iisaa almasihu haali - tinndi
TRANSCRIPT
-
8/19/2019 Iisaa Almasihu Haali - Tinndi
1/32
1
Iisaa
AlmasiihuHaalii
Tinndi
-
8/19/2019 Iisaa Almasihu Haali - Tinndi
2/32
2
-
8/19/2019 Iisaa Almasihu Haali - Tinndi
3/32
Ko ardii fof en njettii Joomiraaɗo toowɗo, joom
baawɗe, joom laamu, jiɗɗo en, rokki en fof rutti
fodani en moƴƴere. Ndeen noon hol no mbaawirten
fanndinde ɗee dokke ɗe joom baawɗe o rokki en?
Hol kadi no keɓirten fodoore nde Joomiraaɗo fodani
en nde?
So en njangi waaju Iisaa maa en mbaaw anndude no
panndinirten dokke ɗe Joomiraaɗo o rokki en ɗe, maa
en mbaaw kadi anndude no keɓirten fodoore ndee.
Kala nanɗo, waaju Iisaa, faami mbo, aawi ɗum e
ɓernde mum, oon maa heɓ fodoore Joomiraaɗo oo.
Iisaa so ina waajo heewi huutoraade ko tinndi. Maa
en njii e nder tinndi Iisaa geɗe keewɗe maanaa, ɗeen
geɗe moni e men fof ina foti faamde ɗe, mbele ina
waawa daɗde e bone Seyɗaane. Kala daɗɗo e bone
3
-
8/19/2019 Iisaa Almasihu Haali - Tinndi
4/32
Seyɗaane oon heɓii daɗndoore. Keɓɗo daɗndoore o,
ko oon heɓi fodoore joomi men fodanno en ndee.
En mbismiima winndere ndee fof nde jangata waaju
Iisaa.
Yoo Joomiraaɗo oo wonndu e men.
Iisaa haalii -
Yurmeende
Meeɗii waɗde sahaa gooto, gorko gooto joginooɗo
ɓiɓɓe ɗiɗo worɓe. Miñiraaɗo o, ko joom miijo
bonngo. Waɗi ñalawma gooto o wiyi baaba o, “Baaba,
tottu am geɗal am e ngalu hee.” Ndeen suka o haali
ngol kongol, Baaba o waɗi no suka o wiiri nih, mbele
weltinde fittaandu suka oo, Alla e korsa mum e suka
4
-
8/19/2019 Iisaa Almasihu Haali - Tinndi
5/32
oo. Baabiraaɗo oo fecci ɓe ngalu mum. Waɗi balɗe
seeɗa, miñiraaɗo oo renndini ko joginoo fof, ɗannanii
leydi ngoɗɗundi, ulli toon ngalu mum e geɗe
kaantoriɗɗe (bonɗe). Ndeen o fiɗɗii, heege bonge ari
e ndiin leydi; o fuɗɗii tampude. O jokkondiri e gorko
gooto jeyaaɗo e ndiin leydi; oon ƴetti mo, omo
aynanoya ɗum bamɗi-tuge. O muuyanooma hay
ñaamde e cinnde ɗe bamɗi-tuge ɗii ndokketenoo
ɗee, kono o heɓaani. Nde hakkille makko arti e
makko, o wiyi e hoore makko, “No foti gollooɓe
baaba am ñamminta haa ngoppa, miin mboɗo maaya
ɗoo heege? Mi hootat galle baaba am, mi wiya ɗum;
Baaba, mi tooñii Alla mi tooñīi ma. Mi nattii
haandude e wiyeede ɓiye, jaggir am no gooto e
gollantooɓe ma ɓee nih!” Ɗoon tan, o ummii o fayi
5
-
8/19/2019 Iisaa Almasihu Haali - Tinndi
6/32
to baaba makko. Baaba oo sooynii mo to woɗɗi,
ɓernde mum heewi njurum, dogi fiilii e makko uurnii
mo. Ɓiɗɗo o wiyi mbo, “Baaba, mi tooñii Alla mi
tooñii ma; mi nattii haandude e wiyeede ɓiye.” Kono
baaba o noddi sarwooɓe mum ɓe, wiyi ɗumen,
“Njaawno-ɗee ngaddoyee wutte ɓurɗo yooɗde o
ɓoornon mo; mbaɗanee mo feggere e feɗeendu,
mbaɗanon mo paɗe e koyɗe; ngaddee gayel payngel
ngel kirson ɗum, ñaamen mbelto-ɗen; sabu ɓii am
