Buku II : Langku-Langkuno Dadi

DADARAONO KANGKILO BHAE BISARANO KANGKILO(ALANO OE LIDIMANO(5)) PORANTENO BHAE KANAANDOONO, BHAE KAFOENAGHAUNO

TOBA, BHAE DHALI-DHALILINO

O

L

E

H

Laode ngkalusa

Gelar : Imamuno Wuna

Bab I

PALAKATINO KALENGKANO POGAU

Assalaamu ‘alaikum warahmatullaahi wabarakaatuh

Taabea ruafulu taabea tolufulu adhati,neebhawo sombaku bhae inereku naewise ntoomu intaidimu sarano wite ompulu(10) bhae ruafuluno(20).Insaidi ndoanaamiu,awamiu ini taesalo kalalesa nae wise ntoomu bhari-bhari kaitaamu itu. Patudhu mani bharaa,insoba tamekantaleahi taburi fahamuno bhae fointarano umati nae wuna ini.maanano,mangkano welo kangkilondo atawa alano oendo atawa jinibundo umati nae wuna ini nopohala-hala. Peda aini:

- Naandoo nikonando kangkilo poranteno bhae kaasino- Naandoo nikonando kangkilo poranteno bhae hulu balano- Naandoo nikonando kangkilo saidhi raba- Naando nikonando kangkilo oe lidimano(5) poranteno bhae bhae kanaandoono, niabhi-

abhindo ‘kangkilo bhatu poaro.

Dadihanomo welo kapohala-halano kangkilo ini, otumbu-tumbu bughouhi itu mudaghao dodhiamu atawa dofekiri,bhahi kangkilo medano hae sonifeenaghaondo,ingka sanea kangkilondo umati nae wuna ini.

Pedamo welo kapohala-halahano kangkilondo setombu-tombu itu rampano kakuasano wutono Allaahu Ta’aala. Maanano,sanea mpuu nifotantuno Allaahu Ta’aala wakutuu aitu.Taaka, pabhae sobhali-bhaliiea niratondo semie-semie itusapae kaawu dabhaliighao wuto-sewuto ini,rampa Allaahu Ta’aala itu’olameunda’.

Insaidi ndoanami,awamiu ini naeboku aini taburi kaawu dua alano oendo atawa kangkilondo kamokulahi mani(oe lidimano(5)),notanda nando wawono tadua nosampuhimo wae insaidi anahihindo,awahihindo, kangkilomo dua aitu ni pake-pake manimo (alano oe lidimano(5)) itu.Taaka mina mpuu dua nako maanaghaoa tumbu-tumbu bughouhi itu tabea damangkafi dua alano oe atawa damake dua kangkilo tiburihano welo boku aini. Taaka o tumbu-tumbu bughouhi itu mudaghao kaawu dua dofekiri,dodhiamu,dokamunu bhahi medano hae garaa alano oe atawa medano hae kangkilo sonihundaghaono totono lalondo somo dua nifeenaghaondo.Rampa o kangkilo itu nobhari,sigaa pedamo nea-neahino kangkilo madano tiburihano waekundo aniini itu.

Pedamo kaawuaitu patudhu mani taburi alano oe ini atawa taburi kangkilo ini,hama-hamadi kaawusonihundaghaono totono lalondo o tumbu-tumbu bughouhi itu,aituemo dua kangkilo so nipakendo. Wassalaamu ‘alaikum warahmatullaahi wabarakatuh.

Laode Ngkalusa (Gelar Imamuno Wuna)

Bab II

DADARAONO KANGKILO

Okangkilo itu bhaa-bhaano tabea dopandehao deki oe sonipake bhae oe pata sonipake. Langku-langkuno peda aini:

O anahi itu,omoghanemo orobhinemo,pada kaawu do fekangkiloida(dobhelaida)itu,do tobada itu,doforatoanda kafoenaghuno toba modaino bhae toba metano itu,doforatoandamo dua oe sonipake bhae oe pata sonipake.

Pe sonipake itu oe mongkilono,peda aini:

- Oeno ghuse- Oeno sumu- Oeno laa- Oeno tehi- Oeno titino kontu menturu-nturuno welo lia itu- Oe welo lia kosolono itu.

Taaka foli-foliunomo mpuu kangkilo,oe menturu-nturuno welo lia itu bhae oe welo lia kosolono itu.

