azƏrayan respulİkasi vergİlƏr nazİrlİyİ eynƏlxalq ... · idarəsi bütün trastlar üzrə...
TRANSCRIPT
AZƏRBAYCAN RESPUBLİKASI
VERGİLƏR NAZİRLİYİ
BEYNƏLXALQ MÜNASİBƏTLƏR İDARƏSİ
Beynəlxalq təcrübələr və innovasiyalar şöbəsi
Beynəlxalq Müqavilələr şöbəsi
Seçilmiş ölkələrdə Hüquqi Şəxslərin qeydiyyat
Məsələləri üzrə təcrübələr
2014
Macarıstan Respublikası
Macarıstan Respublikasında firma adları mülki məcəllə və Macarıstan Müəssisə Aktı
ilə tənzimlənir. (Hungary Company Act). Burada firma adının unikallığı qeydiyyat
prosesinin bir hissəsidir və firma adları bir- birindən rəqəmlər, bir hərf fərqi və ya durğu
işarələri ilə fərqləndirilməsi qanunla yol verilmir.
Macarıstan Respublikasında hüquqi şəxslərin dövlət reyestr məlumatlarında aşağıdakılar
əksini tapır:
Firmanın adı
Baş idarənin ünvanı
Əsas fəaliyyət növləri
Hüquqi şəxsin nizamnamə kapitalı
Nizamnamə kapitalının həcmi və səhmdarlar üzrə pay bölgüsü
Müşahidə şurası üzvlərinin adları və ünvanları
İdarə heyəti üzvlərinin adları və ünvanları
Kənar auditorun adı
Firma qeydiyyatdan keçdikdən sonra, əsas fəaliyyət sahəsinin nə olacağı haqqında Ticarət
Məhkəməsinə arayış təqdim edir. Qanunla firma hüquqi formasını dəyişə, digər firmalarla
birləşə, bir neçə firmaya bölünə bilər. Hüquqi şəxsin qeydiyyatı və Dövlət müəssisələrinin
qeydiyyatı “Qeydiyyat Aktı” (Registration Act) ilə tənzimlənir. Dövlət müəssisələrinin
adının seçilməsi və onun idarə olunması haqqında müddəalar mülki məcəllədə də öz əksini
tapmışdır.
Macarıstanda trast anlayışı Mülki Məcəllə 6-cı fəsil 34 cü hissəsində öz əksini tapmışdır.
Məcəlləyə görə trastlar və trast vasitəsilə idarə olunan qurumlar hüquqi şəxslərdir.
Macarıstan Respublikasında ortaqlıqlar biznes assosiasiyaları aktı ilə tənzimlənir
(Business Associations Act). Təşkilati formasına görə hüquqi şəxs deyildir. Tam ortaqlıq
və məhdud ortaqlıq olmaqla 2 yerə ayrılır. Rəsmi sənədlərdə ortaqlığın adı qarşısında tam
ortaqlıq və ya məhdud ortaqlıq olması abreviatura şəklində qeyd olunur. (tam ortaqlıq –
t.o, məhdud ortaqlıq – m.o). Məhdud ortaqlıqda ortaqların sayı minimum iki nəfərdir,
nizamnamə kapitalı minimumu nəzərdə tutulmamışdır. Onlardan biri qeyri məhdud
səlahiyyətlərə malik əsas ortaqdır. Məhdud ortaqlıqda adətən gəlir bölgüsü nizamnamə
kapitalında payı nisbətində müəyyən olunur, amma ortaqlar bölgü şərtlərini özləri müəyyən
edə bilər. Tam ortaqlıqda ortaqların məsuliyyəti müştərəkdir. Nizamnamə kapitalı üçün
minimum hədd müəyyən olunmamışdır. Ortaqların biznes fəaliyyətində şəxsən iştirak
etməsi tələb olunmur.
Macarıstan Respublikasında hüquqi şəxs yaratmadan sahibkarlıq fəaliyyəti ilə məşğul
olan şəxslər Mülki Məcəllə ilə deyil, valyuta qanunları ilə tənzimlənir.
