMBBBAAA 222000111333
70
99..IINNSSTTRRUUKKSSHHOONN PPAA HHUURRAADDOO RESPONSABILIDAT
Hurado ta kai direktamente bou di responsabilidat di Presidente i sekretario di
Asosiashon di Músiko respektivamente Sr. Manfred Gomes i Sr. Giovanni Atalita,
respektivamente Presidente i Sekretario.
KOMISHON DI KOORDINASHON DI HURADO
Presidente Glenn Camelia
Vice Presidente Frederick Benjamin
Sekretario August Pieternella
Koordinadó Irma Pieters Philbert
“Input Official”
“Time Keeper” Ellen Zijlstra
Akountentnan di A. B. Bureau ta enkargá ku supervishon di datonan
1. NOMBRAMENTU DI MIEMBRONAN DI HURADO
1. Presidente di Asosiashon di Músiko i Artista ta risibí un proposishon di
miembronan di Asosashon di Músiko i Artista pa mas tardá 28 di desember
2012 Direktiva diario di AMAK ta evaluá e nominadonan di miembro i
agregá nan na eventual kandidatonan di parti di direktiva di AMAK.
71
2. Despues ku direktiva di Asosiashon di Músiko i Artista risibí kandidatonan
manera stipulá den punto A i komplementá pa Presidente di Hurado ta
aprobá e proposishon final i despues Presidente i Sekretario di Asosiashon
di Músiko i Artista i Presidente di Hurado ta firma e akta di nombramentu
di e lista ofisial di hurado pa 2013 pa mas tardá 16 di yanüari 2013. Ta bon
pa remarká ku konforme deseo di reunion general semper bai por hasi
kambio pa e fecha final si ta nesesario.
3. Promé ku festival di Tumba 2013 Presidente di Hurado ta invitá
miembronan di Hurado pa un reunion informativo djasabra 19 di yanüari
2013. Na e reunion aki Presidente i Sekretario di Asosiashon di Músiko
tambe ta presente. Presidente di AMAK ta tene un introdukshon i kontestá
eventual preguntanan logístiko i di kontenido. Seguidamente Presidente i
Vise Presidente di Hurado ta kontinuá ku e reunion.
2. KANTIDAT DI MIEMBRONAN DI HURADO
1. Pa letra, melodia i entonashon: 5 miembro.
2. Pa ritmo i areglo: 4 miembro
3. Pa ambiente di karnaval: 1 miembro
3. TAREA DI MIEMBRONAN DI HURADO
1. Husga e tumbanan segun reglanan di Asosiashon i di manera ophetivo.
72
2. Duna e puntuashon korespondiente konforme e tabla di puntuashon.
4. REGLA PA HURADO
1. No ta pèrmití un miembro di hurado komuniká ni komentá resultado di e
festival na otro persona pafó di e kuerpo di hurado.
2. Miembronan di Hurado mester ta presente un ora promé ku e ora stipulá
pa kuminsamentu di e festival.
3. Miembronan di hurado no por laga ningun persona influenshá nan huisio i
puntuashon.
4. Miembronan di hurado ta sigui solamente instrukshon di e kuerpo di
kordinashon.
5. No ta pèrmití un miembro di hurado aseptá nada di kome ni bebe for di
públiko.
6. Miembronan di Hurado no ta pèrmití pa bebe mas ku 4 bibida alkohóliko pa
anochi. E miembro di hurado mester tin kòntròl kompleto di su abilidatnan
mental. Kuerpo ehekutivo ta kontrolá uso di bebida alkohóliko pa evitá ku
ta surpasá e kantidat di bebida alkohóliko. Presidente di Hurado lo
kontrolá esaki konforme instrukshon.
7. Miembronan de hurado mester vota independiente i no mester influensiá
koleganan di hurado.
