møtebok - formannskapet - 10.06...art ansvar teneste beløp merknad 15300 9000 88000 9 857 738...

Gloppen kommune

Møtebok

Utval Formannskapet Møtestad Kommunestyresalen Dato 10.06.2020 Tid Kl. 09:00 - 16:00

Følgjande medlemar møtte Frå Leidulf Gloppestad SP Per Jarle Myklebust SP Magni Aa Berge SP Solveig Lien Gusdal SP Arnar Hans Kvernevik AP Mariel Eikeset Koren MDG Svein-Ottar Sandal KRF Beate Dybendal Nordvik H Forfall/møtte ikkje Frå Følgjande varamedlem møtte Frå Katrine Anita Heggelund SV Sandra Edith Tenud AP Andre som møtte Bernt Reed, fagkonsulent i sak 114/20 Birte Fossheim, rådgjevar i sak 113/20 Geir Liavåg Strand, fungerande rådmann Knut Roger Berge Nesdal, næringssjef i sak 105/20 Liv Jorun Andenes, kultursjef i sak 104/20 Remi Lone Nilsen, økonomisjef i sakene 090/20 – 096/20 Torbjørn Brandsæter, rådgjevar i sak 113/20

Ugilde Sak Følgjande varamedl. møtte

Merknad

Beate Dybendal Nordvik

095/20 Gunnvor Sunde, SD §6.e 2. ledd i forvaltningslova


096/20 Gunnvor Sunde, SD §6.e 2. ledd i forvaltningslova

Svein-Ottar Sandal 096/20 Arnfinn Jørgen Brekke, KRF

§6.e 2. ledd i forvaltningslova


105/20 Gunnvor Sunde, SD §6.e 2. ledd i forvaltningslova.

Møteleiar: Leidulf Gloppestad

Side 2

Underskrift:

Side 3

Sakliste Sak nr. Sakstittel 088/20 Godkjenning av møtebok, innkalling og sakliste

089/20 Referat og orienteringssaker

090/20 Årsrekneskap 2019

091/20 Rådmannen si årsmelding for 2019

092/20 KOSTRA orientering 2019

093/20 Rekneskapsorientering - Budsjettoppfølging på drift/investering og oppdatering på innsparingsprosjekt

094/20 Betalingsfrådrag grunna redusert tenestetilbod i kulturskulen

095/20 Gloppen si rolle som garantist overfor idrett og kultur

096/20 Invitasjon til å teikne 600 aksjar i Nordfjordbrua AS

097/20 Forskrift om folkevalde sin rett til godtgjersle og dekking av økonomiske tap - Gloppen kommne

098/20 Signering av intensjonsavtale om Akson - felles elektronisk pasientjournal for kommunesektoren

099/20 Søknad om sals- og skjenkeløyve - Gardsbrenneriet AS

100/20 Søknad om salsløyve for nettsal av øl - Lokalbrygg AS

101/20 Akuttberedskap i barnevernet - vidareføring av samarbeid mellom Stad, Gloppen og Stryn

102/20 Husbankfinansiering - Austrheim barnehage

103/20 Mottak av mindreåringe flyktningar

104/20 Forslag til endra bibliotekstruktur

105/20 Kommunalt næringsfond - tildeling 2020

106/20 Orientering om etiske retningslinjer i selskap kommunen er eigar i

107/20 Anneks på Årdalsstøylen - dispensasjon frå kommuneplanen

108/20 Dispensasjon frå krav om reguleringsplan for frådeling av to bustadtomter på Andenes

109/20 Mindre planendring og sal av del av friområde i Åsen

110/20 Nærings- og miljøtiltak i skogbruket - strategi 2020 - 2023

111/20 Søknad om landbruksveg til Hetlestøylen

112/20 Planstrategi for Gloppen kommune 2020 - 2024 - Til endeleg godkjenning

113/20 Områdereguleringsplan for Sandane sentrum - sluttbehandling

114/20 Regelverk og retningslinjer for eigedomsskatt i Gloppen

Side 4

Gloppen kommune

Arkiv: FE-033

JournalpostID: 20/8322

Saksbehandlar: Geir Liavåg Strand

Saksnr. Utval Møtedato

088/20 Formannskapet 10.06.2020

Godkjenning av møtebok, innkalling og sakliste Vedlegg i saka: 22.05.2020 Protokoll - Formannskapet - 20.05.2020

Ordføraren si tilråding:

1. Formannskapet godkjenner møteboka frå siste møtet den 20. mai 2020. 2. Formannskapet godkjenner innkallinga og saklista til møtet den 10. juni 2020.

Møteboka frå siste møtet blir lagt fram til godkjenning.

Samstundes ber ordføraren om godkjenning av innkallinga og saklista til dette møtet. Formannskapet 10.06.2020 Behandling

FOR- 088/20 Vedtak 1. Formannskapet godkjenner møteboka frå siste møtet den 20. mai 2020. 2. Formannskapet godkjenner innkallinga og saklista til møtet den 10. juni 2020.

Vedtaket var samrøystes.

Side 5

Gloppen kommune

Arkiv: FE-033





Referat og orienteringssaker

Referatsaker Tittel Avsendar/mottakar Revidert nasjonalbudsjett 2020 og kommuneopplegget for 2021

Fylkesmannen i Vestland

Orienteringssaker:

Ordet fritt... Formannskapet 10.06.2020 Behandling Det vart ein gjennomgang av forholdet mellom administrasjon og politikk. Ordet fritt: Ordførar: Reiste spørsmål om formannskapet burde setje av ein eller to dagar til synfaringar, særleg i Hyen og Breim der ei synfaring er vanskeleg å kombinere med vanlege møte. Formannskapet er einig i dette. Mariel Koren: Skal vi ha ein generell uttale om rasisme på neste kommunestyremøte? Det er også sendt inn eit grunngjeve spørsmål til ordføraren som vert besvart i kommunestyret. Mariel lagar eit utkast til uttale og har dialog med gruppeleiarane om ordlyden fram til kommunestyremøtet. Formannskapet er einig i dette. Ordførar: Formannskap: Ber rådmannen kome tilbake til formannskapet med ei orientering om tilgjengelege næringsareal i Breim og på Kattahamrane og kva rådmannen gjer for å følgje opp kommunestyret sitt vedtak i budsjett- og økonomiplanen. Formannskapet er einig i dette. Takk til alle politikarane for innsatsen når det gjeld Firda vidaregåande skule! Arnar: Meiner der er uheldig at det ikkje vert skrive referat frå saker unnateke offentlegheit. Vedtak: Det skal skrivast referat frå ikkje-offentlege saker. FOR- 089/20 Vedtak Det vart ikkje gjort vedtak i saka.

Side 6

Gloppen kommune

Arkiv: FE-004


Saksbehandlar: Remi Lone Nilsen



Kommunestyret

Årsrekneskap 2019 Vedlegg i saka: 29.05.2020 Uttale frå kontrollutvalet - Rekneskap 2019 29.05.2020 Endelig Årsrekneskap 2019 29.05.2020 Revisjonsmelding Gloppen kommune 2019

Rådmannen si tilråding 1. Kommunestyret godkjenner kommunerekneskapen for 2019 2. Det rekneskapsmessige meirforbruket på 11 100 264 kroner dekka inn slik

a. 9 857 738 kroner i 2020 ved bruk av disposisjonsfond b. 1 242 526 kroner i 2021 over drift

3. Budsjett 2020 blir endra som omtala i rådmannen si saksutgreiing

Saksutgreiing Bakgrunn for saka Rekneskapen for Gloppen kommune for 2019 er no klar til politisk behandling. Det er lovfesta at rekneskapen skal behandlast av kommunestyret innan utgangen av juni kvart år, etter at denne er revidert og behandla av kommunen sitt kontrollutval. Fakta i saka Rekneskapen for Gloppen kommune for 2019 er gjort opp med eit rekneskapsmessig meirforbruk på 11 100 264,32 kroner. Brutto driftsresultatet enda på – 1 325 858 kroner, ei forverring på 2 017 438 kroner frå 2018. Årsaka til forverringa er stagnasjon i driftsinntekta, der vi enda med ein auke på 0,2%. Gloppen kommune kutta driftsutgifter, utanom løn, med 7 027 886 kroner men dette vart ikkje godt nok då lønsauken enda på 10 428 958 kroner.

Netto driftsresultatet til Gloppen kommune enda på -9 952 354 kroner, ei forverring på 6 131 314 kroner frå 2018. Årsaka var ei forverring av netto finans på 3 970 696 kroner (høgre renteutgifter og avdragsutgifter).

Gloppen kommune satt av i tillegg 1 147 910 kroner meir til fond enn dei nytta og difor enda ein med eit rekneskapsmessig meirforbruk på 11 100 264 kroner.

Netto driftsresultat utgjer -1,68% av driftsinntektene, TBU anbefala eit netto driftsresultat på minimum 1,75% av driftsinntektene. Gloppen kommune ligger 20 298 205 kroner bak det målet.

Side 7

Kommunen sitt disposisjonsfond 31.12.19: 9 857 738 kroner

Kommunen sitt samla underskot 31.12.19: 11 100 264 kroner

Kommunen si gjeld ex. Pensjon 31.12.19: 665 727 614 kroner

Økonomiske konsekvensar for kommunen Dei økonomiske konsekvensane for kommunen er store. Underskotet er større enn disposisjonsfondet. Dette betyr at Gloppen kommune sitt handlingsrom er sterkt redusert.

Budsjett endring i 2020 budsjettet blir slik:

Art Ansvar Teneste Beløp Merknad

15300 9000 88000 9 857 738 Delvis inndekking av underskot

19400 9000 88000 -9 857 738 Bruk av disp.fond

Rådmannen si vurdering Resultatet er ei fortsetting av den dårlige trend kommunen har hatt dei siste 3 åra. Gloppen kommune enda i 2017 med eit negativ netto driftsresultat på 3,8 millionar kroner. Dette ble vidareført inn i 2018, der hovudårsaka til at resultatet ikkje ble dårligare var ekstraordinære eingongseffektar. Då eingongseffektane gjekk bort i 2019 enda ein opp med eit netto driftsresultat på minus 9,9 millionar kroner. Årsaka er at brutto driftsresultat har ikkje greidd å halde følgje med forverringa i netto finans. Med kommunen si investeringstakt vil ein måtte kutte driftsutgifter med 3 – 4 millionar kroner årleg for å evne å halde takt med finansutgiftene. Driftsutgiftene må med andre ord ned så mykje at den årlege inntektsauken betalar både for lønsauken og auken som følgje av investeringar. Gloppen kommune sine investeringar bør framover ligge godt under kommunen sine avskrivingar. Investeringsprosjekt som ikkje fører til reduserte driftsutgifter på same nivå som dei auka finanskostnadene, bør ikkje settast i verk. Rådmannen tilrår å halde årlege investeringar som skal lånefinansierast på eit minimum og ikkje høgre enn 15 millionar kroner i året.

Rådmannen anbefaler å betale ned 9 857 738 kroner av underskotet i 2020 ved å nytte disposisjonsfond. Resterande underskot på 1 242 526 kroner blir dekt over drifta i 2021.

Formannskapet 10.06.2020 Behandling FOR- 090/20 Vedtak

Formannskapet si innstilling til kommunestyret: 1. Kommunestyret godkjenner kommunerekneskapen for 2019 2. Det rekneskapsmessige meirforbruket på 11 100 264 kroner dekka inn slik

a. 9 857 738 kroner i 2020 ved bruk av disposisjonsfond b. 1 242 526 kroner i 2021 over drift

3. Budsjett 2020 blir endra som omtala i rådmannen si saksutgreiing

Side 8


Side 9

Gloppen kommune

Arkiv: FE-004





Kommunestyret

Rådmannen si årsmelding for 2019 Vedlegg i saka: 25.05.2020 Årsmelding 2019

Rådmannen si tilråding Kommunestyret tar rådmannen si årsmelding for 2019 til orientering.

Saksutgreiing Bakgrunn for saka Rekneskapen for 2019 blir no lagt fram for kommunestyret og saman med denne legg rådmannen også fram si årsmeldinga for 2019. Årsmeldinga skal gje eit kort resymé av året som gjekk, og er rådmannen si melding til politikarane og innbyggjarane i Gloppen. Årsmeldinga for 2019 følgjer den same mal som dei siste åra. Årsmeldinga er også sendt kontrollutvalet. Fakta i saka Skriv her Økonomiske konsekvensar for kommunen Ingen. Rådmannen si vurdering Kommunestyret vedtok i juni 2017 at framtidige årsmeldingar også skal ha med orientering om grad av måloppnåing innanfor aktuelle planområde. Kommunestyret vedtok i desember 2016 at kommunen i løpet av 2017 skulle legge fram eit eige klimabudsjett. Rådmannen har seinare orientert kommunestyret om at vi arbeider med å få dette til, men at det er tidkrevjande så lenge ingen andre «små» kommunar har lagt fram eit slik budsjett. Rådmannen sa vidare at første versjon av eit klimabudsjett skulle utarbeidast i samband med budsjettarbeidet hausten 2020. Rådmannen arbeider målretta med å legge til rette for at det kan utarbeidast eit klimabudsjett til hausten. Formannskapet 10.06.2020 Behandling

Side 10

FOR- 091/20 Vedtak

Formannskapet si innstilling til kommunestyret: Kommunestyret tar rådmannen si årsmelding for 2019 til orientering. Vedtaket var samrøystes.

Side 11

Gloppen kommune

Arkiv: FE-212





Kommunestyret

KOSTRA orientering 2019 Vedlegg i saka: 04.06.2020 Kostra analyse

Rådmannen si tilråding Kommunestyret tar rapporten til orientering.

Saksutgreiing Bakgrunn for saka

Rådmannen v/økonomisjefen har gått igjennom KOSTRA-tala for 2019 for å sjå korleis kommunen prioriteter ressursane sine og om det er noko som vi kan lære av tala.

Tiltaket var tenkt som ei full analyse av kommunen sine tal, men det viste seg at dette vart for ressurskrevjande. Dokumentet, slik det vert lagt fram, er ei for-analyse for vidare prosess.

Målet med dokumentet er å orientere om korleis kommunen sin økonomi er samanlikna med andre kommunar.

Tala må ikkje nyttast som absolutte sanningar, men som eit utgangspunkt for samtale og vidare undersøking for å sjå kvifor det er slik. Grunna stor variasjon i korleis den enkelte kommune faktisk fører rekneskapet sitt i høve til KOSTRA, er det vanskeleg å vite om tala er samanliknbare. Det nærmaste vi kjem er KOSTRA-gruppa som er ei samling av samanliknbare kommunar. Gjennomsnittstala til 25 – 50 kommunar er enklare å nytte enn ein enkel kommune. KOSTRA-gruppe 11, som vi er med i, har 53 medlemmar.

Kort samandrag av rapporten

Om vi tek omsyn til Gloppen kommune sitt utgiftsbehov, kan det virke som om kommunen nyttar ressursane sine effektivt. Vi ligg godt under forbruket til KOSTRA-gruppa og det er berre Selje og snittet av alle kommunar i Noreg forutan Oslo som har lavare kostnader enn det Gloppen har.

Eit moment som kom fram i analysen er manglande kommunale inntekter. Det ser ut som kommunen har fleire låginntektsgrupper enn dei kommunane vi samanliknar oss med. Desse set eit lågare tak på kommunen sine inntekter enn for dei andre kommunane. Dette kjem tydeleg fram særleg på inntektene for barnehagetenesta og helse- og omsorgstenesta.

Side 12

Formannskapet 10.06.2020 Behandling Økonomisjefen orienterte. FOR- 092/20 Vedtak

Formannskapet si innstilling til kommunestyret: Kommunestyret tar rapporten til orientering. Vedtaket var samrøystes.

Side 13

Gloppen kommune

Arkiv: FE-212





Kommunestyret

Rekneskapsorientering - Budsjettoppfølging på drift/investering og oppdatering på innsparingsprosjekt Vedlegg i saka: 04.06.2020 Prosjektoppfølging til rapportering

Rådmannen si tilråding Kommunestyret tek saka til orientering.

Saksutgreiing Dette er ein kort status om kommunen si oppfølging av budsjett, innsparingsprosjekt og revisjon av investeringsrekneskapen.

Budsjett per 1. tertial

I førre budsjettrapport vart det peika på ei mogelegheit for at kommunen går med 6 – 8 millionar kroner i underskot i 2020. Bakgrunnen for dette var usikkerheit knytt til kommunen sitt premieavvik. KLP har svart at premieavviket vil bli lavare enn budsjett grunna vesentleg lavare premie. Dei totale pensjonskostnadane går ned grunna lavare lønsauke enn venta, og dette utliknar eventuell tap på premieavviket. Det er bestilt ei oppdatert prognose på premieavviket, men denne er ikkje mottatt endå. Fram til vi høyrer noko anna frå KLP vil vi difor anta at forholdet mellom pensjonsutgifter og premieavvik er som budsjettert.

Dette betyr at per 1. tertial så ligg kommunen innanfor budsjett.

Som biletet ovanfor viser har Gloppen kommune auka lønsutgiftene etter sjukelønsrefusjonar med 2 071 710 kroner. Den årlege budsjettauken er på 12 505 278 kroner. Det er med andre ord 10 433 568 kroner igjen av lønsbudsjettet per 1. tertial.

Driftsutgifta er ned 4 188 100 kroner målt mot same tidspunkt i 2019. Noko av forklaringa er her

Side 14

straumutgiftene som ligg 1,4 millionar kroner under fjoråret. Det var budsjettert med reduserte straumutgifter på 860 tusen kroner på heilårsbasis.

Noko som ligg over budsjett er kjøp av kommunale tenester, her er vi allereie over auken i årsbudsjettet. Det er hovudsakleg knytt til kjøp av private barnehageplassar. Per 1. tertial ligg denne kostnaden 2,3 millionar kroner over fjoråret. Oppvekstsjefen har rekna på det og har kome fram til at vi vil ende 1,2 millionar kroner over budsjett på dette området.

Helse og omsorg forklarar rundt 1 million kroner. Det er hovudsakleg kjøp av BPA tenester. Vi har per 1. tertial nytta 43% av budsjettet, og det kan sjå ut som vi her vil ende rundt 1 millionar kroner høgare enn budsjettert.

Vi ser også at finansutgiftene ligg høgare enn fjoråret. Desse vil reduserast dramatisk då det er forventa at renteutgiftene går ned med rundt 9 millionar kroner på årsbasis.

Totalt vurderer rådmannen at vi vil klare oss under budsjett, sjølv om vi sprekk nokre stader og hentar det inn at på andre områder.

Innsparingsprosjekt

Kommunen jobbar aktivt med innsparingsprosjektet. Til no er det rekna på tiltak for rundt 30 millionar kroner. Vi har iverksett rundt 3 – 5 millionar kroner i 2020. Vi har 4-5 vakante stillingar, redusert bruk av vikarar og generelt mindre kjøp av varer og tenester enn budsjettert.

KOSTRA-gjennomgangen som er gjennomført, viser at kommunen ligg godt under forbruket til kommunane i vår KOSTRA-gruppe. KOSTRA-tala vert brukt vidare for å sjå kva område vi bør fokusere på når det gjeld innsparingar.

Målet er å finne tiltak for til saman 30 – 40 millionar kroner. Kommunestyret vel av desse dei tiltaka som er naudsynte for å spare 15 – 20 millionar kroner. Nye investeringar i 2021 og utover vil auke innsparingskravet med rundt 55 tusen kroner per million kroner investert. Investeringar må framover i all hovudsak føre til innsparing på drift for at vi skal ha råd til å gjennomføre dei. Investeringar som ikkje evnar dette bør ligge under 15 millionar kroner årleg (slik at lånemengda til kommunen blir redusert/nedbetalt).

Investeringsbudsjett

Side 15

Total er det behov for å auke investeringsramma med 4 500 000 kroner til 122 255 000 som vist i tabellen ovanfor. Auken gjeld i all hovudsak overføring av prosjektmidlar ikkje nytta i 2019 til 2020. Det er 2 prosjekt som vi har utgifter på som ikkje er budsjettert i år og som ikkje har midlar å overføre frå 2019. Dette gjeld 31059 og 31550 som gjeld bustadfelt på Reed og gamle bustadfelt. Totalt er det forbruk på 178 000 kroner på desse 2 prosjekta.

Det vil kome ein meir utfyllande rapport til september-møtet då heile budsjettet skal reviderast. Rådmannen ser difor ikkje behov for å gjere endringar i investeringsramma i dag, då ramma ikkje vil bli oppbrukt fram til september. Totalt har kommunen forbruk 32 millionar kroner av totalramma på 117,8 millionar.

Det største prosjektet er nytt omsorgsbygg, og dette prosjektet ligg innanfor budsjett. Prosjektrapport ligg vedlagt.

Blålysbygget er ikkje starta endå.

Formannskapet 10.06.2020 Behandling Økonomisjefen orienterte kort om budsjettoppfølginga og innsparingsprosjektet. FOR- 093/20 Vedtak

Formannskapet si innstilling til kommunestyret: Kommunestyret tek saka til orientering. Vedtaket var samrøystes.

Side 16

Gloppen kommune

Arkiv: FE-400, FA-G03


Saksbehandlar: Liv Jorun Andenes


025/20 Teknisk, miljø- og kulturutvalet 04.06.2020


Kommunestyret

Betalingsfrådrag grunna redusert tenestetilbod i kulturskulen

Rådmannen si tilråding Kommunestyret vedtek følgjande avgifts- og betalingsfrådrag for tenester ved kulturskulen i perioden mars til april/mai 2020, då smitteverntiltak har hindra skulen i å tilby fullverdige tenester:

Gruppe Tal veker

Frådrag Frådrag per elev/time

Totalt frådrag per gruppe

Dans/ kor, 141 elevar 8 50 % 350 49 350

Øvrige elevar, 176 elevar 8 30 % 210 36 960

Elevar utan tilbod, 11 elevar 8 100 % 627 6 900

Sandane/ Breim skulekorps 2,9 t

6 50 % 210 3 654

Gloppen janitsjar 4, 37 t 6 50 % 310 8 128

Hyen skulekorps 3,16 t 6 50 % 210 3 982

Totalt frådrag 108 974

Vedtak som innstilling frå Teknisk, miljø- og kulturutvalet - 04.06.2020 Kommunestyret vedtek følgjande avgifts- og betalingsfrådrag for tenester ved kulturskulen i perioden mars til april/mai 2020, då smitteverntiltak har hindra skulen i å tilby fullverdige tenester:

Gruppe Tal veker



Dans/ kor, 141 elevar 8 50 % 350 49 350




6 50 % 210 3 654




Side 17

Saksutgreiing Bakgrunn for saka Som følgje av koronapandemien har Gloppen kulturskule i ein periode på totalt åtte veker hatt eit redusert tenestetilbod til sine kundar. Rådmannen legg difor fram ei tilråding om betalingsfrådrag for denne perioden til kulturskulen sine brukarar. Fakta i saka Gloppen kulturskule sel undervisningstenester til elevar, men også dirigenttenester til korpsa i kommunen. Då delar av samfunnet måtte stenge ned 12. mars 2020 grunna koronapandemien, var kulturskulen rask til å omstille seg til ein digital kvardag. I dei åtte vekene kulturskulen har vore stengt, har skulen gitt nettbasert oppfølging og undervisning til dei fleste av elevane. Dei aller fleste instrumentalelevar har fått videotimar i det meste av denne perioden. Gruppeundervisningstilboda, dans og kor, har fått arbeidsoppgåver kvar veke, men ikkje videotimar. Elevane på kunstfag avslutta sesongen omlag samtidig med at kulturskulen måtte stenge, og har difor ikkje fått alternativ undervisning. Totalt er det elleve elevar som ikkje har fått undervisning i denne perioden; tre elevar fekk ikkje undervisning pga sjukmeld lærar, tre elevar på musikkterapi blei ikkje vurdert som mogleg å gje videotimar til, og fem elevar på slagverkensembel såg ein heller ikkje moglegheit for å gje videotimar til på ein så utstyrsavhengig disiplin. Dei fem sistnevnte fekk videotimar på vanleg slagverk, og fekk då oppretthaldt eit tilbod. Måndag 18. mai starta kulturskulen opp att si ordinære undervisning. Elevavgifta ved Gloppen kulturskule blir satt av kommunestyret i årsbudsjettet. Det er ikkje delegert fullmakter til administrasjonen for å gjere endringar i desse.

Tabell på side 6 i heftet Gebyr- og betalingssatsar for 2020 (arkivsaksnr. 19/1119-3) Korpsa betalar timepris for dirigentenestene dei kjøper av kulturskulen. Timepris for dirigenttenester blei sist fastsett av kommunestyret 16.12.2013 (arkivsaknr.: 13/1674-1) med slikt vedtak:

· Dirigenttenester – korps og kor for barn og unge kr 390 per time · Dirigenttenester – korps og kor for vaksne kr 580 per time

Prisane har sidan den gong blitt prisregulert til høvesvis kr 420 per time for barn og unge og kr 620 per time for vaksne. Korpsa hadde forbod mot å øve saman fysisk i perioden 12. mars til 22. april. Det faglege utbyttet av digital undervisning med så mange musikarar blei vurdert som så lav at det ikkje blei gjennomført noko form for undervisning i den perioden. Då myndigheitene 22. april opna opp for at korps kunne øve saman fysisk med opp til 30 personar, bestemte Gloppen janitsjar seg for å ikkje ta opp at øvingane sine, og heller avslutte sin sesong før normalt. Årsaken var at korpset har fleire personar i risikogruppa og fleire personar i kritiske yrker. Gloppen janitsjar fekk ikkje lov av Firda vidaregåande skule å bruke sitt vanlege øvingslokale (Aulaen) etter 22. april, men kommunen hadde alternativt lokale å tilby. Gloppen janitsjar har signalisert at dei ser det som urimeleg av kulturskulen å krevje full

Side 18

betaling for perioden etter 22. april på grunn av desse tilhøva. Skulekorpsa starta opp igjen sine øvingar som normalt så fort det lot seg gjere etter 22. april. Dirigentane har i perioden det ikkje har vore øvingar delvis blitt brukt til å utføre andre arbeidsoppgåver for korpsa, som rydding av lager, notearbeid, langsiktig planlegging og liknande. Sal av timar til spelemannslaga skjer på fleksitid. Det vil seie at det ikkje er undervisning kvar veke, men i bolkar. I kva grad det kan takast igjen før sommaren, er enno uavklara. Økonomiske konsekvensar for kommunen Kultursjefens tilråding inneber tapte inntekter til kulturskulen på totalt kr 108 974. Som resten av kommunen, held kultursektoren oversikt over alle meirutgifter og tapte inntekter knytt til koronakrisa, men det er framleis uavklara kor mykje kompensasjon kommunane vil motta. Rådmannen si vurdering Sjølv om kulturskulen har gjort sitt beste med å lage eit godt tilbod medan skulen har vore fysisk stengt for elevane, så er det ikkje tvil om at skulen har gitt ei erstatning som i kvalitet ikkje kan måle seg med det som elevane og andre brukarar har inngått avtale om. Verdien av og kvaliteten på nettbasert undervisning varierer mellom dei ulike faga, og også mellom elevane. På bakgrunn av dette meiner rådmannen at det er rimeleg å gje avgiftsfrådrag/ betalingsfrådrag til kulturskulen sine brukarar i perioden skulen har hatt eit redusert tenestetilbod. Vidare vurderer rådmannen det som rimeleg at kommunen justerer storleiken på frådraget ut frå kvaliteten det har vore mogleg å oppretthalde via ikkje-fysiske undervisningformer. Difor inneber forslaget å tilby dans- og korelevar eit større avgiftsfrådrag enn andre elevar, då skulen ikkje har klart å gi dans- og korlelevar eit like godt undervisningstilbod som resten av elevane i denne perioden. Tilrådinga er å gi 100 prosent frådrag til elevar utan undervisningstilbod, 50 prosent frådrag til elevar med heimeoppgåve-undervisning (dans-/kor-elevar), og 30 prosent frådrag til elevar som har fått videoundervisning. Dette vil utgjere eit frådrag på totalt kr 93 210, med ei slik fordeling:

· Dans/kor 141 elevar x 350 kr x 8 veker: 49 350 kr · Øvrige elevar 176 elevar x 210 kr x 8 veker: 36 960 kr · 11 elevar utan tilbod x 8 veker: 6 900 kr · Totalt frådrag 93 210 kr

Rådmannen vurderer også at det er rimeleg å yte eit frådrag i betalinga for tenester til korps og spelemannslag i perioden 13. mars til 22. april, då det har vore forbode å fysisk samlast i større grupper, og dirigenten difor har blitt sett til å utføre andre typar arbeidsoppgåver. Totalt har det gått seks veker der dirigentane i liten grad er blitt brukt. Det faglege utbyttet av digital undervisning med så mange musikarar blei vurdert som så lav at det ikkje blei gjennomført noko form for undervisning i den perioden. Tilrådinga er difor å gi korpsa 50 prosent reduksjon i timeprisen i perioden dei ikkje kunne samlast fysisk for å øve, og der dirigent har utført andre typer arbeidsoppgåver for korpsa. Dette vil utgjere eit frådrag på totalt kr 15 764, med ei slik fordeling:

· Sandane/Breim skulekorps: 2,9 t x 210 kr x 6 veker: 3 654 kr · Gloppen janitsjar: 4, 37 t x 310 kr x 6 veker: 8 128 kr · Hyen skulekorps: 3,16 t x 210 kr x 6 veker: 3 982 kr

Totalt frådrag: 15 764 kr Då Gloppen janitsjar sjølve har valt å ikkje nytte seg av dirigenttenestene ved å avslutte sesongen før

Side 19

vanleg, vurderer rådmannen det som rimeleg at korpset betalar full pris for perioden etter 22. april. Teknisk, miljø- og kulturutvalet 04.06.2020 Behandling Vedtaket var samrøystes. TMK- 025/20 Vedtak Kommunestyret vedtek følgjande avgifts- og betalingsfrådrag for tenester ved kulturskulen i perioden mars til april/mai 2020, då smitteverntiltak har hindra skulen i å tilby fullverdige tenester:

Gruppe Tal veker



Dans/ kor, 141 elevar 8 50 % 350 49 350




6 50 % 210 3 654




Formannskapet 10.06.2020 Behandling FOR- 094/20 Vedtak Formannskapet si innstilling til kommunestyret: Kommunestyret vedtek følgjande avgifts- og betalingsfrådrag for tenester ved kulturskulen i perioden mars til april/mai 2020, då smitteverntiltak har hindra skulen i å tilby fullverdige tenester:

Gruppe Tal veker



Dans/ kor, 141 elevar 8 50 % 350 49 350




6 50 % 210 3 654





Side 20

Gloppen kommune

Arkiv: FE-256






Gloppen si rolle som garantist overfor idrett og kultur

Rådmannen si tilråding Formannskapet vedtek at Gloppen kommune skal halde fram med å gje garantiar på inntil 2 millionar kroner til prosjekt som har fått godkjent spelemiddel-søknaden sin. Garantiane skal fråfallast så fort spelemidlane er utbetalt, uavhengig av kva lånetakar gjer med midlane. Garantitida skal ikkje vere lenger enn 10 år. Gloppen kommune gjer berre simpelgaranti til spelemiddel-lån. Prosjekta det vert gitt garanti til må ligge i Gloppen kommune.

Vedtak som innstilling frå Teknisk, miljø- og kulturutvalet - 04.06.2020 Formannskapet vedtek at Gloppen kommune skal halde fram med å gje garantiar på inntil 2 millionar kroner til prosjekt som har fått godkjent spelemiddel-søknaden sin. Garantiane skal fråfallast så fort spelemidlane er utbetalt, uavhengig av kva lånetakar gjer med midlane. Garantitida skal ikkje vere lenger enn 10 år. Gloppen kommune gjer berre simpelgaranti til spelemiddel-lån. Prosjekta det vert gitt garanti til må ligge i Gloppen kommune.

Saksutgreiing Bakgrunn for saka Det vart i formannskapsmøtet den 20. mai etterpurt ei sak for å klargjere kommunen si rolle overfor idrett og kultur i høve til lånegarantiar. Fram til i dag har kommunen presedens for å gje lånegarantiar til idrettslag eller organisasjonar som får spelemidlar. Spelemidlar blir utbetalt ved ferdigstilling av prosjekt som er tildelt midlar. Dette betyr at organisasjonar som har fått godkjent sine spelemiddelsøknader må forskottere spelemidlane då dei ikkje kjem til utbetaling før alle rekningar er betalt. Dei fleste organisasjonane har ikkje mykje midlar på bok, så dei lånefinansierar spelemidlane for å kunne ferdigstille prosjektet. I slike saker ønskjer ofte bankane garantiar frå kommunen for å gje dei lån. Skal kommunen påta seg risikoen ved å vere garantist, kva følger får det om kommunen ikkje lengre garanterer for spelemiddel-lån? Fakta i saka Gloppen kommune har fram til i dag gitt lånegaranti til organisasjonar i kommunen som får godkjent søknader om spelemidlar. Dersom kommunen har vore medeigar har kommunen også opna for å forskottere spelemidlane sjølv.

Side 21

Det er usikkert om det er gitt garantiar på meir enn spelemiddelgarantien tidlegare. Det er frå Gloppen kommune si side forsøkt å avgrense alle garantiar til berre å gjelde spelemidlane, frå og med 2019.

