Telefon: 350 68400 E-post: vtr@vest-telemark.no Bank: 2660.65.03724 Fax: 350 68401 Web: www.vest-telemark.no Adresse: Granlivegen 1A Veksthuset 3850 KVITESEID

Til medlemmene av Vest-Telemarktinget

22. januar 2013

Innkalling til møte i Vest-Telemarktinget. Stad: Quality Straand Hotel, Vrådal Dato: Torsdag 7. februar 2013 Kl.slett: 13.00 (lunsj frå kl 12.00) I tråd med vedtektene blir det no kalla inn til møte i Vest-Telemarktinget. Til møtet ligg det mellom anna føre forslag til budsjett 2013 for Vest-Telemarkrådet. Av sakskartet går det også fram at det blir rapportert i høve til arbeidsprogrammet for 2012 – 2013, der ein vil få nærare orientering om fylgjande saker:

- Kommunikasjonsplan, profilering av Vest-Telemark - Høgfartsbane over Haukeli - Status for regionale prosjekt

Vi ynskjer vel møtt i Vrådal 7. februar. Venleg helsing Vest-Telemarkrådet Torstein Tveito (sign) Kjell Gunnar Heggenes Regionordførar Regionrådsleiar

Vest-Telemarkrådet Møte 7. februar 2013 Sakliste til møte i Vest-Telemarktinget 7. februar 2013 01/2013 Opprop

02/2013 Godkjenning av innkalling og sakliste 03/2013 Val av 1 person til å skrive under protokollen i lag med regionordførar 04/2013 Forslag til budsjett 2013 Vest-Telemarkrådet

05/2013 Rapportering i høve til arbeidsprogram 2012 - 2013

Vest-Telemarkrådet Møte i Tinget 7. februar 2013 Sak 04/2013 Forslag til budsjett 2013 Vest-Telemarkrådet. Etter vedtak i rådsmøte 27. november vert budsjett 2013 for Vest-Telemarkrådet lagt fram for handsaming i Tinget. Budsjettet har ei total ramme på 4 076 000,- finansiert av Telemark Utviklingsfond og dei 6 kommunane i Vest-Telemarkrådet. Budsjettet er spesifisert i 7 postar som er gjort nærare greie for i forslaget. Forslag til vedtak: Vest-Telemarktinget godkjenner det framlagte forslaget til budsjett 2013 for Vest-Telemarkrådet.

Vest-Telemarkrådet, Granlivegen 1A, 3850 Kviteseid Tlf: 415 52 775, kgh@vest-telemark.no, www.vt-radet.no

Org. nr: 975.476.588

Vest-Telemarkrådet

Budsjett 2013 for drift av Vest-Telemarkrådet

  Oppgåve   Budsjett  1   Sekretariat  og  sakshandsaming  for  Rådet   1500000  2   Etablererkontoret   420000  3   Prosjektadminstrasjon   600000  4   Regionale  fora  og  utval   300000  5   Kommunikasjonsplan  med  bygdelivsvertskap   500000  6   IKT   356000  7   Konferansar  og  tiltak   400000  

  Total  driftsramme  2013   4076000  

Postane i budsjettet

1 – Sekretariat og sakshandsaming for Rådet omfattar kostnader til drift av rådet, løn til regionrådsleiar og ytterlegare sakshandsamingskapasitet. Dei seinare åra har arbeidet knytt til rådet auka i omfang. Dette gjeld talet på saker og sakshandsaminga av desse, samarbeid med kommunane, dei øvrige regionane, fylkeskommune og statlege etatar. Ein ser at arbeidet med å representere regionen i ulike samanhangar og er viktig for å gje Vest-Telemark påverknad på utviklinga.

2 – Etablererkontoret er ein førstelineteneste retta mot etablering av nye veksemder i Vest-Telemark. Tenesten er eit samarbeid mellom Vest-Telemarkkommunane, NAV og Innovasjon Norge. Totalt budsjett for etablererkontoret er på 820.000,- kr, der Nav bidreg med 100.000,- og Innovasjon Norge med 300.000,- kr. Vest-Telemark Næringsutvikling AS (VTNU) har ansvaret for etablererkontoret i Vest-Telemark. Kostnadane på 420.000,- vert overført som tilskot til VTNU i sin heilskap.

3 – Prosjektadministrasjon er knytt til arbeidet med Strategisk Næringsplan for Vest-Telemark (SNP), Prosjektutvikling for VT-regionen og Infrastrukturutvikling. Kostnadane dekker løn til tilsette, prosjekttilsette/mellombels tilsette og kjøp av tenester.

4 – Regionale fora og utval tek sikte på å løyse faste oppgåver ved organisering og bevertning av viktige møtearenaer. I dag er ei rekke grupper samla i kraft av oppgåver knytt til SNP, og andre er oppretta som gode samarbeidsfora. For å sikre at ein kan halde fram med desse viktige arenaene tar VTR høgde for å organisere desse med avsett budsjettpost. Ein nemner fylgjande grupper:

• Næringskollegiet (Næringssjefane i kommunane, VTNU og VTNF) • Reiselivsansvarlege (tilsette i kommunane med ansvar for reiselivsarbeid) • TellUS-forum (organiserast gjennom dei reiselivsansvarlege?) • Web-samarbeid / regional deltaking i webforum

Det er truleg at ein ser trong til å oppretthalde eller opprette andre faste møtefora, og budsjettposten skal bidra til å løyse desse. Midlane kan dekke løn til tilsette i VTR, innleigde tenester for organisering, tilskot til felles reiselivskoordinator, bevertning på møte ol.

Ein ynskjer å stø opp om felles reiselivssatsing, og administrasjonen i VTR foreslår tilskot til ei felles satsing medan den nasjonale og Fylkeskommunale organiseringa pågår.

Vest-Telemarkrådet, Granlivegen 1A, 3850 Kviteseid Tlf: 415 52 775, kgh@vest-telemark.no, www.vt-radet.no

Org. nr: 975.476.588

5 – Kommunikasjonsplan med bygdelivsvertskap er ei samla satsing for å styrke felles identitet og samkjensle og samstundes aktivt rette seg mot personar som ynskjer å etablere seg eller er etablert i Vest-Telemark. Kommunikasjonsplanen skisserer målretta tiltak for å være aktiv på digital kommunikasjon. Samstundes inneber dette vertskap for tilflyttarar og ivaretek nokre av dei viktigaste funksjonane til bygdelivsmeklaren. Midlane skal dekke løn til webredaktør eller tilskot til teneste frå ekstern leverandør. I dag er det VTNU som har webredaktør og bygdelivsmeklar-tenesten for Vest-Telemark.

6 – IKT er ei teneste som inngår i den nye IKT-strategien for Vest-Telemark. Oppgåvene skal løysast innanfor rådets budsjett, men omfang og arbeidsoppgåver for administrasjonen i VTR er ikkje fastsett. Ein ser for seg at 2013 vert eit år med etablering av dei nye arbeidsoppgåvene, og at midlane frå budsjettet skal dekke løn til tilsette, prosjekttilsette/mellombels tilsette og kjøp av tenester.

7 – Konferansar og tiltak skal dekke tilskot til gjennomføring av arrangement som VTR fastsett. Det er tidligare gitt tilskot til VTNF med kr 200.000, Vest-Telemarkkonferansen med kr 100.000, og Vest-Telemarktreffet med kr 100.000.

Oppsett og postering

Postane er sett opp etter endra organisering med tanke på å løyse oppgåvene i arbeidsprogrammet for 2012-2013. Ein har også konferert med økonomisjef i Kviteseid kommune.

Overgang til nytt rekneskapssystem

Rekneskapstenestene er tidlegare kjøpt av Vest-Telemark Økonomi og Rekeneskap AS. Overgang til kommunalt rekneskap er innførd etter tilråding frå Telemark Kommunerevisjon og er sett i verk frå og med 1. oktober 2012.

FINANSIERING  -­‐  2013   kr  4  076  000  TUF:   kr  2  038  000  Prosentvis  fordeling  mellom  kommunane:   kr  1  019  000  Fast  fordeling  mellom  kommunane:   kr  1  019  000  

Fordeling av kommunal andel

    Fast  fordeling   %-­‐vis  innbygg.   %-­‐andel   Totalt  for  2013  Fyresdal   kr  169  833   9,36  %   kr  95  378   kr  265  212  Nissedal   kr  169  833   10,05  %   kr  102  410   kr  272  243  Kviteseid   kr  169  833   17,52  %   kr  178  529   kr  348  362  Seljord   kr  169  833   20,84  %   kr  212  360   kr  382  193  Tokke   kr  169  833   16,13  %   kr  164  365   kr  334  198  Vinje   kr  169  833   26,10  %   kr  265  959   kr  435  792  

Vest-­‐Telemark   kr  1  019  000   100,00  %   kr  1  019  000   kr  2  038  000  

Vest-Telemarktinget Møte 7. februar 2013

Sak 05/2013 Rapportering i høve til arbeidsprogram 2012 - 2013

Som rettesnor for regionsamarbeidet vart det i 2001 vedteke å utarbeide årlege arbeidsprogram for Vest-Telemarkrådet.