oo ɗoo, ko o maaynooɗo o wuurtii; ko o majjunooɗo
o yiytaama. Tan, koɗungu ngu fuɗɗii. Ndeke e oon
sahaa, mawniraaɗo o wonnoo ko gese. Ndeen o arii
haa o faandiima galle o, o nani gaaci e duƴƴe
amooɓe. O noddi gooto e sarwooɓe ɓe, o naamni
ɗum ko ɗo ɗee dille ngoni. Oon wiyi mo, “Ko miñe
6
-
8/19/2019 Iisaa Almasihu Haali - Tinndi
7/32
arti, baaba maa wari gayel payngel ngel, sabu Alla
yooltii mo e dow jam.” Tan mawniraaɗo o tikki, salii
naatde galle. Baaba makko yalti, woni e tefde mo. O
jaabi baabiraaɗo o, o wiyi ɗum, “Miin, mboɗoni
gollano maa ɗii ɗoo duuɓi fof; mi meeɗaa salaade
yamiroore maa, a meeɗaa rokkude mi hay ɓotel ko
mbaran mi sehilaaɓe am! Kono ɓiye oo ɗoo,
bonnoynooɗo ko nguurdatno ɗaa, to rewɓe yeeyooɓe
tebbuuli mumen arta tan, mbaranaa ɗum gayel
payngel ngel!” Baaba o wiyi mo, “Bingel am, aan
ngondu ɗaa ñande fof ko e am; ko njogii mi fof, ko
aan jeyi. Alaa e sago noon mbeltoɗen mbeytoɗen,
sabu miñe oo ɗoo, ko o maaynooɗo o wuurtii, ko o
majjunooɗo o yiytaama.” Ngol tinndol tawaama e
nder Linjiila Iisaa - feccere Luka - suura 15 aaya 11
7
-
8/19/2019 Iisaa Almasihu Haali - Tinndi
8/32
haa aaya 32.
Iisaa haalii -
Goonɗingol (Rogere 1)
Iisaa yaltii wuro; diɗɗal yalti, rewi e makko haa o
yettii daande caanngol. Ndeen o jolii e laana, diɗɗal
ngal jooɗi daande caanngol heɗii ombo waajoo.
O wii, gaawoowo oo ɗo saratnoo aawdi ɗoo, woodi
heen ko saami e laawol, colli ngari cikii ɗum. Woodii
e ko o aawannoo, ko saami e korkaaƴe, ɗo leydi
heewaano. Kono ndeen yehii haa naange e hoore
jalluɗi ɗii cumi, njoori sabu ɗi ngalaano ɗaɗi. O wii
kadi: Woodi e aawdi ndii ko saami e puɗi ñaaɗɗi.
Puɗi ñaaɗɗi ɗii mawni njarti jalluɗi moƴƴi ɗii.
O wii kadi: Woodi e aawdi hee ko saami e dow leydi
moƴƴiri, fuɗɗi, jibini; ɗee gabbe cowi laabi capanɗe
8
-
8/19/2019 Iisaa Almasihu Haali - Tinndi
9/32
tati, ɗeya cowi laabi capanɗe jeegom, ɗeya cowi laabi
teemedere.
E oon sahaa, almuɓɓe ɓee ɓattii mo naamnii mo firo
ngol tinndol. O wiyi, “Onon noon, malu woodanii on:
gite mon ina njiya, kadi noppi mon ina nana! E
goonga, mboɗo wiya on: Annabaaɓe heewɓe e
feewɓe heewɓe muuyanooma walla njiɗiino yiyde, ko
njiyaton koo, kono njiyaani; ɓe muuyanooma nande
ko nanaton koo, kono ɓe nanaani. Ndeen noon,
keɗo-ɗee ko tinndol gaawoowo ngol firti. Kala
keɗiiɗo haala laamu kaa tawa faamaani ɗum, bonɗo
( Seyɗaane) o arat, itta ko aawa e ɓernde mum koo;
ko oon woni laawol ɗo aawdi ndii saami ɗoo. Ko
saami e korkaaƴe koo, ko keɗotooɗo kongol ngol
jaɓɓoroo ngol weltaare ɗoon e ɗoon; kono ngol alaa
9
-
8/19/2019 Iisaa Almasihu Haali - Tinndi
10/32
e makko ɗaɗi (wuuraani e makko), o haɓɓotoo e
maggol tan ko sahaa daɓɓo; so kiiɓal walla lepte
sabaabunde kongol ngol arii, o fergitto ɗoon e ɗoon.