Hovudårsaka til avgrensinga er kommunen si manglande evne til å ta på seg ekstra risiko. Dersom kommunen garanterer for andre midlar enn spelemidlar (for eksempel sponsormidlar), vil kommunen stå ansvarlig dersom søkjar ikkje evner å nå dei planar dei hadde opplyst om. Så lenge prosjektet blir ferdigstilt så er det 100% sikkert at spelemidlane kjem og at garantien dermed fell bort.

Det er to typar garantiar. Simpel garanti betyr at banken skal gjere det dei kan, inkludert selje anlegget for å inndrive gjelda, før kommunen må stå ansvarleg for det som er att. Sjølvskyldnargaranti betyr at banken kan gå direkte til kommunen for å drive inn gjelda om lånetakar ikkje evner å betene gjelda.

Gloppen kommune nyttar simpel garanti i sin garantistilling.

Frå og med 2020 kom det nye reglar som avgrensar kommunane si evne å gje garantiar. Det er talet på innbyggjarar som setter ei grense på kor stor garanti ei kommune har lov å gje utan å be departementet om lov. For Gloppen kommune er grensa 2 millionar kroner. Alle garantiar over dette må departementet godkjenne. Det er ikkje spesifisert kva departement som skal godkjenne garantien, men antar dette gjeld kommunal- og moderniseringsdepartementet.

Det er klare krav til kva eit vedtak skal innehalde når ein gjer garantiar. Krava er:

· Kven garantien er stilt for · Kva formål garantien gjeld for · Kva type garanti som er stilt · Maksimalt beløp det vert garantert for og om beløpet vert redusert i garantiperioden · Kva tidspunkt garantien gjeld frå og når den opphøyrer · Om vedtaket må godkjennast av departementet

Økonomiske konsekvensar for kommunen Kommunen er økonomisk ansvarleg for alle dei garantiar vi gjer inntil dei avgrensingane som er sett. Risiko ved å garantere spelemidlar er klart lågare enn alle andre garantiar då ein som oftast må få på plass all finansiering før lånet vert tatt opp og garantiar gjerast gjeldande. Det er difor lågt sannsynheit for at eit oppstarta prosjekt ikkje blir ferdigstilt, og at spelemidlane dermed ikkje blir utbetalt. Så lenge ein spesifiserer at garantien berre gjeld i ein gitt periode og at det fell bort så fort spelemidlane blir utbetalt så er konsekvensane minimale.

Om kommunen vel å garantere for meir enn spelemidlane eller vel sjølvskyldnargaranti, så aukar risikoen og konsekvensane der etter.

Konsekvensar blir berre gjeldande når eit prosjekt ikkje blir ferdigstilt og lånetakar ikkje evnar å gjere opp for seg. Rådmannen si vurdering Rådmannen ønskjer at kommunen skal vere med å bidra til ei positiv utvikling i Gloppen kommune. Då vil det vere naturleg at kommunen hjelper organisasjonar med å realisere gode prosjekt i kommunen. Får nokon spelemiddelsøknaden innfridd bør difor kommune stille opp med å stille ein simpel garanti inntil innvilga spelemidlar. Grunna kommunen sin økonomiske situasjon vil rådmannen ikkje tilrå å garantere for meir enn spelemidlane og vi bør ikkje gje andre garantiar enn simpelgaranti. Garantien bør falle bort samstundes med utbetalinga av spelemidlane. Kommunen bør ikkje opne for å forskottere spelemidlar til andre organisasjonar av eigne midlar, for at dei skal sleppe å ta opp lån.

Side 22

Teknisk, miljø- og kulturutvalet 04.06.2020 Behandling Vedtaket var samrøystes. TMK- 027/20 Vedtak Formannskapet vedtek at Gloppen kommune skal halde fram med å gje garantiar på inntil 2 millionar kroner til prosjekt som har fått godkjent spelemiddel-søknaden sin. Garantiane skal fråfallast så fort spelemidlane er utbetalt, uavhengig av kva lånetakar gjer med midlane. Garantitida skal ikkje vere lenger enn 10 år. Gloppen kommune gjer berre simpelgaranti til spelemiddel-lån. Prosjekta det vert gitt garanti til må ligge i Gloppen kommune. Formannskapet 10.06.2020 Behandling Beate Dybendal Nordvik stilte spørsmål om sin habilitet så lenge ho er leiar i Gloppen idrettsråd. Formannskapet vedtok samrøystes at Beate er inhabil, jf forvaltningslova §6.e 2. ledd. Gunnvor Sunde møtte som vara for Beate Dybendal Nordvik i denne saka. FOR- 095/20 Vedtak Formannskapet vedtek at Gloppen kommune skal halde fram med å gje garantiar på inntil 2 millionar kroner til prosjekt som har fått godkjent spelemiddel-søknaden sin. Garantiane skal fråfallast så fort spelemidlane er utbetalt, uavhengig av kva lånetakar gjer med midlane. Garantitida skal ikkje vere lenger enn 10 år. Gloppen kommune gjer berre simpelgaranti til spelemiddel-lån. Prosjekta det vert gitt garanti til må ligge i Gloppen kommune. Vedtaket var samrøystes.

Side 23

Gloppen kommune

Arkiv: FE-026, HIST-12/596





Kommunestyret

Invitasjon til å teikne 600 aksjar i Nordfjordbrua AS Vedlegg i saka: 04.06.2020 Invitasjon til å teikne 600 aksjar i Nordfjordbrua AS 04.06.2020 Invitasjon til å teikne 600 aksjar i Nordfjordbrua AS 04.06.2020 Pressemelding Nordfjordbrua - 26.05.2020 04.06.2020 Emisjonsprosepekt Nordfjordbrua

Rådmannen si tilråding Kommunestyret seier nei til å vere med på aksjeemisjonen i Nordfjordbrua as.

Saksutgreiing Bakgrunn for saka Generalforsamlinga til Nordfjordbrua AS vedtok i april å gjennomføre ein emisjon på 1 750 000 kroner for å sluttføre forprosjektet til ei konseptutvalsutgreiing. Emisjonen er open der noverande aksjonærar har fortrinnsrett.

Fakta i saka Nordfjordbrua AS har vedteke å utstede 1 750 nye aksjar i ein aksjeemisjon for å finansiere siste rest av forprosjektet til konseptutvalsutgreiinga (KVU). Aksjane er pålydande 1 000 kroner og emisjonen aukar talet på aksjar med 41,67%.

Aksjonær Tal aksjar Fordeling

Stad kommune 1 423 33,9%

Gloppen kommune 1 373 32,7%

Andre aksjonærar: 123 bedrifter, organisasjonar og privatpersonar

1 404 33,4%

Sum 4 200 100%

Gloppen kommune eig i dag 32,7% av aksjane, Stad kommune eig 33,9% og dei resterande 33,4% er fordelte på private. For å vidareføre eigardelen må Gloppen kommune teikne seg for 572 aksjar.

Gloppen kommune gir i tillegg eit driftstilskot til selskapet på 150 000 kroner i året, og har i åra 2010 til 2020 utbetalt 1 800 000 – 1 935 000 til selskapet.

Selskapet har blitt tilført 3 600 000 – 3 870 000 kroner, i tillegg til aksjekapital på 4 200 000 kroner, totalt 7 800 000 – 8 070 000 over dei siste ti åra.

Side 24

Det er budsjettert at innspurten skal koste 2 000 000 kroner, i tillegg til dei 4 000 000 ein hittil har brukt på prosjektet. Prosjektet hadde ein estimert totalkostnad på 5 000 000 kroner ved oppstart.

Planen er å ferdigstille KVU i 2020 og arbeide for å få prosjektet inn i Nasjonal transportplan (NTP) i 2022-2033. NTP 2022 - 2033 skal vedtakast i juni 2021.

Selskapet ønskjer at Stad og Gloppen kommune aukar sin eigendel ved å teikne seg for 68,6% av aksjane, 600 aksjar kvar. Kommunane eig i dag 66,6% av aksjekapitalen. Det var også føresett at begge kommunane held fram med å årleg overføre 150 000 kroner til selskapet.

Gloppen kommune sin eigardel vi auke til 33,2%, Stad aukar sin del til 34% og private eigarar endar på 32,8%.

Økonomiske konsekvensar for kommunen Dersom kommunen vel å kjøpe 600 aksjar og aukar eigardelen sin til 33,2% så vil dette føre til ei utgift på 600 000 kroner som ikkje kan lånefinansierast.

Kommunen har i dag ca. 7 960 000 kroner i frie investeringsfond som kan dekkje kjøpet. Desse midlane er tiltenkt eigenkapitalinnskot i KLP som ligg mellom 1 400 000 – 1 700 000 kroner i året. Desse midlane kan kommunen ikkje lånefinansiere. I dag har kommunen råd til å finansiere KLP-innskota i ca. 4 - 5 år. Dette vil ikkje endre seg så framt eigenkapitaltilskota til KLP ikkje aukar.

Kommunen har med andre ord avsett kapital til ei slik investering utan at dette kortar ned på tida kommunen treng for å finne desse midlane gjennom drift. Det einaste vi mistar er reservar.

Rådmannen si vurdering Selskapet hadde 31.12.19 ca. 1 500 000 kroner på konto og hadde eig leverandørgjeld på ca. 464 000 kroner. Forventa utgift til prosjektet er 2 000 000 kroner. Selskapet vil då sitte att med ca. 786 000 kroner etter at prosjektet er ferdig.

Gloppen og Stad kommune finansierer i dag heile drifta på 300 000 kroner i året sjølv om eigarfordelinga er mindre. Eg har ikkje sett nokon god plan på forventa framtidige kostnader. Kommunen er i ein større innsparingsprosess og vil ikkje kunne finansiere tiltak som dette utan direkte kutt i driftsbudsjettet. Vi må med andre ord kutte tenestetilbodet i kommunen for å kunne halde fram å finansiere selskapet.

Med bakgrunn i Gloppen kommune si finansielle situasjon så er rådmannen si tilråding at alle investeringar framover bør føre til reduserte driftsutgifter. Dette prosjektet oppfyller ikkje dette kravet og rådmannen tilrår difor at kommunen ikkje vert med på denne aksjeemisjonen.

Dersom Gloppen kommune ikkje vel å vere med på aksjeemisjonen vil eigardelen til kommunen reduserast til 23,1% av selskapet om emisjonen blir fullteikna.

Formannskapet 10.06.2020 Behandling Ordføraren, framlegg frå Leidulf Gloppestad, Senterpartiet Kommunestyret seier ja til å teikne seg for 600 aksjar i Nordfjordbrua AS. Nordfjordbrua er eit viktig utviklingsprosjekt for kommunen, som også er forankra i Gloppen kommune sin samfunnsdel til kommuneplanen. Investeringa på kr 600 000,- vert dekka av frie investeringsfond. Svein Ottar Sandal stilte spørsmål om sin habilitet då han er nestleiar i styret for Nordfjordbrua AS. Formannskapet vedtok samrøystes at han er inhabil etter forvaltningslova §6 e. 2.ledd. Vara Arnfinn

Side 25

Brekke (KrF) møtte under behandlinga av saka. Beate Dybendal Nordvik stilte spørsmål om sin habilitet då ho er med i styret for Nordfjordbrua AS. Formannskapet vedtok samrøystes at ho er inhabil etter forvaltningslova §6 e. 2.ledd. Vara Gunnvor Sunde (SD) møtte under behandlinga av saka. Ordføraren reiste følgjande forslag til vedtak: Kommunestyret seier ja til å teikne seg for 600 aksjar i Nordfjordbrua AS. Nordfjordbrua er eit viktig utviklingsprosjekt for kommunen, som også er forankra i Gloppen kommune sin samfunnsdel til kommuneplanen. Investeringa på kr 600 000,- vert dekka av frie investeringsfond. Ordføraren sitt forslag vart vedteke mot ei røyst, Mariel Eikeset Koren (MDG), som støtta rådmannen si tilråding. FOR- 096/20 Vedtak Formannskapet si innstilling til kommunestyret: Kommunestyret seier ja til å teikne seg for 600 aksjar i Nordfjordbrua AS. Nordfjordbrua er eit viktig utviklingsprosjekt for kommunen, som også er forankra i Gloppen kommune sin samfunnsdel til kommuneplanen. Investeringa på kr 600 000,- vert dekka av frie investeringsfond.

Vedtaket vart gjort mot ei røyst, Mariel Eikeset Koren (MDG).

Side 26

Gloppen kommune

Arkiv: FE-033, TI-&00


Saksbehandlar: Rita Arlen Lilletvedt



Formannskapet

Kommunestyret

Forskrift om folkevalde sin rett til godtgjersle og dekking av økonomiske tap - Gloppen kommne Vedlegg i saka: 29.05.2020 Forskrift om folkevalde sin rett til godtgjersle og dekking av økonomisk tap

Rådmannen si tilråding Formannskapet vedtek å legge framlegg til «forskrift om folkevalde sin rett til godtgjersle og dekking av økonomisk tap i Gloppen kommune» ut til offentleg høyring i samsvar med forvaltningslova § 37.

Saksutgreiing Bakgrunn for saka Kommunelova slår fast at kommunestyret skal gje forskrift om folkevalde sin rett til dekning av utgifter og økonomisk tap (§ 8-3), arbeidsgodtgjersle (§ 8-4), ettergodtgjering (§ 8-6) og permisjonar (§ 8-10). Dette er nytt og kommunen må leggje framlegg til forskrift ut på høyring, jf. forvaltningslova § 37. Fakta i saka Kommunestyret har tidlegare fastsett reglement om dekning av utgifter, økonomisk tap og arbeidsgodtgjersle etter tidlegare kommunelov. Etter den nye kommunelova skal dette no givast i forskrift. Dette betyr m.a. at krava til forskrifter i forvaltningslova skal vere oppfylt. Forvaltningslova stiller m.a. krav til korleis forskrifter skal utformast, at dei skal høyrast og at det gjeld særlege krav til kunngjering for at kommunen skal kunne påberope seg reglane. Dei folkevalde sine økonomiske rettar kan såleis ikkje lenger regulerast i reglement som har ei litt lausare ramme når det gjeld sakshandsaming og utforming. Det er og nytt at kommunestyret sjølv skal gje forskrift om ettergodtgjersle og permisjonar. Det er utarbeidd eit framlegg til forskrift som skal tilfredsstille formkrava til ei forskrift. Framlegg til forskrift ligg ved saka. Framlegget byggjer på reglement for godtgjersle til folkevalde i Gloppen kommune som vart vedteke i sak 71/15 i kommunestyret 2. november 2015. Etterlønn til ordførar er endra i framlegget for å tilfredsstille krava i kommunelova § 8-6, andre og tredje ledd (avkorting mot anna inntekt). Det er i tillegg tatt inn ordførar sine rettar til pensjonsordning, sjukepengar, yrkesskadeforsikring og permisjon.

Side 27

Økonomiske konsekvensar for kommunen Forskrifta i seg sjølv vil ikkje føre til auka kostnadar for kommunen. Formannskapet 10.06.2020 Behandling Rådmannen opplyste at §7 er feil. I utkastet skal det stå kommunen si pensjonsordning, ikkje pensjonsordning for folkevalde. FOR- 097/20 Vedtak Formannskapet vedtek å legge framlegg til «forskrift om folkevalde sin rett til godtgjersle og dekking av økonomisk tap i Gloppen kommune» ut til offentleg høyring i samsvar med forvaltningslova § 37 med den endringa som kom fram i møtet. Vedtaket var samrøystes.

Side 28

Gloppen kommune

Arkiv: FE-060, FA-H01




033/20 Helse- og omsorgsutvalet 08.06.2020


Kommunestyret

Signering av intensjonsavtale om Akson - felles elektronisk pasientjournal for kommunesektoren Vedlegg i saka: 02.06.2020 Intensjonserklaring-akson 02.06.2020 Informasjon frå KS fylkesstyre og kommunedirektørutval om Akson og signering

av intensjonserklæring 02.06.2020 Status og veien videre for Akson 02.06.2020 PatientSky skaper én pasient – én journal 02.06.2020 Felles-plattform-KS-og-Legeforeningen 02.06.2020 En innbygger - en journal St. m 2012-13 02.06.2020 KVALITETSSIKRINGSRAPPORT KS1 AV NASJONAL LØSNING FOR KOMMUNAL

HELSE- OG OMSORGSTJEN

Rådmannen si tilråding 1. Gloppen kommune signerer intensjonserklæringa med Helse- og omsorgsdepartementet om Akson. 2. Kommunestyret ber ordføraren og kommunedirektøren følgje opp spørsmål om finansiering, selskapsform og eigarstruktur i tett dialog med andre kommunar og KS.

Vedtak som innstilling frå Helse- og omsorgsutvalet - 08.06.2020 Helse og omsorgsutvalet rår kommunestyret til å gjere følgande vedtak: 1: Gloppen kommune godkjenner ikkje intensjonserklæring om Akson slik denne ligg føre. Grunnen til dette er at den økonomiske risikoen vil vere stor ved å gå inn i eit statleg styrt IT-prosjekt med 10 års utviklingstid. Den estimerte kostnaden for Gloppen er allereie rundt 11 millionar kroner. 2: Ei anna ulempe med å gå inn i eit standardisert felles journalsystem er at dette kan legge føringar på korleis Gloppen kommune skal organisere arbeidet i helse og omsorgssektoren. 3: Kommunen bør vere open for ulike løysingar frå fleire leverandørar heller enn å binde seg til dette prosjektet no. Delpunkt to mot ei stemme Mariel Eikeset Koren, ellers samrøystes.

Saksutgreiing Bakgrunn for saka Akson står for heilskapleg samhandling og felles kommunal journal og er eit nasjonalt prosjekt der målet er å få til ein felles kommunal pasientjournal og felles digitale løysingar som knyt det

Side 29

kommunale helse-Noreg saman på tvers av verksemder. Målet er at pasientane sin helseinformasjon skal vere tilgjengeleg på rett stat, til rett tid, til rett person, uavhengig av kvar i helsetenesta pasienten er. Den skal og legge til rette for betre samhandling med andre statlege og kommunale tenester som til dømes NAV, oppvekst og barnevern. Helseforetaka er ikkje med i denne løysinga I 2019 oppretta KS eit program for Akson med føremål å samle innspel, posisjonar og behov opp mot forprosjektet. Direktoratet for e-helse har levert forprosjektrapport om prosjektet Akson til helse og omsorgsdepartementet. KS si rolle har mellom anna vore å samle innspel, posisjonar og behov inn til prosjektet. Prosjektrapporten frå forprosjektet er eit sentralt styringsdokument som beskriv korleis direktoratet føreslår at tiltaket skal verte: gjennomført, styrt, organisert og finansiert. Akson vert delt i 2: Akson journal og Akson samhandling. Ein legg opp til at tiltaket er eit systematisk og langsiktig arbeid som skal verte utvikla og lansert stegvis med samhandling i sentrum. Ansvaret for Akson journal vert lagt til kommunane i eit eige selskap: Akson journal AS med kommunal majoritet. Ansvar for Akson samhandling vert lagt til direktoratet og vert realisert gjennom Norsk Helsenett. I 2020 står det att viktige avklaringar som staten vil bidra med å avklare saman med KS og eit utval kommunar. Her skal ein tydleggjere rammebetingelsar og premissar for styring, organisering, finansiering og ansvarsdeling av Akson som heilskap med utgangspunkt i tilrådingar i styringsdokumentet. Staten sitt vidare arbeid for og bidrag til Akson føreset intensjonserklæringar frå kommunar som representerer over halvdelen av innbyggjartalet utanfor Midt-Noreg. Vidare statleg arbeid med å legge til rette for Akson frå 2021 føreset også vedtak i regjering og Stortinget – i august og i desember 2020. Intensjonserklæringane inneber ikkje kjøpsforplikting, men er uttrykk for støtte til at arbeidet med Aksjon skal halde fram. Det er eit mål at så mange kommunar som mogleg handsamar saka før 01.07.2020. Å signere erklæringa inneber at kommunen får moglegheit til å vere med å påverke tiltaket vidare. Arbeid med felles kommunal pasientjournal og heilskapleg samhandling i heile helsesektoren starta i 2012/13. Figuren under viser historikken inkludert politisk handsaming frå 2012 og til i dag.

Side 30

Direktoratet for e-helse gjennomførte ei konseptvalutgreiing i 2018 der ein konkluderte med at «dagens løsninger er til hinder for oppfyllelse av politiske mål om en effektiv og berekraftig helsetjeneste som tilbyr helhetlige og koordinerte tjenester på tvers av behandlingsnivå og virksomheter.» Det er etablert samarbeid mellom Helse og omsorgsdepartementet, Direktoratet for e-helse, KS og ei gruppe kommunar (Bergen, Bodø, Bærum, Kristiansand, Oslo, Stavanger og Vinje) som vert føreslått å arbeide vidare med utgangspunkt i eit sentralt styringsdokument og tilrådingar i dette. Dette arbeidet vil pågå i 2020. KS rår kommunane til å inngå intensjonserklæring med følgjande innhald:

1. KOMMUNEN gir si tilslutning til målet om ein felles journal for kommunale helse- og omsorgstenester og løysingar for betre digital samhandling mellom alle verksemder som yter helsetenester. Det skal òg leggjast til rette for betre digital samhandling med innbyggjarar og andre kommunale og statlege tenesteområde.

2. Etter at arbeidet for 2020 med å tydeleggjere rammevilkår, premissar og planar for Akson har kome lenger, og dersom KOMMUNEN ønskjer det, vil KOMMUNEN kunne delta vidare basert på alternativa under: a. Inngå forpliktingsavtale om samarbeid eller anna tilknytingsform (f.eks. medeigarskap) i «Selskapet Akson journal» frå start og delta aktivt i det vidare arbeidet med anskaffings- og utviklingsarbeidet med etablering av felles kommunal journalløysing. b. Inngå opsjonsavtale og vente med å bestemme seg for tilknyting til felles verksemd og å ta i bruk felles kommunal journal. 3. KOMMUNEN har til intensjon å finansiere sin del av felles kommunal journal dersom han på eit seinare tidspunkt forpliktar seg til å ta journalløysinga i bruk.

Fakta i saka Det er «frivilleg» for kommunar å delta i Akson-tiltaket. Kommunen, fastlegar og andre private med avtale står fritt til å nytte eigne digitale løysingar, men den einskilde har krav om å utvikle sine journalsystem i tråd med nasjonale krav, føringar og standardar. Helse og omsorgs-departementet har fremja ei ny lov for Stortinget (Prop. 65L Lov om e-helse) som truleg vert handsama innan sommaren 2020. Lova regulerer kommunen si plikt til å ta i bruk standardar, nasjonale e-helseløysingar og betale for dei. Dersom lova vert vedteken vil den føre til at alle helseverksemder vil ha plikt til å syte føre at eigne journalløysingar til ei kvar tid vert kjøpt inn, utvikla og vert forvalta opp i mot standardiserte myndigheitskrav og nasjonale fellesløysingar og at desse i bruk i tenesta. Ein felles journal vil legge til rette for felles dialog og oppfølgjing av leverandørar og ein koordinert implementering av ny funksjonalitet og robuste sikkerheitstiltak. Akson kan gje samarbeidsarenaer mellom kommune og stat, og også mellom ulike etatar i kommunal sektor som arbeider saman om innbyggjarane sine behov. Det kan gje moglegheit for å skape meir teknologisk like utgangspunkt i kommunane, og sikre heilskaplege nasjonale løysingar. Styringsdokumentet tilrår finansieringsprinsipp med tilskotsordningar, lån og tenesteprising. Direktoratet rår til at felles kommunal journal vert finansiert av kommunane, både sjølve investeringa og i forvaltning og drift. Dette er grunngjeve med at kommunane har ansvar for eigne journalsystem i dag. Staten vil finansiere myndigheitsoppgåvene og programaktivitetar. Det vert

Side 31

også lagt til grunn at staten vil finansiere det første steg av samhandlingsløysningane (Akson samhandling) med om lag 709 millionar. I styringsdokumentet vert kostnad for felles kommunalt journalsystem estimert til 8,8 milliardar der staten dekker 1,4 milliardar. Resterande, 7,4 milliardar vert dekka av kommunene. Ein reknar 45% av kostnaden å vere sjølve gjennomføring av programmet Akson journal og 55% lokale innføringskostnader. Økonomiske konsekvensar for kommunen Kostnadsoverslaget så langt er på 8.8 milliardar kroner, der 7,4 milliardar skal betalast av kommunane. Tommelfingerregelen er at Gloppen då må finansiere 7,4 mill kr. Dette kjem i tillegg til dagens drift av journalsystema vi i dag brukar i helse- og omsorg og midlane må dermed hentast frå driftsbudsjettet til helse- og omsorg. Rådmannen si vurdering Akson er eit stort og dyrt prosjekt. Ideen om ein felles elektronisk pasientjournal for heile kommunesektoren er ambisiøs og risikofullt. Risikoen er om nok kommunar tar løysinga i bruk og om det i det heile tatt er mogeleg å lage eit felles journalsystem. Slik rådmannen tolkar signala frå Staten, vil dei kome til å pålegge oss å ta i bruk Akson, kanskje gjennom ei forskrift. Akson meiner sjølve at den tekniske risikoen er lav. Det er ikkje rådmannen einig i. Fleire land har prøvd å lage ein slik fellesjournal før utan å lukkast. Rådmannen er redd for at kostnadane for utvikling av systemet kan bli høgare enn estimert og dermed at kostnadane for kommunen vert høgare enn dei 7.4 mill kr som kjem fram av denne saksutgreiinga. Gloppen kommune har i dag ein utviklingsavtale med Melin Medical om utvikling av legedelen av deira journalsystem PasientSky. Pasientsky er i mot ideen om ein felles, offentleg eigd pasientjournal. Dei meiner at Noreg kan oppnå målet om felles pasientjournal både betre og billegare gjennom ei vidareutvikling av til dømes PasientSky. Rådmannen er skeptisk til å bruke så mykje pengar på Akson. Pengar som elles kunne ha gått til teneste-produksjon. Samstundes så tolkar rådmannen det slik at Gloppen vert tvungen med i dette arbeidet, om vi likar det eller ikkje. Staten kan krevje at vi tar eit slikt system i bruk gjennom ei eiga lov eller forskrift. Ein konsekvens av det er at vi må seie ja til å bruke midlar til Akson. Ein annan konsekvens er at vi også vert hindra i å ta i bruk alternative løysingar, som til dømes PasientSky. Dette likar rådmannen dårleg, men eg vil likevel tilrå at vi underskriv intensjonsavtalen slik den ligg føre då eg ikkje ser at vi har anna val.

Helse- og omsorgsutvalet 08.06.2020 Behandling Revidert forslag, framlegg frå Eivind Reed, Senterpartiet Helse og omsorgsutvalet rår kommunestyret til å gjere følgande vedtak: 1: Gloppen kommune godkjenner ikkje intensjonserklæring om Akson slik denne ligg føre. Grunnen til dette er at den økonomiske risikoen vil vere stor ved å gå inn i eit statleg styrt IT-prosjekt med 10 års utviklingstid. Den estimerte kostnaden for Gloppen er allereie rundt 11 millionar kroner. 2: Ei anna ulempe med å gå inn i eit standardisert felles journalsystem er at dette kan legge føringar på korleis Gloppen kommune skal organisere arbeidet i helse og omsorgssektoren. 3: Kommunen bør vere open for ulike løysingar frå fleire leverandørar heller enn å binde seg til dette prosjektet no.

Side 32

Helse- og omsorgsutvalet støttar ikkje rådmannen si tilråding til vedtak Helse- og omsorgsutvalet støttar Eivind Reed (SP) sitt forslag fekk følgande stemmer under kvart punkt. 1: vart einstemmig vedteke. 2: vart vedteke med ei stemme imot, Mariel Eikeset Koren (MDG). 3: vart einstemmig vedteke. HOU- 033/20 Vedtak Helse og omsorgsutvalet rår kommunestyret til å gjere følgande vedtak: 1: Gloppen kommune godkjenner ikkje intensjonserklæring om Akson slik denne ligg føre. Grunnen til dette er at den økonomiske risikoen vil vere stor ved å gå inn i eit statleg styrt IT-prosjekt med 10 års utviklingstid. Den estimerte kostnaden for Gloppen er allereie rundt 11 millionar kroner. 2: Ei anna ulempe med å gå inn i eit standardisert felles journalsystem er at dette kan legge føringar på korleis Gloppen kommune skal organisere arbeidet i helse og omsorgssektoren. 3: Kommunen bør vere open for ulike løysingar frå fleire leverandørar heller enn å binde seg til dette prosjektet no. Delpunkt to mot ei stemme Mariel Eikeset Koren, ellers samrøystes.

Formannskapet 10.06.2020 Behandling Innstillinga frå Helse- og omsorgsutvalet vart presentert. Det vart røysta over den punkt for punkt. 1: Gloppen kommune godkjenner ikkje intensjonserklæring om Akson slik denne ligg føre. Grunnen til dette er at den økonomiske risikoen vil vere stor ved å gå inn i eit statleg styrt IT-prosjekt med 10 års utviklingstid. Den estimerte kostnaden for Gloppen er allereie rundt 11 millionar kroner. 2: Ei anna ulempe med å gå inn i eit standardisert felles journalsystem er at dette kan legge føringar på korleis Gloppen kommune skal organisere arbeidet i helse og omsorgssektoren. 3: Kommunen bør vere open for ulike løysingar frå fleire leverandørar heller enn å binde seg til dette prosjektet no. Delpunkt 1 og 3 vart samrøystes vedtekne, medan delpunkt 2 vart vedteke mot 2 stemmer, Sandra Tenud (Ap) og Mariel Eikeset Koren (MDG). FOR- 098/20 Vedtak

Formannskapet si innstilling til kommunestyret: 1: Gloppen kommune godkjenner ikkje intensjonserklæring om Akson slik denne ligg føre. Grunnen til dette er at den økonomiske risikoen vil vere stor ved å gå inn i eit statleg styrt IT-prosjekt med 10 års utviklingstid. Den estimerte kostnaden for Gloppen er allereie rundt 11 millionar kroner. 2: Ei anna ulempe med å gå inn i eit standardisert felles journalsystem er at dette kan legge føringar på korleis Gloppen kommune skal organisere arbeidet i helse og omsorgssektoren. 3: Kommunen bør vere open for ulike løysingar frå fleire leverandørar heller enn å binde seg til dette prosjektet no. Delpunkt to vart vedteke mot to stemmer, Mariel Eikeset Koren (MDG) og Sandra Tenud (Ap), elles samrøystes.

Side 33

Gloppen kommune

Arkiv: FA-U63






Søknad om sals- og skjenkeløyve - Gardsbrenneriet AS Vedlegg i saka: 30.04.2020 Tegning over lokaler 30.04.2020 Om uteservering 08.05.2020 Gardsbrenneriet AS - uttale i samband med sals- og skjenkeløyve

Rådmannen si tilråding Formannskapet viser til søkjaren sitt ønskje om å utvikle eit heilheiltleg reiselivsprodukt og rusmiddelpolitisk handlingsplan, løyvepolitisk del, og gir Gardsbrenneriet AS skjenkeløyve for eigenprodusert drikke i gruppe 1, 2 og 3. Skjenkestyrar er Jann Vestby med Synnøve Vik Bergstad som varastyrar. Skjenkeløyvet er tildelt for alle dagar måndag – søndag. Innandørs og utandørs skal løyvet vere mellom klokka 13:00 – 22:00 søndag til torsdag og klokka 13:00 – 22:00 fredag, laurdag (og dagar før skiftande helge- og høgtidsdagar). Formannskapet viser til rusmiddelpolitisk handlingsplan, løyvepolitisk del, og gir Gardsbrenneriet AS salsløyve for eigenprodusert drikke i gruppe 1 og 2. Salsløyvet er tildelt for måndag – laurdag mellom klokka 10:00 og 18:00. Styrar er Jann Vestby, med Synnøve Vik Bergstad som varastyrar.

Vedtak som innstilling frå Helse- og omsorgsutvalet - 03.06.2020 Helse- og omsorgsutvalet støttar rådmannen si tilråding. Vedtaket var samrøystes.

