©Yauzsing 2018

Longc Nzung Waac/Lyric, Zunh doz qiex/Audio, Fangx

Naangh/Video, Zoc Nyei Sou/Writing, caux Fangx

Linh/Power Point nyei leiz/policy:

Gunv zorqv mingh longc caux aamx cuotv duqv weic

juangc jienv bun Ziouv nyei kuv fienx gormx lungh

ndiev. Mv baac tov:

1. Oix zuqc aamx cuotv nzengc, maiv dungx gatv (edit-tipv fai zorqv cuotv) zunh doz nyei waac fai fiev nyei sou fai nzung nyei waac.

2. Nzung nyei waac caux qiex maiv dungx dorh daaih baaux weic maaic nyaanh, Sou maiv haih longc nyaanh, maiv gunv meih ganh ndortv aamx nyei zinh.

3. Maiv haih zorqv zunh nyei doz fai fiev nyei sou aan meih nyei website, kungx haih kuangx/link hnangv cuotv liuz mbuox ndangc.

4. Tov maiv dungx yienc fai pienx Ging-sou fai Yauzsing gorngv nyei eix-leiz weic maiv oix pien caux pienx Ziouv nyei waac.

5. Tov tengx jienv zorc oc. Laengz zingh mienh muoz. A’hneiv duqv juangc jienv bun Ziouv nyei kuv fienx haih gormx lungh ndiev.

Ziangh Ei Ziouv Nyei Mouz Deic

1. Tin-Hungh nyei waac yungz yie nyei lingh wuonh

Ziouv bun yie hnyouv nyiemz jienv faaux

Hnangv diuh ndiangx ziangh jienv yiem wuov wuom hlen

Haih nyiemz, yietc liuz zungv maiv daic

Ziouv zoux yungz maengc nyei wuom zingv

Yie ngorc Ziouv hnangv njaeh ngorc wuom

Bun yie kungx buangv hnyouv buangv eix, yiem Ziouv nduqc dauh

Nz: Yie oix hiuv meih caux mbuox mienh hiuv meih

Yie kungx ceng meih nyei mbuox

Meih zeix baamh mienh cuotv daaih gengh mbuoqc horngh haic

Meih zoux nyei nyungc-nyungc gengh peix fuc haic

Yie nyei hnyouv zien-zien hiuv

Mbuo maiv dungx la’guaih ziangh fai la’guaih zoux

Ziangh ei Ziouv mouz deic

2. Yie doqc Ging-sou, yaac dorh zanx jienv hnyouv

Tov nitv fatv Zangc Diex nyei hnyouv

Zunh Ziouv nyei kuv fienx, mingh gormx lungh ndiev.

Bun mienh hiuv Ziouv se Tin-Hungh

Ziouv zoux yungz maengc nyei wuom zingv

Yie ngorc Ziouv hnangv njaeh ngorc wuom

Bun yie mbuo buangv hnyouv buangv eix, yiem Ziouv nduqc dauh

Nz: Yie oix hiuv meih caux mbuox mienh hiuv meih

Yie kungx ceng meih nyei mbuox

Meih zeix baamh mienh cuotv daaih gengh mbuoqc horngh haic

Meih zoux nyei nyungc-nyungc gengh peix fuc haic

Yie nyei hnyouv zien-zien hiuv

Mbuo maiv dungx la’guaih ziangh fai la’guaih zoux

Ziangh ei Ziouv nyei waac

Jouh: Ziouv ganh bun njien-youh. Ziouv ganh tipv sienx fim

Ziouv nyei hnamv maiv jomc. Weic zuqc Ziouv yietc liuz ziangh jienv

Ziouv ganh bun njien-youh. Ziouv ganh tipv sienx fim

Ziouv nyei hnamv maiv jomc. Weic zuqc Ziouv yietc liuz ziangh jienv

Nz: Yie oix hiuv meih caux mbuox mienh hiuv meih

Yie kungx ceng meih nyei mbuox

Meih zeix baamh mienh cuotv daaih gengh mbuoqc horngh haic

Meih zoux nyei nyungc-nyungc gengh peix fuc haic

Yie nyei hnyouv zien-zien hiuv

Mbuo maiv dungx la’guaih ziangh fai la’guaih zoux

Ziangh ei Ziouv mouz deic

[Yauzsing Faan, 2017]

