islamofobia si sfidË e integrimit tË myslimanËve nË...
TRANSCRIPT
![Page 1: ISLAMOFOBIA SI SFIDË E INTEGRIMIT TË MYSLIMANËVE NË UEcentrum.mk/wp-content/uploads/2019/06/PJESA-12.pdfIntegrimet evropiane paraqesin një nga kapitujt më karakteristikë më](https://reader030.vdocuments.net/reader030/viewer/2022011815/5e5bf2330e8d5719e53b6c29/html5/thumbnails/1.jpg)
C E N T R U M 11
192
Bashkim Aliji, PhD1
UDC: 323.12:28-051(4-627.EU)
ISLAMOFOBIA SI SFIDË E INTEGRIMIT TË MYSLIMANËVE NË UE
ИСЛАМОФОБИЈАТА КАКО ПРЕДИЗВИК НА ИНТЕГРАЦИЈАТА НА МУСЛИМАНИТЕ ВО ЕУ
ISLAMOFOBIA AS A CHALLENGE OF INTEGRATION OF
MUSLIMS IN THE EU
Abstract
In this paper, Islamophobia is treated as a challenge in the path of
integration of the Muslim community, as the largest religious com-
munity in Europe and in the European Union.
In this paper it is concluded that Islamophobia is present in
Europe in general and in EU countries, in particular, based on many
reports of various European human rights centers and organizations and
the fight against xenophobia and racism.
This paper concludes that Islamophobia is not a product of only
one factor, but several factors, and as more pronounced have been
identified the following factors: Historical Conflicts; High birth rate of
foreigners; Global War on Terrorism; Middle East War Zones; Bloody
images from warlords in some Muslim majority countries.
In this paper it is concluded that Islamophobia, though present in
Europe, can be overcome and deserves not to be a reason of fear of
Islam and Muslims by Western society, and cannot be a decisive factor
in building the attitude against the integration of Muslims in Europe.
1 Doktor në fushën e studimeve evropiane për integrim, ligjërues në Universitetin e
parë privat FON – Shkup.
![Page 2: ISLAMOFOBIA SI SFIDË E INTEGRIMIT TË MYSLIMANËVE NË UEcentrum.mk/wp-content/uploads/2019/06/PJESA-12.pdfIntegrimet evropiane paraqesin një nga kapitujt më karakteristikë më](https://reader030.vdocuments.net/reader030/viewer/2022011815/5e5bf2330e8d5719e53b6c29/html5/thumbnails/2.jpg)
C E N T R U M 11
193
Key words: Islamophobia, integration, human rights,
multiculturalism, Muslim community, European Union.
HYRJE
Integrimet evropiane paraqesin një nga kapitujt më karakteristikë
më të njohur dhe më të theksuar të demokracisë dhe vlerave evropiane
të shekullit XX dhe XXI. Procesi i integrimit u promovua nga ana e UE-
së si model më i suksesshëm për demokraci të vërtetë dhe mbrojtje të të
drejtave të njeriut, që gjeneroi nga vetëdija për unitet për të arritur
objektiva të rëndësishme, të përbashkëta, të cilat do të rezultojnë
aksione kolektive efikase në fusha të ndryshme dhe politika unike që
do të realizojnë mirëqenie për të gjithë individët dhe bashkësitë, me
status të njëjtë, si qytetarë të një shoqërie të përbashkët progresive.
Në kontekst të integrimeve evropiane, i një rëndësie të posaçme
është integrimi i bashkësive të ndryshme etnike, religjioze dhe kultu-
rore, në shoqëritë evropiane, me theks të veçantë, bashkësisë myslima-
ne, si një nga bashkësitë religjioze minoritare më të mëdha brenda
vendeve të UE-së. Por, në këtë kontekst, temë boshte janë edhe sfidat
me të cilat ballafaqohet bashkësia myslimane në rrugën e integrimit të
saj në UE. Me këtë rast, Islamofobia është detektuar si një nga sfidat
më serioze në rrugën e integrimit të myslimanëve në UE dhe është
dukuri shoqërore serioze dhe problem real në Evropë. Nisur nga kjo,
është mjaft e rëndësishme të shqyrtohet islamofobia si sfidë e integrimit
të muslimanëve në UE.
