gebed - brian visagie · 2020. 7. 26. · inleiding die pad van gebed 2 inleiding volgens matt. 7:8...
TRANSCRIPT
GEBED
A
veroordeling
Inleiding
Die Pad van Gebed
1
* * * * *
GEPUBLISEER DEUR:
Brian A. J. Visagie
* * * * *
Kopiereg © 2020 Brian A. J. Visagie
ISBN 978-0-620-88342-9
Kopiereg voorbehou
Eerste Uitgawe Julie 2020
Alle regte voorbehou. Geen deel van hierdie publikasie mag gereproduseer, vertaal, in ʼn herwinningstelsel geberg, of op enige wyse versend word nie, hetsy elektronies,
elektrostaties, per magnetiese band, meganiese fotokopiëring, opnames of andersins, sonder die verlof van die publiseerder nie.
* * * * *
Epos: [email protected]
Webtuistes: www.brianvisagie.com; www.brianvisagie.co.za
Bely mekaar julle misdade en bid vir mekaar, sodat julle gesond kan word.
Die vurige gebed van ʼn regverdige het groot krag.
Jak. 5:16
Inleiding
Die Pad van Gebed
2
Inleiding
Volgens Matt. 7:8 weet elke persoon instinkmatig om te bid. Nogtans sal jy by ʼn
punt in jou gebedslewe kom waar jy oor sekere aspekte oor gebed en geloof
leiding nodig kry.
Die doel met hierdie boek is om ʼn onwrikbare fondament vir jou gebedslewe te
bou wat jou in staat stel om die vrug van jou geloof in Jesus Christus ten volle te
geniet.
In Rut. 2:12 sê die Woord van God: “Mag die HERE jou daad vergelde, en mag jou
loon volkome wees van die HERE, die God van Israel, onder wie se vleuels jy kom
skuil het.” In Christus behoort hierdie belofte aan jou.
Dit is die wil van God dat die loon van jou geloof in Sy Seun Jesus Christus volkome
moet wees. Daarom sê ons Heer Jesus ook in Matt. 21:22: “En alles wat julle in die
gebed vra, sal julle ontvang as julle glo.”
Alle Skriftelike riglyne in hierdie boek is gegrond op die Kennis van die Heerlikheid
van God in Jesus Christus. Dít leer jou om die Woord van die Waarheid reg te sny
(2Tim. 2:15), en sodoende ʼn kragtige gebedslewe te handhaaf (Ef. 6:10).
Klem word gelê op gemeenskap met die Woord van God in Jesus Christus. Dit is
alleenlik deur die Woord van God dat jy gemeenskap met die Heilige Gees van God
in Jesus Christus kan hê.
Jy kan nie gemeenskap met die Heilige Gees het sonder gemeenskap met die
Woord van God nie. Want, die Naam van Jesus Christus is Die Woord van God
(Openb. 19:13).
Gemeenskap met Die Woord van God stel jou in staat om Geestelik nougeset te
wandel. In. Ef. 5:15 vermaan die Woord van God: “Pas dan op dat julle nougeset
wandel, nie as onwyse nie, maar as wyse.”
Hierdie boek bespreek ook die volgende belangrike aspekte rakende jou gebedslewe in Jesus Christus:
Ongeloof in die gelowige se gebedslewe,
Versoeking,
Veroordeling en selfveroordeling,
Gebed volgens die wil van God,
Hoedat drome en droomgesigte jou gebedslewe beïnvloed,
Inleiding
Die Pad van Gebed
3
Hoe om die Profetiese Woord van God in Christus Jesus te gebruik as jou
sleutel tot verlossing en oorwinning in jou daaglikse lewe,
Die Toorn van God,
Vas en Gebed,
Verskillende maniere van bid,
Wat dit beteken om in die Gees te bid,
Die Heilige Gees in die Heerlikheid van God in Jesus Christus.
Alle Skrifte word aangehaal uit Die Bybel, 1933/53 Afrikaans Ou Vertaling (AOV).
Inhoud
Die Pad van Gebed
4
Inhoud
INLEIDING -------------------------------------------------------------------- 2
INHOUD ---------------------------------------------------------------------- 4
HOOFSTUK 1. GELOOF EN ONGELOOF ---------------------------------- 11
Die Gebed van die Heilige Gees ---------------------------------------------------------------- 11
Gebed en Jou Geloof ---------------------------------------------------------------------------- 12
Gebed en Twyfel ---------------------------------------------------------------------------------- 13
Die Geloof van Jou Gebed ---------------------------------------------------------------------- 14
Die Bediening wat Regverdig Maak ------------------------------------------------------------- 15
Die Geregtigheid van jou Geloof ---------------------------------------------------------------- 16
Geregtigheid deur Jou Werke ------------------------------------------------------------------- 17
Die Dag van Oordeel en Jou Werke ------------------------------------------------------------- 18
Die Bewys van Jou Geloof ----------------------------------------------------------------------- 19
Waar Twee of Drie in My Naam Vergader ------------------------------------------------------ 20
Die Sonde van Ongeloof ------------------------------------------------------------------------- 21
Voorbeeld van Gebed Teen Ongeloof -------------------------------------------------------------------- 21
HOOFSTUK 2. DIE NAAM VAN JOU GELOOF ---------------------------- 22
Die Naam van Jehova en die Gebed van die Christen --------------------------------------- 22
Die Besnydenis van Jehova ---------------------------------------------------------------------- 23
Die Kananése Vrou as Voorbeeld --------------------------------------------------------------- 24
Die Geestelike Besnydenis van Christus -------------------------------------------------------- 25
Gebed in die Naam van Jesus Christus --------------------------------------------------------- 26
HOOFSTUK 3. DIE VERBONDE VAN DIE BELOFTE ------------------------- 27
Gebed en die Verbonde van die Belofte ------------------------------------------------------- 27
Die Woord van God en die Gees van God ----------------------------------------------------- 28
Gebed Teen ʼn Skrif van Vervloeking en Toorn ----------------------------------------------------------- 29
Inhoud
Die Pad van Gebed
5
Beloftes Sonder Verwyt --------------------------------------------------------------------------- 30
Die Beloftes van Seën----------------------------------------------------------------------------- 31
ʼn Les uit Filip. 4:6 ---------------------------------------------------------------------------------- 32
Besorgdheid dat God Jou Verwerp Het --------------------------------------------------------- 33
Voorbeeld: ----------------------------------------------------------------------------------------------------------- 34
Gebed Teen Vervloeking --------------------------------------------------------------------------------------- 34
Die Vrede van God --------------------------------------------------------------------------------- 35
Jou Vrymoedigheid Teenoor God ------------------------------------------------------------------ 36
Die Vrug van Jou Geloof --------------------------------------------------------------------------- 37
Die Saaier ------------------------------------------------------------------------------------------- 38
HOOFSTUK 4. DIE WET EN DIE WOORD ----------------------------------- 39
Die Wet van Moses en die Wet van Christus ---------------------------------------------------- 39
Die Woord van God en die Woord van Christus ------------------------------------------------ 40
Die Gebooie van God en die Wet van God ---------------------------------------------------- 41
HOOFSTUK 5. DROME EN DROOMGESIGTE ------------------------------ 42
Definisie van Drome en Droomgesigte ---------------------------------------------------------- 42
Besoedeling deur Drome ------------------------------------------------------------------------- 43
Gesigte van God ---------------------------------------------------------------------------------- 44
Die Verterende Vuur van die Hemel ------------------------------------------------------------- 45
Die Wolk van die Hemel -------------------------------------------------------------------------- 46
Die Lig van die Wolk van die Hemel ------------------------------------------------------------------------ 46
Geestelike Heerskappy -------------------------------------------------------------------------- 47
Jou Geestelike Heerskappy in Christus Jesus -------------------------------------------------- 48
Die Rol Van Engele-------------------------------------------------------------------------------- 49
Die Profesie van ʼn Droom en die Profesie van die Woord ------------------------------------- 50
Die Profetiese Woord ----------------------------------------------------------------------------- 51
Skrifte wat die Profetiese Woord Staaf ----------------------------------------------------------- 52
