punim diplome - edukimi.uni-gjk.org berisha 19.07.2019.pdfÇdo individ është i veçantë në veten...
TRANSCRIPT
Universiteti i Gjakovës “Fehmi Agani”
Fakulteti i Edukimit
Programi Fillor
PUNIM DIPLOME
TEMA:
DALLIMET MIDIS NXËNËSVE DHE NEVOJAT PËRGJATË TË NXËNIT
Kandidatja: Udhëheqësi shkencor:
Emonda Berisha Prof.Ass.Dr. Behxhet Gaxhiqi
Gjakovë, Korrik, 2019
Universiteti i Gjakovës “Fehmi Agani”
Fakulteti i Edukimit
Programi Fillor
Dallimet midis nxënësve dhe nevojat përgjatë të nxënit
Tema e prezantuar nga Emonda Berisha pranë Departamentit të Edukimit, për të fituar titullin
Bachelor i Programit Fillor
Mbrohet me dt. ___/___/ 2019 para jurisë:
Titulli, Emri, Mbiemri, Nënshkrimi
1. ____________________________________________ Kryetar
2. ____________________________________________ Anëtar
3. ____________________________________________ Mentor
Komisioni e vlerësoi këtë punim me notën:_____________________________
Gjakovë, Korrik, 2019
III
DEKLARATË E AUTORËSISË
Nën përgjegjësinë time deklarojë se ky punim me titull: “Dallimet midis nxënësve dhe
nevojat përgjatë të nxënit”, është i shkruar prej meje dhe nuk është prezantuar asnjëherë në
ndonjë institucion tjetër për vlerësim. Punimi nuk është botuar i tëri ose pjesë të veçanta të tij.
Punimi nuk përmban material të shkruar nga ndonjë person tjetër përveç rasteve të cituara dhe
referuara.
Emonda Berisha
___________________
IV
DEKLARATË E LEKTURIMIT TË TEMËS
V
Dedikim
Këtë punim diplome ua dedikojë prindërve të mi.
Gjithmonë kam pasur mbështetjen tuaj si në kohëra të mira ashtu dhe të këqija.
Faleminderit që më bëtë të besojë se mund të arrijë çdo gjë në jëtë!
VI
MIRËNJOHJE
Një falënderim i veçantë shkon për familjen time e cila më ka qëndruar prapa për këto
vite studimi, veçanërisht prindërit e mi. Falë jush kam arritur këtu ku jam duke mos e harruar
asnjëherë mundin dhe sakrificën tuaj, sidomos të nënës sime, që më ka motivuar dhe mbështetur
në çdo hap të këtyre studimeve.
Po ashtu duke mos e harruar asnjëherë udhëheqësin tim shkencor, i cili është dhe
profesori im prej vitesh që më ka këshilluar, ndihmuar dhe udhëhequr në çdo hap të studimeve.
Falë përkushtimit të tij kam arritur edhe sot të diplomoj, andaj faleminderit shumë Prof.Ass.Dr.
Behxhet Gaxhiqi.
Faleminderit shoqëri për ndihma juaj, e bëri më të lehtë rrugëtimin tim drejt diplomimit.
Përgjithmonë mirënjohëse!
ABSTRAKT
Në këtë punim kam për qëllim të shpjegoj dallimet e nxënësve dhe nevojat e tyre përgjatë
të nxënit. Problemet fillestare si etiketimet e nxënësve ndaj njëri-tjetrit, po ashtu edhe etiketimet
VII
që mësuesit mund t’u bëjnë nxënësve. Pastaj do të flasim për inteligjencën, llojet e inteligjencës,
dallimet midis gjinive sa i përket inteligjencës. Do të flasim për stilet e të nxënit, ligjin që mbron
dhe mbështet personat me paaftësi.
Po ashtu, nga natyra e punimit janë trajtuar llojet e ndryshme të nxënësve duke filluar nga
ata që kanë paaftësi apo vështirësi në të nxënë, si: çrregullimet në të folur, në të dëgjuar, në të
parë, vështirësitë emocionale dhe të sjelljes, paaftësitë intelektuale, nxënësit me dëmtime në
shëndet, autizmi e deri tek fëmijët e talentuar.
Dallimet e nxënësve nuk do të ishin vërejtur sikur të mos ishte menaxhimi i klasës, ku një
rol shumë të rëndësishëm e ka mësimdhënësi me mënyrën si e udhëheq klasën. Po ashtu, duhet
bërë ndërlidhje me menaxhimin që e bëjnë prindërit në shtëpi ku fëmija fiton edukatën, kulturën
dhe pastaj është i gatshëm të fillojë arsimimin e tij.
Një faktor mjaft i rëndësishëm që e bën ndërlidhjen e mësuesit me fëmijën është dhe
vlerësimi. Ku do të trajtohen llojet e vlerësimit dhe notimi i nxënësve.
Fjalët kyçe: dallime, nxënës, vështirësi, nxënie, paaftësi, etj.
VIII
Përmbajtja
DEKLARATË E AUTORËSISË .................................................................................................. III
DEKLARATË E LEKTURIMIT TË TEMËS .............................................................................. IV
DEDIKIM ...................................................................................................................................... V
MIRËNJOHJE .............................................................................................................................. VI
ABSTRAKT ................................................................................................................................. VI
HYRJE ............................................................................................................................................ 1
KAPITULLI I ................................................................................................................................. 3
1. Inteligjenca .................................................................................................................................. 3
1.1 Inteligjencat e shumëfishta .................................................................................................... 3
1.2 Matja e inteligjencës, Binet dhe testet e tij............................................................................ 3
1.3 Testi IQ individual dhe në grup............................................................................................. 4
1.4 Dallimet e inteligjencës në mes dy të dy gjinive ................................................................... 4
1.5 Problemet e Etiketimit ........................................................................................................... 4
1.6 Paaftësitë dhe handikapët ...................................................................................................... 5
KAPITULLI II ................................................................................................................................ 6
2. Stilet e të nxënit dhe të menduarit ............................................................................................... 6
2.1 Lloje e stileve të të nxënit në procesin mësimor ................................................................... 6
2.2 Ligji për arsimimin e personave me paaftësi – IDEA ........................................................... 7
2.3 Programet e individualizuara mësimore ................................................................................ 7
2.4 Të drejtat e nxënësve dhe familjet e tyre ............................................................................... 8
2.5 Masat mbrojtëse .................................................................................................................... 8
KAPITULLI III ............................................................................................................................... 9
3. Nxënësit me paaftësi në të nxënë ................................................................................................ 9
3.1 Karakteristikat e nxënësve me paaftësi ................................................................................. 9
3.2 Mësimi i nxënësve me paaftësi në të nxënë ........................................................................ 10
3.3 Nxënësit me vështirësi emocionale ..................................................................................... 10
3.4 Nxënësit me vështirësi në sjellje ......................................................................................... 13
3.5 Trajtimi i fëmijëve me çrregullime në sjellje ...................................................................... 14
IX
3.6 Nxënësit me paaftësi intelektuale ........................................................................................ 14
3.7 Nxënësit me çrregullime të gjuhës dhe të komunikimit ...................................................... 16
3.8 Nxënësit me vështirësi në të dëgjuar ................................................................................... 18
3.9 Nxënësit me vështirësi në të parë ........................................................................................ 19
3.10 Tipet e dëmtimeve të të pamurit ........................................................................................ 19
3.11 Nxënësit me dëmtime të shëndetit .................................................................................... 20
3.12 Nxënësit e talentuar ........................................................................................................... 21
3.13 Problemet e nxënësve të talentuar ..................................................................................... 22
3.14 Mësimdhënia për fëmijët e talentuar ................................................................................. 22
3.15 Roli i gjinisë dhe gjendja sociale te nxënësit e talentuar................................................... 23
KAPITULLI IV ............................................................................................................................ 24
4. Menaxhimi i klasës ................................................................................................................... 24
4.1 Marrëdhënia mësues – nxënës............................................................................................. 24
4.2 Si duhet ta kemi vëmendjen e fëmijëve .............................................................................. 25
4.3 Roli i prindërve në edukimin e fëmijëve ............................................................................. 26
KAPITULLI V .............................................................................................................................. 27
5. Vlerësimi ................................................................................................................................... 27
5.1 Vlerësimi për nxënie apo Formativ ..................................................................................... 27
5.2 Vlerësimi i të nxënit apo Sumativ ....................................................................................... 27
Përfundimi..................................................................................................................................... 28
Literatura ....................................................................................................................................... 29
1
HYRJE
Së pari në këtë kapitull do të flasim për inteligjencën. Inteligjenca është aftësia për të
marrë njohuri dhe për t’i përdorur ato në zgjidhjen e problemeve dhe për t’u përshtatur me botën
që na rrethon. Trajtim më të veçantë do t’u bëjmë llojeve të saj, dallimeve të gjinive sa i përket
inteligjencës në çfarë janë më shumë të aftë djemtë dhe në çfarë vajzat.
Çdo individ është i veçantë në veten e tij dhe në mënyrën se si jeton. Prindërit,
mësimdhënësit dhe nxënësit e kanë rolin kryesor në këtë çështje, ku prindërit duhet t’i edukojnë
fëmijët në shtëpi, mësimdhënësit në shkollë duhet t’i mësojnë fëmijët që të mos bëjnë dallime në
klasë dhe ta shohin njëri-tjetrin të barabartë. Duhet të kemi kujdes sepse ndodh që në ditët e
sotme vetë mësuesit përdorin fjalë fyese që ndikon negativisht në suksesin e fëmijës. Prandaj në
këtë punim do të flasim edhe për etiketimet që bëhen në ditët e sotme, të cilat po ndikojnë mjaft
negativisht në jetën e fëmijëve e sidomos të adoleshentëve që po shkaktojnë depresion madje
deri dhe në vetëvrasje.
Së dyti do të flasim për edukimin special ose gjithëpërfshirës që ka për qëllim pa marrë
parasysh dëmtimet, qofshin ato fizike ose psikike t’i vendosë të gjithë në një klasë që fëmijët ta
ndjejnë veten të barabartë dhe të sigurt dhe kur mësojnë të gjithë së bashku sigurisht që gjëra të
mira do të ndodhin. Edukimi special i njohur ndryshe si pedagogji speciale (Defektologji) ka për
secilin dëmtim nga një degë që merret enkas me të, ato janë: oligofrenopedagogjia (edukimi i
personave me prapambetje mendore), tiflopedagogjia (edukimi i personave me dëmtime në të
parë), surdopedagogjia (edukimi i personave me dëmtime në të dëgjuar), logopedi (edukimi i
personave me dëmtime në të folur), somatopedi (edukimi i personave me dëmtime fizike),
sociopati (edukimi i personave me vështirësi në sjellje). Këto terme më shumë janë të njohura ku
ka pasur shtrirje sovjetike, ndërsa në vendet perëndimore janë të njohura më pak.