PËRKUFIZIMI I INTEGRIMIT
Sipas një definicioni më të thjeshtë, integrimi paraqet lidhje
institucionale në mes dy dhe më tepër bashkësive të ndryshme në një
shoqëri. Sipas Majkëll Hoxhis (Michael Hodges), integrimi është “kriji-
mi i sistemeve të reja politike, nga ato sisteme të cilat deri më tash kanë
qenë të ndara nëpër shtete” (Hodges, 1972: 13). Në informimin e publi-
kuar të Komisionit për agjendën e përgjithshme për integrim, integrimi
definohet si proces dykahësh, i cili i ngarkon me detyra të caktuara të
dy palët: edhe shtetet ku ka individë dhe bashkësi nga vendet e tjera, po
ashtu edhe vetë individët dhe bashkësitë të cilët kanë ardhur në atë shtet
(shih: Nikolloski, 2010: 90-91).
![Page 3: ISLAMOFOBIA SI SFIDË E INTEGRIMIT TË MYSLIMANËVE NË UEcentrum.mk/wp-content/uploads/2019/06/PJESA-12.pdfIntegrimet evropiane paraqesin një nga kapitujt më karakteristikë më](https://reader030.vdocuments.net/reader030/viewer/2022011815/5e5bf2330e8d5719e53b6c29/html5/thumbnails/3.jpg)
C E N T R U M 11
194
ISLAMOFOBIA SI SFIDË
Përkufizimi i Islamofobisë
Islamofobia, si nocion, ka lindur në Evropë, dhe supozohet se ka
filluar të përdoret diku në vitin 1925, ndërkaq sipas disa të tjerëve, ky
term është përdorur për herë të parë në vitin 1921 në librin L’orient vu
de de l’occident (Lindja në këndvështrimin e Perëndimit) të autorëve
Etienne Dinet dhe Sulejman ibën Ibrahim. Por, me siguri se kjo dukuri
ka qenë prezente edhe para kësaj kohe (Moncef Marzouki, 2007:284).
Për Islamofobinë nuk ka një definicion të pranuar unanimisht,
edhe pse, në përgjithësi, renditet në suaza të dukurive ksenofobike,
racizmit dhe diskriminimit racor, të cilat dukuri janë të definuara sipas
standardeve ndërkombëtare.
Në një publikim të Këshillit të Evropës për islamofobinë,
islamofobia shihet si “frikë nga Islami, ose paragjykime ndaj Islamit,
myslimanëve dhe çështjeve që kanë të bëjnë me ta. Pa marrë parasysh
a shprehet në formë të racizmit dhe diskriminimit apo më tepër si formë
e dhunës, islamofobia është lëndim i të drejtave të njeriut dhe paraqet
kërcënim për kohezionin shoqëror” (Islamophobia and its consequen-
ces on Young People, 2005: 6).
Në raportin raportin e organizatës joqeveritare britaneze the
Runnymede Trust, islamofobia është cilësuar me karakteristikat vijuese:
- Islami shihet si një bllok monolit, statik dhe i ftohtë, indiferent
ndaj realiteteve të reja;
- Islami shihet si i ndryshëm nga tjerët, e jo si pjesë e atyre që
kanë vlera të përbashkëta me kulturat e tjera, që nuk janë të përshkuar
nga këto vlera dhe që nuk kanë ndikim në to;
- Islami shihet si inferior, barbar, irracional, primitiv në raport
me perëndimin dhe shihet si diskriminues i gjinive;
- Islami shihet si dhunues, agresiv, kërcënues, mbështetës i
terrorizmit dhe i angazhuar në përplasjen e civilizimeve;
- Islami shihet si ideologji politike, e cila shfrytëzohet për qëllime
politike ose luftarake.
- Kritikat e Islamit ndaj “Perëndimit”, refuzohen si të
pavlefshme.
- Armiqësia ndaj Islamit, shfrytëzohet që të arsyetohen praktikat
diskriminuese ndaj myslimanëve dhe përjashtimin e myslimanëve nga
rrjedhat kyçe të shoqërisë;
![Page 4: ISLAMOFOBIA SI SFIDË E INTEGRIMIT TË MYSLIMANËVE NË UEcentrum.mk/wp-content/uploads/2019/06/PJESA-12.pdfIntegrimet evropiane paraqesin një nga kapitujt më karakteristikë më](https://reader030.vdocuments.net/reader030/viewer/2022011815/5e5bf2330e8d5719e53b6c29/html5/thumbnails/4.jpg)
C E N T R U M 11
195
- Armiqësia ndaj myslimanëve është pranuar si e natyrshme dhe
normale (Islamophobia a challenge for us all, 1997: 3).
Disa studiues dhe juristë të të drejtave të njeriut, islamofobinë e
definojnë si shprehje e armiqësisë dhe frikës prej Islamit në kuadër të
stereotipave që bazohen në premisa të mishëruara në kulturën evropiane
dhe shenjtërimi i tyre ma tepër se vetë fetë: Premisa e parë është: lidhja
e pandarë ndërmjet Islamit dhe dhunës; e dyta: kundërshtimi parimor
ndërmjet Islamit dhe demokracisë; e treta: armiqësia e hapur ndërmjet
Islamit dhe laicizmit (Hejthem Menna’, 2007:168).