Saksutgreiing Bakgrunn for saka Gardsbrenneriet AS har i dag statleg produksjonsløyve for brennevin. Gardsbrenneriet søkjer om skjenkeløyve i gruppe 1, 2 og 3 (øl, vin og brennevin) av eigenprodusert vare. Dei søkjer om løyve til å servere både inne og ute, sjå skisser. Dei søkjer også salsløyve for eigenprodusert alkoholhaldig drikke i gruppe 1 og 2. Fakta i saka

Side 34

Gardsbrenneriet, ved Jann Vestby, søkjer om skjenkeløyve i gruppe 1, 2 og 3 (øl, vin og brennevin). Dei søkjer om både innandørs og utandørs skjenkeløyve. Styrar og varastyrar for skjenkeløyvet blir Jann Vestby og Synnøve Vik Bergstad. Gardsbrenneriet søker også om salsløyve for eigenprodusert drikk inntil 22 volumprosent alkohol (gruppe 1 og 2). Jann Vestby har bestått og godkjent etablererprøve for servering og kunnskapsprøve om alkohollova. Arealet er 370 kvadrat der ca 19 kvadrat er gardutsalg der det ikkje skal skjenkast. Det er fleire avdelingar (brenneri, tapping, råvarehandtering, fermeteringsrom etc) der det vil kunne skjenkast under omvising og arrangement av forskjellig karakter. På taket vert det uteservering. Konseptet er destilleri/sideri med gardsutsalg og omvising/arrangement rundt i lokala og i frukthagen på garden. Målgruppa er bevisste og nysgjerrige personar som søker etter gode smaksopplevingar av handverks-produkt rett frå garden. Opningstid blir i hovedsak i sesongen men også nokre dagar i veka. I søknaden står det at opningstidene vert frå måndag til og med søndag. Normalopningstidene for skjenking både innandørs og utandørs skal vere mellom klokka 13:00 – 22:00 alle dagar. Opningstidene for gardsutsalet vert klokka 10:00 – 18:00 måndag – laurdag. Økonomiske konsekvensar for kommunen Ingen Rådmannen si vurdering Jann Vestby har gjennomført og greidd kunnskapsprøva om alkohollova, og kan ut frå dette vere styrar av skjenkeløyvet og salsløyvet i ei verksemd med slikt løyve. I tillegg har Synnøve Vik Bergstad gjennomført og greidd kunnskapsprøva om alkohollova og skal vere varastyrar. Gardsbrenneriet AS har statleg produksjonsløyve for brennevin. Brennevin kan berre seljast på Vinmonopolet. §3.1b i alkohollova opnar for at produsentar kan få salsløyve i gruppe 2 dersom produksjonen skjer ved salsstaden og produksjonen og salet vil utgjere ein del av staden sin ‘heilheitlege karakter og serveringstilbod’ som det står i §1.7f. Lova opnar for slikt sal inntil 15 000 liter per år. Rådmannen vurderer at Gardsbrenneriet oppfyller desse krava i alkohollova og vil tilrå at dei får slik salsløyve. I Gloppen kommune sin rusmiddelpolitiske handlingsplan, løyvepolitisk del, er det sett følgjande kriterium for at ei verksemd kan få skjenkeløyve for øl, vin:

1. Overnattingsstader, definert som hotell, motell og pensjonat. 2. Serveringsstad med eige kjøkken 3. Diskotek og pubar 4. Utandørs serveringsareal, dersom arealet er klart avgrensa og ligg i naturleg tilknyting til

skjenkearealet innandørs 5. Selskapslokale 6. Helse- og omsorgsinstitusjonar 7. Den eller dei som har tilverkingsløyve

Gardsbrenneriet har tilverkingsløyve og oppfyller dermed punkt 7 i desse krava når det gjeld skjenkeløyve for øl og vin. Når det gjeld skjenkeløyve for brennevin kan dette etter rusmiddelpolitisk plan tildelast:

1. Overnattingsstader definert som hotell, motell og pensjonat. Overnattingsstaden skal ha;

Side 35

a. rom med dusj/bad og toalett b. resepsjonsservice c. serveringslokale d. salongareal med god standard

a. rom med dusj/bad og toalett b. resepsjonsservice c. serveringslokale d. salongareal med god standard

1. Restaurant, serveringsstad og pub 2. Slutta lag ved enkelte høve (ambulerande løyve)

Med dette som utgangspunkt kan Gardsbrenneriet skjenke eigenprodusert øl og vin, men ikkje brennevin. Med den produksjonen som Gardsbrenneriet har, verkar dette underleg. Planen burde nok opne for skjenking av eigenprodusert brennevin også. Gardsbrenneriet har serveringsløyve og det kan argumenterast at dei oppfyller krav 2 for å kunne få skjenkeløyve for brennevin, men med det konseptet som Gardsbrenneriet no utviklar, ville det vere meir naturleg at løyvet vart gitt som eit løyve knytt opp mot produksjonen. Rådmannen vil likevel tilrå at Gardsbrenneriet får skjenkeløyve for brennevin. Rådmannen har på vanleg måte sendt brev til lensmannen og bede om uttale til sals- og skjenkeløyvet. Lensmannen har ingen merknader til søknaden. Det er eit krav om at det ikkje kan vere sal og skjenk i same lokale. I søknaden går det fram at alt sal skjer frå eit eige gardsutsal som vert etablert i eit eige rom i eit anna lokale enn der skjenkinga skal skje. Rådmannen meiner dermed at kravet om skilt skjenk og sal er oppfylt. Gardsbrenneriet har i dag statleg produksjonsløyve for brennevin. Dei ønskjer no å utvikle eit reiselivsprodukt rundt produksjonen og søker kommunen om sals- og skjenkeløyve knytt til Gardsbrenneriet som oppleving. Rådmannen ønskjer at kommunen skal vere positiv til denne satsinga og tilrår at Gardsbrenneriet får skjenkeløyve for øl, vin og brennevin og salsløyve for øl og vin. Helse- og omsorgsutvalet 03.06.2020 Behandling HOU- 029/20 Vedtak Helse- og omsorgsutvalet støttar rådmannen si tilråding. Vedtaket var samrøystes. Formannskapet 10.06.2020 Behandling Skjenking av brennevin, framlegg frå Svein-Ottar Sandal, Kristeleg Folkeparti Samd i rådmannen si tilråding med unntak av skjenking av brennevin Forslag frå Svein-Ottar Sandal (KrF): Rådmannen si tilråding minus brennevin.

Side 36

Helse- og omsorgsutvalet si innstilling fekk 8 røyster, medan Svein-Ottar Sandal sitt framlegg fekk 1 røyst frå Svein-Ottar Sandal (KrF). FOR- 099/20 Vedtak Formannskapet viser til søkjaren sitt ønskje om å utvikle eit heilheiltleg reiselivsprodukt og rusmiddelpolitisk handlingsplan, løyvepolitisk del, og gir Gardsbrenneriet AS skjenkeløyve for eigenprodusert drikke i gruppe 1, 2 og 3. Skjenkestyrar er Jann Vestby med Synnøve Vik Bergstad som varastyrar. Skjenkeløyvet er tildelt for alle dagar måndag – søndag. Innandørs og utandørs skal løyvet vere mellom klokka 13:00 – 22:00 søndag til torsdag og klokka 13:00 – 22:00 fredag, laurdag (og dagar før skiftande helge- og høgtidsdagar). Formannskapet viser til rusmiddelpolitisk handlingsplan, løyvepolitisk del, og gir Gardsbrenneriet AS salsløyve for eigenprodusert drikke i gruppe 1 og 2. Salsløyvet er tildelt for måndag – laurdag mellom klokka 10:00 og 18:00. Styrar er Jann Vestby, med Synnøve Vik Bergstad som varastyrar. Vedtaket vart gjort mot ei røyst, Svein-Ottar Sandal (KrF).

Side 37

Gloppen kommune

Arkiv: FA-U62






Søknad om salsløyve for nettsal av øl - Lokalbrygg AS Vedlegg i saka: 13.05.2020 Nettsalg av øl 03.04.2020 Retningslinjer for utlevering av alkohol 03.04.2020 Konseptet lokalbrygg.no

Rådmannen si tilråding Formannskapet gir Lokalbrygg AS salsløyve for alkoholhaldig drikke som inneheld inntil 4,7 volumprosent alkohol via nettet. Løyvet gjeld sal levert via Post i butikk. Aktuelle tidsrom for utlevering av alkoholhaldig drikk er kvardagar klokka 09:00 til klokka 18:00. Laurdagar og dagar før helgedagar klokka 09:00 til klokka 15:00.

Vedtak som innstilling frå Helse- og omsorgsutvalet - 03.06.2020 Helse- og omsorgsutvalet støttar rådmannen si tilråding med fire stemmer for og tre stemmer mot. Dei som stemte mot tilrådinga var Jostein Arne Røyrvik (SP), Eivind Reed (SP) og Venke Kollbotn (KrF)

Saksutgreiing Bakgrunn for saka Lokalbrygg AS har søkt om salsløyve for nettsal av øl. Ølet skal seljast via nettet (www.lokalbrygg.no) og leverast ut gjennom Post i butikk. Styrar er Eirik Petter Tomter med varastyrar Pia Rødsten Dahlstrøm. Begge har avlagt kunnskapsprøva. Fakta i saka Søkjar oppfyller krava til å få løyve til sal av øl. Ølet er tenkt levert ut via Post i butikk gjennom ein teneste som heiter VØT 1082 «sosial kontroll» som sikrar at den som hentar ølet oppfyller alle krava som vert sett til dei som kjøper øl i butikk. Nettsal av øl er ikkje omtala i kommunen sin rusmiddel-politiske handlingsplan. Økonomiske konsekvensar for kommunen Ingen. Rådmannen si vurdering Søkjaren oppfyller dei lovmessige krava til å få salsløyve for øl. Utleveringa av ølet skal skje gjennom Post i butikk via tenesten VØT 1082 «sosial kontroll» som sikrar alderskontroll, utleveringstider og nektar utlevering til synleg rusa personar. Dette er den same tenesten som Vinmonopolet brukar for utlevering av varer tinga gjennom deira nettbutikk. Når Vinmonopolet vurderer denne tenesten som

http://www.lokalbrygg.no/

Side 38

trygg nok er ikkje rådmannen i tvil om at den er det. Rådmannen har kontakta Nordfjeldske kontroll, som utfører alkoholkontrollar på vegne av kommunen, om det praktiske rundt kontrollar med utlevering via Posten. Dei har ikkje erfaringar med slik kontroll og meiner det vil bli vanskeleg å utføre kontroll der og då, men at dei kan bidra på førebyggingssida ved å intervjue dei som utfører den praktiske utleveringa. Ved netthandel med alkohol er det Posten som foretar kontrollen. Rådmannen har bedt politiet om uttale i saka, men når eg skriv dette har eg ikkje fått svar derifrå. Svaret vert lagt ved saka når det kjem. Det står ikkje noko om nettsal av øl i rusmiddelpolitisk handlingsplan, men under behandlinga av planen i kommunestyret vart det vedteke at butikkar med salsløyve for øl ikkje skal ha lov til å levere alkohol på døra til kundane sine. Dette tolkar rådmannen som eit ønskje om å avgrense tilgangen. På den andre side så nyttar Lokalbrygg den same tenesta som Vinmonopolet brukar for utlevering av alkohol kjøpt i deira nettbutikk. Rådmannen vurderer at det gir ein god kontroll av utleveringa. Det hadde sjølvsagt vore ønskjeleg at rusmiddelpolitisk handlingsplan har reglar om netthandlar. Når det ikkje er slik, har rådmannen vurdert å leggje fram saka utan tilråding. Når eg likevel har kome med ei tilråding er det fordi eg ikkje ser nokon sakleg grunn til å hindre Lokalbrygg as netthandel av øl i Gloppen når staten alt har gitt Vinmonopolet slikt løyve. Helse- og omsorgsutvalet 03.06.2020 Behandling HOU- 030/20 Vedtak Helse- og omsorgsutvalet støttar rådmannen si tilråding med fire stemmer for og tre stemmer mot. Dei som stemte mot tilrådinga var Jostein Arne Røyrvik (SP), Eivind Reed (SP) og Venke Kollbotn (KrF) Formannskapet 10.06.2020 Behandling Saka utsett, framlegg frå Svein-Ottar Sandal, Kristeleg Folkeparti Saka vert utsett. Rådmannen vert oppmoda om å avklare meir kva som ligg bak selskapet Lokalbrygg AS Svein-Ottar Sandal (KrF) reise forslag om å utsette saka. Helse- og omsorgsutvalet si innstilling var å gje Lokalbrygg AS salsløyve. Ved avstemminga Svein-Ottar Sandal sitt vedtak 6 stemmer medan 3 stemte for Helse- og omsorgsutvalet si innstilling. Desse var Beate Dybendal Nordvik (H), Mariel Eikeset Koren (MDG) og Per Jarle Myklebust (Sp). FOR- 100/20 Vedtak Saka vert utsett. 1. Rådmannen vert oppmoda om å avklare meir kva som ligg bak selskapet Lokalbrygg AS 2. Formannskapet ber rådmannen vurdere om rusmiddelpolitisk handlingsplan bør endrast til å omfatte netthandel

Vedtaket vart gjort mot 3 stemmer: Beate Dybendal Nordvik (H), Mariel Eikeset Koren (MDG) og Per Jarle Myklebust (Sp).

Side 39

Side 40

Gloppen kommune



Saksbehandlar: Per Arne Strand


022/20 Oppvekstutvalet 03.06.2020


Kommunestyret

Akuttberedskap i barnevernet - vidareføring av samarbeid mellom Stad, Gloppen og Stryn

Rådmannen si tilråding Kommunestyret i Gloppen vidarefører avtale med Stad og Stryn om felles beredskapsvakt i barnevernet i tråd med saksframstillinga. Skulle behandlinga i Stad eller Stryn endre på det som ligg til grunn for avtalen må saka opp til ny behandling.

Vedtak som innstilling frå Oppvekstutvalet - 03.06.2020 Oppvekstutvalet støttar rådmannen si tilråding til vedtak: Kommunestyret i Gloppen vidarefører avtale med Stad og Stryn om felles beredskapsvakt i barnevernet i tråd med saksframstillinga. Skulle behandlinga i Stad eller Stryn endre på det som ligg til grunn for avtalen må saka opp til ny behandling. Vedtak samrøystes.

Saksutgreiing Bakgrunn for saka Kommunestyret i Eid, Gloppen og Stryn vedtok i 2017 å opprette eit samarbeid om lovpålagt akuttberedskap i barnevernet. I samband med at det vart vedteke kommunesamanslåing mellom Eid og Selje, vart det gjort avtale om at Selje vart inkludert i ordninga frå 2018. Innlemminga av Selje i vart avtalt administrativt og har ikkje vore politisk handsama. Selje vart med i ordninga utan å stille personell til rådvelde, men har sjølvsagt betalt for si deltaking. Ordninga har blitt vidareført etter at Selje og Eid gjekk saman til Stad kommune. Saka om vidareføring av samarbeidet etter kommunesamanslåinga skulle sjølvsagt ha vore politisk handsama før samarbeidet formelt vart starta opp. Fakta i saka Bakgrunnen for samarbeidet om beredskapsvakt i barnevernet var at Bufdir i brev til kommunane, 11.06.16, klargjorde at kommunane skal ha ei formell organisering av barnevernet som sikrar ei forsvarleg teneste også utanom kontortid. Sentrale krav er tilgjenge og rett kompetanse. I tillegg har Bufdir følgjande formulering som seier noko om kravet til tilgjenge: « En bakvaktsordning må være formalisert slik at noen har ansvar for å bidra med barnevernstjenestens kompetanse, og samarbeide med andre hjelpeinstanser dersom det oppstår en alvorlig situasjon utenfor kontortid. En ordning som baserer seg på at barnevernsledere eller ansatte i varierende grad kan kontaktes på private telefonnummer i krisesituasjoner er ikke en forsvarlig

Side 41

organisering av barnevernstjenestens akuttberedskap.» Akuttberedskapen er ei lovpålagt ordning og Fylkesmannen har stadfesta at måten denne er organisert på, er i tråd med forsvarlighetskravet i Lov om barnevernstenester. Eid, Stryn og Gloppen var fyrst ute med å etablere beredskap i fylket og modellen har vekt interesse hjå mange kommunar over heile landet. Beredskapen er organisert som ein 6. delt turnus med vaktlengde på 7 dagar. Vakta er knytt til eit fast offentleg telefonnummer som kan koplast vidare til den som til ei kvar tid er i beredskap. Det er eit krav at alle, ikkje bare naudetatane, skal kunne ringe beredskapstelefonen dersom dei har kjennskap til ei akuttsak. Beredskapsvakta tek i mot og sorterer hendvendingar og gjer fyrste vurdering med tanke på nærare undersøkingar og evt. tiltak. Vedkommande som har vakt, må være i stand til å avvise henvendingar som ikkje er akutte i Lov om barnevernstenester sin forstand. Dette er viktig slik at det ikkje vert etablert ei «generell utvida opningstid». Slike avvisingar må og dokumenterast. Ved evt. behov for iverksetting av tiltak eller umiddelbar undersøking utover det som kan gjerast pr. telefon, vil ikkje ei telefonvakt være tilstrekkelig bemanning. Å handtere ei akuttplassering, f.eks. etter lov om barneverntjenester § 4-6, 2.ledd, vil krevje minimum 2 personell i aktivitet. Den som har vaktberedskap har difor fullmakt til å beordre ut tilgjengeleg personell som ikkje er i beredskap. Om det ikkje er tilgjengeleg personell i den kommunen barnet bur ( ved kommunesamarbeid) må ein ha fullmakt til å hente personell frå dei andre samarbeidande kommunane. Personell som kan beordrast står ikkje vaktberedskap og har ikkje plikt til å være tilgjengeleg. Dei som vert beorda på oppdrag skal sjølvsagt avlønnast for dette etter gjeldande regelverk. Dei som inngår i beredskapsordninga må ha tilstrekkeleg kompetanse m.a. i høve barnevernslova sin reglar om akuttvedtak og sakshandsaming kring desse. Det vert stilt store krav til skriftlig saksframstilling og dokumentasjon. Vedkommande må være faglig trygg og kunne samarbeide med t.d. politi, legevakt og Bufetat sitt akuttapparat i svært kaotiske situasjonar. Vedkommande må og kunne handtere born/ungdomar og foreldre i krise og være i stand til å kartlegge og vurdere om det er ressursar i nettverket som kan avhjelpe ein akuttsituasjon. Ved evt. interkommunalt samarbeid om beredskap, må kompetansen være vurdert som tilnærma lik/samkøyrt uansett kva kommune som til ei kvar tid har akuttberedskapen. Kommunane som inngår i samarbeidet består av høvesvis små tenester. Det er difor ikkje alltid slik at kvar kommune har personell som ynskjer eller har kompetanse til å være med i ein akuttberedskap. I dag er det to tilsette frå kvar kommune som deltek i vaktberedskapen. Det kan oppstå situasjonar der ei kommune har fleire tilsette med i ordninga enn dei andre kommunane. Dette skal uansett ikkje ha nokon konsekvensar i høve økonomi, då avtala har ei kostnadsfordeling basert 25% fast pris og 75% fordelt på innbyggjartal. Barnevernsleiaren i Stad kommune tek seg av det adminstrative arbeidet. Dette er ikkje kompensert gjennom den kostnadsfordelinga som gjeld. Arbeidet med adminstrasjon er ikkje særleg omfattande. Vedtakskompetanse: Fullmakta til å fatte akuttvedtak kan, etter dagens regelverk, ikkje delegerast til andre enn barnevernsleiar/stedfortredar. Fullmakta kan heller ikkje overførast til barnevernsleiar i ei anna kommune. Det er difor påtalemakta som formelt må fatte vedtak dersom lokal barnevernsleiar/stedfortredar ikkje er involvert i den akutte situasjonen. Den som har beredskapsvakta må sakshandsame akuttvedtaket og ha dialog med jourhavande jurist hjå påtalemakta undervegs.

Side 42

Juridisk ansvar for saka ved kommunesamarbeid: Den kommunen barnet bur i vil være juridisk og økonomisk ansvarlig for alle vurderingar og tiltak som er sett i verk i regi av ei beredskapsvakt (og for den saks skuld: som ikkje er sett i verk). Bruken av beredskapsvakta: Bruken av beredskapvakta skal i praksis ikkje bety noko for verken oppretteing eller organisering. Dette då ordninga er lovpålagt. For ordens skuld kan ein likevel opplyse at det i 2019 vart registrert 21 henvendingar til beredskapsvakta. Det vert laga ein eigen årsrapport om vaktberedskapen som vert sendt kvar av dei samarbeidande kommunane. Økonomiske konsekvensar for kommunen Det er gjort avtale med dei tilsette og organisasjonane om at den passive beredskapen vert avlønna 1/6. Det vil sei at kvar 6. time med passiv vakt skal avlønnast som ein ordinær arbeidstime. Den samla kostnaden for dei som går i beredskap i dag, inkludert kvelds- og helgetillegg, vil beløpe seg til ca kr.540.000,-. Dette skal allereie være innarbeidd i budsjettet til dei ulike kommunane. Med den vedtatte kostnadsfordelinga blir oppsettet for kvar kommune slik:

Folketal pr. 01.01.20

% 25% likt 75% Sum

Gloppen 5854 26,1 45.000 105.705 150.705

Stad 9457 42,1 45.000 170.505 215.505

Stryn 7130 31,8 45.000 128.790 173.790

Sum 22441 100 135.000 405.000 540.000

Kostnader ved utrykking og beordring av personell er ikkje med i reknestykket, då dette er kostnader som kommunen må dekke i dag og. Evt. kostnader til utstyr er heller ikkje med. Desse vil uansett være svært avgrensa. Rådmannen si vurdering Avtala om beredskapsvakt som er skissert her har fungert godt i perioden den har virka. Med endring i kommunestruktur er det naudsynt å ta den opp til ny behandling. Rådmannen ser ikkje at Gloppen har noko alternativ til dagens organisering for Gloppen sin del. Alternativet er sjølvsagt at kommunane etablerer eiga beredskapsordning. Å inngå samarbeidsavtale med andre kommunar ser vi som lite realistisk. Då ordninga som er i dag kun fyller minimumskrava, vil ei løysing med berre ei eller to kommunar føre til auka kostnad og auka vaktbelastning på dei som til ei kvar tid er med i ordninga. Denne saka skal behandlast i alle tre kommunane med tilnærma felles saksutgreiing. Skulle det verte vedtak i ein av dei andre kommunane som bryt med det som ligg til grunn i denne saksutgreiinga, må vi ta avtalen opp til ny behandling. Oppvekstutvalet 03.06.2020 Behandling Representanten Gangeskar erklærte seg inhabil i saka, då det i stor grad er han som har laga saksutgreiinga, jmf §10-11, 2. ledd i kommunelova. Vedtak samrøystes. Gangeskar gjekk frå møte. OPP- 022/20 Vedtak Oppvekstutvalet støttar rådmannen si tilråding til vedtak:

Side 43

Kommunestyret i Gloppen vidarefører avtale med Stad og Stryn om felles beredskapsvakt i barnevernet i tråd med saksframstillinga. Skulle behandlinga i Stad eller Stryn endre på det som ligg til grunn for avtalen må saka opp til ny behandling. Vedtak samrøystes. Formannskapet 10.06.2020 Behandling FOR- 101/20 Vedtak Formannskapet støttar Oppvekstutvalet si innstilling: Kommunestyret i Gloppen vidarefører avtale med Stad og Stryn om felles beredskapsvakt i barnevernet i tråd med saksframstillinga. Skulle behandlinga i Stad eller Stryn endre på det som ligg til grunn for avtalen må saka opp til ny behandling. Vedtak var samrøystes.

Side 44

Gloppen kommune

Arkiv: FA-A10






Kommunestyret

Husbankfinansiering - Austrheim barnehage

Rådmannen si tilråding Kommunestyret støttar at det vert arbeida vidare med barnehage i privat regi på Austrheim og at ein kommunal barnehage plassert endå meir i sentrum ikkje er aktuelt å arbeide vidare med i denne omgang.

Vedtak som innstilling frå Oppvekstutvalet - 03.06.2020 Oppvekstutvalet støttar rådmannen si tilråding: Kommunestyret støttar at det vert arbeida vidare med barnehage i privat regi på Austrheim og at ein kommunal barnehage plassert endå meir i sentrum ikkje er aktuelt å arbeide vidare med i denne omgang. Vedtak samrøystes.

Saksutgreiing Bakgrunn for saka Det har sidan barnehage og skulebruksplanen vart vedteken av kommunestyret 15.06.2017 vore eit ynskje om å få flytta større del av barnehageplassane i Gloppen nærare Sandane sentrum. Oppvekstutvalet ba på møtet 05.09.2018 rådmannen «jobbe vidare med å etablere ein sentrumsnær barnehage i Sandaneområdet og kome tilbake med ein konkret plan for korleis det kan gjerast inkludert økonomiske vurderingar.» Fakta i saka Det vert no arbeidd med ein sentrumsnær barnehage i privat regi på Austrheim. Austrheim barnehage ynskjer å kjøpe eigedomen «Skogly», gbrnr 69/3 på Austrheim. Eigedomen er om lag 5 mål. Eigedomen grensar til «Gimle» og ligg på andre sida av vegen for Nordstranda skule. Barnehagen har sett på alternative plasseringar både på Austrheim, men har og vore presentert andre potensielle tomter av kommunen i sentrum av Sandane. Dette i lys av arbeidet med sentrumsplan og parallelloppdrag for Sandane sentrum. Austrheim barnehage er og i kontakt med Bakkelidgrenda barnehage om eit samarbeid og eventuell samanslåing. Dette er ikkje formalisert eller konkretisert på nokon måte. Størrelsen på ein eventuell barnehage har mykje å seie for korleis økonomien i prosjektet vil verte. Austrheim barnehage er i dag godkjent for 10 småbarnsplassar og 20 storbarnsplassar. I normal drift to avdelingar. Ei oversikt over talet på barnehageplassar rundt Gloppefjorden og kor mange born som bur i grunnkrinsane rundt fjorden viser at:

Side 45

· Nordstranda har 92 barnehageplassar medan der bur 71 born i alderen 0-5 år · Sandane sentrum har 91 barnehageplassar medan der bur 116 born i alderen 0-5 år · Sørstranda har 62 barnehageplassar medan der bur 95 born i alderen 0-5 år

For å bygge barnehage treng Austrheim barnehage finansiering gjennom Husbanken. For å kunne sende søknaden til Husbanken må den gjennom ei kommunal behandling. Gangen i søknadsbehandlinga er at barnehagen skal godkjennast av kommunen som barnehagemyndigheit. Det gjeld og når ein etablert barnehage flyttar til ein annan stad, det utløyser krav om ny søknad om godkjenning. I dette ligg det og at barnehagen skal vere handsama av bygnings-, brann, helse- og arbeidsmiljømyndigheit. Tilfredstiller barnehagen krava til godkjenning skal den godkjennast uansett. Rett til godkjenning etter barnehageloven innebærer ikkje ein automatisk rett til finansiering til private barnehagar for eit visst tal barnehageplassar. Ei godkjenning er eit enkeltvedtak med klagerett til fylkesmannen. Kommunen skal vidare stadfeste reguleringstatus for eigedomen inklusive om veg, vatn og avløp kryssar privat grunn skal det vere tinglyst erklæring på det. Kommunen skal seie noko om det er gitt rammetiltelse, igangsettelsestilatelse, om det er ein del av kommunen sin plan for utbygging av barnehagar. Kommunen skal lage ei vurdering og anbefaling som skal følgje til husbanken. Austrheim barnehage har ei avtale om kjøp av eigedomen. Eigedomen er slik den ligg i dag ein vanleg eigedom i LNF område i reguleringssamanheng. Det betyr at den må omregulerast til barnehageformål. Det må i første omgang søkjast om ein dispensasjon frå dagens reguleringsstatus i kommuneplanen. Ein slik søknad skal vere grunngitt og må følgjast av nabovarsel. Når kommunen har fått den til behandling skal den vidare til fylkesmannen for uttale. Det betyr at vi tidlegast får det til politisk behandling i september 2020. Økonomiske konsekvensar for kommunen Kapitaltilskot for private barnehagar er nasjonalesatsar som vert justert årleg. For barnehagar som har godkjenningsår 2020 er satsen kroner 23900,- per heiltidsplass. I dag har Austrheim barnehage godkjenningsår 2012 som betyr kapitaltilskot på kroner 16400,- per heiltidsplass. Differansen på kroner 7500,- pr heiltidsplass vert ein ekstrakostnad for Gloppen kommune. Med dagens barnetal vil det utgjere kroner 202500,- i årleg kostnad. Så er vurderinga om Gloppen kommune sjølve kan bygge ein kommunal barnehage for kapitaltilskotet som ein ny privat barnehage vil få? Reknar vi Austrheim barnehage sitt normale barnetal så betyr det kroner 645300,- i årleg kapitaltilskot å betale renter og avdrag med. Spørsmålet her som ikkje er avklara er om det skal byggast ein barnehage på to eller fleire avdelingar. Legg vi til grunn ein kostnad på 11 millionar pr avdeling, så vil det bli ein kostnad på kring 22 millionar, eller 33 millionar med 3 avdelingar. Då vert avdraga rundt 0,55 million pr år for 2 avdelingar eller 0,825 million for 3 avdelingar. Så er spørsmålet kva rentenivå vi får framover? Forventa rente vil truleg ligge mellom 2,5 – 4 % rente, dvs om lag kroner 25000,- pr million med 40 års nedbetaling. Det betyr at det vil ikkje vere eit godt økonomisk prosjekt for kommunen. Rådmannen si vurdering Rådmannen har støtta Austrheim barnehage sitt initiativ for å finne nye lokale nærare sentrum fordi det er i tråd med barnehageplanen og det vil skape kortare avstand til barnehagen for fleire av foreldra enn dagens plassering gjev. Tala på barnehageplassar i dei ulike grunnkrinsane rundt Gloppefjorden viser at det er i sentrum behovet er størst. Ei løysing med ein privat barnehage på Austrheim vil ikkje vere ein sentrumsbarnehage, men ein sentrumsnær barnehage. Plasseringa vil framleis føre til at eit fleirtal av barna må skyssast til barnehage og ikkje vere i rekkevidde for gang og

Side 46

sykkel. Kommunen kan ikkje legge ned private barnehagar som har godkjenning, det betyr at om vi skulle tenkje at vi vil bygge ein kommunal barnehage utifrå ein tanke om at kapitaltilskotet finansierar renter og avdrag, så vil vi kunne få ein situasjon med fleire barnehageplassar enn vi har behov for og det kan føre til lite effektiv barnehagedrift for dei kommunale barnehagane som igjen er grunnlag for driftstilskotet til dei private barnehagane. Fordelen med å bygge i kommunal regi vil vere at vi styrer plasseringa sjølve i større grad og vi kan sjå den kommunale barnehagedrifta i samanheng. Plassering av ein ny barnehage har vore tema lenge i samband med områdereguleringsplan for Sandane. I foreliggande utkast til plan er areal til barnehage teke ut. Dei mest aktuelle områda har vore Øyna/Heimevernshuset og Seljeset-tomta ved Ungdomsskulen. Kommunen kan påverke plassering av ein privat barnehage gjennom reguleringsvedtak. Seier kommunen nei til omregulering vil det og stoppe planane for barnehage på tomta. Dei politiske signala har så langt vore oppfatta av rådmannen til å ikkje ville stikke kjeppar i hjula for den aktuelle plasseringa på Austrheim. Fram til kommunen kan gje ei endeleg godkjenning både på dei tekniske sidene av ein barnehage og dei meir pedagogiske sidene av drifta må ein del ting avklarast. For det første bør barnehagane på Nordstranda setje seg ned i lag og avklare samarbeid og eventuelle samanslåingar. Utifrå det vert det avklart kva barnehage som er aktuell å bygge på Austrheim og om det er då vil vere grunnlag for å bygge ein barnehage slik som tenkt. Kommunen ser ikkje at det vil vere eit stort behov for fleire barnehageplassar totalt rundt Gloppefjorden framover, sjølv om det enkeltår vil vere ynskjeleg med å lett kunne auke tal plassar innanfor dei eksisterande barnehagane. Så lenge den kommunale økonomien er som den er, vil økonomien i eit nytt prosjekt vere marginal om vi skal gjere det i kommunal regi. Det som er viktig å få fram no er om det er politisk støtte til å jobbe vidare med barnehage i privat regi på Austrheim og ikkje jobbe vidare med kommunal barnehage i Sandane sentrum. Saka vil kome til politisk behandling igjen i samband med ei reguleringssak. Oppvekstutvalet 03.06.2020 Behandling OPP- 025/20 Vedtak Oppvekstutvalet støttar rådmannen si tilråding: Kommunestyret støttar at det vert arbeida vidare med barnehage i privat regi på Austrheim og at ein kommunal barnehage plassert endå meir i sentrum ikkje er aktuelt å arbeide vidare med i denne omgang. Vedtak samrøystes. Formannskapet 10.06.2020 Behandling FOR- 102/20 Vedtak Formannskapet støttar helse- og oppvekstutvalet si innstilling: Kommunestyret støttar at det vert arbeida vidare med barnehage i privat regi på Austrheim og at ein kommunal barnehage plassert endå meir i sentrum ikkje er aktuelt å arbeide vidare med i denne omgang.

Side 47

Vedtak var samrøystes.

Side 48

Gloppen kommune

Arkiv: FA-F31






Kommunestyret

Mottak av mindreåringe flyktningar

Rådmannen si tilråding Kommunestyret tek saka til orientering og går ikkje vidare med å etablere mottak for mindreårige flyktningar.

Vedtak som innstilling frå Oppvekstutvalet - 03.06.2020 Oppvekstutvalet støttar rådmannen si tilråding til vedtak: Kommunestyret tek saka til orientering og går ikkje vidare med å etablere mottak for mindreårige flyktningar. Vedtak samrøystes.

Saksutgreiing Bakgrunn for saka Kommunestyret vedtok i kommunestyresak 37/20 ein uttale slik: Hent borna ut av Moria no! Situasjonen i Moria er uhaldbar, kritisk og vanskeleg. Frå å vere eit transittland vidare inn i Europa, har Hellas blitt ein varig bustad for titusenvis av flyktningar. Over 20 000 menneske bur i dag i ein leir som er bygd for 3 000, og mengda aukar. Leirane på dei greske øyane er overbelasta og har ikkje kapasitet til å ta imot nye store grupper flyktningar. Flyktningkonvensjonen, Tyrkia-EU-avtalen og Dublinavtalen har gjort at Hellas har endt opp åleine med ansvaret, medan andre europeiske land står handlingslamma og ser på. I Moria døyr små barn av dehydrering og barn ned i toarsalderen driv med sjølvskading. Ein ser sjølvmord og sjølvmordsforsøk blant barn og unge som er alt for sma til a miste lysta til a leve. At vi aksepterer slike umenneskelege forhold og lidingane det fører med seg i dagens Europa når vi openbert har ressursene til a hindre det, er eit stort svik. Dette er eit svik mot borna i Moria og eit svik mot dei ideala vi byggjer samfunnet vårt pa. Dette er ikkje Norge verdig. Gloppen kommune meiner at Norge må sette i verk hastetiltak. I nærområda må det straks takast grep for å sikre grunnleggjande menneskerettar, vatn og sanitærforhold og verdige levekår. Gloppen kommune krev at Norge skal vere ein pådrivar for å overhalde menneskerettane i europeiske flyktningleirar, og at born sine grunnleggjande behov blir tekne vare på. Gloppen kommune krev at:

· Norge bidreg til at borna i Moria blir evakuerte straks. · Norge skal bidra til å finne ei felles europeisk løysing på flyktningsituasjonen på dei greske

Side 49

øyane. · Norge hentar einslege mindreårige flyktningborn frå Moria/Hellas. · Norge gjev ekstraordinær stønad til dei norske frivillege organisasjonane (NGO) i Moria-leiren.

