10 EKLEZIYA LA MU LAODIKEYA

ThengaWilliam Marrion Branham

THENGA 11

Thenga KuMuwiro Wa

Ekleziya La Mu Laodikeya

Chivumbuzi 3:14-22

Ndipo ku mungelo wa Ekleziya la mu Laodikeya ulembele:Vyeneivi ndivyo wakuyowoya Ameni, Kaboni Wakugomezgekana Wakuneneska, jando la Kwata kwa Ciuta;

Nkhumanya milimo yako, kuti uli wakuzizima cara nesiwakuthukira: ndakhumbanga kuti mphanyi wanguwawakuzizima panji wakuthukira:

Ntheura pakuti ukulupuka waka, ndipo kuti uliwakuthukira cara, nesi wakuzizima, nkhukhumbakukuwukura mu mlomo Wane.

Chifukwa ukuti, ndine musambazi, ndipo ndasambazika,ndipo kuti nkhukavuka kanthu cara; ndipo ulive kumanya kutiuli msokwana, wavitima, na mkavu, na wacibulumutira, nawankhuli:

Nkhukupanga kuti ugule kwa Ine golide ilo lwengetuka mumoto, mwakuti usambazgike; na minjilira yituwa, kutiujivwalike, na kuti soni za unkhuli wako ziwure kuwoneka; namunkhwala wa maso wakuphaka maso ghako, kuti uwone.

Wose weneawo nkhuwatemwa Ine, nkhuwacenya nakuwalanga: ntheura pamphuka, ndipo ng’anamuka mu mtima.

Ehena, nkhwimilira pa muryango, na kukhung’uska:usange munthu wangapulika lizgu Lane, ndipo wangajurakumuryango, nditi ndinjirenge kwa iyo, ndipo nditi ndoneskepamoza nayo, ndipo iye pamoza na Ine.

Mweneuyo wakutonda nditi ndimupenge kuti wakhale naIne pa chizumbe Chane, ntheura umo naneso ndiri kutondera,ndipo ndili kukhala nawo wadada Wane mu chizumbe Chawo.

Mweneuyo wali na khutu, wapulike cheneicho Mzimuwakuyowoyera maekleziya

THENGA 1

Thenga

Nkhukayika chomene usange muwilo uli wose muuneneskoukalimanya thenga leneilo Chiuta wakatumira iwo, mwekha mu muwilowakudankha mweneumo Paulos wakawa thenga. Ndipo nanga muwe mumuwilo weneula wanandi wakamanya chara icho iyo wakawa.

Ntheura muwilo uwu tikukhalamo uwenge ufupi chomene.Vyakuchitika vichitikenge mwaluwiro chomene. Ntheura thenga laMuwilo wa Laodikeya uyu likwenera kuwa pano sono, nangauli pakunjitikulimanya chara mupaka sono. Kweni pakwenera nadi kuzakawanyengo yakuti limanyikwe. Ntheura ningakhozgera cheneichi pakuti tilina Malemba gheneagho ghakwandula za utumiki wake.

Chakudanga chavyose, thenga ilo lizamukuwa ntchimi. Lizamukuwana udindo wa uchimi. Lizamukuwa na utumiki wa uchimi.Uzamuyagamira pa Mazgu chifukwa pala wakuchima panji wali nambonioni, nyengo zose yizamuwa “yakubamphikizgana na Mazgu” ndiponyengo ZOSE chizamukwaniskika. Wazamukhozgereka kuti ndi ntchimichifukwa chakulunjika kwake. Chipanikizgo chakuti iyo ndi ntchimichikusangika mu Chivumbuzi 10:7, “Kweni mu mazuwa gha lizgu lamungelo wa chinkhonde na chiwiri penepapo wali pafupi kulizga, apondipo chamuchindindi cha Chiuta chikufiskika nga ndi umo Iyewakaphalazgira mazgu ghake ku wazga Wake, wapurofeti.” Ntheuramunthu uyu, mweneuyu mu vesi ili wakuchemeka “mungelo”mukalembero ka King James ntchilengiwa chakuchanya CHARA.Mungelo wa chinkhonde na chimoza mulizga mbata, mweneuyuntchilengiwa chakuchanya, wali mu Chivumbuzi 9:13, ndipowachinkhonde na chiwiri wangeti ni uyu wali mu Chivumbuzi 11:15. Uyuwali apa mu Chivumbuzi 10:7 ndi thenga ku muwiro wa chinkhonde nachiwiri ndipo ni munthu, ndipo wizenge na uthenga kufuma kwa Chiuta,ndipo uthenga na utumiki wake viti vifiskenge chamuchindindi chaChiuta nga ndi umo wali kuphalazgila kuwazga Wake, waprofeti. Chiutawachitenge na thenga ili la umaliro nga ndi ntchimi CHIFUKWA IYONDI NTCHIMI. Icho ndicho Paulos wakawa mu muwiro wakudanga,ndipo muwiro wa umaliro unayumoza, nawo. Amos 3:6-7, “Kasi mbatayingalizgika mu msumba, ndipo wanthu waleke kopa? Kasi mungawauheni mu msumba, ndipo Fumu indauchite? Nadi Fumu yikuchita kanthuchara, kweni Yikuvumbulira vyamuchindindi Vyake kuwazga Wake, waPurofeti.”