Onların rəsmi qeydiyyatı İnzibati və elektron ictimai xidmət idarəsi tərəfindən aparılır
(Office for Administrative and Electronic Public Service)
Latviya Respublikası
Latviya Respublikasında firma adları “Ticarət məcəlləsi” ilə tənzimlənir. (Commercial
Code 01 Jan 2002) Məcəlləyə görə firma adlarında əcnəbi ifadələrin istifadəsinə
məhdudiyyətlər qoymaqla yanaşı, bir digər firmanın adına bənzər adların qoyulmasına
qadağalar qoymuşdur. Hüquqi şəxslərin reyestr məlumatlarına aşağıda qeyd olunan
məlumatlar daxil edilir:
Notarial təsdiq olunmuş xüsusi ərizə forması
Firmanın nizamnaməsi
Firmanın təsis müqaviləsi
Nizamnamə kapitalının ödənilməsini təsdiq edən bank çıxarışı
Müşahidə şurasının seçilməsi haqqında çıxarış
İdarə heyətinin seçilməsi haqqında çıxarış
Firmanın hüquqi ünvanı haqqında məlumat
Daşınmaz əmlak sahibinin əmlakın hüquqi ünvan kimi istifadəsi üçün razılığı
Dövlət rüsumlarının ödənilməsi haqqında sənəd
Məlumatın rəsmi külliyyatda dərc olunması üçün rüsum
Qeydiyyat ərizəsi elektron imza olduğu təqdirdə elektron şəkildə də təqdim oluna bilər.
İdarə Heyəti Sədrinin təyin olunması haqqında çıxarış ya məxfi elektron imza vasitəsilə
ya da notarial təsdiq olunaraq həyata keçirilir.
Latviya Respublikasında hüquqi şəxsin qeydiyyatı “Ticarət haqqında qanunla”,
Dövlət müəssisələrinin qeydiyyatı isə “Dövlət və xüsusi ortaqlıqlar haqqında”
qanunla tənzimlənir.
Trast anlayışı Latviya qanunvericiliyində müəyyən edilməmişdir.
Ortaqlıqlar Ticarət haqqında qanunla tənzimlənir və ortaqlarından ayrı hüquqi şəxs
deyildir. Tam ortaqlıq iki və daha çox ortağın vahid biznes adı altında fəaliyyət
göstərməsidir. Tam ortaqlıqda fiziki və ya hüquqi şəxs ortaq ola bilər. Bütün ortaqlar
bütün varlıqları ilə ortaqlıq qarşısında məsuliyyət daşıyırlar. Məhdud ortaqlıqda
ortaqların firmanın borclarına məhdud məsuliyyəti müəyyənləşdirilə bilər.
Latviya Respublikasında hüquqi şəxs yatatmadan sahibkarlıq fəaliyyəti ilə məşğul olan
şəxsin (hşsfmş) fəaliyyəti kommersiya qanunu, şəxsi gəlir vergisi qanunu (law on
personal income tax), mikro firma vergi qanunu ilə tənzimlənir. Onların qeydiyyatı
Kommersiya registeri orqanı tərəfindən həyata keçirilir. Qeydiyyatı üçün fiziki şəxsin
adı, ünvanı, pasport məlumatları, dövlət rüsumları tələb olunur. Latviya respublikasında
(hşsfmş) vergiyə cəlb olunma prosesi MMC-lərin cəlb olunmasından daha az
cəlbedicidir. Burada daha yüksək gəlir vergisi tətbiq olunmaqla yanaşı firmanın müəyyən
xərclərinin xərc maddələrinə daxil edilə bilməməsidir.
Litva Respublikası
Litva Respublikasının qanunvericiliyində hüquqi şəxsin biznes adı Mülki Məcəllənin
2.39-cu maddəsi ilə tənzimlənir. Bu maddədə göstərilir ki, hüquqi şəxs digər hüquqi
şəxslərdən fərqlənmək üçün özünün biznes adına malik olmalıdır. Hüquqi şəxsin biznes adı
onun mülkiyyətidir. Bu ad satıla və ya hər hansı üsulla digər şəxsin mülkiyyətinə çevrilə
bilməz. Hüquqi şəxsin biznes adı ictimai asayiş və əxlaqa zidd olmamalıdır. Hüquqi şəxsin
biznes adı ondan daha əvvəl qeydiyyatdan keçmiş hər hansı məşhur ticarət markaları ilə
oxşarlıq və ya eynilik təşkil etməməlidir.
