d284f45nftegze.cloudfront.netd284f45nftegze.cloudfront.net/escs/escs inligtingsgids... · web...

Handleiding vir Ouers

Posbus 1980 Lord’s WalkDurbanville Uit Langebergweg7551 DurbanvilleTel: (021) 975-1980 7550Faks: (021) 975-1985E-pos: [email protected] Soos op Januarie 2015Webwerf: www.escs.org.za

Nie-winsgewende organisasie Registrasienommer 032-389

El Shaddai Christenskool Handleiding vir Ouers

mailto:[email protected]

(2) Inhoud

Handleiding vir Ouers El Shaddai Christenskool

Inhoud (i)

Inhoud

1. Missie en visiestellings.................................................................................................................1

1.1 Ons Missie.......................................................................................................................1

1.2 Ons Visie..........................................................................................................................1

2. Verklaring van Geloof...................................................................................................................1

3. Die eiesoortige karakter van E.S.C.S...........................................................................................2

3.1 Die waardesisteem waarop die skool gebou is................................................................2

3.2 Die Dissipelskap Program................................................................................................4

3.3 Ouerbetrokkenheid...........................................................................................................6

3.4 Kommunikasie..................................................................................................................7

3.5 Beskerming......................................................................................................................7

3.6 Die Skoolraad...................................................................................................................8

3.7 Groottes van klasse.........................................................................................................8

4. Toelatingsbeleid...........................................................................................................................8

5. Dissiplinebeleid............................................................................................................................9

5.1 Algemene verklarings omtrent dissipline..........................................................................9

5.2 Positiewe doelwitte om Christelike dissipline op te bou.................................................10

5.3 Gedragskode vir leerders...............................................................................................11

5.4 Ouer-optrede as leerders gedissiplineer word...............................................................14

5.5 Gebruikstegnieke in dissipline by E.S.C.S.....................................................................15

6. Akademiese Beleid....................................................................................................................15

6.1 Waardes.........................................................................................................................15

6.2 Graad 0 - 9.....................................................................................................................15

6.3 Graad 10 - 12.................................................................................................................16

6.4 Vakkeuse.......................................................................................................................16

6.5 Taal van onderrig...........................................................................................................16

6.6 Akademiese assessering...............................................................................................17

6.7 Dissipelskap Rapporte...................................................................................................17

6.8 Gespesialiseerde opvoedkundige dienste.....................................................................17


(ii) Inhoud

6.9 Herhaling van ‘n graad...................................................................................................17

6.10 Afrikaanssprekende leerders by El Shaddai Christenskool...........................................18

6.11 Riglyne vir huiswerk.......................................................................................................19

7. Buitemuurse Beleid....................................................................................................................20

7.1 Sport...............................................................................................................................20

7.2 Kultuuraktiwiteite............................................................................................................20

7.3 Ekstra-kurrikulêre musiek (Graad 1 - 12).......................................................................20

7.4 Na-ure onderrig by El Shaddai Christenskool (teen ekstra koste).................................20

8. Finansiële Beleid........................................................................................................................21

9. Algemeen...................................................................................................................................22

9.1 Handboeke.....................................................................................................................22

9.2 Skooldrag en voorkoms.................................................................................................22

9.3 Skoolkwartale.................................................................................................................22

9.4 Die skool se aanvangs- en sluitingstye..........................................................................22

9.5 Huisstelsel......................................................................................................................23

9.6 Siekte/afwesigheid van skool.........................................................................................23

9.7 Saalbyeenkomste...........................................................................................................23

9.8 Nasorg............................................................................................................................23

9.9 Ouer-ondersteuningsgroep (P.S.G. - Parents’ Support Group).....................................23

9.10 Leierskapgeleenthede vir leerders.................................................................................23

9.11 Leerders wat die skool gedurende skool-ure verlaat.....................................................24

9.12 Telefoonoproepe/selfone...............................................................................................24

9.13 Die Skool se Grondwet..................................................................................................24

Beleidsdokument oor Huistaal.........................................................................................................25

Preprimêre en Junior Primêre Skool (Gr. 0 – 3).........................................................................25

Senior Primêre Skool (Gr. 4 – 6)................................................................................................25

Hoërskool (Gr. 7 – 12)................................................................................................................26

Die skool kan nie:.......................................................................................................................26

Die skool kan:.............................................................................................................................26

Enkele opmerkings:....................................................................................................................27


6. Akademiese Beleid 1

1. Missie en visiestellings

1.1 Ons MissieOns strewe daarna om jongmense te lei om dissipels van Jesus te word, sowel as om kwaliteit onderrig te verskaf.

1.2 Ons Visie1.2.1 As ‘n bediening van die El Shaddai Christenkerk, streef die skool daarna

om te werk onder die heerskappy van Jesus Christus, deur bemagtiging van die Heilige Gees, volgens die mandaat van die Skrif en deur gebed.

1.2.2 Die skool glo God se roeping is om leerders toe te rus vir hul Koninkryksrol binne die samelewing deur:

(a) jongmense aan te moedig om 'n sinvolle verhouding met Jesus Christus te he;

(b) 'n Bybelse wêreldbeskouing - wat van toepassing is op alle aspekte van die lewe - by hulle tuis te bring;

(c) te bou aan Goddelike karaktereienskappe;

(d) gehalte-onderrig te voorsien wat Bybelintegrasie insluit en leerders in staat stel om hul Godgegewe doel te vervul.

(e) betrokke te wees by evangelisasie en uit te reik na die breer gemeenskap;

(f) 'n model te voorsien vir diegene wat die begeerte het om betrokke te raak by, of verder bemoeid te raak met, Christen-onderrig.

Andrew Murray het die El Shaddai Christenskool se visie om ‘n Christus-gesentreerde opvoeding te verskaf, baie raak opgesom toe hy gesê het: “All knowledge and its application should be subservient to the formation of character, the training of the will, and the drawing out of the nobler qualities of one’s being. Mere acquisition of knowledge avails little if it leaves the man himself, the inward man, undeveloped.”

2. Verklaring van GeloofDie El Shaddai Christenskool (E.S.C.S.) erken die Skrif as die hoogste gesag. “Die hele Skrif is deur God geïnspireer en het groot waarde om in die waarheid te onderrig, dwaling te bestry, verkeerdhede reg te stel en ‘n regte lewenswyse te kweek.” (2 Tim. 3:16).

Die Statement of Faith, soos vervat in die skool se grondwet, is op aanvraag by die kantoor beskikbaar.


2 6. Akademiese Beleid

3. Die eiesoortige karakter van E.S.C.S.

3.1 Die waardesisteem waarop die skool gebou isNet soos elke mens ‘n eie persoonlikheid het, het elke skool ook ‘n unieke persoonlikheid. Hierdie persoonlikheid of lewenstyl van ‘n skool bepaal op watter wyse die personeel hul bediening by E.S.C.S. uitleef. ‘n Ander manier om die “persoonlikheid van die skool” te beskryf, is deur die waardesisteem van E.S.C.S. te ondersoek.

Waardes is nie maklik sigbaar nie, maar tog invloedryk. Dit kan vergelyk word met die fondament van ‘n struktuur. Dit bepaal die aktiwiteite van die skool en, net soos die fondament - wat eintlik nie gesien kan word nie - is die waardes onontbeerlik in die ondersteuning van die superstruktuur.

Die waardes wat hieronder verduidelik word, bepaal die rigting en vloei van die skool se beperkte bronne van tyd, energie en geld.

Sommige van die waardes waarop die skool gefundeer is, is:

GebedOns glo dat gebed die hart en kern van die opvoedingsproses moet wees. Die personeel is daartoe verbind om gereeld vir u kind te bid, en sal – waar moontlik – terugvoer oor hoe hulle meer spesifiek en doeltreffend kan bid, waardeer.

Akademiese uitnemendheidOp akademiese gebied volg die skool tot en met Graad 9 die Wes-Kaapse Onderwysdepartement se kurrikulum. Vanaf Graad 10 volg ons die Cambridge IGCSE en HIGCSE kurrikulum – ‘n internasionaal erkende leerplan wat net tot voordeel kan strek van enige leerder wat sy/haar studies voltooi onder leiding van ons professionele personeel, vir wie uitnemendheid van uiterste belang is.

