Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

GAS NEWSVANGSEI INDANEK. SalbungBooking : 25-08-2017 to 31-08-2017delivery :06-11-2017 (MOn) Time :9AM-tillstockstOCK : 306

GAS NEWS Agency : SASBooking :15th. June , 2017 to 15th. July, 2017delivery :06 -11-2017 (MOn) Time : 9AM till stock laststOCK : 280/-rate:Rs. 843/-

HmasawnnaTharVol-33/34 | Churachandpur | email:hmasawnnatharnews@yahoo.com | Phone:+91-3874-236846 | Rs6/-percopy

thlaphal (november) 06, 2017 thaw|anni (monday)

NEWS TOMkiMcHANcHIN LAKTAWI

RADIANT E L E C T R I C A L S

Lighthouse LaneTiddim Road, Churachandpur

Electric hmangruo chikim, company hran hran kutsuok

(multi brand) kan nei, mi hung pan ro

Discount khawm kan pek thei.

# 8413801371

SDP in zan huna curfew;Tur le bomb hmanga Nga man khap

CCpur: Saikawt Defence Party chun thuthar um nawk hmapoa dingin Octo-ber 16, 2017 a inthawk khan Saikawt khawsungah zan dar 10 (PM) a inthawk zing-kar 3AM) inkar sung Cur-few a puong. Hi le inzawm hin Kohran, Milal le Organ-isation dang dang \ulna leia Curfew sunga suok le lut ding hai chun Defence kuoma inhriettir hmasa hlak dinga inhriettir an nih. Inhri-ettir hmasa loa Curfew hun sunga lut hai man an lo ni chun an chunga iengkhawm tlung sien hrilbuoi thei

ninaw nih tiin Secretary, SDP chun thusuok a siem. Chun, SDP le Saikawt Tui\hapui Protection Com-mittee chun Tui\hapui vadung humhalna dinga hmalakna khau takin a fepui zing a. Hi le inzawm hin Tui\hapui vadung sukpaw-rche le sukse zawnga Nga man hrim hrim a khap. Hi dungzui hin Tur (poison); Bomb (gelatine), Si le DDT chawkpawl-a Nga vairui; Dianamo hmanga Nga man le Vadung sunga motor sawp hai a khap bawk.

AMSU in hrilfiena pe dinginimphal: KG Class to Class-V student-hai inchuk dinga National Council of Education Research and Training (NCERT) in lekhabu an siem “The Silver Lining” a Manipur a Meitei hnam hai Tribals an nih tia a

zieklangna chungthuah All Manipur Students’ Union (AMSU) chun hril-fiena pe dingin NCERT an hriettir. The Silver Lining ti lekhabu hi CBSE in le-khabu a hmang hai laia Environmental Studies-a \hang a nih.

Tamenglong-ah State Level Organge Festival

tamenglong: State Level Organge Festival, 2017 chu December 10, 2017 khin Tamenglong District Headquarters, Manipur-ah nei ning a tih. Tuta mi hi State Level Or-ange Festival a vawi 14-na ding a nih. Orange Queen Con-test, 2017 a Miss Or-ange Queen in lawmma-nin sumfai Rs. 1,50,000 dawng a ta, 1st runner-up in Rs. 75,000/- le second runner-up in Rs. 50,000 dawng a tih. Chun, Sub-titles 6 um a ta, Rs. 15,000/- seng pek ning an tih. Best designer in Rs. 15,000/- dawng bawk a tih. Orange Queen Con-test, 2017 a \hang nuom-hai ta dingin November 6, 2017 a inthawk AMICUS world Photo Studio, Near

NRL Depot, Bijoy Gov-inda, Near Cachar Road, Imphal-ah form lak thei ning a tih. Thu chieng lem con-tact numbers 8414994494 or 7085486015 haiah hriet thei ning a tih. Chun, hi Festival le inzawm hin De-cember 9, 2017 khin Rock Contest Tamenglong-ah um bawk a tih. Best Band in Rs. 50,000, Best Vo-calist, Best Bassist, Best Guitarist le Best Drum-mer han Rs. 5,000+Cita-tion dawng seng an tih. A \hang nuomhai ta din-gin Application Form Rs. 200/- pein Nov. 7, 2017 a inthawk Monitor-ing Cell, DC’s Office, Tamenglong-ah lak thei ning a ta, thu chieng lem contact Nos. 8132819817 or 8413950110 haiah ngaiven thei ning a tih.

Tipkh. Road HNIDcL kuta inhlan dinga ngen ta hrim a nih; Congress –ah Thirkil Inches 10-a kilde chu ka

ni chuong nawh- Dr Chaltonlien Amo

imphal/CCpur: Tipaimukh A/C MLA Dr Chaltonlien Amo chun, ‘BRTF(BRO) ringzo an um tanaw leia Tipaimukh Road (NH-02) le Jiri Tipaimukh Road hi Assembly sitting hma-sa taka ka lo khekpui ta le NHIDCL kuta pedawk dinga ka lo ngen ta hrim a nih tiin a hril. Jiri-Tipaimukh Road chungthua khawm nikum lai khan Works Minister Vangai, Patpuihmun chen hung \huoiin lam \hat-naw zie le siem a \ul zie, Vangai mipui lifeline a ni thu hril le Kangrengdawr

vadung chunga leilak daw dan ding hai inkhi a nih. CCPur-Tipaimukh le Jiri-Tipaimukh siemna ding thuah NHIDCL maw-phurna pe dinga rawtna ka lo siem tah, BRO(BRTF) khawma hniel lo dinga ka lo biek ta a nih. MLA tling le tlingnaw hai khawma ram le hnam invawia thil\ha thaw chu ei tum sup sup ding hrim a nih. Congress party hi ka lan chawmdawk san ngainaw a, Congress party-ah Thirkil inches 10a kilde chu ka ni chu-ong naw a, suoksan tumna

chu ka la nei hri naw bawk. CM Biren \hangin fielna le nawrna chu ka dawng nasa, sienkhawm party policy ka ditnaw a, secular party Congress hi \ha ka tih. BJP zawm ding khawmin a mi suktlingtu hai rawn hmasang ka tih. Pherzawl district thuah hmalakna ding a tam, town planning fimkhur a \ul. Sawrkar thawktuhai a hmuna ei um peinaw leiin ka bei a dawng, ei intirlui leh inhremnaa ngaiin ei intheida pei bawk si......

Page 2-ah Dr Amo interview-na tiemzawm

rawh

SLNTS, STS le NMMS Exam neiCCpur: November 5, 2017 khan Phungkhothang Government High School, Mission Veng, Hiangtam Lamka hmunah State Lev-el National Talent Search (SLNTS); State Talent Search (STS) le National Means-cum-Merit Schol-

arship (NMMS) Examina-tion, 2017 nei a nih. NMMS Exam a hin Class VIII inchuklai in reg-istered mi 92 um hai lai stu-dent 84 exam-ah an \hang a, student 8 an absent. State Talent Search Examination, 2017-ah Class IX inchuklai

hming zieklut 125 hai lai 111 an exam a, student 14 an absent a, State Level National Talent Search Ex-amination, 2017-ah Class X student hming zieklut 121 hai lai student 110 exam-ah an \hang a, student 11 an absent.

SWS, ESC Kumtawp khawmpui an zo

CCpur: Synod Women Society (SWS), ESC Kum-tawp khawmpui a vawi 38-na November 2, 2017 a in-thawk Headquarter Chruch, Chiengkonpang-a nei chu zanikhan zo a nitah. Khawmpui a hin kum 2018-2021 Sunga Synod Women Society \huoitu ding hai thlang an nih.

Electric in naupang 4 a manhliem

CCpur: November 4, 2017 zan khan Khom-inthang, New Lamka-ah naupang 4 electric in a manhliem a, District Hos-pital panpui an nih. Electric in a manhliem naupang hai chu - David (10) s/o V. Thangmuanlal of Khominthang, Niangrem-kim (6) d/o Vanlalmuan of Khominthang, Samuel (10) s/o T. Thangzamuan of Khominthang le Kholroch-hung (10) d/o T . Thangza-muan of New Lamka hai an ni a, Naupang hai hi Thu-ankhopau In sawng chunga New Lamka Meet football inkhel en an ni a, anni laia hliem inrik deu David chu Imphal tieng referred a nih.

Manipur Fire Department hnuoia kum 2015-a Grade III

& IV sin lakna kanselimphal: Manipur Fire Service Department hnu-oia Grade III & IV post 144 lakna dinga October 7, 2015 a DPC neia um chu thil in-diklo a um ti report um le inzawmin Mr My. Yaiskul Meitei, Special Secretary (Home), Govt. of Manipur in Manipur Governor hmin-gin cancel order an suo. Manipur Fire Service Department hnuoia Lead-ing Fireman, Fireman le

Driver lakna dinga recruit-ment neia uma khan thil in-diklo a um nia report um le inzawmin Home Depart-ment chun enquiry an thaw a, enquiry thawtu Officer in report a pek hnungah se-lection process –a khan thil indiklo a um ngei ti hmu a ni le inzawma sin lakna hi kansel-a hung um a nih. DPC kansel-na Order hi November 2, 2017 a kha insuo a nih.

HI GHQ \huoitu han Mizoram an pan ding

CCpur: Mizoram sawrkar le HPC(D) han in-remna lampui dapa inbiek-na an nei mek le inzawma a hmawr inbawkna ding Sin-lung Hill Council le MoU draft chungthuah Novem-ber 8, 2017-a demand area-a headquarter Sakaw-rdai hmuna inrawntlangna le draff bill hai entlangna nei dingin November 6, 2017 hin Hmar Inpui GHQ

a intahwk President Pu Jo-seph Lalrothang le General Secretary Pu Francis Son-gate han Tui\haphai suok-sanin Mizoram pan an tih. Sakawrdai hmuna in-rawntlangna um dinga hin Mizoram sawrkar le in-bieknaa HPC(D) palai hai po bakah HPC (D) \huoitu-hai khawm an \hang ding niin ei thu dawngna chun a hril.

General strike in nun-dan a sukbuoi

imphal: Zani zingkar dar 5 a inthawk zantieng dar 5 chena Maoist Communist Party, Manipur (MCPM) in general strike an thaw chun Manipur phairam bielah nundan pangngai a sukbuoi pha hle. Imphal khawpui sunga dawr le bazaar hai khar an ni bakah, motor tlan inlawn vel hmu ding an um nawh. General strike hin Bishnupur, Thoubal

le Kakching district haiah khawm nundan pangngai le sumdawngna a sukbuoi pha hle. Dawr le bazaar hai khar le mimal motor tlaw-mte chau an tlan inlawn. CAF & PD Minister inban dinga an ngenna le helpawl group tum tum PDS thil rawkhai hrem dinga ngen-na leia general strike hi an thaw niin MPCM thusuok chun a hril.

Hasina Begum In kap a nihimphal: November 4, 2017 zanril lai khan tu ti hriet ngai lo han Thoubal Zilla Parisad a Adakshya Hasina Begum In, Lilong hmunah silai hmangin vawi 4/5 lai an va kap a,

mihriem thi le hliem ruok chu an um nawh. Hi thil tlung dodalnain zanikhan tuolsung mi han Thoubal Turel Ahanbi Atoukhong-ah \hungbuma nuorna an nei.