Mülki Məcəllənin 2.66-cı maddəsinə əsasən hüquqi şəxslərin reyestr məlumatları
aşağıdakılardır:
1) Hüquqi şəxsin biznes adı;
2) Hüquqi şəxsin hüquqi forması;
3) Hüquqi şəxsin kodu;
4) Hüquqi şəxsin qeydiyyatdan keçmiş ofisi;
5) Hüquqi şəxsin orqanları;
6) Hüquqi şəxsin rəhbər orqanının üzvləri (ad, soyad, şəxsi kodu, yaşayış yeri);
7) Hüquqi şəxsin rəhbər orqanının üzvləri, hüquqi şəxsin adından müqavilə
bağlamaq səlahiyyətinə malik olan üzvləri;
8) Hüquqi şəxsin filial və nümayədlikləri (ad, kod,qeydiyyatdan keçmiş ofislər,
nümayəndəlik və filialların rəhbər orqanlarının üzvləri,);
9) Hüquqi şəxsin fəaliyyətindəki məhdudiyyətlər;
10) Hüquqi şəxsin hüquqi statusu;
11) Hüquqi şəxsin fəaliyyətinin başa çatma tarixi;
12) Reyestr məlumatlarında dəyişikliklər tarixi;
13) Hüquqi şəxsin maliyyə ili;
14) Qanunla müəyyən edilmiş digər məlumatlar.
Bu maddədə göstərilən məlumatlarda dəyişiklik olduqda hüquqi şəxs dəyişiklik
olduğu vaxtdan 30 gün müddətində dəyişikliyin Hüquqi şəxslərin dövlət reyestrinə daxil
edilməsi üçün ərizə ilə müraciət etməlidir. Hüquqi şəxslərin reyestr məlumatları
“Müəssisələr haqqında qanun”un 12-ci maddəsi ilə tamamlanır.
Litva Respublikasında Mülki Məcəllənin 2.64-cü maddəsinə əsasən hüquqi şəxs
aşağıda qeyd olunan sənədləri təqdim etdikdən sonra hüquqi şəxslərin dövlət qediyyatında
qeydə alınır:
1) Hüquqi şəxsin qeydiyyatı üçün onun yaranması haqqında əzrizə
2) Hüquqi şəxsin təsis sənədləri
3) Lisenziya (qanunda hüquqi şəxsin təsis edilməsindən əvvəl lisenziya nəzərdə
tutulduqda)
4) Reyestrə təqdim olunan sənədlərin autentikliyini və inkorporasiya sənədlərinin
qanunamüvafiqliyini təsdiq edən sənədlər, həmçinin inkorporasiya
müqaviləsində nəzərdə tutulmuş müqavilə öhdəliklərinin yerinə yetirilməsi,
eyni zamanda qanun və həmin sənədlərdə nəzərdə tutulmuş şəraitin yaranması
səbəbindən hüquqi şəxsin qeydiyyata alına biləcəyi faktını təsdiq edən sənədlər
5) Qanunla nəzərdə tutulan digər sənədlər.
Dövlət və bələdiyyə müəssisələrinin yaradılması, fəaliyyəti, yenidən təşkili və ləğvi
Litva Respublikasının Mülki Məcəlləsi, “Dövlət və Bələdiyyə Müəssisələri haqqında
qanun”, kommersiya qurumlarını tənzimləyən digər qanunverici aktlarla tənzimlənir.
Trust (əmlak trust-ı) anlayışı Litva Respublikasında Mülki Məcəllənin 4.106
maddəsində nəzərdə tutulub.
Litva Respublikasında “Müəssisələr haqqında qanun”un 8-9-cu maddələrinə əsasən
Tam və Məhdud ortaqlıqlar hüquqi şəxs deyildir.
Tam və məhdud ortaqlığın təsis edilməsi, ləğvi və fəaliyyəti “Müəssisə haqqında qanun”dan
başqa, Litva Respublikasının Mülki Məcəlləsi, Litva Respublikasının Ortaqlıq qanunu ilə
tənzimlənir.
Litva Respublikasında hüquqi şəxsin formaları aşağıdakılardır:
Fərdi müəssisə;
Özəl məhdud məsuliyyətli cəmiyyət;
Dövlət məhdud məsuliyyətli cəmiyyəti;
Tam ortaqlıq;
Məhdud ortaqlıq;
Dövlət müəssisəsi;
Bələdiyyə müəssisəsi;
Kənd təsərrüfatı cəmiyyəti;
Avropa şirkəti;
Avropa kooperativ cəmiyyəti;
yuxarıda qeyd olunanlardan başqa
Assosiasiya, xeyriyyəçilik və sponsorluq fondu;
Filial və törəmə müəssisələr.