8. Miembronan di hurado no por komentá nada ku prensa ni públiko riba
kosnan interno di kuerpo di hurado
9. Violashon di e reglanan aki por kondusí na ekspulshon inmediato di e
miembro konserní i apliká regla nr. 8.
5. KAPASIDAT DI MIEMBRONAN DI HURADO
73
Pa Letra – melodia i Entonashon
� E persona mester tin konosementu di nos papiamentu. Preferiblemente e
mester ta un kompositor, eskritor òf deklamadó.
� E persona mester ta gusta ambiente di karnaval
� E mester konosé muzik di Kòrsou
� E mester tin eksperiensha den ramo musikal pa e por rekonosé sierto liñanan
melódiko.
� E mester tin bon oido musikal
� E mester ta íntegro i imparsial.
Pa Ritmo i Areglo
� E persona mester gusta e ambiente di karnaval
� E persona mester tin eksperiensha den ramo di músika i tin konosementu di
harmonia
� E persona mester tin konosementu di músika di Kòrsou
� E persona mester ta íntegro i imparsial
Pa Ambiente den kaya
� E persona por ta aktivo den un grupo di karnaval.
� E persona mester gusta ambiente di karnaval
� E persona mester tin konosementu di muzik di Kòrsou
� E persona mester ta íntegro i imparsial.
74
Pa tur kategoria ta konta ku un miembro di hurado (en prinsipio) no por sinta
komo miembro di hurado mas ku tres (3) aña konsekutivo.
Basa riba eksperiensha i konosementu por alarg e periodo aki.
6. TAREA DI KUERPO DI KORDINASHON
Presidente di Hurado
1. Supervishon general.
2. Kòntròl general riba votashon di miembronan di hurado.
3. Tuma kontakto ku Presidente di Asosiashon di Músiko den kasonan
nesesario.
4. Mantené kontakto regular ku e akountent enkargá ku supervishon di e
votashon i prosesamentu.
5. Eventualmente enkargá Visepresidente ku algun tarea.
6. Entregá lista di finalistanan na Presidente di Asosiashon Músiko i Artista.
7. Entregá resultado final na Presidente di Asosiashon di Músiko i Artista.
8. Supervisá tur loke tin di haber ku Hurado.
9. Si ta nesesario tuma sanshon konforme e reglanan aki.
Visepresidente
1. Remplasá Presidente ora esaki ta nesesario
2. Eventualmente remplasá un miembro di hurado ekspulsá.
3. Eventualmente ehersé un òf mas tarea di e presidente si pa efisiensia esaki ta
nesesario.
4. Sostené Presidente di Hurado den e sentido mas amplio di palabra
75
Sekretario di Hurado
10. Atendé ku prensa konforme instrukshon di Presidente di Hurado
11. Atendé atministrashon dia di Inskripshon
12. Fasilitá miembronan di Hurado material nesesario pa nan funshon
13. Kontrolá e print out di kòmpiuter despues di input di e datonan di
miembronan di hurado.
Kordinadó
14. Entregá lista di votashon pa prosesá den kòmpiuter
15. Kontrolá si miembronan di Hurado a vota konforme reglanan
16. Atendé demas asuntunan di atministrashon
Timekeeper
Kontrolá durashon di komposishonnan ku ta kompetí i registrá esaki.
Akountent
Un kompania di akountent ta supervisá i kontrolá prosesamentu di tur dato di
votashon. Despues di e anochinan preliminar e kuerpo aki ta verifiká i akordá e
lista di 30 finalista konforme e reglanan di AMAK. Riba e anochi final e kuerpo aki
despues di kòntròl ta akordá e lista di ganadónan i despues di firma di Presidente i
Sekretario ta entregá e resultado final na Presidente di Hurado.
Solamente e akountent(nan) tin akseso na e puntuashon preliminar komo e
puntuashon final.
76
77
7. TABLA DI PUNTUASHON
Ta huzga e siguiente tres (3) kategorianan:
7.1 LETRA – MELODIA I ENTONASHON:
Maksimal 225 punto.
