Ghinnak ah Ng'Thu

1:1 Khomdek kä a ng'tüi pha ung Thu cu om ci. Thu cu Khanpughi awnatäng ah om ci. Thu cu Khanpughi ah phi kia ci. 2 Akhtük bäih ung Thucu Khanpguhi awn atäng ah om ci. 3 Khanpughi naw Thu awn ang tüiavan tüisho ci. 4 Ani ah kä tüisho a i phi kä om ci. Thu ung ghinnak om ci.ghinnak cu chang gui ah akdei ah kia ci. 5 Akdei cu akhmüp ung khangsei, akhmüp naw kä dou hlük ci. 6 Johan ming nak ci cu Khanpughi nawng'shä ah tüi lawk ci. 7 Chang gui naw akdei ami zum hmat tu vai ah,akdei ah mawng pyein khai lawk ci. 8 Ani cu akdei ah kä kia ci. Akdei ahmawng pyein khai ah lawk ci. 9 Akcang ah akdei cu khomdek khan ahgawk law ne chang van ah khan ah khang ci. 10 Thu cu khomdek khan ahom pyi ci. Khanpughi naw ani awn khomdek phi tüisho pyi ci. 11 Cun ungphi khomdek naw ani kä zum hmat ci. Ani cu amät ah kho ng'lei ung lawna sei phi ak chang gui naw kä dou ci gui. 12 Ani dou ne zum ciah changgui-am Khanpughi ah hta ah kiak nak pe gui ci. 13 Cun ah hta gui cu amätng'tüi lawk ci la chang pa nah ne ng'tüi lawk ci gui ah kä kia ci. Khanpughiung ng'tüi lawk ci gui ah kiak ci. 14 Thu cu chang ah zung tüi law pyi ci.M'geinsei nak la düngnak awn be ne mik mi ung om pyi ci. Abämang nakphi mi hmu pyi ci. Cun ah bämang nak cu Khanpughi ah Htapa ah a kiaknak awn agah ah kiak ci. 15 Johan naw ani ah mawng ng'shä ne a pyeincu, “Kei naw ka pyein man ah chang cu ani nei, ani cu kei ah hnu ah lawkci, cun ung phi kei ah hlüngtai pi ci, a i ah kia sei ci ung ani cu kei kä kang'tüi pha ung ng'tüi pyi ci. 16 Ani cu m'geinsei nak awn kümbe ne, changvan tumat täi-am m'shumhyuk nak na pe gui ci. 17 Khanpughi nawThukhän cu Mose ung na pe gui ci, cun ung phi geinsei nak la düng nak cuJesuh Chrit ung na pe gui ci. 18 Khanpughi cu a u naw kä hmu man ci, cunung phi Khanpughi awn täng ne ani ah coi ung om ciah Ahtapa nawKhanpughi cu m'dang pyi ci.

Tuihnim Johan ah Thu Pyein

19 Jerusalem kho ah Judah ng'vai gui naw, taigü gui la levit gui cu Johan

ah tüi law u netah, “Nang cu a u ang?” ciah ng'shi sak gui ci gui. 20 Johannaw, “Kei cu Messiah ah kä ka kiak ci nei” ci ne akdei angdang ah m'theingui ci. 21 Ngami naw, “Cun ung nang a u ang? Nang Eliah ma?” ci neng'shi ba ci gui. Johan naw, “Kei cu Eliah ah kä ka kia ci nei” ci ba ci. Cunung nang profet ma ci ne ng'shi ba mä u sei phi, “ka nei” ci ba ci. 22Ngami naw cun ung nang a u ah na kiak cu nam thein gui ä, nang shi sakgui ci-am kami m'thein ba gui vai” cik ci gui. 23 Johan naw, “Kei cu profetIsaiah ah pyein ah mäih ah, Bawipa ah lam ng'düng sak vä ci ne, bungpukah ng'khü ciah chang ah ka kiak ci” cik ci. 24 Pharise gui ah tüih lawchang gui naw, “Nang cu Messiah ah phi kä na kiak ung, 25 Elijah ah phikä na kiak ung, profet ah phi kä na kiak ung, a i vai tuihnim nak na peitang?” cik ci gui. 26 Johan naw, “Kei naw tuihnim nak ka ning pe gui ci,cun ung phi nami ng'lung ah kä nami hmat tumat om ci, ani cu kei ah hnuah lawk ci, 27 Cun ung phi kei cu ani ah phahnat gui k'phian khai ah phikä ka khin ci” cik ci. 28 Shin ah bi nak gui avan cu Johan naw tuihnim nakapeit nak Jordan tuinu hei gaa Bethani kho ung kaa ah kiak ci.

Khanpughi ah Htome Hta

29 A ngawi ung Bawipa Jesuh a law Johan naw hmu netah, “Teng vä! anicu, khomdek khan ah hmakat nak hteh püi ciah Khanpughi ah Htome htanei”. 30 Kei ah hnu ah lawk ci cu, kei kä kang tüi pha ung ng'tüi ne kei ahhlüngtai pi ci nei, ci ne ka pyein man cu ani ah kiak ci nei. 31 Azan ani kähmat man ci, cun ung phi Israel chang gui naw, ami hmat vai ah tuihnimnak ka peit nei” cik ci. 32 Cun kawn ah Johan naw, “Müüm bawk ah mäihlawk ciah Mumcha Theing cu, khankho ah kaa kyum law ne, alu khan ahngo law sei ka hmuk ci. 33 Azan ani kä hmat man ci, cun ung phi tuihnimnak ka pek khai ah na tüi lawk ciah Khanpughi naw,” Khankho ah kaaMumcha Theing kyum law ne, alu khan ah ngo law sei, na hmuh ah changcu Mumcha Theing awn hnim nak pek khai ah chang nei,” ci ne anam'thein pyi ah kia ci. 34 Cun ah chang cu kei naw ka hmu pyi ci kia sei,“Ani cu Khanpughi ah Htapa ah kiak ci nei, ci ne ka ning m'thein gui nei”cik ci.

Bawipa Jesuh ah Ng'Düihpüi Htük Gui

35 A ngawi ung Johan la ang khahpüi goi ami ng'düih zah ung, BawipaJesuh a law hmu u netah, Johan naw, 36 “Teng tu vä, Khanpughi ahHtome hta cu ani nei” cik ci. 37 Cun a ci ng'za u netah, ang khahpüi goicu, Bawipa Jesuh ah ahnu ah läk tuk ci goi. 38 Bawipa Jesuh naw ani läklaw hmu goi netah, “a i na ni shui ci- ang?” ci ne ng'shi goi ci. Ngani naw,“Rabbi, a hawi na om ci ang?” ci ne ng'shik ci goi. 39 Bawipa Jesuh naw,“Law ne teng law niä,” ci sei, ahnu ah hteit tu ne, a om nak ah gawk tu ninetah, mü ne om tuk ci goi. 40 Bawipa Jesuh ah hnu läk ci goi ung kaa,tumat cu, Antaru, Simon Peter ah a phäi ah kiak ci. 41 Antaru naw anauSimon hmu netah, “Messiah ni hmu pyi ci nei” cik ci. (Messiah cu Chritah kiak ci). 42 Cun kawn ah Simon cu Bawipa Jesuh ah om nak ah htehpüi ci. Bawipa Jesuh naw, Simon cu hmu law netah, “Nang cu Johan ahhta Simon ah na kiak ci, Cun ung phi tuhbäi ung tün ne, Cephasa (cun cuPeter, ci la lungnu ciah kiak ci) na ming nak khai” cik ci.

Bawipa Jesuh naw Philip la Nahtanelah Khü Goi ci.

43 Angawi ung Bawipa Jesuh cu Kalile kho ah a hteh nak ba ah, Philip cuhmu netah, “Na läk ä” cik ci. 44 (Philip cu Antaru la Peter ah om nakBethsaida kho ah kaa ah kiak ci). 45 Philip naw Nahtanelah hmu netah,“Mose naw thukhän ung a guk la, Profet gui naw ami guk ah mäih ah,Nazareth kho ah kaa Josep ah hta Jesuh cu, ni hmu pyi ci nei” cik ci. 46Nahtanelah naw, “Nazaret ung kaa akni ng'tüisho hning khai ma?” cikhätah, Philip naw, “Law ne teng lawä” cik ci. 47 Bawipa Jesuh nawNahtanelah a law hmu netah, “Ani cu, Israel chang akcang ah kiak ci nei,ani ung hleeihlak nak kä om ci nei” cik ci. 48 Nahtanelah naw, “A i hawkcha ah kei na na hmat ang?” ci ne ng'shik ci. Bawipa Jesuh naw, “Philipnaw kä a ning khü pha ung, kthei ghing kaa ah om ci sei, ka ning hmuk cinei” cik ci. 49 Nahtanelah naw, “Rabbi, nang cu Khanpughi ah Htapa ahna kiak ci, Israel ah Khanpughi ah na kiak ci” cik ci. 50 Bawipa Jesuhnaw, Ani-am, “Thei ghing kaa ah om ci sei, ka ning hmuk ci, ka ci ah

hmawk ah na na zum ci ma? Cun ah tah cäicat pi gui vai na hmu lawk khainei” cik ci. 51 Bawipa Jesuh naw, “Kei naw akcang ka pyein cu, Khankhom'kawt hmawng law khätah chang ah Htapa ah khan ah khankho changgui kyum kai u sei nami hmu lawk khai nei” ci na gui ci.

Kana Gawnu ah Hta ami m'Um nak

2:1 Hnüüp goi a lüng kawn ah Kalile kho Kana gawnu ah hta m'um nakom ci. 2 A cu ah Bawipa Jesuh ah nu cu om tuk ci. Bawipa Jesuh laangdüihpüi gui cun phi hta m'um nak ah khü tu gui ci gui. 3 Hta m'cüümnak sapyit tui ng'pyi khätah, Bawipa Jesuh anu naw, “Ami sapyit tui ng'pyici nei” ci ne Bawipa Jesuh-am m'thein ci. 4 Bawipa Jesuh naw, “Kei nawbi kabi vai kä nam cäi ä, ka bi vai akhin kä gawk law phak ci nei” cik ci. 5Bawipa Jesuh ah nu naw, “A pyein päng ah om vä” ci ne ami shäm gui-amkiak na gui ci. 6 A cun ung chang gui naw, ami m'simsäi nak vai tui taanggoi ci ah zu nak ah hlüng nu gui chuk om ci. 7 Bawipa Jesuh naw, amichang shäm gui-am, “khlüng gui cä, tui k'be vä” ci khätah, khlüng avanpleeip khai ah k'be ci gui. 8 Bawipa Jesuh naw, “Khlüng ung kaa tui sookne, imah ang vaipi- am thak vä” ci sei, sook ne thak ci gui. 9 Ang vaipinaw tui ng'ploüh ciah sapyit tui cu aw shüm ci. Tui than ci gui naw, sapyittui a i ung kaa ng'khukhlat lawk ciah ami hmat ung phi, ang vai naw kähmat ci. 10 Cun ah kia sei ang vai naw chu mah cu khü netah, “Chang guinaw, sapyit tui asü cu cung ma u netah, akhnu ah aktai cu cung ba man cigui, nang läi tuhgüt asü na gim ci” cik ci. 11 Cun ah Bawipa Jesuh cuKalile kho Kana gawnu ah cäi aih vai ah abäimang nak dang law htükkhätah, angdüihpüi gui naw zum lawk ci gui. 12 Cun kawn ah BawipaJesuh cu, anu ni, anau gui ni, angdüihpüi ni awn, atäng ah Kapeniumgawnu ah hteit ne, hnüüp goi thum om tuk ci gui.

Bawipa Jesuh Pum Imah Hteit ci.

13 Jew chang gui ah phiawn nak pawi ng'et law sei, Bawipa Jesuh cuJerusalem ah hteit ci. 14 Jerusalem pum im ung, sepat ni, htome ni,

mümkha ni, zoi ci gui, tangka m'thawnghlai ci gui cu, 15 Bawipa Jesuhnaw hmu gui netah, htome ni seipat ni gui cu pum im ung kaa htung awnthat ne k'täm gui ci. Ami ngui gui huk pe gui ne, ami tawnglang phi lat pegui ci. 16 Cun kawn ah Bawipa Jesuh naw, “Shin gui avan hteh püi ba vä,Kapa ah im cu sumlei hmun ah kä kiak ci” ci ne mümkha zoi ci gui-amkiak na gui ci. 17 Cun kawn ah ang düihpüi gui naw, Ka taigü nakKhanpughi ah im theing ah hmawk ah, kamlung kyong cu mei cang ahmäih ah ng'ling aih ci” ciah cacim cu shüm ba ci gui. 18 Jew chang vai guinaw, “Nang naw shin gui na bi hning ah mawng kami hmat vai ah, cäicatvai a i ang nam dang hning kaw?” ci ne ng'shik ci gui. 19 Bawipa Jesuhnaw, “Shin ah pum im phi phye ne phlu vä, hnüüp thum ah kyong ung kaco ba khai nei” cik ci. 20 Jew chang gui naw, “Shin ah pum im cu, khokum phli-kip lei-chuk ung kami cawh nei, hnüüp thum ung na co ba hningkhai ma?” cik ci gui. 21 Bawipa Jesuh naw, pum im a ci cu amät ahpumsa a pyein ah kiak ci. 22 Cun ah kia sei angdüihpüi gui naw, BawipaJesuh sih nak ung kaa a thawh ba kawn ah, Bawipa Jesuh ah pyein gui ahthu m'kha la cacim cu shüm ba u netah zum law pi ci gui.

Bawipa Jesuh naw Chang-ah M'lung Ngaih Hmat Zawp Ci.

23 Bawipa Jesuh naw, phiawn nak (Pasakha) pawi zah ung Jerusalem ahcäi aih vai abi gui cu, chang gui naw hmu u netah, chang akda naw zumlawk ci gui. 24 Cun ung phi Bawipa Jesuh naw ami m'lung ngaih hmat guizawp ci kia ne, kä ngaih gep gui ci. 25 Ani naw ngami ah m'lung ngaihhmat gui zawp ci kia ne, ngami ah mawng cu a u naw am thein vai kä hlüci.

Bawipa Jesuh la Nikodemus

3:1 Jew chang gui ah ng'vaipi Nikodemus ming nak ciah pharise tumat cu,khomü ät ung Bawipa Jesuh ah om nak ah law netah, 2 “Rabbi, nang cuKhanpughi ah tüih law ah saza ah na kiak ciah kami hmat ci nei. A i ahkia sei ci ung, Khanpughi naw atäng ah kä a om püi ah chang naw, nang

ah bi ah cäi aih gui vai cu kä bi hlawt khai nei” ci ne pyein ci. 3 BawipaJesuh naw, “Kei naw akcang ka pyein cu, hnih vei ng'tüi nak kä gah ci nawKhanpughi ah uknak kho kä hmuk khai” ci ne kiak nak ci. 4 Nikodemusnaw, “Ang vai pyi cu a i cha ah ng'tüi ba khai ang? Anu ah puk khui ah lutba netah, akhnih vei nak ah ng'tüi ba khai ma?” ci ne ng'shik ci. 5 BawipaJesuh naw, “Kei naw akcang ka pyein cu, tui la Mumcha Theing awn käng'tüi ci cu Khanpughi ah uknak kho ah kä lut hlawt khai. 6 Chang ah sisaung ng'tüi ci cu chang ah kia ba ci, Mumcha theing ung ng'tüi ci cuMumcha Theing ah kia ba ci. 7 Akthai ah nami ng'tüi ba vai ka ci ah phähah kä cäicat vä. 8 Khokhi cu akhi nak hlü lam ah khi ci, kho akhi hmatung phi a hawi täng ah tün ne, a hawi täng ah khi khai ah kä hmat hlawtah mäih ah Mumcha Theing awn ng'tüi ci cu kiak ci,” ci ne m'thein ci. 9Nikodemus naw, “Cun cu a i ah kiak khai” ci ne ng'shi ba mä khätah; 10Bawipa Jesuh naw, “Nang cu Israel chang gui ah saza ng'vai ah kia langne, cun ka ci cu kä na hmat ci ma? 11 Kei naw akcang ka pyein cu, keiminaw kami hmat cu pyein u ne, kami hmuh cu kami ngak ci. Cun ung phikeimi ah pyein sak cu nangmi naw kä nami zum ci. 12 Khomdek khan ahmawng ka pyein hngaw kä nami zum ung, khankho ah mawng ka pyein cua i cha ah nami zum khai ang? 13 Khankho ah kaa kyum lawk ciah Changah Htapa ah kawn ah a u phi khankho ah kä gawk man ci nei.” 14 Mosenaw bungpuk ah ng'lawi awn k'phyu a tai ah mäih ah chang ah Hta cum'düih ne tai nak om khai nei. 15 Cun ah kia sei ani zum ciah chang phungcu ang täi ghin nak gah khai nei. 16 Khanpughi naw khomdek chang guim'hni aih netah tumat bäng ah Ahtapa cu zuk m'kyum lawk ci, Ani zumciah chang phung cu sihnak ung kä gawk ne angtäi ghin nak gah ci. 17Khanpughi naw Ahtapa am kyum law cu, khomdek khan ah kat nak m'katkhai ah kä kiak ci, hun phiawn nak pek khai ah kiak ci. 18 Khanpughi ahHtapa zum ciah chang cu a hma m'kat nak kä om ci, kä zum ciah changcu, Khanpughi ah Htapa kä ah zum ah hmawk ah, tuhbäi ge hma m'katnak gah ci. 19 Hma ci m'kat ne m'khoichaa nak ah mawng cu; akdei cukhomdek khan ah gawk lawk ci. Cun ung phi akshe ah om ci gui ah changgui cun naw, akdei ah mä ak hmüp cu m'hni pi ci gui. 20 Akshe ah omciah chang phung naw, akshe abi ang dang vai kyi ne, akdei cu kä ng'za

hlük ci. 21 Cun ung phi ng'düng nak awn om ciah chang cu, Khanpughi ahng'zak hlü ah a om ah mawng ang dang vai ah akdei ah law hlük ci.

Bawipa Jesuh la Johan

22 Cun kawn ah Bawipa Jesuh cu ang düipüi gui awn atäng ah Judea khopigaw gui zung ah hteit u ne zum ci gui cu tuihnim nak pe ne om ci gui. 23Johan cun phi Salim gawnu pei Anon pigaw ah tuihnim nak pe gui ne omci. Zum ciah chang gui cu Johan ah law ne tui ng'hnim ci gui. 24 (Cun zahung Johan thawng ung kä kium phak ci). 25 Johan ah khahpüi am shahgui cu, Jew chang gui awn tuihnim nak ah mawng pyein ne ng'cuhcan cigui. 26 Cun ah kia sei, ngami cu Johan ah law u netah, “Saza, Jordan tuinuhei gaa ah nang ah law man ci, a mawng phi na pyein man ah chang cu, nashüm ba ne ang? Ani naw tuhbäi tuihnim gui sei, chang akda ani ah lawk cigui nei” ci ci. 27 Johan naw, “Khanpguhi naw kä a peit ung a u naw a ikäm khüt ci. 28 Kei cu Messiah ah kä ka kiak ci, ani ah ma ung ami nakhma law ah ka kiak ci. Cun ka ci nami ng'zak ci cu saksi ah nami kiak ci.29 Ceimah ci khäm ci cu chumah ci ah kiak ci. Chumah ci ah teih püi cunnaw, chumah ci ah k'o cu ng'düi ne ngai netah, ang zak ung ang htei ah azeikiai ah mäih ah, kei ang htei ah ka zeikiai pyi ci nei. 30 Ani cu hlüngtailaw pi khai, kei cu kang neim law pi khai nei,” cik ci.

Khankho ah Kaa Kyum Lawk ci

31 Khankho ah kaa kyum lawk ci cu, van nüng ah hlüngtai pi ci. Khomdekung kaa lawk ci cu khomdek chang ah kia ne, m'dek khan ah mawng cupyein ci. Cun ung phi khankho ah kaa lawk ci cu apäng avan ah hlüngtai pici. 32 Ani naw a hmuh la ang zak cu pyein sei phi ani ah ng'thu cu a u nawkä dou ci. 33 Ani ah ng'thu dou ciah chang naw Khanpughi cu düng nak aha kiak ah mawng dang sak ci. 34 Khanpughi naw a tüih law cu Mumchaawn pleip khai ah akbe ah kia ne, ani cu Khanpughi ah ng'thu bäng pyeinci. 35 Apa Khanpughi naw Ahtapa cu m'hni aih netah, bämang nak avan cuakut ung ap ci. 36 Ahtapa zum ciah chang cu angtäi ghin nak gah ci. Kä

zum ciah chang cu ghin nak kä hmuk khai. Ani ah khan ah Khanpughi ahm'lung she nak om khai.

