february 2016 ramthar 1 - · pdf filekum thara rawngbáwltu tùr peng hrang...

February 2016 Ramthar 1

www.mizoramsynod.org

http://www.mizoramsynod.org



TAKSA HLANNATirhkoh chuan, “Chutichuan, unaute u, Pathian khawngaihna

avang hian, inthawina nung leh thianghlim leh Pathian lâwm tlâk nitùrin in taksa chu inhlanah ka ngen a che u; chu chu in rawngbàwlnaàwm rêng a ni,” (Rom 12:1)a ti a. Taksa ngei Pathian hnêna hlan tùraa phut ngamna chhan chu, ‘Pathian khawngaihna avàng hian’ tiin asawi. Hmâna Pathian mi ni ngai lo, khawvêl mi kha a faah te vuahinan lo awm tâk avàng chauhvin an taksa chu Pathian tána hlan tùrin angen ngam a, a chhan pawh chiang takin a hrilh nghal a ni.

Mihringah hian taksa, rilru leh thlarau a awm a. Heti zâwngpawh hian sawi ta ila a fuh zâwk hial àwm e - ‘mihring hi taksa, rilruleh thlarau infin khâwm a ni’ tiin. Taksa tel lovin thlarau ngawtinemaw, rilru ngawtin emaw Pathian rawng a bàwl theih loh. Kan taksangei hi hlàna Pathian rawng hi bàwl tùr a ni. Kan taksa hlan chuThlarauva Pathian rawng kan bàwl dàn tùr (Spiritual Worship) a nitiin Paulan a sawi. Vawi khat chu kan kohhran chhuahsan pa pakhathian kan Pastor Quarters kan sak laiin rawn thawha inhlawh ve hi aduh a. “Pu Zau, kohhran hi kan la inti neitu rilru tho a nia,” a ti a. Keilah chuan, “A nih tak chu, keini pawhin Pastor Quarters sain kan loruai rilru ve ang che,” ka ti a. Taksaa kohhrana tel lo, tel rilrûkringawt chuan awmzia a nei lo va; chutiang bawkin Pastor Quarterssaa rawih rilrûk ringawt chuan hna a thawk lo va, a su kaw bawk heklo. Hei hian taksa ngeia tel a \ulzia a tilang.

Kum 2016 kan hmang \an mék a. Mizoram chhúngah pawhkum thara rawngbáwltu tùr peng hrang hrangah kan inruat thara. Chutiang bawkin ram páwna rawngbáwla feh chhuakte pawhmahni hnaa tih tùr pual ruatah hma kan la \an mék bawk a.Pathian khawngaihna azárah a rawng báwl ve tùra Pathianin minlo la duh ve te hi a va han làwmawm tak êm! Pathian hnênahlàwm thu i sawi ang u. Chutianga Pathianin a rawng báwl tùramin koh ve tâkah chuan kan hmaa rawngbàwl hna, tih tùr awmapiangte chu r inawm leh dik taka thawkin, kan tána Kristainhlanna hre rengin keini pawh inhlan thar zêl ila.

Kan taksa hi Pathian rawng báwl tùra kan inpêk phalchin chinah keimahni leh kan rawngbàwlsakte tán a hlu ang a,kan lallukhum timawituah a lo la chang ang. Chuti ni lova, zeltheltaka, rûn dâla, kan taksa leh rilru leh thlarau hlan kim phal lovakan thawh chuan mahni inbum mai kan lo ni ang. Pathianin akhawngaihna avànga a rawngbáwl tùra min kohna phua thawktùrin mawh kan phur a; chutianga kan thawh theih nán kan taksangei hlana a tána inpêk hi kan mawhphurhna a ni.

.....




K E I M A H N I

† TUARPUINA: Pu Lalduhawma, Evangelist, HlimenBial pa, Pu Kamol Bahadur chu ni 17.12.2015 khánNepal-ah a thi.

Synod Mission Board-in a tuarpui takzet a ni.

† SYNOD RAMTHAR RAWNGBAWLNAACOMMITTEE MEMBER |HENKHATTE: SynodRamthar Board Committee (14.12.2015)-in SynodRamthar rawngbàwlnaa Committee member a ruattharte chu hêng mite hi an ni:

SlNo. Hmun Hawn kum Thawktu

zat

Ringthar Jan- D ec.

'151 . Barak 1975 176 137 2 . Tripura 1986 268 1,242 3 . Delhi 1988 29 36 4 . Kolkata 1988 120 590 5 . Siliguri 1988 55 130 6 . Karb i Anglong 1989 207 89 7 . Arunachal 'E ' 1991 92 65 8 . Lucknow 1999 69 404 9 . Patna 1999 75 188

10. Nepal 2000 94 212 11. Arunachal 'W ' 2001 194 431 12. Home Mission North 1949 146 129 13. Home Mission South 1987 249 67 14. Assam 2008 101 48 15. Jharkhand 2008 130 622 16. Cac har Tlangram 2009 118 22 17. Masihi Sangati 1979 198 1,630 18. Manipur 1967 1 19. Orissa 2011 14 23 20. Cam bodia 2010 3 21. Miss ion dang/P.ship 42 22. Trainees

a) CTE 5 TOTAL 2 ,386 6,065

† SMB ringthar dinhmun 2015:

[Hei hi Official-a dawn chin a ni a, dawn kim loh a awmavàngin hei ai hian ringthar zât hi la \hahnem tùra ngaih a ni]




(a) Kum 2016-2018 chhúnga Board ExecutiveCommittee member-te:1) Rev. H. Lalrinmawia, Moderator2) Upa H. Ronghaka, Synod Secretary3) Rev. B. Sangthanga, Executive Secretary i/c Mission4) Rev. K. Lalrinmawia, Board Secretary5) Dr. Robert S. Halliday, Coordinator6) Rev. Lalchhuanmawia, Bungkawn7) Rev. K. Lalthangmawia, Chhinga Veng8) Upa F. Lalfakzuala, Dawrpui9) Upa C. Lalnghakliana, Tuikhuahtlang10) Upa Denghmingthanga, Kulikawn11) Rev. T.C. Laltlanzova, Zonuam12) Upa H. Thangmawizuala, Upper Republic13) Rev. Lalremruata Ralte, Maubawk14) Upa V. Neihkunga, Chanmari15) Upa Zairemmawia, Leitan South

(b) Kum 2016-2018 chhúnga Barak Area Committee-a SMB aiawh turte:1) Rev. K. Lalthangmawia, Chhinga Veng2) Rev. T.C. Laltlanzova, Zonuam

(c) Kum 2016-2018 chhúnga Chhim Area Committee-a SMB aiawh turte:1) Rev. Lalchhuanmawia, Bungkawn2) Upa C. Lalnghakliana, Tuikhuahtlang

(d) Kum 2016-2018 chhúnga Home Mission NorthWorking Committee member-te:1) Rev. K. Lalrinmawia, Board Secretary (Chairman)2) Dr. Robert S. Halliday, Coordinator (Secretary)3) Rev. B. Sangthanga, E.S. i/c Mission (Ex-officio)4) Mission Promoter, HM North (Recording Secretary)5) Supervisor of Schools, SMB




Member-te:1) Rev. Lalhminghlua, Lallen (Chhawrpial Presbytery)2) Upa C. Zahlira, W. Phaileng (Dampa Presbytery)3) Rev. Dailamthanga, Pangbalkawn (Kolasib Presbytery)4) Rev. Zohmunmawia, Zawlnuam (Khawthlang Presbytery)5) Upa F. Vanlalmawia, Bilkhawthlir (Hmarthlang Presbytery)

† SMB HNUAIA THAWK TÙRA PRO. PASTOR LÂKTHARTE:1) D.B. Rai, B.Th., Nepal2) Zorammuana, B.Th., B.D., Armed Veng3) Nirmal Kumar Limbu, BA, B.Th., BD, Bawngkawn East4) Matsam Bo, B.A., B.D., Arunachal East5) Bijen Singha, B.Th., B.D., Bazaricherra6) Tojo Ngamdir, B.Th., B.D., Arunachal West

† KUM 2016-2018 CHHÛNG ATÂNA FIELD SEC-RETARY RUAT THARTE:1) Delhi – Rev. R. Lalrosiama2) Arunachal & Assam ‘W’ – Rev. R. Lalrinsanga3) Odisha – Rev. Lalramdinthara Colney4) Arunachal North – Rev. Lalhmuchhuaka5) Karbi Anglong – Rev. F. Pachhunga

† KUM 2016 JANUARY THLA A|ANGA PENSION-AMIN CHAWLHSANTU MISSIONARY-TE:1) Pi Vanlalruati, Home Mission North2) Pu A. Vanlalhruaia, Bru Gospel Team3) Pu Zaihmingthanga, Cachar Tlang4) Pu H. Chawngneihthanga, Gorkha Gospel Team5) Pu Sukhomoni, Chakma Gospel Team6) Pu Janga Bahadur, Presbyterian Hindi Bible School7) Pu M.M. Nymaana, Tripura Field8) Pu Raj Kumar, Barak Area




RAMTHAR HLUTTUTE HUANG

“KA MITTUI A TLA |HIN”

– T.Upa T.R. Dothanga Farkawn

Kum 1984 a\anga tûn thleng hian Ramtharchanchinbu hi ka la ve a. A lo thlen hlan ka nghakhlelêm êm \hin. A chhan chu lungchhe tak leh nuamtaka mittui tlaa mi \ahtírtu a nih vàng a ni.