Lofprysing en AanbiddingOns is daartoe verbind om, as ‘n skool, God se teenwoordigheid oor ons personeel en leerders af te smeek. Ons glo dat lofprysing en aanbidding ‘n noodsaaklike deel is in die groei van ons verhouding met Jesus. Daarom sal ons altyd poog om daaglikse vergaderings en ouervergaderings met lofprysing en aanbidding te begin.

Gawes en Tekens en WondersOns glo dat hierdie manifestasie van die Heilige Gees vir elke gelowige toeganklik is. Daarom moedig ons elke leerder en gesin wat aan ons skool verbonde is, aan tot ‘n lewenswyse wat hierdie waardes weerspieël.



Uitreik

God roep Sy mense om aktief uit te reik na kerkloses, weeskinders, bejaardes en behoeftiges. Uitreikgeleenthede word geskep sodat uitreik ‘n natuurlike deel van ons leerders se lewenswyse word.

Verskillende maniere van uitreik vind plaas:

weeklikse uitreik in en om Durbanville; 3-dag-uitreik in die plaaslike gemeenskap; ‘n korttermyn internasionale uitreik, onder leiding

van die E.S.C.C.

Persoonlike GroeiPersoonlike groei en volwassenheid is ‘n basiese waarde van E.S.C.S. Ons glo in ‘n positiewe, oorwinnende, suksesvolle Christelike lewe deur die krag van Christus. Alhoewel ons as ‘n skool leerders bemoedig en versterk in hulle daaglikse geestelike groei, glo ons dat leerders se persoonlike groei in hulle onderskeie kerkgemeenskappe tot volle ontluiking moet kom.

Handevat/saamstaanBy E.S.C.S. verbind ons ons tot gedeelde verantwoordelikheid met albei ouers wat betref die verantwoordelikheid om hul kinders op ‘n Goddelike manier groot te maak. Dit beteken dus dat die skool en ouers onontbeerlike vennote in die opvoedingsproses is. Die skool en ouerhuis neem mekaar se hande in alle gebiede van die kind se lewe, bv. geestelike groei, gebed, huiswerk en Goddelike waardes. Hierdie vennootskap strek ook verder tot gebiede soos Oueraande, ondersteuning vir die P.S.G. en ander funksies.

In hierdie samewerkingsproses tussen skool en ouers kan tweerigting-kommunikasie nie genoeg beklemtoon word nie. Daarom volg die skool ‘n “oop-deur”-beleid wat dit betref.

In die proses van handevat moet albei ouers verkieslik “wedergebore” en met die Heilige Gees vervul wees, want die skool is ‘n verlengstuk van die ouer-huis se waardes. Ons wil geensins skeiding, verwarring of konflik van enige aard in die ouerhuis veroorsaak nie.

RolmodelleLeerders word gelei en aangemoedig om Bybelse beginsels oor te dra tot ‘n praktiese Christelike lewenswyse. “Rolmodelle” (onderwyser tot onderwyser, onderwyser tot leerder, leerder tot leerder) is ‘n sleutelmetode om Christelike lewensvaardighede by leerders te kweek. Die onderwyser se respons op lewensituasies word aan die leerders oorgedra. Daarom is rol-modelle wat Jesus weerspieël uiters belangrik.



‘n Koesterende omgewingOns sal poog om ‘n omgewing te skep waarin u kind se volle Godgegewe potensiaal tot reg kan kom.

OpleidingskoolHoewel dié aspek van die visie nog in sy kinderskoene staan, word dit gesien as deel van God se plan vir ons. Dit sluit die opleiding van studente wat die onderwysprofessie rondom Christenonderwys wil betree in. Ons glo dat die E.S.C.S. gebruik sal word om ander in Christenonderwys op te lei.

Dit is van uiterste belang dat ouers bogenoemde waardesisteem ten volle ondersteun, anders kan dit konflik skep tussen die waardesisteem tuis en dié by die skool. Dit sal die leerling ongetwyfeld verwar. Ons wil nie konflik tussen huis en skool veroorsaak nie - ons sien onsself immers as ‘n verlengstuk van waardes wat tuis gehandhaaf word. Indien waardeverskille dus voorkom, sal ons dit graag wil aanspreek voordat ‘n leerder tot die skool toegelaat word.

3.2 Die Dissipelskap Program'n Geslaagde dissipelskap program sal families fasiliteer op die grondslag van Dawid se riglyne in Psalm 78:1-8 waar vaders aan die volgende geslag die wonderdade van God verkondig, en hierdie geslag op hulle beurt weer die roemryke dade van die Here aan hulle kinders - en so alle komende generasies - sal oordra. Die doel van die dissipelskap program by El Shaddai Christenskool is dus om studente toe te rus met effektiewe lering van God se beginsels sodat die studente uiteindelik self sal kies om God te vertrou en sy opdragte te gehoorsaam.

Die twee belangrikste opdragte van Jesus vorm die fokus van hierdie program:

"Jy moet die Here jou God liefhe met jou hele hart en met jou hele siel en met jou hele verstand. Dit is die eerste en belangrikste opdrag. Die tweede, ewe belangrike, opdrag is: 'Jy moet jou naaste liefhe soos jouself'." (Matteus 22:37-38)

Ons onderskryf die visie van die ACSI wat daarna streef om jongmense te help vorm wat:

sal groei in hul liefde vir God - 'n liefde met hulle hele hart, siel en verstand. (Matteus 22:37)

in wysheid sal toeneem. (Lukas 2:52)

sal lewe as die sout vir die aarde en die lig vir die wêreld. (Matteus 5:13-14)

hulleself en dit waaroor hulle beskik as lewende en heilige offers sal gee, om daardeur die liefde van Christus te reflekteer. (Romeine 12:1)



Metodes om bogenoemde te probeer bereik sluit in:

1. In alle vakke word gepoog om akademiese onderrig te integreer met geloofsonderrig, en spesifiek deur vakinhoud in verband te bring met 'n Bybelse wêreldbeskouing. Relevante kwessies word aangespreek vanuit 'n Bybelse perspektief.

2. Studente word gelei tot 'n lewende verhouding met Jesus, en word toegerus met kennis van wie Hy is sowel as 'n besef van ons afhanklikheid van Hom.

3. Die Woord van God word altyd beskou as die hoogste en absolute waarheid waarop ons waardesisteem gebou moet word.

4. Die Laerskool volg 'n Woord-gebaseerde leerplan, gevorm rondom die karakter-eienskappe van God.

5. Die Hoërskool se saalbyeenkomste sentreer rondom die volgende temas, wat ten doel het om Matteus 22:37-38 vas te le:

(a) liefde vir God(b) liefde vir jouself(c) liefde vir ander(d) liefde vir die wêreld (skepping)

Onderwerpe wat spesifiek vir jongmense relevant is, word aangeraak - op 'n wyse wat tot mense van hulle ouderdom spreek. Hierdie onderwerpe word dan volledig bespreek in die Bybelse Lewensoriënteringsperiodes. Die klem is om dit op 'n prettige en opwindende manier te doen sodat dit aanklank vind by die moderne jongmens.

6. Ons poog werklik om 'n klimaat te skep waarin ons studente tot spirituele volwassenheid sal groei. Studente kry die geleentheid om deel te neem aan jaarlikse plaaslike en buitelandse uitreike na minderbevoorregte en behoeftige gemeenskappe, waar hulle die hoop in Jesus kan uitdra.

7. Jaarlikse kampe word vir onderskeidelik die Senior Primêre skool, Junior Hoërskool en Senior Hoërskool gereel. Die hoofdoel van hierdie kampe is om gesonde verhoudings met God, die personeel en mekaar te kweek.

8. Die bou van Christelike karakter word ernstig beklemtoon en ouers kry twee keer'n jaar terugvoering hieroor. Ons wens is dat studente sal vorder vanaf blote kennis van wat reg is, na 'n diepere omgee vir wat reg is, en dan te kom by die punt waar hulle sal doen wat hulle glo is reg. Die fokus verskuif dus weg van uiterlike voorkoms en optrede na 'n innerlike en innige geloofslewe wat hulle dring om opregte ambassadeurs vir Jesus te wees.



Ons streef daarna om die volgende karaktereienskappe, wat die kern van Christelike waardes vorm, vas te le:

Respek - waardeer en eer God, ander, jouself en die natuurlike omgewing.

