fa’anoanoaga loloto - leva.co.nz · loloto pe a mavae ona fanau mai se pepe fou. uiga ole tagata...
TRANSCRIPT
Fa’anoanoaga lolotoOle fa’anoanoa ma lagona lē fiafia ose mea masani ona maua ai tagata. Peita’i a fai e oo atu ia lagona ise tulaga ogaoga ona avea le ma avega mamafa ua o’otia pe mafatia ai le loto, le tino male mafaufau. E mafai ona oo ai tagata ile tulaga ua faigata ona moe pe le manogi fo’i se mea’ai. E ono oo atu fo’i ile tulaga ua lē fesoota’i lelei ma tagata o lona aiga poo uō, pe o’o atu lava i lagona ua leai se faamoemoe.
Afai e fa’aauau ia tulaga mole lua vaiaso pe sili atu lona uiga ua ono o’o atu ise tulaga ua ta’ua ole fa’anoanoaga loloto (depression).
Ole fa’anoanoaga loloto e to’atele i latou e maua ai. Ole tulaga lea e ono a’afia ai feutana’iga ma so’otaga ile va o ‘oe ma au uō ma lou aiga; e aafia ai lou agava’a ete alu ile galuega po’o le aoga. E ono a’afia ai fo’i le tagata i lagona ole pule ile ola.
E masalomia lou aafia ile fa’anoanoaga loloto pe
afai ua sili atu ile lua vaiaso o ia te ‘oe mea nei:
lagona fa’anoanoa, manatu maulalo
Leai se lagona po’o se fiafia e faataunu’u se
mea.
Nisi nei o faailoga po’o auga ole tagata ua aafia
ile fa’anoanoa loloto:
le mau nofo lelei, popole, le mau tonu
tagitagi gofie pe tagi ae leai se mafuaaga
le lavā gofie, vaivai ma lē fia mana’o e fai se
mea
lagona ua leai se faamoemoe pe e lē aogā
lagona o ‘oe ua mafua ai pe ua e nofo lava
‘oe ma tu’ua’i o ‘oe e sēsē
faigatā ona e fai se galuega pe fuafua lelei
se mea
lagona ua leai se malosi ma lē lavā i taimi uma
sui le ‘ai ma taimi moe – ‘ai tele pe ua le manogi
fo’i se mea‘ai, moe umi po’o le lē fia moe
faaopopo le mamafa pe puta tele pe ua
faasolo fo’i ina pa’e’e le tino
lagona e maua mai ile mau to’atasi pe ua e
le fia mafuta atu i potopotoga a aiga
po’o uō
Mafaufau ile oti.
A faapea o lau faalogona lea, e tatau
ona e saili se fesoasoani talafeagai e
fesoasoani ia te ‘oe ina ia e gafatia
ia tulaga ma fa’anoanoaga.
DEPRESSION – SAMOAN
Fa’anoanoaga loloto e mafua ile tu’ufatasia oni
mea sa tutupu i lou olaga ise taimi e le’i mamao
atu (e pei ole maliu ose tagata e pele ia te ‘oe)
ma isi faafitauli ogaoga ma fa’aumiumi (e pei ole
lē maua ose galuega po’o le aafia ise gasegase).
Mea tutupu ile Olaga:
umi se taimi e lē faigaluega pe ua te’a male
galuega
maliu se tagata e pele ia te ‘oe
motusia se mafutaga ma se uō mamae po’o
sou toalua
popolega fa’aumiumi – i totonu o aiga,
galuega, aoga po’o le tele o faalavelave ma
mea tau tupe
sauāina pe fa’afefe
ola i totonu ose siosiomaga e pologa po’o le
aafia i sauaga i totonu ole aiga
olaga na ola mai ai sa tutupu ai ni sauaga ma
ni mea ogaoga
le mafai ona gafatia matafaioi ma mea fai –
faaleaiga, faalelotu, faalenu’u
o nisi tinā/tama’ita’i e aafia i fa’anoanoaga
loloto pe a mavae ona fanau mai se pepe fou.
