pecyn recriwtio - distinctive peopledistinctivepeople.co.uk/wp-content/uploads/2020/02/nwha... ·...

PECYN RECRIWTIO

Cyfarwyddwr Cynorthwyol Cymunedau

PECYN RECRIWTIO CYFARWYDDWR CYNORTHWYOL CYMUNEDAU

2

Cynnwys

1. Llythyr o groeso ........................................................................................................................... 3

2. Neges oddi wrth ein Cyfarwyddwr Gweithrediadau ................................................................... 4

3. Dyddiadau allweddol .................................................................................................................. 5

4. Y Broses o wneud Cais ................................................................................................................ 5

5. Hysbyseb swydd .......................................................................................................................... 5

6. Prif Fuddion ................................................................................................................................. 6

7. Gwybodaeth am Tai Gogledd Cymru .......................................................................................... 7

Ein Gwerthoedd ......................................................................................................................... 8

Diwylliant ................................................................................................................................... 8

Pwyntiau gwerthu unigryw ........................................................................................................ 9

Leadership behaviours ................................................................ Error! Bookmark not defined.

8. Cwrdd a’r Tîm Gweithredol ....................................................................................................... 10

9. Adroddiadau uniongyrchol ....................................................................................................... 11

10. Manylebau Rôl Cyfarwyddwr Cynorthwyol Cymunedau .......................................................... 12

11. Rhagor o wybodaeth .................................................................................................................. 15


3

1. Llythyr o groeso

Annwyl Cyfarwyddwr Cynorthwyol Cymunedau posibl,

Diolch i chi am eich diddordeb yn Tai Gogledd Cymru ac yn fwy penodol yn rôl Cyfarwyddwr Cynorthwyol Cymunedau. Yn awr rydym yn edrych at ein twf a’n datblygiad i’r dyfodol. Mae gennym Gynllun Corfforaethol, fydd yn mynd â ni hyd at 2021, ac rydym ar hyn o bryd yn mapio ein gweledigaeth a’n cyfeiriad tu hwnt i hynny.

Mae’n fraint i mi fod yn gweithio gyda thîm gwych o bobl tu mewn i Tai Gogledd Cymru. Ond rydym hefyd angen tîm gwych ar ein Uwch Dîm Arweinyddiaeth i arwain y ffordd a’n cynorthwyo i gyflawni ein gweledigaeth i’r dyfodol. Mi wnes i ymuno gyda Tai Gogledd Cymru ym mis Tachwedd 2016, a chyda chefnogaeth ein Tîm Uwch Arweinwyr a’r staff, rydym wedi cyflawni llawer yn ystod y tair blynedd ddiwethaf. Rydym wedi wynebu rhai heriau ac mae’r bobl sydd yma’n gwybod o ddifri sut i weithio gyda’i gilydd ac amlygu ein diwylliant o ‘Un Tîm’. Yn awr rydym eisiau gwneud newidiadau i’n cryfhau ac i’n gwneud yn fwy cydnerth. Rydym wedi ail ariannu yn ddiweddar er mwyn ateb cyfres o amcanion strategol a rhoi mwy o allu i ni barhau i ddatblygu ein cartrefi newydd. Rydym ar hyn o bryd yn darparu cartrefi a gwasanaethau i dros 2,600 o gartrefi ar draws y Gogledd, a byddwn yn parhau i wneud buddsoddiad sylweddol yn ein cartrefi. Mae ein tîm gwaith trwsio mewnol yn gwneud y gwaith trwsio o ddydd i ddydd, gyda balchder a gwybodaeth leol, sy’n arbennig o werthfawr i’n cwsmeriaid. Mae’n bwysig i ni ymgysylltu gyda’n tenantiaid a gwrando arnynt, a byddwn yn gweithio ochr yn ochr gyda phreswylwyr sy’n cymryd rhan yn ein Panel Tenantiaid a Chymunedau. Mae’r bobl hynny’n ein cynorthwyo i ddeall anghenion ein tenantiaid yn awr ac i’r dyfodol. Mae gennym hefyd Grŵp Ymateb Cyntaf sy’n gwella y ffordd y bydd tenantiaid yn ymwneud a chyfranogi mewn penderfyniadau. Rydym yn falch o’n Grŵp Tai â Chymorth a’r gwaith y byddwn yn ei wneud i fynd i'r afael â digartrefedd. Rydym wedi darparu cartrefi a gwasanaethau i bobl fregus ers dros 20 mlynedd. Rydym yn darparu dros 300 o unedau tai â chymorth i bobl fregus, yn cynnwys y digartref, pobl sydd â phroblemau cyffuriau ac alcohol, materion iechyd meddwl, cyn-droseddwyr, pobl ag anableddau dysgu a phobl ifanc sy’n gadael gofal.