Verantwoordelikheid - toon standvastigheid en verantwoord-baarheid vir hulle keuses.

Betroubaarheid - groei in eerlikheid, lojaliteit en integriteit. Regverdigheid - leer om te deel, kommunikeer en bewus te wees

van ander se behoeftes. Omgee - bewys goedhartigheid en meelewing, veral teenoor

diegene in nood. Burgerskap - studente word aangemoedig om bewus te wees van

hulle sosiale verantwoordelikheid teenoor die gemeenskap en die omgewing.

9. Ons volhou 'n Christelike fokus in die skool deur die positiewe voorbeeld van die personeel en deur die ekstra-kurrikulêre program. Van die personeel word verwag om 'n verhouding met studente te he wat getuig van integriteit, eerlikheid en meelewing.

10. Die Graad 12 Leierskapspan kry geleenthede om inisiatief te neem en positiewe rolmodelle te word. Die senior studente word geskool om met selfvertroue leiers te word wat hul Godgegewe talente gebruik en wat die wêreld van tersiêre opleiding kan betree met 'n vaste wete van wie hulle in Jesus Christus is; hulle sal verskeie geleenthede gehad het om te kon leer dat hulle deur God bemin word, dat God hulle hoog ag en dat hulle geskape is om 'n baie spesifieke God-beskikte doel te vervul.

3.3 OuerbetrokkenheidDie skool onderskryf heelhartig die Bybelse beginsel dat ouers primêr verantwoordelik is vir hul kinders se onderrig. Daarom staan skool en ouers in hierdie verband saam en behoort ouers betrokke te raak by:

Oueraande

Dissiplinering van hul kinders

Geestelike groei

Akademiese vordering (bv. betrokkenheid by tuiswerk)

Algemene ondersteuning van onderwysers

Ouerondersteuningsgroep (“PSG” – Parents’ Support Group)

Buitemuurse bedrywighede

Gebed



3.4 KommunikasieGeslaagde kommunikasie is een van die sleutelfaktore om te verseker dat ‘n skool glad funksioneer. Ons moedig ‘n oop-deur-beleid tussen onderwyser en ouers aan. Kommunikasie vind plaas deur die volgende kanale:

(a) Skoolhoof tot ouers Gereelde omsendbriewe om sake van belang te belig.

(b) Ouers tot skoolhoof Afsprake moet asb. deur die sekretaresse gemaak word.

(c) Saalbyeenkomste Ouers is baie welkom om dit by te woon.

(d) Oueraande Bywoning is verpligtend - ses of sewe aande word deur die jaar gehou.

(e) Onderwysers tot ouers

Kommunikasie kan deur middel van tuiswerkboeke plaasvind.

Onderwysers kan vra dat ouers hul ná skool kom spreek.

(f) Ouers tot onderwysers

D.m.v. tuiswerkboeke. Indien ‘n formele vergadering ná skool verlang word, kontak asb. die sekretaresse.

(g) Aflaai en haal van kinders

Hierdie informele vergaderings is van onskatbare waarde.

Alhoewel die skool deurgaans ‘n “oop-deur-beleid” handhaaf, vra ons dat ouers sensitief sal wees teenoor die skool en die onderwysers se behoeftes. Indien die aangeleentheid wat bespreek moet word “meer as net ‘n paar minute” verg, is ‘n formele afspraak nodig.

3.5 BeskermingDie skool val onder die beskerming en gesag van die El Shaddai Christenkerk. Elke familie-eenheid staan egter onder die beskerming en gesag van hulle eie onderskeie kerke. Kerklidmaatskap van een van die takke van Christus se Kerk is daarom ‘n voorvereiste vir effektiewe dekking en is derhalwe ‘n voorvereiste vir toelating tot El Shaddai Christenskool. Ons heg daarom hoë waarde aan die goedkeuring van die pastoor van die gemeente waaraan die gesin behoort voordat ‘n leerder tot die skool toegelaat word.



3.6 Die SkoolraadDie ouderlingskap van die El Shaddai Christenkerk het ‘n Skoolraad (wat bestaan uit ouers, onderwysers en die leiers van die El Shaddai Christenkerk wat ex-officio lede is) daar gestel om skoolsake te behartig. Formulering van beleid, finansiële beheer en dies meer is die verantwoordelikheid van die Skoolraad. Die raad dien dus wesenlik as bewaker van die Skool se visie en mandaat om kinders in die weë van die Here groot te maak.

3.7 Groottes van klasseTen einde doeltreffende dissipline te verseker, sal klasse ongeveer 20 leerders hê. Daar mag egter in sekere grade uitsonderings wees.

4. Toelatingsbeleid‘n Paar faktore moet in ag geneem word voordat ‘n leerder tot El Shaddai Christenskool toegelaat word. Dit sluit in:

4.1 Daar moet plek wees in die betrokke klas. Ouers word dus aangemoedig om hul kinders so gou moontlik ná hul tweede verjaardag te registreer om teleurstelling te voorkom.

4.2 Die voornemende gesin en voornemende leerder moet sterk bande handhaaf met ‘n plaaslike gemeente. Dit sluit aktiewe meelewing (bv. groeigroeplidmaatskap) in. (Sien 3.5.)

4.3 Ouers moet “wedergebore” Christene wees en Jesus as hul Here en Saligmaker aangeneem het.

4.4 Ouers moet hulle vereenselwig met die skool se waardesisteem. (Sien 3.1.)

4.5 Die skool se gedragskode moet heelhartig onderskryf word. (Sien 5.3.)

4.6 Die skool sien ongelukkig nie sy weg oop om leerders/gesinne toe te laat wat betrokke is by enige vorm van alternatiewe genesing (bv. homeopatie, refleksiologie) of verweerkuns (bv. karate) nie. Literatuur wat die skool se houding en standpunt hieroor verduidelik, is verkrygbaar by die kerkkantoor van die El Shaddai Christenkerk.

4.7 Daar word van voornemende leerders verwag om die skool vir ‘n dag te besoek om deur personeel geëvalueer te word. Hierdie diagnostiese toetse stel die skool in staat om leerders in die toepaslike graad te plaas. In sommige gevalle kan toelating geweier word omdat die hoofsaaklik akademiese onderrig by E.S.C.S nie in ‘n leerder met spesiale onderrigbehoeftes se beste belang mag wees nie. Sulke Spesiale Onderrig is elders plaaslik beskikbaar.

4.8 Leerders in ‘n Graad 00/0-klas hoef nie te herregistreer vir Graad 1 nie omdat die prosedure outomaties geskied. Leerders wat egter hul studies in Graad 8 by E.S.C.S. wil voortsit, moet wel herregistreer. Toelating van Graad 7 na Graad 8 geskied dus nie outomaties nie.



4.9 Wetgewing (S.A. Skolewet van 1996) vereis dat ouers hul kinders vir Graad 1 inskryf van die eerste dag van die jaar waarin ‘n leerder sewe jaar oud word en onderrig ontvang tot die laaste dag van die jaar waarin die leerder vyftien word of Graad 9 bereik, wat ookal eerste kom.

Die Skolewet is onlangs gewysig sodat ‘n leerder wat vyf jaar oud is en teen 30 Junie in sy toelatingsjaar ses jaar sal wees vir Graad 1 mag inskryf. E.S.C.S. beveel dit egter nie aan nie, tensy ‘n kind op alle vlakke (emosioneel en intellektueel) uitsonderlik ontwikkel is vir sy ouderdom. Ons is bereid om ‘n kind wat vyf is en teen 30 Junie van die toelatingsjaar ses sal wees, te aanvaar op aanbeveling van ‘n opvoedkundige spesialis (bv. ‘n skoolsielkundige).

4.10 In ooreenstemming met die S.A. Skolewet, no. 84 van 1996, diskrimineer die toelatingsbeleid van die Skool nie op grond van ras nie.

4.11 Kyk asseblief die Beleidsdokument rakende die toelating van alle leerders wat nie Engels as hul huistaal gebruik nie (uitsluitend Afrikaanssprekende gesinne) maar nogtans Engels as onderrigmedium verkies (bv. Frans, Portugees, Asiaties, Xhosa, Zoeloe, ens.). (Kliek op die onderstaande skakel.)