Bawipa Jesuh La Samaritan Hnumi

4:1 Bawipa Jesuh naw Johan ah peit ah da pi khai ah zum ci gui-amtuihnim nak a peit gui cu, pharise gui naw ng'zak ci gui. 2 (Akcang ahBawipa Jesuh amät naw tuihnim nak kä pek ci, ang düihpüi gui bäng nawpek ci gui.) 3 Pharise gui naw ami ng'zak cu Bawipa Jesuh naw hmatnetah Judea kho ah kaa Kalile kho ah htie ba ci. 4 Cun ah lam cu Samariakho sun pah ne hteh ah kiak ci. 5 Ngami cu Samria kho Jakop naw ahtaJosef-am a peit ah lo pei ah, Saika pigawnu ah gawk lawk ci gui. 6 A cunung Jakop ah tui shawk om ci. Bawipa Jesuh cu lam a hteh nak bawngbainetah, tui shawk pei ah ngok ci. Cun zah cu hnüüp lunglai ah kiak ci. 7Samaritan hnumi cu tui than khai ah law khätah Bawipa Jesuh naw, “Tuina tu toä” cik ci. 8 (Cun zah ung ang düihpüi gui cu pigaw ah ei vai khleihzah ci gui). 9 Cun ah hnumi naw, ‘Nang cu Jew chang ah na kiak ci, kei cuSamaritan chang ah ka kiak ci, a i vai tui na na ng'zoih ang?” cik ci. (Jewchang gui cu Samaritan chang gui ah ei awk nak ung, kä ei aw tu man cigui ah kia sei, cun ah a pyein ah kiak ci). 10 Bawipa Jesuh naw, “Nangnaw Khanpughi ah m'gein nak la, tuhbäi tui ning ng'zoi ci cu na hmat vai süung, ani ah ghin tui gei cu nang zoi khai sü te, ani naw phi cun ah tui cuning pek khai süte” cik ci. 11 Cun ah hnumi naw, “Bawipa, nang ung tuithan nak vai phi kä om ci, tui shawk phi thuuk ci, a i chaa ah ghin nak tuigei cu na gah khai ang? 12 Shin cu kami pughi Jakop ah tui shawk ah kiasei a hta ng'shon ung, asei akchang avan naw a awk ah kiak ci nei, ani ahmä nang na ng'vai pi ciah kia ne ma?” cik ci. 13 Bawipa Jesuh naw, “Shinah tui awk ci cu tui gha ba khai; 14 cun ung phi kei ah pei tah tui awk cicu a ngawi ah phi tui kä gha ba khai. Cun ah tui cu ani ah m'lung kyongung ghin nak tui gei ah khawng ne long ne, ani-am angtäi ghin nak cu pekkhai” cik ci. 15 Cun ah hnumi naw, “Bawipa, cun ah tui cu, na peä, cunung tui phi kä ka gha ba khai, tui phi kä ka than ba khai” ci ne ng'zoi ci. 16Bawipa Jesuh naw, “Hteit ne na cei va khü baä” cik ci. 17 Cun ah hnumi

naw, “Kei kä ka ceimah ci” ci ne pyein ci. 18 Bawipa Jesuh naw, “Kä kaceimah ci, na ci cu na cang ci, cun ung phi na cei chang sing hma om pyici, tuhbä na ni om ci cu, akcang ah na cei ah kä kiak ci. Tuhbäi nang nawakcang na pyein ci” ci ne kiak nak ci. 19 Cun ah hnumi naw, “Bawipa,nang cu profet ah na kiak ci. 20 Keimi Samaritan chang gui naw, shin ahm'htung ung Khanpughi kami khawihnah ci, nangmi Jew chang gui naw,Jerusalem ah Khanpughi nami khawihnah ci” ci ne kiak nak ci. 21 BawipaJesuh naw, “Hnumi awi, ka pyein cu ngai ä; shin ah m'htung ah phi bäi,Jerusalem ah phi bäi, Khanpughi kä khawihnah nak ba vai ah akhin gawklawk khai nei. 22 Nangmi Samaritan chang gui naw, a u nami khawihnahkä nami hmat ci, keimi Jew chang gui naw a u kami khawihnah cu kamihmat ci;a i ah kia sei ci ung hun phiawn nak cu Jew chang gui ung kaa,gawk lawk ciah kiak ci. 23 Cun ung phi Khanpughi khawihnah ci nawmumcha thamah nak awn akhawihnah vai ah akhin cu gawk law pyi ci,cun cu Khanpughi ah ng'zak hlü ah kiak ci. 24 Khanpughi cu Mumcha ahkia sei, khawihnah ci naw, mumcha la bekhüt nak awn a khawihnah vai”cik ci. 25 Cun ah hnumi naw, “Messiah Bawipa a gawk law vai cu, kahmat ci, ani a gawk law ung apäng avan nam thein gui khai” ci ne pyein ci.26 Bawipa Jesuh naw, “Cun ah Messiah Bawipa cu, tuhbäi nang ning thupüi ciah, kei ah kiak ci nei” ci ne kiak nak ci. 27 Cun zah ung, BawipaJesuh ah ang düihpüi gui gawk law ba u ne, cun ah hnumi awn ani ng'thucu hmu u netah, ang htei ah cäcat ci gui. Cun ung phi, nang hnumi a i nangza hlük ci ang? Nang Bawipa a i vai shin ah hnumi nang thu püi ang?, ci nea u naw phi kä pyein ci gui. 28 Cun ah hnumi cu a tui than nak nawngshüt-en ne, pigaw vah dawng ba netah chang gui ah ma ah, 29 “Kei ah kaom ih phung avan pyein hning ciah chang lawk ci nei, law ne teng law tuvä, ani cu Messiah ah kiak khai nei,” cik ne m'thein gui ci. 30 A cunvai-am pigaw ah chang gui cu Bawipa Jesuh ah om nak ah lawk ci gui. 31A cun zah ung angdüihpüi gui naw, “Sazapa, ei ei toä” cik ci gui. 32Bawipa Jesuh naw, “Nangmi ah kä hmat ah ei ka ei pyi ci nei” ci ne kiakna gui ci. 33 Cun ci khätah ang düihpüi gui cu, “A u naw bawh ei vai thaklaw pyi sei ang? ci ne ami mät ng'thu ci gui. 34 Bawipa Jesuh naw,nagmi-am,” Kei ah ei awk cu, na tüi lawk ciah ang zak hlü ah om vai la

abi pyi ne bi vai ah kiak ci. 35 Nangmi naw, chaa-phli a om ba ung, geitkhäm khin gawk lawk khai nami cik ci, cun ung phi geit ko gui cu, khämge vai ah hmin pyi ci gui nei, 36 geit khäm ci cu, ng'cheng gah ne, angtäighin nak ah geit cu khäm ba ci, cun ah kia sei, geit ci la khäm ci cu angtäiah zei kiai khai goi nei”. 37 Tumat naw geit sei tumat naw khäm ba ci”ciah ng'thu cu akcang ah küm ci nei. 38 Kä nami geitko nak te ah lo ung,nami khäm tawng ba khai ah ka ning tüi gui ci, a hei gui ah bi nak ung kaa,nangmi ung akpawih lawk khai nei” cik ci. 39 Samaritan hnumi naw,Bawipa Jesuh naw apäng avan a hmat ah mawng cu m'thein tu gui sei,Samaritan chang akda naw Bawipa Jesuh cu zum ci gui. 40 Cun ah kia seiSamaritan chang gui law u ne, Bawipa Jesuh cu a om tu cang vai ah chouu sei, hnüüp goi om tuk ci. 41 Bawipa Jesuh ah ang thu ng'zak netahchang akda naw zum lawk ci gui. 42 Ngami naw cun ah hnumi-am,“Keimi naw kami zum law cu nangah nam thein gui ah hmawk ah kä kiakci, kami mät naw ang thu cu ng'za u ne kami zum ci. Khomdek khan ahHunbawi akcang ah kiak ciah kami hmat ci” cik ci gui.

Bawipa Jesuh naw, Zungbawi ah Hta Gai Sak ci.

43 Cun ah pigaw ah hnüüp goi om tu netah Bawipa Jesuh cu Kalile khoah hteit ba ci. 44 “Profet cu a mät ah kho ah chang naw akchang m'sui nakkä om ci” ci ne amät naw pyein ci. 45 Kalile kho ah a gawk law ba ungBawipa Jesuh cu chang akda naw a na dou ci gui. A i ah kia sei ci ungJerusalem ah pasakha pawi ung Bawipa Jesuh ah bilawh gui cu avan hmutu pyi te ci gui ah kia ne, kiak ci. 46 Cun kawn ah Bawipa Jesuh cu tui,sapyit tui ah a pyan nak, Kalile kho kana pigawnu ah gawk law ba ci. Cunung asozah zung bawi tumat om tuk ci. Ani ah hta cu Kapenium gawnu ahgaw ne om ci. 47 Ani naw Bawipa Jesuh cu Judea kho ah kaa, Kalile khoah a law ba hmat netah, Kapenium gawnu ah law ne, si lawge vai ne gawciah a hta cu am gai ba vai ah khü lawk ci. 48 Bawipa Jesuh naw,“Nangmi cu cäi aih gui vai la cäicat gui vai, kä nami hmuh ung kä namizum ci” ci ne kiak na gui ci. 49 Zungbawi naw, “Bawipa, ka hta kä a sihpha ung na gawk law vai ah lawä” cik ci. 50 Bawipa Jesuh naw, “hteit

baä, na hta ghing gai ba khai nei” cik ci. 51 Bawipa Jesuh ah ng'thu cuzum ne hteit ba khätah lam ah akchang shäm ana law ne, “na hta gai bapyi ci nei” cik ci. 52 Ani naw a hta a i ah khin ung tüi ne agai law ba ahng'shi gui sei, ngami naw, “zanta hnüüp keeing nazi khat zah ung gai lawba ci” cik ci gui. 53 Bawipa Jesuh naw, “Na hta ghing ba khai nei” a cinak cu a cun ah akhin ah kiak ciah apa naw shüm ba netah, ani la akyongung kaa ami van naw Bawipa Jesuh cu zum ci gui. 54 Cun cu Judea khoah kaa naw Kalile kho ah alaw ba kawn ah Bawipa Jesuh naw cäi aih vaiabi nak akhnih vei nak ah kiak ci.

Tuili Pei ah Akgaw Gai Ba sak ci

5:1 Cun kawn ah Jew chang gui ah pawi om sei Bawipa Jesuh cuJerusalem kho ah hteit ba ci. 2 Jerusalem pigaw hto m'kawt pei ahng'phoh hma ah ami ng'vong ah tuili tumat om ci. Cun cu Hebru ng'thuawn ‘Bethzatha’ ah pyein ci gui. 3 Cun ah ng'vong pei ah amik m'dauh ni,akho hnget ni, akut kho shum ci ni, ak gaw akda ng'zän ci gui. 4(Khanpughi ah khankho chang cu kyum law ne, tui ak hnawh law ung, tuing'hnawk ung ng'hnim ma ci cu gai ba man ci kia sei, tui hnawk cu ngängci gui). 5 A cun ung khokum thum-kip-lei-cheit ung gaw ci phi om tuk ci.6 Bawipa Jesuh naw, cun ah chang a hmuh vai-am aksho a gaw law cuhmat netah, “Na gai hlük ci ang?” ci ne ng'shik ci. 7 Cun ah ak gaw naw,“Bawipa, tui ang hnawh law ung, tuili ung nang hnim tu sak khai phi a ukä om ci nei. Tui ung kang hnim tuk khai ka pawng tu zah ung a heing'hnim ma ci ci nei” ci ne pyein ci. 8 Bawipa Jesuh naw, “Ng'düi law ne,na zih phah kawt ne hteitä” ci ne kiak nak ci. 9 A cun vai-am ak gaw cugai ba ne, azih phah kawt ne ng'düi law ne hteit ci. Cun ah Hnüüp cuKyinnak Hnüüp ah Kiak ci. 10 Cun ah kiak sei Jew chang ng'vai gui naw,“A u naw a ning gai ba sak ang? thu ngawi cu kyinnak hnüüp ah kiak ci, nazih phah la ne na law ba cu thukhän nak kaan ciah kiak ci” ci ne kiak nakci gui. 11 Gai ba ciah chang naw, “Na gai sak ba ci naw, na zih phah la ne,ng'düi law ne hteit ä, cik ci nei” ci khätah; 12 Ngami naw, “cun ah nabi vaipyein ci cu a u ang?” ci ne ng'shik ci gui. 13 Cun ung phi cun zah ah chang

akda om ci gui ah kia ne, Bawipa Jesuh abü ah hteit tei ba sei, ani gai basak ci cu a u bä ah kä hmat ba ci. 14 Cun kawn ah Bawipa Jesuh naw cunah chang cu pum im ah hmu ba netah, “Tuhbäi na gai lawk ci, cun kawnah hmakat nak kä na bi vai, hmakat nak na bi ba ung cun ah tä pi ci cu naaut khai” ci ne kiak nak ci. 15 Ani cu hteit ba netah, Jew chang ng'vai guiah ma ah, “Na gai ba sak ci cu Jesuh nei” ci ne m'thein ba gui ci. 16 Cunah kyin hnüüp ung akgaw a gai ba sak ung tün ne, Bawipa Jesuh cu Jewchang vai gui naw, gen lawk ci gui. 17 Bawipa Jesuh naw, “Kapa cuangtaï ah bi bik ciah kia sei, kei phi ka bik khai” cik ci. 18 Kyin hnüüpng'thukhän kaan ne bi bik netah mä, Khanpughi am kapa a ci la amätKhanpughi awn täng ciah a pyein ah hmawk ah Jew chang ng'vai gui naw,Bawipa Jesuh cu ngawn vai ah ng'ge law pi ci gui.

Ahtapa ah M'Khüt Näng nak

19 Bawipa Jesuh naw, “Kei naw akcang ka pyein cu,’ Ahtapa naw amätah ngaih ah a i kä bi hning ci, Apa ah bi bi a hmuh ah mäih ah vah bi bikci. Apa naw abi cu Ahta naw phi a cun ah bi ba ci. 20 Apa naw Ahta cum'hni ne abi gui phung cu m'thein zawp ci. Shin ah a mawng gui ahhlüngtai pi ci cu Apa naw m'theikaan khai kia sei, nangmi naw nami ngaihtüh khit khai. 21 Apa naw aksi m'ghin ba ne, ghin nak a peit ah mäih ahAhtapa naw phi ang zak hlü ah chang cu m'ghin ba khai. 22 Apa naw a uphi kä m'khoi m'chak ci. Cun ung phi Ahtapa-am düng sei m'khoichaa naknüng cu pek ci. 23 Cun ah kiak sei Apa kyih-aa ah mäih ah Ahtapa phichang van naw a kyih aa vai nei. Ahtapa kä kyih aa ci cu, tüi lawk ciahApa kä kyih-aa ciah kiak ci. 24 Kei naw akcang ka pyein cu, “Kei ahng'thu ngai ne, kei na tüi lawk ci, zum ciah chang cu, angtäi ghin nak gahci. Ani ung m'khoichaa nak kä om ba khai. Ani cu sih nak näng ne ghimnak gah pyi ciah kiak ci. 25 Kei naw akcang ka pyein cu, akhin gawk lawpyi ci, chang si gui naw Khanpughi ah Ahtapa ah k'o ng'za u netah, ghinnak ami gah nak ba vai ah akhin cu, tuhbäi gawk law pyi ci nei. 26 Apa cughin nak ah a phung ah a kiak ah mäih ah Ahtapa cun phi, ghin nak ah aphung ah a kiak vai ah ap pyi ci nei. 27 Ahtapa cu chang ah Htapa ah kia

sei m'khoichaa nak nüng vai phi ap pyi ci nei. 28 Cun ah phäh ah kä cäicatvä, aksi gui cu Khanpughi ah Ahtapa ah ak'o cu ng'za u netah; 29 ng'cimhmun ung kaa ami thawh ba nak vai ah a khin cu gawk khai nei; a om nikci gui cu tho ba ne ghing ba khai gui, a om shek ci gui cu tho ba u ne phishetkat nak gah khai gui nei.

Bawipa Jesuh ah Saksi Gui

30 “Ka mät ah m'khüt näng nak awn a i kä ka bi hning ci, Khanpughi ahnam cäi ah mäih ah m'khoichaa nak ka bik ci. Ka mät ah ng'zak hlü ah kabi vai ah kä ka tha nak ci, na tüi lawk ciah ang zak hlü bäng ah bi ka bikci;cun ah kia sei kei ah m'khoichaa nak cu düng ci. 31 Kei naw ka mät ahmawng pyein ne ka saksi ung kä nami ngaih gep khai. 32 Cun ung phi keiah mawng pyein ne saksi ci tumat om ci. Ani ah saksi cu düng ciah keinaw ka hmat ci. 33 Nangmi naw Johan-am ng'shä nami tüih ci, ani cu düngnak awn saksi ci. 34 Kei ah hmawk ah chang a saksi vai ah kä hlü te ci,cun ung phi nangmi naw hun nak nami gah vai ah ka pyein ah kiak ci. 35Johan cu ng'läh ne däi ciah mei-im awn täng sei, ani ah akdei ung ashängzei ne nami om hlük ci. 36 Cun ung phi Johan ah saksi ah däm pi ciahsaksi nak kei ung om ci. Kapa naw na ap sei tuhbäi ka bilawh nak gui awn,kei cu Kapa naw ana tüih law ah mawng saksi cu dang ci nei. 37 Na tüilawk ciah Kapa Khanpughi amät naw phi, kei ah mawng cu saksi ci.Nangmi naw ani ah k'o kä nami ng'za man khai, amüi phi kä nami hmuman khai; 38 Ani ah tüih law kä nami zum ci kia ne, ani ah ng'thu cunangmi ah m'lung kyong ung kä om ci. 39 Cacim ung angtäi ghin nak omkhai ah ngai ne cacim bäng nami teng ci. Acun ah cacim naw kei ahmawng cu saksi ci. 40 Cun ung phi nangmi cu angtäi ghin nak gah vai ahkei ah kä nami law hlük ci. 41 “Chang ah m'hlüngtai vai kei naw kä kang'za hlük ci, 42 Cun ung phi nangmi ah mawng cu ka hmat ci. Nangmi ahm'lung kyong ung Khanpughi zumhni nak kä om ci. 43 Kei cu Kapa ahm'khüt näng nak awn ka lawk ci, cun ung phi nangmi naw kä nami na douci. Chang tumat cu amät ah m'khüt näng nak awn a law vai sü ung namidou khai sü te nei. 44 Nangmi nami mät tumat naw tumat am hlüngtai vai

nami ng'za hlük ci. Cun ung phi tumat bäng om ciah Khanpughi naw aningm'hlüngtai gui vai kä nami tha nak ci. Cun ah kia sei nangmi naw kei ahawk chaa ah nami na zum khai zaw? 45 Cun ung phi kei naw Khanpughiah ma ah cheishoh nak ka ning pe gui khai ah kä nami ngaih vai. Namicheishoh nak ning m'dang pe gui khai cu nami ngaih u ah Mose ah kiak ci.46 Mose naw kei ah mawng cu ca ung gu pyi ci kia sei, ani akcang ahnami zum ung kei phi nami na zum khai. 47 Cun ung phi nangmi nawMose ah ca guk cu, kä nami zum ci kia ne, a i hawk chaa ah kei ah ng'thucu nami zum khai ang?” ci ne kiak na gui ci.

Bawipa Jesuh naw Chang Phia-hma-kip Ei M'Bei ci

6:1 Cun kawn ah Bawipa Jesuh cu Kalile tuili (Tiperih tuili) hei ga lam ahvang kat ci. 2 Gawpai ci gui a gai sak ba gui cäi aih vai ah hmu tu te ci guiah chang akda naw a hnu ah läk lawk ci gui. 3 Bawipa Jesuh cu m'htungkhan ah hang kai ne, ang düihpüi gui awn atäng ah ngok ci gui. 4 Cun zahung Jew chang gui ah phiawn nak pawi cu ng'et lawk ci. 5 Bawipa Jesuhnaw a pei ah chang akda a law hmu netah, “Chang shikchü naw a ei vai ahawi khleih vai ang?” ci ne Philip cu ng'shik ci. 6 (Cun cu Philip am nümnak ah ang shi ah kiak ci, a mät naw a i a bi vai avan hmat pyi ci). 7 Philipnaw, “Ngui phia-goi phu khleih ung phi, chang shikchü naw api ciah phikäng küh khai gui nei” ci ne pyein ci. 8 Ang düihpüi tumat Siomn Peter ahanau Antaru naw, 9 “shi ah akhmaw tumat naw m'hut pum hma la ngapahnih sho ci nei. Cun ung phi chang shikchü-am ng'büh khai ah käm beihlawt vai nei” cik ci. 10 Bawipa Jesuh naw, “Chang gui cu ngoh sak guivä” cik ci. (Cun zah ah ngoh nak vai nep ci). Cun ah kia sei phia-hma-kipah däm ciah chang gui cu ngok ci gui. 11 Bawipa Jesuh naw m'htut cu lane Khanpughi ah taigü netah, chang gui-am tei gui ci. Nga phi la ne tei guici. 12 Chang avan naw ami phü ci ah ei ci gui. Chang avan naw ei ne amiphü kawn ah Bawipa Jesuh naw ang düihpüi gui-am, “Ami ei pawih guikäng theh-en khai ah m'dawn ne gim ba vä” ci ne kiak na gui ci. 13 M'htutpum hma la nga pahnih Bawipa Jesuh naw a tei, chang gui naw ami eipawih avan m'dawn ba u sei, them-dawn gha-lei-goi ung be lawk ci. 14

Cun ah Bawipa Jesuh naw cäi aih vai abi gui hmu tuk ciah chang gui naw,“Shin ah chang cu khomdek khan ah gawk lawk khai ami ciah, profetakcang ah kiak ci nei” cik ci gui. 15 Cun ah chang gui naw Bawipa Jesuhcu, ghangpughang ah ling ne k'hmoh lawk khai gui ah hmat netah, amätbäng khomhtung khan ah kai ne om ci.

Bawipa Jesuh Tui Khan ah Hteit Ci

16 Mühun lam ah Bawipa Jesuh ah ang düihpüi gui cu, Kalile tuili ah zukyum ba u ne, 17 hleiko ng'cum ne Kapenium gawnu gaa ah vang kat vüba ci gui. Khomü law güt sei Bawipa Jesuh cu ang düihpüi gui ah om nakah kä gawk law ba ci. 18 Cun zah ung kho ng'pheet ne khi law sei, tuiliung tui ng'hnawk lawk ci. 19 Ang düihpüi gui cu, maing thum phli vai unghleiko awn ami hteh kawn ah Bawipa Jesuh cu tui khan ah ng'düi ne ana avü sei hmu u netah, cäicat ne kyikyawk ci gui. 20 Bawipa Jesuh naw, “Käkyikyawk vä, kei nei” cik ci. 21 Cun kawn ah ang düihpüi gui cu zeikiai une, Bawipa Jesuh cu ng'hleiko khan ah ana dou ba ci gui. A cun vai-amvang gaa tui- kam ah gawk ne va kai ci gui.

Chang Gui Naw Bawipa Jesuh Shui Ci Gui

22 A ngawi ung vang gaa ah om shüt ciah chang gui naw, hleiko tumat omte ci, ci ne shui ba ci gui. A cun ah hleiko ung Bawipa Jesuh kä om tu sei,ang düihpüi gui bäng ami hteh ba cu hmuk ci gui. 23 Cun ung phi Tiperiaah kaa lawk ciah hleiko gui cu Bawipa Jesuh naw taigü ne chang akda-amei am bei nak gui te ah pei ah gawk lawk ci gui. 24 Chang gui naw a cunung Bawipa Jesuh la ang düihpüi gui cu kä hmu u netah, hleiko ung kai bane Bawipa Jesuh shui ba khai gui ah Kapenium kho gaa ah vang kat vü baci gui.

Bawipa Jesuh cu Ghin nak m'Htut ah Kiak ci.

