universiteti i gjakovËs “fehmi agani” · diateza (rrejdh nga greqishtja diathesis) është...
TRANSCRIPT
UNIVERSITETI I GJAKOVËS “FEHMI AGANI”
FAKULTETI I EDUKIMIT
PROGRAMI FILLOR
Punim diplome
TEMA:
Folja si pjesë e ligjëratës në veprën “Mbretëria sekrete-Vullkani Gurgullues”
UDHËHEQËSE SHKENCORE: STUDENTJA:
Prof.Ass.Dr. Sindorela Doli - Kryeziu Burbuqe Hajdaraj
Gjakovë, 2019
2
Falënderime
Në radhë të parë, e falënderoj Zotin që më dha forcë që të arrij deri këtu, pastaj falënderoj
familjen që më kanë dhënë mbështetje të vazhdueshme gjatë studimeve të mia, pa të cilët nuk do
të isha këtu ku jam.
Një falënderim i veçantë është për udhëheqësen shkencore të punimit tim Sindorela Doli-Kryeziu
për angazhimin që mori përsipër duke më orientuar dhe këshilluar gjatë përgatitjes së këtij
punimi.
Në fund, falënderoj të gjithë miqtë dhe kolegët e mi për mbështetjen që më kanë dhënë gjatë
këtyre viteve studimi.
3
Abstrakt
Mësimi i gjuhës është një ndër gjërat më të rëndësishme që mësimdhënësi duhet t’ia mësojë
nxënësit. Gjuha mendohet se ka lindur në bashkësinë primitive si mjet për të plotësuar nevojat
dhe marrëdhëniet në mes njerëzve dhe si e tillë që nga ajo kohë ka qenë pjesë e pandashme e
njeriut. Gjuha shqipe ashtu si edhe gjuhët e tjera ka gramatikën e saj e cila ndahet në fonetikë,
morfologji, sintaksë dhe leksikologji. Si temë për punimin tim kam zgjedhur që ta trajtoj foljen
sepse është një ndër gjërat më të rëndësishme të gramatikës që si mësues të ardhshëm do t’ia
mësojmë nxënësve. Vepra që kam analizuar është “Vullkani gurgullues” e shkruar nga
shkrimtarja angleze Rosie Blankes kjo vepër është për fëmijët e klasës së dytë dhe ka
shumëllojshmëri të foljeve që tregon se fëmijët që në moshë shumë të vogël kanë kontakt me
foljen. Folja është pjesë e ligjëratës që emërton një veprim si proces. Ajo ka kategoritë
gramatikore të vetës, numrit, diatezës, kohës dhe mënyrës.
Fjalët kyçe: gjuha shqipe, folja, nxënësit, kategoritë, analiza, etj.
4
Përmbajtja
Hyrje .............................................................................................................................................................. 5
Kreu I ............................................................................................................................................................. 7
1. Folja - Njohuri të përgjithshme ............................................................................................................. 7
1.1. Klasifikimi i foljeve sipas funksionit dhe kuptimit ......................................................................... 7
1.1.1. Foljet Ndihmëse .................................................................................................................... 7
1.1.2. Foljet gjysmëndihmëse ......................................................................................................... 8
1.1.3. Foljet kalimtare dhe jokalimtare ........................................................................................... 8
1.2. Kategoritë gramatikore të foljes ................................................................................................... 9
1.2.1. Kategoria gramatikore e vetës .............................................................................................. 9
1.2.2. Kategoria gramatikore e numrit.......................................................................................... 10
1.2.3. Kategoria gramatikore e diatezës ....................................................................................... 10
1.2.4. Kategoria gramatikore e mënyrës....................................................................................... 11
1.2.5. Kategoria gramatikore e kohës ........................................................................................... 12
1.3. Zgjedhimi i foljeve ....................................................................................................................... 13
1.3.1. Zgjedhimi vepror ................................................................................................................. 14
1.3.2. Zgjedhimi jovepror .............................................................................................................. 17
1.3.3. Format e pashtjelluara të foljes .......................................................................................... 20
Kreu II ......................................................................................................................................................... 22
2. Vepra “ Mbretëria sekrete - Vullkani Gurgullues” .............................................................................. 22
2.1. Të dhëna për autoren ................................................................................................................. 22
2.2. Të dhëna për veprën ................................................................................................................... 23
................................................................................................................................................................ 23
2.3. Folja në veprën “Vullkani Gurgullues” ........................................................................................ 24
Përfundime ................................................................................................................................................. 39
Literatura .................................................................................................................................................... 40
5
Hyrje
Gjuha është mjeti kryesor nëpërmjet të cilit komunikojnë njerëzit, pra, është mjet i
marrëdhënieve ndërmjet njerëzve që u jep mundësi për t’i shprehur mendimet, të merren vesh
me njëri-tjetrin dhe të organizojnë veprimtaritë praktike shoqërore.
Një ndër gjërat më të rëndësishme që mësimdhënësi duhet t’ia mësojë nxënësit është gjuha, që
njëkohësisht është edhe parakusht për të mësuar lëndët e tjera. Gjuha lidhet me përparimin
mendor të nxënësit.
Gjuha shqipe bën pjesë në familjen e gjuhëve indoevropiane. Gramatika e saj ndahet në fonetikë,
morfologji dhe sintaksë. (Jashari, 2011)
Morfologjia është pjesë e gramatikës së gjuhës shqipe që studion format e ndryshme që i marrin
fjalët gjatë përdorimit si dhe me studimin e kuptimeve të këtyre formave.
Objekt kryesor i studimit të morfologjisë është fjala. Të gjitha fjalët sipas veçorive të
përbashkëta gramatikore dhe leksikore , grupohen në kategori leksiko-gramatikore të cilat quhen
pjesë të ligjëratës.
Pjesët e ligjëratës janë: emri, mbiemri, folja, ndajolja, parafjala, lidhëza, pjesëza dhe pasthirrma.
Në këtë punim kam shtjelluar temën folja. Arsyeja pse e kam zgjedhur këtë temë është që të
tregoj për rëndësinë e madhe që ka folja dhe përdorimi i rregullt i saj në gjuhën shqipe, sepse
folja ka zbatim shumë të madh gjatë komunkimit si në jetën e përditshme ashtu edhe në shkollë.
Vepra “Vullkani gurgullues” është një vepër mjaft e pasur me folje të mënyrave, vetave dhe të
kohëve të ndryshme.
Në kapitullin e parë të këtij punimi kam shtjelluar në mënyrë të përgjithshme çka është folja,
kategoritë gramatikore të saj. Kam treguar me shembuj rëndësinë që ka zgjedhimi i rregullt i
foljeve duke e shoqëruar me shembuj.
6
Në kapitullin e dytë, në radhë të parë kam folur për veprën “Vullkani gurgullues” pastaj kam
folur për jetën e autorit dhe disa nga arsyet që e kanë shtyrë atë që ta shkruajë këtë vepër dhe në
fund kam shkruar disa folje që i kam gjetur në veprën “Vullkani gurgullues” duke treguar
kategoritë gramatikore të tyre.
