arayiŞ - senaye.gov.azsenaye.gov.az/content/html/3569/attachments/dünyada yüngül sənaye...
TRANSCRIPT
AZƏRBAYCAN RESPUBLİKASI
İQTİSADİYYAT VƏ SƏNAYE NAZİRLİYİ
Dünyada yüngül sənaye klasterləri, mövcud vəziyyət və trendlər
haqqında
ARAYIŞ
Hazırladı:
Sənaye şöbəsinin Sənaye parkları və klasterləri sektorunun
məsləhətçisi Elçin Novruzov
BAKI - 2015
2
Mündəricat
Klaster haqqında ümumi anlayış ............................................................................................................................. 3
Klasterləşmə prosesi............................................................................................................................................ 7
Beynəlxalq təcrübə .................................................................................................................................................. 9
Dünyadakı yüngül sənaye klasterlərinin mövcud vəziyyəti ................................................................................... 11
İtaliya ................................................................................................................................................................. 12
Dövlət dəstəyi ................................................................................................................................................ 13
Karpi klasteri .................................................................................................................................................. 14
Prato (yun məhsulları istehsalı) klasteri ........................................................................................................ 16
Montebelluna klasteri ................................................................................................................................... 17
Hindistan – Alaphuzza, Kerala – Hindqozu lifi üzrə ixtisaslanmış klaster .......................................................... 17
Türkiyə ............................................................................................................................................................... 18
Dənizli Ev Tekstili klasteri .............................................................................................................................. 19
Brendləşmə sahəsində vacib addımlar .......................................................................................................... 21
Türkiyədə klasterləşmənin SWOT təhlili........................................................................................................ 21
Digər .................................................................................................................................................................. 22
İstifadə olunmuş ədəbiyyat ................................................................................................................................... 23
3
Klaster haqqında ümumi anlayış
Klaster modeli XX əsrin 60-70-ci illərindən başlayaraq tətbiq edilən bir
mexanizmdir və tətbiq edildiyi ölkələrin əksəriyyətində iqtisadi cəhətdən çox
əhəmiyyətli mövqeyə malikdir.
Klasterlər - eyni və ya bənzər sektorda fəaliyyət göstərən, əlaqəli və bir-birini
tamamlayıcı fəaliyyət sahələrinin müəyyən coğrafi bölgədə yerləşməsi ilə meydana
gələn, ümumi infrastruktur, texnologiya, vahid bazar, işçi qüvvəsi və xidmətləri
paylaşaraq qarşılıqlı ticarət əlaqələrinin qurulması, kommunikasiya və qarşılıqlı dialoq
imkanlarına malik olan sahibkarlıq subyektlərindən ibarət sistemlərdir.
Eyni zamanda, klasterlərdə kiçik və orta sahibkarlıq subyektləri arasında həm
rəqabət, həm də əməkdaşlığın eyni anda təmin edilməsi nəzərdə tutulur. Klaster
daxilində bənzər sahədə fəaliyyət göstərən sahibkarlar həm rəqabət edir, həm də eyni
klasterdə birlikdə hərəkət edirlər. Burada sahibkarlıq subyektləri və digər iştirakçılar
rəqabət üstünlüyü əldə edilməsi üçün müştərək hərəkət edirlər. Belə bir sistem
çərçivəsində fəaliyyət göstərmələri kiçik və orta sahibkarlara rəqabət üstünlüyü
qazandırır. Nəticə olaraq bu sistemin tətbiqi ilə sahibkarlıq subyektlərinin xərcləri aşağı
düşür, marketinq imkanları genişlənir, məhsuldarlıq göstəriciləri yüksəlir, ixracları artır,
araşdırma və inkişaf etdirmə qabiliyyətləri güclənir. Bu isə yeni məhsulların bazara
çıxarılmasına, yeni şirkətlərin qurulmasına, məşğulluğun yüksəlməsinə, regionların
inkişafına və infrastruktur xidmətlərinin təkmilləşməsinə səbəb olur.
Klasterlər regionda mal və xidmətlərin ixracı vasitəsilə əhalinin maddi rifahının
artmasına xidmət edən və bir biri ilə əlaqəli olan sənaye sahələrinin qrup şəklində
yerləşməsidir. Klasterlərin tədarük zəncirinin bütün həlqəsini əhatə etməsi və dəstək
xidmətləri, həmçinin xüsusi infrastruktur təminatını özündə birləşdirməsi onları ənənəvi
istehsal sahələrindən fərqləndirir. Coğrafi olaraq mal və xidmətlərin axınının yüksək
olduğu ərazilərdə cəmlənən klasterlər ölkə iqtisadiyyatı üçün əlavə dəyər yaradırlar.
4
Klasterlər öz aralarında müəyyən oxşarlıqlar, əlaqələr və ya müxtəlif ticarət və
istehsal əlaqələri olan şirkət və müəssisələrin eyni coğrafi ərazidə fəaliyyət göstərməsi
ilə formalaşırlar. Burada ən vacib məsələ onların bir-birlərini tamamlamaları və öz
aralarında rəqabət şəraitində olmalarıdır. Klasterləri ancaq öz daxilində yer alan
şirkətlərlə məhdudlaşdırmaq düzgün deyildir. Klasterlərin əmələ gətirdikləri iqtisadi
dəyərin yaranmasında köməyi olan digər sektorlar, müəssisələr, qurumlar və institutlar
da klaster məfhumuna daxildirlər. Məsələn, məişət əşyaları istehsalı ilə məşğul olan
klaster yalnız məişət əşyası istehsalı ilə məşğul olan müəssisələri deyil, eyni zamanda
tədarükçüləri, köməkçi sənaye sahələrində fəaliyyət göstərən müəssisələri, avadanlıq
istehsalçılarını və lazımı infrastrukturu təmin edən digər qurumları da əhatə edir.
Klasterlər müştəriləri, pərakəndə satış vasitələrini və bir-birini tamamlayan malların
istehsalçılarını da əhatə edən geniş bir termindir. Buna görə də, təşkilat kimi kənardan
müdaxilə ilə yaradılan qurumlardan daha fərqli bir xüsusiyyətə malik olan klasterlər
xarici müdaxilə olmadan eyni regionda fəaliyyət göstərən, rəqabət qabiliyyətinə malik
olan, xarici bazara qarşı daha möhkəm və dayanıqlı vəziyyətə gətirilən müəssisələrdən
ibarət sistemlərdir.
