përmbajtja …nëpërmjet dy kanaleve artificiale. kanali jugor është 200 m i gjatë, 6-48 m i...
TRANSCRIPT
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Përmbajtja
Mirënjohje…………………………………………………………………………………3
Abstrct……………………………………………………………………………...……4
I.Hyrje …………………………………………………………………………….……...5
II.QËLLIMI……………………………………………………………….……..………..6
III. PJESA TEORIKE
3.1 Pozita gjeografike e zonës së marrë në studim (Nartë) ……………………….……7
3.2 Të dhëna të përgjithshme për lakuriqët e natës…………………….….………….10
3.2.1 Orientimi ……………………………………………………………………...113.2.2 Ushqyerja…………………………………………………………………...….123.2.3 Habitatet e përdorura nga lakuriqët e natës…………………………….…..123.2.3.1 Vendbanimet e letargjisë……………………………………………………123.2.3.3 Vendbanimet në pyje ……………………………….……………………….133.2.3.4 Vendbanimet e lindjes …………………………………..……………….….13
3.3 Klasifikimi sistematik………………………...………………………….…………..13
3.4 Rëndësia e lakuriqëve të natës…………………………………….………………...16
IV. PJESA PRAKTIKE
4.1 Metodologjia……………………………………………………….…………………17
4.2 Materialet dhe metodat e studimit……………………………………..…………...18
4.2.1 Vizitë e drejtëpërdrejtë në vendbanime………………………….…………..194.2.2 Bat dedector …………………………………………………….……….….…204.2.3 Harp trap…………………………………………………………….…………214.2.4 Radio tracking………………………………………………………….………214.2.5 Nets……………………………………………………..…………...….……….224.2.5.1 Hand nets………………………………………………………….………….224.2.5.2 Static nets……………………………………………………….…………….224.2.5.3 Moving nets…………………………………………………………………..224.2.5.4 Mist nets……………………………………………………………………...234.2.6 Cone trap……………………………………………………………………….244.2.7 Pajisje të tjera………………………………………………………………….244.2.8 Markimi dhe unazimi…………………………………………………….…....254.2.9 Marrja e AND-së…………………………………………………………….....25
1
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
4.3 Speciet e lakuriqëve të natës në shqipëri……………………………………….…..26
4.4 Speciet e pranishme dhe potencialisht të mundshme në zonën e Nartës……..…..28
4.5 Rezultate dhe diskutime…………………………………….…………………….…38
4.5.1 Speciet e identifikuara në zonën e Nartës…………………………….………414.5.2 Kërcënimet që iu kanosen lakuriqëve të natës…………………………….....41
V. PËRFUNDIME DHE REKOMANDIME…………………………………………...45
VI. BIBLIOGRAFIA…………………………………………………………………….46
2
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Mirënjohje
Në radhë të parë falenderoj prindërit dhe familjen time. Ju jam mirënjohëse për të gjithë
sakrificat dhe mbështetjen që më kanë dhënë në rrugën e arsimimit tim.
Ndiej nevojën për të falenderuar të gjithë stafin e pedagogëve të Fakultetit të Shkencave
Teknike, në mënyrë të veçantë atë të Departamentit të Biologjisë, të cilët me shumë punë
dhe pasion përcollën tek unë, përgjatë tre viteve të nivelit Bachelor, njohuritë e nevojshme
për tu zhvilluar, formuar intelektualisht dhe për të paraqitur para jush një punim serioz.
Një tjetër falenderim jo më pak i rëndësishëm shkon për Profesorin tim udhëheqës Msc.
Enerit Sacdanaku, i cili më ka drejtuar dhe këshilluar gjatë punës time për përgatitjen e
kësaj teme.
Gjithashtu falenderoj Msc. Philippe Theou, studiues të lakuriqëve të natës në Shqipëri dhe
Msc. Ervis Loçe për ndihmën e tyre të vazhdueshme, në sigurimin e literaturës dhe
realizimin e punës time studimore. Meritojnë një falenderim special për ndihmën dhe
bashkëpunimin e tyre.
Ju faleminderit.
3
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Abstract
Albania is part of a biodiversity hotspot, and an important diversity of species andecosytems can be found in the country. Concerning the bats species, from over 1,200species in the world, 54 species can be found in Europe and 32 in Albania, which makesour country a hotspot in terms of bats species.
These mammals, not dangerous for people but very important for the economy and healthissues, are unfortunately facing various threats such as destruction of habitat and roosts,disturbance of colonies and the use of pesticides. There are few publications about thesespecies in Albania, which play an important role for the environment. Studies conducted inour country have made possible the identification of importants colonies, and also theidentification of network of roots used by bats during the year. In this thiesis, we arepresenting the species of bats (Order Chiroptera) actually found in Albania, focusingmainly on species that use, and those that are potentially using, the area of Narta ProtectedLandscape Vjosë -Nartë. This area, thanks to the variety of natural and artificial habitats,represent an important area for bats in Albania. This study is aiming to present the situationof bat population in the area of Narta, based on the bibliography and habitats recorded,but also thanks to the first ever direct data collection on bats in the area.
4
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
I. HYRJE
Shqipëria paraqet një vend mjaft të përshtatshem për biodiversitetin, kjo bazuar në
karakteristikat gjeologjike dhe të relievit që ajo ka (DPPK, 2002). Shumëllojshmëria e
habitateve që ndodhen në këtë vend, e bën Shqipërinë një pikë të rëndësishme për
strehimin e lakuriqëve të natës.
Ekzistojnë rreth 1200 specie lakuriqësh nate në të gjithë botën, ku 54 lloje gjenden në
Evropë dhe 32 lloje në Shqipëri (www.eurobats.org), çka e bën vendin tonë një pikë të
nxehtë përsa i përket lakuriqëve të natës. Lakuriqët e natës janë gjitarët e vetëm të aftë për
të fluturuar. Rreth 70 % e lakuriqeve të natës janë insektengrënëse. Shumica e pjesës tjetër
janë frutangërenes. Në Evropë pjesa më e madhe janë insektngrënës si edhe disa lloje janë
frutangrënës (www.bats.org.uk). Habitatet që këto specie preferojnë për të jetuar janë
kryesisht mjedise te errëta dhe të qeta si; tunele, shpella, ndërtesa të braktisura, pyje,
bunkere etj. Shqipëria ka një territor që përfshin tipe të shumta habitatesh (Grup autorësh,
2003) dhe një diversitet të lartë biologjik, duke qënë në këtë mënyrë një territor mjaft i
rëndësishëm ku gjenden lloje të ndryshme të lakuriqëve te natës. Këto gjitare, aspak të
rrezikshëm por shumë të rëndesishëm për ne njerëzit, për fat të keq po përballen me
kërcënime të ndryshme si: prishja e gjumit dimëror, ngacmimi i kolonive në periudhën e
pranverës, copëtimi dhe shkatërrimi i habitateve si dhe përdorimi i pesticideve. Studimet e
kryera në vendin tonë kanë bërë të mundur identifikimin e disa kolonive dhe habitateve të
përdorura nga lakuriqët e natës gjatë gjithë vitit.
Në këtë punim do të analizojmë speciet e lakuriqëve të natës (Rendi Chiroptera) në vendin
tonë, duke u fokusuar kryesisht në speciet që jetojnë dhe ato që janë potencialisht të
mundshme për të jetuar në zonën e Nartës si pjesë e Peisazhit të Mbrojtur Vjosë –Nartë.
Kjo zonë, si rezultat i larmishmërisë së habitateve natyrore dhe artificial, përfaqëson një
pikë të rëndësishme për lakuriqët e natës në Shqipëri. Gjithashtu do mundohemi të sjellim
të dhëna mbi llojet e lakuriqëve të natës të kësaj zone, duke bërë të mundur në këtë mënyrë
plotësimin e të dhënave ekzistuese për këto specie nga pjesa veriore e deri në jug të vendit
përgjatë vijës bregdetare. Për këtë arsye është e rëndësishme vëzhgimi dhe studimi i tyre
duke na dhënë në këtë mënyrë mundësinë të shohim zhvillimin e mjedisit në të ardhmen,
duke qënë se lakuriqët e natës janë bioindikatorë shumë të mirë të gjendjes së mjedisit.
5
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
II. QËLLIMI
Me anë të kësaj mikroteze synojmë të sjellim informacion të përgjithshëm mbi lakuriqët e
natës, në Shqipëri, e veçanërisht të paraqesim situatën e lakuriqëve të natës të pranishme
dhe ato potencialisht të mundshme për të përdorur zonën e Nartës, si pjesë e Peisazhit të
Mbrojtur Vjosë-Nartë, duke u bazuar në literaturën dhe habitatet e regjistruara, por edhe në
sajë të të dhënave të mbledhura nga vizita dhe vëzhgimi drejtëpërdrejtë në zonës.
Gjithashtu do të japim disa të dhëna mbi metodat e studimit të tyre, duke u bazuar në
direktivat e Komunitetit Evropian, si dhe rëndësinë e lakuriqëve të natës në zhvillimin e
mjedisit.
6
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
III. PJESA TEORIKE
3.1 Pozita gjeografike e zonës së marrë në studim (Nartës)
Figura 3.1. Vendodhja e zonës së studimit (Foto PM. 2004)
Vendi : Shqipëri
Rajoni : Vlorë
Komuna: Komuna Novoselë dhe Komuna Qendër.
Koordinatat Qëndrore të Kompleksit Ligatinor Vjosë-Nartë : 40˚35’N and 19˚23’E
Zona e Pejsazhit të Mbrojtur (ZPM) Vjosë-Nartë (Kategoria e IV IUCN)është një
kompleks ligatinorqë shtrihet ne Rajonin e Vlorës. Vetë zona mbulon nje siperfaqe prej 19.
738 hektaresh. Lartesia e kompleksit varion nga 0 - 246 m mbi nivelin e detit. Pika më e
lartë ndodhet midis fshatrave Hoshtimdhe Llakatund.
Kufijtë e ZPM janë si më poshtë: Veri – Lumi Vjosa deri në fshatin Mifol, Lindje – Vija
që lidh majat e kodrinave “Mishikarta”
“Cecai”, “Cipllaku”, “Kisha”, “Mutreva” dhe Babica eVogël”,Jug – vija që lidh fshatin e
Nartës me fshatin e Zvërnecit (Pusi i Mezinit – Fusha e Kripores – Pylli I Sodës),
Perëndim – Deti Adriatik (Vjosa -Treporti).
7
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
ZPM shtrihet ne territorin e dy komunave: Komuna Novoselë në veri të saj dhe Komuna
Qendër në jug. Zona e projektit perfshin 18 fshatra (Zverrnec, Narte, Panaja, Oshtime,
Kerkovë , Bestrovë , Aliban, Poro, Novoselë, Mifol, Cerkovinë, Skrofotinë, Fitore,
Trevllazër, Akërni, Bishan, Delisuf, Dëllinjë) me një popullsi prej 24. 000 banorësh. Qyteti
më i afërt është Vlora, një prej qyteteve më të mëdha të Shqiperisë me nje popullsi prej
106. 000 banorë.
