2020 | namakwaland - gerrie pretorius...belangrik: onthou jou id / rybewys vir die vlugte. dit is...
TRANSCRIPT
-
2021 | NAMAKWALAND
Datums: 31 Augustus 2021 – 5 September 2021
-
BELANGRIK:Onthou jou ID / rybewys vir die vlugte. Dit is altyd beter om met jou rybewys tevlieg.
• Lede van ‘n mediese fonds: onthou om ‘n mediese reisversekeringsbrief van jou mediese fonds af te kry, wat die reisperiode dek.
• Voel vry om peuselhappies en alkoholiese drankies vir persoonlike gebruik te pak. Alkohol is egter vryelik beskikbaar, sou jy nie saambring nie.
• Indien jy vatbaar is vir hooikoors in stowwerige gebiede, bring asseblief die nodige medikasie.
• Jou deposito bevestig jou bespreking en jou plek saam met Gerrie op hierdie wonderlike toer.
• Die deposito van R6 000-00 is nie terugverhaalbaar nie en is betaalbaar met bespreking. Die uitstaande bedrag is betaalbaar 60 dae voordie
vertrekdatum van hierdie toer.
• Hierdie pryse is gebaseer op EFO-betalings. Indien jy verkies om met `n kredietkaart te betaal, sal ons die koste hiervoor aan jou deurgee.
• Die reisplan kan wissel na gelang van die besluit van die reisoperateurs en ook gebaseer op veiligheid.
• In die verlede het ons net heerlike weer beleef - maar bring maar klere vir koeler aande en skielike verandering in die weer.
• Gebruik asseblief die korrekte verwysing: BLOM21/NAAM EN VAN.
KOSTE: • R15 900/PER PERSOON WAT DEEL• R19 500/PER PERSOON IN ‘N ENKELKAMER
Datums: 31 Aug – 5 Sept 2021
2021 | NAMAKWALAND
-
DAG 1: DINSDAG, 31 AUG 2021Ons vlieg relatief vroeg vanaf O.R. TamboLughawe na Kaapstad. Wees betyds en
geniet `n rustige koffie voor ons vertrek. Onthou, ‘n binnelandse vlug is
ingesluit in die prys van die toer, dus kan jy van elders ook na Kaapstad vlieg en
ons daar ontmoet.
In die Kaap staan ons luukse bus gereed en vertrek ons dadelik na die
Weskus Nasionale Park. Behalwe vir plate blomme, is die Park ook die tuiste
van baie diere soos die bergkwaggas, rooihartebeeste en elande. Flaminke
word ook gereeld op die meer gewaar.
Ons gaan al die buitengewoon-mooi plekke in die park besoek, van
Preekstoel tot Potsberg. Jy gaan pragtige foto’s neem wat jou vriende groen
van jaloesie gaan maak! Ons geniet ons eerste ligte middagete (`n piekniek
of iets soortgelyk) in die park en leer ken mekaar beter.
Nota: Sorg asseblief self vir ontbyt, op die lughawe, óf aan boord van die
vliegtuig. Na ‘n heerlike kuier, ry ons verder langs die Weskus tot by ons
eerste blyplek in Saldanhabaai - die pragtige Blue Bay Lodge & Resort reg
langs die see. Aandete word by die Blue Bay Lodge met `n uitsig oor die see
geniet.
DAG 2: WOENSDAG, 1 SEPT 2021Vanoggend vat ons dinge rustig en eet eers ‘n luilekker ontbyt, terwyl ons die
skoonheid van Saldanhabaai geniet.
Daarna pak ons die bus en begin die tog na Kromrivier - in die hartjie van die
Cederberge (‘n wêreld-erfenis gebied) en ons tuiste vir die volgende twee
aande.
Op die bergpas hou ons ons oë geskil vir die blomme en plantlewe so uniek aan
hierdie gebied terwyl ons oor die Olifantsrivier en verby die Algeria
Bosboustasie ry.
Ons proe die heerlike wyn van David Nieuwoudt, eet Louis Leipoldt se
gunsteling waterblommetjie bredie en sien ons selfs egte sederhoutbome!
Jy is ook welkom om bietjie boetiekbier te proe en koop by Cederberg Park
Kromrivier waar ons die aand gaan oornag.
2021 | NAMAKWALAND
-
Hulle maak die bier met die vars bergwater van die Cederberge. Gaan verken dieplaas en stap lekker in die natuur, of skop jou skoene uit en geniet net die varsKromrivier lug! Ons geniet vanaand ‘n lekker braai.
DAG 3: DONDERDAG, 2 SEPT 2021Ons spandeer die dag by Kromrivier. Hier is so baie aktiwiteiete wat jy kan
doen, en in so ‘n mooi area, hoekom sal ons ooit huistoe wil gaan?
Ons braai weer saam vanaand.