Kan missionary-te leh ringtharten an awmnaaharsatna chi hrang hrang an tawhin mittui a tla a.Làwmna lam a lo thlenin làwm avàngin mittui a tlabawk a. Chhiar laklawh laia lungchhe tak leh lâwmtak chunga Pathian hnêna \awng\ai \ul chang a tam.

Editorial a\anga chhiar \anin chhiar chhuahhma chu cháng dang a kân theih loh. Chhiar chhuakvek mah ila, chhiar nawn a nuam a ni.

Ramthar chanchinbu vul zêl rawh se.

RAMTHAR CHANCHIN BU MAN CHUNGCHANG Chanchinbu man hi Synod tangka kuma chhût lovin

kalendar kum (Jan-Dec)-a pêk \hin tùr a ni a, a hma lama pêk tlâk \hin ni thei se, a lâwmawm hle ang.

Dâk (Post Office)-ah, Money Order (M.O.) form hmangin Circulation Manager, Ramthar, Synod Office, Aizawl address-in a pêk theih bawk a ni.

Bank a\anga pe duh tán ‘Synod Ramthar’ SBI A/C.10665621086 -ah a pêk theih a. Bank dang a\anga pe chuan IFS Code: SBIN0007058 hmangin a pêk theih reng e. Bank a\anga kan pêk chuan Cir. Manager hnênah phone (8575178109)-a inhriattir nghal zêl tùr a ni bawk.




SERMONA TIH THEIH TÂWK A TI A NI

– Upa LalnunmawiaBawngkawn South

Bethani khuaa Simona ina kan Lal Isuan chawa kíl mêk laiin hmeichhe pakhatin a Pathian a hmuta tlat mai! A neih ro hlu chu ui chi-ah a ngai ta lova; mipui zíngah a Lalpa hmu miau hek le! A hriakbáwm chu sawh kehin spiknard hriak rimtui, to takchuan Lal Isua chu a rawn thih ta mai a. Nimahsela,a bula lo awm vete chu an thin a ur ta tlat mai;anmahni ngaiha thil \ha dang an kher chawp ta a.Mi dangte thil \ha tih leh rawngbàwlna chu lawmpuitâk aruangin an thin a ur ta zâwk mah a nih chu.

‘He hriak hi duli 300-a hralhin mi retheitehnêna pêk zâwk tùralâwm’ tiin an phunnawita a. He hmeichhiain LalIsua chunga a thiltih \hathi lâwmpuia fak zâwk tùrasin le! Hêng hun laiapatling inhlawhfatennilénga an hlawh zât chu‘duli’ a ni a. Patling kumkhat hlawh zât zet maichu kan Lal Isua bulahhian a sawh keh a, a thihta vek mai a ni a. Lalpatána a tih theih tâwk hi ava ropui êm! Hetiang zâtzet insenso huama Lalpachunga a tih hi eng dangvàng a nih ka ring lo; Lal

Isua hi a hre chiangin, ahmangaih êm vàng a ningei ang. Kan thiltih\hinte leh kan tih lohtehian Isua kan hmangaihdàn a tilang chiang beràwm asin.

Kan Lalpa chuan hehmeichhe thlavâng hi ahauh tlat; “Eng mah tih suhu; engah nge in tihbuai ni?ka chungah hian thil \ha taka ti a ni...A tih theih tâwk ati a ni; ka taksa hi phùmtùrin a lo hnawih lâwk anih hi. Tichuan, tihtak-meuhvin ka hrilh a che u,khawvel zawng zawngahkhawiah pawh Chanchin|ha an hrilhna apiangah he




hmeichhe thiltih pawh hiamah hriat rengna tùrin ansawi ve zêl ang,” a ti.Tûnlai thleng pawh hiankan la sawi ve zêl a nihhi maw! Kan tih theih tâwkkan tih hian Lalpa hi a valâwm \hin êm!

Mi sual pakhat chauhsim chungah pawh hianLalpa leh vàna mite hi anva lâwm \hin êm! Fapa tlanbo haw leh kha a pa khân ava làwm tehlul êm! Koh-hranho zíngah hian mi fel99, sim chuan tùr nei lotehi kan \hu nghûk mai angtih a hlauhawm hle. “Siminka lo kal e, aw Lalpa, kasualna ngaidam rawh,” i ti\heuh teh ang u.

Mi sualte hma-ngaihtuLalpa : Pharisai Simonankan Lal Isua chaw eiah asáwm a. A kîl lai mêkin chumi khuaa hmeichhe sualpakhat chuan a hriat velehalabasta báwmin hriakrimtui a rawn keng a; Lalpahnungah \ap chungin ading a. Lal Isua hi ahmangaih mang e áw!Hriak rimtui chuan a chulha, a mittuiin a kephah a farhuh a. A samin a hrûksaka, a kephah chu a fâwp ta

ngawih ngawih mai a.Chaw eia sáwmtu Phari-sai-pa rilru chu a dang lehta daih mai. “Ka mikhualpahi zawlnei a nih chuan adektu hi hriat àwm tak ani. Mi sual a ni si a,” a tirilru leh ta.

Lalpa chuan hehmeichhe thlavâng hi ahauh leh ta a. Simonahnênah chuan a sual zawngzawng a ngaihdam tâk thua puang ta rup mai a ni. Papakhat pawh hian Lalpahmaa a sual \hinzia leh, chutichunga Lalpan a khawngaihnaleh a hmangaihnain angaihdam hnehzia thlarauvaa han hriat chhuah tâkchuan, “Lalpa min hai emni?” a ti e, an tia lawm! Keiniang mi sualte hmangaihtuIsua kan nei hi a valàwmawm êm! Kan Biblemeuhin ‘hmeichhe sual’ ati a ni. Chutiang chu ni mahsela, Lalpa hmangaihnapuan inah hian a la lengêm êm a ni.

Keini mi sualte hiPathianin kan aiawha thi,Kristaah min en a, “Ansualna leh âtnate chu kahre reng tawh lo vang, antán ka Fapa a thi si,” a tihmiau si chuan tu nge




thiam loh min chantír theiang le? Krista thisenchuan kan sual zawngzawng min sil faisak \hina nih chu. “Ka hming pu,ka mite chuan an awm dànsualte an kalsan chuan ansualte ka ngaidam ang,”Lalpan a ti. Lal Isuathusawia lung tilêng takmai chu, “A bo chu in hmuleh hma loh chuan tu ngezawng lo vang che u?” tihhi a ni. Lalpa hian bote hi alo va hmangaih êm ve áw!Mi sualte lamah hian Lalpahi a \ang asin. Mi sual,khawtlángin an endawngtawhte pawh hian Lalpa anpan chuan an thlavàng alo hauh tlat a, a hnar vengai lo.Lalpan tih theih tâwk tilo a hua : Matthaia bung25-a talent tehkhin thu hikan Lal Isua sawi a ni a.Tipung lo leh tih theihtâwk ti lo hremna hi a na\elh \awlh hle mai; “Páwnkhaw thimah paih chhuakrawh u, chutah chuan \ahleh ha \hial chu a awmang,” a ti \huai mai a nihkha. Talent khat pawh hitihpun tham a ni hle asinmaw le; tûnlai pawisa

chuan ` 3,000/- hu a nia. A tipung lo leh a tihtheih tâwk a ti lo hiLalpan a hua a ni. A tipungtate chunga malsàwmnaleh làwmman erawh hichu a duhawm hle mai.I tih theih tâwk kha sitsuh : Kan Lal Isuanthawh-làwm báwma anthlâk ri ruih ruih lai chua en reng a. Chûng kárahchuan zak chung chungin,mi hriat hlau takinhmeithai rethei tê hiandàr tangka dere pahnih arawn thlâk lai chu LalIsuan a lo hmu a. Hehmeithai pachhe têthiltihah hian Isua angawi thei ta lo va, a auchhuak ta a ni. Thawh-làwm thlâk ri ruih ruihzíngah ‘he hmeithai hiana thlàk tam ber’ tiin aresult a puansak ta a nihchu. Tûn thlengin Lalpatána petute zíngah pe tamber record a la hauh renga nih chu. Lei lamin ‘petam’ an tih \hin hi vànlamin ‘pe tlêm’ min ti angtih hi a va hlauhawm êm!Tih theih tâwk kan tihahhian Lalpa a lâwm \hin tihhi i chhinchhiah ang u.




