tamaam firqon ke muttahid hone ka wahid tareeqa
DESCRIPTION
TAMAAM FIRQON KE MUTTAHID HONE KA VAHID TARIQATRANSCRIPT
(1) IMĀN VALOŃ KA NĀM
Allah ta’ā’lā ne farmāyā:-
(ai īmān valoń) Allah ta’ā’lā
ne tūmhāra nām Mūslimeen
rakha hai.(haj:78)
Huwa sammakumul muslimeen (haj:78
Īmān vāloń ka nām rakh kar Allah ta’ā’lā ne īmān vāloń ko
hūkm farmāyā:-
Aur (ai īmān vāloń) tumheiń
hargiz maut na āye magar is
hāl meń ke tum Mūslim ho
(ya’ni har waqt Mūslim raho
ma’loom na’hīń maut kab
ājāye) aur tum sab mūt’tahid
ho kar Allah ta’ā’lā ki rassi
(ya’ni Qur’ān va ahādīs) ko
mazbootī se pakade raho aur
firqe firqe na bano (aal-e-
imran:102-103)
Wala tamootunna illa wa
antum muslimoon.
Wa’tasimoo bihablillahi
jamee’aw walaa tafarraqoo.
(aal-imran:102-1030
Allah ta’ā’lā ne to īmān valoń ko hūkm farmāyā tha ke ai
īmān valoń marte vaqt tak mūslim nām par mūt’tahid rehna
aur apne firqa-wārāna alag-alag nām rakh kar firqe-firqe
na ban jāna to phir ai īmān valoń tum apne firqawārāna nām
Ahl-e-hadīs, Ahl-e-sūn'nat, Deobandi, Barelwi, Shia, Sūn'ni,
Wahābi, Hanafi, Shafai, Māliki, Hanbali, Jafari, Naqshbandi,
Saharwardi, Chishti, Qūadri, vaghai’rah vaghai’rah (and so
forth) rakh kar firqoń meń taqsīm kyooń ho gaye ho.
Kya in nāmoń ka ko’ī firqa Rasoolūllah (saw) ke zamāne
meń thā? Agar thā to Qūr’ān-e-majīd aur hadīs nabawi se
sūboot deiń. Agar sūboot nahi de sakte to phir hamāri firqoń
se khair-khāhna (well wisher) guzārish hai ke apne tamām
firqe wārāna nām khatm kar ke Allah ta’ā’lā ke rakhe hūye
nām mūslim par mūt’tahid hojāyeiń aur marte dam tak
mūslim hi rahe.
(2) IMĀN VALOŃ KI JAMĀ’AT
Rasoolullah (saw) ne farmāyā thā:-
Aur firqoń ke mut’ta’luq farmāyā thā:- Tamām firqoń se ‘alahidah
rehnā. (sahih muslim wa
sahih bukhāri)
Fa’tazil tilkalfiraqa kullahaa
(sahih muslim wa sahih
bukhaari)
Is farmān-e-Rasool (saw) se ma’loom hūwā ke Rasoolullah
(saw) ne to tamām nāmoń ke firqoń se ‘alahidah ho kar
Jamaat-ul-muslimeen meń shāmil hone kā hūkm farmāyā
thā to phir āp logoń ne Jamā’at Ahl-e-hadīs, Mūt’tahidah
Ahl-e-hadīs, Anjuman Ahl-e-hadīs, Ghurbā Ahl-e-hadīs,
jamā’at Ahl-e-hadīs wal jamā’at, jamā’at Islami, jami’at
Jamaat-ul-muslimeen ko
lāzim pakdnā. (mūslim va
bukhāri)
Talzamu jamaat-ul-
muslimeena (sahih muslim wa
sahih bukhaari)
ulema Islam, Jami’at Talaba’ Islam aur Jamā’at Shia,
vaghai’rah vaghai’rah nāmon ki jamāteiń banā kar itne firqe
kyooń banā dale?
Kya in nāmoń ki ko’ī jamā’at Rasoolullah (saw) ke vaqt
meń thi? Agar thi to Qur’ān-e-majīd aur hadīs-e-Rasool
(saw) se suboot deiń? Agar suboot na’hīń de sakte to phir
hamāri un tamām firqawārāna nāmoń ki jamā’toń se
khair-khahna guzārish hai ke Rasoolullah (saw) ke hūkm
“fa’tazil tilkalfiraqa kullaha” (ya’ni tamām firqoń se ‘alāhidah
honā ke) mūtābiq in tamām nāmoń ki jamātoń se
‘alāhidah hokar āp hi ke hukm “talzamu jamaat-ul-
muslimeena (ya’ni Jamaat-ul-muslimeen ko lāzim pakdnā)
ke mūtābiq Jamaat-ul-muslimeen meń shāmil ho kar
mūt’tahid (united) hone kā ‘amli suboot deiń.
(3) IMĀN VALOŃ KA DĪN
Allah ta’ā’lā ke farmān hai:-
Be shak Allah ke nazdīk Dīn
sirf Islām hai. (aal-imran:19)
Innaddeena ‘indallahilislam
(aal-imran:19)
Ek aur jaga farmāyā:-
Mai ne tumhāre liye jis dīn ko
pasand kiyā voh Islām hai.