Som del av uttalen: Til neste møte ber Gloppen kommunestyre rådmannen om å greie ut om kommunen har kompetanse og kapasitet til å busetje (fleire) einslege mindreårge, dette i tillegg til det kommunen allereie har meldt inn til UDI. Fakta i saka Gloppen kommune hadde mottak av einslege mindreårige flyktningar nokre år, tiltaket vart avslutta formelt i 2019 etter nedtrapping eit par år. I perioden Gloppen hadde mottak av mindreårige flyktningar så var det knytt til aldersgruppa 15-17år. Erfaringsgrunnlaget er difor knytt til aldersgruppa 15 – 17 år. Kompetansen vi hadde i tiltaket er ikkje tilgjengeleg i dag som følgje av naturleg avgang og overgang til andre jobbar. Generelt har vi kompetanse i Gloppen på mottak av flyktningar, inkludert dei som er mindreårige i dei ulike tenestene som får ei rolle. Tilsette og kompetanse Skal vi organisere opp eit nytt tiltak må vi lage ein organisasjon knytt til det. Det vil krevje ein leiar som har ansvar for den daglege drifta, turnus, planar og så vidare. Så er spørsmålet om vi skal legge tiltaket under ei anna eining eller organisere det som eit eige ansvar, der leiar har budsjett og personalansvar og. Eit tiltak vil krevje bemanning heile døgnet, heile veka. For å bemanne opp eit tiltak må vi ha minimum 5 årsverk, pluss noko vikarar i feriar osv. Dei som skal jobbe i eit slikt tiltak bør ha miljøterapeutkompetanse. Det vil i tillegg krevje opplæring og planlegging i forkant. Bustad og bil Fysisk må vi ha lokale som kan huse dei mindreårige med eigne rom. Det bør vere fellesareal, samt rom for personale. Erfaringane tilseier at tiltaket må disponere ein bil på dagleg basis. Her kan det vere at vi har eigne kommunale lokale som kan nyttast og vere eigna, alternativt må vi leige desse lokalitetane med private. Skule og barnehage Tek vi imot mindreårige flyktningar må vi ha plass i barnehage og skule og tiltak til å følgje dei opp med språk, sosialt og andre praktiske sider. Det er difor viktig at vi set av pengar til dette av dei tilskota vi får. Hjelpetenester. Mottak av mindreårige flyktningar vil medføre eit stort oppfølgingsbehov av våre eksisterande tenester som NAV, Barnevernet, Helsestasjon, PPT, Psykisk helse og Fysio/Ergo. Tannhelsetenesta, BUP og andre som ligg utanfor kommunen må og rekne med auka pågang. Det er viktig at det i planlegging av eit mottak vert teke omsyn til desse tenestene og. Økonomiske konsekvensar for kommunen Tilskot til einslege mindreårige flyktningar er i 2020: 1.196.000 kr per år til og med det året barnet fyller 16 år. 750.950 kr per år frå og med det året barnet fyller 17 år og til det er 20 år. I tillegg kjem integreringstilskot i 5 år (samla rundt 750.000 kr) Kostnadar til tilsette vil utgjere om lag 3,5 mill, andre driftskostnadader vil fort utgjere kring ein million i året. I tillegg får vi kostnader i alle dei andre tenestene og einingane som skal følgje opp desse barna. Det vil sjølvsagt avhenge av alder og hjelpebehov. Utifrå dette ser vi at det må vere eit visst omfang av eit slikt tiltak for at økonomien skal gå rundt. Eit slikt tiltak må ha mellom 6 og 10

Side 50

barn, skal vi vere trygge på at kommunen ikkje skal sitje med ei stor rekning som vi ikkje får dekka. Det gjeld dei direkte kostnadane knytt til busetting og omsorg, men og behova knytt til barnehage, skule og hjelpetenester som må følgje opp. Dette er omtrentlege tal og ikkje sett på i detalj, då må vi lage ei detaljert saksutgreiing på det. Rådmannen si vurdering Erfaring med den gruppa Gloppen tok imot er at dette er ungdom som ofte kjem frå krigsherja område og har bagasje i forhold til det. Ofte har dei hatt ein barndom som har vore prega av ei omsorg som ikkje har vore god nok. Det har og vore betydeleg strev i forhold til at dei har vore sendt ut for å hjelpe resten av familien og har hatt til dels store forventninger på seg. Mange bekymringar knytt til familie som er igjen i leirar rundt om i verden. Det er ikkje grunn til å tru at dette vil vere noko annleis for dei som kjem frå Moria-leiren i Hellas. Dette krev ein del av hjelpeapparatet som skal ta dei i vare (altså store psykiske belastninger) og krev at vi har bemanning nok til å ivareta omsorgsbehova. Ungdomane har hatt store opplæringsbehov knytt til dei fleste livsområda. Dette vil setje press på dei tenestene vi har i dag og som utifrå kommunen sine økonomiske utfordringar ikkje vil verte mindre i åra som kjem. Skal vi ta imot dei minste vil det vere naturleg å diskutere om vi skal nytte oss av fosterheimar. Tilgangen på fosterheimar i vår region er dårleg og det er mange barn på vent for fosterheimsplassering, der plassering hjå familie, slekt og nettverk ikkje er aktuelt. Det vil då vere barneverntenesta som må ha kapasitet til å fylgje desse opp. Vi har ikkje erfaringar med å ta imot dei som er under 16 år, og truleg vil det krevje mykje av ulike delar av hjelpeapparatet og barnehage og skule over ei lang tidsperiode. Ei anna vurdering er i kva grad vi får tildelt mindreårige flyktningar for busetjing av nasjonale myndigheiter og i kva omfang. Ved etablering av eit tiltak vil det vere kostnader i oppstarten og ei eventuell avslutning av tiltaket som er vanskeleg å få dekka av dei ordinære tilskota. Vi må ha tilsette på plass før den første kjem og til etter at den siste er «vaksen» i tillegg til det praktiske med bustad osv. Å busetje familiar som i dag, er noko vi har større kompetanse og kapasitet til. Vi er avhengige av busetjing av ungdomar skal vi halde oppe GMU tilbodet som vi har saman med Firda vgs. Der vi deler kostnadane med ei klasse for å gje ungdomar i vgs alder grunnskulevitnemål. Med Gloppen kommune sin økonomi, der vi ikkje har økonomisk buffer til å ta uføresette utgifter eller forskottere inntekter, vil rådmannen ikkje tilrå at vi skal bygge opp eit tiltak for mottak av einslege mindreårige flyktningar. Det vil og krevje mykje jobb å få rekruttert rett kompetanse, som vi nok vil delvis hente frå eigne einingar i dag og skape utfordringar på den sida. Rådmannen sitt svar på spørsmålet til kommunestyret er at vi har kompetanse på mottak av flyktningar i kommunen, men ikkje eksisterande kompetanse på å drive eit slikt mottak no og heller ikkje kompetanse på mottak av born under 16 år. Vi har heller ikkje kapasistet til å få dette på plass verken med økonomi eller personar. Oppvekstutvalet 03.06.2020 Behandling Overskrifta i saka skal vere: Mottak av einslege mindreårige flyktningar. Understreking av at det er einslege flyktningar vi snakkar om og ein skrivefeil. OPP- 021/20 Vedtak Oppvekstutvalet støttar rådmannen si tilråding til vedtak: Kommunestyret tek saka til orientering og går ikkje vidare med å etablere mottak for mindreårige flyktningar.

Side 51

Vedtak samrøystes. Formannskapet 10.06.2020 Behandling Mindreårige flyktingar, framlegg frå Svein-Ottar Sandal, Kristeleg Folkeparti Kommunestyret viser til sin tidlegare uttale om Norge sitt ansvar for mottak av flyktningar frå Morialeiren. Når nasjonale styresmakter vedtar å ta imot mindreårige flyktningar frå Morialeiren, er Gloppen kommune villeg til å ta sitt ansvar for busetting av flyktningane, under føresetnad av at dei økonomiske vilkåra er akseptable. Forslag frå Svein-Ottar Sandal (KrF): Kommunestyret viser til sin tidlegare uttale om Norge sitt ansvar for mottak av flyktningar frå Morialeiren. Når nasjonale styresmakter vedtar å ta imot mindreårige flyktningar frå Morialeiren, er Gloppen kommune villeg til å ta sitt ansvar for busetting av flyktningane, under føresetnad av at dei økonomiske vilkåra er akseptable. Innstilling frå oppvekstutvalet: Kommunestyret tek saka til orientering og går ikkje vidare med å etablere mottak for mindreårige flyktningar. Gruppemøte. Forslag frå Magni Aa Berge (Sp) Kommunestyret tar saka til orientering og dersom vi får konkret henvendelse om mottak av einslege mindreårige flyktingar vil vi vurdere det då. Det vart røysta over dei tre framlegga: Svein-Ottar Sandal (KrF) sitt forslag fekk fire stemmer: Svein Ottar Sandal (KrF), Mariel Eikeset Koren (MDG), Sandra Tenud (Ap) og Arnar Kvernevik (Ap). Magni Aa Berge (Sp) sitt forslag fekk fire stemmer: Leidulf Gloppestad (Sp), Per Jarle Myklebust (Sp), Solveig Lien Gusdal (Sp) og Magni Aa Berge (Sp). Innstillinga frå oppvekstutvalet fekk ei stemme: Beate Dybendal Nordvik (H). Ingen av forslaga fekk fleirtal og Svein-Ottar Sandal (KrF) sitt forslag vart då sett opp i mot Magni Aa Berge sitt forslag. Ved avrøystinga fekk Svein-Ottar Sandal sitt forslag 5 stemmer Svein-Ottar Sandal (KrF). Mariel Eikeset Koren (MDG), Sandra Tenud (Ap), Arnar Kvernevik (Ap) og Beate Dybendal Nordvik (H) og vart dermed innstilt. 4 stemte for Magni Aa Berge sitt framlegg. Desse var Leidulf Gloppestad (Sp), Per Jarle Myklebust (Sp), Solveig Lien Gusdal (Sp) og Magni Aa Berge (Sp). FOR- 103/20 Vedtak Innstilling til kommunestyret: Kommunestyret viser til sin tidlegare uttale om Norge sitt ansvar for mottak av flyktningar frå Morialeiren. Når nasjonale styresmakter vedtar å ta imot mindreårige flyktningar frå Morialeiren, er Gloppen kommune villeg til å ta sitt ansvar for busetting av flyktningane, under føresetnad av at dei økonomiske vilkåra er akseptable.

Innstillinga vart vedteken med 5 mot 4 stemmer. Dei som stemte i mot var Leidulf Gloppestad (Sp), Per Jarle Myklebust (Sp), Solveig Lien Gusdal (Sp) og Magni Aa Berge (Sp).

Side 52

Gloppen kommune

Arkiv: FA-C61


Saksbehandlar: Liv Jorun Andenes


Ungdomsrådet




Kommunestyret

Forslag til endra bibliotekstruktur

Kort samandrag av saka Prosessen med nytt skulebygg i Hyen har skapt behov for ei politisk avklaring om framtidig bibliotekstruktur i kommunen. Ei endring i strukturen er eit tiltak som rådmannen opphavleg hadde tenkt å tilrå som ein del av innsparingssaka, som skal leggjast fram i september. For å samkøyre med ei avgjerd om nytt skulebygg, vert saka lagt fram no. Rådmannen tilrår ei umiddelbar avvikling av bibliotekfilialen i Hyen, og ei gradvis avvikling på Byrkjelo. Dette kan gje ei årleg innsparing i driftsutgifter på kr 677 000, med full virkning frå 2024. Tilrådinga inneheld også avbøtande tiltak av ymse karakter, for at innbyggjarane i Hyen og på Breim framleis skal ha god tilgang til bibliotektenester.

Rådmannen si tilråding 1. Kommunestyret vedtek ein slik endring av strukturen til Gloppen folkebibliotek:

· Filialen i Hyen vert avvikla, og utforming av nytt skulebygg tilpassa deretter · Filialen på Byrkjelo får reduserte opningstider frå og med hausten 2020, og vert avvikla når

husleigekontrakten går ut 1. juni 2023 · Ordninga «meirope bibliotek» vert innført på Sandane bibliotek

2. Kommunestyret ber administrasjonen om å arbeide med avbøtande tiltak for å gje innbyggjarane i Hyen og på Breim tilgang til gode bibliotektenester i framtida.

Vedtak som innstilling frå Teknisk, miljø- og kulturutvalet - 04.06.2020 1. Kommunestyret ber om at saka om endring i bibliotekstrukturen til Gloppen folkebibliotek vert utsett og handsama i lag med den samla oversikta over moglege innsparingstiltak som kommunestyret skal ta stilling til hausten 2020. 2. Ordninga med "meirope" bibliotek vert å ta stilling til når kostnadane og medfinansiering av tilbodet er avklara. 3. Kommunestyret ber om at administrasjonen utarbeider eit notat i lag med saka om bibliotekstruktur om på kva måtar ein kan sikre eit best mogleg bibliotektilbod i heile kommunen og oppfylling av kravet om skulebibliotek for elevane ved nedlegging av folkebibiloteka i Hyen og Breim. Av notatet skal det også gå fram kva kostnader desse tiltaka vil ha.

Side 53

Vedtak som innstilling frå Oppvekstutvalet - 03.06.2020 1. Saka om endring av bibliotektenester skal takast att i samband med dei totale innsparingane. 2. Framdrifta til Hyen skule skal gå som planlagt utan å redusere bruksarealet. Vedtak samrøystes

Saksutgreiing Bakgrunn for saka Som ein del av det igangsette innsparingsarbeidet til kommunen, har administrasjonen i kultursektoren arbeidd fram ei førebels liste over tiltak for å redusere driftsutgiftene i sektoren. Ei tilråding om å gjere om strukturen på kommunens folkebibliotek er mellom innsparingstiltaka som skulle leggjast fram for politisk handsaming over sommaren. Prosessen med bygging av nye Hyen skule gjer at det allereie no bør avklarast om ei endring i bibliotekstrukturen skal gjennomførast, slik at det nye skulebygget kan tilpassast deretter. For å kunne vurdere heile bibliotekstrukturen samla, legg rådmannen i denne saka fram si tilråding for både Hyen, Byrkjelo og Sandane. Fakta i saka Hyen bibliotek Filialen i Hyen har vore stengt sidan 2017, i påvente av nye Hyen skule. Opningstida før 2017 var totalt 9,5 timar i veka fordelt på to vekedagar gjennom skuleåret. Biblioteket fungerte som både folkebibliotek og skulebibliotek, dette utan at skulen har vore med å finansiere denne tenesta. Det var knytt om lag 0,3 årsverk til biblioteket, og det har ikkje vore budsjettert med desse lønsmidlane på biblioteket sitt budsjett sidan 2016. Utlånsstatistikk frå filialen i Hyen viser ein nedgåande trend i perioden 2000 til 2016, dette på grunn av ein sterk reduksjon i utlån av bøker til vaksne. Utlån i Hyen utgjorde 7,5 prosent av dei totale utlåna hjå Gloppen folkebibliotek i 2016.

Utlånstal Hyen 2000 2005 2010 2016 2019*

Bøker til vaksne 1016 648 523 393 0

Bøker til barn og unge 2 048 3 426 3 120 2 264 0

Bøker totalt 3 064 4 074 3 643 2 657 0 * biblioteket har vore stengt sidan 2017

Ifølgje tidlegare vedtak i kommunestyret skal bibliotekfilialen gjenopnast i nye Hyen skule når denne står klar. Planarbeidet for nye Hyen skule har tatt høgde for dette, og teikningane som no ligg føre ser ut til å ha gode løysingar for eit felles bibliotek for både skule og for bygda, med høveleg plassering ved inngangspartiet. Oppstart av folkebiblioteket i Hyen vil medføre ein monaleg driftskostnadsauke for Gloppen folkebibliotek. Det vil ikkje vere mogleg å starte opp att i Hyen, med ein struktur og eit tilbod som tidlegare (jamfør vedtak i KOM-019/17), utan ei auke i driftsbudsjettet på minimum kr 250 000. Byrkjelo bibliotek Filialen på Byrkjelo held ope to dagar i veka, totalt 12 timar, gjennom store delar av året. Årlege driftsutgifter knytt til denne filialen er kring kr 377 000. Det er knytt ei 40 prosent stilling til biblioteket. Personen som er tilsett i denne stillinga har sagt opp stillingsforholdet gjeldande frå og med hausten 2020. Dagens husleigeavtale går ut 1. juni 2023. Utlånsstatistikk frå Byrkjelo-filialen viser ein svak nedgåande trend i utlån av bøker til vaksne, medan det har vore ei auke i utlån til barn og unge. Totalt sett ligg utlånstala dei siste åra stabilt. Utlåna på Byrkjelo utgjorde 14,5 prosent av totale dei utlåna hjå Gloppen folkebibliotek i 2016, medan Hyen framleis var ope, og kring 10 prosent av dei totale utlåna i 2019.

Side 54

Utlånstal Byrkjelo 2000 2005 2010 2016 2019

Bøker til vaksne 2 391 2 850 1 698 1 739 2 011

Bøker til barn og unge 2 734 2 558 1 876 2 287 3 154

Bøker totalt 5 125 5 408 3 574 4 026 5 165

Sandane bibliotek Hovudbiblioteket i Trivselshagen på Sandane held ope seks dagar i veka, 37 timar totalt, 52 veker i året. Opningstidene er noko redusert i skuleferiane. Det er i dag knytt 2,7 årsverk til biblioteket. Årlege driftsutgifter knytt til hovudbiblioteket er 2,57 millionar kroner. Biblioteket har ei avtale med Firda vidaregåande skule om sal av skulebibliotektenester. Biblioteket på Sandane utgjer «motoren» i folkebibliotektenesta i Gloppen, og er dermed ein viktig premissleverandør for tilbodet folkebiblioteket kan gje til alle innbyggjarane i kommunen. Det gjeld til dømes utvikling av biblioteksamlinga, digital infrastruktur med biblioteksystem tilgjengeleg for alle heimanfrå 24/7, oppdateringar, innføring og kunngjering av ulike digitale tilbod via eiga nettside, aktivitet i sosiale media, arrangementsutvikling, lesekampanjar og andre tiltak innan lesestimulering, kunnskaps-, litteratur- og kulturformidling, og i siste instans også demokratiutvikling. Biblioteket har aktive brukarar i alle aldrar i heile kommunen, og nokre av desse set aldri sin fot i dei fysiske biblioteka. Dei nyttar i staden biblioteket sine digitale tilbod, der dei t.d. les bøker og aviser gratis via nett. Lisensar til fleire slike tenester vert også dekkast av biblioteket sitt budsjett.

Utlånstal Sandane 2000 2005 2010 2016 2019

Bøker til vaksne 13 655 10 387 9 423 10 397 14 722

Bøker til barn og unge 13 976 12 951 11 879 18 749 28 519

Bøker totalt 27 631 23 338 21 302 29 146 43 241

Utlånsstatistikk frå biblioteket på Sandane viser ei kraftig auke i utlån av bøker, spesielt til barn og unge. Utlåna på Sandane utgjorde 78 prosent av dei totale utlåna hjå Gloppen folkebibliotek i 2016, medan Hyen framleis var ope, og nærmare 90 prosent av dei totale utlåna i 2019. Biblioteket har også vorte ein viktig møteplass, med fleire arrangement gjennom året, t.d. debattar, høgtlesing og konsertar. I 2019 hadde biblioteket på Sandane meir enn 58 500 registrerte besøk. Etter eit initiativ frå IKT Nordfjord på nyåret, vert det arbeidd med planar for å kunne tilby det som vert kalla meirope bibliotek ved biblioteket på Sandane. Eit meirope bibliotek gir tilgang for brukarane utover ordinær, bemanna opningstid. Med ei brukaravtale i botn og eit lånekort, vil enkeltpersonar sjølv kunne låse seg inn alle dagar i veka året rundt, i ein tidsperiode bestemt av kommunen. Vanleg opningstid for meiropne biblitek er frå klokka 07.00-23.00. Brukarane og biblioteket sin tryggleik vert sikra gjennom kameraovervaking. Ei slik løysing vil auke tilgangen til biblioteket frå 37 timar til over 100 timar i veka, utan at driftskostnadane aukar vesentleg. Sjølvbetjening vil gje høve til utlån og innlevering. Meiropne bibliotek er etter kvart blitt heilt vanleg i Noreg, og per dags dato er fleire hundre av landets folkebibliotek meiropne. Stryn kommune var klar med dette tilbodet rett før koronastenginga. Der bidrog Stryn vidaregåande skule med kring kr 100 000 i medfinansiering for å få på plass dette systemet, då dette er ei ordning elevane ved skule nyt godt av. Meiropne bibliotek har gode erfaringar, med besøk også på dagar som julafta. For å kunne etablere eir meirope bibliotek på Sandane er det naudsynt med ei eingongsinvestering i diverse utstyr, system og installering av dette. Når det gjeld driftsutgifter, så er det snakk om ei minimal auke til betaling av ei årleg lisensavgift. Budsjett Gloppen folkebibliotek har i 2020 eit samla budsjett på kring 2,95 millionar kroner (sjå tabell under).

Side 55

Dette utgjer 16,2 prosent av det totale kulturbudsjettet på kring kr 16,87 mill.

Budsjett Gloppen bibliotek 2020

Lønn og sosiale utgifter 2 150 000

Driftsutgifter 1 311 000

Overføringar 225 000

Finansieringsutgifter 130 000

Salsinntekter -16 000

Refusjonar -853 000

Finansieringsinntekter 0

Totalt 2 947 000

Rammer og føringar for bibliotekdrifta i Gloppen I formålsparagrafen til lov om folkebibliotek står det: «Folkebibliotekene skal ha til oppgave å fremme opplysning, utdanning og annen kulturell virksomhet, gjennom aktiv formidling og ved å stille bøker og andre medier gratis til disposisjon for alle som bor i landet. Folkebibliotekene skal være en uavhengig møteplass og arena for offentlig samtale og debatt. Det enkelte bibliotek skal i sine tilbud til barn og vaksne legge vekt på kvalitet, allsidighet og aktualitet. Bibliotekenes innhold og tjenester skal gjøres kjent. Folkebibliotekene er ledd i et nasjonalt biblioteksystem.» I paragraf 4 står det: «Til formål nevnt i kapittel 1 skal alle kommuner ha et folkebibliotek». Regjeringa sin bibliotekstrategi «Rom for demokrati og dannelse» legg vekt på at biblioteka skal nå fram til fleire, også dei som sjølv ikkje oppsøkjer biblioteket, og at det digitale tilbodet skal aukast. I samfunnsdelen til kommuneplanen står det at «Gloppen kommune skal utvikle Gloppen folkebibliotek som møteplass og verkstad for oppleving og læring i kvardagen, både fysisk og digitalt. (…) Styrkje arbeidet med aktiv formidling av kunnskap og kultur inn mot alle aldersgrupper» I Opplæringslova §9-2 står det følgjande om skulebibliotek: «Elevane skal ha tilgang til skolebibliotek. Departementet kan gi nærmare forskrifter.» I Forskrift til opplæringslova §21-1 vert det presisert at: «Skolen skal ha skolebibliotek med mindre tilgangen til skolebibliotek er sikra gjennom samarbeid med andre bibliotek. Bibliotek som ikkje ligg i skolen sine lokale, skal vere tilgjengeleg for elevane i skoletida, slik at biblioteket kan brukast aktivt i opplæringa på skolen. Biblioteket skal vere særskilt tilrettelagt for skolen.» Følgjande står å lese på Norsk Bibliotekforening avd. skole sin nettstad: «Skolebiblioteket regnes ikke lenger som en statisk boksamling, men er en måte å organisere skolens arbeid med digital kompetanse, kildekritikk, informasjonssøk, et utvidet tekstbegrep og lesing som grunnleggende ferdighet i alle fag. Denne læringsarenaen er et tillegg til klasseromsundervisningen, på tvers av fag og studieretninger og henger nøye sammen med læreplanene og skolens virksomhetsplan. Det er derfor ikke kun fysisk boksamling som er vesentlig her, men også at det prioriteres kvalifisert personalressurs til dette arbeidet.» Det er skulen sjølv, og opplæringssektoren i kvar kommune, som sjølv må gjere eigne prioriteringar, og såleis definere kvalitets- og kostnadsnivå på sine skulebibliotek. Det er stor skildnad på satsinga på

Side 56

skulebibliotek i landets kommunar. Mellom anna på bakgrunn av dette har Utdanningsdepartementet no ei fleirårig satsing på skulebibliotek, der kommunar som har ein skulebiblioteksplan kan søkje om midlar. Tenestenivå i forhold til andre kommunar For å samanlikne Gloppen kommune sitt nivå på bibliotektenester med liknande kommunar, har vi sett på utgiftsbehov-justerte tal i KOSTRA for Gloppen. Utgiftsbehovet per innbyggjar i ein kommune blir rekna ut på grunnlag av alderssamansetnad (demografi), geografi og sosiale tilhøve (andel uføre, ugifte eldre, innvandrarar og så vidare). Tala for Gloppen er samanlikna med gjennomsnittet for kommunar i KOSTRA-gruppe 11, som Gloppen kommune er ein del av. Dette er ei gruppe mellomstore kommunar med middels bundne kostnader per innbyggjar og middels frie disponible inntekter.

Nøkkeltal folkebibliotek i 2019 Gloppen KOSTRA-gruppe 11

Reelt avvik

Avvik i % ift. gruppe 11

Netto driftsutgifter per innbyggjar (NOK)

472 329 143 43,5

Løns- og medieutgifter per innbyggjar (NOK)

417 276 141 51

Andel av kommunens totalutgifter (prosent)

0,6 0,5 0,1 20

Andel av kulturbudsjettet (prosent) 14,8 12,4 2,4 19,4

Tal innbyggjarar per årsverk 1 888 3 116 - 1 228 - 35

Besøk per innbyggjar 9,5* 5,0 4,5 90

Utlån alle medier per innbyggjar 6,4 3,1 3,3 106 * Gloppen har berre tal frå Sandane bibliotek

I 2019 hadde Gloppen folkebibliotek 43,5 prosent høgare netto driftsutgifter per innbyggjar samanlikna med gjennomsnittet for kommunane i KOSTRA-gruppe 11. Dette skuldast mellom anna at medie- og lønsutgiftene per innbyggjar var 51 prosent over gjennomsnittet. Tal innbyggjarar per årsverk viser også at biblioteksbemanninga ligg godt over gjennomsnittet i KOSTRA-gruppa. Gloppen kommune brukte 2,4 prosentpoeng meir av kulturbudsjettet sitt på bibliotek i 2019 enn KOSTRA-gruppe-gjennomsnittet, og låg også høgare enn gjennomsnittet når det gjeld netto utgifter til bibliotek som del av kommunens totale nettoutgifter. Dei gode bibliotektenestene våre er mellom årsakene til at kommunen skårar godt Norsk kulturindeks. I 2019 var det registrert over dobbelt så mange utlån og nesten dobbelt så mange besøk per innbyggjar på biblioteka i Gloppen samanlikna med gjennomsnittet i KOSTRA-gruppe 11. Økonomiske konsekvensar for kommunen Ved å redusere frå tre til eitt bibliotek, vil kommunen samla sett kunne spare kr 677000 i årlege driftsutgifter frå og med 2024, utan å måtte redusere kvaliteten på innhaldet i bibliotektenesta. Eit vedtak om å legge ned filialen i Hyen vil spare kommunen for ei framtidig auke i driftsbusjettet på minimum kr 250000. I tillegg er det forventa at investeringskostnadane for nytt skulebygg, knytt både til tal kvadratmeter og inventar, vil kunne reduserast noko. Reduserte opningstider (frå 12 til 6 timar i veka) på Byrkjelo filial frå august 2020 og fram til husleigekontrakta går ut 1. juni 2023 kan gje ei innsparing i driftsutgifter på kring kr 300000 i denne perioden. Dersom ein vel å legge ned filialen allereie frå august 2020, vil innsparinga i perioden fram

Side 57

til juni 2023 bli dryge kr 600000. Deretter vil nedlegginga gje ei årleg innsparing på kring kr 427000, med full effekt frå og med budsjettåret 2024. Eit vedtak om å gjere biblioteket på Sandane meirope krev ei eingongsinvestering i utstyr, system og installering. Dette vil erfaringsvis koste mellom kr 150000-200000. Når det gjeld driftsutgifter, er det snakk om ei lita, årleg lisensavgift. Det er uavklara kor mykje av investeringskostnaden kommunen vil måtte ta sjølv. Ein formell førespurnad til Firda vidaregåande skule om medfinansiering avventar eit kommunalt vedtak om innføring av ordninga. Rådmannen si vurdering Rådmannen ser det som ein styrke for å sikre spreidd busetnad i kommunen at Gloppen har ein filialstruktur som dagens. Planane for nye Hyen skule ser ut til å ha lagt godt til rette for eit felles bibliotek for skule og folkebibliotek. Samstundes har den økonomiske situasjonen endra seg til det verre for kommunen, og generelt veks driftsutgiftene meir enn inntektene. Rådmannen meiner at ei endring av bibliotekstrukturen er eitt av tiltaka som bør gjennomførast for å få ned kommunens driftsutgifter, og vil i det følgjande grunngje denne tilrådinga. Dersom kommunen vel å legge ned filialane i Hyen og på Byrkjelo, vil ein stå att med eitt fysisk folkebibliotek i kommunen. Dette er i tråd med det lovpålagde kravet. Mange kommunar på storleik med Gloppen har teke dette grepet tidlegare, mellom andre naboane Stryn og gamle Eid kommune. Som KOSTRA-tala viser, så har Gloppen kommune særs gode og mykje brukte bibliotektenester sett i høve til andre, samanliknbare kommunar. Hovudbiblioteket på Sandane kan tilskrivast det meste av den positive utlånsstatistikken, då nærmare 90 prosent av alle utlån skjedde der i 2019. Besøkstala kan utelukkast tilskrivast Sandane, fordi dette biblioteket er det einaste i kommunen som registrerer sine besøk. Statistikken viser samstundes at det gode tilbodet også har ein kostnad, og at Gloppen på dette området ligg betydeleg høgare enn gjennomsnittet for si kommunegruppe. Mellom anna er løns- og medieutgiftene over 50 prosent høgare per innbyggjar i Gloppen enn gjennomsnittet for gruppe 11-kommunane. Utviklinga innan digitalisering av biblioteksmateriale, som har skutt fart som følgje av koronastengde bibliotek, gjer at fysisk nærleik til bibliotek ikkje treng å bety at lånematerialet er utilgjengeleg. Samstundes er biblioteka si oppgåve no mykje breiare enn å låne ut bøker og anna fysisk materiale. Funksjonen som fysisk møteplass er blitt framheva særleg dei siste åra, og då er sjølvsagt fysisk nærleik og tilgjengelegheit viktig. Men med korte opningstider og få personalressursar har bibliotekfilialane på Byrkjelo og i Hyen særs begrensa moglegheit til å utvikle sine møteplassfunksjonar, og syte for arrangement og aktivitet som forsvarer kostnaden ved å ha fleire enn eitt fysiske bibliotek i kommunen. Utan ein filial frå Gloppen folkebibliotek vil Hyen skule få ansvar for sitt eige skulebibliotek, og vil i større grad kunne ta dette i bruk som dei ønskjer i sitt pedagogiske arbeid. Skulen kan sjølvsagt vere med i tenlege samarbeidsordningar med folkebiblioteket, på lik linje med dei andre grunnskulane i kommunen. Det same vil gjelde for Breim skule. Introduksjonsopplegget for 1., 2. og 3. trinn, der Gloppen folkebibliotek i nokre år har arbeidd med å få til eit fast og likearta tilbod til alle skulane uavhengig av avstand, er døme på slike samarbeidsordningar. Depotordningar for bøker, litteraturtilbod via Den kulturelle skulesekken, opplegg for felles lesekampanjar, informasjon til lærarar og deltaking på foreldremøter er andre døme. For å kompensere for den reduserte tilgangen på eit fysisk bibliotek for vaksne lokalt i Hyen og Byrkjelo, kan biblioteket på Sandane tilrettelaggast som eit meirope bibliotek med utvida opningstider på kveldstid, i helgar og feriar. Dette vil gjere biblioteket meir tilgjengeleg for alle, og spesielt for innbyggjarar som har eit stykke å reise. Biblioteket kan også legge til rette for henting og levering av bøker lokalt i Hyen og på Breim, til dømes «bibliotek-i-butikk»-løysing etter inspirasjon frå

Side 58

«post-i-butikk»-systemet. Dersom kommunen vel å oppretthalde og drifte Gloppen folkebibliotek med ein tredelt struktur, samstundes som ein kuttar ned driftsutgiftene for å spare, vil det føre til eit svekka bibliotek som heilskap. Attraktiviteten, relevansen på samlingane og kompetansen til dei tilsette vil bli mindre på alle avdelingar. Det er viktig å vere klar over at ressursar og personale knytt til biblioteket på Sandane er avgjerande for eit godt tilbod for heile kommunen, uavhengig av struktur. Å endre bibliotekstrukturen er ein måte å få ned driftsutgiftene utan å redusere kvaliteten på innhaldet i tenestene som biblioteket leverer. Difor er dette tiltaket tilrådd av rådmannen. Eit meirope bibliotek på Sandane, som rådmannen også tilrår, vil ikkje redusere driftskostnadane. Men med ei eingongsinvestering kan ein gjere det fysiske biblioteket på Sandane langt meir tilgjengeleg for alle. Kommunen vil dermed sikre betre utnytting av allereie investerte ressursar og årlege husleigeutgifter for lokalet i Trivselshagen. Rektor ved Firda ser dessutan svært positivt på planane om meirope bibliotek, og peikar på at dette passar godt inn i Open skule-tilbodet deira. Utan å forskottere, men med utgangspunkt i dette og i avtalen mellom Stryn kommune og Stryn vidaregåande skule om medfinansiering, ser vi for oss at ei liknande avtale kan vere realistisk å få til også her. Oppsummering For å redusere driftsutgiftene utan å verte nøydde til å redusere kvaliteten på innhaldet i kommunens bibliotekteneste, går rådmannen inn for ei permanent endring av strukturen til Gloppen folkebibliotek frå tre fysiske bibliotek til eitt. Gloppen folkebibliotek vil arbeide vidare med å sørge for å vere eit godt og relevant tilbod til heile kommunen. Med denne strukturen kan Gloppen sørge for å ha eit meir robust bibliotek, som kan vere i stand til å gje ulike tilbod som kjem heile kommunen til gode, og som kostar mindre enn med dagens struktur. Oppvekstutvalet 03.06.2020 Behandling Saka var flytta til etter orientering om Hyen skule. Etter eit kort gruppemøte, vart det røysta slik: - Rådmannen si tilråding - ingen røyster - Framlegg frå Senterpartiet ved Bernt Reed: 1. Saka om endring av bibliotektenester skal takast att i samband med dei totale innsparingane. 2. Framdrifta til Hyen skule skal gå som planlagt utan å redusere bruksarealet. Framlegget vart vedteke samrøystes. OPP- 018/20 Vedtak 1. Saka om endring av bibliotektenester skal takast att i samband med dei totale innsparingane. 2. Framdrifta til Hyen skule skal gå som planlagt utan å redusere bruksarealet. Vedtak samrøystes Teknisk, miljø- og kulturutvalet 04.06.2020 Behandling Frå Senterpartiet, framlegg frå Karoline Bjerkeset, Senterpartiet 1. Kommunestyret ber om at saka om endring i bibliotekstrukturen til Gloppen folkebibliotek vert utsett og handsama i lag med den samla oversikta over moglege innsparingstiltak som kommunestyret skal ta stilling til hausten 2020. 2. Ordninga med "meirope" bibliotek vert å ta stilling til når kostnadane og medfinansiering av tilbodet er avklara. 3. Kommunestyret ber om at administrasjonen utarbeider eit notat i lag med saka om

Side 59

bibliotekstruktur om på kva måtar ein kan sikre eit best mogleg bibliotektilbod i heile kommunen og oppfylling av kravet om skulebibliotek for elevane ved nedlegging av folkebibiloteka i Hyen og Breim. Av notatet skal det også gå fram kva kostnader desse tiltaka vil ha. Utvalet røysta mellom rådmannen si tilråding og framlegget frå Senterpartiet. Rådmannen si tilåding fall med ei mot seks stemmer. Framlegget frå Senterpartiet vart innstilt med seks mot ei stemme. Arnar Kvernevik (Ap) stemte for tilrådinga til rådmannen. TMK- 026/20 Vedtak 1. Kommunestyret ber om at saka om endring i bibliotekstrukturen til Gloppen folkebibliotek vert utsett og handsama i lag med den samla oversikta over moglege innsparingstiltak som kommunestyret skal ta stilling til hausten 2020. 2. Ordninga med "meirope" bibliotek vert å ta stilling til når kostnadane og medfinansiering av tilbodet er avklara. 3. Kommunestyret ber om at administrasjonen utarbeider eit notat i lag med saka om bibliotekstruktur om på kva måtar ein kan sikre eit best mogleg bibliotektilbod i heile kommunen og oppfylling av kravet om skulebibliotek for elevane ved nedlegging av folkebibiloteka i Hyen og Breim. Av notatet skal det også gå fram kva kostnader desse tiltaka vil ha.