Rydym yn chwilio am Cyfarwyddwr Cynorthwyol fydd yn rhannu ein dyhead ar gyfer Tai Gogledd Cymru ac sy’n meddu’r ynni a’r weledigaeth strategol i gynorthwyo i lunio ein llwyddiant yn y dyfodol. Os yw hyn yn apelio atoch chi, byddem yn falch iawn o glywed gennych. Os byddwch eisiau trafod y rôl yn bellach os gwelwch yn dda ffoniwch Denise o Distinctive People ar 07833 475669 neu [email protected]. Edrychwn ymlaen at glywed gennych. Helena Kirk, Prif Weithredwr

mailto:[email protected]


4

2. Neges oddi wrth ein Cyfarwyddwr Gweithrediadau

Annwyl ymgeisydd, Diolch i chi am eich diddordeb yn y rôl eithriadol hon. Mae hwn yn amser gwych i ymuno â Tai Gogledd Cymru. Mewn ymateb i newid yn nisgwyliadau cwsmeriaid, tîm a rheoleiddwyr, rydym yn newid er mwyn sicrhau ein bod yn y sefyllfa orau i ddarparu gwasanaeth gwych i'n cwsmeriaid am flynyddoedd lawer i ddod.

Os byddwch yn llwyddiannus, byddwch yn ymuno â'n Uwch Dîm Arweinyddiaeth ac yn gweithio'n agos gyda'r Bwrdd a'r Rheolwyr i wireddu ein Gweledigaeth. Mae gan y tîm hwn ran allweddol i'w chwarae wrth adnabod a chyflawni newid ar y cyd a sicrhau bod gwelliant a sicrwydd parhaus yn cael ei gynnal. Yn ogystal â bod yn rhan o'n Uwch Dîm Arweinyddiaeth, byddwch yn arwain ac yn datblygu adrannau sylweddol o fewn y grŵp. Mae'r Cyfarwyddwr Cynorthwyol Cymunedau yn rôl eang a heriol, gan arwain gweithgaredd mewn rhan allweddol o'r sefydliad. Bydd yr ymgeisydd llwyddiannus yn weithiwr proffesiynol tai cymdeithasol cryf gyda sgiliau arwain rhagorol a ffocws ar y dyfodol i'n cwsmeriaid a'n cymunedau. Rydym eisiau creu atebion byw gwell i'r bobl a'r cymunedau rydym yn gwasanaethu ynddynt ac rydym yn credu y byddwn yn gwneud hynny gyda pherthnasoedd sydd wedi'u hadeiladu ar ymddiriedaeth, undod ac ymrymuso, felly byddwn yn gofyn i chi rannu'r Weledigaeth honno hefyd. Edrychwch ar ein Gwefan, yn enwedig ein dogfennau allweddol o dan Amdanom Ni, a gweld a ydych chi'n rhannu ein Gweledigaeth a'n Gwerthoedd. Felly, beth sydd yno i beidio â’i hoffi! Edrychwch ar y pecyn briffio hwn i gael mwy o wybodaeth am y swydd. Os ydych chi'n teimlo mai hon yw'r swydd i chi, yna cysylltwch â Denise ein hymgynghorydd ac anfon eich cais i mewn. Mae Tai Gogledd Cymru eich angen chi i'n helpu ni i wneud gwahaniaeth! Diolch eto am eich diddordeb. Pob lwc, Brett Sadler Cyfarwyddwr Gweithrediadau