25 Chang gui naw Bawipa Jesuh cu tui vang gaa täng ah hmu ba u netah,“Sazapa, a i zah ung shin gaa ah na gawk law ba ci-ang?” ci ne ng'shik ci

gui. 26 Bawipa Jesuh naw, “Kei naw akcang ka pyein cu, nangmi naw keinami na shui cu, cäi aih vai kabi nami hmuhmat su ah kä kiak ci, m'htutnami phü ah nami ei tu ah hmawk ah kiak ci. 27 Shekaa thei ciah ah eiawk cu käk tha nah ne, kä shekaa thei ciah, ang täi ghin nak ah ei awk cutha na vä. Khanpughi naw hlüngtai nak a ap pyi ah kia sei, chang ah Htapanaw cun ah ei awk cu nangmi-am ning pe gui khai nei” ci ne m'cäi gui ci.28 Chang gui naw, “Keimi cu Khanpughi ah ng'zak hlü ah kamihnünthawh hning vai ah a i ang kami bi kaw?” ci ne ng'shik ci gui. 29Bawipa Jesuh naw, “Khanpughi ah ang zak hlü cu amät naw a tüih law ahakchang cu nami zum vai ah kiak ci nei” ci ne kiak na gui ci. 30 Cun ahchang gui naw, “Keimi naw hmu u netah, kami ning zum nak hning vai ah,a i cäi aih vai gui ang nam dang kaw? 31 A i gui ang nabi kaw? Cacimtheing ung, “Ani naw khankho ah kaa m'htut cha lawk ci” ciah a om ahmäih ah kami pughi gui naw, bungpuk khong-gau ah Mannah m'htut cu eici gui nei” cik ci gui. 32 Bawipa Jesuh naw, “Kei naw akcang ka pyein cuMose ah ning peit gui ah m'htut cu, khankho ah kaa ei awk ah kä kiak ci,Kapa Khanpughi naw aning peit gui cu, khankho ah kaa m'htut akcang ahkiak ci. 33 Khanpughi ah na peit gui ah m'htut cu, khankho ah kaa kyumlaw ne, khomdek chang gui-am ghin nak pe gui ciah kiak ci,” ci ne m'theingui ci. 34 Cun ah chang gui naw, “Bawipa, cun ah m'htut cu keimi amangtäi sei na pe gui ä” ci ne ng'zoi ci gui. 35 Bawipa Jesuh naw, “Kei cughin nak m'htut ah ka kiak ci, kei ah lawk ci cu a i sangung phi ei kä cawiba khai;kei na zum ci cu a i zah ung phi tui kä gha ba khai. 36 Cun ung phinangmi naw, kei cu, na hmu lang u ne, kä nami na zum ci, ka ci pyi ci nei.37 Kapa naw a na ap ah chang phung cu kei ah lawk khai gui. Kei ah lawkciah chang phung cu a u phi kä ka m'hlat ba khai. 38 A i ah kia sei ci ung,kei cu kamät ah ng'zak hlü ka bik khai ah khankho ah kaa ka kyum lawkciah kä kiak ci, na tüi lawk ciah ng'zak hlü ka bik khai ah ka kyum lawkciah kiak ci. 39 Na tüi lawk ciah ang zak hlü cu, amät ah na ap ah changgui di maih nak ung kä gawk khai gui ah, akhnu hnüüp ung sihnak ung kaaka thawh ba sak gui vai ah kiak ci. 40 Kapa Khanpughi naw Ahtapa hmune zum ciah chang phung cu, angtäi ghin nak a gah vai ah ng'za hlük ci.Kei naw phi, ngami cu, akhnu hnüüp ung sihnak ung kaa, ka thawh ba sak

gui khai” ci ne m'thein gui ci. 41 Bawipa Jesuh naw, “Kei cu khankho ahkaa kia lawk ciah m'htut ah ka kiak ci” cik ci. Cun a ci cu chang gui nawngai khit u netah, 42 “Shin ah chang cu Josep ah hta, Jesuh ah kä kia neang? Ani ah anu la apa phi mi hmat zawp ci maw, a i ah kia sei tuhbäi,‘Kei cu khankho ah kaa ka kyum lawk ci’ a ci ang?” cik ci gui. 43 BawipaJesuh naw, “Nami mät naw kä ngaih tüh khit vä, na tüi lawk ciah Kapanaw kä a law püi ung, 44 a u phi kei ah kä law hlawt khai, kei ah lawk cicu akhnu hnüüp ung sih nak ung kaa ka thawh sak ba khai. 45 Profet guiah ca guk ung, “Chang avan cu Khanpughi naw m'theithang gui khai,Kapa ah ng'thu ng'za ne akni ah ng'thei ci gui phung cu kei ah law ci gui.46 Kei naw ka pyein hlü cu, chang naw Khanpughi hmu man ci, ka ci ahkä kiak ci, Khanpughi ung kaa lawk ciah chang bäng naw, Khanpughi cuhmu man ci. 47 Kei naw akcang ka pyein cu, “Kei na zum ciah chang cuangtäi ghin nak gah ci. 48 Kei cu ghin nak m'htut ah ka kiak ci. Namipughi pa gui cu, 49 bungpuk khonggau ah, mannah m'htut cu ei u ne phi, sizawp ci gui. 50 Cun ung phi khankho ah kaa kia lawk ciah m'htut ei ci cu,sih nak kä hmuk khai. 51 Kei cu khankho ah kaa kia lawk ciah ghing ciahm'htut ah ka kiak ci. Cun ah m'htut ei ciah chang phung cu, angtäi ahghing khai. Kei naw ka ning peit gui ah m'htut cu, khomdek chang gui nawghin nak ami gah nak vai ah, ka sa ah kiak ci,” ci ne m'thein gui ci. 52 Cunci khätah chang gui naw, “A i hawkchaa ah ani naw mi ei vai ah asa na pegui khai ang?” ci ne m'lungshe ne ng'cuh ci gui. 53 Bawipa Jesuh naw,“Kei naw akcang ka ning m'thein gui cu, chang ah Htapa ah asa kä ei ne,asi kä nami awk ung, nangmi naw ghin nak kä nami gah khai. 54 Kei ah saei ne kei ah si awk ci cu, ang täi ghin nak gah ci, akhnu hnüüp ung ani cukei naw sih nak ung kaa ka thawh ba sak khai. 55 Kei ah sa cu ei akcangah kiak ci, kei ah si cu awk akcang ah kiak ci. 56 Ka sa ei ne ka si awk cicu kei ung om ci, kei phi ani ung ka om ci. 57 Ghing ci ah Kapa naw anatüih law ah kia ne, kei cun phi Kapa awn ka ghing ci. A cun ah mäih ahkei na ei ciah chang cu, kei awn ghing khai. 58 Shin ah m'htut cu khankhoah kaa kia lawk ciah kia ne, ei kawn ah sik nak ah kiak ciah, nami pupagui ah ei ah m'htut awn kä täng ci. Shin ah m'htut ei ciah chang phung cuangtäi ah ghing khai” ci ne m'thein gui ci. 59 Shin gui cu Kapenaum

gawnu ah pum im ung Bawipa Jesuh naw am theithang gui ah kiak ci.

A ngtäi Ghin nak ah ng'Thu Gui

60 A hnu ah läk ci gui ah chang akda naw, shin ah ng'thu gui cu ng'za unetah, “Shin ah am theithang gui cu ghaat aih ci, a u naw läk m'khüt khaiang?” cik ci gui. 61 Cun ah ami ngaih khit cu a u naw kä am thein ah,Bawipa Jesuh naw hmat netah, “Shin ah ng'thu ah hmawk ah namim'lungk'si ne ma? 62 Chang ah Htapa cu a om nak htük ah kho ah a hangkai vü ba nami hmuh law ung mä, a i ah nami ngai khai ang? 63Khanpughi ah Mumcha Theing naw hnun gui cu ghin sak ci, chang ahhlüngtai nak naw a i käm khüt ci. Kei naw tuhbäi ka ning m'thein gui ahng'thu cu, Khanpughi ah ghin nak Mumcha ah kiak ci. 64 Cun ung phinangmi ung kaa am shah naw kä zum ci” ci ne kiak na gui ci. (Kä zum tukciah chang gui la ga ah kut ung ap khai ah chang cu Bawipa Jesuh nawakhtük ge ung hmat ci). 65 Cun ah kia sei Bawipa Jesuh naw, “Kei nawtuhbäi ka pyein hlü cu, Kapa Khanpughi naw kä am gein ung a u phi, keiah kä law hning ci” ci ne kiak na gui ci. 66 Cun ung tün ne Bawipa Jesuhah angkhah püi gui akda cu kängläk tu ba ne ng'hlat ba shüt ci gui. 67 Cunah kia sei Bawipa Jesuh naw, angdüihpüi chang gha-li-goi am, “Nangmimä, kei ah hnu ah nami na läk nak ung kaa nami ng'hlat ba hlük ci ang?” cine ng'shi gui ci. 68 Simon Peter naw, “Bawipa, a u ah om nak ah keimikami hteh vai ang? Nang Bawipa bäng naw vah angtäi ghin nak ah ng'thucu na pyein ci. 69 Nang cu Khanpughi ung kaa kyum lawk ciah, khanchang theing ah na kiak cu, tuhbäi hmat ne kami ning zum ci nei” ci nepyein ci. 70 Bawipa Jesuh naw, “Kei naw chang gha-lei-goi ka ning ghügui ciah kä kia ne ang? Cun ung phi nangmi ung kaa chang tumat cu,khoshe ah kiak ci nei” ci ne kiak na gui ci. 71 Simon Iskariot ah hta Judascu, angdüihpüi gha-lei-goi ung kaa ah kia tu pang ne phi, Bawipa Jesuh cugaa ah kut ung ap khai ah chang ah kia khätah, cun ah a pyein ah kiak ci.

Bawipa Jesuh La Anau Gui

7:1 Cun kawn ah Bawipa Jesuh cu Kalile kho ah pawng ne hteit ba ci.Jew chang gui naw ngawn vai ah ami ng'ge cu hmat netah, Judea kho ahkä hteit ba hlük ci. 2 Jew chang gui ah geit ah shawk nak ah pawi cu ng'etlawk ci; 3 Cun ah kia sei Bawipa Jesuh ah anau gui naw, “Nang ah bilawhgui cu ning läk lawk ciah chang gui naw, ami hmuhmat tu vai ah shin ungkaa pawng ne, Judea kho ah hteit baä, 4 Ming thang hlük ciah chang nawa u naw phi abilawh cu käm zih man ci nei. Nang naw cäi aih gui vai na biba ung, khomdek ah khan ung chang avan naw a hmat vai ah na bi vai nei”ci ne pyein ci gui. 5 (A nau gui naw phi Bawipa Jesuh cu kä zum ci gui). 6Bawipa Jesuh naw, “Kei ah akhin kä gawk law phak ci, nangmi ah a khinläi cu angtäi sei gawk lawk ci. 7 Khomdek chang naw nangmi kä ning thüina gui ci, cun ung phi ngami ah shetkat nak cu, kei naw m'dang ne pyeinngä sei, kei cu na thüi nak ci gui. 8 Cun ah pawi ung nangmi hteit vä, keicu ka khin kä gawk law phak ci ah kia sei kä ka hteit khai” ci ne kiak nagui ci. 9 Cun ci netah Bawipa Jesuh cu Kalile kho ah om lä ci.

Geit Shawk Khophung Pawi ung Bawipa Jesuh Hteit ci.

10 Cun ah pawi ung anau gui ami hteh kawn ah Bawipa Jesuh cu adüm ahhteit tuk ci. 11 Jew chang vai gui naw cun ah pawi ung Bawipa Jesuh cushui u netah “Cun ah chang a hawi ang” ci ne k'tä ci gui. 12 Chang akdanaw ani ah mawng cu adüm düm ah pyeinsak ci gui. Am shah naw, “shinah chang cu chang ni nei” cik ci. Am shah naw, “chang ni ah kä kiak ci,chang m'hleehlak ciah chang nei” cik ci gui. 13 Cun ung phi Jew chang vaigui cu kyi u netah, a u naw phi ang dang ah kä pyeinsak ci. 14 Pawi ami binak kho hnüüp cawih cawih law khätah, Bawipa Jesuh cu taigü im ahhteit ne m'theithang gui ci. 15 Jew chang ng'vai gui cu ang htei ah cäicat unetah, “a hawi ah phi kä ng'theithang man ci naw, a i hawk chaa ah shingui a hmat ang” cik ci gui. 16 Bawipa Jesuh naw, “Shin gui cu ka mät ahm'theithang ah kä kiak ci, na tüi lawk ciah Khanpughi ung kaa lawk ciahkiak ci. 17 Khanpughi ah ang zak hlü ah om hlük ciah chang phung naw,kei ah ng'thu pyein gui cu ang ngaih ung, Khanpughi ah ng'thu la kei kamät ah ng'thu ah a kiak ah, m'khoicha ne hmat khai nei. 18 Amät ah ng'zak

hlü pyeinsak ci cu, amät ah ming thang nak vai ah kiak ci. Cun ung phi tüilawk ciah ming thang vai ng'za hlük ci naw, düng nak awn ng'thu pyein ci,ani ung hleeihlak nak kä om ci. 19 Mose naw thukhän ning pe gui ciah käkia ne ang? Nangmi tumat naw phi thukhän kä nami läk ci. A i ah kia seikei nami na ngawn khai ah nami pawng püi ang?” ci ne kiak na gui ci. 20Cun ah chang gui naw, “Nang ung khoshe om ci nei, a u naw nang ningngawn khai ah pawng püi sei ang?” ci ne kiak na tu ba ci gui. 21 BawipaJesuh naw, “Kei naw cäi aih vai tumat ka bi ung nami van nami cäi cat ci.22 Mose naw ‘nami hta gui cu vun-aat ne nami kyon gui vai’ ci sei, kyinhnüüp ung phi ak hmaw cu vun-aat ne nami kyon ci. (Cun cu Mose ah tünlaw ah kä kiak ci, nami pupa gui ah bi man ah kiak ci. 23 Akhmaw tumatkyin hnüüp ung vun-aat ne kyon ah hmawk ah Mose ah thukhän kaan ahkä ah kiak ung; a i ah kia sei kyin hnüüp ung akgaw ka gai sak ah hmawkah nami m'lungshe ang? 24 Khan shai awn dang ci düt teng ne kämkhoichaa u ne, düng nak awn m'khoichaa nak nami bi vai nei” ci ne kiak nagui ci.

Ani Cu Messiah Ang?

25 Jerusalem ah chang am shah gui naw, “Shin ah chang cu ang vai guinaw ngawn vai ah shui ci gui ah kä kia sei ang? 26 Teng vä, ani naw,chang khli naw a hmuhmat vai ah m'theithang ci nei. Cun ung phi a u nawphi kä maa nak ci nei. Ani cu Messiah ah kiak ci, ciah ang vai gui naw phiakcang ah hmat u ne ang? 27 Messiah cu a law ung a hawi ah kaa lawkciah a u naw kä hmat khai, cun ung phi shin ah chang ah a law nak cu a unaw phi mi hmat ci nei” cik ci. 28 Taigü im ung m'theithang gui ne a omzah ung Bawipa Jesuh naw, “Nangmi naw kei cu nami na hmat ci, a hawiah kaa ka law phi nami hmat ci. Cun ung phi kei cu ka mät ah ngaih ah kalawk ciah kä kiak ci, kei na tüi lawk ci cu düng nak awn kümbe ci, ani cunangmi naw kä nami hmat ci. 29 Cun ung phi kei cu ani naw na tüi law sei,ani ung kaa ka lawk ciah kia ne, kei naw ani cu ka hmat ci,” ci ne m'lau nepyein ci. 30 Chang gui naw Bawipa Jesuh cu phak khai gui ah tha na tupang u ne phi, amät ah khin kä gawk phak ci kia sei, a u naw phi kä phak

ci gui. 31 Chang khli ung kaa akda naw Bawipa Jesuh cu, zum law unetah, “Messiah a kyum law ung, shin ah chang ah bilawh ah mä, däm piciah cäi aih gui vai cu m'dang lawk khai ang? ci ne ng'shik ci gui.

Bawipa Jesuh Phak Khai ah Gakap Gui Tüi ci Gui

32 Cun ah chang gui naw, Bawipa Jesuh ah mawng ami pyein cu ng'za unetah, pharise gui la taigüpa gui naw, gakap gui cu tüi ne Bawipa Jesuh cuphaa sak gui ci gui. 33 Bawipa Jesuh naw cun ah chang gui-am,” Kei cunangmi awn atäng ah ashäng hta bäng om ba netah, na tüi lawk ciah omnak ah ka hteit ba khai nei. 34 Nangmi naw kei cu nami na shui ung phi känami na hmuk khai, a i ah kia sei ci ung, kei ah gawk nak vai ah nangmi känami law tu hlawt khai” ci ne kiak na gui ci. 35 Jew chang vai gui naw,“Mik mi naw shui ne kä mi hmuh vai ah, a hawi lam ah hteit khai ang? Michang gui ah om nak Karik mang gaw gui ah hteit ne m'theithang gui khaiang? 36 Ani naw nami na shui ung phi kä nami na hmuk khai, ka gawk nakah phi kä nami law tu hlawt khai, cik ci;cun cu a i a pyein hlü ang?” ci neami mät ng'thu ci gui.

Ghinnak ah Tuilawng

37 Ami pawi ah ang hning nak pi la ang pyi nak ah hnüüp ung, BawipaJesuh cu ng'düi law netah, “Tui gha ci naw kei ah law ne tui aw law sä; 38Cacim ung om ciah mäih ah, kei na zum ciah chang ah m'lung kyong ungghin nak tui cu, tui-ci lawng ah mäih ah khawng ne long khai nei” ci nem'lau ne pyein ci. 39 Cun zah ung Bawipa Jesuh cu ahlüngtai nak kä dangphak ciah kia sei, zum ciah chang gui-am Mumcha theing phi kä ap guihning phak ciah kiak ci. Cun ah kia sei zum ci gui ah gha law vai ahMumcha Theing cu pyein ne ang shäu ah kiak ci.

Chang Gui ah Ngaih Ng'Pai Ci

40 Chang khli ung kaa chang akda naw Bawipa Jesuh ah ng'shäu cu ng'zau netah, “Shin ah chang cu profet akcang ah kiak ci nei” cik ci gui. 41

Chang am shah naw, “Messiah cu Kalile kho ung kaa law hning khai ma?42 Messiah cu David Ghangpughang ah htang'shon, David Ghangpughangah gawnu Bethlehem ung ng'tüi lawk khai ciah, cacim ung om ciah kä kiasei ang?” cik ci gui. 43 Cun ah kia sei Bawipa Jesuh ah mawng pyein nechang gui ami ngaih ng'pai zawp ci. 44 Chang am shah naw ani cu pha hlüu ne phi a u naw kä phak ci.

Jew Chang Vai Gui Naw Kä Ami Zumnak

45 Gakap gui cu pharise gui la taigüpa gui ah om nak ah law ba u khätah,a i ah kia sei pha ne kä nami law püi ang?” ci ne ng'shi gui ci gui. 46Gakap gui naw, “A u chang naw phi shin ah chang ah mäih ah ng'thu käpyein man ci nei” cik ci gui. 47 Pharise gui naw, “Nangmi mah mah ahning m'hleei law gui ne ma? 48 Mi ng'vai gui la Pharise gui ung kaa, anizum ciah chang om ne ang? 49 Shin ah chang gui cu ng'thukhän kä hmat cigui ah kia ne, Khanpughi ah taam nak gah pyi ci gui nei” cik ci gui. 50Cun ah pharise gui ung Nikodemus phi ng'khap tuk ci. Ani cu azanBawipa Jesuh ah law man ciah chang ah kiak ci. 51 Nikodemus naw,“Mik mi ah thukhän awn pyein ah a kiak ung; a u chang phi akat nak dangkhai ah käng shi-en ah, a pyein nak tuba hning vai kä peit-en ah, mi m'kathning khai ma? ci ne pyein ci. 52 Cun ah chang gui naw, “Nangmi Kalilekho ah kaa ma? Cacim cu teng ba shüm ä, Kalile kho ung a u profet phi käom man ci, cun cu na hmat khai nei” ci ne kiak nak ci gui.

Pawmzau Ciah Hnumi Ami Pha

8:1 Cun kawn ah chang gui cu ami im phäh phäh ah hteit ba ci gui. 2 Cunung phi Bawipa Jesuh läi cu Olive m'htung ah kai ci. A ngawi ung khongawi hta ah taigü im ah hteit ba ne chang gui akda law u sei, ngo netahm'theithang gui ci. 3 Thukhän saza gui la pharise gui naw, hnumi tumat cupami awn ani ng'zaw zah ung hmu u netah pha ne law püi ci gui. Ngaminaw cun ah hnumi cu ami ma ah m'düih u netah; 4 Bawipa Jesuh ah maah, “Sazapa, shin ah hnumi cu, pami awn ng'zaw ni sei hmu ne kami phaa

nei. 5 Thukhän ung Mose naw, “shin ah mäih hnumi cu lung awn vawi nengawn vai” ci ne thu na khän gui ci, nang naw a i ah na pyein khai ang?” cine ng'shik ci gui. 6 Ngami naw Bawipa Jesuh cu m'kat hlü guih u netah, a iah a pyein law hman ah ci ne, ami m'nüm nak ah kiak ci. Cun ung phiBawipa Jesuh cu kawp netah, akut khiu awn m'dek chüüt ne gu ne ngokci. 7 Ngami naw cun ah leng ba ba ne ng'shi laih u khäh tah, Bawipa Jesuhnaw, “Nangmi ung kaa ahma kat nak kä om ciah chang naw, ani cu lungawn vawi law ma sä” ci ne kiak na gui ci. 8 Cun kawn ah kawp ne m'dekchüüt ne ngoh ba ci. 9 Cun aci ng'za u netah ang vai ba gui ma ba u sei,tumat täi ah hteit ba zawp ci gui. Hnumi amät bäng Bawipa Jesuh ah peiah ng'düi ba shüt ci. 10 Bawipa Jesuh cu täu law ba netah, cun ah hnumiam, “Ahawi ang ami hteh zawp, nang na kat nak ning m'khoichaa pekkhai, tumat phi kä om ba ne ma?” ci ne kiak nak ci. 11 Cun ah hnumi naw,“Bawipa, tumat phi kä om ba ci nei” ci ne pyein ci. Bawipa Jesuh naw,“Kei naw phi na kat nak kä ka ning m'khoichaa khai, hteit baä, cun kawnah kat nak kä na bi ba vai” ci ne kiak nak ci.

Khomdek Khan ah Akdei ah Kiak Ciah Bawipa Jesuh

12 Bawipa Jesuh naw, Pharise gui-am,” Kei cu khomdek khan ah akdeiah ka kiak ci, kei ah hnu ah na läk ciah chang cu ghin nak akdei gah khai,a i zah ung phi kho hmüp khui ung kä hteit ba khai”, cik ci. 13 Pharise guinaw, “Nang cu na mät ah hmawk ah na saksi ci, cun ah kia sei ngaih gepvai kä kiak ci” cik ci gui. 14 Bawipa Jesuh naw, “Kei naw ka mät ahmawng ka saksi cu, ngaih gep ci. A i ah kia sei ci ung, a hawi lam ah kaalaw ne, a hawi lam ah hteh ba vai cu kei naw ka hmat ci, Nangmi naw ahawi lam ah kaa law ne, a hawi lam ah hteh ba vai cu kä nami hmat ci. 15Nangmi naw chang ah ng'zak hlü bäng ah m'khoichaa nak nami bik ci;keinaw a u ah khan ah phi m'khoichaa nak kä ka bik ci. 16 Kei nawm'khoichaa nak ka bi ung phi cun cu ng'düng ci. A i ah kia sei ci ung kei cuka mät ka om ciah kä kiak ci, na tüi lawk ciah Kapa Khanpughi awn atängah kani om ci. 17 Nangmi ah thukhän ung saksi hnih naw a kawng ät ahani pyein cu akcang ah kiak ci,” ciah om ci. 18 Kei naw ka mät ah mawng

ka saksi ci, na tüi lawk ciah Kapa naw phi, kei ah mawng cu saksi ci” cine kiak na gui ci. 19 Ngami naw, “Napa cu a hawi ang?” ci ne ng'shik cigui. Bawipa Jesuh naw, “Nangmi naw kei phi kä nami na hmat ci, Kapaphi kä nami hmat ci. Kei nami na hmat vai sü ung Kapa phi nami hmatkhai sü te” ci ne kiak na gui ci. 20 Shin cu Bawipa Jesuh naw, taigü imkhawh peit nak ah kyong khui ah am theithang gui ah kiak ci. Cun ung phiamät ah akhin kä gawk law phak ciah kiak sei, ani cu a u naw phi kä phakci.

