planomtale detaljplan bk9 - giske · bk9. eigarforhold arealet innanfor planområdet er privat...
TRANSCRIPT
Planomtale
Detaljplan BK9
PlanID: 2012006
Saksnr: 12/825
Revidert: 15.05.2020
Side 2
Innhald
Planomtale ................................................................ 1
Detaljplan BK9 ............................................................. 1
1. Hovudtrekk i planen ...................................................... 3
2. Dagens situasjon ........................................................ 3
3. Bakgrunn/mål med planen ................................................. 5
4. Planprosess og medverknad ................................................ 7
5. Planstatus og rammer for planområdet ......................................... 8
6. Planområdet – eksisterande situasjon ......................................... 10
7. Omtale av detaljplanen ................................................... 15
8. Konsekvensar av planen .................................................. 26
9. ROS (Risiko og sårbarheit) ................................................ 30
10. Plankart – nedskalert .................................................... 31
11. Føresegner ........................................................... 32
Side 3
1. Hovudtrekk i planen
Vidareføre gjeldande regulering for bustadformål, men med høgare utnytting og endra tilkomst, leggje
til rette for fortau langs del av fylkesveg 5958 (Valderøyvegen) og leggje til rette for vidareføring av
Valderøyløypa i strandsona.
2. Dagens situasjon
Side 4
Side 5
3. Bakgrunn/mål med planen
Lokalisering
Planområdet er lokalisert sør for Øysenteret på Valderøya, mellom fylkesveg 5958 (Valderøyvegen)
og strandsona.
Figur 1: Oversiktskart som syner planområdet sør på Valderøya, markert med blått areal og blå ring
Mål med planarbeidet
Formålet med planen er å:
Leggje til rette for høgare utnytting av regulert bustadområde
Sikre areal og opparbeiding av leikeareal
Sikre areal til fortau langs sørsida av Valderøyvegen
Leggje til rette for vidareføring av Valderøyløypa langs strandsona
Sikre tilkomst til VA-anlegg sør for planområdet
Side 6
Planarbeidet
OSE utfører planarbeidet for Giske kommune med å regulere/omregulere arealet for detaljplan
BK9.
Eigarforhold
Arealet innanfor planområdet er privat eigd, stripe langs fv. 5958 er offentleg areal. Sør for
planområdet er det bygg for VA som kommunen eig, som kommunen må ha jamleg tilkomst til.
Tidlegare vedtak i saka
Komité for tekniske saker vedtok oppstart av planarbeid for BK9 24.05.2012, sak KT-042/12.
15.11.2012 vart det gjort vedtak om å leggje plandokumenta til offentleg ettersyn, jamfør KT-116/12.
Plantype
Planen blir fremma som detaljregulering etter plan- og bygningslova § 12-3.
Kartgrunnlag
Kommunen sitt digitale basiskartet blir brukt som grunnlag til planen. Koordinatsystem er i UTM sone
32/Euref89. Uttrekk av kartdata vart gjort den 28.11.2018.
Plandata
Namnet på detaljplanen er BK9. Planen består av:
Plankart i målestokk 1:1000, målestokkrett ved utskrift i A3
Planomtale med føresegner og ROS-analyse
Sjekkliste ROS
Saksutgreiing med merknadsvurdering
Støyrapport
Side 7
4. Planprosess og medverknad
Varsel om oppstart
Varsel om oppstart vart sendt ut med brev av 30.05.2012 til offentleg mynde, fagetatar,
heimelshavarar og naboar til planområdet. Oppstart av planarbeid vart annonsert i Øy-Blikk
31.05.2012 og lagt ut på kommunen sine heimesider i tidsrommet 31.05.2012 – 02.07.2012.
Plandokumenta vart lagt ut til offentleg ettersyn i perioden 22.11.2012 – 10.01.2013.
Saksgong
- Varsel om oppstart – høyringsfrist 4 veker.
- Vurdering av innkomne merknadar, utarbeiding av framlegg til detaljplan med føresegner,
ROS-analyse og planomtale.
- Offentleg ettersyn av plandokument i minimum 6 veker.
- Vurdering av innkomne merknadar, revisjon av plandokument
- 2. gongs offentleg ettersyn av plandokument i minimum 6 veker
- Vurdering av innkomne merknadar, eventuell revidering av plandokument
- Detaljplanen blir vedteken av kommunestyret
- Klagefrist innan tre veker etter motteke vedtak/kunngjering av vedtak
Eigedomar innanfor planområdet
Etter matrikkelova skal ikkje kopling mellom namn, adresse og gnr./bnr. bli offentleggjort.
Eigedomane gnr./bnr. 185/1, 2, 3, 17, 48, 50, 51, 64, 67, 98, 99, 101, 192, 224 og 337 er heilt eller
delvis innanfor planområdet.
Medverknad
Plankontoret er i dialog med grunneigarane i og ved planområdet for avklaring. Planen har vore på
offentleg ettersyn.
Side 8
5. Planstatus og rammer for planområdet
Statlege rammer
Rikspolitiske retningslinjer for å styrke barn og unges interesser i planleggingen
Det blir regulert til bustadformål, det må sikrast uteopphalds- og leikeareal til nye
bustadar.
Statlige planretningslinjer for differensiert forvaltning av strandsonen langs sjøen
Planområdet ligg innanfor 100 metersbeltet til strandsona.
Regionale rammer
Både Fylkesmannen i Møre og Romsdal og Møre og Romsdal fylkeskommune har fokus på å leggje til
rette for god oppvekst for barn og unge.
Kommunale rammer
Samfunnsdelen
I samfunnsdelen er det gjennomgåande perspektiv at i alle planar og tiltak skal ein:
Fremje god folkehelse
Leggje til rette for universell utforming og tilgjenge for alle
Leggje til rette for god oppvekst for barn og unge
Ha fokus på energisparing og reinare miljø
Ha låg risiko og sårbarheit (ROS)
Arealdelen
I kommuneplanen sin arealdel 2018 - 2030 har området arealformål hovudsakleg bustadformål. Ved
planområdet er det sett av areal til veg, naust, friområde og kommunalteknisk anlegg. Bygd areal per
bustadtomt skal ikkje vere meir enn:
Inntil 30 % BYA for frittliggande einebustad, eventuelt med sekundærleilegheit inntil 40 m².
Inntil 35 % BYA for inntil 2 mannsbustad eller frittliggande einebustad med sekundærleilegheit
over 40 m².
Inntil 40 % BYA for konsentrert småhusbusetnad. I retningsline er det opna for blokk på
Valderhaugstrand, inntil 5 etasjar.
Gjeldande regulering
Planområdet ligg innanfor reguleringsplan Sentrumsplanen, planident 2006001, vedteken 09.05.2006.
Det er regulert til frittliggande og konsentrert bustad, veg, fortau og turveg.
Tilgrensande planar
Planområdet grensar til reguleringsplan Sentrumsplanen.
Leikeplassnorma
Giske kommune si Norm for leikeareal og friområde skal nyttast for å sikre tilstrekkeleg med areal og
leikeutstyr.
Side 9
Figur 2: Til vesntre: Utsnitt av kommuneplanen sin arealdel med plangrense over (blå stipla linje). Til
høgre: Utsnitt av gjeldande reguleringsplan med plangrense over (blå stipla linje).
Konsekvensutgreiing (KU)
Utbyggingsføremål skal avklarast på høgste plannivå, i dette tilfellet er det kommuneplanen sin
arealdel. Detaljreguleringa samsvarar med kommuneplanen sin arealdel, det er difor ikkje nødvendig
med konsekvensutgreiing i samband med denne reguleringa.
Reguleringa fører til små endringar av arealbruken og planen vil ikkje gje vesentlege verknadar verken
for miljø eller samfunn. Det vert konkludert med at det ikkje er krav om konsekvensutgreiing for
planen.