Dövlət tərəfindən müəyyən stimullarla təmin olunan müəssisələrin müəyyən bir
coğrafi regionda qısa bir müddət ərzində əhəmiyyətli dərəcədə mənfəət əldə etməsi
uzun müddətli perspektivdə həmin müəssisələrin daha çox inkişafa ehtiyac hiss
etmələrinə və rəqiblərinin fəaliyyət göstərdikləri regionlara genişlənmələrinə gətirib
çıxarır. Bunun əsas səbəbi klasterlərin olduğu regionlarda müvafiq sahələrdə
ixtisaslaşmış və peşəkarlaşmış tədarükçülərlə, keyfiyyətli işçi qüvvəsi ilə, texniki bilik
və dəstəyi təmin edəcək qurumlarla əlaqələrin qurulmasının asan olması və bunun da
məhsuldarlığı artırmasıdır. Rəqib müəssisələrin eyni mühitdə fəaliyyət göstərməsi,
müştərilərin həmin regionda öz ehtiyaclarına görə ən sərfəli müəssisəni seçmələrini
asanlaşdırır. Belə bir vəziyyətdə müəssisələr arasındakı rəqabət artır və yeni
innovasiyaların tətbiqi sürətlənir. Bununla da müəssisələr həm yerli, həm də qlobal
bazarda rəqabət qabiliyyəti əldə edirlər.
Növlərinə görə klasterləri şərti olaraq aşağıdakı kimi qruplaşdırmaq olar:
5
Coğrafi klasterlər – biznes şəbəkəsi, istehsalçılar, təchizatçılar və digər
əlaqədar qurumların eyni regionda fəaliyyəti nəticəsində yaranan klasterlərdir.
Sektoral klasterlər – eyni sektorda fəaliyyət göstərən biznes şəbəkəsi
tərəfindən yaradılan klasterlərdir.
Horizontal klasterlər – maddi və insan resurslarının birgə istifadəsi və
paylaşılması, həmçinin istehsal olunan məhsulların birgə satışının təşkili nəticəsində
yaranan klasterlərdir.
Vertikal klasterlər – məhsulların istehsalından başlayaraq son istehlakçıya
qədər olan təchizat zəncirini özündə əks etdirən klasterlərdir.
Klasterlər çox müxtəlif struktura malik ola bilərlər. Lakin əsas iştirakçılar qismində
son məhsul istehsalçıları, ixtisaslaşmış xammal və ya yarımfabrikat, avadanlıq, ehtiyat
hissəsi və digər məhsul təchizatçıları, maliyyə qurumları, müştərilər, ixtisaslaşmış
infrastruktur xidməti təminatçıları, təhsil, araşdırma və texniki dəstək təmin edən
qurumlar və standartlaşdırma agentlikləri çıxış edirlər.
Klasterə daxil olan sahibkarlıq subyektləri öz müstəqilliklərini itirmədən fəaliyyət
göstərə, ümumi istifadə üçün infrastruktur layihələri (ortaq araşdırma mərkəzi,
laboratoriya, anbar və s.) həyata keçirə bilərlər. Burada xammal tədarükündən,
məhsulun bazara çıxarılması mərhələsinə qədər olan bütün iş prosesində ortaq hərəkət
etmə imkanı əldə edilir ki, bu da daha ucuz xammal təminatı, məhsulların daha geniş
kütlələrə təqdim olunması, beynəlxalq sərgilərdə iştirak edilməsi və ixrac imkanlarının
genişlənməsi ilə nəticələnir. Nəticədə isə məhsulların əlavə dəyərinin artmasına
baxmayaraq, maya dəyəri nisbətən azalır.
Klasterlərin formalaşmasında əsasən aşağıdakı iştirakçılar yer alır:
- Kiçik və orta sahibkarlıq subyektləri;
- Xidmət tədarükçüləri (özəl və dövlət);
- Təhsil və araşdırma mərkəzləri;
- Sahibkarlıq qrupları (assosiasiyalar);
- Böyük sahibkarlıq subyektləri;
- Maliyyə qurumları və banklar;
6
- Qeyri-hökumət təşkilatları (QHT-lər);
- Dövlət.
Klaster iştirakçıları və onlar arasındakı əlaqələr (klaster xəritəsi)
Klasterdə kiçik müəssisələr digər müəssisələrin bilik və təcrübəsindən istifadə edir,
eyni zamanda müəssisələr arasında təcrübəli mütəxəssislərin mübadiləsi işin
səmərəliliyinə müsbət təsir göstərir.
Klasterlər, müəssisələr arasında məlumat mübadiləsinin və əməkdaşlıq şəbəkəsinin
yaranmasında da mühüm rol oynayırlar. Bununla da müəssisənin təcrübələrinin nəticəsi
kimi meydana çıxmış ümumi bir bilik mənbəyi yaranır və bütün müəssisələr bu
mənbədən faydalana bilirlər.
Bundan başqa, klaster daxilində bütün sahələrə deyil, müəyyən sahələrə yönəlmək
imkanı mövcuddur ki, bu da müəssisələrin əməkdaşlığı nəticəsində meydana çıxmış
əmək bölgüsünün təzahürüdür.
Klasterlərin başqa bir üstün cəhəti müəssisələrin inkişafı və rəqabət
qabiliyyətlərinin artırılması, eləcə də qarşıda duran məsələlərin asanlıqla həlli
imkanlarının mövcud olmasıdır. Ümumi ehtiyac, çətinliklər və çatışmazlıqların
BEYNƏLXALQ FAKTORLAR
DÖVLƏT SİYASƏTİ
Xidmət sahəsi:
(Dizayner, sınaq laboratoriyası, nəqliyyatçı, maliyyəçi, idxal agentliyi və s.
Dəstək və xidmət qurumları (dövlət və özəl)
Xammal
tədarükçüləri
Avadanlıq
tədarükçüləri
Satış
agentlikləri
Birbaşa
müştərilər
İstehsal sistemi
Sahibkar Sahibkar
Sahibkar
Sahibkar Sahibkar
Sahibkar
7
müəyyənləşdirilməsi, müəssisələrin dövlət və digər qurumlar tərəfindən dəstəklənməsi
ilə bağlı daha məqsədyönlü addımların atılmasına və səmərəli qərarların qəbul
edilməsinə şərait yaradır, bununla da müəssisənin inkişafına təkan verir.
Vacib məqamlardan biri də klasterlər çərçivəsində universitetlər və digər təhsil
müəssisələri ilə sənaye müəssisələri arasında daha yaxın əlaqələrin qurulmasının
əlverişli olmasıdır. Eyni sahədə və eyni coğrafi ərazidə toplanmış, bir-biri ilə əlaqədə
olan rəqabətə açıq müəssisələr həmin sahənin inkişafına köməklik göstərəcək təhsil
müəssisələrinin regionda qurulmasını asanlaşdırır. Stanford Universitetinin Silikon
Vadisi klasterinin yaxınlığında yerləşməsi, innovativ texnologiyalar sahəsində
ixtisaslaşmış klasterlərin Massaçusets Texnologiya İnstitutunun (MIT) və ya Kembric
Universitetinin ətrafında fəaliyyət göstərmələri buna misal ola bilər.