Yungz Maengc Nyei Ziouv

Se gorngv jaang nqaatv, se gorngv maengc kungx

Daaih hopv yungz maengc nyei wuom yiem Ziouv

Hnyouv maiv baengh orn, Hnyouv maaih youh nzauh

Daaih hitv njiec, yungz maengc nyei Njoux Ziouv

Ziouv oix bun mbuo, nyiemz fingx jiex daaih

Ziouv Yesu zoux yungz maengc wuom zingv

Guangc nzengc loz maengc, zipv siang ziangh maengc

Daaih zipv Ziouv yungz maengc nyei nyanc hopv

Nz-nz: Maaih diuh domh ndoqv liouc cuotv

Ziouv nyei en caux hnamv

Dorh Ziouv nyei orn lorqc caux baengh orn daaih

Maaih laamh hnamv, maaih laamh kaux

mbuo maiv zuqc gamh nziex

Ceng Njoux Ziouv, zoux yungz maengc nyei Ziouv

Singx Lingh zoux gong, Fioux nzengc mbuo hnyouv

Mbuo duqv zorc longx, yiem yungz maengc Ziouv

Dorh jienv hmuangv doic, lorz yungz maengc Ziouv

Ziangh maengc se yiem Yesu Giduc

Nz-Nz: “Haaix dauh jaang nqaatv? Haaix dauh hnyouv sie?

Zipv Ziouv zoux yungz maengc nyei nyanc hopv

Ziouv gengh hnamv mbuo, Ziouv ganh guangc zuiz

Ziouv, ninh zoux yungz maengc nyei nyanc hopv

Nz-Nz: “Haaix dauh jaang nqaatv? Haaix dauh hnyouv sie?

Zipv Ziouv zoux yungz maengc nyei nyanc hopv

Ziouv gengh hnamv mbuo, Ziouv ganh guangc zuiz

Ziouv, ninh zoux yungz maengc nyei nyanc hopv

(Yauzing Zoc Faan 2018)

Jaa Haih Hnamv Meih

1. Maiv gunv ziangh hoc, jiex ndongc haaix lauh

Mbuo corc hnamv doic, gauh camv zinh ndangc…jaa haih hnamv meih

Weic Ziouv nyei hnamv

2. Tin-Hungh ceix en, bun yie caux meih

Juangc jienv jauv yangh, juangc jienv diev kouv…juangc jienv njienh youh

juangc jienv maengc ziangh

Nz. Ziouv Tin-Hungh, ceix fuqv bun yie, duqv caux meih dorng jaa

Haih duqv meih daaih puix mienh seix

Ziouv Yesu, tov meih bun yie, Haih zieqv duqv jaa nyei fuqv

Bun yie zieqv duqv, jaa nyei jaax-zinh

3. Tov Ziouv Tin-Hungh, tengx mbuo hnamv doic

Maengc gox jienv mingh, hnyouv hnamv camv faux…hnamv dingc meih hnangv

hnamv meih yietv liuz

Nz. Ziouv Tin-Hungh, bun yie hnamv meih

Kungx hnamv meih nduqv dauh

Yietc liuz yietc seix maiv goiv yienc

Tov Singx Lingh, gunv jienv yie hnyouv, Liouc Ziouv nyei hnamv bun meih

Siev ganh nyei maengc, benx zien-zien hnamv

4. Tov Ziouv bun yie, jaa haih hnamv meih

Maaih zengx nyei qiex, maaih zengx nyei qiangx…oix longc hnamv meih

Hnamv meih taux dauh

(Yauzsing Zoc 2017)