Ta huzga e siguiente aspektonan:
7.1 1. LETRA (75 pt.)
1. E letra ta hopi kreativo i original. E tin un kontenido koherente i e ta
komprendibel pa tur hende. (50 pt.)
2. E letra ta un bon basilon pa e fiesta di karnaval. E por sòru, pa un bon
ambiente den aktividatnan di karnaval. (25 pt.)
7.1.2 MELODIA (75 pt.)
1. E melodia ta pegahoso i fásil pa kanta. (25 pt.)
2. E melodia tin aspektonan nobo den dje. E no ta zona meskos ku tur otro
tumba fo’i ora e kuminsá te ora e kaba. (50 pt.)
7.1.3 ENTONASHON (75 pt.)
E intérprete mester kanta den tono. Un máksimo di 75 punto ta keda
otorgá pa e kategoria aki.
7.2 RITMO I AREGLO: Maksimal 125 punto.
Ta huzga e siguiente aspektonan:
7.2.1 RITMO (50 pt.)
E ritmo di tumba ta pegahoso; bon será i e ta dunabu gana di lanta balia.
E ritmo tin un bon tempu pa marcha riba dje. No muchu pura, ni muchu slou. (25
pt.)
78
7.2.2. AREGLO (75 pt.)
1. E areglo ta kreativo i original. E ta apart i no ta parse otro piesanan
eksistente. E ta bunita i komprendibel. (25 pt.)
2. E aspektonan musikal: harmonia, dinámika, klave, èts. ta hopi bon. (25 pt.)
3. E areglo ta funshonal den e piesa. E relashon entre e diferente
komponentenan ta bon. Esaki ta nifiká ku tin un bon sinkronisashon entre e
komposishon, kantante, agrupashon musikal i e areglo. Ta tene kuenta ku e
ehekushon di e areglo di parti di e agrupashon musikal i si e areglista a tene
kuenta ku e habilidatnan vokal di e kantante. (25 pt.)
7.3 AMBIENTE DEN KAYA
Ambiente den kaya: maksimal 50 punto.
Ta huzga e siguiente aspektonan:
1. E piesa ta dushi pa djùmp riba dje. No muchu purá ni muchu slou.
(10 pt.)
2. E piesa tin sufisiente variashon di manera ku e no ta kansabu. (10 pt.)
3. E piesa ta fásil pa hende kapta; e ta fásil pa kanta i tin un koro ku ta trèk bo
bai kuné. (15 pt.)
4. E piesa ta tene e públiko presente for di kuminsamentu te fin riba pia. (15
pt.) E piesa ta hala bo atenshon for di momentu ku e kuminsá zona.
Nota: Dia final di e Festival kuerpo di hurado ta huzga mesun sistema pero di
nobo. Ku eksepshon di e total di puntuashon ku e letra a optené dia preliminar ku
ta konta pa final. E hurado di letra riba dia di final ta kontrolá si a bin kambio den
letra. Ta pèrmití solamente kambio di 7 pa 4 pregon. Ta sanshoná violashon di e
regla aki ku 10 punto si e ta muchu eksagerá.
7.4 VOTASHON PA MEDIO DI SMS
79
Kuater aña pasá a kuminsá ku e votashon di SMS riba e dianan preliminar i ela
resultá un éksito rotundo. E influensia riba e resultado ta konta pero den un grado
mínimo. Meskos ku aña pasá, e aña aki e votashon via SMS ta konta pa preliminar
i final. E kantidat máksimo ku por haña ta 20 punto.
8. EKSPULSHON DI MIEMBRO DI HURADO
Ekspulshon ta tuma lugá den kaso ku kuerpo ehekutivo di kordinashon konstatá
ku un miembro di Hurado no por kontinuá ku su tarea. Den kaso di ekspulshon ta
traha un prosèsverbal di e desishon tumá i entregá esaki na Presidente di
Asosiashon di Músiko i Artista. E presidente di Hurado ta apuntá un miembro di e
kuerpo ehekutivo òf un miembro di hurado “standby” pa remplasá e hurado
konserní.