7
Kreu I
1. Folja - Njohuri të përgjithshme
Folja është pjesë e ndryshueshme e ligjëratës që tregon veprim apo gjendje. P.sh. vëllai, qeni,
dera, e kuptojmë se është fjala për njerëz, sende apo kafshë, por ne nuk e dimë se çfarë po bëjnë
ata ose çfarë po ndodh me ta. Por, kur themi Vajza po mëson. Djali po fle, atëherë e dimë se çfarë
po bëjnë ata. Në fjalinë e parë vajza po kryen një veprim, ndërsa në rastin e dytë djali ndodhet në
një gjendje të caktuar. Shembujt e mësipërm tregojnë se folja është bërthama kryesore e fjalisë.
Folja ka pesë kategori gramatikore: të numrit, të vetës, të mënyrës, të kohës dhe të diatezës. Pra,
folja përbën pjesën kryesore të fjalisë, sepse pa folje zakonisht nuk ka fjali. Shumica e foljeve në
gjuhën shqipe tregojnë veprime që i kryen apo pëson kryefjala. Pra, foljet janë fjalë që tregojnë
subjektin se si vepron, pëson diçka, ose ndodhet në një gjendje të caktuar.
Pjesa më e madhe e foljeve që përdoren në gjuhën shqipe kanë kuptim leksikor të plotë, por disa
e kanë humbur kuptimin leksikor bazë dhe përdoren si mjete gramatikore që janë foljet
ndihmëse, dhe disa të tjera përdoren me një kuptim leksikor të zbehur që janë foljet
gjysmëndihmëse. (Agalliu, 2002)
1.1. Klasifikimi i foljeve sipas funksionit dhe kuptimit
1.1.1. Foljet Ndihmëse
Quhen ato folje që shërbejnë për të ndërtuar forma analitike të foljes. Si folje të tilla në gjuhën
shqipe janë folja kam dhe jam të cilat kur i paravihen pjesores së foljes themelore i ndërtojnë
format analitike të së kryerës. P.sh. Kam mësuar. Jam mësuar. Këto folje humbasin kuptimin
8
leksikor dhe kthehen në fjalë shërbyese, por nganjëherë përdoren edhe me kuptim leksikor të
plotë.
Folja kam përdoret edhe për të ndërtuar formën e së ardhmes si p.sh. Kam për të mësuar. Ose
atë të së ardhmes së të shkuarës, përkatësisht të kushtores së sotme si p.sh. kisha për të larë.
Gjithashtu folja jam përdoret për të ndërtuar format analitikë të së tashmes dhe të pakryerës të
formës dëftore. Jam duke mësuar. (Agalliu, 2002)
1.1.2. Foljet gjysmëndihmëse
Foljet gjysmëndihmëse ndahen në foljet modale dhe këpujore. Foljet modale janë ato folje që
shërbejnë për të shprehur modalitet, pra, qëndrimin e folësit ndaj asaj që kumton. (Jashari, 2011)
Folje modale janë: mund, duhet, do, kam, jam.
Ndërsa, folje këpujore është folja jam që shërben për të lidhur pjesën emërore të kallëzuesit
emëror me kryefjalën.
1.1.3. Foljet kalimtare dhe jokalimtare
Sipas mundësisë ose pamundësisë për të marrë një kundrinor foljet ndahen në dy grupe të
mëdha: Kalimtare (transitive) dhe jokalimtare (intransitive).
Foljet kalimtare emërtojnë veprime të cilat nuk mbeten tek ai që i kryen, por shkojnë e bien mbi
një person a send tjetër, që në fjali shprehet me anë të një emri, përemri apo çdo fjale tjetër të
emërzuar në rasën kallëzore pa parafjalë. Thënë shkurt, folje kalimtare janë ato që kanë mundësi
të marrin kundrina të drejta. Si p.sh. marr, nderoj, qep, etj.
Foljet jokalimtare emërtojnë veprime që mbetën tek ai që i kryen. Si p.sh. rri, hy, dal, eci, etj.
Por, nuk ka kufinj të prerë mes foljeve kalimtare dhe jokalimtare por kupimi i saj leksikor varet
në kontekstin ku është përdorur. (Jashari, 2011)
9
1.2. Kategoritë gramatikore të foljes
1.2.1. Kategoria gramatikore e vetës
Veta tek folja shpreh lidhjen ndërmjet folësit dhe kryefjalës së fjalisë. Folja ka tri veta, Ajo
mund të jetë në vetën e parë shumës ose njëjës ku e përfaqëson vet folësin ose një grup
personash ku bën pjesë folësi.
p.sh. Unë lexoj shumë.
Kur kryefjala përfaqëson bashkëbiseduesin ose një grup personash ku bën pjesë bashkëbiseduesi
atëhere folja është në vetën e dytë njëjës ose shumës.
p.sh. Ti punon çdo ditë .
Folja është në vetën e tretë njëjës ose shumës kur përfaqëson një apo disa persona apo sende që
nuk marrin pjesë në bashkëbisedim.
p.sh. Ata shkuan në shtëpi.
Veta I (Njëjës) – unë punoj
Veta II (Njëjës) – ti punon
Veta III (Njëjës) – ai/ajo punon
Veta I (Shumës) – në punojmë
Veta II (Shumës) – ju punoni
Veta III (Shumës) – ata/ato punojnë
Kategoria gramatikore e vetës shprehet me anë të mbaresave të veçanta vetore, por ndonjëherë
edhe pa mbaresa. Shumica e foljeve mund të përdoren në tri vetat, por ka disa që mund të
përdoren vetëm në vetën e tretë njëjës. Këto folje i ndajmë në dy grupe: Foljet njëvetore dhe
foljet pavetore. (Beci, 2004)
Foljet njëvetore janë ato folje që e kanë kryefjalën e shprehur ose të nënkuptuar.
10
P.sh. Mjaullit macja, është e arsyeshme etj.
Foljet pavetore janë ato folje që nuk e kanë kryefjalën as të shprehur as të nënkuptuar.
P.sh. bën ftohtë, bubullinë, vetëtinë etj.
1.2.2. Kategoria gramatikore e numrit
Numri i foljes ka karakter gramatikor të thjeshtë sepse kushtëzohet nga ai i kryefjalës. Numri
njëjës tek folja emërton një veprim që kryhet nga një person, ndërsa në numrin shumës folja nuk
emërton shumë veprime por një veprim që kryhet nga shumë njerëz. P.sh.
Njëjës - Blerta po luante me top.
Shumës - Fëmijët po lunanin me top.
1.2.3. Kategoria gramatikore e diatezës
Diateza (rrejdh nga greqishtja diathesis) është një kategori gramatikore e foljes nëpërmjet të
cilës shprehet lidhja midis veprimit të emërtuar nga folja dhe kryefjalës së fjalisë. (Jashari, 2011)
Morfologjikisht lidhja midis veprimit dhe kryefjalës shprehet në formën veprore dhe joveprore të
cilat i kundërvihen njëra-tjetrës. Në gjuhën shqipe dallohen katër diateza: diateza veprore,
diateza pësore, diateza mësore dhe diateza vetvetore.
Folja ndodhet në diatezën veprore atëherë kur ka formë veprore dhe emërton një veprim që
kryhet nga kryefjala.
p.sh. U ula pranë dritares, mbylla librin dhe fillova të shikoja.
Folja gjendet në diatezën pësore atëherë kur është në formën joveprore dhe e emërton një veprim
që e pëson kryefjala, pra, nuk e kryen kryefjala.
11
p.sh. Gota u thye nga Yllka.