Ko saami e puɗi ñaaɗɗi koo, ko keɗotooɗo kongol
ngol, miijooji aduna e baggeende walla caɗeele
ngalu njartoo ngol, mbaɗta ngol dimarol (natti waɗde
nafoore). Ko saami e leydi moƴƴiri koo, ko
keɗotooɗo kongol ngol faama ngol; ko oon jibinta;
wooda heen ko sowii laabi teemedere, wooda heen ko
sowii laabi capanɗe jeegom, wooda heen ko sowii
laabi capanɗe tati. Ngol tinndol tawaama e nder
Linjiila Iisaa – feccere Macca - suura 13 aaya 1 haa
aaya 23.
10
-
8/19/2019 Iisaa Almasihu Haali - Tinndi
11/32
Iisaa haalii -
Goonɗingol (Rogere 2)
O huutorii ɗoo ko joom ngesa e gollooɓe mum,
yantude e haaldaaɓe rem peccen. Maa en njii ko ngol
tinndol firata walla hol ko ngol joofii?
Joom ngesa feewni ngesa mum, ƴeewi ɓe waddi rem
peccen, haaldi e mum'en, ɓe ngollii haa ɓoggere
yontii, o nelii sarwooɓe makko mbele ngaddoya
feccere makko. Sarwooɓe nelaama. Kono remooɓe
ɓee njaggii sarwooɓe ɓee, piyii heen gooto, ɓe mbari
goɗɗo oo, mbeddii tataɓo oo kaaƴe. Joom ngesa oo
nelii e maɓɓe sarwooɓe ɓurɓe adanɓe ɓee heewde,
kono remooɓe ɓee mbaɗi ɓe no mbaɗnoo ɓeya nih.
O sakkitii nelde toon ɓiyiiko gorko, o wiyii: “Maa ɓe
kersu ɓii am oo.” Kono ndeen remooɓe ɓe njiyii
11
-
8/19/2019 Iisaa Almasihu Haali - Tinndi
12/32
ɓiyiiko oo, ɓe mbiyondiri e koye mumen: “Ko oo ɗoo
woni dono o. Ngaree mbaren mo keedten e ngesa
hee!” E oon sahaa, ɓe njaggi mo, ɓe mbeddii mo to
caggal ngesa too, ɓe mbari mo. Ndeen Iisaa naamnii
heddiiɓe ɓee: “Jooni noon, so joom ngesa oo ari, holi
no waɗata remooɓe ɓee?” Ɓe njaabii mo, ɓe mbiyi:
“O warat ɓeen remooɓe bonɓe haa maaya pak, o
waɗta ngesa baa e juuɗe woɗɓe tottooɓe mo geɗal
makko e nguurnaandi mabba, nde ba soñaa fof.”
Ndeen Iisaa heɗtindiima jaabawol maɓɓe wii: “Maa
taw kay on tariima ɗum ɗoo e binndi hee – Haayre
nde mahooɓe nduuñi ndee, ko kayre wonti hoore
mahdi ndii. Ko ɗuum woni ko Joomiraaɗo oo waɗi,
tee ina haawnii e gite men!”
Ko ɗuum waɗi, mboɗo wiya on, “Maa laamu Alla nguu
12
-
8/19/2019 Iisaa Almasihu Haali - Tinndi
13/32
heɓte e juuɗe mon, resndee leñol baɗowol ko ngu
haandi. (Kala janɗo e ndeen haayre, ko kañum
moññotoo; kadi kala mo nde yani e mum nirkoto.)”
Ndeen ardiiɓe diine Yahuuda'en ɓee e seernaaɓe
maɓɓe ɓee nani tinndi makko ɗii, paami ko e mumen
ɗi payi. Ɓe ngoni e yiilaade no ɓe njaggiri mo, kono
ɓe cuusaano yimɓe ɓee, ngati kamɓe fof ɓe
njaggirnoo mo koo annabi.
