1

2

Qophii: sammubani.com (Jibril Abdalla)

3

Qabiyyee Seensa ............................................................................................................................. 4

Ibsa Suuratu Al-Mursalaat .............................................................................................. 9

Qiyaamaan Dhufuun Haqa ......................................................................................... 9

Taatewwan Gurguddaa Addunyaa Keessatti adeemsifaman .................................. 11

Namoonni Sababa kufrii fi badii gurguddaa biroo hojjataniin lafarraa

xuruuramu ................................................................................................................... 15

Ragaalee Kaafamuun Haqa ta'uu agarsiisan keessaa .............................................. 17

Qiyaamaan haqaa hin kijibsiisin, ni baddaati .......................................................... 19

Adabbii Namoota Qiyaamaa Kijibsiisanii (akka sobaatti ilaalanii) ....................... 25

Mindaa fi Badhaasa namoota Qiyaamatti amananii fi Rabbiif ajajamanii ........... 29

Qananii fi Faaydan Addunyaa baay’ee xiqqoo fi tan badduudha .......................... 31

Miidhaa Salaata Dhiisu ............................................................................................... 37

4

Seensa

Bismillah rahmaani rahiim (Maqaa Rabbii rahmaan, rahiim ta’een jalqaba)

Dhugumatti Faaruun hundi kan Rabbiiti. Isa ni faarsina, ni gargaarsifanna,

araarama Isa kadhanna. Sharriwwan nafsee teenyaa fi hamtuwwan hojiiwwan

keenyaa irraa Rabbiin eeggamna. Nama Rabbiin qajeelche kan isa jallisu hin jiru.

Nama Rabbiin jallise kan isa qajeelchu hin jiru. Rabbii Tokkicha shariika hin

qabne malee dhugaan gabbaramaan akka hin jirre ragaa nan baha. Akkasumas,

Muhammad gabrichaa fi Ergamaa Isaa ta’uu ragaa nan baha.

Dhugumatti jireenya namaa hundee irraa kitaabni jijjiruu danda’u Qur’aana. Tarii

kitaabonni biroo jijjirama fiduu danda’u. Garuu jijjiramni kunniin gadi

dhaabbataa fi itti fufaa miti. Jijjiramni Qur’aaanni jireenya namaa keessatti fidu

gadi dhaabbataa fi turaadha. Tarii namni fedhii lubbuu isa moo’attu fi dhukkuba

qalbii isaa fayyisuuf wanta baay’ee hojjata. Garuu yoo Qur’aana qajeelcha hin

godhatin, tooftaaleen hundi ni fashalaa’u. Kanaafi, Qur’aanni dhibee qalbii fi

fedhii lubbuutif qoricha. Dhibeen qalbii kanneen akka shakkii, kufrii (amanuu

diduu), of tuuluu, hinaaffi, haafayuu fi kkf. Qur’aana keessatti Rabbiin

subhaanahu wa ta’aalaa ni jedha:

ها ﴿ يأ م وشفاء ل ما ف لناس ٱي ب ك ن ر وعظة م م م ور ٱقد جاءتك د لص

ؤمني دى ورحة ل لم ﴾٥٧وه

“Yaa namoota!, dhugumatti gorsi Gooftaa keessan irraa taatee, waan qoma

keessa jiruf qoricha, mu’imintootaf (warroota dhugaan amananiif)

qajeelfamaa fi rahmata tan taate isinitti dhufte.” Suuraa Yuunus 10:57

Gorsi kuni Qur’aana. Qur’aanni wanta qoma keessa jiruuf qoricha. Warroota

amananiif qajeelfamaa fi rahmata. Qur’aanni qoricha, qajeelfamaa fi rahmata kan

ta’u yoo isa baratan, hubatanii fi hojii irra oolchaniidha. Sababa adda addaa irraa

kan ka’e, namoonni baay’een Qur’aana osoo hin baratin hafuu danda’u. Bakka

duwwaa kana dhiphisuuf Sammubani.com irratti barruulee barraa’an keessatti

aayata Qur’aanaa hanga danda’ameen kitaabban tafsiira beekkamoo irraa ibsaa

5

turreera. Mee ammas, Suurah Qur’aanaa keessaa ibsa suurah takkaa haa ilaallu.

Suurahn tuni dhimma Guyyaa Qiyaamaatin waan wal-qabataniif iimaana namaa

ni jabeessiti. Laa hawla walaa quwwata illa billah

Maloota Suurah tana hiiku fi ibsuuf itti fayyadame:

1. Jalqaba aayaata (keeyyattoota) muraasa bakka tokkotti walitti qaba.

2. Hiika keeyyattoota kanaa lugaa biraatin ni ilaala. Lugaawwan

(afaanonni) kunniinis, Afaan Oromoo, Ingiliffaa fi Amaariffa. Afaan

Oromoo malee afaanota kanniin websaayiti: https://quran.com/ irraa

fayyadama. Websaayiti kana irraa hiikni Ingiliffaa gara sagalitu jira.

Afaan Oromoo immoo “Hiika Qur’aana Kabajamaa Afaan Oromootiin”

kan jedhu fayyadama. Akkasumas, “Qur’aana Qulqulluu irraa tasfiira

Juz’iiwwan Sadan booda” kan jedhus fayyadame jira.

3. Ergasii keeyyattoota gara Afaan Oromootti nan hiika. Tarii jalqaba

akkuma jiruutti, “Hiika Qur’aana Kabajamaa Afaan Oromootiin” jedhu

irraa fudhee ergasii hiika lugaa birootin wal bira qabuu danda’a.

4. Itti aanse tafsiirota Qur’aanaa ni ilaalla. Dogongorri yoo argame

tafsiirota kanaan nan sirreessa.

5. Jecha Arabiffaa gara Afaan Oromootti hiikun ulfaatu akkuma jiruutti

hiika keessatti barreessun jalatti ibsa keessatti jecha kana ni ibsa..

Hanga danda’ameen suurah tana ibsuuf carraaqe jira. wa maa tawfiiqi illa billah

(milkaa’inni kiyya Rabbiin malee homaanu ta’uu hin danda’u). Namni

dogongora argee naaf dhiyeesse galataan isarraa fudha.

Mallatoolee keessatti itti fayyadamnu:

Mallattoo hammattuu loxee ( )– mallattoo hammattuu jecha ykn hima tokko

ibsuuf “yookiin”if itti fayyadamna. Fakkeenyaaf, Abdiin laaqana (dhiyana)

nyaate. Asitti mallattoon hammattuu jecha “yookiin” jettu bakka buuti. Kuni

jechaaf ibsa ykn hiika ta’a. Ibsi armaan oli kuni “jechaaf” ta’a. Lakkoofsa

keeyyatootaa hammattu tana keessa waan godheef kanarraa adda.

Mallattoo hammattuu saanduqaa [ ] – Afaan biraa irraa gara Afaan

Oromootti hima tokko yommuu hiiknu, jecha afaanicha san keessa hin jirre itti

guutuuf itti fayyadamna. Kuni immoo seera lugaa Afaan Oromoo akka eeguu fi

hima guutuu taasisa. Mallattoon tuni bakka “Yookiin” hin buutu.

6

“(1)-Wal duraa duubaan [bubbeewwan] ergamaniin; (2)-Humnaan

bubbisuu bubbisaniin; (3)-Faffacaastota faffacaasaniin nan kakadha; (4)-

Adda baastota adda baasaniin, (5)-Yaadannoo darbitootaan nan kakadha,

(6)- sababa dhabamsiisuuf yookiin akeekachisaaf. (7)- Dhugumatti wanti

isin waadaa galamtan ni argama. (8)-Yeroo urjiileen ifti isaanii haaqame.

(9)-Yeroo samiinis babbanamte; (10)-Yeroo gaarreenis bubbuqifaman; (11)-

Yeroo Ergamtoonnis beellamaan walitti qabaman; (12)-Guyyaa kamiif

tursiifame? (13)-Guyyaa Addaan bahiinsaatif. (14)-Guyyaan addaan

bahiinsa maal akka ta’e maaltu si beeksisee? (15)-Guyyaa san kijibsiiftotaaf

ee badii isaanii! (16)-Sila Nuti warra duraani hin balleessinee? (17)-Ergasii

warra boodaa isaan hordofsiifna. (18)-Akka kanatti yakkamtootatti

hojjanna. (19)-Guyyaa san kijibsiiftotaaf ee badii isaanii!” Suuratu Al-

Mursalaat 77:1-19

7

8

“(20)-Sila Nuti bishaan dadhabaa irraa isin hin uumnee? (21)-Iddoo

qubanna tasgabbaa’a ta’e keessas isa goone. (22)-Hanga yeroo

beekkamaatti. (23)-Ni safarres, Nuti safartoota [hunda caalaa] akkaan tolle.

(24)-Guyyaa san kijibsiiftotaaf ee badii isaanii! (25)-Sila Nuti dachii walitti

qabattuu hin taasifnee? (26)-Jiraa fi du’aas [tan walitti qabdu]? (27)-

Gaarreen ragga’oo dhedheeroo ishii keessatti goone. Bishaan mi’aawas isin

obaafne. (28)-Guyyaa san kijibsiiftotaaf ee badii isaanii! (29)-“Gara waan

sobsiisaa turtanii deemaa. (30)-Gara gaaddisa abbaa damee sadihii

deemaa.” [jedhamu]. (31)-Gaaddisa [qabbanaa’as] miti, laboobaa irraas

nama hin eegu. (32)-Dhugumatti ishiin qaanqeewwan akka gamoo darbiti.

(33)-Inni (qaanqichi) gaalota sufr fakkaata. (34)-Guyyaa san kijibsiiftotaaf

ee badii isaanii! (35)-Kuni Guyyaa isaan hin dubbanneedha. (36)-Uzrii akka

himatan isaaniif hin hayyamamu. (37)-Guyyaa san kijibsiiftotaaf ee badii

isaanii! (38)-Kuni Guyyaa addaan bahiinsaati; isinii fi warra duraanii walitti

qabne. (39)-Yoo tooftaa wayii qabaattan, tooftaa Natti baafadhaa. (40)-

Guyyaa san kijibsiiftotaaf ee badii isaanii! (41)-Dhugumatti, Muttaqoonni

gaaddisootaa fi burqaawwan keessa ta’u. (42)-Wanta fedhan irraa

fuduraalee [keessa ta’u]. (43)-“Sababa waan dalaga turtaniitif gammachuun

nyaadhaa dhugaa.” [jedhamu]. (44)-Dhugumatti, Nuti akka kanatti toltu

hojjattoota mindeessina. (45)-Guyyaa san kijibsiiftotaaf ee badii isaanii!

(46)-[Yaa warra kafare] nyaadhaa, xiqqoo qanani’aa dhugumatti isin

yakkamtoota. (47)-Guyyaa san kijibsiiftotaaf ee badii isaanii! (48)-Yommuu

“Ruku’a bu’aa” isaaniin jedhamu, ruku’a hin bu’an. (49)-Guyyaa san

kijibsiiftotaaf ee badii isaanii! (50)-Isa booda dubbii kamitti amanuu?”