Daaih Sienx Yesu

Tov meih mbuo, daaih sienx Yesu

Kungx Ziouv haih, bun siang maengc

Meih corc oix zuov ndongc haaix lauh

Maiv dungx ngaih lauh, nzauh haih piatv ziangh hoc

Ih hnoi Tin-Hungh, heuc meih nzuonx sienx Ninh

Gunv ganv ginv sienx, Yesu zoux Ziouv yiem maengc

Mbuo maiv hiuv, njang hnoi nyei sic

Mbuo maiv hiuv, ganh nyei maengc

Mbuo kungx haih maaih ih hnoi hnangv

Ih hnoi Tin-Hungh, heuc meih mbuo goiv hnyouv

Ih hnoi Tin-Hungh, heuc meih guangc nzengc zuiz

Mbuo domh zuiz mienh, haih zipv njoux Ziouv Yesu

Nz-nz: Yie mbuo jiu-baang mienh hnamv meih mbuo

Oix meih mbuo sienx Yesu ziouc duqv

yietc liuz nyei maengc yiem Ziouv Gi-Duc

Mingh yiem Tin-Dorngh, Yietc liuz nyei dorngx

Haaix dauh ginv, maiv sienx Yesu

Wuov dauh ginv, mingh deic nyuoqc

Ginv Yesu se ginv Tin-Dorngh

Maiv dungx ginv dorngc, maiv dungx piatv qiangx ginv

Maaih qiex maaih qiangx, maaih ziangh hoc haih ginv

Qiex dangx wuov zanc, Tin-Hungh nyei en jomc mi’aqv.

Tov meih mbuo, daaih sienx Tin-Hungh

Kungx Tin-Hungh, hnamv haic mbuo

Mbuo daaih zipv Zangc Diex nyei hnamv

Yiem Ziouv Yesu, yiem Ziouv Singx Lingh

Ih hnoi liouc njiec, taux yietc zungv zuiz mienh

Zuiz mienh duqv njoux, weic sienx kaux Ziouv Yesu

Nz-nz: Yie mbuo jiu-baang mienh kuinx meih mbuo

Goiv hnyouv nzuonx daaih zipv Ziouv Yesu

Longc nzuih nyiemc Ziouv, longc hnyouv sienx Ziouv

Duqv Ziouv guangc zuiz, caux Ziouv horpc hnyouv

(Yauzsing Zoc 2017)

Yesu Se:_______

1. Yesu se zoux baamh mienh nyei Ziouv

Yesu se zeix nyungc-nyungc nyei Ziouv

Yesu se zoux mbuo nyei Njoux Ziouv

Yesu daaih njoux lungh ndiev nyei mienh

2. Yesu se njang ziux lungh ndiev mienh

Yesu zoux jauv mingh taux Tin-Dorngh

Yesu bun maengc, yietc liuz nyei maengc

Yesu se hnamv, hnamv mienh nyei gorn

Nz-nz: Yesu zoux Ziouv…

Yesu zoux hungh nyei hungh

Yesu nyei mengh nernh jiex nyei mengh

Yesu nyei mbuox hlang jiex nyei mbuox

Yesu nyei hnamv ndo jiex nyei hnamv

3. Yesu se doz benx dauh baamh mienh

Yesu zuqc daic, bun mbuo duqv ziangh

Yesu nyei nziaamv nzaaux nzengc zuiz mienh

Yesu daic liuz, Ninh aengx nangh daaih

4. Yesu se zoux ndie sai zorc baengc

Yesu zorc sin hnyouv caux lingh wuonh

Yesu korh lienh, mbuo domh zuiz mienh

Yesu zoux ziangx, yiem ziepc nzangc jaax

Nz: Yesu se Ziouv…

Yesu zuoqc zuiz mienh nzuonx

Yesu se Ziouv, Tin-Hungh Singx Dorn

Yesu zoux gorn, yaac zoux setv mueiz

Yesu se zoux yie nyei njoux Ziouv

(Yauzsing Zoc 2017)