Kaŋko woni haayre duuñaande, rutti, wonti hoore
mahdi. Sabu kala ɗo o yettinnoo kongol Alla ngol,
dañii saliiɓe, haa addani ɗum en “warde mo”. Ngol
tinndol tawaama e nder Linjiila Iisaa – feccere Macca -
suura 21 aaye 33 haa 46
13
-
8/19/2019 Iisaa Almasihu Haali - Tinndi
14/32
Iisaa haalii -
Ɗoftaare
Iisaa wiyi, e oon sahaa, laamu asamaan nguu maa
nanndu e boombi sappo ƴettuɗi lampaaji mumen
njehi jaɓɓoyaade jombaajo gorko. Heen joyi ko
puuyɗi, joyi keddiiɗi ɗii ko joom'en hakkillaaji.
Puuyɗi ɗi ƴettii lampaaji tawi naworaani njooɓaari
petorol; joom'en hakkillaaji ɗii noon nawori petorol.
Ndeke jombaajo oo jengii arde, kamɓe fof ɓe ŋoŋi, ɓe
ɗaanii. Nde yehi haa feccere jamma, wulaango fettii,
wiyi, “Jombaajo o arii! Njaltee! Njaɓɓoyo-ɗee! Ndeen
ɓe pinii, ɓe ngoni e feewnude lampaaji maɓɓe.
Boombi puuyɗi ɗii mbiyi joom'en hakkillaaji ɗii,
“Ndokkee min e petorol mon hee, ngati lampaaji
amen nana ñifa.” joom'en hakkillaaji ɗii mbiyi,”Alaa,
14
-
8/19/2019 Iisaa Almasihu Haali - Tinndi
15/32
ngati ko min njogii koo yonataa en, enen fof. Njehee
to yeeyooɓe too coodanoyon koye mon.” E oon
sahaa, puuyɗi ɗii coodoyi petorol, tan jombaajo oo
yetti caggal majji. Peewnitinooɗi ɗii naatdi e makko e
nder dammbordu hee, damal ngal uddaa. Nde yehi
haa ɓooyi, boombi keddiiɗi ɗii ngarti, ngoni e
wullude ina mbiya, “Ceerno, ceerno, uddit min naata!”
Kono o jaabii ɓe, o wiyi, “E goonga, mboɗo wiya on:
Mi anndaa on.” Ndeen noon, mbaaldee gite kecce,
ngati on nganndaa wonaa ñalngu nguu wonaa waktu
oo.
So goonga ɗum fof ko hirjinde en e ɗoftaare ɗum
firata, ko kulol men e Alla ina foti won kala sahaa,
sabu ñalawma mo o arroyta oo walla jamma oo, walla
subaka oo, walla nih ɗoo ɗo kaaleten ombo waawi
15
-
8/19/2019 Iisaa Almasihu Haali - Tinndi
16/32
arde. Ina haani ndeen noon o tawa eɗen kaɓɓondiri e
makko e kongol makko. Ngol tinndol tawaama e
nder Linjiila Iisaa – feccere Macca - suura 25 aaya 1
haa 13
Iisaa haalii -
Hoolaare
Laamu asamaan nguu wayata ko no gorko gonɗo e
ɗannaade, noddi sarwooɓe mum, resndi ɗumen
ngalu mum. O resndi heen gooto saakuuji joyi kaalis,
goɗɗo o saakuuji ɗiɗi, tataɓo oo saak gooto – gooto
heen fof e ko waawi. Caggal ɗuum, o ɗannii. Ɗoon e
ɗoon, carwoowo keɓnooɗo saakuuji joyi o yehi
juloroyaade kaalis oo, ɗañti heen kañum ne joyi
goɗɗi. Desndanooɗo saakuuji ɗiɗi oo ne waɗi noon,
16
-
8/19/2019 Iisaa Almasihu Haali - Tinndi
17/32
dañti heen kañum ne ɗiɗi goɗɗi. Kono desndanooɗo
saak gooto oo yehi asoyi ngaska, suuɗi toon saak oo.
Ndeen waɗii dumunna juutɗo caggal mum, kaliifa
maɓɓe arti, noddi ɓe, woni e hiisodaade e maɓɓe.