Ka Hteh nak ah Kä Nami Hteit Tu Hlawt Khai

21 Bawipa Jesuh naw, “Kei ka hteit ba khai, nangmi naw nami na shuikhai, cun ung phi nangmi nami kat nak awn nami sik khai, kei ah hteh nakah nangmi kä nami hteit tu hlawt khai,” ci ne kiak na gui ci. 22 Jew changvai gui naw, “Ani a hteh nak ah mik mi kä mi hteit tu hlawt khai ah pyeinci, amät naw amät ngawn ne sik khai ang?” cik ci gui. 23 Bawipa Jesuhnaw, “Nangmi cu shin ah m'dek nami kho nak ci, kei cu khan ah kaa kalawk ci. Nangmi cu shin ah khomdek chang ah nami kiak ci, kei cu shin ahkhomdek chang ah kä ka kiak ci. 24 Cun ah kia sei nangmi cu, nami katnak awn nami sik khai, “Kei cu kei ah ka kiak ci” ka ci cu kä nami zum aha kiak ung nami kat nak awn nami sik khai” ci ne kiak na gui ci. 25 Ngaminaw, “Nang a u ang?” ci ne ng'shik ci gui. Bawipa Jesuh naw, “Kei a u ahka kiak cu, a htük ung ka ning m'thein gui pyi ci. 26 Nangmi ah mawng kapyein vai akda om ci, nami kat nak ka ning m'kat gui vai phi akda om ci.Kei na tüi lawk ci cu düng ci, ani ung kang zak gui bäng vah, khomdekchang gui-am ka ning m'thein gui ci,” ci ne kiak na gui ci. 27 BawipaJesuh naw Apa Khanpughi ah mawng a pyein phung cu ngami naw kähmat ci gui. 28 Cun ah kia sei ani naw, “Chang ah hta cu häi ne nami taikawn ah vah,’ Kei cu kei ah'ka kiak ah mawng la kei naw ka mät ahng'zak hlü ah kä kiak ciah, Pa Khanpughi ah nam cäi ah mäih ah kabilawh cu nami hmat khai. 29 Kei na tüi lawk ci cu kei awn atäng ah omci;ani ah ng'zak hlü bäng ah ang täi sei ka bik ci kia sei, ani naw kei ka mätbäng kä na nawng ci” ci ne m'thein gui ci. 30 Cun ah Bawipa Jesuh ah

ng'thu ng'zak ciah chang akda naw, Bawipa Jesuh cu zum lawk ci gui.

Chang Pängze La Chang Shäm

31 Bawipa Jesuh naw zum ciah chang gui-am, “Nangmi cu kei ah kangthu zum ne, nami bi ung kei ah kang düihpüi ah nami kiak ci; 32 Nangminaw düng nak cu nami hmat khai, düng nak naw nangmi cu ning m'hlawtgui khai,” ci ne kiak na gui ci. 33 Cun ah chang gui naw, “Keimi cuAbraham ah hta ng'shon ah kami kiak ci. A u ah changshäm ah phi käkami kia man ci, a i ah kia sei ning m'hlawt gui khai, na ci ang?” cik ci gui.34 Bawipa Jesuh naw, “Kei naw akcang ka pyein cu kat nak bik ciahchang phung cu, kat nak ah changshäm ah kiak ci. 35 Chang shäm cu imkyong ung angtäi ah kä om tuk ci, cun ung phi htapa läi cu ang täi ah omci. 36 Htapa naw a ning m'hlawt gui ah a kiak ung nangmi cu akcang ahnami phiawng khai. 37 Nangmi cu Abraham ah hta ng'shon gui ah ka ninghmat gui ci. Cun ung phi kei ah m'theithang kä ng'za hlü u ne, kei nami nangawn khai ah nami tha nak ci. 38 Kei cu Kapa ah nam cäi ah mäih ahkang thu ci, nangmi cu nami pa ah pyein ah mäih ah nami bik ci,” ci ne kiane gui ci. 39 Ngami naw, “Keimi ah pa cu Abraham nei” cik ci gui.Bawipa Jesuh naw, “Nangmi cu Abraham ah hta gui ah nami kiak ung,Abraham ah mäih ah nami bik khai. 40 Khanpughi ah ng'thu kang zak ahmäih ah kei naw ka ning m'thein ba gui ci, cun ung phi nami na ngawn khaiah nami tha nak ci, Abraham naw cun ah kä bi te ci. 41 Nangmi läi namipa ah bi ah mäih ah nami bi ba ci” ci na gui ci. Ngami naw, “Keimi ungKhanpughi bäng kami pa om ci, keimi cu ani ah na hta gui nei” cik ci gui.42 Bawipa Jesuh naw, “Khanpughi cu nami Pa akcang ah a kiak ung,nangmi naw kei nami nam hni khai, a i ah kia sei ci ung, kei cu Khanpughiung kaa law ne, ka gawk lawk ci, ka mät ah ngaih ah ka lawk ciah kä kiakci, ani naw ana tüih law ah kiak ci. 43 Kei ah thu cu a i ah kia sei kä namihmat ang ci ung, nangmi ung kei ah ng'thu nami hmat nak vai thagui kä ahom su ah kiak ci. 44 Nangmi ah pa cu satan ah kiak ci, nangmi cu nami paah ng'zak hlü bäng ah nami bi hlük ci. Satan cu a htük ge ung chang ngawnciah kiak ci, Ani ung düng nak kä om sei, düng nak awn kä om phung ne

hleeihlak thei ci. Ani cu hleeihlak nak ah apa ah kia ne, ang tüi püi ge ahhleeihlak thei ci. 45 Kei naw düng nak akcang pyein-ä sei, nangmi naw känami zum ci. 46 Kei naw kat nak kabi ah mawng a u naw m'dang hningkhai ang? Kei naw düng nak akcang ka pyein ung a i ah kia sei kä namizum ang? 47 Khanpughi ung kaa lawk ci naw Khanpughi ah thu ngai ci,nangmi cu Khanpughi ung kaa kä nami lawk ciah kia ne, ani ah ng'thu cukä nami ngai ci” ci na gui ci.

Bawipa Jesuh La Abraham

48 Ngami naw Bawipa Jesuh-am,” Nang cu Samaritan chang, khoshe ahkai nei “kami ci cu kä hman ne ma?” ci nak ci gui. 49 Bawipa Jesuh naw,“Kei cu khoshe naw kä na kai ci, kei naw Kapa cu kamtam khah ci, cunung phi nangmi naw kei cu nami na ng'zomsho ci. 50 Kei naw ka mät ahhlüngtai nak vai kä ka shui ci, cun ung phi kei ah hlüngtai nak vai shui ne,kei lam ah om ne, m'khoichak ci cu om ci. 51 Kei naw akcang ka pyein cu,kei ah m'theithang läk ci phung cu ngawi ah phi kä sik khai” ci na gui ci.52 Ngami naw, “Nang cu khoshe naw a ning kai ah kami hmat ci nei,Abraham si pyi ci, profet gui phi si pyi ci gui, cun ung phi kei ah thu ngaici cu kä si hlawt khai” na cik ci. 53 Nang cu si pyi ciah kami pa Abrahamah mä na hlüngtai pi ne ma? Profet gui phi si zawp pyi ci gui nei, nang nawna mät cu a u ah nang ngai ci ang?” ci ne ng'shik ci gui. 54 Bawipa Jesuhnaw, “Kei naw ka mät kamtam khah ung, kei ah hlüngtai nak cu a kholäah kiak ci. Kei namtam khah ci cu kei ah Kapa ah kiak ci. Ani cu nangminaw kami Khanpughi nei” nami cik ci. 55 Nangmi naw ani cu kä namihmat ci, cun ung phi kei naw ka hmat ci. Kä ka hmat ci ka ci ung ka hleeika pyein ciah kiak khai. Kei naw Kapa cu akcang ah hmat ne ang thu cuka ngai ci. 56 Nami pa Abraham cu kei ka law vai ah a khin hmu lawkkhai kia ne zei ci, a cun hmu tuk cang ci kia ne zeikiai ci,” ci na gui ci. 57Ngami naw, “Nang cu na khokum hma-kip phi kä be phak ci, a i hawkchaa nei, Abraham cu na hmuh tu man vü” cik ci gui. 58 Bawipa Jesuhnaw, “Kei naw akcang ka pyein cu, Abraham kä ang tüi pha ung kei ka ompyi ci nei” ci na gui ci. 59 Ngami naw Bawipa Jesuh ami vawih nak vai

lung kaw ci gui. Cun ung phi Bawipa Jesuh cu ng'thup ne taigü im ung kaaa hei lam ah hteit ci.

Anupuk ah Amik m'Dauh ci Bawipa Jesuh naw M'dei Sak ci.

9:1 Bawipa Jesuh a hteh shüi shüi nak ah anupuk ah amik m'dauh ciahchang cu hmuk ci. 2 Angdüihpüi gui naw, “Sazapa, shin ah chang a mikm'dauh cu amät ah kat nak ah phäh ah ang?;anupu ah kat nak ah phäh ahang?” ci ne ng'shik ci gui. 3 Bawipa Jesuh naw, “Ani ah mik am dauh cu,amät ah katnak suh ah phi kä kiak ci, anupa ah kat nak ah phäh ah phi käkiak ci, Khanpughi ah hlüngtai nak ani ung ang dang vai ah hmawk ahkiak ci. 4 Kei na tüi lawk ciah ah bi cu kho adei zah ung mi bik khai. A unaw bi kä abi nak hlawt vai ah kho a münak gawk lawk khai. 5 Kei cukhomdek khan ah ka om zah ung khomdek khan ung akdei ah ka kiak ci,”cik ci. 6 Cun ci netah Bawipa Jesuh naw m'dek la ne amshi awn m'thawhne m'thau ci, cun kawn ah amik m'dauh ah mik cu, ng'nai awn hluk netah,hteit ne Silom tuili ung vam hla ä” cik ci. 7 (Silom ah ming cu, ‘Tui ci’ciah kiak ci). Ani cu hteit ne a hmai vam hla netah m'dei ne law ba ci. 8Ani cu ng'zoi ne ei man te ci kia sei, azan ani hmuh man te ciah, ami pei ahkaa gui naw, “ani cu ngo ne ngui ng'zoi man ciah kä kia ne ang?” cik cigui. 9 Chang am shah naw, “ani nei” cik ci gui, am shah naw “Kä ani nei,ani awn täng ciah chang nei” cik ci gui. Amät naw “Kei cu a cun ah changnei” cik ci. 10 Chang gui naw, “A i hawk cha ah ang na mik am dei lawba” cik ci gui. 11 Ani naw, “Jesuh ming nak ciah chang naw, ng'nai awnkamik na hluk netah, Silom tuili ung nam hla sak sei, vam hla netah kamdei law ba ci” cik ci. 12 Chang gui naw, “Ani hawi ang?” ci u sei, cun ahchang naw, “kä ka hmat ci nei” cik ci.

Pharise Gui Naw Gainak Gah Ciah Chang gui Ami ng'Shi ah Mawng

13 Chang gui naw azan amik m'dauh te ciah chang cu, Pharise ah om nakah law püi ci gui. 14 Bawipa Jesuh naw, ng'nai piang ne cun ah mik am deisak ba hnüüp cu kyin nak hnüüp ah kiak ci. 15 Pharise gui naw amik am

dei law ba ah mawng cu ng'shik ci gui. Ani naw, “Kei ah mik cu ng'naiawn na hluk khätah tui ung vam hla ne, kam dei lawk ci” cik ci. 16 Phariseam shah naw, “Ani cu kyin nak thukhän kä ngai ci, Khanpughi ah kaalawk ciah kä kiak khai” cik ci gui. Am shah naw, “Kat nak abi ah akiakung cäi aih vai gui kä bi hning khai sü te” cik ci gui. Cun ah kiak ne ngamicu ami ngaih ng'pai lawk ci. 17 Pharise gui naw, amik m'dauh te ci ahchang-am, “Na mik ning m'dei ba sak ci cu a u chang ang?” ci ne ng'shi baci gui. Cun ah chang naw, “Ani cu profet nei” ci ne m'thein ba gui ci. 18Cun ung phi Jew chang vai gui naw, ani amik am dauh te tuhbäi am deilaw ba cu kä zum u netah, anupa gui khü ne ng'shik ci gui. 19 “Shin ahchang cu nami, hta ang? Ami pyein ah mäih ah anupuk ung amik m'dauh teci ang? Acun ah a kiak ung ani a i hawkcha ah amik m'dei lawk ciang?” cine ng'shik ci gui. 20 Anupa gui naw, “Shin ah chang cu kami hta nei,anupuk ge ung amik m'dauh man ci nei. 21 cun ung phi a i chaa ah amikam dei law ba la a u naw amik am dei ba sak cu, keimi naw kä kami hmatci nei, ani ng'vai law pyi ci kia sei amät ng'shi vä, amät naw hmat khai nei”cik ci gui. 22 Cun ah ami pyein cu Jew chang vai gui naw, Bawipa Jesuhcu Messiah nei, ciah zum ciah chang phung pum nak ung kaa, k'täm vai ahamik bäi pyi ah kia sei, a cun ami kyih ah hmawk ah kiak ci. 23 Cun ahkia sei anupa gui naw,” ani ng'vai pyi ci, amät ng'shi vä” ami ci ah kiak ci.24 Pharise gui naw, amik m'dauh te ciah chang cu khü ba mä u netah,“Khanpughi ah ma ah thukhän ne, düng nak awn na pyein vai, namik ningm'dei sak ba ciah chang cu kat nak bik ciah kami hmat pyi ci” ci nak cigui. 25 Ani naw, “Cun ah chang kat nak abi la kä ah bi cu kä ka hmat ci,kei ka mik m'dauh man te ci, tuhbäi kam dei law bäng vah ka hmat ci” cikci. 26 Ngami naw, “Ani naw a i chaa ang abilawh, a i chaa ang na mik aning m'dei ba sak” ci ne ng'shi ci gui. 27 Ani naw,“Hnü ät ka ning m'theingui pyi ci, kä nami ngai ci, a i ah kia sei nami ng'zak ba hlü mä ang?Nangmi mä ani ah chang ah nami kia tu hlük ci ma?” ci ne ng'shi tu ba guici. 28 Ngami naw, “Nang nei ani ah nik chang, keimi läi Mose ah nakchang gui nei. 29 Khanpughi naw, Mose am thu am thein cu kami hmat ci,cun ung phi shin ah chang a hawi kaa a law ah kä kami hmat ci” cik ci gui.30 Ani naw, “Nangmi naw ani a hawi kaa lawk ciah kä nami hmat ung phi,

ani naw kei ah mik nam dei sak pyi ci nei” ci na gui ci. 31 Khanpughi nawkat nak bik ciah taigü kä ngai ci, Khanpughi kyih-aa ne ang zak hlü ah bikciah chang ah taigü vah ngaih pek ci. 32 Cau puzin ung tün ne, anupuk ungamik m'dauh ci m'dei ba sak ci, ci cu kä mi ng'za man ci. 33 Ani cuKhanpughi ah kaa lawk ciah kä a kiak ung shin gui kä bi m'khüt khai süte” cik ci. 34 Ngami naw, “Nang cu nanupuk ung kat nak awn nang vailawk ciah kia lang ne, keimi na nam thein gui ci ma, ci ne pum im ung kaak'täm ci gui.

Mumcha Mik M'Dauh Ci

35 Cun ah a mik täm kawn ah ani cu Bawipa Jesuh naw hmu ba netah,“Nang naw chang ah Htapa na zum ci ang?” ci ne ng'shik ci. 36 Cun ahchang naw, “chang ah Htapa ci cu a u ang? Nam thein tuä, ka zum khai”cik ci. 37 Bawipa Jesuh naw, “Nang naw ani na hmu man ci, ani cu tuhbäinang awn nani ng'thu ciah kiak ci. 38 Amik m'dauh te ciah chang naw,“Bawipa, ka ning zum ci nei” ci ne Bawipa Jesuh ah ma m'khu khudongne kyap ci. 39 Bawipa Jesuh naw, “A mik m'dauh gui, ami mik m'dei neamik m'dei ci gui ami mik m'dauh khai ah m'khoichaa nak ka bik khai,khomdek khan ah ka lawk ci” cik ci. 40 Bawipa Jesuh a pei ah om ciahpharise gui naw, Bawipa Jesuh ah ng'thu cu ng'za u netah, “Keimi mäkami mik m'dauh ciah na pyein ci ma?” ci ne ng'shik ci gui. 41 BawipaJesuh naw, “Nangmi nami mik am dauh vai sü ung tuhbäi nami kat nak käom khai sü, cun ung phi keimi kami m'dei ci nei, nami cik ci kia ne,nangmi ung kat nak om ci” cik ci.

Htoshäm awn Amtumtäng Nak

10:1 Bawipa Jesuh naw, “kei naw akcang ka pyein cu, htochaam ahkyong ah m'kawt ung kä lut ne, a hei lam ung lut ci cu m'guk ei ah kiak ci.2 M'kawt ung lut ci cu htoshäm ah kiak ci. 3 M'kawt ngäng nawhtoshäm-am m'kawt hmawn pek ci. Hto gui naw, htoshäm ah k'aw ngai cigui. Ani naw hto gui ami ming ung khü gui ne khahpüi gui ci. 4 Hto gui a

chah gui van ung, amät ma ne hteit sei hto gui naw ak'aw hmat ne a hnu ahläk ci gui, ngami naw chang hei kä läk ci gui, 5 Chang a hei ami hmuhung, ani ah k'aw kä hmat ci gui kia ne püi ne dawng ci gui. 6 BawipaJesuh naw, “Shin ah m'tumtäng nak am thein gui cu a i ah pyein hlü ah kähmat ci gui.

Bawipa Jesuh Htoshäm Ni

7 Bawipa Jesuh naw a pyein ba mä cu,” Kei naw akcang ka pyein cu, keicu hto gui ah luh nak m'kawt ah ka kiak ci. 8 Kei ah ma ung lawk ci guiavan cu, m'guk ci gui ah kiak ci, ngami ah ng'thu cu hto gui naw kä ngai cigui. 9 Kei cu m'kawt ah ka kiak ci, cun ah m'kawt ung kei awn lut ciphung cu hun nak gah khai, ani cu lut ng'laang ne khu ali nak hmuk khai.10 M'guk ei cu, m'guk khai, ngawn khai, plawhsheh khai ah lawk ci. Keiläi cu nangmi naw ghin nak nami gah vai la ghin nak akümbe vai ah kalawk ci. 11 “Kei cu Htoshäm Ni ah ka kiak ci. Htoshäm ni cu hto gui ahhmawk ah a hnun ghin nak phi pek ci. 12 Chang ghüh cu htoshäm ah käkiak ci, hto gui ah ami mah ah phi kä kiak ci, cun ah kia ne, hngei a lawung hto gui cu nawng shüt gui ne dawng sei, hngei naw hto gui cu lo guici, hto gui phi püi ne dawng zawp ci gui. 13 Chang ghüh cu ng'vah ah kiakne, hto gui nawng gui ne dawng ci. 14 - 15 Kei cu htoshäm ni ah ka kiakci, Kapa naw kei cu na hmat ci, kei naw phi Kapa cu ka hmat ci, a cun ahmäih ah kei naw ka hto gui ka hmat gui ci, ngami naw phi kei cu na hmatci gui. Kei cu ka hto gui ah hmawk ah sih vai ka zum ci. 16 Shin ahchaam kyong ah kä lut law tu phak ciah a hei hto gui phi kei naw ka khämci, cun gui phi ka chum ba gui khai, ngami naw kang thu na ngai khai gui.Cun ah kia sei htomak tumat htoshäm tumat bäng ah kiak khai. 17 Kei cughin nak gah ba vai ah hmawk ah ka ghin nak ka pek ci kia sei, Kapa nawkei cu nam hni ci. 18 A u naw ghin nak kä na peit sak ci, ka mät ah ngaihah ka peit ah kiak ci. Kei ung ghin nak ka peit nak hning la ka gah nak bahning om ci. Cun ah ka bi vai ah Kapa naw ana täk ah kiak ci. 19 Cun ah ang'thu ah phäh ah chang gui ami ngaih ng'pai ba mä ci. 20 Chang am shahnaw, “Ani cu khoshe ah kai, ak gu nei, a i vai ang thu nami ngaih ang” cik

ci gui. 21 Chang am shah naw, “Khoshe ah kai cu, cun ah kä ng'thu hningkhai, khoshe ah kai naw a i chaa ah a mik m'dauh käm dei ba sak hlawtkhai” cik ci gui.