Formannskapet 10.06.2020 Behandling Magni Aa Berge (Sp) fremja følgjande forslag:

1. Kommunestyret ber om at saka om endring i bibliotekstrukturen til Gloppen folkebibliotek vert utsett og handsama i lag med den samla oversikta over moglege innsparingstiltak som kommunestyret skal ta stilling til hausten 2020.

2. Ordninga med "meirope" bibliotek vert å ta stilling til når kostnadane og medfinansiering av tilbodet er avklara.

3. Kommunestyret ber om at administrasjonen utarbeider eit notat i lag med saka om bibliotekstruktur om på kva måtar ein kan sikre eit best mogleg bibliotektilbod i heile kommunen og oppfylling av kravet om skulebibliotek for elevane ved nedlegging av folkebibiloteka i Hyen og Breim. Av notatet skal det også gå fram kva kostnader desse tiltaka vil ha.

4. Framdrifta til Hyen skule skal gå som planlagt utan å redusere bruksarealet. Rådmannen sitt tilråding:

1. Kommunestyret vedtek ein slik endring av strukturen til Gloppen folkebibliotek:



2. Kommunestyret ber administrasjonen om å arbeide med avbøtande tiltak for å gje innbyggjarane i Hyen og på Breim tilgang til gode bibliotektenester i framtida.

Ved avstemminga fekk rådmannen si tilråding 5 stemmer og vart innstilt. Dei som røysta for Magni Aa Berge (Sp) sitt framlegg var Leidulf Gloppestad (Sp), Magni Aa Berge (Sp), Solveig Lien Gusdal (Sp) og Mariel Eikeset Koren (MDG).

Side 60

FOR- 104/20 Vedtak

Formannskapet si innstilling til kommunestyret: 1. Kommunestyret vedtek ein slik endring av strukturen til Gloppen folkebibliotek:



2. Kommunestyret ber administrasjonen om å arbeide med avbøtande tiltak for å gje innbyggjarane i Hyen og på Breim tilgang til gode bibliotektenester i framtida. Saka vart innstilt med 5 mot 4 røyster. Dei som røysta mot var Mariel Eikeset Koren (MDG), Magni Aa Berge (Sp), Solveig Lien Gusdal (Sp) og Leidulf Gloppestad (Sp).

Side 61

Gloppen kommune



Saksbehandlar: Knut Roger Berge Nesdal



Kommunalt næringsfond - tildeling 2020

Kort samandrag av saka I budsjettet for 2020 er det sett av 500000,- til tildelingar frå det kommunale næringsfondet. Vestland fylkeskommune tildelte Gloppen kommune 733106,- til å fremje etablering av nye bedrifter og vidareutvikle eksisterande i 2020. I tillegg til dei fylkeskommunale tildelingane på 733106,- er det overført 208,- frå næringsfondet 2019. Totalrammene er då 733314,-. Det er kome inn 7 søknader med samla søknadssum på kr 740000.-

Rådmannen si tilråding Det er i dag budsjettert med 500.000,- til tildeling frå næringsfondet. Rådmannen tilrår at formannskapet utvidar budsjettet for næringsfondet 2020 med 167500,- Desse midlane vert tatt frå fond. Vestland fylkeskommune auka tildelinga til næringsfondet vårt og som ein del av budsjettrevisjonen i haust vil rådmannen foreslå at budsjettet for næringsfondet skal endrast tilsvarande auken i løyvinga frå fylket. Dersom formannskapet er einig i det, kjem rådmannen til å fremje ei andre tildelingsrunde frå næringsfondet hausten 2020. Formannskapet viser til rådmannen sitt saksframlegg og tildeler desse tiltaka midlar frå kommunen sitt næringsfond 2020

Prosjekt Søknadsbeløp Tildeling

Søknad 1: Kultur til folket 90 000 30 000

Søknad 2: Gloppen produsentlag FRØ 2030 100 000 100 000

Søknad 3: Gloppen Utvikling 275 000 275 000

Søknad 4: Erland Kandal – Ysteriparken 100 000 100 000

Søknad 5: Skrede Motor AS 50 000 37 500

Søknad 6: NCMT – videoproduksjon 50 000 50 000

Søknad 7: Beredskapstem Nordfjord / Nordfjordrådet 75 000 75 000

Total tildeling 2020 740 000 667 500

Felles vilkår for alle innvilga søknader: Inntil 75 % av tilskotet kan utbetalast når prosjektet er i gang. Resterande 25 % vert utbetalt når prosjektet er avslutta og sluttrapport og rekneskap er godkjent av rådmannen. Søkjar som har fått innvilga støtte, må innan eitt år etter tildeling be om sluttutbetaling. Viss ikkje , fell tilskotet vekk. Det kan i spesielle tilfelle søkjast om utsetting av fristen.

Side 62

Saksutgreiing Fakta i saka Søknad 1: Kultur til folket –Gloppen Musikkfest, Norsk Countrytreff, Nordfjord Aktiv, TG Event Kultur til folket er eit samarbeidsprosjekt mellom kulturliv og næringsliv i kommunen. Målet er at vi saman skapar opplevingar som trekker besøkande til kommunen, at lokalbefolkninga får eit ekstra tilbod og at det gjev positive ringverknader for næringslivet i kommunen. Det vil gje inntekt og aktivitet for kultur-utøvarar og dei stadane arrangementa er. Det er Gloppen Musikkfest som har arbeidsgjevaransvar og som søker om midlane. Norsk Countrytreff og Nordfjord Aktiv er med i styringsgruppa. Søknadsbeløp 90.000.- Totalkostnad 325.000.- Søknad 2: FRØ 2030 - Midlar til framtidsutvikling – Gloppen produsentlag Lokalmat står sterkt i Gloppen. Produsentlaget ynskjer å utvikle området på Kattahamrane til ein attraksjon for sal av lokalmat, tenke nyskapande, sikre rekruttering og framtidsutvikling for næringa. FRØ 2030 er prosjektet som skal sette kursen for produsentlaget si satsing på Kattahamrane fram mot 2030. Søknadsbeløp 100.000.- Totalkostnad 150.000.- Søknad 3: Gloppen Utvikling – Gloppen sommarklar / Fjordlandsbyen 2.0 Prosjektet har som formål å vise fram muligheitene og opplevingane som ligg i Gloppen i ein sommarperiode som er annleis for veldig mange. I sommar har vi mange val på Norgesferie – vi ønskjer at dei skal velje Gloppen. Samtidig veit vi at mange kjem heim på ferie, og det vil være mange som ikkje reiser ut. Korleis kan ein få ei større bevisstgjering blant desse på å bruke sentrum og Fjordlandsbyen. Vi ønskjer også eit særskilt fokus på yngre. Søknadsbeløp 275.000.- Totalkostnad 370.000.- Søknad 4: Erland Kandal – Ysteriparken i Kandalen Erlend Kandal er i ferd med å etablere ysteri for produksjon av brunost i Kandalen. Han skal nytte mjølk produsert på garden til faren, Per Kandal, i produksjonen. Lokalet er ein gamal kraftstasjon like ved garden som skal transformerast. Erlend Kandal ser og føre seg å auke produksjon med andre lokale varer i framtida. Midlar til sjølve produksjonen har Erlend Kandal fått støtte til gjennom Innovasjon Norge. For å kunne skape eit totalprodukt, som og vert ein attraksjon, ynskjer han no å søke midlar om å ruste opp området rundt ysteriet. Med eit flott område rundt, kan besøkande og handlande få ei større oppleving når dei først har tatt turen til ysteriet i Kandalen for å handle lokal kvalitetsost. Søknadsbeløp 100.000.- Totalkostnad 200.000.- Søknad 5: Skrede Motor AS – støtte til marknadstiltak. Skrede Motor AS driv bilutleige i Gloppen som franchise takar for «Rent a Wreck» kjeda. Dei har no valt å bryte dette samarbeidet for å starte på eiga hand. Bedrifta har tilhald på Reed. Skrede Motor søker om støtte til å utvikle eigen profil med logo, stikkers, nettside med booking muligheiter, annonsering og andre marknadstiltak. Søknadsbeløp 50.000.- Totalkostnad 50.000.-

Side 63

Søknad nr 6: Norsk senter for matrialteknologi (NCMT) – støtte til video om klyngeprosjektet Det skal lagast video som skal nyttast i arbeidet med å rekruttere medlemmar inn til NCMT klynga. Søknadsbeløp 50 000.- Totalkostnad ca 150 000 Søknad nr 7: Beredskapsteam Nordfjord - SMB prosjektet Formannskapet vedtok i møte 20. mai å forskuttere 75 000.- frå næringsfondet til SMB prosjektet i regi av Nordfjordrådet og Beredskapsteam Nordfjord. Innvilga beløp 75 000.- Økonomiske konsekvensar for kommunen Midlane som er tilførte frå fylkeskommunen er kr 733 134.- I revidert budsjett i kommune, er det lagt opp til bruk av 500.000.- Ei total tildeling utover 500.000.- vil medføre tilsvarande endring i budsjettet. Rådmannen si vurdering Rådmannen er litt overraska over at det ikkje er kome inn fleire søknader til næringsfondet 2020. Det kan sjåast i samanheng med Covid-19 og at folk er litt meir reserverte til å sette i gang prosjekt. Gledeleg er det difor at fondet likevel har mottatt 5 søknader som alle, etter rådmannen si meining, vil bidra til utvikling i Gloppen kommune. Retningslinjene for det kommunale næringsfondet vart vedteke av kommunestyret i sak 56/09, og med endringar vedteke i kommunestyret i sak 65/16. Formålet med fondet er å styrke Gloppen kommune sitt næringsutviklingsarbeid med utgangspunkt i dei lokale føresetnadene kommunen har. For vurderingar av dei enkelte søknader, kan det vere nyttig å referere det som står om støttetypar i retningslinjene. A Bedriftsutviklingstilskot/etablerarstipend Eksempel på aktuelle tiltak er søknader om etablerarstipend, kompetansehevande tiltak, marknadsføring, produktutvikling, marknadsundersøking og levekostander. Slike søknader kan få inntil 50 % støtte. Dersom etableringa er nyskapande og det står kvinne/ungdom bak tiltaket, kan offentlige støtte utgjere 75 % av kostnadsgrunnlaget, jf. EØS regelverket (gjeld søknader med totalkalkyle inntil 200.000,-). B Investeringstilskot Eksempel på dette kan vere maskiner eller utstyr til oppstarting og utvikling av verksemda. Slike søknader kan få inntil 20 % støtte av det totale kostnadsgrunnlaget, jf. EØS regelverket (gjeld søknader med totalkalkyle inntil kr 500.000,-). C Kurs/kompetansehevande tiltak for bransjar i kommunen Det kan gjevast støtte frå næringsfondet på opptil 50 % av kostnader til kurs og opplæring i ulike næringar i kommunen. D Tilskot til tiltaksapparat og kunnskapsretta infrastruktur Det kan gjevast støtte til regionalt samarbeid, etableraropplæring, samarbeid skule/næringsliv og lokale analyser/utgreiingar. Støttevilkår (Vedtak i kommunestyret i sak 65/16) Tiltak som fremjar sysselsetting blant ungdom og kvinner skal prioriterast. Fondet skal prioritere etableringar som fell utanfor ordningar til innovasjon Norge og andre deler av det offentlege

Side 64

virkemiddelapparatet. Ved fordeling av midlane vil kommunen prioritere satsingsområda som er omtala i strategisk næringsplan. Tiltaka som vert støtta bør vere supplerande eller nyskapande tiltak, og gje ein positiv verknad for lokalsamfunnet.» Kommunestyret viser til utgreiinga i saka og ber om at rådmannen halde fram med praksisen om å handsame søknader til næringsfondet i formannskapet minst to gongar i året. Administrative tildelingar frå fondet skal rapporterast til fondsstyret (formannskapet). Kommunestyret gjev rådmannen fullmakt til å tildele tilskot frå næringsfondet med inntil kr 50.000,- i året. Fullmakta kan nyttast til støttetypane II a) og II b) i retningslinjene. --- Strategisk næringsplan for Gloppen kommune blei vedteken i kommunestyret i sak 97/12, og er naturleg nok eit viktig dokument ved vurderinga av søknader om tilskot frå det kommunale næringsfondet. Uansett retningsliner, vil det ved vurdering og prioritering av søknadene, innanfor gjeldande økonomiske rammer, også måtte brukast ein god del skjønn. Søknad 1: Kultur til folket –Gloppen Musikkfest, Norsk Countrytreff, Nordfjord Aktiv, TG Event Med bakgrunn i dagens situasjon der covid-19 har snudd opp ned på planar, næringsgrunnlag, reisemønster for mykje av nærings-og kulturlivet i Gloppen, har dei som står bak denne søknaden tatt initiativ til eit prosjekt der måla er: - kulturaktivitet i Gloppen gjennom sommarmånadene

· fleire norske turistar til Gloppen · arbeid og aktivitet til kultur-utøvarar · verdiskaping for bedrifter i Gloppen

Prosjektet er tenkt gjennomført på følgande måte: Koordinator i 30% stilling Prosjektet tar sikte på å tilsette koordinator i 30% i 3 månader. Denne skal koordinere og selge inn konsertar som vert sett opp i heile kommunen. På søketidspunktet er det lov til å samle 50 personar så lenge det er 1 meter avstand. Dette kan endre seg. Arrangement organisering Konsert/arrangement skal arrangerast saman med ein arena/arrangør. Arrangøren får eit arrangement for kr 2000,-. Billettinntekter på kr 100,- per person går til vårt «kultur til folket»-prosjektet. Arena/arrangør kan på si side selje pakkar med mat eller andre varer, arrangere åresal eller liknande, som gjer at det er mogleg å få inntekter på arrangementet. Pop up og gratis arrangement Det skal arrangerast gratis pop-up arrangement i Sandane sentrum og andre stader. Om desse skal vere annonsert eller ikkje må vi vurdere i høve til smittevern-reglar og kva forholda ligg til rette for. MÅLGRUPPE FOR ARRANGEMENTA Målgruppa er norske turistar og lokale innbyggjarar. Kultur til folket ønskjer å skape ei breidde i tilbodet slik at ein når ulike målgrupper; alt frå born, familie, vaksne og med ulike kultur-uttrykk som kan treffe ei breidde av folket. Enkelt sagt, kultur til folket. Der vi har eit samarbeid med ein arrangør eller arena, blir val av kulturutøvar gjort i samforståing med dei.

Side 65

Det er lokale utøvarar som skal nyttast ved arrangementa. I desse koronatider er det viktig å halde hjula i gang og kulturlivet er hardt råka. Rådmanne syns difor dette er eit godt og kreativt tiltak som treng hjelp for å realiserast. Kultur til folket har og søkt kultursjefen om støtte. Her ligg føre ei innstilling på kr 30.000.- og rådmenn tilrår å tildele tilsvarande sum frå næringsfondet 2020. Rådmannen tilrår å støtte «kultur til folket» med kr 30.000.- Søknad 2: FRØ 2030 - Midlar til framtidsutvikling – Gloppen produsentlag Gloppen Produsentlag ynskjer å gjere bygget sitt på Kattahamrane til ein lokalmatattraksjon i Gloppen og søker om midlar til «FRØ2030». Prosjektet har som formål å skap ein arena som skal motivere eksisterande produsentar, rekruttere nye og å skape ein lokalmatattraksjon med produsentlaget sin lokalar som hjarte i satsinga. Prosjektet skal skape eit framtidsbilde av produsentlaget sine lokalar, utnytting av dette, samt potensielt utnytting av området rundt. Rådmannen si vurdering Rådmannen syns det er positivt at produsentlaget ynskjer å løfte ei viktig næring for Gloppen. Gloppen er sterke på lokalmat og har mange produsentar som har hausta mange nasjonale og internasjonale prisar for sine produkt. No ynskjer produsentlaget å møte framtida på ein offensiv og spennande måte gjennom prosjektet FRØ2030. Her ynskjer produsentlaget å vise eit framtidsbilete av kva som kan vere mogleg å skape av aktivitet rundt bygget sitt på Kattahamrane. I ei utfordrande tid for landbruket, er det viktig å sjå framover og tenke nytt. Rådmannen tilrår å støtte søknaden frå Gloppen produsentlag. Søknad 3: Gloppen Utvikling (GU)– Gloppen sommarklar / Fjordlandsbyen sommarklar. Bakgrunn for prosjektet er at GU ser at dei faste aktivitetane som ligg i sommar/haust perioden er vanskeleg å gjennomføre som normalt grunna Covid-19. Det betyr at prosjektgruppa som jobbar inn mot Landsbyrådet, Sandanedagane og Matamål har gått saman for å sjå på eit større prosjekt for å skape aktivitet som ikkje berre er knyta opp mot enkelthendingar, men at GU frå 1.juni til 1.oktober har ei jamn aktivitet og fokus på Gloppen. Prosjektet inneheld fleire element, der hovudelementet omhandlar om korleis GU kan bruke sosiale media og bygge merkevarer Fjordlandsbyen Sandane. I tillegg ønskjer GU å investere i nokre fysiske prosjekt som: straumskap og kablar til rigging under festivalar, Nordfjordskilt ved fjorden og Fjordlandsbyen skilt. I tillegg ynskjer GU å søkje om midlar til Sandanedagane og Matamål for å sikre ei god gjennomføring av desse arrangementa. Her blir det lagt ned mange hundre dugnadstimar kvart år, og GU er avhengig av støtte for å få gjennomført arrangementa. GU anser også at i 2020 er det særs viktig at dei klarar å gjennomføre slik at det vert sett fokus på lokal handel, lokale arrangement og skape aktivitet innanfor rammer som myndigheitene tillèt. Innhald i prosjektet er: • Merkevaren Fjordlandsbyen Sandane • Innkjøp av straumskap • Innkjøp av skilt, både Nordfjordskilt men også Fjordlandsby skilt • Sandanedagane, vert flytta og skal gjennomførast i september • Matamål Rådmannen si vurdering Rådmannen synest GU tar på seg eit stort ansvar for å sikre utvikling av fjordlandsbyen Sandane. GU skapar aktivitet som kjem fellesskapet til gode, både bedrifter, handlande og besøkande. I situasjonen rundt Covid-19, vert dette året ekstraordinært med tanke på drift og arrangementa GU står bak. Rådmannen meiner difor det er smart å tenke litt utanfor boksen i 2020. GU legg opp til

Side 66

mange fellesprosjekt som ilag løfter mange næringsdrivande, og som samtidig vil gi ei positiv oppleving for besøkande til landsbyen. For at folk skal vite om alt skjer i fjordlandsbyen, er det viktig at informasjonen når ut. GU vil bli proffare på dette, og har engasjert lokal ungdom, Dina Rygg Eide, til arbeidet med synleggjering av fjordlandsbyen gjennom sosiale medium. GU legg opp til at drifta av Sandanedagane og Matamål i framtida vil stå seg betre økonomisk ved at ein no kjøper inn løysingar med tanke på rigging av straum når ein har store arrangement i sentrum. Fram til i dag har dette vore ein stor utgiftspost ved Sandane dagane og Matamål. Dette er ei løysing og andre som har arrangement i sentrum kan nytte seg av. På årsbasis ser rådmannen at dette vil spare arrangørar for store utgifter. Utsikta frå sentrum av Sandane mot Anda er eit ynda fotomotiv. GU ynskjer å sette opp Nordfjord logoen slik at bilete ut fjorden får ein ny dimensjon. Dette har ein og sett vert gjort andre plassar med stor hell. Rådmanne meiner det er flott at fjordlandsbyen no får sitt eige Nordfjord skilt. Rådmannen støttar og ideen om å søke for å sette opp skilt langs E39 som viser veg til Fjordlandsbyen. Rådmannen tilrår å imøtekome søknaden frå Gloppen Utvikling. Søknad 4: Erland Kandal – Ysteriparken i Kandalen Rådmannen syns det er på høg tid at Gloppen får sin eigen ost. At det er ungdom på 24 år som står bak prosjektet, gir heile ideen ein ny dimensjon. Tar ein i tillegg med at det er i Kandalen det skjer, så er heile prosjektet som eit kinderegg. Erlend er oppvaksen på gard i Kandalen og ynskjer å føre arva om «Kandals osten» vidare. Han vil vidareforedle mjølk frå garden til ost produsert på nytt ysteri. Oppskrifta har han funne i papir frå si bestemor som budde i bygda. Sjølve ysteriet har Erlend fått støtte til gjennom Innovasjon Norge. Denne søknaden handlar ikkje om den men om å gjere området rundt ysteriet til ein attraksjon, Ysteriparken. Når folk handlar lokalmat, kjøper dei samtidig ei historie og noko ekte. Området rundt det framtidige ysteriet er vilt og vakkert og vil med tilrettelegging framstå som ein attraksjon i seg sjølv. Med oppgradering av området vil ysteriet få ein ny dimensjon og attraksjon og mest sannsynleg tiltrekke seg fleire kundar. Samtidig vil det vere eit positivt tiltak for folk som bur i bygda. Rådmannen er veldig fornøgd med at ungdomen tar tak og etablerer nye ting i tråd med all anna kreativitet som skjer i Kandalen. Rådmannen meiner og bygda framstår veldig spennande, eksotisk og flott og har etter kvart eit tilbod som vil trekke turistar og andre til bygda. Med ysteriet på plass, kan det og tenkast at andre tar opp igjen produksjonen på gardsbruk som no ikkje er i drift slik dei tidlegare var. Rådmannen tilrår å imøtekomme søknaden frå Erlend Kandal. Søknad 5: Skrede Motor AS – støtte til marknadstiltak. Skrede Motor søkte i 2019 om støtte frå næringsfondet. Denne vart ikkje imøtekomen då ein hadde tilsvarande bedrifter etablert i kommunen. No søker Skrede Motor om midlar til bedriftsutvikling. Dette for å kunne bygge seg opp i ein ny marknad og tilpasse drifta betre etter lokal etterspørsel. Dette etter erfaringar som er gjort første driftsår.

Side 67

Bedrifta har vore franchise for Rent a Wreck kjeda. Då dette ikkje passar inn med kva markanden eterspør av bilar, har Skrede Motor valt å stå på eigne bein i staden. Rådmannen meiner dette viser at Skred Motor er tydleg på kva dei vil og er tilpassningsdyktig i markedet. Dette er viktig med tanke på å overleve som bedrift over tid. Å søke midlar til bedriftsutvikling meiner rådmannen er innafor i dette tilfellet og vil såleis stille seg positiv til å støtte søknaden med 75% av omsøkt sum. Rådmannen tilrår å støtte søknaden frå Skrede Motor med kr 37.500.- Søknad nr 6: Norsk senter for matrialteknologi (NCMT) – støtte til video om klyngeprosjektet Gloppen kommune er vertskommune for teknologiklynga NCMT. Visjonen er at klynga skal vere ei sterk og leiande næringsklynge for framtida si grøne materialteknologi innan polymer og kompositt NCMT er ei internasjonal næringsklynge som består av bransjeuavhengige aktørar med verdsleiande og komplimenterande kompetanse. Klynga jobbar for utvikling av marknadsretta og berekraftige materialløysingar innan polymer og kompositt. Klynga si målsetting er å auke verdiskapinga til medlemane ved å styrke aktørane si konkurransekraft i ein global marknad, og posisjonere Noreg som ein framtidsretta polymer- og komposittnasjon. Eit av delmåla er å rekruttere nye medlemsaktørar for å sikre kontinuerleg vekst og utvikling i klynga. Til dette arbeidet ynskjer NCMT å lage ein video for å vise kva klynga står for. Rådmannen meiner det er viktig at Gloppen kommune stiller seg bak NCMT og viser at kommunen er Norsk plast- og kompositthovudstad. Råmannen tilrår å imøtekome søknaden frå NCMT. Formannskapet 10.06.2020 Behandling Beate Dybendal Nordvik (H) reiste spørsmål om sin habilitet då ho sit i styret i Gloppen næringsorganisasjon. Formannskapet vedtok samrøystes at ho er inhabil. Gunnvor Sunde (SD) møtte som vara. FOR- 105/20 Vedtak Det er i dag budsjettert med 500.000,- til tildeling frå næringsfondet. Rådmannen tilrår at formannskapet utvidar budsjettet for næringsfondet 2020 med 167500,- Desse midlane vert tatt frå fond. Vestland fylkeskommune auka tildelinga til næringsfondet vårt og som ein del av budsjettrevisjonen i haust vil rådmannen foreslå at budsjettet for næringsfondet skal endrast tilsvarande auken i løyvinga frå fylket. Dersom formannskapet er einig i det, kjem rådmannen til å fremje ei andre tildelingsrunde frå næringsfondet hausten 2020. Formannskapet viser til rådmannen sitt saksframlegg og tildeler desse tiltaka midlar frå kommunen sitt næringsfond 2020

Prosjekt Søknadsbeløp Tildeling

Søknad 1: Kultur til folket 90 000 30 000

Søknad 2: Gloppen produsentlag FRØ 2030 100 000 100 000

Søknad 3: Gloppen Utvikling 275 000 275 000

Søknad 4: Erland Kandal – Ysteriparken 100 000 100 000

Side 68

Søknad 5: Skrede Motor AS 50 000 37 500

Søknad 6: NCMT – videoproduksjon 50 000 50 000

Søknad 7: Beredskapstem Nordfjord / Nordfjordrådet 75 000 75 000

Total tildeling 2020 740 000 667 500

Felles vilkår for alle innvilga søknader: Inntil 75 % av tilskotet kan utbetalast når prosjektet er i gang. Resterande 25 % vert utbetalt når prosjektet er avslutta og sluttrapport og rekneskap er godkjent av rådmannen. Søkjar som har fått innvilga støtte, må innan eitt år etter tildeling be om sluttutbetaling. Viss ikkje , fell tilskotet vekk. Det kan i spesielle tilfelle søkjast om utsetting av fristen. Vedtaket var samrøystes.

Side 69

Gloppen kommune

Arkiv: FE-007, TI-&00





Orientering om etiske retningslinjer i selskap kommunen er eigar i Vedlegg i saka: 03.06.2020 Policy In Via 03.06.2020 Misjon og kjerneverdier Nordfjord Havn 03.06.2020 Etiske retningslinjer for Nordfjord Miljøverk 03.06.2020 Etiske retningslinjer Trivselshagen IKS 04.06.2020 Yrkesetiske retningslinjer for Mona Vekst med logo 2018 04.06.2020 Etiske retningslinjer Firda billag_12.12.2012 04.06.2020 Spørsmål om etiske retningslinjer Gloppen Energi 04.06.2020 Etiske retningslinjer Enivest 04.06.2020 Sogn og Fjordane Holding as - spørsmål om etiske retningsliner

Rådmannen si tilråding Formannskapet tar saka til orientering.

Saksutgreiing Bakgrunn for saka Formannskapet har bedt rådmannen orientere om selskapa vi er medeigar i har etiske retningslinjer. Rådmannen har sendt epost til selskapa og per 4. juni fått svar frå 9 av selskapa. Det har vore ein kort svarfrist, og rådmannen er gledeleg overraska over responsen på spørsmålet. Svara frå selskapa ligg som vedlegg til denne orienteringssaka. Formannskapet 10.06.2020 Behandling Dei etiske retningslinjene til SFE ligg ikkje med saka, men er sendt ut på epost til medlemmane. FOR- 106/20 Vedtak Formannskapet tar saka til orientering. Vedtaket var samrøystes.

Side 70

Gloppen kommune

Arkiv: GBNR-117/3, FA-L42


Saksbehandlar: Bjørn Aurlien




Anneks på Årdalsstøylen - dispensasjon frå kommuneplanen Vedlegg i saka: 20.04.2020 Kart Årdalsstøylen 20.04.2020 Teikningar anneks

Rådmannen si tilråding Gloppen formannskap vedtek med heimel i plan- og bygningslova § 19-2 dispensasjon frå kommuneplanen for å bygge eit anneks på gbnr. 117/3 på Årdalsstøylen slik det er søkt om. Grunngjevinga for vedtaket er at tiltaket er i samsvar med kommuneplanen sine retningsliner for dispensasjonssaker i støylsområde.

