dinshunoslik fanidan mustaqil ta’limni...
TRANSCRIPT
1
O‘ZBEKISTON RESPUBLIKASI OLIY VA O‘RTA MAXSUS TA’LIM
VAZIRLIGI
TOSHKENT MOLIYA INSTITUTI
«IJTIMOIY FANLAR » KAFEDRASI
DINSHUNOSLIK
FANIDAN MUSTAQIL TA’LIMNI TASHKIL ETISH
TOSHKENT – 2017
2
S.Tulyaganova. Dinshunoslik fanidan mustaqil ta’limni tashkil etish. –
T.: TMI., 2017. 40 bet.
Inson bilim olish jarayonida asosiy bilim, ko‘nikma va malakalarni o‘z ustida
mustaqil ta’lim jarayonidagina takomillashtirib boradi. Shu ma’noda talabalarning
mustaqil ta’lim olishlarini rejalashtirish, tashkil qilish, dars mashg‘ulotlarida
ma’lum bilimlar bilan qurollantirish, ularni ma’lum mavzular bo‘yicha mustaqil
ta’lim olish uchun yo‘llanma berish oliy ta’lim muassasalari professor-
o‘qituvchilarining asosiy vazifalaridan biri hisoblanadi.
Ushbu uslubiy qo‘llanma «Dinshunoslik» fanidan saboq berayotgan
kafedralarda mustaqil ta’limni tashkil etish va bajarishda professor-o‘qituvchilar
hamda talabalarga mo‘ljallangan qo‘llanma sifatida tavsiya etiladi.
Tuzuvchi: katta o‘qituvchi S.Tulyaganova
Taqrizchilar: t.f.d., prof. N.Maxkamova
t.f.n., dots. Sh.Shayakubov
O‘quv-uslubiy majmua 2017 «__» ____________da “Ijtimoiy fanlar”
kafedrasining №_____- sonli yig‘ilishida muhokama qilingan va O‘quv-uslubiy
Kengashda ko‘rib chiqish uchun tavsiya qilingan.
O‘quv-uslubiy majmua 2017 «__» ____________da institut O‘quv-uslubiy
Kengashining №_____- sonli yig‘ilishida muhokama qilingan va foydalanish
uchun tavsiya qilingan.
3
KIRISH
Axborot va bilimlar doirasi tez sur’atlar bilan kengayib borayotgan hozirgi
sharoitda barcha ma’lumotlarni faqat dars mashg‘ulotlari paytida talabalarga etkazish
vaqt nuqtai nazaridan amalga oshirish mushkul vazifa hisoblanadi.
Tajribalar shuni ko‘rsatadiki, talaba mustaqil ravishda shug‘ullansa va o‘z
ustida tinimsiz ishlasagina bilimlarni chuqur o‘zlashtirishi mumkin. Talabalarning
asosiy bilim, ko‘nikma va malakalari mustaqil ta’lim jarayonidagina shakllanadi,
mustaqil faoliyat ko‘rsatish qobiliyati rivojlanadi va ularda ijodiy ishlashga qiziqish
paydo bo‘ladi.
Shuning uchun talabalarning mustaqil ta’lim olishlarini rejalashtirish, tashkil
qilish va buning uchun barcha zaruriy shart-sharoitlarni yaratish, dars
mashg‘ulotlarida talabalarni o‘qitish bilan bir qatorda ularni ko‘proq o‘z ustida
mustaqil ta’lim olish uchun yo‘llanma berish oliy ta’lim tizimida faoliyat olib
borayotgan professor-o‘qituvchilarning asosiy vazifalaridan biri hisoblanadi.
Talabaning mustaqil ishi – muayyan fandan o‘quv dasturida belgilangan bilim,
ko‘nikma va malakaning ma’lum bir qismini talaba tomonidan fan o‘qituvchisi
maslahati va tavsiyalari asosida auditoriya va auditoriyadan tashqarida
o‘zlashtirilishiga yo‘naltirilgan tizimli faoliyatdir.
O‘qishning boshlang‘ich bosqichlarida talabalar mustaqil ishini tashkil etish
bir qator vazifalar bilan bog‘liq. Ayniqsa, birinchi kurs talabalari ta’limning
navbatdagi turi – oliy ta’limga ko‘nikishi qiyin kechadi. Chunki ular ta’lim olish
jarayonida o‘z mustaqil faoliyatlarini to‘g‘ri tashkil eta olmaydilar. Ma’lumotlarni
qaysi manbadan, qanday qilib topish, ularni tahlil qilish va zarurlarini ajratib olib
tartibga solish, konspektlashtirish, o‘z fikrini aniq va yorqin ifodalash, o‘z vaqtlarini
to‘g‘ri taqsimlash, shuningdek, aqliy va jismoniy imkoniyatlarini to‘g‘ri baholash
ular uchun katta muammo bo‘ladi. Eng asosiysi, ular mustaqil ta’lim olishga ruhan
tayyor bo‘lishmaydi.
Shuning uchun har bir professor-o‘qituvchi dastlab talabada o‘z qobiliyati va
aqliy imkoniyatlariga ishonch uyg‘otish, ularni sabr-toqat bilan, bosqichma-bosqich
mustaqil bilim olishni to‘g‘ri tashkil qilishga o‘rgatib borishi lozim. Bu jarayon
4
dastlab dastur asosida amalga oshirilishi lozim bo‘lgan amaliy mashg‘ulotlarni
bajarish jarayonida o‘qituvchi tomonidan adabiyotlar ustida ishlash jarayonidan
boshlash maqsadga muvofiq deb o‘ylaymiz. Talabalar tomonidan mustaqil ravishda
o‘zlashtiriladigan bilim va ko‘nikmalarning kursdan-kursga murakkablashib,
kengayib borishini hisobga olgan holda ularning tashabbuskorligi va rolini oshirib
borish zarur. Shunda mustaqil ta’limga ko‘nikma orttirgan talaba faqat o‘qituvchi
tomonidan belgilab berilgan ishlarni bajaribgina qolmay, o‘zining ehtiyoji, qiziqishi
va qobiliyatiga qarab, o‘zi zarur deb hisoblagan qo‘shimcha bilimlarni ham mustaqil
ravishda tanlab o‘zlashtirishga o‘rganib boradi.
5
I. MUSTAQIL TA’LIMNI TASHKIL QILISH
Mustaqil ta’limni amalga oshirish bugungi kun ta’lim jarayonining muhim
bo‘g‘inlaridan biri sifatida amalda joriy etilgan bo‘lib, uni tashkil qilish jarayonlari
va uslublari yildan-yilga takomillashtirib borilmoqda. Mustaqil ta’lim talabalarning
qo‘shimcha bilim va ma’lumotlarga ega bo‘lishi, o‘z ustida ishlash malakasi va
mas’uliyatining shakllantirilishi, mazkur jarayonda xosil qilingan turli malakalarning
takomillashtirib borilishi asnosida talabalarning kelgusida etuk va malakali
mutaxassislar bo‘lib etishishlari uchun asos bo‘lishi lozim bo‘lgan omillardan biri
sifatida muhim ahamiyat kasb etmoqda. Fanning muayyan qismlarini o‘rganish va
o‘zlashtirishni talabalar tomonidan mustaqil ravishda amalga oshirilishi mustaqil
ta’limning mazmunini tashkil qilar ekan, uning tashkil etilishi, aniq maqsad va
vazifalarning qo‘yilishi hamda yo‘nalishlarning aniqlanishi bu jarayonni amalga
oshirilishini osonlashtiradi. Ayni vaqtda talabalarning mustaqil ta’limni amalga
oshirish jarayonida e’tibor berilishi lozim bo‘lgan asosiy jihatlar, mavzularning
asosiy xususiyatlari, ularning tadqiq qilinishi va o‘rganilish uslublari, mustaqil
ishlarning tayyorlanish usullari va turlari, mavzularning mazmunidan kelib chiqqan
holda mustaqil topshiriqlarni bajarish shakllarining xilma-xilligi talabalarning bu
jarayonni to‘liq bajarish va maqsadga erishish imkoniyatlarini oshiradi.
Mustaqil ta’limning umumiy tavsifi:
Mustaqil ta’lim axborot va kommunikatsiya texnologiyalari asosida ta’lim
oluvchilarning kasbiy mahoratini qo‘llab-quvvatlash, mustaqil ta’lim olish
ehtiyojlarini qondirishga xizmat qiluvchi ma’lumotlarni uzatish vositalari, axborot
ashyolari, o‘zaro aloqalar qaydnomalari, dasturiy va tashkiliy-metodik
ta’minotlarning tizimli-tashkiliy majmuidir.
Mustaqil ta’lim ochiqlikni ta’minlovchi quyidagi tamoyillar asosida
shakllantiriladi:
- ta’lim olishni ochiq rejalashtirish, ya’ni, yo‘nalish va unga mos o‘quv rejasi
doirasida bilimlarni oshirib borishning individual traektoriyasini tuzish erkinligi;
- o‘qitish vaqti va sur’atlarining erkin tanlanishi;
6
- ta’lim olish davri va o‘rnining erkin tanlanishi;
- etakchi professor-o‘qituvchilar kasbiy salohiyatiga tayangan holda ta’lim olish
sifatining ta’minlashi;
- ta’lim oluvchilar uchun uzluksiz bilim olish imkoniyatini yaratish.
Mustaqil ta’limning maqsadi:
Taklif etilayotgan mustaqil ta’lim tizimining asosiy maqsadi – o‘qitish
jarayonini individuallashtirish hamda differentsiyallashtirish tamoyillari asosida
tashkil etilishini ta’minlash, oliy ta’lim tizimida faoliyat ko‘rsatayotgan etakchi
professor-o‘qituvchilarning kasbiy salohiyatlariga tayangan holda, ta’lim sifatini
oshirish, ta’lim oluvchilar uchun uzluksiz bilim olishga imkoniyatni yaratish, ta’lim
olishning turli shakllarini o‘zaro bir-biriga yaqinlashtirishdan iborat.