Klasterləşmə prosesi
Klasterləşmə prosesini şərti olaraq 4 mərhələyə bölmək olar:
1. Müəssisələrin bir regionda fəaliyyəti
Birinci mərhələdə bir-biri ilə heç bir əlaqəsi olmayan və istehsal olunan məhsulu
bilavasitə istehlakçılara çatdıran müəssisələr hər hansı bir regionda fəaliyyət göstərir.
Bu mərhələdə klasterlərin yaradılması üçün ilk öncə rəqabət gücü yüksək olan sahələr
və onların sayı müəyyənləşdirilir, müəssisələrin cari vəziyyəti və digər sahələrdə
fəaliyyət göstərən müəssisələrlə əlaqələri təhlil edilir.
2. Yeni yaranmağa başlayan klasterlər
İkinci mərhələdə klasterlərin təşkil olunacağı sahə müəyyənləşdirilir və dövlət
təşviqləri, eləcə də lokal sosial fəaliyyətlərin təsadüfi şəkildə formalaşması ilə, regionda
mövcud olan təbii sərvətin ətrafında öz-özünə klasterlər yaranır. Bir regionda oxşar
məhsullar istehsal edən müəssisələrdən biri öz istehsal həcmini ötüb keçən bir sifariş
aldığı təqdirdə, qonşu müəssisələrdən biri və ya bir neçəsi ilə danışıqlar apararaq alınan
sifarişin birlikdə ödənilməsini təklif edə bilər.
8
3. İnkişaf etməkdə olan klasterlər
Üçüncü mərhələdə digər sosial mexanizmlərin köməyi ilə klasterlərin inkişaf
etdirilməsi nəzərdə tutulur. Məsələn, bir regionda 5 iplik, 15 parça istehsalı və 25
trikotaj sexinin mövcud olduğunu fərz edək. Bu sexlərin 80%-nin üzv olduqları bir
parça istehsalçıları dərnəyi təsis edilir. Regionda yerləşən universitet isə tekstil
mühəndisliyi təhsili verir. Dərnək tərəfindən regionun tekstil istehsalçılarının
potensialının artırılması üçün hazırlanan qrant layihəsinə əsasən universitetin
laboratoriyası yenidən qurularaq tekstil istehsalı üçün zəruri olan təcrübə-sınaq
avadanlıqları ilə təmin olunur. Bu mərhələdə QHT tipli müxtəlif institusional
mexanizmlərin dəstəyindən geniş istifadə olunur.
4. Formalaşmış klasterlər
Dördüncü mərhələdə klasterin tam formalaşması başa çatır, şirkətlər, təhsil
müəssisələri, sənaye palataları və digər qurumlar klaster çərçivəsində harmoniyalı
şəkildə fəaliyyət göstərirlər.
Klasterin inkişaf etdirilməsi prosesində ən vacib məqamlardan biri də Agentin
müəyyənləşdirilməsidir. Klasterin fəaliyyətlərinin koordinasiyası və inkişaf etdirilməsi
məqsədilə müvafiq sahədə dövlət siyasətini həyata keçirən səlahiyyətli orqan tərəfindən
Agent müəyyənləşdirilir. Agentin fəaliyyətinin əsasını müəyyən dövr ərzində klasterin
inkişaf strategiyasının müəyyənləşdirilməsi və icrası təşkil edir. Sənaye, xüsusilə də
kiçik və orta miqyaslı müəssisələrin fəaliyyəti sahəsində ixtisaslaşmış agent klaster
daxilindəki müəssisələr arasında əlaqələrin qurulması və inkişaf etdirilməsi, sahibkarlar
arasında etibarlılığın artırılması və digər məsələlərlə məşğul olur.
Agent müəyyənləşdirildikdən sonra, aşağıda göstərilən istiqamətlər üzrə ətraflı
tədqiqat aparılaraq iqtisadi vəziyyətin öyrənilməsi vacibdir:
1. Klasterləşməsi nəzərdə tutulan regionun sosial-iqtisadi və institusional
mühitinin öyrənilməsi;
2. Stimullaşdırıcı tədbirlərin görülməsi üçün potensial imkanların və sahələrin
müəyyənləşdirilməsi;
9
3. Klaster agenti ilə klasterin iştirakçıları arasında institusional etibarlılığın
qurulması;
4. Strateji planlaşdırma və fəaliyyət planı.
Klaster barədə tədqiqatın həyata keçirilməsindən sonra klasterin gələcək inkişaf
istiqamətləri müəyyənləşdirilir. Bu istiqamətlər mütəmadi olaraq nəzərdən keçirilir və
dəyişən şərtlərə uyğunlaşdırılır. Fəaliyyət planı isə inkişaf istiqamətində qarşıya qoyulan
hədəflərə çatmaq üçün həyata keçiriləcək tədbirləri özündə əks etdirir. Fəaliyyət
planında nəzərdə tutulmuş tədbirlərin icrasına başlanılır. Agent burada ümumi fəaliyyəti
və prosesi nəzarətdə saxlayaraq klasterin inkişafına kömək edir. Daha sonrakı
mərhələdə isə davamlı olaraq klasterin fəaliyyətinin monitorinqi və qiymətləndirilməsi
aparılır.
Beynəlxalq təcrübə
Ölkə ərazisində klasterlərin yaradılması ilə əlaqədar olaraq dünyanın bəzi
ölkələrinin bu sahədə təcrübələri araşdırılmışdır. Müəyyən olunmuşdur ki, klaster
modeli, xüsusilə XX əsrin 60-70-ci illərindən başlayaraq tətbiq edilən bir mexanizmdir
və bu modelin tətbiq edildiyi ölkələrin əksəriyyətində klasterlər iqtisadi cəhətdən çox
əhəmiyyətli mövqeyə malikdir. Klasterlərin ən yaxşı inkişaf etdiyi ölkələrə nümunə
kimi, İtaliya, Almaniya, İngiltərə, İsveç, Yaponiya, Fransa, ABŞ, Çin, Hindistan,
Pakistan, Braziliya, Meksika və s. göstərilə bilər. Təyinatına görə klasterlər sənayenin
bütün sahələrini əhatə edir və Sinqapur, Malayziya, Tayvan və digər ölkələrdə yüksək
texnoloji məhsul istehsalına stimul verir.