Saksutgreiing Bakgrunn for saka Jostein Aasen har søkt om å få rive fjøsen sin på Årdalsstøylen, og erstatte den med eit nytt og litt større bygg. Sidan støylen ligg i LNF-område i kommuneplanen og planlagt bygg ikkje har ein landbruksfunksjon, er det søkt om dispensasjon for det nye bygget. Fakta i saka I dispensasjonssøknaden orienterer Aasen om at dei har sel og fjøs på støylen, men at fjøsen har vorte skadd av vind i vinter. Fjøsen er gamal, og det skal mykje til å reparere på det som står der. Det vil bli eit betre resultat med å rive eksisterande bygg og føre opp eit nytt. Sidan det ikkje er stølsdrift lengre vil dei ikkje føre opp ein ny fjøs, men eit anneks med toalettrom, soverom og bodplass som er meir fornuftig i forhold til dagens bruk av støylen. Dei ønskjer å bygge på same staden, men litt større enn eksisterande bygg. Planen er då å støype søyler rett på utsida av dagens mur som bygget skal stå på. Eksisterande mur er ikkje stabil. Bygget vil få om lag same form som eksisterande fjøs, men med litt slakare takvinkel. Dei vil nytte ståande kledning i same farger som eksisterande bygg, og stålplater på taket. Aktuelle naboar er varsla, og det er ikkje kome merknader til søknaden. Tomta ligg i aktsemdsområde for jord- og flaumskred. Det er framlagt vurdering frå geolog som sannsynleggjer at tomta har tilfredsstillande tryggleik mot naturfare. Etter oppmoding frå søkjar er det gitt administrativt løyve til riving av eksisterande bygg. Økonomiske konsekvensar for kommunen Ingen.

Side 71

Rådmannen si vurdering Dispensasjonssøknader skal vurderast i forhold til pbl. § 19-2. For at det skal vere heimel til å gi dispensasjon må

· formålet det blir dispensert frå ikkje bli sett vesentleg til side · fordelane vere langt større enn ulempene etter ei samla vurdering.

Kommunestyret har gjennom kommuneplanen vedteke følgjande retningsliner for nybygg på støylane i Gloppen:

Nybygg bør plasserast slik at huset passer inn saman med eksisterande busetnad. Det bør brukast materialar og utforming i tråd med tradisjonar på staden for grunnmur, kledning og tak. Kledning bør vere i tre. Huset bør ha saltak utan knekk eller taksamanskjæringar, og med takvinkel mellom 27 og 40 grader. Husbreidda bør samsvare med det som er tradisjon på støylen. Eit sel bør ikkje ha vinkelbygg eller veranda/altan.

Vidare står det om reparasjon eller utbetring av eksisterande sel mellom anna: I staden for tilbygg bør det vurderast om det miljømessig vil vere betre med eit mindre nytt hus nokså nært det eksisterande, eller ombygging av støylsfjøs til sel.

Bygget som er søkt om har ei grunnflate på 5x6 meter, og følgjer elles i stor grad retningslinene i kommuneplanen. Det kan sjølvsagt diskuterast om betongsøyler er ønskjeleg på støylane, men søkjar har orientert om at det er fleire bygg med slik utforming på denne delen av støylen frå før. Det har vore sett vilkår om å forblende nye betongfundament med naturstein på andre støylar, men slik retningslinene er utforma finn rådmannen det vanskeleg å gjere det her. Rådmannen meiner dispensasjonen elles er kurant. Formannskapet 20.05.2020 Behandling Avdelingsingeniør Bjørn Aurlien var med under behandling av denne saka. Solveig Lien Gusdal reiste framlegg om synfaring på Årdalsstøylen før saka skal behandlast. Ved avstemming fekk hennar forslag 6 stemmer og vart vedteke. Dei som stemte for synfaring: Solveig Lien Gusdal (Sp), Leidulf Gloppestad (Sp), Per Jarle Myklebust (Sp), Magni Aa Berge (Sp), Sandra Tenud (Ap) og Mariel Eikeset Koren (MDG). Beate Dybendal Nordvik (H), Arnar Kvernevik (Ap og Svein-Ottar Sandal (KrF) stemte mot synfaring. Saka vert dermed utsett til neste møte. FOR- 080/20 Vedtak Saka vart utsett. Vedtaket var samrøystes. Formannskapet 10.06.2020 Behandling Dronebilete i staden for bilete i slike saker? Utfordringa til rådmannen som sjekkar dette opp. FOR- 107/20 Vedtak Gloppen formannskap vedtek med heimel i plan- og bygningslova § 19-2 dispensasjon frå kommuneplanen for å bygge eit anneks på gbnr. 117/3 på Årdalsstøylen slik det er søkt om. Grunngjevinga for vedtaket er at tiltaket er i samsvar med kommuneplanen sine retningsliner for dispensasjonssaker i støylsområde. Vedtaket var samrøystes.

Side 72

Gloppen kommune

Arkiv: GBNR-55/3, FA-L33


Saksbehandlar: Torbjørn Brandsæter



Dispensasjon frå krav om reguleringsplan for frådeling av to bustadtomter på Andenes Vedlegg i saka: 02.06.2020 Fråsegn frå fylkesmannen 02.06.2020 Søknad om dispensasjon frå plankravet, jfr. Plan- og byggingslova §§19-1 og 19-2

- Frådeling av to tomter 02.06.2020 Planskisse/kart med innteikna tomtar 02.06.2020 Dispensasjon frå plankrav i kommuneplanen - 2017

Rådmannen si tilråding Formannskapet avslår søknad om dispensasjon frå reguleringsplankravet i kommuneplanen for å frådele to tomter på gbnr. 55/3 på Andenes, då grunnlag for å fråvike kravet om reguleringsplan ikkje er tilstades.

Saksutgreiing Bakgrunn for saka Per Einar Andenæs har søkt om dispensasjon frå krav om reguleringsplan for frådeling av to bustadtomter på gbnr 55/3. Bustadtomtene er skissert på oversida av vegen, nordaust for tre bustadtomter formannskapet gav dispensasjon til i 2017. Det er stilt krav om detaljreguleringsplan for området i gjeldande kommuneplan. Fakta i saka Ved kommuneplanrevisjonen i 2009 vart det lagt inn eit område på om lag 12 dekar på gbnr. 55/3 som framtidig bustadområde, etter innspel frå grunneigar Per Einar Andenæs. Det er for dette området som for andre nye utbyggingsområde i kommuneplanen sett krav om reguleringsplan. Det vart frådelt tre tomter i 2017. Tomtene er markert med grønt på kartet under. Hovudgrunngjeving for dispensasjon var at grunneigar ikkje ønskte større utbygging, og at dei 3 tomtene har ei naturleg avgrensing i forhold til resten av området. Rådmannens tilråding i 2017 var at det ikkje var grunnlag for å gi dispensasjon etter plan- og bygningslova § 19-2. Saka vart ikkje sendt på høyring til fylkesmannen. Formannskapet gav samrøystes dispensasjon. FOR- 073/17 Vedtak

Formannskapet gjev dispensasjon frå plankravet i kommuneplanen og gjev løyve til å frådele tre tomter på gbnr 55/3 i Gloppen. Det er ein føresetnad for vedtaket at grunneigar set opp ei planskisse for korleis dette skal løysast no, og korleis ein kan utvide seinare.

Side 73

Dei tre tomtene er selde og det er starta arbeid med infrastruktur og den eine bustaden. Nå er det søkt om dispensasjon til frådeling av to bustadtomter på mellom 800 m2 og 900 m2 skissert med svart på kartet under. Søknaden er grunngjeven med at grunneigar har ein kjøpar som er svært interessert og at det er svært positivt for krinsen og kommunen at folk vil busetje seg litt utanfor sentrum. Dei nye tomtene vil få tilkomst frå vegen som er under bygging. Det er ikkje sett av areal til leikeplass eller andre fellesfunksjoner. I tilgrensande område mellom bustadfeltet og E39 er det sett av eit område til masseuttak med framtidig utviding. Området tilhøyrar same grunneigedom som bustadtomtene. Det er ikkje utarbeidd reguleringsplan for masseuttaket og det er ikkje vurdert om det kan gi framtidige støy eller andre konflikter med bustadområdet. Kommunen er planstyresmakt og ansvarleg for at støy i tilknyting til bruk av området er forsvarleg utgreidd og teke omsyn til.

Søknaden er nabovarsla og det er ikkje kome inn merknader i saka. Saka er sendt på høyring til Vestland Fylkeskommune og Fylkesmannen i Vestland. Fylkesmannen i Vestland har sendt fråsegn i saka med følgjande konklusjon:

Me rår kommunen til å stå fast på plankravet i kommuneplanen for å sikra ei heilskapleg og gjennomtenkt utbygging. Det er alt gjeve dispensasjon for frådeling av tre tomter i området, og det har vore god tid til å innfri plankravet i etterkant. Slik vil ein kunne ivareta ulike omsyn best mogleg (t.d. landskap og støy), samstundes som ein får ei samla vurdering av ulike fellesløysingar. Me ber om å få tilsendt vedtaket til kommunen i saka til klagevurdering.

Side 74

Økonomiske konsekvensar for kommunen Ingen Rådmannen si vurdering Området er avsett til bustad i kommuneplanen. Rådmannen er positiv til at området blir nytta i tråd med overordna plan. Denne saka er ikkje eit spørsmål om det bør lagast bustadfelt på Andenes, men eit spørsmål om det bør stilles krav til reguleringsplan. Rådmannen si vurdering i saka er i hovudsak lik som i 2017 og søknaden om utviding med to tomter viser at området burde vert planlagt i heilskap. Det er nyttig å spørje seg om dispensasjonen ville blitt gitt dersom det vart søkt om 5 tomter frå starten. Det er plan- og bygningslova, § 19-2 som set rammene for ein dispensasjonssak, og det er to hovudkriterier som må vere oppfylt:

1. Dispensasjon kan ikke gis dersom hensynene bak bestemmelsen det dispenseres fra, eller hensynene i lovens formålsbestemmelse, blir vesentlig tilsidesatt

2. I tillegg må fordelene ved å gi dispensasjon være klart større enn ulempene etter en samlet vurdering.

Til punkt 1 I kommuneplanen er eit område på om lag 12 dekar avsett til bustadformål, etter grunneigar sitt ønskje. Formålet med å krevje reguleringsplan for eit slik område er både at ein planprosess sikrar at alle forhold ved området blir grundig belyst, at naboar og andre får høve til å uttale seg, og ikkje minst at ein sikrar gjennomtenkte løysingar for veg, vatn, avløp og tomtedeling for heile tomteområdet. Det er fortsatt potensiale for vidare utviding mot aust og området bør planleggast samla. Mange av tema som burde vert belyst i ein reguleringsplan har blitt klarlagt gjennom prosessen med dei tre fyrste bustadtomtene. Og berørte parter har hatt tre år på å kome med innvendingar. Slik sett er ikkje omsøkt frådeling eit like opplagt brot på omsynet bak kravet om reguleringsplan som ved søknaden i 2017. Til punkt 2 Fordelane ved å gi dispensasjon er knytt til tidsaspektet og økonomi for grunneigar og tomtekjøpar. Normalt tek ein planprosess lengre tid og kostar meir enn ei dispensasjonsbehandling. Rådmannen er klar over at utarbeiding av reguleringsplan er ein stor risiko for små utbyggingar. Ein utfordring med reguleringsplanprosessen er at det er vanskeleg å sjå nytten av arbeidet før arbeidet har starta, fordi utfrodringane og mogelegheitene er vanskeleg å sjå før planane er ferdige. Det er nettopp dette som eit reguleringsplarbeidet skal finne svar på og belyse. Arbeidet med reguleringsplan er ikkje noko nytt som har kome til etter at kommunestyret vedtok kommuneplanen. Derfor er det vanskeleg å sjå at fordelane med å gi dispensasjon er klart større enn ulempene ved ikkje å krevje at området blir godt planlagt. Ut frå dette kan ikkje rådmannen sjå at det er formelt grunnlag for å gi dispensasjon i denne saka. Formannskapet 10.06.2020 Behandling FOR- 108/20 Vedtak Formannskapet avslår søknad om dispensasjon frå reguleringsplankravet i kommuneplanen for å

Side 75

frådele to tomter på gbnr. 55/3 på Andenes, då grunnlag for å fråvike kravet om reguleringsplan ikkje er tilstades. Vedtaket var samrøystes.

Side 76

Gloppen kommune

Arkiv: FA-L13, PLANID-197101, PLANNAVN-Åsen bustadfelt (Åsen B)





Mindre planendring og sal av del av friområde i Åsen Vedlegg i saka: 04.06.2020 Skisse omregulering av friområde

Rådmannen si tilråding Gloppen formannskap vedtek med heimel i pbl. §12-14 ei mindre planendring, som inneber at regulert friområde ned mot Furelia blir omregulert til bustadformål og delt mellom dei tilgrensande eigedomane, som vist på skisse vedlagt saka. Ein føresetnad for endringa er at det blir inngått avtale mellom kommunen og eigarane av gbnr. 77/264 og 275 som sikrar kompensasjon for tapt friareal ved opparbeiding av ein høveleg del av attverande leikeområde. Avtale skal godkjennast av kommunen.

Saksutgreiing Bakgrunn for saka Øyvind Årebrot har gjentekne gongar gjennom mange år vore i kontakt med kommunen for å få kjøpe regulert friareal som grensar til tomta hans i Åsen Fakta i saka Årebrot si tomt ligg innafor reguleringsplanen for Åsen B, og saka er relevant i forhold til det kommunale arbeidet med ny plan for nokre friområde, som formannskapet avslutta i sak 38/19 08.05.2019. Etter dette vedtaket har det likevel vore gjennomført to mindre planendringar som gjeld dei same friområda:

· Først sak 58/19 15.08.2019 der plassering og utforming av friområde vart endra, men utan at samla areal til friområde vart redusert.

· Deretter sak 147/19 11.12.2019 der ein liten del av friområde vart omregulert og vedteke å selje.

Årebrot har nå på nytt teke kontakt, og meiner det er urimeleg at han, som har jobba for tilleggsareal til tomta si i årevis, blir behandla annleis enn dei som har budd i området ei lita stund og nå har fått kjøpe tilleggsareal. Han har difor bedt om at innspelet om å omregulere friområdet mellom Furelia 26 og 28 til bustadformål, og selje dette med ein halvdel til kvar av eigarane blir teke opp att til behandling. Tidlegare argument for å kunne omregulere området har vore:

· Dette er ein bratt skråning ned mot vegen som er lite eigna til og ikkje brukt til leik. · Ugras med meir på området er til ulempe for naboane.

Side 77

· Ingen i nabolaget har merknader til at området blir omdisponert og delt mellom dei to eigedomane.

Økonomiske konsekvensar for kommunen Små inntekter frå eventuelt sal av areal. Rådmannen si vurdering Rådmannen er samd i Årebrot sine vurderingar av det aktuelle arealet. Rådmannen registrerte ikkje merknader mot denne delen av planendringa i samband med høyringa i slutten av 2018. Dei politiske diskusjonane hadde også hovudfokus på andre delar av områda. Endringsforslaget har nå likevel vore sendt på høyring til dei næraste naboane. Kommunen har motteke ein merknad frå Martha og Johnny Engeland. Dei er har ingen ting imot endringa, under føresetnad av at det ikkje blir bygd lysthus eller liknande på toppen av knausen som tomta deira grensar til. I utgangspunktet søkte eigarane av dei to eigedomane om å få kjøpe alt arealet mellom tomtene. I rådmannen si tilråding til ny reguleringsplan for området vart det i staden foreslått å la ny grense følgje toppen av høgdedraget som ligg mellom tomtene. Rådmannen meiner dette vil vere ei meir naturleg tomtegrense, anten det er bustadtomt på oppsida som skissert i planframlegget frå 2018 eller friområde som i dag. Dette vil også imøtekome merknaden frå Engeland, ved at eit bygg på toppen av knausen då vil kome inn på kommunal grunn. Forslag til endring er vist på vedlagt skisse. Rikspolitiske retningsliner for barn og planegging pkt. 2.5 d seier: Ved omdisponering av arealer som i planer er avsatt til fellesareal eller friområde som er i bruk eller er egnet for lek, skal det skaffes fullverdig erstatning. Erstatning skal også skaffes ved utbygging eller omdisponering av uregulert areal som barn bruker som lekeareal, eller dersom omdisponering av areal egnet for lek fører til at de hensyn som er nevnt i punkt b ovenfor, for å møte dagens eller framtidens behov ikke blir oppfylt. Det er ikkje gitt ein klar definisjonen på «fullverdig erstatning». I dei to mindre plansakene som vart behandla i 2019 har tap av areal og øvrige endringar vore kompensert med krav om opparbeiding av delar av attverande friområde, slik at friområda samla sett kjem betre ut etter endringa enn før. Det vil vere naturleg å legge same prinsippet til grunn i denne saka. Det er førebels ikkje forhandla med kjøparane, så rådmannen må få kome tilbake til korleis dette skal løysast reint praktisk, dersom formannskapet følgjer tilrådinga og vedtek planendring og sal av areal Formannskapet 10.06.2020 Behandling Forslag frå Magni Aa Berge (Sp): Utsettingsforslag inkludert synfaring. Samrøystes FOR- 109/20 Vedtak Saka vert utsett. Det skal gjennomførast synfaring. Vedtaket var samrøystes.

Side 78

Gloppen kommune

Arkiv: FE-233, FA-V70


Saksbehandlar: Anne Berit Hauge



Kommunestyret

Nærings- og miljøtiltak i skogbruket - strategi 2020 - 2023 Vedlegg i saka: 20.05.2020 Overordna retningslinjer for tilskot til skogbrukstiltak

Rådmannen si tilråding Kommunestyret godkjenner tiltaksstrategi for nærings- og miljøtiltak i skogbruket 2020 – 2023 slik han ligg føre.

Saksutgreiing Bakgrunn for saka Kommunen må fornye tiltaksstrategien for nærings- og miljøtiltak i skogbruket (NMSK). Dette er ei tilskotsordning som skal stimulere til auka verdiskaping i skogbruket. Midlane vert tildelt årleg av Fylkesmannen, og skal fordelast etter ein lokal fireårig strategi. Gloppen kommune vedtok ny strategi i 2019, men i 2020 vart forvaltinga av ordninga endra og kommunane fekk tildelt oppgåver som tidlegare har vore forvalta av fylkesmannen. Det er difor behov for å oppdatere strategien. Fakta i saka Framlegg til ny strategi ligg ved saka. Framlegget har vore sendt til uttale til Gloppen skogeigarlag, AT skog, Gloppen bondelag, Breim bondelag, Hyen bondelag og Gloppen bonde- og småbrukarlag. Ingen av dei har kome med kommentarar til framlegget. Vi har kontakta Norskog for å avklare om dei har medlemer i Gloppen, og det har dei ikkje. Framlegget har difor ikkje vore sendt dit. Økonomiske konsekvensar for kommunen Ingen Rådmannen si vurdering Dei viktigaste endringane frå tidlegare er at kommunen no har ansvar for å tildele tilskot til skogsveg og taubane. Vi har også justert nokre av satsane i høve til tidlegare strategi. I 2019 tok vi inn i strategien ein høgare sats for samarbeidstiltak. Den foreslår vi no å fjerne – vi ser at i praksis er det vanskeleg å definere kva som er samarbeidstiltak, og det er mest realistisk at det ekstra tilskotet blir gjeve der entreprenørar driv skogsdrift på fleire eigedomar i same periode. Rådmannen meinar det slår uheldig ut at dei få som driv eige arbeid i skogen får ein lågare tilskotssats enn andre. Dei siste åra har det vore ein del tilfelle med svært dårleg etablering, der nyplanta felt har hatt så

Side 79

stor avgang at dei i praksis må plantast på nytt. Det kan vere fleire årsaker til dette, og snutebilleangrep er nok ei av dei. I desse tilfella ser vi behov for ein høgare tilskotssats enn den som blir gitt ved suppleringsplanting. Grunneigaren har allereie gjort investeringar i planting, og ofte brukt opp mykje av skogfondet. Ei heilt ny planting etter få år gjev store kostnader. Vi har difor sett ein eigen sats for replanting av felt med stor avgang. I framlegget som vart sendt på høyring hadde vi sett 90 % avgang som føresetnad for denne satsen, men etter samtale med fylkesmannen har vi fått tilbakemelding om at 80 % avgang er eit rimelegare nivå. Dette har vi retta opp i strategien. Formannskapet 10.06.2020 Behandling FOR- 110/20 Vedtak

Formannskapet si innstilling: Kommunestyret godkjenner tiltaksstrategi for nærings- og miljøtiltak i skogbruket 2020 – 2023 slik han ligg føre. Vedtaket var samrøystes.

Side 80

Gloppen kommune

Arkiv: FA-V83, GBNR-99/1,4 og 5


Saksbehandlar: Anne Berit Hauge



Søknad om landbruksveg til Hetlestøylen

Kort samandrag av saka Bent Arne Hetle søkte i 2018 om å byggje 200 m landbruksveg til Hetlestøylen. Søknaden vart avvist av administrasjonen fordi vegen sitt hovudføremål ikkje vart vurdert å vere landbruk. Søkjaren vart rådd til å søkje etter plan- og bygningslova, og gjorde dette. Formannskapet vedtok så å sende søknaden tilbake til administrasjonen for ny vurdering etter Forskrift om planlegging og bygging av landbruksveier.

Rådmannen si tilråding Formannskapet avviser å behandle søknad om 200 m veg til Hetlestøylen etter Forskrift om planlegging og bygging av landbruksveier. Vegen sitt hovudføremål er ikkje utøving av jordbruk eller skogbruk, og det er då ikkje heimel til å behandle vegen som landbruksveg etter forskrifta.

Saksutgreiing Bakgrunn for saka Bent Arne Hetle søkte i 2018 om å byggje 200 m landbruksveg i klasse 7 fram mot Hetlestøylen. Det er oppgjeve fem interessentar i vegen, som er ein stikkveg frå Breimsfjellvegen. Søknaden var grunngjeven med at vegen skal erstatte eksisterande eldre støylsveg som er for bratt og smal for traktorar og difor vanskeleggjer vedlikehald av støylshusa. Nytten av vegen var i søknaden sett til 100 % landbruk fordelt på kategoriane skogbruk 40 %, utmark 40 % og seterverksemd 20 %. Det er vidare oppgjeve at vegen utløyser 250 daa produktiv skog der 500 m3 er hogstmodent. Beite på støylskvia er oppgjeve som landbruksareal. Administrasjonen avviste å behandle søknaden etter forskrift om planlegging og godkjenning av landbruksveier i 2018 fordi landbrukssjefen vurderte at mindre enn 50 % av nytta ved vegen var knytt til landbruk. Det er ikkje definert som seterverksemd å vedlikehalde støylshus og bygningar på støylar som ikkje er i drift. Vidare vart det avklara at skogbruksnytten var knytt til hogst av bjørkeved til eige bruk. Dette er heller ikkje å rekne som skogbruksnæring. Hogst for vedsal som næring med ei viss inntekt kan reknast som landbruk, men det finst ikkje planar for dette knytt til vegen. Vegar som har mindre enn 50 % landbruksnytte skal behandlast etter plan- og bygningslova. Søkjaren klaga ikkje på vedtaket om å avvise søknaden, men søkte godkjenning etter plan- og bygningslova slik som anvist, med John Støyva som ansvarleg søkjar. I sak 27/20 tilrådde rådmannen å ikkje gje løyve etter plan- og bygningslova § 19-2 med grunngjeving av at vilkåra for å gje dispensasjon ikkje er oppfylte. Formannskapet gjorde slikt vedtak i saka, etter synfaring og mot ei røyst:

Formannskapet sender saka tilbake til administrasjonen for ny vurdering. Omsøkte veg skal behandlast som landbruksveg etter landbruksforskrifta, bygd som landbruksveg klasse 7 og med ryggesnuplass for tømmerbil som vist i planen.

Side 81

(…).

Under behandling av saka vart det peika på at det i vurderinga må vektleggast samfunsnytten ved bygginga av vegen med tanke på opprensking og førebygging av elva lenger nede. Søkjaren klaga heller ikkje på dette vedtaket. Fakta i saka Landbrukssjefen har på ny vore i kontakt med søkjar og bedt om å få opplyst om det er andre føremål med vegen enn det som var opplyst i 2018. Søkjaren legg fram følgjande grunngjeving for å få vegen behandla etter forskrift om planlegging og godkjenning av landbruksveier:

· Vegen er nødvendig for å vedlikehalde bygningane på støylen · Det er skog i området rundt og ovanfor støylen - det er oppgjeve eit dekningsområde på

400 daa skog der 10 % er hogstmodent · Andre har fått byggje veg i området tidlegare · Det er planar om å ha hest på beite på støylskvia · Det skal takast ut masse og gjerast tiltak for å flaumsikre Kålselva lenger nede, slik at skade

på jordbruksareal kan unngåast. Denne massen skal brukast til å byggje vegen, og slik får vegen ei nytte for landbruket

· Det er lagt fram potensielle inntekter for utleige av jaktrettar og støylshus. Det er ført opp inntil 300 000 kr i året i inntekt for sommarutleige av fem støylshus i 20 netter per år, og med 3000 kr per døgn i leige. Vidare er det ført 96 000 kr i potensielle inntekter for hjortejaktutleige med overnatting, og 60 000 kr årleg for småviltjakt med overnatting.

· Det er oppgjeve ei privat hytte som har interesse i vegen

Økonomiske konsekvensar for kommunen Ingen. Rådmannen si vurdering Forskrift om planlegging og bygging av landbruksveier gjeld for nybygging og ombygging av landbruksvegar der landbruksverksemd er hovudføremålet. Landbruksverksemd er i § 1-2. definert som: «jord- og skogbruk, herunder gårdstilknyttet næringsvirksomhet basert på gårdens ressursgrunnlag.» I rettleiaren Garden som ressurs er det presisert at ein veg er landbruksveg «hvis vegen er nødvendig i forbindelse med utøvelse av jord eller skogbruk.» Dette er ein snever definisjon. Vegen skal ikkje berre vere knytt til aktiv næring, men også vere nødvendig i utøving av næringa. Vedlikehald av støylsbygningar er å rekne som landbruksverksemd dersom bygningane er i bruk til landbruksverksemd – herunder tradisjonell støylsdrift, sanking av dyr, gjeting og ettersyn av dyr på beite m.v. I kommunen sitt register for eigedomsskatt er det registrert 8 støylshus på Hetlestøylen, men støylen er ikkje i drift. Støylsbygningar som i hovudsak brukast til fritidsbustad eller anna verksemd utan næringsmessig tilknyting til garden fell ikkje inn under utøving av jord- eller skogbruk, og gjev ikkje grunnlag for å byggje landbruksveg. Vegen det er søkt om kryssar eit bestand som nyleg er hogd. Rådmannen kan difor ikkje sjå at vegen er nødvendig for uttak av skog. Søkjaren har tidlegare opplyst at det skogbruket som er aktuelt i denne samanhengen er uttak av ved til eige bruk. I det avmerka dekningsområdet i søknaden frå 2018 er det hovudsakleg bjørk, men også eit eldre furubestand på om lag 30 daa vest for Kålsstøylen. Feltet har tetthet B og ein estimert alder på 110 år i 2017. Søkjaren oppgjev også at det er eit felt gran ved Kålsstøylen. Den planlagde vegen går likevel ikkje så langt vest at skogen kan nåast. Vidare

Side 82

ligg skogen i eit sameige med mange grunneigarar. Det ligg ikkje føre noko erklæring frå sameiget om at dei planlegg eller ønskjer å ta ut skog, og det må difor leggast til grunn at det er ved til eige forbruk som er aktuelt. Dette er ikkje å rekne som næringsverksemd i landbruket. Rådmannen kan difor ikkje leggje til grunn at vegen har eit skogbruksføremål. Det er riktig at det er bygd ein god del landbruksvegar i Breimsfjellet frå før. Den omsøkte vegen er ein stikkveg frå Breimsfjellvegen, som vart godkjent som landbruksveg i 2012. Hovudføremålet med Breimsfjellvegen var vurdert å vere beitebruk – vegen skulle brukast til å frakte dyr til og frå beite, halde oppsyn og eventuelt frakte sjuke eller skadde dyr ned frå beite. Det er likevel ikkje nokon automatikk i at stikkvegar frå tidlegare godkjende landbruksvegar også har eit landbruksføremål. Då Breimsfjellvegen vart godkjent var det også kommentert i saka at vedlikehald av støylar ute av drift ikkje inngjekk i landbruksføremålet, og at løyve til Breimsfjellvegen ikkje automatisk skal opne for løyve til andre tiltak i området. Det vart elles søkt om å byggje stikkvegar til fleire støylar langs Breimsfjellvegen i 2015 – dette gjaldt støylane Sårheimsstøylen, Skinlostøylen, Rusta, Steinsåkerstøylen, Jordangerstøylen, Kvilestøylen og Reedstøylen. Søknaden vart avvist av dåverande utmarksforvaltar i sak 11/1583: «Som opplyst tidlegare er det administrasjonen sin vurdering at dei omsøkte stikkvegane ikkje er å rekne som landbruksvegar. Etter vår vurdering er mindre enn 50 % av nytteverdien knytt til landbruksinteresser og vegane vert dermed søknadspliktige etter plan- og bygningslova. På den bakgrunn avviser underteikna å behandle søknaden etter forskrift om veier for landbruksformål.» Søkjaren har også stilt spørsmål ved om tidlegare godkjende landbruksvegar i området har tilstrekkeleg landbruksnytte til å behandlast under denne forskrifta. Vi viser her til Fylkesmannen si fråsegn i sak 19/1474: «Det er viktig at kommunen, slik som i denne saka, gjer ei grundig vurdering av kva regelverk søknadar om vegbygging skal behandlast etter. Dersom kommunen ser at det tidlegare har vore lagt vekt på feil forhold, og ei sak ev. ikkje har vore behandla etter rett lovverk, ser me positivt på at kommunen rettar opp i praksisen. Sjølv om det er gjeve løyve til bygging av ymse vegar i området etter landbruksvegforskrifta, og det slik alt er store inngrep her, gjer ikkje dette at ein bør halda fram ein ev. feil praksis. Vi minner om at vegbygging som tener andre interesser enn dei reine landbruksinteressene, òg må handterast etter reglane i plan og bygningslova.» Her går det tydeleg fram at kommunen ikkje kan vise til likebehandling som grunngjeving for å behandle ein veg som landbruksveg dersom det reelle føremålet ikkje er landbruk. Rådmannen ser at det er ei landbruksnytte knytt til å ha dyr på beite. Søkjar oppgjev at det skal gå to hestar på beite på støylskvia. Dette blir ein svært liten del av vegen sitt føremål, der fritidsbruken av 8 støylshus må vurderast å vere hovudføremålet. Det er også oppgjeve ei privat hytte som kan ha nytte av vegen. Vidare kan ein stille spørsmål ved om bygginga av 200 m lenger traktorveg er avgjerande for å kunne ha hestar på beite på støylen. Søkjaren knyter vegen sitt landbruksføremål til at bygginga av vegen skal gjerast i samanheng med elveforbygging og opprensking i elva lenger nede, og slik hindre flaumskade på jordbruksareal. Rådmannen må gjere det klart at det ikkje påverkar vegen sitt føremål kvar massene kjem frå, eller kva eventuelle overskotsmasser kan brukast til. Ei slik indirekte nytte for landbruket kan ikkje leggjast til grunn for vegen sitt føremål, det er kva sjølve vegen skal brukast til som avgjer kva regelverk han skal behandlast etter. Det går fram av søkjar sitt skriv at vegen det er søkt om kan gje 156000 kr årleg i utleige av jakt og 300000 kr årleg i utleige av seterhus og opplevingar. Det er ikkje lagt fram nokon planar for oppstart

Side 83

av verken jaktutleige eller utleige av seterhus. Det har vore gjort forsøk i Gloppen tidlegare med å leige ut ulike støylshus, og interessa har ikkje vore særleg stor. Å få leigd ut 5 seterhus i 20 netter årleg til 3000 kr/døgnet vil krevje ei kraftig satsing på tilleggsnæring, og det ligg ikkje føre nokon planar for å utvikle dette konseptet. Rådmannen ser dei oppførte verdiane for utleige som reint teoretiske, og kan ikkje leggje dei til grunn for vegen sitt føremål. Rådmannen vil også peike på at dette er ei prinsipiell sak. Å leggje til grunn at vedlikehald av støylshus til fritidsbruk og vedhogst til eige bruk er landbruk vil ikkje berre vere i strid med forskrifta, men også opne for at alle støylar i kommunen kan søkje om landbruksveg. Rådmannen kan ikkje sjå at saka stiller seg noko annleis no enn då søknaden vart avvist i 2018. Vidare er tilsvarande problemstilling avvist i 2015 for ei rekkje andre støylsvegar. Den omsøkte vegen går gjennom eit allereie hogd bestand, til ein støyl som er utan støylsdrift. Beitebruken er svært avgrensa, og der er ikkje planar om skogsdrift som kan reknast som næring. Rådmannen kan ikkje sjå at vegen har heimel under Forskrift om planlegging og bygging av landbruksveier. Då kan vi heller ikkje gjere vurderingar av vegen etter forskrifta. Formannskapet 10.06.2020 Behandling Søknad om landbruksveg til Hetlestøylen, framlegg frå Per Jarle Myklebust, Senterpartiet Formannskapet gjorde i møte 26.02.2020 følgjande vedtak i sak 027/20: Omsøkte veg skal behandlast som landbruksveg etter landbruksforskrifta, bygd som landbruksveg klasse 7 og med ryggesnuplass for tømmerbil som vist i planen. Formannskapet gjev no løyve til Bent Arne Hetle, Ola Hetle, Steinar Hetle og Norunn Nybø om bygging av omsøkt veg til Hetlestøylen er på følgjande vilkår og føresetnader: • Vegen skal byggast i samsvar med vegplan dgs. 31.10.2019. • Oppreinsking og forbygging av Kålselva mot flaumskade, utførast saman med prosjektet. • Arbeidet må vere påbegynt innan 2 år og vere ferdig innan 3 år etter dato for rettskraftig løyve. Dersom fristen vert overskriden, fell godkjenninga bort. • Søkjar melder tilbake til kommunen når anlegget er ferdig. • Tiltakshavar og entreprenør Bent Arne Hetle AS er ansvarleg og har ansvarsrett for prosjektet og utføring. Vegplanleggar Asle Lyslo er ansvarleg for prosjektering og etterkontroll. Grunngjeving av vedtaket: -Søknaden er vurdert ut frå: -Retningslinjene og arealformålet i kommuneplanen -Jordlova § 11 -Forskrift om planlegging og godkjenning av landbruksvegark § 3-2: -Prinsippa i naturmangfaldslova § 7 Den omsøkte vegen blir ein kort parsell i eit nett av landbruksvegar. Parsellen er ca. 250 m lang og erstattar ein annan veg som er svært bratt, med stigning inntil 40%. Vegen løyser ut betydlege kvantum med furu og bjørkeskog. Vegen vil vere ein driftsmessig fordel for bruka.

