Kommunal plan for idretts-, friluftslivs- og

kulturanlegg i Solund kommune

2012 – 2015

Frå Nordsjøløypa, Ytre Sula

Vedteken i Solund kommunestyre 15.12.2012 K.sak 080/11

2

INNHALD 1 BAKGRUNN .......................................................................................................................... 3

1.1 Føremål med planen ......................................................................................................... 3 1.2 Kommunen si rolle ........................................................................................................... 3 1.3 Utviklingstrekk................................................................................................................. 4 1.4 Omgrep og definisjonar.................................................................................................... 4

2 OVERORDNA STATLEGE OG FYLKESKOMMUNALE FØRINGAR............................. 7 2.1 Staten................................................................................................................................ 7 2.2 Fylkeskommunen ............................................................................................................. 7

3 PLANLEGGJING FOR IDRETT, FRILUFTSLIV, FYSISK AKTIVITET OG

KULTURANLEGG I SOLUND ................................................................................................9 4 RESULTATVURDERING AV PLANPERIODEN 2010- 2011........................................... 10 5 MÅL FOR IDRETT, FRILUFTSLIV, FOLKEHELSE OG KULTUR. ................................ 12

5.1 Idrett og friluftsliv .......................................................................................................... 12 5.2 Folkehelse....................................................................................................................... 12 5.3 Kulturanlegg................................................................................................................... 13

6 ANALYSE OG LANGSIKTIGE BEHOV........................................................................... 14 6.1 Generelt .......................................................................................................................... 14 6.2 Vurdering av anleggsbehov i planperioden.................................................................... 14

7 HANDLINGSPROGRAM.................................................................................................... 17 7.1 Nye anlegg og rehabilitering. ......................................................................................... 17 7.2 Langsiktige behov/uprioritert ......................................................................................... 21 7.3 Drift av anlegg................................................................................................................ 22

VEDLEGG............................................................................................................................... 23 Liste over eksisterande anlegg. ............................................................................................ 23 Kart som viser friluftsområde og Nordsjøløyper ................................................................. 25 Årshjul for søknader om spelemidlar og rullering av handlingsprogram ............................ 26

3

1 BAKGRUNN Kommunal plan for idretts-, friluftslivs- og kulturanlegg i Solund kommune 2012 – 2015, er ei revidering av Kommunal plan for idretts-, friluftslivs- og kulturanlegg i Solund kommune 2010-2013. Det er kommunen sitt ansvar å planleggje og leggje til rette for utbyggjing av anlegg for idrett, friluftsliv og kultur. Dette skal vurderast i høve samfunnsmessige, idretts- friluftslivs- og kulturpolitiske mål. Kommunal plan for idretts-, friluftslivs- og kulturanlegg skal vere retningsgjevande for ein planmessig og samordna anleggsutbyggjing. Planen skal vere eit godt styringsverkty, og gje kommunen godt grunnlag for prioritering av spelemidlar og areal til utbygging. Slike planar skal som hovudregel reviderast kvart fjerde år, og etter kulturdepartementet si tolking vert revisjon definert som fullstendig sakshandsaming, med slutthandsaming i kommunestyret. Med rullering meiner ein mindre vesentleg endring av handlingsprogrammet. Mindre anlegg som t.d. nærmiljøanlegg, ballbinge og liknande kan takast inn i handlingsprogrammet ved ei slik rullering. Kulturdepartementet har krav om eigne kommunale planar for idrett, friluftsliv og kulturbygg for å kunne ha søknadsrett til spelemidlar.

1.1 Føremål med planen Planen skal vere eit politisk og administrativt styringsdokument for både kortsiktige og langsiktige tiltak innan idrett, friluftsliv og kulturbygg. Det kortsiktige handlingsprogrammet i planen skal gjelde for 4 år, og kan rullerast kvart år. Planen skal: • Sikre nødvendig areal for leik, idrett, friluftsliv og kulturaktivitet • Prioritere og styre anleggsutbyggjinga i kommunen. • Vere grunnlag for bruk av statlege spelemidlar, fylkeskommunale og kommunale midlar • Syte for at anlegg vert utvikla i nær forståing med frivillege lag sine behov og prioritering • Avklare rolle- og ansvarsliner mellom kommunen, idrettslaga og andre organisasjonar • Vere ein reiskap for budsjett- og økonomiplanarbeidet i kommunen

1.2 Kommunen si rolle Kommunen si rolle er å sikre rammer og føresetnader for idrett, friluftsliv og kulturanlegg i kommunen. Kommunen har i liten grad vore engasjert i den daglege drifta og aktivitetane i laga. I arbeidsdelinga mellom kommunen og frivilleg sektor, har organisasjonane sjølve teke ansvar for aktivitetane og verdigrunnlaget i laga. Kommunen sitt ansvar skal vere å: • Sikre kommunal styring av anleggsutbygginga. • Medverke til etablering av gode arenaer og areal til fysisk aktivitet og kulturaktivitet.

