mkm txostena
DESCRIPTION
Ahozkotasun moduluko lanaren txostena.TRANSCRIPT
![Page 1: MKM txostena](https://reader036.vdocuments.net/reader036/viewer/2022082508/568c0d121a28ab955a8b549b/html5/thumbnails/1.jpg)
AHOZKOTASUNA ETA MULTIMEDIA DISKURTSOA
SPOT BATEN PROPOSAMENA
MKM
Lur Arteatx
Xabier Paya
![Page 2: MKM txostena](https://reader036.vdocuments.net/reader036/viewer/2022082508/568c0d121a28ab955a8b549b/html5/thumbnails/2.jpg)
1. Testuingurua:
EHUk eta EITBk elkarlanean Multimedia Komunikazioa izeneko unibertsitate
masterra abian jartzea erabaki zuten 2009-2010 ikasturterako, erakunde akademikoaren
eta hedabide publikoaren arteko lankidetzak Euskal Herriko komunikazioaren sektoreari
bultzada handia eman ziezaion. Multimedia komunikazioa ziberkazetaritzaren oinarria
da, Web 3.0 aroko hedabideen kanal nagusia. Masterrean izena emateko lehen deialdiak
hainbat lagunen interesa piztu zuen, baina ziur gaude komunikazio estrategia
berritzaileagoek modu esanguratsuagoan erakarriko dutela egungo Ikus-entzunezko
graduetako eta, oro har, sektoreko ikasle eta langileen interesa.
1997an eitb.com sortu zen, baina erredakzio digitala ez zen gorpuztu 2000. urtera arte
(Irune Bañales, Redacción digital eitb.com). 2007ko irailaren 22an, Andoni Ortuzarrek
EITBren erredakzio multimedia aurkeztu zuenean, gizarteak oro har pentsatu zuen aro
analogikoari agur esaten zion aurrerapausoa baino ez zela hura. Egun hartan adierazi
bezala, ordea, EITBk helburu hauek ezarri zituen bere bidean, besteak beste:
- Kazetaritza hiritarra sustatzea.
- EITB erreportajeen gunea sortzea: irrati, telebista eta Interneten baliabideez
sortutako produktuak ekoiztea.
- Ikusleen partaidetza bultzatzea.
Zehazki, egungo zuzendaritzak 2010. urterako azaldutako helburuen artean, baliabide
multimediak balio demokratikoak eta kudeaketaren gardentasuna nabarmentzeko
konpromisoa agertu du.
Bestalde, Interneten munduak eragindako hizkuntzen demokratizazioan atzerapauso
handia litzateke euskara ez txertatzea kazetaritza multimediaren sisteman. Laster Web 3.0
izango den eredu horizontal eta parte hartzailean euskarak ez du trabarik izango aurrera
egiteko, baldin eta, Euskara hedabideetan txosteneko aholkuei jarraiki, bere erabilera eta
presentzia bermatzen bada hedabideetan. Aldi berean, cross-media komunikazio eredu
berriak euskarari eskaintzen dizkion aukerak ezin hobeak izango dira euskalduntze eta
normalizazio egitasmoak eraginkorragoak izan daitezen. Izan ere, ikus-entzunezko
![Page 3: MKM txostena](https://reader036.vdocuments.net/reader036/viewer/2022082508/568c0d121a28ab955a8b549b/html5/thumbnails/3.jpg)
hedabideek euskara batuaren estandarizazioari adina mesede egin diezaiokete euskalkien
ahozkotasun zabaltzeari, esaterako.
EITB alde izanik eta hizkuntzaren garapenerako tresna aparta dela kontuan hartuta, egin
beharreko lehenbiziko urratsa formazioarena da: ziberkazetari edo “orkestra-gizon”
trebaturik prest izan ezean, nekez saiatuko dira Euskal Telebista edo Euskal Herriko
Unibertsitatea komunikazio multimedia sustatzen.
Hori dela eta, txosten honek Multimedia Komunikazioa unibertsitate-masterra
gizarteratzeko spot baten proposamena dakar. Proiektuaren ezaugarriak sakonago eta
zehatzago azalduagatik atalez atal, bada hasieratik azpimarratu beharreko zerbait,
txostenaren diferentziala, alegia. MKM spota sustagai den masterreko ikasleek eurek
egingo dute, ikasturtean landutako baliabideak praktikan jartzeko aukera paregabea baita
txosten honek proposatzen duena.