Në kapitullin e dytë do të flasim për stilet e të nxënit dhe llojet e të nxënit, ku çdo nxënësi
i përshtatet ndonjë stil me të cilin arrin rezultate më të mira në mësim, duke mos harruar edhe
ligjin i cili i mbron nxënësit që kanë vështirësi në të nxënë duke iu siguruar shkollim falas dhe
duke u kujdesur për të gjitha të drejtat e tyre dhe familjeve të tyre.( Vio,Tressoldi,Lo Presti.2012)
Në kapitullin e tretë do të flasim për vështirësitë në të nxënë, nxënësit me aftësi të
veçanta, ky është termi më i përshtatshëm që nuk e fyen askënd sepse të gjithë jemi të veçantë
dhe unik në vetvete. Do të trajtojmë të gjitha llojet e dëmtimeve duke filluar nga vështirësitë
emocionale ku nxënësit mund të bien në depresion dhe të kenë ankth, stres e madje mund të çojë
deri në vetëvrasje, pastaj vështirësitë e sjelljes ku do të trajtojmë hiperaktivitetin dhe
agresivitetin, të përbashkëtat dhe dallimet e tyre, shkaktarët që të dërgojnë deri te hiperaktiviteti
dhe agresiviteti etj. Nxënësit me paaftësi intelektuale, ku do të trajtojmë aspektin e inteligjencës,
dëmtimet e shkallës së lehtë të mesme dhe të rëndë si dhe koeficientin e inteligjencës IQ,
2
gjithashtu kufirin mes fëmijës së shëndoshë dhe me dëmtime me IQ 70, rolin e mësimdhënësit në
klasë dhe si duhet trajtuar ato në mënyrë që të përshtaten sa më mirë në klasë.
Pastaj do të flasim për dëmtimet shëndetësore që vijnë si pasojë e ambientit të jashtëm,
por edhe të trashëguara p.sh. diabeti, astma; ndërsa të lindura HIV, palsi cerebral, Sindroma
Down, epilepsia dhe autizmi, ku do të flasim për secilën veç e veç më poshtë, duke mos lënë
anash dhe fëmijët e talentuar, origjinën e talentit të tyre, identifikimin e tyre, metodat e
mësimdhënies, dhuntitë e tyre, do të trajtojmë dhe nxënësit e talentuar me vështirësi në të nxënë
dhe problemet apo kushtet sociale të rënda të cilat ndikojnë negativisht në dhuntitë e tyre dhe
ndihma që duhet t’u ofrohet.
Në kapitullin e katërt do të flasim për menaxhimin e klasës. Të menaxhosh një klasë do të
thotë të drejtosh apo udhëheqësh procesin mësimor si mësues, i cili është faktori kryesor
subjektiv në drejtimin e nxënësve. Ai duhet të jetë prind i dytë për fëmijët në klasë dhe çdo
problem të tyrin duhet ta trajtojë si të tijin. Në këtë kapitull rol të pashmangshëm kanë edhe
prindërit, ku ata janë bazamenti themelor në zhvillimin e fëmijës. Në qoftë se fëmija në shtëpi ka
probleme dhe nuk ndihet i sigurt, atëherë ai nuk do të jetë i aftë t’i dëshmojë aftësitë e veta në
shkollë.
Së fundmi vlerësimi në arsim është procesi gjatë të cilit mblidhen të dhëna dhe gjykohet
për vlerën e arritjes së një rezultati arsimor, mbi bazën e një kriteri të caktuar. Qëllimi kryesor i
tij është marrja e vendimeve që synojnë përmirësimin e rezultateve të të nxënit dhe vetë procesin
e të nxënit.
3
KAPITULLI I
1. Inteligjenca
Teoria që njerëzit kanë nivele të ndryshme të inteligjencës ka ekzistuar që moti. Platoni
ka folur për këtë mbi 2000 vjet më parë. Pjesa më e madhe përfshihet nga tri tema: aftësia për të
mësuar, sasia totale e njohurive, aftësia për t’u përshtatur në situata të reja. Një përkufizim mbi
inteligjencën thotë: “aftësia apo aftësitë për të marrë njohuri dhe për t’i përdorur ato në zgjidhjen
e problemeve dhe për t’u përshtatur me botën që na rrethon” (Woolfolk, A. 2011).
Inteligjenca nuk është një aftësi por është shumë të tilla: inteligjenca e përgjithshme që
përdoret për të kryer çdo lloj testi mendor dhe lidhet ngushtë me kujtesën e punës, inteligjenca
fluide apo aftësia për të arsyetuar që lidhet me zhvillimin e trurit, vazhdon të forcohet deri në
moshën 22 vjeçare pastaj fillon rënia, inteligjenca e kristalizuar apo aftësia e individit për t’i
zgjidhur problemet në kontekstin kulturor. Ku zhvillohet një korrelacion midis inteligjencës
fluide dhe asaj të kristalizuar, duke e zhvilluar inteligjencën fluide automatikisht zhvillojmë
inteligjencën e kristalizuar. (Woolfolk,A. 2011)
1.1 Inteligjencat e shumëfishta
Sipas teorisë së inteligjencave të shumëfishta të Gardnerit (1983, 2003), ekzistojnë të
paktën 8 lloje të inteligjencës. Ato janë: inteligjenca gjuhësore (verbale), muzikore, hapësinore,
logjike-matematikore, trupore-kinestetike (lëvizja), ndërpersonale (të kuptuarit e të tjerëve),
intrapersonale (të kuptuarit e vetës), dhe natyraliste (vëzhgimi i modeleve të krijuara nga natyra
dhe nga njeriu). Gardneri thekson se kemi edhe lloje të tjera të inteligjencës, teta nuk është
numër përfundimtar, mendohet që mund të ketë inteligjencë shpirtërore dhe ekzistenciale.
Inteligjencat e shumëfishta e zgjerojnë kuptimin për aftësitë dhe hapin rrugë të reja për proceset
mësimore. (Kornhaber, Fierros, & Veenema, 2004).
1.2 Matja e inteligjencës, Binet dhe testet e tij
Alfred Binet u përball me problemin që u shtrua nga ministria e arsimit, se si mund të
identifikoheshin më herët fëmijët që kishin nevojë për mësime të veçanta. Ai po ashtu mendonte
që me anë të testeve do të mund të maste dhe inteligjencën e fëmijëve të varfër, kështu ata nuk
do ta braktisnin shkollën duke menduar se ata janë fëmijë që mësojnë më ngadalë. Dhe Binet së
bashku me shokun e tij Simon hartuan plot 58 teste, të cilat përcaktonin moshën mendore p.sh.
4
nëse një fëmijë i kryente me sukses testet e grupmoshës 6 vjeç, atëherë ai fëmijë konsiderohej
me moshë mendore 6 vjeç pa marrë parasysh që ai ishte 4, 6 apo 8 vjeç. Mosha mendore është
rezultat që tregon aftësitë mesatare për atë grupmoshë.
Koncepti IQ është rezultati që krahason moshën mendore me moshën kronologjike dhe iu
shtua testit, pasi që u rishikua nga Universiteti i Stanfordit. Ndërsa më vonë, shfaqet
DEVACIONI IQ që tregon sa lartë ose sa poshtë mesatares mund të shkojë një test i një personi
krahasuar me testet e tjera të asaj grupmoshe. (Kornhaber, Fierros, & Veenema, 2004).
1.3 Testi IQ individual dhe në grup
Testi individual është më i efektshëm në qoftë se nxënësi pyetet me gojë nga një psikolog
profesionit dhe jo me të shkruar, gjatë bashkëbisedimit mund ta ndjejë veten më të motivuar për
t’u përgjigjur. Testet në grup nuk janë shumë efektive pasi që një nxënës mund të mos i kuptoj
udhëzimet ose mund të ngatërrohet duke biseduar me shokë e kështu me radhë. Rezultatet e larta
në teste IQ janë shumë të rëndësishme sepse ata fëmijë edhe në jetë të përditshme janë të prirur
të kenë arritshmëri të lartë të rezultateve IQ dhe suksesi më vonë zvogëlohet. Faktorët që luajnë
rol në këtë fazë janë: motivimi, aftësitë sociale, por dhe fati dhe rastësia (Goleman, 1995; Neisser
et al., 1996; Sternberg & Wagner, 1993).
1.4 Dallimet e inteligjencës në mes dy të dy gjinive
Studiues të ndryshëm nuk vërejnë dallimet sa i përket inteligjencës mes djemve dhe
vajzave në moshën e hershme d.m.th. deri në një moshë të caktuar nuk ka ndryshime të cilat
mund të vërehen. Mirëpo, disa nga testet për aftësi të veçantë mund ta bëjnë dallimin midis dy
gjinive, duke u nisur nga anomali të ndryshme si: paaftësi në të nxënë, me mangësi të vëmendjes
dhe hiperaktivitetit, autizëm etj., janë më shumë të prirura të shfaqen tek djemtë sesa tek vajzat.
Pas përfundimit të shkollës fillore vajzat kanë më shumë prirje të përgjigjen në testet që janë me
shkrim, ndërsa djemtë më shumë shfaqin aftësi në lëvizje dhe hapësirë pasi janë të prirur më
shumë të merren me atletikë. (Woolfolk,A.2011).
1.5 Problemet e Etiketimit
Fëmijët janë tërësi unike talentesh, aftësish dhe kufizimesh. Por jo të gjithë janë të njëjtë,
shumë nga ata shfaqin paaftësi në të nxënë, çrregullime në komunikim në fushën emocionale apo
të sjelljes, ndonjëherë shfaqin paaftësi intelektuale, fizike, vështirësi në dëgjim, dëmtim në
5
shikim, trauma të trurit dhe një sërë problemesh të ngjashme. Por ka edhe të tjerë që posedojnë
talente dhe dhunti të veçanta. Një gjuhë me terminologji të tillë do ta përdorim gjatë gjithë
zhvillimit të kësaj teme, pa harruar se etiketimi i nxënësve është çështje madhore dhe shumë e
debatueshme.
Fjalët si fëmijë jonormal, fëmijë me aftësi të kufizuar, fëmijë me çrregullime mendore,
fëmijë i hendikepuar, sakat, atipik, me të meta, me defekte,i gjymtuar etj., hasim t’i dëgjojmë
shpesh në jetën e përditshme, sidomos nëpër shkolla duke u nisur që nga mësuesit, vetë nxënësit
apo shokët e klasës për njëri–tjetrin.
Gjuhë e tillë paraqet problem dhe dërgon deri në stigmatizimin e vetë nxënësve.
Ndonjëherë etiketimet mund të shërbejnë edhe si të dobishme p.sh. në rastin e diagnostifikimit
kur një nxënës ka paaftësi intelektuale, nxënësit e tjerë e pranojnë sjelljen e tij dhe kështu
nxënësi në fjalë merr pjesë në programe të veçanta mësimore. ( Tilanus et al,2016)
Termi si fëmijë me “nevoja të veçanta” mendohet se i mbron fëmijët dhe është më
adekuat. Term i cili tregon për ndryshimet që ka secili njeri. Secili ka nevojë të veçantë… unë që
po shkruaj, ti që po lexon, ai afër teje etj. (Karaj, Theodhori (20050).
1.6 Paaftësitë dhe handikapët
Të vësh në dukje paaftësinë, do të thotë të mos e përshkruash siç duhet individin. Vetë
fjala paaftësi do të thotë pamundësi për të bërë një veprim si p.sh. të shohësh, të ecësh, të
shqiptosh fjalë etj. Ndërsa fjala handikapi e shpjegon një situatë të caktuar që shpesh shkaktohet
nga paaftësitë. Origjina e kësaj fjale prej disa autorëve mendohet të jetë nënçmuese. Rëndësi ka
të mos krijojmë handikape për njerëzit në mënyrat si reagojmë ndaj paaftësive të tyre (Woolflok,
A. 2011).
Pra, kur flasim me persona me paaftësi duhet të shmangim gjuhën e mëshirës, përdorimin
e fjalëve që i bëjnë ata të ndjehen të pafuqishëm. Sidomos në prani të tyre duhet të flitet
drejtpërdrejt me ta dhe jo me shoqëruesin e tyre. (N.Jeniku,1997).