Suuratu Al-Mursalaat 77:20-50

9

Ibsa Suuratu Al-Mursalaat

Qiyaamaan Dhufuun Haqa

“(1)-Wal duraa duubaan [bubbeewwan] ergamaniin; (2)-Humnaan

bubbisuu bubbisaniin; (3)-Faffacaastota faffacaasaniin nan kakadha; (4)-

Adda baastota adda baasaniin, (5)-Yaadannoo darbitootaan nan kakadha,

(6)- sababa dhabamsiisuuf yookiin akeekachisaaf. (7)- Dhugumatti wanti

isin waadaa galamtan ni argama.” Suuratu Al-Mursalaat 77:1-7

Akka lugaatti mursalaat jechuun “ergamtoota” jechuudha. Hayyoonni “wanti

ergame kuni ykn ergamtoonni kunniin maalidha?” jedhu ilaalchise hiikota

beekkamo lama kennanii jiru. Isaanis, bubbee fi malaykoota. Garuu harki caalaan

hayyootaa, “bubbee” jedhanii jiru.1 Kanaafu, gara Afaan Oromootti yommuu

deebisu bubbee jechuun fayyadame jira.

“Wal duraa duubaan [bubbeewwan] ergamaniin” Kana jechuun bubbee wal

duraa duubaan qananii fi rahmataan ergamaniin Nan kakadha. Bubbeen tuni

rooba rahmata Rabbii ta’een nama gammachiisti. Rabbiin subhaanahu wa

ta’aalaa ni jedha:“Inni bubbee gammachiisa taasisee rahmata Isaa dura Kan

erguudha.” Suuratu Al-A’araaf 7:57 (Asitti rahmanni Isaa rooba)

“Humnaan bubbisuu bubbisaniin” Ammas bubbee humnaan bubbistuun Nan

kakadha. Aayaata keessatti jecha heddumminna agarsiisu waan fayyadameef

1 Tafsiiru Qurxubii-21/494

10

akkuma jiruutti gara Afaan Oromootti deebise. Garuu ibsa keessatti akka namaaf

galuuf jecha tokke (singular) fayyadame. Bubbeen humnaan bubbistu tuni wanta

dachi irra jiru fuutee bakka tokko irraa bakka biraatti geessun hojii adda addaa

hojjatti. Hojii kana keessaa namoota kan fayyadu jira, ammas isaaniif qormaata

kan ta’uu fi isaan adabuufis kan ta’u jira. Bubbeen humnaan bubbistu tan adabbii

fiddu akka aadaa fi seeraa Rabbiitti bubbee rahmataa fi qananiin ergamtu booda

dhufti.

“Faffacaastota faffacaasaniin nan kakadha” Kana jechuun bubbee faffacaastu

taaten nan kakadha. Bubbeen tuni hurka bishaani ni faffacaasti. Hurka

kanarraayis duumessi ni uumama. Akkasumas, bubbeen tuni sanyii biqiltootaa fi

daakuu habaaboo bakka tokko irraa bakka biraatti faffacaasun biqiltoonni akka

bilchaatanii fi wal horan gahee taphatti. Ammas, bubbeen tuni gaazi fi wantoota

nama ukkaamsan ni faffacaasti.2 Rabbiin subhaanahu wa ta’aalaa haqa guddaa

gara fuunduraatti dhufu tokko mirkaneessuf bubbeewwan faaydaa guddaa fi

baay’ee qaban tanniinin kakate.

“Adda baastota adda baasaniin” Kana jechuun Malaaykota wanta dhugaa fi

soba addaan baasu fidaniin nan kakadha.3

“Yaadannoo darbitootaan nan kakadha” Kana jechuun Malaykoota ergaa fi

beeksisa (wahyii) Rabbii gara Ergamtootatti geessaniin kakadha.4 Wahyiin (ergaa

fi beeksisni) Rabbiin irraa gabrootatti dhufu isaaniif yaadannoo (zikrii) ta’a.

Wahyi kana keessatti faaydaa isaanii isaan yaadachiisa.

“sababa dhabamsiisuuf yookiin akeekachisuuf.” Ergaa fi beeksisni Rabbiin

irraa gara namootaa dhufe kuni wantoota sodaachisoo gara fuunduraatti isaanitti

dhufu akeekachiisu. Ammas, sababa isaan dhiyeefatan dhabamsiisu. Kanaafu,

Rabbiin biratti ragaa ittiin mormatan hin qaban.5 Guyyaa Qiyaamaa, “Rabbiin

irraa ergaan nutti hin dhufne” jechuun akka sababa hin dhiyeefanneef Rabbiin

subhaanahu kitaabban ni buuse, ergamtoota ni erge. Keeyyattoonni Rabbii erga

2 Ma’aariju Tafakkuri wa daqaa'iqu tadabburi-2/555-557 3 Zaadul Masiir-1503, Tafsiiru Xabarii-23/587-588 4 Tafsiiru ibn Kasiir-7/454 fi maddoota armaan olii 5 Tafsiiru Sa’dii-1066

11

isaaf ibsamanii booda namni kafaruun adabbiif of saaxile, sababa dhiyeefatu hin

qabu. Mataa ofii malee eenyullee hin komatu.

Rabbiin subhaanahu wa ta’aalaa wantoota armaan oliitin kan kakatuuf haqa

shakkiin keessa hin jirre namootaaf mirkaneessu fi isaan amansiisuufi. Haqa

kanas akkana jechuun ibse: “Dhugumatti wanti isin waadaa galamtan ni

argama.” Kana jechuun “Guyyaa Qiyaamaa xurunbaan ni afuufama, qaamonni

du’an ni kaafamu, namoota jalqaba irraa kaasee hanga dhumaa jiran dirree tokko

irratti walitti qaba, hunda isaanitiifu jazaa Nan kafala” jechuun waadaan Ani

isiniif gale ni argama. “ni argama” kana jechuun wanti waadaa galame kuni

dirqamaan ni ta’a, shakkii hin qabu.

Taatewwan Gurguddaa Addunyaa Keessatti adeemsifaman

Wanti Guyyaa Qiyaamaa waadaa galame kuni yommuu argamu, addunyaa

keessatti jijjiramni guddaa fi haalonni garmalee ciccimoo nama rifachiisan ni

uumamu. Mee haalota kanniin haa ilaallu:

“(8)-Yeroo urjiileen ifti isaanii haaqame. (9)-Yeroo samiinis babbanamte;

(10)-Yeroo gaarreenis bubbuqifaman; (11)-Yeroo Ergamtoonnis

beellamaan walitti qabaman; (12)-Guyyaa kamiif tursiifame? (13)-Guyyaa

Addaan bahiinsaatif. (14)-Guyyaan addaan bahiinsaa maal akka ta’e

maaltu si beeksisee? (15)-Guyyaa san kijibsiiftootaaf ee badii isaanii!”

(Suuratu al-Mursalaat 77:8-15)

Aayaata tanniin keessatti Guyyaan Qiyaamaa kuni addunyaa keessa jiraannu tana

keessatti jijjiramni akkami yoo adeemsifame akka dhufu hima. Guyyaa Qiyaamaa

12

jechuun Guyyaa namoonni du’an hundi kaafamuun murtiin isaan jidduutti darbee

takkaa gara Jannataa takkaa immoo gara Jahannam itti deemaniidha.

Yeroo akkamii Guyyaan Qiyaamaa kuni dhufaa? Yeroo urjiileen sarara irra

naanna’an (orbiiti isaanii) gadi furanii, ifti isaanii haaqamuun harca’anii fi

bittinnaa’an. Qur’aana keessatti iddoo biraatti Guyyaa Qiyaamaa haala urjiilee ni

dubbata:

“Yeroo Urjiileen harca’an” Suuratu At-Takwiir 81:2

Urjiileen ifa dhabuu fi harca’uun wantoota gurguddaa Guyyaa Qiyaamaa

adeemsifaman keessaa tokko. Wanti rifachisaan biroo Guyyaa san adeemsifamu,

samiin har’a wal-qixxooftu taatee fi qawwaa fi baqaqiinsa homaatu hin qabne

dhodhoo’u fi banamuudha. Guyyaa san samiin tuni dhodho’uu fi babbaquun ni

banamti. Namni tokko, “Urjiileen erga harca’anii fi samiin dhodhootee banamte,

aduu fi jiiyni hoo maal ta’uu?” jedhee gaafachu danda’a. Rabbiin subhaanahu wa

ta’aalaa Guyyaa Qiyaamaa wanta aduun taatu ilaalchise ni jedha:

“Yeroo aduun maramte.” Suuratu At-Takwiir 81:1

Akkuma beekkamu hammi aduu hamma dachii caala. Garuu waan nurraa

fagaatteef xiqqoo fakkaatti. Yommuu Qiyaamaan dhootu, akkuma amaamaan

maramu aduunis ni maramti. Aduun yoo walitti maramte, ifni ishii ni badaa

jechuudha.

Jiiynis ifa dhabuun aduun akka walitti makamu Suuratu Al-Qiyaamah keessatti

ni dubbata:

13

“[Yeroo] Jiiyni dukkanaa’u (ifa dhabu), Aduu fi jiiyni walitti qabaman.”

Suuratu Al-Qiyaamah 75:8-9

Aduun ji’a liqimsuun bakka tokkotti walitti qabamu.

Wantoonni armaan olitti kaasne wantoota nu olitti adeemsifamaniidha. Samii fi

wantoota ishii keessa jiranitti taatewwan gurguddaan kunniin ni adeemsifamu.

Dachii irratti hoo maaltu adeemsifamaa? Itti aansun ni dubbata: “Yeroo

gaarreenis bubbuqifaman”

Gaarreen gurguddaa fi dhedheeron arginu kunniin bakka isaaniiti bubbuqifamuun

daaraa ta’u. Dachii irratti wanti gaara jedhamu hin mul’atu. Rabbiin subhaanahu

wa ta’aalaa ni jedha:

بال ٱل وك عن ويس ﴿ نسفا ل ها رب ل ينسف ﴾١٠٥فق

“Waa’ee gaarreenii si gaafatu. “Gooftaan kiyya faffacaasu isaan

faffacaasa.” jedhiin.” (Suuratu Xaahaa 20:105)

Kana jechuun gaarreen bakka isaaniitii isaan deemsiisuu fi bubbuqisuun akka

jibrii iddamtee ykn akka ashawaa taasisa. Ergasii waliin dhawuun akka awwaara

ykn dhukkee bunnisuu godha. Dachiin hoo akkam taati? Gaarreen erga irraa

buqqa’anii daaraa ta’anii booda dachiin dirree wal qixxooftu bu’aa bayii

homaatu hin qabne taati. Rabbiin subhaanahu wa ta’aalaa ni jedha:

“Lafa wal qixxaataa biqilaa hin qabne taasisee dachii dhiisa. Ishii keessattis

bu’aa bahii homaatu hin agartu.” Suuratu Xaahaa 106-107

Dachii fi samii keessatti jijjiramni hangana hin jedhamne ni adeemsifama. Itti

aanse haala namoota dubbata: “Yeroo Ergamtoonnis beellamaan walitti

qabaman”

Beellamni (qaxaroon) kuni “Guyyaa kamiif tursifamee?” Kuni gaafi guddinna

Guyyaa kanaa agarsiisudha. Ergasii akkana jechuun deebise, “Guyyaa Addaan

14

bahiinsaatif” Kana jechuun Guyyaa Rabbiin subhaanahu wa ta’aala uumamtoota

jidduutti murteessuf tursifame. Guyyaa kana keessa ilmaan namaa hojii isaanii

irratti hundaa’e gara Jannataa fi ibiddaatti addaan baafamu (fooyamu).