Laguna e Nartës
Narta është sipërfaqja ujore kryesore e zonës. Pjesa veriore e saj u transformua në kripore,
të cilat sot mbulojnë një sipërfaqe prej afro 1. 500 ha. Kriporja dhe lagunat ndahen nga një
digë prej 13.8 km2. Laguna e Nartës (2. 900 ha) ndahet nga deti prej një brezi ranor, i
mbuluar në pjesën më të madhe të tij prej pyllit të pishave. Laguna komunikon me detin
nëpërmjet dy kanaleve artificiale. Kanali jugor është 200 m i gjatë, 6-48 m i gjerë dhe 0.2
-1.8 m i thellë. Kanali verior është 800 m i gjatë, 11-60 m i gjerë dhe 0.3-0.5 m i thellë.
Kanali ka një debit prej 2.2 – 4.3 m3/s. Të dy kanalet bllokohen shpesh për shkaktë
mbushjes nga sedimentet.
Laguna ka një thellësi mesatare prej 1.2 m. Thellësia maksimale arrin 2.08 m ndërsa
thellësia minimale është 1.08 m. Si cdo lagunë tjetër edhe këtu regjimi ujor është në varësi
të baticë-zbaticës. Një ndikimtë madh kanë edhe erërat. Era jugore ul nivelin e lagunës
me 20-25 cm ndërsa era e veriut ngre nivelinme 15-20 cm. Uji i lagunës është tepër i kripur
me shifra që në pikun e verës kapin vlerën 78.0 0/00.Gjatë dimrit kripësia zbret në 36
0/00 dhe është e ngjashme me detin Adriatik. Pjesa lindore e lagunës ecila ndikohet pak
nga ujërat detare, shfaq luhatje të theksuara të kripësisë. Ujërat e lagunës janë pakalkaline
(pH 8.4-8.8). Sasia e Oksigjenit të tretur varion midis 5-10 mg/l. Kur sasia e ujit të ëmbël
është mjaft e ulët (vecanërisht gjatë verës) dhe kur kanalet e komunikimit janë të
bllokuara nga mbushjet, një sipërfaqe prej afro 1. 000 ha thahet ndërsa një pjesë tjetër prej
afro 800 ha kap një thellësi prej 10 cm. Kjo thatesirë është mjaft e dëmshme për biotën e
lagunës.
Ishulli i Zvërnecit
Është një nga dy ishujt e lagunës së Nartës në Vlorë. Ai ndodhet në pjesën jugore të
lagunës, mbulohet nga pylli gjethëgjerë i Selvisë, Cupressus sempervirens (pemë 8-10 m të
8
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
latra) në shoqërim me Quercus ilex, Quercus pubescens dhe Pinus sp. Mbulesa bimore
është mjaft e dendur duke arritur deri në 90-100% të sipërfaqes së përgjithshme. Kati i
shkurretave përbehet nga lloje si Myrtus communis, Pistacia lentiscus, Laurus nobilis,
Rubus spp., Phillyrea angustifolia, Olea olaster, etj. Mbulesa bimore e këtij kati 1-2 m të
lartë është 50–60%. Kati barishtor është i rrallë dhe me pak lloje si Chrysopogon gryllus,
Asparagus acutifolius, Dactylis glomerata, Desmazieria rigida etj. Nëkëtë ishull ndodhet
kisha e Shën Marisë, një kishë e vjetër dhe me mjaft vlera. Vajtja në këtë ishull mundësohet
nga një urë e gjatë druri që lidh atë me bregun. Ai ka një sipërfaqe rreth 9 ha. Pranë tij
shtrihet fshati që mban të njëjtin emër.
Dunat ranore
Kompleksi ligatinor i Nartës është i famshëm për dunat e tij ranore bregdetare disa prej të
cilave arrijnë 6-8 metra. Dunat ranore dhe brezi ranor përgjatë vijës bregdetare janë të
zhveshura nga bimësia deri në një gjatësi prej 30 m. Llojet fanerogame shfaqen të parat.
Këto lloje pioniere përfshijnë Cakile maritima, Xanthium strumarium subsp. italicum,
Salsola kali dhe lloje tipike të dunave si Ammophila arenaria subsp arundinaceae, Elymus
farctus, Echinophora spinosa etj.
Pylli i Sodës
Pylli i Sodës zë një pjesë të konsiderueshme të zonës së Nartës shtrirë paralel me dunat e
kësaj zone.
Ky pyll është mbjell rreth 30-40 vjet më parë për të stabilizuar bregdetin dhe zë rreth
1.200 ha të kësaj zone. Bimësia e këtij pylli përfaqësohet nga speciet e pishave Pinus
maritime, Pinus pinea, Pinus pinaster.
Shtresa e shkurreve përfaqësohet nga llojet tipike mesdhetare si Pinstacia lesticus, Erica
manipuliflora, Myrtus communis, ndërkohëspeciet e klasës Quercetea ilicis mbulojne 40-
50% të sipërfaqes totale. Në mes të këtyre komuniteteve bimore (pishave dhe shkurreve)
ka disa rripa të kultivuara të dominuara nga Acacia saligna (një pjesë e të cilave janë
djegur në vitin 2003) si dhe Agava Americana (Plani I Menaxhinit, 2004)
9
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
3.2 Të dhëna të përgjithëshme për lakuriqët e natës
Lakuriqët e natës janë gjitarë fluturues që bëjnë pjesë në rendin Chiroptera. Chiroptera vjen
nga dy fjalë greke “cheir” që do të thotë dorë dhe “pteron” që do të thotë krah. Këto specie
fluturimin e tyre e realizojnë në sajë të transformimit të gjymtyrëve të përparmë në “krahë”
si dhe në sajë të “pëlhurës” të quajtur patagium. Kjo e fundit shtrihet në të dy anët e trupit
dhe fillon nga katër gishtat e fundit të dorës ( gishti 2, 3, 4, 5 ), vazhdon me gjymtyrën e
pasme dhe shpesh edhe me bishtin.
Figura 3.2. Morfologjia e lakuriqëve të natës (Foto e marrë nga google)
Kockat e gishtave të lakuriqeve të natës janë shumë më elastike se ato të gjitarëve të tjerë.
Një arsye është se kërci në gishtat e tyre nuk ka kalcium dhe minerale të tjera afër majës,
duke rritur aftësinë e përkulshmërisë së tyre. Pjesa e kryqëzuar e kockave të gishtave të
tyre është e rrafshët krahasuar me atë të njeriut dhe është shumë më elastikë. Lëkura në
membranat e krahëve të tyre ka më shumë elasticitet kështu që mund të zgjatet më shumë
se tek gjitarët e tjerë. Krahët e lakuriqeve të natës janë shumë më të hollë se ato të
shpendëve, kështu që ata mund të manovrojnë më shpejt dhe me më saktësi sesa shpendët.
Janë gjithashtu delikatë dhe kanë një shkëlqim të lehtë. Megjithatë indet e membranës të
lakuriqit të natës janë në gjendje të ripërtërihen, në mënyre të tillë që vrimëzat e vogla
mund të shërohen shpejt. Sipërfaqja e krahëve të tyre është e pajisur me receptorët e
10
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
ndjeshmërisë në formën e gungave të vogla të quajtura qelizat Merkel, të cilat gjenden në
shumicën e gjitarëve përfshirë edhe njeriun, në mënyre të ngjashme gjendet në majë të
gishtave tanë. Zonat e ndjeshmërisë janë në sipërfaqe të ndryshme të trupit të lakuriqit të
natës ashtu si çdo gungë ka një fije të imët në qendër, për ta bërë atë edhe më të ndjeshme
dhe duke lejuar lakuriqin e natës për të zbuluar dhe për të mbledhur informacion për
rrymën e ajrit mbi krahët e tij, duke siguruar reagimin e tyre për të ndryshuar formën e
krahut, për të fluturuar më mirë. Disa lakuriqë si lakuriqi i vogël ngjyrë kafe mund ta
përdorin këtë shkathtësi. Lakuriqë të tjerë si dhelpra fluturuese përdorin membranën e
krahëve të tyre për të kapur prenë. Kjo qelizë receptorë është e ndjeshme ndaj zgjatjes së
membranës.Këto qeliza janë të përqendruara në zonat e membranës ku insektet prekin në
krahë kur lakuriqët e natës i kapin ato. Përsa i përket jetesës së tyre ata bëjnë jetë aktive
gjatë muzgut. (www.batlife-europe.info/about-batlife-europe/european-bats)
3.2.1 Orientimi
Përsa i përket mënyrës së orientimit të tyre në kushte errësire lakuriqët e natës orientohen
me anë të ekolokacionit. Kafsha prodhon vazhdimisht ultratinguj, të cilët mbasi përplasen
në një objekt, reflektohen nga ai dhe pastaj kapen nga veshi duke diktuar në këtë mënyrë
gjahun apo pengesat formën dhe relievin e tyre si psh faqet dhe thellësinë e nje zgavre. Në
gjendje qetësie kafsha prodhon 10 ultratinguj në sekondë, ndërsa gjatë fluturimit 60
ultratinguj në sekondë. Disa specie përdorin frekuenca deri 110kHz. Frekuencat e
përdorura prej tyre janë të ndryshme në specie të ndryshme, në varësi kjo nga mjedisi dhe
lloji i gjahut me të cilin ato ushqehen.
Kjo do të thotë se shumë specie të lakuriqëve të natës mund të identifikohen në bazë të
frekuencave të përdorura prej tyre. (Dietz.Ch, & von Helversen. O, 2004)
Në rastin e Megachiropterëve kemi një orientim me anë të të parit dhe të aromës por nuk
mungon edhe orientimi me anë të ekolokacionit. Sytë tek Chiroptrët janë të vegjël dhe pak
të zhvilluar, duke çuar në një mprehtësi të varfër vizuale, por asnjëri prej tyre nuk është i
verbër.Vizioni është përdorur për të drejtuar lakuriqet e natës veçanërisht për distanca të
gjata. Lakuriqet gjuajnë gjatë natës për të shmangur konkurrencën me zogjtë, dhe
udhëtojnë në distanca më të mëdha së 800 km, në kërkimin e tyre për ushqim.
11
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
3.2.2 Ushqyerja
Për tu ushqyer, lakuriqet e vegjël, mbështeten tek qumështi i nënës së tyre. Kur ata janë
disa javësh pritet që të fluturojnë dhe të gjuajnë vetë për të siguruar ushqimin. Lakuriqët e
natës të pranishëm në Shqipëri janë insektngrënës. Çdo specie ka llojin e saj të preferuar.
Ata mund ti kapin ato në fluturim ose jo.
Lakuriqët e natës kanë nevojë për kushte të ndryshme në kohë të ndryshme të vitit, për këtë
arsye ata migrojnë për të gjetur vendet dhe vendbanimet që u përshtaten nevojave të tyre.
3.2.3 Habitatet e përdorura nga lakuriqët e natës
Vendbanimet e tyre i ndajmë në vendbanimet e letargjisë, vendbanimet e lindjes dhe ato të
ushqyerjes . Habitatet që preferojnë lakuriqët e natës për të jetuar janë shpellat, bunkerët,
ndërtesat e braktisura, tunelet, pyjet.
3.2.3.1 Vendbanimet e letargjisë
Gjatë dimrit, lakuriqët e natës, hyjnë në periudhën e letargjisë, një periudhë gjatë të cilës
ato mund të mbijetojnë në kushte shumë të ashpra. Temperatura e trupit të tyre ulet, kjo
shoqërohet me uljen e metabolizmit, duke bërë që ata të mbijetojnë me yndyrën që kanë
grumbulluar. Periudha e dimërimit të tyre është në muajt dhjetor-shkurt kurse periudha e
riprodhimit gjatë muajve maj-korrik. Gjatë letargjisë së tyre ata preferojnë vende të ftohta
me temperaturë konstante dhe për këtë arsye lëvizin drejt shpellave.