I møte 12. desember 2005 vedtok Tinget at: ”Arbeidsprogrammet skal syne retningen og gjelde i 2 år. Det skal knytast tiltak til måla og tiltak skal korrigerast dersom ein finn det naudsynt for å nå måla så rask og effektivt som mogleg. Måloppnåinga kontrollerast av Vest-Telemarktinget 2 gonger i året”.

I møtet i Vest-Telemarktinget i juni 2012 var rapporteringsformen oppe til drøfting med tanke på ei vitalisering av denne. I rådsmøte 27. desember 2012 drøfta Vest-Telemarkrådet nærare omkring dette og gjekk inn for å endre formen til ei meir inngåande rapportering av enkelte aktuelle saker. For rapporteringa i møtet i Tinget 7. februar vil ein såleis fokusere på fylgjande 3 prosjekt:

- Kommunikasjonsplan, profilering av Vest-Telemark - Høgfartsbane over Haukeli - Status for regionale prosjekt

Vi vonar på denne måten å få dei utvalde sakene betre belyst og såleis gje grunnlag for vidare engasjement.

Vi gjer merksam på at vi som ytterlegare bakgrunn for saken legg ved rapporten frå Vest Telemarktinget pr. juni 2012.

Forslag til vedtak:

Vest-Telemarktinget tek rapporteringa til vitande og sluttar seg til denne måten å rapportere på i høve til arbeidsprogrammet.

 

Sak 05 /2013 Rapport pr juni 2012. - Arbeidsprogram 2012 – 2013.

VISJON: VEST-TELEMARK - EIN LEVANDE REGION Vest-Telemark skal vera ein levande region der opparbeidd identitet og kultur vert vidareført saman med innovasjon og nyskaping. Gjennom samhandling over kommunegrenser skal vi gjere regionen attraktiv for busetnad, arbeid og oppleving. Mål 1 Oppretthalde og auke folketalet og busetnaden i heile Vest-Telemark Tiltak:

• Auke dei unge si sjølvkjensle og tilknyting til distriktet, og stimulere til entreprenørskap • Vidareføre arbeidet med utvikling av regionens attraksjonskraft og bulyst. • Vidareutvikle Vest-Telemark som ein attraktiv arbeidsmarknadsregion. • Stimulere til rekruttering av arbeidskraft • Nytte samhandlingsreformen til å få best mogleg helsetilbod i regionen • Etablere eit Vest-Telemark Ungdomsråd

Mål 2 Sterk regional samkjensle og styrka Vest-Telemarkidentitet Tiltak:

• Stø opp om kulturtiltak som fremjar kjennskap, identitet og samhandling • Vidareutvikle samhandling kring marknadsføringstiltak som fremjar kjennskap til regionens

kultur og identitet. • Legge til rette for godt regionalt samarbeid, herunder elektronisk kommunikasjon og

informasjonsflyt • Stimulere til utvikling av nye offensive informasjonsformer tilpassa prioriterte målgrupper.

Mål 3 Vidareutvikling og nyetablering av verksemder i Vest-Telemark Tiltak:

• Vidareutvikle samhandling kring marknadsføringstiltak som fremjar kjennskap til regionens kultur og identitet.

• Leggje til rette for næringsutvikling med grunnlag i lokale ressursar • Gjennomføre strategisk næringsplan og landbruksplanen for regionen • Auke tilgangen på risikokapital og offentlege verkemiddel til regionen • Styrke og utvikle nærings- og rådgjevingsapparatet i Vest-Telemark • Tilrettelegging og utvikling av samhandlingstiltak og næringsklynger, med formål å styrke

eksisterande næringsliv og stimulere til knoppskyting, nyetablering og innovasjon. • Oppretthalde og utvikle kompetansemiljø i regionen.

Mål 4 Sikre god infrastruktur i og gjennom Vest-Telemark Tiltak:

• Vidareutvikle felles strategiar for vegutbygging og skape alliansar for desse. • Synleggjere regionens transport- og infrastrukturbehov gjennom faktaoppbygging og

formidling. • Arbeide for høgfartsbane over Haukeli • Utvikling av regionens breibandsstruktur og mobilsamband.

2

Rapport: Mål 1 Oppretthalde folketalet og busetnaden i heile Vest-Telemark.

Auke dei unge si sjølvkjensle og tilknyting til distriktet, og stimulere til entreprenørskap. Ansvaret for entrepenørskap i skulen ligg no til den einskilte kommune. Bakgrunnen for satsinga har vore ynsket om å skape ein kultur for innovasjon og entreprenørskap, der dei unge ser moglegheiter, viser pågangsmot og utviklar gründerkompetanse gjennom ulike tiltak i og utanfor skulen. Telemark fylkeskommune har eit auka fokus på entreprenørskap og Ungt Entreprenørskap Telemark er engasjert som Telemark sin operatør innafor satsinga på entreprenørskap i utdanninga. Kommunar, regionar, organisasjonar og privat sektor er invitert til å delta i denne satsinga. Fylkeskommunen og Innovasjon Noreg har fastsett at etablerarkontora i Telemark skal nytte om lag 10% av ressursane til entrepenørskap i skulen. Det kan sjå ut til at entrepenørskapssatsinga i Vest-Telemarkkommunane ikkje har fått det omfanget som var forventa. Ein foreslår at Vest-Telemarkrådet tek entreprenørskapsarbeid opp til nærare drøfting med tanke på vidareføring av dette viktige arbeidet. Vidareføre arbeidet med utvikling av regionens attraksjonskraft og bulyst På bakgrunn av erfaringar gjort i prosjektet ”Vi snur vinden – fleire folk til Vest-Telemark” og andre rekrutterings- og bygdeutviklingsprosjekt, held Bygdelivsmeklaren fram arbeidet med prosjektet ”Bulyst – gje det vidare!”. Med dette prosjektet ynskjer ein å skape ein region som er attraktiv å bu i og flytte til, utvikle trygge bærekraftige bustadmiljø, og gjennom dette oppnå befolkningsauke. I prosjektet ”Bulyst – gje det vidare!” vil ein vere spesielt opptekne av bebuarane si rolle og deira ansvar i høve til utfordringane med fråflytting frå regionen. Ein ser verdien av å bevisstgjere og gje ansvar til dei som allereie bur her. Ein har difor stort fokus på vertskapsfunksjonen i kommunane. Eit anna satsingsområde er bustad, med Prøvebustadsprosjektet høgt prioritert. VTNU AS har prosjektleiinga og prosjektleiar har opparbeidd eit stort nettverk i regionen. Prosjektet er i rute i høve til prosjektplanen. Prøvebustader i Vest-Telemark Vest-Telemark Næringsutvikling AS har avslutta arbeidet med skisseprosjekt gjeldande moglege prøvebustader i kommunane i Vest-Telemark. Det ligg no føre skisser til bustader i Kviteseid, Seljord, Hjartdalsbygda og Tuddal. Ein prøvebustad er eit tilbod til folk som ynskjer å flytte til regionen og som såleis får høve til å leige denne i ein periode for å sjå om dei trivest. Den fyrste prøvebustaden står ferdig bygd i Øyfjell, og ein familie på 5 har flytt inn. Prosjektet er godt motteke i kommunane og mykje omtalt i ulike media. Seljord fekk i mars 2012 den hyggelege meldinga frå kommunal- og regionaldepartementet at kommunen er valt som ein av tolv kommunar innafor satsinga ”Bustadetablering i distrikta”; I pressemeldinga frå KRD står det om Seljord: "Seljord kommune har positiv næringsutvikling med mykje innpendling. Fleire bustader er viktig for å sikre berekraftig næringsutvikling, rekruttering og auka folketal. Kommunen driv eit godt bustadpolitisk arbeid. Rekrutteringsbehova til både næringslivet og kommunen er viktig i dette arbeidet. Kommunen ønskjer også å etablere prøvebustader i Flatdal."

3

Seljord har vore med i prøvebustad-prosjektet, og det er dette forprosjektet som vart lagt til grunn for søknaden frå Seljord kommune. Forprosjektet har resultert i ferdige skisser av bustadene, og forslag til utvikling av tomteområde med føringar for hovudprosjekt/detaljprosjektering.