Gaia:
EHUk eta EITBk elkarlanean antolatutako Multimedia Komunikazioa izeneko
unibertsitate-masterra. Gizarteari begira, ondo osatutako zikloa ematen du Interneteko
komunikazio puntakoena lantzeko masterreko ikasleek ikasturtean ikasi erabiltzea
berorren publizitatea egiteko. Alde horretatik, ezinbestekoa da produktua kalitatezkoa
izatea, sektoreak horixe baliatuko baitu masterraren maila neurtzeko, besteak beste.
Edozein kasutan, gaiari heltzeko hauek dira landuko diren arloak (informazio zehatza
nahi izatera, ikusi 1. Eranskina: Gidoia): Cross-media, Multimedia, Web 3.0, Sare
sozialak, Internet, ikus-entzunezko softwarea eta ziberkazetaritza. Arlook uztartzeko
bidea estatistika konparatiboa izango da.
- Estrategia narratiboa:
Gaiaren atalean azaldutako kontzeptuak erlazionatzeko gakoa estatistika da, zehazki,
konparatiboa: Multimedia komunikazioaren abiadura eta tamaina hain dira handiak, orain
![Page 4: MKM txostena](https://reader036.vdocuments.net/reader036/viewer/2022082508/568c0d121a28ab955a8b549b/html5/thumbnails/4.jpg)
arteko aurrekariekin konparazio hutsa datu zeharo argigarria da. Zentzu horretan,
zenbakiez baliatuko gara gure mezua zabaltzeko. Spotak hiru urrats izango ditu:
1) Informazio esanguratsua ematea: datuak agertu ahala, batetik hamarrera
bitarteko zenbakiak (datuok mila milioiko kopuruak emanagatik) pantailan
agertuko dira.
2) Kaptazio-unea: Aurreko informazioaren txundiduraz baliatuta, hartzaileari
zuzenean hitz egingo zaio, berak aurrekoaren parte izan nahi ez ote duen
galdetuta.
3) 11 arrazoiak: MKM graduondokoa egiteko hamaika arrazoi erakutsiko zaizkio
hartzaileari.
Ahozko eta idatzizko testuen bereizketari dagokionez, spotaren haria ahozko
komunikazioak eramango du, baina idatzizkoa azalpenaren zenbait gako eta datu zehatz
azpimarratzeko baliatuko dugu.
Xede-taldea:
Master profesional bat sustatzeko tresna izanik, spotaren hartzaileak hauek izango
dira: komunikazioarekin erlazionatutako graduak dituzten euskaldunak, ikus-
entzunezkoen sektoreko langileak, sare bidezko komunikazioaren ezagutzan sakondu
nahi duten talde, elkarte eta erakundeetako profesionalak, eta, titulazio edo profil
akademiko egokia izan lezakeen gainerako edozein pertsona.
Bestalde, kontuan izan beharra dago gure xede-taldea berez ikus-entzunezkoen
sektorearen inguruan dabilela, batik bat Interneten miran. Ezaugarri horrek erabat
baldintzatu du spota, izan ere, gureak badu zerbait “meta-iragarkitik”: sarearen ezagutza
sakontzeko ikasketaz promozionatzeko sarea bera erabiltzen du. Izan litezke profil baxu
zein altukoak, baina guztiek gutxieneko ezagutza batzuk izango dituztenez gero,
informazioak zuzen-zuzena izan beharko du.
![Page 5: MKM txostena](https://reader036.vdocuments.net/reader036/viewer/2022082508/568c0d121a28ab955a8b549b/html5/thumbnails/5.jpg)
Komunikabidea:
Argi dago spot honen kokapena EHU eta EITB erakundeen esparruko
hedabideetan zabalduko genukeela, batik bat, masterraren blogean. Halere, produktu
multimedia dela kontuan hartuta, ez dezagun ahaztu, kokapen egokiak bilatzerakoan,
amaraunari erreparatuko diogula batez ere, telebistan, testuingururik gabe ere, lekua izan
dezakeen arren. Ikusi proposamen zehatzak produktu multimedien atalean.
Luzaera:
Bideoa laburra izango da, 4 minutu ingurukoa. Hortik gorakoak sareko spot izaera
galaraziko lioke, eta beherakoa ez litzateke aski eman beharreko informazio guztia
emateko.