Bawipa Jesuh Ami Shedam nak

22 Cun zah cu khohting kho ah kia ne, Jerusalem ung taigü-im ap nakpawi bi zah ci gui. 23 Bawipa Jesuh cu taigü kyong, Solomon ah k'caw ahhteit shüi shüi ci. 24 Chang gui naw ani cu k'Koi u netah, “Keimi nawkami ngaih khit vai ah nang, a i güt na kiak khai ang? Messiah ah na kiakung keimi-am ang dang ah nam thein gui ä” cik ci gui. 25 Bawipa Jesuhnaw, “Kei naw ka ning n'thein gui pyi ci, cun ung phi nangmi naw kä namizum ci. Khanpughi ah nam cäi ah kabi nak naw kei ah mawng cu saksi ci.26 Nangmi cu kei ah htome ah kä nami kiak ci kia ne, kei cu kä nami nazum ci. 27 Ka htome gui cu kang thu ngai ci gui, kei naw ngami ka hmatgui ci, ngami naw phi kei na läk ci gui. 28 Kei naw ang täi ghin nak ka peitgui ah kia ne, ngami kä si hlawt khai gui. A u naw kei ah kut ung kaa,ngami cu kä na gut hlawt khai. 29 Ngami gui kei-am na ap ciah Kapa cu,avan ah hlüngtai pi ci kia ne, a u naw phi cun ah htome gui cu Kapa ah kutung kaa kä gut hlawt khai. 30 Kapa la kei cu tumat ah kani kiak ci.” cik ci.31 Cun ci khätah chang gui naw ami vawih nak vai lung kaw ba mä ci gui.32 Bawipa Jesuh naw, “Kapa naw na tüi täk sei, kei naw akni gui ka bi pyici, cun gui zung kaa a i ah phäh ah, kei lung awn nami na vawih hlü ang?”cik ci. 33 Ngami naw, “Akni nabi ah phäh ah kami ning vawih hlü ah käkiak ci, nang cu chang ah kia lang ne, Khanpughi ah ng'shei ne nang thu ahphäh ah kami ning vawi khai” cik ci gui. 34 Bawipa Jesuh naw, “Naming'thu khän ung Khanpughi naw, Nangmi cu Khanpughi ah mäih ah namikiak ci ci ne pyein ci. Cacim ung om ci cu angtäi ah bä ciah mi hmat ci. 35Khanpughi naw ang thu a peit gui cu, “Khanpughi ah mäih ah kia ci gui”cik ci. 36 Khanpughi naw kei cu na ghü ne khomdek khan ah na tüi lawkci. Cun ah kia sei, ‘Kei cu Khanpughi ah na Htapa ah ka kiak ci’, ka ci ahphäh ah Khanpughi m'kat ne thu ka pyein ah, a i chaa ah nami pyein hningkhai ang? 37 Kapa ah ng'zak hlü ah kä ka bi ung kä nami na zum vai, kabi

ung kei kä nami na zum ung phi kabilawh cu nami zum vai. 38 Cun ungvah Kapa cu kei ung om sei, kei cu Kapa ung ka om cu, na mi hmuhmatlawk khai” cik ci. 39 Cun ci khätah chang gui naw, Bawipa Jesuh cu phakkhai gui ah tha nak ci gui, cun ung phi ani naw lek gui ne a hei ah hteit ci.40 Bawipa Jesuh cu Jordan tui hei gaa ah vang kat ba ne, tuihnim Johannaw, tuihnim a peit nak man ah hteit ba ne om ci. 41 Chang akda cuBawipa Jesuh ah gawk law u netah, “Johan naw a i phi cäcat vai kämdang ci, cun ung phi shin ah chang ah mawng Johan ah pyein avan cu kümci nei” cik ci gui. 42 Cun ah kia sei, chang akda naw Bawipa Jesuh cuzum lawk ci gui.

Lazaruh a Sih ah Mawng

11:1 Bethani gawnu ah om ciah Lazaruh cu gaw ci. Bethani cu Mari laMahta ni ami om nak ah gawnu ah kiak ci. 2 (Shin ah Mari cu BawipaJesuh akho, tui ng'ui awn shawi ne alusam awn m'si ciah kiak ci, gaw ciahLazaruh cu ani ah be ah kiak ci). 3 Cun ah ng'pai nau goi naw, “Bawipa,nang naw nam hni ah chang cu gaw ci nei” ci ne chang m'cäi lawk ci goi. 4Bawipa Jesuh naw cun cu ng'za netah, “Shin ah gaw nak cu, sih nak vai ahkä kiak ci, Khanpughi ah hlüngtai nak ang dang nak vai la a shin ah gawnak awn Khanpughi ah Ahtapa ah hlüngtai nak ang shü khang nak vai ahkiak ci. 5 Bawipa Jesuh naw Mahta la Mari ni Lazaruh ni cu m'hni gui ci.6 Bawipa Jesuh cu Lazaruh ah gaw ang zak kawn ah a om nak ah hnüüpgoi om ba ci. 7 Cun kawn ah “Judea kho ah mi hteit ba khai nei” ci ne angdüihpüi gui kiak na gui ci. 8 Angdüihpüi gui naw, “Zasapa, chang gui nawlung awn ami ning vawih hlü nak kä shou phak ci maw, a cun ah kho bäah na hteit ba khai ma?” cik ci gui. 9 Bawipa Jesuh naw, “Hnüüp ät ungnazi gha-lei-goi om ciah kä kia ne ang? Kho hnüüp ung hteit ci cu akdeihmuk ci kia ne, kä m'thuih shawng ne akni ah hteit ci. 10 Khomü ung hteitci cu akdei kä hmuk ci kia ne m'thuihshawng ne ng'täng man ci” cik ci. 11Bawipa Jesuh cu cun ah a pyein kawn ah, “Mi teihpüi Lazaruh cu ip cinei, ani kam tho ba khai ah ka hteit khai” cik ci. 12 Angdüihpüi gui naw,“Ani ip ciah a kiak ung gai law ba khai nei” cik ci gui. 13 Bawipa Jesuh

naw Lazaruh asih cu a pyein ah kiak ci, cun ung phi angdüihpüi gui naw ihman ah a ih amawng a pyein ah ngai ci gui. 14 Cun ah kia sei BawipaJesuh naw, “Lazaruh sik ci nei; 15 Ani a gaw zah ung kei kä ka gawk lawcu nangmi naw nami zum vai ah phäh ah kia sei, nangmi ah phäh ah ka zeici, ani ah mi hteit khai” cik ci. 16 (Ang phi ah ming ciah) Thoma naw,“Sazapa awn atäng ah sih vai ah mi van mi hteit tuk khai” cik ne apaw guikiak na gui ci.

Bawipa Jesuh cu Thawhnak Ba La Ghinnak ah Kiak ci

17 Bawipa Jesuh a gawk law zah ung Lazaruh ami m'cim nak cu hnüüphli lüng pyi ciah kiak ci. 18 Bethani cu Jerusalem awn maing goi phi käng'lak nak ci. 19 Jew chang gui akda cu Mari la Mahta ani be ah sih nakah law u ne thüi tu püi ci gui. 20 Mahta cu Bawipa Jesuh a law ng'zanetah, “va dou khai ah hteit ci, Mari cu im ah om shüt ci. 21 Mahta naw,“Bawipa, nang na om vai sü ung kabe kä sik khai süte; 22 Cun ung phinang Bawipa naw nang zoih ung, Khanpughi naw ning pek khai ah, keinaw ka hmat ci nei,” cik ci. 23 Bawipa Jesuh naw, “Nabe cu ghing ba khainei” cik ci. 24 Mahta naw, “ak hnubäih kho hnüüp sik ci gui ami thawhlaw ba ung, tho ba ne ghing ba khai ah ka hmat ci nei” ci ne pyein ci. 25Bawipa Jesuh naw, “Kei cu thawh nak ba la ghin nak ah ka kiak ci, kei nazum ciah chang cu, a sih ung phi ghing ba khai; 26 Kei na zum ne tuhbäighing ciah chang cu, a i zah ung phi kä sik khai, kang thu na zum ci ang?”ci nak ci. 27 Mahta naw, “Ka zum ci nei Bawipa, nang cu khomdek khanung kyum lawk ciah Khanpughi ah Htapa, Messiah ah na kiak cu, ka zumci nei” ci ne pyein ci.

Bawipa Jesuh Kyap Ci

28 Cun kawn ah Mahta cu im ah hteit ba ne a nau Mari cu va khü banetah, “Bawipa Lawk ci, nang ah mawng phi na ng'shik ci,” cik ci. 29 Cunang zak vai-am Mari cu ng'düi law ne, Bawipa Jesuh ah om nak ah lawkci. 30 Bawipa Jesuh cu pigaw kyong ah kä gawk phak ci. 31 Mahta naw

ava dou nak ung om zah ci. Mari ngoh püi ne im ah om ciah chang guinaw, Mari ak zaang ah ng'düi law ne hteit khätah, ng'ciim hmun ah hteitkhai ah ngai ne läk tuk ci gui. 32 Mari cu Bawipa Jesuh ah om nak ahgawk ne, Bawipa Jesuh cu hmu law netah, “Bawipa, nang na om vai süung kabe kä sik khai süte nei” cik ci. 33 Bawipa Jesuh naw, Mari la aniawn lawk ci gui ah chang gui ami van kyap u sei hmu gui netah, ang hteiah thüi ne am lung kyong ah azä ci. 34 Bawipa Jesuh naw, “A hawi angnami m'ciim?” ci ne ng'shi gui ci. Ngami naw, “Bawipa, law ne teng law ä”cik ci gui. 35 Bawipa Jesuh cu kyap ci. Cun hmu u netah, Bawipa Jesuhakchang gui naw, 36 “Teng tu vä, ani naw Lazaruh cu ang htei ah m'hni cinei” cik ci gui. 37 Chang am shah gui naw, amik m'dauh hngaw m'dei basak ciah chang naw, Lazaruh cu käm ghin ba hlawt ne ma?” cik ci gui.

Lazaruh cu M'Ghin Ba Ci.

38 Bawipa Jesuh cu ang htei ah azä aih netah, ng'ciim hmun ah hteit ci. 39Phuh hmun cu lung awn khai ci gui. Bawipa Jesuh naw, “Lungnu cum'hnawn vä” cik ci. Sik ciah pai Mahta naw, “tuhta läi thu lawk khai nei,asih nak hnüüp phli law pyi ci” cik ci. 40 Bawipa Jesuh naw, “Nang nawna zum ah a kiak ung Khanpughi ah bämang nak na hmuk khai nei, ci neka pyein ciah kä kia ne ma? cik ci. 41 Cun ah kia sei chang gui naw, lungcu m'hnawn ci gui. Cun kawn ah Bawipa Jesuh naw, khankho dang netah“Kapa, ka taigü na ngaih pek ci sei, ka zeikiai ci nei; 42 Kapa nang nawkak taigü na na ngaih peit cu ka hmat ci, cun ung phi nang naw kei na natüih law cu, chang gui naw ami hmat vai ah, ngami ah hmawk ah ka pyeinah kiak ci nei” cik ci. 43 Cun kawn ah “Lazaruh, tho law ba ä” ci ne m'laukhätah si sei amik phuh cu akut la akho ung zawknak zih awn ng'hlawpne, 44 a hmai phi hlawp nak naw uk sei tho ne lut lawk ci. Bawipa Jesuhnaw, “Ang hlawp nak ah zih cu k'phian pe vä” ci ne kiak na gui ci.

Bawipa Jesuh cu Ngawn Vai ah Pawngpüi ci Gui

45 Cun zah ung Mari ah om nak ah lawk ciah chang akda naw, Bawipa

Jesuh ah bilawh cu hmu tu u netah, Bawipa Jesuh cu zum lawk ci gui. 46Amshah naw, Pharise gui ah hteit ne, Bawipa Jesuh ah bilawh gui cum'thein tu gui ci gui. 47 Cun ah kia sei,taigü ng'vai gui la pharise gui nawng'cuh u ne kawngsi ah hteit u netah,” Shin ah chang naw cäi aih vai guiakda bi pyi ci, mik mi naw a i kä bi ne mi om khai ma? 48 Shin ah changashin ah mi nawng ung chang päng naw ani cu zum lawk khai gui. Cun ungRoman bawi gui law u ne, na ci law gui khai gui, mi taigü im gui phiplawh lawk khai gui, mi kho phi m'di lawk khai gui” ci ne pyein ci gui. 49Ngami ung kaa cun ah khokum ung taigütung ah kiak ciah Kaiaphas naw,50 “Nangmi nami ang ci nei, Jew pakhui avan didap ah k'dam ah, pakhuiavan ah hamwk ah chang tumat asih ung bä pi khai ah kä nami hmat cima? ci ne kiak na gui ci. 51 (Cun aci cu ani amät ah ngaih düt ah a pyeinah kä kiak ci, ani cu acu kum taigütung ah kiak ciah kia ne, Jew changavan ah hmawk ah Bawipa Jesuh asih vai ah mawng la, 52 akho hei heiah püipawng ci gui ah Khanpughi ah chang gui, ami bum ba vai ah hmawkah Bawipa Jesuh asih vai ah mawng cu ng'dawt ne a pyein ah kiak ci). 53Cun ah hnüüp ung tün ne Jew chang vai gui cu, Bawipa Jesuh ngawn vaiah tängpang ne pawngpüi ci gui. 54 Cun ah kia sei Bawipa Jesuh cu Judeakho ung ang ngaih ah kä hteit hton ba ci. Cun ung kaa ng'düi ba ne, khong'gau kho ah pei Ephaim gawnu ah hteit ne, ang düihpüi gui awn atängah om ci gui. 55 Jew chang vai gui ah pasakha pawi ng'et law ciah kia sei,pigaw zung ah chang gui pawi kä a gawk law pha ung theingthap nak bivai ah Jerusalem ah gawk lawk ci gui. 56 Ngami naw Bawipa Jesuh cushui ci gui. Ngami cu taigü im ah ng'bum law u netah, “Ani cu shin ahpawi ung kä law tuk khai ah hmatphyak ci nei, a i ah nami ngai tuk ciang?” ci ne ami mät ng'cecäk ci gui. 57 Taigüpa gui la ang vaipi gui naw,“Jesuh cu pha vai kia sei, ani ah om nak hmat ciah chang naw a pyein lawvai nei” ci ne ng'thu ami m'shäk zawp pyi ah kiak ci.

Bethani ung Bawipa Jesuh ah Akho Tuing'ui awn Ami m'Si

12:1 Pasakha pawi ami bi nak vai hnüüp chuk m'hni ba khätah, BawipaJesuh cu Bethani ah hteit ne, sih nak ung kaa tho ba ciah Lazaruh ah im ah

om tuk ci. 2 Bawipa Jesuh-am mü-ei m'bei vai ah Mahta naw ei loi nechang ci. Bawipa Jesuh awn atäng ah vun ne, Lasaruh phi ei vai tuk ci. 3Cun zah ung Mari naw ang htei ah aphu küi ciah Naduh tuing'ui awnBawipa Jesuh ah akho cu hluk netah, alusam awn htuut ne ghu pek ci. 4Cun ah tuing'ui cu kyong khui avan ung ng'ui lawk ci. 5 Angdüihpüi tumatBawipa zoi khai ah chang naw, “a i ah kia sei shin ah tuing'ui cu ngui phiathum ah zoi ne pyamthaam ci gui-am kä na peit gui ang?” cik ci. Ani cuangawi ah ga ah kut ung Bawipa Jesuh ap khai ah chang ah kiak ci. 6 aninaw a cun ah a pyein cu, pyamthaam ci gui am gein gui su ah kä kiak ci,m'gu man te ci kia netah acun ah a pyein ah kiak ci. Ani cu ngui ng'ip k'bahci kia ne ngui m'gu ne mang ci ci. 7 Bawipa Jesuh naw, “Cun ah hnumi cukä tüihtook vä, kei ah ka gook htüm law ung kaa vai ah, shin ah tuing'uicu gim sä. 8 Pyamthaam ci gui cu nangmi awn angtäi ah nami om ci, keiläi cu nangmi awn angtäi ah kä ka om khai” ci ne kiak na gui ci.

Lasaruh Ngawn Vai ah Pawngpüi ci Gui

9 Bawipa Jesuh Bethani ah a gawk law cu ng'zak u netah chang akdagawk law ci gui. Ngami cu Bawipa Jesuh ami hmuh vai bäng ah kä kiakciah, Bawipa Jesuh naw sih nak ung kaa am ghin ba ah, Lasaruh phi hmuhlük ci gui. 10 Taigüpa gui naw Lasaruh ngawn vai ah pawngpüi ci gui.11 A i ah kia sei ci ung, Lasaruh ah hmawk ah Jew chang gui naw, ngamicu nawng-en gui ne, Bawipa Jesuh cu ami zum law ah hmawk ah kiak ci.

Näng Nakawn Jerusalem Mang Gaw ah Aluh ah Mawng

12 A ngawi ung Pasakha pawi ung lawk ciah chang khli naw, BawipaJesuh cu Jerusalem ah lawk khai ci cu ng'zak ci gui. 13 Ngami cu hliiphnah, m'chum hnah gui kawt ne law u netah, “Khanpughi ah bämang nakcu m'hlüngtai vä! Khanpughi ah ang ming awn kyum lawk ciah Bawipa ahkhan ah hlüngtai nak om sä! Israel Ghangpughang ah khan ah Khanpughiah m'shumpyuk nak om sä!” ci ne m'lau ne Bawipa Jesuh cu ana dou cigui. 14 Cacim ah aküm vai ah Bawipa Jesuh cu ng'se nong tumat hmu

netah ng'cum ne lawk ci. Cacim ung, “Zion mangkho kä na kyih vai, 15Nami Ghangpughang cu ng'se nong ung cum ne gawk lawk ci nei” ciah omci. 16 Ang düihpüi gui naw akhtük ung shin ah cacim cu kä hmat ci gui.Bawipa Jesuh ah bämang nak ang dang law kawn ah shin ah cacim nawBawipa ah mawng a pyein la, Bawipa ah hmawk ah ngami ah bilawh guicu shüm hmat lawk ci gui. 17 Bawipa Jesuh naw Lasaruh cu ng'cim hmunung kaa khü ne sih nak ung kaa am ghin ba cu hmu tute ciah chang guinaw, 18 Cun ah cäi aih vai ah mawng gui cu ngak ba u sei, ng'zak tuk ciahchang gui cu Bawipa Jesuh ana dou vai ah gawk lawk ci gui 19 Phariseegui naw, “Mik mi a i phi mi näng nak kä om ci, teng tu vä, khomdek khanavan naw ani ah hnu ah läk law pyi ci gui nei,” ci ne ami mät ng'cecäk cigui.

Karik Chang Amshah naw Bawipa Jesuh Shui ci Gui

20 Ami khawihnah taigü nak ung pum tuk khai gui ah Jerusalem ah hteitci ah chang gui ung, Karik chang amshah hteit tuk ci gui. 21 Ngami cuPhilip (Kalile kho Bethsaida ah kaa) ah hteit u netah, “Saza, Keimi maw,Bawipa Jesuh kami hmu hlük ci” ci ne pyein ci gui. 22 Philip naw Andaruah hteit ne acun ah amawng cu m'thein tu khätah, ngani cu Bawipa Jesuhah teit ni ne acun ah amawng cu pyein ci goi. 23 Bawipa Jesuh naw,“Chang ah Htapa ah bämang nak ang dang nak ah khin gawk lawk ci nei,24 Kei naw akcang ka pyein cu, geit m'shi cu m'dek ung kä va kia ne, käthuce ne a om ah a kiak ung, amät ah kawn ah kä da lawpi hlawt khai nei.M'dek ung va kia netah, athu ce ung vah akda ah vuipai m'theih tak baman ci; 25 Amät ah ghin nak vai bäng m'hni ci cu didap ci nei; khomdekkhan ah mät ah ghin nak ah kä ng'vang ciah chang cu angtai ghin nak gimciah kiak ci nei. 26 Kei ah bi bi hlük ci naw ka hnu ah na läk khai, kei ahchang cu a hawi ka om ung phi kei awn atäng ah om tuk khai. Kei ah bibik ci cu Kapa Khanpughi naw m'tamkhah khai nei” cik ci.

Bawipa Jesuh naw Asih Vaiah Mawng Pyein ci.

27 “Tuhbäi kei cu kamlung thüi ci nei, a i ci ne ka taigü khai aw? Kapa,tuhbäi kei ah khan ah gawk lawk khai ah akhin ung kaa na phiawn sak kä!ka cik khai ang? 28 Cun ung phi kei cu shin ah caiza nak ah a khin cu kaaut khai ah ka lawk ci nei. O Kapa, Na ming theing ung na bämang nakdang sak ä” ci ne kiak ci. Acun vai-am Khankho ah kaa thang lawk ciahk'aw naw, “Kei naw ka ming theing ah bämang nak cu kang dang sak pyici nei, cun kawn ah phi ka dang sak ba khai nei” ci ne pyein ci. 29 Cun zahah ng'düi tuk ciah chang gui cu acun ah k'aw ng'za tu u netah, changamshah naw, “kho ang hmum nei” cik ci, chang anshah naw, “khankhochang naw ani cu zuk thu püi ci nei” ci sei ami mät ng'thu ci gui. 30 Cunung phi Bawipa Jesuh naw ngami-am, “Shin ah k'aw agawk law cu, kei ahphäh ah kä kiak ci, nangmi ah phäh ah kiak ci nei. 31 Shin ah khomdek cutuhbäi m'khawichaa nak gah pyi ci nei, khomdek khan uk ci cun phi tuhbäihtin lawk khai nei. 32 Kei cu m'dek ung kaa chang ne k'phäi nak ka gahkawn ah chang avan cu kei ah gawk lawk khai ah ka thäm khai nei” cik ci.33 (Shin ah pyein nak ung ani cu a i ah mäih ah asih vai ah mawng a pyeinah kiak ci. 34 Chang gui naw, “Keimi ah thukhän ung, Messiah cu angtäiah ghing khai, ciah om ci; chang Ahtapa cu m'dek ung kaa han k'phäi nakgah khai, na ci cu a i ang? chang ah Htapa cu a u ang?” ci ne ng'shik cigui. 35 Bawipa Jesuh naw, “Akdei cu nangmi ung a shäng hta nei om bakhai. Kho hmüp naw kä a ning küp gui vai ah akdei ah om zah ung hteithton vä; hmüp khui ung hteit hton ci naw ani ahawi lam a hteh ah kä hmatci nei. 36 Cun ah kia sei akdei ah om zah ung zum tu vä, cun ung nangmicu akdei ah hta ah nami kiak khai nei” ci ne kiak na gui ci.

Chang Gui ah Kä Zum nak

Cun ah ng'thu a pyein kawn ah Bawipa Jesuh cu ngami naw kä ami hmuhba vai ah ng'thup ne om ci. 37 Ami hmuh vai ah cäi aih vai gui m'dang seiphi ngami naw kä zum ci gui. 38 Cun cu prophet Isaiah ah ng'thu akümnak ah kiak ci; Cun ah thu ung; “Bawipa, Keimi ah ng'thu pyein cu a u nawang a zum ve? Bawipa naw ahlüngtai nak cu a u chang ung ang ang dangsak?” ciah kiak ci. 39 A cun ah mäih ah ngami ung zum nak hning vai kä

om ci. Cun cu Isaiah naw; 40 “Khanpughi naw ami mik m'dauh sak gui neami m'lung khai pe gui ci nei, Cun ah kia sei, ami mik naw a i kä hmuk ci,ami m'lung naw a i kä hmat ci nei, Kei naw ka gai sak gui vai ah Kei ahom nak ah a u phi kä law ba ci nei, ci ne Khanpughi naw pyein ci” ciahguk ci. 41 Isaiah cu Bawipa Jesuh ah bämang nak hmuh pyi ciah kia ne,ani ah mawng cu shin ah apyein ah kiak ci. 42 Cun ung phi huham nak omciah Jew chang akda naw Bawipa Jesuh cu zum ci gui. Cun ung phipharisee gui naw ngami cu pum im ung kaa amik täm gui vah kyi u netah,a u naw phi azum nak ah mawng cu ang dang ah kä pyein ci. 43 Ngami cuKhanpughi ah m'tamkhah nak ah mä, chang ah m'tamkhah nak cu m'hni pici gui ah kiak ci.