Folja gjendet në diatezën vetvetore atëherë kur janë në formën joveprore dhe emërton një veprim
të cilin kryefjala e fjalisë e kryen dhe e pëson njëkohësisht.
p.sh. Vajza e vogël u mësua të lahet dhe të vishet vet.
Folja është në diatezën mësore kur ka formën joveprore dhe emërton një veprim që e kryen vet
kryefjala.
p.sh. Blerina u gëzua për notën që e mori.
1.2.4. Kategoria gramatikore e mënyrës
Shpreh lidhjen midis veprimit të emërtuar nga folja dhe realitetit objektiv. Pra, me anë të kësaj
kategorie, folësi shpreh qëndrimin e tij të emërtuar nga folja, duke e paraqitur atë si të
mundshëm, të dëshirueshëm, të vërtetë etj. Këtë kategori gramatikore e kanë vetëm format e
shtjelluara të foljes. Kemi gjashtë mënyra të foljes që janë: mënyra dëftore, mënyra habitore,
mënyra dëshirore, mënyra lidhore, mënyra kushtore dhe mënyra urdhërore. (Beci, 2004) Sipas
kuptimeve modale që shprehin këto mënyra të foljes mund të ndahen në tri grupe:
Në grupin e parë hyjnë mënyrat që shprehin modalitetin e vërtetësisë që janë mënyra
dëftore dhe habitorja.
Në grupin e dytë hyjnë ato mënyra që shprehin modalitetin e mundësisë që janë mënyra
lidhore dhe kushtore dhe
Në grupin e tretë hyjnë ato mënyra që shprehin modalitetin e dëshirës që janë mënyra
dëshirore dhe ajo urdhërore.
Shembuj të mënyrave të foljes:
Mënyra dëftore – unë punoj
Mënyra habitore – unë punuakam
12
Mënyra lidhore – unë të punoj
Mënyra kushtore – unë do të punoja
Mënyra dëshirore – unë punofsha
Mënyra urdhërore - puno
1.2.5. Kategoria gramatikore e kohës
Nëpërmjet kësaj kategorie shprehet lidhja midis kohës kur kryhet veprimi i emërtuar nga folja
dhe një çasti të caktuar, që merret si bazë për marrëdhëniet kohore.
Folja ka tri kohë themelore që janë: e tashmja, e shkuara dhe e ardhmja. Koha e shkuar e foljes i
ka pesë forma që janë: e pakryera, e kryera e thjeshtë, e kryera, më së e kryera dhe e kryera e
tejshkuar. Ndërsa e ardhmja ka katër forma: koha e ardhme, e ardhme e përparme, e ardhme e së
shkuarës dhe e ardhme e përparme e së shkuarës.
Koha e tashme – Unë mësoj shumë.
Koha e kryer
e pakryera –Unë mësoja shumë.
e kryera e thjeshtë – Unë mësova shumë.
e kryera – Unë kam mësuar shumë.
më së e kryera – Unë kisha mësuar shumë.
e kryera e tejshkuar – Unë pata mësuar shumë.
Koha e ardhme
koha e ardhme – Unë do të mësoj shumë.
koha e ardhme e përparme – Unë kam për të mësuar shumë.
13
koha e ardhme e së shkuarës – Unë do të mësoja shumë.
koha e ardhme e përparme e së shkuarës – Unë do të kisha mësuar shumë.
Mënyra dëftore ka tri kohët themelore të foljes me gjithsej 10 forma. Mënyra kushtore, habitore,
dëshirore dhe lidhore kanë nga dy kohë themelore të tashmen dhe të shkuarën dhe mënyra
urdhërore ka një kohë të tashmen.
1.3. Zgjedhimi i foljeve
Zgjedhimi në gjuhën shqipe është dy llojesh: vepror dhe jovepror. (Agalliu, 2002) Foljet e
rregullta ndahen në tri zgjedhime:
Në Zgjedhimin e I bëjnë pjesë ato folje që në vetën e parë njëjës në kohën e tashme të mënyrës
dëftore marrin mbaresën –j: Mëso-j, shko-j etj. Ky zgjedhim ka tri shkallë:
Klasa I – bëjnë pjesë foljet që në vetën e parë dhe të dytë të kohës së kryer të thjeshtë
përfundojnë me –va, -ve.
P.sh. mësova, mësove, jetova, jetove etj.
Klasa II- në këtë klasë bëjnë pjesë foljet që në kohën e kryer të thjeshtë marrin prapashtesat –t,
- jt. (Nushi,1998)
P.sh. mbaj, mbajta etj.
Klasa III – këtu bëjnë pjesë foljet që në të kryerën e thjeshtë e zgjerojnë temën me –r.
P.sh. bëj, bëra.
Në zgjedhimin e II bëjnë pjesë foljet me temë në bashkëtingëllore që në tri vetat njëjës dalin me
mbaresë zero:
P.sh.mbyll, rrit, shes etj.
Klasa I – bëjnë pjesë foljet të cilat gjatë zgjedhimit nuk e ndryshojnë zanoren e temës.
p.sh. vendos, vendosa etj.
14
Klasa II – bëjnë pjesë ato folje që gjatë zgjedhimit e ndryshojnë zanoren e temës.
p.sh. çjerr, çora, ndjek, ndoqa, etj.
Në zgjedhimin e III bëjnë pjesë foljet me temë zanore a tog zanor, që në tri vetat njëjës të
mënyrës dëftore dalin me mbaresë zero:
p.sh.di, pi, fle etj. (Jashari, 2011)
1.3.1. Zgjedhimi vepror
Mënyra dëftore
e tashme e pakryer
e kryer e thjeshtë e kryer
Unë shkruaj shkruaja shkrova kam shkruar
Ti shkruan shkruaje shkrove ke shkruar
Ai/ajo shkruan shkruante shkroi ka shkruar
Ne shkruajmë shkruanim shkruam kemi shkruar
Ju shkruani shkruanit shkruat keni shkruar
Ata/ato shkruajnë shkruanin shkruan kanë shkruar
Më së e kryer E kryer e tejshkuar
E ardhme E ardhme e përparme
Unë kisha shkruar pata shkruar do të shkruaj do të kem shkruar
Ti kishe shkruar pate shkruar do të shkruash do të kesh shkruar
Ai/ajo kishte shkruar pati shkruar do të shkruajë do të ketë shkruar
Ne kishim shkruar patëm shkruar do të shkruajmë do të kemi shkruar
Ju kishit shkruar patët shkruar do të shkruani do të keni shkruar
Ata/ato kishin shkruar patën punuar do të shkruajnë do të kenë shkruar
15
Mënyra habitore
E tashme E pakryer
E kryer Më së e kryer
Unë shkruakam shkruakësha paskam shkruar paskësha shkruar
Ti shkruake shkruakëshe paske shkruar paskëshe shkruar
Ai/ajo shkruakësh shkruakësh paska shkruar paskësh shkruar
Ne shkruakemi shkruakëshim paskemi shkruar paskëshim shkruar
Ju shkruakeni shkruakëshit paskeni shkruar paskëshit shkruar
Ata/ato shkruakan shkruakëshin paskan shkruar paskëshin shkruar
Mënyra lidhore
E tashme E pakryer
E kryer Më së e kryer
Unë të shkruaj të shkruaja të kem shkruar të kisha shkruar
Ti të shkruash të shkruaje të kesh shkruar të kishe shkruar
Ai/ajo të shkruajë të shkruante të ketë shkruar të kishte shkruar
Ne të shkruajmë të shkruanim të kemi shkruar të kishim shkruar
Ju të shkruani të shkruanit të keni shkruar të kishit shkruar
Ata/ato të shkruajnë të shkruanin të kenë shkruar të kishin shkruar
16
Mënyra kushtore
E tashme
E kryer
Unë do të shkruaja
do të kisha shkruar
Ti do të shkruaje
do të kishe shkruar
Ai/ajo do të shkruante
do të kishte shkruar
Ne do të shkruanim
do të kishim shkruar
Ju do të shkruanit
do të kishit shkruar
Ata/ato do të shkruanin
do të kishin shkruar
Mënyra dëshirore
E tashme
E kryer
Unë shkrofsha
paça shkruar
Ti shkrofsh
paç shkruar
Ai/ajo shkroftë
pastë shkruar
Ne shkrofshim
paçim shkruar
Ju shkrofshi
paçi shkruar
Ata\ato shkrofshin
paçin shkruar
17
Mënyra urdhërore
E tashme
Ti shkruaj
Ju shkruani
1.3.2. Zgjedhimi jovepror
Ky lloj zgjedhimi është vendosur të quhet jovepror për të mos e rënduar tekstin me një term të
zgjatur si zgjedhimi pësor-vetvetor-mësor.