Ənənəvi sənaye istehsalı ilə məşğul olan klasterlərə bəzi Avropa ölkələrini nümunə
göstərmək olar. Belə ki, İtaliyanın müxtəlif sektorları əhatə edən və yüksək keyfiyyətli
məhsulları ilə böyük həcmli ixracı həyata keçirən tekstil, dəri, zərgərlik məmulatları,
optik şüşələr və s. klasterləri bu sahədə böyük təcrübəyə malikdir. İtaliyanın “Made in
Italy” olaraq dünyada məşhurlaşmasının əsas səbəblərindən biri bu ölkədə inkişaf etmiş
klasterlərin mövcudluğudur. Həmçinin bir sıra kosmetika və tekstil məhsulları istehsalı
ilə məşğul olan “Gucci”, “Armani”, “Genny”, “Byblos”, “Guigiaro Valentino”, “Yves
10
Saint Laurent”, “Burberry”, “Dizel”, “Christian Dior” və s. brendlərin uğur
qazanmasının və Asiya ölkələrinin irimiqyaslı istehsal gücü ilə rəqabət apara bilməsinin
əsas səbəblərindən biri müvafiq sahələrdə klaster modelinin tətbiq olunmasıdır.
Tanınmış italyan klasterlərinə nümunə kimi Prato (yun trikotaj), Trevisio (toxuma),
Reggio Emilia (kənd təsərrüfatı maşınqayırması), Bologna (avtomat maşınlar) və
digərləri göstərilə bilər.
İsveçdə ümumi ixracın 50%-dən çoxu (nəqliyyat, meşə məhsulları, metal və s.)
sənaye klasterləri vasitəsilə həyata keçirilir. “Tuttlingen” (cərrahi avadanlıqlar),
“Munich” (avtomobil) və “Frankfurt” (kimyəvi məmulatlar) Almaniyanın məşhur
klasterlərindəndir. ABŞ-da isə, “Silikon vadisi” İKT üzrə, “Hollywood” əyləncə üzrə,
Nyu-York maliyyə bazarları üzrə, Naorth Carolina mebel üzrə dünyada ən çox tanınmış
klasterlərdən sayılır. Klasterlər inkişaf etməkdə olan bir çox ölkələrin iqtisadiyyatında
da əhəmiyyətli yer tutur. Bu ölkələrə Braziliyanı (dəri və dəri ayaqqabılar), Meksikanı
(maşınqayırma, ayaqqabı), Hindistanı (trikotaj, milli hazır geyim, daş-qaş və zərgərlik
məmulatları, dəri və dəri məhsulları, əl işləri və s.) misal göstərmək olar.
Belə dövlətlər iqtisadi siyasət vasitələri və investisiyaların stimullaşdırılması yolu
ilə klasterlərin inkişafını dəstəkləyərək, biznes mühitinin inkişafı istiqamətində müxtəlif
tədbirlər həyata keçirirlər. Hazırda qlobal rəqabət şəraitində inkişaf səviyyəsindən asılı
olmayaraq dünyanın bir çox ölkələrində kiçik və orta sahibkarlığın rəqabətə
davamlılığının təmin olunması, o cümlədən, xammal əldə etmə, istehsal prosesində
yenilik tətbiq etmə, marketinq, məhsulların bazara çıxarılması və s. mövzularda yaranan
problemlərin klasterlərin tərkibində, eləcə də digər iqtisadi subyektlərlə aktiv
əməkdaşlığın qurulması ilə aradan qaldırılması daha asandır.
Beynəlxalq təcrübəyə müraciət etsək, klasterlərin yaradılması prosesində
dövlətlərin birbaşa iştirak etmədiyini müşahidə edərik. Klasterlər uzun dövr ərzində
formalaşır və dövlətlərin hər hansı bir birbaşa müdaxiləsi ilə klasterlərin yaradılması
təcrübəsinə rast gəlinmir. Lakin, yaranmış və formalaşmış klasterlərin dövlətlər
tərəfindən müxtəlif tədbirlərlə dəstəklənməsinə dünya təcrübəsində çox rast gəlmək
11
olar. Klasterdə fəaliyyət göstərən sahibkarların güzəştli kreditlərlə təmin edilməsi ən
başlıca dəstək mexanizmlərindən biridir.
Dünyadakı yüngül sənaye klasterlərinin mövcud vəziyyəti
Yüngül sənaye – toxuculuq tikiş, xəz-dəri, gön-dəri, ayaqqabı, trikotaj və
xalçaçılıq sahələrindən ibarətdir. Yüngül sənaye ona bitki xammalı (pambıq, kətan),
heyvandarlıq xammalı (yun, ipək, xəz-dəri) və süni və sintetik liftlər verən kimya
sənayesi ilə sıx əlaqədardır. Süni lif oduncaqdan hazırlanmış kimyəvi liflərdən (viskoz,
asetat və s.) sintetik lif -neft, qaz və kömürdən düzəldilmiş liflərə (kapron, lovsan və s.)
deyilir.
Yüngül sənaye dünyanın bir çox ölkəsində aparıcı sahələrdən biridir. XX əsrin II
yarısından başlayaraq - bol xammal və ucuz işçi qüvvəsinə malik İnkişaf etməkdə olan
ölkələrin bu sahədə payı artmışdır. (Xüsusilə pambıq parça istehsalında)
1. Pambıq parça - Çin, Hindistan, Misir, Pakistan, Meksika, Braziliya, Argentina kimi
İEOÖ-də toxunur. Bu sahənin İEÖ-ə nisbətən İEOÖ-də daha sürətlə inkişaf etməsinə
səbəb yerli pambıq xammalının bolluğu, əhalinin alıcılıq qabiliyyətinin aşağı olması
(pambıq parça daha ucuzdur), iqlim şəraitidir (əksər IEOÖ –lər pambıq becərilən tropik
və subtropik iqlim qurşaqlarında yerləşir).
2. Kimyəvi lifdən toxunan parça - ABŞ, Yaponiya və s. İEÖ-də.
3. Ipək parça - ABŞ, Yaponiya, Çin, Hindistan
4. Yun parça - Italiya, Rusiya, Çin, Yaponiya, ABŞ
5. Kətan parça - Rusiya, Belorus, Ukrayna, Fransa
6. Çit parça – Hindistan, Banqladeş, Pakistan, Çin
ETİ dövründə təbii lifdən toxunan parçaların miqdarı azalmış, kimyəvi lifdən
toxunan parçaların miqdarı isə artmışdır. Pakistan, Hindistan, Çin, Misir, Tayvan,
Koreya, Braziliya kimi İEOÖ-lər ucuz işçi qüvvəsi və bol xammal hesabına əsas təbii
parça ixrac edən ölkələrə çevrilmişlər.