January 1- a Inthawk BPL Sungkuo Tinin Rs.2 Lakh Dawng Thei An Tih: cMCM-in Maram Don Bosco A Sir, Tlangram Hmasawnna Dingin Rs.10 Crore Pek A Tiem

imphal: Chief Minister Mr Nongthongbam Biren Singh chun Maram Don Bosco-a Rev Father NV Jose Memorial Multipurpose Auditotirum thar Pathienni Nov. 5 khan a hawng a. A sawrkar thiltum le vision chu State-a hmasawnna le danglamna intlungtir a ni thu a hril. Auditorium hawng zoa thu a hrilnaa chun, a sawrkar chun phairam le tlangram mihai kara inhrietthiemnawna sukboin hnam tin inpumkhatna siem a tum thu a hril a. Sawrkar chun tu hnam lun-gril khawm a sukna naw ding thu a hril bawk. “Ei renga inza tawnin, ei lungril le ngaidanhai tlang taka ei inhriltawn thei phat leh hmasawn-na tak tak um thei a tih” tiin a hril. Pu Biren chun miretheihai dawmkangna dingin welfare scheme siem a ni thu hrilin, mirethei BPL sungkuohai an damnaw changa damdawi inenkawlna dingin kum thar January 1, 2018 a inthawkin sungkuo tinin Health Insurance Scheme Rs. 2 lakh pei an hmu theina ding hlen \an a nih tah ding niin a hril. Manipur ah tuchenah mirethei (BPL) sungkuo nuoi 2 le sing 6 le sang 2 an um niin a hril bawk. Hi baka hin sawrkar chun pi-engkena ruol banlohai ta dingin Special Scheme siem a ta. Lekha inchuk nuom, damsunga dinga pi-engsuol tahai chu thla tinin Rs. 1, 500 stipend hmung an ta, sawrkar motor public transport haiah a thlawnin chuong thei bawk an tih,

tiin a hril. Chief Minister chun, thiemin-chukna (Education) hi ram le hnam siem\hatu a nih a. Education a tlu-sie tah chun iengkim a tlusie ta a nih tiin, education chu corruption sukbona hmangruo \hatak a ni thu a hril. Student hai chu hmatienga \huoitu ding an la ni leiin enruk le thil indiklo haia inthawka corrup-tion \an lo dingin an fui tawl. Don Bosco-in Manipur-a lekha inchukna kawnga a thaw hlawk zie hrilin, tuchen hin student 70, 000 hai kuomah education a pek zing niin a hril. Student hai chu thing le ruohai humhal a \ul zie inhrilhriet dingin an fui a. Ei kawl le kieng en-vironment humhal a \ul zie hrilin, thilsiemhai (nature) hi ei insuolpui/do ding nih lovin ei siem\hat lem ding a nizie a hril bawk.

Don Bosco, Maram ta ding bi-kah RUSA scheme hnuoiah Don Bosco College chun Rs.1.5 Crore grant-in-aid a dawng ding niin a hril. Rs.25 lakh chu pek a nih taa, a dang Rs.50 lakh chu kum tawpah pek a nih ding niin a hril. Hi baka hin Library-cum-Sci-ence Laboratory siemna dingin NEC kuomah Rs.6-7 Crore pro-posal pek a ni ding thu a hril a. DC/Senapati chu Planning Department le PWD hai le \hangruola Don Bos-co College fena ding black-topping thawna ding lo sukfel dingin an hreittir nghal. Hmasawnna dinga \hangpuina sum thu ah, tlangram sukhmasawn-na dingin Rs.10 crore riruong a ni thu hrilin, State PWD chu Maram Lairouching- SDO office bawlna ding in\hangsatir nghal dingin a

hril. State Cabinet Meeting nawkah Maram PHC chu Community Health Centre (CHC)-a hlankaina ding le Maram Khullen PHSC khawm PHC-a hlangkaina ding rel a ni ding thu a hril. Chief Minister chun Prime Minister Narendra Modi vision “Sabka Saath Sabka Vikas” (Inclu-sive Development For All) ti thu-puia hmangin sawrkarin tlangram le phairam inkhuongruol taka hma a sawnna dingin hma a lak pei ding thu a hril a. Mirethei le mi hnuoih-nungtakhai kuom tlung phak hma-sawnna hlen suok a nih thu a hril. Prime Minister a vision dung-zui chun kum 2022 chena chu mi tinin chengna ding In nei sengna dingin PMAY hnuoiah In crore 3 bawlna ding le LPG connection khawm pek seng ding ti a nih. Hi huna hin PHED Minister Mr Losii Dikho, Ex-Minister Mr Francis Ngajokpa, Principal Sec-retary (Planning) Mr Vineet Joshi, Secretary to CM Mr. M. Ashok Kumar, IGP Mr. Lupheng Kailun, DC Senapati Mr. Athem Muivah, SP Senapati Mr. M. Pradip Singh, Commanding Officer 34 Assam Rifles, ADC members, Principal, Maram College, Rev. Fr. Dr. Se-bastian KO, Archbishop of Imphal, Rev. Dominic Lumon DD, Vice-Principal, Maram College, Sister Rose Mary Adaphro, teaching, non-teaching staffs le college stu-dents tamtak an \hang.

thangKo:Pi Lalrimawi (57), w/o Pu Dardinglien of Lamka, CC-Pur chu November 5, 2017, 7:30 khan stroke leiin Shija Hospital, Imphal-ah a thi a, November 6, 2017 hin Lamka thlanmuolah a ru-ong vuiliem ning a tih.

Pi Nemcha-in Choral Competition Uop, ICI Delhi-in Pakhatna

new delhi: Tangkhul Christian Charitable Trust (TCCT), Delhi hai buotsai The 6th North East India Choral Competition 2017 “Togetherness” chu Pathi-enni (Nov.5) khan Thyaga-raj Stadium, INA Colony, New Delhi ah zofel a ni tah a. North East state Kohran dang danga inthawkin Choir 9 an \hang. Pakhatna Independent Church of India (ICI), Delhi-in Rs. 3 lakh, 1st Runner-up Poumai Bap-tist Church-in Rs. 2 lakh le 2nd Runner Up Tang-khul Church, Delhi han Rs. 1 lakh seng lawmman an dawnga. Hi huna thuhriltu chu Jim Joy, Global Har-vest Ministries a nih. Manipur Social Wel-fare Minister Ms Nemcha Kipgen chu khuol lien niin, nuhmeihai chu kawng iengkimah an \angkai a, in-sung, khawtlang, sakhuo le

professional thila khawm nisien, nina pawimawtak le contribution pawimawtak an nei thei tiin a hril. “Nuhmeihaiin khawt-lang siem\hatna dingin thawthei tamtak neiin nina pawimawtak an nei thei a, insung tungdingna ding khawmin a kia lung pawimawtak an nih” tiin a hril. Minister chun Competi-tion-a nuhmei an \hang ve chu lawmum a ti thu a hril a. Nuhmei bo chun insung le Kohran khawm a ruok huoua an hawi ngai naw niin a hril. “Hi Competition ah nuhmeihai pasalhai leh inang rawnga inelnaa an \hang leiin a mi suklawm hle a nih” tiin a hril. Hi Competition thupui “Togetherness” a ni ang bawkin North East chu hnam hran hran \awng hran hran ni inla khawm pum-khat anga ei ngir thei tlatna

hi ei hratna a nizie hrilin, state hran hran le hnam hran hran ni inla khawm inpumkhat tlat dingin an fui tawl. Pi Nemcha Kipgen chun, hienga Kohran dang danga inthawka hlapawl (Choir) inelna hin hnam thilah khawm inpumkhatna siemin taksa le thlaraua malsawmna ei dawng pei theina dinga sirbi pawimaw a hung nih pei a beisei thu a hril bawk. “Hieng ang program hi hlasaktuhai chau ni lovin ngaithlatuhai khawm thlarau malsawmna a mi pek hlak a nih” tiin a hril. Hi Competition ah hin Chiru Rem Christian Fel-lowship, Church of Hope, Delhi Ao Baptist Church, Inpui Christian Fellowship, Anal Christian Fellowship le Rongmai Christian Fellow-ship hai khawm an \hang, 2012 a inthawka nei \an a nih.

Mizoram sawrkarin 7th Pay dungzuia hlaw a pek thei ring um loaizawl: Mizoram sawrkar chun sum indainaw leiin 7th Pay Recommen-dation dungzuia thawktu hlaw a pek thei ring a um nawh tiin ei thu dawngna chun a hril. Mizoram Finance Min-ister Lalsawta chun, 7th Central Pay Commission thua hin Chief Secretary inrawinaa suichiengtu din-

ga committee indinna ding process a fe mek a, com-mittee indin vat tum a nih tiin a hril. Hieng laizing hin Mizoram sawrkar chun Sie lak dan thar hmang a ni hnungin Mizoram sawrkar chun tuta hmaa tax-a sum a laklut zatve khawm a hmu phaknaw leiin tuta thawktu hai hlaw a pek

mek khawm hi a pek zo pei dim ti ngaituo tham tak a nih tiin Pu Lalsawta chun a hril. 7th Central Pay hi Mizoram-ah hmang ve a lo ni chun state sawrkarin kumkhatah thawktu le pensioners hai hlawa sum a seng belsa ding hi Rs. 800 crore deuthaw a tling phak dinga ngai a nih.

Security forces han operation an thawimphal: Manipur Sangai Festival, 2017 nei ding leiin security sukkhau zuol a ni a. Zani zingkar 6:30AM khan

CDO/IE inrawinaa B. Lun-thang Vaiphei, OC, CDO/IE inrawina le Kabib, SP/IE enkaina hnuoizah combine security team han KR Lane le Golapati , Imphal East haiah operation an thaw .

Hi huna hin mi 155 keikhawm an ni a, anni laia mi 5 hai chu Identity proof an neinaw leiin thu in-dawnchieng dingin Porom-pat Police station-ah a pe-klut.

Hmasawnna Thar2 thlaphal (november) 06, 2017thaw|anni (monday) artiCle/health & employment newS

Editorial Boardlalmalsawm sellate: Editor& Publisherroding l. sellate: Jt. Editor ramditum ralsun: Asst. EditorJoseph Joute:Freelancelalsansuok pulamte &samuel Zothanglien@sZ Zote:Sports lalruotlien dulien:ComputerAssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

VAWISUN THUPUIAw tlangval, i \hatlai huna chun hlim rawh; i tlangval lai nihaia chun i lungril chu hlim sienla, i lungril lampui chu hraw la, i mithmu ngeia chun; amiruokchu hieng thil popova ding hin pathien chun rorelnaah a \huoilut ding che a nih ti hre rawh.

- Thuhriltu 11:9

Editorial|huoitu \ha le fel

Exclusive Interview with Pu Dr. chaltonlien Amo, MLA, 55- Tipaimukh A/cInterview thawtu: Muona Infimate

Q: Pu Chaltonlien, hohlimtlangna le thil indawnna hun neipui che kan nu-oma hun i nei thei dim ? Ca: Nei thei e, in hriet nuomhai chu mindawn unla, ka hriet ang angin ka dawn ding cheu an nawm.

