jam sokrati plak
DESCRIPTION
D. Agolli: Jam Sokrati plak (nga vëllimi poetik "Lypësi i kohës"), botimi i tretë, 1998TRANSCRIPT
Poezi Dritëro Agolli
www.klasaletersi.com
JAM SOKRATI PLAK
Jam plak gazmor që dehem nga rakia,
Kur rrugës më ngacmon një pijetore,
Pastaj me zor shtyj këmbët tek shtëpia
Në çaste vape, shiu apo dëbore.
Dy sytë e mi, të dy si xixëllonja,
Largojnë njeri-tjetrin, qajnë e feksin,
Dhe dy pastruese rrugësh si dy zonja,
Më duket sikur plot nderim më presin.
Jam plak çapkën, i çmendur nga rakia,
I çmendur jam, por jam shumë i gëzuar
Dhe si Sokratin plak në shan Sadija,
Sadija ime, grua e bekuar...
1994
Vëllimi poetik “Lypësi i kohës”, botimi i tretë 1998