Verwys asseblief na die Beleidsdokument oor Huistaal aan die einde van hierdie handleiding.

5. Dissiplinebeleid

5.1 Algemene verklarings omtrent dissipline Dissipline is wat VIR ‘n kind gedoen word en nie

AAN ‘n kind nie.

Dissipline het ‘n positiewe en negatiewe karakter. Dit bestaan nie slegs uit korrigering van die fout (negatief) nie, maar sluit leiding t.o.v. wat reg is in (positief).

'n Gedissiplineerde omgewing is bevorderlik vir die leerproses. Hierdie omgewing is afhanklik van elke personeellid en ouer se onderskrywing van die skool se beleid.

E.S.C.S. werk volgens die Bybelse beginsel dat dissipline ‘n uitdrukking van liefde is. (Spreuke 3:12, 13:24, 22:15, 23:13, 29:15)

E.S.C.S. is nie ‘n korrektiewe instelling nie; ons versoek gevolglik dat ‘n kind nie ingeskryf word met die oog daarop dat die skool hom/haar moet hervorm nie.

E.S.C.S. ondersteun ouers op die gebied van dissipline, maar vervang nie die rol van ouers wat



versuim om hul ouerlike dissplinêre rol te vervul nie.

By E.S.C.S. word die menswaardigheid van die kind ten alle tye erken; dissipline word nogtans streng, konsekwent, regverdig en in liefde toegepas, met goeie oordeel en begrip.

Die skool onderskei nie tussen die kind se gedrag binne of buite die skool nie. Daar behoort inderdaad eenvormigheid te wees tussen die twee gedragspatrone. Gekruide taal (bv.) binne en buite die skool is onaanvaarbaar en verg optrede.

Teen die tyd dat ‘n leerder in Graad 7 kom, vertrou ons dat hy/sy oor genoeg selfdissipline beskik sodat eksterne strafmaatreëls nie meer die oorheersende dryfveer sal wees nie.

5.2 Positiewe doelwitte om Christelike dissipline op te bou

God se wil vir my kind … … Die volgende dus nie toegelaat nie

1. Gehoorsaamheid(Efesiërs 6:1)

Ongehoorsaamheid

2. Respek vir gesag(Efesiërs 6:2)

Opstandigheid, teëpratery, vuil kyke, onbeskoftheid

3. Selfbeheersing(Spreuke 14:29, 16:32, 25:25)

Onbeheersdheid, woedebuie, humeurig-heid, volgehou self-bejammering

4. Geduld(1 Tess 5:14)

Ongeduld

5. PligsgetrouheidEntoesiasme, motivering, bekwaamheid(Spreuke 15:19, Rom. 12:11)

Luiheid, traak-my-nie-agtigheid, ongeïnteresseerdheid

6. Goedhartigheid(Efesiërs 4:32)

Onbeskoftheid, selfsug

7. Selfvertroue en moed(Josua. 1:9, 2 Tim 1:7)

Vrees en skuheid *

8. Geluk en vreugde Terneergedruktheid en klaerigheid



God se wil vir my kind … … Die volgende dus nie toegelaat nie

(1 Pet. 3:10, Fil. 2:14, 4:4)

9. Liefde vir ander(Rom. 12:10, Jakobus 4:11, Titus 3:2)

Kritiek

10. Vermoë om oor die weg te kom(Mat. 5:9, Rom. 12:18, Ef. 4:31, Spr. 17:14)

Stryery, twis, onenigheid

11. Eerlikheid(Rom. 12:17, Ef. 4:25, 28, Spr. 11:1)

Leuens, kullery, diefstal

12. Wysheid en kennis(Spr. 2:4-9, 8:33)

Onkunde en gebrek aan opvoeding

13. Reinheid(2 Tim. 2:22)

Perverse idees of wanpersepsies van seks

14. Vriendelikheid(Spr. 18:24, 2 Tim. 1:7)

Skugterheid *

15. Betroubaarheid en lojaliteitVerantwoordelikheid en getrouheid(Spr. 11:13, 25:19)

Onverantwoordelikheid

* Hierdie bogenoemde karaktertrekke is nie “strafbaar” nie, maar leerders word aangemoedig om waagmoed en vertroue te toon.

5.3 Gedragskode vir leerders

Verwagtings

Indien ons as skool reëls sou moes neerlê vir elke moontlike oortreding, sou die dokument lank en lywig wees en in elk geval skuiwergate laat. In plaas daarvan om “moets en moenies” te lys, wil E.S.C.S. verwagtings daarstel om na te streef met die hulp van die Heilige Gees en deur samewerking met die huisgesin en verantwoordelike gemeente.

E.S.C.S. se verwagtings berus op Jesus se woorde in Matteus 22: 37-39:



“Jy moet die Here jou God liefhê met jou hele hart en met jou hele siel en met jou hele verstand. Dit is die grootste en die eerste gebod. En die tweede wat hiermee gelyk staan, is: Jy moet jou naaste liefhê soos jouself.”

1. “Jy moet die Here jou God liefhê met jou hele hart en met jou hele siel en met jou hele verstand."

1.1 Ons aanbid slegs vir God, die Drie-enige. Dit is belangriker as mag of besittings. Ons fokus op God, neem deel aan lofprysing en leer uit Sy Woord.

1.2 Omdat die Naam van God Heilig is, misbruik ons dit nie. Ons praat liefdevol van en met God.

1.3 Ons aanvaar geen ontheiliging, obsene taal of tekens, of oneerbiedigheid van en teenoor die Woord van God of sy Skepping nie.

1.4 Ons onderrig onderdanigheid aan die gesag van ouers, onderwysers en ander wat God oor ons aanstel. Ons respekteer ons ouers en verwag van leerders om hoflikheid, respek en gehoorsaamheid teenoor personeel en studenteleiers te toon.

2. “Jy moet jou naaste liefhê”

Ons siening van naasteliefde is:

2.1 Waarheidsgetrou - ons sal altyd die waarheid praat.

2.2 Eerlik - dit is sonde om enigiets te neem wat nie aan jou behoort nie - ons mag nie steel nie. Jy moet getrou wees aan jou woord.

2.3 Goedhartig - ons gedagtes, woorde en dade mag nie hatig of kwetsend wees nie. Ons verwag bedagsaamheid, deernis, empatie, verdraagsaamheid, vriendelikheid en vergewensgesindheid eerder as bitterheid.

2.4 Eerbiedig - ons respekteer ons personeel, studenteleiers, portuurgroep en jonger kinders. Respek sluit in

volwassenes groet

besoekers aan die skool groet

betyds wees vir klasse, skoolfunksies en -byeenkomste

hulp en diens aan ander

erkenning aan ander se unieke, Godgegewe talente en gawes



2.5 Rein - ons gedagtes, woorde en dade sal rein wees, sonder enige seksuele onkuisheid of vuil taal.

2.6 Tevrede - ons is in alle omstandighede dankbaar teenoor God vir alles wat Hy vir ons gee en pas ons fasiliteite en eiendom goed op. Ons moedig ‘n gees van aanvaarding aan.

3. “Liefde vir jouself”

3.1 Ons erken dat ons liggame tempels van die Heilige Gees is en sal dit nie skade berokken deur:

seksuele losbandigheid

middels te misbruik (bv. dwelmmiddels, rook en alkohol),

skending van die liggaam (bv.eetversteurings) nie.

Ons sal leerders wat hiermee probleme ondervind, aanmoedig om Christelike berading te ontvang.

3.2 Ons toon selfrespek deur:

ons skooldrag op die korrekte manier te dra;

akademiese werk van hoogstaande gehalte te handhaaf deur:

klas- en tuiswerkopdragte na die beste van ons vermoë te voltooi;

ons klaswerk, tuiswerk en opdragte betyds in te lewer;

al die nodige boeke en skryfbehoeftes in die klas te hê;

deelname aan die skool se liggaamlike opvoedings-program, asook die buitemuurse program - met ‘n positiewe gesindheid.