MANIKBOND PASTOR BIAL VISION 2030

– Rev. Vanlalliana Sonseti/c Manikbond Pastor Bial

Manikbond Pastor Bial hi Assam ram huamchhúng Langkaih Lui (Longai river) ruama awm a nia. Mizoram, Assam leh Tripura inrina bul, Kanhmuna\angin kilometre 16 vêl leka hla a ni. Sawrkarinrelbàwlnaah chuan Karimganj District, Assamhuam chhúngah a awm a; kohhran inrelbàwlnaahve thung chuan Cachar Tlangram Presbytery hnuaiaBial pali zínga pakhat a ni. He Bialah hian KohhranPuitling pali leh Branch Church panga kan nei mék.Kohhran mi zawng zawng hi 759 niin chhúngkua162 kan awm mék bawk. A hnam záwng chuan Brukhua pakhat tih loh chu Zo hnahthlâk, Chorei lehRanglong-te kan ni. Anmahni khua \heuhvah chuanchi bil \awng an hmang a, Bial huap programme-ahchuan Mizo \awng kan hmang thung.

Eng nge ManikbondBial Vision 2030 chu?:Kan Evangelist pakhatinFebruary, 2015-a HouseVisit a neihnaah ChoreiHindu in pakhatah hiana lût a. In neitupa nèn antitinaah chuan, tu mahinIsua Krista Chanchin |haan la hrilh miah lo tih ahre ta a. Chu reportchuan mi a barakhaih hlea. Tichuan, ManikbondBial huam chhúnga Zohnahthlâk khaw 17-a

ringlo census kan bei taa. Hetah hian mi 2,340vêl lai mai chu Kristianla ni lo, pi leh pu sakhawbia, Hindu sakhuaa lûtmék an awm tih kan hmu-chhuak ta a ni. Mizorama\anga hnai tea awm, kanZo hnahthlâkpui heti zâtIsua Krista ringtu la ni loan awm tih hriat hianrilru a tihrehawm hle.Tichuan, “Kum 2030-ahchuan Manikbond Bialchhúnga Zo hnahthlâk

BUHHMUN A|ANGIN




ringlote hi ringtuahsiamin Isua Krista kebulah kan hruai thlengtùr a ni,” tiin rinnathutiam kan siam ta a ni.Hei hi Manikbond PastorBial Vision 2030 chu ani. He Vision tihhlawhtlinnán hian heng kawngnga (Five Prong Strategy,kan tih mai) hmang hianhma kan la ta a.I. Direct Evangelism :Hei hian ringlote ina kalaPathian thu sawi te, filmshow neih te, crusadeneih te a huam a. Uarlehzualin hei hi kankalpui a, a rah pawh kanseng mék.II. Medical Ministry :Kan Bial chhúngah hianNurse pahnih an awm a,anni hian an awmna khuabâkah khaw dangah teclinic an hawng a. Damloan awmin an inah te kalinan tlawh/kan \hin a. Anrawngbàwlna hmang hianringlo tam takte thinlungKrista lamah vuak dûpina awm mék.III. Education Ministry:Tûnah hian Craft Centrepakhat kan nei a. Hei hi

Craft Teacher pakhatinenkawlin kum tin hmei-chhe zirlai 10-in puan-\hui an zir \hin a. Kanzirlaite hi ni tin devotionneihpuiin, puan\hui an zirlaiin an \hinlungah IsuaKrista Chanchin |ha kan\hui hnantír a. He Centrehi kan rawng-bàwlnaah a\angkai hle. Chutih méklaiin kan memberKristian ni tawhte lehKristiana kan siam méktetu leh faten Bible anchhiar theiha Kristianawm dàn \hate an zirtheih nán Mission Schoolpakhat tal hi chu nei theiila kan rawng-bàwlnahian a va sâwtpui dáwnêm, kan ti vawng vawng\hin. Pathian hnênahMission School kan neihtheih nán bâng lovin kan\awngtai zêl dawn.IV. Economic Mission :Manikbond Bial chhúngaawmte hi Sawrkar deve-lopment programme-in athlen phâk lohte an nihavàngin kámding chhúng-kua tlêm tê tih loh chu atlángpuiin an khawsak aharsa hle a. Ei leh bàrlama hmasâwnna




kawnga kan rawngbàwl-pui theih tùr Pathianinmin pe zêl a. Tûnah hianSELZ Foundation, Chan-mari, Aizawl te nèn \angkawpin kan ringthartevawknotê vulh tùrte kanpe a. Dîl neite chusangha chi kan ngaih-tuahsak bawk. Tin, kan\halaite sipaia an \antheih nán kawng minkawhhmuh a, AwarenessCampaign min neihpuitùrin Sainik Welfare mileh sa sawm mék a ni.

Hei bâkah WorldVision India-ten Manik-bond Water SupplyScheme tána ProjectProposal kan siam chumin pawmpuiin, chengnuai 11 sengin hna minlo thawhsak a. Tin, kanBial rawngbàwlna kaltlanga kum 2013-a ankhaw Hotupa (Headman)chawpa Chorei mi 40 vêllai mai Kristiana an rawninpekna khua, Sateldungchu motor tê chi lût theitùrin kawng min laihsakbawk a, kan lâwm hle.

He khuaa kan mis-sionary kaihhruainainelectric current luhtheihna tùrin sawrkar

official-te dawr an niin,he kan dìlna hi min remtihsak a, work order achhuah \êp tawh tih thukan dawng. Kristianna hieconomic developmentthlentu a ni tih hi kan auhla pakhat a ni.V. Kohhran sawhnghehna : Kohhran lehBranch Church kan dintawhte sawh nghehnakawngah hetiang hianhma kan la:(i) Kohhran hruaituteLeadership Training neih-pui bâkah committee lehinkhâwmpui ngaih pawi-mawh kohhran mite zirtír.(ii) A ram mite campaig-ner-ah hmangin FinanceCampaign kohhran tinahneih chhuah. Hei hianthilpekah hma minsâwntírin tûn FinancialYear-ah chuan chéngnuai nga Synod-ah kanchhúng lût thei ve dawninkan inhria.(iii) Aizawla Synod hmunpawimawh Bial chhúngapahote September, 2015khán fanpui an ni. Heihian anmahniah ngheh-na a siamin kan




\angkaipui hle. Tin, K|PGeneral Conference,Champhaiah kan \halaitea tam thei ang ber hruaitum a ni. He GeneralConference-ah hianInrinni zànah kan BialZaipáwl zai tùra ruat anni nghe nghe.(iv) Central K|P lehKohhran Hmeichhiatenram pum huapa tih tùran tih ang chi hi hlen vezêl kan tum.(v) Sunday School pawhkan phâk ang zêlin a \hathei ang bera kalpui a nia. Ringthar khuaahchuan puitling lehnaupangte Pathian thu anhriat dàn a inan avàngin,Puitling zirlaibu atánpawh Beginner zirlaibukan hmang mai a, a kumlehah Primary Zirlaibuahkan kai chho ve \hin.Tlipna : ManikbondPastor Bial Vision 2030 hiPathian pawhin minhriatpui niin kan hria. He

Vision rilrua dah chungarawng kan bàwl chhoh\anna hi thla riat (8)emaw vêl chauh a la nichungin ringthar 22 laikan neih belh a. Hêngringthar zíngah hianLangkaih ruama Zohnahthlâk Hindu zínga anBàwlpu (Ochai) hman larber te, an Hindu Roreltu(Kalim) te pawh an tel ani. Tin, kan Kohhraninrelbàwl dàn leh rawngbàwldàn \ha an tih avàngin mi54 lai chu páwl dang(Catholic, EFCI, Baptist)a\angin kan Kohhranahan lo inpe thar bawk.