5

3. Dyddiadau allweddol

Dyddiad cau: 9yb, 9 Mawrth

Dyddiad y cyfweliad: Cam cyntaf: 16 Mawrth, Cam terfynol: I’w gadarnhau

4. Y Broses o wneud Cais I wneud cais, cyflwynwch eich CV (3 ochr A4 ar y mwyaf) a datganiad yn ymateb i'r 3 chwestiwn canlynol (cyfanswm o 2 ochr A4): 1. Pa sgiliau a phrofiad proffesiynol sydd gennych i’w rhoi i'r swydd 2. O'ch ymchwil, sut ydych chi'n teimlo y mae eich arddull arwain yn cyd-fynd â'n diwylliant a'n sefydliad 3. Beth yw eich cyflawniadau mwyaf sy'n berthnasol i'r swydd hon dros y 2 flynedd ddiwethaf E-bostiwch eich CV a'ch ymatebion at [email protected] gan nodi Teitl y Swydd fel testun eich e-bost erbyn 9yb ddydd Llun y 9fed o fis Mawrth 2020.

5. Hysbyseb swydd



6

6. Prif Fuddion Rydym yn cydnabod pwysigrwydd denu a chadw gweithlu o safon uchel, llawn cymhelliant a hapus lle mae eu cyfraniad yn cael ei werthfawrogi, ei barchu a'i wobrwyo. Felly rydym yn rhoi pwyslais mawr ar ddarparu telerau ac amodau cyflogaeth i'n staff - nid yn unig yr hyn sy'n mynd i'ch cyfrif banc bob mis, ond y profiad llawn o weithio gyda Tai Gogledd Cymru. Crynhoir yr elfennau allweddol isod (yn seiliedig ar oriau llawn amser - 35 awr fel arfer).

Trefniadau gweithio hyblyg

25 diwrnod o wyliau blynyddol â thâl wrth ymuno gan gynyddu un diwrnod y flwyddyn i uchafswm o 30 diwrnod - gyda 3 o'r diwrnodau hynny i'w cymryd adeg y Nadolig.

Gwyliau banc statudol (8)

Caniatâd i hanner diwrnod o wyliau gael ei ddyfarnu bob chwe mis, os na chymerir absenoldeb salwch

Ymrwymiad i faterion teulu-gyfeillgar gyda gwell tâl mamolaeth, tadolaeth a mabwysiadu

Pensiwn cyfrannol gyda'r Cynllun Pensiwn Tai Cymdeithasol

Cefnogaeth i bobl sy'n dymuno astudio ar gyfer cymwysterau proffesiynol cydnabyddedig perthnasol

Cefnogaeth i wella sgiliau yn y Gymraeg

Cyfraniad ariannol at danysgrifiadau aelodaeth broffesiynol lle bo hynny'n berthnasol

Tâl yn ystod cyfnodau o absenoldeb salwch hyd at uchafswm o 6 mis yn llawn a 6 mis hanner cyflog

Cynllun Arian Iechyd Am Ddim am gymorth gyda Optegol, Deintyddol, Sgrinio Iechyd, Ffisiotherapi, Osteopathi, Podiatreg / Trin Traed, Ceiropracteg, Aciwbigo, Homeopathi, Ymgynghoriadau a Sganiau ynghyd â sesiynau cwnsela wyneb yn wyneb a Gwasanaeth Cyfreithiol a Iechyd a Lles 24/7.

Aelodaeth Campfa Gorfforaethol (Cynghorau Lleol)

Ymrwymiad cryf i faterion iechyd a diogelwch gyda hyfforddiant a chyfleusterau priodol yn cael eu darparu

Cyhoeddir y wybodaeth hon fel canllaw i ymgeiswyr ac nid yw'r manylion yn rhan o'r amodau cyflogaeth. Rhoddir manylion llawn telerau ac amodau cyflogaeth y Gymdeithas i staff sy'n cael cynnig cyflogaeth. Yn gyffredinol, mae buddion staff rhan-amser ar sail pro rata. Os oes gennych unrhyw gwestiynau, dylech eu gofyn yn y cyfweliad.


