may, 2015 1 - mizoram synod – presbyterian church of india 2015 3 harhna mizo kristiante hi...

$: May, 2015 1 - Mizoram Synod – Presbyterian Church of India 2015 3 Harhna Mizo Kristiante hi harhnain \um eng emaw zat min nuai ta. Kum 1906, 1913, 1919, 1930 & 1984-ahte khan ram$
May, 2015 1

www.mizoramsynod.org

http://www.mizoramsynod.org

May, 2015 2



May, 2015 3


HarhnaMizo Kristiante hi harhnain \um eng emaw

zat min nuai ta. Kum 1906, 1913, 1919, 1930 &1984-ahte khan ram pum huapin harhna kanchang tawh a. Chu vang chuan kan ram kohhranhi harhnain a hrin chhuah leh a chawm len a ni,

kan ti thei awm e. Harhna chanchin tel lo chuan kohhran chanchinhi a sawi theih loh tluk a ni a. Khawii hmunah emaw kan ro viaulaiin khawii hmunah emaw harhna kan chang deuh reng bawk.Harhna hi kohhranin kan hlawkpuiin ringtu mi mal nunah pawhhlawkna leh sawtna nasa tak min pe \hin a. Ringtu nun a chawktho va, chau leh nguiten chakna thar an dawng a, chhandamna lachang loten Krista an hmuh phah \hin. Chuvangin, harhna hi kohhrantan tha leh zung pawimawh ber a ni a, harhna kan chan zel theihnan kohhran hi a inhawn deuh deuh a pawimawh hle a ni.

Tunlai hian Kelkangah harhna a thleng mek a, Zoram chhungleh pawn a\angin chhimtu tam tak an awm mek a. A chhimtutethlen chinah harhna hi a thleng zel ni pawhin a hriat bawk a ni.Mizoram harhna hmasa ber (1906) pawh kha a van tla ni lovin,Khasi ram harhna zuk chhimtuten Chaltlang Bethel hmuna anmamawh an dil chhanna a nih kha. Kelkang harhna thlen \an tirhhi kum 2013 daih tawh kha a ni a. June 12, 2013 a\ang khan chatlakawm lovin tun thlengin zan tin an la inkhawm mar pat niin sawi ani a, a ropui hle a ni.

Harhna chuan mi thinlung a tiêng a, Krista thutakah a hruailut \hin. Chumi zarah chuan nun nei loten Kristaa nun thar an loneih phah a, chak loten chakna an lo neih phah \hin a ni. Mi tamtak, harhna chang intite hian mi sual haw tawk velin harhna kanchang em aw? Pathian chuan sual hi a haw reng a; nimahsela, misual erawh chu a hmangaih a ni. Harhna kan chan hian mi sualmin huattir a nih chuan Krista thutaka harhna kan la chang lotihna a ni a, an nun sima Krista lam an hawi theihna tur kawngahkan hruai lo tihna a ni ang. Pentikos Nia harhna thleng kha chuanmi tam tak Krista chhandamna huangah a seng lut a ni.

Pathian Thlarau Thianghlim, I êng vâr chhuak rawh se;Rilrua thimte kiantirin, kan mit tivâr ang che.


May, 2015 4


VANGLAI HUN

— Rev. Lalbiakvulmawiai/c Mission Vengthlang Bial

Tin, i vanglai hian i siamtu hrereng rawh, ni \ha lote a lothlen hma leh, “Lawmna rengreng ka nei lo ve!” i tihna turkumte a lo hnaih hma hian.Thuhriltu 12:1

Kan ti dawn chauh emawkan tih laiin kum 60 kan

hnaih ta hle mai a. Kan seniorzawkte sawi tura kan ngaihpension thu te kan sawi kansawi ve ta mai. Hun hian minnghak lovin, tui lian anga minlen lai hian hmanlai kan ti kanti ve ta fo mai. A ni tak a, HighSchool kan kal lai vel te lehCollege kan kal tirh te khanimin mai emaw kan tihchhungin khua rei a chang zeldawn ta chu a ni a. Vawi khatchu kan school chawlh dawnfarewell kan neih \uminblackboard-ah lian takin ‘KANLA NGAI DAWN ASIN MAWKHUA REIAH’ tih kan ziak a,thla te kan lakpui a. A hun laichuan engah kan ngai teh vak

lo. Mahse, tun hnuah chuan alunglenthlak zo ta vek zawng ani.

Vanglai nun hi a nuam a,mihring nun kan chen vanglaitak a ni. Chumi huna kanduhthlanna sang ber luahtu chukan upat hun pawha minhruaitu a ni. Chumi hun chusawi nuam kan tih lai leh kansawi châk lai tak pawh a ni.Thuhriltu ziaktu hi upa lam anih a rinawm a, thil eng kawngpawh hriatna \ha taka lo hretawh, vanglai hunte pawh lochen tawh a ni ngei ang. A thlirkir a\anga mihring dinhmuna\ha ber chu VANGLAI HUNASIAMTU PATHIAN HRIATRENG a ni. |hatlai hunaPathiana kan nun inpekna tak(Piantharna) kan neih loh chuanupat lamah chuan rilru a lochawl tawh a. Eng pawh mai hihelhkam em em a awm tawh lo.Chuvangin, Pathian hriatnanunah hruai thuk kan har tawh


May, 2015 5


\hin. Vawi khat chu ka vanglaihun zawng zawnga ka \hiankawmngeih (hming tak pawhainko lo kan ni a), min ngai veviau \hintu, kei pawhin kangaih em em \hin chu kangaihtuah chhuak a. Kei chukohhran rawngbawlna lam(Pastor)-ah ka kal a; ani chuzirtirtu lamah, zu leh sa chenina awm thung a. Nuam tihna vevea kal kan ni a, kan in\henchiang hle mai; hmuh pawh kaninhmu ngai tawh lo. Kanawmna hmunte a lo dang tawhsi; mahse, kan rilru ve veah kaninthlah lo. A vanduai asiamin ka\hianpa chu cancer-in a na a nitih min han hrilh chuan tlawhngei ka tum ta a. Kan han inhmuchu, kum 35 vel inhmu tawh lokan ni a. High school kan kallaia theirah kan lawhna hmunte sawi chhuakin, kan len dunnahmun hrang hrang te kan sawidun chu kan lung a leng hle a ni.Mahse, Pathian hnaih tura athinlung siam a harsa em emtawh mai. A lu dawmin ka’n\awng\ai \hin, a thlarau nun kangaihtuah avangin ka rilru achawl lo. A thih hnua a ro a semdan tur min ziahtir zan pheichuan mittui nen hun kanhmang dun a. Mi hmuh lohvahPathian hmaa \hing\hia a

\awng\ai kan hmu thut chuanmi va tilawm em! A ruangchungah te ka sawi chhuak hiala. |hatlai huna Pathian hriatnanung neih loh chuan kum upathunah chuan a har tawh \hin.Upat hnuah Pathian kan hmuthei lo tihna chu a ni lo, kanPathian hian a rawngbawl turleh a hna thawhpui tur hianvanglai hun hmang laite zel ako \hin. Chu hun pawimawhluah mektu \halai rual hian hrechiang ila aw! A va duhawmem!

C.C. Luther-a chuan, “Thihchu hrehin ka lungngai lo,Chhandamtu’n min hruai vangin;Mahse, ruaka ka tawk tur hian mintihrehin ka lungngai,” a ti a. “Kumral ta zawng zawngte kha aw, kohkir leh theih ni se la; ko kirinChhandamtu hnenah lawm takinka pe tawh ang,” a ti leh a. A hartawh awm mang e. Inchhirna aneih hi chu a \ha e; mahse, abeidawnthlak dan erawh hichuan ngaihtuahna a tibuai viaumai. David Brainerd-a chuan,“Aw, hun hi a va hlu tak em! Kakhawh ral thlawn hian min tinaa, ka tih tur ka tih loh leh katheihna ka lo hmang tlem khanmin tihrehawm,” a ti a. Carlyle-a chuan, “Chatuan ngaihtuah telloh chuan hun hman \hat theih


May, 2015 6


a ni lo,” a ti bawk a. WashingtonPost chuan kum 1912 April ni 14-a Titanic lawnglian pil chhankha ‘minute thuma officer tlaivang a ni’ a ti bawk. Vanglai hunhmang \ha rawh le.

Vanglai hun tur kan hmaah aawm

Kan vanglai hun hlu kanhmaah a awm kan tih chu thilinhmeh vak a ni awm lo ve;mahse, a awm tlat si. Tirhkohchuan, “Kan pawn lam mihring hilo awngrawp telh telh mah sela, kanchhung lam mihring chu ni tinsiam thar zelin a awm zawk a ni,”(2 Kor. 4:16) a ti a. Tin, chu bakah,“Kan hrehawm nep tak, tun mitkhap kar chhung chauhva awm turhian ropuina nasa tak chatuan atanmin siamsak nasa tulh tulh a ni,”(2 Kor. 4:17) a ti leh a. Aw! Chuhmunah chuan mi zawngzawng hi \halai an ni vek tawhang. Thlanmual hmuh tur aawm tawh lo vang a, kum upasawi tur an awm tawh lo vang.Ni eng leh khawnvar êng a ngaitawh lo va, min tihrehawm\hintu natna, thihna, hlauhawmeng pawh a bo tawh ang. “Tin,anchhia reng reng a awm tawh lovang a, Pathian leh BeramnoLal\hutphah chu a awm tawh zawkang. Tin, zan a awm leh tawh lo

vang a; Lalpa Pathian chuananmahni a en dawn si a. Tichuan,chatuanin ro an rel ang” (Thup.22:3,5). Tin, lui mawi tak pawha luang ang a, lui kam tuakahchuan nunna thing, chi hrangsawm leh pahniha rah, thla kiparah a awm a; chu thing hnahtechu hnam tin tihdamna tur a ni(Thup. 22:2). Tin, kan nun pawha mawiin a ropui hle dawn a niang, Daniela buah chuanhetiang hian ziak a ni a: “Tin, afingte chu van eng angin an engang a, mi tam tak felnaa hawikirtirtute chu arsi angin kumkhawtlaitluanin an eng ang’ (Dan.12:3) a ti a. Kan Lal Isuan “Mifelte chu an Pa ramah chuan niangin an eng dawn a ni,” a ti a(Mt. 13:43). A va ropui dawnem! He khawvel kan \hatlaihun kan hmanna hmun hiPathianin ni ruk chhunga athil siam, “|ha a ti hle a,” atihna hmun kha a ni a. Hehmun, hun rei lo te chhungaa siamna hmun pawh kankham lo, kan ngai, kan lunga leng, kan tih chuan chatuanhmun, kan Lalpa’n a buatsaihchu a va ropui zual dawn em!Mahse, kan thiltih ang zelhian khitah khian kan leng hodawn a ni si a.