Mizoram dai lawkakan Zo hnahthlâkpui, ramhuaihnêna Ar thisen leh Vawkthisena la inthawi \hin asâng tel an la awm tih minhriatpui a, kum 2030-ahchuan hênghote hi IsuaKrista thisen thiltihtheihnazâwk ringa, Kristian an lonih ve theih nán bâng lovinmin rawn \awngtaipui\hin dawn nia.

† Ringthar neih chak vanga Bible-in Pathian chungchang a tar landan hi a nihna pela i sawi emaw a nihna tak hliah zawnga i sawi anih chuan, chu chu Chanchin |ha ni lovin bumna a ni. – John Piper-a




CHHIM BIAL CHAKMA CONVENTION 2015REPORT

– LalhmingmawiaAsst. Area Promoter

Synod Office, Lunglei

A hmun : SHMS, Bungtlang SouthA hun : 29 Oct. – 1 Nov., 2015

Director : Rev. Malsawmsangzuala i/c Bungtlang ‘S’ BialSpeaker : Rev. Sujindro Chakma i/c Damdep BialSecretary : Pu Lalawmpuia E/T Bungtlang ‘S’Manager : Pu Albert Lalhmangaiha Area PromoterTreasurer : Pu C. Lalremruata, Hdm., Bungtlang ‘S’

Inbuatsaihna : Bungtlang South Pastor BialinOrganizing Committee dinin sub-committee hranghrang a siam a. Ni 15 October a\ang khán pandal anbuaipui \anin Bial chhúng kohhran tinte leh thawktutean hnatlang nghal char char a, ni 26.10.2015 khánpandal chu peih fel a ni a. He pandal-a kan zar tùrsilpaulin 50 lai Pu Lalremruata Kullai (B.D.O., Lunglei)-in min hawhtír a, a chungah kan lawm hle.

Sawi hmaih hauh lohtùr chu a thlengtu Bial,kohhran leh thawktute aninbuatsaihnaah an \ang ho\ha hle mai a, kum dangzawng aiin office lam pawhkan hahdam. He convention-ah hian chawpchilh angrengtakin Dr. Lalringzovi, J.W.Hospital leh a staff-ten freeclinic neia min \awiawm tùrthu kan dawng a, kan phurlehzual.

Convention \an a nita : Ni 29 October, 2015zàn a\angin programme\an a ni a. Mi 200 tal lokal thei se, tia Pathianhnêna kan dil chu a \anzànah pawh beisei aiatam lo kalin palai riak lûtmi 360 zet kan nei nghala ni. Lo la thleng lo,kawnga lo kal mék anawm tih kan hre bawk a,kan lâwm hle a ni. Palai




riak lût hi Chakma ringlo– mi 166; Kristian ni sa –157; thawktute nèn kanvaiin mi 419 lai kan ni.

Oct. ni 29, 2015(Ningani) zàn dár 6:30-ahinkhâwmna hmasa berneih a ni a, Director-ininkhâwm a kaihruai a,inlâwmna thu a sawi nghalbawk a. Synod Office,Lunglei lam a\anga kaltemotor chiangkuan lohavàngin inkhâwm an rawnnang thei lo nâ a, Directorleh thawktu dangten \hatakin inkhâwm prog-rammean lo neihpui thei a ni.

Convention kal zêl:Zirtâwpni chawhma lama\angin inkhâwmna lehcounselling class te tluangtakin kalpui a ni a.Bungtlang South KohhranHmeichhiate ‘|awng\aiKhawl’-ah an \ang a,thawktu a remchángapiangte nèn an \awng\ai\hin a. |hahnem an ngaithei hle. Chu chuanconvention inkhâwm achâwm nung êm êm bawka ni. Palai lo thlen belh anawm zêl bawk a. Mi 500 vellai (a thlengtu kohhran lehthawktute nèn) kan pungkhâwm ta mup mup mai a.

Zàn tin inkhâwmbanah Chakma culturalprogramme hmanpui an ni a,an tuipuiin nuam an ti theihle. Zirtawpni zíngah hianJohn William Hospital staff-ten Camper-te pualinMedical Free Clinic an nei a,inèntír an \ha thawkhat hlea. Thisen test a\anginmalaria an hmu tam hlemai. Khaw chhúng mite tánInrinni-ah free clinic neih ani leh a, mi 150 vel inentíran awm a, malaria vei(Medical duty) te hmuh nènmi 60 vel lai enkawl an ni.

Kan Speaker Rev.Sujindro Chakma hian ahnampui Kristian lote a veihle mai a, thusawi-naahpawh tisa leh thlarauvaKristiante ham\hatna asawi hnem hle mai. Inrinnizàn inkhâwmah hianringthar baptisma changmi 34 kan nei a, a hnuachang lehte nèn mi 40ringthar baptisma changkan nei. Lalpa chu fakinawm rawh se. Inrinni lehPathianni hian ruah tlêma sûr a, boruak a tivâwt hlemai a. Programme hanti\huanawp tham erawh atling lo va, a tâwp zànthlengin tluang takin hun




kan hmang thei a ni.Convention hun chhúngininkhâwm apiangah mis-sionary zaithiam kanneihten Chakma hla sainmin awi reng bawk a,zaipawl leh group singingnei thei an rawn awm nualbawk. Tin, inkhâwmapiangin Pathian fak nánlamtual a khat \ha thei hlebawk a ni.

Pathianni zànah pheichuan solo 4, groupsinging 2 lai ngaihthlâk ani. Kan speaker leh Rev.F. Lalrinnunga, Adminis-trative Secretary-ten \ha-hnemngai takin Pathianthu an sawi \hin a.Pathianni zàn inkhâwmban hian cultural prog-ramme hmang tawh lovinzaikhâwma Pathian faknán hun hman a ni a,zànlai dár 12:00-ah kan\in thei hrâm a ni.

Tlángkâwmna : HeConvention hi ChhimtuipuiArea bîk atán a vawi hnihnaa ni a, camper-te hi tleirawllam an ni tlangpui nainhlawhtling thawkhatah kaninngai a. He convention-ahhian Upa H. Zoliana (S.E.,P&E Dept.) leh a nupui Dr.Lalrintluangi-ten min rawn

hmanpui thei a; free clinicmin tihphuisui mai bâkahconvention chhúngin powerlamah harsatna kan nei lova, a làwmawm hle. Tin, athlengtu Bial Pastor Mal-sawmsangzuala, Pro. PastorIsaac Lallawmkima leh C.Lalremruata, Hdm. lehschool Staff te \an rualna lehinpêkna fakawm kan titakmeuh a ni.

BDO-in silpaulin tamtham tak min hawhtírmai bâkah min rawn hothei \hin te, Police O/Cleh a staff-ten min rawnvil \hin te hi kan thla amuang hle bawk a ni. K|Pleh Pavalaite inpe tak lehnuam ti takin he conven-tion-ah hian an thawkbawk a, Kohhran Hmei-chhiate \awng\ai lama an\hahnemngaihna telàwmawm kan ti hlebawk. “Inkhâwmpui kanhman zawng zawngahnuam kan la ti ber,convention leh hunahhetah rawn nghat lehngei ngei ang che u,” tiinan sawi hial a. “Pathianthu thu le,” tiin Nov. ni2, 2015 khán inngai lehinthlahlel takin kaninmang\ha ta a ni.




RAMHLUN NORTH MASIHI SANGATIRAWNGBÂWLNA

– R. LalrotluangaSecretary, Bial Masihi Sangati

Ramhlun North Pastor Bial Masihi Sangati MeetVawi 14-na chu Aug. ni 23, 2015 khan Ramhlun NorthKohhran Biak Inah neih a ni a. He Meet neih hmahian he Meet pual hian Bial chhúngah HomeCrusade neih a ni a. He Home Crusade leh Meet-ahhian Gospel Thunder Team member-te, hnam bîkEvangelist-te leh Bial dang Evangelist-te sawm anni. Home Crusade hi zan li (Aug. ni 17,18,20&21,2015) chhúng neih a ni a, mi 253 hnênah Pathianthu hrilh a ni.