Onaanvaarbare gedrag wat kan lei tot ‘n dissiplinêre ondersoek en daarna moontlike tydelike of permanente skorsing

1. Alhoewel die skool ‘n progressiewe en regstellende benadering tot dissipline volg, deur die gebruik van “waarskuwings” (“notifications”), gemeenskapsdiens en ouer-onderwyservergaderings, behoort leerders bewus te wees daarvan dat die volgende gedragsvorme beskou word as ernstige oortredings wat ‘n onmiddellike dissiplinêre ondersoek tot gevolg kan hê. Afhangend van die bevindings van die dissiplinêre ondersoek by die skool, mag die leerder tydelik of permanent deur die Skoolraad geskors word.

Opsetlike beskadiging van skool- of kerkeiendom.



Besit, gebruik, verspreiding of sigbare bewyse van dwelmmiddels en ongemagtigde medikasie, gevaarlike wapens, alkohol, sigarette of enige bedwelmende middels.

Besit, gebruik, verspreiding of sigbare bewyse van pornografiese, satanistiese of beledigende en aanstootlike materiaal van enige aard.

Oneerlikheid - ook in toetse of eksamens. Afknouery, bakleiery, liggaamlike of verbale geweld, of intimidasie,

insluitend geslags- of rasseteistering - dit werk geweld in die hand. Diefstal of besit van gesteelde eiendom, insluitend toets- of

eksamenvraestelle voor die skryf van hierdie toets of eksamen. Onsedelike gedrag of vuil taal. Verset teen en ‘n gebrek aan respek teenoor gesagsfigure. Aanhitsing tot oproer of die oorsaak van ontwrigting van die

opvoedkundige proses. Verontagsaming van redelike voorskrifte of versoeke deur

gesagsfigure.

2. Die proses wat in geval van bogenoemde gevalle (1) gevolg sal word:

2.1 ‘n Voorlopige ondersoek sal deur die skool gedoen word om die geldigheid van die saak te bepaal;

2.2 As daar genoegsame bewyse is om voort te gaan, sal die leerder(s) se ouers skriftelik ingelig word omtrent die aanklagte teen hom/haar;

2.3 Die leerder(s) sal tydelik uit die skool geskors word - vandat die klagte gelê is, totdat ‘n verhoor plaasvind;

2.4 Daar sal genoeg tyd gegee word vir voldoende voorbereiding vir die verhoor (ten minste twee dae);

2.5 Die leerder het die reg om verteenwoordig of bygestaan te word;

2.6 Die saak sal verhoor word deur ‘n komitee wat deur die Skoolraad aangestel is om die taak uit te voer. Personeellede van die skool sal nie ingesluit word nie, hoewel hulle ingeroep mag word om te getuig. Die skool sal die geleentheid gegee word om bewyse van wangedrag voor te lê. Die leerder sal die geleentheid gegee word om sy/haar saak voor te lê;

2.7 Die leerder sal te alle tye met waardigheid behandel word;

2.8 Die leerder sal skriftelik en vroegtydig van die besluit, sowel as die rede vir die besluit asook die straf wat opgelê word, in kennis gestel word.

Let wel:



E.S.C.S. behou hom die reg voor om hierdie dokument te wysig (bv.weglatings en/of toevoegings), met behoorlike kennisgewing van sodanige wysiging(s).

5.4 Ouer-optrede as leerders gedissiplineer wordAs u kind by die huis kom kla oor skoolbeleid of -dissipline, volg asseblief die volgende prosedure:

(a) Gee die personeel die voordeel van die twyfel totdat u oor al die feite beskik.

(b) Wees bewus daarvan dat u kind se weergawe emosioneel bevooroordeeld kan wees en moontlik nie al die feite/inligting weergee nie.

(c) Besef dat die skool redes het vir sy Gedragskode en dat dit onpartydig toegepas word.

(d) Ondersteun die personeel te alle tye. Moenie enige kommentaar lewer voordat u u van die feite vergewis het nie. Só word sinlose “parkeer- terrein-besprekings” met derde partye, vermy. (Jak. 3, Gal. 5:15)

(e) Nader die betrokke personeellid/senior personeellid sodat u ten volle vanuit die skool se perspektief op die hoogte van sake gebring kan word.

(f) Werk saam met die personeel in dissiplinêre sake.

(g) Praat altyd “met die leierskap” oor u probleme en nooit “oor leierskap” met u vriende nie.

(h) Christelike Opvoeding tree op as ‘n katalisator. Dit vereis dikwels dat ouers bereid moet wees om bykomende ouerskapvaardighede op die gebied van dissipline moet aanleer.

5.5 Gebruikstegnieke in dissipline by E.S.C.S.Verskeie sisteme word gebruik, in ooreenstemming met die aard van die klas en die ouderdom van die kinders. Die sisteme sluit die volgende in:

Mondelinge teregwysing (veral effektief in Graad 1 & 2).

Meriete/Wegneem van meriete (in gebruik van graad 3 - 6).

Skriftelike waarskuwings (Hoërskool) wat ouers moet onderteken.

Gemeenskapsdiens (dikwels geïmplementeer ná verskeie waarskuwings).

Lyfstraf (met die toestemming van die ouers).

Dissiplinêre ondersoeke (sien Gedragskode 5.3).

Die onderliggende waarde van al bogenoemde sisteme is: kommunikasie met ouers wanneer dit by dissiplinêre sake kom.



6. Akademiese Beleid

6.1 WaardesDie akademiese standaard van El Shaddai Christenskool moet van só ‘n aard wees dat:

1. waar enigsins moontlik, die standaard internasionaal bepaal sal word;

2. leerders geredelik aanvaar behoort te word vir verdere studies (universiteit, technikon, kollege, ens.);

3. Graad 1- tot 9-leerders van ‘n Christenskool na ‘n staatskool oorgeplaas kan word (indien die behoefte ontstaan).

6.2 Graad 0 - 9Die leerders sal deeglik voorberei word om die Algemene Onderwys- en Opleiding-Sertifikaat (“G.E.T.C.”) aan die einde van graad 9 te kan skryf. Dit behels onderrig in 8 leerareas (vakke) soos deur Regeringsbeleid bepaal word. Die leerders sal aanvullend blootgestel word aan onderrig in Rekenaargeletterdheid/I.T., sowel as alle fassette van die dissipelskap program. In ooreenkoms met nasionale beleid, is die verwerwing van ‘n A.O.O.S. (“G.E.T.C.”) ‘n voorvereiste vir voortgesette studie (Graad 10 - 12).

6.3 Graad 10 - 12Die Senior Hoërskool is tans besig om leerders voor te berei om die eksamen, opgestel deur Cambridge Internasionale Eksamens (C.I.E.), af te lê.

1. Cambridge Internasionale Eksamens (C.I.E.) is ‘n departement van die voortreflike Universiteit van Cambridge Plaaslike Eksamensindikaat.

2. Die skool berei leerders voor vir die volgende eksterne Universiteit van Cambridge eksamens:

IGCSE (Sommige vakke word aan die einde van Graad 10 afgelê en die res word in Mei van die Graad 11-jaar afgelê.)

HIGCSE en sommige AS-vlak eksamens. (Dit word aan die einde van Graad 12 afgelê.)

‘n Kombinasie van AS/HIGCSE en IGCSE vakke maak dit vir leerders moontlik om by Suid-Afrikaanse universiteite in te skryf. Raadpleeg gerus die skool se webwerf vir meer inligting in hierdie verband

3. Die akademiese program fokus op toepassing sowel as kennis (inhoud) en begrip, met die klem op toepassing in alledaagse omstandighede. Leerders word dus aangemoedig om verantwoordelikheid te aanvaar vir hul opvoeding, om die vaardighede wat hulle gekose beroep vereis, te bemeester, en om die eise van toenemende en aanhoudende verandering te hanteer.



Om bogenoemde te bereik, moet klasgroepe verkieslik kleiner as 20 leerders wees en moet akademiese differensiasie (bv. verryking) plaasvind.

Besoek die volgende webwerf vir meer inligting:

www.cie.org.uk

6.4 VakkeuseVerwys asseblief na ons Vakkeuse Vorms op die ESCS webwerf by:

http://www.escs.org.za/Parents%20Info%20Manual/pifengafr.html

6.5 Taal van onderrigEngels en Afrikaans is die twee onderrigtale in Graad 0 - 6. In hierdie Grade is daar afsonderlike Engelse en Afrikaanse klasse. In Graad 6 skakel leerders oor na Engels as die enigste taal van onderrig - dit is as ‘t ware ‘n oorbruggingsjaar. Van Graad 7 - 12 is onderrig in Engels om leerders voor te berei vir die C.I.E.-eksamens.

