SLR Consulting (South Africa) (Pty) Ltd
1
Rhino Oil and Gas Exploration South Africa (Pty) Ltd KOPO YA TOKELO YA HO RAFA PETROLIAMO ‘PETROLEUM’ LE GESE (GAS) MAPOLSING A FAPAFAPANENG FREE STATE LE KWAZULU-NATAL (350 ER)
TOKOMANE YA LESEDI LA BOITSHETLEHO September 2019
SELELEKELA
Ba ‘Rhino Oil and Gas Exploration South Africa (Pty) Ltd’ ba entse
kopo PASA (Petroleum Agency South Africa) ya hore ba fuwe Tokelo
ya ho Rafa. Ho entswe kopo (ya Ref: 350 ER), ho latela Karolo ya 79
ya Molao wa Ntshetsopele ya Dimenerale le Mehlodi ya Petroliamo,
wa selemo sa 2002 MPRDA (Minerals and Petroleum Resources
Development Act, 2002) (wa Nomoro ya 28 wa selemo sa 2002),
mme kopo e amohetswe ke PASA. Minerale tse kentsweng kopong
ena ke oli, gese, mekedikedi ya tlhaho ya gese ‘condensate’, manya
a mashala ‘coal bed methane’, gese ya ‘helium’ le ya bayojeniki
‘biogenic gas’.
Sedikadikwe sa kopo ya Tokelo ya ho Rafa (ER) se batsi mme se
kenyeletsa dikarolo tsa Free State le Northern KwaZulu-Natal
(tadima Setshwantsho (Figure) 1. Nakong e fetileng ‘Rhino Oil and
Gas’ e ne e na le tumello ‘Technical Co-operation Permit’ (TCP 165)
ya sebaka sena.
Kopong ena ‘Rhino Oil & Gas’ e kopile feela tumello ya ho rafa
karolo ya pele ya oli le gese eo mohlomong e leng dikarolong tse
lokelang tsa jeoloji (geological strata). Lenaneo la pele la tshebetso
ya ho rafa le tla fella feela tekolong ya lesedi la ‘desktop data’ le
dipatlisisong tsa tshebediso ya difofane ho nka dintshwantsho tsa
sebaka seo (aerial survey). Sepheo se seholo sa mosebetsi ona ke
ho bontsha monyetla ofe kapa ofe wa boteng ba mohlodi wa
petroliamao o ka batlisiswang ho ya pele.
Ha ho mokgwa wa ho fehla, wa tlhahlobo ya kgatello, morafo wa
haedroliki o kenyeleditsweng mosebetsing ona o lohothwang wa ho
rafa.
TSELA YA TUMELLO YA TIKOLOHO
Ho latela Karolo ya 79(4) ya Molao wa Ntshetsopele ya Dimeneralo
le Mehlodi ya Petroliamo ‘MPRDA’ ho hlokeha pele hore motho ya
etsang kopo ya Tokelo ya ho Rafa a kgotsofatse le ho ikamanya le
Kgaolo ya 5 ya Molao wa Naha wa Taolo ya Tikoloho (NEMA) wa
(Nomoro ya 107 ya selemo sa 1998). Sena se hloka hore ba etsang
kopo ba fumane Tumello ya Tikoloho (Environmental Authorisation)
balaoding ba nang le bokgoni, e leng Letona la Mehlodi ya
Diminerale (kapa balaodi ba abetsweng ho etsa mosebetsi oo).
Melawana ya Tlhahlobo ya Tshusumetso ya Tikoloho (Environmental
Impact Assessment Regulations) ya selemo sa 2014 (ho ya ka
phetoho e entsweng ka 2017) e a lokela jwalo ka tlhokeho ya
Tumello ya ho Rafa (ER) ho ya ka moo ho lohothwang ka teng
tshebetsong ya MPRDA ya 18 Tsebisong ya ‘in Listing Notice 2’ (GN
R984).