4

1.3 Utviklingstrekk Solund er ein kommune med sine særtrekk når det gjeld fysisk aktivitet og kultur. Praktisk talt all organisert aktivitet skjer gjennom frivillige lag og organisasjonar. Eit anna særtrekk er at det innanfor idretten er lite deltaking i organisert seriespel og terminfesta konkurransar. Unntaket er skyttarlaget sin aktivitet. Dette vert kompensert ved at laga er flinke til å delta på aktuelle cupar og meir spontane arrangement. Kommunen er i ferd med å auke tilrettelegginga for fysisk aktivitet for grupper med særskilte behov, via ei satsing på ”aktiv på dagtid”. Liknande tilbod har vore over tid, men dette held no på å kome inn i meir organiserte former, samstundes som aktiviteten aukar. Friluftslivet i Solund har tidlegare stort sett vore drive som eigenorganisert aktivitet. Idrettslaga har i mange år hatt opplegg for å få fleire ut på tur, m.a. Fjelltrimmen. Dei siste åra har det blitt skipa lokale friluftsorganisasjonar, fyrst Barnas turlag avd. Solund som no er ein del av det nyskipa Ytre Sogn Turlag. DNT har dei seinare åra hatt sterkare fokus på Solund som turområde, m.a. har Sogndal Turlag har etablert ei ubetjent turisthytte i kommunen. Når det gjeld kultur er det eit mangfald av aktivitetar i organisasjonane. Desse nyttar dei eksisterande kulturbygga til sin aktivitet. Kommunen har pr inngangen til 2012 ikkje ein kommunal kulturskule som stettar krava til slike tilbod, men det vert gjeve eit avgrensa tilbod om musikkundervisning. Alle innbyggjarar i Solund har på ein eller anna måte moglegheit til å delta i organisert fysisk aktivitet og kulturaktivitar, enten det er via lag og organisasjonar eller kommunen sine tilbod til grupper med særskilt behov for tilrettelegging eller stimulans. Dette er unikt. På større stadar er ofte mangfaldet større, men tilgjenge til aktivitetane er ofte vanskelegare. Inntrykket er og at svært mange av innbyggjarane i Solund nyttar dei flotte omgjevnadane til eigenorganisert aktivitet, ved turar langs vegane, på sjø- og vassdrag, og i marka. Aktiviteten er ikkje målt, men den verkar å vere stabil eller stigande. Det er eit inntrykk av at dei langt fleste har fokus på eigen livssituasjon og ein sunn livsstil. Eit utviklingstrekk som kan vere ei utfordring, er rekruttering til verv og oppgåver innanfor frivillige lag og organisasjonar. Med det mangfald av organisasjonar som er, sett saman med lite tal innbyggjarar, er det for fleire lag vanskeleg å rekruttere folk inn i sentrale verv.

1.4 Omgrep og definisjonar Idrett Idrett vert definert som aktivitet i form av trening, eller konkurranse i den organiserte idretten Fysisk aktivitet Fysisk aktivitet er eigen organisert trenings- og mosjonsaktivitet – dvs. friluftsliv og leik Friluftsliv Friluftsliv er opphald og fysisk aktivitet i friluft i fritida, som har til føremål miljøforandring eller naturoppleving.

5

Idrettsanlegg Kulturdepartementet klassifiserer anlegg i høve fordeling av spelemidlar i to grupper: Ordinære anlegg og nærmiljøanlegg. Anlegga vert inndelt etter kva område dei skal dekke og kva aktivitet og idrett anlegget er tenkt brukt til. Nærmiljøanlegg Nærmiljøanlegg er anlegg eller område som er tilrettelagt for eigenorganisert fysisk aktivitet, som i hovudsak ligg i tilkyting til bustad- og/eller opphaldsområde. Områda skal vera fritt allment tilgjengelege og berekna på eigenorganisert fysisk aktivitet, primært for barn og ungdom. Ordinære anlegg Anlegg som har stønadsrett og som er nær knytt til konkurranse- og treningsverksemd for idrettsorganisasjonane. Kommuneanlegg Dette er ordinære anlegg som dekkjer krava til at ein kan drive konkurransar og trening på lags- og krinsplan. Kommunar bør ha minst eit anlegg innan dei idrettsgreinene som har stort omfang i kommunen. Nasjonalanlegg Nasjonalanlegg er idrettsanlegg som tilfredsstiller tekniske og funksjonelle standardkrav for avvikling av internasjonale meisterskap og konkurransar Friluftsområde og friområde Grøne område som er tilgjengeleg for ålmenta sin frie ferdsel: Friluftsområde er store, ofte uregulerte område som i hovudsak er i privat eige, og som kjem inn under allemannsretten. Friområde er avgrensa område med spesiell tilretteleggjing og opparbeiding for ålmenta. Desse områda er erverva og opparbeidd av kommunen eller bustadsameige/grannelag – t.d. parkanlegg, leikeplassar, badeplassar, nærmiljøanlegg, turvegar. Kulturanlegg Kulturanlegg er i denne planen definert som; bygg og lokale som er oppført til kulturføremål, og/eller bygg og lokale som kan få støtte frå statlige tilskotsordningar til kulturbygg. Tilskota skal føre til eigna lokale og bygningar som gjev rom for kulturell verksemd som er tilgjengeleg for ålmenta. Anlegga skal fungere som kulturelle møtestader i lokalmiljøet og/eller kommunen.

6

Opningsdag i Råkeneset

7

2 OVERORDNA STATLEGE OG FYLKESKOMMUNALE FØRINGAR

2.1 Staten Utforminga av staten sin politikk i planfeltet er fordelt på tre departement: • Kulturdepartementet har ansvar for idretten • Miljøverndepartementet har ansvar for friluftslivpolitikken • Helse- og omsorgsdepartementet har ansvar for dei helsefremjande og førebyggjande