Yikawa nyengo ya umaliro apo vidududu vinkhonde na viwiri vyaYesu vikizira. Chivumbuzi 10:3-4, “Ndipo wakachemerezga na lizgulikulu, nga ndi para nkhalamo yikuwuruma: ndipo wakati wachemerezga,vidududu vinkhonde na viwiri vikadudumira mazgu ghawo. Ndipo vikativyadudumira vidududu vinkhonde na viwiri, ndatenge ndilembenge:ndipo nkhapulika mazgu kufuma kuchanya ghakati, Didimizga ivyo

2 EKLEZIYA LA MU LAODIKEYA

vidududu vinkhonde na viwiri vyadudumira, ndipo uleke kuvilemba.”Palije uyo wakumanya ivyo vikawa muvidududu ivyo. Kweni tikukhumbakuti timanye. Ndipo chitolelenge ntchimi kuti yitole uvumbuzi chifukwaChiuta walije nthowa yinyake yapadera yakufumiskira uvumbuzi waMalemba Ghake kweni kwizira mu ntchimi pera. Mazgu nyengo yoseghakwiza na ntchimi ndipo ndimo viwilenge nyengo zose. Kuti ili ndidango la Chiuta likuwonekeratu napakupenja waka mu Malemba. Chiutawambula kusintha na nthowa zambula kusintha wakatuma ntchimi Yakemu muwiro uliwose mweneumo wanthu wakapuluka kundondomeko yaUchiuta. Kuyambira wasambizgi wa vya uchiuta na wanthu palawafumako Kumazgu, Chiuta nyengo zose wakatuma wazga Wake kwawanthu awa (kweni padera pa wasambizgi wa vya uchiuta) mu malomwakunyoloska chisambizgo chautesi na kulongozgera wanthu kuwelerakwa Chiuta.

Ntheura tikuwona thenga la muwiro wa chinkhonde na chiwirilikwiza, ndipo iyo ndi ntchimi.

Kuti tikuwona kwiza pera chara kwa ntchimi iyi umu muChivumbuzi 10:7, kweni tikusanga kuti Mazgu ghakuyowoya za kwizakwa Eliya pambele Yesu wandizeso. Mu Mateyo 17:10, “Ndipo wasambiriWake wakamufumba Iye, wakati, Ipo chifukwa ntchichi walembi wakutiEliya wakwenera kwiza danga?” Ndipo Yesu wakazgora wakati, “Eliyawakwiza nadi, ndipo wizamkuwezgeramo vinthu vyose.” Pambele Fumuyithu yindize, Eliya wakwenera kwizaso danga kuzakagwira ntchitoyakuzakawezgeraso mu tchalitchi. Ichi ndicho Malachi 4:5 wakuyowoya,“Wonani nkhumutumira Eliya ntchimi pambele dazi likulu na lakofya laFumu lindize: ndipo wazamuzgora mtima wa wiskewo kuwana, na mtimawa wana ku wawiskewo, mzire ndize nakutimba charu na nthembo.”Palije kukayika kuti Eliya wakwenera kwiza pambere Yesu wandize. Iyowana ntchito ya padera yakuti wachite. Ntchito iyo ntchigawa chaMalachi 4:6 uyo wakuti “wati wazgore mitima yawana kwa wiskewo.”Chifukwa icho tikumanyira ichi ntcha ntchito yake yapadera iyowazamuchita pa nyengo iyo chifukwa walikukwaniliskako kale chigawachila chikuti “wazamuzgora mitima ya wiskewo ku wana,” apo utumikiwa Eliya ukawa pano mwa Yohane Mubapatizi. Luke 1:17, “Watiwendenge panthazi pa maso Pake mu Mzimu na munkhongono za Eliya,kung’anamulira mitima ya wawiskewo ku wana wawo, nawamutafukuwang’anamulira kuvinjeru vya wakunyoloka, kuwarongosolera Fumuwanthu wakunozgekanozgeka.” Mu utumiki wa Yohane “mitima yawawiskewo yikazgokera ku wana.” Tikumanya ichi pakuti Yesu ndimowakayowoyera. Kweni chindayowoyekepo kuti mitima ya wanayikazgokera kuwawiskewo. Icho chichali chindachitike. Mitima ya wanawamuzuwa la umaliro yizamuzgokera ku wawiskewo wapa Pentekosite.Yohane wakanozga wawiskewo chifukwa cha Yesu kuti wapokelere wanamu mskambo. Ntheura ntchimi iyi payeneiyo Mzimu wa Eliya uwilingeyinozgenge wana kuti wapokelere Yesu.

