poonam ka dhyaan (meditation) 19 october …agar chandrama ka pathar nahin milaa toh ek paardarshi...
TRANSCRIPT
POONAM KA DHYAAN (MEDITATION) 19 OCTOBER 2013
DOORI SE DHYAAN, RAAT KE 9.00 BAJE
Yeh dhyaan akele mein ya doosre logon ke saath ek ghera banaakar kiya ja sakta hai, mann mein yeh irada prakat karte hue ki jo sab log doori se yeh dhyaan uss
waqt kar rahe hain, ek bade ghere mein shaamil ho jaayein.
SUJHHAAV Ho sake to safed kapde pehen kar aayein.
Agar dhyaan khuli hawaa mein nahin kiya ja sakta toh ek aisa pavitra sthaan
tayyaar karein jahaan par yeh chaar tatva maujood ho: Prithvi, Paani, Hawaa aur
Aag.
Har ek ke saamne ek safed mombatti jali hui honi chahiye aur ek mombatti ghere ke
beechon beech jalani chahiye.
Ghere ke beech mein woh log baithein jo is tarah ka dhyaan karne ke aadi nahin
hain.
Baaju waale ko haath mein haath dete waqt dhyaan rakhein ki baayan haath ooper
ki taraf (pravishti) aur dayaan haath neechey ki tarf rakhein (prasthaan).
*
KYAA LEKAR AANA HAI:
1. Ek safed mombatti.
2. Ek CHANDRAKANT KA PATHAR, jo chandrama ke poore naye chakra ke
dauraan hamare saath rahega. Chakra ke khatam hone par hum usse Dharti
Maan ko arpan karenge, yaani july 2014 ke antim dinon mein.
(Agar Chandrama ka pathar nahin milaa toh ek paardarshi quartz bhi
chalega)
*
AASHAYA (PURPOSE)
KRODH AUR DURBHAAVNA KI YAADON KO HEAL KARNA
Asliyat hamare dil mein hai, kyonki usmein woh roshni hai jo humein Ishwar ke strot
ke saath jodti hai. Jab hum usse dhyaan mein rakhne ke baghair aage badhte hain,
to ek taraf hum raaste se bhatak jaate hain, aur doosri taraf hum maya ke ghane
jaal mein fans jaate hain. Phir saamne aati mushkilon ko dekh kar hum aasaani se
krodh yaa durbhaavna se bhar jaate hain. Maya se bhari iss duniyan mein iss tarah
ki mushkilen bharpoor hain.
Hamare bheetar krodh aur durbhaavna isliye jaagte hain kyonki hum bhool jaate
hain ki hum roshni hain. Apne khud ki roshni se anjaan hone par hum doosre insaan
ki roshni bhi nahin dekh paate aur iss tarah se hamare bheetar aise bhaav badhte
jaate hain jo humein Ishwar se door karte jaate hain.
Ab hum Pyaar ke Yug mein, aur jaagrukta ke bahut bade parivartan mein magan
hain, lekin ab bhi sab ke mann mein base puraane vishwaas aur yaadein hum par
asar karte hain. Aisa lagta hai jaise naye raaste par koi kaala baadal ghoom raha
ho. Yeh baadal hamare saath isliye hai kyonki apne soch, karma aur shabdon
dwaara humnein hi isse banaaya hai. Isliye yeh hamari zimmedaari hai aur humein
hi usmein parivartan laane ke liye kuchh karna hoga.
Ateet mein darr ki shakti ka bahut prabhaav tha. Aaj uski jagah pyaar ne le li hai,
lekin jin baaton ne darr ko jagaaya tha unka asar aaj bhi vataavaran mein hai aur
uska hum par bhi prabhaav hota hai. Sache iraade ki taakat se, ekta ki taakat se aur
hamare dilon mein base pyaar ki taakat se aaj ki raat hum iss kaale baadal ko
roshni mein badal denge. Hum aasmaan ko saaf kar denge taaki aaj se lekar
hamara raasta aur bhi roshan ho jaay, taaki suraj ki kiranen hum tak bina kissi
rukavat ke pahunch sakein. Taaki hum yaad kar sakein ki hum roshni hain, hum
pyaar ka roop hain aur ussi pyaar se jeevan zyaada sunder aur dhanya ho jaata hai.