6
KAPITULLI II
2. Stilet e të nxënit dhe të menduarit
Për shumë vite me radhë studiuesit janë marrë me dallimet individuale të “stileve” p.sh. stilet
konjiktive, stilet e të nxënit, stilet e zgjidhjes së problemeve, stilet e të menduarit, stilet e marrjes
së vendimeve etj. Më të rëndësishme merren:
1. Stilet e përqendruar në proceset konjiktive – mënyra e përpunimit të
informacionit sipas reagimeve, p.sh. me emocione;
2. Stilet e përqendruara të personalitetit – vlerësojnë tiparet e qëndrueshme të
personalitetit, si të qenit introvert ose ekstrovert dhe reagim me emocion ose me
logjikë;
3. Stilet e përqendruara në aktivitet – kombinimi i personalitetit dhe i njohurive dhe
mënyra sesi njerëzit u qasen aktiviteteve.
Nxënësit janë të prirur të mësojnë në mënyrë sipërfaqësore d.m.th. ata nuk e kuptojnë mësimin
por mbajnë mend përmbajtjen, kjo për arsye se motivohen nga notat, lëvdatat dhe nga dëshira për
të marrë vlerësime pozitive nga të tjerët. Nxënësit që ndjekin qasjen e përpunimit të thellë të
informacionit, i konsiderojnë aktivitete e shkollës si mundësi për t’i kuptuar më gjerë konceptet e
gjërave, këta nuk janë të prirur për nota, shpërblime dhe lëvdata por janë të interesuar të
mësojnë. (Grup autorësh,1997).
2.1 Lloje e stileve të të nxënit në procesin mësimor
1. Stili pamor: Është mënyra e të nxënit me anë të shikuarit, ku përdoren mjete
pamore, harta, fotografi, grafikone po ashtu me përdorimin e pikturave, maketave,
ngjyrave, videove. Nxënësit që nxënë me anë të stilit pamor priren të kenë më
shumë imagjinatën e zhvilluar.
2. Stili dëgjimor: Derisa te stili pamor dominon shqisa e të parit, te stili dëgjimor
dominon shqisa e të dëgjuarit. Në klasë duhet të ketë qetësi dhe mësuesi duhet të
flasë qartë. Zakonisht kjo mënyrë e të nxënit bëhet me inçizimin e fjalëve në klasë
dhe pastaj të mund të dëgjohen në shtëpi.
3. Stili kinestetik; Nxënësit që mësojnë sipas këtij stili, përvetësojnë përmbajtjet
mësimore në mënyrë aktive, shkruar, vizatuar duke bërë aktivitete të ndryshme
me një fjalë. Nxënësit kinestetik janë më të suksesshëm nëse e prekin dhe e
7
demonstrojnë përmbajtjen mësimore, i përdorin pjesët trupore dhe ndjenjat,
përdorin gjuhën e trupit. (Grup autorësh,1997).
Sipas autorit Musa Kraja kemi këto stile të të nxënit:
1. Të nxënit kognitiv; Ky lloj i të nxënit nënkupton të nxënit nëpërmjet fjalëve,
të dhëna teorike, fakteve, parimeve, koncepteve. Nxënësi kognitiv përvetëson
përmbajtjet mësimore, përmes proceseve mendore.
2. Të nxënit psikomotorik; Te nxënësit që është i shprehur ky stil i të nxënit
nënkupton përvetësimin e shkathtësive, shprehive, punimeve me dorë. (Kraja,
M. 2012)
2.2 Ligji për arsimimin e personave me paaftësi – IDEA
Që nga viti 1975 kanë filluar të dalin shumë ligje të cilat kanë të bëjnë me fëmijët të cilët janë të
paaftë. Ligji që tani quhet IDEA (Individuals with Disabilities Educational Act – Ligji për
Arsimin e Personave me Paaftësi) është rishikuar në vitin 1990, 1997 dhe 2004 nga ky ligj është
vendosur që të sigurohet arsim publik falas dhe i përshtatshëm (FAPE) për të gjithë nxënësit me
paaftësi. Ligji kërkon 0 përjashtim dhe atë e përfitojnë personat nga mosha 6-21 vjeç. IDEA
kërkon që fëmijët të arsimohen në një mjedis me sa më pak kufizime dhe të jenë sa më afër
klasave normale.
Ajo po ashtu përpjekjet ta bëjë gjithëpërfshirjen e nxënësve me qëllim që çdo fëmijë të ndihet në
vendin e vet, dhe në këtë rast ata që përfitojnë më shumë janë fëmijët të cilët kanë paaftësi të
lehta, sidoqoftë gjithëpërfshirja varet shumë nga përgatitja e mësimdhënësit. (Woolfolk,A.2011).
2.3 Programet e individualizuara mësimore
Hartuesit shohin që çdo fëmijë është unik në vetvete, prandaj duhet hartuar dhe një plan unik që i
përshtatet nxënësit që të arrijë rezultate të mira. Në qoftë se një nxënës me nevoja të veçanta
gjendet ne një klasë normale, atij me patjetër i nevojitet plani në mënyrë që sadopak të jetë në
hap me nxënësit e tjerë të klasës, gjithashtu edhe një mësues mbështetës –
ndihmës.(Z.Nijazi.2004)
8
2.4 Të drejtat e nxënësve dhe familjet e tyre
IDEA përmban një numër të madh të të drejtave p.sh. prindi ka të drejtë të shohë mënyrën sesi
vlerësohet fëmija i tij, po ashtu ai mund të krijojë një vlerësim të pavarur. Në qoftë se prindi nuk
merr pjesë në hartimin e planit, ai mund ta dërgojë një prind sorrogat (person tjetër që e
zëvendëson atë), në qoftë se prindi nuk është i kënaqur me planin individual të fëmijës së tij ai
mund ta ndryshojë atë. Prindi ka të drejtë të marrë pjesë në mbledhje për t’i parë arritshmëritë e
fëmijës së tij njësoj sikurse prindi që ka fëmijë normal, dhe udhëzimet vlejnë për gjithë fëmijët
dhe prindërit e tyre.
2.5 Masat mbrojtëse
Seksioni 504 është masë mbrojtëse që ndalon diskriminimin e personave me paaftësi dhe u jep
atyre mundësi që të përfshihen në programet mësimore që financohen nga fondet në shkollat
publike. Po ashtu, lejohen makina shkrimi apo llogaritje duke marrë parasysh paaftësinë e tyre
për të qenë të njëjtë me të tjerët.
Nxënësit ndahen në dy grupe të mëdha që mbështeten shumë nga IDEA: nxënës me nevoja
shëndetësore dhe mjekësore (diabet, drogë, alkool, sëmundje ngjitëse) etj. Po ashtu edhe nxënës
me paaftësi të përkohshme, si pasojë e aksidenteve, plus nxënës me çrregullime të vëmendjes
dhe hiperaktivitet, nëse nuk mbulohet nga IDEA. (Woolfolk,A.2011).
9
KAPITULLI III
3. Nxënësit me paaftësi në të nxënë
Një nxënës me paaftësi në të nxënë është një nxënës i cili nuk ka paaftësi intelektuale, probleme
emocionale apo disavantazhe arsimore. Ai gëzon shikim të plotë, dëgjim të plotë dhe mundësi
për të folur. Janë dhënë shumë përkufizime se përse nxënësit me paaftësi në të nxënë arrijnë
rezultate shumë më të ulëta nga ato që priten edhe pse i kanë të gjitha aftësitë e tyre. Këto
probleme nuk kanë shkak parësor paaftësitë p.sh. dëmtimet pamore, paaftësitë intelektuale,
problemet emocionale ose problemet ekonomike.
Edukatorët dhe psikologët mendojnë që nxënës me paaftësi në të nxënë janë nxënës të ngadaltë
në shkollat mesatare, nxënës mesatar në shkollat e cilësisë së lartë, nxënës që kanë probleme me
gjuhën e dytë dhe kanë mbetur prapa sepse kanë shumë mungesa apo kanë ndërruar shkollën.
(Finlan, 1994).
Një numër i madh psikologësh mendojnë që paaftësia në të nxënë është problem fiziologjik dhe
i mjedisit. P.sh dëmtimi i trurit, ekspozimi ndaj toksinave, nënat që pinë duhan, alkool,
kequshqyerje etj. Nëse prindërit kanë paaftësi në të nxënë fëmija i tyre do ta trashëgojë 30-50%
të njëjtat paaftësi.
3.1 Karakteristikat e nxënësve me paaftësi
Nxënësit me paaftësi nuk janë të gjithë njëlloj. Karakteristikat më të zakonshme janë vështirësitë
specifike që ata ndeshin në një apo më shumë fusha akademike, si: mungesa e vëmendjes,
hiperaktiviteti, problemet që mund të ketë në interpretimin e informacionit pamor, dëgjimor,
çrregullimet e të menduarit, kujtesës, të folurit, të dëgjuarit etj.
Disa nga këto karakteristika mund t’i kenë edhe fëmijët të cilët janë normal. Jo të gjithë fëmijët
shfaqin këto paaftësi, në fakt vetëm një numër i vogël i shfaqin ato paaftësi, p.sh: një fëmijë
mund të jetë prapa me të lexuar, mirëpo mund të jetë i pari nga e gjithë klasa në matematikë.
(E.Finlan, 1994).
10
3.2 Mësimi i nxënësve me paaftësi në të nxënë
Nxënësit të cilët kanë paaftësi duhet të mësohen me kohë që kanë probleme apo paaftësi, sepse
në të kundërtën ata do të ndjehen shumë të dëshpëruar se përse nuk mund të nxënë sikur nxënësit
e tjerë d.m.th. ata mund të bien viktimë e paaftësisë së vetëpranuar. Një rast e kemi me qentë kur
ata ndëshkohen me elektroshok, sepse nuk mund ta zgjidhin enigmën e ata pas një kohe do bien
në depresion dhe as që nuk do tentojnë më që të dalin nga aty. Njëjtë ndodh edhe me fëmijët, ata
mendojë që janë të pafuqishëm që t’i përmirësojnë rezultatet e tyre dhe nuk do të mund të arrijnë
në jetë duke mbetur pasivë dhe të pashpresë. (Woolfolk,A.2011).
Nxënësit me paaftësi përpiqen që t’i kompensojnë problemet e tyre dhe në këtë mënyrë fitojnë
shprehi të këqija, fillojnë t’iu shmangen lëndëve nga frika që nuk mund t’i përballojnë
vështirësitë, dhe këtu rol shumë të rëndësishëm ka mësuesi i cili duhet t’i orientojë nxënësit tek
specialisti.