Side 10
6. Planområdet – eksisterande situasjon
Avgrensing av planområdet
Planområdet blir hovudsakleg avgrensa av formålsgrenser i gjeldande reguleringsplan og
eigedomsgrenser. Området blir avgrensa av fv. 5958 mot nord, mot vest er det småhusbusetnad, med
status som bevaringsområde, Løketunet. Mot sør grensar planområdet til regulert naustområde,
kommunalteknisk anlegg og friområde, mot aust er det regulert naust-/friområde.
Omtale av planområdet/dagens bruk
Området er hovudsakleg ubygd. Det står eit bustadhus om lag midt i planområdet og i austre del av
planområdet er det nyleg bygd bustadhus. Det er bygd veg om lag midt i planområdet ned til
kommunalteknisk anlegg (SpR1), som ligg utanfor planområdet. Fv. 5958 har relativt stor trafikk som
påverkar planområdet med støy. Det er ikkje noko spesielt utbyggingsmønster som ein må ta omsyn
til, anna enn at planområdet ligg inntil bustadføremål mot aust som har bevaringsstatus.
Planområdet ligg i tilknyting til strandsona, med utsikt mot sør - søraust. Terrenget fell relativt slakt
mot søraust. Det vil vere gode soltilhøve for området, ikkje spesielt utsett for vind.
Tilstøytane arealbruk
Planområdet ligg i utkanten av sentrumsområdet kring Øysenteret og rådhuset. Mot sør grensar det til
område som regulert til naust, kommunalteknisk anlegg og friområde, der er bygd nokre naust/rorbuer
og eit kommunalteknisk bygg. Mot vest ligg planområdet inntil regulert bevaringsområde – sikring av
gamal bygningsmasse. Mot nord går fv. 5958, med areal regulert til bustad, forretning og kontor. Det
er i dag butikk, service og bustadar i dette området. Mot aust er det regulert friområde og naust.
Utnytting
Etter tidlegare reguleringsplan er bustadtomtene innanfor planområdet regulert med utnyttingsgrad på
BYA 30 %, både frittliggande einebustad og konsentrert småhus. I føresegnene er det for formålet
konsentrert småhus opna for maksimal BYA på 35 %.
Området sin karakter
Med bygg frå ulike tidsepokar innanfor planområdet er det stor variasjon i bygningsmassen. Også
kring planområdet er det stor variasjon i bygningsmassen. Planområdet er ope og strandnært.
Landskap
Planområdet ligg i eit ope, flatt terreng med sidehelling mot sjøen. Terrenget er høgast mot nord, og
fell med om lag 5 - 6 m mot sjøen i sør.
Rekreasjonsverdi/bruk
I barnetrakk er det registrert mykje aktivitet ved planområdet. Barnehagen nyttar strandsona som
uteområde og for ferdsel, med tilkomst gjennom planområdet. Fortau på nordsida av fv. 5958 blir
nytta som turveg. Det er ikkje registrert anna enn sporadisk bruk av området for andre.
Kulturminne og kulturmiljø
Det er ikkje registrert automatisk freda kulturminne innanfor planområdet. Sør for planområdet i sjøen
ligg det automatisk freda kulturminne, ID 116107-1. Lokaliteten er oppført som skipsfunn; ballastrøys
truleg frå 1700 – tidleg 1800 – tal.
Aust for planområdet ligg automatisk freda kulturminne, ID 226754-1. Lokaliteten er oppført som
ankringsplass; åbordar, datering ukjent.
Side 11
Vest for planområdet ligg det eit område som er verna etter plan- og bygningslova gjennom vedtak av
reguleringsplan Sentrumsplanen 09.05.2006, ID 226871-1. Lokaliteten er oppført som gardstun;
kulturmiljø med fleire element, handelsstad, fyrlykt og prestebustad. Fleira av bygga innanfor området
er i SEFRAK registeret.
Figur 3: Oversikt over kulturminne i og ved planområdet. Rune R syner automatisk freda kulturminne,
skravur vest forr planområdet er område verna etter pbl; Løketunet, sravur i nordaust er regionalt
verneverdige ankerplass, åbord. Kjelde Askeladden.
Trafikk
Fylkesveg 5958 ligg som nordleg avgrensing av planområdet. Det vart i 2017 gjort registreringar for
trafikkmengd, med ÅDT på 1740 køyretøy. Fartsgrense er 50 km/t. Det er to avkøyrsler til
planområdet (sør), og ei avkøyrsel mot nord i kvar ende av planområdet. Det er registrert 5 ulykker på
fylkesvegen, 4 lettare skadd og ein alvorleg skadd. Ulykkene har skjedd i tidsrommet 1978 – 1993.
Statens vegvesen har utarbeidd støykart der gul støysone ligg om lag 17 m inn i planområdet langs
fylkesvegen.
.
Figur 4: Oversikt over ulykkespunkt ved planområdet, det er registrert 5 ulykker nord for planområdet,
markert med blå punkt. Kjelde Statens vegvesen.
Side 12
Naturverdiar
Etter sjekk i Naturbase er det ikkje registrert heilskapleg kulturlandskap, utvalde naturtypar eller
liknande i eller ved planområdet. Etter sjekk i Artsdatabanken er det ikkje registrert artar som er
raudlista, kritisk truga, sårbare eller svartelista i eller ved planområdet.
Landbruk
Innanfor planområdet er det i Gårdskart registrert at delar av arealet er fulldyrka. Arealet innanfor
planområdet har ikkje vorte nytta til landbruksformål på lange tider, og har vore omdisponert til
utbygging i overordna arealplanar.
Barn sine interesser
Det er ikkje opparbeidd leikeplassar eller sikra areal til leikeplassar i eller ved planområdet. I
føresegnene til reguleringsplan Sentrumsplanen er det krav om opparbeiding av nærleikeplassar på
minst 100 m² for areal sett av til bustadar, konsentrert. Sør for planområdet langs sjøen er det regulert
inn friområde på om lag 400 m², men det er ikkje opparbeidd. I barnetrakk for barnehagane er det
registrert mykje av bruk av området ved planområdet, hovudsakleg av barnehagane i nærområdet.
Næraste barnehagen nordvest for planområdet har flytta, truleg blir det mindre bruk ved planområdet
av den grunn. Barnetrakkregistreringane for skuleelevar (Figur 5) syner at vegen Løkegarden er nytta
som tilkomst til strandsona. Sør for planområdet er det sett av areal til generelle friområde, Fr2. I
føresegnene til Fr2 skal området fungere som rekreasjonsområde og grøn opning mellom naustområde
langs sjøen.
Figur 5: Barnetråkkregstreringar gjennomført i 2015 for barnehagane. Planområdet er antyda med blå
sirkel. Kjelde Giske kommune.
Universell utforming
Planområdet har sidehelling med høgdeforskjell på rundt 5 – 6 m, med ei breidd på om lag 40 m i
fallet si retning, noko som kan gjere at det blir utfordrande med å få til gode løysingar for universell
utforming utan terrenginngrep for uteområda.
Side 13
Teknisk infrastruktur
Vegar er delvis bygd innanfor planområdet. Det er god kapasitet for vatn, også for sløkkjevatn og det
går avløpsleidning til sjø om lag midt i planområdet. Det er ført fram VA-leidningar til BFS_1 frå
området ved SpR1.
Figur 6: Oversikt over VA-leidningar i og ved planområdet. Blå linje er vatn, svart linje er overflatevatn
og grøn linje er svartvatn.
Grunnforhold
Planområdet ligg under marin grense og lausmassane består av marin strandavsetning. I samband med
utbygging i nærområdet er det ikkje registrert utfordringar med grunnen knytt til marin
strandavsetning.
Figur 7: Oversikt over lausmasse i og ved planområdet, marin grense synt med blå stipla linje øvst til
venstre. Planområdet er antyda med kvit sirkel. Kjelde NGU.
Side 14
Forureining
I Gislink er det registrert forureining i og ved planområdet:
Avløp
Om lag midt i planområdet er det avløp til sjø, utan reinsing.
Vegstøy
Fylkesvegen har ÅDT på 1810 (år: 2018) køyretøy, som generer vegstøy. Statens vegvesen har
gjennomført støyvurdering langs fylkesvegen, der gul støysone går minst 17 m inn i planområdet.