TAIYAARI
1 - Aapke bheetar jo Pyaar ki shakti hai uska aahvaan karein.
2 - Dil hi dil mein kahein:
Mein uss Roshni ke jeev ki izzat karta/karti houn jo mere andar hai.
Aur jo iss dhyaan par aane waale har ek insaan ke andar bhi hai.
Ab issi waqt, mein Ishwar ke saath apne sambandh ko jaagrit karta/karti houn.
3 – Aisaa mehsoos karein aur kuchh pal intzaar karein taaki yeh shakti
poore samuh ke saath santulit ho jaay.
AARAAM KI AVASTHA
Aankhein band karke aaraam se baithein.
Gehri saans lein aur phir dheere se usse nikaalein.
Aisaa teen baar karein.
THODA RUKEIN
Ab apne bheetar shaanti mehsoos karein.
Saans andar lekar aur phir chhodne se aapka shareer aur aapka mann donon shaant
ho jaate hain.
Aapke bheetar chetna ki ek nayi avastha jaagne lagti hai.
Zyaada sukhad, zyaada dhanya aur zyaada anandaayak.
Aisaa mehsoos karein.
THODA RUKEIN
Ab yeh kalpana karein ki aapka shareer ek roshni hai.
THODA RUKEIN
Ek aisi roshni jo failti hai aur chamakne lagti hai,
Bahut chamakne lagti hai.
THODA RUKEIN
Saans chhodne par, yeh roshni sikudkar chhoti ho jaati hai.
THODA RUKEIN
Aap saansen andar lete hain aur failne lagte hain.
Aap saansen chhodte hain aur sikudne lagte hain.
THODA RUKEIN
Saansen andar lene se aap chamak kar apne aas-paas ke poore vaatavaran ko
roshan kar dete hain.
THODA RUKEIN
Saansen chhodne se aap dheele padhte jaate hain, lekin aapke andar yeh vishwaas
kaayam rehta hai ki aap roshni hain.
Ek aisi roshni jo saanson ki raftaar se failti hai aur sikudti hai.
THODA RUKEIN
Kuchh pal tak isse anubhav karein.
THODA ZYAADA RUKEIN
DHYAAN (MEDITATION)
Hum har ek ke aas-paas baingni rang ki roshni ka aahvaan karenge.
THODA RUKEIN
Mehsoos karein kaise yeh roshni utarte hue humein gher rahi hai.
THODA RUKEIN
Aur ab, jab aap failte aur sikudte hain, baingni rang ki roshni aapko poori tarah se
gher leti hai.
THODA RUKEIN
Iss samaya se lekar aap jo bhi baat mukt karte jaaenge, baingni roshni usse apne
mein samaah legi.
THODA RUKEIN
Ab jab bhi aap apne aap ko saanson dwaara failaaenge,
Aapke bheetar bassi hui, krodh aur durbhaavna jagaane waali woh saari yaadein
baahar nikal jaaengi.
THODA RUKEIN
Jab aap sikudte hain toh yeh saari yaadein hawa mein fail jaati hain.
Lekin baingni roshni unhein apne mein samaah kar roshni mein badal deti hai.
Iss baat ko dhyaan se dekhein.
THODA RUKEIN
Saanson ke dwaara iss baingni roshni ko andar lene se, aapke dil ke dwaar khul
jaate hain aur dimaag mukt ho jaata hai.
THODA RUKEIN
Mehsoos karein kaise aap mukt ho rahe hain.
THODA RUKEIN
Baingni roshni mein aisi taakat hai jo bhaaripan ko halka karke roshni mein badal
deti hai.