Q: Ei Manipur sawrkarna a \ha pei am ? Nang Opposition tieng i \hang ta sia thu i nei phak rak rak dal awm de ? Ca: Ni e, tuhin chu opposition member ka la ni hri hi. MLAin a biel sungah thu nei phak raklo ti um thei a tim ie. Sawrkar ngirhmun a \ha pei le pei naw ruok chu ei hriet dan in ang phuor tho a tih. Tulaia Sawrkar le Nagahai inbiekna (Peace Talk le Framework) thu hin zir a tih. Central sawrkar hlak chu GST, Demonitization le Cow slaughter thu ringawt khawmhin India ram mipui a chawk hning an ta hi ! Tulai Central boruok khawm hre tho in ta, hril mawina ding in hriet am ?

Q: Anleh, tulai hin Tipaimukh Road (NH-02) le Jiri-Tipaimukh Rd. siemna ding thu a hin Dr Lallukhum Fimate le Pu Vanlallien Pulamte hai hmalakna zarin sawrkarin a hung siem ding a nih ti chanchinbu le Social media ah hai ei lo hmu hlak a. Tu hmalakna lem am ning a ta ? Nang MLA takin hma i lak ve naw am a ni ? Delhi tlanga zu fea hotu le thuneituhai an zu biek hne thu dam an hrila, nang Delhi tlangah inzinin hotuhai i zu biek ve ngainaw mani ? Ca: Thil\ha hi chu a thawtu ni ei nuom tawl ngei, Pherzawl District khawm a thawtu ni nuom ei tam hle kha tie maw ! Kei MLA hmana vawitam Delhi fein CCPur-Tipaimukh (NH-02) road siemna dinga BRO(BRTF) hai DPR chawi meua ka zu bawzui hlak khawma sum mi pekna ding approve mi thawpek nuom ngailo, kum 2014 Central sawrkar Congress in a chel laia sum an hung insuo bak BJP in Central sawrkar a hung chel kum 2015 a inthawk 185 Km. (Bukpi le Pherzawl inkar) a inthawk a thlang tieng (ei biel tieng) sin sunzawmna ding sum insuo nuom ta reng renglo leiin vawisun chen hin sin sunzawm thei lova um a nih. Manipurah BJP sawrkar a hung um ta bawk a, Assembly sitting hmasa tak a khan nasa takin hi thu hi Assembly Hall-ah ka khekpui hrima. BRTF(BRO) hai sin thaw dinga ringzo an um tanaw thu le Company hratlem NHIDCL (National H-Way In-frastructure Development Corporation Limited) hai kuta mawphurna sin hi inhlan ta lem dinga Central sawrkarah hril dinga ka ngen le tuta Works(PWD) Minister rawia Works Advisory Board Committee sitting kan nei \um khawma nasa taka ka hrilzuina lei khawm ni dingin ka ringa. Tuhin, NHIDCL in hung la ta lem dingin Min-istry of Rd.Trasport &HW, Govt. of India in remtina chu a hung pek ta a. Sin chu survey dam la hung thawin hung sunzawm vat chu ni tang a ta. Chuong ang bawkin, Jiri-Tipaimukh Rd. nikum lailung lai vela Works Minister Shri/ Dr Ratankumar Vangai, Patpuihmun chen ka hung \huoilut a, lam \hatnaw zie, a pawimaw zie, Vangai mipuihai Life Line a ni thu le Khangdawr Vadung chunga Leilak daw dan ding a sei zie kan hung inkhihai, Manipur Chief Min-ister hlui Shri Ibobi Singh in State fund-in a zo naw ding leia Central sawrkara fund \hangpui dinga a hnina le NH a puong dinga proposal a pekhai lei khawm a ni ka ringa. Assembly sitting huna thei pa tawpa ka baw-zuina lei khawm ni mei a ta, hi khawm hi NHIDCLhai thaw dinga remti a lo ni ta a. Survey khawm 46 Km. chen thaw ta nghe nghea, sin an hung \an vat dan ding hrilzui pei a nih. NHIDCL thuneituhai le khawm kan inbiek paw zing. Ei hril, ei biel sunga lamlien (CCPur-Tipaimukh le Jiri-Tipaimukh) siemna ding thu ah NHIDCL in mawphurna la dingin ka rawt ding a nia NHIDCL in lo remti ding le BRO (BRTF) khawma lo hniel lo dingin ka lo biek ve ve ta hrim a nih. Ka hmalakna lei ti tuhai an lo um khawm chu a pawi nawh, thil\ha an dit thu an lo suklangna a ni chu. MLA tling le tlingnawhai khawma ei ram le hnam ta dinga thil \ha thaw chu ei tum sup sup ding a ni hrim a nih. Sin hrim hrim Work programme-a a \hang hi a pawimaw tak a nia, sin thawtu ding ruok chu Tender a nuom taphawtin an dawnin an inchu theia, a mantu haiin an thaw hlak a nih. Ei hrilhai ruok hi chu Tender hran um lovin NHIDCL company thaw ding a ni chu. BRO/BRTF nekin ringzo an um lem dai. Novemer 3, 2017 sun hunah ka chengna Quarter, Lamphel-ah NHIDCL hotuhai inpawlpuina ka nei a, hmalak dan ding hai hriltlangna kan nei kha tie.

Q: Anleh thudang, BJP Party zawm a tuma chu an zawm an phal nawh ti le zawm dinga Chief Minister le hotu dang khawma an fiel ti le zawm dinga mawrtu ei hnam hotuhaia inthawk khawm a nasa ti thu dam hriet a nia. A ieng lem am thu dik a ni ? I la zawm nuom naw/theinaw nasan iem a ni a ?Ca: “Zawm Phallo” ti hi chu dawn \ul lo ah ngai ei ta. An dik, ei hnam hmakhuo ngaina leiin BJP sawrkar tieng hin lut/zawm el dinga fielna/nawrna ka dawng chu hrillo, Chief Minister Biren Singh le hotu dang fielna khawm ka dawng nasa tho. Nisienlakhawm vawisun chen hin ka la zawm naw zing a ni hi. Congress party hi ka lan chawmsawn san ngai nawha, Congress party-a Thirkil Inches sawma kilde chu ka ni chuong nawha, suoksanna lungril chu ka la nei hri bawk nawh. BJP party ka zawm nuom nawna san chu a mihriem chu an lo \ha el thei, an Party Policy hi \ha ka ti nawh. Vawisun chena BJP Central sawrkar hmalaknahai \ha ka ti bawk nawh a, Secular Force Party (Sakhuo zalenna) chang-chawitu Congress Party hi \ha ka tih. Ka tlingna Congress party suoksana Party dang BJP or others zawm ding chun ka khatin thutlukna ka siem nuom bawk nawha, BJP Party zawm ei hnam ta dinga a \hatna ding a um a nia zawm nuomna lungril ka nei chun mi suktlingtu sun le zana hma milapuituhai le mi \awng\aipektuhai remtina la hmasang ka tih.

Q: Election laia inkhingpui lien tak BJP Candidate Pu Dr.Lallukhum Fimate in Mizoramah Medical College-a \hangna a va nei nawk ta ti thu hi iengtin am i ngaia ? Election nawka inkhingpui ding tak tum ni tang a ta le ? Ca: Dr L.Fimate in election a tling naw pha sawrkar-a thawkna a zawm nawk ti chu thu thar ni lova. Hmasak khawm RIMS ah a penson hnungin ram le hnam a hung hmangai vea, election a ngira, a tling nawh a JNIMS ah Prof. sin a zawm nawka, tuta tum khawm election tawmin a sin tawpsanin election a hung ngir nawka, a tling nawk nawh a, sawrkar sin a zawm nawk a ni el an nawm. Min an nuom zawng an thaw chu keiin ngai dan ka lo hril ringawtna ding san um a tim. Election hnai nawk pha ram le hnam a hung hmangai nawk leh hung ngir nawk a ta, midang khawm a nuom taphawt le ram le hnam hmangaitu inti hung suok nawk an ta, chuonghai chu a mi khingtu ding ni el naw nihai am, ka ti el a.

Q: Dr L.Fimate in Court ah a hek che an ti hi an dik am ? Ieng thu lei am ? CA: Ka ngaisak hman nawh ie, min awm le \ha an tia an thaw ni naw nim. “I venghai hek naw” ti Bible chang kha a tiem bawkan ning a tih.

Q: Min Social media a an demnahai che hi i dawn let ve ngai nawh a, an dik leia i dawn let ngam naw am a ni ? Tipaimukh Rd. \hat naw hi an hril rawn baka ? Ca: Mihai mi demna le hrilsietnahai pawisa hman le dawn let hman ka ni nawh. Thil \ha thaw ding a tam…thaw tum ei hau… thaw theilo hlak a tam… hun a pam.. Mani thiemna thu le thil \ha thawhai hril hril \ul lova. Advice le suggestion mi pe ve hlakhai sien nuom a um bak el. An dik, Tipaimukh Road \hat naw ei invawi senga, Manipur sawrkar khawm hin Imphal khawpui sung lamlien le leikai lam le Rengkai Rd., Muolvaiphei…Saikot … Muolbem lamhai khawm a la siem \ha thei bik nawlai ram kilkhawr Henglep le Tipaimukh Rd.hai khawm a la siem hman bik naw ning a tih. NH (Imphal-Jiri) road,

Manipur mipuihai Life-line pawimaw em em hai dam hi hung siem \ha tete sien chu zo tieng dam bek chun mi hung siem pek ve awm taka. Q: Pherzawl District a hung pieng el ta hi lawm a um a, hmalatu le thaw tua inhril ei tam vieu a hawia. Tu hmalakna tak lei am niin i hrieta ? CA: Andik, ei hnam ta dinga \hahnemngai taphawt chu Manipur chau nilo, Assam, NC Hills, Mizoram le India ram khawpui dang danga um lo hre phak phawthai khawm ei lawm seng ning a tih. Lawmna thu an mi hung hril rawn hrim a nih. Chun, Hmalatu ruok chu ei hnam sunga organization hran hran le mimal thahnemngai tam takhai ni tawl ei ta, Kei chu a thur dawktu Khetlei ang chau ka nih.

Q: Pherzawl District thar hmasawnna ding le inzawma i hmalakna i mi hril thei ding am ? Ca: Hmalakna hang ti hin, District lo ni ve ta chu \ul le mamaw a lo tam khawp el a. Tuta Building umhai hi District Officerhai umna ding leh a lan dainaw taluoa. Tuchena hin a hming chun District Officers 16 lai chu pek ei

ni ta a. Chuonghai umna ding Quarters le District Mini-Secretariat office bawl dan ding dam, District Hospital nei dan ding dam, Guest House bawl dan ding dam, Bank le Post Office nei dan ding dam, Police station bawl dan ding dam, Water supply \ha tawk nei dan ding dam le a dang dang thei ang anga ngaituo le bawzui a nih. Sawrkar khawm ei nuom le dit ang anga nawr inhmaw thei a ni bik nawh a. A pienga pieng ta chu dam te tein la hung in\hang pei ding angah ngai ei ta. Town Planning (Khawpui le kawt-thler rel-bawl dan ding) fimkhur le ngun taka hma tieng sei tak thlira ei ngaituo le rel pawimaw em em a ta. Chu ding chun Khuo Lal le Authority le Khawtlang \huoitu le mipui tu-el khawm sawrkar thu ela inng-hat lova ei thawtlang a \ul a nih. Ei District khawpui pherzawl (zawlkhawpui) hi Khawpui inhawi le thienghlim ei inni tir tum tlat ding a nih.