Desndanooɗo saakuuji joyi kaalis o ari, addi joyi
goɗɗi ɗi, wiyi: “Kaliifa am, ndesnduno ɗaa mi ko
saakuuji joyi. Mi dañti heen ɗii ɗoo joyi goɗɗi.”
Kaliifa makko o wiyi mo: “Golle maa peewii, ko a
carwoowo moƴƴo, koolniiɗo. Tawde a hollii
aadiyaŋkaagal e geɗe tokoose, maa mi resnde geɗe
keewɗe faayiida. Ar weltodo e am! Carwoowo
desndanooɗo saakuuji ɗiɗi oo ari kañum ne, wiyi:
“Kaliifa am, ndesnduno ɗaa mi ko saakuuji ɗiɗi. Mi
dañti heen ɗii ɗoo ɗiɗi goɗɗi.” Kaliifa makko o wiyi
mo: “Golle ma peewi, ko a carwoowo moƴƴo,
17
-
8/19/2019 Iisaa Almasihu Haali - Tinndi
18/32
koolniiɗo. Tawde a hollii aadiyaŋkaagal e geɗe
tokoose, maa mi resnde geɗe keewɗe faayiida. Ar
weltodo e am! Desndanooɗo saak gooto oo ari
kañum ne wiyi: “Kaliifa am, mboɗo anndunoo ko a
gorko kittuɗo; aɗa soña ɗo a aawaano, aɗa renndina
ɗo a saraano aawdi. Ko ɗuum waɗi, kul mi, njah mi
ngubboy mi saak kaalis maa; ndah, kaake ma nani!
Kaliifa makko jaabii mo, wiyi: “Carwoowo bonɗo,
gaamɗo! Tawde aɗa anndunoo mboɗo soña ɗo mi
aawaano, mboɗo renndina ɗo mi saraano aawdi, holi
ko haɗno maa waɗde kaalis am e baŋke, mbele ina
wooda ko ndañcu mi heen so mi artiroyii? Korkitee
saak kaalis oo e juuɗe makko, totton ɗum joom
saakuuji sappo oo. Ngati kala jogiiɗo, maa ɓeydane
haa hebbina; kono mo alaa oo, hay seeɗa mo jogii o,
18
-
8/19/2019 Iisaa Almasihu Haali - Tinndi
19/32
heɓtete. Carwoowo mo alaa nafoore oo noon,
mbeddo ɗee ɗum e nder niɓɓere boowal hee, ɗoon
ɗo bojji e kaamtaali njogori wonde.” Ngol tinndol
tawaama e nder Linjiila Iisaa - feccere Macca - suura
25 aaya 14 haa aaya 30
Iisaa haali -
Enɗam
Ɗo ko ceerno gooto naamndinoo Iisaa mbele
ƴeewtindoo ɗum; o wii,”Ceerno, holi no mbaɗat mi
ngam heɓde nguurndam haa abada?” Ndeen Iisaa
naamndii mbo: “Holi ko winnda e sariya hee?”
Ganndo oo jaabii,”Yiɗir Joomiraaɗo Alla ma ɓernde
ma fof, fittaandu ma fof, doole ma fof e hakkille ma
fof; yiɗir koddiiɗo maa no hoore maa nih.” Ndeen o
19
-
8/19/2019 Iisaa Almasihu Haali - Tinndi
20/32
jaabiima ɗuum, Iisaa wii mbo, “Jaabowol maa feewi.
Waɗ ɗum nguura!”
Ɗum fof yonaani ceerno o, jokki naamnde, “Hol
gonɗo koddiiɗo am?”