Ab yeh dekhein ki kyaa hota hai jab yeh roshni aapke dwaara mukt ki hui baaton ko
apne mein samaah leti hai.
THODA RUKEIN
Aapke dwaara mukt ki hui baaton mein se hazaaron rangeen jhalkein nikalti hain.
Jo pehle bhaari tha woh ab pavitra roshni mein badal chuka hai.
THODA RUKEIN
Iss prakriya ko poora hone dein.
THODA ZYAADA RUKEIN
Yeh hum sab ke saath ho rahaa hai.
Hum sab aisi roshniyaan hain jo fail rahi hain aur sikud rahi hain.
Dhyaan se iss baat ko dekhein aur mehsoos karein.
THODA RUKEIN
Jab aap failte hain to apne aas-paas ke logon ki chamak ke saath ek ho jaate hain.
THODA RUKEIN
Sab milkar ek bahut badi roshni ko banaa rahe hain.
Aisi roshni jo badh rahi hai aur fail rahi hai.
Jo ek hi astitva ban kar chamak rahi hai.
THODA RUKEIN
Apne bheetar ekta ki taakat ko mehsoos karein.
THODA RUKEIN
Iss mahaan roshni ka ek hissa ban´ne se dekhein aap par kitna adbhut prabhaav ho
raha hai.
THODA RUKEIN
Uski shaktishaali vibration ko mehsoos karein.
THODA RUKEIN
Ab Ek hokar hum sabke mann se baatein karenge,
kyonki unka asar saare manushyon par ho raha hai.
Aur iss Dharti ki sachaai par bhi asar ho raha hai.
THODA RUKEIN
Sabke mann ko ek aise mahaan astitva ke roop mein mehsoos karenge jisne sabko
gher rakha hai. Ab kalpana karein ki woh iss ghere ke beech mein hai.
Ek vishaal astitva, bahut hi shaktishaali.
THODA RUKEIN
Ho sakta hai ki yeh astitva aapko andhere jaisa, bujhe-bujhe rangon waala aur
ghanaa dikhai de,
lekin koi bat nahin.
Apne dil mein se dayaa ki bhaavna ko behne dein.
THODA RUKEIN
Yaad rakhein ki yeh mahaan astitva hamari hi rachna hai.
Ek tarah se yeh hamara bachaa ho gaya.
Ek samaanya bachaa jisse hum sab ne milkar janam diya hai.
THODA RUKEIN
Ab humein uski zimmedaari leni hogi.
Usse apna pyaar pesh karna hoga.
Mukt hone ka raasta dikhana hoga:
Dil ka raasta,
Jo hum sab ko phir se shaanti aur khushi dega. Aur uss bache ko bhi.
THODA RUKEIN
Usse pyaar se dekhte hue uske dil se baatein karein.
Hum sab ki tarah uska bhi ek dil hai.
Apne dil se, aage ke shabdon ko kahein,
Yeh baat dhyaan mein rakhte hue ki aap saari Maanavta ke saath baat kar rahe
hain:
THODA RUKEIN
Anant vibration ki roshni waale jeev, jaago.
THODA RUKEIN
Apni sachaai ke jaadu ko mehsoos karo.
Jeevan ka matlab sirf kuchh sangharshmaya anubhav hi nahin hai, jeevan ka matlab
usse kahin zyaada hai.
THODA RUKEIN
Yeh jeevan, doosron ko pyaar pesh karte hue apne aap ko heal karne ka ek keemti
mauka hai.
Unn sab baaton yaa karmon ko heal karne ka mauka hai jo kissi din aapne apne liye
yaa doosron ke liye kiye the.
THODA RUKEIN
Ateet mein jeena chhod dein.
Sache dil se pyaar karne ke liye apne aap ko aazaad mehsoos karein aur apne aap
ko doosron se kam yaa zyaada nahin samajhein.
THODA RUKEIN
Aapke dil mein pyaar hai. Anant pyaar.