Q: Tipaimukh le Vangai Range Sub-Divisional Officerhai hi an HQs. Par-bung le Patpuihmun haia an Office an kai ngai der naw hi iem i ngai dan ? Ca: Andik khawp el, Sawrkar thawktu ei ni a ram mihai hman ei posting-na hmun ei biel sungahai umpei hlawl lo ei ni tawla. Ei intirlui le hlak inhremna anga an ngai peia, mimal intheidana a ni pei bawk si. Hei hahh… Ka bei a dawng hle hlak. Hnam danghai ta ding lem chun an um peinaw hi awm tak a ni hrim a nih. Camp of-fice an tia, Churachandpur hmuna chu an kai hrama. Pathien zarin DC/SDO \ha le ei ram hmangaitu nei vat ta rawinaw maniu am.

Q: Inchuklaihai le thawkna zawngtuhaiin certificate le lekha pawimaw (docu-ments) lak \ul velah biel mipui haiin harsatna an tuok thu hril a tam a, hi chung chang thua hin ieng anga thaw am \hang a ta ? Ca: Thu dik a nih. DC, ADC, SDOhai pahni le SDC hai ko khawmin mipui harsatna hi ka hril pui ta a. An zawm pei tah ka beisei.

Q: School zirtirtu/Teachers an post hmuna umlo hai hi transfer vawng law lawhai sien ti ngaidan a tama. Iengtin am i ngaia ? Ca: Chu ngaidan chu a awm khawp el. Amiruokchu, thil dang ei ngaituosa a uma. Khuosung mi lekhathiem ei neihai sawrkara \hangna la hmu silo haiin Teachers hung lohai ai an lo aw a, hlaw an lo nei theina anga ei ngai leiin le ei \hahnemngaipui leiin hrietnaw tehlem thawin sawrkar hrietpui lovin ei hmang tawl an nih a. Lo trans-fer tawlhai sienla, Manipur-a hin School Teacher hi an lan dainaw nasa si a, midang lak lut a awl bawk si nawh. Thil thaw le rel-bawl an tak ie. Iengtin tak hin am thaw inla eiin control ding.. Ei ram a hmuna hung hmu phaklo le thil umzie hre chienglo haiin theitawp tawpin an mi lo dem bawk. Tu him ei dem ding an ta maw ? Kei him ka ni dem ding an nawleh Thawktuhai am mipui tieng lem him dem lem ding. Nangni khawm ei ram le hnam siem\hat dan ding thurawn (Suggestion & advice) mi pe ve hla k unla lawm um ngawt a tih.

Q: Awleh tuta tuma dingin lo hun phawt sien, I hun hlu tak I mi pek leiin lawm a um khawp el. Pathienin varna le remhrietna tharin thuompei sienla se che, ei ram le hnam ta dingin thil tam tak I hung thaw thei pei kan beisei a nih. Ca: Hun danga khawm hung hlak unla, mipui hriet nuom hai le ram le hnam ta dinga ei hmalak dan chungchangh hohlimpui thei zing kan nawm.

“MLA tling le tlingnawhai

khawma ei ram le hnam ta dinga thil \ha thaw chu

ei tum sup sup ding a ni hrim a

nih”

Ram le hnam hi ei ngaipawimaw a, mani tawk sen-gah ei invawi seng. Ram le hnam a um chun \huoitu an nei hlak. |huoitu bovin ram le hnam a ngirsuok thei nawh. Ram le hnam hmasawnna ding le chang-kangna dingin rambung tin le hnam tinin \huoitu le hotu an nei hlak. India ramngei khawm inthlang ram ei ni leiin ei ram \huoitu dingin MP dam, MLA/MLC dam, MDC, Corporation, Panchayat le VA election dam ei nei hlak. Chun, hnam hran hran um-khawm ei ni leiin hnam tinin ei hnam sunga pawl hran hrana \huoitu ding dam le kohrana \huoitu ding dam ei thlang hlak. |huoitu \ha nei nei ram le hnam chu an dingchang hlak. Kristienhai lem chu ei Bible in hnam le ram \huoituhai chu Pathien ruot an nih tiin a mi hril a nih. Hi lei hin mipuihai khawma ei ram le ei hnam \huoituhai chu ei inza a, an thu ei zawm chu thil \ul le pawimaw a nih. Ei hriet seng angin \hangruol hi hratna a nih. Mimalah, khawtlangah, ram le hnamah a \hangruol thiem thiem an dingchang hlak, chu chu khawvela mitin hriet a nih. A \hangruol thiem thiem hnam vangnei an ni el a nih. |huoitu \ha nei inlakhawm ei \hangruol thei naw chun umzie nei naw nih. Chun, mihriemhai hi a hawna um le khawsa dinga Pathien mi siem hai ei ni a, mi tuelkhawm hi mani hnam khata um le khawsa thei ei ni nawh ti hi hriet a pawimaw hle. Midanghai zara khawsa thei vawng ei ni a, midang mamaw lo hnam an um nawh. Chuleiin, midanghai le \hangruol thiem a \ul a,midang le hnam danghai le \hangruol thiem thiem hnam vangnei le hnam hmasawn an ni hlak. A hawna khawsa dinga induong ei ni angin sung-kuoa inthawk nun bul ei \an a, chu taka inthawk chun \henum khawvel a hung um a, veng le khuo a hung um nawk a, ram leilung piengdan le sawrkar inrelbawlna izirin area hran hran a hung um nawk a, chuonghai po po chu an \hangruol a \ul a, sung-kuo a inthawk hnam le ram chenin a \hangruol thiemhai an ngirsuok hlak. Hnam le ram ngirsuokna ding chun \hangruol le thuawi intuo a \ul takzet a nih. Sungkuo veng le khuo ang zawng khawma \hangruol thiem a \ul. Mimalah, khawtlangah, ram le hnamah, a \hangruol hai an ngirsuok hlak. Chu chu khawvel mi tinin ei hriet awm ie. Nisienlakhawm, hi thil hre sia \hangruol thei der lo hnam an um hlak a, chuhai lai chun ei ni hnam hi \hang pal ei tih ti hi in-lau a um khawp el. Hnam tinin harsatna nei seng ei tih. Chu harsatna sutkieng chu ei hnam mawphurna a nih. Chronicle 7:14 ah ei hmu a, Ama hming puttu a mihai chun inngaitlawmna indik tak leh an \awng\ai a, an suolhai an nghatsan or an suolhai an sim chun, vana inthawk lo hrieng ka ta, an suolhai ngaidamin an ram khawm sukdam bawk ka tih tiin Pathienin a hril (an tiem) a. Hi Bible le Pathien formula hi hriet le hril ding chau ni loin a taka sawr thei dinga ei hnam le ram \huoitu hai bakah mipui han ei hriet tlat a \ul a nih. Thil awlsam tak ni vawng naw sienkhawm thil thei lova ngai ding a ni nawh. Ei ram le ei hnam \huoitu ding thlangtlinghai chun an ni \hatna ding chau an ngaituo ngainaw a, an ram le an hnam pumpui huopa \hatna ding an ngaituo a, chu dungzui chun hma an lak hlak. Chun, \huoi-tu \ha hai chun ram le hnam damna ding policy le programme an induong thiem hlak. Chun, inngait-lawmna indik tak, ngaisang le ngaihlut zawng nei mi, hnam nunah \angkaina le hlutna nei, belchieng dawl, mi indik, mi ringum, mi taima, lungril lien put mi, zu le sex thil haia fihlim, khel hril ngai lo le mi thutak, sap\awnga constructive le productive an ti, lukhawng nei thei thil ngaipawimaw nachang hrie an ni a \ul. Ram le hnam \huoituhai hi Pathien ruot nihai sienkhawm mi fel le mi \ha hi a ruot vawng kher ngai naw a, a ram mipui lungril le inmil tawk hin a hremtu ding dam, a tungding theidu dam a ruot hlak. Israel nauhai khawm anni hrem dingin Pathienin Lal suol tak dam a pek hlak. Pathien pawi an hril leiin hnam hran hran hai lai kum sang chuong an vakvaitir hiel lem a ni kha. Hnam thlang Israel-hai hman a hrem ngam a, an chungah phuba a lak ngam a ni a. Hi lei hin ram le hnam \huoitu ding thlangna kawngah hin ei ni rawi khawm ei fimkhur hle a \ul a nih. Pathien ei biek hi Israel-hai Pathien tho kha a ni leiin pathien mi hrem ve thei le ei chunga phuba khawm la ve thei a nih ti hi hriet tlat ding a nih. Ei ngirhmun ding chu mipui ditthlangna a ni ding a nih. |huoitu \ha le fel ei dit chun \huoitu \ha le fel thlang thei dinga hma ei lak a \ul a nih. Hotu ding chau ni lo, \huoitu \ha le fel hi ei ram le ei hnam hin a ma-maw ngawi ngawi a nih. Mipui han ei ai awzo tak tak ding \huoitu \ha le fel thlang hi ei thiltum thar hung ni mawl raw seh.

India le Bangladesh han vawisuna inthawk joint exerciseguwahati: India le Bangladesh Army person-nel hai chun November 6, 2017 a inthawk hin Jungle Warefare School, Vai-rengte, Mizoram le Joint Training Node, Umroi, Meghalaya haiah joint

counter-terrorist training exercise SAMPRITI 2017 nei \an an tih. November 6-11, 2017 inkar sung hin Umroi hmu-nah Command Post Exercise (CPX) training nei an ta, November 6-18, 2017 inkar

sunghin Vairengte hmu-nah Field Training Exercise (FTX) an nei ding a nih. SAMPRITI exercise hi India le Bangladesh han kum tina an nei hlak a ni a, nikum khan Tangail, Dha-ka hmuna nei a nih. (TNN)

Loneituhai man tlawmte a solar meivar pek dingmumbai: Maharashtra state sunga loneituhai chu solar meivar duthusam le man tlawmte in tuta in-thawka kum 3 hnungah pek ni dingin Chief Min-ister Devendra Fadnavis chun a hril. Ralegan Sid-dhi hmuna ‘Mukhyamantri

Agricultural Solar Feeder’ hnuoia solar project hma-satak hawngna a nei huna Maharashtra CM hin a hril a nih. Maharashtra sawrkar chun solar meivar hmang hi a uor ta hle a, a state sun-ga meivar indai naw a um

naw na dinga tuta project hi a siem thar nawk a nih. Ma-harashtra state a hin elec-tric meivar unit khat peiah Rs. 6.50 a na, tuta solar hmang hin loneituhai chu unit khatah Rs. 1.20 peiin meivar pek an ni ta ding a nih.