Guyyaan Qiyaamaa Guyyaa Ergamtoonni walitti qabamuun isaanii fi ummata

isaanii jiddutti murteefamuudha. Rabbiin subhaanahu wa ta’aalaa ni jedha:

قت ﴿ شرض ٱوأ

لكتب ٱبن ور رب ها وو ضع ل ٱوجايء ب ن لنبي

هداء ٱو لش م ب ون لق ٱوق ض بينه ظلم م ل ي ﴾٦٩وه

“Dachiinis ifa Gooftaa ishiitin ni ifti. Galmeenis ni kaa’ama. Nabiyyoonni fi

ragooleen ni fidamu. Gidduu isaanitti haqaan murteefama, isaan homaa

hin miidhaman” Suuratu Az-Zumar 39:69

Guyyaa Qiyaamaa ifti amma jiru ni bada. Akkuma irranatti ilaalle, aduun ni

maramti, jiiyni ifa dhaba, urjiileenis ifni isaanii haaqamun harca’u. Kanaafu,

namoonni dukkana keessa ta’u. Yeroo kanatti “dachiin ifa Gooftaa ishiitin ni

ifti.” Yommuu Rabbiin guddaan olta’ee namoota jidduutti murteessuf dhufu,

dachiin ifa Isaatin ifti. “Galmeenis ni kaa’ama.” Kana jechuun kitaabni hojiin

namootaa keessatti galmeefame ni dhiyeefama. Namni hundi wanta gaarii fi

badaa hojjate kitaaba kana keessatti ni argata. Akkana isaan jedhama:

ٱ﴿ ﴾١٤علي حسيبا لوم ٱكتب كف بنفس قرأ

“Kitaaba kee dubbisi. Har’a ati mataan kee of irratti herregaa ta’uuf

gahaadha.” Suuratu Al-Israa 17:14

"Nabiyyoonni fi ragooleen ni fidamu." Ummata isaaniitti ergaa geessu isaanii

gaafatamuf, isaan irratti ragaa bahuuf Nabiyyoonnis ni fidamu. Ragooleenis ni

fidamu. Ragooleen kunniin, malaaykoota, kutaalee qaamaa, hordoftoota

Nabiyyootaa namoota waan gaariitti ajajanii fi waan badaa irraa dhoowwaniidha.

15

“Gidduu isaanitti haqaan murteefama” Kana jechuun haqa guutuun namoota

jidduutti murteefama. Sababni isaas, qorannoon Rabbii nama hin miine, wantoota

hundaa takka takkaan beeku irraa kan baheedha. Ammas, wanti isaan hojjatan

hundi Malaykoota kabajamoo ajaja Isaa gonkumaa hin faallessineen kan

galmaa’edha. Ammas, ragooleen isaan irratti ragaa bahu. Kanaafu, osoo homaa

hin miidhamin haqaan isaan jidduutti murteefama.6 Hojii isaa irratti hundaa’e kan

badhaafamu qabu ni badhaafama, kan adabamu qabu ni adabama.

Itti aanse Guyyaa Guddaa uumamtoota jidduutti murteefamu kana nama

kijibsiise, akkana jechuun akeekachiisa: “Guyyaa san kijibsiiftotaaf ee badii

isaanii!” Kijibsiiftoota jechuun namoota Guyyaan Qiyaamaa soba akka ta’etti

yaadaniidha. Namoonni du'an lamuu hin kaafaman jechuun yaadu. Namoota

wanta akkanaa yaadanii fi amananiif ee badii isaanii. Guyyaa san yaa gaabbii fi

ciminna adabbii isaanii! Rabbiin subhaanahu waa’ee Guyyaa kanaa isaanitti

beeksisee fi kakachuun akka dhufu mirkaneesseefi jira. Garuu isaan kana hin

dhugoomsine. Kanaafu, adabbii isaaniif malu argatu.7 Akeekachisni jabaan kuni

suurah tana keessatti irra deddeebi’uun dhufe. Kunis, karaa nafsee kijibsiisuu fi

shakkiin dhukkubsatte ittiin fayyisaniidha. Qorichi akkuma irra deddeebi’anii

dhuganiin ykn liqimsaniin fayyaa namaaf ta’aa miti ree?

Namoonni sababa kufrii fi badii gurguddaa biroo hojjataniin

lafarraa xuruuramu

“(16)-Sila Nuti warra duraani hin balleessinee? (17)-Ergasii warra boodaa

isaan hordofsiifna. (18)-Akka kanatti yakkamtootatti hojjanna. (19)-

Guyyaa san kijibsiiftotaaf ee badii isaanii!” Suuratu Al-Mursalaat 77:16-19

6 Tafsiiru sa’adii-858, Ma’aariju tafakkuri wa daqaa’iqu tadabburi-12/278-279 7 Tafsiiru Sa’dii-1066

16

Arabiffa keessatti guddinnaa fi aangoo agarsiisuuf maq-dhaala“nuti” jedhu

fayyadamuun wanta baratamee fi beekkameedha. Kanaafu, keeyyattoota

Qur’aanaa keessatti Rabbiin “Nuti” jedhe yommuu fayyadamu, Guddinnaa fi

Aangoo Isaa agarsiisuufi. Asitti “Nuti” baay’inna hin agarsiisu. Rabbiin olta'e

Tokkicha waan ta’eef.

“Sila Nuti warra duraani hin balleessinee?” Wanta Seera Jazaa Rabbii

agarsiisu keessaa tokko Rabbiin azza wa jalla yakkamtoota duraanii ergamtoota

Gooftaa isaanii fi Guyyaaa Murtii kijibsiisan balleessudha. Yakkamtoota kanniin

keessaa ummata Nuuh, ummattoota Samuudi fi Aad ni eeramu.

Rabbiin yakkamtoota duraanii balleessun seenaa beekkamaadha. Hafteen isaanii

gariin ni mul’ata. Gooftaan hakiim (ogeessa), rahiim ta’e isaan hin balleessu

sababa badii gurguddaa isaan keessa turaniif malee. Kanaafu, badii hojjachuu yoo

itti fufan, ogummaa irraa yakkamtoota kanniin balleessun dachii qulqulleessudha.

Rabbiin arraba ergamtootaatin balleessaa guutuu akka isaan balleessu

akeekachiise jira. Garuu isaan akeekachisa Rabbii akka salphaatti ilaalan. Wanta

Rabbiin itti ajajee fi irraa dhoowwetti xiyyeefannoo itti hin kennine. Dachii

keessatti badii ni baay’isan. Kanaafu, Gooftaan isaanii isaan balleesse.

Yakkamtoonni darban sababa badii isaanitiin akka lafarraa xuruuraman

mirkaneessuuf haala gaafitiin dhufe: “Sila Nuti warra duraani hin

balleessinee?” Seenaan yakkamtoota darbanii lafarraa xuruuraman beekkamaa fi

hafteen isaanii iddoo adda addaatti kan mul’atu waan ta’eef, namni gaafi kanaaf,

“Eenyen, Rabbiin isaan balleesse jira” jechuun mirkaneessa. Kanaafu, namni

aaqilli badii isaan hojjatan hojjachuun adabbiif of hin saaxilu. Badiin kunis kufrii

fi badii gurguddaa biroodha.

“Ergasii warra boodaa isaan hordofsiifna.” Yeroo dheeraa booda

yakkamtoonni biroo yakkamtoota jalqabaatin wal fakkaatan yommuu argaman,

balleessaa guutuu isaan balleessina.8 Jecha biraatin, akkuma yakkamtoota darban

sababa kufrii fi badii isaaniitiif balleessine, yakkamtoota isaan booda dhufanii

akkuma isaanii kafaranii fi badii hojjatanis ni balleessina.

8 Ma’aariju Tafakkuri wa daqaa’iqu tadabburi-2/573

17

Rabbiin subhaanahu wa ta'aalaa ummata Nuuh, ummattoota Aadi fi samuud

sababa kufrii fi badii isaanitiin isaan balleesse jira. Ummattoota isaan booda

dhufaniis kanneen akka ummata Luux, Madiyan, Fira’awna fi ummata isaa

akkuma yakkamtoota durii badii waan hojjataniif ni balleesse. Kuni seeraa Rabbii

hin jijjiramneedha. Rabbiin subhaanahu yakkamtoota yeroo kennaaf. Garuu

akkanumatti osoo hin qabinii fi hin adabin hin dhiisu. Kanaafi itti aanse ni jedha:

“Akka kanatti yakkamtootatti hojjanna.” Kana jechuun akkuma yakkamtoota

darban kanniin sababa kufrii fi kijibsiisuu isaanitiif balleessine, akkuma kana

seerri Kiyya ummattoota kaafira9 isaan fakkaatan keessatti hojii irra oola.

Kanaafu, yakkamtoota sababa yakka isaaniitiif yommuu daangaa darban isaan

balleessina.10 Ergaan namootaaf dabarfamu barbaadame, “Akkuma yakkamtoota

darbanii kufrii fi badii gurguddaa hojjachuu itti hin fufinaa. Akkuma isaanii yoo

itti fuftan adabbiin isinitti bu’aati.” Dhugumatti seerri kuni yeroo ammaa keenya

kana keessattis ni mul’ata. Hoongeen, waraanni, roobni cimaan, kirkirrii lafaa fi

kkf sababa namoonni badii gurguddaatti taraniifi.

“Guyyaa san kijibsiiftotaaf ee badii isaanii!” Keeyyattoota, ragaalee,

mallattoolee ifaa fi adabbii fakkeenyaa erga arganii booda warra Guyyaa

Qiyaamaa kijibsiisaniif ee badii isaanii!11

Ragaalee Kaafamuun Haqa ta'uu agarsiisan keessaa

“ (20)-Sila Nuti bishaan dadhabaa irraa isin hin uumnee? (21)-Iddoo

qubannaa tasgabbaa’a ta’e keessas isa goone. (22)-Hanga yeroo

beekkamaatti. (23)-Ni safarres, Nuti safartoota [hunda caalaa] akkaan

9 Kaafira jechuun nama Rabbitti fi arkaana iimaanaa birootti hin amanne, 10 Tafsiiru Xabarii-23/594 11 Tafsiiru Sa’dii-1067

18

tolle. (24)-Guyyaa san kijibsiiftotaaf ee badii isaanii!” Suuratu Al-Mursalaat

77:20-24

“Sila Nuti bishaan dadhabaa irraa isin hin uumnee?” Aayah keessatti, mahiin

jechuun xiqqaa, dadhabaa, tuffatamaa jechuudha. “maa’a” jechuun immoo

bishaani. Bishaan dadhabaan, xiqqaan, tufatamaan kuni dhangala’aa saalaati. Yaa

namoota! Du'aan booda Guyyaa Qiyaamaa kaafamu yoo shakkitan, sila Nuti

dhangala’aa saalaa dadhabaa, xiqqaa fi tuffatamaa ta’e irraa isin hin uumnee?