Bawipa Jesuh naw ng'Thu awn Amkhoichaa nak

44 Bawipa Jesuh naw, akdäm ah m'lau ne a pyein cu, “Kei na zum ci cukei bäng na zum ciah kä kiak ci, kei na tüi lawk ci phi zum ciah kiak ci. 45Kei na hmuk ci cu kei na tüi lawk ci phi hmuk ciah kiak ci nei. 46 Kei cum'dek khan ung akdei ah kia ne ka lawk ci, kei na zum ci cu kho hmüpkhui ung kä om ba khai. 47 Kei ah ng'thu ng'za lang ne kä läk ciah changcu kei naw m'khoichaa nak kä ka pek khai; kei cu m'dek khan kamkhoichak khai ah kä ka lawk ci, ka hun khai ah ka lawk ci. 48 Kei na hnung'tuk püi ne kei ah ng'thu kä ngai ciah chang m'khoichak khai tumat omci. Akhnu hnüüp ung kei ah ng'thu cu cun ah chang m'khoichak ciah bawiah kiak khai. 49 A i ah kia sei ci ung, kei naw kamät ah ngaih ah thu kapyein ciah kä kiak ci, na tüi lawk ciah Kapa ah huham awn ng'thu ka pyeinah kiak ci. 50 Cun ah huham ng'thu naw angtäi ghin nak pek ciah ka hmatci. Ka pyein gui ah ng'thu phung cu Kapa ah nam cäi gui bäng bäng ahkiak ci” ci ne pyein ci.

Bawipa Jesuh naw Ang Düihpüi Gui ah Kho m'Si Ci

13:1 Akhin cu Pasakha pawi agawk nak vai hnüüp ät m'hni ba ci. BawipaJesuh naw khomdek nawng shüt ne Apa ah a hteh nak ba vai ah akhin a

gawk law cu hmat ci. Ani naw khomdek khan ah ak chang gui cu ang hteiah m'hni gui ci, kho ang pyi ung khüt khai ah m'hni gui ci. 2 Bawipa Jesuhla ang Düihpüi gui cu mü-ei ei ci gui. Khoshe naw Simon Iskariot a htaJudas cu, gaa ah kut ung Bawipa Jesuh cu a ap vai ah am lung kyong aham cäi pyi ah kiak ci. 3 Apa naw hlüngtai nak akbe ah a peit cu BawipaJesuh naw hmat ci: Khanpughi ah kaa law ne, Khanpughi ah a hteh ba vaicun phi hmat ci. 4 Cun ah kia sei, a ngoh nak ung kaa ng'düi law ne, asuinu cu sut netah, hmai ghunak la ne akhei cu ven nak ci. 5 Cun kawn ahtuiko ung tui kei ne ang düihpüi gui ah khaw cu m'si netah, hmai ghu nakkawn ami kho cu ghu pe gui ci. 6 Simon Peter ah gawk khätah, Peter naw,“Bawipa kei ah kho nam si khai maa?” cik ci. 7 Bawipa Jesuh naw, “Keiah bi cu tuhbäi nang naw kä na hmat ci, cun ung phi ngawi ah na hmat khainei” ci ne kiak nak ci. 8 Peter naw, “nang Bawipa naw kei ah kho cu a izah ung phi kä nam si khai nei” cik ci. Bawipa Jesuh naw, “Kei naw nakho kä ka ning m'si ung, nang cu kei ah ng'düihpüi ah kä na kia ba khai” cine kiak nak ci. 9 Peter naw, “Bawipa, ka kho bäng ah kä kiak ciah ka kutla ka pum phi nam si ä” cik ci. 10 Bawipa Jesuh naw, “Tui ng'si pyi ci cuapum avan theing pyi ci kia sei, akho bäng m'si vai hlü ci. Nangmi ung kaatumat ah kawn ah nami van nami theing pyi ci nei” ci ne pyein ci. 11(Bawipa Jesuh naw gaa ah kut ung ap khai ah chang cu hmat pyi ciah kianetah, tumat ah kawn ah nami van nami theing pyi ci nei’ aciah kiak ci). 12Bawipa Jesuh cu ang düihpüi gui ah kho am si kawn ah asuinu sui ba nengo tu ba ci. Cun kawn ah Bawipa naw, “nangmi ah khan ah kabi cu namihmat ci ang?” ci ne ng'shi gui ci. 13 “Nangmi naw kei-am, ‘Saza awi,Bawipa awi’ ci ne nami na khü ci. Acun ah ka kiak ci kia sei, acun ah namina khü cu nik ci. 14 Kei cu nami Bawipa la nami saza ah ka kiak ci, cunung phi nami kho kam si pyi ci. Cun ah kia sei nami mät gui nami khonami ng'si tu peit vai. 15 Nangmi ah khan ah ka bi ah mäih ah nami mätgui ung nami bi vai ah ka ning m'shüm thein gui nei. 16 Kei naw akcang kapyein cu, “Changshäm cu khuimah ah mä kä tai pi man ci. 17 Tuhbäinangmi naw ng'thu düng nami hmat pyi ci, a cun ah mäih ah nami om ung,nangmi ung zeikiai na om khai”. 18 “Nangmi nami van ka ning pyein guiah kä kiak ci; ka ning ghü gui ah kia sei ka ning hmat gui zawp ci. Cun

ung phi cacim ung, “Kei ah buh ei ci naw kei na khep ba ci nei” ci cukümbe khai nei. 19 Shin ah mawng gui ng'dawt ne ka ning m'thein gui cu,ka pyein gui akcang ah a kiak law hnüüp ung ‘Kei cu Kei'ah ka kiak ahmawng nami zum vai ah hmawk ah kiak ci. 20 Kei naw akcang ka pyeincu, “Kei ah tüih law dou ci cu kei na dou ciah kiak ci, kei na dou ci cu keina tüi lawk ci dou ciah kiak ci” ci ne m'thein gui ci.

Bawipa Jesuh naw Gaa-am Ami Ap Vai ah Mawng ng'dawt ne Pyein Ci

21 Cun kawn ah Bawipa Jesuh cu am lung kyong ah ang htei ah zaicanetah, “kei naw akcang ka pyein cu, nangmi ung kaa chang tumat naw keicu gaa ah kut ung na ap khai nei” ci ne ang dang ah pyein ci. 22 A u bä apyein ah kä hmat u netah, ang düihpüi gui cu tumat la tumat cäi ne ng'tengtuk ci gui. 23 Cun zah ung Bawipa Jesuh ah am hni pi ah ang düihpüichang tumat cu akpat lam ah ngok ci. 24 Simon Peter naw, “Nang Bawipaa u nei na pyein, ci ah ang shi vai ah mik m'ghi nak ci. 25 Acun ah angdüihpüi cu Bawipa Jesuh ah pei ah vang et netah, “Bawipa, a cun ahchang cu a u nei” ci ne ng'shik ci. 26 Bawipa Jesuh naw, “Shin ah m'htutk'bou ne khap ung zuk phung netah ka peit ah chang cu a ani nei” ci nem'htut bou la ne khap ung phung netah, Simon Iskhariot ah hta Judas-ampek ci. 27 Cun ah m'htut la ne a ei vai-am satan cu ani ah kyong ah lut pyici. 28 Cun kawn ah Bawipa Jesuh naw, “na bi vai cu akzä ah nabi vai nei”ci ne kiak nak ci. A i ah kia sei Judas-am cun a ci nak ah acun ung ngok cigui naw kä hmat ci gui. 29 Judas cu ngui ip shäm ne ngui khäm ciah kiasei, pawi ung kaa vai a i bawi khleih vai, kä cun ung, pyamthaam ci-ampeit taak vai ah Bawipa Jesuh naw täk ciah am shah naw ngai ci gui. 30Judas Iskhariot cu m'htu k'bou tumat la netah a cun vai-am akpung ah hteitci. Cun zah cu mü ah kiak ci.

Thukhän Thai

31 Judas a hteh kawn ah Bawipa Jesuh naw, “Tuhbäi chang ah Htapa ahbämang nak cu deikhang pyi ci, Khanpughi ah bäimang nak phi chang ah

Htapa ung dei ne dang pyi ci. 32 Khanpughi naw abämang nak cu changah Htapa ung ang dang sak kawn ah chang ah Htapa ah bämang nak phiamät naw dang sak khai, atuhbäi acun cu bi law ge khai. 33 Ka hta gui aw,kei cu nangmi awn atäng ah ashäng hta vah ka om ba khai. Nangmi nawnami na shui khai, kei ka hteh nak ah nangmi kä nami hteit tu hlawt khai;ci ne, Jew chang ng'vai gui ka pyein nak gui ah mäih ah tuhbäi nangmi kaning pyein na gui ci. 34 Tuhbäi Thukhän thai ka ning pe gui ci, “tumat latumat nami ng'hni tu vai nei, kei naw ka ning m'hni gui ah mäih ah namimät nami ng'hni tu vai nei. 35 Nangmi tumat la tumat zumhni tu ne namiom ah a kiak ung, ning teng gui ciah chang gui phung naw, kei ah ningdüihpüi gui ah ning hmat gui khai nei” ci ne kiak na gui ci.

Peter Naw Amaa vai ah Mawng Bawipa Jesuh naw ng'Dawt Ne Pyein Ci

36 Simon Peter naw, “Bawipa, ahawi ah na hteit khai?” ci ne ng'shik ci.Bawipa Jesuh naw, “Kei ah ka hteh nak ah tuhbäi kä na na läk hlawt khai,angawi ah vah na na läk hlawt khai” ci ne kiak nak ci. 37 Peter naw,“Bawipa, a i ah kia sei tuhbäi kä ka ning läk hlawt vai ang? Nang ahhmawk ah ka ghin nak phi ka pek khai nei” ci ne pyein ci. 38 BawipaJesuh naw, “Nang naw kei ah hmawk ah na ghin nak na pek khai maa?Kei naw akcang ka pyein cu, ai kä ah khawn pha ung ani kä ka hmat ci neici ne thum vei na na mak khai nei” ci ne kiak nak ci.

Bawipa Jesuh cu Pa Khanpüghi ah Hteh Nak Lam ah Kiak ci.

14:1 Bawipa Jesuh naw, “Nangmi kä ng'ä ai vä, Khanpughi zum vä, keiphi na zum vä. 2 Kapa ah imah kyongkhui akda om ci, cun kä ah om ungnangmi ah om nak vai hteit ne ka piang khai ah kä ka pyein khai 3 Kei cuhteit ne nami om nak vai piang netah, law ba ne ka om nak ung nami om tuvai ah ka ning la law ba gui khai. 4 Kei ah hteh nak ah gawk nak vai ahlam cu nangmi naw nami hmat ci” ci ne pyein ci. 5 Thomas naw, “Bawipa,keimi naw nang a hawi na hteh vai kä kami hmat ci; a i hawk cha ah nahteh nak vai ah lam cu ka mi hmat khai ang?” ci ne pyein ci. 6 Bawipa

Jesuh naw, “Kei cu lam ah ka kiak ci, düngnak ah phi ka kiak ci, ghin nakah phi ka kiak ci, kei ung kä hteit ciah chang phung cu Kapa ah om nak ahkä gawk khai. 7 Tuhbäi kei nami na hmat pyi ci, Kapa phi nami hmat lawkkhai. Tuhbäi ung tün ne Kapa cu hmat ne nami ng'hmuh püi pyi ci nei.” cine pyein ci. 8 Philip naw, “Bawipa, Mipa cu nam hmuh gui ä, cun cu kamivan ah ng'zak hlü ah kiak ci nei” ci ne k'thäh ci. 9 Bawipa Jesuh naw,“Philip, kho cän güt ung nangmi awn atäng ah ka om ci, Kä na na hmat cima? Kei na hmuk ciah chang naw Kapa cu hmuk ci, a i ah kia sei, ‘Mipanam hnuh gui ä’ na ci ang? 10 Kei kapa ung ka om ci, Kapa kei ung om ci‘ka ci cu kä na zum ci ma? Nangmi ah ma ah kei ah pyein gui cu ka mätah ng'thu ah kä kiak ci, kei ah bi gui cu kei ung om ciah Kapa ah bi gui ahkiak ci. 11 Kei kapa ung ka om ci, Kapa kei ung om ci, ka ci cu zum vä.Kä nami zum ung ka bi gui cu teng netah zum vä. 12 Kei naw akcang kapyein cu, Kei na zum ciah chang naw kei ah bi gui cu bi hlawt khai. 13Cun ah däm pi ci phi bi hlawt khai, a i ah kia sei ci ung: kei cu Kapa ahom nak ah hteit netah, nangmi naw kei ah ming awn nami taigü phung cu,ka bik khai nei. Cun cu Khanpughi ah bämang nak Ahtapa ung ang dangvai hmawk ah kiak ci. 14 Nangmi naw kei ah ming awn a i phi naming'zoih ah a kiak ung, nami ng'zoih ah mäih ah kei naw ka bik khai nei”.

Mumcha Theing awn Shaitaak Nak

15 “Kei nami nam hni ung ka thukhän cu nami läk khai. 16 Kei naw Kapaah kang zoih ung, Kapa cu nangmi awn atäng ah om ne nangmi ning m'hteigui khai cu tüi law hnga khai. Ani cu Khanpughi ah a mawng cacim awnm'dang ciah Mumcha Theing ah kia ci. 17 Khomdek chang gui naw cun ahMumcha Theing cu kä hmuhmat man ci gui kia ne kä zum hlawt ci gui.Cun ung phi ani cu nangmi awn atäng ah om ne, nangmi ung om ci kia seinami hmat ci. 18 “Kei ka hteh law ung nami mät kä ka ning nawng guikhai, 19 Nangmi ah om nak ah kei ka law ba khai. Ashäng shäng ungm'dek chang gui naw kei kä na hmu law ba khai gui, cun ung phi nangminaw nami na hmuk khai;a i ah kia sei ci ung, Kei ka ghing ci kia seinangmi phi nami ghing khai. 20 Cun ah hnüüp ung, ‘kei Kapa ung ka om

ci, nangmi ung kei ka om ah mäih ah, kei ung nangmi nami om ci’ ka ci cunami hmat khai. 21 “Ka thukhän dou ne läk ciah chang cu kei nam hniciah kiak ci. Kei nam hni ci cu Kapa naw m'hni ci, kei naw phi ani cu m'hnine, ani ung ka mät kang dang khai” cik ci. 22 (Judas Iskariot ah kä kiakciah) ahei Iskariot naw “Bawipa a i hawkchaa ah m'dek chang gui ung kädang ah keimi gui ung nang dang khai ang?” ci ne ng'shik ci. 23 BawipaJesuh naw, “Kei nam hni ciah chang naw kei ah m'thei thang cu ngai khai.Ani cu Kapa naw m'hni khai, Kapa la kei cu law ni ne ani atäng ah kani ompüi khai. 24 Kei kä nam hni ciah chang naw, kei ah m'thei thang phi kängai khai. Kei ah ning m'thei thang gui cu ka mät ung kaa lawk ciah käkiak ci, kei na tüi lawk ciah Kapa ung kaa lawk ciah kiak ci. 25 “Nangmiawn atäng ah ka om zah ung shin ah ka ning m'thein gui ah kiak ci. 26Kapa naw kei ah ming awn a tüih law ah ning m'htei gui ciah MumchaTheing naw a päng avan ning m'thei thang gui ne, kei naw ka ning m'theithang gui phi avan ning shüm ba sak gui khai. 27 “Kei naw dimdeeih nakka ning nawng pe gui shüt ci, kei ah dimdeeih nak nangmi am ka ning pegui ci. M'dek chang gui ah peit ah mäih ah ka ning peit gui ah kä kiak ci,kä ng'ä ai vä, kä kyikyawk vä. 28 Kei tuhbäi ka hteh ung phi nangmi ahom nak ah ka law ba khai’ ka ci cu nami ng'za pyi ci. Kapa cu kei ahhlüngtai pi ci, acun ah kia sei, nangmi naw kei nami nam hni ung, Kapa ahka hteh ba ung nami zeikiai khai. 29 Shin ah amawng gui agawk law ungnangmi naw nami zum vai ah hmawk ah kä a gawk law pha ung ka ningm'thein gui ah kiak ci. Nangmi awn kei aksho kä mi ng'thu ba khai, 30Khomdek khan uk ci cu gawk law pyi ci, cun ung phi, ani ung kei anamkhüt nak vai a i kä om ci. 31 Cun ung phi kei naw Kapa kam hni cu m'dekchang avan naw a hmat vai nei, Kei naw Kapa cu m'hni ne a nam cäi phungavan ka bik ci, ‘Law vä a hei ah mi hteit kaw’ cik ci.

Bawipa Jesuh cu Sapyit Phung Akcang ah Kiak ci

15:1 “Kei cu sapyit phung akcang ah ka kiak ci, Kapa cu kho ng'leik'ngäng ah kiak ci. 2 Kei ung kä m'thein ciah ang ban phung cu tupit neghawt ne, m'theih ciah ang ban cu am theih law pi vai ah piang m'tham ci.

3 Nangmi cu kei ah m'theithang nak awn nami theing cim pyi ci. 4 Kei ungkawng ät ne om vä, kei phi nangmi ung kawng ät ne ka om khai. Ang bantumat cu ang shun tung kaa apait ung kä m'theih hlawt ci. A cun ah mäihah nangmi phi kei ung kä nami om ung kä nami m'theih hlawt khai. 5 Keicu sapyit phung ah ka kiak ci, nangmi cu ang ban ah nami kiak ci. Nangmicu kei ung kä nami ng'zung ung a i kä nami m'khüt khai. Chang tumat cukei ung om sei, kei phi ani ung ka om ah a kiak ung ani cu akda ah m'theihtak khai. 6 kei ung kä om ci cu k'set ne ghawh ah ang ban chawng ah mäihah kiak ci. Chang gui naw cun ah ang ban chawng gui cu k'bum ne mei ungm'khih u seih, mei naw ui zawp ci. 7 Nangmi cu kei ung om uk ci sei, keiah ng'thu cu nangmi ung a om ah a kiak ung, nangmi naw nami ng'zoih hlüphung ng'zoi ne nami gah khai. 8 Akda ah nami m'theih tak nak awn Kapaah bämang nak cu nami dang sak ci;nangmi cun phi kei ah ng'düihpüi ahnami kia lawk ci. 9 Kapa naw kei a nam hni ah mäih ah kei naw ka ningm'hni gui ci. Kei ah kam hni ah om vä. 10 Kei naw Kapa ah thukhän läk neani ah m'hni ah ka om ah mäih ah, kei ah thukhän nami läk ung kei ahm'hni ah nami om khai. 11 Shin ah ng'thu ka pyein cu, kei ah zeikiai naknangmi ung gawk sei, nangmi ah zeikiai nak a kümbe vai ah hmawk ahkiak ci. 12 Kei ah thukhän cu; kei naw ka ning m'hni gui ah mäih ah tumatla tumat nami zumhni tu vai nei. 13 A paw chang ah hmawk ah a ghin nakpe ne m'hni ciah, m'hni nak ah kawn ah, däm pi ciah m'hni nak kä om baci. 14 Nangmi cu kei ah thukhän nami läk ung kei ah teihpüi ah nami kiakci. 15 Tuhbäi ung tün ne chang shäm ah kä ka ning khü ba gui ci, a i ah kiasei ci ung, chang shäm naw khuimah ah bilawh kä hmat ci. Kapa ah ng'thukang zak avan cu ka ning m'thein gui pyi ah kia sei, tuhbäi ung tün ne‘Teihpüi’ ah ka ning khü gui ci. 16 Nangmi naw kei kä nami na ghü ci,nangmi hteit ne akda ah m'theih ne ang tak ah nami vui vai ah kei naw ghüne ka ning m'düih gui ci. Cun ah kia sei kei ah ming awn nami ng'zoihphung cu Kapa naw ning pe gui khai. 17 Cun kawn ah ‘Tumat la tumatnami zumhni tu vai nei’ ciah thukhän ka ning pe gui ci.

M'Dek Chang ah Ng'Gen Nak

18 M'Dek chang naw ami ning gen gui ung kei na gen ma ci gui ah namihmat vai nei. 19 M'dek khan ng'zak hlü cu nami khäm ah a kiak ung m'dekkhan naw khäm ne ning m'hni gui khai. Cun ung phi shin ah m'dek khanung kaa kei naw ka ning ghü gui ci, nangmi naw m'dek khan kä namik'chaw na ba ci;cun ah kia sei m'dek chang naw nangmi cu ning gen gui ci.20 Nami shüm vai ah ka ning m'thein gui cu; ‘Chang shäm cu abawi ah kählüngtai pi man ci’. Kei ami na dukdeiu nak ung nangmi phi ning dukdeiuna gui khai gui; kei ah ng'thu ami ngaih ung nangmi ah ng'thu phi ngai khaigui. 21 Ngami naw a cun ah bik khai gui, a i ah kia sei ci ung, nangmi cukei ah chang ah nami kiak ci ngami naw kei na tüi lawk ci phi kä hmat cigui. 22 Kei naw law ne kä kam thein gui vai sü ung ami kat nak kä dangkhai sü te;tuhbäi läi ami kat nak a u naw phi käm'zih ba hlawt ci gui. 23Kei na gen ci naw Kapa phi gen ci. 24 Kei naw ngami ah ma ah a u ah käbi man gui kä ka bi vai sü ung, ngami ah kat nak kä dang khai süte. Tuhbäingami naw kei ah bi gui cu hmu u netah, kei la Kapa cu na gen goi ci gui.25 Cun cu ami thukhän ung “Ngami naw kei cu alä ah na gen ci gui” ciahom ci cu aküm nak vai ah kiak ci. 26 Khanpughi ah mawng cacim awndang sak ciah, ning m'htei gui ciah Mumcha Theing cu lawk khai, ani cuKapa ung kaa lawk ciah kiak ci, kei naw Kapa ung kaa ani cu ka tüi lawkkhai, ani naw kei ah mawng thu pyein khai. 27 Nangmi naw phi kei ahmawng thu nami pyein khai, a i ah kia sei ci ung akhtük ge ung nangmi cukei awn atäng ah nami om ci kiak ci.

16:1 Nami zum nak kä nami nawng-en vai ah shin ah ka ning m'thein gui cinei. 2 Nangmi cu pum im ung kaa ning k'täm gui khai gui. Chang gui nawnangmi ning ngawn gui netah, Khanpughi ah bi kami bik ci, ci ne amingaih nak ah khin gawk lawk khai. 3 Ngami cu Kapa phi kä hmat ci gui,kei phi kä na hmat ci gui ah kia ne, a cun ah bik khai gui nei. 4 Chang guinaw shin ah mawng gui ami bi nak vai ah khin a gawk law ung, nangminaw nami shüm ba vai ah ka ning m'thein gui ah kiak ci nei.