tiltaka

Visjonen ”Idrett og fysisk aktivitet for alle” syner at styremaktene har som mål å leggje til rette for at flest mogleg har høve til å drive fysisk aktivitet. Gjennom løyvingane av spelemidlar ynskjer staten at det skal vere tilnærma lik tilgang på anlegg til alle. Hovudmålgruppa for den statlege idrettspolitikken (St. meld. nr 14) er born (6 - 12 år) og ungdom (13 – 19 år). Vidare skal ein leggje til rette for at alle målgrupper kan delta i fysiske aktivitetar, som er tilpassa deira nivå og føresetnader. Ansvar for Statleg friluftslivpolitikk er lagt til Miljøverndepartementet. I St.meld. nr 39 (2000 – 2001) Friluftsliv – ein veg til høgare livskvalitet, er det eit nasjonalt politisk mål at alle har rett til å drive friluftsliv som helsefremjande, trivselsskapande og miljøvenleg aktivitet i nærmiljøet og i naturen. Føremålet med friluftslova er å verne om friluftslivet sitt naturgrunnlag og sikre ålmenta fri ferdsel og tilgang til naturen. Allemannsretten er sjølve berebjelken i våre friluftstradisjonar. Dei statlege økonomiske verkemidlane for å stimulere til utvikling av idrett, fysisk aktivitet og friluftsliv er: • Spelemidlane. Kultur- og kyrkjedepartementet forvaltar desse midlane som kjem frå

overskotet til Norsk Tipping AS og er øyremerka idrettsformål m.v. • Midlar til friluftsliv. Miljøverndepartementet, Direktoratet for Naturforvaltning og

fylkesmannen har ansvar for å halde i hevd ferdsleretten i utmark, og yter tilskot til oppkjøp av viktige område for friluftsliv. I tillegg vert det gjeve midlar til aktivitetar, stimuleringstiltak, tilrettelegging av stiar m.m. for friluftslivet.

• Miljøtiltak i landbruket. Landbruksdepartementet har eigen stønadsordning til spesielle miljøtiltak i landbruket (SMIL).

2.2 Fylkeskommunen Fylkesdelplan for idrett, friluftsliv, fysisk aktivitet og folkehelse 2010 – 2013 omfattar hovudområda idrett, fysisk aktivitet og friluftsliv. Folkehelse er ikkje omtala i planen med spesifikke handlingar eller strategiar, men lagt inn som eit overordna perspektiv. Mål med fylkesdelplanen er: • Trekkje opp mål for idrett, friluftsliv, fysisk aktivitet og folkehelse i fylket • Trekkje opp retningsliner for dei store anlegga som skal byggjast med tilskot frå

spelemidlane, utarbeide handlingsprogram for 2010 – 2013 og langtidsprogram for 2014 – 2020

• Gje føringar og kome med innspel til aktørane (fylkeskommune, Fylkesmannen, kommunane og organisasjonane) sitt arbeid på planområda

8

Fylkesdelplanen legg føringar på kommunale utfordringar innan: • Helsefremjande tiltak • Legge større vekt på førebyggjande helsearbeid • Sikre gode møte- og aktivitetsplassar i nærmiljøa • Gode rammevilkår til organisasjonslivet • Tilrettelegging for menneske med redusert funksjonsevne • Stimulere til at skular, barnehagar og friviljuge held oppe den fysiske aktiviteten Friluftsliv, idrettsanlegg og areal: • Areal til samanhengande turområde • Utvikling og tilrettelegging av friluftslivareal og friluftsliv • Sikre naturområde i nærområda • Utvikling av sykkelvegnett • Born og unge under 19 år får gratis tilgang til kommunale idrettsanlegg • Utvikle gode stadkvalitetar som gjer kommunen attraktiv • Fremje friluftsliv og fysisk aktivitet i skular og barnehagar • Samarbeid mellom kommunen og friviljuge organisasjonar

Skilt ved Stroka

9

3 PLANLEGGJING FOR IDRETT, FRILUFTSLIV, FYSISK AKTIVITET OG KULTURANLEGG I SOLUND Denne planen er ein kommunal plan for idrett, friluftsliv og kulturanlegg i Solund. Alle overordna mål og prosessar kring utarbeiding av desse er lagt til kommuneplanen for Solund. Denne planen må sjåast som ein del av den samordna kommunale planlegginga som kommunen er pålagd å gjennomføre jmf. plan og bygningslova. Solund har gjennomført eit svært omfattande kommuneplanprosess, som også inneheld overordna retning/innhald på kommunen si satsing på idrett, friluftsliv og kultur. Kommuneplanen har også eit fokus på fysisk aktivitet og kulturaktivitet. Den delen av plankravet frå KRD som gjeld fysisk aktivitet blir såleis stetta når ein ser kommuneplanen sin samfunnsdel og denne planen for anlegg i samanheng. Planen er utarbeid etter dei retningslinjene som Kulturdepartementet har sett til slike planer. Kommunal plan for idrett, friluftsliv og kulturbygg er ein tematisk plan utan juridisk binding når det gjeld disponering av areal. Planen skal vurdere langsiktige behov for anlegg dei komande 12 åra, og eit kortsiktig prioritert handlingsprogram for 4 år, perioden 2012 – 2015. Rullering av planen kan gjerast kvart år eller ved behov..Med rullering meiner ein mindre vesentlege endringar av handlingsprogrammet. Revisjon av planen er ei fullstendig sakshandsaming etter Plan- og bygningslova, med slutthandsaming i kommunestyret. Planen er utarbeid av administrasjonen i Solund kommune. Og byggjer i stor grad på planen som vart vedteken i mars 2010. Arealbehov for idrettsformål, friluftsformål og kulturanlegg, som vert dokumentert gjennom planen, må vere innarbeidd i kommuneplanen og/eller anna naudsynt handsaming etter plan- og bygningslova, før dei kan realiserast.