Prøvebustader er planlagt bygd i Flatdal; på Sundbøhaugen. Vidareutvikle Vest-Telemark som ein attraktiv arbeidsmarknadsregion Stimulere til rekruttering av arbeidskraft. Rekrutteringsprosjektet i regi av strategisk næringsplan er no avslutta etter 3 års arbeid. Prosjektet har vore leia av Vest-Telemark Næringsforum og hovudmålet med prosjektet har vore å fremje Vest-Telemark som ein bu- og arbeidsmarknadsregion. Tiltaket vart sett i verk med utgangspunkt i at mange verksemder og kommunar har vanskar med å skaffe tilstrekkeleg kvalifisert arbeidskraft. NAV har hatt ei nøkkelrolle i prosjektet. Det vart etablert faste møtepunkt med marknadsnettverket til NAV i Vest-Telemark, der ein 6-8 gonger årleg i prosjektperioden gjekk gjennom arbeidskraftbehovet til 50-60 nøkkelverksemder i regionen. I tillegg fekk alle registrerte verksemder brev om prosjektet med tilbod om bistand. For å synleggjere arbeidsmarknaden i regionen er det dei siste åra etablert eit samarbeid med Yrkesmessa på Vest-Telemark Vidaregåande skule. I samarbeid med Bygdelivsmeklaren har prosjektet vore arrangør av Vest-Telemark treff i Oslo, som er arrangert 4 gonger. Fokus for treffa er å vise moglegheitene for arbeid i regionen. Dette, saman med eit innhaldsrikt sceneprogram, dannar grunnlaget for ei offensiv marknadsføring av regionens arbeidsmarknad for potensielle heimflyttarar. Prosjektet har og arbeidd fram nettsida Telejobb.no der interesserte kan knyte kontakt med verksemder i regionen med sikte på rekruttering av arbeidskraft på kort og lang sikt. Det siste året har ein i langt større grad blitt klar over utfordringane som ligg i alderssamansettinga blant arbeidstakarane i Vest-Telemark. Store etterkrigskull er på veg ut av arbeidslivet med pensjon. Innan både privat og offentleg sektor er det eit stort behov for arbeidskraft i tida som kjem, og dette skaper store utfordringar for regionen. Her vil ein måtte halde fram med arbeidet som er gjort for å synleggjere Vest-Telemark som ein felles arbeidsmarknad. Nytte samhandlingsreformen til å få best mogleg helsetilbod i regionen. Som fylgje av samhandlingsreformen har kommunane i Vest-Telemark og Sykehuset Telemark tilsett samhandlingskoordinator i 100% stilling. Koordinatoren har som oppgåve er å legge til rette for gode samhandlingsløysingar for Vest-Telemark kommunane og sjukehuset, og såleis gje heilskaplege og gode helsetilbod nærast mogleg der folk bur. Sissel Bitustøyl er tilsett i stillinga og har kontorstad i Vinje. Etablere eit Vest-Telemark Ungdomsråd Det er så langt ikkje teke vidare initiativ for å få etablert eit ungdomsråd i regionen.

4

Mål 2 Sterk regional samkjensle og styrka Vest-Telemarkidentitet

Stø opp om kulturtiltak som fremjar kjennskap, identitet og samhandling. Vest-Telemarkkonferansen er ein samlingsplass for politikarar, privat næringsliv, offentleg tilsette og organisasjonar og har vore eit årvisst innslag dei 9 siste åra. Tema til no har vore: ”Regionalt samarbeid eller kommunesamanslåing”, ”Regional næringsutvikling”, ”Ny energi til Vest-Telemark”, ” Vest-Telemark som merkevare”, ”Kor skal byen ligge ?”,” Er skulen i Vest-Telemark konkurransedyktig ?”, ”Nye arbeidsplassar i eksisterande bedrifter - utnyttar vi potensialet?”, «Innovasjon i Vest-Telemark» og «Næringsutvikling og offentleg sektor» Konferansen i 2013 vil vera den 10. i rekka og ein ynskjer innspel til program. Sogelandet vart etablert i 2005 og er namnet på ei rekkje kulturarrangement i kommunane Fyresdal, Hjartdal, Kviteseid, Nissedal, Seljord, Tinn, Tokke og Vinje. Det er løyvd midlar til prosjektet frå Telemark fylkeskommune og frå Fellesfondet over ein periode på 3 år. Sogelandet er frå 2008 organisert som eit samvirke. Stiftinga Vest-Telemark Museum vart oppretta i 2002 med det føremål å stå for drift og vedlikehald av museum i Vest Telemark. Musea finn ein i fem kommunar og dei ulike einingane er: Vinjestoga, Myllarheimen, Knut Skinnarland samlinga, Dyre Vaa samlingane, Vinje Biletgalleri, Øyfjell Bygdemuseum, Fyresdal Bygdemuseum, Kviteseid Bygdetun, Åmdals Verk Gruver, VTM Eidsborg, Norsk Skieventyr. Vest Telemark har ein rik tradisjon innan folkekunst og skihistorie og Vest-Telemark Museum formidlar denne flotte kulturarven ved hjelp av utstillingar, aktivitetar og ved arrangement. Utbygginga av det nye flotte museumsbygget er gjennomført og utgjer eit kjempeløft for heile Telemark. Praktbygget vert offisielt opna 1. juni 2012. Politikar 2020 Politikar 2020 har i utgangspunktet vore eit tre-delt prosjekt, med eit overordna siktemål å auke rekrutteringa til politisk engasjement i Telemark: Politikarveka, Politikarskulen og Rollemodellprogram. Politikarveka vart gjennomført i august 2011 etter modell frå Almedalsveckan og samla ei rekkje personar ikkje minst frå dei politiska partia. Ein må i ettertid konstatere at interessa eit for tilsvarande arrangement i 2012 ikkje er tilstades. Politikarskulen vert realisert som eit heilt nytt studietilbod ved Høgskulen i Telemark, avd. Bø frå komande haust. Politikarskulen er eit deltidsstudium basert på ein kombinasjon av nettbasert og samlingsbasert undervisning. Studiet gjev 15 studiepoeng og tek mellom anna for seg viktige tema som: politisk debatt og vedtak, kommunanes rolle, politisk historie, media, etikk og moral osb. Vidareutvikle samhandling kring marknadsføringstiltak som fremjar kjennskap til regionens kultur og identitet Tiltak 2-2 i Strategisk Næringsplan heiter ”felles reiselivsprogram for Vest-Telemark” med dei reiselivsansvarlege i kommunane som utførar for tiltaket. Desse møtest regelmessig, og det er utarbeidd ein forstudie for tiltaket med målsetjing å avklare organisering og ressursbehov. I tillegg er det utarbeidd eit forstudium – Felles reiselivskoordinering i Vest-Telemark. Rapporten låg føre i slutten av februar 2012.

5

Felles turistbrosjyre for kommunane Fyresdal, Kviteseid, Nissedal, Seljord, Tokke og Vinje er gjeve ut årleg dei seinare åra. God informasjon om Vest-Telemark bidreg til at turistane oppheld seg lenger i regionen og deltek i ulike aktivitetar på tvers av kommunegrensene. Legge til rette for godt regionalt samarbeid, herunder elektronisk kommunikasjon og informasjonsflyt. Vest-Telemarkrådet er regionråd oppretta etter kommuneloven § 27 for kommunane: Fyresdal, Kviteseid, Nissedal, Seljord, Tokke og Vinje. Regionrådet er eit samarbeidsorgan for dei deltakande kommunane på alle område og alle plan og skal løyse felles spørsmål og oppgåver for desse. Tinget er det øvste organet og er samansett av ordførar, varaordførar, eitt anna kommunestyremedlem og rådmannen i dei deltakande kommunane. Ordførarane i kommunane utgjer Rådet og står for den daglege drifta i lag med sekretariatet.

