KABATAAN NGAYON, PAG-ASA NG BAYAN O PANGGULO LANG SA BAYAN?

Ayon kay Dr. Jose P. Rizal, Ang Kabataan ay pag-asa ng bayan . Ang kabataan ang siyang magpapaunlad sa bayan sa susunod na mga henerasyon. Sa tingin niyo ba ito ang siyang nangyayari ngayon sa kasalukuyan? Matutuwa kaya ang ating dakilang bayani kung makikita niya kung anong nangyayari sa kabataang inaasahan niyang magpapaunlad ng kanyang bayan? Kabataan na tinatawag dingtinedyer o adolesente na nasa edad mula labintatlo hanggang labinsiyam. Ayon sa aking pagsasaliksik ang kabataan ay ang yugto ng panahon kung kailan ang isang tao ay biyolohiyal o pisikal na adulto subalit emosyonal o makapandamdaming hindi pa husto angmaturidad. Sabi ng mga nakakatanda malaki ang pinagkaiba ng kabataan noon at ngayon. May mga pagkakaiba sa kilos, ugali, damdamin, pagsasalita, maging sa pananamit at iba pang bagay. Sinasabing ang kabataan noon ay higit na magalang, masunurin at mabait kaysa sa mga kabataan ngayon. Mas alam ng mga kabataan noon kung ano ang tama at mali. Hindi sila basta-bastang gumagawa ng mga bagay na hindi nila pinag-iisipan ng mabuti. Iniintindi muna nila kung ano kahihinatnan ng gagawin nilang kilos. Takot silang sumuway sa kanilang mga magulang. Sa kabataan naman ngayon, umuuwi kung kalian nila gusto. Iyan ang isa mga hindi magandang ugali ng mga kabataan ngayon, di katulad noon na pagsinabing alas-sais ng gabi ay uuwi na agad. Ngunit sa kabataan ngayon pagsinabing alas-sais, may palugit pa na isa o dalawang oras. Sa kabataan noon tuwing may makakasabay na matatanda sa daan ay binabati ng Magandang Gabi po. Ngayon limitado nalang ang mga kabataang gumagawa.