Pedamo dua,oe sopata nipake itu oe makohorono. Ibaratino,oehi morakuno itu,bhahi oe kowonono moburuno itu.

Do pandehao kaawu oe mongkilono bhae oe makohorono itu dopoguru ghaomo dua alano oendo atawa kangkilondo atawa isitinjando.

Maka sakotughuno kangkilondo umati nae wuna ini nopohala-hala. Naandoo nikonando:

- Kangkilo poranteno bhae kaasino- Kangkilo poranteno bhae hulu balano- Kangkilo Sadhi Raba- Kangkilo oe lidimano(5) poranteno bhae kanaandoono.

Oanahi hende bughou itu tadae pilimo bhahi medano hae kangkilo sonifeenaghaondo itu. Insaidi nipandehao manimo kaawu kangkilo alano oe lidimano(5)itu,niabhi-abhindo “Kangkilo Bhatu poaro”.

Taaka nando paeho taburi kangkilo alano oe lidimano(5) ini,nofaraluu deki damekiri tapi-tapino langkuno kanaandoono badha ini.

Tapi-tapino langkuno kanaandoono badha ini peda aini:

- O ghulu ini, o badha kasara (notiwora,nolahiri)- O lalo ini,o badha alusu (mina natiwora,nobaathini,noroorondo)

Totono lalo (mina natiwora,nobaathini,noroo-rondo)O inawa (mina natiwora, nobaathini,noroorondo)O rahasia (mina natiwora, nobaathini,noroorondo)

Taaka o badha kasara bhae badha alusu ini mina dapogaatia.

Maka ani nando deekabusa modaino(deedea)itu obadha kasara ini nando nooraku. Maanano, rampa nando noposampuru bhae najisino. Kanandohanomo ani sarataano doere dakumala dae kabusa modaino atawa dae dea itu,obadha kasara bhae badha alusu ini tabea nando dopogaatiane atawa tabea nando dopoleka ane kadeki.

Ghuluhano lentuhano o najisi itu raa indai bhahi sono kitai dua bhae badha alusu ini maka no roorondo ane dua bhae qalibi,atawa no roorondo ane dua bhae totono lalo mongkilo ini.

Aituemo kanandohano sarataano doere dakumala daekabusa modaino itu,obadha kasara bhae badha alusu ini tabea dopogaatiane kadeki. Maanano,lentuhano o raki itu bhahi sono kitai dua bhae qalibi ini maka no roorondo dua totono lalo mongkilo ini.

“ Taburiemo ini bisarano kangkilo alano oe lidimano(5) poranteno bhae kanandoono”.

Bab III

BISARANO KANGKILO ALANO OE LIDIMANO(5) PORANTENO BHAE KANAANDOONO

1. Kaforatono Bhaa-Bhaano Doere Dakumala Daedea

Bhaa-bhaano doere dakumala daedea doniati deki,peda aini:

“aere nae alamu ‘kuntu kanzan mahfiyya’ nando aelate nae gholotano kamiina bhae kanaandoo”.

Peda aini-------------------------

2. Kaforatono Doratomo See Dhamba

Dorato kaawu see dhamba dofoilamo seetanino dhamba itu,peda aini:

“Allaahumma inniy a’uudzu bika minal khubutsi wal khabaaitsi minasy syaithaani ibliis”.

3. Kaforatono Dengkoramo Deedea

Dengkoramo deedea dobasamo:

“aengkora nae alamu arwaha,aekadu nae titino horofu ba, anaandoomu nae ama”Peda aini--------------------------------

4. Kaforatono Ani Deedeamo

Ani deedeamo dobasa:

“mina aedea nae witea,mina aedea nae kontua,mina aedea nae saua,mina aedea nae kakooa,mina aedea nae karukua. Aedea wae simbalino simbali,wae pata niratono fekiri,wae pata niratono isiqadhi,wae pata namu-namu,wae pata hae-hae,pansurumo bhae deedea”.

5. Kaforatono Ani Padamo Deedea

Ani padamo deedea,doalamo kaekuriha okasau-sau tolu(3) bhera maka dekurighao lima kema ini,peda aini:

- Aekurighao amaku bhae inaku- Aekurighaoisaku bhae aiku- Aekurighao wutoku bhae bhasitieku

- Pata mekurino aekuriandamo inodi.