Bihar-ah Heroin Rs. 1.5 crore manmotihari: Bihar-a East Champaran district-a chun zani hmasa zan sawthnung khan Ramgarhwa Police station huopsung NH-28 lai Sahastra Seema Bal (SSB) personnel han pasal pakhat Heroin Rs. 1.5 crore manhu leh an man. Heroin mana um hi 300grams vela rik a ni a, a kuta inthawk Mobile phone le sumfai iemanizat bakah a chuongna mororcycle leh an man. Heroin hi Rs. 20,000 hlaw dinga a phur le mipakhat Raxaul kuoma pek dinga a phur niin mana um pa chu an puong. (PTI)

Hmasawnna Thar3 thlaphal (november) 06, 2017thaw|anni (monday) national/international & advertiSement

laKtawi

LAWMTHU HRILNAAsthma natna leiin hun sawt takel inthuok harsa ka ti a, Khawsik deu hmerin ka um a, ka taksa a hung chau a, ka in \ha thei naw a, kan khul hle bakah ka kuthai a hung ngawi a, ka beidawngin M.V. Azad Phusam ka pan a, tuhin chu a mi enkawl dam tah. Hi lei hin M.V. Azad Phusam chungah lawmthu ka hril. A pan nuom le a rawn nuomhai chun a hnuoia hmuna le Phone Number haiah hin pan le biek thei a nih. 1. Tidim Road, Opp, J.P. Selection, ICI Church Road, Lamka, Ccpur. 2. Hatta, Opp. Oil Pump near Public Hospital, Hat-ta, Imphal. 3. mobile phone nos. : 8014025567 & 7628890261

Sd/-rebiccaZou Veng

InstAllMentfor

netBOOK (MInI lAptOp)Available Now

LCDDisplay:10.1”CapacitiveMulti-touchLCD-1024 *600pixelsOS : Android 4.4.2 KitKatProcessor:DualCore1.2GHzProcessorMemory:1GBRAM/8GBFlashStorage:Expandableupto32GBviamicroSDPower:3.7VLi-Polymerrechargeablebattery

Add: sinlung tech,NehruMarg,NearDavidworkshop

#8729905213/8258051965 (5-2)

Fak ngeinaw leiin mi 30 an

damnawbalaSore: Odisha-a Balasore district-a chun zani hmasa khan Kantaba-nia village-a Kartik Purnima le inzawma mipui ruoi\he-naa an thil fak ngeinaw (food poisoning) leiin mi 30 an damnaw pha. Anni lai hin naupang 15 an \hangsa a, community Health Centre panpui an nih.

Railway super-viser in German

mi a vuokSonbhadra/luCKow: Uttar Pradesh-a Roberts-ganj railway station-a chun zani hmasa khan Railway supervisor Aman Kumar chun German mi khuolzi-na hung Holger Ereek chu a vuok a, hi le inzawm hin Mr Aman Kumar hi man a nih. Mr Kumar ruok chun, “welcome to India” tia a lo lawmlut hunah Ereek hin a lawk niin a hril ve thung.

Ephedrine Rs. 3 crore manhu leh

mi 2 manChennai: Tamil Nadu-a chun zanikhan Central Railway station-ah Narcot-ics Control Bureau (NCB) chun inruithei Ephedrine kg. 50 deuthaw, Rs. 3 crore vel manhu ding an dap-dawk a, hi le inzawm hin mi pahni, Tamil Nadu mi ve ve Thamin Basha le Sate hai an man. Ephedrine hai hi fakthei bawma an thupruk a ni a, Kolkata fethlenga Malaysia rama phurlut an tum a nih. (PTI)

Trump Japan A Tlung, North Korea’n Trump A VauTokyo: US President Donald Trump chu Pathienni khan Yokota Air Base, Japan a tlunga. Japan le US army hai laia thu hrilin, “Tu dictator khawmin US le a ruolhai a vau zam mei mei ding a nih nawh” tiin North Korea chu indirect-in a hril nghal a. US le a ruolhai chun an zalenna chu iengti kawng khawmin an hum tlat ding thu a hril bawk. President Trump chu an zinna san lien tak chu sumdawngna (trade) sukhrat a nih a. “Tu tuma kan hril tlang ding tak pakhat chu sumdawngna (trade) a nih. Asan chu, kum 25 vel chu hilai biel le US sumdawngna

a tha ta naw em em a nih. Zalen taka a tu tu tieng khawm hlawkpui ve ve ding sumdawngna kan hril tlang ding a nih” tiin Air Force One a inthawkin a hril. Yokota Air Base-a sipai khek dur durhai lai chun, “Tukhawm America hi an la hne ngai nawh. An min khi suol hlak. Tu dictator khawma an min khi ding a ni nawh. Min khituhai ta ding chun an hawi naw pek hlak. America mipuihai zalenna daltu dingin iengkhawmin mi da l the i naw n ih . Kan Zalenna, kan mihai, America flag leh tukhawmin mi suksepek nawng an tih” tiin a hril bawk.

President Trump chun Russia President Putin khawm an hmupui dingin nin a hril. “North Korea thuah Putin khawm a thang a tul leiin inhmupui ka tum a nih” tiin a hrila. Khawlam iengtik am ti ruok chu a hril

nawh. N o r t h K o r e a c h u America le khawvel ta dinga problem lientak a ni leia sukfel vat a nuom thu a hril a. A mipuhai ruok chu an pak hle thung. “Mi ropuitak an nih a. An taima

a. Khawvelin a hriet dan nek hmanin mi lawm an thiemin pawl an inhawi a nih. Mi thatak an nih a. Mi tin ta dinga thil tha a suok ngei ka beisei” tiin a hril bawk. Hienglai zing hin North Korea chun Donald Trump chu a ‘tawngbau fimkhur lo tak” leiin a vau. North Korea paper Rodong Sinmun chun, America mipuihai chun Trump-in an ram sietna ding an tlun ding a ni leiin ban a nina dingin hma an lak mek niin a hril bawk. An chanchinbu chun, “Trump hin thil tul loah nasatakin boruok a suksang a. buoina a chawk suok ding a nih. US in North Korea an

khi suol vei vei chun khawvel pumpui sietna an tlun ding a nih. Americain maw phur a tih” tiin a ziek bawk. KCNA official mouthpiece chun, “US hin DPRK hi a zuom suola fimkhur naw taka a che vai vai chun, DPRK chu um tawk tawk naw nih a. A theina po po sawm khawmin lunginsietna thang der lovin America chu tuipui ah kap pil a tih” tiin khau takin an thi bawk. P r e s i d e n t T r u m p chu Asia rambunghai le inlaichinna siemtha dinga ni 12 sung cham dinga inzin a nih a. South Korea, Vietnam, China le Malaysia hai khawm sir a tih.

Saudi Arabia in ballistic missile dang; thichil bomb puokah mi 5 thiriyadh: Zanita Saudi Arabia khawpui Riyah chung zawna hung vuong ballistic missile chu Saudi Arabia in dangin a suksiet vawng. Ballistic Missile hi Riyadh hmuna International Airport hraw thlenga Ye-men a inthawka hung kap-suok nia hril a nih. Ballistic Missile hi Iran rambungin a \hang-pui helpawl ‘Shiite Huthi’ hai hung kapsuok nia hril a na, tuta hi missile an kap-suok a vawikhatna niin, Yemen hmuna hin indona

an hmasuon zing a nih. Ri-yadh khawpuia um hai chun ‘King Khalid International Airport’ bul lai thil puok ri nasatak an hriet thu an hril a, missile danga suksietna

leia thina tuok, hliem le thil suksiet a nei thu report a um nawh. Missile hi Riyadh a in-thawk 1,200 km. a hla Ye-men a inthawka hung kap-

suok a na, a hung kaptu ‘Shiite Huthi’ hai chun ‘King Khalid International Airport’ hi an tum tak niin an hril. Chuong lai zing chun, zani ma khan Yemen khaw-pui Aden-ah security build-ing \um hni zet thichil bomb hmanga bei a na, security forces 5 haiin thina an tuok pha. Aden hmuna thichil bomb hmang security force building beituhai hi Al-Qa-eda hai ni dinga ring an na, bomb sukpuoktuhai hin Car an hmang niin security force spokesperson chun a hril.

Lebanese PM SA an zin laiin an ban

beirut: Saudi Arabia a thang mek Lebanese Prime Minister Saad Hariri chu a hringna a derthawng anga hrilin Prime Minister a nina a inthawk an ban. Zani hmasak zan khan Riyadh khawpuia inthawk Leba-nese PM hin TV hmangin thu a hril a, Saudi Arabia hmuna chun Iran in that a tum angin a hril a, a hring-na a derthawng leiin a \i hle thu a hril bawk. Saad Hariri in a hril pei dan chun, Iran in Saudi Arabia rambung chu a thu-nun vawng tah niin a hril a, Syria le Iraq khawma thlawpin thutlukna siem-puitu ah an \hang ve bakah, an hmalakna lei chun Iran chu Arab rambung hai laia

inthawk \he thlak a la ni ding niin a hril. Lebanese Prime Min-ister hin President Michel Aoun telephone hmanga an banna thu hi a hril a na, President’s office khaw-min hi thu hi an dawng ngei thu an hril a. Lebanese President ruok chun Prime Minister an ram a tlung nawk hunah a chungthu la ngaituo dingin a sie. Chuong lai zing chun, Lebanese PM inbanna hi US President Donald Trump le Saudi Arabia Prince Mohammad bin Salman hai le inhriepawa an thaw niin Iranian For-eign Ministry official, Hos-sein Sheikholeslam chun ‘Fars News Agency’ a hril.

J&K inkapna-ah helpawl 2 thiSrinagar: Uri sector, Jammu and Kashmir hmu-na Line of Control (LOC)-ah zanikhan Pakistan Bor-der Action Team (BAT) le Security Forces hai an inkaptuo a, helpawl ni din-ga ring 2 in thina an tuok. BAT hin India sipaihai an inring naw laia an hung kap \an a na, boruok inlumlet dan enin buoina chu a la so-

sang pei a ring thu SP Vaid, Director General of Police (DGP) chun a hril. BAT le inkaptuo hai chu Army le JKP (Jammu and Kashmir Police) hai an na, mi 2 thi hai bak chu hliemna tuok dang an um nawh. Helpawl ni dinga ringhla 2 kaphlum hai hi tu pawl am, khawlai mi am an na ti hriet a la ni nawh.

Khawvelin beiseina leh India a thlir zing: BhagwatJaipur: Zanikhan RSS Chief Mohan Bhagwat in Sewa Bharti Samiti-Rajast-han hmunah ‘Sewa-Sadan’ building thar hawngna a nei a, thu a hril huna chun Khawvelin beiseina in-sangtak neiin India a thlir zing niin a hril. Bhagwat in a hril peina a chun, “Khawvel hi ‘ex-periments’ in a khawp zo tah a, chuleiin, khawvel \huoitu dingin India a hin beiseina an innghat a nih” tiin a hril a. “Khawvel hi saktieng thlirin a ngha a, China chu ringhlanaa sip a ni leiin India a hin beisei-na an nghat a nih. India hi khawvel \huoitu dingin khawvelin a dit a nih” tiin a hril sa bawk.