May, 2015 7


Tin, chu hmuna fak hla ansakte chu a va ropui dawn em!John Newton-a chuan, “Chutahkum sangsawm ral hnuin, ni êngmawi takah chuan, fakna hun \anang a ni ang, chatuana zual zel tur,”a ti daih mai. John Newton-avek hian, “Vanram ka thlenhunah chuan mak tih em em 3ka nei ang: 1) Hmuh ka rin lohtam tak ka hmu ang; 2) Hmuhka rin tam tak ka hmu lo vang;3) Keimah ka inhmu tur hi amak ka ti tawp thei lo vang,” ati a. Standford-a chuan,“Vanrama kan awm hmainkeimahniah vanram a awmhmasak a ngai a ni,” a ti a. Kanchhut ngun a ngai khawp mai.He kan \hat lai nun, kan damhun chhung ngei hian vanramchu kan hnenah a thlen a ngai a.Kan Lal Isuan, “Pathian ram chuin zingah a awm a ni,” (Lk.17:21) a ti si a. Tunlai khawvelahropuina kan um a, mi fak lehchawimawi chakin kan tuihal a;kan zo lovin kan tlukpui bawka. Khawvel mi ropui lehhmingthang, vanglai huna thilti thei tak takte hi chatuanvanglai hun hlu zawk an thlenhmaa zuihral ta mai mai te anawm. Entir nan, hetiang hianhan sawi ila: AlexanderRopuia’n khawvel a hneha, lak

tur dang a neih tawh lohva a \ahrikngawt lai khan naupang teasin a nih. Napoleon-a Francelalber a nih khan kum 35 michauh asin a nih. Nathan Hale-a’n, “Pawi ka tih ber chu kan ramtan nun pakhat chauh ka lo neihi a ni,” a tih lai khan kum 21 michauh a ni. Isaac Newton-a’n leihipna a hmuhchhuah khan kum24 mi chauh asin a nih. Tin,Thomas Jefferson-a Senatemember atana thlan a nih khankum bituk, 35 a pha lo va, amahavangin ram danpui bawh-chhiat a ngaih hial kha.Chutiang chuan kan tunlaihunah mi ropui leh lehkhathiamleh hman tlak tak tak lo chhuakmah ila, chatuan vanglai hunpuichatuana zual zel tur neihphawt a \ul hmasa ber. I vanglaihian i Siamtu hre reng rawh.Pastor Chhawna chuan, “Churam ka thlirin ka lung min len,”a ti a. Chatuan khaw var tur kanvanglai nun hman hun turthlirin lei nun ram hi i chen angu. ‘|halaite u, in \hat lai chen ula....Amaherawhchu, Pathianin inchungah ro a rel dawn tih hre rengang che u’ (Thu. 11:9).

Lalpan a thu malsawm rawhse. Amen.

.....


May, 2015 8


Thuhriltu 11:9,10:- “ |halaite u,in \hat lai chen ula, in la naupanviau lai hian hlim rawh u; inthinlung duh zawng chu zawmula, in mitin a hmuh châk zâwngnen chuan; amaherawhchu,chungah chuan Pathianin ro a reldawn tih hre reng ang che u.”

|halaite khawvelKhawvel hmasawnna leh

changkanna lo \hang zel hinuam ti tak leh hlim takachena, a nawmna tak takpawh phatu chu kum upa lamtawhte ni lovin keini \halaitehi kan ni tih kan hre \heuhawm e. Keini Kristian \halaitepawh hi khawvel chen turkan ni a, kan chen pawhPathianin a phal a ni tihThuhriltu 11:9,11-ah chiangtakin kan hmu a. Mahse,Pathianin kan chungah ro a rel

Khawvel chendan \ha– Rinfela Zadeng

G. Udayagiri, Odisha(Zobawk Vengthlang Branch)

dawn tih kan hriat reng erawha ngai. Kan \halaipui khawvelnawmchennain a hruai mektehi engtin nge kanchhanchhuah ang? Kristian\halaite’n khawvel kan chendan tur chu eng nge ni ta ang?Heti ang hian hmun thumah\hen ta ila:

Lal Isua tel lovinNula tlangval niha mahni

tawka hmel\ha leh ‘luck’ nihngat chuan LAL Isua tel lovakhawvel chen hi a chakawmduh khawp ang. Setana hianchuti ang ti tur chuan thiamtakin min lo thlem chamchibawk \hin.

Kan \halaipui tam takchuan Lal Isua tel ve theihlohna hmunah nawmchennaan zawng ta chiah reng a. LalIsua tel lovin an vanglai huntawi te chu hmeichhiatmipatna, zu leh sa leh ruihhlotinreng nen an chen ta \hin a.An tawpna chu over dose,AIDS, adt. a ni \hin a, a va pawitak em!

Nun beidawngin an awma, an nun hlimna tak tak an


May, 2015 9


hmuh zawh loh avanginmahni intihhlum duhna rilruan pu a, mahni nunna ngeiinlaksakin Setana’n a bumhlum ta \hin a, a pawi takzeta ni. Hlima leh lawmna dik niaan hriat chuan beidawnnavawrtawpah a hruai lut a.Setana chuan an vanglaizawng zawng leh an thlaraunun thlengin a neihsak ta\hin a, an khawngaihthlaktakzet a ni.

Lal Isua nenLal Isua nena vanglai/

\hatlai chen hi ngaihzawngtenena chen aiin hlu a, a tlobawk a ni tih hretu kan ni theihi kan va vannei tehlul em!Lal Isua tel lova khawvelchentute chuan kum 10/20emaw an chen chuan an taksachu hmuh tlak loh khawpachhia a ni tawh a. An thlaraunun phei chu beidawnnahlirin a khat \hin a ni.

Lal Isua nen erawh chuankum 14-40 thlengin taksa lehthlarauvah malsawmna tamtak kan dawng a. Harsatna lehmanganna kan tawh pawhinLal Isua kan neih tlat avangin

kan thla a muang a, thihna kantawh pawhin chatuan nunnaneitu kan ni bawk si a, a varopui em! Lalpa chu fakinawm rawh se.

Ni tin zan tin min veng a,nupui pasal tur \ha tak takmin pe a. Sum leh paiahhausakna min vur loh pawhinthlarau lamah nun hausaknathurukin min vur \hin a ni.Mite’n he khawvel ropuinaleh hausakna chan/hloh angamin ngaiin, sum leh pai tamtak nei lo mah ila, vanah rochhe thei lo khawl khawmtukan ni si a. Kan va vanneitehlul em! Nun hlimna thurukmin pe a, rilru hahna nei miahlova zanah tui taka kan muhilbawrh bawrh thei te hi LalIsua kan neih tlatna avangakan hausakna leh kan hlimnathuruk chu a ni si a.

He khawvel natna khirhber ber leh doctor-te tihdamtheih loh natna pawhin mintlakbuak mah se, chatuannunna min petu Lal Isua nenchuan engkim kan ti thei a,kan natna zawng zawng pawhanin min tihdamsak \hin a.


May, 2015 10


Kan taksa damna min pek lohchang pawhin kan thlaraudamna min pe \hin a, eng laipawhin kan mamawhnaapiangah min awmpuiin minchenchilh tlat zel a ni.

Missionary ni ve rawhLal Isua nena khawvel

chen hi a hnawk lo va; hnawkchu sawi loh, a hlu em emzawk a ni tih hi kan \halaipuila hre ve lote hnenah\hahnemngai takin i hrilh angu. Lal Isua’n min hmangaihziate, Lal Isua nen hian kan

\hatlai hun hi a chen theihziate hi hrilh sauh sauh ila, chukawng chu \hahnemngaitakin i hrilh ang u.

Lal Isua nena khawvelchen hi khawvel chen dan \haber leh hlu ber, chatuananunna neihna a nih thu hi ahrilhtu leh kawhhmuhtu,zirtirtu ni turin \hahnem ingai zual ang u. Hmusit lehendawng mai lovin,‘Missionary’ rilru puin LalIsua nena khawvel chennawmzia i hrilh mawlhmawlh ang us

Eng nge i hmuh?Sap hla phuah thiam hmingthang William Blake-a kha tuk

khat chu tuifinriat kamah a leng vel a, tuifinriat fawn var suausuau chunga ni lo chhuak thlirin a ding vang vang a. Van boruakchu a êng phût mai a, rangkachak ang maiin ni zung chu mawi ememin tuifinriatah chuan a inkhawh lut sung mai a.

