SECUENCIA DIDÁCTICA

PARA A ADQUISICIÓN DE

HÁBITOS SAUDABLES :

BASEADA NO CONTO DE

“PIRRACAS E AS PATACAS”

AUTORA: MARINA I. SANTIAGO ESPERÓN – MESTRA E.I. do C.E.I.P “A LAXE”- MARÍNCoa colaboración da alumna en prácticas RUTH PEDROSA VÁZQUEZ

PIRRACAS E AS PATACAS

ANTES DA LECTURA

Sentámonos tod@s no chan formando un círculo, deixámo-lo libro deitado no centro, cara arriba e comentamos o que vemos. Despois, imaxinamos o que nos pode agardar no interior.

Poderemos anotar algunha idea que nos pareza interesante para traballala máis tarde.

Cando vexamos que as ideas se nos comezan a esgotar retirámo-lo libro para unha mesa e no seu lugar poñemos unha reprodución en cor da primeira ilustración, na que Pirracas aparece cavando co seu tío. De contado volvemos a preguntar qué se ve e qué creen que virá a continuación.

Os cativ@s non saben ler pero si poden tratar de sinalarnos que palabras pertencen:

- ó título;- ó autor;- a editorial.

LECTURA

Facemos un descanso no que aproveitamos para acudir á biblioteca. Alí leremos o libro, pero dun xeito diferente.

Na nosa biblioteca contamos cun oco marabilloso con alfombras e colchóns onde poderemos estar moi cómodos.

Unha mestra vai sentando @s nen@s e distraéndoos mentres outra vai preparando o ordenador e a pantalla. Apagaremos as luces

sen avisar e acenderemos a pantalla, nese momento comezarase a ler o conto sen que os nen@s poidan ver directamente a quen o fai, o único que ven son as ilustracións do libro grazas ó proxector . Só estarán eles e o conto.

Autor e Ilustrador: Fabrice TurrierColección: DemademoraEditorial:KalandrakaISBN: 84- 95123- 81- 9

As ilustracións irán avanzando segundo o ritmo de lectura que levemos.

Cando rematemos acenderemos as luces e… ¡sorpresa! “A pataquiña do conto estaba a escoitalo con nos” . Teremos que conseguir unha pataca cunha forma éstrana e pintarlle uns ollos e pórlle con catro mistos as patas.

DESPOIS DA LECTURA

NA BIBLIOTECA

- Como Pirracas non nos pode dicir como se chama a pataca, serán @s nen@s quen teñan que decidilo.

- ¿Por qué a xente do pobo engordou tanto? ¿É bo comer ata fartar? Trataremos que pensen un pouco sobre alimentación, para que cando o tratemos na clase nos lles pareza un tema alleo.

- Preguntar se alguén sabe de onde veñen as patacas . Aquí podemos explicar cal é o proceso e acordar con eles plantar unha pataca nun pedaciño do xardín do colexio.

- No libro se mencionan os conceptos de cantidade: un e moitos. A biblioteca é un bo contexto onde aprendelos. Poderemos pedirlles que nos ensinen un e moitos libros.

NA CLASE

COÑECER O QUE COMEMOS

Para introducir a actividade seguinte pedirémoslles que nos conten cómo papan as patacas: fritidas, cocidas, como cachelos, en tiras, en cadradiños en bolsa...

En canto algún nen@ mencione as patacas fritidas de bolsa explicaremos que son un alimento que temos que consumir con moderación, e daremos exemplos de outros coas mesmas características, introducindo un boneco que recolle catro tipos de alimentos, dos que a continuación falaremos.

CLASIFICAMOS AS NOSAS MERENDAS

Esta actividade a realizaremos nun primeiro momento sen informar ós pais/ nais para poder recoller a dieta real que traen os nosos nen@s.

Na aula xa contamos cun recadro cos nomes de cada un, e cos alimentos clasificados en catro: lácteos, froita, bolechas e pan, e larpeiradas. Tentaremos que eles mesmos clasifiquen as súas merendas dentro destes grupos tódolos días. Será un xeito de facelos mais conscientes do que inxiren e así traballar uns hábitos máis sans día a día.