Format foljore të zgjedhimit jovepror ndërtohen me tri mjete gjuhësore të ndryshme:
1. me anë mbaresash
2. me anë të pjesëzës u dhe
3. me anë të foljes ndihmëse jam. (Jashari, 2011)
Mënyra dëftore
e tashme
e pakryer e kryer e thjeshtë e kryer
Unë shkruhem Shkruhesha u shkrova jam shkruar
Ti shkruhesh Shkruheshe u shkrove je shkruar
Ai/ajo shkruhet Shkruhej u shkrua është shkruar
Ne shkruhemi Shkruheshim u shkruam jemi shkruar
Ju shkruheni Shkruheshit u shkruat jeni shkruar
Ata/ato shkruhen Shkruheshin u shkruan janë shkruar
18
Mënyra habitore
E tashme
E pakryer E kryer Më së e kryer
Unë u shkruakam u shkruakësha qenkam shkruar qenkësha shkruar
Ti u shkruake u shkruakëshe qenke shkruar qenkëshe shkruar
Ai/ajo u shkruaka u shkruakësh qenka shkruar qenkësh shkruar
Ne u shkruakemi u shkruakëshim qenkemi shkruar qenkëshim shkruar
Ju u shkruakeni u shkruakëshit qenkeni shkruar qenkëshit shkruar
Ata/ato u shkruakan u shkruakëshin qenkan shkruar qenkëshin shkruar
Më së e kryer
E kryer e tejshkuar E ardhme E ardhme e përparme
Unë isha shkruar qeshë shkruar do të shkruhem do të jem shkruar
Ti ishe shkruar qe shkruar do të shkruhesh do të jesh shkruar
Ai/ajo ishte shkruar qe shkruar do të shkruhet do të jetë shkruar
Ne ishim shkruar qemë shkruar do të shkruhemi do të jemi shkruar
Ju ishit shkruar qetë shkruar do të shkruheni do të jeni shkruar
Ata/ato ishin shkruar qenë shkruar do të shkruhen do të jenë shkruar
19
Mënyra lidhore
E tashme
E pakryer E kryer Më së e kryer
Unë të shkruhem të shkruhesha të jem shkruar të isha shkruar
Ti të shkruhesh të shkruheshe të jesh shkruar të ishe shkruar
Ai/ajo të shkruhet të shkruhej të jetë shkruar të ishte shkruar
Ne të shkruhemi të shkruheshim të jemi shkruar të ishim shkruar
Ju të shkruheni të shkruheshit të jeni shkruar të ishit shkruar
Ata/ato të shkruhen të shkruheshin të jenë shkruar të ishin shkruar
Mënyra kushtore
E tashme
E kryer
Unë do të shkruhesha do të isha shkruar
Ti do të shkruheshe do të ishe shkruar
Ai/ajo do të shkruhej do të ishte shkruar
Ne do të shkruheshim do të ishim shkruar
Ju do të shkruheshit do të ishit shkruar
Ata/ato do të shkruheshin do të ishin shkruar
20
Mënyra dëshirore
E tashme
E kryer
Unë u shkrofsha
qofsha shkruar
Ti u shkrofsh
qofsh shkruar
Ai/ajo u shkroftë
qoftë shkruar
Ne u shkrofshim
qofshim shkruar
Ju u shkrofshi
qofshi shkruar
Ata/ato u shkrofshin
qofshin shkruar
Mënyra urdhërore
E tashme
Ti shkruhu
Ju shkruhuni
1.3.3. Format e pashtjelluara të foljes
Për nga forma e ndërtimit, format e pashtjelluara të foljes ndahen në dy grupe: në grupin e parë
hyjnë pjesorja dhe format e tjera të pashtjelluara që ndërtohen mbi bazën e saj; përcjellorja dhe
mohorja. Në grupin e dytë përfshihen format e pashtjelluara të llojit për të parë, për të punuar
etj., që janë ndërtuar mbi bazën e emrit prejfoljor asnjanës.
Pjesorja - tema foljore që formohet nga kjo formë e pashtjelluar e foljes përkon me atë të
kryerës së thjeshtë ose të kohës së tashme, por mund të jetë e ndryshme prej këtyre dy kohëve.
21
Unë kam mësuar shumë për provime.
Mohorja – kjo formë e pashtjelluar e foljes ndërtohet duke ia paravendosur pjesores pjesëzën
pa.
Nuk mund ta kalosh provimin pa mësuar.
Përcjellorja – ndërtohet duke ia paravendosur pjesores pjesëzën duke.
Fitova shumë para duke punuar.
Paskajorja – kjo formë ndërtohet duke i paravendosur emrit prejfoljor asnjanës pjesëzen për.
(Agalliu, 2002)
Ne shkuam për të larë ca rroba.
22
Kreu II
2. Vepra “ Mbretëria sekrete - Vullkani Gurgullues”
2.1. Të dhëna për autoren
Autorja e serisë së librave “Mbretëria sekrete” është Rosie Blankes e cila është shkrimtare për
fëmijë nga Anglia. Ajo u rrit në një fshat të vogël në jug-perëndim të Anglisë. Ëndrra e saj ka
qenë që të shkruaj libra aventuresk. Ajo e kaloi gjithë fëmijërinë duke ëndërrur për krijime
magjike dhe vende të largëta.
Autorja Rosie Blankes ka qenë
gjithmonë shumë afërt me dy shoqet
e saj, gjë që ka qenë inspirim për të
për ta shkruar veprën për treshen
magjike: Jasemina, Samëra dhe Eli.
Përveç “Mbretërisë sekrete” ka edhe
libra të tjerë si: serinë e librave
“Princesha Sekrete”.
Pas suksesit me serinë e librave
“Mbretëria sekrete” Rosie Bankes u bë autore e shkrimeve për shkollën fillore. Seria e librave
“Mbretëria sekrete” përbëhet prej shtatë vëllimesh dhe prej më shumë se tridhjetë librash disa
nga librat janë: “Guma e sirenës”, “Pallati i magjepsur, “Lugina e njëbrirëshit”, “Plazhi
vezullues”, “Ishulli i reve”, ”Mali magjik” etj.