Tekstil sənayesi inkişafda olan ölkələrin iqtisadi inkişafı dövründə mühüm rol
oynayan bir sənaye növüdür və sənayeləşmə dövrünün ilk başladığı sektorlardan biridir.
12
Günümüzdə də bu sənaye sərmayə çətinliyi yaşayan, ucuz işçi qüvvəsinə sahib
inkişafda olan ölkələrin iqtisadi inkişaflarında oxşar bir rol oynamaqdadır.
İtaliya
İtaliyanın klasterləşmədə əldə etdiyi uğur İtalyan təcrübəsi olaraq bütün dünyada
nümunə kimi istifadə olunur. 1970-ci illərin sonundan etibarən ölkənin mərkəzinin bir
hissəsini və Şimali İtaliyanı əhatə edən Üçüncü İtaliya (Third İtaly), ardıcıl əldə edilmiş
sənayeləşmə uğurlarında kiçik və orta sahibkarlığın çoxluq təşkil etdiyi bölgəni
müəyyən etmək üçün istifadə olunmuşdur. Kiçik və orta sahibkarlığın və dolayısıyla
Üçüncü İtaliyanın sürətlə böyüməsi firmaların müəyyən sektorlarda və bölgələrdə
klasterləşməsinə əsasən həyata keçirilmişdir.
İtaliya tekstil ilə yanaşı, keramika və mebel sahəsində də klasterləşmə uğuru
qazanmışdır. Ayaqqabı, dəri çanta, trikotaj, mebel, keramika və musiqi alətləri istehsalı
üçün lazım olan avadanlıqların təminatında bəzi klasterlər dünya miqyasında
güclənmişlər. İstehsalatda və ixracatda əldə etdikləri bu uğuru 1970 və 80-ci illərdə,
ənənəvi məhsullarda, məsələn ayaqqabı istehsalında, İngiltərə və Amerikada böyük
şirkətlərin iflasa uğradığı bir zamanda əldə etmişdilər.
Ən yaxşı təcrübələr sırasında olan Assopiastrelle İtaliya Keramika Klasteri milli
səviyyədə təşkilatlanmış və müstəqil bir klasterdir. Bu klasterin əsas məqsədi, üzv olan
şirkətlərlə istehsalatda qarşılaşdıqları problemlərin həllinə yardım etməkdir.
Assopiastrelle tərkibindəki müəssisələrə müxtəlif bilik, texniki yardım və müşavirlik
xidmətləri təklif edir. Sənayedə istehsala yönlü daxili əlaqələrdə və peşə təhsilində, ətraf
mühitin qorunmasında, nəqliyyatda, xam maddə və enerji qənaətində, texniki standartlar
və keyfiyyətdə, maliyyə sahəsindəki qanunvericilikdə və xarici ticarətdə aktiv bir rol
oynayan bu klaster, bir çox statistik məlumat, iqtisadi tədqiqat, bazar araşdırması və
mütəxəssis nəşrləri hazırlayır. Bundan başqa ölkə daxilində və xarici ölkələrdə sahənin
inkişafı ilə bağlı sərgilər, konfranslar və iclaslar, mədəni fəaliyyətlər də bu klaster
tərəfindən həyata keçirilir.
İtaliyada yaradılmış və uğur qazanmış sənaye zonalarının ortaq xüsusiyyətləri
aşağıdakılardır:
13
Müəssisələrin bir-birinə coğrafi olaraq yaxınlığı
Sektoral ixtisaslaşma
Əsasən kiçik və orta müəssisələr əsasında təşkilatlanma
Firmalar arası korporativ əməkdaşlıq
Yeniliklərə açıq firmalar arası rəqabət
Üzv qurumlar arasında etibar
Öz-özünü dəstəkləyən aktiv təşkilatlar
Dəstəkləyici regional və yerli orqanlar
Dövlət dəstəyi
İtaliyada klasterləşmənin uğur qazanmasında dövlət dəstəyi ilə təqdim olunan və
ixtisaslaşmış sənaye zonalarının ehtiyaclarına özəl olaraq nəzərdə tutulan idarəetmə
xidmətlərinin yaxşı təsiri olduğu bilinir. 56 bölgədə 130-dan çox idarəetmə xidmətləri
göstərən xidmət mərkəzləri yerləşir. Bu mərkəzlər çox əhatəli xidmətlər təklif edir:
Təminat krediti
İxrac sığortası
Reklam sərgiləri
Bazar qiymətləndirilməsi ilə bağlı məlumat əldə olunması
Müştəri qiymətləndirilməsi
Müşavirlik
Təhsil
Tullantıların idarə olunması
Tullantılara nəzarət
Keyfiyyət sertifikatı və ticarət brendlərinin mükafatlandırılması
Məhsulun təşviqi
Yeniliklərin dəstəklənməsi
Xammalın topdan alınması
Məhsulların sınağı
14
Bu mərkəzlər effektiv bir platforma, müştəriyə fokuslanmış, yerli iqtisadiyyatla
bütünləşmiş bir idarəetmə, güclü idarəetmə potensialı təmin edərək uğurun əldə
edilməsində vacib rol oynayırlar.
İtaliyadakı tekstil və trikotaj sahəsində həyata keçirilən klasterləşmə modeli son
dərəcə uğurlu təcrübələrdən biri olaraq göstərilir. İtaliyada Karpi və Prato tekstil
sahəsində, Arzignano dəri sahəsində uğurlu klaster modelləri arasındadır.
Karpi klasteri
Karpi klasteri mərkəzi İtaliyada Po çayının deltasında yerləşən Emiliya Romagna
bölgəsində yaradılıb. Karpi klasterinin 50 %-ni 9 nəfərdən çox işçisi olmayan 2000-ə
qədər kiçik müəssisələr təşkil edir. Bu müəssisələrdə toplam 11,491 nəfər işçi çalışır.
Şirkət və işçi sayı olaraq Karpi klasteri tekstil üçün İtaliyadakı ən önəmli addımlardan
biridir. Bu sektorda xidmət göstərən İtalyan firmalarının 21%-i bu bölgədə
toplanmışdır. Klaterləşmə nəticəsində həyata keçirilən illik satışın məbləği ixracatdan
əldə edilən gəlirin 36%-nə bərabərdir. Klasterin ixracatının 82%-i Avropa ölkələri ilə
həyata keçirilmişdir.