Mustaqil ta’lim oluvchilarning mustaqil ta’lim faoliyatida zamonaviy pedagogik
texnologiya va ular asosida yaratilgan interfaol usullardan foydalanishi, mustaqil
ta’limning barcha shakllarini yangi texnika va texnologiya yutuqlarini hisobga olgan
xolda zamonaviy texnologiyalar asosida tashkil etish va amalga oshirish, mustaqil
ta’lim oluvchilarda mustaqil fikrlash, ijodiy qobiliyat hamda kasbiy mahoratlarini
zamon talabi darajasida shakllantirish, mustakil ta’limning noan’anaviy o‘qish va
ilmiy-tadqiqot ishlari bilan uzviy hamda uzluksiz aloqasini yaratish, mustaqil ta’lim
imkoniyatlarini kengaytirish, ta’lim oluvchilarga mustaqil ta’lim jarayoniga nisbatan
kasbiy, iqtisodiy, tafakkur etish, ma’naviy va boshqa qiziqishlarini uyg‘otish,
mustaqil tarzda kerakli, ma’lumotlarni yig‘ish, muammoni aniqlash, echimlarini
qidirish, olingan bilim, malaka va ko‘nikmalarni tanqidiy tahlil etish va ularni yangi
vazifalarni hal etishda qo‘llash, mustaqil ta’limda mustaqil ishlash bilan
raqobatbardosh mutaxassislarni tayyorlash, tashkiliy, psixologik-pedagogik, o‘quv-
uslubiy, axborot, moddiy-texnik ta’minotni o‘z ichiga oluvchi mustaqil ish
infrakturasini yaratish, mustakil ta’lim-natijalarini baholash tizimini yaratish, fan,
texnika va texnologiya taraqqiyotining bugungi darajasi bilan professor-
o‘qituvchilarning kasbiy tayyorgarligi sifatini ta’minlash jarayoni orasidagi
nomuvofiqlikni tizimga keltirish, oliy pedagogik ta’lim muassasalarining elektron
axborot-ta’lim muhiti va integrallashgan o‘quv-ilmiy resurslarining etarlicha
7
yaratilishini ta’minlash, ta’lim jarayonini axborotlashtirish borasida to‘plangan ilg‘or
tajribalarning amaliyotga etarlicha joriy etilishini ta’minlash, zamonaviy axborot
texnologiyalari muhitida ta’lim oluvchilar mustaqil malaka oshirishini tashkil etish
imkonini beruvchi elektron o‘quv-metodik majmualarning etarlicha yaratilishini
ta’minlash, ta’lim jarayonini tashkil etish, amalga oshirish va nazorat qilish bo‘yicha
vaqt resursining cheklanganligini inobatga olgan holda ta’lim oluvchilar mustaqil
bilim olishlarini tashkil etish, amalga oshirish va nazorat qilishga oid o‘quv-metodik
adabiyotlar, tavsiyalar, ishlanmalar, yo‘riqnomalar, ko‘rsatmalarning etarli emasligi
va talab darajasida ishlanmaganligini yoritishdan iboratdir1.
Mustaqil ta’limning vazifalari:
-bilimlarni mustaqil tarzda puxta o‘zlashtirish ko‘nikmalariga ega bo‘lish;
-kerakli ma’lumotlarni izlab topishning qulay usul va vositalarini aniqlash;
-axborot manbalaridan samarali foydalanish;
-elektron darslik ma’lumotlar bankini yaratish;
-berilgan topshiriqning muhim echimini belgilash;
-ma’lumotlar bazasini tahlil etish;
-ish natijalari xulosasini tayyorlash va qayta ishlash;
-topshiriqlarni bajarishga tizimli va ijodiy yondashish;
-ishlab chiqilgan echim, loyixani asoslash va mutaxassislar ishtirokida himoya
qilish;
-pedagogik texnologiyalarni nazariy va amaliy egallash hamda sharoitlarini
aniqlash;
-ta’lim beruvchi va ta’lim oluvchilar hamkorligidagi faoliyatning aniqligi va
oshkoraligidir.
Mustaqil ta’limni amalga oshirilishi jarayonida quyidagilarga alohida ahamiyat
berish zarur bo‘ladi:
1. Mustaqil ta’limni tashkil qilish namunaviy va ishchi o‘quv rejalariga mos
ravishda amalga oshirilishi;
1 Oliy va o‘rta maxsus, kasb-hunar ta’limi tizimi uchun o‘quv adabiyotlarning yangi avlodini yaratish
konsepsiyasi / Oliy va o‘rta maxsus ta’lim vazirligining 2013-yil 2-avgustdagi 278-sonli buyrug‘iga 1-ilova.
8
2. Mustaqil ta’limni tashkil qilish va uni amalga oshirish kafedra yig‘ilishida
muhokama qilinib, ma’qullanganligi;
3. Mustaqil ta’limni tashkil qilish va mustaqil ta’lim uchun belgilangan
mavzular fan dasturi va ishchi dasturda belgilangan tartibda ishlab chiqilib,
tasdiqlanganligi;
4. Mustaqil ta’lim uchun ajratilgan mavzular muayyan bir mavzuning biror
qismini yoritib bergan holda umumiy tasavvur hosil qilish va ayni vaqtda bilim olish
uchun yo‘naltirilganligi;
5. Mustaqil ta’limni tashkil qilishda mavzular yuzasidan adabiyotlar
(manbalar) ro‘yxatining oldindan talabalarga taqdim qilinishi;
6. Mustaqil ta’limni tashkil qilishda aniq maqsadning belgilanganligi va
rahbar (o‘qituvchi) tomonidan aniq topshiriqning qo‘yilishi.
7. Mustaqil ta’limni tashkil qilish jarayonida mustaqil ta’lim mavzularini
tayyorlash shakllarining avvaldan belgilab berilishi ((reja (oddiy yoki murakkab)
asosidagi konspekt, tezislar, xronologiya, jadvallar va boshqa shakllarda yozma,
og‘zaki yoki ijodiy ish (referat) tarzida));
8. Mustaqil ta’lim natijalarining rahbar (o‘qituvchi) tomonidan tekshirish
jarayoni (shakllari) va uning baholanish tartiblari va ballar miqdorlarining talabalarga
avvaldan taqdim qilinishi.
Quyida sanab o‘tilgan shartlarning har birining alohida xususiyatlari haqida
so‘z yuritamiz.
I.1. Mustaqil ta’limni tashkil qilishning namunaviy va ishchi o‘quv
rejalariga mosligi
Mustaqil ta’limni tashkil qilish namunaviy va ishchi o‘quv rejalariga mos
ravishda amalga oshirilishi quyidagi talablarga mos kelishi ko‘zda tutiladi:
Mustaqil ta’limni tashkil etilishi eng avvalo barcha ta’lim yo‘nalishlarining
namunaviy va ishchi o‘quv rejalariga asoslangan holda belgilangan bo‘lishi shart.
9
“Dinshunoslik” fani barcha ta’lim yo‘nalishi namunaviy va ishchi o‘quv
rejasi bo‘yicha nomutaxassis yunalishidagi fakultetlarning I bosqich talabalariga
o‘tilishi belgilab qo‘yilgan.
I.2. Mustaqil ta’limni tashkil qilish va uni amalga oshirishning kafedra
yig‘ilishida ko‘rib chiqilishi
Mustaqil ta’limni tashkil qilish va uni amalga oshirish kafedra yig‘ilishida ko‘rib
chiqilib, ma’qullanishi uchun quyidagilar bajarilishi zarurdir:
– Mustaqil ta’lim uchun fan dasturida tavsiya qilingan mavzular aniqlanishi
(bankining yaratilishi);
– Mustaqil ta’lim uchun belgilangan mavzularning ishchi o‘quv dasturida soatlar
bilan ta’minlanishi (ishchi o‘quv rejaga asoslangan holda);
– Kafedra uslubiy yig‘ilishigacha kamida ikkita professor-o‘qituvchi tomonidan
tahlil qilinishi (mavzularning fan (kurs) mavzulari doirasiga tegishliligi, soatlar
miqdorining mos kelishi, mavzularning qo‘yilishi va talabalar bilimini boyitishi
uchun ahamiyatliligi va boshqalar) va yig‘ilish muhokamasi jarayonida tegishli
xulosalar berilishi;
– Kafedra yig‘ilishida ma’qullangandan so‘nggina ishchi dasturga kiritilishi va
belgilangan tartibda tasdiqlangandan so‘ng talabalarga taqdim qilinishi mumkin.
I.3. Mustaqil ta’limni tashkil qilishning fan dasturi va ishchi dasturga
mosligi
Mustaqil ta’limni tashkil qilish va mustaqil ta’lim uchun belgilangan mavzular
fan dasturi va ishchi dasturda belgilangan tartibda ishlab chiqilishi zaruriy holat
bo‘lib, bunda mustaqil ta’limni amalga oshirish va uning bajarilishi uchun
belgilangan holatlar hamda tavsiyalar namunaviy dasturda umumiy holda, ishchi
dasturda esa batafsil holda ko‘rsatib berilishi, ishchi dasturda mustaqil ta’lim uchun
belgilangan mavzularning umumiy ro‘yxati hamda adabiyotlar (manbalar) ro‘yxati
berilgan bo‘lishi lozim.
10
I.4. Mustaqil ta’lim mavzularining muayyan bir mavzuning biror qismini
yoritib berish va bilim olish uchun yo‘naltirilganligi
Mustaqil ta’lim uchun ajratilgan mavzular muayyan bir mavzuning biror qismini
yoritib bergan holda umumiy tasavvur hosil qilish va ayni vaqtda bilim olish uchun
yo‘naltirilganligi katta ahamiyatga ega holatdir. Birinchi bosqich talabalariga
o‘qitiladigan «Dinshunoslik» fani eng qadimgi davrlardan hozirgi kunlargacha
bo‘lgan davrni o‘z ichiga olgan bo‘lib, kurslar uchun belgilangan ma’ruza soatlarida
tarixiy jarayonlarni to‘liq va batafsil ochib berish imkoniyati cheklangan. Garchi har
bir mavzu yuzasidan ma’lum miqdorda ma’ruza va seminar mashg‘ulotlari uchun
soatlar ajratilgan bo‘lsada, talabalarning mazkur mavzular yuzasidan to‘liq va chuqur
bilim olishlari uchun to‘g‘ri tashkil qilingan mustaqil ta’lim juda katta samara beradi.
Bunda o‘tilayotgan har bir mavzuning aynan qaysi qismini mustaqil ta’lim uchun
ajratish va uni qay tariqa tashkil qilish muayyan bir mavzuning talabalar tomonidan
har tomonlama va batafsil holda o‘rganish, xulosalar chiqarish, tasavvurga va bilimga
ega bo‘lishi uchun zamin bo‘ladi.
Shu o‘rinda ta’kidlab o‘tish kerakki, ayrim iqtidorli va ilmiy tadqiqotlar qilish
malakasini ma’lum darajada shakllantirgan talabalarga aniq bir muammoga
yo‘naltirilgan mavzularni mustaqil ish (yoki ilmiy tadqiqot ishi) sifatida berish
malakali mutaxassislarni tayyorlashda beqiyos ijobiy ta’sir ko‘rsatishi mumkin va
eng ahamiyatli tomoni, bunday ishlar mustaqil ta’lim tarzida, rahbar (o‘qituvchi)
tomonidan ko‘rsatilgan tavsiyalar yordamida amalga oshiriladi, ayni vaqtda talabada
tadqiqot malakasini shakllantirishga yordam beradi.
I.5. Talabalar mustaqil ishini samarali tashkil etish
Talabalar mustaqil ishini samarali tashkil etishda quyidagi jihatlarga alohida
e’tibor berish talab etiladi:
-tizimli yondashish;
-barcha bosqichlarni muvofiqlashtirish va uzviylashtirish;
11
-bajarilishi ustida qat’iy nazorat o‘rnatish;
-tashkil etish va nazorat qilish mexanizmlarini takomillashtirib borish zarur.
Mustaqil ish topshiriqlarini muvaffaqiyatli yakunlash uchun quyidagi talablar
bajarilishi lozim:
-maqsad, bilimni mustahkamlash, yangi bilimlar o‘zlashtirish, faollikni oshirish,
amaliy ko‘nikma va malakalarni shakllantirish aniq asoslanishi;
-vazifa va topshiriqlarning aniq va ravshan belgilanishi;
-topshiriqlarni bajarish algoritmi va metodlaridan talabalarning etarli darajada
xabardor bo‘lishi;
-maslaxat va boshqa yordam turlarining to‘g‘ri belgilanishi (yo‘llanma va
ko‘rsatma berish, mavzuning mazmuni va mohiyatini tushuntirish, muammoli
topshiriqlarni bajarish usullari bo‘yicha tushuncha berish, ayrim muammoli holatlarni
birgalikda hal qilish);
-hisobot shakli va baholash mezonini aniq belgilash;
-nazorat vaqti, shakli va turlarini aniq belgilab olish (amaliy seminar,
laboratoriya mashg‘ulotlari, maslahat uchun yoki nazorat uchun maxsus ajratilgan
vaqt, ma’ruza yoki referat matni, bajarilgan topshiriqlar daftari, nazorat ishlari, uy
vazifasi daftari, kurs ishlari, test, maqola, nostandart topshiriqlar, savollar, maqola,
ko‘rgazmali jihozlar va ijodiy ishlar, savol-javob, bajarilgan ish mazmuni va
mohiyatini tushuntirib berish, yozma shaklda bayon qilish).