Vest-Telemark Næringsbygg AS (VTN) med kontor i Kviteseid, har som føremål, i samråd med andre aktørar, å styrke og vidareutvikle næringslivet i Vest-Telemark, Drangedal og Hjartdal. Dette skal skje ved å ta del i ulike typer næringsbygg, selskap og verksemder. Viktig fokus er å legge til rette for næringsetablering gjennom å tilby rimelege og attraktive utleigebygg. Selskapet eig i dag 10 bygg i 5 kommunar. Vest-Telemark Næringsutvikling AS (VTNU) har kontor i Kviteseid, og har som føremål å styrke og vidareutvikle næringslivet i Vest-Telemark. I tett samarbeid med næringsliv og kommunar vil VTNU medverke til å skape ein open, energisk og nyskapande region. Viktig fokus er lønsamt næringsliv og kommunar med attraktive bumiljø. Ein ynskjer å profilere Vest-Telemark som ein bu– og arbeidsregion med tilbod til folk i alle aldrar. Vidare ynskjer ein å medverke til aktivt samarbeid og positiv utvikling i regionen. Det er knytt 8 medarbeidarar til selskapet. Av praktiske oppgåver som har prega arbeidet i 2011 kan nemnast fylgjande: Drift av etablerarkontoret for Vest-Telemark

Kommunevis fordeling med etablerarsaker er slik:

2002 2003 2004 2005 2006 2007 2008 2009 2010 2011

Fyresdal 12 3 10 9 12 13 10 10 8 8

Kviteseid 21 19 21 27 17 13 13 10 13 13

Nissedal 2 5 10 10 10 12 8 7 11 12

Seljord 29 33 40 27 21 25 23 21 19 20

Tokke 4 8 2 5 7 9 3 4 8 8

Vinje 13 17 19 20 19 16 18 24 28 24

Sum 81 85 102 98 86 88 75 76 87 85

6

Av brukarane til etablerartenestene i 2011 er det 48 % kvinner og 52 % menn. Andel kvinner har gått monaleg opp i 2011 i høve til tidlegare år, og i 2011 har 41 kvinner nytta etablerarkontoret i Vest-Telemark. 60% av etablerarkundane har registrert verksemda i Brønnøysund. Etablerarkontoret har tilgang på kompetansen til alle medarbeidarane ved VTNU AS. Dette inneber ein robust og kompetent fyrstelineteneste som gjev etablerarane i Vest-Telemark ei serleg god rådgjeving. Den regionale etablerartenesta i Vest-Telemark blir finansiert av Telemark fylkeskommune/Innovasjon Noreg, Vest-Telemarkrådet og NAV. Administrativ rapportering går via Innovasjon Noreg. I tillegg til Etablerarkontoret for Vest-Telemark har fleire av kommunane rådgjeving til etablerarar lokalt. Dei fem regionale etablerarkontora i Telemark har eit tett samarbeid om ein felles webportal www.etablererkontoret.no. Etablerarkontora møtest fleire gonger i året for erfaringsutveksling, felles kompetanseheving og samarbeid om ulike tiltak retta mot etablerarar og verksemder i fylket. Rådgjeving i høve til bedrifter Her har regionen ei ordning som tilbyr bedriftene inntil 15 timar gratis rådgjeving. Denne kostnaden vert finansiert av Vest-Telemarkrådet. Rådgjeving utover 15 timar må verksemdene sjølve koste. Bedriftsrådgjevingstenesten har vore stabil dei siste åra og også her har ein tilgang på kompetansen til alle medarbeidarane i VTNU AS. Profilering av Vest-Telemark gjennom Vest-Telemark Portalen. Vest-Telemarkportalen framstår no i ny drakt - ei felles nettløysing med fleire aktørar. Det er Vest-Telemark Næringsutvikling som har ansvaret for drifta av Vest-Telemarkportalen i dag.

Vest-telemark.no vender seg mot potensielle tilflyttarar og heimattflyttarar. I tillegg vil me at folk som bur i Vest-Telemark fylgjer med på heimesidene. Dette er portalen der me kan få vise oss fram for omverda og fortelje om regionens kvalitetar og tilbod. Sida skal famne heile Vest-Telemark. I tillegg til VTNU har Vest-Telemarkrådet fått si eiga side og Vest-Telemark Næringsbygg. Prosjektet Telejobb som vert drive av Vest-Telemark Næringsforum har og si eiga side o.s.b . Slik har me samla drift av mange sider til ei ny smart løysing. Innkjøpssamarbeidet for 8 kommunar i Midt- og Vest-Telemark Dette er eit innkjøpssamarbeid som vart starta i 1990 og har til føremål å redusere deltakarkommunane sine utgifter til innkjøp av varer og tenester. VTNU AS er sekretariat for samarbeidet og det er etablert ei eiga nettside. Frå 2012 omfattar samarbeidet 7 kommunar. Felleskommunale utviklingsprosjekt VTNU AS har gjennom mange år koordinert felleskommunale samarbeidsprosjekt. Det er prosjekt Vest-Telemark kommunane går saman om for å betre tenesteproduksjonen. Ein kan nemne:

7

Profil. Nytt IT-system for pleie/omsorg IT-systemet er teke delvis i bruk i alle 6 Vest-Telemark kommunane. Eit omfattande opplæringsprogram er sett i verk innan sjukeheimar og heimetenestene. I vidare arbeid har styringsgruppa no prioritert innføring av ny teknologi i heimesjukepleia, med bruk av små datamaskinar for kommunikasjon og dataregistrering (såkalla PDA-ar).

Turnusplanlegging er eit samarbeidsprosjekt for 6 kommunar. Målet er betre oversikt og god ressursutnytting. I fyrste omgang blir systemet teke i bruk innafor pleie/omsorg, men systemet kan også nyttast innanfor andre område i kommunane der ein har vaktordningar. Prosjektet er i hovudsak ferdig gjennomført innafor pleie/omsorg. Vidare plan er å bruke systemet aktivt i budsjettprosessen i kommunane (sikrare grunnlagsdata), og å introdusere systemet og bruken i høve til andre område enn pleie/omsorg. Dataflyt - Digitalisering av reguleringsplanar Gab- og kartsamarbeidet inneber at det lovpålagte vedlikehaldet av GAB-data no skjer regelmessig via felles server. Kartløysinga er elles ei generell løysing i fyrste rekke for at publikum (innbyggjarar og hyttefolk) kan ha tilgang til detaljerte, lokale kart. Samarbeidet har no gått inn i ei ny fase med vekt på god integrasjon og dataflyt mellom dei ulike systema i kommunen, noko som gjer det mulig med sikrare og meir effektivt arbeid både for eigne tilsette og andre som er brukarar av kartdata. IKT Strategi Saman med eksterne tilbydarar vert det utarbeidd ein plan som gjev kommunane god kostnadstyring av IT- utgiftene og maksimalt utbytte i høve til investeringar og drift av IT. Bydelivsmeklaren/Bulyst – gje det vidare. Prosjektet ”Vi snur vinden – fleire folk til Vest-Telemark” er avslutta. På bakgrunn av erfaringar gjort i dette og andre rekrutterings- og bygdeutviklingsprosjekt held Bygdelivsmeklaren fram arbeidet med prosjektet ”Bulyst – gje det vidare!”. Med dette prosjektet ynskjer ein å skape ein region som er attraktiv å bu i og flytte til, utvikle trygge bærekraftige bustadmiljø, og gjennom dette oppnå befolkningsauke. I prosjektet ”Bulyst – gje det vidare!” vil ein vere spesielt opptekne av bebuarane si rolle og deira ansvar i høve til utfordringane med fråflytting frå regionen. Vest-Telemark Treffet. Her har bygdelivsmeklaren saman med VTNF for 4. året arrangera det årlege treffet i Oslo.

Prøvebustader i Vest-Telemark. Vest-Telemark Næringsutvikling AS har arbeidd med eit skisseprosjekt til ev. prøvebustader i kommunane i Vest-Telemark. Ein prøvebustad er eit tilbod til folk som ynskjer å flytte til regionen og som såleis får høve til å leige denne i ein periode for å sjå om dei trivest.

Arbeid for utbygging av fibernett/breiband/mobilnett i Vest-Telemark. Breibandutbygging har i mange år vore ei prioritert og vellukka oppgåve for VTNU AS. Ein arbeider no med fiberutbygging til husstandane i Vest-Telemark i samarbeid med kraftlaga i regionen. Når det gjeld mobilnettet har vi fått delfinansiering frå fylkeskommunale midlar og noko frå breibandutbygginga. Vest-Telemark har fått tildelt vesentlege midlar til dette føremålet, noko som har ført til monaleg betre mobildekning.

8

Interaktive Telemark. Vest-Telemark Næringsutvikling As har prosjektleiinga av prosjektet Interaktive Telemark. Her samarbeidar vi med andre regionar i Telemark og Telemarkreiser om å få til digital infrastruktur som skal sikre god oppdatering av opplevingstilbod i Telemark. Bl.a er det etablert eit ”Tellusforum” som kvalitetssikrar informasjon inn til ein nasjonal Reiselivsdatabase og prøver ut Informasjonskioskar på ulike stader i regionen.