Aap ek achhe jeev hain. Iss baat ko yaad rakhein.
THODA RUKEIN
Krodh aur durbhaavana se utpann hui anant badkismati,
Un sadiyon ki badkismati ko sehne ke baad aap iss duniyaan mein apne aap ko heal
karne aaye hain.
THODA RUKEIN
Aap ek sunder aatma hain. Apni aatma ko apne jeevan mein vyakta hone dein, aur
sab kuchh badal jaayga.
Woh saari baatein jo aaj aapko dukh aur dard pahuncha rahi hain, badal jaaengi.
THODA RUKEIN
Aapko yaad karna hoga. Aap ek bhale jeev hain.
Apne astitva ko phir se apna lein.
Apne dil ki gehraai se mehsoos karne ki shakti se jud jaaen.
THODA RUKEIN
Pyaar aapke bheetar hai.
Usse failaane ka chunaav karein. Nafrat karna, doosron ke liye kharaab baatein
karna, dukh-dard failaana, un sab baton se door rahein.
THODA RUKEIN
Pyaar ke raaste ko apnaaein aur dekhein kaise aapka jeevan roshni se bhar jaata
hai.
Chhaya aapse door ho jaaygi, aur lambe intzaar ke baad aakhir mein aap woh
bharpoor jeevan jee sakenge,
jo aap hamesha se chahte the.
Bina kissi baahari dabaav aur bina tanaav ke.
Aage badhne ke liye sab baaton aur logon ke khilaaf ladhne ke bagair.
THODA RUKEIN
Aap pyaar hain. Iss baat ko hamesha yaad rakhein.
Pyaar ladtaa nahin hai.
Pyaar dil se failte hue, aasaan aur saamanjasya tareeke se sachaai ko badal deta
hai,
Kyonki woh anant aur mahaan hai.
THODA RUKEIN
Aap pyaar hain.
Sunder se farishte ke roop mein apne aap ko pehchaniye, apne aap par kendrit
karein.
Apne astitva ko phir se apna lein.
THODA RUKEIN
Inn shabdon ko sunkar, sab ka mann roshni ka roop lene lagaa hai.
THODA RUKEIN
Mehsoos karein kaise woh saans lete hue fail raha hai.
THODA RUKEIN
Aur aisaa karne par, woh hazaaron galat vishwaason se mukt ho raha hai.
THODA RUKEIN
Dekhein ab kaise darr, krodh aur durbhaavna ki woh yaadein, jinhonein kaafi waqt
se Maanavta ko kaid kar rakha tha,
ab hawa mein fail rahi hain,
THODA RUKEIN
Ab issi pal ek baingni roshni uttar rahi hai.
Baingni roshni ki ek baarish, jo har ek cheez ko bhigo rahi hai.
THODA RUKEIN
Aapko bhi bhigo rahi hai.
THODA RUKEIN
Jo yaadein hawa mein fail rahi thee ab ek hokar badaa saa kaala baadal ban gaya
hai.
THODA RUKEIN
Ab dekhein kaise baingni roshni usmein jaa rahi hai.
Woh baadal aasmaan se utarte hue har ek roshni ki boond ko apne bheetar le raha
hai.
THODA RUKEIN
Bheetar lekar aur phir roshni ki jhalkein failaa raha hai.
THODA RUKEIN
Jo baadal ke saath ho raha hai woh aapke saath bhi ho raha hai.
Apne bheetar baingni roshni ke prabhaav ko mehsoos karein.
THODA RUKEIN
Baadal apna roop badalne par aapko bhi apne prabhaav se poori tarah se mukt kar
raha hai.
Apne bheetar iss badlaav ko mehsoos karein.
THODA ZYAADA RUKEIN
Ab dekhein kaise uss saamanya bache mein bhi badlaav aaya hai.
THODA RUKEIN
Jo pehle kaala saa tha ab roshan ho gaya hai.
Jahaan pehle sab ghana thaa aur darr faila hua tha wahaan ab pyaar hi pyaar hai.