Chu zing ni chhuak êng mawina chuan Blake-a chu Pathianropuizia a hmuhtîr nasa em em a, a kianga pa pakhat lo kal chu abanah a lo vuan chawt a, tuifinriata ni zung inkhawh lut sung chua kawhhmuh sawk sawk a, “En teh, en teh, eng nge i hmuh le?” tiinphur em emin a zawt chuk chuk a.

Chu pa lah chuan, “Rangkachak pawisa nawi ni awm tak kahmu ka ti. Nang, eng nge i hmuh chu le?” tiin a zawt let a.

Blake-a erawh chuan hlim em em hian, “Pathian ropuizia kahmu a ni. Pathian hi a lo va ropui em!” tiin a chhang a.


May, 2015 11


K|P leh SOCIAL MEDIA2 Timothea 4:5

— T.Upa Richard B. LalhriatpuiaCommittee Member, CK|P

M izoramah hian kum 25vel kal ta (1990) a\ang

khan computer a lo lut \an a,kum 2004 vel a\angin mobile lehinternet kan lo hmelhriat \anbawk a. Chumiin a ken tel chu,social networking site hranghrangin min rûn \an tihna a nitel bawk a ni.

Social media kan hman lar zual\henkhatte -

1) Facebook : Tunlaia socialnetworking site hmangtu ngahber tih theih hial leh \halai,tleirawl leh puitling chenaawmtleitu site hausa a ni a. Hesite hi kum 2004 February thlaahkhan Harvard University(USA)-a zirlai Mark Zuckerbergleh a \hiante – Eduardo Saverin,Andrew McCollum, DustinMoskovitz leh Chris Hughes-tesiam a ni a. Kum 2012 a an chhûtdanin tlawhtu leh hmangtuvaibelchhe khat chuang an neitawh.

2) Twitter : Kum 2006 Marchthla khan Jack Dorsey, EvanWilliams, Biz Stone leh NoahGlass kutchhuak niin sitehmangtu ngah top 10 zingahchhiar tel a ni der tawh. Hmangtumaktaduai 500 zet a nei a ni.

3) WhatsApp : Kum 2009-ahkhan Brain Acton leh Jan Joum-ten California (USA)-ah anhmuchhuak a. Ni tin messagevaibelchhe 1 chuang zuk dawng\hin a maw le!

4) Telegram : Telegram hiRussian unau Nikolai leh PavelDurov-ten kum 2013-a an duanchhuah a ni a, thu leh mileminthawn bakah document filehrang hrang a inthawn theihavangin mi tam takin \ha an ti hle.

5) Wechat : Ma Huateng-abultumin kum 2010-ah hei hi bul\an niin kum 2011-ah chuanChina a\anga an site siam lar taka ni der tawh a. Hmangtumihring maktaduai 300 chuangan ni mêk a ni.


May, 2015 12


Heng hi hria ila -1) Social media hi do chi a ni lova, hman \angkai leh hman \hatinzirtir tûr a ni zawk a. CliffRichard-a hlaa, “Why should thedevil have all the good music?”tih ang deuhvin, hmanrawchhuak thar apiang dova, Setanathil veka chhuah tum aiin,Pathian ropuina atan lehrawngbawlna atana hman\angkai tum zawk hi keini K|Pmember-te chuan kan tih tûr ani ngei ang.

2) Rel tlan laia lawn tum chumahni insawh chhiat vektheihna a ni. Hmasawnna lehchangkanna hi keini Mizo hnamnaupang tê hian kan hriat thiam,kan zir thiam hmaa min luhchilhavangin kan fimkhur apawimawh hle. Chhungkua,khawtlang leh kohhranplatform a\anga kan inzirtir a \ultakzet a ni.

3) Min tithatchhetu a ni \an tamêk em aw? Hna leh mawh-phurhna \hulh phah hialin socialmedia hian min tibuai \an ta a.Inkhawm, hla zir leh hnatlangchenin min tikhawtlaitu leh mintisawt lotu a ni \an ta mêk a nihhi. Kan kheuh va, kan bih ngur

ngur a, a tawpah kan nui leh huka, râl a\anga min lo hmutu tanchuan, “Saw pa/nu chu a 99 deuhem maw ni le?” tih mai awl takkan ni. |hian aiin kan ngainazawk emaw tih tûr a ni a. Siamtuthil siam zinga ropui bermihring inngaihthahna lehinngaihsak lohna hi sual a ni tihhi kan inzirtir thar leh apawimawh hle.

4) Social Media-te hian hun aheh a, thil \ha dang leh nunkawng dik zawh turin mi ati\huanawp hle thei, lehkhabukan chhiar tlem phah hle bawk.

5) Isua aiin kan mobile phone-in kawmtu a hmu zing zawkem, tih pawh hi zawhna lian taka ni ta.

6) Takna leh urhsunna, kohhranzepui leh ril tak hi social mediahmangin kan tidal mêk a;committee, hla zir leh hnatlan-naahte min concentrate-tir theilotuah a chang \an mêk.

Kan hlawkpui em?1) Social media hi mahni kaninthunun theih leh theih lohinfiahna \ha tak a ni a, mahni kaninthunun theih loh chuan social


May, 2015 13


media-te hian min ei ral theiin,K|P-a inhmang tak chunga Biblechhiar leh \awng\ai mininthlahdah tirtu a ni thei.

2) Kan hmang \angkai nge kanhun a tihek thlâwn? Socialmedia hian kan hun a ei nasakhawp mai. Zan rei tak tak kanmenpui a, henga kan thu chhiarleh post-te hian hmasawnnamin pe nge kan hun a tihekthlâwn? Mahni i inzawt \heuhang u.

3) Hriatna kan neih belhchhahem? Social media kal tlang hianhriatna chu kan neih belhnameuh mai; amaherawhchu,kan hun sen ral leh hriatna kanneih belhchah hi a inphu em?Tin, hriatna kan neih belhchhahhi kan hlawkpui nge kan hohphah zawk? Social mediaavanga kan hun leh sum sen ralleh kan hlawkpuina hi a inmanreng em?

4) K|P-te hi eng chenah ngekan tel ve dawn? |halai kan nia, khawvel hmasawnna hi aman chak, thiam leh hmangnasa ber kan ni \hin. Socialmedia-ah hian eng chen hi ngekan tih tur leh tih loh tûr tih hi

K|P-te hian kan chian a ngai.Keini K|P member-te hi chuanthu ho leh milem \ha lo tak takte, video rapthlak pui pui tethawn darha, a hre hmasa niâwm taka lo bengvar ve chiamtûr kan ni lo vang. Tin, K|Phuang chhung leh thil dangahpawh kan hriat duh leh kan hriatchian loh te zawh fiah theihreng, social media kaltlangaintihmualpho tum ni àwm takazawh leh comment kher te hikan tih loh a \ha. Khawi laiemawa accident leh thildanglam deuh thleng, a hrehmasatu nih duh vanga thlalaknena lo theh darh chiam te hikan tih loh tawp tûr a ni. Hengthilahte hian K|P member-techu kan danglam tûr a ni dawnlo’m ni?

Tlangkawmna2 Timothea 4:5-ah, “Nang erawhchu engkimah fîmkhur la,hrehawm tuar la, Chanchin |hahriltu lam hna thawk la, irawngbâwlna kha hlen rawh,”tih kan hmu. Keini K|Pmember-te hi social media kanhman kawngah te hian, “Nangerawh chu fimkhur la,” min ti ani tih i hre reng ang us


May, 2015 14


Isuan thlemna hiengtin nge a thlir?

— ZonunsangaPost: Ramhlun

Luka 4:6-8 : Tin, Diabola chuana hnenah, "Heng zawng zawngchunga thuneihna leh a ropuinahi ka pe ang che…Chutichuan,chibai mi buk la, a zain i ta a nivek ang," a ti a. Tin, Isuan ahnenah, " 'Lalpa i Pathian chibaibuk la, ama rawng chauh bawlrawh,' tih ziak a ni," a ti a, achhang a.

Isuan ni 40 chaw a nghei thuhi mi thiamte chuan MosiaHoreb tlanga ni 40 a thang te,Elija ni 40 thlalerah chawngheia a awm hnua Pathian âwa hriat te, Israel mite kum 40thlalera an vahvaih te nenpawh a kal rem hle a ni an ti a.Khang kha a entir a ni ang anti a. Juda-te hriat thiam zawngtakin ni 40 hi a langsar hle.

Isua thlêm a nihna hmunhi zir mite chuan Jordan luia\anga hla vak lo Jerusalemleh Dead Sea inkaraQuarantania hmun vel hi a nie an ti a. A dikna tak tak kanhre thei tawh lo. Heng lai

hmunah hian lung, chhangang tak tak a tam mai an ti a.Isua thlêmna tawh hi a hringa hrana thlêmna ngechhungril thinlung lamainbeihna (inner battle) tih hihriat a har hle.

Thlarauva a khah lai takinthlêm a ni : Mak tak maiinIsua thlêma a awm hun hiThlarau Thianghlima a khahlai tak a ni! Thlêma awm lehthlêm theiha awm hi sualtihna a ni kher lo tih a langchiang. "Pathian fapa i nihchuan," a tih hian Diabolahian inrinhlelhtir a tum a,Pathian thu aia mahni inrintawkna nei tura thlêmnapawh a ni nghal. Ni 40 zetchaw nghei ta chu a ril a tamhle ang tih a rin theih a.Chung chu remchangah lainthlêmtu hi a rawn che chatmai. Isuan duh ni se lungchhanga chantir te chu a duhathu a ni ang chu. Pathian thuhmangin a lo hneh chat a nihkha.

Thlarau pâwlna kan chanlai hian kan chhehvelah hianlung chhanga chantir tur,intihtlaina tur a va tam si em!Kan riltam chak loh lai takinthil sual tih pawisak lohna,


May, 2015 15


awlsam taka chhanga chantirtura mahni inthiamnabawihah, “Mi pawhin an tialawm,” tih hmangin minthlêm fo. Isua erawh chuan‘chung ti lo chuan a nuntheih’ tih hi a chhanna a ni.