Hore PASA (Petroleum Agency South Africa), jwalo ka lekgotla la
taolo le abetsweng boikarabelo bona, e tsepamise maikutlo kopong
ya Tumello ya Tikoloho le ho etsa kgothaletso e lebang Letoneng la
Mehlodi ya Diminerale, ho tshwanetse hore ho Popolwe ho be ho
etswe le Tlhahlobo ya Tshusumetso ya Tikoloho (S&EIA).
SLR Consulting (South Africa) (Pty) Ltd (“SLR”) e fuwe mosebetsi ke
‘Rhino Oil and Gas’ jwalo ka Mosebetsi wa Tlhahlobo ya Tikoloho
(EAP) ho etsa mosebetsi wa ho Popola le ho etsa Tlhahlobo ya
Tshusumetso ya Tikoloho (S&EIA). Tshebetso ya ho Popola le ho
etsa Tlhahlobo ya Tshusumetso ya Tikoloho (S&EIA) e tla laolwa ke
nako tse tsepamisitsweng Melawaneng ya Tlhahlobo ya
Tshusumetso ya Tikoloho ya selemo sa 2014 (Environmental Impact
Assessment Regulations 2014).
SEPHEO SA TOKOMANE ENA
Tokomane ena e hlophisitswe ke SLR hore o tsebe ka:
kopo e entsweng ya Tokelo ya ho Rafa;
mesebetsi e lohothwang ya ho rafa;
kopo e entsweng ya Tumello ya Tikoloho;
tsela e latelwang ya ho Popola le ho etsa Tlhahlobo ya
Tshusumetso ya Tikoloho (S&EIA); le
hore ho ngodiswa jwang sisiung sa lesedi sa projekte (database)
ena le ho ba le kabelo tshebetsong ya ho Popola le ho etsa
Tlhahlobo ya Tshusumetso ya Tikoloho (S&EIA).
KGOTHALETSO YA HO RAFA
Dihlahiswa tsa Petroliamo le gese di na le lethathama le batsi la
tshebediso (mohlala. matla, ho etsa tsela, tlhahiso ya dikhemikhale,
plastiki le thepa ya sinthetiki ‘synthetic material’) le ho dula e le
mohlodi o moholo wa matla lefatsheng ka bophara. Dihlahiswa tsa
Petroliamo di etswa ka ho hlwekisa oli le gese tse fumanweng
sebakeng se ka tlase ho lefatshe.
Gese ya tlhaho e na le ‘methane’ e ngata ho feta ‘hydrocarbon’, e
batla e hlwekile ho feta mashala le ‘diesel’ tseo e ka nkang sebaka sa
tsona. E ka sebedisetswa ho fehla motlakase kapa ho fana ka
mofuthu molemong wa tshebediso ya malapeng le ya indastri. Hang
ha e se e rafuwe e fetoha gese e ka bokellwang ha bonolo, ya
thotwa le ho sebediswa ka tsela e bolokehileng mabakeng a
mangata. Mofuta wa tshebediso indastring ya petroliamo o
itshetlehile ka ho phethahala mohloding wa boemo ba kgwebo.
Gese e tsebahaditswe Moralong wa Mehlodi e Kopantsweng wa
selemong sa 2018 ‘Integrated Resources Plan 2018’ jwalo ka nyehelo
ya bohlokwa haholo motswakong wa matla ho la Afrika Borwa
nakong e fihlang selemong sa 2030. Ho latela Moralo wa Mehlodi e
Kopantsweng (IRP), gese e lokela ho nka boemo ba 16% ba matla a
hoketsweng, bo hlokang 8 100 MW ya matla a fehlwang botjha. Ho
tsebahaditswe mehlodi e seng makaenyana ya gese mme gese e
ngata e tla lokela ho amohelwa e fumaneha kantle ho naha.
Tshibollo ya mehlodi ya gese e tla ba molemong wa ikhonomi ya
naha ena ho feta taba ya ho amohela gese e tswang dinaheng tse
kantle. Ho tshwanetse hore ho rafuwe le ho tsepamisa taba ya hore
ho na le mehlodi ya oli kapa ya gese e ka rafuwang.
SLR Consulting (South Africa) (Pty) Ltd
2
Maikutlo a amanang le tokomane ena a ka romelwa ka foromo ya ngodiso le a maikutlo,
ka ho otloloha le/kapa ho buisana le SLR.