Dekhein kaise uska dil chamak raha hai.
THODA RUKEIN
Mehsoos karein kaise uski roshni fail rahi hai aur hum sabko usmein bhigo rahi hai.
THODA RUKEIN
Uske adbhut prabhaav ka mazaa lein.
Uski rachna karne mein aapka haath matvapoorna raha hai.
Usmein se failte hue pyaar par dhyaan dein.
Usmein magan ho jaaen.
THODA RUKEIN
Yeh jo aap pyaar mehsoos kar rahe hain ab usse doosron ke saath baantiye, un
logon ke saath jo aapke aas-paas hain.
Chahe aap unhein jaante ho yaa nahin. Unhein pyaar pesh karein.
THODA RUKEIN
Baantnein ke liye pyaar.
Woh pyaar jo bheetar se ubharta hai aur badle mein kuchh nahin maangta.
Sirf apne aapko abhivyakta karna chahta hai. Pyaar bankar.
THODA RUKEIN
Woh pyaar jo duniyaan ko roshan karta hai aur jismein badlaav laane ki kshamata
hai.
Iss pyaar ki taakat se aap apne jeevan mein uss har baat ko badal sakte hain jo
aapko achhi nahin lagti.
Kyonki woh itna uch, itna pavitra hai ki woh un sab baaton ko mitaa deta hai jo
aapko apne kendra se alag karti hain.
THODA RUKEIN
Iss pyaar dwaara aap apni sachaai ki rachna saamanjasya aur santulan ke saath
karte hain.
Aap apne jeevan mein woh achhi baatein akarshit karte hain jinke aap hakdaar
hain,
kyonki pyaar ki vibration sabse oonchi hoti hai.
Jab aap pyaar failaate hain to aapke aas-paas ki har ek cheez aapko badle mein
pyaar deti hai.
THODA RUKEIN
Apne bheetar se rang-birange dilon ko ubharne dein.
Ujjval gulaabi rang, sunhaira pilaa rang aur haraa rang.
THODA RUKEIN
Rang-birange dil aapke bheetar se ubharkar aapke aas-paas naach rahe hain.
THODA RUKEIN
Yeh aapke astitva se behte hue pyaar ki jhalkein hain,
kyonki woh khush hai, poorn hai,
aur iss jagah par maujood har ek ke saath baantnaa chahta hai.
Aisaa mehsoos karein.
THODA RUKEIN
Ab inn sab dilon ko ghere ke beech mein bhejein,
sab ke mann ki taraf, jo wahaan par chamak rahe hain.
Iss pyaar se uska poshan karein.
Dekhein kaise dheere-dheere se woh badalta jaa raha hai,
ek mahaan aur chamakdaar rang-birangi roshni ke gole ke roop mein.
THODA RUKEIN
Kuchh hi pal mein hum maanavta ki iss nayi jaagrukta ko failaaenge,
Taaki woh poori duniyaan mein fail jaay.
THODA RUKEIN
Maanavta ki ek nayi jaagrukta jo har ek insaan par asar karegi.
Jo har ek dil aur mann par positive tareeke se asar karegi.
Taaki darr, niraasha, karvaahat, krodh aur durbhaavna mit jaayen.
THODA RUKEIN
Taaki sab apni roshni se bhari yaadon ko jagaa sakein.
THODA RUKEIN
Ab ek hokar apne iraade ki taakat se usse failaaenge.
Ab aisaa karenge.
Ek, do, teen. Aur ab zor se failaaenge!
THODA RUKEIN
Mehsoos karein kaise yeh nayi jaagrukta aapko magan karke aapko paar kar rahi
hai.
Aap se aur iss ghere se kahin door fail rahi hai.
THODA RUKEIN
Aur failte hue, har ek insaan mein nayi jaagrukta ki ek chaap chod rahi hai.
THODA RUKEIN
Low vibration ki saari yaadein mit´ti jaa rahi hain.