Litva Respublikasında hüquqi şəxs yaratmadan sahibkarlıq fəaliyyəti ilə məşğul olan
fiziki şəxs təşkilati hüquqi forma kimi mövcud deyildir. Alternativ olaraq fərdi müəssisə
forması vardır ki, Fərdi müəssisə- qeyri-məhdud öhdəlikli şəxsi hüquqi şəxsdir. Fərdi
müəssisənin təsis edilməsi və fəaliyyəti “Fərdi müəssisə haqqında qanun” və Litva
Respublikasının Mülki Məcəlləsi ilə tənzimlənir.
Fərdi müəssisənin təsisçisi tək fiziki şəxs ola bilər. Fərdi müəssisənin sahibinin yalnız bir
fərdi müəssisəsi ola bilər. Fərdi müəssisənin əmlakı fərdi müəssisənin sahibinin əmlakından
ayrı hesab edilmir. Fərdi müəssisənin nizamnamə kapitalı paylara bölünmür. Qanunla ilkin
kapital tələb olunmur.
Fərdi müəssisə ya öz sahibi ya da sahibi tərəfindən təyin olunmuş şəxs tərəfindən idarə
olunur. Müəssisə sahibi tərəfindən idarə olunduqda məşğulluq haqqında müqavilə
bağlanmır. Fərdi müəssisənin mühasibatlığı ya sahibin özü ya da mühasib tərəfindən aparıla
bilər.
Çex Respublikası
Çex Respublikasında “Firma adları” anlayışı Ticarət Məcəlləsində verilir. Bu
Məcəllənin 8,9 və 10-cu bölmələri sırf “Firma adı” anlayışını izah edir. Belə ki, həmin
Məcəllənin 8-ci bölməsinə əsasən “Kommersiya adı” (“Commercial name”) (bu “business
name” və ya “name of the firm” kimi də bəzi Çex qanunvericiliyndə nəzərdə tutulur)-
sahibkarın kommersiya qeydiyyatına alınan zaman onun tərəfindən müəyyənləşdirilən
addır. Sahibkar öz sahibkarlıq fəaliyyəti çərçivəsində seçdiyi ad altında müvafiq qanuni
öhdəlikləri öz üzərinə götürür. Həmin Məcəllənin 9-cu bölməsinə əsasən, fiziki şəxslərin
“Kommersiya adı” onların ad və soyadlarından (“full name”) ibarət olur. Bununla yanaşı
fiziki şəxslərin öz sahibkarlıq fəaliyyəti növlərinə uyğun olaraq həmin adlara bəzi əlavələr
etmək imkanı var. Bu Məcəllənin 3-cü bölməsinə əsasən Çexiya ərazisində daimi rezident
hesab edilən şəxslər kommersiya qeydiyyatından keçməlidirlər. Həmçinin, sahibkarlıq
fəaliyyətini həyata keçirən fiziki şəxslərində bu məcəllənin məqsədləri üçün kommersiyya
qeydiyyatından keçməsi tələb olunur. Onların belə öhdəliklərin yarandığı gündən gec
olmayaraq, qeydiyyatdan keçməsi vacibdir. Eyni zamanda, həmin Məcəlləyə əsasən
sahibkarlıq məqsədləri üçün bir neçə hüquqi şəxs formaları mövcuddur: Qeyri-məhdud
məsuliyyətli cəmiyyət (an unlimited liability company), Məhdud məsuliyyətli ortaqlıqlar (a
limited partnership company), Trastlar, MMC,ASC və.s. Qeyd olunan Məcəllənin
müddəalarına əsasən Qeyri-məhdud məsuliyyətli cəmiyyət (unlimited liability company)-
ən azı iki şəxs tərəfindən idarə edilən və özlərinin bütün əmlakları ilə məsulliyyəti özündə
ehtiva edən hüquqi şəxs formasıdır. Belə ki, qeyd olunan hüquqi şəxs formasının
idarəçiliyində eyni anda həm digər bir hüquqi şəxs və fiziki şəxs ola bilər. Həmin
müəssisənin gəlirlərinin və xərclərinin bölüşdürülməsi məsələsi isə “Assosasiya Sazişi”
(“the Memorandum of Association”) ilə tənzimlənir. Fiziki şəxslərin həmin müəssisədəki
gəlirləri fiziki şəxslərin gəlir vergisinə uyğun vergiyə cəlb edilir, həmin müəssisənin öz
gəliri hüquqi şəxslərin gəlir vergisinə əsasən vergiyə cəlb edilir. “Limited Partnership
Liability”(“Məhdud ortaqlıqlar”) anlayışı Çex qanunvericiliyinə əsasən Məhdud
Məsuliyyətli Cəmiyyətlə Qeyri-məhdud Məsuliyyətli Cəmiyyətinin kombinə edilmiş
formasıdır. Burada ortaqlar yalnız həmin ortaqlıqdakı paylarına uyğun məsuliyyət
daşıyırlar, yalnız əsas ortaq (general partner) həm də öz əmlakına görə məsuliyyət daşıyır.