6. Kaforatono Doeremo Padamo Deekuri

Ani padamo deekuri dobasa:

“aere nae alamu mitsali,aekadu nae horofu alefu,apolimbamo nae ina”.

Peda aini---------

7. Kaforatono Doalamo Oe Sa Daekabusa

Dobasa: “oe ni mekabusa ini oe mongkilo aongkiloghao, oe nifokanandoono Allaahu Ta’aala, aeri kalkautsara, oeno surugaa amekangkilo wutoku sewuto,amekaalusu badhaku”.

8. Kaforatono Deekabusamo Oe Lidimano(5)- Bha-bhaano deki, ntabhalano lima kema ini doteiemo nae mata mpuhe ini,maka

dohobhae oe itu nae mata mpuhe ini tolu(3)wawe nsuana,tolu(3)wawe ngkema. Ntabhalano lima itu noangkafimo dua waweno oe itu. Welo niati:

“oeno ntabhala mekangkilono rakino puhe ini,Aeri Ma ul Hayyati,afekangkilo amaku bhae tapino dadino amaku,pata mongkilono afekangkilodamo inodi”.

Catatan: taodoniati kaawu tolu(3)wawe itu,simbali do isitinja mie mateno itu tabea dofowawe-fowawee dua.

- Ruduaghao, tantusuno lima kema ini doteiemo nae parakano sungkala sauna tolu(3)wawe nsuana,maka dofokalae nae parakano sungkala kema tolu(3)wawe ngkema dua. Welo niati:

“oeno tantusu mekangkilono parakano sungkala ini’aeri zalzananjabiilan’.afekangkilo inaku bhae tapino dadino inaku,pata mongkilono afekangkilodamo inodi”.

- Totolughao,kolakino lima kema ini doteiemo nae kambawo tolu(3)wawe nsuana,tolu(3) wawe ngkema dua. Welo niati:

“oeno kolakino lima ini mekangkilono rakino kambawo ini’aeri salsabiilan’.afekangkilo isaku bhae tapino dadino isaku pata mongkilono afekangkilodamo inodi”.

- Popaaghao, harino lima ini doteiemo nae wobhano kaompu tou(3)wawe nsuana,tolu(3) wawe ngkema dua. Maka harino lima itu dofopansuruemo wae samara(deekabusa metaamo)sampe notiali kandelino bhae wononono itu dofeontomo. Welo niati:

“oeno harino lima mekangkilono rakino kaompu bhae rakino samara ini ‘aeri sarabanta huuran’. Afekangkilo wutoku bhae bhasitieku,pata mongkilono afekangkilodamo inodi”.

Ani dongkilomo deekabusa,salapasino sapano oe itu,doniatimo:

“anandoomo nae alamu ajsamu,aembalimo horofu ahmadhi”.

Kanandooku pedamo aini--

- Dimaghao, tangkidino lima kema ini dofopaliem wae sulubi,wae dhuria aadhamu ini tolu(3)wawe nsuana,tolu(3)wawe ngkema dua,maka dokabusae. Welo niati:

“oeno tangkidi mekangkilono rakino sulubi ini’aeri kalkautsara’ afekangkilo aiku bhae tapino dadino aiku,pata mongkilono afekangkilodamo inodi”.

Ani padamo deefopali waedhuria aadhamu salapasino sapano oe itu,sere kae kabusaha dorunsaemo, maka doniati:

“anandoomo nae alamu insaanu,aembalimo horofu muhammadhi”

Maanano,amaanikamumo,amohammadhimo,alahirimo nae dhunia. Peda aini

9. Kaforatono Ani Padamo Deekabusa

Pada kaawu deekabusa itu dowanumo lima koruambalie ampa lontu-lontuno tolu(3)paku,maka dowanu ghaghe koruambalie ampa tuu tolu(3)paku,maka dowanu lima ampa siku-siku tolu(3)paku,maka o wobha deelonduki tolu(3)paku,maka one tolu(3)paku,maka omata deereghufi tolu(3)paku,maka otandaki tolu(3)paku peda aini: ooe itu dohobhaemo nae randano lima sauna,maka dofoere tantusu sauna ini nae potalahano tandaha kuni ini,maka dofoampee nae kundaghi sampe ampa tompano wulu itu tolu(3)paku. Oeno tandaki itu doferebua ane al-fateha sepaku(1x),o kuluhu tolu paku(3x). dofoampee nae kundaghi ampa tompano wulu itu sadhia dobasa ane salawa,peda aini:

“allaahumma shalli ‘alaa saiidina muhammadin wa’alaa ali saiidinaa Muhammad”.