23
2.2. Të dhëna për veprën
“Vullkani gurgullues” është libër i
vëllimit të dytë nga gjithsej shtatë
vëllimet të serisë së librave “Mbretëria
sekrete”. Këtë libër Rosie Blankes e
shkroi në vitin 2013.
“Vullkani gurgullues” është një vepër
për fëmijët e moshës 7-8 vjeçare.
Tema që trajtohet në këtë vepër është
mjaft interesante dhe mjaft atraktive
për fëmijë. Autorja në vepër ka
përdorur një fjalor mjaft të thjeshtë që
t’i përshtatet audiencës.
Kjo vepër përbëhet nga shtatë kapituj.
Dhe, pothuajse çdo faqe e librit është e ilustruar me vizatime. Në kapitullin e parë autorja në pika
të shkurta na tregon personazhet kryesore të veprës, pastaj vazhdon me aventurat që ata kalojnë
dhe në fund kemi një përfundim të lumtur.
Në këtë vepër kemi rrëfimin për tri vajza të cilat zbulojnë një botë të fshehtë dhe aty brenda
gjejnë gjithçka, por si në çdo përrallë tjetër edhe këtu kemi një luftë që zhvillohet mes të mirës
dhe të keqes. Eli, Samëra dhe Jasemina janë tri shoqe të ngushta të cilat janë miket e Mbret
Gazmorit ( i cili është personazh pozitiv në përrallë) dhe kemi personazhin negativ që është
Mbretëreshë Zemërkeqja. Tri vajzat e ndihmojnë Mbretin Gazmor që ta shpëtojë mbretërinë nga
mbretëreshë Zemërkeqja e cila dëshiron ta shkatërrojë. Tri vajzat kalojnë në disa aventura mjaft
interesante, dhe çdo fëmijë që e lexon këtë vepër do të dëshironte të ishte pjesë e tyre,.
Personazhet e veprës janë:
Samëra
24
Eli
Jasmina
Mbret Gazmori
Mbretëresha Zemërligë
Triksi
Klara Kolumbus
2.3. Folja në veprën “Vullkani Gurgullues”
Sikur edhe në veprat e tjera edhe në këtë vepër autori nuk ka iu ka shmangur përdorimit të foljes.
Në këtë vepër ka shumëllojshmëri të foljeve duke
filluar nga mënyra, kohët etj. Si shembull e kemi të
ilustruar fotografinë më poshtë. Kemi foljet si:
nxiti, jemi, përkulur, ishte, binin etj. Pra, shumica e
foljeve janë në njërën nga kohët e shkuara të
mënyrës dëftore.
Folja nxiti – është në vetën e tretë njëjës, mënyra
dëftore, koha e kryer e thjeshtë, numri njëjës.
Folja jemi – është folje ndihmëse, veta e parë
shumës, mënyra dëftore, koha e tashme.
Folja ishte përkulur – është në vetën e tretë, numri
njëjës, mënyra dëftore, koha e shkuar ( zgjedhimi
jovepror).
Folja binin – veta e tretë, numri shumës, mënyra dëftore, koha e pakryer.
Folja përpiqej – veta e tretë, numri njëjës, mënyra dëftore, koha e kryer e thjeshtë.
25
Folja të hipte – veta e tretë, numri njëjës, mënyra lidhore, koha e pakryer.
Folja vendosi – veta tretë, numri njëjës, mënyra dëftore, koha e kryer e thjeshtë.
“Nuk kemi marrë asnjë mesazh nga ti-e-di-se-çfarë”.
E ke fjalën për këtë ti-e-di-se-çfarë? Pyeti Samëra duke nxjerrë një kuti druri nga çanta e saj.
“Kutia Magjike!” thirri Eli. Samëra e vendosi mbi çelim me kujdes. Në pjesën anësore të kutisë
ishin gdhendur sirena, njëbrirësha, dhe krijesa të tjera të mrekullueshme, ndërsa në qendër të
kapakut ishte një pasqyrë e rrethuar me gjashtë gurë të çmuar. Kutia magjike vinte një vend i
quajtur Mbretëria Sekrete. Mbret Gazmori që sundonte atje, ia kishte dalë mbanë ta shpëtonte
mbretërinë. Kur atë e kishin zgjedhur si sundimtar në vend të motrës së tij të ligë, Mbretëreshës
Zemërkeqja, ajo kishte fshehur gjashtë rrufe të tmerrshme nëpër tokat e Mbretërisë Sekrete, për
të krijuar probleme dhe për t’ua prishur qejfin të gjithëve. Kutia mgjike kishte udhëtuar drejt
botës së njërëzve dhe kishte gjetur të vetmit njerëz që mund të prishnin yshtjet e tmerrshme të
Mbretëreshës Zemërkeqja – Samërën, Jasminën dhe Elin.” (Blankes, 2018, fq.14)
Kjo pjesë e marr nga libri tregon në pika të shkurta për personazhet e veprës dhe është një hyrje e
shkurtër e përrallës. Pra, tregon se si Mbret Gazmori ia kishte arritur të shpëtonte mbretërinë
disa herë me radhë nga Mbretëreshë Zemërkeqja me ndihmën e tri shoqeve të ngushta të cilat
ishin Eli, Samëra dhe Jasmina të cilat me guximin e tyre ja kishin arritur ta mposhtin
Mbretëreshën.
Në këtë vepër janë përdorur shumë foljet në mënyrën dëftore të kohës së kryer të zgjedhimit
vepror si p.sh. kishin zgjedhur, kishin fshehur, kishte gjetur, kishte udhëtuar. Kjo kohë e foljes
ndërtohet duke ia paravendosur pjesores së foljes, format vetore të foljes ndihmëse kam.
(Beci, 2004)
Pastaj, kemi folje në mënyrën dëftore, në kohën e kryer të zgjedhimit jovepror si p.sh. ishin
gdhendur. E cila ndërtohet duke ia paravendosur pjesores së foljes format vetore të kohës së
tashme të foljes ndihmëse jam. Më rrallë, kemi folje të formës së pashtjelluar si paskajorja p.sh.
26
për të krijuar. Paskajorja ndërtohet duke i paravendosur emrit prefoljor asnjanës pjesëzën për.
(Agalliu, 2002)
Një lloj tjetër i foljes shumë e përdorur në këtë vepër është ajo e kohës së pakryer të mënyrës
dëftore si p.sh. vinte, sundonte, shpëtonte, etj.
“Apo të paktën ta hapim Kutinë Magjike” tha Eli. Nëse mund të shohim dhuratat e
mrekullueshme që na kanë dhënë, atëherë nuk do të na dukej se thjeshtë kemi parë në ëndërr.
Brenda në kuti ishin gjashtë ndarje të vogla dhe në secilën ndarje kishte nga një send magjik që
vajzave ua kishin dhuruar gjatë aventurave të tyre. Aty gjendej një hartë e Mbretërisë Sekrete,
një bri i vogël i argjendtë, i njëbrirëshit që i bënte ato të flasin me kafshët, një karistal që e
kontrollonte motin, një orë që ngrinte kohë, një perlë që i bënte të padukshme dhe një çantë e
vogël e mbushur me pluhur magjik brenda saj, për t’iu plotësuar nga një dëshirë secilës.
Do të ishte diçka e mrekullueshme nëse do t’i nxirrnin këto sende jashtë për t’i vështruar, por
vajzat e dinin se kutia hapej vetëm kur këto dhurata ishin të nevojshme.