Inhoud
Die Pad van Gebed
6
Gebed om Jou Hart Skoon te Maak van Drome ----------------------------------------------- 53
HOOFSTUK 6. JOU EERSTE LIEFDE ----------------------------------------- 55
Die Woord van God is Jou Eerste Liefde -------------------------------------------------------- 55
ʼn Rein van Hart ------------------------------------------------------------------------------------ 56
Die Mond van God ------------------------------------------------------------------------------- 57
Die Woord van Jou Mond ------------------------------------------------------------------------ 58
Die Woord van God in Jou lewe ----------------------------------------------------------------- 59
HOOFSTUK 7. DIE TWEE GEESTE VAN DIE BYBEL ------------------------- 60
Die Toorn van God --------------------------------------------------------------------------------- 61
Die Gees van die Toorn van God ---------------------------------------------------------------- 62
Voorbeeld: ----------------------------------------------------------------------------------------------------------- 63
Gebed Teen die Toorn van God ----------------------------------------------------------------------------- 63
Die Gees van die Dier ---------------------------------------------------------------------------- 64
Die Gees van Diepe Slaap ------------------------------------------------------------------------------------- 64
Die Beker van Bedwelming die Kelk van Grimmigheid ----------------------------------------------- 65
Jes. 28:7 --------------------------------------------------------------------------------------------------------------- 66
Babilon --------------------------------------------------------------------------------------------- 68
Jerusalem ----------------------------------------------------------------------------------------- 69
Die Draak en die Gees van Toorn --------------------------------------------------------------- 70
Die Kerk van Christus en die Gees van die Toorn ---------------------------------------------- 71
HOOFSTUK 8. DIE WERKE VAN DIE GEES VAN TOORN ------------------ 72
Rom. 1:18, 21-32 ---------------------------------------------------------------------------------- 72
Rom. 1:21 ------------------------------------------------------------------------------------------ 73
Rom. 1:22, 23 ---------------------------------------------------------------------------------------- 74
Rom. 1:24, 25 -------------------------------------------------------------------------------------- 75
Rom. 1:26, 27 -------------------------------------------------------------------------------------- 76
Rom. 1:28-31 -------------------------------------------------------------------------------------- 77
Inhoud
Die Pad van Gebed
7
HOOFSTUK 9. DIE WAPENS VAN JOU STRYD ----------------------------- 78
Die Wapens van Openb. 12:11 ------------------------------------------------------------------ 79
Voorbeeld van Gebruik van die Bloed van Jesus ------------------------------------------------------ 80
Die Sonde tot die Dood --------------------------------------------------------------------------- 82
Die Ewige Lewe ----------------------------------------------------------------------------------- 83
Gemeenskap met die Woord van die Lewe ---------------------------------------------------- 84
HOOFSTUK 10. BEKERING ------------------------------------------------- 85
Die Definisie van Bekeer-------------------------------------------------------------------------- 85
Die Fondament van Bekering ----------------------------------------------------------------------- 86
Die Leer van die Doop ---------------------------------------------------------------------------- 87
Die Sonde van die Ongeregtigheid ------------------------------------------------------------------ 88
Die Sonde wat ons so Maklik Omring ----------------------------------------------------------- 89
Die Bloed van die Verbond van Sion ------------------------------------------------------------ 90
Die Bloed van Jesus Christus --------------------------------------------------------------------- 91
HOOFSTUK 11. JOU SIEL -------------------------------------------------- 92
Jou Hart en Jou Siel ------------------------------------------------------------------------------- 92
Ses Name in die Bybel vir jou Siel --------------------------------------------------------------- 93
Lukas 9:23-25 -------------------------------------------------------------------------------------- 95
Jy Moet Jouself Verloën Terwyl Jy Jouself Liefhet ---------------------------------------------- 96
Leuenagtige Waarsêery ----------------------------------------------------------------------------------------- 99
Die Krag van Drome en Visioene---------------------------------------------------------------------------- 101
Jy Moet Jouself Daagliks Verloën deur Daagliks te Sterf -------------------------------------------- 102
HOOFSTUK 12. VERSOEKING EN BEGEERLIKHEID ---------------------- 104
Versoeking --------------------------------------------------------------------------------------- 104
Voorbeeld: ---------------------------------------------------------------------------------------------------------- 105
Gebed teen die Satan se Versoeking en Leun --------------------------------------------------------- 105
Begeerlikheid ------------------------------------------------------------------------------------ 106
Inhoud
Die Pad van Gebed
8
Die Vlees------------------------------------------------------------------------------------------ 107
Die Vervolging van Jou Geloof ----------------------------------------------------------------- 108
Die Uur van Beproewing ------------------------------------------------------------------------- 109
Teen Hoop op Hoop ----------------------------------------------------------------------------- 110
Die Belydenis van Jou Geloof ------------------------------------------------------------------- 111
Roep Dinge wat nie Bestaan nie, asof Hulle Bestaan. ----------------------------------------- 112
Voorbeeld: Gebed vir Geloof ------------------------------------------------------------------------------------ 112
HOOFSTUK 13. DIE VERBOND VAN DIE GEES EN DIE WOORD -------- 113
Die Edel en die Onedel -------------------------------------------------------------------------- 114
Skrif Vra ------------------------------------------------------------------------------------------- 115
Hoe om die Skrif te Gebruik --------------------------------------------------------------------- 116
Die Verbond van Sewe -------------------------------------------------------------------------- 117
Voorbeelde van die Verbond van Sewe teen Siekte ------------------------------------------------ 118
Skrif van Danksegging aan Einde van Elke Gebed --------------------------------------------------- 119
Die Verbond van Sewe en Jou Gedagtes ----------------------------------------------------- 120
Bid Sonder Ophou ------------------------------------------------------------------------------- 121
HOOFSTUK 14. DIE KRAG EN KOMS VAN JESUS CHRISTUS ----------- 122
Die Koms van ons Heer Jesus Christus --------------------------------------------------------- 122
Die Teken van die Seun van die Mens. --------------------------------------------------------- 123
Die Merk van die Heilige Gees ----------------------------------------------------------------- 124
Bybelse Terme vir die Ontvangs van die Heilige Gees --------------------------------------- 125
Opsomming -------------------------------------------------------------------------------------------------------- 125
Die Krag van Ons Heer Jesus Christus ---------------------------------------------------------- 127
Die Hemele en die Hoogste Hemele ----------------------------------------------------------- 128
Jou Hemelse Burgerskap ------------------------------------------------------------------------ 129
Die Woord van die Koninkryk van God -------------------------------------------------------- 130
Die Koninkryk van God in Jou Gees ------------------------------------------------------------ 131
Inhoud
Die Pad van Gebed
9
HOOFSTUK 15. DIE VROU IN DIE LIGGAAM VAN CHRISTUS ---------- 132