10. Kaforatono Ani Padamo Otandaki

Pada kaawu otandaki itu dotafakurimo kadeki,maka dobasa toba tolu paku(istighfar 3x),maka dosahadhaghao sahadha melaa itu,peda aini:

“astaghfirirullahal adziim(3x)alladzii asyhadu an laa ilaaha illallaahu,wa asyhadu anna muhammadar rasuulullahi,walhamdu lillaahi rabbil ‘aalamiin”. Maanano: “aesalo amponi waompu,sakotu-kotughuno mina bhae ompua nisombaku ampamo ihintu Allaahu Ta’aala semie-mie. Bhae niubhaaghaoku dua waompu,sakotu-kotughuno muhammadhi itu ghatamo kantudu-

ntudumu ihintu Allaahu Ta’aala. Bhae bhari-bharie kapujia nae ihintu Allaahu Ta’aala,ompuno bhari-bharie alamu”.

11. Kaforatono Ani Nobhari Oe Atawa Ani Nando Bhae Soniniatighao.

Pada kaawu dosahadhaghao sahadha melaa itu,doaeri sambaheamo dua,peda aini:

Bhaa-bhaano doniatighao deki oe sonipake itu,maka doferebua ane alfateha 1x, o kuluhu 3x.

12. Kaforatono Dhoano Do Aeri Sambahea- Bhaa-bhaano dowanu deki lima korua mbalie ampa lontu-lontuno 3x. dobasa:

“bismillaahir rahmaanir rahiim”3x.- Maka dolonduki wobha 3x, dobasa:

“rabbi a’uudzu bika min hamadzaatisy syayaathiin wa a’uudzu bika rabbi ay yahdhuruun”3x.

- Maka one 3x, dobasa: “asyhadu an laa ilaaha illallaahu wahdahu laa syariika lahu,wa asyhadu anna muhammadan ‘abduhuu warasuuluhu”3x

- Maka o mata deereghufi 3x, dobasa:“laqad kunta fii ghaflatim min haadzaa fakasyafnaa angka ghithoa aka fabasharukal yaumahadiid”.3x

- maka o lima ampa siku 3x, dobasa dua “asyhadu” sampe ahirino “- maka otanambubu 3x,dobasa dua “asyhadu” sampe ahirino “muhammadan ‘abduhu

muhammadan ‘abduhu warasuuluh”3x.warasuuluh”3x.- maka opongke 3x,dobasa dua “asyhadu” sampe ahirino “muhammadan ‘abduhu

warasuuluh”3x.- maka ontolobughu 3x, dobasa dua “asyhadu” sampe ahirino “muhammadan ‘abduhu

warasuuluh”3x.- maka oghaghe ampa tuu 3x,dobasa: “asyhadu” sampe ahirino “muhammadan ‘abduhu

warasuuluh”3x.- maka dosuliki tae kundaghi 1x, dobasa: “laqad kunta” sampe ahirino “yauma hadiid”

1x.

13. Kaforatono Sahadhano Aeri Sambahea“ashadu an laa ilaaha illallaahu wahdahuu laa syariika lahuu,waasyhadu anna muhammadan ‘abduhuu warasuuluhu. Allaahummaj’alni minattawwaabiina waj’alni minal mutathooriina,waj’alni min ‘ibaadikash shaalihiina, waj’alni adzkuruka dzikran katsiiran,wa usabbihuka bukratan wa ashiilan, subhaanakallaahummawabihamdika, ashadu an laa ilaaha illaa anta,astaghfiruka wa atuubu ilaiyk.faghfirlii watub ilayya Innaka anta tawwaabur rahiim.wa shallallaahu ‘alaa sayidinaa muhammadin wa aalihi wasallim,walhamdu lillaahi rabbil ‘aalamiin”

Bab IV

KAFOENAGHUNO TOBA

1. Pointauno anahi bhae amano atawa bhae tapino dadino amano itu, peda aini, Ama oomu bhae tapino dadino ama oomu itu:

- Omotehie oomu- O umadhatie oomu- Omangkataoe oomu- O mosibhalae oomu- O hindedeane oomu- O maoloane oomu- O moniniane oomu

Rampa sabhabu ama oomu bhae tapino dadino ama oomu itu misilinomo lansaringino Allaahu Ta’aala mentaleano.