Ghanaapan mit raha hai, aavriti (frequency) badh rahi hai.
THODA RUKEIN
Rang-birangi roshni ka ghera duniyaan mein fail kar usmein badlaav laa raha hai.
Kissi bhi vaatavaran ke ghanepan ko roshni mein badal raha hai.
Dekhein kaise kone-kone mein pahunch raha hai, har jagah ko bhar raha hai.
THODA RUKEIN
Uski mahaan taakat roshan karte hue ooncha uthha rahi hai.
Uske asar se koi bhi nahin bach paa raha.
Sab kuch ab pyaar ki aavriti (frequency) mein vibrate ho raha hai.
THODA RUKEIN
Apne aapko iss adbhut shakti ka ek hissa aur rachnakaar mehsoos karein.
Pyaar hi duniyaan ki asli heal karne waali shakti hai.
Un hazaaron logon ki praarthnaaon ka jawaab hai jo poochte rehte hain ki `aakhir
kyon´, jo log jawaab maangte hain.
THODA RUKEIN
Un sab baaton ka ek hi jawaab hai – pyaar.
THODA RUKEIN
Jahaan pyaar hota hai, wahaan darr, udaasi yaa krodh ki koi jagah nahin hoti.
Ladne ki zaroorat gum ho jaati hai,
aur jo jawaab hamare bheetar hain unhein baahar dhoondhne ki zaroorat bhi mit
jaati hi.
THODA RUKEIN
Roshni ka ghera, jo iss ghere se door jaa chuka hai,
Dharti par banaaye doosre roshni ke gheron se milne hi waala hai.
THODA RUKEIN
Un par apna dhyaan kendrit karein.
Unko taakat dein.
THODA RUKEIN
Ek hi astitva ke roop mein Ek hokar, hum ek doosre ki madad karte hain, viksit hone
mein, aage badhne mein aur failne mein.
Aisaa mehsoos karein.
THODA RUKEIN
Ekta ki taakat se,
alag-alag jagaahon se roshni ke ghere fail rahe hain.
Pyaar se bharpoor.
Saari maanavta ke liye ek nayi chetna ke vaahak bankar.
Hamari bheetar roshni ki yaad ko lagaatar kaayam rakhte hue.
THODA RUKEIN
Sab milkar ek hone waale hain.
Ek astitva ka roop lete hi jo pyaar ka visphot hota hai usse mehsoos
karein.
Ek hi roshni ka ghera jo poori Dharti ko gherte hue usmein fail raha hai.
THODA RUKEIN
Roshni ke naye beej (codes), hamesha ke liye Dharti par ubhar rahe hain.
Pyaar, aatma-vishwaas aur sam´maan ke beej.
Aisi taakatvar vibrations jo humein shaanti aur saamanjasya se bhar rahi hain,
Aur humein dil se jeene ke liye himat de rahe hain.
THODA RUKEIN
Mehsoos karein kaise yeh ghera aapke bheetar ki aavaaz ko jagaa raha hai, uska
raasta khol raha hai.
Iss pal apne dil ke sandesh ko sunein.
THODA ZYAADA RUKEIN
Roshni ka yeh Jaal hamesha ke liye Dharti ke aas-paas jaagruk rahega, lagaatar
humein yeh yaad dilaane ke liye ki hum roshni hain. Hum pyaar ka roop hain aur
pyaar hi woh shakti hai jo waakai mein badlaav laakar mukt karti hai.
THODA RUKEIN
Hum un sab Roshni ke jeevon ka dhanyawad karenge jinhonein apni marzi se, iss
kaarya ko samarthan dene mein hamara saath diyaa hai.
Dharti Maan ko humein apni god mein lene ke liye, hamara poshan karne ke liye aur
humein sharan dene ke liye. Humein anant pyaar dene ke liye.
Aur un sab sehbhaagiyon ko bhi, jinhonein yahaan se, yaa doori se, Ekta mein
hamara saath diya hai.