Nxënësve me paaftësi duhet t’u përshtatemi më tepër se nxënësve të tjerë. Në moshën
parashkollore dhe fillore duhet t’u jepen detyra me fjalë ose fjali të thjeshta, t’iu kërkohet
nxënësve që t’i përsërisin detyrat e shtëpisë për të ditur se a i kanë mbajtur në mend, duhet t’u
japim sa më shumë shembuj dhe duhet t’i përsërisim pikat kryesore, duhet t’u japim kohë
ushtrimeve praktike, veçanërisht kur kemi shpjeguar materialin e ri. Disa nga këto udhëzime
mund të përdoren edhe për klasa më të larta.
Zakonisht këtyre nxënësve iu rekomandohet të mbajnë shënime ose të përdorin kalendar
elektronik. Pa marrë parasysh se cilën do klasë janë nxënësit, mësuesi duhet ta lidhë materialin e
orës së kaluar me materialin e ri. Mësuesi duhet të punojë me secilin nxënës veç e veç, dhe kjo
më së shumti ka rëndësi tek fëmijët me paaftësi në të lexuar. (Woolfolk,A.2011).
3.3 Nxënësit me vështirësi emocionale
Nxënësit me vështirësi emocionale janë një ndër nxënësit më të vështirë për t’u
menaxhuar. Profesionistët e shohin aq të vështirë çrregullimin e sjelljes sa thonë që mund të
ndikojë në rritjen e fëmijës, gjithashtu mund të ndikojnë negativisht edhe në jetën e njerëzve
përreth. Nxënësi me vështirësi emocionale zakonisht tërhiqet, mbyllet në vetvete dhe nuk ka
disponim të mirë.
Personat që kanë vështirësi në sjellje fillimisht nuk kanë tendencë t’i ngacmojnë të tjerët, ata
agresivitetin e shfaqin vetëm tek vetja e tyre, mirëpo kjo nuk do të thotë që ata më vonë këto
sjellje të papërshtatshme të mos i shfaqin edhe ndaj të tjerëve.
11
Duhet pasur kujdes sepse këta nxënës anashkalohen shumë nga mësuesit sepse nuk vërehen në
klasë, ata parapëlqejnë të kafshojnë lapsin, të fusin rroba në gojë po ashtu edhe gishtin, e kanë të
folurit e zhvilluar por nuk duan të flasin, nuk dëshirojnë të ngarkohen me detyra dhe humbin
kohën me gjëra të pa vlera. (Z.Naser, 2001).
Çrregullimet emocionale mund të shihen edhe si çrregullime mendore ato dhe përfshijnë:
depresionin, ankthin, çrregullimet fobike dhe çrregullime të tjera. Ku do të flasim për secilën prej
tyre.
1. Depresioni- është forma më e vështirë e çrregullimeve emocionale, është humbja
e dëshirës për gjithçka, ndjenjë pasigurie dhe pesimizëm për jetën e tyre. “Kur
emocionet qëndrojnë në një pikë të ulët gjatë gjithë kohës dhe e humbasin
interesimin për vetveten, kjo do të thotë se po kalon në një gjendje depresive” (T,
F. Pettijohn 1996).
Fëmijët të cilët karakterizohen me depresion kanë këto simptoma: humbje energjie, vetëbesimi,
zvogëlim dëshire, çrregullim gjumi, oreksi dhe nëse ky problem vazhdon edhe më tutje në
moshën e mëvonshme, ka mundësi që personi në fjalë të bëjë vetëvrasje.
2. Ankthi- është ndjenjë e ndërlikuar e cila karakterizohet me frikën, me
pakënaqësinë, pasigurinë e kështu me radhë. Personi ka frikë se nuk mund t’i
mbushë obligimet siç duhet, prandaj paraqitet kjo frikë. Individi nuk ka frikë nga
objektet e caktuara, ai e ka ndjenjën e frikës që diçka nuk do të ketë sukses, nuk
do të përfundojë siç duhet. Fëmijët të cilët kanë ankth vazhdimisht ndihen të
tensionuar, kanë dhimbje barku, dhimbje koke, djersitje duarsh etj. Nëse kjo frikë
nuk parandalohet, atëherë kemi të bëjmë me anksiozitetin. (Zabeli, Naser, 2001).
3. Çrregullimet fobike- shihen si frikë e paarsyeshme për objektet e ndryshme të
cilat në realitet nuk paraqesin kurrfarë frike. Shumë njerëz kanë frikë nga uji,
zjarri, lartësia, aeroplanët, zhurmat, ambientet e mbyllura etj.
Shumë fëmijë kanë fobi nga shkolla sepse mendojnë se kur të kthehen në shtëpi nuk do t’i gjejnë
prindërit, po ashtu ekziston edhe frika nga ndëshkimet e mësuesit, pastaj nga mosdëshira për të
lexuar me zë të lartë etj.
Zakonisht fëmijët me çrregullime fobike kanë dëshirë të ulen vetëm, nuk kanë dëshirë të ulen
afër dritares apo derës, tërheqje në vetvete, mosdëshirë për të marrë pjesë në aktivitete mësimore
etj. (Zabeli.N.2001).
4. Negativizmi selektiv- vjen si pasojë e ndonjë traume dhe nxënësi ndërpret të
folurën me mësuesin ose edhe shokët e klasës si rezultat i ndonjë situate të
pakëndshme.
12
5. Çrregullimet somatike- vijnë si rezultat i brengosjeve të mëdha, problemeve apo
edhe përgjegjësive që nxënësit nuk mund t’i mbajnë dhe zakonisht ankohen për
dhimbje shpine, qafe, barku dhe dhimbje të tjera kronike. (Zabeli.N.2001,f.25).
Fëmijët të cilët kanë probleme emocionale shpesh thyejnë edhe rregullat e shkollës dhe të klasës
dhe mësuesit përdorin masa disiplinore të ndryshme, madje ata kanë shkuar edhe në gjyq për
disiplinën e nxënësve, prandaj duhet pasur shumë kujdes me mënyrën sesi sillemi me ta.
1. Vetëvrasja- jo çdo nxënës mund ta përballojë çrregullimin emocional, disa nga ata
kryejnë edhe vetëvrasje duke e menduar si zgjidhje përfundimtare. Zakonisht vetëvrasja
ndodh kur kombinohen shumë faktorë p.sh. depresioni dhe abuzimi me droga, problemet
në familje, mossuksesi në shkollë, stresi i fortë etj.
Kombinimi i njërit nga këta faktorë paraqet rrezik mjaft të madh për vetëvrasjen. Zakonisht kjo
ndodh më shumë tek adoleshentët që vetëvrasjen e shohin si shpëtim nga kjo botë, andaj duhet
pasur shumë kujdes dhe duhet vëzhguar ata nëse shohim që gjërat nuk shkojnë siç duhet. Duhet
të tregohemi të vëmendshëm në mënyrën se si ata ushqehen, si sillen, mënyrën si ata flenë, po
ashtu duhet t’i shohim nota e tyre, çfarë marrëdhënie kanë ata me shokët etj.
Zakonisht problemi më i madh paraqitet kur ata fillojnë t’i falin gjërat e tyre me vlerë p.sh.
kafshët shtëpiake, iPodin, veshjet etj., dhe sidomos kur ata flasin dhe interesohen për vetëvrasjen.
Prandaj ne nuk duhet t’u shmangemi këtyre gjërave, duhet të flasim direkt me ta sepse kjo nuk ua
fut në mendje vetëvrasjen por do t’u duket shumë pozitive nëse e shohin se dikush po merret me
problemet e tyre. (Zabeli.N.2001,po aty).
2. Abuzimi me drogat- jo të gjithë ata që kanë çrregullime emocionale janë përdorues të
drogës, zakonisht drogën e konsumojnë edhe ata që nuk kanë asnjë problem. Të lidhemi
me adoleshentët të cilët kanë çrregullime dhe e shohin drogën si shpëtim të përkohshëm
nga problemet e tyre duke mos e pasur asnjë ide më të voglën se çfarë dëmtimesh mund
të sjellë. Më shumë marrin ekstazi ose droga që thithen me hundë për shkak që ato janë
më të lira dhe gjinden më shpejt.
Zakonisht droga provohet nëpër mbrëmje të ndryshme, mirëpo kjo nuk do të thotë që
adoleshentët bëhen të varur nga ajo dhe shumicën i shtyn ajo ndjenja e të qenit i rritur. Që
adoleshentët t’i largojmë nga substancat narkotike duhet bërë rehabilitime të ndryshme,
gjithashtu duhet të shoqërohen me adoleshentë të cilët e kanë provuar dhe kanë arritur të heqin
dorë nga droga. (Woolfolk,A.2011)
3. Parandalimi- frika apo presioni nuk kanë dhënë efektin e duhur sa i përket parandalimit
të drogës apo edhe të vetëvrasjes, më shumë ka mbizotëruar ndjenja e të provuarit të
gjërave të cilat u janë ndaluar rreptësisht. Për këtë arsye duhet të mbahen aktivitete
vetëdijësimi në mënyrë që adoleshentët të jenë të vetëdijshëm për rrezikun që iu kanoset.
(Woolfolk,A.2011)
13
3.4 Nxënësit me vështirësi në sjellje
Vështirësitë në sjellje definohen si shkallëzim në masë të tepruar i sjelljes të qëndrueshme që
manifestohet me veprime shpesh agresive. Këta fëmijë kanë sjellje devijante në familje, mjedis
dhe shkollë. Sjelljet e këtyre personave manifestohen me sjellje të papërshtatshme, mirëpo ne do
të veçojmë dy:
Hiperaktivitetin dhe agresivitetin. Kohë më parë nuk ka ekzistuar termi hiperaktiv, fëmijët që
para 50-60 vitesh kanë qenë hiperaktivë janë quajtur ndryshe si rebelë, përtacë, të lëvizshëm etj.
Është e pamundur që në një klasë të mos i kemi të paktën një ose dy fëmijë hiperaktivë,
hiperaktiviteti nuk mund të quhet sëmundje por ai paraqitet me anë të dy çrregullimeve:
çrregullim të vëmendjes dhe problem të hiperaktivitetit impulsiv. (Z, Naser, 2001).
Fëmijët hiperaktiv karakterizohen me sjellje të papërshtatshme në rrethin ku jetojnë, të cilat
krijojnë vështirësi në adaptim ndaj kushteve dhe rrethanave. Hiperaktiviteti është aktivitet i
theksuar i muskujve motorikë dhe zhvillim jo adekuat i vëmendjes, që do të thotë ajo lehtë mund
të largohet dhe është e pamundshme të mbahet gjatë edhe pas kthimit në detyrën e caktuar.
Agresiviteti është nevojë për arritjen e interesave, për të pasur ndjenjën e dominimit në grup, si
dhe shprehja e emocioneve në mënyrë të hapur. Janë fëmijë të shkathtë, energjikë dhe aktivë.
(Cover, Columbus, Bianchi 2004).)
Shkaqet: Shkaku i shpeshtë i hiperaktivitetit është një çrregullim i vogël i trurit i quajtur
“Disfunksion minimal i trurit” që ndodhë si pasojë e dëmtimeve para lindjes ose shpesh mund të
ndodhë gjatë lindjes. Ndërsa shkaku i agresivitetit duhet të kërkohet në edukimin e tij dhe në
mjedisin ku jeton. Fëmijët hiperaktivë jo vetëm që janë më të lëvizshëm dhe më të
pavëmendshëm, po ata kanë edhe probleme dhe vështirësi për t’u përgjigjur si dhe nuk mund të
mësojnë sistematikisht siç mësojnë nxënësit e tjerë, kjo paraqet vështirësi shumë të mëdha tek
mësuesit.