2. Pointauno anahi bhae inano atawa bhae tapino dadino inano itu,peda aini:Ina oomu bhae tapino dadino ina oomu itu:

- O motehie oomu- O umadhatie oomu - O mangkataoe oomu- O mosibhalae oomu- Ohindedeane oomu- O maoloane oomu- O moniniane oomu

Rampa sabhabu ina oomu bhae tapino dadino ina oomu itu misilinomo lansaringino nabi mentaleano.

3. Pointauno poaiha bhae poisaha atawa bhae tapino adino poisaha itu,peda aini,Isa oomu bhae tapino dadino isa oomu itu:

- O motehie oomu- O umadhatie oomu- O mangkataoe oomu- O mosibhalae oomu- O maoloane oomu- O moniniane oomu

Rampa sabhabu,isa oomu bhae tapino dadino isa oomu itu misilinomo lansaringino malaaikati mentaleano.

4 Pointauno poisaha bhae poaiha atawa bhae tapino dadino poaiha,peda aini:Ai oomu bhae tapino dadino ai oomu itu:

- O motehie oomu- O umadhatie oomu

- O mangkataoe oomu- O mosibhalae oomu- O maoloane oomu- O moniniane oomu

Rampa sabhabu ai oomu bhae tapino dadino ai oomu misilinomo lansaringino mu’mini.5 Dopointau bhae sangke napi atawa dpointau bhae pototoha umuru itu atawa

dopointau bhae bhari-bhari manusia itu,peda aini:- O motehie oomu- O umadhatie oomu- O mangkataoe oomu- O mosibhalae oomu- O hindedeane oomu- O moasiane oomu- O maoloane oomu- O moniniane oomu

Rampa sabhabu,dopointau bhae bhari-bharie manusia itu misilinomo lansaringino badha sebadha ini,do sikama-kamaighaoha,bhae dua dosikana-kanandoo.

Pedamo aitu kafoenaghuno toba pointauno manusia bhae manusia bhaino(manusia lima(5) langkuno) itu.

6 Pointauno manusia bhae ihino alamu tiworano nae mata. Ibaratino:- okadadi, mekala-kalano itu,o manu-manu mehoro-horono itu,ani mina bhae kahalando

atawa ani mina bhae faraluuno mina naembalia dofekamateda. Barangka ani dopiarada tabea nopata dua sepasa maka dopiarada . Maanano,barangka omoghane tabea bhae robhineno,barangka orobhine tabea bhae moghaneno. Olesi tabea bhae wakano,owaka tabea bhae lesion.

- Pedamo dua o sau itu,ani mina bhae faraluuno mina nambalia dopokalako-lako anea.- Pedamo dua okakoo itu,ani mina bhae faraluuno mina nae mbalia dopokabhotu-bhotu

anea.- Pedamo dua okontu itu,ani mina bhae faraluuno mina nae mbalia dopokapando-pando

anea.- Pedamo dua owite itu,ani mina bhae faraluuno mina nae mbalia dopokaseli-seli anea.- Pedamo dua o oe itu, ani mina bhae faraluuno mina nae mbalia dopoka oe-oe anea.- Pedamo dua obuso itu,ani mina bhae faraluuno mina nae mbalia dopokabuso-buso anea.- Pedamo dua oifi itu,ani mina bhae faraluuno mina nae mbalia dopokaifi-ifi anea.

Pedamo aitu pointauno manusia bhae ihino alamu tiwuraghaono mata ini.

7 Pointauno manusia bhae ihino alamu moroo-rondono

Kanandohano intaidi manusia ini dopointau dua bhae raja ibilisi(nabii adhamu jusu)itu,bhae malingu sabhara jinni-jinihi,jinni isilamu bhae jinni ngkafiri itu rampa wawo donandoo andoa itu nae dhunia ini bhae intaidi manusia ini.

Pedamo dua wakutuu-wakutuuno dopointau bhae andoa itu,peda aini:

- Nae wakutuu-wakutuuno bhara ndomiinaho datumisa itu,detaghomimo(dee ago-ago,deeghoti katumpu). Rato nookuni kahitela itu deetaghomimo tora(deesukemo,deekatingkamo).

- Nae wakutuuno fotuno timbu itu deetaghomimo tora(deetalasamo,dee kawire-wiremo).