7

7. Gwybodaeth am Tai Gogledd Cymru Cafodd Tai Gogledd Cymru ei sefydlu yn 1974 ac mae wedi bod yn darparu cartrefi a gwasanaethau am 45 mlynedd. Rydym yn gymdeithas tai lwyddiannus gyda thros 2,600 o gartrefi a chydag ymrwymiad llwyr i’r cymunedau ar draws y Gogledd. Rydym yn cyflogi hyd at 180 o bobl ac yn falch o fod yn dal achrediad Arian oddi wrth Buddsoddwyr mewn Pobl. Mae ein holl weithwyr cyflogedig yn gweithio i gyfres o werthoedd sydd gyda’i gilydd yn crynhoi beth yw cymeriad y sefydliad.

Rydym yn deall pa mor werthfawr a phwysig yw cartref da. Dyna le mae ein calon. Yn ogystal â chynnal y cartrefi sy’n bodoli’n barod, byddwn yn adeiladu rhai newydd gydol yr amser. Fel rhan o’n Cynllun Corfforaethol, mae gennym ymrwymiad i gael dros 200 o gartrefi newydd o ansawdd uchel erbyn 2021. Eleni, rydym wedi cwblhau datblygiad o 12 cartref ym Mae Colwyn a dechrau ar gynllun Gerddi Canada yng Nghaergybi, ac mae mwy i ddod. Fodd bynnag, rydym yn ymwneud gyda mwy nag adeiladau yn unig; rydym yn arwain y farchnad yn y rhanbarth hwn mewn meysydd hanfodol fel Tai â Chymorth, darparu llefydd byw a gwasanaethau i bobl fregus yn cynnwys y digartref, pobl â thrafferthion cyffuriau ac alcohol a helbulon iechyd meddwl. Mae rhoi llais i’n tenantiaid yn bwysig i ni, ac mae’n gyrru ymlaen beth fyddwn yn ei wneud ym mhob rhan o’r sefydliad. Mae gennym ymrwymiad trwy ein Cynllun Corfforaethol i gynyddu cyfleoedd ymgysylltu, ac mae hefyd Strategaeth Cyfranogiad Tenantiaid sy’n llunio sut y byddwn yn ymgysylltu. Byddwn yn ogystal yn gweithio ochr yn ochr gyda phreswylwyr a’n Panel Tenantiaid a Chymunedau, sy’n ein cynorthwyo i ddeall anghenion ein tenantiaid yn awr ac i’r dyfodol.

I gael gwybod mwy, ewch i wefan Tai Gogledd Cymru www.nwha.org.uk

Gallwch hefyd ddarllen ein Cynllun Corfforaethol a’r Adolygiad Blynyddol diweddaraf yma:

Cynllun Corfforaethol 2018 – 2021 https://www.nwha.org.uk/wp-

content/uploads/2017/11/Corporate-Plan-cy.pdf

Adolygiad Blynyddol 2018 – 2019 https://www.nwha.org.uk/wp-content/uploads/2019/09/NWH-Annual-review-Welsh-6-compressed.pdf

http://www.nwha.org.uk/https://www.nwha.org.uk/wp-content/uploads/2017/11/Corporate-Plan-cy.pdfhttps://www.nwha.org.uk/wp-content/uploads/2017/11/Corporate-Plan-cy.pdfhttps://www.nwha.org.uk/wp-content/uploads/2019/09/NWH-Annual-review-Welsh-6-compressed.pdfhttps://www.nwha.org.uk/wp-content/uploads/2019/09/NWH-Annual-review-Welsh-6-compressed.pdf


8

Ein Gwerthoedd

Yn ddiweddar mae'r Uwch Dîm Arweinyddiaeth (UDA) wedi gwneud gwaith yn ymwneud â diwylliant, ein pwyntiau gwerthu unigryw a'n hymddygiad arwain. Diwylliant Geiriau i ddisgrifio ein diwylliant: • Un Tȋm/sefydliad • Gofalgar • Gwneud gwahaniaeth • Uchelgeisiol • Cael eich gwerthfawrogi • Diogel • Cadarnhaol • Cyfle i gyfranogi • Yn gwrando • Cynhwysol • Tryloyw • Dilys • Yn falch i weithio yma


9

Pwyntiau gwerthu unigryw

Ar hyn o bryd 1) Tai â chymorth 2) Brand/enw 3) Ystwythder 4) Gwydnwch ariannol

Yn y dyfodol 1) Ffocws Cwsmeriaid 2) Cyflogwr gwych 3) Gwerth am arian 4) Pobl hŷn 5) Ansawdd/ safon y stoc