Djemtë priren të jenë më shumë hiperaktivë sesa vajzat 2 ose 3 herë më tepër dhe vajzat
janë hiperaktive, po që nuk e shprehin aq shumë sikurse djemtë. Sipas studimeve mendohet se
hiperaktiviteti fitohet në moshën 3 vjeçare dhe hiqet në adoleshencë, mirëpo nuk është ashtu
sepse në moshën e adoleshencës shfaqen problem të tjera si: streset e pubertetit, kalimi në
shkollën e mesme, shtimi i kërkesave shkollore që mund të jetë një periudhë shumë e vështirë
për nxënësit e asaj moshe. (Cover, Columbus, Bianchi 2004).
14
3.5 Trajtimi i fëmijëve me çrregullime në sjellje
Nga shumë mjekë mendohet se marrja e medikamenteve shkakton efekt pozitiv tek
fëmijët, duke i bërë ata më të qetë, me të sjellshëm, më të bindshëm, si dhe më të vëmendshëm
në mësime po ashtu shton bashkëpunimin me të tjerët. 70 apo 80% kur fëmijët marrin këto
medikamente janë të menaxhueshëm. Mirëpo, ndodh që këto medikamente të shkaktojnë edhe
efekte negative si: shtimi i rrahjeve të zemrës, ngritja e tensionit të gjakut, problem në rritje,
rënie nga pesha, pagjumësi etj.
Një medikament i quajtur Strattera nuk është stimulant dhe mund të nxisë mendime për
vetëvrasje. Medikamentet nuk janë të dobishme, ndonjëherë ato mund të shkaktojnë edhe
përmirësime dhe kjo iu duket prindërve dhe mësuesve sikur fëmija po përmirësohet, por në fakt
ai ka nevojë për ndihmë shumë të madhe sa i përket jetës jashtë shkollës dhe brenda saj. Mësuesi
duhet ta ndryshojë mënyrën e mësimdhënies për fëmijët me sjellje të çrregullt p.sh. duhet t’u
japë detyra të shkurta që ata të mos kalojnë në monotoni, po ashtu mësimdhënësi duhet t’i gjejë
pikat e forta te fëmijët dhe t’i vlerësojë ato.
Motivimi tek këta fëmijë luan rol shumë të rëndësishëm dhe i bën të ndjehen të vlerësuar. Duhet
pasur kujdes të madh me fëmijët me çrregullime në sjellje, duhet të përdoren çfarëdo lloj
aktivitetesh të ndryshme para se fëmijët të marrin medikamente, po ashtu pas marrjes së
medikamenteve fëmijët duhet të jenë nën kontrollin e prindërve dhe të mësimdhënësve duke
përcjellë hap pas hapi çdo aktivitet të tyre.
Nga shumë karakteristika fëmijët me hiperaktivitet dhe fëmijët me agresivitet janë të ngjashëm,
mirëpo dallimi qëndron në faktin se fëmijët me hiperaktivitet lëndojnë padashje, nuk bëjnë asgjë
negative me qëllim por e bëjnë për shkak të pamundësisë së koncentrimit, ndërsa fëmijët
agresivë të gjitha gjërat i bëjnë me vetëdije të plotë për të mbizotëruar mbi të tjerët.
(Zabeli.N.2001,f.56).
3.6 Nxënësit me paaftësi intelektuale
Gjithmonë duhet pasur kujdes me përdorimin e termave kur iu referohemi fëmijëve apo
personave të cilat kanë çrregullime apo paaftësi të ndryshme. Disa kohë më përpara është
përdorur termi prapambetje mendore, ndërsa sot përdoret termi paaftësi intelektuale në mënyrë
që askush të mos lëndohet gjatë etiketimeve. Në të folmen e përditshme hasim terma fyes si
idiotë, imbecilë, debilë etj. Në vend të tyre duhet të përdoren terma si: ngecje në zhvillimin
mendorë në shkallë të rënde dhe jo idiotë, ngecje në shkallë të mesme dhe jo imbecilë dhe ngecje
në shkallë të ulët ose të lehtë dhe jo debilë. (Zabeli.N.2001).
15
“Prapambetja mendore paraqet funksionin intelektual bukur shumë nën nivelin mesatar që
manifestohet në periudhën e zhvillimit dhe për të cilin është karakteristikë papërshtatshmëria e
sjelljes adaptuese” (Zabeli,N.2001). Shkalla midis normales dhe jo normales është IQ 70-85. Të
gjithë personat që kanë IQ nën 70 përcaktohen si persona me paaftësi intelektuale.
1. Personat me IQ 50-70 përcaktohen si persona me ngecje të lehtë mendore
2. Personat me IQ 25-50 përcaktohen si persona me ngecje të mesme mendore
3. Personat me IQ nën 25 përcaktohen si persona me ngecje të rëndë mendore
Shkaqet e ngecjes mendore janë të shumta:
1. Shkaqe gjenetike (Sindroma Down dhe sindroma të tjera)
2. Dëmtime në mitër (infektimet e nënës, rubelloa, fruthi etj.)
3. Dëmtime në lindje (humbje e oksigjenit, peshë e vogël në lindje, verdhëza)
4. Aksidente ose sëmundje (dëmtimi i trurit nga aksidente, infektimi i mengitisit,
mosushqimi etj.)
5. Shkaktarët shoqërorë (fëmijët të cilët rriten pa dashuri, rritje me dhimbje dhe jo
respekt).
Paaftësi intelektuale në shkallën e rëndë (IQ nën 25)
1) Është pasojë e faktorëve gjenetikë dhe organikë, fëmija nuk zhvillohet me inteligjencë
më shumë se një fëmijë i moshës 3 vjeç dhe nuk jetojnë gjatë. Këta fëmijë janë problem
mjekësor dhe jo pedagogjik. (Zabeli, Naser, 2001).
Paaftësi intelektuale në shkallën e mesme (IQ 25-50)
2) Zhvillimi mendore është tejet i ngadalshëm, zakonisht këta fëmijë nuk zhvillohen më
shumë se një fëmijë 3 deri 7 vjeç. Fëmijët e tillë është e vështirë të integrohen në shkolla
normale pasi që kanë nevojë për trajtim specifik. Zakonisht janë në gjendje të mësojnë
higjienën, të kuptohen me familjen dhe t’i bëjnë disa punë të lehta. (Zabeli, Naser, 2001).
Paaftësi intelektuale në shkallën e lehtë (IQ 50-70)
3) Fëmijët e kësaj periudhe nuk dallohen shumë në moshën parashkollore, dallimet fillojnë
nga shkolla fillore. Nuk mund të zhvillohen më shumë se një fëmijë i moshës 8-12 vjeç.
Kanë vështirësi të theksuara në të kuptuarit e përmbajtjes mësimore, në të shkruar, në të
lexuar etj. Mund të mësojnë njohuri elementare dhe ta udhëheqin jetën në mënyrë të
pavarur. (Zabeli, N, 2001).
16
Zhvillimi mendor në kufi IQ 70-85
4) Nxënësit e kësaj kategorie quhen me fjalor pedagogjik të ngadalshëm dhe i shkaktojnë
vështirësi mësimdhënësit sepse nuk mund t’i ndjekin përmbajtjet mësimore si të gjithë të
tjerët. Dhe inteligjenca apo kapaciteti i tyre mund të vërtetohet me anë të testeve të
inteligjencës. (Zabeli, N,2001).
3.7 Nxënësit me çrregullime të gjuhës dhe të komunikimit
Të folurit përcaktohet si “defektiv” nëse dallohet nga të folurit e njerëzve të tjerë në atë
masë saqë tërheq vëmendjen, interferon komunikim ose është shkak i sjelljes të papërshtatshme
të personit që e përdor (Van Ripper).
Shkaqet e dëmtimit në të folur
1. Lëndimet organike të trurit
2. Dëmtimet e shqisës së të dëgjuarit
3. Qiellza e shqyer
4. Prapambetje mendore
Llojet e dëmtimeve në të folur
1. Të folurit e pazhvilluar (alalia)
2. Çrregullimet e zërit (pengesat disfonike)
3. Çrregullimet e ritmit dhe tempos në të folur
4. Vështirësitë e artikulimit (dislalia)
5. Negativizmi
6. Belbëzimi
Komunikimi i fëmijëve fillon përpara se fëmija të flasë dhe arsyeja se përse një fëmijë mund të
vonohet për të folur janë: dëmtimet e trurit, vonesë në zhvillim mendor, si dhe dëmtim në të
dëgjuar.(B.Brestovci,2019)
Identifikimi i fëmijëve me probleme në të folur mund të bëhet më lehtë se i fëmijëve të cilët kanë
problem në të dëgjuar ose në të parë. Mësuesi gjatë parashtrimit të pyetjeve mund të shohë nëse
nxënësi ka pengesa apo problem në të folur. (Van Ripper)
17
Tipet e vështirësive në të folur janë:
1. Forma- nxënësit të cilët kanë probleme me formën flasin dhe kuptojnë, mirëpo
ndeshen me probleme që kanë të bëjnë me:
a) -Vështirësitë e shqiptimit të tingujve mund të jenë dëmtime fizike të gojës, qiellza
e qarë ose probleme me muskujt e gojës. Muskujt e gojës mund të jenë me
ndërtim të dobët që quhet disarti zhvillimore, ose mund të jenë normal por fëmija
mund të ketë probleme me koordinimin e lëvizjeve të shpejta e të sakta dhe kjo
quhet dispraksia zhvillimore.
Fëmijët po ashtu mund të kenë probleme fonologjike, ku tingujt i tjetërsojnë ose i thjeshtojnë për
arsye se iu vije vështirë t’i thonë p.sh. tingullin “sh” e zëvendësojnë me tingullin “th”, në vend të
“shkolla” thonë “thkolla”.
b) -Kuptimet gramatikore- këtu fëmijët hasin në vështirësi në mësimin e normave
dhe rregullave gramatikore. Për këtë arsye fjalët iu duken të pakuptimta, të varfra
etj.
2. Përmbajtja- në këtë stad fëmijët e kanë të vështirë të mësojnë fjalë të reja.
Shkrimet e tyre dhe të folurit mundohen t’i përshtatin vetëm me ato fjalë që i dinë
me fjalë të tjera, fjalori i tyre është shumë i varfër. E kanë të vështirë të nxënë
fjalë të reja e sidomos kur ato janë fjalë abstrakte.
3. Përdorimi- fëmijët në këtë stad kanë probleme me intonacionin e zërit, sidomos
kur janë në grupe me fëmijë të tjerë. Ata flasin me zë shumë të lartë dhe kur nuk
mund të shpjegojnë diçka me zë ata fillojnë të përdorin edhe gjeste, gjë që mund
të mos jenë të dëshiruara në shoqëri.