2. Hizkuntza baliabideak:
Spotaren helburua argi izanik, hizkuntzak ezin du oztopo izan produktu moderno eta
berritzaile baten salmentan. Hori dela eta, masterreko ereduarekin bat egiten duen
euskara zuzen eta egokia erabiliko dugu. Edozein kasutan, Interneteko komunikazioaren
eleaniztasuna ez dugu alboratuko, euskara kanpoko hizkuntza nagusien pare jartzeko
aukeraz baliatuko baikara. Bestalde, publizitatearen generoan gabiltzanez gero, elementu
linguistikoak bezain garrantzitsuak izango dira linguistikoak ez direnak.
Ikusizkoa Entzunezkoa
Linguistikoa Mezu idatzia Lokuzioa
Ez linguistikoa Irudiak Soinu-banda
Soinu-efektuak
Izan ere, spotak idatziz zein ahoz emango du informazioa. Mezu idatziaren forma, ordea,
diseinu grafiko berezikoa izango da (irudiekin bat egingo baitu). Lokuzioa gaztea izango
da, zuzena eta bizia. Soinuari dagokionez, soinu-bandak dinamikotasuna azpimarratuko
du, gaiaren beraren abiaduraren isla gisa.
Ahozko eta idatzizko informazioaren erabilera hauxe izango da:
![Page 6: MKM txostena](https://reader036.vdocuments.net/reader036/viewer/2022082508/568c0d121a28ab955a8b549b/html5/thumbnails/6.jpg)
- Ahozkoa: hari nagusia izango da. Informazio esplizitu guztia hitz eta hotsez
emango da. Irudiak ahozko informazioaren euskarri osagarriak izango dira.
Ahozkoa Idatzizkoa
Zenbat arrazoi behar dituzu? Bat, bi,
hiru… (zenbaki guztiak agertzen joango
dira, 11n gelditu arte) 11rekin aski?
- Idatzizkoa: buruan gordetzeko hain errazak ez diren datuak edo zifrak emateaz
arduratuko da idatzizko informazioa.
Ahozkoa Idatzizkoa
1980ko hamarkadan jaiotakoen %96 sare
sozialetan dago dagoeneko!
%96
- Ahozkoa eta idatzizkoa: biek bat egitean iragarkiaren helburuak argi eta garbi
azalduko dira.
Ahozkoa Idatzizkoa
Moda ala industria-iraultzatik hona egon
den aldaketarik handiena?
Moda ala industria-iraultzatik hona egon
den aldaketarik handiena?
Generoa:
Publizitatearen generoko iragarki luzea da gure erreportajea, publizitate akademiko-
instituzionalaren arlokoa. Halere, genero berria da, luzaerak desegokia egiten baitu orain
arteko iragarkien definizioan sartzeko. Publizitate akademikoa da, ikastaro baten berri
ematen duelako, baina aldi berean instituzionala ere bada, ikastaro horren gako eta oinarri
baitira EITB eta EHU.
![Page 7: MKM txostena](https://reader036.vdocuments.net/reader036/viewer/2022082508/568c0d121a28ab955a8b549b/html5/thumbnails/7.jpg)
1. Produktu multimedia:
Esan bezala, gure spota profil jakin bateko jendea erakartzeko gakoa da. Helburua
bete aurretik eta ondoren, ordea, pantailatxoaren inguruko informazioa tentuz eta taxuz
hautatzea ezinbestekoa izango da.
Kokapen zehatzari dagokionez, iruditzen zaigu masterra.wordpress.com, ehu.es eta
eitb.com guneetan oso egokia izan daitekeela, kasuan-kasuan erabilera eta estrategiak
erabili beharko baditu ere. Azter ditzagun aipatutako hiru kasu nagusiak, banaka-banaka:
1) eitb.com:
Kokapen errazena eskaintzen duen gunea da; aparteko testurik gabe, eskumako
zutabeko publizitatearen atalean txerta liteke, banner edo flash irudi batean. Testuak
hauxe esan lezake: ziberkazetaria izan nahi?
Bestalde, gunean formazio atal bat osa lezakete dauzkaten master eta ikastaroen berri
emateko; kasu horretan, kokapen ezin hobea lortuko luke produktuak.