Hi mawphurna thaw suok theina ding chun, India hi khawvel \huoitu a ni theina dingin a ram sunga hin thil\ha thawin ei insukhrat tawn a \ul a. Chu hnunga chun thil\ha le nundan kawngah India chu khawvel \huoitu ropuitak a hung ni thei ding a nih tiin Bhagwat chun a hril. Sewa hi mipui, khawt-lang le ram tadinga sin-thawtu niin Bhagwat chun

a hril a. Sin \ha chu hril lang ringawt lova a thawa thaw ding a ni thu a hril bawk. Bhagwat chun 2015 huna Nepal rama lirhning hai \hangpui an nina thu a hril a, khawvel changkang-na in a hung sawp suok technology \angkai taka hmang a ni thu le, \hangpui ngai hai awlsam deua hriet nghal thei an ni tah thu a hril. Sewa-Sadan building hawngna a hin Rajasthan Chief Minister Vasundhara Raje khawm a \hang veh a, sawrkarin temples hlui hai chei thar in, tienlai thil hlui hai suktharna kawngah hma nasatakin a lak zing thu a hril.

PRISM political party in an letaizawl: Mizoram state besana indin organisation changtlung tak, People’s Right to Information and Development Implementa-tion Society of Mizoram (PRISM) chu Assembly election a ngir tumna leiin political party in an let. Mizoram Assembly election chu kumthara nei ding a na, PRISM hin a hming lam-tawi thlak si lovin, political party a an let hin a lamsei

‘People’s Representation for Identity and Status of Mizoram’ tiin a thlak a nih. PRISM hin Mizoram Assembly seats 40 haiah a tam thei ang candidate nei tumin hma an lak mek a, an party thiltum tak chu Mizoram state a ‘political system’ thlak danglam le, corruption a zung puma phawia sawrkar \ha tak siem niin PRISM \huoitu Vanlalruata chun a hril.

ISIS ni dinga ringhla Mum-bai-ah man

mumbai: Azamgarh, Ut-tar Pradesh mi Abu Zaid chu ISIS-ah inrawlna a nei ringhla leiin zanikhan Mumbai Airport-ah Anti-Terrorist Squad (ATS) team in an man. Abu Zaid hi Sau-di Arabia a inthawka terror network enkawltu niin ATS team chun an intum a, ama hi Riyadh hmuna umin ‘so-cial media group’ siemin India rama \halai hai ISIS a \hang dingin a thlem hlak niin ATS hai chun an hril. Uttar Pradesh a Anti-Terrorism Squad (ATS)

team haiin April, 2017 huna ISIS ni dinga ring-hla mi 4 an man hai thu indawnna an nei huna Abu Zaid hming hi an hril niin, ama hi April thla a inthawk ATS team hin man tuma an zawng ta hrim a nih. ATS team hai hril dan chun, Abu Zaid le ISIS ni dinga ringhla midang hai chu social media applica-tion chikhat hmangin an inbiekpaw hlak niin an hril a. Abu Zaid hi Lucknow tienga thu indawnna nei dinga \huoi phawt a nih.

Company function ta lo 2.24 lakh thaibo

new delhi: Kum 2 sung function ta lo com-panies 2.24 lakh vel ding sawrkarin an company hming a thaibo pek a, hieng company hai hi an bank ac-count khawm cheltang pek an nih. Demonetisation hnunga enfelna an neina ah companies 35 haiin Rs. 17,000 crore vel an bank account haia inthawk an laksuok niin Corporate Af-fairs Ministry in thusuok a siemna a chun a hril a. Company pakhat Novem-ber, 2016 a ‘minus balance’ neitu in demonetisation hnungin a account ah Rs.

2,500 crore deposit in a lak-suok nawk niin a hril bawk. Hieng companies hming thaiboa um hai hi an account cheltang pek ringawt nilovin, an thilnei le hmangruo hai midang peksawng khawm khap pek an na, company sukh-ringa a function nawk a ni ruok chun, pangngai taka infetir nawk ning an tih. Hi le inzawmin, state tina thuneituhai chu hieng com-panies hai hi suisuok a, a pawimaw ang peia action la dingin Corporate Affairs Ministry chun inhriettirna a siem.

Ex-servicemen hai hriselna a pawimaw taka hril

new delhi: Zanita Ko-dagu district, Karnataka hmuna Field Marshal KM Cariappa le General KS Thi-mayya hai statue hawngna huna Indian Army Chief in thu a hrilna a chun, Indian Army a ding chun Ex-Ser-vicemen hai hriselna veng pek a, an inenkawlna ding \ha tak ngaituo pek chu a pawimaw tak a nih tiin a hril.

Hi le inzawm hin, Ex-Ser-vicemen haiin a hun le hmun izir peia inenkawlna an nei thei dan lampui ngaituona leiin dan le dun hai amend-ment thaw mek a na, ‘Ex-servicemen Contributory Health Scheme’ hnuoia hin a hma neka inhawi le awlsam lema inenkawlna a la hung um pei ding niin Army Chief chun a hril sa bawk.

ATM inrukSrinagar: Pulwama district, South Kashmir-ah zanikhan Punjab National Bank (PNB) ATM inruk a nih. ATM inrutuhai hi tu-hai am ti hriet an ni nawh a, ATM kh^wl le a sunga pawisa hai an laksuok vawng nia hril a nih. ATM sunga hin pawisa iengzat char am a um ti hriet a la ni nawh a, hi le inzawm hin case ziekluta suichiengna nei mek niin police official thusuok chun a hril.

January 31-ah Railway in bio-

metric attendancenew delhi: January 31, 2017 a inthawk hin Rail-ways chun Aadhaar hman-gna ‘biometric attendance system’ zones le divisions tinah hmang tang a tih. Hi le inzawm hin Zirtawpni khan Railways chun zones le divisions tinah inhriettir-na lekha a semdar ta bawk.Railways in thusuok a siem dungzuiin, ‘biometric atten-dance system’ hi divisions, zones, Metro Rail Kolkata, railways workshop le fac-tories hmuna offices haiah tuta thla tawp hin hmang \an phawt ning a ta, a \um hnina le a tawpna dingin at-tached le subordinate offic-es hai \hangin Railways of-fice taphawta hmang ning a tih. Hi system hi Railway Board le zonal headquar-ters \henkhatah hmang \an tah niin Railways thusuok chun a hril.

Demonetisation hi \umkhat ngaituona chau an nawh; Indra Gandhi huna khan committee in a lo recommend dai tah a nih: PM Modi

Kullu: Prime Minister Narendra Modi chun de-monetisation hi \umkhat ngaituona chau an ta naw thu zanikhan a hril. Indra Gandhi Prime Minister a ni lai khan, Rs. 100 notes de-monetise thaw dingin com-mittee in recommendation a thaw a, a hnunga minister hung ni Yashwant Rao Cha-van in proposal leh PM a va pan a, amiruokchu, Indra Gandhi in a lo pawm naw a nih tiin PM Modi chun a hril. Indra Gandhi khan a party neka ram hmangai

lem lo nisien chu, khang huna khan demonetisation a lo thaw dai ta ding a nih tiin Modi chun a hril sa bawk. Prime Minister in hi thu hi zanita Kullu hmuna public meeting huna a hril a na, congress chu natakin a >sel nawk a, congress party le corruption chu \he hran thei lova inkawp tlat tah niin a hril. A hril peina a chun, Congress in kum 70 zet rorelna khawl a chel a, amiruokchu, an \huoitu hai chun hleprukna ding chau an ngaituoh a, khel thuhai

hrilin, hnam inthlier hran-na dam mipuihai an neitir a, ram in\hanglienna ding nekin an sung-le-kuohai

ngaituo lemin, thawkna le sin \ha hai pe a roreltu niin congress chu an tum. Demonetisation in ng-

hawng \ha tak a nei thu PM in a hril a, tuchena hin com-panies k^wra hmanga bank accounts a kawp a thuoa nei 3 lakhs tling vang suktawp ni tah in a hril. Companies 5,000 neka tam suichieng-na nei a ni tah a, chuong companies a hai chun thil indiklo Rs. 4,000 crores vel mansuok a ni tah. Kei ka sawrkar thiltum ruok chu Himachal Pradesh hmuna infrastructure changt-lung tak siem le tourism sukhmasawn a nih tiin PM Modi chun a hril.

India in ‘khichdi’ 918 kgs suongin World Record a siem

new delhi: New Delhi hmuna ‘World Mega Food India’ chu zanikhan khar a na, India in thlaihna le thlaimu hran hran chawk-pawla suong ‘khichdi’ 918 kg. zeta tam suongin Gui-ness World Record a siem thar. ‘World Mega Food India’ hi khawvel pum huopa huoihawt hlak a na, a thiltum tak chu fak le dawn siemnaa sengso suk-

danglam le, loneitu haiin kumkhat sunga lohmasuok vawi hni s$k ding hmathlir an nei hrie zinga India ram chu ‘investment’ thawna hmunpuia siem a nih. India hi fak le dawn siem suokna hmunpui pakhat ni ve dinga hmalakna le inza-wmin, hieng ang ‘events’ hi India in a vawikhat huoi-hawtna chau a nih. Hun hmangna a hin rambung 30

a inthawkin mi 2,000 vel an \hang a, chuong hai lai chun khawvel pum huopa CEOs le rambung ai-awtuhai an \hang tawl. Zirtawpni khan Prime Minister Narendra Modi in events hawngna a nei a, fak le dawn siemna kawnga India in\hanglien peina a hin khawvel huopa ‘inves-tors’ hai chu \hang ve din-gin a fiel. Union Ministers Arun Jaitley, Radha Mo-han Singh, Harsimrat Kaur Badal, Nitin Gadkari le Piyush Goyal hai khawmin events a hin hun an hmang ve a, ‘World Mega Food India’ hin USD 10 billion dollar anghu investment ra-suokin, kum 3 sungin mi 10 lakhs haiin hlaw an nei pha beisei a ni thu AIR report chun a hril.