9. TUMBA ORIGINAL
En general ta konsiderá un tumba komo original ora e ta reflehá un aspekto nobo
den su género semper konsiderando reglanan di Festival di Tumba pa Karnaval. E
tumba original mester ta un komposishon den kua fantasia i kreatividat ta
aspektonan importante den e totalidat. Skohementu di e tumba original por tuma
lugá a base di konseho di e kuerpo di Hurado.
10. TUMBA POPULAR
Skohementu di Tumba Popular ta sosodé atraves di Asosiashon di Gruponan di
Karnaval i/òf radio-emisoranan.
11. TUMBA KU E MIHÓ AREGLO
E puntuashon optené konforme regla 7.2.2 ta indiká e tumba ku e mihó areglo ku
ta risibí Naf 1.500 i un trofeo. Kompositor di e tumba ta risibí 500 florin. nr. 2 i nr.
3 ta risibí un trofeo i f 250,- komo premio estímulo.
12. PREMIO BÈTI DORAN
80
E premio mihó letra ta konosí despues di e promé 3 anochinan preliminar. E
komposishon ku mayor puntuashon pa letra ta risibí
ƒl. 1.000,-- (fl. 500.- opsekio di AMAK i famia Doran tambe ta pone un 500 florin
disponibel pa e premio aki komo muestra di apresio pa e rekonosementu).
13. PREMIO TUMBA CHISTOSO
E premio chistoso ta bai pa e komposishon ku su kontenido tin aspektonan
chistoso aden i ku por kousa hilaridat. No nesesariamente ta tumbanan finalista
SO por bini na remarke pa e premio aki. Naturalmente e parti di ritmo/areglo i
melodia/letra tambe ta influensiá e desishon final.
14. PREMIASHON
Pa Festival di Tumba 2013 ta tin e siguiente premionan:
1. Premionan kèsh konforme repartishon di reseta pa ganadó
2. Promé, di dos, di tres i di kuater finalista: trofeo i otro artíkulonan di balor.
Trofeo i artíkulonan di regalo pa:
3. Rei òf Reina di Tumba
4. Promé finalista
5. Di dos finalista
6. Di tres finalista
7. Di kuater finalista
8. Mihó areglo, number 2 i 3
9. Tumba Popular 2012
10. Tumba original 2013
11. “Premio Bèti Doran”
81
15.KAMBIONAN DEN REGLANAN PA FESTIVAL DI TUMBA 2013.
E kantidat miembronan di ambiente den kaya ta keda redusí di 4 pa 1 i e
kantidat di miembronan di letra i melodia ta oumentá di 4 pa 5 miembro. E peso
di letra di melodia ta bira aun mas grandi den e totalidat di votashon. Lo publiká
lista di sekuensia di e 30 finalistanan despues di resultado.
Rei o reina di tumba mester karga korona i mantel o shal na tur okashon ofisial
durante temporada di karnaval.
16. ENTREGA DI RESULTADO
E Presidente di Hurado ta hasi su máksimo esfuerso pa entregá e resultado
preliminar i final den un lapso di tempu responsabel, pa mas tardá djaluna 28 di
mart 2013 despues di kontrolá tur dokumento konserní.
82
1100.. RREEGGLLAANNAANN PPAA FFEESSTTIIVVAALL
DDII TTUUMMBBAA 22001133
1 REGLANAN GENERAL
Festival di Tumba di Karnaval 2013 ta tuma lugá dia 21 i 22 di yanüari, 23 I 25 di
febrüari 2013.
Tur agrupashon musikal serio ku ta partisipá den festival di tumba 2013, mester
firma un papel di inskripshon pa mas tarda djasabra 12 di yanüari 2013 5 ‘or di
atardi na C.F.C., i paga un bòrg di Naf. 250,-.