Vandreregionen. Prosjektet Vandreregionen er etablert som eit samarbeid mellom dei 6 Vest-Telemark kommunane, Hjartdal og Tinn. Prosjektet er planlagt å gå føre seg i perioden 2010-2012 og har økonomisk støtte frå Fellesfondet og Telemark Fylkeskommune. Målsettinga er å auke kommunane sitt omdøme som bu og opplevingsregion gjennom gode tilbod for vandring. For å få dette til er ein viktig del av arbeidet å fokusere på roller i friluftslivsarbeidet i kommunen, avtaler, samt drift og vedlikehald av turvegane. Dette skjer ved at kommunane samarbeidar med næringsaktørar og frivillige om å kvalitetssikre to attraktive turvegar i kvar kommune med avtaler, merking, skilting og avtaler om drift og vedlikehald. For å profilere tilboda vert det utarbeidd miniguidar og felles presentasjonar med kart og naturinformasjon og ei statisk nettside. Presentasjon av 15 turvegar er no klare. Det er søkt midlar til å vidareføre samarbeidet omkring Vandreregionen i 3 nye år, noko ein vonleg vil få svar på i løpet av våren 2012. Vandreregionen i framtida. Med fokus på friluftsliv( vandring), reiseliv og regional utvikling har VTNU saman med tre institutt på Høgskulen i Telemark gjennomført eit kvalifiseringsprosjekt innan reiseliv, opplevelsesnæring og attraksjonskraft. Målet med forprosjektet var å finne strategiar for korleis vandreregionen skal satse for å auke attraksjonskrafta gjennom tilrettelegging for naturbaserte opplevingar. Felles reiselivsprogram for Vest-Telemark. Dette er eit av tiltaka i strategisk Næringsplan for Vest-Telemark 2011 – 2014. I dette tiltaket har VTNU AS gjennomført to forstudier som vert ferdig vinteren 2012. Dette gjeld Ulike oppdrag innan samferdsel og vegutbygging. VTNU AS har i åras løp hatt ulike oppdrag knytt til samferdsel og vegutbygging. Eit fersk døme er prosjektet Høgfartsbane over Haukeli der prosjektleiinga er lagt til VTNU. Målsettinga er å etablere eit ”Jernbaneforum” med tanke på å realisering av Vestlandsbanen over Haukeli.

Stimulere til utvikling av nye offensive informasjonsformer tilpassa prioriterte målgrupper Gjennom Vest-Telemarkportalen har ein no 628 som likar Vest-Telemark på facebook. Det syner at det er viktig å ta i bruk dei nye medine for å få kontakt med dei yngre målgruppene.

9

Mål 3 Vidareutvikling og nyetablering av verksemder i Vest-Telemark. Legge til rette for næringsutvikling med grunnlag i lokale ressursar Dyrskun Arrangement AS er ein av seks SIVA inkubatorar for mat og naturbasert næring i Noreg . Inkubatorprogrammet har ambisjon om å bidra til fleire vekstbedrifter innan mat- og naturbasert næring innan 2014. Målet skal nåast ved å gje potensielle vekstbedrifter innan mat- og naturbasert næring individuell oppfølging i eit innovasjonsmiljø med spisskompetanse på kommersialisering og tilgang til eit bredt nettverk. Øystein A. Løvlie er leiar av inkubatorarbeidet. Gjennomføre strategisk næringsplan og landbruksplanen for regionen Strategisk næringsplan for Vest-Telemark 2011 – 2014. VTNU AS har vore sekretariat i samband med utarbeidinga av den nye strategiske næringsplane som vart vedteke i Vest-Telemarktinget 29.mars 2011. Vest-Telemarkrådet har arbeidd med å få finansiert tiltaka i planen. Dette har vore ei krevande oppgåve og det ligg no inne søknader for 5 prosjekt i fylkeskommunen/TUF. Tiltaksretta handlingsplan for landbruk i Vest-Telemark. Den tiltaksretta handlingsplanen for Vest-Telemark vart vedteke i Vest-Telemarktinget 29.mars 2011. Det vidare arbeidet med gjennomføringa av planen er lagt til rådmannsutvalet i regionen med Vinje kommune som ansvarleg. Auke tilgangen på risikokapital og offentlege virkemiddel til regionen. Vest-Telemark Næringsbygg AS har etablert selskapet Vest-Telemark Invest AS og stilt 15 mill. kroner til disposisjon for etablering av eit ”såkornfond”. Det er ein føresetnad at ein får inn ytterlegare15 mill. kroner, noko som så langt har vist seg å vera krevande

Styrke og utvikle nærings- og rådgjevingsapparatet i Vest-Telemark. Eitt av tiltaka i forrige næringsplan gjekk ut på å vitalisere av næringsapparatet i regionen. Telemarkforsking utarbeidde ein rapport om korleis dette kunne vitaliserast og korleis ein kunne styrke samarbeidet mellom lokalt og regionalt næringsapparat. Rapporten vart handsama i Vest-Telemarkrådet og i kommunane. Konklusjonen frå kommunehøyringa var at ein ikkje ynskte overføring av kommunale personalressursar til regionalt nivå, men at ein ynskte eit sterkare samarbeid innan regionen. I samband med utarbeiding av ny Strategisk Næringsplan var næringsansvarleg i kvar kommune med i arbeidsgruppa som laga planen. Vest-Telemarkrådet vedtok i samband med planen fylgjande: Permanent regional næringsgruppe Det vert etablert ei permanent regional næringsgruppe som består av næringsansvarlege i kvar kommune og ein representant frå Vest- Telemark Næringsforum. Næringsgruppa får mandat til å konstituere seg sjølv og velje leiar. Sekretariat for Vest-Telemarkrådet er ansvarleg for å informere leiar i næringsgruppa fortløpande om næringssaker, samt vere sekretær for gruppa. Regionordførar vert invitert til møta som observatør. Det same gjeld representant frå Telemark fylkeskommune. Mandatet for næringsgruppa er å vera rådgjevingsgruppe for Vest-Telemarkrådet, samt å få ei meir koordinert og fagleg god rådgjevingsteneste, med tett samarbeid mellom kommunane. I tillegg skal gruppa legge til rette for målsetjinga om å få gjennomført regionale tiltak/prosjekt i tråd med strategisk næringsplan.” Det er og etablert regional gruppe for reiselivsansvarlege. Denne gruppa har prosjektansvaret for Felles reiselivsprogram i Strategisk Næringsplan.

10

Tilrettelegging og utvikling av samhandlingstiltak og næringsklynger, med formål å styrke eksisterande næringsliv og stimulere til knoppskyting, nyetablering og innovasjon. Næringscluster. Vest-Telemark Næringsforum har gjennomføringsansvaret for prosjektet Næringscluster som inngår i i Strategisk Næringsplan for Vest-Telemark. Vi siterer frå VTNF si årsmelding for 2011:”Klyngeutvikling, utvikling av samhandlingsarenaer for næringsliv, er rekna for å vere eit viktig tiltak for vekst, innovasjon og utvikling. I Vest-Telemark har vi eit fragmentert næringsliv, med ein næringsstruktur som er prega av mange små verksemder.”

Målet for prosjektet Næringscluster er: Identifisere, motivere og utvikle ulike næringsklyngemiljø med utgangspunkt i etablerte bedriftsnettverk i Vest-Telemark. Gjennom samarbeid og utvikling av næringsklynger/bedriftsnettverk/møteplassar, skape grunnlag for lønnsam vekst, utvikling og nyetablering.

Tanken bak prosjektet er å ta utgangspunkt i det bedriftsnettverket VTNF representerar, og ut frå dette utvikle næringsklyngemiljø som kan skape grunnlag for utvikling. VTNF har arbeidd med prosjektet gjennom 2011. Uavklart finansiering har likevel medført ein begrensa aktivitet, sjølv om ein del prosessar er sett i gang. Endeleg avklaring kring finansiering og vidare framdrift skal kome på plass innan fyrste halvår i 2012.

Etablering av SIVA Næringshage i Telemark. Vest-Telemarkrådet vedtok i april 2011 å sende søknad om to næringshagemiljø i Vest-Telemark, eitt i Fyresdal og eitt i Kviteseid. VTNF vart engasjert i arbeidsgruppa for SIVA satsinga i regionen og vart i tillegg engasjert i å lage søknad for miljøet i Fyresdal. Dette har vore separate prosjekt i 2011. Etter handsaming i SIVA og TFK er resultatet at Kviteseid sin hage er tatt opp i Næringshageprogrammet, medan søknaden frå Fyresdal ikkje kom med i denne runden. Miljøet i Fyresdal er oppmoda om å revidere sin søknad og har fått økonomisk stønad til å gjennomføre dette.

Vedtaket om etablering av SIVA Næringshage i Kviteseid er både gledeleg og viktig for den regionale utviklinga i Vest-Telemark, og viser at gode næringsmiljø i regionen skaper grunnlag for utvikling og gjev grunnlag for eksterne utviklingsmidlar.

Lean-forum i Vest-Telemark. Prosjektet har i samarbeid med Midt Telemark Næringsutvikling arrangert LEAN game, der 4 verksemder frå Vest-Telemark fekk delta. Kurset vart arrangert 19. januar 2012, og ein vil vurdere ei vidareføring av samarbeidet med mål å etablere eit LEAN forum for produksjonsbedrifter i regionen. Innkjøpssamarbeid/leverandørutvikling.