6.6 Akademiese assesseringGraad 00 en 0

Sinvolle assessering vereis intensiewe en objektiewe waarneming van elke kind. Dit stel die onderwyser in staat om waarlik elke kind as ‘n individu te leer ken en om die kind in totaliteit te ontwikkel. In Graad 00 en 0 word kinders daagliks geassesseer, veral ten opsigte van sake soos taalontwikkeling, kognitiewe ontwikkeling (wiskundige begrippe), konsentrasie, aandagspan, kreatiewe vermoëns, emosionele en sosiale ontwikkeling, grootmotoriese vaardighede, perseptuele vaardighede, klasdeelname en motivering. Hierdie faktore sal die onderwyser help om te besluit of die kind gereed is vir die formele onderrigfase. Rapporte word kwartaalliks uitgereik.

Graades 1 - 6

Assessering is ‘n deurlopende proses - vanaf die eerste tot die laaste skooldag. Leerders word geassesseer ten opsigte van:

skriftelike werk klasdeelname projekte, take en opdragte mondeling, lees informele klastoetse

Rapporte word kwartaalliks uitgereik.


http://www.escs.org.za/Parents%20Info%20Manual/pifengafr.html

http://www.cie.org.uk/


Graad 7 - 12

Daar is twee formele eksamens per jaar, naamlik in Mei/Junie en in November. Rapporte word kwartaalliks uitgereik.

6.7 Dissipelskap RapporteIn Gr. 1 – 3 word hierdie rapporte kwartaalliks uitgereik; in Gr. 4 – 12 twee keer per jaar, naamlik in Junie en Desember.

6.8 Gespesialiseerde opvoedkundige diensteIn die opvoeding van ‘n kind is dit soms vir die skool nodig om bykomende, meer ge-spesialiseerde, professionele advies in te win. Dit stel die personeel in staat om ‘n beter beeld van die kind se sterk punte, groeipunte, vermoëns en beperkings te vorm. Dít lei weer daartoe dat die personeel meer effektief is in die ontwikkeling van ‘n kind se Godgegewe potensiaal. Private remediërende onderrig deur ‘n gekwalifiseerde onderwyser is, teen ekstra koste, by die skool beskikbaar.

6.9 Herhaling van ‘n graadIn die besluit of ‘n leerder ’n graad slaag of moet herhaal, is die belang van die kind ten alle tye van hoogste belang. Akademiese, sosiale en emosionele faktore word by so ‘n besluit in ag geneem. Op hierdie gebied moet die ouers die professionele oordeel van die personeel onvoorwaardelik vertrou. Hierdie soort besluite word nooit op die ingewing van die oomblik of ligweg geneem nie. In die meeste gevalle word bykomende professionele advies ingewin om ons bevindings te bevestig. Ouers word gewoonlik lank voor die tyd deur die onderwyser en Akademiese Hoof in kennis gestel as daar ’n moontlikheid is dat ‘n kind ‘n graad sal moet herhaal.

Die Junior Primêre Fase, in die besonder, is ontwerp as ‘n drie-jaar-program, maar sommige leerders mag vier jaar nodig hê om dit te voltooi. Gedurende ‘n herhalingsjaar kry die leerder die geleentheid om akademiese vaardighede in te skerp, akademiese sukses te ervaar, selfvertroue te wen en ‘n stewige basis vir volgende grade te lê

Om ‘n graad in die Primêre Skool te herhaal, voorkom dikwels hartseer en teleurstelling in die Hoërskool, waar die akademiese en sosiale druk heelwat groter is.

6.10 Afrikaanssprekende leerders by El Shaddai ChristenskoolDit is ons skool se wens om bekostigbare Christelike opvoeding in die Tygerberg streek aan te bied - van Graad 00/0 - 12. Ná die suksesvolle afhandeling van Graad 9 AOOS.eksamen (“GETC”), begin ons leerders voorberei vir die University of Cambridge International Exams. Ons is ‘n geakkrediteerde eksamensentrum van die Universiteit van Cambridge en volg die IGCSE-kursus (gelykstaande aan die “O-levels”) in Graad 11 en die HIGCSE-kursus (gelykstaande aan die “M-levels”) vir die einde van Graad 12. Ons beplan om in die toekoms die sg. “A-levels” aan te bied.



Vanaf 1991 het ons skool ook ‘n Afrikaanse departement/stroom. Tot op hede was ouers se respons versigtig optimisties. Ons toon egter steeds groei. Klasgroepe is nog klein, met ‘n gemiddelde verhouding van 10 leerders per onderwyser. Die ideaal sal ‘n verhouding van 16 - 20 leerders per onderwyser wees. Van die begin af is ons verryk deur hierdie besondere leerders en ouers se spesiale bydrae tot ons skoollewe. Hulle het in vele opsigte die kern gevorm waar rondom die skoollewe draai. Tans is 33% van ons leerders se huistaal Afrikaans.

As gevolg van die skool se besluit om die Cambridge-roete te volg (waar eksamens in Engels afgelê moet word), word Afrikaans as onderrigmedium net in Graad 00/0 - 5 aangebied. Maar hiermee saam geniet Engels as vak hoë prioriteit. As gevolg van interaksie met Engelssprekende leerders (bv. gedurende pouses en buitemuurse bedrywighede) leer ons Afrikaanssprekende leerders dikwels baie gou om ten volle tweetalig te wees.

Te danke aan ons gestruktureerde Engelse program vir Engels Tweede Taal sprekers, is ons leerders teen Graad 6 heeltemal gereed vir oorskakeling na Engels as onderrigmedium. Graad 6 is derhalwe ‘n oorbruggingsjaar, maar indien nodig, word ekstra ondersteuning gebied. Afrikaans as Primêre Taal word wel vir Afrikaanssprekende leerders as ‘n vak aangebied tot Graad 12; ons het selfs sommige Engelssprekende leerders wat dit as vak neem.

Ons mees onlangse afgestudeerde Graad 12's, van wie baie se moedertaal Afrikaans is, studeer met groot sukses aan die Universiteite van Kaapstad, Stellenbosch, Nelson Mandela Universiteit en Rhodes Universiteit. Hulle is dankbaar vir die manier waarop die skool hulle toegerus het vir verdere studies en beskou tweetaligheid as ‘n kosbare bate. Hulle is selfversekerd en gretig om hulle plek in die Suid-Afrikaanse gemeenskap in te neem.

6.11 Riglyne vir huiswerk

Junior Primêr (Graad 1 – 3)

Kinders moet elke dag huiswerk doen ten einde dit wat in die klas onderrig is, vas te lê. Die hoeveelheid huiswerk hang af van die graad waarin die kind is sowel as van die individuele onderwyser se verwagtinge. Dikwels behels dit dat werk wat reeds in die klas begin is, by die huis voltooi word om sodoende die dag se skoolwerk af te rond en dele waarmee probleme ondervind is, te versterk.

Senior Primêr (Graad 4 – 6)

Insgelyks is die doel van huiswerk in Graad 4 dikwels om klaswerk te verbeter, te voltooi of vas te lê. Van Graad 5 af is ondersoek-/navorsingsvaardighede ook deel van die huiswerk. Die hoeveelheid tyd wat huiswerk in beslag neem, wissel van graad tot graad. In Gr. 6 is dit ongeveer 45 minute. Gereelde werk



deur die jaar en toegewyde werksgesindheid by die skool sal daartoe bydra dat leerders nie te veel huiswerk het nie.

Hoërskool (Graad 7 – 12) Vir elke periode wat ‘n leerder op ‘n spesifieke dag onderrig ontvang het,

mag ‘n maksimum van 20 minute huiswerk vir die volgende lesuur gegee word.

Geen leerder mag meer as twee uur huiswerk per dag kry nie. Dit sluit take, projekte en toetse uit.

Leerders moet vooraf in kennis gestel word van toetsdatums.

Geen leerder mag meer as twee toetse per dag skryf nie.

Algemeen Alle leerders moet huiswerkboeke gebruik.

In die laerskool behoort huiswerkboeke daagliks deur ouers onderteken te word.

Huiswerkboeke is 'n waardevolle kommunikasiemiddel tussen ouers en onderwysers, veral in die laerskool.