Ndeen Iisaa tinndani mbo tinndol gorko Yahuuda,
iwnooɗo Yerusalem ina jippoo fayde Yeriko. Ɗoo o
yahata ɗoo o hawri e taƴooɓe; ɓe ɓoli mo, ɓe piyi mo
haa o ɗeɓi maayde, ɓe ɗali mo ɗoon. Ndeke
hooreejo diine gooto nana ara e ngool laawol. Ndeen
o yiyi taƴaaɗo oo ina lelii, o taari mbo o yehi laawol
makko. Ceerno gooto wirtii ɗoon, yiyi taƴaaɗo oo,
kañum ne taari yehi laawol mum. Kono Samari gooto
ɗannotonooɗo ari haa e makko. (Samari'en wonnoo
leñol yimɓe bonɓe ɓe nanondiraano e Yahuuda'en;
leñol Iisaa.) Nde Samari oo yiyi taƴaaɗo o, ɓernde
20
-
8/19/2019 Iisaa Almasihu Haali - Tinndi
21/32
mum heewi njurum. O fayi e makko, o safriri uube
makko nebam e ndiyam reseŋ, o haɓɓi ɗe. Caggal
ɗuum o waɗɗini mo e daabaa makko, o nawi mo e
jippunde wootere, o toppitii mo. Jango e mum, o
hokki kaalis joom jippunde oo, o wiyi ɗum, “Toppito
mo; so a feriima e makko ko ɓuri ɗum ɗoo, ma mi
rutte, miin e hoore am, so mi reftii ɗoo.”
Iisaa naamndi ganndo sariya, e nder ɓee taton hol
heen gonɗo koɗdiiɗo taƴaaɗo o? Ganndo sariya
jaabii o wiyi: “Ko balluɗo mbo oo, sabu ko oon woni
jogiiɗo yurmeende e makko.” Ndeen Iisaa wiyi yoo
o yah o waɗa noon.
Ngol tinndol tawaama e nder Linjiila Iisaa – feccere
Luka - suura 10 aaya 25 haa aaya 37
21
-
8/19/2019 Iisaa Almasihu Haali - Tinndi
22/32
Iisaa haalii -
Yaafuya
Laamɗo gooto ƴettuɗo pellital yomnaade sarwooɓe
mum. En njii waktu mo o naatani hiisa tan o addana
mo o rewatnoo buuɗi kaalis ujunaaje sappo. Nde
tawnoo oon gorko alaano ko yoɓiri oon kaalis; ko
ɗuum waɗi, laamɗo yamiri yoo o yeeye, kaŋko e joom
suudu makko e sukaaɓe makko e kala ko o joginoo,
ngam yoɓde ñamaande ndee. Carwoowo oo tukki e
yeeso makko, ñaagi mo, wiyi, “Muñan am, ma mi
yoɓe fof!” Laamɗo oo yurmii mo, yaafii mo
ñamaande ndee, ɗacci mo o yehi. Carwoowo o yalti
tan, hawri e gollodiiɗo mum mo rewata kaalis seeɗa
tan. O jaggi e daande wutte makko, o ɗeɗɗi mo, o
22
-
8/19/2019 Iisaa Almasihu Haali - Tinndi
23/32
wiyi, “Yoɓ am kaalis am!” Gollodiiɗo makko o tukkii e
koyɗe makko, ñaagi, wiyi, “Muñan am, ma mi yoɓe!”
Kono noon o jaɓaani; o weddoyii mo e kasoo, haa
nde o yoɓi ñamaande ndee fof. Ndeen sarwooɓe
heddiiɓe ɓe njiyii ko o waɗi ko, cunii heen no feewi,
njehi kabroyi ɗum laamɗo oo. E nder ɗuum, laamɗo
oo noddi carwoowo oo, wiyi ɗum, “Aan ko a
carwoowo bonɗo! Nde ñaagi ɗaa mi, mi yaafe
ñamaande maa fof. Aan ne kay, aɗa fotnoo
yurmaade jahdiiɗo ma o njaafo ɗaa ɗum no njurmori
ma mi njaafi ma mi nih.” Laamɗo seki, waɗi mo e
juuɗe leeptooɓe ɓee, haa nde o yoɓi ñamaande ndee
fof. Ko noon Baaba am gonɗo dow asamaan oo
jogori waɗde kala e mon mo yaaforaaki banndum
ɓernde laaɓnde cer.
23
-
8/19/2019 Iisaa Almasihu Haali - Tinndi
24/32
Ngol tinndol tawaama e nder Linjiila Iisaa – feccere
Macca – suura 25 aaya 14 haa aaya 30.