3.2.3.2 Vendbanimet në ndërtesa
Përsa i përket vendbanimeve të tyre në ndërtesa kjo ka ardhur si një përshtatshmëri e
këtyre specieve si rrjedhojë e prishjes së habitateve të tyre natyrore. Ato mund të gjenden
në një shumëllojshmëri ndërtesash si: shtëpi, ura, plevica, kisha, reparte ushtarake, tunele.
Ndërtesat mund të përdoren prej tyre gjatë gjithë vitit, por më se shumti gjenden dhe vihen
re gjatë muajve të verës. Disa specie i përdorin ndonjëherë ndërtesat, kurse të tjera janë të
lidhura me këto habitate. Speciet tipike të ndërtesave përmendim kryesisht llojet e gjinisë
Pipistrelus, por edhe shumë lloje të tjera si Rhinolopus, Myotis, Plecotus, Tatarida,
Miniopterus.
12
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
3.2.3.3Vendbanimet në pyje
Gjithashtu përvec specieve që gjenden në shpella dhe ndërtesa kemi dhe specie të cilat
jetojnë në pyje, të cilat sigurojnë një strehim të përstatshëm për lakuriqët e natës , pasi u
siguron atyre tërheqjen e insekteve. Ata përdorin cdo boshllëk që gjendet nëpër pemë,
përfshirë këtu zgavrat të krijuara nga kafshët e tjera, prishja e natyrshme e drurit apo nga
metodat njerëzore (pemëtaria). Në varësi të periudhës së vitit, llojit të pyllit përcaktojmë
dhe specien e pranishme në pyll.
Llojet Nyctalus përdorin pyjet e vogla e të mesme, kurse disa të tjerë si Leisler e kalojnë
dimrin në pyje. Llojet Rhinolophus i përdorin pyjet vetëm si habitate për tu ushqyer.
3.2.3.4 Vendbanimet e lindjes
Kur moti ngrohet zakonisht në fillim të verës lakuriqët e natës shtatëzanë mblidhen
sëbashku në të ngrohtë në vende të siguta për të lindur të vegjlit e tyre. Këto vende quhen
vendbanimet e lindjes. Disa prej tyre kthehen në të njëjtin vend cdo vit. Shtatëzania e një
lakuriqi nate zgjat 6-9 javë. Gjatësia e shtatëzanisë varet nga specia dhe mund të ndikohet
nga moti, klima, ushqimi. Pas lindjes së të voglit nëna kujdeset për të deri në 5 javë derisa
ata bëhën të aftë për të fluturuar dhe ushqyer vetë. Lakuriqët e natës bëjnë vetëm një fëmijë
në vit dhe mund të jetojnë deri në 30 vjet. Përsa i përket vendit tonë ajo është e pasur me
bukuri gjeologjike e biologjike duke krijuar një territor mjaft të rëndësishëm për këto
specie. (Mitchell-Jones. A. J. & McLeish A. P. 2004).
3.3 Klasifikimi sistematik
Rendi Chiroptera ndahet në dy nënrende kryesore Megachiropterët dhe
Mikrochiropterët.
Nënrendi Megachiropterët përmbajnë vetëm një familje atë Pteropide. Gishti i dytë i
dorës është i larguar nga i treti dhe ka tre falangje; falangu i tretë shpesh është i pajisur me
thua. Bishti zakonisht mungon; kur ekziston ai nuk lidhet me gjymtyrët e pasme me anë të
patagium. Janë frutangrënës. Kanë trup mesatar dhe të madh; tek speciet me trup të madh
patagiumi i hapur arrin 150 cm. Megachiropterët janë të përhapur në rajonet intertropikale
13
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
dhe ekuatoriale, në të gjithë globin.Bazuar në mënyrën e të ushqyerit të tyre ata
janëfrutangrënës. Ata bejnë jetë aktive gjatë natës.Nuk janë të pranishëm në vendin tonë.
(www.eurobats.org).
Nënrendi Mikrochiropterët përmban specie me dimensione të vogla dhe pjesa më e
madhe e tyre ushqehen me insekte. Gishti i dytë i dorës së dytë është i ngjitur me të tretin
dhe përbëhet nga një falang i vetëm i cili nuk ka thua. Bishti është i zhvilluar dhe lidhet me
gjymtyrët e pasme me anë të patagium. Mikrochiropterët klasifikohen në mbi 15 familje,
ku në Shqipëri kemi të pranishme 3 familje: Rhinolopidae, Vespertilionidae, Molossidae.
Tab.3.1. Klasifikimi sistematik i nënrendit Micochiroptera
Rendi Nënrendi Familja Gjinia Lloji
Chiroptera Microchiroptera Rhinolophidae Rhinolophus R.hipposideros
R.blassi
R.euryale
R.ferrumequinum
R. mehyeli
Vespertilionidae Epasticus E. serotinus
Myotis M.myotis
M.capaccini
M.blythi
/oxyganthus
M.emarginatus
M.nattereri
M.daubentonii
M.bechsteini
M.mystacinus/
bulgaricus
Miniopterus M. schreibersi
Nyctalus N.leisleri
N.noctula
14
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
N.lasiopterus
Plecotus P.auritus
P.austriacus
P.macrobullaris
P.kolombatovici
Pipistrellus P.savii
P.nathusi
P.kuhli
P.pipistrellus
P. Pygmaeus
Barbastella B.barbastellus
Molossidae Tatarida T. teniotis
Në bazë të regjimit ushqimor të tyre, Mikrochiropterët i ndajmë në: Lakuriq
insektngrënës- përmendim specien Rhinolopus ferrumequinum e përhapur në evropë dhe
në vendin tonë, Vespetilio murinus ( lakuriq nate dyngjyrësh ) ka një përhapje në Euroazi,
si dhe Pipistrelus pipistrelus, Myotis myotis të pranishme dhe në Shqipëri.Pothuajse 3/4 e
lakuriqeve të natës në të gjithë botën janë insektengrënëse. Secili prej këtyre lakuriqeve
është në gjendje të konsumojë insekte sa 1/3 e peshës së trupit të tij çdo ditëdhe disa
qindra insekte në disa ore. Kjo do të thotë se 1000 lakuriqe natë mund të hanë 4 ton insekte
çdo vit. Llojet e insekteve të konsumuara nga lakuriqet e natës mund të ndahen në 2
kategori: insektet e ajrit dhe insektet që banojnë në tokë.
Lakuriqët mishngrënës- përmendim gjininë Phyllostomus e cila ka një regjim ushqimor
kompleks; ushqehet me vertebrorë të ndryshëm si shpend, brejtës dhe lakuriq nate por në
disa raste edhe me insekte dhe fruta. Kjo gjini është e përhapur në Amerikën intertropikale.
Lakuriqët peshkngrënës- përfaqësohen me specien Noctilio leporinus, e përhapur në
amerikën jugore. Lakuriqët nektarngrënës dhe polenngrenës- kanë gjuhë të gjatë me të
cilën mbledhin nektarin dhe polenin në lule.Kjo kategori lakuriqësh përfaqësohet nga
gjinia Glossophaga.
15
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Lakuriqët gjakpirës ose vampirët e vërtetë- përfaqësohen me gjininë Desmodus. Janë të
përhapur në amerikën e jugut. Kanë një fluturim pa zhurmë, me anë të dhëmbëve incisive,
të cilët presin si një brisk rroje, ata prsin një copë lëkure pa shkaktuar dhimbje tek kafsha.
Lakuriqi thith gjakun që rrjedh nga plaga, kjo rrjedhje e gakut ndihmohet nga pështyma e
lakuriqit e cila përmban substanca antikoagulante. “Vampiri’ sulmon çdo gjitar, përfshirë
edhe njeriun.
3.4 Rëndësia e lakuriqëve të natës
Lakuriqët e natës në ditët e sotme përbëjne një ndër speciet më të rrezikuara në të gjithë
botën, përfshirë këtu edhe vendin tonë. Për këtë arsye habitatet e tyre janë shpallur zona të
mbrojtura. Në vendin tonë habitatet më të preferuara të lakuriqëve sic janë shpellat janë të
mbrojtur nga ligjet shqiptare jo vetëm si Monumente Natyrore, por edhe si habitate të
rëndësishmë për këto specie të cilat janë të lidhura ngushtë më mjedisin duke qenë
bioindikatorë shumë të mirë të gjendjes së mjedisit dhe zhvillimit të tij. Toka pa lakuriqët e
natës do të ishte një vend shumë i varfër. Më shumë se 1200 lloje të lakuriqëve të natës në
mbarë botën luajnë një rol të rëndësishëm ekologjik, që është jetike për ekosistemet
natyrore si dhe për ekonominë njerëzore. Lakuriqët e natës konsumojnë sasi të mëdha të
insekteve përfshirë këtu ato që janë të dëmshme për tokat bujqësore. Shumë të tjera janë
nektarngrënëse dhe polenngrënëse duke mundësuar në këtë mënyrë polenizimin e shumë
bimëve, duke çuar kështu në prodhimin e frutave të cilat mbështesin ekonominë lokale por
edhe jetesën apo ushqimin e popullatave të kafshëve të ndryshme. Disa bimë komerciale të
cilat polenizohen nga lakuriqët e natës janë banania, kakao, agavet etj. Një tjetër rol mjaft i
rëndësishëm i lakuriqëve të natës konsiston në shpërndarjen e farave duke siguruar
pastrimin e pyjeve si dhe rigjallërimin e bimësisë së tyre. Jashtëqitja e tyre e quajtur guano
shërben si një pleh natyror i pasur. Këto cilësi i bëjnë këto specie mjaft interesante për ti
studiuar dhe mbrojtur nga rreziqet të shumta të cilat në ditët e sotme janë gjithnjë e me
shumë në rritje si rritja e pesticideve, prishja e habitateve, ngacmimi i kolonive në
periudhën e riprodhimit, prishja e gjumit të dimërimit
IV. PJESA PRAKTIKE
4.1 Metodologjia
16
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Figura 4.1. Harta e stacioneve të monitoruara gjatë ekspeditës së realizuar në 03.07.2015
Për realizimin e kësaj teme diplome është shfrytëzuar literatura e huaj dhe ajo vendase, e
cila është grumbulluar, përzgjedhur dhe përshtatur për punimin e saj. Është realizuar një
monitorim dhe një vizitë një ditore (3 korrik 2015) në zonën e Nartës. U vizitua pylli i
sodës dhe zona e Dajlanit. Në këtë ekspeditë u realizua një kontroll në vendbanimet e
mundshme të lakuriqëve të natës (kisha, bunkere, tunele), gjatë ditës kurse gjatë mbrëmjes
17
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
u bë monitorimi dhe studimi i disa specieve të kapura. Disa nga materialet e përdorura në
këtë studim ishin mist nets, bat dedector, head torch (dritat e kokës).
