'Flumen, flumina' declinatur hoc modo:

Singularis Pluralis

Nominativus: flumen fluminaGenetivus: fluminis fluminumDativus: flumini fluminibusAccusativus: flumen fluminaAblativus: flumine fluminibus

'Os', 'ora' et 'corpus, corpora' declinantur hoc modo:Nom. os ora corpus corporaGen. oris orum corporis corporum Dat. ori oribus corpori corporibusAcc. os ora corpus corporaAbl. ore oribus corpore corporibus

Ut 'os, ora' declinatur 'crus, crura'. Ut 'corpus, corpora' declinatur 'pectus, pectora'.'Caput (capitis, capiti, capite), capita (capitum, capitibus)'; 'cor (cordis, cordi, corde),

corda (cordium, cordibus)'.'Mare, maria' et 'animal, animalia' declinantur hoc modo:

Singular Plural Singular PluralNom. mare maria animal animaliaGen. maris marium animalis animaliumDat. mari maribus animali animalibusAcc. mare maria animal animaliaAbl. mari maribus animali animalibus

Medicus ad hominem aegrum venit eum-que sanum facit. Medicus est vir, qui homines aegros sanat, sed multi aegri a medico sanari non possunt.

Num Quintus sanus est? Minime. Pes Quinti aeger est. Ubi est Quintus? Quintus in cubiculo suo est. Quintus in lecto iacet. Mater apud eum sedet manum-que eius tenet. Syra in cubiculum intrat. Iam et Aemilia et Syra apud puerum aegrum sunt. Syra non sedet, sed apud lectum stat. Quintus iacet. Aemilia sedet. Syra stat.

Syra: "Ecce malum, domina". Syra Aemiliae malum rubrum dat. Aemilia puero aegro malum dat, sed puer malum edere non potest. Aemilia ei poculum aquae dat.

Aemilia: "Aquam, bibe, Quinte!" Aemilia caput Quinti sustinet, dum puer aquam bibit.Aemilia: "Iam dormi, Quinte! Dormi bene!"Mater manum in fronte pueri ponit: mater frontem eius tangit. Quintus oculos claudit

atque dormit.Iulius, qui cum servo in atrio est, imperat: "I ad oppidum, serve, atque medicum

arcesse!"

Medicus Tusculi habitat. Iulius servum Tusculum ire iubet atque medicum arcessere. Servus equum ascendit, ad oppidum it, medicum arcessit. Servus cum medico ad villam revenit.

Medicus interrogat: "Quis aegrotat?"Iulius respondet: "Filius meus Quintus aegrotat; ambulare non potest"Medicus: "Cur Quintus ambulare non potest?"Iulius: "Quintus pede aegrotat. Quintus puer improbus est, medice! In horto meo multi

nidi sunt. Quintus nidum in arbore reperire, arborem ascendere, ad terram cadere! Itaque pedem aegrum habet neque ambulare potest. Neque solum pede, sed etiam capite aegrotat Quintus".

Iulius in cubiculum Quinti intrat cum medico, qui ad lectum adit atque puerum aspicit. Medicus puerum dormire videt.

Medicus dicit: "Puer dormit".Syra, quae male audit, id quod medicus dicit audire non potest. Syra interrogat: "Quid

dicit medicus?"Aemilia (in aurem Syrae): "Medicus puerum dormire dicit".Quintus oculos aperit atque medicum adesse videt. Quintus medicum timet.Medicus: "Os aperi, puer! Linguam ostende!"Syra: "Quid dicit medicus?"Aemilia: "Medicus Quintum os aperire atque linguam ostendere iubet".Quintus os aperit atque medico linguam suam ostendit. Medicus linguam eius rubram

esse videt.Medicus: "Lingua eius rubra est".Syra: "Quid dicit?"Aemilia: "Medicus linguam eius rubram esse dicit".Medicus etiam dentes Quinti aspicit et inter dentes albos unum dentem nigrum videt.