Ziouv Yesu

1. Ziouv Yesu njoux lungh ndiev mienh

Ziouv Yesu hnamv mbuo zuiz mienh

Ziouv Yesu siev ganh nyei maengc

Ziouv Yesu njoux mienh nyei Ziouv

M’sieqv: Yie mbuo maaih kuv fienx mbuox meih mbuo

Yesu daaih njoux mbuo zuiz mienh

M’jangc: Bun mbuo haih duqv siang ziangh maengc

Yietc liuz, nyei maengc, yiem Yesu

M’sieqv: Mbuo siepv-siepv goiv hnyouv

Zipv Yesu, zoux Njoux Ziouv

M’jangc: Mbuo ziouc haih duqv baengh orn

Weic duqv, siang nyei, ziangh maengc

M’sieqv: Duqv caux Tin-Hungh horpc hnyouv,

Maiv zuqc Ziouv Tin-Hungh dingc zuiz

2. Sienx Yesu, jienv jiex nyei ginv

Sienx Yesu, jaaix jiex nyei ginv

Daaih Sienx Yesu

Ziouv paaiv yie mbuo zunh kuv fienx

Mbuox meih mbuo goiv hnyouv sienx Ninh

Tin-Hungh maiv oix haaix dauh zuqc mietc

Ninh oix yietc zungv goiv hnyouv sienx Yesu

Yesu daaih njoux lungh ndiev mienh

Yesu daaih njoux mbuo zuiz-mienh

Goiv hnyouv sienx Yesu duqv njoux

(Yauzsing Zoc 2017)

Maiv Dungx Tiux Bouc

1. Mbuo duqv sienx Tin-Hungh, daaih lauh aqv

Ih zanc mbuo maiv dungx tuix bouc

Mbuo horpc zuqc sienx wuonv Ziouv Tin-Hungh

Maaih sienx fim yiem dingc Yesu

Jangx taux Ziouv nyei en, Jangx taux Ziouv nyei hnamv

Maiv dungx la’kuqv Ziouv Tin-Hungh Ninh heuc mbuo yiem-

Mienv yiem hmuangx cuotv daaih bieqc njang

Bun mbuo duqv benx Ninh nyei namh nyouz

2. Mbuo duqv buatc Tin-Hungh, nyei domh qaqv

Ninh zoux gong yiem mbuo nyei maengc

Mbuo horpc zuqc jaa mingh nitv fatv Ziouv

Aengx maaih deix corc jaa tuix bouc

Mingh leih go Tin-Hungh, mingh leih go zien leiz

Corc mingh baamz zuiz zoux dorngc cing-nzengc nyei Tin-Hungh

Njongh goiv hnyouv nzuonx daaih lorz Ziouv

Maaih qiex maaih qiangx, corc maiv gaengh

3. Mbuo maiv dungx tuix bouc, sienx wuonv Ziouv

Ziangh puix sienx Tin-Hungh nyei mienh

Zoux njang ziux hmuangx haic nyei lungh ndiev

Bun mienh mangc buatc Ziouv Yesu

Yiem mbuo ziangh nyei maengc, yiem mbuo zoux nyei sic

Yiem mbuo gorngv nyei waac biux mengh goiv yienc nyei maengc

Duqv caux Yesu juangc maengc ziangh,

Mbuo zuqc sienx wuonv, maiv dungx tuix bouc.

(Yauzsing Zoc 2017)