Yesu wakachema Yohane Mubatizi, Eliya. Mateyo 17:12, “Kweninkhumunenerani kuti Eliya wali kwiza kale, ndipo wakamumanya chara,kweni wakamuchitira chose icho waka nozgera.” Chifukwa ichowakamuchemera Yohane Eliya, ntchakuti Mzimu ula ukawa pa Eliyaukiza pa Yohane, nga umo Mzimu ukizilaso pa Elisha ukati wamala

THENGA 3

ufumu wa Themba Ahabu. Ntheura kamozaso Mzimu wizengeso pamunthu munyake pambele Yesu wandize. Wazamkuwa ntchimi. Iyowazamukhozgereka ntheura na Chiuta. Pakuti Yesu, Mweneko, muthupiwawenge pano chara kuti wamuwoneskere, (ngandiumo Iye wakachitirana Yohane) chizamuchitika na Mzimu Mutuwa mwakuti utumiki wantchimi iyi uzamwendezgana na kuwonekera kwa vyakuziziswa vikulu.Nga ndi ntchimi, uvumbuzi uliwonse uzamukhozgereka, pakuti uvumbuziwose uzamufiskika. Milimo yakuziziswa yikulu yizamuchitikangapakulangula kwake muchipulikano. Penepapo wazamupeleka uthengawene uwo Chiuta walikumupa mu Mazgu kuwezgera wanthu ku uneneskondipo na nkhongono yikulu ya unenesko ya Chiuta. Wanjiwazamuteghelezga, kweni umba unandi uzamuwungana ndipo nakumukana.

Pakuti ntchimi iyi ilo ni thenga ku Chivumbuzi 10:7 litiwengelakuyana na Malachi 4:5-6 liti liwenge ngandi Eliya na Yohanemukawonekero. Wose wawiri awa wakawa wanthu wapadera kufuma kusukulu za kasopelo kakuzomerezgeka mu nyengo yawo. Wose wawiriwakawa wanthu wamuthengele. Wose wawiri wakachitanga kanthu palawakawa na “Ntheura Fumu yikuti,” kufumira kwa Chiuta mwauvumbuzi. Wose wakalimbana na kwimikana na ndondomeko za kasopelona walongozgi wa nyengo yawo. Kweni kuti vikawa ntheura pera chara,wakalimbana nao kwimikana na wose awo wakawa wakutimbanizgikapanji kuti wangatimbanizga wanyawo. Ndipo wonani, wose wakachimachomene kususkana na wanakazi waukhaliro wa chigololo na nthowazawo. Eliya wakachemelezga kwimikana na Yezebeli, ndipo Yohanewakamuchenya Herodias, muwoli wa Filipo.

Nangauli wawenge wakutchuka chara, wazamukhozgereka naChiuta. Ngandiumo Yesu wakakhozgera Yohane, na Mzimu Mutuwaukakhozgera Yesu, ipo tingapanikizga munthu uyu kuti chakudanga watiwakhozgeke na Mzimu wakugwira ntchito mu umoyo wake munkhongono zambula kupindikana nazo ndipo zambula kusangika kunyakekulikose; ndipo Yesu Iyomwene, pakwizaso, wati wamukhozgere iyo,ngandiumo Iye wakamukhozgerera Yohane. Yohane wakachitila ukabonikuti Yesu wakwiza, _ ndiposo munthu uyu nayo, ngani Yohane,wachitilenge ukaboni kuti Yesu wakwiza. Ndipo kwizaso kwa Khristukuzamusimikizga kuti nadi munthu uyu wakawa wakuphalazga za kwizaKwake kwachiwiri. Uwo ndiwo ukaboni wa umaliro kuti uyu nadi ndintchimi ya Malaki 4, pakuti umaliro wa nyengo ya wa Mitundukwizamkuwa Yesu, Iyomweneko kuwonekera. Ntheura kwizamkuwakuchedwa kukulu chomene ku awo wali kumukana iyo.

Mwakuti tilutizge kwandula kwithu kwa ntchimi ya nyengo yaumaliro iyi, tiyeni ise mwapadera timanye kuti ntchimi ya pa Mateyo11:12, wakawa Yohane M’bapatizi, mweneuyo wakayowoyekelathu muMalaki 3:1, “Wonani, ndimutumilaninge thenga Lane, ndipo wanozgengenthowa pa mbele Zane; ndipo Fumu, Yeneiyo mukupenja, yitiyizengemwamabuchi mutempele Lake, enya Thenga la Pangano, Leneilomukucha nalo; wonani, Likwiza, wakuti Yehova wa Mipingo.” Mateyo11:1-12, “Ndipo Yesu wakati wamara kulayizga wasambiri Wake khumina wawiri, Iye ndipera ngawakuwukapo wakaya kasambizga nakupharazga mu vikara vyawo. Kweni Yohane wakati wapulika