Klasterin mərkəzində bir qrup istehsalatçı və tekstil sektorunda fəaliyyət göstərən
500-ə yaxın müəssisədən (55%-i mikro, 45%-i kiçik və orta) ibarət olan CİTER
(Emiliya Romagna Tekstil Məlumat Mərkəzi) yerləşir. CİTER-ə Karpi bələdiyyə
məclisi və Ticarət Palatası ilə yanaşı bəzi yerli nazirlər də dəstək vermişdir. CİTER
1976 və 1979-cu illərdə bölgədə həyata keçirilən iki önəmli tədris fəaliyyətləri
nəticəsində 1980-cı ildə Emiliya Romagnada tekstil və geyim sektorunda fəaliyyət
göstərən müəssisələri dəstəkləmək məqsədilə yaradılmışdır. İtaliyanın ən əsas
innovasiya xidmət mərkəzlərindən biri olaraq qiymətləndirilən CİTER müştərilərinə
tekstil sənayesində modanın inkişafı, yeni istehsal texnologiyalarının tətbiqi və başda
texnoloji mövzular olmaq şərti ilə müxtəlif sahələrdə xidmət tədarükçülərinə çıxış
sahəsində xidmət göstərir. Mərkəz, müştəri namizədlərinə rəqabətqabiliyyətli olmaları
üçün vacib mövzularda məlumatın çatdırılmasını təmin edir. Bu mövzular əsasən bu 4
başlıqda toplanmışdır:
15
Rənglər, parçalar və moda trendləri
Ölkə və beynəlxalq bazarlardakı vacib yeniliklər
İstehsal texnologiyasında yeniliklər
İxtisaslı sub-podratçıların mövcudluğu
Mərkəz, bunlara əlavə olaraq yerli kiçik və orta müəssisələrin məlumat
üstünlüklərindən faydalanması və vasitələrə çıxış əldə etmələri üçün seminarlar həyata
keçirmiş, nəşrlər yayınlamışdır. Sərgilər keçirərək İtaliya və Avropadakı şirkətləri
dəstək layihələrində bir araya gətirmişdir. İtaliya şirkətləri ilə Şərqi Avropa və Latın
Amerika şirkətləri arasında münasibətlərin qurulmasını dəstəkləmişdir. Universitetlər,
Milli Araşdırma Mərkəzi, Avropa Birliyi, Sənaye Zonaları Mərkəzi kimi beynəlxalq
qurumlar tərəfindən maliyyələşdirilən pilot layihələrdə kütləvi olaraq iştirak etmişdir.
CİTER 1980-cı illərdə bölgə şirkətlərinin hazır geyim məhsulları istehsalına
keçməyində mühüm rol oynamışdır. Mərkəz tərəfindən həyata keçirilən təlimlərin daha
çox müəssisəyə çatdırılması üçün yerli sahibkarlara dəstək təmin etmiş, özəl sektorun
nümayəndələri də bu təlimləri inkişaf etdirərək tamamlayıcı təlimlər təqdim etmişlər.
Təlimlər, mərkəzin işçiləri ilə müəssisələr arasındakı əməkdaşlığı artıraraq bir-birlərini
tanımalarını təmin etmiş, nəticə olaraq müəssisələrin uzun müddətli dəstəyə ehtiyacı
olduqlarını ortaya çıxarmışdır. Bu vəziyyət, mərkəzin müəssisələrin ehtiyaclarını
ödəyərək bundan fayda götürənlərinə yenilənmiş məlumatları təqdim edən bir quruma
çevrilməsinə səbəb olmuşdur. Potensial müştərilərin ehtiyaclarının öyrənilməsi və
veriləcək xidmətlərin qiymətləndirilməsində hər hansı problem yaşanmamışdır. Eyni
şəkildə bölgə inkişafı agentliyinə, sektorun ehtiyaclarına yönəlik analiz nəticələrini
təqdim etmiş və ehtiyac duyulan dəstəkləri müəyyənləşdirmişdir. Bu yaxın işbirliyi
sayəsində mərkəzin yenidən təşkilatlanma üçün ehtiyac duyduğu mənbələrin bir
bölümünün bölgə inkişaf agentliyi tərəfindən həyata keçirilməsi mümkün olmuşdur.
CİTER, hazır geyim məhsullarının istehsalı və marketinqi prosesini uğurla idarə
etmiş, beləliklə 1980-cı illər ərzində etdiyi xidmətlərə olan tələbin artması ilə davamlı
bir gəlir mənbəyinə sahib olmuşdur. Ancaq 1990-cı illərdə bölgə iqtisadiyyatı çox
16
böyük bir iqtisadi böhranla qarşılaşmışdır. Təxminən 600 firma fəaliyyətini dayandırmış
(1988-ci ildə mövcud olan firmaların dörddə biri) və 4000 nəfər iş yerini itirmişdir.
Yerdə qalan müəssisələrin çoxu podratçılıq xidmətlərinə yönəlməyə və modaya yönəlik
investisiyalardan imtina etməyə qərar vermişdilər. Bölgənin böyük müəssisələrinin əsas
bir hissəsi isə bölgə xaricindən gələn böyük investorlar tərəfindən satın alınmış və bu
vəziyyət dizayn mərkəzinin bölgə xaricinə yönəlməsinə səbəb olmuşdur. Nəticə olaraq
CİTER xidmətlərinə olan tələb sürətlə azalmışdır. Mərkəz, gəlirlərinin azalması səbəbi
ilə həm işçi sayını, həm də göstərilən xidmətləri nəzərdən keçirdərək fəaliyyətini
yenidən qurmuşdur. Mərkəz xidmətləri daha çox ödəmə edən şirkətləri saxlamaqla
yenidən təsnifatlandırmış və “açıq qapı” siyasətindən imtina etmişdir.
Prato (yun məhsulları istehsalı) klasteri
Tekstil sektorunda Prato yun məhsullarının istehsalında ixtisaslaşmış bir bölgədir.
Bölgədə sənaye məşğulluğunun 80%-i kiçik və orta sahibkarlar tərəfindən həyata
keçirilir. Pratonun iqtisadiyyatında önəmli bir yeri olan kiçik və orta sahibkarlar öz
aralarında vertikal və horizontal əlaqələr yaradaraq İtaliyanın toplam tekstil ixracatının
təqribən 20%-ni həyata keçirmişdir. Bölgədəki ixracatçılar yun məhsulları sifarişlərini
toxuculuq müəssisələrinə paylayır, toxucular da bu sifarişlər əsasında yunlu iplik
istehsalı sahəsində ixtisaslaşmış müəssisələrdən yarımfabrikat məhsullar alır. Bütün bu
işbirliyinin həyata keçirilməsində Prato Sənaye Birliyinin təsiri olmuşdur.