Kan Bial chhúngahnam dang awm zât chuhetiang hi a ni:1. Ramhlun North : 1352. Ramhlun Venglai : 483. Ramhlun East : 70 [Home Crusade-a kan thasen zât hi 280 a ni.]

Ramhlun North PastorBial Meet hi ni 23.11.2015(Pathianni) nilengin Ram-hlun North Kohhranahneih a ni a. He Meet thupuihi ‘Chhandamna’ (Udhar) (1Tim 2:4) niin speaker chuRev. Darkhuma, RamhlunVenglai a ni.

Zíngkárah hnamdang unaute hruaikhâwmin Bial chhúnga

Fellowship member te,K|P member-te leh Koh-hran Pavalaiten \ha-hnemngai takin hnamdang unaute an rawnhruai a. Mi 76 rawnhruaiin Govt. PrimarySchool-ah Bible film teenpuii Pathian thu hrilhan ni a. He Meet-a lo kalzawng zawngte tán hiantûk\huan leh zanriahsiamsak an ni. Kan Meet-ah hian PresbyterianHindu Bible School-azirlai mi 32-ten nilenginmin \awiawm bawk.

Chawhnu leh zànahbiak inah inkhâwm a nia, speaker-in thuchahnung tak a sawi \hin a ni.




Bial chhúng Fellowshippathum a\angin zaipáwlkan nei thei a, Hindi BibleSchool Zaipáwl leh Ram-hlun North Bial Zzaipáwltean zai bawk. Pathianhnathawh ropui takavàngin he Meet chhúnghian mi 16 laiin baptismaan chang a ni. Lalpa chufakin awm rawh se!

Ramhlun North BialStanding Committee te, BialMasihi Sangati Committee teleh Ramhlun North Kohhrante inpêkna leh \hahnem-ngaihna avàngin Meethlawhtling tak kan hmang a.Kan hnam dang unaute zíngaChanchin |ha hrilhna hun \haPathianin min pêk avànginPathian hnênah thinlung takinlàwm thu kan sawi a ni.

MISSION FIELD-A HMEICHHE |ANGKAINA

– Nl. H. Lalbiakhluni, Evan. Kharsang, Arunachal East

Hmeichhia chu hmeichhia a ni a, ThuthlungHlui hunah chuan sakhaw rawngbàwlna lamah pawhan chan a sáng lo hle. Thuthlung Thar lamah hianPaula pawh hian a la dah sáng vak chuang lo va.Tûn thleng hian hmeichhiate chu khawvêlkalphungah hniam zâwk an ni tlángpui. Hmeichhezíngah fing, fel leh lehkha thiam, changkâng tamtak awm mah se, Bible a\anga a lan dànin a tlángpuithu-ah kan nêp zâwk a,chu chu kan kohhrankalphungah pawh achiang a ni.

Mahse, hetih lai hiankan Synod RamtharBoard hma lâk dànaherawh thawktu tam zâwkchu hmeichhia kan ni

thung. Kan kohhrankalphungte leh kanhnathawh dàn, hma lâkdàn han ngaihtuah hianthil inkawkalh eng emawdeuh chu a awm hian kahria a, rilru tihzauh deuhnán ka hmuh dàn ka hanziak ve a ni.




1. Kohhran enkawl-na lamah committee lehserh leh sâng thil bîkahchuan mipa an \ul thin a.Missionary hmeichhiakan nih chuan kan tel arem lo. Pasal neite chuan pasalte an tui emawtui lo emaw, an hriaemaw hre lo emaw, an tellâwp lâwp a ngai a. Athawktu, Pathian kohnahriaa train tawhte ngei pawhcommittee-ah tel a rem velo va. Nupaah pawh mipa chua chungnung zâwk an ni. Nuberin pa ber chu an lo zirtawh thil a\angtea thuràwnan pêkin pa tam tak chuan‘hmeichhe sawi tùr a awmlo’ tih an chin avàngin\henkhat phei chuan thil\ha nia an hriatte pawh ansawi ngam lo a ni.

Pathian hian a kohhrana hmangaih êm a, a kalhrâm hrâm a ni. Kohhrandin ve tawhnaah chuan\an a na ve \hin si a.Sikul kan neihnahnaivaiah phei chuanKohhran Hmeichhe lamchu Evangelist Teacher-te hian an enkawl zovinan \ha hle bawk si nèn,hmeichhe evangelist-te

phei chu member satliahangin kan thên ve maimai a ni. Synod-a hlan kaipathum pawh hi hre chiangtâwk lo hle mah ila,Manipur hi kan hlan kaihmasak kha an ni a, anhnam pawh a changkângdeuh zâwk kan ti thei ang.Mahse, khatih hun laikhán tûnlai hun ai hianmipa thawktu an \hahnemni ngeiin a lang.Hmeichhia, a bîk takin,evangelist-te kan tel ve lehsawi ve rem lohna tam taka awm.

Chuvàngin, kohhrankal dàn leh hmalaknaaintodelh lam thlengin anghawng niin a lang.Synod hranga siam maitheih tùra lang – kohhrantamna Bialah chuan kohhrankalphung leh intodelhnalama kaihruai theitu tùrmi pakhat tal dah ni theise a \ha hle ang. A nihloh pawhin Pastor-te hiankohhran kalphung hi engeng emaw training mai nilovin ramthar a nih angintê lua awm lovin kohhranmil leh phâk tâwkinzirtírna pe tam lehzual ta se.




2. School lam hanthlir leh ila, kan sikulahhian hmeichhe teacher antam zâwk tlángpui a,discipline lam thuah pawhhmeichhia aiin mipabawkin an tih \hat duhchuan a tâwk an thiamzâwk niin a lang. Tin, hnamhrang hrang kâra awm kanni a, zirlai nu leh pa lakahmipa chuan zah an hlawhzâwk em áw ka ti deuh ani. Sikul building enkawlchungchang leh compoundenkawlnaah pawh mipahna hi a tam hle.

Tin, kan Missionsikulah chuan lehkha zirtírringawt lova an puitlinnatùr kawng dang han zirtírdawn pawhin mipain andaih lo lutuk ta mah mahniin a lang. Eng emawhnathawh nikhuaah pawhhotute tán hnatláng koh ainthlahrunawm duh hleina lang bawk. A tlángpuithuin kum 2000 hma lamamite aiin a hnu lama mitechu lehkha thiam hle mahse hna dangah tih theihleh tih tum a tlém deuhniin a lang.

3. Heti a nih chuanhmeichhe evangelist-hochu inban ngawt a remsi lo va; chuvàngin, mipatluk lo mah ila, kan\angkai ve deuhna tùrnia lang chu – a ram thimzâwk, kohhran la dinlohna lamah mipa aiahmeichhia kan luh theihremchan zâwkna lehawlsam zâwkna lamahhian che tam ve ta ila afuh zâwk ang em?

Missionary lâk chung-changah chuan a la\hintute sawi hmanginhmeichhia hian interview anthiam zâwk tlángpui niin alang a. Field-ah pawhhmeichia chu enkawl kannawm zâwk vàng emaw nikan tam zâwkna chhan hile áw? Pathian kohte hihriat thiam vek hi a harsasi a; mahse, kan Synod kal-phungah thil kanhmanhmawh lutuk ngai lova, ngun takin a ngaihtuahhmasa zâwk \hin. Chutiangdeuh chuan thawktu lâkahpawh hian fimkhur lehdeuh se, tiin ka han tîtî venual a nih chu.

† Kristian tam tak chu mihring mantu pawh an ni tawh lo, sangha khawinabáwm (Aquarium) vengtu an ni ber tawh. - Paul Harvey




PI RAMI KHA AW!

– LalthlanglianiUnnao, Lucknow Mission Field

Pi Rami hi Lucknow Mission Field hawn \an tirhaa bul tumtute zínga mi kan ti thei àwm e. A hmingtak hi Vanrambeiseii a ni a, Rami MIZO a inti deuhkher \hin. Pu Chhingvunga (L) leh Pi Zaliani (L)-te fasawm zínga a palina a ni a. Kum 1952 khánVanchengpuiah a piang a, tûnah hian a unaute hiMission Vengthlangah chêngin Jubili Kohhranah anawm mék a ni.

Kum 1976 khánMizorama Pioneer hnathawka rawn awm,Sugarh Singh-a nen aninnei a. A pasal hianPukzíngah baptisma achang nghe nghe a ni.Vanduaithlâk takin fa annei lo hlauh mai a,Mizoram a\ang chuanIndia hmar lam Ladakh-a an awm hnuah a pasalte khua Garhi-ah amahaawmin a pasal hi a zui talo va, a thih thlenginGarhi-ah hian a awm taa ni.