I samarbeid med Telemark Fylkeskommune og Litt Mitt (NorConsult/Hauglid), er ein i ferd med å gjennomføre eit forstudie for å etablere ein innkjøpsportal for regionen. Denne skal i tillegg danne utgangspunkt for tilbydar- og leverandørutvikling. Ein har førebels hatt eit innleiande møte med Direktoratet for forvaltning og IKT (DIFI) som forvaltar DOFFIN. Målet er å etablere eit tilbydar-cluster av verksemder i regionen. Det er også innleia samarbeid med NHO som skal gjennomføre eige leverandørutviklingsprogram i Telemark i 2012.

11

Mål 4 Sikre god infrastruktur i og gjennom Vest-Telemark Vidareutvikle felles strategiar for vegutbygging og skape alliansar for desse. Vest-Telemarkrådet samarbeider med ei rekkje grupperingar når det gjeld infrastruktur: AS Haukelivegen er ein interesseorganisasjon som arbeider for utbygging og standardheving av E 134 og viktige sidegreiner til denne. I styret for selskapet sit representantar frå kommunane langs vegen samt frå 3 av fylkeskommunane. Selskapet spelar ei aktiv rolle i høve til planlegging og påverknad på så vel politisk som administrativt plan. Arbeidsgruppa for E 134/Rv 36 er samansett mellom anna av representantar frå regionane og Telemark fylkeskommune. Gruppa vart danna i 2000 og har som føremål å påverke planlegging og finansiering av konkrete utbyggingsprosjekt på E 134 og Rv 36 i Telemark. Arbeidsgruppa har mellom anna arbeidd aktivt for å få til utbygging av delstrekningar på E 134 og Rv 36 ved hjelp av bompengefinansiering. Rv 41 Telemarksvegen er eit samarbeid mellom dei 6 kommunane langs Rv 4. Viktige arbeidsoppgåverfor gruppa er å legge til rette for Rv 41 som opplevingsveg. I samband med regionreformen har Rv 41 fått riksvegstatus og vil såleis fortsatt vera staten sitt ansvar. Det er nyleg valt ei arbeidsgruppe i vår region som skal organisere tiltak på Rv 41 for å utvikle denne som korridor mot sør og kontinentet. Vest-Telemark Næringsforum er ei næringspolitisk medlemsforeining og ein møteplass for å fremje kompetanse og nettverksbygging mellom dei private verksemdene i Vest-Telemark. Foreininga har i dag omlag 100 medlemmer innan enkeltmannsføretak, verksemder/selskap, rådgjevingsmiljø, forskning, bankar og organisasjonar i Vest-Telemark. Verksemda fungerar som talerøyr for næringslivet i regionen, og har mellom anna engasjert seg i å styrkje samarbeidet i regionen, samferdselsspørsmål, kapitaltilgang m.m. Arbeide for høgfartsbane over Haukeli Jernbaneverket er ferdig med utgreiinga av Høgfartsbane i Noreg. Utgreiinga konluderar med at høgfartsbane er mogleg i Noreg. Utgreiinga som Norsk Bane AS har fått frå Deutsche Bahn slår fast at høgfartsbane over Haukelifjell har større samfunnsnytte enn tidlegare påvist og at denne har best lønsemd av dei alternativa som er utgreidd. Arbeidet med realisering av Høgfartsbane over Haukeli er tiltak 4-4 i Strategisk Næringsplan og målet er at dersom det vert bygd Høgfartsbane i Noreg, skal den fyrste gå over Haukeli. Ein arbeider med å etablere eit Jernbaneforum for Haukelibanen som skal gje eit auka politisk trykk for realisering av Haukelibanen.

12

Utvikling av regionens breibandstruktur og mobilsamband Det er investert meir enn 30 millionar kroner i breibandutbygging i regionen dei siste åra i form av RDA-midlar og innsats frå dei ulike kraftlaga. I tillegg har ein fått 2,5 millionar kroner i HØYKOM-midlar frå Staten. Desse midlane er no nytta som planlagt og ein er i hovudsak ferdig med arbeidet. Sluttføring av denne fasen i breibandutbygginga skjer samordna i regi av Telemark fylkeskommune. Det har kome ny løyving frå HØYKOM og frå KRD med føresetnad at ein får på plass også den lokale finansieringa. I samarbeid med andre kommunar i Telemark og Telemark fylkeskommune har Vest-Telemark Næringsutvikling AS kartlagt område med dårleg mobildekning. Det viser seg å vera lita kommersiell interesse for slik utbygging, og ein må såleis foreta utbygging delvis ved hjelp av offentlege midlar.

1

KOMMUNIKASJONSPLAN

SYNLEGGJERING OG

PROFILERING AV VEST-TELEMARK

Utarbeidd av Vest-Telemark Næringsutvikling v/ Eivind Kaasin og Silje Hegg

2

INNHALDSLISTE

OM  PLANEN  .......................................................................................................................  3  

DEFINISJONAR ................................................................................................................. 3  BAKGRUNN  ........................................................................................................................  3  

SITUASJONEN I DAG ........................................................................................................ 3  UTFORDRINGAR .............................................................................................................. 4  KOMMUNIKASJONS-­‐  OG  PROFILERINGSARBEIDET  ..............................................................  5  

MÅL ................................................................................................................................ 5  MÅLGRUPPER ................................................................................................................. 6  STRATEGI ........................................................................................................................ 6  TILTAK  ................................................................................................................................  6  

NETTPORTALEN – www.vest-telemark.no ........................................................................... 7  SOSIALE MEDIER ............................................................................................................ 10  NYHENDEBREV .............................................................................................................. 10  SUKSESSFAKTORAR  ..........................................................................................................  10  

KOMPETANSEKRAV  ..........................................................................................................  11  

ANSVAR  OG  OPPFØLGING  ................................................................................................  11  

3

OM PLANEN

Me vil i denne planen trekke opp ein del tankar, og gje retning til ein del av det arbeidet som vert

gjort i dag knytt til kommunikasjon og profilering av regionen, og legge ein plan for utvikling av

dette. Planen vil ta for seg korleis Vest-Telemark står fram som region. Korleis kan ein syne fram

aktiviteten og pulsen i Vest-Telemark på best mogleg måte, og nå måla om styrka Vest-

Telemarkidentitet og auka tilflytting og arbeidsplassar?

Planen vil skissere opp korleis stoda er i dag, og kva for mål, strategiar og tiltak ein har for

arbeidet vidare.

DEFINISJONAR Mål Med dette meinast ein tilstand, eit resultat eller eit mål ein ynskjer å nå. Dette bør vere målbare

resultat eller mål. Det er viktig at måla på kvart enkelt arbeidsområde spring ut i frå dei overordna

måla.

Strategiar Overordna metodar, arbeidsmåtar som ein skal ta i bruk.

Tiltak Konkrete aktivitetar som skal oppfylle måla. Ved å utføre tiltaka vil ein oppnå måla, eller

resultata. Det er viktig at dette er konkrete oppgåver, og ikkje generelle føringar.

Utfordringar Utviklingstrekk, moglegheiter, truslar m.m. som ein bør vera merksam på.

BAKGRUNN

Om kommunikasjon i dag Kommunikasjon, informasjon og historiefortelling står sentralt i samfunnet i dag. Dagens

informasjonskvardag har vorte meir digital, og folk er tilgjengelege på nett store delar av døgnet.

Alt skjer raskt, og vert fort gløymt. Ein må følgje med. Folk søker informasjon på nett, eller i

sosiale medier. Informasjonssystema er heile tida i endring og ein må halde seg oppdatert og

sjølv oppdatere.

I dag kan ein i stor grad styre informasjonsflyt og kommunikasjon på eigenhand gjennom eigne

kommunikasjonskanalar, mot eigne målgrupper som ynskjer informasjon. Variasjonane i moglege

kommunikasjonskanalar er òg mykje større i dag enn tidlegare. Ein kan altså styre både form og

innhald meir sjølv.

Informasjon- og kommunikasjonsteknologien er heile tida i utvikling, og det er viktig at ein tek

høgde for at ting kan endre seg raskt, og at ein difor må ha ein organisasjonsstruktur som er

fleksibel og med allsidig kompetanse.

SITUASJONEN I DAG

Vest-Telemark som region Totalt har regionen om lag 14 200 innbyggarar, og omfattar dei seks kommunane Vinje, Tokke,

Fyresdal, Kviteseid, Seljord og Nissedal. Desse kommunane er saman organisert i regionrådet –

4

Vest-Telemarkrådet. Regionen har elles ei felles lokalavis, Vest-Telemark Blad som omfattar alle

kommunane. Saman med regionrådet er avisa eit viktig element i å samle regionen.