E bòrg aki ta bira parti di e kontribushon ku kada agrupashon (segun regla) tin ku
paga. Den kaso ku e grupo no partisipá, no por haña e avanse aki bèk.
E lista di e integrantenan ( inkluso refuerso i bailarin) mester keda entregá pa
mas tarda djabièrnè 20 di yanüari 2012 5’or di tardi na C.F.C.( maks. di 25
persona). Esaki ta fasilitá trahamentu di badge, kontrolá si e músikonan ta kumpli
ku regla ( músikonan por partisipá den maksimal 5 agrupashon musikal.) i evitá e
káos di trahamentu di badge último ora. Solamente un agrupashon musikal por
laga traha bedj pa bailarin(a)
Tur grupo musikal mester partisipá ku por lo ménos 2 tumba. Si resultá ku e grupo
ta partisipá ku 1 tumba, e ta risibí 50% di e kompensashon finansiero ( f 2.500,-) di
gruponan musikal no klasifiká.
E agrupashon ku inskribí mas ku 2 tumba i despues partisipá ku 1 tumba so,
tambe lo risibí e suma di Naf. 1.250,--
Si den kaso di forsa mayó, mester kanselá e festival, e gruponan ku no a aktua,
lo presentá na inisio di e festival e siguiente dia. Den kaso ku esaki tuma lugá
83
djarason anochi,e gruponan menshoná lo aktua riba djaweps anochi. Lo no tin
kompensashon èkstra pa e kambionan aki.
Pa 2013( akordá den ultimo reunion general ekstra ordinario dia desember 2012)
e gruponan musikal Dreams, Gio i Era lo aktua konforme un sistema di rouleer
riba dianan preliminar.
E agrupashon musikal ku ta kompanja e rei di tumba , lo aktua e siguiente anja
riba djarason, komo ultimo grupo, pero e mester entretene e publiko,sin
kompensashon ekstra te ora anunsia e finalistanan.
Fecha di inskripshon ta djadumingu 13 di yanüari 2013. Riba e fecha di
inskripshon mester entregá e siguiente detayenan di un komposishon:
1. Titulo di e komposishon
2. Nòmber(nan) di kompositor
3. Nòmber di kantante
4. Nòmber(nan) di areglista i
5. Nòmber di agrupashon musikal.
Último dia pa entregá letra ta djaweps 17 di yanüari 2013 t/k 8’or djanochi na
Sekretariado di AMAK na Curaçao Festival Center. Mester apuntá ku entrega di
letra por tuma lugá for di dia di inskripshon i tur e dianan despues, bou di ora di
trabou.
Entrega di Letra mester sosodé riba:
1. CD òf
2. memory stick
Entrega di e letranan mester sosodé den Microsoft Words.
84
E listanan di partisipashon ofisial ta keda publiká pa mas tardá djasabra 19 di
yanüari 2013 den Medionan di Komunikashon.
1.2
E komposishon mester ta na bon papiamentu. Palabranan di otro idioma ku a bira
parti di nos lenga naturalmente tambe ta pèrmití. Ritmo di e komposishon mester
ta pre-dominantemente Tumba. Ta pèrmití un kambio di ritmo di 24 kompas
binario máksimo. E 24 kompasnan aki por ta: 1x24, 2x12 òf 3x8 kompas.
E miembronan di hurado, pa ritmo i areglo ta kontrolá e kantidat di kompas di
kambio di ritmo. Pa kada kompas adishonal ta redusí punto di e siguiente forma :
25 te ku 48 kompas: hurado ta kita 25 punto. Mas ku 48 kompas: hurado ta
deskualifiká e komposishon. Por uza tur ritmo den e kambio!
1.3
E komposishon por trata tur tópiko di nos komunidat pa engrandesé nos karnaval.