Mendimtari bashkëkohor musliman Xhafer Shejh Idris, islamo-
fobinë e përkufizon si akuzë kundër Islamit, e që sipas tij manifestohet
në qëndrim armiqësor ndaj fesë islame (Xhafer Shejh Idris, 2011:133).
Shkaqet e Islamofobisë
Islamofobia është prezente në Evropë dhe në perëndim në përgji-
thësi, për çka flasin edhe shumë raporte të qendrave dhe organizatave
të ndryshme për të drejtat e njeriut dhe luftimin e ksenofobisë dhe
racizmit, dhe për këtë ka disa shkaqe. Islamofobia nuk është produkt
vetëm i një faktori, por lindjen e saj kanë ndikuar disa faktorë. Sipas
pikëpamjes sonë, shkaqet më të theksuara që kanë çuar në paraqitjen e
islamofobisë në shoqërinë evropiane, janë si vijon:
1. Konfliktet historike: Marrëdhëniet myslimane-krishtere gjatë
historisë janë shënuar nga një mori konfrontimesh të cilat kanë ndodhur
ndërmjet këtyre dy palëve, dhe me këtë rast, si më të theksuara janë
konfrontimet vijuese:
a. Luftërat e kryqëzatave të cilat u udhëhoqën nga të krishterët
perëndimorë në tokën e shenjtë të Kudsit (Jerusalemit);
b. Sundimi pesë shekullor i shtetit Osman në një pjesë të Evropës;
c. Prezenca shtatë shekullore arabe-islame në Gadishullin Iberik
(Spanjë).
Edhe përskaj se këto konfrontime i takojnë së kaluarës historike,
shumë lehtë mund të keqpërdoren nga ana e lëvizjeve ekstreme në
Evropë për ta nxitur disponimin antimysliman te një pjesë e caktuar e
euro-perëndimorëve dhe të krijojnë klimë frike nga Islami dhe mysli-
manët. Këto ngjarje paraqesin nxitës potencialë të urrejtjes kundër të
huajve, ndërkaq në Evropë, të huajt janë kryesisht myslimanë. Këtë e
shënon edhe intelektuali gjerman Murad Hofman, i cili thekson se
rrethimi i Vjenës nga ana e turqve, ende është e gjallë në memorien e
evropianëve dhe nxit frikë, urrejtje dhe panik (Hofmann, 2007: 74-75).
![Page 5: ISLAMOFOBIA SI SFIDË E INTEGRIMIT TË MYSLIMANËVE NË UEcentrum.mk/wp-content/uploads/2019/06/PJESA-12.pdfIntegrimet evropiane paraqesin një nga kapitujt më karakteristikë më](https://reader030.vdocuments.net/reader030/viewer/2022011815/5e5bf2330e8d5719e53b6c29/html5/thumbnails/5.jpg)
C E N T R U M 11
196
2. Nataliteti i lartë i të huajve. Nuk është jo e zakonshme që
nataliteti i lartë i të huajve, në veçanti myslimanëve, të cilët jetojnë në
vendet evropiane, në krahasim me popullatën autoktone të Evropës, të
instrumentalizohet nga ana e rrymave djathtiste antimigrante në Evropë
dhe të shndërrohet në nxitëse të frikës prej myslimanëve. Këto rryma
natalitetin e lartë të myslimanëve e vënë në kontekst kulturor dhe
strategjik, duke e shndërruar në një plan strategjik të myslimanëve që
numerikisht të sundojnë në Evropë për disa dekada, dhe në përgjithësi,
myslimanët e diasporës, i shohin si “pionierë” të ushtrisë pushtuese
myslimane, e cila ka për qëllim të vënë pushtet islam global (Bjorgo,
1997: 60).
3. Lufta globale kundër terrorizmit. Lufta globale kundër terrori-
zmit, e cila fitoi në intensitet pas sulmeve në Nju Jork dhe Uashington
D.C., më 11 shtator të vitit 2001, pati ndikim në rritjen e islamofobisë,
për atë se personat të cilët u identifikuan si përgjegjës për sulmet dhe
bartës të këtyre sulmeve, ishin myslimanë. Sulmet e 11 shtatorit të vitit
2001 në dy qytetet amerikane, reflektuan edhe në nxitjen e debatit
religjioz mes përpiluesve të draftkushtetutës së Evropës (Reka,
2007:165).