4.2 Materialet dhe metodat e studimit
Përsa i përket studimit dhe monitorimit të lakuriqëve të natës ekzistojnë një sere metodash
dhe materialesh si:
1. Vizitat e drejtëpërdrejta në vendbanimet e tyre.
2. Bat dedector.
3. Harp trap.
4. Radio tracking.
5. Nets- (moving nets, hand nets, static nets, mist nets).
6. Cone trap.
7. Paisje të tjera (çanta rrobe, gërshërë, head torch)
8. Markimi dhe unazimi
9. Marrja e AND-së
Por është shumë e rëndësishme dhe e nevojshme të dihet se monitorimi por mbi të gjitha
kapja e këtyre specieve kërkon një kujdes të vecantë pasi këto specie karakterizohen nga
një ndjeshmëri e lartë.
Metodat e përdorura për kapjen dhe studimin e lakuriqëve të natës mund të shkaktojnë
ankth dhe dëmtime fizike tek ta, prandaj duhet treguar mjaft kujdes, e sidomos tek femrat
shtatëzanë pasi ato mund të lindin apo të abortojnë fetusin e tyre.
4.2.1 Vizitë e drejtëpërdrejtë në vendbanimet e lakuriqëve të natës
18
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Me vizita të drejtëpërdrëjta
nënkuptojmë lëvizjen në
terren për të gjetur
vendbanimet e tyre (tunele,
shpella, bunkerë, shtëpi të
braktisura, pyje) dhe
vëzhgimi më pas I këtyre
vendbanimeve.Hyrja nëpër
to dhe vëzhgimi më pas i
lakuriqëve ose shenjave të
tyre (jashtëqitjet të quajtura
ndryshe guano, mbetjeve të
insekteve apo dhe skeleteve të lakuriqëve) tipare këto që tregojnë për praninë e lakuriqëve
të natës në vendbanime të caktuara. Një metodë e cila u përdor edhe gjatë studimit të kryer
nga ana jonë.
19
Figura 4.2. Bunker ushtarak i vizituar gjatë ekspeditës në zonën eNartës (Foto E.Loçe, Nartë 2015)
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Figura 4.3. Kishë e vjetër e vizituar gjatë ekspeditës në zonën e Nartës (Foto E. Loçe Nartë 2015)
4.2.2. Bat dedector (Rregjistruesi i thirrjeve)
Përdorimi i kësaj metode bën të mundur
kapjen e ultratingujve dhe analizën e
specieve me anë të thirrjeve
(ultratingujve) të tyre.Pasi bëhet kapja e
thirrjeve me anë të bat dedector, këto
thirrje kalohen në një program të veçantë
(program analitik), i cili bën përcaktimin
e specieve në bazë të
frekuencës (çdo specie ka një frekuencë
të caktuar). Ka tre lloje thirrjesh: thirrjet që
lëshojnë për tu ushqyer, thirrjet që lëshojnë
për tu orientuar (echolocation), thirrjet që lëshojnë për njëri tjetrin (social call). Një metodë
(material) studimi e përdorur gjatë studimit tonë.
20
Figura 4.4. Regjistrues Ultratingujsh (Foto e marrë nga google)
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
4.2.3 Harp trap (Qeset kurth)
Kjo metodëështë mjaft e mirë në ato vendbanime ku kemi një numër të lartë të lakuriqëve
të natës. Harp trap përbëhet nga nje kornizë mbështetësë dhe dy buzë najloni të pajisura
me tel të lidhura në mënyrë vertikale. Kjo metodë është mjaft sukseshme për lakuriqët e
natës që janë në fluturim.Lakuriqi bie në të dhe rrëshqet në brendësi. Harp trap (qeset e
kurthit) janë të ndërtuara në mënyrë të tillë që të minimizojnë rrezikun e dëmtimit të
individëve të lakuriqëve të natës. Ato vendosen kryesisht ne hyrje të vendbanimeve të
lakuriqëve të natës (shpella, tunele), në shtigjet pyjore, midis pemëve, nën ura. Harp trap
janë veçanërisht të përshtatshme për specie që peshojnë më pak se 30g.
21
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Figura 4.6. Pajisje që shërben për kapjen e lakuriqëve të natës në ambiente të vogla si hyrje shpellash,tunelesh, bunkeresh me përmasa të vogla (Foto e marrë nga google)
4.2.4 Radio tracking (Radio transmetues)
Kjo metodë varet nga lloji i studimit që bëhet: 1) shpërhapjen, 2) vendodhjen apo 3)
lëvizjet migratore. Këto radio transmetues zgjasin rreth 2 javë që pas vendosjes së tyre.
Pasi lakuriqi i natës është kapur, nëpërmjet teknikave të ndryshme, në mes të shpatullave të
tyre rruhen qimet dhe do të vendoset radio transmetuesi. Nëpërmjet ndjekjes së sinjalit të
kapur prej dedektorit (regjistruesit), do të mundësohet orientimi dhe gjetja e vendodhjes së
saktë e species. Po në këtë mënyrë zbulohet edhe shpërhapja e tyre. Po ashtu edhe migrimi
22
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
i tyre (lëvizjet migratore) përcaktohet më anë të valëve satelitore të kapura nga dedektori.
Në këtë mënyrë vërehet linja e lëvizjes së tyre, bëhet lidhja e popoullatave të lakuriqëve, se
në cilin vend ata migrojnë.
4.2.5 Nets (Rrjetat)
Janë të llojeve të ndryshme, ku mund të përmendim hand nets (rrjetat e dorës). Këto lloj
rrjetashi kemi në formë rrethore dhe si një balonë. Ato janë mjaft të dobishme në rastet
kur lakuriqët e natës gjenden nëpër qoshe.
4.2.5.1 Hand nets (Rrjetat e dorës)
Përdoren në vendbanime të tilla si në catitë e ndërtesave të ndryshme
4.2.5.2 Static nets (Rrjetat statike)
Të cilat vendosen jashtë hyrjes së
vendbanimeve të tyre , në kohën kur
bie muzgu dhe lakuriqët e natës
filojnë aktivitetin e tyre jetësor.
Kjo është një metodë e cila bën të
mundur përcaktimin e llojeve që
gjenden në një vendbanim të caktuar.
Gjatë përdorimit të kësaj metode
është shumë e rëndësishme ruajtja e
qetësisë sepse në të kundërt zhurmat
mund të shkaktojnë vonesë në daljen e
tyre e si rrjedhojë reduktimin e kohës
së ushqyerjes, si dhe largimin e
lakuriqëve të natës nga vendbanimet e
tyre.
4.2.5.3 Moving net (Rrjeta lëvizëse)
23
Figura 4.7. Foto e rrjetave të ndryshme që përdoren për kapjen e lakuriqëve të nattës (Foto e marrë nga google)
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Këto rrjeta nuk janë shumë të përdorshme dhe nuk janë të rekomandueshme pasi lakuriqët
e natës mund të dëmtohen lehtë nga përdorimi i tyre.
4.2.5.4 Mist net (Rrjetat mjegull)
Këto rrjeta konsistojnë në rrjeta najloni ose tyl e cila mbahet e tendosur në dy pole me anë
të dy shkopinjëve. Përdoren nga Ornitologët për monitorimin dhe studimin e shpendëve si
dhe nga Kitopterologët për monitorimin e studimin e lakuriqëve të natës. Kjo lloj rrjete i
ngjan një rrjete volejbolli. Ndryshe mund ti quajmë rrjeta mjegulle pasi praktikisht janë të
padukshme. Kanë një lartësi 12 – 18 m dhe janë të ndara në rafte të krijuara nga fijet e
lidhura horizontalisht, ku secila krijon një xhep të lirshëm që i mban kafshët të
bllokuara.Madhësia e rrjetave ndryshon në varësi të species.Rrjetat mund të vendosen në
hyrje të shpellave apo midis një bimësië (vendosja në këtë të fundit është mjaft efektive).
Përdorimi kësaj metode apo mjeti monitorimi na mundëson përcaktimin e llojeve që
ndodhen brenda një vendbanimi të caktuar. Kjo metodë përmbledh një grup të matjeve
standarte si statusi, gjinia, ngjyra, madhësia (përmasat).
24
Figura 4.8. Rrjeta që përdoren për kapjen e lakuriqëve të natës, moment nga puna gjatë ekspeditës (Foto P.Theou, Nartë 2015)
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Krahas avantazheve që na jep kjo mënyrë monitorimi dhe studimi, problemet kryesore që
paraqet përdorimi i këtyre rrjetave janë grabitja e specieve nga grabitqarwt,rreziku i
dwmtimit të tyre gjatë nxjerrjes. Përdorimi i tyre duhet shmangur në periudhën e mesit të
qershorit dhe mesit të korrikut, periudhë e cila përkon me kohën e kolonive
4.2.6 Cone trap
Përdoren kryesisht për projekte kërkimore, në ato vendbanime ku kemi një numër të lartë
të lakuriqëve të natës.Cone trap përfaqësojnë një kon të madh të bërë prej plastikës, flete
najloni apo prej materialeve të tjera dhe e hapur në pjesën e lartme.Është një metodë jo e
përshtatshme për llojet Rhinolopus sp.
.
Figura 4.9. Cone trap për kapjen e lakuriqëve të natës (Foto e marrë nga google)
4.2.7 Pajisje të tjera
Përvec pajisjeve të sipërpërmendura ka edhe disa pajisje të tjera jo më pak të rëndësishmë
që përdoren gjatë monitorimit të lakuriqëve të natës si çantat e vogla prej rrobe apo
gërshërët.
Çantat e vogla prej rrobe- Pas kapjes së lakuriqëve të natës nga rrjetat dhe kurthet e tjera
të ngritura për qëllime të mëtejshme studimi si matjet,përcaktimi i gjinisë, marja e gjakut
për bërjen e ADN-së, speciet vendosen brenda këtyre çantave, ku nuk duhet të mbahen me
shumë se 2 orë. Është e rëndësishmë që çantat mos të vendosen asnjëherë në tokë por të
mbahen lart. Gjithashtu duhet pasur kujdes që mos të bëjmë përzierje të specieve brenda
një çante.
Gërshërët- janë të rëndësishme në rastet kur duhet lirojmë një specie nga rrjetat.
25
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Dritat e kokës (Head torch)- drita e kokës është primare për monitorimin e lakuriqëve të
natës. Ato përbëjnë një nga mjetet thhelbësorë që duhen patur gjatë monitorimit të
lakuriqëve të natës, gjatë
hyrjes në vendbanimet e tyre
(shpella, tunele, ndërtesa të
braktisura pa ndricim). Një
ndricim i bollshëm është
thelbësor për heqjen e
lakuriqëve të natës nga kurthet
e sidomos nga mist net.
.
4.2.8 Markimi dhe unazimi
Markimi bëhet në momentin që je duke kapur me rrjeta dhe për efekt mos matje 2 herë të
sw njëjtës specie. Markimi dhe unazimi janë mjaft të rëndësishme pasi na ndihmojnë për të
kuptuar dhe vlerësuar speciet e pranishme në një habitat dhe territor të caktuar, madhësinë
e popullatës, shpërndarjen e tyre, lindjen, zhvillimin, sjelljet dhe përcaktimin e lëvizjeve
migratore, vlerësimin dhe përdorimin e habitateve (sezonale apo të përhershme). Disa nga
metodat e markimit janë unazimi dhe ngjyrosja. Unazimi është një metodë markimi e cila
vendoset në gishtin e katërt. Çdo unazë ka një kod të caktuar ku vendoset emri i shtetit
(inicialet) dhe një numër serial. Një tjetër mënyrë markimi është dhe ngjyrosja e cila bëhet
në krah ose në vesh. Kjo metodë markimi ka një kohëzgjatje të shkurtër.