Uiga ole tagata lava ia:
fa’anoanoaga loloto e mafai ona tu’u fa’asolo
mai aafiaga ise aiga
afai ete popole, mafaufau maualalo e te le
mafaia se mea
pe ete aafia ise tiga ogaoga po se gasegase
ogaoga ma fa’aumiumi.
Olaga o lo’o e ola ai:
tele le inu ‘ava malosi
fa’aogaina o fuala’au faasãina po’o le ta’alo i
ta’aloga po’o masini petipeti ua le mafai ona
tu’u
lē maua se moe lelei
lē tausi le soifua maloloina – lē lelei mea’ai
po’o le leai o se faamalosi tino.
E le’o se mea e tasi e mafua ai fa’anoanoaga loloto
E te lē tau mafatia ma tau’ave nei fa’anoanoaga loloto
to’atasi. Le mea e sili ona taua o lou saili pe fesili mo se
fesoasoani.
Ta’u atu ma faasoa ou lagona i se tasi ete faatuatuaina
e pei ose tagata o lou aiga, se uō, se ta’ita’i o ekalesia.
O lo’o iai auaunaga ma tagata faapitoa ole Soifua
Maloloina e mafai ona maua ai se fesoasoani. Ole
fesoasoani talafeagai mo ‘oe e fuafua lea ile tulaga o
lou aafiaga pe feololo pe ua oo ise tulaga ogaoga.
Mo auga feololo e mafai ona e faia mea e pei ole
faamalosi ma faagaoioi lou tino, taumafai lelei, malolo
pe moe lelei, saili fesoasoani e maua mai i tusi po’o
upega failagi (initeneti).
Afai ua ogaoga tele lou aafiaga e tatau ona e talanoa
ise foma’i faapitoa tau le mafaufau, po’o se tagata ua
a’oa’oina faapitoa e fa’atalanoaina ma togafitia lou
faafitauli. E iai fo’i fuala’au e mafai ona maua ai suiga lelei.
Afai ete fia talanoa pe fia fesili ise tagata ise mataupu
e aunoa male faailoa fa’alautele atu o lou faafitauli, ia e
feso’ota’i atu i telefoni nei e leai se totogi.
Auala e te maua ai le fesoasoani
Depression Helpline 0800 111 757.
Youthline 0800 376 633.
The Lowdown free text 5626. E mafai ona e toe foi ise tulaga lelei, ae taūa lou vave saili ose fesoasoani.
Auala e maua ma fa’atumau ai le maloloina
E taua lou tausi lelei ia te ‘oe lava – i lou mafaufau,
tino ma lou agaga.
Fa’amasani ma a’oa’o i auala e faaitiitia ai lou
popole.
Saili ma fa’amasani e fai mea ete fiafia iai ma maua
ai le to’afilemu o lou tino, lou mafaufau ma lou
agaga.
To’aga e faamalosi tino ma tausi lelei lou soifua
maloloina.
ia lava lau malologa.
A’oa’o i auala e feso’ota’i ai ma le tomai e fofō ai
faafitauli e ono tutupu mai.
Fiafia e feso’ota’i ma auai i fuafuaga i totonu o nu’u
ma Aulotu e faaoga ai tu ma lau aganu’u ne’i galo.
Feso’ota’i – faimea fa’atasi ma tagata lelei.
Tu’uina atu auaunaga mo isi tagata i totonu o nu’u
ma pitonu’u.
Feso’ota’i atu ma faailoa atu i isi tagata i taimi e
le’o sologa lelei ai au fuafuaga pe’a e mana’omia
se fesoasoani.
Fa’amautū lou faatuatua ma lou faamoemoe.
Ia iai auala e pei o musika, taaloga ma mea fa’afiafia
e maua ai lagona lelei.
Fiafia e ataata, fa’auō atu ma feso’ota’i ma isi tagata.
www.leva.co.nz
www.facebook.com/levapasifika
@levapasifika