4. Vatrat e luftës në Lindjen e Mesme. Konflikti disadekadësh
arabo-izraelit në Palestinë, pastaj intervenimi ushtarak në Irak në vitin
2003, si dhe kaosi që pasoi në Irak, pas këtij intervenimi, po ashtu janë
nxitës potencialë të islamofobisë në Perëndim. Kjo, ngase sulmet
kamikaze me bomba në disa vende evropiane, nga ekzekutorët e tyre u
cilësuan si hakmarrje ndaj involvimit të disa shteteve perëndimore në
këto konflikte, qoftë indirekt, si në rastin e konfliktit izraelito-palestinez
dhe izraelito-arab apo drejpërdrejt, siç është rasti me Irakun, për të cilin
akuzohen perëndimorët se janë përgjegjës për kaosin që pasoi në këtë
vend.
Nga ana tjetër, këto sulme, qoftë në Evropë, fjala vjen si rasti i
sulmeve në Madrid, Londër, Berlin, Bruksel etj., apo ndaj caqeve
ushtarake në vatrat e krizës në Lindjen e Mesme, nga qarqe ekstreme, u
panë si tregues të fuqishëm të dëshirës së myslimanëve për hakmarrje
ndaj të gjitha padrejtësive që Perëndimi i bën në vendet islame (Jasch,
2007:04, 346; Archick, 2005: 11).
5. Pamjet e përgjakshme nga vatrat e luftës në disa vende me
shumicë myslimane. Pamjet të cilat për çdo ditë emetohen dhe janë laj-
me kryesore në mediumet perëndimore, si dhe qarkullojnë me të madhe
në rrjetet sociale, pa dyshim, krijojnë pasqyrë negative për myslimanët
![Page 6: ISLAMOFOBIA SI SFIDË E INTEGRIMIT TË MYSLIMANËVE NË UEcentrum.mk/wp-content/uploads/2019/06/PJESA-12.pdfIntegrimet evropiane paraqesin një nga kapitujt më karakteristikë më](https://reader030.vdocuments.net/reader030/viewer/2022011815/5e5bf2330e8d5719e53b6c29/html5/thumbnails/6.jpg)
C E N T R U M 11
197
në kokën e “njeriut perëndimor”, gjegjësisht krijohet përshtypja se
Islami, për nga natyra e vet, është religjion i dhunës dhe është i lidhur
me luftën. Për rrjedhojë, krijohet përshtypja se njerëzit fetar, në veçanti,
janë njerëz të dhunës, jotolerancës, urrejtjes dhe jo të emancipuar. Ky
gjykim i krijuar nga tele-kultura, në ndikim negativ në ndërtimin e
raporteve të perëndimorëve me myslimanët praktikues të religjionit.
Së këtejmi, nisur nga konstatimi se Islamofobia është prezente në
Evropë, si dhe duke u thirrur në shkaqet e përmendura, dhe në shumë
tjera të cilat nuk janë zënë në gojë, arrihet në përfundimin se Islamofo-
bia paraqet një faktor potencial për të krijuar hendeqe ndërmjet shoqë-
risë perëndimore dhe bashkësisë myslimane, si dhe për rrjedhojë, nëse
nuk do të mund ta ndalojë në tërësi, me siguri se do ta sfidojë integrimin
e myslimanëve në vendet e UE-së, dhe në Evropë në përgjithësi.
Tejkalimi i sfidës
Edhe pse islamofobia është prezente në Evropë dhe në perëndim
në përgjithësi, për çka flasin edhe shumë raporte të qendrave dhe orga-
nizatave të ndryshme për të drejtat e njeriut dhe luftimin e ksenofobisë
dhe racizmit, kjo dukuri nuk meriton të jetë shkak për krijimin e frikës
nga Islami dhe nga muslimanët, nga ana e shoqërisë perëndimore, si
dhe nuk mund të jetë deçizive në ndërtimin e qëndrimit kundër integri-
mit nga ana e myslimanëve në Evropë.
Evropa bashkëkohore është promotore e multikulturalizmit dhe
respektimit të përcaktimeve të njerëzve, qoftë se bëhet fjalë për
përcaktimin religjioz apo përcaktimet e tjera. Për rrjedhojë, përkatësisë
fetare dhe ikjes nga përmendja e Islamit, për Evropën e sotme është i
papranueshëm dhe jokompatibil me vlerat evropiane, dhe është vetëm
një iluzion të pretendosh se fshehja e të gjitha llojeve të përkatësive,
duhet bërë në emër të evitimit të luftërave fetare, nga të cilat Evropa ka
vuajtur me shekuj (Ramadan, 2003: 146).