26
Figura 4.10. foto që tregon një lloj të dritave të kokës që përdoret gjatë studimit të lakuriqëve të natës (Foto e marrë nga google)
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
4.2.9 Marrja e AND-së
Marrja e materialit gjenetik bëhet në disa forma: me anë të marrjes së qimeve (shkulet me
gjithë rrënjë), me anë të marrjes së gjakut, me anë të marrjes së një pjese të lëkurës nga
patagium. Analiza e gjakut bëhet për të parë nëse ka sëmundje (duke qënë se lakuriqët e
natës janë transmetues sëmundjesh) si dhe për analizë AND-je. Marrja e qimeve dhe e
lëkurës nga patagium shërben për analizë AND-je si dhe për të parë lidhjen e popullatave të
lakuriqëve, se ku ata migrojnë dhe kujt vendi i përkasin.
4.3 Speciet e lakuriqëve të natës në Shqipëri
Lakuriqët e natës jetojnë në vende të ndryshme,ata preferojnë vende të ndryshme në kohë
të ndryshme dhe kjo varet nga koha e vitit, kushtet si dhe cfarë ato bëjnë ( kujdesen për të
vegjëlit, gjuajnë,apo bien në letargji ). Për të mbijetuar ato kanë nevojë për ujë dhe insekte,
vende për të ndjekur insektet, vende ku të prehen dhe flenë, vende ku të rritin fëmijët e
tyre si dhe rrugët e sigurta për të lëvizur midis këtyre vendeve (habitatet e lëvizjes). Për
këtë arsye ato lëvizin (migrojnë) për të gjetur vendin që u përshtatet nevojave të tyre. Nisur
nga këto nevoja si (temperatura, lagështia, ushqimi,qetësia) vendet që preferojnë lakuriqët
e natës për të jetuar janë shpellat, pyjet ( pemët ), ndërtesat e braktisura si (kishat, tunelet,
bunkerët, repartet ushtarake shtëpi banimi, ura plevica), ndaj të cilave lakuriqët e natës janë
përshtatur për të jetuar si rezultat i prishjes së habitateve të tyre natyrore. Shqipëria
pavarsisht se është një vend i vogël i Ballkanit është i pasur me lakuriq nate. Deri tani janë
identifikuar 32 lloje nga 54 që gjenden në Evropë. Kjo pasuri është e lidhur me diversitetin
e lartë të habitateve, numrin e madh të shpellave natyrore si dhe pranina e ndërtesave të
shumta si ish objektet ushtarake, tunelet, bunkerët, kishat, shtëpitë e vjetra të braktisura,
pyjet të cilat përdoren si vendbanime nga lakuriqët e natës. Në krahasim me vendet fqinje
lakuriqët e natës në Shqipëri ende nuk janë shumë të njohur. Fillimisht datat më të
rëndësishme të studimit të tyre janë siguruar në vitet ’60 nga Hanak (1961, 1964) dhe më
vonë janë plotësuar nga Lanami (1962, 1965). Që prej atëherë vetëm dy dokumente mbi
lakuriqët e natës janë shfaqur (Bego & Griffiths) si dhe Chytil & Vlasin (1994) të cilët
kanë dhënë një llogaritje të shkurtër. Materialet e të dhënave të mbledhura nga këto burime
letrare janë përdorur kryesisht në studime biometrike dhe taksonomike. Mbi bazën e
këtyre të dhënave u zbuluan rreth 19 specie në vendin tonë. Ky raport është plotësuar me të
27
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
dhëna të reja të mbledhura gjatë një udhëtimi të shkurtër (1992-1995). Teknikat e studimit
në terren si (kontrolli vizual e potencial i strofullave të tyre rrjetat dhe hyrja në shpella)
janë plotësuar gjithashtu dhe nga monitorimi i tyre gjatë natës. Megjithatë njohja e
shpërndarjes dhe e monitorimit të popullsisë mbeti shumë e kufiuar. Studime të tjera të
kryera në vendin tonë mbi këto specie janë bërë në vitin 2003. Në pranverë të vitit 2010
(prill-maj) janë bërë kërkime të reja mbi lakuriqët e natës si vazhdim i projektit të kërkimit
të vitit 2003. Në 2010 janë regjistruar 23 specie Rinolophus ferrumequinum, R.
hipposideros, R. euryale, R. mehelyi, R. blasii, Miniopterus schreibersii, Plecotus sp.
(austriacus/kolombatovici), Myotis myotis, M. oxygnathus, M. bechsteinii, Myotis
emarginatus, M. nattereri, M. mystacinus bulgaricus (=M. aurascens), Myotis capaccinii,
H. savii, E. serotinus, Nyctalus noctula, N. leisleri, P. pipistrellus, P. pygmaeus, P. nathusii,
P. kuhlii and Tatarida teniotis. Rezultate të tjera mjaft interesante përfshijnë gjetjet e
strofullave dhe të kolonive të specieve si Rhinolopus ferrumequinum (4 koloni),
Rhinolopus euriale (4 koloni), Myotis emarginatus (3koloni), Myotis myotis dhe Myotis
oxyganthus (2 koloni), Miniopterus schreibersii (1 koloni të përzier me 3000 individë).
Ky studim gjithashtu vazhdoi në vitin 2011 ku u regjistruan 24 specie si: R. hipposideros,
R. euryale, R. blasii, Miniopterus schreibersii, Plecotus auritus, P. macrobullaris, Myotis
myotis, M. oxygnathus, M. daubentonii, M. emarginatus, M. nattereri, M. mystacinus sensu
lato, M. capaccinii, H. savii, E. serotinus, N. noctula, N. leisleri, N. lasiopterus, P.
pipistrellus, P. pygmaeus, P. nathusii, P. kuhlii and T. teniotis. Një specie e re Nyctalus
lasiopterus u regjistrua në Shqipëri duke rritur kështu numrin e lakuriqëve të natës në 32.
Gjithashtu u gjetën strofulla të reja të lakuriqëve të natës si dhe prania e kolonive të mëdha
të Rhinolopus ferrumequinum (4 koloni), R. euryale (2 koloni), R. hipposideros (2 koloni),
M. emerginatus (1 koloni), M. myotis and M. oxygnathus (1 koloni), M. capaccinii (1
koloni ) and Miniopterus schreibersii (1 koloni).
Studime të tjera janë bërë në 2013 (Shchiffler), 2014 (Theou & Bego).
Megjithatë deri kohët e fundit nuk ka regjistrim rreth aktivitetit dimëror dhe monitorim të
tyre për të vlerësuar dinamikën e popoullsisë së lakuriqëve të natës në Shqipëri. Ende është
duke u punuar për zbulimin e vendodhjeve të reja të lakuriqëve të natës.
28
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
4.4 Speciet e pranishme dhe potencialisht të mundshme në zonën e Nartës
Kompleksi ligatinor Vjosë-Nartë është një hapesirë e rëndesishme për një numër të lartë
kafshësh përfshirë, insekte, peshq, amfibë dhe reptilë, gjitarë dhe sidomos shpendë. Përsa u
përket gjitarëve në kompleksin ligatinor regjistrohen 32 lloje gjitaresh nga 71 lloje të
vrojtuara ne Shqiperi.
Komuniteti i gjitarëve dominohet nga brejtësit e ndjekur nga lakuriqët e natës dhe llojet
mishëngrënëse. (Plani i Menaxhimit 2014)
Tab 4.4.1. Përbërja e mamalofaunës së zonës Vjosë-Nartë, duke iu referuar Planit të Menaxhimit 2014
Rendi Numri i llojeve
Insectivoria 5
Chiroptera 8
Rodentia 9
Lagomorpha 1
Carnivora/Fissipedia 6
Artiodactyla 0
Cetacea/Otodonceti 3
Pinipedia 10
Total 32
Përsa i përket zonës së marë në studim (zona e Nartës, si pjesë e peisazhit të mbrojtur
Vjosë- Nartë) ajo karakterizohet nga një larmishmëri tipesh habitatesh, të mundshme për
strehimin e lakuriqëvetënatës.Në tëmund të përmendim pyllin,ndërtesat e shumta si
(bunkere, reparte ushtarake, kisha) çka bën që të gjitha këto tipe habitatesh të strehojnë
lloje të ndryshme lakuriqësh nate në periudha dhe sezone të caktuara. Duke ditur se ata
janë specie migratore, duke ditur preferencat që ata kanë për ushqim dhe strehim mund të
grupojmë një tablo të specieve të mundshme që mund të gjenden në këtë zonë. Bazuar në
të gjitha këto mund të themi se në këtë zonë janë të gjindshme të treja familjet kryesore të
nënrendit Microchiroptera: a) Rhinolopidae, b)Vespertilionidae, c) Molossidae, me disa
nga speciet kryesore për secilën familje. Nisur nga Plani i Menaxhimit të peisazhit të
29
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
mbrojtur Vjosë-Nartë në këtë zonë deri tani janë vërejtur këto lloje të lakuriqëve të natës(P-
të pranishëm, P?- të supozuara):
Tab 4.4.2 Prania e lakuriqëve të natës të vrojtuara në zonën e Nartës bazuar në Planin e Menaxhimit (P- lloje
të verifikuara në zonë; P?- lloje të supozuara se mund të jenë në zone duke u bazuar në llojet e habitateve)
Emërtimi i taksonit Prania Emërtimi shqipRendi Chiroptera Nënrendi Microchiroptera Familja Rhinolopidae Rhinolopus blassi P Lakuriq nate hundëpatkua i
Blass-itRhinolopus euryale P Lakuriq nate hundëpatkua i
Mesdheut Rhinolopus ferrumequinum P Lakuriq nate hundëpatkua i
madh
Familja Vespertilionidae Miniopterus schreibersi P? Lakuriq nate i schreibers-itMyotis blythi P Lakuriq nate vesh miu Myotis capaccini P? Lakuriq nate gisht gjate Myotis myotis P Lakuriq nate vesh miu i
madh Nyctalus leisleri P? Lakuriq nate i Leisler-itNyctalus noctula P? Noktula Pipistrellus pipistrellus P? Pipistrelus i zakonshëm Pipistrrellus nathusi
Pipistrellus pygmeus
Pipistrellus kuhlii
P
P?
P
Pipistrrelus i Nathus-it
Pipistrelus i pigmeus
Pipistrelus i kuhlit
Pra nga vrojtimet e bëra në zonën e Nartës rreth 6 specie të lakuriqëve përkatësisht
Rhinolophus lassi, Rhinolophus euryale, Rhinolophus ferrumequinum, Myotis myotis,
Myotis blythi, Pipistrellus kuhli, Pipistrellus nathusi, gjenden në habitatet e
sipërpërmendura të pranishme në këtë zonë. Gjithashtu nisur nga karakteristikat e
habitateve të kësaj zone si dhe nga preferencat e lakuriqëve të natës për strehim dhe
ushqim mendojmë se në këtë zonë gjenden gjithashtu dhe disa specie të tjera që u përkasin
familjeve të sipërpërmendura si:Babastrella babastrellus, Myotis capaccini, Miniopterus
30
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
schreibersi, Nyctalus leisleri, Nyctalus noctula, Pipistrellus pipistrellus, Rhinolophus
hipposideros, Rhinolophus mehelyi.