O KA KOPANA LE MANG: Matthew Hemming/Edwynn Louw
Tel: (011) 467 0945 Fax: (011) 467 0978
E-mail: [email protected]
DIKOPO TSE DING
‘Rhino Oil & Gas’ nakong e fetileng e se e ile ya etsa dikopo tse ding
tse tsheletseng tsa Tokelo tsa ho Rafa mabopong a kahare ho naha
dibakeng tse fapaneng tsa diprovense tsa Free State le KwaZulu-
Natal. Ditokelo tsa ho Rafa di fuwe ba bang ha dikopo tse ding di
ntse di le motjheng kapa di ile tsa hulwa. Ho tla fanwa ka dintlha tsa
boemo ba dikopo tsena Ripotong ya ho Popola (Scoping Report).
KAKARETSO E KGUTSHWANYANE YA MORAFO O
LOHOTHWANG
KOPO YA HO RAFA (ER)
Kopo ya Tokelo ya ho Rafa e entsweng ke ‘Rhino Oil and Gas’ e
amohetswe ke PASA. Kananelo ya kopo e dumella motho ya entseng
kopo ho tswela pele feela ka tshebetso e hlokehang mme ha e fane
ka tumello. Ho latela Karolo ya 10 ya MPRDA, PASA e phatlaladitse
tsebiso ya kopo maboteng a meaho ya bona le koranteng ya mmuso
wa provense (provincial gazette).
‘Rhino Oil and Gas’ e tlameha ho inyalanya le ditlhoko tsa Karolo ya
79(4) ya MPRDA pele Letona la Mehlodi ya Diminerale le ka etsa
qeto ya ho fana ka Tokelo ya ho Rafa (Exploration Right).
THIBELO
Thibelo ya June 2018 ya Letona ho latela Karolo ya 49(1) ya MPRDA
mabapi le ho fana ka tumello ha e amane le tshebetso ya ditokelo
tse teng le dikopo tse amanang le tsona.
SEBAKA SA KOPO YA TOKELO YA HO RAFA
Sebaka sa Kopo ya Tokelo ya ho Rafa se namme ho tloha
lebatoweng la Upper Tugela,KwaZulu-Natal, ka leboya ho feta
Harrismith ho fihlela ka leboya ho Warden, Free State. Sebaka sa
Kopo ya Tokelo ya ho Rafa se namela bophirimela ho tloha
Harrismith, ho feta Kestell ho leba Bethlehem. Ka leboya sebaka sa
kopo ya ho Rafa se namme ho tloha Warden ho feta Reitz ho fihlela
Lindley. Sebaka sa kopo ya Tokelo ya ho Rafa se kenyeletsa mapolasi
a 4 268 sebakeng sa bonamo ba ntho e ka etsang 773 259 ha
(tadima Setshwantsho (Figure) 1 le Sehokelo sa A). Lenane la dibaka
‘properties’ tse kenyeleditsweng sebakeng sa kopo ya Tokelo ya ho
Rafa (ER) le fumaneha Sehokelong sa B.
Sebaka sa kopo ya Tokelo ya ho Rafa (ER) se tehela ka thoko dibaka
‘properties’ kaofela moo ho thibetsweng hore ho ka fanwa ka
Tokelo ya ho Rafa (ER) Karolong ya 48 ya MPRDA. Mona ho
kenyeletswa:
Dibaka tse Ikgethang tsa Tlhaho ‘Special Nature Reserves’,
Diphaka tsa Naha ‘National Parks’, Dibaka tsa Tlhaho ‘Nature
Reserves’, Dibaka tse Tshireleditsweng ‘Protected Areas’ kapa
Tikoloho tse Tshireletsehileng ‘Protected Environments’ (ho
kenyeletswa Ditsha tse Tshireleditsweng tsa Lefatshe ‘World
Heritage Sites’, Dibaka tsa Tshireleditsweng tsa Dikepeng
‘Marine Protected Areas’, Dibaka tsa Meru e Tshireleditsweng
ka ho Ikgetha ‘Specially Protected Forest Areas’, Dibaka tsa
Tlhaho tsa Meru ‘Forest Nature Reserves’ le Dibaka tsa Meru tse
Hlaha ‘Forest Wilderness Areas’);
Sebaka sa naha e nang le dibaka tsa bodulo ‘residential area’;
Tsela efe kapa efe ya setjhaba, ralewa ‘railway’ kapa mabitla
‘cemetery’;
Naha efe kapa efe e sebedisetswang setjhaba kapa mmuso kapa
e bolokilweng ho ya ka molao ofe kapa ofe; kapa
Dibaka tse tsebahaditsweng ke Letona ka tsebiso e hlahileng
koranteng ya mmuso ‘Gazette’ ho ya ka Karolo ya 49.