Bishaan dadhabaa, xiqqaa fi tuffatamaa kanarraa Kan isin uumee, akkamitti

lamuu isin deebisee uumuu dadhabaa? Akkuma isinu beektan, jalqaba irratti

uumuu kan danda’e lamuu deebisuun isa hin dhibu. Inumaa lamu deebisuun Isaaf

salphaadha. Rabbiin subhaanahu wa ta’aalaa ni jedha:

“Inni uuminsa Kan jalqabu, ergasii deebisuudha. Suni (deebisuun) Isa

irratti baay’ee salphaadha.” Suuratu Ar-Ruum 30:27

Uumamtoota uumuu Kan jalqabu Rabbiin qofa. Isaan ala eenyullee uumamtoota

uumuu hin danda’u. Akkuma jalqaba irratti isaan uume, yommuu du’an Kan

deebisu Rabbuma. Erga du’anii booda uumamtoota deebisuun ykn kaasun

Isarratti baay’ee salphaadha. Kanaafu, Qiyaamaa hin shakkinaa. Namoota

jalqabaa irraa kaasee hanga dhumaa jiran kaasun ni ulfaata jettanii yoo yaaddan,

kuni Isarratti salphaadha. Namoota biliyoonatti lakkaawaman Kan uume, lamuu

isaan kaasun Isa hin dhibu. Ni jedha:

إن ﴿ م إل كنفس وحدة م ول بعث ك ك ا خلق ٱم بصير لل ﴾٢٨سميع

“Uumamni keessanii fi kaafamni keessan akka nafsee (lubbuu) takkatti malee

homaayyu miti. Dhugumatti Rabbiin dhagahaa, argaadha.” Suuratu Luqmaan

31:28

Namoota dhaloota jalqabaa irraa kaase hanga dhaloota dhumaatti jiran hunda

uumuu fi kaasun Rabbiin biratti akka lubbuu takkatti uumu fi kaasuti. Sababni

19

isaas, Rabbiin wanta tokkoon “ta’i” yoo jedhe, wanti suni yoosu ta’ee argama. Inni

waan hundaa irratti Danda’aa homtu Isa hin dadhabsiifnedha.

“Iddoo qubannaa tasgabbaa’a ta’e keessas isa goone.” Kana jechuun

dhangala’aa saalaa kana gadaamessa haadhaa keessa goone. Gadaamessi haadhaa

iddoo qubannaa guddinnaa fi dagaaginna bishaan saalaa kanaaf mijaa’aa fi

tasgabbaa’a ta’eedha. Achi keessatti maxxanuun hanga nama guutuu ta’e bahuu

guddachu itti fufa. Bakka kana (gadaameessa) Kan mijeesse fi achi keessatti

dhangala’aa kana Kan qubsiise Rabbii olta’aadha. “Hanga yeroo

beekkamaatti.” Hamma yeroo beekkamaa fi murtaa'atti dhangala’aan saalaa

kuni gadaamessa keessatti hanga nama guutuu ta’u guddachuu fi dagaagu itti fufa.

Ergasii ni dhalata.

“Ni safarres” Kana jechuun Uuminsa ulfaa (daa’imaa) keessatti safara fi hamma

wanta hundaa murteessinee fi daangaa goonefi jirra. 12 Fakkeenyaf hanga,

dheerinna, bocaa fi amala kutaalee qaama hunda safaruu fi murteessu.

“Nuti safartoota [hunda caalaa] akkaan tolle.” Eenyullee akka Rabbiin safaruu

fi murteessutti safaruu fi murteessu hin danda’u. Kanaafu, warroota waa safaranii

fi murteessan caalaa wantoota hundaa dogongora tokko malee kan safaruu fi

murteessu Rabbii olta’aaf faarun hundi haa ta’u.

Copha bishaani irraa ilma namaa kana kan akkanatti uume du’aan booda

deebisuun Isatti ulfaataa? Rabbiin dadhabbinna irraa olta’e qulqullaa’e. Rabbiin

namoota du’an akka deebisuu danda’u ragaan ifaa fi shakkii hin qabne erga

dhiyaate booda, nama Qiyaamatti hin amanneef akeekachisni ta’uu, “Guyyaa

san kijibsiiftotaaf ee badii isaanii!”

Qiyaamaan haqaa hin kijibsiisin, ni baddaati

Yaa nama Guyyaa Qiyaamatti hin amanne! Mee wanta irraa uumamte ilaali.

Dhangala’aa saalaa dadhabaa, xiqqaa fi tuffatamaa irraa uumamte. Dhangala’aan

saalaa kuni dadhabaa fedhii, beekumsaa fi dandeetti waan hin qabneef ofiin of

uumuu hin danda’u. Kanaafu, dhangala’aa kanarraa kan si uumee Rabbii olta’aa

12 Ma’aariju Tafakkuri wa daqaa’iqu tadabburi -2/577

20

waan hundaa irratti danda’aa ta’eedha. Jalqaba irratti dhangala’aa kanarraa si

uumuu Kan danda’e, erga duutee biyyee taates lamuu si uumuu irratti

danda’aadha. Sababni isaas, jalqabarratti wanta tokko hojjachuu kan danda’e,

lamuu wanta san hojjachuun itti hin ulfaatu. Kanaafu, ragaa ifaa kana booda

Qiyaamaa hin kijibsiisni ni baddaati. “Guyyaa san kijibsiiftotaaf ee badii

isaanii!” Qur’aana keessatti Rabbiin subhaanahu wa ta’aalaa ni jedha:

“Dhugumatti Qiyaamaan dhuftuudha. Ishii dhoksuutti dhiyaadha. Akka

lubbuun hundi wanta hojjatteen jazaa argattuuf, [Qiyaamaan ni dhufti].

Kanaafu, namni ishiitti hin amannee fi fedhii lubbuu isaa hordofe ishii irraa

si hin garagalchin, ni baddaati.” Suuratu Xaahaa 20:15-16

“Dhugumatti Qiyaamaan dhuftuudha” kana jechuun Yeroon namoonni du’an

jireenya lammataatif itti kaafaman ni dhufti, shakkii hin qabu. Sababni isaas,

karoora uuminsaa keessaa tokko waan taateef. Karoorri jalqabaa addunyaa tana

keessatti namoota qormaatu yoo ta’u, karoorri kunis raawwatamaa jira. Karoorri

lammataa immoo qorannoo, murtii dabarsuu fi jazaadha. Kuni immoo jireenyi

addunyaa tanaa erga xumurame booda Guyyaa Qiyaamaa raawwatama. Kanaafu,

Qiyaamaan dhufuun dirqama.

“Ishii dhoksuutti dhiyaadha.” Of irraayyu dhoksuutti dhiyaadha. Akkamitti

akka isin beektan taasisaa? Kanaafu, Ana malee yeroo Qiyaamaan itti dhuftu kan

beeku hin jiru.13 Akka aadaa Arabootaatti yommuu wanta tokko garmalee

dhoksan ni jedhu, “Of irraayyu dhokse.” Kana jechuun wanta dhokse kana

eenyuttillee hin beeksisu.14

Yeroo Qiyaamaan itti dhaabbattu Rabbiin malee kan beeku hin jiru. Faaydan

akkanatti ishii dhoksuu keessa jiru, akeekachisuu fi namoonni hojii gaggaarii

13 Tafsiiru Xabarii,16/35 Tafsiir ibn Kasiir-5/274, Zaadul Masiir-fuula 901 14 Zaadul Masiir-fuula 901, ibn Al-Jawzi

21

hojjachuun akka of qopheessanii fi of eeggataniifi. Namni yoom diinni isatti akka

dhufu yoo hin beekne, garmalee of eeggata.15

“Akka lubbuun hundi wanta hojjatteen jazaa argattuuf, [Qiyaamaan ni

dhufti].” Jazaa jechuun gaaris ta’ee badaa irraa wanta hojii saniif maluun deebisuudha.

Jazaan kuni mindaa fi adabbii of keessatti qabata. Namni waan gaarii hojjate

mindaa gaarii akka argatuuf, namni waan badaa hojjate adabbii isaaf maluu akka

adabamuuf Qiyaamaan ni dhaabbatti. “Kanaafu, namni ishiitti hin amannee fi

fedhii lubbuu isaa hordofe ishii irraa si hin garagalchin,” Kana jechuun namni

Qiyaamatti hin amannee fi fedhii lubbuu isaa hordofu, Qiyaamatti amanuu fi

Jannata qananii keessatti mindaa guddaa Guyyaa san argataniif hojjachuu irraa si

hin garagalchin, si hin ko’oomsin. Namni Qiyaamatti hin amanne, shakkuu fi

shakkisisuuf carraaqa. Namni kuni fedhii lubbuu kan hordofu yommuu ta’u,

fedhiin isaa hundi faayaa fi miidhaginna addunyaatti tan rarraatedha. Tarii fedhii

lubbuu hordofuu isaatu argituu beekumsaa jaamse. Kanaafu, Qiyaamaa fi jazaaf

kaafamutti ni kafare. “ni baddaati.” Kana jechuun karaa nama Qiyaamatti hin

amannee fi fedhii lubbuu hordofu duuka bu’uun Qiyaamatti amanuu yoo didde fi

ishiif hojjachuu irraa yoo garagalte, ni badda. Qilee badiitti kuftee dallansuu fi

adabbiin Rabbii sitti bu’a.16

“(25)-Sila Nuti dachii walitti qabattuu hin taasifnee? (26)-Jiraa fi

du’aas [tan walitti qabdu]? (27)-Gaarreen ragga’oo dhedheeroo ishii

keessatti goone. Bishaan mi’aawas isin obaafne. (28)-Guyyaa san

kijibsiiftotaaf ee badii isaanii!” Suuratu Al-Mursalaat 77:25-28

“Sila Nuti dachii walitti qabattuu hin taasifnee? Jiraa fi du’aas [tan walitti

qabdu]?” Kana jechuun dachii jiraataa keessanii fi du’aa keessan tan walitti

15 Madda olii 16 Ma’aariju Tafakkuri wa daqaa’iqu tadabburi-8/57-58, Tafsiiru Sa’dii-586

22

qabduu hin goonee? Iddoo jireenyaa fi mana keessatti jiraattota ofirratti qabdi.

Warroota du’an immoo qabrii keessatti of keessatti qabatti.17 Garaa dachii keessa

du’aatu jiraata. Gubbaa dachii keessa immoo lubbu-qabeenyitu jiraata. Kanaafu,

dachiin jiraa fi du’aa tan walitti qabattee fi sassaabdeedha.

Wanti bu’uuraa dachii “biyyee fi bishaani.” Dachiin qabee jireenyaati malee

mataa ofiitin lubbuu tana qabduu miti. Lubbuun wanta ishii irraa adda baheedha.