Mumcha Theing ah Bi Bi Nak

“Kei cu nangmi awn atäng ah ka om mei zah ci kia sei, akhtük ung shin ahmawng gui kä ka ning m'thein gui ah kiak ci. 5 Tuhbäi kei cu na tüi lawkciah om nak ah ka hteit law ba khai. Cun ung phi kei a hawi lam ka htehvai cu a u naw phi kä nami na ng'shik ci. 6 Acun ah mawng ning m'theingui ngä sei nami m'lung thüi ngai ci. 7 Cun ung phi kei akcang ka pyein cu,kei ka hteh law ung nangmi ah hmawk ah ni pi khai. Kei kä ka hteh ungning m'htei gui khai cu kä lawk khai. Kei ka hteh ung vah cun ah MumchaTheing cu ka ning tüih law gui khai. 8 Ani a law ung m'dek chang gui ahkat nak ah mawng düng nak ah mawng la Khanpughi ah m'khoichaa nakah mawng gui cu dang sak zawp khai. 9 Kei kä ami na zum ah hmawk ahkat nak cu dang zawp khai. 10 Kei cu Kapa ah ka hteh law ba ung kä namina hmu law ba khai kia sei, düng nak cu kei ung dang ci. 11 M'dek khanuk ciah bawi cu m'khoichaa nak gah pyi ci kia sei, m'khoichaa nak ahmawng dang khai. 12 Kei naw akda ka ning m'cäi gui vai om ba ci, cunung phi avan nangmi naw kä nami shüm zawp khai kiak ci. 13 Cun ung phiKhanpughi ah mawng cacim awn dang sak ciah Mumchaa Theing cu akyum law ung ani naw cacim avan cu ning m'thein gui khai, ngawi ahgawk lawk khai ah amawng gui phi ning m'thein gui khai. 14 Ani naw keiung kaa a gah ah ng'thu cu ning m'thein gui khai kia sei, kei ah bämangnak cu dang lawk khai. 15 Kapa ung om ci phung cu kei ung om ci; cun ahkia sei, Mumcha Theing naw kei ung kaa a gah ah ng'thu cu ning m'theingui khai, ka ci ah kiak ci.

Thüisei La Zeikiai

16 “Kä shou pha sei kä nami na hmu law ba khai, cun kawn ah kä shoupha sei nami na hmu law ba khai” ci ne pyein ci. 17 Ang düihpüi gui amshah naw, “kä shou pha sei kä nami na hmu law ba khai, cun kawn ah käshou pha sei nami na hmu law ba khai” cik ci. Cun kawn ah Kapa ah kahteit ba khai” phi cik ci. 18 “Kä shou pha sei a ci cu a i ang? Ani naw a i apyein hlü cu kä mi hmat ci nei” ci ne ami mät ng'htau ci gui. 19 BawipaJesuh naw ami ng'shi hlü hmat netah, “Kä shou pha sei kä nami na hmulaw ba khai, cun kawn ah kä shou pha sei nami na hmu law ba khai” ka ci

ah mawng ang pyein ne nami ng'htau. 20 Kei naw akcang ka pyein cu,“Nangmi nami thüi kyap khai, khomdek chang gui zeikiai khai gui.Nangmi nami thüi sei khai cun ung phi nami thüisei nak cu zeikiai nak ahng'lat zawp khai. 21 Hnumi tumat cu ahta law vai ung a nau poi m'neh neang htei ah zaica ci, cun ung phi ahta kawn ah m'dek khan ah chang tumatng'tüi lawk ci kia sei, anat nak cu kä shüm ba ci. 22 Nangmi tuhbäi namithüisei ci, cun ung phi kei awn mi ng'hmu ba mä khai kia sei nami m'lungcu zeikiai nak awn be khai, cun ah zeikiai nak cu hnicim chang naw käm'shet hlawt khai. 23 “Cun ah hnüüp ung nangmi naw kei cu a i phi känami na ng'shi ba khai. Kei naw akcang ka pyein cu, ‘Kei ah ming awnnami ng'zoih phung cu Kapa naw ning pe gui khai. 24 Tuhbäi ung khütkhai ah nangmi naw kei ah ming awn a i phi kä nami ng'zoi phak ci. Namizeikiai nak a kümbe nak vai ah ng'zoi vä, nami gah khai nei.

M'Dek Khan ung Näng Nak

25 “Shin ah mawng gui cu m'tumtäng ne ka ning m'thein gui ci, Kapa ahmawng kä tumtäng ling ne, ang dang ah pyein nak vai ah a khin gawklawk khai. 26 Cun ah a khin a gawk law ung, kei ah ming awn naming'zoih ba ung phi, nangmi ah hmawk ah Kapa ah ka ning zoih pe guikhai, ci ne kä ka pyein ba khai. 27 A i ah kia sei ci ung Kapa amät nawnangmi ning m'hni gui ci. Nangmi naw kei nam hni ne, Khanpughi ung kaaka lawk ciah nami zum ah hmawk ah, Kapa naw ning m'hni gui ci. 28 Keicu Kapa ung kaa pawng ne m'dek khan ah ka lawk ci;tuhbäi ung m'dekkhan ung kaa pawng ne Kapa ah ka hteit ba khai.” ci ne pyein ci. 29 Angdüihpüi gui naw, “Nang naw tuhbäi kä m'tumtäng ne ang dang ah na pyeinpyi ci. 30 Nang naw a päng ang nüng na hmat cu, kami hmat pyi ci, kamining shi vai a i kä om ba ci nei. A shin gui kami hmat nak awn nang cu,Khanpughi ung kaa na lawk ciah kami zum ci nei” cik ci gui. 31 BawipaJesuh naw, “Tuhbäi nami zum ci ang? Akhin cu gawk lawk ci, tuhbäigawk law pyi ci. 32 Nangmi nami im phäh phäh ah püi ne nami dawngnak ba vai ah a khin gawk lawk khai nei. Kei cu ka mät nami na nawngshüt khai. Cun ung phi akcang ah ka mät kä ka om khai, Kapa naw na om

püi khai. 33 Nangmi cu kei awn nami kawng ät nak awn, dimdeeih naknami gah vai ah shin ah ng'thu ka pyein ah kiak ci. Nangmi cu m'dek khannaw ning zaica sak gui khai. Cun ung phi nami m'gäi vai nei, kei nawm'dek khan cu ka näng pyi ci” ci ne pyein ci.

Ang Düihpüi Gui ah Hmawk ah Bawipa Jesuh Taigü Ci

17:1 Cun ah thu a pyein kawn ah, Bawipa Jesuh cu Khankho dan netah,“Kapa, a khin gawk law pyi ci nei, Na htapa ung na bämang nak ang dangvai ah, Na Htapa am bämang nak cu zuk pe lawä. 2 Na Htapa ah kut ungna ap ah chang gui-am ang täi ghin nak a peit gui hning vai ah, nang nawNa Htapa-am chang nüng m'khüt nak ah hlüngtai nak cu na pe pyi ci nei. 3Ang täi ghin nak ci cu, nang Khanpughi ning hmat nak la na tüih law ahBawipa Jesuh hmat nak ah kiak ci. 4 Khomdek khan ung kei naw nabämang nak cu kam dang pyi ci. Ka bi vai ah na na peit ah bi phi ka bizawp pyi ci. 5 Kapa! Khomdek kä ang tüi pha ung nang awn atäng ah kagah ah bämang nak cu, tuhbäi kei-am na zuk pe lawä. 6 Khomdek khanung kaa ghü ne, kei ah kut ung na na ap ah chang gui-am, nang ah mawngcu kam thein gui pyi ci nei. Ngami cu nang naw khäm gui ne, kei-am na naap pyi ci, ngami naw nang thu phi ngai pyi ci gui. 7 Kei ung om ci phungcu nang ah na peit, nang ung kaa lawk ciah hmat pyi ci gui. 8 Nang ah napeit ah Thu Ni cu, kei naw ngami-am pe gui ngä sei, ngami naw dou ci guinei. Nang ung kaa kei ka law cu akcang ah kiak ci, ci cun phi hmat pyi cigui, nang naw kei na na tüih law cun phi zum pyi ci gui nei. 9 “Ngami ahphäh ah kei ka taigü ci, m'dek chang gui ah phäh ah kä kiak ci. Nang nawkei-am na na ap ah chang gui cu, nang ah khäm gui ah kia sei, ngami ahhmawk ah ka taigü ci. 10 Kei ung om ci nüng nang naw na khäm ci, nangung om ci nüng phi kei naw ka khäm ci. Cun gui awn kei ah bämang nakcu dang ci. 11 Kei cu tuhbäi nang ah ka lawk khai kia sei, m'dek khan ahkä ka om ba khai, cun ung phi ngami om ba khai gui. Theing cim ciahKapa! kei-am na na peit ah ming, huham mah ciah nang ming awn phiawnsak gui ä. Cun ung vah kei la nang tumat ah ni kiak ah mäih ah ngami phitumat ah kiak khai gui. 12 Kei cu ngami awn kami om zah ung, nang naw

na na peit ah ming, hlüngtai ciah ming awn kam htei gui ci. Kei naw ngamicu ka shungvong gui ci. Cacim ung om ciah mäih ah maih khai ah k'bäi ahchang tumat ah kawn ah tumat phi a u kä maih ci nei. 13 Tuhbäi kei cunang ah ka lawk khai nei. Ngami kei ah zeikiai ah mäih ah ami zeikiai naka be vai ah, m'dek khan ah ka om zah ung shin ah ng'thu ka pyein ah kiakci. 14 Nang ah ng'thu cu ngami-am ka pe gui pyi ci, Kei cu m'dek khannaw kä a na khäm ah mäih ah ngami phi kä khäm gui ci. 15 Cun ah kia nem'dek chang naw ngami gen gui ci gui. Ngami cu shin ah m'dek khan ungkaa, nang naw na hteh sak gui vai ah, ka taigü ah kä kiak ci, ngami nawkhoshe ami phiawn nak vai ah, nam htei gui vai ah ka taigü ah kiak ci. 16Kei cu khomdek khan awn kä ka ng'guiphaa ah mäih ah ngami phi käng'guiphaa ci gui. 17 Nang ah hmawk ah ngami cu düng nak awn khoi neom sak gui ä, Nang ah thu cu düng ci. 18 Nang naw kei cu m'dek khan ahna na tüih law ah mäih ah, kei naw ngami cu ka tüi gui ci. 19 Ngami nawbi bi nak vai ami pumsa ami ap nak hlawt vai ah, kei naw ngami ahhmawk ah ka pumsa cu ka ap ci. 20 “Kei cu ngami ah hmawk bäng ah käka taigü ci, ngami ah thu pyein nak awn kei na zum lawk ci gui ah hmawkah phi ka taigü ci. 21 O Kapa! Nang cu kei awn kawng ät ci sei, kei phinang awn ka kawng ät ah mäih ah, ngami gui cu kawng ät sak gui ä. Keicu nang naw na na tüih law ah m'dek chang gui naw ami zum vai ah,ngami gui cu kawng ät sak gui ä. 22 Nang la kei cu ni kawng ät ah mäihah ngami phi ami kawng ät vai ah, nang naw kei-am na na peit ah bämangnak cu ka pe gui pyi ci. 23 Ngami ung kei ka om ah mäih nang cu kei ungna om ci. Cun ah kia sei ngami cu ami kawng ät nak awn, nang naw kei nana tüih law ah mawng la, kei na nam hni ah mäih ah ngami phi nam hni guiah mawng cu, m'dek chang gui naw hmat khai gui kiak ci. 24 O Kapa!Khomdek kä ah ng'tüi pha ung nang naw na na peit ah bämang nak cu,kei-am nang naw na na ap ah chang gui naw, ami hmuh tu vai ah ngami cukei awn na om sak gui ä. 25 “Düng ciah Kapa! M'dek chang gui naw käning hmat u sei phi, kei naw ka ning hmat ci nei. Shin ah chang gui nawkei cu, nang naw na na tüih law ah hmat ci gui nei. 26 Nang ah na peit ahm'hni nak cu ngami ung a om vai la kei cu ngami ah m'lung kyong ung kaom vai ah, nang ah na mawng cu ngami-am ka hmat sak gui pyi ci, a

ngawi ah phi ka hmat sak ba gui lä khai nei” cik ci.

Bawipa Jesuh Ami Phaa ah Mawng

18:1 Cun ah ak taigü kawn ah Bawipa Jesuh cu ang düihpüi gui awn atängah Kidron tuilawng cu hei kan ci gui. A cu ah lo-chaam tumat om ci,ngami cu a cun ah lo-chaam kyong ah hteit ci gui. 2 A cun ah hmun cuBawipa Jesuh la ang düihpüi gui naw a shäng shäng ami hteh nak man ahkia sei, hnukuk Judas naw hmat ci. 3 Cun ah kia sei hnukuk Judas naw,Roman gakap gui la, taigüpa gui la Pharisee gui ngäng gui ciah chang guicu thäm ne law püi gui ci. Ngami cu mei im ni mei k'däi ni, sehnet gui nikawt ci gui. 4 Bawipa Jesuh naw, amät ah khan ah gawk lawk khai guiavan cu hmat pyi netah, ami ma ah vang phäi ne, “A u ang nami shui” ci neng'shi gui ci. 5 Ngami naw, “Nazareth Jesuh nei” cik ci gui. Bawipa Jesuhnaw, “Kei cu ani nei” cik ci. Hnukuk Judas cu ngami awn atäng ah ng'düituk ci. 6 Bawipa Jesuh naw, “Kei cu ani nei” ci ne pyein khätah, ami hnuah vang nawn ba u ne, m'dek ung kiu zawp ci gui. 7 Bawipa Jesuh naw,“A u nei nami shui” ci ne ng'shi ba gui mä ci. Ngami naw, “Nazareth Jesuhnei” ci ne pyein ba ci gui. 8 Bawipa Jesuh naw, “Ani cu kei nei, ci ne kaning m'thein gui pyi ci, Nangmi naw kei nami na shui ci a kiak ung, shin ahchang gui hteit tei u sä” cik ci. 9 (Cun a ci cu, ‘Kapa, nang naw na na apah chang tumat phi kä dimaih khai’ a ci cu, a küm vai ah hmawk ah kiakci). 10 Simon Peter cu chim akghaat bun ci. Ani naw ak chim phawng netaigü tung ah changshäm cu akpat lam ak hnga hlang khai ah tuk ci. Aniah ming cu Malachus ah kiak ci. 11 Bawipa Jesuh naw, “Na chim cu bunba ä, Kapa naw ana peit ah zaica nak ah khap cu kei naw kä ka awk khaiah na ngai ne ma? ci ne Peter cu m'cäi ci.

Annas ah Ma ah Bawipa Jesuh

12 Gabawi ah khawng Roman gakap gui la, im ngäng ciah Jew chang guinaw, Bawipa Jesuh cu pha ne khit u netah, Annas ah hteh püi ci gui. 13Ani cu cun kum Taigü Tung ah kiak ciah Kaiaphas ah ak kawi ah kiak ci.

14 Kaiaphas cu, ‘Chang akda ah hmawk ah chang tumat asih cu bä pikhai’ ci ne Jew chang ng'vai gui m'cäi gui ciah chang ah kiak ci.

Peter Naw Bawipa Jesuh Mak ci.

15 Simon Peter la a hei ang düihpüi tumat cu, Bawipa Jesuh ah hnu ah läktuk ci goi. A hei ang düihpüi tumat cu Taigü Tung awn ng'hmat ci goi kiane, Bawipa Jesuh awn atäng ah Taigü Tung ah im ng'vonh kyong ah hteittuk ci. 16 Cun zah ung Peter cu ng'vong pung ah ng'düi ci. Taigü Tung awnng'hmat tuk ciah ang düihpüi tumat cu, ng'vong pung ah lut law netah,m'kawt ngäng-am m'thein ne Peter cu ng'vong kyong ah khü lawk ci. 17M'kawt ngäng ciah hnumi hta naw, “Nang phi ani ah ng'düihpüi ah kä kiane ang?” ci ne ng'shi khätah, Peter naw, “Ka, kei ah kä kiak ci nei” cik ci.18 Cun zah ung kho sik ci kia sei, ngäng ci gui la changshäm gui cu, meicik ne ng'tän ne ng'düi ne awm ci gui. Peter phi ami pei ah ng'düi ne meiawm tuk ci.

Taigü Tung Naw Bawipa Jesuh Cet Ne ng'Shik Ci.

19 Täigu Tung naw, Bawipa Jesuh cu, ang düihpüi gui ah a mawng la amtheithang ah a mawng gui cu k'cet ne ng'shik ci. 20 Bawipa Jesuh naw,“Kei naw chang gui ah ma ah ang dang ah kam thein gui ci. Jew chang guiah ng'bum nak ah kiak ciah pum im la taigü im ung vah kei naw kamtheithang gui ci, a i zah ung phi ng'zih kuh ne kä ka ng'thu man ci. 21 Cunah kia sei a i vai, k'cet ne kei cu na na ng'shi ang? Kei ah m'theithang ngaing'zak ci gui cu ng'shi gui ä, kei naw a i ah kam theithang gui cu ng'shi guiä, ngami naw hmat ci gui nei” ci ne kiak nak ci. 22 Bawipa Jesuh naw cunci khätah, ngäng ciah chang tumat naw, “Taigü Tung ah ma ah a i vaishikcha ah nang thu ang” ci ne Bawipa Jesuh cu a hmai ung k'beeih ci. 23Bawipa Jesuh naw, “Ka ng'thu kä a hman ung kä hman ci cu na pyein vai,a hman ah a kiak ung a i vai kei cu na na k'beeih ang?” cik ci. 24 Cunkawn ah Annas naw khit gäk gäk ne, Taigü Tung Kaiaphas ah hteh püi sakgui ci.

Peter Naw Bawipa Jesuh Ma Ba Mä Ci.

25 Peter cu ng'düi ne mei awm tu lä ci. Chang am shah naw, “Nang mäshin ah chang ah ng'düihpüi ah kä kia ne ang?” ci ne ng'shik ci gui. Peternaw, “Ka, kä kei nei” ci ne mak ci. 26 Taigü Tung ah changshäm, Peternaw ak hnga a tuk hlang ah a paw naw, “Nang, ani awn atäng ah lo-chamkyong ah ka ning hmu goi ciah kä kia ne ang?” ci ne ng'shik ci. 27 Peternaw, “Ka, kä kei nei” ci ne ma ba mä ci. A cun vai-am ai khong lawk ci.

Pilat ah Ma ah Bawipa Jesuh

28 A ngawi ung kho ngawi hta Bawipa Jesuh cu, Kaiaphas ah im ung kaanaw, gawmang ah im ah hteh püi ci gui. Jew chang ng'vai gui cu phiawnnak mü ei ami ei vai ng'et law sei, ami mät naw ami mät ami zum nak lamawn theing sak hlü u netah gawmang ah im kyong ah kä lut tuk ci gui. 29Cun ah kia sei Pilat cu lut law netah, “Shin ah chang cu kat nak a i bi seiang nami law püi?” ci ne ng'shi gui ci. 30 Ngami naw, “Ani cu kat nak bikciah chang ah kä ah kiak ung nang ah kä ka mi law püi khai nei” cik cigui. 31 Pilat naw, “Nami mät naw hteh püi ba ne nami mät ah ng'thukhänawn m'khoichaa vä” cik ci. Jew Chang gui naw, “Keimi naw chang tumatsih nak kä kami pe hning ci nei” cik ci gui. 32 (Cun ami ci cu BawipaJesuh naw amät ah sih vai ah mawng a pyein cu ang dang nak vai ahhmawk ah kiak ci) 33 Pilat naw, a im kyong ah lut ba ne, Bawipa Jesuh cukhü netah, “Nang cu Jew chang gui ah ghangpughang ah na kiak ci ma?”ci ne ng'shik ci. 34 Bawipa Jesuh naw, “Shin cu nang gawmang, na mät ahngaih ah na na ng'shi ang, kä cun ung kei ah mawng chang hei naw ningm'thein pyi ne ang?” ci ne ng'shi tu ba ci. 35 Pilat naw, “Kei cu Jew changah na na ngai ci ma? Kei ah nang ning law püi ci gui cu, na mät pakhuichang gui la taigü gui nei, nang, kat nak a i ang na bi?” ci ne ng'shi ba ci.36 Bawipa Jesuh naw, “Kei ah uknak kho cu shin ah m'dek khan awn käshigaa ci; kei ah uknak kho cu shin ah m'dek khan awn ashigaa vai sü ung,Jew chang gui ah kut ung kä ka gawk khai ah ka ng'khah püi gui nawng'tuk bik khai gui süte. Kei ah uknak kho cu shin ah m'dek khan awn kä

shigaa ci nei” ci ne pyein ci. 37 Pilat naw, “Cun ung nang cughangpughang ma?” ci ne ng'shi ba ci. Bawipa Jesuh naw, “Nang naw keicu ghangpughang ah na na pyein ci, kei cu düngnak bäng ka pyein khai ahng'tüi ne m'dek khan ah ka lawk ci. Düngnak awn om ciah chang phungnaw kei ah ng'thu cu ngai ci gui” ci nak ci. 38 Pilat naw, “düngnak cu a iang?” ci ne ng'shi ba ci.

Bawipa Jesuh cu Ngawn Vai ah K'Bäi Ci Gui

Cun kawn ah Pilat cu chang gui ah ma ah lut law netah, “Ani ung m'katnak vai ah kat nak kä ka hmuk ci. 39 Cun ung phi nangmi ah thung ahphiawn nak pawi ah kyong ung thawng cum ci tumat cu ka phiawn sak ciman ci. Nangmi ah hmawk ah Jew Ghangpughang cu kak phiawn vai naming'za hlü ne ang?” ci ne ng'shi gui ci. 40 Ngami naw, “Ani käk phiawn vainei, Barabbas nei k'phiawn vai” ci ne m'lau ci gui. (Barabbas cu m'guk eiah kiak ci).