Ortaqlıqlar Çex qanunvericiliyinə əsasən hüquqi şəxs ola bilərlər. 1 yanvar 2014-cü il
tarixindən Çexiyada Mülki Məcəllənin müddəalarına əsasən trastlar yaradılır. Trastlar
yalnız aşağıdakı vergi məqsədləri üçün hüquqi şəxs hesab edilir:
– Korporativ gəlir vergisinin məqsədləri üçün;
– ƏDV məqsədləri üçün;
– Daşınmaz əmlak vergilərinin məqsədləri üçün.
Trastın iştirakçısı trastın adından vergi hesabatı öhdəliklərini yerinə yetirə bilər. Praqa vergi
idarəsi bütün trastlar üzrə səlahiyyətli vergi orqanı elan edilib. Çex Respublikasında
kommersiya müəssisələrin qeydiyyat məsələsi “Ticarət Məcəlləsi” və “Mülki Məcəllə” ilə
tənzimlənir. Müəssisələrin kommersiyya qeydiyyatı Ədliyyə Nazirliyi tərəfindən aparılır.
“Qeydiyyat Məhəkəməsi” (Registry Court) müəssisələrin və fiziki şəxslərin (həm muzdlu
işləyən fiziki şəxslər, həm də sahibkarlıq fəaliyyəti göstərən fiziki şəxslər) birbaşa
qeydiyyata alınmasına və qeydiyyatının ləğv edilməsinə məsul qurumdur. Yeni qəbul
edilmiş “Mülki Məcəllə”də qeydiyyat məsələləri ümumi qaydada öz əksini tapdığı halda,
“Ticarət Məcəlləsində” və “Dövlət qeydiyyat aktı “larında bu məsələ daha geniş və
təfərrüatlı verilib. “Ticarət Məcəlləsinin” 3-cü bölməsinə əsasən konkret olaraq, hansı
şəxslərin Kommersiya qeydiyyatına durmalı olduqları vurğulanıb. Bunlara əsasən,
qanunvericiliyə uyğun olaraq yaradılmış hüquqi şəxslər, “Ticarət Məcəlləsinin” müvafiq
bölməsinə uyğun olaraq xarici şəxslər hesab edilən şəxslər, həmin Məcəllənin məqsədləri
üçün sahibkarlıq fəaliyyəti göstərən hər hansı şəxs və.s. Hüquqi şəxslərin dövlət reyestr
məlumatlarına hüquqi şəxsin adı və qeydiyyat ünvanı, identifikasiya nömrəsi,sahibkarlıq
fəaliyyətinin növü, hüquqi şəxsin forması və icraedici direktorların adı və
ünvanları,ticarət lisenziyası və yaxud əlaqəli lisenziyalar, nizamnamə kapitalı, təsisçilər
haqqında məlumat, hüquqi şəxsin təsis tarixi ,xitam verilmə tarixi,və.s. daxildir. Çex
Respublikasında dövlət müəssisələrinin qeydiyyat məsələsi əsasən “Mülki Məcəllə”,
“Ticarət Məcəlləsi” və “Dövlət Qeydiyyatı Aktı” ilə tənzimlənir. Hüquqi və fiziki şəxslər
Çex Respublikasında fəaliyyətə başlayarkən “Ticarət lisenziyası” almalıdır. Bu lisenziya
bir çox sahibkarlıq sahələrini əhatə edir və Ticarət Lisenziyası İdarəsi tərəfindən verilir.
Çex qanunvericiliyinə əsasən, müəssisə özünün Çex qanunvericiliyinə uyğun işləməsini
təmin edən və buna məsuliyyət daşıyan agentlər təyin edə bilər.