Figur 8: Gul sone for vegstøy langs Valderøyvegen, og kloakkutslepp til sjø. Blå stipla linje syner
planområdet. Kjelde GisLink.
Næring
Det er ikkje næringsverksemd innanfor for planområdet. Vest for planområdet er det utleige av rorbu,
nord for planområdet i gangavstand er det butikkar og serviceverksemd.
Analyser og utgreiingar
Det er utført ein støyutredning av Brekke & Strand Akustikk AS, og det er sett avbøtande krav for
støyfølsam bruk innanfor gul støysone.
Side 15
7. Omtale av detaljplanen
Planlagt arealbruk
Det blir lagt opp til vidareføring av arealbruken, men med høgare utnytting for bustadar og ny
vegløysing til planområdet. Det blir regulert inn tilstrekkeleg med leikeareal, med ein tilkomst til fv.
5958, fortau langs delar av sørsida for fv. 5958 og vegtilkomst til naustareala.
Plangrense
Plangrensa er revidert i høve den grensa som vart sendt ut ved varsling om oppstart og 1. gongs
offentleg ettersyn. Berre ein liten del av gnr./bnr. 185/1 var med i plandokumenta til 1. gongs offentleg
ettersyn, etter tilbakemelding frå grunneigar. I tillegg vart plangrensa justert mot nord inntil regulert
fylkesveg, for å kunne regulere inn fortau sør for vegen. Plangrensa vart og endra mellom gnr./bnr.
185/17 og 99, vegen er retta ut, det er regulert til fritidsbusetnad for å få regulert inn ny byggjegrense.
Figur 9: Oversikt over plangrense ved ulike stadiar i planprosessen; grøn linje - varsel oppstart, svart
linje - 1. gongs offentleg ettersyn og blå linje - 2. gongs offentleg ettersyn.
Til 2. gongs offentleg ettersyn er plangrensa nesten i samsvar med plangrense som det vart varsla
oppstart for, den er redusert litt mot aust. I høve 1. gongs offentleg ettersyn er plangrensa mot aust
utvida til å femne om heile det arealet som er regulert til bustad, og grensa er justert mot sør i området
mellom gnr./bnr. 185/17 og 99.
Grad av utnytting
Berekning av utnytting, møne- og gesimshøgd skal skje i samsvar med H-2300B Grad av utnytting
eller nyare versjon. Denne gjev også føringar for type bustadar som skal nyttast innanfor del av
planområdet.
Utnyttingsgrad (BYA)
Mot vest blir det regulert inn ei tomt til frittliggande einebustad, med BYA på inntil 35 %. Det blir i
føresegnene opna for 2 bueiningar på denne tomta.
Side 16
For resterande bustadområde i planen blir det regulert til blokk, med utnytting inntil 50 % BYA.
Argumentasjon for så høg utnytting er at området ligg sentralt på Valderøya, i gåavstand til viktige
funksjonar som butikk, kollektivtrase, skule og servicefunksjonar. I tillegg ligg det inntil område som
er regulert med høg utnytting, inntil 60 %, for blant anna bustad. For formålet BBB_# blir det mellom
anna sett krav til:
MUA (minste uteopphalds areal)
Opparbeiding av leikeareal
Utforming av bygg på grunn av støy
Byggjehøgde/takform
Det blir regulert med ulik høgde i planområdet. For BFS_1 blir det lagt opp til gesims- og mønehøgd
på høvesvis 7,5 m og 8,5 m. For BBB_# blir det regulert med maksimal gesimshøgd på inntil kote
16,5 m. Det er opna for at eventuelle tekniske installasjonar (heis, ventilasjon m.m.) kan byggjast
høgare, inntil kote 18,5 m, trekt inn på tak. Kote 16,5 vil vere om lag 1 m over dagens einebustad som
står på gnr./bnr. 185/67 og 101. Fylkesvegen ligg på kote 8,8 m ved austleg avkøyrsel til planområdet.
For BFS_1 blir det ikkje sett krav til takform, medan for BBB_# skal det vere flatt tak.
Figur 10: Gjeldande regulleringsplan med detaljplan BK9 over, blå stipla linje syner planavgrensing for
BK9.
Biloppstillingsplassar
Det er sett krav om to biloppstillingsplassar per bueining. Overflateparkering skal reknast med
minimum 18 m² per plass, der minst ein oppstillingsplass skal kunne byggjast tak over.
For BBB_# skal det i tillegg settast av biloppstillingsplassar til gjesteparkering, ein biloppstillingsplass
for kvar tredje bueining.
Side 17
Eigarskap
Enkelte formål har prefiks framføre namnet på formålet. Dette syner kva eigarform det er regulert til.
Prefiks o er offentleg eige (kommunen), prefiks f er felles eige. For formål utan prefiks tek ikkje
planen stilling til kven eigar skal vere.
Oversikt reguleringsformål
Tabell 1: Arealoversikt reguleringsformål:
Frittliggande småhus - BFS
Det er relativt nyleg bygd nytt bustadhus innanfor formålet. Det blir regulert med utnytting inntil 35 %
BYA, og opna for maksimalt 2 bueiningar. BFS blir regulert med maksimal gesimshøgd inntil 7,5 m
og maksimal mønehøgd inntil 8,5 m, målt frå gjennomsnittleg planert terreng. Dagens tilkomst til fv.
5958 blir endra, direkte tilkomst til fv. 5958 blir regulert vekk og avkøyrsle via o_V_1 lenger mot aust
må nyttast når denne vegen er ferdig opparbeidd.
Blokk - BBB
Planen er av mindre omfang, men legg opp til høg utnytting med lågblokk. Mot vest er det bygd og
regulert inn einebustad, som vil fungere som buffer mot verna bygningsmiljø vest for planområdet.
Avkøyring til fv. 5958 blir lagt midt i planområdet, og vil vere med å dele opp byggjeområda for
blokkene.
Nord for planområdet er det i dag regulert til føremåla bustad, forretning og kontor, med ei
byggjehøgd til kote 22 m, med maksimal mønehøgd på 12 m.
Planområdet ligg hovudsakleg mellom kote 3 – 8 m. Det er ønskeleg å leggje til rette for ei
byggjehøgde med inntil fire etasjar, med parkeringskjellar i bakkant, som vil vere delvis nedgraven.
Det blir sett ein maksimal gesims kote 16,5 m for BBB-områda, men det er opna for at tekniske
installasjonar (heis, ventilasjon m.m.) kan byggjast til kote 18,5 m, trekt inn på tak. Kotehøgd
Side 18
fylkesveg ligg på rundt kote 9 m. Med kotehøgde 16,5 m vil del av bygg rage om lag 7,5 m over
fylkesvegen. I føresegnene til denne planen er det sett krav om flatt tak for BBB-formåla.
For å hindre at utbygginga vil bli massiv er det sett krav om at det skal vere frittståande lågblokker,
med avstand mellom kvar frittståande blokk på minst 8 m. Dette vil opne opp mellom bygg innanfor
kvart formålsområde, og sikre kontakt med sjøen frå fv. 5958. Saman med tilkomstvegen (o_V_1) vil
ein då få siktliner til/frå sjø. For BBB_1 kan det førast opp inntil 4 frittståande bustadblokker, for
BBB_2 kan det førast opp inntil 4 fristtåande bustadblokker.
Det blir i planen sett krav om MUA (minste uteopphaldsareal) på minst 50 m², per bueining, der minst
10 m² skal vere privat/skjerma, jamfør arealdelen. Heile eller delar av ikkje overbygd del av
terrassar og takterrassar kan reknast som uteopphaldsareal. I samband med byggjeløyve skal det
dokumenterast at det er gode kvalitetar på uteopphaldsareal for mellom anna støy, sol, utsikt, vind
og innsyn.
For støy blir det sett krav til avbøtande tiltak, som føresegn til omsynssone støy under:
- Alle bueiningar skal vere gjennomgåande og ha stille side.
- Minst 50 % av rom til støyfølsam bruk i kvar bueining skal ha vindauge mot stille side. Minst
eit soverom skal liggje mot stille side.