Kana jechuun lubbuun tuni gara biraati ishii keessatti seensifamti. Lubbu-

qabeenyitti lubbuu kan seensisu dachii osoo hin ta’in, Rabbii olta’aadha.

Hammaarri biyyeetti lubbuun yoo seensifamte, hammaarriin kuni qabee lubbuu

of keessatti qabatu ta’a. Yeroo du’aa lubbuun tuni qaama hundeen isaa biyyee

ta’ee irraa fudhatamti. Ergasii qaamni gara biyyeetti deebi’a. Lubbuun itti seenun

dura haala duraan turetti deebi’a.

Dachiinis qaama du’e hanga nyaatte balleesisutti of keessatti qabatti. Ergasii

biyyema dachii tanarraa jireenyi biraa ni uumamti. Tarii qaama duraan du’ee

biyyetti deebi’e irraa wanti tokko ijaarsa qaamaa haarawaa kana keessa seenu

danda’a. Haala kanaan du’aa fi jireenyi dachii tana keessatti irra deddeebi’u.

Akkuma mul’atu, dachiin qabee guddaa murtii, uuminsaa fi too’annaa Rabbiitin

lubbu-qabeenyin keessaa ol yaa’aniidha. Ammas, murtii, uumiinsaa fi too’annaa

Rabbiitin wantoonni du’an dachitti deebi’u. Tarii hammaarrin biyyee fi bishaan

dachii, jireenyaa fi du’a jidduu si'a baay’ee deddeebi’an.18 (Kana jechuun wanti

tokko yommuu du’u gara biyyeetti jijjirama. Biyyee tana irraa biqiltoonni ni

biqilu. Biqiltoota kana irraa lubbu-qabeenyin ni nyaatu. Nyaanni kuni gariin

qaama keessa deemun gara dhangala’aa salaatti jjjirama. Dhangala’aa saalaa

kanarraa namni ykn lubbu-qabeessi ni uumama. Ammas, lubbu-qabeessi kuni

guddatee ni du’a. Ergasii qaamni isaa gara biyyeetti jijjirama. Biqiltoonni biyyee

kanarratti ni guddatu. Ergasii lubbu-qabeessi biroo biqiltoota kanarraa ni nyaata.

Nyaanni kuni gara dhangala’aa saalaatitti jijjirama. Haala kanaan jiruu fi duuti

si’a baay’eef deddeebi’u. Wanti asitti hubatamu qabu, biyyee fi bishaan hundee

ykn bu’uura qaamni namaa irraa ijaarramuudha. Garuu lubbuun alarraa qaama

17 Tafsiiru Xabarii-23/596 18 Ma’aariju tafakkuri wa daqaa'iqu tadabburi-2/579-586

23

biyyee fi bishaan irraa ijaarrame kanatti seenti. Qaama kanatti lubbuu Kan

seensisu Rabbii olta’aadha.)

Kanaafu, maaltu Rabbiin subhaanahu wa ta’aalaa Guyyaa Qiyaamaa namoota

kaasu akka hin danda’amnetti akka ilaalan nama taasisa ree? Jecha biraatin,

maaltu, “Namoonni erga du’anii booda hin kaafaman” jedhanii akka yaadan nama

taasisa ree? Dachiin tuni qabee waa of keessatti qabattu malee lubbuu tan uumtu

miti. Bu’uurri qaama lubbu-qabeenyi biyyee fi bishaani jennee jirra. Qaama

biyyee fi bishaan irraa erga walitti qabee booda lubbuu itti seensisuun nama

Kan taasise, erga du’anii booda biyyee fi bishaan irraa walitti isaan qabuun

lubbuu itti seensisee lamuu isaan hin kaasuu? Dhugumatti, Rabbiin waan

hundaa irratti danda’aa waan ta’eef namoota du’anii biyyee ta’an lamu uumuun

lubbuu isaanitti ni seensisa. Ergasii qorannoo fi jazaaf isaan kaasa. Suuratu

Xaahaa keessatti dhugaa kana akkana jechuun ifa baasa:

خرى ﴿ م تارة أ ك رج م ومنها ن ك م وفيها ك عيد ﴾٥٥۞منها خلقنك

“Ishii irraa isin uumne, ishii keessatti isin deebifna. Yeroo biraas ishii

keessaa isin baafna.” Suuratu Xaahaa 20:55

Kana jechuun dachii irraa isin uumne. Kana jechuun biyyee fi bishaan ishii irraa

qaama keessan uumne. Du’aan boodas gara dachiitti isin deebisna. Biyyee keessa

taatu. Yeroo biraa dachima tanarraa isin baafna. Qorannoof, murtiif, ergasii

mindaa kafaluu fi adabuuf yeroo lammataaf gara jireenyaatti isin deebisna.19 Kuni

Guyyaa Qiyaamaa ta’a.

Isin homaa kan hin turree taatanii osoo jirtanuu dachii irraa isin uumne. Akkuma

yeroo jalqabaa isin baasne du’aan boodas dachima irraa isin baasna.20

“Gaarreen ragga’oo dhedheeroo ishii keessatti goone.” Kana jechuun dachii

keessatti gaarreen sirritti gadi dhaabbatan, lafa qabatanii fi dhedheeroo taasifne

jirra. Rabbiin subhaanahu wa ta’aalaa gaarreen ibsa lamaan ibse: gadi dhaabbatoo

19 Ma’aariju tafakkuri wa daqaa'iqu tadabburi- 8/146 20 Tafsiiru Xabarii-16/87

24

fi dhedheeroo. Ibsa lamaan kana dubbachuun xiyyeefannoo fi kunuunsa Rabbiin

gabroota Isaa dachii keessa jiraataniif kenne agarsiisa. Gaarreen dachii keessatti

gadi dhaabbachuu fi sirritti hidda qabachuun dachii tasgabbeessa. Yeroo hundaa

dhiibbaa keessaa fi kirkiraaf akka hin saaxilamne eega.

Ammas, gaarreen dhedheeroo ta’uun namootaa fi wantoota birootiif faayda

baay’ee fidaaf. Gaarreen kana keessa bishaan mi’aawan ni kuufama. Dhagaa

isaanii irraayis namoonni ijaarsaaf itti fayyadamu. Yeroo duulaas gaarreen

keessatti dhokachuun of eegu.21

“Bishaan mi’aawas isin obaafne.” Kana jechuun bishaan mi’aawa dhugaatif

ta’u duumessa irraa buusun isin obaafne. Rabbiin subhaanahu wa ta’aalaa ni

jedha:

"Sila bishaan dhugdan san argitanii? Isintu duumessa irraa buuse moo Kan

buuse Nuhi? Osoo feene ashaboo [kuraawaa] isa taasifna. Kanaafu, maaliif

[Rabbiin] hin galateefannee?” Suuratu Al-Waaqi’a 56:68-70

Yaa namoota! Bishaan dhugaatii namatti tolu, kuraawaa fi hadhaawaa kan hin

taane san itti xinxallitanii? Isintu duumessa irraa buusee moo Nutu buusee?”

Osoo Rabbiin subhaanahu wa ta’aala duumessa irraa bishaan dhugaatiif namatti

tolu buusu baate, eenyutu buusaa? Ilmaan namaa guutuun osoo walitti qabamanii

copha bishaani takka buusu hin danda'an. Rabbii olta’aa malee bishaan qulqulluu

duumessa irraa kan buusu hin jiru. Kana hubachuuf mee yeroo hoonge haala

namootaa ilaali. Yeroo hoongee roobni dhabamu san namni hunduu gara Rabbii

olta’aa fiiga. Osoo namoonni ofii kan buusan ta’anii, silaa duumessa irraa bishaan

ni buusu turan. Garuu, Rabbii Tokkicha malee eenyullee bishaan kana hin buusu.

21 Ma’aariju tafakkuri wa daqaa'iqu tadabburi -2/582-583

25

Gaarreen gurguddaa fi dhedheeroo kanniin uumuu fi bishaan mi’aawa duumessa

irraa buusun namoota obaasun wantoota guddinna dandeetti Rabbii fi ogummaa

Isaa agarsiisaniidha. Kunis du’aan booda jireenya lammataaf kaafamuun haqa

akka ta’ee ragaa amansiisaa namaaf dhiyeessa. Jireenya lammataa kana keessatti

qorannoon, murtii fi jazaan ni adeemsifama. Kanaafu, ragaalee nama amansiisan

booda nama Guyyaa Qiyaamaa kijibsiisuu, “Guyyaa san kijibsiiftotaaf ee badii

isaanii!” jedhee akeekachisuun wanta maluudha.

Adabbii Namoota Qiyaamaa Kijibsiisanii (akka sobaatti

ilaalanii)

Asi olitti ragaalee nama amansiisan Qiyaamaan haqa ta’uu agarsiisan erga

dhiyeesse booda, namoota Qiyaamaa kijibsiisaniif adabbii isaan eeggatu hima:

“(29)-Gara waan sobsiisaa turtanii deemaa. (30)-Gara gaaddisa abbaa

damee sadihii deemaa.” [jedhamu]. (31)-Gaaddisa [qabbanaa’as] miti,

laboobaa irraas nama hin eegu. (32)-Dhugumatti ishiin qaanqeewwan akka

gamoo darbiti. (33)-Inni (qaanqichi) gaalota sufr fakkaata. (34)-Guyyaa

san kijibsiiftotaaf ee badii isaanii!” Suuratu Al-Mursalaat 77:29-34

Rabbiin subhaanahu wa ta’aalaa keeyyattoota tanniin warroota Guyyaa Murtii

kijibsiisan dubbisuun jalqaba. Dubbiin kuni Guyyaa Murtii wanta isaanitti

qajeelfamu keessaa fakkii murameedha. Gara Jahannam akka deeman yommuu

ajajaman dubbiin kuni sammuu keessatti fakkii kaasa.

Rabbiin subhaanahu kijibsiiftota irratti erga murteesse booda Guyyaa Qiyaamaa

maal akka isaaniin jedhamu jireenya addunyaa keessatti namootaaf hima.

Qur’aanni wanta gara fuunduraatti raawwatamu akka waan raawwatametti kan

26

ibsuuf, gara fuunduraatti wanti suni dirqamaan akka raawwatamu namootatti

beeksiisuufi. Wanta gara fuunduraatti raawwatamu akka waan raawwatameetti

ibsuun yeroo Qur’aanni bu’utti Araboota biratti sirna dubbii beekkamaa hin turre.

Yeroo ammaa keenya kana keessatti, namoonni fiilmi hojjatan kanneen taatee

(gocha) wanta tokkoo odeessan sirna dubbii kana argatanii jiru. Fiilmi hojjachuun

dura, wanta gara fuunduraatti raawwatamu qabu ni odeessu ykn ni barreessu.

Ergasii wanta odeessan ykn barreessan kana fiilmi keessatti hojii irra oolchu.