Vest-Telemark er sett saman av mange små stader, og noko av det karakteristiske ved regionen

er alle dei små bygdene og grendene; grovt reikna 70 stk. Rundt om i regionen har ein sterke

lokale identitetar, med rike og levande tradisjonar innan mat, kunst, kultur og handverk. Ein har

også mange enkeltpersonar, prosjekt og institusjonar som saman målber og formidlar desse

tradisjonane vidare i dag. Ein har også ein sterk språkkultur med ulike dialektar som folk nyttar og

er stolte av.

Telemark som region og omgrep er vel etablert. Det er ei merkevare og eit omgrep som mange

kjenner til og har assosiasjonar til på ulikt vis. Slik sett har ein eit godt utgangspunkt for

formidling.

Arbeidet som er gjort Profileringa og marknadsføringa av Vest-Telemark som region er, og har vore, delt ut over mange

ulike prosjekt og tiltak på fleire ulike måtar. www.vest-telemark.no, Vandreregionen og

Bygdelivsmeklaren er og har vore prosjekt gjennom regionrådet. Saman skal prosjekta og tiltaka,

på ulikt vis, vera med på å nå målsetningane til rådet og regionen som i korte trekk handlar om

meir tilflytting, sterkare identitet, utvikling og god infrastruktur. Kvart enkelt prosjekt har i stor

grad hatt eit profilerings- og kommunikasjonsansvar på vegne av seg sjølv.

Viktige element i kommunikasjonen som allereie er etablert er:

• Etableringa og bruken av ein felles grafisk profil

• Etableringa av nettportalen Vest-Telemark.no

Både Vest-Telemark.no, Vest-Telemarkrådet, Vest-Telemark Næringsutvikling og

Vandreregionen nyttar same ikon/logo. Dette har vore med på å knyte prosjekta og regionen

saman. Samtidig kan det gjere det meir vanskeleg å skilje dei ulike organisasjonane og prosjekta

frå kvarandre.

Etableringa av Vest-Telemarkportalen har vore viktig. Her ynskjer ein å sjå kommunikasjonen om

og frå regionen i ein heilskap. Arbeidet som er lagt ned her er godt, men grunna manglande

ressursar og uklar prioritering, er ikkje arbeidet med portalen kome heilt i mål.

UTFORDRINGAR

Utfordringar for regionen

• Mykje lokalt engasjement, men liten eller manglande regional merksemd og glød.

• Dårleg folketalsutvikling.

• Regionen er lite synleg?

• Utnytte potensialet som ligg i den sterke Vest-Telemarkkulturen.

Utfordringar for kommunikasjonen

• Nå fram til dei rette målgruppene, med rett bodskap.

• At kommunikasjonen utløyser handling – dra på arrangement, flytte heim etc.

• Få folk til å engasjere seg og delta.

• Å vera levande og engasjert i kommunikasjonen.

5

KOMMUNIKASJONS- OG PROFILERINGSARBEIDET

I Vest-Telemarkrådet sin overordna visjon heiter det; Vest-Telemark – ein levande region.

Korleis vert ein oppfatta som levande, og kven ser at det er ein levande region? Kven formidlar

livet og det levande? Dette er spørsmål me skal forsøke å svare på i denne delen.

MÅL

Måla i denne planen er knytt til måla i strategisk næringsplan for Vest-Telemark og

arbeidsprogrammet og visjonen til Vest-Telemarkrådet. Dei to fyrste hovudmåla i desse planane

er:

• Sterk regional samkjensle og styrka Vest-Telemarkidentitet

• Oppretthalde og auke folketalet og busetnaden i heile Vest-Telemark.

I lys av dette kan ein spesifisere dei overordna måla for arbeidet med følgjande:

• Folk er stolte av regionen.

• At folk er nyfikne på regionen og det som skjer.

• Eit styrka Vest-Telemarkfellesskap – tommelen opp for naboen.

• Folk er kjend med aktiviteten og tilboda i regionen.

• Auka engasjementet i og for regionen.

• Tettare kontakt og jamn dialog med målgruppene.

• Folk flyttar til regionen.

• Folk besøker regionen.

• Folk blir verande i regionen.

• Regionen er synleg.

Effektar på kortsikt • Auka lesartal på heimesider, og følgjarar og aktivitet på sosiale medier.

• Auka blest, og engasjement i og for regionen.

• Tettare kontakt og dialog med målgruppene.

• Regionen er meir synleg.

Effektar på lengre sikt

• Tilflytting

• Nye arbeidsplassar

• Eit sterkt fellesskap i Vest-Telemark

Det er viktig å ha med seg at informasjons- og kommunikasjonsarbeidet i seg sjølv ikkje er nok til

å utløyse desse effektane, men at dette er eitt av fleire element som saman skal skape endring.

6

MÅLGRUPPER

Kven vil vi nå?

TYPE ALDER INTERESSEFELT STRATEGI EFFEKT

Moglege tilflyttarar 25 - 50 Jobb, bustad,

arrangement, historie,

kultur

Vera inkluderande,

inviterande og open.

Tilflytting, at folk

blir nyfikne på

regionen.

Heimatt-flyttarar 20 - 50 Jobb, bustad, kultur,

arrangement, historie,

kultur, nytt frå

regionen og

heimstaden

Bygge på

stadkjendsle,

synleggjere på

kjende saker og

personar.

Tilflytting, folk er

stolte av staden og

regionen

Fastbuande Vesttelar 0 - 100 Arrangement, nytt i

regionen og om

heimstaden, historie,

kultur

Bygge på

stadkjendsle,

synleggjere gode

intitiativ, personar

og prosjekt.

Folk er stolte av

staden og regionen,

blilyst

Folk med tilknyting til

regionen. (slekt , vener

etc.)

25 - 100 Kultur, historie, og

arrangement

Vera inkluderande,

inviterande og open.

Besøk.

Desse målgruppene har ulike kanalar, og nokre kanalar vil vera meir aktuelle enn andre. Dersom

ein skal nå alle desse målgruppene må ein ta i bruk fleire kanalar, med ulikt innhald, og tilpasse

kommunikasjonen i dei ulike kanalane til målgruppene.

STRATEGI

Overordna strategiar og arbeidsmetodar i profileringa av regionen.

• Synleggjere

• Marknadsføre

• Profilere

• Skryte

• Dele

• Inspirere

• Forankre

• Involvere

• Samarbeide

• Engasjere

• Være oppdatert på aktivitet og utvikling

TILTAK

• Nettportalen - www.vest-telemark.no

• Sosiale medier

• Nyhendebrev

7

NETTPORTALEN – www.vest-telemark.no

Vest-Telemarkportalen vart lansert i ny drakt i 2011, og har sidan vore ei samleside for aktivitetar i

regionen. Gjennom portalen har ein samla fleire regionale prosjekt og organisasjonar inn under

same paraply.

Portalen er sentral for korleis regionen står fram og har potensiale til å bli eit sterkt knutepunkt og

ein viktig kommunikasjonskanal for regionen ut mot fleire målgrupper.

Gjennom ei styrking av arbeidet med Vest-Telemark.no vil ein kunne få inntrykk av livet og pulsen

i regionen, og portalen kan vera ein arena for formidling av dei gode historiene, og synleggjering

av aktivitet.

Inndeling av portalen

• Hovudside – www.vest-telemark.no

Denne sida skal synleggjere aktivitet, og samle informasjon om og frå Vest-Telemark.

Sida skal være aktuell for alle, og bør rette seg mot alle målgruppene som er sett i

planen.

• Aktørsider – Vest-Telemarkrådet, VTNU m. fl. Desse sidene er retta mot målgrupper som allereie er knytt til regionen, og med eit

spesielt engasjement og interesse for regional utvikling og samarbeid. Eller med konkrete

planar for etablering osv.

Telejobb Telejobb er eit prosjekt som er eigd av Vest-Telemark Næringsforum (VTNF). Telejobb flytta i

2011 heimesida si inn under vest-telemark.no. VTNF har aldri kome heilt i mål med ambisjonane

for heimesida, og ein bør vurdere dette arbeidet på ny. Det er nærliggande å tenkje at eit oversyn

over bedrifter og ledige jobbar i regionen bør vera ein integrert del av portalen, og ikkje eit

prosjekt for seg sjølv. Dette er eit viktig arbeid, og ei viktig teneste å ha.

Bygdelivsmeklaren og regional vertskapsrolle Ein viktig funksjon knytt til Bygdelivsmeklaren har vore å rekruttere tilflyttarar, og meklaren har

hatt ei regional vertskapsrolle. Arbeidet med å skaffe tilflyttarar til regionen bør i sterkare grad

sjåast i samanheng med utviklinga av Vest-Telemarkportalen. Samstundes er det viktig at ein

framleis har klare retningsliner for oppfølging når interesserte melder seg.