(ma’ida:3)
Razeetu lakumulislaa ma
deenan (ma’ida:3)
In āyatoń se ma’loom huwā ke Allah ta’ā’lā ne to apne
mānne vāloń ke liye ek dīn sirf Dīn-e-Islam pasand farmāyā
thā to phir āp logoń ne mazhabeiń maslak Ahl-e-hadīs,
mazhab yā maslak banā kar Um’mat ko intne firqoń meń
taqsīm kyooń kar diyā. Kyā in nāmoń meń se kisi bhi nām
kā ko’ī mazhab yā maslak Rasool (saw) ke zamāne meń
thā. Yā āp ne apne mān’ne vāloń ko itne firqe banāne ki
ijāzat di thi? In ka suboot Qur’ān-e- majīd aur hadīs-e-
rasool (saw) se deiń? Agar suboot na’hīń de sakte to
phir ham āp logoń ko mūt’tahid hone ki khair-khahna
da’wat dete heiń ke ye sub mazāhib yā maslak khatm
kar ke sirf ek Dīn Allah ta’ā’lā ke pasandīdah Dīn-e-
Islām par ‘amal kar ke mūt’tahid hojāyeiń.
(4) IMĀN VALOŃ KI KITĀB
Allah ta’ā’lā kā irshād grāmi hai:-
Us chīz ki pairawi karo jo
tūmhāre Rab ki taraf se
tūmhāri taraf nāzil ki gai hai.
(aal-imran:3)
Ittab’oo maa unzila ilaikum
minrabbikum (aal-imran:3)
Rasoolullah (saw) ne farmāyā:-
Diyā gayā mūjh ko Qur’ān
aur misl (like, similar) us ke
sāth. (abu dawood)
Ooteetolquraana wa misla
ma’a (abu dawood)
Is farmān-e-rasool (saw) se ma’loom huwā ke āp ko
Qur’ān-e-majīd ke sāth us ke misl ek aur chīz bhi mili hai.
Voh doosri chīz kya hai jise āp ne Qur’ān-e-majīd ki
misl farmāyā hai us ke bare meń bhi Rasool (saw) ne khūdhi
farmādiyā:-
Ai logoń maiń tum meń aisi
chīz chod rahā hoon ke agar
tum ne use mazbooti se
pakadliyā to kabhi gūmrah
na’hīń hoge voh chīz Allah
ki kitāb aur us ke nabi
(saw) ki sun’nat hai.
Yaa ayyuhannasu innii qad
taraktu feekum
maaini’tasamtum bihii falan
taziloo abadan kitaab Allahi
wa sunnata nabiyyihi.
(alhakim, almustadrak)
In hadīsoń se ma’loom huwā ke Qur’ān-e-majīd aur hadīs
Rasool (saw) Allah ta’ā’lā ki taraf se nāzil shudah hai.
Allah aur us ke Rasool (saw) ke us hūkm ke mūtābiq sirf
Qur’ān-e- majīd aur hadīs Nabawi ki hi pairawi (pursuit) ki
jāye kyooń ke Qur’ān-e-majīd aur hadīs Nabawi hi Allah
ki taraf se nāzil shudah hai.
Ham dā’yān Islām se khair-khahna taur par poochte haiń
ke āp logoń ne Qur’ān-e-majīd aur hadīs Nabawi ke sāth
fatāwe Ahl-e-hadīs, fūqa hanafi, fūqa shafai, fūqa maliki,
fūqa hanbali, fuqa ja’fari vaghai’rah vaghai’rah milā kar ek
Um’mat ko itne firqoń meń kyooń taqsīm kar diyā. Kya
Qur’ān-e-majīd aur hadīs Nabawi ke ‘alāwah ko’ī tīsri chīz
Rab ki taraf se nāzil hui hai? Agar hui hai to suboot deiń.
Yaqīnan sab firqe ye bāt kaheinge ke ko’ī tīsri chīz na to
Rab ki taraf se nāzil shudah hai na ko’ī farishta lāyā na
kisi nabi ne hi di to phir hamāri tamām firqoń ko khair-
khahna da’wat hai ke ye tīsri qism ke sub chīzoń ko
chod kar sirf Qur’ān-e-majīd aur hadīs nabawi par khūd
bhi mūt’tahid hojāeiń aur doosroń ko bhi usi ke taraf
da’wat-e-ittehad deiń kyooń ke ye dono chīezaiń hi Rab ki
taraf se nāzil shudah haiń aur isi liye un donoń chīzon
parhi it’tehād ho sakta hai.
Tamām firqoń ke mūt’tahid hone kā ek hi tariqa hai voh
ye ke sab firqawārāna nām khatm kar ke Allah ta’ā’lā ka
rakha huwā nām mūslim rakhleiń aur usi nām se apnā
ta’āruf karāyeiń tamām firqewārāna mazāhib ko chod kar
Allah ta’ā’lā ka pasandidah dīn Dīn-e-Islām apnāleiń
khūd bhi sirf Dīn-e-Islam par ‘amal kareiń aur doosroń
ko bhi sirf isi ki da’wat deiń aur tamām firqewārāna
kitāboń ko chod kar Allah ta’ā’lā ki taraf se nāzil
shudah Qur’ān-e- majīd aur hadīs Rasool (saw) par hi
‘amal kareiń aur karwayeiń aur tamām firqoń se
‘alāhidah ho kar Rasool (saw) ke hūkm ke mūtābiq
Jamaat-ul-muslimeen meń shāmil hojāyeiń aur doosroń ko
bhi usi jamā’at meń shāmil hone ki da’wat deiń. Ākhir
meń hamāri Allah ta’ā’lā se ye du’ā hai ke Allah ta’ā’lā
tamām firqoń ko haq samajh kar mūt’tahid hone ki
taufīq ‘ata (grant) farmāye.
Cell: 92463 43643 / 93471 39685 /
JAMAAT-UL-MUSLIMEEN [INDIA]
Flat #204, Saleem Masood Complex,
Nizam Colony, Toli chowki,
Hyderabad – 500 008 (A.P.)
Cell: 9246343676 / 7396620946