Njoux Lungh Ndiev Mienh Nyei Ziouv

1. Yesu Giduc njoux lungh ndiev mienh

Ninh daaih njoux mbuo, yietc zungv zuiz mienh

Yesu Giduc, Tin-Hungh Singx Dorn zuqc daic

Liuz aengx nangh daaih weic zuoqc lungh ndiev mienh nzuonx

2. Yesu Giduc siev maengc weic mbuo

Ninh zuqc dingc daic, bun mbuo duqv ziangh

Ninh zuqc diev mun diev kouv bun mbuo duqv longx

Yesu daic weic mbuo, mbuo zuqc ziangh weic Ninh

Nz-nz: Yesu Ninh zoux Njoux Ziouv, Njoux lungh ndiev mienh

Bun mbuo haih biaux ndutv zuiz

Zuiz mienh duqv njoux, weic sienx kaux Ziouv

Duqv maaih baengh orn, weic duqv caux Ziouv horpc hnyouv

3. Yesu Giduc doz benx baamh mienh

Daaih teix zuiz mienh nyei yietc zungv zuiz

Ninh nyei nziaamv liouc cuotv weic nzaux mbuo nyei zuiz

Weic lungh ndiev mienh, Yesu siev ganh nyei maengc

4. Yesu Giduc, se zoux zien jauv

Ninh zoux zien leiz, yaac zoux ziangh maengc

Oix duqv yietc liuz maengc oix zuqc siang yungz jiex

Haaix dauh sienx kaux Yesu duqv yietc liuz maengc

Nz-nz: Yesu njoux lungh ndiev mienh, fingx-fingx nyei mienh

Goiv hnyouv nzuonx daaih sienx Ziouv

Maaih qiex maaih qiangx corc maiv gaengh zaih

Bun mbuo nzuonx daaih zipv njoux lungh ndiev nyei Ziouv

Bun mbuo nzuonx daaih zipv njoux lungh ndiev nyei Ziouv

(Yauzsing Zoc 2017)

Sienx Dingc Tin-Hungh

1. Yie nyei Njoux Ziouv, Meih daaih njoux lungh ndiev nyei mienh

Yie laengz zingh yie dorh ziec, meih njiec daaih njoux yie

Bun yie haih duqv, yietc liuz caux Ziouv yiem Tin-dorngh

Sienx Ziouv Yesu, benx longx jiex nyei ginv yiem maengc

Ziouv hnamv yie, meih siev maengc, weic njoux yie zuiz mienh

Yie zipv meih, zoux Njoux Ziouv, bun Ziouv gunv maengc

Yie sienx dingc, Zangc Diex, sienx dingc Yesu.

Bun Singx Lingh dorh jauv, bun Singx Lingh, gunv maengc

Nz-nz: Njoux Ziouv, Meih daih njoux yie mbuo zuiz mienh

Mbuo zuiz mienh, duqv zipv Tin-Hungh nyei domh en

Ceng Zangc Diex, Singx Dorn Singx Lingh

Lungh ndiev mienh duqv njoux, weic sienx kaux Ziouv Yesu

2. Yie hnyouv ceng Ziouv, maiv la’kuqv meih nyei en zingh

Yie nyei Njoux Ziouv Tin-Hungh bun hnyouv nyiemz fingv jiex

Bun yie lingh wuonh njien-youh duqv yietc liuz nyei maengc

Bun hnyouv nzauh nyei, a’hneiv, weic Ziouv nyei njoux en

Nz-Nz: Njoux Ziouv, Meih daaih njoux yie mbuo zuiz mienh

Mbuo duqv njoux, weic Ziouv Yesu zoux nyei gong

Longc nzuih nyiemc longc hnyouv sienx Ziouv

Kungx sienx Yesu wuov norm mbuox, bun mbuo duqv njoux

3. Yie maaih orn lorqc, weic duqv caux Tin-Hungh horpc hnyouv

Maiv gunv ih zanc yie buangh zuqc haaix nyungc kouv naanc

Ziouv tengx liuz leiz, Ziouv yaac oix tengx yie mbenc sung

Yie bungx hnyouv Ziouv, nyei waac, yaac sienx dingc Tin-Hungh

(Yauzsing Zoc 2017)

Zoux Ziouv Nyei Zorng-Zengx

1. Tin-Hungh paaiv yie mbuo mingh, Tengx Ziouv Yesu zoux zorng-zengx

Bun maanc mienh haih duqv njoux

Zoux njang ziux lungh ndiev maanc mienh

Haaix dauh zipv Ziouv maiv zuqc mietc

Haaix dauh ginv zipv ninh zoux Ziouv, haih duqv yietc liuz nyei maengc

Siang ziangh maengc caux buangv nyei maengc

Yesu se Njang, ziux lungh ndiev nyei mienh

Haaix dauh zipv ninh yaac sienx kaux Ninh

Yiem hmuangx cuotv bieqc Njang haic nyei njang

Nz-nz: Ziouv heuc mbuo cuotv hmuangx bieqc njang

Bun mbuo maiv yangh hmuangx nyei jauv

Mbuo zoux Ziouv nyei naamh nyouz

Mbuo zoux Yesu nyei zorng-zengx.