Familja Rhinolophidae me 5 llojet e saj pritet të gjendet në zonën e studimit pasi vetë tipi i
habitateve e lejon këtë gjë.
4.4.1 Përshkrimi i specieve të pranishme dhe potencialisht të mundshme në zonën e
Nartës
Familja Rhinolophidae.
Mbretëria: Kafshë
Tipi: Chordata
Klasa: Gjitarë
Rendi: Chiroptera
Nënrendi: Yinpterchiroptera
Familja: Rhinolophidae
Gjinia: Rhinolophus
Speciet e kësaj familje kanë hundën në
formën e patkoit të kalit, veshët i kanë pa
tragus, bishti është i shkurtër ose ka të
njëjtën gjatësi me këmbët e prapme. Ka
pesë specie të pranishme në Evropë, të
pranishme gjithashtu në vendin tonë si dhe
në zonën e marrë në studim nga ana jonë.
Të gjitha speciet e kësaj familje janë
insektngrënës. Përsa i përket
vendbanimeve të tyre mund ti gjejmë në
koloni të mëdha gjatë dimrit në shpella
dhe gjatë verës në pyje, disa frekuentojnë edhe ndërtesat e baktisura (bodrume, miniera,
tunele, bunkere).
Gjinia Rhinolophus
31
Figura 4.11. Rhinolophus hipposideros, lakuriqi I vogël hundëpatkua I fotografuar gjatë ekspeditës në zonën e studimit (Foto E. Loçe 2015)
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Llojet e kësaj gjinie kanë krahë të gjerë dhe të rrumbullakosur, e cila mundëson një fluturim
tëshkathët ,disa prej tyre fluturojnë si një flutur. Kanë një bisht të shkurtër që integrohet
plotësisht në membranën e fluturimit, të cilën gjatë kohës së pushimit të tyre e mbajnë të
palosur mbi shpinë. Shumica e lakuriqëve të natës hundëpatkua janë të shurdhër,ngjyrë kafe
ose të kuqe-kafe. Ashtu si dhe shumë specie të familjes Vespertilionidae femrat e disa
specieve Rhinolophus martohen gjatë vjeshtës dhe lindjen e të vegjëlve e bëjnë në muajt e
pranverës dhe të verës. Femrat kanë dy gjendra qumështi në anën pektorale dhe dy thitha
false të cilat zhvillohen në shtatëzaninë e parë. Të vegjlit kapen pas këtyre thithave false
gjatë ditëve të para pas lindjes së tyre. Një individ i ri i krijon dhëmbët e qumështit në
embrion, të cilat nuk janë të pranishme pas lindjes. Lakuriqët e natës hundëpatkua fiksohen
lirisht në foletë e tyre me krahët e mbështjella plotësisht ose pjesërisht dhe shpesh herë me
krahët e tyre ato mbështjellin edhe të vegjlit vetëm pak ditë pas lindjes së tyre.
Familja Vespertilionidae
Gjenden vetëm 24 specie në Evropë nga 320 që gjenden në të gjithë botën.
32
Figura 4.12. Rhinolophus hipposideros, lakuriqi I vogël hundëpatkua I fotografuar gjatë ekspeditës në zonën e studimit me të voglin e tij (Foto E. Loçe 2015)
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Pothuajse të gjitha speciet e kësaj familje janë insektngrënëse, me përjashtim të disa llojeve
Myotis që kapin peshk dhe specieve më të mëdha Nyctalus të cilët janë të njohur për
kapjen e zogjve të vegjël harabeli në fluturim.
Formula dentare e dhëmbëve të tyre ndryshon në mes të llojeve.
Gjinia Myotis
Mbretëria: Kafshë
Tipi: Chordata
Klasa: Gjitarë
Rendi: Chiroptera
Familja: Vespertilionidae
Gjinia:Myotis
Nga 90 specie të pranishme në të gjithë botën vetëm 10 prej tyre janë të pranishme në
Evropë.Karakterizohen nga veshë të mëdhenj të gjerë me një tragus shumë të gjatë në
formë heshte. Llojet brenda kësaj gjinie ndryshojnë në madhësi nga shumë të mëdha në
shumë të vogla. Kanë vetëm një gjendër qumështi.
Habitatet e preferuara nga llojet e kësaj gjinie janë shpellat, ndërtesat e vjetra (në strehat e
çative, kishat), si dhe pyjet. Bazuar në këto kërkesa të tyre themi se janë speci të gjindshme
në zonën e Nartës.
Gjinia Nyctalus
33
Figura 4.13 Myotis blythii (Foto E. Loçe Përmet 2015)
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Mbretëria Kafshë
Tipi Chordata
Klasa Gjitarë
Rendi Chiroptera
Familja Vespertilionidae
Gjinia Nictalus
Ka 8 specie në të gjithë
botën ku 3 prej tyre
gjenden në Evropë.
Përmasat e kësaj specie
variojnë nga të mesmet
në të mëdha. Kanë
veshë të shkurtër në
formë trekëndëshi dhe me tragus të gjerë në formë kërpudhe. Kanë krah të gjatë me pika
Kanë 2 gjendra qumëshi.
Speciet e kësaj gjinie përgjithësisht janë specie të cilat preferojnë habitate të tilla si pyjet.
Ata përdorin pyjet e vogla dhe të mesme si fole, megjithatë mund të lëvizin 20m nga pylli
gjatë natës për tu ushqyer. Speciet Nyctalus janë specie migratore, të cilat përshkojnë
distanca të gjata (1000km) nga foletë dimërore te tyre drejt atyre verore. Këto specie në
bazë të kërkesave që kanë në lidhje me habitatet mund të theemi se gjenden në zonën e
Nartës (pyllin e sodës, ishullin e Zvërnecit).
34
Figura 4.14. Nictalus noctula (Foto e marr nga google)
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Gjinia Miniopterus
Mbretëria Kafshë
Tipi Chordata
Klasa Gjitarë
Rendi Chiroptera
Mbifamilja Vespertilionidae
Familja Miniopteridae
Gjinia Miniopterus
Lloji: M, schreibersii
Janë 10 specie të kësaj gjinie në të gjithë botën dhe vetëm 1 gjendet në Evropë, e
pranishme gjithashtu dhe në vendin tonë (Miniopterus schreibersi). Janë specie migratore
të cilat përshkojnë një distance rreth 100km nga foletë dimërore drejt atyre verore.
Janë specie tipike të shpellave
Gjinia Pipistrellus
35
Figura 4.15. Miniopterus schreibersii gjatë dimërimit në shpella (Foto P. Theou, Has 2014)
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Mbretëria: Kafshë
Tipi: Chordata
Klasa: Gjitarë
Rendi: Chiroptera
Familja: Vespertilionidae
Nënfamilja:Vespertilioninae
Gjinia: Pipistrellus
Nga 48 specie të kësaj gjinie
në të gjithë botën vetëm 4
gjenden në Evropë. Emri i Pipistrelus rrjedh nga fjala italiane pipistrello që do të thotë
lakuriq. Disa specie të kësaj gjinie fluturojnë si flutura kurse të tjerat kanë nje fluturim më
të drejtpërdrejtë. Karakterizohen nga veshë të vegjël dhe të shkurtër me një tragus
rrumbullak. Patagiumi i tyre është i errët dhe relativisht i ngushtë. Kanë 2 gjendra
qumështi. Speciet e kësaj gjinie preferojnë habitate të tilla si pyjet, ku ata janë të pranishëm
gjatë gjithë vitit. Meshkujt krijojnë fole të përkohshmëe për kopulim në pemë në fund të
verës ku ata shfaqen për të tërhequr femrat. Gjithashtu ata gjenden edhe në strukturat
brenda pyjore si ndërtesat, miniera, bunkerë. Janë specie tipike që përdorin si vendbanim
bunkerët si dhe ndërtesa të shumta ku ata qëndrojnë në zgavrat e mureve (gjatë gjithë vitit),
në strehat e çative si dhe në kisha. Bazuar në këto kërkesa të tyre në lidhje më vendbanimet
si dhe në habitatet e pranishme në zonën e Nartës mund të themi se speciet e kësaj gjinie
(Pipistrellus nathusii, Pipistrellus kuhli, Pipistrellus pipistrelus, Pipistrellus pygmeus) janë
të gjendshme në Nartë. Janë specie migratore të cilat përshkojnë distanca të gjata (1000km)
nga foletë dimërore drejt atyre verore, por disa lloje të kësaj gjinie janë sedentare që nuk
lëvizin më shumë se 20-50km nga folet dimërore-verore.
Gjinia Plecotus
Ka vetëm 3 lloje të kësaj gjinie në Shqipëri (Plecotus auritus, Plecotus austriacus, Plecotus
kolombatovici). Karakteristikë për speciet e kësaj gjinie janë veshët e gjatë dhe të bashkuar
midis tyre me nje pjesë lëkure. Janë specie sedentare të cilat nuk lëvizin më shumë se 20-
50 km nga foletë dimërore drejt atyre verore. Janë specie tipike të ndërtesave (i gjejmë në
36
Figura 4.16. Pipistrellus pipistrellus (Foto E. Loçe)
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
hapsirat e çative), dhe pyjeve. Bazuar në këto karakteristika mund të themi se këto specie
gjenden në zonën e Nartës.
Figura 4.17. Plecotus kolombatovici (Foto E. Loçe)
Gjinia Barbastrella
Mbretëria: Kafshë
Tipi:Chordata
Klasa: Gjitarë
Rendi: Chiroptera
Familja: Vespertilionidae
Gjinia: Barbastella
Kjo gjini përfaqësohet nga dy
specie në të gjithë botën, dhe
vetëm një specie në Evropë, e
pranishme gjithashtu dhe në
vendin tonë (Barbastella
barbastellus). Konsiderohet një lakuriq nate me madhësi mesatare. Ka hundë të shkurtër
37
Figura 4.18. Barbastella barbastellus (Foto e marrë nga google)
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
me formë të shtypur. Veshët e tyre janë në formë kërmilli me një hapje të gjerë përpara, me
ngjyrë të errët. Skajet e tyre janë të bashkuara në majën e kokës. Kanë tragus në formë
trekëndëshi i cili ka një gjatësi sa gjysma e veshit. Karakterizohen nga një gëzof shumë i
dendur me ngjyrë të errët. Membrana e tyre gjithashtu ka ngjyrë të errët. Është specie
tipike e pyjeve, që përdor si vendbanim të vetin pemët (të çarat e tyre), gjatë stinës së
verës. Gjithashtu kjo specie gjendet edhe në shpella të hapura apo në miniera. Gjatë
letargjisë së ato mund të qëndrojnë të vecuara ose në grupe.
Karakterizohen nga një fluturim i shkathët të cilën e alternojnë me thirrje për ekolokacion
për të lokalizuar prenë e tyre. Është një specie sedentare.
Familja Molossidae
Kjo familje përfaqësohet nga një gjini e vetme, gjinia Tatarida me një specie specie të
vetme në të gjithhë Evropën të pranishme gjithashtu dhe në vendin tonë, Tatarida teniotis.
Tadarida teniotis (lakuriqi i natës bishtëlirë)
Mbretëria: Kafshë
Tipi: Chordata
Klasa: Gjitarë
Rendi: Chiroptera
Famijla: Molossidae
Gjinia: Tadarida
Është një nga
lakuriqët më të
mëdhenj në Europë.