Dens niger sanus non est. Medicus Quintum dentem aegrum habere videt.Medicus: "Quintus dentem aegrum habet".Quintus: "Sed dens non dolet. Ergo dens aeger non est! Pes et caput dolent".Syra: "Quid dicunt?"Aemilia: "Medicus dicit Quintum dentem aegrum habere, sed Quintus dicit pedem et

caput dolere, non dentem".Iulius: "Non dentes, sed pedem eius sana, medice!Medicus pedem Quinti aspicit atque digitum ad pedem apponit: medicus pedem Quinti

tangit. Quintus digitum medici in pede suo sentit.Quintus: "Au, au! Ped dolet!"Medicus (ad Iulium): Tene brachium pueri!" (ad Aemiliam) "Tene poculum sub

brachio!" Iulius brachium Quinti tenet,dum Aemilia poculum sub brachio eius tenet.Medicus: "Claude oculos, puer!"Medicus puerum oculos claudere iubet, quod puer scalpellum medici timet. Medicus

scalpellum sumit atque ad brachium pueri apponit. Quintus scalpellum medici in brachio sentit atque perterritus est. Capilli horrent. Cor palpitat. Sed Quintus brachium movere non potest , quod brachium a patre tenetur. Medicus venam aperit. Ruber sanguis in poculum fluit. Quintus sanguinem a brachio fluere sentit. Quintus horret. Frons et genae eius albae sunt ut lilia.

Medicus: "Iam aperi oculos, puer!"Medicus puerum oculos aperire iubet, sed Quintus oculos non aperit. Puer in lecto

iacet ut mortuus.

Syra: "Cur Quintus oculos non aperit? Num puer mortuus est?"Quintus autem vivus est. Quintus spirat, ergo mortuus esse non potest. Sed Syra eum

spirare non audit, itaque Syra eum mortuum esse putat. Syra et Aemilia puerum mortuum esse putant.

Medicus aurem ad nasum Quinti admovent eum-que spirare audit. Medicus manum ad pectus Quinti apponit et cor eius palpitare sentit.

Medicus: "Quintus spirat atque cor eius palpitat"Aemilia gaudet, quod filius eius vivus est.Syra: "Quid dicit medicus?"Aemilia: "Medicus Quintum spirare et cor eius palpitare dicit. Ergo Quintus vivus est".Syra Quintum vivum esse gaudet.Aemilia sanguinem a brachio Quinti deterget. Quintus oculos aperit.Quintus: "Au! Brachium dolet!"Aemilia et Syra eum vivum esse vident et audiunt.Aemilia imperat: "Aquam arcesse, Syra!" sed Syra verba dominae non audit.Iulius: "Domina te aquam arcesse iubet, Syra!"Syra abit atque cum alio poculo aquae pleno revenit. Aemilia Quinto aquam dat.

Quintus aquam bibit.Medicus discedit. Quintus, qui medicum horret, eum abesse gaudet.Iulius: "Iam Quintus non solum pede, sed etiam brachio aegrotat!"Aemilia: "Num ille medicus Quintum sanare potest?" Iulius non respondet.Syra: "Medicus stultus est! In capite eius nullum cerebrum est!" Syra medicum stultum

esse dicit. Iulius et Aemilia eum stultum esse putant, non dicunt.

Accusativus cum infinitivo.Quintus dormit. Medicus Quintum dormire videt. Medicus dicit: "Quintus dormit".

Medicus Quintum dormire dicit.'Quintum dormire' accusativus cum infinitivo est. Accusativus cum infinitivo apud

multa verba ponitur.Exempla:

1. iubet: Iulius servum Tusculum ires iubet. Medicus Quintum os aperire iubet. Medicus puerum oculos claudere iubet.

2. videt, audit, sentit: Quintus medicum adesse videt. Medicus linguam rubram et dentem nigrum esse videt. Medicus Quintum dentem aegrum habere videt. Quintus sanguinem fluere sentit. Medicus puerum spirare audit et cor eius palpitare sentit. Aemilia filium vivum esse videt atque audit.

3. dicit: Medicus linguam rubram esse dicit. Medicus Quintum dentem aegrum habere dicit, sed Quintus pedem et caput dolere dicit, non dentem. Medicus Quintum spirare et cor eius palpitare dicit. Syra medicum stultum esse dicit.

4. putat: Syra Quintum mortuum esse putat. Iulius et Aemilia medicum stultum esse putant.

5. gaudet: Syra Quintum vivum esse gaudet. Quintus medicum abesse gaudet.

Nominativus Accusativus Infinitivus VerbumIulius servum abire iubetQuintus medicum adesse videtMedicus linguam rubram esse dicitQuintus sanguinem fluere sentitMedicus Quintum spirare auditSyra Quintum mortuum esse putatQuintus medicum abesse gaudet.