Prato uğurunun təməlində 2 faktor durur. Bunlardan 1-cisi Pratodakı yun
toxumaçılığı istehsalında uzun müddət standart məhsullardan modaya uyğun özəl tələbə
yönəlik və fərqli tələbi qarşılayan məhsul prosesinin həyata keçirilməsidir. İkinci faktor
isə tarixən inteqrasiya olunmuş müəssisələrdə istehsal edilən məhsulun ixtisaslaşan
müəssisələrə keçidinin təmin olunmasıdır. Kiçik və orta sahibkarların sahib olduqları
texnoloji potensialdan əlavə olaraq bir-birləri ilə kooperasiya əlaqələrinin və yeni
məhsulların inkişafı istiqamətində atılan addımların nəticəsi olaraq Pratoda yeni sənaye
bölgəsi infrastrukturu yaranmışdır.
17
Montebelluna klasteri
500 müəssisə, 9100 işçiyə sahib olan Montebelluna bölgəsində İtaliyanın:
Velosiped ayaqqabısı istehsalının 60%-i;
Xizək ayaqqabısı və təkərli ayaqqabılar istehsalının 80%-i həyata keçirilir.
Qeyd olunan bölgə dünya istehsalatında isə:
Təkərli ayaqqabılarda 25%
Atletizm ayaqqabılarında 50%
Xizək qayıqlarında 75%
Motosiklet qoşqularında isə 80% paya sahibdir.
İtaliya nümunəsi uğurlu klasterləşmə proyektlərinin ortaq xüsusiyyətlərini
meydana çıxardır. Klasterləşmədə uğurun sirləri:
- Paylaşma;
- Yerli idarəetmə kimi 3-cü tərəflərin daxil olduğu qurumlar;
- Klasterləşmə anlayışının iş prosesindəki bütün iştirakçılar tərəfindən qəbul
edilməsi kimi anlaşılır.
Hindistan – Alaphuzza, Kerala – Hindqozu lifi üzrə ixtisaslanmış klaster
Hindistan, dünya hindqozundan hazırlanmış döşəmələr və döşəmə bezləri
bazarının 80%-inə sahibdir və bunun 90%-i Kerala bölgəsinin payına düşür:
İxracat : 500 milyon dollar/illik
Klasterə daxil olan təxminən 60-a yaxın müəssisə
Coir Board (Koko Lif Platforması) idarəedici orqan olaraq fəaliyyət
göstərir.
Hədəflənən layihənin inkişaf sahələri aşağıdakı kimidir:
18
İstehsalat (texnologiya, proseslər, tədqiqat və inkişaf, dizayn, keyfiyyət,
paketləmə)
Maliyyə (kreditlər, kapital, törəmə fəaliyyətlər, fondlar)
Marketinq (daxili bazar, ixracat, brend, sərgi, xammal, kommunikasiya)
Təşkilatlanma (təhsil, intellektual hüquqlar, informasiya texnologiyaları,
anbar nəzarəti, qanunvericilik və inzibati idarəetmə, loqistika, xarici
resurslar)
Həyata keçirilən tədbirlər:
Yeni yaradılan və təcrübəli müəssisələr üçün sahibkarlıq və idarəetmə
təlimləri;
Biliklərin nəqli, texnologiyaların transferi və tənqidi fəaliyyətlər;
Kiçik və orta sahibkarlarla böyük müəssisələr arasında əlaqə yaratmaq;
Kiçik və orta sahibkarlara xidmət göstərən firmaların inkişafını və
işbirliyində olmalarını təşviq etmək (dövlət və özəl sektor).
Türkiyə
Hal-hazırda tekstil sektoru Türkiyə emal sənayesi içində önəmli bir yerə sahibdir.
Emal sənayesi içində işçi qüvvəsində, istehsalatda və ixracatda 1-ci yerdədir. Türkiyə
iqtisadiyyatı içində tək sektorun bu ölçüdə böyük paya sahib olmağı bu sektordakı
yeniliklərin bütün iqtisadiyyata təsir etməsinə səbəb olacaqdır.
Klasterlərin yaradılması, təşkili və inkişaf etdirilməsi Türkiyədə hərtərəfli təşviq
edilməkdədir. Klaster siyasətinin həyata keçirilməsində əsas mərkəzi icra hakimiyyəti
orqanı Elm, Sənaye və Texnologiya Nazirliyidir.
Elm, Sənaye və Texnologiya Nazirliyi tərəfindən klasterləşmənin başlaması
şirkətlərin bu strukturda yer alaraq xərclərini azaltmaları və lazımi əməkdaşlıq
mühitinin möhkəmləndirilməsi məqsədilə 2013-cü ildə “Klasterləşməyə Dəstək
Proqramı” elan olunmuşdur.
“Klasterləşməyə Dəstək Proqramı”nın əsas hədəfləri aşağıdakılardır:
19
Türk sənayesinin rəqabət qabiliyyətinin, məhsuldarlığının və
yenilikçiliyinin yüksəldilməsi
Qlobal ixracdan daha çox pay alınması
Əsas olaraq yüksək texnologiya məhsullarının istehsalı
Bacarıqlı işçi qüvvəsi, eyni zamanda ətraf mühitin və cəmiyyətin
tələblərinə qarşı həssas bir sənaye infrastrukturunun qurulması
Şəkil: Türkiyədə tekstil klasterlərinin bölgələrə görə yerləşməsi və vəziyyəti
Dənizli Ev Tekstili klasteri
Türkiyənin ən çox ixracat edən 7-ci bölgəsi olmağı davam etdirən Dənizli rəsmi
statistikalarda 2 milyard 757 milyon dollar olan toplam ixracatının 51%-ni tekstil və
trikotaj sektorunda həyata keçirir. Dənizli Ev Tekstili Klasteri Türkiyənin 2-ci böyük
klasteri olaraq göstərilir. Dənizli, Uşak ilə birlikdə 2007-ci ilin mart ayından başlayan
Milli Klasterləşmə Siyasətinin İnkişafı çərçivəsində yer alan 10 iş klasterindən biridir.
Müəssisələr, dövlət qurumları, qeyri-hökumət təşkilatları, tədqiqat qurumları və digər
əlaqədar qurumların iştirakı və köməkliyi ilə qurumlar arası şəbəkə yaradılmasına aid
20
bir yol xəritəsi hazırlanmışdır. Yol xəritəsində altı klasterləşmə fəaliyyəti göstərilmişdir.
2009-cu ildə tamamlanan proyektin davamı olan Kiçik və orta müəssisələrlə İşbirliyi və
Klasterləşmə Layihəsində yer almamışdır.
Dənizli Ev Tekstili Klasterinin tanınmasında və inkişafında rol oynayan əsas
faktorlar aşağıdakı cədvəldə qeyd olunmuşdur. Bunları Müştərilərlə əməkdaşlıq, bazarın
ətraflı öyrənilməsi, standartlara uyğunluq, beynəlxalq brendə çevrilmə yönündəki
fəaliyyətlər və sair kimi xülasə edə bilərik.