Thuneihna (power) hmangsual tura thlêm a ni : Luka4:6-a thuneihna Diabola'npek a tiam hi a ril hle. A\awng bul lam han en ila'exousian'(?) tih a ni a, chuchu thuneihna tih piahlamah engkim chungathuneihna a kawk a (autho-r i ty/ ju r isdict ion/ l iberty/power/right/strength tihalehlin theih a ni hlawm). He\awngkam hi thuthlungtharah hian vawi 102 laihman a ni. Diabola hian dawtchiang takin thuneihna hiama ta angin a sawi a. Hethuneihna hi ama ta ni lovinPathian ta, Pathian a\angachhuak zawk a ni.

Isua khan tihluihnaa lalatana siam an tum khan atlansan a nih kha (Joh 6:15).Diabola thlêmna hi thiltih-theihna leh theihna hmangsual tura thlêmna a ni a;nimahsela, Isuan a thiltih-theihna hi chutiang atan a

hmang ve ngai lo. Mi dang\anpui nan leh Pathian ropuinan a hmang zawk \hin. Keinihian kan theihna leh chaknahi kan hmang sual fo em?Isuan mi dang nekchep nanleh intihvei nan vawi khatmah a hmang ngai lo va, ahmang ngai bawk lo vang.

Lârna (popularity) hmangathlêm a ni : Nazaret thingremsiamtu (carpenter) tan chuanDiabola thlêmna, a pek tumnia a insawi (offer) hi a tam ania. Larna leh lansarhna(celebrity), hmingthanna(fame), ngaihsan theih tur(hero/idol/icon), thil mak titheitu (magical power neitu)hmuha an hmuh theihna turhmangin a bei chat mai. Hethlêmna hi Messia a ni tihlantir theihna tur khawp a nibawk. Juda-te hian chhin-chhiahna an phut \hin a,chumi rilrem zawng tak chuanthlêmtu hi a che chat mai.

Isua kha biak in chhip zuma\ang khan han zuang thlangat sela a va lar dawn em! Anzui hut hut ang a, mediazawng zawngah an tidarhnghal ang chu! Ropuina,thiltihtheihna, lansarhnahmangin Isua a thlêm. Heng


May, 2015 16


hi mihringte chak lohna ber ani fo. Nimahsela, Isuan a hnarfithla \hak a nih kha. Intihlar,intihropui lam a nunah a lengve lo. Keini hian heng thil hikan duh luat avang hianchibai buk tur kan zawng ruai\hin em?

Zirtirna him lo (heresy)hmanga thlêm a ni : Diabolahian zirtirna him lo hmanginIsua a bei. Bible-a mi hmanginPathian Fapa meuh pawh zukthlêm a (Sam 91:11-12)! A huaisalh salh ngei mai. Thurchhuah tur lah a hria. Awmang tak si, ni ziktluak si lovina bei a; nimahsela, Isuan Bibleziak hmang bawkin, 'tih ziaka ni,' tiin a hnial thla thei vektho a nih kha (Deut 8:3; 6:16;6:13; 10:20).

Tunlai hian zirtirna mak taktak, Bible-a mi, duh lai lai lachhuakin awihawm taka sawileh zirtir an awm \hin. Hlauhtur dik hlau lova hlauh loh turhlau zawk ta tlat pawh kanpung zel! Keini hian heng hiengtin nge kan dawnsawn ve\hin le? Setana kha a lan danchuan a râu a nia. Pathianthute kha a hre em em.Nimahsela, Pathian thu a ni lozawnga kalpuina a ni si.Kohhran zirtirna bak pawn

lam tuipui loh a him ber fo ani tih Isuan thlêmna ahmachhawn chungchangahhian kan hmu.

Thlêm/Fiah kan nih hi Lalpana phal : Thlêmna hi 'fiahna' ani ve bawk. Chanchin |haziaka thlêmna tih \awngkamhi 'peiráz'(?) tiha dah a ni a,chu chu 'fiahna' tih \awngkamatana hman \hin tho a ni a. Thilthuhmun tho niin a lang. Kanrinna fiah nan te, mawh-phurhna kan chungah nghahngam a ni em tih fiah nanenchhin/thlêm kan ni \hin.Kan dawnsawn dan azirinmalsawmna a ni thei a,chhiatna a ni thei bawk."Thlêmna tuar hram hramtuchu a eng a thawl e; fiaha aawm hnuin nunna lallukhum,Lalpan amah hmangaihtutehnena a tiam chu a hmudawn si a" (Jak 1:16).

Pathian khawngaihna leh\hatna, a zahngaihna kanhmuh theih nan thlêmna/fiahna hi mihring mintifamkimtu a ni. Isua meuhpawh thlêma a awm chuankeini hian thlêmna chu kantawk ve ang tih ring ila. Kan mitchâkna tawktarh a va dah sang\hin êm! Kan suang-tuahna lehhlawhtlin kan duhna (vision/


May, 2015 17


dream) hmang ngeia minthlêm hun te pawh a la awmang. Joba nun a\angin thlêmkan nih Lalpan a phal tih a lang;Isuaah a chiang lehzual.

Thlêmna hi hneh theih a ni :Thlêmna hi kan rinna fiahnaa nih ve \hin bawk avang hianhneh theih, pal tlang theih ani. Isuan hneh dan tur amatawn (experience) ngeia\angin min kawhhmuh tawha. Kan tuar theih bak thlêmnareng reng kan chungah athleng dawn lo tih Bible-inmin hrilh a. Thlêmna a awmrualin tlan chhuahna kawnga siam nghal zawk \hin tihchiang takin kan hmu bawk(1 Kor 10:13).

Tisa leh thlarauva kan chakloh, kan hniam lai (depress)takin rinhlelhna hmang tenmin bei \hin. Kan chakna berleh chak tawk nia kan inhriatlai takin thlêmtu a hnai fo.Thlêmna a lo kalin Isua anga 'tihziak a ni' tih hmanga kan hnehtheih nan Bible kan kawmngeiha \ul ang. Kal sualna laka minvengtu Pastor leh Upate kanrâwn taimak pawh a \ul. Mahnithua Pathian thu kan tuipuihian thlêmtu a rawn inrawlhvat \hin.

Isuan thlêmna a chhuk thlir:Isuan he khawvela a len laikhan vawi tam tak thlêmna alo hneh tawh \hin a. Keinipawh min \anpui a peih. Athlirna tarmit a\ang chuanmin hre thiam em em (Heb4:15). Ani khan thlêma a awmlai khan a chhuk thlir a,inhnehtir a tum lo. Isuanthlêmna ata hnehna a chanzawh chiaha thil thleng ropuideuh chu – angelte an rawnlang nghal hi a ni (Mt 4:11).Diabola kha a beidawng rengreng lo. Hun remchangathlêmah a kalsan rih maichauh a nia (Lk 4:13). Azirtirte hmangin thlêmtu hiana bei zui a (Mt 16:22). Geth-semane huanah pumpelhchâkna nasa takin a bei a.Kraws lera a awm hnuahpawh tihelna hmangin aumzui zel. A bula mi sual ankhen beh hmangin thlêmtu ache bawk. Nimahsela,thlêmtu hian vawi khat mahIsua hi a hneh lo va, chatuanatan a hneh lo hlen ta a ni.Keini pawh thlêm kan nihhunah Isua hneh sa a ni tihhriaa chhuk thlira, Isua lamenin inring rengin i awm fovang us


May, 2015 18


L aipuitlang Branch K|Pchuan Pathian kaih-

hruaina hnuaiah tluang takinNovember ni 3 - 13, 2014 khan ‘fehchhuah’ rawngbawlna kan nei a;Patna Mission Field chhungaKhagaria Pastor Bial chu tlawhin,chu hmunah chuan work camptluang takin kan zu nei a. Workcamp-ah hian mi 19 kalin, UpaLalbiakmawia Khiangtein min hova. Kan hun hman dan tlangpuileh work camp kan neihna hmunchanchin tlem azawng kan han tarlang dawn a ni.

KalkawngNovember 3, 2014 (Thawhtanni)chhun dar 12:00-ah MST Bus-inStation a\anga chhuakin,November 4, 2014 (Thawhlehni)zing dar 8:40-ah tluang takinSynod House, Guwahati kanthleng a. Guwahati-ah hian

LaipuitlangBranch K|P

Khagaria WorkCamp

— LalsangzualaSecretary

Khagaria-a missionary a thawk Tv.Vikash-a leh Nl. Pari-ten min lohmuak a. Guwahati-ah hian zankhat riakin a tuk November 5, 2014(Nilaini) chhun dar 12:10-ah train-in kan chhuak leh a, a tukNovember 6, 2014 (Ningani) zingdar 7:55-ah Bhagalpur kan thleng.Bhagalpur Station-ah hian PuRobert Lalchungnunga, IAS(Divisional Commissioner) mi lehsaten bus nen min lo hmuak a,Commissioner Bungalow lam minpanpui a, anni bakah hianKhagaria lam a\angin minhmuaktute an lo thleng ve bawk.Pu Robert-a hian a bungalow-ahhian thingpui leh tuk\huan tui takmin buatsaihsak a, kan Mizopuingei Commissioner a lo awm chukan thlamuanpui hle a ni.

Hemi ni hian BJP-in bandh anhuaihawt avangin tuk\huan eikham hian Police escort-nahnuaiah Khagaria lam panin bus-in kan chhuak leh a, bus hmaahhian jeep-in hma an hruai zel a.Pu Robert-a mi leh sate hian minescort lo se chuan kan tum hunahKhagaria hi kan thleng kher awmlo ve. Tluang takin Khagaria hmunchu chawhnu dar 2:20-ah kanthleng ta a ni.