10

4 RESULTATVURDERING AV PLANPERIODEN 2010- 2011 Knapt to år er ein kort periode. Det er særleg på friluftslivssida at det har vore aktivitet desse åra. Fylgjande kortsiktige og langsiktige tiltak var ført opp i planen frå mars 2010, status i dag følgjer nedanfor: Kortsiktige tiltak (innan 4 år): Status 01.11.11 Idrett: Lys på idrettsbana Ikkje påbyrja Kulefangar på skytebana Ikkje påbyrja Klubbhus/lager/sanitær ved idrettsbana Ikkje påbyrja Lysløype/skiløype i området Arboretet-Kråka Ikkje påbyrja Rehabilitering av idrettsbygget Ikkje påbyrja Nærmiljøanlegg: Ytre Solund oppvekstsenter, aktivitetsanlegg Ikkje påbyrja (ballbinge med meir) Skuleområdet Hardbakke, aktivitetsanlegg Ikkje påbyrja Hardbakke sentrum, aktivitetsanlegg Ikkje påbyrja Delanlegg friidrettsbana Ikkje påbyrja Skøytebane ved idrettsbana Ikkje påbyrja Friluftsliv: Kystled Solund Påbyrja Badeplass Hånessanden Ikkje påbyrja Sti til Pollatinden Påbyrja Tilrettelegging badeplass, Sandvika ved Pollen Ikkje påbyrja Tursti rundt Ramnenipa, med badeplassar Påbyrja Tilrettelegging av Arboretet som turområde Påbyrja Tursti frå Hardbakke til Råke/Råkeneset Ikkje påbyrja Sti til Krakhellenipa Ikkje påbyrja Tilretteleggjing kano/kajakk i Engeviksmarka Ikkje påbyrja Tursti til Vardefjellet Ikkje påbyrja Friluftsområde Storevatnet v/Hersvik Påbyrja Tursti frå Sanden til Straumen Ikkje påbyrja Tursti til Tungodden Ikkje påbyrja Utsiktskikkertar i samband med 3 utvalde stiar Ikkje påbyrja (Midtre Solund, Ytre Solund og Nord Solund) Tilretteleggjing for parkering badeplass på Eide Ikkje påbyrja Tursti Plantefeltet Ytre Solund Ikkje påbyrja Tursti Dyngja Ikkje påbyrja Tursti Rørdal-Kolgrov-Rognsvåg Ikkje påbyrja Tursti skulevegen Straumen-Kolgrov Ikkje påbyrja Tursti Kverhella-Gangstø-Rørdal Ikkje påbyrja Kulturanlegg: Hardbakke, bibliotek/multifunksjonshus Ikkje påbyrja Ytre Solund bygdehus/oppvekstsenter Ikkje påbyrja Opprusting og utviding Hardbakke grendahus Under planlegging

11

Langsiktige tiltak (innan 10 år): Idrett: Motorsportanlegg i Ytre Sula Ikkje påbyrja Parkeringsplass ved idrettsbana Ikkje påbyrja Gjerde rundt idrettsbana Ikkje påbyrja Tribune ved idrettsbana Ikkje påbyrja Opprusting av idrettshall, lager, tribune, Ikkje påbyrja utviding av hall med meir Nærmiljøanlegg: Friluftsliv: Sti frå Gylta til Strand Ikkje påbyrja Tilrettelegging i Gylteskogen Ikkje påbyrja Sti frå Lending til Stølen Ikkje påbyrja Kystled i Nord Solund Ikkje påbyrja Kajakkløype Ytre Solund på tvers Ikkje påbyrja Tursti til Urdanipa v/Leknessund Ikkje påbyrja Tursti til Rånekletten Ikkje påbyrja Tursti Dalesundet til Leirvika vest på Rånøyna Ikkje påbyrja Fjellstiar i Pollatindmassivet Ikkje påbyrja Sti frå Stølen til Kråkesundet Ikkje påbyrja Humlevåg – Norevågen Ikkje påbyrja Arboretet – Valsvatnet Ikkje påbyrja Humledalen – Nesøyna Ikkje påbyrja Tursti til Laksehytta Ikkje påbyrja Det visar seg at det ofte er kapasitetsproblem både i laga og i kommunen med tanke på å få gjennomført prosjekt. På tross av dette har det dei siste 10 åra vore ein relativt stor anleggsaktivitet, sett i samanheng med kommunestorleiken. Spelemidlane til dei tiltaka som kan søkje om dette, er nytta på ein god måte. Medan det nok er enda større moglegheiter innanfor friluftsliv til å søkje midlar, som ikkje er godt nok utnytta.

12

5 MÅL FOR IDRETT, FRILUFTSLIV, FOLKEHELSE OG KULTUR. Alle mål er henta frå kommuneplanen for Solund. I denne planen blir det ikkje lagt opp til at nye mål skal bli vedtekne. Planen er såleis et verkemiddel for å nå mål som er sett i kommuneplanen.

5.1 Idrett og friluftsliv Overordna I Solund er det eit engasjement rundt leik, idrett, mosjon og friluftsliv som er med på å skape trivsel og god folkehelse. Ikkje målbare delmål. • Kommunen er ein aktiv tilretteleggjar for aktivitet innafor kultur, fritid, idrett og

friluftsliv. Dette i nært samarbeid med frivillige lag og organisasjonar. • Hjå innbyggjarane i Solund er det sterkt fokus på god helse. Kommunen har på alle måtar

lagt til rette for dette. • Sikre område med høg kvalitet for allsidig friluftsliv på sjø og land, som ein helse-,

trivselskapande og naturvenleg aktivitet. • Det er tilrettelagt for gode og varierte natur- og rekreasjonsområde i alle delar av

kommunen

5.2 Folkehelse Innanfor dette området har kommuneplanen mål for fleire av sine verksemder. Nedanfor finn ein aktuelle ”ikkje målbare delmål”. Helse • I Solund er det lagt til rette for at alle innbyggjarane har høve til, og blir stimulert til å ta

vare på eiga helse. • Det blir arbeidd med å fremje innbyggjarane si totale helse og førebyggje sjukdom, skade

og lyte. Skule/barnehage • Rikeleg mosjon og rett kosthald fremjar god læring hos elevane. Oppvekst • Ein opprettheld og utviklar areal som stimulerer til allsidig fysisk aktivitet og trygg leik. • Ein legg til rette for og opprettheld eit breitt spekter av aktivitetar og tilbod til alle

aldersgrupper.