Per Jarle la fram forslag til vedtak:

Side 84

Formannskapet gjorde i møte 26.02.2020 følgjande vedtak i sak 027/20: Omsøkte veg skal behandlast som landbruksveg etter landbruksforskrifta, bygd som landbruksveg klasse 7 og med ryggesnuplass for tømmerbil som vist i planen. Formannskapet gjev no løyve til Bent Arne Hetle, Ola Hetle, Steinar Hetle og Norunn Nybø om bygging av omsøkt veg til Hetlestøylen er på følgjande vilkår og føresetnader: • Vegen skal byggast i samsvar med vegplan dgs. 31.10.2019. • Oppreinsking og forbygging av Kålselva mot flaumskade, utførast saman med prosjektet. • Arbeidet må vere påbegynt innan 2 år og vere ferdig innan 3 år etter dato for rettskraftig løyve. Dersom fristen vert overskriden, fell godkjenninga bort. • Søkjar melder tilbake til kommunen når anlegget er ferdig. • Tiltakshavar og entreprenør Bent Arne Hetle AS er ansvarleg og har ansvarsrett for prosjektet og utføring. Vegplanleggar Asle Lyslo er ansvarleg for prosjektering og etterkontroll. Grunngjeving av vedtaket: -Søknaden er vurdert ut frå: -Retningslinjene og arealformålet i kommuneplanen -Jordlova § 11 -Forskrift om planlegging og godkjenning av landbruksvegark § 3-2: -Prinsippa i naturmangfaldslova § 7 Den omsøkte vegen blir ein kort parsell i eit nett av landbruksvegar. Parsellen er ca. 250 m lang og erstattar ein annan veg som er svært bratt, med stigning inntil 40%. Vegen løyser ut betydlege kvantum med furu og bjørkeskog. Vegen vil vere ein driftsmessig fordel for bruka. FOR- 111/20 Vedtak Formannskapet gjev no løyve til bygging av omsøkt veg til Hetlestøylen på følgjande vilkår og føresetnader: • Vegen skal byggast i samsvar med vegplan dgs. 31.10.2019. • Oppreinsking og forbygging av Kålselva mot flaumskade, utførast saman med prosjektet. • Arbeidet må vere påbegynt innan 2 år og vere ferdig innan 3 år etter dato for rettskraftig løyve. Dersom fristen vert overskriden, fell godkjenninga bort. • Søkjar melder tilbake til kommunen når anlegget er ferdig. • Tiltakshavar og entreprenør Bent Arne Hetle AS er ansvarleg og har ansvarsrett for prosjektet og utføring. Vegplanleggar Asle Lyslo er ansvarleg for prosjektering og etterkontroll. Grunngjeving av vedtaket: -Søknaden er vurdert ut frå: -Retningslinjene og arealformålet i kommuneplanen -Jordlova § 11 -Forskrift om planlegging og godkjenning av landbruksvegark § 3-2: -Prinsippa i naturmangfaldslova § 7 Den omsøkte vegen blir ein kort parsell i eit nett av landbruksvegar. Parsellen er ca. 250 m lang og erstattar ein annan veg som er svært bratt, med stigning inntil 40%. Vegen løyser ut betydlege kvantum med furu og bjørkeskog. Vegen vil vere ein driftsmessig fordel for bruka.

Formannskapet vurderer at landbruksnytten er meir enn 50%

Side 85

Vedtaket vart gjort mot ei røyst, Mariel Eikeset Koren (MDG).

Side 86

Gloppen kommune

Arkiv: FE-140


Saksbehandlar: Beate Kornberg



Kommunestyret

Planstrategi for Gloppen kommune 2020 - 2024 - Til endeleg godkjenning

Kort samandrag av saka Planstrategi for Gloppen kommune 2020-2024 har vore til høyring sidan 3. april 2020. Det har kome inn fem høyringsuttalar frå offentlege instansar, som blir gjort greie for i saka. Rådmannen har valt å kommentere innspela frå dei fem instansane undervegs under fakta i saka. I tillegg har rådet for menneske med nedsett funksjonsevne, eldrerådet og dei tre hovudutvala behandla planstrategien som ein del av høyringa. Deira vedtak er lagt inn i saka. Rådmannen tilrår på bakgrunn av innspela å ta inn igjen rullering av bustadpolitisk handlingsplan og utarbeiding av ein frivilligstrategi.

Rådmannen si tilråding Kommunestyret vedtek formannskapet sitt forslag til kommunal planstrategi 2020 – 2024 for Gloppen kommune, med følgjande tillegg: Rullering av bustadpolitisk handlingsplan og utarbeiding av ein frivillegstrategi vert lagt inn igjen i endeleg oversikt over planar og strategiar for perioden.

Saksutgreiing

Bakgrunn for saka Etter plan- og bygningslova §10-1 skal alle kommunar vedta ein kommunal planstrategi seinast eitt år etter at det nye kommunestyret er konstituert. Planstrategien skal gje ei tydeleg retning for ønska samfunnsutvikling i kommunestyreperioden, og har som mål å styrke den politiske styringa. Kommunestyret vedtok i sitt møte 30.10.2019, sak 76/19, å starte opp arbeidet med kommunen sin planstrategi for perioden 2020-2024. I februar 2020 vart det gjennomført ein planstrategiverkstad, der kommunestyret, sektorleiarar/ nokre einingsleiarar og rådmannen sitt planforum kom fram til ei prioritering av kva for utfordringar kommunen skal legge vekt på å jobbe med i denne kommunestyreperioden. Planstrategien bygger på oppsummeringane frå verkstaden. Formannskapet vedtok i sitt utsette møte 1. april 2020, å legge rådmannen sitt framlegg til ny planstrategi ut på høyring og til offentleg ettersyn med justert høyringsfrist til 15. mai. I formannskapet sin opprinnelege framdriftsplan vart det lagt opp til at råda og utvala skulle behandle saka etter høyringsperioda. P.g.a fleire møteendringar og oppgåveendringar pga. koronasituasjonen, har råda og utvala fått saka til behandling som ein del av høyringa.

Fakta i saka Formannskapet sitt framlegg til planstrategi for 2020 – 2024 har lagt ute på høyring i perioden 3. april til 15. mai 2020. Det har i høyringsperioden kome inn fem uttaler: Statens vegvesen:

Side 87

«legg vekt på at det er ein klar samanheng mellom arealbruksmønsteret og utviklinga i ein kommune sitt samla transportbehov. Tett og konsentrert busetnad krev mindre dagleg transport og legg betre til rette for bruk av kollektive transportmidlar samt gåing og sykling, enn kva som er tilfelle i meir spreidd busetnad. Dette er viktige tiltak både for å redusere utslepp av klimagassar, trygge barn og unge sine oppvekstmiljø, skape gode bumiljø og bygge opp under ei god folkehelse». Dei ser det også som positivt at kommunen vil halde fram med si årlege revidering av plan for veg- og trafikktrygging (tiltaksplan), og meiner planstrategien dannar eit godt utgangspunkt for ein ny arealdel. Noregs vassdrags- og energidirektorat - NVE: Uttala viser til «Statlege planretningslinjer for klima- og energiendringar og klimatilpasning» der det mellom anna står at «kommunal planstrategi skal omtale behovet for oppdatering av eksisterende eller utarbeiding av nye planer, i lys av forventede klimaendringer og tidligere uønskede naturhendelser. I planstrategien skal det gjøres en vurdering av om hensynet til et endret klima innebærer et behov for oppheving eller revisjon av gjeldende planer». NVE er elles nøgde med at klimaomstilling er eit viktig tema i planstrategien. NVE synar også til «Rundskriv H-5/18 Samfunnssikkerhet i planlegging og byggesaksbehandling» (kap.2.6) som gjev rettleiing i korleis omsynet til samfunnstryggleik kan innarbeidast i den kommunale planstrategien. Her vert kommunen oppfordra til å ta stilling til behovet for å revidere heilskapleg ROS-analyse og overordna beredskapsplan. NVE peikar vidare på at kommunen bør vurdere trongen for å utarbeide ein overordna temaplan for overflatevatn, dersom dette ikkje allereie er gjort. Rådmannen si vurdering: Dette er naturleg å ta med vurderingar av klimaendringar og klimatilpasning i arbeidet med kommuneplanen sin arealdel. Når det gjeld ROS og overordna beredskapsplan, er denne nyleg vedteken av kommunestyret. Behovet for ein overordna temaplan for overflatevatn vert det teke stilling til i utarbeiding av plan for vatn og avløp som nyleg er sett i gong. Stad kommune: Signalisere at dei ønskjer eit nærare samarbeid mellom kommunane i Nordfjord i vidare arbeid med strategi, planarbeid og samfunnsutvikling. «Vi syner mellom anna til Strategi- og handlingsplan for Nordfjordrådet 2018, og felles uttale frå Nordfjordrådet i 2019 til Vestland fylkeskommune sitt arbeid med fylkesplan for Vestland. Begge dokumenta er eit godt grunnlag for felles planarbeid og koordinering mellom våre kommunar på viktige område som rekruttering, næringsutvikling, tenesteutvikling og overordna areal- og samfunnsutvikling». Dei peikar vidare på at det i ei fersk analyse for Stad kommune frå Telemarksforskning, vert sterkt framheva at utviklinga i nabokommunane er om lag like viktig som utvikling i eigen kommune for å lukkast med bu- og næringsattraktivitet i framtida». Stad kommune ønskjer konkret eit samarbeide med Gloppen kommune om arealplanlegging knytt til ferjefri fjorkryssing, og meiner det er behov for å oppdatere kommunedelplanen for å oppnå dette. Rådmannen si vurdering: Gloppen sin samfunnsdel har også fokus på å utvikle dette samarbeidet med nabokommunar (pkt.2.3.2 – 11 ), og dette er det vist til under kap. 3.4 i planstrategien. Vestland fylkeskommune: ser veldig positivt på korleis kommunen har forankra planstrategien på tvers av administrasjon og politikk, og i FN sine berekraftsmål og framtidsmåla i vedteken samfunnsdel. Resten av uttalene er

Side 88

samla under fire hovudtema: Klima og miljø: Vestland fylkeskommune saknar eit fokus på naturmangfald under tema klimaomstilling – der vi er forplikta til å stoppe tap av artar og naturtypar. «Det bør leggast føringar om minst mogleg nye inngrep i naturområde, og heller prioritere fortetting og «gjenbruk» av areal for utbygging». Kultur, idrett og inkludering: Vestland fylkeskommune viser til «Nasjonale forventningar til planlegging 2019 – 2023» og «Regional plan for kultur for Sogn og Fjordane 2019 – 2027» og ser positivt på at Gloppen inkluderer kulturfeltet i den kommunale planlegginga, og har valt å legge vekt på integrering og samarbeide med det frivillige kulturlivet i planen. Fylkeskommunen legg vidare vekt på betydinga av å ta vare på kulturminne og kulturmiljø. «Kulturminne og kulturmiljø er ikkje-fornybare fellesgode som kan gi grunnlag for økonomisk, sosial, kulturell og miljømessig utvikling». Her er arealendringar og endra bruk viktige påverknadsfaktorar. Dei kjem med fleire konkrete forslag til korleis dette kan gjerast, og dette er/ og vil bli teken omsyn til og forankra i arealdelen. Medverknad: «Kommunen bør legge stor vekt på medverknadsprosessar med innbyggarane i det vidare planarbeidet, og utvikle gode modellar for samhandling innan kultur, idrett og inkludering og med frivillig sektor. Vi vil vise til at å nytte etablerte møteplassar, t.d. frivillig sektor, kan vere positivt i og med at ein har eit allereie etablert system der ein kan kome i kontakt og sikre medverknad frå breie grupper av innbyggjarar, særleg barn og unge, eldre og innvandrarar». Veg og infrastruktur: Her vert det peika på kor viktig det er at vi p.g.a. vår spreidde busetting gjennom ny arealplan og «Plan for veg- og trafikktrygging 2017 – 2024» held fram å ha fokus på å legg meir til rette for gåande og syklande, og meir fossilfri transport. Arealbruken vil ha mykje å seie for kommunen sitt samla transportbehov, klima og folkehelse. Rådmannen si vurdering: Naturmangfald vil bli innarbeidd i kapittel 3.1 i endeleg planstrategiversjon. Elles er naturmangfald vurdert i alle forslag til ny utbyggingsområde i ny arealdel (konsekvensvurderinger). Med bakgrunn i det fylkeskommunen skriv om kulturliv, inkludering og medverknad, vil rådmannen be om at formannskapet på nytt legg inn utarbeiding av ein frivilligstrategi i planstrategien for perioden. Vi har etablert møteplassar med tanke på betre samarbeid mellom offentleg og frivilleg sektor, til dømes innanfor kultur og helse- og omsorg inn mot eldre. Det vil vere hensiktsmessig å gjere dette på fleire felt. Vi er til dømes i gang med eit tettare samarbeid inn mot barn og unge og deira fritidsaktivitetar. Fylkesmannen i Vestland: saknar i si innleiing fokus på naturmangfald under tema «klimaomstilling», og meiner at det er eit viktig vurderingstema i kommunen si arealplanlegging. Vidare peikar dei på at «fortetting og «gjenbruk» av areal for utbygging bør prioriterast framfor nye inngrep i ulike naturområde. Folkehelse: Fylkesmannen ser positivt på at kommunen jobbar tverrsektorielt med folkehelseoversikt, og at den verkar godt forankra både i leiing og politisk. Dei peikar særskilt på at korleis vi handterer sosial utjamning, barnefattigdom og bustadsosiale forhold bør forankrast i det vidare planarbeidet. Bustadsosialt arbeid og integrering: «Kommunane har eit ansvar for å leggje til rette for integrering av innbyggjarar med ulike føresetnadar». Integrering bør skje både sosialt ved å skape møteplassar, og fysisk ved å leggje til rette for ulike typar bustadar i kommunen.

Side 89

Livsløpsperspektiv og universell utforming: Kvalitetsreforma «Leve heile livet» utfordrer kommunen til å legge meir til rette for aldersvennlege samfunn. «Nasjonalt er det store delar av eksisterande bygg og uteområde som manglar tilrettelegging for menneske med funksjonsnedsetting. Vi vil oppmode kommunen om å ha målsetjingar som er høgare enn minstekravet når det gjeld universell utforming. Dette gjeld både for planlegging av private bustadar og offentlege rom». Fylkesmannen peikar i tillegg på at «det vil vere nyttig om ein rekrutterings- og kompetanseplanlegging på helse- og omsorgsområdet også er ein sentral del av samfunnsplanarbeidet til kommunen». Rådmannen si vurdering: Tiltak inn imot desse utfordringane kjem fram i tiltaksdelen av Helse- og omsorgsplan, rusmiddelpolitisk handlingsplan og Kommunedelplan for idrett, friluftsliv og fysisk aktivitet. Ein frivilligstrategi og rullering av bustadpolitisk handlingsplan vil styrke det fokuset og den forankringa fylkesmannen etterspør. Samfunnstryggleik og beredskap: På bakgrunn av utfordringane omtalt i kapittel 3 – klimaomstilling, kan ikkje fylkesmannen sjå at vi i tilstrekkeleg grad har følgd oppmodinga dei kom med i fråsegna deira ved oppstart. Dei saknar m.a.:

· skildring av utviklingstrekk, utfordringar og strategiske vurderingar knytt til samfunnstryggleik og beredskap.

· vurdering av om det er gjeldande arealplanar som bør reviderast ut frå samfunnstryggleiksomsyn (t.d. kan kunnskap om nye risiko- og sårbarheitstilhøve, eller andre tilhøve ein tidlegare ikkje har hatt tilstrekkeleg kunnskap om, gje behov for å revidere planar).

· vurdering av behov for oppdatering av planar knytt til samfunnstryggleiks- og beredskapsansvar til kommunen etter ymse sektorlovgiving, t.d. brann og redning, helse og omsorg, HMS osb.

«Fylkesmannen si vurdering er etter dette at Gloppen kommune ikkje i tilstrekkeleg grad har sett samfunnstryggleik og beredskap på dagsorden i den kommunale planstrategien, noko som i sin tur gir eit dårleg utgangspunkt for eit systematisk og strukturert samfunnstryggleiks- og beredskapsarbeid. I beste fall har kommunen på overordna nivå ei reaktiv haldning til fagområdet». Rådmannen si vurdering: Det kan synast som at fylkesmannen ikkje har oppfatta at overordna beredskapsplan og heilskapleg ROS-analyse er vedteken. Rådmannen vil sørge for at dette vert kjent. Når det gjeld vurdering av samfunnstryggleiksomsyn i gjeldande arealplanar, vil det bli gjort i samband med arealplanen, som vart sett i gang med utgangspunkt i førre planstrategi. Når det gjeld oppdatering av planar knytt til samfunnstryggleiks- og beredskapsansvar etter ymse sektorlover, er dette arbeidet sett i gang i samband med at den overordna beredskapsplan vart vedteken. Behandling av saka i råd og utval som del av høyringa: Målet med at råda og utvala fekk planstrategien til uttale rett i etterkant av høyringsperioden, var å sikre at råda får høve til å peike på viktige utfordringar dei ser med utgangspunkt i brukargruppene dei representerer, og at utvala får vurdere om planstrategien i tilstrekkeleg grad bidreg til å løyse sektorane sine utfordringar. Dei har gjort følgjande vedtak: Rådet for menneske med nedsett funksjonsevne 25.05.2020 Rådet for menneske med nedsett funksjonsevne meiner at plan for smittevern bør reviderast, med tanke på pandemi. Rådet for menneske med nedsett funksjonsevne har elles ikkje merknader i saka. Vedtaket var samrøystes.

Side 90

Eldrerådet 25.05.2020 Eldrerådet støttar formannskapet sitt utkast til planstrategi. Eldrerådet ønskjer å kome tidlegare inn i planprosessane i perioden. Vedtaket var samrøystes. Oppvekstutvalet 03.06.2020 Oppvekstutvalet støttar rådmannen si tilråding til vedtak: Kommunestyret vedtek formannskapet sitt forslag til planstrategi for Gloppen kommune 2020 – 2024. Vedtak samrøystes. Helse- og omsorgsutvalet 03.06.2020 Uttale på planstrategien for Gloppen kommune 2020-2024: Helse-og omsorgsutvalet ønskjer å ta inn igjen bustadpolitisk handlingsplan og frivilligheitsstrategi i planstrategien. Den demografiske utfordringa i kommunen bygger opp under behovet for ein god strategisk bustadpolitikk. Helse -og omsorgsutvalet ser og eit behov for å formalisere samarbeid mellom frivilligheten og dei ulike sektorane framover. Dette forslaget må sjåast i samanheng med innsparing og effektiviseringsprosessen til hausten. Uttalen var samrøystes. Teknisk miljø og kulturutvalet 04.06.2020 Teknisk-, miljø og kulturutvalet støttar rådmannen si tilråding. Vedtaket var samrøystes.

Økonomiske konsekvensar for kommunen Ingen direkte økonomiske konsekvensar utover kostnadar til kommunen sine eigne planressursar.

Rådmannen si vurdering Rådmannen vurderer at formannskapet sitt høyringsutkast på ein god måte gir ei retning for ønska samfunnsutvikling i kommunestyreperioden, og at forslag til planarbeid svarer på dei utfordringane planstrategien beskriv som dei viktigaste å gripe fatt i. Rådmannen tilrår likevel at utarbeiding av ein frivilligstrategi vert teken inn igjen i planstrategien for perioden, i tråd med tilbakemelding frå fylkesmannen og vedtak i helse- og omsorgsutvalet. I ei tid med nedskjeringar og endringar i demografi er det viktig å ta initiativ til å utvikle samarbeid og samskaping inn imot frivillige organisasjonar og utviklingslag/grendelag både innan sektorane oppvekst, helse og kultur, og lokal samfunnsutvikling. Det vil forplikte oss som parter, skape føreseielegheit og stimulere innbyggarane til å ta eigarskap i sitt nærmiljø og ansvar for eige liv. Vi har i ulike samanhengar peika på at vi har behov for eit tettare samarbeid med frivillige lag og organisasjonar, og har etablert fleire møteplassar, men samarbeidet er etter rådmannen si vurdering ikkje tilstrekkeleg forankra og avklart. Mye av arbeidet med ein frivilligstrategi er arbeid som likevel må gjerast. I rådmannen sitt høyringsutkast låg rullering av bustadpolitisk handlingsplan inne i lista over føreslegne planrulleringar i perioden. Denne vart teken ut av planlista for å redusere tal

Side 91

planprosessar i perioden. Rådmannen tilrår at denne rulleringa vert teken inn igjen i endeleg planstrategi, då det er ein viktig plan å ha oppdatert. Det er viktig å evaluere strategiane i planen, med bakgrunn i erfaringar vi har gjort oss i planperioden, men det er også viktig å vurdere planen opp imot ferske nasjonale forventningar til mellom anna klimaomstilling og planlegging for ei aldersvenleg stad- og bustadutvikling. Gode bumiljø er ein av dei sju overordna strategiane i helse- og omsorgsplanen og vil ha stor betydning for vår evne til å handtere framtidige utfordringar på ein økonomisk berekraftig måte. Når det gjeld faktagrunnlag til bustadpolitisk handlingsplan (oppdatering av statistikk), er det allereie utarbeida i samband med arealplanarbeidet, der bustadbehov og bustadutvikling er sentrale tema vi må svare på i arealdelen. Å halde planen oppdatert ved å rullere, er langt mindre ressurskrevjande enn å utarbeide ein ny plan. Det er vidare viktig å legge inn eventuelle endringar i tråd med ny arealdel. Det er rådmannen si vurdering at dette vil kunne løysast med eigne planressursar i løpet av kommunestyreperioden.

Formannskapet 10.06.2020 Behandling Beate Dybendal Nordvik (H) viste til behandlinga i helse- og omsorgsutvalet og varsla at ho ville støtte den der det vert utarbeidd ein bustadpolitisk handlingsplan og ein frivillegstrategi. Magni Aa Berge (Sp) foreslo at desse to planane vert kutta. Ved avsteminga vart Magni Aa Berge (Sp) sitt framlegg innstilt med 6 mot 3 stemmer. Dei som stemte mot var: Beate Dybendal Nordvik (H), Svein-Ottar Sandal (KrF) og Mariel Eikeset Koren (MDG). I tillegg reiste spørsmål om det bør utarbeidast ein plan for riksveg 615 i plan. Det vart ikkje røysta over dette forslaget. FOR- 112/20 Vedtak

Formannskapet si innstilling: Kommunestyret vedtek formannskapet sitt forslag til kommunal planstrategi 2020 – 2024 for Gloppen kommune. Vedtaket vart gjort mot 3 stemmer: Beate Dybendal Nordvik (H), Svein-Ottar Sandal (KrF) og Mariel Eikeset Koren (MDG).

Side 92

Gloppen kommune

Arkiv: FA-L12, PLANID-201209, PLANNAVN-Sandane sentrum, HIST-12/1257, HIST-17/423, HIST-16/1100, HIST-16/1101, HIST-16/1116





Områdereguleringsplan for Sandane sentrum - sluttbehandling Vedlegg i saka: 05.06.2020 Sandane sentrum - tekstdel med føresegner 05.06.2020 Sentrumsplanen - reelle parkeringsendringar 05.06.2020 Plankart mai 2020 05.06.2020 Svar på formannskapet sine spørsmål i møte 20. mai 2020

Kort samandrag av saka Rådmannen foreslår at områdereguleringsplanen for Sandane sentrum blir vedteken, med nokre endringar i forhold til siste høyringsframlegg.

Rådmannen si tilråding Kommunestyret i Gloppen vedtek med heimel i plan- og bygningslova §12-12 områdereguleringsplan for Sandane sentrum datert mai 2020. I plankart og tekstdel med føresegner er dei endringane rådmannen har gjort greie for i saksutgreiinga innarbeidd.

Saksutgreiing Bakgrunn for saka Områdereguleringsplanen for Sandane sentrum har ei lang forhistorie, og har vore gjennom ei rekkje politiske drøftingar og formelle behandlingar. Etter tredje høyring som hadde merknadsfrist 31. august 2019 meiner rådmannen kommunen har oppfylt dei formelle krava til involvering og varsling etter plan- og bygningslova, og at kunnskapsgrunnlaget er tilstrekkeleg til at kommunestyret kan vedta planen. Fakta i saka Når det gjeld oversikt over saksbehandling og prosess så langt viser rådmannen til drøftingssaka i formannskapet 02.10.2019, sak 100/19. Eg viser også til synfaring og drøfting i formannskapsmøtet 26.02.2020. For planområdet og planinnhald viser rådmannen til vedlagt tekstdel med føresegner samt plankartet. Rådmannen har lagt opp til at formannskapet kan bruke to behandlingar på saka, og likevel kunne legge planen fram for kommunestyret på juni-møtet i år. Viss noko er uklart og/eller treng nærare forklaring, kan dette gjerast mellom formannskapsmøta. Rådmannen viser også til vedlagt notat der parkeringskonsekvensar som følgje av planen er gjennomgått område for område, sidan dette er eit tema som har skapt stort engasjement.

Side 93

Rådmannen har også svara på spørsmåla som kom fram i formannskapsmøtet 20.05.2020. Sjå vedlegg. Økonomiske konsekvensar for kommunen Ikkje råd å talfeste Rådmannen si vurdering Merknadene til tredje utlegging av planen er oppsummerte i eige notat som er vedlagt. Rådmannen har nedanfor vurdert merknadene temavis og geografisk, ikkje merknad for merknad. Det er likevel for det meste lagt inn referansar til dei som har kome med merknader knytt til dei enkelte tema/område. Overordna forhold Vegvesenet peiker på at føresegnene må ha eit punkt som gjer det klart at alle tiltak på offentleg veg skal utformast i samsvar med krav i handbok N100. Rådmannen tilrår at merkaden blir teken til følgje. Fylkesmannen og fylkeskommunen meiner planen ikkje er tydeleg nok når det gjeld krav til overvasshandtering. Tilsvarande merknad vart også levert i samband med høyringa i 2018. Temaet er teke opp med kommunal VA-avdeling og kommentert i ROS-analysen i samsvar med deira vurdering. Rådmannen ser ikkje behov for ytterlegare endringar. Fylkesmannen og NVE peiker på manglande avklaring om fare for områdeskred på grunn av kvikkleire. Norconsult har vore engasjert for å gå gjennom eksisterande grunnundersøkingar i Sandane sentrum. Deira notat konkluderer med at det finst sprøbrotsmateriale i grunnen, men at det er vanskeleg å trekke ein konklusjon ut frå gjeldande undersøkingar. Dei har difor gått vidare med å avgrense område som ut frå topografi kan vere potensielle løsne- og utløpsområde. Etter møte med NVE er utløpsområda lagt inn som fareområde, med krav om detaljreguleringsplan og grunnundersøkingar før utbygging. Motsegna frå NVE vil etter dette bli fråfalt. Trafikkale forhold Flølokrysset Vegvesenet meiner det vil vere eit meir omfattande tiltak å etablere rundkøyring i Flølokrysset enn det rådmannen og politikarane har sett for seg, og at det er stor fare for at ein ikkje vil oppnå ønska effekt. Dersom vi får den no etablerte 30-sona til å fungere, vil utfordringane i krysset i stor grad vere eliminert. Dei vil difor følgje opp skiltinga med fartsmålingar etter kvart, og vurdere andre fartsdempande tiltak dersom det er behov for det. Rådmannen er nøgd med denne tilbakemeldinga, og tilrår at krysset blir verande som det er. Dan Peter Rye Moen meiner avkøyrsla rett opp frå krysset bør teiknast inn. Rådmannen har drøfta dette med vegvesenet. Avkøyrsla er håplaust plassert og ikkje mogleg å oppgradere i samsvar med krav til utforming i lovverk og vegnormalar. Vegvesenet er av den grunn heilt tydelege på at avkøyrsla ikkje bør leggast inn i planen. Vegvesenet peikar likevel på at brukarane har ein hevdvunnen rett til å nytte avkøyrsla slik ho er, og at denne ikkje blir teken frå dei sjølv om avkøyrsla ikkje er vist i planen. Rådmannen tilrår difor at merknaden ikkje blir imøtekomen. Krysset Krånavegen Nordstrandsvegen Dagfinn Kleppenes meiner fortau på si side av Nordstrandsvegen vil føre til tap av parkeringsplassar og areal på hans eigedom, vil vere i konflikt med parkeringskrav dei fekk då dei bygde og vil vere problematisk med tanke på varelevering. Odd Eikenes og Sameiget Dampskipsbygget støttar planlagt fortau på denne sida av Nordstrandsvegen. Eikenes meiner i tillegg det trengs oppmerking i krysset for å gjere det tryggare for gåande.

Side 94

Rådmannen har sjekka byggesaka for Kleppenes sitt bygg. Det var skissert parkering i bygget med tilkomst frå kaia, parkering aust for bygget og parkering på gbnr. 74/34 i sentrum, som Kleppenes åtte på denne tida. Det går også fram av saka at Statens vegvesen presiserte at parkering ikkje skulle vere i konflikt med frisiktsona i krysset, og at all tilkomst til eigedomen skulle skje frå Krånavegen, ikkje direkte frå Nordstrandsvegen. Reguleringsplanen er difor ikkje i strid med byggeløyve, sjølv om parkeringsarealet aust for bygget blir trongt. Rådmannen meiner planen for krysset ikkje skal endrast, men at det i ein byggeplan for fortauet må søkje å finne utforming som også ivaretek verksemda sitt behov. Betre oppmerking av krysset, som Eikenes har teke til orde for, er heilt sikkert fornuftig. Rådmannen foreslår eit tillegg i føresegnene for fortau som skal sikre at desse detaljane blir tekne i vare i ein byggeplan for fortauet. Gangveg langs kaifronten på Dampskipskaia Merknadene mot gangvegen er eintydige. Dette er ei endring eigarane av begge eigedomane meiner har store negative konsekvensar for dei, og som dei går sterkt imot. Dei meiner også løysinga vest for bygget vil vere trafikkfarleg. Knut Fjellestad spør kven som ønskjer denne kaipromenaden, og går så langt som å hevde at Øvrevegen vil vere tilstrekkeleg gangveg frå sentrum til Øyrane. Rådmannen er ikkje usamd med politikarane som ønskjer denne gangmoglegheiten, men meiner dette er ein av kampane som ikkje er verd å ta. Gangveg langs utløpsosen av Fargarelva Fylkesmannen viser til tidlegare merknad om dette, der dei meiner planen ikkje i tilstrekkeleg grad legg føringar som sikrar elva som fiskeelv. Dei oppmodar om å ikkje legge opp til utfylling i elveosen, nytte tilbaketrekt forbygging og ta vare på/reetablere kantvegetasjon. Dei peikar også på at kunstig lys mot elva vil vere uheldig for fiske, og oppmodar om at ein nyttar fiskefagleg kompetanse i planlegging og gjennomføring av tiltak langs elva. Rådmannen ser det som naturleg at tiltak i nedste delen av Fargarelva blir ei vidareføring av tiltaka som NVE/kommunen nå har gjennomført lenger oppe, og tilrår supplering av føresegnene for å imøtekome merknaden. Felles veg frå aust gjennom eigedomane i hamrane bak tidlegare Sandane hotell Dan Peter Rye Moen meiner kommunen ikkje skal ta vekk den moglegheiten som ligg i gjeldande reguleringsplan for å etablere ein god køyreveg til desse eigedomane. Eigarane av Breimsvegen 2, 6 og 8 er sterkt i mot at vegen også skal vere innteikna i ny plan. Vegen har vore teken ut av planforslaga på grunn av «antatt manglande realisme», men rådmannen er på bakgrunn av merknaden frå Moen vorten i tvil om det skal vere opp til kommunen å bestemme kva som er og kva som ikkje er realistisk å gjennomføre av private tiltak. Det har difor, etter den ordinære høyringsprosessen, vore gjennomført ei lokal høyring av eit planframlegg der vegen er lagt inn att. Ikkje uventa er dei som har vegutløysing, og difor ikkje har nytte av at vegen ein gong kan bli forlenga, sterkt i mot dette. Vegen vart også heftig debattert i samband med planarbeidet i 1998, og det er i prinsippet mykje av dei same momenta som kjem fram i dag. Her er ein eigedom som ikkje har bilvegtilkomst og to som har svært dårleg vegtilkomst som kan ha nytte av tiltaket. Opparbeiding av vegen vil truleg gi ein vesentleg verdiauke på eigedomane, men som det er peika på i merknaden vil kostnadene vere store. Vi må også ta høgde for at Gloppen kommune kan måtte gjere eit ekspropriasjonsvedtak dersom tiltaket skal kunne gjennomførast. Det er ikkje råd å ha ei objektiv vurdering av om nytteverdien er så stor at det forsvarer kostnadene. Rådmannen er ikkje samd i påstandane om at det ikkje vil vere forsvarleg, ut frå trafikktryggleiksomsyn, å legge opp til meir trafikk på vegen. Denne merknaden kan vere knytt til redsle for at forlenging av vegen vil utløyse ønskje om fortetting av dei aktuelle eigedomane.