LENANEO LA TSHEBETSO YA HO RAFA
Lenaneo la mosebetsi wa ho rafa le lohothwang ke ‘Rhino Oil and
Gas’ le reretswe ho bontsha hore ho na le monyetla wa mohlodi wa
oli kapa gese sebakeng se tla hloka hore se rafuwe ho ya pele.
Mesebetsi ya ho rafa e lohothwang e kenyeletsa tse latelang:
Pokoletso ya lesedi le tshebetso e tla etswa ka dipatlisiso tse
batsi tsa ‘desk-top’.
Dipatlisiso tse phethahetseng tsa sekgahla sa kgohelo ya
lefatshe ‘gradiometry gravity’.
Lenaneo la tshebetso ya ho rafa ha le na morero wa ho etsa
dipatlisiso tsa ditshwantsho tsa mefuta e fapaneng tsa mafika
‘seismic’, ho phunya ‘drilling’, ditlhahlobo tsa kgatello ‘pressure
testing’, tshebediso ya haedroliki ‘hydraulic’ kapa ho nkuwa ha metsi
mohloding.
DIPATLISISO TSA FTG
Ho rerilwe hore ho etswe dipatlisiso tse phethahetseng tsa FTG
(tensor gradiometry gravity). FTG ke dipatlisiso tsa diphuputso tsa
sebaka ntle le ho tjheka ka tsela ya ho nka ditshwantsho tsa ka tlase
ho lefatshe ho tsepamisa boikemisetso ba morafo wa ka nako e
tlang.
Dipatlisiso tse jwalo di sebetsa ka difofane mme ha di hloke mokgwa
wa ho kena mapolasing. Sefofane sa dipatlisiso se tla fofiswa butle
(~ 130 knots) ka bophahamo bo dipakeng tsa 80 m le 300 m ka
hodimo ho lefatshe.
Mokgwa ona wa ‘grid pattern’ ha o tsejwe hajwale, hobane o tla
fihlellwa ho ya ka diphumano tsa pele tsa mesebetsi ya ho rafa. Ho
na le monyetla wa hore sebaka sa dipatlisiso se dipakeng se tla ba
dipakeng tsa 500 m le 2 km. Sebaka sa ho fofa ‘flight parameters’, sa
dipatlisiso ‘survey grid’ le sa nako ‘timing’ ke ntho tse ka nyalanang
ho ya ka dithibelo tse lokelang.
SLR Consulting (South Africa) (Pty) Ltd 3
SLR Consulting (South Africa) (Pty) Ltd 4
Setshwantsho (Figure) 2: Sefofane sa dipatlisiso
MOIFO
Mohato wa pele wa morafo o tla hlahisa menyetla e seng
mekae ya mesebetsi hobane mosebetsi o tla etswa ke basebetsi
ba tshebetso e ikgethang.
NAKO
Tokelo ya ho Rafa (ER) qalehong e sebetsa feela dilemo tse
tharo. Lenaneo la tshebetso ya ho rafa le tla sebetsa nakong
ena e itseng.
BOKENO BA SEBAKENG
Ho ke ke ha hlokeha hore ho kenwe sebakeng sefe kapa sefe
mona moo ho tadingwang monyetla wa ho rafa nakong ena ya
lenaneo la tshebetso ya ho rafa la hona jwale.