Iisaa haalii -
Teddungal
Nde Iisaa yiyi no hoɓɓe ɓee cuɓortoo jonɗe ɓurɗe
teddude, o wasiyii ɓe ɗum ɗoo - “So a noddaama e
yange, woto jooɗoyo e joɗnde ɓurnde teddude
(mawnude), sabu ɓurɗo mo teddude (hormeede) ina
waawi arde, nodduɗo on o ara wiy maa : Rokku oo
ɗoo e joɗnde ndee! Ndeen, maa a hersu jooɗoyaade
e joɗnde ɓurnde lesɗude ndee. So a noddaama,
jooɗoyo les, mbele nodduɗo ma oo so arii, ina wiy
ma : Sehil am, jooɗto dow! Ndeen maa ɗuum wonane
teddungal e yeeso noddaaɓe ɓee fof. Ngati kala
24
-
8/19/2019 Iisaa Almasihu Haali - Tinndi
25/32
mawnikiniiɗo, yandinte; kadi kala jankiniiɗo,
mawninte.
Iisa wiyi kadi, “So aɗa nodda bottaari walla hiraande,
woto noddu wonaa sehilaaɓe maa, wonaa miñiraaɓe
maa e mawniraaɓe maa, wonaa koreeji maa, wonaa
hoɗdiiɓe maa alɗuɓe, mbele ɓeen ne ina mbaasa
noddude ma wontan maa njoɓdi. So aɗa kewna,
noddu miskineeɓe, galluɓe, laƴooɓe e wumɓe; ndeen
maa malu woodane, sabu ɓeen ngalaa ko njoɓ ma;
maa a yoɓe ñande ummital feewɓe ɓee.”
Gooto e wottotooɓe ɓee, ndeen nanii kaan haala, wiyi
mo, “Malu woodanii jogorɗo ñaamoyde nder Laamu
Alla!” Iisaa wiyi oon, “Gorko gooto meeɗii kewnude,
teddiniri yimɓe heewɓe. Ndeen yehii haa bottaaje, o
neli carwoowo makko teddiniraaɓe ɓee yoo ngar
25
-
8/19/2019 Iisaa Almasihu Haali - Tinndi
26/32
bottaari deftaama. Kono kamɓe fof no ɓe potiri ɓe
ngoni e yaafnaade mo. Gadano oo wiyi mo, “Ko mi
coodɗo ngesa, alaa e sago mi ƴeewoya ba; tiiɗnoo
yaafo mi.” Goɗɗo wiyi, “Ko mi coodɗo gayi sappo,
ngon mi ko e etoyaade ɗi; tiiɗno yaafo mi.” Goɗɗo
kadi wiyi, “Ko mi cudduɗo ko ɓooyaani, ko ɗuum
waɗi mi dañataa arde.” Nde carwoowo oo arti, habri
ko jaabaa koo fof, joom galle oo seki, wiyi mo,
“Yaawno njirloɗaa, cooroɗaa, naata dingirle e
mbeddaaji wuro ɗi, ngaddanaa mi ɗoo miskineeɓe
ɓee, golluɓe ɓee, wumɓe ɓee e laƴooɓe ɓee.”
Carwoowo o yehi arti, wiyi, “Kaliifa mi waɗii ko
njamirɗaa koo fof, kono haa jooni galle oo heewaani.”
Kaliifa o wiyi mo, “Rew e jolɗe, cawndoɗaa galleeji
gese, mbaawnaa yimɓe ɓee arde, mbele galle am ina
26
-
8/19/2019 Iisaa Almasihu Haali - Tinndi
27/32
heewa. Ngati mboɗa wiya on – Hay gooto e
teddiniranooɓe ɓee meeɗataa e bottaari am.”
Ngol tinndol tawaama e nder Linjiila Iisaa - feccere
Luka - suura 14 aaya 7 haa aaya 24
Iisaa haalii -
Njobdi
O wiyi, laamu asamaan nguu wayi ko no ɗum ɗoo
nih: Meeɗii waɗde sahaa, joom ngesa reseŋ yalti
subaka law ngam dañde fitiram-golle'en ɓe dawni
ɗum e ngesa mum. Ɓe kawri e ñalawma mbuuɗu
kaalis maɓɓe leydi toon, o dawni ɓe. Saanga
waktuuji jeenayi subaka, o yalti kadi, o tawi woɗɓe
ina e dingiral mbaɗaani hay baɗte, o wiyi ɗumen,
“Njehee onon ne ngolloyo ɗon e ngesa am reseŋ hee,
27
-
8/19/2019 Iisaa Almasihu Haali - Tinndi
28/32
maa mi yoɓ on ko haani yoɓeede koo.” Ɓeen ne
pokkiti. O yalti saanga waktuuji sappo e ɗiɗi, o yalti
kadi saanga waktuuji tati kikiiɗe, o yiyi fitiram-
golle'en, o waɗdi e mumen no o waɗdi e ɓeya nih.