Ka veshë të mëdhenj
me majë pak të përdredhur dhe të drejtuar para, një fytyrë të gjatë, të rrudhur, bishtëgjatë.
Krahët janë të gjatë dhe të ngushtë duke i dhënë kështu një shkathtësi dhe aftësi për të
fluturuar në largësi të mëdha dhe në mënyrë efiçente. Ushqehet kryesisht me insekte të
mëdhenj fluturues, në pjesën më të madhe (90%) me insekte të rendit Lepidoptera
dheNeuroptera. Fluturon deri 2.300 metra mbi nivelin e detit dhe përdor thirrje
38
Figura 4.19. Tadarida teniotis (Foto e marrë nga google)
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
ekolokacioni me frekuencëtëulët (18 – 10 kHz), për të lokalizuar prenë e tij. Mendohet se
jeton rreth 10 vjet. Ky lloj preferon habitate të hapura, siç mund të jenë kullotat apo
shkurretat. Është i zakonshëm edhe në disa zona urbane dhe ndonjëherë qëndron edhe në
struktura artificiale si urat, kullat e ujit, katedralet dhe ndërtesa të tjera të larta.
4.5 Rezultate dhe diskutime
Duke ditur se Shqipëria paraqet një diversitet të lartë habitatesh natyrore dhe artificiale, e
bën atë një vend potencialisht të mundshëm për jetesën e lakuriqëve të natës,duke e
renditur kështu në një ndër vendet e para në Evropë për shumllojshmërinë e tyre, me 32
specie. Nga shfletimi i literaturës na rezulton se habitatet më të preferuara për jetesën e
tyre janë ato natyrore si shpellat, të cilat përdoren pothuaj gjatë gjithë vitit, dhe përbjnë një
nga vendstrehimet kryesore për ta.
Në zonën e marrë në studim (Nartë), kemi një larmishmëri habitatesh të cilat janë
potencialisht të shfrytëzueshme nga lakuriqët e natës. Kemi habitate natyrore si pylli i
Sodës, pylli i Zvërnecit ku mund të gjejmë specie të tilla si Barbastellus barbastella
(specie tipike e zonave pyjore), lloje të Myotis si psh Myotis mysticantus (e cila i përdor
mjediset pyjore si për ushqim dhe për vendbanim), lloje të Plecotus dhe Nyctalyus specie
këto karakteristike për mjediset pyjore si dhe llojet Rhinolophus që i përdorin mjediset
pyjore për tu ushqyer.
Duke u nisur nga habitatet artificiale si tunele, bunker, ndërtesa të vjetra (shtëpi të
braktisura, kisha) që gjithashtu përbëjnë habitate të rëndësishme për lakuriqët e natës gjatë
periudhave të ndryshme të ciklit të tyre jetësor, mund të themi se kemi specie të cilat i
përkasin llojeve Rhinolopus, Pipistrellus, Myotis, Tatarida teniotis.
Bazuar në planin e menaxhimit të Peisazhit të mbrojtur Vjosë-Nartë na rezulton se në këtë
zonë kemi 7 lloje lakuriqësh nate ( Rhinolophus ferrumequinum, R. blassi, R. Euryale,
Myotis myotis, Myotis blythii, Pipistrellus nathusi, Pipistrellus kuhli), dhe 6 lloje të
supozuara (Miniopterus schreibersi, Myotis capaccini, Nyctalus leislerii, Nyctalus noctula,
Pipistrellus pipistrellus, Pipistrellus pygmeus) duke u nisur nga kërkesat e këtyre specieve
në lidhje me vendbanimet dhe habitatet e pranishme në zonën e Nartës.
39
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Gjatë ekspeditës së kryer në terren u bë një verifikim i mundshëm i specieve që ndodhen
në zonë. Nga ky monitorim dhe vizitat e kryera në habitatet e pranishme arritëm të
identifikojmë vetëm tre specie që i vëzhguam drejtëpërdrejtë Rhinolopus hipposederos,
Rhinolophus ferrumequinum, Rhinolohpus sp, (middle-size). Gjithashtu nga vizitat e
drejtëpërdrejta të bëra në tunelet dhe bunkerët të pranishme në zonë vumë re se shumë prej
tyre ishin jo të frekuentuara nga lakuriqët e natës pasi ishin të përdorura nga njeriu. Nga një
vizitë e kryer në Pyllin e Sodës, në një prej bunkerëve të pranishëm aty nuk u gjet asnjë
specie pasi ky bunker ishte në përdorim nga njeriu.
40
Figura 4.20. Foto e tunelit ku realizuam kapjen dhe identifikimin e Lakuriqëve të natës gjatë ekspeditës në zonën e Nartës (Foto E. Loçe)
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Nga vizitat e mëtejshme në tunele dhe bunker të tjerë të pranishëm në zonë u arritën të
identifikoheshin ku për here të pare u gjet koloni e R. hipposideros për këtë zone dhe për
zonën bregdetare jugore, u kapën me anë të rrjetave 10 R.ferrumequinum dhe 5 individë
Rhinolophus sp. (middle- size) u numëruan gjatë vizitave në kompleksin e tuneleve të
vizituar. Gjithashtu u gjetën dhe shenja dytësor si jashtëqitje të tyre (guano), dhe mbetje
insektesh të përdorura si ushqim nga lakuriqët e natës, shenja këto që tregojnë praninë e
tyre në këto zona. Në një vizitë të kryer në një nga kishat e zonës vumë re se ishte e izoluar
dhe nuk krijonte akses për lakuriqët e natës por aty u gjetën shenja të shpendëve dhe të
minjve.
Figura 4.21. Foto gjatë punës për identifikimin e specieve të kapura gjatë ekspeditës me anë të rrjetës (FotoE. Loçe)
41
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Figura 4.22 Foto gjatë montimit të rrjetave për kapjen e lakuriqëve të natës (Foto M. Duroviç)
4.5.1 Speciet e identifikuara në zonën e Nartës
Rhinolophus ferrumequinum (Lakuriq nate hundëpatkua i madh).
Përshkrimi fizik
Ka një gjatësi të trupit 57-71mm, bishti 35-43mm, parakrahu 51-61mm, veshët 51-61mm,
krahët e hapur 350-400mm , peshojnë 17-34g. Frekuencat e përdorura nga kjo specie për
ekolokacion janë 79-84kHz me një kohëzgjatje mesatare prej 37.4ms. Kanë një gëzof të
butë me ngjyrë kafe te individët e rrritur kurse te juvenilët ngjyra e gëzofit ndryshon nga
gri-kafe. Ngjyra e veshëve dhe e membranës ka gjithashtu ngjyrë gri-kafe. Kanë dhembë
premolarë të dallueshme nga speciet Rhinolophus të tjerë. Premolarët e nofullës së sipërme
zgjaten në rreshtin e dhëmbëve. Tek speciet e tjera ata janë shumë të vegjël ose mungojnë.
Rhinolophus ferrumequinum ka gjithashtu metakarpet 3 dhe 4 shumë më të shkurtra se
krahët e saj.
Habitatet- Prehen në vende të ftohta me një lagështi të caktuar e cila ndryshon me
moshën, seksin dhe gjendjen. Në dimër jetojnë kryesisht në shpella. Gjithashtu i gjejmë
42
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
edhe në ndërtesa të shumta si tunele, bunker, shtëpi të braktisura. Nga foletë dimërore drejt
atyre verore ata lëvizin rreth 20-30km, distanca më e gjatë e regjistruar është 180km
Dieta- Përsa i përket dietës së tyre ata ushqehen me insekte, e cila përbën rreth 41% të
dietës. Në vecanti brumbujt përbëjne 33% të dietës, zhuzhakët si dhe llojet Diptera,
Hymnoptera. Ata përdorin një zonë me rreze 4 km për tu ushqyer.
Maturimi dhe riprodhimi- Femrat e arrijnë pjekurinë seksuale në moshën tre vjeçare
kurse meshkujt rreth moshës dy vjeç. Gjatë periudhës së çiftëzimit femrat vizitojnë
meshkujt në shpella. Tek këto specie vërejmë si poligaminë dhe monogaminë, kjo e fundit
është më e përhapura ku femrat vizitojnë dhe çiftëzohen me të njëjtin partner gjithë jetës.
Lindin vetëm një të vogël ku femra kujdeset për të deri në javën e 3 dhe të 4, në javën e 7
dhe të 8 ata mund të jetojnë plotësisht të pavarur. Të vegjlit lindin në periudhën qershor-
korrik.
Rhinolophus hipposideros (Lakuriq nate hundpatkua i vogël)
Përshkrimi fizik- Është lakuriqi i natës më i vogël, i cili peshon vetëm 5-9g, me një hapje
të krahëve 192-254, dhe një gjatësi trupore 35-45mm, veshët e tyre kanë një gjatësi 15-
19mm, bishti 23-33mm, parakrahët 37-42.5mm. Frekuencat e përdorura nga kjo specie për
ekolokacion janë 93-111kHz me një kohëzgjatje mesatare prej 31.7ms. Ka këmbë të forta
që i përdor për të kapur gurë dhe degë. Kanë gëzof të butë me ngjyrë gri të lehtë dhe ngjyrë
kafe në anën dorsale, kurse juvenilët kanë krejtësisht ngjyrë gri të errët.
Kur gjuajnë janë shumë të shkathët dhe të shpejtë, shpesh fluturojnë 5m mbi tokë duke iu
shmangur kontaktit shkurre më shkurre.
Habitatet- Gjatë dimrit prehen në shpella, miniera, ndërtesa të vjetra, bodrume. Jetojnë në
rajone të ngrohta , në pyje, në zona gëlqerore. Në verë habitatet janë regjistruar deri në
1160m mbi nivelin e detit, kurse në dimër 2000m mbi nivelin e detit. Nga foletë dimërore
drejt atyre verore ata lëvizin 5-10km, distanca më e gjatë është regjistruar 153km.
Dieta- Përsa i përket dietës së tyre themi se ata ushqehen me insekte. Llojet e tyre të
preferuara janë mushkonjat, brumbujt, merimangat.
Maturimi dhe riprodhimi- periudha e çiftëzimit është në vjeshtë. Femrat e arrijnë
pjekurinë seksuale në vitin e parë të jetës së tyre. Lindin 1 të vogël në mes të qershorit dhe
në fillimm të korrikut. Të vegjlit e tyre në lindje peshojnë 1.8g dhe sytë e tyre i hapin pas
10 ditësh, bëhen të pavarur vetëm në javën e 6-7.
43
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Rhinolophus euryale (Lakuriq nate hundëpatkua i mesdheut)
Përshkrimi fizik- Ka një gjatësi trupore rreth 43-58mm, me një bisht 22-30mm, veshët
18-24mm, parakrah 43-51mm, me një hapje të krahëve 300-320mm me një peshë standarte
8-17.5g. Kanë një gëzof me ngjyrë të lehtë në gri, ana dorsale është gri-kafe ndonjëherë më
ndonjë nuancë të vogël në të kuqe, ndërsa ana ventrale është gri–bardhë ose e verdhë–
bardhë. Juvenilët kanë ngjyrë gri. Përsa i përket mënyrës së tyre të të qëndruarit,
qëndrojnë me pozicion koke nga poshtë dhe këmbët e kapura në tavan, shpesh herë trupi i
tyre është në kontakt me individë të tjerë të së njëjtës specie.