4 EKLEZIYA LA MU LAODIKEYA

munyumba ya vikondo na milimo ya Khristu, wakatuma wasambiri wake,kuya kafumba Iye, kasi ndiwe Uyo Wakwiza, panji tilindilirengemunyake? Yesu wakazgora wakanena nawo, Rutaninge mukamuphalireYohane ivyo mukupulika na ivyo mukuwona: wachibulumutilawakuwonaso, viti vikwenda, wavyoni wakutozgeka, wakumangwamakutu wakupulika, wakufwa wakuwuskika, ndipo Makani ghawemeghakupharazgika kuwakavu. Ndipo ngwamwawi mweneuyo, wakuwurakusangamo kakumukhuwazga mwa Ine. Ndipo pakuti warute wara, Yesuwakamba kuyowoyera mizinda vya Yohane, Mukaya kumapopa kuyakawonachi? Thete kasi lakusunkhunyika na mphepo? Kweni ntchichi ichomukaya kawona? Munthu kasi wakuvwara zakulipwitika? Awonani, awowakuvwara zakulipwitika wali munyumba za mafumu. Kwenimukafumirachi kuya kawona? Mprofeti kasi? nadi, nkhumunenerani,mukuru chomene kwakuruska muprofeti. Mweneuyu ndiyokukamulembekera. Wona, ine nkhutuma thenga Lane panthazi pa chiskoChako, ilo lamukunozga gulwe Wako panthazi Pako. Inya nadinkhumunenerani, Mu wakubabika na wanakazi mulive kuwuka mukurukwakuruska Yohane Mubapatizi: kweni uyo ndi muchoko mu ufumuwakuchanya ndi mukuru kwakuruska iyo.” Ichi chilikuchitika kale. Ichichachitika. Kwamala. Kweni wonani sono mu Malachi 4:1-6, “Pakutiwonani, zuwa likwiza, lakotcha nga ndi ng’anjo; ndipo wose wakujikuzga,na, wose wakuchita uheni, tiwawe viswatu; zuwa ilo likwizalamukuwotcha, wakuti Yehova wa mpingo, mwakuti lamukuwasidiramusisi panji munthavi chara. Kweni kwa imwe mukopa Zina Lane Dazila Urunji lamkufuma liri na kuphozga mumapandindo Ghake;mwamkufuma, nakudukaduka ngati zingwata kufuma mulukutu.Mwamkukanda pasi waheni; pakuti tiwawe vyoto kusi kumalundi ghinumuzuwa ilo ndamuchitira ichi, wakuti Yehova wa mipingo. Kumbukaniimwe dango la Moses muteweti Wane, vilayizgo na maweruzgo vyeneivyonkhamulangura iye mu Horeb chifukwa cha Israel wose, pamo na vikozgovyakuwaja na maweruzgo. Wonani, tindimutumireni Eliya ntchimi zuwalikuru na lakofya la Yehova lichali lindize: Ndipo iye wamkuzgora mitimaya wawiskewo ku wana wawo na mitima ya wana ku wawiskewo, mzirendize nakutimba charu chose na nthembo.” Wonani, mwaluwiro kufumapa kwiza kwa Eliya UYU, charu chizamutozgeka na moto ndipo waheniwazamkotcheka kuzgoka vyoto. Nanga uli, ichi chikachitika CHARA panyengo ya Yohane (Eliya wazuwa lake). Mzimu wa Chiuta weneuwoukachima za kwiza kwa thenga mu Malaki 3:1 (Yohane) wukawerezgangakayowoyero kake ka kumanyuma ka uchimi pa Yesaya 40:3 iyoyikayowoyeka pafupifupi vilimika vikwi vitatu kumasinda uku. “Mazgugha mweneuyo wakukolomoka mu mapopa. Nozgani nthowa ya fumu,nyoroskani muchipalamba gurwe kwa Chiuta withu.” Ntheura Yohane,na Mzimu Mutuwa, wakayowoya za Yesaya na Malachi mu Mateyo 3:3,“Pakuti uyu ndi mweneuyu wakayowoyeka na ntchimi Yesaya, kuti,mazgu gha uyo wakukolomoka mumapopa, Nozgani gurwe lwa Fumu,nyoroskani nthowa Yake.” Ipo tingawona makora kufuma mu Malembaagha kuti ntchimi mu Malachi 3, uyo wakawa Yohane, wakawa ntchimiya pa Malachi 4 CHARA, nanga uli nadi, wose Yohane na ntchimi ya zuwala umaliro iyi wana Mzimu umoza Uwo ukawa pa Eliya.

Ntheura thenga ili pa Malachi 4 na Chivumbuzi 10:7 lizamuchitavinthu viwiri. Chakudanga: Kulingana na Malachi 4 iye wazamuzgora

THENGA 5

mitima ya wana kuwawiskewo. Chachiwiri: Wazamuvumbulavyamuchindindi vya vidududu vinkhonde na viwiri mu Chivumbuzi 10ivyo nimauvumbuzi gha kusangika muvididimizgo vinkhonde na viwiri.Ghazamkuwa mavumbuliro gha Uchiuta gha “unenesko wavyamuchindindi” agho ghakuzgora mitima ya wana ku wawiskewoWachipentekosite. Ndimo vilili.

Kweni ghanaghaniraso ichi. Ntchimi-thenga iyi mukawiro namumachitiro yizamukozgana na Eliya na Yohane. Wanthu wamuzuwa lantchimi iyi iyo nithenga wawenge nga ndi umo wakawira muzuwa laAhabu, na muzuwa la Yohane. Ntheura pakuti “MBANA PERA” awomitima yawo yizamuzgoka, ndi wana awo wazamukupulikira pera. Mumazuwa gha Ahab 7,000 pera mphapu ya unenesko yikasangika.M’mazuwa gha Yohane namo mukawa wanthu wachoko. Umba unandimumiwiro yose yiwiri ukawa muuzaghale na mukusopa vikozgo.