Caggal ɗuum , o yalti kadi hedde waktuuji joyi
kikiiɗe, o tawi kadi fitiram-golle'en ina ɗoon, o wiyi
ɗumen, “Holi ko waɗi oɗon ñalla ɗoo tawa on
mbaɗaani hay ɓaɗte?” Ɓe njaabii mo, ɓe mbiyi, “Waɗi
noon ko min ngalaa mo min ngollanii.” O wiyi ɓe,
“Njehee onon ne ngolloyon e ngesa am reseŋ hee.”
Ndeen yehii haa kikiiɗe, joom ngesa oo wiyi batulo
mum oo, “Noddu fitiram-golle'en ɓee njoɓaa ɗumen;
ngadoro ɗaa sakkitiiɓe ƴetteede ɓe, cakkitoro ɗaa
adiiɓe ƴetteede ɓe.” Ƴettanooɓe saanga waktuuji joyi
kikiiɗe ɓee ngari, tottaa gooto e mo'en fof mbuuɗu
28
-
8/19/2019 Iisaa Almasihu Haali - Tinndi
29/32
kaalis. Adinooɓe ƴetteede ɓee nde ngari, cikki maa
njoɓe ko ɓuri ɗuum; kono gooto e maɓɓe fof tottaa
ko mbuuɗu kaalis gooto hono no ɓeya nih. Nde ɓe
keɓi ndiin njoɓdi, ɓe ngoni e ŋormaade fayde e joom
ngesa oo, aɓe mbiya, “Ɓee ɗoo fitiram-golle'en ngollii
tan ko waktu gooto, potndaa njoɓdi amen, tawa
minen amin ngollii ñalawma no woorunoo e ngee
naange hartunge!” joom ngesa oo jaabii gooto e
maɓɓe, wiyi, “Sehil am, mi fuuntaani ma. Mate wonaa
ko aan jaɓnoo ƴettir maa mi mbuuɗu kaalis gooto?
Ndeen noon, ƴettu njoɓdi maa njahaa. Ko miin welaa
fotndude ma e oo cakkitiiɗo ƴetteede. Mate wonaa
ko ko mbelaa mi mbaɗat mi e kaalis am? Walla ko ko
moƴƴu mi ko addan maa hirde?”
Iisaa wiyi e heɗotooɓe ɓee, “Ko hono noon ardinooɓe
29
-
8/19/2019 Iisaa Almasihu Haali - Tinndi
30/32
ɓee keettirta caggal; heeɗnooɓe caggal ɓee ngonta
yeeso.”
Ko hono nih Iisaa wayi, moni e men fof ina jogii geɗu
mum, so tawii fawii hoolaare mum e makko. Nih no
joom ngesa baa yoɓiri gollooɓe mum. Hono noon
Iisaa yoɓrata sarwooɓe mum (gooŋɗinɓe ɗum).
Ndeke baajtiiɗo hoore mum hannde ɓuri jogaade
ngartam e oon jibinaaɗo e laawol hee.
Ngol tinndol tawaama e nder Linjiila Iisaa - feccere
Macca - suura 20 aaya 1 haa aaya 16
30
-
8/19/2019 Iisaa Almasihu Haali - Tinndi
31/32
31
-
8/19/2019 Iisaa Almasihu Haali - Tinndi
32/32
Nous remercions, le bon Dieu de nous avoir accordé sapatience. Nous continuons, toujours à louer Dieu dans
sa bonté et ses merveilles. Nous invitons aux enfants
d'Adam et Ève à lire ce livre (qui est un extrait du
Nouveau Testament) intitulé “Jésus a parlé”
En njettii Joomiraaɗo e moƴƴere, muñal ngal o rokki en
ngal. Eɗen njokki haa hannde e yettude e mawninde
Joomiraaɗo oo e moƴƴere mum e kaawisaaji mum.
Eɗen mbismii ɓiɓɓe Aadama e Hawaa nde njangata ndedeftere (ittaande e deftere Aadi Keso). En innirii deftere
nde “Iisaa haali”
Fedde Jangooɓe Linnjiila