2) ehu.es:
Euskal Herriko Unibertsitatearen gunea askoz handiagoa da, eta estiloari jarraiki, ez
zaigu iruditzen ondo hartuko lukeenik spot bat atari nagusian. Horren ondorioz,
egokiagoa litzateke iragarkia Gizarte eta Komunikazio Zientzien Fakultatearen edo
Masterren gunean kokatzea.
- Fakultatearen gunean kokatzea ez litzateke egokia, oso estatikoa baita orria.
- Masterren eta doktoregoen gunea ere oso estatikoa da bideo bat txertatzeko.
3) masterra.wordpress.com:
Wordpress guneak eskaintzen duen malgutasunean oinarriturik, uste dugu hau izan
daitekeela spota produktu multimedia integral baten parte bihurtzeko kokapenik
aproposena. Hori bai, horretarako funtsezkoa da guneari dinamismoa ematea,
maiztasun handiagoarekin eguneratzea eta gunearen beraren egiturak argi izatea bere
lehenengo (hasierako) helburua amarauneko bazter horretaraino heldu direnen arreta
erakartzea dela. Hortaz, spotak gunearen lehen orrian agertu beharko luke,
erdigunean. Inguruko testuak ziberkazetaritzaren handitasun iradokitzea izango du
helburu. Esan gabe doa testu guztiek Interneteko idazkuntzaren eta estiloaren
![Page 8: MKM txostena](https://reader036.vdocuments.net/reader036/viewer/2022082508/568c0d121a28ab955a8b549b/html5/thumbnails/8.jpg)
ezaugarriak1 beteko dituztela: hipertestua, egitura horizontala, paragrafo txikiak,
informazioaren dosifikazio lineala, etab. Hirugarren ereduaren proposamenarekin
aurkeztuko dugu gure produktu multimedia.
4) Elhuyar, Argia eta Berria:
Masterrarekin harreman estua duten hedabide edo erakunde ez antolatzaileek ere
euren guneetan jar lezakete spota. Kasu horretan, ordea, ez da aurreikusten produktu
multimedien garapen espezifikorik: egokia izan daitekeen atal batean bideoa
kokatzearekin aski izan liteke (akaso egokiagoa formazio arloak atalik izango balu,
adibidez).
Interneten eta telebistan kokatzeko estrategiak:
PageRank sistemaren arabera, hauek dira aztertutako guneen datuak:
1) masterra.wordpress.com: 3/10
2) eitb.com: 6/10
3) ehu.es: 8/10
Bestalde, oso beharrezkoa izango da twitter, facebook, tuenti eta antzeko sare
sozialez (esaterako, LINKEDIN bezalako guneak oso baliagarriak izan daitezke
kasu honetan, ikus-entzunezkoen sektoreko profesionalen sarea eraturik
egotekotan, hortxe egongo baita; hori dela eta, sare bereizi horretan zabaltzea oso
mesedegarria izan liteke) baliatzea guneei bizitasuna eta mugimendua areagotzeko.
Trafikoa izaten da gune bat ondo kokatzeko modu eraginkorrena.
1 � Ezaugarrion oinarrizko bibliografia:
- http://www.netwriting.co.uk/writing-tips/
- Manual_de_estilo de Wikipedia
- Manual de uso del blog en la empresa
- Himanen, P. La ética del hacker. Destino. Bartzelona, 2001.
- Levine, R.; Locke, C.; Searls, D.; Weinberger, D. The Cluetrain Manifesto. Perseus Books. 2000.
- Briggs, M. Periodismo 2.0: Una guía de alfabetización digital. Knight Center. Texas, 2007.
![Page 9: MKM txostena](https://reader036.vdocuments.net/reader036/viewer/2022082508/568c0d121a28ab955a8b549b/html5/thumbnails/9.jpg)
Egokitasun datuekin uztartuta, ondoriozta dezakegu spotak ahalik eta zabalkunde
handiena izan dezan, egokiena hiru guneetan kokatzea izango litzatekeela, nahiz
eta batzuetan estiloa apurtu.
Bestalde, telebistan kokatzekotan, xede-taldearen ordutegi potentzialetan kokatu
beharko genuke (nahiz eta ordutegi hori prime-time ingurukoa izan, garestiena,
alegia), ETBren kate guztietan (ETB2 barne) eta erkidegoko eta hiri handienetako
telebista kateetan.