13

5.3 Kulturanlegg Overordna. Solund har kultur- og fritidstilbod som skaper engasjement og trivsel hos alle. Ikkje målbare delmål. • Kommunen er ein aktiv tilretteleggjar for aktivitet innanfor kultur og fritid. Dette i nært

samarbeid med frivillige lag og organisasjonar. • Solund folkebibliotek er ein bidragsytar til utviklinga av kunnskapssamfunnet, og sikrar

tilgang til kunnskap og kultur for alle innbyggjarane.

• Kommunen har ein sunn ungdomskultur med varierte tilbod innan kultur, idrett og andre aktivitetar.

• I Solund er det ein skapande og kreativ kulturskule.

14

6 ANALYSE OG LANGSIKTIGE BEHOV

6.1 Generelt Statleg idrettspolitikk I Stortingsmelding nr 14 – Idrettslivet i endring – vert det lagt vekt på at staten bør har eit særskilt ansvar for gruppene barn (6 – 12 år) og ungdom (13 – 19 år). Statleg idrettspolitikk er tydeleg på at idrett som vert drive av frivillege medlemsorganisasjonar skal prioriterast. Likevel er det slik at ikkje alle finn seg til rette i desse tilboda, og difor er det viktig å leggje tilrette for at dei som ynskjer å drive fysisk aktivitet i eigen regi har gode vilkår for det. Staten legg til grunn fylgjande mål for bruk av spelemidlar: 1. Staten vil støtte den frivillege idretten økonomisk slik at idrettsorganisasjonane kan halde

oppe og vidareutvikle eit godt aktivitetstilbod på lokalt nivå. Særleg gjeld det born og ungdom.

2. Anlegga skal gje flest mogeleg høve til å drive idrett og fysisk aktivitet. Anlegga må vere tilpassa behovet.

3. Eksisterande ordning med utbyggjing av nærmiljøanlegg vil halde fram. Det same gjeld rehabilitering av eldre anlegg.

Folkehelse Nasjonale undersøkjingar slår fast at aktivitetsnivået er stort i barneåra og på topp i tenåra. Fram mot vaksen alder minkar aktiviteten. I aldersgruppa 67 – 79 år viser undersøkingane at det er 32% som aldri driv mosjon. Det er også ein klar trend at det er sosiale ulikskapar når det gjeld fokus på eiga helse og livsstil. Dette inneber at born som har foreldre som har ein livsstil som ikkje er helsefremjande, har stor sjanse for å utvikle same livsstilen. Dette gjev det offentlege utfordringar i høve til å nå alle innbyggjarane i kommunen. T.d. gjennom barnehage og skule. I St.meld. nr 16 (2002 – 2003) Resept for et sunnare Norge, vert det lagt stor vekt på at fysisk aktivitet for folk si helse og trivsel har stor verdi. I eit folkehelseperspektiv handlar fysisk aktivitet om å gi alle sjansen til organisert og eigenorganisert aktivitet. Skal ein oppnå god helse, må arbeidet med idrett, friluftsliv og fysisk aktivitet ta meir omsyn, og tilpasse tilboda til inaktive grupper. Her har alle aktørane innan helse, sosial, teknisk, skule og kultur eit ansvar for å leggje til rette for gode miljø og tiltak som får barn, unge, eldre og sjukdomsgrupper til å drive fysisk aktivitet. Dersom kommunen skal ta større ansvar for å fremje aktivitet for innbyggjarane må dette synleggjerast gjennom planarbeidet, både arealplanar, handlingsplanar og økonomiplan/budsjett.

6.2 Vurdering av anleggsbehov i planperioden. Idrettsanlegg Dei siste 25 åra har det vore ei god utvikling av idrettsanlegg i kommunen. Dette fyrst og fremst i kommunesenteret. Her finn ein dei anlegga ein kan forvente å finne i ein liten kommune. Det er ikkje behov for å realisere nye større anlegg for å nå målsetjingane i