Rabbiin subhaanahu wa ta’aalaa waan hundaa beeku, Guyyaa Qiyaamaa haqa

ta’uu ilaalchise ragaalee amansiisoo erga dhiyeesse booda gara wanta Guyyaa san

kijibsiiftotaan jedhamutti darbe. Kijibsiiftoonni akka waan amma tanatti Guyyaa

Murtii keessa jiranitti isaan dubbise:

“Gara waan sobsiisaa turtanii deemaa.” Kana jechuun yeroo addunyaa keessa

turtan sanitti gara wanta sobsiiftaniitti deemaa. Wanti isaan sobsisaa turan kuni

ibidda Jahannami. Kaafironni addunyaa irratti, “Adabbiin ibiddaa hin jiru”

jechuun yaadaa turan. Adabbii Jahannam ilaalchise wanti Ergamtoonni fi

hordoftoonni ergamtootaa isaanitti himan akka sobaatti ilaalaa turan. Guyyaa

Qiyaamaa adabbii Jahannam kana ijaan argu. Akkana isaaniin jedhama:

“Tuni ibidda isin sobsiisaa turtaniidha. Sila kuni sihriidha moo isin hin

agartanii?” Suuratu Ax-Xuur 53:14-15

Ibiddi kuni sihrii (falfala) sobaati moo isintu hin arginee? Kuni isaan gaafachuuf

osoo hin ta’in isaan waqqasuufi. Nama tokko yommuu waqqasnu, akka gaafatti

dubbii keenya dhiyeessinaaf. Guyyaa Murtii ibiddi Jahannam haqa ta’ee waan

arganiif jalaa dheessu hin danda’an. Kanaafu, “Gara gaaddisa abbaa damee

sadihii deemaa.” isaaniin jedhama. Kana jechuun gara aara Jahannam bakka

sadiitti qoodametti deemaa. Aarri Jahannam yommuu olka’uu bakka saditti

qoodama. Haaluma kanaan aarri ibidda guddaa yommuu olka’u ni qoqqodama.

Aarri kuni gaaddisa qaba. Ergasi gaaddisa aaraa kanaa maal akka ta’e ni ibse:

“Gaaddisa [qabbanaa’as] miti, laboobaa irraas nama hin eegu.” Kana

jechuun gaaddisa kana keessa boqonnaa fi tasgabbiin hin jiru. Yommuu isa keessa

turanis laboobaa ibiddaa irraa isaan hin eegu. Kana irra, laboobaan ibiddaa bitaa

mirgaa fi gara hundaan isaan marsa. Akkuma Rabbiin olta’aan jedhe:

27

“Gubbaa isaanitii haguuggi ibiddaatu isaaniif jira, jala isaanitiis haguuggi

[ibiddaatu] jira.” Suuratu Az-Zumar 39:16

Ergasii itti aanse guddinna qaanqewwan ibiddaa dubbite: “Dhugumatti ishiin

qaanqeewwan akka gamoo darbiti.” Kana jechuun qaanqeen ibiddi Jahannam

darbitu guddinni ishii akka gamoo guddaati. Qaanqee jechuun ibidda irraa

qilleensa keessatti wanta faffaca’uudha. Gamoon immoo ijaarsa (mana) guddaa

ta’eedha.22 Ergasii itti aanse bifa qaanqe ibse: “Inni (qaanqichi) gaalota sufr

fakkaata.” Kana jechuun bifti qaanqe kanaa akka gaalota gurraacha gara

booraatti dhiyaatan fakkaata. Gaalota sufr jechuun gaalota gurraacha gara bifa

booraatti dhiyaataniidha. Kuni kan agarsiisu ibiddi Jahannam, barbadaan ishii,

laboobaa fi qaanqen ishii gurraacha, bifti ishii jibbisiisadha. Garmalee hoo’iti.

Rabbiin ibidda Jahannam irraa nagaha akka nu godhu kadhanna.23 Adabbii cimaa

kana erga ibsee booda namoota Guyyaa kana kijibsisan, “Guyyaa san

kijibsiiftotaaf ee badii isaanii!” jechuun akeekachiisa.

“(35)-Kuni Guyyaa isaan hin dubbanneedha. (36)-Uzrii akka himatan

isaaniif hin hayyamamu. (37)-Guyyaa san kijibsiiftotaaf ee badii isaanii!

(38)-Kuni Guyyaa addaan bahiinsaati; isinii fi warra duraanii walitti

qabne. (39)-Yoo tooftaa wayii qabaattan, tooftaa Natti baafadhaa. (40)-

Guyyaa san kijibsiiftotaaf ee badii isaanii!” Suuratu Al-Mursalaat 77:35-40

22 Fatihu Qadiir-1571, Shawkaani, Daarul Ma'arifa 23 Tafsiiru Sa’dii-1067, Tafsiiru Muyassar-581

28

“Kuni Guyyaa isaan hin dubbanneedha.” Kana jechuun Guyyaan Qiyaamaa

kuni Guyyaa guddaa kaafiroota irratti cimaa ta’e kan isaan hin dubbanneedha.24

Uzriis akka himatan isaaniif hin hayyamamu. Uzrii himachuu jechuun akka

dhiifamni namaaf godhamuu fi hin adabamneef sababa, rakkoo fi ragaa

dhiyeefachuudha. Guyyaa Qiyaamaa namoonni Rabbiitti, Ergamtootatti fi

Guyyaa Qiyaamaatti hin amanne, sababa, rakkoo fi ragaa dhiyeefachu hin

danda’an. Osoo sababa, rakkoo fi ragaa dhiyeefataniyyuu, isaan irraa hin

fuudhamu. “Yaa Rabbii sababa kanaaf amanu dadhabne, rakkoo akkanaatiif hojii

gaggaarii hojjachuu dadhabne, yaa Rabbii dhiifama nuuf godhi” yoo jedhan, kuni

isaan irraa hin fuudhamu.

“Kuni Guyyaa isaan hin dubbanneedha” yommuu jedhu Guyyaa Qiyaamaa

guutumaan guututti hin dubbatan jechuu miti. Dhugumatti, Guyyaan Qiyaamaa

iddoo fi waqtii qaba. Kuni waqtii isaan hin dubbannee fi uzrii akka himatan

isaaniif hin hayyamamneedha.25

Guyyaan kuni Guyyaa cimaa rakkoo fi sababa osoo dhiyeefatanii namarraa hin

fuudhamneedha. Kanaafu, namoota Qiyaamatti amanuu diduun badii hojjachuu

itti fufan, tarii akeekachiisni kuni isaan dammaqsu danda’a “Guyyaa san

kijibsiiftotaaf ee badii isaanii!” Kana jechuun warra Guyyaa Qiyaamaa kana

soba akka ta’etti ilaalaniif Guyyaa san badii fi adabbii cimaatu jira.

“Kuni Guyyaa addaan bahiinsaati;” kana jechuun Guyyaa Qiyaamaa, “Kuni

Guyyaa Rabbiin uumamtoota jidduutti murteessudha.” Jedhama. Guyyaan

Qiyaamaa Guyyaa addaan bahiinsaa kan jedhameef, Rabbiin uumamtoota

jidduutti murteessun warri Jannataa fi warri Jahannam addaan baafamu. “isinii fi

warra duraanii walitti qabne.” Addunyaa keessatti “Guyyaa Qiyaamaa isinii fi

namoota darban hunda walitti ni qabna” jennee waadaa galaa turre. Kunoo har’a

isinii fi warra darban walitti sassaabne. Kanaafu, har’a “Yoo tooftaa wayii

qabaattan, tooftaa Natti baafadhaa.” Kana jechuun adabbii irraa tooftaa ittiin

baatan yoo qabaattan, tooftaa baafadhaa. Qabaa Rabbii irraa of baraaraa.26

24 Tafsiiru Sa’dii-fuula 1067 25 Tafsiiru Qurxubii-21/513 26 Tafsiiru Muyassar-581

29

Guyyaa kana tooftaa fi malli isaanii ni bada, shirri isaanii ni dhabama. Azaaba

(adabbii) Rabbiitiif harka kennu. Wanta isaan kijibsiisan isaaniif ifa godha.

Amma dubbiin kan duraa caala. Duratti dubbachuu fi uzrii himachuu irraa ni

dhoowwaman. Amma immoo murtiin isaan jidduutti waan murtaa’uf adabbii

jalaa bahuu hin danda’an. Kanaafu, nama Guyyaa Qiyaamaa tooftaa fedhe osoo

baase adabbii jala bahuu kan hin dandeenye ta’ee osoo jiru Guyyaa Guddaa kana

akka sobaatti ilaaluf, akeekachisni ta’uu, “Guyyaa san kijibsiiftotaaf ee badii

isaanii!”

Mindaa fi Badhaasa namoota Qiyaamatti amananii fi Rabbiif

ajajamanii

Adabbiin armaan olii kuni nama Guyyaa Qiyaamaa kijibsiisee osoo hin tawbatin

du’eefi. Garuu du’aan dura tawbachuun, amanuu fi hojii gaggaarii hojjachuun

yoo of dhaqqabe, adabbi kana jalaa ni baha. Muttaqoota keessaa ta’uun Guyyaa

san mindaa guddaa argata. Mee amma mindaa warra Guyyaa kanatti amananii

hojii gaggaarii hojjachuu fi hojii badaa irraa fagaachuun of qopheessan haa

ilaallu:

“(41)-Dhugumatti, Muttaqoonni gaaddisootaa fi burqaawwan keessa ta’u.

(42)-Wanta fedhan irraa fuduraalee [keessa ta’u]. (43)-“Sababa waan

dalagaa turtaniitif gammachuun nyaadhaa dhugaa.” [jedhamu]. (44)-

Dhugumatti, Nuti akka kanatti toltu hojjattoota mindeessina. (45)-Guyyaa

san kijibsiiftotaaf ee badii isaanii!” Suuratu Al-Mursalaat 77:41-45

“Dhugumatti, Muttaqoonni gaaddisootaa fi burqaawwan keessa ta’u.” Muttaqoota jechuun namoota dhugaan Rabbii fi odeefannoo Isarraa dhufetti

amanan, hojii gaggaarii itti ajajaman hojjatanii fi hojii irraa dhoowwaman

dhiisaniidha. Kanaafu ibsi aayah: dhugumatti namoonni addunyaa keessatti

dirqamoota Islaamaa hojjachuu fi badii irraa fagaachuun adabbii Rabbii irraa of

30

eegan, gaaddisoota qabbanaa keessa ta’u. Azaan hoo’aa fi qorraa isaan hin tuqu.

Fuggisoo kanaa, namoonni Rabbitti kafaran, gaaddisa aaraa qabbana hin qabnee

fi laboobaa ibiddaa irraa nama hin eegne keessa ta’u.27

Aayah keessatti “Gaaddisoota” jechuun, jecha hedduminna agarsiisutti

fayyadame. Sababni isaas, Jannata keessa gaaddisa baay’eetu jira. Gaaddisa

mukkeeni, gaaddisa gamoowwanii fi kan biroo. Kanaafu, warri Jannataa

gaaddisa qabbanaa keessa jiraatu. Qur'aana keessatti:

م ف ظلل عل ﴿ ه زوج م وأ رائ ٱه

تك ل ﴾٥٦ون م

"Isaanii fi niitiwwan isaanii gaaddisa keessatti sireewwan irratti hirkatu."