Eli ia hodhi sytë pasqyrimit të tyre në pasqyrën e kapakut dhe psherëtiu “vërtet kam mall për
Mbret Gazmorin dhe Triksin…”
“Do të doja t’i shoh sërish njëbrirëshit”tha Samëra.
“Dhe të gjitha sirenat, elfët dhe xhuxhët” shtoi Jasmina. (Blankes, 2018, fq.16)
Ҫdo herë që tri vajzat i kishin ndihmuar Mbret Gazmorit që të shpëtonte mbretërinë nga
Mbretëreshë Zemërkeqja, mbreti i kishte shpërblyer ato me nga një dhuratë magjike. Ato kishin
gjithsej gjashtë dhurata.
Ky është një shembull mjaft i mirë për fëmijë sepse tregon se veprat e mira çdoherë
shpërblehen.
27
Edhe në këtë paragraf është përdorur folja kryesisht në kohën e shkuar të mënyrës dëftore si p.sh.
kanë dhënë, kemi parë. pastaj kemi folje në kohën e pakryer të mënyrës dëftore si p.sh. bënte,
kontrollonte, ngrinte, ishin, dinin. Kemi folje edhe në kohën e më së të kryer të kësaj mënyre si
p.sh. kishin dhuruar. As në këta paragrafë nuk mungon koha e kryer e thjeshtë si p.sh. hodhi.
Përveç këtyre formave të foljeve kemi edhe folje të mënyrës dëftore të kohës së ardhme si p.sh.
do të doja., që është koha e ardhme e së shkuarës. Dhe folje të zgjedhimit jovepror të mënyrës
dëftore si p.sh. hapej.
Siç shihet edhe nga shembujt e mësipërm pjesa më e
madhe e foljeve të përdorura në këtë kapitull janë në
njërën nga format e kohës së shkuar të mënyrës
dëftore. Koha e shkuar me pesë nënndarjet që i ka
tregon veprime të përfunduara para çastit të
ligjërimit.
Përshkrimi të cilin e ofron autorja në vepër sidomos
në këtë pjesë të librit zgjon imagjinatën e fëmijëve
dhe i fut ata në një botë të fantazisë duke ngjyrosur
imagjinatën e tyre dhe duke e bërë veprën shumë
atraktive. Sidomos në pjesët ku tri vajzat mund të
flasin me kafshët, pastaj personazhet tjerë jo real që
gjenden në vepër si zanat, elfët etj., që çdo fëmijë do
të donte t’i takonte.
Foljet që autorja i ka përdorur në këtë pjesë të kapitullit janë: mbanin, trokiti, këndoi, merr,
festohet, fliste, u shfaqën.
Këto folje shumica janë në mënyrën dëftore si mbanin, fliste (koha e pakryer), pasi që Trokiti,
festoi, (koha e kryer e thjeshtë) dhe përveç zgjedhimit vepror kemi edhe folje të zgjedhimit
jovepror si folja u shfaqën që ështe në kohën kryer të thjeshtë të mënyrës dëftore dhe ndërtohet
duke ja paravendosur foljes pjesëzen u. (Agalliu, 2002)
28
Pjesë e marrë në kapitullin e dytë të veprës:
“Ato ndriçuan për një çast dhe pastaj lëvizën rrëmbimthi lartë në një shpërthim dritash ngjyrë
purpuri dhe u sollën rrotull kokave të vajzave e në një re vezulluese. Jasmina, Samëra dhe Eli
shtrënguan fort duart e njëra-tjetrës kur ndjenë që këmbët po u shkëputëshin nga toka. Vorbulla
e ajri i shkundi tutje dhe ato ranë mbi diçka të butë, rrethuar nga një re xixash purpuri. Ndërsa
ajri po kthjellej, vajzat hodhën sytë rrotull. Ishin ulur mbi një sofa të rehatshme, në një dhomë të
stërmadhe me mure në ngjyrë të kaltër të thellë si bishti i palloit dhe me tavan të lartë me kube.
Kishte dritare të mëdha që binin mbi kopshte të bukura dhe nga çatia vareshin llambadarë
rrezëllitës, që shkëlqenin nga dritat. Në njërën anë të hollit një tufë e vogël me gishto po
akordonin instrumentet muzikorë, ndërsa në anën tjetër një grup zanash fluturonin anës mureve,
duke varur shirita të gjatë me drita ngjyra-ngjyra.” (Blankes, 2018, fq.26)
Në këtë pjesë të librit përveç foljeve në kohën e kryer të thjeshtë të mënyrës dëftore (ndriçuan,
lëvizën, shtrënguan, fluturonin, etj.) autorja ka përdorur edhe forma të pashtjelluara të foljes si
p.sh. duke varur që është në formën e pashtjelluar përcjellore pasi që është ndërtuar duke ja
paravendosur pjesores së foljes pjesëzen duke.
Edhe pse foljet kam dhe jam në shumicën e rasteve gjatë ligjërimit përdorën si fjalë shërbyese,
ato nganjëherë përdoren edhe me kuptim të plotë si në paragrafin e mësipërm:
P.sh. Kishte dritare të mëdha….
29
Pasi që Mbret Gazmori bie në kurthin e
Mbretëreshës Zemërligë treshja bëhen
bashkë me zanën dhe mendojnë se si ta
shpëtojnë mbretin nga ajo magji e keqe që
mbretëresha i kishte bërë mbretit.
Ato nisën për të gjetur gjashtë përbërësit
sekret të cilët u nevojiten për ta bërë
shurupin i cili mund ta shërojë mbretin
nga magjia.
Autorja në këtë pjesë jep një shembull
mjaft të mirë për fëmijët duket treguar se
kur dikush gjendet në vështirësi duhet ta
ndihmojmë dhe po ashtu vetëm duke u
bërë bashkë mund t’i tejkalojmë
vështirësitë që kemi dhe ta mposhtim
kundërshtarin.
Foljet që autorja i ka përdorur më shumë në këtë pjësë i përkasin kohës së ardhme të mënyrës
dëftore por nuk mungojnë as kohët e tjera.
“Jasmina, Eli dhe Samëra u tmerruan. “Një… një bretk!” Iu mor goja Mbret Gazmorit. “Do të
shndërrohem në… në një bretk?” Po! Sytë e akullt të Mbretëreshës Zemërkeqja shkëlqyen nga
kënaqësia. “Ndërsa ne flasim, magjia po fillon të të shndërrojë. Ajo do ta përfundojë punën e vet
në mesnatën e ditës pas ballos pranverore dhe atëherë, unë do ta sundoj mbretërinë!”
“Do të ketë gjithnjë vend për ty këtu në pallat – në pellg”
“Të thashë se do të pendoheshe që i prishe rrufetë e mia, Gazmor.”
30
“Do ta sundoj këtë mbretëri sipas mënyrës sime dhe nuk do të ketë më as ball, o as festa, asnjë
argëtim”. (Blankes, 2018, fq.38)
Në këtë pjesë zhvillohet një dialog në mes Mbret Gazmorit dhe Mbretëreshës Zemërligë dhe
foljet e përdorura në këtë pjesë janë në kohën e ardhme të mënyrës dëftore si p.sh. do të punoj,
do ta sundoj etj. Kjo kohë e foljes ndërtohet duke i paravendosur pjesëzen do të kohës së tashme,
mënyra lidhore. Kuptimi themelor i kohës së ardhme të mënyrës dëftore është që të tregojë një
veprim i cili pritet të kryhet para çastit të ligjërimit. (Agalliu, 2002)
Folja do të shndërrohem i përket kohës së ardhme të zgjedhimit jovepror.