Ymddygiau arwain


10

8. Cwrdd a’r Tîm Gweithredol

Helena Kirk – Prif Weithredwr

Ymunodd Helena Kirk gyda Thai Gogledd Cymru fel Prif Weithredwr yn Hydref 2016. Mae Helena wedi gweithio yn y sector tai ers 1982, gan ennill profiad helaeth gydag awdurdodau lleol a chymdeithasau tai traddodiadol a rhai trosglwyddo stoc. Dechreuodd ei swyddi gydag un mewn gwasanaethau cwsmer rheng flaen ac maent wedi cynnwys pedair swydd Cyfarwyddwr gynharach yn Birmingham, Henffordd, Coventry a Swydd Lincoln. Cyn ymuno gyda Tai Gogledd Cymru roedd hi’n aelod o’r tîm Gweithredol ym Mhartneriaeth Tai Shoreline yn Grimsby am 6 mlynedd. Fe ymunodd hi gyda Phartneriaeth Tai Shoreline yn 2010, gan ddychwelyd i rôl gyda chyfrifoldeb uniongyrchol am wasanaethau cwsmer am 7 mlynedd yn gweithio mewn ymgynghoriaeth tai. Mae hi’n aelod o’r Sefydliad Tai Siartredig ac mae ganddi radd Meistr mewn Gweinyddu Busnes.

Brett Sadler – Cyfarwyddwr Gweithrediadau

Mae Brett Sadler wedi gweithio i Tai Gogledd Cymru am dros saith mlynedd, ac yn y sector tai am dros 18 mlynedd, mewn amrywiaeth o rolau uwch arweinyddiaeth, yn cynnwys Cyngor Sir y Fflint a Chyngor Bwrdeistref Sirol Conwy. Mae ganddo ddiddordeb mawr ym mhopeth digidol ac mewn sicrhau bod cwsmeriaid yn cael y lefelau uchaf o wasanaeth sydd ar gael. Mae Brett yn Aelod Corfforaethol o’r Sefydliad Tai Siartredig ac yn meddu ar Radd Anrhydedd mewn Hyfforddi a Mentora. Yn ddiweddar cwblhaodd MBA trwy’r Brifysgol Agored.

Jayne Owen – Cyfarwyddwr Cyllid ac Adnoddau

Mae Jayne yn gyfrifydd cymwysedig (CIPFA) gyda 30 mlynedd o brofiad yn y sector cyhoeddus, 5 mlynedd fel Trysorydd/Cyfarwyddwr Cyllid a chyn ymgymryd â’r swydd hon, bu Jayne yn cyflawni swydd Cyfarwyddwr Cyllid (Heddlu a Throsedd) ar gyfer Awdurdod Cyfun Manceinion Fwyaf. Roedd y swyddi blaenorol hyn yn cynnwys cymhlethdod sylweddol, gydag atebolrwydd dros gyllidebau gwerth miliynau o bunnoedd ynghyd â chynghori ar y defnydd o'r adnoddau hynny. Mae ei meysydd arbenigedd yn cynnwys rheoli trysorlys, cynllunio ariannol, archwilio, caffael, comisiynu, gwerth am arian,


11

trawsnewid sefydliadol a llywodraethu effeithiol. Cyn ymgymryd â’r swydd hon, bu Jayne yn gweithio fel Trysorydd i Gomisiynydd Heddlu a Throsedd Manceinion Fwyaf a chyn hynny swyddi amrywiol ar gyfer Cyngor Trafford. Mae hi'n cynnig ehangder o brofiad sy'n mynd y tu hwnt i'w harbenigedd ariannol yn enwedig, diwygio gwasanaethau cyhoeddus, gweithio mewn partneriaeth, strategaeth ystadau a rheoli perfformiad. Mae gyrfa Jayne wedi'i gwreiddio yn y sector cyhoeddus, gan ymboeni'n ddirfawr am rôl y sector cyhoeddus, gwirfoddol a mentrau cymdeithasol mewn cymdeithas.