Suuratu Yaasin 36:56

Warri Jannataa fi niitiwwan isaanii gaaddisa jalatti sireewwan garmalee

faayaman irratti tasgabbiin hirkatu. Kuni tola akkami! Qananii akkam namatti

tolu!

Ammas qananiin kanarratti hin dhaabbatu, “burqaawwan keessa ta’u” Jannata

keessa burqaawwan laggeen gosa garagaraa irraa dhangala’antu jira. Jannata

keessa burqaawwan, “Tasniim, Salsabiil” jedhamantu jiru. Muttaqoonni

burqaawwan kanniin irraa dhangala’aa isaanitti toluu fi garmalee mi’aawu dhugu.

Qabbanaa fi dhugaati argachuun qananii keessa ta’anii jiru. Nyaanni isaanii hoo

yoo maal ta’e qananiin isaaniif guuttamtii? “Wanta fedhan irraa fuduraalee

[keessa ta’u].” Kana jechuun Jannata keessatti wanta fedhan keessaa tokko

fuduraalee fedhan nyaachudha. Fuduraalee jechuun firaafiree akka muuzi,

burtukaana, teemira fi kkf.

“Wanta fedhan irraa” kana jechuun wanta guutuu fedhan keessaa tokko

fuduraalee kanaan Jannata keessatti qanani’uudha. Kuni Jannata keessa

wantoonni barbaadaman baay’een lakkoofsi isaanii hin daangefamne akka jiru

agarsiisa.28

27 Tafsiiru Xabarii-23/611 28 Ma’aariju tafakkuri wa daqaa'iqu tadabburi-2/606

31

“Sababa waan dalagaa turtaniitif gammachuun nyaadhaa dhugaa.”

[jedhamu]. Kana jechuun, addunyaa irratti iimaana irratti hundaa’u fi jaalala

Gooftaa keessanii barbaaduun sababa hojii gaggaarii hojjattaniif, fuduraalee

kanniin irraa wanta feetan nyaadhaa, burqaawwan kanniin irraas wanta isinitti

mi’aayee dhugaa. Hayyama guutuun nyaadhaa dhugaa, dhoowwaa fi hudhamuun

hin jiru.29 Nyaataa fi dhugaati kana keessa wanta namatti toluu fi mi’aawu malee

wanti hadhaawaa fi nama jeequ hin jiru. Kanaafi, “gammachuun nyaadhaa

dhugaa” jedhe.

Yaa nama qananii fi gammachuu guutuu barbaadu! Eessatti qananii fi

gammachuu guutuu argatta ree? Addunyaan tuni iddoo qormaataa fi ifaajee waan

taateef qananii fi gammachuu guutuu jeequmsa irraa bilisa ta’e hin argatan.

Qananii fi gammachuun guutuun jeequmsaa fi gadda irraa bilisa ta’e Jannata qofa

keessatti argama. Garuu kana argachuuf dhugaan amanuu fi hojii gaggaarii

hojjachuu barbaachisa. Rabbiin subhaanahu wa ta’aalaa namoota amananii fi

hojii gaggaarii hojjatan Jannataa fi qananii ishiitin isaan badhaasa. “Dhugumatti,

Nuti akka kanatti toltu hojjattoota mindeessina.” Mindeessu jechuun mindaa

isaaniif kennuudha. Toltu hojjattoota jechuun warra ibaadaa isaanii bareechisanii

fi sirnaan hojjatan, namootaafis tola oolaniidha.

Sababa kijibsiisanii fi hojii gaarii qananii guddaa kanatti nama geessu hojjatu

dhiisaniif yaa badii namoota mindaa fi qananii guddaa kana dhabanii! “Guyyaa

san kijibsiiftotaaf ee badii isaanii!”

Qananii fi Faaydan Addunyaa baay’ee xiqqoo fi tan badduudha

Amma Rabbiin subhaanahu wa ta’aalaa namoota addunyaa tanaan gowwoomuun

Qiyaamatti amanuu didanii fi badii gurguddaatti lixanitti dubbii qajeelcha.

29 Madda olii

32

“(46)-[Yaa warra kafare] nyaadhaa, xiqqoo qanani’aa dhugumatti isin

yakkamtoota. (47)-Guyyaa san kijibsiiftotaaf ee badii isaanii! (48)-

Yommuu “Ruku’a bu’aa” isaaniin jedhamu, ruku’a hin bu’an. (49)-

Guyyaa san kijibsiiftotaaf ee badii isaanii! (50)-Isa booda dubbii kamitti

amanuu?” Suuratu Al-Mursalaat 77:46-50

“[Yaa warra kafare] nyaadhaa, xiqqoo qanani’aa dhugumatti isin

yakkamtoota.” Rabbiin subhaanahu wa ta’aalaa warroota kaafamu kijibsiisaniin

ni jedha: jireenya addunyaa ganda qormaataa taate keessatti soorata Ani

namootaaf dachii keessatti uume irraa nyaadhaa, dhugaati irraa wanta namootaaf

taasise irraa dhugaa. Fedhii addunyaa, mi’aa ishii, bashannana, tapha, ishii

baay’ifachuu, ittiin of dhaadachuu fi faaya addunyaatiin qananii xiqqoo

qanani’aa. Qananiin kuni hammaa fi akkaataan baay’ee xiqqaa kan ta’eedha.

Sababni isaas, qananiin kuni yeroo gabaabaf tura, yoosu bada. Hammi isaas

xiqqaadha.

Arabiffa keessatti, “al-Mataa’u” jechuun addunyaa keessatti wanta yeroo

gabaabaf itti fayyadamanii badiinsi itti dhufuudha. Rabbiin subhaanahu wa

ta’aalaa wanta addunyaa keessa jiru guutuu wanta xiqqaa yeroo gabaabaf itti

fayyadaman (mataa’u qaliil) akka ta’etti ibse. Sababni isaas, wanti addunyaa

tanaa jireenya Aakhiraa zalaalamii turuun wal bira yommuu qabamu baay’ee

xiqqaadha. Jireenya addunyaa irraa wanti namoonni jaallatan “(mataa’u qaliil)”

akka ta’etti ibsu keeyyattoonni baay’een dhufanii jiru:

نياٱق ل متع ﴿ ون فتيل تق ٱخي ل من لأخرة ٱقليل و لد ﴾ول ت ظلم

33

Jedhi, “Faaydan addunyaa xiqqaadha. Aakhiraan nama Rabbiin sodaatuf

irra caaltudha. Hanga fatiilaayyu hin miidhamtan.” Suuratu An-Nisaa 4:77

Fatiila jechuun wanta akka jirbii firii teemiraa keessa jiruudha. Fakkii armaan

gadii irraa jidduu kan jiru “fatiila”

Ammas, namoota ibidda seenan ilaalchisee Rabbiin subhaanahu wa ta’aalaa

akkana jedha:

ط لل ٱ﴿ زق ٱيبس لر وا وفرح لمن يشاء ويقدر ة ٱب نياٱ ليو لدة ٱوما نياٱ ليو ﴾٢٦إل متع لأخرة ٱف لد

“Rabbiin nama fedheef rizqii ni bal’isa, [nama fedhe immoo] itti dhiphisa.

Jireenya addunyaatti ni gammadan. Aakhira biratti jireenyi addunyaa

faayda [xiqqoo] malee homaayyu miti.” Suuratu Ar-Ra’ad 13:26

Kana jechuun jireenyi addunyaa Aakhiraan yommuu wal bira qabamtu faayda

xiqqoo malee homaayyu miti. Faayda fi qananiin addunyaa dafee kan baduudha.

34

Rabbiin subhaanahu wanta Jannata keessa jiru immoo qananii turaa gonkumaa

hin banne (na’iimu muqiim) jechuun moggaase. Rizqii jechuun wanta namoonni

itti fayyadaman kanneen akka soorata, dhugaati, uffataa, geejjiba fi kkf.

Rabbiin azza wa jalla kaafirota addunyaa keessa jiran, “[Yaa warra kafare]

nyaadhaa, xiqqoo qanani’aa dhugumatti isin yakkamtoota.” jedhee

dubbisuun, yeroo murtaa’eef isaan tursiisuu fi isaan akeekachisuuf akka ta’e ibsa.

Kana keessa yeroo hundaa too’annaa jala akka jiranii fi jireenya addunyaa irraa

wanti isaan itti fayyadaman murtii Rabbiitiif kan buluu ta’uu isaanitti beeksisuun

waan jiruuf.

Rabbiin subhaanahu, “dhugumatti isin yakkamtoota.” jechuun murtii ifaan

ifatti isaan irratti murteesse. Kana jechuun yoo isin tawbaan30, amanuu fi hojii

gaggaarii hojjachuun badii keessan irraa hin buqqa’in isin amma yakkamtoota

(mujrimiin). Ammas, ragaaleen amansiisoo fi wantoonni nama abdachiisan isiniif

haa dhufaniyyuu malee kufrii31 fi kijibsiisa keessan yoo itti fuftan, yakkamtoota

ta’uun turtu, Guyyaa Murtiis yakkamtoota taatanii dhuftu. Maqaan Kijibsiiftota

jedhuu isin irratti maxxanfama. Kanaafu, ibidda keessa seenuun isiniif mala.

“Guyyaa san kijibsiiftotaaf ee badii isaanii!”

Yakkamaa (mujrim) jechuun nama badii gurguddaa hojjatuudha. Qur’aana

keessatti jechi, “Mujrimiin (yakkamtoota)” jedhu, faallaa jecha, “Muslimiin

(Muslimoota)” jedhuun kan dhufee fi ibsa maqaa kaafirota Rabbiin addunyaa

keessatti balleessee fi warra ibidda keessatti adabamaniif kennameedha. Kanaafu,

akka Qur’aanatti, mujrimiin (yakkamtoota) jechuun badii gurguddaa irraa badii

kufriitti warra lixaniidha. Kanaaf, isaan warra ibiddaa achi keessatti hafaniidha.

Hiika kana ilaalchisee ragaaleen armaan gadi ni agarsiisu:

30 Tawbaa jechuun cubbuu (dilii) dhiisuun gara Rabbiif ajajamuutti deebi’uudha. 31 Kufrii jechuun Rabbitti, Ergamtoota Isaatti, Guyyaa Qiyaamatti, malaykotatti fi

kitaabban Isaatti amanuu diduudha. Ingiliffaan “Disbelieve” jedhama.

35

“Sila Muslimoota akka yakkamtootaa (mujrimiin) ni goonaa? Maalumatu

isiniif jiraa? Akkamitti murteessituu?” Suuratu Al-Qalam 68:35-36

Ammas bakka biraatti:

جرمي ٱإن ﴿ ون لم ﴾٧٤ف عذاب جهنم خل

“Dhugumatti, yakkamtoonni (mujrimiin) adabbii Jahannam keessatti

hafoodha.” Suuratu Az-Zukhruuf 43:74

“Hafoodha” kana jechuun yeroo hundaa achi keessa turu ykn jiraatu.