- Alle bueiningar der rom til støyfølsam bruk berre har vindu til støyutsett side skal ha balansert
ventilasjon der luftinntak skal plasserast bort frå mest støyutsatt veg.
- Støykrav for uteopphaldsareal skal vere tilfredsstilt (Lden 55dB).
Bustadar skal ha rominndeling og plassering som gjer at desse krava blir halde. Døme på slik
rominndeling er vist i illustrasjonsskisse (Figur 12). Prinsipp som går fram av illustrasjonsskissene
skal følgast.
Figur 11: Snitt av blokk ved BBB_1, med høgde og kringliggande bygg. Eksisterande hus er synt med blå
stipla linje. Gul linje viser kor langt gul støysona strekker seg inn i BBB1.
Side 19
Figur 12: Utsnitt av Illustrasjonsskisse plan som viser døme på rominndeling.
Det er lagt opp til parkeringskjellar under delar av blokkene for dei som bur i blokkene.
Gjesteparkering, 5 for kvart formålsområde, er plassert mellom blokker og fylkesvegen.
For alle lågblokkene blir det sett krav om heis, slik at alle bueiningane blir tilgjengelege etter TEK17,
med alle hovudfunksjonar på inngangsplanet. Tilkomst til heis skal vere universell utforma frå
biloppstillingsplass.
Bustader skal ikkje byggast med topp golv lavare enn kote 3,5 m. Bustader ligg i følge TEK17 §7-2 i
sikkerheitsklasse F2 – middels konsekvens – største nominelle årlege sannsynlegheit er 1/200.
Utrekning basert på DSB sin veileder «Havnivåstigning og stormflo – samfunnssikkehet i kommunal
planlegging»:
I vedlegg tabell 6 går det fram, for Giske kommune-Valderhaugstranda, at returnivå
stormflo ved 200-års hendelse er 1,88 m og havnivåstigning med klimapåslag er 0,76
m. Det er nytta 3 cm i fråtrekk, verdien for Ålesund kommune, som justering for
kartgrunnlag NN54 (tabell 18 s. 45 i DSB sin veileder for stormflo).
200-års hendelse: + 1,88 m
Havnivåforskjell: + 0,76 m
Justering for kartgrunnlag: - 0,03 m
Anslått bølgehøgde (lokalt påslag): + 0,80 m
= 3,41 m ≈ 3,5
Side 20
Andre bygg og konstruksjonar skal byggjast med topp golv på kote 3,1 m (NN2000). Dersom det blir
bygd lågare, skal dei tole å bli overflaumd av sjøvatn. Bygg og konstruksjonar med topp golv på kote
3,5 m og lågare skal dimensjonerast for å tole bølgjer ved stormflo og havnivåstigning.
Figur 13: Illustrasjon frå nord som syner mogleg utbygging av BBB_1.
Nord for fylkesveg 5958 er det regulert inn kombinasjonsformål bustad, forretning og kontor, med
maksimal mønehøgd på 12 m/kote 22 m. Det er ikkje sett krav til takform, men det er regulert med
høg utnytting, inntil 60 % BYA. Utnytting og delvis arealformål vil nokså likt i området.
Det blir i føresegnene sett maksimalt tal bueiningar som kan førast opp innanfor BBB-områda på inntil
28 bueiningar. Fordeling av bueiningar mellom BBB_1 og BBB_2 bør avklarast før det blir søkt
rammeløyve.
Jamfør arealdelen skal det setjast av sykkelparkering for blokk, 1- 3 plassar per bueining, med minst 2
m² per plass. I føresegnene blir det sett krav om minst 1 sykkeloppstillingsplass per bueining.
Figur 14: Illustrasjon frå sørvest som syner mogleg utbygging av BBB_1.
Uthus/naust
På grunn av plantekniske høve er det teke med ei lita stripe med formål naust sør for f_SV_1.
Føresegnene for reguleringsplan sør for planområdet vert nytta for dette området.
Leikeplass - BLK
Det blir regulert inn leikeareal på om lag 1 daa, i tillegg er det sett av 0,43 daa med friområde (Fr2) sør
for BBB_2. Det er i tillegg kort veg til strandsone og friområde aust for planområdet. Leikeplassane
blir regulert som nærleikeplass, som i hovudsak skal betene areal sett av til lågblokk. Det blir i
føresegnene sett følgjande krav:
Minste krav til leikeutstyr er sandkasse, huske, klatrekonstruksjon og piknikbenk for vaksne.
Krav i føresegnene om at leikeplass f_BLK_1 og 2 skal vere ferdig opparbeidd med
leikeutstyr før det kan bli gjeve bruksløyve for nye bueiningar på høvesvis BBB_2 og BBB_1.
I tillegg blir det sett krav om at halve Fr2 skal vere opparbeidd før siste halvdelen av BBB_1
kan få bruksløyve, resten av Fr2 skal vere opparbeidd før siste halvdelen av BBB_2 kan få
bruksløyve.
Side 21
Leikeplassane blir regulert som felles for dei eigedomane som naturleg soknar til desse, formål
BBB_#.
For leikeplassane (f_BLK_#) skal opparbeidast fysisk stengsle mot veg for å hindre at barn
spring ut i vegen.
Fr2 skal opparbeidast med klatrestativ, huske og picnicbenkar for vaksne.
I tillegg er det i føresegnene opna for at del av leikearealet/Fr2 kan leggjast til rette som møteplass,
med grillutstyr eller liknande, for å leggje til rette som møteplass på tvers av generasjonar.
Leikeplassnorma set krav om minst 50 m² er bueining. Med 28 bueiningar er det behov for 1 400 m²
leikeareal. Leikeareal som det er krav om å opparbeide i føresegnene er på om lag 1 400 m². Alt
leikeareal ligg sørvendt og vil ha gode solforhold. Regulert leikeareal i planen er plassert i område
som er slakt og ligg utanfor gul støysone.
Veg – SV
Regulert ny hovudtilkomst (o_V_1) blir regulert med 5 m breidde, inklusiv skulder på 0,5 m. Arm mot
vest (o_SV_3) blir regulert med vegbreidde 4,5 m, inklusiv skulder på 0,5 m. Veg mot aust (o_SV_2)
blir regulert med vegbreidde 4 m, inklusiv skulder. Vegane er oversiktleg og korte, lengste ny veg er
mot vest, som er i overkant av 100 m. Eksisterande veg i vest, Løkegarden, blir regulert som bygd og
regulert som felles veg for gnr./bnr. 185/3, 48, 98, 192 og 279. For vegen Løkegarden blir avkøyrsel
direkte til fylkesvegen regulert vekk med fortau, med rekkjefølgjeføresegen knytt
bruksløyve/ferdigattest for BBB-områda.
Fortau - SF
Langs fylkesvegen blir det regulert fortau til avkøyrsle o_VT_1, for å sikre trygg ferdsel frå
planområdet. Fortau er vidareføring av regulert fortau frå vest. Fortau blir regulert med breidd 3 m, 0,5
m breiare enn regulert fortau vest for planområdet. Det blir knytt rekkjefølgjekrav om opparbeiding av
fortau; før det kan bli gjeve bruksløyve for bueiningar for BBB-områda skal fortau vere opparbeidd.
Annan veggrunn
Langs vegar og fortau blir det regulert annan veggrunn. Arealet kan nyttast til skjering, støttemur,
Side 22
grøft, tekniske installasjonar (lys m.m.), snølager m.m. Langs offentlege vegar er det regulert 2 m
sideareal, for felles (privat) veg er det regulert 1 m sideareal.
Omsynssone
Frisikt
I område ved kryss/avkøyrsler er det lagt restriksjonar på høgde for å hindre at sikta blir redusert,
synt med frisikt sone. Innanfor sona skal det vere fri sikt frå 0,5 m over vegplanet til fv. 5958.
Høgstamma tre, trafikkskilt og lysmaster kan plasserast innanfor frisiktsonene.