Estoniya Respublikası
Estoniya Ticarət Qanununa əsasən bu ölkədə sahibkarlıq subyektlərinin 6 forması var.
Bunlar:
1. Özəl məhdud məsuliyyətli şirkət;
2. İctimai məhdud məsuliyyətli şirkət və ya birgə səhmdar cəmiyyəti;
3. Ümumi tərəfdaşlıq;
4. Məhdud tərəfdaşlıq;
5. Fərdi müəssisə;
6. Xarici şirkətin filialı.
Firma adları Estoniyanın Ticarət Qanunu ilə tənzimlənir. Biznes və ya firma adı dedikdə
kommersiya reyestrinə daxil edilən və şirkətin altında fəaliyyət göstərdiyi ad nəzərdə
tutulur. Şirkətin yalnız bir biznes adı ola bilər. Şirkətin biznes adı Estoniyanın kommersiya
qeydiyyatına daxil edilən digər biznes adlardan aydın şəkildə seçilməlidir.
Hər bir hüquqi müəssisə forması üçün reyestr məlumatları var. Aşağıdakı reyestrə daxil
olan məlumatlar ümumi ortaqlıq (general partnership) üçün nəzərdə tutulub:
1. Ümumi ortaqlığın biznes adı;
2. Ümumi ortaqlığın yerləşdiyi yer və ünvanı;
3. Ümumi ortaqlığın fəaliyyət sahəsi, maliyyə ilinin əvvəli və sonu;
4. Ortaqların adları, şəxsi identifikasiya kodları və ya reyestr kodları, onların yaşayış
yeri və ya məkanı;
5. Ümumi ortaqlığı təmsil etməyə səlahiyyətləndirilən şəxslər və onlardan birgə ümumi
tərəfdaşlığı təmsil etmək hüququna malik olanı.
Kommersiya qeydiyyatına daxil olmaq üçün ərizədə yuxarıda göstərilən məlumatlar əks
olunmalıdır. Ərizə bütün ortaqlar tərəfindən imzalanır.
Özəl məhdud şirkətin kommersiya qeydiyyatına daxil edilməsi üçün idarə heyəti
kommersiya qeydiyyatına bu Qanunun 145-ci Maddəsində nəzərdə tutulan məlumatlar əks
edilən ərizə təqdim etməlidir və idarə heyətinin bütün üzvləri tərəfindən imzalanmalıdır.
Özəl məhdud şirkətlər kommersiya qeydiyyatına aşağıdakı məlumatları daxil etməlidirlər:
1. Biznes adı;
2. Fəaliyyət istiqamətləri, yerləşdiyi yer və ünvanı;
3. Nizamnamə kapitalının məbləği;
4. Assosiasiya Memorandumunun bağlandığı tarix;
5. İdarə heyətinin üzvlərinin adları, şəxsi identifikasiya kodları və yaşayış yerləri;
6. Özəl məhdud şirkətin bu Qanunun 181-ci Maddəsinin 1-ci alt bölümündə1 nəzərdə
tutulmuşdan fəqli şəkildə təmsil edən idarə heyətinin üzvləri;
7. Şəxsi məhdud şirkətin maliyyə ilinin əvvəli və sonu;
8. Qanunla nəzərdə tutulmuş digər məlumatlar.
Əgər idarə heyəti kommersiya qeydiyyatına səhv məlumat təqdim edərsə ərizəni imzalayan
idarə heyəti üzvləri dəymiş zərərə görə birgə məsuliyyət daşıyırlar.
Hüquqi şəxslərin qeydiyyatı Ticarət Qanunu ilə tənzimlənir. Şəhər və rayon
məhkəmələrinin qeydiyyat şöbələri reyestrin ərazi yurisdiksiyasında yerləşən fərdi
müəssislərin və şirkətlərin kommersiya qeydiyyatını aparır.
Kommersiya qeydiyyatının tərkibi aşağıdakı kimidir:
Kart reyestri. Reyestrə daxil olan hər bir müəssisə üçün ayrıca qeydiyyat vəsiqəsi açılır.
Qeydiyyat vəsiqələri A hissəsindən və B hissəsindən ibarət olan kart reyestrini təşkil edir. A
hissəsi fərdi sahibkarlar, ümumi ortaqlıq və məhdud ortaqlıq üçün qeydiyyat vəsiqələrindən
ibarət olur. B hissəsi isə özəl məhdud şirkətlər, ictimai məhdud şirkətlər və kommersiya
assosiasiyaları üçün qeydiyyat vəsiqələrindən ibarət olur.