Ndërkaq, kur është në pyetje Unioni Evropian si organizatë,
atëherë është shumë lehtë të identifikohet përcaktimi i kësaj organizate
në luftë kundër ksenofobisë dhe racizmit, si dhe respektimit të të drejta-
ve të njeriut, duke u thirrur në politikat e saj të cilat janë transparente
dhe të qarta.
Për më tepër, UE-ja, me qëllim të ruajtjes së kohezionit shoqëror
brenda shoqërive evropiane, ka miratuar disa dokumente relevante. Sa
për ilustrim do ta përmendim Konventën Evropiane për Mbrojtjen e të
Drejtave të Njeriut dhe Lirive Themelore. Të gjitha vendet anëtare,
![Page 7: ISLAMOFOBIA SI SFIDË E INTEGRIMIT TË MYSLIMANËVE NË UEcentrum.mk/wp-content/uploads/2019/06/PJESA-12.pdfIntegrimet evropiane paraqesin një nga kapitujt më karakteristikë më](https://reader030.vdocuments.net/reader030/viewer/2022011815/5e5bf2330e8d5719e53b6c29/html5/thumbnails/7.jpg)
C E N T R U M 11
198
obligohen t’i respektojnë dispozitat e kësaj konvente. Po ashtu, çdo
shtet i cili aderon të jetë anëtar i UE-së, duhet t’i plotësojë disa kushte,
mes tjerash edhe kushtet vijuese: a) respektimin e të drejtave dhe lirive
të njeriut; b) trajtim të barabartë të gjithë qytetarëve; c) mosdiskriminim
në baza etnike, racore dhe religjioze.
Një element tjetër thelbësor që paraqet mbështetje serioze për
tejkalimin e sfidës së Islamofobisë si pengesë të integrimit, është funk-
sionimi i shtetit ligjor në të gjitha vendet e UE-së dhe mosdiskriminimi
në baza fetare i qytetarëve para ligjit. Shtetet evropiane janë shtete të së
drejtës ku sundon ligji dhe garantojnë të drejta të barabarta para ligjit
për të gjithë qytetarët, pa marrë parasysh përkatësinë e tyre fetare dhe
etnike. Për këtë, çdo mysliman, si qytetar i UE-së, ka të drejtë të plotë
t’u drejtohet organeve gjyqësore në çdo shtet të UE-së, nëse mendon se
ndonjë vendim është i padrejtë dhe ka simptome të islamofobisë.
Prezenca e myslimanëve vs Islamofobisë
Islami dhe myslimanët janë realitet në Evropë qoftë se bëhet fjalë
për myslimanët të cilët kanë ardhur në Evropë përmes rrugëve legale,
me lejen e vetë organeve oficiale evropiane, si fuqi punëtore, që realisht
Evropës i janë vënë në shërbim kur ka pasur nevojë më së tepërmi,
gjegjësisht pas Luftës së Dytë botërore apo bëhet fjalë për myslimanët
evropianë, të cilët janë konvertuar në Islam. Myslimanët e konvertuar
janë banorë autoktonë të Evropës, nuk janë të shpërngulur në Evropë
nga ndonjë kontinent tjetër dhe ky trend është në rritje në Evropë. Për
atë, myslimanët e sotëm në Evropë, nuk mundet të shihen me ato sy që
janë parë më herët. Në këtë kontekst, Murad Hofman, nënvizon se
prezenca e sotme e myslimanëve, në veçanti e turqve në Gjermani,
Austri dhe në vendet tjera euro-perëndimore, nuk duhet të shihet me
sytë e kohës së sundimit të Perandorisë Otomane, kur kontrollonin pjesë
të Evropës. Sot, turqit kanë ardhur në Vjenë, Kreuzberg, Berlin dhe në
qytete tjera, jo me forcën e shpatës, por në mënyrë të ndershme dhe
legale, me viza pune të cilat i kanë marrë në konzulatat në Stamboll,
Ankara, Izmir (Hofmann, 2007: 74).