Die Liggaam van Christus in die Godheid ----------------------------------------------------- 132
Bybelse Name vir Die Liggaam van Christus -------------------------------------------------- 133
Aanbidding in ʼn Nuwe Bedeling ---------------------------------------------------------------- 134
Die Aangesig van God en die Aangesig van Jesus Christus --------------------------------- 135
Die Heerlikheid van God en die Wet van Moses ---------------------------------------------- 136
Die Hoofbedekking in die Liggaam van Christus ---------------------------------------------- 137
Die Patriargale Hiërargie van God ------------------------------------------------------------- 137
Die Heerlikheid van God en die Heerlikheid van die Man ----------------------------------- 138
Die Bediening van Engele ----------------------------------------------------------------------- 138
Die Krag van die Hoofbedekking van die Vrou ----------------------------------------------- 139
Nie 'n 24/7 vereiste nie -------------------------------------------------------------------------- 140
Die Sluier in die Joodse Tempel ----------------------------------------------------------------- 140
Die Eerbare Rol van 'n Vrou --------------------------------------------------------------------- 141
Bybelse riglyne ----------------------------------------------------------------------------------- 141
Die Interpretasie van Drome en Visioene ------------------------------------------------------ 142
Kan 'n Vrou 'n Profeet wees? -------------------------------------------------------------------- 143
ʼn Roeping tot Stille Vertroue --------------------------------------------------------------------- 143
ʼn Geestelike Skoon Pastoor Kweek ʼn Geestelik Skoon Kerk --------------------------------- 144
Nie meer Jood of Griek nie --------------------------------------------------------------------- 144
Die Gees van die Profesie ----------------------------------------------------------------------- 145
Geheime van die hart --------------------------------------------------------------------------- 146
Die Lig van Jou Getuienis ----------------------------------------------------------------------- 146
Priscilla en Aquila -------------------------------------------------------------------------------- 147
Die Gees van Isébel en Jannes en Jambres --------------------------------------------------- 147
Verontagsaming van die Wil van God --------------------------------------------------------- 148
HOOFSTUK 16. VOORBEELDE VAN GEBED IN DIE BYBEL -------------- 149
Inhoud
Die Pad van Gebed
10
Hanna se Gebed --------------------------------------------------------------------------------- 149
Gebed van Aanbidding ------------------------------------------------------------------------- 150
Gebed van Verlossing en Genesing ----------------------------------------------------------- 152
Gebed van Genesing --------------------------------------------------------------------------- 153
Gebed vir Verlossing uit Vrees ------------------------------------------------------------------ 154
Gebed vir Krag ----------------------------------------------------------------------------------- 155
Gebed vir Leiding -------------------------------------------------------------------------------- 156
Gebed vir Geloof -------------------------------------------------------------------------------- 157
Gebed en Vas teenoor die Profetiese Woord van God --------------------------------------- 158
Die Onversigtige Gelofte ------------------------------------------------------------------------ 160
Die Lied in Jou Hart ----------------------------------------------------------------------------------------------- 160
ʼn Les uit Prediker 5:2-6 --------------------------------------------------------------------------- 161
Gebed teen Nietige Drome en Woorde ----------------------------------------------------------------- 161
Jou Oorwinning Verheerlik God ---------------------------------------------------------------- 162
HOOFSTUK 17. SKRIF AANHALINGS --------------------------------------- 1
2Kor. 4:6
Geloof en Ongeloof
Die Pad van Gebed
11
Hoofstuk 1. Geloof en Ongeloof
Die Gebed van die Heilige Gees
In Rom. 8:26 leer die apostel Paulus: “En net so kom ook die Gees ons swakhede te hulp, want ons weet nie reg wat ons moet bid nie, maar die Gees self tree vir ons in met onuitspreeklike sugtinge.”
Dan leer die apostel Paulus ook in Ef. 6:18 dat gebed ʼn geestelike wapen van ons geestelike strydvoering is. Ef. 6:18 leer dat ons met alle gebed en smeking by elke geleentheid in die Gees moet bid.
Rom. 8:26 en Ef. 6:18 is nie twee teenstrydige Skrifte nie. Wanneer die apostel Paulus in Rom. 8:26 sê dat ons nie reg weet wat ons moet bid nie beteken dit dat ons nie altyd weet watse aanslae die Satan en sy magte (engele) teen ons beplan nie.
In dié opsig help die Heilige Gees ons deur vir ons in te tree voor die troon van God. As gevolg van die Heilige Gees se gebed vir ons vind ons geestelike leiding in ons gebedslewe.
Rom. 8:26 beteken nie dat ons nie nodig het om te bid omdat die Heilige Gees vir ons intree nie. Jy sal baie kere net voel dat jy wil bid. En dít is die leiding van die Heilige Gees van God in Christus Jesus.
So kan ons dan verstaan dat Ef. 6:18 beteken dat ons moet waak en bid, soos ons Heer Jesus Christus ook verkondig in Matt. 26:41 en Mark. 13:33.
1Thess. 5:17 leer die apostel Paulus ook dat ons moet: “Bid sonder ophou.” Dit beteken dat ons op elke geleentheid moet bid, totdat ons die antwoord op ons gebed kry.
Voorwaar, voorwaar Ek sê vir julle, wie in My glo —
die werke wat Ek doen, sal hy ook doen;
en hy sal groter werke doen as dit, omdat Ek na
my Vader gaan.
En wat julle ook al in my Naam mag vra, dit sal Ek
doen, sodat die Vader in die Seun verheerlik kan word.
As julle iets in my Naam vra, sal Ek dit doen.
Joh 14:12-14
Geloof en Ongeloof
Die Pad van Gebed
12
Gebed en Jou Geloof
In Matt. 21:22 verklaar ons Heer Jesus Christus: “En alles wat julle in die gebed vra, sal julle ontvang as julle glo.” Die woorde “as julle glo” is nie ʼn voorwaarde dat jy moet glo nie.
Die feit dat jy bid is alreeds ʼn bewys van jou geloof. Matt. 21:22 beteken as jy in geen ander god glo nie, maar in die God en Vader van ons Heer Jesus Christus, dan sal Hy jou alles gee wat jy van Hom begeer.
Die Woord van God in Christus is nie ʼn ligsinnige Woord nie. Wanneer ons Heer Jesus Christus sê: alles wat julle in die gebed vra, sal julle ontvang as julle glo, dan is dit so.
In 1Kon. 3:11 sê Hy vir Salomo: “Omdat jy...nie die lewe van jou vyande begeer het nie...” Al sou koning Salomo ook die dood van sy vyande begeer het, sou God hom sy bede gee. Dit beteken nie dat jy die dood van jou vyande moet soek nie. Want die geloof werk deur die liefde (Gal. 5:6). En, omdat die Heer Jesus Christus behae het in jou weë, sal Hy selfs jou vyande met jou laat vrede hou (Spr. 16:7).
In Rom. 1:17 verkondig die apostel Paulus: “Want die geregtigheid van God word daarin geopenbaar uit geloof tot geloof, soos geskrywe is: Maar die regverdige sal uit die geloof lewe.”
Die woorde “uit geloof tot geloof” beteken dat hoe meer jy glo, hoe meer sal jou geloof groei – al is jou geloof soos klein soos die van ʼn mosterdsaad.
Ons Heer Jesus Christus stel dit só in Luk. 13:18, 19: “[18]En Hy het gesê: Hoedanig is die koninkryk van God en waarmee sal Ek dit vergelyk? [19]Dit is soos ʼn mosterdsaad wat ʼn man geneem en in sy tuin gesaai het; en dit het gegroei en ʼn groot boom geword, en die voëls van die hemel het nes gemaak in sy takke.”
Julle het My nie uitverkies nie, maar Ek het julle uitverkies en julle aangestel om vrug te gaan dra
en dat julle vrug kan bly, sodat wat julle die Vader ook al in my Naam vra,
Hy julle dit kan gee. Joh. 15:16
Geloof en Ongeloof
Die Pad van Gebed
13
Gebed en Twyfel
Jou gebed is ʼn onbetwisbare gebaar van jou geloof in Jesus Christus. Nogtans kan jy vind dat jy twyfel oor sekere dinge terwyl jy in Jesus Christus glo. Ongeloof spruit gedeeltelik, uit ons eie opinies wat nie gegrond is op die verlossing van die geloof in Jesus Christus nie.
Ongeloof spruit ook uit dwaalleringe wat nie gegrond is op die kennis van die Heerlikheid van die Heilige Gees van God in Jesus Christus nie.