May, 2015 19


A hmuna hun hman danKhagaria kan thlen hian PastorQuarters-ah innghatin, a hmunamite nen inhmelhriatna hun te kanhmang a, thawktute min lodawnsawn danah kan lawm hle ani. Zanriah ei kham hnuah tih tur\ul ang ang kan tih zawhah BiakInah Pastor Zorammawia kaih-hruainain lawm thu sawi \awng\airualna kan nei leh a ni.

November 7, 2014 (Zirtawpni)Hemi ni a\ang hian hna kan thawk\an nghal a. Zing dar 9:30-ahthawk \anin, \henkhatin biak inchoka plaster an buaipui laiin midangin biak in rawng an hnawihthung a. Hemi ni hian mistiripahnih leh helper pakhat kanruaiin kan theih tawk leh kan phaktawkin hna kan thawk tlang a ni.Hna kan thawh zawh hnuazanriah tui tak kan kil ho hnuinkan inkhawm a, Pu Hmingthan-puia’n thuchah a sawi a, kan hlimhle a ni.

November 8, 2014 (Inrinni)Ni khat chiah hnathawhna hunkan neih tawh avangin zawhhman ngei kan duh si a, hemi niatan hian mistiri pathum leh helperpakhat kan chhawr a. Zing dar 6:30

a\angin hna kan thawk \an a,theihtawp chhuahin kan thawk a,zan dar 7:00 velah biak in chokaplaster, chhuat chhun, kawngchhun leh biak in rawng hnawihchu kan zo thei a. Zanriah eikhamah biak inah kan inkhawmleh a, Pu K. Lalengzama’n thuchaha sawi. Hna kan thawhnaah hianPathian hruaina kan chang takzeta, tu mah intipalh leh harsatnatawk kan awm lo va, hlim taka hnakan thawh theih avangin kanlawm hle a ni.

November 9, 2014 (Pathianni)Zing dar 9:30-ah Pathian biakinkhawm kan nei a. He hunahhian naupang zaipawl, MahilaZaipawl, Laipuitlang KohhranZaipawl bakah Pu Loncy Lian-chungnunga-te an zai a. KhagariaKohhran report ngaihthlak a ni a,Upa Lalbiakmawia Khiangteinthuchah sawiin kohhran report ape nghal bawk. Inkhawm ban hiannaupang intihhlimna hunhmanpui a ni a, infiamna hranghrang siamin lawmman te siam ani a, kan hlimpui hle. Chawhnudar 2:00-ah ruai tuihnai tak kan\heh a. Chawhlui kan han kil hohian inpawhna min siamsaklehzualin kan innel phah hle a ni.


May, 2015 20


Chaw ei khama thil \ul ang angtekan tihfel hnuah Labhgaun lampanin Film Show nei turin motorpathumin kan kal a. Labhgaun hiKhagaria hnaih te a awm ni mahsean dinhmun leh khawsak phungchu inthlau tak a ni a, an hnufualem em a ni. Labhgaun kan thlenhian Evengelist Tuntuna’n thu asawi a, he mi hnu hian Film Showneih chhunzawm nghal a ni a,Bible tract te sem a ni bawk.Thawktute sawi danin Film Showan neih tawhah mi an pun hnember/entu an tam ber \um niin ansawi a, hmuhnawm an ti tlanginPathianin hna nasa takin a thawkniin kan hria a kan lawm hle a ni.Film show kan neih zawh hianzanriah min buatsaihsak chu tui titakin kan ei ho a, kan ei kham hianKhagaria lam panin kan let leh a, zandar 9:20 velah kan thleng leh a ni.

Haw Kawng :Nov. 10, 2014 (Thawh\anni)

chawhnu dar 1:00-a inthlahnainkhawm kan hman zawh hnuinchawhnu dar 1:40-ah Khagaria amite nen chuan inngai takainmang\ha chungin Bhagalpurlam panin kan chhuak a, tluangtaka kalin tlai dar 4:20-ahCommissioner Bungalow kan

thleng a. Commissioner hianzanriah tui tak min lo buatsaihsakleh a. Kan chuanna tur train delaya nih avangin zanriah kan eikhamah Pu Robert-a hovinKrismas hla te kan sa ho a, kan hlimtlang hle. Bhagalpur Station-ahhian Pu Robert-a naute hian trainkan luh thlengin min thlah liam ani. November 11, 2014 (Thawhleh)zing dar 00:45-ah Bhagalpur a\anghian kan chhuak a, a zan dar 8:15-ah kan thlenna hmun tur CacharHill Tribes Synod Guest House,Guwahati kan thleng a. November12, 2014 (Nilaini) tlai dar 5:20-ahGuwahati a\angin Network Bus-in kan chhuak a, November 13,2014 (Ningani) chawhnu dar 2:30-ah tluang takin Aizawl kan thlengleh ta a ni.

Khagaria Fellowship DinhmunKhagaria Fellowship hi PatnaMission Field chhunga Pastor Bialpakhat a ni a. Patna Mission Fieldhi kum 1999-a din a ni a, a din \antirh a\angin sum leh tha senna tamber (80% vel) chu Dumka District-ah a ni. Santali-ho an inhawn emavangin an zingah theihtawpchhuahin rawngbawl \hin a ni a,hma pawh an sawn chak viau.|hahnemngai taka kum 10 vel


May, 2015 21


rawng an bawl hnuah kum 2008April thla khan Patna Field a\anginJharkhand Mission Field a loindang ve ta a, Jharkhand Fieldindan a\ang chauh hian tuna Biharstate lamah hian evangelism lamahpawh uar zawkin hma an la a; Fieldthar, bul \an thar ang an ni.Fellowship 10 vel Pastor pakhatina enkawl \hin. Kum nga vel a lo veileh chuan tunah hian Fellowship30 lai a lo awm ve ta a, Pastor Bialpathum – Patna North, PatnaSouth leh Khagaria Bialte a awm ani. Khagaria Bial chhungah hianFellowship a awm nual tawh a,Fellowship thar hawn turahmachhawp an nei nual bawk.

Khagaria Biak In hi he lai bialabiak in awm chhun a nih avanginringtute bakah ringlote pawh ankal \hin a. Anni hian natna nei\awng\aipui tur te, chhungkawharsatna avanga harsatna nei te, faneih theih loh avanga harsatnatawk leh chhan chi hrang hrangavangin biak in hi pan khawmin,a theih ang angin thawktu awmchhunten Pathian hnenah anmamawhte an dilpui \hin a.Pathian hnathawh a lan zel theih

nan \awng\aipui ila. Thawktutenhriselna \ha tak nen rawngbawlnaan kalpui zel theih nan te,ringtharten mi mal, chhungkualeh khawtlanga harsatna an tawhhrang hrang bakah KhagariaFellowship-ah hian thawktu Mizochhungkua 3, Local Field Worker2 leh Kraws Sipai 1 an awm mek a,heng thawktute tan hian\hahnemngai takin i \awng\ai \hinang u.

TlangkawmnaRamthara work camp kanneihnaah hian Pathian hruainakan dawng nasa em em a.Kalkawng leh a hmuna kanhnathawhna hrang hrangahharsatna em em kan tawk lo va.Harsatna kan tawh theihna tur tamtakah Pathianin mi \angkai tak takmin pe zel a, a lawmawm hle a ni.He hun hlu tak mai hlawhtlingtaka hmang thei tura min hruaituPathian chungah lawm thu kansawi a; kohhran min \awng\ai-puinaah te, \anpuina min petuteleh kan zin chhunga minbuaipuitu zawng zawngchungah lawm thu kan sawitakzet a ni. s


May, 2015 22


Kum 1987 khan K|P chuanHlimen ramah hmun zau

\ha tak leiin, hei hi \awng\ainahmun leh Youth RecreationCentre atan tiin hma a lo latawh a. Kawng hrang hrangahma lak a niin K|P member-ten` 5 zelin kum eng emaw chenchu sum pawh kan lo thawhkhawm tawh a. Theih ang angahmalak zel a ni chungin ahmunhma chungchangahchhunzawm zel a remchan lohavangin Hlimen rama YRChmun chu hluihlawn a lo ni ta ani.

YRC hmun atan hian kanhruaitu hmasaten theihtawpchhuahin hun eng emaw chenhmun an zawng a, ram leh hmunhrang hrang an lo en tawh lehan bawhzui tawhte chu -Lungleng ram, Muallungthu/Melriat ram, Sairang leh Buichalilei inkar, Sairang ram, LengpuiAirport bul, Lungpui ram (MamitRoad), Lengte ram, Sihhmui ramleh Falkland Presbyterian Biak

Youth RecreationCentre (YRC)

In bulte a ni a. Tin, BawngkawnaSynod ramahte pawh YRChmun nei mai thei dawna kaninngaih laiin Synod-in Falkland-a Pu Sangsiama ram cheng nuaizathum chuanga a lei chu, “CK|PYRC atan hman ni se” (SEC 251:46)tia a rel thu CK|P chuan a dawnga, a lawmawm takzet a ni.