Warroonni amanan yommuu kaafirota yakkamtoota qabeenyaa fi aangoo qaban,

biyyoota addunyaa keessa bilisaan akka fedhanitti deemanii fi wanta jaallatanitti

fayyadaman argan, mindaa Aakhiratti amanuun (iimaanni isaanii) hurgufamuu

danda’a. (Yaanni “Akkamitti Rabbiin yakkamtoota kanaaf qabeenyaa fi qananii

bal’isaaf?” jedhu yommuu sammuu isaanii keessa qaxxaamuru, iimaanni isaanii

sosocho’u danda’a.) Kanaafu, Rabbiin Mu’mintootaa fi Muslimoota dhuunfa

dhuunfaan akkana jedhe isaan dubbisuun ogummaa (hikma) irraayyi:

“Dachii keessa gaggaraluun warra kafaranii si hin gowwoomsin. Kuni

qananii xiqqoodha. Ergasii teesson isaanii Jahannami, afatichi waa

fokkate!” Suuratu Aali-Imraan 3:196-197

Kana jechuun qananiin, aangoon kaafirotaa, daldalaaf, qabeenyaa fi bu’aa

argachuuf bakka tokko irraa bakka biraatti deddeemuun isaanii si hin

gowwoomsin. Kuni hundii faayda fi qananii xiqqoo yeroo muraasaf turuudha.

Gadi dhaabbannaa fi turiinsa hin qabu. Kana irra, yeroo gabaabaaf itti fayyadamu,

ergasii yeroo dheeraaf ni azzabamu (adabamu). “Ergasii teesson isaanii

36

Jahannami” kana jechuun Guyyaa Qiyaamaa iddoon jireenya isaanii Jahannami.

Afatichi (minxaafin) waa fokkate.

Itti aanse, warroota amanan akkana jechuun jajjabeessa:

ين ٱلكن ﴿ ٱ ل قوا م ت ت تري من تتها ربه م جن ر ٱله كه ل

ن عند ل م ه ٱخلين فيها ك ز ٱوما عند لل برار لل ﴾١٩٨خي ل ل

“Garuu warri Gooftaa isaanii sodaatan, Rabbiin irraa akka nuzulaatti achi

keessatti hafoo ta’anii Jannata laggeen jala yaa’antu isaaniif jira. Wanti

Rabbiin bira jiru Abraaraf irra gaariidha.” Suuratu Aali-Imraan 3:198

Nuzula jechuun mindaa, rizqii, arjoominna, wanta keessummaaf qophaa’e.

Warroota wanta itti ajajaman hojjachuu fi wanta irra dhoowwaman dhiisun

Gooftaa isaanii sodaatan, Rabbiin irraa Jannanni isaaniif mindaa, rizqii fi

arjoominna. Ammas, yommuu gara Jannataa deeman akka keessummaa

kabajamootti waan deemanif Jannanni wanta isaaniif qophooftedha. Isaan

Jannata tana keessatti yeroo hundaa jiraatu.

Abraar jechuun warroota amananii hojii gaggaarii baay’ee hojjatanii fi hojii badaa

irraa fagaataniidha. Wanta kaafironni ittiin qanani’an irra wanta Rabbiin bira

jirutu isaaniif caala. Sababni isaas, wanti kaafironni ittiin qanani’an yeroo

gabaabaf kan turuu fi dhaaba kan hin qabneedha. Wanti Rabbiin bira jiru immoo

qananii hammi isaa baay’ee guddaa ta’ee fi yeroo hundaa turuudha. Kanaafu,

qananii kaafironni qaban kan baduun hin gowwoomin.

Mee amma kaafirota addunyaa tana keessatti qanani’anii fi abraar wal bira haa

qabnu: Kaafironni yeroo gabaabaf addunyaa tana keessatti ni qanani’u. Qananii

isaanii kana keessatti daangaa Rabbii hin eegan, badii adda addaatti taru. Badiin

hundarra guddaan kufriidha. Kanaafu, Jahannam keessatti yeroo dheeraaf

adabamu. Abraar (warroonni Rabbiin sodaatanii fi hojii gaggaarii baay’ee

hojjatan) immoo daangaa Rabbii ni eegu, badii irraa ni fagaatu. Kanaafu,

badhaasni isaanii Jannata qananiiti.

37

Miidhaa Salaata Dhiisu Amma gara ibsa suuratu Al-Mursalaat haa deebinu:

“Yommuu “Ruku’a bu’aa” isaaniin jedhamu, ruku’a hin bu’an. Guyyaa

san kijibsiiftotaaf ee badii isaanii! Isa booda dubbii kamitti amanuu?”

Ruku’a jechuun akka lugaatti gadi jechuudha. Akka shari’aatti immoo salaata

keessatti erga dhaabbatanii booda harkaan jilba qabachuun gadi jechuudha.

“Yommuu “Ruku’a bu’aa” isaaniin jedhamu, ruku’a hin bu’an.” As keessa

of tuulinsa isaanii wanta agarsiisutu jira. Inumaa hanga Khaaliqa isaan uume,

isaan nyaachisu fi obaasu, jireenya isaanii harkaa qabu irratti of tuulu gahan. Isaan

fedhii lubbuu fi hawwii ofii hordofuu irraa of hin qusatan. Badii gurguddaa

hojjatu. Inumaa, Gooftaa isaanii irratti boonu. Osoo fedhii garaa, saalaa,

beekkamtii, tapha, miidhaginna addunyaatti rarra’uu, dhaadannoo fi baay’ifachuu

jaallachuun isaan keessa jiraachu baateyyu, Gooftaa isaanitiif xiqqoollee taatu

gadi hin jedhan. Sababni isaas, nafsee isaanii keessatti isaan of tuultotaa. Of tuulu

fi boonun isaanii gowwummaa fokkuutti akka taran isaan taasise.32 Boonu fi of

tuulun isaanii Gooftaa isaanitiif akka gadi hin jenne isaan taasise.

Gabaabumatti, namoonni Guyyaa Qiyaamaa fi wanta Rabbiin irraa dhufe

kijibsiisan kunniin yommuu “salaataa” jedhaman, hin salaatan.33

Guyyaa Qiyaamaa akka sujuuda bu’aniif yommuu ajajaman, sujuuda bu’uu hin

danda’an. Dugdi isaanii akka xawlaa gogee hafa. Qur’aana keessatti ni jedha:

“Guyyaa mogolee irraa saaqamuu fi gara sujuudaa waamamanii isaan

sujuudu hin dandeenye [yaadadhu]. Ijji isaanii sodaattu taate xiqqeenyis

32 Ma’aariju tafakkuri-2/609-614 33 Tafsiiru Qurxubii-21/516-517

38

isaan haguuga. Osoo fayyaa qabanuu gara sujuudaatti waamamaa turan.” Suuratu Al-Qalam 68:42-43

Guyyaa Qiyaamaa yommuu jeequmsi, sochii fi haalli garmalee cimaan saaqame,

Rabbiin subhaanahu wa ta’aalaa uumamtoota jidduutti murteessuf dhufe, Isaaf

akka sujuudan ni waamamu. Mu’mintoonni (warri amanan) Rabbiif addunyaa

keessatti filannoo fi fedhiin sujuudaa turan, Guyyaa kana ni sujuudu. Garuu

munaafiqonni fi kaafirran sujuuduf ni tattaafatu, haa ta’u malee sujuudu hin

danda’an. Dugdi isaanii akka gaafa horii gogee hafa. Gadi jechuu hin danda’an.

“Ijji isaanii sodaattu taate xiqqeenyis isaan haguuga.” Kana jechuun sababa

isaan addunyaa keessatti badii gurguddaa hojjatanii fi of tuulaniif Guyyaa

Qiyaamaa ijji isaanii sodaattu taati. Salphinni isaan haguuga. Faallaa wanta isaan

irra turaniitin adabamu. Osoo fayyaa qabanuu yommuu addunyaa irratti gara

sujuudaa waamaman, ni didan. Haaluma kanaan, Aakhiratti yommuu Rabbiin

azza wa jalla ifatti bahee mu’mintoonni sujuudan, isaan immoo sujuuda

dadhabuun adabamu.34 Akkuma isaan addunyaa irratti of tuulanii fi of guddisan,

Aakhiratti salphinni fi xiqqeenyi isaan haguuga.

Akkuma hubatamu, wanti sujuuda kanarraa barbaadame, warra dhugaan

amananii fi munaafiqota addaan baasufi. Warroonni amanan (mu’mintoonni)

gama mirgaa adeemsi isaa gara Jannataa ta’e akka fudhatamaniif, munaafiqonnis

gama bitaa adeemsi isaa gara ibiddaa ta’e akka oofamaniif, sujuuda kanaan

addaan baafamu.35

Kana keessa nama salaata dhiisu fi na argaaf salaatuf akeekachiisa cimaatu jira.

Kanaafu, nama Guyyaa garmalee cimaa kanatti amanuu dide, hojii gaarii

dirqamaa Rabbiin itti ajaje hojjachuu didee fi hojii badaa hojjachuu itti fufeef

akeekachisni ta’u “Guyyaa san kijibsiiftotaaf ee badii isaanii!”

“Isa booda dubbii kamitti amanuu?” Kana jechuun Qur’aana kanatti yoo hin

amananiin, dubbii fi kitaaba kamitti amanuu? Qur’aanni kuni ragaaleen,

murtiwwanii fi odeefannoon isaa hundi ifa. Jechoonni isaas ifa namaaf

galaniidha.

34 Tafsiiru sa’dii-1039, Tafsiiru ibn Kasiir 7/353 35 Ma’aariju tafakkuri-1/255

39

Alhamdulillahi Rabbiil aalamiin, gargaarsaa Rabbii guddaa olta’aatiin ibsi

suuratu Al-Mursalaat asirratti xumurame jira.

Kitaabban wabii:

1. Tafsiiru Sa’dii- Daaru Salaam

2. Ma’aariju Tafakkuri wa daqaa’iqu tadabburi-Abdurahmaan Hasan

Habanka, Daarul Qalam

3. Tafsiiru Xabarii- Daarul Hijra

4. Tafsiir ibn Kasiir-Daaru ibn Al-Jawzi, Tafsiir ibn Kasiir, English

Transalation

5. Tafsiiru Qurxubii-

6. Zaadul Masiir fi ilmi tafsiir, ibn al-Jawzi- Daaru ibn Hazm

7. Fathu Qadiir-

8. Hiika Qur’aana Kabaja Afaan Oromootiin, Mana Maxxansa Najaashi

9. https://quran.com/

10. https://www.almaany.com/ar/dict/ar-ar/

11. Qur’aana Qulqulluu irraa tasfiira Juz’iwwan Sadan booda,

www.tafseer.info

12. Tafsiiru Muyassar

13. Cover design: https://www.vectorstock.com/royalty-free-

vectors/islamic-book-cover-vectors

Qunnamtiif:

40

Website: www.sammubani.com

Wordpress: https://sammubani.wordpress.com/

Facebook: https://www.facebook.com/jireenyabadhaatu/

Email: sammubani@hotmail.com