Deur die geloof in Jesus Christus is jy vry van die Wet van Moses, en ook van die gebooie en leringe van mense. Hand. 13:38, 39 getuig: “[38]Laat dit dan aan julle bekend wees, broeders, dat deur Hom vergifnis van sondes aan julle verkondig word, [39]en dat elkeen wat glo, deur Hom geregverdig word van alles waarvan julle deur die wet van Moses nie geregverdig kon word nie.”
Verder staan daar in Rom. 14:22 geskrywe: Gelukkig is hy wat homself nie oordeel in wat hy vir geoorloof ag nie. Verlossing in Jesus Christus is vry van selfveroordeling, en ook van die veroordeling van ander mense oor wat hulle doen, en oor wat hulle is. In Hand. 10:28 getuig die apostel Petrus: God het my getoon dat ek geen mens onheilig of onrein mag noem nie.
Selfveroordeling, en die veroordeling van ander mense is uit die gees van die Satan. In Openb. 12:8, 10 leer ons dat ons aanklaer, die Satan, nie meer in die Hemel kan kom om ons voor God te veroordeel, soos dit sy gewoonte was in (Job 1:8-2; Sag. 3:1).
Want as ons hart ons veroordeel, God is meer as ons hart, en Hy weet alles.
Geliefdes, as ons hart ons nie veroordeel nie, dan het ons vrymoedigheid teenoor God;
en wat ons ook al bid, ontvang ons van Hom, omdat ons sy gebooie bewaar en doen wat welgevallig is voor Hom.
1Joh. 3:20-22
Geloof en Ongeloof
Die Pad van Gebed
14
Die Geloof van Jou Gebed
Jou gebed tot God in die Naam van Jesus Christus is ʼn bewys van jou geloof in God. Die feit dat jy bid is bewys van jou geloof. Ons vind ook in Openb. 5:8; 8:3, 4 dat ons gebede ʼn lieflike offer voor die Aangesig van God is.
Jou gebed is nooit gering in die oë van die God en Vader van ons Heer Jesus Christus nie. In Openb. 8:3-5 kan jy leer dat jou gebed met vuur van die goue altaar voor die troon van ons Heer Jesus Christus gesalf is.
In Hand. 9:11 vind ons dat ons Heer Jesus Christus dit hoog geag het toe die apostel Paulus gebid het nadat hy in Hand. 9:3-6 tot bekering gekom het.
Gebed is ook jou begeertes in alles wat jy van God begeer. Soos byvoorbeeld, jou begeerte vir verlossing uit ʼn moeilike situasie, of jou begeerte om van ʼn siekte genees te word. Jy sal nie uit ʼn moeilike situasie verlos word, of van ʼn siekte genees word tensy jy dit nie begeer nie.
Byvoorbeeld, die blinde Bartiméüs het begeer om te sien (Mark. 10:46-52). So het ook die vrou wat aan bloedvloeiing gely het begeer om genees te wees, en sy was genees (Luk. 8:43-48).
In 1Tim. 2:1 word gebed ook in verskillende vorme beskryf as smekinge, gebede, voorbedes, en danksegginge.
Daarom dan, terwyl ons so ʼn groot wolk van getuies rondom ons het, laat ons ook elke las aflê en die sonde wat ons so maklik omring, en met
volharding die wedloop loop wat voor ons lê,
die oog gevestig op Jesus, die Leidsman en Voleinder van die geloof, wat vir die vreugde wat Hom voorgehou is,
die kruis verdra het, die skande verag het en aan die regterkant van die troon van God gaan sit het.
Heb. 12:1, 2
Geloof en Ongeloof
Die Pad van Gebed
15
Die Bediening wat Regverdig Maak
Die bediening van die Heilige Gees in die Heerlikheid van God in Christus is ʼn bediening wat regverdig maak (2Kor. 3:8, 9). Daar is geen veroordeling vir die wat in Christus Jesus is nie. Want die wet van die Gees van die lewe in Christus Jesus het ons vrygemaak van die wet van die sonde en die dood (Rom. 8:1, 2).
Die wet van die Gees van die lewe in Christus Jesus is ook bekend as die Koninklike Wet. Die Koninklike Wet verklaar: Jy moet jou naaste liefhê soos jouself (Jak. 2:8).
Om jou gewete voor God in Christus skoon te hou moet jy volgens die Koninklike Wet wandel. Om volgens die Koninklike Wet te wandel moet jy jou naaste geen kwaad doen nie. In Rom. 13:10 stel die apostel Paulus dit so: “die liefde doen die naaste geen kwaad nie.”
In Rom. 2:1 leer die apostel Paulus: “Daarom is jy, o mens wat oordeel, wie jy ook mag wees, sonder verontskuldiging; want waarin jy ʼn ander oordeel, veroordeel jy jouself...”
Wanneer jy iemand anders veroordeel, staan jy veroordeeld voor Christus wat vir jou, so wel as vir dié wie jy veroordeel, met Sy bloed losgekoop het uit die mag van die Satan. Deur jouself en andere te veroordeel gee jy plek aan die Satan om jou geloof af te breek.
Die liefde is, sê die apostel Paulus in 1Kor. 13:4-7:
is lankmoedig en vriendelik;
is nie jaloers nie;
praat nie groot nie,
is nie opgeblase nie,
handel nie onwelvoeglik nie,
soek nie sy eie belang nie,
word nie verbitterd nie,
reken die kwaad nie toe nie,
is nie bly oor die ongeregtigheid nie, maar is bly saam met die waarheid.
Die liefde bedek alles, glo alles, hoop alles, verdra alles.
En nou bly geloof, hoop, liefde — hierdie drie; maar die grootste hiervan is die liefde.
1Kor. 13:13
Geloof en Ongeloof
Die Pad van Gebed
16
Die Geregtigheid van jou Geloof
Jou gebed is die bewys van jou geloof in Jesus Christus. Jy bid tot God in Christus omdat jy in Hom glo. En omdat jy bid, is jy geregverdig by God deur jou geloof in Jesus Christus, selfs al kom dit soms voor asof God jou gebed nie hoor nie.
Die Woord van God verklaar in Jes. 54:9, 10: “[9]Soos in die dae van Noag is dit vir My: soos Ek gesweer het dat die waters van Noag nie meer oor die aarde sou gaan nie, so het Ek gesweer dat Ek nie op jou toornig sal wees of jou sal dreig nie. [10]Want berge mag wyk en heuwels wankel, maar my goedertierenheid sal van jou nie wyk en my vredeverbond nie wankel nie, sê die HERE, jou Ontfermer.”
In Jes. 54:14, 15 sê die Woord van God aan jou: “[14]Deur geregtigheid sal jy bevestig word; wees ver van verdrukking, want jy hoef nie bevrees te wees nie; en ver van verskrikking, want dit sal nie by jou kom nie. [15]As hulle ook die aanval begin — dit is nie uit My nie; wie jou aanval, sal oor jou val.”
Wanneer die Woord van God in Jes. 54:14 sê: Deur geregtigheid sal jy bevestig word, beteken dit omdat jy in Jesus Christus glo is jy geregverdig voor God.
Jes. 54:9, 10, 14, 15 is ʼn verbond van die belofte wat God met jou aangegaan het omdat jy in sy Seun Jesus Christus glo.
In Rom. 5:1 leer die apostel Paulus: “Omdat ons dan uit die geloof geregverdig is, het ons vrede by God deur onse Here Jesus Christus.” Die geregtigheid van jou geloof in Jesus Christus gee jou vrede by God.
Wanneer jy jou in gebed tot die Heer Jesus Christus wend dan beskerm Hy jou van elke werk van teenspoed en onheil op grond van Sy Woord – en nie op grond van enigiets wat jy gedoen het nie.
Laat dit dan aan julle bekend wees, broeders, dat deur Hom vergifnis van sondes aan julle verkondig word,
en dat elkeen wat glo, deur Hom geregverdig word van alles waarvan julle deur die wet van Moses nie geregverdig kon word nie.