2. Tin-Hungh paaiv Mbuo zoux zorng-zengx

Mingh mbuox maanc mienh zuqc goiv hnyouv

Guangc yietc zungv zoux nyei zuiz, Nzuonx daaih sienx kaux Ziouv Yesu

Ziouc duqv yietc liuz nyei maengc weic mbuo goiv hnyouv sienx Yesu

Mbuo zoux Ziouv nyei zorng-zengx

Mbuo zoux njang ziux hmuangx nyei dorngx.

Oix zuqc yiem puix sienx Yesu nyei mienh

Mbuo cingx haih zoux Ziouv nyei zorng-zengx.

Bun lungh ndiev mienh haih duqv buatc Njang

Nz-nz: Ziouv heuc mbuo cuotv hmuangx bieqc njang

Bun mbuo maiv yangh hmuangx nyei jauv

Mbuo zoux Ziouv nyei naamh nyouz

Mbuo zoux Yesu nyei zorng-zengx.

(Yauzsing Faan 2017)

YESU

Kungx Ziouv Tin-Hungh, yietc liuz yiem maiv goiv yienc

Kungx Ziouv laengz nyei, nzunc-nzunc cuotv doix nzengc

Kungx Ziouv hnangv, cuotv seix daaih njoux zuiz-mienh…Ye su

Kungx Ziouv nyei njang, haih ziux taux hmuangx nyei dorngx

Kungx Ziouv nyei guoqv, yiem taux maanc gouv maanc doic

Kungx Ziouv nyei, nziaamv haih nzaaux nzengc yie zuiz…Ye su…Ye su

nz-nz:

Meih yangh wuom wuov dauh Ziouv

Meih hatc koiv wuom dingh

Ziouv meih zanc-zanc yiem nitv fatv yie

Ziouv meih buangv nzengc hatc maaz

Ziouv liouc nziaamv nzaaux yie

Ziouv tengx ndaam yie nyungc-nyungc youh nzauh…Ye su

Kungx Ziouv nyei mbuox, dongh yie haih kaux duqv wuonv

Kungx Ziouv nyei waac, benx nzung orn yie hnyouv

Kungx Ziouv nyei qiex, haih bun yie hnyouv baengh orn

Kungx Ziouv Ye su ...Ye su

nz-nz: Ziouv zoux yungz maengc nyei wuom

Ziouv dorh yie nyei maengc

Ziouv dongh yie kaux duqv wuonv wuov dauh

Ziouv meih buangv nzengc njang-laangc

Ziouv siev maengc njoux yie

Ziouv meih tengx liuc leiz yie ziangh maengc…Ye su

Bridge/Jouh: Ziouv Gi Duc, Yie nyei Njoux Ziouv

Maaih hatc maaz yiem meih nyei mbuox

Meih dongh kaux duqv, wuonv wuov dauh Ziouv

Maaih hatc maaz yiem meih nyei mbuox, Ziouv Yesu

nz-nz: Meih yangh wuom wuov dauh Ziouv

Meih hatc koiv wuom-laangc

Ziouv meih zanc-zanc yiem nitv fatv yie

Ziouv meih buangv nzengc hatc maaz

Ziouv liouc nziaamv nzaaux yie

Ziouv tengx ndaam yie nyungc-nyungc youh nzauh

Ye su…..Ye su…..Ye su

(Meixzunh Faan 2018)