APPSc-in chakma 4 hai application a hnawl pekitanagar: Arunachal Pradesh Public Service Commission’s (APPSC) chun Chakma 4 hai ap-plication a hnawl pek. Hieng application hnawl peka um hai hi ‘Arunachal Pradesh Service Combined Competitive Examinations (APPSCCE)’ pe thei din-ga ‘qualified’ nei vawng nia hril an nih. Arunachal Pradesh a um Chakma haiin Supreme Court in thurawn

a siem angin, a rammi nina pe dinga ngenna an siemna le inzawma an application hai hi hnawl pek nia hril a na, Chakma hai Arunachal Pradesh rammi nina pek ding hi organisations tam takin an dodal zing lai a nih. Chakma hnam \huoitu hai chun APPSC thilthaw hi theitawpin an dem a, AP-PSCCE exam ding 4 hnaw-la um hai hi beisei um tak

tak an ni leiin, hnam insird-ena anga ngaiin, an hnawl-na hnukkir a ni naw chun dan hmangin hma an lak ve ding thu an hril. Hieng Chakma candidates 4 hai hi India mi le sa nina indik tak nei an na, APPSCCE, 2017 exam a hin iengti kawng khawma hnawl thei ni naw ni hai tiin Prahlad Chakma, National Vice President, Chakma National Council of India chun a hril. (IANS)

Demonetisa-tion kum 1

tlingna ‘White Money Day’ a

inser dingNEW DELHI: Demonesti-sation kum 1 tlingna cham-pha November 8, 2017 hi Union minister Ramdas Athawale inrawi, Repub-lican Party of India (Atha-wale) chun “white money day” in inser an tih. Repub-lican Party of India (Atha-wale) hi NDA hnuoia party niin, nikuma black money sukbona dinga ‘notebandi’ thawtu Prime Minister Na-rendra Modi kuoma law-mthu hrilnaa Athawale hin thaw a tum a nih. Notes hnawlna thua chun, Dalit hnam \huoitu ni bawk Athawale hin Ambed-kar khawmin pawisa chu kum 10 dan peia thleng \ha a lo ti hlak niin a hril a, ama le a party haiin kumthara Gujarat Assembly election hunah BJP an thlawp ding thu a puong bawk.

SL Navy han TN Ngamantu 8 an manrameShwaram: Zani-ta Neduntheevu hmuna Nga man, Tamil Nadu Ngamantu mi 8 hai chu ramri k^na Nga an man tia intumin Sri Lanka Navy haiin an man. Hieng Ngamantuhai hi Nagapatti-nam district mi an na, mech-anised lawng chawia Nedun-theevu hmuna hi khawvar zaka Nga mana um an nih.

Hmasawnna Thar4 EntErtainmEnt / SportSthlaphal (november) 06, 2017thaw|anni (monday)

French Ligue 1:

Edinson Cavani chun French Ligue 1-ah goal 100 thun tling

pariS : Inrinni zan French Ligue 1 inkhelah Angers chun Paris St. Germain an mikhuol a, mikhuol team hai 5-0 tawpin an hrat. Hi taka hin Edinson Cavani chun PSG ta dingin goal pahni a thun a, Ligue 1-ah goal 100 a thun tling tah tina a nih. Hi an hrat dung-zui hin tuta seasonah Ligue 1-ah an la tlawm \hak nawh

a, pakhatna an ni bawk. Inkhel vawi 12-ah point 32 an nei. PSG hai goal dang-hai hi Kylian Mbappe(goal 2) le Julian Draxler hai thun a nih. Hi zan hin khawvela football player man to tak Neymar chu hliemna leiin a \hang thei nawh a. Chun marquinhos le Angel Di Maria hai khawm a hma met khan nau an nei thar

leiin an inlang thei naw bawk. Mbappe hi Monaco-a inthawka PSG a zawma in-thawk goal pali a thunna a ni tah. Monaco hai khawm an khingpui Guingamp hai 6-0 tawpin an hne ve bawk. Hi taka Monaco ta dinga goal thuntuhai chu Guido Carrillo(goal 2), Adam Traore(goal 2), Keita Balde le Fabinho hai an nih. Hi dungzui hin point 28 neiin pahnina an nih. Chun hi zan bawk hin Nantes hai chun Toulouse hai 2-1 in an hne hram leiin pathumna an inhlangkai bawk.Result danghai :Montpeller 1-1 AmiensTroyes 3-0 Strasbourg

La Liga : Barcelona haiin Sevilla an hne zan Pako Alcacer chun goal 2 thun barCelona : Inrinni zan La Liga inkhel pali a um a. Leader Barcelona chun Sevilla an lo mikhuol a, goal 2 lo thunin an lo hne hram. Inkhel \ana inthawk minute 23 naah Alcacer chun goal a thun nghal a. Half zo min-ute 59 naah Sevilla chun Pizarro hmangin an goal bat an rul a. Chu zo char min-ute 65 naah Alcacer bawk chun Barca ta dingin goal a thunsa a, chu chu an hratpui ta a nih. Alcacer hi Messi le Suarez hai leh an tlankawp a, ruo sur hnuoiah inkhelin Alcacer hi a khel \ha takah a \hang ta a nih. Hi dungzui hin Inkhel 11-ah point 31 neiin hma an \huoi zawm pei a, Sevilla ruok chu pan-gana an ni ve thung. Hi zan bawk hi Valencia chun Leganese an mikhuol a, awlsam takin 3-0 in an lo hne. Anni hin tuta season sung La Ligaah goal 30 an thun tling tah a, Barcelona leh an inang char a nih. Hi zana Valencia ta dinga goal thuntuhai chu Dani Parejo,

Rodrigo le Santi Mina hai an nih. Barcelona le Va-lencia hai hi hratnaw la nei \hak lo ve ve an nih. Chuong ang chun Atletico Madrid khawm hrat naw an la nei naw a, anachu inkhel 11-ah panga zet draw an nei a nih. Hi zan bawk hin De-portivo chun Atletico an mikhuol a, Madrid hai 1-0 in an hrat lem hram. Hi hratna goal thuntu chu Thomas a nih a, hun bo tawm char minute 90 naa a thun a nih. Hi dungzui hin Atletico Madrid chun point 23 neiinn Palina an inh-langkai hri a, Pathienni zan

Real Madrid an hrat chun hung lekhel nawk an tih. Alaves hai khawmin Espanyol an mikhuol ve a, 1-0 in an lo hne ve hram. Hi taka goal hi inkhel \an char minute khat khawm a liem hmaa Christian Santos-in a thun a nih. Espanyol tiengin minute 39 naah Mario Her-moso chun red card a hmu bawk. Inkhel hun tam lem a tlawm lemin an \hang tina a nih. Hi inkhel hi an inbei tawk hle a. Alaves tiengin Yellow card pasari tawp an dawng a, khingtiengin red card pakhatin an hmu bawk a nih.

English Premier League :

Liverpool-in West Ham an sawp zan Stoke le Leicester city drawlondon : Inrinni zan khan English Premier League inkhel paruk a um a. West Ham chun Liver-pool an mikhuol a, Liver-pool chun awlsam takin 4-1 tawpin an va hne. Liv-erpool tieng minute 21 na chauah Mohamed Salah chun goal a thun nghal a. Chu zo char minute 24 naah Joel Matip chun Liverpool ta ding bawkin goal khat a thun nawk nghal a. half chenah goal dang a lutsap ta nawh. Half zo minute 55 naah West Ham chun Manuel Lanzini hmangin goal khat an thun ngawi a. Minute 56 le 75 haiah Liv-erpool tieng Alex Oxlade Chamberlain le Mahamed Salah bawkin goal khat ve ve an thun nawk leiin West Ham ta ding chun beiseina a um ta nawh. Liverpool an hrat dungzui hin parukna an inhlangkai a, West Ham ruok chu 17 na an nih. Swansea City hai chun Brighton & Hove Albion

hai an mikhuol ve a, Brigh-ton hai 1-0 in an hrat lem. Hi taka goal umsun thuntu chu Glenn Murray a nih. Burnley khawm Southamp-ton tieng van zinin Sam Vokes goal khat umsun hmangin hnena an va chang hram. Swansea an hratnaw leiin relegation zone-ah an tla suk a. Brighton tieng parietna an inhlangkai ve thung. AFC Bournemouth hai khawmin Newcastle Unit-ed hai 1-0 bawkin an va hne ve a, chu goal chu min-ute 90 naa Steve Cook-in a thun a nih. Huddersfield Town chun West Brom an

mikhuol ve a, an player pakhatin red card hmu sien khawm 1-0 in an lo hne tho tho. Hi taka hratna goal thuntu hi Rajiv van La Par-ra a nih a, minute 44 naa a thun a nih. Chun minute 57 naah Christopher Schindler chun red card a hmu bawk. Stoke City chun Leices-ter City an mikhuol ve a, goal 2 ve ve thunin an inhnetawk. Leicester ta dinga goal thuntuhai chu Vicente Iborra(33`) le Ri-yad Mahrez(60`) hai an ni a. Stoke City ta dingin Xherdan Shaqiri(39`) le Pe-ter Crouch(73`) haiin goal khat ve ve an thun bawk.

German Bundesliga :

Bayen Munich chun an in-elpui Borussia Dortmund hnein hma an la \huoi pei

muniCh : German Bus-desliga inkhelah Borussia Dortmund chun pakhatna ni mek Bayern Munich an lo mikhuol a, 3-1 tawpa lo hnein hma an la \huoi zawm pei. Inkhel \ana inthawk minute 16 na chauah Ar-jen Robben chun Bayern ta dingin goal a thun nghal a, Robert Lewandowski chun minute 37 naah goal khat thun nawkin Alaba chun minute 67 naah goal thum-na a thun a. Hun bo hma met minute 88 naah Bartra

chun Dortmund ta dingin consolation goal pakhat ngawi a thun a chu an ta dingin umzie a um ta nawh. Bayern an hrat leiin Table-ah point 26 neiin pakhatna an ni a, hi zan bawk hin Leipzig haiin Hannover 2-1 a an hne leiin point 22 neiin pahnina an inhlangkai a. Dortmund hai pathumnaah an tla suk ve thung. Result danghai : B Mglacbach 1-1 MainzAusburg 1-1 Bayern L.Humburg 3-1 StuttgartFreiburg 0-1 Schalke

HSA Shillong Diamond Jubilee-ah Sinlung Express, Vincent Hekte le Kanghling Father

Shillong/CCpur: November 11, 2017 nia HSA Shillong Joint Head-quarters Diamond Jubilee lawmna ding le inzawma insingsatna a fe mek a. HSA Joint Hqrts, Shil-long Diamond Jubilee lawmna sukphuisuitu le hla tiengpangah Manipur a in-

thawk band inlar le puitling takel Sinlung Express Band bakah Tv. Vincent Hekte le Kanghling Father (Pu Lalthangkung F. Tusing) han mipui inawi an tih. Sinlung Express band chun November 8, 2017 khin CCPur suoksanin Shillong pan an ta, Tv.