I.6. Mustaqil ta’limni tashkil qilishda adabiyotlar ro‘yxatining taqdim
qilinishi
«Dinshunoslik» fanining ishchi o‘quv dasturida har ma’ruza va seminar darslari
uchun hamda fan uchun umumiy, asosiy va qo‘shimcha adabiyotlar, manbalar
ro‘yxati beriladi. Mustaqil ta’limni tashkil kilish jarayonida shuni inobatga olish
zarurki, talaba ma’ruza uchun belgilangan asosiy adabiyotlardan mustaqil ta’lim
mavzusi uchun etarli ma’lumot ololmasligi mumkin. Chunki, mustaqil ta’lim
mavzusi aynan bir muammoviy mavzuga yoki aniq bir masalaga yo‘naltirilgan
bo‘ladi. Bu esa aynan shu masala uchun tegishli bo‘lgan adabiyotlar va manbalar
ro‘yxatini qo‘shimcha tarzda talabalarga etkazib berish zaruriyatini yuzaga keltiradi.
12
Adabiyotlar va manbalar ro‘yxatiga ega bo‘lgan holda aniq bir mavzu yuzasidan
ma’lumotlar yig‘ish va uni tahlil qilish talabaga osonlik tug‘diradi, uning vaqt
taqsimotini to‘g‘ri tashkil qilishga yordam beradi, bu esa o‘z navbatida mustaqil
ta’lim jarayonida olingan natijaning samarali bo‘lishiga zamin yaratadi.
13
II. MUSTAQIL TA’LIM JARAYONIDA ADABIYOTLAR BILAN
MUSTAQIL ISHLASH USLUBIYOTI
Malumki, ijtimoiy fanlardan olingan bilimlarni puxta egallashda ma’ruza,
amaliy mashg‘ulotlar, mustaqil ishlash, nazariy-ilmiy anjumanlar, o‘zaro suhbatlar
o‘tkazish, radio-televidenie orqali beriladigan ijtimoiy-siyosiy eshittirish va
ko‘rsatuvlar, matbuotdan hamda internetdan keng foydalanish kabi turli yo‘nalish va
uslubiyatlardan foydalanish mumkin.
Adabiyotlar bilan mustaqil ishlash ikki, ya’ni keng va tor ma’noga ega bo‘lib,
keng ma’noda deganda, umuman bilimlarni mustaqil o‘rganish tushuniladi. Tor
ma’noda esa birinchi manbalar, ijtimoiy-siyosiy adabiyotlar ustida yakka tartibda
mustaqil o‘qish, ya’ni «aql-zakovat bilan ishlashga katiy kirishish» tushuniladi.
Kitob ustida ishlash uzoq tarixga borib taqaladi. Insoniyat paydo bo‘lishi bilan
o‘z tarixi, madaniyati, fan yutuqlarini keyingi avlodga asosan shu kitob orqali
qoldirganlar. Demak, kitob ustida tinimsiz ishlagan kishigina o‘z bilimini oshirib,
mustahkamlab boradi. Misol uchun Sharqning buyuk allomalaridan Abu Nasr
Forobiy, Abu Rayxon Beruniy, Abu Ali ibn Sino, Ahmad al-Farg‘oniy, Mirzo
Ulugbek, Alisher Navoiy va boshqalar tinimsiz mehnat orqali o‘z bilimlarini oshirib
borganlar va yangi-yangi muammolar echimini topishga harakat qilganlar. Demak,
biron-bir fanni egallashda, uni chuqur va har tomonlama o‘rganmoq uchun ko‘plab
kitoblar bilan ishlash zarurdir.
«Dinshunoslik» fanini o‘rganish jarayonida kitob bilan mustaqil ishlash eng
avvalo o‘quvchiga juda katta tushuncha beradi, chunki kitob bir avlodning ikkinchi
avlodga vasiyati. Biz ko‘p narsani kitobdan o‘rganamiz, o‘z dunyoqarashimizni,
ongimizni, bilimimizni, manaviyatimizni boyitamiz. Adabiyot bilan mustaqil
ishlashda fakat u yoki bu kitobdan olingan ma’lumot emas, balki ish jarayoni, uning
usullari xam katta ahamiyatga ega bo‘ladi.
Bilimni egallash ikki yo‘nalishda bo‘lishi mumkin: berilgan materialni
to‘g‘ridan-to‘g‘ri yodlab olish va faktlarni tanqidiy tahlil qilib, mustaqil fikrlash.
Birinchi holda material passiv egallandi, faqat yodlanadi, ikkinchi holda esa turli
manbalardan bilimlarni tanqidiy fikrlab va amalda ongli yondashib, aniq dalillar
14
asosida boyitish mumkin bo‘ladi. Haqiqatni to‘g‘ri anglab etishda bilimlarni qat’iy
ishonch bilan izlanish natijasida egallash nihoyatda katta ahamiyatga ega.
Mustaqil o‘qishda xech qachon birinchi manbani chuqur tahlil qilmasdan yoki
mag‘zini tushunmasdan turib muvaffaqiyatga erishish mumkin emas. Shu tufayli,
kitob ustida mustaqil ishlash bilan materialni og‘zaki bayon qilishni aralashtirib
yubormaslik, o‘rganilayotgan mavzuning asosiy masalalarini, murakkab nazariy
koidalarini egallab, ularning to‘g‘riligiga ishonch hosil qilishga erishish zarur.
Chunki ayrim talabalar ma’ruza va amaliy mashg‘ulot darslari bilan chegaralanib
qoladilar.
Haqiqatdan ham ma’ruza qanchalik keng qamrovli, mukammal bo‘lishga
qaramay unda u yoki bu muammo bo‘yicha asosiy qoidalar, ya’ni cheklangan
material beriladi. Shuning uchun ham ma’ruza kimnidir qondiradi, boshqa birovni
qondirmaydi, birov konspekt qilishga ulguradi, birov esa yo‘q. Demak, materialni
o‘rganish uchun ko‘prok kitob bilan mustaqil ishlashga to‘g‘ri keladi. Mustaqil
ishlashda har kim kitob, ya’ni manba bilan o‘z qobiliyati va ko‘nikmasiga qarab
ishlaydi, birov bir vaqtning o‘zida bir necha kitobdan foydalanish, materialni puxta
egallash uchun ularni qayta-qayta o‘qishi mumkin. To‘g‘ri, hamma talaba ham
mustaqil ishga bir hilda tayyor bo‘la olmaydi, bu hol “Kadrlar tayyorlashning milliy
dastur”ida takidlaganidek, “har bir o‘qituvchi-murabbiyning to‘g‘ridan-to‘g‘ri
vazifasi, talabani mustaqil ishlashga ko‘nikma hosil etishga har tomonlama uslubiy
yordam berish”ni talab etadi. Chunki, hozirgi zamon pedagogik texnologiyasi shuni
taqozo etmoqda, yoki bu o‘qituvchi qanchalik talabani qiziqtira olishiga bog‘liq
jarayondir. Malumki, inson ko‘p hollarda o‘zi qiziqqan ishga ishtiyoq bilan kirishadi.
Shunday ekan, mustaqil o‘qish mahorati ham tinimsiz mehnat, izlanish, ko‘nikma va
malum darajada chidam va tirishqoqlikni talab qiladi.
Manba ustida mustaqil ishlash ko‘p qirrali bo‘lib, o‘z ichiga ayrim so‘zlarni
tagiga chizish, matniga, hoshiyaga belgilar qo‘yish, reja tuzish, konspekt qilish kabi
turli usullarni qamrab oladi. Tabiiyki, bu usullarning biri oson bo‘lsa, biri murakkab
yoki uzoq mehnat talab qiladi.
Mustaqil ishlash jarayonida adabiyotlardan foydalanishning asosiy mezoni -
maqsadli bo‘lishi kerak. Biror kitob to‘g‘risida umumiy tushunchaga ega bo‘lish
15
uchun so‘zboshi va mundarijasini ko‘zdan kechirish, yangi material bormi, qoida va
xulosalar qanday yoritilganligini qarab chiqish kifoya qiladi. Agar maqsad uni
chuqur o‘rganish bo‘lsa vazifa ham kengroq qo‘yiladi. Berilgan adabiyotlarni
ayrimlari bilan chegaralanib qolmasdan, balki to‘liq tavsiya etilgan kitoblar ustida
mustaqil ishlash o‘z samarasini beradi. Bunda qiyinchiliklar va to‘siqlar bo‘lishi
tabiiy. Chunki mustaqil ishlash ko‘nikmasi birdaniga shakllanmaydi. Shuning uchun
undan cho‘chimasdan, ishtiyoq bilan mehnat qilish, intizomga rioya etish, qo‘yilgan
maqsad sari tinmay intilish, to‘siqlarni enga bilish kerak.
Yana bir uslubiy ko‘rsatma shuki, ijtimoiy-siyosiy, tarixiy manbalarga oid
kitobni birdaniga boshidan oxirigacha o‘qib chiqishga harakat qilmasdan turib, uni
bo‘lib-bo‘lib o‘qish, o‘rganish, konspekt qilish, tezislar tuzish, belgilar qo‘yish,
tsitatalar olish, ularning mag‘zini chaqish, fikr yuritish maqsadga muvofiqdir.
Ijtimoiy-siyosiy fanlardan olgan bilimlarni boyitish, to‘ldirish, ilmiy
dunyoqarashni yanada rivojlantirish, jamiyat taraqqiyoti qonunlarini yaxshiroq
tushunish, mustaqil davlatimiz olib borayotgan ichki va tashqi siyosatni aniq anglab
etish va boshqalar uchun zaruriy holdir.
II.1. Adabiyotlarni mustaqil o‘qishda etibor berish kerak bo‘lgan jihatlar
Manbani, ya’ni kitobni mustaqil o‘rganish uchun o‘qish madaniyatini chuqur
egallash kerak. O‘qish madaniyati nima? Bu avvalo ko‘plab kitoblar ichidan kerakli
materialni topa bilish, ilg‘ab olish va kitobning mazmunini chuqur tushunish, uning
qimmatli, tarixiy, ilmiy tomonlargiga etiborni qaratish, ustalik bilan ayrim yozuvlar
qilish, reja asosida konspekt tuzish, referat yozish demakdir.
Manbani o‘qishda faqat u yoki bu kitobni o‘qib, tor doiradagi bilimga ega
bo‘lib qolish bilan kifoyalanmay, balki har bir ishda bo‘lganidek, bu erda ham qunt
bilan aqliy mehnat qilish juda ham zarur.
Manbalarni o‘rganishda uchraydigan nomalum ilmiy tushunchalar, siyosiy
terminlar, chet el so‘zlarini tushunish uchun u yoki bu kitob yozilgan davr haqida
yaxshi tushunchaga ega bo‘lib, uni tahlil eta oladigan mustaqil fikrga ega bo‘lish
talab etiladi.