15

kommuneplanen. Det er heller ikkje kome innspel i samband med planarbeidet om dette. Men arbeidet med planen viser at det er behov for å vidareutvikle dei anlegga som finst. Dette er viktig for å kunne tilby attraktive arenaer for ungdom og andre. Solund idrettslag har i 2011 spelt inn at dei ynskjer å vidareutvikle idrettsbana på Hardbakke med kunstgrasdekke på fotballbana, kunstdekke på løpebane, lysanlegg og klubbhus/garderobe/lager. Å vidareutikle anlegga vil vere å fylgje opp målsetningane i kommuneplanen. Difor er vidareutvikling av idrettsbana prioritert i handlingsprogrammet. Det har lenge vore ynskje om ei utviding av idrettshallen. Seinast som ein del av sentrumsplanen for Hardbakke. Ei slik utviding er sett på upioritert liste inntil vidare då det ikkje er sett av midlar til dette i kommunen sin økonomiplan. Skytebanen er mykje i bruk. Det har vore brann og branntilløp i samband med skyting. Kulefangarar vil betre denne situasjonen. Skyttarlaget har eit prosjekt som ikkje krev kommunal medfinansiering og er sett høgt opp på prioriteringslista. Nærmiljøanlegg Det var ein langsiktig strategi i den siste planen om å etablere nærmiljøanlegg i grendene i kommunen. Dette er viktig med tanke på å leggje til rette for kommuneplanen sine mål om gode møteplassar i lokalmiljøa. På Ytre Sula har det blitt arbeidd med utvikling av bygdehuset og skulen. Eit av de store ynskja er å få ballbinge og andre aktivitetsanlegg. Nærmiljøanlegga knytt til skule og barnehage på Hardbakke er særs viktige møteplassar for barn og unge utanom skuletid. Her er det stor aktivitet på ettermiddagane, kveldane og helgene heile året. Vinteren er usikker i Solund. Men det er trong for vinteridrettsanlegg. Dette er enklast å få til ved å etablere ei skøytebane. Det er ikkje lagt inn større nærmiljøanlegg i handlingsplanen for 2012-2015, då det ikkje er funne rom for å satse på desse samstundes med ei satsing på vidareutvikling av idrettsbana. Friluftsliv Tilrettelegging for friluftsliv har vore eit satsingsområde i Solund. I kommuneplanen er dette fylgd opp med klåre målsetjingar om å satse på friluftsliv. Solund er ein del av Kystarv-prosjektet i HAFS. For Solund inneber dette mellom anna ei satsing på Kystled Solund og vidareutvikling av stisystemet. Difor er Kystled Solund prioritert høgt i handlingsprogrammet. Kommunen får tilskot til gjennomføring av dette prosjektet, og det er søkt og tildelt spelemidlar til prosjektet i 2011. Turstiprosjektet er og ein del av Kystarven. Det vil verte søkt spelemidlar til delfinansiering av prosjektet i Solund. Midlane vil i fyrste rekkje nyttast til innkjøp og oppsetjing av skilt på 20 stiar i Solund. Det er svært mange stiar i kommunen som blir mykje brukt av innbyggjarar og tilreisande. Og det er ynskje om å tilretteleggje/merke mange av desse. Hovudutfordringa knytt til dette er å få til eit fortutsigbart og langvarig system for drift av stiane.

16

Dei aller fleste stiane er ikkje sett opp med kostnadsoverslag i handlingsplanen. Dette blir å kome attende til når det er aktuelt å søkje spelemidlar til prosjektet. Mange enkeltstiar vert ein del av ein felles søknad om spelemidlar knytt til Turstiprosjektet. Kulturanlegg Det er i dag tre grendahus i kommunen. Desse er drifta av frivillige lag utan støtte frå kommunen. Både huset på Hardbakke og Ytre Solund har trong for oppgradering. Det eksisterer planer for dette. Solund ungdomslag jobbar med planar om oppgradering og utviding av grendahuset på Hardbakke med uteområda. På Ytre Sula er det starta opp eit samarbeid mellom kommunen og grendahuset om utvikling av heile området kring Ytre Solund oppvekstsenter. Biblioteket på Hardbakke er vedteke å plassere i ”gamlebanken”. Det gjer at planane om eit nytt multifunksjonsbygg/bibliotek må vurderast på nytt. Den økonomiske situasjonen gjer at prosjektet uansett må takast bort i frå det kortsiktige Handlingsprogrammet -neste fire år.

17

7 HANDLINGSPROGRAM Handlingsprogrammet for idrettsanlegg friluftsliv og kulturanlegg syner kva anlegg som kommunestyret ønskjer å prioritere dei komande 4 år. Prioriteringa tek utgangspunkt i vurdering av behov sett opp imot mål sett i kommuneplanen sin samfunnsdel og realisme i prosjektet sett opp mot kommunen eller laget sin økonomi/kapasitet. Handlingsprogrammet skal rullerast kvart år i samband med oversending av spelemiddelsøknadane til fylkeskommunen.

7.1 Nye anlegg og rehabilitering.

Ordinære anlegg/ rehabilitering

Ansvarlig

Årleg drifts kost.

I Samarb

Inv. kost.

i 1000

ANLEGGSSTART - FINANSIERING (i 1000 kr.)

med Totalt 2012 2013 2014 2015 K ST/F PR K ST PR K ST PR K ST PR K ST PR Kulefangarar på skytebana SKL 1000 300 100 200 100 200 Solund idrettsbane

(Kunstgrasbane, kunstdekke friidrettsdel, lysanlegg m.v.)

Kom 50000 SIL 4500 1700 * Inkl. 800 i mva

komp

1500 1300 800 i mva komp

1500 1300 500 200 200

Klubbhus/lager/sanitær ved idr. bana. + lager uteaktivitetar

SIL 10000 1500 0 500 1000 500 1000

18

Nærmiljøanlegg Ansvarlig Årleg

drifts kost.

I Sam-arb

Inv. kost.

i 1000

ANLEGGSSTART - FINANSIERING (i 1000 kr.)

med Totalt 2012 2013 2014 2015 K ST/F PR K ST PR K ST PR K ST PR K ST PR

19

Friluftsliv Ansvar-lig

Årleg drifts kost.