Nkhukhumba niyaniskeposo kamoza pakati pa ntchimi-thenga ya muLaodikeya na Yohane, ntchimi-thenga ilo likadangilira kwizakwakudanga kwa Yesu. Wanthu mu zuwa la Yohane wakatenge niMesiya. Yohane 1:19-20, “Ndipo ichi ntchipanikizgo cha Yohanepenepapo, Wayuda wakatuma kwa iyo Wasofi nawalevi wanji wakuYerusalemu kuya kamufumba, Kasi iwe ndiwe njani? Ndipo iyewakazomera, wakakana chara; kweni wakazomera, kuti Ine ndineKhristu chara.” Ntheura ntchimi-thenga la zuwa la umaliro ili litiwengena nkhongono pambele za Fumu mwakuti wazamkuwapo wanji weneawowazamkupuluka nakuti iyo ndi Fumu Yesu. (Pazamkuwa mzimu mucharu pa nyengo iyo ya umaliro uwo uzamupusika wanji kuwapangiskakugomezga ichi. Mateyo 24:23-26, “Chifukwa wati wauke wa Khristuwatesi, na ntchimi zitesi, nakurongora vimanyikwiro vikuru, naminthondwe; kuti wapuluske na wakusoleka nawo, usange kungachitika,henani ndamuphalirani nkhanira. Ntheura, usange wakunena namwe.Henani, wali kumapopa; mungayangako; henani, wali muviphijavyamukati; mungapulikananga.”) Kweni mungapulikananga. Ndi YesuKhristu chara. Ndi Mwana wa Chiuta chara. NJUMOZA WA WABALE,NTCHIMI, THENGA, MUZGA WA CHIUTA. Wakukhumba ntchindizinandi yayi pa iyo kujumpha izo Yohane wakapokera apo wakawamazgu gha kukolomoka. “Ine ndine Iyo chara, KWENI WAKWIZAPANYUMA ZANE.”

Pambele tindajale chigawa ichi pa thenga la ku Muwiro waLaodikeya, tikwenera kughanagnanira fikepo pa fundo ziwiri izi.Chakudanga, muwiro uwo uwenge na ntchimi-nthenga LIMOZA.Chivumbuzi 10:7, wakuti, “Pala iyo (yumoza) wazamukulizga.” Palijepomuwiro weneuwo Chiuta wali kuwapapo ntchimi zikuru pera ziwiri panyengo yimoza. Iye wakapeleka Enoch (yekha); Iye wakapeleka Noah(yekha); Iye wakapeleka Moses (iyo yekha wakawa na Mazgu nanga uliwanji wakachimanga); Yohani mu Baptiza wakiza YEKHA. Ntheura muzuwa ili la umaliro mukwenera kuwa NTCHIMI (ntchimikazichara_nanga uli mu muwiro uwu muli wanakazi wanandi wakuchilimikamwakupusika kuti wapeleke uvumbuzi wa Chiuta kuluska wanalumi),ndipo Mazgu gha mbula kutondeka ghakuti iyo (ntchimi)yizamkuvumbula vyamuchindindi kuwanthu-wanyengo ya umaliro,nakuzgora mitima ya wana kuwawiskewo. Walipo wanji awo wakuti

6 EKLEZIYA LA MU LAODIKEYA

wanthu wa Chiuta wazamukwiza pamoza na uvumbuzi wakufikira kwawose pamoza. Nkhususkanako kayowoyero ako. Ili nisachizgo, lambulauzirwe mu maso mwa Chivumbuzi 10:7. Ntheura nkhukana chara kutiwanthu wachimenge mu muwiro uwu waumaliro ndipo mautumiki yaghoghangawa gha kunyoroka. Nkhukana chara kuti kuwenge ntchimingandiumo mumazuwa gha Paulos kukawira pala kukawa “yumozaAgabusi ntchimi iyo yikachima naza njara.” Nkhuzomera kuti ninthena.KWENI NKHUKANA CHIFUKWA CHA UKABONI WAMBULAKUTONDEKA WAMAZGU KUTI PALI NTCHIMI-THENGAKUJUMPHA PA YIMOZA YIKULU IYO YIZAMUVUMBULAVAMCHINDINDI NGANDIUMO VILILI MU MAZGU NDIPO WALINAUTUMIKI WAKUZGORA MITIMA YA WANA KUWAPAPI WAWO.“Ntheura Fumu yikuti” na Mazgu Ghake ghambula kutondekaghakwima, ndipo ghayimenge na kukhozgereka. Pali ntchimi-thengalimoza ku muwiro uwu. Palufula lwa nkhalo ya munthu, waliyosewakumanya kuti apo pali wanthu wanandi paliso fundo zakugawikana pafundo zichokozichoko za chisambizgo chenecho icho wosewakungangamilako pamoza. Ndi njani uyo watiwenge na nkhongonozambula kutondeka izo zikwenera kuwezgekeraso mu muwiro waumalirouwu, pakuti muwiro uwu waumaliro uwelerenge kumanyuma nakuwoneskera mwanakazi, wa Mazgu Wambula Kalema? Ichochikung’anamura kuti titiwengeso na Mazgu nga ni umo ghakapikirakwambula kalema, ndipo nakupuliskika kwambula kalema nga nim’mazuwa gha Paulos. Nimuphalireninge uyo wawenge nagho. Yitiwengentchimi nga ni umo vyalongolekera, panji kulongoleka chomenekujumpha ntchimi yiliyose iyo yikawamo mumiwiro yose kufuma paEnock kufikira kuno kulero, chifukwa munthu uyu nkhwakwenererakuzakawa na utumiki wauchimi walibwe la pachingodya, ndipo Chiutawazakumuwoneskera. Iyo wakwenera kujiyowoyera yekha chara, Chiutawizaku muyowoyera na mazgu gha chimanyikwiro. Ameni.