4. Belbëzimi është pengesë në të folur që çrregullon ritmin e të folurit dhe
rrjedhshmërinë. Nxënësit të cilët e kanë belbëzimin gjatë të folurit ballafaqohen
me bllokime, zgjatime si dhe përsëritje të fjalëve. Belbëzimi paraqet probleme
serioze tek fëmijët, të cilët kur përgjigjen në klasë me përsëritjen e fjalëve mund
të kenë stres dhe mund t’u shtypet motivi sepse mund të përqeshen nga nxënësit e
tjerë të klasës. (Van Ripper)
Tek këto probleme mësimdhënësi ka rol dhe ndikim shumë të madh te secila prej tyre,
mësimdhënësit duhet të krijojnë klimë të përshtatshme në klasë dhe fëmijët duhet ta ndjejnë
veten të sigurt. Mësuesi së bashku me nxënësit duhet t’i respektojnë, të mos i nënçmojnë por
duhet t’i dëgjojnë kur ata flasin, njësoj sikur me fëmijët e tjerë dhe kështu ata do të motivohen që
të shprehen. Mësimdhënësi duhet t’i vetëdijësojë fëmijët apo nxënësit se një shok apo shoqe ka
probleme në të folur dhe ata pastaj nuk do t’i kushtojnë rëndësi mënyrës se si ai apo ajo shprehet,
dhe kështu nxënësi nuk do të ketë komplekse në të shprehur.
18
3.8 Nxënësit me vështirësi në të dëgjuar
Nxënësit të cilët kanë probleme në të dëgjuar zakonisht quhen nxënës të shurdhër, mirëpo ky
term nuk është i përshtatshëm, është term fyes. Për këtë arsye do ta përdorim termin paaftësi ose
çrregullim në të dëgjuar. “I shurdhër konsiderohet një person të cilët të dëgjuarit nuk është
funksional në jetën e përditshme, gjysmë të shurdhër janë ata që kanë të dëmtuar shqisën e
dëgjimit, por që të dëgjuarit e tyre është funksional në jetën e përditshme fal aparateve të
dëgjimit” (B.Brestovci,2019).
Shenjat që tregojnë që një person ka dëmtime në të dëgjuar janë: kthimi i veshit në drejtim nga
vjen zëri, përdorimi i vetëm njërit vesh në biseda, keqkuptimi i bisedave, po ashtu ka edhe shenja
të tjera si: moszbatimi i kërkesave të dhëna, shqiptimi i keq i emrave të rinj ose i fjalëve,
mosdëshira për të marrë pjesë në bashkëbisedime etj.
Shkaqet e dëmtimeve në të dëgjuar janë: trashëgimia, mbelloa, mungesa e jodit, lindja me
probleme, infeksionet e veshit, marrja e ilaçeve në mënyrë të pa kontrolluar, zhurmat e
vazhdueshme. (B,Brestovc,1986)
Tipet:
1. Monaural- do të thotë humbje e dëgjimit të njërit vesh, kjo nuk do të thotë që ai
nxënës nuk mund të marrë pjesë në klasë normale, vetëm se mësuesit i duhet të
kujdeset për të ta ulur në bankat e para dhe nxënësi të jetë i kthyer me veshin të
cilin dëgjon kah mësuesi.
2. Konduktive- është pasojë e infektimit të veshit të mesëm, ku pengohet qarkullimi
i tingujve brenda në vesh. Kjo kërkon trajtim mjekësor.
3. Sensoneurale- ka të bëjë me dëmtimet në veshin e brendshëm dhe ajo mund të
jetë e lehtë, e mesme dhe e rëndë. E lehtë kur fëmija bën ngatërrimin e shkronjave
që atij i duken të njëjta si h, f, s. E mesme ka problem me të dëgjuar ku i nevojitet
aparati për dëgjim dhe fëmija mund të kuptojë me leximin e buzëve. E rëndë kanë
nevoja të veçanta dhe patjetër nëse marrin pjesë në klasë të rregullta duhet të kenë
një mësues ndihmës ose mbështetës.
Fëmijët duhet të ulen afër mësimdhënësit në mënyrë që ta kenë më të lehtë që ta dëgjojnë, nuk
duhet kur flasim ta vendosim librin përpara fytyrës sepse nxënësi nuk mund t’i lexojë buzët,
duhet të flasim në mënyrë të qartë, duhet ta ulim fëmijën me problem në të dëgjuar me një fëmijë
që dëgjon, në mënyrë që nëse nxënësi me problem në të dëgjuar i humbet ndonjë fjalë që mund
ta ndihmojë shoku i bankës.
19
3.9 Nxënësit me vështirësi në të parë
Nxënësit të cilët kanë dëmtime në të parë klasifikohen në nxënës të cilët kanë vështirësi d.m.th.
mund të lexojnë me mjete zmadhuese si p.sh me llupë, ndërsa grupi i dytë janë tërësisht të verbër
në aspektin arsimor, kjo do të thotë se ata arsimohen me anë të të prekurit dhe me anë të
dëgjimit.
Dëmtimi i të pamurit sipas përkufizimit pedagogjik do të thotë: “I verbër është ai fëmijë i cili e
ka aq të dëmtuar të pamurit, saqë nuk është në gjendje të arsimohet në mënyrë vizuale. Ai në
procesin e arsimimit shfrytëzon shqisat e të prekurit, të dëgjimit, alfabetin e Brajlit dhe aparate
special që i mundësojnë arsimim të suksesshëm” (O.Botërore e shëndetësisë, 2010).
Vështirësitë që iu paraqiten nxënësve që kanë dëmtime në të parë janë të shumta, ndoshta nga
dëmtimet e shqisave më e rrezikshmja është dëmtimi i syve sepse nxënësi ka problem për të
ecur, për t’u ulur, për të lozur dhe për aktivitete të ndryshme. Po ashtu, nga ky dëmtim fëmijët
mund të kenë dhe arritje të dobët në mësime. (Z,Naser, 2001).
3.10 Tipet e dëmtimeve të të pamurit
1. Miopia- e njohur ndryshe si shkurtëpamësia, të pamurit për larg është i
mjegulluar, gjithsesi nevojiten syze sidomos për aktivitete të ndryshme.
2. Hipermetropia- e njohur si shikim i gjatë, me këtë dëmtim nxënësi nuk sheh afër
nuk ka mjegullim, mirëpo duke u përpjekur që të shoh afër fillon të ketë dhimbje
koke. Nevojiten syze për të parë afër.
3. Astigmatizmi- i njohur ndryshe si shikim i shpërqendruar, ku nxënësve iu duhet
kohë e gjatë të lëvizin kokën në mënyrë që të shohin objektet ashtu siç iu
përshtaten.
4. Vështirësia për t’i dalluar ngjyrat- zakonisht ka shumë persona që nuk mund t’i
dallojnë ngjyrat, e shohin botën bardh e zi. Mirëpo ka edhe nga ata që kanë
vështirësi në dallimin e ngjyrës së kuqe dhe asaj të gjelbër, këtu mësimdhënësi
duhet që kur shpjegon të përdorë tabelën me ngjyra të ndezura.
Duhet të kemi kujdes ku e ulim një nxënës me vështirësinë në të parë, zakonisht duhet ta ulim
afër tabelës dhe të përdorim shkumësa me ngjyra të ndryshme, po ashtu nxënësit i lejohet të
mbajë kapelë në klasë në mënyrë që të formojë hije për sytë e tij kur shikon në tabelë. Po ashtu ai
gjithmonë duhet ta këtë me vete një shoqërues në mënyrë që të mos i kanoset rreziku në
ambientin e jashtëm.
20
3.11 Nxënësit me dëmtime të shëndetit
Nxënësit të cilët kanë vështirësi në të nxënë në mënyrë që të përshtaten në klasat normale iu
nevojiten këpucë, paterica apo edhe karrige me rrota, mirëpo kjo është vetëm një nga dëmtimet
në shëndet. Mësimdhënësit do të përballen edhe me sëmundje apo dëmtime shëndetësore të tjera
siç janë: palsi cerebral, epilepsia, astma, HIV\AIDS, diabeti, Sindroma DOWN, autizmi etj.
Fëmijët të cilët kanë probleme me palsin cerebral nuk mund t’i kryejnë lëvizjet e vullnetshme
dhe pos kësaj ata ndeshen edhe me problemet dytësore, siç janë: dëmtimet e shikimit ose të
folurit, të cilat mund të jenë të shkallës së lehtë ose të rëndë. Gjithsesi këta fëmijë arrijnë që të
edukohen në shkollë me shkallë të mesme ose nganjëherë edhe të lartë. (Johnson, 1959, 1961;
Froeschels, 1964)
Fëmijët të cilët kanë probleme me epilepsinë apo ndryshe çrregullime konvulsive, të cilat
shkaktohen nga ethet apo infeksionet por që mund të jenë edhe të lindura. Ato ndahen në grand
mal ku tek fëmijët sulmi është shumë i madh që mund të zgjatë deri në 15 minuta, mund të
shkaktojë edhe humbjen e plotë të vetëdijes, pastaj fëmija shkumon edhe nga goja, lëvizje të
pakontrolluara etj.
Petitte mal e njohur si krizë e lehtë ku sulmi mund të zgjasë 2-5 minuta, fëmija mund të nxihet,
por që nuk e humbë plotësisht vetëdijen. Me këta fëmijë duhet të kemi kujdes në klasë kur fillon
sulmi duhet ta largojmë nga gjërat që mund ta lëndojnë, duhet t’u heqim rrobat në qoftë se ato e
pengojnë në frymëmarrje, duhet t’ia vendosim kokën në pozicionin e duhur në mënyre që
pështyma të mos i kthehet prapë në mushkëri dhe në qoftë se sulmi nuk kalon duhet pastaj ta
dërgojmë sa më parë tek mjeku.
Fëmijët të cilat kanë probleme kronike në mushkëri do të thotë që kanë astmën që prek
jashtëzakonisht shumë fëmijë, e sidomos ata që jetojnë në kusht të rënda varfërie. Kjo shkakton
mungesë të madhe në vijimin e mësimit, çka shkakton rënie të suksesit në shkollë.
Të gjithë kemi informacione për HIV-in tek fëmijët që në 90% të rasteve e fitojnë këtë nga nëna
kur janë ende në barkun e nënës. Edhe pse kjo sëmundje është vdekjeprurëse tani kohëve të
fundit fatmirësisht me trajtim dhe me medikamente është bërë e mundur që fëmijët të ndjekin
shkollën në mënyrë normale.
Diabeti është çrregullim metabolik ku pankreasi nuk prodhon insulinë dhe nuk ruhen nivelet e
duhura të gjakut. Zakonisht fëmijët nuk kanë ndonjë stres që të ndikojnë në mëlçi dhe pankreas,
por e fitojnë duke konsumuar ëmbëlsira.
Fëmijët të cilët kanë Sindromën Down do të thotë që gjatë frytnimit kanë pasur një gabim
gjenetik. Janë fëmijë shumë të ndjeshëm ndaj infeksioneve. Janë të ndarë në disa shkallë, ku
shkallët e para fëmija pothuajse bënë jetë normale mund të punojë etj. Ndërsa në shkallët më të
21
rënda nuk janë të aftë të mësojnë dhe as të punojnë dhe madje jetojnë shumë pak për shkak të
disa dëmtimeve në zemër.
Disa nga shenjat tipike: sytë të pjerrtë, veshë të poshtë, gojë e vogël gjuha rrinë jashtë, supe të
rrumbullakëta, kokë të rrafshët dhe gishtin e vogël të këmbës e ka të larguar nga gishtat e tjerë.