Hand. 13:38, 39
Geloof en Ongeloof
Die Pad van Gebed
17
Geregtigheid deur Jou Werke
Jou geregtigheid is uit God – en nie uit enigiets wat jy kan dink of doen nie. Ons werke van geregtigheid, sê Jes. 64:6, is soos ʼn besoedelde kleed. Die woorde “besoedelde kleed” is ʼn vertaling van die Hebreeuse woorde “ayd behg'-ed” wat ʼn baie vuil beeld skep van hoedat God ons werke van geregtigheid sien.
Die meeste moderne Bybel vertalers gebruik sagter woorde in plek van die oorspronklike Hebreeuse woorde. Dit beroof eintlik die leser van die impak van die oorpronklike Skrif.
Wat Jes. 64:6 op neerkom, is dat jou pogings om voor God geregverdig te wees op grond van jou werke, insluitend om die Wet van Moses te hou, is uit die vuiligheid van die mag van die Satan. Dit is omdat wanneer die Bybel van ons werke van ongeregtigheid praat dan verwys dit na ons geestelike werke.
Ons geestelike werke spruit uit die werke van die Satan se sluier van die duisternis en dood – wat drome en visioene insluit. Die Satan se sluier van die duisternis verander ook na lig. Daarom staan ons geestelike werke uit drome en visioene ook bekend as leringe van duiwels en, as ons werke van ongeregtighede.
Die leringe van duiwels bestaan uit die mooiste filosofieë. Die drome en visioene van die Satan vertoon van die mooiste en begeerlikste en verander in die vuilste afskuwelikste en nagmerries. Toe die gees van Satan hom aan Eva vertoon het, sê Gen. 3:6, het sy gesien dat hy goed was, en dat hy ʼn lus was vir die oë, en ʼn gees wat ʼn mens kan begeer om verstand te verkry.
Die apostel Paulus sê in Gal. 5:17: die vlees begeer teen die Gees, en die Gees teen die vlees. Dit beteken dat die Satan begeer teen die Heilige Gees om jou lewe te regeer en te hê. Soos ons Heer Jesus Christus ook in Luk 22:31, 32 sê: “[31]kyk, die Satan het vurig begeer om julle soos koring te sif. [32]Maar Ek het vir jou gebid, dat jou geloof nie ophou nie.”
Ons Heer Jesus Christus het al jou ongeregtighede met Sy Bloed gedek. In Rom. 4:7, 8 leer die apostel Paulus: “[7]Welgeluksalig is hulle wie se ongeregtighede vergewe en wie se sondes bedek is. [8]Welgeluksalig is die man aan wie die Here die sonde nie toereken nie.”
Die werke en bediening van die Heilige Gees, insluitende drome en visioene van God in Jesus Christus, verskyn in die Heerlikheid van God wat kom met die Wolke van die Hemel.
Koning David getuig in 2Sam. 22:24: “Maar ek was opreg voor Hom, en ek was op my hoede vir my ongeregtigheid.” Om opreg voor God te wees moet jy op jou hoede wees vir jou geestelike ongeregtighede van drome en visioene.
Geloof en Ongeloof
Die Pad van Gebed
18
Die Dag van Oordeel en Jou Werke
Openb. 20:11, 12 verkondig dat ons Heer Jesus Christus elkeen gaan oordeel volgens hulle werke. Openb. 20:11, 12 lees: “[11]En ek het ʼn groot wit troon gesien en Hom wat daarop sit, voor wie se aangesig die aarde en die hemel weggevlug het; en daar is geen plek vir hulle gevind nie. [12]En ek het die dode, klein en groot, voor God sien staan, en die boeke is geopen; en ʼn ander boek, die boek van die lewe, is geopen. En die dode is geoordeel na wat in die boeke geskryf is, volgens hulle werke.”
In Joh. 3:19-21 verduidelik ons Heer Jesus Christus wat die oordeel behels: “[19]En dit is die oordeel: dat die lig in die wêreld gekom het, en die mense het die duisternis liewer gehad as die lig; want hulle werke was boos. [20]Want elkeen wat kwaad doen, haat die lig en kom nie na die lig nie, dat sy werke nie bestraf mag word nie. [21]Maar hy wat die waarheid doen, kom na die lig, sodat sy werke openbaar kan word, dat hulle in God gedoen is.”
Volgens ons Heer Jesus Christus word ons geoordeel volgens ons werke wat, of in die Lig van die Heerlikheid van God gedoen is, of in die lig van die duisternis gedoen is.
In Joh. 3:20 sê ons Heer Jesus Christus: “Want elkeen wat kwaad doen, haat die lig en kom nie na die lig nie, dat sy werke nie bestraf mag word nie.” Die woord “kwaad” in hierdie Skrif verwys na die geestelike werke van die lig van die duisternis.
Ons haat die Lig wanneer ons die geestelike werke van die lig van die duisternis se drome en visioene met die ligte van die wêreld volg. Jou werke is in God gedoen wanneer die vrug van jou geloof in die Lig van die Woord van God is – en nie uit die lig van die werke van duisternis nie.
Wanneer jy jou bekeer het van die duisternis na die Lig, en van die mag van die
Satan tot God, dan moet jy die werke van die lig van die duisternis weerstaan. En jou werke in die Lig van die Woord van God in Christus Jesus doen. So is jy geregverdig voor God in Christus Jesus.
Terug na Die Wapens van Jou Stryd
En ons het die profetiese Woord wat baie vas is, waarop julle tog moet ag gee soos op ʼn lamp wat in ʼn donker plek skyn,
totdat die dag aanbreek en die môrester opgaan in julle harte. 2Pet. 1:19
Geloof en Ongeloof
Die Pad van Gebed
19
Die Bewys van Jou Geloof
Die feit dat jy bid is bewys dat jy glo. God ag niks gering nie. Job 36:5 verkondig: “Kyk, God is geweldig, nogtans ag Hy niks gering nie — geweldig deur krag van verstand.”
In Hand. 9:11 vind ons dat ons Heer Jesus Christus die gebed van die apostel Paulus erken het toe hy gebid het nadat hy tot bekering gekom het.
In Heb. 12:2 leer die apostel Paulus dat ons die oog gevestig hou op Jesus, die Leidsman en Voleinder van die geloof. Jy hou die oog gevestig op Jesus deur jou oë op die Woord van God hou, en die Woord van God in jou hart te bewaar. Wanneer jy jou oë op die Woord van God hou, en ook die Woord van God in jou hart bewaar, dan sal ons Heer Jesus Christus jou geloof bevaar en laat groei en bevestig.
Die bewys van jou geloof is ook daarin dat jy weet in wie jy glo. Die apostel Paulus verklaar in 2Tim. 1:12: “Om hierdie rede ly ek ook hierdie dinge; maar ek skaam my nie, want ek weet in wie ek geglo het, en ek is oortuig dat Hy mag het om my pand te bewaar tot dié dag toe.”
In Matt. 21:22 sê ons Heer Jesus Christus: “En alles wat julle in die gebed vra, sal julle ontvang as julle glo.” Om alles te ontvang wat jy in die gebed vra mot jou geloof in God alleenlik wees.
Matt. 21:18-22 getuig van die vyeboom wat ons Heer Jesus Christus laat verdroog het. In Mar. 11:21-22 is die parallel teks van Matt. 21:18-22.
Mar. 11:21-22 lees: “[21]En Petrus het onthou en vir Hom gesê: Rabbi, kyk, die vyeboom wat U vervloek het, is verdroog. [22]Jesus antwoord en sê vir hulle: Julle moet geloof in God hê.” Toe Sy dissipels verwonderd was oor die verdroogde vyeboom, sê Jesus vir hulle: Julle moet geloof in God hê.