Die doel van huiswerk is dikwels om 'n konsep wat by die skool onderrig is, vas te lê.

7. Buitemuurse Beleid

7.1 SportSport is ‘n integrale deel van ‘n kind se ontwikkeling en dien dikwels as toegang tot sosiale aanvaarding in ‘n gemeenskap. Daarom word dit as ‘n noodsaaklike lewens-vaardigheid beskou.

Op die sportveld kan die karaktereienskappe van God wat in die klassituasie onderrig is, verfyn en getoets word. Sport is een van die gebiede waar die praktiese toepassing van wat daagliks in die skool ingeploeg word, manifesteer.

Dit skep ook geleentheid om leierskap te ontwikkel, om in die plaaslike gemeenskap ‘n getuienis te wees, om die skool te bemark en om met omringende staatskole te skakel.

Sport word tans aangebied afhangend van die talent en beskikbaarheid van die personeel.

Kyk ons webwerf vir ‘n voorbeeld van die kwartaallikse programme:

www.escs.org.za

Hierdie program wys die huidige keuses.


http://www.escs.org.za/


7.2 KultuuraktiwiteiteNet soos vir sport, is ‘n omvattende program vir kultuuraktiwiteite ook noodsaaklik. By El Shaddai Christenskool word leerders aangemoedig om aan die kultuur- en/of sportaktiwiteite deel te neem. Die skool neem aan Eisteddfods deel en reël konserte, debatsvereniging-middae en skaak om aan leerders die geleentheid te gee om hul Godgegewe talent te vertoon.

7.3 Ekstra-kurrikulêre musiek (Graad 1 - 12)Inleiding tot musiek, klavier, klawerbord, blokfluit en sanglesse word in skooltyd aangebied vir Graad 1 - 6.

Vanaf Graad 7 - 12 kan Musiek óf as volle vak (kyk Addendum oor Vakkeuses) geneem word óf musiekonderrig kan middae ná skool as ekstra-kurrikulêre aktiwiteit gevolg word (kyk 7.4).

7.4 Na-ure onderrig by El Shaddai Christenskool (teen ekstra koste) Onderrig in verskeie musiekinstrumente word na-ure aangebied (bv. viool,

klarinet, fluit, klavier, tromme, ens.). Kontak Annatjie Brand vir verdere besonderhede. Hoërskoolleerders kies gewoonlik hierdie opsie.

Die Cambridge International Diploma in ICT word ook na-ure aangebied vir die gemeenskap. Kontak Karen Anderson vir verdere besonderhede.

8. Finansiële Beleid8.1 ‘n Nie-terugbetaalbare toelatingsfooi van R3 000 per leerder word saam met die

voorlegging van die Aansoekvorm gevra.

8.2 Skoolgeld is betaalbaar in 11 gelyke maandelikse paaiemente en sal aangedui word op maandelikse state. Skoolgeld moet teen die vyfde van die volgende maand betaal wees. Tans (2015) is die skoolgeldstruktuur soos volg:

Skoolgeld 2015

Graad 2015 Fooieper maand x 11 maande

2015 Fooieper jaar

Graad 00 R1 665 R18 315

Graad 0 – 3 R2 653 R29 183

Graad 4 R2 835 R31 185

Graad 5 – 6 R2 944 R32 384

Graad 7 – 9 R3 435 R37 785



Graad 10 – 12 R4 091 R46 001

Onderwysers hanteer geensins skoolgeld nie. Alle skoolgeld moet by die Tesourier, Sue Bishop, betaal word. Alle geld (ook skoolgeld) moet in ‘n duidelik gemerkte, verseëlde koevert in die betrokke posbus geplaas word. Betaling kan kontant, per tjek of elektronies geskied.

8.3 Die skool het ook ‘n Opvoedkundige Trust (“Educational Trust”) in terme van Seksie 18(A) van die Inkomstebelastingwet geregistreer as ‘n Publieke Voordele-organisasie; en geregistreer by die Departement van Maatskaplike Ontwikkeling as ‘n nie-winsgewende organisasie. In die praktyk beteken dit:

(a) Inkomste ontvang vir of aanwas tot hierdie Trust is vrygestel van inkomstebelasting;

(b) Donasies/skenkings aan die Trust is ook vrygestel van donasiebelasting;

(c) Nalatings of aanwas uit die boedel van gestorwenes ten gunste van die Trust is ook vrygestel van boedelbelasting.

Die skool versoek donasies deur die Trust vir die begunstiging van E.S.C.S.

8.4 ‘n Beperkte aantal beurse word jaarliks deur die skool toegeken. Indien u belangstel, kry asb. ’n aansoekvorm, waarin o.a. die waardes van hierdie fonds uitgespel word, by die sekeretaresse. Aansoeke moet voor die einde van Oktober via die skoolkantoor ingedien word.

9. Algemeen

9.1 Handboeke Handboeklyste is beskikbaar op die skool se webwerf en word elke jaar

bygewerk.

Ouers word ten sterkste aangemoedig om onderling boeke te koop en verkoop.

Die skool sal egter aan die einde van die jaar ‘n dag, plek en tyd bepaal vir ouers wat nie boeke privaat kon koop of verkoop nie. In hierdie verband dien die skool slegs as “fasiliteerder” om die kopers en verkopers bymekaar te bring.

‘n Private boekwinkel sal op bogenoemde dag nuwe handboeke by die skool verkoop vir leerders wat nuwe boeke verkies of wat nie tweedehandse boeke kon bekom nie.

Handboeke is dus die eiendom van die ouer en nie van die skool nie.

9.2 Skooldrag en voorkoms Verwys asb. na die Gedragskode (punt 5.3).



Vra die Sekretaresse vir ‘n Uniform en Voorkoms Lys.

http://www.escs.org.za/uniformlist.doc

9.3 SkoolkwartaleDie skool volg die Wes-Kaapse Onderwysderpartement se skoolkalender:

http://www.escs.org.za/Planners%20and%20TT/WCED%20Calendar%202007.htm

9.4 Die skool se aanvangs- en sluitingstye

Graad Aanvangstyd Sluitingstyd

Graad 00 09:00 12:00

Graad 0 – 1 08:00 12:45

Graad 2 – 3 08:00 13:45

Graad 4 – 12 08:00 14:25

Vir Graad 0 - 12 begin die skool om 07:57. Leerders kan vanaf 07:30 by die skool afgelaai word. Die klok om in rye aan te tree, lui om 07:57.

Vir Graad 00 is skoolure van 09:00 - 12:00, maar Graad 00-leerders mag enige tyd tussen 08:00 en 09:00 by die skool afgelaai word, en enige tyd tussen 12:00 en 12:45 opgelaai word. Skakel asb. met die Graad 00-onderwyser.

9.5 HuisstelselDie skool het drie Huise: Timothy (Geel), Joshua (Blou) en David (Rooi). Interhuis- kompetisies word in sekere sport- en kultuuraktiwiteite gehou. Gesinslede word in dieselfde Huis geplaas.

9.6 Siekte/afwesigheid van skool Die siekeboeg is beskikbaar vir noodgevalle.

Moet asseblief nie u kind skool toe stuur as hy/sy siek is nie.

As 'n kind by die skool siek raak, sal een van die ouers geskakel word om hom/haar te kom haal.

Indien u kind weens siekte by die huis bly, moet hy/sy asseblief by sy/haarterugkeer skool toe 'n


http://www.escs.org.za/Planners%20and%20TT/WCED%20Calendar%202007.htm

http://www.escs.org.za/uniformlist.doc


brief in hierdie verband aan die registeronderwyser gee.

Onnodige afwesigheid is baie nadelig vir die opvoeding. Verlengde naweke, ensovoorts, lei tot 'n akademiese agterstand wat baie selde ingehaal kan word.

9.7 SaalbyeenkomsteOuers word aangemoedig om saam met ons leerders die weeklikse saalbyeenkoms van 08:00 tot 08:55 by te woon. Elke fase se saalbyeenkoms is op ‘n ander dag; vind dus asb. by die betrokke onderwyser uit watter dag u kind s’n is.