Zakonisht foljet në këtë vepër janë në vetën e tretë njëjës ose shumës, por në këtë rast kemi të
përdorur edhe vetën e parë njëjës si p.sh. “Do të shndërrohem në… në një bretk?
Po ashtu kemi të përdorur llojllojshmëri të diatezave por sidomos asaj veprore. Si tek shembulli
më poshtë ku tregon një veprim që e kryen kryefjala.
“Triksi dhe Mejbella trokitën unazat e tyre dhe kënduan :
“Magji e piksit frikën t’ua largojmë ,
Atë që ndodhi këtu, ata ta harrojnë”.” (Blankes, 2018, fq.47)
Në këtë pjesë të shkëputur të përrallës kemi të përdorur
foljen në mënyrën lidhore e cila shpreh modalitetin e
mundësisë dhe karakteristikë për të është prania e
pjesëzes të përpara secilës formë.
Siç shihet edhe në fotografi folja në mënyrën lidhore
është e shoqëruar nga folja gjysmëndihmëse modale
mund.
31
“Mund të përdorim slitën magjike të Mbret Gazmorit” tha Samëra.
“Ajo mund të të çonte kudo që do të doje brenda Mbretërisë së fshehtë” tha Triksi.. (Blankes,
2018, fq.55)
“Ato arrinin të dëgjonin tingullin e një përroi që gurgullonte aty pranë. “Shikoni sa shumë
zogj!” tha Samëra me një frymë. Papagaj me ngjyra të ndezura silleshin fluturim mbi kokat e
tyre, me bishtat që linin pas vete rrëke xixash në ajër. “ Klara duhet të jetë diku këtu pranë” tha
Eli duke hedhur sytë rrotull.” (Blankes, 2018, fq.58)
Foljet e nënvizuara më lartë janë në kohën e tashme ose të pakryer të mënyrës lidhore.
Pjesë e marrë në kreun e gjashtë:
“Unë e para do t’ju tregoj këtyre vajzave se ku janë hojet e mjaltit të flluskëbletëve dhe ti nuk
mund të më ndalosh”.
“Kështu mendon ti!” qeshi me të madhe Mbretëreshë Zemërkeqja. “Pasi të kem përfunduar me
ty, s’do të vlesh asnjë grosh”. Ajo ngriti dorën dhe e drejtoi nga Klara.
“Mendje, mendje turbullohu,
Si në labirint ngatërrohu,
Asgjë nuk të ndihmon, asgjë nuk të shëron,
Vetëm kur këngën e mbretëreshës flluskëbletë dëgjon” (Blankes, 2018, fq.67)
Në këtë pjesë kemi përdorimin e foljeve në mënyrën urdhërore që paraqet një urdhër dhe
karakteristikë për këtë mënyrë të foljes është se ajo mund të përdoret vetëm në vetën e dytë
njëjës ose shumës si p.sh. turbullohu, ngatërrohu. Foljet në këtë rast i përkasin zgjedhimit
jovepror.
32
Në shembujt në vijim kam paraqitur disa folje
që i kam gjetur në vepër dhe kam treguar
kategoritë gramatikore të tyre.
dolën – është folje në kohën e kryer të thjeshtë
të mënyrës dëftore, veta e tretë shumës.
mund ta shihnin – është folje në mënyrën
lidhore të cilës i paraprinë folja modale , koha e
pakryer, veta e tretë shumës.
dilnin – është në kohën e pakryer të mënyrës
dëftore, veta e tretë shumës.
gumëzhinin – kjo folje është në kohën e
pakryer të mënyrës dëftore, veta e tretë shumës.
kishin parë – është në kohën më së të kryer të
mënyrës dëftore veta e tretë shumës.
fluturonin – është folje e mënyrës dëftore, koha e pakryer, veta e tretë shumës.
ulëshin – është folje e mënyrës dëftore, koha e pakryer, veta e tretë shumës (zgjedhimi jovepror).
mbulonte – është folje e mënyrës dëftore, koha e pakryer, veta e tretë njëjës.
është – është folje ndihmëse, mënyra dëftore, koha e pakryer, veta e tretë njëjës.
Pra, siç shihet edhe nga shembujt e mësipërm, veta që autorja e ka përdorur më shumë në vepër
është veta e tretë shumës, por nganjëherë edhe njëjës.
33
mund të na tregosh - është folje në
mënyrën lidhore, koha e tashme, veta e dytë
njëjës.
pyeti – folje në mënyrën dëftore, koha e
kryer e thjeshtë, veta e tretë njëjës.
duke qeshur – është folje që i përket
formave të pashtjelluara të foljes, në këtë
rast përcjellores, që është në kohën e
tashme, veta e tretë njëjës.
thirri – është në mënyrën dëftore, koha e
kryer e thjeshtë, veta e tretë njëjës.
duke treguar – është e formës së
pashtjelluar përcjellore, koha e tashme, veta
e tretë njëjës.
fluturonin – mënyra dëftore, koha e pakryer, veta e tretë, numri shumës.
silleshin – mënyra dëftore, koha e pakryer, veta e tretë, numri shumës ( zgjedhimi jovepror)
shtynë – mënyra dëftore, koha e kryer e thjeshtë, veta e tretë, numri shumës.
bëni – mënyra urdhërore, veta e dytë, numri shumës.
klithi – mënyra dëftore, koha e kryer e thjeshtë, veta e tretë, numri njëjës.
të ulemi – mënyra lidhore, koha e tashme, veta e parë, numri shumës, (zgjedhimi jovepror).
vunë – mënyra dëftore, koha e kryer e thjeshtë, veta e tretë, numri shumës.
u afruan – mënyra dëftore, koha e kryer e thjeshtë, veta e tretë, numri njëjës, (zgjedhimi
jovepror).
34
të ishe – folje e mënyrës lidhore, koha
e pakryer, veta e dytë, numri njëjës.
tregoje – mënyra dëftore, koha e
pakryer, veta e dytë , numri njëjës.
gjendej – mënyra dëftore, koha e
pakryer, veta e tretë, numri njëjës,
(zgjedhimi jovepror).
dolëm – mënyra dëftore, koha e kryer
e thjeshtë, veta e parë, numri shumës.
gjetëm – mënyra dëftore, koha e kryer
e thjeshtë, veta e parë, numri shumës.
duke përkëdhelur – forma e
pashtjelluar përcjellore, koha e
tashme, veta e tretë, numri njëjës.
duke treguar – forma e pashtjelluar
përcjellore, koha e tashme, veta e
tretë, numri njëjës.
mbeti – mënyra dëftore, koha e kryer e thjeshtë, veta e tretë, numri njëjës.
u përkul – mënyra dëftore, koha e kryer e thjeshtë, veta e tretë, numri njëjës, (zgjedhimi
jovepror).
ka nevojë – mënyra dëftore, koha e kryer, veta e tretë, numri njëjës.
të bëjë – mënyra lidhore, koha e tashme, veta e tretë, numri njëjës.
shpjegoi – mënyra dëftore, koha e kryer e thjeshtë, veta e tretë, numri njëjës.