16
Qanday qilib notanish kitobni o‘qish usuli va maqsadni oldindan aniqlash
mumkin? Ko‘p hollarda talabani bu ishga ma’ruza va amaliy mashg‘ulot darslarini
olib boruvchi o‘qituvchi yo‘naltiradi. Ma’ruza yoki amaliy mashg‘ulot jarayonida
tavsiya etilgan kitoblar yoki manbalar to‘g‘risida qisqa tushuncha beradi. Agar
malum masala bo‘yicha kitobni mustaqil tanlab olish zarur bo‘lib qolsa, uni
o‘qishdan oldin zarur yoki zarur emasligini muqovasi, so‘zboshi, so‘ngi so‘z,
mundarija va qisqa annotatsiyasi bilan tanishish orqali bilish mumkin bo‘ladi.
Mustaqil o‘qishda reja tuzish, tezis shaklida yozish yo‘llari ham bo‘lib, unda
asosiy fikr nihoyatda qisqa shaklda beriladi yoki manbaning asosiy mazmuni ifoda
etiladi. Konspekt qilish ham mustaqil ishlashning muhim usullaridan biridir.
Konspekt qisqacha yoki keng bo‘lib, kitob butunlay o‘qib chiqilgan yoki uni
bo‘limlar bo‘yicha o‘qish orqali tuzilishi mumkin. Konspektda hosil qilingan
tushunchani yozib borgan ma’qul. Ayrim qoida, xulosa, raqam, nom, yillar bundan
mustasno albatta.
Shuni aytish kerakki, o‘qituvchi ma’ruza, amaliy mashg‘ulot va mustaqil
ishlarni tashkil qilish va uni nazorat etish jarayonida, ilg‘or, iqtidorli talabalar bilan
ishlashni yuqori saviyaga ko‘tarmog‘i lozim. Kafedradagi navbatchilik kunlarida,
talabalar bilan o‘tkaziladigan suhbat, maslahat darslarida har bir talabada mustaqil
ishlash, erkin fikrlash tuyg‘usini shakllantirishi, ilmiy muloqotda, munozarada
qatnashish, muayyan mavzu bo‘yicha mustaqil ishlash ko‘nikmalarini kamol
toptirishi hozirgi zamon talabidir. Shundagina talabalarning mustaqil ishlash faoliyati
ko‘zlangan maqsadga muvofiq bo‘ladi.
17
III. MUSTAQIL TA’LIM JARAYONIDA TALABALARDA TURLI
MALAKALARNING SHAKLLANTIRILISHI
Talabalar mustaqil ta’lim jarayonida quyidagi bir qator xususiyatlarni
(malakalarni) o‘zlashtirishlari va o‘zlarining ilmiy-ijodiy faoliyatlarini
shakllantirishlari ham ko‘zda tutiladi.
Mustaqil ta’limni amalga oshirish jarayonida talabalar:
Topshirilgan vazifa (mavzu)ni o‘rganishda auditoriyada olgan bilimlari
(yoki masalalar (muammolar)ning quyilishiga) asoslangan holda mustaqil
yondashishi;
Topshirilgan vazifa (mavzu)ning maqsadini va kutilayotgan natijani
oldindan ko‘ra bilishi (anglashi);
Mustaqil ta’lim jarayonida talaba o‘zi uchun yangi va hali
o‘zlashtirilmagan bilim va ma’lumotlarga ega bo‘lishi;
Auditoriyada va mustaqil ta’lim jarayonida olgan ma’lumotlari va
bilimini qayta ishlashi;
Qo‘lga kiritilgan natijalarni va to‘plangan ma’lumotlarni tahlil etishi;
Mustaqil ta’limni amalga oshirish jarayonida natijalar to‘g‘risida
mustaqil fikrlay bilish malakasi va ehtiyojini shakllantira bilishi;
Topshirilgan vazifa (mavzu)ning natijasi (echimi)ni oldindan anglash
va uni hal qilish yo‘llarini izlay bilishi;
Yuqori kurs talabalarida topshirilgan vazifa (mavzu)ni ishlash
jarayonida fanning metodologik uslublaridan foydalana olish malakasini
shakllantira bilishi;
Talabalarda ijtimoiy hayot hodisalarini bilib olish, ularning mohiyatini
tushuntirish kabi qoiliyatlarini shakllantirishi;
Mustaqil tayyorgarlik vaqtida ma’lumotlarga tanqidiy yondashish va
xulosalar chiqarish malakasini shakllantirishi;
18
Mustaqil ta’limni amalga oshirish (topshirilgan vazifa (mavzu)ni
bajarish) jarayonida o‘zining mustaqil, shaxsiy nuqtai-nazarini (fazilatlari yoki
malakalarini) shakllantira bilishi;
Prezident Islom Karimov asarlarida tarix faniga oid manbalarni
o‘rganishda ulardan ilmiy-metodologik asos sifatida foydalana bilish ko‘nikmasini
shakllantirishi;
Dastlabki manbalar, arxiv materiallari va tarixiy hujjatlar bilan mustaqil
ishlash malakasini shakllantirishi;
Ilmiy adabiyotlar bilan ishlash va ularni tahlil qila olish malakasini
shakllantirishi;
Ilmiy tadqiqot ishlari, dissertatsiyalar, monografiyalar va boshqa
manbalar bilan ishlash va xulosalar chiqarish malakasini shakllantirishi;
Adabiyotlar bilan ishlash malakasini shakllantirishi;
Manbalar bilan ishlash malakasini shakllantirishi;
Vaqtli matbuot materiallari bilan ishlash malakasini shakllantirishi;
INTERNET tarmog‘idan foydalangan holda ma’lumotlarni olish va
ular bilan ishlash malakasini shakllantirish;
Mustaqil ta’lim jarayonida axborot texnologiyalari va kompyuterdan
foydalangan holda jadvallar, chizmalar, diagrammalar, slaydlar va boshqalarni
yaratish va ularni matnlarga joylashtirish malakasini shakllantirish;
Ilmiy va ijodiy tafakkur qila olish qobiliyatini shakllantirishi;
O‘quv mehnati (vaqt, soat taqsimoti)ni to‘g‘ri tashkil etish malakasini
shakllantira bilishi;
Bilim va malakani amalda qo‘llashga o‘rganishi;
Ilmiy ishlarni yoza olish malakasini shakllantirishga erishishi;
Referat, kurs ishi, bitiruv malakaviy ishi, magistrlik dissertatsiyalarini
yozish, maqola, risola, qo‘llanmalar tayyorlay olish malakasining yuzaga kelishi
va iqtidorning keng qamrovli bo‘lishiga erishishi;
Mustaqil ta’lim jarayonida qo‘lga kiritilgan natijalarni himoya eta olish
malakasini shakllantirishi;
19
Auditoriyada, to‘garaklarda, ilmiy anjumanlarda o‘z fikrini bayon eta
olish qobiliyatini shakllantirishi;
Ilmiy-pedagogik mahoratni shakllantirishi;
Nutq madaniyati va mahoratini shakllantirishi;
Ilmiy (intellektual) mehnat va muomala madaniyatini shakllantirishi;
Topshirilgan vazifalarni o‘z vaqtida bajarish mas’uliyati hissini
orttirishi;
Mustaqil ta’lim uchun belgilangan topshiriqlarni bajarish jarayonida
o‘tmish, tarixiy jarayonlar va bugungi kun taraqqiyoti jarayonlarini bog‘lagan
holda milliy g‘oya va uning mohiyatini to‘la anglash fazilatlariga ega
bo‘lishlari ko‘zda tutiladi.
Albatta yuqorida keltirilgan xususiyatlar nisbiy bo‘lishi ham mumkin.
Mustaqil ta’limni amalga oshirish chog‘ida har bir talaba o‘z imkoniyatlaridan
kelib chiqqan holda yana boshqa bir qatorda ijobiy hususiyatlarni ham o‘zlarida
shakllantirishlari tabiiydir. Bu esa ularning kelgusida etuk va har tomonlama
malakali mutaxassislar bo‘lib etishishlarida xizmat qiladi.
20
IV. MUSTAQIL TA’LIMNI TASHKIL QILISHDA PEDAGOG-
XODIMLARNING FAOLIYATI
Mustaqil ta’limni tashkil qilishda o‘qituvchining roli va kasbiy
(professional) mahorati eng ahamiyatli mas’uliyat kasb etadi. Mustaqil ta’limni
to‘g‘ri tashkil qilish va talabalar bilan birgalikdagi faoliyat jarayonida
muvaffaqiyatli natijalarga ega bo‘lish o‘qituvchidan nafaqat o‘zi o‘qiyotgan fan
yuzasidan chuqur bilimga ega bo‘lishi, balki ayni vaqtda talabalar bilan ishni
to‘g‘ri tashkil qilish, har bir talabaning iqtidori va qobiliyatini imkon qadar
hisobga olgan holda yondashishni ham talab qiladi. O‘qituvchi fan (kurs)
yuzasidan ma’ruza va seminar (amaliy, laboratoriya) mashg‘ulotlari jarayonida
turli pedagogik texnologiyalar va interaktiv uslublarni qo‘llagan holda har bir
talabaning o‘ziga xos hislatlarini aniqlashtirib, mustaqil ta’lim bo‘yicha
maslahat darslarida talabalarga to‘g‘ri yo‘nalish ko‘rsata olsa, mustaqil ta’limni
tashkil qilishdan ko‘zlangan maqsadga erisha oladi. Ya’ni talabalarning
mustaqil ta’lim yuzasidan o‘zlashtirishlari, ko‘zda tutilgan bilimlarga to‘liq ega
bo‘lishlari, pirovard natijada kelgusida etuk va malakali mutaxassis bo‘lib
etishishlariga zamin hozirlashi aniq.
Yuqoridagilardan kelib chiqqan holda fan o‘qituvchisi:
har bir talabaning iqtidori va mustaqil ta’limni amalga oshirishga
qobiliyatini aniqlashi;
imkon qadar individual tarzda talabalarga maslahatlar (masalaning
echimini topilishi uchun yo‘nalishni aniqlashi) berishi;
mustaqil ta’lim uchun aniq va muammoviy mavzularni tavsiya etishi;
mustaqil ta’lim mavzularini belgilashda fan dasturi va ishchi
dasturga qatiy rioya etishi;
ma’lumotlarni to‘plash va ularni klassifikatsiyalash yo‘llarini
o‘rgatishi;
qo‘yilgan masalani ochish uchun tavsiya qilinishi mumkin bo‘lgan
adabiyotlar haqida ma’lumotlar berishi;
21
adabiyotlar bilan ishlash yo‘llari haqida tushuncha berishi;
manbalardan foydalanish jarayonida etibor berilishi lozim bo‘lgan
jihatlar haqida tushuncha berishi;
matbuot materiallaridan foydalanish chog‘ida ma’lumotlarni yig‘ish
va ularni solishtirishi, taqqoslash va xulosalar chiqarish to‘g‘risida tushuncha
berishi;
rahbarlik qilish, nazorat va tekshirishni to‘g‘ri amalga oshirishi;
mavzular yuzasidan malum vaqtlar oralig‘ida muloqot tarzida erkin
suhbatlar uyushtirib borishi va talabalarning fikrlariga etiborli bo‘lishi mustaqil
ta’limning samarali bo‘lishiga asos bo‘lishi mumkin.