Dié woorde “Julle moet geloof in God hê” beteken dat jou geloof in God vry moet wees van bygelowe van ander gode. Byvoorbeeld, jy kan nie op die Bybel vertrou en ook op die waarsêery van sterrekundiges en sangomas vertrou nie.
Net so kan jy nie op die Naam van Jesus Christus vertrou en ook op die naam van Mohammed, of Boeddha, of Hare Krisna, of selfs die Naam van Jehova, ens. vertrou nie.
Ken Hom in al jou weë, dan sal Hy jou paaie gelykmaak.
Spr. 3:6
Geloof en Ongeloof
Die Pad van Gebed
20
Waar Twee of Drie in My Naam Vergader
In Matt. 18:18-20 leer ons Heer Jesus Christus: [18]Voorwaar Ek sê vir julle, alles wat julle op die aarde bind, sal in die hemel gebonde wees; en alles wat julle op die aarde ontbind, sal in die hemel ontbonde wees.
Jy bind iets op die aarde wanneer jy God in die Naam van ons Heer Jesus Christus bid (vra) om jou daarvan te verlos. Jy ontbind iets op die aarde wanneer jy dit van God in die Naam van ons Heer Jesus Christus bid (vra). En alles wat julle in die gebed vra, sal julle ontvang as julle glo (Matt. 21:22).
[19]Weer sê Ek vir julle: As twee van julle saamstem op die aarde oor enige saak wat hulle mag vra, dit sal hulle ten deel val van my Vader wat in die hemele is.
Wanneer jy met ʼn medegelowige hier op die aarde saamstem oor enige saak wat julle van God in die Naam van ons Heer Jesus Christus mag bid, beteken dit dat julle twee saam glo dat julle dit sal ontvang wat julle.
Byvoorbeeld, twee van julle kan saam bid vir, genesing, of vir ʼn werk, of om iets te doen, of wat ook al. Wanneer een van julle twyfel, sal julle altwee nie die vervulling van daardie gebed smaak nie.
[20]Want waar twee of drie in my Naam vergader, daar is Ek in hul midde.”
Ons leer in Mark. 6:1-6 dat ons Heer Jesus Christus in Nazareth, Sy tuisdorp, geen wonderwerke kon doen nie. Omdat daardie mense nie die Woord van Sy getuienis geglo het nie.
Mark. 6:5, 6 getuig: “[5]En Hy kon daar geen krag doen nie, behalwe dat Hy ʼn paar siekes die hande opgelê en hulle gesond gemaak het.[6]En Hy was verwonderd oor hulle ongeloof...”
Ongeloof spruit uit verskeie omstandighede. In die geval van ons Heer Jesus Christus se dorpsgenote, was hul ongeloof in die feit dat Hy saam met hulle opgegroei het. Dit beteken dat hulle Hom verag het.
Ongeloof kan ook in jou siel ontstaan weens die lankmoedigheid van die Woord van God in Christus. Byvoorbeeld, ten spyte van jou geloof in die Woord van God en jou gebed, kan jy ongeneeslik siek word. Dit kan veroorsaak dat jy geloof het vir verlossing in sekere areas in jou lewe, terwyl jy ongelowig is in ander situasies.
Maar wie volhard tot die einde toe, hy sal gered word. Matt. 24:13
Geloof en Ongeloof
Die Pad van Gebed
21
Die Sonde van Ongeloof
In Rom. 14:23 staan daar geskrywe: “Maar hy wat twyfel as hy eet, is veroordeel, omdat dit nie uit die geloof is nie; en alles wat nie uit die geloof is nie, is sonde.” Rom. 14:23 handel hoofsaaklik oor kos, nogtans is die beginsels van die sonde van ongeloof van toepassing op alle areas van die pad van geloof in Jesus Christus.
Ongeloof in enige van die verlossende werke van Christus Jesus, hetsy, genesing, oorwinning, of verlossing, is ʼn onbewustelik getuie saam met die Satan dat Christus nie in staat is om sy verlossende werk in jou lewe te volbring nie.
Die apostel Paulus sê in Filip. 1:6: “omdat ek juis hierop vertrou, dat Hy wat ʼn goeie werk in julle begin het, dit sal voleindig tot op die dag van Jesus Christus.” Wanneer jy in ons Heer Jesus Christus glo, dan sal Hy ook jou geloof volbring.
Ons leer in Rom. 6:14: “die sonde sal oor julle nie heers nie; want julle is nie onder die wet nie, maar onder die genade.” Elkeen wat in Jesus Christus glo is onder Sy genade. Ongeloof is nie uit jouself nie, maar uit die Satan.
Voorbeeld van Gebed Teen Ongeloof
Elke keer wanneer jy gewaar dat jy twyfel, kan jy jou ongeloof bely deur te bid:
Heilige Vader vergewe my die ongeloof, want daar staan geskrywe: as ons ons sondes bely, U is getrou en regverdig om ons die sondes te vergewe en ons van alle ongeregtigheid te reinig (1Joh. 1:9).
Was my met die bloed van Jesus Christus en reinig my van alle ongeloof. Want daar staan ook geskrywe: Hoeveel te meer sal die bloed van Christus, wat Homself deur die ewige Gees aan God sonder smet geoffer het, my gewete reinig van dooie werke om die lewende God te dien (Heb. 9:14).
Versterk my dan met krag in my siel, na die rykdom van U heerlikheid en die krag van U sterkte in Christus, sodat Jesus Christus, die Seun van U liefde, deur die geloof in my hart mag woon (Ef. 3:16).
Ek bid dit in die Naam van Jesus Christus, Amen.
Die Naam van Jou Geloof
Die Pad van Gebed
22
Hoofstuk 2. Die Naam van Jou Geloof
Die Naam van Jehova en die Gebed van die Christen
Toe ons Heer Jesus Christus vir sy dissipels sê: Julle moet geloof in God hê, was sy dissipels, alhoewel hulle in Hom geglo het, nog onderworpe aan die Wet van Moses onder die Naam van Jehova.
Een van daardie dissipels, die apostel Petrus leer later in 1Pet. 3:15: “Maar heilig die Here God in julle harte en wees altyd bereid om verantwoording te doen aan elkeen wat van julle rekenskap eis omtrent die hoop wat in julle is, met sagmoedigheid en vrees.”
Om die Heer Jesus Christus in jou hart te heilig beteken om jou hart skoon te hou van die leringe van verleidende geeste van ander gode.
Kol. 3:16 leer ons hoe om ons harte rein te hou voor God in Christus. Kol. 3:16 lees: “Laat die woord van Christus ryklik in julle woon in alle wysheid. Leer en vermaan mekaar met psalms en lofsange en geestelike liedere, en sing in julle hart met dankbaarheid tot eer van die Here.”
Voor die uitstorting van die Heilige Gees in Hand. 2:2-4 was nie een van die Heer Jesus Christus se dissipels bekeer nie. Dit is eers na die uitstorting van die Heilige Gees dat hulle Christene genoem is.
Hand. 11:26 getuig: “En hulle het ʼn hele jaar lank in die gemeente saam vergader en aan ʼn aansienlike skare onderwys gegee; en die dissipels is in Antiochië vir die eerste keer Christene genoem.”
Daarom vind ons in Luk. 22:32 dat ons Heer Jesus Christus vir sy dissipel Petrus sê: as jy eendag bekeer is, moet jy jou broeders versterk. Luk. 22:31, 32 getuig: “[31]En die Here sê: Simon, Simon, kyk, die Satan het vurig begeer om julle soos koring te sif. [32]Maar Ek het vir jou gebid, dat jou geloof nie ophou nie; en as jy eendag bekeerd is, moet jy jou broeders versterk.”