MONYETLA WA MORAFO WA KA NAKO E TLANG
Kopo ya hona jwale ke ya ho dumella mosebetsi ho ya ka moo o
hlalositsweng ka teng ka hodimo (mme dintlha di tla hlahiswa
Ripotong ya ho Popola le Tlhahlobo ya Tshusumetso ya
Tikoloho).
Nakong ya morafo ‘Rhino Oil and Gas’ e tla sebedisa sephetho
sa lenaneo la mosebetsi wa ho rafa ho etsa qeto ya ho sebedisa
tokelo ya yona e ikgethang ho etsa qeto ya ho kopa ho
ntjhafaletswa Tokelo ya ho Rafa (ER).
Mosebetsi ofe kapa ofe o mong wa ho rafa ho hlahloba mohlodi
o tsebahaditsweng kapa tlhahiso ya ka nako e tlang ya oli le
gese ‘oil or gas’ o tla hloka kananelo e nngwe ho ya ka MPRDA
le NEMA. Kananelo tse jwalo di tla tshwanela ho kgotsofatsa
ditlhoko tse lokelanag tsa molao tse kenyeletsang ditherisano
tse ding le setjhaba le tlhahlobo ya tshusumetso ya tikoloho.
Dikananelo di ka nna tsa hlokeha ho latela molao o mong.
Haeba tshebetso ya ka nako e tlang e ka bontsha hore e na le
monyetla wa bothata bo sa amoheleheng tikolohong, ho latela
tshebetso ya tlhahlobo e laotsweng, ka morao ho moo ho na le
monyetla wa hore balaodi ba tshwanetseng ba se ke ba
nehelana ka dikananelo tse hlokehang. Moo ho leng tjena
mosebetsi o lohothwang o ke ke wa ntshetswa pele.
‘Rhino Oil and Gas’ e dumela hore ha ho molemo ho nahanela
monyetla wa tshekamelo ya kamoso projekteng ena hobane ho
na le menyetla e batsi mme lesedi le teng hona jwale ha le a
anela.
HO POPOLA LE TSHEBETSO YA EIA
BOIKEMISETSO LE SEPHEO
Boikemisetso ba ho popola le tshebetso ya EIA ke:
ho fana ka lesedi le amanang le projekte e lohothwang le
menyetla e meng e amanang le moo;
ho fana ka sebaka se loketseng ho bathahaselli le baamehi
(I&APs) ba tla amana le tshebetso;
ho nefetatsa hore dintlha tsohle tsa bohlokwa le
tshusumetso tse tla tswalwa ke projekte e lohothwang di a
tsebahatswa;
ho fana ka lesedi le amanang le tikoloho e nang le
monyetla wa ho ameha tshebetsong ena;
ho hlahloba monyetla wa tshusumetso ya projekte e
lohothwang nakong ya mehato e fapaneng ya
ntshetsopele ya projekte ena;
ho fana ka mehato ya pebofatso kapa ya tshebetso e kgolo
ya ho fokotsa monyetla wa tshusumetso kapa ho hodisa
monyetla wa melemo, ka ho fapana, le
ho dumella balaodi ba lokelang ho etsa qeto ya
boikarabelo e bontshang kutlwisiso le e bonaletsang.
MEHATO TSHEBETSONG YA HO POPOLA LE YA EIA
1. Mohato wa pele ho etswa kopo ‘Pre Application Phase’
(Sept ho fihlela Oct 2019)
Ho fumana le ho tsebisa beng ba naha kapa sebaka sena
ba amehang ka ho otloloha.
Ho fumana le ho tseba bathahaselli le baamehi ‘I&Aps’ le
balaodi ba taolo ba projekte ena e lohothwang (ka
ditherisano tsa tobileng, dipapatso tsa dikoranta, ditsebiso
tsa setsha le BID).
Ho tshwara dipitso tsa baamehi le dikopano moo ho
fanwang ka lesedi le hlokehng.
Ho fumana dintlha tse qalang le maikutlo a tswang ho
bathahaselli le baamehi (I&Aps).
Ho etsa kopo ho PASA (i.t.o. NEMA).
2. Mohato wa ho Popola (Nov 19 ho isa Jan 2020)
Ditherisano tse tswelang pele le kamahelo ya maikutlo.
