Il-Beatitudnijiet

http://www.youtube.com/watch?v=O9ek5YQmBmk

Ċentru Ġesù FeddejSanta Margerita Mosta

SITT SENA TA’ KATEKEŻI

It-tieni parti

Ġesù qal:Henjin ta' qalbhom ħelwa għax huma jkollhom b'wirthom l-art.

Li tkun ta’ qalb ħelwa tfisser li tkun

ġentili u qalbek tajba.

Ma jfissirx li tħalli lil ħaddieħor jagħmel li jrid bik.

Tfisser minflok li tkun ħanin fi kliemek u f’dak li

tagħmel.

Tfisser li tuża r-rigali li tak Alla għal ħaddieħor.

Li tkun bil-ġuħ u l-għatx għall-

ġustizzja jfisser li taqsam ma’ min hu

fil-bżonn.

Ġesù qal:Henjin dawk li huma bil-ġuħ u l-għatx tal-ġustizzja għax huma jkunu mxebbgħin.

Ġustizzja tfisser li

timxi b’mod xieraq u bil-

fier.

Int qatt kont tassew bil-ġuħ? Li l-istonku tisimgħu jgerger waħda wara l-oħra? U ma’ kull tgergira tħoss rasek ser tisplodi bl-uġigħ?

Ma taħseb f’xejn, ħlief kif ser isib x’tiekol u kif ser jieqaf l-uġigħ.

Għal dawk li huma bil-ġuħ u l-għatx għall-ġustizzja, iridu l-ħajja fuq din l-art tkun bħal dik fis-sema.

… ikun li trid int fis-sema hekk ukoll fl-art …

Jafu li dan huwa impossibli iżda jixxennqu u jaħdmu għal din il-ħajja.

Dawk li huma bil-ġuħ u l-għatx għandhom il-

wegħda li r-rieda ta’ Alla sseħħ.

Ġesù qal:Henjin dawk li jħennu għax huma jsibu ħniena.

Meta tħenn ifisser li taħfer lil dawk li

għamlulek id-deni.

Dawk li jħennu jaħfru minkejja dak kollu li l-ieħor ikun ħaqqu.

Il-ħniena tfisser li tagħżel

li ma tpattix u ma tikkastigax.

Hekk hi l-ħniena ta’ Alla għalina. Huwa l-Missier li

jaħfrilna u li jiksina bl-imħabba tiegħu.

… aħfrilna dnubietna bħal ma naħfru lil min hu ħati

għalina …Aħna rridu nuru ħniena ma’ ta’ madwarna bl-istess mod li Alla juri ħniena magħna.

Ġesù qal:Henjin dawk li huma safja f'qalbhom għax huma jaraw 'l Alla.

Li tkun safi f’qalbek tfisser li ma tkunx

egoist.

Dawk li huma safja

f’qalbhom ma jagħmlux il-ġid għall-gwadann personali.

Meta tagħti mingħajr ma tistenna xejn lura hija att ta’ mħabba.Meta tagħti mingħajr ma tistenna xejn lura, issib il-ferħ.

Ġesù qal:Henjin dawk li jġibu l-paċi għax huma jissejħu wlied Alla.

Li ġġib il-paċi jfisser li tkun strument biex fid-dinja ġġib il-paċi li jixtieq Alla.

Li taħdem għall-paċi hija xi ħaġa sabiħa ħafna, imma tista’ tkun ta’ sfida wkoll.

Meta xi ħadd iweġġgħek, malajr issib ruħek lest biex tpatti.

Minn iġib il-paċi jsolvi problema mingħajr ma jasal li juża vjolenza.

Meta nimxu fuq il-passi ta’ Ġesù

u nuru l-imħabba kif għamel hu, insiru tabilħaqq ulied Alla.

Ġesù qal:Henjin dawk li huma ppersegwitati minħabba s-sewwa, għax tagħhom hija s-Saltna tas-Smewwiet.Li tkun ippersegwitat tfisser li xi wħud jimxu miegħek b’mod

inġust minħabba li int tkun għażilt li timxi wara Ġesù biex

issib il-hena.

Jista’ jkun li jwaqqgħuk għaċ-ċajt għax tagħżel li tħobb u turi ħniena, għax taħdem għall-paċi u għall-ġustizzja.Mhix għażla faċli.

Imma Ġesù qal li dawk li jagħżlu lijimxu warajh, tagħhom hija s-Saltna tas-Smewwiet.

Dawn huma l-BEATITUDNIJIET.

• Int lest li tgħixhom?

• Int lest li tkun tassew ferħan?

Int lest li titlaq kollox u tiddependi l-ewwel fuq Alla ?

Int lest li tkun fqir fl-ispirtu ?

Int lest li taħdem biex id-dinja tkun aħjar ?

Int lest li titnikket ?

Int lest li tkun ta’ qalb ħelwa ?

Int lest li tuża r-rigali li

għandek b’ġenerożit

à u biex tgħin lil

ħaddieħor ?

Int lest li tkun bil-ġuħ u bil-għatx biex ħaddieħor isib il-ġustizzja ?Int lest li tgħix u tfittex dak li hu tajjeb ?

Int lest li tħenn u taħfer ?

Int lest li tagħti lilek innifsek lil Alla ?

Lest li tkun safi f’qalbek ?

Lest li ġġib il-paċi madwarek ?

Ġesù wrina t-triq għal vera

hena.Int x’ser tagħmel?

Ser tgħixha?