E intenshon ta pa e tumba por zona henter aña i no solamente den temporada
di karnaval.
1.4
No ta pèrmití komposishon ku tin un melodia eksistente.
No ta pèrmití komposishon eksistente ku a adaptá su letra pa Festival di Tumba.
No ta pèrmití toka komposishonnan ku ta kompetí zona públikamente promé ku
presentashon ofisial.
Pues si e komposishon aparese riba e.o. YOU TUBE, lo sankshona, e
komposishon ten a un maksimo di 100 punto for di e total.
No ta pèrmití partisipantenan na invita e Festival invitá públiko na ensayo.
Pa loke ta trata plagia(nan) konstatá, tin un prosedura athunto pa atendé.
85
Tur keho ofisial por tuma lugá únikamente pa medio di un partisipante na Festival
di Tumba 2013 i entregá por eskrito pa mas tardá 1 siman despues di Festival di
Tumba 2013 ( 1 di febrüari 2013)
Den kaso ku violá e reglanan aki ta deskualifiká e komposishon i ta apliká un but
igual ku e suma ku ta korespondé na e premio i/o klasifikashon.
1.5
Mester entregá letra na bon Papiamentu, riba CD, Memory Stick. Un komishon
ku lo ta forma pa miembronan di hurado ta valuá tur komposishon for di
momentu di inskripshon pa loke ta eventual bulgaridat òf ofensa en general. Por
e-mail esaki tambe na [email protected]
Den kaso ku e kompositor tin duda ta bon pa e mes akudí serka Presidente di
Hurado pa un opinion riba esaki. Si e komishon aki sugerí kambio den letra di e
komposishon ta e pone Presidente di Asosashon di Músiko i Artista na altura di su
evaluashon. Violashon di e regla aki tin komo konsekuensia ku e komposishon ta
haña un but di 50 punto.
1.6
Solamente komposishonnan ku klasifiká pa final ta bini na remarke pa e premio di
areglo mas sobresaliente. Tur areglista ku ke bini na remarke pa gana e premio aki
mester entregá skor di e piesa pa mas tardá djaweps 24 di yanüari 2013 8’or di
anochi.
2.SISTEMA EVALUASHON DI E TUMBA
2.1
Sistema di puntuashon konforme artíkulo 7 di instrukshon di Hurado.
2.2
E kantante por balia i aktua riba tarima i ta pèrmití pa tene mikrofon den man.
Ta prohibí pa hasi moveshonnan bulgar i pa baha for di steidj.
86
2.3
Un piesa por dura maksimal 6 minüt. Na di 5 minüt ta sende lus oraño i na di seis
minüt ta sende un lus kòrá. E “taim kiper” ta registrá e kantidat di sekònde
despues di 6 minüt i ta informá presidente di hurado di esaki. E presidente di
hurado ta dedusí dos (2) punto pa kada sekònde riba 6 minüt. Despues di 6 minüt
i 30 sekònde ta kita e zonido.
2.4
Pa evitá ku e tumba ta keda interpretá demasiado purá, ta fiha e tèmpo entre 120
pa 150 (riba metrónomo) pa toka e tumba.
2.5
Durante tur 4 anochi di e festival ta hasi uzo di e mesun kuerpo di
hurado ku ta huzga basá riba kriterionan menshoná den artíkulo 7 di Instrukshon
i Hurado.
3.ORGANISASHON
3.1 Na final di dia di inskripshon 13 di yanüari 2013, lo saka fecha di presentashon den un forma elektróniko. Den kaso ku esei no ta e kaso o pa motibunan tékniko e no por tuma lugá, pa medio di lòt, ta saka fecha di presentashon di gruponan musikal pa tur 3 dia preliminar. Ta uza dos kèlki/kúp òf tómbola. Unu ku ta kontené bandanan mas popular i konosí i e otro bandanan ménos popular òf no konosí.