Pi Rami hi a pasalneih hma chuan ‘mi hlim’niin rawngbáwltute pawha lo zui \hin a. An inneihhian a pasala chhúngtehian hnam dang, Kristianni bawk, mo an nei hi an

duh lo êm êm a, tihhlumhial te pawh an duh \hina ni. A pasalin hun engemaw chen a awm bosanlai hian an tiduhdahin kutte an thlâk a, thisenchhuah khawpa an vuakavàngin Police Thana-ahte a zualko (report) hialtawh a ni. Isua thlalâk a tàrte an pawh thlâksak a.

Ei tùr te an pe duh lova, a tawrh nasat êmavàngin a pasalte inchhuahsanin amahin aawm ta a. A lung a léngthei êm êm a, hetih hunlai hian chaw pawh ei hleithei lovin, ‘Ka mittui hi kachaw a ni mai’ a ti \hin ani. Kristian Hla Bua, “KaTlantu khawiah nge aawm” tih leh, “Eng vànginnge mipuite chu” tih hlate




hi Hindi-in a let a; Vaikhuang (dholak) bénga azai chu cassette-ah arecord a, ngaihthlâk tùrintûnah pawh a la awm.

A theih ang anginnaupangte leh \henawmnuhote Pathian thu ahrilh \hin a, Sunday Schoolte a neihpui \hin. Amahchauh Kristian ni mah seKrismas leh Good Fridayte, Tumkau Ni te a ngaipawimawhin a serh a;naupangte ko khâwmin eitùrte a buatsaihsak \hin.

Garhi khua hi Missionpáwl dang dangte pawhinan lo tlawh ve \hin a. Chûngmite chu a lo mikhual a, atheih ang angin a \anpui\hin a; a \angkai êm êm\hin a ni. Kum 1992/93khán Rev. Lalchungnunga,Delhi-a a awm laiin LucknowBethel Church-ah programmepawimawhah a lo kal a.Chumi \um chuan anDirector chuan Mizo nu aawm thu an lo hrilh a. Anichuan a va tlawh chhuaka, Mizo \awng pawhin a lo\awng thei tawh lo va.Pastor hnênah chuan, “Kankhuaah hian Mizo thawktutlangval guitar perh thiam

rawn dah ula. Hêng laikhua hi chu kan hneh vekthei ang,” a lo ti a. An khua leha chhehvêl hian Chanchin|ha hi hre ve se a duhngawih ngawih \hin.

A duhthusàm angngeiin, kum 1999-a LucknowMission Field hawn \an tirhkum khán Field SecretaryRev. Vanlalbela ten an vazawng chhuak nghal a. Biakin sak nán an leilet ram chuan lo pe nghal a; mahse, anram hi khaw daifém deuh anih avàngin inkhâwm tùrhmuh zawh loh an hlau va,an pawmsak ta lo va. Chutihlai tak chuan an kawt chiahram chu an rawn zawrh tahlauh mai a, kan missiontán a lei nghal a. Chutahchuan biak in sak a lo ni taa, Biak in sirah evangelistquarters leh a chungah Nursequarters sak chhunzawm zêlniin, hêng quarters sakchhúng zawng zawng hianan nupain neitu chanchangin an hahpui êm êma. Anmahni in tùr angchiaha ngaiin an thawk\hin. Missionary-te anduhsak êm êm a, an tán liauliau an\am, maian lehbehlawi hmun a siam a. Ar




a vulh a, Mizoram a\angaField rawn tlawh rêng rêngchaw eitír lovin an chhuahngai lo va; missionary-tetán an insengso nasa theihle a ni.

Kum 2001-ah medicallam rawngbàwlna nei \aninGarhi-ah hian ka awm a.|awng ka la thiam lohavàngin ni tin clinic-ah min\hutpui tawp a; nauchharna apiangah minkalpui \hin. Zàna damlomin rawn pan apiangtenanmahni an kai tho hmasazêl \hin. Rawngbàwlnaahchuan an inpumpêk tawp\hin a ni. Crusade lehprogramme pawimawhapiangah nu leh pa chan anchang takmeuh va, “Mis-sionary-ten harsatna intawh chuan kan nupa himin hmachhawn hmasakphawt a ngai ang,” an ti hial\hin. Amah hi an chheh-vêlah hi chuan nu lar lehthiltithei ve tak a ni a;retailer an ni \hin. Chutihlaia an area-a Pradhan(VCP) hi suam hmang(Gunda) \hin a ni a, mitenan hlauh êm êm laiin anichuan a nél êm êm a. Vawikhat pawh Pradhan hian

khawnvartui a rawn dil a,a pêk duh loh chuanthahah a vau va. Mahse, anichuan hlau hauh lovin a lutansakah a lo vau let ve a.Chutiang khawp chuan azâm ngai bîk lo; duh duhina tír kual vêl thei zâwk ani. Vawi eng emaw zât VC-ah te a in-candidate bawk.

Taksa bawrhsàwmnahrang hrang a neihna hi arei tawh a. Amaherawhchu,a bawhsawp tak tak erawhchu 2013 kum chanve báwrvêl a\ang khán a ni a. A tai(pile) hi a \ha lo va, doctor-inzai tùr an tih pawhin a ngamtawh lo va. Lung (heart) lam\ha lo leh pum \ha lo a neibawk a. Tichuan, a natna chulo zual zêlin ni 29 December,2013 khán chatuan ram minpansan ta a ni. A damlohchhúng zawngin Garhi-a Mizomissionary-ten an buaipui a;a boral huna vuitu neih lohmawlh kha a hlau \hin a.Mahse, Lucknow MissionField-a Field Secretary Rev.F. Lalhmingthanga hovin bialhrang hranga Mizote lehField Worker-ten ropuitakin ama chenna inchhúng ngeiah phuminan thlah liam ta a ni.




A thusawi pakhat katheihnghilh theih miah lohchu, “Vaiho zíngah kum tamtak ka awm tawh a. Hênghohian ka thil neih chi hranghrang min rûksakin minchhuhsak \hin mah se,keimaha LAL ISUA awmerawh hi chu tu man minchhuhsak thei tawh lo,” ati a ni. A hla duh deuh zíngaa duh êm êm pakhat chu,

‘Kei chu ka Lal duh ka lunglaihnèmtu, hmun khawharahpawh Aman min awmpuiang’ tih hi a ni. LucknowMission Field-a awmtechuan min awm lohsan tahi kan uiin kan ngai takzeta, a tel lo chuan kan field hiruak huaiin kan hre hial a;mahse, kan tum vànnuamah khian kan la intâwkleh ngei ang.

CHAKRATA BIAK IN KHA

– Upa H. LalchungnungaBawngkawn Shalom Veng

Kum 1961 khan WF School, Clement Town-ahEngineer Section-ah ka awm ve a. India leh Chinaindo \an lai kha a ni a. Indian Army zirtírtu tùrinSub. C. Chalhmingthanga (L), Chhinga Veng ARC-ami a awm ve a. Khatih lai khan USA sawrkarin Indiasawrkar kha silai leh ralthuam dangte a rawn pe a,chumi ralthuam dawngsawng tùr chuan Pu Hminganen chuan Chakrata khuaah kan kal dun a. US Armypahnih (Surgeon)-in an rawn dah a. Chakrata khuaahchuan ralthuam chu kan inhlan fel a. Anni (US Army)khan India thil chu boruak chauh an hmang a ni.

Kan thlah fel hnuahchuan Chakrata khuachu kan fang a.Mualdung pakhat, hmunzawl in chhâwng thladiatah kan kal a.

Tlángdung hmun lo remlaiahte chuan biak in,lung hlira sak pathum laimai, indawt thla thliaiina lo awm a. A velte chutihfai a ni a, biak in




chhung lamte pawhtukverh a\angin kan biha, furniture a la awm veka. A bul velah chuan thirasiam bench te a awmbawk a. Kan lung a lengdun êm êm mai a. Kei lahpek chuan biak in dârinkhai luang luang te chuka ît khawp mai a.