Në Evropën e sotme kemi edhe një realitet tjetër, kur janë në
pyetje myslimanët, gjë që determinon edhe pranimin e tyre si qytetarë
me të drejta të plota, si të gjithë qytetarët e tjerë, pa paragjykime dhe
frikë. Fjala është për gjeneratat e reja të myslimanëve të cilët janë lindur
në Evropë, e që rrjedhin prej prindërve të ardhur në vendet e UE-së nga
vende të tjera të Evropës apo të ndonjë kontinenti tjetër dhe nuk kanë
![Page 8: ISLAMOFOBIA SI SFIDË E INTEGRIMIT TË MYSLIMANËVE NË UEcentrum.mk/wp-content/uploads/2019/06/PJESA-12.pdfIntegrimet evropiane paraqesin një nga kapitujt më karakteristikë më](https://reader030.vdocuments.net/reader030/viewer/2022011815/5e5bf2330e8d5719e53b6c29/html5/thumbnails/8.jpg)
C E N T R U M 11
199
shtetësi tjetër, pos asaj të ndonjë shteti evropian dhe vendlindja e tyre
është Evropa. Pra, myslimanët janë pjesë e shoqërisë evropiane.
Në fakt, UE-ja e ka pranuar këtë realitet dhe punon në drejtim të
forcimit të prezencës së myslimanëve si bashkësi më e madhe religjioze
në UE. Në këtë drejtim, vendet e UE-së kanë ndërmarrë disa iniciativa,
me target të veçantë komunitetin mysliman, me qëllim që të promovo-
het integrimi dhe politika e kohezionit shoqëror, përfshi këtu edhe ini-
ciativat të cilat i referohen drejtpërdrejt ose në mënyrë indirekte, lufti-
mit të islamofobisë (shih: European Monitoring Center on Racism and
Xenophobia, 2006: 93-98).
Angazhimi i bashkësisë myslimane në tejkalimin e sfidës së
Islamofobisë
Bashkësia myslimane, si komunitet minoritar religjioz më i madh
në Evropë, duhet të angazhohet më seriozisht dhe duhet të bëjë më
tepër, për ta ç’rrënjosur islamofobinë në Evropë, edhe atë:
a-Duke e luftuar çdo veprim të jashtëligjshëm dhe elementet
destruktive brenda bashkësisë myslimane në Evropë. Shumë veprime të jashtëligjshme në Evropë, krahas elementeve
të tjera, kanë edhe një prezencë të dukshme të personave të cilët i
takojnë bashkësisë myslimane. Nuk është e panjohur se një numër i
madh i të burgosurve në vendet evropiane janë pjesëtarë të komunitetit
mysliman (Roy, 2004: 79). Kjo dukuri, edhe pse nuk i fajëson mbarë
myslimanët si komunitet, dhe as që i bën përgjegjës myslimanët për
shkeljet ligjore të disa individëve të cilët i takojnë bashkësisë së tyre,
krijon një dozë të frikës nga këta njerëz, tek evropianët e zakonshëm,
ndërkaq rrymat ekstremiste shumë lehtë mund ta përdorin këtë element
për të propaganduar Islamofobi, me pretekst se këta njerëz kanë qëllim
që të hakmerren kundër Perëndimit, dhe këto veprime janë rezultat i
urrejtjes së tyre ndaj evropianëve.
Së këtejmi, myslimanët duhet të jenë të vendosur dhe aktiv në
luftën kundër elementeve të këtilla destruktive dhe veprimeve të jashtë-
ligjshme. Kjo, nga njëra anë që ta tregojnë përcaktimin e tyre si bashkë-
si kundër veprimeve të jashtëligjshme, pa marrë parasysh kush është
kryerës i tyre, dhe për faktin se elementi mysliman, në gjithë këtë, është
i theksuar. Këtu duhet të theksohet roli i xhamive dhe i institucioneve
të tjera islame, gjegjësisht liderëve fetarë të myslimanëve në Perëndim,
të cilët duhet të punojnë edhe më tepër në drejtim të edukimit të
gjeneratave të reja në frymën e së mirës dhe luftës kundër së keqes dhe
![Page 9: ISLAMOFOBIA SI SFIDË E INTEGRIMIT TË MYSLIMANËVE NË UEcentrum.mk/wp-content/uploads/2019/06/PJESA-12.pdfIntegrimet evropiane paraqesin një nga kapitujt më karakteristikë më](https://reader030.vdocuments.net/reader030/viewer/2022011815/5e5bf2330e8d5719e53b6c29/html5/thumbnails/9.jpg)
C E N T R U M 11
200
destruktives, pa marrë parasysh ku jetojnë, dhe pa marrë parasysh cilit
komunitet i takojnë.
b-Duke qenë të vëmendshëm në cilësimin e veprimeve si
islamofobike.
Edhe përskaj faktit se Islamofobia është prezente në Perëndim në
përgjithësi, si dhe brenda shteteve të UE-së, në veçanti, kjo nuk do të
thotë se çdo veprim që merret kundër ndonjë myslimani është i natyrës
islamofobike. Kjo konsiston në atë se myslimanët duhet të jenë të
vëmendshëm gjatë kualifikimit të një vepre si islamofobike, si dhe
duhet të përmbahen nga cilësimi i menjëhershëm i rasteve të ndryshme
si islamofobike.