Əsas uğur ünsürləri Fəaliyyətlər
Müştərilər ilə əməkdaşlıq şəraitində
fəaliyyətlərin həyata keçirilməsi
Müştərilərlə əlaqələrin idarə olunması
şəbəkəsi
Bazarı mənimsəmək Ev tekstili, dəb və marketinq sahəsində
“Klaster İxtisas Mərkəzi”
Standartlara uyğunluq və
sertifikatlaşdırmada liderlik
Klaster daxilində məhsul standartlarının
yüksəldilməsi
Beynəlxalq brendə çevrilmə Dənizli ev tekstilinin re-brendinqi
Ətraflı innovasiya Təcrübə - Tədqiqat Mərkəzi
Güclü liderlik qabiliyyəti Klaster orqanlarının təşkili
Klasterdə 165 min nəfərdən təxmini 70 mini tekstil sektorunda çalışarkən,
Türkiyənin ən çox ixrac edən 7-ci bölgəsi olan Dənizlinin 2011-ci ildə Türkiyə
İxracatçılar Məclisinin qeydlərinə əsasən 2 milyard 757 milyon dollar ixracatın 1
milyard 400 milyon dollarını tekstil və trikotaj məhsulları əhatə etmişdir. İxracatının və
istehsalın əsas hissəsini məşhur brendlərə yönləndirən Dənizlidə tekstil və trikotaj
sektoru son illərdə tədqiqat və brendləşmə fəaliyyətləri ilə qlobal rəqabət şəraitində öz
mövqeyini qoruyub, əlavə dəyərini artıraraq məhsulunu daha baha qiymətə satmağı
hədəfləyir. 2000-ci illərdən bu yana brendləşmə üçün çalışmalar həyata keçirilən
sektorun 2008-ci ildə yaşanan qlobal iqtisadi böhrandan olduqca təsirləndiyi görülür.
2009-cu ilin sonundan etibarən böhranın təsirləri azalmışdır.
21
Brendləşmə sahəsində vacib addımlar
Dənizli tekstil və trikotaj sektorunda fəaliyyət göstərən bir çox firmalar öz
brendlərini yaratmaq üçün çalışırlar. Kocaer Tekstil Çakra, Eke Tekstil Hamam, Başarı
Tekstil İssimo, Nesa Tekstil Deco Bianca, Gökhan Tekstil Soft Cotton, Oğuzlar Tekstil
Zugo, Ozan Tekstil Hobby, Altınbaşak Tekstil Altınbaşak markaları milli və beynəlxalq
arenada tanınan brendlərdir. Xüsusi ilə Hamam və Çakra ölkə daxilində və xaricində
kifayət qədər məşhur olan brendlərdir. Brendləşmə ilə yanaşı yenilikçi (innovativ)
məhsullar istehsal etmək üçün bir çox firma tədqiqat və inkişaf fəaliyyətlərinə önəm
verirlər. Tan Tekstil nano texnologiya ilə 11 növ fərqli parça istehsal etmişdir. Bədən
temperaturunu 37 dərəcədə sabit saxlayıb sərinlədən, böcək və həşəratları qovan, ütüyə
ehtiyacı olmayan, stressi azaldan parçaların istehsalına başlayan Tan Tekstilin parçaları
milli və beynəlxalq qurumlardan da sertifikatlar almışdır.
Türkiyədə klasterləşmənin SWOT təhlili
Güclü Tərəflər Zəif Tərəflər
Sənayenin əsasını kiçik və orta
sahibkarlığın təşkil etməsi,
Təbii təmərküzləşmənin
mövcudluğu,
Kiçik və orta sahibkarlıqla əlaqədar
siyasət və infrastrukturun
mövcudluğu,
Sənayeyə və innovasiyaya önəm
verilməsi,
Təşviq qanunu ilə bir çox regionun
təşviq çərçivəsinə alınması,
Bəzi universitetlərdə texnoparkların
mövcudluğu,
Dəstək mexanizmlərinin azlığı,
Şirkətlər, dövlət qurumları və
universitetlərdən ibarət üçtərəfli
şəbəkənin qeyri-məhsuldar
fəaliyyəti,
Biznes etikasının çatışmamazlığı,
Klasterləşmə anlayışının hələ də tam
qavranılmaması,
İnfrastruktur çatışmamazlığı,
22
Gənc və peşəkar işçi qüvvəsinin
olması.
İmkanlar Təhlükələr
Daha çox tədqiqat həyata keçirə
bilmə imkanı,
Məlumat mənbələri və yenilikçilik,
Klasterləşmənin elastikliyi və
sürətlə dəyişən iqtisadi vəziyyətə
adaptasiyası,
Türkiyənin strateji mövqeyi,
Avropa İttifaqı ilə əməkdaşlıq və
üzvlük prosesi.
Yerli qurumların potensiallarının
qeyri-müəyyənliyi,
Kəskin rəqabət və etibarın azlığı,
Dövlət və özəl sektorda klasterləşmə
haqqında məlumatın azlığı,
Dünyadakı iqtisadi böhranlar,
Terror hadisələri səbəbindən
Türkiyənin şərq regionlarında artan
köç və azalan investisiyalar.
Digər
Almaniya, ABŞ, Yaponiya, İtaliya kimi inkişaf etmiş ölkələrlə yanaşı, inkişaf
etməkdə olan ölkələr də bu sahədə siyasəti müəyyənləşdirir və həyata keçirdir. Bu
siyasətlər, inkişaf etmiş ölkələrdə və inkişaf etməkdə olan ölkələrin hər birində oxşar
hədəflər istiqamətində formalaşır. Əsas hədəflər bunlardır:
Müəssisələrin yeni texnologiyaları inkişaf etdirməsini dəstəkləmək (ABŞ, Aİ)
Sənayenin rəqabət gücünü artırmaq (Hindistan, Meksika, Yeni Zelandiya,
İtaliya)
İxracat keyfiyyətini artırmaq (Hindistan, Meksika)
Xarici investisiyanı cəlb etmək (Çexiya)
Yeni bazarlara giriş (Hindistan, Meksika, İtaliya)
İşsizliyi azaltmaq (İtaliya, İngiltərə)
23
İxracat potensialını artırmaq (Hindistan)
Təhsil və Texnologiya və davamlı inkişaf (İrlandiya)
İstifadə olunmuş ədəbiyyat
1. İzto.org.tr
2. Cie.research.yale.edu
3. Traglor.cu.edu.tr
4. Mmo.org.tr
5. İeb.ub.edu
6. Academia.edu
7. Byclb.com
8. Karacadag.org.tr
9. Coqrafiya.info
10. Business.highbeam.com
11. Finansenstitusu.com