Omdat ek juis hierop vertrou, dat Hy wat ʼn goeie werk in julle begin het,
dit sal voleindig tot op die dag van Jesus Christus;
Filip. 1:6
Die Naam van Jou Geloof
Die Pad van Gebed
23
Die Besnydenis van Jehova
In Ef. 2:11, 12 leer die apostel Paulus: “[11]Daarom, onthou dat julle wat vroeër heidene in die vlees was en onbesnedenes genoem word deur die sogenaamde besnydenis wat in die vlees met hande verrig word, [12]dat julle in dié tyd sonder Christus was, vervreemd van die burgerskap van Israel en vreemdelinge ten aansien van die verbonde van die belofte, sonder hoop en sonder God in die wêreld.” Terug na Gebed en die Verbonde van die Belofte
Uit Ef. 2:11, 12 leer ons die volgende:
“julle wat vroeër heidene in die vlees was en onbesnedenes genoem word deur die sogenaamde besnydenis” Die Besnydenis van Jehova is ʼn vleeslike besnydenis. Elke manlike Jood is besny volgens die verbond wat God in die Naam van Jehova met Abram gesluit het in Gen. 17:10-13. Hierdie verbond geld nie vir diegene wat nie Jode is nie. Die nasies wat nie Joods is nie staan in die Bybel bekend as heidene.
“Dat julle in dié tyd sonder Christus was.” Die “tyd” waarna hier verwys word is die tyd toe die heidene (dis nou elkeen wat nie ʼn Jood is nie) sonder hoop en sonder God in Christus was (Ef. 2:12).
“vervreemd van die burgerskap van Israel en vreemdelinge ten aansien van die verbonde van die belofte” Elke belofte wat God maak is ʼn onherroeplike verbond sonder berou. Daarom staan elke belofte van seën en verlossing wat God aan Israel gemaak het bekend as die verbonde van die belofte.
As heidene was ons vreemdelinge by God en apart van Israel en sonder God. Daarom was ons ook sonder enige belofte van verlossing en seëninge van God.
Ons wat heidene was – en nie in die vlees besny is nie – het geen deel aan God en sy verbonde van die belofte gehad nie. Ons het selfs geen deel aan Christus gehad nie.
Want óns is die besnydenis, ons wat God in die Gees dien en in Christus Jesus roem
en nie op die vlees vertrou nie
Filip. 3:3
Die Naam van Jou Geloof
Die Pad van Gebed
24
Die Kananése Vrou as Voorbeeld
Toe die Kananése vrou (wat ʼn heiden was) ons Heer Jesus Christus vra om haar dogter te genees, wou Hy selfs nie met haar praat nie, omdat sy nie ʼn Jood was nie (Matt. 15:22-28).
Matt. 15:22 – 24 verkondig: “[22]En ʼn Kananése vrou het van daardie gebied gekom en na Hom geroep en gesê: Wees my barmhartig, Here, Seun van Dawid! My dogter is erg van die duiwel besete. [23]Maar Hy het haar nie ʼn woord geantwoord nie. Toe kom sy dissipels nader en vra Hom en sê: Stuur haar weg, want sy roep agter ons aan.”
In Matt. 15:24 verduidelik ons Heer Jesus Christus waarom Hy nie met ʼn heidense vrou wou praat nie: “Maar Hy antwoord en sê: Ek is net gestuur na die verlore skape van die huis van Israel.” Al hierdie dinge was nog van toepassing onder die bedeling van die Ou Testament. Dit was voordat ons Heer Jesus Christus gekruisig was, en uit die dood opgestaan het, en ook na die Hemel opgevaar het. Dit is eers nadat Israel ons Heer Jesus Christus verwerp en gekruisig het, dat ons Heer Jesus Christus die apostel Paulus afgesonder het om aan die heidene die evangelie van die Heerlikheid van God in die aangesig van Jesus Christus te verkondig (Hand. 22:21; 26:17; Gal. 2:7, 8).
o Vrou, groot is jou geloof;
laat dit vir jou wees soos jy wil hê.
Matt. 15:28
Die Naam van Jou Geloof
Die Pad van Gebed
25
Die Geestelike Besnydenis van Christus
Met die bedeling van die Nuwe Testament in Christus het ons wat in Jesus Christus glo, ʼn nuwe besnydenis deelagtig geword. Die besnydenis van Jehova is ʼn vleeslike besnydenis. Daarenteen, is die besnydenis van ons Heer Jesus Christus ʼn geestelike besnydenis. Hierdie geestelike besnydenis vind plaas in jou hart wanneer die Heilige Gees in jou hart kom skyn.
Die apostel Paulus beskryf verskyning van Heilige Gees in 2Kor. 4:6 so: “Want God wat gesê het dat daar uit duisternis lig moet skyn — dit is Hy wat in ons harte geskyn het om die verligting te bring van die kennis van die heerlikheid van God in die aangesig van Jesus Christus.”
In Rom. 2:28 verkondig die apostel Paulus: “Want nie hy is ʼn Jood wat dit in die openbaar is nie, en nie dít is besnydenis wat dit in die openbaar in die vlees is nie.”
Rom. 2:28 verwys na die besnydenis van die Jode, en die woord “vlees” verwys na die liggaam. Rom. 2:28 beteken dat die besnydenis volgens die geloof van Israel in die Naam van Jehova nie van toepassing is op gelowiges in Jesus Christus nie.
Elkeen wat die Heer Jesus Christus aanneem word ʼn geestelike Jood in Christus Jesus. In Rom. 2:29 leer die apostel Paulus: “maar hy is ʼn Jood wat dit in die verborgene is, en besnydenis is dié van die hart, in die gees, nie na die letter nie. Sy lof is nie uit mense nie, maar uit God.” Die woord “letter” verwys na die Wet van Moses.
Die vleeslike besnydenis is die merk van Jehova op die kinders van Israel aan hulle liggame. Die geestelike besnydenis van ons Heer Jesus Christus is Sy merk van die Heilige Gees van die Heerlikheid van God in die harte van diegene wat Syne is.
En julle het die volheid in Hom wat die Hoof is van alle owerheid en mag; in wie julle ook besny is met ʼn besnydenis wat nie met hande verrig word nie,
deur die liggaam van die sondige vlees af te lê in die besnydenis van Christus.
Kol. 2:10, 11
Die Naam van Jou Geloof
Die Pad van Gebed
26
Gebed in die Naam van Jesus Christus
Die Bybel is die Getuienis (Woord) van God aangaande sy Seun Jesus Christus. Jou gebed tot God in die Naam van sy Seun Jesus Christus is ʼn bewys dat jy die Getuienis van God aangaande sy Seun Jesus Christus glo.
Die apostel Johannes verkondig in 1Joh. 5:9: “As ons die getuienis van die mense aanneem — die getuienis van God is groter, omdat dit die getuienis is van God wat Hy aangaande sy Seun getuig het.”
1Joh. 5:10 verklaar verder: “Wie in die Seun van God glo, het die getuienis in homself. Hy wat God nie glo nie, het Hom tot leuenaar gemaak, omdat hy die getuienis nie geglo het wat God aangaande sy Seun getuig het nie.”
Omdat ons Christene is, bid ons nie in die naam van Jehova, of in die Naam van die Vader en die Seun en die Heilige Gees nie. Die Naam van die Vader is Jesus Christus In Joh. 5:43 sê ons Heer Jesus Christus: “Ek het gekom in die Naam van my Vader, en julle neem My nie aan nie. As ʼn ander een in sy eie naam kom, hóm sal julle aanneem.”
Die Naam van die Heilige Gees is Jesus Christus. In Joh. 14:26: “maar die Trooster, die Heilige Gees, wat die Vader in my Naam sal stuur, Hy sal julle alles leer en sal julle herinner aan alles wat Ek vir julle gesê het.”
Dit is nie Jehova, of Elohim wat gekruisig was op Gólgota nie. Dit is deur die Bloed van Jesus Christus dat ons toegang het tot die Lig van die Ewige Lewe in die Heiligdom van die Koningryk van God (Joh. 3:15, 16; Heb. 10:19). Daarom is ons gebed in die Naam van Jesus Christus.