Habitatet- R.euryale kanë tendencën për të jetuar në të ngrohtë, zonat e pyllëzuara, në
ultësira dhe në male, duke preferuar zona gëlqerore me shpella të shumta dhe ujë pranë.
Shpesh ato jetojnë në fole ku janë të pranishme edhe specie të tjera Rhinolpus por pa u
përzier speciet me njëra-tjetrën. Habitatet (foletë) e lindjes zakonisht mbajnë 50-400 femra
dhe në disa raste në to ka të pranishëm edhe meshkuj.
Dieta- R.euryale i lënë foletë e tyre në muzg dhe qëndojnë në kodra por edhe në pemë
relativisht të dendura ku gjuajnë insekte me të cilat edhe ushqehen.
Maturimi dhe riprodhimi- Ka shumë pak informacione rreth maturimit dhe ciklit
riprodhues të tyre. I vogli i tyre peshon rreth 4g, i aftë për të fluturuar në fillim të mesit të
gushtit.
Rhinolophus blasii (Lakuriq nate hundëpatkua i blass-it)
Përshkrimi fizik- Është një lakuriq nate i mesëm, me një gjatësi trupore 46.5-56mm,
gjatësia e bishtit 25-30mm, parakrah 45-48mm, me një hapje të krahëve e cila shkon
280mm dhe një peshë trupore 12-15g. Ka një gëzof me ngjyrë të bardhë në bazën e
qimeve, në anën dorsale ka ngjyrë gri-kafe, kurse ana barkore është pothuajse e bardhë.
Frekuencat e përdorura nga kjo specie janë 93-98kHz me një rënie të shkurtër në fund të
çdo sinjali i cili zakonisht zgjat 40-50ms.
Habitatet- Gjenden në të gjithë Mesdheun, lindjen e mesme dhe Afrikën veriore.
Jetojnë në zona të zona të ngrohta gëlqerore të ngrohta, të hapura, të mbuluara me shkurre
dhe pemë. Gjatë dimrit jetojnë në shpella, jo të përziera me specie të tjera.
Dieta- Ushqehen me insekte pra janë insektngrënëse.
44
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
Rhinolophus mehelyi (Lakuriq nate hundëpatkua i mehelyi)
Është një lakuriq nate i mesëm më një gjatësi trupore 55-64mm, bishti 24-29mm,
parakrahu 50-55mm, veshët 18-23mm,dhe një hapje të krahëve e cila shkon 330-340mm,
me një peshë 10-18g. Ka një gëzof ngjyrë gri, veshët gri në kafe, membrana e tyre është e
mbuluar me qime me ngjyrë gri-bardhë në bazën e tyre. Në anën barkore kanë ngjyrë të
bardhë kurse ana dorsale ngjyrë gri në kafe. Frekuencat e përdorura nga kjo specie janë
105-112kHz me një rënie të shkurtër që zgjat 20-30ms.
Habitatet- Jetojnë në shpella kryesisht gjatë sezonit të dimrit kurse gjatë verës në shpella
dhe pyje
Dieta- Dalin në muzg për tu ushqyer kryesisht në kodra dhe në zona të mbuluara nga
shkurrret dhe pemët. Ushqehen me insekte.
Maturimi dhe riprodhimi- Përsa i përket kësaj pike ende nuk ekziston një informacion.
4.5.2 Kërcënimet që iu kanosen lakuriqëve të natës
Zona e Nartës është një zonë me një ndikim të lartë të aktivitetit njerëzor.
Mjedisi i kësaj zone është seriozisht i kërcënuar nga popullatat njerëzore dhe aktivitetet e
tij në këtë ekosistem. Rritja e kërkesës për infrastukturë, turizëm, blegtori ka ndikuar
fuqishëm në cilësinë e mjedisit, biodiversiteti, stukturës dhe funksionimit të habitateve të
lakuriqëve të natës. Rinovimi i ndërtesave të ndryshme, për përdorim nga ana e njeriut
përbën kërcënim për shumë lloje, që si habitat të tyre përdorin ndërtesat. Gjithashtu ndotja
dhe degradimi i pyllit të sodës përbën një rrezik për speciet pyjore. Njerëzit ppër fat të keq
përbëjnë njënga rreziqet kryesore jo vetëm nëpërmjet aktiviteteve të tyre por edhe dëmtimit
të drejtpërdrejt të specieve.
45
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
V. PËRFUNDIME
Nga shrytëzimi i literaturës themi se në Shqipëri gjenden 32 lloje lakuriqësh nate.
Si një vend mesdhetar Shqipëria ofron një shumllojshmëri habitatesh që mund të përdoren
nga lakuriqët e natës si strehime dimërore dhe verore.
Pothuajse gjysma e specieve të raportuara janë shpellë banuese por gjithashtu dhe tunelet,
bunkerët, dhe repartet ushtarake të cilat janë jashtë funksionit, (të ndërtuara në dekadat e
fundit në vendin tonë) janë të shumta, duke bërë në këtë mënyrë një habitat të përsosur për
këto specie.
Habitatet e preferuara nga këto specie janë shpellat, mjediset pyjore, ndërtesat e vjetra
(kisha, shtëpi të braktisura, tunele, bunkere, ura, plevica), të cilat lakuriqët e natës i
përdorin në periudha të ndryshme të ciklit të tyre jetësor.
Përgjithësisht habitatet e preferuara prej tyre gjatë kohës së riprodhimit janë shpellat, kurse
në periudhën e pasriprodhimit kërkojnë vende më të ngrohta duke lëvizur nga veriu në jug.
Zona e Nartës përbën një zonë të veçantë dhe tepër të rëndësishme për monitorimin e tyre
duke na dhënë të dhëna në lidhje me lakuriqët e natës afër zonave bregdetare.
Në këtë zonë janë identifikuar 7 lloje lakuriqësh nate bazuar në Planin e Menaxhimit.
Nga ekspedita 1 ditore e kryer u bë identifikimi i 3 specieve Rhinolophus; 5 Rhinolophus.
middle size (në bunker në zonën e Dajlanit), 10 Rhinolophus ferrumequinum (1 individ
mashkull u gjet në një bunker në afërsi të pyllit të sodës, kurse indiviidët e tjerë në bunker
në zonën e Dajlanit), Rhinolophus hipposideros (1 koloni, 15 individe me 2 juvenilë, në
bunker në zonën e Dajlanit)], si dhe u gjetën shenja dytësore si guano dhe mbetje
insektesh që tregonin për praninë e këtyre specieve në bunkere dhe tunele të pranishme në
zonë.
Gjithashtu nga prania e habitateve natyrore dhe artificiale mendohet të ketë rreth 17 lloje
lakuriqësh nate por që ende mbetet për t’u bërë një punë e madhe në identifikimin dhe
përcaktimin e tyre.
Nga vëzhgimet e bëra në këtë zonë u vu re se shumë nga habitatet e tyre ishin drejt
shkatërrimit, si rrjedhojë e mbylljes së habitateve nga njerëzit (rikonstruksion, ndriçimit
artificial, dhe mbyllje të kishës duke e bërë të papërshtatshme për lakriqët e natës), apo
përdorimi i këtyre habitateve nga barinjtë e zonës.
46
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
VI. BIBLIOGRAFIA
Bego, F., Griffiths, H.I. (1994): Preliminary data on the bats (Mammalia,Chiroptera) of
Albania. Stud. Speleol. 9: 21-25,
Hanak, V., Lamani, F., Muraj,X. (1961): Të dhëna nga përhapja e lakuriqëve të natës
(Chiroptera) në Shqiperi. Bull. Univ. Shtet. te Tiranës. Ser. Shk. Natyrore, 3: 124-158
Hanak, V. (1964): Zur Kenntnis der Fledermäuse fauna Albaniens. Vest. Cs. Spol. Zool.,
28: 68-88.
Lamani, F (1970): Lloje të reja lakuriqesh nate në vëndin tonë. Buletini i Shkencave
Natyrore, n°2, 143-150
Schieffler, V.I., Bego, F., Théou, P., Podany, M., Pospischil, R., Hubner, S., (2013):
Ektoparasiten der Fledermäuse in Albanien – Artenspektrum und Ëirtsbindung. Nyctalus
(N.F.), Berlin 18, Heft 1, S. 84-
109.
Théou, P., Bego, F. (2013): Etude des populations de chiroptères de l'île de Sazani. Note
naturaliste Initiative PIM. 12 pp,
Théou, P., Bego, F. (2014): First bat monitoring in Albania : bunkers of Tirana,
picture of bat conservation in Albania. Buletini i Shkencave Natyrore 18/2014 : 76-83
Théou, P., Loce, E., Đurovic, M. (2015) : Bat hibernation in Albania : First data of
winter census. Naturae Slovenia, In press
Théou, P., Đurovic, M. (2015) : Myotis bechsteinii in South-West Balkans : First
record for Montenegro and additional data for Albania. Ecologica Montenegrina. In press
Uhrin, M., Horacek, I., Šibl, J., Bego, F. (1996): On the bats (Mammalia:
Chiroptera) of Albania: survey of the recent records. Acta Soc. Zool. Bohem. 60: 63-71
47
Rapaj. A (2015): Të dhëna të përgjithshme për Rendin Chiroptera (Lakuriqët e natës) në zonën e Nartës,Vlorë
DPPK, 2002 -- Harta e habitateve kryesore të Shqipërisë. Realizuar nga Shoqata e Ruajtjes
së Kafshëve dhe Shpendëve të Egra, në kuadrin e Projektit të Pyjeve Shqipëri.
Grup autoresh Harta Gjeologjike e Shqiperise, Tirane, 1983.
Grup autorësh 1997 – Libri i Kuq, Bimë, shoqërime bimore dhe kafshë të rrezikuara.
REC.Tiranë.
Mitchell-Jones. A. J. & McLeish A. P. (2004): BAT WORKERS’ MANUAL 3RD
EDITION 2004
Dietz.Ch, & von Helversen. O, (2004): Illustrated identification key, Electronic publication
Version 1.0, First released 15.12.2004 to the bats of Europe
http://www.eurobats.org/sites/default/fles/documents/IBN_event_reports/First
%20Albanian%20Bat%20Night.pdf
http://www.mjedisi.gov.al/files/pages_files/Plani_Menaxhimit-PM_Vjose-Narte_2004_ALB_(1).pdf
https://www.google.al/search?q=anatomy+of+bats&rlz=1C1PRFC_enAL647AL647&espv=2&biw=1024&bih=475&tbm=isch&tbo=u&source=univ&sa=X&ei=2DahVeCbManV7Qao3Z_QCw&ved=0CB4QsAQ#imgrc=E-rmI77MvZz3mM%3A
http://www.bats.org.uk/pages/about_bats.html
http://www.bats.org.uk/
http://www.bats.org.uk/pages/bat_behaviour.html
https://sq.wikipedia.org/wiki/Lakuriqi_i_nat%C3%ABs
http://www.bats.org.uk/pages/why_bats_matter.html
http://www.batlife-europe.info/about-batlife-europe/european-bats/
http://www.batcon.org/why-bats/bats-are/bats-are-important
http://jncc.defra.gov.uk/pdf/batwork_manualpt2.pdf
http://jncc.defra.gov.uk/pdf/batwork_manualpt1.pdf
48