A vela bench-ahte chuankan \hu a. “Hmanah chuanSâp nula tlángvalte an lo \hu\hin tawh ang a. Tûnah lahchuan pakhat mah hmuh tùran awm tawh si lo va,” te kanti a, kan lung a leng ngei mai.Lung hlira sak a ni a, hanchhe mai mai tùr a ni bawksi lo va. Khuaa mite tu mahlah chuan an ûksàk si lo va.Biak in thlangta berah ni tainka hria, chowkidar kan hmuta a. Ani chuan, “Dehradun

a\angin Pastor emaw ni a lokal a, a rawn en fel \hin,” tiina sawi a. Hêng bâk chu a hrebawk si lo va, duh anga achanchin pawh hre \ha lêmlo chuan kan \insan ve ta a.

Tûn hnu hian kangaihtuah lêt a, ka kalpuiPu Hminga lah a lo boralta bawk si a. Uttarakhandvela rawngbáwltuten hrechiang thei se, tih terilruah a lo lang a. Kalung a leng êm mai a, kahan tharthawh leh a nihhi. Kei tak hi remchangawm se chu kal ka lachâk êm êm a ni.

Tûna Rajpur Road-aReformed PresbyterianTheological Seminary-a zirchhuak ka ni a, April ni23, 1975 khan ka gra-duate ve a ni.

C.T. STUDD-A (2 Dec. 1860–16 July 1931)‘Cricket Lalpa’ tia an koh \hin, missionary ropui

leh hmingthang tak lo ni ta, CT Studd-a kha a in (bûk)tê tak teah a awm a. Amah chu a chak tawh lo hle a.Zàn khat chu khawnvâr êng lo tak hnuaiah Bible a chhiara. A inléngpa chuan, “Ka pu, Bible i chhiar a ni maw?”tiin a rawn bia a. Ani chuan, “Ni e. Ka Lalpa thupêktih hmaih ka neih leh neih loh ka zawng a ni,” tiina lo chháng a!

A thih dawna a thu ziah hnuhnung ber leh a thusawihnuhnung ber chu “Halelluiah!” tih a ni.




1.1. Field hming : Tripura Mision Field2. Khua : Udaipur3. Tlawh hun chhûng: Ni 16-21 March, 20154. Tlawhtu : Khawzawl Vengsang Kohhran5. Kal zât : Mipa 10, hmeichhia 16. Tlawh chhan : Thawktu tlawh leh hnathawh7. Hnathawh : Nokoli Biak In hmun sam lehTakma Biak In kawng leirawhchan phah (68x6 ft)8. Senso : ` 37,320/-9. Làwmawm lam : Pu Roney C. Lalrinmawian aSumo tlâwm takin min hmantír a. Kolasib-a aninpuiah (Pu C. Liankunga te chhúngkuain) kal lamleh haw lamah chawhlui tuihnai tak min lo siamsaka, kan lâwm hle mai. Kal lamah Pecharthol-ahthawktuten zàn dár 11:00 thleng min lo nghakinzanriah min lo siamsak a, kan lâwm hle mai. Hawlamah Chakma Ghat-ah thawktuten tûk\huan minlo siamsak bawk a, hlim takin kan kîl ho va, kanlâwm hle a ni.

Hêng bâkah hian kan chhuah a\anga kan hawleh lamah kawng tluana min hruaitu Pathianchungah kan lâwm takzet a, lâwm thu kan sawi a ni.

10. Report \ul dang : Nokoli Biak In hmun hi ̀ 5,500-in kan leisak a, campaign nán ` 2,000/- kan pe bawk.A kal zínga mi \hahnemngaiten thawh khâwmin`1,400/- dang campaign nán an pêk belh bawk. BialtuPastor Kiran Debbarma, Pu Zolura Tochhawng lehthawktu dangten hlim takin min lo dawngsawng a,kan lâwm hle mai.

Upa P.C. Chuau\huamaTeam Leader

RAMTHAR FEH




2.1. Field hming : Karbi Anglong Mision Field2. Khua : Hamren, Badong, Umnam & Umchera3. Tlawh hun chhûng: Ni 1-7 April, 20154. Tlawhtu : Ramhlun Sports Complex Kohhran5. Kal zât : 156. Tlawh chhan : Good Friday & Easter Sunday hmanpui7. Hnathawh : Nokoli Biak In hmun sam lehTakma Biak In kawng leirawhchan phah (68x6 ft)8. Senso : ` 63,700/-9. Làwmawm lam : Mission Field kan tlawh theihavàng te, an rawngbàwlna dàn (Indirect leh directevangelism) a hmuna kan hmuh theih avàng te lehmissionary-ten ramthara feh chhuakte min dahpawimawh avàng tein kan lâwm hle.

10. Report \ul dang : Rev. C. Satliana leh Upa P.C.Lalngaihawma-te hovin ni 1.4.2015-ah Aizawlchhuahsanin Silchar Mission Compound-ah kan riaka, thawktuten min dawngsawng \ha hle a, kan lâwmhle. A tûk chawhnu herah Hamren-a PastorLallungmuana quarters kan thleng. Bialtu Pastor lehcompound hruaitute remruat angin Hamren, Badong,Umnam leh Umchera-ahte insem darhin hun hmana ni. Good Friday tûk hian Karbi sakhaw hmunpuiRonghang-Rongbong kan tlawh a. An puithiamteremtihnain hnehna au rualin kan \awng\ai rual.Easter Sunday hian Hamren-ah ruai kan \heh. Ni6.4.2015-ah Hamren chhuahsanin a tûk Thawhleh-niah dam takin Aizawl kan thleng.

Karbi Anglong Mission Field hi KAGAA (Synodthar) atán hawn ni tawh mah se, an la puitling tâwklo va, kohhranhote \awng\aina an la mamawh hle.

Rex L. ZateRamhlun Sports Complex Kohhran RT Comt. Ziaktu




3.1. Field hming : Home Mission North2. Khua : Damparengpui3. Tlawh hun chhûng: Ni 6-10 April, 20154. Tlawhtu : Chanmari West Kohhran5. Kal zât : Mipa 21, hmeichhia 16. Tlawh chhan : Hnathawh7. Hnathawh : School building 15x18 ft-a tihzauh8. Senso : ` 37,890/-9. Làwmawm lam : Ni 6 April, 2015 zíngah ruahsurhnuaiah chhuakin kawng lakah harsatna eng mahtâwk lovin tluang takin Damparengpui kan thleng a.Headmaster, Pu Vanlalhruaian W. Phailengah minlo hmuak a, Damparengpui kawtchhuahah BialtuPastor John F. Lalhmingthangan min lo hmuak bawka, an chungah kan lâwm hle. A hmun kan thlenveleh sikulah kan mutbute dah felin hna kan thawknghal a. Kan hnathawh hun chhúng zawnginthawktu (missionary)-ten \hahnemngai takin minthawhpui a, an chungah kan lâwm hle.

Damparengpui Kohhranah hian mi 644 lehdanzawhkim 364 an awm a. Kohhran Upa 6, PemUpa 2 leh Tual Upa 2 an awm a, missionary 11 anawm bawk. Biak In lian \ha tak an sa mék bawk.Kohhran changtlung leh phuisui tak niin an lang a,a làwmawm hle.

ChhawntluangaChanmari West Kohhran Ramthar Committee Ziaktu

4.1. Field hming : Home Mission North2. Khua : Salem Boarding3. Tlawh hun chhûng: Ni 5-9 May, 20154. Tlawhtu : Hunthar Kohhran




5. Kal zât : Mipa 15, hmeichhia 46. Tlawh chhan : Hnathawh7. Hnathawh : Thawktu quarters sak. Châkawm sa hmanga sak a ni a. Cham chhúngin ruah asur duh hle a, hna a tikhaihlak \hin. Beisei angthawh theih loh cháng a awm fo. Mi indaih tâwk lohvàngin duh angin zawh hman a ni lo. A chung rangvachih mai theiha kalsan a ni. A hmuna awm chhúnginzing dár 6 a\anga \anin, tlai lamah khuain a zir chuanthim thlengin thawh \hin a ni.

8. Senso : Sumo pahnih hman man ` 12,000/-, ei inatána senso ` 12,270/-, hna thawh chhunzawm nanapawisa hnut chhiah ` 5,000/-, a vaiin ` 29,270/-. Ei inatána bazar thil – buhfai, dal, etc. ei bang eng emawzât hnutchhiah a ni bawk.

A hmuna hna thawh chhúngin rim takin kanthawk nâa, kan hlimin kan lâwm hle a, kham lotakin kan hawsan. Nilai zàn (6.5.2015) inkhâwmahhun pêk kan ni a, Upa T. Vanlâwman thu a sawi a,haw dawn zànah inthlahna hlimawm taka hman ani bawk.