Biznes fayl. Biznes fayl reyestrə daxil olan hər bir müəssisə üçün açılır. Qanuna əsasən
qeydiyyatçıya müəssisə və ya məhkəmə və ya əmlak sərəncamçısı tərəfindən göndərilən
məlumatlar biznes faylda saxlanılır. Qeydiyyatçıya göndərilən məlumatlar, əgər qanunla
başqa hal nəzərdə tutulmayıbsa orijinal və ya notarius qaydasında təsdiq edilmiş surətdə
olmalıdır.
Reyestr fayllar. Reyestrə daxil olan hər bir müəssisə üçün reyestr fayl açılır. Dövlət
rüsumlarının ödənilməsi və məlumatların daxil edilməsi üçün ödənişə dair sübut, həmçinin
biznes faylda saxlanılmayan və müəssisə haqqında olan digər sənədlər reyestr faylında
saxlanılır.
Reyestr jurnalı. Daxil olma ilə bağlı ərizələr və reyestrə təqdim edilən sənədlər reyestr
jurnalında qeydə alınmalıdır. Ərizənin cavablandırılıb - cavablandırılmadığı haqqında qeyd
reyestr jurnalına daxil edilməlidir.
Əlifba sırası ilə təşkil edilmiş kartoteka. Əlifba sırası ilə təşkil edilmiş kartoteka həmin
qayda olan vərəqələrlə birlikdə reyestrə daxil olan müəssisələr üçün saxlanılır. Biznes adı,
1 İdarə heyətinin hər bir üzvü şəxsi məhdud şirkəti bütün hüquqi aktlarla təmsil edə bilər, əgər şirkət tərəfindən idarə heyətinin
üzvlərindən bəzilərinin və ya hamısınin özəl məhdud şirkəti birgə təmsil etməkləri müəyyən edilməmişdirsə. Birgə təmsilçilik
kommersiya qeydiyyatına daxil edildiyi təqdirdə üçüncü şəxslərə münasibətdə tətbiq edilir.
Every member of the management board may represent the private limited company in all legal acts unless the articles of
association prescribe that some or all of the members of the management board shall represent the private limited company
jointly. Joint representation shall apply with regard to third persons only if it is entered in the commercial register.
(http://www.fifoost.org/estland/recht/commercial_code/node25.php)
vərəqənin qeydiyyat hissəsinə və müəssisənin qeydiyyat koduna istinad vərəqə üzərində
kartotekaya daxil edilir. Vərəqələri verərkən şirkətin sinfinə istinad edən biznes ada əlavə
nəzərə alınmamalıdır. Əgər reyestr məlumatları elektron formada mövcuddursa, Ədliyyə
Nazirliyi Əlifba sırası ilə təşkil edilmiş kartotekanı ləğv edə bilər.
Estoniyanın Ticarət Qanununda “Trust” anlayışı nəzərdə tutulmayıb.
Ümumi tərəfdaşlıq və məhdud tərəfdaşlıq (General partnership (TU) or limited partnership
(UU)) Estoniya Respublikasında olan iki növ tərəfdaşlıqlardır. İki və ya daha çox fiziki şəxs
və ya hüquqi şəxs bu tərəfdaşlıqların təsisçiləri ola bilərlər. Hər iki tərəfdaşlıq hüquqi şəxs
hesab olunurlar2.
Fərdi müəssisə
Hər hansı fiziki şəxs fərdi müəssisə ola bilər. Əgər şəxs fəal hüquqi qabiliyyətli deyildirsə,
qanunvericiliklə nəzərdə tutulmuş həddə qədər qanuni təmsilçi şəxsin adından əməliyyat
aparır. Şəxsin fəal hüquqi qabiliyyəti məhdud olduğu təqdirdə o, qanunla nəzərdə tutulmuş
şərtlər daxilində qanuni təmsilçinin razılığı ilə əməliyyat apara bilər.
Fərdi müəssisə öz istəyi ilə kommersiya qeydiyyatına daxil edilə bilər. Fərdi müəssisə
Əlavə Dəyər Vergisi Qanununa uyğun olaraq Vergi İdarəsində vergi ödəyicisi kimi
qeydiyyatdan keçmişdirsə kommersiya qeydiyyatına daxil edilə bilər.
2 http://www.baltic-legal.com/estonia-company-formation-and-registration-eng.htm