E mesun dia aki ta saka órden di aparishon di e gruponan musikal pa dia ku nan tin di presentá. Atrobe ta hasi uzo di e sistema deskribí ariba. E grupo ku ta kompañá Rei di Tumba 2012 ta aktua riba e di tres dia komo ultimo grupo. Djasabra 19 di yanüari 2013 ta publiká listanan ofisial di anochinan preliminar.
3.2
87
Djaweps 17 di yanüari 2013, 8’or tur letra mester ta entregá. Ta saka pa medio di
lòt e órden di aparishon di e diferente kantantenan. Den kaso ku no tin
representante di un agrupashon ta mantené e órden di aparishon riba e lista di
AMAK. Anunsio ofisial i definitivo ta tuma lugá dia 19 di yanüari 2013.
3.3
Riba tur e anochinan di e festival, gruponan musikal 1, 2 i 3 mester ta kla pa aktua
pa mas tarda 19.30. Den kaso ku un grupo ku mester ta kla pa aktua no ta
kompleto ta deskualifik’é.
3.4
Ta saka órden di aparishon di e agrupashon musikal pa e anochi final djaweps
19 di yanüari 2013 pa 7’or en punto. Esaki ta tuma lugá den Curaçao Festival
Center konforme e mes un sistema pa balansá e anochinan preliminar. Riba e
anochi aki e areglistanan ku ke kompetí pa mihó areglo mester entregá nan skor.
Djabièrnè dia 25 di yanüari 2013 pa 7or di anochi ta saka e órden di
aparishon di kantantenan. Eventual kambio riba steidj, pa loke ta trata órden di
aparishon di e partisipante, ta keda sanshoná ku 20 punto di e total di punto ku
e komposishon risibi. Ta repartí e bandanan Popular i no Popular.
3.5
Bandanan Popular por skohe entre 5, 7, 9, 10, 11, èts. i no Popular por skohe
entre 1, 2,3,4,6,8, èts. E banda ku ta kompanja e Rei di Tumba tambe mester
skohe su órden di aparishon. E último grupo musikal ta toka dos número
despues di su presentashon ofisial, si ta nesesario pa programashon.
3.6
Riba e anochi final e grupo musikal ku ta kompañá Rei di Tumba 2012 pa
interpreta su tumba Ganado komo despedida. E steidj mènèdjer ta duna señal pa
interpretá e tumba ganadó. Ta instalá un (1) ekipo di zonido.
3.7
88
Tur partisipante na festival di tumba mester ta miembro di
Asosiashon di Músiko i Artista. Esnan ku no ta miembro ta haña un karnèt speshal
ku ta bálido pa solamente e kuater anochinan di Festival di Tumba 2013.
Despues di e festival nan por solisitá pa bira miembro manera statutonan i
reglanan doméstiko ta preskribí. Ta kontrolá tur karnèt promé ku kada
presentashon.
3.8
Tur músiko ku partisipá na festival di tumba 2013 mester paga nan kontribushon
promé ku dia 19 yanüari 2013.
3.9
Tur agrupashon musikal mester ta uniformá. No ta pèrmití vestuario erótiko ni
moveshonnan bulgar riba tarima. No ta permití unifòrm ku propaganda
komersial sin outorisashon di direktiva di AMAK.
3.10
Kada agrupashon musikal mester konsistí di por lo ménos 5 (sinku) músiko.
3.11
No por hasi promoshon ni promé ni durante ni despues di presentashon di un
grupo musikal pa ningun kas komersial sin outorisashon di Asosashon. Durante e
“breaknan” ta solamente anunsionan komersial outorisá por pasa den Curaçao
Festival Center.
3.12
Un agrupashon musikal mester konsistí di mas ku 50% Antiano.
3.13
Un agrupashon musikal ku mantené mas ku 50% di su konstelashon original i
kambia di nòmber ta konsiderá komo un agrupashon original. Si konstatá ku e
89
diferente grupo ta formá p e mesun músikonan, esnan envolví ta keda
deskualifiká.