DAG 4: VRYDAG, 3 SEPT 2021Na ontbyt gaan ‘n “Uber”-rit vir jou nuwe betekenis kry, maar dít bly ‘n
verrassing. Sodra die son lekker warm skyn en die blomme begin oopmaak,
vat ons die pad, op soek na plate en plate blomme. Die roete hang af van
waar die mooiste blomme is. Op pad tel ons vir Adriaan Nieuwoudt, 1984 se
Kubuskoning, op. Hy gaan vir ons meer van die omgewing vertel. Adriaan
ken die veld en sy blomme soos die palm van sy hand. Hy gaan
2021 | NAMAKWALAND
“sy Namakwaland” met jou deel en jy gaandinge sien en hoor waarvan min
mense weet. Middagete is `n piekniek iewers in die veld. Vanaand hou ons
groot makietie met ‘n boere-orkes en kuier saam met die “locals”. Ons eet
braaivleis, afval en skaapkop, vir die brawes onder ons. Onthou om ons
vroegtydig in te lig as jy kans sien vir skaapkop - Gerrie sal jou mooi wys hoe
om dit te eet. Ons oornag in Garries by Sophias Gastehuis.
DAG 5: SATERDAG, 4 SEPT 2021Na ontbyt besoek ons Garies se bekende Toeristestal waar jy handgemaakte
items en snuisterye, eie aan die streek, kan koop.
Daarna ry ons die Kamiesberge in, oor twee asemrowende bergpasse tot in
Kamieskroon.
Ons besoek die graf van die bekende Engelse luitenant Darter, wat tydens
die oorlog daar gesterf het. Engeland het vandag nog eiendomsreg op dié
stukkie grond. Die grootste aantrekking vandag is Skilpad Nasionale Park, ‘n
Mekka van
-
veldblomme. Maak jou reg vir ‘n skouspel van gousblomme, vygies, perdeblomme, gansogies, Piet-snotte, moederkappies, katsterte, sporries, koringblomme om
maar net ‘n paar te noem. Middagete is `n piekniek in die veld.
Ons keer dan terug na die kus en eet vaanaand heerlike seekos by Elandsbaai hotel. More oggend is dit effe vroeër uit die vere vir die blommeskou die volgendedag.
LET ASB OP: ROETES KAN VERANDER NA GELANG VAN WAAR DIE BLOMME IS EN ONS MAG DALK SEKERE GEBEURE OMRUIL OF UITHAAL, OM SEKER TE MAAK
JY HET DIE BESTE TYD VAN JOU LEWE.
DAG 5: DAG, SON 5 SEPT 2021Clanwiliam het ons belowe hulle bied die jaarlikse veldblom skou aan. Dit is n feesviering van die hele streek se blomme alles onder een dak! Ons vertoef hier
vir ‘n wyle en geniet hierdie blomme wat jy nooit weer sommer in jou leeftyd gaan sien nie en gaan jy ‘n magdom verskillende spesies van nader leer ken. Ons
kuier dan ‘n laaste keer saam by Evita se Perron. Ons het al so baie hoogtepunte en lekker tye saam gehad maar hierdie gaan verseker vir baie van ons vriende ‘n
groot bederf wees. Van hier af ry ons reguit na kaapstad vir ons vlug huiswaarts. Die tyd vir groet en gaan ons huistoe met veel meer as bloot fotos want by
Leef Jou Reis maak ons vriende vir ‘n leeftyd.
2021 | NAMAKWALAND
-
WAT OM NOU TE DOENStappe om te volg om jou bespreking te verseker:
Stap 1: Laat ons weet dat jy by ons wil aansluit vir hierdie
opwindendetoerdeurjoue-posadresenselnommeraanbookings@
gerriepretorius.co.za te stuur. Ons stuur dan die besprekingsvorm
wat jy moet invul en terugstuur, saam met ‘n afskrif van jou ID /
paspoort en die bewys van betaling van jou deposito.
Stap 2: Hierdie reisplan is baie volledig en behoort al die inligting
te bevat wat jy gaan benodig. Ons stig nader aan die tyd a
Whatsapp groep vir verdere kommunikasie. Maak dus asb seker
dat jy jou regte selfnommer verskaf. Indien jy enige vrae het stuur
gerus ‘n epos of ‘n Whatsapp na 0829233626,ons helpgraag.
Stap 3: Raak solank opgewonde en begin uitsien na die mees
fassinerende vakansie van jou lewe!
PRYSR15, 900-00 per persoon wat deel tweepersoonskamers.
R19,500-00 per persoon in ‘n enkelkamer.
•Let daarop dat die aantal enkelkamers beperk is en in sommige
gevalle mag dit nie moontlik wees om ǹenkelkamer te bespreek
nie
•Toerpryse word bereken deur gedeelde tariewe as ‘n basislyn te
gebruik.
•Depositoverwysingsnommer: BLOM21/NAAM EN VAN.
•Betaal aan:
GJ Pretorius, ABSA, Takkode 632 005, Rekeningnommer: 2078183449
•Stuur betalingsbewys aan [email protected].
2021 | NAMAKWALAND
mailto:[email protected]
-
VIR MEER INLIGTING KONTAK ONS GERUS:
Selfoon: +27 82 923 3626 Epos:
Webwerf: www.gerriepretorius.co.za | www.goingplacesnow.com
Leef jou Reis met Gerrie Pretorius
Leef jou Reis Vriende @GerrieOfficial @Gerriepret
mailto:[email protected]://www.gerriepretorius.co.za/http://www.goingplacesnow.com/