9. Adroddiadau uniongyrchol

Cyfarwyddwr Cynorthwyol Cymunedau

Pennaeth Pobl Hŷn

Cydlynydd Cyfranogiad Tenantiaid

Pennaeth Tai â Chymorth

Arweinydd Tîm Tai

Arweinydd Tîm Gwasanaethau

Cwsmer


12

10. Manylebau Rôl Cyfarwyddwr Cynorthwyol Cymunedau

TEITL Y SWYDD Cyfarwyddwr Cynorthwyol Cymunedau

COD Y SWYDD

ADRAN Gweithrediadau ISADRAN(NAU) Cymunedau

YN ATEBOL I Cyfarwyddwr Gweithrediadau

YN GYFRIFOL AM

Arweinydd Tîm Gwasanaethau Cwsmeriaid Arweinydd Tîm Tai Pennaeth Pobl Hŷn Pennaeth Tai â Chymorth Cydlynydd Cyfranogiad Tenantiaid

PWRPAS Y SWYDD

Bydd y Cyfarwyddwr Cynorthwyol Cymunedau yn gyfrifol am ddarparu arweinyddiaeth a gweledigaeth i'r tîm Cymunedau. Gyda chyfrifoldeb am ystod o wasanaethau gan gynnwys rheoli tai, tai â chymorth, tai pobl hŷn, gwasanaethau cyswllt â chwsmeriaid, ymgysylltu â thenantiaid a datblygu cymunedol, bydd deilydd y swydd yn gyrru'r Gymdeithas tuag at gyflenwi gwasanaeth mwy blaengar sy'n canolbwyntio ar y cwsmer, gan sicrhau ei bod yn gweithredu fel gwasanaeth cystadleuol o safon. Bydd deilydd y swydd yn aelod o’r Uwch Dîm Arweinyddiaeth a disgwylir iddo/iddi gyfrannu at gyflawni amcanion y Gymdeithas ynghyd â hyrwyddo gwaith Tai Gogledd Cymru i randdeiliaid allanol ac asiantaethau partner ledled y rhanbarth.

ATEBOLRWYDD Datganiad o’r prif feysydd cyfrifoldeb

1. Darparu arweinyddiaeth ar draws yr adran Cymunedau, meithrin diwylliant blaengar ac agwedd

‘gallu-gwneud’ tuag at wasanaeth a pherfformiad. 2. Cynorthwyo'r Cyfarwyddwr Gweithrediadau i fonitro ac adolygu strwythurau ac arferion gwaith i

sicrhau bod perthnasoedd rhwng rheoli tai, tai â chymorth, tai pobl hŷn, gwasanaethau cyswllt cwsmeriaid a chyfranogiad tenantiaid yn cael eu cydlynu'n effeithiol.

3. Hyrwyddo ymgynghori, ymgysylltu a chyfranogiad tenantiaid yn unol â'r strategaeth gorfforaethol ehangach.

4. Cynorthwyo i ddatblygu proffilio tenantiaid a mewnwelediad er mwyn galluogi ‘teilwra’ gwasanaethau yn agosach at anghenion tenantiaid.

5. Cefnogi gweithrediad llwyddiannus y Panel Tenantiaid a Chymunedau. 6. Cydweithio gyda'r Cyfarwyddwr Gweithrediadau a’r Pennaeth Tai â Chymorth wrth ddarparu'r

gwasanaethau Tai â Chymorth, gan sicrhau ansawdd a chystadleurwydd. 7. Adolygu cyflwyno cynlluniau Cefnogi Pobl i wella gwasanaethau a chynyddu gwerth am arian;

datblygu mentrau busnes newydd. 8. Arwain ar wasanaethau Diogelu ar gyfer y Cymunedau. 9. Arwain a chynllunio gweithgareddau'r Tîm Gwasanaethau Cwsmeriaid i ddarparu safonau uchel o

wasanaeth a gofal i gwsmeriaid, gan ddarparu'r pwynt cyswllt cyntaf ar gyfer pob ymholiad gan gwsmeriaid yn effeithiol ac anelu at ddatrys mwyafrif yr ymholiadau ar y pwynt cyswllt cyntaf.

