Namumutlang Kamay-Manilac Melissa S. Rañin

Ako’y nadapa at hindi na nakabangon

Isang kamay na namumutla

Sa aki’y umaabot

At ako’y nagising sa aking kahinaan.

Bumitaw ang kamay na yaon

Hindi na nakatiis

Ako’y hinampas

At pinagkaitan ng pagkakataong magsalita.

Pinilit kong habulin ang namumutlang kamay

Ngunit ako’y huli na.

Hindi na niya napansin ang aking pagtawag

Sapagkat siya’y nag-iba.

Umalis ako ng walang nagawa

Inalis ang lahat ng ala-ala

Nang biglang sa akin ay may humila

Kamay na naman na namumutla

Ang may-ari ay nawala.