Ho tsebahatsa dintlha tse hlokang ho batlisiswa ho feta.
Ho hlalosa dipehelano tse lokelanag ho sebediswa ha ho
shejwa monyetla wa tshusumetso.
Ho hlophisa Ripoto ya ho Popola.
Ho aba Ripoto ya ho Popola hore e lekolwe nakong ya
matsatsi a 30 le nako ya ho hlahisa maikutlo.
Pokello ya maikutlo a tswang ho bathahaselli le baamehi
(I&AP), ntjhafatso ya Ripoto ya ho Popola le ho fana ka
tsona ho PASA ho di amohela /ho di tehela ka thoko.
3.Mohato wa EIA (Jan ho isa Apr 2020)
Ho etsa dipatlisiso tse hlokehang.
Tlhahlobo ya ditshusumetso tsa projekte e lohothwang
Tlhophiso ya Ripoto ya Tlhahlobo ya Tshusumetso ya
Tikoloho (EIAR) le Lenaneo la Taolo ya Tikoloho (EMPr).
Ho aba EIAR molemong wa tekolo ya matsatsi a 30-le nako
ya ho hlahisa maikutlo.
Pokello ya maikutlo a ‘I&AP’, ntjhafatso ya EAIR le EMPr le
ho fana ka tsohle ho PASA hore e etse qeto.
SLR Consulting (South Africa) (Pty) Ltd 5
4. Qeto le Boipiletso
PASA e lokela ho lekola EIAR le ho kgothaletsa Letona
(kapa lekgotla la taolo le abetsweng mosebetsi ona) ho
etsa qeto.
Ho tsebisa bathahaselli le baamehi (I&Aps) ka qeto le
tokelo ya ho etsa boipiletso ho latela Melawana ya
Boipiletso.
MONYETLA WA TSHUSUMETSO YA TIKOLOHO
Dintlha tse lokelang tse tsebahaditsweng nakong ya mohato wa
ho Popola di tla batlisiswa jwalo ka karolo ya mohato wa
EIA.
Tshebediso ya lenaneo la mosebetsi wa ho rafa, jwalo ka ha ho
lohothwa, ha e a lebellwa hore e tlise ditshusumetso dife
kapa dife tse nang le moelelo. Ho lohothwa tshebetso ya
ho rafa fatshe mme ka lebaka lena ha ho ditshitiso tse
bonahalang tse tla ba teng sebakeng seo. Ho fofa ha
difofane tse etsang dipatlisiso ho ka nna ha baka lerata e
leng ntho e ka tlisang tshitisonyana, empa sena se tla
etsahala nakwana e kgutshwanyane haholo sebakeng se
itseng.
Ngongoreho e neng e hlahisitswe ke setjhaba mabapi le dikopo
tsa Tokelo ya ho Rafa (ER) ekasitana le nakong ya mohato
o qalang wa ho rafa ho ka nna ha e ba le ditshusumetso tsa
boemo bo tlase, mme ho nehelana ka tokelo ya ho rafa ho
tla kenya tshebetsong ntshetsopele ya projekte ya ho rafa
petroliamo e tla ba boima ho e kgaotsa. Ho rafa ka nako e
tlang kapa tlhahiso tikolohong ena ke ntho e nang le
monyetla wa ho tlisa bothata bo boholo haholo bo sa
amoheleheng. Hobane Tokelo ya ho Rafa e tla qala
tshebetso eo re sa tsebeng sephetho sa yona le bothata ba
yona, tokelo e jwalo e lokela ho hanelwa.
Moralo wa tshebetso ya molao o tla tshetlehwa hantle ka
dintlha Ripotong ya ho Popola. Ho ya ka NEMA, ho ke ke
ha fanwa ka tumello ya tikoloho hore ho etswe mesebetsi
e tla ba le tshusumetso e sa amoheleheng. Ho latela
MPRDA, ho tla fanwa ka ditokelo tsa diminerale feela
haeba tshebetso e lohothwang e ke ke ya tlisa tshilafalo e
sa amoheleheng, bothata ikholojing kapa tshenyo ya
tikoloho.