Me këtë rast, duhet pasur parasysh se, disa veprime, të cilat bëhen
kundër disa muslimanëve nga ana e disa evropianëve, nuk është patjetër
që të mbajnë vulën e Islamofobisë, por duhet shikuar nga këndi i natyrës
së shoqërisë evropiane, ku dominon logjika e interesit dhe përfitimit.
Këtë do ta ilustrojmë me shembullin vijues:
Punësimi i femrës myslimane në disa veprimtari: Kështu, disa
herë, femra myslimane që mban mbulesë islame mund të hasë në pro-
bleme gjatë punësimit në ndonjë kompani, gjegjësisht të refuzohet për
ndonjë vend pune, pikërisht për shkak se mban mbulesë islame. Megji-
thatë, ky vendim, nuk do të thotë se është rezultat i islamofobisë, por
është rezultat i mentalitetit të tregut, gjegjësisht është rezultat i asaj se
punëdhënësi e ka parasysh vetëm atë se cila grua është më atraktive për
ndonjë punë të caktuar dhe e cila mund të tërheqë më tepër klientë, e jo
ajo se çfarë përkatësie fetare ka kandidati për një vend pune. Kjo do të
thotë se nëse një myslimane e cila nuk mban mbulesë sipas rregullave
të fesë konkurron për një vend pune, mund të pranohet në punë.
Qasja e këtillë objektive ndaj dukurive të këtilla është normale se
do të ndikonte pozitivisht në tejkalimin e kësaj sfide, si dhe do ta shtonte
respektin e ndërsjellë dhe konsideratën e evropianëve ndaj bashkësisë
myslimane. Për më tepër, do të ishte një shtytje e fuqishme për forcat
progresive në Evropë, që edhe më tepër të kontribuojnë në promovimin
e bashkësisë muslimane si element konstruktiv në ndërtimin e Evropës
si shoqëri kohezive, progresive dhe stabile. Me një përcaktim të këtillë,
myslimanët do t’i delegjitimojnë dyshimet te disa qarqe evropiane
përkitazi me lojalitetin e myslimanëve ndaj shoqërive evropiane dhe
përkatësinë e tyre qytetare, për të cilën Tarik Ramadan thotë: “Kjo
gjendje e vetëdijes, duket se është e rrënjosur thellë në shumë vende
perëndimore, në veçanti në regjionet ku myslimanët janë në numër të
![Page 10: ISLAMOFOBIA SI SFIDË E INTEGRIMIT TË MYSLIMANËVE NË UEcentrum.mk/wp-content/uploads/2019/06/PJESA-12.pdfIntegrimet evropiane paraqesin një nga kapitujt më karakteristikë më](https://reader030.vdocuments.net/reader030/viewer/2022011815/5e5bf2330e8d5719e53b6c29/html5/thumbnails/10.jpg)
C E N T R U M 11
201
madh dhe ku ekziston problemi i papunësisë” (Ramadan, 1999: 217).
Qëndrimi i këtillë konstruktiv dhe përkushtimi i qartë i myslimanëve
për shoqëritë ku jetojnë, do të kontribuojnë për qëndrim më real të
Perëndimit ndaj myslimanëve dhe islamofobisë si dukuri.
RECOMMENDATIONS
Islamophobia is present in Europe and the West in general, and
represents one of the most serious challenges in the path of Muslim
integration in the EU. However, it can be overcome and deserves not to
be a reason of fear of Islam and Muslims by the Western society and it
cannot be a decisive factor in building the attitude against the integra-
tion of Muslims in Europe. To overcome this phenomenon, some mea-
sures should be taken, and in this paper we recommend the following:
- Effective functioning of committees for combating racism and
xenophobia, and transforming these commissions into important parts
of the legislative system in EU countries.
- Building relationships between religious communities and
Western societies on the basis of trust and mutual respect, far from
prejudice and mistrust.
- Greater engagement of the Muslim community with concrete
projects and activities that would result in the correction of erroneous
judgments for the Muslim community as a result of media propaganda
on the one hand, and the lack of reliable information for this community
and the inactivity of this community in the public life of European
societies, on the other hand.
- Prudence and carefulness in assessing certain non-constructive
actions against Muslims, such as Islamophobic actions.
- The functioning of the rule of law for instigators of interfaith
hatred.
- Opening dialogue with the various parties in society to address
the problem of Islamophobia.
- The proper presence in the media and in public life for the
leaders of the Muslim communities to show the attitude of Islam
towards various issues and events concerning the communities.