9.8 NasorgDie skool besef ten volle die noodsaak vir so ‘n diens, maar - a.g.v. tekort aan fasiliteite - kan ons nie nasorg verskaf ná 14:15 nie. Verwys asseblief na die skool se webwerf vir inligting oor nasorg vir familielede en lede van saamryklubs. Hierdie diens is vanaf 13:05 – 14:45:

http://www.escs.org.za/aftercare.doc

9.9 Ouer-ondersteuningsgroep (P.S.G. - Parents’ Support Group)Ouers word baie sterk aangemoedig om betrokke te raak by hierdie groep, wat ‘n onskatbare diens aan die skool in die geheel lewer. Tans dien dit die skool op die volgende gebiede: spyseniering, fietswedren, P.S.G., “Compassion, care and clothing”, Inligtingstegnologie en fondsinsameling. Hierdie groep is ‘n onontbeerlike verlenging van die skool.

9.10 Leierskapgeleenthede vir leerdersTans word leierskapgeleenthede vir leerders op ‘n aantal vlakke voorsien.

(a) Monitors

Die Graad 6-leerders help die Primêre Skool onderwysers in hul dag-tot-dag take.

(b) Leierskapspan

Al die Graad 12-leerders word ‘n posisie in die Leierskapspan aangebied. Elke leerder kry ‘n portefeulje wat ooreenstem met sy/haar gawes, leierskappotensiaal en talente. Die klasonderwyser lei hulle hierin. ‘n Mens sien uit daarna om die karaktereienskappe van God in hulle lewens weerspieël te sien soos hulle as rolmodelle vir die jonger leerders optree.

(c) “Bud Groups”

(Kyk Punt 3.2)


http://www.escs.org.za/aftercare.doc


9.11 Leerders wat die skool gedurende skool-ure verlaatGeen leerder mag tydens skool-ure die skool sonder toestemming verlaat nie. ‘n Toestemmingsvorm moet by die kantoor voltooi word indien dit wel nodig is vir ‘n leerder om gedurende die skooldag die skool te verlaat.

9.12 Telefoonoproepe/selfone‘n Kaart-telefoon is by die skool beskikbaar om oproepe huis toe te maak. (L.W.: dit kan nie inkomende oproepe ontvang nie.) Verseker dus asseblief dat u kind ‘n belkaart het sodat hy/sy huis toe kan bel indien nodig.

As leerders selfone skool toe bring:

aanvaar die skool geen verantwoordelikheid vir die veiligheid daarvan nie;

moet dit afgeskakel wees tydens klas-ure;

mag oproepe slegs in pousetye ontvang of gestuur word;

Indien selfone enige steurnis in die klas veroorsaak, sal dit vir ‘n sekere tyd gekonfiskeer word.

9.13 Die Skool se GrondwetDit is op versoek by die skoolkantoor verkrygbaar. Kontak asseblief die sekretaresses.



Beleidsdokument oor Huistaal(Beleidsdokument rakende die toelating van alle leerders wat nie Engels as hul huistaal gebruik nie [uitsluitend Afrikaanssprekende gesinne] maar nogtans Engels as onderrigmedium verkies [bv. Frans, Portugees, Asiaties, Xhosa, Zoeloe, ens.])

Leerders wie se huistaal nie Engels of Afrikaans is nieDie skool verwelkom aansoeke van bogenoemde gesinne, maar wil graag die volgende sake belig om sodoende onrealistiese verwagtinge te voorkom:

Preprimêre en Junior Primêre Skool (Gr. 0 – 3)1. As gevolg van die omgewing waarin hulle hulle bevind, snap leerders redelik

vinnig Engels.

2. Speel, sport, klasonderrig, pouses en video's dra alles daartoe by dat taalvaardighede op 'n natuurlike wyse gevestig word.

3. Daaglikse hulp van 'n tutor sal benodig word om huiswerktake te doen sowel as om die vereiste leeswerk te hoor.

4. Nogtans mag leerders vir 'n kort tydperk teruggehou word sodat hulle die nodige taalvaardighede kan baasraak. Insgelyks kan hulle akademies bevorder word sodra dié vaardighede bemeester is.

5. Daar moet aan die gewone toelatingsvereistes (soos vervat in die Ouerhandleiding en Aansoekvorm) voldoen word.

Senior Primêre Skool (Gr. 4 – 6)1. Graad 4 is die laaste jaar waarin nie-Engelssprekende leerders met redelike

gemak oorgang maak tot Engels as onderrigmedium.

2. Graad 5- en 6-leerders sal bes moontlik 'n jaar moet herhaal, afhangend van die vlak van taalvaardigheid in Engels, maar hulle kan akademies bevorder word sodra dié vaardighede bemeester is. Die taalvaardigheidsvlak is die deurslaggewende faktor.

3. Daaglikse hulp van 'n tutor sal benodig word.




Hoërskool (Gr. 7 – 12)1. 'n Engelse taalvaardigheidstoets moet afgelê word. Leerders moet ten minste

die basis van Engels as taal verstaan om tot die hoërskool toegelaat te word.

2. Leerders met min of geen kennis van Engels sal nie in hierdie onderrigfase toegelaat word nie. Die skool is nie toegerus om Engels as Vreemde Taal (TEFL) te onderrig nie. Dit is 'n hoogs gespesialiseerde onderrigveld.

3. Graad 10 is die laaste geleentheid vir 'n leerder om by ESCS in te skryf. Derhalwe moet Graad 10-leerders baie meer bedrewe wees in Engels as Graad 7-leerders (kyk punt 1).

4. Ouers moet voorsiening maak vir 'n private Engelse tutor wat gereeld (ons stel voor 3 keer per week) individuele ondersteuning bied met huiswerk. Dit is noodsaaklik om te verseker dat die leerder 'n kans staan om Engels as vak te slaag.


Die skool kan nie:1. Ekstra Engels lesse aanbied om die leerder se agterstand in te haal nie.

2. Gespesialiseerde TEFL (Teaching English as a Foreign Language), wat die ideale medium is waardeur die leerder moet leer, aanbied nie.

3. Individuele onderrig bied nie. Daar is ongeveer 20 leerders in 'n klas en hulle verg almal die onderwyser se aandag.

4. Verantwoordelikheid aanvaar om te sorg dat akademiese agterstand ingehaal word of dat leerders op die aanvaarde akademiese standaard vir die betrokke graad is nie.

Die skool kan:Onderrig in Engels aanbied wat lei tot 'n HIGCSE- of AS-kwalifikasie. Met ander woorde die onderrig is van 'n gevorderde akademiese aard wat lei tot universiteitstoelating.



Enkele opmerkings:1. Om in enige taal anders as die moedertaal te studeer, is moeilik.

2. Daar is geen waarborg vir sukses nie.

3. Harde werk beteken nie noodwendig altyd sukses nie.

4. Vir toelating tot 'n Suid-Afrikaanse universiteit moet 'n leerder twee tale neem. Koreaans/Zoeloe/Frans, ens. mag in die plek van Afrikaans as tweede taal geneem word.

5. Vir universiteitstoelating vereis CIE dat alle leerders Engels as eerste of tweede taal op HIGCSE- of AS-vlak slaag. (ESCS bied slegs HIGCSE of AS Engels as eerste taal aan.)

6. Op IGCSE-vlak mag 'n leerder enige CIE-erkende taal in die plek van Afrikaans as tweede taal neem, bv. Frans, Duits, Koreaans, Zoeloe. Hierdie taal moet egter op eerste-taal-vlak geneem word. Dit is die ouers se verantwoordelikheid om te reël vir die onderrig en assessering van 'n taal wat as alternatief tot Afrikaans gekies word. Engels en Afrikaans is die enigste tale wat deur ESCS aangebied word.

7. Aanvanklik sal dit moeilik gaan. Dit neem minstens twee jaar voordat selfs die mees toegewyde en pligsgetroue student 'n elementêre vlak van vreemdetaalonderrig kan baasraak.

8. Spreek asseblief die betrokke Akademiese Hoof indien u enige navrae het oor die bogenoemde CIE-vereistes.

9. Die skool se visie is om 'n dissipelskapskool te wees. Om dit effektief te laat gebeur en ook om gestalte te gee aan die waarde van kollektiewe samewerking, moet leerders deel wees van 'n kern-/uitgebreide familie-opset eerder as 'n stelsel van voogskap.


d284f45nftegze.cloudfront.netd284f45nftegze.cloudfront.net/escs/escs inligtingsgids... · web...

Documents