MEMO YA HO NGODISA LE HO HLAHISA MAIKUTLO
Ha wena kapa mokgatlo wa hao o batla ho ngodisa jwalo ka
bathahaselli le baamehi (I&AP) databeising ya projekte ena
le/kapa o lakatsa ho hlahisa dintlha dife kapa dife pele kapa o
na le dingongoreho tse amanang le projekte e lohothwang, o
kopuwa ho sebedisa Foromo e hoketsweng ya ngodiso le ho
hlahisa maikutlo mme o e romele ho SLR ka potlako ka moo o
ka kgonang ka teng.
Ho re maikutlo a hao a kenyeletswe Ripotong ya ho Popola a tla
lokela ho finyella ho SLR pele ho la 21 October 2019.
Bathahaselli le Baamehi (I&Aps) ba ngodisitsweng databeising
ya projekte ena ba tla tsebiswa ka menyetla e meng ya
ditherisano e teng, ditekolo tsa ripoto le qeto ya qetelo ya
taolo.
KOPANO YA MOO HO FANWANG KA LESEDI
O memelwa ho tla dikopanong tse latelang tseo ho fanwang ka lesedi ho tsona:
Letsatsi le Nako Sebaka
7 October 2019 @ 15:30 NG Kerk, Reitz West
8 October 2019 @ 09:00 Lindley Hotel
8 October 2019 @ 15:30 Danielsrus Farmers Union Hall, Bethlehem
9 October 2019 @ 09:00 Kestell Town Hall
9 October 2019 @ 15:30 Warden Farmers Union Hall
10 October 2019 @ 09:00 La La Nathi, Harrismith
10 October 2019 @ 15:30 Bergville Country Club Hall
SLR Consulting (Pty) Ltd
Rhino Oil and Gas Exploration South Africa (Pty) Ltd KOPO YA TOKELO YA HO RAFA PETROLIAMO ‘PETROLEUM’
MAPOLSING A FAPAFAPANENG HO LA FREE STATE LE KWAZULU-NATAL (350 ER)
FOROMO YA NGODISO LE TLHAHISO YA MAIKUTLO SEPTEMBER 2019
LEBITSO
POLASI / THEPA kapa MOKGATLO
ATERESE YA POSO
KHOUTU YA POSO FAX NUMBER
NOMORO YA FOUNU NOMORO YA CELL PHONE
TSELA E KGETHWANG YA KGOKAHANO (sedikadikwe) POSO FAX EMAIL SMS
LETSATSI TSHAENO
DINTLHA TSA BATHO BA BANG BA NANG LE NAHA SEBAKENG SENA KAPA BAO O NAHANANG HORE BA TSEBISWE:
…………………………………………………………………………………………………………………………………………………………………………………………
…………………………………………………………………………………………………………………………………………………………………………………………
…………………………………………………………………………………………………………………………………………………………………………………………
O KOPUWA HO TSEBAHATSA THAHASELLO YA HAO PROJEKTENG ENA E LOHOTHWANG:
…………………………………………………………………………………………………………………………………………………………………………………………
…………………………………………………………………………………………………………………………………………………………………………………………
…………………………………………………………………………………………………………………………………………………………………….……………….….
O KOPUWA HO HLAHISA MAIKUTLO LE DIPOTSO TSA HAO MONA:
…………………………………………………………………………………………………………………………………………………………………………………………
…………………………………………………………………………………………………………………………………………………………………………………………
……………………………………………………………………………………………………………………………………………………………………………………..…
…………………………………………………………………………………………………………………………………………………………………………………………
…………………………………………………………………………………………………………………………………………………………………………………………
…………………………………………………………………………………………………………………………………………………………………………………………
…………………………………………………………………………………………………………………………………………………………………………………………
…………………………………………………………………………………………………………………………………………………………………………………………
(sebedisa maqephe a mang haeba ho hlokeha)
O kopuwa ho kgutlisetsa foromo e tlatsitsweng SLR Consulting ka:
Poso: PO Box 1596, Cramerview 2060 Fax: (011) 467 0978
E-mail: [email protected]
SLR Consulting (Pty) Ltd