Tichuan, CK|P Meetingvawi 667-na chuan YRC puitlinthuai a nih theihnana hma la turcommittee a din ta nghal a. YRCbawhzuitu committee pawhina theih ang tawka hma lain, YRChmun tura a ram neituten an loluah hawhtir Spastic Societyhnuaia Gilead School hotutenen pawh inhmuh khawm a nia. Society lamte nen inberawnchung zelin a hmun sam fai lehGilead School insawnpuiinhnatlang pawh neih a ni tawhnghe nghe a ni. Architect-inDigital Mapping tih na’n amamawh avangin khawpuichhung bialte, 2014 Novemberni 14-ah bial 5, ni 23-ah bial 8leh ni 25-ah bial 10-ten sam faihnatlang neih a ni a. Tin, 2015March ni 7-ah bial 7 leh ni 14-ahbial 9 a\angin khawpui chhungbranch-ten Gilead School \hiahleh an bungruate thiarinhnatlang neih leh a ni bawk.Hnatlanga kan tha sen zawng


May, 2015 23


zawng hi 2,019 lai a ni a.Member-te inpekna azarah hmanasa taka lak a ni hi a lawmawmtakzet a ni.

YRC hmun hi bigha 13 laiazau a ni a. Hun rei tak kan lobuaipui tawh leh ruahmannahmasate bawhzui zelin, YRChmun atan hian architect pawhrawih fel a ni tawh a. YRC-ahhian hengte hi awm thei turaruahman a ni:

A. AUDITORIUM1. Auditorium Block-I

Auditorium Block-I-ah hianmi 1,000 (sangkhat) len theihnatur leh Green Room \ha tawk tak.2. Auditorium Block-II

Auditorium Block-II-ahhian mi 500 (zanga) len theihnatur leh mipui tana hman theihtur inthiarna.3. Basement Parking

Basement Parking-ah hianmotor park-na \ha tawk tak, car80, two wheeler 124 leh bus 5dah theihna.

B. CONVENTION CENTRE1. Conference Room

Conference Room-ah hianmi 1,000 (sangkhat) len theihnatur room \ha tawk tak.2. Lounge, Reception

Mipuiten \angkai taka an

hman turin lounge leh receptionchangtlung tak.

C. GUEST ACCOMMODA-TION BLOCK

1. Guest Room changtlung tak.2. Mipa 20 (sawmhnih) riahtheihna tur dormitory \ha tak.3. Hmeichhia 20 (sawmhnih)riah theihna tur dormitory \ha tak.4. Choka changtlung tak lehmi 500 (zanga) len theihna turdining hall \ha tak.

D. OTHER AMENTIES(Thil dang awm tura ruahman)

1. Football ground pangngaileh \ha tak (50mx36.5m).2. Basketball court.3. |halaite leh kohhran miten\angkai taka an hman turBethel-na hmun.4. Swiming pool nuam tak.5. Pawna ei leh in nuam takabuatsaih theihna hmun.

Heng ruahmante hi Pathianhruainaa kan tihhlawhtlinhunah chuan, K|P tan hmunpawimawh a ni ang bawkinkohhran tan leh ram tan pawharo tling tak a ni ngei ang tihCK|P chuan a beisei a ni.

YRC a hlawhtlin theihnatur hian hun rei tak member-tenpawisa kan lo thawhkhawm


May, 2015 24


tawh a. General Conference lehRorel Inkhawmah pawh vawitam tak agenda-a lo neih tawha nih avang hian a hlawhtlinhun hi kan nghakhlel tlang hletih a hriat a ni. Kumin 2015 RorelInkhawma YRC puala sumthawh chungchang bik agendapanga lut a\angin Rorel Palaitechuan hetiang hian sum thawhkhawm dan tur a rel a: “YRCpual hian budget, Aizawlkhawpui chhung tan memberpakhatah ` 50, District Capitaltan ` 30 leh a dang zawng ` 20thawh.”

Kum dang aia memberpakhat thawh tur hi a tam takavangin kan \an tlan lehzualpawh a ngai hle dawn a ni. Kanbudget hi Branch tinten kantihhlawhtlin theihna atanngaihtuahna kan hman nasatlehzual a pawimawh ang.Budget a nih angin, membertina khawn pawh a remchangang a, member-tea a zavaiakhawn kher lo zawnga YRCbudget tuak dan kan ngaihtuahchhuah thiam phei chuan a \haviau ang. Member pakhatchhûta ̀ 50/30/20 thawh hi tamviau angin lang mah se, kanYRC project ngaihtuah erawhchuan hei aia tam pawh thawkchhuak thei kan ni ngei ang.

Kristian |halai Pawl member-ten ram pum huapa kan thil neihin\awm tur (YRC) hi MizoramSynod tan pawha asset tlingpha tur a nih ngaihtuahin, phurtakin a tihhlawhtlin dan ingaihtuah zel ang u.

Kan sum thawh khawm turhi November, 2015 thla ral hmaaCK|P Office-a theh luh tur a nia Heng bakah hian K|Pinkhawm thawhlawm \um khatYRC pualin lakkhawm ni se tihrawtna bial pahnih a\anga lutpawh Rorel Palaiten tihhlawh-tlin ngei \ha an ti bawk a; heierawh hi chu July, 2015 thla ralhmain theh luh tur a ni thungdawn a ni.

YRC hi K|P member-tenkan ngaihvenin kan tuipui hlemai a, hlawhtling thuai se tih hikan duhthusam a ni ngei ang.Kan rawngbawlna peng dangthlahthlam si lovin theihtawpchhuah zel turin kan inngen a, a\ul dan azirin YRC chungchanghi tar lan zel tum a ni a. Member-te kan inpekna azarah tunahhian Falkland-a kan ram pawhhmalak mai theih tura ruahmana ni tawh a. Kan sum thawhkhawm sa a\ang hian a hmunlaih zawl hna pawh a theih chenchen \an thuai turin hma lakmêk a ni. s


May, 2015 25


Pu B. Lalnuntluanga hi Feb ni 25,1974-ah Pu S.L. Khuma (L) lehPu Zahmingliani-te fa 3-na niturin Lushaichhera (Thinghlun)khuaah a lo piang a, an unau hi7 an ni. Ni 24.4.1998 khan Lalpana kawppui turin Lalhming-mawii d/o Pakunga, Chanmari,Aizawl a pe a, fanu 2 an nei.

Rawngbawlna lamTluangpuia hi kohhran leh

khawtlangah rawngbawlin mi\angkai tak a ni a, a phak angtawk tawka tel \hin a ni.

Kum 1995 leh 1996 hianKanhmun Kohhran chawminEvangelist hna KanhmunNorth-ah a thawk a, hengkumahte hian Branch O.B. a ninghe nghe. Nupui a neih hnuahpawh kum 2002 a\anga 2004khan Kanhmun Bial KohhranHmeichhe chawmin Lily VengB/c-ah a thawk leh bawk a ni.

Kanhmun Lily Veng B/ca\anga a rawn chhuah chhoh lehhnu hian Kanhmun Branch leh

Bial KTP-ahte O.B. a ni \hin a,kum 2014-ah phei chuanKanhmun Branch leh KanhmunBial KTP-ah Leader a ni kawpnghe nghe a ni.

Rawngbawlna hrang hrangaa chanvo lo chelh tawh dan chuhetiang hi a ni:Finance Secretary, Kanhmun Br.1993,1994.Secretary, Kanhmun N Br. 1995Leader, Kanhmun N Br. 1996Evangelist, Lily Vengah 2002-2004Asst. Secy., Kanhmun Br./BialCommittee 2007Kanhmun Br. Secy./ Bial Secy.2008-2010Br. Leader/Bial Asst. Secy. 2011Br. Leader/Bial Secy. 2012Br. Asst. Leader/Bial Asst.Leader 2013Br. Leader/Bial Leader 2014

Kanhmun Kohhranah hianPathianni chawhnu leh Inrinnizan thuhriltu, Puitling SSzirtirtu, Light & Sound Sub-Comt., Ramthar Sub-Comt.,Krismas leh Kum Thar Sub-Comt., Building Sub-Comt.-ahte chanvo a nei mek a,Kanhmun Branch Diamond Ju-bilee Organizing chairman a nimek bawk. Bial Zaipawl Direc-tor a lo ni tawh bawk.

SUNNA


May, 2015 26


COUNSELLING MAMAWHTE TAN

Mi mal, nupa, fanau, chhungkua, nulat tlangval, ringtu nun,etc.-ah harsatna i neih chuan Family Guidance & Counselling Centrepan \hin la, an lo \anpui ang che. Telephone leh internet hmangpawhin biakrawn theih an ni.

Mission Veng, Aizawl - (0389) 2324443; Chanmari, Aizawl - (0389) 2306693Vaivakawn, Aizawl - (0389) 2344324; Champhai - (03831) 234055

Serchhip - (03838) 226128; Kolasib - (03837) 220180email : [email protected]

A hun tawp lamPu Tluangpuia hian kum 2015

hi KTP a over-san hun tur chiaha ni a, Branch leh Bial K|P mem-ber-ten kan ui hle a, K|P overthlenga min telpuia, min hruai hikan chhuang takzet a ni.

Jan ni 23-25, 2015 Bial K|PConference, Kanhmun Koh-hranah hlim takin min hmanpuia. Rorel te tha takin min kaihruaia. Ni 25.1.'15 zan inkhawmahLeader a nih angin sermon pawh\ha tak leh ropui takin a sawi a.Thupui, "A ta ka ni a, a rawng kabawl thin" (Tirhkohte 27:23 leh2 Timothea 4:10) tih thu a sawizawhin 'Isua hmangaihna lehthatna' KHB no. 495 a thlang zuia. Inkhawm ban Fellowship-ahintihsiak lawmman te a sem lehvek a ni. Chutia, K|P puala hunkan hman zawh hnu chuanchhungkuain \ha taka an muchu khawvar lam zing dar 4:00vel a\angin a pum a nat thu a

sawi a, a biak theih loh zui a, engmah inbuaipui hman lovin zing4:45-ah min boralsan ta mai a ni.