IV.1. Mustaqil ta’limni tashkil qilishda aniq maqsadning belgilanganligi
Mustaqil ta’lim shakli talabalar tomonidan mustaqil tarzda, o‘qituvchining
bevosita ta’sirisiz amalga oshirishi lozim bo‘lgan jarayon hisoblansada, biroq
o‘qituvchi talabalarga mustaqil ta’lim uchun belgilangan mavzularni topshirar ekan,
mavzu mazmunidan kelib chiqqan holda erishilishi lozim bo‘lgan natijalarning
umumiy tavsifi, bu jarayonda bajarilishi lozim bo‘lgan vazifalar, tavsiflangan
natijalarga erishish yo‘llarining taxminiy uslublari va tavsiya qilinayotgan
adabiyotlar (manbalar) haqida umumiy tushuncha berib o‘tishi zarurdir.
Bu tavsiyalar va maslahatlar talabalarning mustaqil holda o‘zlashtirishi
belgilagan mavzularni batafsil o‘rganishlari va zaruriy darajadagi bilimga
(ma’lumotga) ega bo‘lishlarini osonlashtiradi. Biroq bu jarayonda o‘qituvchi
belgilangan mavzuni o‘zi tavsiflagan holda “aynan shunday bo‘lishi kerak” degan
tushunchadan talabalarni holi qilishi zarur va ayni vaqtda talabalarga mavzu
yuzasidan erkin tadqiqot olib borishlari uchun etarli sharoit yaratishi lozim.
Bu holat o‘z navbatida talabalarga belgilangan mavzu yuzasidan o‘z
dunyoqarashlari (yoki o‘zlari lozim deb hisoblagan tushunchalar) asosida
ma’lumotlar yig‘ish va ularni tahlil qilishlariga imkon beradi. Bu jarayonda
o‘qituvchi talabalarni doimiy ravishda maslahat darslarida, individual suhbatlar
22
vaqtida «O‘zbekiston tarixi» metodologiyasining asosiy jihatlari bilan tanishtirib
borishi va bajarilayotgan mustaqil ta’lim mavzulari yuzasidan to‘g‘ri xulosalar
chiqarishga yo‘naltirib borishi lozim.
Iqtidorli va ilmiy tadqiqot olib borish malakasiga ega, fan (kurs) yuzasidan aniq
tadqiqot mavzusi ustida ish olib borayotgan talabalar bilan mavzu bo‘yicha
individual (yoki kichik guruhlar tarzida) ish olib borish maqsadga muvofiqdir.
IV.2. Mustaqil ta’lim natijalarini baholash mezonlari
Talabalar mustaqil ishini shartli ravishda ikkiga ajratish mumkin:
Auditoriyada amalga oshiriladigan talaba mustaqil ishlari. Bunda o‘tilgan
mavzuni qayta ishlash, kengaytirish va mustahkamlashga oid topshiriqlar bajariladi.
Auditoriyadan tashqari amalga oshiriladigan talaba mustaqil ishlari. Bunda
o‘quv dasturidagi ayrim mavzularni mustaqil holda o‘zlashtirish, uyga berilgan
vazifalarni bajarish, amaliy va laboratoriya ishlariga tayyorgarlik ko‘rib, kelish,
ijodiy va ilmiy-tadqiqot xarakteridagi ishlar va h.k.
Birinchi tur ishlari talabalarning nazariy va amaliy bilimlarini o‘zlashtirib borish
darajasi, amaliy mashg‘ulotlarga (amaliyot, laboratoriya, seminar darslariga)
tayyorgarlik saviyasi va uy vazifalarining bajarilish sifatini tekshirish maqsadida,
odatda, nazorat ishlari olish, savol-javob, suhbat, munozara, amaliy topshiriqlar
tashkil etish va h.k. usullarda asosan seminar darslarida nazorat qilinadi.
Nazoratda talabaning dars paytida o‘tilgan materiallarni o‘zlashtirishi va uyga
berilgan topshiriqlarni bajarishdagi faolligi, bajarish saviyasi va o‘zlashtirish darajasi
e’tiborga olinadi.
Ikkinchi tur ishlari fanning ishchi o‘quv dasturida auditoriyadan tashqarida
o‘zlashtirlishi belgilangan mavzu bo’yicha ma’lumot va axborotlarni mustaqil
ravishda izlab topish, tahlil qilish, konspektlashtirish (yoki referat tarzida
rasmiylashtirish) va o‘zlashtirish, ijodiy yondashishni talab qiladigan amaliy
topshiriqlarni bajarish ko‘rinishida amalga oshiriladi. Bu turdagi ishlarni bajarish
jarayoni va o‘zlashtirish sifatining nazorati darsdan tashqari paytlarda, maxsus
belgilangan maslahat soatlarida amalga oshiriladi.
23
Talabalar mustaqil ishi natijalari amaldagi O‘zbekiston Respublikasi Oliy va
o‘rta maxsus ta’lim vazirligining 2017-yil 14-avgustdagi 87-02-2642-son xatiga
asosan O‘zbekiston Respublikasi Prezidentining 2017 yil 20 apreldagi “Oliy ta’lim
tizimini yanada rivojlantrish chora-tadbirlari to‘g‘risida” PQ-2909-son qarorida
belgilangan vazifalar ijrosini ta’minlash hamda O‘zbekiston Respublikasi Vazirlar
Mahkamasining 2001 yil 16 avgustdagi 343-son “Oliy ta’limning davlat ta’lim
standartlarini tasdiqlash to‘g‘risida”gi qaroriga muvofiq talabalar bilimini baholash
tizimini takomillashtirish maqsadida “Oliy ta’lim muassasalarida talabalar
o‘zlashtirishini baholash tizimi to‘g‘risida Nizom” loyihasiga asosan baholab
boriladi.
Mustaqil ta’lim natijalari talabalar bilimini 5 ballik tizim asosida baholashga
bevosita ta’sir ko‘rsatadi. Shunday ekan, har bir talaba o‘zi bajarayotgan mustaqil
ta’lim natijalarining qay tartibda baholanishi va qancha balga ega bo‘lishini oldindan
bilishlari shart. Buni fan o‘qituvchisi fan bo‘yicha umumiy baholash jadvalini
talabalarga etkazish chog‘ida aytib o‘tsa maqsadga muvofiq bo‘ladi. Ayni vaqtda
talabalar tomonidan tayyorlangan mustaqil ta’lim mavzularining natijalari baholanish
jarayonida bir tomondan talabalarni rag‘batlantirish vazifasini bajarsa, ikkinchi
tomondan talabalarga topshirilgan vazifalarni o‘z vaqtida bajarishlari uchun
mas’uliyat hissini shakllantiradi.
Shu o‘rinda ta’kidlab o‘tish joizki, mustaqil ta’limning amalga oshirilishida
asosiy ishtirok etuvchilar - talabalardir. Mustaqil ta’limni tashkil qilishdan
ko‘zlangan asosiy maqsad ham talabalar bilimini boyitish va ularning kelgusida har
tomonlama etuk va malakali mutaxassislar bo‘lib etishishlari uchun zamin
hozirlashdir. Shunday ekan, mustaqil ta’lim jarayonini tashkil qilish va uni amalga
oshirish jarayonida har bir talaba o‘ziga topshirilgan mustaqil ta’lim mavzusini
belgilangan tartibda o‘rganishi, tayyorlashi va bu jarayonda bevosita faol ishtirok
etishi shartdir. Bu mustaqil ta’limni tashkil qilishdagi eng muhim omildir. Mustaqil
ishlar natijalarini baholashda o‘qituvchiga quyidagi mezonlarni tavsiya etish
mumkin:
24
Baho Mustaqil ishlarning bajarilganlik darajasi
A’lo
“5”
Mustaqil ishlar to‘liq va aniq bajarilgan, olingan ma’lumotlar
tahlil etilib, izchil va tizimli ravishda muammoning echimiga
qaratilgan loyihalash jarayoni amalga oshirilgan, mustaqil ishni
bajarishga ijodiy yondashilgan, muammoga tegishli adabiyotlardan
unumli foydalanilgan, internet ma’lumotlari ijodiy tahlil asosida aks
etgan mustaqil ishlarga qo‘yiladi.
Yaxshi
“4”
Axborotlar ahamiyatiga ko‘ra tabaqalashtirilgan, mustaqil
ishni bajarishga qisman ijodiy yondashilgan, muammoga tegishli
adabiyotlardan unumli foydalanilgan, internet ma’lumotlari aks
etgan mustaqil ishlarga qo‘yiladi.
Qoniqarli
“3”
Mustaqil ish bajarish uchun lozim bo‘ladigan shart-sharoitlar
va imkoniyatlardan to‘liq foydalanilmagan, berilgan namunalarga
asoslanib, mantqiy echimlar keltirilgan, mustaqil ishni bajarishga
ko‘rsatmalar asosidagi tayyor ma’lumotlardan foydalanilgan
mustaqil ishlarga qo‘yiladi.
Qoniqarsiz
“2”
Mustaqil ishlar etarlicha izchillikda va tizimlilik darajasida
bajarilmagan, namunalarga o‘xshash tarzda, ijodiy yondashilmagan,
muammoga tegishli adabiyotlardan unumli foydalanilmagan,
internet ma’lumotlaridan ko‘chirilgan mustaqil ishlarga qo‘yiladi.
Berilgan savollarga quyida taklif etilayotgan mustaqil ishlarning shakllaridan
foydalangan holda to‘liq javob berish, qo‘yilgan masalani har tomonlama tahlil etish,
tarixiy jarayonlar, dalillarni qiyoslash, ijtimoiy tarixiy voqeliklarni ilmiy va xolisona
ochib berish, tarixiy jarayonlarni o‘z mustaqil ijodiy yondashuvi asosida
yaxlit yoritish, tarixiy dalillar tahlilidan to‘g‘ri xulosa chiqara olish zarur bo‘ladi.
Shuningdek, turli manbalardan foydalanganligi, aniq tarixiy sharoitdan kelib chiqib, o‘sha
davr tarixiy voqeligi aloqadorliklarini tushunib etishi, berilayotgan javoblarning milliy
g‘oya bilan uyg‘unligi kabi holatlarga urg‘u berishi talab etiladi.
25
V. MUSTAQIL ISHLARNING SHAKLI VA HAJMINI BELGILASH
Talabalarga mustaqil ta’lim mavzulari berilar ekan, o‘qituvchi har bir
mavzuning o‘ziga xos xususiyatlari, mavzularni o‘rganishga bo‘lgan yondashuv,
mavzu natijalarini qay tarzda umumlashtirish, tahlil qilish, xulosalar chiqarish va
ularni oxirgi jarayon sifatida baholash uchun taqdim qilish holatlarini tushuntirib
berishi lozim.
Mavzularning xususiyatlaridan kelib chiqqan holda o‘rganish jarayonida uning
natijalarini umumlashtirishda eng maqbul uslublar, xususan, reja asosidagi konspekt,
tezislar, xronologik va boshqa mazmundagi jadvallar, diagrammalar, chizmalar,
xaritalar (yoki xaritalar asosida ishlash), grafiklar, yozma yoki og‘zaki axborot,
referat, ilmiy ish, ijodiy ish tarzida amalga oshirilishining qo‘llanishi haqida
ma’lumotlar va tushunchalar berib o‘tishi maqsadga muvofiqdir.