3.14
Kada direktor òf su representante ta responsabel pa inskripshon di tur kompositor
i kantante ku su agrupashon ta kompañá. Esaki ta enserá ku e mester disponé di
tur dato di su agrupashon musikal i kumpli ku e parti finansiero. E agrupashon
mester presentá den mesun konstelashon ku ela inskribí. Den kaso di forsa mayor
direktiva di Asosashon ta duna dispensashon. Violashon di e regla aki por kondusí
na deskualifikashon.
3.15
Un agrupashon musikal por kompañá un máksimo di 6 komposishon. Un
kompositor por partisipá ku kuantu komposishon ku e ke. Un músiko por aktua
den maksimalmente 3 agrupashon musikal. Esaki no ta konta pa koristanan i
brass.
3.16
Despues di e tres anochinan preliminar ta saka e 30 tumbanan ku puntuashon
mas haltu pa kompetí riba e anochi final, si tin minimalmente 60 tumba ku a
inskribí.
Si e kantidat di tumbanan inskribí ta ménos ku 60. 50% lo pasa pa final.E
promedio ta “afgerond” ariba.
Si 57 tuma inskribí, 50% ta 28,5 i den e kaso aki 29 ta pasa pa final.
Den kaso di empate lo uza e total di e kategoria di ambiente den kaya pa
desempatá. Si despues di esaki ainda keda empatá ta uza e total di e kategoria
letra i melodia pa desempatá. Riba e anochi final ta uza e total di e 2 kategorianan
ambiente den kaya i letra i melodia huntu pa desempatá.
3.17
90
Pa e programa di e anochi final no terminá demasiado lat ta entregá premio
djamars 29 di Yanüari 2013 na Curaçao Festival Center entre 7or pa 9or di anochi.
Ta anunsiá e 12 finalistanan ku ta bai riba e CD (no den órden di puntuashon).
Despues ta anunsiá e di 4e, 3e, 2e, promé finalista i e ganadó.Solamente 1 te 10
ta risibí premio.
3.18
Despues di e resultado e Rei òf Reina di Tumba ta interpretá e tumba ganadó
den presensia di tur e 12 finalistanan.
3.19
Despues ku kaba di interpretá e tumba ganadó Asosiashon di Músiko i Artista ta
tene un konferensha di prensa p’asina prensa por entrevist’é.
3.20
Tur partisipante na e festival mester respetá desishon di hurado I komportá nan
mes komo un digno miembro di AMAK. Puntonan di diferensia di opinion mester
keda diskutí den reunion. Komportashon no ehemplar por mancha imágen di e
organisashon i afektá futuro di e magno evento aki i por kondusí na medida(nan)
disiplinario.
3.21
E agrupashon musikal ku kompañá e tumba ganadó durante Festival di Tumba,
mester ta disponibel pa partisipá tambe durante Gran Marcha i marcha di
despedida. E intérprete ta risibí un kompensashon pa kubri su gastunan, na un
montante di f. 750,-
3.22
E rei òf reina di tumba mester karga su korona na presentashonnan ofisial i bisti
e mantel o Shal. Esaki ta e forma pa duna rèspèt na Amak i brandingpartnernan
ku a yuda sostené festival di tumba.
91
3.23
Despues di festival di tumba tur partisipante ku ta deseá esaki, por solisitá
te ku djaluna 15 di febrüari 2013 pa 5’or di atardi serka presidente di hurado pa
un sita pa e por haña un bista riba su resultadonan fina. E presidente ta stipulá
fecha , ora i lugá ku por optené e informashonnan menshoná. Despues di e fecha
aki president ta entregá e resultadonan na presidente di AMAK pa archivo.
3.24
Den tur kaso ku eventualmente e reglanan aki no ta kubrí ta keda na Direktiva di
Asosiashon di Músiko i Artista pa tuma un desishon.