Hetianga kan Bial Leader kalchhuakin nat lawk pawh awmlova min boralsan thut hi makkan ti a, kan ui a, Bial K|P mem-ber zawng zawngten kan suntakzet a, inhriattirna pawh awmlovin KTP member, Conference-a kal zawng zawngte'n PuTluangpuia puala hun hnu-hnung a vuina hun hman nghalvek a ni a. Rev. R. Lalnunenga,(Bialtu Pastor, Bial Chairman nibawkin) vuina hun a hmang a,Bial Zaipawlin ‘Ram eng mawi’tih hlain kan thlah liam ta a ni.

A nunah hian zir tur tak takkan hmu a. A \hahnemngaihnate, a rinawmna te, a taihmaknate a rawngbawlpuite minhnutchhiah hi ropui kan titakzet a ni. s

— ZothansangaKanhmun Bial Secretary


mailto:[email protected]

May, 2015 27


Pathianin min tidanglam

Pathianin ka nun a thlakthleng dan ka han sawi ve dawn a ni.

Lebanon rama Muslim chhungkua a\anga piang leh seilian ka ni a.Kan rama Kristian leh Muslim-te an theihpatawp chhuaha a tam theiang ber inthah tuma an inbeih lai khan kei pawh ka unaupa nen lehkhazir chungin Muslim sipaiah kan inpe ve a; chemsen leh laifei nen, kannunna thâpin kan hmêlma Kristiante chu kan bei ve nasa ngang mai.

Nunna thâpa inbei tih takah ka unaupa chuan Kristiante kut tuarina nunna a chan ta nghe nghe a; a thih lai hian captain a ni. Keimah ngeipawh chuan Kristiante lakah hliam ka tuar nasa hle.

Ka unaupa min thahsaktu Kristianho chu a tam thei ang ber thahka duh avangin, rocket hman dan leh chumi hmanga hmelma beih danleh vawmpuah vawm dante ka zir nasa a, silai chelek leh hman danpawh ka zir nep chuang lo. ‘Ngil taka silai kah i duh chuan i hmaahKristian a dingah ngai rawh,’ tih hi kan hotuten min zirtir dan a ni tihDaily Herald chanchinbua thawk pakhatin min interview \umin kahrilh nghe nghe a. Muslim sipaia ka \an lai hian a ruk a rala hmêlmakaptu (sniper) zingah ka tel pha nghe nghe a ni.

Kan ram khawpui, Beirut-a American University-a ka zir laiin kaunaupa chu hmêlma kutah a thi tih ka hre ta a. Ka thinlungah chuanKristianho a tam thei ang ber thah duhna thuk lehzual ka neih phah a.Chumi rilru pu chung chuan pistol thar ka lei nghe nghe a.

Mihringin rem a ruat a, lei chhanna erawh chu Pathian thu a nithung. University-ah chuan Isua Krista zirtirna hi kan zir tel a, chungzingah chuan Isua zirtirna laipui an tih mai, Tlang chunga Isua thusawikha a tel nghe nghe a. ‘In hmêlmate chu hmangaih ula, a tiduhdahtu


May, 2015 28


che u chu \awng\aisak rawh u,’ tiin tlang chungah khan Lal Isuan azirtir a nih kha (Mat. 5:44). Lal Isua zirtirna chuan ka kut, hmêlmathah châka za zek zek chu che thei lovin a phuar ta tlat mai a ni. Pathianthu thiltihtheihzia hi mak ka ti ngawt mai. Rinhlelh rual lohvin kachungah a takin a thleng ngei si.

Pistol thar ka lei hnu rei lo têah zan khat chu ka hmêlma phil tuminzan thim hnuaiah ka chhuak a, awlsam takin ka hmêlmaho chu ka hmumai reng a. Awmhmun ka siam rem a, dim takin ka pistol chu ka phawrhzal zal a, nghet taka humin ka pistol thar chu ka hmêlma lam hawichuan ka tin ta a. Ka kutzungchalin a cheng chu ka kuai a, \helh ka tumlo. Ka hmêlmapa lah chuan thah tumin ka veh tih a hre reng reng si lo.

Ka hmet per \ep tihin, ‘I hmelma hmangaih rawh,’ tih kha chiangem emin ka thinlungah a rawn lut ta a, ka thinlunga chu thu rawnsawitu chu mihring a ni lo tih ka hria. ‘Ka hmêlma chu tu nge ni? Kaunaupa thattute ngei kha an ni lawm ni?’ tih chu ka thinlunga zawhnalo lut chu a ni.

Ka pistol hmehna chu hmet per turin keimahah chakna thahruireng a awm tawh lo. Ka kut chu lek thla a, ka kutzungchal pawh chu kaphawi ta ngawt a. Chumi hmun, ka hmêlmate nia ka hriat that turaawmhmun ka remna ngeiah chuan Lal Isuan min pâwl a, ka thinlungaha hmangaihna thu a sawi zui a, thawklehkhatah tihdanglam ka lo ni taa ni.

Ka pianthar dan leh Lal Isua neitu ka nih tak dan hi a rei lovin,awih har tak a ni ang tih ka ring; mahse, Lal Isuan thu a sawi tawhchuan tu thinlungin nge do zo vang! A thu hi khandaih hriam tawneng ang ai pawha hriam, nunna leh thlarau, ruhtuah leh thlîng phelhrang thei khawpa chhun thei a ni si a; tu thinlung nge a tum dodalthei khawpa chak tawk awm ang le!

Lal Isua ka neih hnu chuan Kristianah ka inpe nghal a. Lombardkhuaa Salem Kohhranah lawiin, chu khuaah vek chuan missionary hnaka thawk nghal a ni. Salem Kohhranah kher ka lawi chhan pawh LalIsua, Remna Lal hna thawk tur chuan chu kohhrana ka lawi chu \ulinka hria a ni. Salem tih chu remna tihna a ni si a.s – Charles Swindoll


May, 2015 29


KOHHRANZAIPAWL

— K. MalsawmkimaBungkawn Branch

Kum hmasa lama Kristian|halai chhuakah khan

'Zaipawl |ha' tih leh 'ZaipawlRawngbawlna' tih thupuingaihnawm tak tihchhuah ani tawh a. A bak sawi belh turvang viau tawh mah sekohhran zaipawl hmasawnnaa nih beiseiin ka ngaihpawimawh \henkhat han tarlang ve ila.

Hla thlan ulukZaipawl \ha tak nei tur

chuan member-te inpeknapiah lamah hla neih \hat/hlathlan uluk a pawimawh hle.Zaipawl member \ha takawmna, hla thlan fuh lohavanga a nih tur ang ni phaklo a awm theih awm e.Zaipawl tam zawkah conduc-tor-te thlan hla sak \hin a nitlangpui a. A kaihruaitu berinkal khat ringawta zaipawl akaihhruai reng chuan a fuhber lo thei. Sap hla lehlin kansa thin a nih pawhin a tawk

hriat a \ha. Hlapui kan zirdawn a nih pawhin zaipawlmember tam dan azira thlanthiam a pawimawh. Tin,mipui nawlpuiin kan sakthiam ang hla zaipawlin kansa fo te hi a \ul chuan sak lohngam a \ha. Lengkhawm(khuanng hnih hla) phei chuzaipawlin sa lo ngam ila a \hatzawk a rinawm.

An ngaithla chak em...?Thusawi thiam leh nung

tak chu kan ngaithla leh chak\hin ang hian, zaipawla kanzai hi kohhran mipuiten anngaithla chak \hin tur a ni.Zaipawl conductor-te lehmember-te kan rilruin inzawt\heuh ila. Zaipawla kan zai hikohhran mipuiten engtin ngean sawi \hin? 'An zai a nunginan thiam hle mai!' an ti \hinnge, 'An zai zawi leh ngawtang!' an ti \hin zawk? Kohhranmipuite beisei ang leh kan zaian ngaihthlak chak \hintheihna turin tisa leh thlaraulamah inbuatsaih \hin ila.Kohhran mipuiten kan lakahbeisei an neih tawh mang lohchuan kan zai a\anginhlawkna an hmu thei lo vanga, malsawmna an dawng thei


May, 2015 30


hek lo vang. Hetiang a thlenloh nan leh kan zai a\angaPathian Thlarau Thianghlimpawlna, harh tharna lehmalsawmna an dawn theihnan \awng\aina nen iinbuatsaih \hin ang u.

A ngaithlatute mil tawkZaipawl \ha tak sawi tur an

awm laiin a tam zawk mah hichu 'style-a kal ral' an tihfiamthu hi kan ang mah mahem aw, a tih theih. Kan zai \anchauh va, a solfa sign p-piano(nem leh dim deuhva sak tur)tih inziak awm mang si lohlaia dim taka kan sa ringawtmai \hin te, f-forte (ring takasak tur) tih sign awmna laia arin dan ngai renga kan zai zelmai \hin te, > Sforzando(tihzawih thut thut tur) tihpawh awm chuang si loh laiakan zai zawi thut thut \hin tehi a ngaithlatu tam zawk hiana awmzia kan hre thiam lo tihconductor-te hian hre \hin se.Zaipawl changkanna leh amawina tur emaw kan tih hia ni ber em tih ngaihtuah a \ulkhawp mai. A solfa lam dik ila,solfa sign a awm lo a nihchuan ring \ha takin zai mai\hin ila, duh duh laia zai dim

leh zai uar hi \ul lovah chuaninsum tlang deuh \hin ila, chuchu zaipawl tingaihnawmtuleh tinungtu a nih zawk ngeia rinawm. Kan zai ngai-thlatute hriat thiam dan turngaihtuah chunga zaipawlkaihhruai thiam hi a \ul tawhtakzet niin a lang.