Side 95

Rådmannen tilrår at vegen blir liggande om lag som i planen frå 1998. Det er viktig å peike på at vegplanane i området er vesentleg eldre enn sentrumsplanen frå 1998, og at vegen som ligg her i dag er etablert av Statens vegvesen i samsvar med den eldre reguleringsplanen. Rådmannen er likevel i tvil om vegen bør leggast inn att i planen, dersom kommunestyret ikkje er villige til om nødvendig å ekspropriere for å skaffe dei tre eigedomane vegrett. Parkering og fortau langs Sørstrandsvegen 11-13 Sameiget Sørstrandsvegen 11-13 er imot endring frå tverrparkering til langsgåande parkering langs eigedomen. Dei meiner løysinga fråtek sameiget moglegheita til å oppfylle parkeringskrav på eigen grunn, og at kommunen må kompensere med øyremerka plassar utanfor sameiget sin eigedom dersom planen blir gjennomført. Dei motset seg også etablering av fortau langs eigedomen. I staden for fortau meiner dei det kan etablerast to fotgjengarovergangar over fylkesvegen, ein på kvar side av eigedomen. Rådmannen har sjekka byggesaka frå 1995 for Sørstrandsvegen 13. Der er det vist ni parkeringsplassar på sameiget sin grunn ned mot elva og fem langsgåande parkeringsplassar langs Sørstrandsvegen. Det er ikkje søkt om og gitt løyve til parkeringsløysinga som blir praktisert for eigedomen i dag. Reguleringsplanen frå 1998 bygger på dette byggeløyvet, og det vart då i tillegg lagt inn fortau i planen med tanke på å binde saman etablerte fortau på begge sider av eigedomen. I begjæring om seksjonering i 2007 ligg det ved situasjonsplan som viser ei parkeringsløysing om lag slik den blir praktisert i dag. Det ligg ikkje skriftleg dokumentasjon på seksjoneringssaka som gjer greie for kommunen sine vurderingar, men situasjonsplanen frå søknaden ser ikkje ut til å vere godkjent av kommunen, og anna situasjonsplan er utarbeidd og følgjer det tinglyste dokumentet. Advokat Mardal har på vegne av sameiget hevda saksbehandlingsfeil i kommunen si behandling av seksjoneringssaka, og kravd retting. Påstandar og krav har etter rådmannen si vurdering ikkje sakleg heimel i relevant lovverk. Tvert imot meiner rådmannen det ville vore ein klar saksbehandlingsfeil dersom kommunen i ei seksjoneringssak hadde godkjent og fått tinglyst ein situasjonsplan i strid med vedteken reguleringsplan. Rådmannen kjenner ikkje til korleis parkering har vore kommunisert ved sal av leilegheiter, men kan ikkje sjå at kommunen ved gjennomføring av planen har eit ansvar for å erstatte parkeringsplassar som ikkje er godkjende. Rådmannen meiner det ut frå trafikktryggleiksomsyn er ei svært dårleg løysing å etablere to krysningspunkt over Sørstrandsvegen i staden for det regulerte langsgåande fortauet, sjølv om det no er 30-sone i sentrum. I forslaget til områdereguleringsplan er det lagt inn fleire langsgåande parkeringsplassar langs Sørstrandsvegen, først og fremst tenkt som eit tilbod til eigedomen sidan dei har relativt lite uteareal på tomta. Dersom dei ikkje ønskjer denne løysinga, meiner rådmannen alternativet vil vere å regulere fortau utan langsgåande parkering, ikkje å kutte ut fortauet. Fortauet vil då i hovudsak ligge på offentleg grunn, og parkering må løysast på tomta, eller ved avtale med andre grunneigarar. Det har ikkje vore mogleg å få eit svar frå sameiget om kva dei ønskjer dersom dei må velje mellom desse alternativa, kanskje fordi dei er sterkt imot begge. Grandavegen Endringane planen legg opp til for Grandavegen er ikkje spesifikt kommenterte i merknadene, men fleire kommenterer konsekvensane av endringane. Det er særleg skråparkeringa langs Coop-bygget mange vil ha slik det er i dag. Dette er konkret nemnt i merknad frå Odd Eikenes, Karen Grov, Tystad Blomster og fellesmerknaden frå Bygdekvinnelaga og Bondelaga. Samfunnsdemokratane er generelt mot langsgåande parkering, som dei meiner er trafikkfarleg. Coop Nordvest er bekymra for parkeringssituasjonen i sentrum generelt og for deira eigedom spesielt. Ser vi også på merknadene som tek til orde for betre tilrettelegging for mjuke trafikkantar enn det

Side 96

sentrum har i dag, kan bildet bli noko meir nyansert. Utfordringa med desse merknadene er at dei i liten grad seier noko om kva som bør ofrast for å få til betre tilrettelegging, eller kva dei konkret meiner er god tilrettelegging. Unntaket er Eivind Eikeset Birkeland som uttaler seg konkret positiv om langsgåande parkering og breie trygge fortau langs vegane. Rådmannen meiner Grandavegen har fleire parti med utflytande og uoversiktlege trafikkareal, og sjølv om her er eit knapt tre meter breitt fortau på austsida, er gata ikkje godt tilrettelagt for mjuke trafikkantar. Dette er også peika på i analysene som ligg til grunn for planarbeidet. Noko kan betrast ved opprustingstiltak som ikkje krev planendring. Endringane planen legg opp til har konsekvens for dei 25 skråparkeringsplassane mellom fortauet og Coop-bygget og dei 13 skråparkeringsplassane ut mot gata vest for bankbygget. Desse er erstatta med 24 langsgåade parkeringsplassar ut mot gata, slik at reduksjonen, dersom Grandavegen blir bygd om på denne måten, vil vere 14 parkeringsplassar. Dersom kommunestyret meiner det er eit stort poeng å oppretthalde eksakt like mange parkeringsplassar i dette området, vil det vere mogleg å legge inn langsgåande parkeringsplassar også på vestsida av Grandavegen, og forskyve fortauet tilsvarande mot sjøen. Rådmannen tilrår ikkje denne løysinga, men ser heller ikkje store problem med den. Rådmannen meiner skissert opprusing av Grandavegen vil vere bra for sentrum generelt og sentrumsutviklinga i dette området spesielt. Men det er sjølvsagt ei politisk prioritering om ein vil halde fast på bestillinga for denne gata, eller legge meir vekt på dei merknadene som i praksis ønskjer gata som ho er. I planføresegnene er det lagt inn rekkefølgjekrav knytt til desse endringane. Rådmannen tilrår at planen ikkje blir endra. Heving av Krånavegen, fordrøyningsbasseng nedanfor Firdatun Sameiget Sandane sentrumsbygg (Sandane senter) og Liv Fridtun er negative til å heve Krånavegen som sikringstiltak mot stormflo, og meiner ein i staden kan bygge mur mot sjøen. Sandane senter er også negative til at arealet nedanfor Firdatun blir avsett til fordrøyningsbasseng. Argumenta er knytte til redusert parkeringskapasitet i området. Rådmannen registrerer at eigarane av eit av dei bygga som er utsette for auka havnivå og stormflo ikkje er opptekne av at planen skal innehalde sikringstiltak. Rådmannen er også redd kostnadene vil vere for store, og at problemet, i alle fall ikkje på kort sikt, blir oppfatta som stort nok til at det er verd å gjere noko med. Truleg kan lokal beredskap frå eigarane av dei enkelte bygga i alle fall inntil vidare vere tilstrekkeleg. Det er ikkje overordna krav om at planen må innehalde sikringstiltak for eksisterande bygg. Det kan difor hende at vi ser ut over det som må reknast som ein realistisk tidshorisont for denne reguleringsplanen, før det eventuelt kan vere aktuelt å gjennomføre desse sikringstiltaka. Rådmannen meiner likevel at planen skal omtale utfordringa, og at t.d. arealet til fordrøyningsbasseng bør vere sikra i planen. Som det går fram av planen vil ikkje dette nødvendigvis gå ut over parkeringskapasiteten i området, då basseng kan byggast som eit lukka anlegg. Rådmannen foreslår å ta vekk rekkefølgjekrav knytt til sikring av sjøfronten mot stormflo. Firdavegen ovafor Sørstrandsvegen Firdavegen er nemnt i merknad frå Odd Eikenes, adv. Mardal på vegne av Olav Flatjord, Frode Holen og Synnøve Astrid Eimhjellen, Ståle Eeg Nielsen på vegne av Kirsten Hauge, Karen Grov, Skinlotun AS, Samfunnsdemokratane, Knut Fjellestad og i fellesmerknaden frå bygdekvinnelaga og bondelaga. I tillegg har siste grunneigar på sørsida av vegen, Bjarne Flølo, muntleg orientert om at hans tidlegare merknader mot fortau på sørsida står ved lag. Rådmannen oppfattar at dei fleste er samde om at trafikkforholda i Firdavegen ikkje er gode, men det er ganske stort sprik i kva folk meiner er beste løysinga for vegen. Særleg går skillet på kor stor vekt ein skal legge på gamle planskisser (1964?), som i alle fall bygg på nordsida av vegen skal vere plasserte i forhold til. Her var det teikna inn fortau også på sørsida av vegen, eit fortau som

Side 97

grunneigarane på denne sida er imot. Skillet går også på om det er behov for fortau på begge sider av vegen, og ikkje minst korleis parkering skal organiserast. Sykkelløysinga som er nemnt som ein ide i planforslaget er i ein merknad kommentert som eksprimentering som ein ikkje kan drive med. Rådmannen har etter formannskapsmøtet 2. oktober 2019 jobba med fleire skisser for vegen, som har vore drøfta internt i rådmannen sitt planforum. Å bevare parkeringsareal i vegen er no ein viktigare premiss enn før, men rådmannen oppfattar formannskapet slik at planløysingane likevel skal ha trafikktryggleiken for mjuke trafikkantar i fokus. Rådmannen sitt planforum arbeidde med to planskisser for vegen, som etter kvart utvikla seg til å bli meir og meir like. 26.02.2020 vart desse skissene lagde fram for formannskapet, men det kom ikkje fram ei klar prioritering frå politikarane. Skilnaden var etter kvart så liten at rådmannen nå vel å tilrå den eine løysinga: Nedanfor Skinlotun utvidar gateløpet seg kraftig slik at det er mogleg å oppretthalde to rekker med tverrparkering. Frå og med Skinlotun må vi etter rådmannen sitt syn velje mellom breitt/breie fortau og å vidareføre dagens tverrparkering. Det er ikkje plass til begge deler, og rådmannen tilrår då at dei mjuke trafikkantane blir prioriterte. Både Skinlotun og Holen/Eimhjellen har i prosessen argumentert for planløysingar som var lagde til grunn då deira bygg vart oppførte, som skulle gi rom for tverrparkering framfor bygga slik det blir praktisert i dag. Kanskje har både bilane og kva som blir rekna som god planlegging endra seg sidan då. Særleg er fokuset på universell utforming radikalt endra. Rådmannen meiner utviding av fortauet på nordsida av vegen også bør bli helsa velkomen av verksemdene som er etablert her. Ikkje minst har Bakaren eit svært avgrensa uteareal slik det er i dag. Dette er drøfta med Skinlotun som grunneigar, som langt på veg er samd i vurderingane, men då også forventar at ein tek med sørsida i ei heilskapleg utvikling av ei attraktiv nærings- og bustadgate. Tverrparkeringa er plassert slik at linjer frå Heradsplassen, «løparen» og gatesteinsrekkene, kan forlengast over Sørstrandsvegen og inn i området. Tverrparkering vil ha plass innafor tilsvarande avgrensing som dei to vassrennene på Heradsplassen gir. Linjeføringa tek elles utgangspunkt i ei minimumsbreidd på fortau på nordsida på 3,0 meter ut frå veggliv, vegbreidde på 5,5 meter og langsgåande parkeringsfelt på 2,2 meter breidde på begge sider av vegen. På sørsida er det regulert 3,0 meter breitt fortau som dels vil vere i konflikt med eksisterande bygningsmasse, men med fortau inn til husvegg vil dei aldri vere smalare enn 2,0 meter. Dette vil ikkje bli ulikt situasjonen vi t.d. har i Nordstrandsvegen. På sørsida er hovudspørsmålet, slik rådmannen ser det, om vi framleis skal sjå på Firdavegen som ei sentrumsgate med potensiale for næringsutvikling, eller om vi skal legge mest vekt på dagens bruk. Tre av eigedomane er i dag brukt berre som einebustader, og for denne bruken er det kanskje ikkje nødvendig eller naturleg å ha eit fortau inntil husveggen. Hadde sørsida derimot hatt tilsvarande bebyggelse og bruk som nordsida, ser ikkje rådmannen nokon grunn til at den ikkje også burde hatt tilsvarande trafikkal løysing. Planforum har også her vore usamde om kor stor vekt vi bør legge på næringspotensialet for desse eigedomane, men har som nemnt enda med å legge fortau og langsgåande parkering inn i planen. Rådmannen har også oppfatta at dei politiske signala undervegs i stor grad har gått i denne retninga. I føresegnene er det sett krav om at fortauet blir etablert seinast den dagen eigedomane blir tekne i bruk til næringsformål, men det er sjølvsagt ikkje noko i vegen for at tiltaket kan gjennomførast tidlegare. Det blir også foreslått å auke utnyttingsgraden på sørsida i forhold til gjeldande plan for å styrke næringspotensialet. Planløysinga for Firdavegen har konsekvensar for ein del eigedomar. Men slik rådmannen ser det er konsekvensen for eigarane kjende frå før, det same er eigarane sitt syn på dette. Ny utlegging av planen har difor ikkje vore nødvendig. Grunneigarane har likevel kome med ein merknad. Rådmannen har ikkje sett det som aktuelt å referere eller kommentere denne, mellom anna fordi den er komen inn lenge etter høyringsfristen og at den etter rådmannen si vurdering ikkje tilfører saka noko nytt. Spørsmål om fysisk utforming, t.d. høgde på kantstein og avkøyrsle til enkelteigedomar, er noko vi må kome attende til i ein byggeplan.

Side 98

Parkering generelt Rådmannen registrerer at kommunen ikkje har nådd godt nok ut med kva som var meint med endringane frå 2. til 3. planforslag. Alt regulert parkeringsareal som ikkje er knytt til offentleg veg eller ligg på offentleg grunn er teke ut av planen. Dette vart gjort

· fordi planen ikkje var eintydig, då noko privat parkeringsareal var teikna inn og noko ikkje var teikna inn

· for å imøtekome merknader som hevda at kommunen ikkje hadde noko med å bestemme korleis parkering på privat grunn skulle organiserast

· for å tydeleggjere at Gloppen kommune ikkje tek mål av seg til å ta ansvar for parkeringsdekninga på Sandane åleine. Dette må vere eit samarbeid mellom kommunen og private aktørar

· for å synleggjere Sandane sitt utbyggingspotensial, forutsett at ein anten får plassert parkeringsplassar innomhus som del av utbyggingar, eller på ein eller fleire måtar får redusert parkeringsbehovet (ved auka kollektivandel, bildeling, samkøyring, sykkel og gange)

Endringane som elles er gjort, og som inneber noko reduksjon i tal parkeringsplassar, handlar i hovudsak om betre tilrettelegging for mjuke trafikkantar. Rådmannen har som nemnt laga eit eige notat med oppsummering av planen sine faktiske parkeringskonsekvensar. Nokre av merknadene som gjeld parkering har eit «alt eller ingenting»-preg. Rådmannen er ikkje med på tanken om at sidan mange bur slik til at dei ikkje kan gå, sykle eller køyre kollektivt, finst det ikkje potensiale for reduksjon i biltrafikken til og i Sandane sentrum. Tvert imot må vi legge til rette slik at dei som har høve til det finn det trygt og attraktivt å velje andre transportformer. Dette vil også auke fridomen til dei som av ulike årsakar er avhengig av eigen privatbil. Det har også vore eit uttalt mål at det skal bli meir attraktivt å bevege seg til fots mellom målpunkt i sentrum, for alle som ikkje har spesielle behov som gjer at dei må ta med seg bilen frå dør til dør. Då må det også fysisk leggjast til rette for det. Dette er på ingen måte i konflikt med arbeidet mot Statens vegvesen og Vestland fylkeskommune for å få realisert tilretteleggingstiltak langs hovudvegane inn mot sentrum, som nokre meiner må prioriterast framfor tiltak i sentrum. Rådmannen kan ikkje sjå at merknadene til siste utlegging gir grunnlag for vesentlege endringar i måten planen framstiller parkering og parkeringskrav på. Fleire har teke til orde for ei organisering av kunde-/korttidsparkering og tilsett-/dagparkering. Ordførar, rådmann og rådmannen sitt planforum har hatt møte med styret i Gloppen næringsorganisasjon for å drøfte sentrumsplanen. Mykje av møtet handla om parkering, og konklusjonen frå rådmannen si side er at vi ikkje er så usamde som det av og til kan sjå ut som. Parkeringsorganisering er eit fornuftig tiltak som kommunen og næringsorganisasjonen så smått har begynt å sjå på i lag. Men dette er ikkje eit plantema, og vil måtte løysast på anna vis enn gjennom plankart og føresegner i ein reguleringsplan. Utbyggingsareal Øyna og Heimevernshuset Områda er nemnt i merknad frå Forsvarsbygg, Odd Eikenes, Samfunnsdemokratane, Olav Aabrekk, Helga Holmøy Ryssdal og Jørgen Kristian Andersen, Eivind Eikeset Birkeland og i fellesmerknaden frå bygdekvinnelaga og bondelaga. Eikenes Birkeland ser personleg fram til barnehage i sentrum, og meiner dette vil bety svært mykje for familiar som bur og/eller jobbar i sentrum. Forsvarsbygg ønskjer fleksibilitet med tanke på sal av bygget sitt, og Aabrekk ønskjer å nytte Heimevernshuset til næringsverksemd knytt til ei spesiell form for trening, og leilegheiter for familiar på treningsopphald. Resten er mest opptekne av å ta vare på Øyna som ei grøn perle, og ein del er av trafikkale grunnar skeptiske til barnehage i sentrum.

Side 99

MULTEK-utvalet vedtok i møtet 06.06.2019 å legge ut planen med forslag om Øyna regulert til uspesifisert offentleg eller privat tenesteyting. I ettertid ser rådmannen at vedtaket vart svært upresist, og tek sjølvkritikk for at dette ikkje vart peika på i møtet. Spørsmål som ikkje er avklara er:

· skulle endringa gjelde heile Øyna eller berre dei 1,9 dekar som i rådmannen sitt forslag var uteområde for barnehage?

· skulle endringa også gjelde Heimevernshuset og tilgrensande areal? · kva med utnyttingsgraden for området? · korleis skal tekstdel og reguleringsføresegner endrast? · kva slags formål ønskjer ein eigentleg? Eller kva ønskjer ein ikkje å opne for at blir bygd her?

KMD sin reguleringsplanveileder seier: Formålet offentlig eller privat tjenesteyting kan i reguleringsplan omfatte en lang rekke underformål som barnehage, undervisning, helse-/omsorgsinstitusjon, kulturinstitusjon, kirke/annen religionsutøvelse, forsamlingslokale, administrasjon, annen offentlig eller privat tjenesteyting. I veileder til kart- og planforskriften del 3 er det gitt ytterligere eksempler på hva underformålene angitt i forskriftens vedlegg I omfatter, som f.eks. at forsamlingslokale kan omfatte kino, konsertsal, teater, menighetshus og bedehus. Hvilke arealer som eventuelt skal være for offentlig tjenesteyting, må angis i bestemmelse. Offentlig eller privat tjenesteyting inkluderer virksomheter som driver med salg av tjenester som hovedvirksomhet, men som også kan drive med salg av varer som bigeskjeft. En frisørsalong er en slik enhet; hovedvirksomheten er salg av en tjeneste, men den kan også drive med sal av varer som hårprodukter og lignende. Dei fleste som har uttalt seg, både no og tidlegare, er klart negative til Øyna som utbyggingsområde i det store og heile, medan det er få merknader som gjeld Heimevernshuset. I planen frå 1998 er både Øyna og Heimevernshuset regulert til offentlege bygg, noko som i alle fall gjer at kommunen har hatt styring med kva området skal brukast til. «Grøn perle» er ikkje eit reguleringsformål, men det finst ulike kategoriar av grøntområde som kan nyttast i ein plan. Men dei fleste aktuelle formål har det til utgangspunkt at grøntområde skal vere allment tilgjengelege. I praksis er Øyna nå ein stor bustad- eller fritidseigedom, og det er behov for å avklare framtidig bruk av Heimevernshuset slik at det ikkje blir eit nytt sentrumsbygg som står til ytterlegare forfall. Områda var sett på og drøfta i samband med formannskapet sitt møte og synfaring 26.02.2020. Rådmannen sin konklusjon ut frå signala i møtet er at den delen av Øyna som har vore vist som barnehagetomt skal regulerast til offentleg park. Når det gjeld Heimevernshuset, kom det i møtet fram eit spørsmål om å vurdere meir areal på denne sida av Teina til ein eventuell barnehage. Rådmannen har lagt dette fram for eigarane av «Ryssdalshuset». Dei er, ikkje overraskande, negative til ei slik endring. Rådmannen har også oppfatta at diskusjonane om sentrumsbarnehage i aukande grad har fokus på sentrumsnær barnehage, der areal innafor sentrumsplanen ikkje lenger er aktuelt. Rådmannen sitt forslag blir difor at Heimevernshuset med si tomt blir regulert til uspesifisert offentleg eller privat tenesteyting, at nabotomta blir regulert til hotell/bustad og at del av Øyna blir regulert til offentleg park. Sjølv om offentleg eller privat tenesteyting i utgangspunktet rommer svært mykje, er rådmannen av den oppfatning at tomtestorleik med meir vil avgrense aktuell bruk i tilstrekkeleg grad. Busstasjon Firda Billag og fylkeskommunen er nøgde med busstasjonen slik den er. Løysinga som er vist i planen meiner dei er for trong. Bondelaga og bygdekvinnelaga er også opptekne av at busstasjonen ikkje skal bli for trong.

Side 100

Rådmannen har ikkje teke mål av seg til å detaljplanlegge ein ny busstasjon på Sandane. Poenget har vore å illustrere korleis endra plassering av perrongane vil kunne frigjere utbyggingsareal til andre formål. Rådmannen er sjølvsagt samd i at busstasjonen skal ha nok plass, men i eit sentrumsområde der det frå tid til annan blir etterlyst meir utbyggingsareal, er det viktig at også busstasjonen er mest mogleg arealeffektiv. Med bussparkering ned mot sjøen og einetasjes bygg er den ikkje det i dag. Rådmannen ser at tekstdel og føresegner kan gjerast tydelegare på at andre funksjonar knytt til busstasjonen kan plasserast i etasjar over perrong eller innafor tilgrensande utbyggingsareal, og tilrår nokre mindre tekstlege justeringar. Elles må det påpeikast at områdereguleringsplanen set krav om detaljreguleringsplan før utbygging i dette området, slik at det vil vere høve til å kome tilbake til detaljane seinare. Rådmannen ser difor ikkje heilt poenget med å legge meir arbeid i dette no. Sentrumsfunksjonar Ingen har i den siste høyringa kommentert byggeformålet sentrumsfunksjonar, og dei rammene reguleringsføresegnene set for utbygging innafor desse områda. Slik sett treng ikkje områda nemnast i denne saka. Men rådmannen er kjent med at utbyggingsplanar som bryt med grunnleggjande prinsipp som er nedfelt i føresegnene for områda har vore drøfta politisk. Rådmannen ber om at planforslaget blir vurdert opp mot kva ein faktisk er villig til å stå fast på at skal gjennomførast, slik at ikkje første store byggesak etter planvedtak set vesentlege delar av planen til side. Leikeplass Plasseringa av leikeområde ved Heradsplassen er nemnt i ein del merknader. Rådmannen har ikkje lagt vekt på desse merknadene, då plasseringa er avgjort i anna sak. I siste planrevisjon er det gjort greie for forskjellige areal der ein også kan legge til rette for leik, men at endeleg plassering av leikeapparat ikkje hører heime i ein områdereguleringsplan. Cruisekai og fjellhall Temaet er nemnt i Gloppen eigedom og Knut Fjellestad sin merknad. Dette er tema som har vore teke opp og «parkert» tidlegare i prosessen. Rådmannen kan ikkje sjå at merknadene nå tilfører saka noko nytt. Idrettsplassen Gloppen friidrettslag meiner den må innlemmast i planområdet med tanke på kor viktig idrettsplassen er. Endra plangrenser på slutten av ein planprosess er heilt uaktuelt. Sentrumsplanen er dessutan stor nok, og vil ikkje bli lettare å handtere om området blir utvida. Rådmannen er samd i at idrettsplassen er viktig, men meiner spørsmål om den kan løysast like godt utan denne endringa. Redusert planområde Då formannskapet i sak 44/20 behandla planstrategien for perioden 2020- 2024, vart det vedteke at formannskapet vil vurdere om planområdet for områdereguleringsplanen for Sandane skal reduserast. Slik rådmannen forstår det skal dette framlegget vere knytt til kommunen sin økonomi. Rådmannen er usikker på korleis formannskapet har tenkt at eit redusert planområde vil vere gunstig for kommuneøkonomien. Reint praktisk vil ei slik endring påføre administrasjonen meirarbeid både med omarbeiding av den nye planen og ved å vidareføre ein eller fleire delar av planen frå 1998. Dersom formålet er å unngå eventuelle krav om erstatning eller innløysing som følgje av planen, meiner rådmannen det vil vere betre å vedta planen og handtere dette dersom slike krav dukkar opp. Rådmannen ønskjer å få erstatta reguleringsplanen frå 1998 i sin heilheit, og tilrår ikkje endringar i plangrensene.

Side 101

Oppsummering av framlegg til endringar etter 3. høyring 1. Flølokrysset endra tilbake til ordinært kryss 2. Felles veg FT4 lagt inn som i plan frå 1998, men berre fram til gbnr. 69/47 3. Endra parkerings- og fortausløysing i Firdavegen 4. Del av Øyna endra frå barnehage til park 5. Heimevernshuset endra frå barnehage til uspesifisert offentleg eller privat tenesteyting.

Tilgrensande tomt endra til hotell/bustad 6. Fareområde, aktsemdsområde for kvikkleire med krav om detaljreguleringsplan lagt inn 7. Endra formål og utnyttingsgrad for eigedomane sør for Firdavegen 8. Justert tekstdel og føresegner i samsvar med endringane i plankartet (pkt. 1-7) 9. Tatt ut rekkefølgjekrav knytt til sikring mot stormflo

Nokre andre mindre justeringar og presiseringar i tekstdel og føresegner. Formannskapet 20.05.2020 Teknisk sjef Kjell Petter Solhaug, avdelingsingeniør Bjørn Aurlien og rådgjevar Birte Fossheim deltok under behandlinga av denne saka. Formannskapet la fram denne tidsplanen:

· Formannskapsmøtet 10. juni: Til dette møtet skal rådmannen og dei politiske partia svare på spørsmåla under

· Formannskapsmøtet 16. september: Formannskapet si endelege innstilling til kommunestyret

· Kommunestyremøtet 23. september: Endeleg vedtak i saka

Formannskapet ber om svar frå rådmannen på desse spørsmåla: · Kva er parkeringsbehovet som følgje av dei nye leiligheitene som er og no vert bygde i Sandane

sentrum? · Marknadsverdien av Kråna Eigedom med og utan parkeringsplassar · Visualisering/oppteikning i sentrum · Kva plikt har kommunen til innløysing av eigedomar som følgje av områdereguleringsplanen? · Kva delar av områdereguleringsplanen fører til krav om detaljreguleringsplanar ?

Det vart ikkje gjort vedtak i saka og den vert tatt opp att på neste formannskapsmøte. Formannskapet ber om at dei politiske partia som ønskjer å endre delar av planen eller omfanget av planområdet fremjar dette på formannskapsmøtet 10. juni. Formannskapet 10.06.2020 Behandling Skåravegen, framlegg frå Svein-Ottar Sandal, Kristeleg Folkeparti Ny Skåraveg som er innteikna på forslaget vert tatt ut SP, framlegg frå Magni Aa Berge, Senterpartiet Grandavegen - ikkje ta vekk skråparkering ved Domus. Fortau på begge sider og langsgående parkering tar ut. Teikne opp kvar nye fortau endar i begge endar. La Extra forbli brun.

Side 102

Ta Skåravegen ut av planen. Vegen over eigedomen til Flatjord (bak Fargerike) blir tatt ut av planen. Skisse over parkeringsareal no og ved ny plan. Legge inn servicebygg, toalett etc i sentrum.

Forslag til endringar i planutkastet: Frå Svein Ottar Sandal (KrF) og Magni Aa Berge (Sp): Ta Skåravegen ut av planforslaget. Dette vart vedteke samrøystes. Frå Magni Aa Berge (Sp): Vegen over eigedomen til Flatjord (bak Fargerike) blir tatt ut av planen. Dette vart vedteke samrøystes. Frå Solveig Lien Gusdal (Sp): Området mellom Sandal-bygget og Krånavegen (i Sørstrandsvegen) vert som i dag. Dette vart vedteke mot 1 røyst, Mariel Eikeset Koren (MDG). Frå Magni Aa Berge (Sp): La heile dagens Coop Extra-eigedom forblir brun (dvs avsett til sentrumsføremål). Dette vart vedteke mot 1 røyst, Mariel Eikeset Koren (MDG). Frå Magni Aa Berge (Sp): Det skal vere fortau på begge sider av Grandavegen. Dette vart vedteke mot 1 røyst, Mariel Eikeset Koren (MDG). Det skal teiknast inn fortau langsmed r 615 - 3 m breidde og i Grandavegen. Det vart ikkje røysta over dette. FOR- 113/20 Vedtak Formannskapet vedtek desse endringane i planen:

1. Skåravegen vert tatt ut av planforslaget 2. Vegen over eigedomen til Flatjord (bak Fargerike) vert tatt av planforslaget 3. Området mellom Sandal-bygget og Krånavegen (i Sørstrandsvegen) vert som i dag 4. Heile dagens Coop Extra eigedom forblir brun (dvs: vert avsett til sentrumsføremål) 5. Det skal vere fortau på begge sider av Grandavegen

Pkt 1 og 2 vart vedtekne samrøystes. Punkt 3, 4 og 5 vart vedteke mot 1 røyst, Mariel Eikeset Koren (MDG).

Side 103

Gloppen kommune

Arkiv: FE-232


Saksbehandlar: Bernt Reed



Kommunestyret

Regelverk og retningslinjer for eigedomsskatt i Gloppen Vedlegg i saka: 05.06.2020 Revidert Regelverk og retningslinjer for eigedomsskatt i Gloppen

Rådmannen si tilråding Kommunestyret vedtek endringane i Regelverk og retningslinjer for eigedomsskatt i Gloppen slik dei ligg føre.

Saksutgreiing Bakgrunn for saka Det har vore endringar i eigedomsskattelova der definisjonen «verk og bruk» er erstatta med næringseigedom. Saka er ei harmonisering av lov og retningslinjer samt reduksjon av tal medlemer i klagenemnda. Økonomiske konsekvensar for kommunen Ingen Rådmannen si vurdering Eigedomsskattelova vert med ujamne mellomrom endra for å tilpassast vedtak gjort gjennom statsbudsjettet. Det er i hovudsak § 3 som er endra der definisjonen «verk og bruk» er erstatta med næringseigedom. I tillegg er § 8 A-2 endra der faktor for reduksjon i verdet sett til 0,7. Det er også teke med ei ny setning for næringseigedom der denne skal setjast til teknisk verdi dersom det ikkje er mogeleg å nytte regelen om avhending under vanlege salstilhøve i fyrste punktum. I samband med revisjonen og val av nye nemnder og det også gjort ei vurdering av tal medlemer i klagenemnda. I samråd med valnemnda er forslaget at klagenemnda skal ha tre faste medlemer. Oppsummert er det desse endringane i retningslinjene : § 1.2 Klagenemnd er endra frå seks til tre medlemer. § 3.3 Teksten er tilpassa lovteksten § 3.6 Definisjonen verk og bruk er erstatta med næringseigedom Formannskapet 10.06.2020 Behandling Svein Ottar reiste spørsmål om eigedomsskatt der han ønskjer nøytrale ordningar i forhold til dei som eig dei konkrete objekta som skal ileggast eigedomsskatt. Kommunen betalar ikkje eigedomsskatt. Kva med dei byggja kommunen eig og leiger ut? Likskapsprinsippet bør gjelde her også. Svein-Ottar

Side 104

ønksjer ein gjennomgang av eigedomsskatten ut i frå ei likskapsvurdering. Vi må ikkje kome dit at det er organiseringa som avgjer denne skatten. Så ønskjer eg at vi ser på praktisering av eigedomsskatt når det gjeld vidaregåande skular sett opp i mot det andre kommunar praktiserer. FOR- 114/20 Vedtak

Formannskapet si innstilling: Kommunestyret vedtek endringane i Regelverk og retningslinjer for eigedomsskatt i Gloppen slik dei ligg føre. Vedtaket var samrøystes.

møtebok - formannskapet - 10.06...art ansvar teneste beløp merknad 15300 9000 88000 9 857 738...

Documents