Forankring og samarbeidspartnarar Det er viktig at ein samarbeider med dei ulike kommunane, Vest-Telemark Blad , Vest-Telemark

Museum og andre relevante innhaldsleverandørar. Ein må arbeide for å skape ein delingskultur

knytt til innhald, kompetanse og system.

Origo – felles arrangementskalender Vest-Telemark Næringsutvikling (VTNU) har leia arbeidet med å etablere ein felles

arrangementskalender for regionen og kvar enkelt kommune. Felleskalenderen koplar alle

kommunekalenderane saman, og distribuerer informasjonen vidare til reiselivsider, infoboksar og

aviser i Telemark. Dette er ein svært god og viktig reiskap og eit prosjekt det er viktig å halde

fram med.

8

NETTPORTALEN – www.vest-telemark.no

FORSLAG

TIL

FREKVENS

Hovudmål:

• Vest-Telemark.no er den viktigaste kjelda til informasjon om

regionen.

• Vest-Telemark.no verkar samlande og oppbyggande for regionen.

Delmål

• Heilskapleg og ryddig samling av informasjon om regionen

• Portalen syner aktivitet og engasjementet i og for regionen

• Vest-telemark.no er kjent blant vest-telar og utflutte vest-telar.

• 250 unike besøk dagleg på heimesidene

Retningsliner

Portalen skal:

• Innehalde stoff frå alle delar av Vest-Telemark, og balansere

mengda stoff frå ulike delar av regionen.

• Synleggjere mangfaldet i Vest-Telemarkkulturen, og det som

skjer i regionen.

• Vera på nynorsk, og halde eit god språkleg nivå.

• Synleggjere ulike stemmer, knytt til alder, bakgrunn og stad.

Strategi

• Samarbeid med relevante aktørar om innhald og system.

• Innhald og nytt frå heile Vest-Telemark.

• God internkommunikasjon, og gode publiseringsplanar.

• Vera merksam på andre aktørar og grenseoppgangen mot dei,

som t.d. VTB

Tiltak - redaksjonelt

Viktig og relevant nytt om og frå regionen

• Eigne aktuelle saker, samt vidaresending til andre aktuelle saker

frå andre kjelder.

Dagleg / ved

høve

Arrangementskalender / Origo

• Arbeide for bruk av kalenderen hjå arrangørar og publikum.

• Integrasjon med andre kalendersystem.

• Kringkaste / bleste kalenderen. Synleggjere arrangement.

• Forsøke å få eit utdrag av kalenderen på VTB sine heimesider, og

andre relevante stader.

• Systemutvikling (teknisk forbetring)

Kontinuerleg

Komplett oversikt over aktuelle verksemder / ledige jobbar i regionen

• Halde oversikta over verksemder oppdatert, i samarbeid med

Vest-Telemark Næringsforum.

• Synleggjere ledige stillingar i regionen til ei kvar tid .

Kontinuerleg

Komplett oversikt over ledige bustadar og tomter i regionen

• Presentere bustader, og kor ein finn ledige bustader og tomter

Kontinuerleg

Presentere stader / stadnamn osv.

• Presentasjon av alle bygdene i Vest-Telemark

• Presentasjon av ulike stadsnamn i regionen.

Ei bygd

annakvar veke

Vest-Telemarkbloggen – ulike personar skriv blogginnlegg

• Fritt val av tema knytt til regionen.

• Ta kontakt med personar med ulike interesser, uliks ståstad og

alder (6 personar)

• Samarbeid med VTB / TA / Varden om publisering av innlegg.

Eit blogginnlegg

annakvar veke.

9

Presentere matkultur / tradisjonsmat

• Synleggjere lokal matproduksjon, produkt, og utsal m.m.

• Presentere oppskrifter m.m

• Samarbeid med inkubator / Høgskulen i Telemark / andre

relevante organisasjonar og personar.

• Intervju med ulike personar knytt til mat i Vest-Telemark.

Ei sak annakvar

veke.

Presentere dialekt og språk

• Samarbeid med ulike ressurspersonar, mållag, historielag m.m.

• Presentere dialekt, ord og uttrykk

• Skriftleg, samt ein enkel videopresentasjon av personar som

forklarar uttrykk.

Kvar veke

Presentere prosjekt / institusjonar / arrangement

• Oversikt og presentasjon av t.d, større idrettsarrangement

(årlege), kunstgalleri m.m.

• Løfte fram organisasjonar / arrangement ved aktuelle høve.

Ei ny sak

annakvar veke.

Presentere kunstnarar / kulturpersonlegdomar / gründerar / eldsjeler

• Etablere eit kunstnarregister over aktuelle kunstnarar

• Presentasjonar / intervju m.m

• Presentere musikk, kunst, verksemder m.m.

Ei ny sak

annakvar veke.

Presentere kulturminner / handverk / tradisjonskunst / byggeskikk

• Bakgrunn, historikk, foto og intervju

• I samarbeid med Vest-Telemark Museum, og andre

ressurspersonar / organisasjonar.

Ein gong i

månaden

Presentere vandrevegar / turtips

• I samarbeid med VandreTelemark / Vandreregionen

• Presentere destinasjonar og organisasjonar

• Turtips – både sommar og vinter

Annakvar veke

Tiltak – teknisk

Halde portalen i teknisk stand, og bidra til å vidareutvikle den.

• Visuelt og teknisk.

• Google-optimalisering

• Integrasjon med sosiale medier

Kontinuerleg

Tiltak - marknadsføring

Marknadsføring av portalen

• Annonser i sosiale medier, Vest-Telemark Blad og andre relevante

stader.

• Plakat / flygeblad

• Anna relevant og aktuell marknadsføring

Etter behov

Tiltak som krev ekstern finansiering

Etablering av heimesider for bygder under Vest-Telemarkportalen

• Hjelp til å opprette heimesider, overføre gamal informasjon etc.

• Opplæring og enkel support.

• Marknadsføre tilbodet til aktuelle bygder

Kritiske punkt

• Ressurskrevjande / finansiering.

• Balansegangen mot Vest-Telemark Blad.

• God internkommunikasjon.

• Uregelmessig publisering grunna andre oppgåver i organisasjonen.

10

SOSIALE MEDIER

Det er allereie etablert profil på Facebook, Twitter og Instagram for Vest-Telemark.no. Svært

mange er aktive i sosiale medier, og her er det viktig å vera aktiv og til stades.

SOSIALE MEDIER

Mål:

• Auka dialog og kontakt med følgjarar

• Vest-Telemark er ein synleg og aktiv aktør

• 2000 følgjarar på Facebook.

• 400 følgjarar på Twitter

• 200 følgarar på instagram

Oppgåver

• Drifte profilane til Vest-Telemark.no

• Dagleg løfte fram og like dei som er gode på nett og sosiale medier.

• Følgje og like prosjekt, institusjonar og bedrifter på sosiale medier.

• Involvere brukarane i konkurransar, spørsmål etc.

• Vera aktiv og engasjerande.

• Halde seg oppdatert på utviklinga innan sosiale medier.

NYHENDEBREV

Ikkje alle er tilgjengelege eller held seg oppdatert gjennom sosiale medier. Det er difor viktig at

ein tek omsyn til dette, og kjem i hug å informere og oppdatere også denne gruppa.

NYHENDEBREV

Mål

• Målretta kommunikasjon til enkeltpersonar, bedrifter, og organisasjonar.

• Folk som ikkje er på sosiale medier er oppdatert på aktiviteten i Vest-

Telemark.

Oppgåver

• Utsending av nyhendebrev annakvar veke

• Etablere lister over kontaktinformasjon, og rutiner for oppdatering av

kontaktinformasjon.

• Halde kontaktlistene oppdatert

SUKSESSFAKTORAR

Kva er viktig for at ein når måla?

• Engasjement både politisk og administrativt.

• Vilje til satsing og ynskje om utvikling.

• Trua på Vest-Telemark som region.

• Rett kompetanse / rette folk i jobben.

• Rett tiltak

• God intern kommunikasjon og felles forståing.

• Godt arbeid i dei andre prosjekta i organisasjonen.

• Godt samarbeid med andre aktørar som Vest-Telemark Blad, dei ulike kommunane osv.

• Engasjement på lokalt plan.

11

KOMPETANSEKRAV

Kva for kompetanse trengst?

• Journalistikk.

• Lokal og regional kunnskap.

• Kommunikasjons- og informasjonsfagleg kompetanse.

• Kompetanse på marknadsføring.

• Kompetanse på språk.

ANSVAR OG OPPFØLGING

Vest-Telemarkrådet er eigar og ansvarleg for portalen. Vest-Telemark Næringsutvikling driftar

portalen i tråd med denne planen.

Redaktøransvaret for www.vest-telemark.no vil liggje hjå den som vert ansvarleg for portalen og /

eller regionrådsleiar.