Taaka mahingga dua nae sangi-sangiahi itu tabea dopointau anda dua. O jinni-jinihi itu,ibaratino o sau bhalahino itu kaelatehando jinni-jinihi itu dokonae dua sangia. Ani dolakofi sau kae latehando itu tabea pada deki dopointau anda(pada doghotida). Maanano,dowaanda deki dofumaa,doforoghu,deesoso,deepana,bhae dee katopaanda dua so bhakundo. Pada aitu dotusuandamo dua sau bhalano so kaelatehando. Pada kaawu doghotida peda aitu maka do lakofie sau kaelatehando jinni-jinihi itu.

O sangia itu,dokonae kaawu intaidi ini o sangia. O sangia itu ani sowamba melaano notimotehi,rampa nando bhae rahasia kakuasano Allaahu Ta’aala. Kanandohano naitu dokonae sangia rampa nobharimo bukutiino naitu nenturumo sepaliha deeghawaane balaano mate,katimotehihanomo(katifolosangia hanomo),bhae katipandehaohanomo dua gara naitumo tampalasano kaelatehando jinni-jinihi bhae seetani ibilisi itu(katifolosangia hanomo).

Pedamo dua lambungano dopointau bhae bhari-bharie malaaikati atawa dopointau bhae bhari-bharie rohi itu,peda aini:

- Nae kobu-koburuhi- Nae wula-walahino alono sangia- Nae awwalino bha nae ahirino taghu.

Pedamo aitu pointauno manusia bhae mahaluku alusu itu.

8 Langku-langkuno manusia dopointau bhae Allahu Ta’aala

Langku-langkuno manusia dopointau bhae ompu Allahu Ta’aala itu,peda aini:

a. Bhaa-bhaano dopogurughao deki o kangkilo(alano oe)itub. Maka dopogurughao aeri sambaheac. Maka dopogurughao sahadhad. Maka dopogurughao kafoenaghuno tobae. Maka dopoguru dongajif. Maka dopoguru dosambahea

g. Maka dopoguru dopoasah. Maka dozakati atawa dopitarai. Maka dopogurughao langku-lngkuno dohaji ani bhae kamondoi. Ani mina bhae

kamondoi ta dosamba-sambaheamo kaawu nae jumaa itu.j. Maka dopogurughao tareekatik. Maka dopogurughao hakeekatil. Maka dopogurughao o kamaarifaham. Maka dopogurughao o kafanaaha,maanano dopogurughao mate ndomiinaho damate.

Bab V

DHALI-DHALILINO NABI BHAE DHALI-DHALILINO ALLAAHU TA’AALA

Peda nikosuaraghaono nabii welo hadisino:

………………………………………………………………………………………

Artinya: “matikanlah dirimu sebelum engkau mati”.

O dhali-dhalili maighoono nae Allaahu Ta’aala:

………………………………………………………………………………………

Artinya: “dan Dia(Allah) besertamu dimanapun kamu ber ada”.

………………………………………………………………………………………

Artinya: “dan didalam dirimu,apakah kamu tidak melihatnya”.

Dan hadis qudsi yang berbunyi:

………………………………………………………………………………………

Artinya: “keluarkanlah dirimu dari dalam dirimu supaya ada aku”.

……………………………………………………………………………………….

Artinya:” tidak ada yang mengenal Allah kecuali Allah”.

………………………………………………………………………………………….

………………………………………………………………………………………...

Artinya: “Aku(Tuhan)tidak terkandung didalam bumiku dan tidak pula terkandung oleh langitku,tetapi Aku terkandung didalam hati hambaku yang mu’min”.

…………………………………………………………………………………

Artinya: “zhohir Tuhan terdapat didalam batin hamba-Nya”.

……………………………………………………………………………………..

Artinya: “Insan itu rahasiaku dan aku pun rahasianya”.

………………………………………………………………………………………..

Artinya: “Insan itu rahasiaku dan rahasiaku itu adalah sifatku dan sifatku itu tiada lain dari padaku”.

Pedamo kaawu aitu dhali-dhalili nifopesuaku nae boku aini.

Wassalaamu ‘alaikum warahmatullaahi wabarakaatuh.

kamis ,25 safar 1436 H. 18 desember 2014 M.

Penulis : Laode Ngkalusa (Gelar: Imamuno Wuna)