Shuningdek, talabalar o‘zlari tayyorlagan mustaqil ta’lim topshiriqlarini yozma
yoki og‘zaki, referat yoki ijodiy ish sifatida topshirishlarini ham oldindan
belgilashlari zarur.
Talabalar mustaqil ishlarining shakli va hajmini belgilashda quyidagi jihatlar
e’tiborga olinishi lozim:
- o‘qish;
- muayyan fanning o‘ziga xos xususiyati va o‘zlashtirishdagi qiyinchilik
darajasi;
- talabalarning qobiliyati hamda nazariy va amaliy tayyorgarlik darajasi (tayanch
bilimi);
- fanning axborot manbalari bilan ta’minlanganlik darajasi;
- talabaning axborot manbalari bilan ishlay olish darajasi.
Mustaqil ish uchun beriladigan topshiriqlarning shakli va hajmi, qiyinlik darajasi
semestrdan-semestrga ko‘nikmalar hosil bo‘lishiga muvofiq ravishda o‘zgarib, oshib
borishi lozim. Ya’ni, talabalarning topshiriqlarni bajarishdagi mustaqilligi darajasini
asta-sekin oshirib, ularni topshiriqlarni bajarishga tizimli va ijodiy yondashishga
o‘rgatib borish kerak bo‘ladi.
26
Talabalar mustaqil ishini tashkil etishda talabaning akademik o‘zlashtirish
darajasi va qobiliyatini hisobga olgan holda quyidagi shakllardan foydalanish
mumkin:
- fanning ayrim mavzularini o‘quv adabiyotlari yordamida mustaqil
o‘zlashtirish, o‘quv manbalari bilan ishlash;
- amaliy, seminar va laboratoriya mashg‘ulotlariga tayyorgarlik ko‘rib kelish;
- ma’lum mavzu buyicha referat tayyorlash;
- kurs ishi (loyihalari)ni bajarish;
-bitiruv malakaviy ishi va magistrlik dissertatsiyasi uchun materiallar to‘plash;
- hisob-kitob va grafik ishlarini bajarish;
- maket, model va badiiy asarlar ustida ishlash;
- amaliyotdagi mavjud muammoning echimini topish, test, munozarali savollar
va topshiriqlar tayyorlash;
- ilmiy maqola, tezislar va ma’ruza tayyorlash;
- amaliy mazmundagi nostandart masalalarni echish va ijodiy ishlash;
- uy vazifalarini bajarish va boshqalar.
Fan xususiyatidan kelib chiqqan holda talabalarga mustaqil ish uchun boshqa
shakllardagi vazifalar ham topshirilishi mumkin. Talabalarga qaysi turdagi
topshiriqlarni berish lozimligi kafedra tomonidan belgilanadi. Topshiriqlar puxta
o‘ylab chiqilgan va ma’lum maqsadga yo‘naltirilgan bo‘lib, talabalarning auditoriya
mashg‘ulotlarida olgan bilimlarini mustahkamlash, chuqurlashtirish, kengaytirish va
to‘ldirishga xizmat qilishi kerak.
27
VI. MUSTAQIL TA’LIM TOPSHIRIQLARINI TAYYORLASH
USULLARI
Mustaqil ta’limni tashkil qilish jarayonida belgilangan mavzularning turli
mazmunga va turli davrlarga oid tanlanishi muhim ahamiyat kasb etadi. Agar
mustaqil ta’lim uchun topshirilgan mavzular bir xil mazmundagi (masalan,
faqat siyosiy tarix yoki faqat iqtisodiy masalalar va hokazo) mavzulardan
iborat bo‘lsa, talabalarning fanni faqat bir tomonlama (yoki cheklangan holdagi
malum bir soha bo‘yicha) o‘rganishlariga majbur qilib qo‘yadi. Bu esa o‘z
navbatida talabalarning eng avvalo tarix sohasidagi bilimlarini cheklanishiga
yoki bir yoqlama bo‘lib qolishiga olib kelsa, ikkinchidan ularning tarixiy
jarayonlarni o‘rganishdagi turli uslublardan foydalanmaslikka (chunki malum
uslublar hamma mavzular uchun ham mos kelavermaydi) va ularni chetlab
o‘tishiga olib keladi. Natijada talaba fan (kurs) yuzasidan o‘rganishi lozim
bo‘lgan (ko‘zda tutilgan) barcha mavzularni o‘rganmaydi va etarli bilimga ega
bo‘lmaydi.
Yuqoridagilardan xulosa qilib aytish o‘rinliki, fan (kurs) yuzasidan
berilayotgan har bir mavzu o‘qituvchi tomonidan avvaldan atroflicha o‘rganilishi
va shundan so‘nggina talabalarga tavsiya qilinishi lozim. Bu jarayonda
kafedraning o‘rni haqida yuqoridagi bandlarda aytib o‘tilgan edi.
Mustaqil ta’lim uchun belgilangan (tavsiya etilgan) mavzular tarix fanining
turli sohalarini qamrab olar ekan, albatta ularni o‘rganishda o‘ziga xos tarzda
yondashish talab etiladi. Mustaqil ta’lim mavzulari mazmunidan kelib chiqqan
holda mustaqil ta’lim topshiriqlari bir necha ko‘rinishda (usulda) tayyorlanishi
mumkin.
28
Mustaqil ishlarni tayyorlash usullari:
Reja (oddiy, murakkab) asosidagi konspekt:
Tezislar: Xronologiya:
-jadvallar -chizgilar -hujjatli materiallar
-fotosuratlar -turli so‘rovnomalar -xaritalar
-diagrammalar -grafiklar -yozma yoki og‘zaki axborot
-atamalar lug‘ati (ilmiy,
siyosiy, iqtisodiy,
harbiy tayanch
tushunchalar)
-slaydlar -axborot texnologiyalari
asosida elektron ovozli
namoyish va multimediya
mahsuloti
-ijodiy ish -referat -ilmiy ish
Talaba tomonidan mustaqil ta’lim uchun tavsiya etilgan mavzuning qay
tarzda bajarilishidan (mavzudan kelib chiqqan holda) qatiy nazar, adabiyotlar
va manbalar, hujjatlar va matbuot materiallarining to‘liq ro‘yxati (ishda
foydalanilganlari) va qisqa tavsifi berilishi shartligi maqsadga muvofiqdir.
VI.1. Mavzuni mustaqil o‘zlashtirish
Fanning xususiyati, talabalarning bilim darajasi va qobiliyatiga qarab ishchi
o‘quv dasturiga kiritilgan alohida mavzular talabalarga mustaqil ravishda
o‘zlashtirish uchun topshiriladi. Bunda mavzuning asosiy mazmunini ifodalash va
ochib berishga xizmat qiladigan tayanch iboralar, mavzuni tizimli bayon qilishga
xizmat qiladigan savollarga e’tibor qaratish, asosiy adabiyotlar va axborot
manbalarini ko‘rsatish lozim.
Topshiriqni bajarish jarayonida talabalar mustaqil ravishda o‘quv
adabiyotlaridan foydalanib ushbu mavzuni konspektlashtiradilar, tayanch
iboralarning mohiyatini anglagan holda mavzuga taalluqli savollarga javob
tayyorlaydilar. Zarur hollarda (o‘zlashtirish qiyin bo‘lsa, savollar paydo bo‘lsa,
adabiyotlar etishmasa, mavzuni tizimli bayon eta olmasa) o‘qituvchidan maslahatlar
oladilar. Mustaqil o‘zlashtirilgan mavzu buyicha tayyorlangan matn kafedrada
himoya qilinadi.
29
VI.2. Referat tayyorlash
Talabaga qiyinchilik darajasi uning shaxsiy imkoniyatlari, qobiliyati va bilim
darajasiga muvofiq bo‘lgan biror mavzu bo‘yicha referat tayyorlash topshiriladi.
Bunda talaba asosiy adabiyotlardan tashqari qo‘shimcha adabiyotlardan (hujjatlar,
yozma manbalar, monografiyalar, ilmiy, uslubiy maqolalar, internetdan olingan
ma’lumotlar, elektron kutubxona materiallaridan) foydalanib ma’lumotlar yig‘adi,
tahlil qiladi, tizimga soladi va mavzu buyicha imkon darajasida to‘liq, keng
ma’lumot berishga harakat qiladi. Zarur hollarda o‘qituvchidan maslahat va
ko‘rsatmalar oladi. Yakunlangan referat kafedrada ekspertlar ishtirokida himoya
qilinadi.
VI.3. Manbalar yordamida mavzuni yoritib berish
Talaba fan asoslarini puxta egallab olishi, dinshunoslikni yaxshi bilishi o‘quv-
tarbiya ishlarining qanday tashkil qilinishidan tashqari, ko‘p jihatdan darsliklar,
o‘quv qo‘llanmalarining sifati va saviyasiga ham bog‘liqdir.
Imoratni mustahkam poydevorsiz qurib bo‘lmagandek, tarixni manbasiz yozib
bo‘lmaydi. Tarixiy manba deganda uzoq o‘tmishdan qolgan, insoniyatning tabiat va
jamiyatning ma’lum taraqqiyot bosqichidagi kechmishini o‘zida aks ettirgan moddiy
va ma’naviy yodgorliklarni tushunamiz. Moddiy yodgorliklar turkumiga ko‘xna
manzilgoh va mozorlar, shaharlar, qasrlar hamda qal’alarning xarobalari, o‘sha
joylardan topilgan ishlab chiqarish va urush qurollari, uy-ro‘zg‘or hamda zeb-ziynat
buyumlari, qadimiy sug‘orish inshootlarining qoldiqlari, oltin, kumush va mis
tangalar, shuningdek, ibtidoiy odamlar va hayvonlarning qoya toshlarga o‘yib
ishlangan sur’atlari, umuman tosh va boshqa buyumlardagi yozuvlar kiradi.
Ma’naviy yodgorliklar turkumiga esa uzoq o‘tmishdan qolgan qo‘lyozma asarlar
hamda odamlarning turmushi va urf-odatlarini o‘zida aks ettiruvchi materiallar,
shuningdek, kishilar ongida saqlanib qolgan urf-odat va an’analar kiradi.
Tarixiy manbalar inson ijtimoiy faoliyati natijasida paydo bo‘lgan. U ijtimoiy
hayotning hamma tomonlarini, bo‘lib o‘tgan voqealarni o‘zida aks ettiradi. Shuning
30
uchun tarixiy manbalarsiz qadimiy odamlarning turmushi va ijtimoiy faoliyati qay
tarzda kechganligini bilib va o‘rganib bo‘lmaydi. Manbalar ustida ish olib borganda
shuni ham esda tutish zarurki, har bir tarixiy davrning o‘ziga xos xususiyati bo‘lib, u
avvalo ijtimoiy-siyosiy tuzumning tabiati, ishlab chiqarish usullari, o‘sha davrda
mavjud bo‘lgan moddiy madaniyat va nihoyat, yozuv texnikasining umumiy darajasi
bilan belgilanadi.
Manbalar yordamida mavzuni yoritib berishda avvalambor, tarixiy manbalarni
topish, ularni turkumlash, chuqur va atroflicha tadqiq etish, manbada o‘z aksini
topgan yoki bayon etilgan voqealar, keltirilgan dalillarning to‘la va haqqoniyligini
aniqlash asosiy vazifa hisoblanadi.