Ghanoghano la chiwiri ilo likwenera kuti likhazikike pa mitima yithundakuti miwiro yinkhonde na yiwiri yikambika na mzimu wa chikanaKhristu pamozaso na Mzimu Mutuwa Uyo wakwenera kutumbikikamuyirayira swi. 1 Yohane 4:1, “Wakutemweka, mungagomezganga mzimuuliwose, kweni pimani mizimu usange nja Chiuta: chifukwa ntchimizinandi zitesi zaluta mu charu.” Mukachiwona ichi? Mzimu wakukanaKhristu ukubatikana na ntchimi zitesi. Miwiro yikayamba na ntchimizitesi ndipo yikumara na ntchimi zitesi. Ntheura kutiwenge NTCHIMIYITESI NADI mukamanyiro ka munthu yura wakuzunulika muChivumbuzi. Kweni kwasono apa uvumbuzi wake wandavumbukwekuwenge ntchimi zinandi zitesi. Mateyo 24:23-26, “Penepapo usangemunthu wamuphaliraninge kuti, Ehena Khristu wali pano, panji para;mungangomezganga. Pakuti wati wawukenge wa Khristu watesi, nantchimi zitesi, na kurongora vimanyikwiro vikuru na vyakuziziswa;mwakuti, usange kuwenge kwa machitiko, mphanyi wate wapuruske nawakusoleka wuwo. Henani, namuphalirani nkhanira. Ntheura usangewakunena namwe, Henani, wali kumapopa; mungayangako: henani, Iyewali muviphija vya mukati; mungapulikananga.” Ntchimi zitesi izi zirikusindikizgika mu makutu chifukwa cha ise Mumalemba ghanandi ngetindi agha. 2 Petros 2:1-2, “Kweni wakawamo zintchimi zitesi mu wanthu,nga ndi umo wati wawirenge mwa imwe wasambizgi watesi, weneawo

THENGA 7

wizamutoleramo ku udesi visambizgo vya utesi vya kupalanya, ukuwakumukana Fumu Uyo wakawawombola, nakujitolera paraniko lakwiza luwiro. Ndipo wanandi wati warondezgenge maukwakwa ghawo;chifukwa cha iwo nthowa ya unenesko yizamutukika.” 2 Timoteyo 4:3-4,“Chifukwa nyengo yiti yizenge para wamkuwura kupulikizgachisambizgo chenecho; kweni pakuwa na makutu ghakunyenyera watiwajiunji kirenge wasambizgi wakuyana na makhumbiro ghawo; Ndipowati waleke kupulika unenesko, na kung’anamukira ku vidokoni.” 1Timote 4:1, “Kweni Mzimu wakuyowoya pa kweru, kuti munyengo zakunthazi wanji wati wapatukeko kuchipulikano, pakutya makutu kumizimu ya kusongana na kuvisambizgo vya mademone.” Ntheuramunyengo zose ntchimi yitesi ni iyo yili kuwaro kwa Mazgu. Nga ndi umotangumulongolerani kuti “kukanakhristu” kukung’anamula “kukanaMazgu” ipo ntchimi izi zitesi zikwiza kuza kabudiska Mazgu, kughapaching’anamuro icho chikuyana na umaliro wawo wa usatana. Mulikuwonapo umo wanthu awo wakupuluska wanyawo umowakuwawunjikira pa moza mu kuwawofya? Wakuti usange wanthuwakuchita chara ivyo wakuyowoya, panji usange waleka, ndikutiparaniko likwiza. Ni ntchimi zitesi, pakuti ntchimi yineneskoyikulongozgera munthu ku Mazgu na kukakilira wanthu kwa YesuKhristu ndipo iyo wakuphalira wanthu kuti wangopanga iye panji ichowakuyowoya chara, kweni kuwopa icho Mazgu ghakuyowoya. Wonaniwanthu awa nga ni Yudas umo waliri kuwaro kupenja ndalama.Wakumutorani imwe kuti muguliske ivyo muli navyo kuti muwape iwo nandondomeko zawo. Wakutaya nyengo yitali pa vyakupeleka kuluskaMazgu. Awo wakuyezga kugwiliska ntchito vyawanangwa wakutolachawanangwa icho chili na kalema mukati mwake penepapo nakupempha ndalama, na kuleka Mazgu ndipo na kunena kuti chafuma kwaChiuta. Ndipo wanthu wazamuluta kwa iwo, nakuzizipizga nawo, nakuwazomerezga, na kuwagomezga kwambula kumanya kuti ni nthowa yanyifwa. Inya, charu chazura nakuyezgerera kwa chithupithupi. Muzuwala umaliro wazamuyiyezga ntchimi–thenga. Wana wankhonde na wawiriwa Skeva wakayezga kuchita nga ndi Paulos. Simon wa mayerewakayezga kuchita nga ndi Petros. Kachitiro kawo kawenge kachithupithupi. Chizamuwa chamachitiko chara kuti wachite icho ntchimiya unenesko yikuchita. Pala wakuti chisisipusko chamara wazamulutauku na uko nakuyowoya kuti wali na uvumbuzi wakuti icho wanthu walinacho ntchaunenesko nakuti Chiuta wachitenge vinthu vikuru ndipo navinandi vyakuziziswa chomene pakati pa wanthu. Ndipo wanthuwazamkuwerera nyuma chifukwa cha ichi kwenikuko. Ntchimi zitesi iziziyowoyenge kuti thenga la zuwa la umaliro lindasambire za uchiuta, ipowangampulikanga chara. Chiwenge chamachitiko chara kuti wachite ichothenga lingachita; wangakhozgereka na Chiuta chara nga ndi umo thengala umaliro lakhozgerekera, kweni na mazgu ghawo ghakuru ndipo nauzito wakumanyikwa pa viheni charu chose wachenjezgenge wathu kutiwaleke kumupulika munthu uyu (thenga) nakuyowoya kutiwakusambizga vya utesi. Wakuyana nadidi na wa wiskewo, wa Falisi,awo wakawa wa muheni, pakuti wakati wose wawiri wuwo Yohane naYesu wakasambizganga vya utesi.