Vlen të theksohet se janë shumë të dashur dhe nuk harrojnë. Fëmijët autikë ose me term
shkencorë çrregullimet e spektrit të autizmit është dëmtim që më së shumti prek komunikimin
verbal dhe aspektin e shoqërimit.
Fëmijët autikë edhe pse ndoshta dinë shumë fjalë nuk parapëlqejnë të flasin dhe e kanë shumë të
vështirë të shoqërohen me të tjerët, më shumë duan të rrinë vetëm. Nuk i duan ndryshimet
parapëlqejnë të hanë të njëjtin ushqim, të veshin të njëjtat rroba orenditë dhe lodrat t’i kenë
gjithmonë në vendin e njëjtë. Nuk duan ta shohin vetën në pasqyrë dhe i pengon zhurma, pastaj
drita fluroshente etj. (Zabeli, Naser, 2001).
Sindroma e Aspergerit ka karakteristikat pothuajse të njëjta autike, por që këtu komunikimi
gjuhësor është më pak i prekur ndërsa problemi kryesor qëndron tek shoqërimi, nuk kanë dëshirë
të merren me askënd, gjuhën e kanë mirë të zhvilluar kanë tendencë të flasin edhe gjëra të
pakuptimta, mirëpo vlen të thuhet që niveli i inteligjencës është mesatar ose mbi mesatar.
(Zabeli, Naser, 2001).
3.12 Nxënësit e talentuar
Disa nxënës kanë aftësi të mëdha që nga mosha 3 vjeçare, mund të lexojnë pa problem
ose janë shumë të aftë për një fushë të caktuar dhe iu kalohet klasa, janë të njohur si nxënës të
talentuar apo me dhunti. Nxënësit e talentuar nuk janë të talentuar për faktin që ushtrojnë dhe
mësojnë intensivisht, në fakt kjo u ndihmon atyre shumë në përsosjen e talentit. Puna e tyre është
origjinale dhe është shumë më e avancuar se tek moshatarët e tjerë.
Këta fëmijë arrijnë të lexojnë rrjedhshëm që në moshën 3 ose 4 vjeçare, mund të luajnë ndonjë
instrument si ndonjë i rritur dhe mund të zgjidhin detyrat e komplikuara dhe janë të interesuar
për algjebrën dhe shumë gjëra të tjera, ndërsa shokët e tyre nuk mund të zgjidhin as ndonjë
detyrë të thjeshtë aritmetike. (J. C. Raven, 1938)
Këta fëmijë priren të jenë emocionalisht më të fortë dhe më të qëndrueshëm. Origjina e dhuntive
ende saktësisht nuk dihet, mirëpo thuhet që kanë organizim të pazakontë të trurit por edhe
ushtrimet dhe përpjekjet e mëdha në atë fushë që talenti e zotëron kanë rëndësi të madhe në
zhvillimin e mëtutjeshëm e fëmijës, po ashtu ka rëndësi edhe përkrahja dhe përkushtimi i
familjes ndaj atij fëmije.
22
Të talentuarit zakonisht shkruajnë me dorën e djathtë që është e lidhur me anën e majtë të trurit.
“Fëmijët e talentuar janë gjeni dhe kanë dituri të jashtëzakonshme, nuk bëhen nga hiçi, por lindin
me tru të pazakonshëm, i cili bën të mundur përparimin e tyre të shpejtë në një fushë të caktuar”
(Winner, 2000, f. 160).
3.13 Problemet e nxënësve të talentuar
Të talentuarit mund të përballen me vështirësi për arsye të ndryshme, për shembull detyrat në
klasë mund t’u duken shumë të lehta dhe i kryejnë shpejt pastaj kalojnë në monotoni, po ashtu
përderisa fëmijët e tjerë janë të interesuar për lojëra të ndryshme fëmija i talentuar është i dhënë
pas Moxartit, pas ndonjë çështje sociale apo pas teknologjisë.
Fëmijët e talentuar nuk mund t’i durojnë personat që nuk kanë interes të përbashkët me ta. Po
ashtu kanë sens të mprehtë humori me të cilin mund t’i shpotitin mësuesit dhe nxënësit e tjerë
(Woolfolk, A. 2011).
3.14 Mësimdhënia për fëmijët e talentuar
Zbulimi i nxënësve të talentuar nuk është gjithmonë i lehtë për mësimdhënësit, duke pasur
parasysh që prindërit janë mësuesit e parë. Po ashtu, jo gjithmonë nota i tregon nxënësit e
talentuar sepse ka mundësi që nxënësit e talentuar t’i fshehin aftësitë e tyre, sidomos vajzat. Edhe
pse është e vështirë, mësimdhënësit talentët mund t’i zbulojnë me anë të pyetjeve.
Teste IQ jo çdo herë arrijnë të masin aftësitë e talenteve sidomos kur ato janë vetanake, më
shumë shihen aftësitë kur nxënësi punon në grup d.m.th. shihet dominimi dhe energjia të cilën ai
e reflekton. Identifikimi mund të bëhet edhe me anë të: rezultateve të testit, notave, projekteve,
portofoliove pastaj ekspozitave, shfaqjeve, audicioneve, intervistave etj.
Mësimdhënësit mendojnë që fëmijët e talentuar duhet të ndërrojnë klasët dhe lëndët, ndërsa disa
mësues të tjerë mendojnë që fëmijëve t’u japin mësim shtesë dhe sfidues për t’i mbajtur në klasë
me bashkëmoshatarët (Torrance, 1986).
Shumë mësimdhënës i mbingarkojnë nxënësit në orët mësimore në mënyrë që ata të mos kalojnë
në monotoni, si dhe në të njëjtën kohë ata i kryejnë detyrat bashkë me moshatarë dhe pastaj
marrin detyra shtesë nga mësimdhënësit dhe kjo nuk shkakton negativitet tek fëmijët,
përkundrazi zgjeron edhe më shumë njohuritë e tyre.
23
Fëmijët e talentuar kanë tendencë të shoqërohen me fëmijë të moshës më të rritur. Kapërcimi i
klasës mund të mos jetë zgjidhja më e mirë për një nxënës të caktuar, por nga ana tjetër nuk
duhet të hidhet krejtësisht poshtë. (Robinson & Clinkenbeard, 1998).
Mënyra më e mirë për këta fëmijë është përshpejtimi i programit mësimor si dhe nxitja e të
menduarit abstrakt.
Nxënësit e talentuar nuk funksionojnë mirë në punë me grupe me aftësi të ndryshme, më efektivë
janë nëse punojnë në grupe me nxënës me aftësi të larta. Fëmijët nuk duhet t’i detyrojmë të heqin
dorë nga talentet e tyre, ata duhet t’i përkrahim vazhdimisht.
3.15 Roli i gjinisë dhe gjendja sociale te nxënësit e talentuar
Vajzat priren më shumë se djemtë që t’i fshehin aftësitë e tyre mbas shkollës fillore sepse
dëshirojnë të jenë vajza të kohës moderne dhe rezultatet e tyre fillojnë të bien. Mësimdhënësit
duhet t’i motivojnë ato për rezultate të larta dhe duhet në masë të madhe të mbështesin dhuntitë e
tyre.
Nxënësit të cilët kanë probleme me shëndetin, janë të pastrehë, nuk kanë burime jetësore, nuk
kanë siguri, ata nuk kanë kohë të mendojnë për shkollimin e tyre.
Kështu mësimdhënësi duhet të zbulojë pikat e tyre të forta, si dhe duhet të jap mbështetje
maksimale për ta së bashku me të gjithë shokët dhe shoqet e klasës. (Winner, 2000).
24
KAPITULLI IV
4. Menaxhimi i klasës
“Shkolla duhet t’i japë mundësi të gjëra mësuesit për t’u bërë njeri i dashur i fëmijëve, që të bëjë
në klasë një jetë aktive dhe intensive mësimdhënieje” (P. Bllonski).
“Mësuesi duhet të ketë besim dhe siguri në drejtësinë e punës shumë të dobishme që bën, duhet
të jetë kërkues ndaj vetes dhe jo vetëm si pedagog, por më kryesorja e kryesorëve, si njeri” (A.
Maniakov).
“Menaxhimi i mësimit ka të bëjë me drejtimin dhe organizimin e veprimtarive të tilla të të
nxënit, duke synuar që të maksimalizohet përfshirja produktive e nxënësit në mësim” (Musai
2003, f. 201).
Mësues të suksesshëm janë ata të cilët e kanë sjellë klasën e vet në gjendje ku mund të thonë:
“Nxënësit do të vazhdojnë t’i punojnë detyrat e dhëna, pa dallim a jam ose s’jam unë me ata”.
(Marija Montesori)
Menaxhimi do të thotë udhëheqje, organizim, drejtim i procesit mësimor. Menaxhimi i klasës
përfshinë çdo gjë që bën më mësuesi për të organizuar nxënësit, kohën, mjetet e konkretizimit që
iu shërbejnë nxënësve për të nxënë. Mësuesi i mirë duhet të jetë: i dashur, i sjellshëm, të jetë në
humor të mirë në çdo situatë, t’i marrë përsipër problemet e fëmijëve, të ketë veshje të
përshtatshme, të ketë marrëdhënie të njëjta me çdo nxënës në klasë etj.
4.1 Marrëdhënia mësues – nxënës
Mësuesit duhet të tregojnë kujdes për nxënësit. Të tregojnë interes për pasionet e tyre, të marrin
pjesë në evente sportive etj. Një mësues duhet ta njohë mirë lëndën pasi që me përgatitje të mirë
ndërtohet edhe besimi i nxënësve tek vetja.
Një mësues padyshim që duhet ta ketë klasën nën kontroll d.m.th. të jetë ai që mbanë komandën
e klasës, pasi nxënësit mund ta marrin atë komandë me kënaqësi dhe klasa të kthehet në kaos.
Mësuesit duhet të veprojnë në mënyrë të matur, të mos jenë ironik, të mos thonë gënjeshtra dhe
sigurisht të mos e humbin temperamentin.
Patjetër që duhet të ruhet edhe një distancë emocionale mes mësuesit dhe nxënësit për një
marrëdhënie të suksesshme.
25
4.2 Si duhet ta kemi vëmendjen e fëmijëve
Duhet të vendosen sinjale p.sh. kur fëmijët dëshirojnë të përgjigjen duhet ta ngritin dorën, ose
kur duam të mbajmë qetësi me anë të shikimit fëmijët duhet ta kuptojnë që duhet t’i lënë bisedat
dhe të angazhohen në mësim.
Rregullat - rregullat kanë rëndësi shumë të madhe në klasë sepse nëse në klasë nuk ka rregulla
atëherë nuk do të zhvillohet mësimi, ja edhe disa pikëpamje:
“Shkolla pa edukatë, si mulliri pa ujë“ (Jan Amos Komenski)
“Disiplina ka të bëjë me rregullin, i cili është i nevojshëm në klasë për të siguruar një nxënie të
efektshme”. (Musai, f. 222)
Arsyet e sjelljeve të padëshirueshme: mërzitja, vetëvlerësimi i ulët, dështimi, shoqërimi i tepruar.
Dhe këta nxënës jo vetëm që nuk interesohen për mësim, por edhe janë arsyeja pse të tjerët nuk
janë të interesuar që të mësojnë.