Rawngbawlna pawimawhZaipawl rawngbawlna hi a

pawimawhin Pathian pawhina hmang \hin hle tih kan hre\heuh awm e. Zaipawl zaia\anga thlarau damna changte, testimony ropui tak takdawng te, pawl tharna changta te sawi tur \hahnem tak anawm tawh. Hetiang a nih meklai hian tunlaia zaipawl zai kanngaihthlak tam zawk hi chu,mi dangte tana malsawmnathlentu nih lam aia mahnitana zai ni mai awm tak sawitur kan awm em aw?Malsawmna thlentu tur ni sian zai zawh hun nghah-hlelhawm tak tak kan awm fozawk ta mai lo maw?Pathianin zaipawl rawng-bawlna hi a la hmang duhreng ang tih ring chungin,zaipawla tel zawng zawngte hii inbuatsaih \hin ang u.s


May, 2015 31


KANTU

Thingdawl Hmar Veng Branch

Thingdawl Hmar VengBranch K|P hi

Thingdawl Bial K|P Branchpanga zinga Branch upa berniin kum 1971 khan din a nia. Kum 2015 hian member 97awmin mipa 64 leh hmeichhia33 kan ni. Branch Committeemember 18 leh Kohhran aiawh1 nen thla tin BranchCommittee neih \hin a ni.

Branch tihchakna atanJohana, Jeremia, Josua Group-tea in\hen a ni a, group tintehian budget leh project-teneiin Branch-ah an chhunglut \hin a. Group-te hiThawh\an zan inkhawm,fellowship leh hnatlangahteinelna neih \hin niin hengbakah hian K|P Day-ahinfiamna chi hrang hranghmangin an inel \hin a, ahmuhnawmin a hlimawm\hin hle a ni. Group tinte hianmahni puala Group Nitehmang lovin kum tawp lamah

Joint Group Nite hman \hin ani.

Branch hnuaiah hian sub-committee siam niin - Music,Light & Sound, EvangelicalCell, Programme, Finance,Decoration & Ushering-ahtesiamin Branch tihchak nandin a ni. Thawh\an zaninkhawm hi Sermon leh K|Pkum puan thupui zir ho nanhman \hin a ni a, Pathiannitlaiah fellowship neih \hinniin Short Sermon, Bible Quiz,Hla zir hona leh memberinfuih nan te hman \hin a ni.Heng bakah hian EvangelicalCell Sub-Committee rua-hmannain Thawh\an zan lehkohhran inkhawm banapiangin thupui neia \awng\airual \hin a ni.

Thawh\an zan inkhawmhi member-ten an ngaipawimawhin an phur \hin hlea. Kohhran inkhawm hranghrang member-ten an ngai


May, 2015 32


pawimawh lehzual nanbranch huapin Nilai zan,Inrinni zan leh Pathiannichawhnu inkhawmahteinelna siam a ni. Tin, kuminchhunga branch project atansound system tihchangtlun,General Conference kal nanasum dah leh Branch goldenjubilee 201210-a lo thleng turlawm nan bank-a sum dahtean nei. Tin, an project-te hitihhlawhtlin tuma hma lakmek a ni. Kumin hian anBranch-in Kristian |halaichanchinbu copy 25 an la mek

a, missionary pakhat anchawm mek bawk.

Kumin chhung hianBranch-in inkhawm kal hmatih chu kum puan atan anhmang a. Kohhran Zaipawl hiBranch-in enkawlin kohhranhun pawimawh leh BialInkhawmpuiahte zai \hininrawngbawlna nung takakalpui mek a ni. Sum tuak dantlangpui chu – Faith Promise,lei laih, sangha zawrh, huansam, rawra chhut, hmun-phiah keh leh inhlawhnaremchang apiang a ni. w

SYNOD CHOIR RAWNGBAWLNA1. February 22, 2015 (Pathianni) chawhma khan Bible Society of IndiaAnnual General Meeting & Thanksgiving Service, Bawngkawn KohhranBiak Inah an zai a, \um 1 din chhuahah hla 1 an rem.2. February 22, 2015 (Pathianni) zanah Bethlehem Branch Golden Ju-bilee lawmna inkhawmah an zai a, vawi 2 din chhuahah hla 3 an rem.Director Pu R. Lalruatkiman CK|P aiawhin lawmpuina thu a sawi.3. February 23, 2015 (Thawh\an) zan khan Chanmari Kohhran Dia-mond Jubilee lawmnaah an zai a, vawi 2 din chhuahah hla 4 an rem.4. K|P Rorel Inkhawm vawi 6-na (February 27- March 1, 2015), Mis-sion Veng Kohhran Biak Ina nghahah \um 5 din chhuahah hla 6 an rem.5. March 8, 2015 khan Mizoram Presbyterian Kohhran HmeichheInkhawmpui Lian vawi 46-na, Mamita nghahah \um 3 din chhuahahhla 4 an rem.6. March 16, 2015 khan Chaltlang South Branch K|P ‘Zaipawl Nite’programme-ah zaiin \um 2 din chhuahah hla 4 an rem a, Director Pu R.Lalruatkiman thuchah a sawi.


May, 2015 33


Keimahni

nMarch 14-15, 2015 khan Kawnpui Venglai Branch Diamond Jubileehmanpuiin Tv. R. Lalramnghaka (Finance Secy.) leh Pu Vanlalpekate an kal a, Soloist Tv. Israela Pachuauvin a tawiawm. Pathiannichawhma inkhawmah Tv. R. Lalramnghakan thuchah a sawi.nMarch 14, 2015 khan Vairengte Bial Leadership Training neihpuiinUpa K. Rorelkima leh Pu K. Lalruatpuia an kal. Chawhma hunahPu K. Lalruatpuian “Hruaitu nihna leh mawhphurhna” tih a sawia, chawhnuah Upa K. Rorelkiman “Pawl inrelbawlna lehcommittee kalphung” tih a sawi. Bialtu Pastor leh Secretary-tenan \awiawm a, member 60 vel an tel thei.nMarch 19, 2015 khan Sihphir Branch KT|P Diamond Jubileehmanpuiin Leader Rev. J. Lalremsiama a kal. Chawhmainkhawmah thuchah a sawi a, chawhnu lam a\angin FinanceSecretary Tv. R. Lalramnghakan a \awiawm a, Jubilee ruai an \heh.nNorth Eastern Research Centre (NESRC), Guwahati buatsaihinMarch 10, 2015 khan I&PR Auditorium-ah “Workshop on thegender implications of Mizo customary law” neih a ni a. Synodlam a\anga aiawh intir tura ngenna kan hmuh angin Dr. JulieRemsangpuii (Treasurer) a kal.nMizoram Presbyterian Kohhran Hmeichhe Inkhawmpui Lian(March 5-8, 2015), Mamita neihah CK|P aiawhin Dr. Lalliansanga(Asst. Secretary) leh Pu Lalthangvunga Sailote an palai.nYRC Hnatlang : March 7 & 14, 2015 khan YRC hmun Falkland-aGilead Special School \hiah leh bungraw thiar hnatlang koh a ni a.Gilead Special School hi Bawngkawn Brigade-a an sikul hmuntharah sawn fel a ni ta. Hnatlang kal dan chu hetiang a ni:-Ni 7.3.2015 (Inrinni)1. Ramhlun - 53 2. Venghnuai - 373. Luangmual - 58 4. Zemabawk North - 9


May, 2015 34


5. Tuikual - 35 6. Maubawk - 507. Mission Vengthlang - 50 8. CK|P Committee - 69. Chanmari Branch - (Theitui buaipuitute)

TOTAL - 298Ni 14.3.2015 (Inrinni)1. Kulikawn - 86 2. Chanmari West - 333. Ramhlun Vengthar - 32 4. Dawrpui Vengthar - 855. Tlangnuam - 35 6. Zonuam - 427. Hlimen - 75 8. Chawnpui - 879. Hunthar - 43 10. CKTP Committee - 1111. Bungkawn Vengthar Branch - 36 (Theitui buaipuitute)

TOTAL - 565Ni 7.3.2015 (Inrinni)-a hnatlangah hnathawh a awlsam zawk

nan JCB pakhat hman a ni a. JCB hi Falkland Branch-in rawnthawhin, CK|P lamin a diesel man a tum thung a ni.nYRC hmalakna dangte1. Spastic Society-in office atana an hman \hin in chhawng hnihchu Society lam sum harsatna avang leh anmahni rem tihna anginRs. 1,00,000-a khul sak an ni {CKTP 674:VII(4)}.2. Committee hmasa lama kan lo pawm tawh, Spastic SocietyRs. 5,00,000/-a puih chungchang chu, Society hi a vawi khatna atanRs. 2,00,000/- pek phawt \ha kan ti a. Tun dinhmuna sum kan pek tawhzat chu building khulna nen Rs. 3,00,000/- a ni (CK|P 673:V).nSEC thu hriattirna1. Rev. B. Sangthanga, Synod Secretary a\angin, Synod 2014:59-inKristian |halai Pawl din kum a tihchianah, ‘Kum 1954 February 16a ni e,’ a tih avanga K|P Day hman zel dan tur chungchang OM-inSEC-a a thlen chu SEC 255:41-in February 16 chu K|P Day-a hmantawh tur a ni e, tia a rel thu hriattirna kan dawng.2. Central K|P-in “I Love Taiwan/EYEP programme”-a mi pahnihintirh kan dilna chu SEC 255:42 chuan a remtih thu leh a kalnasenso pawh tumsak a remtih thu hriattirna kan dawng bawk.nBRANCH DING THAR : Bungtlang South Bial chhungahFebruary 1, 2015 khan Kristian |halai Pawl, Saizawh East Branchdin thar a nih thu report kan dawng. Member zat – mipa 14 lehhmeichhia 5, zavaiin 19 an ni.


May, 2015 35



May, 2015 36



may, 2015 1 - mizoram synod – presbyterian church of india 2015 3 harhna mizo kristiante hi...

Documents