19:1 Cun kawn ah Pilat naw Bawipa Jesuh cu khü netah, tukthah sak guici. 2 Gakap gui naw ng'hling lukhu k'bün ci gui;suinu asen phi m'sui ci gui.3 A pei ah hteit u netah, “Jew ghangpughang ak shou ghing sä” ci ne m'lauu ne, a hmai ung k'beeih ci gui. 4 Pilat cu lut law ba mä netah, changgui-am, “Ani ung sih nak vai ah kat nak kä ka hmuh ah mawng cu, nangminaw nami hmat vai ah nami ma ah ka law püi khai nei” cik ci. 5 BawipaJesuh cu ng'hling lukhu ng'büng ne, suinu asen sui ne ak phung ah lut lawba ci. Pilat naw, “Teng vä, ani nei” ci ne pyein ci. 6 Taigüpa gui la Taigüim ngäng ci gui naw, hmu u netah, “Ani cu kutlam tung ung tai ne ngawnvä, kutlam tung ung tai ne ngawn vä” ci ne m'lau ci gui. Pilat naw, “namimät naw kutlam tung ung tai ne ngawn vä, ani ngawn nak vai ah mawng a ikä ka hmuk ci nei” ci ne pyein ci. 7 Chang gui naw, “Ani cu amät naw amät Khanpughi ah Hta ah a pyein ah hmawk ah sih nak peit vai ah keimiah ng'thukhän ung om ci nei” cik ci gui. 8 Chang gui ah m'lau ng'za netahPilat cu cäi ne kyi lawk ci. 9 Cun ah kia sei kyong ah lut law ba netah,Bawipa Jesuh-am, “Nang a hawi kaa na lawk ci ang?” ci ne ng'shik ci. 10

Cun ung phi Bawipa Jesuh naw käm shang ci. Pilat naw, “A i ah kia sei käna nam shan ang? Kei naw nang ka ning k'phiawn hning la kutlamtung ungtai ne ka ning ngawn hning cu, kä na hmat ci ma?” ci ne kiak nak ci. 11Bawipa Jesuh naw, “Kei ah khan ah cun ah na bi nak hning vai cu,Khanpughi ah ning peit ah kiak ci. Nang ah kut ung kei na ap lawk ciahchang cu a kat nak däm pi ci” ci ne kiak nak ci. 12 Cun ah a pyein cu ng'zanetah Pilat naw, Bawipa Jesuh k'phiawn nak vai ah lam cu shui ci. Cunung phi chang gui naw, “Ani nak phiawn ah a kiak ung, nang cughangpughang ah teihpüi ah kä na kiak khai. Amät naw amätghangpughang ah pyein ciah chang cu, ghangpughang ng'küütneet püi ciahkiak ci nei” cik ci gui. 13 Cun ami ci cu Pilat naw ng'za netah, BawipaJesuh cu ak pung ah luh law püi ba netah, lung ami pian ah bawi ah ngohnak ung ngok ci. (Cun ah cu Hebrew ng'thu awn Gabbatha) ah pyein cigui. 14 Cun cu phiawn nak pawi a ngawi ung ami tün nak vai, hnüüpng'lunglai zah ung ah kiak ci. Pilat naw, “Teng vä, nami ghangpughang” cine Jew chang gui-am kiak na gui ci. 15 Ngami naw, “Ngawn vai nei,ngawn vai nei, kutlamtung ung tai ne ngawn vai nei” ci ne m'lau ci gui.Pilat naw, “Nami ghangpughang cu kutlamtung ung tai ne ngawn vai naming'za hlük ci ma? ci ne kiak na gui ci. 16 Cun kawn ah Pilat naw BawipaJesuh cu kutlamtung tai ne ami ngawn vai ah ami kut ung ap gui ci.

Bawipa Jesuh cu Kutlamtung ung Tai Ne Ngawn Ci Gui

Cun ah kia sei Bawipa Jesuh cu hteh püi ci gui. 17 Bawipa Jesuh cukutlamtung kawt ne, ‘Luguh Hmun’ ami ci nak ah hteit ci. 18 (A cun cuHebrew ng'thu awn Kolakotha) cik ci gui. a cun ah hmun ah Bawipa Jesuhcu kutlamtung ung tai ne ngawn ci gui. Bawipa Jesuh awn atäng ah a heichang hnih cun phi, ak englam ah tumat, akpat lam ah tumat tai ne ngawnci gui. Bawipa Jesuh cu ang lung ung tai ci gui. 19 Pilat naw ca gu neBawipa Jesuh ah kutlamtung ung tai sak gui ci. Cun ah ca cu, “Jew changgui ah ghanpughang Nazareth Jesuh” ciah kiak ci. 20 Bawipa Jesuhkutlamtung ung tai ne ami ngawn nak cu, gawnu awn ng'et ci kia sei, changakda naw cun ah ca cu phat ci gui. Cun ah ca cu Hebrew, Latin la Kagik

ca gui awn ami guk ah kiak ci. 21 Taigüpa gui naw, “Jew ghanpughang ahkä guk vai;shin ah chang naw, kei cu Jew ghangpughang ah ka kiak ci nei,cik ci nei” ciah guk vai, ci ne Pilat ah ma ah pyein ci gui. 22 Pilat naw,“Kei naw ka guk pyi cu a cun ah kiak khai” ci na gui ci. 23 Gakap gui nawBawipa Jesuh cu kutlamtung ung tai ne, ami ngawn kawn ah asui sak cuk'phli ah k'pai ne lak ci gui. Cun kawn ah a suinu phi lak ci gui. Cun ahsuinu cu chui gui kä om khai ah tah ah kiak sei gakap gui naw, “Käk'teek-en vä, m'shüih tawk ne mi lak khai nei” cik ci gui. 24 Gakap guinaw cun ah ami bi cu, cacim ung; ngami naw kei ah suisak ng'pai ci gui, kasuinu phi m'shüih tawk ne lak ci gui” ci cu a küm nak vai ah kiak ci. 25Cun zah ung Bawipa Jesuh ah anu la anu ah anau ni, Clopas ah k'chu Marila Mari Makdalin ni gui cu Bawipa Jesuh ah kutlamtung pei ah ng'düi cigui. 26 Bawipa Jesuh naw anu la a nau ah pei ah am hni ah ang düihpüitumat cu ng'düi sei hmuk ci. Cun ah kia sei, Bawipa Jesuh naw anu-am,“nu awi, shin cu nang ah hta nei” cik ci. 27 Cun kawn ah ang düihpüi-am,“Shin cu na nu nei” ci nak ci. Cun ung tün ne cun ah ang düihpüi naw, anucu a im ah hteh püi ne m'hteihtang ci.

Bawipa Jesuh ah Sih Nak

28 Cun kawn ah Bawipa Jesuh naw avan küm pyi ciah hmat netah, cacimung om ci ang dang vai ah “Kei tui ka gha ci nei” cik ci. 29 Cun zah ahsapyit tui be ciah khlüng tumat om ci. Ngami naw tui m'zak awn sapyit tuicu cum netah, ng'lawi ung m'sawi ne, 30 Bawipa Jesuh-am tu ci gui.Bawipa Jesuh cu cun ah sapyit tui aw netah, “Bi ng'pyi ci nei” ci ne akhngü bat ne kät lawk ci.

Am Hnaak Htei awn Shun Ci Gui

31 Jew chang ng'vai gui naw kutlamtung ung ami tai gui ah kho gui cum'khep u netah, ami gook gui ami lak vai cu, Pilat ah ma ah pyein ci gui.Cun ah ami pyein ah mawng cu, cun nak hnüüp cu ak hmaa hnüüp ah kiasei, a ngawi ung ami kyin vai hnüüp ung, kutlamtung ah khan ah gook kä

ah om vai la, cun ah kyin hnüüp cun phi hnüüp theing ah a kiak ah hmawkah kiak ci. 32 Cun kawn ah gakap gui cu law ne Bawipa Jesuh awn atängah ami ngawn goi ah kho cu tumat täi ah m'khep hnget ci gui. 33 BawipaJesuh ah om nak ah ami gawk law ung kät pyi ciah kia khätah, a kho cukä m'khep ci gui. 34 Cun ung phi gakap tumat naw Bawipa Jesuh ah amhnaak cu k'htei awn shun khätah, acun vai-am si la tui cu lut lawk ci. 35(Shin ah a mawng gui cu nangmi naw phi nami zum tu vai ah hmu tuk ciamät naw a pyein ah kiak ci. Ani ah pyein cu hman ci, ani naw amätakcang a pyein phi hmat ci). 36 Cun cu'ani ah guh tumat phi kä hngetkhai’ ciah cacim ung om ci cu a küm nak ah kiak ci. 37 Cun kawn ah phi,“Ngami naw ami k'htei awn ami shun cu, teng khai gui nei ciah cacim ungom ba ci.

Bawipa Jesuh Ami M'Cim ah Mawng

38 Cun kawn ah Arimathea ah kaa Josef cu Pilat ah hteit ne, BawipaJesuh ah gook cu a lak sak vai ah pyein ci. (Josef cu Bawipa Jesuh ah angkhah püi ah kiak ci, cun ung phi Jew chang ng'vai gui kyih gui ne a dümah ng'läk tuk ciah kiak ci). Pilat naw hlawt sei, Bawipa Jesuh ah a gook cuJosef naw la ne hteh püi ci. 39 Azan khomü ah Bawipa Jesuh hmu law teciah Nikodemus cun phi, tui ng'ui a hlü hlü pit m'ku-lei-hma law püi ne,Josef cu läk tuk ci. 40 Ngani naw Jew chang gui ah ami thung man ah, tuing'ui awn shawi ne, zih bawk awn hlawp ne k'tom ci goi. 41 Bawipa Jesuhkutlamtung ung tai ne ami ngawn nak pei ah lo-chaam tumat om ci. Cun ahchaam ung a u phi kä ami k'phuh nak phaa ah khui cawh ak thai om ci. 42Cun ah hnüüp cu, Jew chang gui naw a ngawi ung ami kyin nak vai ahhnüüp ah kia sei Bawipa Jesuh ah gook cu a cun ah khui ung k'phuh cigui.

Ghawng Ciah Khui

20:1 Hnüüp chih ung ak hnüüp ät hnüüp, kho ngawi hta ah kho thai ghighi sei, Mari Makadalen cu ng'cim hmun ah hteit netah, khui m'kawt ami

khai nak ah lung cu ng'hmawng sei hmuk ci. 2 Ani cu Simon Peter laBawipa Jesuh naw am hni pi ah ang düihpüi ah om nak ah dawng banetah, “Chang gui naw Bawipa cu, phuh hmun ung kaa lak ci gui nei, ahawi ami tha kä hmat nei” ci ne m'thein gui ci. 3 A cun vai-am Peter lang'düihpüi tumat cu ng'cim hmun ah dawng ci goi. 4 Ngani cu atäng ahdawng pang ni ne phi, a hei ang düihpüi tumat cu Peter ma ta ne dawngne, ng'cim hmun ah gawk ma ci. 5 Ani naw khui m'kawt zuk teng netah,k'tom nak ah zih gui cu ng'phlu sei hmuk ci. Cun ung phi khui ung kä vahluh ah ng'düi ci. 6 Ak hnu ah dawng lawk ciah Simon Peter cu, khuim'kawt ung phläi ge ne lut netah, zih gui bäng ang phlu la; 7 Bawipa Jesuhah lu ami hlawp nak ah lupawng cu, zih gui awn kä ng'caw ah a hei ahng'cho ne ng'zän tu hnga sei hmuk ci. 8 Cun kawn ah ng'cim hmun ahgawk law ma ciah ang düihpüi cun phi, khui kyong ah lut law tu ne, acungui hmu tu netah zum ge ci. 9 (Ani cu sih nak ung kaa tho ba khai, ci ahcacim ung om ci cu, cun güt ung ngani naw kä shüm ba ci goi). 10 Cunkawn ah ang düihpüi gui cu im ah hteit ba ci gui.

Mari Makdalen ah Ma ah Bawipa Jesuh Dang Ma ci.

11 Mari cu kyap ne ng'cim hmun ah ng'düi ci. Ani naw khui 12 m'kawttung kawp ne zuk m'kein netah, Bawipa Jesuh ah a gook ami shän nakung, alu täng ah tumat, ale täng ah tumat, a bawk pük pük sui ciahkhankho chang goi cu ngo ni sei hmu goi ci. 13 Khankho chang goi naw,“Hnumi hta awi, a i ah kia sei na kyah ang?” ci ne ng'shik ci goi. Marinaw, “Chang gui naw kapa cu hteh püi ci gui, a hawi ami tha kä ka hmatci nei” ci ne pyein ci. 14 Cun kawn ah a hnu täng ah vang hlat netahBawipa Jesuh cu ng'düi sei hmuk ci. 15 Cun ung phi Bawipa Jesuh bä ahkä hmat ci. Bawipa Jesuh naw, “Hnumi hta awi, a i ah kia sei na kyahang? a u ang na shui?” ci ne ng'shik ci. Mari naw, ani cu lo-cham ngängciah ngai netah, “Sazapa, Bawipa ah a gook cu nang naw na laak ah a kiakung, a hawi na tha cu nam thein ä, hteit ne ka la ba khai” ci ne pyein ci. 16Bawipa Jesuh naw, “Mari” ci ne khü khätah, Mari cu vang hlat ne,“Rabboni” ci ne pyein ci. (Hebrew thu Rabboni cu “Saza” ciah kiak ci. 17

Bawipa Jesuh naw, “Kei cu kä na k'pang-en ä, Kapa ah kä ka kai ba phakci, cun ung phi ka nau gui ah hteit ne, Kei ah Kapa ah kiak ciah nami Pa,Kei ah Khanpughi ah kiak ciah nami Khanpughi ah om nak ah ka kai bavai ah mawng cu m'thein gui ä” cik ci. 18 Cun ah kia sei Mari Madalen cuang düihpüi gui ah om nak ah dawng ba netah, Bawipa a hmuh ah mawngla Bawipa naw am cäi gui cu m'thein ba gui ci.

Ang Düihpüi Gui ah Ma ah Bawipa Jesuh Dang Ba ci.

19 Hnüüp ät hnüüp mühun ah ang düihpüi gui cu, Jew chang vai gui kyihu netah, kyong ah shoh khai ne om ci gui. Cun sang ung Bawipa Jesuh cuami ma ng'lung ah ng'düi law netah, “Nami khan ah ding gei nak om sä”cik ci. 20 Cun kawn ah akut m'zaa la am hnaak cu ang düihpüi gui-amm'hnuh gui ci. Ang düihpüi gui naw Bawipa cu hmu netah ang htei ah zaici gui. 21 Bawipa Jesuh naw, “Nami khan ah ding gei nak om sä, Kapanaw kei ana tüih law ah mäih ah, kei naw nangmi cu ka ning tüi gui ci nei”cik ci. 22 Cun kawn ah Bawipa Jesuh naw ami khan ah phyuh theh netah,“Mumcha Theing cu dou vä, 23 Nangmi naw chang gui ah kat nak cu namim'gein ung, ngami cu phiawng khai gui;nangmi naw kä nami m'gein ungngami naw phiawn nak kä gah khai gui.

Bawipa Jesuh La Thomas

24 Ang düihpüi gha-lei-goi ung kaa Thomas (ang phi ah ming ci) cuBawipa Jesuh ang dang law ba zah ung apaw gui-awn atäng ah kä om tukci. 25 Cun ah kia sei apaw gui naw, “Bawipa kami hmu ba pyi ci nei” ci nem'thein tuk ci gui. Thomas naw, “Akut ung ami khen nak ah hnün kä kahmuh ung akut awn ami khen nak ah ng'gai kä ka m'tham shüm ung,am'hnaak ka kut awn kä ka m'tham shüm ung, kä ka zum khai nei” cik ci.26 Cun kawn ah ak hnüüp cheit hnüüp ung ang düihpüi gui cu, kyong ahshoh khai ne ng'bum ba ci gui. A cun ung Thomas cun phi om tuk ci. Cunzah ung Bawipa Jesuh cu ami ng'lung ah ng'düi law netah, “Nami khan ahding gei nak om sä” cik ci. 27 Cun kawn ah, Thomas-am, “Na kut awn

shin ung nam tham ä, ka kut phi na teng ä, na kut k'phiaat ne kam hnaak cunam tham shüm ä, a i ni mä, ciah kä ngai ne zum ä” ci nak ci. 28 Thomasnaw, “Ka Bawipa La Ka Khanpughi ah na kiak ci nei” ci ne pyein ci. 29Bawipa Jesuh naw, “Nang naw kei cu hmu netah na na zum ci, kei kä nahmuh ah na zum ci gui ah khan ah zeikiai nak be ci nei” ci ne pyein ci.

Shin ah Ca uk ah Ng'Bü Nak

30 Bawipa Jesuh naw ang düihpüi gui ah ma ah am dang cäicat vai gui,shin ah ca uk ung kä guk tu akda om ci. 31 Cun ung phi Bawipa Jesuh cuMessiah, Khanpughi ah Htapa ah kiak ci, ci ne nami zum vai la, nami zumnak awn nangmi ung ghin nak nami gah vai ah, shin ah ca uk cu guk ahkiak ci nei.

Ang Düihpüi Chih ah Ma ah Bawipa Jesuh Dang Ba ci.

21:1 Cun kawn ah Bawipa Jesuh cu Tiberias Tuili pei ah ang düihpüi guiah ma ah ng'dang ba ci. 2 Ang dang ba ah mawng cu:Simon Peter, Thomas(ang phi ah ming ci), Nathanaelah (Kalile kho Kana ah kaa), Zebedee ahhta goi la a hei ang düihpüi hnih goi ni gui cu atäng ah om ci gui. 3 SimonPeter naw, apaw gui-am, “Kei cu nga ka shui khai nei” cik ci. Apaw guinaw, “Keimi phi kami hteit tuk khai” ci u sei, ngami cu ng'hleiko awn ngashui khai gui ah hteit ci gui. Cun ung phi thai ne shui ne tumat phi kä phakci gui. 4 Khohni a luhlaw zah ung Bawipa Jesuh cu tuikam ah ng'düi ci.Cun ung phi ang düihpüi gui naw kä hmat ci gui. 5 Bawipa Jesuh naw,“Ak hmaw gui awi, nga nami phak ci ang?” ci ne ng'shi gui ci. Ngami naw,“Kä kami phak ci nei” cik ci gui. 6 Bawipa Jesuh naw, “Nami hleiko ahk'patlam ung nami ng'vai cu hei vawi vä, nga nami phak khai nei” ci na guici. A pyein ah mäih ah ngami naw ng'vai hei vawi u netah, ng'vai chaangne kä ami näng vai ah nga phak ci gui. 7 Cun kawn ah Bawipa Jesuh ahahnu ah ang düihpüi naw, “Mik mi ah Bawipa nei” ci ne Peter-am m'theinci. Peter cu cun ang zak vai-am akhtu suut ne akhei k'htün netah tui ungzung phäi ci. 8 Ang düihpüi am shah gui cu nga be ciah ng'vai so ne,

hleiko awn tuikem lam ah hteit ci gui. 9 Ngami cu tuikem ah ami gawklaw ung m'htut gui la nga ng'shai cu hmuk ci gui. 10 Bawipa Jesuh naw,“Tuhbäi nami phaa ah nga am shah law püi vä” cik ci. 11 Simon Peter cuhleiko khan ah kai ba netah, nga be ciah ng'vai cu kawng ah kaih lawk ci.Phiaa la hma-kip-lei-thum ah däm ciah nga awk sei phi ng'vai cu kä teekci. 12 Bawipa Jesuh naw, “Law ne ei law vä” cik ci. Ang düihpüi gui amivan naw ami Bawipa ah hmat zawp ci gui kia ne, a u naw phi, “Nang a uang” ci ne käng shik ci. 13 Bawipa Jesuh cu ami om nak ah law netah,m'htut cu ngami-am pe gui ci, nga phi pe gui ci. 14 Bawipa Jesuh sih nakung kaa a thawh ba kawn ah ang düihpüi gui ah ma ah ang dang ba cutuhbäi awn thum vei lawk ci.

Bawipa Jesuh La Peter

15 Cun ah ami ei kawn ah Bawipa Jesuh naw Simon Peter-am, “Johan ahhta Simon, a hei gui naw ami nam hni ah däm pi ciah kei na nam hni ciang?” ci ne ng'shik ci. Peter naw, “Ä za Bawipa, kei naw ka ning m'hni cunang na hmat ci nei” cik ci. Bawipa Jesuh naw, “Ka Htome gui na m'hteivai nei bäi” ci nak ci. 16 Ak hnih vai nak ah Bawipa Jesuh naw, “Johan ahhta Simon, kei na nam hni ci ang” ci ne ng'shi ba mä ci. Peter naw, “Ä zaBawipa, kei naw ka ning m'hni cu nang naw na hmat ci nei” ci ba ci.Bawipa Jesuh naw, “Ka htome gui nam htei vai nei bäi” ci ba ci. 17 Akthum vei nak ah Bawipa Jesuh naw, “Johan ah hta Simon,” Kei na nam hnici ang?” ci ne ng'shi ba mä ci. Cun ah ak thum vai nak ah ng'shi ba mäkhätah, Peter cu thüi netah, “Bawipa, nang naw apäng avan na hmat ci nei,kei naw ka ning m'hni cu na hmat ci nei” ci ne pyein ci. Bawipa Jesuh naw,“Ka htome gui nam htei vai nei bäi, 18 Kei naw akcang ka pyein cu; nangcu nak hmaw zah ung ng'düi law ne na hteh nak hlü ah na hteit man ci, cunung phi nang cu na ghi law ung na kut vang goi vei k'shäng ci sei changnaw ning khitpawng ne, kä na hteh nak hlü ah ning hteh püi khai” cik ci.19 (Cun a ci cu Khanpughi ah bämang nak dang khai ah Peter ah a sih vaiah mawng a pyein ah kiak ci. Cun kawn ah Bawipa Jesuh naw, “Na läk ä”ci nak ci.

Bawipa Jesuh La Ang Düihpüi Hei Tumat

20 Peter cu mang shüi shüi netah, akhnu ah Bawipa Jesuh naw, am hni ahang düihpüi tumat cu hmuk ci. Ani cu mü-ei ami ei zah ung, “Bawipa, gaah kut ung nang ning ap khai cu, a u ang?” ci ne ng'shik ciah chang ah kiakci. 21 Peter naw ani cu hmu netah, “Bawipa, ani mä a i ah kiak khai ang?”ci ne ng'shik ci. 22 Bawipa Jesuh naw, “Kei ka law ba güt ung ani ghingne a om vai ah kei naw kang zak hlü ah a kiak ung, nang naw a i na pyeinvai kä om ci, ka hnu ah na läk ä” ci ne kiak nak ci. 23 Cun ah kia sei, ‘cunah ang düihpüi cu kä si hlawt khai’ ciah Bawipa Jesuh ah ang düihpüi guiami van ung ng'thu zat ci. Cun ung phi Bawipa Jesuh naw ani kä sik khaiah a pyein ah kä kiak ci, “Kei ka law ba güt ani ghing ne a om vai ah, keinaw kang zak hlü ung phi, nang naw na pyein vai kä om ci” a ci ah kiak ci.24 Shin ah a mawng gui pyein ne gu ne m'dang ci cu ani ah kiak ci. Ani ahpyein gui küm ciah mik mi naw mi hmat ci.

Khümnak

25 Bawipa Jesuh ah bi a hei akda om ba ci. Cun gui cu avan tumat täi ahguk vai sü ung, cun gui guk nak ah ca uk gui gim nak vai cu, khomdekkhan ung a i kä om khai ah ka ngai ci nei.