Yie Nyei Biauv Yiem Tin-Dorngh

Naaiv norm baamh gen, yie maiv oix yietc liuz yiem

Buangv nzengc mun, maaih camv nyei naanc zingh

Maaih gauh longx nyei dorngx, liouh jienv bun yie…Yiem Tin-Dorngh

Ziouv oix sortv diemv-diemv nyei wuom mueic

Nyungc-nyungc youh nzauh caux zuiz mietc nzengc

Maiv maaih youh nzauh, maiv maaih haaix dauh nyiemv

Yiem Tin-Dorngh, Yiem Tin-Dorngh

Yie oix nzuonx biauv

Yiem zingh nyei jauv se zien jiem,

loz nyei yietc zungv jiex nzengc

Ov Yie oix nzuonx, Ov yie oix nzuonx…Biauv

Yiem wuov maiv zuqc gamh nziex

Yie yiem Ziouv nyei nza’hmien, yietc liuz yiem nyei….Biauv

Tutv yie nyei youh nzauh, guangc nzengc yie nyei mun

Tiux mingh taux Yesu, maiv huin nqang nzuonx

Laengz zingh Ziouv Yesu, Yie duqv bungz nqoi mi’aqv

Yiem Tin-Dorngh, Yiem Tin-Dorngh

Yie oix nzuonx biauv

Yiem zingh nyei jauv se zien jiem,

loz nyei yietc zungv jiex nzengc

Ov Yie oix nzuonx, Ov yie oix nzuonx…Biauv

Yiem wuov maiv zuqc gamh nziex

Yie yiem ziouv nyei nza’hmien, yietc liuz yiem nyei

M’zing maengh, mienh ziouc mangc duqv buatc

Daic mingh nyei mienh, ziouc nangh daaih caux Ziouv yietc liuz yiem.

Domh nzatc mbui wuov zanc, Fin-mienh ziouc baaux nzung

Haa^le^lu^yaa, Haa^le^lu^yaa

Yie oix nzuonx biauv

Yiem zingh nyei jauv se zien jiem,

loz nyei yietc zungv jiex nzengc

Ov Yie oix nzuonx, Ov yie oix nzuonx…Biauv

Yiem wuov maiv zuqc gamh nziex

Yie yiem Ziouv nyei nza’hmien, yietc liuz yiem nyei, yietc liuz nyei biauv

Yie nzuonx biauv, yie nzuonx biauv, Yie nzuonx jienv biauv aqv, yie nzuonx biauv

(Yauzsing Faan 2018)

Laengz Daic Nyei Hnamv

1) Weic ziepc nzangc, jaax yie duqv zipv, Ziouv korh lienh Weic ziepc nzangc, jaax Ziouv nyei en, liouc taux yie maengc

Yietc zungv nyei hnamv, dongh yie duqv zipv Hnangv wuom liouh cuotv, hnangv mbiungc liemh njiec

Nz-Nz: Yesu ganh zuqc ding daic

Yie nyei zuiz duqv nzaaux nzengc Ziouv siev maengc weic hnamv, Ziouv siev maengc weic yie

Meih nyei nziaamv liouc cuotv, weic nzaaux yie nyei zuiz Ziouv siev maengc weic hnamv, Ziouv siev maengc weic yie…Ye su

2) Maaih norm dorngx, Ziouv nyei korh lienh, yietc liuz maiv jomc Maaih norm dorngx, Ziouv nyei en liouc, cuotv ndo yaac jangv

Yie duqv buangh Ziouv, hnamv yie wuov dauh Ziouv nyei hnamv liouc, njiec buangv yie hnyouv

Nz-Nz: Weic Ziouv nyei ziepc nzangc jaax Yie nyei zuiz duqv nzaaux nzengc

Ziouv siev maengc weic hnamv, Ziouv siev maengc weic yie Meih nyei nziaamv liouc cuotv, yie zuiz duqv nzaaux nzengc

Ziouv siev maengc weic hnamv, Ziouv siev maengc weic yie…Ye su

Jouh: Yie nyei hnamv yiem Ziouv

Yie buangv hnyouv yiem Ziouv Ziouv zuoqc yie nzuonx, Ziouv dorh yie maengc

Yie qiemx nyei nyungc-nyungc Yie lorz buatc yiem Ziouv

Yie buangv hnyouv yiem Ziouv Ye su

Nz-Nz 2: Weic Ziouv nyei, ziepc nzangc jaax

Yie nyei zuiz nzaaux nzengc Yie zipv Ziouv nyei hnamv

Yie zipv Ziouv yiem maengc

Weic Ziouv nyei, ziepc nzangc jaax Yie laengz nyunc fungx yie maengc

Ziouv gengh peix fuqv haic Ziouv gengh mbuoqc horngh haic…Ye su

(Meixzunh Faan 2018)