Vincent Hekte Hmar hin November 10, 2017 khin Nainital a inthawk Shillong pan a ta, Kanghling Father @ Lalthangkung F. Tusing hin Sinlung Express band hai a zui nghal ding a nih. Anni baka hin hlasak thiem dang dang khawm fiel tum an nih. (Virthli)

Salma Hayek-in Rs.1.35 Lakh Man Jacket Leh

Los AngeLes: A pum a chin teng tawnga chu a thil thawna tieng tieng inbel khak le ni khak a thaw, a pum neka lien vawnga thil thaw hlak Salma Hayek chu a pum le inhme lo hielin chanchin a siem hlak. Tuta tum khawm an pa, ama nek daia upa pasal Francois-Henri Pinault leh Beverly Hills ah romantic night nei dingin an hung leng suoka, thil dang po po nekin a jacketin mi mit a laka chanchin a hau. Kum 51-1 upa Salma Hayek chun naupang thuawi tak angin an pa Henri kut chelin a hnung a hung zuia. A hmelthatna chu thudang, a Jacket hak mawl chu tamtakin an lo mel a. A mei mei naw bawk a nih. Leather dum thir var bel khawm (silver metal stud) style deuva thui a haka, aman

khawm Rs. 1.35 Lakh ($4850) man zet a nih. Jean kekawr tight deu leh pheikhawk Boot dum leh Bag dum bawk a khaia, a la nunghak hle. Billionaire Francois chun Suit pawl hakin a hnuoiah zakuo var a hak bawk a. An nu kut det takin a chel a, inhme thlup ve tho. Henri le Salma Hayek hi 2009 Valentine Day khan kut an insui a, kum 8 lai an innei tah a. nau kum 10 pakhat an nei tah. Salma Hayek hi tulai hnai khan SCAD Savannah Film Festival ah Outstanding Achievement in Cinema Award inhlan a nih. June thla khan a film thar “Beatriz at Dinner’ tlangzar a nih a. Mexico a inthawka US inpem mi chanchin a nih a. Salma Hayek hi Mexico mi a ni angin inpem mihai a tan em em a. President Trump-in Mexico inpemhai dangna dinga bang bawl a tum khawm nasataka kaltu a nih. Salma Hayek hi acting a thiem leiin inpak a hlaw hle a. Inpak chauh an nawh tuta a film-a a changnaa lem hin chu Oscar Award khawm hrilhmu a nih. Ama ruok chu Oscar Award nekin immigrant hai harsatna thuhai hin a lungril a lak lem niin a hril a. Abikin nuhmeihai ngirhmun dawnkangna ding tieng hma a lak nasa em em. Kha hma meta Women’s March ah khawm khan nasatakin a thang a. President Trump in nuhmeihai le immigrant hai harsatna le an ngirhmun indiktak – anni khawm American an nih – ti hi hriepui sien a nuom thu a hril hlak. Nuhmei a nina angin Hillary Clinton a vote-a chu a tling zo ta nawh a. Pawi ti hle sienkhawm American an nih ve ti suklangna a ni leiin a lawm tho thu a hril.

Victoria Beckham-in A Naunu Harper Hlasak Thiem Dingin

London: Spice Girls member hlui hlasakthiem Victoria Beckham tuta fashion designer ni ta chun David Beckham le an naunu chu a pa angin football pet chauh an hnik nawh a, a nu angin hla sak khawm a thiem a nih ti suklangna dingin a birthday tuma hla a sakpek social media ah postin a shared. Victoria Beckham chun a naunu kum ruk Harper-in a brithday gift anga, Mariah Carey Christmas hla “All I Want For Christmas Is You” ti hla a sakpek chu thiem a tih taluo a, ama ang thova hlasak thiem ding a nih tiin a hlasakna hi Instagram ah a pholang a, fans hai a shared. Harper chun a nu pek ding gift milim a ziek puma a hlasak lai hai video a lak vawng a. Harper rawl chu hlasak mi tak, ama ang thova rawl \ha ve niin a hril. A hnung zuitu maktaduooi 17 hai kuomah, “‘4th November and Harper is getting into the Christmas spirit!! kisses mummy and Harper! X’ tiin a post. Miin hlasak a thiema lam khawm a zei tak an ti laiin Victoria Beckham ruok chun a ruolhai lai a rawl a \ha naw tak leiin hla an

record phat khawm a rawl a lak nawna dingin Mic an off hlak niin a fans hai a hrila, tamtak chun an awi naw hle. Ni kum khan khawvela album zawr suok rawn pawltak an group Spice Girls han album an siem phat producer han ama rawl a hip nawna dingin microphone an off hlak ti a hril chun a barakhai tawl hle. “Ka mic an off a midanghai an insaktir hlak. Kei chu ka lo chawl veng veng hlak” tiin Claudia Winkleman a hrila, an innui dar dar. Harper Beckham hi kha hma khawm khan hlasak a thiem zie suklangna dingin a pa David Beckham-in a hlasak record video a lo pholang tah bawk. Hi hnung hin nuhmei a nia chu Football an hnika, ama ang thoa football inhnik a nizie a lo tarlang tah bawk. David Beckham chun a nauhai a hmangai seng a, hmangai bik a nei naw thu a hril laiin Harper chu a u (pasalhai) nekin football pet an hnik lem niin a hril a. Tuhin an nu Victoria chun ama nekin hlasak a thiem lem niin a hung hril nawk tah. Ieng ang miin am a hung puitling ding ti chu hun chauvin a hril thei.

13th cEM’S Trophy 2017 - Haflong 06 Nov 2017: Final Match

Fixture : Dima United v/s Daimalu

05 Nov 2017 Result: Daimalu 3-1 Sikkim Himalayan SC

Seikam Memorial Open Football Tournament 2017Venue:Kholmunplayground,Churachandpur.

PRE-QUARTER FINALS Fixtures: 6th november, 2017(Monday) : 1.TuilaphaiYCvsUKBJuniors@12:00pm. 2.BijangYCvsSYMROPIA@2:00pm.

VietnamTyphoon Damrey Leia Mithi 27 An Tling Tah

Hue: Pathienni zing tieng khan tuipui a inthawka thlipui hrattak Typhoon Damrey-in Vietnam a nuoi a mithi 27 an tling tah tiin

AFP chun a hril. Vietnam hi Asia Pacific Economic Coopera t ion rambung hotuhai inkhawmpuina ding hmun a nih.

Typhoon Damrey hi tu kuma Vietnam thlipuiin a nuoi vawi 12na a ni tah a. Hi thlipui hi darkar khatah Km 90 vela hrat niin in 40, 000 zet a mut siet tah bawk. Steering Committee for Disaster Prevention hril dan chun mi 27 an thi tah a, 22 an inhmang a, in 626 a sie let der a, mi 30, 000 thak dawk an ni ta bawk. Ruopui vawnawn surin Vietnam hmartieng biel po po chu a nuoi siet vawng niin a hril. Sansuokna sin thaw zing a nih a. Mithi hi tuta nek hin an tamlem ring a la nih.

L. Sarita le Sonia hai Semifinals an lutho Chi minh City: Vietnam-a Ho Chi Minh City-a Asian Women’s boxing cham-pionship khel meka chun zanikhan L. Sarita Devi chun 64 kg category-ah an khingpui Uzbekistan mi Maftunakhon hnein semifi-nals a lut. Chun, Sonia Lather khawm 57 kg category-ah an khingpui Kazakhstan mi Nazym Ichshaova hnein semifinals a lut ve. Zani hmas khan Olympic medalist le world champion vawi 5 lo nit ah M.C. Mary Kom (48 kg); Priyanka Choudhary (60kg) le Shiksha (54kg) haiah semifinals an lo lut ta bawk.

Kate Upton le Justin Verlander Hai Italy Ah An Innei Rome: Sports Illustrated Swimsuit cover girl le model inlar Kate Upton (25) chun kum 3 vel an zuipui Baseball star Justin Verlander chu damsunga dingin ‘tiem tlat e’ tiin Inrinni, Nov.4 khan Italy-a Tuscany state, Siena biela hmun inhawi deu Castiglion del Bosco ah fiel bik sung le ruoltha iemani zat hai hmaah Kohran dan thienghlimin a lo nei tah. Kate Upton chun a duthusam ang takin mo form var infuol duom el, a ban tluon a hak a. A zakuo tak skirt infuk thapin, a lu ah, hnung tieng mo form sei tak par darin a um zal bawk a. Parte bawr a chawi bawk a. Fairy Tale-a mo form duthusam an hril hlak angin an chei a nih. Justin (34) khawm World Series Game ah an team Houston Astros han Los Angeles Dodgers an hne zo chau a ni bawk a. Coat suit dum leh a khakhmul um phiu pheuin Bowtie dum leh, infit zatin Glass a dawma, Kate banah chelin hmangai hmel takin a en a, an inhme hle. Kate hin an innei hmaa Entertainment Tonight kuomah mo lawm dan ding, pasal a nei huna a um dan ding a hril ang takin

iengkim sawlum lo dingin a buotsai a nih. “Sung le kuohai mi tlawmte leh, simple deu si inhawi deu sia hmang ka nuom” tiin chuong ang takin inlar taluo lovin hun an hmang. Kate le Justin hi ni kum khan an inhuol a, an inhuolna kutsebi khawm pui tak a nih. Designer Jeweller Anita Ko chun, “An inhmangaina a det ang takin kutsebi

khawm det taka siem, nal danglam taka siem a nih” tiin a hril. An inhuol dan Kate hril dan chun, “An inkhelna Baseball season tan hma char khan innei dingin a mi fiel a. Season tawp chenah hnena in chang chun nih rawse, tiin ‘aw’ ka paw a. Tuhin kan duthusamin iengkim a um taa khawvel hrietea kan puonglang thei hi ka lawm a nih” tiin a hril. Justin hai team Houston

Astros chun Nilaini khan Game 7 hnena changin hrattak nina an lak. Kum 2014 a inthawka inhmu tah hlak Kate le Justin hin 2016 Met Gala ah khan an inhuol thu an puong a. Kum khat vel an inhuol hnungin damsunga dingin tiin an innei tah a nih. Tulai celebrity tamtak innei nuom tah lova umkawp nuom lem hai ang naw taka sungkuo indin tuma innei hai nupa hi ditsak an um hle.

Kendall Jenner-in Rs. 6.50 Lakh Pheikhawk Leh BirthdayloS angeleS: Kendall Jenner chu kum 22 a tling lawmna Ningani zan khan West Hollywood-a Petite Taqueria ah a ropui thei patawpin an lawm a. Thil dang neka mipui mit latu tak chu a pheikhawk bun Saint Laurent ‘Niki 105’ designed Silver color booth khup chena insang Rs. 6.50 lakh man chu a nih. A pheikhawk man to le a Jean kekawr bun ruok chu an hme naw hle thung. Kendall Jenner chu tulai hin a ngaizawngpa Basketball player leh nau an pai nia hril a nih a. Amiruokchu, a birthday lawm zan hin chu Jean kekawr bunin zakuo ‘crop’ hakin a phing lai khawm an lang vawnga chu nau a pai

hmel awm a lan lang nawh. Hi zan hin a ngaizawngpa Blake khawm T-Shirt simple deu hakin a hung \hang a. A nu Kylie Jenner fielna anga hung thang a nih. Ruolhai

birthday lawma an hlim zing laiin Kendall Jenner chu a bielpa Blake leh ruolhai tin hnungin restaurant ah a hranin bu an la fak a. Restaurant khawm an lut tieng chu tukhawma an hriet naw angin a uma chu an suok tieng chu mipuiin an bawr nasa taluoa an suok thei naw vang a nih. Thudawngnain a hril dan chun, Kendall Le Blake hi inzui naran el ni ta lova inhuol chen khawm an tum tah niin a hril. Us Weekly ziek dan chun, Kendall Jenner lem ch Blake le an inzui china inthawkin a hlim em em a. A kawla um inhawi a ti hle niin a hril. Kendall chun Blake kawla um chu ‘playing the field’ tiin a hril.