Ntheura ntchifukwa uli ntchimi zitesi izi zikuwukira ntchimi yaunenesko na kuyuyura chisambizgo chake? Chifukwa wakuyana nadidi

8 EKLEZIYA LA MU LAODIKEYA

`

THAMBO LA MOTO

Thambo la Moto pa chanya pa mutu wa Mubale Branham likajambulika kuHouston, Texas, mu Janyuwale 1950, ndipo lakhala likumulondezga kufuma pakubabika kwake mu 1909. Mu 1933 pa uteweti wa ubaptizo mu Dambo la Ohioku Jeffersonville, Indiana, chauzimu Ichi chikaonekera pa nthanzi pamakhumi khumi gha wanthu, nakunena nayo, “Nga ndi umo Yohanewakaphalazgira za kwiza kwa kudanga kwa Khristu, iwe uphalazgenge zakwiza Kwake Kwachiwiri.”

Uthenga uwu wa Mbale William Marrion Branham, Thenga na Ntchenjezgo YaUmaliro Ya Mzimu, ukafuma mu Muwiro wa Ekleziya la mu Laodikeya mubuku lake lakuthyika Kuwoneskekera Kwa Miwiro Yinkhonde na Yiwiri yamaEkleziya, ndipo uli kulembeka mwenemumu kwambula kusinthika nakughagawa wambura mutengo na wa Voice of God Recordings.Kung’anamulika mu Chitumbuka mu 2004.

Mazgu gha pa chikope kuwaro ghakatoleka mukati m’buku leni ili.

CHITUMBUKA

©2004 VGR, ALL RIGHTS RESERVED

Mauthenga gha kudanga gha Mbale William Marrion Branham ghajambulikapa matepi, ndipo agho ghalipo ghakujumpha 1,100, ndipo ghakujambulikansokwambura kwendamo. Ghanandi mauphalazgi agha ghali m’mabuku, ghalikulembeka kwambura kusinthika na kughagawa kwambura mutengo. Matepi,mabuku, vithuzithuzi vya kwenda, vithuzuthuzi waka na makani ghanyakhegha kovwira paza utumiki wake uwu pa charu chose ulipo pa kulembera:

VOICE OF GOD RECORDINGSP.O. Box 950, Jeffersonville, Indiana 47131 U.S.A.

www.branham.org

nakuwa pamoza nga ndi umo wasekuru wawo apo mu mazuwa ghaAhabu wakimikana na Mikaya. Wakawapo makhumi khumi ghanayindipo wose wakazomerezgana; nakuyowoya chinthu chimoza,wakawapusika wanthu. Kweni mprofeti YUMOZA_ yumozapera_wakawa waunenesko ndipo wose wakanangiska chifukwa Chiutawakapereka uvumbuzi kwa YUMOZA PERA.

Chenjerani na ntchimi zitesi, pakuti ndi mphumphi zaku kwapura.

Usange muchali na nkhayiko pa ichi fumbani Chiuta na Mzimu Wakekuti wamuzuzgeni na kumulongozgani, PAKUTI WENECHOWAKUSOREKA WANGAPUSIKIKA CHARA. Mukachipulika ichi? Palijemunthu waliyose kuti wamupusikani. Paulos wakati wapusikengewakusoleka waliyose, usange wawenge wakunangiskika. NdipoMumuwiro ula wakudanga wa Efeso wakusoleka nthena wakawapusikachara pakuti wakawayezga wapositole watesi na ntchimi zitesi nakuwasanga kuti mbatesi na kuwajowora. Halleluya. Mberere ZAKEzikupulika mazgu GHAKE ndipo zikumurondezga IYE. Ameni.Nkhugomezga ichi.

THENGA 9Ntchenjezgo Ya Umaliro Ya Mzimu

Chivumbuzi 3:22, “Mweneuyo wali na khutu, wapulikecheneicho Mzimu wakuyowoyera mu maekleziya.”