Upa T. VanlâwmaChairman, Hunthar Kohhran Ramthar Committee

5.1. Field hming : Home Mission South2. Khua : Kawrthindeng3. Tlawh hun chhûng:Ni 18-25 May, 20154. Tlawhtu : Kanan Kohhran, Aizawl5. Kal zât : Mipa 21, hmeichhia 26. Tlawh chhan : Hnathawh7. Hnathawh : Nurse Quarters (30’x15’) sak8. Senso : ` 1,87,185/-




9. Làwmawm lam : Kan Work Camp neihna atánakohhrante \awng\aina leh inbuatsaihnate Pathianinmal a sàwm a, harsatna eng mah awm lovin kanhnathawh kan zo thei a, a làwmawm hle mai.

Kan hmanraw ken tùr te, zanriah tùr leh kawnglaih thara kan kal theih nana min buaipuitu – PuLaldinpuia Tlau te, Pu Jerry Lalchhuanawma te lehPu Zothanpuia te chungah kan lâwm hle. Motor lehlabour-te rawn thawha min puitu, Contractor PuSanga, Saitual chungah leh Nl. Marini, Darnamtlangamissionary-a awm, kan work camp min rawn puitutechungah làwm thu kan sawi bawk a ni.

Thawktute leh kohhranhoten min lodawnsawnnaah leh kan hnathawh chhúng zawngaan mi \awiawmnaah làwm thu kan sawi bawk a ni.

10. Report \ul dang : Kawrthindeng khua hi in 170awmna Bru khua a ni a. Kohhran pawl pathum aawm a, sikul pawh pathum a awm bawk. PresbyterianKohhran hi a lian ber niin 1987 khán a ding \an ani. Kohhran chhúngkua 87, dan zawhkim 191,member 387 leh missionary 8 (E/T 7 leh Nurse 1) anawm a ni.

Kan hnathawh chhúngin inkhâwm \um ngaawmin thuhrilna hun min pe vek a ni. Kohhraninkhâwm a hlimawm a, puitling inkhâwm an tlêmdeuh \hin nâ a, naupangho erawh inkhâwm an\hahnem \hin viau a ni. I \awng\aipui \hin ang u.

R. LalthansangaKanan Kohhran Ramthar Committee Ziaktu

6.1. Field hming : Home Mission South2. Khua : Saibawh3. Tlawh hun chhûng: Ni 25-31 May, 2015




4. Tlawhtu : Lungpho Kohhran RT Comt.5. Kal zât : Mipa 11, hmeichhia 16. Tlawh chhan : Hnathawh7. Hnathawh : Sikul repair, Dispensary sak \hat, etc.8. Senso : ` 47,260/-9. Làwmawm lam : Kan Kohhran a\anga missionary-a kalte thawhna hmun kan hmu thei te, thawktutenkan mamawh engkim min ngaihtuahsak a, min\awiawm reng avàng te, Bungtlang S Bial Pastor kutaringthar baptisma chang kan hmuhpui thei te leh akalte Pathian hruainaa harsatna tâwk kan awm lote, kohhran leh mi mal min \awng\aipuinaahtelàwmawm kan ti.

10. Report \ul dang : Saibawh khua hi in 200 vêl anni a. A zâtve zet hi Buddhist sakhaw bia an la ni.Ram lâk tùr a la tam hle. Bungtlang S Pastor Bialchhúnga awm an ni a. Thawktute inpêkna a ropuihle. Hetih rual hian thawktu Quarters sak \hat hun aawm nual a, \awng\ai leh thil tiha \anpui an ngai hle.

LalrawngbawlaLungpho Kohhran Ramthar Committee Ziaktu

7.1. Field hming : Cachar Tlángram2. Khua : Winchester3. Tlawh hun chhûng: Ni 26-28 May, 20154. Tlawhtu : Saikhamakawn Kohhran5. Kal zât : Mipa 6, hmeichhia 36. Tlawh chhan : Hnathawh7. Hnathawh : Huan sàm8. Senso : ` 25,225/-9. Làwmawm lam : Ni 25.5.2015 zíng dár 6:30-ahUpa Lalzaman \awng\ainaa min thlah hnuin UpaLalrindika, Ramthar Committee Chairman hovin kanveng kan chhuahsan a. Tluang têa kalin Winchesterchu chhun dár 12:00-ah kan thleng a. Thawktuten




min lo làwm a, an felin min lo làwm thiam hle. Riahnatùr nuam tak min lo buatsaihsak diam a ni. Anchungah kan lâwm hle.

10. Report \ul dang : Winchester Mission Compoundhi a zau hle a, kuhva kung puitling sang eng emaw zâta awm a. Kuhva hmun sàm hi kan hna ber a ni. Ruahsûrin min tibuai deuh \hin mai pawh a. Zing dár 5:00a\anga tlai lam dár 4:30 thleng hlim takin kan thawka, mual hnih leh a chanve kan sâm hman a ni.

Kan camp chhúng hian Lalpan min awmpui a,tluang takin kan hna kan thawk thei a ni.Winchester-a thawktute pawhin min \awiawm \hainmin duat hle a, an chungah Isua hmingin làwm thukan sawi e. Ni 29.5.2015 zíng dár 7:00-ah Winchesterchhuahsanin, tluang takin chawhnu dár 2:00-ah kanveng kan thleng leh ta a ni. Kan hnathawh bâk hithawh tùr a la tam hle.

R. ChalkhumaSaikhamakawn Kohhran Ramthar Committee Ziaktu

8.1. Field hming : Barak Area2. Khua : Patharkandi3. Tlawh hun chhûng: Ni 18-25 May, 20154. Tlawhtu : Kolasib |umpui Kohhran RT Comt5. Kal zât : Mipa 106. Tlawh chhan : Hnathawh7. Hnathawh : Kalkalighat Biak In panna step siam8. Senso : ` 40,000/-9. Làwmawm lam : Work Camp nei tùr hian SMB-in Ramthar Project list 2015 a siam. Barak Area-aKalighat Biak In panna step siam tùr chu KohhranRamthar Committee-in kan chháng a. Work Campkal tùrin kan inbuatsaih nghal a ni.




A kalna tùrin Pu C. Khawlliana leh PuSangluaia-ten an motor an thawh a, a làwmawmhle. Ni 8 zíng dár 5:00-ah Upa C. Liandailova, KohhranSecretary-in \awng\aiin min thlah a. Tluang takakalin Patharkandi chu zing dár 9:30-ah kan thlenga. Evangelist Lalbiaksanga te chhúngkua leh thawktudangten min lo dawngsawng a, kan lâwm hle.Tûk\huan ei khamah kan hna kan \an nghal a.Kohhran mite leh thawktute nèn hlim takin hna kanthawk tláng a, nuam kan tiin work camp neih hizawngchhang tlâk kan ti hle. Kan hnathawhte kanzawh hnuin ni 10 (Nilaini)-ah Kolasib lam panin kanhaw leh ta a ni.

10. Report \ul dang : Patharkandi-ah hian Sâp hmunhlui, thlanmual hlui te awmin |umpui KohhranPavalai Páwl pawhin a hmun sâm faiin an lo tlawhtawh nghe nghe. Hemi a nih avàng hian SynodMission Board lam te pawh hian hma lâk ni se aduhawm hle a ni. Ngelnghet zâwka inbuna, hma lâkatán a \ha hlein kan hria. Chanchin |ha hril tùrhian kan puan inte i zauh zêl ang u.

C. HrangkhumaKolasib |umpui Kohhran Ramthar Committee Ziaktu

COUNSELLING MAMAWHTE TÁN

Mi mal, nupa, fanau, chhúngkua, nulât tlangval, ringtu nun etc.-ah harsatna i neih chuan Family Guidance & Counselling Centre pan \hin la, an lo \anpui ang che. Telephone leh internet hmang pawhin biakràwn theih an ni.

Mission Veng, Aizawl - (0389) 2324443; Chanmari, Aizawl - (0389) 2306693; Vaivakawn, Aizawl - (0389) 2344324; Champhai - (03831) 234055;

Serchhîp - (03838) 226128; Kolasib - (03837) 220180

email: [email protected]


mailto:[email protected]

february 2016 ramthar 1 - · pdf filekum thara rawngbáwltu tùr peng hrang...

Documents