tula (ang butil ng punlang diwang makabayan)
TRANSCRIPT
Page 1 of 1
ANG BUTIL NG PUNLANG DIWANG MAKABAYAN
(Ikaapat na Taon sa Sekundarya 2010)
Malayang Taludturan
©αlpha Φhi εmjay |
[email protected] / [email protected]
Alipin sa sariling lupain at ang banyaga ang siyang sambahin
Mga diyus-diyosang maituturing, may hangaring maitim
Sa pusong lunggati’y lukab na sa hilahil at sikip na panimdim
Sikdo ng dugo, gulok na matalim, sa koronang buhay siyang kikitil.
Perlas na nilapastangan, bayang pinagnakawan ng mga kawatan,
Nitong karapatan at prebilihiyong mamuhay nang may kalayaan!
Kaya nga maalab na diwa’y nakihamok, ‘di na mapigilan
Nagmistulang isang nag-alsang tinapay sa kanyang kabaltikan.
Gunitaing kamahadlikahang Kanluranin ay siyang nagpunla
Sa kapwa INDIYO’t ILUSTRADONG dakila sa pagkamakabansa
Binuklod ba ang damdamin ni DIAN MASALANTA?
At gayong ang Kastila’y nilukob ng ligalig at pagkabahala.
Makasaysayang hibla ng buhay ni Hermano Pule
Isang konkretong uliran ng katapangang maipagmamalaki,
Matapos maitatag ang relihiyosong Confradia de San Jose,
Hinarap ang kamtayan para sa bayan at para sa mga api.
Sa hangaring makamit ang tunay na kahulugan ng kasarinlan
Ang tao’y palaban at mapaghanap sa hustisyang palipunan
Lalo na’t nakararanas ng diskriminasyon at abusong mortal
Walang santo-santong hindi mabubuwal, ituring man siyang banal.
Pag-irog sa inang bayan ang butil ng punlang diwang makabayan
Mula sa Hari ng Katagalugan ay dapat nating matutuhan:
Sintahin ang D’yos, lupa at paniniwalang may layong masanghayang,
Mamatay kaman sa iyong hantungan, may maiiwan kang kadakilaan!