10. Adeiladu a chynnal perthnasoedd cryf ag awdurdodau lleol, Llywodraeth Cymru a sefydliadau partner eraill.


13

11. Cyfrannu at gynllunio ariannol, gan gynnwys: gosod cyllideb; rheolaeth effeithiol ar incwm a gwariant; gwerth am arian.

12. Rheoli ac adrodd ar berfformiad ar draws yr adran Cymunedau, gan weithredu i fynd i'r afael ag unrhyw bryderon. Delio'n effeithiol ag unrhyw gwynion a dderbynnir gan gwsmeriaid.

13. Rheoli'r tîm Cymunedau trwy recriwtio, hyfforddi a datblygu staff yn effeithiol; monitro a gwerthuso perfformiad, adolygu strwythurau i sicrhau cysondeb â gofynion gwasanaeth.

14. Cyfrannu at lunio a chyflawni'r Cynllun Corfforaethol; gweithredu argymhellion Archwilio Mewnol; asesu a rheoli risg; cynorthwyo i gyflawni Strategaeth Gynaliadwyedd y Gymdeithas.

15. Datblygu hyfforddi a hyfforddi'r Tîm Gwasanaethau Cwsmeriaid i gyflawni'r lefelau boddhad cwsmeriaid cyffredinol a bennwyd gan y Bwrdd. Cyfrannu at amcanion y Cynllun Corfforaethol ar wasanaethau cwsmeriaid a mynediad at wasanaethau.

16. Datblygu gwasanaethau i gefnogi tenantiaid sy'n dioddef ymddygiad gwrthgymdeithasol; dod o hyd i ffyrdd i alluogi tenantiaid i gynnal eu tenantiaethau yn effeithiol.

17. Dangos ein hymrwymiad cryf i'r cymunedau yr ydym yn gweithio ynddynt, trwy werthfawrogi adborth a chyfranogiad tenantiaid ac wrth gymryd agwedd gadarnhaol tuag at fentrau partneriaeth i wella cyfleoedd economaidd, cymdeithasol ac amgylcheddol.

18. Cynllunio a mesur canlyniadau gwasanaethau yn y dyfodol o safbwynt tenantiaid a defnyddwyr gwasanaeth; cynnwys tenantiaid a defnyddwyr gwasanaeth yn fwy effeithiol wrth gynllunio gwasanaethau ar lefel strategol; mynd i’r afael â chydraddoldeb ac amrywiaeth, gan sicrhau a dangos bod gwasanaethau’n cael eu darparu mewn ffordd deg.

19. Bod yn ymwybodol o bolisïau a gweithdrefnau allweddol y Gymdeithas, gan gynnwys cyfle cyfartal, ac iechyd a diogelwch ac arwain ar gydraddoldeb ac amrywiaeth i'r Gymdeithas.

Corfforaethol 1. Cyflawni’r uchod gan roi sylw dyledus i holl bolisïau a gweithdrefnau’r gymdeithas, yn cynnwys

iechyd a diogelwch, Gwastraff, Amgylcheddol, cyfle cyfartal, gwasanaethau cwsmeriaid a Chydraddoldeb ac Amrywiaeth.

2. Sicrhau cydymffurfiad â deddfwriaeth Diogelu Data ar bob adeg cynnal cyfrinachedd gwybodaeth yn ymwneud â staff, preswylwyr a TGC yn unol â'r Rheoliad Diogelu Data Cyffredinol 2018

3. Sefydlu, datblygu a chynnal perthynas waith effeithiol â’r holl gydweithwyr er mwyn sicrhau cyfraniad integredig at amcanion TGC.

4. Cydymffurfio â Chod Ymddygiad TGC drwy ymddwyn mewn modd proffesiynol a pharchus bob amser.

CYMWYSTERAU/PROFIAD/GWYBODAETH/SGILIAU Offer sydd eu hangen i wneud y gwaith

Hanfodol

1. Addysg i lefel gradd neu gymhwyster cyfatebol ac aelodaeth o CIH. 2. Arweinydd a model rôl ar gyfer staff - gan ysbrydoli eraill i fabwysiadu ymagwedd

hyblyg sy'n edrych i'r dyfodol. 3. Tystiolaeth o brofiad o weithio ar lefel uwch reoli. 4. Profiad o gyflenwi tai a gwasanaethau cysylltiedig. 5. Dealltwriaeth gadarn o gyfraith tai. 6. Sgiliau cynllunio ariannol a rheoli cyllideb da. 7. Ffocws cryf ar gwsmeriaid gyda sgiliau profedig wrth wella safonau gwasanaeth ar

draws ystod o gwsmeriaid a defnyddwyr gwasanaeth. 8. Y gallu i ddatblygu a chyflenwi polisïau a gweithdrefnau. 9. Sgiliau rhyngbersonol a chyfathrebu cryf.