Støy Gul støysone dekkjer delar av areal sett av til bustadformål, synt med omsynssone H_220. Innanfor
H_220 er det ikkje høve til å føre opp støyfølsame bruksformål som til dømes bustadar, utan
avbøtande tiltak. Avbøtande tiltak i føresegnene for bustad innanfor omsynssona er:
- Alle bueiningar skal vere gjennomgåande og ha stille side
- Minst 50 % av rom for støyfølsam bruk i kvar bueining skal ha vindauge mot stille side. Minst
eit soverom skal liggje mot stille side
- Vindauge mot vest og aust nytta til støyfølsam bruk skal vere hengsla mot nord, slik at dei
opnar mot sør
- Privat uteopphaldsareal skal ha støy under Lden55 dB og i nattperioden ( kl. 23 – 07) vere
under L5AF 70 dB
Alle bustadane skal ha uteareal mot stille side av bygningane, der vegstøy frå fylkesvegen vil vere
under grenseverdien. Støyande side vil vere mot nord, som vil vere lite aktuelt som uteområde. I figur
11 på side 18 kan ein sjå døme på plassering av lågblokk. Figur 12 på side 19 viser døme på
romløysing som stettar krava om stille side slik det går fram av føresegnene §6.
Byggjegrense
Det skal ikkje byggjast bustadar utanfor regulert byggjegrense. Det kan byggjast garasje/uthus/bod
utanfor byggjegrensa dersom det ikkje kjem i konflikt med trafikktryggleik.
Busetnad føreset fjerna
Eksisterande hus innanfor BBB_1 kjem i konflikt med regulert formål (blokk) og er med juridisk line
Busetnad føreset fjerna regulert vekk.
Endring frå 1. gongs offentleg ettersyn
Det er gjort fleire endringar frå plankartet etter 1. gongs offentleg ettersyn. Dei viktigaste endringane
er:
Regulert med ein tilkomst til fv. 5958, avkøyrsel om lag midt i planområdet, o_SV_1
Hovudvegen er utvida til 5 m breidde
Areal til bustadblokk er utvida
Det er regulert inn meir leikeareal
Gang- og sykkelveg i strandsona er erstatta med veg
Utbygging
For BBB_1 er det lagt opp til stegvis utbygging, byrjar vest i formålet og byggjer ut austover, slik at
eksisterande hus kan stå lengst mogleg. Det er ikkje konkrete planar for utbygging av BBB_2.
Side 23
Figur 15: Plankart til 1. gongs offentleg ettersyn.
Ny busetnad
I kommuneplanen sin samfunnsdel er det lagt opp til utnyttingsgrad på inntil 50 % BYA for blokk, i
arealdelen er det ikkje lagt føringar for utnytting for bustadblokk. Planområdet er i dag nesten ikkje
bygd ut, det står eit hus innafor planområdet i dag, det skal rivast før utbygging av området til
blokkbusetnad. I plankartet er huset regulert vekk.
Som i gjeldande plan blir det regulert frittliggande einebustad vest i planområdet, med moglegheit for
byggje tomannsbustad. Dette området vil vere buffersone mot bevaringsområdet vest for planområdet,
slik at det ikkje kan byggjast blokker inntil bevaringsområdet.
Tal bueiningar innafor BBB vil truleg verte mellom 26 - 28 bueiningar. I føresegnene er det sett eit tak
på maksimalt 28 bueiningar innafor BBB-formålet, for å sikre tilstrekkeleg med leikeareal.
I samband med at området rundt rådhuset er definert som kommunesenter er det ønskeleg å utvikle
bustadar med høg utnytting knytt til dette området. Det vil difor vere naturleg at ny busetnad i
nærleiken får ei høgare utnytting enn frittliggande eller konsentrert småhus busetnad. Det er i dag
ubygd areal både aust og vest for rådhuset som det kan vere aktuelt med høg utnytting.
Bustadhus skal plasserast innafor byggjegrense vist i plankartet. Det vert stilt krav om illustrasjonsplan
og snitt i samband med byggjeløyve.
Det blir synt til pbl § 29-5 vedkommande prosjektering og utføring av tiltak for å oppfylle krav til
tryggleik, helse, miljø og energi, og vern av liv og materielle verdiar.
Trafikk
Planen legg ikkje opp til ny avkøyrsle til fv. 5958 (Valderøyvegen), dagens tilkomst til gnr./bnr.
185/101 og VA-anlegg blir vidareført. Dagens avkøyrsle vest i planområdet (Løkegarden) blir stengt
med å regulere den som del av fortau. Regulert tilkomst i tidlegare plan blir regulert vekk og erstatta
med ny felles avkøyrsle lenger vekk frå tilstøytane kryss; kryss fv.5958 med Løkevegen og med
Pettervegen. Ny avkøyrsle vil betene om lag 32 bueiningar, ei rorbu og eit ukjent tal naust som
tilstøytane reguleringsplan mot sør legg opp til.
Side 24
Det er lagt inn rekkjefølgjeføresegn for utbygging av o_SV_1 og o_SV_3, for å sikre at eksisterande
busetnad vest i/for planområdet har tilkomst til fylkesvegen, knytt til bruksløyve/ferdigattest for BBB-
områda. Det blir også lagt inn rekkjefølgjeføresegn for å stenge Løkegarden, også knytt til
bruksløyve/ferdigattest for BBB-områda.
Løkegarden blir omregulert til felles veg (f_SV_1) for dei som grensar til og brukar denne vegen som
avkøyrsle til fylkesvegen. Formålsområde BFS_1 skal ha tilkomst til denne.
På grunn av høg utnytting av bustadar innafor planområdet med meir mjuk ferdsel, må det regulerast
fortau langs fv. 5958 for å sikre mjuke trafikantar til å frå bustadområdet.
Det blir lagt opp til maksimalt 28 nye bueiningar innanfor planområdet. Dette vil kunne gje trafikk til
fylkesvegen frå/til planområdet på kring 55 bilar per dag. Vegane innanfor planområdet er oversiktleg
og korte, avkøyrsle til fylkesvegen er oversiktleg med relativt låg fartsgrense. Det er i tillegg kort veg
til busshaldeplass og relativt høg frekvens av bussar, difor blir truleg tal daglege trafikkrørsler mindre
enn antyda over.
VA (vatn og avløp)
Det er lagt godt til rette for tilknyting til VA for planområdet, det er ført fram VA-leidningar med
tilstrekkeleg kapasitet ved SpR1 vest for planområdet. Utbyggar må lage til teknisk plan som viser
korleis overvatn, VA og sløkkjevatn blir handtert i samband med byggjesøknad. Det vil vere aktuelt
med kommunale VA-leidningar for utbygging av planområdet. I samband med rammeløyve bør det
utarbeidast forprosjekt for VA.
Universell utforming/tilgjenge etter TEK17
Krav til universell utforming må liggje til grunn for utforming av veg, fortau, GS og offentlege
områder, jamfør Rundskriv T-5/99 B ”Tilgjengelighet for alle”.
Side 25
Det vert sett krav i føresegnene om at minst 60 % bueiningane skal vere lagt til rette som tilgjengelege
bueiningar etter TEK17, med alle hovudfunksjonar på inngangsplanet, jamfør føresegnene til
arealdelen. I praksis vert nesten alle bueiningane tilgjengelege etter TEK17, då det vert lagt opp til
lågblokk for største delen av planområdet.
Frå biloppstillingsplass til husvære (inngangsparti) skal det vere universelt utforma tilkomst, jamfør
TEK17 § 8-5.
Kulturminne og kulturlandskap
Planen legg ikkje nokon spesielle føringar for verken automatisk freda kulturminne eller nyare tids
kulturminne. Det kan vere potensial for funn i området, det blir difor lagt inn i føresegnene kva som
skal gjerast ved eventuelt funn; Dersom ein ved arbeid i grunnen finn noko som kan vere eit
automatisk freda kulturminne, pliktar ein å stogge arbeidet og kontakte kulturavdelinga hjå
fylkeskommunen for avklaring, jamfør kulturminnelova § 8 andre ledd.