- Greater engagement of Islamic organizations for dialogue with
various parties.
![Page 11: ISLAMOFOBIA SI SFIDË E INTEGRIMIT TË MYSLIMANËVE NË UEcentrum.mk/wp-content/uploads/2019/06/PJESA-12.pdfIntegrimet evropiane paraqesin një nga kapitujt më karakteristikë më](https://reader030.vdocuments.net/reader030/viewer/2022011815/5e5bf2330e8d5719e53b6c29/html5/thumbnails/11.jpg)
C E N T R U M 11
202
- Organize roundtables, debates, seminars, symposiums, etc., to
explore racist and xenophobic phenomena, with emphasis on Islamo-
phobia.
- Governments support for projects of Muslim community and
other minority cultural communities, aimed at promoting intercultural
dialogue and serving multiculturalism.
Recensentë:
Prof. dr. Nazmi Maliqi
Prof. dr. Zunun Zununi
LITERATURA
Archick, Kristina. 2005. “The European Union: Europe’s Muslim
Communities and Islamist Extremism”. Muslims in Europe: Integration
Policies in Selected Countries. CRS Report for Congress.
www.investigativeproject.org/documents/testimony/332.pdf
---. 2005. “The United Kingdom Britain’s Muslim Community
and Islamist Extremists”. Muslims in Europe: Integration Policies in
Selected Countries. CRS Report for Congress.
www.investigativeproject.org/documents/testimony/332.pdf
Beck, Ulrich и Grande, Edgar. 2006. Kozmopolitska Europa.
Zagreb:Skoljska knjiga.
Bjorgo, Tore. 1997. “The invaders”, “the traitors” and “the resis-
tance movement”: the extreme right’s conceptualisation of opponents
and self in Scandinavia’, in: T. Modood and P. Werbner (Eds), The
Politics of Multiculturalism in the New Europe: Racism, Identity and
Community. London: Zed Books.
EUMC. 2006. Muslims in the European Union-Diskrimination
and Islamophobia. Vienna.
Hodges, Michael. (ed). 1972. ‘Introduktion’, in Europian
Integration. London: Penguin.
Hofmann, Murad. 2007. Islami në mijëvjeçarin e tretë. Shkup:
Furkan ISM.
Hofmann, Murad. 2000. Islami si alternativë. Shkup: Furkan
ISM.
Jazexhi, Olsi. 2008. “Përdorimi politik i islamofobisë në
Shqipërinë paskomuniste”, në: Integrimi i shqiptarëve në Evropë dhe
![Page 12: ISLAMOFOBIA SI SFIDË E INTEGRIMIT TË MYSLIMANËVE NË UEcentrum.mk/wp-content/uploads/2019/06/PJESA-12.pdfIntegrimet evropiane paraqesin një nga kapitujt më karakteristikë më](https://reader030.vdocuments.net/reader030/viewer/2022011815/5e5bf2330e8d5719e53b6c29/html5/thumbnails/12.jpg)
C E N T R U M 11
203
vlerat që Islami përcjell në këtë integrim. Kavajë: Forumi Musliman i
Shqipërisë.
Idris, Xhafer Shejh. 2011. Islami në shekullin tonë. Përktheu: Një
grup përkthyesish. Shkup: NUN.
Islamophobia a challenge for us all.
Извор:http://www.runnymedetrust.org/uploads/publications/pdf
s/islamophobia.pdf
Nikolloski, Zllatko. 2010. Migracii: Kontradikcii ili priçina za
pozitivni efekti. Shkup: Botim privat.
Manna, Haytham. 2009. “Islamophobic act as Human Rights
Issue”, në: International Conference on Islamophobia, Istanbul (2007):
The Union of NGOs of the Islamic World.
Marzouki, Moncef. 2009. “Fundamental Questions About dhe
Concept iof Islamophobia”, në: International Conference on Islamo-
phobia, Istanbul (2007): The Union of NGOs of the Islamic World.
Ramadan, Tariq. 2003. Western Muslims and the Future of Islam.
Oxford University Press.
Ramadan, Tariq. 1999. To be a European Muslim. Leicester: The
Islamic Foundation.
Reka, Blerim. 2010. Gjeopolitika dhe teknika e zgjerimit të UE-
së. Bruksel: ASPECT.
---. 2007. Kushtetuta e UE Rubikoni i Supranacionales. Shkup:
Logos-A.
Roy, Olivier. 2004. Globalizimi i Islamit. Tiranë: IDK.
Runnymede Trust. 2000. The Future of Multi-Ethnic Britain.
London: Runnymede Trust.