14

10. Y gallu i adeiladu a rheoli perthnasoedd cydweithredol gydag ystod o randdeiliaid a sefydliadau contractio.

11. Yn hyfedr wrth ddefnyddio cynnyrch Microsoft Office neu debyg. 12. Sgiliau ysgrifennu adroddiadau a chyflwyno. 13. Rhaid bod â dealltwriaeth a gallu dangos parch tuag at natur a diwylliant

dwyieithog yr ardal y mae Tai Gogledd Cymru yn gweithredu ynddi a bydd yn ofynnol i siaradwyr di-gymraeg ymrwymo i ddysgu neu wella eu sgiliau yn y Gymraeg.

Dymunol 1. Hollol rugl yn y Gymraeg ac yn gwbl hyderus gyda'r Gymraeg yn ysgrifenedig.

CYMWYSEDDAU

Rhinweddau/ymddygiad personol y mae’n rhaid i ddeilydd y swydd feddu arnynt er mwyn llwyddo yn y swydd.

Cymwyseddau corfforaethol

Canolbwyntio ar y Cwsmer Byddwch eisiau darparu’r gwasanaeth gorau gallwch i’ch

cwsmeriaid, gan fod yn sensitif a chyson eich agwedd ar yr un pryd.

Sicrhau Canlyniadau o Safon

Byddwch yn gallu dangos eich bod yn gwneud eich gwaith yn dda ac yn cyflawni’r nodau rydych yn eu gosod i chi eich hun ac a osodir gan eraill. Byddwch wedi ymrwymo i gyflawni gwaith o safon a byddwch yn awyddus i wella’r hyn a wnewch.

Gwaith Tîm/Cyfathrebu

Byddwch yn cyfrannu hyd eithaf eich gallu fel aelod o unrhyw dîm. Byddwch yn dangos ymrwymiad a pharch bob amser. Byddwch yn ystyried anghenion a disgwyliadau pobl eraill ac yn cyfathrebu mor eglur ac effeithiol â phosib.

Ni all yr un disgrifiad swydd ymdrin â phob mater a all godi ar wahanol adegau o fewn y swydd. Er mwyn cynnal gwasanaethau effeithiol, efallai y bydd angen i chi gyflawni unrhyw dasg arall resymol, sy’n cyd-fynd yn fras a’r rhai sydd yn y ddogfen hon, yn unol â chais eich rheolwr llinell neu Gyfarwyddwr.

ENW DEILYDD Y SWYDD ENW’R RHEOLWR

LLOFNOD LLOFNOD

DYDDIAD DYDDIAD


15

11. Rhagor o wybodaeth Rydym yn gobeithio bod y pecyn hwn wedi rhoi digon o wybodaeth i chi amdanom ni. Os bydd gennych chi unrhyw gwestiynau, byddem yn hapus iawn i siarad gyda chi a’ch cynorthwyo mewn unrhyw ffordd y gallwn. Denise Kirkham, Distinctive People Tel: 07833 475669 or [email protected]. Y dyddiad cau ar gyfer y swydd hon yw 9yb, 9fed Mawrth 2020



16

www.nwha.org.uk

Facebook www.facebook.com/northwaleshousing Twitter www.twitter.com/northwalesha

LinkedIn www.linkedin.com/company/north-wales-housing
http://www.nwha.org.uk/https://www.facebook.com/northwaleshousinghttp://www.twitter.com/northwaleshahttp://www.linkedin.com/company/north-wales-housing

pecyn recriwtio - distinctive peopledistinctivepeople.co.uk/wp-content/uploads/2020/02/nwha... ·...

Documents