VI.4. Ko‘rgazmali ma’lumotlar tayyorlash
Talabaga muayyan bayon qilish va yaxshiroq o‘zlashtirish uchun yordam
beradigan ko‘rgazmali materiallar (chizmalar, jadvallar, rasmlar, xaritalar, foto-
suratlar, atamalar lug‘ati, maketlar, modellar, grafiklar, namunalar, kichik badiiy
asar) tayyorlash topshiriladi. Mavzu o‘qituvchi tomonidan aniqlanib, talabaga
ma’lum ko‘rsatmalar, yo‘l-yo‘riqlar beriladi. Ko‘rgazmali vositalarning miqdori,
shakli va mazmuni talaba tomonidan mustaqil tanlanadi. Bunday vazifani bir mavzu
bo‘yicha bir necha talabaga topshirish ham mumkin.
Talaba ko‘rgazmali materiallardan foydalanish bo‘yicha yozma ravishda
tavsiyalar tayyorlaydi va kafedrada himoya qiladi.
VI.5. Mavzu bo’yicha testlar, munozarali savollar va topshiriqlar tayyorlash
Talabaga muayyan mavzu bo‘yicha testlar, qiyinchilik darajasi har-xil bo‘lgan
masalalar va topshiriqlar, munozaraga asos bo‘ladigan testlar tuzish topshiriladi.
Bunda o‘qituvchi tomonidan talabaga testga qo‘yiladigan talablar, uni tuzish
qonun-qoidalar, qanday maqsad ko‘zda tutilayotganligi, turli savollar tuzishda
mavzuning munozarali holatlarini qanday amalga oshirish lozimligi, topshiriqlarni
tuzish usullari bo‘yicha yo‘l-yo‘riqlar beriladi. Maslahat darslarida bajarilgan
31
ishlarning holati va talabalarning javob berish darajasi nazorat qilinadi (qayta ishlash,
aniqlashtirish yoki to‘ldirish taklif etilishi mumkin).
VI.6. Ilmiy maqola, tezislar va ma’ruzalar tayyorlash
Talaba biron bir mavzu bo‘yicha (mavzuni talabaning o‘zi tanlashi ham
mumkin (referativ xarakterda) maqola, tezis yoki ma’ruza tayyorlab topshirishi
mumkin. Bunda talaba o‘quv adabiyotlari, ilmiy-tadqiqot ishlari, dissertatsiyalar,
maqola va monografiyalar hamda internet va boshqa axborot manbalaridan mavzuga
tegishli ma’lumotlarni jamlaydi, tahlil qilishga zarurlarini ajratib olib, tartibga soladi,
shaxsiy tajribasi va ilmiy natijalariga asoslangan holda qo‘shimchalar, izohlar
keltirib, o‘z nuqtai-nazarini bayon etadi va asoslaydi. Bunda talaba o‘qituvchi bilan
hamkorlikda ishlaydi. Tayyorlangan maqola, tezis yoki ma’ruza kafedrada himoya
qilinadi.
VI.7. Amaliy mazmundagi nostandart masalalar echish
Bir mavzu yoki bo‘lim bo‘yicha nostandart, alohida yondashib bajariladigan,
nazariy ahamiyatga ega bo‘lgan amaliy topshiriqlarga yondashib talab qilinadigan
ilmiy-ijodiy vazifalar, modellar, namunalar yaratish vazifasi topshirilishi mumkin.
Amaliy topshiriqlar masalani hal qilishning optimal variantlarini izlashga va
ishlashga qaratilgan bo‘lishi kerak.
Talabaning qiziqishi va qobiliyatiga qarab, ilmiy topshiriqlar berish, o‘qituvchi
bilan hamkorlikda ilmiy ishlar tayyorlash va chop ettirish mumkin.
Bu jarayonni amalga oshirishda rahbar o‘qituvchi va talabadan ijodiy
yondashuv talab etiladi. Jumladan, ma’lum mavzu bo‘yicha ta’lim muassasi yoki
respublika miqyosida tashkil etiladigan talabalar hamda yosh olimlar ilmiy ijodlariga
bag‘ishlangan turli ilmiy-nazariy konferentsiyalarda ishtirok etish.
Shuningdek, mustaqil ta’lim jarayoniga oid mavzular mazmun mohiyatini
yoritib beruvchi turli slaydlar taqdimotini amalga oshirish ham tavsiya etiladi. Yoki
bo‘lmasa, texnologik vositalar yordamida ma’lum vaqtga (masalan, 40 daqiqa)
32
mo‘ljallangan biror bir mavzuning dars ishlanmasini taqdimot tarzida ishlab chiqish
va himoya etish ham o‘ziga xos ijobiy natija beradi.
VI.8. Mavzu himoyasiga pedagogik texnologiyalarni joriy etish.
Pedagogik texnologiya – tizimli, texnologik yondashuvlar asosida ta’lim
shakllarini qulaylashtirish, natijasini kafolatlash va ob’ektiv baholash uchun inson
salohiyati hamda texnik vositalarning o‘zaro ta’sirini inobatga olib, ta’lim
maqsadlarini oydinlashtirib, o‘qitish va bilim o‘zlashtirish jarayonlarida
qo‘llaniladigan usul va metodlar majmuidir. Pedagogik texnologiya uchun pedagogik
amaliyot jarayonlarini belgilash va tasvirlash, talaba kelgusi faoliyatida duch
keladigan vazifalarni oldindan aniqlash, ta’lim tarbiyaning shakllari va vositalarini
tayyorlash, shaxsda shakllantirish nazarda tutilgan kasbiy sifatlar va ma’naviy
fazilatlarni o‘zlashtirishga yunaltirilgan mashqlar tizimini ishlab chiqish, ta’limning
natijasi va o‘zlashtirish darajasi, sifatini baholash mezonlariga mos ravishda
talabaning bilim va malakalarni egallash sifatini ob’ektiv baholash uchun nazorat
vazifalarini tayyorlash, darsda va darsdan tashqari o‘quvchiga beriladigan vazifalarni
rejalashtirish va nihoyat mustaqil mashg‘ulotlarning tuzilmasi va mazmunini ishlab
chiqish kabilar pedagogik texnologiyaning vazifalari hisoblanadi.
33
VII. MUSTAQIL TA’LIM UCHUN TAVSIYA ETILADIGAN MAVZULAR
Mustaqil ta’lim mavzulari Dars soatlari
hajmi
1-semestr
Mahmud Koshg‘ariyning “Odobas-solihin” asarining
tarbiyaviy ahamiyati 2
Globallashuv va sekulyarizatsiya jarayonlari 2
Beruniy asarlarida diniy marosimlarning yoritilishi 2
Jahon dinlari ibodatxonalari arxitekturasi 2
Yurtimiz allomalarining islom ilmlariga qo‘shgan xissalari 2
Buxoro yahudiylarining diniy marosimlari va bayramlari 2
O‘zbekistonda konfessiyalararo diniy bag‘rikenglikning
tarixiy tajribasi 2
Yangi diniy harakatlarning zamonaviy faoliyat uslublari 2
O‘zbekistondagi muqaddas ziyoratgohlar: Hakimat-Termiziy
majmuasi 2
O‘zbekistondagi muqaddas ziyoratgohlar: Qaffol ash-Shoshiy
maqbarasi 2
O‘zbekistonda mustaqillik yillarda diniy ta'lim tizimida
amalga oshirilgan islohotlar 2
O‘zbekiston Respublikasining Birinchi Prezidenti
I.Karimovning diniy bag‘rikenglik sohasida olib borgan
oqilona siyosat
2
JAMI: 24 soat
34
VIII. TAVSIYA QILINADIGAN ADABIYOTLAR RO‘YXATI
1. O`zbekiston Respublikasi Konstitusiyasi T., ”O`zbekiston” 2014.
2. Inson huquqlari : Universal xalqaro xujjatlar toʻplami. – T.: 1996 .
3. I.Karimov. Bizdan ozod va obod Vatan qolsin. T., ”O`zbekiston” 1996.
4. I.Karimov. Vatan sajdagoh kabi muqaddasdir. T., ”O`zbekiston” 1996.
5. I.Karimov. Yuksak malakali mutaxasislar-taraqqiyot omili. O`zbekiston
Respublikasi Prezidenti huzuridagi Davlat va jamiyat qurilish akademiyasining
ochilishi marosimida so`zlangan nutqi. 1995-yil 3-oktyabr. Asarlar 4-jild T.:
”O`zbekiston” 1996.
6. I.Karimov. Bunyodkorlik yo`lidan. T.: ”O`zbekiston” 1996.
7. I.Karimov. Amir Temur – faxrimiz g`ururimiz. A.Temur tavalludining 660
yilligiga bag`ishlangan xalqaro ilmiy konferensiyadagi ma`ruza, 1996.
8. I.Karimov. Yuksak ma`naviyatsiz kelajak yo`q. ”Ma`naviyat va ma`rifat”
Respublika jamoatchilik markazi rahbariyati hamda boshqaruvi a`zolari bilan
uchrashuvida so`zlangan nutq. 1996 yil 4-sentyabr. Asarlar. 5-jild. T.,
”O`zbekiston” 1997.
9. I.Karimov. Yangicha fikrlash va ishlash –davr talabi T., ”O`zbekiston”,
1997.
10. Mirziyoev Sh.M. Erkin va farovon, demokratik O‘zbekiston davlatini
birgalikda barpo etamiz. O‘zbekiston Respublikasi Prezidenti lavozimiga
kirishish tantanali marosimiga bag‘ishlangan Oliy Majlis palatalarining qo‘shma
majlisidagi nutq. T.: «O‘zbekiston» 2016. -108 b.
11. Mirziyoev Sh.M. Tanqidiy tahlil, qat’iy tartib-intizom va shaxsiy
javobgarlik – har bir rahbar faoliyatining kundalik qoidasi bo‘lishi kerak.
Mamlakatimizni 2016 yilda ijtimoiy-iqtisodiy rivojlantirishning asosiy yakunlari
va 2017 yilga mo‘ljallangan iqtisodiy dasturning eng muhim ustuvor
yo‘nalishlariga bag‘ishlangan Vazirlar mahkamasining kengaytirilgan
majlisidagi ma’ruza. T.: «O‘zbekiston» 2017. -104 b.
35
12. Mirziyoev Sh.M. Qonun ustuvorligi va inson manfaatlarini ta’minlash yurt
taraqqiyoti va xalq farovonligining garovi. Toshkent.: O‘zbekiston. 2017. -
106 b.
13. Mirziyoev Sh.M. Buyuk kelajagimizni mard va olijanob xalqimiz bilan
birga quramiz. Toshkent.: O‘zbekiston. 2017. -84 b.
14. Ta’lim toʻgʻrisidagi” qonun va “Kadrlar tayyorlash milliy dasturi” T.:
1997.
15. “Manaviy qadriyatlar va milliy o`zlikni anglashning tiklanishi”.
(I.Karimovning ”O`zbekiston XXI asr bo`sag`asida: xavfsizlikka taxdid,
barqarorlik shartlari va taraqqiyot kafolatlari” asari). Asarlar 6-jild. T.,
”O`zbekiston”, 1997.
16. Barkamol avlod -Oʻzbekiston taraqqiyotining poydevori (I.Karimovning
O`zbekiston Respublikasi Oliy Majlisining IX-sessiyasida so`zlagan nutqi).
Asarlar 6-jild.T., “O`zbekiston”, 1998.