Die Verbonde van die Belofte
Die Pad van Gebed
27
Hoofstuk 3. Die Verbonde van die Belofte
Gebed en die Verbonde van die Belofte
In Ef. 2:12 leer die apostel Paulus: “dat julle in dié tyd sonder Christus was, vervreemd van die burgerskap van Israel en vreemdelinge ten aansien van die verbonde van die belofte, sonder hoop en sonder God in die wêreld.”
Die Verbonde van die Belofte behels elke belofte van seëning en verlossing wat God oor Sy volk Israel gespreek het. Hierdie beloftes van seëninge en verlossing is in beide die Ou Testament, sowel as in die Nuwe Testament opgeskryf. Alhoewel die beloftes van seëninge en verlossing in die Nuwe Testament hoofsaaklik tot die gelowiges in Jesus Christus spreek.
In Ef. 2:13 leer die apostel Paulus ook hoe ons gelowiges die Verbonde van die Belofte geërf het: “Maar nou in Christus Jesus het julle wat vroeër ver was, naby gekom deur die bloed van Christus.”
Wat Ef. 2:11-13 eintlik verklaar is dat omdat jy in ons Heer Jesus Christus glo, is jy vry van elke verwyt, en veroordeling, en ook van elke vervloeking wat in die Bybel opgeskryf is.
Dit is belangrik dat jy die Verbonde van die Belofte uitken in die Bybel as Skrifte van, sodat jy dit in jou gebede kan gebruik. 2Tim. 3:16 Die hele Skrif is deur God ingegee en is nuttig tot lering, tot weerlegging, tot teregwysing, tot onderwysing in die geregtigheid,
2Ti 3:17 sodat die mens van God volkome kan wees, vir elke goeie werk volkome toegerus.
Gebed is hoofsaaklik jou smeking voor God dat Hy moet dink aan Sy beloftes wat jou hoop gee. Koning Dawid bid tot God in Ps. 119:49: “Gedenk die woord aan u kneg, omdat U my laat hoop het.”
Verder sê die Woord van God in Jes. 43:25, 26: “[25]Ek, Ek is dit wat jou oortredinge uitdelg om My ontwil, en aan jou sondes dink Ek nie. [26]Maak My indagtig; laat ons teen mekaar pleit; vertel jy, dat jy in die gelyk gestel kan word.”
Want dit is geen vergeefse Woord vir julle nie, maar dit is julle lewe;
en deur hierdie Woord sal julle die dae verleng... Deut. 32:47
Die Verbonde van die Belofte
Die Pad van Gebed
28
Die Woord van God en die Gees van God
Die Woord van God spreek in Jes. 59:21: “Wat My aangaan, dit is my verbond met hulle, sê die HERE: My Gees wat op jou is, en my woorde wat Ek in jou mond gelê het, sal uit jou mond nie wyk nie, en ook nie uit die mond van jou kroos en uit die mond van die kroos van jou kroos, sê die HERE, van nou af tot in ewigheid nie.”
In Jes. 59:21 kan ons leer dat die Woord van God en die Gees van God een, en dieselfde Persoon is. Joh. 1:1 verkondig ook: “In die begin was die Woord, en die Woord was by God, en die Woord was God.”
Deur jou geloof in Jesus Christus het jy ʼn geestelike burgerskap van die Hemelse Jerusalem ontvang (Filip. 3:20). Dit beteken ook, volgens Ef. 2:13, dat jy deur die bloed van Jesus Christus elke belofte van seëninge en verlossing wat God oor Israel uitgespreek het deelagtig geword het.
Die Bybel bevat beide seëninge, so wel as vervloekinge en verwyte wat God teen Israel uitgespreek het. Die apostel Paulus skryf in Gal. 3:13, 14: “[13]Christus het ons losgekoop van die vloek van die wet deur vir ons ʼn vloek te word — want daar is geskrywe: Vervloek is elkeen wat aan ʼn hout hang — [14]sodat die seën van Abraham na die heidene kan kom in Christus Jesus, en dat ons die belofte van die Gees deur die geloof kan ontvang.”
Daarom, wanneer jy bid, en die aangesig van God in Christus soek, en ook die Bybel lees, moet jy weet dat alle vervloekinge en verwyte in die Bybel wat God teen Israel uitgespreek het nie tot jou spreek nie.
Byvoorbeeld, in Amos 2:13, 14 spreek die Woord van God: “[13]Kyk, Ek laat dit onder julle kraak, soos ʼn wa kraak wat vol gerwe is; [14]sodat die wat gou is, nie kan ontvlug nie, en die sterke sy krag nie kan ontwikkel en die held sy lewe nie kan red nie.”
Amos 2:13, 14 is ʼn vloek wat God teen die kinders van Israel uitgespreek het omdat hulle die weë van Jehova, hul God wat hulle met tekens en wonders uit Egipte uitgebring het verlaat het.
Amos 2:13, 14 is nie deel van die verbonde van die belofte van seën en verlossing in Jesus Christus nie.
Wanneer jy ʼn Skrif soos Amos 2:13, 14 glo, dan sal die gees van die toorn van God wat hier Skrif oor Israel uitgespreek het oor jou kom en jou lewe afbreek.
Wanneer jy ʼn Skrif soos Amos 2:13, 14 in die Bybel teëkom moet jy die bind, en uit jou lewe herroep en vernietig met ʼn Skrif soos Gal. 3:13, 14, en soortgelyke Skrifte.
Die Verbonde van die Belofte
Die Pad van Gebed
29
Heilige Vader, dankie vir U genade en waarheid. U Woord is die Waarheid.
Nou daar is geskrywe dat U Liewe Jesus Christus my losgekoop het van die vloek van die Wet deur vir my ʼn vloek te woord aan die kruishout op Gólgota.
Hier is dan nou hierdie Skrif van verwyt en vervloeking wat ek in ...noem die Skrif. Byvoorbeeld: Amos 2:13, 14. Ek pleit die Bloed van Jesus Christus teen hierdie Skrif (noem die Skrif) van vervloeking, en teen sy gees van die toorn van God wat teen my opkom om my te verdruk en teë te staan.
Was my dan my met die Bloed van Jesus Christus, en reinig van hierdie vloek van die Wet. En verlos my uit die hand van elke gees van die toorn van God wat teen my opkom deur elke Skrif van vervloeking en verwyt.
Want daar staan geskrywe: Veel meer dan sal ons, nou dat ons geregverdig is in die
Bloed van Jesus Christus, deur Hom gered word van die toorn (Rom. 5:9).
En ek bind hierdie Skrif (noem die Skrif) van vervloeking en sy gees van toorn, in die naam van Jesus Christus wat verklaar, dat alles wat julle op die aarde bind, sal in die hemel gebonde wees; en alles wat julle op die aarde ontbind, sal in die hemel
ontbonde wees (Matt. 18:18).
Verlos uit hierdie mag van vervloeking en toorn deur die Woord van U krag ( Heb. 1:3).
Want daar staan geskrywe: Christus het my losgekoop van die vloek van die wet deur vir my ʼn vloek te word sodat die seën van Abraham na my kan kom in Christus Jesus
en dat ek die belofte van die Gees deur die geloof kan ontvang (Gal. 3:13, 14).
Heilig my in die Woord van U krag, Liewe Jesus Christus. Want daar staan geskrywe U, die God van die vrede, sal my volkome heilig maak, en my gees en siel en liggaam geheel en al onberispelik bewaar by die wederkoms van onse Here Jesus Christus
(1Thess. 5:23).
Ek bid dit in die Naam van Jesus Christus, na die rykdom van U Heerlikheid en die krag van U sterkte in Christus Jesus. Amen.
Gebed Teen ʼn Skrif van Vervloeking en Toorn
Jy moet elke Skrif van vervloeking wat jy in die Bybel teëkom herroep en vernietig deur te bid: