r Ə y İ - sai.gov.azsai.gov.az/upload/files/neft-fondu-rey-2018.pdf · dövlət neft fondunun...
TRANSCRIPT
1
AZƏRBAYCAN RESPUBLİKASI HESABLAMA PALATASI
Azərbaycan Respublikası Dövlət Neft Fondunun
2018-ci il büdcəsinin layihəsinə
Azərbaycan Respublikası Hesablama Palatasının
R Ə Y İ
BAKI 2017
2
M Ü N D Ə R İ C A T
Ümumi müddəalar 3
I Bölmə.
“Azərbaycan Respublikası Dövlət Neft Fondunun 2018-ci il büdcəsi barədə”
Azərbaycan Respublikası Prezidentinin Fərmanının layihəsinin ümumi
xarakteristikası.
5
1.1. Fərman layihəsinin tərtibi və təqdim edilməsi ilə bağlı qanunvericiliklə müəyyən edilmiş
tələblər. 5
1.2. Fərman layihəsinin strukturu və ümumi göstəricilər. 6
II Bölmə. Dövlət Neft Fondunun 2018-ci il büdcə gəlirləri 9
2.1.
Azərbaycan Respublikasının payına düşən karbohidrogenlərin satışından əldə edilən
xalis gəlirlər (karbohidrogenlərin nəql edilməsi üzrə məsrəflər, bank, gömrük
rəsmiləşdirilməsi, müstəqil nəzarət (sörveyer), marketinq və sığorta xərcləri çıxılmaq
şərti ilə, habelə Azərbaycan Respublikası Dövlət Neft Şirkətinin sərmayəçiləri, payçısı
və ya tərəfdaşı olduğu layihələrdə onun sərmayəsinə və ya iştirak payına düşən gəlirlər
istisna olmaqla).
9
2.2. Karbohidrogen ehtiyatlarının işlənməsi ilə əlaqədar sərmayəçilər tərəfindən müqavilə
sahəsindən istifadə üçün ödənilən akrhesabı 10
2.3. Neftin və qazın Azərbaycan Respublikasının ərazisi ilə ötürülməsindən əldə edilən
gəlirlər. 11
2.4. Dövlət Neft Fondunun valyuta aktivlərinin yerləşdirilməsindən və idarə olunmasından
əldə edilən gəlirlər. 11
2.5. Neft-qaz sazişlərinin imzalanması və ya icrası ilə bağlı sərmayəçilər tərəfindən
ödənilən bonuslar 12
III Bölmə. Dövlət Neft Fondunun 2018-ci il büdcə xərcləri 16
3.1. Qaçqınların və məcburi köçkünlərin sosial-məişət və məskunlaşma məsələləri ilə bağlı
bəzi tədbirlərin maliyyələşdirilməsi. 17
3.2. Azərbaycan Respublikasının 2018-ci il dövlət büdcəsinə transfertin yuxarı həddi. 18
3.3. Samur Abşeron suvarma sisteminin yenidən qurulması layihəsinin maliyyələşdirilməsi. 19
3.4. Bakı-Tbilisi-Qars yeni dəmir yolu layihəsinin maliyyələşdirilməsi. 20
3.5. “2007-2015-ci illərdə Azərbaycan gənclərinin xarici ölkələrdə təhsili üzrə Dövlət
Proqram"nın maliyyələşdirilməsi. 21
3.6. Azərbaycan Respublikası Dövlət Neft Fondunun idarə edilməsi ilə bağlı xərclər.
22
IV Bölmə. Nəticələr və tövsiyələr 23
3
ÜMUMİ MÜDDƏALAR
Azərbaycan Respublikası Dövlət Neft Fondunun 2018-ci il büdcəsinin layihəsinə
Azərbaycan Respublikası Hesablama Palatasının Rəyi (Rəy) “Büdcə sistemi haqqında”
Azərbaycan Respublikasının Qanununun 27.7-ci maddəsinə, “Hesablama Palatası
haqqında” Azərbaycan Respublikasının Qanununun 2-ci maddəsinə və “Azərbaycan
Respublikasının Dövlət Neft Fondunun illik gəlir və xərclər proqramının (büdcəsinin)
tərtibi və icrası Qaydaları”nın (Qaydalar) 4.1-ci bəndinə müvafiq olaraq hazırlanmışdır.
Qeyd edilməlidir ki, “Azərbaycan Respublikası Prezidentinin 2001-ci il 12
sentyabr tarixli 579 nömrəli Fərmanı ilə təsdiq edilmiş “Azərbaycan Respublikasının
Dövlət Neft Fondunun illik gəlir və xərclər proqramının (büdcəsinin) tərtibi və icrası
Qaydaları”na Azərbaycan Respublikası Prezidentinin 2017-ci il 21 noyabr tarixli 1685
nömrəli Fərmanı dəyişikliklər edilmişdir. Həmin dəyişikliklərlə Dövlət Neft Fondunun
(Fond) büdcəsi Azərbaycan Respublikasının dövlət büdcəsi ilə əlaqələndirilməklə tərtib
edildikdən sonra İcraçı direktor tərəfindən Fondun büdcəsinin layihəsi Dövlət Neft
Fondunun vəsaitininin istifadə edilməsinin əsas istiqamətləri (proqramı) ilə birlikdə rəy
verilmək üçün hər il sentyabr ayının 5-dən gec olmayaraq Dövlət Neft Fondunun
Müşahidə Şurasına və Azərbaycan Respublikasının Hesablama Palatasına təqdim
etməsi, Müşahidə Şurası tərəfindən Azərbaycan Respublikası Hesablama Palatasının
rəyi nəzərə alınmaqla Fondun büdcə layihəsinə dair rəy verməsi nəzərdə tutulmuşdur.
Hesablama Palatasının rəyində Azərbaycan Respublikası Prezidentinin 2000-ci il
29 dekabr tarixli 434 nömrəli Fərmanı ilə təsdiq edilmiş “Azərbaycan Respublikasının
Dövlət Neft Fondu haqqında Əsasnamə” ilə müəyyən edilmiş vəzifə və funksiyalarının
həyata keçirilməsi üçün 2018-ci ildə gəlir və xərc istiqamətləri üzrə proqnozlaşdırılmış
məbləğlərin əsaslılığı, növbəti ildə Fond tərəfindən həyata keçiriləcək investisiya
siyasətinin Fondun fəaliyyətini tənzimləyən qanunvericilik aktları ilə uyğunluğu
araşdırılmışdır.
Rəy hazırlanarkən Fondun 2018-ci il büdcəsinin 2016-cı ilin illik icra və 2017-ci
ilin proqnoz göstəriciləri ilə müqayisəli təhlillər aparılmış, Rəy “Azərbaycan
Respublikasının 2018-ci il dövlət büdcəsi haqqında” Azərbaycan Respublikasının
Qanununun 2-ci maddəsi ilə müəyyən edilmiş Azərbaycan Respublikasının 2018-ci il
dövlət büdcəsinin gəlirlərinin mədaxil mənbələri üzrə daxilolmalara dair göstəricilərdən,
2017-cı ilin 9 ayı üzrə Fondun təqdim etdiyi məlumatlardan, Hesablama Palatasına
təqdim edilmiş hesabatlar və məlumatlardan, Hesablama Palatasının müvafiq analitik
4
məlumat bazasından, rəsmi internet səhifələrinin müvafiq məlumatlarından istifadə
edilməklə və müxtəlif təhlillər aparılmaqla hazırlanmışdır.
Rəy “Ümumi müddəalar”dan, “Azərbaycan Respublikası Dövlət Neft Fondunun
2018-ci il büdcəsi barədə” Azərbaycan Respublikası Prezidentinin Fərmanının
layihəsinin ümumi xarakteristikası, “Azərbaycan Respublikası Dövlət Neft Fondunun
2018-ci il büdcəsinin gəlirləri”, “Azərbaycan Respublikası Dövlət Neft Fondunun 2018-ci
il büdcəsinin xərcləri” adlı bölmələrdən və müvafiq alt-bölmələrdən, həmçinin nəticələr
və ayrı-ayrı istiqamətlər üzrə Hesablama Palatasının müvafiq tövsiyyələrindən ibarət
olmaqla tərtib edilmişdir.
5
I BÖLMƏ. “AZƏRBAYCAN RESPUBLİKASI DÖVLƏT NEFT FONDUNUN 2018-Cİ İL
BÜDCƏSI BARƏDƏ” AZƏRBAYCAN RESPUBLİKASI PREZİDENTİNİN FƏRMAN
LAYİHƏSİNİN ÜMUMİ XARAKTERİSTİKASI
1.1. Fərman layihəsinin tərtibi və təqdim edilməsi ilə bağlı qanunvericiliklə
müəyyən edilmiş tələblər
“Azərbaycan Respublikasının Dövlət Neft Fondunun illik gəlir və xərclər
proqramının (büdcəsinin) tərtibi və icrası Qaydaları”ının 4.1-ci bəndinə əsasən, Dövlət
Neft Fondunun büdcəsinin layihəsi Azərbaycan Respublikasının dövlət büdcəsi ilə
əlaqələndirilməklə tərtib edildikdən sonra “Azərbaycan Respublikası Dövlət Neft
Fondunun vəsaitininin 2018-ci ildə istifadə edilməsinin əsas istiqamətləri (proqramı)”,
“Azərbaycan Respublikası Dövlət Neft Fondunun 2018-ci il üçün İnvestisiya siyasəti” və
“Neft Fondunun idarə edilməsi ilə bağlı illik xərclər smetası” ilə birlikdə rəy verilmək
üçün Azərbaycan Respublikasının Hesablama Palatasına təqdim edilmişdir.
Eyni zamanda, Fond tərəfindən Hesablama Palatasına “Azərbaycan
Respublikası Dövlət Neft Fondunun 2018-ci il büdcə layihəsi barədə Arayış” və müvafiq
materiallar təqdim edilmişdir.
Fondun investisiya siyasətinin Azərbaycan Respublikası Dövlət Neft Fondunun
valyuta vəsaitinin saxlanılması, yerləşdirilməsi və idarə edilməsi Qaydaları”na uyğun
olaraq daxili və xarici maliyyə-investisiya bazarlarında mövcud və perspektiv
konyunkturun təhlili və nüfuzlu beynəlxalq reytinq agentliklərinin sənəd və hesabatları
əsasında, habelə zəruri hallarda tanınmış xarici məsləhətçi şirkətlərin xidmətlərindən
istifadə edilməklə tərtib edilməli və Dövlət Neft Fondunun vəsaitinin idarə edilməsinin
prinsip və istiqamətlərini maksimal iqtisadi səmərə, aşağı risk dərəcəsi və qarşıya
qoyulan vəzifələrə cavab verən digər tələblərə uyğun olaraq müəyyən edilməli olduğunu
nəzərə alaraq, Hesablama Palatası adı çəkilən sənəd və hesabatlar üzrə müvafiq
xülasələrin, məsləhətçi şirkətlər cəlb olunduqda onların tövsiyyələrinin və bu istiqamətdə
daha müfəssəl əsaslandırma və hesablamaların təqdim olunan sənədlər və məlumatlar
zərfinə daxil edilməsini məqsədəuyğun hesab edir.
Eyni zamanda vurğulanmalıdır ki, “Fiskal dayanıqlılığın gücləndirilməsinə dair
yeni büdcə qaydaları”nın qarşıdakı ildən tətbiq edilməsinin nəzərdə tutulması növbəti
illərdə Fonda toplanan vəsaitlərin idarə edilməsi baxımından yeni institusional
dəyişikliyin olacağını qeyd etmək imkanı verir. Bu qaydaların tətbiqi ilə Fonda toplanan
vəsaitlərin idarə edilməsi və gələcək nəsillər üçün qorunması baxımından mühüm
addımlar atılacaqdır .
6
Hesablama Palatası hazırda ölkədə neft və qaz gəlirlərinin idarə edilməsində
əsas sənəd olan “Neft və qaz gəlirlərinin uzun müddətli dövrə idarə edilməsi
Strategiyası”nda müəyyən edilən prinsiplərlə Dövlət Neft Fondunun büdcəsinin
proqnozlaşdırılmış parametrləri arasında əlaqələrin xarakterisitikasını da təqdim edilmiş
məlumatlara daxil edilməsini məqsədəmüvafiq hesab edir.
1.2. Fərman layihəsinin strukturu və ümumi göstəricilər
Dövlət Neft Fondunun 2018-ci il üçün büdcəsi barədə Azərbaycan Respublikası
Prezidentinin Fərman layihəsi 5 maddədən ibarət olmaqla tərtib olunmuşdur. Layihənin
1-ci maddəsində Fondun 2018-ci il üçün gəlirlərinin 11559956,2 min manat, xərclərinin
9730446,8 min manat məbləğində olduğu qeyd edilmiş, 2-ci maddəsində Fondun
gəlirlərinin formalaşma mənbələri verilmişdir.
Fərman layihəsinin 3-cü maddəsində Fondun xərclərinin istiqamətləri əks
etdirilmişdir. 4-cü maddə ilə Fondun vəsaitinin istifadə edilməsinin əsas istiqamətlərinin
(proqramının), 5-ci maddəsi ilə Dövlət Neft Fondunun 2018-ci ildə idarə edilməsi ilə
bağlı xərclər smetasının layihələrinin təsdiq edilməsi təsbit olunmuşdur.
Fondun gəlirlərinin əsas hissəsini (84,1%-ni) Azərbaycan Respublikasının payına
düşən karbohidrogenlərin satışından əldə edilən xalis gəlirlər təşkil etdiyindən, Fondun
büdcəsinin baza göstəricisi olan 1 barel neftin orta illik ixrac qiymətinin növbətinin il
üçün 45,0 ABŞ dolları, Azərbaycan manatının ABŞ dollarına qarşı orta illik
məzənnəsinin isə 1,72 manat səviyyəsində nəzərdə tutulması, habelə neft-qaz
sazişlərinin imzalanması və ya icrası ilə bağlı sərmayəçilər tərəfindən ödənilən
bonusların məbləğinin əvvəlki illərlə müqayisədə kəskin artması Fondun 2018-ci il üzrə
büdcə gəlirlərinin 11559956,2 min manat məbləğində proqnozlaşdırılmasına şərait
yaratmışdır (Cədvəl 1).
2018-ci ildə Dövlət Neft Fondunun xərclərinin ümumi həcminin 9730,4 mln.
manat və yaxud 5657,2 mln. ABŞ dolları məbləğində proqnozlaşdırılmışdır ki, bu da
Fondun 2017-ci ilin təsdiq edilmiş büdcə xərcləri ilə müqayisədə manat ifadəsi ilə 36,2%
azdır.
7
Cədvəl 1. Azərbaycan Respublikası Dövlət Neft Fondunun 2018-ci il üzrə gəlir və xərcləri
Maddə
№ Gəlir və xərc istiqamətləri min manat
1. Cəmi gəlirlər 11 559 956,2
1.1. Azərbaycan Respublikasının payına düşən karbohidrogenlərin satışından
əldə edilən xalis gəlirlər 9 723 786,1
1.2. Akrhesabı ödənişlər 3 612,0
1.3. Tranzit gəlirləri 16 340,0
1.4. Bonus ödənişləri 774 172,0
1.5. Dövlət Neft Fondunun vəsaitinin idarə olunmasından əldə edilən gəlirlər 1 042 046,1
2. Cəmi xərclər 9 730 446,8
2.1. Qaçqınların və məcburi köçkünlərin sosial-məişət və məskunlaşma
məsələləri ilə bağlı bəzi tədbirlərin maliyyələşdirilməsi 200 000,0
2.2. Dövlət büdcəsinə transfert 9 216 000,0
2.3. Samur Abşeron suvarma sisteminin yenidən qurulması layihəsinin
maliyyələşdirilməsi 90 000,0
2.4. Bakı-Tbilisi-Qars yeni dəmir yolu layihəsinin maliyyələşdirilməsi 176 128,0
2.5. “2007-2015-ci illərdə Azərbaycan gənclərinin xarici ölkələrdə təhsili
Proqramı”nın maliyyələşdirilməsi 16 218,0
2.6. ARDNF-in idarə edilməsi ilə bağlı xərclər 32 100,8
Xam neftin 45 ABŞ dolları qiyməti ilə 2018-ci ildə Fondun büdcəsində 1829,5
mln. manat və yaxud 1063,7 mln. ABŞ dolları həcmində profisitin yaranması gözlənilir
Eyni zamanda, Fondun cari ilin təsdiq olmuş büdcə xərclərində nəzərdə tutulmuş bir
sıra xərclərin (o cümlədən Mərkəzi Banka transferlərin, Türkiyə Respublikasında “Star”
neft emalı kompleksinin tikintisi layihəsində Azərbaycan Respublikasının iştirak payının
maliyyələşdirilməsi, Cənub Qaz Dəhlizi layihəsində Azərbaycan Respublikasının iştirak
payının maliyyələşdirilməsi) 2018-ci il üzrə Fondun büdcə xərclərində nəzərdə
tutulmaması Fondun xərclərinin 9730446,8 min manat proqnozlaşdırılmasını, cari ilin və
əvvəlki illərin büdcələrindən fərqli olaraq, Fondun büdcə gəlirlərinin büdcə xərclərini
1829509,4 min manat üstələməsi ilə profisitin yaranmasını, bununla növbəti ilin
sonunda Fonda daxilolmaların müvafiq hissəsinin yığıma yönəldilməsini də
şərtləndirmişdir. Lakin, “Neft və qaz gəlirlərinin idarə olunması üzrə uzunmüddətli
strategiya” ilə təsbit edilmiş “neft və qaz gəlirlərinin zirvə səviyyəsinə çatdıqda onların
25%-dən az olmayan hissəsinin yığıma yönəldilməsi” prinsipinə riayət edilməsi mümkün
olmamışdır.
8
II BÖLMƏ. DÖVLƏT NEFT FONDUNUN 2018-Cİ İL ÜZRƏ BÜDCƏ GƏLİRLƏRİ
Fərman layihəsinə əsasən Fondun gəlirləri 11560,0 mln. manat həcmində
proqnozlaşdırılmışdır ki, bu da 2016-cı ilin müvafiq icra göstəricisindən 2149,8 mln
manat və ya 22,8% çox, 2017-ci ilin proqnoz göstəricisindən 746,1 mln. manat və ya
6,9% çox, gözlənilən icra göstəricisindən isə 574,4 mln. manat və ya 4,7% azdır
(Cədvəl 2).
Cədvəl 2. Azərbaycan Respublikası Dövlət Neft Fondunun 2018-ci il üzrə gəlirləri, mln. manatla
Göstəricilər
2016 (icra)
2017 2018 (layihə)
Məbləğ Xüsusi çəki, %
müqayisə
proqnoz gözlənilə
n icra
2016-ci ilin icrası ilə
2017-ci ilin proqnozu ilə
2017-ci ilin gözlənilən icrası ilə
+;- % +;- % +;- %
GƏLIRLƏR, cəmi
9 410,18 10 13,86 12 134,01 11 559,96 100,0 2
149,78 122,85 746,1 106,9 -574,1 95,27
1. Mənfəət neftinin və qazın satışından
daxilolmalar
8 320,05 9 826,21 11 018,43 9 723,79 84,12 1
403,74 116,87 -102,42 98,96
-1 294,6
88,25
2. Akrhesabı ödənişlər
3,27 3,61 3,61 3,61 0,03 0,34 110,4 0,005 100,1
4 0,0 100,0
3. Tranzit gəlirləri 17,95 17,69 17,70 16,34 0,14 -1,61 91,03 -1,35 92,37 0,0 100,0
4. Bonus ödənişləri 0,08 2,40 2.40 774,17 6,7 774,09 - 771,76 - 771,76 -
5. Fondun vəsaitinin idarə
olunmasından əldə olunan gəlirlər
1 068,83 963,95 1 091,87 1 042,05 9,01 -26,78 97,49 78,102 108,1 -49,82 95,44
2018-ci il üçün Fondun büdcəsinin baza göstəricisi olan 1 barel neftin orta illik
ixrac qiyməti növbəti il üçün 45,0 ABŞ dolları, Azərbaycan manatının ABŞ dollarına
qarşı orta illik məzənnəsi 1,72 manat səviyyəsində götürülmüşdür ki, bu göstəricilərə
uyğun olaraq Dövlət Neft Fondunun 2018-ci il üzrə büdcə gəlirlərinin ümumi həcmi
11559956,2 min manat və yaxud 6720,94 mln. ABŞ dolları olması
proqnozlaşdırılmışdır. Bu isə Fondun 2017-ci il üçün təsdiq edilmiş büdcə gəlirləri ilə
müqayisədə ABŞ dolları ifadəsi ilə 8,2% çoxdur.
2017-ci ilin 9 ayı ərzində Dövlət Neft Fondunun gəlirlərinin ümumi həcmi 8793,4
mln. manat və yaxud 5075,2 mln. ABŞ dolları təşkil etməklə, büdcədə nəzərdə tutulan
məbləğə nisbətən (10813,9 milyon manat) 81,3% səviyyəsində yerinə yetirilmişdir.
2017-ci ilin 9 ayı ərzində ABŞ dolları ifadəsi ilə Dövlət Neft Fondunun ümumi gəlirləri
2016-cı ilin eyni dövrü ilə müqayisədə (30.09.2016-ci il tarixinə icra - 4248,5 mln. ABŞ
dolları) 19,5% çox olmuşdur.
9
2.1. Azərbaycan Respublikasının payına düşən karbohidrogenlərin satışından
əldə edilən xalis gəlirlər (karbohidrogenlərin nəql edilməsi üzrə məsrəflər,
bank, gömrük rəsmiləşdirilməsi, müstəqil nəzarət (sörveyer), marketinq və
sığorta xərcləri çıxılmaq şərti ilə, habelə Azərbaycan Respublikası Dövlət Neft
Şirkətinin sərmayəçiləri, payçısı və ya tərəfdaşı olduğu layihələrdə onun
sərmayəsinə və ya iştirak payına düşən gəlirlər istisna olmaqla)
Azərbaycan Respublikasının payına düşən karbohidrogenlərin satışından əldə
edilən xalis gəlirlər Fondun gəlirlərinin strukturunda ən böyük paya malikdir. Fond
tərəfindən təqdim edilən məlumata əsasən 2018-ci ildə Azəri-Çıraq-Günəşli yatağında
xam neft hasilatının həcmi 204,4 mln. barel (28,0 mln. ton) olması proqnozlaşdırılır ki,
bu da hasilatın aşağı düşməsi səbəbindən 2017-ci ilin göstəricisinə nisbətən (211,7 mln.
barel) 7.3 mln. barel azdır.
Layihəyə əsasən 2018-ci ildə mənfəət neftinin və qazın satışı üzrə Fondun
daxilolmalarının 5653,4 mln. ABŞ dolları və ya 9723,8 mln. manat olması
proqnozlaşdırılır ki, bu da manat ifadəsilə 2016-cı ilin müvafiq icra göstəricisindən
1403,7 mln. manat və ya 16,9% çox, 2017-ci ilin proqnoz göstəricisindən 102,4 mln.
manat və ya 1,0% az, gözlənilən icra göstəricisindən isə 1294,6 mln. manat və ya
11,7% azdır. 2017-ci ilin proqnozu və 2016-cı ilin icrası ilə müqayisədə azalmanın
səbəbi kimi, bir tərəfdən hasilatın 2017-ci ilə nisbətən aşağı düşməsi, digər tərəfdən
dürüstləşdirmə çərçivəsində Fondun 2017-ci il üçün büdcəsində müvafiq gəlir
maddəsinə edilmiş dəyişikliklərlə 2017-ci ilin 8 ayı üzrə (yanvar-avqust) faktiki
göstəricilərin və 2017-ci ilin 8 ayı üzrə orta çəkili satış qiymətinin 51,33 ABŞ dolları təşkil
etməsi göstərilir.
Dövlət Neft Fondunun 2018-ci il büdcə layihəsində Fonda mədaxil olunması
üçün satılması proqnozlaşdırılan mənfəət neftindən və qazından əldə olunacaq məbləğ
müəyyən edilərkən aşağıdakı yataqlardakı neftin və qazın hasilatından Azərbaycan
dövlətinin payına düşən mənfəət neftinin və qazın miqdarı nəzərə alınmışdır:
- Azəri-Çıraq-Günəşli yatağı üzrə 5 194,80 mln. ABŞ dolları;
- Şahdəniz yatağı üzrə 428,90 mln. ABŞ dolları;
- Kürsəngi və Qarabağlı yataqları üzrə 2,08 mln. ABŞ dolları
- Suraxanı və Qaraçuxur yataqları üzrə 3,25 mln. ABŞ dolları;
- Zığ-Hövsan yatağı üzrə 0,87 mln. ABŞ dolları;
- Muradxanlı, Cəfərli, Zərdab yataqları üzrə 2,39 mln. ABŞ dolları;
- Neftçala və Xıllı yataqları üzrə 0,37 mln. ABŞ dolları;
10
- Mişovdağ və Kəlaməddin yataqları üzrə 1,43 mln. ABŞ dolları
- Kürovdağ yatağı üzrə 2,02 mln. ABŞ dolları;
- Balaxan-Sabunçu-Ramana və Kürdəxanı yatağı üzrə 11,43 mln. ABŞ dolları;
- Binəqədi blokuna daxil olan yataqlar üzrə 4,11 mln. ABŞ dolları;
- Qum-Dəniz və Bahar yataqları üzrə 1,74 mln. ABŞ dolları.
Bu məbləğlərin Azərbaycan Respublikası Dövlət Neft Şirkətinin və BP şirkətinin
məktublarına əsasən müəyyən edildiyini nəzərə alaraq, əvvəlki illərlə müqayisəli
şəkildə ətraflı hesablamaların da (həcmlər və daxilolmaların dəyişməsi səbəbləri
göstərilməklə) təqdim olunan sənədlər və məlumatlar zərfinə daxil edilməsi
məqsədəuyğun olardı.
2017-ci ilin 9 ayı ərzində mənfəət neftinin və qazın satışından əldə edilən gəlirlər
Fondun büdcəsində nəzərdə tutulmuş (9826,2 mln. manat) gəlir maddəsinə nisbətən
81,0% səviyyəsində icra edilərək 7957,8 mln. manat və yaxud 4602,6 mln. ABŞ
dolları təşkil etmişdir. 2016-cı ilin eyni dövrü ilə müqayisədə (30.09.2016-ci il tarixinə -
3743,4 mln. ABŞ dolları) bu gəlir maddəsi üzrə ABŞ dolları ifadəsi ilə daxilolmalarda
təqribən 23,0% çox daxilolma qeydə alınmışdır. Fondun 2017-ci ilin büdcəsində xam
neftin ixrac qiyməti dövlət büdcəsində olduğu kimi - 40 ABŞ dolları proqnozlaşdırıldığı
halda, 2017-ci il 30 sentyabr tarixinə 9 aylıq dövr üzrə mənfəət neftinin orta çəkili satış
qiyməti 51,245 ABŞ dolları təşkil etmişdir (2016-cı ilin müvafiq dövründə - 40,175 ABŞ
dolları olmuşdur).
2.2. Karbohidrogen ehtiyatlarının işlənməsi ilə əlaqədar xarici sərmayəçilər
tərəfindən ödənilən akrhesabı ödənişlər üzrə gəlirlər
Fərman layihəsinə əsasən 2018-ci ildə karbohidrogen ehtiyatlarının işlənməsi ilə
əlaqədar xarici sərmayəçilər tərəfindən ödənilən akrhesabı ödənişlər üzrə gəlirlər üzrə
Fondun daxilolmaları 2,1 mln. ABŞ dolları və ya 3,6 mln. manat olması proqnozlaşdırılır
ki, bu da manat ifadəsilə 2016-cı ilin müvafiq icra göstəricisindən 0,34 mln. manat və ya
10,4% çox, 2017-ci ilin proqnoz göstəricisindən 0,005 mln. manat və ya 0,1% çox,
2017-ci il gözlənilən icra göstəricisinə bərabərdir. 2018-ci ildə bu gəlir maddəsi üzrə
ödənişlər Xəzər dənizinin Azərbaycan sektorunda Şəfəq-Asiman dəniz blokunun
kəşfiyyatı, işlənməsi və hasilatın pay bölgüsü haqqında Azərbaycan Respublikası
Dövlət Neft Şirkəti ilə BP eksploreyşn (Azərbaycan) limited və ARDNŞ-nin ortaq neft
şirkəti arasındakı sazişə uyğun olaraq həyata keçirilməsi nəzərdə tutulur ki, kontrakt
11
sahəsinin hər km2-ə olan ödəniş 2000,0 ABŞ dolları təşkil edir və 2016-2018-ci illər
üzrə ABŞ dolları ifadəsilə ödənişin həcmində dəyişmə baş verməmişdir.
2017-ci ilin 9 ayı ərzində karbohidrogen ehtiyatlarının işlənməsi ilə əlaqədar
xarici sərmayəçilər tərəfindən köçürülən akrhesabı ödənişlər ilə bağlı gəlir maddəsi üzrə
Neft Fonduna 3,6 mln. manat və ya 2,1 mln. ABŞ dolları həcmində vəsait daxil
olmuşdur. 2016-cı ilin 9 ayı ərzində müvafiq gəlir maddəsi üzrə 2,1 mln. dollar və ya 3,3
mln. manat daxil olmuşdur.
2.3. Neftin və qazın Azərbaycan Respublikasının ərazisi ilə ötürülməsindən
əldə edilən gəlirlər
Fərmana əsasən Fondun 2018-ci il büdcəsində neftin və qazın Azərbaycan
Respublikasının ərazisi ilə ötürülməsindən əldə edilən gəlirlər (tranzit gəlirlər) 9,5 mln.
ABŞ dolları və ya 16,3 mln. manat həcmində olması proqnozlaşdırılır ki, bu da manat
ifadəsi ilə 2016-cı ilin müvafiq icra göstəricisindən 1,6 mln. manat və ya 9% az, 2017-
ci ilin proqnoz göstəricisindən 1,35 mln. manat və ya 7,6% az, gözlənilən icra
göstəricisinə bərabərdir. Təqdim edilən məlumata əsasən bu gəlir maddəsi üzrə
azalma tranzit haqlarının dəyişməz (stabil) qaldığı şəraitdə hasilatın aşağı düşməsi
səbəbindən ixrac boru kəməri ilə 2017-ci illə müqayisədə daha az miqdarda neftin
ixrac ediləcəyi ilə bağlıdır ki, müvafiq göstəricilər və hesablamaların da təqdim olunan
sənədlər və məlumatlar zərfinə daxil edilməsi məqsədəuyğun olardı.
2017-ci ilin üçüncü rübünün sonuna neftin və qazın Azərbaycan Respublikasının
ərazisi ilə ötürülməsindən əldə edilən gəlirlər (tranzit haqqı) 7,5 mln. ABŞ dolları və
yaxud 12,9 mln. manat təşkil etmişdir. Bu gəlir maddəsi üzrə daxilolmalar 2016-cı ilin
eyni dövrü üzrə 8,5 mln. ABŞ dolları və ya 13,4 mln. manat olmuşdur. Cari ildə
hasilatın və nəql edilən xam neftin keçən illə müqayisədə aşağı olması tranzit haqqı ilə
bağlı daxilolmaların daha az olmasına (11,8% az) səbəb olmuşdur.
2.4. Neft-qaz sazişlərinin imzalanması və ya icrası ilə bağlı sərmayəçilər
tərəfindən ödənilən bonuslar ilə bağlı gəlirlər
2018-ci il üzrə bonus ödənişləri 450,1 mln. ABŞ dolları və ya 774,17 mln. manat
təşkil edəcəyi proqnozlaşdırılır ki, bu da manat ifadəsilə 2016-cı ilin müvafiq icra
göstəricisindən 774,1 mln. manat, 2017-ci ilin proqnoz və gözlənilən icra
göstəricilərindən isə 771,8 mln. manat çoxdur.
12
Belə ki, 14 sentyabr 2017-ci il tarixli “Xəzər dənizinin Azərbaycan sektorunda
Azəri, Çıraq və Günəşli yatağının dərinlikdə yerləşən hissəsinin birgə işlənməsi və
hasilatın pay bölgüsü haqqında Sazış”in (“AÇG HPBS”) 29.2-ci maddəsinə əsasən
2018-2025-ci illər ərzində ümumilikdə 3,6 mlrd. ABŞ dolları məbləğində vəsaitin
ödənilməsi nəzərdə tutulur ki, Bonus Məbləğinin 1-ci hissəsi – 450 mln. ABŞ dolları və
ya 774000,0 min manat 31 yanvar 2018-ci il tarixində ödənilməsi nəzərdə tutulur.
Bununla yanaşı, 2018-ci üzrə Şah-Dəniz yatağında Hasilatın Pay Bölgüsü Sazişi
çərçivəsində Azərbaycan Respublikasının Dövlət Neft Şirkətinə və ya səlahiyyətli
dövlət orqanına sərmayəçilər tərəfindən Şahdəniz fazası üzrə 0,1 mln. ABŞ dolları və
ya 172,0 min manat məbləğində bonus ödənişlərinin edilməsi proqnozlaşdırılır.
2017-ci ilin 9 ayı ərzində neft-qaz sazişlərinin imzalanması və ya icrası ilə bağlı
Azərbaycan Respublikasının Dövlət Neft Şirkətinə və ya səlahiyyətli dövlət orqanına
sərmayəçilər tərəfindən ödənilən bonuslar üzrə ödənişlər 2,4 mln. manat və yaxud
1,4 mln. ABŞ dolları təşkil etmişdir. Müvafiq gəlir maddəsi üzrə daxilolmalar 2016-cı ilin
müvafiq dövrünə 0,1 mln. ABŞ dolları təşkil etmişdir.
2.5. Dövlət Neft Fondunun vəsaitinin idarə olunmasından əldə edilən
gəlirlər
2018-ci ildə Dövlət Neft Fondunun vəsaitlərinin idarəedilməsindən əldə edilən
gəlirlər 605,84 mln. dollar və ya 1042,04 mln. manat olması proqnozlaşdırılır ki, bu da
manat ifadəsi ilə 2016-cı ilin müvafiq icra göstəricisindən 26,7 mln. manat və ya 2,5%
az, 2017-ci ilin proqnoz göstəricisindən 78,1 mln. manat və ya 8,1% çox, gözlənilən icra
göstəricisindən isə 49,82 mln. manat və yaxud 4,5% azdır. 2018-ci il üçün orta illik
gəlirlilik göstəricisi 1,72 % səviyyəsində olması proqnozlaşdırılır ki, bu da 2017-cı ilin
proqnoz göstəricisindən (1,51%) 0,21 faiz bəndi çoxdur.
Dövlət Neft Fondunun vəsaitlərinin idarə edilməsi ilə bağlı gəlirliliyin
hesablanması. Dövlət Neft Fondunun vəsaitlərinin idarə edilməsi ilə bağlı gəlirliliyi
proqnozlaşdırılarkən Fondun vəsaitinin istifadə edilməsinin əsas istiqamətləri (proqramı)
çərçivəsində qəbul edilən Fondun vəsaitinin idarə edilməsinə dair investisiya siyasətinin
müddəaları, müxtəlif valyuta aktivləri və subportfellər üzrə Fondun portfelinin gəlirliliyinin
proqnozlaşdırılmasında bençmark kimi Fondun illik əsasda qəbul olunan investisiya
siyasətinin müddəaları əsas götürülmüşdür.
2018-ci il üçün Neft Fondunun investisiya portfelində ABŞ dollarında ifadə
olunan aktivlərin çəkisi 50%, Avroda 35%, İngilis funt strelinqində 5 %, digər
13
valyutalarda isə 10 % səviyyəsində olması proqnozlaşdırılır. 2017-ci il üzrə Dövlət Neft
Fondunun büdcəsində nəzərdə tutulan xərclərin gözlənilən icrasını nəzərə almaqla,
2017-ci ilin sonuna Fondun aktivlərinin həcminin 35 044,7 mlrd ABŞ dolları olması
proqnozlaşdırılır. 2018-ci il üçün Dövlət Neft Fondunun vəsaitlərinin idarə edilməsi ilə
bağlı gəlirliliyi 1.72% götürülmüşdür ki, bu da Fondun investisiya portfelinin bütün alt
portfellərinin gəlirliliklərinin cəmi kimi müəyyən edilir (Cədvəl 3).
Cədvəl 3. Dövlət Neft Fondunun vəsaitlərinin idarə edilməsi ilə bağlı gəlirlər
Gözlənilən gəlirlilik 1,72 %
31.12.2017-ci il tarixinə gözlənilən aktivlər 35 044,7 mln. USD
Dövlət Neft Fondunun vəsaitinin idarə olunmasından
əldə edilən gəlirlər
Ölçü vahidi Məbləğ
mln. dollar 605,84
mln. manat 1 042,04
o cümlədən portfellər üzrə,
Sabit gəlirli portfel üzrə mln. dollar 359,63
Səhm portfeli üzrə mln. dollar 105,82
Daşınmaz əmlak portfeli üzrə mln. dollar 140,39
Qızıl portfeli üzrə mln. dollar 0,00
Vəsaitlərin valyutalar üzrə diversifikasiyası 2018-ci il üzrə
ABŞ dolları 50,0 %
Avro 35,0 %
Funt sterlinq 5,0 %
Digər 10,0 %
İnvestisiya portfelinin alt portfelləri üzrə bölgüsü 2018-ci il üzrə
Sabit gəlirli investisiya 60,0 %
Səhm portfeli 25 %
Daşınmaz əmlak 10,0 %
Qızıla investisiya 5,0 %
Gözlənilən nominal gəlirlilik göstəriciləri 2018-ci il üzrə
Sabit gəlirli investisiyalar üzrə
ABŞ dolları 2,02630%
Avro -0,16177%
Funt sterlinq 0,95709%
Digər 6,9485933%
Səhmlər üzrə 2018-ci il üzrə
ABŞ dolları 1,0 %
Avro 1,0 %
Funt sterlinq 1,0 %
Digər 3,0 %
14
Daşınmaz əmlak üzrə (ortalama)
ABŞ dolları 3,98 %
Avro 3,98 %
Funt sterlinq 3,98 %
Digər 3,98 %
Qızıl üzrə -
Ortaçəkili vəsait qalığı, 2018-ci il, mln. ABŞ dolları
Valyutalar üzrə 35 273,61
Dollar 17 636,81
Avro 12 345,76
Funt sterlinq 1 763,68
Digər 3 527,36
Portfellər üzrə 35 273,61
Sabit gəlirli investisiya 21 164,17
Səhm portfeli 8 818,40
Daşınmaz əmlak 3 527,36
Qızıla investisiya 1 763,68
Dövlət Neft Fondunun investisiya portfelinə borc öhdəlikləri və pul bazarları
alətləri, səhm (pay), daşınmaz əmlak və qızıl subportfelləri daxildir.
2018-ci il üzrə Fondun ABŞ dolları ifadəsilə gəlirlərin (Fondun idarə edilməsi ilə
bağlı gəlirləri istisna olmaqla) 6115,1 mln. ABŞ dolları, xərclərin 5657.2 mln. ABŞ
dolları, 2017-ci ilin sonuna Fondun aktivlərinin 35044,7 mln. USD proqnozlaşdırıldığını
əsas gətirərək, 2018-ci il üçün Fondun orta çəkili vəsaiti 35273,61 mln. ABŞ dolları
olması proqnozlaşdırılır.
Qeyd edilən göstəricilərə uyğun olaraq 2018-ci il üzrə Fondun gəlirlərinin həcmi
605,84 mln. ABŞ dolları və yaxud 1042,04 mln. manat olması proqnozlaşdırılır.
2017-ci ilin üçüncü rübünün sonuna Dövlət Neft Fondunun vəsaitlərinin idarə
edilməsindən 461,6 mln. ABŞ dolları və yaxud 816,7 mln. manat məbləğində gəlir əldə
edilmişdir ki, bu illik il üçün nəzərdə tutulmuş müvafiq gəlirlərinin (963,9 mln. manat)
84,7%-ni təşkil edir. 2017-ci ilin doqquz ayı üzrə ARDNF-nin investisiya portfelinin
gəlirliliyi 1.38% təşkil etmişdir ki, bu nəticə də ötən ilin müvafiq göstəricisi (2016-cı il
üzrə 1.28%) ilə müqayisədə 0,1% artmışdır. Gəlirliliyin əsas artım səbəbi səhm
yatırımları üzrə gəlirliliyin keçən ilin müvafiq rəqəmləri ilə müqayisədə daha yüksək
olmasıdır.
Qeyd olunanları nəzərə alaraq, Azərbaycan Respublikası Dövlət Neft Fondunun
İnvestisiya siyasətinin formalaşdırılmasında uzunmüddətli investisiya strategiyasının
15
səmərəli tətbiqinə, investisiya portfelinin bu strategiya fonunda daha da
optimallaşdırılmasına və gəlirliliyinin yüksəldilməsinə istiqamətlənən mövcud bazar
konyunkturasının ciddi araşdırılmasına və müvafiq təhlillərin aparılmasına ehtiyac
yaranmışdır.
Belə ki, beynəlxalq kapital və qiymətli kağızlar bazar konyunkturları üzrə
tərəddüdlərin nəticəsində yaranmış və yarana biləcək risklərin minimuma endirilməsi
məqsədilə qeyri-investisiya reytinqinə malik borc öhdəlikləri və təsisatlardakı depozitlər
üzrə ümumi yuxarı həddin müəyyənləşməsi və səhm (pay) portfelinin investisiya
portfelinin məcmu dəyərinin ümumi olaraq maksimum 25%-i nəzərə alınmaqla (31
oktyabr 2017-ci il tarixə investisiya portfelində səhm portfelinin həcminin 5311,0 mln.
ABŞ dolları və ya 14,7% təşkil etməsi nəzərə alınmaqla) növbəti ilə ehtiyatlı yanaşma
prinsipi əsasında mərhələli şəkildə həyata keçirilməsinin vacibliyini qeyd etmək olar.
Qeyd edildiyi kimi, cari ildən başlayaraq Fondun səhm portfelinin əvvəlki illə
müqayisədə 15%-dən 25%-dək qaldırılması nəzərdə tutulur. Fond səhmlərə investisiya
qoyuluşuna 2010-cu ildən başlamışdır və 2014-cü ilin sonuna səhmdə aktivlərin həcmi
6,5%, 2015-ci ildə 10,2%, 2016-cı ildə 12,2% təşkil etmişdir. 2016-cı ilin investisiya
siyasəti sənədində bu nisbətin 15%-dək limitdə müəyyən edilməsi göstərilmişdir. Ötən
dövrlərdən fərqli olaraq səhm portfelinin artırılması həmin aktivlərdə saxlanılan
vəsaitlərin gəlirlilik səviyyəsini qaldırsa da, səhmdə böyük həcmdə pulun saxlanılması
son dövrlərdə maliyyə bazarlarında müşahidə edilən dəyişkən davranışların fiskal
itkilərə səbəb ola bilməsi ehtimalı diqqətdə saxlanılmalıdır.
16
III BÖLMƏ. DÖVLƏT NEFT FONDUNUN 2018-Cİ İL ÜZRƏ BÜDCƏ XƏRCLƏRİ
Fərman layihəsində 2018-ci ildə Fondun xərclərinin 9730,4 mln. manat olacağı
nəzərdə tutulmuşdur ki, bu da 2016-cı ilin müvafiq icra göstəricisindən 708,38 mln.
manat və ya 7,8% çox, 2017-ci ilin müvafiq proqnoz göstəricisindən 5 512,5 mln. manat
və ya 36,2% az, gözlənilən icra göstəricisindən isə 2232,2 mln. manat və ya 18,6%
azdır. (Cədvəl 4).
Cədvəl 4. Azərbaycan Respublikası Dövlət Neft Fondunun 2018-ci il üzrə xərcləri, mln manat.
Göstəricilər
2016 (icra)
2017
2018 (layihə)
Məbləğ Xüsusi çəki,
%
müqayisə
proqnoz gözlənilə
n icra
2016-ci ilin icarsı ilə
2017-ci ilin proqnozu ilə
2017-ci ilin gözlənilən icrası
ilə
+;- % +;- % +;- %
2. Cəmi xərclər, o cümlədən:
9 022,07 15 242,93 11 962,67 9 730,45 100,0 708,38 107,85 -5 512,48 63,84 -2 232,22 81,34
2.1. Qaçqınların və məcburi köçkünlərin sosial-məişət və məskunlaşma məsələləri ilə bağlı bəzi tədbirlərin maliyyələşdirilməsi
90,0 105,0 105,0 200,0 2,06 110,0 222,22 95,0 190,48 95,00 190,48
2.2. Dövlət büdcəsinə transfertin yuxarı həddi
7 615,0 6 100,0 6 100,0 9 216,0 94,71 1 601,0 121,02 3 116,0 151,08 3 116,0 151,08
2.3. Mərkəzi Banka transfertin yuxarı həddi
- 7 500,0 4 809,74 - - - - -7 500,0 - -4 809,74 -
2.4. Samur Abşeron suvarma sisteminin yenidən qurulması layihəsinin maliyyələşdirilməsi
70,0 70,0 70,0 90,0 0,92 20,0 128,57 20,0 128,57 20,0 128,57
2.5. Bakı-Tbilisi-Qars yeni dəmir yolu layihəsinin maliyyələşdirilməsi
66,17 165,83 71,99 176,13 1,81 109,96 266,18 10,3 106,21 104,14 244,66
2.6. 2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramının maliyyələşdirilməsi
31,61 29,3 29,3 16,22 0,17 -15,39 51,31 -13,08 55,36 -13,08 55,36
2.7. Türkiyə Respublikasında "Star" neft emalı kompleksinin tikintisi layihəsində Azərbaycan Respublikasının iştirak payının maliyyələşdirilməsi
331,78 744,07 744,07 - - -331,78 - -744,07 - -744,07 -
2.8. Cənubi Qaz Dəhlizi layihələrində Azərbaycan Respublikasının iştirak payının maliyyələşdirilməsi
797,43 496,16 0,0 - - -797,43 - -496,16 - - -
2.9. Dövlət Neft Fondunun idarəedilməsi ilə bağlı xərclər
20,08 32,57 32,57 32,1 0,33 12,02 159,86 -0,47 98,56 -0,47 98,56
Cədvəl 4-də 2018-ci il üzrə manatın ABŞ dollarına qarşı ortaçəkili mübadilə
məzənnəsi 1.72 manat, xam neftin satış qiyməti 45 ABŞ dolları götürülmüş, 2017-ci il
17
üzrə büdcə göstəriciləri isə 4 oktyabr 2017-ci il tarixində Fondun büdcəsinə edilən
dəyişikliklər nəzərə alınmaqla verilmişdir. Belə ki, 2017-ci ilin 8 ayı üzrə (yanvar-avqust)
faktiki göstəricilər, qalan 4 ay üzrə (sentyabr-dekabr) isə neftin qiyməti 40 ABŞ dolları,
manatın ABŞ dollarına qarşı ortaçəkili mübadilə məzənnəsi 1,72 manat götürülməklə
proqnozlaşdırılmışdır.
3.1. Qaçqınların və məcburi köçkünlərin sosial-məişət və məskunlaşma
məsələləri ilə bağlı bəzi tədbirlərin maliyyələşdirilməsi ilə bağlı xərclər
Bu tədbirlərin Dövlət Neft Fondu tərəfindən maliyyələşdirilməsi Azərbaycan
Respublikası Prezidentinin 2004-cü il 1 iyul tarixli 298 nömrəli Sərəncamı ilə təsdiq
edilmiş "Qaçqınların və məcburi köçkünlərin yaşayış şəraitinin yaxşılaşdırılması və
məşğulluğunun artırılması üzrə Dövlət Proqramı"na əlavələr edilməsi haqqında
31.10.2007 tarixli 2475 nömrəli, habelə “Məcburi köçkün ailələrinin mənzil-məişət
şəraitinin yaxşılaşdırılmasına dair əlavə tədbirlər haqqında” 21.02.2011 tarixli 1346
nömrəli Sərəncamlarına əsasən həyata keçirilir. Azərbaycan Respublikası Nazirlər
Kabinetinin müvafiq olaraq 07.05.2008 tarixli 163s nömrəli və 08.06.2011 tarixli 149s
nömrəli Sərəncamlarına əsasən bu tədbirlər üzrə sifarişçi təşkilat Məcburi Köçkünlərin
Sosial İnkişaf Fondu (MKSİF) təyin edilmişdir.
Fərman layihəsində 2018-ci ildə Qaçqınların və məcburi köçkünlərin sosial-
məişət və məskunlaşma məsələləri ilə bağlı bəzi tədbirlərin maliyyələşdirilməsi ilə bağlı
xərclər 200,0 mln. manat nəzərdə tutulmuşdur ki, bu da 2016-cı ilin müvafiq icra
göstəricisindən 110,0 mln. manat və ya 2,2 dəfə çox, 2017-ci ilin müvafiq proqnoz və
gözlənilən icra göstəricisindən göstəricisindən 95,0 mln. manat və ya 90,5% çoxdur.
Fondun məlumatına əsasən, Qaçqınların və Məcburi Köçkünlərin İşləri üzrə
Dövlət Komitəsi tərəfindən verilən rəsmi məktubla 2018-ci il ildə Qaçqınların və məcburi
köçkünlərin sosial-məişət və məskunlaşma məsələləri ilə bağlı bəzi tədbirlərin
maliyyələşdirilməsi üçün 240,0 mln. manat vəsaitin ayrılması üçün sifariş edilmişdir.
Bununla bağlı verilmiş təklifləri nəzərə alaraq, bu məbləğin həcminin 200,0 mln. manata
qədər endirilməsi təklif edilmişdir.
Belə ki, 2018-ci ildə 200,0 mln. manat məbləğində vəsaitin aşağıdakı istiqamətlər
üzrə ayrılması nəzərdə tutulur:
Davam etdirilən tədbirlər üzrə: Tərtər, Füzuli, Sabirabad, Qazax və digər
rayonlarda ümumilikdə 2030 ailə üçün qəsəbə və məhəllələrin tikintisinin davam
etdirilməsi və tamamlanması üzrə 4,2 mln. manat;
18
Yeni tədbirlər üzrə: Azərbaycan Respublikası Prezidentinin fərman və
sərəncamları ilə təsdiq olunmuş dövlət proqramlarına əsasən maliyyələşdirilməsinə
başlanması nəzərdə tutulan tədbirlərə, o cümlədən Bakı və Sumqayıt şəhərlərində,
Mingəçevir, Ağcabədi, Bərdə və digər rayonlarda ümumilikdə 4647 ailə üçün, habelə
Qobu qəsəbəsində 12000 ailə üçün məhəllə və qəsəbələrin tikintisi üzrə 195,8 mln.
manat.
2017-ci ilin 9 ayı ərzində Neft Fondunun büdcəsinin icrası çərçivəsində
Qaçqınların və məcburi köçkünlərin sosial-məişət vəziyyətinin yaxşılaşdırılması
tədbirlərinin maliyyələşdirilməsi tədbirlərinin maliyyələşdirilməsinə ümumilikdə 82,5 mln.
manat vəsait ayrılmış və bu xərc maddəsi büdcədə nəzərdə tutulana nisbətən (105,0
mln. manat) 78,6% səviyyəsində icra olunmuşdur. Cari ilin üçüncü rübünün sonuna
Fondun bu xərc maddəsi üzrə xərcləri 2016-cı ilin eyni dövrü ilə müqayisədə
(30.09.2016-ci il tarixinə icra - 73,8 mln. manat) 11,8% çox olmuşdur.
3.2. Dövlət büdcəsinə transfert.
Azərbaycan Respublikasının Milli Məclisi tərəfindən təsdiq edilmiş “Azərbaycan
Respublikasının 2018-ci il dövlət büdcəsi haqqında” Azərbaycan Respublikasının
Qanunu ilə 2018-ci il üzrə Neft Fondundan dövlət büdcəsinə transfertin yuxarı həddi
9216000,0 min manat səviyyəsində təsdiq edilmişdir. Dövlət Neft Fondunun 2018-ci il
büdcəsinin layihəsində növbəti ildə dövlət büdcəsinə transfertin yuxarı həddi ilə bağlı
xərclər 2016-cı ilin müvafiq icra göstəricisindən 1601,0 mln. manat və ya 21,0 % çox,
2017-ci ilin müvafiq proqnoz və gözlənilən icra göstəricisindən 3116 mln. manat və ya
51,1% çoxdur.
2017-ci ilin 9 ayı ərzində Dövlət Neft Fondundan dövlət büdcəsinə 4300,0 mln.
manat vəsait transfert edilmiş və bu xərc maddəsi illik büdcədə nəzərdə tutulana
nisbətən (6100,0 mln. manat) 70,5% səviyyəsində icra edilmişdir. Hesabat dövründə
dövlət büdcəsinə transfert ilə bağlı xərclər 2016-cı ilin eyni dövrünə nisbətən
(30.09.2016-ci il tarixinə icra - 3260,0 mln. manat) 31,9% artıq olmuşdur.
3.3. Samur Abşeron suvarma sisteminin yenidən qurulması layihəsinin
maliyyələşdirilməsi ilə bağlı xərclər.
Fərman layihəsində 2018-ci ildə Fondun Samur-Abşeron suvarma sisteminin
yenidən qurulması” layihəsinin maliyyələşdirilməsi ilə bağlı xərclərin 90,0 mln. manat
19
olacağı nəzərdə tutulmuşdur ki, bu da 2016-cı ilin müvafiq icra və 2017-ci ilin proqnoz
və gözlənilən icra göstəricilərindən 20,0 mln. manat və ya 28,6 % çoxdur.
Bu layihənin Dövlət Neft Fondu tərəfindən maliyyələşdirilməsi Azərbaycan
Respublikası Prezidentinin “Dövlət Neft Fondunun 2006-cı il büdcəsi barədə 2005-ci il
28 dekabr tarixli 346 nömrəli Fərmanına əlavə və dəyişiklik edilməsi haqqında”
Fərmanına əsasən həyata keçirilir. Fərmanın 5-ci bəndinə əsasən Azərbaycan
Respublikası Nazirlər Kabinetinə Samur-Abşeron suvarma sisteminin yenidən
qurulması layihəsi ilə bağlı işlərin həyata keçirilməsi üçün sifarişçi təşkilatın seçilməsi
tapşırılmış, Nazirlər Kabinetinin 24 fevral 2006-cı il tarixli 42s saylı Sərəncamına əsasən
“Samur-Abşeron suvarma sisteminin yenidən qurulması” layihəsinin idarə edilməsi və
sifarişçisi funksiyalarının icrası Azərbaycan Meliorasiya və Su Təsərrüfatı Açıq Səhmdar
Cəmiyyətinə tapşırılmışdır.
AMST tərəfindən verilən proqnoza əsasən 2018-ci ildə Samur-Abşeron suvarma
kanalını qidalandırmaq üçün şimal çaylarında su götürücü və nəqletmə qurğularının,
habelə Şabran və Xızı rayonlarında torpaqların su təminatının yaxşılaşdırılması və yeni
torpaqların istifadəyə verilməsi üzrə tikinti işlərinin həyata keçirilməsi nəzərdə tutulur ki,
bu işlər üçün ümumilikdə 90,0 mln. manat vəsaitin ayrılması sifariş edilmişdir, o
cümlədən tədbirlər üzrə:
Davam etdirilən tədbirlər üzrə Xızı və Şabran rayonları ərazisində suvarılan
torpaqların su təminatının yaxşılaşdırılması və yeni torpaqların istifadəyə verilməsi,
Samur-Abşeron kanalını qidalandırmaq üçün şimal çayları-Qusarçay, Qudyalçay,
Çaqaçuqçay çaylarında su götürüçü və nəqletmə qurğularının tikintisi, idarəetmə
xərcləri - cəmi 65,0 mln. manat;
Yeni tədbirlər üzrə Samur-Abşeron kanalını qidalandırmaq üçün şimal çayları-
Qaraçay, Quruçay, Ağçay çaylarında su götürüçü və nəqletmə qurğularının tikintisi -
25,0 mln. manat.
2017-ci ilin üçüncü rübünün sonuna Samur-Abşeron suvarma sisteminin yenidən
qurulması layihəsinin maliyyələşdirilməsinə Dövlət Neft Fondundan 39,5 mln. manat
məbləğində vəsait ayrılmış, bu xərc maddəsi büdcədə nəzərdə tutulana nəzərən (70
mln. manat) 56,4% səviyyəsində icra olunmuşdur. 2016-cı ilin eyni dövrü ilə
müqayisədə (30.09.2016-ci il tarixinə icra - 39,1 mln. manat) bu layihə üzrə xərclər
1,02% çox olmuşdur.
20
3.4. Bakı-Tbilisi-Qars yeni dəmir yolu layihəsinin maliyyələşdirilməsi
Fərman layihəsində 2018-ci ildə Fondun Samur-Abşeron suvarma sisteminin
yenidən qurulması” layihəsinin maliyyələşdirilməsi ilə bağlı xərclərin 176,1 mln. manat
və yaxud 102,4 mln. ABŞ dolları proqnozlaşdırlmışdır ki, bu da 2016-cı ilin müvafiq icra
göstəricisindən 109,9 mln. manat və ya 2,7 dəfə çox, 2017-ci ilin proqnoz
göstəricisindən 10,3 mln. manat və yaxud 6,2%, 2017-ci ilin gözlənilən icra
göstəricisindən 104,1 mln manat və yaxud 2,4 dəfə çoxdur.
Bu layihənin Dövlət Neft Fondu tərəfindən maliyyələşdirilməsi “Bakı–Tbilisi-Qars
yeni dəmir yolu” layihəsi üzrə bəzi tədbirlərin maliyyələşdirilməsi barədə Azərbaycan
Respublikası Prezidentinin 2007-ci il 21 fevral tarixli 1974 nömrəli Sərəncamına, habelə
2007-ci il 7 fevral tarixində Azərbaycan Respublikası Höküməti və Gürcüstan Höküməti
və Türkiyə Respublikası Höküməti arasında “Bakı-Tbilisi-Qars” yeni dəmir yolu xətti
haqqında 3 tərəfli Sazişə, habelə Azərbaycan Respublikası Höküməti və Gürcüstan
Höküməti arasında “Bakı-Tbilisi-Qars” yeni dəmir yolu xətti layihəsinin keçirilməsi
çərçivəsində Marabda-Türkiyə Respublikası sərhədinə qədər (Kartsaxi) dəmir yolu
sahəsinin maliyyələşdirilməsi, layihələndirilməsi, inşası, reabilitasiya-rekonstruksiyası və
istismarının prinsip və şərtləri haqqında 2 tərəfli Sazişə əsasən həyata keçirilir.
Azərbaycan Respublikası Prezidentinin 2007-ci il 13 iyun tarixli 2222 nömrəli Sərəncamı
ilə Azərbaycan Respublikası tərəfindən bu layihə üzrə səlahiyyətli orqan Azərbaycan
Respublikasının Nəqliyyat Nazirliyi müəyyən edilmişdir ki, hal hazırda bu layihənin icrası
Azərbaycan Respublikasının Nəqliyyat, Rabitə və Yüksək Texnologiyaları Nazirliyi
(Nazirlik) tərəfindən həyata keçirilir. Sazişə əsasən layihənin maliyyələşdirilməsi üçün
ümumilikdə 775,0 mln. ABŞ dolları məbləğində kredit xəttinin açılması nəzərdə tutulur.
2007-2016-ci illər üzrə layihə üzrə ümumilikdə 630,2 mln. ABŞ dolları
məbləğində vəsait istifadə edilmişdir. Layihənin kreditoru olaraq çıxış edən Nazirlik
tərəfindən təqdim edilən 30 avqust 2017-ci il tarixli rəsmi məlumata əsasən 2018-ci ildə
“Bakı-Tbilisi-Qars” yeni dəmir yolu layihəsinin maliyyələşdirilməsi üçün 102.4 mln. ABŞ
dolları məbləğində və yaxud 176,1 mln. manat vəsaitin tələb olunacağı proqnozlaşdırılır.
2017-cı ilin 9 ayı ərzində Dövlət Neft Fondu tərəfindən Bakı-Tbilisi-Qars yeni
dəmir yolu layihəsinin maliyyələşdirilməsinə 17,2 mln. manat və ya 10,1 mln. ABŞ
dolları yönəldilmiş və bu maddə üzrə Neft Fondunun xərcləri Fondun büdcəsində
nəzərdə tutulana nisbətən (165,8 mln. manat) 10,4% səviyyəsində icra olunmuşdur.
2016-cı ilin eyni dövrü ilə müqayisədə (30.09.2016-ci il tarixinə icra - 48,7 mln. manat)
bu layihə üzrə faktiki icra 64,7% az olmuşdur.
21
3.5. “2007-2015-ci illərdə Azərbaycan gənclərinin xarici ölkələrdə təhsili
üzrə Dövlət Proqramı”nın maliyyələşdirilməsi
Fərman layihəsində “2007-2015-ci illərdə Azərbaycan gənclərinin xarici ölkələrdə
təhsili üzrə Dövlət Proqramı”-nın maliyyələşdirilməsinə 16,2 mln. manat
proqnozlaşdırlmışdır ki, bu da 2016-cı ilin müvafiq icra göstəricisindən 15,4 mln. manat
və ya 48,7% az, 2017-ci ilin proqnoz göstəricisindən 13,1 mln. manat və yaxud 48,7%
az, 2017-ci ilin gözlənilən icra göstəricisindən 13,1 mln. manat və yaxud 44,6% azdır.
Azalmanın səbəbi Dövlət proqramına yeni tələbələrin qəbulunun dayandırılması
və yalnız xaricdə təhsilini davam etdirən tələbələrin maliyyələşdirilməsi ilə bağlıdır. Belə
ki, Təhsil Nazirliyi tərəfindən təqdim edilən proqnoz məlumatlara əsasən 2018-ci il üzrə
təhsilini davam etdirəcək tələblərin ümumi sayının 591 nəfər (məzun olması gözlənilən
tələblərin sayı 281 nəfər və təhsilini davam etdirəcək tələbələrin sayı 310 nəfər) olması
nəzərdə tutulur. Təhsil alanların təhsil və yaşayış xərcləri hesablanarkən bir tələbə üçün
orta məbləğ 36,0 min manat götürülmüşdür.
2017-ci ilin 9 ayında Dövlət Neft Fondu tərəfindən yuxarıda qeyd edilən Dövlət
proqramının maliyyələşdirilməsinə 11,2 mln. manat və yaxud 6,5 mln. ABŞ dolları
məbləğində vəsait ayrılmış və bu xərc maddəsi büdcədə nəzərdə tutulan məbləğlə
müqayisədə (29,3 mln. manat) 38,2% səviyyəsində icra olunmuşdur. 2016-cı ilin eyni
dövrü ilə müqayisədə (30.09.2016-ci il tarixinə icra - 20,8 mln. manat) Dövlət
proqramının maliyyələşdirilməsi üzrə faktiki icra təqribən 46,2% az olmuşdur. Sifarişçi
təşkilat Azərbaycan Respublikasının Təhsil Nazirliyi tərəfindən təqdim edilmiş proqnoz
bölgüyə əsasən xaricdə təhsil üzrə ödənişlərin böyük hissəsi ikinci yarımilliyə
düşdüyündən, bu xərc maddəsinin icrasının əsas hissəsinin ikinci yarımillik ərzində
həyata keçirilməsi nəzərdə tutulur.
Yuxarıda qeyd olunanları nəzərə alaraq, ölkənin neft yataqlarının xarici şirkətlər
ilə birgə işlənməsindən əldə edilmiş neft gəlirlərinin bir hissəsinin öncül sahələrin
inkişafına və sosial iqtisadi baxımdan mühüm əhəmiyyət kəsb edən layihələrin həyata
keçirilməsinə yönəldilməsini, ayrı-ayrı istiqamətlər üzrə icra səviyyəsinin bu və ya digər
səbəblərdən aşağı olmasını nəzərə alaraq nəzarət mexanizmi sisteminin
təkmilləşdirilməsi və təqdim olunan layihələrin ətraflı təhlil edilməsini məqsədəuyğun
hesab edirik.
22
3.6. Dövlət Neft Fondunun idarə edilməsi ilə bağlı xərclər
2018-ci il üçün Dövlət Neft Fondunun büdcə layihəsində Fondun idarə edilməsi
ilə bağlı ümumi xərcləri 32100,8 min manat məbləğində olması proqnozlaşdırılır ki, bu
da 2016-cı ilin müvafiq icra göstəricisindən 12,0 mln. manat və ya 59,8% çox, 2017-ci
ilin proqnoz və gözlənilən icra göstəricilərindən 0,47 mln. manat və yaxud 1,4% azdır.
2017-ci ilin 9 ayı ərzində Neft Fondunun idarə edilməsi ilə bağlı xərclər Fondun
2017-ci il üçün təsdiq edilmiş smeta xərcləri ilə (32,57 mln. manat) müqayisədə 13,0
mln. manat və ya 39,9% səviyyəsində icra olunmuşdur. Fondun büdcəsinin bu maddə
üzrə xərcləri 2016-cı ilin eyni dövrü ilə müqayisədə (30.09.2016-ci il tarixinə icra - 11,9
mln. manat) 9,2% çox olmuşdur.
23
IV BÖLMƏ. NƏTİCƏLƏR VƏ TÖVSIYƏLƏR.
Beləliklə, Rəy üzrə məlumatları ümumiləşdirərək aşağıdakıları qeyd etmək olar:
1. Fondun büdcəsinin baza göstəricisi olan 1 barel neftin orta illik ixrac qiyməti
növbəti il üçün 45,0 ABŞ dolları, Azərbaycan manatının ABŞ dollarına qarşı orta illik
məzənnəsinin isə 1,72 manat səviyyəsində nəzərdə tutulması Fondun 2018-ci il üzrə
büdcə gəlirlərinin 11559956,2 min manat proqnozlaşdırılmasına şərait yaratmasını;
2. Fondun cari ilin təsdiq olmuş büdcə xərclərində nəzərdə tutulmuş bir sıra
xərclərin (o cümlədən Mərkəzi Banka transferlərin, Türkiyə Respublikasında “Star” neft
emalı kompleksinin tikintisi layihəsində Azərbaycan Respublikasının iştirak payının
maliyyələşdirilməsi, Cənub Qaz Dəhlizi layihəsində Azərbaycan Respublikasının iştirak
payının maliyyələşdirilməsi) 2018-ci il üzrə Fondun büdcə xərclərində nəzərdə
tutulmaması Fondun xərclərinin 9730446,8 min manat proqnozlaşdırılmasının
şərtləndirməsini;
3. Fondun büdcə gəlirlərinin büdcə xərclərini üstələməsi 1829509,4 min manat
profisitin yaranmasına, cari ilin və əvvəlki illərin büdcələrindən fərqli olaraq, Fonda
daxilolmaların yığıma yönəldilməsinə şərait yaratmasını, eyni zamanda “Neft və qaz
gəlirlərinin idarə olunması üzrə uzunmüddətli strategiya” ilə təsbit eidlmiş “neft və qaz
gəlirlərinin zirvə səviyyəsinə çatdıqda onların 25% az olmayan hissəsinin yığıma
yönəldilməsi” prinsipinə riayət edilməsi mümkün olmamasını;
4. Uzunmüddətli investisiya strategiyasının səmərəli tətbiqinə, investisiya
portfelinin bu startegiya fonunda daha da optimallaşdırılmasına və gəlirliliyinin
yüksəldilməsinə istiqamətlənən mövcud bazar konyunkturasının ciddi araşdırılmasına
və müvafiq təhlillərin aparılmasına ehtiyacın yaranmasını;
5. Ölkənin neft yataqlarının xarici şirkətlər ilə birgə işlənməsindən əldə edilmiş
neft gəlirlərinin bir hissəsinin öncül sahələrin inkişafına və sosial iqtisadi baxımdan
mühüm əhəmiyyət kəsb edən layihələrin həyata keçirilməsinə yönəldilməsini və icra
səviyyəsinin bu və ya digər səbəblərdən aşağı olmasını nəzərə alaraq nəzarət
mexanizmi sisteminin təkmilləşdirilməsi və təqdim olunan layihələrin ətraflı təhlil
edilməsinin zəruriliyini;
6. Beynəlxalq kapital və qiymətli kağızlar bazar konyunkturları üzrə tərəddüdlərin
nəticəsində yaranmış və yarana biləcək risklərin minimuma endirilməsi məqsədilə qeyri-
investisiya reytinqinə malik borc öhdəlikləri və təsisatlardakı depozitlər üzrə ümumi
yuxarı həddin müəyyənləşməsi və səhm (pay) portfelinin investisiya portfelinin məcmu
24
dəyərinin ümumi olaraq maksimum 25%i nəzərə alınmaqla (31 oktyabr 2017-ci il tarixə
investisiya portfelində səhm portfelinin həcminin 5311,0 mln. ABŞ dolları və ya 14,7%
təşkil etməsi nəzərə alınmaqla) növbəti ilə ehtiyatlı yanaşma prinsipi əsasında məhəlləli
şəkildə həyata keçirilməsinin vacibliyini;
7. Xarici menecerlərə idarəetməyə verilən vəsaitin ümumi həcminin və bir xarici
menecerə idarəetməyə verilən vəsaitin maksimum həcminin yuxarı hədləri müəyyən
edildiyindən Dövlət Neft Fondunun 2018-ci il üçün İnvestisiya siyasəti layihəsinin xarici
menecerlər üzrə tələblər hissəsinin 2-ci bəndinin 2-ci cümləsinin çıxarılmasını.
Azərbaycan Respublikasının Hesablama Palatası hesab edir ki,
Azərbaycan Respublikası Dövlət Neft Fondu tərəfindən Hesablama Palatasına
təqdim edilmiş “Azərbaycan Respublikası Dövlət Neft Fondunun 2018-ci il
büdcəsi haqqında” Azərbaycan Respublikası Prezidentinin Fərmanının layihəsi
ölkə qanunvericiliyi ilə Dövlət Neft Fondunun qarşısında qoyulmuş məqsəd və
vəzifələri təmin etmək üçün və “Azərbaycan Respublikasının Dövlət Neft
Fondunun illik gəlir və xərclər proqramının (büdcəsinin) tərtibi və icrası
Qaydaları”nın tələblərinə uyğun hazırlanmışdır, Azərbaycan Respublikasında
vahid makroiqtisadi siyasətin yürüdülməsi və dövlət idarəetmə sektorunun
gəlirlərinin ümumiləşdirilməsi prinsipinə müvafiqdir.
Yuxarıda qeyd olunanları nəzərə alaraq, Dövlət Neft Fondunun 2018-ci il
üçün büdcə layihəsi, Fondun vəsaitinin 2018-ci ildə istifadəsinin əsas
istiqamətləri (proqramı) və Fondun 2018-ci ildə idarə edilməsi ilə bağlı xərclər
smetasının layihələri məqbul hesab edilir və onların təsdiq edilməsi barədə
müvafiq Fərman layihəsinin Azərbaycan Respublikası Dövlət Neft Fondunun
Müşahidə Şurasına təqdim edilməsi üçün Azərbaycan Respublikasının Neft
Fonduna göndərilməsi tövsiyyə olunur.
Rəy Hesablama Palatası Kollegiyasının 13 dekabr 2017-ci il tarixli Q-151
nömrəli Qərarı ilə təsdiq edilmişdir.
AZƏRBAYCAN RESPUBLİKASI
HESABLAMA PALATASININ
SƏDRİ VÜQAR GÜLMƏMMƏDOV