Ab apni hatheliyon ko Dharti par rakhein aur Dharti Maan se vinnati karein ki jo bhi
shakti aapka bhautik shareer naa jhel sake, woh apne bheetar le lein.
___________________________________________________________
____
POONAM KA DHYAAN (MEDITATION)
19 octubre 2013
YEH DHYAAN (MEDITATION) POONAM KI RAAT KO
ISILIYE KIYA JAATA HAI KYONKI CHAAND KE ISS DAUR KI
BADHTI SHAKTIYAAN DHYAAN KE PRABHAAV KO AUR
BADHAAVA DETI HAIN.
Agar aap kissi ek aise ghere mein shaamil hona chahein jo iss
dhyaan ko alag-alag shehron mein karte hain to humein iss patte par
ek email bhejen:
aur hum aapko aapke shahar ke sabse kareebi ghere (group) se
sampark kara dengen.
Uske liye zaroori hai ki aap humein bataein ki aap kis desh aur
shahar mein maujood hain.
Apne desh ke sabse kareebi group ki jaankaari aap hamaari website
www.agartam.com mein, RED DE LUZ naam ki `khirki´mein bhi
dhoondh sakte hain, halanki sirf wahi prakashit (publish) kiye jaate
hain jinki humein aagyaa milti hai.
Agar aap khud ek naya group shuru karna chahein, toh kripaya
humein iss patte par ek email bhejein
*
AGAR AAPKO MEDITATION ENGLISH MEIN CHAHIYE, TO ISS PATTE PAR
ANURODH KAREIN
*
AGAR AAPKO MEDITATION GERMAN MEIN CHAHIYE, TO ISS PATTE PAR
ANURODH KAREIN
*
AGAR AAPKO MEDITATION BULGARIAI MEIN CHAHIYE, TO ISS PATTE
PAR ANURODH KAREIN
*
AGAR AAPKO MEDITATION HINDI MEIN CHAHIYE, TO ISS PATTE PAR
ANURODH KAREIN
*
AGAR AAPKO MEDITATION GALLEGO MEIN CHAHIYE, TO ISS PATTE PAR
ANURODH KAREIN
*
AGAR AAPKO MEDITATION RUSSIAN MEIN CHAHIYE, TO ISS PATTE PAR
ANURODH KAREIN
*
AGAR AAPKO MEDITATION ITALIAN MEIN CHAHIYE, TO ISS PATTE PAR
ANURODH KAREIN
*
AGAR AAPKO MEDITATION FRENCH MEIN CHAHIYE, TO ISS PATTE PAR
ANURODH KAREIN
*
AGAR AAPKO MEDITATION POLISH MEIN CHAHIYE, TO ISS PATTE PAR
ANURODH KAREIN
*
Poonam ka dhyaan (meditations) Agartam dwaara aapko pesh kiya gaya ek
bilkul muft kaarya hai jo har uss insaan ke liye maujood hai jo ismein
bhaag lena chahe.
www.agartam.com
www.english.agartam.com
____________________________
Raat ke 9.00 baje
Doosre shahar yaa groups dhoondhne ke liye hamari web mein salaah le sakte hain
www.agartam.com (Red de Luz)
*
SPAIN MEIN:
MATARÓ (BARCELONA)
NUCLEO
Camí Ral de la Mercè 453, 2º, 1ª
*
MEXICO: [email protected]
*
ARGENTINA: [email protected]
*
CHILE: [email protected]
*
PERU: [email protected]
_____________________________________________________________
MEDITATION ON LINE KARNE KE LIYE: (Spanish mein)
http://login.meetcheap.com/conference,dragonrojo
(Password daalna zaroori nahin hai. Kewal upyogkarta ki `khirki´mein naam)
Raat ke 9.00 baje, Spain ka time aur raat ke 9.00 baje, Venezuela ka time.