Sjelljet e zemëruara: ka shumë nxënës që shkaktojnë sjellje të zemëruara këta përcaktohen si
nxënësit agresivë dhe me vështirësi mund të menaxhohen, mirëpo kjo mund të bëhet me anë të
përforcimeve, shpërblimeve dhe ndëshkimit.
1. Përforcimi - në përgjithësi mendohet si diçka që e ka formën e shpërblimit, por
që shpërblimi nuk është sinonim i përforcimit sepse ky i fundit zbatohet për sjellje
specifike, të veçanta ndërsa shpërblimi zbatohet mbi një sjellje të përgjithshme e
jo të specifikuar. (Skinner,1953).
2. Shpërblimet- nxënësit çdoherë duhet edhe shpërblyer pasi shpërblimet janë vetë
kënaqësia e një pune të bërë mirë. Lavdërimet e nxënësve, një shënim për në
shtëpi, ta zgjedhësh si nxënësin e ditës, javës apo muajit, t’i postosh detyrat e tij
etj., janë vetëm disa nga shpërblimet e zakonshme që do të ishte mirë t’iu bëhen
nxënësve. (Skinner,1953).
3. Ndëshkimet përkufizohen si paraqitja e një ngjarjeje të padëshiruar ose heqja e
një ngjarje pozitive të një reagimi që e ulë shpejtësinë e tij. (Kazdin,1989). Ndërsa
sipas Skinerit përkufizohen si prezantimi ose paraqitja e diçkaje të pakëndshme
apo eliminimi i diçkaje të këndshme (Skiner, 1953). Disa nga ndëshkimet më të
shpeshta janë: koha mbaroi, qëndrimi në klasë, i fundit që largohet nga klasa,
përjashtimi i pjesëmarrjes së klasës në ndonjë aktivitet etj.
26
4.3 Roli i prindërve në edukimin e fëmijëve
Në të gjithë shoqëritë prindërit iu dëshirojnë fëmijëve një ardhmëri të mirë. Prindërit duan që
fëmijët e tyre t’i rrisin në mënyrë që ata të jenë shembull për vendin e tyre. Fëmijët mësojnë nga
gjithçka, i përcjellin të rriturit me lëvizjen e duarve të buzëve, duhet t’i lëmë të provojnë gjëra të
reja që të mësojnë sa më shumë.
Loja është shumë e rëndësishme ku fëmija e zhvillon kreativitetin, dhe po ashtu loja e zhvillon
shumë fëmijën. Lodrat duhet të jenë të mira d.m.th. lodra të mira janë ato që mund të përdoren në
shumë mënyra.
Nuk është gjithmonë e lehtë për prindërit që gjejnë kohë të lirë për fëmijët e tyre, mirëpo mund
ta shoqërojmë fëmijën gjatë bërjes së detyrave, merreni fëmijën kur bleni gjëra për shtëpi,
rregulloni tavolinën së bashku, duhet të bisedoni si ka kaluar në shkollë dhe duhet t’i jepni
vullnet për t’u sjellë mirë dhe për të mësuar. (Kazdin,1989).
Gjithmonë duhet pasur kujdes në mënyrën se si sillemi me fëmijët dhe me mënyrën sesi i
trajtojmë ata. Në qoftë se sillemi mirë do t’i krijojmë një të ardhme të sigurt. Dhuna fizike është
e ndaluar me ligj, ju mund ta ndëshkoni fëmijën tuaj duke mos i dhënë të holla apo duke ia
ndaluar programin e preferuar, por assesi duke përdorur dhunë.
Fëmija që në moshë shumë të vogël shkon në çerdhe dhe ngadalë fillon të rritet, me rritjen e tij
fillojnë edhe problemet dhe jo çdo fëmijë i tregon problemet e tyre, prandaj duhet përcjellë
fëmija në mënyrën se si ai flenë, ushqehet, disponimin e tij dhe duhet ta pyesim dhe t’i themi se
çdo problem ka zgjidhje. (Kazdin,1989).
27
KAPITULLI V
5. Vlerësimi
Vlerësimi ka për qëllim të nxënit dhe të arriturat e nxënësve. Përmes vlerësimit nxënësit marrin
informacione për atë që duhet ta mësojnë, sa duhet ta mësojnë apo si duhet ta mësojnë. Vlerësimi
nuk mat vetëm njohuritë e asaj se çfarë nxënësi ka arritur të mësojë, por e nxitë nxënësin të
mësojë dhe t’i përmirësojë të arriturat e tij. Kështu sigurohen informacione të plota për të
arriturat e nxënësit. (Zeneli, Isuf. 2002).
Vlerësimi njihet si proces i vazhdueshëm, i drejtë dhe transparent. Ai është i planifikuar nga
mësimdhënësi, i cili planifikon vlerësimin në përputhje me rezultatet e pritshme të kurrikulës dhe
planit zhvillimor të shkollës. Shkolla siguron një ambient për vlerësim duke respektuar
personalitetin e nxënësit, e jo duke shkaktuar pakënaqësi apo ndjenja të pakëndshme. (Zeneli,
Isuf. 2002).
5.1 Vlerësimi për nxënie apo Formativ
Ky lloj vlerësimi duhet të bëhet në mjedise që nxënësve u mundësohet prezantimi lirshëm pa
pasur frikë t’i shfaqin edhe dobësitë e veta apo vështirësitë e tyre në të nxënë. Duhet çdo herë të
jepen komente dhe këshilla se çfarë nevojitet për përmirësim. Atyre u duhet kohë të veprojnë
sipas këshillave dhe të marrin vendime për punën e tyre, jo të jenë pasivë ndaj gjykimeve të
mësimdhënësit.
5.2 Vlerësimi i të nxënit apo Sumativ
Ky lloj vlerësimi bëhet gjithnjë në kushte që nuk i pengojnë nxënësit që t’i shfaqin arritjet e tyre.
Për shembull nuk duhet të ketë zhurmë të tepërt, të jetë nxehtë apo ftohtë gjatë kohës kur ata
vlerësohen, po ashtu nuk duhet të kenë mundësi të kopjojnë apo mashtrojnë gjatë vlerësimit.
Nxënësit duhet të trajtohen drejt dhe të barabartë. Shkolla është ajo që duhet të zhvillojë
mekanizma që pengojnë presionin nga ana e prindërve, nxënësve dhe palëve të interesit si dhe t’i
përkrahin mësimdhënësit për t’i rezistuar një presion të tillë. (Goldman 9 Eisler, 1964, 1967).
28
Përfundimi
E gjithë kjo punë pati rëndësi shumë të veçantë për mua, me që pata rastin të trajtojë një temë
shumë të veçantë, të flasë për dallimin e nxënësve dhe përshtatjen e tyre në klasë që është temë
mjaft aktuale në shkollat tona.
Dallimet midis nxënësve përcillen me etiketimet, gjë që duhet të parandalohet nga
mësimdhënësi i cili duhet t’i inkurajojë fëmijët për një edukim gjithëpërfshirës, t’i shtyjë ata të
punojnë së bashku dhe t’u kushtojnë rëndësi të madhe sidomos atyre që kanë ngecje në zhvillim.
Secili fëmijë është i veçantë në mënyrën e vet dhe të gjithë së bashku duhet të shkollohen
që ata të fitojnë vetëbesim dhe të ndihen të barabartë, pa marrë parasysh aftësitë e veçanta që
kanë.
Në dallimet e nxënësve kanë rëndësi mënyrat e stileve të të nxënit, ku asnjë fëmijë nuk
mund të nxë në mënyrë të njëjtë. Në bazë të hulumtimeve në literaturë të ndryshme kam ardhur
në përfundim që disa nxënës mund të nxënë me anë të shikuarit, të dëgjuarit, me anë të prekjes,
duke lexuar me zë të lartë, në heshtje në ambiente të ndryshme etj.
Zhvillimi i fëmijës, qoftë edhe ngecjet, janë një temë shumë interesante që i intereson çdo
kujt të dijë zhvillimin e fëmijës, ku më me interes përcillen ngecjet e tij, trajtimet, kujdesi dhe
gjetja e një mënyre sa më efikase për arritjen e rezultateve sa më të larta.
Por, nuk mund të themi se vetëm zhvillimi i fëmijëve me ngecje mund të zgjojë interes,
edhe fëmijët e talentuar zgjojnë interes dhe kërshëri tek njerëzit, mësimdhënësit, prindërit duke
dashur çdo herë të dinë origjinën e dhuntisë së tyre.
E gjitha që trajtova më lartë nuk do të kishte kuptim në qoftë se nuk do të flisja dhe për
menaxhimin efektiv në klasë, rolin e prindërve të cilët kanë rëndësi shumë të madhe në edukimin
dhe në arsimimin e fëmijëve dhe vlerësimin. Menaxhimi është procesi themelor i drejtimit të
klasës që tregon marrëdhëniet mësues nxënës. Një mësues i mirë është ai i cili di si ta nxisë
(përforcojë), shpërblejë dhe të vlerësojë në mënyrë të drejtë.
29
Literatura
Bikov, K. M.,Udžbenik fiziologije. Medicinska knjiga, Beograd— Zagreb, 1965.
Brestovci, B.Definicija mucanja. Defektologija, 1970, Vol. 6, br. 2, 17923.
Brestovci, B., Marković, S. i Vuletić, D.: Govor djece u osnovnoj školi. Defektologija, 1972, Vol. 8, br.
2, 54 9 60.
W. Anita.,(2011) .Psikologji Edukimi,Tiranë.
Z.Naser. ,(2003).Edukimi inkluziv teori dhe praktikë aktuale, Prishtinë.
Z.Naser.,(2001).Nxënësit me nevoja të veçanta, Prishtinë.
Z.Nase. (2004).Vështirësi në të nxënë, Prishtinë.
M.Bardhyl.,(1999).Psikologji Edukimi- zhvillimi, të nxënët, mësimdhënia,Tiranë.
M.Kraja.,(2012). Pedagogjia,Tiranë.
N.Pajazit.,(1997):Psikologjia e përgjithshme- Kaptina të zgjedhura, botim i Universiteteit të
Prishtinës – Fakulteti Filozofik, Prishtinë.
N.Pajazit.,(1997.Të nxënit e lëndëve shkollore dhe zotërimi i tyre, Enti i Teksteve dhe i
Mjeteve Mësimore i Kosovës, Prishtinë.
N.Pajazi.t,(2002).Psikologjia e përgjithshme I, Libri Shkollor, Prishtinë.
Burime nga interneti
https://www.scribd.com/presentation/369299355/Prezantim-menaxhimi-i-Klases
https://vaestoliitto-fi-
bin.directo.fi/@Bin/5601fdb66571d855603bdb896be563c7/1563119162/application/pdf/171694
5/A-PAINOalbania.pdf
https://drejtore.weebly.com/uploads/1/1/4/6/11467098/standardet_e_vleresimit_drafti_final.pdf
https://www.living-democracy.al/textbooks/volume-1/part-2/unit-5/chapter-2/
https://www.stepbystep.org.mk/WEBprostor/Krijimi_i_mjedisit_p%C3%ABr_t%C3%AB_nx%
C3%ABnit_p%C3%ABr_shekullin_XXI.pdf
https://www.google.com/search?q=vleresimi+i+nxenesve&oq=Vlersimi+i+&aqs=chrome.3.69i5
7j0l5.11913j0j7&sourceid=chrome&ie=UTF-8