I Sam-arb

Inv. kost.

i 1000

ANLEGGSSTART - FINANSIERING (i 1000 kr.)

med Totalt 2012 2013 2014 2015 K ST/F PR K ST PR K ST PR K ST PR K ST PR Kystled Solund:

Kystlednaust, Strand Kystledsjå, Råke

Kom* DNT 500 200 300

100 100

100

100 100

100

100

100

100

100

Turstiprosjekt 20 stiar, Oppleving av kystarven

Kom 20000 * Samla

alle tur-stiane

Idr.-laga

700 *

200 350 150 200 350 150

Badeplass Hånessanden v/Grendehuset

U-lag 5000 Kom

Sti til Pollatind Kom * SIL Tilrettelegging av badeplass

Sandvika ved Pollen Kom 1000 Priv

Tursti rundt Ravnenipa med tilrettelegging av badeplassar

SIL * Kom Priv

Tilrettelegging av Arboretet som turområde

Kom 2000 SIL

Tursti frå Hardbakke til Råke/Råkeneset

Kom * DNT

Sti til Krakhellenipa Kom * SIL Tilrettelegging for kano og kajakk i

Engeviksmarka Priv * Kom

Tursti til Vardefjellet Kom * SIL Friluftsomr. Storevatnet Hersvik Priv 1000 Kom Tursti frå Sanden til Straumen YSIL * Kom Tursti til Tungodden Priv * Kom Utsiktskikkertar i samband med 3

utvalde stiar (Midtre Solund, Ytre Solund og Nord Solund)

SIL, YSIL

1000 KomPriv.

Tilretteleggjing for parkering ved badeplass Eide

Priv 1000 Kom

Tursti Plantefeltet Ytre Solund YSIL * Kom Tursti Dyngja YSIL * Kom Tursti Rørdal-Kolgrov-Rognsvåg YSIL * Kom Tursti skuleveg Straumen-Kolgrov YSIL * Kom Tursti Kverhella-Gangstø-Rørdal YSIL * Kom *Kommunen mottar tilskot frå ”Kystarven” til Kystled satsinga. Dette kjem fram som kommunalt bidrag i finansieringsplanen.

20

Kulturanlegg Ansvar-lig Årleg

drifts kost.

I Sam-arb

Inv. kost. i 1000

ANLEGGSSTART - FINANSIERING (i 1000 kr.)

med Totalt 2012 2013 2014 2015 K ST/F PR K ST PR K ST PR K ST PR K ST PR Opprusting og utviding

grendahuset på Hardbakke.

Solund Ungdomslag

90000 Kom 5200 500 1000 3700 1000 3700 500

Ytre Solund bygdehus/oppvekstsenter.

Ytre Solund bygdehus

70000 Kom 4500 1500 3000 1500 3000

21

7.2 Langsiktige behov/uprioritert Ordinære anlegg/rehabilitering Motorsportanlegg i Ytre Solund Parkeringsplass ved idrettsbana. Gjerde rundt idrettsbana Tribune ved idrettsbana. Opprusting av idrettshall, lager, tribune, utviding av hall med meir Nærmiljøanlegg Ytre Solund oppvekstsenter, aktivitetsanlegg (ballbinge med meir) Aktivitetsanlegg Hardbakke skule Aktivitetsanlegg Hardbakke sentrum (v/barnehagen) Skøytebane (kunststoff) ved idrettsbana Friluftsliv Sti frå Gylta til Strand Tilrettelegging i Gylteskogen Sti frå Lending til Stølen Kystled i Nord Solund Kajakkløype Ytre Solund på tvers Tursti til Urdanipa v/Leknessund Tursti til Rånekletten Tursti til frå Dalesundet til Leirvika vest på Rånøyna Fjellstiar i Pollatindmassivet (Vaulen, Gylta, Lending, Nessa og Drengenes) Sti frå Stølen til Kråkesundet Humlevåg – Norevågen Arboretet – Valsvatnet Humledalen – Nesøyna Tusti til Laksehytta Kulturanlegg Hardbakke, bibliotek/multifunksjonshus

22

7.3 Drift av anlegg Vi har tre hovudtypar av drift av anlegg i Solund. 1. Kommuneanlegg og nærmiljøanlegg drifta av kommune. T.d. idrettshall, symjehall og skuleanlegga på Hardbakke. 2. Kommuneanlegg og nærmiljøanlegg drifta av frivillige organisasjonar. Td. Idr bana, skytebana og grendahuset. 3. Mindre friluftsanlegg der ansvaret kan vere uklart. Dette gjeld fyrst og fremst turstiar. Tabellen viser kva for prinsipp som vil bli lagt til grunn for drift av desse anlegga framover Type Tiltak/drift Ansvarlig I samarbeid

med: Totale drifts-

utgifter pr.år.

Kommentar

1 Kommuneanlegg og nærmiljøanlegg drifta av kommune. T.d. idrettshall , symjehall og skuleanlegga på Hardbakke.

Kom SIL Kommunen tek framleis ansvaret for drift. Samarbeidet med SIL om symjehallen er ei god ordning som må fortsetje. Ein må sjå på om det er mogeleg å utvide samarbeidet når det gjeld drift av idrettshallen.

2 Kommuneanlegg og nærmiljøanlegg drifta av frivillige organisasjonar. Td. Idrettsbana, skytebana og grendahuset.

Aktuelle lag Kom Dei anlegga dette gjeld er eigd av laga og det eksisterer rutinar og system for drift av anlegga. Det blir ikkje lagt opp til noko endring når det gjeld desse anlegga.

3 Mindre friluftsanlegg der ansvaret kan vere uklart. Dette gjeld fyrst og fremst turstiar.

Kom Aktuelle lag Ansvar for merka og tilrettelagte turstiar må vere tydeleg. Samarbeid kring drift vil vere viktig. Dette kan t.d. gjerast på fylgjande måtar: For dei anlegga kommunen er ansvarleg for vil det i dei fleste høve vere naudsynt med driftsavtale med ein aktuell organisasjon eller private. Kommunen må rekne med å betale for dette. For dei stiane der frivillige lag eller private har ansvaret bør det bli laga samarbeidsavtalar om gjennomføring av drifta. Det bør arrangerast eit ”stimøte” kvart år i mars, der ein går gjennom status for drift og vedlikehald stiane og kjem fram til ein årleg handlingsplan for drift og vedlikehald.