Figur 16: Del av Sentrumsplanen med bevaringsområde (Svart skravur) med detaljplan BK9 med blå
linjer. Liten del av bevaringsområdet blir regulert til veggrunn til høgre, medan veggrunn i
Sentrumsplanen blir regulert til bevaringsområde midt i biletet, markert med sirklar. Vest for turvegen
blir det regulert annan veggrunn av bustadføremål.
Friluftsliv
Området er lite bruka til friluftsliv utover barnehagane sin bruk. Reguleringa vil auke samanhengande
regulert turveg (Valderøyløypa) frå vest med offentleg veg til austgrensa av planområdet, der det i
kommuneplanen sin arealdel er lagt inn tursti vidare. Strandsona blir lettare tilgjengeleg med offentleg
veg.
Barn og unge
Det er ikkje etablert leikeområde i nærområdet til regulert bustadområde i gjeldande plan, men det er
tilknytt to friområde. Eit ligg sør for planen, langs strandsona (Fr2) og eit området aust for
planområdet (Fr1). I planen blir det regulert to areal leikeareal, knytt opp til areal sett av til
bustadblokk. Leikeområdet er på til saman om lag 1 daa. Saman med regulert friområde utanfor
planområdet (Fr2), vil dette stette arealkrav etter Norm for leikeareal i Giske kommune. Leikeplassane
har avskjerma plassering, med gode solforhold. Arealet blir regulert til felles leikeplass for
bueiningane i området. Planen stiller krav om at leikeplassen skal ferdigstillast før det blir gjeve
Side 26
bruksløyve/ferdigattest for blokkbusetnaden. Planen stiller også krav om at delar av leikeplassen skal
bli opparbeidd med fast dekkje eigna for utplassering av leikeapparat og benkar, og ferdsel med
barnevogn og rullestol. Det vil også bli stilt krav om minste etablering av leikeustyr.
Leikeplassarealet bør bli opparbeid med tanke på å vere ein sosial møteplass for ulike generasjonar.
Landskap/estetikk
Området vil bli endra frå landbruksareal til lågblokk. Det vil bli bygd småblokker på om lag 12 m
høgde. Området må byggjast ut med gode kvalitetar for å gje området eit tiltalande ytre som ikkje
skjemmer området. På grunn av plassering og volum vil bygga gje sterke føringar for korleis ein
opplever området i det som vil bli eit sentrum i kommunen.
Planområdet vil delvis skilje seg ut frå kringliggjande arealbruk, det bør difor leggjast opp til at ny
utbygging innanfor planområdet skal ha ei estetisk god utforming, og vere samanhengande for
planområdet. Det bør om mogleg leggjast til rette for felles utforming med utbyggingsområdet nord
for fylkesvegen, for å få eit heilskapleg bustadområde.
Mjuk ferdsel
Planen legg opp til trygg ferdsel frå planområdet langs fv. 5958 med regulering av fortau og
vidareføring av Valderøyløypa (sjønær turløype/sti rundt Valderøya) frå vest, knytt saman med tursti i
arealdelen.
Miljøoppfølging
Sidan det ikkje er registrert eller er mistanke om forureining innanfor eller ved planområdet vert det
ikkje vurdert miljøoppfølging utover avbøtande tiltak mot støy.
Rekkjefølgjeføresegn
Det blir sett følgjande rekkjefølgjekrav i føresegnene:
Leikeplassane skal vere opparbeidd med leikeutstyr før det kan gjevast bruksløyve/ferdigattest
for BBB-områda (areal for blokk)
o_SF_1 (fortau) skal vere opparbeidd før det kan gjevast bruksløyve for BBB-områda
Før det kan gjevast bruksløyve/ferdigattest for siste halvdelen av bueiningar for BBB_1, skal
halve Fr2 (friområde) vere opparbeidd som leikeareal med utstyr/møteplass
Før det kan gjevast bruksløyve/ferdigattest for siste halvdelen av bueiningar for BBB_2, skal
halve Fr2 vere opparbeidd som leikeareal med utstyr/møteplass
Avkøyrsle til fv. 5958 frå Løkegarden skal vere stengt før det kan gjevast
bruksløyve/ferdigattest for BBB-områda.
o_SV_1 og o_SV_3 (offentleg veg) skal vere ferdig opparbeidd før det kan gjevast
bruksløyve/ferdigattest for BBB-områda.
8. Konsekvensar av planen
Omtale og vurdering av verknad og konsekvensar for gjennomføring av planen. Konsekvensar
omtalast når planen avviker frå vedteken oversiktsplan, temaplan, vedtatt retningslinje, norm eller
vedtekt eller når planen vil medføre konsekvensar for natur, miljø eller samfunn. Eventuelle avbøtande
tiltak skal omtalast.
Overordna planar
Detaljplan BK9 er i samsvar med nyleg vedteken arealdel. Planområdet ligg innanfor område som skal
ha høg fortetting og det er opna for blokk i dette området.
Side 27
Landskap
Planen vil gje konsekvensar for landskapet med bygging av fleire lågblokker, som vil vere eit nytt
element i området. Desse blir lagt inn i terreng, men største delen vil kome over terrenget. Det er
regulert med tilsvarande bygg nord for planområdet.
Bueiningar
Planen legg opp til standard på bueiningar kvar det er lettare for personar å bu i ulike livsfasar. Til
dømes vil planlagde leilegheiter dekke behovet eldre og utføre har for å bu sentrumsnært, med kort
avstand til daglege nødvendige funksjonar, til dømes matbutikk. Alle bueiningane i BBB-områda vil
stette tilgjengeleg kravet med hovudfunksjonar på inngangsplanet. Planen legg opp til betre bustadar
enn for tidlegare plan, der det ikkje var krav om tilgjengelege bustadar og med mindre samanhengande
grøntareal.
Staden sin karakter
Utbygging av planområdet vil medføre endringar i området, med ny type busetnad. På sikt vil det bli
meir heiskapeleg utsjånad i området, då det er regulert med liknande utbygging/utnytting nord for
planområdet.
Estetikk
Eit større ubygd bustadområde vil få bustadar med anna utforming. Det er ikkje bygd tilsvarande som
det blir lagt opp til i denne planen. Det er regulert tilsvarande nord for Valderøyvegen.
Kulturlandskap og kulturminne
Planen vil ikkje medføre endring for kulturminne, men kulturlandskap blir nedbygd (tidlegare
jordbruksareal). Det er buffer mellom blokkbusetnad og Løketunet, BFS_1, slik at Løketunet ikkje blir
særleg påverka blokkbusetnaden.
Side 28
Barn og unge sine interesser
Barn og unge sine interesser er vurdert teke godt i vare gjennom reguleringsendringa. Det er regulert
inn leikeplass på 1 daa, med rekkjefølgjekrav om opparbeiding av Fr2 det er regulert inn tryggare
ferdsel langs fylkesvegen og det er gode tilkomstmoglegheiter i og ved planområdet.
Konsekvensar for nabobusetnad
Planen gjev små ulemper for eksisterande nabobusetnad. Trafikk frå bustadar som i dag nyttar
Løkegarden som tilkomst direkte til fv 5958, må nytte ny avkøyrsle lenger aust.
Konsekvensar på grunn av høgare utnytting av området.
Det blir lagt godt til rette for høg utnytting av området, med relativt romsleg leikeplass areal, kort veg
til fv.5958 (Valderøyvegen) og fortau langs fylkesvegen som skil mjuke i og harde trafikantar.
Friområde i strandsona i gjeldande plan vil bli kunne bli eit attraktivt område for bebuarane. Kryssing
av fylkesvegen kan bli problematisk for dei minste. Det må leggjast til rette for gangfelt med gode
siktliner. I arealdelen er det lagt føringar for at det kan byggjast blokk i dette området.
Utbygging nord for planområdet
Det er regulert til naust for store delar av arealet sør for planområdet, med maksimal gesimshøgd kote
5,5 og maksimal mønehøgd kote 8 m og BYA på 40 %. Dei nedste leilegheitene vil få noko redusert
utsikt dersom det blir bygd naust, avhengig av omfang og plassering av naust. Det er same eigarar av
arealet til BBB-formåla som naustformålet, eigarane kan styre utbyggingsvolumet av naustområdet.