______________________________________________________________
RED DE LUZ (ROSHNI KA JAAL)
EKTA HAASIL KARTE HUE
RED DE LUZ KAISE BANI, USS PAR VIDEOS
(Spanish mein)
Alicia Sánchez Montalbán ki Conference
XIIIth. Congress of Science and Spirit mein, Sevilla mein.
Septiembre of 2012.
http://vimeo.com/52922336
Doori se yeh dhyaan karne waale kuchh gheron (groups) ki tasveeren
http://vimeo.com/51350858
Red de Luz (Roshni ki jaal) ka janam hua hai Poonam ke dhyaan (meditations)
se. Iss dhyaan ke liye mahine ka yeh samay isiliye chunaa gaya hai kyonki iss
daur mein jaise chaand thoda thoda karke patli lakeer se badhtaa hua poore
chandrama ka roop leta hai, waise hi in dinon mein jo bhi kaarya kiya jaata hai,
uska asar badhkar hota hai. Iss dhyaan ka asar waise hi EKTA ki wajah se
shaktishaali hai aur iss samay mein kiye jaane ki wajah se aur doogna ho jaata
hai.
Aur phir, chaand ke chakra ka paalan karte hue, hum PRAKRITIK CHAKRON
ka bhi sammaan karte hain jo hamare pyaare grahon se guzarte hain aur hum
Red de Luz (Roshni ke Jaal) ka asar pun: badhaate hain, har naye chakra mein
ek nayi meditation ke saath.
Hum ek ghera banaate hue ek hokar dhyaan karte hain, aur phir jo har ghere
mein shakti utpann hoti hai, aur jo doori par kiye gaye dhyaan se doosre gheron
mein shakti utpann hoti hai, un sab ko bhi ek karte hain. Yeh roshni ka ek ghera
hai jiska mahatva hai pehle khud ka santulan karna aur phir maanavta aur
saare jahaan ki madad karna.
Is waqt poori duniyaan mein 700 se zyaada ghere (groups) is meditation ko
karte hain, ek aisi sankhya jo din-ba-din badhti jaa rahi hai.
¿Kyaa aap apne desh mein iska bandobast karna chahenge?
Hum har mahine ke dhyaan (meditation) ke aadesh aapko bhejenge. Aapko sirf,
jo log yeh dhyaan karna chahte hain, un logon ko sahi din aur nishchit jagah par
ikathha karke bheji gayi meditation se aadesh padhne honge. Aap kuchh
mitron yaa jaan-pehchaan waalon se shuruaat kar sakte hain. Sabse achha
hoga ki aap isse waise hi karein jaise aapko theek lage aur karte waqt aapko
khud ko aaraamdaayak mehsoos karna chahiye….dhyaan karte samay aapki
khud ki shakti aur karne ka tareeka bhi shaamil hona chahiye.
Hum ek hi baat ki sifaarish karte hain ki yeh kaam bilkul muft (free) ho, aur
uss har ek ke liye khula ho jo ismein bhaag lena chahte hain.
In videos mein aapko zyaada jaankaari milegi (Spanish mein): Agartam kyaa hai? Interview:
http://www.youtube.com/watch?v=2Ii0UleScXw&list=PLkGUgnhqjXABtFvfP0BrkiN9aN_62T8Zt&index=1
Agartam, ekta ki taakat. Interview:
http://www.youtube.com/watch?v=BU64G8DB5mg&list=PLkGUgnhqjXABtFvfP0BrkiN9aN_62T8Zt&index=4 June 2010 mein poonam ke chaand ki reet. Direct nirdeshan:
http://vimeo.com/13173586 Red de Luz (Roshni ke jaal) ka ek chhota saa namunaa:
http://vimeo.com/51350858
Kyaa aap sehyog karna chahenge? http://vimeo.com/11377649
Agartam aapka dhanyawaad karte hai.
http://vimeo.com/26080616
Agar aap Poonam ke dhyaan ka apne desh mein aayojan karna chahte hain, To humein iss patte par ek email likhein
NNNN
NNN