Суралцагч бүрийг хөгжүүлэх нь .......

Хүүхдийн хөгжил бол бидний ажлын гол чиглэлүүдийн нэг юм. Хэлний хичээл бол хүүхэд бүрийг хөгжүүлэх хамгийн боломжтой хичээл гэж би боддог. Тиймээс ч бид сурагчдыг хичээлийн болон хичээлийн бус үйл ажиллагаагаар хөгжүүлэх олон ажлыг зохион байгуулдаг.

Хичээлийн үйл ажиллагаагаар хүүхэд бүрийг хөгжүүлэх нь .

Миний хичээл заадаг ангиудын ухаалаг гар утастай хүүхэд болгон утсандаа толь бичиг суулгаж, түүнийгээ хичээл дээр хэрэглэж хэвшсэн. Энэ нь хүүхэд өөрөө эрэл хайгуул хийх, хичээлийн цагийг хэмнэх, үр өгөөж, сонирхлыг нэмэгдүүлэх, сурагчдыг идэвхжүүлэх, өөр орчинд хэрэглэж сурах зэрэг маш олон талын ач холбогдолтой. Мөн манай сурагчид 2015-2016 оны хичээлийн жилд Англи хэлний хичээл дээр цахим номын сангаар ном уншиж байгаа. 11а,б,в болон 8а, г ангийн бүх сурагчид цахим номын санд бүртгэл үүсгэж, сурагч бүр 2-3 ширхэг ном Англи хэл дээр уншсан байгаа. Үүнээс гадна сурагчид Англи хэлний дээр сурсан, мэдсэн зүйлээрээ гарын доорх материал ашиглан бяцхан ном, зурагт үзүүлэн, зурагт толь бичиг, газрын зураг, ханын сонин, зурагт ном зэрэг олон бүтээлүүд хийдэг.

Хичээлийн бус үйл ажиллагаагаар хүүхэд бүрийг хөгжүүлэх нь .

Англи хэлний хичээлийн үр өгөөжийг дээшлүүлэх, суралцагчдын Англи хэл сурах идэвх сонирхлыг нэмэгдүүлэх, суралцагч бүрийг хөгжүүлэх зорилгоор Гадаад хэлний секцийн багш нар болон ахлах ангийн сурагчидтайгаа хамтран дараах уралдаан тэмцээнүүдийг жил болгон уламжлал болгон зохион явуулдаг.

1. 1-12р ангийн сурагчдын дунд Гадаад дууны уралдаан

2. 10-12р ангийн сурагчдын дунд Happy Halloween баярын үйл ажиллагаа

3. 11-р ангийн сурагдын дунд Spelling Bee улалдаант тэмцээн

4. 11-р ангийн сурагдын дунд Алтан Хонх танин мэдэхүйн тэмцээн

5. 11-р ангийн сурагдын дунд Who is the best? уралдаант тэмцээнүүдийг

тогтмол зохион байгуулдаг.