Landbruk
Areal som truleg har vore bruka til grasproduksjon vil bli nedbygd. Arealet har vore omdisponert til
utbygging i lang tid.
Side 29
Sosial infrastruktur
Med 1,75 barn per familie, kan det bli rundt 70 barn innanfor planområdet i alderen 0 – 17 år, ved full
utbygging. Dette vil utgjere mellom 3 og 4 barn/unge per årstrinn. Dette er når heile planområdet er
bygd og med barnefamiliar i kvar leilegheit. Truleg vil tal barn bli lågare, og i tillegg vil ei utbygging
gå over mange år, slik at reelt press på skule og barnehage vil verte mindre.
Leilegheitene vil få heis og vil liggje på eitt plan, det ligg difor godt til rette som seniorbustadar, der
det er tøffelavstand til viktige funksjonar matbutikk og kollektivtransport.
Naturmangfaldlova (nml)
Etter § 7 i nml skal prinsippa i §§ 8 til 12 vurderast:
§ 8 Kunnskapsgrunnlaget
Planen kan medføre inngrep etter nml, det er difor gjennomført ein utsjekk i Naturbase og
Artsdatabanken. I Artsdatabanken er det ikkje synt dyr eller planter i planområdet eller i nærleiken
som er truga. I Naturbase er det ikkje truga artar, kulturlandskap, verneområde eller utvalde naturtype
innafor planområdet. Sør for planområdet i sjøen er det viktig israndavsetningar, men dei vill ikkje bli
påverka av planen.
Det er heller ikkje kome opplysningar i saka som tyder på at det kan finnast artar/naturtype i
planområdet som ikkje er fanga opp av over nemnde registreringar. Dermed er kravet i § 8 om
eksisterande og tilgjengeleg kunnskap oppfylt.
§ 9 Føre var prinsippet
På bakgrunn av registreringar og lokal informasjon er det ikkje grunn til å anta at det er nokon anna
trua naturtype eller trua art i det aktuelle området. Føre var prinsippet blir tillagt mindre vekt i denne
saka.
§ 10 påverknad
Etter nml § 10 skal påverknad vurderast ut i frå samla belasting området blir utsett for. Ut frå
kunnskapsgrunnlaget er det vurdert at planen ikkje har vesentlege negative verknadar på
naturgrunnlaget.
Strandsone
Deter lagt opp til utbygging i 100-metersbeltet i strandsona. Dette er avklart i tidlegare planar og det er
i arealdelen lagt inn byggjegrense mot sjø og delvis i gjeldande reguleringsplan.
Trafikkforhold
Det blir lagt opp til større auke i biltrafikk inn på fylkesvegen frå planområdet. Det vert sanert ei
avkøyrsle, det blir større avstand til eksisterande avkøyrsler, det er låg fartsgrense og det er oversiktleg
strekning. Auka trafikk vert vurdert å gje små negative konsekvensar for trafikktryggleiken.
Side 30
9. ROS (Risiko og sårbarheit)
Grunnforhold
Planen legg ikkje opp til avbøtande tiltak knytt til grunnforholda. Det er ikkje registrert utfordrande
byggjegrunn i området.
Stormflo
Topp golv for bustader er på kote 3,5. Viser til utrekning side 19.
Skred
Ikkje aktuelt innafor planområdet.
Sterk vind
Sterk vind kan førekomme, bygga må dimensjonerast etter vindlast for området.
Flaum/erosjon
Det går ikkje bekkar gjennom området, det er liten fare for flaum. Overflatevatn frå området har kort
og naturleg veg til sjø.
Radon
Jamfør TEK17 § 13-5 blir det sett krav om radonsperre mot grunnen.
Støy
Støy frå fylkesvegen kan medføre at terskel verdiane for støy blir overskridne inn i bygga utan
avbøtande bygningsmessige tiltak. På grunn av støy skal bueiningane vere gjennomgåande, slik at det
er molegheit for ei stille side og uteareala skal liggje på stille side av blokk. Illustrasjonsskisser (vist i
Figur 11og Figur 12) viser døme på korleis ein kan oppnå godkjent rominndeling og plassering av
bygg og uteopphaldsareal i høve føresegnene §6.
Jordskjelv
Større konstruksjonar må dimensjonerast for eventuelle jordskjelv, viser til NS-EN 1998-
1+N.A:Dimensjonering mhp seismisk belastning for nye konstruksjonar, jamfør pbl. § 29-5 og TEK §
17.
Overflatevatn, overfløyming, avløpssystem
Overflatevatn kan førast direkte til sjø. Det er tilstrekkeleg kapasitet på eksisterande VA-leidningsnett
innanfor planområdet.
Sløkkjevassforsyning
Det er tilstrekkeleg sløkkjevasskapasitet i området.
Sjekkliste for vurdering av risiko og sårbarheit i saker etter plan- og bygningslova, utarbeidd av
Fylkesmannen i Møre og Romsdal, ligg vedlagt plandokumenta.
Side 31
10. Plankart – nedskalert
Side 32
11. Føresegner
§ 1. Generelt Området for detaljregulering er vist på plankartet med planen si avgrensing. Desse føresegnene vil
gjelde innafor dette området.
Reguleringsføresegnene kjem i tillegg til plan- og bygningslova med forskrifter.
Unnatak frå reguleringsføresegnene kan, der særlege grunnar talar for det, tillatast av Komité for
tekniske saker innanfor ramma av plan- og bygningslova.
§ 2. Reguleringsformål: Busetnad og anlegg (Pbl § 12-5-nr.1)
- Frittliggande småhusbusetnad BFS
- Blokkbusetnad BBB
- Uthus/naust
- Leikeplass BLK
Samferdselsanlegg og teknisk infrastruktur (Pbl § 12-5 nr.2)
- Veg SV
- Fortau SF
- Annan veggrunn
Omsynssone
- Faresone frisikt
- Støysone – H_220
§ 3. Fellesføresegner Alle anlegg og uteareal innafor planområdet som er tilgjengeleg for allmennheita skal utformast etter
prinsippet om universell utforming, slik at det i så stor utstrekning som mogleg kan nyttast likestilt av
alle menneskjer. Rundskriv T-5/99 B ” Tilgjengelighet for alle” skal leggjast til grunn for utforming
av uteområde og anlegg.
Etter at reguleringsføresegnene er sett i kraft er det ikkje tillate ved private servituttar å etablere
forhold som står i strid med desse føresegnene.
Berekning av utnytting, møne- og gesimshøgd skal skje i samsvar med H-2300B Grad av utnytting
eller nyare versjon.
Dersom ein under arbeid innanfor planområdet kjem over noko som kan vere automatisk freda
kulturminne, pliktar ein å stogge arbeidet og ta kontakt med kulturavdelinga hjå fylkeskommunen for
avklaring, jamfør kulturminnelova § 8 andre ledd.
For busetnaden gjeld Miljøverndepartementets Retningslinje for behandling
av støy i arealplanlegging T-1442 (2016), med tilhøyrande rettleiar.
Der støytilhøva overstig lågaste grense for støy, må plan for tiltak som dokumenterer
tilfredsstillande støynivå føreligge saman med søknad om løyve til tiltak. Støytiltak skal vere
ferdigstilt før midlertidig bruksløyve blir gjeve.
Side 33
Bustader skal ikkje byggast med topp golv lavare enn kote 3,5 m (jf. Utrekning s. 19 i planomtalen).
Andre bygg og konstruksjonar skal byggjast med topp golv på kote 3,1 m (NN2000). Dersom det blir
bygd lågare, skal dei tole å bli overflaumd av sjøvatn. Bygg og konstruksjonar med topp golv på kote
3,5 m og lågare skal dimensjonerast for å tole bølgjer ved stormflo og havnivåstigning.