23

VEDLEGG

Liste over eksisterande anlegg.

Eksisterande idretts-, friluftsliv- og kulturanlegg Solund.

Navn Stad Kommune Kategori Type Tilstand Kart

Nærmiljøanlegg

Ballbinge, eventyrplass Eide SOLUND Balløkke Ulike småanlegg God Kart

Hardbakke skule balløkke Hardbakke SOLUND Volleyball, fotball, med mer Ballbinge

Treng ved-

likehald Kart Hardbakke skule, aktivitetssentral Hardbakke SOLUND Aktivitetsanlegg Ulike småanlegg God Kart Ordinære anlegg

Solund idrettsbygg Hardbakke SOLUND Bad og svømmeanlegg Svømmebasseng God Kart

Solund idrettsbygg - Buldrevegg Hardbakke SOLUND Diverse anlegg Klatreanlegg (innendørs) God Kart Solund idrettsbygg Hardbakke SOLUND Flerbrukshall Volleyballhall God/- Kart Solund Fotballbane Hardbakke SOLUND Fotballanlegg Fotball grusbane God Kart

Solund Friidrett (delanlegg) Hardbakke SOLUND Friidrettsanlegg Delanlegg friidrett God Kart Lagerbygg Valen Båthamn Hardbakke SOLUND Idrettshus Lagerbygg(ikke spes God Kart Miniatyr skytebane Hardbakke SOLUND Skyteanlegg Skytebane (inne) God Kart Solund skytebane Hardbakke Hardbakke SOLUND Skyteanlegg Skytebane 200m God Kart Solund skytebane Hardbakke SOLUND Skyteanlegg Skytebane 100m God Kart Solund ungdomshus - flytebrygge Hardbakke SOLUND Vannsportanlegg Flytebrygge God Kart

24

Friluftsliv Hardbakke båthavn Hardbakke SOLUND Friluftsliv, vannsport Småbåthavn God Kart Hellevikhammaren Ytre Sula SOLUND Friluftsliv, tursti Tursti God / - Kart Krakhellenipa tursti Krakhella SOLUND Friluftsliv, tursti Tursti God / - Kart Kyrkjeveg Straumen - Ødejord Ytre Sula SOLUND Friluftsliv, tursti Tursti God / - Kart Færøyna kystlednaust Midt Solund SOLUND Friluftsliv, kystled Dagsturhytter Ikkje bygd Kart Nordsjøløypa - Ytre Solund, tursti Ytre Sula SOLUND Friluftsliv, tursti Tursti God Kart Nordsjøløypa Bjørnefjorden - Stokkevåg Midt Solund SOLUND Friluftsliv, tursti Tursti God / - Kart Ravnenipa tursti Hardbakke SOLUND Friluftsliv, tursti Tursti God / - Kart Sandpøyla friluftsområde Lundøy SOLUND Friluftsliv, friluftsomårde Badeplass God Kart Sperrefjellet tursti Ytre Sula SOLUND Friluftsliv, tursti Tursti God Kart

Turkart for Solund Solund SOLUND Kart Turkart Ikkje ferdig Kart

Kulturbygg Nordsolund bygdetun Hersvik SOLUND Grendahus God Kart

Solund grendahus Hardbakke SOLUND Grendahus

Treng ved-

likehald Kart Ytre Solund Grendahus Straumen SOLUND Grendahus Gymnastikksal God

25

Kart som viser friluftsområde og Nordsjøløyper

26

Årshjul for søknader om spelemidlar og rullering av handlingsprogram Tidspunkt Hending Ansvarlig Merknad Sommar Dei som skal søkje spelemidlar må ta kontakt med kommunen for

å informere om at dei planlegg å søkje. Dersom det er aktuelt å søkje kommunal medfinansiering må dette meldast inn så tidleg som mogeleg.

Søkjar Det er viktig å kome tidlig i dialog med tanke på å utarbeide ein god søknad. Informasjon om krav til søknader er å finne på: www.idrettsanlegg.no

1. sept Frist for innsending av søknader om spelemidlar til kommunen. Søkjar Dette gjerast elektronisk på søknadsskjema som du finn på: www.idrettsanlegg.no

Desember Kommunal sakshandsaming og kommunestyret handsamar rullering av handlingsprogrammet. Evt. søknader om kommunal medfinansiering blir handsama i samband med at kommunestyret vedtek økonomiplan og budsjett.

Kommunen

15 jan Kommunal frist for oversending av søknadene til fylkeskommunen.

Kommunen

15 mars Fylkeskommunen sin frist for oversending av søknadene til departementet.

Fylkeskommunen Denne perioden nyttar Fylkeskommunen til å gå gjennom og godkjenne dei formelle krava til kvar einskild søknad.

1 mai Departementet gjer tilbakemelding til fylka om kvart fylke si ramme.

Departementet Dei siste åra har ramma til Sogn og fjordane vore på ca. 25% av omsøkt beløp for ordinære anlegg Dette inneberer at det kan vere opp til 4 –5 års ”ventetid” for å få innvilga søknaden. Unntaket i Sogn og Fjordane er søknader om tilskott til friluftsliv der søknader blir innvilga fyrste året. For nærmiljøanlegg er der 1 – 2 års ”ventetid”

Juni Fylkeskommunal prioritering av søknadene. Dette vert gjort av hovudutvalet. Det kommunale handlingsprogrammet blir tillagt stor vekt når Fylkeskommunen prioriterer søknadene.

Fylkeskommunen Søkjar kan forvente å få tilsegnsbrev/avslag i løpet av juni.

To år etter tilsegn.

Anlegget skal vere ferdig og rekneskap levert. Søkjar Sjå www.idrettsanlegg.no for krav til regnskap.