Iyi ni ntchenjezgo ya UMALIRO. Kuwengenso yinyake chara.Chipinda cha chizumbe chanozgeka. Malufura khumi na ghawirighazengeka. Miseu ya golide ya limika. Vijaro vya ngale vimikikanakukakika. Nga ningodya wayimilira mwakunyaditsa nakuchindamikika. Vilengiwa vya muchanya ivyo vyamunozgavikudodoliska mwakukhumata, pakuti wukunyezimira na kuwarana uchindami uwo kuti ngwa charu cha pasi chara. Kawonekerokalikose kautozi kakwandura nkhani ya uchizi wake wakuziziswana chitemwa cha Yesu. Uwo ni Msumba wakunozgekera wanthuwakunozgeka. Wukulindizga wakukharamo wake, ndipo sonosonowazulenge mu miseu yake na chimwemwe. Inya, ni ntchemo yaumaliro. Mzimu uyowoyengeso mu muwiro unyake chara. Miwiroyamara.

Kweni wongani Chiuta, pa nyengo iyi, muwiro uno undamare.Iye wachali kuchemerezga. Ndipo ntchemerezgo Yake njamumakutu gha uzimu gha wanthu pera chara na Mzimu Wake, kwenikamozaso ntchimi yili mucharu. Kamozaso Chiuta wa vumbulengeunenesko nga ndi umo wakachitira kwa Paulos. Mmazuwa ghathenga la chinkhonde na chiwiri, mmazuwa gha Muwiro waLaodikeya, thenga lake lizamuvumbula vya muchindindi vya Chiutanga ndi umo vikavumbukwira kwa Paulos. Iye wazamuyowoya,ndipo awo wakupokerera ntchimi iyo muzina lake wazamupokereravyakupinduliska vya utumiki wa ntchimi iyo. Ndipo weneawowakumpulika iyo wizamtumbikika ndipo wawenge chigawa chamwali wakunozgekera mufumu wake wa zuwa la umaliro uwowukuzunulika mu Chivumbuzi 22:17, “Mzimu na mwali wakutizanga.” Njere za tiligu (Tiligu wa Mwali) uyo yikawa n’dongo paNicaea ya weleraso Kunjere ya Mazgu ya pachiyambi. WalumbikeChiuta kwa muyaya. Inya, teghelezgani kuntchimi yakukhozgelekana Chiuta iyo yikuwoneka mu muwiro uwu wa umaliro. Ichowakuyowoya kufuma kwa Chiuta, mwali nayo wayowoyengeyizamukuti. Mzimu na ntchimi na mwali wazamuyowoya chinthuchimoza. Ndipo icho wazamuyowoya chizamuwachakuyowoyekapokale mu Mazgu. Wakuti sono, “Fumapo pakati pake sono ndipoujipature.” Ntchemerezgo yapulikikwa. Ntchemerezgoyikupulikikwai. Mazgu ghakuchemerezga ghapulikikwengekufikira pa Uli? Tikumanya chara, kweni chimoza icho tikumanya,patolenge nyengo yitali chara pakuti uwu ni muwiro wa umaliro.

Mweneuyo wali na khutu, wapulike cheneicho Mzimuwakuyowoyera ma ekleziya. Mzimu wayowoya. Dazi ilo likunjiralilipafupi kubisika mu muyaya yamiwiro ya ma ekleziya. Ndikutikwamara. Kuzamukuwa kuchedwa kukuru chomene kutitinjiremo. Kweni usange pakunyake mu mauphalazgi gha Chiutawachita namwe na Mzimu Wake, manyano sono kuzgokera kwaIyo mukulapa na kupeleka umoyo wina kwa Iyo mwakuti naMzimu Wake wamupaseni umoyo wandanda.

12 EKLEZIYA LA MU LAODIKEYA

“PAKUTI YEHOVA WAKUTI”

“mazgu ya thenga la chinkhonde nachiwiri”

“ntchimi–thenga yimoza kumuwirouwu”

“nkhongono yambula kutondeka”

“utumiki wauchimi wa libwe lapachingodya”

“ntchimi thenga la Chivumbuzi 10:7”

“lakuyana na Malachi 4:5-6”

“lakukhozgeleka na Chiuta”

“lakwimikika na Mzimu”

“mphalazgi wa kwiza Kwakekwachiwiri”

Chimanyisko chakukopera

Wanangwa wose ngwakuvikiririka. Buku ili lingamanya kudindika pa chakudindira cha kunyumba kuŵa lakugwiriskira ntchito imwe panji kuti liperekeke, kwaulere kwambura mtengo, nga ndi lakugwiriskira ntchito kutandazgira Ivangeli la Yesu Khristu. Buku ili ntha lingaguriskika, kupangikaso mu unandi, kutumizgika pa website, kusungika umo tingazakalisangiraso, kutanthauzika mu viyowoyero vinyakhe, panji kuligwiriska ntchito pa kupempheskera ndalama kwambura kalata yakulembeka kuzomerezgeka na Voice Of God Recordings®.

Kuti mumanye vinandi panji kusanga katundu munyakhe uyo waliko, chonde fumbani:

VOICE OF GOD RECORDINGSP.O. BOX 950, JEFFERSONVILLE, INDIANA 47131 U.S.A.

www.branham.org