Seinast i samband med søknad om byggjeløyve - skal det klart gå fram av utomhusplan korleis
eigedomstilhøva for den enkelte bueining skal tilordnast. Slik tilordning kan til dømes vere eksklusivt
uteareal/fellesareal ved seksjonering eller oppdeling til mindre grunneigedomar.
Det er krav om radonsperre mot grunnen for bygning med rom for varig opphald, TEK17 § 13-5.
§ 4. Busetnad Busetnad skal plasserast innafor byggjegrenser vist på plankartet.
Område BFS_1
Område BFS_1 er regulert til frittliggjande småhusbustad med tilhøyrande garasje.
Utnyttingsgraden er sett til BYA=35%.
Største gesimshøgd er sett til 7,5 m og største mønehøgd er sett til 8,5 m rekna frå gjennomsnittleg
terreng.
Garasjar skal ikkje ha større gesimshøgd enn 3 m og ikkje større grunnflate enn 50 m². Garasje kan
plasserast utanfor byggjegrense, dersom krav til frisikt og andre vegtekniske forhold er teke i vare. Det
skal vere 2 biloppstellingsplassar per bueining.
Garasje/carport skal visast på situasjonsplan ved byggjemelding, sjølv om dette ikkje skal førast opp
samtidig med bustadhuset. Situasjonsplanen skal også vise høgdesetting i området, samt avkøyrsler og
eventuelle murar.
Område BBB
I formålsområda BBB kan det byggjast frittståande lågblokker, med minst 8 m mellom kvar blokk.
Området kan også nyttast til felles garasjeanlegg og uthus.
Maksimal BYA, biloppstellingsplassar på overflate er sett til 50 %. Biloppstillingsplass skal reknast
med 18 m².
Maksimal gesimshøgd er sett til kote 16,5 m. Det skal vere flatt tak på bygga.
Det skal vere heis i alle blokkene. Alle bueiningane skal stette TEK17, med tilgjengelege bueiningar
med alle hovudfunksjonar på inngangsplanet.
Det skal leggjast vekt på å skape uteopphaldsareal av god kvalitet. Det skal setjast av minst 50 m² per
bueining, der minst 10 m² skal vere skjerma/privat.
Det skal vere 2 biloppstellingsplassar per bueining, og ein biloppstillingsplass for kvar 3. bueining
som gjesteparkering. Krav om minst 1 sykkeloppstillingsplass per bueining.
Maksimalt tal bueiningar som kan førast opp innanfor BBB-områda er inntil 28 bueiningar.
I samband med byggjeløyve for BBB-området skal det vere utarbeidd situasjonsplan som viser heile
BBB_#-området, med aktuelle snitt, jamfør Giske kommune sine krav til utomhusplan.
Situasjonsplanen skal blant anna innehalde:
Tilkomst
Tomtedeling
Forstøtningsmurar
Garasjeplassering
Parkering på terreng
Avfallshandtering
Overgang terreng naboeigedom
Side 34
Utomhusplan skal vere i fargar og i målestokk.
Utbygginga skal skje etter denne planen som skal godkjennast av kommunen før byggjeløyve blir
gjeve.
Uthus/naust
Føresegn frå Sentrumsplanen for SpBN1:
Område SpBN1 er sett av til bevaringsområde kombinert med naustformål. Det er ikkje tillate å rive
bygg som inngår i bevaringsområda. Bygningsmessige endringar på eksteriør skal på førehand
godkjennast av kommunen, som ved tvilstilfelle skal innhente uttale frå kulturavdelinga ved Møre og
Romsdal fylke. Bygningane skal vedlikehaldast på ein slik måte at den opprinnelege stilen blir
ivaretatt gjennom målestokk/proporsjonar, takform, fasadar, vindauge-inndeling, dør- og utforming
av vindauge og materialval. Utvendig fargesetting skal tilpassast bygningen sin opprinnelege
tidsepoke. Om opprinneleg byggstil tidlegare er broten, kan bygningen byggast om dersom endringane
gir eit meir korrekt bilde av den opprinnelege byggestilen.
Leikeplass BLK
Område merka BLK på plankartet er sett av til felles leikeplass for bustadane innanfor planområdet.
Eit areal på minimum 100 m² skal vere flatt (maks stigning 1:20), med fast dekkje eigna for
utplassering av leikeapparat og benkar, og for ferdsel med barnevogn og rullestol.
Minstekrav til leikeutstyr for leikeplassen er: Klatrestativ, sandkasse, husker, balansestokk og
picnicbenkar.
Leikeplassane skal ferdigstillast med leikeutstyr før det kan gjevast bruksløyve/ferdigattest for
bueiningar ved BBB-områda, dette vert sett som rekkjefølgjekrav.
Leikeplassen kan leggjast til rette for møteplass på tvers av generasjonar.
Friområde - Fr2 (tilstøytane plan)
Det er lagt inn rekkjefølgjekrav om opparbeiding av Fr2. Fr2 skal opparbeidast med minst ei huske,
klatrestativ, picnicbenkar for vaksne og skal leggjast til rette som møteplass på tvers av generasjonar.
§ 5. Samferdselsanlegg Bredde på veg, fortau og anna veggrunn blir vist i plankartet.
Veg
Areala merka med prefiks o er sett av til offentleg køyreveg. Areal sett av som veggrunn i
reguleringsplanen, skal opparbeidast etter nærare detalj- og byggjeplanar som stettar Statens vegvesen
/Giske kommune sine krav til vegbane (bereevne, skråning, dekketype, drenering m.m.)
Avkøyringar skal utformast slik at det blir god sikt i kryss.
f_V_1 skal vere felles for bustadar knytt til vegen og BFS_1.
Fortau
Frå fortau må det lagast til trygg kryssing av Valderøyvegen/fylkesvegen. Det er sett rekkjefølgjekrav
om opparbeiding av fortau, knytt til bruksløyve/ferdigattest for bueiningar ved BBB-områda.
§ 6. Omsynssone Frisiktsone
I frisiktsonene skal det vere fri sikt frå 0,5 m over planet innafor sona. Areal innafor frisiktsona må
ikkje nyttast slik at fri sikt på nokon måte vert hindra. Kommunen kan krevje sikthindrande vegetasjon
og gjenstandar fjerna. Høgstamma tre, trafikkskilt og lysmaster kan plasserast i frisiktsonene.
Side 35
Støysone H_220
Innanfor omsynssone skal følgjande avbøtande tiltak gjennomførast for nye bustadar:
Alle bueiningar skal vere gjennomgåande og ha stille side.
Minst 50 % av rom til støyfølsam bruk i kvar bueining skal ha vindauge mot stille side. Minst
eitt soverom skal liggje mot stille side.
Alle bueiningar der rom til støyfølsam bruk berre har vindu til støyutsett side skal ha balansert
ventilasjon der luftinntak skal plasserast bort frå mest støyutsatt veg.
Privat uteopphaldsareal skal ha støy under Lden55 dB og i nattperioden ( kl. 23 – 07) under
L5AF 70 dB
Prinsipp som går fram av figur 11 og 12 i planomtalen, skal vere retningsgivande med tanke på
rominndeling og plassering i støysona.
§ 7. Rekkjefølgjekrav Det blir sett følgjande rekkjefølgjekrav:
Leikeplassane skal vere opparbeidd før det kan gjevast bruksløyve/ferdigattest for BBB-
områda.
o_SF_1 skal vere opparbeidd før det kan gjevast bruksløyve for BBB-områda.
Før det kan gjevast bruksløyve/ferdigattest for siste halvdelen av bueiningar for BBB_1, skal
halve Fr2 vere opparbeidd som leikeareal med utstyr/møteplass.
Før det kan gjevast bruksløyve/ferdigattest for siste halvdelen av bueiningar for BBB_2, skal
halve Fr2 vere opparbeidd som leikeareal med utstyr/møteplass.
Avkøyrsle til Valderøyvegen frå Løkegarden skal vere stengt før det kan gjevast
bruksløyve/ferdigattest for BBB-områda.
o_SV_1 og o_SV_3 skal vere ferdig opparbeidd før det kan gjevast bruksløyve/ferdigattest for
BBB områda.