Al Plan de MareoPlata dla Ploania

San Vighile

Ann A

Ploan: Signor Heinrich PerathonerE-Mail: ploaniaalplan@gmail.com

Calogna Al Plan: 0474 501006Radio de Ploania: 93,00 MhZ

12.02.2017 - 6. Domëgna dal Ann Liturgich nr. 12

Impressum: Ploania d’Al Plan, str. Catarina Lanz nr. 46, 39030 Al Plan de MareoComunicaziuns - cina al dedemesaledema sëra - da mené a: Pablo Palfrader

Tel. 333 4762010 Mail: ploaniaalplan@gmail.comDownload plata: www.unitepastorala.org

Enformaziuns y Comunicaziuns

Beatificaziun de Josef Mayr - Nusser: La Unité Pastorala Val Badia organisëia da jí en pelegrinaje ala beatificaziun de Josef Mayr - Nusser, la sabeda ai 18 de merz 2017 (vëia de Sant Ojep), tal dom da Balsan. An pëia ia ales 7,30 da Colfosch demez, Le bus passa za. ales 8,00 a Longega. Al é da se prenoté anter i 28 de forá te calogna al 0474/501006 o al numer 347/9094532. Magari ne conescëise nia dër cösc jonn, pere de familia da Balsan, mort sot a Hitler. Mo al se mirita nosta amiraziun, deache al á testemonié i valurs cristiagn defrunt a forzes dejumanes y cuntra la fede. Nosc Vësco le nominëia ”da coraje - cristian - solidar - en laich doc.” (Signor Degan Iaco Willeit)

Oraziun de Taizé: Vigne mëns vëgnel tigní tla capela da Oies na oraziun de Taizé, olache al vën perié, medité y cianté en forma de Taizé. Le proscim terminn é le vëndres ai 17 de forá, ales 20:00.

Sorvisc ai Jogn: Le Sorvisc ai Jogn Val Badia chir jones y jogn co á ligrëza da laoré con mitans y mituns, desco animadus y animadësses pal ISTÉ DEBORIADA 2017. Por s’anunzié mëssun avëi complí 18 agn. Por enformaziuns prëibel cherdé sö le 0474/523070 (lön-jöb dales 8:00 ales 12:00 y dales 13:00 ales 17:00) o scrí a manuela@jogn.org. Termo por dé jö les domandes é i 28 de forá 2017.

Raiun Sozial: En jöbia ai 16 de forá s’encunta endô le grup de tomp lëde ”Atmosfera”, por ëres y ëi atochés da problems psichics. Le tema sará ”Deponje y ester creatif”. An s’encunta ales 15:30 con Irina Tavella y Barbara Rungger, tla sonta dal Raiun Sozial Val Badia a Picolin. Enformaziuns plü monüdes pa Sabine Rainer al numer 0474/524519. Vignönn y vignöna é bënodüs y bel enviés.

Curs: L’Istitut Ladin Micurá de Rü organisëia en curs de ladin por prinzipianc, dai 20 d’aorí cina ai 8 de jügn, vigne jöbia dales 19:30 ales 21:00, te Istitut a San Martin. Enformaziuns ciafun al numer 0474/523110 o ala mail formaziun.vb@micura.it

Dal Vagnele do San Matio, 5, 17-3723Canche te portes töa oferta sön alté y al te toma ete lapró,

che to fre á val’ cuntra te, 24lascia töa oferta enló dan alté; vá en iade a fá a öna con to fre, spo ví a ofrí töa scincunda. 25No pisimé da fá la pêsc con to aversar, tan dio che t’es ciamó sön tru da jí dan signoria. Zonza sarál to aversar co te sorandará al iudicadú, y le iudicadú te sorandará ala verda de signoria y tö gnaras motü te porjun. 26Amen, chël te diji: Te ne gnaras nia fora da danló, cina che te n’aras nia despaié jö l’ultimo centejimo. Parora dal Signur. - Lalt a te, Gejú Crist!

No pisimé da fá la pêsc con to aversar!

Melodia de nosta vita

I comandamonc é la melodia de nosta vita. Chi co fej musiga sá avisa, che zonza notes ne vara nia, mo ai sá ince che ma les notes ne basta nia; al fala ciamó chël co dá le tach y ince la dërta intonaziun dles usc. Chël co dá le tach é por nos Chël Bel Dio, la dërta intonaziun dla usc é l’amur.

Ein authentischer Glaube - der niemals bequem und individualistich ist - schließt immer den tiefen Wunsch ein, die Welt zu verändern, Werte zu übermitteln, nach unserer Erdenwanderung etwas besseres zu hinterlassen.

Wir lieben diesen herrlichen Planeten, auf den Gott uns gesetzt hat, und wir lieben die Menschheit, die ihn bewohnt, mit all ihren Dramen und ihren Mühen, mit ihrem Streben und ihren Hoffnungen, mit ihren Werten und ihren Schwächen. Die Erde ist unser gemeinsames Haus, und wir sind alle Brüder.

La Fede tai Librida ”Evangelii Gaudium”,enziclica de Papa Francësch

I dui porcí dal sparagn

Al ea en iade dui porcí dal sparagn. Entrami ea bi ponji. Mo canche entrami ea toc y plëns, n’êl önn dër dla ria löna y l’ater dla bona löna. Cösc deache le pröm se tignia toch vigne monëda, tan che ara nen jea plü da nen mëter ete gnanca öna. Porchël n’êl gnanca plü da adoré. L’ater endere scincâ ia söes monëdes, por che an podess l’emplí danö. Al sparagnâ por daidé.