17. Vijdon erkinligi va diniy tashkilotlar toʻgʻrisida (yangi taxrir).
Oʻzbekiston Respublikasining qonuni. T.: “Adolat”, 1998.
18. I.Karimov. Xavfsizlik va barqaror taraqqiyot yo`lida. T.: O`zbekiston 1998.
19. I.Karimov. O`zbekiston XXI asr bo`sag`asida: xafsizlikka taxdid,
barqarorlik shartlari va taraqqiyot kafolatlari. Asarlar 6-jild. T., ”O`zbekiston”
1998.
20. O`z kelajagimizni o`z qo`limiz bilan qurmoqdamiz. (I.Karimovning
“Turkiston” gazetasi muxbirining savollariga javoblari) Asarlar 7-jild. T.,
“O`zbekiston”, 1999.
21. O`zbekiston XXI asrga intilmoqda (I.Karimovning O`zbekiston
Respublikasi Oliy Majlisining XIV-sessiyasidagi ma`ruzasi). Asarlar 7-jild. T.,
“O`zbekiston”, 1999.
22. Jamiyatimiz mafkurasi xalqni-xalq, millatni-millat qilishga xizmat etsin:
(I.Karimovning “Tafakkur” jurnali Bosh muxarrirning savollariga javoblari).
Asarlar 7-jild, -T.: “O`zbekiston” 1999. 84-102-betlar.
36
23. Milliy istiqlol mafkurasi-xalq e`tiqodi va buyuk kelajakka ishonchdir.
(I.Karimovning “fidokor” gazetasi muxbiri savollariga javoblari). Asarlar 8-jild.
T., “O`zbekiston”, 2000.
24. M.Imomnazarov, M.Eshmuxamedova Milliy ma`naviyatimiz asoslari. T.,
“Toshkent islom Universiteti” 2001.
25. Terrorizmga qarshi kurash toʻgʻrisida. Oʻzbekiston Respublikasining
qonuni. //Oʻzbekiston Respublikasi Oliy Majlisi Axborotnomasi 2004. 5-son.
26. Bagʻrikenglik tamoyillari Dekloratsiyasi. - T.: 2002 .
27. I.Karimov “Mamlakatimizda demokratik islohotlarni yanada
chuqurlashtirish va fuqarolik jamiyatini rivojlantirish konsepsiyasi” O`zbekiston
Respblikasi Oliy Majlisi Qonunchilik palatasi va Senatining qo`shma
majlisidagi ma`ruza- T.: “O`zbekiston” 2010 yil 12-noyabr.
28. I.Karimov. Vatan ravnaqi uchun har birimiz mas`ulmiz. T., ”O`zbekiston”
2001.
29. I.Karimov. ”Milliy istiqlol g`oyasi: asosiy tushuncha va tamoyillar”
risolasidagi so`z bo`shi. Asarlar 9-jild. T., ”O`zbekiston”, 2001.
30. I.Karimov. Xavfsizlik va tinchlik uchun kurashmoq kerak. T.,
”O`zbekiston” 2002.
31. I.Karimov. Biz tanlagan yo`l - demokratik taraqqiyot va ma`rifat” dunyo
bilan hamkorlik yo`li” T., «O`zbekiston» 2003.
32. Jinoiy faoliyatdan olingan daromadlarni legallashtirishga va terrorizmni
moliyalashtirishga qarshi kurashish toʻgʻrisida. Oʻzbekiston Respublikasining
qonuni. //Oʻzbekiston Respublikasi Oliy Majlisi Axborotnomasi 2004. 9-son.
33. I.Karimov. Istiqlol va ma`naviyat. T., O`zbekiston » 2004.O.Musurmonova.
Ma’naviy qadriyatlar va yoshlar tarbiyasi.T.: Oʻzbekiston, 1996.
34. B.Qosimov va boshqalar. Vatan va millat muqaddasdir. T.: Oʻqituvchi, 1996.
35. I.Jumaboev. Hayot mazmuni va komil inson muammosi. T.: «Fan», 1996.
36. N.Ortiqov. Ma’naviyat: milliy va umuminsoniy qadriyatlar. T.: Ma’naviyat,
1997.
37. M. Imomnazarov. Milliy ma’naviyatimiz nazariyasiga chizgilar. T.: Sharq,
1998.
38. M.Oripov. Oila, ma’naviyat va ijtimoiy taraqqiyot. T.: «Fan», 1998.
39. I.Yablokov. Religiovedenie. M.1998.
37
40. A.Qodirov. Ma’naviyatning iqtisodiy tamoyillari. T.: Oʻqituvchi, 1999.
41. Moʻminov A.Q. Dinshunoslik asoslarini oʻqitish va oʻrganishning yagona
kontseptsiyasi. – T.: ToshDShI nashriyoti, 1999 y.
42. J.Tulenov. Ma’naviy yuksalish siri, T.: Mexnat, 2000.
43. S.Otamurodov “Ma`naviyat asoslari” ma`ruzalar matni –T.: 2000.
44. Yoʻldoshxoʻjaev H., Rahimjonov D., Komilov M Dinshunoslik. Ma’ruzalar
matni. – T.: Tosh DShI nashriyoti, 2000 y.
45. T.Mahmudov “Mustaqillik va ma`naviyat” –T.: “Sharq” 2001
46. Milliy istiqlol gʻoyasi: siyosiy tushuncha va tamoyillar. T.: Yangi asr avlodi,
2001.
47. I.Jabborov., S.Jabborov. Jahon dinlari tarixi.Oʻquv qoʻllanma. T.:
Oʻzbekiston. 2002
48. P.Ivanov. Xristianstvo i religii mira. M.2002.
49. S.Otamurodov, S.Otamurodov “O`zbekistonda ma`naviy -ruhiy tiklanish” –
T.: “Yangi asr avlodi”, 2003
50. Mas’ul muharrir akad Ibrohimov N.I. – T.: Mehnat, 2004.
51. Toshkent islom madaniyati poytaxti. T.: “Toshkent islom universiteti”
2007.
52. M. Hamdamova “Ma`naviyat asoslari” o`quv qo`llanma –T.: “Fan va
texalogiya”, 2008
53. Yuksak ma’naviyat yoʻlida. T.: «Ma’naviyat», 2008.
54. Hasanov A., Komilov M., Uvatov U., Azimov A., Rahimjonov D., Zohidov
Q Islom tarixi. Darslik. – T.: “Toshkent islom universiteti” 2008 y.
55. Diniy ekstremizm va terrorizmga qarshi kurashning ma’naviy–ma’rifiy
asoslari (oʻquv qoʻllanma) T.:2008.
56. Ma’naviyat. Asosiy tushunchalar izohli lugʻat. T.: Gʻofur Gʻulom, 2009.
57. Rahimov. «Ma’naviyat asoslari». Oʻquv qoʻllanma, T.: TDYU, 2009.
58. Diniy bag`rikenglik va mutaassiblik (yuz savolga - yuz javob) T.:
“Toshkent islom universiteti” 2009.
59. Ochildiev A. Missionerlik: moxiyat, maqsadlar, oqibatlar va oldini olish
yoʻllari –T.: 2009.
60. Muqaddas dinimizga yuksak e’tibor va ehtirom. T.: “Toshkent islom
universiteti”. 2010.
61. Sh.Yovqochev. Islom va hozirgim zamon. Oʻquv qoʻllanma. Toshkent islom
universiteti 2010 y.
62. A.Ochildiyev va boshq. Xidoyat ortiga yashiringan zalolat. Oʻquv
qoʻllanma. T.: “Toshkent islom universiteti”. 2010
63. Islom va hozirgi zamon: oʻquv qoʻllanma. Mas’ul muharrir Sh.Yovqochev.
– T.: “Toshkent islom universiteti” 2010 y
64. R.Abdullayev Qur’onshunoslik. T.: “Toshkent islom universiteti”. 2011.
38
MUNDARIJA
KIRISH …………………………………………………………..... 3
I MUSTAQIL TA’LIMNI TASHKIL QILISH ............................... 5
I.1. Mustaqil ta’limni tashkil qilishning namunaviy va ishchi o‘quv
rejalariga mosligi …………………………………………................
8
I.2. Mustaqil ta’limni tashkil qilish va uni amalga oshirishning kafedra
yig‘ilishida ko‘rib chiqilishi ………………………….......................
9
I.3. Mustaqil ta’limni tashkil qilishning fan dasturi va ishchi dasturga
mosligi ................................................................................................
9
I.4. Mustaqil ta’lim mavzularining muayyan bir mavzuning biror
qismini yoritib berish va bilim olish uchun yo‘naltirilganligi ….......
10
I.5. Talabalar mustaqil ishini samarali tashkil etish ……………............. 10
I.6. Mustaqil ta’limni tashkil qilishda adabiyotlar ro‘yxatining taqdim
qilinishi …………………………………………………...................
11
II MUSTAQIL TA’LIM JARAYONIDA ADABIYOTLAR
BILAN MUSTAQIL ISHLASH USLUBIYATI …………............
13
II.1. Adabiyotlarni mustaqil o‘qishda etibor berish kerak bo‘lgan jihatlar 15
III MUSTAQIL TA’LIM JARAYONIDA TALABALARDA
TURLI MALAKALARNING ShAKLLANTIRILIShI ….........
17
IV MUSTAQIL TA’LIMNI TASHKIL QILISHDA
PROFESSOR-O‘QITUVCHILARNING FAOLIYATI ……......
20
IV.1. Mustaqil ta’limni tashkil qilishda aniq maqsadning belgilanganligi . 21
IV.2. Mustaqil ta’lim natijalarini baholash iezonlari ………….................. 22
V MUSTAQIL ISHLARNING SHAKLI VA HAJMINI
BELGILASH ………………………………………........................
25
VI MUSTAQIL TA’LIM TOPSHIRIQLARINI TAYYORLASH
USULLARI .......................................................................................
27
VI.1. Mavzuni mustaqil o‘zlashtirish …………………………………...... 28
VI.2. Referat tayyorlash ………………………………………………….. 29
VI.3. Manbalar yordamida mavzuni yoritib berish …………………......... 29
VI.4. Ko‘rgazmali ma’lumotlar tayyorlash ................................................. 30
VI.5. Mavzu bo‘yicha testlar, munozarali savollar va topshiriqlar
tayyorlash ...........................................................................................
30
VI.6. Ilmiy maqola, tezislar va ma’ruzalar tayyorlash …………..….......... 31
VI.7. Amaliy mazmundagi nostandart masalalar echish ………………..... 31
VI.8. Mavzu himoyasiga pedagogik texnologiyalarni joriy etish ……....... 32
VII MUSTAQIL TA’LIM UCHUN TAVSIYA ETILADIGAN
MAVZULAR ....................................................................................
33
VIII TAVSIYA QILINADIGAN ADABIYOTLAR RO‘YXATI …. 34
39
Sh.Shayakubov
O‘zbekiston tarixi
fanidan
mustaqil ta’limni tashkil etish
Muharrir Sh. Xudoyberdiyeva
Sahifalovchi Sh.Shomuslimova
Bosmaxona guvohnomasi № 10-1289
Bosishga ruxsat etildi 21.08.2017 Bichimi 60x841/16
Nashr hisob tabog’i 2,5 b.t. Adadi 100. Buyurtma №3
Toshkent moliya institute bosmaxonasida rizografiya
usulida chop etildi
100000, Toshkent, Amir Temur shoh ko’chasi 60a uy.
40