Son nen@s de 4 anos, polo que non poderemos tratar

profundamente a pirámide de alimentos, pero nós, dende o cole si que podemos partir da súa realidade, que neste caso é a merenda, e explicarlle a importancia de comer mais froita e menos doces.

Ó estar clasificando as merendas diante de tod@s poderán observar alimentos que eles non verían nas súas casas. Por exemplo, hai unha nena musulmán que trae, ás veces, doces feitos pola súa nai que son típicos de Marrocos.

A froita axúdame a medrar san

Cos lácteos os meus ósos

póñense fortes

As bolechas e o pan danme

enerxía para non parar de moverme

en todo o día

Pero as larpeiradas fan que me creza o bandullo, e se como moitas que me poña

mal

REUNIÓN COS PAIS/ NAIS

Cando xa contemos cos datos suficientes para poder sacar conclusións dos hábitos alimentarios dos nen@s (e como podemos mostralos na nosa táboa), acordaremos unha reunión coas nais/ pais onde os informaremos do que estamos a facer e lle pediremos a súa colaboración de cara a mellorar os hábitos dos seus fill@s e darémoslles unhas pequenas orientacións, sen ánimo de impor nada.

DEGUSTACIÓN DAS PATACAS

Necesitaremos unhas patacas crúas, que as prepararemos para que as poidan probar de diferente xeito. Unhas as coceremos peladas e cortadas en cachiños, outras sen pelar, só lavadas; e se é posible faremos outras fritidas.

ELABORAMOS OS NOSOS XOGUETES

Con materiais de desfeito que atopemos xa ben na casa o una aula, xunto cun montón de patacas comezaremos a elaborar os nosos xoguetes. Poderemos facer animais, persoas, coches, etc… o que se nos ocorra, todo con patacas e obxectos que nos rodean: mondadentes, mistos, chinchetas, cartolina, plastilina, xiz, etc…

REPASAMOS OS CONCEPTOS DE UN E MOITOS

Ó rematar o libro falamos da diferenza de un e moitos, pois agora repasarémolos cunha ficha. Imos darlle patacas debuxadas e eles van ter que recortalas e pegar unha onde hai un número un debuxado, e moitas no outro saco.

CONTAMOS 3 PATACAS

Neste momento estamos a traballar o número tres, a súa grafía e cantidade. Aproveitando que nunha sesión fixemos unha transparencia con el, e quedounos o número 3 de esa transparencia, pegarémolo noutra ficha e debuxaremos dentro dunha cestiña tres patacas que pintaremos.

VALORES TRABALLADOS

A importancia de ter uns hábitos saudables tanto na inxesta de alimentos como nas actividades da vida diaria. Na porta do cole poremos unha

representación gráfica (deseñada pola Universidade Politécnica de Madrid) moi sinxela das actividades que debemos desenrolar ó longo do día e a súa proporción: sedentarias, xogos, deporte, estudio e descanso.Ó finalizar este proxecto informaremos ás nais/pais cuns gráficos: un que corresponde coa dieta recomendada, e outra coa dieta que seguimos nas nosas merendas mentres durou o mesmo.

¿ SABÍAS QUE?

- A pataca comezouse a cultivar fai 2000 anos en Sudamérica e non foi ata despois de descubrir América cando chegou a nosa terra. No seu lugar aquí se comían as castañas cocidas, aínda que agora iso sona coma unha tolería. Tardou en popularizarse coma alimento, pero unha vez que o fixo acabou con moitas das hambrunas cíclicas de Europa. Neste momento Galicia é unha das Autonomías que máis patacas consome.

- A NASA está a probar dende o ano 1995 o cultivo de dito tubérculo no espazo, de cara a autoalimentación das futuras colonias.

- Os cabalos non poden papar patacas porque para eles son tóxicas.

ENLACES

www.consumer.eswww.noah-health.org/es/healthy/child_nutrition/www.cocinayhogar.com/dietasana/salud/www.upm.es/canalUPM/notasprensa/Doc2007103001.html