35
kam kërkuar – mënyra dëftore, koha e
kryer, veta e parë, njëjës.
kam ëndërruar – mënyra dëftore, koha e
kryer, veta e parë, njëjës.
do të doje – mënyra dëftore, koha e
ardhme e së shkuarës, veta e dytë, numri
njëjës.
pyeti – mënyra dëftore, koha e kryer e
thjeshtë, veta e tretë, numri njëjës.
tha – mënyra dëftore, koha e kryer e
thjeshtë, veta e tretë, numri njëjës.
gjeta – mënyra dëftore, koha e kryer e
thjeshtë, veta e parë, numri njëjës.
rriten – mënyra dëftore, koha e tashme,
veta e tretë, numri shumës (zgjedhimi jovepror).
fluturoi – mënyra dëftore, koha e kryer e thjeshtë, veta e tretë, numri njëjës.
dha – mënyra dëftore, koha e kryer e thjeshtë, veta e tretë, numri njëjës.
nisi – mënyra dëftore, koha e kryer e thjeshtë, veta e tretë, numri njëjës.
të dëgjonin – mënyra lidhore, koha e pakryer, veta e tretë, numri njëjës.
u tha – mënyra dëftore, e kryera e thjeshtë, veta e tretë, numri njëjës (zgjedhimi jovepror)
do të bëjmë – mënyra dëftore, koha e ardhme, veta e parë, numri njëjës.
36
tha – mënyra dëftore, koha e kryer e
thjeshtë, veta e tretë, numri njëjës.
ishte – mënyra dëftore, koha e
pakryer, veta e tretë, numri njëjës.
pohoi – mënyra dëftore, koha e kryer e
thjeshtë, veta e tretë, numri njëjës.
pres – mënyra dëftore, koha e tashme,
veta e parë, numri njëjës.
të kthehemi – mënyra lidhore, koha e
tashme, veta e parë, numri shumës,
zgjedhimi jovepror.
vras – mënyra dëftore, koha e tashme,
veta e parë, numri njëjës.
është – mënyra dëftore, koha e
tashme, veta e tretë, numri njëjës.
duhet të gjejmë – mënyra lidhore, koha e tashme, veta e tretë, numri shumës.
duhet të shkojmë – mënyra lidhore, koha e tashme, veta e parë, numri shumës.
shtoi – mënyra dëftore, koha e kryer e thjeshtë, veta e tretë, numri njëjës.
të kthehem – mënyra lidhore, koha e tashme, veta e parë, numri njëjës, zgjedhimi jovepror.
u valëzua – mënyra dëftore, koha e kryer e thjeshtë, veta e tretë, numri njëjës (zgjedhimi
jovepror).
mund të kishte përfunduar – mënyra lidhore, koha më së e kryer, veta e tretë, numri njëjës.
priste – mënyra dëftore, koha e pakryer, veta e tretë, numri njëjës.
37
mund t’i fshihni - mënyra
lidhore, koha e tashme, veta e
dytë, numri shumës.
të arrijnë – mënyra lidhore, koha
e tashme, veta e tretë, numri
shumës.
të jenë – mënyra lidhore, koha e
tashme, veta e tretë, numri
shumës.
thuajuni – mënyra urdhërore,
koha e tashme, veta e dytë, numri
shumës.
t’i kërkojnë – mënyra lidhore,
koha e tashme, veta e tretë, numri
shumës.
nxori – mënyra dëftore, koha e
kryer e thjeshtë, veta e tretë,
numri njëjës.
shkoni – mënyra urdhërore, koha e tashme, veta e dytë, numri njëjës.
fshihni – mënyra urdhërore, koha e tashme, veta e dytë, numri njëjës.
duam – mënyra dëftore, koha e tashme, veta e parë, numri njëjës.
morën – mënyra dëftore, koha e kryer e thjeshtë, veta e tretë, numri njëjës.
nisën të lëvizin – nisën- është folje aspektore që shënon fillimin e një veprimi, të lëvizin – është
në mënyrën lidhore, koha e tashme, veta e tretë, numri shumës.
t’i ndajmë – mënyra lidhore, koha e tashme, veta e parë, numri shumës.
38
të fillojmë - mënyra lidhore, koha e tashme, veta e parë, numri shumës.
t’i fshehim – mënyra lidhore, koha e tashme, veta parë, numri shumës.
duke ua mbushur – forma e pashtjelluar përcjellore, koha e tashme, veta e parë, numri shumës.
rendën – mënyra dëftore, koha e kryer e thjeshtë, veta e tretë, numri shumës.
39
Përfundime
Gjuha shqipe është një pasuri që na kanë lënë të parët tonë dhe detyra jonë si mësues është jo
vetëm ta ruajmë por të sigurohemi që edhe brezat pas nesh ta trashëgojnë.
Tema “Folja” është një temë të cilën e kanë trajtuar shumë njerëz. Gjatë trajtimit të foljes në
kapitullin e parë kam ardhur në përfundim se mësimi i foljes është një temë shumë e rëndësishme
dhe ne si mësimdhënës të ardhshëm duhet të kujdesëmi që fëmijëve t’ua mësojmë në mënyrë sa
më të mirë.
Vepra “Vullkani gurgullues” është një vepër për klasën e dytë, gjatë analizimit të kësaj vepre
kam ardhur në përfundim se mënyra më e përdorur e foljes është mënyra dëftore dhe kohët që
autorja ka përdorur më shumë në shkrimin e kësaj vepre janë e pakryera dhe e kryera e thjeshtë,
kjo vepër është e shkruar në vetën e tretë (njëjës dhe shumës). Gjithashtu më i përdorur është
zgjedhimi vepror.
Vepra “Vullkani gurgullues” është një vepër e shkruar me aq mjeshtri e cila zgjon imagjinatën e
fëmijës dhe i fut ata në një botë të fantazisë, llojshmëria e foljes është ajo që e bën edhe më
atraktive këtë vepër.
40
Literatura
Literatura bazë:
Agalliu, . F, Angoni. E, Demiraj.Sh, Dhrimo.A, Hysa.E, Lafe.E, Likaj.E, (2002) Gramatika e
Gjuhës Shqipe, Tiranë, Akademia e Shkencave të Shqipërisë
Jashari. A , Kryeziu.B, (2011), Gjuhë Amtare, Prishtinë, Universiteti i Prishtinës.
Beci. B, (2004), Gramatika e Gjuhës Shqipe Për Të Gjithë, Tiranë, EDFA
Nushi. M, (2013), Gjuha e Sotme Shqipe, Gjakovë, Universiteti i Prishtinës
Blankes. R, (2018), Mbretëria Sekrete- Vullkani Gurgullues, Prishtinë, Damo
Literatura shtesë:
Munishi. Z, (2013), Zgjedhimi i Foljeve, Prishtinë, Artini
Demiraj. Sh, (1980), Morfologjia Historike e Gjuhës Shqipe I dhe II, Prishtinë, Enti i Teksteve
dhe i Mjeteve Mësimore i Krahinës Socialiste Autonome Të Kosovës
Marrë nga: http://www.doktoratura.unitir.edu.al/wp-content/uploads/2012/09/Mirela-Xhaferraj-
Fakulteti-i-Gjuheve-te-Huaja.pdf Xhaferraj. M, (2012), Paralelizma në Strukturën Gramatikore të
Shqipes e të Greqishtës( Sistemi Foljor), Tiranë, Universiteti i Tiranës.
41